መሳጭ አባባሎች

Nightbird የሕይወት ታሪኳን አሳማኝ በሆነ መልኩ በዜማ ካቀረበች በሗላ የዳኞች ውሳኔ የሚሰጥበት  ሰአት ደረሰ:: ሁሉም ሳግ እየተናነቃቸው በስሜት የተሞሉ አዎንታዊ አስተያየቶችን ሰጡ:: ተራው ሲደርስ ተጠባቂው ሳይመን ሌሎች ዳኞች በሰጡት አስተያየት ሙሉ በሙሉ እንደሚስማማ ገልፆ ተጨማሪ ስሜቱን እንዴት መግለጥ እንዳለበት ግራ ገብቶት ሲያመነታ ሳለ መኻል ላይ አቋርጣ በከፍተኛ ፈገግታ በመሞላት፡
"ደስተኛ ልትሆን ለመወሰን ሕይወት ከዚህ በፊት ከነበረው ከባድነት ቀላል እስኪሆን መጠበቅ የለብህም" የሚል እጅግ አስገራሚ አስተያየት ሰነዘረች::
ያ ንግግር ብዙዎችን ያስገረመ ቢሆንም ሳይመንን ለደቂቃዎች አፍዝዞ እንባ ከሁለቱ ዓይኖቹ ፈሰሱ::
ከፊቱ ያለውን ተጎንጭቶ ሳግና እንባውን አወራረደ:: በመቀጠልም  አስተያየቱን ሰነዘረ:- "በዚህ ዓመት ታላላቅ ችሎታ ያለቸውን ሰዎች  አይቻለሁ:: ሆኖም ላንቺ 'yes’ አልሰጥም" ሲል ከዳኞች እስከ ታደሚ በቅሬታ አጉተመተሙ:: ሳይመን አልጨረሰም ነበር:: "የሚሰጥሽ  ከ'yes’ የተሻለ ነገር ነው" አለና እጆቹ ወደ Golden Buzzer ሄደ:: አደራሹ በከፍተኛ ደስታ ሲያስተጋባ Nightbird የወርቁ ብናኝ ላይ በደስታ እንባ ተደፋች!!
በአንድ ጽሑፏ ሕመሟን በተመለከት "ፈጣሪ አብዛኛውን ጊዜ ወሳጅ ሳይሆን ሰጪ ነው:: ከመውሰድ ይልቅ ይጨምራል" ትላለች:: “ጨለማዬን አልወሰደውም ግን ብርሃን ጨመረልኝ:: ብቸኝነቴን አልፈወሰደውም ግን እርሱ ይበልጥ ቀረበኝ" ትላለች:: በሕመሟ ተስፋዋ ይጨምራል እንጂ ተስፋ ቢስ አይደለችም:: በመሆኑም  "በህመሜ ተስፋ የማደርገው የፈጣሪን ቅርበት በዚያ ስላወቅሁ ነው" ትልም ነበር፡፡በመጨረሸም እንዲህ ነበር ያለቸው፦
"ለመኖር ሁለት ፐርሰንት ዕድል ብቻ እንዳለኝ በሀኪሞች ተነግሮኛል:: ነገር ግን ሁለት ፐርሰንት ማለት ዜሮ ማለት አይደለም:: ሁለት ፐርሰንት ማለት የሆነ ነገር እንደሆነ ሰዎች ሁሉ እንዲያውቁ እፈልጋለሁ!!"
Via:Book for All

ወደ አሜሪካን ጎት ታለንት ( American Got Talent) ከሚመጡ ተወዳዳሪዎች መሃል Jane Marczewiski (በቅጽል ስሟ Nightbird) የምትባለውን ብዙዎች አይረሷትም፡፡ ተወዳዳሪዋ ወደ መድረክ በመጣች ጊዜ የዕለቱ ተረኛ ጠያቂ ሀዋርድ "እንዴት ነሽ!?" አላት:: በጣም ደስተኛ ነኝ:: እዚህ በመሆኔ በጣም ደስ ብሎኛል አለች"
ሀዋርድ ቀጠለና "ምንድንው የምታቀርቢልን!?" አላት:: እሷም "It is Ok” የሚል የራሴን ስራ ነው" አለች:: ሁላቸውም ባንድ አፍ እሺ ቀጥይ አሉ:: ሀዋርድ ቀጠለና "ግን ሁሉ ደህና ነው ስለምንድነው?" ሲላት ከካንሰር ጋር ስትታገል የኖረችውን የሕይወት ውጣውረድ ነገረቻቸው:: የሁሉም ፊት ጨለማ የእሷ ፊት ግን የደስታ ጨረር ከመርጨት አላቆመም:: ኮምጨጭ አለችና "አረ ሁሉ ደህና ነው:: እኔ ሰላም ነኝ" አለቻቸው::
ከዚያም ሳይመን "አንድ ጥያቄ ልጠይቅሽ? አሁን እንዴት ነሽ!?" አላት:: እሷም "የመጨረሻውን ምርመራ ሳደርግ በሳንባዬ፣ ጣፊያዬና ጉበቴ ላይ ካንሰር እንዳለ ተነግሮኛል ስትል ሳይመን በድንጋጤ ተመለከታት ፡፡ ቀጠለና ሀዋርድ "ስለዚህ ደህና አይደለሽም ማለት ነዋ" አላት:: "በርግጥ በሁሉም መልኩ አይደለም" ስትል ሀዋርድ ተገርሞ "ማንም ምን አይነት ሁኔታ ውስጥ እንዳለሽ እስከማያውቅ ድረስ ለሌሎች የደስታ ጨረር የሚረጭ አስገራሚ ፈገግታ አለሽ" አላት ተገርሞ!!

ሰዎችና ነገሮች በድንገት ከእኛ ይለያሉ፤ነገር ግን ከልብ የምንወደዉ ነገር ሁሉ መቼም ከልብ ዉስጥ ሊጠፋ አይችልም። የጨረቃን ምጥን ፈገግታ ወይም የማለዳን ዉበት ከመጥለቅ መከላከል እንደማንችለዉ ሁሉ፣ የምንወዳቸው ሰዎችንም ለዘለዓለም ከእኛ ጋር እንዲቆዩ ማድረግ እንችልም።የህይዎት መገለጫዎ ዘላቂ አለመሆን ነዉ፤ከምንዎዳቸዉ ሰዎች ጋር የምናሳልፋቸዉ ዉብ ጊዜዎችም፣ በጣቶቻች መሀል ቀስ በቀስ እንደሚፈስ አሸዋ ሆነዉ ይነጉዳሉ።

ደስ የሚለዉ እዉነት ግን ምክራቸዉ ትምህርት ሆኖ ያበረታን፣ በፍቅራቸው ልባችንን ያረሰረሱ፣ሳቃቸዉ ሳቃችን የሆኑት ፣ ከልባችን ዉስጥ እንዳይጠፉ ሆነዉ ከእኛ ጋር መዝለቃቸው ነዉ።ሁላችንም ያለን ትልቅ ሃብት፣በልባችን ዉስጥ ያሰቀመጥናቸዉ መልካም ሰዎች ናቸዉ።የተቀበልነዉ ፍቅር፣ያካፈሉን የህይዎት ልምድ ፣በእኛ ዉሰጥ ትተዉት ያለፉት የህይወት ዱካ፤ትውስታዎች ና ለእነሱ ያለን ንፁህ የፍቅር ስሜት የነብሳችን ዘላለማዊ አካል ሆኖ ለዘላለም ይቀጥላል።

በአካል ያጣናቸዉ፣በልባችን ዉስጥ በክብር ያስቀመጥናቸው፣ የእነዚያ መልካም ሰዎች፣ የፍቅር ድምፅ ዛሬም፣ነገም ፣ሁልጊዜም.....በልባችን ዉስጥ እያስተጋባ ይኖራል.....

Nothing you truly love is ever lost!!!!!

'የሰው ሕይወት በገንዘቡ ብዛት አይደለምና ተጠንቀቁ፥ ከመጎምጀትም ሁሉ ተጠበቁ '

በ40 ዓመቷ በጨጓራ ካንሰር ከመሞቷ በፊት በዓለም ታዋቂው ዲዛይነር እና ደራሲ “ክሪስዳ ሮድሪጌዝ” እንዲህ ስትል ፅፋለች።

1. ጋራዥ ውስጥ የአለማችን ውድ መኪና ነበረኝ፣ አሁን ግን በዊልቸር መንቀሳቀስ አለብኝ።

2. ቤቴ ሁሉንም አይነት ብራንድ ያላቸው ልብሶች፣ ጫማዎች እና ውድ እቃዎች ይሸጣል፣ አሁን ግን ሰውነቴ በሆስፒታሉ በተዘጋጀ ትንሽ ጨርቅ ተጠቅልሏል።

3. በባንክ ውስጥ ብዙ ገንዘብ አለኝ።  አሁን ግን ከዚህ መጠን ምንም አልጠቀመኝም።

4. ቤቴ እንደ ቤተ መንግስት ነበር አሁን ግን በሆስፒታል ውስጥ በሁለት አልጋዎች ተኝቻለሁ።

5. ከባለ አምስት ኮከብ ሆቴል ወደ ባለ አምስት ኮከብ ሆቴል.  አሁን ግን በሆስፒታል ውስጥ ከአንድ ላብራቶሪ ወደ ሌላ በመንቀሳቀስ ጊዜዬን አሳልፋለሁ

6. በመቶዎች የሚቆጠሩ ሰዎችን ፊርማ ሰጥቻለሁ ነገርግን በዚህ ጊዜ የሕክምና መዝገቦች የእኔ ፊርማ ናቸው።

7. ፀጉሬን ለመስራት ሰባት ፀጉር አስተካካዮች ነበሩኝ ፣ አሁን ግን - በራሴ ላይ አንድ ፀጉር የለኝም።

8 .በግል ጄት ላይ፣ የትኛውም ቦታ መብረር እችላለሁ፣ አሁን ግን ወደ ሆስፒታል በር ለመራመድ ሁለት እርዳታዎች ያስፈልጉኛል።

9. ምንም እንኳን ብዙ ምግቦች ቢኖሩም, አሁን የእኔ አመጋገብ በቀን ሁለት ክኒን እና ምሽት ላይ ጥቂት የጨው ውሃ ጠብታዎች ናቸው::

10. ይህ ቤት፣ ይህ መኪና፣ ይህ አውሮፕላን፣ ይህ የቤት ዕቃ፣ ይህ ባንክ፣ ብዙ ዝናና ዝና፣ አንዳቸውም አይመጥኑኝምነበር። አሁን ግን ከእነዚህ ውስጥ አንዳቸውም ሊደርሱልኝ እና ሊጠቅሙኝ አልቻሉም፡፡ 

“የሰው ሕይወት በገንዘቡ ብዛት አይደለምና ተጠንቀቁ፥ ከመጐምጀትም ሁሉ ተጠበቁ ..🤔

ሰውነትህን ጠብቅ!

በዚህ ዓለም ላይ ስትኖር የአካል ደህነነት እና ብቃትህ ደስታህን ለማጣጣም ወሳኝ ጉዳይ መሆኑን አትዘንጋ።

እድሜህ 30ን ሲሻገር ጀምሮ በአካልህ ላይ ለውጦችን ማየት ትጀምራለህ። ምናልባት ነጫጭ የፀጉር ዘለላዎች ማየት ትጀምራለህ፣ መሮጥ ቶሎ ሊያደክምህ ይችላል፣ የደም ግፊት፣ የስኳር ምልክቶች ሊታዩብህ ይችላሉ፣ ዐይንህ መነጽር ሊፈልግ ይችላል።

እነዚህ ምልክቶች ሲታዩ የአካልህን እንክብካቤ መጨመር እንዳለብህ የሚያሳዩ የማስጠንቀቂያ ምልክቶች ናቸው።

ያኔ ምን ታደርጋለህ?

፩) ደስተኛ እና አዎንታዊ አስተሳሰብን ተለማመድ፣ ጸልይ፣ አመስግን፣ አኗኗርህን ጭንቀት አልባ አድርግ፣ ሀሳብህን ያለጭንቀት የምታጋራቸው ጓደኞች ይኑሩህ፤

፪) አመጋገብህን ልከኛ እና የተመጣጠነ አድርግ፣ ኮተቶችን (ድራፍት፣ ቡና እና ሌሎችን) ቀንስ ወይም ተው፣ በቂ ውሃ (ቢቻል ለብ ያለ) ጠጣ፤

፫) በቂ እንቅልፍ ተኛ፣ የሞባይል ስክሪን ጊዜን ቀንስ፤ በሳምንት አንድ ምርጥ ፊልም ተመልከት፣ በሳምንት አንድ ድንቅ መጽሓፍ አንብብ። ሙዚቃ ስማ! አገር ጎብኝ፣ የጽሞና ጊዜ ይኑርህ፤

፬) ሰውነትህን አሳስብ ተንጠራራ፣ ስገድ፣ ጂም ማሳጅና ሳውና በሳምንት ፕሮግራሞችህ ውስጥ ይካተቱ፣ ፈጣን እንቅስቃሴ አድርግ፣ ዱብ ዱብ በል፤

፭)ባርኔጣና ጥቁር መነጽር አድርግ፣ ለፀሓይ ተጋላጭነትን ቀንስ፣ የዓይን ሌንስም ልምምድ ይፈልጋልና ሩቅና ቅርብ መመልከትን ተለማመድ፤

፮) ጥልቅ ትንፋሽ አወሳሰድን ተግብር፣ ጮክ ብለህ ዘምር/ዝፈን፣ ማስክ ማድረግን ልምድህ አድርግ።

፯) ምዕራፎች ያሉት የረጅም ጊዜ ፕሮጀክት ወጥነህ በትኩረት ሥራ። በየምዕራፉ ስኬትህን ከሰዎች ጋር አክብር። እንዲህም ስልህ እድሜ ልክ የሚቆይ የመኖሪያ ቤት ፕሮጀክት ላይ ዘመንህን አትፍጅ። እሱን በቅርቡ 3D Printing እና እነ Elon Musk በቴክኖሎጂ ቀላል ያደርጉልሃል።

ልብ በል! ያለህ አንድ አካል ነውና ኋላ እንዳያስቸግርህ አትቀልድበት!

ገና ወደፊት ልታያቸው የሚገቡ ብዙ ነገሮች አሉ!
(✍️Get Toughe Zer)

የሚገርሙኝ ዘመን ተሻጋሪ ቃላት - ከእመጓ መፅሐፍ
____

- በዓለማየሁ ዋሴ እሸቴ (ዶ/ር)
(ገፅ 162-163)

በአፍላ ትጀምራላችሁ በወረት ትተዉታላችሁ፡፡ ያወቃችሁትን ትረሳላችሁ፤ ያላወቃችሁትን ለማወቅ ትጥራላችሁ፤ የያዛችሁትን ትረግጣላችሁ፤ የረገጣችሁትን ትይዛላችሁ፡፡ ምኞታችሁ ልክ የለውም፤ አምሮታችሁ ብዙ ነው፡፡

የአማራችሁን ስታገኙ ወዲያው ይሰለቻችኋል፡፡ ተዉ የተባላችሁትን ትሽራላችሁ፤ የተከለከላችሁትን ትደፍራላችሁ፤ የተፈቀደላችሁን ችላ ትሉታላችሁ፡፡ …

ሁሉን ማወቅ ትፈልጋላችሁ፤ በአንዱም ግን አትጠቀሙበትም፡፡ ሁሉ አላችሁ፤ ግን ባዷችሁን ናችሁ፡፡ ሃይማኖት እንጅ እምነት የላችሁም! …

መቀመሚያውን ነግሬህ ማርከሻውን ሳልገልጥልህ መጀመሪያውን ብቻ ሞጭልፈህ ትተኸኝ ትሄዳለህ፡፡ ጥበብን ‹‹ሀ ግዕዝ›› ብዬ ላስተምርህ ብሞክር፣ መንደር ውስጥ በቃረምካት ዕውቀት ተመክተህ በመሰልቸት ‹‹ሆ ሳብዕ›› ብለህ ቀድመህ ትዘጋዋለህ፡፡

የግል ታሪካችሁ ቢታይ ወጥነት የጎደለው ከዚህም ከዚያም የተልከፈከፈ የተማሪ ኮፋዳ ውስጥ ያለ እህል ይመስላል፡፡

ተምራችሁ እውቀት ስታገኙ፣ ሰርታችሁ ሀብት ስታፈሩ፣ ከላይ የሆናችሁበትን ሃገር ለቃችሁ፣ ሰፋ ወዳለው እንሂድ ብላችሁ እንደገና ከታች ትጀምራላችሁ፡፡ ትቀጥላላችሁ፣ በመጨረሻ ከጀመራችሁበት ትገኛላችሁ፡፡ ቸኩላችሁ ትወስናላችሁ ወዲያው ትጸጸታላችሁ፡፡ በጽኑ ታማችኋል!

ከታሪክ ፍቅርንና ልማትን ሳይሆን ጥላቻንና ጥፋትን ለይታችሁ ትቆፍራላችሁ፡፡ ከዚያም ቀጥላችሁ የከበረ ማዕድን እንዳወጣችሁ ሁሉ በኩራት ደረታችሁን ነፍታችሁ ሳትመርጡ ሁሉን በአደባባይ ትዘሩታላችሁ፤ እናም ወደ ኋላ ስለታሪካችሁና ስለ ቅርሳችሁ ባሰባችሁ ቁጥር ፍርሃትና ሃፍረት ይሰማችኋል፡፡

ስለሆነም ከኋላ ታሪካችሁና ክብራችሁ እየራቃችሁ መጣችሁ። የአሸናፊነትንና የተሸናፊነትን ትርጉም በአንድ ላይ የያዙ ሃውልቶች ታቆማላችሁ፡፡ ለግልጽነትና ለነጻነት እያላችሁ በምታደርጉት ሽኩቻ ዕርቃን ወደ መሆን ወረዳችሁ፡፡

ቅቤ ላይወጣችሁ ትናጣላችሁ፡፡ በዚህ ዓለም ጥድፊያ ታማችኋል፡፡ ሀገራችሁን ትንቃላችሁ፤ ጥላችሁ ለመሄድ ትፈልጋላችሁ፤ ከሄዳችሁ በኋላ ደግሞ አፍታ ሳትቆዩ አገሬ ናፈቀኝ ትላላችሁ፡፡

በቁማችሁ የናቃችሁትን የሀገራችሁን አፈር በሞታችሁ ልትለብሱት ትናፍቃላችሁ፡፡ ለሀገሬ አፈር አብቃኝ ብላችሁ በድናችሁን ልካችሁ የወገኖቻችሁን ልብ ትሰብራላችሁ፡፡

ግብዝነታችሁ መጠን የለውም፡፡ ሁለት ሀገር እንዲኖራችሁ ትፈልጋላችሁ፤ አንዱን በደም ሌላኛውን በመታወቂያ ታስባላችሁ፡፡ ከአንዱም ግን በአግባቡ አትኖሩም፡፡ ዘመናችሁም በምልልስና በመዋተት ያልቃል፡፡

ምን እንደምትፈልጉ አታውቁም እናም ፍለጋችሁ አያልቅም፡፡

ፈጣሪ የልጆቿን ልቦና ወደ ተቀደሰው ሥፍራ ይመልስ!

ኢትዮጵያችንን አብዝቶ ይባርክ!

ለደራሲው ከከበረ ምስጋና ጋር፣

መልካም ጊዜ!

በነዚህ አይነት ሰዎች እገረማለው😔
እየጎዱን ሊያጡን በማይፈልጉ..
አጥተውን ደግሞ ሊተውን በማይፈልጉ!!!

😕

መልካም ቀን!

...
በነገራችን ላይ የክብር ዶ/ር ደራሲ ሀዲስ ዓለማየሁ በጉለሌ ክፍለ ከተማ ውስጥ የሚገኘውንና የመኖሪያ ቤታቸው የነበረውን ግቢ በወ/ሮ ክበበፀሀይ ስም የሚጠራ የህጻናት (ከጨቅላ ህጻናት እስከ ስምንት አመታቸው ድረስ የሚቆዩበት) ማሳደጊያ እንዲሆን ማድረጋቸውን ስንቶቻችን እናውቅ ይሆን?

✍️ Sisay M. Addisu

ጋዜጠኛና ደራሲ ጥበቡ በለጠ እድለኛ ሆኖ የክብር ዶ/ር ደራሲ ሀዲስ ዓለማየሁን ቃለመጠይቅ አድሮጎላቸው ነበር። በዚህም ለደራሲ ሀዲስ ዓለማየሁ ላቀረበላቸው ጥያቄ የሰጡት ምላሽ የሚገርም ነበር፣ እሱም ከዚህ ገራሚ ምላሻቸው ተነስቶ የደረሰበት ድምዳሜም ድንቅና የብዙዎቻችንን ብዥታ የገፈፈ ነው።

ደራሲ ሐዲስ ዓለማየሁ ባለቤታቸው ወ/ሮ ክበበፀሐይ ከሞቱ በኋላ ምንም ዓይነት ትዳር አልመሰረቱም፡፡ ብቻቸውን ከቤተሰባቸው ጋር ነው የሚኖሩት፡፡ ሳያገቡ፣ የአብራካቸውን ክፋይ ሳያዩ አረጁ፡፡ ደከሙ፡፡ እናም ገረመኝ፡፡ ግን ጠየኳቸው፡፡ ጋሽ ሐዲስ፤ ባለቤትዎ ወ/ሮ ክበበፀሐይ ካረፉ በጣም ረጅም ዓመታት ተቆጠሩ፡፡ በነዚህ ዓመታት ግን እርስዎ ምንም ዓይነት ሌላ ትዳር አልመሰረቱም፡፡ ይህ ለምን ሆነ? ምክንያትዎ ምንድን ነው?” አልኳቸው፡፡
"ጋሽ ሐዲስ የግራ እጃቸውን ከፍ አደረጉልኝ፡፡ እጃቸው ላይ ቀለበት አለ፡፡ ግራ ስጋባ እንዲህ አሉኝ፡፡ ይህን ቀለበት ያሰረችልኝ ክበበፀሐይ ነች፡፡ እኔም ለእሷ አስሬያለሁ፡፡ እሷ ድንገት አረፈች፡፡ እዚህ ጣቴ ላይ ያለው እሷ ያሰረችልኝ ቀለበት ነው፡፡ ቀለበቱን አልፈታችውም፡፡ ሳትፈታው አረፈች፡፡ ስለዚህ ይህን ቀለበት ከኔ ጣት ላይ ማን ያውልቀው? ካለ እሷ፣ ካለ ክበበፀሐይ ይህን ቀለበት ከጣቴ ላይ የሚፈታው የለም አሉኝ፡፡"

ለመሆኑ ከዚህ በላይ ፍቅር እስከ መቃብር አለ ወይ? ሐዲስ ዓለማየሁ ማለት የፍቅር እስከ መቃብር መፅሐፍ ዕውነተኛ ገፀ-ባህሪ ነበሩ፡፡ (የእኔ ጭማሬ ያውም የሰብለወንጌል አፍቃሪ በመሆን የሰራውን በዛብህን ሆነው የተወኑ ድንቅ ገጸ ባሆሪ)፤

አይዞን!
ምክንያቱ ምንም ይሁን የደከማችሁ ከምር አይዟችሁ። በተለይ ወጣት ሆናችሁ የደከማችሁ አይዟችሁ። በምድር ላይ ከባዱ ስራ ፣ መስራት እየቻሉ ምንም መስራት አለመቻል ይመስለኛል ። ከስጋ አልፎ ነፍስን ነው የሚያደክመው። ምንም ይሁን ግን አይዟችሁ። አይዞን!

(አሌክስ አብርሃም)

አንድ ጊዜ የሙጋቤ ልጅ ቢሮው ሂዶ

"አባዬ ለሴት ጓደኛዬ ዘመናዊ ፌራሬ መኪና ልገዛላት ስለምፈልግ ገንዘብ ስጠኝ!" ይለዋል።
ሙጋቤም ቁጭ በል ይለውናው "ለመሆኑ ግንኙነት ጀምራችኃል?" ይለዋል።

ልጁም "ግንኙነት እንኳን የለንም። ጡቶቿን አንድ ቀን ዳስሻቸው እንዴት ደስ ይላሉ መሰለህ አባዬ!" ይለዋል።

ሙጋቤም ኮስተር ብሎ "እና አንድ ቀን ጡቷን ስላስዳበሰችህ ነው ፌራሬ መኪና ለመግዛት ገንዘብ የምትጠይቀኝ?" ሲለው ልጁም "አዎ! ግን ለምን ጠየቅከኝ አባዬ?" ይለዋል!

ሙጋቤም ቀዝቀዝ ብሎ "አይ ልጀ! 3 ዓመት ሙሉ ጡቶቿን ላጠባችህ ሴት(እናትህ) አንድም ነገር እንድገዛላት ጠይቀኸኝ አታውቅም። ዛሬ ግን አንድቀን ብቻ ጡቶቿን ላስዳበሰችህ ሴት የብዙ ሚሊዮን ዶላር መኪና እንድገዛ ስትጠይቀኝ ገርሞኝ ነው!" ..........

እና ምን ለማለት ነው ከምንም በፊት እናቶቻችን ለማስደሰት እንሞክር ❤

ለምግብ ብቻ አይደለም ሰው የሚኖረው። — አብይ አህመድ አሊ
...

እስኪ ባይሆን እንመዝግበው፤ ባናምንበት እንኳን። 🥺

የቱንም ያክል ቢጠማህ ውኃ እንኳ መጠየቅ የሌለብህ አንዳንድ ሰዎች አሉ።
ምክንያቱም ውኃ እንደሰጡህ ለዓለም ያወራሉ!!

መንገዱ በመራህ ሁሉ አትሂድ፤ መንገድ በሌለበት ሄደህ አሻራህን አስቀምጥ!
- ራልፍ ዋልዶ ኤመርሰን

...
አሁን አሁን ላይ ዘመኑ የኢንተርኔት በመሆኑ ኢንተርኔት ትዝታችንን ያስቀምጥልናል ብለን እናስብ ይሆናል፡፡ግን እስኪ በዚህ ዘመን እንኳ ዝነኛ የሆኑትን እናስታውስ፡፡ማይክል ጃክሰን በጊዜው ዝነኛ ነበር፡፡ነገር ግን ከሞተ ገና ሁለት አስርት አመታት እንኳ ሳይሞላው እየተረሳ ነው፡፡ዛሬ ላይ ካለው ትውልድ ማይክልን የሚያስታውሰው በጣም ጥቂቱ ነው፡፡እሱንም ገና ካወቁት ነው፡፡ ከ150 ዓመታት በኋላ ደግሞ ማይክል ጃክሰን የሚለው ስም ጨርሶ ለማንም የማይታወቅ ይሆናል፡፡

ማጠቃለያው ህይወትን ቀለል አድርገህ ኑር፡፡ምንም ሆነ ምንም ዘላለም የሚኖር የለም፥ ከዚህች ምድር በህይወት የሚወጣ ሰውም የለም፡፡ዛሬ ልትሞትለት እና ልትገድልለት የተዘጋጀኸው መሬት ከዚህ ቀደምም ብዙዎች ተጋድለውለት ሞተው ጭራሽ እንዳልነበሩ ሆነው ተረስተዋል፡፡

ከ150 ዓመታት በኋላ ዛሬ አንተ እንደ ትልቅ ሀብት የምታያቸው አብዛኞቹ ነገሮች ምንም ፋይዳ የሌላቸው ተራ ቁሶች ይሆናሉ፡፡እና ምን ለማለት ነው ፥ ፍቅር ይግዛን ፥ መጠላለፍ ከጀርባ መወጋጋት መቀናናት መፎካከር ይቅርብን፡፡ህይወት ከማንም ጋር የምታደርገው ፉክክር አይደለችም፡፡ቀደምንም መጨረሻችን መቃብር ነው፡፡ ለዚች ምድር ዘላለማዊ ሳይሆን ተረኛ ነዋሪ ነን፣ነገ የምናልፍ።

መልካም ቀን!

የነገ ሟች የዛሬ ሟችን ይቀብራል !!

ከ150 ዓመታት በኋላ ዛሬ በህይወት ካለነው ሰዎች አንዳንችም በህይወት አንገኝም፡፡ዛሬ ላይ ከምንታገልላቸው ነገሮች 70 በመቶ የሚሆኑት ከ150 ዓመታት በኋላ አንዳቸውም ለምልክት እንኳ አይገኙም ፈፁመው ይጠፋሉ ይረሳሉ፡፡

እስኪ ወደ ኋላ 150 ዓመታት እንሂድ፡፡ወቅቱ 1872 ገደማ ነው የሚሆነው፡፡ያኔ የሰው ልጅ እንደ እቃ በአደባባይ ተደርድሮ የሚሸጥበት ወቅት ነበር፡፡በወቅቱ ብርቅ የነበረውን የፊት መስታወት ለማግኘት ሲሉ የገዛ ዘመዶቻቸውን የሸጡ ሰዎች ዛሬ የታሉ? መስታወትንስ ዛሬ ላይ እንደ ሀብት የሚያስበው ማን ነው? ማንም፡፡

ጨው ወይም ጌጥ ወይም ሌላ ነገር ለማግኘት ሲሉ የተሻሻጡ ብዙ ሰዎች ነበሩ፡፡ዛሬ ላይ እነዚያ ሰዎች የሞቱላቸው የገደሉላቸው የተካካዱባቸው የተሻሻጡላቸው አብዛኞቹ ነገሮች ይህ ነው የሚባል የረባ ዋጋ ያላቸው አይደሉም፡፡በጊዜው ግን ለሰው ልጅ የሞትና የህይወት ልዩነት ነበሩ፡፡የሰው ልጅ በየጊዜው የሚታገልላቸው አብዛኞቹ ነገሮች ዛሬ ላይ ዞር ተብለው ሲታዩ በጣም የሚያስቁ ናቸው፡፡

አስታውሳለሁ የሀይስኩል ተማሪ እያለሁ የትምህርት ቤቱ ፌመስ ለመሆን ብዙ ነገር አደርግ ነበር፡፡ዛሬ ከጥቂት አመታት በኋላ እንኳን ያኔ የነበረኝን ዝና ቀርቶ በትምህርት ቤቱ መማሬንም የሚያስታውስ ሰው የለም፡፡አስቡት የዛሬ 150 ዓመታት ደግሞ … ጭራሽ ትምህርት ቤቱም ላይኖር ይችላል፡፡

በመጀመሪያ ሴቶች መርጠው ግብረስጋ ግንኘነት ያደርጋሉ፤ ወንዶች ደግሞ ካገኟት ሴት ጋ። በስተመጨረሻ ሴቶች ያገኙትን ያገባሉ፤ ወንዶች ደግሞ መርጠው ያገባሉ።

የማይካድ ሀቅ 😥

መልካም ቀን..!

አንድ አይነ ስውር ህጻን ልጅ "አይነ ስውር ነኝ እባካችሁን እርዱኝ" የሚል ጽሁፍ ይዞ መንገደኛውን ይማፀናል

ከፊት ለፊቱ ባስቀመጠው የገንዘብ መሰብሰቢያ ዘንቢል ውስጥ ትንሽ ሳንቲሞች ተቀምጠዋል

በዚያ መንገድ ሲያልፍ የነበረ አንድ ሰው ሳንቲም ከመፀወተው በኃላ እይነ ስውሩን አስፈቅዶት ጽሁፉ የተጻፈበትን ወረቀት ገልብጦት ከጀርባው ሌላ ጽሁፍ ጻፈበት

ወዲያውኑ እግረኛው ሁሉ ዘንቢሉ ውስጥ ሳንቲም እየወረወረ ሞላው

የዚያኑ ቀን ረፋድ ላይ ሰውዬው ወደ አይነስውሩ ልጅ ባቀናበት ወቅት "ምን ብለህ ነው የጻፍከው? ከዚያን ሰአት ጀምሮ እኮ ዘንቢሌ በሳንትም ተሞላ" ሲል ይጠይቀዋል

"ዛሬ ደስ የሚል ቀን ነው: እኔ ግን ላየው አልችልም" የሚል ነው የጻፍኩልህ ብሎ መለሰለት

ሁለቱም ጽሁፎች የልጁን አይነስውርነት ይገልጻሉ ነገር ግን ሰዎች ሲያነቡት የኮረኮራቸው የዛሬን ቀን ውብነት ለማየት መታደላቸው ሲረዱ ነው ።

ምርጥ አባት !👌❤

ቢሊየነር እናትና ፡ ሚሊየነር አባት እያላቸው ያለሞግዚት የሚያድጉት ፡ የአሳፕ ሮኪና የሪሀና ልጆች ።

ይህን ጉዳይ በተመለከተ አሳፕ ሮኪ ሲናገር. . እስከ 35 አመት ልጆች ሳልወልድ የቆየሁት በሞግዚት ለማሳደግ አይደለም ፡ ልጅ ከወለድኩ ያለሞግዚት ከባለቤቴ ጋር በመተጋገዝ እንደማሳድጋቸው ለራሴ የገባሁትን ቃል ነው አሁን እየተገበርኩ ያለሁት ።

ስለዚህ ሪሀና ቤት በማትኖርበት ወይም ፡ የሙዚቃ ዝግጅት ካላት ፡ ሁሉንም ነገር ትቼ ልጆቼን ለመንከባከብ የልጆቼ አባት እና ሞግዚት ሆኜ እቤት እውላለሁ ። መቼም ልጆቼ በሞግዚት አያድጉም ይላል ።
ምርጥ አባት !
(✍️ዋሲሁን ተስፋዬ )

የሆነ ገጽ ላይ አንብቤው ነው፡፡አሁን እኛጋ አብዛኛው በስፋት ያለ ይመስለኛል!

ሰባቱ ማሕበራዊ ኃጢያቶች
/The Seven Social Sins/-M.Gandi

1. በስራ ያልተገኘ ብልጽግና
/Wealth without work/

2. ሕሊና የሌለበት ደስታ
/Pleasure without conscience/

3. መልካም ባህሪይ የሌለበት እውቀት
/Knowledge without character/

4. ግብረ ገብነት የሌለበት ንግድ
/Commerce without morality

5. ሰብዓዊ ርህራሄ የሌለበት ሳይንስ
/Science without humanity/

6. መስዋእትነት የማይከፈልበት ኃይማኖት
/Religion without sacrifice/

7. መርህ አልባ ፖለቲካ
/Politics without principles/
ናቸው!

#Share