الخادم علي هادي الخزعلي

https://youtu.be/wwoHuEq192Y?si=t4k9qu3HaB7SpEqF

الشام وگفه ..
واليطب للشام يعرگ من عيون الما تعرفه
الشام وگفه ..
ليش من اذكر الشام الدنيا تطفه
وليش طول الما موصف
كلمن بكيفه يوصفه
وكلها تصفه
صفه الطف وصفه الشام وكلها ماتت
وگلب زينب
مثچل وما يرضه يصفه
الشام وگفه ..
منين تستنگي العرف زينب غريبة
انت تدري بزينب محدبة وچبيرة
وهذا كله من المصيبة؟
وهي مو هاي المصيبة .. والمصيبة!!
يكره الشام العبايه وزينب تحب العبايه
زينب اتبرگع وجهها بچفها الايمن
وايدها اليسرة امان اعله السبايه
هيه هايه ..
كلها صاحت هيه هايه
كلها تضحك ع الضعن ماعده رايه
هيه هايه
كلمن مشرّع ضحكته وزينب اتضيّج خلگها
دمعة ارماح الضحايه
الشام يذبح..
الشام ما حبّاله واحد
مايحب الشام يستر يحب بس بالمسبي يفضح
الشام يذبح
الضعن جسم احسين چنه
ومنحر المضعون زينب
والعيون انبال خشنه والتلوحه ايموت مسبي
وموتته بالسابي تجرح
الشام يذبح..
والعثر ما يلگه الاسم الله التشيله
اهل كل الشام فتحوا عين بس عين الثگيله
وسدو البوب العصر يم العقيله
الشام مبنيه اعله حِيله
الشام رايد حيل زلمة
وذيچ نظراته اليغثن كون ياخذهن بحَيله
الشام ميله ..
لايطب للشام انصحة
الطاب بجروحه الخفيفة
الشام صح بيها جوامع بس تحب الله چذب هاي الجوامع
وين اكو جامع يوگّف يمه مسبية ويصلّي
فشله يحسب روحه مكرِم
كون المعزب طرد چهبات ضيفة
الشام بيها اقصور تكره واحد امربّه بصريفة
وجوه اهلهم بيض تنگط گطن بس اگلوبهم
دم ، مو نظيفة
واليطخ بيها تره ايجدد وضوءه
واحنه من الطف لهسه
خلّص اتراب الله كله امن التيمِمْ
ماكو ماي
وماكو گصه ابشامهم طلعت شريفة
لايطب للشام كلمن طفله عنده
وعلي اتموت امن التشتِم
اخذ هيچ اگلوب سوده ما ترد اعله اليسلِّم
الشام ما يحترم ميّت
الينكتل بالشام كلها اتطيح هوسات اعله راسه
يجوز حته ابليس يندَم
وهمه دفنوا بالقصر طاري التندِّم
الشام يشتِم..
الشام يكره مايرد اعله اليسلِّم

الشام گطّع گلب زينب
الشام كاتل اخو زينب
الشام كاتل ولِد زينب
الشام حارگ خيم زينب
الشام حارگ گلب زينب
الشام كاسر ظهر زينب
الشام موتها ابنحر بت اخو زينب

الشام گاعه..
ماتحب جثة غريب ايموت من شدة ضياعه
بقعة من الجنه گاع الغاضرية
لچن گاع الشام بقعة من جهنم
وعلي اليوگف نصه ينغث رايد اكتله اعله الساعه
الشام گاعه..
اختصار الشام خنگة
وگلب زينب مسقط لروس المصايب
بعد ما يتحمل ابنادم يحرگة
الشام خنگة ..
الماله اهل بالشام ضايع
وخيل المشاتم تظل ب اسماعه سحگة
الشام خنگة ..
فرق وگفة موقف ووگفة سبية
وفرق بلي اتگطفه ورده
وفرق بحجارة التگطفة
الشام وگفة ..
الشام ما گعدها لحظة وحته يمكن ميّته وگفة
الشام وگفة ..الشام وگفة

~~~~
علي هادي الخزعلي

الضّيع اعز اخوانه .. ايتعب ظهر حيطانه
يا مرقد اجروحي .. منك إلك روحي
يعباس .. يعباس
~~~
جرة حبل وكت السبي .. ضليت اجر انفاسي
ماعندي ناس ولا بزر .. غير انت اخوي وناسي
شيب وطلع من الوجع .. بس انت تمشي براسي
دورني حد ما تنتچي .. تلگه السهم بحساسي

يجيبك يابخت .. زينب نخت .. بالمغربية
يعباس النِفس .. دوسة فرس .. بالغاضرية

عگبك خذتني الرهبه .. و اتبده ماي ابجربه
كلشي صرخ روحي .. منك إلك روحي
يعباس .. يعباس
~~
الماله اخو وكت المسه .. ايصيرن صورّه اقيودة
واليندفن بيد الاخو .. يترس اترابه ابرودة
ايامك البيض انتهن .. ظلن لي بس السودة
الما عنده اخو مثل الخيم .. وبحبل ما مشدودة

رسالة ابلا حچي ..من البچي .. فص عيني صاير
العمر حرگة ذبح .. مابي ربح .. بس الخساير

ابطرگ النِفس تلگاني .. ويشرب دمعتي ارداني
تندلني من نوحي ... منك إلك روحي
يعباس .. يعباس
~~~
كسرة ظهر بيه مشت .. واصل وجعها الذروه
انه اول ابنادم اظن .. ينلچم من التچوه
عشرتنه عشناها بوجع .. بس والله كلش حلوه
من يومك لحد ما متت .. منها ودفنّه الخوّه

اريدك بالدفن .. باب الجفن .. بيدك تسدة
تره بچفك ضوه ..وبيدك هوه .. الميّت يگعدة

چفي احترگ من ونتي .. وتارس ترس خاصرتي
يمطّيح اصروحي .. منك إلك روحي
يعباس .. يعباس
~~~~~
عطرك يعدل المنذبح .. يل لون ابونه ابلونك
من الطعن تنگط افه .. وغريبل احسها امتونك
اتدنالي ماشوفك عدل .. اختك عموها بدونك
بس خويه اشلع نبلتك..حتى اقره حچيي اعيونك

اشوفنك واغص ..زندك نقص .. بس انت كامل
عليك الربّتك .. كف دمعتك .. لاتبچي مايل

لاتبچي بعد ادموعي .. يالاقرب امن اضلوعي
سالم يمذبوحي .. منك إلك روحي
يعباس .. يعباس
~~~
ما يجي مرتين الظهر .. لو ينكسر شيردة
الميتله گدامة اخو .. چف ايدة يخسف خدة
چم مرة اجيتك من متت .. سويها وحدة بوحدة
مو قاب قوسين اقترب .. لاخوية بية اتبدة

اجيتك عالنهر .. وحدة بصَفَر .. مرتين اجيتك
ولو مرة بحلم .. تحچي بإسم .. زينب حميتك

ياخوية بيني وبينك .. تعبت المتانينك
يكتب حزن لوحي .. منك إلك روحي
يعباس .. يعباس
~~~~
عباس يالفصك سهم .. مر بية بس الليله
بالفاگدك نقطة ضعف .. مايگدر ايشد حيله
گد ما احبك ما متت .. اله انته نعشي تشيله
چفيتك الخضره هوه .. واحسبها بت الشيله

يجوز اعدل و رد ..كونك ترد .. وانفض شليلي
وحگ دم العبي .. انسه السبي .. غير انت حيلي

ارجع اموت ابشوفك .. لو ما لگيت اچفوفك
گام القدر يوحي .. منك إلك روحي
يعباس .. يعباس
~~~
علي هادي الخزعلي

لحن قصيدة [ الليلة اتموت مرتين ]

الليلة اتموت مرتين .. زينب
نعشها ايريد الاحسين.. زينب
يجيها اشلون حاير .. التشيّع بالحوافر
••••••••••
مثل جثة احسين اجنازة ام عون
ناس اشگد تمرها وما يشيعون
متن الرادته ايشيعها .. بالخيل
صار اتراب من گد اليسحگون

اتريد اجتاف الاجنازة.. واخوها اجتافة مسحوگه
ويا ماي اليغسلها .. الاديها بخيمة محروگه

الماعده اهل هم واحد بحالة
غريبة والغريب ايعاتب اخيالة
تعالوا لزينب الشام انترس شمات
ومطروحة الجنازة وماكو شيالة

التموتها الخرابة .. زينب
تشيّعها الترابة .. زينب
وبعيد اعليها صاير .. التشيّع بالحوافر
••••••••••••••••••>>>
تابوت المحنة اتشيعه الاحنان
يريد اربع اجتاف وكلهم اخوان
روحك شيلها امن الخيل يحسين
وجيب اخوانك و صيرلها دفّان

اختكم طاحت ابوادم .. تكره طاري المرّوه
تشيعها الغرب يحسين .. الما عدها چتف خّوه

علي السجاد صاح وصوته من گلبة
الحيهم ترست اذن الوادم الغربة
اليموته الشام ما يرجع يشيعه الشام
التموته الغربة بيش المگبرة اتطلبة

غريبة وماكو جناز .. زينب
بحسرة وادم اعزاز .. زينب
تريد المالة ناصر .. التشيّع بالحوافر
••••••••••••••••>>>
زينب گاضيه امن الشام والناس
بكل شتمة تطلّع شيبة بالراس
عيد الشام ذاك امّوت ام عون
وما تتشيّع الما عدها عباس

التحب الله وسترها ابساع ..اعيون السوگ تكتلها
وما يدفنها اي اتراب .. إلّه اتراب من تلها

دفّانة رقية اتريد دفّانة؟؟
زينب ماتت اعله الخّوة عطشانة
الما يمه اخو امن ايموت ما مرتاح
و يرد دمه اعله وجهه اليّمة خوّانة

يهل زينب سبوها .. زينب
امنين اتجيب اخوها .. زينب
يجي بس ماهو گادر .. التشيّع بالحوافر
•••••••••••••••••>>>>>>
السبي ايخلّي السبية امسلمة للموت
ويگّعدها ابخرابة بنت الابيوت
اللمت ولد الاحسين امن الاخيول
هم يگدر ايلمها الليلة تابوت

الما طاحت عبايتها .. عبايتها التچفنها
المدفونة بتراب الطف .. هم يحتاج ندفنها

وينك يخو زينب إترس الجربة
وغسلها اعله چفك چفك اتحبة
وجيب محمد وعون البزر مريود
و سوو الفاتحة امن الشام للكعبة

تريد الاخو ملثم .. زينب
وچادرها المخيّم .. زينب
وتمنت عطره حاظر .. التشيّع بالحوافر
••••••••••••••••••>>>>
بقة التابوت محّد گالة شبيك
وبقت يمك علي وزينب تحاچيك
علي شيل الجنازة انترست اعيون
اعتبر زينب دخيلة ودخلت اعليك

يتعطل نعشها اشلون .. العدها اسبعطعش زلمة
بس ذولة الزلم برماح.. صاروا سبحة ملتمة

التموت انگول عنها ماتت ارتاحت
و ماترتاح زينب حتى لو ماتت
علي بتك سبية وتعبت امن النوگ
ما طايب متنها امنهد ما طاحت

شبعت ضيم واصياح .. زينب
هلبت هسه ترتاح .. زينب
وتشوفة اعليها داير ... التشيّع بالحوافر
••••••••••••••>>>
علي هادي الخزعلي

https://youtu.be/TyIfy0iXC7A?si=0cHBDoUTGmi9b5hY

https://youtu.be/ANLB0XmiqPg

يالهادي يا عمة .. هاك الحرگ شمة .. تارس عباتي
سامرة مو تلة .. والسجن مو هزلة .. وعثرت بناتي
——————-
للسجن جيتك يعمة و آنه عطشانة
تذكرت حايط خرابة الطاح فوگانة
عمة حتى الهوة هناكة عاند اويانة
بسندس اخضر ما ينام الذبحو اخوانة

يالهادي اسمع هاية .. فطرت گلبي حچاية
امشي بشور الحادي .. وانه امشي اعله الراية

ذبحوا گمر عيني .. الايده تمشيني .. ومأمنه يمة
صح السجن خنگة .. بس آنه محترگة .. وتحرگني نسمة
——————-
عمة شوف اتراب طفهم بعده بمتوني
عمة لو مگطوع راسي ولا يسبّوني
عمة شفت حسين يشهگ واطبگ جفوني
امن الذبح وحدها ادية ايسدن اعيوني

گطعوا رگبة راسة .. ومحد راح وباسة
وصلت روحي لراسي .. من الحافر داسة

هيچي ايدي عالحاجب .. وشفت البخت ذايب.. جوه الحوافر
ابن امي ما شوفة .. بس طارف اچفوفة .. چنهن مناير
—————-
عمة عباس ابو فاضل عينة ممرودة
ومن حَمار الدم يعمه مغرب اخدودة
گطع شريان الحياة الگطّع ازنودة
شگ سمة الله ولاح گلبي يا سهم جودة

والاصعب من ذني .. يمة وما يندلني
من دخان الخيمة.. زينب ما يشتمني

يالهادي ظل يسأل .. انتي مرة لو تل ؟ .. يمتربه اهواي
لون العباية احمر .. زينب بعيد الشر .. شسوالچ الماي
————————
عمة لون السجن يشبهه خيمة محترگة
والشمر سجان واحنة رية مختنگة
وماكو زلمة اتطگ حميتة يردة ويحگة
وابن الحسين النشبگة بسلسلة مشبگة

سجانك مو مثلة .. مُر امرورة دلة
عين وعمدة يهزها .. بس مو نخلة الهزلة

بدرب السبي الزلمة .. ينشف عرِگ دمة .. واجدامة تذبل
حتى الجبل ينطَر .. لو طفلة تتعثر .. كل عثرة مقتل
——————-
ما سبوها اختك حكيمة ولا يسبّوها
وزينب بچم شام يكتل عمة فروها
وانت ماعندك رقية بنحر كتلوها
وانت ما عندك سكِينة وجربة گطعوها

عمه الهادي اعذرني .. بس جدك كاسرني
محد يهدم زينب .. وحسين امطشرني

يا عمة بچيتّك .. و الوين وديتك .. بس هذا صاير
كل الحچي بصفحة .. بس نشغة الذبحة .. بنص گلبي حافر
—————————
علي هادي الخزعلي

https://youtu.be/PkT5HeSSVKo?si=LFCjJDs7zIVIRlzj

https://youtu.be/b482ySo2PWw?si=CqQ0gpfFG22tFDKH

ام روحي بذمتك يتراب
شبعت ضيم امن العصرة
متهشم من ذاكَ الباب
هنت الله بضلع الزهرة
——————
بالليل اجيتك يا گبر .. جايب على اچتافي العمر
وبگلبي ديرة امن الجمر .. وبوجهي بس شيب

يتراب الك انه ابو .. هم شايف امچفّن دفو
اتموّت شكو بعينك حلو .. يجنازة الطيب

شلتها اعله متني وعرج گلبي شايل
ودرع گلبي مدروع بقيت امشي مايل
مطر ماي على الجام احس حيلي سايل

عافيتي وعافية البيت
شايلها بچتفي و امشي
من گد ما باچي ومهدوم
طلعن غيمات برمشي
——————-
ما ودي ادفنها وارد .. مالح اترابك عالورد
فاطمتي يخنگها اللحد .. مگفاها مكسور

لا توگف اويه اهل الـ وإن .. الدنيا برمل ما تندفن
ازرع دمع يطلع حزن .. بتراب الگبور

يالتراب عليها شمرتك ثگيلة
تره الريشة صخرة تحسها النحيلة
الهوه اعليها يثگل ضلو ع العليلة

بالك يمها وما اوصيك
لا تاخذ دور المذنب
افتح بابك خل ترتاح
يتراب بوكت المغرب
—————-
لا طبرة لا طعنة برمح .. مثل ام حسن مامش جرح
امن المگفة فرگاها ذبح … ويطفّي الاعيون

محد يهدني امن ارد اهد .. وطيحني للگاع الفگد
نعش العشگ يمرد مرد .. حافر عالامتون

التحبه اعله متنك تحس نعشه حافر
وصباح الله بعيونك اتحسه عاشر
هدم ناس ثگيلة يحظن المگابر

انه القالع باب وروس
ربعي وولدي يتچولي
هدت حيلي الزهره وصار
حاجب يا وادم طولي
——————
خليتلك طاسة دمع … يومية رشها اعله الضلع
ما حط بخور ولا شمع .. تتذكر النار

يتراب ذممتك تره .. هَنت الله بيها امكسره
امن البيت اظل للمگبرة .. خلاني بسمار

شيعوضني يتراب طفه بعيني كلشي
ولا بيه اگومن ولا اگدر امشي
مشت روحي زهراء گطع وكتي هرشي

اعله ترابك نايم يتراب
وترابك تارس جيدي
من گد ما ضعفني البين
المحبس ما يثبت بيدي
——————-
مَعَ السلامة تندثر .. مَعَ اليتامة والكسر
بالك عله امهم ياگبر .. زينب والحسين

راح ارجعلهم مو علي .. مو حيلي ذاك الاولي
امخوصر ودافن كل هلي .. وبخدي شطّين

دفنت الامومة ودفنت الابوّة
ومشيتي اعله حيطان واجر خطوة خطوة
تتچيلي زينب يگعدوني گوة

من طبيت البيت احاه
لاگاني الباب ودمها
طگ ضلعي وطحت اعله الباب
ودموعي شمصعب لمها
————-
علي هادي الخزعلي

ضعفت لحد ما صارت خيال
ومحدبة اكثر من الهلال
ومن تتنفس تبجي بحرگة
وتطلع جنها اسهام الشهگة
——————-
ما مرها اي انسان .. يعصرونة عالحيطان
ويضربة چف شيطان .. ويطيحة للگاع

بالزهرة اكثر صار .. عصروها جوه النار
وبيها انلوه البسمار .. ومنها الطفل ضاع

واللعين برجله يركل ما يحس
سورة الكوثر يوادم تنرفس ؟
غيمة سودة وعصرة خيوط الشمس
الباب يغلي وعالجذع دفعوها

طگة ضلعها بدفعة افلان
واصل دويها لبيت الاحزان
تحچي احچايتها ومختنگة
وتطلع چنها اسهام الشهگة
———————-
طاحت عليها اجذوع .. تكسر صخر وضلوع
وبسمارة ما مشلوع .. باب وقوي اهواي

والمحسن امن انصاب .. طاح اعله طرف الباب
واتگمط بعطاب .. ودمع امه مو ماي


ما شفت لا بالچذب لا بالصدگ
المحترگ گلبة ويطفونة بحرگ
وعتبة الزهرة التشور تنسحگ
و الـ وإن بذن الزمن زرعوها

مرأة ونحيلة وتدفع الناس
وجرة القوس اتجر بالأنفاس
الشمعة اتموتها المحترگة
وتطلع چنها اسهام الشهگة
——————

لحگتها فضة تريد .. تلزمها من چف ايد
تحملها بس تبيد .. ضعفت اديها

چفها انترس تجريح .. اتچيها بس تطيح
فضة لولدها اتصيح .. وركضو عليها

طافح اعليها الحسن سيل وطفح
شالها امن الباب واذراعة انجرح
والاحسين اعليها من هسه انذبح
عمت عيني امن الجذع شالوها

وزينب تضمد بيها وتگول
شيضمد احسين من الاخيول
الكسرو ضلعة شلون انشبگة
وتطلع چنه اسهام الشهگة
—————
باتت نحيلة هواي .. صارت خيال بماي
ونتها تكسر ناي .. وتفطر گلوب

وصلت وجع والالام .. مابيها حيل تنام
تنكسر مثل الجام .. وي وكت الغروب

من يجيها المغرب تكض الضلع
تحس هوه الله اعليها رايد يندفع
امن الوجع ظل صوتها اولا ينسمع
يمها يتدنون ويسمعوها

اليا يمه فاگدها الحسن حيل
عازتها عازة اليمة للحيل
مثل امه ابن ادم ما يلگة
وتطلع چنها اسهام الشهگة
———————
وصلت بعد للموت .. گطعت نفس والصوت
وظل يخطف التابوت .. گدام العيون

جمعت ولدها اغيوم .. المذبوح والمسموم
تگلهم وراي بيوم .. كلكم تموتون

يالحسن چبدك تشوفه بطشت راح
ويا احسين بصدرك امكاسر رماح
وكل مصايبكم لزينبكم اطياح
وزينب الما طالعة يطلعوها

كسرة اضلوعك يمة يحسين
من صوتها اتطيح الصواوين
تحظن بي لا خيل تسحگة
وتطلع چنها اسهام الشهگة
—————-
علي هادي الخزعلي

الله اكبر عصروها ومنها المحسن طاح
مو طف بس البسمار تحسبه احساب ارماح
حيل .. دفعوها
ضلوع .. كسروها
—————————-
زغيرة ومعصورة بقوة وصاحت فضة بساع
سندي امتوني

ماشوفن دربي اتصيّح ضاعت بيه الگاع
مغوشة عيوني

صاحت آه .. فضتاه .. لزمي چفوفي
دوري زين.. ابني وين .. طايح شوفي

رحت اركض ركضت خايف چوّت وجهي النار
ومديت ايدي لفاطمتي وصب دم البسمار
موت .. راووها
ضلوع .. كسروها
———————-
دخّان الباب العالي الخانگ بيها الصوت
ما اسمعها

ضلوع ومحترگة ورفسة الوصلت بيها الموت
وچف يدفعها

إنعصار.. عالجدار … وانت اتخيّل
هذا حال .. لو رجال .. ما تتحمل

العصرة اللاگتها الزهرة تمّوت حتى الصوت
الزلمة وما يتحملها بساع بساع ايموت
ليش .. عصروها
ضلوع .. كسروها
———————-
سنّد ظهرة اعله الحايط حيل ويعصر صار
ضلع الزهرة

بخيبر لابد بالخيمة وهسه بباب الدار
نارة موجرة

البلحروب .. يبقة ثوب .. طلعت عينة
وهسة جاي .. عنده راي .. ومكبرينة

لو مرخوص الهم حيدر كون وشاف النار
اله الاول والثاني ايشدهم ع الفقار
الروس .. يحنوها
ضلوع .. كسروها
——————
انه وزينب شلناها شويه شوية بخوف
ونبچي اعليها

ما نلمس ظهر الزهرة نحذر چي مخسوف
ونأذيها

ماكو عين .. ولا ادين .. ما موجوعة
والكسير .. من يحير .. يكض ضلوعة

ما نامت ليلة براحة ايغثها الليل اهواي
شما تتحرك تتشاهد حتى بشرب الماي
نوم .. حرموها
ضلوع ..كسروها
———————
شهرين بهاي الحالة اسم الله اسم الله نصيح
لمن تمشي

ندعي شما تمشي الخطوة خاف الزهرة تطيح
وتهدم كلشي

بخطوتين .. ياحسين .. صاحت يبني
بهالندا .. للصلا .. يمه اسندني

سامع صوت القارورة الطاحت فوگ الگاع
هيچ نكسرن يا ناس بصدر الزهرة اضلاع
اخيال .. سووها
ضلوع .. كسروها
——————-
حطت چفها اعله الگاع وصاحت اه يحسين
يا موضوعك

اضلوعك الله يساعدها وذيچ اخيول البين
اتهدم اضلوعك

ياحرام .. للخيام .. ضلعك يوصل
يوذروك .. يطشروك.. وما تتحصل


تتطشر گالتله وثوبك حدر الحافر ضاع
تتوذر راح وتترسها احسين احسين الگاع
ضلوع .. طحنوها
ضلوع .. كسروها
———————
علي هادي الخزعلي

https://t.me/wdadhussenia

https://youtu.be/CctSqZmqNXs?si=dX-tGN6vAu2acYr4

الله باني الكون لخاطرها
ضوه برزخنة بضي منبرها
لعن الله چف العاصرها

روح القران .. ام الاديان
————-
من تسولف على الضلع وضي ايمانك
ولو جبت طاري فاطمة اغسل السانك
هيه عفه وعفيفه .. سحكت اعلة السقيفة

بنه رب العرش عرش من شمايلها
شكو شي مصدره الضوه كله من ظلها
كل حرف بيها بهجة .. هيه حجّة اعله حجة

اليقتل بيدة زهراء … لازم نقطة الباء .. يغبنها
نذرت للسمة ضلوع .. وانطت اغله مشروع .. محسنها
سلطانة اعله الاديان .. موقع بيت الاحزان .. موطنها

بيت الله بطاريها اتذهّب
ومن اعباة الزهرة اتحجّب
الهوه بنفاس الزهره اتعذّب

هوه كل انسان .. ام الاديان
—————
مريم تهز جذع نخل والله ينطيها
وفاطمة اتهز عرش عدو اتجاوز عليها
وگفت بكل صلابة .. تلعن اعله الصحابة

من دخان الجذع تره المغرب اتلوّن
من شرار الحرگ نجم بالسمة اتكوّن
ذاكَ باب الزچية … ثورةٌ فاطمية

ضلوع الزهرة بالدار .. كسرن اقوى بسمار .. بالعصرة
هيه الكسرت افلان .. وبس الها النصر چان .. عالزمرة
شمرت تاجه عالگاع .. والسانه النتن ضاع .. والزهرة

منو يوصل للزهرة نشوفة
اله ما يلگه بجسمة چفوفة
من لسان الحق بيهم خوفة

ترهب طوفان .. ام الاديان
—————
ما نبت بالارض نبت اله بالزهره
بفاطمة مو مفاجأه تمطر الصحره
كل طقوس الطبيعة .. چفها لازم تطيعة

ما جرت كل فُلك بحر اله تأمرها
اي مجّرة قمر شمس فاطمة تفرها
عالشمس كلها تفتر .. والشمس يمها تنطَر

بس اتفتّح اعيون .. بيها يشمّس الكون .. نورية
بس بسبحة من طين .. تگلبها الموازين .. فورية
بمية وواحد اتدير .. افلاك ومقادير .. كونية


والفجر بيها يصبّح صبحة
الزهره باب الله هي تفتحة
المبهم بروحيتها اتوضحة

بقدرة ديّان .. ام الاديان
——————
شگد يعزها الله يا ترى وهيچي وصللها
شمنه تطلب يوافق وما يعطلها
ربك اشگد يجلها .. كل شي ظل راجعلها

ولو تريد الشمس برد هم تسويها
ولو تريد البرد شمس تستظل بيها
الله منطيها قدرة .. تگلب الصحرة خضرة

چانت للمساكين .. بيت بلا حياطين .. ما ينحد
وايتام المسلمين .. اتحبهم مثل الاحسين .. مو ازيد
بالحنية نوراء .. بتها تحسها اسماء .. مو ابعد

من ولادتها لحد موتتها
ترست الدنيا بحنيّتها
لعن الله ايد القتلتها

ماتت بهتان .. ام الاديان
——————
علي هادي الخزعلي

https://youtu.be/Zp9kBkoMsxs?si=9gC2yvcmRzy4qKUd

عالم شعبه بس فقرة
عالم خدمة الزهرة
اهنانه التحكم الفطرة
وعرش للزهره منبرنه
——————
عالم داخل التاريخ والله من اوسع ابوابه
النشيد الرسمي الاختاروه اه يحسين ومصابه

عالم خدمة ومزهّب صراطه
بس للخله بالزهره ارتباطه
بس تتدخلّه رافع خشمك تطيح
هذا العالم يحب البساطة

لا تتدخله متبختر .. ادخل حمزه الازغيّر
بالك تبقه متستر .. إذا نزلف يحذرنه
——-
لكل عالم خريطة تصير بيها احدوده تتوصف
بس عالمنه من الباب حد عرش الله يتوقف

عالم مستقل فاطم تقوده
الى مالا نهاية اتطخ حدوده
هذا العالم مسلّح بالاقلام
وتلگه الشاعر امن ابرز جنوده

المجلس مدرسة للشاب .. واللطامة بي طلاب
الشاطر من بچه اعله الباب … اذن دمعة التكبرنه
—————-
لكل عالم دول واحزاب .. واحنه احزاب ما عدنه
اكبر كتله لللخدام .. هاي الدمعه البخدنه

عالم فقرة مو عالم سياسي
ومجلس فاطمة الدور الاساسي
وينطينه الاوامر بيت الاحزان
وهذا المنبر الكرسي الرئاسي

تسجيل الخدم صاير .. يم عمار بن ياسر
وقمبر يحفُظ الحاظر .. وابو ذر الينّدرنه
————————
بالجغرافية يگولون … كل عالم دول يحوي
واحنه الدول مالتنه .. احسينياتنه التدوي

الكل دوله علم تنعرف منه
واحنه الصاعد المنبر علمنه
اعله گد الحال عشنه ومامش قصور
مقرنه العام موكب بي خدمنه

خدام وسوه كلهم … اسنان المشط چنهم
الزهره اتشكرت منهم … خدم والزهره تشكرنه
——————-
خدمة تربية وتعليم .. مو بس نلطم وننعة
وياخذ بيها دكتوراه .. اليكسر باللطم ضلعة

الينقل حادثتها بكل عزيه
حواري اتعيّن بقصر الزچيه
واليدافع عليها ويلعن افلان
يستاهل الرتبة القمبريه

توزيع الرتب قائم .. حد ما يظهر القائم
التختم عالگلب فاطم .. بعد ياعثره تهطرنه
——————
علي هادي الخزعلي

https://youtu.be/e1R9yWz-5Mc?si=3JuPgcjrRr3FYX6z

لمولاتي فاطمة الزهراء ع

*كان دار اللعين قاتل الزهراء ع مجاور (باب الرحمة) الذي هو احدى ابواب المسجد النبوي هذا يعني بقرب دار الزهراء ع ومن هذا الدليل كتبت هذه القصيدة من لسان حال مولاتي فاطمة ع:
~~~
بيا حسرة أطفة ويطفة الاصواب
وكتّالي جاري الباب بالباب

الكسّر اعظامي .. بيته گدامي
~~~~
ما يبرد بضلوعي اصوابي .. شايف نار اتطفي النار؟
خل اسأل تصبر كتّالك .. بيته امگابل بيتك صار؟


شفت الكاتل يمشي ويطلع
يم اعيوني يروح ويرجع
يضحك من ايشوف ويسمع .. حرگ الباب

باب السادة امحنّة بدمّي
اشهگ كلما يعبر يمي
احسب گمت احساب بهمي .. وموتي احساب

ما جازي دهري اوشالة اللَوم
ايتچولي گاموا ولدي بالنوم

الكثّر آلامي .. بيته گدامي
~~
الحايط ذاك البيه عصروني .. من لا چارة اتچة اعليه
كلما اشوف الباب امكسر .. اذكر عصرة ضلعي البيه

دمعي اتذكر من اتوضة
كلما اشوفن تخطف فضّة
اذكر صيحة ذيچ الرضّة .… وذاك اليوم

هم اينام الينزف دمّة؟
وكسر اعظام ايشوف بحلمة
وكت الموت اتبدل اسمة .. وكت النوم

ما نام من العصرة ما نام
سيّري اعله عيني اهنا يالاحلام

الموّت احلامي .. بيته گدامي
~~
ما نمت اعله الصفحة اليمنه .. كسروا بيها اثلث اضلوع
المكسورة اضلوعة وتتحرك .. يبقة ايموت اسبوع اسبوع

من قوتها الدفعة الجتني
طايح ضلعي وطايح ابني
كسّر حيلي وظهري السبني .. ويضحك چان

من الدفعة ومن الحرگة
تطلع شهگة اتجر بشهگة
بت بيت الله بدم مختنگة .. وبالدخان

من باب بيتي المحترگ چان
دخانة واصل بيت الاحزان

البيّد اجدامي .. بيته گدامي
~~
الدافع بابي ابناره ايهوّس .. دافع بضلوعي البسمار
كلمن اطباعه وماهيته .. وابن النار ايحب النار

رفسة حاقد ترفس رجلة
ووين اليلچم ظل يندلة
الكسروا ضلعة ايموت احسلة .. المن ضال

باب اجذوع وثگلة ايكّسر
لو مطبوگ بصخرة ايأثر
اليتنفس بالگوة ايدور ؟ .. راحة بال؟

چتالي گاعد باله مرتاح
ونِفْسي يبزني بزة ارماح

الظّلم ايامي .. بيته گدامي
~
بچف واحد ألزمها الرّحة .. وچف مكسور وچف محروگ
ما اگدر اشبگ من كسري .. ويزعل ابني الما مشبوگ

صاير شهرين بأشواگي
حظني بولدي ما متلاگي
من ابعيد ايصير اشباگي .. وي احسين

بچف افتح وحدة من اعيوني
وچفي الثاني ايداري امتوني
ماكو اجفون اتغطي اجفوني .. بدمع العين

چي جفني ازرگ لونه ينعاف
ألدنيا زرگة بعيني تنشاف

الكاتل اعوامي .. بيته گدامي
~
ما باريته الذمة اضلوعي .. الكاتلني وما عندة اسباب
چي بابه امگابَل يم بابي .. گلت لحيدر شيل الباب

ذاك العاصر ضلع الزهرة
الله يساعد حيدر صبرة
يومية ايشوفة امن ايعبرة .. وما مندوم

ياهو اليتحمل كتّاله
يعبر يمة بأفضل حاله
جرحي ايفز وصبري اوشاله .. صار اليوم

موتني يارب موتت ابساع
بعيوني ضاگت وسعة الگاع

اليّتم ايتامي .. بيته گدامي
~~
علي هادي الخزعلي

كأني بالملائكة يخطابون امير المؤمنين ع

كلميني... كلمة طلعت من يتيم بحرگته
كلميني… احسين ابو اعيون الحنينة بچّته
ياعلي عن الجسد .. وخّر اولادك بَعد
~~~



حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه

كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي
~~~~~



اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة

كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~



هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها

كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~



بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة

كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~



وگطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها

كلميني… انتي مو مالة جنايز انتي الي
كلميني… من تنهَّد عالچفن بچّه علي
والدمع للرب صعد .. وخّر اولادك بعد
ياعلي

~


حسين أمة شَيله شَيله بريته حاسبها
شفته متعوده اعله اديها اتصلي ويحبها
ينغمي اعله امه بگبرها وحيدر اينبها
بلّحد كلما يحطها بيده يسحبها

كلميني… عش حمامة بيتچ امتّرس نِشِد
كلميني… افراشچ ابيتچ اشعندچ باللحد
لأمة حنّان الولد .. وخّر اولادك بعد
ياعلي
~~
علي هادي الخزعلي

آنه ضمير الباب
واحچي بحادثتي .. عصروا سيدتي .. وحرگوني عليها
من سوتني احجاب
دفعوني وطاحت .. وفاطمتك ماتت .. مكسورة اديها

يدفع بيه الثاني وارد .. من يدفع
من كل شجرة بإيدة حطب ..ظل يجمع
……………..
عصرو روحك بيه .. ذب الصوچ عليه
طحت اعله العلويه .. عذاب

محروگ امن اكتاري .. والزهره بنص ناري
عصروها ببسماري .. عذاب

يا حيدر شحچي اعله الزهره
وصلتها امن النار الجمره
يدفعها الثاني ايصيح الّه.. تموت

يركلني برجله وما نادم
وتدفع بيه امتون الوادم
وذاك الجمع الهائل كلّه .. سكوت

مرأة دروا بالبيت
وبكل وحشية .. وماكو انسانية .. حرموها طفلها

ما قاوم ضليت
اثلثميه عددهم .. والثاني سندهم .. زهرائي شگلها

گلهم إله اكسرلي ضلع .. يله ارجع
من كل شجرة بإيده حطب .. ظل يجمع
……………
آنه اجذوعي ثگيله … اضلوع الزهره نحيله
اتگله انفاسي قليله .. لعين

بعنادك يعصرها .. ورجله الما وخرها
لو اگدر اكسرها .. لعين

اموصه ويكتل بيده اعزازك
بكل عصره ايريد استفزازك
وفقارك ظل ايرف شفته .. عليك

اكسر خشمه وخل يتأدب
واحد جاهل يرعب زينب ؟
اعتبره الحارث من حصلته.. بديك

سويهم نصيّن
سيفك راعبهم .. ماي ويشربهم .. بفتحاته منيه

أَبَداً يا بو حسين
ما مر بطيفك .. ما يگدر سيفك ..وتلزمه وصيه

راسه بچفه الثاني يرد .. لو تفزع
من كل شجرة بإيده حطب .. ظل يجمع
…………….
إلثاني اكبر مجرم .. شيطان و متلثم
امن المسجد متحزم.. اجاك

لقنفذ ادفع گله .. تبّت ايده ورجله
يالإنصارك قلة .. اجاك

ما شايف غيم يچتفونه
وانت الكبرهم ماعونه
وهسه التارس گاع الله اسمه .. غريب

الدنيا اندارت ماتت ناسك
الثاني وصاير زلمة براسك
وبغزوة أُحّد مو زلمة.. عجيب

يا بو الحسن الناس
رجعت صنميه .. طلعت چذبيه .. ومشحونة تجيكم
وادم فقره احساس
طلعت مخفية .. حْقاداً بدرية .. مضمومة عليكم

هم اهواي و انت علي .. بس اربع
من كل شجرة بإيده حطب .. ظل يجمع
………………..
ياحيدر عاقبني .. خل ارتاح اقلعني
ادفني وضيعني .. بعيد

ما اريد يشوفوني .. ولدك ويعتبوني
لابعد نقطه اخذوني .. بعيد

شيل اجذوعي ادفنها بهيمه
بس تكبر تحرگلك خيمه
ياحيدر تحرگ جمراتي .. خيام

ضيع بسماري امن العاشر
لا يكبر ويخضر حافر
نسل البسمار بنظراتي .. سهام

معذوره البيبان
بس لازم ادافع .. مو اوگف اباوع.. واحسينك اتبعه
امن الحادث ندمان
خافن يتكرر .. و اتحول خنجر … واگطعله اصبعه

والذباح يشوفه وصل .. يتگطع
من كل شجره بإيده حطب .. ظل يجمع
…………..
علي هادي الخزعلي

الله اكبر عصروها ومنها المحسن طاح
مو طف بس البسمار تحسبه احساب ارماح
حيل .. دفعوها
ضلوع .. كسروها
—————————-
زغيرة ومعصورة بقوة وصاحت فضة بساع
سندي امتوني

ماشوفن دربي اتصيّح ضاعت بيه الگاع
مغوشة عيوني

صاحت آه .. فضتاه .. لزمي چفوفي
دوري زين.. ابني وين .. طايح شوفي

رحت اركض ركضت خايف چوّت وجهي النار
ومديت ايدي لفاطمتي وصب دم البسمار
موت .. راووها
ضلوع .. كسروها
———————-
دخّان الباب العالي الخانگ بيها الصوت
ما اسمعها

ضلوع ومحترگة ورفسة الوصلت بيها الموت
وچف يدفعها

إنعصار.. عالجدار … وانت اتخيّل
هذا حال .. لو رجال .. ما تتحمل

العصرة اللاگتها الزهرة تمّوت حتى الصوت
الزلمة وما يتحملها بساع بساع ايموت
ليش .. عصروها
ضلوع .. كسروها
———————-
سنّد ظهرة اعله الحايط حيل ويعصر صار
ضلع الزهرة

بخيبر لابد بالخيمة وهسه بباب الدار
نارة موجرة

البلحروب .. يبقة ثوب .. طلعت عينة
وهسة جاي .. عنده راي .. ومكبرينة

لو مرخوص الهم حيدر كون وشاف النار
اله الاول والثاني ايشدهم ع الفقار
الروس .. يحنوها
ضلوع .. كسروها
——————
انه وزينب شلناها شويه شوية بخوف
ونبچي اعليها

ما نلمس ظهر الزهرة نحذر چي مخسوف
ونأذيها

ماكو عين .. ولا ادين .. ما موجوعة
والكسير .. من يحير .. يكض ضلوعة

ما نامت ليلة براحة ايغثها الليل اهواي
شما تتحرك تتشاهد حتى بشرب الماي
نوم .. حرموها
ضلوع ..كسروها
———————
شهرين بهاي الحالة اسم الله اسم الله نصيح
لمن تمشي

ندعي شما تمشي الخطوة خاف الزهرة تطيح
وتهدم كلشي

بخطوتين .. ياحسين .. صاحت يبني
بهالندا .. للصلا .. يمه اسندني

سامع صوت القارورة الطاحت فوگ الگاع
هيچ نكسرن يا ناس بصدر الزهرة اضلاع
اخيال .. سووها
ضلوع .. كسروها
——————-
حطت چفها اعله الگاع وصاحت اه يحسين
يا موضوعك

اضلوعك الله يساعدها وذيچ اخيول البين
اتهدم اضلوعك

ياحرام .. للخيام .. ضلعك يوصل
يوذروك .. يطشروك.. وما تتحصل


تتطشر گالتله وثوبك حدر الحافر ضاع
تتوذر راح وتترسها احسين احسين الگاع
ضلوع .. طحنوها
ضلوع .. كسروها
———————
علي هادي الخزعلي

شهادة الدنيا و الآخرة و مبعث افتخاري

- شهادة الخدمة الحسينية ❤️

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
علي هادي الخزعلي

#شور

يليلة دفنتچ كسرة سلف وبديرة خيرَة
يزهرة اعله الضلع كظ الچفن لازم اغيرَة

عود اعله گد طولج اجه .. شبر بشبر جايبلچ
بس من ردت شد الچفن .. صارت لزمته بضلعچ

لمن جست ضلعج .. طاحت مواليدي
انه الاصبرْ الناس .. ظليت ادگ بيدي

كسر العظم ما ينجرع
من الدفع .. طاح .. وانه السبع .. طاح
ما ينسمع .. ظل صوتچ

شيشلعة بسمار الضلع
رايد گلب… كون .. ما ينغلب .. كون
وگلبي خلص .. من موتچ
============
يشجره وميت ابطنچ غصن مخنوگة روحة
بِري الذمّة بعد صارت صدگ والروحة روحة

عگبچ يفرفاحة هله … ياهو ايعرف تفسيري
للبير اسولف كل عصر .. بس هسه گبرچ بيري

واصورچ ال بلبيت.. امسميها مگبرتي
فاتحتچ اشچم يوم… ويومية فاتحتي

واخياط اخيط ضحكتي
وية الچفن .. راح .. يم الحسن .. راح
كلشي اندفن… بفراگچ

بعزازي ارش المگبرة
يمسافرة .. ريت .. لية السرة .. ريت
بحيلي گمت .. اشتاگچ
==============
شطت شيطة جذع بابچ أنه من سولفولي
مثل نومة بخور اعله الگبر نمت اعله طولي

تابوتچ امصنّع خشب… خافن يغثچ شكلة
هذا الخشب من يا نخل .. من يا اهل يا ملّة

إمحدد البسمار ... وواصل طرف ظهرچ
شايف الف موته ... ولا شايفة بصدرچ

وي طولچ اعلة المغتسل
گلبي انكتل .. مات .. مات وعدل .. مات
وين انتچي .. لو رحتي

بماي الذهب اغسل ذهب
صبري انسلب .. راح .. بالي تعب .. راح
يل بلبگبر .. صبّحتي
==================
يكون بماي ادفنچ يم حسن لو بيدي هية
تره اتراب الگبر ما يعكس الصورة الية

امعودنة الله بكل فرض .. يم العرش نتلاگة
تسوة سبع مية قصر… بس گعدة المشراگة

يم عِشرة الحلوة .. شيسكت اولادچ
اثمنطعش شمعة .... اشعلها يم بابچ

للمحسن شأشعل حرت
والله متت .. حيل .. واتغيّرت .. حيل
ما شفتة لا .. شافاني

چن ضيعة الرطبة بعثگ
هيچي ضعت .. ليش .. امشي وطحت .. ليش
وين الوكت .. ودّاني
=============
تچفن راسي بالشيب وصفت بس عيني حمرة
رجعت وبالدرب عيني تصب عشرة اعله عشرة

طبيتة بيتچ والحسن… لازم عباتچ يبچي
وحسين من گد ما بچة .. حته حچي ما يحچي

نفسي اعله زفراتچ .. يالزهرة محبوسة
يا ليتها طلعت… امن اهمومي متروسة

اتگابلنة يم باب الكسر
وكت العصر .. نوح .. ذاب العمر .. نوح
دمعة علي .. شيظمها

واهنانة زينب فرفحت
لمن صَحَت .. اه .. اشگد دورت .. اه
بس ما لگت… وجه امها
==========
علي هادي الخزعلي

يرضى الله لمرضاتچ … حورية بكلماتچ
يالولدچ اياتچ .. وانتي القران

عالمذهب دافعتي .. وبضلوع تصدقتي
ام الحسنين انتي .. و ام الاكوان
_________
يخرزة امن العرش .. نطيح بطيحتچ
فقط محبس علي .. يلوگ لگعدتچ
إذا الليلُ يغشى.. غشائه بشيلتچ
تفر الكواكب .. يفرة رحتچ

بقصرچ الجمهوري رحّة وسبحة طين واغلى باب
عينه ميته الما يشوفج جوهره بنص التراب
حوه كون تكلها يمه الخلّفت سيد الشباب

آدم أب للامه.. بس ادم انتي امه
شمعه ودستي الظلمه.. نور وغرّاء

اسرافيل بدوره.. من يحيي المقبوره
ما يستخدم صوره .. بس يازهراء
—————————
يحجه اعله الحجج .. تحية لحجتچ
سليمان النبي …. فقير بعتبتچ
التواضع سجيتچ .. قنوعه بعيشتچ
اميره ومليكه.. الاماره بحجرتچ

مدرسة فن التواضع بيتچ الما معتلي
ووحده من طلابه فضه والمدرس بي علي
واليدرس عفه حصراً عقله زينب ممتلي

تعليمج وأَنْقابچ .. وزينب من طلابچ
شافو طف ابّابج .. راحو دفعوه

يا اول شيعيه .. ويا ابرز شخصيه
والحوزه العلميه .. الدار وحرگوه
———————
النبي عيسى انصلب.. وحروفچ رفعته
خليل الله احترگ .. ودعوتچ نقذته
سبأ ذاك عرشها .. قدرتچ جابته
بضلوعچ نقذتي.. محمد و امته

انتي تسبيحة صلاتچ ما تقل عن القدر
شي قليل الاستجابه انتي دعواتچ ذخر
دعوه من ايدچ تخلي النجمه تطلع بالظهر

تسبيحاتچ ترهب .. واطمئنان المذنب
بيچ الرب متعجب … يا روح الدين

بيچ الوادم وصلت .. للقمه وما نزلت
يم افضالج صلت .. سورة ياسين
———————-
حجم هاي الشمس .. امامچ ينّسه
تدرس بس شرف .. يأول مدرسه
عليّچ يلقبچ .. أنيسه ومؤنسه
سواد الليالي .. عفافج أسسه

سيدة كل النساء وكل رجال العالمين
يا جبل محد يهزه وقمّتچ راس الحسين
انتي اول وحده تقره الفاتحه لأم البنين

لغز انتي وشيفسرچ .. بيت احزانچ قصرچ
من حرص الله لعمرچ .. ميته زغيره

عقل الشالچ يتعب .. ضوه عالي بنص غيهب
هي الجابت زينب .. كوكب غيره
——————-
يباب الله الصبح .. يمفتاح السمة
النبي يونس طلع .. بدعائچ فاطمة
كليم الله موسى .. وره الطور احتمة
اخذ اذنه منچ .. و آلاهچ كلمة

من تفرشين المصلى يعني كون الله انفرش
اثمنطعش ايه ( التغابن ) وانتي هم اثمنطعش
من قلع حيدر حصنهم والله چي بسمچ غبش

الكعبه اتزور ابّيتچ .. يالزينب تربيتچ
التتقمص شخصيتچ .. اتحضرلها أضلوع

ياهي المثلچ ترضه .. يمه اتگل لفضه
اسمچ من انلفضه.. نتوضه اسبوع
——————-
اليخدمچ من گلب .. غداً ما ينعمي
وخلف اسمه انكتب .. فلان الفاطمي
يبسنه مشاعر .. .. دخيلچ غيّمي
تره الدنيا صحره .. اعله ولدچ خيّمي

انتي خيمتنه الچبيرة ومن تطيح احنه النطيح
خدمة ايامچ بخيته و ما يهز الخدمه ريح
يالضريحج ما نشوفه ومجلسچ هوه الضريح

يالحزنچ ربّانه .. .. وگعدنه بديوانه
وشيخنه وسوانه … ازلام امن ازلام

درب الخدمه ايحاسب .. والدمعه اقرب صاحب
سوه شاب اويه الشايب .. والخدمه ايام
——————-
علي هادي الخزعلي

محراب الزهره .. الزهره
مصدر ابعاث الضوه
الراد معنى القل هوه : يعني زهراء

عرش الله اعليها .. اعليها
ساقه الايمن منتچي
الزهره رباط الحچي .. وسر الاسماء
•••••••••••••••>>>>>
يمچ اسرار ..
كل حرف بالفاتحة ..
هاي بيدچ مسبحة .. مدري الاكوان

ابيتچ النار ..
وانتي حدرچ چم عدن
العنده ابن مثل الحسن .. بيته ديوان

زهره وبيتچ ينحسب .. للقدرة منهاج
كعبة وبابچ بي حطب .. مابيها حجاج

تسبيحچ ايهز العرش وايعرّگ الصخرة
حلّالة الما إلها حل تسبيحة الزهرة

محروگة بإيدچ.. إيدچ
البيها دوران الشمس
كنز انتي وينفّس .. يم العيون

بابچ بي آيه .. آيه
قل هوه الله احد
حرگوا احروف الصمد .. وكاف والنون
•••••••••>>>>>>
نقطة الباء ..
ضلعچ الكلش چريم
انتي إسم الله الرحيم .. والديانات

غار حراء ..
ابن محرابچ يصير
بإيدچ الكوكب يدير .. والمجرات

الله ايحبچ فاطمة .. وانطانچ الاهواي
عندچ قدرة بي نِفس .. اتخلين بالماي

بسبابتچ كُون و ضوه واحساب كل نسمة
ضلوعچ هذني البل سمة لو ذني چم نجمة

تأسيس العالم .. العالم
والسماوات السبع
لوحة ريشتها الضلع .. و الله رسّام

سبحانه الراسم .. راسم
بشر نسخة امن الضوه
بشر ما فوق الهوه .. وفوگ الاقلام
••••••••••••••>>>>
انتي حوراء..
وسيدة حور السمة
وحِمة لحماي الحمة .. ومركز الدين

زهره نَوْراء ..
ونورچ الما ينحبس
جوهرة بعين الشمس .. يالتشعّين

أزغر من دمعچ تره .. كوكب المريّخ
نقطة (فاء) البل أسم .. وحدها تاريخ

اسمچ خمس أحرف ضبط خاطر ولا ننسة
من نحسب اصحاب الكسه هم بالعدد خمسة

ادخيل احروف اسمچ .. اسمچ
چنة ماي اعله الگلب
حته صالح للشرب .. لليمرضون

بابچ ما ينسد .. ينسد
چنه فتحة ذو الفقار
هجموا اعليچ النهار .. الما يشوفون
•••••••••••••>>>>>>
حته حواء ..
اتصيحلچ يمة الصبح
اسمچ اولاية ملح .. يم الاحسين

بعلم الانواء ..
بسمتچ يعني المطر
اتخضر اوجوه الشجر .. من تصلين

الكوكب بسمچ مفترض .. يگضيها تسبيح
اشكبره اشعرضه (المُشتري) .. ولو شافچ ايطيح

سبعة سنابل يبّسن شافت مخيلتي
دمعاتي لو طگها القحط يوسفها بس انتي

اعليچ الما يبچي .. يبچي
بروحه شيطان وشمر
قحط كنعان ومصر .. قحط الادموع

حزميني لدمعي .. لدمعي
هو اصلي وفصلي صار
الما نجح بالاختبار .. كاسر اضلوع
••••••••••••>>>>>
مجلسچ بيت ..
بي خدم تسوه الذهب
القبلة بي منبر خشب .. يسوه الالماس

يعني حجّيت ..
من اطبن مجلسچ
والگه حارس يحرسچ .. اسمة عباس

هوه اليلزم يسرتچ .. واليمنه الاحسين
داير مجلس بكمله . وما عنده چفين

اچفوفة اعله راسه اليبچي الچ نلگاها مرفوعه
واشلون بالعباس اذا چفينه مگطوعه

مو بس چف راسه .. راسه
ماهو ظل بس النحر
انعرفه بس راس الگمر .. بالسمة انشاف

المجلس بي غيرة .. غيرة
البي نِفس من الحسن
چنه مو مجلس وطن .. فشلة ينعاف
•••••••••••••••
علي هادي الخزعلي

#لمولاتي_فاطمة_الزهراء_ع

مو مالت افراگ .. عشرتنه مالة ملگة
مو مالت افراگ .. يكتل حنين الفرگة
_يالزهرة بفراگچ صرت كل اغروب
_ابچي واصيح اخذيني صيحة متعوب
يكتل حنين الفرگة
————-
بسمارچ ايدگ بالنفس .. يطلع ضلع وي نِفْسي
واليمسي چان بشوفتچ .. بالشوغة ظل ايمّسي
ما صارخ بعمري و الچ .. بالصرخة طبّگ حسّي
من عميه عينك يالگبر .. بنص مترة تدفن شمسي

كتّاله الاشواگ .. وگلبي الچبير اتفتّه
كتّاله الاشواگ .. انه الدفن سالفتّه
امشي بجرح رديت مشية مصيوب
ابچي واصيح اخذيني صيحة متعوب
يكتل حنين الفرگة
—————
اول بشر يدفن گلب .. بيده وتخنگة الهظمة
سموّني دفان الشمس .. چي رجعتي اعله الظلمة
گمت اطرد بريتي الهوه .. بس الهوه شيظمة
يا ام ابوها بروحتچ .. گمت امشي واصرخ يمة

من دمعچ الطاح .. تربة صلاتچ شابت
من دمعچ الطاح .. خرزة سبحتچ ذابت
صبر الصبرته بسكتتي ايموتْ ايوب
ابچي واصيح اخذيني صيحة متعوب
يكتل حنين الفرگة
—————-
دمچ ترس بابي ونشف .. جيبيلي چف ايمسحة
من انگطع نفسچ شفت .. انگطع خيط السبحة
ما يرهم اعليچ الگبر .. يا دم علي او يا جرحة
التاخذ زهرتي ابلا عطر .. هاي المگابر وكحة

بحظان الاتراب .. ادفن حبيبة روحي
بحظان الاتراب .. شوفيلي حل لجروحي
رايدله بوداعچ علي عشر اگلوب
ابچي واصيح اخذيني صيحة متعوب
يكتل حنين الفرگة
—————-
ما مقتنع ميتة وعلي .. شو چنچ بنص عيني
صارن حروف ابلا نقط .. مابيها معنى اسنيني
ظهرين سواني الهجر .. من فرگتچ شوفيني
مايعرف ايلاگي الگبر .. متعلم اتلاگيني

هادمني فرگاچ .. بدموعي صار اسلوبي
هادمني فرگاچ .. واصل سوادي لثوبي
هالمرة ماغالب علي ورد مغلوب
ابچي واصيح اخذيني صيحة متعوب
يكتل حنين الفرگة
—————
فاطمتي كاتلها الرفس .. بس گوة لازم صبري
بالمغتسل شفت الضلع .. طالع و ابد ما ادري
ركضة النار اعله الگطن .. يركض الشيب بشعري
شايب چبير بفرگتچ .. ما يمشي گايم عمري

ما باقي بس ثوب .. زين وتشوف عيوني
ما باقي بس ثوب .. كلساع اتيّه لوني
چا يمته من عندي الهجر عود ايتوب
ابچي واصيح اخذيني صيحة متعوب
يكتل حنين الفرگة
————-
ايسموني ابو اتراب الخلگ.. چي مترب اعله البضعه
اخذيني احسبيني الچفن .. ألشوگ يكتل رَبعه
يل ميّت ابطنچ نفس .. يل ذبتي ذوبة شمعه
بس هو اليحبني صدگ .. للرفسة يفتح ضلعه

يل بيش اجازيچ .. يا بعد سبع اضلوعي
يل بيش اجازيچ .. خدي درب لدموعي
ذيچ السوالف ما يسدها المكتوب
ابچي واصيح اخذيني صيحة متعوب
يكتل حنين الفرگة
———-
علي هادي الخزعلي

https://t.me/muhamu12

لسان حال مولاتي فضة:

ماتت الزهره اعله ايدي وحرگت اچفوفي بدمعها
وخفت لا اجيسن گلبها والچم الكسرة بضلعها
الكاسر ضلعها الباب .. يلچمها حته الهاب
***
انسولف انه وياها چنه ومن تحاچيني
حته عالچلمة ونِفسها اتگلي عينيني
اقره قران بحجرتي اتگول اسمعيني
لو سكت صوت التلاوه ميته احسبيني

تابعت الزهره .. يم باب الحجرة .. ما اسمع نبرة .. يمكن ماتت

طبيت بخوفي .. واستثگل شوفي .. ماتت بچفوفي .. بصفي وطاحت

طاحت اعله الضلع چنها لهالسبب ماتت بسرعه
بيا نفس تستلذ روحه الينكسر بالباب ضلعه
المختنگة بالعطاب .. يلچمها حته الهاب
***
مدري يا سورة القرتها واثرت بيها
أعتقد سورة( العصرِ) الماتت اعليها
من كثر قوة العصرة انكسرت ايديها
بالشهر صارلها گوه اتشيل رجليها

محد تشكيلة .. تضعف كل ليلة .. تمسح بالشيلة .. دمها اليجري

اتگوم اله بتچوه .. تگعد تتلوه .. تتفس گوه .. وتلزم ظهري

كالخيال وبعد أضعف صارت وما تعبتني
كثر ما تنتچي الزهره صار عكازتها متني
ظلت نِفَس واحجاب .. يلچمها حته الهاب
**
حيلها اوشاله الزچية و حملت الصعبة
ومحسن البسمار راسه واصل لگلبة
امن الوجع وصلت مراحل موتها اتطلبة
امن الوجع صخرة تحسه الماي الاتشربة

مانامت مرة .. حارت بالسطرة .. كل يوم الزهرة .. تبچي وتدعي

تدعي وتهظمني .. واسمعها بإذني .. يارب موتني .. وطيب ضلعي

من صُفَر لليوم هذا احسين ما شابگته أُمة اتشبگه خاف ايطگ ضلعها وهي كلشي ولا تهظمة
طاري الشبگ ينجاب .. يلچمها حته الهاب
***
زلم ما تحمل وجعها والحچي اهواية
امن الالم يا ناس گطعت حته الاحچاية
بهاية موتتها تبيّن للبشر غاية
إليحب ربة يموت اعله الامصلاية

دفعوها بهمة .. الما بيهم رحمة .. خلوها النسمة .. ما تشهگها

عاشت مختنگة .. ماتت محترگة .. توجعها الشبگة .. شلون اشبگها

بآيه بالقران ذكرت يوم ذيچ النار اجتها
(كوني برداً وسلاماً) هي هاي الكاتلتها
وبنار ابن حطّاب .. يلچمها حته الهاب
****
سكت صوت ام المحنّة و آنه اتانيها
وزينب اتصيّحلي فضة فاطمة اشبيها
ماتت وحيرني گلبي شلون اطب ليها
خاف ادفعه الباب بيدي وينطبگ بيها

طبوا للحجرة .. بس ولد الزهرة .. شبگوها بحسرة .. وصاحوا كلهم

يمة تعوفيني .. وزغيرة اسنيني .. بكلمة (كلميني) .. گعدت إلهم

الحسن من حبها برجلها اتنفست واسم الله صاحوا
وشافت اعيون الاحسين وماتت وفوگاها طاحوا
يكتل بچي الاحباب .. يلچمها حته الهاب
****
علي هادي الخزعلي

باب اجذوع وطاح .. واسمع بس اصياح
عصره ومحسن راح ..جوه تراب
ما شفت بدنياي .. نار ابيت الماي ..
وحده وهمه اهواي.. وستري الباب

غريبة يروحي .. غريبة يروحي
…………………
انه بت المات توه وربع ابوي اتهد عليه
باب من اجذوع كله وهمه ماگالوا خطيه
همه اكثر من ذنبهم وانه بس الله واديه

باب اجذوع .. فوگ اضلوع
ونايم بين اضلوعي المحسن
طاح الباب .. وايدي احجاب
وبوكت الاذان يأذن

يسمع صوت اذان.. ويعصرني الشيطان
مايتسمه انسان .. لا والله

ام وابني يموت.. وبطن امه التابوت
ماطلّع اي صوت .. لا شفناه

غريبة يروحي .. غريبة يروحي
………………
گبره ما ناشف محمد وربعه حرگو بيت بته
جاي اسبّح لله وادعي وصوت المرافس سمعته
دفعو الباب وحجابي لزمة المصحف لزمته

صار الصار.. ناس ونار
اثلثميه وبس آنه وفضة
بالحيطان .. بس دخان
بيتي امن الدخان اتوضة

صحت لفضه ابساع.. شيليني امن الگاع
والمكسورة اذراع .. بيش اتگوم
مختنگه ام احسين .. وزرگة اجفون العين
اتبدل شكلي اسنين .. بليلة ويوم

غريبة يروحي .. غريبة يروحي
………………..
طايح ابيّر وتجره هيچ اجر النفس گوه
موتت المكسور ضلعه تصير من يمشيله خطوة
آنه من اتوضه اموتن جرح ايدي وعيني بلوة

حيل يريد .. رفع الايد
اشهگ موت بكل تكبيرة
حيلي يذوب .. كل غروب
چني اخيال وآنه ازغيرة

اضعف اضعف حيل .. من عصرات الليل
حتى الليل يعيل .. بالموجوع

بس بَصَمات اقدام .. متروسه الاحلام
واسمع كل ما انام .. طگ اضلوع

غريبة يروحي .. غريبة يروحي
………………
اوگف اعله اعصابي گوه وماوصل عشرين عمري
والوجع بعيوني يطلع و ابتسم بوجوه بزري
ومن يجي احسين اعله حظني يرجع الحيل اعله ظهري

ست اسنين .. عمر احسين
و امه اگباله اتموت بعصرة
صار ايام .. من اينام
يتحلم بس بإسم الزهرة

متخيلته اجروح .. شابگني ومذبوح
ويصيّح مبحوح .. يا زهراء

لازم ادير اگفاي .. امن اشرب يمه الماي
يعطش راح اهواي .. بعاشوراء

غريبه يروحي .. غريبة يروحي
………………..
ايدي متعوده اعله رحه وسبحتي وروس اليتامه
الشوگ كاتل ناسي كلهم و انه ما اگوم بسلامة
همه المتانيني اگومن ناس فقره وچم حمامة

اتريد الناس.. تردلي انفاس
و ياروحي ايامچ معدودة
گطعة صوت .. وباچر موت
ايظل حيدر حيطانه تگودة

باچر دمع اغياب.. باچر طيحوا الباب
ظلي يصير اتراب .. عنكم راح

عندي وياكم دين .. دفنو وياي اثنين
تربة وثوب حسين .. حتى ارتاح

غريبه يروحي .. غريبه يروحي
…………..
علي هادي الخزعلي

https://youtu.be/nk1ihvtMQVw?si=eO-B372mRb70pBk_

https://youtu.be/zwYFBWcK4eE?si=rvx6a7kfvQpKwC0i

اعظم امصابين بشهود الجميع
للنبي وابن النبي
فرق مذبح يحيى وحسين الذبيح
ما مشت اخته بسبي

اكو اصعب واكو صعبه .. يحيى ما داسوا بگلبه
ومامشت اخته ابسبي
_____
الله بشّر زكريا بيحيى و ابتشرت فرحته
والله من بشّر محمد بالحسين اهمل دمعته
شيفرح الگالوله ابنك عينك تباوع ذبحته
شيفرح وصوت الحوافر من وكت سكّت ضحكته


الراضع امن ابهام جدة ابلايه ماي
ويشرب بدمة الرمح
والعطش رايد نحر ليّن يكون
حته يسهل بالذبح

اليذبح ابنادم يشربه .. يحيى ما داسوا بگلبه
ومامشت اخته بسبي
___
يحيى ما شگّوا جبهته ولا طعن خاصرته واحد
بس ابو اسكينه اعله گلبه السهم گعدة شيخ گاعد
حزه وحده انكطع نحرة يحيى والتاريخ شاهد
وابو اليمة اثنعش طبرة يله عافه الگلبة بارد

يانبي اليتحمل يباوع لخوه
ينكتل يم النهر
حسين ما يتحرك امن اجروحه صار
وصدرة واصل للظهر

امگّطع اتلاگه اويه ربه .. يحيى ما داسوا بگلبه
ولا مشت اخته بسبي
___
يحيى ما دارو برمحه لا بلاد ولا طوايف
وعالكرة الارضية نصها راس شيخ الديرة طايف
يحيى لا اخته سبوها ولاركض نسوانه شايف
لاخيم محترگة عنده ولاعليل ابنصها عايف

نبله لايحته حدر شفته الحنين
ولون الاملاگه انخطف
شمر دمّة اعله السمة ولاح الرسول
ودوران الدم وگف

الله سوّة اترابة تربه .. يحيى ما داسوا ابگلبه
ولامشت اخته ابسبي
——-
يحيى مات و امه عدله و ما وگف منبع دمعها
وام الحسين الزچية ماتت امكّسر ضلعها
يحيى ما شافاله زينب گام ذبّاحة ودفعها
ولا لمح بت گلبه تركض والحرگ واصل صبعها

لا اخت لا بته عثرها الصهيل
ولا سحگ عظمة الفرس
اسهام وارماح وشتم وحجار طين
جسم الاحسين انترس

عكس گام يشوف دربه .. يحيى ما داسوا بگلبه
———
حسين گطعوا راسه لكن ابد ما گطعوا صلاته
خرزة من العرش طاحت؟هايه لو طيحت خواته؟
يحيى قطرة دم خسرها ولاحجر خرّب حلاته
حسين واصل دمّه لله امدممة وباگوا عباته

يحيى طب اعله الملك ينگط بياض
وجبهته ابلايه اثر
والحسين بجبهته الحاقد سنان
ضاربه بأكبر حجر

اتصيب ضربه وتخطي ضربه ..يحيى ماداسوا بگلبه
ولا مشت اخته بسبي
____
يحيى ما مصلوب راسه ولادمة بديوان نگّط
ولاخذوا خدرة بخرابة النام بيها اعيونه تفحط
ماكو راهب شاري راسه وماكو خولي البي تورّط
اليضوي وجهه يبقه يضوي لو بالف تنور ينحط

يحيى ما باگوا محابس من اديه
وخنصرة بچفه عدل
ومشت عوجه الدنيا وي اخت الاحسين
مثل ما تمشي الهزل

والشماته اوجوه غربه .. يحيى ما داسوا بگلبه
ولا مشت اخته بسبي
____
علي هادي الخزعلي

الشاعر حسين عبد الزهرة الدراجي

ياحسين وثوبك مسويلي صيت
https://t.me/husseinaldraji

خدّام الحسين "ع"

قناة الشاعر المبدع أحمد علي الفياض ارجوا الاشتراك فضلاً👆

https://t.me/ya_ali_abn_mosa_alredha

https://youtu.be/ND_ApWk-d-s?si=fMoYFncmpDwJ2ER6

https://youtu.be/Dc-sQtwcCmQ?si=HDAROiq8YYH_8sfL

https://youtu.be/0mn_BlLgJSY?si=WdR3twPzY0e3lzHB

https://youtu.be/Gbp_HTcUjZ8

https://youtu.be/CSjhaxdK3Nw?si=XQ2ECYXx6HrfMU0P