ڕەگاژۆ

فڕین


فڕۆکە کاتێ هەڵفڕی
کۆی جوانی لەگەڵ خۆ برد
لەوبەر دنیا بوو بە بەهار
لەمبەر دنیا، بەهارێ مرد


ئێستێ ، دڵ خانەی ژاکاوی
خەمێ زەردی ئاودامانە
زەمەن، بەستێنی زریانی
دەم بە هەڵپەی بێ ئامانە


تەنیایی بیاوانێکە
لە پێ ئاڵاوە وەک زنجیر
تەکانی کۆچی ئارەزوو
جمەی بڕی لە حزر و بیر


مەخابن دەستێ دەرنایە
قفڵی دووری بکاتەوە
قورمی مەینەت بچێتەوە
زاخاوی دڵ، بداتەوە


فرۆکە کاتێ هەڵفڕی
هەبوو نەبووی، ئاوەژوو کرد
ڕەنگی زاڵی کارەبایی
چی ڕەنگە، هەمووی  لە ڕوو برد


محەمەدفاتێح  محەمەدی
          ف-نامۆ
لینکی کاناڵ:        👇👇👇👇👇

        @namopoem

فڕین


فڕۆکە کاتێ هەڵفڕی
کۆی جوانی لەگەڵ خۆ برد
لەوبەر دنیا بوو بە بەهار
لەمبەر دنیا، بەهارێ مرد


ئێستێ ، دڵ خانەی ژاکاوی
خەمێ زەردی ئاودامانە
زەمەن، بەستێنی زریانی
دەم بە هەڵپەی بێ ئامانە


تەنیایی بیاوانێکە
لە پێ ئاڵاوە وەک زنجیر
تەکانی کۆچی ئارەزوو
جمەی بڕی لە حزر و بیر


مەخابن دەستێ دەرنایە
قفڵی دووری بکاتەوە
قورمی مەینەت بچێتەوە
زاخاوی دڵ، بداتەوە


فرۆکە کاتێ هەڵفڕی
هەبوو نەبووی، ئاوەژوو کرد
ڕەنگی زاڵی کارەبایی
چی ڕەنگە، هەمووی  لە ڕوو برد


محەمەدفاتێح  محەمەدی
          ف-نامۆ
لینکی کاناڵ:        👇👇👇👇👇

        @namopoem

ڕاز

لووتکە ئەڵێ:
ڕازی بەرزیم
لە وەستانی بنار دایە.
ئەو نەبایە
من ئەکەوتم.

محەمەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

سەفەر

وێستگە،
بەجارێ جمەی دێ،
لە موسافیر.
نیگەرانی بۆ داهاتوو
پەتایەکە.
ڤاگۆنەکان،
تەنگەلانی پاڵەپەستوو.
شەمەندەفەر
ئەفیشکێنێ.
بۆ کوێ ئەبات ،
کەس نازانێ.
ڕێ کەوتن
تەنیا ئامانجە.
بەجێمان
هەڵچەقانێکە بێ ڕزگاری.

محەمەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

جودایی

ئەمانی لێ بڕیم دەردی جودایی
گڕی بەردایە باخی ئاشنایی
شکا پەرداخی ئاواتم لە سەت لا
لەبەرچاوم بە بەردی بێوەفایی
سیاساڵی ئەوین ساندی لە ناخم
بەشی گریانێ گەر هەیبوو تەڕایی
دەروون زەرد و ڕوخم زەردوچەمەن زەرد
کەشی پایز چ زاڵەو کوودتایی
بەکۆ ئەستێرە ئاوابوون، لە بانم
ڕەشایی بوو بە تانەی ڕۆشنایی
لە مەلبەندێ کە بۆ دڵ لێدەدا، دڵ
نەبا بریا، نەریتی ناتەبایی
بەرایی با نەدا ئەو دیدە هەرگیز
لەحاندی ئاشقی، نادا بەرایی
سکاڵا نامەیێکە شێعری"فاتیح"
لە دەستی بیری سست و ڕایڕایی

محەمەدفاتێح  محەمەدی
            ف-نامۆ
لینکی کاناڵ:        👇👇👇👇👇

        @namopoem

ڕاز

لەیەک هەڵدێین و نازانین هەڵاتن
پتر نیزیک ئەخا زنجیر ی دیلی,
لە یەکتر  ون نەکردن دایە ڕازێ
ئەپارێزێ لە بندەستی و زەلیلی

محەمەدفاتێح  محەمەدی
            ف-نامۆلینکی کاناڵ:        👇👇👇👇👇

        @namopoem

نامەوێ

نامەوێ دووربیت و دووربم ، بیهەواڵ
ئاشبەتاڵ ئاسایێ، بێنێ ژینی تاڵ
جاربەجارێ ، چێدەکەم پردی شێعر
تالە حاندم ،ئاوەڵاکەی دەرکی ماڵ

محەمەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

                   ف-نامۆ

هیوا

ئەوکەس کە ئەکا،هیوا بە ئەستووندکی ژین
لای وانەبێ دەرمانێکی داوە لەبرین
هیوا، کول ئەکا بیرێ کە بڕیار دەرە
ئەژنۆ شل ئە کا، نایەڵێ پێ هەڵبگرین

محەمەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

هیوا

هی وا، هەیە، بەتەواوی و، هی واش هەیە ،نیوە و نیوەچڵ،
خۆی بە "هیوا"وە شەتەک داوە.هیوا، ئەو مووچە و مەزرا، خەیاڵییە کە ئاواتێکی تێدا وەبەر نایە، هیوا(ئومێد)"
سەرابێکە تینوەشۆرەکاتییەکان، بە مەرگێکی تاڵ و ئەشکەنجاوی بە گەرووی نەماندا، ڕۆ ئەکات.
ئەو ماسییە ڕاوکراوانە،هیوایان بە ڕزگارییە، ئازارکێش تر لەو ماسییانەی دی، ئەمرن.هیوایان بە ڕزگاری نییە. ئەوانەی هیوا بە داهاتوو، لەخۆیاندا ئاو ئەدێرن قەت ڕاستییەکان سەرەندەر ناکەن.
کوردەواری ئەڵێ:نان ئەونانە ، ئەمڕڕۆ لەخوانە.
ئەم قسەیپە لەبیرێکی پوختەوە سەر هەڵئەدات.
کاڵ فامەکان هەرچەند ئەم ڕاستییە هەست پێئەکەن بەڵام ،
ناتوانن خۆ لە داوی درۆینی"هیوا"،ڕزگار بکەن.
هیوا ، خۆرەیە. تەمەن ئەخواتەوە. ویست و توانای بڕیادان دەگوێزیتەوە بۆ داهاتووی نادیار.
کۆڵی بەرپرسایەتی بە هەڵگری دادەنێ.
لە پشت شووشەی پەنجەرەی جاوەڕوانییەوە، مرۆئەکا
بە چاودێری ڕێگایەک ، کە تەنیا ڕێبواری، تەتەری بێ هیواییە....

محەمنەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

وێچوون

من بووم و
شەو و تەنیایی.
خەوی زڕاو
بیری پساو
خەیاڵاتی زیواڵ زیواڵ
لە مێشکم دا هەڵکورمابوون.
بۆ ڕەهایی:
هاتم چرام کوژاندەوە.
کەچی ناکاو
هەزاران گوڵۆپی شادی ڕەنگاڵەیم
لە تۆتۆی دڵ دا،
دایسا.
عەشق ببوو بە مێوانم.
سەیر ئەوە بوو،
لە هەر ڕەهەندێ کە ڕوانیم
کت و مت
وەکوو تۆ وا بوو...

محەمەدفاتێح  محەمەدی
         ف-نامۆ
لینکی کاناڵ:        👇👇👇👇👇

        @namopoem

جودایی

نەبا بریا بواری ئاشنایی
هەتا قەت ڕوو نەدا باری جودایی
نەبێتە مێمڵی رۆحێ خەمێ تۆخ
لە دووی خەون و خەیاڵاتی تەڵایی
سەری پێنامە سەر کۆشی پەژارە
بیانووی دڵبەرێکی ڕایی ڕایی
هومێدم چوو بەبەردی ناهومێدی
تەبایم بوو بەدەردی ناتەبایی
چ غەدرێ بوو کە دیدەم کردی هاوار
کەدڵ لەوغەدرە ئاوابوو هەوایی
بەڵاێێ هات و کەوتە شاری هەستم
هەتا پەی کا درەختی دڵنیایی
هەوامی کردە تۆفی زەمهەریری
ڕەوامی کردە تووشی ناڕەوایی
پەڕاوی هێوریم با بردی هەیهات
کرا پەرتووکی دەردم ڕوونومایی
قەڵامی دایە دەستی لەشکری غەم
سپامی خستە بۆسەی بێ قەڵایی
بڕاباران لە زەنوێر و بنارم
نەڕسکن تا، نەما تۆزێ تەڕایی
بەهارم چوو بە تاڵانی خەزەڵوەر
ستارم چوو بە لەرزەی کارەبایی
نەوایێکم هەبوو تاسا لە ئەوکم
بە شاڵاوی بەسامی بێنەوایی
لەگەڵ با دا دەبا هەمبایە پەیمان
لەجێگەی ئاسکی سرکی خەتایی
تەم و مژ گرتی بەر هەیوانی شادیم
ئەمن مام و دووچاوی بێ بەرایی
چ ناخۆشە لە باتی خۆشەویستی
بکا خەنجەر لە ئاشق دڵنەوایی
نەبێ"فاتیح" چ چاتر ئەو ژیانەی
کە خەوشابێ بە خەوشی بێڕەزایی

محەممەدفاتیح محەممەدی
ف-نامۆ
لینکی کاناڵ: 👇👇👇👇👇

@namopoem

#جێژوان
بەئیلهام لە شێعری"کووچە"ی
هەستیاری فارسی‌بێژ
"فەرەیدوون موشیری"

تێپەڕیم جارێکی تر ئەنمشۆ لە ئەو کۆڵانەوە
چوومەوە نێو جێژوانە کۆنەکەی خۆمانەوە

پڕ تریفەی مانگەشەو بوو دار و بەردی جێژوان
بەو شنەی شەوبای شەوان و دۆخەکەی جارانەوە

وەک شەوانی بەختیاریـم داخی داخانم نەبووی
چاوەچاوم بوو ببینم تۆ لەوێ دیسانەوە

تۆ نەبووی، ئەو جێژوانە دۆزەخێ بوو ئاگرین
من لە نێڵەی ئاگری دا، بەر پەلی سووتانەوە

بەردەهارەی تاسەباری دەی‌کورۆژتم بێ‌وچـان
بێ ئەوەی دەرفەت بدا بۆ چرکەیەک حەستانەوە

هاتە بیرم ئەو شەوانەی ئێمە بووین و دڵ ڕەها
تان‌وپۆمان پڕ جمشت و شۆڕشی بووژانەوە

قەت لە ئێمە ئەو شەوانە بەختەوەرتر، کەس نەبوو
خۆ لە جێژواندا بە جەستە و دڵ بە سەر هەورانەوە

ئێمە بووین و لێوی جۆگە و دەفتەرێ ڕاز و نیاز
ئێمە بووین و ئاگرێکی عەشقی بێ کوژرانەوە
لایە جۆگەی پڕ لە کایەی پێلی ورد و عەکسی مانگ
لایە دیکە شنگەبی بەو بسکی ئاوێزانەوە
لایە ئاوازی مەلی شەو، لایە بۆنی خۆشی گوڵ،
لایە ئەسپینداری سەرکەش بەو چڵ و پۆپانەوە
دەس لە نێو دەس، دەم بە مۆر و چاوی ئێمە دەس‌بەکار
عەشقی پیرۆزیان دەهێنا گۆڕێ بۆ گۆڕانەوە
دێتە بیرم تۆ کوتت ترسە لە یەکتر دابـڕین
تۆ بچی و من جێگەبێڵی بەم دڵە دێوانەوە
هەر وەکوو چۆن ئاوی ئەم جۆگا ئەچێ و نایێتەوە
سەر بنێیتە کۆشی کۆچێکی بە بێ گەڕیانەوە
پێم کوتی ئارامی ڕۆحی بێ‌ستارم وا مەڵێ
ئاوی جۆگەی عەشقی خۆتم من بە ڕۆح و گیانەوە
ڕاویارم تۆی و من خۆم خوازیاری داوی تۆ
دڵنیابە تاکوو ماوم بۆم نیـە تاکانەوە
تۆ ئیتر بێدەنگ و من بێدەنگ و ئەوشەو تێپەڕی
تێپەڕی دیسان شەوان و تۆم نەدی بە ژوانەوە
تۆ کە ڕۆیــت ئاوەژوو بوو وەرزی ڕازاوەی دەروون
چی گوڵی باخی هومێدم بوو هەموو سیسانەوە
چی‌ەبوو ئاگات لە حاڵم بایە وا ئەمشۆ چلۆن
تێپەڕیم بێ تۆ لە ئەو کۆلان و ئەو جێژوانەوە
تۆ کە ڕۆیشتی چ ما بۆم غەیری کۆڤان و مەراق
غەیری ناسۆرێ کە خوێنی نایەتە گیرسانەوە

محەمەدفاتێح  محەمەدی
                 ف-نامۆ
لینکی کاناڵ:       👇👇👇👇👇

       @namopoem

ڕێگا

ڕیگا
تەنیا دیاردێکە
بەدەم پێوە
ناچێتەوە و
لەگەڵ هەنگاوی ڕێبواران
باڵا ئەکا و
لەگەڵ زەمەن
پتر
بەخۆی دا دێتەوە.
رێگا
تا هەتا
رێگایە...

محەمەدفاتێح  محەمەدی
          ف-نامۆ
لینکی کاناڵ:         👇👇👇👇👇

        @namopoem

کاتێ

کاتێ پزیشکەکەم کوتی:
ئیدی کارێ لەکەس نایە
چرای چاوت
بەرەبەرە ئەکوژێتەوە
زوو زوو
ئەچمە بەر ئاوێنە
تێر وپڕ سەیری خۆم ئەکەم
تا خۆم لە بیر
نەچێتەوە

محەمەدفاتێح محەمەدی
ف-نامۆ
لینکی کاناڵ: 👇👇👇👇👇

@namopoem

‍ ‍ 🍂 هەڵۆ

خەم سەری کردە دڵ و گیانی هەڵۆ
ناخی پڕ بوو لە کوڵ و کەندو کوڵۆ
کاتێ دی ئەو شتە لێی  قەوماوە
پیریەو هاتوەوە تێی ئاڵا وە
بۆیە ئازارو کزەو ناسازی
بوونەتە ئێخەگرو ئامبازی
خۆی لە خۆی پرسی چبووم ئیستا چیم
بە تەمای هەرچی نەبووم ئاخر دیم
من کە وا لووتکەنشینی شاخم
بۆ سڕە باڵ و پەڕی پەرداخم
یادی لاوێتی بەخێر ئەودەمە وا
ئێسک‌سووکانە لەسەر باڵی هەوا
ئاسمان شوێنی تەراتێنم بوو
شنەبای بەرزی بلاوێنم بوو
کاتێ بەژنم هەڵەدا کاتی فڕین
مات ئەبوون بوونەوەری دەشتی بەرین
ئێستە پیری ئەوەتا مێمڵمە
مردنیش لەو بەرەدا ماتڵمە
چاوەکانم نییەتی ئەو سۆما
هەڵبکا ماسی لە ناخی گۆما
تۆ بڵێی چارێ هەبێ بۆ کارم
تا نەڕووخاوە لەبن دیوارم
تۆ بڵێی بۆم هەبی ڕاوێژکارێ
شارەزای دەردی دڵێ وشیارێ
یا پزیشکێ کە بدا هەتوانێ
جۆرە ماجوومێ دەوا و دەرمانێ
ئەم بەڵای پیرییە دوورخاتەوە لێم
ئەوگوڕو تینە کە بووم باتەوە پێم
چۆڵ نەکەم بەم زووە ئەم دوندی چیا
فەرشی ژێر پێم بێ گوڵ و سەوزە گیا
لەم وتووییرەیەدا بوو مەلی پیر
لە سرووشت و فڕوفێڵی دڵگیر
نوقمی گێژاوی خەیال مات و پەشێو
سیپەلاکی لە خەفەت لێواولێو
کە لەپڕ دیتی کە لەو خوارە قەلێ
ئەگەڕێ نم‌نم و گۆرانی ئەڵێ
هاتە بیری کە شەوێ بابی کوتی:
چاوی کردۆتەوە بۆ ژین لەوەتی
تاکوو ئیستا تەمەنی هیچ مەلێ
بۆ درێژی نەگەییوە  بە قەلێ
قەل ئەژی ئاسوودە تا سێسەت ساڵ
ژینی نابێت  بە هاسانی بەتاڵ
بۆ مەلی دیکە تەنانەت دەگمەن
هەیە ئەو بەختە بە سیی ساڵی بگەن
کە ئەمەی هاتەوە بیر پیرە هەڵۆ
خۆی بە خۆی کوت لەچی وەستاوی بڕۆ
ڕازی قووڵی تەمەنی دوورودرێژ
لای قەلەو هەر ئەوە جێگەی ڕاوێژ
بۆیە بۆ دیتنی ئەو هاتە فڕین
تا بدۆزێتەوە ڕێچارەی ژین
لە چیای بەرزەوە ڕووی کردە نشێو
شامەلی زاڵ و بە باڵی کەژ و کێو
قەل کە دی ئاوە هەڵۆ ڕوو لەو دێ
هەر ئەوەی مابوو زمانی بشکێ
وای دەزانی بە نیازی ڕاوە
بۆیە یەکسەر ورەیی بەرداوە
نەبوو بۆی چون دەرەتانی دەرچوون
چۆکی دادایە بەری زار و زەبوون
نەی دەزانی نییەتی ئەو سەری ڕاو
چونکوو ئامانجێ تری کردوە ڕەچاو
هەڵۆ پێی کوت قەلی زانا چۆنی
پێم بڵێ بۆ پەکەری بۆ مۆنی؟!
دڵنیا بە دژی تۆ بێ هەرکەس
ورد ئەکەم قاپی قولاپەی دەمودەس
قەل کوتی میری مەزن زۆر سپاس
کارتی ئێقباڵی منت کردووە بە ئاس
من مەلی بەختەوەری دەورانم
چونکوو تۆی شامەلی پشتیوانم
پێم بڵێ گیان بکەمە قوربانت
جێبەجێ کەم بەوەفا فەرمانت
هەڵۆ پێی کوت قەلی وشیار و بەبیر
هاتووم تاکوو  بکەی بۆم تەگبیر
ئەوەتا پیری وەکوو بایی زەمەن
هاتووە بچڕێ لە من تاڵی تەمەن
تەمەنی خێڵی هەڵۆ کۆتایە
ئێوە  بەس ڕازی تەمەنتان لایە
سێسەتیش زێتر ئەژین ئێوە بە ساڵ
یەک لەدەی ئێوە نییە بۆ مە مەجاڵ
ڕازی ئەم بەختەوەری ئێوە چییە
بۆ وەها دەرفەتێ بۆ ئێمە نییە؟!
بۆم ئەگەر شی کەیەوە ئەم ڕازە
ئاوەڵا کەی لەسەرم دەروازە
زەحمەتت شەرتە فەرامۆش نەکەم
لەبری هەرچیت ئەوێ پێتی بدەم
قەل کوتی : پێشینیانی ژیرم
دوو لەوان بابی من و باپیرم
لەسەر ئەم باوڕە بوون بەرزایی
زوو دەهێنێ بە ژیان کۆتایی
بای بڵینداییە وەک پەیکی نەمان
کەشی نزمایی ئەکا ژین هاسان
بەو تەراتێنە کە دەیکەن لە فەلەک
ڕەوڕەوەی مانەوەتان خستووە پەک
سەرەڕای ئەم هەڵەیە نابارە
هەڵەیە دیکە هەیە و سەربارە
گۆشتە تازێک کە ئەیخۆن ئێوە
بە سەدان دەرد و بەڵای وا پێوە. 
چێ دەکا خەڵتە لەناو بۆری دەمار 
بۆ خوێن نایەڵێ ڕێباز و بوار
جەڵتەیی مێشک و سەر و دڵ دێنێ
تان و پۆی ساغی لەیەک ئەپسێنێ
ئێمە ناخۆین جگە لە گۆشتی گەنیو
هەژگەڵ و کرم و بەجێماوی ڕزیو
سینگمان هۆگری بۆ و بۆسارە
چاترین خواردەمەنی مردارە
کە دەپارێزێ لە مردن لە بەڵا
وەکوو چۆن لەشکر ئەپارێزێ قەڵا
میری من مەنزڵی من لەو لایە
بەهەموو گەندەڵیەک ئاوایە
هەمە لەو مەنزڵە سفرە و خوانێ
لایەقی وەک تۆ مەزن مێوانێ
پڕ ڵە مردارەوەبوی جۆراو جۆر
چاری بۆشایی لەش و ئێسکی کلۆر
وەرە با پێکۆ بچین تاوێ لەوێ
داگرین تیکە لەوەی دڵ دەیەوێ
ڕاهێنانێکە ئەوە پاش ڕاوێژ
وەکو دەسپێکی شیفا و عومری درێژ
لەم قسە پیرە هەڵۆ سڕ بوو سەری
لێڵ بوو بۆ چرکەیە چاوو نەزەری
هەستی کرد تاپۆیەکی تاراوە
کێیەتی لەو سەرە لێ جێماوە
هەستی کرد خاوەنی مێشکێکە تەزیو
شانی داداوە لە سەر بیرێ بەزیو
ڕوو لە قەل نەرم و نیان هاتە قسە
وتی بمبوورە وەها باسێ بەسە
خوانی رازاوەی وا پێشکەشی خۆت
گۆشتی مردارەوە بوو هەر بەشی خۆت
ژینێ دابین بێ بە ئەم ئاوایە
دڵی من قەت لەگەڵی ڕانایە
پاش ئەوە ئۆقرەی چوو کەوتە جمشت
لە پەسا ئارەقەیی شەرمی ئەڕشت
ڕاچەنی دای لە شەقەی شاباڵان
وەک گەڕابێتەوە دۆخی ساڵان
هەڵفری کردی لە هەوران تێپەڕ
ڕۆیی دیسانەوە هەر بۆ سەر و سەر
ڕانەوەستا بەوەش و هەر چوو بە تاو
بووە خاڵێک و ئەویش ون بوو لە چاو
ڕانەوەستا بەوەش و هەر چوو بە تاو
بووە خاڵێک و ئەویش ون بوو لەچاو

✍ محەمەدفاتێح  محەمەدی
                ف-نامۆ

پاش ساڵەکان

پاش ساڵەکان
لە ئاوێنەی یەکتریندا
خۆمان بینی:
دوو پەپوولەی بێ‌گریکی
هانا بردوو.
من
تابلۆیێ برینداری
بەساڵاچوو.
ئەو
پەیکەری شاژنێکی
تەم‌داگرتوو.
من
پاژێکی 
لەخۆ جێماو.
ئەو
باخێکی باڵابەرزی ڕەزاسووکی
تاڵانکراو.
ئەو نازانم
کام گێژەنی بیر و خەیاڵ
ئەیگلاند
ئەیهێنا
ئەی برد
من بەڵام
تووڕە لەو دەستە ئاوەژوویە
کە  دڵی هات
جوانی لێ‌ساند
وەک ڕەشەبا
تاڵانی کرد...

سەقز: 1402/3/19
محەمەدفاتێح  محەمەدی
         ف-نامۆ
لینکی کاناڵ:        👇👇👇👇👇

        @namopoem

هەمانە

بیری بەتاڵ نیشانێ،ناکا لە خۆی ڕەوانە
"تفلۆن"ە کاتێ کەللە، مەفرۆشە شەڕ بە شانە
نان و پەنیر و شیرێ، کاتێ نەبێ کەتێدا
نادا بەتۆ مەگەر"با"،کاکی برا، هەمانە

سەقز: 1403/4/22
محەمەدفاتێح  مئەمەدی
          ف-نامۆ
لینکی کاناڵ:        👇👇👇👇👇

        @namopoem

پرسیار

هات وپرسیم جوانترین جوانی چییە ؟؟
چی ئەکا پاراوی دڵ، پەرداخی ژین
تاوێ لێم ڕاما، بەئارامی کوتی:
ئاشقانە ڕوو لە یەکتر،پێکەنین

محەمەدفاتێح محەمەمەدی
         ف-نامۆ
لینکی کاناڵ:       👇👇👇👇👇

       @namopoem

ڕێگا

ڕیگا
تەنیا دیاردێکە
بەدەم پێوە
ناچێتەوە و
لەگەڵ هەنگاوی ڕێبواران
باڵا ئەکا و
لەگەڵ زەمەن
پتر
بەخۆی دا دێتەوە.
رێگا
تا هەتا
رێگایە...

محەمەدفاتێح  محەمەدی
          ف-نامۆ
لینکی کاناڵ:         👇👇👇👇👇

        @namopoem

تیشک

ئێمە هەرکام
لە پارچە خۆرێ ئەوەندەی جەستەی خۆمان
گەرمترین.
زانست ئەمەمان پێ ئەڵێ.
منیش ئەڵێم:
وەرن با خۆمان لە یەکتر
گرێ بدەین،
ببینە  هەتاوێ بەقەد
ئاپۆرەمان،
کە پانتایی تیشکەکانی،ئەوەندەبێ
برینەکانی یەکتری
پێ ببەستین...

محەمەدفاتێح  محەمەدی
           ف-نامۆ
لینکی کاناڵ:        👇👇👇👇👇

       @namopoem