МӘДӘНИ ҖОМГА @madani_zhomga Channel on Telegram

МӘДӘНИ ҖОМГА

@madani_zhomga

Биредә татарлар турында ✊🏼

Җанөшеткеч язмышларыгыз, уйландыра торган хикәяләрегез, шигырьләрегез булса, 89179020077 номерлы Телеграмга җибәрегез 👋🏼

МӘДӘНИ ҖОМГА (Tatar)

МӘДӘНИ ҖОМГА каналы - бу җанөшеткеч хикәяләр, шигырьләр менән бергә бир Татар мәдәниятының көндеренсе булыр. Бу каналда сез үзенә пишергә, уйландыра торган хикәяләргезне аларга белдерегез. Мәдәни Җомга каналына җир зур катнашучыны булырга иҗә һәм хәлли хәбәрләр белдерергә имкан бирер. Каналга катнашырга кушык теләгән булырга мөмкинчелек биреп, каналдагы татар мәдәният дөньясының яһуди бит-тарихен үксәлткыч ителәсез.

МӘДӘНИ ҖОМГА

12 Feb, 11:59

Газинур Морат:
«Көнбагыш зары» 😌

Әрсез бер җирүсем үзем,
Үсәм дә үсәм инде...
Кем генә шагыйрь булмады,
Кояшка тиңләп мине.

Тулырак: https://madanizhomga.ru/news/kykregemde-shigyir-utyim-saumyi/gazinur-morat-konbagys-zary
40
МӘДӘНИ ҖОМГА

12 Feb, 08:28

Әнис сихәте 📌

Ютәлләгәндә, көненә 2-3 тапкыр шикәргә 2-3 тамчы әнис мае тамызып кабу файдалы. Томау озакка сузылса, 5 тамчы әнис маен 1 чәй кашыгы зәйтүн яки кукуруз маена кушып, муенга компресс куялар. Хроник ютәл интектергәндә, 1 аш кашыгы әнис орлыгы һәм 1 чәй кашыгы балны 50 мл суда кайнатып чыгаралар да, көненә 4-6 тапкыр 2-4әр аш кашыгы эчәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-8-14-fevral
90
МӘДӘНИ ҖОМГА

12 Feb, 06:21

Рамилә Хәйретдиновадан яулык бәйләү ысулы 🧕🏽
124
МӘДӘНИ ҖОМГА

11 Feb, 16:02

Рәфкатъ Шаһиев: «Курчак өе кебек авылда» 🥺

– Ай Аллам, апа, ник тордың әле, ятарга идең. Эшкә барасыбыз юк бит, – диде Әминә апасына. Әминә керүгә, апасы, юынырга дип, су да җылытып куйган иде. И-и, хәзер бит казан асларына ягып нужаланасы юк. Краннан агызып алган суыңны газ плитәсенә куясың да, ул арада кайнап та чыга. Аллага шөкер, әниләре бу рәхәтләрне күреп китте. Газы кергән, суы кергән, әниләре әйткәндәй, җәннәт инде...

Тулырак: https://madanizhomga.ru/news/dbi-skhif/rafkatie-sahiev-kurcak-oe-kebek-avylda
175
МӘДӘНИ ҖОМГА

11 Feb, 14:00

Бүген танылган алып баручы Илдар Кыямовның туган көне. Котлыйбыз, әлбәттә. Матур итеп сөйли дә, җырлый да 👏🏼
207
МӘДӘНИ ҖОМГА

11 Feb, 08:22

Әнис сихәте 📌

Цистит, уретрит интектергәндә, эч авыртканда, 1 чәй кашыгы әнис орлыгын 1 стакан кайнар суда 20 минут төнәтәләр, сөзәләр, көненә 3-4 тапкыр, ашарга 30 минут кала, чирегешәр стакан эчәләр. Бала имезгәндә сөт күбрәк төшсен өчен, 1 аш кашыгы әнис орлыгын термостагы 2 стакан кайнар суда 10-15 минут төнәтәләр, сөзәләр, имезергә 30 минут кала кайнар килеш яртышар-берәр стакан эчәләр. Яисә 30 орлыкны төеп, 300 мл суга салалар да, 250 мл калганчы пешерәләр, ашау алдыннан чәй урынына эчәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-8-14-fevral
197
МӘДӘНИ ҖОМГА

11 Feb, 07:15

Нәзарәт 2025нче елда Рамазан өчен фитыр сәдакасы, фидия һәм нисаб күләмнәрен билгеләде 🌙

Тулырак: https://madanizhomga.ru/news/v-respublike/nazarat-2025nce-elda-ramazan-ocen-fityr-sadakasy-fidiia-ham-nisab-kulamnaren-bilgelade
198
МӘДӘНИ ҖОМГА

10 Feb, 17:24

Гүзәл Әдһәм:
«Меңнәрнең берсе» 🥺

Авыр таш җилкәсен изде, иңбашларын сытты. Каш-керфекләр аша үтеп, күзне ярып кергән тозлы тирне сыңар кулы белән сыпырасы, аның тәкатьсез ачыттыруыннан котыласы килеп китте. Маңгаена үрелүе булды, таш, җилкәдән шуышып, әздән генә җиргә капланмады. Зиннур гарип кулы белән ташны тәненә тагын да ныграк кысты. «Юк! Төшерергә ярамый! Бер төшерәсең икән, җирдән алып, яңадан җилкәгә салулары — ай-һай...»

Алда — такыр басу. Ник бер агач, ник бер куак күзгә чалынсын. Зиннур моны болай да яхшы белә. Арча белән Наласа арасы…

Тулырак: https://madanizhomga.ru/news/dbi-skhif/guzal-adham-mennarnen-berse
235
МӘДӘНИ ҖОМГА

10 Feb, 12:34

Газинур Морат: «Упкын күзе» 😒

Ркаилгә

Без тауларга барган идек берчак,
Үткелен дә күрдек, упкынын да.
Безнең маңгайга да язылган шул
Упкыннарга карап укынырга.
Үткелләрдән үткән мәлләреңдә
Упкын күзе күзли ымыңны да.
Безгә дә бер үрелепләр генә
Ярыйдыр ла күккә орынырга.
Таулар белән бер даулашыр өчен
Бирелгәнме әллә йөрәк безгә?..
Ә үзебез Язмыш үзәнендә
Гел үткелдән үтеп йөрибез лә.
Гел үткелдән үтеп йөрмешебез –
Упкын күзе күзли үзәндә дә...
Күңелләр дә тетрәп убыладыр,
Кыйбла тарафлары үзгәргәндә.
Хәвефтән дә хәвефлерәк фалдыр,
Упкын ояласа калебләргә.
Кем дә искәрмәстер – Беркөн Кояш
Килеп чыкса әгәр гарепләрдән.
Гарепләрдән чыга калса Кояш,
Бу дөньяны инде танымабыз...
Хан Тәңребез, бәлки, көтә булыр,
Кабат китик мәллә тауларга без?
Ә тауларда әлмисакка чаклук
Әверелгән Вакыт тораташка...
Бер бушанып алу ярыйдыр ул,
Башкаеңны ора-ора ташка.
Бер бушанып алу ярыйдыр ул,
Упкыннарга карап укынганда...

Тулырак: https://madanizhomga.ru/news/kykregemde-shigyir-utyim-saumyi/gazinur-morat-upkyn-kuze
230
МӘДӘНИ ҖОМГА

10 Feb, 08:30

Бәхетле билет откан Сания Хантимерова 😍

Хантимер нәселендәге кешенең язмышы гади генә була алмый. Саниябез, әнә, балет сәнгатендә ханбикәгә әверелде. Моның өчен тимер ныклыгы кирәк булды аңа. Хантимеровлар нәселен данлап кына калмады.


Тулырак: https://madanizhomga.ru/news/cngat/baxetle-bilet-otkan-saniia-xantimerova
239
МӘДӘНИ ҖОМГА

10 Feb, 07:12

Әнис сихәте 📌

Бронхит, астма, метеоризм булганда, эч кипкәндә, югары температураны төшерү өчен, 1 чәй кашыгы төелгән әнис орлыгын 1 стакан кайнар суда 20 минут төнәтәләр дә, сөзеп, көненә 3-4 тапкыр, ашар алдыннан, чирегешәр стакан эчәләр. Каты ютәлләгәндә, 1-2 чәй кашыгы әнис орлыгын 1 стакан кайнар суда 15 минут төнәтәләр, сөзәләр, көн дәвамында әз-әзләп эчеп бетерәләр. 

Тулырак: https://madanizhomga.ru/news/ayga-kyryn-karama/aiga-kyryn-karama-8-14-fevral
244
МӘДӘНИ ҖОМГА

10 Feb, 03:59

МУСА ҖӘЛИЛ “Ышанма“

Укый Айнур Гәрәев 👏🏼
427
МӘДӘНИ ҖОМГА

09 Feb, 17:14

«Февраль – илһамлы ай» дигән гыйбарә халык телендә элек тә яшәп килә иде. Хәзер инде бу сүз рәсмиләштерелде диярлек (АУДИО)🙏🏽

Тулырак: https://madanizhomga.ru/news/shheslrebez/ukytucybyz-ilham-sakirov
271
МӘДӘНИ ҖОМГА

09 Feb, 12:27

Антиблогер Зилә тарихи урынны төшереп кайткан 🙏🏽
365
МӘДӘНИ ҖОМГА

09 Feb, 09:07

Афродита битлеге 📌

1 аш кашыгы вак итеп туралган укропка 1 әр чәй кашыгы зәйтүн мае һәм порошок итеп төелгән солы ярмасын кушып, биткә һәм муенга ягалар, 20 минуттан соң дымлы мамык тампон белән сөртеп алып, җылы су белән юыналар. 

Тулырак: https://madanizhomga.ru/news/ayga-kyryn-karama/aiga-kyryn-karama-1-7-fevral
291
МӘДӘНИ ҖОМГА

09 Feb, 05:53

Елена Данилова:
“КЕШЕ ЭЗЛИМ” 🥺

Аз булмады, җылы эзләгәндә,
Бөрешепләр җаным өшегән...
Бер сорауны мең кат кабатлыймын:
– Нәрсә булды сезгә, кешеләр?..

Ялган басты илне, басты телне.
Үз-үземне кат-кат тикшерәм...
– Көзге, көзге! Хет, син дөресен әйт,
Ышанырга нинди кешегә?!.

Күңел тарлыгында акыл тынчый,
Кем нотыгын кемнәр төшенгән?..
Көтәрлекме фанилыкта кадер, – 
Кабер казып төрткән кешедән?!.

Мин дөньяга чыгып сөрән салам:
– Ничәү калды «дөрес ише»ләр?
Кайда куллар? Кош сайраткан телләр?..
Кая олактыгыз, кешеләр?!.

Тулырак: https://madanizhomga.ru/news/kykregemde-shigyir-utyim-saumyi/elena-danilova-min-bulyrmyn-uz-kyiblamny-tabyp-xakkym-daulap-irek-dagievalagan
290
МӘДӘНИ ҖОМГА

08 Feb, 15:05

КОНКУРС ❗️

“Мәдәни җомга” газетасының “Вконтакте” төркемендә Г.Камал театрында баручы “Санаулы кичләр” спектакленә (21 февраль) ике билет уйнатабыз 🤗

Биремнәре түбәндә ⬇️

https://vk.com/madani__zhomga?w=wall-172769170_14431
299
МӘДӘНИ ҖОМГА

08 Feb, 13:56

Ничек сезгә дуэт? 😇
298
МӘДӘНИ ҖОМГА

08 Feb, 09:08

Сез әлеге тапшыруны сагынасызмы? Дәвам итәргә планлаштырабыз. Әмма башка форматта 😊
308
МӘДӘНИ ҖОМГА

08 Feb, 07:53

Зинира һәм Ризат Рамазановларга “Татарстанның атказанган артистлары” исеме бирелде 👏🏼
306
МӘДӘНИ ҖОМГА

31 Jan, 07:10

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индекслары:


ТАТАРСТАНДА П2355
Өйдән чыкмыйча язылу ⬇️

https://podpiska.pochta.ru/press/П2355



РОССИЯДӘ П8254
Өйдән чыкмыйча язылу ⬇️

https://podpiska.pochta.ru/press/П8254
32
МӘДӘНИ ҖОМГА

31 Jan, 04:20

Илмира Гыймаева: «Әни» 🥺

Кочагыма кереп бетте әни,
Сабый бала кебек елышты.
Тыңламыйча аккан күз яшьләрен
Яшерергә үзе тырышты.
Йомгак кебек кенә калган гәүдә
Оялып кына изри кочакта.
Күпме җылы һәм наз! Чын ярату
Әни дигән изге йомгакта.
Озаг(ы)рак иркәлисе килә,
Битләреннән килә үбәсе.
«Әнием, җаным, иң кадерлем!» – диеп,
Иңнәреннән килә сөясе.
Тик оялам. Гаепләрләр кебек.
«Кылана да инде!» – диярләр...
Гомер үтте шулай наздан куркып,
Сөйләсәләр, әйдә, сөйләрләр! –
Алам әле, әни, кочагыма,
Әйтәм әле матур сүзләрем!
Инде, әнә, бәйдән ычкынгандай,
Ярсый-ярсый тибә йөрәгем.
Төер әрсезләнә тамагымда,
Әчеттерә күзне үткәннәр...
Кузгалды ла бүген күңелемдә
Гомер буе саклап йөрткәннәр.
Балачак та анда, яшьлек тә бар,
Бәхет-кайгы, өшү-янулар;
Өмет тулы алсу таңны куып,
Җан әрнетеп, кояш баюлар...
Барысы да бар, әни! Ничек түздең?!
Кайдан алдың икән сабырлык?!
Ана хакын хаклап буламыни?!
Сүз табалмас син таң калырлык?..

Тулырак: https://madanizhomga.ru/news/kykregemde-shigyir-utyim-saumyi/ilmira-gyimaeva-ani
110
МӘДӘНИ ҖОМГА

30 Jan, 18:06

“Дөнья” студиясендә кунакта
Ләбиб Лерон: “Кешенең максаты булырга тиеш” (ВИДЕО) 🤔

Тапшыруда бүгенге көндә актуаль булган шактый күп темалар күтәрелде. Ләбиб Леронның һәр нәрсәгә үз фикере, фәлсәфи уйлары бар. Аның дөньяга карашы Хаҗ кылганнан соң да үзгәрә. Аллаһка якынаю шигъриятенә дә үзгәрешләр кертә. Ләбиб Лерон бәхет төшенчәсенә дә сак карый.


Тулырак: https://madanizhomga.ru/news/shheslrebez/labib-leron-kesenen-maksaty-bulyrga-ties
183
МӘДӘНИ ҖОМГА

30 Jan, 15:17

Казан марафонына кыска вакыт эчендә рекордлы 17 мең кеше теркәлгән 🏃🏽‍♀️🏃

Тулырак: https://madanizhomga.ru/news/v-respublike/kazan-marafonyna-kyska-vakyt-ecenda-rekordly-17-men-kese-terkalgan
196
МӘДӘНИ ҖОМГА

30 Jan, 11:46

Хәсән Туфан
«Кайсыгызның кулы җылы...» 😢
217
МӘДӘНИ ҖОМГА

30 Jan, 09:46

Марат Әмирханов: «Бибимәмдүдә» 😢

Мулла кызлары ана карыныннан ук дан-дәрәҗә белән туа бит алар. Үсә төшкәч, гыйлемгә, укырга-язарга өйрәтәчәкләр, җитлегүгә, бер-бер дин әһеленә кияүгә димләячәкләр, остабикә сыйфатында үзләре дә балаларга аң-белем бирәчәк, аш-суда иң түргә утыртачаклар. Сәдаканың да иң мулы аларга.

Өчиле мулласы Зиннәтулла имамның өлкән кызы Бибимәмдүдәнең дә тормышы шушы йомык түгәрәк эчендә тәгаенләнде. Тәгаенләнде, ләкин түгәрәк эченә сыймады, көтүдән аерылган кырыкмыш тайдай тулганды да болганды…

Тулырак: https://madanizhomga.ru/news/dbi-skhif/marat-amirxanov-bibimamduda
218
МӘДӘНИ ҖОМГА

30 Jan, 08:36

Бүген Айдар Фәйзрахмановка 70 яшь тулды. Котлыйбыз 👏
275
МӘДӘНИ ҖОМГА

30 Jan, 08:14

Лаванда мае 📌

Ми тартмасындагы кан басымын төшерү өчен, чигәгә көненә 3 тапкыр 5-6 тамчы лаванда мае сөртәләр. Яисә 20 грамм лаванда яфрагы һәм чәчәген 1 стакан суда 7 минут кайнаталар, суытып сөзәләр дә, көненә 3 тапкыр 1 әр аш кашыгы эчәләр. Нерв системасы тынычлана, баш әйләнү бетә.

Тулырак: https://madanizhomga.ru/news/ayga-kyryn-karama/aiga-kyryn-karama-25-31-gyinvar
225
МӘДӘНИ ҖОМГА

30 Jan, 04:05

«Тормыш сөючәннәр» өчен чаңгы узышлары 1 һәм 2 февральдә оештырыла ⛷️

Тулырак: https://madanizhomga.ru/news/v-respublike/tormys-soiucannar-ocen-cangy-uzyslary-1-ham-2-fevralda-oestyryla
223
МӘДӘНИ ҖОМГА

29 Jan, 18:17

“Мәдәни җомга” газетасына язылу индекслары:


П2355 ТАТАРСТАНДА
Өйдән чыкмыйча язылу ⬇️

https://podpiska.pochta.ru/press/П2355



П8254 РОССИЯДӘ
Өйдән чыкмыйча язылу ⬇️

https://podpiska.pochta.ru/press/П8254
240
МӘДӘНИ ҖОМГА

29 Jan, 16:16

Резеда Шәрипова: «Ышан!» 😳

– Һәр ялтыраган алтын түгел, алдана торган гадәтең бар. Язмышыңны очратачаксың, бүген үк. Сине бай тормыш көтә!
“Бай тормыш" дигәч, Зәримәнең аңы томаланды. Күрәзәченең калган сүзләрен җүнләп тыңлап та бетермәде. Ышанмас җиреңнән ышанырсың, әнә үткәнен ничек дөрес тасвирлап бирде. “Иске мәхәббәтеңне йөрәгеңнән өзәргә кирәк. Шунсыз бәхетле була алмаячаксың”, – диде…

Тулырак: https://madanizhomga.ru/news/dbi-skhif/rezeda-saripova-ysan
244
МӘДӘНИ ҖОМГА

29 Jan, 11:55

«Мисс Татарстан – 2025» Иделия Бәдертдинованың әнисе: Подиумга дога укып чыга, ураза тота 😳

Тулырак: https://madanizhomga.ru/news/v-respublike/miss-tatarstan-2025-ideliia-badertdinovanyn-anise-podiumga-doga-ukyp-cyga-uraza-tota
268
МӘДӘНИ ҖОМГА

29 Jan, 08:38

Ризәлә Исмәгыйлева
“Күгемдә бер болыт адашкан” 🥰

Видео авторның шәхси аккаунтыннан
265
МӘДӘНИ ҖОМГА

29 Jan, 07:00

Баллы суган 📌

Атеросклероз (бигрәк тә баш мие склерозы) вакытында болай дәвалану файдалы. 1 стакан суган согына 1 стакан бал кушып, пыяла савытта суыткычта саклыйлар. 2 ай буе, көненә 3 тапкыр, ашарга 1 сәгать кала яки ашаганнан соң 2-3 сәгать үткәч, 1 әр аш кашыгы кабалар.

Тулырак: http://madanizhomga.ru/news/ayga-kyryn-karama/aiga-kyryn-karama-25-31-gyinvar
264
МӘДӘНИ ҖОМГА

29 Jan, 04:47

КОНКУРС ❗️

“Мәдәни җомга” газетасының “Вконтакте” төркемендә Г.Камал театрында баручы “Санаулы кичләр” спектакленә (21 февраль) ике билет уйнатабыз 🤗

Биремнәре түбәндә ⬇️

https://vk.com/madani__zhomga?w=wall-172769170_14431
258
МӘДӘНИ ҖОМГА

28 Jan, 17:39

Рабит Батулла: «Кияү» 😳

Кем эте бу? — дип, кырыкмаса кырык тапкыр кабатлады кондуктор.

Ләкин бер кеше дә аның соравына җавап бирмәде. Эт, үзе турында сөйләгәнне аңлап, бөек бер өмет белән пассажирларга карый. Ләкин бер генә күздә дә миһербан чаткысы очрата алмыйча, гаҗиз булды бичара. Шулчак эт күзләре белән аның карашы очрашты. Кеше әлеге этнең карашында, сатма мине, адәм, сатма, әйт, бу эт минеке, диген, кебек мәгънә күрде.

— Кем эте бу, әллә сезнекеме? — диде кондуктор, әлеге кешегә төртеп…

Тулырак: https://madanizhomga.ru/news/dbi-skhif/batulla-kiiau
278
МӘДӘНИ ҖОМГА

28 Jan, 11:21

Күз күремен яхшырту 📌

1 чәй кашыгы төелгән укроп орлыгын 1 стакан кайнар суда җылы урында 15 минут төнәтәләр дә, көн дәвамында, ашарга 15 минут кала, чирегешәр стакан эчәләр.

Тулырак: http://madanizhomga.ru/news/ayga-kyryn-karama/aiga-kyryn-karama-25-31-gyinvar
286
МӘДӘНИ ҖОМГА

28 Jan, 08:55

Гөлүсә Батталова: Бүгенге көндә сәләтле, үз сүзен әйтә алырдай яшьләр әдәбиятка бик кирәк 🙏🏽

Тулырак: https://madanizhomga.ru/news/shheslrebez/golusa-battalova-bugenge-konda-salatle-uz-suzen-aita-alyrdai-iaslar-adabiiatka-bik-kirak
285
МӘДӘНИ ҖОМГА

28 Jan, 03:54

Лилия Газизова:
«Чәчәкләр булсын иде...» 🥰

Нинди күңелле шөгыль –
Мөнәсәбәтләр уйлап чыгару.
Карашлар,
Кул хәрәкәтләре.
Бирелмәгән сорауларга
Көтелмәгән җаваплар табу.
Кайда да булса кафеда
Яки берәр һәйкәл янында
Очрашуны күзаллау.
Чәчәкләр белән...
Яки... мәҗбүри түгел.
Уйлап чыгару
Наз һәм дәртне.
Хәтта көнчелек һәм чыгырдан чыгуны...
Ә аннан – үкенүне...
...Нинди моңсу шөгыль –
Булмаган һәм булмаячак
Мөнәсәбәтләрне уйлап чыгару...

Тулырак: https://madanizhomga.ru/news/kykregemde-shigyir-utyim-saumyi/liliia-gazizova-cacaklar-bulsyn-ide-1737962041
297
МӘДӘНИ ҖОМГА

27 Jan, 16:38

Ишеттегезме?! 😂

Блогер Мәрьям Хәкимуллина видеосы
320
МӘДӘНИ ҖОМГА

19 Jan, 09:13

Фанатлар көрәше.
Сез кайсысының фанаты? 🙃

1. Ришат Төхвәтуллин
2. Марат Яруллин
44
МӘДӘНИ ҖОМГА

19 Jan, 06:56

Азат Аббасовның тууына – 100 ел 🙏🏽


19 гыйнварда СССРның халык артисты, танылган опера җырчысы Азат Аббасов туган. Ни кызганыч, бүген аны хәтерләүчеләр һаман саен сирәгәя. Аның белән бергә татар сәнгатенең затлы сәхифәләре онытыла һәм татар дөньясын очсыз эстрада били бара. Яңа килгән буыннар, милли музыка сәнгате бигрәк ярлы икән, дип уйларга мөмкин...

Тулырак: https://madanizhomga.ru/news/shheslrebez/bugen-faustta-yrlasa-irtaga-naemshhikta-saxnaga-cykty
123
МӘДӘНИ ҖОМГА

18 Jan, 17:38

Әстерхан татарларыннан күп сәлам 👋🏼
153
МӘДӘНИ ҖОМГА

18 Jan, 16:12

Кан тамырларын чистарту 📌

Ярты килограмм (3-4 данә) лимонны вак кына турап, 1 стакан бал, вакланган 20 өрек төше кушалар, караңгы  җылы урында 3 көн төнәтәләр. Иртән һәм кичен 1 әр аш кашыгы кабалар. 

Тулырак: http://madanizhomga.ru/news/ayga-kyryn-karama/aiga-kyryn-karama-18-24-gyinvar
169
МӘДӘНИ ҖОМГА

18 Jan, 12:09

Лилия Фәттахова
АНА МОНОЛОГЫ 😢

Сине үлгән диләр, газиз балам. Хәбәр килде. Хәбәр китерделәр... Сине түгел... Сине генә түгел... Чал анаңны бүген... үтерделәр...

Сиңа анда суык микән, балам? Яу кырында, диләр җәсәдеңне. Яу кырында ядрә ява, диләр... Ядрә микән, әллә яшьләремме?

Синең җаның бәргәләнәме ул, Минем җанмы – ядрә арасында? Җан мәңгелек, диләр... Нигә хәсрәт Оныттыра икән барысын да?

Сабырлыгым ничек кайтарасы –  Сынмас өчен Раббым сынавыннан? Авыр, балам... Көтүләре авыр... Билгесезлек – гүр газабы сыман.

Ак биләүгә биләп сабый чакта, Имезгәндә күкрәк сөтләремне, Ак кәфенгә төреп, соң йортыңа Озатырмын, диеп теләдемме...

Ак биләүгә биләп озатулар Язсын, диеп дога кылган мәлем. Газиз балам... Җир куйнына салсам, Җиңеләер кебек әле хәлем.

Тулырак: https://madanizhomga.ru/news/kykregemde-shigyir-utyim-saumyi/liliia-fattaxova-kuklar-zangar-culman-zangar-bugen-sifa-ezlap-kuktan-atlap-baram
183
МӘДӘНИ ҖОМГА

18 Jan, 07:04

Бүген легендар Фән Вәлиәхмәтовка 74 яшь тулган булыр иде 🙏🏽
200
МӘДӘНИ ҖОМГА

18 Jan, 06:03

Зөһрә Сәхабиева: Матди хәлемне кайгыртыйм әле, дип җырлаучылардан мәңге җырчы чыкмаячак!

Тулырак: https://madanizhomga.ru/news/shn/zohra-saxabieva-matdi-xalemne-kaigyrtyim-ale-dip-yrlaucylardan-mange-yrcy-cykmaiacak
207
МӘДӘНИ ҖОМГА

17 Jan, 17:39

Аш-су блогеры Эльмира Камалиевадан
алмалы печенье рецепты
😋

240 гр он
30гр шикәр
100 гр акмай
100 гр каймак
Ярты чәй кашыгы камыр көпшәкләндергеч
Ярты чәй кашыгы куркума

Эчлек:
2 шт алма
Шикәр

Өстенә шикәр оны
180 гр та 35 минут пеште
249
МӘДӘНИ ҖОМГА

17 Jan, 16:06

Нәбирә Гыйматдинова: «Түрә» 😳

«Хуш, яшелчәләрне берәм-берәм юып, тастымал белән корыттыңмы? Башта кайсысын турарга икән? Әйдә, суганнан башла! Аны чыжлатып майда кыздыргач, эре тешле кыргычтан уылган кишер белән «бизәклә»! Өченче катламга помидор кисәкләре җәй! Иң өскә тоз-борыч сибелгән ит телемнәрен тез! Шуннан соң яшелчә катламын, капкач белән томалап, кызу мичкә тык!»

Ул, үзалдына сөйләнә-сөйләнә, тәгам әзерләде. Тәгәрәсә дә тәгәрәр икән текә таудан адәм баласы! Әле кайчан гына Илмәт Гаязович бик зур, бик бай компаниянең җитәкчесе иде! Генеральный! Ничек шәп яңгырый! Бүген гаярь түрә гап-гади пешекче сыйфатында аш бүлмәсендә кайнаша…

Тулырак: https://madanizhomga.ru/news/dbi-skhif/nabira-gyimatdinova-tura-1737102713
252
МӘДӘНИ ҖОМГА

17 Jan, 12:28

Бисквит 😋

3 йомырка, 1 стакан шикәр, яртышар стакан он һәм бәрәңге яки кукуруз  крахмалы кирәк. Йомырка белән шикәрне миксер белән яхшылап күпертәләр, аннан соң әз-әзләп крахмаллы онны кушып, агач кашык белән әкрен генә болгаталар. Табаның төбен генә майлыйлар, кырыйларын майларга кирәкми – алайса камыр күтәрелмәячәк. 180 градуслы газ мичендә 45-50 минут пешерәләр, беренче 30 минутта ачып карарга ярамый. Торт өчен бик тәмле бисквит килеп чыга. 

Тулырак: http://madanizhomga.ru/news/ayga-kyryn-karama/aiga-kyryn-karama-11-17-gyinvar
253
МӘДӘНИ ҖОМГА

17 Jan, 11:16

Җырчы ИлСаф Гомрә хаҗыннан изге урынны күрсәтте 🤲🏼
261
МӘДӘНИ ҖОМГА

17 Jan, 10:03

Илмира Гыймаева: «Ипи бит ул» 🥺

Ипи сайлый берәү кибеттә –
Төртә, баса, исни, чеметә...
Күперепләр пешкән икмәкне
Гаепсезгә шулай тилмертә.
«Кем пешергән, кайдан кайткан?» – дип,
«Монысы иске, монысы каткан!» – дип,
Ипи сайлый берәү кибеттә,
Ипекәйне шулай кимсетә...
Акча да бар. Акча сикертә.
Тамак тук булуы тилертә.
Зур эш майтаргандай, замандаш
Ипи сайлый: «Агы симертә,
Карасының эче әчерәк,
Түгәрәге бераз тәмлерәк.
Анысының да төбен бозганнар!..»
Түз, йөрәгем, яме, түз, йөрәк!
Калды ипи... Кирәк булмады.
Хәтерләрдә тарих чыңлады.
Ачлык еллар кабат яңарып,
Өзелепләр җаным елады!
«Бер чеметем ипи бөртеген
Курка идек, балам, йотарга.
Куша иде безгә әниләр
Тел астына куеп тотарга.
Ипи дигән сүзне ишетү
Әйләндерә иде башларны.
Башак җыяр якты көн көтеп,
Куа идек уйда кышларны.
Ипи бит ул! Ипи! Ипекәй!

Тулырак: https://madanizhomga.ru/news/kykregemde-shigyir-utyim-saumyi/ilmira-gyimaeva-ipi-bit-ul
268
МӘДӘНИ ҖОМГА

17 Jan, 07:50

Түбән Камада «Гаилә» паркында район табибларына багышланган фотокүргәзмә ачылды 📸

Тулырак: https://madanizhomga.ru/news/v-respublike/tuban-kamada-gaila-parkynda-raion-tabiblaryna-bagyslangan-fotokurgazma-acyldy
247
МӘДӘНИ ҖОМГА

17 Jan, 06:27

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индекслары:


П2355 ТАТАРСТАНДА
Өйдән чыкмыйча язылу ⬇️

https://podpiska.pochta.ru/press/П2355



П8254 РОССИЯДӘ
Өйдән чыкмыйча язылу ⬇️

https://podpiska.pochta.ru/press/П8254
269
МӘДӘНИ ҖОМГА

16 Jan, 17:37

КОНКУРС ❗️

“Мәдәни җомга” газетасының “Вконтакте” төркемендә Г.Камал театрында баручы “Санаулы кичләр” спектакленә (21 февраль) ике билет уйнатабыз 🤗

Биремнәре түбәндә ⬇️

https://vk.com/madani__zhomga?w=wall-172769170_14431
296
МӘДӘНИ ҖОМГА

16 Jan, 15:25

Бүген Илһам Шакировның вафат булган көне. Искә алу мәрәсимендә “Мәдәни җомга” газетасының баш мөхәррире Ләбиб Лерон да катнашты 🙏🏽
307
МӘДӘНИ ҖОМГА

07 Jan, 18:15

Иммунитетны ныгыту 📌

5 г дәфнә яфрагын (10 данә) ярты литр суда 5 минут кайнаталар да, термоста 3-4 сәгать төнәтеп, сөзәләр, көн буена әз-әзләп эчеп бетерәләр. Икенче һәм өченче көнне дә шулай дәваланалар. 2 атна ял иткәч, өч көнлек курсны тагын кабатларга була. 

Тулырак: http://madanizhomga.ru/news/ayga-kyryn-karama/aiga-kyryn-karama-28-dekabr-3-gyinvar
95
МӘДӘНИ ҖОМГА

07 Jan, 14:48

72 яшьлек Чирмешән остасы крокодилны гармунда уйната 👏🏼

Тулырак: https://madanizhomga.ru/news/v-respublike/72-iaslek-cirmesan-ostasy-krokodilny-garmunda-uinata
162
МӘДӘНИ ҖОМГА

07 Jan, 13:21

Ринат Рахматуллин имеш-мимешләргә нокта куйды 😉

Зоя Солошина видеосы
188
МӘДӘНИ ҖОМГА

07 Jan, 12:46

Рәдиф Гаташ: Нәкый Исәнбәт бик зур белемгә ия булган, ул шагыйрьләргә эталон булып тора

Тулырак: http://madanizhomga.ru/news/shheslrebez/radif-gatas-nakyi-isanbat-bik-zur-belemga-iia-bulgan-ul-sagyirlarga-etalon-bulyp-tora
192
МӘДӘНИ ҖОМГА

07 Jan, 08:00

Сөләйман: «Бер җан эзлим...» 😌

Татар диеп дәшәм уңга-сулга,
Җан кисәге – очкан һәр аваз,
Әйтерсең лә җилгә каршы сибелә –
Кайда, кайда сүзгә кайтаваз?!
Дөнья бүген, татар, сине көтә!
Дөньям тигезлеге – татарда...
...Ә бүгенгә – эзлим, чыра тотып,
Мин татар дип сыенырлык җан...
...Син татар дип сыйдырырлык җан…

Тулырак: https://madanizhomga.ru/news/kykregemde-shigyir-utyim-saumyi/solaiman-ber-an-ezlim
217
МӘДӘНИ ҖОМГА

06 Jan, 17:59

“ВКонтакте”да фотодагы шәмаилне уйнатабыз. Нәтиҗә 10 гыйнвар көнне. Ашыгыгыз 🤗⬇️

https://vk.com/wall-89970990_221565
250
МӘДӘНИ ҖОМГА

06 Jan, 16:06

Татлы дәва 📌

Кан тамырларын чистарту өчен, тигез микъдарда алынган йөзем, күрәгә, әстерхан чикләвеге, лимонны иттарткычтан чыгаралар, бал кушып, суыткычта саклыйлар. Көненә 2-3 тапкыр, ашарга 30 минут кала, 2 шәр аш кашыгы һәм йоклар алдыннан 1 аш кашыгы кабалар. 

Тулырак: http://madanizhomga.ru/news/ayga-kyryn-karama/aiga-kyryn-karama-28-dekabr-3-gyinvar
260
МӘДӘНИ ҖОМГА

06 Jan, 14:09

Кайгылы хәбәр

Күренекле шагыйрә, Татарстанның атказанган мәдәният хезмәткәре, Һади Такташ исемендәге әдәби премия лауреаты Салисә Гәрәева вафат.

«Бүген таң атканда Шагыйрә Салисә апа Гәрәеваның гомере өзелде. Йә Раббым, Аллаһының фәрештәләре җанына каты кагылмасын, ак чүпрәккә төрсен иде.

Озату 7 гыйнварда Минзәләдә була. Язучылар берлегенә, бүлекчәләренә, татар конгрессына, редакцияләргә бу хәбәрне җиткерсәгез иде. Машина белән баручы булса, миңа да әйтегез. Хушлашып, озатып кайтырга кирәк», - дип хәбәр итә Фәния Хуҗиәхмәт.

Авыр туфрагың җиңел булсын, Сәлисә апа 🙏
287
МӘДӘНИ ҖОМГА

06 Jan, 06:57

Туган авылыгызга кайтып, тауда шуып килдегезме? 🤗

Австралиядә яшәүче Финзия Газизова туган авылы - Балтач районының Смәел авылында 👏🏼
287
МӘДӘНИ ҖОМГА

05 Jan, 17:51

Лениногорскида «Күк бүре» уены буенча турнир узачак 😯

Тулырак: https://madanizhomga.ru/news/v-respublike/leninogorskida-kuk-bure-ueny-buenca-turnir-uzacak
300
МӘДӘНИ ҖОМГА

05 Jan, 15:10

Тавыш бетсә 📌

1 стакан уылган кызыл чөгендерне ярты литрлы банкага салып, 1 аш кашыгы алма яки йөзем серкәсе кушалар, әйбәтләп болгаталар, капкач каплап, караңгы урында бер тәүлек төнәтәләр. Марля аша сөзәләр. Көненә 3 тапкыр, ашаганнан соң, 1 әр чәй кашыгы эчәләр. Бераз су кушып, көненә 3-4 тапкыр тамакны чайкыйлар. 

Тулырак: http://madanizhomga.ru/news/ayga-kyryn-karama/aiga-kyryn-karama-28-dekabr-3-gyinvar
296
МӘДӘНИ ҖОМГА

05 Jan, 13:27

Рәмзия Габделхакова:
«Кышлар үткәч кайтырмын...» 🥺

Сәвия Казанда табиблыкка укып йөри. Авылга җәйге ялга кайткан чагы. Гаяз белән мәктәп елларыннан ук дуслашып йөриләр. Укуын тәмамлап, кулына диплом алгач та, Сәвия туган авылына эшкә кайтырга ниятләп тора. Баштарак шәһәр үзенә тартты тартуын, киләчәк язмышын башкала белән бәйлисе иде. Әмма Казанга килеп ай да яшәмәде, авылын өзелеп сагынды, шау-шулы, ыгы-зыгылы бу кала аның өчен түгел икән. Гаяз да шәһәргә китәргә атлыгып тормый. Аңа авылның…

Тулырак: https://madanizhomga.ru/news/dbi-skhif/ramziia-gabdelxakova-kyslar-utkac-kaityrmyn-1736076375
288
МӘДӘНИ ҖОМГА

05 Jan, 08:53

Фәнис Яруллин:
«Яңа елга иске теләк» ☺️

Әй Яңа ел, Яңа ел,
Яңа туган бала ел.
Син шаян, син шук әле,
Гөнаһларың юк әле.
Ай үсәсен көн үсеп,
Туктамыйча гел үсеп,
Күп гамәлләр кылырсың,
Баһадир ир булырсың.
Тик берүк явыз булма,
Җиргә кан-яшь агызма.
Җыйма ләгънәт-каргышлар,
Чуалмасын язмышлар.
Мылтык тоткан кулларга
Кызганмыйча каты сук.
Кара мәкер-уйларга
Давыл булып каршы чык.
Өйсезләрне өйле ит,
Көйсезләрне көйле ит.
Җылы, йомшак кул белән
Үксезләрнең яшен сөрт.
Буең белән түгел син,
Эшең белән олы бул.
Һәр кешенең иң көткән
Иң бәхетле елы бул.

Тулырак: https://madanizhomga.ru/news/kykregemde-shigyir-utyim-saumyi/fanis-iarullin-iana-elga-iske-telak
301
МӘДӘНИ ҖОМГА

04 Jan, 18:11

Гөлҗимешле бал 📌

Азканлылык булганда, матдәләр алмашы бозылганда, 1 чәй кашыгы кипкән гөлҗимешне ваклап, термостагы 250 мл кайнар суга салалар һәм 3 сәгать төнәтәләр. Сөзеп, 1 аш кашыгы бал кушалар да, көненә 3 тапкыр, ашарга 15-20 минут кала, чирегешәр стакан эчәләр.

Тулырак: http://madanizhomga.ru/news/ayga-kyryn-karama/aiga-kyryn-karama-28-dekabr-3-gyinvar
291
МӘДӘНИ ҖОМГА

04 Jan, 16:02

Укытучыларыгызның яраткан фразасы нинди иде? Языгыз әле, кызык ич 🤭

Данир Сабировка укытучы роле шул тиклем килешә. Гомер буе укыткан диярсең 😄👏🏼
289
МӘДӘНИ ҖОМГА

04 Jan, 15:08

Рәмзия Габделхакова: «Кышлары салкын булса да...» 🥺

Бигрәк озын кыш булды бу. Беркайда җылы табып булмый.
Урамда салкын, эштә салкын.
Өйдә дә салкын...
«Спартак» фабрикасының мәңге тузмас күн итеген киез итеккә алыштырып, Альмира түргә үтте. Гадәттәгечә, иң беренче эш итеп, чуен батарейларны капшап карады. Бүген генә нинди могҗиза булсын, юк шул, юк! Бу җылы «чуен гармун»ның үзен җылытырга да җитми. Ник шулкадәр кызганып бирәләрдер. Юкса акчаны умырып алалар. Теге айда гына шул «салкын җылы» өчен ярты хезмәт хакын чыгарып салды. Хан сарае түгел ләбаса, ике бүлмәле кысан бер фатир. Кухнясына берең кереп басса…

Тулырак: https://madanizhomga.ru/news/dbi-skhif/ramziia-gabdelxakova-kyslary-salkyn-bulsa-da-1735895267
290
МӘДӘНИ ҖОМГА

04 Jan, 07:02

Ркаил Зәйдулла: Робагыйлар 😌

***
Алдыма ак кәгазь җәям,
Каләм хакы кадәр бәям.
Юлларыңа ак җәймә дип,
Эз калдырган миңа Хәйям.
***
Кар диңгезен кузгатты җил, алды дулап,
Әйтерсең лә бар дөньяны тотты тулгак.
И, чайкалды еракларда, чак күренеп,
Әллә җилкән, әллә адашкан бер куак.
***
Зәп-зәңгәр күк. Тәңре елмаюы.
Түбәләрдә ап-ак томан куе, –
Сарылды ул иңгә җилән сыман...
Таралмасын сиздем еллар буе.

Тулырак: https://madanizhomga.ru/news/kykregemde-shigyir-utyim-saumyi/rkail-zaidulla
308
МӘДӘНИ ҖОМГА

03 Jan, 18:18

Әби һәм онык ❤️
341
МӘДӘНИ ҖОМГА

03 Jan, 16:22

Җырчы Илнат Фархуллиннан сөенечле хәбәр. Бүген ул сөйгән яры Регина белән никах укыткан. Яшь парның һәркайсы өчен бу икенче никах. Котлыйбыз 👏🏼
248
МӘДӘНИ ҖОМГА

03 Jan, 14:15

Алмалы коймак 😋

Солы ярмасын бераз бүрттереп, шуңа эре угычтан уылган алма, шикәр, тоз, әз генә он кушып, яхшылап болгаталар да, гади коймак пешергән кебек, майлы табада кыздыралар. Табынга каймак, варенье яки бал белән бирәләр.

Тулырак: http://madanizhomga.ru/news/ayga-kyryn-karama/aiga-kyryn-karama-21-27-dekabr
246
МӘДӘНИ ҖОМГА

03 Jan, 13:02

Вакыйф Нуриев: «Кышның озын бер төне» 😳

Кышкы төндә бер көйгә генә юыртып барган күндәм ат, алда хәвеф сизепме, өркенеп, кинәт кенә шып туктады. Төлке якалы калын толып эчендә талгын рәхәтлектә оеп барган конюх Илдар, кара туры туктаган шәпкә алга атылып, чанага түшәлгән солы саламына йөзтүбән капланды. Аннары тураеп утырды да, дилбегәсен шап-шоп тарткалап, атка дәште:
– Әйдә, анаңны корт чаккыры, нигә терәлеп каттың?..
Малкай кузгалырга уйламый. Кузгалу кая, дүрт аягын алга терәп чигенергә чамалый башлады. Башта Илдарның баш миенә «Бүре бардыр!?» дигән уй чиртте. Ул, чанадан янга каерылып, алга карады – юлда бер адәм заты басып тора иде. «Кем бу? Җиде төн уртасында кышкы япан кырда кем йөри. Берүзе бит. Стансага баручы, дияр идең – бу вакытта поезд юк, кайтучы дияр идең…

Тулырак: https://madanizhomga.ru/news/dbi-skhif/vakyif-nuriev-kysnyn-ozyn-ber-tone
241
МӘДӘНИ ҖОМГА

03 Jan, 07:14

Рамил хәзрәт Юныс: Малайларның тормышында әти кешеләрнең урыны бик зур булырга тиеш

Тулырак: https://madanizhomga.ru/news/shheslrebez/ramil-xazrat-iunys-malailarnyn-tormysynda-ati-keselarnen-uryny-bik-zur-bulyrga-ties
249
МӘДӘНИ ҖОМГА

02 Jan, 17:14

Хәерле һәм күңелле яллар телибез 🎄

Гүзәл Уразова иҗатын яратсаң, ❤️ куй 👋🏼
294
МӘДӘНИ ҖОМГА

02 Jan, 12:40

Алма шифасы 📌

Организмнан бәвелне кудыру өчен, 1 аш кашыгы киптереп төелгән алма кабыгын 1 стакан кайнар суда 5-10 минут төнәтәләр, көненә 5-6 тапкыр, ашар алдыннан, яртышар стакан эчәләр. Бөер ташы авыруы, подагра, ревматизм, гастрит, энтероколит, атеросклероз, ютәл интектергәндә,  уртача зурлыктагы чистартылмаган 3 алманы 1 литр кайнар суда сүрән утта 10 минут пешерәләр дә, көн дәвамында чәй урынына эчеп бетерәләр (бераз бал кушарга да ярый).

Тулырак: http://madanizhomga.ru/news/ayga-kyryn-karama/aiga-kyryn-karama-21-27-dekabr
295
МӘДӘНИ ҖОМГА

02 Jan, 08:21

Шулай да була икән 😂

Вадим Захаров белән Алинә Давыдовадан мәзәк видео
319
МӘДӘНИ ҖОМГА

02 Jan, 06:43

Рәдиф Сәгъди:
«Мин дә бер татарыңдыр...» 😌

Нишлисез сез, кешеләр! Нигә бүгенге көн белән генә яшисез икән!!! Алда бит әле балаларыгызның да, оныкларыгызның да Ходай бүләк иткән гомере бар. Сындырасыз, ватасыз, җимерәсез. Иң зур гөнаһ саналган җинаятькә барасыз – үтерәсез! Нинди Алла каргаган ил соң бу? Җиңел генә хәл ителәсе
эшләр төрле каршылыклар, диварлар аша эшләнә. Кемнәрдер шулай җиңел генә тормышка ашырыласы гамәлләрне эчпошыргыч шөгыльгә әйләндерә.
Барысына да нәрсәдер төртергә, ришвәт бирергә туры килә. Кайсы гына тармакны алма, бер кешенең табышына ике-өч паразит ябыша. Ничек бу ил алга китсен дә, киләчәк якты булсын! Дәүләт бит үзе үк бәндәләрен караклыкка,
угрылыкка этәрә. Эшләп-эшләп, тир түгеп тә тиешлесен алалмаган адәм…

Тулырак: https://madanizhomga.ru/news/dbi-skhif/radif-sagiedi-min-da-ber-tataryndyr
309
МӘДӘНИ ҖОМГА

01 Jan, 18:12

Мандариннар тәмлеме? 😉🍊

“Мәдәни җомга” газетасына язылу индекслары:
П2355 - Татарстанда
П8254 - Россиядә
312
МӘДӘНИ ҖОМГА

01 Jan, 16:48

Фирүзә Җамалетдинова:
«Яңа ел көткәндә» 😌

Яңа ел кергәндә, тик бәйрәм итәсе.
Тик ниләр көтәр соң халкымны иртәсен?

Уйларым – еракта, ә бәйрәм якында,
Фикерлим Сөләйман пәйгамбәр хакында.

...Ел башы булгандыр, ә бәлкем, ахыры,
Һич мөһим түгелдер, алда тик яу кыры.

Үтәчәк икән, ди, Сөләйман гаскәре,
Килсә бит килә ул һәрбер эш тискәре!

– Качыгыз! – ди ана кырмыска халкына.
– Тапталып үләрбез ни гөнаһ хакына?

Сөләйман ишетә: туктата гаскәрен,
Тыңламый беркемнең аһ-ваһын һәм әрен.

Сөйләшә ул ана кырмыска телендә,
Кем дучар итәлсен ул телне үлемгә?!

Аны бит Аллаһы яраткан, тараткан,
Яклаган, саклаган һәр барча тарафтан!

Тетрәндем уйлардан, җанны ут ялмады,
Нишлисең, илемдә пәйгамбәр калмады...

Барыбер көтә җан бер фәрман Аллаһтан,
Бер яшәп, мең төрле гыйбрәтләр алмактан...

Тулырак: https://madanizhomga.ru/news/kykregemde-shigyir-utyim-saumyi/firuza-amaletdinova-iana-el-kotkanda
311
МӘДӘНИ ҖОМГА

01 Jan, 12:07

Алмаз һәм Айдар Юнысовлардан музыкаль пауза 🎄
218
МӘДӘНИ ҖОМГА

01 Jan, 10:43

Гыйнвар аена намаз вакытлары. Саклагыз, дусларыгызга да җибәрегез. Савап булыр 👍🏼
217
МӘДӘНИ ҖОМГА

01 Jan, 08:51

14 гыйнварда шәһәр халкы бушлай Татарстан Милли музеена бара алачак

Тулырак: https://madanizhomga.ru/news/v-respublike/14-gyinvarda-sahar-xalky-buslai-tatarstan-milli-muzeena-bara-alacak
208
МӘДӘНИ ҖОМГА

31 Dec, 21:01

2025 ел 🫶🏼
228
МӘДӘНИ ҖОМГА

31 Dec, 17:18

Чын күңелебездән якынлашып килүче Яңа ел белән котлыйбыз. Сәламәтлек, күңел тынычлыгы, гаилә бәхете теләп калабыз. Безнең белән бергә булганыгыз өчен чиксез рәхмәт ❤️

Ихтирам белән, “Мәдәни җомга” газетасы, “Безнең мирас” журналы коллективлары
247
МӘДӘНИ ҖОМГА

31 Dec, 13:22

Яңа елга 7 сәгать 39 минут калып бара 💃🏽🕺🏽
237
МӘДӘНИ ҖОМГА

31 Dec, 10:58

Бүген Вәсилә Фәттаховага 45 яшь тулган булыр иде 😢

«БСТ» телеканалының «Современники» тапшыруына биргән интервьюсыннан өзек
237
МӘДӘНИ ҖОМГА

31 Dec, 08:45

Ренат Мистахов ятимнәр йорты балаларын һәм күп балалы гаиләләрне Яңа ел белән котлады 🙏🏽

Тулырак: https://madanizhomga.ru/news/v-respublike/renat-mistaxov-iatimnar-iorty-balalaryn-ham-kup-balaly-gailalarne-iana-el-belan-kotlady
240
МӘДӘНИ ҖОМГА

31 Dec, 06:49

Якынлашып килүче Яңа ел белән 🤗
235
МӘДӘНИ ҖОМГА

31 Dec, 05:41

Казан дизайн һәм технология көллия­те – Россиядә дә танылган мәгариф учреждениесе 👏🏼

Тулырак: https://madanizhomga.ru/news/kn-temasyi/iaslar-iatka-tartyla
231
МӘДӘНИ ҖОМГА

30 Dec, 20:48

Текә дә инде Зәйнәп апабыз. “Хәзер барысы да башкача булачак”, - дип язып куйган шәхси битендә 😎
242
МӘДӘНИ ҖОМГА

30 Dec, 17:42

Алма шифасы 📌

Азканлылыктан көн саен 400-600 грамм алма ашап дәваланырга мөмкин. Башта алманы берничә кисәккә бүлгәләп, киселгән ягының төсе үзгәрүен көтәләр,  шул чакта ул бик җиңел эшкәртелә. Угычтан уылган алма компрессы куеп, озак төзәлә торган җәрәхәтне, пешкән, өшегән урыннарны дәвалап була. 

http://madanizhomga.ru/news/ayga-kyryn-karama/aiga-kyryn-karama-21-27-dekabr
243
МӘДӘНИ ҖОМГА

30 Dec, 13:55

Яңа елга 1 көн 7 сәгать 6 минут калып бара ❄️

Сездән ❤️
246
МӘДӘНИ ҖОМГА

30 Dec, 12:49

Кышкы каникулларны ничек файдалы уздырырга? Мәчетләр балалар ялын оештыра 👍🏼

Тулырак: https://madanizhomga.ru/news/v-respublike/kysky-kanikullarny-nicek-faidaly-uzdyryrga-macetlar-balalar-ialyn-oestyra
237
МӘДӘНИ ҖОМГА

30 Dec, 06:21

Рифә Рахман: «Корт чаккыры» 😌

Челләнең дә иң-иң эссе көнендә
Бал-аш җыя чәчәкләрдән бал корты,
Без дә без, ди мактанып, тапкан саен
Һәм шул безләве белән дә куркытып.
Баскан идем тузганаклы ызанга,
Торамын эчтән генә утлар йотып.
Мин менә шифа эзлим тузганактан.
Бу эсседә эшче кортка ни калган?
Чәчәкләр хәлсезләнеп, ирен бөргән,
Булмыймы чыкса аңа кичкә табан?
Корт чаккыры! Әллә бастым өстенә?–
Ут булып яна ялан үкчәм һаман!

Тулырак: https://madanizhomga.ru/news/kykregemde-shigyir-utyim-saumyi/rifa-raxman-kort-cakkyry
240
МӘДӘНИ ҖОМГА

28 Dec, 16:42

Яңа елга 3 көн 4 сәгать 18 минут калып бара 🎄
101
МӘДӘНИ ҖОМГА

28 Dec, 07:27

Алма шифасы 🍏

Алмадагы пектин организмнан агулы матдәләрне, тоз, начар холестеринны чыгара. Аның составындагы калий һәм танин шлак ясалудан саклый. 1 өлеш алмага 5 өлеш су кушып кайнатылган компот радионуклеидларны куа. Подагра, бәвел юллары авырулары, ревматизм интектергәндә, даими рәвештә алма төнәтмәсен яки чәен эчү файдалы. 

Тулырак: http://madanizhomga.ru/news/ayga-kyryn-karama/aiga-kyryn-karama-21-27-dekabr
146
МӘДӘНИ ҖОМГА

27 Dec, 19:20

Тәлгат Галиуллин: «Төерле пылау» 🥺

Чир рөхсәт-мазар сорап тормыйча килә дә аяктан егып сала, дигән әйтемнең тормышчанлыгына үз башыма төшкәч, тулысынча ышанырга мәҗбүр булдым. Аның да әле инсульт (халыкта паралич) дигән зәхмәтлесе хастаханәгә үк китереп «салды». Аңыма килер-килмәс хәлемдә мине ул чорда «обком бульнисы» дип йөртелгән хастаханәгә, ике кешелек палатага кертеп урнаштырдылар. Беренче көннәрдә суымны алып биргән, кулыма кашык тоттырган күршем белгечлеге буенча элемтәче, шулай ук инсульт кичергән, үзен миңа караганда яхшырак хис иткән кеше…

Тулырак: https://madanizhomga.ru/news/dbi-skhif/talgat-galiullin-toerle-pylau-1735130510
179
МӘДӘНИ ҖОМГА

27 Dec, 11:33

🗓2 гыйнвар 12:00, 17:00
📍Кияү урлау (Безумный никах, или похищение жениха)
(Режиссер — Регина Саттарова)
Комедия
12+

🗓3 гыйнвар 12:00, 17:00
ПРЕМЬЕРА
📍Туган-тумача (Родные люди)
(Режиссер — Илгиз Зәйниев)
Мелодрама
12+

🗓4 гыйнвар 12:00, 17:00
📍Яратам! Бетте-китте!
(Люблю и точка!)
(Режиссер — Зөфәр Харисов)
Җырлы-биюле комедия
6+

🗓5 гыйнвар 12:00, 17:00
📍Беренче мәхәббәт (Первая любовь)
Тылсымлы комедия
6+

🗓6 гыйнвар 12:00, 17:00
📍Ак тәүбә, кара тәүбә. Безнең көннәр (Студенческий договор. Наши дни)
(Режиссер — Резеда Гарипова)
Музыкаль комедия
12+

🗓7 гыйнвар 12:00, 17:00
ПРЕМЬЕРА
📍Туган-тумача (Родные люди)
(Режиссер — Илгиз Зәйниев)
Мелодрама
12+

🗓8 гыйнвар 12:00, 17:00
ПРЕМЬЕРА
📍Хыялга бер адым (Один шаг до мечты)
Режиссер — Туфан Имаметдинов
Бер сәфәр тарихы
12+

Билетларны «Пушкин картасы» буенча да сатып алырга мөмкин.
199
МӘДӘНИ ҖОМГА

27 Dec, 09:37

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
190
МӘДӘНИ ҖОМГА

27 Dec, 06:56

Халисә Мөдәррисова:
«Дус куллары хәнҗәр батырдылар ак перчатка киеп йөрәккә...» 😏

Көтмәгәндә, арттан пычак кебек,
Ак җәймәгә гүя кара корт...
Дус, дип йөрдем, дус, дип уйлый идем,
Ышанасы килми: «Син дә, Брут?!.»
Дошман – явыз, аның күңел кара,
Кулы керле, җаны – үчендә!
Дошман ачык, аннан качып була,
Яки көтеп була –
Әзерләнеп була һөҗүмгә,
Йә булмаса солых төзеп була,
Һәр якка да кирәк өченгә.
Горурланып, кадереңне белеп,
«Дус», дип йөрдем, – галәм танысын!
Берни әйтми, бер кылыгың белән
Урынына куйдың барысын.
Өлешеңә кермәдем дә кебек,
Булдым һәрчак якты теләктә.
Дус куллары хәнҗәр батырдылар
Ак перчатка киеп йөрәккә.
Күпме күңел кайту. Бинахакка
Азмы яңаклады бу язмыш...
Бөтен нәрсә үтә, бу да үтәр,
Тантанада бары – яңарыш,
Дуслык кайтмас, шунысы аяныч!

Тулырак: https://madanizhomga.ru/news/kykregemde-shigyir-utyim-saumyi/xalisa-modarrisova-dus-kullary-xanar-batyrdylar-ak-percatka-kiep-iorakka
209
МӘДӘНИ ҖОМГА

26 Dec, 18:10

Алма шифасы 🍎

Алма диетасы югары кан басымын төшерергә, баш авыртуын һәм әйләнүен бетерергә ярдәм итә. Андагы пектиннар кан тамырлары тышчасын ныгыта, холестеринны нормага китерә, йөрәк авыруларыннан саклый. Организмда матдәләр алмашын җайга салу өчен, фруктоза һәм органик кислоталарга бай алма согы эчү файдалы.

Тулырак: http://madanizhomga.ru/news/ayga-kyryn-karama/aiga-kyryn-karama-21-27-dekabr
250
МӘДӘНИ ҖОМГА

26 Dec, 14:19

Алисә ЗАРИПОВА: «Кыш сафлыгы» 😇

Оча карлар, күбәләктәй ап-ак карлар, Дөньядагы бар афәттән алар пакьләр. Оча, куна, сафлык белән төрә алар, Бар җиһанны явызлыктан саклар алар.
Могҗизалар көтеп яши Җир-Анабыз, Кыш бабайлар, Кар кызлары, бармы соң сез? Пакьлек белән алыштырып борчуларны, Ап-ак карлар, явыгыз соң, явыгыз сез!

Тулырак: https://madanizhomga.ru/news/kykregemde-shigyir-utyim-saumyi/alisa-zaripova-kys-saflygy
247
МӘДӘНИ ҖОМГА

26 Dec, 12:47

“Мәдәни җомга” газетасы белән “Безнең мирас” журналы корпоративыннан кайбер мизгелләр. Алда матур итеп эшләргә, күңелле бәйрәм итәргә насыйп итсен 🙏🏽

Эльза Газизова фотолары
217
МӘДӘНИ ҖОМГА

26 Dec, 06:48

Гомәр Даутов: «Моңнар булып кайтырмын» 🥺

— Катя, Катерина, — дип кычкырды ул, ишектән керүгә үк кечкенә Фиманы куркытып, — җыен, җыен тизрәк!
Һәрвакыт тыныч иренең болай әсәренгәнен беркайчан да күрмәгән Екатерина Семёновна эшнең җитди икәнен шунда ук аңлап алды.
— Без әзер, — диде ул тыныч тавыш белән, бары тик күзләренең зураеп, йөзенең агарып киткәнлеге генә аның нерв киеренкелеген күрсәтә иде. — Без әзер, нишләргә?
Дмитрий эндәшми генә Фиманы күтәреп алды да икенче кулына агач чемодан һәм берничә төенчекне эләктерде. Екатерина Лиляны җитәкләп, кочагына сыйган кадәр төенчекләр алды да ире артыннан ишеккә юнәлде. Кинәт бусагада туктады да…

Тулырак: https://madanizhomga.ru/news/dbi-skhif/gomar-dautov-monnar-bulyp-kaityrmyn
245
МӘДӘНИ ҖОМГА

25 Dec, 10:24

Г.Камал театрында баручы “Гөргөри кияүләре” спектакленә ике билетны Алсу Кадырова отты. Котлыйбыз 👏🏼
268
МӘДӘНИ ҖОМГА

25 Dec, 09:25

Дымлы шоколадлы брауни 😋

130 г шикәрне 115 г йомшартылган атланмай белән болгатып, 3 йомырка, 250 мл сөт, 180 г он, 35 г какао, 1 чәй кашыгы камыр көпшәкләндергеч, бер чеметем тоз салып,  камыр туглыйлар да, 180 градуслы газ мичендә 30-35 минут пешерәләр. Мичтән алгач, табасында килеш нечкә агач таякчык белән тишкәләп, өстенә 150 мл сөт агызалар. Ул тулысынча сеңеп беткәч, 160 г шоколад, 20 г атланмай, 15 г какао өстенә 300 мл кайнар сөт салып болгаталар да, тагын тишкәләп, бисквит өстенә агызалар.   Тулысынча суынгач, кисеп, табынга йә туңдырма, йә крем (60 г шикәр оны кушып күпертелгән 250 мл 33% сөт өсте) белән бирәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
271
МӘДӘНИ ҖОМГА

25 Dec, 05:42

Рәфкатъ Шаһиев:
«Сакла, диләр туган телне...» ☝🏼

Сакла, диләр туган телне,
Сакла, алып китмәсеннәр.
Алып китеп берәр җирдә
Башын харап итмәсеннәр.
Саклап кына торып булмас,
Эш йөртергә кирәк гел дә.
Кулланмасаң коралны да
Тутык каплый якын көндә.
Белемне бит алган саен
Артып кына бара, диләр. Киң таралсын туган телем –
Өйрәнсеннәр башка илләр!
Шул чагында сакланыр ул –
Дәүләт теле итеп йөртик.
Өйдә генә авыз чайкап,
Почмак якка куып кертмик!
Башкалар да сокланырлык
Йөзек кашы итеп йөртик!

Тулырак: https://madanizhomga.ru/news/kykregemde-shigyir-utyim-saumyi/rafkatie-sahiev-sakla-dilar-tugan-telne-1735030080
264
МӘДӘНИ ҖОМГА

24 Dec, 18:26

Әмирҗан Моталлапов:
«Йөзә торган арба» 🥺

– Кече капкадан ипләп кенә кереп булмый идемени, Искәндәр абзыкай? Олы капканы нигә җимерергә иде?
– Яңарта белмәдең, югыйсә. Бу очта урамны ямьсезләп торучы әрхәрәй капка синеке генә. Оят кирәк сиңа, егет башың белән шушы өтәш капкаларны көн саен ачып-ябып йөрергә. Бичә ярәшкәч тә шушы капкадан алып керерсеңме? – дип, Искәндәр, сукрана-сукрана, егет янына якынлашты.
– Яңартырга кирәген бик беләм дә, рәт-чират юк шул әле. Чамадан килсә, әллә кайчан урыс капка утыртып куйган булыр идем, – диде Галиәкбәр…

Тулырак: https://madanizhomga.ru/news/dbi-skhif/amiran-motallapov-ioza-torgan-arba
278
МӘДӘНИ ҖОМГА

24 Dec, 12:12

Г.Камал театрында баручы “Гөргөри кияүләре” спектакленә (28 декабрь) ике билет уйнатабыз 😍

Конкурс "Мәдәни җомга" газетасының "Вконтакте" төркемендә бара:

https://vk.com/madani__zhomga?w=wall-172769170_13946
297
МӘДӘНИ ҖОМГА

24 Dec, 09:20

Данир Сабиров Әнгам Атнабаевның “Төш” дигән шигырен укый 🔥
207
МӘДӘНИ ҖОМГА

24 Dec, 07:36

Сельдерей сызлауны баса 📌

Буыннар сызлаганда, көненә 2-3 тапкыр 1-2 шәр чәй кашыгы сельдерей согы эчү файдалы. Яки 1 аш кашыгы уылган тамыразыкны 1 стакан кайнар суга салып, төреп, 4 сәгать төнәтәләр, сөзеп, көненә 3 тапкыр, ашарга 30 минут кала, 1 әр аш кашыгы кабалар. Яисә 1 аш кашыгы уылган тамыразыкны 1 стакан салкын суда 4 сәгать төнәтәләр дә, көненә 3 тапкыр, ашар алдыннан, 1 әр аш кашыгы кабалар. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
195
МӘДӘНИ ҖОМГА

23 Dec, 17:01

Ришат Төхвәтуллин Татарстанның халык артисты булды. Лаеклы бит?
231
МӘДӘНИ ҖОМГА

23 Dec, 16:31

Зинаида Захарова: «Елама, әни!» 😢

– Елама, әни, терелермен, мине врачлар терелтәчәк, – диде бала арбадан башын күтәрә төшеп. – Син елама гына. Бер җирем дә авыртмый, ишетәсеңме, әни, елама гына, яме?!
«Менә баламны чир нишләтте: алты яшьлек сабый олы кешеләрдәй фикер йөртә», – дип уйлап, күз яшьләрен тыярга тырышты ана.
 Арба артыннан барган кызы да сүзгә кушылды:
– Савыга Наил. Барыбыздан уздырып аттай чабып йөрер әле, менә күрерсең, әни! – диде, аны юатырга теләп.
– Бирсен Ходай, сүзләрең фәрештәләрнең амин дигән сәгатенә генә туры килсен иде, балам…

Тулырак: https://madanizhomga.ru/news/dbi-skhif/zinaida-zaxarova-elama-ani-1734941324
235
МӘДӘНИ ҖОМГА

23 Dec, 09:51

Лениза Вәлиева:
«Аккан суга сал да сагышыңны» 😌

Аккан суга сал да сагышыңны
Күңелеңә, имеш, тынгы иңсен
(Бу халәткә түзми ташар дәрья),
Яусыз бирел, язмыш кабат җиңсен.
Туктап калды гүя барлык җиһан –
Мәңгелек кыш килде дөньясына.
Саташыла, ахры, бертуктаусыз,
Телем-телем килеп йөрәк сыза.
Юк, бу нокта түгел, беләм юкса,
Яссылыклар буйлап күчеш бары.
Күшеккән җан җылы тапмас инде…
Учларымда эри апрель кары.
Күчәреннән алып, бәллүр дөньям
Тәкъдир үзе әллә атып бәрде.
…Өнме, төшме – яшь томаны аша
Рәшә генә гүя атам кабере.

Тулырак: https://madanizhomga.ru/news/kykregemde-shigyir-utyim-saumyi/leniza-valieva-akkan-suga-sal-da-sagysynny-1734941139
238
МӘДӘНИ ҖОМГА

23 Dec, 06:44

Баклажан дәвалый да 📌

Атеросклероз, эч кибү, симерү, шикәр авыруын дәвалау өчен, киптереп төелгән баклажан кабыгын көненә 3 тапкыр, ашарга 30 минут кала, 1 әр чәй кашыгы кабалар, артыннан кайнаган җылы су эчәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
235
МӘДӘНИ ҖОМГА

22 Dec, 15:33

Хәмид Вәлиди:
«АЛГА БАРЫШЛЫЙ...» 🤔

Әкиятләрдән укып белгәннәрне Тау ягында йөреп күрәсең. Киленнәре – аккош кебек булса, Әбиләре – ап-пак күгәрчен.

Бик беләсең килсә бабайларны, Алар – безнең мәгърур имәннәр!  – Җиргә күмеп... башны чапсагыз да, Чукынмыйбыз мәңге! – дигәннәр.

«Ак патша»ның ялчыларын сөйрәп,  Ат өстеннән җиргә органнар... Бу – мактану түгел, горурлану, Без – алардан туган оланнар!

Илдән-илгә язгы җилләр исә, Җил – хәбәр ул, җиңәр яңару. Киләчәккә барып җитәр өчен, Хәтерләрне кирәк яңарту.

...Төнне каулап яңа таң атуын, Айгыр Тау өстеннән күзәтәм. Чал Иделнең тын агымын түгел, Дулкынланган чагын үз итәм.

Тулырак: https://madanizhomga.ru/news/kykregemde-shigyir-utyim-saumyi/xamid-validi-cal-idelnen-tyn-agymyn-tugel-dulkynlangan-cagyn-uz-itam
250
МӘДӘНИ ҖОМГА

22 Dec, 12:31

Колмак сихәте 📌

Геморрой интектергәндә, 1 аш кашыгы кипкән колмак күркәсен 1 стакан суда 10 минут пешерәләр, суынгач, сөзеп, көн дәвамында вак йотымнар белән эчеп бетерәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
241
МӘДӘНИ ҖОМГА

22 Dec, 05:31

Без, без, без идек… 👏🏼

Әтнә районы – милли мәдәниятебезнең матур бер бизәге.

Әтнә үзешчәннәре Казаныбызга осталыкларын күрсәтергә килгәч, Г.Камал театрында булды бу истәлекле очрашу. Коллективлар күп. Башта фойеда, аннары сәхнәдә җырлап-биеп, башкала халкының күңелен ачтылар. Арада бер ансамбль дә бар иде. Сәхнәдә тантаналы чара башланганчы «Орчык бәйрәме»н күрсәттеләр һәм бик моңлы җыр­лаулары белән күңелгә кереп калдылар. Хәер, боларның ансамбль түгеллеген,  бер йодрык булып укмашып, дус-тату яшәүче Хөснетдиновлар гаиләсе икәнен соңыннан гына белдек...

Тулырак: https://madanizhomga.ru/news/gaila-ely/bez-bez-bez-idek
276
МӘДӘНИ ҖОМГА

21 Dec, 19:16

Рөстәм Миңнеханов мөрәҗәгате 🙏🏽
302
МӘДӘНИ ҖОМГА

21 Dec, 18:09

Җәлил хәзрәт Фазәлыев:
Авыл мәхәлләләренең бүгенге хәле 😏

Минем белән килешмәгән кешеләр гафу итсеннәр, ләкин: «Һәркемнең дин тотарга хокукы бар», дигән сүз бүген фәкать кәгазьдә генә. Чөнки ул матди яктан тәэмин ителмәгән. Берничә мисал. Менә минем белем алырга хокукым бар, мәктәпләр төзелгән, укытучылар куелган, табиблар шулай ук хезмәт хакы белән тәэмин ителгән. Ял итәргә хокук бирелгән, клублар бар. Айга бер тапкыр ачылмаганнарының да хезмәт хакы алучы хезмәткәрләре бар. Мин дин тотарга да хокук­лы. Әмма намаз укыйм дисәм, эш урыннарында, мәктәпләрдә, хастаханәләрдә андый урын юк. Кайбер авылларда йә мәчет юк, анысы булса – ягарына мөмкинлеге юк, йә имамы юк, имам булса, аңа түләргә акча юк. Чөнки бу…

Тулырак: https://madanizhomga.ru/news/an-avazyi/alil-xazrat-fazalyev-avyl-maxallalarenen-bugenge-xale
328
МӘДӘНИ ҖОМГА

21 Dec, 14:40

Г.Камал театрында баручы “Гөргөри кияүләре” спектакленә (28 декабрь) ике билет уйнатабыз 😍

Конкурс "Мәдәни җомга" газетасының "Вконтакте" төркемендә бара:

https://vk.com/madani__zhomga?w=wall-172769170_13946
308
МӘДӘНИ ҖОМГА

21 Dec, 10:30

Кан басымын төшерү 📌

Кан басымы югары күтәрелгәндә, аш алдыннан 1 чәй кашыгы укроп орлыгы ашап, артыннан су эчеп кую файдалы. Көннең икенче яртысында 20-30 тамчы сукыр кычыткан төнәтмәсе эчәргә була. Яисә 1 лимон һәм 2 әфлисунны кабыгы белән бергә иттарткычтан чыгарып, 500 грамм изелгән мүк җиләге, тәменчә бал яки шикәр кушалар да, суыткычта саклыйлар, иртән һәм кичен 1 әр аш кашыгы кабалар. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
300
МӘДӘНИ ҖОМГА

21 Dec, 07:03

Бар да яхшы булсын 🤲🏼
311
МӘДӘНИ ҖОМГА

20 Dec, 14:53

Рифкать Имаев: «Кышкы шигырь» 🎄🌬️

Кыш турында икән шигырь,
Нидән башларга сүзне?
Озаттык кызганмый гына
Йөдәткән елак көзне.
Язып тормыйм кар турында,
Кабатлау булыр тагы.
Куяннарның: «Кыш килде!» – дип,
Ап-ак тун кигән чагы.
Ә җиһанның шундый мәле:
Тирә-як калган бушап.
Тик балан тирбәлә җилдә
Кан тамчысына охшап.
Кышка кердек. Курыккан юк
Бер дә эшсез калудан.
Авылларда көн башлана
Кулга көрәк алудан.
Ап-ак дөньяга сокланып
Туа ал таңнар гына.
...Ник агарып бетә алмый
Безнең бу җаннар гына?!.

Тулырак: https://madanizhomga.ru/news/kykregemde-shigyir-utyim-saumyi/rifkat-imaev-kysky-sigyr
334
МӘДӘНИ ҖОМГА

20 Dec, 10:33

Чыршы күркәсе 📌

Организмнан артык тозны чыгару өчен, бер дәва курсына унбиш чыршы күркәсе кирәк. Кичтән бер күркәне термоска салып, өстенә 250 мл кайнар су коялар. Иртән ярты стакан төнәтмәне эчәләр, күркәсен ташлыйлар. Икенче көнне калган төнәтмәне эчеп бетерәләр. 1 ай шулай дәвалангач, 10 көн ял итәләр дә, тагын кабатлыйлар. 

Тулырак: http://madanizhomga.ru/news/ayga-kyryn-karama/aiga-kyryn-karama-14-20-dekabr
298
МӘДӘНИ ҖОМГА

20 Dec, 08:50

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
292
МӘДӘНИ ҖОМГА

30 Nov, 05:36

Марс Яһудин: «Миң» 🥺

Мич янындагы эскәмия өстендә, яңгыр шавына оепмы, карчыгының орчык моңына изрәпме, карт утыра. Аның үрә башлаган кәрзине, әнә тәгәрәп китәм, менә төшеп югалам дигәндәй, урманга алып барып адаштырылган песи баласы сыман югалып калган кыяфәттә, тезендә ята. Карт, карчыгы әйтмешли, «хыялланып» утыра: «Орчык бөтерелә. Аңа җеп чорнала. Вакыйгалар дисбесен күчәренә урый-урый, дөнья да шулай әйләнә микән? Шулайдыр. Кайчан гына әле бу карчык та бит учак өстендә биюче ялкынга бирмәс кыз булгандыр...»

Шулчак тәрәзә пыяласына лып итеп нәрсәдер килеп бәрелде. Картның күзләреннән томан пәрдәсе юылып төшкәндәй булды. Ул, «бу ни бу?» дигән сораулы караш белән, тәрәзәгә таба борылды. Һәм…

Тулырак: https://madanizhomga.ru/news/dbi-skhif/mars-iahudin-min-1732876171
42
МӘДӘНИ ҖОМГА

29 Nov, 15:58

Флёра Гыйззәтуллина:
«Егет күлгә кармак төшерә» 😌

Балык тота халык боз өстендә...
Март кояшы балкый боз ашап.
Балкысаң да, үксеп еласаң да,
Узачак ул гомер, узачак.
Ястык кебек калын бозны тишеп,
Егет күлгә кармак төшерә.
Март аенда туган ир-егетнең
Алтын балык керә төшенә.
Күл өстендә бозлар тиз эреми:
Дулкын бозны төпкә кагачак.
Күлләреңне күккә күчерсәң дә,
Яначак ул йөрәк, яначак.
Балык тотып, егет илһам ала,
Мин дә шул ук күлдән су алам.
...Газиз халкым!
Бигрәк назлы инде
Март аенда туган бу балаң!
Балык тота халык...
Бу халыкны
Еллар әле уйга салачак.
Алтыннарга тиңләп яратсаң да,
Калачак бу дөнья, калачак...

Тулырак: https://madanizhomga.ru/news/kykregemde-shigyir-utyim-saumyi/flera-gyizzatullina-eget-kulga-karmak-tosera-1732875971
109
МӘДӘНИ ҖОМГА

29 Nov, 10:41

Фоат Галимуллин: Батулла бабай дәресләре 🙏🏽

Дөньяда меңнәрчә телләр бар. Ни өчен шулкадәр күп? Җитмәгәнме, әйтик, изге дини китапларны төзергә ярдәм иткән берничә тел? Юк, җитмәгән. Телләрнең кайсын гына алып карасаң да, мөстәкыйль рәвештә оеша башлаган,  ихтыяҗ булганга барлыкка килгән. 

Нәрсәне дә булса күргәч, кешенең башында сорау туа: – «Бу нәрсә?» Шуны белергә теләвен ул иң әүвәл ниндидер хәрәкәтләр, ымлыклар белән белдерә. Тора-бара инде шул авазлар ярдәмендә генә дә бер-береңә ниләрнедер аңлату мөмкинлеге ачыклана башлый. Шуңа күрә иң элек кем, нәрсә сорауларына җавап булып килүче исем сүзләр барлыкка килә: су, балчык, таш, кояш, ай... Тора-бара бу нәрсәләрне...

Тулырак: https://madanizhomga.ru/news/an-avazyi/foat-galimullin-batulla-babai-dareslare
146
МӘДӘНИ ҖОМГА

29 Nov, 09:41

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
150
МӘДӘНИ ҖОМГА

29 Nov, 02:53

Зиннур Мансуров:
«Гамьле кырпак» 😌

Таныш зират аша үтеп барам,
күкне иңләп, тәүге кар төшә.
Бакчы, җирдә ак төс кара белән
аралашмас өчен карыша.
 
Аллаһ безгә бар(ы)сын биреп тора,
гамьгә якты өрер ямен дә.
«Күңел кошын ташлар басмый!» – диеп
тәкрар кылам Тукай янында.
 
Мондый көнне хәтта ялгыз чәүкә
тансык заттай үзенә карата...
Гомер буе туңган газиз җанның
каберенә җылы кар ята.
 
Бүген башта төрле уйлар кайный,
серләр килеп керә төштән дә.
...Таныш зират аша үтеп барам,
тып-тын гына кырпак төшкәндә.

Тулырак: https://madanizhomga.ru/news/kykregemde-shigyir-utyim-saumyi/zinnur-mansurov-gamle-kyrpak
193
МӘДӘНИ ҖОМГА

28 Nov, 14:39

​​#анонс
Мөфти Ризаетдин Фәхретдиннең 165 еллыгы уңаеннан «Фәхретдинов укулары»
Әлеге Бөтенроссия фәнни-гамәли конференция быел 10 нчы тапкыр оештырыла
Россия Федерациясе мөселманнары диния идарәсе тарафыннан оештырыла торган Фәхретдинов укуларының монысы «Җәмгыятьне агартуда һәм тәрбияләүдә дин әһелләре роле» дигән темага узачак.
◽Юбилей конференциясе мәшһүр татар дин галиме Ризаетдин Фәхретдиннең тууына 165 ел тулуга багышлана.
◽РФ мөселманнары диния идарәсе рәисе, мөфти шәех Равил Гайнетдин катнашында узачак чараларга Россиянең төрле төбәкләреннән Риза хәзрәтнең мирасын өйрәнүче галимнәр, яшь имамнар һәм теологлар киләчәк.
◽X Бөтенроссия фәнни-гамәли конференциянең эчтәлеге берничә сессия һәм түгәрәк өстәл сөйләшүеннән торачак:
- Ризаетдин Фәхретдин: тормышы, карашы һәм мирасы;
- Тәрбия, мәгариф һәм мәгариф эшендә мөселман дини институтлары;
- Яшь имамнар, теологлар һәм көнчыгыш белгече сессиясе.
Түгәрәк өстәл мәктәпкәчә яшьтә һәм мәктәптә рухи тәрбия сорауларына багышланачак.
◽Чарада РФ мөселманнары диния идарәсе матбугат чаралары –
30 ел дәвамында нәшер ителүче «Минбар Ислама» газеты белән 20 ел дәвамында 4 телдә чыгарылучы «Минарет Ислама» журналын тәкъдим итү дә булачак.
◽X Бөтенроссия фәнни-гамәли конференция - «Фәхретдинов укулары» быел 3 нче декабрьдә Мәскәүдә, Җәмигъ мәчетнең конференц залында узачак.

@DUMRF_TAT
178
МӘДӘНИ ҖОМГА

28 Nov, 12:14

Әлеге мизгелдә “Мәдәни җомга” газетасында түгәрәк өстәл бара. Кемнәрне таныдыгыз? ☺️
210
МӘДӘНИ ҖОМГА

28 Nov, 09:40

Җырчы Руслан Кирамутдинов концертына ике билетны Гөлзирә Харунова отты. Котлыйбыз 👏
226
МӘДӘНИ ҖОМГА

28 Nov, 07:24

Чия сихәте 📌

Салкын тигәндә, температура күтәрелгәндә, 500 г чияне 500 мл кайнар суда ярты сәгать төнәтәләр, җиләкләрен сытып, сөзәләр, көненә 3-4 тапкыр 0,5-1әр стакан эчәләр. Борыннан кан киткәндә, тире җәрәхәтләнгәндә, ваклап изелгән чия яфракларын ярага ябалар яки тампон кебек төреп борынга тыгалар. Уртлар  ялкынсынганда, ангина вакытында 1 аш кашыгы вакланган чия ботагы һәм яфрагын 1 стакан кайнар суга салып, сүрән утта 10-15 минут пешерәләр, 1 сәгать төнәтеп, сөзәләр. Шушы төнәтмә белән көненә 3-4 тапкыр авызны һәм тамакны чайкыйлар. Җенси көчсезлектән интеккән ир-атка көненә 1 стакан чия ашарга кирәк. Гемоглобины түбән булганнарга да чия - бик шәп дәва.

Тулырак: http://madanizhomga.ru/news/ayga-kyryn-karama/aiga-kyryn-karama-23-29-noiabr
231
МӘДӘНИ ҖОМГА

27 Nov, 14:26

Рәфкатъ Шаһиев: «Танырмынмы икән мин сине...» 🥺

– Әнкәй, бер сум гына бир әле?
Мең сумны шулай бер сум ди инде ул.

– Балакаем, кайдан алыйм соң?! Ипине дә хәергә җыелган акчага алып кайттым бит, – диде Нәфисә, карлыган җыйган җиреннән башын да күтәрмичә. – Ну, бир инде, әнкәй. Әле генә теге үзбәк Рәхимулла хатынына бер чиләк карлыган сатып җибәрдең. Бар бит инде синдә. Ренатның туган көненә барам, шуңа кирәк иде.

Нәфисә, чарасыз калып, иелгән башын күтәрде. Наил күзләрен мөлдерәтеп…

Тулырак: https://madanizhomga.ru/news/dbi-skhif/rafkatie-sahiev-tanyrmynmy-ikan-min-sine-1732698560
242
МӘДӘНИ ҖОМГА

27 Nov, 09:39

Луиза Янсуар: «О-ныт-мас-ка!» 😌

1
Алар өчен телең дә юк синең,
Илең дә юк...
Сүндер төшләреңне!
Яшьлек хыялыдай
Беркатлырак
Булганга, ул бик тиз өшәндеме –
Безнең ирек?
Очсызгарак төшеп
Югалттымы үз кадерен, затын?
Алар өчен
Без олтырак кына,
Дәверләрдә солтан булган халкым.
2
Кемнең тәхетенә әверелер
Яңа җан йөгерткән кирмәннәрем?
Әйтерсең, мин, кендек каным тамып,
Дөньясына хәтта килмәгәнмен...
Бик борынгы кояш асларында
Күпне күргән
Һәм бик күпне белгән. –
Мин, әйтерсең, бетмәгәнмен янып,
Әйтерсең, баш калкытмаган көлдән.
Оныт, диләр,
Кайсы кышлауда син
Чыккан идең соңгы кабат кышлап.
Тик онытма:
Кемгә тез чүктең
Һәм
Ант китердең,
Кемнән алдың бөят.
Әйтерсең, без булмаган да җирдә.
Әйтерсең, без – тамактагы сөяк.

Дәвамын укырга: https://madanizhomga.ru/news/kykregemde-shigyir-utyim-saumyi/luiza-iansuar-o-nyt-mas-ka
240
МӘДӘНИ ҖОМГА

27 Nov, 08:18

Уяу булу зарур 📌

Кардиологлар фикеренчә, 35 яшьтән соң һәр кеше артериаль кан басымын контрольдә тотарга тиеш – нәкъ шул яшьтә гипертония башлану ихтималы зур. Шунлыктан әледән-әле тикшеренергә: көндәлек табыннан майлы һәм холестеринлы ризыклар санын киметергә; тәмәкене ташларга; ябыгырга; физик активлыкны арттырырга кирәк. Кан тамырларын чистарту өчен, 5әр аш кашыгы нарат ылысы һәм суган кабыгын, 3 аш кашыгы гөлҗимешне 4 стакан суда кайнатып, җылы урында төн буе төнәтәләр, иртән сөзеп, көненә 3-5 тапкыр эчәләр, һәр порциягә 1 чәй кашыгы яңа сыгылган лимон согы кушалар. 

Тулырак: http://madanizhomga.ru/news/ayga-kyryn-karama/aiga-kyryn-karama-23-29-noiabr
232
МӘДӘНИ ҖОМГА

26 Nov, 15:14

Гөлнур Васыйлова: «Каенкаем - дускаем» 😢

Шифаханә. Тәрәзәләре төньякка, каен урманына карап торган бүлмәләрнең берсе – җиденчесендә авырып ятам. Гомер булмаганны, инде ай буе тәнем температурасы 37 дән төшми...

Хәлем җиңел түгел... Ятагымнан каеннарга карап уйланам. Инде ничә көннәр буе уңайсыз итеп, каерылып ятам икән. Шәфкать туташы кереп, туры һәм уңайлы итеп ятыгыз әле, дип кисәтеп чыгып китте. Минем каерылып, көйсез итеп ятуыма каеннар сәбәпче икәнен соңыннан гына төшендем. Каеннарның күземә ниндие туры караганын түгел, ә…

Тулырак: https://madanizhomga.ru/news/dbi-skhif/golnur-vasyilova-kaenkaem-duskaem
251
МӘДӘНИ ҖОМГА

26 Nov, 08:33

Ләбиб Лерон: «Кышкы көз» 😌

Кичәгедән юк бер аермасы:
Бүген дә шул яңгыр, шул ук кар...
«Көзме соң бу, кышмы?» – дигән сыман
Шомыраеп баскан шомыртлар.
Ничәмә көн карлы яңгыр ява...
Көз шәүләсе – Казан өстендә.
Кар яудырып, бер агартыйм, дисәң,
Җитмәс кебек хәтта өч көн дә.
Ничәмә көн шул ук бер күренеш.
Эңгер-меңгер. Суык. Җепшек кар.
Сыенышып, карт һәм малай килә.
Бозлы миләш чукый чыпчыклар...

Тулырак: https://madanizhomga.ru/news/kykregemde-shigyir-utyim-saumyi/labib-leron-kysky-koz
257
МӘДӘНИ ҖОМГА

26 Nov, 06:50

Кабак коймагы 😋

300 г чистартылган кабак, 1 стакан кефир, 2 йомырка, 5 аш кашыгы он, ярты стакан шикәр, бер чеметем ванилин, үсемлек мае кирәк. Кабакны уртача угычтан уалар. 30-35 градуска кадәр җылытылган кефирга шикәр һәм ванилин салып болгаталар, аннары он кушып туглыйлар. Йомырка сыталар, кабакны өстәп болгаталар һәм табада кыздыралар. Табынга каймак белән бирәләр. 

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
265
МӘДӘНИ ҖОМГА

25 Nov, 09:11

Рәдиф Гаташ:
«Аңлыйсыңмы икән, Яр, әллә юкмы...» 🥺

Аңлыйсыңмы икән, Яр, әллә юкмы Безгә чорның тубы төбәлгәнлекне? Халыкларга, Яшәүгә ата бу туп, Вата бүген Туган тел, Гүзәллекне. Кемгә генә янамый аның уты? –
Үчле хәтта шигырь җанына тикле. Тиз-тиз язам шуңа да газәлләрне, Сизәм: нидер, вакытмы инде чикле. Шик-шөбһәләр тулы хәтта Сөю дә, Яр, беләсең юкса: Гаташың ипле! …Хафизларга тиң булмаса бу диван, Дөнья тоткан көчләр, тик Сез гаепле!

Тулырак: https://madanizhomga.ru/news/kykregemde-shigyir-utyim-saumyi/radif-gatas-anlyisynmy-ikan-iar-alla-iukmy
304
МӘДӘНИ ҖОМГА

25 Nov, 07:39

Чыршы күркәсе 📌

Буыннарга утырган тозны чыгару өчен, 15 данә яшь, яшел төстәге чыршы күркәсен юып, кичтән термостагы 250 грамм кайнар суга салып калдыралар, иртән ач карынга эчәләр. Дәва курсы – 1 ай буе көнаралаш. 10-14 көн ял иткәч, кабатлыйлар. Шундый 3 курс үтү файдалы.

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
296
МӘДӘНИ ҖОМГА

24 Nov, 16:10

Җырчы Руслан Кирамутдиновның Казанда узачак концертына ике билет уйнатабыз 🔥

Конкурс “Мәдәни җомга” газетасының “Вконтакте” төркемендә бара 🤗

https://vk.com/wall-172769170_13692
226
МӘДӘНИ ҖОМГА

24 Nov, 12:58

Йолдызак - йөрәккә дәва 📌

Йөрәк авыртканда, 1-2 уч йолдызак (мокрица) үләнен ярты литр кайнар суда, яхшылап төреп, 6 сәгать төнәтәләр, көненә 3-4 тапкыр, ашарга 30 минут кала, яртышар стакан эчәләр. Дәва курсы - 2-3 атна. Атеросклероз булганда, 4 чәй кашыгы вакланган петрушка тамырын 300 мл кайнар суда 10 сәгать төнәтәләр, сөзеп, көненә 4 тапкыр, ашарга 30 минут кала, 1әр аш кашыгы эчәләр.

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
334
МӘДӘНИ ҖОМГА

24 Nov, 08:15

Сегодня День матери. Быть мамой – это огромное счастье и постоянный труд. С мамы начинается жизнь каждого человека. Её любовь – самая искренняя и сильная на свете.   
  
Әниләр көне белән котлыйм! Балаларыгызның уңышларына сөенеп, аларның кадер-хөрмәтен тоеп, сәламәтлектә, иминлектә яшәргә язсын!
198
МӘДӘНИ ҖОМГА

23 Nov, 15:22

Фирдәвес Зариф:
«ТУГАННАР» 😌

Ходай насыйп иткән күбебезгә
Ышанычлы якын туганнар.
Бер итәктә үскән ул һәм кызлар
Күптән инде гаилә корганнар.

Әнкәй тигез карый иде безгә,
Шелтәләде кайчак үз итеп:
«Бер карында яткан балалар сез,
Әрләшмәгез, тирәнгә китеп».

Аралашып, хәл белешеп торыйк,
Әле дә бар, диеп, туганнар.
Беркайчан да читкә тибәрмәсләр
Туганлыкның хакын тойганнар.

Бер-беренә һәрчак ныклы терәк
Авырлык килгәндә туганнар:
Уртак уй-теләкләр белән яшәп,
Шатлыкны бүлешә торганнар.

Тулырак: https://madanizhomga.ru/news/kykregemde-shigyir-utyim-saumyi/firdaves-zarif-duslyk-baiase-iugary-barsynnan-kyimmat-tora
253
МӘДӘНИ ҖОМГА

23 Nov, 06:36

Банан һәм анар кесәле 📌

Бронхиттан банан кесәле файдалы. 1 банан, 1 аш кашыгы шикәр, 200 мл су кирәк. Бананны изәләр, шикәр, кайнар су кушып, яхшылап болгаталар, капкач каплыйлар һәм 30 минут төнәтеп, эчәләр. Йөрәк авыртканда, анемия булганда исә  анар кесәле файдалы. 3 стакан анар согы, 40 г крахмал, 0,5 стакан су, тәменчә шикәр кирәк. Крахмалны салкын суда эретәләр. Сокны кайнарлатып, әкрен генә крахмал өстенә агызалар, тиз генә болгаталар, шикәр өстиләр, кайный башлауга, уттан алалар.

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
244
МӘДӘНИ ҖОМГА

22 Nov, 16:53

Равилә Шәйдуллина-Мурат:
«Иң зур югалтуым 55 ел элек булды» 😢

- Әти-әниләрегез иҗат белән бәйле кешеләр идеме?

- Юк. Әти яза да алыр иде, бик хисле кеше булды. Әнинең биш бала, мал-туар, йорт эшләре белән вакыты да булмагандыр. Гомумән, безнең нәселдә язучылар булмады. 

- Беренче тапкыр каләм алып, әсәр язарга сезне нинди очрак этәрде, беренче әсәрегезне хәтерлисезме? 

- Мин аны хәтерләмим дә бугай инде. Нәрсә дигән шигырь иде соң әле ул? Ә-ә, куян! Без куяннар үрчетә идек, алар…

Тулырак: https://madanizhomga.ru/news/shheslrebez/ravila-saidullina-murat-in-zur-iugaltuym-55-el-elek-buldy
274
МӘДӘНИ ҖОМГА

22 Nov, 10:57

Гарифҗан Мөхәммәтшин: «Кешеләргә аңлашырга, һай, күп кирәк...» 😏

Кешеләргә аңлашырга, һай, күп кирәк,
Берсен-берсе җиңел аңлый ике йөрәк.
Тик язмышның иң хәл иткеч мизгелендә
Йөрәк сүзен тыңлаучылар җирдә сирәк.
Андый чакта йөрәк һаман читтә кала,
Йөрәктәге хисләр тимер биктә кала,
Биктә калган изге хисләр кеше җанын
Гомер буе сүнми торган утка сала. 

Тулырак: https://madanizhomga.ru/news/kykregemde-shigyir-utyim-saumyi/garifan-moxammatsin-keselarga-anlasyrga-hai-kup-kirak
285
МӘДӘНИ ҖОМГА

22 Nov, 08:20

Чабыр шифа бирә 📌

Түбән кислоталы гастрит булганда, 1 аш кашыгы чабыр үләнен ярты стакан кайнар суга салып, бүлмә температурасына кадәр суыталар, ашарга ярты сәгать кала җылы килеш эчәләр. Пиелонефрит булганда, 1 аш кашыгы чабыр үләне һәм чәчәген 1 стакан кайнар суда 30 минут төнәтәләр, көненә 5 тапкыр 1әр аш кашыгы эчәләр. Катаракта булганда, коры үләнне порошок итеп төяләр, 100 г үләнгә 500 г бал кушып, сулы савыт эчендә 1 сәгать җылыталар, әледән-әле болгаталар. Суыткычта саклыйлар, көн саен йоклар алдыннан 1әр чәй кашыгы кабалар.

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
278
МӘДӘНИ ҖОМГА

22 Nov, 06:49

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
271
МӘДӘНИ ҖОМГА

21 Nov, 18:22

Габдулла Тукай исемендәге Татар дәүләт филармония концертлар залында Әлфия Авзаловага багышланган концерт узачак

Тулырак: https://madanizhomga.ru/news/v-respublike/gabdulla-tukai-isemendage-tatar-daulat-filarmoniia-koncertlar-zalynda-alfiia-avzalovaga-bagyslangan
458
МӘДӘНИ ҖОМГА

21 Nov, 08:40

Роберт Миңнуллин: «Махмыр...» 😌

Бар иде гаярь заманнар!
Ул чаклар безгә таныш.
Бөерләрдән чыга иде
Ул чакта безнең тавыш!
Күкрәкләр безнең киң иде,
Башлар югары иде…
Безнең ниятләребез дә
Изге, догалы иде…
Әлләкем булып тоелдык
Үзебезгә үзебез.
Эшләгән эштәй тоелды
Сөйләгән һәр сүзебез…
Матур гына башладык без,
Ләкин бик тиз ташладык:
Кунак җыйдык, мәҗлес кордык,
Эчтек тә без, ашадык…
Җиң сызганып, тирләп-пешеп,
Зур эшләргә керештек:
Сабантуйдан – Сабантуйга,
Аштан ашка йөрештек,
Биедек тә, җырладык та,
Туйладык та уйнадык.
Көн дә бәйрәм һәм көн дә туй
Булыр диеп уйладык…
Менә шулай…
Бәйрәмнәрнең
Чыга хәзер махмыры.
Ничек бетәсе билгеле
Махмырларның ахыры…
 
Тулырак: https://madanizhomga.ru/news/kykregemde-shigyir-utyim-saumyi/robert-minnullin-maxmyr
331
МӘДӘНИ ҖОМГА

21 Nov, 06:54

Ангинадан – канәфер 📌

5 канәфер кадагын төеп, 1 стакан кайнар сөткә салалар да, бераз суыткач, һәр йотымны озаклап авызда тотып, эчеп бетерәләр. Яисә 10 данә канәферне 250 мл кайнар суга салып, төнәтәләр һәм шуның белән көненә 4 тапкыр авызны чайкыйлар. Зарарлы бактерияләрне юк итү өчен, 1 канәфер кадагын кәнфит кебек суырырга кирәк, бүленеп чыккан селәгәйне йота баралар, туйдыргач, канәферне чәйнәп йоталар – ул эчтәге суалчаннарны да үтерә. 

Тулырак: http://madanizhomga.ru/news/ayga-kyryn-karama/aiga-kyryn-karama-16-22-noiabr
322
МӘДӘНИ ҖОМГА

20 Nov, 15:57

Айдар Хәлим:
«Кара төннең карасында» 😳

Минем сезгә моннан егерме-егерме биш еллар чамасы элек үзем белән булган вакыйганы сөйлисем килә.

Сентябрь башлары иде. Туган авылыма кайту уе белән Әкчиннән Миякәгә килеп төштем. Анда яшәп яткан ерак туганым Сабирҗан белән киленем Рәгыйдә бик теләп үзләренең «Запарай»ларында Кәркәлетамакка ук илтеп куярга булдылар. Көзгә кереп килгәндә, уҗым арышы чәчкән чорда була торган вак күзле яңгырга да (аларны бездә спас яңгырлары диләр) карамыйча – озын-озак уйлап тормыйча, авылга каратып юлга да чыктык. Әнәч авылының аргы очында, «хәзер туктыйм-хәзер туктыйм» дип иренеп кенә типченеп яткан Миякә инешен үткәч, егерме елдан артык күрмәгән…

Тулырак: https://madanizhomga.ru/news/dbi-skhif/aidar-xalim-kara-tonnen-karasynda
326
МӘДӘНИ ҖОМГА

20 Nov, 08:57

Рифат Җамал:
«Син киткәндә шундый горур идең...» 🥺

Син киткәндә шундый горур идең,
Әйтерсең лә сиңа мин тездән.
Шуңадырмы, җаның тоймады күк
Сагынасыңны мине бик тиздән.
Сагынырсың әле якты көндә
Минем чәчәкләрнең исләрен.
Кара төндә сине җылытырлар
Сиңа булган кайнар хисләрем. Сагынырсың минем кочагымны,
Җаның эреткән татлы назымны.
Сагынырсың минем белән булган
Һәр көнеңне, көзең, языңны.
Сагынырсың. Мин беләмен синең
Кайтасыңны киткән юлыңнан.
Кире кайтып, мине эзләрсең дә
Сагынырсың, җаным.
Мин булмам! 

Тулырак: https://madanizhomga.ru/news/kykregemde-shigyir-utyim-saumyi/rifat-amal-sin-kitkanda-sundyi-gorur-iden
306
МӘДӘНИ ҖОМГА

20 Nov, 06:35

Чөгендерле салат 😋

1 чөгендер, 1-2 кишер, 4 йомырка, 200 г төшсез кара җимеш, 150 г сыр, 100 г әстерхан чикләвеге, 2-3 бүлем сарымсак, майонез кирәк. Пешкән чөгендер, кишерне һәм алдан җебетеп куелган кара җимешне вак кына турыйлар. Сырны һәм пешкән йомыркаларны угычтан уалар. Чикләвекне пычак белән ваклыйлар. Сай тәлинкәгә башта чөгендер, аннары кара җимеш, кишер, йомырка, сырны катламлап җәяләр, һәр катлам өстенә уылган сарымсак  кушылган майонез сылап баралар. Иң өскә чикләвек һәм  туралган яшел укроп яки петрушка сибәләр.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
316
МӘДӘНИ ҖОМГА

19 Nov, 18:18

Зәңгәр кашлы көмеш алка 🥺

Аңа барысы да сәерсенеп карады. Эскалаторга керү юлында көлешеп торган сакчы егетләр дә Айдар Гаязовичны күргәч, кинәт җитдиләнеп, үрә каттылар. Казан метросы өчен ул «бик важный» һәм көтелмәгән, шул ук вакытта куркыныч та кунак кебек иде. Өстендәге көлсу пиджагы, чалбар балагыннан күренеп торган затлы түфли башлары, яңалыгын әле һаман искәртеп торучы әчкелтем күн исен җуярга да өлгермәгән юка портфеле дә метроның гадәти пассажирларыннан бик тә, бик тә үзгә иде аның. Дөрес, хәзер затлы кием белән берәүне дә шаккатыра торган заман түгел, әмма Айдар Гаязовичта тирә-юньдәге һәркемне сискәндереп, үзенә төбәлдерүче нәрсәдер бар. Ул…

Тулырак: https://madanizhomga.ru/news/dbi-skhif/zangar-kasly-komes-alka-1732002896
333
МӘДӘНИ ҖОМГА

19 Nov, 12:19

Фәйрүзә Исмәгыйлева: «Авылымда печән чоры» ☺️

Шушы чорда күңел нечкәрә –
Авылымда печән чоры бит.
Кыңгыраулар зеңләп авалар –
Болыннарда чалгы чыңы бит.
Әй, саумы сез, чатырлар ясап,
Печән саклап кунган болыннар!
...Күптән инде эш атлары булган
Бездәй чабып йөргән колыннар...
Үзебез дә бүтән инде без –
Аh, бу гомерләрнең үтүе! ...Йөрәк тибешенә кушылган
Әткәйләрнең чалгы чүкүе!
Бер моң булып күчкән күңелгә
Үлән шавы, кошлар тавышы.
...Ат күзенә сеңгән мәңгегә
Ул чакларның якты сагышы!
Йә килегез, ут тергезик бер,
Йолдыз алыйк әле күкләрдән!
Кайтавазы булып яшьлекнең
Балкып янсын әле үткәннәр!

Тулырак: https://madanizhomga.ru/news/kykregemde-shigyir-utyim-saumyi/fairuza-ismagyileva-avylymda-pecan-cory
330
МӘДӘНИ ҖОМГА

19 Nov, 10:15

Минск татарларыннан күп сәлам 👋🏼

Шамил Садыйков видеосы
307
МӘДӘНИ ҖОМГА

19 Nov, 09:08

Варикоздан – алма 📌

Кан тамырлары варикоз киңәйгәндә, уртача зурлыктагы өч алманы эмальләнгән кәстрүлдәге 1 литр кайнар суга салып, яхшылап төреп, җылы урында дүрт сәгать төнәтәләр. Аннары алмаларны суда килеш төяләр дә, сөзәләр. Иртән ач карынга һәм кичке аштан соң ике сәгать үткәч, 100 мл алма төнәтмәсен 1 чәй кашыгы бал белән эчәләр.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
215
МӘДӘНИ ҖОМГА

19 Nov, 06:47

Халидә Бигичева: “Хыялларым тормышка ашып тора”
(ВИДЕО) 😌

Тулырак: https://madanizhomga.ru/news/shheslrebez/xalida-bigiceva-xyiallarym-tormyska-asyp-tora
219
МӘДӘНИ ҖОМГА

18 Nov, 19:38

Прополис сихәте 📌

Кан тамырларын “начар” холестериннан чистарту өчен, көненә 3 тапкыр, ашарга 30 минут кала, 30 мл суга 7 тамчы 4 процентлы прополис төнәтмәсе салып эчәргә кирәк. Дәва курсы – 4 ай.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
241
МӘДӘНИ ҖОМГА

18 Nov, 16:03

Таякка калганнарны аяклы итәрбез 🥺

Буразнага йөзтүбән капланып, ике кулы белән билен тотып, яман ыңгырашып ятучы Мәрзыя янына әле генә мәктәптән кайтып кергән уналты яшьлек улы Малик йөгереп килде. Китап-дәфтәрләр тулы кара зәңгәр рюкзагын яшен тизлегендә иңеннән салып болдырга чөйде дә, әнисе янәшәсенә чүгәләде.

- Әни, нык авыртамы? Тагын билең “ычкындымы”ни? Аз гына түз инде, хәзер өйгә алып кереп яткырам. Бер сәгатьтән Духтыр Илдар абый эштән кайтып җитәргә тиеш. Аягыңа баса алмасаң, аны чакырып төшәрмен. Җан дустым Илдусның әтисе бит ул, гозерләп сорасам, кире какмас әле…

Тулырак: https://madanizhomga.ru/news/dbi-skhif/taiakka-kalgannarny-aiakly-itarbez
248
МӘДӘНИ ҖОМГА

18 Nov, 09:19

Ренат Харис:
«Алманың хушлашу сонеты» 😌

Мин иртәгә синнән китәрмендер –
үзәгемне нидер кимерә...
Ләкин белмим – кая төшәрмендер,
Җиргә төшсәм, аны җимерәм.
Шундый авыр бит мин!
Белми кем дә:
кайчан, кайда, ничек җыйганмын,
ботагыңда торып көн дә, төн дә,
авырлыгын бөтен җиһанның!
Ничек сынмыйсың син?
Аңлап китим!..
Нинди максат белән яшисең –
шул сереңне кабат җиргә илтим...
Миндәй алма синдә меңләгән...
Җир һәм кояш арасына бит мин
зерә үләр өчен менмәгән!

Тулырак: https://madanizhomga.ru/news/kykregemde-shigyir-utyim-saumyi/renat-xaris-almanyn-xuslasu-sonety
256
МӘДӘНИ ҖОМГА

18 Nov, 06:24

Йөрәккә дәва 📌

200 әр г йөзем, кара җимеш, күрәгә, әстерхан чикләвеген һәм 3 лимонны иттарткычтан чыгаралар, 250 г бал, даруханәдән алынган 1 әр шешә гөлҗимеш ширбәте һәм дүләнә төнәтмәсе кушып, яхшылап болгаталар да, карасу төстәге пыяла банкага салып, 10 тәүлеккә суыткычка куялар. Аннары көн саен ач карынга 1 әр аш кашыгы кабалар. Елына 2 тапкыр шулай дәвалану гипертония, ишемия, атеросклероз кебек авырулардан саклый.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
264
МӘДӘНИ ҖОМГА

17 Nov, 07:36

Өч бәхеткә ия Фәнис 👏🏼

Моң, дип, башка халыкта андый төшенчә юк, дип, сөйли-сөйли авыз суларын күп корытсак та, җыр мирасыбыз­ны саклау, халыкка тарату эшендә бик сүлпән кыймылдыйбыз кебек. Хәзерге очсызлы эстрадачылар дөньяны океандай биләп алган заманда әллә нигә бер оештырылган затлы концерт – бер нәни тамчы гына. Әнә, 90 еллыгы җитсә дә, мәшһүр җырчыбыз Илһам Шакировка да Казан уртасында әле һаман һәйкәл куйганыбыз юк. Башкалада аның рухын сак­лаган музей да тиз генә булмас шикелле. Җырчы сандугачыбыз Сара Садыйкова рухы да, кайчаннан бирле сөйләп тә, сынын бастырып куймавыбызга рәнҗеп ята, билгеле. Башка җырчыларыбызның исемен телгә алу да файдасыз. Мәшһүрләргә карашыбыз әнә шундый булгач...

Тулырак: https://madanizhomga.ru/news/shn/oc-baxetka-iia-fanis
288
МӘДӘНИ ҖОМГА

16 Nov, 12:36

Бишенче буында тел югала 🥺

Педагогик хезмәткәрләрнең конференциясе кысаларында Удмуртиядә «Россиянең бердәм белем бирү киңлегендә – туган телләр» дип аталган республикакүләм фәнни-гамәли семинар узды. Ана теле (удмурт, татар, мари) укытучылары Кузебай Герд исемендәге удмурт гимназиясенә җыелдылар.

Секция утырышында Юкамен районы Починки мәктәбенең татар теле укытучысы Мәрьям Яхья кызы Арасланова татар теле дәресләрендә һәм дәрестән тыш чараларда сөйләм телен үстерү алымнары һәм методлары белән уртаклашты. Аның чыгышын һәр татарга тәкъдим итәрлек.

«Сүземне укучымның шә­җәрәсеннән башлыйсым килә. Әлеге нәсел агачында кызыл төс белән татар телен яхшы белгән, ә зәңгәр төс белән рус телендә сөйләшкән буын билгеләнгән. Төсләрдән күренгәнчә, әлеге нәселдә бишенче буында телнең югалуы күренә. Тел юк икән…

Тулырак: https://madanizhomga.ru/news/kn-temasyi/bisence-buynda-tel-iugala
312
МӘДӘНИ ҖОМГА

16 Nov, 06:05

Халисә Мөдәррисова:
«Бер башы бит, бер башы!» 😌

Әйе, яшәр өчен ат кирәк. Кем белми аны? Яхшы ат булса, тагын да шәбрәк. Җигеп йөрергә атың булса, дәрәҗә инде! Моны Әхмәтгали бик яхшы аңлый. Шуңа да тормышыннан канәгать ул. Канәгать булмыйча, өйдә Сәлимәсе көтә, балалар канатланып, ояларыннан очып чыгып беттеләр, hәркайсының үз дөньясы, өй җылы, абзарда буаз сыер, кышлау күши, келәттә поши кадәр кышкылыкка суеп эленгән ике сарык түшкәсе өстенә дистәгә якын каз-үрдәк, бер читтәрәк җәйгә дип тозлап, өч литрлы ике банкага дыңгычлап тутырылган каз ите ымсындырып тора. Җәйге кичтә шул банкадагы бер-ике кисәк иттән пешкән, Сәлимә кискән токмачлы ашка әче катык катып, ике тәлинкә ашны «бөкләп» куйсаң, арулар бетеп китә. Шәп яши алар Сәлимәсе белән, мулдан. Эш кенә булсын! Атлы эш булсын. Ат – дөньяның тоткасы. Ат ашата. Арба төбендә…

Тулырак: https://madanizhomga.ru/news/dbi-skhif/xalisa-modarrisova-ber-basy-bit-ber-basy
314
МӘДӘНИ ҖОМГА

15 Nov, 18:28

Җырчы Руслан Кирамутдиновның Казанда узачак концертына ике билет уйнатабыз 🔥

Конкурс “Мәдәни җомга” газетасының “Вконтакте” төркемендә бара 🤗

https://vk.com/wall-172769170_13692
349
МӘДӘНИ ҖОМГА

15 Nov, 12:45

Канны чистарту 📌

Канны агулы матдәләрдән чистарту өчен, 3 атна буе мүк җиләге согы эчәргә кирәк. Беренче атнада – көненә 3 тапкыр, ашаганда, яртышар стакан; икенче атнада – көненә 2 тапкыр, өченче атнада – көненә 1 тапкыр яртышар стакан эчәләр. Яисә 400 г сарымсакны иттарткычтан чыгаралар, 800 мл лимон согы кушалар да, суыткычта саклыйлар. Көненә 1 тапкыр, ашаганда, 1 чәй кашыгы төнәтмәне 1 стакан суга кушып эчәләр. Әмма ашкайнату һәм бәвел бүлеп чыгару системалары авыруларыннан интеккән кешегә болай дәваланырга ярамый.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
366
МӘДӘНИ ҖОМГА

15 Nov, 08:41

Зиннур Мансуров:
«Мәңгелеккә елышу» 🥺

И-и, хәзер тәртәгә тибәрлек
хисапсыз төрдәге сәбәп бар.
Колакны бөтенләй тондырып
бетерде күкеле сәгатьләр.
Иртәнчәк йокыдан уянып,
аякка янәдән бас кына, –
һичкемгә буйсынмас минутлар
чүкечтәй суга күк башыңа.
Көннәрнең ашкынып узуы
җандагы кузларны көйрәтә. Күңелнең түрендә кыбырсып,
тиз-кызу агышлы көй ята.
Вакытның акчадай җитмәве
үзәккә үтәдер тәмамән!..
Ни өчен төшемә кергәли
бернинди сәгатьсез тәү заман?!
Әфсенгә бирелгән шикелле,
чабулап никадәр ел кичәм.
Фанилык каядыр ашыга –
Мәңгелек, мин сиңа елышам. 

Тулырак: https://madanizhomga.ru/news/kykregemde-shigyir-utyim-saumyi/zinnur-mansurov-mangelekka-elysu
341
МӘДӘНИ ҖОМГА

15 Nov, 06:53

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
579
МӘДӘНИ ҖОМГА

14 Nov, 14:45

Физәлия Дәүләтгәрәева:
«Әни, су бир» 😢

Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: "Әбекәй, кызыгыз терелде. Бүген аны өйгә алып кайтып китәрсез", - дияр кебек. Тик юкка көтә шул Зәйнәп әбекәй. Кызы Айсылуның юл һәлакәтенә очрап монда эләгүенә икенче атна китте. Ләкин хәле хәл түгел. Икенче атна инде үлем белән борыша. Бердәнбер кызының…

Тулырак: https://madanizhomga.ru/news/dbi-skhif/fizaliia-daulatgaraeva-ani-su-bir-1731567876
276
МӘДӘНИ ҖОМГА

14 Nov, 10:32

Арка авыртканда 📌

Буыннар, бил, арка авыртканда, яртышар чәй кашыгы каен һәм нарат җиләкләре яфрагын 1 стакан суда 2-3 минут кайнаталар, 30 минут төнәткәч, сөзәләр, көн буена әкренләп эчеп бетерәләр.

Тулырак: http://madanizhomga.ru/news/ayga-kyryn-karama/aiga-kyryn-karama-9-15-noiabr
276
МӘДӘНИ ҖОМГА

14 Nov, 07:34

Шәмсия Җиһангирова:
«Мин музейда кебек өемдә...» 😌

Мин музейда кебек өемдә –
Әйберләр актарам бүген дә.
Менә иремнең төргәкләре:
Чалбар, галстук, күлмәкләре...
...Чүпрәкләр бар, кеше генә юк!
...Ә бусы – каенанам күлмәге.
Үзе тегәр иде элгәре.
Һәр күлмәккә аерым муенса,
Бер сүз белән әйтсәк – модница!
...Юк каенатамнан һичбер нәрсә,
Каберләре генә янәшә.
...Менә – әнкәемнең яулыгы,
Тәсбихы, намазлык, Коръәне.
Һәм үзе теккән бер күлмәге –
Тегә иде бөтен авылга,
Үзенә күп күлмәк текмәде.
Һәм берсен дә алып китмәде...
Өч-дүрт күлмәк – бөтен барлыгы.
Һәммәсен дә «монда» калдырды.
Хәтерләмим көяз булганын,
Көзге каршысында торганын.
...Чүпрәкләр бар, кеше генә юк!
...Беркөн килеп, минем балалар
Минем әйберләрне барларлар.
«Нигә җыйган?!» – диеп, шаккатып,
Беришесен утка ягарлар.
Беришесе китәр чүплеккә –
Чүпрәккә соң кемнең ис китә?!

 
Тулырак: https://madanizhomga.ru/news/kykregemde-shigyir-utyim-saumyi/samsiia-ihangirova-min-muzeida-kebek-oemda-1731492884
281
МӘДӘНИ ҖОМГА

13 Nov, 16:45

“Нәсимә” 😢

Быелгы кыш бураннары белән үзәккә үтте. Төнлә улаган җил тавышы уйларны еракларга алып китә. Күңеле белән әле яшьлегенә, әле балачагына кайта Нәсимә. Ялгыз калганнан бирле табигатьнең авыр көннәрен ныграк сизә ул. Аяклары сызлый Нәсимәнең. Таякка таянып йөргәненә дә инде ике дистә елга якын. Таяк кына да түгел, таяклар, ике кулында ике таяк. Галиулласы исән чагында мал-туар асрап яшәделәр, тормышлары мул иде. Ялгыз башка калгач әкренләп малларын киметте Нәсимә, хәзер инде тавык-кошны  карарга да  күрше килене булыша. Суны да ул китерә, башка бик күп эшләргә дә ярдәмләшә. Балалары булмады аларның. Ире...

Тулырак: https://madanizhomga.ru/news/dbi-skhif/nasima
274
МӘДӘНИ ҖОМГА

13 Nov, 10:28

Эремчек ясау 😋

3 литр сөтне кайнатырга куялар. 2 йомырка, 2 аш кашыгы манный, 5 аш кашыгы 9 процентлы серкәне кушып болгаталар да, кайнап чыга язган сөткә салалар, болгатып торалар. Эремчек сөттән аерыла башлагач, сүндерәләр дә,  шул суында суыткач, сөзәләр.

Тулырак: http://madanizhomga.ru/news/ayga-kyryn-karama/aiga-kyryn-karama-2-8-noiabr
271
МӘДӘНИ ҖОМГА

13 Nov, 07:12

Булат Ибраһим:
«Иртә йә соң барыбер китәсе» 🥺

Бу тормышны тукта сөюеңнән, Иртә йә соң аннан китәсе.
Һәм кем белгән салкын кыш аеның Ни китерер әле иртәсе. «Дөнья матур» диеп мин әйтмәдем,
Ә Такташка шулай тоелган.
Ап-ак карлар утлы күмер кебек Бизәк ясап җанга уелган.
Һәм кайдадыр тәндә, бик тирәндә, Без үзебез яшибез кебек.
Әнкәй (о)заткан кышкы карлы юлдан,
Без йөрибез бары җил кебек. Әнкәй, әнкәй!
Без кар кебек салкын,
Кимсетергә әзер киемсезне.
Мин үзем дә шундыйрак бер ятим, Утка атыр идем үзебезне.
Утка атыр идем бу тормышны, Тизрәк туса әгәр иртәсе.
Сөткә канны бутап язып куйдым: «Иртә йә соң барыбер китәсе».

Тулырак: https://madanizhomga.ru/news/kykregemde-shigyir-utyim-saumyi/bulat-ibrahim-irta-ia-son-baryber-kitase
273
МӘДӘНИ ҖОМГА

12 Nov, 19:00

Тәлгат Галиуллин: «И, карак...» 🥺

Кайнар мич янында маташкан Зәйнәп ханым «җомга көнне Рәфигым мәктәптән бу вакытта кайта торгание», дип уйлап та өлгермәде, көткән кешесе, ишекне хуҗаларча киң ачып, язгы җил ташкынын ияртеп, үзе пәйда булды. Кулындагы табагачын сөяп куеп, ана, тәүге кат күргәндәй, карашы белән улының буй-сынын иңләп алды. Кай арада ялгыз үскән нарат кебек буйга күтәрелгән, ныгыган, әле күптәнме соң, башлангыч мәктәпне тәмамлагач, абзарга керергә карышып интектергән үгез кебек, укуын дәвам итәргә теләмәгәч, атасының «кәтүк Мидхәт малае кебек гомер буе науыз изеп яшәрсеңме», дип әрли-әрли укырга озатканы бүгенгедәй хәтерендә. Борыны тозлы суга артык юмарт малае тугызынчы сыйныфны тәмамлаганда…

Тулырак: https://madanizhomga.ru/news/dbi-skhif/talgat-galiullin-i-karak
279
МӘДӘНИ ҖОМГА

12 Nov, 11:16

Күзне “сыйлау” зарур 📌

Күз күреме начараймасын өчен, дөрес туклану  мөһим. Көн саен күрәгә яки өрек, как яки йөзем,  кишер яки кабак ашарга тырышу зарур. Петрушка,  укроп, яшел суган, кукуруз да бик файдалы. Эчемлекләрдән яшел чәйгә, дүләнә төнәтмәсенә өстенлек бирергә кирәк.  Иң әйбәт иртәнге аш исә – уылган кишергә каймак яки үсемлек мае сибеп ашау.

Тулырак: http://madanizhomga.ru/news/ayga-kyryn-karama/aiga-kyryn-karama-2-8-noiabr
288
МӘДӘНИ ҖОМГА

12 Nov, 06:51

Вакыйф Нуриев:
«Ни хәлең бар, балам?..» 🥺

«Сиңа килдем. Хәлеңне белергә килдем. Иминлекме? Рәхмәт, сиңа! Быел да чыдадың, түздең. Күпме йөк күтәрергә туры килде үзеңә. Йөк түгел, уңыш ул. Икмәк бит ул! Байлык-муллык, шатлык-куаныч, өмет-ышаныч бит ул! Безнең кебек авыл кешесенең теләк-хыялы, максат-омтылышы, тормышның асылы-мәгънәсе. Горурланам синең белән! Ничәмә-ничә ел тонналарны «эһ» тә итми күтәрәсең. Ыңгырашмыйсың, зарланмыйсың, көйсезләнмисең. Минем дә авылдашларым алдында йөзем ак. Тиздән Уңыш бәйрәме булыр. Уракта шәп эшләгәннәрне мактарлар, бүләкләрләр. Синең белән мине телгә алучы да булмас. Борчылма. Икмәк өчен көчебез кергәнгә куанып яшик.

Тулырак: https://madanizhomga.ru/news/dbi-skhif/vakyif-nuriev-ni-xalen-bar-balam
292
МӘДӘНИ ҖОМГА

11 Nov, 16:08

“Мәдәни җомга” газетасының яңа баш мөхәррире Ләбиб Леронны тәкъдим итү мизгеленнән бүгенге көн фотосы ☺️👏🏼
2,361
МӘДӘНИ ҖОМГА

11 Nov, 08:38

Ризәлә Исмәгыйлева:
«Әни теләкләре» 🥺

«Ни хәл, әни!» – диеп шалтыратсаң,
Син әйткәнне ишетми дә сыман. Изге теләкләрен тезеп китә, Җитәкләгән чактагыдай кулдан. Кайчагында әйтәм дигән сүзем Әйтелмичә эленепләр кала. Сизгер ана һаман теләк тели: «Раббым үзе ярдәм итсен, бала!» Кайбер чакны үпкәлисе килә, Тыңламый да бугай диеп мине. Бер теләге – дөнья бәһаседер! «Амин!» – диеп кенә тыңла, тиле! Адым саен теләк тели әни!
Кабул була бара әйткән бере!
Әни сүзе бала өчен – калкан, Әйтеп аңлатмаслык тормыш сере! Бертуктаусыз теләк тели әни.
Һәр теләге – ачылачак бөре!
Гөлгә төрик дисәк киләчәкне, – Хәер-фатихасын алып калыйк! Үткәннәргә кайтып булмас кире…

Тулырак: https://madanizhomga.ru/news/kykregemde-shigyir-utyim-saumyi/rizala-ismagyileva-ani-telaklare
334
МӘДӘНИ ҖОМГА

11 Nov, 06:31

Бүген шагыйрь, “Мәдәни җомга” газетасының яңа баш мөхәррире Ләбиб Леронның туган көне. Ихлас күңелдән эшендә уңышлар, гаилә иминлеге теләп калабыз 💐
302
МӘДӘНИ ҖОМГА

29 Oct, 15:53

Гөлүсә Батталова: «Кара көз» 😌

И с каждой осенью я расцветаю вновь...
А.С.Пушкин
 
Кара көз... Ябылып дөньядан,
Каһвәгә тапшырам кәефем.
Ноктасы булмаган уйларның
Хәрефкә аерам хәрефен.
 
Кара көз... Мендәргә баш куеп,
Төшләрне сиплисе иде лә...
Чарасыз ялангач җанымны
Ничекләр мамыкка төрергә?!
 
Кара көз... Күкләрнең кургашы
Каныңа кич-иртә тамганда,
Ни мәгънә үзеңнән качуың
Ышанып юп-юка юрганга?!
 
Кара көз... Мендәре, каһвәсе –
Акылның калканы, имештер...
Мин – көчле, дигән дә кайчандыр
Бер үлеп алырга тиештер!
 
Кара көз... Сүз буар дөньяны:
Ул инде бөтенләй тилергән!
Мин шулай һәр көздә үләм дә,
Һәр көздә яңадан тереләм!
 

Тулырак: https://madanizhomga.ru/news/kykregemde-shigyir-utyim-saumyi/golusa-battalova-kara-koz
122
МӘДӘНИ ҖОМГА

29 Oct, 07:34

Иммунитетны ныгыту 📌

Организмның авыруларга каршы торучанлыгын арттыру өчен, ярты килограмм изелгән мүк җиләге, 1 стакан чистартылган әстерхан чикләвеге, шакмаклап туралган 2-3 яшел алманы кәстрүлдәге ярты стакан суга салып, ярты килограмм шикәр өстиләр, сүрән утта кайнатып чыгаралар. Банкаларга тутырып, суыткычта саклыйлар, иртән һәм кичен 1 әр аш кашыгы кабалар. Яисә ярты литр суга 250 грамм вак туралган суган, 200 грамм шикәр салып, сүрән утта сәгать ярым кайнаталар, суынгач, 2 аш кашыгы бал өстиләр, сөзеп, пыяла савытта суыткычта саклыйлар. Көненә 3-5 тапкыр 1 әр аш кашыгы кабалар.

Тулырак: http://madanizhomga.ru/news/ayga-kyryn-karama/aiga-kyryn-karama-26-oktiabr-1-noiabr
154
МӘДӘНИ ҖОМГА

28 Oct, 16:46

Айсылу Хафизова:
«Язларымда кайтырсың» 😢

– Булат, синең трактор йөртеп караганың бармы? – диде кыз, күзләрен киң ачып.
 – Ничек булмасын инде, син нәрсә! – дип җавап бирде малай, үзенең гомерендә  тракторга утырып караганы булмаса да.
– Шә-ә-ә-п, – дип куйды кыз.
– Камилә, кара әле, сиңа соравым бар иде.
– Әйе, тыңлыйм.
– Ничек уйлыйсың, сугыш башланса, мин йөземә кызыллык китермичә, Ватанны саклый алыр идемме икән?

Тулырак: https://madanizhomga.ru/news/dbi-skhif/aisylu-xafizova-iazlarymda-kaityrsyn-1730104738
196
МӘДӘНИ ҖОМГА

28 Oct, 09:04

Ләбиб Лерон: «Кояшсыз көз» 🥺

Кояшсыз көз. Томан.
Пыскып-пыскып,
Әллә шәфәкъ, әллә көн яна...
Ак һәм кара тәмам буталышты –
Хәтәр заман килде дөньяга.
Кояшсыз көз. Болыт.
Күзне кисеп,
Әллә төтен, әллә көн ява...
Адәм балалары буталышты –
Хәтәр заман килде дөньяга.
Кояшсыз көз. Салкын.
Дертләп-дертләп,
Әллә гомер, әллә төн ага...
Хәсрәт белән шатлык буталышты –
Хәтәр заман килде дөньяга.
Кояшсыз көз. Курку.
Сүнеп-сүнеп,
Әллә өмет, әллә ил яна...
Ялган белән яман буталышты –
Хәтәр заман килде дөньяга.
Гел-гел болай булмас дөньякайлар,
Кояшлы яз килер бер вакыт...
И Аллаһым, кансыз бәндәләргә,
Мәнсез мәхлукларга бир акыл!

Тулырак: https://madanizhomga.ru/news/kykregemde-shigyir-utyim-saumyi/labib-leron-koiassyz-koz
204
МӘДӘНИ ҖОМГА

28 Oct, 06:01

Иммунитетны ныгыту 📌

Ай буена көн саен 5-6 әстерхан чикләвеге ашау  иммунитетны ныгыта.  Яисә 2 аш кашыгы чыршы ылысын кәстрүлдәге 1 стакан кайнар суга салалар, капкачын ябып, 10 минут кайнаталар, 30 минут төнәткәч, сөзәләр, ике-өчкә бүлеп, көн буена эчеп бетерәләр. Организмны мүк җиләге, балан, кара карлыган, чия, җир җиләгеннән кайнаткан компот та ныгыта, аны көн саен яртышар литр эчәргә кирәк. 

Тулырак: http://madanizhomga.ru/news/ayga-kyryn-karama/aiga-kyryn-karama-26-oktiabr-1-noiabr
191
МӘДӘНИ ҖОМГА

27 Oct, 16:32

Актанышта әдәбият бәйрәме ☺️

Актаныш районы мәктәпләрендә ел саен Татарстанның халык шагыйре, атаклы юмор һәм сатира остасы Гамил Афзал истәлегенә багышлап, укучылар арасында иҗат конкурсы гөрләп уздырыла.

Соңгы елларда әлеге конкурска күршедәге Мөслим, Сарман, Минзәлә генә түгел, шактый еракта булган Казан, Саба, Мамадыш, Теләче, Әгерҗе районы мәктәп балалары да үзләре иҗат иткән шигырьләр, парча, нәсер, хикәя, хәтта драма-комедияләре белән дә катнаша башлады. Әлбәттә, 3-4 яки 6-7 сыйныф укучылары иҗат иткән тәүге хикәя йә шигырьләр иртәгә үк күмәк җыентыкларда бастырып чыгарырдай дәрәҗәдә камил дә түгелдер. Ләкин…

Тулырак: https://madanizhomga.ru/news/kn-temasyi/aktanysta-adabiiat-bairame
210
МӘДӘНИ ҖОМГА

27 Oct, 06:08

- Күчемсез милек белән шөгыльләнгәнегез турында укыдым. Хәзер ул өлкәдә эшлисезме?

- Әлегә юк. Башларга дип уйлап торам. 17 ел күчемсез милек белән бәйле фирмам эшләп килде. Мин аны узган елны яптым. Чөнки ике арада калдым. Йә фирма, йә блогерлык эше. Ике әйберне дә берьюлы алып бару мөмкин түгел. Монда көн дә видео төшерергә, язылучылар белән аралашырга кирәк. Ә фирма эшендә – суд, фатир сатып алу һ.б. күчемсез милек белән бәйле сораулар.

- Фирманы ябырлык булгач, блогерлык эше күбрәк керем китерәме?

- Әйе, күбрәк китерә. Фатир сатып алу кыйммәтләнде. Ипотеканың процентлары нык артты. Хәзер кеше…

Тулырак: https://intertat.tatar/news/aliya-salavatova-kiyauda-bulmadym-yas-vakytta-ziraklek-itmagan-xazer-axmaklyk-itmi-5869044
221
МӘДӘНИ ҖОМГА

26 Oct, 16:33

Фирдәүсә Бикмәтова:
«ИСӘН УЛ...» 😢

Менә хәзер ишек ачылыр да, Әни керер кебек җил-җил атлап. Түтәлләрен бераз уташтырып, Тавык-чебешенә җим ташлап.

Табагачын мичкә терәп куйган, Чиләгенә салган тамгасын. Чәйнегендә чәе җылы әле, Мич алдында тора табасы.

Дисбеләрен җайлап чөйгә элгән, Намазлыгын төргән хәстәрләп, Күзлеген дә ипләп кына куйган, Ята гәҗитләре өстендә.

Бөтен нәрсә – әни истәлеге, Бар нәрсә дә монда урынлы. Исән әни... Ник соң бертуктаусыз Хәсрәт тора тырнап карынны?

Күлмәкләре әнә ничә дистә, Яулыклары күпме сандыкта! Бәясе дә алынмаган икән, Карамаган, ахры, алып та.

Ул бәйләгән җылы оекбашлар Көткән капчыгында хуҗасын. Алыйм әле берсен истәлеккә, Саклап тотыйм, кимим – тузмасын. 

Тәрәз төбе саен чәчәкле гөл. Боекканнар... Кылыйм ни чара? Тамчылы гөл әни төсе иде... Башын игән, сулып, бичара.

Тулырак: https://madanizhomga.ru/news/kykregemde-shigyir-utyim-saumyi/firdausa-bikmatova-iullarnyn-utelde-tary-kine-da-synaunyn-torlesen-kutardem-inemda
247
МӘДӘНИ ҖОМГА

26 Oct, 11:30

Күрәгәле кишер күптермәсе 😋

3 кишер, 1әр стакан шикәр һәм күрәгә, ярты стакан кефир, стакан ярым он, 5 грамм сода, серкә, ванилин кирәк. Кишерне вак угычтан уып, өстенә шикәр сибәләр, шуңа серкә белән сүндерелгән сода кушып, болгаталар да, ярты сәгатькә суыткычка куялар. Аннары кефир, он, ванилин өстәп, камыр туглыйлар, туралган күрәгәне кушалар. Атланмай белән майланган табага агызып, 180-200 градуслы газ мичендә пешерәләр. Суынгач, шикәр оны сибәләр.

Тулырак: http://madanizhomga.ru/news/ayga-kyryn-karama/aiga-kyryn-karama-19-25-oktiabr
255
МӘДӘНИ ҖОМГА

26 Oct, 07:20

Гәүһәр Хәсәнова: «Кайту» 🥺

– Килгәнеңә үкенмисеңме? – Ул игътибар белән күзләремә карады, мин дәшмәгәч, кабат сорады:
– Син канәгатьме?..
Ләкин башымда, күңелемдә соңгы көннәрдә купкан өермәне мин берничек тә «канәгать» яки башка бер сүз эченә сыйдыра алмас идем.
– Миңа рәхәт. Мине монда язмыш үзе алып килде. Бу миңа күптән кирәк булган. Ләкин моны аңламыйча яшәгәнмен...
Ул талпынып алды, күрәсең, кулымнан тотмакчы булды, ләкин үзен тыйды.
Яшел күзләре белән генә гүя сыйпап алды...
Алда, офыкны каплап, таулар өелеп тора. Иң артта…

Тулырак: https://madanizhomga.ru/news/dbi-skhif/gauhar-xasanova-kaitu
246
МӘДӘНИ ҖОМГА

25 Oct, 18:19

Шәфикъ Иматдинов:
«Авылда, печәнлектә» 🫣

Төнге авыл. Төнге тынлык.
Айның яктысы төшкән.
Җем-җем килеп күзен кыса
Йолдызлар төмсә күктән.
 
Мин ялгызым түгел икән –
Сарыла төнге сагыш.
Йөрәгем уттай янганга,
Уяндым, ахры, ялгыш.
 
Җил дә йокламый, күрәсең,
Башымнан сыйпап үтте.
Әллә нигә бер сәбәпсез
Йөрәгемне җилкетте.
 
Төнге авыл. Сәер тынлык.
Якын иптәшем – сагыш...
Авыл ялгыз, авыл ятим,
Этләр дә өрми ялгыш...

Тулырак: https://madanizhomga.ru/news/kykregemde-shigyir-utyim-saumyi/safikie-imatdinov-avylda-pecanlekta
398
МӘДӘНИ ҖОМГА

25 Oct, 13:06

Лилия Муллагалиеваның юбилей концертына ике билетны Резеда Мөхәметдинова отты. Котлыйбыз👏
290
МӘДӘНИ ҖОМГА

25 Oct, 11:54

Җомга мөбарәк булсын 🌙

“Мәдәни җомга” газетасының яңа саны басылып чыкты 💥

Язылу индексы – П2355
270
МӘДӘНИ ҖОМГА

25 Oct, 10:42

Сәламәтлек эликсиры 📌

Анар согын әледән-әле куллану вегетатив-кан тамырлары дистониясе һәм гипертония булганда кан басымын нормальләштерә, стресстан саклый, җенси дәртне арттыра. Көн саен 1 стакан анар согы эчү йөрәк авыруларыннан саклый һәм ДНК дәрәҗәсендә картаю процессын әкренәйтә ала.

Тулырак: http://madanizhomga.ru/news/ayga-kyryn-karama/aiga-kyryn-karama-19-25-oktiabr
273
МӘДӘНИ ҖОМГА

24 Oct, 19:38

ИРТӘГӘ НӘТИҖӘ ❗️❗️❗️

Лилия Муллагалиева концертына ✌🏼(ике) билет уйнатабыз 🔥

Конкурс "Мәдәни җомга" газетасының "Вконтакте" төркемендә бара

https://vk.com/wall-172769170_13338

🫶🏼
322
МӘДӘНИ ҖОМГА

24 Oct, 17:42

БРИКС Кремль диварларында: казанлыларны саммит хөрмәтенә утлы шоу карарга чакыралар ☺️

Тулырак: https://madanizhomga.ru/news/v-respublike/briks-kreml-divarlarynda-kazanlylarny-sammit-xormatena-utly-sou-kararga-cakyralar
312
МӘДӘНИ ҖОМГА

24 Oct, 08:34

Рифкать Имаев: «Көзге халәт» 😌

Урман юлы, сары яфрак –
Атлыйбыз сүзсез генә.
Алтын яфрак төшеп ята
Тын гына эзебезгә.
Кайлардадыр җилләр исә,
Таң ата безсез генә.
Урман юлы, сары яфрак –
Атлыйбыз сүзсез генә.
Чал урман күк сабыр гына
Керәбез көзебезгә.
Без – көзләрдә, көзләр – бездә –
Аңлыйбыз үзебез дә.
Әйтеләсе әйтелгәндер,
Калмаган сүзебез дә.
Кояш байый, көзге кояш
Сагышы күзебездә.
Игътибарлырак булыгыз,
Күрерсез үзегез дә.
Алтын яфрак явып калды
Тын гына эзебезгә.

Тулырак: https://madanizhomga.ru/news/kykregemde-shigyir-utyim-saumyi/rifkat-imaev-kozge-xalat
338
МӘДӘНИ ҖОМГА

24 Oct, 06:31

Тырнакны май ныгыта 📌

Организмга кремний, тимер, кальций җитмәгәндә, тырнаклар катламлана, сынучанга әйләнә. Шунлыктан кремнийга (кузаклы фасоль, салат, банан, петрушка, карлыган), тимергә (йомырка сарысы, сыер ите, бавыр, чөгендер, борчак, ногыт борчагы, кипкән җиләк-җимеш), кальцийга (сыр, эремчек, чикләвек) бай ризык ашарга киңәш ителә. 1 чәй кашыгы зәйтүн маена берничә тамчы лимон согы тамызалар да, тырнакка сөртеп, киҗе-мамык перчатка киеп, йокларга яталар, 1 ай буе шулай дәваланалар. 1 литр җылы суда 1 аш кашыгы диңгез тозын эретеп, кулларны шуңа тыгып, 5-7 минут утыру да файдалы. Атнасына 3 тапкыр дәваланырга кирәк, 10 тапкырдан соң уңай нәтиҗә күренәчәк. Чын балавызны бераз эретеп, кич тырнакка сылап киптерәләр дә, иртәнгә кадәр калдыралар. 

Тулырак: http://madanizhomga.ru/news/ayga-kyryn-karama/aiga-kyryn-karama-19-25-oktiabr
325
МӘДӘНИ ҖОМГА

23 Oct, 15:13

Илсөяр Иксанова: «Әтигә» 😌

Көлемсерәп карап торуыңны
Күз алдымда тотам өн кебек. Синсез гомер бармак арасыннан Саркыган да киткән ком кебек. Бозлы йөрәкләрне эретердәй Җылы иде, әти, күңелең. Күзләреңә зәңгәрлеге сыйган Балачакның гәүһәр күгенең. «Аһаһайлап», хуплап чөяр идең Һәр гамәлне, күккә күтәреп. Ягымлы сүз белән очындырып, Күңел түрләренә үтәрлек.
Тау башына басып җырлаганда, Йолдызлы юл миңа юрадың. Җырчы булмасам да... иңнәремдә Йолдызларның йөрттем зурларын. Чандыр иңне әти сөйсә әгәр,
Үсәр иде иңдә канатлар.
Димәк, күкне иңләп очарыңа, Таулар кочарыңа сәбәп бар. Кешеләргә игелекле булдың, Эчкерсез дә гади, мөлаем.
Кер кунмастай чиста исемеңне Вакламадың бер дә, мөгаен.
Киң күңелле идең, яшәмәдең Тыштан балкып, эчтән (э)череп.
Ак тасмадай хатирәләр калды Хушланырлык, искә төшереп. Булгалады авыр мизгелләр дә, Туфрак булсын, әйдә, узганы. Балкып елмаюың себереп ата Балачакның иске тузанын.

Тулырак: https://madanizhomga.ru/news/dbi-skhif/ilsoiar-iksanova-atiga
262
МӘДӘНИ ҖОМГА

23 Oct, 08:39

Галимҗан Гыйльманов: «Лифтта» 😳

12 сәгать 18 минут
Урамга чыгып, җилләнеп кенә керәм дигән идем. Язылып беткән романыма нокта куя алмыйча интегеп утырдым-утырдым да, каләмемне өстәлгә атып, урамга чыгып киттем. Ләкин чыгып җитә алмадым. Лифтта ябылып калдым.
Өченче катта гына торам югыйсә... Юк бит, утырып төшәргә кирәк!
Минем белән бергә тагын дүрт кеше ябылып калды. Бишенче каттан Майсәрә исемле хатын…

Тулырак: https://madanizhomga.ru/news/dbi-skhif/galiman-gyilmanov-liftta-1729581077
258
МӘДӘНИ ҖОМГА

23 Oct, 06:36

Чабыр - шифалы үлән 📌

Цистит һәм холецистит булганда, 1 аш кашыгы вакланган чабыр (тимьян) үләнен термостагы 1 стакан кайнар суда 2 сәгать төнәтәләр. Сөзеп, көненә 3-4 тапкыр, ашарга 30 минут кала, 50шәр мл эчәләр. Салкын тигәндә, 1 аш кашыгы вакланган үләнне 1 стакан кайнар суда ярты сәгать төнәтәләр, сөзеп, көненә 3 тапкыр, ашаганнан соң, 2 аш кашыгы төнәтмәне 1 чәй кашыгы бал белән эчәләр. Бронхит, коклюш, көчле ютәл булганда, өске сулыш юллары ялкынсынганда, 1 аш кашыгы вакланган үләнне 1 стакан кайнар суга салалар, кайнатып чыгаралар, 1 сәгать төнәтеп, сөзәләр, көненә 3 тапкыр, ашаганчы, 1әр аш кашыгы кабалар.

Тулырак: http://madanizhomga.ru/news/ayga-kyryn-karama/aiga-kyryn-karama-19-25-oktiabr
265
МӘДӘНИ ҖОМГА

22 Oct, 18:02

Рөстәм Асаев: “Казанга килгәнгә бер көн дә үкенмәдем” (ВИДЕО) 😳


Тулырак: https://madanizhomga.ru/news/shou-biznes/rostam-asaev-kazanga-kilganga-ber-kon-da-ukenmadem
269
МӘДӘНИ ҖОМГА

22 Oct, 10:34

Әмир Мәхмүдов: «Гөлҗиһан» 😌

Кайсы яктан җылы җил исте,
Килеп чыктың кинәт бу кичне,
Минем өчен – үзең бер Җиһан,
Сөйкемле зат, назлы Гөлҗиһан,
Аптырама: «Мине сөй!» – дисәм,
«Минем өчен янып көй», – дисәм.
«Бер елмаеп, миңа көл!» – дисәм.
«Син үзең дә шиңмәс гөл», – дисәм.
Сөюләрсез тормый шул Инсан.
Җылы җилдәй килдең, Гөлҗиһан.
Дөрес булыр: «Сөеп үл», – дисәң,
Гөлем өчен – үзең – көл», – дисәң,
Минем өчен – үзең – бер Җиһан,
Бәхетле бул, җаным Гөлҗиһан.

Тулырак: https://madanizhomga.ru/news/kykregemde-shigyir-utyim-saumyi/amir-maxmudov-golihan
273
МӘДӘНИ ҖОМГА

22 Oct, 07:18

Ютәлдән дәва 😷

Йокы алдыннан 1 стакан мәкле сөт эчү файдалы. 2 чәй кашыгы мәкне балчык савытта төеп, өстенә 1 стакан кайнар сөт салалар, тондыралар, сөзеп, эчәләр. Яисә 1 чәй кашыгы балга 2 аш кашыгы әнис орлыгы һәм бер чеметем тоз кушып болгаталар, 250 мл су өстәп, кайнатып чыгаралар, сөзәләр. Өлкәннәр һәр 2 сәгать саен 2 шәр аш кашыгы, балалар һәр 4 сәгать саен 1әр аш кашыгы эчәләр. 1 аш кашыгы шикәрне куе көрән төскә кергәнче ут өстендә тоталар, аннары сөтле чынаякка агызалар. Барлыкка килгән “кәнфит”не авызда тулысынча эреп беткәнче суыралар. 

Тулырак: http://madanizhomga.ru/news/ayga-kyryn-karama/aiga-kyryn-karama-19-25-oktiabr
279
МӘДӘНИ ҖОМГА

21 Oct, 19:09

Кайгылы хәбәр алдык. Язучы, балалар шагыйре, журналист, рәссам, «Татарстан» радиосының балалар тапшыруларының мөхәррире Дания Гайнетдин арабыздан китеп барды. Урыны җәннәттә булсын 🥺🤲🏻
347
МӘДӘНИ ҖОМГА

21 Oct, 17:43

Илсөяр Иксанова:
«Офыкларга шәфәкъ нуры тамган» 😌

Офыкларга шәфәкъ нуры тамган, Тәрәзәңдә синең ут микән? Мин сагынып сиңа килгән идем, Син аңладың микән, юк микән?.. Эңгерләрен томан сарган көз бу, – Адаштырмас ләкин бу томан. Тойгыларым йөрәгемә төйнәп, Китеп барам синең йортыңнан. Горурлыгым үземнән дә зур шул, – Башым имәм сөю үтенеп. …Тәрәзәңә ут алмаган өчен Син яшәрсең ләкин үкенеп.

Тулырак: https://madanizhomga.ru/news/kykregemde-shigyir-utyim-saumyi/ilsoiar-iksanova-ofyklarga-safakie-nury-tamgan
338
МӘДӘНИ ҖОМГА

21 Oct, 11:56

Миңнеруй ГАЙФУЛЛИНА: «Йөрәгем яна» 🥺

— Яшьлектә адәм баласы бигрәк самими була инде, сеңел, бигрәк наив! Һәр әйткән сүзгә ышану дисеңме. Аннан-моннан каләм тырнаштыру чын журналист булдың дигән сүз түгел икән әле ул. Син дә наив булма, сеңлем, наив булма. Сине Министрлар Кабинеты гәзитенә язгалыйсың дип ишеттем. Борын чөяргә ашыкма, сеңел, сак бул. Акылга утыртучылар табыла ул, сеңел, мине дә төп башына «утырткаладылар», — дип мишәрчәләп бик тиз башлады үзенең сүзен, карт корреспондент. Ул да яшьлегендә «Социалистик Татарстан»га мәкаләләр язгалап торган икән. Каләм тотып, көн кадагына суккан кыю мәкаләләр генә язуыма инанып йөргән чорым, — дип, иркенләп сөйләп китте олыгайган каләм иясе. — Очраганда «дөрес язгансың, маладис», дип мактап җибәрүчеләр дә ешайды. Мин табигатем белән бик тиз ышанучан, наив кеше: шулай куанып, рәхәтләнеп язам да язам.

Тулырак: https://madanizhomga.ru/news/dbi-skhif/minnerui-gaifullina-ioragem-iana-1729493723
340
МӘДӘНИ ҖОМГА

21 Oct, 09:36

Айнур Гәрәев Рауза Хафизованың «Төшләремә керә өч тәрәзә»
шигырен укый 👏🏼
307
МӘДӘНИ ҖОМГА

21 Oct, 06:36

“12 кашык” күптермәсе 😋

12 шәр аш кашыгы шикәр, сөт, чистартылган көнбагыш мае, он; 3 йомырка; 7 грамм камыр көпшәкләндергеч; ярты лимонның согы һәм цедрасы; шикәр оны кирәк. Йомырка һәм шикәрне миксер белән туглыйлар. Сөт, май өстәп, болгаталар. Лимон согын һәм цедрасын кушалар. Он һәм көпшәкләндергеч салып, яхшылап болгаталар. Диаметры 20 сантиметрлы табага пергамент өстенә агызып, 180 градуслы газ мичендә 25-30 минут пешерәләр. Суынгач, формадан алып, өстенә шикәр оны сибәләр; җиләк-җимеш, шоколад яки чикләвек белән бизәргә дә була. 

Тулырак: http://madanizhomga.ru/news/ayga-kyryn-karama/aiga-kyryn-karama-12-18-oktiabr
324
МӘДӘНИ ҖОМГА

20 Oct, 17:18

Оешмаган «Туган-тумача» 😳

«Һөнәр» яшь режиссура фестивалендә бервакыт Туймазы театры «Борһан йорты» спектаклен күрсәткән иде. Кайсы классик язган бу пьессаны, ник әсәрне моңа кадәр куючы булмаган, дип баш ватарга туры килде. Пьеса авторы Илгиз Зәйниев икәнен белгәч, байтак тамашачы хәйран калгандыр. Чөнки Илгизне күпләр Камал театрында уйналган комедияләр аркылы белә. Тоталитаризм темасын күтәргән җитди әсәр язарга сәләтле дип башларына да китермәгәннәрдер, бәлки. Әсәрдә характерларның җентекләп эшләнеше дә, гомумиләштерү көче дә, үрмәкүч пәрәвезе сыман үрелгән вакыйгалар шаккатмалы иде. Ни өчен «Борһан йорты» әлегә кадәр академия театры сәхнәсендә куелмаган, дип уфтанырга гына калды ул вакытта.

Тулырак: https://madanizhomga.ru/news/shn/oesmagan-tugan-tumaca
328

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.