الساخر الهادف - Ibrahem Emam

نسألكم الدعاء لأختي بالشفاء والعافية
محجوزة بالمستشفى لتلقي العلاج الإشعاعي
وألتمس دعوات الصالحين
جزاكم الله خيرا

لايك أو شير وأنت معدي، وشكرا لك
(بدوّر على ناس تشتغل معايا)

صلوا على النبي ﷺ
من وقت ما بدأت محتوى هنا وأنا بعمل كل حاجة لوحدي، الكتابة والتصوير والمونتاج والرفع والمتابعة والايفنتات والكورسات والرد على الرسايل، كل ده بعمله كنت بعمله لوحدي، لكن مع الوقت زادت مسئولياتي ووقتي أصبح ضيق جدا، حرفيا مش عارف أعمل ربع اللي كنت بعمله لوحدي، بحكم الشغل والزواج وخلافه
بالتالي أنا عاوز ناس معايا، عشان أرجع تاني أعمل كل اللي كنت بعمله، محتاج ناس يكون عندها هدف ورسالة وهمّة وحابين ده، وبإذن الله هوفرلهم مرتبات ترضيهم قدر إمكاني، بس في الأصل محتاجهم يساعدوني في الدعوة، لأن والله ده باب خير ونفع وهداية لناس كتير كتير كتير، الله يهدينا ويستعملنا فيما يرضيه يا رب

* محتاج:
١- مونتير شاطر وأمين يشتغلي ساعتين كل يوم وياخد مرتب شهري ثابت بإذن الله نتفق عليه (بمعدل ٥٠ ساعة شهريا تقريبا)
٢- مدير للصفحات يرفع المحتوى على كل المنصات ويرد على التعليقات والرسايل الخاصة بالبيدج ورقم الواتساب (شغل ثابت ٨ ساعات يوميا بمرتب نتفق عليه بإذن الله)

المطلوب من المونتير:
١- يكون بيتقي الله وعنده نية لعمل الخير والمساهمة في الدعوة بجزء من شغله (هياخد مرتب أكيد، بس النية تكون عنده)
٢- ملتزم وعنده جدية في الوقت ومش كل يوم بعذر .. الجدية شرط أساسي
٣- يكون مطلع على آخر فيديوهات عندي على البيدج عشان يشوف أنا عاوز ايه ويحاكيه، مش عاوز منه إبداعات ولا هكلفه ما لا يطيق ان شاء الله
٤- يبعت جزء من شغله في المونتاج على الجيميل ده أو لو فيه cv [email protected]

المطلوب من مدير الصفحات:
١- يكون بيتقي الله وعنده نية لعمل الخير والمساهمة في الدعوة بجزء من شغله (هياخد مرتب أكيد، بس النية تكون عنده)
٢- التفرغ لأن ده شغل full time، مينفعش تكون طالب أو بتشتغل شغل تاني، التفرغ شيئ أساسي عشان ميكونش فيه عبئ عليك أو تقصير
٣- نت كويس ومستمر ووايفاي، لأن لو أي حاجة من دي مش موجودة مش هتقوم بالشغل بشكل كويس خالص مهما حاولت
٤- الذكااااااء الاجتماعي واللُطف، لأن الرد على الناس مش حاجة سهلة، سواء تعليقات أو رسائل خاصة لو شغل
٥- لو فيه سابق خبرات في النوع ده من العمل ده يريت تبعتها في صورة cv
[email protected]

إذا انطبقت عليك الشروط، أرسل على الإيميل:
١- اسمك بالكامل
٢- الوظيفة اللي بتقدم عليها
٣- ال cv أو الخبرات (وجزء من شغلك او أنت مونتير)
٤- رقمك الشخصي للتواصل

وشكرا جدا ليك لو عملت لايك وأنت معدي، بتساعدنا نوصل للناس دي أسرع، ولك الأجر إن شاء الله
يا رب سهّلنا ولاد الحلال عشان نرجع تاني ونستمر بلا انقطاع يا كريم

#الساخر_الهادف

مش حابب الكلمتين اللي هقولهم دول عشان في كام واحد وواحدة دماغهم فيها بلاستيك محروق مكان دماغهم مش هيفهموا بس لازم أقولهم

(أنا مبتصورش مع بنات بشكل منفرد)
وقبل الخناقة ما تشتغل
١- مبيطلبش يتصور معايا من البنات إلا البنات المحترمة فقط، بيبقى لبسهم محترم وشكلهم محترم، اللي مش محترمة مبتقربش مني عامة (الحمد لله على ذلك)
٢- أنا مبتصورش لأني شايف ده مش مناسب ليا ولا بكون مرتاح وبشوف ده مش صح + ليا تجربة سيئة من كذا سنة عبارة عن صورة مع بنت والله ما أعرف اسمها حتى ولكن الصورة دي وجعت راسي جدا والصراحة أنا الباب اللي بيجيلي منه الريح بسكعه سكع
٣- لو فكرنا شوية هنلاقي أن الصورة عامة ملهاش بربع جنيه لازمة، هو مجرد أمر نفسي وشعور بأنه : لازم أوثق مقابلتي مع المشهور
ف أختاه أرجوكي، اطلبي مني اي حاجة إلا الصور، وشكرا لكي

بكتب ده عشان بحس أني بحرج الناس اللي بتشوفني كل يوم وكل كورس او في مكان عام، وأنا والله مش قصدي أحرج حد بعينه، فقلت اكتب الكلمتين دول هنا عشان أرفع الحرج ده واخواتنا يفهموا ده

سلام عليكم.

#الساخر_الهادف

اللهم اشف أختي شفاءا لا يغادر سقما يا رب، اللهم ارزقها العافية هي وكل مبتلى، وامسح عليها بيمينك الشافية يا رحمن يا رحيم.

نسألكم الدعاء بظهر الغيب.

وأنت في قلب الابتلاء هيجيلك الشيطان ويفضل يقولك جمل زي: أنت عملت ايه وحش في حياتك عشان ربنا يعمل فيك كده؟ أنت كول عمرك بتساعد الناس وعمرك ما أذيت حد.. طب ليه فلان ده أسوأ منك في الأخلاق وأقل كمان في الطاعات وغرقان في المعاصي ومحصلوش ربع اللي حصلك؟!
نقاشات وأفكار تنتهي دوما بشعورك بالإحباط والحزن وأحيانا اليأس من رحمة الله، والحقيقة أنه: مش لازم تكون أبدا إنسان وحش عشان ربنا يبتليك، مش بالضرورة
واللي متعرفوش أن العاصي المصرّ على عصيانه وربنا مش بيبتليه = ده واحد كارثته أنت لا تتمناها أبدا؛ لأن ربنا مأجّله العقاب ليوم القيامة - ودي مصيبة ضخمة لو تعلم -
قال رسول الله ﷺ: إذا أراد الله بعبده الخير عجّل له العقوبة في الدنيا، وإذا أراد الله بعبده الشر أمسكَ عنه بذنبه حتى يُوافَى به يوم القيامة..

يا حبيب أخوك، الله يبتلينا ليطهّرنا من ذنوب يمكن عملناها ونسيناها، بيبتلينا عشان يكفّر ذنوبنا دي ويرفع درجاتنا، أو بيبتلينا احنا بعيد عنه ومقصرين ف بيبتلينا عشان نرجع نصلح علاقتنا بيه ونناديه وندعوه فيعطينا ، أو بيبتلينا وأحنا كويسين وبنطيعه بس هو يريد أن يرفع درجتك في الجنة أكثر
شفت حد بالكرم والرحمة والحكمة دي ؟
يبتليك فتكون النتيجة أنه: يغفر بالبلاء ده ذنوبك ويطهرك + تدعيه وأنت ضعيف فيجيبك ويرزقك بأكثر مما تمنيت + يقربك منه ويسبب الأسباب عشان تتعرف عليه أكتر سبحانه وتعالى + يرفع درجتك في الجنة لمكان أنت عمرك ما تخيلته

- قال رَسُولَ اللَّهِ ﷺ : ( مَا يُصِيبُ الْمُؤْمِنَ مِنْ وَصَبٍ وَلَا نَصَبٍ وَلَا سَقَمٍ وَلَا حَزَنٍ حَتَّى الْهَمِّ يُهَمُّهُ إِلَّا كُفِّرَ بِهِ مِنْ سَيِّئَاتِهِ.
- وعن سعد بن أبي وقاص قال: قلتُ يا رسولَ اللهِ أيُّ النَّاسِ أشدُّ بلاءً ؟
فقالَ ﷺ: الأَنبياءُ ثمَّ الأَمثلُ فالأَمثلُ ؛ يُبتلَى الرَّجلُ علَى حسَبِ دينِهِ ، فإن كانَ في دينِهِ صلبًا اشتدَّ بلاؤُهُ ، وإن كانَ في دينِهِ رقَّةٌ ابتليَ علَى قدرِ دينِهِ ، فما يبرحُ البلاءُ بالعبدِ حتَّى يترُكَهُ يمشي علَى الأرضِ وما علَيهِ خطيئةٌ.
متخيل تمشي على الأرض ومش عليك ولا ذنب؟
والله ربك كريم، بس نحتسب ونصبر

اللهم اكشف عن البلاء وارزقنا العافية في أبداننا وأموالنا وأولادنا يا أكرم من سُئل يا رب، وارزقنا الصبر والقوة والثبات على دينك حين تضعف الهمة ويزيد الألم، يا رب.

#الساخر_الهادف

بخصوص مواعيد شبين الكوم، بكره وبعد بكره
فيه معاد الساعة ١١ الصبح
وفيه معاد ٢.٣٠ الضهر

مجموعتين بيتقال فيهم نفس الشرح
احضر في اللي يناسبك ❤️

وعلى هامش الموضوع
أنا بكره وبعده بشرح إسعافات اولية وإصابات حرجة في نقابة المهندسين بشبين الكوم بالمنوفية

اللي حابب ينورني بكره وبعده ، أتشرف بيكم يا منايفة (ع فكرة بحب المنوفية خالص 😄❤️)

يريت تيجي نايم كويس وشارب قهوة وواكل كويسسسس ابوس رجلك، عشان هشرح بكره التعامل مع الضغط والسكر وسبحان الله كل مرة لاااازم حد يغمى عليه في المحاضرة دي 🙂💔

مستنيكم غدا ان شاءالله ❤️

لو الكورس مش نافع (فعلا) ، مكتتش نزلت اي حاجة عنه
اللي حضر قبل كده عارف ، واللي هيحضر فعلا هيتسبط معانا خالص ان شاء الله
متترددش تيجي، وهات صحابك، ولما هتحضر هتعرف ان الاسعافات مش للدكاترة والممرضين فقط، دي حرفيا احتياج اساسي للجميع

بالتوفيق يا حلوين❤️

السلام عليكم ورحمة الله وبركاته
شباب القاهرة الجميل
ان شاء الله في بكرا منحة الاسعافات الاأولية المجانية والمعتمدة
بدعم كبير من شركة يوتوبيا للادوية
هتكون في مفاجأت كتييييير ان شاءالله عشان دي أول مرة ننزل القاهرة ❤️

📍 *المحاضرون* 🥼
- د إبراهيم إمام
بكالوريوس الطب البشري جامعة الزقازيق

- د مصطفي علاء الدين
بكالوريوس طب بشري جامعة الزقازيق
نائب جراحة المخ والاعصاب معهد ناصر
مدرب معتمد بجمعية القلب الامريكية

- د أحمد علاء الدين
مدرب معتمد بالجمعية الامريكية للقلب

*المكان* 📍
قاعة نجيب محفوظ - بجريدة الاهرام - منطقة الاسعاف بجوار مستشفي الجلاء .. أقرب محطة مترو جمال عبدالناصر وده اللوكيشن
https://maps.app.goo.gl/tETmsb4hwE9VvGvS7

*المواعيد والجروب*🕑
هيكون فيه مجموعتين
مجموعة A هتبدأ الساعة ١١ اللي حابب يحضر ينضم علي الجروب 👇
https://chat.whatsapp.com/HNV6vRvV6MS5ZPoLjz2WJI

وجروب B الساعة 2:30 اللي حابب ينضم يخش علي الجروب 👇
https://chat.whatsapp.com/CSDxGoyYb2mFLfXZQ7SwOY

التفاصيل كاملة جوه جروبك هتتبعت .. تابع الرسايل هناك ❤️

نشوفكم على خير.

خبر كويس وسط اخبار كتير مش كويسة ، جايين القاهرة في كورس مجاني ومعتمد وكبير اوي بإذن الله ❤️

هنزلكم التفاصيل بعد شوية

اذا حاول أحدهم استفزازك
اهدأ، وركز، ثم خذ نفس عميق وقُل له:
في منزل أنثى السنجاب دق دق الباب

جود افترنون يا شباب
صلوا على النبي ﷺ

إذا كان هناك من يحاول استفزازك، فأحلى رد وأجمد أكشن تعمله أنك متُستَفَزّش، خليك هادي خالثثث، فهو هيتعصب أكتر أنه مش عارف يستفزك، فتكون خليته ينكاد ويموت كمدًا

والله شعور جميل أنك تحرق دم الناس الصفرا دي بدون ما تتكلم، فقط تبص وتبتسم بريأكشن: انكادي مني واولعي .. يا صفرا

عارفين ؟
الدنيا دي رخيصة أوي والله
وكل ما هتمر ببلاء شديد وتلاقي مفيش حاجة نافعاك ، هتعرف قد ايه الحياة كلها على بعضها دنيئة ومقيتة ولا تستحق كل اللي بنعمله عشانها ده

الناس بتموت في لحظة .. وبدون أي مقدمات تدل على هذا
الناس حياتها كلها بتتشقلب في لحظة .. وبرضو بدون أي مقدمات تدل على هذا

الحياة أرخص وأحقر من أنك تستموت عليها، ولو عينك مش على الآخرة هتعيش أتعس وأشقى مخلوق فى الأرض

اللهم اشفِ أختي ، اللهم اصرف عنها وعن كل مرضانا ومرضى المسلمين يا رب، وتوفنا وأنت راضٍ عنا، ولا تفتنا .. آمين.

بقالي كتير بقول لزمايلي الأطباء كل ما نجتمع وبقول لنفسي قبلهم أنه لازم (نحاول) نحط نفسنا مكان أهل العيان اللي جايين معاه ومرعوبين ومخضوضين عليه، ايوه مش لازم أقابل الناس بوجه بشوش ومبتسم وأقعد أتكلف الودّ لأن طبيعي هيكون فيه ناس مش محترمة ومحتاج أكون شديد معاهم (ودول قلة)
لكن ع الأقل أكون مهذب ومحترم وأرد على الناس قدر إمكاني .. قدر إمكاني!
أنت لو مكان حد منهم مش هتحب حد ينفضلك أو يسيبك مش فاهم أو حتى يهينك ويزعقلك وكمان يطردك، عيب! هتحب إنه على الأقل يشرحلك إجمالا الحالة عاملة ايه، مثلا: أخوك محتاج عملية كذا عشان حصل عنده كذا، والعملية دي بتتعمل في المكان الفلاني أو الفلاني وان شاء الله يطلع منها بخير.
وبس مش محتاج تقعد تحكي تفاصيل
لكن الناس تسألك فتسيبهم وتمشي دون أي رد دي قلة أدب، وأنك عاوز الكل يزودك بالمعلومات وأنت مبتردش ع حد ده بيدايق وقلة أدب، وأنك ترد ع الناس (الغلبانة) بشدة وحدة وزعيق عشان عارف أنهم مش هيقدروا يأذوك، ده برضو قلة أدب وعيب

اللي بييجي المستشفى يا دكتور جاي بالغصب مش جاي نزهة، جايلك ببلاء وهم وتعب ومرض ووجع، لو مش هتخفف عنه يا ريت متضيفلوش وجع زيادة عشان الناس والله طافـ.ـحاه
ولو مش قادر تتحمل الناس اعمل شيفت كارير وشوفلك شغلانة تانية، عشان للأسف شغلك كطبيب كله عبارة عن (تعامل مع بني ادمين)
فلو حضرتك مش قادر تتحمل ولا عندك روح تكون ذوق وصدرك واسع وتطمئن الناس وتساعدهم سيب الشغلانة عشان والله العظيم هتتحاسب.
خليك إنسان قبل ما تكون طبيب، عشان الطبيب اللي معندوش انسانية ده بيتحول لمسـ.ـخ لا يجيد سوى تعكير صفو الناس وإضافة ألم لجديد لآلامهم ولا يكتسب من عمله سوى حفنة من المال رخيصة سرعان ما تنتهى وبعدها تموت ويلعـ.ـنك الناس ويحمدوا الله الذي خلصهم من شرك وآذاك.

وبخصوص التمريض، مش شطارة أنك تكوني الميس الشريرة سيئة الخلق اللي رايحة جاية تشد ف خناق العيانين وأهاليهم وصوتها جايب آخر المستشفى، ممكن تكوني أو تكون محترم ومؤدب ولسانك طيب، ولما يبقي ييجي الأهل الوحشين ابقى وريهم العين الحمرة دي يسيدي، لكن متكونش كده ع طول الخط، عيب ده انتو بيسموكو ملايكة الرحمة بتوع المستشفى 😀

في أشياء مش هتكلفك حاجة لو عملتها، بس هتكلفك كتير أوي (في الدنيا والآخرة) لو معملتهاش، الاحترام وحسن الخلق من الأشياء دي.

اللهم حسّن أخلاقنا واهدِنا واهدِ بنا واجعلنا سببا لمن اهتدى، آمين.

#الساخر_الهادف

السرطان مرض لعين والله يا شباب، لو ربنا معافيك يريت يكونلك ورد من (الحمد لله) وتكون من قلبك بجد

دعواتكم لأختي بالشفاء
دخلت الآن عملية استئصال لورم ، ونسأل الله أن يجعل عاقبة ذلك خيرا وألا يؤذينا فيها
اللهم اشفها واعفُ عنها، اللهم اشفِ أنت الشافي لا شفاء إلا شفاءك، شفاءا لا يغادر سقما

مسؤوليتك أن تربي ولدك على العزّة والكرامة وحمل هم الإسلام وأن تجعل من أهم أهدافه المستقبلية: نصرة الإسلام والمسلمين.

إياك والتخلي عن هذه المسؤولية.

#فضفضة_مسائية

+201275552246

هذا رقم الواتساب للتواصل والاشتراك في الكورس ، ابعتوله ومتنسوش كلمة السر:((الساخر الهادف))
عشان الخصوماااااات
ربنا ينفعكم ويفتح عليكم يا رب

لسه معانا تقريبا ١٥ يوم والخصومات تنتهي🥵

لذلك حبيت النهارده نعمل تخفيض سواء للصحاب أو الناس اللي هتشترك سوا كنوع من التشجيع
- أي اتنين صحاب هياخدو الكورس هيبقي ب ٤٥٠ ليهم سوا
- أي ٣ صحاب هياخدو الكورس هيبقى ب ٦٣٠ ليهم سوا
- أي ٤ أصحاب هياخدو الكورس هيبقي ب ٨٠٠ ليهم سوا

لو انتو اكتر من ٤ صحاب (وده إنجاز الحقيقة) ف بصراحة بحييكم أنكم صحاب في الزمن ده وربنا يحفظكم من شرور العين والحسد 😂😂🙈 ولذااااااالك هنديكم كورس هدية بسبب صحبتكم الصالحة لو أكتر من ٤ 😂❤️👍

هذا العرض ساري لمدة أسبوع فقط

فيه عائلات كاملة اخدت الكورس ، الابن والبنت وأمهم ، وبصراحة كنت سعيد لما الشباب قالولي!
الحرص ده قليل ومش كتير موجود

انا مهتم بتنزيل الريفيوهات دي على الكورس عشان حاجة واحدة، أن الناس تفهم أن فعلا الأمر مفيد ونافع ومش بس لمعلمين القرآن، لكن لكل واحد فعلا عاوز يجيد التعامل مع الأطفال سواء أطفاله أو أطفال تانية

ما لا يسع أطفال المسلمين جهله
تحوي المنصة منهج يسير ومتكامل لمسائل لا يسع أطفال المسلمين جهلها، وتشمل مسائل العقيدة والفقه والسيرة والآداب والتفسير والحديث والأخلاق والأذكار، وتصلح للصغار خصوصًا ولكافة الأعمار وحديثي الإسلام.
رابـ ط المنصة: https://kids.islamenc.com/ar
🛄 المنصة تناسب للتدريس في البيوت والمحاضن والمدارس وللحفظ، وتم ترتيب المسائل حسب الفنون وجعلها على طريقة السؤال والجواب؛ لأن ذلك أشحذ للذهن وأرسخ للحفظ.

شرح الحديث:

جعَلَ اللهُ العِلمَ مَنارًا وهِدايةً إلى طَريقِه، وبدونِ العلمِ يَضِلُّ الناسُ الطَّريقَ، فالعِلمُ الحَقيقيُّ يَمنَعُ مِن الوُقوعِ في الزَّللِ.
وفي هذا الحديثِ يُخبِرُنا النبيُّ صلَّى اللهُ عليه وسلَّمَ أنَّ اللهَ لا يَرفَعُ العِلمَ مِن النَّاسِ بإزالتِه مِن قُلوبِ العُلماء ومَحوِه مِن صُدورِهم، ولكنْ يَقبِضُ العلمَ بقَبْضِ العُلماءِ وموتِهم، فيَضيعُ العِلمُ، فلا يُوجَدُ فيمَن يَبْقى مَن يَخلُفُ مَن مَضَى، وكلَّما ذَهَبَ عالِمٌ ذهَبَ بما معه مِن العِلمِ، حتَّى إذا لم يُبْقِ اللهُ عالِمًا ومات أهلُ العلمِ الحقيقيِّ، وصَلَ الجُهلاءُ إلى المراكزِ العِلميَّةِ الَّتي لا يَستحِقُّونها؛ مِن تَدريسٍ وإفتاءٍ ونحوِه، وجعَلَ النَّاسُ منهم عُلماءَ يَسأَلونهم، فيُفتونَ بغيرِ عِلمٍ لجَهْلِهم، فيُحِلُّون الحرامَ، ويُحرِّمون الحلالَ، فيَضِلُّون في ذاتِ أنفسِهم عن الحقِّ، ويُضِلُّون مَن اتَّبَعهم وأخَذَ بفَتْواهم مِن عامَّةِ النَّاسِ. ولا تُغْني المُؤلَّفاتُ والرَّسائلُ وغيرُها عن وُجودِ العُلماءِ؛ لأنَّها لم تُفهَمْ على وَجْهِها الصَّحيحِ بدُونِهم.
وفي هذا الحديثِ: الحثُّ على تَعلُّمِ العِلمِ وحِفظِه؛ فإنَّه لا يُرفَعُ إلَّا بقبْضِ العُلماءِ.
وفيه: التَّحذيرُ مِن تَرئيسِ الجهَلةِ.
وفيه: أنَّ الفَتوى هي الرِّياسةُ الحقيقيَّةُ، وذمُّ مَن يُقدِمُ عليها بغَيرِ عِلمٍ.

قال رسول الله ﷺ: إنَّ اللَّهَ لا يَقْبِضُ العِلْمَ انْتِزَاعًا يَنْتَزِعُهُ مِنَ العِبَادِ، ولَكِنْ يَقْبِضُ العِلْمَ بقَبْضِ العُلَمَاءِ، حتَّى إذَا لَمْ يُبْقِ عَالِمًا اتَّخَذَ النَّاسُ رُؤُوسًا جُهَّالًا، فَسُئِلُوا فأفْتَوْا بغيرِ عِلْمٍ، فَضَلُّوا وأَضَلُّوا.

الراوي : عبدالله بن عمرو
المصدر : صحيح البخاري
خلاصة حكم المحدث : [صحيح]

كمان ٤ خرجو بعد المسج
يا فرج الله، اللهم اصرف عنا العُبط وذوي الاحتياجات العقلية الخاصة

فقدنا ٨ متابعين من القناة بسبب صورتي
هل لأن شكلي مخيف ؟
هل لأن وشي فيه تشدد وتطرف؟
هل دقني إرهابية بزيادة ؟

هي كلمة واحدة هقولهالهم
غضبان عليكم

Channel photo updated

تفاصيل لمن لم يسمع ❤️

+201275552246

هذا رقم الواتساب للتواصل والاشتراك في الكورس ، ابعتوله ومتنسوش كلمة السر:((الساخر الهادف))
عشان الخصوماااااات
ربنا ينفعكم ويفتح عليكم يا رب

لسه معانا تقريبا ٢٠ يوم والخصم ينتهي

بعض الآراء للناس اللي اشتركت من هنا، وكل شوية هنزلكم عشان بس تكون مطمئن أنك هتنتفع، ومعاكم لحد ما الشهر يخلص والكل يستفيد بالخصم يا حلوين ❤️😄

#فضفضة_مسائية

عن أنس بن مالك رضي الله تعالى عنه، أن النبيَّ صلى الله عليه وسلم قال: «من صلى عليَّ صلاةً واحدةً صلَّى الله عليه عشرَ صلواتٍ، وحُطَّت عنه عشرُ خطيئاتٍ، ورُفعَت له عشرُ درجاتٍ»

#الساخر_الهادف
#الجمعة

صباحكم ورد وفل ودشملة علاقات يولاد ❤️

اتعود متخسرش حد، حاول قدر الممكن تحافظ على الود والاحترام واحفظ العلاقة، لكن إذا الشخص مصرّ يخسرك وهو ده أخلاقه فعلا ⬅️ أفلِت يداك!
اخسره غير آسف وبلا ندم، لأن فيه ناس خسارتك ليهم مكسب كبير والله (مهما كانوا مهمين وميتعوضوش من وجهة نظر ناس تانية)

يا صديقي
الحياة صعبة ومحتاج ترشد استهلاك طاقتك ووقتك وصحتك عامة، وكل ما تكبر هتتعلم أن الناس ليست كما تبدو عليه (خالص)، خد الصدمة وكمّل حياتك عادي، واسأل الله الثبات والهداية.

الله يصرف عنا شرار الخلق ويرزقنا سلامة الصدر وحسن الأخلاق ولا يفتنا، آمين.

قال رسول الله ﷺ: مَنِ اتَّبَعَ جَنَازَةَ مُسْلِمٍ، إيمَانًا واحْتِسَابًا، وكانَ معهُ حتَّى يُصَلَّى عَلَيْهَا ويَفْرُغَ مِن دَفْنِهَا، فإنَّه يَرْجِعُ مِنَ الأجْرِ بقِيرَاطَيْنِ، كُلُّ قِيرَاطٍ مِثْلُ أُحُدٍ، ومَن صَلَّى عَلَيْهَا ثُمَّ رَجَعَ قَبْلَ أنْ تُدْفَنَ، فإنَّه يَرْجِعُ بقِيرَاطٍ.

الراوي : أبو هريرة
المحدث : البخاري
المصدر : صحيح البخاري
خلاصة حكم المحدث : [صحيح]

لسه أول ٥٠٠ مخلصوش
بس كل حاجة بتخلص خد بالك 🙈

قال رسول الله ﷺ: الإِيمَانُ بضْعٌ وسِتُّونَ شُعْبَةً، والحَيَاءُ شُعْبَةٌ مِنَ الإيمَانِ.
الراوي : أبو هريرة
المحدث : البخاري
المصدر : صحيح البخاري
خلاصة حكم المحدث : [صحيح]

+201275552246

هذا رقم الواتساب للتواصل والاشتراك في الكورس ، ابعتوله ومتنسوش كلمة السر:((الساخر الهادف))
عشان الخصوماااااات يولاااه 🤣🤣
ربنا ينفعكم ويفتح عليكم يا رب

أول ٥٠٠ خصم ٧٠ •\•
تاني ٥٠٠ خصم ٦٠ •\•
بعد ال ١٠٠٠ خصم ٥٠ •\•
وهذه الخصومات لمدة شهرررررر فقطططط
ف متتأخرش أوي عشان ميفوتكش الخير ده

بعض التفاصيل .. وهناك مفاجآت أخرى ستأتي بس لسه بضغطلكم عليه شوية كمان 😄

مفاجأة نافعة جدا جدا أرسلها لحبايبنا مشتركي قناة التلجرام مخصوص بعد قليل ❤️

قال رسول الله ﷺ: أول ما يُحاسَب عليه العبد من عمله صلاته، فإن صلُحَت فقد أفلح وأنجح، وإن فسدت فقد خاب وخسر.
وقالﷺ : العهد الذي بيننا وبينهم الصلاة فمن تركها فقد كفَر!
وصح عنه ﷺ أيضا أنه قال: من حافظ على الصلاة كانت له نورا وبرهانا ونجاة يوم القيامة، ومن لم يحافظ عليها لم يكن له نور ولا برهان ولا نجاة، وكان يوم القيامة مع فرعون وهامان وقارون وأبي بن خلف.

الكلام اللي فوق ده لازم يتاخد بعين الاعتبار يا اخواتي، ترك الصلاة ملوش أي مبرر وعقوبته صعبة جدا، اقرأ الأحاديث اللي فوق دي تاني بهدوء أرجوك

صدقني مفيش حاجة تستاهل تضيع آخرتك عشانها، لا دراسة ولا شغل ولا قعدة حلوة ولا فرح ولا سفر ولا أي حاجة، أصل آخرة كل ده ايه ؟
هنموت ونتحاسب
والصلاة السؤال الإجباري اللي لو محلتوش صح هتشيل المادة كلها، ف خد بالك الله يبارك فيك.

اللهم تُب علينا وارزقنا المحافظة على صلاتنا والدوام عليها وانفعنا بها يا رب العالمين.

يا بنت الناس اللبس ده مش هينفع تصلي بيه بره، وكمان الميكب ده مش هتقدري تغسليه عشان تتوضي وتصلي بره، فلو مش مدركة أن اللبس ده والميكب ده حرام ويصل إلى حد كونه كبيرة من الكبائر ، ف أكيد مدركة أن تأخير الصلاة لعند ما ترجعي كبيرة، وأن ترك الصلاة أكبر الكبائر إطلاقا!

ولو أنت يا حبيب أخوك خارج ببنطلون مقطع من عند فخذك أة عامل استشوار وخايف تتوضى ليبوظ، فظهور جزء من عورتك حرام، وتأخير الصلاة من الكبائر، وترك الصلاة أكبر الكبائر إطلاقا!

محدش هينفعني أمام الله
لبسي وشكلي مش هينفعوني أمام الله
فلا تترك صلاتك أبدا أبدا
ترك الصلاة بيعرضك لجهنم ونارها، وعند بعض الفقهاء تركها بيخرجك من الإسلام كله! ف خد بالك أرجوك، الموضوع مش هزار خالص وكبير جدا جدا

ولو مش مقتنع وشايف أن شكلك أو المحاضرات أو الدروس أهم من الصلاة اقرأ الكلام الجاي

#الساخر_الهادف
#إلا_صلاتي

لو كل واحد فينا دعا إلى الله بحسن خلقه وتقواه في شغله أو بيئته هتلاحظ تغيير كبير في المجتمع كله

لكن انتظار أن يأتينا شخص او مجموعة أشخاص تغير كل الواقع بمفردها ده تصور واهم وخاطئ جدا

قال الله: إن الله لا يغير ما بقوم حتى يغيروا ما بأنفسهم
خد بالك من كلمة (حتى يغيروا ما بأنفسهم)
التغيير من عندنا الأول يا أخوة

أسأل الله ان يهدينا جميعا ويهدي بنا ويجعلنا سببا لمن اهتدى

نحتاج دعاة في كل باب
مش شرط تلبس جلابية أو تخطب في الناس على المنبر عشان تكون داعي إلى الله
أنك تتقي الله في دراستك وتحرص على صلاتك وأخلاقك وتذاكر كويس وتجتهد عشان تكون مسلم ناجح ونافع
أنك تتقي الله في شغلك كطبيب/مهندس/مدرس/نجار /سواق/نقاش أو أيا كان، كل ده دعوة ومطلوب جدا ومحتاجينه
أنك تربي اولادك وتحرصي على دينهم وأخلاقهم وصلاتهم وأكلهم وشربهم، كل ده مهم ومؤثر جدا ومطلوب
محتاجين كلنا نكون نموذج المسلم الذي يدعو للخير ويفعل الخير من خلال بابه واللي يقدر عليه

يا جماعة
المجتمع يحتاج لجهد الجميع بلا استثناء، عشان زوجتك واولادك وأهلك، محتاج تكون مسلم مصلح وداعي إلى الله
في مكانك.

#الساخر_الهادف

بصراحة يا شباب انا مبقتش فاهم
هو يا اما تخرج من بيتك مش مستحمي وريحتك شبه شراب متغسلش من ايام ثورة ١٩
واما نخرج حاطين عطر وبيرفيوم وباغفااا وعود ومخمرية وفانيليا وزبدة فول سوداني وأشياء أخرى لسه بكتشفها؟

نستحمي كويس
نحط حاجة للعرق
بيرفيوم خفيف يحبيب أخوك، وكفاية ٣ او ٤ بخات مش لازم ترش الازازة كلها كل يوم لأن ده غلط ومكلف
وبخصوص البنات ف طبعا يكفي النظافة والمزيلات والروائح الداخلية التي لا تخرج، لكن مهرجان عطّرني السينمائي وانتي نازلة ده ذنب وفتنة شديدة وممكن يوصل أنه يكون كبيرة من الكبائر يا أختنا، ف خدي بالك الله يرضى عنك الموضوع مش هزار، وبلاش عِند في الذنوب..

النبي صلى الله عليه وسلم علمنا النظافة وحثنا عليها، ولما بتكون نظيف ف دي عبادة لله تتقرب اليه بها، وكمان عشان محدش يتأذي منك وتدي انطباع وحش عنك وعن بيتك، ف استحمى كل يوم قبل ما تنزل مش هتخسر حاجة، بس هتكسب حاجات كتير أهمها التعود على نظافتك الشخصية ❤️


#الساخر_الهادف
#معا_نحافظ_على_بيئتنا_ومناخيرنا

أخَذَ الرَّايَةَ زَيْدٌ بن حَارِثة، فَأُصِيب
ثُمَّ أخَذَها جَعْفَرٌ بن أبِي طالِب، فَأُصِيب
ثُمَّ أخَذَها عبد الله ابنُ رَوَاحَةَ، فَأُصِيب
حتَّى أخَذَ الراية سَيْفٌ مِن سُيُوفِ اللَّهِ (خالد بن الوليد) حتَّى فَتَحَ اللَّهُ عليهم به!

هذا رسول اللهﷺ يعلمنا درسًا عظيما والصحابة هم المثال!
في غزوة مؤتة بين المسلمين والروم
عدد المسلمين ٣ آلاف، وعدد الروم ٢٠٠ ألف!
التحم الجيشان، واقـ.ـتتلوا قـ.ـتالا شديداً
استُـ.ـشهِدَ أول قادة المسلمين زيد بن حارثة رضي الله عنه ، مقبلاً غيرَ مدبر
فأخذ الراية جعفر بن أبي طالب بيمينه
فقُطِـ.ـعَت يمينه رضي الله عنه
فأخذ الراية بشماله ، فقُطِـ.ـعَت ..
فاحتضنها بعضديه حتى قُـ.ـتِلَ رضي الله عنه وفي جسده أكثر من تسعين ضربة وطـ.ـعنة!
فأخذ الراية عبد الله بن رواحة رضي الله عنه
ثم تقدّم بها على فرسه وهو ينشد بأعلى صوته:
يا نفسُ إلا تُقتَلي تموتي!
هذا حِمامُ الموتِ قد صَلِيتِ
وما تمنيتِ فقد أُعطِيتِ!
إن تفعلي فعلهما هُدِيتِ
حتى قُـ.ـتِل وارتقى لله شـ.ـهيدًا
ثم تولى سيدنا خالد بن الوليد القيادة
وأعاد تنظيم جيشه وهـ.ـجم على الروم
وقتـ.لَ منهم الكثير والكثير والكثير
واستشهد من المسلمين اثنا عشر رجلا فقط! ورجع خالد ـ رضي الله عنه ـ بجيشه إلي المدينة
وأنقذ المسلمين من هزيمة ماحقة وعُدَّت خطته انتصارًا وفتحًا للمسلمين

هكذا عِزّ الإسلام، إن مات فيه رجلٌ خلَفَهُ رجال!
وأمر الله نافذ، ودين الله منصور
إنا لننصر رسلنا والذين آمنوا في الحياة الدنيا ويوم يقوم الأشهاد
فلا تحزنوا ولا تيأسوا من روح الله
هو ثمن غالٍ، دفعه الصحابة مع رسول الله
ويدفعه الآن كل مجاهد ومقاتِل ثمنا للجنة
قال الله:
{إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ ۖ وَعْدًا عَلَيْهِ حَقًّا فِي التَّوْرَاةِ وَالْإِنجِيلِ وَالْقُرْآنِ ۚ وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُم بِهِ ۚ وَذَٰلِكَ هُوَ الْفَوْزُ الْعَظِيمُ}

اللهم انصر الإسلام وأعزّ المسلمين، آمين
صلوا على الحبيب محمد ﷺ.

#الساخر_الهادف

اصحى صلي الفجر حاضر عشان تكون في ذمة الله طول اليوم
قول أذكارك الصبح وأنت في الطريق
استفتح يومك بالقرآن والصلاة على النبي ﷺ

عيش كل يوم كأنه آخر يوم
لأنه فعلا ممكن يكون آخر يوم ..

كلنا بنخرج كل يوم نروح شغلنا أو جامعتنا أو مدرستنا، بس محدش عارف هو هيرجع ولا لأ

يا بنت الحلال
انزلي من بيتك بلبس وشكل يرضي الله وحافظي على أخلاقك ودينك، عشان ممكن مترجعيش على بيتك وترجعي على قبرك ..

يا ابن الحلال
انزل من بيتك بلبس وشكل يرضي الله وحافظ على أخلاقك ودينك، عشان ممكن مترجعش علي بيتك وترجع على قبرك ..

متسمعش أغاني في الطريق عشان ممكن يحصل زي ما حصل لاخواتك دول، جالهم الموت فجأة وكل واحد هيُبعَث على ما مات عليه

الموت مبيديش إنذارات لحد ، ف أرجوك خد خطوة ، أرجوك متقابلش ربنا وأنت عاصي ومصرّ على الذنب ، اوعى تقابل ربك وأنت مبتصليش ، اوعى تقابل ربك وأنت مقيم على ذنوب وكبائر ومبتحاولش تتوب !
واسأل ربنا دايما دايما دايما الهداية وحسن الختام

اللهم اغفر لمن مات، واشفِ الأحياء، وألهم أهلهم الصبر، ولا تحرمنا أجرهم ولا تفتنا بعدهم، آمين.

اعرف انت بتتعامل مع مين ، هتفرق كتير

#الساخر_الهادف

عَن عَبْدَ اللهِ بنَ مَسْعُودٍ قالَ: ما أنْتَ بمُحَدِّثٍ قَوْمًا حَدِيثًا لا تَبْلُغُهُ عُقُولُهُمْ، إلَّا كانَ لِبَعْضِهِمْ فِتْنَة!

قلت سبحان الله
هذا نراه جدا اليوم، خطابات لا ينبغي أن تُثار إلا بين أوساط ضيقة من طلبة العلم تجدها تنتشر بين كل الناس فتفتنهم وتملأ قلوبهم حقدا وكُرها
وناشرُ هذا الكلام لا يشعر أنه يُفسِدُ من حيث أراد الإصلاح.

حبايبي اللي دخلوا الجامعة جديد:
١- بلاش تقطع ف الصلاة او تنشغل عنها عشان المحاضرات او الكورسات، الصلاة أهم من الجامعة ومن كل حاجة

٢- بلاش نرتبط في السن ده عشان تمن ده غالي، والعلاقات المحرمة ياما اتكلمنا عن أثرها وسوء نهايتها، ف اياكم تقعوا في الفخ اللي (غالبا) كل جيلكم بيقع فيه وبيدمر ومفيش حد بيفلت طالما دخل المخرطة دي هيتعور جامد

٣- بلاش اختلاط محرم ولو حتي سوشيال وجو زمايلي في الجروب والسكشن والجو ده، هيفقدك حيائك كبنت ويشوه سمعتك، وهيضيع رجولتك كولد ويشوه سمعتك، وكمان هيزود حدة الشهوة والذنوب عندكم، بالذات عندك كولد.

٤- بلاش تغيري لبسك للأسواء وتقلعي حجابك او تبوظيه وتحطي ميكب عشان تبقي زي اللي بتشوفيهم، الفخ ده هيدمرك وهيحطك في خانات ممكن تهلكك، أقلها أن كل الناس هتشوفك حتة لحمة يجوز اكلها بالعين علي الأقل، وانتي اغلي من هذا! ده فضلا عن أن التبرج حرام ويصل لكونه من الكبائر التي تدخل صاحبتها النار..

٥- وأهم أهم نصيحة: بلاش الاجواء اللي حواليك (تضغط) عليك وتخليك تنهزم وتنبطح لمجرد انهم أكتر منك، عشان مرحلة الجامعة فعلا هي اكتر مرحلة فارقة في حياتك! مرحلة بناءك الحقيقي في الفترة دي، فاياك تبني بيتك من ورق، عشان مع اول شوية هوا هييجو، هيطيروك!

واخيرا
بعد كام سنة في الجامعة هتشوف معارفك وزمايلك ومش هتعرفهم من كتر التغيير اللي حصلهم، ناس منهم هتتغير للأوحش والأسوأ، وناس تانية هتتغير للأفضل والأحسن
فاختر من الآن ماذا تريد لنفسك
الجامعة مرحلة خطيرة، خلي بالك من مُدخَلاتَك (الحاجات اللي بتسمعها وبتشوفها وبتتعرض ليها من وقت لآخر)
لان مدخلاتك ستكون هي غدا شخصيتك!

#الساخر_الهادف

صلوا على النبي ﷺ ♥️

قال ﷺ: وإنَّ اللَّهَ لَيُؤَيِّدُ هذا الدِّينَ بالرَّجُلِ الفاجِرِ.

‏وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ