الشاعر حيدر بشار الدراجي

‏مقطع صوتي من حيدر بشار الدراجي

بالغرب زينب مدفونه

~
الزمن من ريحة الاحباب خـــلاچ
ورحل عنج بطف عاشور خِــــلاچ
وحـــــيده ابولية الشمات خـــلاچ
وصارت حــــــــظرتج مثلج سبيه

والعده انزورچ منعونه
بالغرب زينب مدفونه
~

الدهر مارحم حالچ ليش يمعون
وگلبچ من مرار الحزن يــــمعون 
مادفنـــوچ يم عباس يـــم عون؟
اظن احـــــسين رادچ يــم رقيـه

ميت وبس تبچي عيونه
بالغرب زيــنب مدفونــه
~

أنه زينب وچـــم حسره ترابي
ومتت وعيوني لخواني ترابي
غريبه وبالغرب هـــــــالو ترابي
اولا واحد من اهلي مر عليه

عاشت وماتت محزونه
بـــالغرب زينب مدفونه
~
غياب حسين لحوالي يشلها
واجـروحي بعد محد يشلها
چنت لجنازتي اتــمنه يشلها
اخوتي والولد كلهم سويه

والدفن ولدي ايحظرونه
بالغرب زينب مدفونه
~
إنه الماله وكت حزني ولا يروح
وابد ماتشفه طعناتي واليـــروح
زين امشي يـهل وادم ولي روح
وخذت ولدي وخوتي الغاضريه

وهمي مايخلص تدرونه
بالغرب زينب مدفونه

~
الوكت ماينحمل ياناس ياراه
بالطف ماكو جار ايغيث ياراه
ابو فاضل گبل لا اموت ياراه
تطيب جروحي من يگبل عليه

ابطيحة الكافل سبونه
بالغرب زينب مدفونه
~
حيدر بشار الدراجي

‏مقطع صوتي من حيدر بشار الدراجي

‏مقطع صوتي من حيدر بشار الدراجي

وين يالمهدي دمعتك سايله
بارض سامراء لو طف كربله
ــــــــــــــــــــــــــــــــــــــــــــ
وين گاضيها يبو صالح نحيب
تبچي عالمسموم لوذاك السليب
بالفله هايم يمولاي وغريب
تگضي يومك بالدموع الهامله
ــــــــــــــــــــــــــــــــــــــــــــ
يبو صالح جدك الهادي انغدر
وبنجیع السم هرش گلبه انفطر
لاچن مصابه يظل گطره ابحر
اگبال ابو الیمه الغریب ومقتله
ــــــــــــــــــــــــــــــــــــــــــــ
ياهو حاضر ياامامي بمجلسك
وانت وحدك والحزن يتنفسك
ليش تبچي من تشاهد محبسك
تذكر الخنصر يبن خير المله
ــــــــــــــــــــــــــــــــــــــــــــ
مصيبة الهادي چبيره ومؤلمه
الله لا ينطي اللعين السممه
خلصو اهلك ذبح وسموم وضمه
ومنهو مثلك سيدي خلصو هله
ــــــــــــــــــــــــــــــــــــــــــــ
بمجلس الهادي يبو گلب الحَنين
وگلبك اموجر على مصاب الحسين
راح صوتك من كثر جر الونين
والقهر وياك واصل مرحله
ــــــــــــــــــــــــــــــــــــــــــــ
الساده والعوام تنطر جيّتك
متى نسمع يابو صالح خطّبتك
وتنعه يالغايب مصيبة عمّتك
الراحت اعله النوگ چنهه البسمله
ــــــــــــــــــــــــــــــــــــــــــــ
الهادي ماعنده حرم راحن سبي
الهادي ماروّع خواته الاجنبي
ويلي عالصاحت حبيبي يا ابي
وماتت اعله الراس وهيه اتقبّله
ــــــــــــــــــــــــــــــــــــــــــــ
حيدر يشار الدراجي

https://youtu.be/2FNA1JElcJ4?si=It2s3H8fuRKW_n8g

(مولاتي السيده زينب عليها السلام)

الدهر مارحم حالچ ليش يمعون
وگلبچ من مرار الحزن يــــمعون *
مادفنـــوچ يم عباس يـــم عون؟
اظن احـــــسين رادچ يــم رقيـه
~
حيدر بشار الدراجي

*ياما عانى

البضعه وأم ابيهـــا فاطمتنه
اُمنه اعله عشگـــها فاطمتنه
أنه بيوم القيامه فاطمه اتنه
تجيني ام الحسن تشفع اليه
༺༺༻
حيدر بشار الدراجي

((السيده زينب عليها السلام))

الزمن من ريحة الاحباب خـــلاچ
ورحل عنج بطف ابعاشور خلاچ
وحـــــيده ابولية الشمات خـــلاچ
وصارت حــــــــظرتج مثلج سبيه
~
حيدر بشار الدراجي

(ام البنين عليها السلام)

غياب حسين لحوالي يشلها
واجـروحي بعد محد يشلها
چنت لجنازتي اتــمنه يشلها
حسين واربع اولادي سويه

حيدر بشار الدراجي

‏مقطع صوتي من حيدر بشار الدراجي

گبل لتدفنوني
زوروني كربـله
طوفونـــي اعلى الگمر
والحسين اخذوني اله
ــــــــــــــــــــــــــــــــــــ
گبل لا اموتن اوصيكم وصـــيه
گبل لتدفنونني بتراب المــــنيه
اجنازتي ودوها لرض الغاضريه
يم الاحسين وابو فاضل اخـيه

عالترب خـــلوني
يم ابن عقد الوله
طــوفوني اعلى الگمر
والحسين اخذوني اله
ــــــــــــــــــــــــــــــــــــ
علگ من احسين شدولي اعلى زندي
وتربه جيبولـــي وخلوها اعلى خدي
اترد عليه وحشتي لو صرت وحــدي
حتـــــى ليليه اشمها بــــــذاك لحدي

ومن افتش عيوني
اتضل دموعي سايله
طوفوني اعلى الگمر
والحسين اخذوني اله
ــــــــــــــــــــــــــــــــــــ
اجـنازتي ودوها يم حامي الشريعه
يم چبير اولادي ابو الجثه الصريعه
ارد انوحن وابچي لچفوفه الگطيعه
الحلت ابگلبي على اعيونه الفجيعه

ادموعي من بطن النعش
عالحـــــــــــــبايب هامله
طوفوني اعلى الگمر
والحسين اخذوني اله
ــــــــــــــــــــــــــــــــــــ
امنيــــه ابــالي بعد سووها اليه
اجنازتي طوفوها تـــل الزينبيه
وفوگ تل الزينبي نصبو العزيه
عالمشت للشام مچتوفه وسبيه

وبالحـــرم ذَكروني
الهامت بذيچ الفله
طوفوني اعلى الگمر
والحسين اخذوني اله
ــــــــــــــــــــــــــــــــــــ
الما خذوني ساعة الحمل ضعنهم
اشگد تمنيت اندفن اولادي يمهم
كون اصيرن طير واتعنه الوطنهم
امهم وليش الزمن حارمني منهم

من الاغياب انحنه
ظهري مثل السنبله
طوفوني اعله الكمر
والحسين اخذوني اله
ــــــــــــــــــــــــــــــــــــ
حيدر بشار الدراجي

‏مقطع صوتي من حيدر بشار الدراجي

‏مقطع صوتي من حيدر بشار الدراجي

نَنعاكِ بالأنين. يااُمَ البنين
_
اليــــــومَ جِئنا بقلوبٍ دامـــيه.
مكسورةٍ وبـــــــالعَويلِ ناعيه
هذي الدموعُ مُن دِماءٍ جاريه
فالكُلُ يَفنى والمواقِفُ باقيـه

بالدمعِ نستعين. يااُمَ البنين
__
اليومَ نقرأُ للوفاءِ الفاتـــــــــحه
طاهرةٌ امُ البـنـيـــــنِ صالحــــه
دمعاتُ عيني للخُدودِ جــــارحه
وفي البيوتِ حانَ وقتُ النائِحه

تبكيكِ كُلُ عين. يــــاامَ البنين
___
معَ الزمانِ لـــي عِتابٌ ياتُرى
أيُدفَنُ الحنانُ ماتحتَ الثَرى
لكِنَـــــــما كَفُ الوَفا لَن يُقبَرا
اصبَحتِ باباً لحوائِجِ الوَرى

نَأتيهِ كُلُ حين يااُمَ البنين
__
فـــــــــاطمةٌ أُمُ الليوثِ الاربعه
بالغُربِ ماتت يالَها مِن فاجِعه
وابـنُها العباسُ سيدُ المشرعــه
الارضُ تبكي والسماءُ السابعه

ويومُنا حزين. يااُمَ البنين
__
مِن بعدِ فاطمَ هيَ أوفى فاطمه
بــــحُبِ أبـــناءِ البتولِ هائِمـــه
وللحُسينِ هيَ كانت خــــــادمه
وعن يـــــقينٍ بـــالإمامِ عالمه

نُرثيكِ بالحنين. يااُمَ البنين
___
امُ البــنينِ قُــــــطِعَت احـــــــشاؤها
لَن يَشَفَ مِن يومِ الطفوفِ جـرحها
فَقدُ الحـــــــسينِ هالَها وهَـدَهـــــــا
مِن بعدِ عيـنيـهِ تَـمَنت موتَـــــــــها

مازِلتِ تنحبين. يااُمَ البنين
~
حيدر بشار الدراجي

‏مقطع صوتي من حيدر بشار الدراجي

وين ابن حذلم بِشِر هالليله وين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
بشر وينه يگصد ارض الغاضريه
يخبر العباس عن هـــــاي الرزيه
ايگله امك رادتك وكــــت المنيه
غدت تنشد بلچي للــعباس جيه

بالنوايح والمدامـــــــــع والانين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
رادت الاولاد تمشــــــي بالجنازه
والولِد وكت الدفــن عازتها عازه
هـــــاي أم الكافل وبيش اتّجازه
هـاي بيهه الكلب يندب لو توازه

عالولـد حگ الربه وتعب السنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
وين ناعي حسين بطراف المدينه
خل يصــل للمشرعه بجمرة ونينه
يخبر العباس راحــــــت هالحنينه
خل يجيها بس يشيل اسهام عينه

الچان امس ینعه یساره واليمين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ماتت ودمعــــــاتها ترست جِفنها
الاربعه اتمنت يحضـرون ابدفنها
هذا اليسد عينها ويشــــد چفنها
وذاك الايــون المصيبتها وحزنها

وين ناعي الحزن يلطم عالجبين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ايروح لحسين ويخبره عالمصيبه
ايگله ام الاربعه مـــــــاتت غريبه
الهــــا حگ اعليك تدريها النجيبه
من غبت دلاَّلهه مـــــــاكف نحيبه

من يروح ايخبر حسين الحنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
التنعه لجل مصيبتك لاخر عمرها
كونك اتهيل التراب اعـــله گبرها
الفاتحه تقـــراهه واتنوح ابكترها
فــاجده وماأنصف اوياهه دهرها

خلي ياخذ موكب ویمشي حزين
ايروح للعبــــاس ينعـه ام البنين
ـــــــــــــــــــــــــــــــــــــــــــــــــ
حيدر بشار الدراجي

((يا ام البــــنيــــــــن))

بعد ما تاخذ اجدامي على البيت
عگب ام بیتي البيهه عِله البيت
اسولف واحچي وي روحي علي البيت
چنه ابلا سگف بعد الزچيه

حيدر بشار الدراجي

الدهـــــر مهما انجمعنه مايتمنه
اجاني حسين ينشد مايت امنه؟
يفضه ايگلــي خافن ميته امنه
ويتامـــه نصير من بعد الزچيه

حيدر بشار الدراجي

من طاري الهجر كلش چنت حذره
واعرفت الهجر من مـــاتت الزهره
ـــــــــــــــــــــــــــــــــــــــــــــــــــــ
خمس اسنين عمري وفاركت امي
وراحت ذكرياتي وانعكس حلمي
وكبر وياي ضيمي وعاشرت همي
وليل انهار عيني امعاشره العبره
ـــــــــــــــــــــــــــــــــــــــــــــــــــــ
بحنان الزهره چانت غارگه سنیني
تطيـبـني ابـنظرها امي وتداويني
گلبها شلون يـنطيها تـخـليـنــــــــي
ماصدگ علیها هانـــــــــــت العشره
ـــــــــــــــــــــــــــــــــــــــــــــــــــــ
هجــــرتـــــني الزچيه وانهدم حيلي
وفـارگت العبایــــه اللـي تـفـيـيـــلي
يـــــــاويلي عله العافتني يـــــاويلي
شجره ابلايه ماي ويبست الشجره
ـــــــــــــــــــــــــــــــــــــــــــــــــــــ
بـمحــــــراب الزچــــــیه اوگف وانعه
بكل تسبيحه من سبحتهه اجر دمعه
واگول الله یعین الیــــــــنکسر ضلعه
واظل ابچي الضلعها ولوعة السطره
ـــــــــــــــــــــــــــــــــــــــــــــــــــــ
اصد للباب واذكر محسن المذبوح
لحد الان دمه اعله الجذع ميروح
انوحن وي علي وهوّه اعله حالي ينوح
ويحضني ويكاسر صبري وي صبره
ـــــــــــــــــــــــــــــــــــــــــــــــــــــ
بــــمناجاة الدمع اسجد واحاچیها
واگلها الدنيا ما ظل كل طعم بيها
خبريني حياتي شلون تـــــــــاليها
اظن طف وخيم بالنــــار مستعره
ـــــــــــــــــــــــــــــــــــــــــــــــــــــ
فراس المحمداوي
حيدر بشار الدراجي

‏مقطع صوتي من حيدر بشار الدراجي

هالخدمه صارت للخلگ نعمه
خير متاع الاخره الخــــــدمه
~
هاي.. نعمه من ربنا
هاي.. يابشر حــــبنا
هاي.. هيه مذهـــبنا

بالحشر چفة الخدمه اشگد ثگيله
ايبرد اجهنم دمعنه الي نـــــــسيله
الخادم اتحظره الزچيه وتعــتنيله
واحنه غير الزهره ماعدنه وسيله

كون العمر وي فاطمه انختمه
خير متاع الاخـــره الخــــدمه

~
ريت.. الها نتــــوفق
ريت..ابحبها نتوثق
ريت.. صكنه يتصدق
عدنا بالتاريخ اسامي عالميه
الناس تدّاول اسمهم كل مسيه
مثل قنبر من خدم حامي الحميه
والله يرحم فضه خادمة الزچيه


والصفه نيته يرتقي بِسمـــه
خير متاع الاخره الخــــدمه
~
كون.. نعتني اعنايه
كون.. نــــرفع الرايه
كون.. نوصل الغايه

واحـنه واحـدنه تضل كل امنياته
ابخدمة اهل البيت تخلص كل حياته
الچان بالدنيا الخدامه من صفاته
ابخدمة الزهراء يبـــقه الحد مماته

يرضي الزچيه هذا كــل همه
خير متاع الاخره الخــــدمه
~
نور.. تقبل الزهره
نور.. خدمة العتره
نور.. وافهم العِبره

راحـه نفسيه الخدامه للموالي
الف هنياله الصبح خادم مثالي
ولو سمع مغرض حچه لامايبالي
النيه خدمة فاطمه اول وتالي

بالخدمه يبقى منطي هالكلمه
خـــير متاع الاخره الخــــدمه

~
دوم.. ماتـــــركناها
دوم.. عشنه وياها
دوم.. رتبه شلناها

راحة الدارين هالخدمه العظيمه
الف هنياله الوفه الزهره الكريمه
الخدمه ياوادم تراها اكبر غنيمه
ياهظيمه الي خسرها ياهظيمه

الزلمه ابخدمته ينحسب زلمه
خـــير متاع الاخره الخـــدمه
~
صوت.. ننطي للغايب
صوت.. شاب والشايب
صوت.. الطلعته انراقب
ندعي بارينا يعجل في ظهوره
ابهل مجالس نرتجي المهدي حظوره
ايكحل اعيون الخدم من فيض نوره
الكربلاء نگصد سوه حسينه نزوره

يمته ابـــــــظهوره ينقذ الامه
خـــير متاع الاخره الخـــدمه
~
حيدر بشار الدراجي

‏مقطع صوتي من حيدر بشار الدراجي

بهاي المجالس والعزاء
يالمهدي نسألك الدعاء
ـــــــــــــــــــــــــــــــــــ
يالحبك ظل ساكن كل هاي المهج
وبأسمك مــولانا كل شيعي ابتهج
وندعيلك كل ليله ابتعجيل الفرج
يالتدري بدنيانه مـــــــاليهه الهرج

بيدك مفــــاتيح السماء
يالمهدي نسألك الدعاء
ـــــــــــــــــــــــــــــــــــ
ابكل جمعه يالغايب ننطيك العهد
ونبايع ونعــــــــــاهد مانخلف أبد
وندعي الله ايثبتنه بهـذا المعتقد
وخسران العن دربك مـولانا ابتعد

ننخــــاك ياباب الرجاء
يالمهدي نسألك الدعاء
ـــــــــــــــــــــــــــــــــــ
بمجلسنه المتواضـــــع نتمنى تِمُر
اتمر بينه وانفاسك للمجلس عطر
لـــــو نعلم لاوینك گاعـــد مستقر
ونصلي للباري سجـــــدات الشكر

ننتظـــــرك بدمعة بكاء
يالمهدي نسألك الدعاء
ـــــــــــــــــــــــــــــــــــ
هالمجلس كالحضره وجامع شيعتك
ياســــاعه مولانا ننظـــــــر حضرتك
وعالمنبر يالحجه نسمــــــع خطبتك
اشتاگينه تدرينا اهـــــــواي الجيتك


وبيمينك ايرف اللــواء
يالمهدي نسألك الدعاء
ـــــــــــــــــــــــــــــــــــ
يالگلبك لحسينك دامي ومنفجع
وتندبه كل ساعه وتهـــــل الدمع
من الحافر يالمهدي ماضل بي ضلع
والخاتم بچفوفه راح اويه الصبع

نقسم عليك بكــــربلاء
يالمهدي نسألك الدعاء
ـــــــــــــــــــــــــــــــــــ
حيدر بشار الدراجي

وفاة القاسم بن الإمام الكاظم (ع)

الحــزن ياناس ساد الكون عمّاه
على القـــاسم يريت العين عمّاه
يسأله اعله النسب كل يوم عمّاه
مايدري ابن ســــــــــادات البريه
ــــــــــــــــــــــــــــــــــــــــــــــــــ

مايوم الفرض جازه وفاته
كسر گلبي تره مصابه وفاته
بقه بغربه لحد ساعة وفاته
الهواشم وين ساعات المنيه


✍ حيدر بشار الدراجي

‏مقطع صوتي من حيدر بشار الدراجي

صاح ابأحزان .. عم ياسلمان
حيدر نوحه .. الموت البضعه
فگد الزهره .. الكاسر ضلعه
ـــــــــــــــــــــــــــــــــــــــــــ
نــاده يسلمان ابحزن حيدر علي وابحــسره
حيلي انهدم لمن شفت بعيوني حال الزهره
نــار الغَضَه بِيِّه أحس وابروحي هالمتوجره
گسر الضلع لو ينــجبر كسر الگـلب شيجبره

داحي البيبان...ينحب باشجان
واعله ام بيته...ايهل الدمعه
فگد الزهره ...الكاسر ضلعه
ـــــــــــــــــــــــــــــــــــــــــــ
ايگله يــسلمان الجــرح ماتنـگضي سالفته
من غـمّـضت عين النــبي وغسلته وچفنته
ومن وسدت ام الحسن موت النبي اتذكرته
اليدفن احبابه بالگبر يحسبهه روحه الميته
ويتمنى الموت.. ويصيح بصوت
لامااريدن .. هاي الوسعه
فگد الزهره.. الكاسر ضلعه
ـــــــــــــــــــــــــــــــــــــــــــ
الفاگد خـليله ومـهجـته ليله يـخـلّص وحــشه
ويگضيها حسرات او ألم ومايل يضل بالممشه
وتـصير شده نـومتـه ويـتـــــاني وكت الغبشه
الفاگد مـثل ام الحــــــــسن يتمنى نومة نعشه

چانت وياه.. كلشي ابدنياه
الفرگة فاطم .. حيدر ينعه
فگد الزهره.. الكاسر ضلعه
ـــــــــــــــــــــــــــــــــــــــــــ
المالان گـلبه امن الشدد عـالـزهره منهد حيله
مكسور خـاطر ياخـلگ بــيـــده التراب ايهيله
والحالته اتــــــــحن السمه ودم و دمع تبچيله
ام بيته منه هاجرت وهالفرگه  يدري اطويله

هاي الزهراء.. ام الارزاء
هذا الموت.. المابي رجعه
فگد الزهره.. الكاسر ضلعه
ـــــــــــــــــــــــــــــــــــــــــــ
اليفگد أعز واحد تـــره  اتضيگ الوسيعه ابعينه
وبوجهه ينشاف الحزن وبـالغربه يگضي اسنينه
واليكتم ابـگـلبه الجـرح ايـــــظل يفرك ابچفينه
وحـيدر فـگـد جـنة عدن ساعتــــــها الله ايعينه

ام زينـــب هاي.. يهواها اهواي
وراحت من چف.. حيدر شمعه
فگد الزهره.. الكاسر ضلعه
ـــــــــــــــــــــــــــــــــــــــــــ
حيدر بشار الدراجي

بجميع اعضاي كسر امي يعم مار
وچـــان الدار بـــــــس بيهه يعمار
الزهره راحـــــت امن ايـدي يعمار
ويتــــــيم آنه صرت عگب الزچيه

حيدر بشار الدراجي

سيدي ياصاحب الزمان

امناطر يومك واحسب وعدلك
متى يتحقق مــن الله وعد لك
بأمــــــانك تنعم الوادم وعدلك
امــــــــــان الله وجودك للبريه

✍ حيدر بشار الدراجي

ياحبيبي ياحسين

الگلب یاطيب العشره فضالك
نجمه واحس حاضني فضالك
ابد يحسين مـــا انسه فضالك
بخيرك دوم متروســـات اديه

✍ حيدر بشار الدراجي

مقام اله يشع بالنور من قم
وافضل من سجد لله من قم
معصومه شريفة نسب من قوم
الكرم والياهله عدهم سجيه
༺༺༻
حيدر بشار الدراجي

ترتاح نفسيته وتزول اهـــمـــومـه
اليدخل رحاب السيده المعصومه
~~
لليگـــصد الأخت الرضا ويتعنــه
يشاهد گبرها صايره ابنص جنه
بالعـوده يدعــي الزاير ويــتـمنـه
اتصير الزياره الثانيه محسومــــه
~~
لليگصد البت الغريب الكاظم
گلبه ايتعلگ بيها ويظل هايم
واليطلب الحاجه ميرجع نادم
فرحان يرجع ماتلمه اهدومــه
~~
بمرقدها تشعر حاله روحانيــه
يمها الخشوع وراحه للنفسـيه
الهه جعل باري الخلگ قدسـيه
الزايرها زاير فاطمه المظلومه
~~
قول الجواد بهـــــاي ناخذ عــنه
من زار عمتي بقم نصيبه الجـنه
وغير النبي وذريته احنه اشعدنا
نـور الله هـمــه والخزن لعلومــه
~~

مرقدها ابــد ما تــــنـگطع زواره
ماتنطفي ليل ونهــــــار انـــواره
قُم اصبحت قبله وحرم وزياره
مثل الاگلاده امن الدرر منظومه

~~
حيدر بشار الدراجي

حســـــــــــين.. حســـــــــــين
~~
مضمــــــــون العزاء يالـــردت تــفسيره
يرضه الله ورسوله كلمـــن ايحــــــضره
من هالمنطــــــلق خلــــصت كل عمـري
وصحت ابصوت فدوه الفاطمه الزهره

واليخدمهه ..تره الله ايزيده
وعلي... ياخذ بيده
وتوفقه الزهره
وبهالخدمه ...اذن حگي اتباهه
وصحت.. يامحلاهه
الشفاعه الكبره

حســـــــــــين.. حســـــــــــين
~~
ابو القاسم حديثه ياخلگ واضح
من سَر فاطمه للمصطفى ايسره
ومن نحظر عزاء للطاهره البضعه
الحظور ايفرح المختار والزهره

الذارف دمعه..الف يا هنياله
البچي..ايزكي اعماله
وحسن عاقبته
هيّه الزهره.. تره اتسجل اسمه
ويضل فوك القمه
الشرف جائزته
.....

حســــــــــــــين.. حســــــــــــــين
~
الزهره ام الايمه وللخلگ صــارت
مثل المصطفى الهاي البشر رحمه
قديـسـه وعطرها يـشبه التـفـــاح
ام حسين نعـمـــــه ونشكر النعمـه

مامن مجلس.. يخص المـــظلومه
الگلب. يجلي اهمومه
بصفاء النيه
لا مانشبع..بجي اشما ونينه
لان ماتكفينه
الف لطميه
حســـــــــــين.. حســـــــــــين



~
مجروحه الزچيه بضربة البسمــار
وهالعـــزيات للزهره تداويـهـــــــا
خاطرها يطيب وتفرح الـــبضــعه
من تـــــشـوف دمـــعـات المواليها
وهاي الدمعه.. تكع بيد الزهره
غداً.. يوم الحسره
رصيد الخادم
وبقاروره.. المدامع من تلتم
ضوه..ايطفي اجهنم
شعاعج فاطم
حســـــــــــين .. حســـــــــــين

~
ماخاف الـــــگبــر وانه الــجبت عــمري
مــــن مجـــلس المجلـس احظر وهايم
ونسيت اسمي الحقيقي وكنيتي ياناس
وفرحت اهواي من صار اسمي الخادم

وميخافون الگبر.. اهل الخدمه
لان..لام اليمه
گلبهم دامي

العايف اهله وگصد.. مجلس يحظر
وبچه.. الذاك المنحر
يحظره الضامي
~
حيدر بشار الدراجي

بسمها الهج واسيلن دمعليها
ولا كفّـيت حـــــزني دمعليها
بعدها الباب اشوفن دمعليها
وبذاني استمع ونّات الزچيه
☆☆☆☆
يهالرايد الزهـــــره اتنــــول ودهه
دمعتـــــك للمـــدينه اليــوم ودهه
جريمه انسطرت اعله العين ودهه
امن السطره كسر ضلــــــع الزچيه
☆☆☆☆
___

عن حال الزچيه شلـــون سلها
ثجيــل البـــاب والبسمار سلها
المدامع حيدر من ادموم سلها
الله يساعده ابفگــــــد الزچيه
☆☆☆☆
كسر ضلع الثريه الرجس منهد
وحيل الزهره من الباب منهد
ابو الحمله يتاني الليل منهد
طلع للمگبره ابنعش الزچيه
_☆☆☆☆


كسر ضلعي خفيته ما رويته
المهد خالي او محسن مارويته
الخبر خليته سكته مارويته
عله حيدر لحد يوم المنيه
☆☆☆☆

الگلب يا دهر لوعـــاته حملها
الزهره تلوج من صابو حملها
ياهو امن العرب يفزع حملها
ويرد كلمن تعده اعله الزچيه
☆☆☆☆
يحيدر بيتك الداسوا ثنيته
اوكلامك ابد ما مره ثنيته
لون ضلعي يبو زينب ثنيته
يلجمني الجرح وبچي ابخفيه
☆☆☆☆

نبت بسمار بضلوعي وصحت آه
ندبت المصطفى طه وصحت آه
لون تسال على حالي وصحت آه
ذبل عودي اودنت مني المنيه
☆☆☆☆

نزل جبريل وحي الله خدمنه
ولحــــــد الآن تتوافد خدمنه
ماننسه البچه السطرة خدمنه
وحضر واحيا الليالي الفاطميه
☆☆☆☆

البضعه وأم ابيهـــا فاطمتنه
اُمنه اعله عشگـــها فاطمتنه
أنه بيوم القيامه فاطمه اتنه
تجيني ام الحسن تشفع اليه
༺༺༻

انكسر ضلع الزچيه بعد ابوها
وتنوح وبيهــــا اثّـر بُعد ابوها
اخذو فـــــدك منها بعدَ ابوها
اترابه اخضر ومنصوبه العزيه
~
حيدر بشار الدراجي

انكسر ضلع الزچيه بعد ابوها
وتنوح وبيهــــا اثّـر بُعد ابوها
اخذو فـــــدك منها بعدَ ابوها
اترابه اخضر ومنصوبه العزيه

حيدر بشار الدراجي

وين الزين دهري ايشدد ارحاله
اخذ سيد حسن والعين هماله
ابو هادي سلف لا دنيا يسواله
راح الچان يرهب حتى بخياله

‏فيديو من حيدر بشار الدراجي

يا سعيد ٠٠ الله رافع شانك
يا سعيد ٠٠ جعفري عنوانك
------------------
يا سعيــد ابن جُبير الاسدي
يامن بنهجك نسـير ونقتدي
مخلص وللدين دمك تفتدي
صامد وثوب اعتقادك مرتدي

بالعلوم ٠٠ الله خص السانك
يا سعيد ٠٠ جعفري عنوانك
------------------
عالم وعـــــــالي القدر بالمسلمين
تروي احاديث النبي بدقه ويقين
بالثنـــاء خصّاكَ زين العـــــابدين
مَثَل صـــــالح اصبحت للمؤمنين

والامــام ٠٠ يشهد ابأيمانك
يا سعيد ٠٠ جعفري عنوانك
------------------
مؤمن وعابد وقلبك مطمئن
تختم القرآن بالليـــل اليجن
راكع وساجد وابد ماتستچن
وبدعائك صخر يذبُل هم يحن

بالصلاة ٠٠ گلبك أو وجدانك
يا سعيد ٠٠ جعفري عنــوانك
------------------
للولايه افديت روحك ياشجاع
ثوبك ابيض يشبه بوصفه الشراع
صادق الايمان ما لابس قناع
تقوتك للاخره خيرُ متاع

ياشهيـد ٠٠ بالگلوب امچانك
يا سعيد ٠٠ جعفـري عنوانك
------------------
هواي وادم عاشت بذلة نفس
وانت ما طخيت راسك كالشمس
انطيت للاحرار چم حكمه ودرس
من حچيت العدل گدام الرجس

للجهـــــاد ٠٠ اذنت اذانك
يا سعيد ٠٠ جعفري عنوانك
------------------
بكل سنه الوادم تزورك ياوفي
راية الحق تعتلي وما تنتفي
وابن يوسف ضاع صيته الثقفي
ولجلك انلعنه وصدرنه يشتفي

والدموع ٠٠ رتلت أحزانك
يا سعيد ٠٠ جعفري عنوانك
------------------
هاي حسن العاقبه يبن جُبير
الوادم بسدك ابد مامسها ضير
وفوگ گبتك أمن وسبّح الطير
وهالبلاد بحضرتك شافت الخير

هالعباد ٠٠ اتعنت الديوانك
يا سعيد ٠٠جعفري عنوانك
------------------
حيدر بشار الدراجي

((المولد النبوي))

نقـــــدم هالمسيه
الورود الفــاطميه
بزغ هالليله نـوره
النبي سـيد البريه
ــــــــــــــــــــــــــــ

سطع نور الرساله
البدر بين كمــــاله
توسط في سمانه
گمــر نوره ايتلاله

لسـان الوفه غــرد
انولد طـاها محمد
مِله نوره الكـواكب
الزمان ابأسمه ردد

تهــانينا .. وامانينا .. ابحضرته نجتمع
مواكبنه .. تقـــربنا .. اله نعــــلگ شمع
لبو القاسم .. فرح دايم .. وتر ماله شفع

الگلب واضح هيامه
لبو القــــاسم غرامه
يهنياله الــــــي زاره
الزياره اجمـل هديه
ــــــــــــــــــــــــــــــ

نهنــي الليله فـاطم 
انولد فخر الهواشم
ونگـــــــلها يالزچيه
گلبنه بسمه هـــايم

يفرحتنه الچبيره
انولد جد الاميره
الفــرح عم البريه
الورد فوّح عبيره

سطع نوره .. مثل سوره .. نرتل مولده
الف اهلن .. الف سهلن .. سلامه انردده
نبي الأمه .. نزل رحمه .. على اعناد العده

انهدم ايــوانه كسره
كســر محـــد يجبره
وبحيره ساوه جفت
وطفت نار الســـريه
ــــــــــــــــــــــــــــــ

رسول آلله وحبيبه
ابو الزهـره النجيبه
نهني الليله حــيدر
ونعيش اجواء طيبه

تهــــــانينا يضــرغام
انولد بيــرغ للاسلام
الأمين الصادق احمد
نبي الساده والاعوام

اخو الوالي .. علي الغالي .. اخو نعم الاخو
ابو العتره .. ابو الزهره .. ابو حسين أو كفو
النبي طاها.. بعلي اتباها.. صدح صوته الحلو

درس للخـوه كتبو
صوره للوفه رسمو
يعلمنه مــــن الاول
عشگ حامي الحميه
ــــــــــــــــــــــــــــــــ

اذا جــــــــد العقيله
ابو طــــــالب كفيله
نسب طاهـر اساسه
والاصــلاب الجليله

ملك تاجــــه النـبوه
النهر من ايـده يروه
عجز كلمــن يوصفه
صفـــاته كلها حلوه

الصنم داسه .. على راسه .. موحّد خـــالقه
سجد لله .. النبي صلى .. الشهاده بمنطِقه
صعد صيته.. الشرف بيته .. ابو الزهره رقه

وصل لعّلى السماوات
عليه افضـــل تحيات
وتدنه قـــاب قوسين
من الــــــذروه الـعليه
ـــــــــــــــــــــــــــــــــ

ســــور وآيات نزلت 
اباب اعتابه سجدت
على اســــــمه نبينا
ملائــــك ربنا صلت

محمد اكمــــل الدين
من نصّب ابو حسين
برســـــــــالة ربنا بلغ
وتم النعمــــه ياسين

رفع ايده .. النبي بيده .. هنيئاً ياعلي
خطب بيهم .. يوصيهم.. كلامه يعتلي
علي بعدي .. اخي وعضدي .. رضيته الكم ولي

ونزلت بيـــــــها آيه
بلــــــغ بالـــــــولايه
الأمين ادى الرساله
الى يـــــــوم المنيه
ــــــــــــــــــــــــــــــــ

حيدر بشار الدراجي

‏مقطع صوتي من حيدر بشار الدراجي

امنيه اتدور ابخاطري
خـادم اظل للعسكري
ــــــــــــــــــــــــــــــــ
مــــزروعه بيه الامنــــيه.. من الولاده و الزغـر
اخدم ذراري المصطفى.. آنه وهلي طول العمر
وادعوك ربي ابكل فرض.. ريت ايتحقق هالأمر
ابغير الخدامه هالبشر.. اعمارها تصير ابـخُــسر

صبيت دمعــة ناظري
خـادم اظل للعسكري
ــــــــــــــــــــــــــــــــ
احـظر مجــــــالس للعزه.. ابسامره عندي امنيه
ابصحن الامام العسكري.. يختلف طعم التعزيه
من تذرف اعيوني الدمع.. هالنفس تصبح راضيه
هاي المجالس للمرض.. صارت دواء وشافيـــــه

مرضاتك بهاي اشتري
خـادم اظل للعسكري
ــــــــــــــــــــــــــــــــ
يــــــاربي هذه نعمتك.. اعلينه تفيض ابهل رزق
ادعوك اظل وتوسلك.. اتثبتلي اجدامي ابصدق
لحسين كون ومجلسه.. ايهيم الگلب كون ويرق
كون اول الناس اعتني.. وبدمعة اعيوني التحق

خليني ربحان و ثري
خـادم اظل للعسكري
ــــــــــــــــــــــــــــــــ
اهل المواكب والخدم.. وگفو على طول الدرب
من كربله الارض الغري.. السامره راحت تنصب
متحزّمين ابحب علي.. ويسهل عليهم كل صعب
ينـــادون للزاير هلا.. يالبــــــيـــــــك ينسر الگلب

وانته العليم بجوهري
خـادم اظل للعسكري
ــــــــــــــــــــــــــــــــ
امنيتي يارب رب السمه.. ورب الملائك والبشر
هلبت يمر راعي الامر.. وبشوفته ايكحل النظر
هالحسره ظلت بالگلب.. خدمة امامي المنتظر
بغيابه ماراحه شفت.. والدنيا بس ضيم وقــهر

حبه يدور بضـــامري
خـادم اظل للعسكري
ــــــــــــــــــــــــــــــــ
حيدر بشار الدراجي

‏مقطع صوتي من حيدر بشار الدراجي

‏مقطع صوتي من حيدر بشار الدراجي

(للامام العسكري)

عظم الله...اجرنا واجركم
يامهدي
ــــــــــــــــــــــــــــــــــــــــ
يابو العزه ويابو الجرح.. يبن الحسن نادينه
بمصاب ابوك العسكري.. مـاجـور يـامـهدينه
جـبـت العمر كله تون...يــاگلبك الله ايـعينه
وانـخـــفف اعليك الحمل...للتعزيه اتــعنينه

عظم الله...اجرنا واجركم
يامهدي
ــــــــــــــــــــــــــــــــــــــــ
صبرك جبل يبن الحسن.. فــاق الزمن واتعده
بس أبمصيبة والـــــــدك.. مـــاي الصبر واتبده
تنظـــــــر ابوك بلا ذنب.. بالسم تصوب چبده
عمره وشبابه ياوسف ٠٠ كله انسلب من عنده

عظم الله...اجرنا واجركم
يامهدي
ــــــــــــــــــــــــــــــــــــــــ
عالي ابخــلودك والعِدهَ.. هيهات لن اتـــلوحك
الله اليصبرك سيدي.. وتطيب ريت اجروحك
تشتاگ چنت الوالدك.. وتنــعاه نبرة نــوحـــك
لمن سمعت امصيبته.. چا شنهي صار بروحك

عظم الله...اجرنا واجركم
يامهدي
ــــــــــــــــــــــــــــــــــــــــ
الله اليهون امصيبتك.. ابفگد الحسن هاليله
مثلك منو بهذا الحزن.. ناح وتهــــــدم حيله
لمن حظرت اجـنازته.. صليت لوتـبــــچـــيله
بالغربه خلُصت العمر.. ولا واحـد التـــشكيله

عظم الله...اجرنا واجركم
يامهدي
ــــــــــــــــــــــــــــــــــــــــ
كل المصايب هونت.. ومصيبتك بحسينك
يالدمعك اتغير دمه.. وراسم طفوف ابعينك
تنعى الغريب ابكل وكت.. ومايهده ساعه اونينك
والمغربيه من تجي.. مولانا الله ايعينك

عظم الله...اجرنا واجركم
يامهدي
ــــــــــــــــــــــــــــــــــــــــ
مابين مسموم وقتل.. اهلك گضو يالحجه
ونيران گلبك سيدي.. طول العمر متوهجه
والطلعتك يبن الحسن.. نتوسل ونترجه
يبن الذراري الطيبه.. مهرك يساعه اتسرجه

عظم الله...اجرنا واجركم
يامهدي
ــــــــــــــــــــــــــــــــــــــــ
حيدر بشار الدراجي

اويلاه عالعسكري ومصابه
اويلاه عالعسكري ومصابه
ـــــــــــــــــــــــــــــــــــــــــــ
نواسي هالليله بدمعنه ام الحسن
لبو المهدي ادموعنه ابحرگه جرن
گلوبنه الســــامره گصدن واعتنن
للعزيه ابلهفه وبشـــــوگ احضرن

والدموع فوگ الوجن سچابه
اويلاه عالعسكري ومصابه
ـــــــــــــــــــــــــــــــــــــــــــ
الليله مختنگه السمه لمصيبته
والارض حزنانه تبچـي المحنته
ويلي بالسم صــــوبوها چبدته
وراح مظلوم الـحسن ياشيعته

والگلوب مثل الجمـــر لهابه
اويلاه عالعسكري ومصابه
ـــــــــــــــــــــــــــــــــــــــــــ
السم مرد چبده وتهدم حيله
ايلوج من شـــدة عذابه اليله
ودمعة احبابه بحزن تجريله
المعتمد من هــــالعمل ياويله

بالاحزان ناحت عليه احبابه
اويلاه عالعسكري ومصابه
ـــــــــــــــــــــــــــــــــــــــــــ
الليله وحشه عالإمــــــام المنتظر
ابفگد ابوه العسكري حاني الظهر
دفن جثته واختفه عـــــــن النظر
وين ناصب فاتحه او وين المقر

والجـروح كثرت تره بغيابه
اويلاه عالعسكري ومصابه
ـــــــــــــــــــــــــــــــــــــــــــ
هالهموم انگول يالوادم تخف
تره بس حسين ومصابه كلف
من كطع راسه الشمر ذاك الصلف
جسمه ظل ابديره مابيها عرف

والدموم صارت يويلي اخضابه
اويلاه عالعسكري ومصابه
ـــــــــــــــــــــــــــــــــــــــــــ
لبو محمد ماكو علويه انسبت
طفله ماعنده عله الهزّل مشت
ابكربله زينب يوسفه اتيسرت
وتالي اهل الشام بيها اتشمتت

والعيال مـــاشافت السلابه
اويلاه عالعسكري ومصابه
ـــــــــــــــــــــــــــــــــــــــــــ

حيدر بشار الدراجي

(استشهاد الامام الرضا)

بالسم صــــــــوبو چبده
زماني وي الرضا شعنده
بالغــــــربه اندفن وحده
مثل جده ٠٠ مثل جده
ــــــــــــــــــــــــــــــــــــــ
آنه ام اهدعش معصوم ٠٠ واحضر كل مصارعهم
مابــــيـن القتل والسـم ٠٠ دهــــر الغــــدر وزعهم
رغم ضلعي والم كسري ٠٠ اجـــي ليهم واشيعهم
وهاي الليله بخريســان ٠٠ هدني مصـاب سابعهم

ظهري اعله الرضا محني
الغريب مصابه جـارحني
وسيف الغــــربه ذابحني
مثل جده ٠٠ مثل جده
ــــــــــــــــــــــــــــــــــــــ
مصاب الضامن الليله ٠٠ ببو محمد يذكــرني
الحسن لمن نفض چبده ٠٠ هضمني وحاله حيرني
ومن شفت الرضا امدد ٠٠ لهيب مصابه وجّرني
انظره بآخــــر انفاسه ٠٠ وهو بهالحال ينظرني

الوكت مـا يرحم اسياده
وسن ظلمه علــه الساده
الرمل ماصار اله اوساده
مثل جده ٠٠ مثل جده
ــــــــــــــــــــــــــــــــــــــ
المصايب مهما تتعــاظم ٠٠ لمصاب الحسين تهون
الرضا بطوس اندفن وآنه ٠٠ اصارخ وي اليدفنون
وماسحگت عليه الخيل ٠٠ ولاعنده صدر مطحون
الله يلعــــــــن الطاغين ٠٠ الشمر ويزيد والمأمون

خلـــــــو بالگلب هضمه
وجفوها اشبيهم النعمه
الرضا مــــاوذرو جسمه
مثل جده ٠٠ مثل جده
ــــــــــــــــــــــــــــــــــــــ
حزني اتجـــــدد الليله ٠٠ عله السجــاد والباقر
عاشو ولدي المصابين ٠٠ وشافو محنة العاشر
وشافو زينب الحـــره ٠٠ سبيه وتكسر الخاطر
وتالي گوضـــو بالسم ٠٠ وكلمن چـــبده متناثر

وللصادق اجــــــــــر ونه
وحضرت الكاظم بسجنه
وهالليله الرضا بحـــــزنه
مثل جده ٠٠ مثل جده
ــــــــــــــــــــــــــــــــــــــ
اواسي الليله معصومه ٠٠ الغريبه العاشت بغربه
وظلت بالگلب حسره ٠٠ ودمعها للرضا تصبه
من گصدت لخوها شلون ٠٠ ماتت بالدرب صعبه
چانت تدعي ليل انهار ٠٠ الله ايحقق الطلبه

توصل للرضــا تشوفه
وتحبه بعينه وچفوفه
وتالي بغـــربته تعوفه
مثل جده ٠٠ مثل جده
ــــــــــــــــــــــــــــــــــــــ
الجواد بدمعة عيونه ٠٠ نزّل والده بلحده
يصد اعله الجسم سالم ٠٠ واصابع عشره لبيدّه
ماظل عالترب عاري ٠٠ سليب وراس ماعنده
ولا بجدل گطع صبعه ٠٠ ولا سهم الگطع چبده

الجواد بحسرته اينادي
الچتل ریحــانة الهادي
الرضا مابات بالوادي
مثل جده ٠٠ مثل جده
ــــــــــــــــــــــــــــــــــــــ

حيدر بشار الدراجي

‏مقطع صوتي من حيدر بشار الدراجي

يامن بُعثتَ رحمــــــــــةً للعالمين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
يااباالقاسم نخيتك.. تهدي گلبي للخدامه
ابدمعة عيوني رجيتك.. والگلب تدري بهيامه
مذهبي وكل اعتقادي.. هالدرب درب السلامه
ويتنومس من خدمكم.. الخدمه صارتله وسامه


خلني خادمكم نخيتك سيدي طول العمر
ابلايا خدمه مااريدن يوم بسنيني يمر

ياسيدي وفقني احلفك بالحسين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
بالمواكب والمجالس.. سيدي وارزقني نظره
ابهمه ياريت اعتنيها.. لوغبت تخنگني حسره
بهل عزائات العظيمه.. حاضره فاطمه الزهره
اعليك صلى الله يطاها.. اويه الخطيب نريد نقره


ألم نشرح لكَ صدرك آيه لجلك نازله
ورفعنا لك ذِكرك واسمك اليوم اعتله

يارحمة الله ورجـــــائي كل حين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
اليخدم احسينك يخدمك.. الهدف واحد والقضيه
الدين من يمك وجوده.. واكتمل بالغاضريه
من محرم والوفاتك.. هالخدم تخدم سويه
ابكربله انخلص العزيه.. وللغري انردها العزيه

يم ولد حيدر نشدها هالمواكب والخيم
عِشره عدنه اويه الخدامه مثل ولدك هالخدم

وبدفتر احبابك يريت امسجلين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
الناس مشغوله ابعملها.. وكل نفس الها هواها
وآنه روحي بالخدامه.. الخدمه عالي محتواها
الله ليشتت شملنه.. روحي كل هذا رجاها
خدمتي ابگبري رصيدي.. وبالحشر تنفع عساها

لا تزغ قلبي يربي بعد اذ هديتني
وثبت اقدامي يلاهي ابقه خادم ليتني


وتسجل الخدمه الكرام الحافظين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
عمري من غير الخدامه.. شلي بيه وما اريده
ادعي ربي ببو اليمه.. وعين ابو فاضل عضيده
لو يطول يوم عمري.. كون بالخدمه يزيده
وابني اشوفه بعيني يخدم.. وايدي تبقه دوم بيده

وعسى ان يأتي يوماً وي امامي التقي
واخدمه وامسح امداسه وبخدمته انه ارتقي

حـــــققها امنيتي يــجد الطيبين
ادعيلي اخدمكم يسيد المرسلين
ـــــــــــــــــــــــــــــــــــــــــــــــــــ
حيدر بشار الدراجي