የኀብረተሰብ ተሳትፎና በጎ ፈቃድ ማስተባበሪያ ኮሚሽን - አዲስ አበባ

ለመላው የክርስትና እምነት ተከታዮች እንኳን ለኢየሱስ ክርስቶስ የልደት በዓል በሠላም አደረሳችሁ።

የኢየሱስ ክርስቶስ ልደት በክርስትና እምነት ተከታዮች ዘንድ “ፀሐይ ለማንም ሳታዳላና ሳትዘገይ ለሁሉም እኩል ብርሐኗን እንደምትሰጥ” ሁሉ ክርስቶስም የሰውን ልጆች በዘርና በቀለም ሳይነጣጥል፣ በእኩልነት ወዶና ፈቅዶ፣ ከገባበት ፈተናና መከራ ሊያወጣው የተወለደበት፣ የርህራሄ፣ የፍቅርና የመተሳሰብ በዓል ተደርጎ ይወሰዳል፡፡

የልደት በዓል አምላክ ከዙፋኑ ዝቅ ብሎ በከብቶች በረት ተወልዶ፣ የሰውን ልጅ እንዳገለገለ ሁሉ እኛም ከባለፀግነታችን፣ ከስልጣናችንና ከክብራችን አንድ ደረጃ ዝቅ ብለን በኑሮ ጫና ውስጥ ከሚገኙ ወገኖቻችን ጋር ደስታና ፍቅር የምንጋራበት ፣ የአብሮነት ስጦታ የምናበረክትበት ቀን ነው፡፡ በዚህ ቀን ጎረቤቶቻችን በማጣታቸው ምክንያት አዝነውና ተክዘው እንዳይውሉ የልግስና እጃችንን የምንዘረጋበት፣ በጎነታችን የሚገለጥበት ዕለት መሆን አለበት፡፡

የከተማችን አስተዳደር ነባርና ቀደምት እሴታችን ሆኖ የቆየው ለሰው ልጅ በጎ የማድረግ ባህል ይበልጥ እንዲጎላ በተቋም ደረጃ እንዲመራ በማድረግ ማህበራዊና ኢኮኖሚያዊ ችግሮችን እያቃለለ ይገኛል፡፡ በሚሰጡ ባለፀጎች አማካኝነት የበርካታ ዜጎቻችን ህይወት ተለውጧል፡፡ ከተጎሳቆለ አኗኗር የተላቀቁ የከተማችን ነዋሪዎች ቁጥር ጨምሯል፡፡ የበጎነት ኢኮኖሚያዊ አበርክቶው ከማደጉ በተጨማሪ በሚሰጡና በሚቀበሉ ሰዎች መካከል የልብ ለልብ ግንኙነትን (ማህበራዊ መስተጋብርን) አንድ ደረጃ ከፍ እንዲል አድርጓል፡፡

ይህ የበጎነት ተግባር በገና በዓልም እንዲጠናከር በጎ ፈቃደኞች የተለመደ የልግስና እጃችሁን እንዳታጥፉ፣ የከተማችን ነዋሪዎች እርስ በርስ የመተሳሰብ ልምዳችሁን አጠናክራችሁ እንድትቀጥሉ እየጠየኩ መልካም የልደት በዓል እንዲሆን እመኛለሁ።

አቶ ይመር ከበደ - የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር

ከተማ አስተዳደሩ የገና በዓልን ምክንያት በማድረግ ከ400 ሺህ በላይ ለሚሆኑ የኑሮ ጫና ላለባቸው ነዋሪዎች ማዕድ አጋራ።

የአዲስ አበባ ከተማ አስተዳደር የገና በዓልን ምክንያት በማድረግ ከ400 ሺህ በላይ ለሚሆኑ በዝቅተኛ የኑሮ ደረጃ ለሚገኙ አረጋውያን ፣ አቅመ ደካሞችና አካል ጉዳተኞች 1.6 ቢሊዮን ብር የሚገመት ማዕድ አጋርቷል።

በማዕከል ደረጃ በተዘጋጀ የማዕድ ማጋራት መድረክ ላይ ተገኝተው የእንኳን አደረሳችሁ መልዕክት ያስተላለፉት የአዲስ አበባ ከተማ ከንቲባ ወ/ሮ አዳነች አቤቤ ማዕድ ስናጋራ የኑሮ ጫና ያለባቸው ዜጎቻችን በዓሉን በደስታ እንዲያሳልፉ ማድረግ ብቻ ሳይሆን እርስ በርስ መረዳዳት ፣ ያለንን መካፈልና የአብሮነት ባህላችን ከከተማችን ዕድገት ጋር አብሮ እንዲዳብር ለማድረግ ነው ብለዋል።

የህዝባችን የኑሮ ጫና ተቃልሎ ማዬት እንፈልጋለን ያሉት ከንቲባ አዳነች ለዚህ የማዕድ ማጋራት መርሀ ግብር ሀብታቸውን በማካፈል ማህበራዊ ኃላፊነታቸውን ለተወጡ በጎ ፈቃደኛ ባለሀብቶች ምስጋና አቅርበው መጭው የገና በበዓል ያማረ፣ የደመቀና ፍቅር የሚዳብርበት እንዲሆን ተመኝተዋል።

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ይመር ከበደ በበኩላቸው ከተማ አስተዳደሩ የዜጎችን የኑሮ ደረጃ በዘላቂነት ለማሻሻል እየሰራ መሆኑን ጠቅሰው
በዛሬው ዕለት የገና በዓልን ምክንያት በማድረግ ከማዕከል እስከ ብሎክ ድረስ 400 ሺህ ለሚሆኑ የኅብረተሰብ ክፍሎች 1.6 ቢሊዮን ብር የሚገመት ማዕድ መጋራቱን ተናግረዋል።

ማኅበራዊ ኃላፊነታቸውን በመወጣት የዜጎችን ማህበራዊና ኢኮኖሚያዊ ችግሮች እየፈቱ የሚገኙ በጎ ፈቃደኛ ባለሀብቶች የበጎነት ስራቸውን አጠናክረው እንዲቀጥሉ ኮሚሽነሩ ጥሪ አቅርበዋል።

"በጎ ፈቃደኝነት ለማኅበረሰብ ለውጥ!"
የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

ምክትል ከንቲባና የኢንዱስትሪ ልማት ቢሮ ኃላፊ አቶ ጃንጥራር አባይ በንፋስ ስልክ ላፍቶ ክፍለ ከተማ የአቅመ ደካሞችን መኖሪያ ቤቶች ግንባታ አስጀምረዋል።

የአዲስ አበባ ከተማ ምክትል ከንቲባና የኢንዱስትሪ ልማት ቢሮ ኃላፊ አቶ ጃንጥራር አባይ በበጋ የበጎ ፈቃድ አገልግሎት በንፋስ ስልክ ላፍቶ ክፍለ ከተማ ሁለት የአቅመ ደካሞችን መኖሪያ ቤቶች ግንባታ በዛሬው ዕለት አስጀምረዋል።

በሌላ በኩል የአዲስ አበባ ከተማ የስራና ክህሎት ቢሮ በዚሁ ክፍለ ከተማ በኢንተርፕራይዞች ተሳትፎ የአቅመ ደካሞችን የቤት ግንባታ የበጎ ፈቃድ አገልግሎት አስጀምሯል።

የአዲስ አበባ ደንብ ማስከበር ባለስልጣንም በክፍለ ከተማው በበጋ በጎ ፈቃድ አግልግሎት የሚከናወኑ መኖሪያ ቤቶችን እድሳትና ግንባታ ያስጀመረ ሲሆን አገልግሎቱ ጥራቱን ጠብቆ ባጠረ ጊዜ ውስጥ በማጠናቀቅ ለተጠቃሚዎች ለማስተላለፍ የተሟላ ድጋፍና ክትትል እንደሚደረግ ተመላክቷል።

"በጎ ፈቃደኝነት ፤ ለማኅበረሰብ ለውጥ!"
የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

ኅብረተሰቡን ያሳተፉ የልማት ፣ የሠላምና የመልካም አስተዳደር ተግባራት ተጠናክረው ቀጥለዋል።

ኮሚሽኑ በተያዘው በጀት ዓመት ኅብረተሰቡ በባለቤትነት የሚሳተፍባቸው የአካባቢ ልማት ፣ የሠላምና የመልካም አስተዳደር ተግባራትን ቀርፆ ወደ ስራ የገባ ሲሆን የኮሚሽኑ ዳይሬክተሮችና ባለሙያዎች በሁሉም ክፍለ ከተሞች በኅብረተሰብ ተሳትፎ እንዲሁም በበጎ ፈቃድ ስራዎች ዙሪያ ድጋፍና ክትትል እያካሄዱ ነው።

የአካባቢ ልማቶች፣ የአካባቢ ሠላም ተግባራትና መጪውን የገና በዓል ምክንያት በማድረግ በርካታ የበጎ ፈቃድ አገልግሎቶች በኅብረተሰቡና በበጎ ፈቃደኞች ተሳትፎ ተጠናክረው ቀጥለዋል።

ለአካባቢ መሰረተ ልማት ፕሮጀክቶች የፋይናንስ አሰራሮችን የጠበቀ በቂ ሀብት መሰብሰብ በሁሉም ክፍለ ከተሞች በልዩ ትኩረት እንዲከናወን አቅጣጫ የተቀመጠ ሲሆን የህብረተሰቡን ሁለንተናዊ ተሳትፎ አጠናክሮ ማስቀጠል ይገባል ተብሏል።

"ሁሉ አቀፍ የኅብረተሰብ ተሳትፎ ለዘላቂ ልማት!"

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

በመዲናዋ ባለፉት አምስት ወራት ከ5 ነጥብ 7 ቢሊዮን ብር በላይ የሚገመቱ የበጎ ፍቃድ ሥራዎች ተከናውነዋል- ኮሚሽኑ

ባለፉት አምስት ወራት ከ5 ነጥብ 7 ቢሊዮን ብር በላይ የሚገመቱ የበጎ ፍቃድ ሥራዎች መከናወናቸውን የአዲስ አበባ የህብረተሰብ ተሳትፎና የበጎ ፍቃድ ማስተባበሪያ ኮሚሽን ገለጸ።

የኮሚሽኑ ኮሚሽነር ይመር ከበደ እንደተናገሩት በ2017 በጀት ዓመት በከተማዋ ከክረምት በጎ ፍቃድ ባለፈ የበጋ በጎ ፍቃድ አገልግሎቶች ተጠናክረው ቀጥለዋል።

'በጎነት በሆስፒታል' በሚል ነጻ የህክምና አገልግሎትን ጨምሮ ደም ልገሳ፣ የአቅመ ደካሞች ቤት ዕድሳት፣ ማዕድ ማጋራትና ሌሎችም ከ13 በላይ የበጎ ፍቃድ አገልግሎቶች እየተከናወኑ ነው ብለዋል።

ባለፉት አምስት ወራት ከ5 ነጥብ 7 ቢሊዮን ብር በላይ የሚገመቱ የበጎ ፍቃድ ስራዎች መከናወናቸውን ገልጸዋል።

የቤት ዕድሳትና ግንባታ ስራዎች ትልቁን ድርሻ እንደሚይዙ ገልጸው፤ በበጀት ዓመቱ ከ2 ሺህ 280 በላይ ትላልቅ የቤት ግንባታ ሥራዎች በተለያዩ በጎ ፍቃደኛ ባለሃብቶች እየተከናወኑ እንደሚገኙ ተናግረዋል።

ሁሉም ዜጋ በጉልበቱ፣ በዕውቀቱና በገንዘቡ የበጎ ፍቃድ አገልግሎት በመስጠት ለተሻለ አገርና ትውልድ ግንባታ የድርሻውን እንዲወጣ ጠይቀዋል።

በበጀት ዓመቱ በአጠቃላይ ከ12 ቢሊዮን ብር በላይ የሚገመት የበጎ ፍቃድ አገልግሎት ለመስጠት ታቅዶ እየተሰራ መሆኑንም ጠቁመዋል።

#Ethiopia
#voluntarism
#Humanityfirst

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

በጎ ፈቃደኝነት ማኅበረሰቦች በሚፈልጉት ዕድገትና ለውጥ ውስጥ እንዲሳተፉ የሚያስችል ፣ ለጋራ ዕድገት በትብብር የመሰለፍ የስልጡን ዜጎች መገለጫ መሆኑ ተገለፀ።

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ዓለም አቀፍ የበጎ ፈቃደኞችን ቀን በፓናል ውይይት አክብሯል።

በፓናል ውይይቱ ላይ የሜሪጆይ ኢትዮጵያ መስራችና ስራ አስኪያጅ ሲስተር ዘቢደር ዘውዴ ፣ የጌርጌሴኖን የአዕምሮ ህሙማን መርጃና ማገገሚያ ማዕከል መስራችና ስራ አስኪያጅ ሊቀ ኅሩያን መለስ አየለ ፣ የጉዞ አድዋ መስራችና የሕይወት ዘመን በጎ ፈቃደኛ መሀመድ ካሳ እንዲሁም የሰርቭ ግሎባል በጎ አድራጎት ድርጅት ካንትሪ ዳይሬክተር ታሪኩ ነጋሽ ለተሳታፊዎች የበጎ ፈቃድ አገልግሎት ልምዳቸውን አካፍለዋል።

በአዲስ አበባ ከተማ የሚገኙ በጎ ፈቃደኞች በቁርጠኝነት በሰጧቸው ነፃ አገልግሎቶች መንግስት ተደራሽ ባላደረጋቸው መስኮች በመሳተፍ በርካታ ውጤቶች መመዝገባቸውን የተናገሩት የበጎ ፈቃድ ዘርፍ ምክትል ኮሚሽነር አቶ ደረጀ ካሳ ለዚህ ስኬት አስተዋፅዖ ያበረከቱ በጎ ፈቃደኞችን አመስግነዋል፡፡

ባለፉት የለውጥ አመታት በዝቅተኛ የኑሮ ደረጃ የሚገኙ ዜጎችን ማህበራዊና ኢኮኖሚያዊ ችግሮች ያቃለሉ ሰው ተኮር ስራዎች መከናወናቸውን ምክትል ኮሚሽነሩ አስረድተዋል።

ኮሚሽኑ የበጎ ፈቃድ አገልግሎት ተቋማዊ ሆኖ እንዲቀጥልና የኅብረተሰቡ ተሳትፎ እንዲጎለብት የተለያዩ የአሰራር ስልቶችን ቀይሶ እየተንቀሳቀሰ መሆኑን የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ይመር ከበደ ገልጸዋል።

በጎ ፈቃደኞች በከተማዋ ዘርፈ ብዙ ለውጦች ውስጥ እያደረጉ ያለውን ጉልህ አስተዋፅዖና የበጎ ፈቃድ አገልግሎት አጠናክረው እንዲቀጥሉ ጥሪ ያቀረቡት ኮሚሽነሩ ከተቋማትና በጎ ፈቃደኞች ጋር በትብብር የበጎነት ባህል ይበልጥ እንዲዳብር እንሰራለን ብለዋል።

በጎ ፈቃደኝነት ማኅበረሰቦች በሚፈልጉት ዕድገት ውስጥ እንዲሳተፉ የሚያስችል ፣ ለጋራ ለውጥ በራስ ተነሳሽነትና በነፃ የመተባበር አገልግሎት በመሆኑ ሁሉም በያለበት መልካም በማድረግ እንዲሳተፍ የመድረኩ ታዳሚዎች መልዕክት አስተላልፈዋል።

ዓለም አቀፍ የበጎ ፈቃደኞች ቀን የበጎ ፈቃደኞችን አስደናቂ ስኬቶች እውቅና መስጠት ፣ ማክበርና በጎ ፈቃደኝነት በማኅብረሰብ ሁለንተናዊ ዕድገት ውስጥ የሚያሳድረውን አዎንታዊ ተፅእኖ ማንፀባረቅ ዓላማ ያደረገና በየዓመቱ የሚከበር በዓል ነው።

#በበጎነት_ስላገለገሉን_እናመሰግናለን፡፡
#InternationalVolunteersDay
#VolunteerRecognition
#VolunteerImpact
#CommunityService
#MakingADifference
#ThankYouVolunteers

አለም አቀፍ የበጎ ፈቃደኞች ቀን

ዓለም አቀፍ የበጎ ፈቃደኞች ቀን በዓለም አቀፍ ደረጃ በየአመቱ በፈረንጆች አቆጣጠር ታህሳስ 5 ቀን ማለትም በነገው ዕለት ይከበራል። በተባበሩት መንግስታት ድርጅት ጠቅላላ ጉባኤ በ1985 እንዲከበር የተወሰነው ይህ ቀን በዓለም ዙሪያ የበጎ ፈቃደኞች አስተዋፅኦ እውቅና ለመስጠት ነው። ለመጀመሪያ ጊዜ የተከበረው እ.ኤ.አ. በ1986 ሲሆን ቀኑ በጎ ፈቃደኝነት ዘላቂ የልማት ግቦችን ከማሳካት አንፃር ያለውን ጠቀሜታ ለማሳየትም እንደ አጋጣሚ ሆኖ እያገለገለ ይገኛል።

ዓለም አቀፍ የበጎ ፈቃደኞች ቀን የበጎ ፈቃደኞችን አስተዋፅዖ የሚያከብርና እውቅና የሚሰጥ ዓለም አቀፍ በዓል እንደመሆኑ የበጎ ፈቃደኞችን በዋጋ የማይተመን አገልግሎት የሚያከብር ዓመታዊ ዝግጅት ነው። ብዙ ሰዎች በበጎ ፈቃደኝነት ተግባራት እንዲሳተፉ ለማነሳሳትና ለማስተዋወቅ ያለመ የበጎ ፈቃደኞች ልዩ ቀን ተደርጎም ይወሰዳል።

ጊዜያቸውን ፣ ጉልበታቸውን ፣ ገንዘባቸውንና ክህሎታቸውን የሰጡ ግለሰቦች ለማኅበረሰባቸው ፣ ለሀገራቸውና ለዓለም አዎንታዊ ለውጦችን ለማምጣት የሚያደርጉትን ነፃ የሆነ ጥረት ለማድነቅ እንደ ዕድል ሆኖ ያገለግላል። ይህ ቀን የበጎ ፈቃደኞችን አስደናቂ ስኬቶች እውቅና ለመስጠት ፣ ለማክበርና በጎ ፈቃደኝነት በማኅብረሰብ ላይ የሚያሳድረውን አዎንታዊ ተፅእኖ ለማንፀባረቅ ዕድል ይሰጣል።

በዓለም ዙሪያ ያሉ በጎ ፈቃደኞች በቁርጠኝነት በሰጧቸው ግልጋሎቶች ዘላቂ የልማት ግቦችን በማሳካት ለውጦችን አምጥተዋል፡፡ የሚያጋጥሙ ፈታኝ ሁኔታዎች በተለይም የአየር ንብረት ለውጥ ፣ ግጭቶች እና ማኅበራዊ ኢ-ፍትሐዊነት ከአቅም በላይ በሚሆኑበት ወቅት በጎ ፈቃደኝነት ከመቼውም ጊዜ በበለጠ አስፈላጊ ነው። በእነዚህ የፈተና ጊዜያት በየትኛውም የዓለም ክፍል ያሉ በጎ ፈቃደኞች ምላሽ ለመስጠት ግንባር ቀደም ወታደሮች ናቸው። በድፍረት፣ በትጋትና በፈቃደኝነት ተግዳሮቶችን ይጋፈጣሉ።

በጎ ፈቃደኞች በማኅበረሰባቸው ውስጥ የአገልጋነት ባህልን ይፈጥራሉ። በትውልዶች መካከል ያለውን ልዩነት በማጥበብ ዘላቂ ልማትና ሠላም እንዲሰፍን ይሰራሉ።
በጎ ፈቃደኝነት በትውልዶች መካከል የሚወራረስ ዑደት ነው። ሰዎችን የችግሮቻቸው የመፍትሔ አካል የማድረግ ቁርጠኝነትም ነው። በጎ ፈቃደኝነት ማኅበረሰቦች በሚፈልጉት ዕድገትና ለውጥ ውስጥ እንዲሳተፉ የሚያስችል ፣ ለጋራ ዕድገት በትብብር የመሰለፍ የስልጡን ዜጎች መገለጫ ነው።

በበጎ ፈቃደኝነት መሳተፍ በማኅበረሰብ ውስጥ ያሉ ችግሮችን ለመቅረፍና የራስን ጥረት ለመገንዘብ እንዲሁም ለመደገፍ ዓይነተኛ መንገድ ነው። በበጎነት ለመሳተፍ ወይም በጎነት ባህል ሆኖ እንዲቀጥል ለማድረግ የሚከተሉትን እናድርግ፡-

• ጊዜዎን በፈቃደኝነት ይስጡ፡- ከፍላጎቶችዎ እና ችሎታዎችዎ ጋር ለሚስማማ ዓላማ ወይም ድርጅት በፈቃደኝነት መስራት ያስቡበት። የእርስዎ አስተዋፅዖ ምንም ያህል ትንሽ ቢሆን ትልቅ ለውጥ ሊያመጣ ይችላል።

• በጎ ፈቃደኞችን ያመስግኑ፡- በግልም ሆነ በማህበረሰብ ውስጥ ለምናውቃቸው በጎ ፈቃደኞች ምስጋናችን ለመግለጽ ጊዜ አንውሰድ። በቀላል "አመሰግናለሁ" ማለት ለጥረታቸው እውቅና በመስጠት የበለጠ እንዲያገለግሉ ተነሳሽነት ይፈጥርላቸዋል፡፡

• በበጎ ፈቃድ አገልግሎት ዝግጅቶች ላይ ይገኙ፡- ብዙ የህብረተሰብ ክፍሎች በአለም አቀፍ የበጎ ፈቃደኞች ቀን የበጎ ፍቃድ ስራዎቻቸውን ለማሳየት የተለያዩ መርሀ ግብሮችን ያዘጋጃሉ። ድጋፍዎን ለማሳየት በእነዚህ ዝግጅቶች ላይ ይሳተፉ።

• ለበጎ ፈቃደኛ ድርጅቶች ይለግሱ፡- ለበጎ ፈቃደኛ ድርጅቶች የሚደረጉ ማንኛውም ዓይነት ድጋፎች ፕሮግራሞቻቸውን እና ተነሳሽነታቸውን ለማሳደግ ያግዛሉ። መጠነኛ ልገሳ እንኳን አዎንታዊ ተጽእኖ ይኖረዋል።

• የበጎ ፈቃደኛ ታሪኮችን ያካፍሉ፡- ሌሎች የበጎ ፈቃድ አገልግሎትን እንዲቀላቀሉ ስለሚያበረታታ በማህበረሰብዎ ውስጥ ለውጥ የሚያደርጉ የበጎ ፈቃደኞች አነቃቂ ታሪኮችን ለማጋራት ማህበራዊ ሚዲያ እና ሌሎች መድረኮችን ይጠቀሙ።

#በበጎነት_ስላገለገሉን_እናመሰግናለን፡፡

#InternationalVolunteersDay
#VolunteerRecognition
#VolunteerImpact
#CommunityService
#MakingADifference
#ThankYouVolunteers

ህዝብ ያመነበትና ተሳትፎውን ያረጋገጠ የአካባቢ ልማት ዘላቂነት እንደሚኖረው ተገለፀ::

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን የሚያከናውናቸው የአካባቢ ልማት ስራዎች በሕዝብ ተሳትፎና እምነት የሚተገበሩ መሆናቸውን የኮሚሽኑ ምክትል ኮሚሽነር ወይዘሮ ፀሐይ ኪባሞ ገልፀዋል::

ኮሚሽኑ በዛሬው ዕለት በኅብረተሰብ ተሳትፎና ሀብት አሰባሰብ ዙሪያ ያተኮረ የፓናል ውይይት መድረክ አካሂዷል። በተካሄደው የፓናል ውይይት ላይ የብሎክ ካውንስል መሪዎች ፣ የወረዳና የክፍለ ከተማ አመራሮች እንዲሁም ባለድርሻ አካላት ተሳትፈዋል። ሕዝብ የለያቸው የልማት ፍላጎቶች በነዋሪው የገንዘብ ፣ የዓይነትና የእውቀት አስተዋፅዖ እንዲሁም የከተማ አስተዳደሩ በሚመድበው የድጎማ በጀት ይከናወናሉ።

ከህዝቡ የሚሰበሰብ ማንኛውም ሀብት በህጋዊ ደረሰኝ ብቻ እንዲሆን ማድረግ የሀብት አጠቃቀም ውጤታማነትን ለማረጋገጥና የብልሹ አሰራር ተጋላጭነትን ለመቀነስ እንደሚያግዝ ምክትል ኮሚሽነሯ አብራርተዋል። ወቅቱን የጠበቀ ኦዲት በማድረግ ግልፅነትን መፍጠር የኅብረተሰቡን ቀጣይነት ያለው ተሳትፎ ለማሳደግ ጥቅም እንዳለው ነው ወ/ሮ ፀሐይ የተናገሩት።

በበጀት ዓመቱ የተያዙ የልማት ስራዎችን በወቅቱ ለማጠናቀቅ ከወዲሁ ሀብት በበቂ ሁኔታ ማሰባሰብ እንደሚገባ በመድረኩ ተገልጿል። የውይይቱ ተሳታፊዎች በበኩላቸው ኮሚሽኑ ከሚመለከታቸው ተቋማት ጋር ተቀናጅቶ በቂ የሀብት መሰብሰቢያ ደረሰኝ በማሰራጨትና ክትትሉን በማጠናከር ድጋፍ እያደረገ መሆኑን በመጠቆም ለልማት ስራው ውጤታማነት እንደሚሰሩ ተናግረዋል።

"ሁሉ አቀፍ የኅብረተሰብ ተሳትፎ ለዘላቂ ልማት!"

በስኬታማ የሀብት አጠቃቀም ዙሪያ በቂ ግንዛቤ በመያዝ ለተቋማዊ ውጤት መረባረብ ይገባል።

ኮሚሽኑ በሀብት አጠቃቀምና በኦዲት ዙሪያ ለተቋሙ ባለሙያዎችና አመራሮች የግንዛቤ ማስጨበጫ ስልጠና ሰጥቷል።

መድረኩን በንግግር የከፈቱት ኮሚሽነር ይመር ከበደ አንድ ተቋም ለተደራጀበት ዓላማ አሰራሮችንና መመሪያዎችን ለማስጠበቅ የኦዲት ስራ አስፈላጊ መሆኑን ጠቁመው የኮሚሽኑ አሰራሮች እንዲጠበቁ በቂ ግንዛቤ በመያዝ መስራት ያስፈልጋል ብለዋል።

ሀብት ከብክነት በፀዳ መልኩ በትክክል ስራ ላይ መዋሉን ማረጋገጥ ለተቋማዊ ለውጥ ወሳኝ እንደሆነ ነው ኮሚሽነሩ የተናገሩት።

ጠቅላይ ሚኒስትር ዐቢይ አሕመድ (ዶ/ር) ከህዝብ ተወካዮች ምክር ቤት አባላት ለቀረቡላቸው ጥያቄዎች የሰጡት ማብራሪያ

- ስለሰላምና ደህንነት:- ከማንም በላይ ሰላም እንፈልጋለን፡፡ ጦርነትን በተግባር እናውቀዋለን፤ አንፈልገውም፡፡ ከኃይል አማራጭ ይልቅ የሰላም አማራጭ ውጤቱ ከፍተኛ ነው፡፡ መንግስት ግጭቶች በሰላም እንዲፈቱ ቅድሚያ ሰጥቶ ሰርቷል፡፡ አሁንም ያለን አቋም የትኛውም አይነት አለመግባባት በሰላም እንዲፈታ ነው፡፡ ነገር ግን የትኛውም አካል በኃይል እና ጥላቻ መጠፋፋትን እንጂ ዓላማውን ማሳካት አይችልም፡፡ ሰከን ብሎ ማሳብ ይገባል፡፡ ሃሳብ አልባ ትግል ፍሬ የለውም፡፡

- ስለአማራ ክልል አሁናዊ ሁኔታ:- በአማራ ክልል ላይ ከየትኛውም መንግስት በላይ አሁን ያለው መንግስት በርካታ የልማት ስራዎችን እያከናወነ ነው፡፡ በክልሉ ታላላቅ የመንገድ፣ የኢንዱስትሪ የቱሪዝም ልማቶች እየተከናወኑ ነው፡፡ በዚህም ክልሉን የኢንዱስትሪ ማዕከል ለማድረግ እየተሰራ ነው፡፡ የፋሲል ቤተ-መንግስት እየታደሰ ነው፤ በዋና ዋና ከተሞች የኮሪደር ልማት እየተከናወነ ነው፡፡ የመገጭ ግድብን 7 ቢሊዩን ብር መድበን ከበርካታ ዓመታት የግንባታ መቋረጥ በኋላ ቀን ከሌት እየገነባን ነው፡፡ ነገር ግን በክልሉ ልማት እንዳይከናወን ለማደናቀፍ የሚጥሩ ኃይሎች አሉ፡፡ ይህን ተባብረን ማስቆም አለብን፡፡ የአማራ ህዝብ ማን እንደሚሰራለትና ማን እንደሚያወራለት ጠንቅቆ የሚያውቅ ጨዋ ህዝብ ነው፡፡ መንግስት ክልሉን የማልማት ስራውን አሁንም አጠናክሮ ይቀጥላል፡፡

- ስለገዥ ትርክት:- ህገመንግስታዊነት-የህግ መንግስት መርሆችና ዴሞክራሲን ያከበረ የጋራ ትርክት መገንባት ፣ ህብረብሔራዊነት - ኢትዮጵያ የበርካታ ብሔር፣ ብሔረሰብና ህዘቦች ሀገር መሆኗን መቀበል ያስፈልጋል ፣ ብልጽግናን በየደረጃው ማረጋገጥ - በሁለም አግባብ በየደረጃው ልማትና ብልጽግናን በማረጋገጥ ድህነትን ለመድፈቅ በጋራ መስራት ይገባል ፣ ማረምና ማስቀጠል-
ትናንት የነበሩ ድክመቶችን ማረም፤ ያሉ ጥንካሬና ወረቶችን ደግሞ ማስቀጠል ይገባል ፣ ሀገራዊ መግባባትን መፍጠር -የጋራ ህልም በመፈጠር የበለጸገችና ያደገች ኢትዮጵያን ለማየት በጋራ መሰለፍ ይገባል፡፡ ከፓርቲ ባለፈ ትውልድን የሚሻገር እሳቤ መፍጠር ይገባል፡፡

- ስለሀገራዊ የምክክር ኮሚሽን:- ሀገራዊ የምክክር ኮሚሽን የተሻለ ስኬት እንዲያስመዘግበ የምክር ቤቱ አባላት ጠንካራ ድጋፍ ማድረግ ይገባቸዋል፡፡ ለታሃድሶ ኮሚሽንን እና ለሽግግር ፍትህም መሰል ድጋፍ መደረግ አለበት፡፡ ከዚህ ቀደም ከነበሩ ኮሚሽኖች ትምህርት በመውሰድ አሁን ያሉ እድሎችን መጠቀም ይገባል፡፡ ከዚህ አኳያ መንግስት እንደ አስፈጻሚ አካል የሚያደርገውን ድጋፍ አጠናክሮ ይቀጥላል፡፡

-ስለኮሪደር ልማት :- ኮሪደር ልማት ማለት ኢትዮጵያን የሚመጥን ከተማ መገንባት ማለት ነው፡፡ ከከተሜነት እድገት ጋር የተሳሳረ ልማት ነው፡፡ በኮሪደር ልማት ሰፋፊ መንገድ ከመስራት ባለፈ ታዳጊዎች እግር ኳስ የሚጫወቱባቸውን የስፖርት ማዘውተሪያ ስፍራዎች እና የእግረኛ መንገዶች ተሰርተዋል፡፡ ይህም ሁሉንም ተጠቃሚ የሚያደርግ ፍትሃዊ ልማት ለዜጎቻችን ያቀረብንበት ነው፡፡ አሁን ላይ በተለያዩ ከተሞች ከምንሰራው የኮሪደር ልማት ባሻገር፤ የገጠር ኮሪደር ልማት ጀምረናል፡፡ ይህም ኢትዮጵያዊያን የተሻለ ኑሮ ይገባቸዋል በሚል የተጀመረ ነው፡፡ የተሟላ ብልጽግናን የምናረጋግጠውም በዚሁ መንገድ ነው፡፡

- ስለዲፕሎማሲ:- የኢትዮጵያ አቋም ከሁሉም ጋር በትብብርና ሰጥቶ በመቀበል መርህ መኖር ነው፡፡ ኢትዮጵያ የአፍሪካ የኃይል ማዕከል ናት፤ ከራሷ ባለፈ ለአፍሪካ ልማት ቁርጠኛ ናት፡፡ ከየትኛውም ጎራ ጋር ሳንሰለፍ ከሁሉም ጋር በሰጥቶ መቀበል መርህ ለብሔራዊ ጥቅማችን እንሰራለን፡፡ ሁሉም ኢትዮጵያዊ ይህን በመገንዘብ ሀገርን አስቀድሞ መስራት አለበት፡፡ በውስጥ የሚኖረን አንድነትና ሰላም ለዲፕሎማሲያዊ ጥንካሬያችን ከፍተኛ ሚና አለው፡፡

- ስለባህር በር ጥያቄ: - ኢትዮጵያ ሰላማዊ በሆነ መንገድ በቀይ ባህር ላይ የባህር በር ያስፈልጋታል፡፡ በዚህ ጉዳይ ወደ ኋላ የማይል ይፋዊ አቋም አለን፡፡ ነገር ግን ይህን ለማሳካት ጦርነትም ሆነ የኃይል አማራጭ አንፈልግም፡፡ ፍላጎታችንን ማሳካት የምንሻው በሰላማዊ አማራጭ ነው፡፡ ይህ ምክንያታዊና ፍትሃዊ ጥያቄ ነው፤ እኛ ባናሳካው ልጆቻችን ያሳኩታል፡፡ ኢትዮጵያ የትኛውንም ሀገር ላይ ወረራም ሆነ ጥቃት አትፈጽምም፡፡ ነገር ግን ኢትዮጵያን ለመንካት የሚሞክሩ ካሉ አሳፍረን እንመልሳለን፡፡ ይህን ማድረግ የሚያስችል በቂ አቅም አለን፡፡

#የጠሚሩምላሾች
#PMOEthiopia

ስላምና ደህንነትን በተመለከተ

ከማንም በላይ ሰላም እንፈልጋለን፡፡ ጦርነትን በተግባር እናውቀዋለን፤ አንፈልገውም፡፡ ከኃይል አማራጭ ይልቅ የሰላም አማራጭ ውጤቱ ከፍተኛ ነው፡፡ መንግስት ግጭቶች በሰላም እንዲፈቱ ቅድሚያ ሰጥቶ ሰርቷል፡፡ አሁንም ያለን አቋም የትኛውም አይነት አለመግባባት በሰላም እንዲፈታ ነው፡፡ ነገር ግን የትኛውም አካል በኃይል እና ጥላቻ መጠፋፋትን እንጂ ዓላማውን ማሳካት አይችልም፡፡ ሰከን ብሎ ማሳብ ይገባል፡፡ ሃሳብ አልባ ትግል ፍሬ የለውም፡፡

#የጠሚሩምላሾች
#PMOEthiopia

የኑሮ ውድነትንና የበጎ ፈቃድ አገልግሎትን በተመለከተ

የኑሮ ውድነትን በዘላቂነት መቅረፍ የምንችለው ምርታማነትን በመጨመር ነው፡፡ የንግድ ስርዓቱን ማዘምንም ከፍተኛ ፋይዳ አለው፡፡ የኑሮ ውድነቱ እጅ አጠር ዜጎች ላይ ጫና እንዳይፈጥር መንግስት ከ300 እስከ 400 ቢሊዮን ብር የድጎማ በጀት መድቧል፡፡ ማዕድ ማጋራት፣ ትምህርት ቤት ምገባ እና እሁድ ገበያ መንግስት አቅመ ደካሞችን ለማገዝ የሚያደርገው ጥረት አካል ነው፡፡ በሀገር አቀፍ ደረጃም 249 ሺህ አቅመ ደካማ ዜጎች መኖሪያ ቤት እንዲያገኙ ተደርጓል፡፡ ይህ መንግስት ባለሃብቶችን በማስተባበር ያከናወነው ስራ ነው፡፡ የዋጋ ንረቱ አሁን ላይ ወደ 17 በመቶ ዝቅ ማድረግ የተቻለ ሲሆን፤ ይህን ወደ ነጠላ አሃዝ ማውረድ የመንግስት ቀዳሚ ትኩረት ነው፡፡

#የጠሚሩምላሾች
#PMOEthiopia

የውጭ ቀጥታ ኢንቨስትመንትን በተመለከተ

የማክሮ ኢኮኖሚ ማሻሻያውን የውጭ ቀጥታ ኢንቨስትመንት በ6 ነጥብ 4 በመቶ አድጓል፡፡በተለይ ለኢንቨስትመንት ምቹ ከባቢ በመፍጠር ረገድ የተከናወኑ ስራዎችም ኢንቨስትመንት ለመሳብ ትልቅ አቅም እየፈጠሩ ነው፡፡ ኢትዮጵያ ያላት መሬትና ታዳሽ ኃይል፣ እንዲሁም የሰው ሃይል ለኢንቨስትመንት ተመራጭ አድርጓታል፡፡

የወጪ ንግድን በተመለከተ

የማክሮ ኢኮኖሚ ማሻሻያውን ተከትሎ ባላፉት ሶስት ወራት ከወጪ ንግድ 1 ነጥብ 5 ቢሊዮን ዶላር ገቢ ተገኝቷል፡፡በዚህ አፈጻጸም ከቀጠልን በበጀት ዓመቱ መጠናቀቂያ ላይ ከ5 ቢሊዮን ዶላር በላይ ገቢ ይገኛል፡፡ ይህ ካለፈው ዓመት ጋር ሲነጻጻር የ1 ቢሊዮን ዶላር ጭማሪ አለው፡፡ በተለይ የማክሮ ኢኮኖሚ ማሻሻያው በወርቅ ምርት ወጪ ንግድ ላይ ትልቅ ለውጥ አምጥቷል፡፡ ባለፉት ሶስት ወራት ከወርቅ ወጪ ንግድ 500 ሚሊዮን ዶላር ገቢ ተገኝቷል፡፡ ይህም የወርቅ ምርት ምን ያህል ለህገ ወጥ ንግድ ተጋልጦ እንደነበር የሚያሳይ ነው፡፡

የመንግስት ገቢን በተመለከተ

የማክሮ ኢኮኖሚ ማሻሻያውን ተከትሎ የመንግስት ገቢ በእጅጉን ጨምሯል፡፡ ባላፉት ሶስት ወራት 180 ቢሊዮን ብር ገቢ መሰብሰብ ተችሏል፡፡ ይህም ካለፈው በጀት ዓመት ተመሳሳይ ወቅት ጋር ሲነጻጻር የተሻለ እድገት የተመዘገበበት ነው፡፡ በ2016 በጀት ዓመት የመጀመሪያዎቹ ሶስት ወራት የተሰበሰበው ገቢ 109 ቢሊዮን ብር ብቻ ነበር፡፡

የውጭ ሃብት ፍሰትን በተመለከተ
ባላፉት ሶስት ወራት በተለያየ መንገድ ከውጭ ወደ ኢትዮጵያ 3 ነጥብ 4 ቢሊዮን ዶላር መጥቷል፡፡ ይህም ካለፈው ዓመት ተመሳሳይ ወቅት ጋር ሲነጻጻር እጅግ ከፍተኛ የሆነ ጭማሪ ተመዝግቦበታል፡፡ ባለፈው በጀት ዓመት የመጀመሪያዎቹ ሶስት ወራት ከውጭ ወደ ኢትዮጵያ የመጣው ሃብት 400 ሚሊዮን ዶላር ነበር፡፡

የኢትዮጵያ አየር መንገድን በተመለከተ

በአፍሪካ ትልቁን የአውሮፕላን ማረፊያ ለመገንባት እንቅስቃሴ ተጀምሯል፡፡ ይህ አዲስ የሚገነባው የአውሮፕላን ማረፊያም በዓመት ከ100 አስከ 130 ሚሊዮን መንገደኞችን ያስተነናግዳል፡፡ አሁን ላይ 124 አዳዲስ አውሮፕላኖችን ለማግዛት አዘናል፡፡ ይህም የኢትዮጵያ አየር መንገድን በአፍሪካ ትልቁ የአውሮፕላን ባለቤት ብቻ ሳይሆን ግዙፍ የአውሮፕላን ማረፊያ ያለው ተቋም ያደርገዋል፡፡ ይህ ለውጥ በተለይ በአገልግሎት ዘርፍ ለማስመዝገብ የተያዘውን ውስጥ ለማሳካት ሚናው የጎላ ነው፡፡ በተያዘው በጀት ዓመትም የአገልግሎት ዘርፉ 7 ነጥብ 1 በመቶ እድገት እንደሚያስመዘግብ ይጠበቃል፡፡

#የጠሚሩምላሾች
#PMOEthiopia

ኢትዮጵያ ታምርት ንቅናቄ

ባለፉት ዓመታት በኢትዮጵያ ታምርት ንቅናቄ የኢንዱስትሪ ዘርፉን ለማነቃቃት ከፍተኛ ስራ ተከናውኗል፡፡ በተለይ ከኃይል አቅርቦት ጋር ተያይዞ ሲነሱ የነበሩ ችግሮችን በመፍታት ረገድ የተሻል ስራ የተከናወነ ሲሆን፤ አሁን ላይ የኢንዱስትሪዎችን የማምረት አቅም 67 በመቶ ማድረስ ተችሏል፡፡ የኢንዱስትሪ ዘርፉም በተያዘው በጀት ዓመት 12 ነጥብ 8 በመቶ እንደሚያድግ ይጠበቃል፡፡

#የጠሚሩምላሾች
#PMOEthiopia

ሌማት ትሩፋት

የሌማት ትሩፋት በአጭር ጊዜ ውስጥ ተስፋ ሰጪ እድገት የተመዘገበበት ዘርፍ ሆኗል፡፡ በተያዘው በጀት ዓመት በሌማት ትሩፋት ምርቶች የ5 ነጥብ 4 በመቶ እድገት የሚያስመዘግቡ ሲሆን፡፡ ለአብነትም በወተት ብቻ በዓመቱ 12 ቢሊዮን ሊትር የወተት ምርት ይጠበቃል፡፡ በዓመቱ 8 ቢሊዮን የዶሮ እንቁላል እንዲሁም 218 ሺህ ቶን ስጋ እና 297 ሺህ ቶን ማር ምርት ለማምረት የሚያስችል አቅም ተፈጥሯል፡፡

#የጠሚሩምላሾች
#PMOEthiopia

#በጎ_ፈቃደኝነት_ለማኅበረሰብ_ለውጥ!

የ2017 ዓ.ም የበጋ በጎ ፈቃድ ፕሮግራሞች

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

የ2017 በጀት ዓመት የበጋ በጎ ፈቃድ አገልግሎት

👉መሪ ቃሉ “በጎ ፈቃደኝነት ለማህበረሰብ ለውጥ!” የሚል ነው፡፡
👉ከጥቅምት 1/2017 እስከ ግንቦት 30/2017 ዓ.ም ድረስ ለ8 ወራት ይቆያል፡፡
👉 በ12 ዋና ዋና ፕግራሞችና 13 መርሀ ግብሮች ይተገበራል፡፡
👉1 ሚሊዮን በጎ ፈቃደኞች ይሳተፉበታል፡፡
👉781,844 የሕብረተሰብ ክፍሎች ተጠቃሚ ይደረጋሉ፡፡
👉6,599,778,376 ብር የመንግስት ወጪን ይታደጋል፡፡

👏ዋና ዋና ተግባራት፣
👉780,824 የህብረተሰብ ክፍሎች ማዕድ ይጋራሉ፡፡
👉4,026 የአረጋውያንና አቅመ ደካሞች ቤቶች ይገነባሉ፡፡
👉100,000 በጎ ፈቃደኞችን በማሳተፍ የችግኝ እንክብካቤ ይደረጋል፡፡
👉12,000 በጎ ፈቃደኞች ከስኬታማ ግለሰቦች የህይወት ልምድና ተሞክሮ እንዲማሩ ይደረጋል፡፡

👉30,480 የህብረተሰብ ክፍሎች ነፃ የህክምና ድጋፍና አገልግሎት ያገኛሉ፡፡
👉ከደም ለጋሽ ወጣት በጎ ፈቃደኞች 33,352 ዩኒት ደም ይሰበሰባል፡፡
👉2,500 በጎ ፈቃደኞችን በማሳተፍ በሆስፒታሎች ህሙማንን የመንከባከብ አገልግሎት ይሰጣል፡፡
👉1965 በጎ ፈቃደኞችን አገልግሎት በሚበዛባቸው የመንግስት ተቋማት ይሰማራሉ፡፡
👉60,000 በጎ ፈቃደኞች በአደባባይ የሚከናወኑ በዓላት በሰላም እንዲጠናቀቁ ያስተባብራሉ፡፡
👉5000 ወጣቶች በማህበራዊ ሚድያው በጎ ተፅዕኖ እንዲፈጥሩ ይደረጋል፡፡
👉500 የአደጋ ተከላካይ በጎ ፈቃደኞች ወደ አገልግሎት ይገባሉ፡፡
👉1729 በጎ ፈቃደኞችን በተመረጡ ክልሎች የከተማችንን የበጎ ፈቃድ ተሞክሮ እንዲያጋሩ ይደረጋል፡፡

"በጎ ፈቃደኝነት ለማኅበረሰብ ለውጥ!"

በአዲስ አበባ ባለፈው ክረምት 5 ነጥብ 4 ቢሊዮን ብር የሚገመት የበጎ ፈቃድ አገልግሎት ተሰጥቷል።

በመዲናችን አዲስ አበባ በ2016 ዓ.ም የክረምት በጎ ፈቃድ 5 ነጥብ 4 ቢሊዮን ብር የሚገመት አገልግሎት ተሰጥቷል።

የክረምት በጎ ፈቃድ መርሃ ግብሩ ከግንቦት 1/2016 ዓ.ም እስከ መስከረም 30/2017 ዓ.ም ለተከታታይ 5 ወራት “በጎ ፈቃደኝነት ለማኅበረሰብ ለውጥ!” በሚል መሪ ቃል በ15 ፕሮግራሞች እና በ18 ንዑሳን ተግባራት ሲካሔድ ቆይቷል፡፡

በድግግሞሽ 3 ሚሊዮን በጎ ፈቃደኞች የተሳተፉ ሲሆን 764 ሺህ 256 ዜጎች በቀጥታ ተጠቃሚ ሆነውበታል፡፡

በዚኽ መርሀ ግብር 2,574 የአቅመ ደካሞች ፣ የሀገር ባለውለታዎች እና አረጋውያን ቤቶች ተገንብተዋል ፤ 12 ሺህ 870 ቤተሰቦች በቀጥታ የቤት ግንባታና እድሳት አገልግሎት ተጠቃሚ ሆነዋል።

469,176 የኅብረተሰብ ክፍሎች በበዓላትና በተለያዩ ወቅቶች ማዕድ ተጋርተዋል ፤ 89 ሺህ ከፍለው መታከም የማይችሉ የኅብረተሰብ ክፍሎች ነፃ የህክምና ድጋፍ አግኝተዋል።

በደም እጥረት ምክንያት የሚፈጠርን ሞት ለመቀነስ ከበጎ ፈቃደኛ ደም ለጋሽ ወጣቶች 32 ሺህ 648 ዩኒት ደም ተሰብስቧል፡፡

94 ሺህ ተማሪዎች የክረምት ማጠናከሪያ ትምህርትና አጫጭር የክህሎት ስልጠና ያገኙ ሲሆን 6 ሺህ 509 የመንገድ ደህንነት ትራፊኮች የትራፊክ መጨናነቅ በሚበዛባቸው አደባባዮችና መንገዶች ላይ እንቅስቃሴውን በማሳለጥ ፣ በመንገድ አጠቃቀምና በትራፊክ አደጋ ዙሪያ ግንዛቤ በመፍጠር እንዲኹም በእግረኛ መንገዶች አቅመ ደካሞችን በማሻገር ተሳትፈዋል።

ከ2 ሚሊዮን በላይ በጎ ፈቃደኞች በአረንጓዴ አሻራ ተግባር እንዲኹም 6 ሺህ 35 በጎ ፈቃደኞች አገልግሎት በሚበዛባቸው የመንግስት ተቋማት የባለጉዳይ እንግልት በመቀነስ አገልግሎት ሰጥተዋል፡፡

የማኅበረሰባችን እርስ በርስ የመረዳዳት እሴት መጠናከር ፤ በጎ ፈቃደኞች ከማኅረሰባቸው መስጠትን ፣ ልግስናን ፣ መደጋገፍን ፣ ፍቅርንና መልካም እሴቶችን መቅሰም ፤ በዝቅተኛ የኑሮ ደረጃ የሚገኙ የኅብረተሰብ ክፍሎች ማኅበራዊና ኢኮኖሚያዊ ተጠቃሚነት ከፍ ማለት እና ከተማችን ለኑሮ ምቹና ተምሳሌት እንድትሆን ማስቻል በክረምት የበጎ ፈቃድ አገልግሎት የተገኙ ዋና ዋና ውጤቶች ናቸው።

ለተመዘገበው ሁሉ አቀፍ ውጤት የከተማው በየደረጃው ያለ አመራር ፣ የበጎ ፈቃደኞች ፣ የሚዲያ አካላትና የባለድርሻ ተቋማት ትብብር የአንበሳውን ድርሻ ይወስዳል። በዚኽም የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ልባዊ ምስጋናውን በአክብሮት ይገልፃል።

"በጎ ፈቃደኝነት ፤ ለማኅበረሰብ ለውጥ!"

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

አንድ ሚሊዮን በጎ ፈቃደኞች የሚሳተፉበትና ከ700 ሺህ በላይ የኅብረተሰብ ክፍሎች ተጠቃሚ የሚሆኑበት የበጋ በጎ ፈቃድ ፕሮግራም ይፋ ተደረገ።

በአዲስ አበባ ከተማ አንድ ሚሊዮን በጎ ፈቃደኞች የሚሳተፉበትና 784 ሺህ 844 የኅብረተሰብ ክፍሎችን ተጠቃሚ የሚያደርግ የበጋ በጎ ፈቃድ ፕሮግራም ዛሬ ይፋ ተደርጓል።

"በጎ ፈቃደኝነት ፤ ለማኅበረሰብ ለውጥ!" በሚል መሪ ቃል ይፋ የሆነው የ2017 ዓ.ም የበጋ በጎ ፈቃድ ፕሮግራም ከጥቅምት ጀምሮ እስከ ግንቦት 30/2017 ዓ.ም ድረስ የስምንት ወራት የቆይታ ጊዜ ይኖረዋል።

የበጋው የበጎ ፈቃድ ፕሮግራም 12 ዐበይት መርሃ ግብሮችንና 13 ንዑሳን ተግባራትን አካቷል። በእነዚህ መርሀ ግብሮች 6.5 ቢሊዮን ብር የሚገመት አገልግሎት ለመስጠት እቅድ ተይዟል።

በመድረኩ ላይ ተገኝተው ለበጎ ፈቃደኞች የስራ ስምሪት የሰጡት የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ይመር ከበደ በጎ ፈቃደኝነት መንግስት ተደራሽ ያላደረጋቸውን ተግባራት በመከወን በርካታ ማኅበራዊና ኢኮኖሚያዊ ችግሮችን እየፈታ መሆኑን ገልፀዋል።

ኮሚሽነር ይመር ከበደ ዓለም አቀፍ የዲፕሎማሲ መዲና በሆነችው ከተማችን በ2016 በጀት ዓመት ከ12 ቢሊዮን ብር በላይ የበጎ ፈቃድ አገልግሎት በመስጠትና የበርካታ ነዋሪዎችን ተስፋ ያለመለመ ፕሮግራም በመተግበር ለሀገራችን ከተሞች በምሳሌነት የሚጠቀስ ስራ ተስርቷል ብለዋል::

በበጋ የበጎ ፈቃድ ስራዎች የተከልናቸውን ችግኞች መንከባከብ ፣ በሠላም ዕሴት ግንባታ ፣ ለችግር የተጋለጡ ወገኖችን መደገፍና ማገዝ እንደሚገባ ኮሚሽነሩ አክለው ገልጸዋል።

በጎ ፈቃደኞች ማኅበራዊ ኃላፊነታቸውን በመወጣት ኅብረተሰባቸውን በቅንነት እንዲያገለግሉ የስራ አቅጣጫ የሰጡት ኮሚሽነሩ በበጋው የተያዘው ፕሮግራም ውጤታማ እንዲሆን ሁሉም ባለድርሻ አካላት እንዲረባረቡ ጥሪ አቅርበዋል።

ምክትል ኮሚሽነር ደረጄ ካሳ በበኩላቸው ለዘመናት የተከማመሩ ችግሮችን እየቀረፈች ዓለም አቀፍ የስበት ማዕከል መሆን በጀመረችው አዲስ አበባ ከተማ ማኅበራዊ ፍትህን ለማንገስ የተሰሩ የበጎ ፈቃድ ስራዎች ፍሬ ማፍራታቸውን ገልጸው በበጋ የበጎ ፈቃድ ስራዎች የበጎ ፈቃድ አገልግሎት ባህልን ከፍ የሚያደርጉ ስራዎችን ለመተግበር ዝግጅት መደረጉን ተናግረዋል።

በ2016 የክረምት በጎ ፈቃድ 5 ነጥብ 4 ቢሊዮን ብር የሚገመት አገልግሎት የተሰጠ ሲሆን ከሦስት ሚሊዮን በላይ በጎ ፈቃደኞች በድግግሞሽ ተሳትፈውበታል።

"በጎ ፈቃደኝነት ፤ ለማኅበረሰብ ለውጥ!"

የ2017 በጀት ዓመት የበጋ በጎ ፈቃድ ፕሮግራም በነገው ዕለት ይፋ ይደረጋል።

የአዲስ አበባ ከተማ አስተዳደር የኅብረተሠብ ተሳትፎና በጎ ፈቃድ ማስተባበሪያ ኮሚሽን የክረምት በጎ ፈቃድ አገልግሎትን በማጠቃለል የ2017 ዓ.ም የበጋ በጎ ፈቃድ ፕሮግራምን በነገው ዕለት በይፋ ያስጀምራል።

በመርሃ ግብሩ ላይ ከ1000 በላይ በጎ ፈቃደኞችና ባለድርሻ አካላት የሚሳተፉ ሲሆን ፕሮግራሙ "በጎ ፈቃደኝነት ለማኅበረሰብ ለውጥ!" በሚል መሪ ቃል ተግባራዊ ይሆናል።

አስር ዐበይት መርሃ ግብሮችንና 13 ንዑሳን ተግባራትን ያካተተው ይህ ፕሮግራም ከአንድ ሚሊዮን በላይ በጎ ፈቃደኞች ይሳተፉበታል ተብሎ ይጠበቃል!

አቶ ይመር ከበደ የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ሆነው ተመደቡ።

ኮሚሽነር ይመር ከበደ ከቀድሞው ኮሚሽነር ተንኩዌይ ጆክ ሮም የስራ ርክክብና ከጠቅላላ ካውንስል አባላት ጋር ትውውቅ አድርገዋል።

የቀድሞው ኮሚሽነር አቶ ተንኩዌይ ጆክ የመንግስት የልማት ድርጅቶች ባለስልጣን ኃላፊ ሆነው ተመድበዋል።

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ለኮሚሽነር ይመር ከበደ እና ለአቶ ተንኩዌይ ጆክ መልካም የስራ ጊዜ እንዲሆንላቸው ይመኛል።

ኮሚሽኑ በ2017 በጀት ዓመት በኅብረተሰብ ተሳትፎ የሚከናወኑ የልማት ፕሮጀክቶችን በነገው ዕለት በንቅናቄ ያስጀምራል።

"ሁሉ አቀፍ የኅብረተሰብ ተሳትፎ ለዘላቂ ልማት!" በሚል መሪ ቃል ነገ በንቅናቄ የሚጀመረው የኅብረተሰብ ተሳትፎ ልማት ከ13 በላይ ፕሮጀክቶች ተካተውበታል።

በ2016 በጀት ዓመት በኅብረተሰቡ የነቃ ተሳትፎና በመንግስት አጋርነት ከአንድ ነጥብ ዘጠኝ ቢሊዮን ብር በላይ የአካባቢ መሰረተ ልማት ስራ መከናወኑ ይታወሳል።

ኢሬቻ የመቻቻል ፣ የአብሮነት ፣ የህብርና የሠላም ምልክት!

ቱባ ባህላዊ እሴቶቻችን ደምቀን የምናጌጥባቸውና የምንኮራባቸው የኅብራዊ መልኮቻችን ነፀብራቆች ፣ የወል ሀብቶቻችን ናቸው፡፡

በዓሉ የመተሳሰብ ፣ የአብሮነት ፣ የሠላምና የፍቅር እንዲሆን መልካም ምኞታችንን እየገለፅን በዓሉን ስናከብር ምንጊዜም እንደምናደርገው ለተቸገሩ እና የእኛን ድጋፍ ለሚሹ ሁሉ አብሮነታችን በማሳየት እንዲሆን እንጠይቃለን፡፡

መልካም በዓል!

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን!

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን እንኳን ለ2017 ዓ.ም የኢሬቻ በዓል በሠላም አደረሳችሁ ሲል መልካም ምኞቱን ይገልፃል።

መልካም የኢሬቻ በዓል!

39ኛ መደበኛ የሚኒስትሮች ምክር ቤት ስብሰባ ውሳኔዎች፥

1. በቅድሚያ ምክር ቤቱ የተወያየው ብሔራዊ የመካከለኛ ዘመን 2017-2020 የገቢ ስትራቴጂ ላይ ነው፡፡ ስትራቴጂው የታክስ ሥርዓቱን ለማዘመን እና ለግል ኢንቨስትመንቱ ምቹ ሁኔታን ለመፍጠር የታለመ ሲሆን አጠቃላይ የታክስ ፖሊሲዎችን እና አስተዳደራዊ ሪፎርሞችን እንዲሁም ማሻሻያዎችን ለመተግበር የሚያስችል ነው፡፡ ሰትራቴጂው ከ10 ዓመቱ የልማት ዕቅድ ጋር የተጣጣመ እንዲሆን ተደርጎ ቀርቧል፡፡ ምክር ቤቱም በስትራቴጂው ላይ በዝርዝር ከተወያየበት በኋላ በምክር ቤቱ ውሳኔ ካገኘበት ቀን ጀምሮ ተግባራዊ እንዲደረግ በሙሉ ድምጽ ወስኗል፡፡

2. በመቀጠል የተወያየው የኢትዮጵያ ፌዴራላዊ ዴሞክራሲያዊ ሪፐብሊክ መንግስት ከማልታ ሪፐብሊክ መንግስት እና ከቻድ ሪፐብሊክ መንግስት ጋር የተፈረማቸውን የአየር አገልግሎት ስምምነቶችን ለማጽደቅ የቀረቡ 2 ረቂቅ አዋጆች ላይ ነው፡፡ ስምምነቶቹ የኢትዮጵያ አየር መንገድ ወደ ማንኛውም የማልታ ከተማ እና ወደ እንጃሜና ከተማ በ3ኛና 4ኛ ትራፊክ መብት የመንገደኛ እና የጭነት የበረራ ምልልስ ለማድረግ፣ ተወካይ አየር መንገዶችን በሽርክና ለማሰራት፣ በ5ኛ ትራፊክ መብት ወደ ተመረጡ መዳረሻዎች በረራ ለማድረግ የሚያስችል እና አገራችን ከሁለቱ ጋር ያላትን የሁለትዮሽ ግንኙነት ለማጠናከር፣ ለንግድና ኢንቨስትመንት፣ ለወጪ ንግድ፣ ለቱሪዝም፣ ለስራ እድል ፈጠራ እና ለውጭ ምንዛሪ ግኝት ትልቅ አስተዋጽኦ ያላቸው ስምምነቶች ናቸው፡፡ ምክር ቤቱ በረቂቅ አዋጆቹ ላይ ከተወያየ በኋላ ወደ ህዝብ ተወካዮች ምክር ቤት እንዲተላለፉ ወስኗል፡፡

3. በመቀጠል የፓሪስ ኢንዱስትሪያዊ ንብረት ኮንቬንሽን ለማጽደቅ በቀረበው ረቂቅ አዋጅ ላይ ነው፡፡ የፓሪስ ኢንዱስትሪያዊ ንብረት ኮንቬንሽን በአባል አገራት መካከል ሕብረት በመፍጠር የኢንዱስትሪ ንብረትን ለመጠበቅ፣ የፈጠራ ባለቤትነት፣ የግልጋሎት ሞዴሎች፣ የኢንዱስትሪ ንድፎች፣ የንግድ ምልክቶች፣ የአገልግሎት ምልክቶች፣ የንግድ ስሞች፣ የምርቶች ምንጭ አመልካች ምልክቶች ለመጠበቅ እንዲሁም ተገቢ ያልሆነ ውድድር ለመከላከል እና ለግብርና እና ሁሉንም የተመረቱ ወይም ተፈጥሯዊ ምርቶች የሚያካትት ነው፡፡ ምክር ቤቱም በረቂቅ አዋጁ ላይ ከተወያየ በኋላ ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

4. ሌላው የዓለም አቀፍ ምልክቶችን ከሚመለከተው የማድሪድ ስምምነት ጋር የተዛመደውን ፕሮቶኮል ለማጽደቅ በወጣ ረቂቅ አዋጅ ላይ ነው፡፡ ፕሮቶኮሉ የንግድ እና የአገልግሎት ምልክቶች በአገር ውስጥ ሕግ ከሚደረግላቸው ጥበቃ አልፈው በዓለም አቀፍ ደረጃ ጥበቃ እንዲኖራቸው ለማድረግ የሚያስችል ከመሆኑም በተጨማሪ ምርቶችና አገልግሎቶች ያላግባብ ለሌሎች ጥቅም እንዳይውሉ በቂ ጥበቃ የሚደረግበትን ሁኔታ የሚፈጥር፣ ጥራታቸውን የጠበቁ ምርቶችና አገልግሎቶች እንዲኖሩና የሀብት ምንጭ እንዲሆኑ ትልቅ ጠቀሜታ ያለው በመሆኑ ምክር ቤቱ በፕሮቶኮሉ ላይ ከተወያየ በኋላ ወደ ህዝብ ተወካዮች ምክር ቤት እንዲተላለፍ ወስኗል፡፡

5. በመጨረሻም የኢሚግሬሽንና ዜግነት አገልግሎት ደንብ እና የኢሚግሬሽን እና ዜግነት አገልግሎት ሰራተኞች ደንብ ላይ ነው፡፡ የጀመረውን ሪፎርም ውጤታማ ለማድረግ፣ ሪፎርሙ በተሟላ ሁኔታ እንዲተገበር ለማስቻል የአገልግሎቱን ልዩ ባህሪይ ከግምት ውስጥ ያስገባ ሰራተኞች መተዳደሪያ ደንብ ተዘጋጅቶ ቀርቧል፡፡ ምክር ቤቱም በረቂቅ ደንቦቹ ላይ በዝርዝር ከተወያየባቸው በኋላ ግብዓቶችን በማከል በነጋሪት ጋዜጣ ታትመው ከወጡበት ቀን ጀምሮ ተግባራዊ እንዲደረጉ በሙሉ ድምጽ ወስኗል፡፡

👉ትላንት በአዲስ ከተማ ክፍለ ከተማ ለአቅመ ደካሞች የተገነቡ መኖሪያ ህንፃዎች በከንቲባ አዳነች አቤቤ ተመርቀው ለተጠቃሚዎች ተላልፈዋል።

👉ዊንጌት እና ገብስ ተራ አካባቢ ደሳሳና ለኑሮ የማያመቹ የነበሩ የቀበሌ ቤቶችን በማፍረስ ምቹ ተደርገው የተገነቡ ናቸው።

👉አጠቃላይ የቤቶች ብዛት 75 ሲሆኑ ባለ 5 ወለል(G+5) ሁለት ህንጻዎች ናቸው።

👉ከ375 በላይ ቤተሰቦች ያሏቸው 75 አባውራ/እማውራዎችን ተጠቃሚ ያደረጉት እነዚህ ቤቶች በአጭር ጊዜ ውስጥ የተጠናቀቁ ናቸው።

👉የመጸዳጃና የማብሰያ ቦታ ፣ ሰፋፊ ሳሎኖችና መኝታ ቤቶች ያላቸው ናቸው::

👉በዚህ የበጎ ፈቃድ አገልግሎት ላይ ብዙአየሁ ታደለ ፋውንዴሽን፣ መተባበር ለኢትዮጵያ አ/ማ ፣ ተምሳሌት በሲዳሞ ተራ አ/ማ ፣ ምዕራብ ገበያ ልማት አ/ማ ፣ ጉሊት አክሲዮን ማህበር ፣ ሸራ ተራ ብርሃን አክሲዮን እንዲሁም ጎሽ ንግድና አክሲዮን ግንባታ ማህበር ተሳትፈዋል።

👉ከንቲባ አዳነች አቤቤ በቦታው ተገኝተው "የዘመሙ ጎጆዎችን እያቃናን የሚፈሱ እንባዎች ሲታበሱ ማየት እጅግ ደስ ያሰኛል" ያሉ ሲሆን በዚህ የማኅበራዊ ኃላፊነት ስራ ላይ የተሳተፉ ተቋማትን በተጠቃሚ ነዋሪዎች እና በከተማ አስተዳደሩ ስም አመስግነዋል።

👉በመተባበር የሰው ኑሮ እና አኗኗርን በማሻሻል ሀገር እንገነባለንና ትብብራችንን አጠናክረን እንቀጥል ሲሉ ከንቲባ አዳነች አቤቤ ጥሪ አቅርበዋል።

ማኅበራዊ ሚዲያን ለሀገራዊ አንድነት ፣ ለሠላም ዕሴትና ለመልካም ገፅታ ግንባታ እንዲሁም ለበጎ ዓላማ መጠቀም እንደሚገባ ተጠቆመ።

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን "ማኅበራዊ ሚዲያ ለበጎነት" በሚል መሪ ቃል ማኅበራዊ ሚዲያውን ለበጎ ዓላማ ለሚጠቀሙ በጎ ፈቃደኞች ስልጠና ሰጥቷል።

የስልጠና መድረኩን በንግግር የከፈቱት የኮሚሽኑ ምክትል ኮሚሽነር ወ/ሮ ፀሐይ ኪባሞ ወጣቶች በማኅበራዊ ሚዲያ ኅብረ ብሔራዊ ወንድማማችነትና እህትማማችነትን የሚያፀኑ ፣ ሀገራዊ አንድነትንና መልካም ገፅታን የሚገነቡ እንዲሁም ለሠላም ዕሴት ግንባታ ቀዳሚ ትኩረት የሚሠጡ ይዘቶችን ማጋራት እንደሚገባቸው አሳስበዋል።

ወጣቶች አዎንታዊ አጀንዳዎችን በመሸጥ የተዛቡና አንድነትን የሚሸረሽሩ አሉታዊ መረጃዎች ቦታ እንዳይኖራቸው ማድረግ ፣ የማኅበራዊ ሚዲያውን አልጎሪዝም በልማት ፣ በሠላም ፣ በዲሞክራሲ ፣ በማኅበረሰብ ለውጥና ተጠቃሚነት የበላይነት እንዲይዝ መስራት ይጠበቅባቸዋል ብለዋል ምክትል ኮሚሽነሯ።

የአሁኑ ትውልድ አሉታዊ የማኅበራዊ ሚዲያ አጠቃቀም ተፅዕኖን በመግታት ለብሔራዊ ጥቅምና ለሀገር ሉዓላዊነት መከበር የድርሻውን የሚወጣበት ጊዜ መሆኑን ያወሱት ወ/ሮ ፀሐይ በከተማችን አዲስ አበባ በየዘርፉ የተከናወኑ የልማት ፣ የበጎነትና የሠላም ስራዎች የማህበራዊ ሚዲያው ቀዳሚ አጀንዳ እንዲሆኑ በማድረግ ረገድ የወጣት በጎ ፈቃደኞች ሚና ከፍተኛ እንደነበር አውስተው ተሳትፏቸውን ይበልጥ እንዲያጠናክሩ ጠይቀዋል።

ኮሚሽኑ በክረምት በጎ ፈቃድ አገልግሎት ከተያዙ 15 ፕሮግራሞች መካከል "ማኅበራዊ ሚዲያ ለበጎነት" አንደኛው መርሀ ግብር ሲሆን ጤናማ የዲጂታል ሚዲያ አጠቃቀም ባህል እንዲጎለብት ፣ ማኅበራዊ ሚዲያ ኢትዮጵያዊ አብሮ የመኖር እሴትን በማይሸረሽር መልኩ ፣ ወንድማማችነት ፣ አብሮነትና ሠላም እንዲዳብር ለከተማዋ ወጣቶች የተለያዩ መድረኮችን በማዘጋጀት ግንዛቤዎችን ሲፈጥር ቆይቷል።

በዛሬው የስልጠና መድረክ በጎ ተፅዕኖ የሚፈጥሩ ወጣት በጎ ፈቃደኞች የተሳተፉ ሲሆን ሥልጠናው በይዘት አዘገጃጀት ፣ በእውነታ ማጣራት እንዲሁም በማህበራዊ ሚዲያ በጎ ፈቃደኝነት ላይ ትኩረት አድርጓል።

"ጤናማ የማኅበራዊ ሚዲያ አጠቃቀም የሥልጡን ዜጋ መገለጫ ነው!"

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

https://www.facebook.com/100081096695214/posts/pfbid0YNynBPjNnLayMcRaLZkWVw1mn4ELqvdd3eu5ionBXaYncmB1J9h9orE1dBgg4723l/?app=fbl

#ወርቃማው_ሰኞ

ጅማሬያችን ለመጨረሻችን መነሻ ነው። በመልካም መጀመር በመልካም ለማጠናቀቅ ወሳኝ ነው። የስራ መጀመሪያችን ወርቃማዋን ሰኞ የስራ መነሳሳትን በሚፈጥር መልኩ በ"ቅንነት!" መጀመር ተገቢ ነው።

በዛሬው ወርቃማ ሰኞ "ቅንነት" ለስኬታማነት ያለውን ሚና የሚያስረዳ ማብራሪያ የሰጡት የበጎ ፈቃድ ዘርፍ ምክትል ኮሚሽነር አቶ ደረጀ ካሳ ናቸው። በረዥም ጊዜ የስራ ልምዳቸው አብረዋቸው የሰሩ ቀና ሰዎች ከፍ ከፍ ብለው ስኬታማ መሆናቸውን ገልፀዋል አቶ ደረጀ።

ቀና ያልሆኑ ሰዎች መጨረሻቸው አያምርም ፤ ስኬት አያመጡም ፤ ለውጥ አልባ ናቸው። ቀና ሰዎች ደግሞ በተቃራኒው የጀመሩትን በስኬት ይጨርሳሉ ፤ ከነበሩበት ኃላፊነት ወደላቀ ደረጃ ያድጋሉ። በአጠቃላይ ለውጥ ለማምጣትና ስኬት ላይ ለመድረስ በቅንነት ማገልገል ያስፈልጋል።

በህዝብ አገልግሎት ከ12ቱ የስነ ምግባር መርሆዎች መካከል ቅንነት አንዱ ነው። እንደ መርህ በየመሥሪያ ቤታችን ግድግዳ ላይ ያስቀመጥነው "ቅንነት" ልንገዛበትና ልንተገብረው የሚገባ ህግ ነው። ህዝብን በቅንነት ማገልገል ደግሞ የምናልማትን ታላቅ ሃገር ለመገንባት ያግዛል። የኮሚሽናችን ባለሙያዎች "ቅንነትን" የሥራቸው መሰረት ፣ የሕይወታቸው ህግ በማድረግ የላቀ ውጤት ማስመዝገብ ይጠበቅባቸዋል።

ቅንነት - ለላቀ ውጤት!
መልካም የስራ ሳምንት!

ለመላው የእስልምና እምነት ተከታዮች እንኳን ለ1499ኛው የመውሊድ በዓል በሰላም አደረሳችሁ!

#Ethiopia
#addisababa
#volunteering