يا عباس ... ماشي وين وعايف ادموعي اعله خدي
يا عباس ... شوفتك تسوه النهر ياخوية عندي
يابو فاضل رد عليه
روحتك هم بيهه جيه
.......1.....
رايح لا وين ... وعايف الحسين
اعليك ايشابح بعيونه
ما ظله اخوان ... بس انت الان
كافل خدر اهله وعونه
من تمشي عنه وتبتعد معناهه تكسر ظهره
اليفكدله مثلك هيج اخو الوادم اتسولف بمره
عباس منريد العذب شوفك يروَّي اضمانه
ظل يم أخِيك كافلي بعازة كفيل ينصره
من اتروح .... يعني جم حافر يدوس ابصدر أخِيك
من اتروح .... بالشمس يبقى ويدور على فيك
ادوس فوكه الأعوجيه
روحتك هم بيهه جيه
2...........
ماريد الماي ... ردتك وياي
يانهر اليروي اغيابك
متعودة اعليك .... الله يخليك
ارحم كلبي امن امصابك
كلشي يهون الا انته لا يغله واعز من كلشي
وي طلعتك يا ابا الفضل أطلع سبيه ابنعشي
لحضه وداعك كافلي موتي يصير اكبالي
وياك أخذ روحي إذا ناوي اعله موتك تمشي
خذني وياك ... شلي بسنين العمر بعدك يغالي
خذني اوياك ... لا تخليني وراك الضيم حالي
حلوه وياك المنية
روحتك هم بيهه جيه
....3....
يالشوفك عيد .... لتروح ابعيد
بعدك ما بطل وني
عمري ابلياك .... مذبوح انخاك
كلشي ولا تبعد عني
بوداعك اجفوف الكفر تحرك علية اخيامي
وابقى وحيد ابلا اخو لا كافل ولا حامي
توليني الاسياط وتضل تضحك علي شماتي
عباس ما ترضاهه الي أعثر والم بيتامي
صعبه اهواي .. ركضتي ابين الزلم وانه الأميره
صعبه اهواي .. توكَع اعله الكاع اخت بدر العشيره
وانت ما ترضاهه اليه
روحتك هم بيهه جيه
...4...
زينب عباس ... تسبيهه الناس
ساعت ما تمشي الموتك
مترد اجواب ... كَلب اختك ذاب
حاجيني ارد اسمع صوتك
باجر يشد ايدي الحبل ياهو الاكله ادخيلك
من هسه نزلت دمعتي ياخوية جاي اشكيلك
درب السبي ماهو سهل يصعب علية اهوايه
احجيها الك بالمختصر نجمه انه تهت ابليلك
امشي الوين ... من يجوني بخبر موتك يابو فاضل
امشي الوين ... متحيره اضل ما بينك وبيني يكافل
والحبل يجتف ادية
روحتك هم بيهه جيه
....5.....
صورة فركاك .... تاخذني وراك
حد كطعت ذيج اجفوفك
وانظر لسهام ... واصواب الهام
والدم الماخذ شوفك
اوكف على الماي بهضم مكسوره خاطر اني
بدموعي اغسل يمنتك واليسره جيتي اتاني
اكعد اون يمك أضل ونة الفارك غالي
عباس اصيح ابلا وعي اكعد ينور اخواني
واويلاه .... وانظر اعله الجربه منهه المي تبده
واويلاه .... والحسين الخيمته راجع لوحده
ايصيح وين البي حميه
روحتك هم بيهه جيه
......
كلمات : ✍️ موسى الخادم
يا عباس ... شوفتك تسوه النهر ياخوية عندي
يابو فاضل رد عليه
روحتك هم بيهه جيه
.......1.....
رايح لا وين ... وعايف الحسين
اعليك ايشابح بعيونه
ما ظله اخوان ... بس انت الان
كافل خدر اهله وعونه
من تمشي عنه وتبتعد معناهه تكسر ظهره
اليفكدله مثلك هيج اخو الوادم اتسولف بمره
عباس منريد العذب شوفك يروَّي اضمانه
ظل يم أخِيك كافلي بعازة كفيل ينصره
من اتروح .... يعني جم حافر يدوس ابصدر أخِيك
من اتروح .... بالشمس يبقى ويدور على فيك
ادوس فوكه الأعوجيه
روحتك هم بيهه جيه
2...........
ماريد الماي ... ردتك وياي
يانهر اليروي اغيابك
متعودة اعليك .... الله يخليك
ارحم كلبي امن امصابك
كلشي يهون الا انته لا يغله واعز من كلشي
وي طلعتك يا ابا الفضل أطلع سبيه ابنعشي
لحضه وداعك كافلي موتي يصير اكبالي
وياك أخذ روحي إذا ناوي اعله موتك تمشي
خذني وياك ... شلي بسنين العمر بعدك يغالي
خذني اوياك ... لا تخليني وراك الضيم حالي
حلوه وياك المنية
روحتك هم بيهه جيه
....3....
يالشوفك عيد .... لتروح ابعيد
بعدك ما بطل وني
عمري ابلياك .... مذبوح انخاك
كلشي ولا تبعد عني
بوداعك اجفوف الكفر تحرك علية اخيامي
وابقى وحيد ابلا اخو لا كافل ولا حامي
توليني الاسياط وتضل تضحك علي شماتي
عباس ما ترضاهه الي أعثر والم بيتامي
صعبه اهواي .. ركضتي ابين الزلم وانه الأميره
صعبه اهواي .. توكَع اعله الكاع اخت بدر العشيره
وانت ما ترضاهه اليه
روحتك هم بيهه جيه
...4...
زينب عباس ... تسبيهه الناس
ساعت ما تمشي الموتك
مترد اجواب ... كَلب اختك ذاب
حاجيني ارد اسمع صوتك
باجر يشد ايدي الحبل ياهو الاكله ادخيلك
من هسه نزلت دمعتي ياخوية جاي اشكيلك
درب السبي ماهو سهل يصعب علية اهوايه
احجيها الك بالمختصر نجمه انه تهت ابليلك
امشي الوين ... من يجوني بخبر موتك يابو فاضل
امشي الوين ... متحيره اضل ما بينك وبيني يكافل
والحبل يجتف ادية
روحتك هم بيهه جيه
....5.....
صورة فركاك .... تاخذني وراك
حد كطعت ذيج اجفوفك
وانظر لسهام ... واصواب الهام
والدم الماخذ شوفك
اوكف على الماي بهضم مكسوره خاطر اني
بدموعي اغسل يمنتك واليسره جيتي اتاني
اكعد اون يمك أضل ونة الفارك غالي
عباس اصيح ابلا وعي اكعد ينور اخواني
واويلاه .... وانظر اعله الجربه منهه المي تبده
واويلاه .... والحسين الخيمته راجع لوحده
ايصيح وين البي حميه
روحتك هم بيهه جيه
......
كلمات : ✍️ موسى الخادم
