Hadiya zone communication

በሀዲያ ዞን ለ5ዓመታት የሚቆይ "PROCEED initiative"የተባለ መንግስታዊ ያልሆነ ድርጅት የፕሮጀክት ማስፈፀሚያ ፕሮግራሙን ለባለድርሻ አካላት ስልጠና በመስጠት አስጀመረ።

ፕሮጀክቱ የመኖ ሣር ማባዛትና የአፈር ውሃ ጥበቃ ላይ ለመስራት የተቋቋመ ፕሮጄክት መሆኑን የፕሮጀክቱ አስተባባሪ አቶ ጌታመሳይ ደመቀ ተናገሩ።

።።።።።።።።ቀን 15/05/2017 ዓ/ም ።።።።።።።።

"PROCEED initiative"መንግስታዊ ያልሆነ ድርጅ አስተባባሪ አቶ ጌታመሳይ ደመቀ የፕሮጀክቱ ዓላማ ውጤት ተኮር የሆነ የሥራ ሂደትን በማሳለጥ የተቀናጀ የተሻሻለ የመስኖ ሣር ልማት እና የአፈርና ውሃ ጥበቃ ስራዎች በወረዳ ላይ መስራት እንደሆነ በመግለጽ ስልጠናውን የወሰዱ ባለድረሻ አካላት ከወረዳ እስከ ቀበሌ ክትትል በማድረግ የተቀናጀ ሥራ እንዲሰራ ሃላፊነት እናዳለባቸውም ገልጸዋል።

ፕሮጀክቱ በሀዲያ ዞን 9ወረዳዎችን ያካተተ ሲሆን ውጤት ያለው ሥራ ለመስራት የቀበሌውን ግብረሃይልን ማብቃት እንደሚያስፈልግ፣የሴቶችን ልማት ቡድንን ማበረታታት እንደሚያስፈልግ እንዲሁም ከህብረተሰብ የሚገኘው መረጃ መፍትሄ ማፈላለጊያ እንጂ ሪፖርት ማቅረቢያ ብቻ እንዳልሆን ሲሉም አስገንዝበዋል።

የሀዲያ ዞን ግብርና መምሪያ ኃላፊ ዶ/ር ሀብታሙ ታደሰ ይህ "PROCEED initiative" የተሰኘው ፕሮጀክት ይዞት የመጣው ሥራ ለህዝባችን ለምግብ(ሥነ ምግብ)ጥቅም፣የአፈር ለምነትን ለመጠበቅ፣የሥራ እድል ለመፍጠር፣የገቢ ምንጭን ማሳደግ እና ሌሎችም በርካታ ጠቀሜታ ያለው መሆኑን በመግለጽ ዞኑም ተግባሩን በመከታተል የሚፈለገውን ውጤት ለማምጣት አብሮ ይሰራል በማለት ተናግረዋል።

"PROCEED initiative"ፕሮጀክት ባለሙያዎች የተለያዩ ስልጠናዎችን የሰጡ ሲሆን በስልጠናው የአፈርና ሣር ጥበቃ ላይ አርሶ አደሩ ፍላጎት ቢኖረውም የግንዛቤ ችግሮች እንዳለ አንስተዋል።በመቀጠልም ሁሉም አካል የመኖ ሣርን የማብዛትና የአፈር ውሃ ጥበቃ ሥራን በኃላፊነትና በባለቤትነት ከሰራ የሚፈለገው ለውጥ ይመጣል ተብሎ ይጠበቃል በማለት ተናግረዋል።

አክለውም በቂ የመኖ ዝግጅት ሲኖር የተሻሻለ የእንስሳት ዝርያ በማርባት ተጠቃሚነትን ማሳደግ ይቻላል የመኖ ሣር ለማብዛት የሚሰራው ሥራ የአፈርና ውሃ ጥበቃ ላይም እየተሰራ መሆኑንም ገልጸዋል።
ስልጠናው የወረዳዎችንና የዞን አስተዳደሮችን ጨምሮ በነገው ዕለት የሚቀጥል መሆኑንም ተገልጿል።
በታከለ አጋፋሪ
https://www.instagram.com/p/DFLGnsWNPrd/?igsh=cWRzd3AxdmVpaWtk

ተጀምሮ ሳይጠናቀቅ ቆይቶ የነበረው የሆሳዕና ከተማ የውስጥ ለውስጥ አስፓልት መንገድ ስራ ተጀመረ።

ከክፍያ ጋር በተያያዘ ተስተጓጉሎ የነበረው የሆሳዕና ከተማ የውስጥ ለውስጥ አስፓልት መንገድ ግንባታ ችግሩ ተፈትቶ ስራውን የማስጀመር መርሐ ግብር ተካሂደዋል።

።።።።።።።።።።ጥር 15/2017።።።።።።።

ስራውን ያስጀመሩት የሀዲያ ዞን ዋና አስተዳዳሪ አቶ ማቴዎስ አኒዮ፦የመንገድ መሠረተ ልማት የትራንስፖርት ፍሰትን በማሳለጥ በኢኮኖሚያዊና ማህበራዊ እንቅስቃሴ ላይ የሚኖረው አስተዋጽኦ ከፍተኛ እንደሆነ ጠቁመው

በከተማው ከመንገድ ግንባታ በተጨማሪ የ34 ኪሎ ሜትር የኮሪደር ልማት ስራ፣ ኮብል ስቶን ስራዎች፣የንፁህ መጠጥ ውሃን ተደራሽ ማድረግ የሚያስችሉ መሠረተ ልማቶች እየተከናወኑ እንደሆነ አንስተዋል።

የመንገድ ስራ ከበጀት ጋር በተያያዘ ለወራት ቆመው እንደነበረ የገለፁት ዋና አስተዳዳሪው፥ አሁን ግን ለችግሩ ዕልባት በመስጠት ስራ መጀመሩንና በሚፈለገው ፍጥነት ለመጨረስ ጥረት እንደሚደረግ ገልጸዋል።

የሆሳዕና ከተማ ከንቲባ አቶ ዳዊት ጡምደዶ በበኩላቸው ስራዉ በሀብት ውስንነት ምክንያት ተጀምሮ በመቆሙ በማህበረሰቡ እንቅስቃሴ ላይ እንቅፋት መፍጠሩንና የትራንስፖርትና የንግድ እንቅስቃሴ ላይ አሉታዊ ተጽዕኖ ማሳደሩን ገልጸዋል።

የመንገድ ግንባታው መጀመር የህብረተሰቡን ጥያቄ በመፍታት የትራንስፖርትና የንግድ እንቅስቃሴ ስርዓትን ለማሳደግ እንደሚያግዝ ተናግረዋል።

ካንቲባው አክለውም ግንባታው በተያዘለት ጊዜ እንድንጠናቀቅ ህብረተሰቡ የተለመደውን ትብብር እንዲያደርግ ጥሪያቸውን አስተላልፈዋል።

የሆሳዕና ከተማ የመንገድ ልማት ፕሮጀክት ስራአስኪያጅ አቶ ደመቀ ሀይሌ እንዳሉት የመንገድ ስራ በመቆሙ የትራንስፖርትና የንግድ እንቅስቃሴ መስተጓጎሉን ገልፀው

ፕሮጀክቱ ስራውን በታቀደለት ጊዜ በማጠናቀቅ ለአገልግሎት እንዲበቃ ለማድረግ እንደሚሰራ ተናግረዋል።

በማስጀመሪያ መርሐ ግብሩም የሀዲያ ዞን ዋና አስተዳዳሪ አቶ ማቴዎስ አኒዮ፣የሀዲያ ዞን ምክር ቤት አፈጉባኤ ወ/ሮ እቴነሽ ሙሉጌታ፣የሆሳዕና ከተማ ከንቲባ አቶ ዳዊት ጡምደዶን ጨምሮ የዞንና የከተማ አስተዳደር የመንግስት የስራ ሀላፊዎች ተገኝተዋል።

በምህረተአብ ዘለቀ
https://www.instagram.com/p/DFLASaBNvpK/?igsh=MzVycjZ2NnRjcm50

የተደራጀ የሚዲያ ሰራዊትን በመገንባትና በመጠቀም የመረጃ የበላይነትን መያዝ እንደሚገባ የማዕከላዊ ኢትዮጵያ ክልል መንግስት ኮሙኒኬሽን ጉዳዮች ቢሮ አስታወቀ

( ሆሳዕና፦ ጥር 15/2017) ቢሮው ለዞን፣ ልዩ ወረዳና ሴክተር መ/ቤቶች የክላስተር የኮሙኒኬሽን ዳይሬክተሮች እንዲሁም ለቢሮ ከፍተኛ ባለሙያዎች ያዘጋጀው የአቅም ግንባታ ስልጠና በሆሳዕና ከተማ እየተሰጠ ነው።

በስልጠና ማስጀመሪያ መድረክ ንግግር ያደረጉት የክልሉ መንግስት ኮሙኒኬሽን ጉዳዮች ቢሮ ኃላፊ አቶ ዘርሁን እሸቱ እንደገለፁት ተቋሙን በአስተሳሰብና በአመለካከት ለመገንባት እስከ ታችኛው መዋቅር ፈጻሚዎች የአቅም ግንባታ ስልጠና ወሳኝ ነው።

በሀገር ደረጃ በሰብአዊ እና ኢኮኖሚያዊ ልዕልና አፍሪካዊ ሀያል የመሆን ህልምን ለማስረጽና ለመገንባት እንዲሁም የሀሳብ የበላይነትን ለማረጋገጥ ሚዲያ የሚኖረው ፋይዳ ከፍተኛ ነው።

የትርክት የበላይነትን ለመያዝ፣
በክልሉ ያሉ እምቅ የተፈጥሮ እና ሰው ሰራሽ ፀጋዎችን ለማስተዋወቅ ሚዲያ ትልቅ መሳሪያ ነው ብለዋል።

አቶ ዘርሁን አክለውም የመንግስትን እሳቤዎችንና ፕሮግራሞችን በህዝብ ውስጥ ለማስረጽ ብሎም ቅቡልነት እንዲያገኝ የሚዲያ አማራጮችን በተገቢ ሁኔታ መጠቀም ያስፈልጋል ብለዋል።

የየተደራጃ የሚዲያ ሰራዊትን በመገንባትና በመጠቀም የመረጃ የበላይነትን ለመያዝ ሚዲያዎችን በአግባቡ መጠቀም ተገቢ ነው።

በሚዲያዎች የሚስተዋለውን የመልዕክት፣ የይዘትና የጥራት ጉድለቶችን ለመፍታት የተዘጋጀው ስልጠና ወሳኝ እንደሆነ ኃላፊው ገልፀዋል።

የሚዲያ ባለሙያዎች የህዝብንና የመንግስት የመልማት ፍላጎቶችን የሚደግፍ እና የተዛቡ አስተሳሰቦችን የሚያስተካክል ብሎም የለውጡ አደናቃፊ ትርክቶችን የሚያረም የሚያስችል አቅም መያዝ ይጠበቅባቸዋል።

ስልጠናው የማህበራዊ ሚዲያ ምንነትና አስፈላጊነት ፣ የአጀንዳ ቀረጻ ምንነትና የአጀንዳ አቀራረጽ ፣የገጽ ለገጽ ሚዲያ ምንነትና አሰራር፣ የሚዲያ ሞኒተሪንግ አሰራርና የህዝብ አስተያየት አሰራር ዙሪያ ለ ሁለት ቀን የሚሰጥ እንደሆነም ገልፀዋል።

በመድረኩም የቢሮው ምክትል ኃላፊዎች፣ የማኔጅመንት አባላት፣ ከፍተኛ ባለሙያዎች የዞን፣ ልዩ ወረዳና ሴክተር መ/ቤቶች የክላስተር የኮሙኒኬሽን ዳይሬክተሮች ተሳትፈዋል።
የክልሉ ኮሙኒኬሽን ቢሮ
https://www.instagram.com/p/DFK8VuFNBBW/?igsh=dWRtZDN2M3o4Y3M2

የቱሪዝም መዳረሻ ስፍራዎችን ባግባቡ ጠብቆ መንከባከብ - በሀድያ ዞን ግቤ ወረዳ ሁነሴ ደን ፦ ምንጭ፦ የሀድያ ቴሌቪዥን

ዋቸሞ ዩኒቨርስቲ እያከናወናቸው የሚገኙ የልማት ፕሮጀክቶች ዩኒቨርስቲው ተወዳዳሪና ተመራጭ እንዲሆን..ምንጭ ፦ሀድያ ቴሌቪዥን

በቤንዚን አቅርቦት ላይ በቅርቡ በተደረገው የዋጋ ማሻሻያን ተከትሎ የትራንስፖርት ክፍያ ታሪፍ ..የሆሳዕና ከተማ የህብረተሰብ ክፍሎች ፦ ምንጭ ሀድያ ቴሌቪዥን

ቀን 10/5/2017 ዓ.ም
የጥምቀት የከተራ በዓል በሆሳዕና ከተማ በደማቅ ስነ-ስርዓት እየተከበረ ነው፡፡

በዓሉ ኃይማኖታዊ ስርዓቱን ጠብቆ ታቦታቱ ከመንበራቸው ወደ ጥምቀተ ባህሩ እየተጓዙ ሲሆን በከተማው በልዩ ልዩ ዝግጅቶች የከተራ በዓል በደመቀ ሁኔታ እየተከበረ ይገኛል።

ለመላው የክርስትና እምነት ተከታዮች እንኳን ለብርኃነ ጥምቀቱ በዓል በሰላም አደረሳችሁ።

የሀድያ ዞን ዋና አስተዳዳሪ አቶ ማቴዎስ አኒዮ ለክርስትና እምነት ተከታዮች  ለብርኃነ ጥምቀቱ በዓል  የእንኳን አደረሳችሁ መልዕክት አስተላለፉ።

የጥምቀት በዓል ስናከብር ሰላምንና አብሮነት በሚያጠናክር፣ መከባበርንና መተሳሰብን በሚያጎለብት የአካባቢያችንን ገፅታን በሚያሳድግ መልኩ ማክበር እንደሚገባም ዋና አስተዳዳሪው አሳስበዋል።

።።።።ሆሳዕና፣ ጥር 10/2017 ዓ.ም።።።።።

የሀድያ ዞን ዋና አስተዳዳሪ አቶ ማቴዎስ አኒዮ ባስተላለፉት የእንኳን አደረሳችሁ መልዕክት  የጥምቀት በዓል  ፍጥረታትን የፈጠረው ጌታችንና መድኃኒታችን ኢየሱስ ክርስቶስ በዮርዳኖስ ወንዝ ራሱን ዝቅ አድርጎ ከዮሐንስ ዘንድ የተጠመቀበት የትህትና መገለጫ በዓል መሆኑን ጠቅሰው።

ይህ ታላቅ በዓል  ከኃይማኖታዊ ይዘቱ በተጨማሪ በርካታ ባህላዊ እሴቶችንም በውስጡ አካትቶ የያዘ  በዓደባባይ ወጥተን ከምናከብራቸው በዓላት አንዱ ሲሆን በየዓመቱ በጉጉት የሚጠበቅ የህዝብን ርስበርስ መስተጋብርን የሚያጠናክር  ትልቅ በዓል ነው ።

የጥምቀት በዓል  በተባበሩት መንግስታት የትምህርት፣ የሳይንስና የባህል ድርጅት  በሰው ልጅ ወካይ የማይዳሰስ ባህላዊ ቅርስነት የተመዘገበ ሲሆን ይህም ከኃይማኖታዊ በዓልነቱ ባሻገር ለዞናችን፣ ለክልላችን ብሎም ለሀገራችን መልካም ገፅታን በመገንባትና የቱሪስት ፍሰትን ከማጎልበት አኳያ  የማይተካ ድርሻ አለው ብለዋል።

ብርሃነ ጥምቀቱ ክርስቶስ የትህትናን ኃያልነት በተግባር ያስተማረበት በመሆኑ፤ በዓሉን ስናከበር በአስተምሮው መሰረት ትህትናን ተላብሰን ዝቅ ብለን ለማገልገል፤ ለመተባበር እንዲሁም ለአንድነትና ለሰላም ለመትጋት ራሳችንን በማዘጋጀት ሊሆን ይገባል።

በብርኃነ ጥምቀቱ  ድነትን፣ ፍቅርን፣ ይቅርታን፣ ምህረትን፣ አብሮነትን የተማርንበት በመሆኑ በዓሉን ስናከብርም ሰላምን፣ አብሮነትን፣ መከባበርንና መተሳሰብን በሚያጎለብትና እንዲሁም የቆዩ  መልካም ባህላዊ እሴቶቻችንን በይበልጥ አዳብረንና አጠናክረን  መልካሙን  ገፅታችንን በሚያንፀባርቅ መልኩ ሊሆን ይገባል ሲሉ የዞኑ  ዋና አስተዳዳሪ አቶ ማቴዎስ መልዕክታቸውን  አስተላልፈዋል።

በመጨረሻም በዓሉም የሰላም፣ የአንድነት፣ የመተሳሰብ፣ የደስታና የፍቅር እንዲሆን  አቶ ማቴዎስ አኒዮ መልካም ምኞታቸውን ገልፀዋል ።

የሀድያ ዞን ዋና አስተዳዳሪ አቶ ማቴዎስ አኒዮ ለመላው የክርስትና እምነት ተከታዮች እንኳን  ለገና በዓል በሰላም አደረሳችሁ መልዕክት አስተላለፉ።
የሀዲያ ዞን ዋና አስተዳዳሪ አቶ ማቴዎስ አኒዮ ለመላው የክርስትና እምነት ተከታዮች እንኳን ለገና በዓል በሰላም አደረሳችሁ በማለት መልካም ምኞታቸውን ገልፀዋል።
ዋና አስተዳዳሪው የገና በዓልን ስናከብር መልካም ግንኙነቶችን፣ መተሳሰብና አብሮነትን የበለጠ በማጠናከር ሊሆን እንደሚገባም መልዕክት አስተላልፈዋል።
።።።።።።።።።።።።።።።።።
የሀድያ ዞን ዋና አስተዳዳሪ አቶ ማቴዎስ አኒዮ የገና በዓልን አስመልክተው ባስተላለፉት የእንኳን አደረሳችሁ መልዕክት እንደገለፁት
የኢየሱስ ክርስቶስ ልደት በዓል በትውልዶች ዘንድ የሚከበር ሲሆን የዓለምን ኃጢያት በማስወገድ፤ በጨለማ ላሉ ሁሉ ብርሃን ሊሆን በከብቶች በረት ተወልዷል። እኛም የገና በዓልን ስናከብር በመተሳሰብና በአብሮነት ያለንን በጋራ ተካፍለን ተደስተን አብረን በማክበር ልናሳልፍ ይገባል።

የክርስቶስ መወለድ የብሩህ ዘመን ማብሠሪያ ከመሆን ባሻገር የጨለማው ዘመን አብቅቶ ብርሃን የተተካበት እና የተበሠረበት በዓል ነውና መላው የዞናችን ነዋሪዎችም የርስበርስ ትስስርና አንድነትን በይበልጥ በማጠናከር  የሀሰት ትርክትን ለይቶ ቦታ ባለመስጠት የእውነትና ገዢ ትርክትን በመያዝ ሁላችንም በየተሰማራንበት ዘርፍ  ለዞናችን ልማትና እድገት ላይ ተቀናጅተን በጋራ እንረባረብ በማለት፤

በዞናችን ያሉት  ዘመን ተሻጋሪ የሠላም እሴቶችን በማጠናከር በዞናችን እየተከናወኑ ያሉ የልማትና ዕድገት ተግባራትን በቀጣይነት በማከናወን ለቀጣዮ ተተኪ  ትውልድ ምቹና የበለፀገች ዞን  ለማስረከብ በሚደረገው ጥረት ሁሉም የህብረተሰብ ክፍል እንደወትሮው ሁሉ የልማት ተሳትፎውን ሊያጠናክር ይገባል ብለዋል።

አያይዘውም መንግስት የዜጎችን የኑሮ ውድነት በዘላቂነት ለማረጋጋት ዘርፈ ብዙ ተግባራትን እያከናወነ እንደሚገኝ አንስተው ለአብነትም በከተሞች አካባቢ የሰንበት ገበያን በማቋቋም አምራቾች በቀጥታ ምርታቸውን ለገበያ እንዲያቀርቡ በማድረግ ገበያን የማረጋጋት ሥራ እየተሰራ ይገኛል ብለዋል።
በተለይም በዓላት ሲመጡ አንዳንድ  ነጋዴዎች በምርቶች ላይ ያልተገባ ጭማሪ በማድረግ ህብረተሰቡን ላልተገባ ወጪ እንዳይዳርጉ በየደረጃው እየተከናወነ ያለው  የክትትልና ቁጥጥር ስራ ተጠናክሮ ይቀጥላል ብለዋል።

ከልማት ስራዎች አንጻር በዞኑ በየደረጃው የተጀመሩና እየተከናወኑ የሚገኙ የልማት ስራዎች ተጠናክረው የሚቀጥሉ ሲሆን ሁሉም  የህብረተሰብ ክፍል  የድርሻውን ሊወጣ ይገባል።

መንግስት የዜጎችን ሁለንተናዊ ብልጽግና ለማረጋገጥ በከተማና በገጠር በየዘርፉ ሰፋፊ ግቦችን በማስቀመጥ እየሰራ እንደሚገኝ ጠቅሰው በተለይም  ከተሞች የሁለንተናዊ ብልጽግና ማዕከል እንዲሆኑ ለማድረግ በርካታ ስራዎች እየተሰሩ እንደሚገኙ አንሰተው ሲያብራሩ፤
ከተሞችን ለዜጎች ኑሮ ምቹ፣ ውብና ማራኪ እንዲሆኑ በማድረግ እንዲሁም  የብልጽግና እና የስልጣኔ ማዕከል እንዲሆኑ በማስቻል ለኢንዱስትሪና ቱሪዝም አገልግሎት ምቹነት እንዲሁም  ነዋሪው ህብረተሰብን ተሳታፊና ተጠቃሚ በማድረግ ረገድ የገቢ ምንጭ እንዲሆኑ ለማስቻል ዘርፈ ብዙ ተግባራት እየተከናወኑ ይገኛሉ።
ከዚህ ጋር ተያይዞ የከተሞች የኮሪደር ልማት ስራ በስፋት የሚገለጽ አንዱ ተግባር ሲሆን  ይህም የከተሞችን ገጽታ ዉብና ማራኪ በማድረግ ለዜጎች ምቹ እንዲሆን የማድረግ ስራ እየተሰራ እንደሚገኝ ተናግረዋል።

የዞኑ ዋና አስተዳዳሪ በመቀጠል ያነሱት ጉዳይ ዞኑ በሚያመነጨው ሀብት ልክ ተገቢውን ገቢ ከመሰብሰብ  አኳያ ሲሆን ይኸውም በዞናችን ዘርፈ ብዙ ፋይዳ ያላቸው የልማትና ዕድገት ተግባራትን ተንቀሳቅሶ ማከናወን እንዲቻል  የገቢ ምንጮችን በመለየት ገቢን አሟጦ በአግባቡ መሰብሰብ ወሳኝና ዋነኛው ጉዳይ ነው። በመሆኑም  በዞኑ በየዘርፉ የሚሰበሰበውን የገቢ መጠን አሻሽሎ ከፍ ለማድረግ ለዘርፉ ልዩ ትኩረት ተሰጥቶ የሚመለከታቸው አካላትን በማሳተፍ የተግባሩን አፈፃጸም  በየግዜው ክትትል በማድረግ እየተሰራ ሲሆን ውጤታማ መሆን እንዲቻል  ሁሉም የህብረተሰብ  ክፍል የድርሻውን እንዲወጣ አሳስበዋል።

በጥቅሉ የዞኑን የልማትና የመልካም አስተዳደር ስራዎችን ተቀናጅተን በመስራት ዞኑ በየዘርፉ በሚከናወኑት የልማት ተግባራት  ተወዳዳሪ  በማድረግና  እንዲሁም ህብረተሰቡ የልማቱ ተሳታፊና  ተጠቃሚ እንዲሆን ለማስቻል የዞኑ አስተዳደር ትኩረት ሰጥቶ እየሰራ ሲሆን በቀጣይም አጠናክሮ የሚቀጥል መሆኑን ተናግረዋል።
በመጨረሻም የዞኑ ዋና አስተዳዳሪ አቶ ማቴዎስ አኒዮ  በዓሉ የሰላምና የደስታ እንዲሆን መልካም ምኞታቸውን ገልፀዋል።

አቶ ማቴዎስ አኒዮ
የሀድያ ዞን ዋና አስተዳዳሪ
ሆሳዕና፣ 2017 ዓ.ም

የእድር ጥምረቶች ለሀገር ኢኮኖሚያዊና ማህበራዊ እድገት ያላቸው ፋይዳ የጎላ መሆኑ ተገለፀ።

ሆሳዕና ፦24/04/2017

በማዕከላዊ ኢትዮጵያ ክልል ሰራተኛና ማህበራዊ ጉዳይ ቢሮ ማህበራዊ ችግሮችን መከላከል ዳይሬክቶሬት ትብብር የማ/ኢት/ክልል የእድሮች ጥምረት ምክር ቤት የስራ አመራር ኮሚቴ በእቅድ ዝግጅት ዙሪያ የምክክር መድረክ በሆሳዕና ከተማ እያካሄደ ነው።

በመድረኩም በ2017 እቅድና በቀጣይ ሊከናወኑ የሚገቡ ተግባራት ዙሪያ ውይይት ተካሂዷል።

የማዕከላዊ ኢትዮጵያ ክልል እድሮች ምክር ቤት ሰብሳቢ አቶ ተሰማ ላምቤቦ፤ እድሮች ከዝህ ቀደም ተግባራቸው ሰው ሲሞት ቀብርን ማመቻቸትና ወጪ መሸፈን እንደነበር ጠቁመው፣ አሁን ላይ በልዩ ልዩ ምክንያት ለችግር የተጋለጡ የማህበረሰብ ክፍሎችን የመርዳት፣ ነባር የመረዳዳት እሴቶችን በማጠናከር ረገድ ለሀገር ጠቃሚ የሆነ ስራ እየሰራ እንደሚገኝ አንስተዋል።

እድሮች በቀደመ ታሪካቸው በጦርነት ወቅት ስንቅ ከማዘጋጀት ጀምሮ ድንኳንና ሌሎች ቁሳቁሶችን በመስጠት የሀገር አለኝታነቱን ከዘመን ዘመን እያሳየ ዛሬ ላይ የደረሰ መሆኑን ገልጸዋል።

አሁን ላይ እድሮች የሚሰጡት ማህበራዊ አገልግሎት በመንግስት ዘንድ ግንዛቤ አግኝቶ ድጋፍ እየተደረገለት እንደሚገኝ ገልፀው፣የመስሪያ ቦታ አለመኖርና የሎጃስቲክስ እጥረት ስራውን በሚፈለገው ልክ ለመስራት ተግዳሮት እንደሆነባቸው ተናግረዋል።

የማዕከላዊ ኢትዮጵያ ክልል ሰራተኛና ማህበራዊ ጉዳዮች ቢሮ ም/ል ሃላፊና ማህበራዊ ዘርፍ ሃላፊ ወ/ሮ ሰርክአለም ሳሙኤል በበኩላቸው፤ የእድሮች ጥምረት በባንኮች ከፍተኛ ገንዘብ የሚያንቀሳቅስ ትልቅ ኢኮኖሚያዊ ፋይዳ ያለው ጥምረት መሆኑን ገልጸው፤ በሀገር ደረጃ በሴቶችና ማህበራዊ ጉዳይ ሚኒስቴር አማካኝነት በ2015 ዓ.ም መቋቋሙንና በክልሉም 2016 ዓ.ም ተመስርቶ በርካታ ስራዎችን እየሰራ እንደሚገኝ ጠቅሰዋል።

እድሮች ከተለመደው አሰራር በመውጣት ሰው በህይወት እያለ የመደገፍ ትልቅ አስተዋጽኦ እያበረከቱ እንደሚገኙም አንስተዋል።

ወንጀልን በመከላከል፣ስለሰላም በመስበክ፣ ሀገራዊ መግባባት እንዲፈጠር በማድረግ በስነምግባር የታነፀ ዜጋ በማፍራት ረገድ እድሮች ሚናቸው የጎላ መሆኑን ወ/ሮ ሰርክአለም ተናግረዋል።

ቢሮው የገቢ ማስገኛ ስራዎችን ይሰራል የሉት ም/ሃላፊዋ ጥምረቱን በሚያስፈልገው ሁሉ የመደገፍ ስራው ተጠናክሮ የሚቀጥል መሆኑን አረጋግጠዋል።

የሀዲያ ዞን አስተዳዳር ፅ/ቤት ሃላፊ አቶ ታገሰ ዶባሞ ጥምረቱ የሰላምና ፍትሃዊነት ተምሳሌት ነው ብለው፣መንግስት ምርትና ምርታማነትን ለማሳደግ ሰፊ ስራዎችን እየሰራ የሚገኝ ሲሆን እድሮች ይህን ተግባር የማገዝ ሀላፊነታቸውን እየተወጡ ይገኛሉ ብለዋል።

ጥምረቱ አካባቢ ላይ ያሉ አቅመ ደካሞችን የመርዳት ተግባሩን አጠናክሮ መቀጠል አለበት ያሉት አቶ ታገሰ የዞኑ መንግስት በሚያስፈልገው ሁሉ ድጋፍ እንደሚያደርግ ጠቅሰዋል።

የሆሳዕና ከተማ አስተዳደር ከንቲባ አቶ ዳዊት ጡምደዶ በበኩላቸው፤ መንግስት በድህነት ቅነሳ እያከናወነችው ካሉ ተግባራት አንዱ ሀገር በቀል ጥምረቶችን ማጠናከር ነው ብለዋል።

እድሮ የተቸገሩ ወገኖችን በመርዳት፣ በከተማ ፅዳትና በሌሎች የልማት ስራዎች ላይ በመሳተፍ የመንግስትን ጫና በእጅጉ እየቀነሱ መሆኑን ጠቅሰው፤ ለተነሱ ተግዳሮቶች ዘላቂ መፍትሔ ለመስጠት እንደሚሰራ አቶ ዳዊት ገልፀዋል።
#የሀድያ ቴሌቪዥን
https://www.instagram.com/p/DEUrthSN_Bs/?igsh=MTdkMW5wNGM3cmF0NA==

የሀድያ ዞን መንግስት ኮሙዩኒኬሽን ጉዳዮች መምሪያ የድጋፍና ክትትል ቡድን በሶሮ ወረዳና ጊምቢቹ ከተማ የመንግስት ኮሙዩኒኬሽን ጽ/ቤት በመገኘት ድጋፍና ክትትል አደረገ።
የድጋፍና ክትትሉ ዓላማ ባለፉት 6 ወራት ዕቅድ አፈፃጸም የተሻሉና አፈፃፀሞችን አጠናክሮ በማስቀጠል ክፍተቶችን ለይቶ ለቀጣይ ማረም ላይ ያለመ እንደሆነም ተገልጿል ።
።።።።።።ታህሳስ፣ 23/2017 ዓ.ም።።።።።።

ድጋፍና ክትትሉ በዋናነት ተቋማዊ የተቀናጀ የኮሙኒኬሽን ዕቅድ አተገባበር ስርዓትን በማጠናከር በ 2017 በጀት ዓመት የ 6 ወር አፈጻጸም የታዩ ጠንካራ ጎኖችን በማስቀጠል ክፍተቶችን ለይቶ በቀጣይ ማረም ላይ ያተኮረ እንደሆነ የተጠቆመ ሲሆን፤

ድጋፍና ክትትሉ በአጠቃላይ በተቋሙ አገልግሎት አሰጣጥና በዕቅድ ትግበራ፣ በበጀት ዓመቱ የ 6ወር ዕቅድ ተግባር አፈፃፀም፣ በሚዲያ ግንኙነት ፣ በሕዝብ አስተያየትና የማህበራዊ ሚዲያ ትስስር ፕላት ፎርሞችን አልምቶ መረጃን ተደራሽ ከማድረግ ፣ ከቅንጅታዊ አሰራር እንዲሁም ተያያዥ ጎዳዮች ላይ በተዘጋጀው ዞናዊ ቼክ ሊስት መሰረት ቡድኑ ምልከታ አድርጓል።
በተደረገው ድጋፍና ክትትል የኮሙኒኬሽን ስርዓትን በማጠናከር ለዜጎች ሁለንተናዊ ተጠቃሚነትን ዕውን ለማድረግ የኮሙኒኬሽን ተቀማት ትኩረት ሰጥተው ሰጥተው ሊሰሩ እንደሚገባም የድጋፍና ክትትሉ ቡድን መሪ አቶ አማኑኤል ኤርጃቦ ገልፀው በቀጣይ ይህ አጠናክሮ ሊቀጥል እንደሚገባ አስገንዝበዋል።
የልዩ ድጋፍና ክትትል ቡድን አባላት በየበኩላቸው በሁለቱም መዋቅሮች ጽ/ቤት ባደረጉት የተግባር አፈፃጸም ምልከታ ግብረ መልስ በመስጠት ከባለድርሻ አካላት ጋር በመናበብ ያከናውናቸው የህዝብ ግኑኝነት ሥራ ጥረቶች አበረታች ናቸው በማለት የተስተዋሉ ክፍተቶች ተለይተው በቀጣይ የዕቅድ አካል አድርጎ መስራት ይገባል ሲሉ አስተያየት ሰጥተዋል።
የሶሮ ወረዳ እና የግምቢቹ ከተማ የመንግስት ኮሙኒኬሽን ጉዳዮች ጽ/ቤት ኃላፊዎች አቶ አለሙ ግቦሬ አቶ ወንድማገኝ አለማየሁ በየበኩላቸው እንደገለፁት ተቋሙ መንግስት እና ህዝብ በማገናኘት የተከናወኑና በመከናወን ላይ የሚገኙ ስራዎችን ያሉበት ደረጃ በማብራራት የድጋፍና ክትትል ስራዎች ውጤታማ ለመሆን አጋዥ መሆናቸውን ተናግረዋል ።
https://www.instagram.com/p/DESrsWONQt9/?igsh=MWY3NW96dTlmbzhi

ሀድያ ቴሌቪዥን በቀጣይ የተሻሉ ይዘቶችንና አቀራረቦችን በማስፋት ለህብረተሰቡ ተደራሽነቱን ከፍ እንዲል ድጋፍ እና ክትትል እንደሚያደርግ የኢትዮጵያ መገናኛ ብዙሃን ባለስልጣን አስታወቀ።

ሆሳዕና ፦22/04/2017 ዓ.ም

ባለስልጣኑ የሀድያ ቴሌቪዥን የስራ እንቅስቃሴ የመስክ ምልከታ አድርጓል።

የመስክ ምልከታውን የመሩት የኢትዮጵያ መገናኛ ብዙሃን ባለስልጣን የማህበረሰብና የሀይማኖት መገናኛ ብዙሃን ክትትል ምክትል ሀላፊ አቶ ሁሴን ሻንቆ የቴሌቭዥኑ የሥራ አፈጻጸም፣ ከሚመለከታቸው አካላት ጋር ያለውን ቅንጅታዊ አሰራር ፣ በቋንቋ ብዝሃነት እንዲሁም አጠቃላይ የቴሌቪዥኑ የሥራ እንቅስቃሴ እና ሌሎች ጉዳዮች ዙሪያ ከቴሌቪዥኑ የበላይ አመራርና ዘርፎች አሰተባባሪዎች ጋር ውይይት አድርገዋል ።

የሥራውን እንቅስቃሴ ለማሳለጥ የቴሌቪዥን ጽህፈት ቤቱ ከአደረጃጀት ጀምሮ ምን እንደሚመስል ሰፊ ድጋፍ እና ክትትል የተደረገለት ሲሆን ከቴሌቭዥኑ ባለድርሻ አካላት ጋር በቅንጅት የመሥራት ሁኔታ እንዲሁም ይዘቶችን ከማጠናከር አንጻር ሰፊ ሥራዎች መሠራት እንዳለባቸው አቶ ሁሴን ሻንቆ በሥራ ጉብኝቱ ወቅት ጠቁመዋል።

የውስጥ አሠራርን ከማሳደግ አኳያ ያለው የሥራ እንቅስቃሴ ጥሩ መሆኑን የተናገሩት አቶ ሁሴን ሻንቆ በቀጣይ በጋራ የሚሠሩ ሥራዎችን ባለስልጣኑ በጋራና በቅርበት እንደሚሠራ ገልጸዋል ።

የሀድያ ማህበረሰብ ቴሌቪዥን ዋና ሥራ አስፈፃሚ አቶ ወንድሙ አቡሌ በበኩላቸው፤ በአሁኑ ወቅት ቴሌቪዥኑን ወደ ተሻለ ይዘት ለማሳደግ ከባለድርሻ አካላት ጋር ያለው የሥራ ቅንጅት፣ የሥራ አከባቢን ለሥራ ምቹ ከማድረግ አንጻር እንዲሁም በጎ ፈቃድ ሠራተኞችን ከማሳተፍ እና ከማበረታታት አንጻር ዘርፈ ብዙ ሥራዎች እየተሠራ እንደሆነ አብራርተዋል።

ጣቢያው የህብረተሰብ ድምጽ ሆኖ በማህበረሰብ ውስጥ ሰፊ ሥራዎችን በመሥራት የታለመውን ዓላማ እየፈጸመ የሚገኝ መሆኑን የገለጹት አቶ ወንድሙ አቡሌ ፤ ቴሌቪዥኑ ማህበራዊ፣ ኢኮኖሚያዊና ፖለቲካዊ ጉዳዮች ላይ ይበልጥ እየሠራ ከመሆኑ ጋር ተያይዞ በህብረተሰብ ዘንድ ያለው ተቀባይነቱ ከጊዜ ወደ ጊዜ እየጨመረ መምጣቱን አስረድተዋል ።

የሚመለከታቸው አካላትን ከማሳተፍ አንጻር ቴሌቪዥን ጣቢያው ሰፊ ሥራ እየሠራ እንደሚገኝ ያብራሩት አቶ ወንድሙ፤ የውስጥ ገቢ ከማሳደግ አንጻር የዞኑ መምሪያዎች ፣ በዞኑ ካሉ ወረዳዎች እና ከተማ አስተዳደሮች ጋር በቅንጅት እየሰራ እንደሚገኝ በመጥቀስ ጣቢያውን በሰው ሃይል እና አስፈላጊ ሎጅስቲክ የማሟላት ሥራዎች እየተሠራ ነው ሲሉም ገልፀዋል።

በመጨረሻም ከኢትዮጵያ መገናኛ ብዙሃን ባለሥልጣን የመጡ ባለሙያዎች በሥራ ዙሪያ ከሀድያ ቴሌቪዥን የሥራ ዘርፎች ጋር ቀጣይ የሥራ አቅጣጫ ዙሪያ የጋራ መግባባት በመፍጠር የሥራ ጉብኝቱ ተጠናቋል።

#የሀድያ ቴሌቪዥን
https://www.instagram.com/p/DEP9AekNG98/?igsh=MTJraWkyNGZkOW5ibw==

የሀዲያ ዞን ዋና አስተዳዳሪ አቶ ማቴዎስ አኒዮ በዞኑ በተለያዩ ቦታዎች እየተሰሩ ያሉ የልማት ሥራዎችን ጎበኙ።

የሀዲያ ዞን ዋና አስተዳዳሪ አቶ ማቴዎስ አኒዮ በዞኑ በተለያዩ አካባቢዎች የተጀመሩትን የልማት ስራዎች የመስክ ጉብኝት አድርገዋል።

።።።።።።።።19/04/2017።።።።።።።።።

ዋና አስተዳዳሪዉ በመስክ ጉብኝት ወቅት ባስተላለፉት መልዕክት፦ በሆሳዕና ከተማ በመገንባት ላይ ያለዉ የውስጥ ለውስጥ አስፋልት መንገድ ግንባታ እንዲፋጠንና በተያዘለት የጊዜ ገደብ እንዲጠናቀቅ የግንባታ ግብዓት አቅርቦት የጎላ አስተዋጽኦ አለው ብለዋል።

በዋና አስተዳዳሪው በአቶ ማቴዎስ አኒዮ የተመራ የዞኑ ከፍተኛ የሥራ ኃላፊዎች ለሆሳዕና ከተማ ዉስጥ ለዉስጥ አስፋልት መንገድ ግንባታ የሚዉል በጃጁራ ከተማ አስተዳደር እየተሠራ ያለውን የድንጋይ ማምረቻ ኳሪ ሳይት፣ በምሻ ወረዳ ደቡብ ዋስገበታ ሄብራሜ ሰብ-ቤዝ (sub-base) ማቴሪያል ያለበትን ደረጀና ሌሎች የልማት ሥራዎችን ምልከታ አድርገዋል።

በመርሃ-ግብሩ ከሆሳዕና-ጃጁራ-ጊምቢቹ-ጃቾ አስፋልት መንገድ ግንባታ ሥራ እንቅስቃሴ፤ በጎምቦራ ወረዳ ሀብቾ ከተማ የተለያዩ ጠቀሜታ ያላቸው የአቮካዶና ማንጎ ችግኝ ጣቢያ ዝግጅት ምዕራፍና በወረዳው ቡሬ ቀበሌ በአቶ አሰፋ ደዕልሶ እየለማ ያለው የካሮት ማሳ ተጎብኝቷል።

በሆሳዕና ከተማ አስተዳደር የተጀመረው የውስጥ ለውስጥ አስፋልት መንገድ ግንባታ ሥራ እንዲፋጠንና በተያዘለት ጊዜ እንዲጠናቀቅ የግንባታ ግብዓት አቅርቦት ወሳኝ እንደሆነ የተናገሩት የሀዲያ ዞን ዋና አስተዳዳሪ አቶ ማቴዎስ አኒዮ ፦

ግንባታው በታሰበው ልክ ፈጥኖ እንዳይሄድ የበጀት እጥረት፣ ለኮንትራክተር በወቅቱ ክፊያ አለመፈፀም፣ የግንባታ ግብዓት እጥረት ችግር እንደነበረ በምክንያትነት አንስተው፥ ነገር ግን አሁን ባለው ሁኔታ ችግሩን ለመፍታት ከሚመለከታቸዉ ባለድርሻ አካላትና ግለሰቦች ጋር በጉዳዩ ዙሪያ በመናገር ተግባቦት በመፍጠር ወደ ሥራ መገባቱን ገልጸዋል።

በከተማው የተጀመረው የአስፋልት መንገድ ግንባታ ሥራ በህብረተሰብ ተሳትፎ የሚሠራና ልማቱ ለህብረተሰቡ አገልግሎት የሚሰጥና የከተማውን ልማት የሚያዘምን በመሆኑ፥ ግንባታው ተጠናቆ ለአገልግሎት ክፍት እስከሚሆን ድረስ የህበረተሰቡ ተሳትፎ ተጠናክሮ እንዲቀጥል አሳስበዋል።

የሆሳዕና ከተማ አስተዳደር የውስጥ ለውስጥ አስፋልት መንገድ ግንባታ ፕሮጀክት ጽ/ቤት ሥራ አስኪያጅ አቶ ደመቀ ኃይሌ በበኩላቸው በሆሳዕና ከተማ ዉስጥ እየተሠረ ያለው የውስጥ ለውስት አስፋልት መንገድ ግንባታ በሁለት ፕሮጀክቶች ተከፍሎ የሚሰረ እንደሆነና በዋናነት የህብረተሰብን ተሳትፎ መሠረት ያደረገ እንደሆነ ገልጸው በአሁኑ ወቅት የ14. 13 ኪ/ር አስፋልት መንገድ ግንባታዉ አፈፃፀሙ 73.4 በመቶ ሌላኛው ደግሞ 20 ከመቶ በላይ መድረሱን አብራርተዋል።

ለግንባታዉ ሂደት ማነቆ ሆኖ የነበሩ የኮንትራክተር ክፊያ፣ የግብዓት አቅርቦትና ተያያዠ ጉዳዮች በሦስትዮሽ ውይይት፣ በጃጁራ ከተማ አስተዳደር ድንጋይ ማምረቻ ኳሪ ሳይትና በምሻ ወረዳ ደቡብ ዋስገበታ ሄብረማ ሰብ-ቤዝ ሳይት የነበሩ የግለሰቦች ይገበኛል ጥያቄዎችን መቀረፍ መቻሉን ተናግረዋል።

የነበሩ ችግሮች መፍትሔ በማግኛታቸዉ የተጀመሩ የግንባታ ግብዓቶችን በማጓጓዝ ሥራ ከማስጀመር ባለፈ የግንባታ ሥራዉ በተያዘለት ዕቅድ መሠረት እንዲካሄድ ያስችላል ብለዋል።

የዞኑ ከፍተኛ የሥራ ኃላፊዎች ከድንጋይ ግብዓት ማምረቻ ጎን ለጎን ሌሎች የልማት ሥራዎችን በተለያዩ ወረዳዎች ምልከታ አድርጓል።

በደገለ በምቦሬ

ማህበሩ ማንኛዉንም ዓይነት ልዩነት ወደ ጎን በመተዉ በሰብኣዊነት ብቻ የሚያምንና ለተለያዩ ችግሮች የተጋለጡ ዜጎችን የሚረዳ ተቋም መሆኑ ተገለፀ።

በኢትዮጵያ ቀይ መስቀል ማህበር የሀዲያ ዞን ቅርንጫፍ ጽ/ቤት በሆሳዕና ከተማ አራዳ ቀበሌ የተከሰተዉን የእሳት አደጋ ተከትሎ የንብረት ዉድመት ለደረሰባቸዉ ግለሰቦች ድጋፍ አድርጓል።

።።።።19/04/2017።።።።ሆሳዕና

በሆሳዕና ከተማ አስተዳደር አራዳ ቀበሌ ታህሳስ 15/2017 ከሌሊቱ 9 ሰዓት ድንገተኛ የእሳት አደጋ መከሰቱን ተከትሎ የ16 ቤተሰቦች ንብረት ወድሟል

ይህን ተከትሎ በኢትዮጵያ ቀይ መስቀል ማህበር የሆሳዕና ቅርንጫፍ ጽ/ቤት የተለያዩ የህብረተሰብ ክፍሎችን በማስተባበር ድጋፍ አድርጓል።

በመርሃ ግብሩ የተገኙት የሀዲያ ዞን ቀይ መስቀል ማህበር ቦርድ ሰብሳቢ አቶ አብርሃም መጫ ባስተላለፉት መልዕክት፦ማህበሩ ማንኛዉንም ዓይነት ልዩነት ወደ ጎን በመተዉ ሰብኣዊነትን ብቻ ግብ በማድረግ ለችግር የተጋለጡ ዜጎችን የሚረዳ ተቋም እንደሆነ ገልፀዋል።

አቶ አብርሃም አያይዘዉ፥በሆሳዕና ከተማ የቀይ መስቀል ማህበር አባላት ቁጥር አናሳ መሆኑን አንስተዉ፤ይህም ተገቢ አለመሆኑንና ሁሉም ዜጋ በአባልነት በመካተት ባልተገመታ ጊዜና ሁኔታ የሚከሰተዉን አደጋ በተባበረ ክንድ መቋቋም እንደምገባ ገልፀዉ፥

በተከሰተዉ አደጋ ማዘናቸዉን በመግለፅ፦ይህ ድጋፍ ከወደመዉ ሀብት አንፃር ትንሽ መሆኑን በማንሳት፥ከክልልና ከፌዴራል እንዲሁም ከሚመለከታቸዉ አካላት ጋር በመነጋገር ተጨማሪ ድጋፍ ለማድረግ እየተሰረ እንደሆነ በማሳወቅ፥ከሁሉ በላይ የሰዉ ነፍስ አለመጥፋቱ እንዳስደሰታቸዉ ገልፀዋል።

በኢትዮጵያ ቀይ መስቀል ማህበር የሆሳዕና ቅርንጫፍ ጽ/ቤት ኃላፊ አቶ ወንድሙ አበረ ባደረጉት ንግግር፦ክስተቱ እጅግ አሳዛኝና በከተማዉ ነዋሪዎች ዘንድ መደናገጥ የፈጠረ ነዉ ብለዉ፥የተከሰተዉ አደጋ 16 አባወራንና 1 መቶ 26 የቤተሰብ አባላትን የጎደ እንደሆነ አንስተዉ፦ጉዳዩ ሰብኣዊ ቀዉስ በመሆኑ የተቋማችን ትልቁ ተልዕኮ ሰብኣዊነት ላይ መስራት ከመሆኑ ጋር ተያይዞ በልዩ ትኩረት አደጋዉ ከተከሰተበት ቀን ጀምሮ ህብረተሰብን እያስተባበሩ መቆየታቸዉን ገልፀዉ፧

ምንም እንኳን የወደመዉን ሀብት መተካት ባይቻልም በተቻለን አቅም ከጎናቸዉ መቆም የሚጠበቅብን ሰብኣዊ ተግባር በመሆኑ ህብረተሰብን በማስተባበር ጊዜያችንና ጉልበታችንን በመስጠት ከ1 መቶ ሺህ በላይ ብር መሰብሰብ እንደተቻለ አሳወቀዋል።

የቅርንጫፉ ጽ/ቤት ኃላፊ አቶ ወንድሙ አክለዉ፥ድጋፉ በዚህ የሚያበቃ እንዳልሆነና በቀጣይ ከክልል ጋር በመምከር የዓይነትና የገንዘብ ድጋፎች እንደሚደረጉ ገልፀዉ፥በዚህ በጎ ተግባር የተሳተፉትን አካላት አመስግነዋል።

ይህ ወቅት በገጠርም በከተማም መሰል አደጋ ልከሰት የሚችልበት በመሆኑ ህብረተሰቡ ጥንቃቄ እንዲያደርግ መልዕክት በማስተላለፍ፥ከሁሉ በላይ የከተማዉ ማህበረሰብ በየማህበራዊ መሰረቱ የማህበሩ አባል እንዲሆንና የዚህ ዓይነት ድንገተኛ አደጋዎች ሲከሰቱ በቀላሉ መመከት እንደሚያስፈልግ አሳሶበዋል።

በአደጋዉ ከተጎዱት ቤተሰቦ፥ ወጣትጌታሁን አሰፋና ወ/ሮ ወርቋ ምትኩ በበኩላቸዉ፦የሆነዉ ነገር በጣም እንዳሳዘናቸዉ ገልፀዉ፤እኛንና ቤተሰቦቻችንን ለማቋቋም የሚመለከተዉ አካል ሁሉ በቅንነት እንዲንቀሳቀስ እንፈልጋለን ብለዋል።

በመርሃ ግብሩ የሆሳዕና ቅርንጫፍ ጽ/ቤት ቦርድ አባል አቶ አለማየሁ ተረፈ፣የጽ/ቤቱ ባለሙያዎች፣የአካባቢዉ ነዋሪዎችና ተጎጂ ቤተሰቦች ተገኝተዋል።
በኤልያስ ተሰማ

ቋሚ ኮሚቴዉ በሀዲያ ዞን በተለያዩ አካባቢዎች በመዟዞር የስራ እንቅስቃሴዎችን ጎበኘ።

በማዕከላዊ ኢትዮጵያ ክልል ምክር ቤት የፕላን መሰረተ ልማትና የመንግስት ሀብት ቁጥጥር ጉዳዮችና የማህበራዊ ዘርፍ ቋሚ ኮሚቴዎች በሀዲያ ዞን በተለያዩ መዋቅሮች በመዟዞር የተቋማትን የስራ እንቅስቃሴ ጎብኝተዋል።

።።።።ታህሳስ 19/2017።።።።ሆሳዕና

የቋሚ ኮሚቴዉ ሰብሳቢዎቹ ፦በዞኑ በሆሳዕና ከተማ፣በአንሌሞና በምሻ ወረዳዎች እንዲሁም በሆሳዕና ፓሊ ቴክኒክ ኮሌጅ በመንቀሳቀስ በዘርፎቹ ያሉትን የስራ እንቅስቃሴ የመስክ ምልከታ በማካሄድ፥በዘርፎቹ ያዩኣቸዉን ጉዳዮች መነሻ በማድረግ የሚመለከታቸዉ አካላት በተገኙበት ግበረ መልስ ሰጥተዋል።

ከፕላን መሰረተ ልማትና የመንግስት ሀብት ቁጥጥር ጉዳዮች ቋሚ ኮሚቴ አንፃር፦የገቢ፣የፋይናንስ፣የኢንተርፕራይዝና የስራ ዕድል ፈጠረና የመንገድ ተቋማት የስራ እንቅስቃሴ በመስክና በቢሮ ምልከታ ተደርጎባቸዉ፥ በተቋማቱ ያለዉን ጉድለትና ጥንካሬ በመለየት ግብረ መልስ ተሰጥቷል።

በዞኑ በሆሳዕና ከተማና በምሻ ወረዳ ተገኝተዉ የመስክና የቢሮ ምልከታ ያደረጉት በማዕከላዊ ኢትዮጵያ ክልል የሕዝብ ተወካዮች ም/ቤት የፕላን የመሰረተ ልማትና የመንግስት ሀብት ቁጥጥር ጉዳዮች ቋሚ ኮሚቴ ሰብሳቢ የተከበሩ አቶ ታመነ ገብሬ፦መንግስት እንደ መንግስት ደመወዝን መክፈል፣ የተለያዩ የልማትና የመልካም አስተዳደር ጥያቄዎችን መመለስ እንዲችል ገቢ በተገቢዉ አሟጦ መሰብሰብና ለፋይናንስ ተቋም ገቢ መደረግ አለበት ብለዋል።

አቶ ታመነ አያይዘዉም፥እንደ ክልላችን የበጀት ቀመር 66% በዉስጥ ገቢ የሚሸፈን መሆኑ ታዉቆ በመንግስት በሚደጎመዉ 34% በጀት ላይ ከመንጠልጠል ባለፈ የገቢ አሰባሰብ እና የፋይናንስ አስተዳደር ስርዓት ልዩ ቁጥጥርና ክትትል የሚያስፈልገዉ እንደሆነ በአንክሮ አንስተዉ፥ዞኑን ማልማት በሚቻልበት ሁኔታ በቅንጅት መሰራት አለበት ብለዋል።

በክልሉ ም/ቤት የማህበራዊ ዘርፍ ቋሚ ኮሚቴ ሰብሳቢ ክቡር አቶ ግዛቸዉ ዋሌራ፥ በዞኑ በሆሳዕና ከተማና በአንሌሞ ወረዳ በመገኘት በትምህርትና በጤና ስራዎች ያሉትን ተግባራዊ እንቅስቃሴዎች ተመልክተዋል።

ክቡር አቶ ግዛቸዉ በምልከታው ወቅት በሁለቱም መዋቅሮች ከትም/ት ስራዎች ጋር በተያያዘ፥ በሆሳዕና ከተማ የሄጦ 2ኛ ደረጀ ት/ቤትና በአንሌሞ ወረዳ የአና ጢጎ 1ኛ ደረጀ ት/ቤትን፥እንዲሁም ከጤና ተቋማት የንግስት እሌኒ መሐመድ መታሰቢያ ስፔሻላይዝድ ሆስፒታልና በአንሌሞ ወረዳ የአጫሞ ጤና ጣቢያን ደርሰዉ ምልከታ አድርገዋል።

በተቋማቱ በጥንካሬና በጉድለት የተስተወሉትን ጉዳዮች አስመልክተዉ የዞኑ የሚመለከታቸዉ ባለድርሻ አካላት በተገኙበት ግበረ መልስ ሰጥተዋል፦

እንደ ዞን፥የትም/ት ስራ በተማሪዎች ፍላጎት ላይ የተመሰረተ በመሆኑ በጉዳዩ ዙሪያ የተወሰኑ ክፍተቶች ስለሚስተወሉ ከወላጆች ጋር ተቀራርቦ መስራት ይገባል ያሉት የቋሚ ኮሚቴ ሰብሳቢዉ ክቡር አቶ ግዛቸዉ፦ከጤና አንፃር በንግስት እሌኒ መሐመድ መታሰቢያ ስፔሻላይዝድ ሆስፒታል ከመድሃኒት አቅርቦት፣ከወላድ እናቶች አልጋ ዝግጅትና መኝታ ክፍሎች ጋር ተያይዞ እጥረት አለ ብለዉ፦ በአንፃሩ በአንሌሞ ወረዳ አጫሞ ጤና ጣቢያ አበረታች እንቅስቃሴ ስለመኖሩ አንስተዉ፥በቀጣይ በዘርፎቹ ሁሉም ባለድርሻ አካላት በቁርጠኝነት እንዲሰሩ አሳስበዋል።

በዞኑ እንደአጠቃላይ ከዐፈር ማዳበሪያ ዕዳ አመላለስ፣የኦዲት ግኚት ከማስመለስና ከሀብት አስተዳደር ስርዓት ጋር በተገናኘ ፤እንዲሁም ከጤና ቁሳቁስ አንፃር እንዲሁም ከትምህርት አንፃር መመህራን ተተክለዉ የክፍለጊዜ ብክነት እንዳይፈጠር ጠንካራ ስራ መሰራት እንዳለበትም ተመላክቷል።

የተሰጠዉን ግብረ መልስ ተከትሎ ከተሳታፊዎች የተለያዩ ጥያቄዎችና ሀሳቦች የተነሱ ሲሆን፦ከመድረክ በኩል ምላሽና ማብራሪያ የተሰጠባቸዉ ሲሆን፦ድጋፉ ወቅታዊና አስፈላጊ እንዲሁም ትምህርት የተገኘበት እንደሆነ የመድረኩ ተሳታፊዎች ገልፀዋል።

በመርሃ ግብሩ የሀዲያ ዞን ም/ል አስተዳዳሪና የትም/ት መምሪያ ኃላፊ በፍቃዱ ገብረሃና ዶ/ር፣ የዞኑ ምክር ቤት አፈ ጉባኤ ክብርት ወ/ሮ እቴነሽ ሙሉጌታ፣የሆሳዕና ከተማ አስተዳደር ከንቲባ አቶ ዳዊት ጡምደዶና የዘርፎቹ ተጠሪ ተቋማት እንዲሁም የዞኑ ም/ር ቤት ቋሚ ዘርፍ ሰብሳቢዎች ተገኝተዋል
በኤልያስ ተሰማ

የኢትዮጵያ ንግድ ባንክ ሆሳዕና ዲስትሪክት በሆሳዕና ከተማ በእሳት አደጋ ንብረት ለወደመባቸው ወገኖች መቋቋሚያ የሚውል የ300 ሺህ ብር ድጋፍ አደረገ።

ሆሳዕና ፦17/04/2017

የኢትዮጵያ ንግድ ባንክ የሆሳዕና ዲስትሪክት ዋና ዳይሬክተር አቶ ምስጋና ለጌታ ሰሞኑን በሆሳዕና ከተማ በአራዳ ቀበሌ የተከሰተው የእሳት አደጋ የሚያሳዝን መሆኑን በመግለፅ፤ ተጎጂዎቹ መቋቋም እንዲችሉ በከተማው የሚገኙ የ13 ቅርንጫፎች ስራ አስኪያጆችና ሠራተኞችን በማስተባበር የ300 ሺህ ብር ድጋፍ መደረጉን አብራርተዋል ።

ባንኩ የተጎዱትን የመርዳት ማህበራዊ ሀላፊነት ስላለበት ድጋፍ ማድረጉን ገልጸዋል።

ድጋፉን የተቀበሉት የድጋፍ አሰባሳቢ ኮሚቴ አባል አቶ ብርሃኑ ሚሻሞ በበኩላቸው፤ ክስተቱ አሳዛኝ መሆኑና
በእሳት አደጋውም በ15 ሱቆችና በሁለት መኖሪያ ቤቶች ላይ የነበረው ንብረት ሙሉ በሙሉ መውደሙን ተናግረዋል።

በአሁን ሰዓት ተጎጂዎቹ ድጋፍ በሚፈልጉበት ወቅት ላይ የኢትዮጵያ ንግድ ባንክ የሆሳዕና ዲስትሪክት 300 ሺህ ብር ድጋፍ ማድረጉ የሚበረታታ ነዉ ብለዋል።

አቶ ብርሀኑ ጨምረውም ሌሎች መንግስታዊና መንስታዊ ያልሆኑ ተቋማት፣ ግለሰቦች እና መላው የኢትዮጵያ ህዝብ ድጋፍ እንዲያድርግም ጥሪ አቅርበዋል።

በሆሳዕና ከተማ አስተዳደር አራዳ ቀበሌ በቀን 14/04/2017 ዓም የተቀሰቀሰው ድንገተኛ የእሳት አደጋ በቤትና በንብረት ላይ ጉዳት ማድረሱ ይታወሳል።
#ሀድያ ቴሌቪዥን
https://www.instagram.com/p/DEDcCdqNZSd/?igsh=MWR2MjJkOWU3bDls

የበጋ መስኖ ተግባር የምግብ ዋስትናን ለማረጋገጥና ከውጭ የሚገቡ...
ምንጭ:-ደቡብ ሬዲዮና ቴሌቪዥን

የአሁኖቹንና የቀደምት አባቶችን ጀግንነት የታሪክ አካል አድርገን ለትውልድ ማስተማር ያስፈልጋል፦አቶ ተመስገን ካሣ

ለተዋጊ ፖይለት ለምክትል መቶ አለቃ ተመስገን አብርሃም የጀግና አቀባበል እና የእውቅና ፕሮግራም በሆሳዕና ከተማ ተካሂዷል።
።።።።።።።።ታህሳስ 17/2017።።።።።።።

በዕውቅና አሰጣጥ ፕሮግራሙ ላይ ንግግር ያደረጉት የማዕከላዊ ኢትዮጵያ ክልል ሠላምና ፀጥታ ቢሮ ኃላፊ አቶ ተመስገን ካሣ ሀዲያ በእርሻ፣ በእርባታ፣ በትምህርት፣ በፖለቲካ፣ በጦር ሜዳ እና በሌሎችም ዘርፎች በየስርዓቱ በርካታ ጀግኖችን በማፍራት የሚታወቅ ህዝብ ነው ብለዋል።

ውትድርና ዋጋ የሚያስከፍል፣ ብዙ ውጣ ውረድና ጀግንነት የሚጠይቅ እንደሆነ የገለፁት አቶ ተመስገን ካሣ
ጀግናን ማወደስ እውቅና መስጠት ሌላ ጀግና እንዲፈጠር እና ቀጣዩ ትውልድ ፈለጉን እንዲከተል ምክንያት ይሆናል ብለዋል።

የአሁኖቹንና ቀደምት አባቶቻችን ጀግንነት የታሪክ አካል አድርገን ለትውልድ ማስተማር እንደሚያስፈልግም ተናግረዋል።

የሀዲያ ዞን ዋና አስተዳዳሪ ተወካይ እና ልዩ አማካሪ አቶ ታምራት አኑሎ የአፍሪካ ነጻነት ተምሳሌት የሆነችው ኢትዮጵያ ሀገራችን በታታሪነት፣ በትጋት፣ ምሁራንን በማፍራትና በልማት የሚታወቁ የጀግኖች ሀገር እንደሆነች በማንሳት

ከሀገር የሚበልጥ ምንም ነገር ሊኖር ስለማይችል የሀገር ህልውና በተፈተነበት ጊዜ ከሌሎች የሀገራችን ህዝቦች ጋር በመሆን በቁርጠኝነት ኢትዮጵያ ካስከበሩ ጀግኖች መካከል የሀዲያ ጀግኖች እንደሚገኙ በመጥቀስ እነሱ የተከተሉትን መንገድ በመከተል ለቀጣይ ትውልድ የሚሸጋገር ታሪክ መስራት እንደሚገባ አሳስበዋል።

ኢትዮጵያን ሀገራችንን ከጠላት ጠብቆ ለቀጣይ ትውልድ ማስተላለፍ የሁላችንንም ሚና የሚጠይቅ በመሆኑ ሁላችንም በተሰማራንበት ዘርፍ ኃላፊነታችንን መወጣት ይገባልም ብለዋል።

የሆሳዕና ከተማ ከንቲባ አቶ ዳዊት ጡምደዶ በበኩላቸው መንግስት የሀገር መከላከያን አቅም ለማጠናከር በርካታ ተግባራትን እያከናወነ እንደሆነ ጠቁመው ተመራቂ ተዋጊ ፓይለት ተመስገን አብርሃም የዚህ ልፋት ውጤት እንደሆነም አንስተዋል።

ለሀገር ባለውለታ የሆኑ ግለሰቦችን እውቅና መስጠት ለራሳቸው ብቻ ሳይሆን በአካባቢያችን ተተኪው ትውልድ ወታደራዊ ሳይንስ ለመማር እንዲያስቡ ትልቅ ዕድል ይፈጥራል ብለዋል።

በተዋጊ ፓይለትነት አሁንና ከዚህ በፊት ተመርቀው የሀገርን ሉዓላዊነት በማስከበር ላይ ያሉ  ፓይለቶች መኖራቸውን ጠቁመው   በቀጣይ የሀገራችንን ሠላም እንዲያስከብሩ ሞራል እንዲሆንላቸው ከተማ አስተዳደሩ የሚገባቸውን የዕውቅና እና ማበረታቻ ተግባራትን እንደሚያከናውን ተናግረዋል።

ተዋጊ ፓይለት ምክትል መቶ አለቃ ተመስገን አብርሃም ስለተደረገለት አቀባበል መደሰቱን ገልፆ፤

የቀደምት አባቶችን ፈለግ በመከተል ታሪክ ለማስመዝገብ በጨዋነት፣ በወታደራዊ ዲስፕሊንና በልበ ሙሉነት ሀገርና ህዝብን ለማገልገል ዝግጁ እንደሆነ ገልጿል።
በመርሀ ግብሩም የማዕከላዊ ኢትዮጵያ ክልል ሠላምና ፀጥታ ቢሮ ኃላፊ አቶ ተመስገን ካሣ፣ የሀዲያ ዞን ዋና አስተዳዳሪ ተወካይና ልዩ አማካሪ አቶ ታምራት አኑሎ፣ የሆሳዕና ከተማ ከንቲባ አቶ ዳዊት ጡምደዶ፣ የኢ/ወ/አካዳሚ ዋና አዛዥ ብ/ጄነራል ተመስገን አቦሴ፣ የመከ/መሐንዲስ መምሪያ ኃላፊ ሌተናል ጄነራል ደስታ አብቼ፣ የባህል ሽማግሌዎች፣ ባለሀብቶች፣ የተመራቂ ቤተሰቦች፣ የዞን፣ የወረዳና የሆሳዕና ከተማ አስተዳደር አመራሮች ተገኝተዋል።
በምህረተአብ ዘለቀ
https://www.instagram.com/p/DEDUglBtg83/?igsh=MWlkZm55N3gwb2Yycw==

የጥንቃቄ መልዕክት

ዛሬ ማለትም ታህሳስ 17 /2017 ዓ.ም ጀምሮ ብዙ የቴሌግራም አካውንቶች ከላይ በተጠቀሰው የማስገሪያ (phishing link) እና ሌሎች ተጨማሪ ማስገሪያዎች አማካኝነት መረጃዎች እየተመዘበሩ ስለሆነ ከማንኛውም የቴሌግራም ተጠቃሚ (ከምታውቁት እና ከማታውቁት ) ግለሰብ ሊንክ ቢላክላችሁ መክፈት እንደሌለባችሁ እና ወዲያውኑ እንድታጠፉት እናሳስባለን!!

በሀድያ ዞን የበጋ መስኖ ስንዴ ልማት መዝሪያ ማስጀመሪያ መርሃ ግብር በሻሾጎ ወረዳ ተካሄደ።

መርሃ ግብሩን የዞኑ ዋና እተዳዳሪ አቶ ማቴዎስ አኒዮ በወረዳው ቢዲቃ ቀበሌ ተገኝተው አስጀምረዋል።

ዋና አስተዳዳሪው በወረዳው በበጋ መስኖ ልማት የተከናወኑ የመስኖ ልማትን ስራዎችን ተዟዙረው በመመልከት አበረታችና ለሌሎች ልምድ የሚሰጥ ተግባር መኖሩን ገልፀዋል።

።።።።።።ሆሳዕና፣ ታህሳስ 15/2017 ዓ.ም ።።።።።።

የሀድያ ዞን ዋና አስተዳዳሪ አቶ ማቴዎስ አኒዮ ዞናዊ የበጋ መስኖ ስንዴ ዘር ማስጀመሪያ መርሃ ግብር በሻሾጎ ወረዳ በቢድቃ ቀበሌ ተገኝተው ሲያስጀምሩ እንደገለፁት ለበጋ መስኖ የልማት ሥራዎችን በሚፈለገው ልክ ለማስኬድ ከግብዓት አቅርቦት የዝግጅት ምዕራፍ ጀምሮ በዕቅድ ዝግጅት መደረጉን ጠቁመው ሲያብራሩ

የምርጥ ዘርና የአፈር ማደበሪያ በበቂ ሁኔታ የአቅርቦት ሥራ መሠራቱን ገልፀው የአርሶ አደሮች የመስኖ ልማት ተነሳሽነት የሚደነቅ መሆኑ ነው ብለዋል።

ዋና አስተዳዳሪው አቶ ማቲዎስ በቢድቃና በጀሎ አደንች ቀበሌያት የተከናወኑ የመስኖ ልማት አበረታች እና አንጸባራቂ ውጤት የታየበት መሆኑን አንስተው በነኝህ ቀበሌዎች የተመዘገበው የመስኖ ሥራ ልምድ የሚወሰድ እንድሁም ወደ ሌሎች አካባቢዎች እንደ ምርጥ ተሞክሮ የሚወሰድ ነው ሲሉ ተናግረዋል።

የሀዲያ ዞን ግብርና መመሪያ ኃላፊ የሆኑት ዶክተር ሀብታሙ ታደሰ የአርሶ አደርን የልማት ተጠቃሚነት ለማረጋገጥ የበጋ መስኖ የልማት ሥራዎችን በቅንጅት የቅድመ ዝግጅት ምዕራፍ መደረጉን ተነግሮ አስፈላጊ የግብርና ግብዓት አቅርቦት ዝግጅት እየተደረገ መቆየቱን አስታውሰው ህብረተሰቡ በመስኖ የግብርና ልማት ተጠቃሚ እንድሆን ለማስቻል ምርትና ምርታማነትን ከፍ በማድረግ የዜጎች ኑሮና ኢኮኖሚ እንድሻሻል የትኩረት አቅጣጫ ተደርጎ የቅንጅት ሥራ ተሠርቷል ብለዋል የመምሪያው ኃላፊ ዶክተር ሀብታሙ ታደሰ።

በሻሾጎ ወረዳ በቢድቃና ጀሎአደንቾ ቀበሌያት የታየው የበጋ መስኖ ልማት ሥራ እጅግ የሚደነቅ መሆኑን ተናግረው የታየው የመስኖ ልማት ውጤት ወደ ሌሎች አካባቢዎች እንደተሞክሮ ተወስዶ በምግብ እራስን ከመቻል ባለፈ ሀብት መፍጠር ኢኮኖሚ ማሳደግ እንደሚቻል የቢድቃና ጀሎአደንቾ ቀበሌያት ጥሩ መሳያ ናቸው በማለት በቀጣይ የበጋ መስኖ ልማት ሥራ ይበልጥ ለመስፋፋት በትኩረት ይሠራል ብለዋል።

የሻሾጎ ወረዳ ዋና አስተዳዳሪ አቶ ግርማ ሎቤ በበኩላቸው የወረዳው ህብረተሰብ በግብርናው ዘርፍ ልማት ተጠቃሚ ለማድረግ የግብርና ግብዓት አቅርቦት የመሳሰሉ የዝግጅት ምዕራፍ ሥራዎች መሠራታቸው ጠቁመዋል።

የቢድቃና የጀሎአደንቾ ቀበሌያት በበጋ የመስኖ ልማት ሥራ የቆየ ልምድ እንዳለቸው ተነግሮ አርሶ አደሩ በመስኖ ሥራ ተጨባጭ ውጤት ማስመዝገቡ በቀጣይ ከታየው በለይ ለውጥ መምጣት እንደሚቻል የቀበሌያቱ አርሶ አደሮቹ ምሳሌ ናቸው ብለዋል።

አያይዘውም የወረዳው ዋና አስተዳዳሪ አቶ ግርማ የአርሶ አደሩን ጥየቄዎች በሚመለከት ከመንገድ ከግብዓት ጋር ተያይዞ ያሉ ጉዳዮችን ከሚመለከተው ባለድርሻ አካላት ተቀናጅተው እንደሚፈቱ ገልጸዋል።

የወረዳ ብልጽግና ፓ/ጽ/ቤት ኃላፊ አቶ ታደሰ ሙጎሮ የህዝብን ኢኮኖሚያዊ ተጠቃሚነትን ለማረጋገጥ በቁርጠኝነት እየተሠራ ያለው ልማት በቢድቃና ጀሎአደንቾ የታየው የመስኖ ልማት ለውጥ ተጠናክሮ ይቀጥላል ስሉ ገልጸዋል ።

መስኖ በመጠቀም እያለሙ ያሉ አርሶ አደሮች በበኩላቸው የአካባቢውን ምቹ ሁኔታ ወደ ልማት በመቀየር በኑሮአቸውና በኢኮኖሚያቸው ከፍተኛ መሻሻል መታየቱን ገልፀው በአካባቢው የተመረቱ የመስኖ ልማት ምርት ወደ ገበያ ለማድረስ የመንገድ ችግር እንደለ የተነገሩ ሲሆን ችግሩም እንድፈተላቸው ጠይቀዋል።

በመርሃ ግብሩ የሀዲያ ዞን ዋና አስተዳዳሪ አቶ ማቴዎስ አኒዮና የዞኑ የሥራ ኃላፊዎች የሻሾጎ ወረዳ ዋና አስተዳዳሪ አቶ ግርማ ሎቤና የወረዳው አስተባባሪ አካላት የክላስተር ደጋፊ አመራሮች የቢድቃና የጀሎአደንቾ ቀበሌ አመራሮች አርሶ አደሮች ተገኝተዋል።
https://www.instagram.com/p/DD-IjC-t8Bg/?igsh=Mmhwand1M3N1aDBy

እርቅ ተኮር ፍትህን ለማምጣት ባህላዊ ሽማግሌዎች እና ምሁራን ኃላፊነት እንዳለባቸው የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ ተናገሩ።

ከፍተኛ ፍርድ ቤቱ በዞኑ የሚገኙ ፍርድ ቤቶች የአገልግሎት አሰጣጥ ሂደት ላይ የሚታዩ ጉድለቶችን ለይቶ ለማስተካከል ከህብረተሰቡና ከሕዝብ ክንፍ አባላት ጋር ውይይት አድርጓል።

በተገልጋይ ህብረተሰብ ተሳትፎ የፍትህ ስርዓቱ አገልግሎት እንዲሻሻል ብርቱ ጥረት ይደረጋል።

።።።።።።።።።።15/04/2017 ዓ/ም።።።።።።።።

በፍርድ ቤቶች አገልግሎት አሰጣጥና አተገባበር ላይ ያተኮረ የተዘጋጀው የውይይት መነሻ ሰነድ በዞኑ ከፍተኛ ፍ/ቤት ፕሬዝዳንት ዳኛ ጥላሁን ዴታሞ የቀረበ ሲሆን

ሰነዱ የፍትህ ስርዓቱን የሚያዛቡ ምክንያቶች፣ ባህላዊ ዳኝነት ያለው አስተዋጽዖ፣ በፍትህ ተቋማት የሚታዩ ችግሮች እና ሌሎችንም አስተማሪ ርዕሰ ጉዳዮችን ያካተተ ነው።

የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ የፍትህ ስርዓቱን ተደራሽ ለማድረግ እና ህብረተሰቡ በራሱ ቋንቋ እንዲዳኝ ከማድረግ በተጨማሪ በየወረዳው ተዘዋዋሪና ምድብ ችሎት ተደራጅቶ እየተሰራ ቢሆንም በተደረገው ግምገማ የፍትህ ስርዓቱ ህብረተሰቡና መንግስት በሚፈልገው ልክ ቀልጣፋና ሚዛናዊ ፍትህ የሚሰጥ ሆኖ አልተገኘም።

ለዚህም መነሻ ምክንያት ብቁ የሰው ኃይል ያለመኖርና ያሉትም ችግሮችን ለመፍታት የሚያስችል ተጨማሪ ስልጠና አለማግኘታቸው፣የበጀት እጥረት ችግር እንዲሁም ህብረተሰቡ ለፍርድ ቤቶች ያለው የተዛባ አመለካከት ነው ሲሉ ገልጸውታል።

እርቅ ተኮር ፍትህን ለማምጣት የባህላዊ ሽማግሌዎች እና ምሁራን ኃላፊነት እንዳለባቸ የገለጹት ዳኛ ጥላሁን ዴታሞ የባህል ሽምግልና ስርዓት ወጥ አሰራር እንዲኖረው ለማድረግ ምሁራንና የባህል ሽማግሌዎች መስራት ያለባቸው በርካታ ጉዳዮች እንዳሉም ተናግረዋል።

በባህላዊ ዳኝነት የሚያልቁ ውሳኔዎች የተሻለ አማራጭ እንዳላቸው በማንሳት ለዚህ ተሞክሮ የሚሆኑና በባህላዊ ሽምግልና 50% ወንጀልን መቀነስ የቻሉ አከባቢዎች እንዳሉ ጠቁመው ጉቦ፣አማላጅ፣በዘመድና በጓደኛ መስራት የፍትህ ስርዓቱን የሚያዛቡ በመሆናቸው የባህል ዳኝነቱ ከዚህ የፀዳ ሆኖ መሰራት እንዳለበት መልዕክታቸውን አስተላልፈዋል።

የሀዲያ ዞን ከፍተኛ ፍ/ቤት ም/ፕሬዝዳንት ዳኛ ፀደቀ በቀለ የፍትህ ተቋማት ህብረተሰባቸውን በአግባቡ እንዳያገለግሉ በርካታ ተግዳሮቶች እንዳሉና ተገልጋዩ ህብረተሰብም በአገልግሎት አሰጣጡ ላይ እርካታ እንዳላገኝ አንስተው እንደዞናችን ይህን ችግር ለመቅረፍና ለማሻሻል የሁሉም አካላት ቅንጅታዊ አሰራርን ይፈልጋል በማለት ገልጸዋል።

ከዚህ በፊት የነበረው ውይይት ግብዓት ሆኖ ለውጥ ማምጣት በመቻላችን አሁንም የህዝብ ክንፍ አባላት የምትሰጡት ሀሳብ አስተያየት ነገ የተሻለ ስራ ለመስራትና ዘመናዊ ተቋም ለመገንባት አስተዋጽኦ አለው በማለትም ተናግረዋል።

የእስር ቤት ቅጣት ሰዎችን ማስተማር ባለመቻሉ አማራጭ ቅጣቶችን በመጠቀም የፍትህ ስርአቱን ማዳበር እንዲሁም በከሳሽና በተከሳሽ መካከል ዘላቂ ሰላም ማምጣት በሚቻልበት መልኩ ችግሮችን መፍታት ያስፈልጋል ያሉት ዳኛ ፀደቀ በቀለ ቅንጅታዊ አሰራር ላይ የሚታዩ ክፍተቶች እንዳሉና ይህን ለማስተካከል መስራት እንደሚያስፈልግም ሀሳባቸውን አስቀምጠዋል።

ተሳታፊዎችም የሀዲያ ዞን ፍርድ ቤት በፍትህ ዘርፉ የሚስተዋሉ ተግዳሮቶችን ለይቶ በመገምገም ከባለድርሻ አካላት ጋር ለውይይት ማቅረቡ ለእርቅ ተኮር ፍትህ ያለውን በጎ እሳቤ የሚያሳይ ነው በማለት አንስተው
በጥብቅና ሥራ የተሰማሩትም አካላትም የሚይዙትን የሕግ ጉዳይ አውቀው ቅድሚያ ግንዛቤ በመፍጠር ሰዎች ባልባሌ ቦታ ሀብትና ንብረታቸውን እንዳያባክኑ ማድረግ ቢቻል ሲሉ አስተያየታቸውን ሰጥተዋል።

ለዳኝነት ሥርዓቱ ማነቆ ተብለው የቀረቡት የባለሙያ(የዳኞች)የክህሎት ችግር፣የበጀት እጥረት እና ሌሎችንም ክፍተቶችን ለማረም መንግስት እና ባለድርሻ አካላት የድርሻቸውን ሊወጡ እንደሚገባ አንስተው


የባህል ሽማግሌዎችም በሀዲያ ህዝብ ዘንድ አብሮ የቆየው የባህል ዳኝነት ስርዓት ተጠናክሮ እንዲቀጥልና የፍትህ ስርዓቱ ተደራሽ እንዲሆን ለማድረግ መሰራት እንዳለበት ታውቆ በዘረፉ የተሰማሩ ምሁራን እና የባህል ሽማግሌዎች በስርዓት መጓዝ አለባቸው በማለት ተናግረዋል።

በሀዲያ ባህል "ጢግ ጉላ" የተሰኝ የሽምግልናና የዕርቅ ስርዓት እንዳለ አንስተው ይህን እርቅ ተኮር የዳኝነት ሥርዓት በማስፋት በሀሰት ምስክርነት የሚንቀሳቀሱ አካላትን ማስተማር ያስፈልጋል በማለት ጠቁመዋል።

በውይይት መድረኩ የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ፣ም/ፕሬዝዳንት ዳኛ ፀደቀ በቀለ፣ የዞኑየምክር ቤት አባላት፣ ጥሪ የተደረገላቸው የህዝብ ክንፍ አባላት እና ባለድርሻ አካለት ተገኝተዋል።

በታከለ አጋፋሪ
https://www.instagram.com/p/DD91_eKty6O/?igsh=eHhsN2UwZDhibWlo

በሆሳዕና ከተማ በተከሰተ ድንገተኛ የእሳት ቃጠሎ አደጋ ቤት ንብረታቸው ለወደመባቸው ተጎጂዎች አስፈላጊውን ድጋፍ ለመስጠት መልሶ ለማቋቋም ኮሚቴ ተዋቅሮ እንቅስቃሴ መጀመሩን ገለፁ:- ከንቲባው አቶ ደዊት ጡምዳዶ

በከተማ አስተዳደሩ ታህሳስ 14 ቀን ለሊት 9 ሰዓት አራዳ ቀበሌ ሆሳዕና ንግድ ባንክ ተብሎ በሚታወቀው አካባቢ ድንገት በተከሰተ የእሳት አደጋ ቃጠሎ ከባድ የንብረት ውድመት ያደረሰ ሲሆን ፤

በእሳት ቃጠሎ አደጋው ለግዜው ግምቱ ያልታወቀ 15 የተለያዩ የንግድ ድርጅቶችና 2 የመኖሪያ ቤቶች ከነሙሉ ንብረታቸው ወድሟል።

።።።።።።።ታህሳስ፣ሆሳዕና 15/2017 ዓ.ም።።።።።።።

በዕለቱ ያነጋገርናቸው ተጎጂዎች ቤተሰብ በበኩላቸው እንደተናገሩት የእለት የንግድ ሥራቸውን ጨርሰው የእለት ሽያጭ ገቢ ገንዘብ ሰይዙ ወደ ማደሪያ ቤታቸው በመሄዳቸው መካለከል ያለመቻሉን አንስቶ

የደረሰውን የእሳት ቃጠሎ አደጋ ለሊት በመሆኑ የተነሳ የሰው ኃይልም ባለመኖሩ ለመከላከል የከተማው የእሳት አደጋ መካለከያ መኪና ጥረት ያደረገ ቢሆንም መከናው የውሃ መያዝ አቅሙ አነስተኛ በመሆኑ አደጋውን መቆጣጠር ባለመቻሉ የእሳት አደጋው ተባብሶ ከፍተኛ ለግዜው መጠኑን ሊገለፅ ያልቻለ ንብረት መውደሙን ገልፀው ።
ለበርካታ ዓመት ለፍተው ያፈሩት ሀብትና ንብረት የወደመባቸው በመሆኑ የከተማው የዞኑ አስተዳደር እንዲሁም ሌሎች የመንግስት አካላት፣ የአካባቢው ህብረተሰብ ድጋፍና እጋዛ እንዲደረግልን ሲሉ ጠይቀዋል።
አያይዘውም እንደገለፁት የከተማ አስተዳደሩ ችግሩን በመረዳት ከከተማ ስፋትና እድገትን ታሳቢ በማድረግ በርካታ ሊትር ውኃ የመያዝ አቅም ያለው ዘመናዊ መኪና በመግዛት የውኃ የሚቀዳባቸው ቦታዎችን ቢያንስ በየቀበሌው እንዲኖር ቢደረግ መሰል ችግር ቢያጋጥም በቀላሉ መከላከልና መቆጣጠር ይቻላል ሲሉ አስተያየታቸውን ሰጥተዋል።

በሆሳዕና ከተማ አስተዳደር ፖሊስ ጽ/ቤት ኃላፊ ኮማንደር ጥገቡ ቀጭኔ እንደተናገሩት በተከሰተው ድንገተኛ የእሳት ቃጠሎ አደጋ በንብረት ላይ ከፍተኛ ውድመት ማድረሱን ጠቁመው በሰው ህይወት ላይ የደረሰ አደጋ አለመኖሩን በመግለፅ የአደጋው መከሰት መንስኤን በማጣራት ላይ መሆናቸውን ተነግረው

እሳት አደጋው ታህሳስ 14 /2017 ዓ/ም ሌሊቱ ዘጠኝ ሰዓት የተከሰተ በመሆኑ ለመከላከል አዳጋች ቢሆንም የእሳት አደጋው ወደ ሌላ ተዛምቶ ተጨማሪ ጉዳት እንዳያደርስ የኤሌክትሪክ መብራት እንዲጠፋ በማድረግ ፣ የከተማው የእሳት አደጋ መከናን በመጠቀምና በዋናነት የአካባቢው ህብረተሰብ ከመኝታው ተነስቶ እሳቱን በማጥፋት እንዲሳተፍ በማድረግ ጥረት መደረጉን አንስተዋል።

ኮማንደሩ አክለውም የእሳት አደጋው መንስኤ ምን እንደሆነ ምርመራ እየተደረገ መሆኑንና እሳቱ የተከሰተበት አካባቢ የንግድ አካባቢ ከመሆኑ ጋር ተያይዞ የህንጻ መሣሪያ መሸጫ መደብር ፣ በምግብ ቤቶች፣ በፑል ቤቶች፣ ሱቆች፣ ፍራፍሬ መሸጫ ቤቶች፣ የጽህፈት መሳሪያ መደብሮችና በመኖሪያ ቤቶች ንብረቶች ላይ ለጊዜው ግምቱ ያልታወቀ ንብረት ላይ ከባድ ውድመት ማድረሱን አብራርተዋል።

የሆሳዕና ከተማ አስተዳደር ከንቲባ አቶ ዳዊት ጡምደዶ በበኩላቸው በአራዳ ቀበሌ ሆሳዕና ንግድ ባንክ በሚባል በሚታወቀው አካባቢ በተከሰተው ድንገተኛ የእሳት ቃጠሎ አደጋ ያደረሰው ጉዳት በስፍራው ተገኝተው በእሳት አደጋው ቤትን ንብረታቸው የወደመባቸው ተጎጂዎች እንዳነጋገሩና አንስተው

አራዳ ቀበሌ ከፍተኛ የንግድ እንቅስቃሴ የሚካሄድበት የከማው ዋነኛ ንግድ ባንክ አካባቢ መሆኑን ጠቅሰው ድንገተኛ የእሳት ቃጠሎ አደጋው ከሌሊቱ 9 ሰዓት አካባቢ የተከሰተ ሲሆን 15 የንግድ ድርጅቶች እና 2 መኖሪያ ቤቶች ከነሙሉ ንብረታቸው ማውደሙን ገልፀዋል ።

የተከሰተው ድንገተኛ የእሳት ቃጠሎ አደጋው ወደ ሌሎች አካባቢዎች እንዳይዛመት የከተማው የእሳት አደጋ ፣ ፖሊስና ህብረተሰቡ ባደረጉት ጥረትና ርብርብ መከላከል በመቻሉ ምስጋናቸውን አቅርበዋል።

ከንቲባው አያይዘውም የከተማው አስተዳደሩ ለተጎጂዎች አስፈላጊውን ድጋፍ በመስጠት መልሶ ለማቋቋም ኮሚቴ አዋቅሮ እንቅስቃሴ መጀመሩን አቶ ዳዊት ተናግረዋል።

ተጎጂዎችን መልሶ ለመቋቋም በሚደረገው እንቅስቃሴ ሁሉም ባለድርሻ አካላት የበኩላቸውን ድጋፍ እንዲያደርጉም መልዕክት አስተላልፈዋል።

በጫኬቦ ኤርጫፎ
https://www.instagram.com/p/DD9006htu1U/?igsh=MXR5ajJpaHU0aWxoNA==

ከአሠራር ውጪ የሚደረግ የቤንዚን ሽያጭ ለማስቆም በማደያዎች ላይ የሚደረገው ቁጥጥርና እርምጃ ተጠናክሮ እንደሚቀጥል የሀዲያ ዞን ንግድና ገበያ ልማት መምሪያ ገለፀ ።

የቤንዚን ክምችት በመደበቅ ከአሠራር ወጪ በመሆን ሲሸጡ በተገኙ አምስት የነዳጅ ማደያዎች ላይ በመሰደው ህጋዊ እርምጃ ከ 4 መቶ ሺህ በላይ በመቅጣት የማስጠንቀቂያ የእርምት እርምጃ መወሰዱን መምሪያው አስታውቋል ።

።።።።።።።ሆሳዕና፣ታህሳስ 15/2017 ዓ.ም።።።።።።።

የዞኑ የንግድና ገበያ ልማት መምሪያ ኃላፊ አቶ ተከተል ዶባሞ የንግዱ ማህበረሰብ ለህብረተሰቡ ተገቢ የሆነ አገልግሎት መስጠት ተቀዳሚ ተግባር ነው በማለት።

በዞኑ ከአሰራር ውጭ በመሆን የቤንዚን ምርት ባልተገባ መንገድ በመሸጥ ሰው ሰራሽ እጥረት እንዲፈጠር የሚያደርጉ ማደያዎች ላይ በተደረገው የቁጥጥርና ክትትል ስራ ጥፋት ሲሰሩ የተገኙት አራት ማደያዎች ላይ ህግ የማስከበር እርምጃ መወሰዱን አንስተዋል።

አያይዘውም እንዳብራሩት በሆሳዕና ከተማ አስተዳደር አፍሪካን የነዳጅ ማደያ ከአሠራር ወጪ በሆነ መንግድ ምሽት ላይ በጀሪካን በመቅዳት የ 50 ሺህ ብር የተቀጣ ሲሆን ፣

በሌሞ ወረዳ ኖክ ማደያ ቀደም ሲል ማስጠንቀቂያ ተሰጥቶት ሳይታረም በድጋሚ ከአሠራር ውጭ በመሆን ምሽት በጀሪካን ቀድቶ ሲሸጥ እጅ ከፍንጅ በመያዙ የ 3 መቶ ሺህ ብር ፣ በፎንቆ ከተማ አፍሪካ ኦይል እንደዚሁ ተመሳሳይ ድርጊት ሲፈፅም በመያዙ 1 መቶ ሺህ ብር በድምሩ 4 መቶ 50 ሺህ ብር የእርምት ቅጣት መቀጣታቸውን ተናግረዋል።

በተያያዘ በሆሳዕና ከተማ የተባበሩትና ኖክ የተሰኙት ማደያዎች ላይ በተደረገው ክትትል ከሚፈፅሙት ስህተት እንዲታረሙ የመጨረሻ የጽሑፍ ማስጠንቀቂያ መሰጠቱን የመምሪያው ኃላፊ ገልፀዋል ።

የቤንዚን ምርት ፍላጎት ያለው ምርት በመሆኑ ለትራንስፖርት አገልግሎት ሁነኛ ምንጭ በመሆኑ ምርቱን ፍትሃዊ በሆነ መንገድ ለተጠቃሚው ህብረተሰብ ተደራሽ እንዲሆን ለማስቻል መምሪያው ክትትልና ቁጥጥር ስራ ማከናወን ተግባሩ ነው ።

በተለይ በዞኑ በአንዳንድ ነዳጅ ማደያዎች እየተስተዋለ ያለው የአሠራር ጥሰት የህዝብ የትራንስፖርት አገልግሎት ሰጪ ተሽከርካሪዎች ላይ ከፍተኛ ማስተጓጎል ባለፈ አከባቢ ላይ ህገ ወጥ የንግድ ስርአት እንዲስፋፋ በማድረግ ላልተገባ የሽያጭ ዋጋ የሚያጋልጥ በመሆኑ በተቀናጀና በተደራጀ ሁኔታ አስቀድሞ የመከላከል ስራ መስራት ወሳኝ መሆኑን አንስተዋል ።

የአሠራር ስርዓትንና ህግን አለማወቅ ከተጠያቂነት አይድንም ያሉት አቶ ተከተል በተደረገው የክትትልና ቁጥጥር ስራ የእርምት እርምጃ የተወሰደባቸው የነዳጅ ማደያዎች ከገቡበት አስራር ጥሰት በወወጣት ለህብረተሰቡ ተገቢውን አገልግሎት በመስጠት አላስፈላጊ ለሆነ እርምጃና ቅጣት እንዳይደረጉ የግንዛቤ ማስጨበጫም እንደሆነ አብራርተዋል ።

በንግዱ ማህበረሰብን በባለድርሻ ተቋማት የተጠናከረ የስራ ግኙነት በመፍጠር የንግድ ተቋማት ለህብረተሰቡ ተገቢ አግልግሎት እንዲሰጡ በማድረግ ህገ ወጥ የሆኑ ማንኛውም ዓይነት የግብይት ስርዓትን በመከላከልና በመቆጣጠር ለህብረተሰቡ ተገቢ አግልግሎት ተደራሽ እንደሆን ለማድረግ በሚደረገው ጥረት ሁሉም የሚመለከታቸው ባለድርሻ ተቋማት ተቀናጅተው መስራት እንደሚጠበቅባቸው ጠቁመው።

በቀጣይም ህገ ወጥ የንግድ ስርዓትን በመቆጣጠር የህብተሰብን የኑሮ ሁኔታ ለማሻሻልና ለማረጋጋት ግብረ ሃይል በማቋቋም የሚደደርገው የክትትልና ቁጥጥር ስራ እንደሚጠናከር አስገንዝበዋል ።

የእርምት እርምጃ የተወሰዳባቸው የነዳጅ ማደያ ስራ አስኪያጆች በበኩላቸው እንደተናገሩት ዘርፉ የእለት ተእለት የአግልግሎት ማስጫ በመሆኑ አልፎ አልፎ የአሰራር ክፍተቶች እንደሚስተዋሉ አንስተው ።

ከላፈው ስህተታቸው በመማር በቀጣይ ለተጠቃሚው ህብረተሰብ በአሠራር መሰረት የቤንዚን ምርትን ተደራሽ እንደሚያደርጉ ተናግረዋል ።

በሰለሞን ወልዴ
https://www.instagram.com/p/DD90ePNtmwx/?igsh=emM3MGVkZWhhN3Uw

እርቅ ተኮር ፍትህን ለማምጣት ባህላዊ ሽማግሌዎች እና ምሁራን ኃላፊነት እንዳለባቸው  የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ ተናገሩ።

የ2017 በጀት ዓመት የሀዲያ ዞን ፍርድ ቤቶች አገልግሎት አሰጣጥ ሂደት ላይ የሚታዩ ጉድለቶችን ለማስተካከል ከህብረተሰቡና ከሕዝብ ክንፍ አባላት ጋር ውይይት ተደረገ።

በተገልጋይ ህብረተሰብ ተሳትፎ የፍትህ ስርዓቱ አገልግሎት እንዲሻሻል ብርቱ ጥረት ይደረጋል።
።።።።።።።።።።15/04/2017 ዓ/ም።።።።።።።።

በፍርድ ቤቶች አገልግሎት አሰጣጥና አተገባበር ላይ ያተኮረ  ለውይይት መነሻ የተዘጋጀ ሰነድ  በዞኑ ከፍተኛ ፍ/ቤት ፕሬዝዳንት ዳኛ ጥላሁን ዴታሞ የቀረበ ሲሆን ሰነዱ የፍትህ ስርዓቱን የሚያዛቡ ምክንያቶች፣ባህላዊ ዳኝነት ያለው አስተዋጽኦ፣በፍትህ ተቋማት የሚታዩ ችግሮች እና ሌሎችንም አስተማሪ ርዕሰ ጉዳዮችን ያካተተ ነው።

የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ የፍትህ ስርዓቱን ተደራሽ ለማድረግ እና ህብረተሰቡ በራሱ ቋንቋ እንዲዳኝ ከማድረግ በተጨማሪ በየወረዳው ተዘዋዋሪና ምድብ ችሎት ተደራጅቶ እየተሰራ ቢሆንም በተደረገው ግምገማ የፍትህ ስርዓቱ ህብረተሰቡና መንግስት በሚፈልገው ልክ ቀልጣፋና ሚዛናዊ ፍትህ የሚሰጥ ሆኖ  አልተገኘም።

ለዚህም መነሻ ምክንያት ብቁ የሰው ኃይል ያለመኖርና ያሉትም ችግሮችን ለመፍታት የሚያስችል ተጨማሪ ስልጠና አለማግኘታቸው፣የበጀት እጥረት ችግር እንዲሁም ህብረተሰቡ ለፍርድ ቤቶች ያለው የተዛባ አመለካከት ነው ሲሉ ገልጸውታል።

እርቅ ተኮር ፍትህን ለማምጣት የባህላዊ ሽማግሌዎች እና ምሁራን ኃላፊነት እንዳለባቸ  የገለጹት ዳኛ ጥላሁን ዴታሞ የባህል ሽምግልና ስርዓት ወጥ አሰራር እንዲኖረው ለማድረግ ምሁራንና የባህል ሽማግሌዎች መስራት ያለባቸው በርካታ ጉዳዮች እንዳሉም ተናግረዋል።

በባህላዊ ዳኝነት የሚያልቁ ውሳኔዎች የተሻለ አማራጭ እንዳላቸው በማንሳት ለዚህ ተሞክሮ የሚሆኑና በባህላዊ ሽምግልና 50% ወንጀልን መቀነስ የቻሉ አከባቢዎች እንዳሉ ጠቁመው ጉቦ፣አማላጅ፣በዘመድና በጓደኛ መስራት የፍትህ ስርዓቱን የሚያዛቡ በመሆናቸው የባህል ዳኝነቱ ከዚህ የፀዳ ሆኖ መሰራት እንዳለበት መልዕክታቸውን አስተላልፈዋል።


የሀዲያ ዞን ከፍተኛ ፍ/ቤት ም/ፕሬዝዳንት ዳኛ ፀደቀ በቀለ የፍትህ ተቋማት ህብረተሰባቸውን በአግባቡ እንዳያገለግሉ በርካታ ተግዳሮቶች እንዳሉና ተገልጋዩ ህብረተሰብም በአገልግሎት አሰጣጡ ላይ እርካታ እንዳላገኝ አንስተው እንደዞናችን ይህን ችግር ለመቅረፍና ለማሻሻል የሁሉም አካላት ቅንጅታዊ አሰራርን ይፈልጋል በማለት ገልጸዋል።

ከዚህ በፊት የነበረው ውይይት ግብዓት ሆኖ ለውጥ ማምጣት በመቻላችን አሁንም የህዝብ ክንፍ አባላት የምትሰጡት ሀሳብ አስተያየት ነገ የተሻለ ስራ ለመስራትና ዘመናዊ ተቋም ለመገንባት አስተዋጽኦ አለው በማለትም ተናግረዋል።

የእስር ቤት ቅጣት ሰዎችን ማስተማር ባለመቻሉ አማራጭ ቅጣቶችን በመጠቀም የፍትህ ስርአቱን ማዳበር እንዲሁም በከሳሽና በተከሳሽ መካከል ዘላቂ ሰላም ማምጣት በሚቻልበት መልኩ ችግሮችን መፍታት ያስፈልጋል ያሉት ዳኛ ፀደቀ በቀለ ቅንጅታዊ አሰራር ላይ የሚታዩ ክፍተቶች እንዳሉና ይህን ለማስተካከል መስራት እንደሚያስፈልግም ሀሳባቸውን አስቀምጠዋል።

ተሳታፊዎችም የሀዲያ ዞን ፍርድ ቤት በፍትህ ዘርፉ የሚስተዋሉ ተግዳሮቶችን ለይቶ በመገምገም ከባለድርሻ አካላት ጋር ለውይይት ማቅረቡ ለእርቅ ተኮር ፍትህ ያለውን በጎ እሳቤ የሚያሳይ ነው በማለት አንስተው
በጥብቅና ሥራ የተሰማሩትም አካላትም የሚይዙትን የሕግ ጉዳይ አውቀው ቅድሚያ ግንዛቤ በመፍጠር ሰዎች ባልባሌ ቦታ ሀብትና ንብረታቸውን እንዳያባክኑ ማድረግ ቢቻል ሲሉ አስተያየታቸውን ሰጥተዋል።

ለዳኝነት ሥርዓቱ ማነቆ ተብለው የቀረቡት የባለሙያ(የዳኞች)የክህሎት ችግር፣የበጀት እጥረት እና ሌሎችንም ክፍተቶችን ለማረም መንግስት እና ባለድርሻ አካላት የድርሻቸውን ሊወጡ እንደሚገባ አንስተው

የባህል ሽማግሌዎችም በሀዲያ ህዝብ ዘንድ አብሮ የቆየው የባህል ዳኝነት ስርዓት ተጠናክሮ እንዲቀጥልና የፍትህ ስርዓቱ ተደራሽ እንዲሆን ለማድረግ መሰራት እንዳለበት ታውቆ በዘረፉ የተሰማሩ ምሁራን እና የባህል ሽማግሌዎች በስርዓት መጓዝ አለባቸው በማለት ተናግረዋል።

በሀዲያ ባህል "ጢግ ጉላ" የተሰኝ የሽምግልናና የዕርቅ  ስርዓት እንዳለ  አንስተው ይህን እርቅ ተኮር የዳኝነት ሥርዓት በማስፋት በሀሰት ምስክርነት የሚንቀሳቀሱ አካላትን ማስተማር ያስፈልጋል በማለት ጠቁመዋል።

በውይይት መድረኩ  የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ፣ም/ፕሬዝዳንት ዳኛ ፀደቀ በቀለ፣የዞኑየምክር ቤት አባላት፣ጥሪ የተደረገላቸው የህዝብ ክንፍ አባላት እና ባለድርሻ አካለት ተገኝተዋል።

በታከለ አጋፋሪ

የሀዲያ ዞን ከፍተኛ ፍርድ ቤት በፍር ቤቶች በአገልግሎት አሰጣጥ ሂደት ላይ የሚታዩ ጉድለቶችን ለማስተካከል ከህብረተሰቡና ከሕዝብ ክንፍ አባላት ጋር ውይይት እያደረገ ይገኛል።

በተገልጋይ ህብረተሰብ ተሳትፎ የፍትህ ስርዓቱ አገልግሎት አሰጣጥ  እንዲሻሻል ብርቱ ጥረት እንደሚደረግም የዞኑ ከፍተኛ ፍርድ ቤቱ ገልጿል።

            ።።።።።።15/04/2017 ዓ/ም።።።።።።
መድረኩ  ለውይይት መነሻ እንዲሆን የፍርድ ቤቶች አገልግሎት አሰጣጥና አተገባበር ላይ ያተኮረ   ሰነድ  በዞኑ ከፍተኛ ፍ/ቤት ፕሬዝዳንት ዳኛ ጥላሁን ዴታሞ የቀረበ ሲሆን።

በውይይት መድረኩ ላይ  የሀዲያ ዞን ከፍተኛ ፍ/ቤት ፕሬዝዳንት ዳኛ ጥላሁን ዴታሞ፣ ም/ፕሬዝዳንት ዳኛ ፀደቀ በቀለ፣ የዞኑየ ምክር ቤት አባላት፣ ጥሪ የተደረገላቸው የህዝብ ክንፍ አባላት እና ባለድርሻ አካለት ተገኝተዋል።

በታከለ አጋፋሪ

የሚፈልገውን ገቢ በወቅቱ ለመሰብሰብ የሚመለከታቸዉን አደረጃጀቶች ማጠናከር እንደሚገባ ተገለፀ።

የሀዲያ ዞን የገቢዎች መምሪያ ግብር በፈቃደኝነት የመክፈል ባህል እንዲዳብር በዞኑ ከሚገኙ የተለያዩ አደረጃጀቶችና ሲቪክ ማህበራት ጋር በጋራ በሚሰሩ ሥራዎች ላይ መግባባት ለመፍጠር የተዘጋጀ የምክክር መድረክ በሆሳዕና ከተማ ተካሄዷል።

።።።።።።ህሳስ 15/2017።።።።።።።

ለታክስ ህግ ተገዥነት የመምህራን፣ የሴቶች፣ የወጣቶችና የሲቪክ ማህበራት ሚና የጎላ መሆኑን በመድረኩ ተገልጿል።

የግብር ጉዳይ የማይመለከተዉ አካል የሌለ እንደሌለ በመጠቆም፥ አደረጃጀቶች ለገቢ አሰባሰብ ወሳኝ አካላት መሆናቸውን የሀዲያ ዞን ገቢዎች መምሪያ ኃላፊ አቶ መሳይ ተስፋዬ ገልጸዋል።

መንግስት በ2022 ሁሉም አካባቢዎች ወጪያቸውን በግቢያቸው መሸፈን እንደሚገባ አቅጣጫ ተቀምጧል ያሉት የመምሪያ ኃላፊዉ አት መሳይ፦ ይህንን ለማሳከት የሁሉም ርብርብ ያስፈልጋል ብለዋል።

መንግስት ለወከለው ህዝብ ተገቢውን የልማትና የደህንነት ፍላጎቶች ለሟሟላት የውስጥ ገቢ ማሳደግ፣ የገቢ አሰባሰብ ስርዓትን ማዘመን እንደሚገባ ገልጸው፥ ለዚህ ደግሞ የአደረጃጀት ሚና የጎላ መሆኑን አስረድተዋል።

በዘርፉ ሥራ እንቅስቃሴ ላይ የዳተኝነትና የአመለካከት ችግር እየታረሙ መሄድና የግብር ከፋይ ህብረተሰብ ክፍል ወደ ገቢ ማሰባሰብ ሥርዓት ውስጥ ማስገባት የሁላችንም እገዛ ይጠበቃል ብለዋል።

ዘርፉን ውጤታማ ለማድረግ ሲባል የባላድርሻ አካላት መግባባትና ቅንጅት ማጠናከር ይገባል ያሉት አቶ መሳይ፦ ፍትሃዊ የግብር አከፋፈል ሥርዓት እየተስተካከለ ይሄዳል ብለዋል።

በታክስ ህግ ተገዥነት ማሳደግ ዙሪያ የውይይት ሰነድ ያቀረቡት በመምሪያው ታክስ ትምህርትና ቅሬታ አጣሪ ዳይሬክቶሬት አስተባባሪ አቶ ሙላቱ አንሼቦ፦ ታክስ በህግና መመሪያ ተመስርቶ ከህዝብና ከድርጅቶች ገንዘብ መሰብሰቢያ መሣሪያ መሆኑን ጠቁመዋል።

ለታክስ ውጤታማነት ተገቢውን ገቢ በወቅቱ መሰብሰብ፣ ግብር ከፋይ ህብረተሰብ ለታክስ ህግ-ተገዢ መሆን፣ የገቢ አሰባሰብ ሥርዓት ለማዘመን ቴክኖሎጂ መጠቀምና የግንዛቤ ሥራ በስፋት መሠራት ይገባል ብለዋል።

ለገቢ አሰባሰብ ደረሰኝ አለመወሰድ፣ ሀሰተኛ ደረሰኝ መጠቀም፣ ገቢን መሰወር፣ በርካታ ውዝፍ ግብር መኖር፣ ህገ-ወጥ ንግድ፣ የባላድርሻ አካላት ቅንጅት አለመጠናከር፣ ሸመች ደረሰኝ ጠይቆ አለመውሰድና ቁርጠኝነት መጓደል ማነቆዎች መሆኑን አቶ ሙላቱ ተናግረዋል።

የገቢን ዘርፍ ውጤታማ ለማድረግ በግብር ከፋይ የህብረሰብ ክፍል ግንዛቤ ማሳደግ፣ አደረጃጀቶችን ማጠናከር፣ የታክስ መረጃ ሥርዓቱን ማዘመን፣ ማበረታቻ ሥርዓት መዘርጋት፣ ድርሻ ካለቸው አካላት ጋር ቅንጅት ማጠናከርና የህዝብ የታክስ ሞራል ማሳደግ እንደሚገባ አስገንዝበዋል።

ተሳታፊዎችም የገቢ አሰባሰብ ሥርዓት በተቋማት የማይሸፈን በመሆኑ፦ የሴቶች፣ የወጣቶች፣ የሲቪክ ማህበራት፣ የሃይማኖትና የመምህራን አደረጃጀቶች ማጠናከር ወሳኝ መሆኑን ገልጸዋል።

ለዚህ የአስተምህሮ፣ የክህሎት፣ የአመለካከትና የህግ የበላይነት ማስከበርና በንቅናቄ አሠራሮችን ማጠናከር ይገባል ብለዋል።

በመርሃ ግብሩ ከወረዳ/ከተማ አስተዳደሮች ከገቢ ጽ/ቤቶች የሚመለከታቸዉ ባለድርሻ አካላት ተገኝተዋል።

በደገለ ባምቦሬ

https://youtu.be/PQ2WclgrvFQ

በመላው ሀገሪቱ የተቋረጠውን ኃይል ወደነበረበት ለመመለስ ርብርብ እየተደረገ ነው - የኢትዮጵያ ኤሌክትሪክ ኃይል
***********

ዛሬ ማምሻውን በሲስተም አለመረጋጋት በተፈጠረ ችግር የተነሳ በመላው ሀገሪቱ የኃይል መቋረጥ አጋጥሟል ሲል የኢትዮጵያ ኤሌክትሪክ ኃይል አስታውቋል።

ችግሩን በመፍታት የተቋረጠውን ኃይል ወደነበረበት ለመመለስ በኃይል ማመንጫዎች እና በማከፋፈያ ጣቢያዎች ከፍተኛ ርብርብ እየተደረገ ነው ብሏል።

የተፈጠረው ችግር እስኪፈታ ድረስ ደንበኞች በትዕግስት እንዲጠባበቁ ጠይቆ፤ ያሉትን መረጃዎች በፍጥነት የሚያሳውቅ መሆኑንም ገልጿል።
https://www.instagram.com/share/p/_2k61poVu

"19ኛውን የብሄር ብሄረሰቦች ቀን "ሀገራዊ መግባባት ለህብረብሄራዊ አንድነት" በሚል መሪ ቃል ነገ ለማክበር የተዘጋጀችው እንግዳ ተቀባይዋ የአርባ ምንጭ ከተማ፣ ለጠቅላይ ሚኒስትር ዐቢይ አሕመድ፣ ቀዳማዊት እመቤት ዝናሽ ታያቸው እና ለከፍተኛ የመንግስት ሀላፊዎች ደማቅ አቀባበል አድርጋለች!" - የጠቅላይ ሚኒስትር ጽ/ቤት

ለተጨማሪ መረጃ
1. ፌስቡክ ፦ https://www.facebook.com/Hadiyazonegcap
2.ቴሌግራም፦
https://t.me/Hadiya_zone_communication
3. ዩትዩብ፦
www.youtube.com@HadiyaZoneCommunication
4. ቲክ ቶክ ፦ tiktok.com/@hz.communication
5. ቲዩተር፦
https://x.com/HadiyagovCom
6. ዋትሳፕ፦ https://whatsapp.com/channel/0029ValTNIfICVfnAR9ZzS0o
7.ኢንስታግራም https://instagram.com/@hadiyazone

ምርጫችሁ ስላደረጋችሁን እናመሰግናለን !!
https://www.instagram.com/share/p/BAKsiV72o_

Channel name was changed to «Hadiya zone communication»

የኢትዮጵያ ብሔሮች ብሔረሰቦችና ህዝቦች ቀን የሚሳተፉ ልዑካኖች አርባ ምንጭ ከተማ እየገቡ ነው

(ሆሳዕና፣ኅዳር 27/2017 ) ዘንድሮ 19ኛ ጊዜ በደቡብ ኢትዮጵያ ክልል አርባ ምንጭ ከተማ ለሚከበረው የኢትዮጵያ ብሔሮች፣ ብሔረሰቦችና ህዝቦች ቀን ተሳታፊ የባህል ልዑካን ቡድኖች ወደ አርባ ምጭ ከተማ እየገቡ ነው።

ከተለያዩ የሀገሪቱ ክፍል ወደ አርባ ምንጭ ከተማ የሚጓዙ ልዑካን ቡድኖች አቋርጠው በሚያልፉባቸው አከባቢዎች፥ የአከባቢው ነዋሪዎች እና የሀገር ሽማግሌዎች መንገድ ላይ ዝግጅት በማድረግ አቀባበል ሲደረግላቸው እንደነበር ከደቡብ ምእራብ ክልል ኮሙዩኒኬሽን ያገኘነው መረጃ ያመላክታል።

በአርባምንጭ ከተማ በተደረገው የአቀባበል መርሃ ግብር ላይ የክልሉ ከፍተኛ አመራሮች፣ የሀገር ሽማግሌዎች እና የከተማዋ ነዋሪዎች ተገኝተዋል።(ኤፍ ኤም ሲ)
https://www.instagram.com/share/p/BACUAHH_1I

አገራዊ መግባባት ለኅብረብሔራዊ
ብሔሮች፣ ብሔረሰቦችና ሕዝቦች ቀን
ህዳር 29/2017 ዓ.ም
https://www.instagram.com/share/p/BALfQwSAfP

የሆሳዕና ከተማ የብልጽግና ፓርቲ ወጣቶች ሊግ ጽ/ቤት ከዞኑ ሳይንስና የኢንፎርሜሽን ቴክኖሎጂ መምሪያ ጋር በመተባበር የኢትዮ ኮደርስ የስልጠና መድረክ አካሄዷል ።

።።።።።።።። ህዳር 26/2017 ዓ.ም።።።።።።።

በመድረኩ ላይ የሀዲያ ዞን የብልጽግና ፓርቲ ወጣቶች ሊግ ጽ/ቤት ምክትል ኃላፊና የሀዲያ ዞን ወጣቶችና ስፖርት መምሪያ ምክትል ኃላፊና የወጣቶች ዘርፍ ኃላፊና ከከተማው ከሁሉም ቀበሌዎች የተወጣጡ ከ100 በላይ ወጣቶች ተሳታፊ ሆነዋል።

የሆሳዕና ከተማ የብልጽግና ፓርቲ ወጣቶች ሊግ ጽ/ቤት ኃላፊ ወጣት አስመላሽ ኤርገኖ እንደገለፀው የስጠናው ዋና ዓላማ የወጣቶች የሰራ ዕድል ፈጠራ ግንዛቤ በማሳደግ በወጣቶች የስራ ዕድል ፈጠራ ሁለተናዊ ተጠቃሚነታቸውን ከፍ ለማድረግ ታስቦ የተዘጋጀ መድረክ መሆኑን ተናግረው ።

አንዳንድ የስልጠናው ተሳታፊዎች በሰጡት አስተያየት ከስልጠናው ያገኙት ግንዛቤ ወደ ተግባር በመቀየር የሥራ ዕድል ለመፍጠር እንደሚጥሩ በመግለፅ የመድረኩ አዘጋጆችን አመስግነዋል ።

#የሆሳዕና ከተማ ኮሙኒኬሽን
https://www.instagram.com/share/p/_w5JWGUVg

ቴክኖሎጂ ተጠቅመው ምርት በመሰብሰብ የምርት ብክነትና አላስፈላጊ እንግልት ማስቀረት መቻላቸውን የሌሞ ወረዳ አርሶ አደሮች ተናገሩ።

የወረዳው ግብርና ጽ/ቤት በበኩሉ፤ ዘመናዊ ቴክኖሎጂና የሰው ጉልበት በመጠቀም ይህ ዜና እስከተጠናቀረበት ሰዓት ድረስ ከ5ሺህ ኩንታል በላይ ምርት መሰብሰብ መቻሉንም አስታውቋል።

።።።።።።።።።።።።።።።።።23/03/2017 ዓ.ም።።።።።።።።።።።።።።።።

በሌሞ ወረዳ በጀዌ ቀበሌ ምርት ሲሰበስቡ አግኝተን ያነጋገርናቸው አርሶ አደሮች የዘመኑን ቴክኖሎጂ ተጠቅመው ምርት እየሰበሰቡ መሆናቸውን ተናግረዋል።

የደረሱ ሰብሎችን ኮምባይነር በመጠቀም በመሰብሰብ ከምርት ብክነትና ከአላስፈላጊ እንግልት መዳናቸውን ነው ያብራሩት።

አርሶአደሮቹ ከዚህ ቀደም የሰው ጉልበት በመጠቀም ምርት ሲበስቡ ለእንግልት ሲዳረጉ እንደነበር አስታውሰው አርሶአደሮቹ በአሁን ወቅት ከመሰል ችግሮች መለቀቃቸውን ተናግረዋል።

ሌሎች አርሶ አደሮችም በዘመናዊ ቴክኖሎጂ ምርት በመሰብሰብ ከብክነትና እንግልት እንዲድኑ ምክራቸውን ለግሰዋል።

በሌሞ ወረዳ የግብርና ጽ/ቤት የሰብል ዘርፍ ኃላፊ አቶ ግርማ ጦናሞ በበኩላቸው፤ በወረዳው በአሁኑ ወቅት ከሌሎች ተግባራት በተለየ መልኩ ለምርት አሰባሰብ ቅድሚያ ተሰጥቶ እየተሠራ መሆኑን ገልጸዋል።

ምርት አሰባሰብን ለማፋጠን በየቀበሌው አደረጃጀት ተፈጥሮ በአግባቡ እየተሠራ መሆኑን አስረድተዋል።

በቀሪው ግዜያትም ወቅቱን ያልጠበቀ ዝናብ ሊጥል ስለሚችል ሁሉም አርሶ አደሮች የተለያዩ አደረጃጀቶችን በመጠቀም ምርት እንዲያሰባስቡ መልዕክት አስተላልፈዋል።

የሌሞ ወረዳ ግብርና ፅ/ቤት ኃላፊ አቶ ሰልፋሞ ወ/ዮሀንስ እንደገለጹት፤ በወረዳው በ2016/2017 የምርት ዘመን በመኸር እርሻ 16 ሺህ 928 ሄክተር ማሳ በዘር መሸፈን መቻሉንና ከዚህም ውስጥ 8 ሺህ 428 ሄክተር ማሳ በስንዴ የተሸፈነ መሆኑን አብራርተዋል።

280 ሺህ ኩንታል ምርት ለመሰብሰብ ግብ ተጥሎ እየተሰራ መቆየቱን አብራርተዋል።

እንደ አቶ ሰልፋሞ ማብራሪያ፤ በምርት ዘመኑም 8 ሺህ 700 ኩንታል ምርት ኮምባይነር በመጠቀም ለማሰባሰብ ታቅዶ እስካሁን ከ 5 ሺህ 82 ኩንታል በላይ ምርት መሰብሰብ ተችሏል።

በአሁን ወቅትም በወረዳው በተለያዩ አከባቢዎች የደረሱ ሰብሎችን የማሰባሰብ ተግባር ተጠናክሮ መቀጠሉን ያብራሩት ኃላፊው በተለይም ኮምባይነር በመጠቀም በፍጥነት እየተሰበሰበ ነው ብለዋል።

በወረደውም የኮምባይነር አጠቃቀምን በተመለከተ ለአርሶ አደሮች ግንዛቤ በመፍጠር አርሶ አደሮች አላስፈላጊ ወጪ ውስጥ እንዳይገቡ አደረጃጀቶች ተፈጥረው ድጋፍና ክትትል እየተደረገ መሆኑንን ተናግረዋል።

አርሶ አደሮችም ከተለመደው የምርት አሰባሰብ ባሻገር ኮምባይነር ተጠቅመው ምርት እንዲሰበስቡና የምርት ብክነቱንም እንዲቀንሱ አቶ ሰልፋሞ መልዕክት አስተላልፈዋል።

ሰብል የደረሰባቸው አከባቢዎች አርሶ አደሮች ያለምንም መዘናጋት ሁሉንም አማራጮችን ተጠቅመው ምርት እንዲያሰባስቡ ጥሪ አቅርበዋል ።
#የሀድያ ቴሌቪዥን

የግብር አላማዎች

ሕዳር 17/2017 ዓ.ም (የገቢዎች ሚኒስቴር)

ግብር የተለያዩ አላማዎችን ለማስፈጸም የሚሰበሰብ ሲሆን ጥቂቶቹን ለማየት ያክል፡-

#ገቢን_ለመፍጠር
👉መንግስት የዜጎችን ኢኮኖሚያዊ፣ ማህበራዊ እና ፖለቲካዊ አድገትን ለማፋጠን የራሱ ገቢ ያስፈልገዋል፡፡ በመሆኑም ገቢ ከሚሰበሰብባቸው ምንጮች መካከል ግብር አንዱና ዋነኛው መሆኑ ይታወቃል፡፡ ለዚህም ነው ግብር ወይም ታክስ ዋናው የመንግስት ገቢ ምንጭ እና ለአንድ ሀገር የኢኮኖሚ እድገት የጀርባ አጥንት ነው የሚባለው፡፡

#የገቢ_እና_የሀብት_ልዩነትን_ለመቀነስ
👉ሀገራት በሀብታምና በደሀ መካከል ያለውን ልዩነት ለመቀነስ እየጨመረ ወይንም እየቀነሰ የሚሄድ የታክስ ስርዓት ተግባራዊ ያደረጋሉ፡፡ በዚሁም መሰረት ከፍተኛ ገቢ የሚያገኙ ከፍተኛ ታክስ ይከፍላሉ፣ መካከለኛ ገቢ የሚያገኙ መካከለኛ ታክስ ሲከፍሉ፣ ዝቅተኛ ገቢ የሚያገኙ ደግሞ ከታክስ ነጻ ይደረጋሉ፡፡

#ኢኮኖሚን_ለማረጋጋት
👉ከዚህ አንፃር ደግሞ መንግስት ታክስን በመጨመር ወይንም በመቀነስ አሊያም ሙሉ በሙል ታክስን በማንሳት የዋጋ ግሽበትን እና የእኮኖሚ መቀዛቀዝን ሊቆጣጠር ይችላል፡፡ የሄውም የሚፈጸመው የታክስ መጠንን በጨመር ወይም በመቀነስ ወይም አዲስ ታክስ በመጣል ወይም በማንሳት ሊሆን ይችላል፡፡

#ጎጂ_ወይም_መሰረታዊ_ያልሆኑ_ምርቶች_ፍጆታን_ለመቀነስ
👉በህብረተሰቡ ጤና ላይ ችግር ይፈጠራሉ ተብለው የሚታሰቡ ምርቶች ወይም መሰረታዊ የልሆኑ ምርቶች ፍጆታን ለመቀነስ እና አብዛኛው የህብረተሰብ ክፍል እነኘህን ምርቶች ከመግዛት እንዲቆጠብ ለማድረግ ከፍተኛ ታክስ ሊጣል ይችላል፡፡

#ኢንቨስትመንትን_ለማበረታታት
👉መንግስት ኢንቨስትመንትን ለማበረታታት ሴክተሮችን በመለየት ለተወሰነ ጊዜ የታክስ እፎይታ ሊፈቅድ ወይም ታክስ ሊቀንስላቸው ይችላል፡፡

#ለሀገር_ውስጥ_ምርት_እና_አምራቾች_ጥበቃ_ለማድረግ
👉መንግስት ከውጭ የሚገቡ ምርቶች ላይ ከፍ ያለ ታክስ በመጣል ለሀገር ውስጠ ምርት እና አምራቾች ጥበቃ ሊያድርግ ይችላል::

#የውጭ_ንግድን_ለማበረታታት
👉መንግስት የውጭ ንግድን ለማበረታታት እና የውጭ ምንዛሬን ለመጨመር ወደ ውጭ የሚላኩ ምርቶችን ከታክስ ነጻ ሊያደርጋቸው ይችላል፡፡

#የፌደራል ገቢዎች ሚኒስቴር
https://www.instagram.com/p/DC2IqTntBwU/?igsh=MWo3YjJrcG51ODF6Yg==

በህገ-ወጥ መንገድ ጥቅም ላይ ሲውሉ በነበሩ ሼዶች ላይ እርምጃ መወሰዱን የሆሳዕና ከተማ አስተዳደር አስታወቀ።

ሆሳዕና 17/03/2017

የሆሳዕና ከተማ አስተዳደር ምክትል ከንቲባና የስራ ዕድል ፈጠራና ኢንተርፕራይዝ ልማት ጽህፈት ቤት ኃላፊ አቶ ታሪኩ ተከተል እንደገለፁት ስራ አጥ ወጣቶችን ወደ ስራ ለማሠማራት በ2017 ዓ/ም ከ16ሺህ 600 በላይ ወጣቶችን በመለየት ቋሚና ጊዜያዊ የስራ ዕድሎች በማመቻቸት ወደ ስራ ለማሰማራት በትኩረት አየተሠራ ይገኛል።

ለዚህም በከተማው ውስጥ የተገነቡ ሼዶችና የገበያ ማዕከላት ያላቸው አስተዋጽኦ ከፍተኛ በመሆኑ በህገወጥ መንገድ ጥቅም ለይ እየዋሉ ያሉ ሼዶች ከህገ ወጥ ተጠቃሚዎች ለማስለቀቅ እቅድ ተይዞ እየተሰራ መሆኑን አንስተዋል።

በዚህም መሰረት በከተማው በስድስቱም ቀበሌያት በህገ-ወጥ መንገድ የተያዙ፣ የቆይታ ጊዜ ያለፈባቸውና ከተሠጠበት ዓላማ ውጪ ጥቅም ላይ እየዋሉ ያሉ 90 ሼዶች መለየታቸውን የተናገሩት ምክትል ከንቲባው፤ በዚህ ሁለት ሳምንት ውስጥ በ46 ሼዶች ላይ ህጋዊ እርምጃ መወሰዱን ጠቁመዋል።

ሼዶቹ አዲስ ተደራጅተው የስራ ዕድል ለሚፈጠርላቸው ወጣቶች የማስተላለፍ ስራ እንደደሚሠራም ምክትል ከንቲባው ተናግረዋል።

በከተማው በዓመቱ ባለፉት አራት ወራትም ከ5ሺህ በላይ ወጣቶች በተለያዩ ዘርፎች ጊዜያዊና ቋሚ የሥራ ዕድል መፈጠሩንም ጠቁመዋል።

#የሀድያ ቴሌቪዥን
https://www.instagram.com/p/DC2GJWANUfR/?igsh=cjJ3OHI5cHNxcjY2

በሀዲያ ዞን የሆመቾ የመጀመሪያ ደረጃ ሆስፒታል ተገልጋዮች በመድኃኒት እጥረት መቸገራቸውን ተናገሩ።

በሀዲያ ዞን ሆማቾ ሆስፒታል አገልግሎት አሰጣጥ ጥሩ ቢሆንም በመድኃኒት እጥረት መቸገራቸውን ተገልጋዮች ተናገሩ።
።።።።።።።።።። 17/03/2017 ዓ.ም።።።።።።።።።።

በሆስፒታሉ በድንገተኛ፣ ተኝተው ታካሚዎች እና ተመላላሽ ታካሚዎች ካነጋገርናቸው መካከል አቶ አየለ ኤራንጎና ሙሉነሽ ከበደ አስተያየት እንደሰጡት አገልግሎት አሰጣጡ ጥሩ ቢሆንም የመድኃኒት እጥረት በመኖሩ መቸገራቸውን ተገልጋዮች አንስተው

ባለድርሻ አካላት የአምቡላንስ ክፍያ፣ መድኃኒት እጥረት ችግር ፣ የምርመራ ቁሳቁስ በበቂ ሁኔታ ያለመኖር እና ሌሎች የግብዓት እጥረት ችግሮችን እንዲፈቱ ጠይቀዋል።

ከነጋገርነቸው ከሆስፒታሉ ሀኪሞች መካከል ሲ/ር ሙሉነሽ ደዊትና ዱታሞ ቶቴ በበኩላቸው እንደተናገሩት ባለሙያዎች አቅማቸው በፈቀደላቸው መጠን በቅንጅትና በመመካከር በሆስፒታሉ ለሚጠቀሙ ተገልጋዮች አገልግሎት እየሰጡ  መሆኑን ገልፀው

በተግዳሮት ውስጥም ሆነው በሆስፒታሉ የሚሰጠውን አገልግሎት አሠጣጥ ደረጃውን የጠበቀ እንዲሆን እየሠሩ እንደሆነ ተናግረዋል።

የሆመቾ መጀመሪያ ደረጃ ሆስፒታል መድኃኒት ክፍል አስተባባሪው አቶ ላምቦሬ ኮርማ እንደተናገሩት በሆስፒታሉ የመድኃኒት ግዥ በዕቅድ የሚፈፀም ሲሆን በወቅቱ በተከሰተው ወረርሽኝ ምክኒያት ከወትሮው በተለየ ሁኔታ የመድኃኒት እጥረት መኖሩንም ተናግረዋል።

የሆመቾ መጀመሪያ ደረጃ ሆስፒታል ድንገተኛና ጠቅላላ ህክምና ክፍል ዶ/ር አዲሴ ሀንድኖ እንደተናገሩት ቀድሞ መከላከልና እና ማከም ተግባራት ላይ ትኩረት ተሰጥቶት እየተሰራ እንደሆነ አንስተው

የሆስፒታሉን የማኔጅመንት፣ የአገልግሎት ጥራት እና ተገልጋይ ተኮር አገልግሎቶችን በጥራትና በቅንጅት መሠረት እየሠሩ እንደሆነም ተናግረዋል።

አክለውም ሆስፒታሉ አገልግሎት አሰጣጥ የተገልጋይ እርካታንና የመረጃ ጥራት መሠረት ቢሠራም የመድኃኒት እጥረትን የሚመለከታቸው አካላት እንዲፈቱ መልዕክት አስተላልፈዋል ።

የሆማቾ መካከለኛ ሆስፒታል ምክትል ቦርድ ሰብሳቢ አቶ ምስጋና ዓለሙ እንደተናገሩት የማይተካውን የሰው ህይወት የማዳን ሥራ  ለማሳለጥ የሆስፒታል አገልግሎት አሰጣጥ ትኩረት ሊሰጥ እንደሚገባ አንስተው

በሆስፒታሉ የጤና ተግባርን በሚገባ ለመፈጸም  የተሽከርካሪ እጥረት፣ የመድኃኒት እጥረት፣ የምርመራ መሣሪያ በበቂ ያለመኖር ፣ ሌሎች የግብዓት እጥረቶች ፣ የባለሙያ ጥቅማጥቅም ያለመከበር ችግሮች በአገልግሎት አሰጣጡ ላይ የሚያሳድረው ተጽዕኖ ከፍተኛ መሆኑንም አንስተው

ችግሩን ለመቅረፍ ከባለድርሻ አካላት ጋር በቅንጅት መስራት ወሳኝ የመፍትሄ አቅጣጫ መሆኑንም ተናግረዋል።
በጫኬቦ ኤርጫፎ

ወቅቱን ያልጠበቀ ዝናብ የደረሱ ሰብሎች ላይ ጉዳት እንዳያደርስ የተለያዩ አደረጃጀቶችን በመጠቀም የደረሱ ሰብሎችን በፍጥነት ማሰባሰብ እንደሚያስፈልግ የሀድያ ዞን ግብርና መምሪያ አሳሰበ።

።።።።።።።።።።።።ሆሳዕና 14/03/2017 ዓ.ም።።።።።።።።

የሀድያ ዞን ግብርና መምሪያ ኃላፊ ዶ/ር ሀብታሙ ታደሰ እንደተናገሩት፤ በዞኑ በ2016/2017 የምርት ዘመን 149ሺህ ሄክተር ማሳ በዘር ለመሸፈን ታቅዶ ከ150ሺህ ሄክተር ማሳ በላይ በዘር መሸፈን መቻሉንና ከዚህም ከ7 ሚሊዮን ኩንታል በላይ ምርት ለማግኘት ግብ ተጥሎ እየተሠራ መቆየቱን አብራርተዋል።

በአሁን ወቅትም በቆላማ አካባቢዎች የደረሱ ሰብሎችን የማሰባሰብ ተግባር ተጠናክሮ መቀጠሉን የገለጹት የመምሪያው ሃላፊ፤ እስከአሁን ከ2 ሚሊዮን ኩንታል በላይ ምርት መሰብሰብ መቻሉን ጠቁመዋል።

ዶ/ር ሀብታሙ አክለውም ስንዴ በብዛት የሚመረትባቸው ወረዳዎች ኮምባይነር በመጠቀም ምርት በመሰበሰብ የምርት ብክነት መቀነስ እንደሚያስፈልግም ጠቁመዋል።

የምርት የማሰባሰብ ሂደቱንም የተሳለጠ ለማድረግ የተለያዩ አደረጃጀቶችን መጠቀም እንደሚያስፈልግም አስረድተዋል።

#የሀድያ ቴሌቪዥን
https://www.instagram.com/p/DCuJNg5tjyw/?igsh=MTFmZ2Zkc2s4aTd3aA==

በዞኑ ውስጥ መዋዕለ ንዋያቸውን ማፍሰስ ለሚፈልጉ ባለሀብቶች መንግስት ምቹ ሁኔታ እንደሚፈጥርላቸው የሀድያ ዞን ዋና አስተዳዳሪ አቶ ማቴዎስ አኒዮ ተናገሩ።

።።።።።።።።።።ሆሳዕና 14/03/2017 ዓ.ም።።።።።።።።

በሀድያ ዞን ሌሞ ወረዳ ሸቻ ሮማ ቀበሌ ከ85 ሚሊዮን ብር በላይ ወጪ የተገነባው አይዛክ ዴልታ የነዳጅ ማደያ ተመርቆ ለአገልግሎት ክፍት ሆኗል።

በምረቃ ስርዓት ላይ የተገኙት የሀድያ ዞን ዋና አስተዳዳሪ አቶ ማቴዎስ አኒዮ በበኩላቸው የመጣውን ነዳጅ በአግባቡ በመጠቀም ለታለመለት ዓላማ ማዋል እንደሚያስፈልግና በህገ ወጥ መንገድ የሚሰሩ ተግባራት እንዳይከናወን መከላከል ያስፈልጋል ብለዋል።

በዞኑ ውስጥ መዋዕለ ንዋያቸውን በማፍሰስ ስራ ለሚጀምሩት የኢንቨስትመንት ፕሮጀክት ድጋፍ እንደሚደረግላቸውም ገልፀዋል።

የሀዲያ ዞን የኢንቨስትመንትና የኢንዱስትሪ ልማት መምሪያ ኃላፊ አቶ ታምራት ሜጊሶ በበኩላቸው ፤ በዞኑ 429 ባለሃብቶች በግብርና፣በኢንዱስትሪና በአገልግሎት ዘርፍ መሰማራታቸውን ጠቅሰው፣ በፕሮጀክቶቹም በስራ ዕድል ፈጠራና በቴክኖሎጂ ሽግግር ለዜጎች ከፍተኛ አስተዋጽኦ እያበረከቱ እንደሚገኙ ተናግረዋል::

በዞኑ በኢንቨስትመንት ፈቃድ መሬት ወስደው ሳያለሙ የቆዩ ባለሀብቶች መሬቱን ወደ መሬት ባንክ የመመለስ ስራ እየተሰራ እንደሆነም ገልፀዋል።

የሌሞ ወረዳ ዋና አስተደደሪ አቶ ታደለ ደምሴ በምረቃው ስነ ስርዓት ላይ እንደተናገሩት፤ መንግስት የኢንቨስትመንት እና የንግዱን ማህበረሰብ ለማበረታታትና ለመደገፍ ባለሃብቶች በመረጡት የስራ ዘርፎች እንዲሰማሩ ምቹ ሁኔታ እየፈጠረ ይገኛል::

ባለሃብቱ በዚህ ብቻ ሳይረኩና ሳይዘናጉ ተጨማሪ የኢንቨስትመንት መስኮች ላይ በመሰማራት ተጨማሪ የስራ ዕድል በመፍጠር ለአአባቢው ልማት የበኩላቸውን ሚና እንዲወጡ አቶ ታደለ ጥሪ አቅርበዋል::

የነዳጅ ማደያው ባለቤት በርከፈት ጌታቸው ገዕናሞ በበኩላቸው፤ የነዳጅ ማደያው ግንባታ 85 ሚሊዮን ብር በላይ እንደፈጀ ገልጸው፤ በግንባታ ሂደቱ ለበርካታ ዜጎች ቋሚና ጊዜያዊ የስራ እድል መፈጠሩን ተናግረዋል።

በአሁኑ ወቅት 15 ቋሚና 50 ጊዜያዊ ሰራተኞች እንዳሉና በዚህም ደስተኛ መሆናቸውን የገለጹት በርከፈት ጌታቸው በቀጣይም ከማደያው ጎን ለጎን የፋብሪካ ግንባታ ስራ ለመጀመር ዕቅድ እንዳላቸውም ጠቁመዋል።

በነዳጅ ማደያው የስራ ዕድል የተፈጠረላቸው ወጣቶች በበኩላቸው፤ የማደያው መገንባት ከነዳጅ አቅርቦት ባሻገር ለአካባቢው ማህበረሰብ ዘርፈ ብዙ ጠቀሜታ እያስገኘ መሆኑን ተናግረዋል።

በሌሎች የኢንቨስትመንት ዘርፎችም ተመሳሳይ ተግባራት ቢከናወኑ የበለጠ ተጠቃሚ እንደሚያደርግም ወጣቶቹ ገልፀዋል።

#ሀድያ ቴሌቪዥን
https://www.instagram.com/p/DCuE6YqtgRV/?igsh=OGZvcnliMTExZWN0

ከዞናችን ተጨባጭ ሁኔታ አንፃር ለወጣቶች የሥራ ዕድል ከመፍጠር በላይ አንገብጋቢ ሥራ የሌለ በመሆኑ አመራሩ ተግባሩን በቁርጠኝነት ሊመራ ይገባል፦የሀዲያ ዞን ዋና አስተዳዳሪ አቶ ማቴዎስ አኒዮ።

የሀዲያ ዞን ስራ ዕድል ፈጠራና ኢንተርፕራይዝ ልማት መምሪያ ከዞኑ ቴክኒክና ሙያ ትም/ትና ስልጠና መምሪያ ጋር በመተባበር በወጣቶች ልየታ፣የክህሎት ስልጠናና በስራ ስምሪት ዙሪያ የሚመክር የስራ ዕድል ፈጠራ ምክር ቤት ጉባኤ አካሂዷል።

።።።።።።።።።።።ህዳር7/2017።።።።።

በምክር ቤቱ ጉባኤ የተገኙት የሀዲያ ዞን ዋና አስተዳዳሪ አቶ ማቴዎስ አኒዮ ባስተላለፉት መልዕክት፣ለወጣቶች የስራ ዕድል የመፍጠር ስራ የሁሉንም አመራር ትጋትና ቁርጠኝነት የሚፈልግ ጉዳይ እንደሆነ ገልፀዉ፦በተለያዩ ምክኒያቶች ተግባሩን ችላ በማለት በዉጤት ቀዉስ ዉስጥ ያላችሁ መዋቅሮች ፈጥናችሁ መታረም አለባችሁ ብለዋል፥

ዋና አስተዳዳሪዉ አያይዘዉ፦ለወጣቱ ከይገባኛል ነፃ የሆነ መሬት ተለይቶ ተዘጋጅቶ የክህሎት ስልጠና ለወሰዱና ፍቃደኛ ለሆኑ ወጣቶች በህጋዊ መንገድ እንዲተላለፍና በህገወጥ መንገድ ባማይገባቸዉ ግለሰቦች እጅ ያለ መሬት፣ሼድና ብድር በአስቸኳይ ተመላሽ እንዲደረግ ያሳሰቡት ዋና አስተዳዳሪዉ፦

ከዞናችን ተጨባጭ ሁኔታ አንፃር ለወጣቶች የስራ ዕድል ከመፍጠር በላይ አንገብጋቢ ስራ የሌለ በመሆኑ አመራሩ ተግባሩን በቁርጠኝነት ሊመራ ይገባል ብለዋል።

የዞኑ የስራ ዕድል ፈጠራና ኢንተርፕራይዝ ልማት መምሪያ ኃላፊ አቶ ፋንታሁን ሊረንሶ በበኩላቸዉ፤ መንግስት የወጣቱን ጉዳይ እንደ ዋና አጀንዳ በመያዝ በገጠርና በከተማ የሚገኙትን የተማሩትንና ያልተማሩትን ስራ ኣጥ ወጣቶች የተለያዩ ኢኮኖሚያዊ ፋይዳ ባላቸዉ መስኮች እያሰማራ ይገኛል ብለዉ፤

መምሪያችን ባለፉት አራት ወራት ያስመዘገበዉ የስራ ዕድል ፈጠራ አፈፃፀም 21% ሲሆን ቀሪዉን 79% ባለን ጊዜ ለመፈፀም ከሚመለከታቸዉ አካላት ጋር በቅንጅት እየሰራን እንገኛለን ብለዋል።

እንደ 2017 የስራ ዘመን 1 መቶ 11 ሺህ 6 መቶ 82 ወጣቶች ልየታ መደረጉን ጠቁመዉ፦93 ሺህ 37 ወጣቶችን ወደ ስራ ለማሰማራት እየተሰራ እንደሆነ በማሳወቅ፤ይህ ዕቅድ እዉን እንዲሆን
የስራ ዕድል ፈጠራ ምክር ቤት አባላትና የሚመለከታቸዉ አካላት ለጉዳዩ አፅንዖት እንዲንቀሳቀሱ ጥሪ አቅርበዋል።

ከዚህ ጎን ለጎን የ2017 የስራ ዘመን አዳዲስና ነባር ሰልጣኞችን ቅበላ በሚመለከት መግለጫ የሰጡት የዞኑ ቴክኒክና ሙያ ትም/ትና ስልጠና መምሪያ ኃላፊ አቶ ተስፋዬ ርስቱ እንደተናገሩት፤እንደ ዘንድሮ በዞናችን 15 ሺህ 4 መቶ 34 ተማሪዎች የ12ኛ ክፍል ብሔራዊ ፈተና ወስደዉ 3መቶ 67 ተማሪዎች ብቻ ዩንቨርስቲ ስለመግባታቸዉ አንስተዉ፤ከፍተኛዉን ቁጥር የያዙት ቀሪ ወጣቶች በየአካባቢዉ ባሉ ኮሌጆች በመሄድ የክህሎት ስልጠና እንዲወስዱ አሳስበዋል።

አያይዘዉም በማንኛዉም ስራ ለመሰማራት የክህሎት ስልጠና ወሳኝ ስለሆነ በዞናችን 8 የሙያና ቴክኒክ ኮሌጆች ያለ በመሆኑ በአቅራቢያ ወዳሉት በመሄድ እንሰለጥኑ እንዲደረግ ጠቁመዋል

የመድረኩ ተሳታፊዎች በበኩላቸዉ፥በልየታ ወቅት የመይገባቸዉ አካላት እንዳይካተቱ ጥንቃቄ መደሰግ አለበት ያሉት ተሳታፊዎች፥ረጂም ጊዜ ስጠቀሙ የቆዩ ማህበራትን አስለቅቆ ለአዳዲስ ወጣቶች መሰጠት ይገባል ብለዋል።

በመድረኩ የማዕከላዊ ክልል ስራ ዕድል ፈጠራና ኢንተርፕራይዝ ቢሮ ም/ኃላፊ አቶ ታምራት ተስፋሁንን ጨምሮ የዞንና ወረዳ/ከተማ አስተዳደር ከፍተኛ አመራሮች ተገኝተዋል።

በኤልያስ ተሰማ

አደጋዉን በዘላቂነት ለመፍታት በጥናት ላይ የተመሰረተ ዘላቂ መፍትሔ ሊበጅና የተቀናጀ የተፋሰስ ልማት ስራ በአካባቢው መሠራት አለበት፦ዶ/ር ዲላሞ ኦቶሬ

በሀዲያ ዞን ሻሾጎ ወረዳ በጎርፍ እየደረሰ ያለዉን ጉዳት በዘላቂነት ለመፍታት መንግስት ዘለቂ መፍትሄ እንዳያበጅ የአካባባዉ ነዋሪዎች ጠይቀዋል።

።።።።።።።።ህዳር 6/2017።።።።።።።።።

በሀዲያ ዞን ሻሾጎ ወረዳ በጣለዉ ከባድ ዝናብ ምክኒያት በወረዳዉ ነዋሪዎች ለይ ጉዳት መድረሱን ተከትሎ የወረዳዉ ዋና አስተዳዳሪ አቶ ግርማ ሎቤ በሰጡት አስተያዬት ከዚህ በፊት እንድህ በመጠኑ ሰፈ ያለ የጎርፍ አደጋ ተከስቶ እንደማያውቅ አንስተዉ፤

በወረዳዉ አደጋው የተከሰተው ከጥቅምት 22 እስከ 23/2017 ዓ.ም በጣለው ከባድ ዝናብ የብላቴ ወንዝ ሞልቶ በወረዳው ከ785 በላይ አባወራዎችና እመወራዎች ያፈናቀለ እና ከ876 ሄክታር በላይ መሬት ላይ የተዘራ ሰብል፣አትክልትና ፍራፍሬ ያወደመ ስለመሆኑ ገልፀዋል።

አክለውም በጎርፉ በወረዳው በ13 ቀበሌያት የሚኖሩትን ከ3ሺህ 200 በላይ ነዋሪዎችን ያፈናቀለ ሲሆን ከዚህ በፊት እየተደረጉ የሚገኙ የተቀናጁ የሰብአዊ ድጋፍ ስራዎች ተጠናክረዉ እንድቀጥሉ ለሚመለከታቸዉ ባለድርሻ አካላት አሳስበዋል።

የማዕከላዊ ኢትዮጵያ ክልል መንግስት አደጋ ስጋት ኮሚሽን ኮሚሽነር አቶ ማዕረጉ ማቴዎስ በበኩላቸው በወረዳው የጎርፍ መጥለቅለቅ አደጋ ከተከሰተ በኃላ ሁለት የአስቸኳይ ጊዜ ቲም እና ፈጣን ዳሰሳ ጥናት ቡድን መቋቋሙንና ሰብዓዊ ድጋፍ 3 መቶ የበቆሎ ዱቄትና 1500 ሊትር ዘይት እንዲሁም ከ5 ሚሊዮን ብር በላይ የሚያወጡ የዕለት ደራሽ ድጋፍ መደረጉን አሳውቀው ፤

ለጎርፉ ተጎጂ ህብረተሰብ የክልሉና የፌደራሉ መንግስት በቀጣይ የተቀናጀ ጥረት እንደሚያደርግናና ችግሩን ለመከላከል አስፈላጊ ቁሳቁስና ማሽነሪዎች እንደሚያመቻች አሳውቀወዋል።

የማዕከላዊ ኢትዮጵያ ክልል ብልጽግና ፓርቲ ቅርንጫፍ ጽህፈት ቤት ሃላፊና የመንግስት ዋና ተጠሪ ዶ/ር ዲላሞ ኦቶሬ እንደተናገሩት አደጋዉን በዘላቂነት ለመፍታት በጥናት ላይ የተመሰረተ መፍትሔ ሊበጅና የተቀናጀ የተፋሰስ ስራ በአካባቢዉ መሰራት አለበት ብለዉ፤የዕለት ተዕለት ደራሽ ድጋፍ ሥራ የክልሉ መንግስት አጠናክሮ እንደሚቀጥል አንስተው ፥

የጎርፍ አደጋን በዘላቂነት ለመፍታት በጥናት ላይ የተመሰረተ የተቀናጀ የተፋሰስ ልማት ሥራ በአካባቢው መሠራት እንደሚገባም ተናግረዋል።

እንዲሁም በብላቴ ወንዝ ላይ ሞልቶ የነበረውን ደለል መጥረግ፣ ካናል የመገንባት እና የመከላከል ሥራ ከአሁን ጀምሮ በመስራት ተጨማሪ ጉዳት እንዳይከሰት መጠንቀቅ እንደማገባ አስገንዝበዉ

በአደጋው ለተጎዱ አካላት ድጋፍ እንዲደረግ በክልሉ የተጠናውን የጥናት ሰነድ ለአገሪቱ አደጋ ስጋት አመራር እና ለዓለም ሰብዓዊ ድጋፍ ለጋሾች ሪፖርት መደረጉን አሳውቀው፤ የሚመለከታቸዉ ባለድርሻ አካላት በሙሉ ሰብዓዊ ድጋፍ እንዲያደርጉ መልዕክታቸውን አስተላልፈዋል።

ተዟዙረን ካነጋገርናቸዉ ተጎጂዎች አቶ ጌታቸዉ አቦ እንደምሉት፦በአደጋዉ በወረዳዉ ዘርፈ ብዙ ጉዳት መድረሱን በመጠቆም፤ባለን መሬት የዘረነዉ ዘር እና የነበረን አትክልትና ፍራፍሬ ከመበላሸቱም በላይ ዝናቡ የጣለዉ ምሽት በመሆኑ እንድ ሕፃን ልጅ ከቤተሰብ መኻል በርግጋ ወጥታ በጅብ መበላቷን ገልፀዋል።

በጉብኝቱ የክልሉ ምክር ቤት ዋና አፈጉባኤ ክብርት ወ/ሮ ፋጤ ሰርሞሎ፣በምክትል ርዕሰ መስተዳድር ማዕረግ የከተማ ልማትና ኮንስትራክሽን ቢሮ ሃላፊ አቶ ስንታየሁ ወልደሚካኤልና ፣የሀዲያ ዞን ዋና አስተዳዳሪ አቶ ማቴዎስ አኒዮን ጨምሮ የክልል የዞንና የወረዳ የስራ ሃላፊዎች ተገኝተዋል።

በጫኬቦ ኤርጫፎ

የበጋ መስኖ ሥራዎችን በማስፋትና የሌማት ትሩፋት ላይ በትኩረት በመስራት በግብርናው ዘርፍ እንደ ሀገር አስተዋጽኦ ማበርከት ይጠበቅብናል የሀዲያ ዞን ዋና አስተዳዳሪ አቶ ማቴዎስ አኒዮ።

"የተቀናጀ ግብርና ለቤተሰብ ብልጽግና" በሚል መሪ ሀሳብ የ2017 የበጋ ወቅት የተቀናጀ የግብርና ልማት ሥራዎች ንቅናቄ መድረ ተካሄደ።

።።።።።።።።።። ቀን 02/03/2017 ዓ/ም ።።።።።።።።።።

የሀዲያ ዞን ዋና አስተዳዳሪ አቶ ማቴዎስ አኒዮ በበጋ መስኖ የተያዘውን እቅድ ለማሳካት በትኩረት ሊሰራ እንደሚገባ ገልጸው ግብርና ወሰን የለውም ስለዚህ የከተማ ግብርና ላይም አመራሩ ከራሱ ጀምሮ ተጠናክሮ በመስራት አርዓያ ሊሆን ይገባል ብለዋል ።

በግብርና ሥራ ችግኝ በማፍላት፣በመስኖ ሥራ፣በእርባታው ዘርፍና በንብ ማነቡ ዘርፍ ላይ ለወጣቱ የሥራ ዕድል መፍጠር እንደ ሚያስፈልግ አንስተው በችግኝ ማፍላት ዘርፍ ለምግብነት የሚያገለግሉ የፍራፍሬ ምርቶች ላይ ትኩረት ተሰጥቶት ሊሰራ እንደሚያስፈልግ አቅጣጫ አስቀምጠዋል።

የበጋ መስኖ ሥራዎችን በማስፋትና የሌማት ትሩፋት ላይ በትኩረት በመስራት እንደ ሀገር በግብርናው ዘርፍ የተሻለ ምርት በማቅረብ አስተዋጽኦ ማበርከት ይጠበቅብናል ያሉት አቶ ማቴዎስ አኒዮ ለዚህም ዞኑ የግብዓትና የአፈር ማዳበሪያ አቅርቦት በበቂ ዝግጅት ማድረጉን ተናግረዋል።

የቡና ምርት ላይ ውጤታማ ለሞሆን የአተካከል ፓኬጅ ተጠብቆ ሊተከል እንደሚገባ እና ምርትና ምርታማነትን ማሳደግ እንደሚያስፈልግ ገልጸው የቡና ምርትን በህገወጥ መንገድ እንዳይወጣ በማድረግ ባለድርሻ አካላት በትኩረት ሊሰሩ ይገባል ሲሉ መልዕክታቸውን አስተላልፈዋል።

የሀዲያ ዞን ግብርና መምሪያ ዶ/ር ሀብታሙ ታደሰ የግብርና ጣብያ ሰራተኞች በዚህ የበጋ መስኖ ወቅት ሥራቸውን በአግባቡ በመስራት የተሻለ ውጤት ማምጣት እንዲችሉ የቁጥጥር ስርዓቱ ላይ ተጠናክሮ መስራት እንደሚገባ ገልጸዋል።

በቀጣይ በጥብቅ ክትትል በሥራ ሞዴል የሆኑትን ወረዳዎች ለይተን እናወጣለን በማለት የሁሉም መዋቅር አመራርና የግብርና በለሙያዎች በተቀናጀ አሰራር የደረሱ ምርቶችን ከመሰብሰብ ጀምሮ የመስኖ ሥራዎችንም አጠናክሮ መቀጠል በመስራት የህብረተሰባችንን የምግብ ዋስትና ልናረጋግጥ ይገባል በማለት ተናግረዋል።

ከተሳታፊዎች የምግብ ዋስትናችንን ለማረጋገጥ በግብርናው ሥራ ላይ የተሰጠው ትኩረት ተጠናክሮ ሊቀጥል እንደሚገባ አንስተው በተለያዩ መዋቅሮች ለበጋ መስኖ ቅድመ ዝግጅት ማጠናቀቃቸውን ጠቅሰዋል።
የግብዓት አቅርቦት ዝግጁ ከሆነ የመስኖ ሥራው ውጤታማ እንዲሆን ወደ አርሶ አደሩ በመውረድ እንሰራለን ብለዋል።

አክለውም የዛሬው የበጋ መስኖ ንቅናቄ መድረክ የበጋ መስኖ ምርትን በስፋት በማምረት ከራስ አልፎ ወደ ገበያ በማቅረብ ገበያን ለማረጋጋት ቤት ለቤት ወርደን ግንዛቤ ከመፍጠር ጀምሮ እስከ ሰርቶ ማሳየት ድረስ መጓዝ በምንችለው ልክ ግንዛቤ ፈጥሮልናል በማለት

የደረሱ ሰብሎችን በወቅቱ ለመሰብሰብ እንዲሁም የቡና ምርት በህገወጥ መንገድ እንዳይወጣ በማድረግ የቡና ምርታችንን የማስተዋወቅ ሥራ እንሰራለን በማለት ተናግረዋል።

በመጨረሻም በሰብል ምርት፣በሌማት ትሩፋት እና በዕንቁላል አቅረቦት ዘርፍ ውጤታማ ለሆኑ ሦስት ሥራ ፈጣሪዎች የእውቅና ሰርተፍኬት ተበርክቶላቸዋል።

በታከለ አጋፋሪ
https://www.instagram.com/p/DCP8XqiNZPs/?igsh=ZTA4OHF0OGhheWt6

ሰላም እስትንፋሳችንና የዛሬም ሆነ የወደፊቱ የትውልድ የህልውና መሰረት መሆኑን በመገንዘብ  ሰላምን በዘላቂነት በማስፈን በዞናችን ሁለንተናዊ ብልጽግናን ለማረጋገጥ በቁርጠኝነት መስራት ይጠበቅብናል ፡- የሀዲያ ዞን የመንግስት ዋና ተጣሪ እና የብልጽግና ፓርቲ ጽ/ቤት ኃላፊ አቶ ይርጋ ሃንዲሶ

የሀዲያ ዞን ሠላምና ፀጥታ መምሪያ የ2016 በጀት ዓመት አፈጻጸም እና የ2017 ዓ/ም በጀት እቅድ ላይ የምክክር ሴክተር ጉባኤ አካሂዷል።

።።።።።።02/03/2017 ዓ.ም።።።።።።።።።።።

በጉባኤው የፀጥታ መረጃ አስተዳደር ፣ የሰላም እሴት ግንባታ ፣የወሳኝ ኩነት ፣ የሀይማኖትና የእምነት ጉዳዮች፣ የግጭት መንስኤ ጥናትና አፈታት እና የፖሊስና የምልሻ ጽ/ቤት የ2016 በጀት ዓመት እቅድ አፈጻጸም ሪፖርት ገለፃ ተደርጓል ።

በቀረበው የአፈጻጸም ሪፖርት መሰረት በአንዳንድ ተግባራት ላይ ክፍተቶች ጎልተው የታዩባቸው መዋቅሮችን በመለየት በቀጣይ ተግባራትን በማከናወን የተሻለ አፈጻጸም እንዲኖር ለማድረግ በነበሩ ክፍተቶች ላይ የጋራ  ውይይት ተደርጎበታል ።

በበጀት ዓመቱ የአፈጻጸም ጉድለት የታዩባቸው መዋቅሮችን በመለየት በቀጣይ የተሻለ አፈጻጸም እንዲኖር ለማድረግ ሁሉም ባለድርሻ አካላት የህብረተሰቡን ሰላምና ደህንነት ለማስጠበቅ በቁጭት ወደ ስራ እንደሚገባ በውይይቱ የጋራ መግባባት ላይ ተደርሷል ።

በሴክተር ጉባኤ ላይ ተገኝተው መልዕክታቸውን ያስተላለፉት የዞኑ የመንግስት ዋና ተጣሪ እና የብልጽግና ፓርቲ ጽ/ቤት ኃላፊ አቶ ይርጋ ሃንዳሶ እንደተናገሩት ሰላም እስትንፋሳችን በመሆኑ  የዛሬም ሆነ የወደፊቱ የትውልድ የህልውና መሰረት መሆኑን በመገንዘብ  ሰላምን በዘላቂነት በማስፈን በዞናችን ሁለንተናዊ ብልጽግናን ለማረጋገጥ በቁርጠኝነት መስራት ይጠበቅብናል ብለዋል።

አቶ ይርጋ ሀንዲሶ እንዳሉት በየትኛውም ዘርፍ ለውጥ በዘላቂነት መምጣት የሚቻለው አንፃራዊ ሰላም ሲኖር መሆኑን አንስተው በዞኑ ሁለንተናዊ ብልጽግናን ለማረጋገጥ በሚደረገው እርብርብ የሰላም መስፈን ወሳኝ በመሆኑ ሁሉም የህብረተሰብ ክፍል ሰላምን ለማስጠበቅ የድርሻውን ሊወጣ ይገባል ብለዋል።

በተለይም ሰላምን በዘላቂነት በማስፈን ልማትን በቀጣይነት ለማረጋገጥ በሚደረገው ርብርብ ላይ የሀይማኖት ተቋማትና የሀገር ሽማግሌዎች ሚና ከፍተኛ በመሆኑ አካባቢያችን ብሎም አካባቢያችን ከሰላም አምባሳደርነት በተጨማሪ ልማታዊ ቀጠና እንዲትሆን ለማድረግ እየተሰራ ባለው ስራዎች ከግብ ለማድረስ የሀይማኖት ተቋማት ከምንጊዜም በላይ ከሚመለከታቸው ባለድርሻ አካላት ጋር በጋራ በመሆን በትኩራት መስራት እንደሚጠበቅባቸው አቶ ይርጋ አሳስበዋል ።

አቶ ይርጋ አክልውም በዞኑ በየአካባቢው የህብረተሰብ ፖሊሲንግ አደረጃጀቶችን በማጠናከር የህብረተሰቡን ሰላምና ደህንነት በዛለቂነት በማስጠበቅ ሀለንተናዊ ብልጽግና ለማረጋገጥ ሁሉም የህብረተሰብ ክፍል በቁርጠኝነት መስራት የሚጠበቅብን የዕለት ተዕለት ተግባራችን ነው ሲሉ አስገንዝባዋል ።

በሴክተር ጉባኤ ላይ ተገኝተው ንግግር ያደረጉት የሰላምና ፀጥታ መምሪያ ኃላፊ አቶ ሳሙኤል ሽጉጤ እንደተናገሩት የሰላምና ፀጥታ ጉዳይ ለነገ የሚተው ባለመሆኑ በየደረጃው የሚገኙ የፀጥታ መዋቅሮች የህብረተሰቡን ደህንነት ለማስጠበቅ ሕግና ሕገ መንግሥቱን መሠረት በማድረግ በተቀመጠው የአሠራር ሥርዓት በመታገዝ ለተሻለ ውጤት መሥራት ይገባል ብለዋል ።

የሰላም ድርሻ የሁለችንም ነው ያሉት አቶ ሳሙኤል የዞናችንን ሰላም ለማደፍረስ የተለያዩ አጀንዳዎችን በመፍጠር በቀጥታም ሆነ በተዘዋዋሪ የሚሰሩ አካላት መኖራቸውን ተገንዝበን ነቅተን ሠላማችንን  ልንጠብቅ ይገባል ብለዋል።

ሰላማችን አስተማማኝና ቀጣይነት እንዲኖረው ህዝቡን ማሳተፍ ወሳኝ መሆኑን በመጠቆም የዞናችንን የሰላም ተምሳሌትነት ለማስጠበቅና ለማስቀጠል ሁላችንም ኃላፊነታችንን እንወጣ ሲሉም አቶ ሳሙኤል አስገንዝባዋል ።

በምክክሩ ከ13 ወረዳዎች እና ሁለቱ የከተማ አስተዳደር መዋቅሮች  የተገኙ ተሳታፊዎች በ2016 በጀት ዓመት እቅድ አፈጻጸም የጋራ ውይይት በማድረግ በ2017 በጀት ዓመት እቅድ ላይ የጋራ ውይይት ተደርጓል ።

በጉባኤም በበጀት ዓመቱ በሦስቱም ዘርፍ ማለትም በሰላምና ፀጥታ ፣ በፖሊስ እና በምልሻ ከፍተኛ አፈጻጸም ላስመዘገቡ መዋቅሮች የማበረታቸው የዋንጫና ሰርትፊኬት በመምሪያው አዘጋጅነት በዞኑ በዋና አስተዳደር ተበርክቶላቸዋል።
በሰለሞን ወልዴ

የገዥ ትርክት ውቅሮች

የወባ በሽታ ምልክቶችና መከላከያ መንገዶች

በኢትዮጵያ በአሁን ወቅት የክረምት ወቅት ማብቃቱን ተከትሎ የወባ ወረርሽ በስፋት መከሰቱን የጤና ሚኒስቴር ያወጣው መረጃ ያመላክታል፡፡

ስለ ወባ ወረርሽኝ መንስኤና ህክምናውን አስመልክቶ በአዲስ አበባ ዩኒቨርሲቲ ጤና ሳይንስ ኮሌጅ የውስጥ ደዌ እና ተላላፊ በሽታ ተባባሪ ፕሮፌሰር ዶ/ር ወንድወሰን አሞኘ ከኢቢሲ ሳይበር ጋር ቆይታ አድርገዋል፡፡

ዶ/ር ወንድወሰን አሞኘ፤ የወባ በሽታ በትንኝ አማካኝነት ከሰው ወደ ሰው የሚተላለፍ በዋነኛነት በትኩሳት የሚገለጥ ተወሳስቦ ለከፍተኛ አደጋ ሊዳርግ የሚችል በሽታ መሆኑን ተናግረዋል፡፡

በዓለም ላይ ሰዎችን በብዛት ከሚያጠቁ እና ጉዳት ከሚያደርሱ ሶስት በሽታዎች መካከል አንደኛው ቲቢ ሲሆን ከኤች አይ ቪ ቫይረስ በመቀጠል የወባ በሽታ ሶስተኛውን ደርጃ ይይዛል ብለዋል ዶ/ር ወንድወሰን፡፡

የወባ በሽታ በዓለም ላይ የበርካቶችን ህይወት የሚቀጥፍ በትንኝ አማካኝትት የሚከሰት ተላላፊ በሽታ እንደሆነም አንስተዋል፡፡

የወባ በሽታ ሲታሰብ ትንኟ ከታማሚ ሰው የበሽታውን ተህዋስ በተለይ በኢትዮጵያ ፕላዝሞዴም ፋሲፋረም በተለምዶ ቢጫ ወባ የሚባለውን እና አንድ ሶስተኛው ደግሞ ቫይቫክስ በተባለ ተህዋስ ዝርያ የሚከሰት ስለመሆኑ አንስተው፤ ወባዋ የበሽታውን ተህዋስ ከታመመ ሰው አሊያም ታሞ ከዳነ ሰው እንደምትወስድም ገልጸዋል፡፡

ወንድ እና ሴቴ ተህዋስ በወባ ውስጥ አንድ ሳምንት ያድግና ትንኟ ለመራባት የሰው ደም የሚያስፈልጋት በመሆኑ በዚህ ሁኔታ ሰውን በምትነክስበት ጊዜ በሽታውን ወደ ሌላ ሰው እንደምታስተላልፍ ጠቁመዋል፡፡

ትንኟ ለመራባት እንቁላሏን ውሃ ላይ ትጥላለች የሚሉት የህክምና ባለሞያው፤ ይህም ደረጃ በደረጃ ወደ ትንኝ ይቀየራል ብለዋል፡፡

ትንኟ ለመራባት ቆላማ አከባቢ በመምረጥ ከባህር ጠለል በላይ 1ሺህ 400 ሜትር በታች በሆኑ አካባቢዎች ላይ እንደምትገኝና ከዛ በላይ ባለ ከፍታ የመራባት ምጣኔዋ እንደሚቀንስ ዶ/ር ወንድወሰን አመላክተዋል፡፡

በሽታው ከዚህ በፊት ለተያዘ ሰው እንዲሁም በተለይ ነብሰ ጡር እና ህፃናት ላይ የመከላከል አቅማቸው አናሳ በመሆኑ የከፋ ጉዳት እንደሚያደርስም ጠቁመዋል፡፡

በአብዛኛው የክረምት ወቅት አልፎ የበጋ ወቅት ሲጀምር ውሀዎች ሙሉ ለሙሉ ስለማይደርቁ እና የታቆሩ ውሀዎች ስለሚኖሩ እንዲሁም በትንንሽም ውሀዎች የመራባት እድል ስለሚኖር ለትንኞች መራባት አመቺ ይሆናልም ብለዋል፡፡

የወባ በሽታ ምልክቶች፦

• ትኩሳት
• ቁርጥማት
• ማስመለስ
• ማስቀመጥ
• ብርድ ብርድ ማለት
• የከፋ ሲሆን ደግሞ አይን ቢጫ እንደሚሆነ ተናግረዋል፡፡

የወባን በሽታን ለመከላከል ትንኟ የምትራባባቸውን ቦታዎች ማጽዳት ያስፈልጋል የሚሉት ዶ/ር ወንድወሰን፤ ያቆሩ የቆሸሹ ነገሮችን ማስወገድ እንደሚገባ መክረዋል፡፡

ጸረ-ትንኝ ኬሚካሎች በሚረጩበት ጊዜ ቀለም መቀባት፣ ማጠብ እንደማይገባ እንዲሁም በጸረ ትንኝ የተነከረ አጎበር መጠቀም እንደሚገባ አያይዘው አንስተዋል፡፡

የወባ በሽታ በቂ ህክምና እና ክትትል ከተደረገለት እንደሚድንም የህክምና ባለሞያው ተናግረዋል፡፡

#ኢቢሲ ኢቢሲ

ወቅቱን ያልጠበቀ ዝናብ በደረሱ ሰብሎች ላይ ጉዳት ሳያደርስ እንዲሰበሰብ ጥሪ ቀረበ

ሆሳዕና ፣ ጥቅምት 24/ 2017 በተለያዩ የኢትዮጵያ አካባቢዎች ወቅቱን ያልጠበቀ ዝናብ በደረሱ ሰብሎች ላይ ጉዳት ሳያደርስ እንዲሰበሰብ የመንግስት ኮሙኒኬሽን አገልግሎት ሚኒስትር ለገሰ ቱሉ(ዶ/ር) ጥሪ አቀረቡ፡፡

ሚኒስትር ለገሰ ቱሉ(ዶ/ር) በማህበራዊ ትስስር ገጻቸው ባሰፈሩት መልዕክት ፥ በተለያዩ የሀገራችን አካባቢዎች ወቅቱን ያልጠበቀ ዝናብ እየጣለ እንደሚገኝ ጠቁመው ፤ ይህ ጉዳትም ጥቅምም አለው ብለዋል፡፡

የመኸር አዝመራ በደረሰባቸው እና ሰብል መሰብሰብ በተጀመረባቸው አካባቢዎች ጉዳት ሊያደርስ እንሚችልም አሳስበዋል፡፡

በነዚህ አካባቢዎች ሁሉንም አማራጮች በመጠቀም ሰብሉ ጉዳት እና ብክነት ሳይደርስበት በወቅት መሰብሰብ ይገባል ሲሉም ጥሪ አቅርበዋል፡፡

በዚህም ዘመቻ "ሰብል መሰብሰብ" በማወጅ በንቅናቄ ሰብሉን በወቅትና በጊዜ መሰብሰብ እንሚደባ ተናግረዋል፡፡

በየደረጃው የሚገኙ አመራሮች፣ ሙያተኞች፣ ሠራተኞች፣ የፀጥታ አካላት፣ ተማሪዎች፣ አርሶአደሮች፣ ወዘተ የተቀናጀ ርብርብ ማድረግ ይጠበቅባቸዋልም ነው ያሉት ሚኒስትሩ።

ባለሙያዎች የሚሰጡትን የጥንቃቄ ምክሮችንም ተግባራዊ ማድረግ እንደሚገባ መክረዋል፡፡

ሰብል ገና ባልደረሰባቸው፣ የመጀመሪያውን ዙር የበልግ አዝመራ በሚካሄድበት፣ የበጋ መስኖ በተጀመረበት አካባቢ ደግሞ እየጣለ የሚገኘውን ዝናብ በአግባቡ መጠቀም ይገባል ነው ያሉት።

የምግብ ሉዓላዊነት ለማረጋገጥ የተጀመረው ዕቅድ ከግብ የሚደርሰው የሚያጋጥሙንን ሁሉንም ችግሮች በተባበረ መንገድ በመሻገር ፣ መልካም አጋጣሚዎችን ደግሞ አሟጠን መጠቀም ስንችል ነው ብለዋል።#ኤፍቢሲ

በሀድያ ዞን ሶሮ ወረዳ በጊዳቸሞ ቀበሌ የፓፓዬና የሙዝና ፍራፍሬ ልማት አሁናዊ ገፅታ ከፊል ማሳያ

ገቢን አሟጦ ለመሰብሰብ የገቢ አቅሞችን መለየትና መረጃ መሰብሰብ ወሳኝ ነው:- የሀዲያ ዞን ዋና አስተዳደር አቶ ማቴዎስ አኒዮ።

የማዕከላዊ ኢትዮጵያ ክልል ገቢዎች ቢሮ ምክትል ኃላፊና የደንበኞች አገልግሎትና የገቢ አሰበሰብ ዘርፍ ኃላፊ አቶ ደግፍ መለሠ በተገኙበት የሀዲያ ዞን የእስካሁን ገቢ አፈጻጸም ግምገማ መድረክ ተካሄዷል።

።።።።።።።።።።23/02/2017 ዓ.ም።።።።።።።።።።

ገቢን በዘመቻ መልክ መሰብሰብ ከልተቻለ የዞኑን ልማትና ዕድገት ማፋጠን አዳጋች እንደሚሆን ተገልጿል።

የማዕከላዊ ኢትዮጵያ ክልል ገቢዎች ቢሮ ምክትል ኃላፊና የደንበኞች አገልግሎትና የገቢ አሰበሰብ ዘርፍ ኃላፊ አቶ ደግፍ መለሠ በመድረኩ እንደተናገሩት በከተሞች ግብር አካፋፈል ላይ ደረጃ ሽግግር ፣ ያለደረሰኝ ንግድ እና ደረሳኝ ቁጥጥር ላይ የአመራር ቁርጠኝነት ማነስ መኖሩን አንስተው

ደረሰኝ የማይቆርጡ ነጋዴዎች ላይ ህጋዊ እርምጃ መወሰድ እንዳለበትም አሳስበዋል።

የሀዲያ ዞን ዋና አስተዳደር አቶ ማቴዎስ አኒዮ እንደተናገሩት ገቢ አሟጦ ለመሰብሰብ የገቢ አቅሞችን መለየትና መረጃ መሰብሰብ ወሳኝ መሆኑን ተናግረው

በዞኑ ያለውን የገቢ አቅሞችን በመለየት ገቢ ምንጮችን አሟጥተን ከልሰበሰብን የዞኑን ልማት ማፋጠን እንደማይቻል ገልፀው ግብር የማይከፍሉ አካለት ላይ ህጋዊ እርምጃ እየተወሰደ መመራት እንዳለበትም አበክረው አሳስበዋል።

አክለውም በገጠር መሬት አጠቃቀም ላይ እኩል ተልዕኮ ተቀብለው ሙሉ በሙሉ መረጃ የሰበሰቡትን መዋቅሮችን አመስግነው

መረጃ ሕይወት በመሆኑ በጥንቃቄ መሰብሰብ እንዳለበት ለባለድርሻ አካላት መልዕክት አስተላልፈዋል ።
የሀዲያ ዞን ገቢዎች መምሪያ ኃላፊ አቶ መሳይ መኮንን ሪፖርት ባቀረቡበት ወቅት እንደገለፁት በገጠር መሬት አጠቃቀም ላይ በጠቅላላ 349 ቀበሌያት ከነበረው 215 ቀበሌያት መረጃ የመሰብሰብ ሥራ መጠናቀቁን አብራርተዋል ።

እንዲሁም በዞኑ እስካሁን በጠቅላላ ይሰበሰባል ተብሎ የታቀደው 115 ሚሊየን 347 ሺህ 955.4 ስሆን የተሰበሰበው 28 ሚሊየን 525 ሺህ 277.7(24.7%) መሆኑም በሪፖርቱ ተገልጿል።

መረጃ መሰብሰብ ሥራ ላይ 100% የባዳዋቾ ክላስተርና
92.5% ጎምቦራ ወረዳ በከፍተኛ ደረጃ መሆኑንና ሌሎች መካከለኛ እና ዝቅተኛ ደረጃ መሆኑ ተገምግሟል ።

ከፍተኛ አፈጻጸም ያላቸው መዋቅሮች የመረጃ አሰባሰብ ተሞክሮዎች አቀርበዋል።

የከተማና የገጠር ግብር ከፋዮችን ለይተው እያስከፈሉ እንደሆነም ተሳታፊዎች አስተያየት ሰጥተዋል።

በመጨረሻም ቀጣይ የሥራ አቅጣጫ አስቀምጠው የዕለቱ መድረክ ተጠናቋል።
በጫኬቦ ኤርጫፎ

በሀድያ ዞን አመካ ወረዳ ፎርቆሴ ቀበሌ የፍራፍሬ ልማት በከፊል ማሳያ

ሆሳዕና፣ጥቅምት 13/2017 ዓ.ም

በሀድያ ዞን ዱና ወረዳ እየለማ ያለ የባቄላ ማሳ በከፊል ማሳያ

በሀድያ ዞን ዱና ወረዳ በ 2 ሺህ 9 መቶ 40 ሄ/ር መሬት ላይ በኩታ ገጠም እርሻ የለማ ባቄላ ነው።

በወረዳው እየለማ ባለው የባቄላ ሰብል በሄክታር 20 ኩንታል ምርት ይመረታል ተብሎ ይጠበቃል።

በሀድያ ዞን ዱና ወረዳ የለማ የአተር ማሳ አሁን ማሳያ በከፊል
በሀድያ ዞን ዱና ወረዳ በ 1 ሺ 3 ሄ/ር መሬት ላይ የለማ የአተር ማሳ ማሳያ ሲሆን
በወረዳው እየለማ ባለው የአተር ምርት በሄክታር 12 ኩንታል ምርት ይመረታል ተብሎ ይጠበቃል።

#የብሪክስ_አባል_ሀገራት‼️

16ኛው የብሪክስ የመሪዎች ጉባዔ በሩሲያ ካዛን ከተማ በመካሄድ ላይ ይገኛል።

ጠቅላይ ሚኒስትር ዐቢይ አሕመድ(ዶ/ር) በ16ኛው የብሪክስ ጉባኤ ላይ መልዕክት አስተላልፈዋል። በመልዕክታቸው ኢትዮጵያ በባለብዙ ወገን መድረኮች ላይ የምታደርገውን ተሳትፎ አጠናክራ ትቀጥላለች ብለዋል።

ጥቅምት 13 ቀን 2017 ዓም
#ኢትዮጵያ ፕሬስ

#ደሬቴድ አመራሩ የሀገራችንን ነባራዊ ሁኔታ በመረዳት የተጀመረውን የብልፅግና ጉዞ ማሳካት እንዲችል የጋራ ግንዛቤ ሊፈጠር እንደሚገባ የሀዲያ ዞን ዋና አስተዳዳሪ አስታወቁ

ምንጭ ደሬቴድ