الشاعر كرار حسين الكربلائي

@krarhuse

قناة تخص كل ماهو جديد للشاعر كرار حسين الكربلائي

قناة الشاعر كرار حسين الكربلائي (Arabic)

قناة الشاعر كرار حسين الكربلائي هي المكان المثالي لمحبي الشعر والأدب، حيث يمكنهم الاطلاع على كل ما هو جديد لهذا الشاعر الموهوب. كرار حسين الكربلائي يعتبر واحدًا من أبرز الشعراء في العالم العربي، ويتمتع بموهبة فذة في كتابة القصائد الشعرية التي تلامس قلوب الجمهور. يتميز شعره بالعمق والإبداع، ويعكس تجاربه الشخصية ورؤيته الفنية

هذه القناة تقدم لجمهوره كل ما يتعلق بأعمال الشاعر كرار حسين الكربلائي، بما في ذلك قصائده الجديدة، المقابلات الحصرية، والنصائح والتوجيهات الأدبية. بفضل هذه القناة، يمكنك البقاء على اطلاع دائم بكل ما يخص هذا الشاعر المميز، وتواصل مع محبي الشعر والأدب من جميع أنحاء العالم. انضم إلينا اليوم واستمتع بتجربة فريدة من نوعها في عالم الشعر والإبداع!

الشاعر كرار حسين الكربلائي

16 Jan, 00:07

وحشة گبرها

حيدر البياتي

https://youtu.be/hza5i8aqF7Q?si=wiOd-KO21rf6pZOy

2,849

الشاعر كرار حسين الكربلائي

15 Jan, 23:42

اسألكم الدعاء
عند دموعكم

https://youtu.be/cgmbgsERVnk?si=cLTRLE4EE3T7Sd1X

2,700

الشاعر كرار حسين الكربلائي

13 Jan, 11:31

الما يحب الكرار ما عنده غيره
...
نبايعه بيعة وفه هالليله
علي سلطان البريه ادخيله
الما يوالي حيدره يا ويله
هذا لا ام لا ابو داعيله
وبجهنم ياناس حتماً مصيره
...
عمري يكبر والعشگ بي يكبر
علي هو آمّن يجيب المظطر
ما اخاف من الگبر والمحشر
وما يزل جدمي وعلي عالمعبر
عندي حب حامي الجار يسوه العشيره
...
علي خطيت بضميري حروفه
شمس بعيونه عمه الميشوفه
صوت عدنه ويعتلي للكوفه
نعوف كلشي وحب علي منعوفه
الما يبايعه صار بايع ضميره
...
المؤمن بحبه صبح عنوانه
الما يحبه فارغ من ايمانه
أشهدُ ان علي مولانه
نگولها غصباً على العادانه
بالحشر خصيمه حيرته حيره
...
بالگلب نبضي علي سميته
بالصلاه فرضي علي صليته
من گبل ما انخلق واليته
واليعادي المرتضه عاديته
لأن شفت الكرار لله سفيره
...
لا تلوموني ملك انفاسي
حب علي عرشه بوسط احساسي
انه عشكي حيدري عباسي
من ابو فاضل عندي غيره براسي
يشهد اعله الميثاق بدر العشيره
...
خادم الحسين ( عليه السلام)
كرار حسين الكربلائي
( ابو كميل)

4,638

الشاعر كرار حسين الكربلائي

12 Jan, 09:10

قصيدة :-يمته ترتاح
https://youtu.be/s2doFNjKo7k?si=xZ3_JA5WCr3H3Tp5
الرادود:-حيدر البياتي
الشاعر :-كرار حسين الكربلائي

4,501

الشاعر كرار حسين الكربلائي

07 Jan, 17:11

https://youtu.be/icRQ6Y3rK14

5,640

الشاعر كرار حسين الكربلائي

02 Jan, 22:54

https://youtu.be/P9Yuiyb0PqU?si=eVRWYCrUnjiRN6mJ

6,558

الشاعر كرار حسين الكربلائي

30 Dec, 13:24

سبع الدجيل وماخاب كلمن تعنه لبابه

لوصابك بسهمه الزمان الغدار
لسيد محمد اكصد ولاتحتار

سبع الدجيل المايرد الزوار
جم حاير وجم معلول رد والفرح جلبابه
.........
شارات اله معروفه تعرفها الناس
من تعتنيله ترد مرفوع الراس
باب الحوايج مثل عمه العباس
طيب گلب والينخاه لامايرد احبابه
......
بالك يصيبك شك إذا تتعنه
چفينه جنه وماتشح الجنه
باب الاله واطلب شتتمنه
خل گلبك اليحجي وياه حاشا يرد طلابه
.....
يوم العسر والضيج باسمه انادي
ادخيلك انه يبن الامام الهادي
هليله من عندك اريد مرادي
منك اجدي وموعيب يبن الكرم واسبابه
......
عليك اقسم بكسر الضلع والطبره
بصدر الحسين المنهشم وبنحره
نظره نريد وتكفي منك نظره
ذوله احنه خدام حسين لجدك نون ومصابه
....
ياهيبة الله وياجلاله وضيه
نحلفك بعمتك زينب المسبيه
بجاهك حوايج شيعتك مگضيه
ياسفرة الله الميخيب كلمن سجد باعتابه
.....
ادعيلنه لگبرك نجي ونزوره
براية علي البيكم تظل منصوره
والمنتظر ربنه يعجل ضهوره
ثارك وثار الاجداد هو اليصفي حسابه
.....
خادم الحسين( عليه السلام)
كرار حسين الكربلائي
( ابو كميل)

7,627

الشاعر كرار حسين الكربلائي

30 Dec, 01:23

وين هاشم خل تهد بخيلها
وتاخذ بثارات سبع ادجيلها
..
خل تِشد وتِهد سوه هدة زلم
التِنّدِب ما تِندِب بيوم الحزم
غيضها يصعد سمه ويمطر عزم
المايلات اهيه التعدل ميلها
...
اهي اتعدل المايله بيوم التميل
وما تِهَدل امتونها بحمل الثجيل
تنطي دمها وابد ما تنطي الدخيل
خلفة اليحمي الدخيل ادخيلها
...
ادخيلها اهل المواضي الباشطات
الما تسلهم عينها بذل وتبات
حيهم اليرگون ظهر الصافنات
المن تهد يلبد نجمها بليلها
...
بليلها يلبد نجمها من تهد
ومن يِسَيَر الگيض تذبحله برد
بالوغه بغير المغانم ما ترد
الماكو گدها وماكو جيل بجيلها
...
الما لهم بين البشر كفواً احد
مسابگ اويه الريح خل توصل بلد
ابسم بني العباس راحلهم ولد
للتِهَدّم حيله تِهدِم حيلها
...
جرح عدهم كلف يدي وما يطيب
سيد محمد يهل يثرب غريب
چم بدر وشچم شمس منكم تغيب
والنعوش چفوف غربه اتشيلها
...
مته لغايبكم روايه العز ترف
ومته يدچ الگاع والگاع اتخسف
ويرد صاع الثار كل صاع بألف
لمحكمة سيفه الجناة ايحيلها
...
ايحيلها بسيفه ويرد حگه لهله
وياخذ بثاراته والعيش ايحله
تنطفي نار الخيام بكربله
بطلعته هاي الظلامه يزيلها
...
خادم الحسين ( عليه السلام)
كرار حسين الكربلائي
( ابو كميل )

6,156

الشاعر كرار حسين الكربلائي

29 Dec, 22:53

الليله الليله نواسي الموعود وامه الزچيه
بفگد ابو جعفر هاليوم ننصب عزيه
سبع الدجيل يسموه حامي الثنيه
...
دموعنه تكتب رسايل تعزيه
واضحه اللهجه
من رسول الله محمد لحد ما نوصل الحجه
نگله يالمهدي بغيابك للمهج ما بقت مهجه

يا أول وآخر امل
صحنه العجل ثم العجل
چم هاشمي بغربه انچتل
گوم واملي الكون ضجه

غايب غايب وما غايب يوم وبكلشي تدري
لسبع الدجيل وفرگاك دمعتنه تجري
تسعر ولا بردت يوم نار الرزيه
...
گوم يا بيرغ الغيره الينعگد ساعة الشده
سيد محمد يهاشم مات برض الغرب وحده
بني العباس بحقدها سمته وگطعت چبده

دار النظر محد إله
بعيدين عنه كل هله
جدّاه يا عقد الوله
صاح ودموعه اعله خده

حيدر حيدر يحماي الجار ابنك بحيره
بغربه وتناشدني الناس وين العشيره
تدور حمه وجدك چان حامي الحميه
...
العسكري بروحه اعتناله وبالجوانح تدوي جمره
اخو ومفارگ اخيه وگف فوگه ومحني ظهره
وانطفت شمعة شبابه واربعه وعشرين عمره

بياذنب آل المصطفه
مِنّ البشر شافت جفه
والدنيه ماعدها وفه
شسوت بحالة العتره

حاير حاير شوصفك بركان هم ما ابالغ
غربة بني الزهره تريد رفة بيارغ
وبچفك اليمطر موت حسم القضيه
...
غمض اعيونه بغربته وحضرت الوادم تودعه
واحد بواحد يحشم خل نغسله وخل نشيعه
بس ابو السجاد بالطف داست الخيل اعله ضلعه

بس الغريب بكربله
من چفنه ومن غسله
بالچبد صابه حرمله
يون وعياله تسمعه

ضامي ضامي انذبح يالموعود ريتك تشوفه
من يروي چبده وعباس گطعو چفوفه
بعد الذبح صدره انداس بالاعوجيه
...
اعتذر يا حجة الله كل خيمكم وجروها
وعمتك زينب غريبه حرمه والوادم ولوها
سلبوها شتموها لوعوها وهظموها

حيره وحزن دمعه وغرب
سوط وسبي وشتم وضرب
يالمهدي والكلش صعب
بالحبال يچتفوها

زينب زينب مشت لرض الشام بين آل اميه
زينب تناديها الناس يالخارجيه
واخر مصيبه من الشام ماتت رقيه
...
خادم الحسين ( عليه السلام)
كرار حسين الكربلائي
( ابو كميل )

5,090

الشاعر كرار حسين الكربلائي

29 Dec, 22:53

ما ادري شتدوّر فاطمه الزهره
بين الكاظميه وبين سامره
بديار الحزن
فگدت يا ابن
بين الكاظميه وبين سامره
...
كوكب النور الالهي يصب دمعها
مدري چم مره الدهر بيده صفعها
تمشي بالصحراء والايد بضلعها
صوت ناعي سيد محمد فجعها

يا فگد الشباب المارحم بيها
وبديرة بلد نسمع نواعيها
ما يغمض جفن
فگدت يا ابن
بين الكاظميه وبين سامره
...
يا مصايب فاطمه ما إلها تالي
لو عله الايام چا صارت ليالي
تنادي يا سبع الدجيل بصوت عالي
انت يبن الهادي مثل الهادي غالي

رخّصت اعله مودك اثمن دموعي
لمصابك يغالي تنحني ضلوعي
بگلب الممتحن
فگدت يا ابن
بين الكاظميه وبين سامره
...
انته يالمثل البدر طلعت جبينك
جيت والوصلني يم جسمك ونينك
لخمسه والعشرين ما وصلت سنينك
يا كُبر صبري واغمّض بيدي عينك

لوداع الغوالي روحي معتاده
يا وسفه الزمن ما يحشم الساده

مهظومه وتحن
فگدت يا ابن
بين الكاظميه وبين سامره
...
جيتك اصرخ بالله يالموت اعله مهلك
بلكي الحگ حته بعيونك اقبلك
بهاي ايدي النچوت بالباب اغسلك
واعله متني المنضرب بالسوط احملك

ليهمك ييمه منحني ظهري
خليني اضمنك على صدري

مهظومه وتون
فگدت يا ابن
بين الكاظميه وبين سامره
...
انته كعبة حزني ودموعي تطوفك
تشبه العباس يوليدي اشوفك
والفرق ما گطعو منك چِفوفك
لا عمد مصيوب لا مصيوب شوفك

شفت العسكري لجلك يهل عبره
واذكرت الحُسين من انكسر ظهره

صرخه وتنعلن
فگدت يا ابن
بين الكاظميه وبين سامره
...
لو تمر بيه الف لوعه ورزيه
ما تساوي ساعه من الغاضريه
انته ما داست عليك الاعوجيه
ولا بعد چتلك مشت اختك سبيه

جمرة كربله ما تنطفي بروحي
ظل بلا غسل عالغبره مذبوحي

عاري بلا دفن
فگدت يا ابن
بين الكاظميه وبين سامره
...
خادم الحسين ( عليه السلام)
كرار حسين الكربلائي
( ابو كميل)

4,245

الشاعر كرار حسين الكربلائي

29 Dec, 22:52

سبع الدجيل تعرفونه
غيرة حيدر بين اعيونه
ما خاب اليگصد يم بابه
عباس الثاني يسمونه
...
سيد محمد اسم بحروفة هالة نور
وبسجل اهل الوفه واهل المجد مذكور
من تزوره بحضرته چن بلجنان تزور
شانه يجبر خاطرك يل خاطرك مكسور
يحمل اوصاف من اجداده
ما يكسر خاطر وفاده
طيب بيدك ينطي مراده
عباس الثاني يسمونه
...
چم عليل الأيّس ومن علته ما طاب
ياخذ مراده ويجي بس يوگف اعله الباب
غيرته غيرة علي لا ما يرد طلاّب
سُفرة الله اعله الارض واليعتني ما خاب
اخذ همومك واگصد يمه
وحلفه بچف الكافل عمه
لو تنشدني ورايد اسمه
عباس الثاني يسمونه
...
هالكريم ابن الكريم بحيره ميخليك
لو گصدته لمرقده من مرقده ايحييك
اتسمعه يا اهلاً وسهلاً زايري يناديك
ان ردت والما ردت بحر الكرم ينطيك
هذا السيد طيب گلبه
وبديوانه تهون الصعبه
لا تخجل واسجد ع العتبه
عباس الثاني يسمونه
...
چان يحچي للبشر عن محنة الزهره
ماتت امي فاطمه من شدة العصره
ويلي يا كسر الضلع ما ينجبر كسره
بسوط ضربوها بمتنها وبالجفن سطره
يتذكر امه المظلومه
ويبچي اعله ضلوع المهشومه
ومن هالغيره البي مرسومه
عباس الثاني يسمونه
...
ولو تذكر كربله يطفح بحر همه
يگول جدي من انذبح محد حضر يمه
الخيل ما خلت ضلع سالم لبو اليمه
راسك رفعوه عالرمح واعله الرمل جسمه
واشلون لزينب يسبوها
بحبال شلون يچتفوها
ما يقبل عمته يضربوها
عباس الثاني يسمونه
...
جرّعو سم وانگطع مثل الحسن چبده
والامام العسكري بيده حفر لحده
مثل الحسين انكسر ظهره على فگده
وظلت عيون الاخو تجري دمه لفگده
ماتت وظلت وحشه دياره
يمته الغايب ياخذ ثاره
والمهدي الماندري اخباره
عباس الثاني يسمونه
...
كرار حسين الكربلائي
ابوكميل
دعائكم

3,916

الشاعر كرار حسين الكربلائي

29 Dec, 22:52

هيبه وتظل منصوره راية ضريحك

سبع الدجيل ورايتك محلاها
ربك على هام السمه علاّها
هالرايه آيه والزمن يقراها
وبس الكواكب تفتهم معناها
فوگ النجم منشوره راية ضريحك

جنة ضريحك جنه فاطميه
فوگاها رفّت رايه حيدريه
هالرايه بيها غيره عباسيه
عالگبه صاحت آني رافضيه
من تفتخر معذوره راية ضريحك

هالرايه صارت للإبه سفاره
تنثر مجد عالگُبه والمناره
كتبت عله اعيون السمه عباره
يا دنيا بس شيعة علي غياره
رفّت عله المعموره راية ضريحك

يا من ضريحك مملكة قداسه
اليشتم هواك اتعطرت انفاسه
اهل الولاء الحيدري حراسه
والناصبي اليوصله نگطع راسه
منها العده مقهوره راية ضريحك

راية ضريحك خلقت العجايب
يا ما جِلَت عن شيعتك مصايب
كلما ترفرف ترعب النواصب
وغصباً عليهم توصلك مواكب
وبگبتك مسروره راية ضريحك

نقسملك براعي العلم وچْفوفه
مهما حصل گبرك نجي ونطوفه
انعوف العمر بس مرقدك منعوفه
والرافضيه بالوفه معروفه
للغيره رسمت صوره راية ضريحك

4,695

الشاعر كرار حسين الكربلائي

11 Dec, 17:36

https://youtu.be/cgmbgsERVnk?si=qb3sfkeSAACH9k_3

7,213

الشاعر كرار حسين الكربلائي

09 Dec, 13:39

https://youtu.be/kOMMGFKvnH0

7,411

الشاعر كرار حسين الكربلائي

05 Dec, 00:18

https://youtu.be/AmVoup4VMhk?si=v5CPeRScqfvGtEOT

8,091

الشاعر كرار حسين الكربلائي

02 Dec, 14:32

https://youtu.be/xxA0T7lSMUA

7,474

الشاعر كرار حسين الكربلائي

23 Nov, 08:26

https://youtu.be/1ql6-ivWoTY

8,653

الشاعر كرار حسين الكربلائي

21 Nov, 01:03

شرفوني
https://whatsapp.com/channel/0029VaswzuCGJP8JVcwDsH3y

8,643

الشاعر كرار حسين الكربلائي

17 Nov, 04:02

https://youtu.be/PI-FKRVp-3I?si=ZbygY25x4P4uIQIf

10,166

الشاعر كرار حسين الكربلائي

10 Nov, 11:49

https://youtu.be/9PThnBWMxoI

9,942

الشاعر كرار حسين الكربلائي

08 Nov, 05:12

🟩• الله سماها زينب !!

لما ولدت‏ زينب‏ عليها السلام جاءت بها امها الزهراء عليها السلام إلى أبيها أمير المؤمنين عليه السلام و قالت: سم هذه المولودة، فقال: ما كنت لأسبق رسول الله صلى الله عليه و آله و سلم- و كان في سفر له-و لما جاء صلى الله عليه و آله و سلم و سأله علي عليه السلام عن اسمها، فقال: ما كنت لأسبق ربي تعالى؛ فهبط جبرئيل عليه السلام يقرأ السلام من الله الجليل و قال له: سم هذه المولودة: زينب، فقد اختار الله لها هذا الاسم
...
جبرائيل اجه من السمه وگله
صارت زينب وصار الشرف كله
الله اختار اسمها البشر خارج قوس
سماها وعليها سلم وصله
عمرها شجم نفس وانطت هوه للگاع
وشكو مخنوگ زينب نفس توصله
اليكتب والرسم گدامها يگولون
الليل شگد صعب ينرسم بالكحله
ظلها بكل شبر يزرع عبايه وليل
وعبايتها الشريفه تنحسب قبله
يحيى المازني مجاور علي من سنين
وحلف طول العقيله ما شفت ظِله
بت عد حيدر الجيران ما يدرون
ربت عد بيت بس الشرف يندله
بيت وما رجع من بابهم محتاج
التصعب عالبشر يم بابهم سهله
وعت شافت علي يوزع خبز بالليل
وبچف الحسن ما بردت الدله
شافت فاطمه توكل بديها الطير
ومن زاد الحسن وحسين تعزله
وما سمعت حسين بيوم گايل لاء
بس بالطف حچاها اللاء للذله
زينب هوه يعيش بريّة العباس
ويِگلك روحي زينب لمن تسأله
الوحي يدگ بابها يستأذن من يفوت
ويظل بالباب واگف الا تأذنله
چانت ترسم اعله الگاع تل تراب
تل حته الجبل بالطف يدنگله
وچانت تبني خيمه السمه منها تغار
الخيمه بيها صيتها يعله
باچر متن زينب عش يتامه يصير
حته الطير باچر زينب تكفله
انولدت زينب وفرحان ذو الفقار
الف هنياله زينب اخت صارتله
هذا اليوم كل الساده عدهم عيد
بسم زينب فرحهم والفرح يحله
ام خدام اخوها وخيمة الخدام
اليطب حضرتها مثل اليطب بيت اهله
انكتبت لافته عالعرش مو بالگاع
صارت زينب وصار الشرف كله
....
خادمها
#كرار_حسين_الكربلائي

9,330

الشاعر كرار حسين الكربلائي

05 Nov, 13:34

https://youtu.be/owV-XRFbg_U

8,556

الشاعر كرار حسين الكربلائي

30 Oct, 17:40

https://youtu.be/ydlTBKOAkFs

10,018

الشاعر كرار حسين الكربلائي

23 Oct, 01:36

آنه البعد فرگاچ يتوچه لو گام
وما بينت مكسور مثل الضوه بجام

جروحي بروحي ما سولفتهن حته ويه روحي
…
سولفت يم البير گتله الجرح باب
ومن حزني حته الماي ضم روحه بتراب
شيبت لون الليل من كثر العتاب
ضلعچ بموتچ طاب بس گلبي ما طاب
…
انه القلعت الباب بس بابي حرگوه
طبگة سمه اعله الگاع عالزهره طبگوه
ساكت صبر مو خوف من بابي دفعوه
كون بحرب وياي تتلاگه الوجوه
…
عاندت وجه الريح وشراعي مكسور
امدلي العطش عالماي وبروحي تنور
بيت وصفه بفرگاچ بي وحشة گبور
اتمنه موتي وياچ بس عشته مجبور
…
آنه المتعب السيف ومتعب الخيل
انتچي اعله الحيطان ما ظل بعد حيل
أبچي واضم عالناس دمعاتي التسيل
دمعتي تطيح اعليچ شامه بوجه ليل
…
بچفوفي ارد شمسين يدروني گدها
بس الايام وياچ محد يردها
دافن فرحتي بالليل وابچي لفگدها
اتمنه ابدي سنين عمري بلحدها
…
خادم الحسين ( عليه السلام)
كرار حسين الكربلائي
( ابو كميل )

10,446

الشاعر كرار حسين الكربلائي

20 Oct, 00:26

اخوان اخوات فضلاً وليس امراً رحم الله من قرأ الفاتحه على روح الحاج بدر ال بو حمد

9,572

الشاعر كرار حسين الكربلائي

18 Oct, 14:27

https://youtu.be/UOXS9lc6PaE?si=tTSN3nEq4Jk7eayq

10,645

الشاعر كرار حسين الكربلائي

18 Oct, 14:27

https://youtu.be/PyDN5g5JkHE

9,293

الشاعر كرار حسين الكربلائي

17 Oct, 22:45

عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)

9,201

الشاعر كرار حسين الكربلائي

17 Oct, 22:44

ليش تبچين يشمعه وتضوي بيتي
صار يومين
اشوفچ ما غفيتي
من تصبين الدمع
ينلچم كسر الضلع
يُمه زينب
…
عفت گبري ودمعي يجري
وجيت الچ يبنيتي
ما اعوفچ جيت اشوفچ
حايره ضليتي

حان موتي من بعد ذيچ المصيبه
وگلبي ظل يمچ يزينب يالحبيبه
صرتي بعد امچ مثل امچ غريبه
بگبري واسمع صوتچ العالي نحيبه

اشلون ارتاح واشوفن بيتي ظلمه
وانتي تبچين عله فراگي ييمه
ونتچ من تنسمع
ينلچم كسر الضلع
يُمه زينب
…
يالحنينه اتفارگينه
وبعد ما نتلاگه
يبعد اسمي گعدي يمي
هواي الچ مشتاگه

حسبي الله عالزمن عنچ بعدني
وما ترد ايامنه ومحد يردني
يُمه انه بخير لتسألين عني
بالگبر يوميه ويه المحسن ابني

المحسن بخير ييمه والضلع طاب
بگبري صارت يزينب لمة احباب
من تعلگين الشمع
ينلچم كسر الضلع
يُمه زينب
…
چنت اذكرچ راح عمرچ
من سمعتي بموتي
بحرگه صحتي وين رحتي
وشابگه تابوتي

من كثر ما چنتي مهظومه وتنوحين
خفت يا يُمه اعله تابوتي تموتين
صحت يا زينب عليچ بداعة حسين
بالصبر شديلي حيلچ كافي تبچين

يا هظيمه المثل هاي الهظيمه
من الزغر ليش اعوفنچ يتيمه
بابي كلما يندفع
ينلچم كسر الضلع
يُمه زينب
…
تندعيلي وتشتكيلي
لوجهچ اشتاگينه
الدنيه غربه الفرگه صعبه
الفاگد الله يعينه

الفگد غالي يموت وكت المغربيه
يذكر ايام المحنه بكل مسيه
وحگ كل شيبه بوجه حامي الحميه
فراگكم عندي اشد من المنيه

فارگتكم ييمه وگلبي يمكم
بگبر ميته وعليكم تبچي امكم
عدله ميته بكل وضع
ينلچم كسر الضلع
يُمه زينب
…
بدمعة النوح احچي الجروح
يا بعد عافيتي
راح امشي وانسه كلشي وبالحسين
وصيتي

حسين يُمه بكربله تشوفينه حاير
عمت عيني يصيح الا هل من مناصر
ينذبح عطشان وتسحگه الحوافر
ويبدي حچي دموعنه من يوم العاشر

ياخذونج سبيه وهِزَّل النوگ
بالدواوين ييمه وساعه بالسوگ
لون گلبچ ينشلع
ينلچم كسر الضلع
يُمه زينب
…
خادم الحسين ( عليه السلام )
كرار حسين الكربلائي
( ابو كميل )

7,151

الشاعر كرار حسين الكربلائي

17 Oct, 22:44

سمعي يزينب يا ضوه العين يُمه
يمچ امانه ثوب الحسين يُمه
يبنيتي ودعيني
وعينج عله حسيني
يالحبيبه
...
بس ليله وحده ورايحه
اقري عليه الفاتحه
يا شمعة آمالي
كُفي المناحه والبچي
ويّاچ الي هوايه حچي
وسوالف ابالي

هذا القميص وقصته ردتچ تسمعيها
لو رحتي يُمه لكربله هناك تذكريها
خليتله دموعي عطر بالطف تشميها

من عيني هاچ اخذي الدمع هاچ للطف
وهذا قميص يروح وياچ للطف

شوفي واذكريني
وعينچ عله حسيني
يالحبيبه
...
بالطف اذا حط الضعن
اتحسين اكو غربة وطن
ما تغمض عيونچ
وبليلة عاشر ألم
تشوفين اخوتچ بالخيم
كلهم يودعونچ

عندچ اخو چنه علي راعي العلم إسمه
بالله اعله عباس الوفي سلميلي يا يُمه
گليله انه برگبتك من فاطمه ذمه

كله محنّه وغيره واحساس أبني
يا يُمه مثل حسين عباس إبني

راعي العلم عيني
وعينج عله حسيني
يالحبيبه
...
هالليله الموادع حله
يُمه اللقاء بكربله
وبكربله الفرگه

التوديع اذا وكته حضر
شمي الحُسين من النحر
بالدمعه والحرگه

وهنا بده وكت الحچي يا زينب احچيله
گليله امك ذكرتك يحسين هالليله
وشبگت قميصك يالولد وبهظمه تبچيله

بالطف الچ متخلي دنياي غالي
يالغاليه وحسينچ هواي غالي

يا شمعة سنيني
عينچ عله حسيني
يالحبيبه
...
يودعچ بعاشور الظهر
ساعه ويرد ليچ المهر
خالي من ابو سكينه

تروحيله مكسورة گلب
وتشوفچ اعيون الغرب
مذبوح تلگينه

هذا القميص بكربله من دمه يتخضب
من كل كتر طعنة رمح والنوب يتسلب
وساعة تشوفينه بحوافر خيل يا زينب

وليدي الحبيب بالله محروس ضلعه
تركض عشر خياله وتدوس ضلعه

حالچ يبچيني
عينچ عله حسيني
يالحبيبه
...
باچر حسينچ ينذبح
وراسه تشوفينه برمح
وجسمه برمل غافي

اسمع ندائج بالسمه
لحگيلي يُمه فاطمه
متورمه اچتافي

لحسين اجي والگه الابن بس جثه مرميه
شگعد شضمد يا جرح بالف وتسمعيه
يَمه اظل ابچي واون لو رحتي مسبيه

الاصعب علَيَ من ذبح الحسين زينب
مسبيه ويه الشمر تمشين زينب

مهظومه تلگيني
عينچ عله حسيني
يالحبيبه
...
خادم الحسين ( عليه السلام )
كرار حسين الكربلائي
( ابو كميل )

6,456

الشاعر كرار حسين الكربلائي

17 Oct, 22:43

اقري عليه الفاتحه بحزاني راحله
يمه يزينب رايحه وتجمعنه كربله
وبآخر اللقاء
حي على العزاء
...
ابنيتي يا زينب تعاي ويمي اگعدي
لو رحت تستارثين مصابي بعدي
انسي ضلعي ومتني والسطره اعله خدي
اعليج من هسه المصايب راح تبدي
باب النوايب والحزن من بعدي تنفتح
طبرة علي جبد الحسن وحسين ينذبح
خل يعتلي النداء
حي على العزاء
...
يمه يا زينب اوصيج بوصيه
عينج اعله حسين يوم الغاضريه
من تقدميله المهر سلمي عليه
منحره وصدره تشميهن اليه
اتشوفين اخوته مذبحه واخفاهم القدر
زينب امانه بذمتج سلميلي عالگمر
يم صاحب اللواء
حي على العزاء
...
حسين للخيمه يردلج خالي مهره
وركضتج للتل يزينب تحني ظهره
اتشاهدين الشمر گاعد فوگ صدره
يمه اخوج من الگفه ايگطعون نحره
الف وتسعمية جرح وبچبدته سهم
مذبوح اخوج وشابحه عينه عله الخيم
من يحترگ خباء
حي على العزاء
...
ايعينج الله بكربله شتشاهد العين
اگبال عينج خيل تسحگ صدر الحسين
چني اسمع صيحتج لمن تصيحين
يُمه احضري خل ندور خنصره وين
تشوفينه عاري بالشمس والمنحر انچوه
حته قميصه ينسلب وي محبسه سوه
لو سلبو الرداء
حي على العزاء
...
بليلة الحادي عشر يا زينب اشلون
بين وادم غربه ما تغمضلج اعيون
ناخذج باجر سبي كلهم يصيحون
وچني اشوف الصوط شمسوي بالمتون
واليحرس اخيمكم شمر من بعد ابو الفضل
ومحضر النوگ الهزل ومحضر الحبل
وبسبية النساء
حي على العزاء
...
بالسبي يا يمه صعبه اتشوفج الناس
الهاشميه صعبه تمشي بلايه حراس
طبة الديوان يمه اتشيب الراس
من يضربونج يدخن راس عباس
راح اموت وماخذه آهاتي للگبر
زدتي اعله امج بالحزن والدمعه والصبر
ويلي يكربلاء
حي على العزاء
...
خادم الحسين ( عليه السلام)
كرار حسين الكربلائي
( ابو كميل)

5,901

الشاعر كرار حسين الكربلائي

17 Oct, 22:43

ودعتكم آنه وجروحي سويه
يا بنيني واعله امر الله شبديه
الليله عنكم رايحه
اعليه اقرو الفاتحه يا بنيني
...
سالفة توديعي مُره تشيب اگلوب
بس يويلادي شبديه وهذا مكتوب
ادري واحدكم بفگدي يصير يعگوب
اعيونكم تبيض عليه بوكت الغروب

ثوبي يبقه ذكره واعله جروحي شاهد
وبعدي يوميه يبات بحض واحد
من تصيح الصايحه
اعليه اقرو الفاتحه .. يا بنيني
...
فتره مرتّكم ولا مني انسمع صوت
ضلعي يلجمني يولدي و ابجي بسكوت
ارتاحو من ونيني خلو فاطمه تموت
گربت اخر حياتي حضرو تابوت

سامحوني وادري يذبح فگد الاحباب
ريحة ضلوعي الهشيمه تبقه بالباب
خلفه امكم طايحه
اعليه اقرو الفاتحه .. يا بنيني
...
العذر منكم امشي عنكم وانتم ازغار
سامحوها امكم دريتو بحالها شصار
اشلون تتنفس البيها اصواب بسمار
من كسر ضلعي صرت ما اگدر اندار

النايم بصدره كسر ما يگدر يگوم
ولو گلت آه الصدر يتنازف ادموم
والملامح واضحه
اعليه اقرو الفاتحه يا بنيني
...
هواي عذبكم نحيبي و هذا يكفي
بيّه ديرة ضيم لاكن وني مخفي
النار من شبت بقيت بچفي اطفّي
ولو متت تلگون اثر نار اعله چفي

هلتن هالله بعلي بعدي ييُمه
اشلون باچر فاطمه ما هيّه يمه
الوكت مثلي جارحه
اعليه اقرو الفاتحه .. يا بنيني
...
راح اروح وروحتي ما بيها رجعه
وارد اوصي المرتضه وبعيوني دمعه
بغيبتي البسمار من بابي يشلعه
من يظل يوميه زينب يمه تنعه

وگتله نعشي ودفني خله يصير سكته
الكسر ضلعي ابد ما مبريه ذمته
للحشر ما سامحه
اعليه اقرو الفاتحه يا بنيني
...
خادم الحسين (عليه السلام)
كرار حسين الكربلائي
( ابو كميل)

4,675

الشاعر كرار حسين الكربلائي

17 Oct, 22:42

يالعايش بدنيه الدمع
من يوم تهشيم الضلع
يا ساعه نسمعلك خبر جاي
وايام امك فاطمه هاي يا بو صالح
..
بعصرة الزهره ما جنت عشت الألم بحساسك
والباب من عبر الزمن وداله جمره وجاسك
كلما يمر طاري الضلع شيبه تلالي براسك
بالغيبه تبچي لفاطمه ودخان باب انفاسك

يالمنتظر وكت الضُحه
عصرو ضلوع الفاتحه
شنحچيلك وعدنه حچي هواي
وايام امك فاطمه هاي يا بو صالح
..
عالفطره سوينه عزه وردنه لعزانه تحضره
فقره ونحب ام الحسن وانت تحب الفقره
يالضلعك امكسره الضلع بُعدك كسر شيجبره
صح احنه ما نستاهلك مرنه اعله جيس الزهره

كسر الضلع حل موسمه
وفقنه نبچي لفاطمه
لهذا الحچي ندريك شراي
وايام امك فاطمه هاي يا بو صالح
..
حزن الضلع نستقبله ونحسبله ليله بليله
والخادم العنده بخت لخدمتكم يشد حيله
لليبچي تدعي بكل فرض و بچفوفك تباريله
وشكبر حضه الي بچه وابن الحسن يدعيله

بشيبتك توگف تندعي
لهل اللطم واهل النعي
ومكتوب يمك شكو بچاي
وايام امك فاطمه هاي يا بو صالح
..
ما ندري بالدنيه شكو اتغرب اتشرگ بينه
يخلص عزه ونطب عزه هيچ العمر كاضينه
مولاي محلاة العمر بخدمتكم مخلصينه
نحلفك بشوغة فاطمه بهذا الدرب خلينه

دنيانه ساعات وتمر
ابيبانكم نگضي العمر
الما يلتزمكم تايه الراي
وايام امك فاطمه هاي يا بو صالح
..
يالعايش بغربة علي وگاعد جليس بدارك
شگد زارك من الدنيه هم بس الفرج ما زارك
بسبّاگة الريح شوكت تلگد وتطلب ثارك
يالهاشمي وغير الدمه ما شي يطفي نارك

نيران باب المصطفه
وعندك مخيم ما طفه
وذبحت عشيرة بعازة الماي
وايام امك فاطمه هاي يا بو صالح
..
خادم الحسين ( عليه السلام)
كرار حسين الكربلائي
( أبو كميل)

4,052

الشاعر كرار حسين الكربلائي

17 Oct, 22:42

يا علي هالليله أمي بالگبر
يا علي محتاجتك بيها تمر
هالحنينه الخدمتك طول العمر
ماتت اليوم
...
يا علي العباس آنه
الگطع چفوفه زمانه
بالمدينه ماتت امي وتبچي بسكوت

الغطت الليل بحزنها
ولد ما عدها بدفنها
تريد جناز لنعشها ساعة الموت

ظلت غريبه وتلتفت اربع ولد ما هُمه
يحسين صاحت ما ترد مشتاگه الك يا يُمه
ذكره قميصك ظل الي وكل مغربيه اشتمه

هذي ليلة وحشه وامي باللحد
يا علي لخلتنه بس انت التسد
والوفيه القدمت اربع ولد
ماتت اليوم
...
اي وحگ موت الخذاها
گلبي ما لحظه نساها
الچانت تلولي لولدها بسم الحسين

امي فوگ الگاع جنه
ترست الدنيه محنه
بالمجالس والبواچي مخلصه السنين

ام الهله ويا مرحبه تراب الگبر غطاها
لحسين من گد ما بچت دفنو دمعها وياها
يمك امانه يا علي هالليله تتلگاها

امي يا نهر الوفه ومات بضمه
شگد عجيبه الگاع من تدفن سمه
يا علي حضروها انت وفاطمه
ماتت اليوم
...
الدنيه صاحت ماتت امي
وكسر ظهري ثگل همي
ومحد يحس بدمعتي وليل الفراگ

يا علي والراحت امه
حته لو ميت تلچمه
بالگبر ويصيح يُمه لوجهج اشتاگ

چانت حنينه وكل وكت تدعيلنه من اتصلي
يوليدي وفيلي الربه اخدم حسين اتگلي
التگضي الشدد بالفاتحه شقرالها وترجعلي

الچانت اتمسي الدمع واتصابحه
الفاتحه تقره عليها الفاتحه
العينها لردت ولدها شابحه
ماتت اليوم
...
گبل هذي هواي ماتت
حسين من ودعها ماتت
ومن اجاها بشر ماتت ناعي الجروح

سولفلها بحرگه عني
تگله وين حسين ابني
كلشي گلي ولا تگلي حسين مذبوح

من گال الحسين انذبح طاحت گبل دمعتها
وحسيت مالت كربله من مالت اعصابتها
من امتونها طاح الفضل والدنيه ما لمتها

تبني خمس گبور يمهن مشرعه
تبچي بس لحسين مو للأربعه
الالف مره تموت اذا ناعي نعه
ماتت اليوم
...
ياعلي وتدريها صعبه
ظلت امي بدار غربه
وماكو واحد مر عليها من الاحباب

ماتت ودمعه برمشها
اعليها ظل يبچي نعشها
بالتراب اندفنت امي وانت بو تراب

گل لامي يا حامي الحمه ايسلم عليج العباس
وفاچ عهده وانگطع چفه وعمد صاب الراس
واثنينه عدنه جرح سبي الحرم بين الناس

زينب بدرب السبي بچفها حبل
شكثر صعبه تصعد بنوگ الهزل
الظلت لزينب مدامعها تهل
ماتت اليوم
...
خادم الحسين ( عليه السلام)
كرار حسين الكربلائي
( ابو كميل )

4,095

الشاعر كرار حسين الكربلائي

17 Oct, 22:41

من الگبر جيت واوصيچ بوصيه يزينب يزينب
كافي لا تبچين كل ليله عليه يزينب يزينب
..
بليله ظلمه اندگت الباب
واطلعت لن روح امي هذي عالباب
رحت اركض واشبگتها
والحچي للدمعه صار بملگه الاحباب

صحت يُمه انتهيت بوكت موتچ
شگد لطمت وبچيت اعله تابوتچ
صارت الدنيه سكته بعد صوتچ يالحنينه
ولن تگلي دمعتچ شمسويه بيه يزينب يزينب
كافي لا تبچين كل ليله عليه يزينب يزينب
..
يُمه زينب انتي تدرين
البشر من يموت روحه تظل عله الدار
ويالحبيبه ومن اجيكم
اسمع ونينچ عليه ليل ونهار

المغربيه تعلگين ضوه شموعي
وي دموعچ تره تنزل دموعي
شما بچيتي تفز كسرة ضلوعي
يالحنينه

عيني تبچيلچ نهر كل مغربيه يزينب يزينب
كافي لا تبچين كل ليله عليه يزينب يزينب
..
وآنه ميته بكلشي ادري
لحجرتي مهظومه اشوفنچ تطبين
عله فراشي شگد بچيتي
وتشبگين ثيابي كل ليله وتنامين

البيت وحشه وعله الغربه تحچيلي
يُمه حرموني منچ تگليلي
صعبه بس كافي يبنيتي تبچيلي
يالحنينه
هذا امر الله وعله امر الله شبديه يزينب يزينب
كافي لا تبچين كل ليله عليه يزينب يزينب
....
الله يدري شگد احبچ
ساعه وحده ما نسيتچ يالحبيبه
ازغيره بعدچ عالبواچي
قسمتچ مثل امچ تظلي غريبه

كُفّي نوحچ يبعد امچ الزهره
بخير اَنه وهذا محسن كبر عمره
ضلعي طاب وبعد طابت السطره
يالحنينه

بگبر واحد آنه والمحسن سويه يزينب يزينب
كافي لا تبچين كل ليله عليه يزينب يزينب
...
يُمه زينب كافي تبچين
الطف اجاچ ولاحگه هناكَ عله النوح
ضمي دمعج يم اخيّچ
واروي نحر حسين من تلگينه مذبوح

چني اشوفچ تركضيله محنيه
حسين ضامي و تدورين عله اميّه
وآنه اظل يَمه لو رحتي مسبيه يالحنينه

والبواچي تلوگ بس للغاضريه يزينب يزينب
كافي لا تبچين كل ليله عليه يزينب يزينب
..
خادم الحسين ( عليه السلام)
كرار حسين الكربلائي
( ابو كميل )

3,311

الشاعر كرار حسين الكربلائي

17 Oct, 22:41

يا صخرة المغتسل
احچيلي شنهو الحصل
گالولي محني حَنْيّة الحاجب
اشايف عليَ بنَ ابي طالب
يا صخرة المغتسل
...
انه الامام الغبت عن هلي واصحابي
جدي القلع باب وأنه ابچي دمه يم بابي
يا صخرة المغتسل جيتج من اغيابي
اويلاه

سمعت بقصة الزهره وضلعها
عليها انطبگت الباب بجذعها
عله المحسن ابد ما كف دمعها
واصابع عشره فوگ الخد طبعها

تنزل دمعتي دمه
يا چف سطر فاطمه
وعالمغتسل فيض الدمع كاتب
اشايف عليَ بنَ ابي طالب
...
هجمو عله الباب والضلوع سوه كسروها
قديسة الكون عجيبه العده يشتموها
ام الحسن امي حته بعصي ضربوها
اويلاه

العظيمه طاحت ودارو عليها
قنفذ من اجاها اشسوه بيها
بمتنها بسوطه يضربها واديها
بچت والناس ما تسمع بچيها

ريحانة المصطفه
اسود متنها صفه
يحجي الجرح للبير ويعاتب
اشايف عليَ بنَ ابي طالب
...
ما تگدر تگوم گِضت كل عمرها بهمها
لمّن تِصلي يجيها الحسن يلزمها
ولو رادت تنام يِظل الضلع يلچمها
اويلاه

ضِلوع مهشمه مو ضلع مهشوم
عله الجانب الايمن ناسيه النوم
تتشاهد لونها رادت تگوم
حسين اعليها يبچي وگلبه مهظوم

بعيناها طافي الضوه
گوه تشم الهوه
گلبه مثل بابه بجمر لاهب
اشايف عليَ بنَ ابي طالب
...
وصت علي يا علي اِگْرَب واسمعني
من يدنه موتي بظلام الليالي ادفني
ما ريدن افلان وَلَـفلان يجي يشيعني

اويلاه

حچت كلمه وجرت دمع الهظيمه
اوصيك اعله زينب صير خيمه
حبيبة گلبي راح تظل يتيمه
تره ابنيتي هظيمتها هظيمه

بغُسلي يخيرِ العمل
ثوبي عَلَي خل يِظل
وكت الغسل صاح البچي واجب
اشايف عليَ بنَ ابي طالب
...
المهدي بچه ولنّه يسمع جواب الصخره
جدك علي ما دره بالجره اعله الزهره
وكت الغسل شاف متنها ضلعها وكسره

اويلاه

لگه ضلوع الزچيه مكسريها
لگه آثار چويات بإديها
لگه متون الزچيه مورميها
طول الليل ظل يبچي عليها

حاضن ضلعها وبچه
وضم الجرح ما حچه
اتمنه ما تسألني يالغايب
اشايف عليَ بنَ ابي طالب
...
خادم الحسين ( عليه السلام)
كرار حسين الكربلائي
( ابو كميل )

3,317

الشاعر كرار حسين الكربلائي

17 Oct, 22:41

سيدة الجنه تموت عجيبه
الكون انشال بتابوت
عجيبه
يا اهل الدمعه والاه
امي في ذمة الله
...
الحسن آنه وشفت امي انكسر منها ضلع بالباب
بزغر سني رحت اركض اصير الها ستر وحجاب

فزع دخان باب الزهره للزهره
اسمعت صوت الضلع كسروه بالعصره
اصيح اسم الله يمه وخاطري مكسور
متت ذاك الوكت يا ناس الف مره

عصروها باب الدار اويلي
وبيها اشسوه البسمار اويلي
موقف ما لحظه انساه
أمي في ذمة الله
...
عشت فترة ألم صعبه الضلع يلچمها واتحسر
اتچيها عله متوني تريد تگوم ما تگدر

اضم دموعي وادعي بحسرتي وهمي
يربي بفاطمه أمي تشافي أمي
تكابر عالألم وتگلي آنه بخير
اخاف تموت وايصير اليتيم اسمي

خايف يا ناس تروح حياتي
وتظل بس نوح بنوح حياتي
يا جرحي العايش وياه
امي في ذمة الله
...
چنت اكبر ولد عدها وصفت اكبر جرح بيه
حنان امي اندفن بتراب بزمن ما بيه حنيه

جنازة اغله ناسي انشالت اگبالي
وطلعت بنوحي غالي يشيّع بغالي
دفنه الشمس يا ناس بظلام الليل
خذتها المگبره وجينه بنعش خالي

الله ومن رديت يعالم
وحشه بلا امي البيت يعالم
خير الدنيه دفناه
امي في ذمة الله
...
اخوي حسين اجه يمي ويحط راسه عله صدري
يسولفلي يبو محمد رحيل امي كسر ظهري

بعد ما ترجع امنه ونگعد وياها
يتامه ازغار بس شيبنه فرگاها
اصبره بكلمة الله وياها خل ترتاح
ويگلي الوالده اشتاگيت ملگاها

مانامت لحظه العين بعدها
وخايف ليموت حسين بعدها
گاعد بالعتبه الگاه
امي في ذمة الله
...
جرح عندي اخت تبچي واصبرها بگلب ينحب
احس بيها مثل امي وصحت ويلي على زينب

تِطَلِّع ثوب امي المحترگ بالنار
وتظل تبچي لمچان البي اثر بسمار
تصيح الماتت امها حگها من تموت
بعد المن اسولف ضيمي من احتار

صحت بصوتي المبحوح يزينب
الله يعينج عالنوح يزينب
اعليها وعالزهره ويلاه
امي في ذمة الله
...
خادم الحسين ( عليه السلام)
كرار حسين الكربلائي
( ابو كميل)

2,472

الشاعر كرار حسين الكربلائي

17 Oct, 22:40

يا اهل العالم روحي جروحي اتدور عن وطن
وبغربة آدم وحدي شعندي عايش بالزمن
ما شايف راحه .. علي علي علي
مكسور جناحه .. علي علي علي
...
العاش بسكوته .. يتمنه موته
المن يسولف دمعته ومحد يفهمه
تنظرها وادم .. بس مو اوادم
الما يجرح بسيفه بحچي جرحك يلچمه
بين الخليقه .. اِحچي الحقيقه
واليحچي عنك بالظهر ماعنده ذمه
بعض الاقارب .. مثل العقارب
ام الجمل حاشه الجمل تتسمه امه

آه من الدنيه اندارت صارت غابه من البشر
بس الله اليدري بناري بداري يا ضلع انكسر

غايب مصباحه .. علي علي علي
مكسور جناحه .. علي علي علي
...
يا گلبي ضايع.. بين المواجع
ليش بمحطات القهر عمرك گضيته
ليل اليجيني .. سهرانه عيني
وبس الوساده تدري بالدمع البچيته
بجروحي وحدي .. والدنيه ضدي
ردت الاسولفله الجرح بس ما لگيته
العنده شماته .. تصعب حياته
مثل اليضم دمعه بنهر دمعي خفيته

حاير باحزاني بليلي وحيلي يا ناس انهدم
ما ينشف زمزم دمعي وضلعي چم مره انهشم
ذبحو افراحه .. علي علي علي
مكسور جناحه .. علي علي علي
...
عشت بزماني .. لا مو زماني
السميته صاحب صحبته طلعت مطامع
واقعها واضح .. صحبة مصالح
الما تنكر العشره صفت عَد الاصابع
نكرو عشرتي .. باگو فرحتي
ناس الكلت زادي سبب هاي المواجع
لا ما اعاتب .. بالدنيه صاحب
اني ادري اصل المشكله طيب المراضع

لخطوط الحمره عبرت نكرت للزاد وملح
والچنت انطيهم عيني سنيني جازوني بجرح
يتلگه ارماحه .. علي علي علي
مكسور جناحه .. علي علي علي
...
فارگني غالي .. شيبلي حالي
يهل الصبر رايد صبر يقنع دمعتي
اصعب مشاعر .. لمن تكابر
اضحك چذب بين الخلگ
وانه بحسرتي
فقد الأحبه .. يسمونه غربه
وانه اكبر من سنيني يا عالم غربتي
الودع حبيبه .. ايعيش بنحيبه
وانه حبيبي ينرسم دمعه بصفنتي

ومفارگ راحة بالي الغالي ما يرجع بعد
جرحي اعله الزهره شكبره وذكره للمحسن مهد
دمعاته سلاحه .. علي علي علي
ومكسور جناحه .. علي علي علي
...
بهاي الهظيمه .. روحي يتيمه
صعبه عله المثلي تره يحرگوله بيته
داسو عتبتي .. ضربو حرمتي
عصروها والمحسن هوه و ميت لگيته
فگدت ابنها .. واسود متنها
لذاك الاثر عالمغتسل ظهري حنيته
الكسّر ضلعها .. بخدها صفعها
الطگ فاطمه بچعب الرمح لا مانسيته

اللهم اشهد جوراً جهراً قتلو فاطمه
راحت ام بيتي وتدري بأمري يا رب السمه
گطعو سباحه .. علي علي علي
مكسور جناحه .. علي علي علي
...
خادم الحسين ( عليه السلام)
كرار حسين الكربلائي
( ابو كميل)

2,551

الشاعر كرار حسين الكربلائي

17 Oct, 22:39

يا اهل الدار شخبار ضلع الزهره
گالولي انصاب بالباب ضلع الزهره
بدموعي وحسراتي
اسأل عن مولاتي يا اهل الدار
...
خادم فاطمه جبريل سموني وعِله صيتي
بيت الزهره بيتي وكون استأذن واطب بيتي
اباب الجنه شفت النار وفزت نار حنيتي
ولسابع سمه الدخان مر بيه وخنگ ريتي

لباب الكوثر جيت اتحسر
شنهو الصاير الله اليستر

واگف مذهول معقول هاي البضعه
بين الدخان قرآن كسرو ضلعه
الطم بجناحاتي
اسأل عن مولاتي يا اهل الدار
...
انعصرت فاطمه و حسيت ساعات الحشر لاحت
ولمن طاحت اعله الگاع حسبالي السمه طاحت
الزهره بشوغة البسمار الحگ يا علي صاحت
لمحسنها الوگع بالباب اركان العرش ناحت

طير الجنه اسأل عنه
ليش الزهره انحرمت منه

انحب كلساع والگاع بدمعي توضت
شنهو الموضوع واضلوع ليش انرضت
وبأستغراباتي
اسأل عن مولاتي يا اهل الدار
...
يهل الدار حاچوني روحي النوح ما رِدها
اسألكم واريد جواب امنه شعدها ماعدها
بالله بيا زمان تصير الزهره ينسطر خدها
عين ام الحسن مندار ابيضها اعله اسودها

عين الزهره صارت حمره
فوگ العصره نصابت سطره

لو صار الليل بالليل اسمع ونها
انزل كل يوم مهظوم انشد عنها
واحتارت كلماتي
اسأل عن مولاتي
يا اهل الدار
...
يهل الدار يهل الجاه يهل العز والمروه
اعليكم فاطمه تكولون الباب بفاطمه اشسوه
الضلعه بي كسر ياناس يشتم الهوه گوه
عند اهل السمه وحشه صوت الزهره ماهوّه

يهل الغيره ظلمه الديره
شلون الزهره گلبي بحيره

يا اهل البيت ونيت من هالمحنه
عن ضلع النور مكسور اسأل عنه
تتعذر دمعاتي
اسأل عن مولاتي يا اهل الدار
...
حيدر شفته نص الليل طالع يجذب الحسره
بمتونه نعش شايل وبكل خطوه الف عثره
گتله شصار يالكرار وگلي ماتت الزهره
يا جبريل مات الحيل وصارت دنيتي مُره

زهرة عمري كسرت ظهري
راحت روحي ومحد يدري

الله الله چم آه عند الساده
حيدر مجروح وينوح يم ويلاده
ما اجرح ساداتي
واسأل عن مولاتي يا اهل الدار
...
خادم الحسين ( عليه السلام)
كرار حسين الكربلائي
( ابو كميل)

3,807