Gullele communication

የተማሪዎችን ውጤት በማሻሻል የትምህርት ጥራት ለማረጋገጥ የክትትል ድጋፍ ሚናው የጎላ ነው!!

(ጉለሌ ኮሙኒኬሽን 13/5/17)

የጉለሌ ክፍለ ከተማ ትምህርት ጽ/ቤት ለ1ኛና ለ2ተኛ ደረጃ ትምህርት ቤቶች   የሂሳብና እንግሊዘኛ እስትራቴጅ  አፈጻጸም የ6ወር  ሪፖርት የጋራ ግምገማ የተደረገ ሲሆን የንብረት አያያዝና አስተዳደር ኦረንቴሽን መስጠት፣የፈተና አዘገጃጀትና በተማሪዎች ውጤት ትንተና ዙሪያ ስልጠና ተሰጥቷል።
  
ሁሉም የ1ኛና 2ተኛ የመንግስት ትምህርት ቤቶች ርዕሰ መምህራን፣ክላስተር ሱፐር ቫይዘሮች ፣በዘርፉ የሚገኙ  የወረዳ ትምህርት ጽ/ቤት ሀላፊዎች፣የአይሲቲና የመረጃ ማዕከል  ባለሙያዎች በውይይቱ ተሳትፈዋል።

በመድረኩ ክትትልና ድጋፍ የተደረገበት ዋና ዋና ግቦችና ዝርዝር ተግባራት በማየት በክፍተት የታየባቸውንና በጥንካሬ የተከናወኑትን ተግባራት እንደ ተቋሙ ነባራዊ ሁኔታዎች በማመላከት ፣የንብረት አያያዝና የመረጃ አደረጃጀትና በተለይም በሂሳብና በእንግሊዘኛ የ6ወር እስትራቲጂ አፈጻጸም የተገኙ ውጤቶችና የቀጣይ አቅጣጫዎች  ከትምህርት አመራሩ ጋር   የጋራ ውይይት ተደርጓል።

"#የአገልግሎት_ቀን_በጉለሌ !!

አስተዳደሩ የአገልግሎት ቀንን ለተገልጋይ ብቻ የሚለውን አቋም ይዞ በአንድ ማዕከል ህዝቡን በግልፅነት ማገልገሉን አጠናክሮ ቀጥሏል።

የጉለሌ ክፍለ ከተማ አስተዳደር የአንድ ማዕከል አገልግሎት ረቡዕና ዓርብን ማዕከል አድርጎ ከክፍለ ከተማ ባሉ በሁሉም ጽ/ቤቶች እየተሰጠ ሲሆን ለተገልጋይ የተደራጀ አገልግሎት አሰጣጥ ተጠናክሮ ቀጥሏል በዚህም በርካታ የመልካም አስተዳደር ችግሮች እየተፈቱ ይገኛሉ።

በዛሬው ዕለትም በሁሉም ጽ/ቤቶች የተገልገይን ዕለት ለተገልጋይ ብቻ በማዋል ተገልጋዩን ህብረተሰብ በክብር ፣ በቅንነት በታማኝነትና ውጤታማ በሆነ አሰራር እያገለገለ ውሏል።

በአገልግሎት አሰጣጡ የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ ፣የጉለሌ ክፍለ ከተማ ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ አማካሪዎች፣ የክፍለ ከተማ ሴክተር መስሪያ ቤቶች አንድ ዓይነት ጉዳይ ያላቸውን በጋራ ምላሽ በመስጠት፣ ወረፋን በመጠበቅ የሚጠፋ ጊዜን በመቆጠብ፣ ብልሹ አሰራርን ለማስወገድና ግልፀኝነትን በመፍጠር በልዩ ትኩረት እየተሠራ ነው።

እንኳን ለጥምቀት በዓል አደረሳችሁ!!

ጥምቀት በዓለም ካስተዋወቁን ሀይማኖታዊ እና ባህላዊ በዓሎቻችን አንዱ ነው። የኅብረ ብሔራዊነት መገለጫ የሆነው የጥምቀት በዓል ኢትዮዽያዊያን በባህላዊ አልባሳት ደምቀዉ በተለያዩ ቋንቋዎች ሀይማታዊ እና ባህላዊ ትዕይንቶችን የሚያሳዩበት የእኛነታችን መገለጫ በዓል ነው።

በርካታ ቱሪስቶች ወደ ኢትዮጵያ በመምጣት በዚህ በዓል ላይ የሚታየውን ሀይማኖታዊ ትዕይንት፣ ባህላችንን፣ ዉበታችንን፣ ድምቀታችንን፣ አብሮነታችንን እንዲሁም እሴቶቻችንን ተመልክተዉ ይደነቁበታል።

ጥምቀትን ስናከብር፤ ሀይማኖታዊ እና ባህላዊ እሴቱን በማጎልበት፣ ኅብረ ብሔራዊነቱን በማጠናከር፣ ለቱሪዝም ዘርፍ እድገት እና ለሀገር ገፅታ ግንባታ እያበረከተ ያለውን አስተዋጽኦ በማጉላት፣ ዉብ እና ደማቅ በሆነ ሁኔታ ሊሆን ይገባል።

በዓሉ አብሮነት ሚጎለብትበት፣ የጤና፣ የፍቅር፣ የደስታ እንዲሆን የመልካም ምኞት መልእክቴን አስተላልፋለሁ።

መልካም የጥምቀት በዓል ይሁን!

ፈጣሪ ኢትዮጵያንና ህዝቦቿን ይባርክ!

እንኳን ለጥምቀት በዓል አደረሳችሁ!!

ጥምቀት በዓለም ካስተዋወቁን ሀይማኖታዊ እና ባህላዊ በዓሎቻችን አንዱ ነው። የኅብረ ብሔራዊነት መገለጫ የሆነው የጥምቀት በዓል ኢትዮዽያዊያን በባህላዊ አልባሳት ደምቀዉ በተለያዩ ቋንቋዎች ሀይማታዊ እና ባህላዊ ትዕይንቶችን የሚያሳዩበት የእኛነታችን መገለጫ በዓል ነው።

በርካታ ቱሪስቶች ወደ ኢትዮጵያ በመምጣት በዚህ በዓል ላይ የሚታየውን ሀይማኖታዊ ትዕይንት፣ ባህላችንን፣ ዉበታችንን፣ ድምቀታችንን፣ አብሮነታችንን እንዲሁም እሴቶቻችንን ተመልክተዉ ይደነቁበታል።

ጥምቀትን ስናከብር፤ ሀይማኖታዊ እና ባህላዊ እሴቱን በማጎልበት፣ ኅብረ ብሔራዊነቱን በማጠናከር፣ ለቱሪዝም ዘርፍ እድገት እና ለሀገር ገፅታ ግንባታ እያበረከተ ያለውን አስተዋጽኦ በማጉላት፣ ዉብ እና ደማቅ በሆነ ሁኔታ ሊሆን ይገባል።

በዓሉ አብሮነት ሚጎለብትበት፣ የጤና፣ የፍቅር፣ የደስታ እንዲሆን የመልካም ምኞት መልእክቴን አስተላልፋለሁ።

መልካም የጥምቀት በዓል ይሁን!

ፈጣሪ ኢትዮጵያንና ህዝቦቿን ይባርክ!

ከንቲባ አዳነች አቤቤ

https://www.facebook.com/100066583024934/videos/1339661714153213/

ጠቅላይ ሚኒስትር ዐቢይ አሕመድ (ዶ/ር) ለጥምቀት በዓል የእንኳን አደረሳችሁ መልዕክት አስተላለፉ

የመልዕክታቸው ሙሉ ቃል እንደሚከተለው ቀርቧል፡-

ጥምቀት ሃይማኖታዊ፣ ባህላዊ እና ኅብረ ብሔራዊ በዓላችን ነው።

በሃይማኖታዊነቱ የኢየሱስ ክርስቶስን ከሰማያት ወርዶ፣ በዮሐንስ እጅ በዮርዳኖስ ወንዝ መጠመቅ እናስብበታለን። ይሄም የጠፋውን አዳም ለመፈለግ የተደረገ ጉዞ ነው።

ኢየሱስ ክርስቶስ አዳም በወደቀበት በእያንዳንዱ ዱካ ከቤተልሔም እስከ ቀራንዮ ተከትሎ ዋጅቶታል። በዚህም አዳምን ወደ ጥንት ክብሩ መመለስ ብቻ ሳይሆን ከጥንቱ የበለጠ ክብር ሰጥቶታል።

ይሄም ለዛሬዋ ኢትዮጵያ የሚያስተምረን ብዙ ነው። ሀገራችን ኢትዮጵያ ከቤተልሔም እስከ ቀራንዮ የወደቀችበት ብዙ ነው። በእያንዳንዱ በወደቀችበት ውድቀት ተከትለን ማንሣት አለብን። የትርክት፣ የሀገረ መንግሥት፣ የኢኮኖሚ፣ የፖለቲካ፣ የመግባባት ውድቀቶቿን ወደ ትንሣኤዋ መቀየር አለብን።

ክርስቶስ አዳምን ሲያድነው እንዲህ ወይም እንዲያ ማድረግ አለብህ አላለውም። አዳም ዐቅም እንደሌለው ያውቃልና። መዳኑን እርሱ ራሱ ሊያደርገው እንደማይችል ያውቃል። ስለዚህ ክርስቶስ ተገብቶ ፈጸመለት።

ኢትዮጵያችን በዘመናት መከራዎች ደክማለች። በዘመናት ድህነትና ኋላ ቀርነት ተጎድታ ዐቅም አጥታለች። እንዲህ ወይም እንዲያ ማድረግ ነበረባት የሚለው አሁን ለውጥ አያመጣም። መደረግ ያለበትን እኛ ልጆቿ ዛሬ እናድርገው። ስለ ሀገራችን እኛ ቤዛ እንሁን።

ቤተልሔም መወለድ ካለብን እንወለድ። በባሕር መካከል መቆም ካለብን እንቁም። መሰደብ ካለብን እንሰደብ፣ መሰቀል ካለብንም እንሰቀል። ነገር ግን ይህ ሁሉ የኢትዮጵያን ትንሣኤ የሚያመጣ ይሁን። ዛሬ እያደረግነው ያለነውም ይሄንኑ ነው።

ጥምቀት ባህላዊ በዓላችንም ነው። የኢትዮጵያ የመስክ ላይ ትዕይንት ማቅረቢያ በዓል ነው። መስኩና ወንዙ ይታይበታል። ልብሳችን እና የወግ ዕቃዎቻችን ለዓለም እናሳያለን። የፀጉር አሠራራችንን እና ዜማዎቻችንን እናቀርባለን። ጥምቀት የኢትዮጵያ ባህል የአደባባይ ሙዝየም ነው።

ብዙ ቱሪስቶች ወደ ኢትዮጵያ ለመምጣት ይሄንን ወቅት ከሚመርጡበት ምክንያቶች አንዱ ይሄ የአደባባይ ሙዝየም ነው። ከገጠር እስከ ከተማ ፤ ከዳር እስከ መሐል፤ ከውጭ እስከ ሀገር የጥምቀት በዓል የእኛነታችን መገለጫ ነው።

ጥምቀት ኅብረ ብሔራዊ በዓልም ነው። የኢትዮጵያን ብሔሮች፣ ቋንቋዎች፣ ባህሎች ለማየት የፈለገ ሰው አንዱ አማራጩ የጥምቀት አደባባይ ነው። በአንድ አደባባይ ሺህ ዓይነቱን ኀብረ ብሔራዊ ማንነታችንን ማየት ይቻላል። የክት የተባለው የባህል ልብሳችን ይወጣል፤ ታይተው የማያውቁ ጌጣጌጦች ብቅ ይላሉ፤ በጥምቀት የኢትዮጵያን መልከ ብዙ ገጽታ ማየት ይቻላል።

እነዚህን የመሰሉ ዕሴቶቻችንን ስላስረከቡን ቀደምቶቻችንን እናመሰግናቸዋለን። ጥምቀት ከተማን ከገጠር ያገናኛል። ብዙዎች ወገኖቻቸውን ለማግኘት ገጠር ይወርዳሉ። የውጭውንም ከሀገር ቤት ያስተሣሥራል። ሚልዮን ወገኖቻችን ጥምቀትን አብረውን ለማክበር ከውጭ ገብተዋል። ይሄም ኅብረ ብሔራዊ ትሥሥራችንን ይበልጥ የሚያጠናክር ነው።

የጥምቀትን አስተምህሮ ለሀገር ግንባታ በመጠቀም፤ ባህላዊ እሴቱን በማጎልበት እና ኅብረ ብሔራዊነቱን በማጠናከር በዓሉን እንድናከብር አደራ እላለሁ።

በድጋሚ መልካም የጥምቀት በዓል ይሁን።

ኢትዮጵያ በልጆቿ ጥረት ታፍራና ተከብራ ለዘላለም ትኑር!!

ፈጣሪ ኢትዮጵያና ሕዝቦቿን ይባርክ!

ጥር 10፣ 2017 ዓ.ም

የሰላም ሰራዊቱ የአካባቢውን ሰላምና ጸጥታ በማስጠበቅ ጉለሌን የብልጽግና ተምሳሌት እንድትሆን ማስቻል አለበት ፦ አቶ ወልዴ ወገሴ

የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ በፀጥታ ስምሪቱ ወቅት እንደተናገሩት የክፍለ ከተማውን ሁለንተናዊ ሰላም በማረጋገጥ የሰላም ሰራዊቱ ሚና የጎላ መሆኑን ገልጸው አሁንም የሰላም ሰራዊቱ የአካባቢውን ሰላምና ጸጥታ በማስጠበቅ ጉለሌን የብልጽግና ተምሳሌት እንድትሆ ማስቻል አለበት ያሉ ሲሆን የከተራና የጥምቀት በአል ሀይማኖታዊ እሴቱን በጠበቀ መልኩ እንዲከበር ከፀጥታ ሀይሉና ከአመራሩ ጋር በቅንጅት መስራት አለባችሁ በማለት የምሽቱን የፀጥታ ስምሪት ሰጥተዋል።

በምሽቱ የሰላም ሰራዊት ስምሪት ላይ የጉለሌ ክፍለ ከተማ ዋና ስራ አስፈፃሚ አቶ ወልዴ ወገሴ፤የአዲስ አበባ ከተማ አስተዳደር የመንግስት የንብረት አስተዳደር ባለስልጣን ምክትል ስራ አስኪያጅና የህንፃ ዘርፍ ሃላፊ አቶ ይድነቃቸው ዋለልኝ ፤የጉለሌ ክፍለ ከተማ ብልፅግና ፓርቲ ቅ/ፅ/ ቤት ሃላፊ አቶ ይከበር ስማቸው፤የጉለሌ ክፍለ ከተማ ብልፅግና ፓርቲ የአደረጃጀት ዘርፍ ሃላፊና ሌሎች የክፍለ ከተማና የወረዳ አመራሮች ተገኝተዋል።

የጉለሌ ክፍለ ከተማ የሲቪል ምዝገባና የነዋሪነት አገልግሎት ጽ/ቤት በ10ሩም ወረዳ ለሚገኙ ሰራተኞች የስራ ቦታ የደንብ ልብስ ለ2ኛ ዙር ማሰራጨቱን ገለጸ።
የክፍለ ከተማው ሲቪል ምዝገባና የነዋሪነት አገልግሎት ጽ/ቤት ኃላፊ አቶ እዮብኤል ጣፋ እንደተናገሩት ጽ/ቤቱ ለህብረተሰቡ የሚሰጡ አገልግሎቶችን ለማሻሻልና የህብረተሰቡን እርካታ ለማሳደግ የተለያዩ ቴክኖሎጅዎችን እየተጠቀሙ መሆኑን ገልጸው ከአዲስ አበባ ከተማ የሲቪል ምዝገባና የነዋሪነት አገልግሎት ኤጀንሲ ያሰራውን የጽ/ቤቱን አገልግሎት የበለጠ ለማሻሻል ምቹ የስራ አካባቢን ለመፍጠር ቁርጠኛ መሆኑንና ለዚህም ማሳያ ለጽ/ቤቱ ሰራተኞች የስራ የደንብ ልብስን ለሰራተኞች እንዲደርስ መደረጉን ተናግረዋል።
የሰራተኞች የደንብ ልብስ ሰራተኞችን ከተገልጋዩ በመለየት ግልጸኝነትና ተጠያቂነት ስርዓትን በመዘርጋት ፈጣንና ቀልጣፋ አገልግሎት ለመስጠት እንደሚያስችል ገልጸዋል።
በክፍለ ከተማው የሚገኙ ባለሙያዎች ስነ ምግባርን በተላበሰ መልኩ አገልግሎትን በመስጠት የተጀመረውን ሪፎርም እውን እንዲሆን መስራት እንዳለባቸው አሳስበዋል።

በጉለሌ ክፍለ ከተማ የጥምቀት በዓልን አስመልክቶ የታቦት ማደሪያ የፅዳት ዘመቻ ንቅናቄ መርሀ-ግብር ተካሄደ።

በክፍለ ከተማው የጥምቀት ታቦት ማደሪያ ቦታዎች የክፍለ ከተማና የወረዳ አመራሮች፤የሀይማኖት አባቶች ፤የጸጥታ አባላትና ነዋሪዎች በተገኙበት የፅዳት ዘመቻ ንቅናቄ መርሀ-ግብር ተካሂዷል፡፡

የጥምቀት በአል ሀይማኖታዊና ባህላዊ እሴቱን ጠብቆ በሰላም እንዲሚከበር ጽዳት የስልጣኔና የጤንነት መገለጫ መሆኑን ተገልጿል ።

በፅዳት ዘመቻው ላይ የተገኙት የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ እንደተናገሩት ለሁሉም ሃይማኖታዊ በዓሎቻችን ስኬትና ድምቀት የጋራ ሃላፊነት አለብን ሲሉ ጥምቀት ኢትዮጵያ ካሏት የአደባባይ በዓላት አንዱና ዋነኛው መሆኑንም ተናግረዋል፡፡

የክፍለ ከተማው ነዋሪ ህብረተሰብ በዓሉ በሰላም ተጀምሮ በሰላም እንዲጠናቀቅ በተለመደው ኢትዮጵያዊ ጨዋነት እንዲያሳልፍና ከፀጥታ አካላት ጋር በቅርበትና በትብብር ይሰራ ዘንድ ጥሪ ቀርቧል።

የክፍለ ከተማው ብልጽግና ፓርቲ ቅርንጫፍ ጽ/ቤት የአደረጃጀት ዘርፍ ኃላፊ አቶ ሽመልስ ጎዴቦ በበኩላቸው ጽዳት የዘወትር ተግባራችን ማድረግ ይገባናል ያሉ ሲሆን የዛሬው የጽዳት ዘመቻ በክርስትና እምነት ተከታዮች ዘንድ በድምቀት የሚከበረው የጥምቀት በዓል የታቦት ማደሪያ ስፍራ ጽዳት በማድረግ በዓሉን በአብሮነትና በአንድነት ለማክበር ያለመ እንደሆነ ተናግረዋል።

የበዓል ግብይት በጉለሌ ክፍለ ከተማ አስተዳደር

በክፍለ ከተማው ለበዓል ፍጆታ የሚዉሉ የምርት ግብዓቶች በ10ሩም ወረዳ በሰንበት ገበያ እና ሸማች ሱቆች በስፋት ቀርበዋል።

የሰንበት ገበያ ፣ በሸማች ሱቅ፣ እና ለህብረተሰቡ ምቹ በሆኑ አካባቢዎች በተከፈቱ በገና ባዛር ቦታዎች የግብርና ፣ የኢንዱስትሪ ምርት፣ እና የእንስሳት ተዋፅኦ በስፋትና በተመጣጣኝ ዋጋ ለህብረተሰቡ እየቀረቡ መሆኑ ተመላክቷል።

የበዓል ፈጆታ ዕቃዎቹ በዩኒየን፣ በሁሉም ሸማች ሱቆች እና የሰንበት ገበያዎች በቂ አቅርቦት መኖሩም የተገለፀ ሲሆን ፤ ለበዓል የሚውሉ ግብዓቶች እጥረት እንዳያጋጥም በስፋት በማስገባት ለህብረተሰቡ በተመጣጣኝ ዋጋ እየቀረቡ እንደሚገኙም ተጠቃሚዎች ገልፀዋል።

መጭው በአል ያለምንም የጸጥታ ችግር ለማሳለፍ ሁሉም የበኩሉን ሀላፊነት ሊወጣ እንደሚገባ ተገለጸ።

(ጉለሌ ኮሙኒኬሽን፡26/4/17)

የጉለሌ ክፍለ ከተማ ሰላምና ጸጥታ ጽ/ቤት ከተለያዩ የሆቴል ባለቤቶችና ባለ ሀብቶች ጋር ተወያየ

በዉይይቱ ወንጀሎች በተለያዩ ሆቴሎች እንዳይፈጸም መረጃን በማዘመን ቅድመ መከላከል በማድረግ የተጠቃሚውን መረጃ ማወቅና የማህበረሰቡን ደህንነት ሊጠብቅ እንደሚገባ ግንዛቤ ተፈጥሯል።

ሆቴሎች አገልግሎት በሚሰጡበት ጊዜ የተጠቃሚውን መረጃ በአግባቡ መያዝ፤ትውልድን የሚያቀጭጭ ጎጅ ልማዳዊ ድርጊቶች በመከላከል ዙሪያ የድርሻቸውን በመወጣት በርካታ የጸረ ሰላም እንቅስቃሴ ለማስቆም ከተለያዩ ባለድርሻ አካላት ጋር በቅንጅት መስራት የሚገባ መሆኑን በመድረኩ ተገልጿል።

የጉለሌ ክፍለ ከተማ ሰላምና ጸጥታ ጽ/ቤት ሀላፊ አቶ ሀብታሙ ደረጀ እንደተናገሩት ከፊታችን የሚከበሩ የገና፣ የጥምቀትና የአፍሪካ ህብረት ጉባኤ ሲከበር የከተማዋን ዘላቂ ሰላም በማስቀጠል ሁሉም የሆቴል ባለቤቶችና ባለሀብቶች ሀላፊነታቸውን መወጣት ይገባቸዋል ካሉ በኋላ በሆቴሎች የተለያዩ ግጭቶች እንዳይፈጠሩ ሆቴሉ ስታንዳርዱን በጠበቀ መልኩ አገልግሎት መስጠት እንደሚገባ ተናግረዋል።

እንዲሁም የተለያዩ ህትመት ቤቶች አፍራሽና ግጭት ቀስቃሽ የሆነ ጹሁፎች በተለያዩ ቲሸርቶችና በራሪዎች በመታረም የሀገርንና የከተማን ሰላም ለማስፈን ከተለያዩ የጸጥታ ሀይሎች ጋር በቅንጅት በመስራት የማህበረሰቡን ደህንነት መጠበቅ እንደሚገባ አስገንዝበዋል።

በመጨረሻም ከዚህ በፊት ብዙ ትልልቅ በአላትን በሰላም ማሳለፍ የተቻለው የክፍለ ከተማው ባለሀብቶችና የሆቴል ባለቤቶች ሚና ከፍተኛ ሲሆን ይሄን ዘላቂ ሰላም በማስቀጠል በመረጃ መለዋወጥ ረገድ ከተለያዩ ባለድርሻ አካላት ጋር ያለውን ቅንጅታዊ አሰራር አጠናክሮ ማስቀጠል እንደሚገባ የጋራ አድርገዋል።

የውይይቱ ተሳታፊዎች እንዳሉት አስፈላጊና ወቅቱን የጠበቀ ሲሆን የድጅታል ሚዲያ ሲስተም በመጠቀም መረጃ መለዋወጥ መቻል የዜጎችን በሰላም ወጥቶ መግባት ደህንነታቸውን ለመጠበቅ የሚረዳና ለሀገርም ሆነ ለከተማ ዘላቂ ሰላም በማረጋገጥ ከፍተኛ ሚና መኖሩን አስተያየታቸውን ሰጥተዋል።

https://linktr.ee/Gullelecommunication

የጉለሌ ክፍለ ከተማ ንግድ ጽ/ቤትና የክፍለ ከተማው ህብረት ስራ ማህበራት ጽ/ቤት የገና በዓልን ምክንያት በማድረግ የሚፈጠር የዋጋ ንረት እና የምርት አቅርቦት እጥረትን ለማስቀረት ባዛር ተከፈተ።

የጉለሌ ክፍለ ከተማ ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ እንደተናገሩት በክፍለ ከተማው ህብረተሰቡ በበዓላት ወቅት የሚፈጠርበትን የዋጋ ጫና ለማስቀረትና በቂ የምርት አቅርቦት እንዲኖር ከማድረግ ባሻገር የገበያ መዳረሻ ቦታዎችን በማስፋት ላይ እየሰራ እንደሚገኝ ገልጸዋል

የክፍለ ከተማው ንግድ ጽ/ቤት ኃላፊ አቶ አንዱዓለም ክብረት በበኩላቸው የገና በዓልን ምክንያት በማድረግ በልዩ ሁኔታ ቅቤ ፣ እንቁላል ፣ የዘይት ፣የባልትና ውጤቶች፣የቡና፣የጤፍ እና የስንዴ ምርቶች በበቂ ሁኔታ በህብረት ስራ ማህበራት በኩል ለህብረተሰቡ የሚቀርቡ መሆኑን ገልጸዋል።

የጉለሌ ክፍለ ከተማ ህብረት ስራ ጽ/ቤት ኃላፊ ወ/ሮ ደራርቱ ኦሊቃ በክፍለ ከተማው በ10ሩም ወረዳዎች 15 የባዛር ቦታዎች ለመጪው በዓላት የኢንዱስትና የግብርና ምርቶችን ለሸማች ማህብረሰቡ በተመጣጣኝ ዋጋ መቅረቡን ገልጸዋል።

በወረዳና በክፍለ ከተማ የንግድ ግብረ ሃይሉ የቁጥጥር ስርዓቱን አጠናክሮ እንደሚገኝ ገልጸው ህብረተሰቡ ያለ አግባብ የዋጋ ጭማሪ የሚያደርጉ አካላት ሲያጋጥመው ለሚመለከተው የህግ አካል የማሳወቅ ተግባሩን አጠናክሮ መቀጠል አለበት ብለዋል።

ህብረተሰቡ የኑሮ ውድነቱን እና ገበያውን ለማረጋጋት የቀረቡትን የተለያዩ የምርት አይነቶች ከፍተኛ የሆነ የዋጋ ቅናሽ ልዩነት ስላለው በሚቀርበው የባዛር ቦታ በመገኘት መጠቅም እንዲሚችል ተገልጿል።

የጉለሌ ክፍለ ከተማ ስራ ክህሎት ጽ/ቤት ከክፍለ ከተማው ኢንዱስትሪ ልማት ጽ/ቤት ጋር የ2017 ዓ.ም የገና በዓል ምክንያት በማድረግ አምራች ኢንተርፕራይዞችናየተለያዩ አንቀሳቃሾች የተሳተፉበት ኤግዚቢሽንና ባዛር ተከፍቷል።

በኤግዚቢሽን ባዛሩ ላይ 69 ኢንተርፕራይዞች የተሳተፉ ሲሆን በማኑፋክቸሪንግ ዘርፍ 36 ፣ በንግድ 27 ኢንተርፕራይዝ ፣ በከተማ ግብርና 5 ኢንተርፕራይዞች ፣ በአገልግሎት 1 ኢንተርፕራይዞ 250 አንቀሳቃሾች የሚሳተፉ ሲሆን 4 ሚሊዮን የገበያ ትስስር ይፈጠራል 26ሺህ ሰዎች ይጎበኛሉ ተብሎ ይጠበቃል።

የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ እንደተናገሩት ኤግዚብሽንና ባዛሮች የኑሮ ውድነትን ከማረጋጋት አኳያ የላቀ ሚና እንደሚጫወቱ ገልጸው አምራቾችን በማበረታታት ህብረተሰቡ በተመጣጣኝ ዋጋ መሸመት እንዳለበት ተናግረዋል።

የክፍለ ከተማው ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ በበኩላቸው በኤግዚቢሽንና ባዛሩ አምራቹና ሸማቹን የሚያገናኝ ከመሆኑም ባሻገር ሀገር በቀል ምርቶችን የሚያገኙበት ስለሆነ የክፍለ ከተማችን ነዋሪዎች የገና የበዓል ዝግጀት የሚሆኑ ምርቶች በተመጣጣኝ ዋጋ ወደ በሚቀርበው አካባቢ በመሄድ ምርቶቹን እንዲሸምቱ ጠቁመዋል፡፡

በኤግዚቢሽንና ባዛሩ በመክፈቻ ስነ ስርዓት ላይ የክፍለ ከተማው አመራሮች ተገኝተዋል።

የአዲስ አበባ ከተማ አስተዳደር ሰላምና ጸጥታ ቢሮ በ2ኛ ዙር ለአዲስ ለተመለመሉ ዕጩ የሰላም ሰራዊት አባላት የንድፈ ሃሳብና የተግባር ስልጠና በጉለሌ ክፍለ ከተማ አስጀመረ ፡፡

ቢሮው ከጉለሌና ክፍለ ከተማ የተወጣጡ 1ሺህ አዲስ ምልምል ዕጩ የሰላም ሰራዊት አባላት የንድፈ ሃሳብና ወታደራዊ ስልጠና ማስጀመሪያ ፕሮግራም ተካሄዷል።

በስልጠናው ማስጀመሪያ ላይ የተገኙት የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ እንደተናገሩት የሰላም ሰራዊቱ የሰላም አምባሰደርነቱን በተግባር እያረጋገጠ ከውስጥ ከውጪ የሚነሱ ግጭቶችን በመመከት በዛሬው ዕለት ከጉለሌ የገባችሁ አንድ ሺህ አዲስ ምልምል የሰላም ሰራዊት አባላትየአካባቢያችሁን እንዲሁም ክፍለ ከተማችሁን ሰላም ጸጥታ ከጸረ ሰላም ሃይሎች በመጠበቅ የተሰጣችሁን ኃላፊነት በተግባር መወጣት አለባችሁ ብለዋል፡፡

የአዲስ አበባ ከተማ አስተዳደር ሰላምና ጸጥታ ቢሮ ምክትል ኃላፊ አቶ ተስፋዬ ደንድር በበኩላቸው የሰላም ሰራዊቱ ለከተማችን ሰላም ዘብ በመቆም ላደረጋችሁት አስተዋጽዖ አስተዳደሩ ትልቅ ክብር አለው ያሉ ሲሆን በከተማችን በዛሬው ዕለት ከ11ዱም ክፍለ ከተማ የተወጣጡ 11ሺህ የሰላም ሰራዊት የንድፈ ሃሳብና የተግባር ስልጠና ይወስዳሉ ብለዋል ፡፡

የጉለሌ ክፍለ ከተማ ሰላምና ጸጥታ ጽ/ቤት ኃለፊ አቶ ሀብታሙ ደረጀ በበኩላቸው የሰላም ሰራዊት አባላት የከተማችንን ሰላምና ጸጥታ ከጸጥታ መዋቅሩ ጋር በመሆን ሀገራዊና ከተማዊና ሃይማኖታዊ የአደባባይ ክንውኖች በሰላም እንዲከናወኑ ትልቅ ድርሻ ተወጥታችኋል ያሉ ሲሆን አዲስ ምልምል የሰላም ሰራዊት አባላት ያገኛችሁትን ስልጠና በተግባር በማዋል የድርሻችሁን ማበርከት ይገባችኋል ብለዋል፡፡

የጉለሌ ክፍለ ከተማ አስተዳደር በንቅናቄና መደበኛ እየተከናወኑ የሚገኙ ሰው ተኮር ተግባራት አፈጻጸምን የክፍለ ከተማና ወረዳ አመራሮች በተገኙበት ገምግሟል፡፡

( ጉለሌ ኮሙኒኬሽን ፣ 20 - 04 -2017 ዓ.ም )

አስተዳደሩ በሴቶችና ወጣቶች የስራ ዕድል ፈጠራ ስራ ፈላጊዎችን ለይቶ በመመዝገብ ባሉት የአከባቢ ጸጋዎች ለወጣቶችና ሴቶች የሥራ ዕድል ፈጠራን ማረጋገጥ ፣ የኑሮ ውድነትንና ገበያ ለማረጋጋት በሸማች ህብረት ስራ ማህበራት የሚቀርቡ ምርቶችን ተደራሽነት በማሳደግ እና የእሁድ ገበያ የምርት አቅርቦት ማጠናከር ፣በከተማ ግብርና ስራዎች የሌማት ትሩፋት ስራዎችን ትኩረት ሰጥቶ መስራት ፣ የኑሮ ውድነት ፣ የገቢ አፈጻጸም ስራዎችን ገምግሟል።

ውይይቱን የመሩት የጉለሌ ክፍለ ከተማው ዋና ስራ አስፈጻሚ አቶ ወልዴ ወገሴ በክፍለ ከተማው በ3 ወራት የሚተገበሩት ተግባራት የህዝባችንን የመልካም አስተዳደርና የልማት ጥያቄዎች የምንመልስበት በመሆናቸው አመራሩ ተገቢውን ትኩረት ሰጥቶ መስራት ይገባል ያሉ ሲሆን የገቢ አሰባሰብ ፣ የስራ ዕድል ፈጠራ ፣ የከተማ ግብርና የሌማት ትሩፋት ስራዎች ከሌሎች መደበኛ ተግባራት ጋር በትኩረት የምንሰራባቸው ጉዳዮች ናቸው ብለዋል።

የጉለሌ ክፍለ ከተማ ብልጽግና ፓርቲ ቅርንጫፍ ጽ/ቤት ኃላፊ አቶ ይከበር ስማቸው በበኩላቸው በክፍለ ከተማው እየተተገበሩ ያሉትን ተግባራት የፓርቲ ተልዕኮ መሆኑን በመረዳት የተሰሩ ስራዎችን በመለየትና ቀጣይነታቸውን መከታተልና መፈተሽ ያስፈልጋል እንዲሁም አመራሩ የሚሰጠውን ተልዕኮ በብቃትና በስኬት በመፈጸም የህብረተሰቡን ችግሮች መቅረፍ እንደሚገባ ተናግረዋል።

የጉለሌ ክፍለ ከተማ ምክትል ዋና ስራ አስፈጻሚና የስራና ክህሎት ጽ/ቤት ኃላፊ አቶ ሰሎሞን ታደሰ በበኩላቸው የስራ ዕድል ፈጠራ ስራችን ዋነኛ የመንግስታችን ግብ ነው የዜጎቻችንን ጥያቄ የምንመልስበት በመሆኑ ሁላችንም ትኩረት ሰጥተን ውጤት ማምጣት ይጠበቅብናል ያሉ ሲሆን የሴቶችና የወጣቶችን ስራ ዕድል ተጠቃሚነት ፍትሃዊነትን ለማረጋጥ በትኩረት ልንሰራበት ይገባል ብለዋል።

አስተዳደሩ በቀጣይ በሚከናወኑ ተግባራት ላይ አቅጣጫ በማስቀመጥ አጠናቋል።

" በሀገራችን ምርት እንኩራ !!"

የጉለሌ ክፍለ ከተማ ኢንዱስትሪ ልማት ጽ/ቤት የ2017 "ኢትዮጵያ -አዲስ አበባ ታምርት ንቅናቄ" የኢንዱስትሪ ምርቶች ዐውደ ርዕይ ተካሄደ ።

"ኢትዮጵያ -አዲስ አበባ ታምርት ንቅናቄ" የኢንዱስትሪ ምርቶች ዐውደ ርዕይ ላይ የማኑፋክቸሪንግ ውጤቶች ፣ ማሽነሪዎች ፣ የህክምናና የመዋቢያ ቁሳቁሶች ፣ የቆዳና ቆዳ ውጤቶች ቀርበዋል።

በዓውደ ርዕዩ ላይ የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ ፣ የአዲስ አበባ ከተማ ኢንዱስትሪ ልማት ቢሮ ምክትል ኃላፊ ዶ/ር ኤፍሬም ግዛው ፣የጉለሌ ክፍለ ከተማ ኢንዱስትሪ ልማት ጽ/ቤት ኃላፊ ወ/ሮ ባንቺ ጸሃይ የክፍለ ከተማና የወረዳ አመራሮች ፣ አምራች ኢንዱስትሪዎች ፣ ጥሪ የተደረገላቸው እንግዶች ጉብኝት አድርጓል።

ወጣቶች የአስተሳሰብ አድማሳቸውን በማስፋት ለውጥ ፈጣሪ መሆን እንዳለባቸው ተገለጸ።

(ጉለሌ ኮሙኒኬሽን ፣ 18 -04 -2017 ዓ.ም)

የጉለሌ ክፍለ ከተማ ወጣቶችና ስፖርት ጽ/ቤት ከአዲስ አበባ ወጣቶችና ስፖርት ቢሮ ጋር በመተባበር ከ10ሩ ወረዳ ለተወጣጡ ወጣቶች የአዕምሮ ውቅር ስልጠና/Mindset/ ሰጥቷል።

በአስተሳሰብ ውቅር መድረኩ ላይ የአለም አቀፉ ወጣቶች ፊሎሺፕ ( IYF )ለክፍለ ከተማው ልምዳቸውን በማካፈል ወጣቶች ተጠቃሚነት እንዲረጋገጥ መሠረት እንደሚሆን ተገልጿል።

በመድረኩ ላይ በመገኘት መልዕክታቸውን ያስተላለፉት የጉለሌ ክፍለ ከተማ ምክትል ዋና ስራ አስፈጻሚና ስራ ክህሎት ጽ/ቤት ኃላፊ አቶ ሰለሞን ታደሰ እንደተናገሩት የክፍለ ከተማችን ወጣቶችን አስተሳሰብ በመቀየርና በማሻሻል ያገኙትን አጋጣሚ ወደ ምቹ ሁኔታ በመቀየር ተጠቃሚ እንዲሆኑ የሚያስችሉ በመሆናቸው ወጣቶች ከአሰልጣኞች ያገኙትን ምርጥ ተሞክሮ ወደ ራሳቸው ህይወት በማምጣት ተጠቃሚነታቸውን ሊያሳድጉ ይገባል ብለዋል።

የክፍለ ከተማ ወጣቶችና ስፖርት ጽ/ቤት ኃላፊ አቶ ሳሙኤል ተክሌ በበኩላቸው ወጣቶችን የተለያዩ ስልጠናዎችን እንዲወስዱ በማድረግ ከስልጠናው ያገኙትን ልምድ በህይወታቸው ላይ ተግባራዊ አድርገው ተጠቃሚነታቸውን እንዲያረጋግጡ የሚሰጡ የማይንድ ሴት ስልጠናዎችን በስርዓት መከታተል ይገባል ብለዋል።

በእሳት አደጋ ላይ የህብረተሰቡን ግንዛቤ በማስፋት አደጋዎችን ቀድሞ ሳይደርሱ መከላከል እንደሚገባ ተገለጸ፡፡

(ጉለሌ ኮሙኒኬሽን ፣ 23 -03-2017 ዓ.ም)
የጉለሌ ክፍለ ከተማ ዋና ስራ አስኪያጅ ከእሳትና አደጋ ስጋት ስራ አመራር ኮሚሽን ጉለሌ ቅርጫፍ ጽ/ቤት ጋር በጋራ በመሆን ከ10ሩም ወረዳ ለተወጣጡ ለነባር በጎ ፈቃደኞች በአደጋ ስጋት ቅነሳ ዙሪያ ስልጠና ሰጥቷል፡፡

በስልጠናው ማስጀመሪያ ላይ ተገኝተው መልዕክታቸውን ያስተላለፉት የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ እንደተናገሩት ክፍለ ከተማው ከአደጋ ስጋት ነጻ የሆነ እዲሆንና ለነዋሪዎች ምቹ ሁኔታን ለመፍጠር በርካታ ተግባራት እየተከናወነ ይገኛል ህብረተሰቡን ለአደጋ ተጋላጭነትን የተለዩ ችግሮችን አብዛኛውን በመፍታት አበረታች ሰራዎች መከናወናቸውን አንስተው የህብረተሰብን የአደጋ ሰራ ግንዛቤ በማሳደግ አደጋዎችን ቀድሞ ከመድረሳቸው በፊት ቀድሞ በመከላከል ትኩረት ሰጥቶ መስራተ እደሚገባ ተናግረዋል ፡፡

ዋና ስራ አስፈጻሚው አክለውም በዛሬ ዕለት ስልጠና እየወሰ ዳችሁ የምትገኙ በጎ ፈቃደኛ ክፍለ ከተማውን ከአደጋ የጸዳ ለማድረግ ባገኛችሁት ግንዛቤ ለህብረተሰቡ ስራዎችን ማከናወን ይገባል ብለዋል፡፡

የክፍለ ከተማ ስራ አስኪያጅ ጽ/ቤት ኃላፊ አቶ አማን አንዱዓለም በበኩላቸው በክፍለ ከተማው ህብረተሰቡን ከአደጋ ተጋላጭነት ለመቀነስ በአደጋ ስጋት ላይ የበጎ ፍቃደኞችን ግንዛቤ በማስፋት በጋራና በቅንጅት መስራት እንደሚገባ ተናግረዋል፡፡

የእሳትና አደጋ ስጋት ስጋት ስራ አመራር ኮሚሽን ጉለሌ ቅርጫፍ ጽ/ቤት ስራ አስኪያጅ አቶ ኒቆዲሞስ ቡቼ በበኩላቸው እሳት አደጋ በማህበረሰቡ ላይ የሚያደርሰው ሰብአዊና አካላዊ ጉዳቶችን ለመከላከልና ለመቀነስ ቅንጅታዊ አሰራሮችን በማጠናከር የግንዛቤ ማስጨበጫ ስራዎችን በጋራ መስራት እንደሚገባ ገልጸዋል ፡፡

በስልጠናው ስለ አደጋ ምንነት ፣ሰለ አደጋ አይነቶች ፣ አደጋ በህብረተሰቡ የሚያደርሰው ሰብአዊ ፣ አካላዊ፣ ሰነ ልቦናዊ ጉዳቶች ፣ አደጋን በምን መልኩ መከላከልና መቆጣጠር በሚቻልበት ዙሪያ ለነባር በጎ ፈቃደኞች ስልጠናው ተሰጥቷል፡፡

በእሳት አደጋ ላይ የህብረተሰቡን ግንዛቤ በማስፋት አደጋዎችን ቀድሞ ሳይደርሱ መከላከል እንደሚገባ ተገለጸ፡፡

(ጉለሌ ኮሙኒኬሽን ፣ 23 -03-2017 ዓ.ም)
የጉለሌ ክፍለ ከተማ ዋና ስራ አስኪያጅ ከእሳትና አደጋ ስጋት ስራ አመራር ኮሚሽን ጉለሌ ቅርጫፍ ጽ/ቤት ጋር በጋራ በመሆን ከ10ሩም ወረዳ ለተወጣጡ ለነባር በጎ ፈቃደኞች በአደጋ ስጋት ቅነሳ ዙሪያ ስልጠና ሰጥቷል፡፡

በስልጠናው ማስጀመሪያ ላይ ተገኝተው መልዕክታቸውን ያስተላለፉት የጉለሌ ክፍለ ከተማ ዋና ስራ አስፈጻሚ አቶ ወልዴ ወገሴ እንደተናገሩት ክፍለ ከተማው ከአደጋ ስጋት ነጻ የሆነ እዲሆንና ለነዋሪዎች ምቹ ሁኔታን ለመፍጠር በርካታ ተግባራት እየተከናወነ ይገኛል ህብረተሰቡን ለአደጋ ተጋላጭነትን የተለዩ ችግሮችን አብዛኛውን በመፍታት አበረታች ሰራዎች መከናወናቸውን አንስተው የህብረተሰብን የአደጋ ሰራ ግንዛቤ በማሳደግ አደጋዎችን ቀድሞ ከመድረሳቸው በፊት ቀድሞ በመከላከል ትኩረት ሰጥቶ መስራተ እደሚገባ ተናግረዋል ፡፡

ዋና ስራ አስፈጻሚው አክለውም በዛሬ ዕለት ስልጠና እየወሰ ዳችሁ የምትገኙ በጎ ፈቃደኛ ክፍለ ከተማውን ከአደጋ የጸዳ ለማድረግ ባገኛችሁት ግንዛቤ ለህብረተሰቡ ስራዎችን ማከናወን ይገባል ብለዋል፡፡

የክፍለ ከተማ ስራ አስኪያጅ ጽ/ቤት ኃላፊ አቶ አማን አንዱዓለም በበኩላቸው በክፍለ ከተማው ህብረተሰቡን ከአደጋ ተጋላጭነት ለመቀነስ በአደጋ ስጋት ላይ የበጎ ፍቃደኞችን ግንዛቤ በማስፋት በጋራና በቅንጅት መስራት እንደሚገባ ተናግረዋል፡፡

የእሳትና አደጋ ስጋት ስጋት ስራ አመራር ኮሚሽን ጉለሌ ቅርጫፍ ጽ/ቤት ስራ አስኪያጅ አቶ ኒቆዲሞስ ቡቼ በበኩላቸው እሳት አደጋ በማህበረሰቡ ላይ የሚያደርሰው ሰብአዊና አካላዊ ጉዳቶችን ለመከላከልና ለመቀነስ ቅንጅታዊ አሰራሮችን በማጠናከር የግንዛቤ ማስጨበጫ ስራዎችን በጋራ መስራት እንደሚገባ ገልጸዋል ፡፡

በስልጠናው ስለ አደጋ ምንነት ፣ሰለ አደጋ አይነቶች ፣ አደጋ በህብረተሰቡ የሚያደርሰው ሰብአዊ ፣ አካላዊ፣ ሰነ ልቦናዊ ጉዳቶች ፣ አደጋን በምን መልኩ መከላከልና መቆጣጠር በሚቻልበት ዙሪያ ለነባር በጎ ፈቃደኞች ስልጠናው ተሰጥቷል፡፡

የጉለሌ ክፍለ ከተማ አስተዳደር በመደኛነትና በንቅናቄ እየተሰሩ ያሉ ስራዎችን ገምግሟል።

(ጉለሌ ኮሙኒኬሽን ፣22 -03 -2017 ዓ.ም )

አስተዳደሩ የሴቶችና የወጣቶች ስራ ዕድል ፈጠራ፣ የከተማ ግብርና ሌማት ትሩፋት የንቅናቄ ስራዎች የተቋማትና የወረዳዎች አፈፃፀም ቀርቦ በጥልቀት ተገምግሟል።

በመድረኩ ላይ የጉለሌ ክፍለ ከተማ ብልጽግና ፓርቲ ቅርንጫፍ ጽ/ቤት ኃላፊ አቶ ይከበር ስማቸው እንደተናገሩት የሚሰጡ ተልዕኮችን አሰተሳስሮ መምራት እየመጡ ላሉ ውጤቶች የአመራራችን ትጋትና ቁርጠኝነት ስለሆነ መጠንከር አለበት ያሉ ሲሆን ከህዝባችን የልማትና የመልካም አስተዳደር ጥያቄ አንፃር ከዚህ በበለጠ በዕቅዳችን መሰረት ስራዎችን በጥራት አስተሳስሮ በመስራት ውጤት ማምጣት አለብን በዚህም ፍትሃዊ የወጣቶችና ሴቶች ስራ ዕድል ፈጠራን በማረጋገጥ በንቅናቄው የተያዙ ዕቅዶችን ማሳካት አለብን ብለዋል።

ኃላፊው አክለውም የኑሮ ውድነቱን ለማረጋጋት በ10ሩም ወረዳዎች በግለሰቦች ፣ በተቋማት ደረጃ የከተማ ግብርናና የሌማት ቱርፋት ስራዎቻችን በማስፋት የምግብ ዋስትና ከማረጋገጥ ባለፈ የገቢ ምንጭ ማድረግ ያስፈልጋል በመሆኑም አመራሩ በዕቅዱ የተመላከቱትን ተግባራት በማከናወን የህብረተሰባችንን ጥያቄዎች መመለስ አለበት ብለዋል።

የክፍለ ከተማው ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ በዚህ የንቅናቄ እቅድ ውስጥ የክፍለ ከተማችን ወጣቶችን የግንዛቤ የመፍጠር ፣ የጸጋ ልየታ ስራዎች ፣ የህይወት ክህሎት ስልጠና በመስጠት ፍትሃዊ የወጣቶች የስራ ዕድል በተገኙ ስራ የመፍጠር ጉዳይ በልዩ ክትትል የምንፈፅመው ተግባር በመሆኑ ሁሉም አመራር ለተግባሩ ልዩ ትኩረት በመስጠት እንዲሁም በቅንጅት የምናከናውነው መሆን አለበት ብለዋል።

የንግዱንና የሸማቹን ህብረተሰብ ተሳትፎና ግንዛቤን በማሳደግ፣ ፍትሃዊና በውድድር ላይ የተመሰረተ የንግድ ስርዓት ማስፈን እንደሚገባ ተገለጸ።

የጉለሌ ክፍለ ከተማ ንግድ ጽ/ቤት የንግድ ግብረ ሀይል የገበያ ማረጋጋት ገቢ ማሰባሰብና ፣ የኢትዮጵያ -የአዲስ አበባ ታምርት እና በህገ ወጥ ንግድ ቁጥጥር ክትትል ንቅናቄ ዙሪያ ከ10ሩም ወረዳ ከተወጣጡ የንግዱ ማህበረሰብ ጋር መድረክ አካሄዷል።

የመድረኩ ዋና ዓላማ የንግዱንና የሸማቹን ህብረተሰብ ተሳትፎና ግንዛቤን በማሳደግ፣
ፍትሃዊና በውድድር ላይ የተመሰረተ የንግድ ስርዓት በማስፈን፣ የንግድ ግብይት ስርዓቱን
በማዘመን፣ የአቅርቦት እና የግብይት ሰንሰለቱን ጤናማ በማድረግ፣ ህጋዊ የንግዴ ስርዓት እንዱኖር ግብይቶች በደረሰኝ እንዱከናወኑ በማስቻል፣በከተማ ግርና እና የአምራች ኢንደስትሪዎችን የማምረት አቅም በማሳደግ እንዱሁም ሁለንም ባለድርሻአካላት ተሳትፎን በማጠናከር ህገወጥነትን በመከላከል እና እርምጃ በመውሰዴ ህጋዊ የንግዴ ስርዓት እንዱመሰረት በማድረግ ከፍተኛ ርብርብ እየተደረገ እንደሚገኝ ተገልጿል።

የጉለሌ ክፍለ ከተማ ዋና ስራ አስፈፃሚ አቶ ወልዴ ወገሴ እንደተናገሩት በክፍለ ከተማው ላይ ህጋዊ የንግድ ስርአት ለመፍጠር ለማረጋገጥና ህጋዊ የገበያ ስርአትን ተፈፃሚ በማድረግ የኑሮ ውድነትን በዘላቂነት ለመከላከል የሚያስችሉ ምርቶችን በማቅረብ እየተሰሩ ያሉ ስራዎች ውጤታማ እንዲሆን የንግድ ማህበረሰቡ ከአስተዳደሩ ጋር በቅንጅት ስራዎችን መስራት ያስፈልጋል ብለዋል።

ዋና ስራ አስፈጻሚው አክለውም በህገ ወጥ ነጋዴዎች ላይ ህጋዊ እርምጃ በመውሰድ ገበያዉን ለማረጋጋት በቁርጠኝነት እንደሚሰራ በመግለፅ ከህጋዊ ነጋዴ ጋርና ከማህበረሰብ ጋር በቅንጅት ለመስራት የሚያስችል የጋራ መግባባት መፍጠር ያስፈልጋል በማለት ገልፀዋል።

የክፍለ ከተማው የንግድ ጽ/ቤት ኃላፊ አቶ አንዱዓለም ክብረት በበኩላቸው ህገ ወጥ የንግድ ስርዓትን ለመቆጣጠርና የገበያ ንረትን ለመከላከል በግብረ ሃይል ስራዎች እየተሰሩ መሆኑ በመግለጽ የንግድ ማህበረሰቡ የገበያ አለመረጋጋትና የዋጋ ጭማሪን በአግባቡ በመቆጣጠር ችግሩን በዘላቂነት ለመቅረፍም ተገቢውን ስራ እየሰራ ነው በማለት ገልፀዋል ።

የኑር ውድነቱን ለማረጋጋት ጥብቅ የሆነ ክትትል ማድረግ አለበት በማለት በንግዱ ላይ የሚታዩ ችግሮችን ለመቅረፍ ከሚመለከታቸው ጋር በቅንጅት ስራዎች መስራት ያስፈልጋል በማለት አንስተዋል፡፡

የሃሳብ ልዕልና ለሁለንተናዊ ብልጽግና !!
የብልጽግና ፓርቲ 5ኛ ዓመት ምስረታ በዓልን ምክንያት በማድረግ የጉለሌ ክፍለ ከተማ ህብረተሰብ ተሳትፎና በጎ ፈቃድ ማስተባበሪያ ጽ/ቤት ከ10ሩም ወረዳ ለተወጣጡ በዝቅተኛ የኑሮ ደረጃ ላይ ለሚገኙ አቅመ ደካማ ወገኖች የማዕድ ማጋራት ፕሮግራም አካሄደ።
የጉለሌ ክፍለ ከተማ ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ እንደተናገሩት ብልጽግና ፓርቲ ባለፉት 5 ዓመታት በክፍለ ከተማው ሁለንተናዊ ልማትና ተጠቃሚነት ለማረጋገጥ በርካታ ተግባራትን በማከናወን ላይ ይገኛል በተለይም ሰው ተኮር የሆኑ ተግባራትን በማስፋት በዝቅተኛ የኑሮ ደረጃ ላይ የሚገኙ ወገኖችን ተጠቃሚ በማድረግ ላይ ይገኛል ብለዋል።
የክፍለ ከተማው ህብረተሰብ ተሳትፎና በጎ ፈቃድ ማስተባበሪያ ጽ/ቤት ኃላፊ አቶ ሚልኪያስ ቦንኬ በበኩላቸው በክፍለ ከተማው በክረምትና በበጋ በጎ ፈቃድ መርሃ ግብሮች በርካታ በዝቅተኛ የኑሮ ደረጃ ላይ የሚገኙ የህብረተሰብ ክፍሎች በማዕድ ማጋራት ተጠቃሚ በማድረግ ላይ ይገኛል የዚህም ማዕድ ማጋራት የብልጽግና ፓርቲ 5ኛ ዓመት ምስረታ በዓልን ምክንያት በማድረግ የተከናወነ ነው ብለዋል።

ሴቶችን በሁለንተናዊ ጉዳዮች በማብቃት ወደ አመራር ውሳኔ ሰጭነት ማምጣት እንደሚገባ ተገለጸ።

(ጉለሌ ኮሙኒኬሽን፡ 13/3/17)

በጉለሌ ክፍለ ከተማ ትምህርት ጽ/ቤት<< በሴቶች ተሳትፎ የሀገራችንን ብልጽግና እናረጋግጥ >> በሚል መሪ ቃል በትምህርቱ ዘርፍ በየደረጃው ለሚገኙ የሴት አመራሮች ስልጠና ተሰጥቷል።

የመንግስት ትምህርት ቤቶች ሴት ርዕሰ መምህራን፣ምክትል ር/መምህራን፣የወረዳ ሴት አመራሮች፣ የቅድመ አንደኛ ደረጃ ሴት አሰሰተባባሪዎችና የጽ/ቤቱ ሴት ሰራተኞች በሴት አመራር ውሳኔ ሰጭነት ዙሪያ የስልጠናው ተሳታፊዎች ሆነዋል።

በስልጠናው ሴቶች ሁለገብ የተፈጥሮ ባህሪ ሲኖራት ወደ አመራር ውሳኔ ሰጭነት በማምጣት ተጠቃሚነትን ማረጋገጥ የሚገባ ሲሆን ሴቶች ካሉባቸው የማህበራዊና ባህላዊ ጎታች ችግሮችን ለማሻገር የመንግስት የድጋፍ ግብአቶች በማዘጋጀት የስራ አከባበርን በማበረታትና ራስን ማጎልበት እንደሚገባ ግንዛቤ ተፈጥሯል።

በመሆኑም ሴቶችን ወደ አመራርነት በማምጣት የተሻለ ውጤት ማምጣት የሚቻል መሆኑን በሀገራችን በከፍተኛ የአመራር ቦታ የተቀመጡ ሴቶች ማሳያ ሲሆኑ ሁሉም ሴቶች በተመደቡበት ቦታ ራሳቸውን በማጠናከር ውጤታማ መሆን እንደሚገባ ተነግሯል።

በስልጠናው ላይ በመገኘት መልዕክት ያስተላለፉት የጉለሌ ከፍለ ከተማ ትምህርት ጽ/ቤት ሀላፊ አቶ ሚሊዮን ኮራን እንዳሉት ሴቶችን ወደ አመራር ውሳኔ ሰጭነት በማምጣት በመማር ማስተማሩ ሂደት የተማሪዎችን ውጤታማ መሆንና የትምህርት ጥራት ለማምጣት ከፍተኛ ሚና ያለው ሲሆን በትምህርት ዘርፉ በየደረጃው የሚገኙ የሴት አመራሮች በተመደቡበት ቦታ ውጤታማ ለመሆን የአሰራር ስርአቱን መተግበር እንደሚገባ ተናግረዋል።

በመሆኑም ሴቶችን በሁለንተናዊ ጉዳዮች ስልጠና በመስጠትና በማብቃት ተጠቃሚነታቸውን ማረጋገጥ የሚገባ ሲሆን ትምህርት ቤቶች ጽዱ ውብና ምቹ ለማድረግ የሴቶች የአመራር ተዋጾ መኖሩ በመማር ማስተማር ሂደት ውስጥ የበለጠ ውጤታማ ማስቻሉን ገልጸዋል።

ተሳታፊዎች እንዳሉት ከስልጠናው ሰፊ ግንዛቤ ማግኘታቸውንና ሴቶችን በተለያየ መንገድ ማብቃት ሀገርን ለማበለጸግና ወደ ተሻለ ደረጃ ለማሻገር ሚናው ጉልህ ሲሆን ከዚህ የበለጠ ውጤታማ ለመሆን የተሻለ አፈጻጸም ያላቸውን ሴቶችን ወደ አመራር ውሳኔ ሰጭነት ማምጣት እንደሚገባ ሀሳባቸውን ሰጥተዋል።

የጉለሌ ክፍለ ከተማ አስተዳደር የ2ኛው ዙር የኮሪደር ልማት፣ የቀበና ወንዝ ፕሮጀክትና የአዲስ ለአዲስ የወንዝ ዳርቻ ልማት ፕሮጀክት አፈፃፀም ገምግሟል።

የጉለሌ ክፍለ ከተማ አስተዳደር ዋና ስራ አስፈፃሚ አቶ ወልዴ ወገሴ እንደተናገሩት የጉለሌ ክፍለ ከተማችንን ውብ ፅዱ እና ለነዋሪዎቿ ምቹ ለማድረግ በ3 አቅጣጫ የተጀመረውን የልማት ስራ በተያዘለት እቅድ መሠረት ለማጠናቀቅ ልማቱን የምትመሩ የወረዳና የክፍለ ከተማ አመራሮች እንዲሁም ባለሙያዎች በልማቱ የሚነሱ የማህበረሰብ ክፍሎችን አስፈላጊውን እንክብካቤ እንዲያገኙ ማድረግና ልማቱን እንደመልካም አጋጣሚ በመጠቀም ያልተገባ ጥቅም የሚፈልጉ አካላትን አስፈላጊውን ግንዛቤ መስጠት እንደሚያስፈልግ ገልፀው ሁሉንም ፕርጀክትች በተደመረ አቅም በቅንጅት በመምራት የተግባራትን አፈፃፀም በየጊዜው መገምገም ያስፈልጋል ብለዋል።

የጉለሌ ክፍለ ከተማ ብልፅግና ፓርቲ ቅርንጫፍ ፅ/ቤት ሃላፊ አቶ ይከበር ስማቸው በበኩላቸው የአመራራችንን አቅምና የባለሙያዎቻችንን ጥረት በመጠቀም የኮራደሩን፤የኮይካንና የአዲስ ለአዲስ ፕሮጀክቶችን መረጃ በማጥራት ስራ የታየውን ትብብርና ክፍለ ከተማው እንዲለኸጥ ለቱሪስት መዳረሻ እንዲሆን የተጀመረውን ጥረት ይበልጥ በማጠናከር በጉለት የተለዩ ስራዎችና ውሳኔ የሚፈልጉ ጉዳዮች እንዲሁም በየጊዜው የሚደረገውን የዲዛይን ማሻሻያ በመከታተልና መረጃን በማጥራት እንዲሁም የምትክ መሬትና ካሳ ስራዎች ጥራትና ፍጥነት በተሞላበት አካሄድ እየተፈቱ እንዲሄዱ የሚመለከታቸው ባለድርሻ አካላት የማስተባበር ሚናቸውን በቅንጅት በመስራት ተፈፃሚ ማድረግ አለባቸው ብለዋል።

ልማቱን በበላይነት የሚመሩት ወረዳ 1,2,3,4,6 ላይ የተመደቡ አመራሮችና ባለሙያዎች በመድረኩ እንደገለፁት ከቅድመ ዝግጅት ስራዎች ጀምሮ እስከ ተግባር ጅማሮ ድረስ በተቀመጠው አሰራር እና አቅጣጫ መሠረት ስራዎቹ በጥንቃቄ እየተሰራ እና ለልማቱ ተነሺዎችም አስፈላጊውን ድጋፍ በማድረግ እየተሰራ መሆኑን ገልፀው በጉድለት የተቀመጡና የጋራ ትብብርና እገዛ የሚገይቁ ጉዳዮችን ግን በፍጥነት መፍታት ያስፈልጋል ብለዋል።

ቆሻሻን በማቃጠል አካባቢያችንን አንበክል!! "

በጉለሌ ክፍለ ከተማ ስር ባሉ ት/ቤቶች የጽዳት ዘመቻ ተካሄደ። "ቆሻሻን በማቃጠል አካባቢያችንን አንበክል" በሚል መሪ ቃል ሳምንታዊ ከተማ አቀፍ የትምህርት ቤት የጽዳት ንቅናቄ ዘመቻ በህዳሴ አንደኛ ደረጃ ትምህርት ቤት አካባቢ ተካሄደ፡፡

በጽዳት ዘመቻው ላይ የተገኙት የጉለሌ ክፍለ ከተማ ስራ አስኪያጅ ጽ/ቤት አቶ አማን አንዱዓለም እንደተናገሩት ጽዳት የአንድ ወቅት ስራ ሳይሆን የሁልጊዜ ተግባራችን በማድረግና አካባቢያችንን በንፅህና በመያዝ ለታዳጊ ህፃናት ንፁህ የሆነ አካካቢን ቆሻሻ ሀብት በመሆኑ ከማቃጠል ይልቅ በአግባቡ በማስወገድ ጥቅም ላይ ማዋል ይገባል ብለዋል።

የጉለሌ ክፍለ ከተማ ትምህርት ጽ/ቤት ኃላፊ አቶ ሚሊዮን ኮራ በበኩላቸው አዲስ አበባን እንደስሟ አዲስ እና ውብ በማድረግ ከሌሎችች የአለም ከተሞች ተወዳዳሪ በማድረግ ነዋሪዎቿ አካባቢያቸውንና ጤንነታቸው የተጠበቀ በአስተሳሰብ የበለፀጉ በኢኮኖሚ ያደጉ እንዲሆኑ የነገ ሃገር ተረካቢ ህፃናትን የፅዳት አምባሳደር በማድረግ መስራት እንደሚገባ ገልጸዋል ።

የጉለሌ ክፍለ ከተማ ወረዳ 7 ብልጽግና ፓርቲ ኃላፊ ኤልሳቤት ጌትነት በበኩላቸው ፅዳትን ባህል በማድረግ አካባቢያችንን ከተማችን እና የትምህርት ተቋማትን ማራኪ፣ንፁህና ውብ እንዲሆኑ የማድረጉ ስራ በየእለቱ እየተጠናከረና እያደገ የሚገኝ መሆኑን ጠቅሰው፤ ቆሻሻ ሃብት በመሆኑ በመልሶ መጠቀም የተለያዩ ስራ እድል እንደሚፈጠርባቸው በመግለጽ አካባቢያችንን ብሎም ወረዳችንን ፅዱ፣ ውብ ማራኪ እናደርጋለን በማለት ሃሳባቸውን አስተላልፈዋል፡፡

የጉለሌ ክፍለ ከተማ ወረዳ 05 የቤቶች አስተዳደር ፅ/ቤት ሃላፊ የቀበሌ ቤት ውል አቋርጣለሁ በማለት ከድሀ ጉሮሮ ጉቦ ሊቀበል ሲል እጅ ከፈንጅ መያዛቸውን የጉለሌ ፖሊስ መምሪያና አስተዳደሩ ገልፀዋል።

የጉለሌ ፖሊስ መምሪያና የጉለሌ ክፍለ ከተማ አስተዳደር ከህዝብ የመጣላቸውን ጥቆማ መሰረት በማድረግ ባደረጉት ክትትል የጉለሌ ወረዳ 5 ቤትች አስተዳደር ፅ/ቤት ሃላፊ አቶ ሳምሶን ይልማ የተባለው አመራር ከግል ተበዳይ የቀበሌ ቤት ከእጅ መንሻ ነፃ በሆነ መንገድና በቤቶች መመሪያ መሰረት ማስተናገድ እየተገባው መንግስት የጣለበትና ሃላፊነትና የሰጠውን አደራ ወደ ጎን በመተው 50,000 ብር በመጠየቅና ከግል ተበዳዮች ቤታቸው ድርስ ሄዶ ግቢ በማንኳኳት በማስጨነቅና የጠየቀው ገንዘብ ካልተሰጠው ውል እንደሚሰርዝ በማስፈራራት በዛሬው ዕለት ከምሽቱ 1ስዓት አካባቢ 50,000ሺ ብር በጥሬው ሲቀበል መረጃው ቀድሞ የደረሰው ፖሊስና የአስተዳደሩ አካላት እጅ ከፈንጅ በመያዝ ወደ ጉለሌ ፖሊስ መምሪያ በመውሰድ ጉዳዮን እያጣሩ ይገኛል።

የጉለሌ ክፍለ ከተማ አስተዳደር በበኩሉ ማነኛውም አገልግሎት ፈላጊ ህብረተሰብ ያለምንም የእጅ እጅ መንሻ እና ጉቦ በተቀመጠው ህጋዊ አሰራር መሰረት መስተናገድ ህገ መንግስታዊ መብቱ ስለሆነ እንደዚህ ያለ አስነዋሪ ድርጊት ሲገጥመው ለሚመለከተው የፀጥታ አካልና ለአስተዳደሩ በመጠቆም ህዝብና መንግስትን የሚነጣጥሉ ሌቦችን፤ደላሎችን በማጋለጥ ሃላፊነቱን እንዲወጣ ሲል አሳስቧል።

የሁለተኛው ዙር የኮሪደር ልማት ጅማሮ አስፈላጊው ክትትል እና ድጋፍ እየተደረገበት ስራዎች ተጠናክረው ቀጥለዋል።

በምክትል ከንቲባ ማዕረግ የአዲስ አበባ ከተማ አስተዳደር የፐብሊክ ሰርቪስና ሰው ሀብት ልማት ቢሮ ሀላፊ እና የፕሮጀክቱ አስተባባሪ የሆኑት ዶ/ር ጀማሉ ጀምበር እና ሌሎች የከተማዋ አመራሮች : የጉለሌ ክፍለ ከተማ ዋና ሥራ አስፈጻሚ አቶ ወልዴ ወገሴ ፣ሌሎች የክፍለ ከተማ እና የወረዳ አመራሮች ጋር ምልከታ እና የክትትል እና ድጋፍ ስራ ሰርተዋል።

በክፍለ ከተማው በሁለተኛው ዙር የሚለማው ከ6 ኪሎ እስከ እንጦጦ ቦታኒክ ጋርደን ድረስ የኮሪደር ልማት ፕሮጀክት የግንባታ ሂደት ሰው ተኮር ልማትን ታሳቢ በማድረግ በፍጥነት ለማጠናቀቅ፣ ድጋፍና ክትትሉ ተጠናክሮ ቀጥሏል።

በክፍለ ከተማው የሚከናወነው የኮሪደር ልማትን የማያቋርጥ ድጋፍና ክትትል በማድረግ ፕሮጀክቱ በቅርብ ጊዜያት ተጠናቆ ለነዋሪዎች አገልግሎት እንዲውል ለማድረግ ታሳቢ ያደረገ ምልከታ ነው።

ኢኮኖሚያዊ እድገትን በተመለከተ

በ2016 በጀት ዓመት በኢትዮጵያ 8 ነጥብ 1 በመቶ እድገት ተመዝግቧል፡፡ ይህ በዓለም አቀፍ ደረጃም ትልቅ ስኬት ነው፡፡ በዘንድሮው በጀት ዓመትም 8 ነጥብ 4 በመቶ እድገት እንደሚመዘገብ ይጠበቃል፡፡ ከዚህም ውስጥ ግብርና 6 ነጥብ 1 በመቶ እንደሚያደግ የሚጠበቅ ሲሆን፤ 30 ሚሊዮን ሄክታር መሬት በማረስ 1 ነጥብ 4 ቢሊዮን ኩንታል ምርት ይጠበቃል፡፡

#የጠሚሩምላሾች
#PMOEthiopia

ገራዊ ሪፎርምን በተመለከተ

በተለያዩ ዘርፎች ሲከናወኑ የነበሩ ሪፎርሞችን አጠናቀን ሀገራዊ ማንሰራራት የምንጀምርበት ዘመን የመጀመሪያ ምእራፍ ላይ ተገኝተናል፡፡ በመሆኑም በ2017 በሁሉም ዘርፎች ተጨባጭ ለውጥ የምናስመዘግብ ይሆናል፡፡ ከዚህ አኳያ ከትናንት እሳቤ ወጥተን በጋራ ወደ ነገ መሻገር አለብን፡፡

#የጠሚሩምላሾች
#PMOEthiopia

Kabineen bulchiinsa magaala Gullale dhimma adda addaa irratti mari’atan.
(Waajjira kominikeeshinii k/m/Gullallee 15/02/2017)
Kabineen kutaa magaalichaa ajandaawwan dhiyaatan irratti mari’atee yaada murteewanii kahee jira. Kenninsa tajaajilaa ammayeessuufi saffisisuuf hojimaata raawwataman irratti barbaachisummaafi haala raawwii irratti mari’achuun raggaasiseera.
Hojii rawwachisoon olaanaa kutaa magaalichaa obboo Waldee wagasee akka ibsanitti, hojiileen misoomaa,bulchiinsa gaarii fi haala kenninsa tajaajila ammayyeessuuf akkaataan adeemsi hojii fi raawwiin qajeelfamaa itti gaggeeffamu irratti marii fi murteen kaabinee barbaachisaa waan ta’eef qaama raawwachiiftuuf akka kennamu kan yaadame ta’uu ibsaniiru.

የአገልጋይነት መንፈስ በተላበሰ መልኩ የህዝባችንን ችግር እንፈታለን።

የጉለሌ ክፍለ ከተማ አስተዳደር ሴክተር ተቋማት የስራ ኃላፊዎች በተገኙበት የአንድ ማዕከል አገልግሎት እየተሰጠ ነው።

የክፍለ ከተማው አስተደዳር የአገልግሎት አሰጣጡን ለማሻሻል የሴክተር የስራ ኃላፊዎች በተገኙበት የአንድ ማዕከል አገልግሎት እየሰጠ ነው፡፡

የክፍለ ከተማው ዋና ስራ አስፈጻሚ አቶ ወልዴ ወገሴ ፣ የክፍለ ከተማው ምክትል ዋና ስራ አስፈጻሚና የስራና ክህሎት ጽ/ቤት ኃላፊ አቶ ሰለሞን ታደሰ የባለጉዳይ ቀንን በማስመልከት የሚመለከታቸውን የተቋማት ሃላፊዎች በተገኙበት የተገልጋዮችን ጉዳዮች በመቀበል በአሰራሩ መሰረት የመፍትሄ ውሳኔዎችን በመስጠት እያስተናገዱ ሲሆን ቀልጣፋና ውጤታማ አገልግሎት ለመስጠት አገልግሎት ጠያቄዎችም ተገቢውን መረጃ በማሟላትና ደረጃውን ጠብቆ ጉዳያቸውን ይዘው በመቅረብ ጥያቄዎችን አጣርቶ ተገቢውን ፈጣን ምላሽ ለመስጠት እንደሚያስችል ተናግረዋል፡፡

የክፍለ ከተማው ፐብሊክ ሰርቪስና የሰው ሀብት ልማት ጽ/ቤት አስተባባሪነት በክፍለ ከተማው ‹‹የአንድ ማዕከል አገልግሎት መስጫ››የስራ ክህሎት ጽ/ቤት ፣ቤቶች አስተዳደር፣ መስሪያ ቦታዎች ስራ ጽ/ቤትና ስራ አስኪያጅ ጽ/ቤቶች በተገኙበት ተገልጋዮች ጉዳያቸው እንዲታይላቸው በማቅረብ የቃል ምላሽ እና እንደ ጉዳዮን ሁኔታ በቀጣይ በጋራ በማየት የውሳኔ ምላሽ ለመስጠት የቀጠሮ ቀን በመስጠት አገልግሎቱን እየሰጡ ነው፡፡

የጉለሌ ክፍለ ከተማ አካል ጉዳተኞች ማህበር የ2016 ዕቅድ አፈጻጸሙንና የ2017 ዕቅዱን በ አመታዊ ጉባዔውን አካሄዷል።

(ጉለሌ ኮሙኒኬሽን ፣ 11- 02 -2017 ዓ.ም )

ማህበሩ በ2016 በጀት አመት የአካል ጉዳተኞችን ዘርፈ ብዙ ችግሮች የሚቀርፉ የተሳትፎና ተጠቃሚነት ስራዎች ትኩረት ሰጥቶ እየሰራ እንደሚገኝ በማንሳት አሁንም አጋር ተቋማት የአካል ጉዳተኞች ጉዳይን ልዩ ትኩረት ሰጥቶ በስራ ዕድል ፈጠራ ተጠቃሚነት እና በግንዛቤ ስልጠናው ከማብቃት ረገድ ትኩረት የሚሻው ስራ መሆኑን በቀረበው አመታዊ የአፈጻጸም ሪፓርት ቀርቧል።

የጉለሌ ክፍለ ከተማው የአካል ጉዳተኞች ማህበር ስብሳቢ አቶ ፀሐዩ ከበደ እንደተናገሩት የአካል ጉዳተኞችን ዘርፈ ብዙ ጉዳዮች ለመቅረፍ ከተለያዩ መንግስታዊና ግብረ-ሰናይ ድርጅት በአጋርነትና በትብብር ተጠናክሮ እንደሚሰራ ተናግረዋል።

በቀጣይ የማህበሩን አቅም በማጠናከር የአካል ጉዳተኞችን ማህበራዊና ኢኮኖሚያዊ ተሳትፎና ተጠቃሚነት ለማጎልበት አጋር ተቋማት በጋር በትስስር እንደሚሰራ ገልጸዋል።

የጉባኤው ተሳታፊዎችም ማህበሩ ለአካል ጉዳተኞች ምቹ የስራ አከባቢ እና አስፈላጊ የሆኑ ልዩ ድጋፍ ስራዎች በቁርጠኝነት መተግበር አለባቸው ብለዋል።

የጉለሌ ክፍለ ከተማ አስተዳደር የ3 ወር የስራ ዕድል ፈጠራ ንቅናቄ ያለበትን ደረጃ በመገምገም የቀጣይ የትኩረት አቅጣጫ አስቀመጠ።

አስተዳደር በከተማው ድጋፍና ክትትል የስራ እድል ፈጠራ ንቅናቄ እቅድ አፈጻጸም የተከናወኑ ተግባራትን በመገምገም በቀሩት ጊዜያት ትኩረት ተሰጥቶ በሚሰራባቸው ጉዳዮች ላይ የክፍለ ከተማና የወረዳ አመራሮች እና ሌሎች የሚመለከታቸው አካላት በተገኙበት ገምግሟል።

የግምገማ መድረኩን የጉለሌ ክፍለ ከተማ ምክትል ዋና ስራ አስፈጻሚና ስራና ክህሎት ጽ/ቤት ኃላፊ አቶ ሰለሞን ታደሰ እንደተናገሩት ሁሉም ባለ ድርሻ አካላት ተቀናጅተው በመስራት የታቀደውን ከግብ ለማድረስ ወጣቶቹ በተደራጀ መንገድ በመመዝገብ፣ በማሰልጠንና ወደ ስራ የማስገባት ሂደት ሁሉም በየተመደበበት የስራ ዘርፍ ውጤታማ መሆን እንደሚገባ አፅንኦት ሰጥተዋል።

የ3 ወሩ የስራ ዕድል ንቅናቄ ስራ እስካሁን የተመዘገቡ ውጤቶች ለማስቀጠል የአመራርና የባለሙያ ስምሪት በማስተካከል የተደራጀ አመራር መስጠት እንደሚገባ አስገንዝበዋል።

ጨምረው የስራ እድል ፈጠራ ንቅናቄው ለማሳካት የፀጋ ልየታና የስራ እድሉ በማስተሳሰር ክህሎት መር የሆነ ዘላቂ የስራ እድል መፍጠር እንደሚያስፈልግ ተናግረዋል።

በድጋፍ ክትትል የተገኙ ግኝቶች አቶ ሲሳይ ቶልቻ በበኩላቸው በክፍለ ከተማው የግንዛቤ ፈጠራው ፣ የምዝገባው ሂደት፣ የስልጠና፣ ስራ እድል ፈጠራው ፣ የፀጋ ልየታ፣ የውጭ ሀገር የስራ ስምሪት፣ የስራ ላይ ልምምድ፣ የሪፎርም ስራዎችና የሌሎች እቅድ አፈፃፀም ያሉበት ደረጃ በመገምገም የቀጣይ የትኩረት አቅጣጫ ተቀምጧል።

የጉለሌ ክፍለ ከተማ አስተዳደር በክፍለ ከተማ ደረጃ እየተሰሩ ያሉ የልማት ስራዎችን የወረዳ አስተባባሪና የክፍለ ከተማ አጠቃላይ አመራር በተገኘበት ገምግሟል።

በግምገማው በዋናነት የቀበና ወንዝ ልማት፤የአዲስ ለአዲስ የወንዝ ልማትና ከ6 ኪሎ ሽሮ ሜዳ እንጦጦ ቦታኒ ጋረደን የሚለማውን የኮሪደር ልማት የመረጃ አሰባሰብና ተያያዥ ጉዳዮችን በቀረበው ሪፖርት መሰረት በጥልቀት ገምግሟል።

የግምገማ መድረኩን የጉለሌ ክፍለ ከተማ ዋና ስራ አስፈፃሚ አቶ ወልዴ ወገሴ እንዲሁ የክፍለ ከተማው ብልጽግና ፓርቲ ቅርንጫፍ ኃላፊ አቶ ይከበር ስማቸው ፣ አስተባባሪና የክፍለ ከተማና የወረዳ አመሬሮች በውይይቱ ላይ የተገኙ ሲሆን ቀሪ ስራዎችን ለማጠናቀቅ በትኩረት መስራት እንደሚገባ አቅጣጫ አስቀምጠዋል።

የኮሪደር ልማትና የወንዝ ዳርቻ ፕሮጀክቶች ለክፍለ ከተማው ትልቅ የቱሪዝም መዳረሻ ፣ ለከተማችን ተጨማሪ አዲስ ገፅታ የሚያላብስ እንዲሁም በጎርፍና የመሬት መንሸራተት የወንዝ ዳርቻ ስጋት ያለባቸውን ዜጎች ጥያቄ የሚመልስ ፕሮጀክት መሆኑ ይታወቃል።