الناشر احمد الفاطمي @alittio99 Channel on Telegram

الناشر احمد الفاطمي

@alittio99

قناة الناشر. احمد الفاطمي
شعار القناة
¶ اخدم الحسين بنفسك ولا تخدم نفسك بلحسين ¶
قناة ◇ تحتوي على قصايد رجاليه ◇ نسائيه ◇
على كافت الأوزان◇ بحر طويل◇موشحات◇
تجليبات◇ نصاريات◇فزاعيات
https://whatsapp.com/channel/0029VaDTmQUL2ATx8IG7E

قناة الناشر. احمد الفاطمي (Arabic)

تعتبر قناة الناشر. احمد الفاطمي وجهة مثالية لعشاق الشعر الرجالي والنسائي، حيث تحتوي على مجموعة متنوعة وشاملة من القصائد تحت كافة الأوزان. يمكنك الاستمتاع بقراءة قصائد البحر الطويل والموشحات والتجليبات والنصاريات والفزاعيات على هذه القناة المميزة. شعار القناة "اخدم الحسين بنفسك ولا تخدم نفسك بلحسين" يعكس روح العطاء والخدمة المتميزة التي تقدمها. إذا كنت تبحث عن مكان يضم أفضل القصائد والنصوص الشعرية، فقناة الناشر. احمد الفاطمي هي الاختيار الأمثل لك. تابعونا على الرابط التالي للاستمتاع بمزيد من الأبيات الشعرية الرائعة: https://whatsapp.com/channel/0029VaDTmQUL2ATx8IG7E

الناشر احمد الفاطمي

09 Jan, 16:58

#لمولاتي_الغريبه_زينب_ع

لسان حال مولاي السجاد ( عليه السلام ) وهو يوصف حال مولاتي زينب ( عليها السلام ) في آخر لحظاتها .



على فراش الموت زينب تلتفت وتريد اهلها
حالها يبجي يوادم هسه هاي شلون احلها
ياهو اجيبه من التحبهم يوگف يوَگف دمعها
ياهو اجيبه وما مگطع حتى بس خوية يكلها

اه زينب ،، اه زينب
اه زينب ،، اه زينب

===========================

تنازع وتنظرلي ساعه بوجهي تتأمل تلمحه
حسين ابوي التعباها وتعباها هواي جرحه
هذا حال الماله اخوه ساعه الفرگه تذبحه
بكلشي يتخيل صورهم وهيه تتخيل برمحه

اه زينب ،، اه زينب
اه زينب ،، اه زينب

===========================

گطعت الضِنّه ودمعها دمعه دمعه گام ينشف
وبردت إچفوف الحنينه وبيها بس الباري اعرف
وماتت ام عون اعله اديه وبالي يركض گام للطف
جنها تركض راحت الهم حتى بالموته ركض طف

اه زينب ،، اه زينب
اه زينب ،، اه زينب

===========================

هسه اگولن فدوه عمّه لو اگولن فدوه يمّه
فدوه كلهن وانتي كلهن فدوه بس احجيلي كلمه
راح اموتن غالي غالي بيدي جندوب انا اطمّه
بيدي أدفن بالأحبهم وين البگلبي أضمّه

اه زينب ،، اه زينب
اه زينب ،، اه زينب

===========================

شيعتها وظهري محني وَحدي ومالي گرابه
نزلتها بنص كبرها ضلمه ذكرني بخرابه
وصحت بويه حسين احظر انت والصاحت يبابه
هايه زينب هل اجتكم وخلَّص الشام وعذابه

اه زينب ،، اه زينب
اه زينب ،، اه زينب

===========================

تمت
الخادم حسن الكريماوي ✍🏻
63
الناشر احمد الفاطمي

09 Jan, 15:41

ياحيدر بعيوني......شفتك ضوه
موجود بنفاسي.........انت الهوه
*******************************
بسورة جلاله يرتل لساني
حيدر عشگته مالك كياني
رسمك لگيته يبعث تهاني
بوجداني حبك لاماكو ثاني

يالساكن وجداني.....عشگك وطن
وبحبك مضمونه.........جنة عدن
*******************************
شفت الولايه اجمل بشاره
لدنيا ضوه نورك نهاره
تاج المعالي اتلوگ الصداره
واحنه نحبك رهن الاشاره

يا فرحة اعيادي .......بسمك شهد
واليته وناديته.......... حيدر المدد
*******************************
اتوضه بسمك الگه اليتامه
وبوجهي اشوفك ظلت علامه
قرآني انت وابدي بختامه
يغمرني حبك گلبي بهيامه

يالمالك انفاسي ........تاج اصبحت
ياحيدر حبيتك .......عبدك صرت
*******************************
بيك شجاعة صارت مدارس
يالغالي حبك يملي النوارس
يالماكو مثلك لا اي منافس
يحلى بحضورك طعم المجالس

يا رحمه وتغمرني........ بيت الفرح
اقره وبيك يرتل .....صدري انشرح
*******************************
حبك خذاني بحلى المشاعر
بس انت اشوفك تملي النواظر
احنه اليتامه تجبر خواطر
بحيدر أمامي تضوي المنابر

يالطهرت لساني .......خالي النقد
لمن اهتف حيدر ......صاحو اعد
*******************************
تمت بعون الله
ش....يوسف الفتلاوي
120
الناشر احمد الفاطمي

09 Jan, 09:00

[[ شوط كربلائي__ للسيده زينب ع]]
________________________

اتنطر  خبر  ياريت__ 
............. بلگت لو يجي العباس
اخر نظره  بعيوني __
...............يمي  ايهدئ   الأنفاس
******************************
يمي يگعد العباس
..............وانه احچيله بدموعي
يالعندك علم بالصار
..............تدري الغربه موضوعي
يالمشكر  ينور العين
....... .......مثلك طفوا  اشموعي

اناطر  لوتجي الاحباب
اعاين بس  تدك  الباب
لاچن   ايست   غياب

عشت بالحسره والآهات
..................وني ابدمعة  الاحساس
*******************************
اعتب والعتب مجروح
...............لطف ابدي  مرسالي
لو بيدي  اشوف احسين
.................يمي وگاعد  اگبالي
راسه وي النحر موجود
................. ما ظن يشفه دلالي

يدري اشصاير ابحالي
غريبه ابحسرة الوالي
تعال واشاهد احوالي

زينب  والهجر  صحبان
.............غربه وشاهدتني الناس
*******************************
عشره وي الجرح والآه
  ............حيلي  اتگوه واتهدم
من فزعت علينه الگوم
.............تدري ابحرك  المخيم
وانه ناشدت عباس
..............اسرع جيب المطهم

الحك خويه لصيوان
شاهد حالة  الرضعان
چنهه ارتفعت النيران

ركضت عالجمر اطفال
............حسره ابروحي ما تنقاس
*******************************
كلها   ابالي   ما تبره
..............اطفي الخيمه ابيديه
من هجمت اشوف الخيل
...............سحگت بينه  علويه
لسه ابريتي الدخان
................اكتب عمري لطميه

حرت ياخويه بالأيتام
جرحي  يشرح  الأيام
انظر   هجمة الظلام

مرعوبه بصهيل الخيل
.................ليلي الطم عله الراس
******************************
عشتهه  ايامي  بالغربه
..............وحشه   ابلايه  خواني
مثل امي حنيت اظلوع
............بنيت  ابروحي  احزاني
يموت  الفاگد  الأعزاز
.............گضوا عالغبره ولياني

مصايب شافت اعيوني
ردتهم  بس  يشوفوني
هضم والنايبه امتوني

اخر لحظه من عمري
............يجيني ابرايته النوماس
*******************************
آخر   حسرتي  بالشام
...............عذاب ومستمر نوحي
ردت منهم يجي جناز
..............يشيع  وني واجروحي
غريبه انه واظل ياحيف
..............فگدهم ياكل  ابروحي

عجيبه راحت الأعزاز
ولا منهم وصل  جناز
ويلي ابدفنتي  احتاز

ردتهم بس يشيعوني
.................انه ادري الگلب حساس
*******************************
تمت بعون الله تعالى الشاعر___يوسف_الفتلاوي
226
الناشر احمد الفاطمي

09 Jan, 03:47

#تراث

ندبة لصاحب الزمان روحي فداه

ما الجرحك مرهم اوعلتك دوه
الاّ يبن العسچري اتزم اللّوه
ــــــــــــــــــــــــــــــــــــــ
حيث جرحك ما وجد مثله جرح
اولا مثل دمعك امصب وادي سفح
لا وحگ ونّك وهو الچبدك ملح
ركن ما للدين ظل اله اودوه
ــــــــــــــــــــــــــــــــــــــ
ما بگه للدين غير اسمك رسم
وانته عن وجه الارض بعد النجم
ماتراك العين يولا بالحلم
يعرض اخيالك اللّي يغش الضوه
ــــــــــــــــــــــــــــــــــــــ
اوهالمراسيل الجنابك وارده
بالعتب تشجي اوتفسر الجامده
ما تحييها ابمناده اولا نده
اولا يبشّرنه منك يوم الهوه
ــــــــــــــــــــــــــــــــــــــ
ماسمعنه غایب ابعمر الدهر
غاب مثلك لا رساله اولا خبر
تدري شتگول الديالم والخزر
ما الصاحبكم گضه الوعد النوه
ــــــــــــــــــــــــــــــــــــــ
عده اويتهزّون حين اليسمعون
نندب اوننخاك يانور العيون
احنه نتناحب وهم يتضاحكون
من كثر طغيانها اوزود الغوه
ــــــــــــــــــــــــــــــــــــــ
آه يبن الحسن صدر الوسع ضاگ
وابركت بهمومنه اظهور النياگ
ياشهر ياحول تغزي اهل العراگ
اوبالغري تصبح اوتمسي ابنينوه
ــــــــــــــــــــــــــــــــــــــ
اوتگف لاچن آه بمچان الخيم
اوتذكر اشما صار بيها اعله الحرم
يوم ابن حامي الحمه راعي الشيم
ودّع اوللموت واليهن نوه
ــــــــــــــــــــــــــــــــــــــ
آه من حامت علی احسين النسه
تحن لاچن الضمایر یابسه
نادته یمصابك الما ينّسه
زینب اوسبّاح مهجتها التوه
ــــــــــــــــــــــــــــــــــــــ
ياعمدنه اوسورنه اوالنه ستر
وبحماك ابنيت لعيالك خدر
يبن والدنه شلك نيّه اوفكر
گال الفراگ اوفلا غيره هوه
ــــــــــــــــــــــــــــــــــــــ
كسر خاطرها اوصدع منها الگلب
اومن چبدها اعيونها گامت تصب
چیف رايك يبن چشّاف الكرب
ابهالأطفال المالهم غيرك سوه
ــــــــــــــــــــــــــــــــــــــ
بچه اوجاوبها اورجع للعين صب
يختي يرعاكم عگب عيني الرب
غضب لاچن ركب مرتاح الگلب
مثل ما يرتاح مفتون الهوه

الحاج المرحوم عبود غفلة

#اللهم_عجل_لوليك_الفرج
258
الناشر احمد الفاطمي

08 Jan, 17:02

احسب عذاب اجروحي
ميته   اشكثر  ياروحي

كل  نظره ياخذني البين
فوك الرمح راس حسين
*******************************
شتريد منطيتك  گمر.......يادهري  ارحم بيه
والعايشه اسهام  وحرگ.....تگضي العمر مسبيه
والغربه  صارتلي  وطن......مذبوحه چم علويه
وزعته عمري  ابكربله........لسه الچوي ابرجليه

ابيضت حزنهه اعيوني
چم ديره اطب بضعوني

بضعوني اسدر بس وين
فوك الرمح راس حسين
*******************************
ما حسبت جرح العمر..... ثكل المصيبه اعليه
خمسين عمري بالهضم.......خلاني اون ليليه
دگات گلبي اتزاحمت.....هون يگلبي اشويه
يصعب يخوتي هاالحچي.....لو گالو  المسبيه

هضموني  خويه  اهوايه
كل ساع سمعت احچايه

حال النسه اتشوفه العين
فوك  الرمح راس حسين
*******************************
ياوسفه يحدينه الشمر ...والرؤؤس هاي اگبالي
للكوفه  مشوني الغرب...حسباتي حسره ابالي
والدمعه بعيوني جمر......نشدوني وين  الوالي
وانه الفگدت ابدنيتي....چم غالي عندي وغالي

طحت  ابعذاب اسنيني
وبروحي عشت اونيني

موضوعي ابدي انه امنين
فوك  الرمح  راس حسين
*******************************
عذبني   ياخويه الزمن...وايامي خلصت بالمحن
والشيب من طف كربله...خمسين عمري تعذبن
بالهودج اشگد حشمت..والحادي گدامي صفن
ومشامر اگبالي الحچي..وانه التفت بس الضعن

بالحسره عشت ايامي
ماتت  جميع  احلامي

انسه الجرح  عاد  اثنين
فوك الرمح راس حسين
*******************************
مرت  مواقف  بالسبي....والحاقد ابعينه صلف
معقوله امشي  اميسره...ديوانهم   كلش كلف
وحسين يدري  ابحالتي..ياخويه مابيهم عّرف
وبهل مصيبه شاهدت.....چن انهدم ركن النجف

زينب صرت مهضومه
بجروحي هم ملچومه

درب الغري انعيشه اونين
فوك  الرمح راس حسين
*******************************
تاليهه يا دهري اشبعد....وسط الخرابه اضعوني
ماتت رقيه من الهضم.....والليل  ياخذ   لوني
ياروحي ذابت مهجتي.....بانت حزنهه اجفوني
والحادي مايرحم صلف .....زينب بعد  فجعوني

محنيه  شفت اظلوعي
صار  الدمع  موضوعي

جرح  الگلب باقي اسنين
فوك الرمح  راس حسين
*******************************
تمت بعون الله تعالى الشاعر_يوسف_الفتلاوي
326
الناشر احمد الفاطمي

08 Jan, 15:58

شورر
 وصية مولاتي زينب لعبد الله ابن جعفر الطيار 

وداع     وداع

ــــــــــــــــــ 

تخط اعله النعش    اخت مات بعطش
وشيع نعشي عبدالله على الموت
تعرفني المكبرة        غريبة ميسرة
وريحة حرك بية الخيمة تابوت

لترش الگبر بالماي      فوك الگبر رشو تراب
بالدمعه الجروح تعيش    تكبر فركة الغياب
هوه الموت نفس الموت   بس تعدد الأسباب

من كثر ما دمعات الاونين      دمعي
اشهگ وجن شهگات ميتين   وضعي
ترتاح عيني بشوف الحسين      بية

عبدالله    اسمع     اگلك     وصيتي
من گبل   الجروح   اسولف   منيتي

وداع     وداع

ــــــــــــــــــ 

شفت ماضي گبل     عمر راح برمل
ومني انجفت كل اسنيني اعله الكاع
الغريب بلا وطن     والعيونه انعمن
نفس الحاله عايش موته كلساع

الماعنده ضعينه يحير     مثل السجن گلبه يعيش
يا عبدالله هذا الموت      ثگل كل جناح و ريش
من غوش بعيني الشوف   حيلي يصير بي تغويش

يومية بية يصير جم شام       روحي
وحركة عباتي وحرگ الخيام   نوحي
وتلوذ هاي اطفال متنام      بية

عل الناگة   هودج   يميل. لمصابي
والهزلة   تعثر   يويلي     لعذابي

وداع     وداع

ــــــــــــــــــ 

عذاب العايلة        ومصايب كربلة
كلهن هانن ولا طبت السوگ
بنت خير العمل    متت من الخجل
فوك الفشلة رمي الحجر اعله النوگ

كون بهل مواقف هاي     يمي وسالم العباس
ميت والرمح بي نار       من الغيرة ما ينجاس
يابن والدي الكفال      تنظر اعله العزيزة الناس

من غيرته من الرمح دخان    طالع
مثل الخشع من صوت قران   سامع
يتأذى من طبيت ديوان          بية

بالهوه   عباس     يحافظ.   عليه
وهسه اني   ياحيف   حبال    بأديه

وداع     وداع

ــــــــــــــــــ 

يعبدالله الدهر       گظه بنوح وسهر
مامر يوم بية بلا حزن راح
سنة ونص الدمع     مثل كسر الضلع
اتلوة وحنين القلب ذباح

هاي اوصيتي قبل الموت       لقني بعزاء حسين
يم الكبر أقره امصاب         واذكر گطعت الجفين
واذكر نبلة العطشان         واذكرلي السهم بالعين

أشعلي نور بظلمة الليل        شمعه
واقرالي سورة لهدة الحيل      دمعه
ورتل الطف بكبري ترتيل    بية

هيل الترب   بله   سكته   اعله هونك
وكفكف  دموعك    يغالي    بعيونك

وداع     وداع

ــــــــــــــــــ 

*زين العابدين الشمري*
328
الناشر احمد الفاطمي

08 Jan, 13:03

قصيده الى مولاتي زينب 


يابو الفظل درب الشام بيه تلكه اثر لجدامي
يسره ويمين افتريت من ظيعيت يتامي

ياخويه عاين من تجي
مبلل طريقي من البجي

يسره ويمين افتريت من ظيعيت ايتامي

*
بشام ما غمض جفن سهرانه حد هذا اليوم
من فاركيتك يالكمر وعيوني ما جاها النوم
عباس اريدنك تجي ياخوي شد حيلك كوم
جفني بيدك لو متت وشافي جرحي الملجوم


ما ريد اظلن بالشام يم حضرتك وديني
يابو الفظل  هاي الناس خافن ترد تسبيني

طشت ياخويه القافله
لم الكبور بكربله
يسره ويمين افتريت من ظيعيت ايتامي

**

ياساعه اشوفك ياوكت والديره ظلمه بلياك
مليت من كثر البجي  خلصت كل عمري نعاك 
شد الزند يابو الفظل وشيعني خويه بيمناك
ما ريد اظلن بالغرب لحسين اروحن وياك

ابنيلي حظره وشباج وكتب عباره عليها
هاي العزيزه اختي ام عون ليش الهجر ماذيها

حط الورد فوك الكبر
وكتب عليه مات الخدر

يسره ويمين افتريت من ظيعيت ايتامي

**
وحشه الجنازه بلا اهل جيبو هلي كبل الموت
لو ما يجون بغربتي ياهو اليشيل التابوت
رفعيت اديه على العرش وكمت اندعي بعالي الصوت
رجنعي ياربي الهلي  رجعت يونس بلحوت

من راح اخوي عله الماي  راحن وياه سنيني
والموت من ذاكه اليوم  الهذا الوكت ماذيني

يابو الفظل شوك وظمه
ودلالي من عدهن عمه
يسره ويمين افتريت من ظيعيت ايتامي

*

محتاره بدروب البعد تذكرون اختكم ناسين
حنيت خويه الكربله وجفوفك و وجه حسين
والله انتظارك مو سهل وتنطرك صار سنين
عذبني وذاني الهجر يكتل فراك الغالين

يوميه اكولن عدلين ودربي الكمر يندله
دترون لو ما تدرون اسوت بروحي العله

ياراي اسولف ياجرح
بدموعي  كل ساعه انذبح

يسره ويمين افتريت من ظيعيت ايتامي

**
حظريت من طاح الكمر وحسين من طاح وياه
وبالليل رحت الوحدي دورت يسره ويمناه
ما بطل عليه الدمع كفالي للموت انعاه
واليوم بفراش المرض يحظرني اريده اترجاه

من بعد ذيج الخوان بس الدمع يبرالي
طايح كفيلي ومذبوح ليهسه صوره ابالي

ليليه اشوفك عالنهر
مكطوع ياخويه الحر

يسره ويمين افتريت من ظيعيت ايتامي

****

خلصته ناطوره بدرب ليل الشتة وليل الصيف
مابيه حيل الفركتك ولفركه أشد من السيف
هذا التعب  يابو الفظل ما مر علي حته بطيف
يالدللتني من الصغر برجاك اضلن ياحيف

معذور اكولن ياخوي لو طوليت الجيه
احسبني بعدك يعقوب ودي القميص عليه
اتحملت شوك وغرب
وسياط وهموم وضرب

يسره ويمين افتريت من ظيعيت ايتامي

**

ابو هاجر المجراوي
347
الناشر احمد الفاطمي

07 Jan, 21:22

اللهم عجل لوليك الفرج
.
.
يمته ابوصالح يجينه الزمن جار اعلينه
احنه كـل يوم اليمرنه ندعي يا مهدينه
فزعتك رب البريه الصبر مـا ضل بينه
تدري من هاي الدنيه والحسن ملينه
.
.
ننطر الجيتك يمهدي و اشكثر تانينه
اطلع بعينك وشاهد هل ضلم ماذينه
ردت اصحاب السقيفه وهند ردت لينه
رجع الطف والتراجي والجفوف وعينه
.
.
رجع ابن العاص يحكم رجع ثاني اعليها
و زينب الحره اسيره مجتفات ايديها
صارمك خلي نشوفه خلي يكصب بيها
ابن مرجانه ويه ربعه امحي كل طاريها
.
.
انصارك تريدك يمهدي تحرر المضلومه
شمنتظر ما تطلع الها والوعد حل يومه
كون مـا تبقى اسيره زينب  ومهضومه
دنيا كلها تحسب الها طلعتك معلومه
.
.
حطم اعروش ال اميه شيعتك يردونك
سيدي الاجيال  هايه بالعمر  يفدونك
جم زمان المر عليهم رادو ايشوفونك
ليش تحرمهم يمهدي من جمال عيونك
.
.
الله شاهد يبو صالح ما يهمنه الايم
عله عناد الي يعاند حد ضهور القائم
احنه ماساعه نسينه الله يدري وعالم
انته بس انته علينه قائد انته وحاكم
.
.
حسن صالح العيساوي
385
الناشر احمد الفاطمي

07 Jan, 21:19

(#حاليا_رقيه_تخاطب_السيده_زينب)
……………………………………………………………

ياعمه اظن رد الشمر لينه
شو ماكو شيعتنه واهالينه
ما يمنه بس الناصبي . خافنه ينعاد السبي
يعمه .. يعمه

……………………………………………………………

انسد الصحن يا عمتي . و الحضره مو مضويه
شباچي چن خيمة امس . محروگ احس اعليه
جرّوها راية گبتي   .   چن جرة الترچيه
واسمع يگولون ابحقد  .  منا تشيل ارقيه

بلغي ابعجل يا عمتي . خليها تحضر جدتي
شو چن رجع ليل اهدعش .وچن هيمة صارت حضرتي

فزعيلي وينج جده يا زهره
وخليني اشمّن شيلة الخضره
عدهم ولا چن بت نبي . خافنه ينعاد السبي
يعمه .. يعمه

…………………………………………………………… 



نفس الوجوه المجرمه . الذبحت ابوي و طفله
رد حرمله وهالمره اشد . يرميله مية نبله
ياعمه رد سوط الشمر . واعلينه رد يتعله
مثل الجدم فوگ الرمل . طبع ابمتوني اتخله

نفس الايادي البالحبل . شدتّنه كلنه اعل الهزل
نفس الشتم نفس الحجر . رد سامريهم و العجل

مثل الخرابه اتحوّل المرقد
ظلمه وعليه الحزن يتجدد
والگبه چن حمره العبي . خافنه ينعاد السبي
يعمه .. يعمه

……………………………………………………………



سدّوها بيبان الصحن . ولا زاير الزاراني
لا ساده لا شيعه البگت . زمرة هند جيراني
خدام ابوي ولا نفر . جا موش اختكم آني
بوجوهكم شوفة هلي . وهسه الوجه سفياني

ياعمه اضن مامش أمل . محد يجينه امن الأهل
هالبلد سفياني صبح . لا دين عدهم لا خجل

صاورا حبايب احنه ضلينه
غربه وبعيد اعلينه اهالينه
عالشيعه ياعمه اعتبي . خافنه ينعاد السبي
يعمه .. يعمه

……………………………………………………………


عمه وصدگ مامش لطم . لا موكب يطب يقره
من العراق و لايجي . رادود ينعه ابعبره
لا شيعي و مهدل يطب . واعليه يلطم صدره
لا صوت جوگات اتعلي . لا رايه سوده و خضره

ابشباچي ما ينزل دمع . ولا وادم اعليه تندفع
آ يا رقيه و هالاسم . يا عمه ماظن ينسمع

ياعمه و المعتاد مو سهله
مامش بعد  حمله بأثر حمله
لا جعفري و لا طالبي . خافنه ينعاد السبي
يعمه .. يعمه

……………………………………………………………



يا شيعه عمي او والدي . ابهذا الوضع خبروهم
زورونه انا وعمتي . لو بالصحن زرتوهم
كلولهم ظلن غُرب . برض الذي ذبحوهم
مرقدنه انا وعمتي  صوّروهن و راووهم

ولعمي وصلوله الخبر . گلوله اختك ياگمر
ابيا ساعه صوت وينسمع . مرقدها بالشام انفجر

ادريك هسه امجرح احساسك
بركان فاير في وسط راسك
واعلينه تفزع مطلبي . خافنه ينعاد السبي
يعمه .. يعمه

……………………………………………………………



يا عمه يامهدي العصر . بالطف جنت ما صاير
بس هسه عماتك صفن . لا من اهل لا زاير
ياعمه تعبان الجِدم . من كثر ركض العاشر
بيا حاله عماتك تره . اظهر و شوف الصاير

الشام بس خلفة هند . ولا شيعي بيه الينوجد
بالزهره يشتم و بعلي .  الـ بالبدرب رايح واليرد

ياعمه و الله الحزن أذانه
من زغري ابد ما يوم فرحانه
يمته الفرج يا غائبي . خافنه ينعاد السبي
يعمه .. يعمه

……………………………………………………………
✍️ ( سيد خضر الزاملي )
329
الناشر احمد الفاطمي

07 Jan, 21:19

للشتمني وبالحجر ضرباني
الك يا شام  الوكت ردّاني
غربه غربه ••• غربه غربه

……………………………………………………………


بس مجرد اسمك ايمثل جرح
انت ليل و ما شفت بيك الصبح
امعيده ناسك عالحسين المنذبح
صرت يا شام الجرح زينب ملح

الك حصة اسد من احزاني
الك يا شام  الوكت ردّاني
غربه غربه ••• غربه غربه

……………………………………………………………


برض كلها اشواك مخنوگ الورد
و السنابل صعبه  للمنجل ترد
شلون تسكن زينب ابديرة هند
برض شمات و غدر صار اللحد

بلد بي حتى الهوه سفياني
الك يا شام  الوكت ردّاني
غربه غربه ••• غربه غربه

……………………………………………………………


شنسه منك يابلد ضيم و قهر
شنسه ماي الحار لو ضرب الحجر
شنسه ذاك السوك من غص ابشر
متنه من المستحه ابكثر النظر

وانا جنت مخدرت خواني
الك يا شام  الوكت ردّاني
غربه غربه ••• غربه غربه

……………………………………………………………


انت شام ايزيد ماعندك شرف
امن المراجل والقيم مايك نشف
عالحرم واطفال  تجمع  بالسلف
البغض حيدر هل كثر بيكم شغف

ابسبنه كل واحد يوصي الثاني
الك يا شام  الوكت ردّاني
غربه غربه ••• غربه غربه

……………………………………………………………


ما اريد السوطهم ورّم متن
يحضر ابتشييعي واعليه يمن
كون مثل الزهره بالليل اندفن
ولا يجيني الشامي واعليه يون

عگب عباس اتحضر عدواني
الك يا شام  الوكت ردّاني
غربه غربه ••• غربه غربه

……………………………………………………………


مو وحيده وبعد ماخلصو هلي
انا ام واخت كل شيعه علي
صحني باجر بالمواكب يمتلي
بسم الحسين الحناجر تعتلي

افتخر بالشيعي لو زاراني
الك يا شام  الوكت ردّاني
غربه غربه ••• غربه غربه
……………………………………………………………
✍️ ( سيد خضر الزاملي )
271
الناشر احمد الفاطمي

07 Jan, 21:19

هاي السنه زواري ما اجوني
جيتهم تنشف دمع عيوني
واتنطر الاخبار ما جوني الزوار
هاي السنه
****
تترقب بعدها وتنظر العين
احب زواري بيهم ريحة حسين
اكيد الزارني زاير العباس
عطر وياه جايب من الاثنين

سكته الصحن ماكو ضوه المناره
هاي السنه زينب بلا زياره
وبگلبي تسعر نار ما جوني الزوار
هاي السنه
****
ظل خالي الصحن ماكو اليلطمون
نعشي اعله الأرض وين اليشيعون
وين الي يحبني ويگصد الشام
ما ترضون تبقه بحالها ام عون

مرتين گالو تنسبي وحچوها
راية نصر گدامي علگوها
وينه اليصيح الثأر ما جوني الزوار
هاي السنه
****
خالي الصحن ما جاي انظر الناس
اذا ما شوفكم تخنگني الانفاس
ما ريدن غريب يصيح مرتين
مسبيه بعدها اخت عباس

گالولي بعدچ انتي خارجيه
اكرها كلش كلمة السبيه
بنت حيدر الكرار ما جوني الزوار
هاي السنه
****
المرقد يحله بيكم هذا معلوم
كشختها السمه من تطلع انجوم
حيل ارتاح لمن يمي تلفون
اريدنها الزياره وياكم أدوم

ما ريدها ترد من جديد اليه
مرقدي بنصهم والحكم اميه
نفس الحكم اشرار ما جوني الزوار
هاي السنه
****
هذا الفعل ذكرني بخبر كان
بس أيتام يمي وماكو اخوان
حكم ازيد رايد يرجع انوب
ينسد مرقدي وتنغلق بيبان

ما ناسيه السوط وحچي الشماته
اول شخص متعذب بمماته
جدي النبي المختار ما جوني الزوار
هاي السنه
****
علي جبار الكعبي
الفاتحه لوالدي
285
الناشر احمد الفاطمي

07 Jan, 20:52

الى مولاتي زينب ع


           متت من حبل أديه_گبـل يـوم الــمنيــه
                       سَنه وماطابن اجروحي
                       حزينه ومـابطل نوحـي
           گبل يوم المنيه             گبل يوم المنيه
==================================١
                 متت من ساعة البيها الشمر گلي
                 حبل جايب الچ گتله بحبل شلي
                 يگلي الموتتچ بيـدچ يظل حبلي
                 يحله من ادي محـد بقـه مناهلي

          وآنـــه احبـال بيــه_اروح الــيا نــويـــه
                      شفت الموت الي يوحي
                      حزينه وما بطل نـوحي
           گبل يوم المنيه            گبل يوم المنيه
==================================٢
               الـبرجلي واديــه اسنيـن بــاگنـي
               هنــه الـگصـرن عمـــري ويأذنـي
               گبال الـشمر چـم مــره يعثـرنـي
               مثل حيـه وتصيد الطير يلونـي

          طحـت بـالغاظريـه_مـن التــف عليـــه
                       الحبل هوه الاخذ روحي
                       حـزينه ومـابطل نـوحي
           گبل يوم المنيه          گبل يوم المنيه
==================================٣
             خشن حبل البديه ومعصمي ماكول
             رغم كل الوجع مستحيه بيه ماگول
             خله اشچم جرح بيه علاجه ايطول
             اجروحه يوجعني المر عليهن حـول

         اجــروح الـبالـزچيـه_عشنـاهــن ســويـــه
                        خله لصدري حد لوحي
                        حزينه ومابطل نـوحي
          گبل يوم المنيه               گبل يوم المنيه
==================================٤
           مثل ميته مشيت وصاعده اعله النوگ
           علـه وجهي اطيـح شما حبل مسحوگ
           الـف مـوتـه متت مـن طببوني ابسوگ
           الشماته اعيـونهم صـارن عليه احلوگ

        أنكـــت مـيـــه مـيـــه_امـن العيـون العليـه
                      يعين الناس بس روحي
                      حزينه ومـابطل نـوحي
         گبل يوم المنيه                گبل يوم المنيه
==================================٥
              گلبـي وگـف منهـا وگفـت الـكــوفــه
              اغطـي ابمعصمـي لا وادم اتشـوفــه
              رحــت منهـا اميـره وارد مچتـوفــه
               سكتّ إمن الحزن ودموعي مذروفه

           ياهـو الـگالــي حيــه_مشــت زينب سبيــه
                         تساويت انه وسفوحي
                         حزينه ومابطل نوحي
            گبل يوم المنيه                گبل يوم المنيه
==================================٦
              حچيت اعله الحبل منه سبب علتي
              ما أحجي الـجروح هـواي الـبقصتي
              الـچبير الـبيهـا هاك استمع سـالفتي
              وگلـي ابكـربلـــه بعيـونــچ اشفتــي

          شفــت تذبـح اميــه_بـالـحسيـن او أخيــه
                       ابرمح طعنوه مذبوحي
                       حزينه ومـابطل نوحي
           گبل يوم المنيه               گبل يوم المنيه
===================================
✍حيدر الشغانبي
228
الناشر احمد الفاطمي

07 Jan, 20:52

    وفاة مولاتي زينب ع
          
               راح اموتن..ابديره مـا بيهه اخوا
               راح اموتن..وهلي البتهم ما اجوا
اشموع الفرح حضّروا والياس..الموت اجاني وماكوا عباس
                       وّهلي البتهم ماجوا
==================================١
       اليفارگ حنين ايموت..وَانه ما ينحسب مـوتـي
       كلشي ميت ابزينب..بقت بـس دمعتي وصوتي

              مـتّ ابكـربلــه مــن حــرگـوا الخيمه
              وراسه اعله الرمح شالوه ابو الشيمه
              مـن فَـيّ الـصياط اعلـه المـتـن غيمه
              ياهو المثل زينب مـــات مـــن ضيمه
          
                هيه موته..وتمحي البگلبــه اثر   
                هيه موته..بس عليّه انه اشكثر
محـد ابضيـم الـعَـلَـي ينقـاس..الموت اجامي وماكوا عباس
                       وّهلي البتهم ما اجوا
==================================٢
        يبطّل ونتّـــه يعقـوب..لـو شـاف الجـره ابحالـي
        فارگلـه ولـد وينــوح.. وَانـه مـاتالـي چم غالـي

            مثـل قصـت حياتـي مـا جــــرت قصّـه
            المصايب كلهه من زينب خذت حصّــه
            عــدوي واحــــد الـواحـــد عَلَي وصّــه
            الشمر من راس اخوي امن الضهر گصّه

               طلعوا زينب..صـاح اسمعنّه الشمر
               طلعوا زينب..خله تسحگع عالجمر
خلاني اشوف احسين ينداس..الموت اجاني وماكوا عباس
                       وّهلي البتهم ما اجوا
==================================٣
        شمالك مـا صبت زينـب..انشلّت حـرملـه يمنـاك
        انـه انطيته عبد الله..وگلت لحسين اخذه وياك

           امنين ابدي المصيبه اليوجعني اهواي
           مــن ذبّـاح اخـوتـي جــاب ليـه الـمـاي
           لا اگـــــدر اعـــوفـــه ولا اســد اضماي
          ويفشلنـي اخـافــن مــــن امـــد يمنـاي

            والله صعبه..الشمر من يمي گرب
            والله صعبه..گلي اخيچ مـا شرب 
عطشان گلي ابگطعت الـراس..المــوت اجاني وماكو عباس
                     وّهلي البتهم ما اجوا
==================================٤
       مـن اول جـدم ركضيت.. گمت المات احسدنّــه  
       وآنه ابرگضتـي ادعــي..الاهـي الـمـــوت اتمنّــه 
        
              تطيح اسنـين عمـري ابنگلت اجدامي
              عثرت وطحت بس مـا طايـح الثامي
              انه العطشانه اصيحن والگلب ضامي
              مـــــو للمـاي للينسحگ جـــــــــدامي

                صعدوني..روحي ضلت بـس جسم
                صعدوني..مـوش زينـب بـس رسم
درب الـسبـي يگطع الانفـاس..المـوت اجاني وماكوا عباس
                          وّهلي البتهم ما اجوا
==================================٥
        مشـه للشـام ضعن المـوت..ياروح التظل بيــه
        من گد ما نسيت اسمي.. التفت للصاح مسبيه

            مرار الموت ضگته من صعدت النوگ
            متـت مـن مستحاي ابطبّتي بالسوگ
            اخافن بـالعبايه السـوط خلـه افتوگ
            نسيت احجارهم مـن باعـوا المبيوگ

            محبس احسين..انباع گدامي وصحت
           محبس احسين..ومن عله الناگه طحت
انباع سيفـه ودرعـه والطاس..الموت اجاني وماكوا عباس
                       وّهلي البتهم ما اجوا
==================================٦
       هـايـه ذكـريـات الـشـام..اگبـالـي تـنرسـم صوره
         مـو بيــدي رجعـت الهه..مــن رديــت مجبوره

              نسـوان وزلم فـوگ السطح وگفـت
              لسن شمّاتـي ليحد هسـه مـا كفـّت
              الـمـن رادّه المسبيـــه مـــن هتفـت
              مـو بچفوفهم فوگي اللسن گطفـت

              ضموا الماي..حته اموت ابلا غسل
              ضموا الماي..وحضروا بـس الحبل
لا تشيعوهـه صاحـت الـناس..الـموت اجاني وماكوا عباس
                      وّهلي البتهم ما اجوا
===================================
✍حيدر الشغانبي            
               
255
الناشر احمد الفاطمي

07 Jan, 20:52

الى مولاتي زينب ع


       عَشت بديره تكره طاري ام عون
       ميتـه ومارضوا نعشـي يشيلـون
السجاد اجرلي اربعه_الـناس محـد طاوعه
              اهل الشام اهل الشام
===============================
          يگلهم مـو ثگيله الـحزن لاويها
          خفيفه اجنازة الملچـوم راعيها
          مثل طول الهلال الظيم حانيها
          شجـره ويابسه مـن گد نعاويها

          مابي حيل اشيلنها اعله متني
          مصايب كربلـه وعلتي لـوتني
چم باب دكَه ابمدمعه_الـناس محـد طاوعـه
               اهل الشام اهل الشام
===============================
         يحط تابوتي فوگ امتونه وينزلـه
         يگل لدمـوع عينـه النعش لتثگلـه
         شمـاحيلـه ايشــده علتــه اتحلــه
         نحيله يگول يوم المشت عالهزلـه

         مثل مـاصعدتها اعلـه الـهزيلـه
         عـدلـه وميته طيحات العقيله
الـنعش گلبـه شـالعـه_الناس محـد طاوعـه
              اهل الشام اهل الشام
===============================
         عـدلـه وميتـه ليش الشام عافتني
         ابخرابه گبل هسـه ابنعش خلتنـي
         الله لا رحمهـــا اشكثــــــر اذتنـــي
         لحد هسه وبعدها اجروح البمتني

       موبس راسي گلبي امن الحزن شاب
       بعـده ابجرحه متني الوجع مـا طاب
مـوتـي اطلب بالـدُعـه_الـناس محـد طاوعــه
                اهل الشام اهل الشام
===============================
         آه يـاغـربتـي الـمنهـا يشيـب الــراس
         شجاني ومـا متت من فارگت عباس
         مــو زينـب الــمسبيــه تگلــي النـاس
         كون الجسم هذا اويالحسين انداس

          البقه من عمري بيه الليـل مـا نام
          ابروحـي تاكل اجـروحـي والآلام
نعشـي ياهـو الـشيعـه_ الــناس محـد طاوعـه
               اهل الشام اهل الشام
===============================
         امـوت ابديره بيها انسبت علويـه
         علـه گبري الـيفوت يگول مسبيه
         حــرام الـشام يـدفــن كـربـلائيـه
         رضيت اندفن بيها الخاطر ارقيه

           ماريداً وحـدها تِضل يم ناس
           عدهم عيد من كتلوا الـعباس
اهل الـدفوف القارعـه_الـناس محـد طاوعـه
                اهل الشام اهل الشام
===============================
         سَنه ونص عايشه بالدمعه والونّه
         الـماشافـن احسين الـنوم عـافنّـه
         راحـه الـموت عنـدي والگبر جنّـه
         يجيني احسين والكافل اشوفنّـه

       اكلــه يبـو فاضـل شــوف الــزنــود
       دريت ابمعصم اختك حبل مشدود
فروني بارض الواسعه_الـناس محـد طاوعــه
                اهل الشام اهل الشام
===============================
✍حيدر الشغانبي
265
الناشر احمد الفاطمي

07 Jan, 20:52

الى مولاتي زينب ع
                           
                        اتخيــل يعبـاس الأمــــر
                        هيبتـي واسمـي والـعمـر
                        الباگاهه من عندي الشمر
                               شيردهه الـيـه
===================================
                هـم سـامــع بشـر بـاگـوا گبــل اسمـه
                آنـه الـمبيوگه اسمهـه وغيـروا رسمـه
                تره طاري السبي يلچم هواي اجروح
                يـالـمسبيــه مـا عـافتنــي هــالـچلمـه

                      حته اسمي گمت اشتاگ اله
                      فـارگنـي مـن طــف  كــربله
                      الـــشمـر اسمـــي بــــــدلــه
                               وصرت السبيه
===================================
              انباگــت هيبتــي مـــن شـال چفينـك
              اه يـاحـــرملــه وسهــامـــه بحسينـك
              هـوه الـباگ عافيتي وضحگتي ولون
              وجهي امـن الـسهم جره واخذ عينك

                       بچفـوفـي احفـر بـالــثره
                       عـن عينك وعـن خنصره
                       مـا ظن گبـل مثلــي مـره
                                شـافت اذيه
===================================
             خـذوا ويـن الاحبـه الــسـاكن ابـروحـي
             متعمــديــن حتـــــه ينسمـــع نـــوحــي
             شكثر من عدي باگوا حته راس احسين
             اجروحي اغماگ ياهو يطيب اجروحي

                       بسمــه خــولـّـــه لاهـلـه
                       امن الرمح راسه فاصِله
                       ابتنــــور بيتــــه نــزلــه
                              اصعب قضيه
===================================
              شســولفلـك علــه الـباكــوا تـراچيهــا
              تـوشـل ادمـوع عيني مـن اصد ليهــا
              هوه اشظال عَدي وحتهه منهه انطيه
              بـس لـعابـه وحــده وجمــر جـاويهــا

                      لـعـابـت الـميــت عطـش
                      طفيتهه ابـدمعـي اليرش
                      ظميتـهه الليـل اهـدعش
                              الخاطر رقيه
===================================
             آنـه المبيـوگـــه هـودج والطـريــج ابعيـد
             شلـون الـزم الـناكـه اچفـوفـي بيهن گيـد
             مثل مـاي ابصـوانـي فـوگ ضهـر الــنوگ
             شمـا اطيحن يكلهم طاحت اخـت الحيد

                        كـل مـا يـدخلني البلـد
                        طيحاتي مـا إلهن عـدد
                        اليمشي طايح والـصعد
                                 كلنه سويه
===================================
             حسبالـي يبو فاضــل الـراحـه الـمــوت
             انستـر مـن عينهم لـو نمـت بـالـتابـوت
             مـــا أدري عَلَـــي مكتــــوب مــا ارتــاح 
             مثل طبّتي الـهم منهـم اسمـــع صــوت

                        اليرموني بحجار ولسن
                         ما واحـد ابموتي حزن
                        ياوسفـه يمهـم انـدفـن
                              غصبن عليه
===================================
✍حيدر الشغانبي
206
الناشر احمد الفاطمي

07 Jan, 20:52

وفاة مولاتي زينب ع


               البحجارهم يرموني بالسوگ
               وتشمتـوا مـن طبـت الـنـوگ
               وعيونهم صارت الي احلوگ
                      راح اموت ابينهم
===============================١
مـاريـد انـدفن عبـاس ابـديـره ماتحب اسمـي
اذا گالــولهـم زينـب مَسَبَّــه احلـوگهـم تـرمـي
الـضحك وعيـون شماتـي هنـه لغيـرن رسمـي
حچيهم بلگلب ماطاب مثل چويات البچدمي

             گَربـت مـن عـدي المنيـه
             الـحگ يبو فاضـل عليـه
             ناس الـتسمينـي سبيــه
                   راح اموت ابينهم
===============================٢
مـاتلحگ عَلَي عباس تجـي وتغمض اعيـونـي
اصيحـن زينب الـحگها والـشمـات سمعــونـي
مثل مابلخرابه الـيوم جنازه الوحدي خلونـي
تعال وشيلني ابيدك استحي الوادم يشيلوني

           باخـر نفـس واتلفـت اعليك
           تحضـرنـي ياخـويـه اتانيك
           صوتي تسمعه من احاچيك
                  راح اموت بينهم
===============================٣
عـدلــه وميتـه ليـش انعـاف ياذنـب الـمسـويتـه
ابكـل ديـــره اثـر مـوزيـــن مـا اذكــــر مخليتــه
ترس اذني الحجي الشمات سمعته وگوه عديته
اشـوف الـناس متندميـن وكلمـن كاض بلحيتـه

             واحـد يكـول اشلـون خليت
             مـن الــحجـار الالهــه لميـت
             كلهــن يطگنهــــا تمنيـــــت
                   راح اموت ابينهم
===============================٤
الغريب العاش بين اجواد عليه ماتنحسب غربه
غريبـه ومتت بين ارجـاس والله حالتي صعبـه
اختكـم يـابنـي هـاشــم نعشهــا محــد يگــربــه
الـسجاد اشكثر خجـلان وتشبـه گصته الجربـه

           يشبه الجربه اسهام مصيوب
           يغرگ ابدمعـه الگلبه معيوب
           الـبيبان دکها ويـرجـع انـوب
                  راح اموت ابينهم
===============================٥
يگلهـم عمتـي بالـعباس خفيفـه ومـا تتعبكم
مثل سعفه ويهزها الريح من طبت خرابتكم
الـمايقبل يجي معذور بس ردت اربعه منكم
مقابـل أنطي للتشييع وحسبـوها اباچارتكم

           اول اجنــازه ابأجــر تنشـال
           وتشيعت بـس باربـع ارجال
           مشيت الناگه بلمشي اثگال
                 راح اموت ابينهم
===============================٦
الـميت يسمـع الـيبچـون قبـل لا تندفـن جثتـه
أخــوه يميـزه مـن الـناس عنهـم تختلـف ونتـه
من گلبه البچي يطلع الاخو مـن يبجي الاختـه
يلـف انگاب دايـر حـول وتصيـر الـونه سالفتـه

               خـوان مـاعنــدي يحـزنــون
               وبجنـازتــي اسمـع يـونــون
               محد بچالي وصاح يم عون
                      راح اموت ابينهم
===============================
✍حيدر الشغانبي
238
الناشر احمد الفاطمي

07 Jan, 16:04

اشلون زينب گالو اميسرينهه
ما نهض عباس ينشد وينهه
*******************************
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه

خاف هاشم باليسر ناسينهه
*******************************
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام

وين زينب تنشد امضيعنهه
*******************************
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه

ظلت بونهه تنوح احسينهه
*******************************
وين حماي الدخل....شد الرچاب
واسرج الخيل بعجل بعظم مهاب
هاي زينب حايره بثكل المصاب

اتريد فزعه من الغري وتعينهه
*******************************
عجل ابمسراك من وادي السلام
اكتاب من زينب وصلك بي كلام
گوم يابوحسين بس شد اللثام

عندك الاخبار دمعة عينهه
*******************************
كون وي خيط الفجر ينوي الرحال
يشوف زينب بالغرب يبدي السؤال
يا تره ابيا حال زينب بس خيال

ايشوف زينب ياتره امسلبينهه
*******************************
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع

هاي مدرسة الخدر تبينهه
*******************************
اجروح    زينب   بالعذاب   انشوفهه
نار     وخيام    وركض     بطفوفهه
شبچت العشره عله اخوها اچفوفهه

صارت الدمعه فرض بونينهه
*******************************
بيها   لهفه  وحسره  تل   الزينبي
هاي زينب  سولفت جرح  السبي
اشلون مهضومه تظل بنت النبي

عاشت  الحسره  ورجف كونينهه
*******************************
تمت بعون الله تعالى
خادمكم.....يوسف الفتلاوي
349
الناشر احمد الفاطمي

07 Jan, 16:03

سولفن دمعاتها اشكد الحنين
تريد يم عباس وتزور الحسين
*******
من زيارة وارث اليله تزورك
راح تقرالك نعي تدري بحضورك
شلون تحضر بالعزه ودمعه سورك
من ونين الحره ما تملك شعورك

شلون هاي اليله والموقف حزين
تريد يم عباس وتزور الحسين
********
امنيه عدهه بقت ليل ونهار
تريد يم عباس تحچيله الي صار
لسه اثار الجمر تچوي الزغار
نار زينب ما طفت مستعره نار

امنيتهه چانت بكل السنين
تريد يم عباس وتزور الحسين
********
خلصت بالدمعه زينب والعتاب
بالعمر چم مره مذبوحه بمصاب
هوايه زينب ودعت كلهم شباب
والچفوف عله النهر كتبن جواب

قدماهن فدوه الج حتى اليمين
تريد يم عباس وتزور الحسين
********
اشتاكت العباس والرايه تشوف
والعلم مرفوع تلكاه بالچفوف
لهفه زينب تنتظر وسط صفوف
معتني العباس من أرض الطفوف

يشيل نعشج هسه لوحان اليقين
تريد يم عباس وتزور الحسين
********
من عمرها الشام ماخذ بس جروح
خضرن دمعات زينب من تنوح
يلوك وياها الحزن باني الصروح
بالونين تنادي اه يحسين مذبوح

ينختم عمرج يزينب بس ونين
تريد يم عباس وتزور الحسين
*******
تريد يم اخوتهه لحظات الوداع
والدموع بعينهه صارت شراع
ياحلم بعيون زينب هسه ضاع
خبر موتج بالغرب هاليله شاع

كام عباس ولطم بيده الجبين
تريد يم عباس وتزور الحسين
********
تمت بعون الله
خادمكم .....يوسف الفتلاوي
340
الناشر احمد الفاطمي

08 Dec, 22:01

الـــوداع ( يازينب شور )

ياهو باچر يمسح ادموع التسيل
يطيح ابو السجاد باچر والكفيل
             يازينب يازينب
           ـــــــــــــــــــــــــ

باچر الــعـدوان تتجمع عليك
خويه ياعباس ويگطعون اديك
بعيد درب المشرعة وشلون اجيك
گلـي مـن ياصـوب ياخويه اعتنيك

الخيل باچر والحرب
وحرمة مابين الغرب
اسهام متروس الدرب .. ياخويه

والفواطم لــو بچن
وين كـفـال الـضعن
تزيد بجفاك المــحن .. ياخويه

والنهار يـصيـر بالطـف چنة ليل
يطيح ابو السجاد باچر والكفيل
           يازينب يازينب
           ـــــــــــــــــــــــ

باچر حسين الاخو عني بعيد
مادريت الگوم من عندي شتريد
وسفة مذبوح النحر مــن الوريد
وفوگ هذا الظيم يسبوني اليزيد

نـار وخـيـام وحرگ
وخويه غصبن نفترگ
والنبـض گــوة يدگ  .. ياخويه

ايتام تسحگ عالجمر
وزينب يسبهـا الشمر
وگلبــي باچـر ينكسر .. ياخويه

وخويه غير الدمعة ماعندي بديل
يطيح ابو الســجاد باچر والكفيل
            يازينب يازينب 
          ـــــــــــــــــــــــــ

خـويه بـعـد اعيــونكم لا مـــا انام
وحيرتي حيرة وعلى الدنيا السلام 
ويابوفاضل گلبــي مايحمـل مـــلام  
تـمـوت يابوالـيمـه هـذا اخـر كـــلام

وخويه اظل امحيرة
بـعـد سبـع الكـنطـرة
ابلا سـنـد لمـخــدره .. ياخويه

ياهو لجروحي يلم
والزلــم ميته الزلم
حسين ماعندك علم ؟ ياخويه

بس حرم وايتام ياخويه وعليل
يطيح ابو السجاد باچر والكفيل
            يازينب يازينب
          ــــــــــــــــــــــــــ

هاي قصتي وباچر يدور الوكت
شلون بيه لو على الناگه رحت
يابوفاضل ليش عني اتعــطلت
وبعد اخوي حسين حيل تعذبت

الگاع باچر والسمه
تنترس موت ودمه
وعالبواچي امعلمه .. ياخويه

اطفال بالبر تنسبي
انلوذ باچر بالعــبي
حسين وينه وكافلي .. ياخويه

صعبة يخواني السفر كلش طويل
يطيــح ابو السجاد باچر والكفيل 


الشاعر فاروق الغنامي
106
الناشر احمد الفاطمي

08 Dec, 21:38

ماتت زينب يهل الشام
تعبت حيل وحگهه تنام
يهل العيد الما تنساه
وباب الساعات المآساه
ماتت زينب

----------------------------------------

اذيتوهه ،، مرمرتوهه
بضحكة شامت تتلگوهه

ماكو أمروه ،، بشام البلوه
ظلت تتنفس بالگوه

ردت عافت الخوان كلهم موتى علغبره
رجعت والظهر مكسور تشبه مشية الزهره
يهل الشام تتذكرون يلمنكم الف حسره
حرمه وتنضرب بحجار مو سوده العباه حمره

من دم حسين وعباس
من زينب بسكم يا ناس
منكم يا ضيم التلكاه
وباب الساعات المآساه
ماتت زينب


-------------------------------------

يا دمعتهه ،، يا حيرتهه
من عدكم صارت لچمتهه

عيد وصفگه ،، هيچ الملگه ؟
وهيه بديرتكم مختنگه

زينب صعبه تدخل سوگ عين الوادم اعليهه
تمشي وعلرماح تشوف شالو روس اهاليهه
منكم لا حصل فزاع چا غيرتكم شبيهه ؟
ديره وصفت بس شمات كل الشام تاذيهه

تتشمت حتى النسوان
من ريت الوادم عميان
ولا شافو علويه هناه
وباب الساعات المآساه
ماتت زينب

--------------------------------------

يا ديرتكم ،، يا لوعتكم
روح ام عون الطلعت منكم

مو تعبانه ،،، مو ذبلانه
دمعه هنانه ولچمه هنانه

من ظلت ثلث تيام حتى الشمس حرگتهه
بذاك الباب چان الموت زينب يا مصيبتهه
تتفرج عليهه الناس هايه الحاله خنگتهه
چا ياهو اليجيهه بساع ياهو ايخبر اخوتهه

يحچي المنحر ظل ايات
ميت شاف ام عون ومات
زينب انتي يا أختاه
وباب الساعات المآساه
ماتت زينب

---------------------------------------

شتحاچيكم ،، ما تبريكم
بهذا الموقف اي خليكم

باچر محشر ،، نار وتسعر
هنا طاحت وهنا تتعثر

عجيبه الشام اه يلشام عيد أگبال
مسبيه
طبت للقصر وهناك شاف أيزيد علويه
طفله بنص خرابه اتموت فوگ الشيبه محنيه
أذى العتره ضيم الشام هم أوموت طاريه

نسوان تحاچي المذبوح
طلعت روح وطلعت روح
ويلاه اتگابل ويلاه
وباب الساعات المآساه
ماتت زينب




--------------------------------------


هذا التالي ،، ما صح والي
وحدهه ومدفون الغالي

باخر ليله ،، دمعه وشيله
ماكو العباس وتشكيله

موت الغربه ما ينراد أذا مو صايح وشهگه
ثاري الوحشه هم بالموت تبقى الروح مختنگه
فرگه بكربله وبالشام چن ما تخلص الفرگه
تكتل آخر اللحضات وين الكافل أتشبگه

محد يم زينب بالموت
غايب شيال التابوت
تنشال بچتفه ويمناه
وباب الساعات المآساه
ماتت زينب

كلمات الخادم / رعد الفريجي
ثوابها الى روح والدتي
112
الناشر احمد الفاطمي

08 Dec, 20:40

خدمة الزهره الزچيه رَوحَن او ريحان
التاجَر اوياها ابدمعته لاتضن خسران
بلسم الكل داء فاطمه الزهراء
____________________________

جنة وابخدمتها تنعم هل موالين
باب ( حِطّه) لليحبها ام الحسين
للـ على گلبه غشاوه والعليه رين
گلبه يطهر بس عليها يهمل العين

برد او سلامن فاطمه في يوم الاحساب
بيمينه من الها لطم ينطونه الاكتاب
من عدها الآء فاطمه الزهراء
____________________________

أم ابوها الما مثلها بل خلگ صار
الله عن كلمن يحبها حرّم النار
والعليها عنده ونه او دمعه مدرار
يشفعوله اثنعش واحد كلهم ابرار

اليخدم الزهره او دليله للكسر مهموم
اهناكه يوگفله محمد واثنعش معصوم
اتوصله العلياء فاطمه الزهراء
____________________________
الخير كله بين اديها يل ردت خير
الرحمة الله الوسيعه هيه تفسير
تلتقط باچر خَدَمها اتّلگّط الطير
مثل ام اتلم ولدها او بيهم اتسير

تعتني للجنه بيهم رافعين الراس
او حيدر اليستقبل الهم والگمر عباس
تعرف الاسماء فاطمه الزهراء
____________________________

العالمه الحره الگلبها احنين اهواي
گلبي صحراء او ذكرها للگلب ماي
الها احب وني او دمعتي او جرحي وبچاي
هيه روحي و جروحي دائي او داي

الساعه في مجلسها تسوه عمري الراح
دمعه عل خد الها تجري اتطيب اجراح
امن الالف للياء فاطمه الزهراء
____________________________

گلبي بل زهره الزچيه اتعلگ او ذاب
صاير احسينيه تنعه لوعة الباب
ليل وانهار الها يقره . يقره المصاب
كل جرح طاب الا جرحچ بيه ما طاب

ابهل شعائر والمشاعر الها انعه اضلوع
عمري وقفته الحزنها او كلي اجري ادموع
دمعتي حمراء فاطمه الزهراء
____________________________

ابو فاطمة الطائي
128
الناشر احمد الفاطمي

08 Dec, 20:39

ام البنين ع. زيارة عاشوراء

بعاشوراء ازورك/واختمها بسجودي
يرزقني حضورك/يحسين بورودي
والموتي انتظر
يجمعنه الگبر
يحسين بورودي
+++++++++++
ليل انهار اعيش زيارتك هاي
وتعقيبة صلاتي
واحمد الله بس لحسين دنياي
خلصت كل حياتي
يل رازقني دمعه فضلك اهواي
وإكملها بمماتي
وجيهه بالحسين اقبلني مولاي
بس هاي امنياتي

ربي اقبل دمعتي/بس لحسين عيني
واتقبل خدمتي/وارباي البنيني
وچفوف البدر
يجمعنه الگبر
+++++++++++
ابني اگبور طين الاربع اقمار
وگبرك بي مناره
احضن گبرك وعن ولدي اندار
واقراها الزياره
عله حسين او على اولاده الاطهار
سلامي بي حراره
واسجد ربي اخذ روحي البُعد نار
حسين اليطفي ناره

وبگبري تجيلي/هلبت ياحبيبي
يالجارح دليلي/بس انت طبيبي
من يگضي العمر
يجمعنه الگبر
يحسين بوردوي
++++++++++
عشت فتره انتظار اوياك مرتين
ابموتك وبوجودك
جنت روحي اگلها لاتموتين
الضعن هلبت يعودك
اگولن خاف اموت ويرجع حسين
عشت گوه اعله مودك
وهسه ادواره ادور عالاجل وين
ويشع لحدي بورودك

منتظريني ادري/مشتاگين اليه
هسه اباب گبري/انته والزچيه
ماريدن شكر
يجمعنه الگبر
يحسين بورودي
+++++++++
محتاره بدمعتي شلون ملگاك
دمع شوگ اعله خدي
لو ابچي الجروحك واگعد انعاك
اغله امنيّه عندي
واگلك هل وفيت بخدمتي وياك
واحچيلي اعله ولدي
يأشرلي ابو فاضل واگف هناك
شوفي يُمه زندي

يالمقبول عذرچ/من طاحت چفوفي
مرفوعات ابشرچ/بيد الزهره شوفي
مقبول العذر
يجمعنه الگبر
++++++++++
گضت بس روحي هم ودها ترجعون
ساعات المنيه
منكم ماردت بس سدت اعيون
واليسبل اديه
يجي العباس لكن نفرض شلون
دمعه ابني عليه
بيش ايشيل نعشي فوگ الامتون
بچفوفه قضيه


يحرگ بالمشاعر/موت الغربه اثاري
ابحالك شنهي صاير/يالمدفون عاري
ما فوگك ستر
يجمعنه الگبر

ثائر الربيعي
122
الناشر احمد الفاطمي

08 Dec, 18:16

لمولاتي ام البنين عليها السلام


بالمصحف ترتل.... جانت تقرأ بحساس
بالزلزله تنست.... والله انطاها عباس
أم البنين ام البنين
@@@@@@@@@@@@@
لمن قريتي الواقعه.... جنج ذكرتي المشرعه
بعالم الذر منرسم.. جربه وجفوف مگطعه

محد گدر علخوه يم الله هناك
بس الگمر صاح انا يحسين وياك
وحسين گلاله ابو فاضل حياك
وام البنين الايگ عليها ارباك

للقبله متوجهه.. ضلت تقره ياسين
ارزقني ياربي.. كافل يخدم حسين
ام البنين.. ام البنين
@@@@@@@@@@@@@@@@
ترتل بسورة قل هوه.. ضلت تشع كلها ضوه
من تقره بيها دمعت.. من عدها عباس ارتوه

ماكان للخوه كفو بس عباس
متگاسم وي حسين خبزه وانفاس
جانت تردد قل أعوذ من الناس
هاج الگمر هوه اليخوف الوسواس

أوسورة الكوثر.. بيها داخت هواي
يلمنطي ال طه.. هبني مالك الماي
ام البنين.. ام البنين
@@@@@@@@@@@@@@@@@@
بأسمه الملائك رددت.. بالروم لمن رتلت
عباس يانور الخلق.. حتى الشمس منه انعمت

وبسورة النور التأكد نوره
وضلت تردد فاطمه بهل سوره
حدما كمل عباس بأجمل صوره
يوميه تقراله الفجر بالشورى

والفجر تقره.. تستذكرله عاشور
وتحس يجاوب.. ابن امي منحور
ام البنين.. ام البنين
@@@@@@@@@@@@@@@@@@@
لقمان تقره وي الحشر.. واستلهمت منهن صبر
يرتاح كلش هلگمر.. من تقره يمه والعصر

الجربه مخصوصه اله والرايه
خسران اكيد الماوگفله بهايه
الا الذين للخيم وفايه
تخص الگمر كلش اضن هل ايه

انا فتحنا .. نصرا بيدك يصير
وبسيفك تهد.. دنيا گبالك تحير
ام البنين.. ام البنين
@@@@@@@@@@@@@@@@@@
والشمسٌ بيها من بدت.. أفكار عدها اتواردت
من نور عباس الشمس.. تأخذ ضواها اتأكدت

أنا أنزلنا الگمر في السابع
وبلجربه ضل يا رايح ويا راجع
سبعين الف بيهم ابد ماقانع
جا هوه ابن ذاك الحصنهم قالع

بلفلق تقرا.. تخاف اعليه من العين
وتتوقع يگول.. رتلي بس اسم حسين
ام البنين.. ام البنين
@@@@@@@@@@@@@@@@@@



تمت_امجد عداي الزيدي
186
الناشر احمد الفاطمي

07 Dec, 21:34

اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه  ... هدله امتونه ... الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته ... وكل عافيته ... اتفارك بيته ...شيضل حاله

باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها  . همّت بيهم

دكلهم يمه ... ما متألمه ... وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع ... منهه ويدمع ... كلبه اتكطع
لمن يحفر

يا عافيتي ....  امسح دموع اعيونك
يا عافيتي ....  من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني ... لتعوفيني ...  دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي  ... يا اَمالي .... كعدي اكبالي
سمعي انياحي 

يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه

.......
اكثر صوره اتألم جانت  . عل شافاهه
حسين امدد طول اويمه .  وما عافاهه

يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني ... حسين اذاني ... زاد احزاني
عطشت كاعه

يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت .  هاي الليله
تجري ادموع الفركه وتشكي . الحامي ادخيله

ادكله امنه ... امن اتفاركنه .... يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي ... يكثر همي ... ويصير اسمي
ايتيمه ابكسره

محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم
325
الناشر احمد الفاطمي

07 Dec, 21:34

سلامات .... علي يا ابا الحسن حيدر ... سلامات
منو المات ..... المن هل الجنازة انشد .... منو المات
وليش ابليل اظلم دافنيهة
سموات وارض تبجي عليهة
سلامات ... سلامات
........
انه المصطفى جيت انشد الصاير
المن هل الجنازة التكسر الخاطر
اشوفك ياعلي ياابا الحسن حاير
مكسور الظهر ما جنك الصابر 

معانات .....  قريت اشكد وسط عينك .... معانات
معانات ..... دخيلك يا علي اشتحمل   ..... معانات
علي يابا الحسن سامع بجيهة
......
أسألك ياعلي جاوبني يا عوني
اعرفك صادق ومتخيب اضنوني
هاي البلحد مو سلوة اعيوني
العليهة الجانو الوادم يحسدوني

ترابات   .... تضم وجه الشمس وسفة   ... ترابات
ترابات ..... تغير ارسومهة الترفة  ...ترابات
أ يا حسرتي ذبلانة أديهة
......
ياحيدر علي  ياموطن الفقرة
ياكعبة صبر محد وصل صبرة
مثل الوردة جانت فاطمة الزهرة
شو متغيرة حيل وبيهة اثر عصرة

علامات .... اثر سطرة اعلى خدهة انظر .. علامات
علامات ..... وسط اعيونهة الحلوة .... علامات
حمرة اعيون فاطم يا وليهة
......
سولفلي الحصل يا حافظ اسراري
لا تخفي الخبر بالمدمع الجاري
ياهو الي هجم بيهم على داري
نار بكلبي تسعر ما طفت ناري

بالاهات .... ليل انهار كظيتة ..... باللاهات
بالاهات .... خلصت العمر بالهم .... بالاهات
بسببهم فاركت انه ام ابيهة

.....
انة ادري الظلع من فاطمة امهشم
لتضمة ابجفن يا صاحبي اعلم
عصرهة الما يخاف الله ولا مهتم
بين الباب والحايط يسيل الدم

ظلامات .... ادري ام الحسن عاشت ..... ظلامات
ظلامات .... حتى ابدفنت ابنيتي   ..... ظلامات
قليل الحضرو التشيع ليهة
......
اصحاب السقيفة اوصيتي نكروهة 
جازوني ابظلوع الزهرة  كسروهة
وداري ابكل حقد بالنار حركوهة
المهبط للوحي جانت يعرفوهة

حسافات ....  نكرو عشرتي وتعبي ... حسافات
حسافات ..... ما رعو اهل بيتي .... حسافات
نكروهة الوصية التدري بيهة

.....

الحمدلله رب العالمين
اللهم صل على محمد وال محمد
موسى الخادم
250
الناشر احمد الفاطمي

07 Dec, 21:34

امي كل معنى المحبة والحنان
امي تحت اقدامهة امشيدة الجنان
امي ...  نعمة واجبهة شكر
امي ...  رحمة الله التنذكر
كل زمان .... كل زمان
.....
امي شمس الله التلالي ... كل شبر بأرض وسمة
امي يا محلات اسمهة  .....  الزجية فاطمة
الله من نورة خلقهة .... اي وحك حامي الحمة
الطاهرة المرضية امي .... العالمة المتعلمة

امي سيدت كل نساء العالمين
بيهة اتباهة على مر  السنين
اني ..... حسين ابنهة المنكسر
امي ... رحمة الله التنذكر

......
امي احساس ومودة ... امي طيبة وعاطفة
بنص حضنهة الدنية تغفة .... بنت ابوهة المصطفى 
بيهة رحمة الله كلهة ... اتجمعت اعظم صفة
اله تشتاك النوارس .... اشتياق ابمعرفة

امي ما يحصل مثلهة ابهل بشر
ويا حضنهة الدافي الينوم السهر
يمهة .... كل عسر يصبح يسر
امي .... رجمة الله التنذكر


.....
اية التطهير امي ....  البل كتاب امنزلة
سورة الكوثر بسمهة ... امعنونة ومسجلة
الهة هل الكون بعضمتة ... منخلق  يا هل ملة
سر اللهي امي الزجية .... ما تحل أبمسألة

العالم أبأسرة انخلق لجل البتول
حكهة من تحتار بيهة كل عقول
موطن ... الكل يتيم و منذعر

.... 
امي لو رفعت اديهة .... للسمة تمطر عجب
دعوت امي مستجابة .... ما تردهة كل حجب
بالمباشر دعوة امي .... للعرش توصل تطب
اتصال امي اوية ربهة ... اشبهة ابغيم وسحب

منزلة امي تفوق الانبياء
الارض مخلوقة الهة السماء
وسفة .... على الحايط تنعصر
امي .... رحمة الله التنذكر
......
امي للعالم هداية .... بيهة بارينة افتخر
مثل حنيت كلبهة  ... ما شفت بين البشر
امي لعيون اليتامة .... ليلهة اتكضيه سهر
وللفقير اتصير خبزة .... اجفوفة  اتشبعة دهر

امي مترد سائل ايدك بابهة
تحسبة واحد من اعز أحبابهة
امي ....  يعجز ايوصفهة حر
امي  .... رحمت الله التنذكر
......

الحمدلله رب العالمين
اللهم صل على محمد وال محمد
موسى الخادم
202
الناشر احمد الفاطمي

07 Dec, 21:34

رغم السده  ورغم العده
هذا العزاء انجدده
سبع الدجيل المضلوم واجب علينه انذكره
»»»»»»«««»»
مجلس نسوي وهم نسوي اقرايه
رغم العده واهل الحقد و الغايه
نقسم قسم بجفوف راعي الرايه
حد الكبر طول العمر
رغم العده نحيي الامر
يابن علي ما ننساك حبنه الك عل فطره
»»»»»«««««
كلمن يحاول ما وصل للراده
نزيد المجالس احنه كد اعناده
الحيدر علينه هل عزاء وولاده
مهما وصل مهما حصل
هذا العزاء ثابت يضل
مجلس نسوي ابهل يوم  وتحضر اويانه الزهره
»»»»»«««««
بيت الامامه القتل عدهم عاده
هذا الورث متوارثه امن اجداده
لا مو جديده هاي عند الساده
شايل صفه اهل الوفه
جرح المحب مابي شفه
سيد الرسل ناح اعليه وحيدر حنه اعليه ضهره
»»»»»««««
محمد مصابه مو سهل لا والله
اشلون النذل بالسم كدر يوصله
نعشه منو الينتحب يمه وصله
للغالين تدمي العين
ينحب بقه ركن الدين
بس بالعباده و اصلاح خلص حياته و عمره
»»»»»«««««
اول ظهور المهدي ياخذ ثاره
بعون اللاه اوقوته الجباره
الشيعه لزومن تجتمع بدياره
ليل الوحش شيل نعش
بمصيبته اهتز العرش
عرش السمه اهتز اعليه و للباري سلم امره
»»»»»«««««
حسن صالح العيساوي
177
الناشر احمد الفاطمي

07 Dec, 21:34

عدنه الروايه الرابعه بسم ام البنين
تقيم العزه فاطم عليها ام الحسين
&&&
عدنه الرواية الرابعه     نوضحها لازم للناس
تلاث بأسمچ فاطمه       والرابعه لام عباس
لحسين ضحت بالولد       گلولي بيمن تنقاس
الجابت الكافل تره     تنحط نعم فوگ الراس

هاي الابيه السجلت تاريخ السنين
تقيم العزه فاطم عليها ام الحسين
&&&
فاطم تقيم الفاتحه  لهل المره لما تتكرر
ماكو مره مثلچ ابد   برمز الوفاء تتصدر
يا ام تره عافت ولد      ام البنين التگدر
حيدر وفاطم بالعزه    قاموها وسط المحشر

صوت البچي يتعاله ظل وي صوت الونين
&&&
ام البنين اول مره         تخدم تره ضرتها
كل همها الحسين وفقط   مو همها بزريتها
ينادونها وترد نعم        خدامه بحچايتها
تبچي لحسين بكل وكت  معروفه بونتها

ام الگمر عدها ابد ما نشفت العين
&&&
هيج انه اريد اجنازتي    يحضر حسين بروحه
ما ريده يحملها ابد       تلچمه خاف جروحه
مثل الحسين من انذبح   روحي انه هم مذبوحه
انجرح من اسمع تره    يمي انه صوت بنوحه

شلون انسه انه شسوت بجسمه الميادين
&&&
اتمنه كون انه اندفن         يم الحسين بگبره
خليني ميته وبالگبر    بس كون اشتم عطره
المو يمه ابو الاكبر بعد    شيسوي گلي بعمره
وصلو سلامي لحضرته  لو زرتو يمه الحضره

صح  بالبقيع الجسد روحي يم الحنين
&&&
سجلها تاريخ العصر    ضحت بأربع شجعان
چان المهم مو بالولد   كل همها يم العطشان
ما رد عليها تحسرت   تسأل عليه ياهو الچان
خاف ابني ضل الوحده   قصرو يمه الخوان

انه اعرف الكافل تره وفاي بالدين
&&&
علي جبار الكعبي
الفاتحه لوالدي
201
الناشر احمد الفاطمي

07 Dec, 18:47

|||ابوذيات للسيده الزهراء ع|||||●●●●
~~~~~~~~~~~~~~~~~~~~

عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين

وهيل اترابهه اشلون بأديه
______________________________

يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي

دفنت الزهره وي روحي سويه
_____________________________

عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج

علي ولا چن علي ذيج المسيه
_____________________________

ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ  ﺑﻴﻪ  ﺩﺭﻳﺘﻲ اشصاﺭ ...... ﻳﻤﺂﻩ

ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ
______________________________
تمت بعون الله تعالى
خادمكم●●●●●يوسف الفتلاوي
238
الناشر احمد الفاطمي

07 Dec, 18:21

لمولاتي ام البنين عليها السلام


بالمصحف ترتل.... جانت تقرأ بحساس
بالزلزله تنست.... والله انطاها عباس
أم البنين ام البنين
@@@@@@@@@@@@@
لمن قريتي الواقعه.... جنج ذكرتي المشرعه
بعالم الذر منرسم.. جربه وجفوف مگطعه

محد گدر علخوه يم الله هناك
بس الگمر صاح انا يحسين وياك
وحسين گلاله ابو فاضل حياك
وام البنين الايگ عليها ارباك

للقبله متوجهه.. ضلت تقره ياسين
ارزقني ياربي.. كافل يخدم حسين
ام البنين.. ام البنين
@@@@@@@@@@@@@@@@
ترتل بسورة قل هوه.. ضلت تشع كلها ضوه
من تقره بيها دمعت.. من عدها عباس ارتوه

ماكان للخوه كفو بس عباس
متگاسم وي حسين خبزه وانفاس
جانت تردد قل أعوذ من الناس
هاج الگمر هوه اليخوف الوسواس

أوسورة الكوثر.. بيها داخت هواي
يلمنطي ال طه.. هبني مالك الماي
ام البنين.. ام البنين
@@@@@@@@@@@@@@@@@@
بأسمه الملائك رددت.. بالروم لمن رتلت
عباس يانور الخلق.. حتى الشمس منه انعمت

وبسورة النور التأكد نوره
وضلت تردد فاطمه بهل سوره
حدما كمل عباس بأجمل صوره
يوميه تقراله الفجر بالشورى

والفجر تقره.. تستذكرله عاشور
وتحس يجاوب.. ابن امي منحور
ام البنين.. ام البنين
@@@@@@@@@@@@@@@@@@@
لقمان تقره وي الحشر.. واستلهمت منهن صبر
يرتاح كلش هلگمر.. من تقره يمه والعصر

الجربه مخصوصه اله والرايه
خسران اكيد الماوگفله بهايه
الا الذين للخيم وفايه
تخص الگمر كلش اضن هل ايه

انا فتحنا .. نصرا بيدك يصير
وبسيفك تهد.. دنيا گبالك تحير
ام البنين.. ام البنين
@@@@@@@@@@@@@@@@@@
والشمسٌ بيها من بدت.. أفكار عدها اتواردت
من نور عباس الشمس.. تأخذ ضواها اتأكدت

أنا أنزلنا الگمر في السابع
وبلجربه ضل يا رايح ويا راجع
سبعين الف بيهم ابد ماقانع
جا هوه ابن ذاك الحصنهم قالع

بلفلق تقرا.. تخاف اعليه من العين
وتتوقع يگول.. رتلي بس اسم حسين
ام البنين.. ام البنين
@@@@@@@@@@@@@@@@@@



تمت_امجد عداي الزيدي
252
الناشر احمد الفاطمي

07 Dec, 17:07

انتي بـاب الله ومـلاذ الـحـائرين
وصـرتي عنـوان الكرم يأم البنين

مـضرب الأمـثال خـلاچ الجليل
وخدمتچ لحسين هذا اكبر دليل
اويالهوى صاحب المبدى مايميل
قدوه صرتي بكل عصر للمخلصين
انـتي بـاب الله ومــلاذ الـحـائرين

وكت ما قل الوفه وحيل انحسر
قـدميتي  العـين  ابـو الاكـبر درر
اچـفـوف الچ تاريخ كتبن عالنهر
هـمـچ وكـل غـايتچ نصرة الـدين
انـتي بـاب الله ومـلاذ الـحـائرين

هـواي فضلچ يتعب الرايد يعد
المجد يوگف من نذكرچ يستعد
ياهـي مـثـلـچ قدمت كل الــولد
وبقت تنشد خاف ولدي مقصرين
انـتي بـاب الله ومـلاذ الـحـائرين

روح  مـاتـتوصف  ابكـل الكلام
ونت ومنعدها اخـذ ونه الحمام
موعواطف تنعه دين وتنعه امام
هيچ يربطها العشك وي الحسين
انـتي بـاب الله ومـلاذ الـحـائرين

مـعنا للاخلاص والـحب والوفه
شـوگـها لحسين مـحـد يوصـفه
عـن درايـه وعـن تحدي ومعرفه
عن صمود وعن جهاد وعن يقين
انـتي بـاب الله ومـلاذ الـحـائرين

چـانت بـكـل مـغـربيه تنوح اله
اعـذرني مـامـسبـيه وي العائله
چـان حلمي وياك اموت ابكربله
أسف بعدك ضـاله اصفگ بالادين
انـتي بـاب الله ومـلاذ الـحـائرين


هـاني ناصـر السـعـيـدي
219
الناشر احمد الفاطمي

07 Dec, 17:07

سلام الله على الماخلفت احچايه
وفـيـه وخـلـفــت لـحـسين وفـايه

سـنـت للـولـد قـانـون للـخـدمه
ازغـار ورضعتهم حـب ابو اليمه
هـذا حـسـيـنه وتـوفـيـقـنه يمه
وبـس ابخـدمـته تـتـحقق الغايه

كـلـشي ابخـدمته وبحبه يـتحقق
اوصـيـكـم يـيـمـه الــراد يـتـوفق
كون اويالحسين بكل وكت يصدق
عـفـيـه اولادي مـا وصـيـكم ابهايه

يـيـمـه الـراد ربـه ايـعـزه ويـنصره
ويـكبر بـيـن كـل هاي الخلگ گدره
كـون امن ابو اليمه اعليه كو نظره
ملك والـدنيا تمشي ابكـلمته ورايه

مـو تنسون بعـد امـكم دعاء امكم
ولدي بكل فرض بس هاي دعوتكم
كــون حسين يـقـبـلـني اويـقـبـلكم
خـدم عـنـده وعـلـينه كـلش اهوايه

الحـچي بـيناتنه مـاريد اسمع الناس
واريدن كون شاهد عالحچي العباس
بس لحسين گـولوا تاج فـوك الـراس
وانـه ادري للـحـچي يـالــولـد شـرايه

هـذا الكلـشي واحنه نعيش من اجله
ونــمـل ارواحــنـه بــس هـو مـنـمـله
مـوتـوا لجـله حـت افـتـخـر واتـعـله
ودگــوا عـالـنـهـر بـچـفـوفـكـم ثـايه


     هاني ناصر السعيدي
191
الناشر احمد الفاطمي

07 Dec, 17:07

ام البنـين الناس كـل ما يـسـمـونـي
تنزل احس الروح وي دمعت اعيوني
وبحيرتي وبغربتي وبونتي
وي دمعت عيوني

اَ يروحي بلله نوحي والمشو كلهم وفه
هذا حالي والليالي جرحي بيهن ماشفه
انتظرهم واشتري بسنيني الاخبار
گلبي لاچمني واحسن يمهم اخطار
هايروحي احباب روحي بيهم شصار
وبـيش اصـبرنه دليلي المشتعل نار
هيچ انتظر ضليت واتنطر احبابي
كل صفنه اگولن راح يندگ علي بابي
وبدمعتي ياحيرتي وبونتي
وي دمعت عيوني

يازماني بهمي اعاني راحو احباب الگلب
والـجفوني عذبوني والبعد كلش صـعب
يصعب اغياب الحبايب من يروحون
انتظـرهـم وادري بـيهم مـايـردون
والبچي لو اعرف يرجع اليـموتـون
ابچي لفراگ الاحـبهم حتى العيون
راحـوا احباب الـروح وبهمي خـلوني
راح ابچي حت الروح لوخلصن عيوني
يافرگتي ياحيرتي وبونتي
وي دمعت عيوني

سولفولي ومن حچلولي طاح شيال العلم
والهدمني وحيل همني حيل ابو اليمه نهدم
ويلي گالو عالشريعه حسين مكسور
يم ابو فـاضـل ومحـد گله مـاجـور
ضلمه صارة دنيتي وشفت انطفه النور
ومـن يـون گلبي نهاره وليلـه مـعذور
تتلاوه وي الموت روحي اعلى فرگاهم
واعتـب عليها شـلون ماماتت وياهـم
ياكسرتي ياحيرتي وبونتي
وي دمعت عيوني

عذبوني امن اخبروني منگطع چف الگمر
حچوا زوده وبزنوده ثايه دگ اعلى النهر
گلت فدوه وكون سالم راس الحسين
لو اضحي شما اضحي برگبتي دين
من سمعت الناعي صاح ودمعت العين
گتله فدوه الولد مهجت فاطمه وين
سولفلي عن حسين مو همي بولادي
الكل فدوه اله يرحون ريحانة الهادي
كل ضنوتي ياحيرتي وبونتي
وي دمعت عيوني

ياهضيمه ياحـريمه كالوا حسيـن انذبـح
نزف نحره فوك صدره الخيل داست چم جرح
حسين وحده وناس مابيهم حميه
نفرش صـدره للـخيول للاعوجيه
ريت كون وياه اجه وكت المنيه
وخيلهم مو عالسبط تسحگ عليه
مامتت وي حسين ويهيدن جروحي
ياروحي ليش الخيل داست على روحي
ياهضمتي ياحيرتي وبونتي
وي دمعت عيوني

شعظم صبري نار تسري عيله چانت بالخيم
سـلبوهـا والـسبـوهـا زيـنب وكـل الـحـرم
حيلي خلص حسره حسره شضال بيه
وگـالـوا اتـلـوذ السـبـيـه بالـسـبـيـه
والهضيمه والاشد واصعب عليه
طبت الديوان بت حامي الحميه
كالولي بالديوان چن طبه عباسي
وتفاخرت والله بنتي ارفعت راسي
ياهيبتي ياحيرتي وبونتي
وي دمعت عيوني

هاني ناصر السعيدي
188
الناشر احمد الفاطمي

07 Dec, 17:07

يالمحتاج والدنيا قست وياك
حضر حاجتك وتوجه اعليها


غير ام الكرم وام الوفي عباس
گول ام البنين وراح تگضيها


گلها ابداعة السحگت عليه الخيل
سـوي المـاگدر واحـد يسويها


ادگ بابچ بدمعي وحالي يشكي الحال
يأم عـبـاس اذبـهـا لـو اخـليـها


احـلفچ بالـمشـن للشام مسبيات
عليچ بلوعة السلبوا تراچيها


العله البيبان يوگف ينذل وينظام
بس بابچ يشيل الراس طاريها


بكثر ماصرتي للعز والكرم عنوان
سفرة وعزبيتي اربع ولد بيها


قريت الفاتحه تسهيل امر ملهوف
صعبه وادري اذا يمچ تسهليها


وبعد يمچ بقت ياگاضيه الحاجات
بچـف عباس چـفـچ علي مديها


نسألكم الدعاء
هاني ناصر السعيدي
233
الناشر احمد الفاطمي

07 Dec, 17:07

طال انتظراري وگلبي مشتاگ
مـايـنـحـمل يـانـاس الـفـراگ
       مـافكـرت بولادي
    منتظره روح الهادي
          يمه     يمه
روحي  روحي 
منتظره احبابي  لاماعافن بابي  گلبي والعين
عيني عيني
لعيونك مشتاگه چا يمت نتلاگه   يمه يحسين
فدوه الولد كونك ترد يارجواي
صحره العمر لاتبتعد وانت الماي
   لخيامكم فدوه ام البين
بس لاخطر مركم يلحنين
    لوترد هذا مرادي
   مـافكـرت بولادي

حالي حالي
طير بلايه اجناحه مامرتني الراحه  من الاغياب
ناري ناري
تلهب بعد عيونك وولادي يفدونك  يبن الاطياب
غالين ولدي وعالگلب حيل اعزاز
بـس انـتـه اعز والـرايدتك جـناز
وصيتهم لجلك يموتون
وسالم تدر يانور العيون
فدوه الك لب افادي
مـافكـرت بـولادي

وينك وينك
يانسمه بنص ريتي ياعمري وعافيتي  وكل الاحلام
ويلي ويلي
ما اتحمل هجرك  فدوه اسنيني العمرك  وكل الايام
خافن تطول الفرگه چابيه شلون
گـلبي يگلي احبابي لا ميردون
مرني بحلم يالشوفتك عيد
ام البـنـين اتـخـدمك اتريد
يالبيك كل امجادي
مـافكـرت بـولادي

داري داري
وحشه بدون اعيونك وابنيني يفدونك  يابو الاحرار
فدوه فدوه
انا وروحي وناسي وفديلك عباسي  اعليك يندار
هزني الحنين الشوفتك وشتاگيت
صار الگبر ارحم علي من الـبـيـت
بـعـدك شليه ابهاي دنياي
صار الدمع والنوح سلواي
بسمك الروح تنادي
مـافكـرت بـولادي

اني اني
مكسوره ومفجوعه وتحمل چم لوعه  ملت الروح
دمعي دمعي
عاشرني وعاشرته وعليكم وشلته   سيل الاجروح
وين الصبر يهل الصبر دربه منين
حت الدمع من يزل يدور حسين
اجـزع عليه يستاهل الراح
حت الصبر لحسين هم ناح
وهس التراب وسادي
مـافكـرت بـولادي

صبري صبري
مـل مني ومـليــته واعليكم بچـيته يالعزيزين
دهري دهري
من ايدي وطشركم وضلت بس اصوركم  توجع العين
ياكـربله گـليلي  بحـبـابي اشصار
من حسرتي ومن ونتي گلبي احتار
شو مااحب اگعدلي بفياي
شو انلچم من اشرب الماي
يمه وعلنت احدادي
مـافكـرت بـولادي

هاني ناصر السعيدي
210
الناشر احمد الفاطمي

07 Dec, 13:07

ام روحي بذمتك يتراب
شبعت ضيم امن العصرة
متهشم من ذاكَ الباب
هنت الله بضلع الزهرة
——————
بالليل اجيتك يا گبر .. جايب على اچتافي العمر
وبگلبي ديرة امن الجمر .. وبوجهي بس شيب

يتراب الك انه ابو .. هم شايف امچفّن دفو
اتموّت شكو بعينك حلو .. يجنازة الطيب

شلتها اعله متني وعرج گلبي شايل
ودرع گلبي مدروع بقيت امشي مايل
مطر ماي على الجام احس حيلي سايل

عافيتي وعافية البيت
شايلها بچتفي و امشي
من گد ما باچي ومهدوم
طلعن غيمات برمشي
——————-
ما ودي ادفنها وارد .. مالح اترابك عالورد
فاطمتي يخنگها اللحد .. مگفاها مكسور

لا توگف اويه اهل الـ وإن .. الدنيا برمل ما تندفن
وتدري العطر ما ينسجن .. بتراب الگبور

يالتراب عليها شمرتك ثگيلة
تره الريشة صخرة تحسها النحيلة
الهوه اعليها يثگل ضلو ع العليلة

بالك يمها وما اوصيك
لا تاخذ دور المذنب
افتح بابك خل ترتاح
يتراب بوكت المغرب
—————-
لا طبرة لا طعنة برمح .. مثل ام حسن مامش جرح
امن المگفة فرگاها ذبح … ويطفّي الاعيون

محد يهدني امن ارد اهد .. وطيحني للگاع الفگد
نعش العشگ يمرد مرد .. حافر عالامتون

التحبه اعله متنك تحس نعشه حافر
وصباح الله بعيونك اتحسه عاشر
هدم ناس ثگيلة يحظن المگابر

انه القالع باب وروس
ربعي وولدي يتچولي
هدت حيلي الزهره وصار
حاجب يا وادم طولي
——————
خليتلك طاسة دمع … يومية رشها اعله الضلع
ما حط بخور ولا شمع .. تتذكر النار

يتراب ذممتك تره .. هَنت الله بيها امكسره
امن البيت اظل للمگبرة .. خلاني بسمار

شيعوضني يتراب طفه بعيني كلشي
ولا بيه اگومن ولا اگدر امشي
مشت روحي زهراء گطع وكتي هرشي

اعله ترابك نايم يتراب
وترابك تارس جيدي
من گد ما ضعفني البين
المحبس ما يثبت بيدي
——————-
مَعَ السلامة تندثر .. مَعَ اليتامة والكسر
بالك عله امهم ياگبر .. زينب والحسين

راح ارجعلهم مو علي .. مو حيلي ذاك الاولي
امخوصر ودافن كل هلي .. وبخدي شطّين

دفنت الامومة ودفنت الابوّة
ومشيتي اعله حيطان واجر خطوة خطوة
تتچيلي زينب يگعدوني گوة

من طبيت البيت احاه
لاگاني الباب ودمها
طگ ضلعي وطحت اعله الباب
ودموعي شمصعب لمها
————-
علي هادي الخزعلي
270
الناشر احمد الفاطمي

07 Dec, 12:04

خليني اخدم صدك ؛ ماريد اعيش بوهم ؛ خلي جروحك تعيش ؛ بگلبي ويزيد الالم

خليني دمعة يتيم ؛ بطاري الحوافر اطيح ؛ لو گالوا اخيول اجت ؛ تسحك جسد بس ذبيح

ياحزني الما املّه ولا فد يوم امل
ياتعبي البي راحة گلبي والعقل
تعبني وي اضعونك علعلني بحبل

-

حسين اه .. حسين اه
حسين اه .. حسين اه

___________

عُذراً حبيبي حُسَين ؛ عبرن جروحك الالف ؛ وبذنبي ازيد الجروح ؛ لينلي گلبي الصلف

ذنبي لجروحك ملح ؛ كلساع الجمك وَ ارد ؛ جا يمته روحي تتوب ؛ خايف ارد وانطرد

يالما خالق منك ربي اي شبه
لاتطردني امروتك وين انطي الوجه
ملگاك ايرد روحي وكل ملگه مَلِه

-

حسين اه .. حسين اه
حسين اه .. حسين اه

___________

الزمني لو تيهت ؛ ما الحگه لو جدمي زَل ؛ بخنصر يمينك اريد ؛ تدعيلي خادم اضَل

إعرضلي وكت الغلط ؛ خربلي درب الذنب ؛ واعرض دروبك علَي ؛ سويني فعلاً محب

دليني اعله جروحك وين ارد انجرح
يـ الما سالم راسك حتى اعله الرمح
رمحك يچوي وجسمك رشوه بالملح

-

حسين اه .. حسين اه
حسين اه .. حسين اه

___________

اكسرلي غصن الذنب ؛ يالمنكسرلك ظهر ؛ عيشني ركضه وعطش ؛ بديني يم النهر

عيشني راس برمح ؛ ينظر عياله بفله ؛ غربه وعطاشه وركض ؛ ركضوها كل كربله

خليني وي اضعونك بالهيمه انسبي
وي السجاد اركض اطفي بالعبي
واعثر بين الخيل واكضيها حَبي

-

حسين اه .. حسين اه
حسين اه .. حسين اه
___________

كلمات
الخادم حسن الكريماوي ✍🏻
280
الناشر احمد الفاطمي

06 Dec, 16:33

في حق الزهراء. ع

يااهل. المدينه
كبر الزهره وينه
ماردنه مناره وصحن وكباب
ردنه منل كبر لو حفت اتراب
كبر الزهره وينه

--------------------
مثل عاشور وحزانه مصابج حيل اذانه
ابد ماتطفي نيرانه. بلكلوب
كبر نبنيلج وحضره ومقام وكبه يلزهره
نضل ننتنفس بعطره بلكلوب
حلم اتمنه كون اتشوفه العيون
الج مبني ضيح وبيه يطوفون
مواكب والخدم كلهم يخدمون

نريد انشم كبره
ونتروه بعطره
تحرك بينه ضلت نار المصاب
ردنه منل كبر لو خفنت اتراب
كبر الزهره وينه

----------------------
نارج بينه ماتبرد. دمعنه دوم فوك الخد
المواكب ولطم تشهد. يزهراء
ألج نعقد مجالسنه. الحسره البينه تجرحنه
يضل النوح سلوتنه. يزهراء
شحلاهه من نجي وننوي الزياره
ومبنيه. الج. كبه. ومناره
تسمع شيعتج. هاي. البشاره

اه يم ضلع مكسور
لطمنه فوك الصدور
ياهل المدينه عدنه اعتاب
ردنه منل كبر لو حفنت اتراب
كبر. الزهره وينه

------------------------
ايام معدوده العمر. هموم وجروح شكثر
خلص يالزهره الصبر. هضيمه
كلشي يرخصلج يهون. اه يم كلب الحنون
تنزف ادموم الجفون. هضيمه
بوفاتج عدنه صار اتلث روايات
يالزهره الكلب متروس حسرات
ماننسه مصاب. الظلع. هيهات

عليج شمالطمنه
يتجدد. حزنه
عله صوت النواعي الكلب ينصاب
ردنه منل كبر لو حفنت اتراب
كبر الزهره. وينه

----------------------
كلبي منل حزن ذايب مخفي كبرج وغايب
بدمعت عينه نعاتي. نواسيج
لو مر اسمج ابالي. جروح البيه تنعالي
مالوم الفكد غالي. نواسيج
عليج. شما لطمنه. فوك. الصدور
ما نوفيج ونتي. الظلع. مكسور
تمر. بينه اليالي. مثل. عاشور

من نحظر عزيه
نصرخ. يالزجيه
خلف الباب رادت ستر الحجاب
ردنه منل الكبر لو حفنت اتراب
كبر الزهره وينه

-----------------------
كل عام اليمر ننعاج. حد الموت احنه وياج
نعيد بكل سنه ذكراج. ماننسه
بكل مجلس الج عبره. بروحي تستعر جمره
هاي الناس عل فطره. ماننسه
كبرج صدك. مخفي بس بنيناه
بين. اكلوبنه. يلزهره. نلكاه
وكل هذا الحزن منج. خذيناه

عله مصابج صبرتي
وبحزانج بقيتي
مالومه صفيتي يغله الحباب
ردنه منل كبر لو حفنت اتراب
كبر الزهره وينه

----------------------
الخادم
رحيم. الصالحي
192
الناشر احمد الفاطمي

06 Dec, 04:42

يالــزهرة رحـتي وللأبد .هاللـيلة مـَنشوفج
حِزنج عــلى فراك الــنبي يِتْفَسَّر ابـخوفـج

    عَهدج فلا نبيعه ... يامحور الشيعة 

مِـحراب نـورج فــاطمة مايـنطـفي للــدوم
كَبل الأرض لأهل السِمه يِتلاله جَنَّه نـجـوم
مَحّد عُرف كَدرج أبَد من طِحتي ذاك اليوم مِشكاة ربِّج من ضِوَّت يَم ضِلعج المـَلجـوم

  رادو غَصٌب بِيعة  ...  يامحور الشيعة

أوّل ظٌلامه مِن فَـدَك أخـذوهـا مـِن إيــدج
بصٌحبتهم أنفاس ألحقد من طَيّحو اوليدج
أعراب بــثياب الــغـدر بـاكــو فـَرح عــيدج
مظلومة رحتي يَم حَـسن لِهناك َ يم حـيدج

هذا الخبر ذيـعة ... يا محور الـشيعة

بيت الله وِابْابـه الحَطب مشتعلة بيها النار
حـركوها بابـِج فـاطـمـة يا شـمـعـة الـكرار
لجل السَــقيفـة الـمارقِــة تــتــبدل الأدوار
لليــوم دمـِّج مانـِشف ونصيح لجلـه الــثار

  ثـار الله وِنْـطيعه ... يامحور الشـيعة

قـرآن صـَبـرج وَي عـلي بِالـهضمـة يِحجيله
مِن شاف جرحِج ماسِكت والدمعة تشكيله
مـحسـن يِطـيح إبـلا ذنـب بــالآه لــولـيلــه
نضرة وِداعـج فــاطمـة هـدّتـله كــِل حـيله

   هاللـيلـة تـوديـعة ... يا محور الشـيعة

حال اليتـامى بنص ألم شيخضـر الـيابس؟
كل كَطرة من دم الوفه جَـن ينخلق عابس
للـمهدي واجب نـِفتدي واحدنه كالـفـارس
لجروحي مو بس بالدمه بـالثار هـم تارس

يا شيعة ياشيعة .... هالليلة توديعة


لٌبــابة آلـــ ياســين
٧ اكتوبر ٢٠٢٤

وزن : منسجم
مقاصير :مستفعلن فعلن


#لبابة_آل_ياسين
330
الناشر احمد الفاطمي

06 Dec, 04:41

ضعفت لحد ما صارت خيال
ومحدبة اكثر من الهلال
ومن تتنفس تبجي بحرگة
وتطلع جنها اسهام الشهگة
——————-
ما مرها اي انسان .. يعصرونة عالحيطان
ويضربة چف شيطان .. ويطيحة للگاع

بالزهرة اكثر صار .. عصروها جوه النار
وبيها انلوه البسمار .. ومنها الطفل ضاع

واللعين برجله يركل ما يحس
سورة الكوثر يوادم تنرفس ؟
غيمة سودة وعصرة خيوط الشمس
الباب يغلي وعالجذع دفعوها

طگة ضلعها بدفعة افلان
واصل دويها لبيت الاحزان
تحچي احچايتها ومختنگة
وتطلع چنها اسهام الشهگة
———————-
طاحت عليها اجذوع .. تكسر صخر وضلوع
وبسمارة ما مشلوع .. باب وقوي اهواي

والمحسن امن انصاب .. طاح اعله طرف الباب
واتگمط بعطاب .. ودمع امه مو ماي


ما شفت لا بالچذب لا بالصدگ
المحترگ گلبة ويطفونة بحرگ
وعتبة الزهرة التشور تنسحگ
و الـ وإن بذن الزمن زرعوها

مرأة ونحيلة وتدفع الناس
وجرة القوس اتجر بالأنفاس
الشمعة اتموتها المحترگة
وتطلع چنها اسهام الشهگة
——————

لحگتها فضة تريد .. تلزمها من چف ايد
تحملها بس تبيد .. ضعفت اديها

چفها انترس تجريح .. اتچيها بس تطيح
فضة لولدها اتصيح .. وركضو عليها

طافح اعليها الحسن سيل وطفح
شالها امن الباب واذراعة انجرح
والاحسين اعليها من هسه انذبح
عمت عيني امن الجذع شالوها

وزينب تضمد بيها وتگول
شيضمد احسين من الاخيول
الكسرو ضلعة شلون انشبگة
وتطلع چنه اسهام الشهگة
—————
باتت نحيلة هواي .. صارت خيال بماي
ونتها تكسر ناي .. وتفطر گلوب

وصلت وجع والالام .. مابيها حيل تنام
تنكسر مثل الجام .. وي وكت الغروب

من يجيها المغرب تكض الضلع
تحس هوه الله اعليها رايد يندفع
امن الوجع ظل صوتها اولا ينسمع
يمها يتدنون ويسمعوها

اليا يمه فاگدها الحسن حيل
عازتها عازة اليمة للحيل
مثل امه ابن ادم ما يلگة
وتطلع چنها اسهام الشهگة
———————
وصلت بعد للموت .. گطعت نفس والصوت
وظل يخطف التابوت .. گدام العيون

جمعت ولدها اغيوم .. المذبوح والمسموم
تگلهم وراي بيوم .. كلكم تموتون

يالحسن چبدك تشوفه بطشت راح
ويا احسين بصدرك امكاسر رماح
وكل مصايبكم لزينبكم اطياح
وزينب الما طالعة يطلعوها

كسرة اضلوعك يمة يحسين
من صوتها اتطيح الصواوين
تحظن بي لا خيل تسحگة
وتطلع چنها اسهام الشهگة
—————-
علي هادي الخزعلي
260
الناشر احمد الفاطمي

06 Dec, 04:41

الله اكبر عصروها ومنها المحسن طاح
مو طف بس البسمار تحسبه احساب ارماح
حيل .. دفعوها
ضلوع .. كسروها
—————————-
زغيرة ومعصورة بقوة وصاحت فضة بساع
سندي امتوني

ماشوفن دربي اتصيّح ضاعت بيه الگاع
مغوشة عيوني

صاحت آه .. فضتاه .. لزمي چفوفي
دوري زين.. ابني وين .. طايح شوفي

رحت اركض ركضت خايف چوّت وجهي النار
ومديت ايدي لفاطمتي وصب دم البسمار
موت .. راووها
ضلوع .. كسروها
———————-
دخّان الباب العالي الخانگ بيها الصوت
ما اسمعها

ضلوع ومحترگة ورفسة الوصلت بيها الموت
وچف يدفعها

إنعصار.. عالجدار … وانت اتخيّل
هذا حال .. لو رجال .. ما تتحمل

العصرة اللاگتها الزهرة تمّوت حتى الصوت
الزلمة وما يتحملها بساع بساع ايموت
ليش .. عصروها
ضلوع .. كسروها
———————-
سنّد ظهرة اعله الحايط حيل ويعصر صار
ضلع الزهرة

بخيبر لابد بالخيمة وهسه بباب الدار
نارة موجرة

البلحروب .. يبقة ثوب .. طلعت عينة
وهسة جاي .. عنده راي .. ومكبرينة

لو مرخوص الهم حيدر كون وشاف النار
اله الاول والثاني ايشدهم ع الفقار
الروس .. يحنوها
ضلوع .. كسروها
——————
انه وزينب شلناها شويه شوية بخوف
ونبچي اعليها

ما نلمس ظهر الزهرة نحذر چي مخسوف
ونأذيها

ماكو عين .. ولا ادين .. ما موجوعة
والكسير .. من يحير .. يكض ضلوعة

ما نامت ليلة براحة ايغثها الليل اهواي
شما تتحرك تتشاهد حتى بشرب الماي
نوم .. حرموها
ضلوع ..كسروها
———————
شهرين بهاي الحالة اسم الله اسم الله نصيح
لمن تمشي

ندعي شما تمشي الخطوة خاف الزهرة تطيح
وتهدم كلشي

بخطوتين .. ياحسين .. صاحت يبني
بهالندا .. للصلا .. يمه اسندني

سامع صوت القارورة الطاحت فوگ الگاع
هيچ نكسرن يا ناس بصدر الزهرة اضلاع
اخيال .. سووها
ضلوع .. كسروها
——————-
حطت چفها اعله الگاع وصاحت اه يحسين
يا موضوعك

اضلوعك الله يساعدها وذيچ اخيول البين
اتهدم اضلوعك

ياحرام .. للخيام .. ضلعك يوصل
يوذروك .. يطشروك.. وما تتحصل


تتطشر گالتله وثوبك حدر الحافر ضاع
تتوذر راح وتترسها احسين احسين الگاع
ضلوع .. طحنوها
ضلوع .. كسروها
———————
علي هادي الخزعلي
199
الناشر احمد الفاطمي

05 Dec, 23:09

رديتلك    يحسين من ذاك الدرب..... رديتلك
اعتزايتلك   بلشام سمعوني حجي.... اعتزايتلك
رديت محنية الضهر
جن ضهرك بموت الكمر .........  رديتلك

رديتلك كوم وتلكاني
غير انا اختكم وانتم اخواني
ترضون اختكم تبقئ بلهيمة
يفراكم بالغربة خلاني

ادري الترد مهضومة اخوهة يكلهة بشري
شو محد اتلكاني منكم كلي أمري
يحسين بلشام شكثر ....... حنيتلك

حنيتلك يا خوية        حنيتلك يا خوية
*******
تعبانة... رديتلك من السبي .... تعبانة
ويانة... يا خوية بتك ما اجت... ويانة
راووهة راسك والقدر
استعجل عليهة وما صبر..... ويانة

بجفي الحبل واتفكد عيالي
وسوط الذبحكم خوية يبرالي
ويا حيرتي لمن اجة براسك
التهي ابتك التهي بحالي

يبن امي اجيت أمن اليسر مكسور ضهري
تلكاني لو تنده اخوك يردلي خدري
تعبانة من ذاك الدرب..... تعبانة

حنيتلك يا خوية       حنيتلك يا خوية
*******
مشتاگة .... لكعدتنة يخواني شكثر.... مشتاگة
علناگة ..... مو زينب التمشي بيسر .... علناگة
عتاب اخت ماكلهة الهضم
فركتكم ادك بلعظم ..... مشتاگة

اعتب عليكم يا بعد لوني
جبتوني ليش بغربة عفتوني
ضلمة الدرب من دون ابو فاضل
عيوني اشتهتكم يا ضوة عيوني

غير اليحب يعتب وانا هل عاتبتكم
تعبانة من ذاك الدرب يا بعد اختكم
عفتوني ليش لوحدي .... مشتاگة

حنيتلك يا خوية        حنيتلك يا خوية
****
حسن جاسب الفريجي
207
الناشر احمد الفاطمي

05 Dec, 23:06

كون العمر يخلص عشك
وللخيمة كلبك ينتمي
احلة انتمائات العمر
صاحب مخيم هاشمي
عاند دنيتك بلدمع
والتهي بجرح العلكمي

عادي اخسر دنيتك وابقة ربحان
إذا صفيت نيتك وي الحسين
غم طعم العمر لو جافة مولاك
تضيع خلافة واتيه العناوين

شوف بكلبك خلي عينك ما تفيد
صيح سيد العشك هل من مزيد
لااا تغرك دنيتك وتضل بعيد

كن شجاع
وخلي كلبك للحسين
لا تخاف
والتفت تاليهة وين
تلكه أمام
بكبرك يصحلك معين
*******
خل كلبك يسولف جرح
واتنفس الآلام الخيم
لا تغرس بروحك ذنب
مولاك ما عايز سهم
وابحر بجرحك للازل
واتوكل براعي العلم

هيم بكل جرح واتذكر حسين
وخلي بروحك تعيش الخرابات
آلة خلي انتمائك وانسة دنياك
وحس بكلبك احتركتلة خيمات

عوف ذنبك هوة ما عايز جراح
كون تؤمن بقضيتة اعلئ. الرماح
عيش بخيمة يتضح درب النجاح

لا تعيش
بواقع ايضد الحسين
تدري ليش
هوة لليتبعة عين
بي تشوف
آخرة دربك لوين
*******
اطرح سؤال اعلئ العقل
وطلع جوابة أمن الكلب
ياهو الي ضحة بعيلتة
ولجلك مشة بذاك الدرب
الحب الصدك بس كربلة
والباقي ما يتسمئ حب

خل روحك وتد لحبال الخيام
وتفاهات العمر لتروحك بعيد
ذبهة اوية الحسين تروح ربحان
غير حسين صدك محد يفيد

كون من تموت كلبك مُطمن
خاف تطلع من سجن تدخل سجن
عيش وخلي روحك بذاك الضعن

علخيام
لا تكف عن البكاء
وابجي حيل
سيدك باب الرجاء
ما يعوف
الخلص سنينة بعزاء
****
كلمات : حسن جاسب الفريجي
215
الناشر احمد الفاطمي

05 Dec, 21:00

حگك بدمعك لحيتك ناگعه
علمغيسل رحمة الله الواسعه
..........١.........
توكف وتكعد واديك على الظهر
حيل مامستوعب اتغسل نهر
هوه ظلعك لو ظلعهه الي انكسر
علي فراك الزهره گلبك شالعه
...........٢............
صاير مچان الضلع مثل الخسف
موجرح شلال مابطل نزف
صار اصفر لونهه ذاك الترف
ويمهه دمعاتك يحيدر خاشعه
...........٣.......
حاوطوهه بنار والزهره وفر
وبلهيب الباب كامت تستتر
طاح محسنهه مثل طيحت شذر
والنفس من المدافع گاطعه
.........٤..........
عظم الله اجرك بفگد الهوه
الطين يتغسل الزهره من الضوه
الشمس واليل ميعيشن سوه
همه ليل وبت محمد ساطعه
.........٥.........
سبحه طين ويم ظلعهه اتفطرت
طب عرب وعلى الصواب اطشرت
شعرك ابيض لوچفن فاطم صرت
الدنيه بلشيب على راسك فازعه
.........٦.......
التهظم احمر صار ماي المغتسل
يكثر الموت وظماد الزهره قل
راحت ام البيت وافاهه الأجل
وناحت عليهه السماء السابعه
..................
بشار السامي
248
الناشر احمد الفاطمي

05 Dec, 16:33

في حق الزهراء. ع

صلاه الوحشه الج يالزهره صليت
بمحرابج شمع من رحتي ظويت
وجودي من وجودج
عشت عمري علمودج. يزهراء

--------------
الدنيه بعيني بعدج مظلمه وسوده
الرحل محبوبه عنه دمعه بخدوده
المحب ويه حبيبه يوفي. بوعوده
راح الغالي عني وبعد. شيعوده

جفني من غيابج ذابح النوم
اظل بحسرتي يالزهره مالوم
الزمن ذبل ورودج
عشت عمري علمودج. يزهراء

---------------
عله التربان وسفه وسدت خدج
وبيدي انه يزهره احفرت لحدج
من رحتي ومشيتي ظل اثر بعدج
ماي انتي. وتبده بعد. شيردج

دفنت وياج كل احلامي وسنيني
وجني بسجن عايش يوم عفتيني
زماني. هم. يعودج
عشت عمري علمودج. يزهراء

---------------
بالحيطان اشوفن رسمج اكبالي
ويموت منل قهر كلمن فكد غالي
اخذ روحي يموت ورحم بحالي
راح المحب عني وجرح دلالي

برموشي يزهره خظر الشيب
وجرحج بلدليل وبعد ميطيب
اثر صطره عله خدودج
عشت عمرب علمودج. يزهراء

---------------
تفرهدت من عندي راحت احله بسمه
وهظمتي يزهره بعدج والله هظمه
والجرح يومن مشيتي نزف دمه
تيهت. دربي. بعد. ماشوف. اعمه

يعيش بلا محب بدنيه يحتار
تظل تسري بدليله تستعر نار
ابد ما اخلف وعودج
عشت عمري علمودج. يزهراء

اسرح بحسراتي وصفن لو اجه اليل
ويظل دمعي عله الزهره يهمل يسيل
حدبت من. الهجر وتفرهد. الحيل
ياوسافه هل زمن غدار. ويميل

بنص دليلي يالزجيه جرح. الفراك
بروحي ظلت يالحبيبه حسره وشواك
بدليلي احفر لحودج
عشت عمري علمودج. يزهراء

-----------------
الخادم
رحيم الصالحي
329
الناشر احمد الفاطمي

05 Dec, 16:29

في حق الزهراء. ع

الوداع يمه جنج رايحه
الوداع راح انصب فاتحه
من. شيعو. تابوتج
مات الظوه وي موتج
الوداع. الوداع

----------------
يمه من نعشج مشه وظل خالي البيت
كون. ميته. وياج. يالزهره. تمنيت
وحدي اني بحسرتي وبالغربه ظليت
من جفن عيني بغيابج دمه صبيت

كلشي راح خذتي مني سنيني
كلشي راح. جرحي ضل ياذيني
رجعيلي يمه مروتج
مات الضوه وي موتج
الوداع. الوداع

---------------
يمه عيني عله النعش يومن طلعتي
خذتي. روحي وياج يالزهره ومشيتي
انه بعدج يمه احس كربت منيتي
اثمنطعش عمرج بعد. ماكمليتي

بهل مصاب. الباب كسر ضلعي
بهل مصاب طفه بهجرج شمعي
مشتاكه اسمع صوتج
مات الضوه وي موتج
الوداع. الوداع

---------------
يمه كل ايامه حسره الفاكد. امه
يكظي عمره بلحزن والدنيه ضلمه
وجرح المفارك يظل ينزف يئلمه
امي ماي اتبده مني اشلون ألمه

كلشي راح. بقت بس الحسره
كاشي راح. جرح بيه شكبره
كلشي نكتب ميفوتج
مات الضوه وي موتج
الوداع. الوداع

---------------
يمه لو. صار. العصر. والمغربيه
اصد محرابج ونوحن كل مسيه
اعلك اشموع الحزن وصفك بديه
راحت امي الطاهره الزهره الزجيه

كون اموت. وندفن وي كبرج
كون اموت خاطر اشتم عطرج
نار الحقد ببيوتج
مات الضوه وي موتج
الوداع. الوداع

-----------------
يمه خاف عليج وحشه وظلمه الكبور
وين رحتي بهل مسه يم ظلع مكسور
كمت احس خدي بغيابج جنه مصطور
محزمه احزام المصايب كامت ادور

عمري ظاع. وراح كلشي منيدي
عمري ظاع. مني باكو عيدي
باجر مصايب خوتج
مات الضوه وي موتج
الوداع. الوداع

---------------------
الخادم
. رحيم. الصالحي
299
الناشر احمد الفاطمي

05 Dec, 09:47

يل مهدي بابي ابلااذن دفعو عليه
وظلعي انكسر يل منتظر وانه الزجيه

يبني يمهدي منين احجي وبدي

…… ………………………………………... ..
يبني شحجيلك لمن هجمو عليه
جم ظلع معصوم كسرو يبني بيه
والأشد من الكسر وكثر اذيه
بل حبل لمن شفت حامي الحميه

يل منتظر حامي الحمه مجتوف اشوفه
مابيه اگوم محيره و لابيه اعوفه

ايدي على خدي منين احجي وبدي
… ………………… .………………...
يمه من ظلعي النفس گوه انه اجره
يبني كل شهگه احس بصدري جمره
يبني ادورن وجهي لاحيدر ينظره
خايفه اعليه لايشوف بعيني حمره

يل مهدي يم حيدر ولا اجري دمعتي
شيسوي يبني لودره وعاين سطرتي

وبس هوه عندي منين احجي وبدي
…………...…………...…………...……
بعدي يمه مااظن تحصل سلامه
هاي فكة باب يبني اعله الظلامه
عصرتي وگودة علينه بلاعمامه
وظحت كل ناصبي وكشفت لثامه

يل منتظر من هل حطب تبدي المصايب
بثار اهلك انته الوحدك يبني لتطالب

ولو گتلي عدي منين احجي وبدي
… ……………….………………… .
مثل ظلعي ظلوع راح يكسروهه
ومثل خدي امتون باجر يظربوهه
ومثل بابي خيام يبني يحرگوهه
خايفه اهواي اعله زينب وعله اخوهه

عن كربله گال النبي وسولف عليهه
حسينج ذبيح وزينب تروح بسبيهه

جروح الهه تدي منين احجي وبدي
…………...…………...………………..
خل اموتن يبني گبل امصاب باجر
يعين زينب باجر الله اعله العساكر
بنيتي تبگة حايره وتكسر الخاطر
بصدر اخوهه اتشوف سحگات الحوافر

لاعدهه والي ولاحمه تنخاه يجيهه
بس العده يل منتظر تفتر عليهه

يمهه انه ودي منين احجي وبدي
…… ………………………………………
خادمكم.قاسم المالكي
371
الناشر احمد الفاطمي

05 Dec, 07:30

قصيدة في مصاب الزهراء عليها السلام  …
ــــــــــــــــــــــــــــــــــــــــــــــــــــــــــــــــــــــــــ

شصار بحاله دلّالك
يالچــفك قلع خــيبر

بيوم العافتك فاطم
الله يساعدك حيدر
ـــــــــــــــــــــــــــــــــــــــــــــــــــــــــــــــــــــــــ

إحنــــا شيـــعتك نسأل
بحالك يا علي شسادي

ولَسا يســـعر بصـــدرك
فراگ المصطفى الهادي

تُـوِن يا حيدر لوَنّك
جبال الدنيا والوادي

أبد ما ينـــــحمل هَـمّك
ولا حزنك حزن عادي

راحت عنك أم زينب   وخَلّت جمرتك تِلهب
       
          ودارك ما بعد تنطب

موحِش من عگبها البيت
وصباحَك بالألـــــم أسفَر

ــــــــــــــــــــــــــــــــــــــــــــــــــــــــــــــــــــــــ

ياحــيدر منو الحـــاضر
روح الزهرة من فاظت

حِضَرها المصطفى بشخصه
ودمـــــعاته بـحزن طـاحــت

هَم حِضرَت خديجة ٱمها
وحِضنَت فاطمة وناحت

إجَتـها مريم العــــذرا
آ يم الحَـــسَن صاحت

هَم حِضـرَت مَرَت فرعون
وناحت وَيّه اللي ينوحون
وصَــــبّت منها دم ٱعيون

وإنته بنص المعَزّين
حاير لونك ٱتغـــــيّر

ــــــــــــــــــــــــــــــــــــــــــــــــــــــــــــــــــــــــــــ

سولف يا علي وإشرح
شصار بحاله أبو محمد

شلون ٱتحمّلَت روحه
بلِحِدها يمكن ٱتـــمدّد

يبو ٱتراب ومثل حزنك
على أم الحسن سَـــرمَد

ويظل ينعاها كل عمره
وعلى طول الدهر يمتد

ويظل بالحسرة والونّة   وَجهها ما شبع مِـنّه

         طفل بعده ومِشَت عَنّـه

يِودّعها بشجى الفاگد
ودَمعه بوَجنته ٱتفَجّر

ــــــــــــــــــــــــــــــــــــــــــــــــــــــــــــــــــــــ

نسأل يا علـــي شلـــونه
أبو ٱسكينة بمصاب ٱمّه

أظــــنها الدنيا بعــيونه
مِكِدرة وأصبحت ظلمة

يظل بحسرته وحـــاير
أكــيد الفارگ النعمـــة

يتيم أصبح أبو الأكبر
مذبوح بضــلِع حِلمه

جِدَمها ٱيقَبله ويگلها   زينب يِمّه منهو ٱلها
          
          رَحيلچ يُمّه كاتِلها

لو بالطّف تشوفيها
سِبية ٱتفَـزّع المَنحَر

ــــــــــــــــــــــــــــــــــــــــــــــــــــــــــــــــــــ

يحـيدر شنهو حالـتها
زينب من مِشَت أمها

ظـــلّت عَـدلة لو ماتت
بذرعان الوفى ٱتضُمها

أظن زادت أسَى ٱعليها
بالطف حِـرگوا ٱخيمها

چتفوا زينب ويجري
من جَرّ الحَبل دمـها

أشكال الهضم شافت   كفيل ٱعللنهر عافت

         وعلى ٱحسين بدمع طافت

ومن فوگ الـهِزِل تـنظُـر
أخوها ٱعلى الثرى ٱموذّر

ـــــــــــــــــــــــــــــــــــــــــــــــــــــــــــــــــــــ

بقلم الأستاذ  / ستار عذاب الحچامي
375
الناشر احمد الفاطمي

04 Dec, 17:25

اثنينهن......... عمن عليه
اچفوف صبري والوصيه
يازهراء..........يازهراء
*******************************
امچتف بصبري وبقيت ابديرة العين
امنين ماانظرها اشوفن سطرة البين
ادخيلك الله لوتنادي وين ابوحسين
يجوز  اسويهه الوطيه اثنين  بثنين

حيرتي ... اصفك بديه
اچفوف صبري والوصيه
يازهراء..........يازهراء
*******************************
انه من صبري استغلني افلان وفلان
ماطلع راسه عله ود اشعجب ماچان
ادري   بيهم  بالمراجل   كلها  نسوان
والعجيبه اگبال بيتي ايصير دخان

شلوني......ابذيج المسيه
اجفوف صبري والوصيه

يازهراء.......يازهراء
*******************************
وين چان افلان  لمن  اني  بالدار
خاتل بسدهه المنايا شلون  يندار
سيفي ماينسل عليهم كلش ازغار
بيا وكت يهجم عليه يصير بسمار

ينفتح.......... باب الرزيه
جفوف صبري والوصيه
*******************************
الاه مصدر للجرح وبصبري  مذبوح
والعذاب  اشكثر  ياكل بابي مفتوح
بالعلي اشچم مره اگوم وانه بالنوح
بيا وكت بابي اندفع والظلع مجروح

اجروح كلبي بهالقضية
اچفوف صبري والوصيه
*******************************
چان لو بيدي الامر امحيي الوطيه
بسيفي اساويهه  الثرى ويه الثريه
اشلون بالله  افلان يوصل للزچيه
والحرك بابي  حرك  بيت الله هيه

بيا وكت يوصل اليه
اچفوف صبري والوصيه
*******************************
اسوالف  الباب اشكثر تاخذ عذابي
امنين  اجيبن خيبر  واقلعهه بابي
افلان يعرف زين واصلهم حسابي
سيف  ذو فقار  چن لمحة جوابي

اشلون ودعت الزجيه
اچفوف صبري والوصيه
يازهراء..........يازهراء
*******************************
هيه  وحده  من  الامر  لو بيدي امره
اله  اسوي الدنيا  بيهم   كلها   حمره
چفي لو بالشيخ يدري شلون اسطره
مثل حمزه شلون يسطر وانه اشطره

كلها ..... تختل بالمنيه
اچفوف صبري والوصيه
*******************************
تمت بعون الله تعالى
خادمكم•••••• يوسف الفتلاوي
483
الناشر احمد الفاطمي

04 Dec, 17:17

بأي ذنبٍ قتلت فاطمة
.....................
تبگه المدامع تهل طول الدهر
وبضلع فاطم ضلع طه انكسر
طود الصبر لام الحسن ماصبر
أهل الارض تنعه ويااهل السمه
....................................
من أمة السوء العجب والعجب
تبت يداه كلمن تعنه بحطب
والعصر فاطم يصلى نار الهب
هذا الجزاء الفعله والخاتمه
.....................................
قالع البوب بهل خبر من سمع
الماوگع يوم بحرب خر أوگع
حاسر الرأس لبيته حيدر رجع
المهدم احصون الخبر هدمه
......................................
لمن وصلها والدموع تهلي
صاح بكسرته مني لاترحلي
ياهو الي بعدج يفك غربة علي
بجروحه ياهو الضل علي يكلمه
............................................
بنوح الثكالى ناح حين الغسل
من هيس المنكسر منها عتزل
حامي الحمه ذاك الضلع ماحمل
ولفاطمة تحگ المدامع دمه
.......................................
من نظر سطرتهم بعين الطهر
يم فاطمة ون الصميده شكثر
اسماء تگله الصبر وين الصبر
گال الها بسمار الضلع هشمه
........................................
بالليل صارت دفنت ام الحسن
وي فاطمه حيدر تمنى اندفن
اعفى القبر وعيونه بس ما غفن
من المدامع علي حامي الحمه
...................................
خادمكم قاسم المالكي
428
الناشر احمد الفاطمي

04 Dec, 16:15

في حق الزهراء. ع

البيت بلايه صوتج يمه مهجور
جني عايشه مابين. الكبور
عني. شلون تمشين
ونتي بحالي تدرين. ييمه ييمه

-------------
يابعد عيني وظواهه يالذيذه. حجايتج
الخاطري يايمه رجعي وانه اعرف حالتج
مايصد بعيوني حيدر خاف احلفه بداعتج
ادري بيه مالوم كلبه ويدري هوه بغايتج

ظل البيت. خالي. يالحنينه
من رحتي طفه نور المدينه
عن زينب تروحين
فجعتي الحسن وحسين . ييمه ييمه

-------------
يمه ماصدك مشيتي. عني وتعوفيني
انه ما اغفه. اله يمج. ونتي تغطيني
بيدج تمسحين راسي بخدي تشميني
يالحنينه وين رحتي هجرج يذيني

مثلج. انه يمه. ظلعي. مكسور
وخدي من مشيتي جنه مصطور
حركت كلبي النار
يومن حركو الدار ييمه ييمه

---------------
يمه مختنكه بغيابج كمت احس ماكو هوه
البيت بعيوني اشوفه مضلم بلا ضوه
الكلبه مجروح شيطيبه وين يلكاله دوه
اتمنه لو وياج اموتن ونندفن احنه سوه

من رحتي ومشيتي تنزف الروح
يايمه بغيابج. سلوتي النوح
عمري تفرهد وياج
شخله بحالي فركاج ييمه ييمه
--------------
احترك ياييمه وطفي حالتي مثل الشمع
الباب خله ابكلبي عله منبجي يلجمني ظلع
شخلت ابحالي اليالي بعز. ناسي. انفجع
حتى من الطم ونوحن صوتي ابد ماينسمع

جنتي. يالزجيه. شمعت البيت
وحيده وحايره ياوسفه ظليت
بكلبي نار الحزان
صار الظلع نيشان. ييمه ييمه

--------------
كلشي راح وياج يمه وبقه بس صوت البجي
والفرح شال. وهجرني راح. عني. ومايجي
يادليلي كبر. جرحك بعد شيفيد الحجي
اصد حيدر محني ظهرة وعله الحايط منتجي

وبرموشه ييمه خظر الشيب
وجرح البيه ينزف ماظن يطيب
اشوفن حالته صعبه
جنه عايش بغربه. ييمه ييمه

----------------

الخادم
رحيم الصالحي
462
الناشر احمد الفاطمي

03 Dec, 21:50

قصيده تحكي مظلومية الزهراء وزينب من هجوم الدار حتى دخول زينب ع للشام
............
باب الساعه وباب الدار
وكسر اظلوع وخيل ونار
حطب ..حجر ...خد عزيزه انسطر
رمح ..  سهم ... وحافر اعله النحر
جا وشيضل بزينب
..........
حرك الباب وحرك الخيمه
نفس القصه وبيهه ايتيمه
ارقيه اهنا واهناك الحره
ابنار احتركو
زينب فكدت امهه بعصره
وارقيه حسين انحز نحره
شافت جسمه بسيف امكطع
سلبو سحكو

طفين عاشت زينب شعدهه اسنين
طف الزجيه الاول وطف حسين
عاشر محرم سلب من عدهه الروح
خمسين عام ام الخدر مو خمسين

جم امصاب ايهد الحيل
شالت زينب حمل اثكيل
لاول  عمر ... زينب انحط قهر
رمح سهم ... وحافر اعله النحر

.......
بالصدر  البسمار الثابت
بطفل حسين امثلث نابت
عطشان وما شارب ميه
كطعو نحره
عالزهره الباب امن اندفعت
شافت روح حسين الطلعت
نفس الرفسه ونفس الكسره
ابذيج العصره

شافت حسين امدد اعله التربان
يصرخ وحك جدي يعالم عطشان
والشمر كاعد فوك صدره بلا خوف
يكطع وريده العاش بي كل انسان

وزينب عالتل تنظر ليه
كلشي البيهه اينوح اعليه
دمه اليصب ... الهه راسم صور
سهم رمح .... وحافر اعله النحر

.....
لو ما هجمت ذاك الظالم
جا محسن زف بيده القاسم
والطف ماصار ولا ذبحو
بي غاليهه
لا  راحت زينب مسبية
من يم كافلهه ومحنية
ادير العين الصوب اجفوفه
الحنت ليهه

من يمه راحت جسد عافتله الروح
تتعثر ابممشاهه لا وين اتروح
تاخذهه حسبات وتردهه الحسبات
مدري اعله جف كافلهه مدري المذبوح

تتلفت بدموع العين
لخوتهه اتكلهم ماشين
جانت تظن  ...  الهه يكعد كمر
رمح سهم ... وحافر اعله النحر
......

اه يالوعت زينب لوعه
السجاد يسولف بدموعه
كسرت كلبي عمتي زينب
أباب الساعه
وكفت والشمس اتغطيها
حركت كلشي امبين بيها
توكف مره وتوكع مره
ومحد راعه

الجانت اميره ظلهه ما يوم انشاف
لسوك طبو بيها مجتوفه اجتاف
يتفرج اعليها الصلف وكح العين 
وذباح اخوهه الجان من اسمه يخاف

اه يالوعت طبت الشام
ابزينب زرعت كَوم الاَم
طبل ضحك ... سمعت ابلا مفر
رمح سهم ... وحافر اعله النحر

....
الله يساعد كَلبج زينب
كسر اظلوع وجسم امسلب
وراس اعله الرمح امعلكينه
شافت عينج
نار وخيل ودوست حافر
وسوط بمتنج ظهرك كاسر
والشَّماته اهواي التضحك
الله يعينج

كل هذا شفتي بعينج اشلون اشلون
صبرج تعده ايوب ناسج يحجون
ديوانهم طبتي طبت عباس
مثل الجبل ثابت وكفتي يكولون

ركعَّتي الضنو يسبوج
ابنص مجلسهم ويهابوج
يمج وكَف ... كلشي محني الظهر

تمت
.......
كلمات
موسى الخادم
586
الناشر احمد الفاطمي

03 Dec, 21:50

ماتت امي وماتت اوياهه حياتي
ماتت وعافت جروح بكد صلاتي

.......
راحت امن ايدي الي جانت بلسم اجروحي
وبية عافت نار تسعر تاكل بروحي
كلشي بية ايصيح يمه انهدت اصروحي
من بعدهه رافكَتني دمعتي ونوحي

راحت وانه انطفت كل امنياتي
.......
الماتت امه بساعه يكبر تركض اسنينه
ينحني ظهره ودموعه تكثر بعينه
فرحه ما تبقى بحياته بعد الاحنينه
ليله يخلص بالبواجي ونوحه واونينه

وانه بعد امي بقت بس ذكرياتي

......
ينطفي البيت ابغياب ام ابيته معروفه
موحش يصير ويسكنه الحزن ويطوفه
ايساعده الله الامه ماتت تنشف اجروفه
حاله ميسر لا صديق ولاعدو يشوفه

هذا حالي والمدامع شاهداتي
......
بية يشعر كلمن امه ماتت ابزغره
لليتم يصبح أسير ومحد يعبره
اشحال اذا جانت الامه فاطمه الزهره
ايموت كبل الموت مو مره الف مره

كلشي بية ايصيح يايمه الوفاتي
.......
بعمر ست سنين انه وفاركيت امي
شيعتهه بخدهه سطرة والضلع مدمي
العني ينشد ياهو اني وينشد اعله اسمي
الحسن انه الما وصل واحد ابد همي

جبدي مسموم وعلى امي نايباتي
......

كلمات
موسى الخادم
464
الناشر احمد الفاطمي

03 Dec, 21:50

كأني بالسيده زينب جلبت نعش الزهراء الى الحسين وتقول له



گـــــوم وياي يـــل مامنك اثنين
ترى بهذا النعش امك يالحسين
مثل ذيچ السنه انعاد
نعش وجــروح ورماد
"""""""""""""""""""""""""""""""""""''''''''''

اجيت وجــــايبه العطـــــــاب وياي
يالعطشان طشّ اعـــله النعش ماي
ترى المحروگه ادي بي يعتلي الداي
وجبت ضلــــوع خویه مكسره هواي

تّلَگـــــاني بنـــهر يـامهجةّ العين
ترى بهذا النعش امك يالحسين
حـزن الدمعه ميلاد
نعش وجروح ورماد
"""""""""""""""""""""""""""""""""""''''''''''

گوم وياي انته وصـــــير جــناز
ترى نعش العزيز تشيله الاعزاز
نعش الوالده لچتـــافك أحــتاز
والچتـــــفه يطــيح اتصير عكاز

اسمع بالنعش شــوغات و ونين
ترى بهذا النعش امك يالحسين
دليلك ادري ماهاد
نعش وجروح ورماد
"""""""""""""""""""""""""""""""""""''''''''''

الامه تموت يبچي دموع واحساس
وعــــلى راسه يشد چــــفيه ياناس
بــــــــس يحسين انته منيلك راس
المثلك ينحضن مـــو خيل ينداس

يالملموم مــن حلگ السجاجين
ترى بهذا النعش امك يالحسين
دليلي وبالحزن ساد
نعش وجروح ورماد
"""""""""""""""""""""""""""""""""""''''''''''

اليلطم عــالعزيزه يهدم الحــيل
انت الحيل مالك هدمته الخـيل
من طعناتك انت دموعك اتسيل
بحيث الليل ظل يومين بس ليل

حيلك عـــــالزجيه ويـــن ياوين
ترى بهذا النعش امك يالحسين
جرح مايرهم أشداد
نعش وجروح ورماد
"""""""""""""""""""""""""""""""""""''''''''''

جبتلك والحزن يحسين تذكار
ملامح خيمتك والـــــنار وزغار
بس خجلانه اگلك خويه بسمار
يالمحتار ضلت خــــاليه الــــدار

خلـــــيه الدار وتنوح الحياطين
ترى بهذا النعش امك يالحسين
بروحك انت تنگاد
نعش وجروح ورماد

عبد زينب
محمد الابراهيمي
397
الناشر احمد الفاطمي

03 Dec, 21:50

تبجي يا بوحسينك.. فدوه عيني العينك
__
بدمعك علي يفرح تره ماريده جتالي
ماريدن دموعك علي تنزل تره كبالي
خليني اودعك واطمئن لاينشغل بالي
ياروح روحي ياعلي وياخيمة عيالي

حلوه عندي سنينك.. فدوه عيني العينك
___
ماجنه ضلعي النكسر جنهن علي ضلوعك
ولاتحرك بروحك مثل ما تحرك شموعك
ماشوفه دمعك من جنت بس بخشوعك
فدوه صحت اهدء تره تألمني بدموعك

يمته يهده ونينك.. فدوه عيني العينك
____
بس الله يعلم يا علي ابگلبك وحاله
من طاح محسن بدمه وطيحه جتاله
مفتاح صبرك مارهم وي كل القفاله؟
باب الحزن اثگل طلع من خيبر وشاله

بصبرك مجتفينك.. فدوه عيني العينك
__
حتى الهوى اليدخل الي يستأذن من اسمك
وشلون اني من طحت خدي انسطر يمك
وكض غيضك ولاتنفعل يالمحترگ دمك
ادري صعب بس المهم دين الله الي يحشمك

فدوه اروح الدينك.. فدوه عيني العينك
__
انت ابو الگلب الصلب مايعرف الخوفه
جفك علي الكض الجفن يتراجف نشوفه
ادري صعب وجهي تره ماتگدر تعوفه
و ادري سهل عمرك الي اترخصه معروفه

ي وحگ حسينك.. فدوه عيني العينك
___
شيعني يا حيدر بعد شمتاني شمتاني
اليمك انت بس جسد روحي طلعت اني
والله انكسر گلبي الك من شفتك تعاني
شفتك علي الشيل نعش رايد علي ثاني

ادعي الله يعينك.. فدوه عيني العينك
___
تمت بعونه تعالى
احمد فلاح البديري
377
الناشر احمد الفاطمي

03 Dec, 21:48

نار شعلوها.. ضلوع كسروها
وينك علي
حيل عصروني..حيل اذوني
وينك علي
دفعوها الباب .. اوليدي نصاب
وينك علي
____
وينك علي يا بالحسن دارك تره حرگوها
وگتلهم انه بت نبي شو بالحطب زادوها
عاالباب انا من لذت بابي بحقد دفعوها
مثل ما كسرة عصى ضلوعي احس كسروها

أجدام ترفسني ..جفوف تسطرني
شفت الالم
واخ ياعيني.. اخ تاذيني
شفت الالم
جرحي الماطاب.. اوليدي نصاب
وينك علي
__
وحي الله جان امنزلي منزل نبوه وحشمه
الما يعرف يصلي تره بهذا الحجي شيفهمه
فجئه يبن عمي وجو وجيتهم ابلا رحمه
بيه تكسر جم ضلع وبخدي هم جم الطمه

باب الكوثر.. ليش اتكسر
كسرو ضلع
ناس ملتمه.. ناس مهتمه
كسرو ضلع
هاناس ذياب.. اوليدي انصاب
وينك علي
___
انه ودمعتي من طحت لمن علي شتومني
بت اشرف الناس وصحت غصبن على العادوني
التمو علي ماجن مره وكلهم تره يضربوني
اوماملگ انا بس فقط كلمة تره عيفوني

بيت الرحمه.. صار يتسمه
بيت الحزن
عيون مهضومه.. بدار مهجومه
بيت الحزن
من سيفك غاب.. اوليدي انصاب
وينك علي
___
ويايه محسن ياعلي من نعصر وبروحه
لدنيا ابني من ولد ابني انولد لجروحه
بسمار البصدري اجه جان القصد يلوحه
اگبالي يرفس من وگع عيني بقت مشبوحه

شهور مو عمره..زغير ع العصره
اومات بحقد
شعاش من روحه.. وشاف جروحه
اومات بحقد
شنهي الاسباب.. اوليدي نصاب
وينك علي
_____
وي طه جان بكل حرب ماينعدِ وي رجاله
هسه علي صاير سبع اليتراجف من خياله
بس الحقد بس الغدر لمن تعد افضاله
الاذتني بذني من همس محسن انا جتاله

دموع واهاتي.. گبال شماتي
كلش صعب
شلون الحسره.. شلون الجمره
كلش صعب
ممحسبه حساب.. اوليدي انصاب
وينك علي
__
شفتك علي اتالمت زرگه شفت كل عيني
وشمااصيحلك علي تصرخ تره موصيني
مادري جم مره متت بس اسمك اليحيني
الله يساعد غيرتك مالحكت تحميني

ينوح فقارك.. صار ابدارك
اسمع يون
باب الجنه.. بدم يتحنه
اسمع يون
ودلالي ذاب.. اوليدي انصاب
وينك علي
___
تمت بعونه تعالى
احمد فلاح البديري
#الروايه الثانيه
#اليالي الفاطميه 1446ه‍
322
الناشر احمد الفاطمي

03 Dec, 21:48

حاجيني يم حسين رحتي وين عفتيني
مو گنه نموت ثنين شو بعدين عفتيني
گبرج احفره وين.. ابگلبي لو بالعين
_
ها يالحبيبه اشهل مصيبه .. يالفرگتج تحرگ
يانبضي انتي معقوله متي .. جاگلبي ليش يدگ
ها يا حياتي موتج مماتي... وصار الهوى يخنگ
مگدر اعوفج ميته اشوفج.. وبعيوني ما صدگ

زهره يبعد الروح عندي جروح تكفيني
عايش فقط لنوح عمري يروح وسنيني
يالعشتي چم سنين.. ابگلبي لو بالعين
_
يتمتي روحي وكثرن جروحي.. وصار الجرح باضعاف
من رحتي ادري ضيعته عمري .. وحملج يهد جتاف
ابروحي عشتي شبسرعه رحتي.. شبسرعه هيج انعاف!!
هدمتي حيلي ومانمت ليلي... اوبيه الالم ينشاف

باب الفرح مسدود بس موجود لحزاني
ماضن يرد ردود اومن يعود يلگاني
ماعوفج تضنين.. ابگلبي لو بالعين
___
توج زهرتي يمته ذبلتي .. ويمته نويتي الموت
رايه وترفرف هيج انه ارجف..بوداعج بلا صوت
اقبل اموتن واكره اعيشن.. ابداري لا ما فوت
بشرياني يمشي حبج يرمشي.. وبگلبي هم منحوت

انتي نضر عيناني دوم وياي ياعيني
متعوب انا بدنياي والله هواي سمعيني
وشولون اجاج البين.. ابگلبي لو بالعين
____
نعشج اشيله مابيه حيله.. ومنين اجيب الحيل
القالعله خيبر صعبه ميگدر.. نعشج يشيله بليل
موش اني اني القاهر زماني.. هسه دمعتي تسيل
بس الله داري اشگدها ناري.. عايش عله الياويل

عايش انا بلاياج وين الكاج حاجيني
للموت اضل انعاج ما انساج تدريني
اتمنيت انا تسكنين.. ابگلبي لو بالعين
__
بدموعي احفر كبرج وقرر.. ادفنها روحي وياج
عيشته همج خليته يمج.. هاج الگلب هم هاج
ها يالزجيه جنه سويه.. يال يمنتي بيمناج
شنهي صفالي هل جفي خالي.. رديلي فدوه انخاج

وشلون اذا رديت وحشه البيت من دونج
بدموعي ما مامليت بس حنيت لعيونج
اختاري من تبقين .. ابگلبي لو بالعين
___
العاشر دمعته مامت ضحكته..وصعبه بعد يرتاح
يا راحه بعدج وميتمه ولدج.. وبس الحزن مصباح
اشتاگو خطايه او بس العبايه.. ويمها بجو بصياح
صح بگبرها بس ضل عطرها.. يمنه وابد ماراح

ولدج بقو يبجون لاميهون گدامي
انا صحت وشلون من يسالون ايتامي
شگد رادو تردين.. ابگلبي لو بالعين
__
تمت بعونه تعالى
احمد فلاح البديري
315
الناشر احمد الفاطمي

24 Nov, 09:25

مَعشراٌ من كل شيئاٍ في الطفوف
بعزائٍ قَد أتوا بين يَديك
وبأثناء البُكاءِ والعويل
طُراً الاملاكُ قَد صَلت عَليك
… .
بمجلس تشوفه البصيره الجن حضر رافع ادينه
ويلطم اعله الراس يصرخ هالله هالله احسين وينه
الناعي مالتهم ينادي المثلك انته مسلبينه!
وحيدر اتجله بوسطهم يصرخ ويلطم جبينه
موضعك فردوس اصبح كل رسل الله لكينه!
من محمد الى المهدي كل ضوه دم تجري عينه

كُل عَبداٍ صالحاً طوعاً أتى
كي يأُدي الفَرضَ مولايَ إليك
وأتت زَينبْ تنادي ياحُسينْ
طُراً الاملاكُ قَد صَلت عَليك
… ..
اتصدعت هام العوالي والمشيئه اعليك طافت
ومن مكامن حكمة الله سيدي ومولاي صاحت
والإرادة العُليا ضجت من سيوف اعليك جارت
بيا قَدر مولاي تبجي بيا قضاء اعليك ناحت
الصبر والتسليم جزعوا من عليك اخيول صارت!
والتأني اللطمه منه بلا تأني اليوم دارت

وأتى التَدبيرُ مولايَ وحار
عاجزاً عن فهم مانالت يديك
والتفكر قال اثناء الكلام
طُرا الأملاكُ قد صلت عليك
…
الضمير اصبح مواكب نزل من صدر المواقف!
وصار مفهوم ويه اسمك وصار شي جدا مُرادف
والثبات وياك اثبت دمعه بس اعليك ذارف
حسين يادمعة محمد ياحزن كل المصاحف
الظواهر كلهه اجتك والبواطن والمشارف
والاشاره والعباره والحقائق واللطائف

واتى النسيانُ ينعى ياحسين
وبقى في ذهلهِ لما دَنَيك
حاولَ النسيانَ لم يقدر على
طُرا الأملاكُ قد صَلت عليك
… .
بصوت عالي الريح ضجت عاصفه سوه نعيهه
والغيوم إحمر وجهه بسبب ضرباته بديهه
ياتراب اعليك ساكن يبست الصحره إبجيهه
الدمعه لجلك بيهه دمعه وبيهه فرحه يخص بجيهه
جي تكونت من جروحك ولان اسمك صار بيهه

ياكريماً أنت في وقت الحروب
لم تَرد سهما أتى جَمعا إليك
صلت الأسيافُ فيكَ بعدما
طُراً الأملاكُ قد صلت عليك
…
يانتيجة الله انته وياسبب كل خير حاصل
وحده من ابرز صفاتك صرت حلال المسائل
اشلون ضامي اتموت بالطف وانته نفسك ابو فاضل؟؟
حسين اكبر من وصفنه ضلمتك هاي المقاتل
ياكليم التايب اسمك ومحور لكل الفضائل
حسين جسمك موش انته بين ذاتك هذا فاصل

لم يورى قطاٌ صَريعاً في العرى
يَرجعُ الجيشَ إذا أومت يَديك
مِثلُكَ مَنْ بعد ميدان الخيول
طُراً الأملاكُ قد صَلت عَليك
… .
ابين اسماء الكلتهه وقبل مادمعاتي تنكف
هم اجيت بكربلائك تبجي لجل احسين بالطف؟؟
منهو انته؟ أشلون أعرفك؟ وحدك انته بروحك اعرف!
من يلوح الهوه شعرك راية الحق تبدي تنرف
من عظمتك ياحبيبي لقبض روحك الله اشرف
أعله وصف احسين عدنه منه انته قطعا اشرف

يامُهمين في سَراديق الخلودْ
وإماما قائداً في حاضريك
وهناك وهنا ياسيدي
طُراً الأملاكُ قد صلت عَليك
…
ابين انواع المجالس وبين آهات الي نشأت
بلحضه كلهم لله سجدوا لان فاطم هذاِ حضرت
ويانعاوي اعليك كالت يادموع اعليك ذرفت
والحجاب المانعرفه من دمائك هيه خضبت
وصاحت لله امتنانا آه يبني هيه صرخت
حسين شحجي وياك اكثر يلي بيك القدره ضهرت

يامنار الزُهد عند المتقين
كل نوراٍ هوَ من صنع يديك
اعني فهم الخير يامن فيهِ صار
طُراٍ الأملاك قد صلت عليك
…
مجتبى الدفاعي
222
الناشر احمد الفاطمي

23 Nov, 20:34

شهادة المولى القاسم ابن الامام الكاظم عليهم السلام



غربت هالعمر .. تـاخـذني الحـزن عمتي
ياضيم اليسر .. مـا فارگـني كـل وكـتي


دمـعـة عـيني تـتبده
تكتل عيشة الوحده

...................

كـل هـذا العـمـر عـشتـه بـغربـه وديـره مـاعــنـدي
وانـه ابـن الاطـيـاب اشلون تـالـيها عـشـت وحدي
صـرت سـگـاي بـالـديــره و سلـطـان الخلـگ جدي
عشت غربة خوات احسين ودمعي يسولف بخدي


غـريـبه صفنتي .. وغريبه الـگـاع مـو گـاعـي
جبـيره غربتـي .. ودموعي الوحشتي متاعي

غربتي مو حجي ومُده
تـكتل عـيشة الـوحــده

.......................

الـيسئـلونـه على اسـمـه يـگـوله وايـوگف ابطوله
بــس انـه الـذي عني يـسـئل اســمـي مــا گــوله
يـاهــو مـثلي عـايشها يـخفي اسـمه عـله الحوله
انـه مـن بـنـي هـاشـم و مـا احـجـيها مـعـقـوله


عشت ابلا اسم .. بس روحي التعرف اسمي
حيلي ينـهدم .. وجـووه الساده مـــو يمــي


الضايع اسمه شيرده
تكتل عيشة الوحده

....................

الـغـربـه الاحـنـه عـشـناهـا مـامـرت عـلــى الوادم
جـنـها الـغـربـه مـكـتـوبـة بـس اعـلـه بني هاشم
صعبه انه ابسلف سگاي وابوي اعله الخلگ حاكم
وانـه ابـن الـسمـه والـگـاع وتـالـيـها اضــل هــايم


جـدي الــمـرتـضى .. وسگاي اصبحت كلفه
واخو گلبي الرضا .. بروحي اشگد اله لهفه

مشتاگ الـدفو زنده
تكتل عيشة الوحده

...................

امشـي بـصف نهر واحـجي وي ماي الشرب عتبه
مـايـك يـانـهـر عـالـگـاع كلـهـا اتـضوگ من عذبه
لـيـش احسين يـوم الـذاب مـن كـثر الضمه گلبه
مـارحـت وتـعـنـيتـه ومــن گـطـراتــك اتـشـــربه


لازم يـــانــهـر .. انت التمشي لخيامه
مسكور الظهر .. يـمك طـايح احزامه

ضامي ويحلف بجده
تكتل عيشة الوحده

..................

ابـنيـتي اتـرد الـي تـبـجـي كـل عـصريه مـهظومه
يسـمـوها الـخـلـگ بـنت الـ غريب الضايعه اعلومه
واذكر غربة اخت احسين الطلعت تبجي بالحومه
هـم صـاحـو عـليها اخت الـ غريب السلبو اهدومه


ويلي بكربله .. زيـنـب عـمـتـي بــجـوها
ابن امها عالفله .. حته اهدومه سلبوها

هاي الحيره والشده
تكتل عيشة الوحده





ابو حميدة الشويلي


اللهم عجل لوليك المنتقم الفرج
331
الناشر احمد الفاطمي

23 Nov, 20:33

يا مولاي يا قاسم العطاء دخيلك


من يا باب اسولف بيك
غريب وقصتك تهضم
عجيبه شلون متغرب
بوطن للمثلي ضل يكرم

يا ربيب اهل السمه أمرك عجيب
المثل قدرك وسفه يتسمه الغريب
وحدك تقيم العزاء وتصب دموع
ودمعه دمعه تكتلك لجسم السليب

گلبي بعتبتك نادة
ولگلبي انطي أمراده
امرادي دمعة عيني
وغربه لغريب السادة

بجيني كربلاء
يا قاسم العطاء
____
الگضه من عمري اعرفنه
ولكن اجهَل القادم
لذالك راح اشد گلبي
واشمره بعتبة القاسم

بزودك وزود اهلك اسنيني مشن
الحلوه والمره على حبكم گضن
الفاتن اعرفهن ولكن بيه خوف
يا بلية امحضر المثلي الزمن

بالماضي راحم بيه
يا سيد الحنية
ارحملي باقي سنيني
وتمم خدمتي اعليه

يا رحمه السماء
يا قاسم العطاء
__
يا قاسم جنت ساكت
وفعلك صرح بأسمك
سكتّ الساني لا يحجي
من يخدم خيم عمك

الحچي لاهل الحچي ما بي صدك
والبچي لاهل البچي هذا العشك
لا افرط حبي بالگال وگلت
كون اعيش بنارك وسكته أحترگ

جفوف الگمر من طاحن
بسكتتهن شكد صاحن
گضن عمرهن خدمة
وسر العشگ ما باحن

الگال وگلت بلاء
يا قاسم العطاء
____
من طبع السگاية البيك
صب بيه أدب من جون
اسگي الروح يا قاسم
ودليني على اليبجون

يالخذت من عمك الكافل طبع
اسگي روحي بأسم ابوفاضل دمع
أذني سدها اعللبشر بس ياحسين
بأذني يا قاسم اريدن تنسمع

غيرني من تسگيني
حب وادب خل ديني
هوسة وضياع العالم
بأهل الصدك دليني

دليني عالبكاء
يا قاسم العطاء
253
الناشر احمد الفاطمي

23 Nov, 20:33

وفاة القاسم ابن الامام الكاظم. ع
++++++
الغريب اتجرحه كلمة اهلك امنين
ابن الكاظم انه وجدي الاحسين
جرحه عايش اوياي
ابثوابه وزعت ماي..
جدي لحسين
+++++++++++++
غريب اذكر هلك وينه الوصلهم
اعيوني بالمنيه احتاجت الهم
مثلرالوادموالتحتاج اهلهم
شسوي وعني اهلي ابعاد كلهم

جزاك الله يشيخ اهواي ممنون
صيح ابنيتي خل تغمضلي لعيون
اموت واحيه بهداي
بثوابه وزعت ماي
جدي لحسين
+++++++++++
اجه وكته الحچي الما بيك حيله
اجرحك بالحقيقه والثجيله
انه العمته مشت رحله طويله
مسبيه وعله ظهور الهزيله

سيد انه اخبرك واهلي سادات
الغربه مو جديده وشفنه لوعات
ورثنه احسينه ابهاي
بثوابه وزعت ماي
جدي لحسين
+++++++++++++
عندي بس وصيه اسمعها عمي
امانه ابنيتي عندك بيها همه
اذا حانت وفاتي وهيه يمي
لاتحضني واتموت اعله جسمي

للحج لو خذتها وراحت وياك
من عطره اتعرفها دارنه هناك
الدموع اثارها هواي
بثوابه وزعت ماي
جدي لحسين
++++++++++
تعالي ابنيتي اجت ساعت منيتي
اودعچ وارد اوصيچ ابوصيتي
باچر للمدينه لو مشيتي
يعلويه او وگفتي اباب بيتي

على كيفچ يبنتي ابدگت الباب
گلب امي ايعرفها دگت احباب
القاسم تعتقد جاي
بثوابه وزعت ماي
جدي لحسين
++++++++++++
ابعينچ من تصد امي ابحزنها
اتحضنچ حيل تشتم عطر ابنها
شعره ابثوبها اتأكديلي منها
من راسي چنت اغفه ابحضنها

ابزغري دللتني هالحبيبه
موتي بغربه لوتدري المصيبه

حنان البيها منواي
بثوابه وزعت ماي
جدي لحسين
+++++++++++++
جوابچ لمّي من تسأل عليه
الها بختصار احجي القضيه
العزيز ابغربه وا فته المنيه
الچ وصاني يا يُمه بوصيه

مات ابنچ ييمه وگال من. مات
جدي حسين كثريله الثوابه
المصابه طال مبچاي
بثوابه وزعت ماي
جدي لحسين

ثائر الربيعي
241
الناشر احمد الفاطمي

23 Nov, 14:21

عالم شعبه بس فقرة
عالم خدمة الزهرة
اهنانه التحكم الفطرة
وعرش للزهره منبرنه
——————
عالم داخل التاريخ والله من اوسع ابوابه
النشيد الرسمي الاختاروه اه يحسين ومصابه

عالم خدمة ومزهّب صراطه
بس للخله بالزهره ارتباطه
بس تتدخلّه رافع خشمك تطيح
هذا العالم يحب البساطة

لا تتدخله متبختر .. ادخل حمزه الازغيّر
بالك تبقه متستر .. إذا نزلف يحذرنه
——-
لكل عالم خريطة تصير بيها احدوده تتوصف
بس عالمنه من الباب حد عرش الله يتوقف

عالم مستقل فاطم تقوده
الى مالا نهاية اتطخ حدوده
هذا العالم مسلّح بالاقلام
وتلگه الشاعر امن ابرز جنوده

المجلس مدرسة للشاب .. واللطامة بي طلاب
الشاطر من بچه اعله الباب … اذن دمعة التكبرنه
—————-
لكل عالم دول واحزاب .. واحنه احزاب ما عدنه
اكبر كتله لللخدام .. هاي الدمعه البخدنه

عالم فقرة مو عالم سياسي
ومجلس فاطمة الدور الاساسي
وينطينه الاوامر بيت الاحزان
وهذا المنبر الكرسي الرئاسي

تسجيل الخدم صاير .. يم عمار بن ياسر
وقمبر يحفُظ الحاظر .. وابو ذر الينّدرنه
————————
بالجغرافية يگولون … كل عالم دول يحوي
واحنه الدول مالتنه .. احسينياتنه التدوي

الكل دوله علم تنعرف منه
واحنه الصاعد المنبر علمنه
اعله گد الحال عشنه ومامش قصور
مقرنه العام موكب بي خدمنه

خدام وسوه كلهم … اسنان المشط چنهم
الزهره اتشكرت منهم … خدم والزهره تشكرنه
——————-
خدمة تربية وتعليم .. مو بس نلطم وننعة
وياخذ بيها دكتوراه .. اليكسر باللطم ضلعة

الينقل حادثتها بكل عزيه
حواري اتعيّن بقصر الزچيه
واليدافع عليها ويلعن افلان
يستاهل الرتبة القمبريه

توزيع الرتب قائم .. حد ما يظهر القائم
التختم عالگلب فاطم .. بعد ياعثره تهطرنه
——————
علي هادي الخزعلي
349
الناشر احمد الفاطمي

22 Nov, 16:56

في حق الزهراء. ع

روحي مرهونه عله بابج. يمه يمه
البيت وحشه من غيابج يمه يمه
وين رحتي. وعني غبتي
يمه يمه
__________
كمت اشم ريحت اثيابج روحي تتنفس حنين
كبال عيني الج صوره ظلت ابطول. السنين
يمه حته ارموشي شابن وباظن اعيوني الثنين
ليش عفتيني ومشيتي عني يمه رحتي وين

تجري ادموع المصايب. دمعه دمعه
حالي مثل الشمعه ذايب. دمعه دمعه
يا حسرتي. وعني غبتي
يمه. يمه.
___________
يمه شمعت روحي انتي بنار هجرانج طفت
وعيني سهرانه بغيابج. لحضه وحده ماغفت
يمه ظلعي انهشم مثلج ومحنتي بفكدج لفت
جروح. البكلبي. ييمه دوم. تنزف ماشفت

الباب سوه بكلبي عله . حسره حسره
العيشه من بعدج مذله. حسره حسره
من رحلتي. وعني غبتي
يمه يمه
__________
وين خدج خل اشمه بلجي اشبع منه شم
طفه نور اادنيه كله صوب اعيوني سهم
يمه بعده الجرح بيه من مشيتي يجري دم
احس مخنوكه يزهره يعصر بروحي الالم

صرت من بعدج يتيمه. غربه غربه
ينكسر ظلعج هظيمه. غربه غربه
يا محنتي. عني غبتي
يمه يمه
___________
يمه محرابج اصده مظلم وموحش عليج
رحمت الله كله تنزل يزجيه بين اديج
يمه قرانج اشوفه كبال عيني بين اديج
جنت انام وغفه يمج رجعي ليه ارتجيج

كون حفرو كبري يمج. . اغفه اغفه
خاطر من اشتاك اشمج. اغفه اغفه
من مشيتي. وعني غبتي
يمه يمه
_________
يمه من ادخل حجرتج انقهر وشبع بجي
كلت لو بلطيف مره ترجع الزهره وتجي
هم يرد يمه زماني شايله بكلبي حجي
كون انامن وغفه يمج وبحنانج انتجي

ونسه احزاني وهمي . ونسه ونسه
وسمع تناديني بسمي. ونسه ونسه
ليش رحتي. وعني غبتي
يمه يمه
__________

الخادم
رحيم الصالحي
424
الناشر احمد الفاطمي

22 Nov, 16:53

في حق الزهراء. ع

لاتروحين يمه ردي الدارج
لاتروحين بيه تلهب نارج
عني يمه رحتي وين
اه يم كلب الحنين
لاتروحين

-----------------------
يمه رحتي وطفه نور البيت كله
يكتل افراكج ييمه وشيحمله
يمه هاي الدنيه من بعدج مذله
حالي حال السافر وعافاه خله

طول السنين ارتوي من اعيونج
طول السنين اغفه بين اجفونج
البيت بغيابج حزين
اه يم كلب الحنين
لاتروحين

------------------------
يمه يتراوالي رسمج. عل حياطين
وين عن زينب رحلتي يم الحسين
سجن صار البيت بعدج تجري العين
يتميتيني ومشيتي. رحتي. لاوين

مكدر انساج. روحي شمعه بابج
مكدر انساج. طفت يوم امصابج
ذبحو كبالي السنين
اه يم كلب الحزين
لاتروحين

----------------------
يمه اكول هنا. كعدنه هنا حجينه
شوفي يايمه الزمان سوه. بينه
دوم. المفارك حبببه تجري عينه
الجان عفتينه ونسيتي مانسينه

مر الفراك. . سوه يمه بحالي
مر الفراك. رحل عني الغالي
حسره وهموم ونين
اه يم كلب الحنين
لاتروحين

--------------------
يمه من عندج خذت كل هاي الحزان
واني صار الدمع بين اعيوني صلطان
الكسر. ضلعج خله بدلال. نيشان
بحجرتج محراب خالي ويمه قران

حسره والام. يمه من عفتيني
حسره والام. . وياج ماخذتيني
راحن عيوني الثنين
اه يم كلب الحنين
لا تروحين

---------------------
يمه محسن ويه دمج سال. دمه
منه حرموني اشوف بعيني رسمه
غاب عني وماطلع بسماي نجمه
دمع عيني لو جره جرحي يلجمه

الكلبه مكسور. ياهو يجبر خاطره
الكلبه مكسور. دوم عينه مناطره
مابقه عندي معين
اه يم كلب الحنين
لاتروحين

-------------------
الخادم
. رحيم. الصالحي
348
الناشر احمد الفاطمي

22 Nov, 07:00

شمعت البيت ... طفت طفت طفت
وانه العيون ... عمت عمت عمت
الفاكد امه كل حياته ...  قهر
موحشه سنينه المماته .. قهر ... هذا حالي
......
الماتت امه ميت بمعنى الشعور
ظلمه تصبح دنيته ومابيهه نور
عمره يخلص نوح ما بين الكبور
بين ماي وشمعه ودموع وبخور

فكد الاعزاز ... صعب صعب صعب
يترك العين ... تصب تصب تصب
دمعه عالخد يبقى جاري ... عمر
المثلي فاكد بيه داري ... عمر

......
ابلاية ام الدار مهجورة تصير
لا تشوف الفرح لا يدخلها خير
الكعده وي امي اشلاحهه اعله الحصير
تسوه هذا الكون وافلاكه التدير

امي ياناس ... شمس شمس شمس
ضاوية الكون ... احس احس احس
كلشي ليل اصبح بعدهه ... سهر
وانه واحد من ولدهه ... سهر
......
لا تلومه الماتت امه يعيش نوح
جرح فكد الام اشد كل الجروح
الراحت امه كلشي وياهه يروح
بس جسد عايش يضل ابلايه روح

بس نفس بي ... يضل يضل يضل
منتظر يوم ...  أجل . أجل . أجل
عايش الموت بعذابه ... جمر
الدافن امه بالترابه ... جمر

.......
البيده دافن امه يعرف شنهو اكول
يحس بية  من اسولف عالبتول
حسين انه ابن علي وجدي الرسول
موتت امي اذتني اشد من الخيول

موتت امي  .... اشد اشد اشد
من سحكتي ... بعد بعد بعد
اضلوعي كلهن يم ضلعهه ... كسر
ودمعي نازل وي دمعهه ... كسر
......
الامه عدله خل يضل يرعاها دوم
أيحبهه من يكعد ايحبها من يكوم
هالنصيحه مني اخذهه يالخدوم
بس حنان امك ينسيك الهموم

منهه هيهات ... يصح يصح يصح
يمها الانهار ... تشح تشح تشح
يا حلات الكعده يمها ... تسر
البين اديه امه يضمها ... تسر

.......
رضا الباري من رضاء الوالدين
الامه ما ترضى عليه ما عنده دين
عيش لمك موت لمك يالحنين
الجنه تحت اقدامهه كال الامين

رحمت الله .. الك الك الك
هي امك ... هلك هلك هلك
عبد صير الهه بحياتك ... ذكر
بيها مقبوله صلاتك ... ذكر
.......
الكلمات
موسى الخادم
257
الناشر احمد الفاطمي

22 Nov, 07:00

اتمنيت موتتنه سوه ...
مو واحد ايروح ويضل واحد
جنتي إلي ماي وهوه  ...
هسه اني ميت بس جسد كاعد
.........
من اول اليوم الدخلتي البيتي
ردت الي يا فاطمه عافيتي
عفتيني ليش الوحدي اويه احزاني
ياهوه الكل لحضه يطب الريتي

ضاع الهوه ... بعدج يمحبوبه
ضاع الهوه ... والريه مصيوبه
ضاع الهوه ... وانفاسي محسوبه

مخنوكَ بعدج يم حسن
وبحالي يعلم ربي اوشاهد

.....
جنت ادعي بسمج فاطمه الحنينه
واحد على الثاني يقسم اسنينه
موتته وحده جانت انه ابالي
ماكو اليعيش وثاني تغمض عينه


ردي علي ... يافاطمت حيلي
ردي علي ... يا صبحي ياليلي
ردي علي ... مو انتي كلتيلي

نعشين نطلع مو نعش
وروحي ويه روحج سوه تتشاهد


.....
يازهره ايام العمر حاجيني
ينطيج كَلبج وحدي اتخليني
احلامي طشرتيهه كلهه ابموتج
فتحيلي عينج يا ملاذ اسنيني

يافاطمه ...  اشلون اصبر ابدونج
يافاطمه ... فتحيلي اعيونج
يافاطمه ... ايتامي يردونج

زينب والحسين وحسن
عالخد دمعهم عيني اتشاهد
......
اتذكرين كعدتنه سوه ياروحي
جنت انسه بيهه اهمومي وانسه اجروحي
يا ذنب سويته وتركتي ادياري
عفتنيي ليش وعالي بعدج نوحي

ياسلوتي .... روحي اشيسليهه
ياسلوتي ....بعدج اهم بيهه
ياسلوتي .... ناري شيطفيهه

مهدود حيلي ابموتتج
بس نفس بعدج نازل وصاعد

......
يم عشرت الحلوه اشيصبر حالي
والدار من نورج يصبّح خالي
كلشي ابحياتي حاسب انه احسابه
بس مال ادفنج بيدي موش ابالي

كلشي انتهى ...بعدج يفاطمتي
كلشي انتهى ... من بالكَبر نمتي
كلشي انتهى ... مت انه من متي

من نزليتج للكَبر
كَالتلي روحي اوياك لا مارد
......
بعدج علي مو عمره موته ايتاني
شله ابحياته المات نصفه الثاني
ما دافنج والشيب اكل كل راسي
اتصدكَين ما اعرف صدك هذا اني

ماجن علي .... شايب صرت شُوفي
ماجن علي .... موتج اخذ شَوفي 
ماجن علي .... عوفي الكَبر عوفي

عايني الحالي يم حسن
كبرني موتج والفكر شارد
............
✍️ كلمات موسى الخادم
178
الناشر احمد الفاطمي

22 Nov, 07:00

قصيده((للأم))

اريد عيوني اعميهه..بعدهه
طعم هالدنيا مابيها..بعدها
تارسه البيت بضوها
الدنيا متعوض غلاها
بعدهه. بعدهه
----------@@----------------
ياعالم حنان الما اله حدود
يمن تحمل عطف كل هذا الوجود
مشت عني وبعد هيهات الي اتعود
بعد ريحتهه ما اشتم الورود
لون اتألم بليلي..... بعدهه
بصلاته منهو يدعيلي...بعدهه
ويلي ياموت الخذاها
الدنيه متعوض غلاها
بعدهه. بعدهه
-------------------@@-----------------
انه امي الطابع بعيني رسمهه
التخاف اعليه حتى بنص حلمهه
بعدهه الجنه بس اسمع بسمهه
جنت يوميه اشتمهه بجدمهه
نده كلبي يالحبيبه...بعدهه
يجرحي المحد ايطيبه...بعدهه
رضا ربي من رضاها
الدنيه متعوض غلاها
بعدهه. بعدهه
----------------@@-----------------
شسولف عن حنان الماله موصوف
بحر للعاطفه الما تلزمه اجروف
بغير امي البشر ما يحله بي شوف
امان الي يكسر حاجز الخوف
اصلي للي صلتلي..بعدهه
علك شيلتهه ضلتلي..بعدهه
مايرد ربي دوعاها
الدنيا متعوض غلاها
بعدهه. بعدهه
---------------'@@-----------------
كلام الدافي ذاك شلون انساه
فلا ايعوضهه واحد قسم بالله
اطب البيتنه بالحصره والأه
يهنياله اليرد وامه اتلكاه
شلون انسه تعب يومي..بعدهه
اسولف المن اهمومي....بعدهه
وصله من عدهه ضناها
الدنيا متعوض غلاها
بعدهه. بعدهه
--------------@@------------------
اجازيهه بدعائي الأكدر اعليه
اقرة الفاتحه وليلي اصليه
ارحمها يربي بدمعتي ادعيه
رؤف بكل وفيه اوطاهره ادريه
دعاء الباقي بس عندي...بعدهه
ودمعتي النازله بخدي....بعدهه
بيتنه ينحب وراها
الدنيا متعوض غلاها
بعدهه. بعدهه

للشاعر
ابو عبد الله الشمري
227
الناشر احمد الفاطمي

22 Nov, 07:00

كولشي مات وانتهت قصة حياتي
كولشي مات ألله يرحم ذكرياتـــي
كولشي مات
........................................
أول احلامي عشتها وجانت بعيني ضـــــوه
روحي معشوكة غرام وكوثر أعيوني أرتوه
جانت أبأنفاس نسمة تنزل وتصعد ســــــــوه
ديرة أحساسي ابجفاها صحره وادور هـــــوه
فاطمة وجه الصبح
عِشرة الزاد وملـــح
ترفه مو مالت جرح
فا طمة
كولشي مات وانذبح حلم أمنياتي
كولشي مات الله يرحم ذكرياتــي
كولشي مات
..........................................
نار الي يفارك حبيبه تحبـس أنفاس العمر
تذبح بروحه المحنه وتغفى بحضان الجمر
فاطمة ومحسن عمرها بيا ذنب ماتو عصر
عفة الله وجـــل قدرها اشلون عالخد تنسطر
فاطمة جنــــــة عدن
كوكب حسين وحسن
ما رحـــم بيها الزمن
فاطمة
كولشي مات وانتضر لحضة مماتي
كولشي مات الله يرحـــــــم ذكرياتي
كولشي مات
..............................................
أمشي محني وطولي مايل واعثر بضلي كمت
من سمعت الزهرة ونت من على طولي طحت
شفت باب البيت تسعر يام حسن وينـــج صحت
كوه كوه ابروحــــــي أحشم زحف يمها أتكربت
فاطمة آنــــه علي
يابعد ناسي وهلي
كولي أمري ادللي
فاطمة
كولشي مات يا حرز دعوة صلاتي
كولشي مات الله يرحـــــــم ذكرياتي
كولشي مات
..................................................
من ردت أحضنها بيدي أتلمست كسر الظلـع
كمت أحس شهكة هواها خطوه خطوه تنكطع
حاولت أسألها لكن بلل أثيابـــــــــــــــــي الدمع
شلت شيلتها وشفتها تحترك مثــــــــــــل الشمع
فاطمةبعمر الورد
وينها اويــن اللحد
ليش عنــــي تبتعد
فاطمة
كولشي مات لفني كللتلي بعابتي
كولشي مات الله يرحـم ذكرياتي
كولشي مات
...................................................
ماتت وكولشي بجفاها مابقـــــــى ينبض بعد
لا علـــــــــــــي لا ذكرياته لابنت لا ضل ولد
شلت روحي بنعش وامشي بليل توقيت الوعد
واحفرت بيديه كبـــــري وللعرش نعشي صعد
فاطمة وحيدر تــــره
الطاهر اوي الطاهره
وحشه ليــــل المكبره
فاطمة
كولشي مات يا رضاة الله ورضاتي
كولشي مات الله يرحــــــم ذكرياتي
كولشي مات
...............................................
خادم خدمة الحسين
الشاعر
محمد الموالي
203
الناشر احمد الفاطمي

22 Nov, 07:00

خويه يابو سكينه وينك
عميــــه عين الذابحينك
،،،،،،،،،،،،،،،،،،،،،،،،،،،،،،،،،،،،،،
وصلت الخيل الخيمنه وحيرة النسوان حيره
والتهضمك كلها غربه وماكو عــد الغرب غيره
حيل صاحــو علئ زينب زينب بلايــه عشيره
والچبيره تريد حيل حسين شيركض الچبيره
،،
گــــوم يوليــد امي گـــوم
مالي غيــــــرك كلشي راح
من طحت يحسين اشوف
گلبي بيــــن ضلوعي طاح
گوه اصيحك گمت گــــوه
الصوت راح مــن الصياح
،،
حل اريـــــد اليــــوم منك يبن ابوي
انه اخيتك مو غريبـــه وانته اخوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منين اجيب الزلـــم بالله والزلم مذبوحـه كلها
والمره تريدلها والي اوالي ماضـــل مــن اهلها
صعبه وي الغربه نمشي حسين كونك تصفنلها
اخ ياعگدت فراگــــــــك شيبتني شلون احلها
،،،
ويــن اروحـــن حــرت وين
خويــــه منك حــــل اريـــد
عالركض مابيــــــه حيـــــل
والدربـــــــــك كلش بعيـــد
زلــــــــــــــم جدامي اوراي
وايدي مشدوده بحديـــــد
،،،
صعـــبه نمشي حسين صعبه مچتفات
وينه اوين المهازل احنه نسوه مدللات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نمشي وي ذباح اهلنه وهاي كلش ماهي زينه
وعلي ياديره النطبها عيـــون خلگ الله علينه
والتهضمك كلها تنشد وينه چابو سكينه وينه
مو حنينه الناس ثاري عليك تنشد مـو حنينه
،،،
كلها تشمـــــــــــت يخـوي
وكلها وحدك تــــدري بيك
اليحبك خـــــــــل يلحگك
موش بس ينشـــــد عليك
وانته دربك مــــــــو بعيد
ليش چا محـــــــد يجيك
،،،
مايفيد النشـد منهم خويــه كلش مايفيد
وغير زينيب لاتصدگ واحد يحبك يحيد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مچتفات انام ونفز خويه مــــن يوم الخذونه
واحد يصيح علينه اواحـــــــــــد يشتم ببونه
تعبونه حسين خويـــــه وعلي كلش تعبونــــه
هاضعفنه حسين صرنه من التعب كلش گضونه
،،،
خاف نشرد خويـــه خاف
يكثر علينــــــــــه العذاب
ناس ترحم ماكــــــو ناس
هاي منها الگلبـي شــــاب
شوف ماضل عدي شوف
والحـزن فاتحــــــله باب
،،،
زين منـــي وعدلـــــــه يالمذبـــوح زين
انــــــــــــــه لازم موتي گبلك يالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
276
الناشر احمد الفاطمي

22 Nov, 07:00

حگـه حيدر لـــــو يِّشَيِّب راسه
بيده هال اتراب اعز ڪل ناسه

........................

حگــه حيدر لو يّــذب اعـمامِـتَه
بالــگلب نار اعلى فــــرگة جنِّـته
لا محمد عنده ظل لا بَضعتَه

حزنه الف يعگوب اظن مقــياسه

........................

حگه قالع خيبر ايــــــــگوم ويطيح
شالت امن اعيونه اُم وجه الصبيح
( بَعدَكِي عَيشي ) يگــلـلّـها قَبيح

وبيتي يَم بيتي انهدم من ساسه

........................

تغفه عينه اشلون ابو الحمله ويّچن
وذكريات ام الـــــحسن ترس الجفن
يگعد ايـــــــــگوم ايتذكرها ويّحن

ويذكر الــــــــــضلع الكسير الـــجاسه

........................

صوره بعيونه لـــــــــكسر ذاك الـضلع
ولـــــجفنها بعينه چن شاتل شمع
المره الاولى ايون علي ابـون ينسمع

ويضرب اخماس الحزن بـ اسداسه

........................

مو عجب حُزنَاً على الخدها انسطر
شاطر الـــــــهامات اذا گلبه انشطر
اشحاله من شاف اعله المتون الأثر

بالغُسل حسره اعله حسره انفاسه
........................

شيّـــــــعاهه ابليل واخفاه الگبر
بعدچ ايگـــــــللـها لا طال العمر
كسري يَـ اُم زينب بعد ما ينجبر

وبـاليتم هسه اعرفت واحساسه

........................

من رجعت امن الدفن يا حيدره
بثوبك وُ وجهك تراب المگبره
صبّــــرتها اشلون زينب يا تره

يمكن ابـــــــــ طفها وعزم عباسه

........................

بالصبر مثلك فلا صابر صَُبَر
القاتل اتنظره وتغض عنه النَظَر
ما تحرك ساكن ابوجه الجِسَر

علـــــــبتوله وباب بيتك داسه

........................

لـ اُم حسن حزنك ولا قبله وُ وراه
گلبك ٣٠ عام ومـــــــــــــا نساه
من گبل موتك تون : وا فاطماه

بالــــــــبشر مثلك شخص ما قاسه

ــــــــــــــــــــــــــــــــــــــــ

سيد علي عبدالزهره الناجي
222
الناشر احمد الفاطمي

22 Nov, 07:00

حكاية مولاتي زينب مع الرمح وموقف السيدة رقية


لا يارمــــح لاتـخــلي عيـن اشوفة
وجه الحبيب الوانة شو مخطوفة

راس العزيز الشلتة
لـمــن تشوفك بنتة

لا يارمح

------------------------
انطيني راسه من الشمس ضمه بعباتي
ومن ترجعه الجثته اخذ امنياتي
انه بـعــده يارمــح شلي بحياتي
وهسه اتمـنى تـمـر ساعة مماتي

لا يارمـــح لـو هــسه بنتة تريده
ومحلة الأبو مـن بنتة تلزم ايده
ومن تگعد بحضنه وتشمه بهيده
بس هل شعور الگلب هذه ايهيده

انطيني راس الغالي
يارمـح ارحــم حالي

خليني ارجعه الجثته

راس الـعــزيـز الشلته
لا يارمح
--------------------

ياشمس من يمة غيبي شهل رزية
وجه اذا ســومــر يــعذهه ل رقية
من تشوف الغالي ابوهه بهل مسية
راسه فوگ الرمح راس أول ضحية

وهسه لـو حـــنت علي وبحيرة
الشوگ مايعــرف جبيرة زغيرة
يارمـــح مـابــيك شـــايل غيرة
گلب طفلة ارحم علي بي غيرة

يلب راســه مسافر
أكسرت جم خاطر

والحر مذبل شفته

راس العزيز الشلته
لايارمح

---------------------------

يارمح امشي بسواد اليل ارضه
وهلبت من تمر علي جفني تغمضه
يارمح من انذبح ماهاد لحضه
وصدرة الينگط محنة الخيل رضه

انه مــن شـــفت الشمر حز نحرة
صـحـت مـاجــيتي ييمة الزهرة
خلي اخبرج خيل داست صدرة
وراسه فـوگ الذبح ضل ايطبرة

ضرب راسه بسيفة
يايـــمة جنة بكيفة

يكسر الخاطر شفته

الراس العزيز الشلته

لايارمح
---------------------

برگبته شـجم جــرح اسأل لجمته
وانا احسهن يوجعنه بعيني شفته
شـابة الـنار بعــباتي ومـن وصلته
راسـه فـوگك يارمـح وتهل دمعته

يارمح غمض لي عيني الغالي
ابنتة مـــن وصه انكسر دلالي
مااريــد ايشوف انا أليجرالي
ولايـگلـي الصوط شاغل بالي

وگلالي هاية الكلمة
يـــــمــج رقـية ذمة

وذاني حيل بونته

راس العزيز الشلته
لايارمح
------*----------------

راسـه يارمـح ظـمه من الأيتام
وهـلبـــت ليلة نـگـدر نـغـفه ونام
ونشبع شوف منه وتبدي الأحلام
ونــذكــر گبـل كـــل ذيـــج الايام

وانه أفـــز وروحـــــي حيل اشمه
وبيدي اخذ راسه ارجعة الجسمه
ويارمـــح مـايــبس اخـــضر دمه
مــن يشوفه گليــبي يكـــثر همه

هيج گلبي احساسه
ايـــريـــديأخذ راسه

وبــيه يـــزرع علته
راس العزيز الشلتة
لايارمح
-----------------------------

يارمــح مـتــحملة كلــــش خطية
شافت الراس بطشت ماتت رقية
يارمح جم غالـي راح انه من دية
ومابقالي بـــــس عليل بهل مسية

شمت الراس ويه گطع أنفاسهه
وعله راس الغالي حطت راسهه
هذا ابوهه وهـــم اعز كل ناسهه
انت فوگ المر جرحت احساسهه

حســـيت گال اگبالهم
متغيرة من اصياطهم

ومنه أنزلت دمعته
راس العزيز الشلتة
لا يارمح



الخادم محمد البنداوي
387
الناشر احمد الفاطمي

22 Nov, 07:00

من كربله ياناس ماشفت النوم
شينيمه بله الكلبه متروس هموم
ملجومه روحي تريد ذاك الملجوم
وبكلبي مذبوح الكمر ضل لدوم

كلضني بيهم انا اخوتي يسمعون
يلفوني اكولن انا هسه يلفون
كون بحلم بس الحلم ليغفون
بعيوني همه وماتغمض لعيون 


محد اجاني   حته بحلم    محد اجاني
محتاره اني  وسط الغرب  محتاره اني
ضليت اعاني  من الشتم  ضليت اعاني


يخوان زينب سمعو صوتي
موتي كرب حضروولي موتي
محد يشيع غير اخوتي

@@@@@@@@@@@@@@

راح الدلال وراح كلشي وي الزين
ماضل عدل وبكربله الكل ميتين
فوك الهزل خلونه شافتنه العين
الناكه تبجي علينه ضلت يحسين

بس الحرم وياي طبت للشام
والتهضم يصيحون ماعدها ازلام
من التعب والضيم ماشيل الهام
ع الهزله خويه بيا وكت كمنه نام


بعيوني صاير  مثل النضر بعيوني صاير
يوميه عاشر   انه الي   يوميه عاشر
اشوا الحوافر  من الضحك  اشوا الحوافر

مشامر حجي ومغالب حلوك
بين الغرب دخلوني السوك
والتهضم انه حسين علنوك

@@@@@@@@@@@@@@@@

كلبي حترك موش الخيم والعباس
فوك الرمح يحسين من شفت الراس
ويانه يمشي عيونه هنا الحراس
الناس مابيهم رحام خويه الناس

كلبي شيهوده من يمر طاري اليل
يموت كلساعه وعلي مابيه حيل
هوه الحنين المغرب يشوف الويل
من يذكر اعزاز الكلب دمعه يسيل 

الفركه صعبه  بنسبه اليه  الفركه صعبه
الشام غربه  تدري يروحي الشام غربه
دمعي اصبه  بيا وكت  دمعي اصبه

وسط الخرايب صاير النوح
مجروح صار الكلب مجروح
من البجي خل تطلع الروح

@@@@@@@@@@@@@@@

هجي الهجر ماكلنه تاليها يصير
بس راس وياي برمح خويه يسير
موش المره بيه الزلم والله تحير
الشام ماخله وعلي حته ازغير

من النضر نيشان صاير نيشان
بالناكه العيون اطبعن والنسوان
من القهر من كلبي تطلع نيران
الفركه تاكل بالعضم ع الخوان

ماضلي غالي  كلهم مشو  ماضلي غالي
هاذانه حالي  ميته وعلي  هاذانه حالي
شنهي الجرالي ماضل اخو  شنهي الجرالي

كل التعب ياناس فدوه
بس كون ترجعلي الخوه
كوه وعلي من امشي كوه

@@@@@@@@@@@@@@@

وداد البخاتري
214
الناشر احمد الفاطمي

22 Nov, 07:00

ولا يبرد نوحه .. وكلفات اجروحه
جناااااز بروحه .. علي مشه

**

سر الله الأعظم .. شيعها ملثم
ماااخذ روحه لكَبر
نزلها ابهيده .. تتراجف ايده
وطمهاااااا اسنين العمر

ومن راد يوكف ماكدر ماشالته اجدامه
اتمدد ابصف الكبر حل طرف العمامه
وجهه اصفر ويبجي علي وتبدت احلامه
وشيرجع لبيت بعد وشيلكًه كدامه


لو رد لبيته .. ياهي امتانيته
مكسور الخاطر .. علي مشه

**
وامتدد وياها .. فاطم حاجها
راح وياج الهوه
تخنكَني الوادم .. واتغرب فاطم
يموت ابعيني الضوه


دنك يحااااجي بالكبر والدمعه ماخذته
شيسوي اليحس ابغرب والروحه عايفته
فوك القبر فاطم صرخ وكض بيده خاصرته
المثل حيدر ياخلك مو هينه سالفته


ليشيع الزهره .. جن يحفر كَبره
يموت بلا فاطم .. علي مشه

****


وبدمعت عينه .. يسولف بونينه
فاطم فاطم حجه
واشكد حاجاها .. وتحجي أتمناها
ومارد صوت وبجه


ياا نور عيني فاطمة يم روحي حاجيني
وياج انه اقلع خيبر وبس محني عفتيني
وبكل حروبي الي مضت بسمج تِحرسيني
ماشيل سيف الا صحت يا زهره عينيني



من كض ضلوعه .. هد نهر دموعه

تذكر فاطمته .. علي مشه

*

روحت فاطمته .. كلش كاسرته
تارس وجهه التعب
ينكَل خطواته .. ونزلن دمعاته
وحيدر عاف العرب


سد باب بيته وانعزل وي البير سالفته
مكسور ضهره وخاطره بس ينعى فاطمته
موووو ولده بس اتيتمو بروحتها يتِمته
اليوزع ابكيفه الهوه هاااالدنيا خانكَته


يوصل يم بابه .. ويحاجي عتابه
من نعصرت يمك ... علي مشه

****

لليل يتاني .. من الشوك يعاني
ايسير يم الكبر
يقره بقرئانه .. ويلم أحزانه
يكلها احتاج اشكثر


الليل هذاااا الي يمر والناس نايمته
يم القبر حيدر كعد ورجعيلي سالفته
من المغرب اجدامه لعد ام روحه ماخته
و يقرالها آياااات ابدمع والفركَه كاتلته


مشيب وجه الله ... ذابل حيل الله
متغير كلش .. علي مشه

***


الحمد لله


خالد عبد السادة البديري
220
الناشر احمد الفاطمي

22 Nov, 06:29

شهادة مولاي القاسم صلوات الله وسلامه عليه

اللهم بحق ضلامة مولاي القاسم عجل لوليك الفرج


يا قاسم العطاء مدد
--
شحال گلبك سيدي ونتة غريب
تذكر الضل بالفله عاري وسليب
ما نشف منك چفن من النحيب
وا حسيناً وحسيناً ندبتك

لو شفت مهيوبة يمك قافلة
ترسم بعينك خيم نص كربلة
طفلة تركض بل دمع صوب الفلة
ونار تنزل فوك خدك دمعتك

شما تشوف الجاري يمك تنفجع
تبچي حد ما تگضي عينك جن شمع
بحسرة يا مولاي تلطم عل ضلع
وبل دمع مولاي تترس چربتك

هضمة من اصيارك ورابي بجرح
تنوح طف النايبة ليل وصبح
تنحني من تسمع بطاري الرمح
مثل حنيَي هلال بانت حنيتَك

بكل غروب يموت مولاي الدليل
هضمت السجاد بدموعك تعيل
ساعت الجابوهة لضعونة الهزيل
وموگدرهة بهزلة تمشي عمتك

يا چبير الما وصل حدك چبير
عايش بغربة مثل حال الأسير
تدري لو عرفوك بس موتك مصير
سكتة تبچي وموت تنعد غربتك

نار بدليلك تشب تصهر حديد
يابو اه الصعبة لو لحضة تهيد
عليَك تتسيد صعب تالي العبيد
بين عينك ثار بانت هضمتك

مناطر القائم يرد كل الحگوك
ضلع مكسور وضعن راح اعلة نوگ
والمصيبة اسرار طرن ويلي سوك
بطلعت المهدي تهود ونتك

سجاد حيدر العكيلي
229
الناشر احمد الفاطمي

21 Nov, 21:38

يالزهره والله امصابج امأذيني
كل مغربيه أسمج ايبجيني
آه واويلاه آه يازهراء
.............
يم الحسن لمصابج اني احزاني
ياغيرة الله ومنهجي وقرأني
تتغير لأسمج يبضعه الواني
ومشتعله روحي لجلج ابنيراني
يارحمة الباري ويسِر اسنيني
كل مغربيه أسمج ايبجيني
آه واويلاه آه يازهراء
.............
كل ما قرولي اعليج ينزل دمعي
واتمنه لمصابج اكسره ضلعي
مختلف باحزانج وحكَج وضعي
طبعي الحزن والاه صاير طبعي
وايزيد نوحي كلمن ايواسيني
كل مغربيه أسمج ايبجيني
آه واويلاه آه يازهراء
.............
بحنجرتي هضمه وصوتي يطلع كوه
ولطمي لعذابج وادك ابصدري ابقوه
ارد اشعر ابعصرج واريد اتروه
من حزني واشرب من دموعي امروه
والكون كله يسمع من اونيني
كل مغربيه أسمج ايبجيني
آه واويلاه آه يازهراء
.............
موبس نواعي وساعه يخلص نوحي
لجلج يبضعه واضحات اجروحي
روحي المصابج والله اكَلهه روحي
فدوه الج خل تمشي واكتب لوحي
هذا البذل روحه الج كتبيني
كل مغربيه أسمج ايبجيني
آه واويلاه آه يازهراء
.............
لا ما أمل هذا الجزع واهاتي
وازغيره احس لمصيبتج دمعاتي
ماتطفي ناري واشكثر جلماتي
بحجم الفضاء اعليج اضن حسراتي
ابجي عليج وانتِ التهَّديني
كل مغربيه أسمج ايبجيني
آه واويلاه آه يازهراء


الشاعر ياسر العارضي
278
الناشر احمد الفاطمي

21 Nov, 21:37

وره الباب اختفت فاطم لاذت من أعاديهه
مستوره ابحجاب اطويل اراذل هجمو اعليهه
دفعو عالزجيه الباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وره استشهاد ابوهه ابيوم بوكتهه الساعه عصريه
تعناهه الأبد مايوم عاف اطماعه يوميه
ابكل حيله عليهه الباب يدفع وبكراهيه
الى أن طك ضلعهه وصار تون مالومه ليليه
تون الهه ولبوهه الغاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
عصرهه ومارحمهه وجان يدري الزهره موجوده
كالوله الزجيه اهنا ( وأِن) هاي اللي مريوده
جوابه والعصر مقصود كل افعاله مقصوده
العدو ابهجماته عالزهراء كتب صفحة ظلم سوده
فلا شخص الزجيه انهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
هجم بيده الحطب والنار وي ربعه تعنوهه
الحسن وحسين موجودين بالدار ويحركَوهه
لاجار الفزع لا مار لاديره اليطفوهه
ذيج المنهه تنطي امراد واحتركَت يشوفوهه
جمر نار الحقد لهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وكَع محسنهه دون اسباب سبط ثالث وجد حتفه
لوما هالمصيبه اعليه الدين الله سند وصفه
جنين وعالمه مابي ظلم لا بس وفه وعِفه
ابعصر باب الزجيه ايطيح هالمصيبه الصدك كلفه
وجرح امه الابد ماطاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء

..................................
بده من اهل السقيفه الجور والوان الظلم عدهم
وعلي اوصيته اعله دين الله لو ما هيه يذبحهم
هجمو جن سموم الصيف كره كل واحد المنهم
ولارحمه ابكَلبهم جان لا رجعة الترجعهم
ضلموهه بلا اسباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء


الشاعر ياسر العارضي
179
الناشر احمد الفاطمي

21 Nov, 21:36

هاي الزهره عاشت عصره
وخلف الباب المحسن طاح
مظلومه يا زهراء مظلومه يا زهراء
.........................................................
عاشت عصره ودفعة ظالم
وماكو الفزاع من الوادم
والنار ابجف كلمن قادم
يحركَهه الدار وهالعازم
عصر البضعه وتهل دمعه
وخلف الباب المحسن طاح
مظلومه يا زهراء مظلومه يا زهراء
.........................................................
محتاره ابحشمه اتناديهم
آنه البضعه وتحاجيهم
عوفوني اشكَد صاحت بيهم
بس يضحك سمعت حاديهم
وصاح ابربعه ضربو البضعه
وخلف الباب المحسن طاح
مظلومه يا زهراء مظلومه يا زهراء
.........................................................
عصروهه وصاحت يافضه
جن سيف البسمار وأمضه
نكرو ربنه ودينه وفرضه
تَّباعين السلطه المرضه
طفو عيني كَومي احميني
وخلف الباب المحسن طاح
مظلومه يا زهراء مظلومه يا زهراء
.........................................................
ماراعوهه اوصيت الهادي
عدهم نكران الحق عادي
صاحت بيهم ذكرو أجدادي
منهي اني ومن همه اولادي
من سمعوهه هم ضربوهه
وخلف الباب المحسن طاح
مظلومه يا زهراء مظلومه يا زهراء
.........................................................
مارحموهه ولا واسوهه
وبأعلى الصوت ايشتموهه
غصبو حقهه ومن شافوهه
تبجي من الدمعه حرموهه
وطاح ابعبره دمع الزهره
وخلف الباب المحسن طاح
مظلومه يا زهراء مظلومه يا زهراء


ياسر العارضي
149
الناشر احمد الفاطمي

21 Nov, 21:36

هيَ قَلبٌ لِحنانِ أبيها والسِرُ المُستَودَعِ فيها
في العصرِ وكيدُِ الاصحابْ
غابت شمسٌ خلف البابْ
والسِرُ المُستَودَعِ فيها
..............
اعيون اعاديهه الزغيره وهيه أكبر من جبير
الهذا ما رحموهه ذوله المالهم ذمه وضمير
جانت ابيت الرساله المبني طين وبي حصير
هجمو اعليهه الاعادي وشيبو حته الزغير
وهوى مَن ألقوهُ جَنينا
والكوثر تُحمَّرَ جبينا
مَن يَزْهو فيها المحرابْ
غابت شمسٌ خلفَ البابْ
والسِرُ المُستَودَعِ فيها
..............
هُبَل هجمو على البضعه مو بشر هجمو صنم
ومن كسر ضلع الزجيه الدين يا وسفه انثلم
اصله طين البشر نعرف همه والله من العدم
طين بيت الزهره لكن بابه قلعو وانهدم
عَصرو مَن كانت لأباها
تَعلوا البَهجةَ في لقاياها
والبابُ قد صارَ سَحابْ
غابت شمسٌ خلف البابْ
والسِرُ المُستَودَعِ فيها
..............
عينهه وكسرة ضلعهه ولطمة الخد والعصر
والله لو ما ذني صارن اصبح المحسن فجر
لكن ابجور الاعادي صار للزهره العصر
عرفو ابلا ضغطه تُحشر عوضو ضغط القبر
ويلٌ لِرُعاعٍ ظَلَموها
مِن شَمِ هواها حرموها
فَغدى يجري الدمع عتابْ
غابت شمسٌ خلفَ البابْ
والسِرُ المُستَودَعِ فيها
..............
بيتهه بيت الله يعني هوه والكعبه سوه
هذي قبله لليصلي وهذا للعالم ضوه
بيت حسْنين وابوهم للجرح همه دوه
بيت جبرائيل منه ومن تلاواته ارتوه
يزدادُ زهواً وجمالا
فيهِ ذكرُ الله تعالى
فيهِ الزهراءُ وتُثابْ
غابت شمسٌ خلفَ البابْ
والسِرُ المُستَودَعِ فيها
..............
هيه دم وابكل عروقه بكل شرايينه مشت
وكل جزيئه ابدمهه بعده لهالمصاب اتيتمت
بدل ماواسوهه دفعو بابهه وخلفه اختفت
وانعصر صدر الزجيه وعين من عدهه انطفت
غدروا بِنتَ نبيٍ فيهم
كالكَهفِ كانَ يأويهِم
مِن نورٍ كانت وحِجابْ
غابت شمسٌ خلف البابْ
والسِرُ المُستَودَعِ فيها


ياسر العارضي
161
الناشر احمد الفاطمي

21 Nov, 20:41

حاجيني يا دار كلبي اشتعل نار
اهلج وين دمع العين ما فارك عيوني
*******
شو فرغت منازلهم والوحشه اعله حيطانج
راحو والتحبيهم ما دكوها بيبانج
يا دار الهجر موزين شالو وين خلانج
من دار السعد صرتي دار الحزن عنوانج

والفاركتهم يمي ردتهم
كلبي اشتاك وانه افراك ما بيه تدروني
اهلج وين دمع العين ما فارك عيوني
*****
يا دار اشبعد يا دار بين عيوني الف حسره
بس دموع اخلص الليل وابجي الفركة الزهره
يا دار امن اطبنج انوح واذكر العشره
مهدوم الحسن حيله وحسين انكسر ضهره

يا دار الاحزان نوحي اويالخوان
بيه اشلون اصرخ كون وياها دفنوني
اهلج وين دمع العين ما فارك عيوني
*****






يا دار انحلت يا دار كاسر ضهري فركاهم
اتمنيت العمر لحضات يكضي ويخلص وياهم
حنيت الهلي والروح ما تصبر بلياهم
ما ظن ترجع الايام عكب الضيعيناهم

جا وين اهلنه اهل المحنه
صعبه ارتاح والكل راح وبحيره خلوني
اهلج وين دمع العين ما فارك عيوني
*****
امي الكلها طيبه اشلون خلف الباب عصروها
وحركو دارها الاشرار واعله العين سطروها
بهمها تصيح محسن مات ولا جنهم يسمعوها
اضلوع ام الحسن يا حيف بذاك الباب كسروها

التمو عليها واشتد بجيها
والدخان يصعد جان وتنادي اذوني
اهلج وين دمع العين ما فارك عيوني
*****









اشعدها الدنيه بله وياي ليش الوحدي خلتني
راوتني هظم وجروح ومن الزهره حرمتني
انه ام الخدر زينب والاحزان سلتني
ماظن الزمان ايعود الدنيه اهواي بجتني

شلي بحياتي ونطر مماتي
بعيني دموع كلبي ايلوع ورتاح يردوني
اهلج وين دمع العين ما فارك عيوني
*****
تمت
تحسين الخفاجي
76
الناشر احمد الفاطمي

21 Nov, 20:41

مجروح كلش علي وبجرحه اذاني
يابير كلي تون من تسمع احزاني
عالزهره من هظمته يحجيلي عن حالته ما تنحمل كسرته وبجرحه اذاني
*******
حيدر بير وانه البير ومحد يعرف اشجواي
حيدر بيه مدري اشاف وطاحت دمعته فوكاي

اول مره اشوفه ايذب النكاب
وابو تراب اعله راسه ايهيل التراب
القالع باب كسرو ضهره بالباب

يا بير تدري بعلي بكسره كلب جايك
شيصير بيك اعترف لو فاركت مايك
هز راسه شفته ورجع ومن صدره كلبه طلع وكبالي نوحه ارتفع وعالزهره بجاني
****
خذت حيله مصايبها وفلا ينعدن جروحه
حيدر يمشي بس اخيال ودافن بالكبر روحه

وامبين علي امن الدنيه متعوب
والمحبوب فارك اغله محبوب
تره حيدر دمعته امبلله الثوب

من فاطمه الفاطمه خضر علي شيبه
راحت بعد زهرته والراح شيجيبه
وياها عشرة عمر وراحتها صار الكبر ضل يبجي باب الصبر والنور عافاني
******
بين الباب والحايط هظيمه الزهره عصروها
الخادم بيتها جبريل اعله خدها اشلون سطروها

دفعها الظالم وضيع هواها
وره الباب انتهت والدم خذاها
اعله محسن طاحت وزينب وراها

البسمار صاب الضلع والعصره اذتها
عكب النبي فاطمه الاصحاب ظلمتها
عالباب لمو حطب وحته الله منهم غضب موت الزجيه كرب وتشمت الجاني
******
انه البير بير اسرار اليسولفلي اضم سره
بس حيدر يكلي احجيه سري ولازم اتنشره

يصيح امن الالم حاجيني يابير
علي بلا فاطمه جا كلبه شيصير
وكف عالمغتسل وبناظره ايدير

خلاني صاحب اله ومن دنيته ايعاتب
وطبع اليصاحب صدك ما ينطي بالصاحب
سولفلي سره وبجه وحيدر عليه انتجه البير انترس من حجه وزيدها نيراني
*****





علي كتله ولا تهتم يبعد البير وعيونه
هاي الناس ما ترحم اليخاويهم يذمونه

الملح شتحطله ووياهم يغزر
بس تكضي شغلها الناس تنكدر
حكك يا علي من تجرع المر

الناكر جميلك علي معروف شيطانه
لو مو وصيت النبي ما وصلو اهنانه
ناسك شفت باعتك والدنيه ما نصفتك بيرك سمع ونتك يا مالك احساني
******
تمت
تحسين الخفاجي
90
الناشر احمد الفاطمي

21 Nov, 20:41

غريبه راح اخليج وبخوج حسين اوصيج
لو ظهره انكسر شميه بالنحر
********
يمه زينب كرب موتي وحانت الساعه الاخيره
شدي حيلج عالمصيبه مصيبتج باجر جبيره
حسين باجر يبقى وحده وناظره المن يديره
شما اصدله ايگطعونه وجسمه ينلم بحصيره

وحده من تشوفيه. بيدج مهره قدميه
همه لو كبر شميه بالنحر
******
بدمع عينج. روحي يمه ونفذي يايمه الوصيه
امي گالت شمي نحره لو گرب يوم المنيه
فوگ صدره تروح وترد باجر خيول اعوجيه
الشمر بيده من يذبحه يذبح وياه الزجيه

ويگلهم ذبحته ودو الراس لخته
راح اشبع قهر شميه بالنحر
*****
عالترايب يبقى جسمه. عاري ومسلبه اهدومه
بالحوافر. راح صدره. وماكو مثل حسين يومه
ايموت ضامي ونحره دامي. وعالرمل تنزف ادمومه
آه ياشمس الظهاري باجر اتغير ارسومه

يمه انتي وبناتج فييله بعباتج
اهناك اخذي الحذر شميه بالنحر
******
الحرگ بابي راح باجر يحرگ الخيمه عليجن
عگب اهلجن محد الجن وكلها غربه شلون بيجن
الخيل تهجم عالمخيم والشمر رايح يجيجن
ايصيح بيجن وحده وحده وبحبال ايشد اديجن

عالتل من تصعدين جم خاطر تكسرين
ومن بعد الگمر شميه بالنحر
******
يالعقيله. شما اشوفج بلا عشيره ولا گرابه
الشام ياخذ راح حيلج. واه يالشام وعذابه
الشده باجر يمه زينب من يخلوج بخرابه
اهناك طفله من حلمها تفز تصرخ بابا بابا

رقيه باخر انفاس راح اتموت عالراس
باقي بخدها اثر شميه بالنحر
****
تمت
تحسين الخفاجي
ميثم العمري
86
الناشر احمد الفاطمي

20 Nov, 21:29

حسين سورة وآية الطف مَنحره
سيفه طاح ودمه ابعروكك جِـره

حـسين راية .....حـسين غاية

      لا تِــكسره لخــاطرة

حــسين راد الدنِـيــتك عِفة وإبـــاء
صير طاهِـر أسْــوِتـك أهــل الكسـاء
وانــتَ تــِخدم  تــنفـتح باب الرجاء
مو مٌحب بَس. صير شيعي ومفخره
حسين سورة وآية الــَطف مَــنحره


انت ماشي وهذا درب الـعِز صريح
شوفه وينه حسين اكعد واستريح
دومه عــايش خلي بكليبك  يصيح
وخلي  زادك  خـــير دنـــيا وآخــره
حسين سـورة وآيـة الطَـف مَنحره


نزله راسك لو شفت تمشي النساء
إبغـــيرة الــعباس كَــحِّل   كربـلاء
كــون تفــهم كربله مـو بـَس عـزاء
بـيها عِفَّة، وبـيها صــيت امـخدرة
حسين سـورة وآية الطف مَنحره

مو فــقط تٌلـطم أبو الأكبـر يـريـد
صير انت حـسين لاتـٌصـبـح يـَزيد
خلي بالك كل حرب سيف وشهيد
لا تـِساوم أمــشي دربــك مَسطره
حسين سورة وآية الطف مَنـحره


انت ماشي وتلكه خِدمات وخَدم
أحــمد الله اتـزيد كـِل هـاي النعم
جم نهج بحسين رفرف  جم عَلـم
حـسين نعمه. مِـنّا واجـب نِشكره
حسين سورة وآية الطف مَنحره

لا تِـأذي النــاس خــاطر لاتـكـول
وين تــِرباتك عــلي ويَّ الــبتـول؟
لا تـِشـمَّت حــاقد ويـفرح عَـذول
انت شيعي وحَـك علينه إنحـذره
حسين سورة وآية الطف مَنحره



لٌبــابة آلــ ياسـيــن

#لبابة_ال_ياسين
#قصائد
#يا_صاحب_الزمان
302
الناشر احمد الفاطمي

20 Nov, 21:28

قصيدة لسان حال مولانا علي بعد فقد الزهراء ع

غابه ودربها. يحير    الطير
والدنيه ظلمه خلافج تصير
يم الحسن بوداعج
عذبني حيل فراكج
****
الدنيه ظلمه وضاع الحساب
يالجمت البسمار.    والباب
ويغيب نورج عن.  الحباب
وحشة يظل ياعمر ابو تراب

خلصت حسافه ايامج
وزينب بجت جدامج
ابيتج تظل بس التصاوير
والدنيه ظلمه خلافج تصير
****-*-----

ابيتج بقت بس حسرة واهات
كل حلم عندي بفركتج مات
خلصت حياتج  هي لحظات
وذاك الوجه ماشوفه  هيهات

منج اسف حرموني
وتهمل دموم عيوني
المن دليلي  الناظر.   ايدير
والدنيه ظلمه اخلافج تصير


رحتي وبقت بس حسره وهموم
وگلب الحسن وحسين ملجوم
هل فركه اعرف راحت ادوم
وزينب بعدهي ادور. وتحوم

عله الباب ومتانيتج
كلتلها شنهو منيتج
زاد البجي بهاي التعابير
والدنيه ظلمه خلافج تصير


زينب بعدهي مناطره  طيوف
تتمنه طولج لحظة     اتشوف
من اليتم ظلت عايشة  بخوف
ودهر المصايب لازم.   سيوف

ياجرح بعد اتروفه
لازم دهرها سيوفه
بالدنيا بعدج باجر. اتحير
والدنيه ظلمه اخلافج تصير


سيوف الدهر مارحمت وياي
لجلج بجيت ويكثر   ابجاي
عطشان الج ونتي الگبل ماي
منج صعب كون اگطع ارجاي

فراكج صعب ياذينه
وحسين تهمل عينه
وخلاف عينج المن نشير
والدنيه  ظلمه خلافج تصير

افراكج صعب ويهدم  الروح
وسلواي بعدج دمعي والنوح
بيه ابد    ماتشفه.   الجروح
بغيابج اشبه.  طير.   مذبوح

جارح دليلي امصابج
ياذيني حيل اغيابج
جرح الفراگ بكلبي. اجبير
والدنيه ظلمه اخلافج تصير

✍ الشاعر ابو سلام الجابري
✍ام زهراء البصراويه
🤲نسالكم الدعاء 🤲
260
الناشر احمد الفاطمي

20 Nov, 21:25

راح ادكن صدري وارفعهن اديه
اردا اعيش ايامي كلها فاطميه

يافاطمه............يافاطمه
*******
انه عمري بالدمع ما يخلص اهات
كون اگضي العمر بالون والعزائات
ما  يكفيني   الطم  بتلث  روايات
نريد عاشور الزجيه يصير تكيات

كل وكت تلگيني حاضر يالزجيه
اردا  اعيش  ايامي كلها فاطميه
*******
انه ما اريد  العمر  لوما  عزه ايصير
انه لو تحسبني  خادم كلش  اچبير
والچبير   يصير   يمهه  كلش ازغير
واليجي الخدمتهه لازم عنده تقرير

استلهمت من الزغر هاي القضيه
اردا اعيش ايامي كلها فاطميه
*******
روحي مشغوله وتحب بس العزيه
كاعده اباب الخدم  صبح  ومسيه
اعفاء بالخدمه صرت ودمعه  ميه
اتوقع  الدفتر  تره الزهره  الزجيه

وجتهاد  الخدم  تطلع   اعلميه
اردا اعيش ايامي كلها فاطميه
*******
خدمتي محلاها والله  اشكد رهيبه
حيرت هل العالم  وصارت  عجيبه
من  عشگنه  فاطمه   ندفع  ضريبه
نعيش لوعات الظلع  اعظم مصيبه

خدمتي افضل ذخر بالنسبه اليه
اردا اعيش  ايامي  كلها فاطميه
*******
يشهد  عليه  الزمن صوت النياحه
بخدمتي الكه العمر باب استراحه
احنه  من  ادم وآدم  الله  صاحه
للارض  تنزل تزور اهل  السماحه

امنه صارت هيه تحوي الجعفريه
اردا  اعيش  ايامي كلها فاطميه
*******
لوحتي ارسمهه انه ابدمعة  العين
ما  امل من الطم شوف المجانين
وشحلاته  العشك  بيه صاير اثنين
فاطمه اعكشهه انه واعشك حسين

من مرامي اتبينت اجمل هويه
اردا اعيش ايامي كلها فاطميه
*******
بالمجالس والطم ثق اجمل احساس
انه واضح بالعشك وبطيب الانفاس
باچر  اهناك  الزچيه   اتوزع  الياس
بالحشر يتلگه  شفنه  الخدم  عباس

للخدم بيده الگمر ينطي الهديه
اردا اعيش ايامي كلها  فاطميه
*******
تمت بعون الله تعالى
خادمكم...... يوسف الفتلاوي
251
الناشر احمد الفاطمي

19 Nov, 22:39

((مشكلتي))


مشكلتي .. عشگج الزمه بروحي
سالــفتي .. لا مــــــا يبطل نوحي
بس انتي .. بگلبي وابد متروحي

يــــايمه يــــا فـــاطمه المضلومه
بالضلمه نــعشچ مشه ومهضومه
شيضمه دمــــع الـــغدت مــالومه
يــــايمه روحي اصبحت مهدومه

زهراء .. يــــالوعتچ ياحسرتچ يم الحسين
زهراء .. ياسطرتچ يادمعتچ يم الحسين

يافاطمه يايمه ...
"""""""""""""""""""""""""""""""""""''''''''''

وشموعچ .. ليش انطفن بالحسره
ودموعـچ .. مــــا ينگـضن يالزهره
وضلوعچ .. وتـــكسرن بــالــعصره

يا وسفه ام الــحسـن مـذعــوره
مو كلفه ام الــعـرش مـشــموره
للعــــفه صارت ستر كــل سوره
شتلـــفه جــرح الجِفن مسطوره

آهات .. غربه وعده والوحده راعي العرين
آهات .. بي ياجرح يغفه برمح راعي العرين

يافاطمه يايمه ...
"""""""""""""""""""""""""""""""""""''''''''''

مچويه .. مـثـل الـشـمع وتــندي
العلويه .. شگد صَيحتْ يالمهدي
اي هيه .. وحــــال الضلع متردي

وجروحچ محسن غده بيا حاله
وبـروحچ تـــــتـأمــلين هـــلاله
يـا نوحچ الـــبيتچ لـفت خياله
ويلوحـچ ذاك الرجس وامثاله

ياويل حال المطر دم الصدر ومسطوره
عين
ياويل من تنتچي تشبع بچي ومسطوره عين

يافاطمه يايمه ...
"""""""""""""""""""""""""""""""""""''''''''''

عـانيتي .. مـن حيدر يجرونه
ونـــيتي .. باب احترگ بعيونه
نشديتي .. لـــو حيـدر إيردونه

ذبـــلانه هواي النذل أذاها
حــيرانه چـف الغدر لاحاها
عطشانه بس حيدر الرواها
زعـــلانه قنفذ اجه ودفعاها

مطروح حمل الزمن يبچي الحسن صوت الونين
مطروح گلبه انثلم دمعه بألم صوت الونين

يافاطمه يايمه ...

"""""""""""""""""""""""""""""""""""''''''''''

يــــازينـب .. اي چم حرگ شفتيهن
هم ينحب .. گــلبـچ ومـــا عفـتيهن
ومـــتــرب .. بـــاب وخيم ضگـتيهن

مــن امچ حــزن الـــوكت بذيالچ
من هـمچ شــيب الــدهر بخيالچ
وبــدمـچ يمشي السبي وبحالچ
هاي امچ تـبـچي وتون لــعيالچ

تمشين فوگ الهزل وبيدج حبل وبيا حنين
تمشين عينچ تصد اليا جسد وبيا حنين

يافاطمه يايمه ...

عبد زينب
محمدالابراهيمي
417
الناشر احمد الفاطمي

19 Nov, 19:47

قصيدة عظمة الزهراء ع••||
ثگيله


معروفه علويه وقدسيه زهرة حيدره
بت النبي طه ومسراهه هيبه ومفخره

فاطم تلوگ اعليهه چلمت هاشميه
وباالاصاف تصير كلشي الفاطميه....
زهراء
•••••••••••••••••••••••••••••••••••••••••••••••

انتي شم العطر •••انتي كل الستر
يافاطمه الجليله وحياتچ كل وطن

عضيمه بكل فعل•••الورد يمچ ذبل
ويشع نور عالسنين ماتبقه لمحن

علي علي

علي ألچ عمر الورد
چف الخلگ يمچ يرد
لعشگ دربچ صرخ مدد••• كلچ كرمات

انتي الرحيمه وعالمه
ستر الله ونتي محشمه
روحي لنبي يافاطمه•••يم الحجابات

بيچ السمه منوره يادرة ونوار السمه
ويرضه لمرضاتچ وهاتچ باچر فاطمه

بيت النبي صارت الچ اعظم رزيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••

شريفه وبت اصل•••عضيمه وبت رسل
أم لحسن انتي وكرمهه بكل مدينه

لويجي من لخلگ•••وگف بابچ يدگ
اعمه ومن وره الباب تطعمه الحنينه

علي علي

لعلي ختارچ صدگ مره
يم النبي يالطاهره
بشوفچ حياته منضره••••حيدر ولينه

أم الحسين الزاهده
معروفه حتمن والده
بس لله روچ ساجده••• دربچ سفينه

ليمشي على دينچ وسنينچ واضح مصدره
أم النسه انتي ياجنتي دنياه وأخره

ليحضر عزائچ من صدگ مقبول بلميه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••

كريمه بلا وصف•••ونتي بيتچ سگف
لامن قصور تملگين فقط بس حب علي

وجميع البلسمه •••••• تحبچ فاطمه
وتعرفين بالگلوب المشه بدرب الولي

عشگ عشگ

ذكرچ عباده بكل امر
يالعمرچ يروح بزغر
چف الله رسام كل فجر•••راسم صفاتچ


الينكر نعمتچ ماربح
يالذكرچ من الله وضح
معصومه يلبسمچ ملح••• تنگط عباتچ

محد بقه حاير ولصابر خلصت شدته
يالوگفتچ نعمه والزلمه منچ نعمته

اعضم تجاره بخدمتچ يمه الزجيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••

لاقصر لا ذهب •••فقط حب انكتب
من عطائچ يلوفيه بكل شددنه محزمه

سيده اعله الزمن••• وعباتچ للوطن
وشرف ماكو مثله ولي ينكره نعمه

شرف شرف

كل الكواكب والقمر
عندچ مواقيت العمر
يارحمه للعاشك جسر•••يم الهواشم

هنياله كلمن طاح الچ
يفدي حياته لكل هلچ
يمشي بستر ويمثلچ•••كل عمره هايم

دربچ درب ساده ولقاده حيدر والگمر
منچ طلع ضعنچ يلصدرچ بلباب نكسر

والله يلعن كل نذل سوه الااذيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء||1446ه‍
383
الناشر احمد الفاطمي

19 Nov, 15:52

لاستشهاد فاطمة الزهراء عليها السلام

بفاطمه خان الزمن      صب عليها شكد  محن
الحزن غير لونها        شلون تغفه عيونها
صب عليها شكد  محن
★★★★★
منين اجت هاي النوايب  لوعتّها
اموصي بيها النبي الوادم مارعتها
چفوف  التصافح ابوها     حاربتها
ابسط حقوق الزجيه  ماخذتها

جرح ضل يلجم جرح     ابليل مابعده صبح
دموع تجوي جفونها    شلون تغفه عيونها
صب عليها شكد  محن
★★★★★
نسوا مضمون الوصيه وخالفوها
فاطمة البيها يوصي چان ابوها
شوكت ذكروا فاطمه حتى نسووها
لان بيها اوصاف حيدر حاربوها

للنبي جانوا ربع     بكسر جازوه الضلع
ومن سياط متونها   شلون تغفه عيونها
صب عليها شكد  محن
★★★★★
جنه ولدت علارض محد عرفها
ومنزلتها الباري للوادم  وصفها
الجاهل ايدور اذيتها   وحتفها
من ربيع اسنينها  موت الخطفها

القصد من هذا الظلم   منها حيدر ينحرم
من علي يحرمونها     شلون تغفه عيونها
صب عليها شكد  محن
★★★★★
اسرار الله امودعه بروح الزجيه
وهيه للرحمان  حجه على البريه
الحاربوها  حاربوا الله  ونبيه
وحيدر المقصود من هاي القضيه

ابلامهابه ولاادب     ابدارها لم الحطب
تنهظم  يردونها    شلون تغفه عيونها
صب عليها شكد  محن
★★★★★
مارعوا دار النبوه والامامه
ماخذتهم علذنب زحمه وملامه
ويله من خاصمها من يوم القيامه
الحرگ  دار الزهره ماحس بندامه

لاتاسف لاندم    الشعل نيران وهجم
ماعرف مضمونها     شلون تغفه عيونها
صب عليها شكد  محن

الشاعر حسن لعيبي الحريشاوي
351
الناشر احمد الفاطمي

19 Nov, 15:52

العقيلة زينب تخاطب أمها الزهراء
عليها السلام (وزن الطويل)

جبل صبري. كسر ظهري.   . يلحنينه
بعد عمرچ.  شنهي عمري     يلحنينه
★★★★★
بنتچ زينب بغربه   اشيل الجدم مابيه
يمه من شفت دارچ.  على هلحال يومية
حزينه الدار يلزهرة.  لأن مالچ بعد  جيه
ياهو الچان  يجمعنه. ويملي البيت. حنيه
من رحلتي    وعني رحتي     يلحنينه
نار  تطلع      من  دمعتي .       يلحنينه
★★★★★
الحزن والنوح لازمني  بعدعيناچ من صغري
العمر اتمنه بوجودچ   يطول شما حكم دهري
ردت هليوم بغيابچ  اخر يوم من عمري
غيابچ يمه مو وكته لَوَّعَني  وكسر ظهري
هذا حالي.  وي الليالي.   يلحنينه
غير حزني.   مابقالي.      يلحنينه
★★★★★
ذاك الي دفع بابچ. حيل الدنيا  شاغلته
مكسورة ضلع تالي الجنين الموت خاتمته
الظالم يرفع بسوطه.يضرب بالمتن شفته
وابوي بحال متأزم  محني ولزم خاصرته
شگد تصَبَّر   ناره تسعر.    يلحنينه
بالوصيه   التزم  حيدر.    يلحنينه
★★★★★
چم مره خطب جدي.  مهجتي گلهم البضعه
مكسورة ضلع خلوچ.  عين اترافگ الدمعه
الطبعه حقد مايرعاچ    ميزان  الحقد طبعه
راح الخير من رحتي   هذاك الزمن شيرجعه
كثر وني.   وليل حزني.      يلحنينه
اثنين بعدچ.  شيبني.        يلحنينه
★★★★★
حنانچ گبل  يجمعنه.  وبفي ضحكتچ نغفه
قصده الوكت  وافعاله   شمعة بيتنه  تطفه
وذياب السقيفه اتحوم  شر  گلوبهم صلفه
حقدهم من زمن غابر.  هذا الحقد موصدفه
يلزچيه.  شلون بيه.     يلحنينه
يوم رحتي. من اديه.   يلحنينه

الشاعر حسن لعيبي الحريشاوي
294
الناشر احمد الفاطمي

19 Nov, 15:52

عن لسان المسمار يدافع عن نفسه في يوم الهجوم على بيت فاطمة الزهراء عليها السلام وكسر ضلعها الشريف (وزن الدارمي )

آه لوحچه البسمار   ون ومدامع صار
آه لوحچه البسمار
★★★★★
شعنده ذنب ونگول    ياذنب عنده
والسبب ظالم عال      حيل وتعده
الدافع عليها الباب     متعدي  حده
لونسئل البسمار          ونتاني رده
چا بَيَّن المسئول
عن الجره  ويگول
آه لوحچه البسمار
★★★★★
يدعي الله البسمار  يجعلني ذره
لوانطوي ومكسور  ماعندي قدره
ولابيه يندگ باب      لحد يسمره
انا وي باب الدار  من صرت عثره
ماينتهي الموضوع
ويحچي بألم موجوع
آه لوحچه البسمار
★★★★★
يشكي بقه البسمار   من  هلخيانه
علخانوا المختار       وين الامانه
ريت انا وسط الباب ماچنت آنه
الاذه الزچيه يعيش    كون بمهانه
أيام وليالي اطوال
يشرح عذاب الحال
آه لوحچه البسمار
★★★★★
متعذب البسمار مايحمل اعتاب
وماخجل ظالم يوم  من دفعة الباب
طبع الردي الغدار  متهمه الاسباب
ماصدگ البسمار   بالضلع تنصاب
شافاها من اطيح
روحي فداها يصيح
آه لوحچه البسمار
★★★★
لوينطق البسمار  يوم الرزيه
گال ادفع الكلفات  عن الزچيه
ولوعندي  أدين اثنين ادفع بأديه
ادفع ظلم هلگوم  اهل الرديه
يفضح نوايا الگوم
وبيهم يزيد اللوم
آه لوحچه البسمار

الشاعر حسن لعيبي الحريشاوي
228
الناشر احمد الفاطمي

19 Nov, 15:52

لاستشهاد الصديقة الزهراء
عليها السلام (وزن الحدي )

لوتقره تاريخ الظلم
ليش ام حسن ماتت هظم

اقره شكثر عنها  انكتب
لودورت تلگه  السبب
ليش ام حسن ماتت هظم
★★★★★
تريد الدليل المختصر  
من الحوادث والسَّيَر
اقره وتمعن بالخبر   
ليش الوصي عن البشر
اخفه الگبر عن كل نظر 
لامن علامه  ولااثر

ياصاحبي ماكو عجب
لودورت تلگه السبب
ليش ام حسن ماتت هظم
★★★★★
چم كاتب الخط وكتب 
منها ولاحگ  انسلب
محد دفع باب وضرب  
ولاواحد الْجَمَّع حطب
كلهم اهل غيره وحسب 
كلهم صناديد العرب

للزهره مارفظوا طلب  
لودورت تلكه السبب
ليش ام حسن ماتت هظم
★★★★★
تگول الكتب يمها اجوا  
هلوَّا مدامعهم بچوا
شعدهم ذنب لمن لفوا     
لمن لفوا  واتعذروا
لازم ذنب ضدها جنوا 
وحقوق من عدها خذوا

يعني اكوا حق انسلب 
لو دورت تلگه السبب
ليش ام حسن ماتت هظم
★★★★★
رايد دليل على الحقد
وعلى الخوافي من القصد
مكسورة الخاطر ترد  
والعمر شتله  وينحصد
من ماتت بعمر الورد    
غير الجريمه شتعتقد

نور السمه يوم انحجب 
لودورت تلگه السبب
ليش ام حسن ماتت هظم
★★★★★
كل الادله الحاسمه  
تشهد عليهم والسمه
مظلومه ماتت فاطمه 
منها الظلوع مهشمه
عند الله باچر محكمه 
يحاسب الزمره المجرمه

لاسلطة تنفع لاحسب 
لودورت تلكه السبب
ليش ام حسن ماتت هظم

الشاعر حسن لعيبي الحريشاوي
216
الناشر احمد الفاطمي

16 Nov, 09:52

في حق الزهراء. ع

كعدت ويه الزجيه كعدت وداع
وباجر من يجينه حزن وضياع
عباره بدمع خطينه
نموت ويبقه ماضينه
حبيبين

-----------------
نخاف من باجر يجينه. بيه مصاب وحسره
الفركه ماتنحمل تكتل. من تروح. الزهره
سولفينه هموم عدنه. وجرح بينه شكبره
الكعد وي محبوبه ساعه. هذا حضه شكبره

حرام يموت حب بين عشاك
وجرح البلكلب يلجمه الفراك
كلمن دمعته بعينه.
نموت ويبقه ماضينه
حبيبين

------------------
كلمن اصوابه بدليله. والزمن مايرحم
الينكسر كلبه ويه ضلعه. بحسرته يتئلم
الماي لو مني تبده. ادري بيه مايلتم
ياحسافه سنيني راحت. ومحب عايش بلهم

ليش الزمن بينه بكيفه يختار
خذه مني الزجيه شمعه الدار
ذبحت احله ليالينه
نموت ويبقه ماضينه
حبيبين

--------------------
عيون محبوبي اصدهن وبيهن هموم وحجي
ثنينه نبجي سويه. وما نبطل منل بجي
حيل مالومه الزجيه. من ظلعه تنتجي
باجر يسافر حبيبي. يروح عني ومايجي

يضل بس الحزن والحسره ونوح
مثل الطير من تشوفه مذبوح
تروح اجمل امانينه
نموت ويبقه ماضينه
حبيبين

-----------------
بزينب توصي الزجيه. وبلحسين وبلحسن
ذوله همه اعزاز كلبي. ولهم اظلوعي انحنن
ياعلي عينك عليهم. منل مصايب لو لفن
انته امهم ونته ابوهم. وانه ايامي انتهن

برحياي انته بعدي ادري تحتار
ولدك من عفتهم كلهم ازغار
سهام الفركه ترمينه.
نموت ويبقه ماضينه
حبيبين

----------------------
كامت بحسره تلي. لو متت غسني
بليل ياحيدر اريدك. بلكبر ادفني
انه اوصيك بوصيه ابد لتفاركني
الموت ارحملي يزهره. لو رحلتي عني

احس بكلبي بعدج صار مفطور
وكام الوكت بيه يفر ناعور
نار الهجر تجوينه
نموت ويبقه ماضينه
حبيبين

--------------------
الخادم
رحيم الصالحي


@
21
الناشر احمد الفاطمي

16 Nov, 09:49

كأني بالملائكة يخطابون امير المؤمنين ع

كلميني... كلمة طلعت من يتيم بحرگته
كلميني… احسين ابو اعيون الحنينة بچّته
ياعلي عن الجسد .. وخّر اولادك بَعد
~~~



حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه

كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي
~~~~~



اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة

كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~



هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها

كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~



بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة

كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~



وگطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها

كلميني… انتي مو مالة جنايز انتي الي
كلميني… من تنهَّد عالچفن بچّه علي
والدمع للرب صعد .. وخّر اولادك بعد
ياعلي

~


حسين أمة شَيله شَيله بريته حاسبها
شفته متعوده اعله اديها اتصلي ويحبها
ينغمي اعله امه بگبرها وحيدر اينبها
بلّحد كلما يحطها بيده يسحبها

كلميني… عش حمامة بيتچ امتّرس نِشِد
كلميني… افراشچ ابيتچ اشعندچ باللحد
لأمة حنّان الولد .. وخّر اولادك بعد
ياعلي
~~
علي هادي الخزعلي
27
الناشر احمد الفاطمي

16 Nov, 09:47

على الزجية واه ويلاه
ــــــــــــــــــ
شافت ألم ما شايفة انسان
ومن العذاب أشكال والوان
قران يمها ويقرة قرآن
وابتدت قصة نار الاحزان

قصة وألم لا مانسيناه
ــــــــــــــــــ
ونت وناحت بين الاثنين
مابين صدر الحسن وحسين
وحيدر ينشف دمعة العين
وزينب قلبها ابين نارين

ضلع وضلع والحرة تنعاه
ــــــــــــــــــ
بالحجرة يمها بحسرة يبجون
يازهرة الله الكل ينادون
تخلص الدنيا بغيرج شلون
مايسوة بعدج يمة هالكون

حنيتج الكون العرفناه
ــــــــــــــــــ
ساعات لنها وفاضت الروح
وكل الملائك تبجي وتنوح
مسموم يمها ويمها مذبوح
وزينب وحيدر بين الاجروح

يازهرة صيحة ويا حسيناه
ــــــــــــــــــ
غطة الزجية بذاك الاوشاح
وشال الحبيبة بحسرتة وراح
وتعالى عل التابوت الاصياح
مات الصبر وتأذت ارواح

موقف صبر والدمعه مبجاه
ــــــــــــــــــ
غسلها حيدر من الادموع
وايدة بحزن مرت عالضلوع
ويلاده فاطم ذبلو شموع
ياذي الفراق وهيجي موضوع

هذا الفراق الياذي والله
ـــــــــــــــــ
حيدر وولدة بألف يا ويل
شيع الزهرة بوحشة اليل
هيل ويشيع ريحة الهيل
حيل ووگع من عدهم الحيل

مو سكته اليشيع دريناه
ــــــــــــــــــ
ماي وتبدة اعله الأرض هاي
شيلمة بس لو ينجفي الماي
جربة بسهم وتبدد الراي
بفگد الزجية اليصعب هواي

ماي وتبدة وما لگيناه
ــــــــــــــــــ
بعد الممات وقصة الباب
ضل الجرح ليهسة ما طاب
غربة البدت من ذاك التراب
كبر الزجية بسر حزن غاب


مثل الإمام الغايب وياه
ــــــــــــــــــ
الشاعر زين العابدين الشمري
30
الناشر احمد الفاطمي

15 Nov, 20:27

ردات للتشييع الرمزي للسيده الزهراء سلام الله عليها



شلنه نعشها او يا وسف صرنه يتامه
بضلوعنه ايعيش الكسر حد القيامه
والله والله
هيهات ننساه
لحد ما يرجع المهدي ابسلامه




ريحانة الهادي ابحقدهم ضيعوها
وبليل اضلم تندفن ما شيعوها
ماخلو آثار
لا گبر ينزار
حتى ابلحدها يا خلگ هم لوعوها




يل شايل النعش ام حسن هونك عليها
مكسور من عدها ضلع وامصوبيها
بالنعش واتنوح
ما تحمل آجروح
بهداي نزلوها اللحد هل هلله بيها



تشييع رمزي الفاطمه الليله نقيمه
وانصيح ماتت من المها والهظيمه
عصروها بالباب
صابوبها بصواب
لو چان بجبال الارض طاحت سقيمه




طاغوت عصره والجبت واهل السقيفه
رغمن عليها انشيع الزهره الشريفه
كل عام كل عام
نرفعها الاعلام
وانصيح ثارچ فاطمه لا ما نعيفه




انشيعها وانسيل الدمع واندگ صدرنه
وانشيل نعش الطاهره ام المحنه
رايات واشموع
واحزان وادموع
حدما يرد المنتظر هاذه دأبنه




ابو فاطمة الطائي
200
الناشر احمد الفاطمي

15 Nov, 13:54

ضايع بالدنيا واجيت
مولاي هوايه خطيت
عن دربك والله جفيت
وهواي انغر
/////////////////
ذنوبي كثرانه وتيهت دربي
ضاهرا نفسه المشكله بگلبي
وامي كل ضنها خادم تربي
وانه مو گدها يصفه الك حبي

هلبت بيه الحر يفز وارجع ليك
واسمع من عندك كلمه تگلي متانيك
مااريد ابعد عنك لحظه ودمعي دليل
كل امنيتي ابقى وياك وماجافيك

امنيتي تگلي تعال
تتركني بوحدي محال
ارسم بعيوني وصال
واتمنى أكثر
////////////////////////
ليلى اخلصنه بغيرك اعذرني
ذنبي عاميني فدوه سامحني
اصحى من ذنبي سيدي امهلني
ابقى من دونك بلا ابو جني

لحظه بلحظه احسب لذنوبي ورايد اتوب
كون اليعشگ من گلبه يلاگي المحبوب
غرتني الدنيا هواي وعنك صرت بعيد
كلشي اذكر وكت الخلوه وذكرك يادوب

صحره ومحتاجك ماي
انقد من ذنبي الوياي
بس تأشر مولاي
اسكن بالبر
/////////////////////
الدنيا خلصانه وهل خلص عمري
بكلشي اذيتك والله ماادري
گلبي أنبني ونكتب قدري
من اگول اسمك ينحني ضهري

گلي بيا صحراء ادورك مااريد البيت
كون المح نورك مره هواي تمنيت
هاي الجمعه هواي اندبتك نص الليل
وانه من دموعي التنزل تالي توضيت

خلتني ذنوبي بعيد
لأجلك اعيشن اريد
حبك خله يزيد
مااريد اعثر
///////////////////
من وسط گلبي احجي وي گلبك
ادري واعذرني سيدي متعبك
بعتمتي اقبلني ودلني إثر دربك
والله هنيالي لو اصل حبك

بده دمعي يجف بگد ماصحتك وين
العين الماشفت نورك عميه العين
هلبت مره بجفك تمسح راسي واتوب
وهاي اللحظه اتمناها بشباج حسين

وياك اتمنى لقاء
دموعي لذنبي جزاء
أجمل مابلدعاء
عجل واضهر
///////////////////
انشد هوايه مثل المجدي
بس خبر منك ينسمع ودي
غيرك بهل الكون والله ماعندي
انه لغيابك دمعتي تبدي

طگ صبري وضليت انشد عنك دوم
يوم الماابجيلك بيه مااريده اليوم
ضليت اسأل حد ماملت مني الناس
ماتسوه الدنيا الماشايف بيها المعصوم

خليني بدربك اهيم
مااريدن كلشي قديم
وادري الگلب سليم
يمك يكبر
/////////////////////


امجد عداي الزيدي
330
الناشر احمد الفاطمي

15 Nov, 09:53

الدافن عزيزت روحه ... يادوه اليشفي اجروحه
الله يعين الفاكَد   .... مثلي امه يكثر نوحه
......
؛١

الدافن بديه أمه يعرف اشجاي اسولف
عمره يصير ابلا طعم ما داعي احلف
لا ليله ليل ولا نهاره يصير يعرف
طاري امه من ينجاب يمه كله يرجف

كَلبه يلزمه ابسرعه ... ومن عينه ينزل دمعه
التنذكر امه اكَباله .... مايدري يبجي ينعه

......
؛؛٢

كلمة اليمه اشكَد أمل بيهه ومحنه
الله يعينه الفاركَ امه ومشت عنه
تخلص حياته ابلا فرح ونه اعله ونه
وكلشي يموت ابداخله وايروح منه 

كل حلم جان ايتاني ...  ويصير واحد ثاني
الما يشم شيلت امه ... كل عمره يبقى ايعاني
.......
؛؛؛٣

ألفاكَد امه اتصير اله المكَبره حلوه
كل ليله يتعناهه شايل نعي يسوه
ما يهوه كل عيشه بعدهه موته يهوه
بلوه يناس الميته امه يعيش بلوه

ما تبقه عنده الفرحه ... بس حزن يلجم جرحه
يشطب ايام اسنينه ... وسيف الفراكَ ايذبحه
.....
؛؛؛؛٤

ألبيت اذا من عنده شالت أم حنينه
وحشه يصير وظلمته اتغطي المدينه
معذور كلمن ماتت امه يبجي عينه
أيشيع وراهه ايام عمره وكل سنينه

الشيع بديه غاليته .... اتروح ابعجل عافيته
ويصير ذابل عوده .... والوحده تترس بيته

......
؛؛؛؛؛٥

احسين انه الجاي اسولف يالحبايب
من ماتت امي فاطمه عشت المصايب
ثوب اليتم ما فاركَاني وكَلبي ذايب
وكل حيل ما ظلي بعدهه وصرت شايب

من عندي راحت امي .... وبس القهر ظل يمي
كل ليله ارش ادموعي ... ابحجرتهه انه وهمي 

....؛؛؛؛؛؛؛.........
✍️ كلمات موسى الخادم
224
الناشر احمد الفاطمي

15 Nov, 09:53

اتمنيت موتتنه سوه ...
مو واحد ايروح ويضل واحد
جنتي إلي ماي وهوه  ...
هسه اني ميت بس جسد كاعد
.........
من اول اليوم الدخلتي البيتي
ردت الي يا فاطمه عافيتي
عفتيني ليش الوحدي اويه احزاني
ياهوه الكل لحضه يطب الريتي

ضاع الهوه ... بعدج يمحبوبه
ضاع الهوه ... والريه مصيوبه
ضاع الهوه ... وانفاسي محسوبه

مخنوكَ بعدج يم حسن
وبحالي يعلم ربي اوشاهد

.....
جنت ادعي بسمج فاطمه الحنينه
واحد على الثاني يقسم اسنينه
موتته وحده جانت انه ابالي
ماكو اليعيش وثاني تغمض عينه


ردي علي ... يافاطمت حيلي
ردي علي ... يا صبحي ياليلي
ردي علي ... مو انتي كلتيلي

نعشين نطلع مو نعش
وروحي ويه روحج سوه تتشاهد


.....
يازهره ايام العمر حاجيني
ينطيج كَلبج وحدي اتخليني
احلامي طشرتيهه كلهه ابموتج
فتحيلي عينج يا ملاذ اسنيني

يافاطمه ...  اشلون اصبر ابدونج
يافاطمه ... فتحيلي اعيونج
يافاطمه ... ايتامي يردونج

زينب والحسين وحسن
عالخد دمعهم عيني اتشاهد
......
اتذكرين كعدتنه سوه ياروحي
جنت انسه بيهه اهمومي وانسه اجروحي
يا ذنب سويته وتركتي ادياري
عفتنيي ليش وعالي بعدج نوحي

ياسلوتي .... روحي اشيسليهه
ياسلوتي ....بعدج اهم بيهه
ياسلوتي .... ناري شيطفيهه

مهدود حيلي ابموتتج
بس نفس بعدج نازل وصاعد

......
يم عشرت الحلوه اشيصبر حالي
والدار من نورج يصبّح خالي
كلشي ابحياتي حاسب انه احسابه
بس مال ادفنج بيدي موش ابالي

كلشي انتهى ...بعدج يفاطمتي
كلشي انتهى ... من بالكَبر نمتي
كلشي انتهى ... مت انه من متي

من نزليتج للكَبر
كَالتلي روحي اوياك لا مارد
......
بعدج علي مو عمره موته ايتاني
شله ابحياته المات نصفه الثاني
ما دافنج والشيب اكل كل راسي
اتصدكَين ما اعرف صدك هذا اني

ماجن علي .... شايب صرت شُوفي
ماجن علي .... موتج اخذ شَوفي 
ماجن علي .... عوفي الكَبر عوفي

عايني الحالي يم حسن
كبرني موتج والفكر شارد
............
✍️ كلمات موسى الخادم
287
الناشر احمد الفاطمي

15 Nov, 09:53

البجفوفه قالع خيبر .... ما يصعب اعليه عسكر
لومه الوصيه كَيدت جفينه
جا ماكو واحد يوصل ام حسينه
.......
؛١
مشهور حيدر بالمعارك أسمه
اليدناله يرجع على طوله امدمه
المن سيفه فر ربعه تحسبه زلمه
جا غير حيدر هوه ياهو ايلزمه

ما تنجرع سطراته .... الاول علي بصولاته
ما واحد ايردهه سَطرت ايمينه
لومه الوصيه كَيدت جفينه

......
؛؛٢
تتراجف اكَباله الزلم بالحومه
والشاهد ابن العاص ذب اهدومه
كل صوله يدخلهه علي محسومه
اليدخل نزال اوياه آخر يومه

حيدر جبيره اصروحه .... اليدناله بايع روحه
كبل المنيه ايشوف موته بعينه
لومه الوصيه كَيدت جفينه
......
؛؛؛٣
فارس عظيم اتهابه كل عدوانه
يا ويلهم لو سرفناهه اردانه
ماغيره بالكلفات يصرخ انه
وبركَاب خصمه ما خطه نيشانه

ضرباته ميثنيهه .... كلهه تسولف بيهه
متعجبه بيهه الدنيه كَبل اسنينه
لومه الوصيه كَيدت جفينه
.......
؛؛؛؛٤
حيدر مثل بركان تلهب ناره
مايسكت اعله العيله ياخذ ثاره
لومه الوصيه محد ايطب داره 
خيبر يعيده ابيمنته وبتاره

لو صاح حيدر اني ... لا أول ولا ثاني
يتجره يكسر ظلع ام حسينه
لومه الوصيه كَيدت جفينه
.......
؛؛؛؛؛٥
ينعد بلف فارس علي بصولاته
أتلثميه موش بعينه وي سطراته
لو ما نطه احجايته الصاحب ذاته
جا كَلب كون الله علي بحملاته

لو ما نطاهه اوعوده ... محد يصل لحدوده
زلمه كلف حيدر علي والينه
لومه الوصيه كَيدت جفينه
......
✍️ كلمات موسى الخادم
361
الناشر احمد الفاطمي

15 Nov, 09:53

جريمةًُ لا تُغتَفرْ  .... تَبكيها عينُ المُنتظر

     .......
يا جريمه... المنهه تجري ... عيون مهدينه دمه
امصيبت الطف ... لو مصيبت ... أمه أمه فاطمه

انه اعتقادي يجري دمه اعله اثنين
مصيبت كسر ظلع الزجيه واحسين
يوميه عَصرت فاطمه اتشوف العين
ويوميه مقتل ينعرضله مرتين

جريمةًُ لا تُغتَفرْ  .... الموتُ فيها قد حَضر


......
ايساعد الله ... كَلبه كلبه ... أشكثر شايل هضم
ماكو مثله ... حزن شايل ... حزنه واصل للعظم

ليل ونهار المهدي عايش بمصاب
ما راحه شاف ابدنيته وصار اتراب
يبجي على الصار وجره للأحباب
ويوميه بيده للحزن فاتح باب

جريمةًُ لا تُغتَفرْ ... مَنّ أنكرَ الظلعِ كَفر

.......

كبر صبره ... كد سنينه ... يا كبرهه محنته
مدري يبجي ... الكسر امه ... مدري يبجي العمته

ألمثله ميت ما يعيش ابهل حال
حمله ثكيل وما تشيله الأجبال
وبعينه ظل امن الدمع بس اوشال
وعمر انتظاره للفرج بالهم طال

جريمةًُ لا تُغتَفرْ .... قد أورَثت حُزنَ القَدر

.......

ياهو عايش ... مثله غربه ... وشايل ابكَده محن
حقه يذبل .. غصن عوده .. نوحه دايم لام حسن

شاب ابعمر شاب ابسبب حركَ الدار
واكبر جروح ابداخله امن البسمار
وامتاني يايوم الفرج يوم الثار
بعيونه ينظر كل وكت ذاك الصار

جريمةًُ لا تُغتَفرْ .... للظالمينَ لا مَفر
.........
✍️ كلمات موسى الخادم
221
الناشر احمد الفاطمي

15 Nov, 09:53

شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون

اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل

كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي

عالي نوحي  .. ودعتهه ..  عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين

جاري  دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح

هذا حالي ..  من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم
201
الناشر احمد الفاطمي

15 Nov, 04:40

(موشح) للزهراء عليها السلام


إليا مدى البسمار لمّن صابها
ومثل طبگ كتاب طبگو بابها

_ ١ _

المثل فاطم كارثه گالوا وإن
عليها مثل المطر ضل يجري الحزن
باب من اجذوع وثگيلة وزن
انطبگت ومحسن وگع بعتابها

_ ٢ _

انطبگت عليها ونزف دم الصدر
وبين سوط ونار وصياح وعصر
ما تحس إله وچفنها منسطر
ومن صدرها للجدام اخضابها

_ ٣ _

من صدرها بعد متشم الهوه
وعينها من اللطمه مابيها ضوه
تعب حيدر كثر ما دور دوه
لفاطمة وما صح دوة لصوابها

_ ٤ _

الفاطمه حيدر يجي بدمعه ويرد
ايصل عليها الضلع لو صار البرد
لحد ما ماتت وهي بعمر الورد
ماتت الزهرا بعز اشبابها

_ ٥ _

ماتت الزهرا ومحمرت العين
والحسن شابگ نعشها والحسين
نادت الأملاك نحي الحسنين
يا علي عن فاطمه وثيابها

مصطفى الشافعي
301
الناشر احمد الفاطمي

15 Nov, 04:40

(گعده) للزهراء عليها السلام


بالمغتسل وتلمست ضلع الحبيبه
الله يعينك يا علي بهاي المصيبه
بيتك طفه بدره
من غابت الزهره
الله يعينك يا علي بهاي المصيبه

_ ١ _
صارلك أيام وانته فاطمه ما تدري بيها
ليش محنيه ونحيله وگوه تتحرك اديها
الصدمه عالمغتسل صارت من اجت ايدك عليها
حست جفوفك بالضلع
وشاهدت آثار الصفع
تنحيت واجريت الدمع
وما ترد من تحاچيها

كاعد تون يابه الحسن مكسور ضهرك
انت التصبر عيلتك ياهو اليصبرك
گلبك منو يصبره
من غابت الزهره
الله يعينك يا علي بهاي المصيبه

_ ٢ _
عين حمره متن ازرك صدر نازف من شفتها
سكته ماتت يبو الحمله من مشت ما ودعتها
والمسافه لحد بيتك يعينك الله من عشتها
بصف بيتك المسجد لجن
شو طولت يابه الحسن
جدامك هواي تعثرن
كوه الأنفاس شهكتها

هاي المسافه يا علي جن مستحيله
من المسجد لحد فاطمه صارت طويله
بكل خطوه جم عبره
من غابت الزهره
الله يعينك يا علي بهاي المصيبه

_ ٣ _
صحت للحسنين كومو يا علي بأفجع مسيه
حنان مو مالت وداع ولا حمل للفرگه هيه
من الكفن مدت اديها وشبگت حسين الزجيه
حركها ما اظن ميته
توها ابو اليمه شبگته
ومسحت بجفها دمعته
بينهم ماكو منيه

ام الحسن موميّته يمكن بعدها
منين اكو ميته من الكفن تشبگ ولدها
الموت اختلف أمره
من غابت الزهره
الله يعينك يا علي بهاي المصيبه

_ ٤ _
ما ترد فاطمه لبيتك سلمت للباري أمرك
وانت لو بيدك يحيدر تنطي لام الحسن عمرك
صبرك يكفي العوالم بس نفذ للزهره صبرك
محد يكسرك بالحرب
بس هسه مكسور الگلب
واريت فاطم بالترب
بيها الله يعظم أجرك

ما تدري واقع لو حلم خلصت حياتك
ويه ام حسن نفس اللحد رايد مماتك
كسرك منو يجبره
من غابت الزهره
الله يعينك يا علي بهاي المصيبه

_ ٥ _
يا علي بليل الاظلم فاطمة تواري جسدها
شرادت بهاي الوصية القبر تخفي قصد عدها
جنازة الرحمة ميحضر بيها ذاك الصفع خدها
واريت خدها عله الثرة
وصفعة الخد يا حيدره
تلجم خدود الطاهره
ماتت وتنزف بعدها

تراب الگبر يابه الحسن يلچم ضلعها
وليلة الوحشه بدمعتك تطفي شمعها
تتنفس بحسره
من غابت الزهره
الله يعينك يا علي بهاي المصيبه

_ ٦ _
بيت مابيه الزجيه مقبره يصير اعله اهله
ومن بعد فاطمه ما ضل دمع بعيونك تهله
فاطمة ماتت عليله وبيها ما طابت العله
اثمنطعش عام من الحزن
راحت ومحمر الجفن
وازرك يبو حسين المتن
صار كالدملج عضدها من أثر ضربات قنفذ

مصطفى الشافعي
246
الناشر احمد الفاطمي

15 Nov, 04:40

يا إلهي.. گلبي شيصبره
يا إلهي.. ماتت الزهره
بعد ماريد العمر
روحي دافنها بگبر
ماتت الزهره

_ ١ _
مفتاح الصبر عندي بس اليوم ضيعته
من دفن ام حسن رديت گلبي يسولف بونته
هذا اليوم ماكو إنسان مثلي الدنيا ظالمته
كل الشافني يسأل علي لو مو علي انته

هذا اني.. هيج متغير
هذا اني.. شعجب متحير
بيوم كبران شكثر
روحي دافنها بگبر
ماتت الزهره

_ ٢ _
انحنيت وكثر بيه الشيب وجهي منخطف لونه
تعرفه الفاگد مبين سوالف فرگه بعيونه
اليمشي ويعثر بلا لون لحد يسأل شلونه
شال بمتنه مو تابوت شايل روحه بمتونه

الدنيا كلها.. مظلمه شبيها
الدنيا كلها.. الزهره مابيها
ليل ما بعده فجر
روحي دافنها بگبر
ماتت الزهره

_ ٣ _
نحيله الزهره ادريها بس من شيعتها بليل
گوه شايل التابوت الجبل ماظنه هيج ثگيل
أول مره ياربي احس بروحي ماضل حيل
غفيت من التعب يمها قبل ما أكمل الترتيل

يم گبرها.. نامت عيوني
يم گبرها.. خل يدفنوني
ايفيدني بيش الصبر
روحي دافنها بگبر
ماتت الزهره

_ ٤ _
رجعت الداري گوه امشي الهموم عليه ملتمه
الدنيا بلايه ام حسين عبرت مرحلة ظلمه
البيت بلايه ام البيت كل أركانه متهدمه
لحد ما ماتت الزهره عني اخفت اللطمه

عني جانت.. تخفي سطرتها
عني جانت.. سكته ونتها
تريدني ما انكسر
روحي دافنها بگبر
ماتت الزهره

_ ٥ _
يحتار الوصف وياي جبيره بداخلي الحسره
اعز انسانه بالدنيا ادفنتها وبالضلع كسره
ماتت بالصدر بسمار ماتت عينها حمره
زهره بدارنا ماكو بقت بس سبحة الزهره

كلشي رايح.. ريته وياها
كلشي رايح.. يشتكي لطه
ينچوي مني الجمر
روحي دافنها بگبر
ماتت الزهره

_ ٦ _
راحت والعزيز يروح ما يتأخر هوايه
وبقيت ادخل لحجرتها وابجي اعله المصلايه
كتاب الله عليها ينوح آيه ونّت الآيه
ولحد الان بالبسمار ظل من فاطمة دمايه

ذكرياتي.. مؤلمه ابيتي
ذكرياتي.. تخنگ بريتي
ابيتي ماريد استقر
روحي دافنها بگبر
ماتت الزهره

مصطفى الشافعي
269
الناشر احمد الفاطمي

14 Nov, 21:34

راجع _ تتوجه اعله الحيطان
راجع _ جنازه وعوزك دفان
راجع _ ملثم حزنك بالشيب
//////////////////////////
اهواي تتلفت اشوفك ..... تعبن اعيونك
تفكر بولدك اعرفك ..... من يلاكونك
وانته ابو الايتام حيدر ..... مو يسمونك
كبال عينك صار بيتك ..... وانخطف لونك

دافن _ وتابوتك فارغ جاي
دافن _ بعيونك حجي اهواي
دافن _ جرحك مااظنه يطيب
//////////////////////////
مصيبتك كلش ثكيله ..... والله مالومك
دمعك الباجي عليهه ..... مبلل اهدومك
حيدر افراك الزجيه ..... غير ارسومك
ياكمر ظليت وحدك ..... غابن انجومك

حيدر _ فراكك بااول ساعات
حيدر _ وجدمك شابع عثرات
حيدر _ وسفه العاشرته يغيب
//////////////////////////
هاي اول مره تنحب ..... مرتبك وضعك
هواي تتلمس اشوفك ..... حيدر بظلعك
شبيهن اظلوع الزجيه..... وما نشف دمعك
عالي ونك وانته تحسب..... محد يسمعك

تكلي _ شحجيلك ياسلمان
تكلي _ مشينه لبيت الاحزان
تكلي _ وغير ادموعك لتجيب
//////////////////////////
غسلت روحك بديتك ..... همك شكبره
تراب ذبيت اعله راسك..... ماتت الزهره
روح طب اشتم عطرهه..... تارس الحجره
صعبه من تحجي ويه واحد..... نايم بكبره

غربه _ بعيونك حلمك مات
غربه _ وكل جيرانك شمات
غربه _ طكات الدنيه تصيب
//////////////////////////
ادري اليفارك خليله ..... ينهدم حيله
قالع البيبان صعبه ..... انه اتجيله
بذكرياته يبقه يفتر ..... من يجي ليله
الرحمة الله الراح منك..... الفاتحه اهديله

صبرك _ يالدافن ام حسين
صبرك _ بجيك يعميلك عين
صبرك _ الذكره تعذبك تعذيب
//////////////////////////
خايف اعليك اعله ساعه ..... رويحتك تطلع
زينب اتانيتك تدري ..... ياعلي ارجع
اليوم حزن الدنيه كلهه ..... ابابك اتربع
كسرتك فرحت شماته ..... وفرحو اتوقع

حكك _ راجع حيلك متعوب
حكك _ بنص دلاالك مصيوب
حكك _ ظنونك بالفرحه تخيب
//////////////////////////
تمت ____ علاء الزيدي
292
الناشر احمد الفاطمي

14 Nov, 12:14

يايمة... يزهراء.... يا يمة..... يزهراء
////////////////////////////////////////////////
زينب انه يا يمة
جيتج مسرعة بهمة
گبرج ردت أنه اشتمة
هضمه روحتج هضمة

صورة ضلت بالي .... نيران وحرگ عالي
واسمع فضة أدركيني.. وطاح المحسن الغالي
يا يمة.... يزهراء..... يا يمة... يزهراء
////////////////////////////////////////////////
ليل فراگج بروحي
زيّد همي وجروحي
عگبج ما هده نوحي
واحزاني الج توحي

اعاين كل مسه علباب ... واتنطر يجوني احباب
لا امي ولا محسن... راحوا والگلب عطاب
يا يمة... يزهراء... يا يمة... يزهراء
///////////////////////////////////////////////
أفگد طولج بكل ليل
شيصبره العزيزة يشيل
يا حيل اليشد الحيل
شلال الدمع ويسيل

اشتم شيتلج يمة ... لچمة بالگلب لچمة
يا حزن الكلب ما هاد.. من ضلعج نزف دمة
يا يمة... يزهراء.... يا يمة... يزهراء
////////////////////////////////////////////////
يمة لطولج اشتاكيت
يالطولج يحلي البيت
احن لكعدتج وبجيت
تانيت شكثر تانيت

كسرة ضلت بروحي ... زادت همي وجروحي
معقولة بلا تشييع؟ .... يكون ولا هده نوحي
يا يمة.... يزهراء.... يا يمة...... يزهراء
////////////////////////////////////////////////
علباب اوكف بتعبي
وعيني عالدرب تربي
نار ومشتعل كلبي
ادعي بكل مسه ربي

بلكت لن حلم موتج .... واسمع زينب بصوتج
ولا اكو عصره لا نيران... ولا ينشال تابوتج
يا يمة... يزهراء.... يا يمة.... يزهراء
//////////////////////////////////////////
الشاعر السيد احمد النوري
388
الناشر احمد الفاطمي

14 Nov, 11:14

رايه لازم بالسمه اتضل تنرفع
يا لثار الماتت بكسر الضلع
ـــــــــــــ
الرايه حمره وترمز الذاك الدمه
دم ضلوع من العصر متهشّمه
المهدي يكتب يالثارج فاطمه
وصرخه مابين العوالم تنسمع
ــــــــــــــــ
الثار يبقى ومايطيح وينّسي
من عذابه العصر فاطم يحتسي
والروايه بأيده خطها المجلسي
البغض فاطم ماله دين ولا شرع
ــــــــــــــــــــ
اللاذت بسد بابهه يعصروهه ليش
ايد مجويّه وترد الباب بيش
هيج بيها يصيح ياعالم عليش
فوكَ خدهه شلون فاطم تنصفع
ـــــــــــــــــــــ
يا الاهي دوم عالثاني اللعن
السمع خلف الباب فاطم تمتحن
رغم هاذي وكَالهه بصوته وأن
بين باب وحايط امست تندفع
ــــــــــــــــــ
ناس ماعدهه ابد ذمه وضمير
رغم عصر الزهره جتفوه الامير
بالوصيه المرتضى اصبح اسير
وفاطمه اعله الصار بس تجري الدمع
ــــــــــــــــــــــــــ
الثار يابو صالح انريده بعجل
وندري بس بطلعتك هذا الامل
دوم مو بس بالجمع صحنه العجل
حتى وياّك اعله نهج ننجمع
ـــــــــــــــــــــ
الشاعر محمد حسن ضيغم
356
الناشر احمد الفاطمي

14 Nov, 05:01

#استشهاد_ فاطمة الزهراء عليها السلام
قصيدة بعنوان( جروح فاطمة ) النص وزن الهجري

جرح نزفت من ظلعها
والألم بيها عذاب فاطمه

●●●●●■■■■■●●●●●{{1}}

عاشت اهوال المصيبه وما نشف صب الدمع
من اثر دفعت معادي منكسر منهه الظلع
من وره الباب اعصروهه ومنهه محسنهه وكع
من عدوهه خدهه احمر باقي اثاره الصفع

ظلت ابيا حاله هيه
طايحه ابعتبت الباب فاطمه

●●●●●■■■■■●●●●●{{2}}

بالالم والوعه عاشت وتجري دمعتهه الطهر
تنادي يافضه تعالي مني ظلعي منكسر
اتمنت الحامي يجيهه ايغير اوجود الامر
خابت امال البنتهه من وكع منهه العمر

دمعه حمره منها تنزل
وتدعي بايات الكتاب فاطمه

●●●●●■■■■■●●●●●{{3}}

تجري دمعتهه الحزينه والجفن جرحه الم
حتى حيدر المحامي منهه جتفوا الظلم
ظلت اتنوح المصايب والقهر بيهه وهظم
وظلت اتنادي اتركوا ابنه عمي الشهم

ادعي ربي وبدعائي
وكشف الربي الحجاب فاطمه

●●●●●■■■■■●●●●●{{4}}

لن اجه سلمان ليهه من علينه محزمه
يكلهه حيدر والله سالم لا تخافي فاطمه
من يمسه نزلي ايدج وبدعائج عالمه
لا تظل ارض او مراسي ولا كواكب لا سمه

طلعت ادافع الحيدر
وشافت انواع الصعاب فاطمه

●●●●●■■■■■●●●●●{{5}}

تنضرب بالسوط عمدن وحركوا الدار ابحطب
منهه ياموقف تشرحه شرحه ما تكدر صعب
امه ضد حيدر غدرهه ماله واصف ياعجب
والوصيه والمبادئ كيدن حيدر عتب

وسفه حماي الحميه
هوه والزهره ابمصاب فاطمه

●●●●●●●●●●●●●●●

الشاعر الحسيني حسن جاسم الطائي
388
الناشر احمد الفاطمي

14 Nov, 04:26

فاطمه الزهره شعظم مقدارهه
سر الهي تكون باسرارهه
____
سر الهي بفاطمه الزهره چبير
المنه يعرف لو جزء كلش زغير
فاهم بكلشي العرف عالم يصير
العرف لو بس حرف باثارها
_____
العرف لو بس حرف حظه عظيم
باسم فاطم يصبح اليعرف عليم
رحمة صارت للبشر من رب رحيم
بحرف بس من فاطمه واخبارهه
______
بحرف بس من فاطمه صار الوجود
الله سبحانه بعطف فاطم يجود
شلون تالي أهل الحقد واهل الجحود
شبت اباب العرش من نارها
______
شبت اباب العرش نار الحقد
شلون صارت نار عالجنه تهد
وواگف الشيطان يم سورة حمد
وفاطمه الايات كلهه بدارها
______
فاطمه الايات  كلهن والسور
الفاتحه و مريم وايات القمر
والفلق والناس والحج والبحر
سر الهي وغاشم الي جارها
___
سر الهي وغاشم الهاجم عليه
تبت اتباعه وبعد تبت اديه
الهاجم اباب الاله وسر نبيه
باجر اجهنم يصير احجارها
___
#حسسن_علي_الياسري
294
الناشر احمد الفاطمي

14 Nov, 04:26

الفاطميه
.
.
.

 آ  يالبــاب ومــصابه .. والدمــعات سچــابه

------

خشب بس من صرت يمهم سمعتك صارت اشگدها
الـدار الكـَــبرت اسمـــك .. الفــضل يرجــع السيدها
والســـوه ألـك معـــروف .. مـو بالشـــين اله اتردها
وراك شـــلــون ترضـــاها .. الزچـــيه ينسطـر خدها
الصاير شنهو اسبابه .. والدمعات سچابه

--------

يبـــاب وقـــالع البـــيبان .. ملـح اچفوفه ماغزر
يناكر عــشرة اهل البيت .. يـملـــوع گلب حيدر
الاكبر مــنك بقاطـــات .. حــيدر قالعــه بخيــبر
شگلت من اسمعت انته .. بگفاك اضلوع تتكسر
الزهره اتصيح يايابه .. والدمعات سچابه

-------

ابمدينة يثـرب البيبان .. حاسدتك لـون تعلم
يالصاير جزء من بيت .. جــبرائيل بيـه ملزم
ستر الله بعظـــمته لاذ .. خلف وانته مامهتم
عجيب امرك يهذا الباب .. الطـشرته فلا يلتم
حيدر يوجع مصابه .. والدمعات سچابه

------

الخشب نوعيـن معروفه .. لو مذموم لو محمود
واحد بيـــه نجــه موسى .. واحد وَجــره نمرود
يمــن نوعيتك امخـلـيه .. گلب المرتضى ممرود
يالخـليته كـــل عمره .. اثيابه امن المأسي سود
لمن فارگ احبابه .. والدمعات سچابه
------

يالكاسر اگلــوب اطفال .. واحدهم جرح عمره
واگف انته مدري شلـون .. يمبـدي الورد عطره
محروگ انـته بالــظاهر .. اواحدهم يوج جمره
يباب اشگلت للاطـــفال .. لمــن طاحت الزهره
يبو حچايات لهابه .. والدمعات سچابه
------
حيدر تركي الكربلائي
229
الناشر احمد الفاطمي

14 Nov, 04:26

الليالي الفاطميه
قصيده گــعــده
وتقرء لطــم

.
.
.

يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع

------------------------

عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره

مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع

------------------------------

ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه

ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع

--------------------------------------

أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه

بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع

---------------------------------------

يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح

بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع

----------------------------------

الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح

بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي
246
الناشر احمد الفاطمي

13 Nov, 22:38

#أهوازيه.(لسان حال الزهراء مع الحسين)
……………………………………………………………

يمه الباب صح اثجيل . رض ضلوعي بس مره
بس صدرك صبح ميدان.خيول الداستك عشره

……………………………………………………………


صح بحشاي طب بسمار . لاح الگلب والريه
صار الهوه ابثگل اجبال . ادور النسمه ماهيه
بس سهمك فتح شلال . من مگفاك جاريه
اصوابات امك أگليلات . وانت الف و تسعميه

ارماح انشتلت ابجسمك
حمره سيوف من دمك
ابجسمك مامش الها امجان . طبره الها ابطن طبره

……………………………………………………………


ثجيل الباب من اجذوع . رض اعضامي احسّنّه
قياسا ويه ذيج الخيل . اخف امن الگطن وزنه
رحه وصدرك الحنطات . يفترّن يطحننه
مثل اذراوة المرواح . فوگ الگاع ذرّنه

حديد الحافر و يلهب
وجسمك عاري و مسلب
يعني السحگه وذرة اتشيل . وتحفر بالجسد حفره

……………………………………………………………


محسن عمره طاسة ماي . گبل الشرب واتبده
بس ماحله ابعيني ارسوم . ولا ناغاني ابمهده
اوليدك وجهه كوكب نور . ملاك ابهيئة الورده
كون اوسادة من الريش .  موش اعل الترب خده

بيض وتزهر اهدومه
انصبغن حُمر بدمومه
جبيره النبله مال أكبار . ضاع ابنصها كل نحره

……………………………………………………………


عين امك غدت حمره . من گد صفعة الظالم
بس ع الاقل يمه حسين . راسي اعليه ظل سالم
وانت امعلگ اعل ارماح . بيه اتهوس الوادم
حديد الرمح لو هزوه . و يظل للنحر لاچم

حديد اعليه شمس تسطع
ابراسك يمه ظل يلسع
من كثر الشمس هالراس . سوده جروحه مو حمره

……………………………………………………………


صحيح اتشيّعت بالليل . ودفاني الفحل سكته
غسّلني ابسدر وبماي . اعليه الچفن لابسته
بس جسمك ثلث تيام . شمس الضهر حاركته
نحرك بالكبر مكشوف . ارمال اللحد تارسته

الماي ابحالك اشسوه
لا غسّلك لا روّه
اخر جلمة الك عطشان . محد شربك گطره

……………………………………………………………


جان اعدادهم ميتين . بالنار وحطب هجموا
خالد و الرجس قنفذ . اعليه ابسوطهم ضربوا
سبعين الف غير الخيل . اعليك وبالركض هدّوا
شي ذباح شي سلاب . وشي بذنك هلك شتموا

شي ظل يگطف احجاره
شي شايل بديه ناره
يگلك للخيم عنّاي . اخلي الحرم مستعره

……………………………………………………………


احنا أبامر مشتركين . دمعنه اعليه يتصبب
وحدّها وبديها احبال . ركبت ع الهزل زينب
اعليها السوط مثل النار . ينزل عالمتن يلهب
ابنص السوگ اخت عباس . بعالي اصواتهم تنسب

واعرف جرحت احساس
من اتعاين الراسك
سيف الشمر اهون جان . ولا من زينب النظره

……………………………………………………………
✍️ ( سيد خضر الزاملي )
27
الناشر احمد الفاطمي

13 Nov, 22:00

اركض اجيت ابلا وعي… .وام الحسن تنعه نعي

بعروگي جف دمي… ..واتعثر ابهدمي… طول الـدرب

★★★★★★★★

اركض اجيت ابلا عگل والدار منهوبه الدار

ابچي مثل بچي الطفل والبي يسكتون ازغار

محترگه عتبة فاطمة وبگلبي شيطفي النار

لمن وصلت المنزلي اهنانه صحت ياستار


ياربي طاحت فاطمه… .. چا المن امخلي السمه


جبريل اجه يمي……واتعثر ابهدمي… طول الدرب

★★★★★★★★


حافي اجيت اركض ركض والگاع مزروعه ارماح
بالمسجد اوجاني الخبر جبريل ناداني وصاح

شمتاني گاعد ياعلي والمحسن ابابك طاح

مرتاحه فاطم لا تضن والعدوا ابيته اومرتاح



جبريل اجه وجايب چفن… . كاتب عليه لم الحسن

اهنا تيهت اسمي…… واتعثر ابهدمي… طول الدرب

★★★★★★★★

غاب البدر من السمه ومن بيتي المحسن غاب


وتفرهد احجاب العرش من فاطمة طاح احجاب

هذا التراب ابني صبح وانه اليسموا ابو اتراب

وتفاجــئــت لمن شفت دم فاطمة ترس الباب


كون الله لا ينطي الرجس… ..بالحايط اموت الشمس

وبفاطمه همي… ..واتعثر ابهدمي… طول الدرب

★★★★★★★★


ظهري انكسر وانه الگبل بچفوفي مكسوره اضهور

يم بابي واگف منحني يشبهني سيفي المقهور

دم فاطمه ترس الارض ضلع السمه چن مكسور

وحسين وي زينب بچه واتخيلت حل عاشور


گتلهم اشصار وجرة… .گالولي امــنـــه امكسرة

ابيتي انذبح حلمي …… واتعثر ابهدمي… طول الدرب

★★★★★★★★


لا گتني فضه امفرفحه وگلاتلي ياوسفه وحيف
طبوا البيتك ياعلي وجبريل چان ايطب ظيف

ماتن اطرافي وسلهمت چن عايش ابعالم طيف

گالتلي عصروا فاطمه وگتلهم انطوني السيف


لچن ذكرت ابهالامر…… وصاني ابو الزهرة اشكثر

شصبر يبن عمي… ..واتعثر ابهدمي… طول الدرب

★★★★★★★★

لمن وصلت ام الحسن يمها انحنيت ابلا راي

وگتلها يافاطم وسف يم النهر يعطش ماي

وي كسرة اضلوعچ تره ايبين الكسر من مگفاي

اسعد بشر فوگ الارض عشت العمر وانتي اوياي


بس هسه روحي امحيرة… ..وحافي اطب للمگبرة

دمعي وصل جدمي… ..واتعثر ابهدمي… طول الدرب

★★★★★★★★




ــــــــــــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء
49
الناشر احمد الفاطمي

13 Nov, 22:00

لا تجفنها _ بويه تانيني
انده الزهره _ خل تحاجيني
تفتر عالوجوه حيرة حزنهه
شمسويه وظلوع مكسوره منهه
////////////////////////
رخي ياحيدر جفنهه _ شويه من جهت الصدر
امي متهشم ضلعها _ والجفن ياذي الكسر

تباوع بيهه وشو تندار
شلايح كلب امي البسمار
توقع حيدر شيضل بيه
اليوكع فوكاه باب الدار

هجمو اعليهه _ تخيل المنظر
لقوة العصره _ الحايط اتفطر
وارماد الجذوع عدله ودفنهه
شمسويه وظلوع مكسوره منهه
////////////////////////

حرمتك صفحت وجهه _ مورمه لطراف الجفن
تنلجم لو وسدتهه _ شلون رايح تندفن

شتغسل حيدر شتعوف
بوجه ام بيتك طبع جفوف
مطفييه من السطره العين
جانت بس بوحده تشوف

بويه ياجانب _ من توسدهه
اظلوع مكسوره _ ومنسطر خدهه
للمكبره تروح وازرك جفنهه
شمسويه وظلوع مكسوره منهه
////////////////////////

تلكت الباب بااديهه _ وانه كلبي ظل يدك
ثاري فوك المحسن ابنك _ جذع طايح محترك

صاحت فضه ركضي وياي
طفي اوليدي بطاست ماي
للحجره من ايدي اخذيه
انه الوحدي وهمه اهواي

تجوت الزهره _ شوف اصابعهه
توكف وشامت _ يجي يدفعهه
تكلب بالجذوع تدور اعله ابنهه
شمسويه وظلوع مكسوره منهه
////////////////////////

بويه فدوه اندهه اليه _ عندي وياهه حجي
احسب امن تشد جفنهه _ يعني اموت امن البجي

جانت كعده الزهره تنام
من الباب تخاف الاحلام
متفاجى حتى التابوت
راح يشيعله اجم عام

زينب ابدونج _ تعاني كللهه
ترضه بسنيني _ امي ابدلهه
ما يكدر الكون يعوضني عنهه
شمسويه وظلوع مكسوره منهه
////////////////////////
الرحه من تفرهه جانت _ صوت يطلع ينسمع
تدري توني اله عرفته _ ياعلي صوت الظلع

من تمشي تكض الحيطان
تضل تشهك شهكت غركان
بهاي الحاله تحاجي حسين
يوليدي خو ما عطشان

اليوم ياحيدر _ صبحت زينه
فده كللهه _ لا تخلينه
بلكي الله وتكوم تلمنه بحظنهه
شمسويه وظلوع مكسوره منهه
////////////////////////

موسم افراك الزجيه _ تميز ابموجت يتم
بويه بس يطلع نعشهه _ مايظل عدنه حلم

مايتعوض بويه الراح
المكسوره ظلوعه شيرتاح
لكبره الغالي من يروح
لايرهم باب ومفتاح

تدري ياحيدر// البرد ياذيهه
بهدمك بهيده// بويه غطيهه
امي من الالام ناحل بدنهه
شمسويه وظلوع مكسوره منهه
////////////////////////
تمت ____ علاء الزيدي
45
الناشر احمد الفاطمي

13 Nov, 22:00

ياموت اخذني وياهه // صعبه امي راح انساهه
من راحت امي ___ من راحت امي
////////////////////////////
بنص ذاكرتي صورة امي متعلكه
مرورتهه بلهاتي ظلت الفركه
مثل امي جذب بالدنيه راح الكه
شايف يم كبرهه تكتلك الحركه

ويصير انه تمنيته // كبر امي الي ياريته
من راحت امي ___ من راحت امي
////////////////////////////
يصير وياهه ابدل عمري وسنيني
الوي صورتهه احجي وما تحاجيني
عالتابوت شابك وشلت عيني
اخذني وياهه بعد المن تخليني

باليل اشم بثيابهه // كاسرني حيل اغيابهه
من راحت امي ___ من راحت امي
////////////////////////////
بحجرتهه امن افز بلكي الله الكاهه
بمكان التكعد امي الفاتحه اقراهه
اطب للبيت هسه متاني ملكاهه
ياموت انحرم من عدهه ترضاهه

فاجئني كلش موتهه // مشتاك اسمع صوتهه
من راحت امي ___ من راحت امي
////////////////////////////
الجنت ليليه انه اغفه اعله ريحتهه
الهسه منيدي ماتيهه سبحتهه
انظلمت حيل امي الدنيه جرحتهه
اكل كلبي الحزن جنت انه فرحتهه

اهلي اذا يضيعوني // بالمكبره يلكوني
من راحت امي ___ من راحت امي
///////////////////////////

جلمت يمه جانت حلوه بلساني
ابجي اعليهه ويسكتوني خواني
نتشابك نضل واحد عله الثاني
يموت نصيح اخذنه وياهه شمتاني

امن الزهره عنه بعيده // حتى الهوه منريده
من راحت امي ___ من راحت امي
////////////////////////////
طاحت ياهظيمه الليله خيمتنه
من يمسح بعد من نبجي دمعتنه
يزينب يالحسن ليش امي عافتنه
عوز اللمه امي وتحله لمتنه

معقوله غمضت عينهه//وعافت يتيم حسينهه
من راحت امي ___ من راحت امي
////////////////////////////
تمت ____ علاء الزيدي
46
الناشر احمد الفاطمي

13 Nov, 16:44

في حق الزهراء. ع

صلاه الوحشه الج يالزهره صليت
بمحرابج شمع من رحتي ظويت
وجودي من وجودج
عشت عمري علمودج. يزهراء

--------------
الدنيه بعيني بعدج مظلمه وسوده
الرحل محبوبه عنه دمعه بخدوده
المحب ويه حبيبه يوفي. بوعوده
راح الغالي عني وبعد. شيعوده

جفني من غيابج ذابح النوم
اظل بحسرتي يالزهره مالوم
الزمن ذبل ورودج
عشت عمري علمودج. يزهراء

---------------
عله التربان وسفه وسدت خدج
وبيدي انه يزهره احفرت لحدج
من رحتي ومشيتي ظل اثر بعدج
ماي انتي. وتبده بعد. شيردج

دفنت وياج كل احلامي وسنيني
وجني بسجن عايش يوم عفتيني
زماني. هم. يعودج
عشت عمري علمودج. يزهراء

---------------
بالحيطان اشوفن رسمج اكبالي
ويموت منل قهر كلمن فكد غالي
اخذ روحي يموت ورحم بحالي
راح المحب عني وجرح دلالي

برموشي يزهره خظر الشيب
وجرحج بلدليل وبعد ميطيب
اثر صطره عله خدودج
عشت عمرب علمودج. يزهراء

---------------
تفرهدت من عندي راحت احله بسمه
وهظمتي يزهره بعدج والله هظمه
والجرح يومن مشيتي نزف دمه
تيهت. دربي. بعد. ماشوف. اعمه

يعيش بلا محب بدنيه يحتار
تظل تسري بدليله تستعر نار
ابد ما اخلف وعودج
عشت عمري علمودج. يزهراء

اسرح بحسراتي وصفن لو اجه اليل
ويظل دمعي عله الزهره يهمل يسيل
حدبت من. الهجر وتفرهد. الحيل
ياوسافه هل زمن غدار. ويميل

بنص دليلي يالزجيه جرح. الفراك
بروحي ظلت يالحبيبه حسره وشواك
بدليلي احفر لحودج
عشت عمري علمودج. يزهراء

-----------------
الخادم
رحيم الصالحي
177
الناشر احمد الفاطمي

13 Nov, 16:43

في حق الزهراء

هليله. علي يدفن. حبيبه
ويصب عله الكبر دمع المصيبه
الله يعينه ويصبره
فاكد فاطمه الزهره. ياعلي

--------------
شلون. كلبك طاوعاك وسدت. خده الترب
تحفرت بيدك لحده ياعلي. وبيا. كلب
ونعرف افراك الزجيه مو سهل كلش صعب
دمعت اعيونك عليه تسيل من جفنك تصب

خليل بحسرته يدفن خليله
وتراب الحد بيدك تهيله
حيدر جرحك شكبره
فاكد فاطمه الزهره. ياعلي

-------------
ياعلي ليلك طويل وجفن عينك. ماغفه
حتۑ نجم الجان ظاوي كبال اعونك طفه
من بعد. عين الزجيه.والله عل دنيه العفه
شكثر بيك جروح انته وبعده كلبك ماشفه

ظلمه وموخشه ياعلي الدار
طفه نور الزجيه ونته محتار
وياهه دفن عمره
فاكد فاطمه الزهره. ياعلي

------------
الهادي امنه امانه. ياعلي. يومن رحل
امل جان. النبي عنده ونكطع هذا لامل
كسرو اظلوع الزجيه والورد من راحت ذبل
الزهره ثلث الدين هيه وبيه دين الله كتمل

حركو بابهه وكسرو ظلعه
وطفه يابو الحسن غفله شمعه
بخدهه شاهد الصطره
فاكد فاطمه الزهره. ياعلي

-------------
بين حسراتك يحيدر جرح بيك المايطيب
فاركت محبوب كلبك وجرحك الماله طبيب
الدنيه غداره يوالي وزمن امره. عجيب
من بعد عين الزجيه عشت بالدنيه غريب

بعينك شاهدت صطره علخده
وبيدك ياعلي. تحفر. لحده
كلبك مو سهل كسره
فاكد فاطمه الزهره. ياعلي

---------------
تسولف اهمومك يحيدر وتشم اتراب الكبر
الزهره راحت غفله عنك بعد شيفيد الصبر
حتۑ رمشك شاب والله وشفت انجوم الظهر
من. بعد عين الزجيه كلشي ما يسوه العمر

راحت عنك وعافتلك اهموم
وماتت عله بيه الظلع مهشوم
بدليلك تلتهب جمره
فاكد فاطمه الزهره. ياعلي

--------------
الخادم
رحيم الصالحي
127
الناشر احمد الفاطمي

13 Nov, 16:41

نزله في حق الزهرا۽ ع

بلا شمس هاي السمه
غاب نورج فاطمه


روحي بيه معلكه وهيه حياتي
ودعي ربي يحفض الزهره بصلاتي
ام الحسين وحسن كل. ذكرياتي
ودعي من الله يعجلي ببماتي

عيني احس بيه العمه
غاب. نورج . فاطمه

-------------
ماتفارك بالي لحظه عايشه وياي
ثنينه فد روح وحده الزهره دنياي
هاي دنيه شفنه بيه مصايب هواي
ودري باجر من رحلتي تشمت اعداي

جفني ظل ينزف دمه
غاب. نورج. فاطمه

-------------
شلي. ابعمري بعد عينج ولسنين
ليش. يزهره تخليني وتروحين
مارحم بينه الدهر فركنه البين
ضلعي بغيابج احسه نكسر مرتين

ضلوع بيه مهشمه
غاب نورج فاطمه

------------
مشت عني وسافرت غفله الزجيه
كون وياهه خذت روحي المنيه
من بعده. حاير وصفك. بديه
وبقت نيران الهجر تستعر بيه

روحي بيه هايمه
غاب نورج فاطمه

-----------
زهرت اسنيني غفل طفو شمعه
ياوسافه اهل الحقد كسرو ظلعه
بنت بيت احزانه ويجري دمعه
باجر بيوم الحشر تشكي وضعه

جروح بيه مئلمه
غاب نورج فاطمه

------------
الدار بعدج يلزجيه شلون اطبه
دمعت الحزان من عيني لصبه
نار. بابج يم. حسن بيه. لهبه
ماتت منل قهر والعله ابكلبه

عله النوح معلمه
غاب. نورج فاطمه
------------------
الخادم
رحيم الصالحي
120
الناشر احمد الفاطمي

13 Nov, 16:39

في حق الزهرا۽ ع


دموعك غاليه لاتبجي ياحيدر
لوصبن احس اظلوعي تتكسر
الحسره البيك تلجمني
تزيد. بلكبر. حزني
يحيدر

------------
يحيدر لو بجيت احساسي يسمعك
يلجمني الظلع لمن يصب. دمعك
الهجر يابو الحسن انه ادري يكطعك
مالومك. بعد ودري صعب. وظعك

رموشك شيبن من كثر الدموع
تنوح عله الكبر محنيه. الظلوع
كلت محبوبي يدفني
تزيد بلكبر حزني
يحيدر

---------------
ماتكدر تفارك. كبري. وتعوفه
تجي. ملهوف. وانه الك. ملهوفه
الدفن. بيده. حبيبه لازم. يشوفه
وينويله الزياره ويحظر. يطوفه

اشوفك منحني حانيك المصاب
ينزف ادري كلبك من. الصواب
ادري انته تسمعني
تزيد بلكبر حزني
يحيدر

---------------
الهجر ماينحمل يالوالي انه ادري
والياذيك. كسري. هذا. البصدري
لئن بيدك يحيدر احفرت كبري
بنفاسي تعيش وترتوي. بعطري

تلتم. المصايب من يجه اليل
اشوفك منكسر وتفرهد الحيل
فراكك حيل دوهني
تزيد بلكبر حزني
يحيدر

---------------
انه. وياك. خلصنه العمر كله
نشوف الصعبه كله بعينه سهله
جان البيت يزهي ونته. المعدله
هسه شلون حالك بيك الف عله

الله يصبرك شكد شايل اهموم
بعيونك. يحيدر. ذابح. النوم
راح البينك وبيني
تزيد بلكبر. حزني
يحيدر

----------------
منعد اجروح كلبك صعب اعصيه
ومحنتك ياعلي مو سهله. ادريه
دمعك من يصب يشرح. معانيه
نار البيك تلهب شنهو. يطفيه

يحيدر لو مشيت اشبيك تتعثر
ظهرك. منحني وتكوم ماتكدر
اعرفك وفي تفهمني
تزيد بلكبر حزني
يحيدر

------------------

الخادم
رحيم الصالحي
131
الناشر احمد الفاطمي

13 Nov, 15:14

ثلاث دكات

اضلوع الزجيه اشلون. كسروها بالباب
وانته القلعت الباب. بيدك يبو اتراب
****
بكل حيله اجه وعالباب خصمك عصرها
وياحيدر البسمار. صوب صدرها
وبقوته اعله العين. رد وسطرها

ودار النبي المختار. حركوها الاصحاب
**
عندك علم بالصار. هجمو عليها
ماتت عصر والنار. تسعر بديها
وام الحسن كل حيل. ما تلكه بيها

طاح الضنه وما طاح. من عدها الاحجاب
***--
وكت الحروب نشوف. جانو يرجعون
ومن الرسول ايصيح. كلهم يلبدون
بس انته للميدان. تبرز يعرفون

حيدر الك صفين. تشهد والأحزاب
*****
ميت علي يكولون عكب الشهيده
وبالكوه طاست ماي. يلزمها بيده
تتسند اعله الكاع وانته الصميده

بعده الجرح لليوم. عالزهره ما طاب
**
وينك يحامي الجار. يالتحمي جارك
ما تنحط اعله البال. محروكه دارك
وانته انعرف جبريل. حد ذو الفقارك

دخن يراعي الزود. سيفك بالكراب
*****
انته علي ولولاك. ما قام السلام
بعد الوصيه اعداك شو صارو ازلام
لو زلم جان وين ذنيج الأيام
هجمو لان يدرون. معروفه الأسباب
***
تمت
تحسين الخفاجي
179
الناشر احمد الفاطمي

13 Nov, 15:12

قصيده لشهادة سيدتي ومولاتي فاطمة الزهراء عليها السلام

وويلاه يافاطمه.. وويلاه يافاطمه
...................
1_شيعتج بمصابج تون..
ننحب نضل طول الزمن..
ونواسي بحسين وحسن..
ونادي حماي الحمه..
وويلاه يفاطمه.. وويلاه يفاطمه
...................
2_موحكه كل شيعي انفجع..
علمحسن وكسر الضلع..
وبمصابج ايهل الدمع..
ومو دمع لا يبجي دمه..
وويلاه يفاطمه.. وويلاه يفاطمه
....................
3_اهل الضلم وسود كلب..
ضلموج وبلايه سبب..
علنو عله حيدر حرب..
اهل السقيفه الضالمه..
وويلاه يفاطمه.. وويلاه يفاطمه
.................
4_يم الحسن بمصيبتج..
نتمنه نبجي ابحضرتج..
وننصب مواكب خدمتج..
وتبجي الارض ويه السمه..
وويلاه يفاطمه.. وويلاه يفاطمه
...................
5_يم الحسن طول العمر..
علضلع نبجي المنكسر..
بلكلب يومج ضل جمر..
يلطاهره ويلعالمه..
وويلاه يفاطمه.. وويلاه يفاطمه

كلمات خادم اهل البيت
مصطفى الغريباوي
141
الناشر احمد الفاطمي

13 Nov, 15:12

امي نعمه وكلهه خير..
امي يم كلب الجبير..
اشما اوصفنج احير.. يمه يمه
................
1_صوغة الله امي ونعمه وعافيه..
ام كلب ابيض وجلمه الدافيه..
تسهر اعلينه والوادم غافيه..
نحلف ابنيتهه كدما صافيه..

ابكل صلا اصرخ ابصوت..
وادعي انه ابكل قنوت..
كون كبلج يمه اموت..يمه يمه
.....................
2_الفارك امه ايتيه الله ايساعده..
الدنيه كلهه اولا افراك الوالده..
هيه بس ويه الوفه متوارده..
يمه ضميني ابحنانج بارده..

اية الله بلحنان..
ماكو منهه ابكل زمان..
يمه حضنج كله امان.. يمه يمه
.................
3_امي جنه وجنه تحت اجدامهه..
انسه هم دنياي بس كدامهه..
الحمد لله ابيتنه مادامهه..
الفارك امه اشكد يحن ليامهه..

جن يعيش ومنكسر..
اشكد يعاتب بلكبر..
ابفركتج ماضل عمر.. يمه يمه
.................
4_امي غير الخير النه اشرايده..
وتبقه دوم اول عجيبه وخالده..
هيه البنص كلبي ضلت كاعده..
العمر من دون امي مابي فايده..

الراحه ماشافتهه يوم..
امحزمه اعلينه وتحوم..
مثل امي ماكو دوم.. يمه يمه
.................
5_يلعزيزه وحضنج ايدفيني..
دعوه منج تسوه كل اسنيني..
وحدي يمه فدوه لتخليني..
ابشوفتج بس انتي اكحل عيني..

البيت من دونج احس..
صبح ومفارك شمس..
يلا اعز من النفس.. يمه يمه

كلمات خادم اهل البيت
مصطفى الغريباوي
148
الناشر احمد الفاطمي

13 Nov, 15:11

مجروح كلش علي وبجرحه اذاني
يابير كلي تون من تسمع احزاني
عالزهره من هظمته يحجيلي عن حالته ما تنحمل كسرته وبجرحه اذاني
***
حيدر بير وانه البير ومحد يعرف اشجواي
حيدر بيه مدري اشاف وطاحت دمعته فوكاي

اول مره اشوفه ايذب النكاب
وابو تراب اعله راسه ايهيل التراب
القالع باب كسرو ضهره بالباب

يا بير تدري بعلي بكسره كلب جايك
شيصير بيك اعترف لو فاركت مايك
هز راسه شفته ورجع ومن صدره كلبه طلع وكبالي نوحه ارتفع وعالزهره بجاني
****
خذت حيله مصايبها وفلا ينعدن جروحه
حيدر يمشي بس اخيال ودافن بالكبر روحه

وامبين علي امن الدنيه متعوب
والمحبوب فارك اغله محبوب
تره حيدر دمعته امبلله الثوب

من فاطمه الفاطمه خضر علي شيبه
راحت بعد زهرته والراح شيجيبه
وياها عشرة عمر وراحتها صار الكبر ضل يبجي باب الصبر والنور عافاني
**
بين الباب والحايط هظيمه الزهره عصروها
الخادم بيتها جبريل اعله خدها اشلون سطروها

دفعها الظالم وضيع هواها
وره الباب انتهت والدم خذاها
اعله محسن طاحت وزينب وراها

البسمار صاب الضلع والعصره اذتها
عكب النبي فاطمه الاصحاب ظلمتها
عالباب لمو حطب وحته الله منهم غضب موت الزجيه كرب وتشمت الجاني
**
انه البير بير اسرار اليسولفلي اضم سره
بس حيدر يكلي احجيه سري ولازم اتنشره

يصيح امن الالم حاجيني يابير
علي بلا فاطمه جا كلبه شيصير
وكف عالمغتسل وبناظره ايدير

خلاني صاحب اله ومن دنيته ايعاتب
وطبع اليصاحب صدك ما ينطي بالصاحب
سولفلي سره وبجه وحيدر عليه انتجه البير انترس من حجه وزيدها نيراني
*
علي كتله ولا تهتم يبعد البير وعيونه
هاي الناس ما ترحم اليخاويهم يذمونه

الملح شتحطله ووياهم يغزر
بس تكضي شغلها الناس تنكدر
حكك يا علي من تجرع المر

الناكر جميلك علي معروف شيطانه
لو مو وصيت النبي ما وصلو اهنانه
ناسك شفت باعتك والدنيه ما نصفتك بيرك سمع ونتك يا مالك احساني
**
تمت
تحسين الخفاجي
163
الناشر احمد الفاطمي

13 Nov, 05:38

أكـسر قـرارك ياموت -- هالساعـه خلــيها تـفـــوت
لا أنه أســتاهل حزن
ولا أمي تستاهل دفن
-------------------------------------------------------------
1= أنه الحسين الغــرك بجـروف عـينه
وطحت بـيد جفـوف المـوادع رهينه
أمي من تـشبكني تـــشبكني المدينه
وأنته جاي تــريد تاخــذها من أدينه
****
أمشي وتـلاكـيني دموع -- أتــنفس وبس موجوع
جني غـريب بلا وطن
ولا أمي تستاهـل دفن







2= تـكعــد الميتـين من تســمع حسرتي
وتصفـن الدنيه أذا شـافــت صفـنتي
أشد مـن كسر الضلع صارت كسرتي
بدار أبوي وتــاكل بكلـــــبي غربتي
****
عـد أهلي لكني أدخيل -- ماخوذ من عندي الحيل
دروت عن شبكة حضن
ولا أمي تســـتاهل دفن
***********
3= ليـش جــــــاي النـبض البكلـبي تــشيله
والله تـــوديــــــع الحنينه مالي حيله
المشكله بالمــــوت سالفــــــته طويله
لا يـــرد الـــراح لا يحــــــمي دخيله
****
مقـــفول وبلا مفـــتاح -- مايرجع من أيده الراح
أرواح أخذهن ما أجن
ولا أمي تستاهل دفـن


4= خــــاف أروح وكـــبر أمي ساد بابه
وكلــبي مايتــحمل جروحه وعـذابه
الدنيه بغـــياب العـزيزه تصير غابه
وينهش بروحي الهضم نهش الذيابه
****
ياحيف والله وياحيف -- نتلاكه بس وكت الطيف
شنهي ذنبنه يازمن
ولا أمي تستاهل دفن
***********
5= مشــتعـــل بــــيدر مواجع حدر صدري
وساعه ساعه أتطشرن ساعات عمري
هــسه شبكلــــــبي حزن بس الله يدري
أمي من تسد جفـــــــنها أنكطع نحري
****
بعيوني جنها الخيمات -- شبت وصارن جمرات
أسمع خواتي من بجن
ولا أمي تستاهل دفــن
********* الخادم عبد الجليل المالكي
269
الناشر احمد الفاطمي

13 Nov, 05:36

فاطمه اجفوف الكفيل اتشيلها
باجر وكلها تصيح ادخيــــــلها
ــــــــــــــــــــ
باجر الزهراء تحضر بالحشــــــر
ويرتفع صوت العزيز المقتـــــدر
الروس دنگوها الزجيــه خل تمر
وكلها هامات الخلك تحنيلها
ــــــــــــــــــــ
ماعدا الهادي وعلي الكل يحتمي
بيها وايگلها علينـــــــــــه اتكرمي
بالحشر ربحــــــان بس الفاطمي
والتعادي ام الحسن ياويلها
ــــــــــــــــــــ
بحقها تطلب توكف وكلها تشوف
لا ضلع لا طبره تبدي ولا طفــوف
بياذنب كطعوها تصرخ هالجفوف
سبو بتي بگطع جف اكفيلها
ــــــــــــــــــــ
تلتقط شيعتها وتعــوف الرديئ
الطايع يگلها دخيــــلج والمسئ
المات من ظالم الزهره مو برئ
سقر مثواه لو دمه باجيلها
ــــــــــــــــــــ
فاطمه الظلموها بالدنيــا تصير
باجر المنصوره وبجفها المصير
بيها دنيا واخره انظل نستجير
غيرها ياهو الهموم يزيلها
ــــــــــــــــــــ
الشفاعه الكبرى حقها ابلايه حد
كون ماترضه فلا يرضه الاحـــد
والتضدها الجنه تنســـــــاها ابد
مانفعها اصيامها وترتيلها
ــــــــــــــــــــ
باجر اعلى الرتب شيعتــها تحوز
واسرع امن البرق عالمعبر تجوز
بحبها باجر شيعة الزهره تفــــوز
وعذر ماله الذنبه هادم حيلها
ــــــــــــــــــــ
سوه خل نصرخ دخيــــــــلج فاطمه
ومنها نطلب كلنه حســـــــن الخاتمه
اوياها نبجي اعله المرد جبده الضمه
اتضمها اله اوياها الدمعته يسيلها
ــــــــــــــــــــ
عله حسين البجه اوياها ومنفجع
يختلف عد فاطمه هذا الدمـــــــع
هالدمع عدها دوه الكســــر الضلع
انهارها تبجي اعله ابنها وليلها
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي
149
الناشر احمد الفاطمي

13 Nov, 05:36

عظم الله اجورنا واجوركم
هذا نعي للسيده الزهراء عليها السلام

السيده في بيت الاحزان 👇

وياي ون يابيت الاحزان
انا الغريبه المالها اعـــوان
من فارگاني سيد الاكوان
بيه عگب عينه الدهر خان
والجانو يگولون صحبــان
صارو عليّه اخلافه عدوان
ظليت طير ابلايه جنحان
ملتني من البجي الجيران
ــــــــــــــــــــ ــــــــــــــــــــ


(موقف الهجوم على السيده 💔)

مصطور خدي وكسر بيه
وبسياطهم دارو عليــــه
وحيدر مجتف بالوصيه
انخه ولا نغار اليـــــــــه
يطكونّي واشگف بديه
يرفسني ماجني الزجيه
ولا جني بت سيد البريه
ولا واحد يگلهم خطيــه
ــــــــــــــــــــ ــــــــــــــــــــ


( استشهاد السيده 💔)

ماتت ومنها العيــــــن حمره
ودامي الضلع ماطاب كسره
وحيدر عليها انكســـر ظهره
كلما بجت زينب الحــــــــره
وياها يبجي ويطك صبـــره
دمع الحسن كل دمعه جمره
وحسين جن حافر بصــدره
كل اه اله تلجـــــــم الزهــره
وي فاطمه ماتت العشــــره
والدنيه صارت حيل مُــــره
ــــــــــــــــــــ ــــــــــــــــــــ

(موقف التغسيل 💔)

غسلتج بديه شلـــــون
كون انا المغســـليني
ماادري الضلع مكسور
شفته وانعمت عيني
گبل من ابجي ماترضيـن
هسه انتي تبجّينـــي
اول مره احجي اويـــــاج
يزهره وماتحاجيني
اخذيني اوياج يم حسين
وحدي لاتخلينـــــــي
عهــــــد ماراح ابطل دوم
عليج ابجاي واونيني



#لعن_الله_ظالميكِ_يافاطمه
#لك_العزاء_سيدي_ياصاحب_الزمان
#اللهم_عجل_لوليك_الفرج
#الأقل_علي_محسن_الزيادي
#اسالكم_الدعاء
150
الناشر احمد الفاطمي

13 Nov, 05:36

كتبت رســــــالتها
بدمها اعله عتبتها
ليك الزجيه
تدعي امك الثـارك
وتتنطر اخبـــــارك
صبح ومسبيه
ــــــــــــــــــــ ــــــــــــــــــــ
يالمهدي يا اخر امل للصدره ضــــــايگ 
جم لوعه ضايگ
كل جرح منتظرك دوه ومظلوم شاهگ
جم لوعه ضايگ
ياماي تدري بيا گلب فرگاك حــــــــارگ 
جم لوعه ضايگ
يوميه للشـــــــام الشمر بالضعن سايگ
جم لوعه ضايگ

يابو ظهر مايــــل
ضيم شكثر شايل
واشجم رزيه
متلهّفه انصـــارك
وتتنطر اخبـــارك
صبح ومسيه
ــــــــــــــــــــ
يوميه مرسال الدمع يبعث رســــــــــــــاله 
حن اعله حاله
اول رسالة منهظم مشــــدوه بالــــــــــــــــه
حن اعله حاله
منعوه حتى امن البجي ودم عينه ســــــاله
حن اعله حاله
واخيال صار امن الهظم وذبحــــو خيــــاله
حن اعله حاله

افتحها واقــــراها
امن الزهره تلگاها
وبيها وصيّه
لاتنطفي نـــــــارك
وتتنطر اخبــــارك
صبح ومسيه
ــــــــــــــــــــ
مر اعله دار امك جرح شــــــــوف اشلجمها
واشكبر همها
بالعتبه تلگه ارســـــــاله الك كاتبها دمـــــها
واشكبر همها
تشكيلك اشلون الرجـــس طگـــــها ولطمها
واشكبر همها
واتمنت بكســــــــــــــر الضلع يالمهدي يمها
واشكبر همها

هظم امك ايشلّك
مظلومه واتگــلك
مُر يبني بيه
ليمت تجــي الدارك
وتتنطر اخبـــــــارك
صبح ومسيه
ــــــــــــــــــــ
لليوم عيــــــــن امك تره ايصب دمها حمره
يالمهدي حسره
صوت الضلع صاح الكسر منهو اليجبــــــره
يالمهدي حسره
ماتدري كل مغرب يمر يصطرها صطـــــره
يالمهدي حسره
وكل يوم يكضي بغيبتك بالصــــــدر عصره
يالمهدي حسره

هاي العـــــلل كلها
لو ماتــــــــرد الها
صعبه القضيه
منتظره فقــــــارك
وتتنطر اخبـــــارك
صبح ومسيه
ــــــــــــــــــــ
تلگـــــــه برســـــالتها عتب حگها تعــــاتب
امك يغايب
لا گبـــر لا زايــــــر يمر والصــــــدر عــايب
امك يغايب
مو بس مصيبه بدمها الك شرحت مصايب
امك يغايب
طبره وجبـــــــــود امسممه وطف وغرايب
امك يغايب

سولفت عن منحــر
وعن صدره المكسّر
وعن السبيه
من ساعة اصيارك
وتتنطر اخبــــــارك
صبح ومسيه
ــــــــــــــــــــ ــــــــــــــــــــ

علي محسن الزيادي
185
الناشر احمد الفاطمي

13 Nov, 05:36

#مجاراة_لقصيدة
((قال سليمٌ قلتُ ياسلمانُ هل دخلو ولم يكُ استأذانُ))
الجواب👇👇💔
دخلو ياسليـــــــــــــــم ابلا اذن دخــلو
مثل النار هبــــــــــو كلشي ماخلو
مانندله گالو بيتــــــــــه جا طفنــــــــاه
بس راح النبي حركوه امن اندلو
جذاب اليگلك ياسليـــــــم اســــــــــلام
وحق الزهره لا صــــامو ولا صلو
نسو يوم الغديـــــــــــر وعلي ماوالــــوه
واختارو خليـــــــفه بجهل واتولو
نكرو فاطمه الوصّـــــاهم المختـــــــــــار
رجعو جاهليــــه وكفــــــرو وضلّو
اليحب مفروض يحمل وي حبيبه اهموم
وهُمه اهموم ماحملو حطب حملو
ماملّو نگـــــال الحطب ويركضـــــــــــون
لاكن من بواجـــــي ام الحسن ملّو
وحتى الوكفو وشافو لهب بالبـــــــــــاب
ركضو ماطفوها النــــــــار لا شعلو
والماشعلو او لاهدّو يخـــــــــــــــــافون
سكتو وابو الحق خذلــوه وانشلّو
سيوف وزنجرو من لمع ذو الفقــــــــار
بگرابه تقيّـــــــــــــــد درو وانسلّو
من گادو علي ايذل رادو ويخســــــون
علي ظل العزيـــــــز وهُمه الانذلّو
لاكن ياسليم اوحيدة المختــــــــــــــار
بسمار بصدرها امن العصرــ شتلو
وصطروها اعله خدها وطفت شمس الكون
ومو محسن محمد فاطمه قتـــلو
واحنه اعيونّه بعين الوصي المهظـــــــوم
ونصد لولاده من كثر البجي انسلّو
مثل والدها ظلموها ام حسن وحســـــين
مغدورين طاها وبضعتــــــه رحلو
ــ💔💔💔💔💔💔💔💔💔💔
#لعن_الله_ظالميكِ_يافاطمه
#لك_العزاء_سيدي_ياصاحب_الزمان
208
الناشر احمد الفاطمي

13 Nov, 05:35

السلام عليكم ورحمه الله وبركاته قصائد لاستشهاد السيده الزهراء عليها السلام
141
الناشر احمد الفاطمي

03 Nov, 19:42

الى القاء يازهرتي
الى القاء يازهرتي
،،،،،،،،،،،،،،،،،،،،،،،،،،،،،،،،،
رحتي وبعدج مايبرد گلبي المشلوع
انه الماباجي ابعمره اتغرگني دموع
انه المحد يكسرني اتحيرني ضلوع
شكتب والدمعت عينج عايش موضوع

شلون الحنان ... جوه الثره
يالزهره بي ... مدري شجره
ميت عليج ... حيدر تره
الى القاء يازهرتي
،،،،،،،،،،،،،،،،،،،،،،،،،،،،،،،،،
شايف شيصير بحالك لو غالي ايموت
شايف شيسوي بمتنك ثگل التابوت
شايف من تفگد واحد والبيته تفوت
شايف من رايد تصرخ ومبحوح الصوت

عايش علي ... كلهن هذن
مني الگبر ... ماخذ وطن
هيج انحرم ... والله زمن
الى القاء يازهرتي
،،،،،،،،،،،،،،،،،،،،،،،،،،،،،،،،،
جنازه وشايل بمتوني اجنازت محبوب
محتار ابلجمت گلبي البالفرگه ايذوب
اليسئل عن حالي شلونه كلش متعوب
تخنگني الحيره وانحب لو صار اغروب

خدي نجوه ... ضهري نكسر
بعيني الدمع ... يحفر نهر
مثلي الوجع ... ما مر بشر
الى القاء يازهرتي
،،،،،،،،،،،،،،،،،،،،،،،،،،،،،،،،،
ميت والعايش دمعي الساكن بالعين
شايل نعشج بس عثرت بالشيب اسنين
عفتيني بلجمت روحي وانتي اتعرفين
حيدر مايصبر ساعه بعد ام احسين

ميت عليج ... وانه ابألم
جرح الوداع ... مثل السهم
يالزهره بيج ... گلبي نصدم
الى القاء يازهرتي
،،،،،،،،،،،،،،،،،،،،،،،،،،،،،،،،،
عشرتنه انباگت سكته وحرگتها النار
فاطم من گبرج گومي وخنرد ازغار
فتحي عيونج خل يبرد گلبي المحتار
نسيني اجروح البيه وكل ذاك الصار

راح الأمان ... يوم الجرح
مات الحنان ... وي الصبح
حلم السنين ... ضل منذبح
الى القاء يازهرتي

العبد ابوفايز الرافضي
الفاتحه على روح والدي
118
الناشر احمد الفاطمي

03 Nov, 09:34

ابين الباب والحايط ظلع من الترافه انعاب
معروفه الورد للشم موش ايهطره ابن خطاب
……………..
الامس من خيري تسترزق هسه نكرت النعمه
الماغزر الزاد وياه تغزر بيهه ياجلمه
محمد رحمه للوادم بس الوادم النقمه
النكرت كل حجي وصيته
و كالو يهذي تاليته
كسروا ظلع لبنيته
لو بيهم يخاف الله جان وياه صار اعتاب
……………
يغصن الياس من عصروج علحايط بقه عطره
كلساعات عمري اشوه وساعت فركتج كشره
اتهون وكلشي يتعوض بس شيعوض الزهره
شيعوضهه الي جانت ام
لبوها وليه مسره الدم
الهوه بلياهه مو للشم
وحگ كل لحظه من دونج كبل الراس كلبي شاب
…………..
يم كلبي الهجر جتال يلدونج رحت فدوه
عكبج شرد اسولف عود اخلافج دنيتي اشتسوه
الينشدني شكول اعليج ماتت ام المروه
يبت الماعلي نشاد
فركتج فرفحت لفاد
ردي واخذي عمري مراد
اشيغ او ونتي سكته شماعين واصد للباب
……….
انجفه كل ماي بكصصهم يم العتبه واتبده
وره الباب اختلت منهم بت الختلو بسده
يموت اشعندك وياهه بعدهي اثمنطعش ورده
مستعجل عليش ابساع
عندي وياهه فرض وداع
الصوت ابذني من مساع
من همست بالله وياك حرت اشلون ارد جواب
…………
من اشتاك الج تدرين هوه الله يضيج لبريتي
وابجيلج دمع بسكوت خافن تسمع بنيتي
ماحاسبه يوم تصير نتفارك يعافيتي
افه كلبي المشه زاتوت
بنعش الكطعت البتوت
روحي اتكربت للموت
من شفت الظلع مكسور زاد اصوابي فوك صواب
…………….
المخلوقه من النور بطاريه الترافه اتجن
يبعد الشوف يم حسين كون ابغيبتج يعمن
ولاشوف الزارگ الصار وباقي اثار النعصرن
عله اظوعج لمن مديت
ايدي وبالكسر حسيت
تطلع روحي اتمنيت
شلون كليبي طاوعني اهيل اعليج بيدي تراب
……………

الاقل شرفاً
كرار اللامي
#محرم فاطمه
285
الناشر احمد الفاطمي

03 Nov, 09:33

لعن الله عمر ….. لعن الله عمر
……………
ثبتوا هاي العقيده بكل عقل
وكون يصير العن بالگول و فعل
الوحده ماتعني اترضه اعله النذل
ثار عدنه وي كلمن خله اثر
…………….
البچه عين الله وترك شاهد دمع
ينحكم باچر صلب فوگ الجذع
اليحب الزهره لازم يستمع
ويتبره عن اعدائها بترك الحذر
………………
ليش احذر من نذل كاتل مره
ومن وراه اتشيع طفل للمگبره
بذمته هذا الي صار وكل جره
وكلهم انحاسبهم ومامش مفر
………………..
اول الغصبو الحگ وابتدي
بعائشه الملعونه تباعت ردي
من حقدها وافقتله يعتدي
عله بيت الله وتهلهل من جسر
………………….
الثاني ابوها العتل والماعنده دين
والزنيم الباقي عثمان اللعين
ذوله يترفعون فوگ المسلمين
والله وسفه لهيجي يتخله ستر
……………………
لا تخاف والعن وخليك حيد
من صفات الشيعي الگلب الحديد
المهدي من يرجع يردهم من جديد
ويسوي الكل البشر منهم عبر
…………………….

الآقل شرفاً
كرار اللامي
#محرم فاطمة
216
الناشر احمد الفاطمي

03 Nov, 09:33

قصيدة... شجاعة الااكبر ع•&
نزال••عزاء


علي الااكبر يادخيل جفوفك


ياحبيب حسين يا عنوانها
شيل سيفك ودخل الميدنها
علي يبني لا تهم هذا العدد
ونته عنبر دوس فوگ دنانها

شد لثامك ورتجز••• والرگب سوهه خرز
خل تشوف الوادم•••ضربت چفوفك تهز

علي الااكبر يادخيل جفوفك

•••••••••••••••••••••••••••••••••••••••••••••••

ياشهم معروف وكت الغاره
عالكحيله وفوت بيهه طراره
خل كتايبهم تشوفك ياسبع
انت سيف الله وعلي ولشاره

يبني بچفوفك حيل••عالزلم ركب الخيل
بضربتك هز الكون••••هاشمي وكلهم ليل

علي الااكبر يادخيل جفوفك

•••••••••••••••••••••••••••••••••••••••••••••••

طب عليهه وشيل كل ارگابها
وفخر هاشم بيك ياحطابها
طگهه يمنه وميسره شد لعزم
انته ابن ذاك القلع كل بابها

يالثكيل بطگتك••خلهه توجع سطرتك
شافو لمر بهاي•••ومثل عمك غيرتك

علي الااكبر يادخيل جفوفك

•••••••••••••••••••••••••••••••••••••••••••••••

شوفي الاكبر من دخل بيناتهم
هذا صوت اثغيبهم وصياحهم
الما لحگ بالشرده طاير راسه
لشكره بانت من سحگ فوگاهم

وحده ولجيش هواي••يضحك وردد هاي
ياعلي وبسم الله ••••طگهم وضاع الراي

علي الااكبر يادخيل چفوفك

•••••••••••••••••••••••••••••••••••••••••••••••

ضوه يجدح بلحرب لمن صال
وحده عالسبعين طبهم چتال
ماهدت كل الحرب عج اغبار
حار چفه وسيفه باشط خيال

يردم الراس براس•••طگهه ولطاح انداس
وداخت القاده بهاي••• هذا يمكن عباس

علي الااكبر يادخيل جفوفك

•••••••••••••••••••••••••••••••••••••••••••••••

علي لااكبر من هجم چنه عصار
وخل دمهه يفور وشتعلت نار
تلول صارت بالعساكر ميتين
علي مايندار والكون اندار

نوره عامي الفرسان•••للكفر ذب السان
بلحرب معروفين •••والله زلم الشجعان

علي الااكبر يادخيل جفوفك

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
85
الناشر احمد الفاطمي

03 Nov, 09:33

قصيدة صفاة الزهراء ع••||
شور•• وگفه


يازهراء يم الحسن
يازهراء يم الحسن •••••••••••••••••••••••••••••••••••••••••••••••

أم الااطهار وصدگ معروفه
ام النبي ونورچ مدينه نشوفه
كل الكواكب منچ اتشع انوار
انتي لعضيمه وزهره بين چفوفه

يافاطمه•••• انتي نور الااطهار
يافاطمه•••• انتي روح الكرار
يافاطمه ••السمع علمچ محتار

يازهراء يم الحسن
يازهراء يم الحسن

•••••••••••••••••••••••••••••••••••••••••••••••

وحگه حيدر يفتخر بلطافچ
يارحمة الله ومن قدرته اوصافچ
يامره نقيس بعضمتچ زهراء
انتي لجليله وطاهره من صلابچ

يافاطمه ••••انتي نور المعبود
يافاطمه ••انتي لعفاف لموجود
يافاطمه •••الذكر بسمچ مريود

يازهراء يم الحسن
يازهراء يم الحسن

•••••••••••••••••••••••••••••••••••••••••••••••

بوكت طه وحيدره صيتچ شاع
خلفتي لرض لمعركه كلهه سباع
جبتي لحسن وحسين بدنيه شلون
هنيال گاع الله التشيلچ ياگاع

يافاطمه••• الله يرضه المرضاچ
يافاطمه •••بكلشي صاير طرواچ
يافاطمه•••بگاعه والله شمحلاچ

يازهراء يم الحسن
يازهراء يم الحسن

•••••••••••••••••••••••••••••••••••••••••••••••

هنيال كل اهل لمدينه بهل نور
واليوصل البيتچ رزق حته يزور
باب الله بابچ فاطمه لكل محتاچ
واليذكر اسمچ لازم يحطله بخور

يافاطمه•••رحمة الله ومنهجي
يافاطمه•••بسمچ ولله ارتجي
يافاطمه••بذكرچ يلوگ الحچي

يازهراء يم الحسن
يازهراء يم الحسن

•••••••••••••••••••••••••••••••••••••••••••••••

معصومه مو مثل لبشر ونسوان
انتي لعفيفه وطاهره بكل عنوان
محد وصل علميتچ وهذا النور
انتي العضيمه الحطچ الله بقران

يافاطمه •••• انتي كوثر لنبي
يافاطمه •••يابعد روحي وأبي
يافاطمه•••• منچ نخلقت عبي

يازهراء يم الحسن
يازهراء يم الحسن

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
125
الناشر احمد الفاطمي

03 Nov, 09:33

قصيدة.....فزعة القاسم ع••||
شور دگه ونص



حي الله جسام
حي الله جسام


هذا ابن الكريم الشايعه اخباره
وخله الگوم كلهه دخلت انذاره
من سيفه وغترته وكسرة لحاجب
وهاشم بلحرب معروفه سطاره

نار نار••• بالحرب لمن يطب
نار نار•••• الزلم ماضل درب
نار نار••يحرگ لعسكر حطب

حي الله جسام
حي الله جسام

•••••••••••••••••••••••••••••••••••••••••••••••

طبهم والعساكر ظلت ابحيره
شاب وحيله يكتل فازع بغيره
محزم والچفوف العنده چتاله
چن الحسن طالع عزب ابخيره

شاع شاع••صيته جسام الكفو
شاع شاع•• ياشبل مثله ومنو
شاع شاع••سيفه مايرحم عدو


حي الله جسام
حي الله جسام

•••••••••••••••••••••••••••••••••••••••••••••••

منگب والجمال امدوخ الناس
بنوره وكشخته ضل رافع الراس
ومايشبه بشر ابن الحسن دوم
يشبه بس عمامه وچنه عباس

حيل حيل•••• يسطر بهاي الزلم
حيل حيل••••• هذا جسام ونعم
حيل حيل ••بحيله طكاهه لشهم

حي الله جسام
حي الله جسام

•••••••••••••••••••••••••••••••••••••••••••••••

وحده ومايهابي الجيش جسام
بسم الله وعلي طباهه ابوالثام
وذباهم جثث من لاگته حيود
حيد منال هاشم عنده صمصام

صال صال ••• بحيله وبكل قوته
صال صال••• حلوه طگت يمنته
صال صال••هوايه طگهه بخزرته

حي الله جسام
حي الله جسام

•••••••••••••••••••••••••••••••••••••••••••••••

يشمر بالرگب والجيش مرعوب
ومن كل الجوانب سد الدروب
بالطف مابرد مثل الگمر حار
وكبر شارب البلگوم مگلوب

شاب شاب•••بعده ولعسكر طاح
شاب شاب•••بصدره يتلگه رماح
شاب شاب••سيفه شمراهه وراح

حي الله جسام
حي الله جسام

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
113
الناشر احمد الفاطمي

03 Nov, 09:33

قصيدة..صولات الحسين••&
نزال ••عزاء



ياابا عبدالله
ياابا عبدالله


طبهم بيده فقار
طگهم وشتعل نار•••هذا ابن الزجيه

حيله حيل ابوحسين
يكتل عالصفحتين•••شوفهه المنيه

وحده وراهب الگوم
ابن النزع اهدوم •••••لولااد الدعيه

حيل الله لحسين وطرهه الاسباع
وهذا أبن اليصير ابكعبه وشراع

ياابا عبدالله
ياابا عبدالله

•••••••••••••••••••••••••••••••••••••••••••••••


ملثم من هجم حار
وخله الكون يندار•••تچوي طگت ايده

عالميمون من صال
وحده انشاف خيال•••كلهه گباله صيده

حارب كل الااشرار
صار الجيش بنذار ••من سيفه الرعيده

يسطر والضوه ساطر شكو نذال
وهذا ابن الطلع من زغره خيال

ياابا عبدالله
ياابا عبدالله

•••••••••••••••••••••••••••••••••••••••••••••••

وحده وثگله بالطف
جيش گباله يصطف••خافت منه كلهه

وچفه ماتعب قط
خله الگوم تفحط•••رايح كل شكلهه

ناهض والعزم شد
ويلي اعليهه من هد•••تعثر وبرجلهه

خيل وزلم عثرت منه مرعوبه
تهات كل زلمهه وذبهم بصوبه


ياابا عبدالله
ياابا عبدالله

•••••••••••••••••••••••••••••••••••••••••••••••

والله ختار الحسين
شامخ عالميداين ••• ناصر دينه ولحگ

هيبه وشايل افعال
محد طلع رجال••• يمه وسيفه يشهگ

بغاره وعچ الغبار
يكتل مين مادار•••يضحك لوصبح طگ

حتارت بالملاگه منين مادارت
راس براس طگهه والكفر حارت

ياابا عبدالله
ياابا عبدالله

•••••••••••••••••••••••••••••••••••••••••••••••

معلم چفه عالسيف
يذبح حته بالطيف••••لو مرة زمرهه

جيش لوحده صاده
وهاشم كلهه قاده•••بچفوفه يشرهه

ذب الروس والخيل
دمرهه الكفر حيل••• قاده بلا عمرهه

ومامثله شجاع وخلص الوادم
شايل رحمة الله وكل بيني هاشم


ياابا عبدالله
ياابا عبدالله

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء// 1446ه‍
93
الناشر احمد الفاطمي

03 Nov, 09:33

قصيدة حيرة زينب ع••♕
نزال حزن


روحي ضلت بين باب وخيمه
يبدي گلبي من مصابچ ضيمه
•••••••••••••••••••••••••••••••••••••••••••••••

عمري خمس سنين نزلت دمعتي
على مصابچ يالحنينه ولوعتي
يمه باچر نارهم يم خيمتي
الكسر ظلعچ كسر گلبي بهيمه

•••••••••••••••••••••••••••••••••••••••••••••••

جسمج الطاهر نزف من العصر
شفته بين الباب عصروچ بغدر
شحال زينب باچر گبال الشمر
والحسين يطيح وسط الهيمه

•••••••••••••••••••••••••••••••••••••••••••••••

عالمتن سوطه لعب يم الحسن
روحي من لضيم مطحونه طحن
شنهو ذنبچ طاح محسن ياوطن
والستر محفوظ الله يديمه

•••••••••••••••••••••••••••••••••••••••••••••••

مصاب ظلعچ خله بيه چم جرح
بعصرتچ يايمه محسن ينذبح
صعبه اشوف حسين صاير علرمح
طاح صبح الله وجتنه الغيمه

•••••••••••••••••••••••••••••••••••••••••••••••

بالمدينه وماشفت بس الاالم
شحال گلبه اليفگد امه وينهدم
ويبقه يتمنه تجيله ابكل حلم
وحلم زينب تبقه ويه الشيمه

•••••••••••••••••••••••••••••••••••••••••••••••

بين سطره وباب طاحت دمعتچ
عگبچ الحره تموت ابغربتچ
وعازتچ. يايمه . تكتل عازتچ
حزنچ البيه جبل تقييمه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
111
الناشر احمد الفاطمي

03 Nov, 09:33

قصيدة المهدي والزهراء ••♕
نزال••حزن


المهدي ظلت تبچي دم عيونه
وكسر ظلع الزهره غير لونه
•••••••••••••••••••••••••••••••••••••••••••••••

شاف بين الباب عصرو فاطمه
وروحه ظلت عالمصاب مهدمه
يبچي حيدر والملاك البلسمه
وذبلت بسيل الدموع اجفونه

•••••••••••••••••••••••••••••••••••••••••••••••

شاهد بعينه الجره وگلبه نفجع
شلون طگ الباب ونصاب الظلع
بيا صبر متحمل وشاف الوضع
طاح حيله وعمداً يلچمونه

•••••••••••••••••••••••••••••••••••••••••••••••

وشاف عصرتهه لغريب لمنتظر
من الحزن ولنوح بهدومه يعثر
ينادي يازهراء وبعيونه الجمر
مصاب فاطم جبل فوگ متونه

•••••••••••••••••••••••••••••••••••••••••••••••

طاح ملچوم وحلم من يستراح
سمع صوت لشامت يعلي لصياح
يناشغ اعله لزهره من دلاله طاح
وشنو ذنب المحسن وياذونه

•••••••••••••••••••••••••••••••••••••••••••••••

وصوبه البسمار محسنهه لشهيد
ضل يلوج اعله لجره وصعبه يهيد
راح حيله اليلوي بچفوفه لحديد
البعده ماشم الهوه يطيحونه

•••••••••••••••••••••••••••••••••••••••••••••••

يساعده الله عيونك بهاي المحن
شاف كلشي لصار وياهه ام حسن
وغسلاهه المرتضه وگلبه نطحن
والهواشم حيدره يواسونه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
134
الناشر احمد الفاطمي

03 Nov, 04:06

مكسوره من دفعة باب
واعله الوطية االزهره

################

الله يعينك ياعلي يا ابو تراب
بيك الالم من الهجوم اعله الباب
بكلبك حزن ياحيدره وكله مصاب

مفجوع ضلعه ابسمار
وعيونه حيدر حمره

#################

الله يعينك ياعلي اعله الفركه
كلبك اذا ضل منجرح هم حكه
وبدارك الزهره بعد ما تلكه

كلبك اذا حن معذور
فاكد اميرة عمره

################

گلبك إذا حن ياعلي لتلومه
ألفاگد حبيبه يبين من ارسومه
يا كون ربنه وفاطمة انجومه

شلون النجم عاف أسماه
ماصارت ولا مره

################

اعرف صعب من فاطمه تودعها
والاصعب شلون بكبر توضعها
ومنهه بعد يا حيدره شتسمعها

تسمعهه بس بالاحلام
وبطيفك تمر نظره

#################

ياحيدره وفاطم صعب تنساهه
واصل الفرح متعلك بملكاهه
اشيكضي العمر ياحيدره بفركاهه

تكضي حزن بس واهات
وبصوتك تضل نبره

##########

يا حيدره ودافن حبيبة روحك
يصبرك علي يا حيدره اعله جروحك
ويافاطمه تنادي وتواسي بنوحك

وبطيفك تنوح وياك
وتشاركك بالعبره

###########

فاكد المحسن ياعلي وي فاطم
بساعة هجوم الطاغي ويه الغاشم
وحزنك يحيدر ماكضه وضل قائم

ماينتهي حزن الروح
وعيونك تضل حمره

#############

واحزانك بكل لحضه ترجع تبدي
وبكل صلاة تدعي يرب شعندي
ثار الزجيه مسلمه بيد المهدي

من يظهر ويطلب ثار
وبنصرك انت تنصره

###############
قيصر عبد
210
الناشر احمد الفاطمي

03 Nov, 04:06

ها يا يمه سولفيلي شكبره كسرج
ها يا يمه صعبه والظالم يصطرج
ما مش جواب
ما مش جواب
————————————-

الحاله المريتي بيها حيل صعبه
الدفعو الباب بحقدهم موش غربه
رادو لحيدر علي يكسرون كلبه
جان ملزم في اطاعة امر ربه

حيدر وحاله صعب
صعبه بغياب اليحب
ودع احباب

بيده دافن مهجته
شلون صارت حالته
بهذا المصاب

هذا حاله من بعد فكد الحبيبه
هذا حاله شلون حاله بهالمصيبه
ما مش جواب
ما مش جواب
————————————-

يمه كسرولج ظلع ومحسن ضلم طاح
من دفعت الباب بتدت قصة الاجراح
بيت حيدر كمنه نسمع صوت الانياح
راحت الزهره واخويه والحلم راح
المحسن وطاح شبعد
الجنان الله صعد
راحل اليوم
عمرة اصغر من عمر
مر نسيم ويه العطر
اه يمضلوم

كلت اخويه يجي ويعين اعله ضيمي
كلت اخويه يكبر ويحمي حريمي
ما مش جواب
ما مش جواب
————————————-


موحشه الدنيا برحيلج وزينب تنوح
تصيح رحتي مني يمه وحيلي مطروح
وراح تبدي يمه والله قصة الاجروح
دفعت الباب وعلي من بالي متروح
دفعو الباب وصحت
وعلى مصابج نحت
بهل المسيه
ترفه بس خدها نسطر
والظلع منهه انكسر
شهل الرزيه

امي راحت وانتهت قصة الحنينه
امي راحت كلبي شيخلص ونينه
ما مش جواب
ما مش جواب
————————————

والحسن بعدج يزهره حاله يصعب
الحزن سيطر عليه وكلبه شيب
دموعه ليل نهار تجري شفته متعب
محني من غياب عينج باقي ينحب

شفته كلش منكسر
وكلبه صاير بي جمر
خويه متعوب

منحني من موتتج
يبجي اعله مصيبتج
كلبه مصيوب

حزنه يكبر التموت امه بشبابه
حزنه يكبر يشكي بس لله مصابه
ما مش جواب
ما مش جواب
————————————-

يمه شوفي شلون حالي من غيابج
صعبه اشوف النار شبت وسط بابج
يمه اصيحن يمه ما اسمع جوابج
بحقد دفعو باب ما راعو حجابج

يمه ما خلو ستر
والهضيمه بكل كتر
كلشي بي نار

انَـتي ياستر العرش
وسفه مشيوله بنعش
صار ما صار

رحتي عني وانتي لجروحي دوه
رحتي عني كلشي ما ضل بي ضوه
ما مش جواب
ما مش جواب
—————————————-
قيصر عبد
117
الناشر احمد الفاطمي

03 Nov, 04:06

قصيده سريعه الى مولاتي الزهراء ع


خادم للزچيه..حصلت الـهويـه..بدمعي واللطم
وبيوم القيامه..إيصيرن علامه..اتّميـز الـخــدم
                يافاطمه يافاطمه
===================================
  انتـه هـويتك باللطم دگ صـدرك وراويها
     آثار حــد يـوم الــحشر مـا تنمسـح خليها
     تبقه اذا طـول السنه بكل مجلس تعازيها
     خادم الچ يم الحسن دگ صـدرك وناديها

تعبلهه الچفوف..وگلهه مااعوف..اقسملچ قسم
إبهــذا الــعزاء..وبطـف كــربـلاء..اتميـز الـخـدم
                 يافاطمه يافاطمه
===================================
لـو مـا لطــم صـــدري الــچ گليلــي الــمن الطمـــه
ماي اعله صدري مجلسچ بس هوه يرويلي الضمه
رزقينــي دمعــه بمجلســچ وآهـات گلبــي تلچمــه
الخاطرچ مخلوقـه الارض يافاطمه وهايه السمــه

مخلـوق الــخدمتچ..رزقينـي بنضـرتچ..يا أم الشيـم
يرضــــه الله عنــــه..والاجــــر جنــــه..اتميز الخدم
                   يافاطمه يافاطمه
===================================
لامت عليٍ كل الخلگ وگالوا عله صـدرك قَسـن
عينـك لحجـت للضلع حمره ولا مـرهه الـوســن
گتلهم امنيتـي ردت مـوتتي بمجلس ام حســن
ونكتب مات الفاطمه وخلها عَلي تحچي اللسن

خل تحچي بيه..مابيع القضيه..وراعي العلم
هـاي امنياتـي..تخلـص حياتـي..اتميز الخدم
                يا فاطمه يافاطمه
===================================
الــدنيه ضلمه ومجلسچ بيه نور لگلوب الـبشر
يعرف كلامي ومقصده البالمجلس ويانه حضر
ربچ بقـرآنــه كتـب الــرحمــه تنــزل عـالـــصبّر
لاتترك الــمجلس بعـــد وتعــوف بيبان الاجـــر

الخاطر فاطمه..بيبان السمه..تعرفك بالاسـم
اطلب حاجتك..مـن الماردتك..اتميز الـخــدم
                 يافاطمه يافاطمه
===================================
يـازهره روحـي معلعلـه وطـف كربلــه يشفينــي
دمعــت حــزن طعــم الــفرح هــلالهــم يلفينــي
عاشـور مـر مثـل الحلـم ودمـوعــي مـا تكفينـي
وياحسين چم جمرت حزن ما تطفه بينه وبيني

عشگ المجالس..اسسها عابس..ابذب الهـدم
علمنـــه حبــــه..وما عفنه دربه..اتميز الخدم
                 يا فاطمه يا فاطمه
===================================
خدمتكم گلادت شـرف وداعـت تراچي ارقيــه
خــادمكـم ومــارد اجــر رايـــد رضـاكـــم بيـــه
گالتلي امــي مـن اكبـرت يايمـه عنــدي امنيـــه
تصعـد علـه الـمنبـر ردت وتقــره علـه العلويـــه

اقرالي عالصار..والـــشبــوا الـــنار..وحرگ الجدم
والـدافع الباب..ياهو من الاصحاب..اتميز الخـدم
                   يافاطمه يافاطمه
===================================
✍حيدر الشغانبي
122
الناشر احمد الفاطمي

03 Nov, 04:06

‏مقطع صوتي من اللهم صل على محمد وال محم
170
الناشر احمد الفاطمي

03 Nov, 04:06

هيه زينب زينب
*****
الدنيه كلها تنورت بعيادها
عمة الساده هله بميلادها
كلشي يصفن لو نعد امجادها
تموت خل اهل الحقد بعنادها

نعلك شموع الفرح والكلب همه نشرح
زينبي العالم صبح وبالارض كلشي وضح
******
هاي زينب والحجي عنها يطول
اليوم بالميلاد فرحان الرسول
كمطتها الحور بكماط البتول
بالعقيله احتارت اصحاب العقول

بالضبط تشبه علي هيه روحي وكل هلي
بيها كل همي ينجلي صوت حبنه يعتلي
********









بزود اخوها تزامط المهيوبه
الله ميزها شكثر محبوبه
من عشكها ما اكول التوبه
والتبعها الباري يمحي اذنوبه

هيه باء البسمله والاميره بكربله
والمسير اتكمله هله بزينب يا هله
******
من العفاف ايغار ضل حته الكمر
ماكو شاعر شفنه وصفها كدر
وياها تتمنه الشمس تاخذ صور
بليله الميلاد خل يحله السهر

واخت سبع الكنطره هيه ستر الله تره
بيها تحلف كل مره هله بغيرة حيدره
******
علي بيده امن المهد شالاها
والحسين بضحكته ناغاها
والحسن بعيونه يحجي وياها
الله زينب بالسمه سماها

والكواكب هلهلت والنجوم اتزينت
والطيور اتباركت اباب زينب عيدت
*****
تمت
تحسين الخفاجي
197
الناشر احمد الفاطمي

03 Nov, 04:06

رسول الله ص يوصي امير المومنين ع
بالصبر على مصيبة الزهراء ع
--------------------
تموت الزجيه او دمها عالتراب
  وتصبح يحيدر دنيتك عذاب
انته الامير على الصبر .. شد حيلك او لا تنكسر
سلام .. سلام
-------------------------
صح جفك الخيبر قلع .. والشافك اكبالك وكع
تتگيد ابذاك  الوجع       .. تطيح
اهل الحقد بيهم طبع .. لاذمه عدهم لا شرع
باجر يكسرون الظلع   ..  تطيح
على خد يسطروها تره .. دين الله يمك منبره
ياحيدر اصبر عالجره  .. تطيح

حتى السمه علنت ترى الحداد
انحب يحيدر ولبس السواد 
كسر الگلب ماينجبر   ..  شد حيلك او الاتنكسر
سلام .. سلام
-----------------------------
باب او عله الحايط هوه .. عالزهره ونطبگن سوه
مختنگه واتدور هوه   ..  تصيح
ريتها دخان انملت .. اعليها الچفوف اتطاولت
ياعلي الزهره اتالمت      .. تصيح
ضلوع الزچيه مكسره .. ومحسنها اصد دمه جره
او وردة حياتي  محيره      . تصيح

خلي ابن عمي مني هالرجاء
لا ارفع ايدي واگلب السماء
اگلبها عاليها حدر     .. شد حيلك او لاتنكسر
سلام .. سلام
------------------------
لمن اموتن ياعلي . . مو بلوه رايح تبتلي
ولاواحد ايضل من هلي  .. حرام
امر الله هذا الكاتبه .. وعين الله هيه اتراقبه
الجامع حطب وي صاحبه     ..حرام
لا رحمه عنده ولا يحن ..جاب الحطب يصرخ وان
الزهره گالوله تون          ..   حرام

باچر يحيدر دمعتك تسيل
وظهرك مثل هذا الكمر يميل
كلبك صبح مثل الجمر    شد حيلك ولا تنكسر
سلام .. سلام
------------------------

واليندبك تحظر اله . وتفظله اعظم مشكله
والزهره عندي مدلله    .. تنوح
جرحك إعلام ايظلله .. صعبه ترى هل مرحله
خلگك ياحيدر طوله    .. تنوح
ياحيدر اي هذا الصدگ .. چفوف التسبح تنحرگ
ويه الباب عمرك ينطبگ   .. تنوح

يمك ياحيدر يبقه هل قرار
وانه ادري كلبك على الزجيه نار

صبرك عله كل اليمر   .. شد حيلك او لاتنكسر
سلام .. سلام
------------------------
باجر يحيدر شيعتك … كلها تصير ابخدمتك
يرفعون باجر رايتك     ..امير

الحاضر يبلغ غايبك . يالصابر الله يعوظك
ياهو الي منهم يوصلك    . .. امير
هذا الحقد ظل للازل ..يغارون منك لااقل
والحبك ابنعشه انحمل  .. امير
هاي العصابه العلنت الولاء
باجر اموت أو تنصب العداء
اي وحق خدها المنسطر   .. شد حيلت او لاتنكسر
سلام سلام
--------------------------

الخادم
حسين الزيدي
147
الناشر احمد الفاطمي

01 Nov, 21:56

يشيع روحه داحي الباب مدري يشيع ام بيته
،،،،،،،،،،،،،،،،،،،،،،،،،،،،،،،،،،،،،،،،
ابليل اضلم طلع ودموعه هماله
وحالت حيدر ابهاذ الوجع حاله
ام اعياله ماتت ياهو العياله
صارت بالنعش ياناس شيرجعها عافيته
يشيع روحه داحي الباب مدري يشيع ام بيته
،،،،،،،،،،،،،،،،،،،،،،،،،،،،،،،،،،،،،،،،
وي كل خطوه يعثر حيدر بدربه
اه يا فرگت ام بيته اشكثر صعبه
الله يعينه المشيع نبض گلبه
المادنگ قبل للموت محني ويمشي تاليته
يشيع روحه داحي الباب مدري يشيع ام بيته
،،،،،،،،،،،،،،،،،،،،،،،،،،،،،،،،،،،،،،،،
طب للمگبره وضل يعصر ابروحه
وبتراب الوداع انلجمت اجروحه
هاذ العالي الماواحد ايلوحه
مكسور الضهر وينوح وختنگت قهر ريته
يشيع روحه داحي الباب مدري يشيع ام بيته
،،،،،،،،،،،،،،،،،،،،،،،،،،،،،،،،،،،،،،،،
نزلها ابگبرها وهيه تبجيله
ماذب التراب اعلها ذب حيله
الزارع زهرته احترگت محاصيله
امنگب وبدموع لعين غرگت حته جفيته
يشيع روحه داحي الباب مدري يشيع ام بيته
،،،،،،،،،،،،،،،،،،،،،،،،،،،،،،،،،،،،،،،،
شيصبر عالوجع والحيره خانگته
حيدر ضل وحيد ويبجي بالسكته
يقبل ياهو بيكم تندفع مرته
ديوانه احترگ والنار وصلت حته خاجيته
يشيع روحه داحي الباب مدري يشيع ام بيته
العبد ابوفايز الرافضي
الفاتحه على روح والدي
391
الناشر احمد الفاطمي

01 Nov, 03:57

كعديه لشهادة مولاتي السيده فاطمه الزهراء ع
بدموع العيون .. هاي المسيه ..
تتوادع أم عون .. ويه الزجيه ..
البيها ريحة طاهه .. آخر وداع وياهه
هاي المسيه هاي المسيه
.....................................
الليله آهات ومدامع واضح بزينب قهرها
كابلت أمها الزجيه وبالكلب يسعر جمرها
بين باب وبين حايط نعصرت وظالم سطرها
تبجي وتنوح من الألم .. رافضه وماكالت نعم
ماركعت أمنه لكل صنم .. رغم بسمار بصدرها
نظرات الأوداع .. هاي الأخيره
ندفن سمه بكاع .. حيره جبيره
كسر الضلع ألّمها .. متسامح الظلمها
هاي المسيه .. هاي المسيه
.....................................
زينب تعاين لأبوها والحزن يشرح وضعها
تشوف ذاك القلع خيبر أيده بالكوه رفعها
يودع بزهرة حياته وخاف لا يلجم ظلعها
أصعب وداع ويّ الولي .. فاطمه صوته يعتلي
الله اليعينك ياعلي .. أعيونه غركانه بدمعها
والقالع الباب .. مايرفع أيده
تتشمت أحزاب .. بحزن الصميده
يذبح حجي الشماته .. وين الرديه ذاته
هاي المسيه .. هاي المسيه
........................................
بالحزن هالليله عايش االحسن يا حال حاله
أمه أعز من روحه جانت يذكر أيامه ودلاله
ربي خليي أمنه خيمه يدعي يا رب الجلاله
ياربي خلينه سوه .. أمي أعز من الهوه
ننصر حسين بنينوه .. والكمر راعي الكفاله
ونعيش الأحساس .. حسين وشعوره
والكمر عباس .. من يطفه نوره
من تحترك خيمنه .. نريد الزجيه يمنه
هاي المسيه .. هاي المسيه
..........................................
هاي لحظات الموادع وأمي ليلتها الأخيره
صوتها الخافت أسمعه والوجه ليه تديره
زينب تظلين باجر بلا أهل وبلا عشيره
بخيمتج نار وتشتعل .. جم حرمه يمج جم طفل
مسبيه مجتوفه بحبل .. عالهزل للشام أسيره
روس أعله الأرماح .. كل الغوالي
واليحدي ذبّاح .. ياوسفه تالي
ضعن الخدر سبايه .. مجتوفه آيه بآيه
هاي المسيه .. هاي المسيه
........................................
صعبه هاي الليله وأدري باجر الأصعب صباحه
قهر وفراك ومواجع بكل كلب ياخذ مساحه
السمه بلا شمس باجر والحزن فارش أجناحه
باجر الدنيا مظلمه .. وبلا شمس وجه السمه
لو راحت أمنه فاطمه .. وداعها بآآه ومناحه
بعيون الحسين .. عبره شكبرها
ينطي الوجه وين .. ومخفي كبرها
أمه وأعز من روحه .. وحجاية المملوحه
هاي المسيه .. هاي المسيه
........................................
المصيبه
.............
نعيش ليلتها الأخيره وبعد ما بالأيد حيله
هاي لحظات الموادع صعبه والمدمع نسيله
وصف هالليله وحزنها شما أريد أوصف قليله
ماقصرت أم الحسن ..
للفاكد أم جانت وطن ..
نودع السر المؤتمن ..
بعد ياهو النشتكيله وراحت أمنه من أدينه
...........................................
حيدر مطر العبادي
389
الناشر احمد الفاطمي

01 Nov, 03:57

على طور سؤالي بياسبب الحاج باسم الكربلائي
بابك يانبي لو غاضريه .. فاطم هاذي لو زينب سبيه
الأمس بالغار.. حركهه بنار
خيانه .. خيانه
..........................
حرب بيبان سوتهه السقيفه ..
حته يصير فاجرهم خليفه ..
أصحاب النوايه المو نظيفه ..
ظلمو فاطمه البضعه الشريفه ..
توّن وتنوح ظلت أم أبوها .. صحبانك يطاهه السلبوهه
ظلمهم جار  .. حركهه بنار
خيانه .. خيانه
.......................
فعلتهم أبد لا مو غريبه ..
جمر بالباب ظل يسعر لهيبه ..
مثل مافاطمه بدمهه خضيبه ..
باجر زينب تعيش المصيبه  ..
تذكر أمهه وتشاكف بديهه .. سوط المارحم غربة سبيهه
وسط أشرار .. حركهه بنار
خيانه .. خيانه
.....................
أبد ماينوصف حقد العصابه ..
الخله الدار أشبه بالخرابه ..
التجسر عالزجيه بلا مهابه ..
حرك روح النبي ودينه وكتابه ..
يدرون بحرك عش الحمامه .. رماد تصير أحلام اليتامه
صفت طشار .. حركهه بنار
خيانه .. خيانه
.......................
الظلم والجور يعتبروه شجاعه ..
وخبر موت النبي سَرهم سماعه ..
الخله الناصبي ينزع قناعه .
ويحرك عتبة الهادي أبشاعه ..
الماعدهم ولا ذرة رجوله .. حرك باب النبي عدهم بطوله
الخزي والعار .. حركهه بنار
خيانه .. خيانه
..........................
الخان المصطفى بايع ضميره ..
سطر وجه الشمس وكت الظهيره ..
نزل نجم السمه يواسي الأميره ..
العاشت لوعة الراحت أسيره ..
نفس الزمره كلهم ناصبيه .. ونشوف بكربله حقد آل أميه
الزمن غدار .. حركهه بنار
خيانه .. خيانه
...........................
اليوم الزهره باجر صدر الحسين ..
تسحكه خيول أميه ونبله بالعين ..
وزينب لوبقت تنطي الوجه وين ..
والكافل رميه بلايه جفين ..
تظل محتاره ياعظم الفجيعه .. حالة فاطمه تعيش الوديعه
فرق بسمار .. حركهه بنار
خيانه .. خيانه
...........................
حيدر مطر العبادي
445
الناشر احمد الفاطمي

31 Oct, 16:43

أي جُرحٍ لك في القلب يفور
يافم الثأر على مَر الدهور
حممٌ لا احرفٌ هذي السطور

لو أتت قلبَ الصفا لا تقدا
… .
دَمُك القُرآن يَتلوه التُرابْ
تاركاً للحشر آياتٍ عُجاب
أيها الحكمةُ يافصل الخطاب

بك ذو النون نجا ثم اهتدى
… .
صاحب الحوتِ نجى في الظلماتْ
حين نادى بك يافُلك النجاة
فاستجاب الله تلك الدعوات

وكفاه فيك اهوال الردى
…
قوةٌ حبُّكَ للنفس وقوت
بك يحيا كل من في الملكوت
أنت ثار الله حي لا تموت

أبداً ماولد اليومُ الغدا
… .
ياحبيبي ياحبيب الانفسِ
ولعيسى أنت روح القدسِ
أنت اطلقت جناحَي فطرسِ

وعلى مهدك شكراً سَجدا
…
أنت من نورِ إلهِ العالمين
وبقايا الناس من ماءٍ مَهين
أنت يامصباح مشكاة اليقين

ضاع دين الله لولاك سُدى
… .
أيها الفلك الذي سار بنوح
وببسمِ الله مجراها يبوح
وعليها بيرقُ الحق يلوح

وعليُّ المرتظى فيها حَدى
…
أيها السائر في ركب الخلود
وبه اشرق نبراسُ الوجود
لك لا بالدمع بالروح نجود

علنا يوماً نواسي احمدا
… .
انتَ والقرآن لن تفترقا
أنت روح وَلَجته فبقى
خاتم الرسل بهذا نطقى

وعليه تَرِدا الحوضَ غدا
… .
ياابن من في يدهِ أمر السحاب
وعليٌ هو في أم الكتاب
وبه الله على آدم تاب

منتهى الخلق له والمبتدا
…
يابن من في (هل أتى) قد شُرّفت
وكذا في (قُل تعالوا) عُرفت
هي ذِكرٌ آيةُ قد صُرَّفَت

وبه جبتا قريشٍ جحدا
… .
والتي في العرش قد خُط اسمُها
كيف طاغوت الورى يلطمها
وأتى باب الهدى يضرمها

عابد الشيطان قلباً ويدا
… .
كيف باب الله يدنوها الاثيم
وزنيمٌ لا يجاريه زنيم
عاشق اللاتِ أبى أن يستقيم

وأبى غيرَ اللظى أن يَرِدا
… .
أحرق الدار وجبريل يئن
قيل فيها فاطمٌ قال وإن
أيها الشانئ كم من شانئٍ

أنت جَرئتَ على بيتِ الهدى
… .
ياشقاةً أي عهدٍ نكثوا
وبحق الله جهراً عبثوا
اورثوا يابئس ماقد اورثوا

بحشا الاسلام نَصلاً مغمدا
… .
ياحسام الله بالشرك فتك
وبأمر الله للأمر مَلَك
قم لارض الطف وانظر مهجتك

تشتكي ياسيدي حَرَّ الصدا
… .
حَلَّت البلوى وأنت الدافعُ
قربَ الوعد وانت الشافعُ
أيها المعطى وأنت المانعُ

أنا عبدٌ لكَ قِنٌ وفِدا
…
فيك أيوبُ شفى من علةٍ
وكذا موسى نجى من محنةٍ
حين ألقتهُ أمهُ في لُجةٍ

وهوَ في التابوتِ فيك استنجدا

(1977م)
… .
للشاعر: مهدي جناح الكاظمي
المصدر: ديوان تعلمت من الحسين الجزء الاول
صفحه: 106
360
الناشر احمد الفاطمي

31 Oct, 16:43

ريت حيدر ينتهض بركوبه
ايشوف سكنه اميسره ومسلوبه
…
اتصيح جدي شو بطه شنهو العذر
مايجي ويشوفنه ابهذه اليسر
فوگ مانهبوا حللنه واليزر

والبجت بمتونها مضروبه
… .
امن الضرب سود المتون وفركسن
والدموع اتسيل جن سيل المزن
هاي راد الها يكوم ابن الحسن

يلكد احصانه ويجيم احروبه
… .
يلكد احصانه ويثورن بالحرب
ويطلب ابثارات زينب والضرب
ريت درب الشام لا مر بي ركب

من بعد ذاك السبي البدروبه
… .
بالدروب اتنوح ماناح الفصيل
واسم ابوها خاطه ابعرشه الجليل
من يظن بالناس بت حامي الدخيل

فوگ ناگه اميسره ومنهوبه
…
اتسلبن عكب الخدر واتلوّعن
ابغير والي بيدمن يتودعن
وروس فوك ارماح تبره للظعن

اكبال ظعن اعيالها منصوبه
… .
تنصب هالروس والباري شهد
الهم وجبريل هزهم بالمهد
مو رجيج احسين لاجن بالعهد

افده نفسه الشيعته المذنوبه
… .
افده نفسه للذي ذنبه شديد
وخله روحه ابكربله واجف وحيد
ابن ابو الحملات بيهم لو يريد

جان خلاها الارض مكلوبه
… .
للمرحوم: الحاج زاير الدويج
المصدر: ديوان الحاج زاير
الصفحه; 25
184
الناشر احمد الفاطمي

31 Oct, 16:43

بالله يهل الغاضريه ماتخبرونه شجره
من وكع والي الفواطم والشمر حز منحره
… .
ارد اناشدكم ودمعي ايسيل عالوجنه دمه
حين صاب السهم جبده وطاح ابن حامي الحمه
صدك خيل الكفر صالت غايره اعله امخيمه
والخيم كله احرگوها
من عگب مافرهدوها
والفواطم سَلبوها

وهجت من الخوف تصرخ للمعاره امذعره
… .
صدك عماتك مبرزه من لفت ليها الخيول
هجمت من الخوف تعدي وبالفله كامت تجول
وين ماتنوي ابوجهها. هل رده اعليها تصول
وسَلبت كل ماعليها
من حللها ومن حليها
وين ابو فاضل وليها

ليش ماكام وحماها. ابسيفه راعي الكنطره
… .
صدك راحت ليه زينب شافته اعله المشرعه
نايم ونصين راسه والجفوف امكطعه
ونادته نايم واخوتك عالوطيه امصرعه
وخيل عدوانك لفتنه
وبالبراري هيمتنه
يبن ابويه وسلبتنه

دكعد وشوف الودايع بالجفوف امستره
… .
صدك من ايست منه النوب لعضيده لفت
گعدت من الخوف يمه وبدماه اتخضبت
ونادته زينب يخويه اتنام وسكينه انولت؟
غارت العدوان لينه
وسلبت كل ماعلينه
واكفه اتحشم سكينه

وترجف من الخوف وانه ابهاليتامه امحيره
… .
صدك للعريس راحت يمه رمله اتحشمه
شافته اعله الكاع نايم يشخب اجروحه دمه
نادته نايم وعمك هجموا اعله امخيمه
كوم يبني الخيل ردها
ومرج خليها ابعددها
وخِلت الغياب حدها

والحمل لو طاح يبني الاهل ماتتعذره
…
صدك للاكبر تعنت ليلة تلطم عالصدر
تصيح يبني الكوم اجتنه وسلبت منه اليزر
كوم عن الخيم ردها ورد خواتك للخدر
وصيح لعيونك يزينب
ياهو يمج بعد يكرب
وانه ابن جتال مرحب

وذب يمين الكوم يبني ابمرهفك عالميسره
… .
صدك من أيسن منه كام مدمعهن يهل
وگبعن ابثوب الهضيمه وركبوهن عالهزل
وراحن لقصر الاماره امجتفيهن بالحبل
وتم وليهن بالمعاره
نايم ودمه ايتجاره
آه من قصر الاماره

من هوان الدهر زينب لي تطب ميسره
… .
للمرحوم; عبد الحسين الشرع
المصدر: ديوان منهل الشرع الجزء الثالث
الصفحه: 179
142
الناشر احمد الفاطمي

31 Oct, 16:43

ضلعي المكسور يلجمني
وخدي المسطور يلجمني
يمه وصار اشجم يوم ماشايف جفني النوم
******
من الباب ضلعي انصاب وتهشم
وعالبسمار يمه آثار نزف الدم
اگوم اگعد اون وحيلي اتهدم
تعبت وحتى من اتنفس اتألم

ما انام الليل من ضلعي
شگد شفت الويل من ضلعي
ينزف ضلعي المهشوم ما شايف جفني النوم
*********
صار ايام يمه النوم ما شفته
انحنيت وضلعي ليل انهار لازمته
يزينب والحزن مايوم فارگته
والباب شكثر بدموعي عاتبته

ياباب اهواي تهضمني
شعندك وياي تهضمني
ارحم گلبي المهضوم ما شايف جفني النوم
*********
يوميه الضلع يلجمني يوميه
وبعد لجمات زينب يمه مابيه
من كسر الضلع گمت امشي محنيه
اهموم البيه يم اهمومج شويه

البنيه اهواي تتعذب
من امها تموت تتعذب
زغيره وگلبج مهموم ما شايف جفني النوم
*********
المحسن ابني طاح وعيني اتنظره
بحشاي ورفس من شدت العصره
گلب الوالده عله الولد شيصبره
ليش اوليدي مات وما كمل عمره

طاح اعله الگاع يبنيتي
ومات ابني بساع يبنيتي
روحي عله اوليدي تحوم ما شايف جفني النوم
*********
عيونج راح من كثر الدمع تتعب
والله يعينج عله افراگي يازينب
راسج يمه زينب عالضلع شيب
بيج اشلون لو شفتي الاخو مسلب

مجروح اهواي بالغربه
وما صح له الماي بالغربه
من ابني ايظل محروم ما شايف جفني النوم
*********
اخوج بكربله ضامي يذبحونه
وبنحره اثنعش طبره يطبرونه
بحوافر خيلهم بالطف يسحگونه
وراسه عله الرمح يمج يرفعونه

ما تبقى اخيام من بعده
وترحن للشام من بعده
يسبوجن راح الگوم ما شايف جفني النوم
*********
تمت
ميثم العمري
115
الناشر احمد الفاطمي

31 Oct, 16:43

تفارگنه يمه وطال الفراگ واهواي الج تدريني مشتاگ
من رحتي عني الموت شفته الفارگله ام تكبر حسرته
******
تفارگنه وفراگج صعب وشوفتج صارت حسره
يمه شكثر مشتاگ الج مخنوك اول مره
متي انتي مدري آنه المتت ونگظت ذيج العشره
شيرد ليالينه بعد راحت وظلت ذكره
رحتي وبعد شيرجع الراح هوه اليفارگ امه يرتاح
الليل اخلصه ادموع بدموع گمت امشي والزم بيدي الصفاح

مليت من الفرگه مليت ويمه بغيابج اظلم البيت
بجفاج دمع العين هلته الفارگله ام تكبر حسرته
******
عفتيني ليل بلا ضوه ودنياي بعدج ظلمه
جا شله بالدنيه بعد يمه اليفارگ امه
الما مفارگ امه ابد من عدها صعبه تحرمه
والاصعب الماعنده ام جلمة اليمه تهضمه
جلمه انحرم من عدها للدوم ويعينه الله المنها محروم
جلمة اليمه حلوه تدرين ومن فرگتج لليوم مهظوم

موتج ابد ماخطر عالبال والدفن امه المن بعد ظال
هاليوم هذا ما حسبته الفارگله ام تكبر حسرته
******
شايف اذا ما عندك ام اشلون يثگل همك
وعليك فرگاها صعب وشكثر راح ايألمك
بليل صعبه من تفز وما تلگه امك يمك
وشلون عمرك ينگظي وبعيده عنك امك
حن الگلب ويريد الاحباب واحبابي نامو حدر التراب
متعوب اظل للموت متعوب وكل عمري اظل امگابل الباب

مجروح صحت وتهمل العين وشيرجع ام حسين لحسين
بعدج فلا نشفت دمعته الفارگله ام تكبر حسرته
******
ماشفت راحه بدنيتي من غمضيتي عيونج
ولا ليلي ليل بفرگتج واظلم نهاري بدونج
بالباب كسرولج ضلع وگتلج ييمه شلونج
وعالعين يمه فاطمه شمسويه ويسطرونج
دفعو الباب وحيل عصروج ضلعج انصاب ويمه دفعوج
عالگاع طحتي وكلج اجروح وردو عليج النوب سطروج

لحگيني فضه صحتي بساع من العصره محسن وگع عالگاع
وبدمعتي بحضيني شلته الفارگله ام تكبر حسرته
******
محنيه تمشي من الضلع جانت وآنه الزمها
وترتاح بالليل البشر وامي شكثر يهظمها
لو رادت اتنام الضلع ايفززها ويألمها
وما تگدر اتجر النفس حتى النفس يلجمها
امي الزجيه شافت الويل حيل انحنت وتهدم الحيل
مظلومه ماتت ضلع مكسور وام الحسن دفنتها بالليل

جانت الزهره اتگوم وتطيح ويابويه ضلعي اسمع اتصيح
وونينها من تون سمعته الفارگله ام تكبر حسرته
******
تمت
ميثم العمري
149
الناشر احمد الفاطمي

31 Oct, 14:54

#تراث

حين للزهره الوصي واراها
هاجت احزانه اوغده ينعاها

آه لـمّن نفض چفّه امن التراب
جذب حسره ولذعه جمر المصاب
گام يتأوّه اوبي ماضي الصواب
اوذكر حالة سلوته اوسلواها

جلس فوگ الگبر لاچنَّه اشجلس
بالچفن چبده اوبالزهره اختلس
ليث لاچن بيه شاة الهم فرس
والمهجته الهظم نابه ارعاها

التفت لاچنّه الگبر المصطفه
صاح يامن بيك جمر الغي طفه
وافتِك امتّك لاچن الوفه
عكس ما وصّيتهم ياطاها

وانته حي والموت ما يمّك دنه
ساس باطلها على الشر انبنه
لـمّن اخيالك امن الدنيه انفنه
كسر فَي اخيالها ابدنياها

اوبعد جرح امصاب فگدك ماخدر
اوما العهدك صار عالوادم شهر
خوش جبره البين جابر والدهر
اخذ منّي فاطمه اونحّاها

لاچن ابسنّتك اتعزّه يجب
والصبر اجمل اوعند الله احتسب
ما أمِل لاچن بدلاّلي تشب
نار يرمي الطير لفح اسناها

يبو ابراهيم الوديعه اتعنّتك
اختبرها اوشوف حالة بضعتك
لابد اتخبرك على شر امتّك
بالغليل المعتلگ بحشاها

سمت الوديعه لهلها من ترد
سالمه اولا من صدع بيها يجد
آه الاّ اوديعتك ليها تصد
ويل كل الويل من آذاها

وجّلب ابيمناك من عدها الجسم
اوشوف يبن العم ضلعها المنهشم
اوسگط محسنها اوبالمتون الوسم
اوحمرة اللّي لايحه ابعيناها

والذي يفني الصبر عنّي اويزيل
تندفن بضعتك سر بسواد ليل
گال ابو السبطين ودموعه تسيل
حمر من اسويد گلبه اجراها

طب لعد داره اوسد دونه الباب
وانفرد للنوح وحده او للمصاب
اوگعد لاچن بين شبليه الشباب
گعدة المغبون حامي احماها

يلتفت لابنه الحسن مكظم حزين
شاف ابو محمّد يسح دمعة العين
والتفت هالنوب لعزيزه الحسین
ينحب اعله امّه اوعلى فرگاها

اشلون زينب حالها ابذاك المحل
حال يشجي الصخر ويهد الجبل
حمر من الگلب مدمعها همل
تندب امها اوتصرخ اوتنعاها

الشاعر المرحوم الشيخ عبود غفلة

(317)
#اللهم_عجل_لوليك_الفرج
175
الناشر احمد الفاطمي

31 Oct, 14:54

حزن بالوراثة

بدخان الباب.   مكتوب اسمي
من هسه النار   لزمت هدمي
ضلعي المكسور لو ضلع امي

****
الدمع رافگني من زغري     وخمسه أهل الكسا عمري
بده توه
شفت َباب النبي امورثه   وجف حاقد سلب ارثه
حقد دعوه
من صاحوا  وأن بيها    بدت رحلة عذابي
باب الكاسر  الزهره      فتح باب المصابي
من شفت الفرح يبجي صحت حان انتدابي

گمت اعله الباب   أقره المقتل
شفت الدخان     جن صاير تل
نفس الأحزان        والهم  همي....
____
اليِطَفَّي  النار مَيّ يمها     وباب امي طفه بدمها 
عمت عيني
   الباب برجله رافسها   كسر امي وگطع حسها
ضوه اسنيني

سمعيت الضلع من طگ   سمه وطاحت عَليَّهَ
ركضت الها گبل فضه        لمن رادت تجيَّه
حتى وهي مكسوره           تهم بِيَّه  الزجيه

حضنتني وأخ    صاحت ضلعي
شمتني  اهواي   واتحس دمعي
جفها المحروگ.    زيد همي.....
__
حِجَّه الدخان ع الخيمه    وركض نسوان بالهيمه
ونزل دمعي
يِگلَّي أرماد   اسويها    واطلع كل حقد بيها
أَنَّه وربعي
باجر من اجي للطف        اشب ناري ابدليلج
وتشبَّه طِيحَت المحسن هظم طيحت كفيلج
باجر مَحَد امن اهلج       يزينَب شِدَّي  حيلج

باجر ينراد           حيل وعبره
لو شفتي حسين   گِطعوا نحره
متنج بالسوط       باجر مدمي ....
_
العبد سوطه كسر متنج    وعشيره التضرب ابتج
ورث حزني
أديه البل حَبِل  زرگه       ورث من بابج وحرگه
سبب وني

خدج منسطر واني     يسطروني اعله خَدّي
حاميُتَّي علي بضلعج  وعلي هم أَنَّه عندي
ولد الكسرو اضلوعج      غدا ملتمه ضدي

باجر جم نار      تحرگ زينب
عين الشمات.      نار وتلهب
يايمه هناك          ردتج يمي ....
__
ظلام البيت اكل روحي     ضماد ايدج عله جروحي
يبعد اهلي
بدون امي الگَبُر رحمه     احسده المات گبل امه
بعمر شِلَّي

يهنياله السبل جفه     گَبُل سَبلت اديها
ويِكتبون السَبب أُمهَ.    لان ميت عليها
يريت البلگَبُر تدري  بحزن روحي وبجيها

جم مره الموت    يفكس عيني
واني الجناز       أَگضي اسنيني
حدر التربان .... وين النشمي......

__
فيصل المياحي
143
الناشر احمد الفاطمي

31 Oct, 14:54

شكر خاص من عيني     سنه ادموع منطيني
بدمعتك تارس اعيوني واديه
الله يعودها الخدمه عليه
_

شكرا الك  من عيني يمبچيها
طول السنه حزنك امبين بيها
روحي الحزينه البل خيم چاويها
خليها بيها النار لا تطفيها

بحزن دوم خليها.    عله النار مشيها
خلها اتموت بالونه الشجيه
الله يعودها الخدمه  عليه
_

خدمتك امي الما امل من عدها
الدنيه من اتضكني الوذ بسدها
خليني الها وعني لا تبعدها
ياربي رخص  دمعتي وزيدها
البچي كون  كتالي    عله حسين هنيالي
يحب احسين اسباب المنيه
الله يعودها الخدمه عليه
____
شهرين ابچي وما مخلص دمعي
ناري نفسها  وما تغير طبعي
اعصر اعيوني اعليك لمن انعي
وديلي خيلك خلها تكسر ضلعي
رفس خيل بضلوعي    احس هيج بدموعي
جمره من تطيح اچوي بيه
الله يعودها الخدمه عليه

____
هيبه البواچي اعليك يابو اليمه
الجانت مذله تنحسب عالزلمه
كل دمع فشله بس دمعتك قمه
زينب سبيه كل غيور  اتلچمه

البچي اعليك بيه هيبه   يمحلاه لبوشيبه 
يصيح وبالعزه حزنه هويه
الله يعودها الخدمه عليه

____

حزنك خذاني  العالمك وداني
جرفين ادي ما تلم شط احزاني
خضر عشب من دمعي فوگ رداني
لو ما خدمتك ما صرت؟ هذا اني!

الدمع خير بعيوني.   ابو اجروح سموني
ابچي اعليك واندب كل مسيه
الله ايعودها الخدمه عليه.
__
فيصل المياحي
177
الناشر احمد الفاطمي

31 Oct, 14:53

اليوم باب الله اندفع..امن الوحي مصحف وگع
           فاطمه جاهه الاجل
              @@@@
اليوم قرآن الحقيقه ينزف آيات
وضجت اقوام الترافه والفراشات
نزلت الاملاك كلهه اتسوي عزيات
ياتُرى من آل طه ياهوه المات
اليوم وحي الله هتف..هذا يا دم النزف
          فاطمه جاهه الاجل
         @@@@@@
اليوم حيدر ظهره محني وحاير ابهاي
الدنيه كلهه اشويه عنده وفاطمه اهواي
ايصيح من بعد الزچيه ضلمه دنياي
الفاگد الكوثر ؤيضمه يرتوي ابماي؟
موقف ايبچي السمه..علي فاگد فاطمه
       فاطمه جاهه الاجل
           @@@@@
الفاگد اعزاز اعله گلبه حقه يحتار
ويبقه كل مغرب عليهم يشتعل نار
فرگة ام البيت تحني اضلوع الاگصار
لو مشت بعيونك اتحس موحشه الدار
آخ الامفارگ صعب..كون رايدله گلب
      فاطمه جاهه الاجل
       @@@@@
باچر الكل بالحقيقه خل يشهدون
الما لعن خصم الزچيه هذا ملعون
واليدافع عن فعلهم واليقبلون
باچر امن الزهره گلي عذرك اشلون
كلشي لازم ينذكر ..وانته حظرلك عذر
       فاطمه جاهه الاجل
           @@@@@
الكسرو اضلوع الزچيه وحرگو الباب
والرضو هسه وعليهم گالو اصحاب
باچر اتبين القضيه وكل الاسباب
تتضح كل الحقيقه يوم الاحساب
الله خله بالسمه..ويل للـضد فاطمه
      فاطمه جاهه الاجل
          @@@@@
كلمات مهندالعطواني
136
الناشر احمد الفاطمي

31 Oct, 14:53

المستهل..
شفنه قرآن الدمع.. يقره آيات الضلع..
       ومنهه طاحت آيه
نص1..
وره الباب انعصرت آيه وطاح منهه المحتوى
وداست ازلام الرذيله ابگاع اقدس من طوى
ودفعو الباب ابحقدهم كسرو اضلوع الضوه
ورده عصروهه العده..
وطاح من عدهه النده
ومنهه طاحت آيه
نص2…
اليوم حرگو باب فاطم ناس رباهه البله
وعاشت ابضل المتاهه والتثقف تجهله
وسورة التوبه عليهم ضلت بلا بسمله
ناس متربيه اعله ذل
عصرو الحق والعدل
ومنهه طاحت آيه
نص3..
فاطمه لفظ الجلاله ومثلت ام النبي
كعبه متگبعه وسترها تارس الدنيه عبي
هيه بلمحشر شفيعه الكل غيور ومذهبي
هيه طلسم للعفو
وهيه لليبرد دفو
ومنهه طاحت أيه
نص4..
ناس نكرة نعمة الله والحقد ضل ينعبد
وعصرو القران كله وكسرو اضلوع الحمد
فاطم الورده الفريده اشينكره من الورد
انمدت اجفوف الرجس
عصرت اشعاع الشمس
ومنهه طاحت آيه
نص5..
ابليل شيعني يحيدر لاضوه ولانايحه
واخفي گبري اعله النواضر گبل ليطر الضحه
وفقط انته والتريده كون يقره الفاتحه
وصته ابهذا الحچي
وخلص آذان البچي
ومنهه طاحت آيه..


لخادم الزهراءع
مهندالعطواني
207
الناشر احمد الفاطمي

30 Oct, 20:17

قصيده للسيده فاطمه الزهراء ع


                       أول مَـرّه أبچي ومـا تگعـدين
                       يمه شگد صحتلچ ماتسمعين
                آنـــه حسيــن يمــه..بس حاچيني چلمه
                                    يمه يمه
===================================١
                      اصيح اعليچ يمه ودمعتي بعيني
                      خلينـي أشبگـچ ونتــي أشبگيني
                      آنــه حسين چنـچ مـا عــرفتينـي
                      اذا آنــه عــزيـزچ ليــش عـفتيني

                        فگي اعيونچ وعايني الحالي
                        دمعه بطولـه الـمفارگله غالي
               چرح گلبي اشْيلمــه..بس حاچيني چلمه
                                    يمه يمه
===================================٢
                     التشبگه امـه يحس بلـذت الشبگه
                     بـس هـل مره ماكوا حرورة الملگه
                     بيهــه انرسمن اللـوعـات والـفــرگه
                     بكثر ماصيح گلبي انشلع من عرگه

                        وجهچ ليش نوره الـيوم طافي
                        عله اعيونچ اثر سطرات غافي
                  منو الـخدچ يلطمه..بس حاچيني چلمه
                                     يمه يمه
===================================٣
                      بـــويــه لا تغســـل أمــــي خليهـه
                     خاف اتروح ريحتها ارد اشم بيهـه
                     الـماي يـأذي امـــي مـا يـــداويهــه
                     ضلعهـه منكســر والــهوى يأذيهــه

                         يبويه جسد أمـي لا تغسلــه
                         تروح مخضبـه لربها وتگلــه
                العصرها تگله بسمه..بس حاچيني چلمه
                                     يمه يمه
===================================٤
                 اجاني الـيـل وآنــه خايف مـن الليـل
                 ليـل الـفاگــد امـه ايگـوم بيــه ايعيل
                 گلبي امن الونين يضل يحط ويشيل
                 الـعافيته بگبـر ما يضل بيــه الــحيل

                     اذا موشيلتچ ما نام ضليــت
                     اشم بشيلتچ يمه وتغطيـت
                عطـرچ بيهــه اشمه..بس حاچيني چلمه
                                     يمه يمه
===================================٥
                اعيـونچ غافيـه وحسين ضل سهـران
                حضنچ مـاي وآنه من الصبح عطشان
                مـلفــوفـــه بچفــن يا جنت الــرحمـنٰ
               عفتي حسين ليـش وحاضنه الـتربـان

                     هنياله الگبر حاضن حنينــه
                     بيتچ مگبـره صـايـر علينــه
                بعـــد مـا نـرد لمـــه..بس حاچيني چلمه
                                     يمه يمه
===================================٦
                    يـا جناز بـالله اكشفلي وجـــه امي
                    يعينـي شكثـر مـاعندج دمــع لمـي
                    گبل تبچـي اذا يمهــه انذكـر اسمي
                    شلون ابكربلـه لـو شاھـــدت دمـي

                    ايـد تکـض ضلعهـه وايــد عـالعين
                    وتصيح مكسرات ضلوع الحسين
                چــم حــافــر يثلمه..بس حاچيني چلمه
                                     يمه يمه
====================================
✍حيدر الشغانبي
309
الناشر احمد الفاطمي

30 Oct, 17:07

وين حيود هاشم خل يفزعون
بالخيمه العرب ضلو يحرگون
زينب تركض اگبال الكفر هيج
الساده اشلون بالله بهايه يرضون

نار وخيل .  عتمه والليل . شيركضها تعبانه
حيل وراح . صار صياح . وهيه امريه عطشانه

هيج ام عون تاليها
الخيمه حترگت عليها
وتركض بالفله ادور
بالكت تلگه واليها

(( ابهيمه يشركضها ام عون ))
،،،،،،،،،،،،،،،،،،،،،،،،،،،،،،،،،،،،،،،
طلعت  والزلم  شافتها  صوبين
كلها تصيح طلعت اخت الحسين
امدنگه الراس ضلت بين الخيول
وين اتروح بالله وتركض امنين

عطشت راي . مو بس ماي .اه ياهضمة الهضمه
هيمه وخوف .ضاع الشوف .ماضل للخدر زلمه

شتلم بالله حيرانه
بنص الخيمه دخانه
طاحت بالركض وسفه
عطشانه اعله عطشانه

(( بعيده صارت عن حسين ))
،،،،،،،،،،،،،،،،،،،،،،،،،،،،،،،،،،،،،،،،،
تركض بالعبايه الكلها دخان
لاخيمه البقت لاضلت اخوان
بنت اهل الكساء اشلون ياناس
ابنص اخوتها وادور عله امجان

وين تروح . كلها جروح . بين الغرب مالومه
تالي الحال . بس حبال . وتتجتف المهضومه

ركضت للأخو ابهمه
تشوفه املطخ ابدمه
ندلت جسمه من عطره
اتشبگه بلوعه وتشمه

(( الخيمه ماضلت يحسين ))
،،،،،،،،،،،،،،،،،،،،،،،،،،،،،،،،،،،،،،
عثرت بالهضم من صعدت النوگ
ماتعرف سوالف دخلت السوگ
تطفه الخيمه ندري بشمرت تراب
شيطفي الگلب عالخوه محروگ

نعش الموت . مو تابوت . صاير للحرم هزله
تريد اطيح . بس اتصيح . عملت كربله عمله

طلعت لليسر غبشه
خدر الله وطلع نعشه
حالت زينب ابهايه
طير ويحترگ عشه

(( اتريده صيحولي العباس ))

ابوفايزالرافضي
326
الناشر احمد الفاطمي

30 Oct, 16:19

بعد امي كلشي راح .
..بيت المحنه طاح..
....................وحزاني ماتبره
حلمي البنيته ايروح
ايامي كلها اجروح...
.................مهضومه يالزهره
*******************************
صبح ظلمه بغيابج بيتي ما طبه
كرهت الباب يمه اگبالي والعتبه
التموت امهه تعيش الدنيا بالغربه
ايفززني الجرح ما ينسي صعبه

امرادف عليه البين
ماشفت حمره العين..
..................لسطره والعصره
حلمي البنيته ايروح
ايامي كلها اجروح
...............مهضومه يالزهره
*******************************
حزن وجروحي چانت يمه بالظنه
واجاني الليل بفراگج عله الونه
جرحني الباب يدفع بيج اشوفنه
التموت امهه بعد يا حضن تتمنه

ماتت الدنيا وياج
كلشي انتهه ابلياج.....
.................اسنيني والعشره
حلمي البنيته ايروح
ايامي كلها اجروح
...............مهضومه يالزهره
*******************************
تره الفگدت عزيزه حيره منواها
عليله وتحني صارت حتى مگفاها
تصير الدنيا ظلمه ابعيني لولاها
الزجيه وياي چانت والله محلاها

بالحسره انده وين
تانيني يم احسين
..................ثوبج اشم عطره
حلمي البنيته ايروح
ايامي كلها اجروح
.................مهضومه يالزهره
*******************************
عگب امي عجيبه اتموت الملوحه
بشر كله ترافه اشكد تون روحه
حچالي الباب كسرج وانه مجروحه
حلم باليقضه واقع يمه مذبوحه

صار الجرح بسمار
وبيش اطفي النار...
................باب الله مستعره
حلمي البنيته ايروح
ايامي كلها اجروح
...............مهضومه يالزهره
*******************************
صعب طعم اليتم وزغيره عافتني
توصيني اسمعتهه بلهفه شبگتني
يزينب حيره باچر حسره عرفتني
عالتل من تجيني هناكه نادتني

محتاره اصد الخيل
چلچل عليه الليل
.....................لو ينگطع نحره
حلمي البنيته ايروح
ايامي كلها اجروح
..................مهضومه يالزهره
*******************************
عشت عمري نواعي وطفي گدامي
هجوم ونار بابج هدم احلامي
انتظرني الطف ييمه يحرك اخيامي
تسحگه الخيل يمه احسينج الضامي

ماشرب شوفي شفاه
كون انه اموت وياه
...................من ينسحك صدره
حلمي البنيته ايروح
ايامي كلها اجروح
....................مهضومه يالزهره
*******************************
تمت بعون الله
الشاعر....... يوسف الفتلاوي
287
الناشر احمد الفاطمي

30 Oct, 15:12

يوم المحشر
حاير اني وضاع الراي
وماكو احد واكف وياي
ونضرت بيبان كثره وبلدمع
وباب بيهن للخدم واضح يشع
… ...
خلص وكتي بهذ العالم وكل عالم بعده ادخل ضيف
وصار اليوم البيه اتجازه وهذ اليوم اشبه بلطيف

ومن بده الاعلان عن يوم الحشر
ناس ماتت من عظم هذ الامر
اله اني وحدي امشي وامر
وهسه يله اني شعرت بادي العمر.

اللسانه يهلي بلزاير يدلي الناس
الخادم بلحشر واكف ورافع راس

وقطعه انكتبت
يلماشي انته اعله الرجلين
منا توصل حد حسين
وجن درب مشايه ضاوي وبي شمع
وباب بيهن للخدم واضح يشع
… .
شكد بي عالم هذ الشارع متروس ومرفوع اعلام
جمله انكتبت وسط الرايه حياهم الله الخدام

والملائك علدرب تصرخ هله
انتوا يلبيكم عطر من كربله
ممشه واحد بلدرب جن عايله
اليرفض يعزبونه تصبح زلزله

وحسينه احنه بلخدمه وبجينه. هواي
وزعنه احنه بلمحشر ثواب الماي

وعاد هنانه
منعونه احنه من التوزيع
كالوا حان الكم توديع
حرمه اجتي ومنكسر عدهه الضلع
باب بيهن للخدم واضح يشع
… .
ومن دنكنه لكثر الهيبه وكثر النور البي نحتام
كالت كلمه بيه بجينه رفعوا الروس انتم خدام

هنا عرفنه الزهره هيه الي حجت
هناك من شافتنه ويانه بجت
وسوتلنه مجلس وبي وزعت
مجلس وبي ام حسن هيه النعت

وكامت تشكر الباجي وتقبل العين
وتوزع الخير للمنطي بثواب حسين

وصلتنه امنه
وشكد عندي ادكول اعتاب
للعاف ابني بلا اسباب
هسه هاي ابوابكم بيكم تشع
وباب بيهن للخدم واضح يشع
……
دون العالم مانتحاسب ولو فكرنه الفكره اتصير
هذ العالم ذاك الضحه وبس الخادم بابه جبير

انقرت جمله ابابنه وصار العويل
مايطب المابجه لعين الكفيل
والعليله حاضره وياهه العليل
وقبل لا تدخل وجب يحضر كفيل

واجه اليكفلنه خاطر ندخل ونرتاح
راسه بايده شايل جسمه كله جراح

كلنه ركضنه
خاطر نتلكه المسحوك
وشكبره بداخلنه الشوك
جسمه متوذر ولا سالم ضلع
وباب بيهن للخدم واضح يشع
……
وصار الملكه بقرب الضامي واليحجي حسين بلا راس
تخيل مقتل من حسينك وتسمعه انته بكل احساس

كله وكفت مااجت يم الحسين
نحضنه ردنه ومالكينه احنه الادين
وصوت منه يكول احبكم بي انين
نبجي لازم بس بجه اعلينه الحنين

وكفنه ابابه
ومانقبل ندخل ونفوت
لو نرحل من يمه نموت
شنهو جنه نريد صوته ينسمع
وباب بيهن للخدم واضح يشع
……
مجتبى الدفاعي
288
الناشر احمد الفاطمي

30 Oct, 05:54

قصيده الى مولاتي فاطمه ع


                زغيره اعله الموت..ليش تموتين
                مـاشـابــع شــوف..منـچ تــدرين
                يعشگي الأولـي..يمخلوقه العلي
                            ليش اتموتين
===================================
           يـم الـمحنّه والوفـه شلـون الف بيچ بچفن
           شـايـل ورد للـمگبـره ودري الـورد مايندفن
           مــو علي ذاك الاولي بالـگـوه رجليــه مشن
           عيون التفارك شوفتچ كون وينورچ ينطفن

                عينـي ابفـرگاچ..عميـه تمنيــت
                مــن تمــوتيـــن..الـمـن ظليــت
                منو بعدچ الي..يمخلوقه العلي
                            ليش اتموتين
===================================
         يـالطحتي ماي اعله الـرمـل محتار بيچ شلون الم
         الـقالـع حصـن خيبر بعـد مـايگـدر يشيـل الــجدم
         من امشي طولي منحني حيلي ويه ظلعچ منهدم
         الـهــوه يلچم ريتـي الـما بيــه عطــرچ مــن اشــم

                 يختـل الـكــون..لـو مــات الــيـاس
                 تصير النسمات..مـابيهـه احسـاس
                 ابگبر ريحت هلي..يمخلوقه العلي
                                ليش اتموتين
===================================
           جنت انه اغار من الهوه النسماته من يمچ تمر
           نور الشمس مـايوصلچ اوگف يفاطمتـي سـتر
           اشلـون طاوعنـي الگلب حـافرلچ ابإيدي گـبر
           هِلـت الـتراب ويلچم مـن عــده ظلع المنكسر

                   اثَگيله الــتربــان..وظلعچ مكسور
                   اتلچمه الدمعات..صـدر الـمعصور
                   يعينـي بطٍلــي..يمخلـوقــه العلي
                                ليش اتموتين
===================================
           مـن بعدچ الـمن اشتكي يافاطمه يم الحسن
           لو كابرت من الحزن تفظحني دمعاتي الجرن
           فـاگـد عزيزه وتختلف عـن البواچي من اون
           مثل الـيتيم ابلايه ام يلكه الحنان بيا حضن

                  مـاكـوا بـالنـاس..مثلـچ مـوجــود
                  الــتحت التربان..شيــــرده اردود
                  الحزن بيه ابتلي..يمخلوقه العلي
                               ليش اتموتين
===================================
           رديـت اعثــر بالــدرب عثــرت الـظل ابــلا اهل
           يعاين عله انجوم السمه البالدنيه مـاظلاله خل
           وشـل ادموعي وماخلص ليـل الـهجر ماينحمل
           الساعه بيه مرت سنه وضل ياكل ابروحي اكل

                    اتمــر الــحضـــات..چنهـــن ايـام
                    وسـاعـاتــه اطوال..مثل الاعوام
                     يروحي اتعلعلي..يمخلوقه العلي
                                 ليش اتموتين
===================================
           لـو ماحسين وكربلـه ماتـدخل الـبيتچ مره
          ام البنين الدخلته گالــت يشــرفنـي تــــره
           ابيتچ يبت المصطفى تخـدم اولادچ ناذره
           تخلف ولد وسمه الگمر شايل لواه وناصره

                  ام الــــــــــعباس.. وتلاثـه وياه
                  عنــــوان الــجود..ربـچ خــــلاه
                  ابوفاءه يعتلي..يمخلوقه العلي
                              ليش اتموتين
===================================
✍حيدر الشغانبي
201
الناشر احمد الفاطمي

30 Oct, 05:54

فتحة عزاء الى مولاتي فاطمه ع


يازهراء..أريد أفتح عزائچ
يازهراء..وفقيني بـدعائچ
===============================
وفقينه الـخـدمتچ فاطمــه الليله
شـوفـي أعيـونّه والدمع التسيلـه
واحــدنــه مصابچ يهــدم بحيلــه
الله لاحـــرمنـــه مـــن عـطــائــج
===============================
منـچ ردنـه يامـولاتـي بـس نظره
أحلفچ بالـضلع وعيـونچ الــحمره
اتمنه ابمجلِسي اتحضرين يازهره
ولاء الله معقـــــــــود بــولائـــــچ
===============================
مجلسنه البسيط انتي تحضرينـه
ايـدچ عـالضلـع والـدمـع تجـرينـه
العَله مصابچ يون انتي تسجلينـه
وعلـي بـالـمحشر يــوزع الــنتائج
===============================
عـرفتــه الــخادم الــبينــه تقبلينــه
اذا ينخـاچ بـالــشَـــده تحظـــرينــه
الـما عـاف الــمجالس مـا تعــوفينـه
الـمصابـه عـافــه وينــوح الــبلائـچ
===============================
يعوف الدنيه كلها ومايعوف حسين
بـدکات الـصـدر يشعر يـوفـي الدين
عهد يافاطمه شمـا بعـد بينـه سنين
ظلعـــچ مــا نسينـــاه و دمـــــائــچ
===============================
بـالـمحشر تجينــه والـضلـع دامـي
واشوفچ فاطمه وتتحقق احلامي
يــارب تگليلـــه ذولــه خـــُدامـــي
الله يستحــــي يــرفـــض رجـائچ
===============================
✍حيدر الشغانبي
222
الناشر احمد الفاطمي

30 Oct, 05:54

قصيدة استشهاد الزهراء ع


  مـاشي دفان..بحياتـي..مـاشي دفـان
  دمعي خلصان..عليها..دمعي خلصان
بيدي أدفن فاطمه..والضلع يگطر دمّه
        ماشي دفان..ماشي دفان
===============================
زغيره عالموت وعمرها مگدر بطـول الحلـم
اتبدت الفرحـه وعمرها بين اديـه وشرد الـم
گلبتهـه اعلـه المغيسل ميتــه مـن گـد الالـم
امبينه عصرة باب بيهه چم ضلع منها انثلم

   باقـي نيشـان.. بضلعهـه..بـاقـي نيشان
   دمعي خلصـان..عليها..دمعـي خلصـان
مسحت ايدي اتألمه..والــضلع يگطر دمـه
          ماشي دفان..ماشي دفان
===============================
چفنيـت الـزهـره بيـدي والـعطر منها يفـوح
چنت أشمّنهه بصباحي شلون ادفنها وأروح
تندفـن مثـل الـغريبـه ابسـر گبرهـا مـا ابوح
ترابهه وحـدي أهيلـه زادت ابگلبي الـجروح

  گلبـي نيـران..توجّــر..گلبــي نيـــران
  دمعي خلصان..عليها..دمعي خلصان
تبچي وياي السمه..والضلع يگطر دمه
         ماشي دفان..ماشي دفان
===============================
يم گبرهه روحي ضلت بس جسد لمن أجيت
مـاتلگتنـي اعلــه بابـي بـس اثـر منهـه لگيت
الاثـر هـذا دم ضلعهـا بلونه من عيني بچيت
مثـل بابـي گلبي صايـر ابنار وجيت وطفيت

      لاحـت احـزان..عليّـه..لاحـت احـزان
      دمعي خلصان..عليها..دمعي خلصان
الدنيه صارت مظلمه..والـــضلع يگطر دمه
           ماشي دفان..ماشي دفان
===============================
امفارگ وليلي اخلصه نوح ودموع او ونين
اليسر گلبـي حچيھـه بعد وين الگاهه ويـن
راحت وياها المحنه فاطمه ام گلب الحنين
بـويـه وين امي يگلي وشرد اگلله الحسيـن

   وجهي ذبلان..ويه عيني..وجهي ذبلان
   دمعـي خلصـان..عليها..دمعـي خلصان
ناظري اعليهه ضمه..والــضلع يگطـر دمه
          ماشي دفان.. ماشي دفان
===============================
وره السافـر مـاي ذبوا حتـه سالم مـن يـرد
وره الــزهـره شنهـي اذبـن وانتظر ليــّه ترد
عـالگبـر بـدّيــت عينـي وگلبـي ويـاه انمـرد
آنـه اول واحــد ادفــن بـالكبــر شـــدة ورد

     بيـــدي تربــان..أهيلاً..بيـدي تربـــان
     دمعي خلصان..عليها..دمعي خلصان
  آه يـهـاي الخاتمـه..والضلع يگطـر دمـه
          ماشي دفان..ماشي دفان
===============================
الـدفن نص منـه عايش هـوه والـميت سـوه
لومشيت الگاع أكضها ظهري من همي انلوه
اتغيـرت دنياي گلها ويخنك ابـريتـي الهـــوه
احله مـن الشمس فاطم جانت لعيني ضـوه

    ضلمـه الكوان..بعـدها..ضلمـه الكوان
    دمعي خلصان..عليها..دمعي خلصان
خدها چفهم لاطمه..والضلع يگطر دمـه
         ماشي دفان.. ماشي دفان
===============================
✍حيدر الشغانبي
237
الناشر احمد الفاطمي

30 Oct, 05:54

الى مولاتي فاطمه ع لسان حال امير الومنين ع


              يـالـزچيـه..بهـل مسيـه
         صوت فضه ابإذني رن..عليچ
                   ماتت الزهره
===============================
ليش صوتچ ما طلع..متّي لو باگه الوجع
               كلمينــي كلمينــي 
كلشي بعيوني انطفه..ما أشم ريح الوفه
               يا حنيني يا حنيني

    سكت صوت المحنه وما اسمعنّه
    باخر لحظت الـتجويـد بيـه ونّـه
    احـس چلماتچ الـمکسـور لچمنّه
    ظلوعـه الگلب مـا گامـن يلزمنّه

            شنهي صاير..انه حاير
        ركض جدامي الحسن..عليچ
                 ماتت الزهره
===============================
احچي بس گولي علي..يا بعد حيلي وهلي
                  لا تموتين لاتموتين
ذابلــه اچفوف الــورد..بيدي ارفعها وتـرد
             يم الحسين  يم الحسين

    رفعـت ايـدچ وردت يـا بعـد عينـي
    مو بس هيه طاحت طاحن سنيني
    مـن گلبـي سمعتــه يطلـع اونينــي
    دمــع الـعين مـن ينـزل يچــوينــي

         باگت الصوت..سكتت الموت
     عيــونــي بـالـــدمعـــه حچن..عليچ
                  ماتت الزهره
===============================
لوتفسريـــن الحچي..عتاب يذبح بالبچي
               من العيون من العيون
ابـد مـا تبچي الزلم..الاّ كلـش تنهضـــــم
    ابحرگه يبچون ابحرگه يبچون

   الدمع يسبگ كلامـي مـن ينشـدوني
   اختنگ بالعبره صوتي وما يفهموني
   هــذا اليــوم الاّ اعميهـن اعيـــــوني
   اريـد ابچي علـه الـزهـراء خلـــوني

           دمعه دمعه..حالي شمعه
       اعيـونـي وجّـن وانطفـن..عليچ
                 ماتت الزهره
===============================
البيت من بعدچ صَبحَ..مگبره مابيه فرح
           بس الدموع بس الدموع
ابكل مـكـان اتـذكـرچ..واشم بمصلايتچ
            دم الضلوع  دم الضلوع

      تلاثه تكسرن يا ويلي عـالزهـره
      وبيهـن حانيتهن قـــوة العصـره
      والـبسمار بيهن خلّـه چم حفـره
      واحد ما طلع سالم امن العشـره

            ما لزمتچ..خاف الچمچ
        الــعافيـه وطولي انحنن..عليچ
                 ماتت الزهره
===============================
عَصَر متي لو حَرگ..شفت صدرچ منطبگ
            بدفعت الباب بدفعت الباب
ابچفچ امبينـه علل..الـنار مـاكل بيـه اكل
             باقي ماطاب باقي ماطاب

    جرحچ أخضر ومـا طاب يا تـرفــه
    الورد من نارهم ليش احترگ چفه
    انعصـرتي وره الباب الخاطر العفه
    ولا واحـد حماچ اگلوبهــم صلفــه

           نار يشعل..بأمر الاول
        بـابـچ وجـفـــچ دون..عليچ
                 ماتت الزهره
===============================
مستحي مـن الـرسـول..لـو سألني شـرد اگــول
                  يـالوديعه يـالوديعه
بخدچ اطبوع الچفوف..واثر من كعب السيوف
                  عله البيعه عله البيعه

        يزهره اعلـه الـچفن اكتبله الاسباب
        وبيا ذنب عصروا صدرچ الاصحـاب
        الگللهـم وإن والـيرفس اعلـه الـباب
        واثر من سوط قنفذ متنچ الماطاب

             واليهضمچ..واليلطمچ
         والــشعـل نار الــفتن..عليچ
                  ماتت الزهره
===============================
✍حيدر الشغانبي
319
الناشر احمد الفاطمي

27 Oct, 21:35

حروفك ذني شمسويات اثناء الخلق يحسين
اذا هنة الك حضرن شافن وجهك بيا عين
اجتمعن وصارن حزن ويا مدد
ليش صارن اربعة بهذا العدد؟؟
شمسويات اثناء الخلق يحسين؟
… .
صرح كتاب الله وشهد كلشي انوجد يعني انخلق
وحروفك الشكلن اسم من ياضوة ضيهة شرق؟
انته الصحتهن هنة اجن؟ چان الدرب بي مفترق؟
ولمن صبح واسمك ظهر ياهوة اول من نطق؟

هم صار اختبار الهن بقضية كربلة مولاي
واذا كلنة نعم يحسين هم منعوا عليهن ماي؟
الامر الاصعب سيدي لطول الأمد
ليش صارن اربعه بهذ العدد؟
شمسويات اثناء الخلق يحسين
… ..
يانوع من سجدة وذكر يحسين سون هالحروف
واختارهن رب العرش خاطر يصيرن بالطفوف
ميطوف اسمك عالعرش متوسط وحوله نطوف
عَجبني اسمك سيدي بشجم حرف ذل الألوف

ونعرف كل اسم بالكون من الشاله عندة اطباع
اشلون اتجمعن يعني وانتة مطشر اعلة الكاع
سهم بيهن معنوي لو بس عمد
ليش صارن اربعة بهذا العدد؟
شمسويات اثناء الخلق يحسين
… .
انة اظن ياسيدي هذا العدد يحمل امر
معناتة يقبل ايي شخص من ايي جهة هوة يمر
حاء لحروف الله جمع سين اعني ساعات العصر
والياء للعاشك صفت من احلة لحظات العمر

والنون اعتقد صاير نور الله الصبح ظاهر
وظنهم ينطفي هالنور من خلوا علية حافر
هذا حد معرفتي يلمالك أحد
ليش صارن اربعه بهذ العدد؟
شمسويات اثناء الخلق يحسين
… ..
بيا عين نظرن كربلة من النقطة لو عين الكلب؟
وشصار بيهن وشحجن لمن صرت فوك الترب؟
معقولة حزنة لهل اسم من يمتنع عن الكتب ¡
حيرتني هاي المنزلة شو حتة اسمك هم صعب

يالكلشي نطيت الله واسمك يعجب احساسة
يصغر لفظه عند الناس حزن لو منكطع راسة؟
لو وهبتة ل الله لو شنهي بعد
ليش صارن اربعة بهذ العدد؟
شمسويات اثناء الخلق يحسين
… ..
اناديك احنة بهلأسم هذا فهمنة وننعاك
باقي العوالم يااسم تلفط لون تحجي وياك؟
وشصار بيك من ارتبط وشيصير هوة ابلياك
ادخيلك اكو شكم كربلة؟ ولجم شخص كلت الهاك

بكل عالم اظن يحسين لجلك منوجود عاشر
بكلهن حظرتك ناديت بنحري واهلي انه حاضر
نعم كلشي البيك صار بلايه حد
ليش صارن اربعة بهذا العدد؟
شمسويات اثناء الخلق يحسين
… .
بيك من افكر سيدي شكد اعشك انة التفكير
الوياك شامرهة صدك بكل مشكلة يشوف الخير
لمن نطيت لخالقك حسينة معنة التقصير
جسمك صغير من السحك وكل اليشوفنه اچبير

يااول مصاب انكول الحمد لله عله مصابي
ذني اسئلتي يامولاي ورايد منك جوابي
يلي ماعندك نهاية ولا بلد
ليش صارن اربعة بهذا العدد؟
شمسويات اثناء الخلق يحسين
… .
مجتبى الدفاعي
66
الناشر احمد الفاطمي

27 Oct, 20:44

توجعني كلمة فاطمه
تخنگني دمعة فاطمه
الله يعينچ فاطمه يمه

-----------------------------

بضعة محمد هيچ تاليهه
حتى النفس صاير يأذيهه
محنيه من ضيم السدى اعليهه
ما ينسمع ونها وبواچيهه

ذبلت لحد ما صارت خيال
كسر الضلع مو چلمه تنگال
بسمار يذبح امنه يا ناس
طايح الكون وصعبه ينشال

يا فضه صاحت فاطمه
لحگيني ونت فاطمه
الله يعينچ فاطمه يمه

---------------------------------------

ليل اليمرنه وهيه ويانه
تعبانه بس متگول تعبانه
تگعد بصفنه وتعدل غطانه
وهيه الكسر خلاهه ذبلانه

بحجة اتلولي اعلينه بليل
تبچي بدمعهه اليهدم الحيل
خافن نگلهه الضلع اذاچ
ضمت وجعهه وگامت تميل


يا ويلي مالت فاطمه
من عدنه شالت فاطمه
الله يعينچ فاطمه يمه

--------------------------------------

حتى بصلاة الليل مهمومه
تحچي وي ربهه وهيه ملچومه
ربي الظلمني اتگرب بيومه
لا ترضى عنه اتمرمره ابنومه

حارمني من الراحه والنوم
ما بيه حيل اگعد ولا أگوم
يوجعني ضلعي وظلم الاجناب
حيل انحلت ما شيل الهدوم


گربت منيتچ فاطمه
شنهي وصيتچ فاطمه
الله يعينچ فاطمه يمه

-------------------------------------


وكت المحنه الفرگه تاذينه
بعده العمر وياهه خلينه
حال آمنه يمغير معانينه
ها يا سبب همنه وبواچينه

يا يمه تاني الرمل غطاچ
محلات حظنچ وانتي محلاچ
خلينه يمچ وسط الگبور
فتحي الچفن خل نغفه وياچ


ضمينه كلنه فاطمه
يمچ لطمنه فاطمه
الله يعينچ فاطمه يمه

---------------------------------------


صار الوداع وماتت الليله
بظهر الجنازه الحيل اتچيله
شلت العبايه وحاظنه الشيله
گلبي اليريدچ شرد اسويله

زينب بعدهه اتريدچ شلون ؟
من ريت طولي وياچ مدفون
ضميني اريد امشابگ اوداع
توگع وراه چفوف وعيون

خلصت ييمه فاطمه
سمعيني چلمه فاطمه
الله يعينچ فاطمه يمه


كلمات الخادم / رعد الفريجي
20 ربيع الاخر 1446
ثوابها الى روح والدتي
76
الناشر احمد الفاطمي

27 Oct, 20:44

انا الذليت عدواني
انا المحد تعداني
رفعة راس من عباس
والزهراء عنواني

******

انا الشديت ظهري ابيرغ الخوه
خذت من الكفيل الغيره والنخوه
توهم داس گاعي ومبتلي بلوه
عرفني ويا السواتر عشرتي حلوه

اكف الموت بذراعي يزهراء
ابد ما تنسحگ گاعي يزهراء

انا اول ما صرت ثاني
انا المحد تعداني

----------------------

ثارج ما نسيته بچفي رديته
بصدرهم والفشگ بالضلع دگيته
الغصب حقچ يزهره اليوم عرفيته
عزلته من الجثث بالنار حرگيته

واضح شارك بظلمچ يزهراء
ما ضاع وبرد دمچ يزهراء

ترد ثارات خواني
انا المحد تعداني

-------------------

مثل عباس من صال وگصد ليهه
دخل للمشرعه وغير معانيهه
هذاك الجان خزرة عينه تگضيهه
تطيح ارگابهم ما نعرف شبيهه

چان يصيح مظلومه يزهراء
من الدنيا محرومه يزهراء

اگص اليوم ذرعاني
انا المحد تعداني

--------------------

بعد ميضيع حگ العتره وعيونچ
اسبيهم يزينب وسفه يسبونچ
احنه الرجعينه الثار لمتونچ
عونچ يلعظيمه نصيحلچ عونچ

زينب هاي ديرتهه يزهراء
يم حسين گعدتهه يزهراء

خادم للعقيله اني
انا المحد تعداني
----------------


نطيح وعلسواتر نرفع الرايه
دمنا يگض ظهرنا وهو تچايه
هو الموت يسهل ظلت حچايه
تمنينا. بمحرم نحضر قرايه

نبچي ونلطم بلوعه يزهراء
على الما سلمن ضلوعه يزهراء

حسين انسان سواني
انا المحد تعداني

كلمات / رعد الفريجي
51
الناشر احمد الفاطمي

27 Oct, 20:44

يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،

هاي اطفالهه الظلو يونون
فوگ جنازة امهم تجري العيون
صاحو يلحنينه وحيل يبچون
هاي الوالده وحگهم يموتون

هلبت تسمع النوح
وين الغاليه تروح

خليهه الگلب مو صار نصين
يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،

غطينه ابعباتچ چلچل الليل
وجهچ جنه يمه وشوفتج حيل
ابد ما حسبينه العافيه تشيل
هيچ الدنيا دارت ليش وتميل

أمنا تروح شبساع
ويطمهه تراب والگاع

يبعد الروح ظلي ولا تروحين
يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،

والله وداعتچ ما اريدن الدار
لو عفتيهه يمه اتصبح حجار
تهدم بيهه كلشي اتخيلي الصار
امرن بيهه مرت ناس خطار

ما عاين عليهه
اغمض وابجي بيهه

بعد خلصت ييمه وما تردين
يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،،،

خلنه ويا الحنينه نخلص العتاب
وياهه لوحدنه ومامش اجناب
نتغطه بحظنهه البعده ما طاب
يمه الله ولحد ظلمه التراب

ردنه وياچ ونام
دارت يمه الايام

يمه بنص رمل تالي وتنامين
يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،،،،،

رايح وين يا جناز بالعيد
خلينه بحظنهه وكلشي منريد
ما سدت جفنهه اسألهه شتريد
گلبهه اعله اليتامى الراحت بعيد

ونت حيل وبآه
حظن امنه الخسرناه

خلنه نموت كلنه ولا تموتين
يهل جناز رايح بيهه لا وين

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يلماشين بس اخذوني يمهه
وسعولي الگبر خلوني اشمهه
كون بنص دليلي الجنه اضمهه
لا يتراب طمني ولا تطمهه

تعبت حيل برباي
سهرت ليلهه وياي

تانيني ارد اوفي التعبت سنين
يهل جناز رايح بيهه لا وين


كلمات الخادم  /   رعد الفريجي
97
الناشر احمد الفاطمي

27 Oct, 20:44

ثورة      الزهراء   ثوره    قائمه
والهتاف الشيعي   تحيا  فاطمه

-------------------------------

فاطمه  الامر  العظيم   المهدوي
فاطمه  الصوت المهيب   العلوي
فاطمة   الخلق   القديم   الازلي
فاطمة  روح   علي   قلب   علي 

قد فصلت ،، قد صورت
رحمة  الله  تجلت  فاطمه

ما  انجبت ؟ ،، حين اعتلت
عالم  السبطين  كانت فاطمه

بيرغ  ومرفوع     بچفوف    ونحور
نار  ما  تطفى    وعلى  الظالم  تفور
فاطمة  الصوت الرعب ذيچ القصور


ها  هي  الارواح  تدنو    قادمه
والهتاف الشيعي   تحيا  فاطمه

-------------------------------------


فاطمه   الفقار     حين     الملتقى
فاطمه   الكرار   في الحرب ارتقى
فاطمه   العباس   قرب   المشرعه
فاطمه   الحوراء  تمحو    الاقنعه

ما دامها   ،،   في شامها
ذلت الارجاس زينب فاطمه

من أمها   ،،  في  دمها
تكتب  الثورات  ثورة فاطمه

فزعة  الاحرار   في  ارض  الطفوف
فاطمه   الزهراء    رايات   وسيوف
فاطمه   العباس   وايثار    الچفوف


صولة     الكفال     فينا     دائمه
والهتاف  الشيعي   تحيا   فاطمه

--------------------------------------

فاطمه   السجيل  أهلك   أبرهه
فاطمه  الفردوس  عند  المنتهى
فاطمه   التسبيح في وقت السحر
فاطمه   الانفاس في  صدر  البشر


فاء الفلق   ،،   سيل الودق
حين لا ماءٍ  ستمطر  فاطمه

فيها  اتفق  ،،  لا يفترق
كل  معروف  يٌنادى   فاطمه


سورة    الاخلاص   يا   أم   اليقين
يا  نجاة      الشيعه   أم   المؤمنين
أنعم الله اعليچ   يلجبتي  الحسين

مالك   التاريخ    امسى   موسمه
والهتاف  الشيعي   تحيا   فاطمه


-------------------------------------

فاطمة   المحراب في وقت الخشوع
فاطمه    الاقدام    ليست     للدموع
فاطمه    التحرير  من  سوق العبيد
فاطمه     الادراك   والقول  الرشيد

لا تنحني    ،،،  ظهر   علي
آية الرحمن امست  فاطمه

لا تنتهي  ،،    كف الولي
عند قلع الباب كانت فاطمه

صولة    الثوار   في    وجه    الطغاة
فاطمه   التكبير   في    وقت الصلاة
نعمة  الباري  الملت      كل     الحياة

لا     تزال  البضعه    فينا   ملهمه
والهتاف  الشيعي   تحيا   فاطمه

-------------------------------------

فاطمه    التمهيد  للمهدي الحبيب
فاطمه    التوحيد    لله    القريب
فاطمه     الاسراء  نحو   المؤمنين
فاطمه     الزهراء يا  روح الحسين


خير البشر  ،،  فيها ابتشر
حينما حانت ولادة  فاطمه

اين المفر  ،،  يصلى  سقر
كلُ من آذى ضلوع فاطمه

تبقى    أم  حسين   أعظم   رافضيه
ومنها  كبرت   لاء     نحر  الغاضريه
ورثت   لائات    جيش      الجعفريه

اصبحت  لاءآ   عظيمه     صادمه
والهتاف  الشيعي   تحيا   فاطمه


كلمات الخادم /  رعد الفريجي
ثوابها الى روح والدتي
54
الناشر احمد الفاطمي

27 Oct, 20:42

وجهت وجهي لخدمتج    وأبروحي نار أمصيبتج
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾
   وجـهـت وجهي ومعـتني وأعـيوني خـدام
هيـجي اليطب بخدمتج چن طب للاسلام
   هـذا أنتـمائي بمنـهجـج وبكـل سـنه وعـام
    بجنسـيتي أكتـبـي بالضـهر يالـزهره لـطام


خل تشهد أعيون السمه    أني بشعائر فاطمه 
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

    من زغري وأخدم منبرج حد ماذره الشيب
    يا أمـي وأني مصيبـتج حافضـها عالغـيب
   يمـراد وأنـفـاسـج علـگ وبـمأتمـج طــيب
    العافيـته مو كلـش يجـي للمجلس أيطيب


متعود أبلطم الصدر       من المهد حتى الكبر  
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

  بصـدري أثـر من اللـطم وأجـفوفي والعين
    بثـيابي عـطر المجـلسج من عـطر الحسين
     من أرفـع أيـدي لـدعـوتج يا يـمه تنـطيين
   من خيـرج الكـل الخـدم خـيرج توزعـيين


خيرج علينا أبكل وكت   مثلج حنينه ولاشفت 
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

   أشـعر قلـيل بخـدمـتج وأمـصابـج اهـواي
   شـاري رضـاتـج بالنـفـس للـخدمـه شـراي
    لـو گـبـرج أنـدالـه أجـي يالـزهـره مـشـاي
   وأني بسبـيلج فاطمـه أسگـي اليجي ماي

تمشيلج أعيوني وجدم    موكب وأسير وي الخدم
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

   عبدج وأعيش أبرحمـتج وأبروحي نيشان
  من أسمـع بمجـلس أجـي لـو ويـن ما جان
     تفـگـدين خـادم مـا أجـه أدوريـلـه عـنوان
       تـرحـيـن ألـه لــو للـگـبـر تـقـريـلـه قــرآن


تـقـريلـه قـرآن وألـه     رفعه وشفاعه ومنزله    
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

      يارحـمـه الله الـواسـعـه يابـنـت الأطـيـاب
      خادم وأبـن خادم الـج وأدمـوعي عالـباب
    قبليـني خـادم وأفتـخر ياجـرحي ماطاب
    مو بس ألم كسر الضلع يوجعني ألاحجاب


شيعي وغيور لمحنتج      تاذيني كل الأذتج  
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

     صرت بحسينيتج گبل ما انولد روح
    واعرف مجالس فاطمه تحضرها وتنوح
    مجلسج يا ام الحسن جنه فلك نوح
   واليحضر يعزي نجه والما اجه يروح


بيج الشفاعه التنشفع     لو باجي الج قطره دمع
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾

   هاذي الليالـي الـمؤلـمة لازم نـواسـيـج
    بيـا صوره اقـدملـج حزن يزهره يـرضيج
   انطيتينه من عمرج ضلع جا شنهو ننطيج
    كلـشي قلـيل انـقدمـه ما اضـن يـجازيـج


بس الله يعلم رفِعتج      والجنه تحت اوصيتج
ميت بحزنج بس أعيش برحمتج

✾✾✾✾✾✾✾✾✾✾✾✾✾✾✾✾✾✾
الشاعر زين العابدين الشمري
66
الناشر احمد الفاطمي

27 Oct, 15:05

زَينبُ ياصَبر الربِ زَينبُ ياصبرَ الربِ
… ..
حسين مصحف وانتي صرتي بكربلاء الفاتحة
يعني صرتيلة البداية والنتيجة الواضحة
الينطي يخسر وانتي اول حرة تنطي ورابحة
انتي ياعز الحسين وصنعة الله الراجحة

صرتي النتيجة بكربلة
وحدة ونشوفج قافلة
والنصر الاعظم حاملة

بحبلج تكاملتي بعلي
وموقفج اصبح أزلي
ياعاقلة لكلمة ولي

زَينبُ يا كُلَ العِفة زَينبُ ياكُلَ العِفة
……
الصعبة عندي بالطفوف واصبحت ضِل للألم
الصدك مجتوفة إديهم والمشة بيهم وهم!
هناك نوعين الجفوف ونوع خالد ثاني دم
جف عزل كلمة الباري وجف رفع صيت العلم

يامنطقية بكل ذهول
لهذا الضعن صرتي البتول
يالصبرج ايمان الوصول

ياذلة هاي ويا كسر
حاربتي بسلاح الصبر
وخليتي للمهدي النصر

زَينبُ يامهدَ النَصرِ زَينبُ يامهدَ النَصرِ
… .
ابد ماشفتي مصيبة بس جَميل العين تنظُر
كنطرة الطف لحبيبج ياهو غيرج منة يعبر؟
انتي عرفان الفواطم ويم الآهج اسمج الدر
ودمعتج مو عن عواطف جنهة حيدر بيه الف سر

كلما يهب بيج الألم
اتزيدين هيبة چن علم
يالشيلتج ستر الخيم

يافلسفة صوت الرفض
وللطف صبحتيلة النبض
يل ماكو مثلج معترض

زَينبُ يارفضَ الضُلمة زَينبُ يارفضَ الضُلمة
… ..
صدى لحيدر صار صوتج زينب ابين الخليقة
العايش ابحر المكائد صعبة يقبل بالحقيقة
ولأن بيهه آثار چفچ اصبحت ثورة عريقة
هوة صح مجوي ولكن صار معراج لطريقة

صبرج الفكرة الهادفة
وصمتج هدوء العاصفة
يامن الى الطف مشرفة

لحسين صغتيلة الصرح
وحييتي راسة اعلة الرمح
ولعيونة جنتيلة الصبح

زَينبُ يانور مُحمدْ زَينبُ يانورَ مُحمدْ
……
غربتج عن العقول ومو غريبة بفهمي آنة
وموش هينة هالحبال الحصلت هاي المكانة
لامست اعضم جفوف المهدت صاحب زمانة
وانة اشكن هية منظر لأن مالج حد أمانة

ياحبل حدج ياضوة
لهل مبدء انفاسج هوة
واي جرح يصبحلچ دوة

زينب الشافج بس ألم
مامفتهم معنة العلم
من يوكع إيصعد الخيم

زَينبُ تَطبيقَ حُسينٍ زَينبُ تَطبيقَ حُسينٍ
……
الطف صبح عين الحياة ويرتوي الماشرب منهة
والشرط مالتهة يفهم شنهو دمعة وسبب ونهة
العندة ذرة دنية لو طب كلشي مايفتهم عنهة
ظاهر وباطنها الله وموش ياهو الحس ألمهة

الدمعة مفهوم وحياة
باطنها اسرار النجاة
هية المكمل للصلاة

حرية صار النة المصاب
العايفكم يعيش بغياب
شجرة الطفوف وجذرة باب

زَينبُ يامعنى الثَورة زَينبُ يامعنى الثورة
… .

مجتبى الدفاعي
210
الناشر احمد الفاطمي

27 Oct, 06:12

انه الكسر ضهر الزلم هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه شايل للگبر رحـــــــــت ورجعت اجنازه
لبيته يـــرد ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله تــــــــــره يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل ثگلانه حته انفاسي
من بيتنه لحـــــد الگـــــــــبر ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها فاطمه جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
296
الناشر احمد الفاطمي

26 Oct, 02:55

(موشح)

يخدام حسين خدمتكم نجات
ماتخليكم تهمون بممات

الخدمه رحمة الله من بعد الحسين
توصلك هلخدمه للامر المبين
اتعلمك العباس مفتاح  اليقين

والك جفين ابو فاضل منجيات
…
اتفهمك الخيمات حركتهن هوه
اتفهمك العباس من يعطش روه
كل نبي ومرسول صار بنينوه

اسمحلي اسولفلك انه بهل مسئلات
…
راد يوسف يخدم بصحوة ضمير
مايهمه العزه صغير لو جبير
صار مجلس يوسف بداخل البير

وجان يبجي اعله الجسوم العاريات
……
الشهر وشكم يوم من موسى فهم
لان موكب عنده باطراف الخيم
والخضر رادود جان ويبجي دم
ووكع موسى من سمع بلواقعات
… ..
والنبي ابراهيم بافعاله صريح
الكعبه بانيه عزه لاجل الذبيح
جان بيه يوزع ويبجي ويصيح

الخدمه قبلتكم قصد وكت الصلات
… ..
ونوح من كد ما بجه لطف كربلاء
موكبه اعله الماي صار وبي عزاء
اسمه احنه المايعطلنه الوباء

ولذلك موكبه اتشبه نجات
… ..
وليش ايوب اتصف باسم الصبر
لان جان هواي يبجي اعله الخدر
من درس يم زينب تحصل عمر

نقذته من امراض ادت للمات
… .
وبعد اطيلك مثال وبي دليل
شلون لقمان اتصف عقله جميل
لان يجزع بلعزه بطاري الكفيل

شويه ذني من الامور الواضحات
……
كل نبي ومرسول من رب السمه
يوزع الماي ويحارب كل ضمه
فضه سجلت والامر من فاطمه

المات لجل حسين صارلتله حياة
…… .
مجتبى الدفاعي
389
الناشر احمد الفاطمي

25 Oct, 15:21

دارت على فِهم العُلى كُل القُرونِ تَسأل
ذي فاطمه متالمه وأتى الوصي مُكبل؟
كَيف لانوار الرحمن
أن تُعصر بين الجُدران
…
سؤلا منه عرش الله يرتدد
وجبرائيلُ أوشك فِيهموا الحَد
وهل تُعصر وفاطم مالها حَد؟
ومن يدعوا لرباٍ دون مرقد
وعزرائيلُ نادى فِيهموا اشهد
افاطم ام عليا ام محمد؟
بفعلا منها صار الله يُعبد
ومن هذا الذي مِنها تَهجد

روحُ العُلى أم كَربلا مِنها هَوت بِكَسرى
ذا مُحسناٌ ام سِدرتاٌ هالوا عَليه ضَربى
واتى قرارٌ للشيطان
ان تعصر بين الجدران
… ..
إضطراباٌ عالمياٌ في العوالي
بشأن المُدركه ذاتَ المعالي
يَكاد الصُبحُ يَضهر في الليالي
فذي فاطم بخداٍ باحمراري
فعمقُ الدولةْ قَد ذاع القراري
لنجعل من عَلياٍ ذا انكساري
هجوماٌ فاقَ فَحواءَ الخيالي
ومنهم مانجى حتى الجِداري

اين الِبدى مما جَرى بابُ الاله تُحرق!!
حَسبي السمى سِراٌ هَوى قد كَبلوا يد الحق
حِفظُ الولايةِ بالقربان
ان تُعصر بين الجدران
… … .
نِدائاٌ في السَمى قَد صار واضح
عَزاءُ العالمه وسطَ الجوارح
الى ان يضهرَ المَهديُ صالح
لصَلبِ الجبت والطاغوتِ طامح
وحَسبي هذه اعلى المطامح
وبعدَ الثأرِ يأُذن للنوائح
ويوم المهدي يوماٌ ذي فَضائح
سيكَشف فيه عن مُجري المذابح

لكن الى ثأر النِسى كَيف الحَبيبُ يثأر
ثأر السَبي للطالبي كَسراٌ وكَيف يُجبر
قد ضيعوا أمر القرآن
أن تُعصر بين الجُدران
… .
وبعد الكسر والحرق المقرر
مَشت مَحنيتاً والدَمعُ أحمر
وصارت حَيدراٌ من أجل حَيدر
واسرافيلُ للنفخِ تَحضر
جَميعا رددوا الله أكبر
ولولا الصَبرُ هذا الكَونُ يُدثر
بهذا الفِعل قد ذَلت قِوى الشر
وعادت صَولتُ الطَيار جَعفر

سَقف الصلاه مِنها دنى كادت تكون خيبر
ذي الواثقه والناطقه روحي فِدا لحَيدر
هذا وهل يبقى الاذان؟
ان تِعصر بين الجدران
… .
وفاطم فَهمُها فَوق المراتب
فمن خِرزاتها نَضمُ الكواكب
بقول الهادي للخلقِ تُحاسب
وتَجزي من بكى هذِا المصائب
فحسبي من حَوت كُل المناقب
بِضلعٍ مُنكسر شَراٌ تُخاطب
مكبل من غدى حَلُ النوائب
بحبل وصيتاٍ فَحواها واجب

يبقى النِدى مني علا امراٌ وكيف يعُقل
ذي فاطمه متألمه واتى الوصي مُكبل؟!
فيه اضطراباٌ للازمان
أن تُعصر بين الجدران
… ..
مجتبى الدفاعي
409
الناشر احمد الفاطمي

25 Oct, 14:13

اليالي الفاطميه

بيه لجمه .. وگلبي صاح
راحت امي .. وكلشي راح
ياسگفنه .. الي يلمنه
خلاف امي .. اعلينه طاح

ياعازت سلف مو بيت
عازت امي اريدنها
يرد بيه العمر سنتين
امن شبگها واشمنها
ترد ازغيره ادعي شلون
جوه الگاع اعوفنها

راحت والعمر شيرجعه ياناس
دج شيب القهر من جدمي للراس
يمه وينج يمه وينج
،،،،،،،،،،،،،،،،،،،،،،،،،،،،،،،،،
ابيوم رحتي .. شبيه صار
يلوع گلبي .. ودمعي حار
حگي اعتب .. راح اموت
شمعه روحي .. وحزني نار

عاتبتج غصن للماي
من عفتيني صرت اذبل
عطشان وحنانج راح
ردي ابشوفج اتبلل
أعمه وضيعتني ادموع
كلشي ابعمري ما اندل

جندوب العتب يابعد العيون
اصبر عالهجر بفراگج اشلون
يمه وينج يمه وينج
،،،،،،،،،،،،،،،،،،،،،،،،،،،،،،،،،
رحتي مني .. وعمري ضاع
السفره صعبه .. ابلا متاع
يالمتاعج .. ضيم صاير
الدنيه تخلص .. بس وداع

زحمه الزلمه يبجي نگول
لازم بالگلب همه
هوه الزلمه كون يموت
من يدفن بديه امه
يادمعه التگضها العين
ياحضن البقه ايلمه

يمه وداعتج ضل فارغ البيت
لو وياج خلص عمري ياريت
يمه وينج يمه وينج
،،،،،،،،،،،،،،،،،،،،،،،،،،،،،،،،،،
بيه خنگه .. ابلايه صوت
وياج بلكت .. يمه اموت
شلون حاله .. حسين بالله
وامه ماتت ... بل قنوت

الدافن امه مايرتاح
وشيطيب وجع گلبه
المايشتم عطرها يموت
كلشي ابدنيته ايتعبه
حسين بطيحت الزهراء
عثرت روحه بالعتبه

الله ايساعدك عالفرگه يحسين
راحت فاطمه وتتحصل امنين
يمه وينج يمه وينج

ابوفايز الرافضي
الفاتحه على روح والدي
332
الناشر احمد الفاطمي

25 Oct, 11:21

قصيدة مناجاة زينب ع••||
شور وگفه



ياخويه يحسين
ياخويه يحسين


حرگولي لخيم وركض لياصوب
وكلهه مذبحه يحسين متگوم
نسوانك خطيه وبين الااجناب
وزينب بالفله وماشافت النوم

اركض وين گلي لركض شيفيد
متعوبه واجتنه الموش اجاويد

ياخويه يحسين
ياخويه يحسين

•••••••••••••••••••••••••••••••••••••••••••••••

حيره اليا كتر اطي الوجه وين
ونته اعله لرمح يحسين مطروح
زينب والشماته تلاگت اليوم
كسر ظهري لفراگ ولاچم جروح

شيبني الذبح يابعد الاانفاس
وطايح عالنهر مذبوح عباس

ياخويه يحسين
ياخويه يحسين

•••••••••••••••••••••••••••••••••••••••••••••••

عطش يبس گلبنه وطالعه اروح
ويالعطشان طايح گلبي عطشان
مسلب عالترب مبيوگه الهدوم
مطشر عاالاارض والدنيه تربان

وماخلو عليك ظلوع بالخيل
نركض والجمر چوه المداليل

ياخويه يحسين
ياخويه يحسين

•••••••••••••••••••••••••••••••••••••••••••••••

مختنگه وغلاتك والنفس ضاع
وصعبه بكربله نشتم هوه الزين
من الكثر العجاج وغارة الخيل
دخان وترب نشهگ يالحسين

هجمت خيلهم والحيره الزغار
طلعت كل حرمنه وفكري محتار

ياخويه يحسين
ياخويه يحسين

•••••••••••••••••••••••••••••••••••••••••••••••

ماظل حيل عگبك ولدمع سال
مهضومه وتطگني حثالة الناس
وسفه وبت علي مابين كفار
فحطانه وصيحن خويه عباس

ألحگ عالخدر ماظلت امتون
وباچر عالهزيله تنسبي ام عون

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
302
الناشر احمد الفاطمي

25 Oct, 11:21

قصيدة فاطمه الزهراء ع•&
ثگيل••عزاء


يمه يمه•••طاح گلبي بطيحتچ
يمه يمه•••فدوه اروح لدمعتچ
يمه يمه••يمه يمه
•••••••••••••••••••••••••••••••••••••••••••••••

يمه ياشمعة حياتي لبيهه اشوفن كل درب
شگد رحيمه بكل حياتچ بينه لومر الصعب
يالحنينه وماكو مثلچ ياگل بروحي العتب
لا تعوفني بغربتي ودمعي العيونچ يصب

يمه يمه•••فدوه اروح الشيلتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

صعبه دنياي ابغربتچ يابعد كل العمر
خنگه ولمخنوگ يمه صعبه عگبچ ينتظر
ومن لفاچ البين يمه خله بظلوعچ كسر
وانه يايمه بمصابچ منكسر عندي الظهر

يمه يمه••• صعبه تكتل فرگتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

ماهدت روحي وغلاتچ خنگه صارت ياهوه
يادوه جروحي من طيحن ليش ماصحلچ دوه
ريت نعشي وياچ يمه وللگبر نمشي سوه
نار هجرچ بيه صارت والگلب يمه نچوه

يمه يمه••••والله تكتل عازتچ
يمه يمه••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

ظلمه يمه البيت صاير ياضواي ومهجتي
وخيمتي الچانت عليه هسه طاحت خيمتي
شتسوه عگبچ هاي روحي ونتي موش بدنيتي
وطولچ الغالي تمدد ريته يمچ موتتي

يمه يمه•••صعبه باجر شوفتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

والله ماتسوه حياتي بدون عينچ يالبخت
من طفت شمعة سنيني يعني دنياي نتهت
تمرمرت يمه بكسرتچ والعمر وج وهفت
جنة الله وعمري يمچ عگب عينچ مانمت

يمه يمه••••منتي اموت بدفنتچ
يمه يمه ••••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
280
الناشر احمد الفاطمي

24 Oct, 20:57

بين الزهراء وريحانتها الحسين
(عليهم السلام)

احسين يمه اگعد تعال اگبالي
اليوم خل غالي يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي


محمد الجماسي

#اللهم_عجل_لوليك_الفرج
320
الناشر احمد الفاطمي

24 Oct, 20:57

نواسي جرحك يالامام المنتظر
راح ابوك العسكري يغيّبه الدهر
——————————————————-
نواسي جرحك والحزن بينه يلوح
ندري كلبك عالهجر مملي جروح
هاي دمعاتك جرت بهم وتنوح
تسيل عالخدين يلمهدي نهر
———————————————
تسيل عالخدين دمعات المصاب
والحنان تودعه بالحسره وعذاب
يوم نعش الوالد يضمه التراب
و بيك يترك للزمن ذكره وصور
——————————————-
راح يترك سيدي لوعه و الم
صعب فكد العسكري لحيلك هدم
ويلي جبده الطاهر اتجرع الهم
بالسموم الغادره اتوذر وذر
——————————————
الك إيعظم الاجر رب السمه
اعليك سامره بجت لحزنك دمه
كلوب هذي شيعتك متألمه
وياك يفجعها يمهدي هل خبر
——————————————
صعب يفراك الابو ماله مثيل
تظل ناره للازل وسط الدليل
اه دنيا الفرقت خِل عن خليل
ويلي يفراك الابو يحني الظهر
——————————————
هاي سامره توشحها الحداد
وهاي نسمات الهوه لبست سواد
و لمصاب العسكري تبجي العباد
واعليه كل خاطر عالارض انكسر
——————————————-
اجت احبابك تجدد هل عهد
مانعوف مصيبة الوالد ابد
الك كل عام وكثر بينه العدد
للزمن تنطي تظل اروع عبر
——————————————-
مانعوفك سيدي وحدك تشوف
جنة هل مرقد يضوي للضيوف
اه وا ويلاه تصرخ يلرؤوف
بلكي كلبك سيدي نكول إنجبر

علي موفق القزاز
295
الناشر احمد الفاطمي

24 Oct, 20:57

ياعلي جرحك ابد ماله مثيل
تشوف رايح عالصدر دمها اليسيل
والجسم يا ابالحسن اصبح نحيل
ياعلي كسر الضلع ياذيها
——————————————
ياعلي كسر الضلع ماله دوه
الزهرة ياذيها يظل شم الهوه
وذاك بسمار الاسى بصدر انطوى
لونها ونت هالسمة بعاليها
——————————————
يوم تاخذها علي للمغتسل
انت مو جنك علي ذاك الجبل
محني كلك ترتجف وانت الفحل
مصاب فاطمتك كلف يدريها
——————————————
اثر سطرة تشاهد بجفه الزنيم
طفه عين البسملة بحقده الرجيم
بذُوي القربى قد اتى قولٌ كريم
هذي روحه ومهجته لهاديها
—————————————-
ياعلي ازرك تعاين للجفن
وهاي اثار البقت بيه المتن
تبت ايده قنفذ الخلّها تون
ويلي بت المصطفى مرّوعيها
————————————-
ايُ حقدٍ قد صدر ماذا نقول
لم يراعو بضعةُ طه الرسول
ضلع للعرش انكسر يهل العقول
وهذا جبريلٌ هبط يرثيها
————————————-
يعين كلبك عالجره ياحيدره
بيدك تواري جسدها الطاهره
عالحبيبة دموع خدك ناثره
دمع فركاها جمر تجريها
—————————————
تواري كلبك ياعلي وسط التراب
يعظم الله اجرك بهذا المصاب
تروح منك فاطمة بعصرة الباب
فاطمة انتقلت الى باريها

علي موفق القزاز
298
الناشر احمد الفاطمي

24 Oct, 08:03

ايهما اعظم
(مصيبة الراس ام مصيبة الجسد)
اتمنئ التركيز والتمعن عند قرائة هذ القصيده
… .

حين راس احسين ويه الجسم امسه ابحفرته
انعطف واحد علئ الثاني وكام يشجي حالته
… .
عن لسان الحال ابين خبر عن راس الحسين
من تلاكه ويه الجسم بالكبر يوم الاربعين
حين شاف الجسم راسه انعطف وابداله الحنين

واظهر الصوت من النحر
ياراس ياسيد البشر
عكبك علي تدري اشصدر

لعبت الخيل اعله اصدري وبلحوافر رضته
… .
وبالشمر تخبر بيوم اللي علئ صدري اعتله
وافرزك عني يراس حسين بن عكد الوله
ورافعك هوه علرمح وآنه بكيتن بلفله

دمي من جروحي يكت
ومن دم وريدي اتغسلت
بذاري الوطيه اتجفنت

الراس ناده النوب اخبرك حالي واجرت دمعته
… .
اهنا يجسمي انجان ذاري الريح سوالك جفن
راسك ابديرة الكوفه ابطن تنور انسجن
ابهاي تشهدلي الحواري النزلت ويه ام الحسن

بهودج النور من السمه
ياجسم وامي فاطمه
منها المدامع ساجمه

ومأتم بدار الخولة علئ مصابي نصبته
… .
الجسم ناده هنا يراسي من الضمه جبدي انفطر
وسهم المثلث ابكلبي مضه ومطلاعه الظهر
ومابكه مفصل صحيح عظم سالم منكسر

وتعلم الجمال شصنع
بالخاتم اغتر وطمع
وبخنجره الجفي كطع

حتئ ثوبي الي عليه ال اميه سلبته
… .
اموذر ابحد المواضي امهشم ابحافر الخيل
ومن بني اسدا تعنت دفنتي تعين العليل
بين اديها تشيل مني كتر والثاني يميل

لمن بني سد شاهدت
حالي على مصابي جرت
ومن علي السجاد انشدت

هالشهيد اشجان ذنبه وطاحنيها لجثته
… .
الراس ناده هنا يجسمي ايهون البحالك سدر
لاجن الي جره بحالي يفسر الصم الصخر
آنه باريت العيال الدرب كله ابها لسفر

وآنه المشيت ويه الظعن
وجرعت جاسات المحن
وانظر خواتي اتلوعن

بالعصة وشفت العليل الطوك. ورم ركبته
… .
ياجسم واللي هضمني وخله دمعي يكت حمر
من شفت متن اختي من السوط صاير بي اثر
وكل عصئ اللوعت زينب لجمت اصواب الحجر

وعيني على اطفالي ترب
ودمعي عليها منسجب
آنه انضرب من تنضرب

والطفل من يضربونه يستجير ابعمته
… .
وشفت بلكوفه مصايب لاجن الاعظم الشام
مدري الفرجة الوادم اصد لو ارعه الايتام
شفت بالمجلس حريمي واجفه ابين اللئام

وزينب الحره مجتفه
امهبطه الراس اواجفه
ابحارت بنات المصطفى
وكام بن هند ايتخطه ايعرف زينب رادته
… .
ولعد حال الحرم دمعي سال وآنه اعله السنان
وبالطشت لمن هدوني لعد عباد الاوثان
وحطني اكباله وبيده لزم عود الخيزران

وبشفتي لساع الوسم
البالخيزرانه منرسم
جاوبني بله ياجسم
امصابك اعظم لو مصابي وياهو اعظم غصته
… .
الجسم ناده ابها لمصيبه كل مصيبه هونت
لاجن اخبرني اعيالك كلها وياك ارجعت
لو بعد منها يبو السجاد بالشام اعكبت

ناداه يتيمه اتعكبت
مو عدله لا جنها كضت
ماتت قهر من شاهدت
ثغري من السوط ازرك هوت فوكه وشمته
انعطف واحد على الثاني وكام يشجي حالته
… .
للمرحوم كاظم منضور الكربلائي
المصدر: المنظورات الحسينيه
الجزء الاول صفحه 316
319
الناشر احمد الفاطمي

24 Oct, 08:03

وين حيدر غاب عن اطفوفها
يشوف شبله الما تهوله اصفوفها
… .
يشوف شبله شلون من شال اللوه
جدم ورزم والحرب جيشه التوه
ترتعد صارت شبه سعف الهوه

وخلست الخيل وزلم من خوفها
…
اخلست من شافته شبه الشهاب
نزل ليها. ونزل اعليها العذاب
شبل حيدر شالها شيل السحاب

بالهزاهز وبزعل هب نوفها
… .
طعنته النوف وشمر درع الزرد
والسحاب اجتامها وللمنطرد
والبريجه ابصارمه وصوته الرعد

والبرد روس ومطرها جفوفها
… .
طير جفوف بغضب ماينشجف
موت لا والموت لابد يختلف
اللازمه للمشرعه سبعين الف

لحضت العين الركاب يطوفها
… .
ارواحها بجسادها كامت تلوج
جالسفينه ابلبة البحر وتموج
لو هوه بسيفه هوت منه السروج

ادكول حر وحدر اعلى ارفوفها
…
حر الكبيدي وتلوح للثره
يوم يوم الطف تعده الكنطره
جم كلف بيه الكلافه طيره

ويجسم الهام وجسم منصوفها
… .
يجسم المعدود من عين الرجال
بن علي والله يطاعون النزال
صار دون الخدر يلاكي النبال

ومورد الخطي وطعم لسيوفها
… .
مورد الخطى وطعم هندي الصجيل
اهله فرسان واهل حملا ثكيل
ارد انشدج كربله الخنتي النزيل

ياارض مثلج ضحايه اضيوفها
…
ليش ضيفج ينغدر يم الغدر
كون من ضيفج شعدج من عذر
اسباطعش ليث اليكر ولا يفر

اشلون تبكه بلا دفن وتعوفها
…
حسين ياحيدر غسل جسمه بدماه
والغليل العدو من عندك شفاه
وطول زينب تختشي واحد يراه

اشلون مسبيه وعداك تشوفها
… .
أو تشوف شحالنا وحال الايتام
طبة ابن زياد يو هظم الكلام
آه والاعظم بعد طبت الشام

عيد عد اهله وتدك بدفوفها
… .
للمرحوم عبد الامير الفتلاوي
المصدر: ديوان عبد الامير الفتلاوي
صفحه 95
376
الناشر احمد الفاطمي

24 Oct, 07:16

شهيدة الامامة

عمري الوجودك فدوه
اوياك الـمواقف تسوه
لجلك يحيدر ضحيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
آنه بمقامك عارفه .. وهذا سبب تضحيتي
البسمار اخذ حيلي ومشه .. والباب أخذ عافيتي
كله اعله مودك ياعلي .. غير أنته كشخة بيتي
ربيتلك أعظم ولد .. وانطيتهم حنيتي

اگبالك اغطّي السطره
خاطر اصون العشره
طردوني حته من البيت
وانكسر ضلعي وناديت
عمره الوجودك فدوه
ــــــــــــــــــــــــــــــــــــــ
عصروني بالباب وطحت .. طيحت شمس من قمه
يافضه أدركيني صحت .. راح الولد من أمه
امقدره احساسك ياعلي .. ومااريد ازيدك لچمه
وجه ابوجه من نلتقي .. عنك اغطي اللطمه

مثل الشمع بسكوتي
من أبچي اخفض صوتي
يمك علي ماونيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
عشرتنه چانت ياعلي .. بالدنيه اجمل عشره
مايوم زعلتك ولا .. قولك اخالف أمره
تاج الـولايه أنته علي .. وبالتاج آنه الشذره
لله حبيتك علي .. وانته تحب الزهره

ابوجهك محمد شفته
اسمك حرز شايلته
مايوم عني اتخليت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
ماهمني بسمار النبت .. بضلوعي همني احساسك
ايأذيني ظل حته الهوه .. ومحتاجه اشم انفاسك
أهل السقيفه وكل حكم .. ياعلي جوه امداسك
لومتت لاتحفر گبر.. خليني شيبه براسك

موزوجي احس بيك ابني
وآنه ادري حيل اتحبني
يمك أظل اتمنيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
أذكر احاديث النبي .. عنك اشگال وعني
گال اليحبك ياعلي .. معناهه هم ايحبني
وآنه الله لو أرضه رضه .. ويغضب عله الزعلني
كل هذا والثاني جسر .. شال ايده حيل وطگني

طگني وطحت ياحيدر
والقرط مني اتناثر
شكوه الـمحمد وديت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
مااريد اودعك يالولي .. اوداعك أشد من كسري
لاكن يحماي الحمه .. ماباقي شي من عمري
ابتغسيلي اصبر لوشفت .. بسمار جارح صدري
وانته اوي الحسين وحسن .. گعدو سوه يم گبري

مجلس عزاء سوولي
واعله السبي اقرولي
الزينب وحقك حنيت
وانكسر ضلعي وناديت
عمري الوجودك فدوه

محمد الجماسي

#اللهم_عجل_لوليك_الفرج
286
الناشر احمد الفاطمي

24 Oct, 03:21

ميمر لمولاتي فاطمه الزهراء عليها السلام
…

الواثقه والصادقه
اول شهيدة وناطقه
وفكيتي باب الثورات بوجه الظلم يالزهره

بوكت الشروا دنياهم بسكتة ذل
صوتج ضهر بالموقف وكام يحل
صح وحَدج بس وكفتج جانت كل

وكفة يسر ضد العسر
منهه انولد فِهم النَصر
هالوكفه ياام حسين باطنهه عِبره وعَبره
.… .
كسرتي اصنام الخضوع الغاشم
ودمرتي افكار الضلام الواهم
دستي على خشوم الظلم يافاطم

ضنهم تجي حرمة علي
وبالكثرة تخضع تنولي
وجهلوا علي يدنبج جان لمن تحيطه الكثرة
… ..
محنيه بس الشافج يضن حيدر!
من عندج اعرفنه المواقف تكبر
ولدج ضماهم عالنهر يتكبر

عزج صدح رايج وضح
صدره لعلي بيج انشرح
البالشده تنخاه الناس فكيتي فاطم اسره
… .
ياطيحتج عالكاع نزلت قرآن
مكسورة بس خرستي صوت الشيطان
ذكرج الحل ابال واحد حيران

يافاطمة ياعالمة
يمدللة رب السمة
والباري خالق كرار لجلج وواضح امره
… .
قدرة الباري اترجمت من سواج
حته النبي يستأذن ويحجي وياج
يامرسل ومعصوم ماضل ينخاج

اعضم مدد الماله احد
يايمه صرتيله بلد
يافاطمه وجبرائيل بفضلج تعضم سره
… .
علمتي املاك العرش تعبد رب
من الله مو كيفه الذي بدربج طب
الكون ارتخه وبالكسره مولاتي انضب

ياسيدة ويا والدة
للقائد انتي القائدة
ياحجة عالمعصومين وفرحة المهدي وكسره
…
ياحرمة مثلج صارت ام والدهة؟
متواضعة ورغم الرسل تخدمهة
الله بعضمته يغضب لغضبتهة

يامُحدثة وياوارثه
كل العلوم محادثة
مهرج اللوح المحفوض ياكوثر آل العترة
… .

مجتبى الدفاعي
352
الناشر احمد الفاطمي

23 Oct, 21:53

نزال اللحن خاص ♥️

عد الكرم محد يفوق دلاله
اول عله الصيادة والخياله
فضه وذهب جفين أخو العلويه
نازل غضب علمعركة شلاله

گوض ضعنها براحه يمسح شعر بسلاحه
يكتلهم عله الراحه
سيفه شبه ذو الفار

شته يرجف عليهم طـب
أخو حسين بعزم ضهضب
منو النيرانه يتگرب
@@@@@@@@@@@@@@@@@@@@@

صافي بصفاته وناحر الدهرية
عربي وشجاع وبي نسل بدويه
ما يلحگ ركاض الشرد من سيفه
بدر الهواشم بي عطر علوية

شمر زلم بيمينه تكتل خزرته وعينه
جفه الزلم بي تحتار
يكتلهم وما يندار

رعد بيها السمة وغيـم
عله خشوم العده أشيـم
بجثثهم موحطب چيـم
@@@@@@@@@@@@@@@@@@@@@

شيخ بعباته تنگضي المعگودة
فدوة لنضرته والمشيتة بجودة
سبحانة ما يتقدر بجم زلمة
مشهودة اله بلمعركة مشهودة

مرجع وجب يتقلد براس الزلم سيفه نحد
ما ينسي يتخلد
يأخذ بلايام الثار

صفة غبرة وزلم مالـت
زلم مندومه جي عالـت
أعتذار من الگمر گالـت
@@@@@@@@@@@@@@@@@@@@@

أية علي العضمى وسبيل خيامة
بلمعرفة من فاطمة العلامة
شيخ العلم والماكو حل ماعده
محد وگف بالموزمة گدامة

فارس صعب يتدرب لهايه معاركهم رب
من حب علي يتشرب
يتسمة ابن حامي الجار

دخيل الريشة والراية
دخيلك شيخ الحجاية
عزيز الزهرة المراية

كرار تحسين الخيگاني
279
الناشر احمد الفاطمي

23 Oct, 20:30

يزهراء طولج مذبلينه
يزهراء حيدر الله يعينه
؛::::::::؛؛؛؛؛؛؛
اليله حيدر كلبه صاير جمره من نار
شلون يالزهره الزجيه استوعب الصار
عينه حمره وكال عمري كون يندار
انتي كل امينه عندي وبعدج احتار

يزهراء فكدج يبجينه
يزهراء حيدر الله يعينه
؛::::::::::
بيش اعيش وانتي روحي رايحه بعيد
فراك وجهج حيل مني فاطمه يريد
الحركه والدمعه اعله فكدج بالله شتفيد
ونت الفاكد حبيبه بكل مسه ازيد

يزهراء الضايع ادلينه
يزهراء حيدر الله يعينه
؛::::::؛؛؛؛؛؛
اثر دم ابباب دارج حيلي هداه
محسن الماشم هوه الله طايح الكاه
شبر طولك بويه محسن دمه حناه
انه وامك ندعي ربنه خذنا وياه

يزهراء كلبي سمعي ونينه
يزهراء حيدر الله يعينه
؛::::::::::::::::::::
وكت جاب الضيم اليه وحل الفراك
عمرج ازغير واشوفه اكبالي ينباك
كلشي بيه يحن يريدج كلبي يشتاك
فراك وجهج عذباني والنفس ضاك

يزهراء الوجهج اشتاكينه
يزهراء حيدر الله يعينه
؛::::::::::
مشي كوه وحيلي رايح رايح وياج
ضلعج اتهشم اشوفه بدمه حناج
كلبج الينكط محنه شمحله ملكاج
والسمه اشتاكت تريدج والله راداج

يزهراء الشوفتج حنينه
يزهراء حيدر الله يعينه

هاشم الدراجي
289
الناشر احمد الفاطمي

23 Oct, 17:57

العباس بيين مضهره
والگاع صارت مگبره
يازلمه يوصل للخيم
نگطعت گطيعه الميسره

الكون انگلب من سرفن اردانه
اضهور الأصايل صارت امجانه
لوغربه بي تتنخه هم يفزع
شيسوي لوبي تنتخي اخوانه

بالرايه . دگ ثايه . صارت كربله حجايه
شيگدره . شيعبره . فاض العلگمي ابمايه
بزنوده . رداها . رايه ولازم الرايه
السلام على ساقي الخيام
،،،،،،،،،،،،،،،،،،،،،،،،،،،،،،،،،،،،،،،،
العلويته جاب المشرعه
وخله الرگاب امگطعه
الخيامه مو بس النهر
يجيب الفصول الأربعه

جانت ضجيج وعمت السكته
اول گمر مايطلع ابوكته
لو اخته زينب صاحت دخيلك
يجيب العرش هوه وملائكته

نوماسه . وحساسه . عالي ولا بشر جاسه
موسيفه . بعيونه . الگابل ينگطع راسه
سبحانه . مايرحم . من هاشم نبت ساسه
السلام على ساقي الخيام
،،،،،،،،،،،،،،،،،،،،،،،،،،،،،،،،،،،،،،،
تخيلها والجو احترگ
والساق بالساق انطبگ
الشرد والطايح تره
بجدام ابوالغيره نسحگ

سبحانه راعي الغيره سبحانه
جلمت الخوه بطارف السانه
ايوزع ثواب العلگمي ابجفه
فحطانه منه الوسعه فحطانه

للخوه . يتگوه . طبها ايوزع امروه
خاجيته . لفاها . وصاح نشالت العطوه
ياعطوه . والكافل . صاحتله الخيم تگوه
السلام على ساقي الخيام
،،،،،،،،،،،،،،،،،،،،،،،،،،،،،،،،،،،،،،،
منه الرجال اتخوصرت
تعبها كلش من جفت
برموشه هم ذابح زلم
لخيامه من حين التفت

لا يركد ولا ينوكل حگه
سرفن يمنته ورعدت الزرگه
سرعت الصوت السولفو بيها
بنص المعارك ماضن تسبگه

مايگدر . يتگنطر . فات اعليها يتبختر
يتونس . بالفزعه . ليث ويدوي من يزئر
بالخوه . يتباها . غير ابن القلع خيبر
السلام على ساقي الخيام
العبد ابوفايز الرافضي
366
الناشر احمد الفاطمي

22 Oct, 16:04

لسان حال مولاتي زينب عليها السلام

بعد جدامي طف و نار و اركاض — وشل حيلي كله
گوه من ارد اكوم اتلگه الحسين —شيصعدني اعله تله
هو اليفكد امه شلون يرتاح — شلونك لا تگله
كمت احسد التضحك بالنساوين — اكولن امهه عدله

من اول ايامي المماتي
ماشفت راحه بكل حياتي
مكتوب اعيش بضيم وافراگ
بس حزن تخلص ذكرياتي

يايمه يايمه يايمه
—————
عود اخواني يمي اوالدي وياي — وحيرة گلبي حيره
شلون افگد عشيره بشيخها العام — وابقه بلا عشيره
هنانه منين اباوع يمي خوان — كلما وجهي اديره
هناك منين اباوع كلهه شمات — ناس بلايه غيره

يصيحون زينب طلعوهه
حرگو گلبهه براس اخوهه
الجانت عزيزه اليوم تنشاف
لو بجت بالسوط اضربوهه

يايمه يايمه يايمه
————-
هنا من انهضم ويضكني الفراگ — اكو من اشتكيله
هناك الهضمه حتى بضلي تنشاف — واسكت ماكو حيله
هنا من ابجي يمسح دمعي الحسين — يحب راسي من اجيله
هناك الليل كله ابجي اعله الاخوان — واصبح ع الهزيله

عباس غاد منين اجيبه
ويشوف حال اخته الغريبه
تدري النهيبه شلون تنگال
من تفگد اخوانك نهيبه

يايمه يايمه يا يمه
—————-
اول ما فتحت عيوني بسمار — صاب امي وضهدهه
بس من بجت حيدر يمهه موجود — ينشف دموع خدهه
باجر خيل ملهوفه اعله الحسين— مامش رحمه عدهه
واذا ناحت اخت لحسين بسوط — كام الشمر ردهه

كون البواجي ترجع المات
لأگضي العمر يحسين ونات
المات من الفرگه يرتاح
العاش يخلص عمره شوغات

يايمه يايمه يا يمه
————
الخادم موسى البطلي
440
الناشر احمد الفاطمي

22 Oct, 16:04

لسان حال امير المؤمنين عليه السلام

اقرو الفاتحه الاولى عليه
احس روحي متت كبل الزجيه

عزيزة كلبي راحت
ماتت واستراحت

واهس عمري راحت من اديه
————-
احله ايام بحياتي جنت عايشهن گضن
كلشي بي واهس فگدته من فگدت ام الحسن
ابنادم اليفگدله غالي يگضي عمره بلا وطن
هو صح يمشي اعله طوله بس يحس روحه اندفن

راحت واهس الدنيا وضحكتي
ياهو اليمسح عيوني ودمعتي

ام عيالي وامي
جانت تجلي همي

تخنگ گلبي ظلت كل مسيه
واهس عمري راحت من اديه
———————
العدله كون وياهه اروحن للدفن ما رد بعد
ابقه كاعد يم گبرهه كاتب وياهه العهد
جنت عايش احله عيشه وبعد ما ترجع ابد
حيدر الخالسله دنيا گوه يوگف لو كعد

كون اليدفن بجفينه الاعزاز
من ايخلص يحضروله جناز

المن للهوه اشتم
وانه بروحي مأتم

مدفونين كون احنه سويه
واهس عمري راحت من اديه
—————
بلكت الله عيوني تحلم واصحه من نومي العصر
والگه ام بيتي وجهالي يمي موش بنص گبر
الهسه ما مقتنعه روحي الفاگد يفيده الصبر
بفاتحة شكد صعبه تخلص ياخلگ عشرة عمر

شكد صعبه اليطيبك من تشوفه
الحد المگبره تروح وتعوفه

بلكت تحلم العين
وترجعلي ام الحسين

واگللهه الفگد شمسوي بيه
واهس عمري راحت من اديه
——————
يا گلب مثلي ايتحمل موقف الشفته صعب
وداعت الشده الشفتهه الگلبي مايوصل گلب
كبال عينك وانت كاعد وام جهالك تنضرب
بيتك البي رحمة الله ينترس وادم غرب

اخ من الوصيه امجتفه الجفوف
مرتك تنضرب وعيونك تشوف

صابر گوه ع الصار
حرگو بيتي بالنار

اخ الهسه اصيح من الوصيه
واهس عمري راحت من اديه
———-
الخادم موسى البطلي
325
الناشر احمد الفاطمي

22 Oct, 16:04

لسان حال مولاتي زينب ع

امي راحت من اديه
بيتي صار أظلم عليه

وين الزجيه
دارج خليه

ماتت امي. ماتت امي
..................
راحت الكعده الحنينه وبعد مانكعد سوه
تسولف ويانه بمحنه وع الجرح تنزل دوه
تختنگ ريتي واجيهه اشتم اعذيبي الهوه
لويت المنجل عليهه كمت احس ظهري التوه

كون انام وانسه همي
و اكعد والكاهه يمي

اخ المنيه
دارج خليه

ماتت امي. ماتت امي
............. ...

نكعد العصريه جنه نسولف اسوالف عشگ
واحد من الثاني يسأل هم نموت ونفترگ
مو صدك جنه احنه نحجي ونحس ضوجه ونختنگ
هسه الله يعين كلبي فارگ امي من صدگ

ما معلمتني اعله فرگه
راسي شيب يمه حگه

زينب خطيه
دارج خليه

ماتت امي. ماتت امي
....................

يمه من كد مانحتلج صرت بس جلد وعظم
امدلله جنت بوجودج هسه غاطيني الهضم
عاده البنيه اعله امهه تروح لمن تنهضم
ليش بس بنتج خطيه انهضمت وماعدهه أم

وياي وكتي وحضي شلهم
ما اتهنه وي الاحبهم

شحو عليه
دارج خليه

ماتت امي. ماتت امي
.................

روحي ونستهه المكابر صارت بتالي الوكت
لحد يلوم ويگلي ليش طفله وشيبت
والله لو ما حسين باجر بالطفوف يريد اخت
جا دعيت انه اعله روحي وياج يايمه متت

حگه لو مل مني صبري
بلايه ام راح اكضي عمري

والبيه بيه
دارج خليه

ماتت امي. ماتت امي
.................
الخادم موسى البطلي
298
الناشر احمد الفاطمي

22 Oct, 08:58

اتلث روايات  قليلات  عزاء أم الحسن
اثمنطعش كون  والعيون  وجوبن ينعمن
ريت كل عمري عزيه
او بس ليالي فاطميه
    بس ليالي فاطميه
________________________________

يا أم الوگع ضامي    او نحره امگطّع او دامي
جيتچ هل مسيه

عن تقصيري اتعذّر       دمعي ماهو دم احمر
لجلچ يل زچيه

اتلث روايات المصابچ مو كِفايه
يلي بِـضلوعچ جنو اعظم جنايه
كون كل ونّه الچ تِنعد روايه
او عله كل دمعه نِون وَنّ السبايه

انسوي عاشور   والصدور  الچ تشبع لطم
نعمي العيون  والجفون تذوب امن الهظم
حسره يل زهره الزچيه
بس ليالي فاطميه
________________________________

آنه او صفنتي اتأمل      مِن اسمع لچ المقتل
والباب او حرگته

ابّالي اتصور الوگعه     او اسمع رنة الصفعه
والضلع او كسرته

يوم خلف الباب طحتي اگبال حيدر
ايشوف خدچ يسطرونه وايتحسّر
بذنه يسمع صوت ضلعچ من تكسّر
بچه . گدام الشماته الله واكبر

امفرع الراس   يهل ناس    يدگ ابهامته
يهوه وايگوم والهموم سقيمن خلته
شيبت راسه الرزيه
بس ليالي فاطميه
________________________________

شذكر يا ألم شنسه وانتي ابصدرچ الرفسه
لنفاسچ گطعها

ليلچ فاطمه امسهد من السطره فوگ الخد
ليشيّب وجعها

امنازع اتخلصين ليلچ يل حنينه
كل نَفَس مثل السهم تتجرعينه
العينه مصيوبه تنام اشلون عينه !!
يون طول الليل ما بطل ونينه

حالچ اشحال شده البال ملائكة السمه
اتنادي بل آه اويلاه ماتت فاطمه
ياعظم هاي الرزيه
بس ليالي فاطميه

________________________________

امتونچ يم حسن يدّن      حيل اهل السمه هدّن
او يبچولچ يفاطم

طحتي ياجلال الله او كلهم صاحو اسم الله
من طاها او لآدم

كل نبي ناح المصابچ يل زچيه
او لجلچ امفرع فزع سيد البريه
ايگول ريت اجذوعكم طبگن عليه
او كل مصاب الصار بيچ ايدور بيه

دمعچ ايصير بسامير ابدليلي انبتن
بويه زهراء يزهراء ثجيله هل فتن
شلها هل وادم عليه
بس ليالي فاطميه
________________________________

رغم القله والكسره     او رغم اشبينه من حسره
نحييها المآتم

امصابچ بينه يتجدد       الرفسه او صفعتچ عل خد
وسوط البل معاصم

هوّه يا جرح الذي ننساه گِدرنه !
الباب والبسمار عاشن وي عمرنه
الطيحتچ فوگ الترب طاحت عگلنه
من وكتها الهل وكت محني ظهرنه

ابصدرچ الآم    چن اسهام    بل اصفاح انبتن
او محسن الروح  بلا روح      وگع يم الحسن
مرتمي فوگ الوطيه
بس ليالي فاطميه
________________________________

عهدن نبقه بل خدمه       انموت او تبقه هل كلمه
نتوارث عهدنه

اشما رادو نِگع . نعله         كلها الخاطرچ سهله
يا ام المحنه

لحد يوم البي نشوف المهدي قادم
ايشوف بعيونه عزائچ عدنه قائم
اويسمع الناعي يون لضلوع فاطم
او يگعد اويانه او دمع عيناه ساجم

انكحل العين   والحسين   إله ثاره يرد
بيده يسگيه    يرويه       يبردله الچبد
او زينب ترد مو سبيه
بس ليالي فاطميه
________________________________

ابو فاطمة الطائي
367
الناشر احمد الفاطمي

21 Oct, 03:53

فتحت عزاء

احفر گبرهـا ودمعي يحفر خدي
راحت ضواي وضلمه صارت عندي
ــــــــــــــــــ
احفر بگبر الوديعه وجني احفر بيدي گبري
ارفض النسمه اشمها تجرح النسمات صدري
مو سنه وسنتين مني فاطمه كل سنه بعمري
واكف الكون على جرحي ودمي وي دمعاتي يجري


كل المصايب بيه صارت ضدي
راحت ضواي وضلمه صارت عندي
ــــــــــــــــــ
باقي بس عطرج بديه ياشمل روحي وحياتي
وحشه هالليل وضلامه وحشتج جنها مماتي
عودت شوفي على رسمج شايل بطبعج صفاتي
سولفت وي روحي عنج يا اعز كل ذكرياتي


يانضر عيني باقي بعدج وحدي
راحت ضواي وضلمه صارت عندي
ــــــــــــــــــ
البشر يدفن حبيبه تنكسر روحه وي دفنه
تصبح الدنيا كئيبا جنها لوحة وبيها صفنه
قلب واحد نبضه وحده بالعشك هذا انعرفنه
شكد بسيطين اجتمعنه بس صعوبه من افترگنه


مويمي هسه يلي جنتي بسدي
راحت ضواي وضلمه صارت عندي
ــــــــــــــــــ
شلون اوسدنج بديه صعبه يالزهره عليه
هالفراق شلون يذبح مابقى كل حيلي بيه
راح اضل ابجي على كبرج بلكي تلفيني المنيه
كون الحكج هسه لكن امر من رب البريه


وياج اموت امنيتي اني وبدي
راحت ضواي وضلمه صارت عندي
ــــــــــــــــــ
سبحتج اخذها بيدي واشتم التسبيحه بيها
هاي المصلايه يمي فاطم تصلي عليها
مثل دمع الشمعه دمعي عيني محترگة بجيها
هايه روحي المغربيه تنقبض واشعر اذيها


اكثر يذكرني بحياتج ولدي
راحت ضواي وضلمه صارت عندي
ــــــــــــــــــ
لو يردج بيه دمعي ما وكف دمعي دقيقه 
يالي جنتي ابروحي روحي اكثر انتي من الحقيقه
انتي وي دكات قلبي بالعلاقه شكد وثيقه
يالعيوني انتي وضواها شوفي بيج اندل طريقه


يانظر عيني وراحتي انتي وسعدي
راحت ضواي وضلمه صارت عندي
ــــــــــــــــــ
ماغمض جفني ابوداعج يا طمأنينة سلامي
انتي محراب القداسه يا صلاتي ويا صيامي
انتي نور الله وشعاعه بت رسول الله هيامي
الدنيا من بعدج ضواها اسود وصاير ضلامي


انتي الاميره واني عندج جندي
راحت ضواي وضلمه صارت عندي
ــــــــــــــــــ
روحتج خلتلي عله تعثر الروح بحزنها
من اونن اه يزهره تطلع الروح من اونها
ما تلم دمعي المدينه لو بجيت اطفح سفنها
هالزمن اذه الزجيه ويلي من لوعة زمنها

طالق ثلاثه الدنيا عبرت حدي
راحت ضواي وضلمه صارت عندي
ــــــــــــــــــ
الشاعر زين العابدين الشمري
197
الناشر احمد الفاطمي

20 Oct, 21:39

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
علي هادي الخزعلي
217
الناشر احمد الفاطمي

20 Oct, 21:39

فاطمه ألمحد عـرف مكنونها
الله خالق كلشي لجل أعيونها


لولا فاطم ماخلق ربنا الفلك
ولا سمه مبنيه يخلق لا مَلَك
ألما يوالي فاطمه حتماً هلك
فاطمه سر مستتر مضمونها


لا أرض مدحيه يخلق لا شمس
ولا گمر يضوي ولا جن وأنس
اليوم هيه وباچر وهيه الأمس
بمعرفتها أتدور خلي أقرونها


نعم يرضى الله الرضاها أم الحسن
والغضبها يغضب الله بـكـل زمـن
صـار حـالـه حـال عُــبـاد الـوثن
ألـمـا نـصرهـا مـن اليظلمونها


بـاب الله بـابـهـا أيدفعه الـنـذل
وتنعصر ويطيح من عدها الحمل
ويلي مـن كسر الظلع ظلت تون
بـيـا ديـانه ويـا شـرع ياذونها


بغضاً بـحـيـدر علي هـذا الجره
حـالها أشلون العقل يـتـصـوره
أتخيل أنته جيش فازع ضد مره
وبين باب وحايط أيعصرونها


بين باب وحايط المحسن وگع
گوة گام تجر نفس من الوجع
وسوط قنفذ بيدها ويلي أنطبع
وركد من العصره حيل أمتونها


لحد ما ماتت بقت تبچي وتون
بليل وبسر وصت يصير الدفن
حيدر أعله أفراگها عاش بحزن
مايطيب العيش اله من دونها

........... ........... ............

حسين حمدان الدلفي
189
الناشر احمد الفاطمي

20 Oct, 09:45

قصيدة شهادة ام ابيها••♕
ثگيل حزن


يم حسن صوب دليلي فگدچ وهاج الوجع
عيني مايوگف دمعهه من جست كسر لظلع
•••••••••••••••••••••••••••••••••••••••••••••••

الله لا ينطي الشماته الخلت بظلعچ كسر
راح حيلي وراح لوني وراح كل تعب العمر
يصباح الله يفاطم يمچ يطيح الصبر
علي قالع باب خيبر عگب عينچ منفجع

•••••••••••••••••••••••••••••••••••••••••••••••

فارگاني شلون وجهج ونتي سباح الگلب
مصابچ لهدملي حيلي ودمعي علوجنه يصب
وسفه عگب النبي كلهم دارة عليچ الغرب
شحچي عگب الهذا شفته وبنچ الغالي وگع

•••••••••••••••••••••••••••••••••••••••••••••••

رحمة الله شلون صاير بيچ كل هذا الجره
بالمغيسل مرت ايدي على ظلوع مكسره
والله مابيهه اصدلچ وحيله طايح حيدره
النار ولناس اعله بابچ وخدچ الغالي نصفع

•••••••••••••••••••••••••••••••••••••••••••••••

روحي مكسوره بغيابچ ماشفت مثلچ مصاب
ألم ظلعچ ريته بيه والهجر حارگلي باب
يلچم بروحي الجرالچ بيه چن هذا العذاب
ضاگت الوسعه بمصابچ گلبي شيب ونشلع

•••••••••••••••••••••••••••••••••••••••••••••••

ونار بابچ بيه تسعر ماطفت من فرگتچ
صوبچ بسمار حار وبيده صافع وجنتچ
طاح محسن علوطيه وحمره نزلت دمعتچ
حترگن چفوفچ خطيه وگبرچ بگلبي نزرع

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
307
الناشر احمد الفاطمي

19 Oct, 15:09

واويلاه .. عالزهره وبزرهه
واويلاه .. عالزهره وبزرهه

===============

علويه ما كالوا ابد عصروهه بس عصرة موت
ومن شدة الرفسه الضلع طك وطلع منه الصوت
مثل الخشب من ينكسر هيج الصدى اتخيل اه
كالوله للجاني ام حسن كلهم وإن خل اتموت


اليوم الضلع نكسره
خلف الجذع نعصره
ميهمنه حتلو مره .. عصروها

بين الرفَس والضُرَب
جاويهه ذاك الحطب
دم ودمع سوه صب .. كسروها

____

واويلاه .. عالزهره وبزرهه
واويلاه .. عالزهره وبزرهه

===============

بالمحسن البسمار اجه وبراسه نابت ويلاه
خر منذبح فوك الارض متخضب ابطوله ادماه
وهيه المصيبه انسحك من الهجموا اعله ام حسين
وبكل حقد ويلي العده مرتين داسوا فوكاه


تنظر بزرهه نزف
بالرفسه صدره انخسف
صاحت ييمه وسف .. يايمه

حيل الزجيه برد
صاحت ييمه الولد
حضرته حضني مهد .. يايمه

____

واويلاه .. عالزهره وبزرهه
واويلاه .. عالزهره وبزرهه

===============

مو بس كسر مو بس ذبح مو بس رفس اسمع هاي
ردوا على ام زينب تره وبالسوط ضربوهه هواي
وصاحت يبويه الحك الي الحك تره هواي الصار
باكوا حلالك بالعلن وباجر يبوكون الماي


باجر جبير الخطر
باجر ضمه ودم نحر
عالغالي يغله النهر .. عالغالي

مو بس ضلع ينكسر
باجر عشيره وخدر
مشتت شملهه الضهر .. عالغالي

____

واويلاه .. عالزهره وبزرهه
واويلاه .. عالزهره وبزرهه

===============

الكل خيره من جف النبي وسفه عليه جفه يطول
بجدام محسن منسحك وحسين باجر بخيول
وزينب عله النوك الهزل باجر غريبه احا
للشام لو طب الضعن يستقبلونه بطبول

زينب تحب الستر
عدهه اغله من البزر
مالايك الهه اليسر .. ياويلي

من الضرب والحبل
جم طفله ميته وطفل
وجماله فوك الهزل .. ياويلي

____

واويلاه .. عالزهره وبزرهه
واويلاه .. عالزهره وبزرهه

===============

كلمات
الخادم حسن الكريماوي ✍️🏻.
362
الناشر احمد الفاطمي

19 Oct, 09:38

يا من برحمتها جابتني لمكان التحظرَه
ورُحمَت بگلبي وصفه ينبض مشاعر طاهره
لايذ بإسمج يمولاتي آنه دنيا وآخره
.....
جايبلج گلب راحمته
وبحبال الوهم چتّفته

دخيل امانج لا جمرته تطفه
گلب بدونج ما اريد اعرفه
التفاته وحده وكلشي بيّه يصفه . بنظره
.....
تِنَفّست هوى رحمتج
وايادي لطفج عليه كثرت
امنياتي اجي وبديه روحي
وانادي اخذي روحي طهرت
العمر يريته دمعه اصبها
واتاني چلمه الزچيه قبلت
___
لعالم الطافج اجت روحي ولگيت اعظم حِمه
ويا حنان اسمج اخذ گلبي وصحت يا فاطمه
واعرفت حبج بصيره وكلشي من دونه عَمه

الحب بيّه سجد بأعتابج
ودگيته بدمعتي بابج

حنانج بحب بابج احتواني
اجيته محتار ولگيت اماني
وندائي يا زهراء شفت ضماني . ادخيلچ
.....
بشبج ضياع اذبها روحي
وعطف عزائج يكض اديه
وهوى المجالس من اشمه
احسها روحي جديده بيه
حياتي امس بَلَايه معنى
وصرت مواسي لبچي الزچيه
__
تكبر احلامه البشر كلما سنينه اتقدمن
وآنه احلامي نفسها وما يبدلها الزمن
يبچن عيوني يمولاتي إذَه عيونج بچن
.....
بچيني ويدمعة عينج
وسويني مواسي ايعينج

امدلج ايدي ومنتهى امنياتي
جرح اريدن اگضي بي حياتي
نجاتي دمعي واطلبت نجاتي
.....
الوصلنه من مصايب شگد
بكثر هوانه النشمه واكثر
اريد اعيش بگلب مواسي
اعله كل مصيبه دليله ينطر
الزمن يگلي مستحيله
واجاوبه آنه الزچيه تگدر
_
گاصد لبابج لانه للعطف اكبر سبب
انرحم گلبي وبچت عيني لان شفت العجب
بابج الرحمه وعلى الرحمه تشب نار ولهب

مولاتي صحت رحميني
وبنار الجذع چويني

اريدن امدن لللهب اديه
وسلاماً ورحمه يصب عليه
صحت عجيبه رحمة الزچيه

يأرحم ام زمنها ظالم
اخذ جنين و مُرَد چبدها
وگلبها با الهضم يويلي
انكسر وداع ببچي ولدها
ووليها من غمض جفنها
جبل حزن سنينه هدها


اللهم عجل لوليك الفرج بحق مولاتنا الزهراء صلوات الله عليها

سيد أنور الموسوي
353
الناشر احمد الفاطمي

19 Oct, 08:44

أويلاه يافاطمة المظلومة
ــــــــــــــــــ
لمصيبتج يم الحسن
تبجيلج اعيون الزمن
لهاي المصايب والمحن
حيدر علي مشيع الوطن

يزهراء...مثل الجبال اهمومة
أويلاه.... يافاطمة المظلومة
ــــــــــــــــــ
دفعة الباب المؤلمة
جن طاحت اعليج السمة
مكسور ضلعج فاطمة
مهظومة من هالمظلمة

بالالام.... يافاطمة المهظومة
أويلاه يافاطمة المظلومة
ـــــــــــــــــ
ذبلت حياتج بالجمر
خلصت سنينج والعمر
مايرهم لحزنج صبر
بس الجزع من الهجر

بالاحزان من العمر محرومة
أويلاه يافاطمة المظلومة
ــــــــــــــــــ
غرب ضواج اعله الترب
يم المحنة شگد صعب
أيتام من بعدج غرب
ودموعهم دم وتصب

والايتام يم حجرتج ملمومة
اويلاه يافاطمة المظلومة
ــــــــــــــــــ
عالمغتسل حيدر هوه
من غسل بدمعه الضوه
من جمرة الباب انجوة
يخنگ علي كام الهوه

والانفاس مختنگة لا معدومة
اويلاه يافاطمة المظلومة
ــــــــــــــــــ
من شيعج بيدة الولي
وبحزن فگدج مبتلي
يا فاطمة اني علي
يا أعز كل ناسي وهلي

بالقبور يم الحسن مظمومة
اويلاه يافاطمة المظلومة
ــــــــــــــــــ
ليل الوجع مابي صبح
فگدج يزهرة اكبر جرح
حزنج نحر شالة الرمح
شوگ العمر يذبح ذبح

بالأوجاع يگضي العمر حد يومه
اويلاه يافاطمة المظلومة
ــــــــــــــــــ
ينعد مصابج معضلة
وبابج خيام بكربلة
باجر يحل هالمسئلة
للمهدي ثار تكفلة


على الثار يظهر يجي بعلومة
اويلاه يافاطمة المظلومة
ــــــــــــــــــ
الشاعر زين العابدين الشمري
320
الناشر احمد الفاطمي

19 Oct, 07:30

نور هذا ياعلي براسك نزل
لو يبوالحسنين شيب المغتسل
..........
راسك اسود جان ياحامي الحمه
قبل لاتدخل اتغسل فاطمه
شنهو شفته وعينك اتگطّر دمه
جبل حيدر ياجرح هز الجبل
...........
المغتسل راواك حيدر ياعذاب
ياجرح مخفي وطلع تحت الحجاب
ياالم ضمّته الزهره وياصواب
من ايام الباب ياخير العمل
..........
لاتگول الايد مرّت عالضلع
لاتگول بعينها چف منطبع
لاتگول الچتف منها منخلع
وللظهر بسمارها اتعده ووصل
..........
ياعلي وجفن الزچيه منطبگ
ومن السوط امتونها مورمه وزرگ
ياعلي وبچفوفها باقي الحرگ
ساعد الله گلبك شلون احتمل
..........
حگك امن اتلوب واتصب الدمع
الصار بام الحسن لا ماينجرع
نطبگ عالزهره يحيدر چم جذع
تصيح فاطم لاگرايب لااهل
...........
مرضرضه الزهره واهي ساگ العرش
النار حرگت ياعلي حتى الرمش
وبالضلع بسمارها ينهش نهش
ومحسن ابنك سگط منها وانجتل
............
شگد تحبك چانت وماخبرتك
غاليه عدها يحيدر دمعتك
تكابر اعله اجروحها وماجرحتك
تضم حزنها اعليك تغشه امن الزعل
...........
راحت الچانت ابو وام واخو
العاشت وياكم على المُر والحلو
مشت بحر المرحمه وبحر الدفو
من چفوفك راحت الچف الاجل
...........
حسين حيدر الكربلائي

https://t.me/Alittio99
332
الناشر احمد الفاطمي

18 Oct, 19:47

ويلي عالزهره المظلومه
عاشت ومات مهضومه
*******************************
ظلت  بالجرح  والونه  مخفيه
ودمعة فاطمه بالحسره يوميه
ويا  كسر الظلع  مايشفه ليليه

يوم الي جره بيها الوصي اتألم
*******************************
عاشت بالحزن  والدمعه سچابه
ويم ظلع الزچيه شاهد اصوابه
كلها من السقيفه زادت امصابه

وصت سر دفنهه  ابليل  الاظلم
*******************************
يمهه  لو  تعنه  يجذب  الحسره
ودمعاته اشكثر يافاطمه الزهره
رجع  للدار حيدر منكسر  ظهره

على امصاب الظلع لوعاته تتأزم
*******************************
تخفي عالوصي والدمعه  تجريهه
وادري الآه  چانت كلمه  تحچيهه
تمسح  بالدمع  كلما  يجي اعليهه

وحيدر ياظلع من فاطمة اتشهم
*******************************
يا  باب  الزچيه  سولف   الاسباب
وبجرم السقيفه اشسوت الاصحاب
نار  اتوجرت منهه الجنين  انصاب

ولاذت للستر  بيها الوفه  اتشيم
*******************************
يا باب الحزن  لو نسأل اجروحه
وحيدر عالزچيه ما هدئ نوحه
ما يهوه الحياة  الي دفن روحه

وحيله عالزچيه  اشگد تره اتهدم
*******************************
تمت بعون الله تعالى الشاعر___يوسف_الفتلاوي
410
الناشر احمد الفاطمي

18 Oct, 10:40

لسان حال مولاي أمير المؤمنين

عمري جبت أبچي أعله مبچاچ
خايف أيطوّل عمري بجفاچ
يالزهره رايد أبقى وياچ
…..
هاي ، أول أيام أكسرتني
ترافگت عيني ويـ ردني ، وذبلت سنيني
وين ، التمسح جراحي بدمعها
هسه كسرتني بضلعها ، وجرّحت عيني

تكسرني التجبرني بكسري
أخذت گلبي وروحي وعمري
أشلون أعليها اتحلى بصبري

جرحي العلى الزهره يصير يسوه
قالع باب خيبر گام گوه

يادمع اليسولف بالعيون
والكاسرينك شو يشمتون
خلافچ يهنيال اليموتون
…..
ليش ؟ المرتبط عُمرّي بعُمرها
ترس إذني أسمع كسرها .. ريتني وياها
هاي ، الماردتها تصير مرّه
تحترگ ؟ مو هيَّ زهره ؟ .. وينطفي أضواها

ذاك اليمشي بطول وهيبه
هذا الباب مطلّع شيبه
يرد بحسره وحسره تجيبه

المثل الزهره ماتندفع بالباب
الكاسر أبو تراب يهيل التراب

آنه علي وكل جرح اليصير
الله يعرفه ودمعي والبير
من ياجرح تبدي وشنو تحير
…..
هنا ، أول أسباب الرزيه
ومُفترق للغاضريه ، وهظمة الغُربه
هناك ، بدل بسمار وحزنها
حافر أيمر أعله أبنها ، ويثبت بگلبه

يمشي بوجهه مبين حزنه
ركضاته شگد أيعطشنه
والموش لگلبه يسحگنه

دم بلحيته وشيبه تخضّب
الخيمه المنها راح شلون تنطب

هذا الشبه مابين الأثنين
ضلع الزچيه وصدر الحسين
بين الضلوع وسطرة العين
…..
هناك ، العصره مو نفس الزچيه
العصره جوّه الأَعوجيّه .. بمغرب العاشر
وينطبگ مو باب حزنه
ثگل مثل الأرض چنه .. طبگة الحافر

مو بس بالرض أيعذبونه
من أيرضونه يذبحونه
عاري أعله الصحره يخلونه

أخاف الحافر من أيدوس صدره
يمر من صدره ويروح أعله نحره

ينخطف لونه وهو متعوب
ويسلبونه بكربله الثوب
وتنسبي زينب وكت الغروب
…..
آه ، هناك محسن بس مكانه
يصير عبد الله بزمانه .. ويتخذ صبره
العطش غادي غير شكله
اليعطش يقدموله نبله .. وتلتقي بنحره

ياعبد الله وحزن المحسن
عطشان بحضن حسين يون
ماكو الرحمه بنص گلبه يحن

طفل متعوب طاح بأثر بسمار
وطفل عطشان شمروا والده حجار

جرح الطفل وأهواي تعبان
عطشان صار بحضن عطشان
باب الزچيه يفك بيبان
…..
عبد الرحمن حميد الفضلي
422
الناشر احمد الفاطمي

18 Oct, 10:34

يانهر الغرام    ...  دليني دربك
من بئر الضلام ... طلعني حُبك
ياعالي المقام  ... بحساسي اكتبك

احبك اكثر امن اهواي
يعايش كل حياتي وياي
احبك وانته ضامي تلوج
احبك وانته شارب ماي

اغله كل غالي ،،،   وناصب بالگلب حضره
عاشرت بالي  ،،،   ليل امصاحب الگمره
صرخت خيامك  ،،،  صحت جم حلم  بيه
ياعشگ دائم  ،،،   عاش ابروحي مو فتره
يا ابا عبد الله   يا ابا عبد الله
،،،،،،،،،،،،،،،،،،،،،،،،،،،،،،،،
سر الله العضيم ... دمعت خدمتك
ميشوف الجحيم ... الضايك رحمتك
والعصر  القديم  ...  عايش نعمتك

قريتك وانته بيك جروح
بجيتك وانته شابع نوح
اتنفس هواك اهواي
يا نسمه الترد الروح

قبلت جروحي ،،،  ومرقد دمعتي الخيمه
ماخلص نوحي  ،،، عل طلعتلك ابهيمه
ابجي لمصابك ،،،  حد ماتنعمي عيوني
يالخذت روحي ،،،  دمعي اتوسل اديمه
يا ابا عبد الله   يا ابا عبد الله
،،،،،،،،،،،،،،،،،،،،،،،،،،،،،،،،
ابابك يالحنين  ...  اندب اميري
جلمت ياحسين ... صحت ضميري
بس انته الامين  ... ويمك مصيري

اجيتك جيت الولهان
منك والحسن خجلان
شلون اتهنه انه ابماي
ويسمونك العطشان

عايش بخيرك ،،،  وانه ابخيرك امدلل
ماحب غيرك  ،،،  لوحب غيرك اتبهذل
شمت اترابك  ،،،  نسمه اتعاشر الريه
محد اخلافك  ،،،  هاي اذنوبي يتحمل
يا ابا عبد الله   يا ابا عبد الله
،،،،،،،،،،،،،،،،،،،،،،،،،،،،،،،،
جرحك والدماء  ... علت وجودي
صرخت كربلاء  ... ادري اعله مودي
ناضج ياحسين  ... بلخدمه عودي

امخلص عمري من البير
وشابع من خدمتك خير
امنيت عمري يامولاي
خادم ابني كون ايصير

خدمتك حلوه  ،،،  ورازق روحي حنيتك
والعمر فدوه  ،،، الرافع صيتي بس صيتك
يانبض گلبي   ،،،   الراحه ابدمعت المجلس
اعضم الدمعه  ،،،  الركضت بيها علويتك
يا ابا عبد الله     يا ابا عبد الله

العبد ابوفايز الرافضي
الفاتحه على روح والدي
327
الناشر احمد الفاطمي

18 Oct, 08:20

عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)
255
الناشر احمد الفاطمي

18 Oct, 08:20

يافاطــمه يافاطمـــه
گلبي انكسر يافاطمه
____________________________
انـــــه علي
وانتي هلي
بعدچ عشت عمري بغربه
من انـــــسئــل
دمعي يـهــــل
يافاطــمـــه كلش صعبه
لا موسهل
ماتنحِمل
صعبه علي يدفــن گـلـبه
ابدفنچ متت
واتعـذبـــــت
وياي الزمن اعلـن حـربـه

حتى السمه حتى السمه.. لجلچ بچت حتى السمه
يافاطمـــه يافاطــــمه .. گلبي انــــكسر يافاطــمه
________________________
هذا الجـــــــرح
يــذبح ذبـــــح
ابالي تجي عينچ حمره
بروحي حچــــي
ودمعه وبچــــي
بچاني دم صوت السطره
الخد انصفــــــع
محسن وگــــع
وانه الچنت دوم انتظره
بـــهذا الـوضـع
وكسر الـضـلـع
بعدچ علي الله يصـــبره

يبچي دمه يبچي دمه.. بعدچ علي يبچي دمـــــه
يافاطمه يافاطمه.. گلبي انكسر يافـــــــاطـــــــمه
________________________
 يم الــحــــسن
لـــيش الزمــن
مني خذچ ياضي عينـــــي
يازهرتــــــــي
يافرحتـــــــــي
مشتاگ الچ بـس حاچـــينـي
من غيبـــــتچ ومصيبتچ
يافاطمه وحشه اسنيني
ياعشرتـــــــچ
وسوالــفـــــــچ
حلوه واحسها اتداويــــنـــــي

متألمـــــــه متألـــــــمه.. روحي تره متألمه
يافاطمه يافاطمه.. گلبي انكسر يافاطمه
________________________
ليـــــل اليــــــمر
وحتى الفـــجر
دمعه وسهر يخلص ليلي
وبالمگبــــره
روحي تره
ومحد يجي ويتــچيلــي
ليش اختفه
يم الوفــــه
صوتچ علي فدوه احچيلي
وحشه العمر
مُر الـــــصـبر
فگدچ جــــرح ويهـد حــيلي
ياعالمه ياعالمه.. ظهري انحنه ياعـالـــمه
يافطمه يافاطمه.. گلبي انكسر يافاطمه
________________________


واتيـتـــمت
بتـچ بقــت
زينب تحن واتهل دمعه
صار الجِـــــفن
غيمة حــــزن
وذابت صدگ مثل الشمعه
تريـــــدچ سنـد
وكـــت الشــدد
وبكربله تريد البضعه
باچر تـــــــــره
يالطاهـــــــره
توگف على التل وتنعه

تبچي دمه تبچي دمه ..ياام الحسن تبچي دمه
يافاطمـــــه يافاطــــــمه ..گلبي انكسر يافاطمه
__
كلمات
حيدر بشار الدراجي
احمد علي البغدادي
262
الناشر احمد الفاطمي

18 Oct, 08:19

صارت مدارس يافاطمه
هاي المجالس يافاطمه
___________________
من مجلس الزهراء كلشي اتعلم
اشلون امشي واشلون البس واتكلم
ماكو بمجالسنه شخص مايفهم
معقوله مايفهم يجي للماتم

وابلا منافس يافاطمه
هاي المجالس يافاطمه
___________________
بمجلس عزائج فاطمه تربينه
ولد المجالس احنه افضل طينه
طلابج احنه وانتي التعلمينه
بمدرسة حبج فاطمه سجلينه

اشگد بيها واهس يافاطمه
هاي المجالس يافاطمه
__________________
من زغري واني عايش بهالخدمه
من الله صارت هالمجالس رحمه
يافاطمه خدمتكم اكبر نعمه
سواني هالمجلس يفاطم زلمه

واستاذي عابس يافاطمه
هاي المجالس يافاطمه
__________________
راح احجي قصه واني بيها الشاهد
هاي المجالس خرجت جم قائد
حتى بفلسطين الرجال اتجاهد
صح نختلف بس الهدف ضل واحد

اتخرج فوارس يافاطمه
هاي المجالس يافاطمه
___________________
مولاتي نظره للمجالس هايه
وفقينه يوميه نسوي قرايه
هاي المجالس بسمج امسمايه
واسمج كتبناه فوگ وجه الرايه

للخدمه حارس يافاطمه
هاي المجالس يافاطمه
___________________
✍️احمد علي البغدادي
242
الناشر احمد الفاطمي

18 Oct, 08:18

الفارگ امه يعرف اشلون
بشيلة نعشها اتطيح المتون
مو كلمه سهله وبالحجي نعبرها
ابكل حرف لازم نگعد انفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
اليشيل امه بيده وياها كون يموت
موش يرد عدل ويموت يوميه
اسئلو الفارگو گلولهم عدلين
لوميتين كل ماتطر صبحيه

كلها بجفه بس تكتلك الخنگه
وكل عمرك تضل مناطر الملگه
بس المشكله ماتنتهي الفرگه

موفاتحه ولاشدة انگاب
يافرگة الام تكسر ارگاب
اكبر گلب بالكون مايگدرها
ابكل حرف لازم نگعد نفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
شايف من نعشها ايفوت من الباب
تبقه بذكرياتك هاي محفوره
اعتبر كلشي انمسح فارغ يضل البال
بس هاي تگطع گلبك الصوره

مو سهله انه اگلك شدتك شده
وشكو فرحه بحياتك راح تتبده
عمرك بس بجي وبالك ولا يهده

ميفيده دمعه الفارگ احباب
شيفيد نامو جوه التراب
بس بخيالك تبقه تتذكرها
بكل حرف لازم نگعد نفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
ظهرك ينكسر مو بس حجي وينگال
لافعلا ترد مكسور ومحدب
صح بعدك ازغير بس اجاك الشيب
وي شيلة الجادر راسك يشيب

اذا امك تراب الگبر غطاها
شنو لذة حياتك شنهو معناها
كون الماتت امه ايموت وياها

كل العمر لويگضي دمعات
جوه الترب مايرجع المات
احلام هاي وانته تتصورها
بكل حرف لازم نگعد نفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
شايب لوصرت والعمر منك راح
ولحيتك بيضه جان الشيب غاطيها
تضل مثل الطفل تشتاگ يي تشتاگ
ماتنسه صورها وكل محاجيها

تضل محتاجها ومحتاج شوفتها
وكل عمرك تضل مفتقد گعدتها
وتعيش ابنص خيالك ذيج ضحكتها

اتضل ذكرياتك تحفر البال
مثل العدو التفكير جتال
وللبيت لمن تدخل اتدورها
بكل حرف لازم نگعد نفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
اتعلم عالصبر من الحسن وحسين
عمرها اثمنطعش من ماتت الزهره
مكسورة ضلع والسطره وسط العين
نامت بالگبر وعيونها حمره

هاي اكبر مصيبة ام سمعناها
عشناها ومصايبنه نسيناها
مصيبة فاطمه ابكل جرح عشناها

اكبر جرح ياكسر الضلوع
ولهسه صوت الونه المسموع
كل البواجي الكسره ماتجبرها
بكل حرف لازم نگعد نفسرها
اتطيح المتون ▪️اتطيح المتون
🏴🏴🏴🏴🏴🏴🏴🏴🏴
✍️احمد علي البغدادي
220

6,667

subscribers

120

photos

8

videos
Best Similar Channel
قصائد حسينية مكتوبه Telegram Channel
قصائد حسينية مكتوبه
104,064 subscribers
@aabas78
قصائد منبريه مكتوبه 📚 Telegram Channel
قصائد منبريه مكتوبه 📚
41,400 subscribers
@h_ameer2
الناشر مصطفى المياحي Telegram Channel
الناشر مصطفى المياحي
24,195 subscribers
@hxzeu1
قصائد شور مكتوبه Telegram Channel
قصائد شور مكتوبه
21,306 subscribers
@shoor1445
الشاعر محمد الجماسي Telegram Channel
الشاعر محمد الجماسي
17,297 subscribers
@alfoatm12
تراث القصائد الحسينية Telegram Channel
تراث القصائد الحسينية
15,231 subscribers
@hha19789
قصائد ملا مجتبى الكعبي مكتوبه Telegram Channel
قصائد ملا مجتبى الكعبي مكتوبه
14,244 subscribers
@hae5688
قناة قصائد والحان منبريه Telegram Channel
قناة قصائد والحان منبريه
12,998 subscribers
@amabeha5533
سيد زيد الفحام Telegram Channel
سيد زيد الفحام
12,943 subscribers
@zaidzai
نعي +ابوذيات Telegram Channel
نعي +ابوذيات
12,168 subscribers
@affeff
Random Similar Channel
قناة سيد علي الموسوي Telegram Channel
قناة سيد علي الموسوي
7,220 subscribers
@saidali1983
قصائد لجميع الشعراء ملحنه Telegram Channel
قصائد لجميع الشعراء ملحنه
4,187 subscribers
@aaaaaaaaayy
قصائد مكتوبه شور +نعي Telegram Channel
قصائد مكتوبه شور +نعي
5,473 subscribers
@ali_3_13
الشاعر علاء الزيدي Telegram Channel
الشاعر علاء الزيدي
3,873 subscribers
@ggvggggggg
الشاعر امجد الشطري Telegram Channel
الشاعر امجد الشطري
4,491 subscribers
@oydgh
قُنِأّةّ أّحًبًأّبً أّمً أّلَبًنِيِّنِ وٌأّلَعٌتٌـرةّ أّلَمًحًمًدٍيِّةّ «؏» Telegram Channel
قُنِأّةّ أّحًبًأّبً أّمً أّلَبًنِيِّنِ وٌأّلَعٌتٌـرةّ أّلَمًحًمًدٍيِّةّ «؏»
3,976 subscribers
@nooralhussein313
الشاعر سيد زيد الفحام 2 Telegram Channel
الشاعر سيد زيد الفحام 2
4,277 subscribers
@zaidzai11
قناة نشر قصائد حسينيه مكتوبه Telegram Channel
قناة نشر قصائد حسينيه مكتوبه
2,224 subscribers
@qasim_alqalili1
الشاعر عزیز الفیصلي Telegram Channel
الشاعر عزیز الفیصلي
5,600 subscribers
@azizalfesli
قناة الأبوذیة الحسينية Telegram Channel
قناة الأبوذیة الحسينية
2,736 subscribers
@ashaghalhossein3

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.