"مەکۆی شێعری کوردی "

@havarsene


پرسیار

لە نێو ئەو گشتە ستێرانە کە تۆ دەیبینی ،
تاکە یەک ئەستێرە،
هۆی ژیانی من بوو .....
داخەکەم ، لێم ون بوو....
خۆشەویستم ! هاوڕێم !
پێم بڵێ لێی بگەڕێم ؟
یابڕۆم لێی بگەڕێم ...؟


مەهاباد ۱۳۴۲ ( ۱۹٦۳)
✍مامۆستا ؛ #عەلی_حەسەنیانی ( #هاوار )


@havarsene

https://t.me/havarsene


" شەمعی ڕوخساری "

مەه و میهری بە غارەت دا بە شوعلەی شەمعی ڕوخساری
گوڵستانیش بە یەغما چوو لە تەنگیی خونچەیی زاری

لە نەشئەی دیدەیی مەستی هەموو مەیخانە وێرانن
هەموو کەس بەستەزوننارە لە سەودای زولفی تاتاری

ڕەوان پەروانەیی نارە، منیش وەک چاوی بیمارم
زەمانم وەک شەوی تارە، دڵا وەک خونچە خوونخواری

دڵ و جان و ڕەوان و تەن وەکوو ئیمان و دینی من
فیدای ڕوخساری گوڵناری، نیساری زولفی تەڕڕاری

دەخیل ئەی چاوی جادووگەر بفەرموو مەردومان یەکسەر
دەڵێن خەوتوویی بێداری، دەڵێن مەخمووری هوشیاری

شوعاع و شەعشەعەی میهری، ئەشەععە و مەشعەلی بەدری
لە سایەی پەڕتەوی ڕووتە بەقوربان نووری یا ناری

بپرسە حاجی تۆ جارێ لە زولف و پەرچەمی خواری
بڵێ: گەر تاری بۆچ ماری؟ بڵێ: گەر ماری بۆچ تاری؟

✍مامۆستا ؛ #حاجی_قادر_کۆیی


مەکۆی شێعری کوردی
👇👇👇👇👇👇👇
https://t.me/havarsene

https://t.me/havarsene


شەهیدی تیری برژانگی کەژەڵ چاوێکی بێ دینم
شەفاعەت خوازمە ڕۆژی قیامەت بەرگی خوێنینم

لە لێوم گوڵ ئەبارێ کاتێ باسی ڕوویی دلبەر کەم
کە بێمە باسی ئەو لێو و دەمەی دەم پڕ لە هەنگوینم

قەناعەت پەروەرم میننەت لە شا هەڵناگرم هەرگیز
بە جامی جەم ئەبەد ناگۆڕمەوە کاسەی سەفالینم

✍مامۆستا ؛ #کەمالی



مەکۆی شێعری کوردی
👇👇👇👇👇👇
https://t.me/havarsene

https://t.me/havarsene

"چاوەکانم"

سەرم سووڕما
لە حەیرەتی ئەم بەربەیانە ناوەختە و
چاوەکانم نەدەترووکان
لەبەر ڕووناکیی دەربیجەی خۆرەتاوی تیشکهاوێژ
بەنێو چاوانی کازیوەی ئەم‌ ڕۆژەوە...
کە ژانی زانی گرتووە و،
ئەمن هەرتک دەستی خۆمم
لە زنجیری خەو
ڕزگار کرد...!


✍مامۆستا ؛ #ئەحمەد_شاملوو

و✍مامۆستا ؛ #ناسر_حیسامی

مەکۆی شێعری کوردی
👇👇👇👇👇👇👇
https://t.me/havarsene

"مەکۆی شێعری کوردی " pinned an audio file

https://t.me/havarsene

" چلەی هەژاران "

دیسان پاییز بەسەر چوو
هاتەوە چلەی زستان
هەموو چاوەڕی چلەن
بۆ سفرەی نێو دیواخان

بەڵام بیری من تەنیا
لەکن برسیی و هەژارە
بیرم لەکن هەتیوە
لای ناخۆش و نەدارە

وەک زۆربەی مرۆڤەکان
لەبیری شێوی خۆشن
بەڵام لە تاو نەداری
دایم دڵ لە پەرۆشن

ئەمشەو منداڵی هەتیو
هەموویان دڵ خەمینن
لە تاو دەست‌کورتی ماڵیان
لەگەڵ خۆشی بەقینن

ئەپاڕینەوە لە خودا
ئەڵین کارت بۆ واسە
بۆئێمە وەکوو خەڵکی
شێومان نییە لە کاسە

ئێمە هیچ کەسمان نییە
ئەمشەو بڕوین بۆ ماڵی
بە بیانوی شەوی چلە
پرسین لە کەیف و حاڵی

گلەمەند دەبن لە خوا
بۆچی باوکمان نەماوە
چەند مناڵ وەکوو ئێمە
ئەمشەو مات و داماوە

ئەڵین کاڵەکە تورشە
دۆڵمە یاکوو وشکەبار
تام وبۆیان چلۆنە
هاوار ئەی خوای جەبار

ئەو منداڵە هەژارەی
باوکی لە بەندیخانەس
چاوەڕی یارمەتی دەست
خزم وکەس و بێگانەس

یان ئەو بەساڵا چووەی
ئێستە لە ماڵ پیرانە
ئەم بە پێچەوانەوە
چاوەڕوان منداڵانە

سەردەمێک دیواخانی
جێ چلەی منداڵان بوو
ئێستە خۆی و دیواخان
لەبیر منداڵانی چوو

لە کن" هاواری" سنە
شەو چلە مانای نییە
ئەمشەو منیش نەدارم
سڵاو لەوەی برسییە

✍ #عباد ( #هاوار_سنە )

١٣٩٢/٩/٣٠


مەکۆی شێعری کوردی
👇👇👇👇👇👇
https://t.me/havarsene

🎤مامۆستا ؛#نەجمەدین_غوڵامی

✍مامۆستا #سمایل_خورمالی


ئەوە دیسان هەرای جەنگە و کوردستانم ڕوو له خوێنە
دیسان خوێنە و دڵەی سروشت، دڵەی مەخلووق ڕوو له شینە
ئەمان خاتر چاوم نەزری نیشتمان‌بێ و گوڵێک نەمرێ
سەرم نەزری ئازادی‌بێ و دڵێک لەوێ دانەچڵەکێ
دەساکوو گەل عاشقەکانی کەژ و زنوێر ورەتان‌بێ
ئێوە شاخی ورە و هەڵویست
شوورای بەرزی ورەتان‌بێ
با دووبارە گەڵاڵەی خوێن هەردی ژیان نەگرێتە کۆڵ
گەردەلوولێ له زوڵم‌وزۆر
دیسان چاومان نەگرێتە خۆڵ
با دووباره قرشی سەحرا ماسیەدێمان ئەنفاڵ نەکا
له بەر دێیا لوولەی تفەنگ دوایین‌گولەی بەتاڵ نەکا
رێگە نەدەن هەرێمی گوڵ به هەرێمی خوێناو بەرن
قاسپەودەنگی ڕۆژنامەکان بەتەڵانی سووتاو بەرن
رێگە نەدەن ئەرخەوانی خوێنی شەهید تەرزه بیبا
ئاسوودەگی ئینسانەکان جارێکی‌تر گومان بیبا
دەستم داوێن وەخۆ کەون با هیچ‌مارێ نەتانگەزێ
هەرهەموومان لەگەڵتانین ورەتان هیچ‌دانەبەزێ





مەکۆی شێعری کوردی
👇👇👇👇👇👇👇
https://t.me/havarsene

https://t.me/havarsene



ئیوارەیە.
باران نم نم دیتە خوارێ
تەنیام
نا، تەنیا نیم
هەموو مۆسکۆ لەگەڵ مندا هەنگاو دەنێ.
تەنیایی کارمامزیک بوو،
ڕاو کەریک هات، تەقەی لێ کرد،
هەنگاوەکانم نایگەنێ!

ئیوارەیە.
باران نم نم دێتە خوارێ.
تەنیام.
نا، تەنیا نیم
کاتێ دەرۆم
شەقامی پڕ خۆی لەقاچم گرێ دەدا.
کاتێ دەڕۆم
لە گیرفانما
نامەیەکی ناو زەرفی ئاڵ
دڵی دووەممە، لێ دەدا !


✍مامۆستا ؛ #عەبدوڵڵە_پەشێو

مەکۆی شێعری کوردی
👇👇👇👇👇👇
https://t.me/havarsene

"مەکۆی شێعری کوردی " pinned «بۆ ئیعدامی لە گۆڕەپانی شارێڪا جەللادەڪان داریان هەڵخست جاڕیان ڪێشا ئەوەی ویستیان... بە تەشییە کۆنەکەی خۆیان بۆ خەڵڪیان ڕست وتیان: تاوانی ئێعدامی گەچڵاندنی خه‌وی شاره سزای ئه‌وه‌ش له قانوونی ئه‌ساسیدا بۆ چاوترسێن خه‌ڵکی, داره! وتیان: تاوانی ئێعدامی …»

https://t.me/havarsene


دڵم بۆ زوولف و ڕووی جانانە ئەگری
مناڵە و بۆ گوڵ و ڕیحانە ئەگری

چرا ئیمشەو کە وا فرمێسک ئەڕێژێ
ئەڵێ هەر بۆ منی پەروانە ئەگری

ئەکا شاباشی کێ دەریایی دیدم
کە چەشنی گەوهەری یەک دانە ئەگری

چیە پیری دڵ ئیمشەو وەک عەرەق خۆر
لە کونجی تەکیە بۆ مەیخانە ئەگری

شەوێ بێ زوڵفی ئەو مەهـ پارە تا ڕۆژ
دڵم بۆ سینە چاکی شانە ئەگری

غەزالــی من ئەگر ساتێ نەبینێ
بیابان قۆڕ ئەپێوێ لانە ئەگـــری

✍مامۆستا ؛ #بێخود


مەکۆی شێعری کوردی
👇👇👇👇👇👇👇
https://t.me/havarsene

@havarsene
‍

گوتم ؛ دەردی ئەوینت دڵ تەزێنە
گوتی ؛ ئەو دەردە بۆ شێعرت هەوێنە

گوتم ؛ ڕێژنەی قژت سایەی سەرم بێ
گوتی ؛ ئەو سێبەرە ،عیللەت پەڕێنە

گوتم ؛ چاوی لە بەر هەڵنایە هەنیەت
گوتی ؛ جەزبەی هەیە،چاو هەڵمەهێنە

گوتم ؛ تیری موژەت عاشق دەپێکێ
گوتی ؛ ئەو تیرە هەر عاشق بە خوێنە

گوتم ؛ ئەو چاوە بازانەت منی کوشت
گوتی ؛ نێچیرە عەشقی ئەو شەهێنە

گوتم ؛ وەک چی دەبێ ئەو کوڵمە سوورەت
گوتی ؛ قیبلەی دڵە سەر دانەوێنە

گوتم ؛ عەتری هەناسەت مەستی کردم
گوتی ؛ ئەو عەترە ،بادەی خەم ڕەوێنە

گوتم ؛ لێوت وەکوو غونچەی گوڵانە
گوتی ؛ غونچە لە کوێ وا دڵڕفێنە؟

گوتم ؛ وەک بەندی،هەوری لارە دەنگت
گوتی ؛ ئەو دەنگە ،بەندی دڵ پسێنە

گوتم ؛ تا دەست هەڵێنی بەرزە باڵات
گوتی ؛ ناگاتێ دەستت، سەر هەڵێنە

گوتم ؛ بۆم دەرخە سێوی باغی سینگت
گوتی ؛ دەر نایە زوو وا لەو کەلێنە

گوتم ؛ کۆن بوو لە دڵما ڕەنجی دووریت
گوتی ؛ شێعرێکی تازەم بۆ وەخوێنە

گوتم ؛ گۆوەندە،بڕیا تۆم لە گەڵ بای
گوتی ؛ یادێکی من تاسە شکێنە

گوتم ؛ دامناوە ئەمشەو بێمە ژوانێ
گوتی ؛ نایبیسی هەرگیز ئەم بەڵێنە

گوتم ؛ خۆزگە لە ئامێزم دەگرتی
گوتی ؛ خەونێکی خۆشە،مەیڕەوینە

گوتم ؛ خۆ کەعبە کەج نابێ بە ماچێ
گوتی ؛ زیاتر لەوە پێ هەڵمەهێنە

گوتم؛ یادی "وەفا"دەتپێکێ ئاخر
گوتی؛ چەن خۆشە بای ئەو باوەشێنە

✍مامۆستا ؛ #عومەر_سوڵتانی ( #وەفا )

مەکۆی شێعری کوردی
👇👇👇👇👇
@havarsene

"مەکۆی شێعری کوردی " pinned «@havarsene "بپرسە حاڵم"  بپرسە حاڵم، ئیھمالی وەفا بەس بترسە تۆ لە حەق، جەور و جەفا بەس بە کامی غەیر و بێگانە، برالە! بەری بوونت لە یار و ئاشنا بەس ئیلاھی بێ بەڵا بێ نەخلی باڵات بەری بۆ من بەڵا بوو، ھەر بەڵا بەس نزیکە مردنت ئەی پیرەزاھێد وەرە با تۆبە…»

https://t.me/havarsene

من هەمیشە بە خەیاڵ هەر لەگەڵ تــۆدام
تەنیا جەستەم لە تــۆ دوورە
کاتێ کەسێ بانگم ئەکــا و
خەیاڵەکەم لێ تێکئــەدا
لەبەر خۆمەوە پێت ئەڵێم
ئێستە دێمەوە بمبــوورە

✍مامۆستا ؛ #ڕەنج_سەنگاوی

مەکۆی شێعری کوردی
👇👇👇👇👇
https://t.me/havarsene

https://t.me/havarsene


سازمانی پەیکەری تۆ وا کراوە مونتەخەب
چاو و ئەبرو گەردن و بینی لەگەڵ دەندان و لەب

ماری زۆڵمەت باری گیسوو پەرچەمی ڕوخساری ڕوون
سەد کەمەندی تێکەڵاوە بۆ منی زار و زەبوون

لەنگەری گەردن لەسەر چاهی زنخدان مەحشەرە
تەختی سینە باغی جەننەت دوو شەمامەی لێبەرە

گەردنی بەرز و بەژنی شمشاڵ ماشاڵڵا ئەفسوون گەرە
بۆنی ئاڵات عوودە قوربان موشکی چین و عەنبرە

خۆش‌خەرام و خۆش‌نواز وخۆش‌ڕکاب و خۆش جەماڵ
دەرک و زێهن و هۆش وفەهم و مەعرفت عەقڵ و کەماڵ

ڕیێ لەکێ ناکەتە زۆڵمەت، ئاخر ئەی عێشقی سەحەر
کێ لە دین وەرناگەڕێنێ، بێتە سەر شەیتانی شەر

✍مامۆستا ؛ #عەباس_سابت_قەدم


مەکۆی شێعری کوردی
👇👇👇👇👇👇
https://t.me/havarsene

ویستم بە دڵۆپی باران
دوێنێ شیعرێک بنووسم بۆت
بەڵام ئەویش دەرنەئەکەوت هەر وەکو خۆت.
ئیتر دواتر بە فرمێسک نووسیمەوە
تۆ نەهاتی و بە بێدەنگی سڕیمەوە.
#ڕەنج_سەنگاوی
@ranj_sangawii

خۆشەویستم!
ئێستا هەست ئەکەم بووی بە خۆم
وا تکاویتە خوێنمەوە
خۆم نامەت بۆ ئەنووسم و
لە بری تۆش ئەیخوێنمەوە!
سوێند بە خودا
لە چەندین قاوەخانەدا
تەنیا بووم و
قاوەی تۆشم لەگەڵ خۆم داوا کردووە
لێم ببوورە گەر هەندێ ڕۆژ لە خۆتەوە
هەستت بە تاڵی کردووە...

مامۆستا؛ #ڕەنج_سەنگاوی

مەکۆی شێعری کوردی
👇👇👇👇👇👇
@havarsene

@havarsene


دەس بە زوڵفی ڕۆژێ هەر دەگرم، بەڵام جارێ زووە
چونکە پەیوەندی هەیە ژینم، بەهەودای ئەو مووە

با سەرو ماڵم لە ڕێگەی خۆشەویستیدا بچێ
خاڵی تۆم دی لەو شتە وردانە، دەستم شوشتووە

یادی تۆ فرمێسکی دێنێ، سووچی چاوی من نییە
ئەو دەزانێ ئاوی ئەو سەرچاوە، بۆچی لێڵ بووە

نەبوە حاشا من لە تۆ بۆنی گوڵاوم کردبێ
بەس پەیامی بسکی تۆم ڕۆژێ، لە سروە بیستووە

ڕێی ڕوانینێ بە کەس نادا، تەنانەت تیشکی خۆر
بۆ من ئەمما باشە جارێ، ڕێی خەیاڵی هێشتووە

ناسرەوێ وێنەی لە بەر شۆخی ئاوێنەدا
بۆیە وا ئاوێنە چاوێکی بە دوو چاو کردووە

لێی دەنۆڕم هێند بە ئەسپایی، مژۆڵم تێنەگا
چونکە بۆ پەردەی نیگای من پێنجەیان تێکخستووە

من بە دڕکیش ئەوڕۆ گەر ڕازیم، لە بەر ناچارییە
هەر چی گوڵ بوو، وێژەوانی پێش مە پاکیان بردووە

گەر مچوڕکی شێعری پێدادێ خەمی شاعێر مەخۆ
شیرینی ئەو تەزووە نازانێ ، ئەوی‌ نەیچەشتووە

ئەو جیهانەی ڕۆژێ بەر پێی گەوجە پیاوان ماچ دەکا
هەر خەیاڵە بۆ من و هەر تاسەیە و ئارەزووە

گەرچی دەردت زۆر بە هێدی دا، دڵی لێت نایەشێ
چون شەپۆلێ بادە قەت پەیمانەکەی نەشکاندووە

✍مامۆستا ؛ #هێدی


مەکۆی شێعری کوردی
👇👇👇👇👇👇👇
@havarsene

https://t.me/havarsene


به گریانم وه‌کــوو گــوڵ پێکه‌نی یار
له باغی من به بارش غونچه پشـــکووت

شوکر هه‌ر مامه‌مه‌وه بۆ یــــادگاری
به کاری زه‌خمه‌که‌ی شمشێری ئه‌برووت

له غه‌مزه‌ی چاوت ئه‌برۆ داگره و به‌س
مه‌که بۆ قه‌تڵی عــــاشق ڕه‌نجه بازووت

نه‌خۆشی عیشقی لێوت وه‌سیه‌تی کرد
بتــاشـــن داری عوننـــــابی به تابــووت

منی به‌م حاڵ و قاڵه دی که ده‌یوت
کتێـبێـکی غه‌ریبــم دیــوه، په‌ڕپــووت

به نیله بێ نه‌باتی میــسری لـێوت
جلم، سوبحم هه‌موو هه‌ر شامه بێ ڕووت

له ناڵه‌ی گه‌رمی دڵ باکت نه‌بوو تۆ
به ئاهی سه‌ردی (مه‌حوی) من دڵم سووت

✍مامۆستا؛ #مەحوی

مەکۆی شێعری کوردی
👇👇👇👇👇👇👇👇

@havarsene

‍https://t.me/havarsene


"وەتەن"


خوایە وەتەن ئاوا کەی
چەند دڵگیر و شیرینە
دەشتی خۆش و ڕەنگینه
ئاوی کەوسەرە، خاکی گەوهەرە
پڕ لە گوڵ و نەسرینە

سەیرانگای بەهارانی
سەوزەگیای نەرم و جوانی
سەد دڵ ئەبێ حەیرانی
ئاوی کەوسەره، خاکی گەوهەره
پڕ لە گوڵ و نەسرینە

شاخی بەفرین و بەرزە
بۆ ڕابوردوومان ڕەمزە
چیمەنی جوان و سەوزه
ئاوی کەوسەره، خاکی گەوهەره
پڕ لە گوڵ و نەسرینە

ئەم شوێنە شوێنی کورده
جێی قارەمان و مەرده
لانەی شێری نەبەردە
ئاوی کەوسەره، خاکی گەوهەرە
پڕ له گوڵ و نەسرینە

وەتەن چاوی لێمانە
دەری کەین لە تەنگانە
حەیفه بێتە وێرانە
ئاوی کەوسەره، خاکی گەوهەره
پڕ لە گوڵ و نەسرینە


✍مامۆستا ؛ #فایەق_بێکەس


مەکۆی شێعری کوردی
👇👇👇👇👇👇
https://t.me/havarsene

@havarsene


کــــزەی جـــەرگم دەخـــیلت بــم
فـــــیراقــم کـــــرد ئەوا مـــــردم

دەســــا دەی بێــــرە لام ســاتێ
نەمــــاوە تــــابی هیــــجرانـم


✍مامۆستا ؛ #حاجی_قادر_کۆیی


مەکۆی شێعری کوردی
👇👇👇👇👇👇
@havarsene