የዲያቆን አቤንኤዘር ተክሉ ገጽ

ተቃርኖ!

በእውነት ለመናገር በዚህ "ሰባኪ" ንግግር ውስጥ በግልጥ አምልኮተ ማርያም አለ። ወደ ማርያም መጸለይና ወደርስዋ ልመና ማቅረብ "አምላክ ናት" ብሎ የማመን ያህል ከባድ ጥፋት ነው።

እኛስ እንደ ቅዱስ ቃሉ፣

“... ሙታንን በሚያነሣ በእግዚአብሔር እንጂ በራሳችን እንዳንታመን፥ ...”(2ቆሮ. 1፥9) ደግሞም፦ “... በሰው የሚታመን ሥጋ ለባሹንም ክንዱ የሚያደርግ ልቡም ከእግዚአብሔር የሚመለስ ሰው ርጉም ነው።”(ኤር. 17፥5) ይላልና፣ ፈጽሞ ወደ ፍጡር አንጸልይም። ምናልባት አንዳንዶች ድንግል ማርያምን መለመን እንዴት ያስረግማል? ቢሉ፣ ማርያም ቅድስትና ብጽዕት ብትኾንም፣ ነገር ግን እንደነ ቅዱስ ጳውሎስ የሞተች ደግሞም እንደ ኹሉም አማኞች የሙታንን ትንሣኤ ተስፋ እንደምታደርግ መዘንጋት አይገባም።

ጸሎትን ወደሚሰማውና ወደሚመልሰው ጌታ እግዚአብሔር ብቻ ጸልዩ፤ ከዚህ ውጭ ግን ወደ ሞቱ ቅዱሳን መጸለይ ከመጽሐፍ ቅዱስ ተቃራኒ የኾነ እንግዳ ልምምድ ነው።

የቴሌግራም አድራሻ - https://t.me/ebenezertek

የዩቲዩብ አድራሻ - https://youtube.com/shorts/IwYHr-9KgpQ?si=PEt8kJjuh7dtt5-V

በስድስት ወር ብቻ 3769 የጋብቻ ፍቺ በአዲስ አበባ! ከአምናው በ38% ጨምሮአል! ኢትዮጵያ ይህች ናት፤ ትውልድ እያፈረሰች ለሕንጻ ግንባታ የምትራኮት!

“ከዛሬ ጀምሮ፣ የዩናይትድ ስቴትስ መንግሥት ጾታን በተመለከተ የሚኖረው ይፋዊ ፖሊሲ ወንድ እና ሴት ብቻ ይሆናል።”

ይህን የተናገሩት የአሜሪካው አዲሱ ፕሬዘዳንት ዶናልድ ትራምፕ ናቸው።

ኀጢአት በኹሉ ዘንድ ሲገንንና የኑሮ ዘይቤ ሲኾን፣ ተፈጥሮ ወንድና ሴት ብቻ ናት ብሎ መናገር ብርቅ ይኾናል። እኛም በአገራችን ሳይታወቀንም ይኹን እየታወቀን ወደ መላመድ የመጣናቸው አያሌ ዐመጽና ክፋቶችም አሉና ጌታ ይራራልን፤ የአሜሪካውንም ፕረዘዳንት ነገ እንዳይለወጥ፤ ብዙ በጎ እንዲያበዛለት ጌታ ብርሃኑን ያብዛለት፤ አሜን።

የቴሌግራም አድራሻ - https://t.me/ebenezertek

በደርባ ከተማ ከታቦት ማደርያው ላይ የቤተክርስቲያን አስተዳዳሪና ሌሎችንም ወስዶ መግደል ነውርም፤ ግፍም ነው!

እንዲህ ያሉ ድርሳናት፣ "ለሃይማኖት መከራከሪያነት አልዋሉም" በሚል ቀላልና ተልካሻ ምክንያት የሚታለፉ አይደሉም። ይልቁን እንደሚደፋው አተላ ሊወ*ገዱ፤ በወንጌል እውነት ተጠ*ርገው ሊወ*ገዱ ይገባቸዋል። እንዲወገዱ የምንሻው ኦርቶዶክሳዊት ተዋሕዶ ቤተክርስቲያን በእውነተኛ ተሐድሶ ወደ ሞተላት ቅዱስ መሲሕ ፊቷን ፍጹም ትመልስ ዘንድ ነው!

የቴሌግራም አድራሻ - https://t.me/ebenezertek

የእግዚአብሔር መልክና አምሳል ያለበትን ማናቸውንም ሰው በማናቸውም ኹኔታ መግደል ነውርም፤ ርኩሰትም ነው። በእናት በአባት ፊት ልጅን መግደል ደግሞ መራር ሐዘንን በልብ መትከልና ከጭካኔ የከፋ ጭካኔ ነው።

የመንፈስ ቅዱስ ጥምቀት
 
መግቢያ
በመጽሐፍ ቅዱስ ዋና ዋና ከሚባሉት ትምህርቶችና አማኞች ሊጠመቁት ከሚገባው ጥምቀት አንዱ፣ የመንፈስ ቅዱስ ጥምቀት ነው። የብዙዎች ትኵረትና መሻት ያለው የውኃ ጥምቀትና በየዓመቱ ከጥምቀት በዓል ጋር ተያይዞ የሚከበረውን የከተራ በዓልን እንጂ ስለ መንፈስ ቅዱስ ጥምቀት እምብዛም ግንዛቤው ያላቸው አይመስልም። ነገር ግን አስገዳጅ ከኾኑ መንፈሳዊ እውነቶች አንዱ የመንፈስ ቅዱስ ጥምቀት ነው፤ በመንፈስ ቅዱስ ያልተጠመቀ እርሱ እውነተኛ አማኝ ወይም መንፈሳዊ አይደለም።



በመንፈስ ቅዱስ የሚያጠምቅ ማን ነው?

ቅዱሳት ወንጌላት፣ “እኔ በውኃ አጠመቅኋችሁ እርሱ[ክርስቶስ] ግን በመንፈስ ቅዱስ ያጠምቃችኋል እያለ ይሰብክ ነበር።” (ማቴ. 3፥11፤ ማር. 1፥8፤ ሉቃ. 3፥16፤ ዮሐ. 1፥33) በማለት የመንፈስ ቅዱስን ጥምቀት የሚያጠምቀው ክርስቶስ እንደ ኾነ ይመሰክራሉ።

ይህም ጥምቀት በበዓለ ኀምሳ ዕለት በቤተ ክርስቲያን ላይ ተፈጸመ፤ (ሐ.ሥ. 1፥5፤ 2፥1-4)። አማኞችም መንፈስ ቅዱሳዊ ጥምቀትን በክርስቶስ ሥራ የክርስቶስ አካል ከኾነችው ከቤተ ክርስቲያን ጋር አንድ በመኾናቸው በቤተ ክርስቲያን የወረደውን መንፈስ ቅዱስን ይካፈላሉ፤ (1ቆሮ. 12፥13፤ ቲቶ 3፥3-5)።

የመንፈስ ቅዱስ ጥምቀትን እነማን ይጠመቃሉ?

የመንፈስ ቅዱስን ጥምቀት የሚጠመቁት፣ በክርስቶስ ኢየሱስ የሚያምኑና በክርስቶስ ኢየሱስ በማመን ዳግመኛ የተወለዱት ናቸው። ጌታችን ኢየሱስ ክርስቶስ ወደ ሰማያት ከማረጉ በፊትና ወደ ምድር ዳርቻ በመሄድ ወንጌልን ከመመስከራቸው በፊት ደቀ መዛሙርቱን እንዲህ አላቸው፣ “ዮሐንስ በውኃ አጥምቆ ነበርና፥ እናንተ ግን ከጥቂት ቀን በኋላ በመንፈስ ቅዱስ ትጠመቃላችሁ አለ።” (ሉቃ. 24፥49፤ ሐ.ሥ. 1፥5)። ስለዚህም በክርስቶስ በስሙ የሚያምኑ ኹሉ የመንፈስ ቅዱስ ጥምቀትን ይጠመቃሉ።
እንዲሁም ኀጢአትን ፈጽመው የሚጠየፉ፣ መንፈስ ቅዱስን በብዙ የሚናፍቁና የሚራቡ መንፈስ ቅዱስን ይመላሉ፤ መንፈስ ቅዱስን መራባችንን የምንገልጠው፣ እጅግ በጸሎት በመትጋት፣ በማምለክ፣ ቃሉን በመመስከርና በማወጅ ከቶውን ያላቋረጥን እንደ ኾን ነው።

መቼ ይፈጸማል?

በደቀ መዛሙርቱ ሕይወት የመንፈስ ቅዱስ ጥምቀት የሚከናወነው፣ ጌታችን ወደ ሰማያት ካረገ ከጥቂት ቀናት በኋላ እንደ ኾነ ተናግሮአል (ሐ.ሥ. 1፥5)። አስቀድሞ ደቀ መዛሙርት መንፈስ ቅዱስን ተቀብለው ነበር (ዮሐ. 20፥22)፤ መንፈስ ቅዱስን ከተቀበሉ በኋላ እንደ ገና የመንፈስ ቅዱስን ኀይል ሊለብሱ እንደሚገባቸውም ነገራቸው። ቆርነሌዎስም፣ ካመነና ዳግም ከተወለደ በኋላ ልክ እንደ ደቀ መዛሙርት በመንፈስ ቅዱስ ተጠመቀ (ሐ.ሥ. 11፥16-17)።

በመንፈስ ቅዱስ መጠመቅ

ለመኾኑ ግን “በመንፈስ ቅዱስ መጠመቅ ማለት ምን ማለት ነው?” ብለን ብንጠይቅ፣ መጽሐፍ ቅዱስ በመንፈስ ቅዱስ መጠመቅ ማለት በመንፈስ ቅዱስ መሞላት እንደ ኾነ ይነግረናል፤ ስለዚህም ደቀ መዛሙርትና ሌሎችም ከጌታችን ኢየሱስ ዕርገት በኋላ በመንፈስ ቅዱስ ተጠመቁ ወይም በግልጥ በመንፈስ ቅዱስ ተሞሉ። እንኪያስ ሰዎች በመንፈስ ቅዱስ ሲጠመቁ ወይም ሲሞሉ ምን ያደርጋሉ? ብለን በድጋሚ ብንጠይቅ፣መጽሐፍ ቅዱስ እኒህን እውነቶች ይነግረናል፣ 
1.   ሰዎች መንፈስ ቅዱስን ሲሞሉ በኀይልና በድፍረት የመዳንና የትንሣኤውን ወንጌል ይመሰክራሉ፤ “በሁሉም መንፈስ ቅዱስ ሞላባቸው፥ የእግዚአብሔርንም ቃል በግልጥ ተናገሩ።” (ሐ.ሥ. 4፥31) እንዲል፣ በተጨማሪም (ሐ.ሥ. 4፥8፤ 9፥17-20 ይመልከቱ)። መንፈስ ቅዱስ ቅዱስን ያልተሞላ ሰው የመዳንን ወንጌል በድፍረት ይናገር ዘንድ አይችልም።
2.   አማኞች መንፈስ ቅዱስን ሲሞሉ ልሳንን ይናገራሉ፤(ሐ.ሥ. 2፥4፤)። ልሳን በሌላ ቋንቋ መናገር ነው፤ ይህም ቤተ ክርስቲያንን ለማነጽና አማኙን ለማነጽ ወይም ከእግዚአብሔር ጋር ሊነጋገር ይሰጣል። ቤተ ክርስቲያንን ለማነጽ ሲሰጥ ሁከትና ነውጥን መፍጠር አይገባም፤ እግዚአብሔር የሰላም አምላክ ነውና ኹሉ በሥርዓት ሊኾን ይገባል።
3.   መንፈስ ቅዱስን የተሞላ ሰው ኀጢአትንና ኀጢአተኝነትን ፈጽሞ ይጠየፋል። በተለይም መንፈስ ቅዱስን ከሚያሳዝንና ከፈቃዱ ተቃራኒ ከኾነ ከማናቸውም ኀጢአታዊ ተግባር ይርቃል። እግዚአብሔር በመጨረሻ በክፋትና በርኩሰት ላይ የሚፈርደውን ፍርድ በትክክል ከማወቁም በዘለለ የእግዚአብሔርን ጽድቅ አብዝቶ ይሻል፣
4.   ክርስቶስን እጅግ በሚያከብር ሕይወት ይመላለሳል፤ (ዮሐ. 16፥13፤ ሐ.ሥ. 4፥33)። ክርስቶስን በሚያከብር ሕይወት ለመመላለስ ግለ ብቃት አያስመካም፤ ሰው በግለ ብቃቱ እግዚአብሔርን ማርካትና ማስደሰት አይችልምና፣ ነገር ግን መንፈስ ቅዱስን ሲመላ ክርስቶስን ፍጹም በሚያስከብር ሕይወት ይመላለሳል። እንዲሁም አንድ አማኝ መንፈስ ቅዱስ ሲመላ አያሌ ስጦታዎች በሕይወቱ ይፈስሳሉ።

ማጠቃለያ

የመንፈስ ቅዱስ ጥምቀት፣ መንፈስ ቅዱስ እኛን ክርስቶስ ራስ ወደ ኾነበት አካሉ የሚከትትበት እጅግ አስደናቂ ሥራ ነው። አንድ አማኝ ወደዚህ አካል ሲገባ፣ ኹለንተናው ፍጹም በኾነ መንገድ መሠራትና መዋብ፤ መቀደስ ይጀምራል። ከመንፈስ ቅዱስ ጋር በማያቋርጥ ግንኙነትና ዕለት ዕለት በሚታደስ ሕይወትም ይመላለሳል፤ እግዚአብሔር መንፈስ ቅዱስ እንዲህ ያለውን ሕይወት ያብዛልን፤ አሜን።
 
የብሎግ አድራሻ - https://abenezerteklu.blogspot.com/2021/01/blog-post_18.html?m=1

የቁስ ብልጥግና ስናመልክ፣ እንኳን ከመንፈሳዊነት፤ ጤናማ ሰው ሊኖረው ከሚገባ ከሞራል፤ ከሥነ ምግባርም መሠላል ላይ የተፈጠፈጠ ትውልድ ይፈለፈላል። ከቁሳዊ ድህነት ይልቅ፣ የአእምሮ ድህነት እንዴት ይሰቀጥጣል?!

“በሰነፍ እጅ የጥበብ መግዣ ገንዘብ መኖሩ ስለ ምንድር ነው? ጥበብን ይገዛ ዘንድ አእምሮ የለውምና።”(ምሳ. 17፥16)

የቴሌግራም አድራሻ - https://t.me/ebenezertek

ምናልባት ኢትዮጵያና አሜሪካ እጃቸውን ወደ እግዚአብሔር ይዘረጉ ይኾን? ይመለሱ፤ ይጸጸቱ ይኾን?! አፈር በአፈር አይስቅም፤ አይኮራምም፤ እንመለስ!

"ንብረት የማስመለስ" ሕጓ፣ ቱጃር አጥማቂያንን፣ ንጥጥ ያሉ መነኮሳትን፣ ከቅምጥልነታቸው የተነሳ አፈር አይንካኝ የሚሉ "ነቢይና ሐዋርያትን" ቢነካካ ሸጋ ነበር!

በርግጥ ከሳምንታት በፊት እንዲህ በእግዚአብሔር ላይ አላግጠው ከኾነ፣ ቅዱስ ቃሉ በግልጥ፣ “አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤”(ገላ. 6፥7) ይላል። በአዲስ ኪዳን እንደ ብሉይ ኪዳን ያለ፣ ቃልኪዳናዊ ታማኝነትን በማጓደል ምድራዊ የኪዳን ዕርግማን አለ ብዬ ባላምንም፣ እንዲህ ያለ ጸያፊ ስላቅና ሹፈት ግን ሳያስቀጣ አይቀርም ብዬ አምናለኹ። አኹንም ቢኾን እግዚአብሔር በመግቦቱ ለምድራችን ይራራ፤ አሜን።

የዩቱዩብ አድራሻ - https://youtube.com/shorts/x2yhDOJUAvg?si=soSPFy6tiBLJkN5n

የቴሌግራም አድራሻ - https://t.me/ebenezertek

ካሊፎርኒያ - ፓስፊክ ፓሊሳድስ "ውብዋና ደስ የምታሰኘው" ከተማ፣ እጅግ አስፈሪ በኾነ በእሳት ወላፈን ተገርፋለች። ለማመን በሚከብድ መንገድ ወደ አመድነት ተቀይራለች። ከእኛ የባሱ ክፉዎች ስለ ኾኑ ይህ አልደረሰባቸውም። ምናልባት ይህን አይተንና ሰምተንስ የምንመለስ እንኖር ይኾን? እግዚአብሔር ለካሊፎርኒያ በመግቦቱ ይራራ። አሜን።

ወሬው ኹሉ የሚያስፈራ
የሚኾነው በምድር ዙሪያ
እየከፋ ሲኼድ ጊዜው
መሸሸጊያ ኢየሱስ ነው!

ዘማሪ ደረጀ ከበደ (ዶ/ር)

የቴሌግራም አድራሻ - https://t.me/ebenezertek

አእላፋት ዝማሬ ለታረደውና ሞትን ድል ነሥቶ በአባቱ ቀኝ ላለው ለክርስቶስ ብቻ!

"የአእላፋት ዝማሬ"ን የተወሰነውን ተመልክቻለኹ፤ ለኦርቶዶክስ "ቀላል ያልኾነ" መነቃቃት ሊያመጣ እንደሚችል አምናለኹ፤ ምክንያቱም ጌታ ኢየሱስን የመጠማትን ብርታት፤ መንፈስ ቅዱስን የመፈለግ ሐሰሳ አለበትና። ቅዱስ ጳውሎስ ለአይሁድ ዘመዶቹ እንዳለው፣ እኔም ለኦርቶዶክስ ዘመዶቼ እንዲህ እላለኹ፤

"ወንድሞች ሆይ፥ የልቤ በጎ ፈቃድና ስለ እስራኤል ወደ እግዚአብሔር ልመናዬ እንዲድኑ ነው። በእውቀት አይቅኑ እንጂ ለእግዚአብሔር እንዲቀኑ እመሰክርላቸዋለሁና። የእግዚአብሔርን ጽድቅ ሳያውቁ የራሳቸውንም ጽድቅ ሊያቆሙ ሲፈልጉ፥ ለእግዚአብሔር ጽድቅ አልተገዙም። የሚያምኑ ሁሉ ይጸድቁ ዘንድ ክርስቶስ የሕግ ፍጻሜ ነውና።" (ሮሜ 10፥1-4) እንዳለው፣ በክርስቶስ የተገለጠው እግዚአብሔር ኹለንተናቸውን እንዲወርስ እመኛለኹ።

ደግሞም፣ አንድ ቀን "የአእላፋት ዝማሬ" ለታረደው፤ ክብርን ኹሉ ከፍጥረታት ጠቅልሎ ለወረሰውና ለሥላሴ ፍጥረትን ለማረከው ለመሲሑ ክርስቶስ ብቻ ዝማሬያቸው እንደሚኾን ተስፋ አደርጋለኹ። ከተዘመሩት "ዝማሬዎች" እኒህ ሐረጋት ደምቀው በልቤ አሉ።

"ጌታ ሆይ በስምህ ግዞቱ አበቃ ...!

የጠፋ በግ አዳም ታደሰ በጌታ ...!

ሥጋዋን አንጽቶ በማርያም አደረ ...!" የሚሉት።

ተሐድሶ በቅዱስ ቃሉ ለወደቀው ፍጥረት ዘወትር እንዲኾን እንማልዳለን።

የቴሌግራም አድራሻ - https://t.me/ebenezertek

እረኞችና ሰብዓ ሰገል


የጌታችን ኢየሱስ ክርስቶስ በሥጋ ከቅድስት ድንግል መወለድ፣ ከፍጥረተ ዓለም ጀምሮ ያልተሰማ እጅግ አስደናቂ ምስጢር ነው። ንጉሠ ሰማይ ወምድር ክርስቶስ ኢየሱስ ሲወለድ፣ ሊቀራረቡ የማይችሉ አካላት በአንድነት ተገናኝተዋል። ኀጢአት በሰዎች መካከል ልዩነትን አድርጎአል፤ ባለጠጋና ድኃ፤ ታላቅና ታናሽ፤ አዋቂና መሃይም፤ አለቃና ምንዝር፤ ጌታና ሎሌ፤ ጥቁርና ነጭ፤ ገዢና ተገዥ … በሚል።

“ዓለምንና በውስጡ ያለውን ሁሉ የፈጠረ አምላክ እርሱ የሰማይና የምድር ጌታ” (ሐ.ሥ. 17፥24) በመግቦቱ፣ ምግብን ለሚሹና ተስፋ ለሚያደርጉት ለሥጋ ኹሉ (መዝ. 104፥21፤ 136፥25) በየጊዜው እኩል ይመግባል፤ ሳያዳላ ያደላድላል። ኀጢአት በአድልዎ ያበላሸውን መንገድ፣ ኢየሱስ ክርስቶስ በመጋቢነቱ አደላደለው፤ ደግሞም ፍጹም አስተካከለው።

በዚህ ምድር ላይ ጠቢባንና እረኞች ወይም ነገሥታትና እረኞች በአንድነት ፈጽሞ ሊገኙ አይችሉም፤ ጌታ ግን በፍጹም ታማኝነትና ኃላፊነት በተሞላበት መንገድ፣ መንጎቻቸውን በሌሊት ለሚጠብቁ እረኞች በክብሩ ብርሃን (ሉቃ. 2፥9)፤ ጠቢባንና ነገሥታት ለነበሩት ሰብዓ ሰገል ደግሞ በምሥራቅ በሚያበራ ኮከቡ (ማቴ. 2፥2) አማካኝነት ያለማዳላት በርቶላቸዋል። በኹለት የተለያየ መንገድና ኑሮ ላሉ መሲሑ እኩል ተገለጠላቸው። ጌታ ለማንም ፊት አይቶ አያዳላምና፤ (ሐ.ሥ. 10፥34፤ ሮሜ 2፥11)።

በግርግም የተኛው ትሁት ጌታ (ማቴ. 11፥28) በኑሮአቸውና በማኅበረ ሰቡ ዘንድ እጅግ ዝቅተኛ ግምት የሚሰጣቸው እረኞች በርሱ ዘንድ ተገኙ፤ ሰዎች ለማይቀበሉአቸው ሰዎች፣ መሲሑ ተቀባይና ረዳት ኾኖ መጣ፤ ነገሥታት አያዩንም ለሚሉ ንጉሠ ነገሥት የኹሉ ተመልካች ኾኖ መጣ። ኢየሱስ በግርግም መወለዱ ለዝቅተኛ ማኅበረ ሰቦች ተስፋና ቤዛ ኾኖ መምጣቱን ይገልጣል፤ ለዝቅተኛ ማኅበረ ሰብ ብቻ አይደለም፤ “ቀራጮችና ጋለሞቶች” (ማቴ. 21፥31) እንኳ ተስፋና አለኝታ አገኙ። እረኝነት በየትኛውም ማኅበረ ሰብ ውስጥ የተናቀና እጅግ ዝቅ ያለ ሥፍራ ነው፤ መሲሑ ለነዚህ እረኞች ኹሉ መታመኛና ወደ እግዚአብሔር መቅረቢያ ኾኖ መጣ።

በጌታ መወለድ ወደ ጌታ ከመጡት መካከል፣ ሰብዓ ሰገል ይገኙበታል፤ ሰብዓ ሰገል ጠቢባንም ነገሥታትም እንደ ኾኑ ይታመናል፤ ወደ መሲሑ በሰው ዘንድ እንደ ታላቅ የሚታዩ ሰዎችም መጥተዋል፤ መሲሑ የኹሉም አምላካቸው፤ በሥጋ የተገለጠ መድኃኒታቸውም ነው። ብዙ ጊዜ ጠቢባንና ባለጠጎች የእግዚአብሔርን ሥራ እንደ ሞኝነትና አላዋቂነት ይቈጥራሉ፤ “ዓለም እግዚአብሔርን በጥበብዋ ስላላወቀች” እንዲል፣ ይህ የዓለም ጥበብ እግዚአብሔርን ወዳለማወቅ ጥበብ የሚነዳቸው ናቸው (1ቆሮ. 1፥21)።

አማናዊው የእግዚአብሔር ጥበብ ግን፣ እረኞችንና ሰብዓ ሰገልን በአንድነት በግርግሙ ስፍራ አገናኝቶአል፤ ለሰው ፊት የማያደላው እግዚአብሔር በዓለም ፊት ታላላቅም፤ ታናናሽም የተባሉትን በአንድነት ሰብስቦአል፤ የዓለም ጥበብ ጥቂቶችንና በሰው ፊት የተወደዱትን ብቻ በመሰብሰብ ይሞኛል፤ የእግዚአብሔር ጥበብ ክርስቶስ ኢየሱስ ግን ኹሉን በመሰብሰብና ባለማዳላት የፍጥረተ ዓለሙ አለኝታ ኾኖ በግርግም ተገልጦአል፤ ትሁቱ ጌታ በድንግሊቱ ክንድ የታቀፈ ቢኾንም፣ ፍጥረተ ዓለሙን ደግፎ በመያዝና ያለአድልዎ እየመገበ፤ በማዳንም አቻ የሌለው ነው፤ ስሙ ይባረክ፤ አሜን።


Blog link - https://abenezerteklu.blogspot.com/2025/01/blog-post.html

በግርግም የተወለደው መሲሕ፤ የተሰቀለና ሞትን ድል ነሥቶ ከሙታን መካከል የተነሣ፣ ደግሞም ከኀጢአት የተዋጀንበት ቤዛና አለኝታችን ነው!

ኃያልና ገናና፤ አስፈሪና ባለግርማ ሳለ፣ ያድነን ዘንድ በፈቃዱ መሲሑ በበረት ግርግም አደረ!

የጌታ ዐመት እያላችኹ ዓመታትን ለምትቆጥሩ ኹሉ፣ እንኳን ዘመን ተጨመረላችኹ፤ ዘመኖቻችሁን በጥበብ መቁጠርና ለጌታ ክብር ማዋል ይኹንላችኹ፤ አሜን።
2025 ዓመተ እግዚእ።

በተሰቀለው ክርስቶስ ወንጌል አናፍርም!


እናውቃለን፤ ዕርቃንና ወንጀለኛ በሚሰቀልበት መስቀል ላይ መሰቀል፣ ልዕለ ኃያል አምላክ ሲኾን በፍጡራን እጅ መያዙና ፍጹም መከራን ፈቅዶና ወድዶ በ“ሽንፈት” መቀበሉ ውርደት ነው፤ በሰው ዓይንም ሲታይ፣ የሚያሳፍር እንጂ የሚያኰራ አይደለም። እንዲህ ያለውንም ነገር “የምሥራች!” ብሎ መናገር ተቀባይነትና ተከታይን የሚያስገኝ ነገር አይደለም። ቅዱስ ጳውሎስ ይህን በሕዝብ ዘንድ እምብዛም ተቀባይነት የሌለውን ወንጌል በይፋ፤ በድፍረት ሰበከ!

ስለ መከራ ተቀባዩ ክርስቶስ ሲናገርም፣ “… የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥” (ፊል. 2፥7-8)፤ አለ፤ አምላክና ጌታ ሲኾን በዚህ መንገድ ማለፉ እጅግ የሚደንቅ ነው። በገዛ ፈቃዱ መለኮታዊ መብቱንና ጥቅሙን በመተው፣ ጌታችን ክርስቶስ ስለ እኛ ይህን በማድረጉ ፈጽሞ አላፈረም!

ቅዱስ ጳውሎስ ጌታ በርሱ አላፈረምና፣ ቆፍጠን ብሎ “እኔም አላፍርበትም” ይላል። ይህ በፍጡር አቅም የሚቻል አይደለም።መንገዱም ሰው የሚወድደውና ቢያደርገው ደስ የሚያሰኘው አይደለም። “የእግዚአብሔር ልጅ የኢየሱስ ክርስቶስ ወንጌል” (ማር. 1፥1) የምናምንበት ብቻ ያይደለ፣ መከራ ልንቀበልበትና በወንጌሉ ስም ልንጎሰምበትም ነው፤ በወንጌሉ ክብርን የምንሸለውን ያህል፣ መከራና መስቀልም እንጌጥበት ዘንድ ተብሎልናል፤ በመሲሑ መንገድ መሄድና ማለፍ ልጁን መምሰያ ዘላለማዊ ጥበብ አለበት።

ማፈር፣ መሸማቀቅ፣ ውርደትን መፍራት፣ ነቀፋን መሸሽ፣ በስሙ መጠላትንና ስለ ወንጌል መዋረድን መተው ወይም ለመቀበል ባለመፈለግ ማፈግፈግ የእውነተኛ የወንጌል አማኝ መገለጫ አይደለም። በወንጌል አለማፈር በክርስቶስ መመካት ነው፤ ርሱ ባለፈበት የመስቀል መንገድ ለማለፍ መጨከን ፍጹም መታደልና ታላቅ ክብርም ያለው ነው።

ቅዱስ ጳውሎስ በዚህ ስቁልና መከራ ተቀባይ ጌታ አላፈረም፤ በርሱ በመታወቁ ፍጹም አልተሸማቀቀም፤ በአንድ ወቅት ቅዱስ ጴጥሮስ ጌታን አፍሮበት ክዶት ነበር፤ ነገር ግን በኋላ መንፈስ ቅዱስ ጠቅልሎ በወረሰው ጊዜ፣ በገደሉት ፊት ቆሞ እንዲህ አለ፤ “በዓመፀኞች እጅ ሰቅላችሁ ገደላችሁት። … እናንተ ግን ቅዱሱን ጻድቁንም ክዳችሁ ነፍሰ ገዳዩን ሰው ይሰጣችሁ ዘንድ ለመናችሁ፥የሕይወትንም ራስ ገደላችሁት፤” በማለት ደጋግሞ ተናገረ (ሐ.ሥ. 2፥23፤ 3፥14-15)። ቅዱስ ጴጥሮስ አላፈረበትም፤ እና ደፍሮ መከራ ተቀባዩን መሲሕ በአደባባይ ሰበከው!

ቅዱስ ጳውሎስ በአንድ ወቅት በሰው ዘንድ ስለሚያስመካው ነገር በዝርዝር ተናግሮ ነበር፤ ብዙ ከዘረዘረም በኋላ እንዲህ አለ፤ “… በእርሱ እገኝ ዘንድ ሁሉን እንደ ጕድፍ እቈጥራለሁ፤” (ፊል. 3፥9)፤ በሰው ፊት ድል ነሺና አሸናፊ ኾኖ መታየት ሊያኮራ ይችላል። ነገር ግን ስለ ክርስቶስ ከመዋረድ አይበልጥም! የምንሰብከው ወንጌል የተሰቀለውንና መከራ ተቀባዩን መሲሕ ማዕከል ያደረገ ነውና። በሰው ፊት ደግሞ ስቁዩ መሲሕን መመስከር አያኮራም፤ ኢየሱስ ግን እኛን ስለ ማዳን መከራንና መስቀልን ታግሦ በማዳን ድልን ተቀዳጅቶአል፤ “እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና።” (ዕብ. 12፥2) እንዲል፣ ጌታችን ዛሬ በሰማያት በድል አለ፤ እኛም በወንጌሉ ስም የሚመጣውን ውርደትና በተሰቀለው ክርስቶስ ባለማፈር በመንጓደድ ልንኖር ተጠርተናል!

እናም አላፈረብንም አንፈርበት!


የጡመራ መድረክ አድራሻ - http://abenezerteklu.blogspot.com/2024/12/blog-post_30.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

አኀው የክርስቶስ ቤተክርስቲያን - ቦንጋ!

ለደካማው ተስፋና አለኝታው መሲሑ ብቻ ነው!

በዚህ ምድር ላይ ለአንድ ኀጢአተኛ አስፈሪው ነገር በሌላ ኀጢአተኛ እጅ መውደቁ ነው! በኀጥዕ ልብ የጠለቀ ጭካኔ አለና። ጌታ ኢየሱስ እንደ ጳውሎስ ከክፉ ሰዎች ኹሉ ይጠብቃችኹ፤ አሜን።

ገብርኤል መልአክ - የመሲሑ ምስክር


በመጽሐፍ ቅዱስ ውስጥ በስማቸው የተጠሩና በስም የታወቁ መላእክት ኹለት ብቻ ናቸው፤ እነርሱም ሚካኤል (ዳን. 10፥13፤ ይሁ. 9፤ ራእ. 12፥7) እና ገብርኤል (ዳን. 8፥16፤ 9፥21)። ከእነዚህ መላእክት ውጭ በስም ተጠቅሰው የሚታወቁ ሌሎች መላእክት በመጽሐፍ ቅዱስ ውስጥ የሉም። እኒህ መላእክት በቀደመው ኪዳን ሕዝብ ውስጥ እጅግ የታወቁና ስሞቻቸው በተደጋጋሚ የተጠቀሱ መላእክት ናቸው።

ገብርኤል ማለት የስሙ ትርጓሜ “እግዚአብሔር የእኔ ጀግና ነው” ወይም “የእግዚአብሔር ኃያል ሰው” ወይም “የእግዚአብሔር ሰው” ማለት ነው። ይህንም ትርጓሜ ሊያገኝ የቻለው በሰው አምሳል ለሰዎች የተገለጠ የእግዚአብሔር መልአክ በመኾኑ ሊኾን ይችላል፤ መጽሐፍ ቅዱስ፣ “ገናም በጸሎት ስናገር አስቀድሜ በራእይ አይቼው የነበረው ሰው ገብርኤል እነሆ እየበረረ መጣ፤” (ዳን. 9፥21 አጽንዖት የእኔ) እንዲል።

በብሉይ ኪዳንም ኾነ በአዲስ ኪዳን፣ የዚህ መልአክ አገልግሎት የተገለጠ ነው።

1. ለነቢዩ ዳንኤል የእግዚአብሔር ቃል ለመተርጐምና የሚመጣውን ለመግለጥ ከእግዚአብሔር ዘንድ ተላከ፤ (ዳን. 8፥15-26፤ 9፥21-27)። በዚህ ክፍሎች ላይ ዳንኤል ያየው ራእይ የንጉሠ ነገሥት ግዛቶች በጦርነት ላይ፣ ቅድስቲቱን ከተማ ለማግኘት በሚያደርጉት ውጊያ ውስጥ ያሉትን ክንውኖች ዳንኤል እንዲረዳ ያብራራለታል ወይም ይተረጉምለታል።

በተለይም በክርስቶስ ቀዳማይ ምጽአትና ዳግማይ ምጽአት ጋር በተገናኘ ስለሚነሡ ተቃዋሚዎች ለዳንኤል በምሳሌያዊ መንገድ የተነገሩትን እያብራራ ይነግረዋል። በምዕራፍ ስምንትና ዘጠኝ ላይ ለዳንኤል የሚተረጕማቸው ራእያት መጠቃለያ ዐሳባቸው፣ የመሲሑ ተቃዋሚዎች ምንም ያህል ብርቱና ኃያላን፣ አሸናፊዎች ቢመስሉም፣ ነገር ግን በፍጻሜያቸው በመሲሑ ይሸነፋሉ፤ ይደመሰሳሉ የሚል ነው።

2. የመጥምቁ ዮሐንስን መወለድ አብስሮአል። መልአኩ ስለሚወለደው የዘካርያስ ልጅ ሲናገር እንዲህ ይላል፣

“ከእስራኤልም ልጆች ብዙዎችን ወደ ጌታ ወደ አምላካቸው ይመልሳል።” (ሉቃ. 1፥16) ይላል፤ አባቱ ዘካርያስም ልጁ በተወለደ ጊዜ እንዲህ ብሎ ተናገረ፣ “አንተ ሕፃን ሆይ፥ የልዑል ነቢይ ትባላለህ፥ መንገዱን ልትጠርግ በጌታ ፊት ትሄዳለህና፤” (1፥76)።

ምንም እንኳ የመጥምቁ ዮሐንስ እናትና አባት ማለትም ኤልሳቤጥና ዘካርያስ፣ በስተእርጅናቸው ልጅን በመውለድ የእግዚአብሔርን ተአምራት በሕይወታቸው በማየት እምነታቸው እጅግ ቢያድግም፣ ትልቁ ናፍቆትና ጥማታቸው ግን የመሲሑ መምጣትና የእስራኤልን ተስፋ መፈጸም ማየት ነበር። የመልአኩም የዘካርያስም መሻት መሲሑ ፈጥኖ በመምጣት ሕዝቡን ይቤዥና ያድን፣ ደግሞም የሕዝቡን ፊት ወደ እግዚአብሔር ይመልስ ዘንድ ነው፤ መጽሐፍ ቅዱስ፣ “ለእናንተም ስለሚሰጠው ጸጋ ትንቢት የተናገሩት ነቢያት ስለዚህ መዳን ተግተው እየፈለጉ መረመሩት፤ … ለእነርሱም ከሰማይ በተላከ በመንፈስ ቅዱስ ወንጌልን የሰበኩላችሁ ሰዎች አሁን ባወሩላችሁ ነገር እናንተን እንጂ ራሳቸውን እንዳላገለገሉ ተገለጠላቸው፤ ይህንም ነገር መላእክቱ ሊመለከቱ ይመኛሉ።” (1ጴጥ. 1፥10፡ 12) እንዲል፣ የመላእክት የዘወትር መሻት በክርስቶስ የእኛን መዳን እንደ ኾነ ይነግረናል።

3. ኢየሱስን ትወልድ ዘንድ ለማርያም አበሠራት። ሉቃስ ወንጌላዊው የመልአኩ ገብርኤልን ስም ጠቅሶ በመጻፍ ቀዳሚ ነው፤ መልአኩ በተናቀችውና በተጣለችው በናዝሬት ገሊላ ትኖር ለነበረችው ለማርያም፣ “እነሆም፥ ትፀንሻለሽ ወንድ ልጅም ትወልጃለሽ፥ ስሙንም ኢየሱስ ትዪዋለሽ። እርሱ ታላቅ ይሆናል የልዑል ልጅም ይባላል፥ ጌታ አምላክም የአባቱን የዳዊትን ዙፋን ይሰጠዋል፤ … ” (1፥31-32) ብሎ አበሠራት።

የኪዳኑ ሕዝብ ይጠብቅ የነበረውን የተስፋ ብርሃን ያበሠረው መልአኩ ገብርኤል ነበር። ለዘለዓለም የተጠበቀውን ተስፋ፣ የሰው ልጆች ኹሉ ሊያዩት የሚገባውን ብርሃን፣ በጨለማ ለሚሄዱ ኹሉ የሚያበራውን ፋኖስ፣ ለቅዱሳን ኹሉ የቅድስና ምንጭ የሚኾናቸውን መሲሕ ብላቴና … ሊወለድ እንዳለ ለቅድስት ድንግል ያበሠረው ይኸው መልአክ ነው። ስለ መሲሑ ሲናገር እንዲህ ይላል፣ “ከአንቺ የሚወለደው ቅዱስ የእግዚአብሔር ልጅ ይባላል።” (1፥35)።

መልአኩ ገብርኤል ለተገለጠላቸው ኹሉ በሚሰማ ድምጽ የሚናገረው፣ ስለ አሸናፊው፤ ድል ነሺው ክርስቶስና ማንነቱ ነው። ለዳንኤል እንደ ተረጐመለት መሲሑ ጠላቶቹን ኹሉ ይመታል፤ ያሸንፋል፣ ይደመስሳል። ዘካርያስ እንደ ተናገረው፣ ከዘካርያስ የሚወለደው ልጅ የዚህ ታላቅ መሲሕ መንገድ ጠራጊና ሰዎች ኹሉ ወደ መሲሑ እንዲመጡ መንገድ ደልዳይ እንደ ኾነ ይናገራል። ለቅድስት ድንግልም እንደሚናገረው ከእርስዋ የሚወለደው ቅዱሱ የእግዚአብሔር ልጅ እንደ ኾነና የአባቱን የዳዊት ዙፋን ወራሽና የጸና ዘላለማዊ መንግሥት እንዳለው ይናገራል።

እንኪያስ እኛም የመልአኩ እውነተኛ ወዳጆች ዛሬም እንዲህ እንላለን፤ መሲሑን ትሰሙትና በእርሱ ሕይወት ይኾንላችሁ ዘንድ ወደ መሲሑ ተመለሱ እንላለን፤ ለሚያስጨንቃችሁ ጠላት፣ ለሚያሳድዳችሁ ኀጢአት መድኃኒትና ሞትን የዋጠ አሸናፊ አለላችሁ፤ የኀጢአትን ኃይል የሰበረ፣ የገሃነምን ደጅ ያፈረሰ ጀግና እርሱም የናዝሬቱ ኢየሱስ አለላችሁ! በእርሱ እመኑ፤ የገብርኤልን አምላክ ውደዱና ዕረፉ፤ አሜን!


የብሎግ አድራሻ - http://abenezerteklu.blogspot.com/2023/12/blog-post_28.html#more

በአዲስ አበባ በ5 ወራት ውስጥ 351 ሕፃናት ተጥለው ተገኝተዋል ይላል የከተማው የሕፃናትና ሴቶች ቢሮ። ሰው የረከሰባት ምድር - አኬልዳማ! ድብርት ውስጥ የሚከትት "ዜና"! ጌታ ይራራልን!

በግልጥ የአጋ-ን-ንት ልምምድ ያላቸውን ሰዎች በዚህ መንገድ ለገንዘብ ማግኛ ብቻ መጠቀም ለቅድስና ከመትጋት ይልቅ ገንዘብን መውደድ ያሳያል። ከዚህ ቀደም በተደጋጋሚ እንደ ተናገርነው፣ አጥማቂዎች በሚይዙት መስቀልና መቁጠሪያ በጥንቁልና አስደግመው የሰዎችን ልብ ያሳውራሉ የሚለውን ማስታወስ እንወዳለን። በመቁጠሪያ አስደግመው ሰዎችን ወደ ጨለማ ከሚልኩ አጥማቂያን ተጠበቁ!

ወንጌልና የኢየሱስ መንፈስ ብቻ ሰዎችን ከጨለማና ከአጋንንት እስራት ይፈታል፤ ይፈውሳል። አሜን።

ከወንጌላውያን አንዳንዶች ለሕንጻ ግንባታ እስከ ግማሽ ቢሊዮን ብር የሚያወጡት ዕውን እዚሁ አገር ኖረውና ሕዝቡ ያለበትን አውቀው ነው? ሰው እንዴት ከኦርቶዶክስ ሕንጻ ብዛት አይማርም? ከሕንጻ ሰው ይበልጣል!

እነ አቡነ በርናባስ፣ ዘበነ ለማንና ሌሎችን "ናቅ" አድርገው የሚያልፉበት ምክንያቱ ለብዙ ሰው "እየተገለጠለት" ያለ ይመስለኛል።

ኦርቶዶክሳውያን መንገድ ቀይረዋልም፤ አልቀየሩምም!

የኦርቶዶክስ ዐቃብያን ወደ ተወሰነ መረዳት የመጡ ይመስላል። ትላንት ለድርሳናት፣ ለገድላት፣ ለተአምራትና ለነገራት ትክክለኝነት፣ ለጸሎትና ለአምልኮ ቢውሉ ችግር የለባቸውም ብሎ የሚሟገቱትን ሙግት ትተዋል ማለት ይቻላል። በርግጥ "ጩሉሌና አልተነቃብንም የሚሉ አንዳንዶቹ"፣ የሙግት ቅኝታቸውን ቀይረው፣ "ገድላትና ድርሳናትን ለሃይማኖት መከራከሪያነት" አልተጠቀምንም ሲሉ እንሰማቸዋለን።

ለሃይማኖት መከራከሪያነት አለመጠቀምን እንደ በጎ ነገር እንዴት ያነሡታል?! ምናልባት አርዮስም ይኹን መቅዶንዮስ ገድል ወይም ተአምር ጠቅሶ ይሞግታል ብለው እንዴት የሞኝነት መከራከሪያ ያነሳሉ?! ከጥንትም የሃይማኖት መከራከሪያ መጽሐፍ ቅዱስ እንጂ ተአምር ወይም ገድል አይደለም፤ ኾኖም አያውቅም።

ገድላት በራሳቸው በኦርቶዶክሳውያን "እስኪታፈርባቸው" ድረስ ዛሬ ላይ በአሉታዊ መንገድ መታየታቸው ይበል የሚያሰኝ ነው። በሚያበረታታ መንገድ ዛሬ ላይ ኦርቶዶክሳውያን በዓውደ ምሕረቶቻቸው የማይደፍሩትን እውነት በማኅበራዊ ሚዲያዎች መናገር ጀምረዋል።

በተቃራኒው ግን ይህን አቋም የያዙ ሰዎች በነዘበነ ለማ እንደ መ-ና-ፍ-ቅ እየተቆጠሩ ነው። እንዲያውም ገድላትንና ተአምራትን "የመጽሐፍ ቅዱስ ያህል ልንቀበላቸው ይገባል" ሲሉ እንሰማዋለን። ዘበነ ለማ ግን ይህን ያህል እንዴት "ይደነዝዛል"? ገድላትና ሌሎች መጻሕፍት ውስጥ ያሉ ነውራትን ሳያውቅ ቀርቶ አይመስለኝም፤ ሰው ግን ካፈርኹ አይመልሰኝ ካለ ልክ እንዲህ እንደ ዘበነ ነው መገለጫው!


የዩቲዩብ አድራሻ -https://youtu.be/UI5rrUV0cxk?feature=shared

አንገት ልንደፋና ልናቀረቅርበት የሚገባን "የተጣባን ዕርግማን"😭
ጌታ በመግቦትህ ራራልን!

የ"አገልጋዮቹ" ይቅርታ ልመና!

ዶክተር ማይክል ብራውን ለጥፋቱ ኀላፊነትን ወስዶ በቀጥታ ኀጢአቱን ተናዝዞ ይቅርታ ይለምናል፣


" ... በርሷ ላይ ያደረግኋቸው ድርጊቶች፣ በርግጠኝነት ሞኝነትና ኃላፊነት የጎደላቸው ናቸው። ... ለ23 ዓመታት ይህን ስቃይ ተሸክማለች። እናም ለዚህ ተጠያቂው እኔ ነኝ። ... ይቅርታ!"


ኢትዮጵያዊው ዮሐንስ ግርማ ግን ቀጥታ ይቅርታ ከመጠየቅ እንዲህ በማለት ይዟዟራል።

"... የተላለፈው ዐሳብ ድኾችን የማንኳሰስ እና ዝቅ የማድረግ ዓላማ ያለው ሳይኾን ራስን ስለ መጠበቅ ብቻ የተደረገ ንግግር ነውና በቅንነት ይወሰድልኝ ..."

የኹለቱን የይቅርታ መንገድ እንዴት አያችኹት?!

ይህን ማለት ግን ወድዳለኹ።

ይቅርታን መጠየቅ ጥፋቱን ከሠራንበት አቅምና ጉልበት ይልቅ የሚበልጥ አቅምና መንፈስ ይጠይቃል!

የቴሌግራም አድራሻ - https://t.me/ebenezertek

“በኅልውና አንድ በኾነ በማይለወጥና በማይጨመርበት፣ በአንድነት በሚሰገድለት በአንድነትም በሚመሰገን የነፋስን ኃይል እየነፈሰ የፀሐይም ነበልባል እየተርገበገበ የፀሐይን ክበብ በነፋሳት ሠረገላ በሚከምር፣ በሰማይ መስኮቶችም በሚያወጣው ለጨረቃም ዐውደ ቀመር ፈጽሞ እስኪመላ ድረስ በብርሃን ቀን በየጠዋቱ ብርሃንን በሚስልበት፣ የመብረቆች ብልጭታ ሲያበራ የነጐድጓድም ድምጽ ሲጮህ የዝናብ ጠብታዎችን ከደመናዎች ማኅፀን በሚቀዳ በሥሉስ ቅዱስ ስም ለፍጥረታት ሁሉ ገዥ ለእርሱ ምስጋና ይሁን ለዘላለሙ አሜን።”

(ጊዮርጊስ ዘጋስጫ)

ወንጌል ሲሰበክ በክርስቶስ ኢየሱስ የማያምኑትን መንፈስ ቅዱስ ያለ መከልከል ይወቅሳቸዋል!

"ዕብድ ቆሻሻ ነው የሚፈልገው" ይላል ሳያፍር እየፈነደቀ። ራሱን "ከወንጌላውያን አገልጋይ አንዱ" እንደኾነም ይገልጣል[ጤናማ አገልጋይ ለመኾኑ እጅጉን እጠራጠራለኹ]። የማዝነው እንዲህ "አገልጋይ" እንደ ኾኑ የሚያስቡ ሰዎች "አእምሮአቸው" መደንዘዙን እንኳ አያስተውሉም። ከሰሞኑ አንዱም "አገልጋይ" "ሽቶና ዲዮድራንት ሳትቀባ፣ ጦጣ ጦጣ እየሸተትህ መጥተህ ቀኔን አታበላሽ" እያለ "ሲሰብክ"[ሲነዛነዝ] ሰምቼዋለኹ። የጦጣ ሽታ ምንድር ነው? ብዬ ራሴን ጠይቄአለኹ።

የብልጽግና ወንጌል አገልጋዮች ከመታወራቸው የተነሳ ምን እንደሚባልና እንደማይባል እንኳ መለየት አይችሉም። ለካ የሰው ዕርዳታ የሚሹ ዕብዶች ይህን ያህል ተጠልተው፣ ቁሳዊው ንጽዕና ይመለክ ኖሮዐል? ምድርና መላዋ ለሰው እንጂ፣ ሰው ለምድር አልተፈጠረም!

የአገሪቱ እውነታ ግን በሌሎች ዜናዎች ላይ ስመለከት እንዲህ ተገልጦአል። ልብ ያደማል! ጌታ በመግቦታ ለምድራችን ይራራ፤ አሜን።

የቴሌግራም አድራሻ - https://t.me/ebenezertek

እዚህ በምድር ያልገዛኝን የእግዚአብሔርን መንግሥት፣ በሰማይ ሄጄ አልወርሰውም!

የኢየሱስ ወንጌል ያሸንፋል!!!

በድጋሚ ልናገር!

ፋንቱ ወልዴ፣ ቢያንስ የዕድሜ አንጋፋና የአገልግሎት ዘመንዋ ረጅም እንደ መኾኑ የኢየሱስ ስም ሲጠራ እንዲህ ጎፍንኗት ጀርባ መስጠቷ ያሳዝናል። በርግጥ የታወቀችው በ"ነይ ነይ እምዬ ማርያምና ባለጭራውን አቡዬን" በመጥራትና በ"ዝማሬዋ" አምልካ በማስመለክ ነው። ምን ብትጠሉት ኢየሱስን እንዲህ ገፋችኹት!?

ኢየሱስን አብ ያልገለጠለት ኹሉ ሊረዳው አይችልም!

ኢየሱስ ዛሬም በዐውደ ምሕረቱ ይነቀፋል!

"ካራ ኦርቶዶክሳውያን" ኹለንተናዊ በኾነ መንገድ፣ ክርስቶስ እንዳይሰበክና እንዳይዘመር የማይሠሩት ሥራ የለም። ይህን ወንድም በ"ዐውደ ምሕረታቸው" ላይ እንዴት እንደሚያዋክቡት ማየት በቂ ምስክር ነው። ምን እንደምትዘምር እንኳ ይመርጡልሃል፤ በልቤ ያለውን ልዘምር ብትል ልብህን በማዋከብ ያጠፉታል።

የአሸናፊ ገብረ ማርያምን መዝሙር ከዚህ ወከባ በኋላ ሰማኹት፣ መልካም መዝሙር ነው፤ ሳሰላስል ለምን የኢየሱስን ቅሩብነት ጠሉ? አልኹ። የሚፈልጉት የፍጡራንን ቅሩብነት ነው ብዬ ለራሴ መለስኹ፤ በርግጥ እውነታውም ይኸው ነው!

መዝሙሩ እንዲህ ይላል ...

"እንዴት ብለህ ተገኘህ እኔ ቤት
እንዴት አልሰለቸህ መተኛት ከበረት ...

...
እንደ አጭሩ ቀራጭ ሾላ ላይ ብወጣ
ከቤቴ ሊገባ መምህሩ መጣ ...

እናም ... በማኅበራዊ ሚዲያዎች ላይ የምትሰበከውና በእውነታ ያለችው ኦርቶዶክስ ምሥራቅ ከምዕራብ እንደሚርቅ የተለያዩ ናቸው። በሶሻል ሚዲያ ላይ ያለችው "የአንዳንድ ወጣት ኦርቶዶክሳውያን ኦርቶዶክስ" ተአምራት፣ ገድላት፣ ድርሳናት ... ስህተት አለባቸው ቢሉም፣ እውነታው ግን በቤቱ ውስጥ ለጸሎትና ለአምልኮ ስፍራውን የተቆጣጠሩት እነርሱ ናቸው። በተጨማሪም "ዐውደ ምሕረቱን  የተቆጣጠሩት በልብስ ያጌጡ ጨዋዎች፣ ዶግማና ቀኖና የተምታታባቸው፣ ቀኖናን ከዶግማ በላይ የሚያመልኩና ዶግማ ጠል የኾኑ፣ የማኅበረ ቅዱሳን የግብር ልጆች፣ የክርስቶስ ስም ሲጠራ የሚሰላቹ ... ናቸው።

እናም ምዩጣኑ ይህን መዋከብና ኢየሱስ ጠልነትን ኸድደው በመሄዳቸው ያሳዝኑኛል። አዎን ወንጌል በዚያ "ዐውደ ምሕረት ላይ" በትክክል አይፈለግም፤ ደግሜ እላለሁ አይፈለግም። ጌታ ግን ጻድቅና የታመነ ሉዐላዊ ነው።

ወንጌል በምልአት በኦርቶዶክሳውያን መድረክ እስኪሰበክ መትጋትን አንተውም!


የዩቱዩብ አድራሻ -https://youtu.be/_hDd1Qe3q7s?feature=shared

ወሎ😢

ጸሎት ከአደጋ ጊዜ ግንኙነቱ ይልቅ የየዕለት የኑሮ ዘይቤና የአኗኗር መገለጫ ሲኾን እጅግ መልካም ነው!

እውነተኛ ክርስቲያን ወደ እግዚአብሔር የቀረበበት ብቸኛ መቅረቢያ ክርስቶስ ነው!

በኦርቶዶክሳዊት ቤተክርስቲያን ተስፋ የማንቆርጠው እንዲህ ያሉ አበው መኖራቸውን ስንመለከት ነው። እኛን አትስሙ ይቅር፣ እስኪ እኒህ አባት የሚሉትን ስሙና "በወንጌል ታደሱ" እስኪ።

"በቤተ ክርስቲያናችን ውስጥ እየተሰጠ ያለው የስብከተ ወንጌል አገልግሎት እንደተጠበቀው አይደለም፡፡ ምእመናን ወደ ቤተ ክርስቲያን የሚመጡትን ያህል በቤተ ክርስቲያናችን የሚሰጠው የስብከተ ወንጌል አገልግሎት በሌሎች መርሐ ግብሮች የተዋጠ ነው፡፡ ካህናቱና መምህራኑ ከስብከተ ወንጌል አገልግሎት ይልቅ በማኅሌቱና በዜማ ላይ ያተኩራሉ፡፡ ወንጌሉንና የቤተ መቅደስ አገልግሎቱን ጐን ለጐን ማስኬድ አልተቻለም፡፡ ወንጌል ለሃይማኖት፣ ለሥነ ምግባር፣ ለሰላም ያለው ስፍራ ከፍተኛ ነው፡፡ የሰው ሕይወትም የሚስተካከለው ወንጌል ሲሰበክ ነው፡፡ የሰው አእምሮ በወንጌል ካልታረሰ አይለማም፡፡ በወንጌል ካለማ ደግሞ ያልታረሰ መሬት ወይም ጫካ ይሆናል፡፡ ባልታረሰ መሬት ላይ እህል ቢዘሩ ትርፉ ድካም ነው፡፡

ምእመናን ፈጣሪያቸውን ዐውቀው ለተራቡት የሚያበሉት፣ ለተጠሙት የሚያጠጡት፣ በሃይማኖታቸው ጸንተው የሚቆሙት፣ ፈቃደ ሥጋ ለፈቃደ ነፍስ እንዲገዛ ማድረግ የሚችሉት ወንጌል ሲሰበኩ ነው፡፡ በእኔ እይታ የስብከተ ወንጌል በሌሎች አገልግሎቶች የተወጠ ነው፡፡ ምእመናን በሚፈልጉት ልክ አልሠራንበትም፡፡ መድረኩን የሚይዙትም በሕይወታቸው የሚሰብኩ፣ እኔን ምሰሉ የሚሉ አይደሉም፡፡ ወንጌል ከመናገር ይልቅ በመሆን ሲሰበክ ነው ፍሬ የሚኖረው፤ ስለዚህ ገና ነን ብዙ ይቀረናል፡፡

(ምንጭ የማኅበረ ቅዱሳኑ ስምዐ ጽድቅ ጋዜጣ)

ገድላት በገድል አፍቃሪያን ሲነቀፉ!

"ጉረኛው" ዲያቆን ሄኖክ አንዳንድ የተሐድሶ ዐሳቦችን እያቀነቀነ ነው። ኢትዮጵኝነትን አታምልኩ ለማለትም አዳምና ሔዋን በኢትዮጵያ ተፈጠሩ፣ ሲዖል በኤርታሌ፤ ገነትም በጎጃም አሉ የሚሉ ድርሳናትን፣ ምንም እንኳ የገድላቱንና የድርሳናቱን ስማቸውን ባይጠቅስ የተረቱን ስህተትነት ግን በአደባባይ ሲተች ይሰማል። ቀጥሎ ግን የፊልጶስን፣ የአባ ሰላማንና የጃንደረባው ቤተክርስቲያን ለምን አልተሠራም? ይላል። ዘወትር መቀላቀል የማይሰለቸው ሰው!

እንደ ሄኖክና ዘበነ ያሉ ሰዎች ዘወትር ርዕስ አያልቅባቸውም፤ ርዕሳቸው ግን የእግዚአብሔር መንግሥትና ቅድስት ወንጌል ወይም የተሰቀለው ክርስቶስና ነገረ ቤዝወቱ አይደሉም። ፊልጶስ ለጃንደረባው የሰበከው ወንጌልና ጃንደረባውም፣ “ ኢየሱስ ክርስቶስ የእግዚአብሔር ልጅ እንደ ሆነ አምናለሁ።”(ሐ.ሥ. 8፥37) ያለው ሕያውና የማይለወጥ እውነት ተደጋግሞ ሲነገር አይስተዋልም። ይህ ዋና ትምህርት ለምን ተተወ? ሲባሉ፣ "ጸረ ቅዱሳን" የሚል ታርጋ ይለጥፋሉ። ቢያስተውሉ፣ ቅዱሳን ኹሉ የዚህ ቃል ምስክሮች እንጂ፣ በዚህ ቃል ራሳቸውን የሚተኩ አይደሉም።

እናም ተሐድሶን ምንም እንኳ ከልባቸው በትክክል ባይቀበሉም፣ አሉታዊ በኾነ መንገድ ተሐድሶን ተቀብለው፣ ገድላትን፣ ድርሳናትን፣ ተአምረ ማርያምን እንደ ያረጋል አበጋዝ ያሉ ሰዎች "ለትምህርት ሊጠቀሱ አይገባም" እያሉ መናገር ከጀመሩ ሰነባብተዋል።

ለኦርቶዶክሳውያን ዘወትር የምንለው፣ የኖረና የሰነበተ ውሸትን ውሸት ማለት ያምማል። በፊት፤ በፊት ገድላትን ድርሳናትን ... በቅዱስ ቃሉ ስንተች ለምን ተተቸ? የሚሉ ብዙ ነበሩ። ዛሬ ግን ራሳቸው በአንደበታቸው በይፋ እያመኑ ነው። ይበል ያሰኛል! እውነት መቼም መች እውነትና እውነት ብቻ ናት! ኢየሱስ የማይለወጥና ወደ ሰማይ የሚያደርስ እውነት ነው!

የቄሣር ኮሪደር!

በአጭር ቃል፣ በ58 ዓ.ም አከባቢ ነግሦ የነበረው የሮም ቄሣር ኔሮን፣ የሮምን ከተማ ከግማሽ በላይ በእሳት አነደዳት። ያነደበበት ምክንያቱ ከተማይቱ ስለ ደበረችው፣ ሌላ አዲስ ከተማ መገንባት ያመቸው ዘንድና ቃጠሎውን በክርስቲያኖች በማላከክ በኋላ በዚህ ሰበብ፣ ክርስቲያኖችን ለማሳደድና ለመግደል ይመቸው ዘንድ ነው። አባ ጎርጎርዮስ እንዲህ በማለት ይገልጹታል፣

“ … ብዙ ወንጌል መልእክተኞችን የፈጀው ኔሮን ቄሳር ነው።ለነገሩ መነሻ ያደረገው የሮምን መቃጠል ነው። ርግጥ በዘመነ መንግሥቱ አጋማሽ ላይ የሮም ከተማ በእሳት ጋይታለች። ያቃጠለው ማን እደ ኾነ አልታወቀም። ክርስቲያኖችን አሳጥ ለማጥፋት ኔሮን ራሱ ነው ያደረገው የሚሉ አሉ።”

ይህን ለማድረግ አንድ መንገድን ተከትሎአል፤ ክርስቲያኖች በአብዛኛው የሚኖሩበትን ስፍራ እንዲቃጠል አላደረገም። የከተማይቱን አብላጫ ክፍል ተኩሶ ግን አነደዳት፤ አጋይቶ አመድ አደረጋት። ኮሪደሮችዋን ለማሳመርና በአዲስ ውበት ሊሠራት የከተማይቱን ሰዎች ከምንም ሳይቈጥራቸው ከተማይቱን ከጥቅም ውጭ አደረጋት። ከታሪክ ጸሐፊዎች አንዱ፣ ኔሮን ከተማዪቱ ስትቃጠል ዋሽንት እየነፋ ይጫወት ነበር ብሎአል።

በኋላ ላይ የከተማዪቱ ሰዎች በቊጣ በተነሱበት ጊዜ፣ “አማልክት በክርስቲያኖች ተቆጥተው ነውና ክርስቲያኖች ሊገደሉ ይገባል” ቢልም፣ ክርስቲያኖች ይህን እንዳላደረጉ ሕዝቡ በተረዳ ጊዜ ከዙፋኑ ተሰድዶ በፍጻሜው በገዛ ባሪያው እጅ በሰይፍ ተገደለ።

ያለመውንና ያሰበውን የሮምን ከተማ ኮሪደር እንኳን ሊሠራው፣ ሕይወቱ በስደትና በሰይፍ ቅላት ተቋጨ። ምድራችን ጭካኔያቸው ለምድር የከበዱ መሪዎችን በየዘመናቱ ተፈራርቀውባት አስተናግዳለች። ሃያላኑ ደክመውና ዝለው፣ አስፈሪዎቹ ተርበትበትውና ተንቀጥቅጠው፣ አፈር አይንካን ያሉት አሟሟታቸው እንኳ "ሳያምር"፣ በጭካኔያቸው ልክ ፍትሕ ፊት ነሥታቸው በነርሱም ተጨክኖባቸው አልፈዋል። አስፈሪነታቸው ተሽሮ በፍርሃት በወየበ ፊት ብዙዎች ተሸማቅቀው አልፈዋል። ማንም የማይነካቸው የተባሉት የማንም መጫወቻ ኾነው ታይተዋል።

እንዲህ ያሉ ነገሥታት የከተማ ውበትና ድምቀት የሚያስጨንቃቸውን ያህል፣ ሰውና ሰውነት አያስጨንቃቸውም። የሰው ከቀዬው መነቀል ቁብ አይሰጣቸውም። የማኅበራዊ ሕይወቱ ቢመሰቃቀል ግድ የላቸውም። ራሳቸውን ንጹሕና ንዑድ አድርገው እያቀረቡ፣ ስህተትና ጥፋትን በሌላው እያላከኩ መኖርን፣ የዕድሜያቸው ማራዘሚያ አድርገው መጠቀም የተካኑበት የክፋት ጥበባቸው ነው።

የአገራችንም መሪዎች በንግግራቸው፣ “ስንኖር ኢትዮጵያዊ ስንሞት ኢትዮጵያ” ቢሉንም፣ ለኢትዮጵያ እንጂ ኢትዮጵያዊ ኾነን እንድንኖር ሲተጉልን አንመለከትም። “ሐገር ማለት ሰው ነው” ቢሉንም፣ ለአገር መሬቱ እንጂ፣ ለአገር ልጅ ሰውነት ከቁም ነገር አልተጣፈም። ቊስና ብልጭልጭ ነገር ደርቶአል፤ ሰውና ሰውነት ግን ረክሶአል። አስታዋሽም ያለው አይመስልም።

እግዚአብሔር አምላክ፣ ቊስን ለሰው እንጂ ሰውን ለቊስ አልፈጠረም። ኤፊቆሮሳዊ ቊስ አምላኪነት ሰውን ውስብስብና ሴረኛ አድርጎታል። እግዚአብሔር እንዲህ ያለ ክፋት በምድር ላይ አልፈጠረም። በሰዎችም ልብ አላኖረም። ሰው ግን ውስብስቡን መንገድ መረጠ። መጽሐፍ፣ “ይህን አንድ ነገር ብቻ አገኘሁ፤ እግዚአብሔር ሰውን ቅን አድርጎ መሥራቱን፣ ሰዎች ግን ውስብስብ ዘዴ ቀየሱ።” (መክ. 7፥29) እንዲል።

ጸጋና ሰላም በክርስቶስ ኢየሱስ ላሉት ይብዛ! አሜን።


My blog link - http://abenezerteklu.blogspot.com/2024/12/blog-post.html

በፊቱ በትጋት ከመታመን በቀር በአንዳች አትጨነቁ፤ እግዚአብሔር የሚያስፈልጋችኹንና እያለፋችኹበት ያለውን ኹኔታ ያውቃል፤ ደግሞም ሳይሰስት ይሰጣችኋል!

ጌታችን ኢየሱስ ሲጸልይ እንዲህ አለ፤ “በእውነትህ ቀድሳቸው፤”(ዮሐ. 17፥17)፤ ስለዚህም ብዙ እውነትን ያመነና የታዘዘ ብዙ ይቀደሳል።

ወንድም አሰግድ ስለ ሐዋዝ በተናገረው እኔም እስማማለኹ።

"የተሰቀለው ኢየሱስ ወንጌል ያሸንፋል!

" ... በሃይማኖት ስም ማሳበብ አይገባም፤ ... ያንን ምርጫው ካደረገ፣ እዚህ አልነበረም ነው ቦታው። እኔም ኢንተርቪውን ከሰማኹ በኋላ መጀመሪያም ያለሰፈሩ ነው የነበረው፤ ምን ያደርጋል እዚህ ...ለምን ሲሰቃይ ይኖራል?! ምን መሽሎክሎክ ምን መደበቅ ያስፈልገዋል? ... ክርስቶስ ታመኝ አገልጋዮች ነበሩት። ነገም እኛ ባንኖር ይጎድልብናል እንጂ፣ ጌታ ኢየሱስ እንደ ከበረ ይኖራል። ... ጥላቻ የለብኝም። እወደዋለኹ። ወንጌል ግን ይሰበካል ... "

ደካሞች ስላፈገፈጉ ወንጌል አይቆምም፤ ያልተረዱ ስለ ተሸነፉ ወንጌል አይቀርም፤ የእግዚአብሔር መንግሥት ለዘላለም ጸንታ ትኖራለች።

የቴሌግራም አድራሻ - https://t.me/ebenezertek

ፍጡራን ቅዱሳንን ታቦት ቀርጾ፣ ድርሰት ደርሶ፣ መዝሙር ቀምሮ፣ ስዕል ስሎ ከመስገድና ከመዘመር፣ እግዚአብሔርን ብቻ ወደ ማምለክ ጨክነን ዘወር ብለናል!

ከእኛ ጋር ካልነበሩ …!

ቅዱስ ጳውሎስ ወደ ኤፌሶን በጻፈው መልእክቱ፣ እውነተኛ ክርስቲያኖች ሊኖራቸው ስለሚገባ እውነተኛ ጠባይ፣ “የሚያሳፍር ነገርም የስንፍና ንግግርም ወይም ዋዛ የማይገቡ ናቸውና አይሁኑ”(5፥4) ይላል፡፡ አማኞች ክርስቶስን ሲከተሉ፣ ክርስቶሳዊ ጠባይ እንጂ ዓለማዊ ማንነት ሊኖራቸው አይገባም፤ ቅድስና ከዓለማውያን በተለየ መንገድ ማሰብና መመላለስ የሚሻ ዐቢይ የክርስትና ትምህርት ነው፡፡

ከምዩጣን በተደጋጋሚ ከሚሰሙ ነገሮች አንዱ፣ “ተሐድሶ አልነበርንም” የሚል ነው፡፡ ካሉ እኛም እንጠይቃለን፤ ምንም “ተሐድሶ ባይኾኑም" ጉባኤውን ምን ያህል ቢጠሉትና ቢንቁት እንዲያ “አገለገሉት”? ያኔ ሲያለቅሱ፣ በደስታ ሲያመልኩ የነበሩት ሳያምኑበት ለታይታ ነበር? … ዛሬ እውነተኞች ነን ካሉ፣ ያኔም እውነተኞች ነን ሲሉ ስንፍና ሲናገሩ እንዴት አላፈሩም?

ቅዱስ ጳውሎስ ክርስቲያኖችን ያሳድድ የነበረበት ሕይወቱን ሲናገር፣ “እኔም ራሴ የናዝሬቱን የኢየሱስን ስም የሚቃወም እጅግ ነገር አደርግ ዘንድ እንዲገባኝ ይመስለኝ ነበር። ” (የሐ.ሥ. 26፥9-11) ይላል እንጂ “ ያኔ አላሳድድም፤ ያኔ አልሳደብም፣ ቅዱሳንን አላሳሰርኹም … አላለም፡፡ በትክክል ያደረገውን ከመናገር አላፈረም፡፡

በእኛ ዘንድ ሲኖሩ በልባቸው ከእኛ ጋር ካልነበሩ፣ ይበልጥ ውሸተኞች መኾናቸውን እንጂ ለዚያ ቤት ያላቸውን ታማኝነት አይገልጥም፡፡ በዚህ ኹኔታ ከእኛ ጋር ከነበሩ በመሄዳቸው አንደነቅም፣ አኹንም በዚያ መንገድ ከእኛ ጋር ያሉ ካሉ መንገዳቸውን ቢያስተካክሉ መልካም ነው፤ ይጠቅማቸዋልና፡፡

በጌታ ያላችሁ ሆይ፤ ክርስቶስን ብቻ ትመለከቱና እኛም እንኳ ብንደክም፤ በማይለወጠው ጌታ ጸንታችሁ ትቆሙ ዘንድ በጌታ ርኅራኄ እንለምናችኋለን፡፡ ክርስቶስን አብዝታችሁ በምትወድዱ ኹሉ ላይ ሰላምና ምሕረት ይኹን፤ አሜን፡፡

በኢየሱስ አንደራደርም!

ኢየሱስ የማናፍርበት ወንጌላችን ነው፤ ወንጌል ክርስቶስ ባይኖርበት “የምሥራች!” ተብሎ ሊሰበክ አይችልም፤ የቆምነው፤ ያለነው፤ የምንኖረው፤ የምንንቀሳቀሰው… እግዚአብሔር በክርስቶስ ካትረፈረፈው ጸጋ የተነሣ ነው፡፡ ያለ ክርስቶስ ምንም ነን፤ ርሱ በምንም ነገራችን ውስጥ የገባ ምሉዕ አምላክና ሰው ነው፡፡

ቅዱሳት መጻሕፍት ያለ ክርስቶስ የሚመሰክሩት ሌላ እውነት የለም፤ ሰማይና ምድር በውስጡም ያሉት ፍጥረታት ኹሉ ቢፈጠሩ የተፈጠሩት ለክብሩ ምስጋና ያቀርቡ ዘንድ ነው፤ “በሰማይና በምድርም ከምድርም በታች በባሕርም ላይ ያለ ፍጥረት ሁሉ በእነርሱም ውስጥ ያለ ሁሉ፦ በረከትና ክብር ምስጋናም ኃይልም ከዘላለም እስከ ዘላለም በዙፋኑ ላይ ለተቀመጠው፥ ለበጉም ይሁን ሲሉ ሰማሁ” እንዲል (ራእ. 5፥13)፡፡

እንኪያስ ክርስቶስ ለእኛ፦

* የሕይወት ራስና ባለቤት፤ መገኛ ነው፤ (የሐ.ሥ. 3፥14፤ 5፥31)፣
* የመዳናችን ምክንያት ነው፤ (ዕብ. 5፥9-10)፣
* ብቸኛው የኀጢአታችን ማስተስረያ (1ዮሐ. 2፥2)
* ከአብ ዘንድ የታረቅንበት ብቸኛ መታረቂያችን (ሮሜ 5፥11፤ 2ቆሮ. 5፥18፤ ቈላ. 1፥11)፣
* ከርሱ በቀር የምንድንበት ሌላ መዳኛም፤ መንገድም የለንም (ዮሐ. 14፥6፤ የሐ.ሥ. 4፥12)
* በሰማይና በምድር ከርሱ በቀር የበረታና የማይሞት ሌላ ሊቀ ካህናት የለንም (ዕብ. 4፥14፤ 6፥20)…

የምታምኑትና የምትወድዱት፤ በነፍስ ሳትሳሱ የምታመልኩት ኹሉ ክርስቶስ ለእናንተ ምንድር ነው? ምስክርነታችሁን በመስማት ደስ ይለን ዘንድ መስክሩለት! ለክርስቶስ የማትመሰክር ነፍስ በምድር ካሉት ነፍሳት ኹሉ ምስኪንና ድኻ ናት!

መስክሩለት፤ ኑሩለት፤ ስሙን አስከብራችሁ እለፉለት እንጂ በስሙ ተደራድራችሁ መክሰር አይኹንባችሁ!

በኢየሱስ አንደራደርም!

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን።


የጡመራ መድረክ አድራሻ - http://abenezerteklu.blogspot.com/2024/11/blog-post_29.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

ዛቻ፣ ጸያፍ ስድብ፣ ተራ ሽሙጥ ... ወንጌልን አያስቆመውም። እኛ እንኳ በሞት ብንወሰን ወንጌል ግን ይቀጥላል። እና የሚሳደብና የሚዝት ሰው፣ የማን መልእክተኛ እንደ ኾነ የተገለጠ ነው! ይህን በጻፋችኹና ለማዋረድና ለማሸማቀቅ በምትሹ ኹሉ ላይ የእግዚአብሔር ምሕረት ይብዛላችሁ።

የቴሌግራም አድራሻ - https://t.me/ebenezertek

“ዳንኤልም፣ ንጉሥ ቂሮስ እስከ ነገሠበት እስከ መጀመሪያው ዓመት ድረስ እዚያው ቈየ። ”(ዳን. 1፥21) መጽናትና መትጋት በክርስቶስ ኢየሱስ አለመናወጥን መንፈስ ቅዱስ ያብዛላችኹ፤ አሜን።

በጸሎት ፈጽማችኹ ተስፋ አትቁረጡ፤ እግዚአብሔር ባልጠበቃችኹት መንገድ መልስን መስጠት ያውቅበታልና፤ ጸልዩ!

ወደ ኦርቶዶክስ መመለስ¡? – (የመጨረሻ ክፍል)


መጽሐፍ ቅዱስ ሥልጣኑ “ሲገሰስ”!

መጽሐፍ ቅዱስ የክርስትና ዋና ማዕከልና የትምህርቶቹም ኾነ የልምምዶቹ መሠረት ነው። ይህ እንዲኾን ያደረገው ዋናው ምክንያት ደግሞ የመጽሐፍ ቅዱስ ሥልጣን ነው። መጽሐፍ ቅዱሳዊው ሥልጣን ራሱ እግዚአብሔር ስለ ኾነ፣ መጽሐፍ ቅዱስ የትኛውንም ትምህርት ወይም መጽሐፍ ይዳኛል፤ ይመዝናል እንጂ መጽሐፍ ቅዱስ ከርሱ ውጭ በኾነ ትምህርትም ኾነ መጽሐፍ ፈጽሞ አይመዘንም፤ አይመረመርም።


በቀረበው ዶክመንተሪ ላይ ግን ከመጽሐፍ ቅዱስ ውጭ የኾኑ ትምህርቶችን ለማስረጽና እውነተኛ አድርጎ ለማቅረብ፣ የቤተክርስቲያን አባቶች የተባሉ ትምህርቶች ሲጠቀሱ ይስተዋላል። በዚህ ንግግራቸው የቅዱሳት መጻሕፍት ሥልጣን ተገስሶና ተድበስብሶ፣ ሐዋርያነ አበውና የቤተ ክርስቲያን አባቶች ከተባሉት ንግግሮችና ትምህርቶች ጋር በአንድነት ሲጠቀሱ ማስተዋል ይቻላል። ነገር ግን የሐዋርያውያነ አበውም ኾነ፤ የቤተ ክርስቲያን አባቶች የትኛውም ትምህርትና መጽሐፍ በቅዱሳት መጻሕፍት እውነት ይፈተሻል፤ ይመዘናል እንጂ ከመጽሐፍ ቅዱስ ቃል ጋር እኩል ቅቡልነት የላቸውም።

ከዚህም የተነሣ ሐዋርያውያነ አበውም ኾኑ የቤተ ክርስቲያን አባቶች ከመጽሐፍ ቅዱስ የተለየ አስተምህሮ ቢኖራቸው፣ በዚህ ስም ስለ ተጠሩ ብቻ ተቀባይነት አይኖራቸውም።

ከዚህ ጋር መጽሐፍ ቅዱስ በግልጥ ሥልጣኑ ሲገሰስ የምናስተውልበት መንገድ አንዱ፣ አተረጓጎሙ አንድምታዊ በኾነና ከዐውዳቸውና ከተነገረባቸው ዓላማቸው ተለያይተውና ተፋትተው የቀረቡ የመጽሐፍ ቅዱስ ክፍሎችን ማንሳት ይቻላል፤ ለምሳሌ፦

· ሐዋዝ፣ 1ዮሐ. 1፥7ን ለካህን ኑዛዜ እንደሚገባ ሲጠቅስ ይህን ቃል ጠቅሶአል።

· ዘካ. 1፥12 - ቅዱሳን መላእክት ያማልዳሉ ለማለት ተጠቅሶአል።

· ራእ. 6 - ላይም ቅዱሳን ለእኛም ጭምር ይጸልያሉ ለማለት ተጠቅሶአል።

· ዮሐ. 6 - የጌታችን ኢየሱስ ሥጋ ወደሙ ማለትም ለቅዱስ ቁርባን ሲጠቀስ እናስተውላለን።

ሐዋዝ ከዚህ በዘለለ፣ እጅግ አጸያፊ በኾነ መንገድ እንዲህ ሲልም እኛን በመክሰስ ይናገራል፤

“ስለ ማርያም ለመናገር ... መጽሐፍ ቅዱሳዊ ጥቅስ ብቻ ይሻሉ? በዚህም ከበረከቷ ይጎድላሉ።”

ይህ ፍጹም መጽሐፍ ቅዱስን የማቃለል ንግግር ነው፤ ምክንያቱም እኛ የመጽሐፍ ቅዱስ አማኞች፣ መጽሐፍ ቅዱስ ዝም ሲል ዝም የምንል፤ ሲናገር ብቻ አብረን የምንናገር ነንና። ስለ ማርያም የምናስተምረው መጽሐፍ ቅዱስ ላይ የተጠቀሰውን ብቻ እንጂ ከመጽሐፍ ቅዱስ ተቃራኒ የኾነውንና ከመጽሐፍ ቅዱስ ውጭ የተነገረውን ኹሉ አይደለምና።

ሐዋዝ እጅግ ደፋር ከመኾኑ የተነሣ፣ “መዳን በእግዚአብሔር ጸጋ ብቻ” ብሎ ማስተማር መጽሐፍ ቅዱሳዊ እንዳልኾነ ለመተንተን ሲጣጣር መመልከቴም ነው። ወንጌላዊው ዮሐንስ፣ “እኛ ሁላችን ከሙላቱ ተቀብለን በጸጋ ላይ ጸጋ ተሰጥቶናልና ሕግ በሙሴ ተሰጥቶ ነበርና፤ ጸጋና እውነት ግን በኢየሱስ ክርስቶስ ሆነ።” (ዮሐ. 1፥16-17) ብሎ እንደ ተናገረው፣ ምሉዕ የኾነውና ያልተፈጠረው የእግዚአብሔር ጸጋ ክርስቶስ እንደ ኾነና መዳናችንና የዘላለም ጉዳያችን የተወሰነው በክርስቶስ ኢየሱስ ብቻ እንደ ኾነ እንደ አዲስ ወንጌልን “የምሥራች!” ብሎ ማን በነገረው?!

አየለ የተባለውም ሰው፣ እንዲህ ይላል፣ “ድንግል ማርያም አታማልድም ብለህ እንዴት ትድናለህ?” እኔ ደግሞ አየለን ጠይቀዋለኹ፤ “ድንግል ማርያም ራስዋ ‘መንፈሴም በአምላኬ በመድኃኒቴ ሐሴት ታደርጋለች፤’ (ሉቃ. 1፥47) ብላ እንደ ተናገረችና ርስዋም መድኀኒት እንደሚያስፈልጋት መጸለይዋን አላነበብህምን? መድኃኒት የሚያሻው ፍጡር እንዴት ለሌላው መድኀኒት መኾን ይቻለዋል? እኛን ኹላችንን ያዳነ አንድ መድኃኒት አለ፤ ርሱም መድኀኒ ዓለም ክርስቶስ ነው!

የሐዋዝ “አስፈራሩኝ” ውሸት

የዛሬ ሦስት ዓመት ገደማ ቃለ መጠይቁን በሠራ ማግስት፣ ከደወሉለትና ከሞገቱት ሰዎች መካከል “ብቸኛው” ሰው እኔ ሳልኾን አልቀርም፤ በዚህኛው ቃለ መጠይቁ ደግሞ “ዛቻና ማስፈራራት እንደ ደረሰበት” ሲጠቅስ አድምጫለኹ። ነገር ግን ለመወደድ በዚህ ልክ መዋሸትና ቀበሮአዊ ብልጣ ብልጥነትን መጠቀም እጅግ ያሳፍራል። አንባቢያንና አድማጮች ይፈርዱ ዘንድ ድምጽ ቅጂውን ከግማሽ በላይ ከዚኹ ጽሑፍ ጋር በቴሌግራም ላይ በአንድነት ላይ አያይዘዋለኹ።

ሐዋዝ በቃለ አዋዲ አገልግሎቱ ኹሉ ላይ ሲ-ዋ-ሽና ሲዘ-ብት የኖረ እንጂ፣ ሲያመልክና ሲያስመልክ የኖረ ሰው አይደለምና እጅግ ያሳዝነኛል፤ ነገር ግን በቂ መረጃ ባገኝበትም በመራራትና ሊመለስ ይችላል በማለት ታገሥሁት፤ ጠበቅሁት፤ ርሱ ግን በለየለት ዋ-ሾ-ነቱ ተገለጠ።

ሌላውና፣ የሐዋዝን ው-ሸት ከሚያጎሉት ነገሮች አንዱ የ”ዲያቆን” ሄኖክ፣ “መጀመሪያውኑ አልካድሁም እዚሁ ነበርኩ የሚሉ ሰዎች ትክክል አይደሉም” የሚለው ንግግሩ የሐዋዝን ውሸታምነት አፈር፤ ደቼ የሚያበላና ተሐድሶ ያልነበረ መኾኑንም ጭምር ያጐላ ንግግር ነው!

በመጨረሻም ሐዋዝ፣ መዝሙሮቹን ከልሶና አሻሽሎ ለተቋማዊው ኦርቶዶክስ በሚኾን መልኩ እንደገና እሠራዋለሁ በማለት ቃል ገብቶአል። ጌታ ኢየሱስ በመንፈስ ቅዱስ እንዲወቅሰውና እንዲገስጸው ትልቁ ጸሎቴ ነው።

ለምን ግን ከእኛ ተለዩ?

በግሌ ሦስት ምክንያቶች አሉኝ፤

1. በትክክል ተሳስተው፣ እውነትን ባለማወቅ በትምህርት ነፋስ የተወሰዱ ሊኖሩ ይችላሉ፤ እንዲህ ላሉት ልናዝንላቸው፣ ልንጸልይላቸው በትክክል በሰይጣን ወጥመድ ተይዘዋልና ልንማልድላቸው ይገባል።

2. አብዛኛዎቹ ደግሞ በሥነ ምግባር ዝቅጠት መዘፈቃቸውን ለመሸፈኛነት ሊጠቀሙበት የተመለሱ ናቸው። ኦርቶዶክሳዊት ቤተ ክርስቲያን ለመደበቅ ከተፈለገ ዋሻና ሰፊ ሜዳ ነው። እናም ብዙ ጊዜ በእኛ ዘንድ ተመክረው፤ ተዘክረው ያስቸገሩ ብዙ ጊዜ ምርጫቸው ወደዚያው መመለስ ነው። እንዲህ ላሉት ብርቱ ተግሳጽ የሚያስፈልጋቸው ይመስለኛል።

3. ወንጌል እንሰብካለን፣ ሕዝብን በቅርበት እንደርሳለን በሚል የተሸፋፈነና ለቤተ ክርስቲያን ኅብረት ታማኝነትና አክብሮት በጎደለው መንገድ ሊሄዱ የሚችሉም አሉ። አንዳንድ አገልጋዮች ይህን መንገድ ተከትለው ሄደዋል፤ ምናልባትም ለመሄድ እያኮበኮቡ ያሉም ይኖራሉ። እንዲህ ያሉት በርግጥ ይህ ዓላማቸው ከኾነ፣ የቤተ ክርስቲያንን ሥልጣን ባከበረና በእውነተኛ ቅንአት ቢያደርጉት እጅግ ደስ ይለናል። ከዚህ በዘለለ ግን ተራ ሽፋን እንጂ እውነት እንዳልኾነ በተደጋጋሚ ተመልክተናል።

ለአማኞችና ለአገልጋዮች

“ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። በነፍሳችሁ ዝላችሁ እንዳትደክሙ፥ ከኃጢአተኞች በደረሰበት እንዲህ ባለ መቃወም የጸናውን አስቡ።” (ዕብ. 12፥1-3)።

የተስፋ ጭላንጭል

እንዲህ እንደ ኾነ ይቀራል ብዬ አላምንም፤ ወንጌል እንዲህ ብዙዎች ዘንድ እንደ ተ-ሸ-ቀ-ጠበት አይቀርም፤ የሸ-ቀ-ጡት የሚያፍሩበት፤ የተሳሳቱ የሚመለሱበት፣ ምናልባትም ዛሬ ላይ በለየ-ለት ው-ሸ-ትና በማስመሰል እንዲህ የሚናገሩት እንደገና አዝነው ይጸጸቱና ይመለሱ ይኾናል ብዬ ተስፋ አደርጋለሁ፤ ጌታ ጻድቅና መጋቢ አምላክ ነው።

ማጠቃለያ!

ወንጌል ያሸንፋል፤ ስለ ተዋሸበት ፈጽሞ አይደበዝዝም፤ ለወደቀውና ለተሰበረውም ዓለም እግዚአብሔር ያዘጋጀው ዕቅድ፣ በጸጋው ፍጥረትን እያደሰ ወደ መንግሥቱ ሙላት ማምጣት ነው። ተሐድሶ ለተበላሸውና ለወየበው፤ ለገረጀፈውና የእርጅና ንቃቃት ለከበበው ዓለም እጅግ አስፈላጊና አይቀሬ ነው። ኦርቶዶክሳዊት ቤተ ክርስቲያን፣ ወንጌል ገፍታ፤ እውነትን ተኳርፋ፤ የርሷ አንደበት ባልኾኑ አካላት ተሸብባ መኖርዋ ዋጋ ያስከፍላታል፤ ይህም እንኳ ቢኾን ወንጌል ስርጓጉጡን እያጠራ፣ ተራራውን እየናደ፤ ሸለቆውን እየሞላ፣ ዓመጸኛውን የሰው ልብ እየረታ፣ ደካሞችን በጌታ ጸጋ እያበረታ፤ ጽኑአንን ደግሞ ደፋርና ኃያል እንዲኾኑ እያደረገ በድል ነሺነቱ እስከ ጌታ ቀን ድረስ ይቀጥላል።

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን።


የጡመራ መድረክ አድራሻ - http://abenezerteklu.blogspot.com/2024/11/blog-post_28.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

ከዚህም በተጨማሪ ምዩጣኑም ኾኑ የጃንደረባው ሚዲያ ባለቤቶች፣ ዋናው ትኵረታቸው፣ ኦርቶክሳዊውን ተቋም ማስመለክና ማግነን እንጂ የእግዚአብሔር መንግሥት እንዲሰፋና ወንጌል ለብዙዎች እንዲደርስ ከማድረግ አንጻር ሲተጉ አንመለከትም። ለታሪካዊው ኦርቶዶክስ ከመወገንና ከመቆም ይልቅ፣ ለተቋማዊው ኦርቶዶክስ ጥብቅና መቆም አይሎ ይታይበታል።

ሐዋዝም ይህን በማጕላት እንዲህ ይላል፣ “ዓለም በዜማ በማያመሰግንበት ጊዜ የኢትዮጵያ ኦርቶዶክስ ተዋሕዶ ቤተ ክርስቲያን በዜማ ታመሰግን ነበር።” ይህ እጅግ ከፍ ያለ “ራስን የማምለክ” አባዜ ነው፤ ኢትዮጵያ በጣዖት አምልኮ ሥር ኾና አሕዛብ በነበረችባቸው ዓመታት፣ እግዚአብሔር ከእስራኤል ጋር የቀደመውን ኪዳን መግባቱንና ያ ሕዝብም እግዚአብሔርን በዜማ ያመልክ፤ ያመሰግን እንደ ነበር ማውሳት ብቻውን የዚህን ንግግር ሐሰተኝነት አጕልቶ ያሳያል።

ጌታ ግን የታመነና እውነተኛ ነው።

ይቀጥላል …

[1] መሠረት ስብሃት ለአብ (አለቃ)፤ ስምዓ ጽድቅ ብሔራዊ፤ 1951 ዓ.ም፤ ገጽ 19

ከሦስት ዓመታት በፊት ያደረግናቸውን ውይይቶችን በቴሌግራም ገጼ ላይ አስቀምጫለኹ!


የጡመራ መድረክ አድራሻ - http://abenezerteklu.blogspot.com/2024/11/blog-post_27.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

ወደ ኦርቶዶክስ መመለስ¡? - ክፍል አንድ


የምዩጣኑ ጥርስ ያገጠጠ ውሸት!

መንደርደሪያ

ጃንደረባው የተባለ ሚድያ የሠራውን ቪድዮ፣ ተመልክቼአለኹ፤ አሰላስዬዋለኹም። ብዙ ሰዎች ደውለውልኝ የምጽፍበትን መንገድ ሲያመላክቱኝ፣ ከነገሩኝ ሰዎች ተጽዕኖዎች ነጻ ልወጣ እንዲገባኝ ከራሴ መክሬአለሁ። በተለይም ደግሞ አንዳንድ ነገሮች፣ በቀጥታ ከእኔ ጋር የሚያያዙ በመኾናቸው ይህን ጽፌአለሁ። እጅግ በጣም አስነዋሪ ውሸቶችን ደግሞ ለማጋለጥ ስል፣ በግል የተደረጉ የውይይት ቅጂዎችን ለመጠቀም ተገድጄአለኹ።

የሚዲያው አዘጋጆች፣ ተሐድሶ “ገንዘብ አለው” ከሚለው የአሉባልታ ተረት ነጻ መውጣታቸው፣ ጸረ ማርያም፣ ኦርቶ ጴንጤ ከሚል ታርጋ ልጠፋ፣ ፕሮቴስታንታዊ ተሐድሶ፣ አጽራረ ቤተ ክርስቲያን (በርግጥ ሄኖክ ተጠቅሞታል - የያ ትውልድ ትዝታ ባይወጣለት መሰለኝ)፣ ጡት ነካሽ መና-ፍ-ቃን ከሚሉ ፍረጃዎችና ልጠፋዎች ... ነጻ በመውጣታቸው ደስ ብሎኛል። ይህን ሳስብ አኹን ሥራ መሥራት ጀምረዋል ማለት ነው ብዬ አሰብኹ። ይህን ያደረጉት ከኹለት ምክንያት አንጻር ይመስለኛል፤ አንደኛው “የጥላቻ ንግግር አዋጁን” ከመፍራትና ኦርቶዶክሳዊ ተሐድሶ ያመጣውን ተሐድሶ አዎንታዊ በኾነ መንገድ ላለመቀበል።

ሌላው፣ ዕቅበተ እምነትን በዚህ ልክ “በተሳሳተ መንገድ ቢኾንም”፣ተዘጋጅተው መሥራታቸው እጅግ ይበል የሚያሰኝ ነው። ለእኔ ከዚህ ቀደም ማኅበረ ቅዱሳንና ያረጋል አበጋዝ በመጽሐፍ ከሠራቸው ሥራዎች አንጻር በይዘቱም በሞጋችነቱም በተወሰነ ረገድ “ጠንካራ” ነው።

“ተሐድሶ” የልከኛ ኦርቶዶክሳዊነት መገለጫ ነው!

ጃንደረባ ሚድያ ያልተረዳውና ሊያውቀው የማይፈልገው እውነታ፣ ኦርቶዶክሳዊ ተሐድሶ አይቀሬና ግዴታ መኾኑን ነው። ደጋግመን እንደ ተናገርነው፣ ኦርቶዶክሳዊነት፣ “የክርስቶስ ሕይወትና ትምህርት፣ ሥራውም የተገለጠበት እውነት እንጂ ተቋም አይደለም” ብለናል።

ኦርቶዶክሳዊው የክርስትና እምነትና ምግባር የተመሠረተውና የተንጣለለው፣ በኦርቶዶክሳዊ በኾነው በመጽሐፍ ቅዱስ አስተምኅሮ ወይም ዶግማ ላይ ነው። ጤናማ ትምህርትም ጤናማ ሕይወትና የኑሮ ጠባይን ማስከተሉ አይቀሬ ነው፤ አክብሮተ እግዚአብሔር ያልተለየው ርቱዕ ሕይወት (orthopraxy) እና ርቱዕ ጥልቅ ፍቅር (orthopathy) ከርቱዕ እምነት (orthodoxy) ጋር የተቈራኘና ከርሱም የሚመነጭ እንደ ኾነ ዘወትር ሊዘነጋ አይገባውም።

ታድያ ኦርቶዶክሳዊነት መገለጫው ይህ ከኾነ፣ “ዛሬ ኦርቶዶክስ ነን የሚሉት ራሳቸውን የሚገልጡት በዚህ እውነት ልክ ነው ወይ?” ብለን መጠየቅ እወዳለን። ይህን እውነታ ያስተዋሉትና ኦርቶዶስ ሳይኾኑ ሌላውን መና-ፍ-ቅ የሚሉትን በመታዘብ አለቃ መሠረት ስብሃት ለአብ እንዲህ በማለት ተናግረዋል።

“ተዋሕዶ ሳይኾን ስሙ ሃይማኖቱ

ኦርቶዶክስም ሳይኾን ባህሉና ትምህርቱ

ሰርቆና ቀምቶ የሰው ስም በከንቱ

ሰው ኹሉ አለስሙ ምነው መጠራቱ”[1]

እውነታው ይህ ኾኖ ሳለ፣ ዛሬ ላይ ኦርቶዶክስ ሳይኾኑ ራሳቸውን ኦርቶዶክስ የሚሉ ወገኖች እጅግ ያሳዝኑኛል።

ጃንደረባው ሚዲያ፣ በሲኖዶስ ወይም በሐገረ ስብከት ደረጃ ካሉት ወይም ከሰንበት ትምህርት ቤቶች አንድነት ወይም ከቤተ ክርስቲያኒቱ ኮሌጆች መካከል አንዱ ኾኖ ይህን ሲያቀርብ አይስተዋልም፤ የኦርቶዶክሳዊት ተዋሕዶ ቤተ ክርስቲያንም ውክልና ፈጽሞ የለውም። ልክ ማኅበረ ቅዱሳን ከዚህ ቀደም፣ “ተሐድሶን አጥፊና አፍራሽ” አድርጐ በማቅረብ የግል ስምና ዝና፤ ሀብት እንዳካበተበት እንዲኹ፣ ጃንደረባው ሚዲያም ይህን በማድረጉ “ከምድራዊ ረብ በቀር” አንዳች የሚያገኝበት ነገር የለውም።

አንድ እውነት ግን ማንም ሊያስተባብል አይችልም፤ ኦርቶዶክሳዊው ተሐድሶ በሲኖዶስ፣ በሊቃውንት ጉባኤ፣ በቤተ ክርስቲያኒቱ ኮሌጆች፣ በሰንበት ትምህርት ቤቶች ኹሉ ውስጥና በኦርቶዶክሳውያን አማኞች ልብ ውስጥ አለ፤ ይኖራልም። ተሐድሶ ወንጌል በትክክል ባልተነገረበት፤ ባልተሰበከበት፤ ባልታወጀበት ኹሉ ቦታና ልብ መኖሩ ሊስተባበል አይችልም።

የምዩጣኑ ግብዝነት

በጃንደረባ ሚድያ ላይ የቀረቡት ሦስቱንም “ወንድሞች” አውቃቸዋለሁ። ኹለቱን በአካልና በትምህርት፤ አንዱን ደግሞ በሕይወትም ጭምር። አየለና ሌላኛው ወንድም ሐረር በሥራ በነበርኩበት ጊዜ በሚገባ አውቃቸዋለሁ። የዚያኔ ለሰዎች “የእውነት ቃል አገልግሎት” አማኝና ሰባኪ የኾነውን የግርማ በቀለን የስብከት ካሴትን በድብቅ የሚሸጡና የሚያከፋፍሉ ነበሩ። ከዚህ ባለፈ ደግሞ የሐረሮቹ ልጆች በሰዶማዊነት ከፍ ባለ ድምጽ ስማቸው ጐልቶ ከሚነሱ መካከል ናቸው። የጃንደረባ ሚዲያ ሰዎች ይህን ሰምታችኹ ይኾን?!

ሐዋዝ ደግሞ ምንም እንኳ “ዘማሪ” ቢኾንም፣ ነገር ግን በቃለ አዋዲ ያገለግል በነበረበት ጊዜ በዚሁ አመለካከቱ እንደ ነበረ ከዛሬ ሦስት ዓመት በፊት ስናወጋ የነበረውን የድምጽ ውይይታችንን ሰምቶ ማረጋገጥ ይቻላል።

እናም ሐዋዝም ኾነ ሌሎቹ ተሐድሶን ኖረንበታል ቢሉትም፣ በርግጥ አያውቁትም፤ በተሐድሶ ኅብረት ውስጥ ኖረን ነበር ቢሉም፣ ነገር ግን በምልአት ለማለት የሚያስችል የትምህርትም ኾነ የልምምድ ቁመና የላቸውም። ቢያንስ ስለ ተሐድሶ ለመናገር የሚቀድመው እውነት፣ በትክክል ተሐድሶ መኾናቸውን ማመናቸው ነበረ፤ ግን ቀድሞም ተሐድሶ አልነበሩም አኹንም ተሐድሶ አይደሉም።

ማኅበረ ቅዱሳንና ጃንደረባው የአንድ ሳንቲም ኹለት ገጽታ!

ማኅበረ ቅዱሳን የአክራሪነትና የወግ አጥባቂነትን መንገድ በመከተል የሄደ ነበር፤ የጃንደረባው ሚድያ ግን ውሸት፣ ግብዝነት፣ አጭበርባሪነትን በመከተል የትክክለኛ የእባብነት መገለጫን ገንዘብ በማድረግ የተሰማራ አስፈሪ ትውልድ ነው። በንጽጽር ሲታዩ ምናልባት ማኅበረ ቅዱሳን የሚሻል ይመስላል።

ማኅበረ ቅዱሳን በቤተ ክርስቲያኒቱ ነግሦና ከብሮ የኖረው፣ “ተሐድሶን ጭራቅና አውሬ አድርጎ” በኦርቶዶክሳውያን ልብ በመሳልና፣ በዚህም በብዙዎች ልብ ውስጥ ሰርጎ በመግባት ነው። እኔ የማኅበረ ቅዱሳን አባል በነበርኩባቸው ዓመታት፣ ስለ ተሐድሶ እናገር የነበረውና ተሐድሶን ቀርቤ፣ መርምሬ፣ ፈትኜ ያየኹት እውነት ምሥራቅ ከምዕራብ የሚርቀውን ያህል አይገናኝም።

ጃንደረባው ሚዲያም “ከግብር አባቱ” ተምሮ በዚያው መንገድ መምጣቱ ብዙም አያስደንቅም። ተሐድሶ በሲኖዶስ ውስጥ መኖሩን እንኳ ያስተባብላሉ፤ አንዳንድ በሕይወት ያሉና ያረፉ ጳጳሳት፣ ሊቃነ ጳጳሳትና ቆሞሳት አባቶች የሚያሰሙት አብዛኛው ድምጽ የተሐድሶ ቢኾንም፣ እንደ ማኅበረ ቅዱሳንና ጃንደረባው ሚድያ ያሉ ተቋማት ግን እውነተኛው የተሐድሶ ድምጽ እንዳይሰማና እንዲታፈን፤ ብሎም የሐ-ሰ-ት ፈጠራ በመፍጠር ሲናገሩ ማየት በቂ ምስክር ነው።

ዕቅበተ እምነት፣ ከጥንት የእውነተኛ የመጽሐፍ ቅዱስ ኦርቶዶክሳውያን አበው ሥራ ነው፤ አርዮስ፣ መቅዶንዮስ፣ ንስጥሮስና ሌሎችም የተወገዙት በርትዑ ክርስትና የሐሰት ትምህርታቸው ተመዝኖና ታሽቶ ነው። ነቀፋና ኑ-ፋ-ቄ ተገኝቶባቸው በትክክል ተዳኝተው ነው። ማኅበረ ቅዱሳንና ጃንደረባው ሚድያ ግን የሚያደርጉት “የበሬ ወለደ” ትርክትን በማደራጀትና አሮጊታዊ ተረቶችን ሰዎች ሰልቅጠው እንዲናገሩት በማድረግ ነው። በዚህ ግብራቸውም ኹለቱም የአንድ ሳንቲም ኹለት ገጽታ ናቸው።

ኢየሱስ ለኀጢአታችን ስርየት ብ*ቻውን በቂ ነው ስንል፣ ጳውሎስም ማርያ*ምም የሉበት*ም እያልን ነው። ይህ በምንም መንገድ ቅዱሳንን መናቅ አይኾንም!

ከኀጢአቱ በኢየሱስ ያረፈ፣ "በሄደና በመጣው" ልቡ አይታወክም! በኢየሱስ የረካ "ኢየሱስ ካልቀለለበት" በቀር፣ ሌላ፤ ሌላ እንዴት ያምረዋል?! ኢየሱስን ብቻውን እንጂ "በደባል" ክብርን አይቀበልም!

ጌታ መንፈስ ቅዱስ እንዲህ ይላል፣
“ጻድቅ ግን በእምነት ይኖራል ወደ ኋላም ቢያፈገፍግ፥ ነፍሴ በእርሱ ደስ አይላትም።”(ዕብ. 10፥38)

ተመለስ - መልሰን!

ሞትና መከራ፤ ጆሮዐችን ለመደ
ኑሮ እያሻቀበ፤ ሰውነት ወረደ!
ሰቆቃ ሰቀቀን፤ ሐዘን ሸበሸበን
እባክህ ጌታ ሆይ በቃ፤ ይቁም በለን!
ነውር ዓይን አወጣ፣ ወረሰን ርኩሰቱ
ለምን "ርቀኸን ቆምህ?"፤ ታረቀን አቤቱ!

እግዚአብሔር የ"እኛ" የኾነውን ማናቸውም ነገር ለማስተዳደር የእኛ ፈቃድ አያሻውም፤ እንደ ወደደ ለክብሩ ፈቃዱን ያደርጋል!

ኤገስት ይማርበት ዘንድ!
(ከሰባት ዓመታት በፊት የተጻፈ)
መልእክቱ ዛሬም አልደበዘዘም!
ስለ ግ`ብ`ረ ሰዶ`ማ`ዊ`ነት ከአየርላንድ ስህተት ምን እንማራለን?


ጌታ እግዚአብሔር የእስራኤል ልጆች ከግብጽ በወጡ ጊዜ እርሱን በማክበርና በመፍራት እንዲያመልኩት በዓላትን ሰጥቷቸዋል፡፡ ከተሰጡት በዓላት መካከል ደግሞ የፋሲካ ፣ የመከርና የዳስ በዓላት የትኛውም እስራኤላዊ ከሚኖርበት ከስደት ምድሩ በመምጣት በእስራኤል ምድር ተገኝተው እንዲያከብሩ አዟቸዋል፡፡ (ዘጸ. 23፥14፥17) በእነዚህ የበዓል ወራት የእስራኤል ጎዳናዎች ሁሉ የሚሸቱት እጅግ የተወደደውን የመንፈሳዊነትን ለዛና ዝማሬ ነው፡፡

ከጥቂት ዓመታት በፊት በካቶሊክና በፕሮቴስታንት ጎራ ክርስትናዋን ከፍላ ጎዳናዎቿን በደም ያጨየቀችው አየርላንድ ፤ አሁን በጎዳናዎቿ የተሰማው ነውር ጆሮን ጭው የሚያደርግ ነው፡፡ ግ`ብ`ረ ሰ`ዶ`ምን በወንጀል ህጓ ጠቅሳ በመከላከልና ለጋብቻ ባላት እሴቷ በአገራችን ካለው ሕግና እሴት ጋር እጅግ የተቀራረበ ነበር፡፡ አየርላንድ በወንጀል ህጓ በግልጥ ግ`ብ`ረ ሰ`ዶ`ምን መከልከል ብቻ ሳይሆን ፈጽመው የተገኙትንም ትቀጣ ነበር፡፡

ነገር ግን ይህን እውነት ለመገልበጥ ከውጪ ያሉት ዜጎቿ ሁሉ፥ አገር ቤት ካሉት ጋር በአንድነት ተሰባስበው ስለ ግ`ብ`ረ ሰ`ዶ`ም “መልካምነትና ቅዱስነት” አወጉ ፤ አውግተውም ዝም አላሉም፤ ጋብቻን “No”፥ ግ`ብ`ረ ሰ`ዶ`ምን ደግሞ “Yes” በማለት ድምጽ ለመስጠትና አብላጫ ድምጽ ያገኘው ሕግ ሆኖ ሊጸድቅና ሊደነግጉት፡፡ መልካም ባህልና ሕግ እያላቸው ይህንን በመናቅ ለአለም ክፉና የስህተት መንገድ መገለጫ ሆነው ታዩና፥ ግ`ብ`ረ ሰ`ዶ`ምን “Yes” ብለው አጸደቁት፡፡

መልካሙ የጋብቻ እሴቷና ግ`ብ`ረ ሰ`ዶ`ምን የከለከለው የወንጀል ሕጓ እንደ መርገም ጨርቅ ማንም ላይነካው ረከሰ፡፡ የቀደመው ትውልድ “የጠበቀውንና ያስተላለፈውን የጋብቻና ሃይማኖታዊ እሴት” አዲሱና እንግዳው ትውልድ በሚበዛ ቁጥር መረዘው፡፡ ስለዚህም ቅዱስ ጋብቻ የኋላቀርነትና የአላዋቂነት ድርጊት ተደርጎ ግ`ብ`ረ ሰ`ዶ`ም “ትክክለኛና ለሁሉ እንደ ተገባ ድርጊት” ተቆጥሮ “ይሁንልን ፤ ወደነዋል” በማለት ጸደቀ፡፡ ይህንን ዜና እንደ ምሥራች ይሁን ሌላ ምንነቱ ባልታወቀ መንፈስ ቢቢሲና አልጀዚራና ሌሎችም አራግበውታል፡፡

ይህንን ወደ አገራችን እውነት ስናመጣ፤ እንደ አክራሪነት መንፈስ የግ`ብ`ረ ሰ`ዶ`ማ`ውያንም መንፈስ የታመቀ መንፈስ ብቻ አለመሆኑን ድርጊታዊ ምልክቶቹን በየዋና ከተሞች እያየን ነው፡፡ በአዳማ ናዝሬት ከተማ አንድ ግለሰብ የግ`ብ`ረ ሰ`ዶ`ምን ጥቃት በተለያዩ ዘጠኝ ሕጻናት ላይ (ይህ በምስክር የተረጋገጠ እንጂ ሌሎችም እንደሚኖሩ ይገመታል) መፈጸሙን ፤ በሐረር በአንድ የታወቀ ሆቴል ውስጥ ከዘበኛ ጋር ተስማምቶ ተከራይን የደፈረ ግ`ብ`ረ ሰ`ዶ`ማዊ … እና ሌሎችም ድርጊቶች አደገኛ ምሳሌዎች ናቸው፡፡

አየርላንድ ምናልባት ያን የሚያህለው መልካም እሴቷ በአንድ ጊዜ ከአመድ የተደባለቀው ፤ “ተጽዕኖ ፈጣሪ” እንደሆኑ የሚያስቡቱ“ ዲያስፖራዎቿ” የሠሩት ሥራ ቀላል እንዳልሆነ በስፋት ይነገራል፡፡ ይህንን ቀጥታ አንዳንድ ከማለት ወደሚያልፉ የአገራችን ዲያስፖራዎች ብናወርድ አስፈሪ ነገር እንዳለው ለማሰብ ብዙ አያታክትም፡፡ የጎዳና ወንዶች ህጻናት በብዙ ብር ሲሸጡና ለዚህ ነውር ሲማገዱ እየሰማን ነውና፡፡ በተለይም አሁን እኛ አገር በአንዳንድ ገዳማት ነዋሪ በሆኑ መነኮሳት አከባቢ ፣ “እንደታወቁ” በሚያስቡ አገልጋዮች ዘንድ ፣ በማረሚያ ቤቶች ፣ ማሳጅ ቤቶች ፣ ሆቴሎችና ሞቴሎች ፣ አዳሪ ትምህርት ቤቶች … ካለው ነገር ሲደመር ቁጥሩ ላለማሻቀቡ መተማመኛ የለም፡፡ ብዙ ትኩረት የሚሻ ጉዳይ ስለመሆኑም ማቅማማት አያሻም፡፡

የግሎባሌይዜሽን አንዱና ዋና አሉታዊ ተጽዕኖው፥ ተመሳሳይ ኃጢአቶችን በአንድ ጊዜ ማዛመት ፣ “በመጽሐፍ ቅዱስ ኃጢአት ለመሆናቸው የተረጋገጡ ተግባራትን እንደመብት ሊሰብክ እንደሚችል ፣ በተለይ የባህል ተጽዕኖው በቤተ ክርስቲያን አገልግሎት ላይ ከፍተኛ ፈተና ስለመሆኑ ፤ ይህም የሆነው የባህል አንጻራዊነት (Cultural relativism) ሁልጊዜ ያለ ቢሆንም የድሃ አገራት ባህል በሀብታም አገራት ተጽዕኖ ሥር ሊወድቁ መቻላቸውንና በዚህም የቤተ ክርስቲያን ኃላፊነት ከባድ መሆኑን የኢትዮጲያ መጽሐፍ ቅዱስ ማህበር በአንድ ጽሁፉ አስፍሮ ነበር፡፡ (“የአብያተ ክርስቲያናት ትብብር ለሰላምና ለልማት” ሰኔ 16 2004 ዓ.ም.፡፡(መጽሔት))

ከድህነት ማዕቀፍ ያልተላቀቁ አህጉራት እንደዋና አስፈላጊ ምግብ በብዛት ከምዕራቡ አለምና ከእኛም “ምግባረ ቢስ ወገኖች” እየቀረበላቸው ያለው ሕልውናቸውን የሚሽር ባዕድ ነገር ነው፡፡ ከሚቀርቡት ገፍ አስነዋሪ ድርጊቶች መካከል ግ`ብ`ረ ሰ`ዶ`ም በአሁን ሰዓት የቀዳሚነቱን ሥፍራ እየያዘ ነው፡፡ በአገራችን በአንድ ቤተ ክርስቲያን ከውጪ የሚገኝ ዕርዳታን ለመቀበል እንደ አስገዳጅ ቅድመ ሁኔታ “የግ`ብ`ረ ሰ`ዶ`ምን ጥቃት በዝምታ” ቤተ ክርስቲያኒቱ እንድትቀበል የሚል ነበር፡፡ ቤተ ክርስቲያኒቱም የግ`ብ`ረ ሰ`ዶ`ምን ሃሳብ ከመርገም ጋር ባለመቀበሏ ምክንያት የመጣው ገንዘብ ሙሉ ለሙሉ መመለሱን ሰምተናል፡፡

እንግዲህ “መስማትን ጆሮ ያለው ይስማ!” እንዲል መጽሐፍ ለጎረቤት የመጣ የኃጢአት ግብዣ “ለእኛም አይመጣም” ብሎ መዘናጋትና መቀመጥ አገባብ አይመስለኝም፡፡ ይልቁን እኛው ቤት (በመካከላችን) የሚንቀለቀል የግ`ብ`ረ ሰ`ዶ`ም እሳት እንዳለ ደጋግመን ብዙ ብለናል፡፡ እንኪያስ አጥርተን መስማትና መሥራት ያለብን ጊዜ ላይ አይደለንንምን?

የምዕራቡን አለም ማህበረ ሰብ መልካም የትዳር እሴት ከአፈር የደባለቁትና ያረከሱት፥ የነሲግመን ፍሮይድ ደቀ መዛሙርት የነበሩት “የእኛዎቹ” እነስብሐት ገብረ እግዚአብሔርና ሌሎች በትውልዱ ላይ በጽሁፎቻቸው በግልጽነትና በመብት ተገንነት የለቀቁት “ስድነትና መረን የለሽነት” ከሴሰኝነት ፣ ከአመንዝራትና ከልቅ ወሲ`ብ`ነት ወደ ግ`ብ`ረ ሰ`ዶማ`ዊነት ለመሸጋገር “የተከፈተ በር” ሲያዘጋጁ “ዝም ማለታችን” የልብ ልብ እንዳይሰጥ ደግመን ማጤኑ በጎ ይመስለኛል፡፡

አስተውሉ! የተቀጣጠለ እሳት ላይ ቤንዚን አርክፍክፎ የባሰ ማጋጋም ሊኖር እንደሚችል አየርላንድ ምሳሌ ትሆነናለች ብሎ ማንሳት ይቻላል፡፡ ቀጣዩ ትውልድ ለቅዱስ ጋብቻና እሴቱ እንግዳ ትውልድ ሆኖ ልቡ ወደ ግ`ብ`ረ ሰ`ዶ`ም እንዳያደላ ዛሬ ላይ በብዙ መሥራት እንዳለብን የሚጮህ የማስጠንቀቂያ ደወል ነው፡፡ ጎዳናዎቻችን ነገ እንደ አየርላንድ የሰዶ`ማ`ው`ያንን ጩኸት እንዳታስተናግድና እንደ እስራኤል ልጆች በመልካምና ቅዱስ ለቃሉ በመታዘዝ በሚገኝ ደስታ የእግዚአብሔር በዓልን በማክበር በልዩ መዓዛ ለማወድ ገና ያልተጀመረ የቤት ሥራችንን ሳይረፍድ መጀመሩ ይረባናል፡፡

ጌታ ሆይ! እባክህን ወደ ልባችን መልሰን፡፡ አሜን፡፡

የቴሌግራም አድራሻ - https://t.me/ebenezertek
የጡመራ መድረክ አድራሻ - https://abenezerteklu.blogspot.com/2015/06/blog-post_28.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

አይ ኤገስት!

የተወደደችውን ይሁዳ ለባዕድ ባቢሎናውያን ተላልፋ እንድትሰጥ ካደረጋት ኃጢአት ቀዳሚው ሰ*ዶማ*ዊነት ነው። ኢሳይያስ እንዲህ ይላል፣

“የፊታቸውም እፍረት ይመሰክርባቸዋል፤ እንደ ሰዶምም ኃጢአታቸውን ያወራሉ፥ አይሠውሩአትም። በራሳቸው ላይ ክፉ ነገርን ሠርተዋልና ለነፍሳቸው ወዮ!”(ኢሳ. 3፥9)

በቅዱሳት መጻሕፍት ውስጥ፣

“የሰዶም ሰዎች ግን ክፉዎችና በእግዚአብሔር ፊት እጅግ ኃጢአተኞች ነበሩ።”(ዘፍ.13፥13) ያስባላቸው ኀጢአት ሰዶ*ማ*ዊ*ነት ነው።

ኤገስትን የሚያህል ትምህርት ቤት እንዲህ ያለውን ነው*ርና ርኩ*ሰት ይደግፋል ተብሎ መታማቱና ሐሜቱን ቀጥተኛ በኾነ መንገድ ከመቃወም ይልቅ ይብሱኑ “መሸፋፈኑ” ጆሮን ጭው ያደርጋል። ለትውልድ መንገድ ያመለክታል፤ ጤነኛ ነገረ መለኮት ያስተምራል፤ ለርቱዑ ክርስትናና ለቅድስና ሕይወት ይተጋል፣ ኀጢአትና ኀጢአተኝነትን ተጠይፎ መጠየፍን ያውጃል ሲባል ... እንዲህ መልመጥመጡ “ወይ ነዶ” ያንገበግባል።

እንዲህ ለዘ*ብተኝነትና የማሰናከያ ዐለትን በትውልድ ፊት ማኖር በጌታችን ትምህርት በግልጥ እንዲህ ተብሎአል፣ “ይህች ዓለም የመሰናክል ምክንያት በመሆኗ ወዮላት! መሰናክል መምጣቱ አይቀርምና፤ ነገር ግን የመሰናክሉ ምክንያት ለሚሆነው ሰው ወዮለት።”(ማቴ. 18፥7)።

ሰ*ዶ*ማ*ዊነት ርኩሰት ነው! የትውልድ ነቀርሳ ነው። የእግዚአብሔርን ፍጥረትና የፍጥረትን ዓላማ በግልጥ የሚቃወም ኀጢአት ነው። ኤገስት ሆይ፤ ተዉ አይበጃችኹም። ምናልባት በሚረዱአችኹና በምትመኩባቸው አካላትና በዕርዳታቸው ታፍራላችሁ።

የቴሌግራም አድራሻ - https://t.me/ebenezertek

ወንጌል ካልሰሙት ይልቅ፣ ሰምተው ወደ ኋላ ያፈገፈጉ ሰዎች ያስፈሩኛል። ያልሰሙት የመስማትና የመመለስ ዕድል ሲኖራቸው፣ በሚያፈገፍጉት ግን "የጌታ ነፍስ ደስ አትሰኝም"። (ዕብ. 10፥38)

ርሷ ደክማ፤ ተግታ፤ በብዙ ጭንቀትና ምጥ ሮጣ ያሸነፈችውን ሜዳሊያ ርሱ አጠለቀ። ርሷ አሸንፋ ርሱ እንደ ሳቀው ያሸነፈችበትን ሜዳሊያ ስታጠልቅ የሳቀች አይመስለኝም። ሐ*ሰ*ተ*ኛ መምህራን እንዲህ ናቸው፣ "አይለፉም፤ አይዘሩም፤ አያጭዱም" ሰው የለፋበትን ግን እየሰበሰቡ ሳያፍሩ ፈገግ ብለው የኪስና የቤት ጎተራቸውን ይሞላሉ።

ይኸኔ'ኮ ተስላ፤ ስዕለቷን እያስገባች ነው የሚል ተ*ላላ ተከታይና አጃቢ አይጠፋም። "የእግዚአብሔር ሰው" ከሰሙኝ፣ ባክዎ፤ የሰው ልፋትና ጥረት መውሰድ ጡር አለው ልበልዎ!?

የቴሌግራም አድራሻ - https://t.me/ebenezertek

እንደ ዘመድኩን በቀለ፣ ምሕረተ አብና ዘበነ ለማን(ዶ/ር) እንደ ሰባኪ የሚሰሟቸው ሰዎች ተሐድሶ ሳይኾን፣ እንደ አዲስ ወንጌል ሊሰሙ ይገባቸዋል።

ጳጳሳቱና መታደስ የሚያስፈራቸው “ኦርቶዶክሳውያን”!

ከኦርቶዶክሳውያን ጥቂት ጳጳሳትና መምህራን መካከል፣ ከቅርብ ጊዜያት ወዲህ ጠንከር ያሉ የተሐድሶ ድምጾች በተለያየ መንገድ እየተሰሙ ነው። በባለፉት ወራት ፓትርያርክ አባ ማትያስ እንደ ተናገሩት፣

“ምዕመናን ገንዘባቸውን የሚሰጡት ለሃይማኖት ማስፋፊያ እንጂ ለዘረፋ አይደለም።”

በማለት የሙስናና የገንዘብ መውደድ ነገር ሥር የሰደደ መኾኑን ጠቁመዋል።

በመቀጠልም ጳጳስ አብርሃም እንዲህ አሉ፣

“ቤተ ክርስቲያን የሙሰኞች ዋሻ ኾናለች የሚለው ዘርፈ ብዙ ፍርጃ ከጊዜ ወደ ጊዜ እየተባባሰ እንጂ ሲቀንስ አይታይም … ይህን አስነዋሪ ድርጊት እያወገዝን እውነትን ተላብሰን ከሙሰኞች የጸዳችና የከበረች ቅድስት ቤተ ክርስቲያንን ለተተኪው ትውልድ ልናስተላልፍ ይገባል።”

በማለት ጠንከር ያለ ድምጽ አሰምተዋል።

ከሰሞኑ ደግሞ አቡነ በርናባስ በመናፍቅነት በመታማታቸው ደስተኛ መኾናቸውን ገልጠው በመናገራቸው ሳይኾን በመብል ጉዳይ በተናገሩት ብዙዎች ሲዘልፉአቸውና ሊያዋርዱአቸው ሲሞክሩ ተመልክተናል። አቡነ በርናባስ እንዲህ ብለው ነበር የተናገሩት፤

“በቀኖናም፤ በልማድም የምንጠቀመው አለ። … ከልማድ የተነሳ ብዙዎቹ ኢትዮያውያን አንበላም። ብዙዎቹ አልኩ እንጂ ሁላችንም አንበላም አላልኩም። ምክንያም ብዙ ኦርቶክሳውያን በኦሪት የተከለከሉትን የሚመገቡ አሉ። ኦርቶክሳውያን ኾነው በኦሪት ዘሌዋውያን 11 ላይ የተከለከለውን የሚመገቡ አሉ፤ ተፈቅዶላቸዋል። ቢኾንም ግን ከአገር ልማድ የተነሳ የማይበሉ አሉ። ግድ ብሉ አልያ ግድ አትብሉ አልያ ግድ አትብሉ አይባልም። … ማር የማይልስ፣ ወተት የማይጠጣ አለ … ይህ በልማድ ስለማይወዱት እንጂ ስለ ረከሰ አይደለም … ”

የአቡነ በርናባስን ንግግር ኾን ብሎ ለማቀሳሰር የሚጠይቃቸው ሰው፣ ነገር ለመጠምዘዝ ሲሞክር ይስተዋላል። ጳጳሱን፣ “አህያ መብላት ይፈቀዳል እያሉ ነው?” ብሎ በግልጥ የመጠየቅ ያህል። ነገር ግን “የእግረኛው ሚዲያ” ጠያቂ፣ ጥቂት ቢያነብብና መጻሕፍት አገላብጦ ቢኾን ኖሮ፣ ይህ ጥያቄ ለርሱ እንግዳ ባልኾነበት ነበር። ምክንያቱም በቤተ ክርስቲያኒቱ ቀኖና እንዲህ የሚል ተጽፎ አለና፤

“… አሳማን ስለ መብላት እንደ አይሁድ ኾነን የኦሪትን ሕጎች በመጠበቅ አንከለክለውም። የበላውን አንጠየፈውም፣ ርኩስ ኾኖ አናየውም፤ የማይበላውንም ብላ ብለን አናስገድደውም። አባታችን ጳውሎስ ለሮም ሰዎች እንደ ጻፈው፣ “እግዚአብሔር ኹላቸውን ተቀብሎአቸዋልና የሚበላ የማይበላውን አይናቀው፤ የእግዚአብሔር መንግሥት በመብልና በመጠጥ አይደለም። ለንጹሖች ኹሉ ንጹሕ ነው፤ በመሰነካከል መብላት ግን ለሰው ክፉ ነው” (ሮሜ. ፲፬ ቍ. ፫-፲፯፤ ቲቶ. ፩ ቍ. ፲፭፤ ፩ቆሮ. ፰ ቍ. ፱-፲፫)። ደግሞም ማቴዎስ ወንጌላዊ እንዲህ አለ “ከአፍ ከሚወጣ ነገር በቀር ሰውን የሚችል የለም። በአፍ ውስጥ ያለው ወደ ሆድ ይገባል፥ በፀጥታ ይከተታል፥ ይወድቃልና ይፈስሳል” (ማቴ. ፩፭ ቍ. ፲፩-፲፯) መብልንም ኹሉ አነጻው። (ማር. ፯ ቍ.፲፭) ይህን ቃል በመንገሩ አይሁድ ከመጽሐፈ ኦሪት የተማሩትን የስህተታቸውን ሕንፃ አፈረሰው።

ይህ የእኔ ሃይማኖትና በመንግሥቴ በረት ውስጥ ያሉ በትእዛዜ የሚያስተምሩ የተማሩ ካህናት ሃይማኖት ነው። ከወንጌል መንገድና ከጳውሎስም ትምህርት ወደ ቀኝ ኾነ ወደ ግራ ፈቀቅ አይሉም። …”[1]

በማለት አጼ ገላውዴዎስ በዘመኑ “ኦርቶዶክስ ቤተ ክርስቲያን ኦሪታዊት ናት” ብለው፣ ቅሬታና ነቀፋ ላቀረቡባት ሰዎች በግልጽ መልስን ሰጥተውበታል።
እናም በዚህ መሠረት፣ አባ በርናባስ ከቤተ ክርስቲያኒቱ የተለየ አስተምህሮ አላስተማሩም። ነገር ግን ቤተ ክርስቲያኒቱንና ቀኖናዋን እንኳ በትክክል በማያውቁ ሰዎች ዘወትር ይሰደባሉ፤ ይተቻሉ። እንዲያውም አንዳንዶች ይህን እውነት ስንናገር፣ “ኢየሱስን እንስበክልሽ የምትሏት ቤተክርስቲያን ከ3000 ዓመት በሃይማኖት የጸናች ናት” ይላሉ፤ ምናልባት እኒህ ሰዎች፣ ግብዝነታቸውና አለማመናቸው ኢየሱስ በናዝሬት ሰዎች እንደ ተደነቀው ይደንቁኛል።

ጌታችን ኢየሱስ ክርስቶስ እንደ ተናገረው፣ “እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል” (ዮሐ. 8፥31-32) ብሎ እንደ ተናገረው፣ ሰው የእግዚአብሔር ቃል እውነት ብቻ እንጂ ሌላ ምንም አርነት ሊያወጣው አይችልም። ለወንጌል እውነት መታዘዝ መታደልና ብጽዕና ነው፤ አለመታዘዝ ግን ፍርድና ጥፋት ማስከተሉ አይቀርም። ለቃሉ መታዘዝ፣ በእውነትና በፍቅር ለክርስቶስ በታደሰ ሕይወት መመላለስ ሊያስፈራና ሊያሸማቅቅ አይገባም።

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን።

[1] ጽድቀ ሃይማኖት፤ ገጽ 78-81 እና አቡነ ጎርጎርዮስ (ሊቀጳጳስ)፤ የኢትዮጲያ ኦርቶዶክስ ተዋህዶ ቤተ ክርስቲያን ታሪክ 3ኛ ዕትም፤ 1991 ዓ.ም፤ ገጽ 150


የጡመራ መድረክ አድራሻ - http://abenezerteklu.blogspot.com/2024/11/blog-post_12.html

የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

ነው*ርንና ርኩ*ሰትን እንደ ዋዛ የሚያለማምዱ። ጋብቻን የሚያል*ከሰክሱ። ደግሞ ምንም የማያፍሩ። መጽሐፍ ቅዱስ፦ “እነዚህ ውሸተኞች መጋባትን ይከለክላሉ፥ ...”(1ጢሞ. 4፥3) የሚለው እኒህንም ጨምሮ ይመስለኛል። በትምህርት ባይመስሉ በምግባር ግን አንድ የኾኑ! የነርሱም፤ የፕሮግራም አቅራቢውም አለማፈር ይገርመኛል። የአገሬ ሰው፣ "ግም ለግም ሲገናኝ፣ ሽቶዬ ሽቶዬ ይባባላል ይላል።

የቴሌግራም አድራሻ - https://t.me/ebenezertek

“መ~ና`ፍ`ቅ በመባሌ እጅግ ደስ ይለኛል”


“… በሥጋ ካየነው ያናድዳል፤ የሞተልንን አምላክ በመከተል፣ ቅዱስ ጳውሎስ “እኔ ክርስቶስን እንደምመስል እናንተም እኔም ምሰሉ” ባለው መንገድ ከሄድን ያስደስታል፡፡ ምክንያቱም መድኃኒታችን ኢየሱስ ክርስቶስ … በአባቱ በመንፈስ ቅዱስ ፈቃድ ተዋርዶአል፡፡ … ርሱ ምን የልተባለው ነገር አለ? ዋናው ክሱ እኮ በሃይማኖት ነው፤ በሃይማኖት መከሰስ ማለት መናፍቅ ነው ተብሎ ነው፡፡ … ሰንበትን ሻረ፣ የእግዚአብሔር ልጅ ነኝ አለ፣ ራሱን ከእግዚአብሔር ጋር አስተካከለ ብለው ነው፤ ያ ለነርሱ መናፍቅነት ነበረ … ርሱ ያልተባለው ምን አለ? … ቅዱስ ጳውሎስ ምን ያልተባለው አለ? አስቀድሞ የብሉይ ኪዳን ዋና ጠበቃ ነበረ … ኋላ መንፈስ ቅዱስ አገኘውና ቀየረው፣ ጌታም ምርጥ ዕቃዬ አለው፡፡ እነዚያ ግን መናፍቅ ነው ያሉት … በተለይ በነገረ ድኅነት እንዲህ መባሌ እጅግ ደስ ይለኛል፡፡”

(ብጹዕ አቡነ በርናባስ ከመለሱት ቃለ መጠይቅ የተወሰደ)


ብጹዕ አቡነ በርናባስ ወንጌል በትክክል ከተረዱ ጳጳሳት መካከል አንዱ ናቸው። በርግጥ "የእግረኛ ሚዲያ" ጠያቂው እንደ ተናገረውም፣ ጳጳሱ "መ*ና*ፍ*ቅ- ነ*ፈ*ቀ" ተብለዋል፤ የተባሉትና በዚህ ስም የተነቀፉት፣ መ*ና*ፍ*ቅ ኾነው ወይም የኑ*ፋ*ቄ ትምህርት ተገኝቶባቸው አይደለም። እንዲህ የሚሉአቸውም ሰዎች ለከርስቶስ ወንጌል ቀንተው ወይም ወንጌልን በትክክል ተረድተው አይደለም፡፡ ቅዱስ ጳውሎስ፣ “... በሕጉ ያለውን በነቢያትም የተጻፉትን ሁሉ አምኜ የአባቶቼን አምላክ እነርሱ ኑፋቄ ብለው እንደሚጠሩት መንገድ አመልካለሁ፤”(ሐ.ሥ. 24፥14) ብሎ እንደ ተናገረው፣ ጳጳሱን የሚከስሱት ጳውሎስን እንደ ከሰሱት ያሉ ሰዎች ናቸው።

አዎን፤ እንደ ተናገሩትም በዚያ በስድብ ስም መጠራታቸው ያስደስታቸዋል፤ ያስደስታልም። የደስታቸውንም አብነት "ጌታችን ኢየሱስና ቅዱስ ጳውሎስ ምን ያልተባሉት ነገር አለ?" በማለት ቆፍጠን ብለው ይመልሳሉ። የጌታ ኢየሱስ ክስና ወቀሳም ሃይማኖታዊ ይዘቱ ሲገመገም፣ በዚያ ዘመን ከሳሾች ዘንድ "መ*ና*ፍ*ቅ" እንደሚያስብል ጠቅሰውም በሙግት ያስረዳሉ። በክርስቶስ ኢየሱስ ስምና ወንጌል የሚመጣ ስድብና ነቀፋን መቀበል እጅግ ብጽዕናና መታደል ነው። ጌታችን ኢየሱስ እንዳስተማረው፣

“ሲነቅፉአችሁና ሲያሳድዱአችሁ በእኔም ምክንያት ክፉውን ሁሉ በውሸት ሲናገሩባችሁ ብፁዓን ናችሁ። ዋጋችሁ በሰማያት ታላቅ ነውና ደስ ይበላችሁ፥ ሐሴትም አድርጉ፤ ከእናንተ በፊት የነበሩትን ነቢያትን እንዲሁ አሳድደዋቸዋልና።”(ማቴ. 5፥11-12)።

በሌላም ስፍራ እንዲህ ብሎአል፣

“ሰዎች ስለ ሰው ልጅ ሲጠሉአችሁ ሲለዩአችሁም ሲነቅፉአችሁም ስማችሁንም እንደ ክፉ ሲያወጡ፥ ብፁዓን ናችሁ። እነሆ፥ ዋጋችሁ በሰማይ ታላቅ ነውና በዚያን ቀን ደስ ይበላችሁ ዝለሉም፤ አባቶቻቸው ነቢያትን እንዲህ ያደርጉባቸው ነበርና።” (ሉቃ. 6፥22-23)

ቅዱስ ጳውሎስም ለመንፈስ ልጁ ለጢሞቴዎስ እንዲህ መክሮታል፣

“በእውነትም በክርስቶስ ኢየሱስ እግዚአብሔርን እየመሰሉ ሊኖሩ የሚወዱ ሁሉ ይሰደዳሉ።”(2ጢሞ. 3፥12)።

በርግጥ ባሪያ ከጌታው አይበልጥም (ዮሐ. 15፥20) እንዲል፣ አባ በርናባስ ከኢየሱስ ስለማይበልጡ በኢየሱስ የኾነው ኹሉ ቢደርስባቸው ይህ እጅግ ታላቅ ሽልማት አለው። ቅዱስ ጳውሎስ የመጀመሪያው ሰማዕት ሲገደል ቆሞ ያይ፣ የገዳዮችን ልብስ ጠባቂ ነበር፤ በኋላ ግን ላሳደደው ክርስትና ተሰድዶለት ርሱም በሰማዕትነት ዐለፈ!

መነቀፍና መተቸት፣ በስሙና በወንጌሉ መሰደብና መዋረድ ክርስትና ፋሽን ብቻ እንዳይኾን ያደርገዋል፤ ቤተ ክርስቲያ “በሰላም ጊዜዋ” ለውርደትና ለአስቀያሚ የስህተት ትምህርቶች ተጋልጣለች፤ በመከራ ውስጥና በነቀፋና በትችት ረመጥ ውስጥ ባለፈችባቸው ዘመኖችዋ ግን አብባና ፈክታለች፤ ተውባና አጊጣለች! እናም በስሙ መነቀፍና መተቸት፤ መዋረድና ዝቅ ዝቅ ማለት መታደልና ታላቅ ብጽዕና ነው!

ኦርቶዶክሳዊት ቤተክርስቲያን እንዲህ ያሉ ጳጳሳትን አክብራ መያዝ፤ ከዚህ አባት በተቃራኒ ማርያምን ወይም ሌሎች ፍጡራንን ያከበሩ እየመሠላቸው፣ ነገረ ድኅነትን በማዋረድና የክርስቶስን የመስቀል ሥራ የሚያክፋፉትን መውቀስና ወደ እውነት መመለስ ይጠበቅባታል።

በርግጥ ዛሬም የወንጌል ብርሃን ጨርሶ እንዳልተዳፈነ ተስፋ አለ! እግዚአብሔር ሉዓላዊ ነው፤ ለርሱ ክብር የማይንበረከክ አይኖርም!

የጡመራ መድረክ አድራሻ - http://abenezerteklu.blogspot.com/2024/11/blog-post_8.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

Kirstanummaan urgaa Kirstoos hin qabne urgaa du'an marfameera!

የእግዚአብሔር መሰደብ ይሰማህ ይኾን?


የእውነተኛ ዓቃብያነ እምነት ሕመም!

በራሳችን ድካምና የኀጢአት ውድቀት የሚደርስብንን መናቅና ስድብ መታገሥ አንድ ነገር ነው፤ ነገር ግን ስለ እግዚአብሔርና ስለ ስሙ መታገሥና መከራ መቀበል እጅግ ሌላ ነገር ነው። ዓለሙ በክፉ እንደ ተያዘ ለሚያውቅ አማኝ (1ዮሐ. 5፥19)፣ ከእግዚአብሔር ጋር በመወገኑ ብቻ ለዓለሙና ለወገኖቹ መሳለቂያ ሊኾን ይችላል።ዘማሪው እውነተኛ ጻድቅ ነውና፣ ለሕዝቡ ኀጢአት ለማልቀስ ማቅ በለበሰ ጊዜ፣ እየተዘባበቱ ስቀውበታል (69፥11)፤ “በአደባባይ የሚቀመጡት ያሙኛል፤ ሰካራሞች በዘፈን ይሰድቡኛል” (ቊ. 12) እንዲል።

በዓለሙ ፊት ለእግዚአብሔር በጽድቅ ምስክር መኾን፣ ለብዙዎች መጠቋቆሚያና ለስድብ ተጋላጭ ሊያደርገን፣ ደግሞም ይህ ስድብ ምናልባት ከገዛ ወገናችንና ቤተ ሰባችን ሊገጥመን ይችላል። ዘማሪው እንደ ዘመረው፣ በወንድሞቹ እንኳ ሳይቀር እንግዳና ባይተዋር፤ ባዕድ የመኾን ዕጣ ደርሶበታል። ለእግዚአብሔር በእግዚአብሔር ጸንቶ መቆም፣ በስሙ መከራና ስድብን መቀበልና መታገሥ፣ “ሲነቅፉአችሁና ሲያሳድዱአችሁ በእኔም ምክንያት ክፉውን ሁሉ በውሸት ሲናገሩባችሁ ብፁዓን ናችሁ” የሚል አምላካዊ ምስጉንነትን ያጐናጽፋል፤ (ማቴ. 5፥11)።

በርግጥ ከእግዚአብሔር ጋር መቆም በዚህ ምድር ላይ በጉድለትና በስብራት ሊያመላልስ ይችላል፤ ልክ መዝሙረኛው በእግዚአብሔር ፊት በጾመና ባለቀሰ ጊዜ፣ የገዛ ቤተ ሰቦቹ እንደ ቀለዱበትና እንዳላከበሩት (69፥10)። ጌታችን ኢየሱስ በነበረበት ዘመን፣ የክብሩ መቅደስ ለሌላና ከእግዚአብሔር ፈቃድ ውጭ ለኾነ ዓላማ በዋለ ጊዜ፣ መቅደሱን ለማንጻት ይህን የቅዱስ ቃሉን ክፍል ጠቅሶአል።

ጌታችን ኢየሱስ በመቅደሱ ላይ የተፈጸመውን ተግባር ፈጽሞ ተጠይፎት ነበር፤ እናም ከአይሁድ መሪዎች ጋር የነበረውን ግንኙነት በተመለከተ የመጨረሻ ትእግሥቱ በማብቃቱ፣ ብዙዎችን ከዚያ እየገረፈ አወጣቸው። ጌታችን ኢየሱስ ይህን በማድረጉ ሌሎች ንቀውታል፤ ተዘባብተውበታል። ርሱ ግን ለእግዚአብሔር የነበረውን ቅንአት በተግባር ገለጠ።

ኹሉም ክርስቲያኖች በጠባብዋና ጥቂቶች ብቻ በሚጓዙበት መንገድ የሚመላለሱ ከኾነ፣ ክርስትናን በሕይወት በመኖር ከሌላው ተለይተዋልና የእምነታቸው ዓቃብያን ወይም ጠባቂያን ናቸው የሚል አቋም አለኝ። ክርስትናን መኖር በራሱ፣ ለወደቀውና ከእግዚአብሔር ተለይቶ በስብራት ላለው ዓለም፣ ሕመምና ግልጽ ዘለፋ ነውና። ከዚህ ባሻገር፣ በክርስቶስ እውነት ላይ የተመሠረተውን ክርስትና፣ ሾላኮች (ገላ. 2፥4፤ 2ጢሞ. 3፥6-7፤ ይሁ. 4)፤ ለመንጋው የማይራሩ ጨካኞች ተኩላዎች (ማቴ. 7፥15፤ ሐ.ሥ. 20፥29) መከሩን እንዳያበላሹ በጌታ ጸጋ መጠበቅና መንከባከብ የዓቃብያነ እምነት ታላቅ ተጋድሎ ነው።

ዓቃብያነ እምነት ይህን ሥራ ሲሠሩ ከሚሰጣቸው ስያሜዎች መካከል፣ “የፈጣሪ ሚሊሻዎች”፣ “የእግዚአብሔር ጠበቆች” … የሚሉ ይገኝባቸዋል። እንዲኹም በዐሳብ ደረጃ፣ “እግዚአብሔር ጠበቃ አይሻም”፣ “እናንተ ማን ናችሁና ነው ስለ ርሱ የምትሟገቱለት?” … ብለው የዓቃብያንን ሥራ የሚያንኳስሱና የሚያጣጥሉ ጥቂቶች አይደሉም፤ በዚህ ኹሉ ውስጥ ግን አልፈው፤ እኒህን ጥዝጣዜዎች ኹሉ ችለው የሚያገልግሉ ወንድሞችና እህቶችን ጌታ በብዙ ጸጋዎች እንደሚባርካቸው ፈጽሞ አልጠራጠርም!

ከኹሉ ይልቅ እኒህ ተቃውሞዎች ደግሞ፣ ከቅርብና “ወንጌል ተረድተዋል” ከሚባሉ ሰዎች መቅረቡን ላስተዋለ፣ ሕመሙ ከባድና ጠንካራ ነው። መዝሙረኛው ይህ ጥልቅ ስሜት የጎዳው ይመስለኛል፣ “በወንድሞቼ መካከል እንግዳ፣ በእናቴም ልጆች መካከል ባይተዋር ኾንኩ። ለቤትህ ያለኝ ቅናት በውስጤ እንደ እሳት ይነዳል፤ በአንተ ላይ የተሰነዘረው ስድብ በእኔ ላይ ዐረፈ” (መዝ. 69፥8-9) እንዲል።

ለእግዚአብሔር፣ ለስሙና ለመንግሥቱ ለምንሠራው የትኛውም ሥራ፣ ለሚደርስብን ነቀፋና ትችት “ሙሉ ኃላፊነቱን ወሳጅ” ራሱ እግዚአብሔር ነው። በትክክል ርሱን እያገለገልን እንወቀስ፣ እንነቀፍ፤ እንተች እንጂ “እግዚአብሔር የአንዲት ቀዝቃዛ ውኃ ዋጋ” የማይዘነጋ ታማኝ አምላክ ነው። አሜን።

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን። My blog link - http://abenezerteklu.blogspot.com/2024/11/blog-post.html

ክርስቶስን የመምሰል ሕይወት በሰማይም፤ በምድርም የሚመስለው የለም!

ጠቅላይ ሚኒስቴሩ ስለ ክርስትና የምራቸውን ነው?

ጠቅላይ ሚኒስቴሩ በዛሬው የፓርላማ ውሎአቸው እንዲህ አሉ፤

" ... ክርስትና በመጀመሪያው ክፍለ ዘመን ተመሥርቶ የትም ዓለም ሳይስፋፋ የገባው ኢትዮጵያ ነው። ያ ክርስትና ድህነትን ለመምታት "tool" (መሣሪያ ለማለት ይመስለኛል)ኾኖ ማገልገል ነበረበት። ነበረበት ነው አላገለገለም።..." ብለዋል።

በተደጋጋሚ እንዲህ ያለ ተመሳሳይ ወቀሳ፣ ኦርቶዶክስን ከግብጽ ቤተክርስቲያን ጋር አያይዞ ማቅረብ እንግዳ ነገር  አይደለም። ይህ የሚሉ ሰዎች እንኳ፣ ሙሉውን የኦርቶዶክስ ክርስትና፣ በደፈናው ሲያጠለሹ አንመለከታቸውም። ከዚህ ዘልሎ ግን በኢትዮጵያ ክርስትና ውስጥ፣ የኢትዮጵያ ክርስትና ጠቅላላው ድህነትን ለመምታት "ያላገለገለ መሣሪያ" ነው ማለት ለእኔ ከባድ ጽርፈት ነው። በሥራ ሕይወታቸውም ኾነ ባህላቸውም አንቱ ተብለው የተከበሩ አገልጋዮችም፤ አማኞችም የነበሩአትና ያላት ርትዕት ክርስትና ዛሬም አለችና!

ይልቁን በክርስትና ስም "ሥራ ፈትና አጭበርባሪ፤ እልል ያሉ ወንበዴ ነቢያትና ሐዋርያት፣ በመንግሥት ስም በተቋቋመ ባንክ ስም ብር የሚያበዛ ATM በጉባኤያቸው ሲያድሉ የሚውሉ፣ ብር አበዛን የሚሉ አለሌ ጌቶችን" በክርስቲያንነት ቆጥረው ከኾነ ልክ አይደለም። እንዲያውም እንዲህ ያሉ "ነቢያትና ሐዋርያት" ከምንጊዜውም በላይ በርሳቸው ዘመን ነውና የበዙት አደብ ቢያሲዙልን መልካም ነው። ቃሉም፦ “ገዥዎች ለክፉ አድራጊዎች ናቸው...፤(ሮሜ 13፥3) ይላልና።

ነገር ግን አንድም ጥናት ባልቀረበበት፣ በደፈናው ክርስትናን እንዲህ ማዋረድ ከአንድ መሪ ፈጽሞ አይጠበቅም። የክርስትና ግልጽ መርህ፣ “ሊሠራ የማይወድ አይብላ”(2ተሰ. 3፥10) ብሎ እንኳን አለመሥራትን፣ ሥራ አለመውደድን የሚጠየፍ ነውና።

የቴሌግራም አድራሻ - https://t.me/ebenezertek

የአጫብር ከበሮ ስልተ ምት ሊቅ ሊቀ ጠበብት ጥበበ ደጉ፣ ለወንጌል እንደ ተነቀፉ፤ በስሙ መከራን ተቀብለው "በሆዳቸው ሳይወድቁ" ስሙን እንዳስከበሩ የኖሩ አባት። በኦርቶዶክስ ቤተክርስቲያን ተስፋ እንዳንቆርጥ ከሚያደርጉት ዕንቁ አባቶች መካከል አንዱ ናቸው።

በወንጌል ስም እንደ ተነቀፉ ኖሮ በዚያው እንደ ተጠሉ መሞት መታደል ነው!

የቴሌግራም አድራሻ - https://t.me/ebenezertek

እግዚአብሔር ኀጢአትንና ኀጢአተኝነትን ይጠየፋል!

መስመር ለዩ እንጂ!

“... በመዝሙርና በዝማሬ በመንፈሳዊም ቅኔ በጸጋው በልባችሁ ለእግዚአብሔር ዘምሩ፤”(ቆላ. 3፥16) እንዲል ቅዱስ ቃሉ፣ ዝማሬ ለጌታ ክብር ብቻ የሚቀርብ ቅዱስ አምልኮ ነው። በሌላ ስፍራም፣“በመዝሙርና በዝማሬ በመንፈሳዊም ቅኔ እርስ በርሳችሁ ተነጋገሩ፤ ለጌታ በልባችሁ ተቀኙና ዘምሩ፤”(ኤፌ. 5፥19) ተብሎአል።

ይህ ሊለወጥ የማይችል እውነት በሰማይም ጸንቶ አለ፤ “በሰማይና በምድርም ከምድርም በታች በባሕርም ላይ ያለ ፍጥረት ሁሉ ... በረከትና ክብር ምስጋናም ኃይልም ከዘላለም እስከ ዘላለም በዙፋኑ ላይ ለተቀመጠው፥ ለበጉም[ለክርስቶስ] ይሁን ሲሉ ሰማሁ።”(ራእ. 5፥13) እንዲል፣ ፍጥረተ ዓለሙ ከበጉ በቀር ለሌላ ለማንም የዝማሬ ኃይሉን አይሰጥም።

ታድያ ከሰሞኑ እኒህ ኹለት ዘማርያን ዝማሬ አውጥተዋል። የዝማሬ ሰንዱቃቸውን ቁጥር ሲሰጡ፣ ትዝታው ቁ. 8 ያለ ሲኾን፣ ሐብታሙ ደግሞ ቁ. 7 ብሎ ነው። ኹለቱም ኦርቶዶክስ ቤት እያሉ ያወጡትን ዝማሬዎቻቸውን ጭምር ቆጥረው ነው እዚህ ቁጥር ላይ የደረሱት። ግን በምን መመዘኛ?! ኹለቱም እስከ ቁ. 5 በሠሩአቸው ሥራዎች "ምርቅና ፍትፍት" በአንድነት ነበር ያቀረቡት።

ትዝታው፣ "እኔስ አልፈራም ድንግልን ይዤ" ብሎ፤ ሐብታሙ ደግሞ "ጻድቃኔ ማርያም ደጓ እናቴ" ብለው የሸቀጡበትን ቆጥረው ማለት ነው። ብዙዎች "አያይ ይኸንማ እንዴት ይቆጥሩታል? በአደባባይ ሲቃወሙ አይደል ወይ የምናያቸው?" የሚሉ ይኖራሉ። ጥያቄው ግን መልስ የማያገኘው፣ ዘማሪዎቹ የሸቀጡትንም፤ አምነንበታል ያሉትንም ምንም መስመር ሳያበጁለት ይኸው ሲቆጥሩልን ስናይ ነው።

ኦርቶዶክስ ቤት ያወጣችኹትን "ዝማሬ" ከወደዳችኹት መቁጠር እንዳታቆሙ! ፍጡር ያስመለካችኹበትን ያንን ሥራችኹን ዛሬም የምትቆጥሩ ከኾነ፣ አፍና ልባችኹ አልተስማማምና እስኪ ብትችሉ መስመር ለዩ!

"ሕጋዊ ከለላ ያስፈልገናል"

ኹለቱ "አባይ ነቢያት" የጋራ ግንባር የፈጠሩ ይመስላል። ግንባር የፈጠሩት ደግሞ፣ ሐዋርያዊ ተልዕኮ ለመፈጸም አይደለም። ስድብ በዝቶብናልና የሕግ ከለላ ያስፈልገናል ሊሉ ነው። አለመታደል። የሕግ ከለላ እኮ የሚሰጠው፣ በሕጉ መሠረት ሕጋዊ ሥራን ለሚሠራ ሰው ወይም ተቋም ነው።

እኒህ፣ የጽድቅ አገልጋዮች ቢኾኑ፣ መነቀፍና መተቸትን እንደ የደስታ ምንጫቸው እንጂ ፈጽሞ ሊጠሉት አይችሉም ነበር። ቅዱስ ቃሉ በግልጥ እንዲህ ይላልና፣

"ሲነቅፉአችሁና ሲያሳድዱአችሁ በእኔም ምክንያት ክፉውን ሁሉ በውሸት ሲናገሩባችሁ ብፁዓን ናችሁ።
ዋጋችሁ በሰማያት ታላቅ ነውና ደስ ይበላችሁ፥ ሐሴትም አድርጉ፤ ከእናንተ በፊት የነበሩትን ነቢያትን እንዲሁ አሳድደዋቸዋልና።" (ማቴ. 5፥11-12)

እኒህ ግን ጌቶችና አለቆች እንጂ አገልጋዮች አይደሉም፣ ከጌታ ኢየሱስ ይልቅ ራሳቸውን ማስከበር ይፈልጋሉ። በርግጥ ሕግ ቢኖርና ቢዳኙ፣ እንደ ኢዩ ጩፋ አይነቱ ሰው፣ ስፍራው ከርቸሌ እንጂ፣ ሕግ ከለላ መጠየቅ አልነበረም። ሌላው የሚያሳዝነኝ፣ ያ ኹሉ "የሕዝብ መንጋ" በጩኸት ማጨብጨቡ።

የቴሌግራም አድራሻ - https://t.me/ebenezertek

ኦርቶዶክሳዊት ተዋሕዶ ቤተክርስቲያን ተሐድሶ እንደሚያስፈልጋት፣ የሰሞኑ " ቤተክህነት ውስጥ አፍጥጦና አግጦ የታየው ጉበኝነትና የለየለት ስርቆት" እንደ ለምጽ የነደደ ምስክር ነው። ይህ እንኳ እየታየ ለመመለስ፣ ለመስተካከል ከሚደረገው ጥረት ይልቅ በማናቸውም መንገድ ተሐድሶን መግፋትና መጥላት ተያይዘውታል።

እኛ ኦርቶዶክስ፣ ተሐድሶ ያስፈልጋታል ስንል "ጴንጤ አልያም የፕሮቴስታንት ቅርጽ ሊኖራት ይገባል" እያልን አይደለም። ለወንጌል እውነት ተገዝታ፤ በትምህርቷና በሕይወቷ ወንጌል፤ ወንጌል እንድትሸትት፤ እግዚአብሔርን ከምታስቀናበት የፍጡር አምልኮ ነጻ እንድትወጣ ... በባህሏና በዐውዷ ወንጌል ይስረጽ እያልን ነው። ይህ ባይኾን ግን የደነደነ አንገት መሰበሩ አይቀርም።

የቴሌግራም አድራሻ - https://t.me/ebenezertek

አዲስ አበባ ሐ/ስብከት 27Mil. ብር ከባንኮች ጋር ተሻርኮ ሰ*ለቀ*ጠ፤ ለቅጥር እስከ 1Mil. ብር ጉቦ ይቀ*በላል ... ይህ የቅርቡን ይቅርና የሩቁንም ጆሮ ጭው ያደርጋል! አቤቱ ማረን! ይቅር በለን!

በኢትዮጵያ ምድር፣ ሰብዓዊነት ነግሦ ዓይ ዘንድ ምኞቴ ነው፤ ሰብዓዊነት፦ ሰው፤ ሰው መሽተት። ሌላው ኹሉ ቀጥሎ የሚደርስ ይመስለኛል።

ኤርምያስ፤ ፍርድና ተስፋን ተናጋሪ ነቢይ!


የእስራኤልን ወደ ባቢሎን መማረክ፣ ፊት ለፊት ከተናገሩት ነቢያት መካከል ቀዳሚው ነቢዩ ኤርምያስ ነው። ነቢዩ ዘመኑን በእንባና በልቅሶ ያሳለፈና አብዝቶ ከማልቀሱም የተነሣ “አልቃሻው ነቢይ” የሚል ቅጽል ስም የተሰጠው ነው። የኤርምያስ ዘመኑ ብቻ ሳይኾን ሕይወቱም ጭምር አሳዛኝና በሕመም፤ በሰቆቃ የተሞላ ነበር።


የእግዚአብሔርን ፍጹምና እውነተኛ ቃሎቹን በግልጽ ማለትም፣ ኢየሩሳሌምና ሕዝቦችዋ እንደሚማረኩ (ኤር. 8፥18፤ 13፥17) በመናገሩና ለባቢሎን ንጉሥ እንዲገዙ፣ እጅ እንዲሰጡ ከእግዚአብሔር የተላለፈውን ትእዛዛዊ ትንቢት በመተንበዩ ተጠላ፤ ብዙዎችም ሊገድሉት አሰቡ (ኤር. 11፥21፤ 26፥11፤ 36፥26፤ 38፥6)። በዚህ ሳይበቃ በእግር ግንድ ተያዘ፤ በጭቃ ጕድጓድ ውስጥም ተጣለ፤ ተወረወረም፤ (20፥2፤37፥13፤38፥28)፤ እያበደ ትንቢት የሚናገር ሰው ተባለ (29፥26)። ከዚህ በዘለለ አስቀድሞ ሊመጣ ያለውን ጥፋት ስላየለት፣ ከሚደርስበትም ጥልቅ የመንፈስ ስብራትና ሐዘን ሊጠብቀውም ስላሰበ ሚስት እንዳያገባ፣ ልጆችን እንዳይወልድ፣ ወደ ግብዣና ልቅሶ ስፍራም እንዳይሄድ እግዚአብሔር አስቀድሞ ከለከለው (ኤር. 16)።

ይህ ኹሉ በኤርምያስ ሕይወት የኾነው፣ የእስራኤልን ኀጢአት በመግለጡና ይህን ተከትሎም የሚመጣውን አይቀሬውን ፍርድ በመናገሩ ምክንያት ነው። በተደጋጋሚ በብዙዎች ዘንድ የመጠላቱና የመገፋቱም ምክንያት “ከዚህ ፍርድ ታመልጡ ዘንድ፣ ንስሐ ግቡ” ማለቱ እንጂ ሌላ አልነበረም። ነቢዩ በተለይም እስራኤልንና ኢየሩሳሌምን ሕዝቦቿንም ጭምር እጅግ በመውደዱ ምክንያት (ኤር. 8፥18፤ 13፥17) የሚደርስባቸውን መከራና ሰቆቃ በማስተዋል ፍጹም አዝኖአል፤ ተጨንቆአል፤ ተሰቃይቶአል። እስራኤልና ኢየሩሳሌም ግን ይህን ጥልቅ ሐዘኑንና ስብራቱን ፈጽሞ አላስተዋሉለትም። የምርኮውን ፍጻሜ እንደምናስተውለውም ኤርምያስ በፍጻሜው ከሕዝቡ ጋር አብሮ የምርኮው ገፈት ቀማሽ ኾኖአል፤ አብሮ ሰቆቃውን ተሰቅቆአል።

ይህ ነቢይ በዚህ ጥልቅ መከራ ውስጥ ቢያልፍም፣ ነገር ግን ስለ እስራኤል ተስፋና ተሐድሶ ከመናገር ከቶውንም ቸል አላለም። ራሱም ነቢዩ እንኳ፣ “ለዚህም ሕዝብ የተመሸገ የናስ ቅጥር አደርግሃለሁ፤ ይዋጉሃል እኔ ግን ለማዳን ከአንተ ጋር ነኝና አያሸንፉህም።” (ኤር. 15፥20) የሚለውን የአምላኩን ቃል በመታመን፣ እግዚአብሔርን እንደ ተስፋው እጅግ አድርጐ ይጠብቀው ነበር።

እግዚአብሔር በኀጢአታችን ፈጽሞ ቢቀጣንም፣ ርሱ ግን “ምሥራቅ ከምዕራብ እንደሚርቅ፥ እንዲሁ ኃጢአታችንን ከእኛ አራቀ።” (103፥12) እንዲል፣ በደላችንንና ኀጢአታችንን ፈጽሞ ያርቃል፤ ይቅርም ይለናል። የፍጻሜ ተስፋውና ዕቅዱ እኛን ማዳንና መመለስ ነው። ዘወትር ግን መዘንጋት የሌለብን እውነት አለ፤ እርሱም እግዚአብሔር ኀጢአትን ፈጽሞ ይጸየፋል፤ አይወድም፤ ርሱም እጅግ ከክፋት የራቀ አምላክ ነውና።

ዛሬ በምድራችን ላይ የምናየው ሰቆቃና ዋይታ፤ ዕንባና ጥልቅ ሐዘን የእግዚአብሔር ልብ ላላቸው እውነተኛ አማኞች ፈጽሞ እፎይታ የሚሰጥ አይደለም። እንደ ኤርምያስ አልቃሻና “ነጭናጫ” የሚያደርግ ነው። አገራችንን ጨምሮ በምድራችን ላይ አያሌ ስፍራዎች እጅግ አሰቃቂ ጦርነቶች እየተደረጉ ነው፤ ሰዎች በብዙ ዓይነት ጎዳናዎች በሞትና በሰቀቀን መንገድ ሕይወታቸው እያለፈ ነው። በስደት፣ በርስ በርስ ጦርነቶች፣ በራብ፣ በቸነፈር … ወንጌል ሳይሰሙና ሳይደርሳቸው የሚሞቱ ሰዎች እጅግ በርካቶች ናቸው።

ይህን ኹሉ በማየት ለመላለሙ ልትማልድ የተጠራች ቤተ ክርስቲያን በዚህ ምድር ብትኖርም፣ እንደ ስሟ ተጽዕኖ ፈጣሪነቷ ደካማ ይመስላል። ከገዳዮች ጋር ትኹን ከሟቾች ጋር፣ የቱ ጋር እንዳለች ሚናዋ ግራ ያጋባል፤ የራሽያና የዩክሬን ጦርነቶችን ባራኪዎቹ “ጳጳሳት” ነበሩ፤ በኛም ምድር ላይ የተደረጉትን ጦርነቶች ባራኪዎቹ ጳጳሳትና ፓስተሮች ነበሩ፤ ይህ እጅግ በጣም ቅስም የሚሰብር፤ ጆሮ ጭው የሚያደርግ ነው።

እንደ ኤርምያስ፣ ከክፋቱ ጋር የማትተባበር፤ ዓመጻን የምትጠየፍና የምትጠላ፤ ከእግዚአብሔር የሚመጣውን የጽድቅ ፍርድ ሳታወላዳ የምትናገር፤ የኀጢአትን መራርነት በጽኑ የምትመሰክር፤ ደግሞም ተስፋንና ምሕረትን፤ ይቅርታንና ተሐድሶን ለሕዝቡ የምታሳይ ቤተ ክርስቲያን፤ እንዲኹም ጽኑ ዕንባ፤ ጠንካራ ሐዘኔታ ያላቸው አገልጋዮችና አማኞች ያስፈልጉናል።

ነቢዩ ኤርምያስ እጅግ የምወደው ነቢይ ነው፤ ለኪዳኑ ሕዝብ እንዳለቀሰ፤ ከኪዳኑ ሕዝብ ጋር መከራ እንደ ተካፈለ በፍጻሜውም ከኪዳኑ ሕዝብ ጋር አለፈ፤ ቤተ ክርስቲያን እንደ ኤርምያስ በሚደነግጥና በሚራራ ልብ እንድትገለጥ ብርቱ መሻቴ ነው!

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን።

የጡመራ መድረክ አድራሻ - https://abenezerteklu.blogspot.com/2024/10/blog-post.html
የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

ከዚህ በላይ ቤተክርስቲያን እንደምትሳሳትና እንደ ወደቀች ምን ዋቢ አለ?!

አባ አብርሃም እንዲህ ይላሉ ...

“ቤተ ክርስቲያን የሙሰኞች ዋሻ ሆናለች የሚለው ዘርፈ ብዙ ፍርጃ ከጊዜ ወደ ጊዜ እየተባባሰ እንጂ ሲቀንስ አይታይም ... ይህ ለምን ሆነ ብለን ራሳችንን ብንጠይቅ እውነታውን በመጋፈጥ ችግሩን ለማስቆም ከመትጋት ይቅል ቸልተኝነት እየመረጥን በብዙዎቹ መሥዋዕትነት የሚሰበሰበው ሀብት እንዲመዘበር የተስማማን በሚመስል ሰምተን እንዳልሰማን መሆናችን እንደሆነ ...” ጠቁመው በተጨማሪም፦“... ይህን አስነዋሪ ድርጊት እያወገዝን እውነትን ተላብሰን ከሙሰኞች የጸዳችና የከበረች ቅድስት ቤተ ክርስቲያንን ለተተኪው ትውልድ ልናስተላልፍ ይገባል።” ... በማለት መልዕክታቸውን ሲቋጩም፦“ርትዕ የሰፈነባት ቤተ ክርስቲያንን ለተተኪ ትውልድ ለማስረከብ እንትጋ።”

ብለዋል። እና ከዚህ በላይ የተመሠከረለት ውድቀት እያለ ንስ መግባትና መመለስ አይቀልም ወይ?!

(ምንጭ ዜና ተዋሕዶ)

የቴሌግራም አድራሻ - https://t.me/ebenezertek

ስለ እ*ስራ*ኤ*ል ሲነሣ አብዛኛው የወንጌላውያንና የኦርቶዶክስ አማኝ ለየት ያለ ስሜት ይሰማዋል። እና ስለ ፍልስጥኤማውያን ክርስቲያኖችና በዚያ እየተፈጁ ስላሉ ሕዝቦች ደግሞ ብዙም ግድ አይሰጣቸውም። ነገር ግን የእስ*ራኤ*ል ሃይማኖት መሪ በግልጽ፦

"እኛ የምንይዘው ቦታ ኹሉንም አብያተ ክርስቲያናት እናፈርሳለን።"

ይህንም የእስራኤል አምላክ አዝዞናል ብሎአል። እንግዲህ እግዚአብሔር በክርስቶስ ኢየሱስ የገባውን የመላለሙን ኪዳን እያጣጣሉ፣ ለእስራኤል የተለየ ተስፋና ኪዳን አለ ለማለት፣ አንዴ ባንዲራቸውን በግል "አጥቢያቸው" ተክለው አልያ ልብሶቻቸውን ለብሰው "በቤተክርስቲያን ላይ ለሚሸቅጡ"፣ ይህን መራራ ነገርም አብረው እንዲቀበሉ እንላለን። ቅዱሱ መጽሐፍ ግን እንዲህ ይላል።

“አይሁዳዊ ወይም የግሪክ ሰው የለም፥ ባሪያ ወይም ጨዋ ሰው የለም፥ ወንድም ሴትም የለም፤ ሁላችሁ በክርስቶስ ኢየሱስ አንድ ሰው ናችሁና።”(ገላ. 3፥28)

የቴሌግራም አድራሻ - https://t.me/ebenezertek

በጅማ ሊሙ ገነት፣ ወንጌልን በብዙ ተቃውሞ ውስጥ እያገለገላችኹ ላላችኹ ወንድሞችና እህቶች ጸጋና ሠላም ይብዛችኹ፤ እናንተ ብትታሠሩ ወንጌል አይታሠርም፤ ለኦርቶዶክስ ዛሬም ወንጌል ይሻላታል እንላለን!

በምድር ላይ የእግዚአብሔር ትልቁ አጀንዳ፣ ልጁ ኢየሱስና ቅዱሱ ወንጌል ብቻ ናቸው!

በግሪኩ አርዮስፋጎስ ሜዳ፣ በኢትዮጵያውም የኢሬቻ ሖራ፤ "ስበክ!" ተብዬ ዕድል ቢሰጠኝ፤ እንደ ቅዱስ ጳውሎስ ርዕሴ የተሰቀለው ክርስቶስ ብቻ ነው!

https://abenezerteklu.blogspot.com/2023/10/blog-post_6.html?m=1

ባህል፣ ማኅበራዊ እሴት፣ አገር ወዳድነት ... የቱንም ስም ስጠው፣ ኢየሱስ የሌለበት የቱም ኅብረት፤ የቱም ጉባኤ የቱም ደማቅ ስብስብ ... ለሰው ሥርዓት ከኾነ እንጂ ለወንጌል እውነት ባዳና ባዕድ ነው!

“አንተ ክርስቶስ የሕያው እግዚአብሔር ልጅ ነህ” (ማቴ. 16፥16)


ጌታችን ኢየሱስ፣ በምድርም ኾነ በሰማይ ካለ ከየትኛውም ፍጡር፣ ባህልና ልምምድ፤ ከየትኛውም የዓለም ሥርዓትና አስተዳደር ጋር አይወዳደርም! ቅዱስ ጴጥሮስ ይህን በማስተዋል ነው፣ የተገለጠለትን እውነት የመሰከረው። ይህ ቅዱስ ምስክርነት፣ ክርስትና ተንጣልሎ የተመሠረተበት ሕያውና ዘላለማዊ መሠረት ነው። የቤተ ክርስቲያን ሕይወት፣ ተልእኮ፣ ታላቅ ተስፋና ዘላለማዊነት የተወሰነውና የሚጸናው፣ ይህን ታላቅ ምስክርነት በመቀበልና በማመን ብቻ ነው።


ይህን ምስክርነት የሰጠው፣ በሰማይ አምላክ በእግዚአብሔር አብ ገላጭነት ቅዱስ ጴጥሮስ ነው፤ ታላቁ መጽሐፍ፣ “ኢየሱስም መልሶ እንዲህ አለው፦ የዮና ልጅ ስምዖን ሆይ፥ በሰማያት ያለው አባቴ እንጂ ሥጋና ደም ይህን አልገለጠልህምና ብፁዕ ነህ።” እንዲል (ማቴ. 16፥17)። ያለ አብ ገላጭነት ይህን እውነት መመስከር የሚቻለው ማንም የለም።

እግዚአብሔር አብ፣ ዛሬም ስለ ልጁ ጮኸን እንድንመሰክርለት ይሻል፤ መንፈስ ቅዱስም እንኳ፣ “አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል።” (ዮሐ. 14፥26) ብሎ እንደ ተናገረ፣ ርሱም የሚመሰክረው ስለ ብላቴናው የናዝሬቱ ኢየሱስ ነው።

አብም፤ መንፈስ ቅዱስም የሚመሰክሩለትን ይህን ጻድቅ ብላቴና፣ ቤተ ክርስቲያንም ትመሰክለት ዘንድ ተጠርታለች። በተለይም በቅዱስ ጴጥሮስ አንደበት፤ በአብ አባታችን ገላጭነት የተገለጠውን እውነት፣ ቤተ ክርስቲያን ድምጽዋን አሰምታ መመስከር ከተሳናትና ለዚህ እውነት ያላትን ታማኝነት ካጎደለች፣ ተልእኮዋን መፈጸም የተሳናት፤ ደካማ፤ በአቅራቢያዋ ካሉ ዓለማዊና ብሔር ተኰር ባህላት ጋር በቅይጥነት ለመኖር የምትጎመጅ ልትኾን ትችላለች።

ቤተ ክርስቲያን የክርስቶስ ሕያው ምስክር ናት፤ ለመሲሑና ለሥራዎቹ፤ ላዘዛትም ተልእኮው በትክክል ካልታዘዘች፣ ፍጻሜዋ አስፈሪና የተጠራችለትን ሕያው ምስክርነት በዓለሙ ፊት የምትጥል ተላላ ያደርጋታል። በተለይም ልክ በአገራችን እየተመለከትን እንዳለነው፣ ለባህል እምነቶችና ለፖለቲካ እሴቶች “እጅ ሰጥታ” ወደ መማረክ ከሄደች፣ ጨለማውን ታበረታለች፤ አልጫውንም ይበልጥ አልጫ ታደርገዋለች።

ቅዱስ ጴጥሮስ ከመሰከረው ውጭ ያለው የትኛውም አስተምኅሮ ወይም ቅዱስ ጴጥሮስ የመሰከረውን እውነት የማይመሰክር የትኛውም ባህለ ትምህርት፣ የገሃነም ደጅ ነው። ጌታችን ኢየሱ ደግሞ እንዲህ ብሎአል፤ “በዚችም ዓለት ላይ ቤተ ክርስቲያኔን እሠራለሁ፥ የገሃነም ደጆችም አይችሉአትም።”። ቤተ ክርስቲያን ለዚህ ለኢየሱስ ቃሎች ከታመነች፣ “የገሃነም ደጆች” በማይችሉት መንፈሳዊ ትጥቅ ተውባ፣ በልዩነት ብቻዋን መቆም ትችላለች።

ቤተ ክርስቲያን ለወንጌል ምስክርነት ደፋር መኾን መቻል አለባት፤ ይህን ድፍረት ደግሞ የምታገኘው፣ እውነትን በሚገፋው፤ ነገር ግን እውነት አጥብቆ በሚያስፈልገው ዓለም ውስጥ እግዚአብሔርንና መንግሥቱን ብቻ ወክላ የቆመች እንደ ኾን ነው። የእግዚአብሔር መንግሥት ከየትኛውም ባህላዊ ትምህርትና ልምምድ ይበልጣል፤ ቤተ ክርስቲያን ደግሞ ቅዱስ እግዚአብሔር አብ፣ ለቅዱስ ጴጥሮስ በገለጠው ሕያው እውነት ላይ ጸንታ በመቆም፣ በምድራችን ባሉ ባህሎችና ልምምዶቻቸው ፊት በድፍረት የወንጌልን ኃይል ልትገልጥ፣ ይህን በማድረግ ውስጥ የሚያስፈሩ የሚመስሉትን “የገሃነምን ደጆች” ኹሉ ሳትፈራ ልትቆም ይገባታል።

ጌታችን ኢየሱስ ክርስቶስ ሆይ፤ ለወንጌልህ ታማኞች አድርገን፤ ለእውነትህ በፍጹም መገዛትን ስጠን፤ መንግሥትህን ያለፍርሃት እንመሰክር ዘንድ ድፍረትን እንደ ሐዋርያት ስጠን፤ አሜን!



የጡመራ መድረክ አድራሻ - https://abenezerteklu.blogspot.com/2024/10/1616.html የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

"ምዕመናን ገንዘባቸውን የሚሰጡት ለሃይማኖት ማስፋፊያ እንጂ ለዘረፋ አይደለም።" (ፓትርያርክ አባ ማትያስ)

ከተሐድሶ ጥያቄዎች አንዱ፣ ብልሹ አስተዳደር፣ በሙስናና በበሰበሰ ሥነ ምግባር የወደቀ ሥርዓትና ልምምድ በቃለ እግዚአብሔርና በቅድስና ሕይወት ይስተካከል የሚል ነው። ቤተክርስቲያን በሙስናና በዘረፋ ከተጨማለቀች፣ ግልጽ የኾነ ውድቀት አለ ማለት ነው። ይህ ደግሞ የሚቃናው በቅዱስ ወንጌል ትምህርትና በጌታ ጸጋ ብቻ ነው።

ጌታ እግዚአብሔር እውነተኛ መመለስን ለቤተክርስቲያን ይስጥ፤ ጌታ ሆይ እባክኽን ስምህን በቤተክርስቲያንና በትውልዱ ላይ ቀድስ፤ አሜን።

የቴሌግራም አድራሻ - https://t.me/ebenezertek

“ሁልጊዜ በጌታ ደስ ይበላችሁ” (ፊል. 4፥4)

የፊልጵስዩስ ቤተ ክርስቲያን፣ በኹለተኛው የቅዱስ ጳውሎስ ሐዋርያዊ አገልግሎት የተወለደች ቤተ ክርስቲያን ናት። ቅዱስ ጳውሎስ በዚህ ኹለተኛው ሐዋርያዊው ጉዞው፣ ብዙ መከራና እንግልትን ተቀብሎአል። የመጀመሪያው ሐዋርያዊው ጉዞው ብዙ መከራ የሌለበትና ቀለል ያለ ነበር፤ ኹለተኛው ግን ጠንካራና በብዙ መገፋት ውስጥ ያለፈበት ነው።

በርዕሳችን ላይ ያነሳነውን ቃል የተናገረው፣ ሐዋርያው በእስር ቤት ኾኖ ነው። እየተናገረ ያለውም፣ የመልእክቱ መቋጫ ላይ ኾኖ ነው። በክርስቶስ ወንጌል ምክንያት፣ በእስር ላይ ያለ ሰው ምን ሊናገር ይችላል? እኛ በወንጌል ጉዳይ በእስር ውስጥ ብንኾን፣ ምን ልናስብና ምን ልንመክር እንችላለን?
ይህ የቅዱስ ጳውሎስ ንግግር፣ በብዙ አማኞች ዘንድ የተወደደ ነው። የመወደዱን ያህል ግን በብዙዎች ሕይወት ላይ በትክክል የሚንጸባረቅ አይደለም። እንዲህ ያለውን ጥልቅ ደስታ፣ ሐዋርያው ቅዱስ ጳውሎስ እጅግ አስቸጋሪ በኾነ ኹኔታ በእስር ቤት ሳለ የተናገረው ነው። ይህን ቃል ግን ብዙዎች፣ ቅዱስ ጳውሎስ ባለፈበት መንገድ ውስጥ ኾነው ሲጠቅሱት እምብዛም አይስተዋልም።

“መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ።” (ፊል. 4፥12) የሚለው ቅዱስ ጳውሎስ፣ በእነዚህ ኹኔታዎች ውስጥ ኾኖ፣ እጅግ በጌታ ስለ መደሰት ይናገራል። በርግጥ ቅዱስ ጳውሎስ እኒህን ሃያላን ተግዳሮቶች፣ ኃይልን በሚሰጠው በክርስቶስ እንደሚችል እንጂ በራሱ እንደማይችል ያምናል። እናም በክርስቶስ እንዲህ ያሉ ከፍ ያሉ ተግዳሮቶችን እኛም የማለፍ ተስፋ እንዳለን ይነግረናል።

ቅዱስ ጳውሎስ በተደጋጋሚም፣ የፊልጵስዩስ አማኞች፣ ከኹኔታዎች ይልቅ በክርስቶስ ጌታችን ላይ ተስፋ እንዲያደርጉ ያበረታታል። ይህን እያደረገ ያለው፣ እንደ አነቃቂ ተናጋሪዎች ለሌሎች አይደለም፤ በሕይወቱ ኖሮና ተፈትኖ እየኖረና እያለፈ ያለበትን እውነት በመጥቀስና፣ በራሱ ጥንካሬም ሳይኾን በክርስቶስ በመደገፍ ጭምር በመናገር። በብቸኝነት ተከብቦ፣ ወደ ሞት እየሄደ ቢኾንም፣ በክርስቶስ ላይ ያለውን ታማኝነት ፈጽሞ አልጣለም!

“ደስ ይበላችሁ” የሚለው ቃል፣ በመከራ ለተከበበና ላለ ሰው ስላቅ ይመስላል፤ ነገር ግን እግዚአብሔር በድካማችን ብርቱ ነው! አነቃቂ ንግግሮች ወይም የራስን ቃል ማወጅ ሰውን ብርቱና ደስተኛ አያደርግም፤ ኃይልም፤ ደስታም፤ ብርታትም ከክርስቶስ ብቻ ነው! በጨለማ ቤት ለታሠረ ሐዋርያ፣ በእግር ብረት ሰውነቱ በቁስል ነፍሮ ለተተወ አገልጋይ፣ በብዙ መከራ ውስጥ እያለፈ ላለ እውነተኛ የኢየሱስ ባሪያ … ደስታና ሰላም ከክርስቶስ ዘንድ አለው! ይኸውም፦

· አማኝ ለመጪና ሂያጁ፤ ለመውጣትና መውረዱ፤ ለከፍታና ዝቅታው … ለማናቸውም ኹኔታዎች የሚበገር አይደለም፤ ልዑሉ ክርስቶስ ኹኔታዎቻችንን ኹሉ ይቈጣጠራል፤ ደስታችን ከኹኔታዎቻችን ውስጥ የሉም፤ በክርስቶስ ኢየሱስ እንጂ!

· ክርስቶስ እንጂ ሌላ ነገር የትኵረታችን ማዕከል ሊኾን አይገባውም፤ ክርስቶስ ዋና ትኵረታችን ከኾነ፣ ሌላውን በርሱ ኃይል ድል እንነሣለን። ከክርስቶስ ግን ትኵረታችንን በቀነስን ልክ፣ ኹኔታዎቻችን ገዝፈው ይታዩንና ሊያሸንፉን ይችላሉ።

· በሰማይም በምድርም ክርስቶስ በቂያችን እንደ ኾነ እናስተውል፤ ክርስቶስ ካለን ኹሉም ነገር አለን! ክርስቶስን አጥተን ኹሉም ነገር ቢኖረን ግን ያለን ነገር ኹሉ፣ የትካዜና ያለ መርካት ምንጭ እንጂ “እምሮንም ሁሉ የሚያልፍ የእግዚአብሔር ሰላም ልባችንንና ዐሳባችንን ሊወርሰው አይችልም”!

· ደስታችንን ከራሱ ከደስታ አምላክ፤ ከሐሴት ምንጭ፤ ከእርካታ መገኛ ከክርስቶስ እንጂ ከሌላ አንሻ፤ በዓለም ውስጥ ከክርስቶስ ጋር ተወዳድሮ የሚበልጥ ደስታ ፈጽሞ የለምና!
እናም እኔም የቅዱስ ጳውሎስን ቃል እደግመዋለሁ! “ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ።”

“ጌታችንን ኢየሱስ ክርስቶስን በማይጠፋ ፍቅር ለሚወድዱ ሁሉ ጸጋ ይሁን።” (ኤፌ. 6:24) አሜን።

የቴሌግራም አድራሻ - https://t.me/ebenezertek

የጡመራ መድረክ አድራሻ - https://abenezerteklu.blogspot.com/2024/10/44.html

የኦሮሚኛና የአማርኛ መልእክቶችን ለማግኘት - https://www.youtube.com/@-abenezertekludiyakon8842

በምሥራቅ ሸዋ የሙዳ ቅዱስ ገብርኤል አጥቢያ አማኝ ስምንት ኦርቶዶክሳውያን ዛሬም ተገደሉ! ሞት ያስለምዳሉ፤ በደም ተነክረው ይሰክራሉ፤ ጌታ ግን በዙፋኑ አለ! ለሕዝባችን ጉብኝት ይኹን፤ አሜን።

ኢየሱስ “ከሃይማኖተኝነት” ይበልጣል!

"... ወደ የትኛውም ሃይማኖት ዛሬ ተነስታችኹ ለመግባት ትችላላችሁ። ጴንጤ ለመኾን ግን መመረጥ ያስፈልጋል" (በጋሻው ደሳለኝ)

“ከዚህም በረት ያልሆኑ ሌሎች በጎች አሉኝ፤ እነርሱን ደግሞ ላመጣ ይገባኛል ድምፄንም ይሰማሉ፥ አንድም መንጋ ይሆናሉ እረኛውም አንድ።” (ኢየሱስ ክርስቶስ - ዮሐ. 10፥16)

ክርስትና የቆመው በእግዚአብሔር ቸርነትና ዘላለማዊ በኾነው ሰውን መውደድ (ቲቶ 3፥4)፣ አድልዎ በሌለበት ፍጹም ምርጫው፣ ኹሉን ወደ ጽድቅ ለማምጣት በሚወቅሰው በመንፈስ ቅዱስ ወቀሳ፣ የሰዎች ወቀሳውን መቀበልና አምኖ በጽድቅ መመላለስ፣ ወደ አካሉ በመንፈስ ቅዱስ ጥምቀት መጨመር … ላይ ነው።

“እኛ ደግሞ አስቀድመን የማናስተውል ነበርንና፤ የማንታዘዝ፥ የምንስት፥ ለምኞትና ለልዩ ልዩ ተድላ እንደ ባሪያዎች የምንገዛ፥ በክፋትና በምቀኝነት የምንኖር፥ የምንጣላ፥ እርስ በርሳችን የምንጠላላ ነበርን። ነገር ግን የመድኃኒታችን የእግዚአብሔር ቸርነትና ሰውን መውደዱ በተገለጠ ጊዜ፥ እንደ ምሕረቱ መጠን ለአዲስ ልደት በሚሆነው መታጠብና በመንፈስ ቅዱስ በመታደስ አዳነን እንጂ፥ እኛ ስላደረግነው በጽድቅ ስለ ነበረው ሥራ አይደለም፤ … ”

እንዲል፣ ታላቁና ልከኛው ሐዋርያ (ቲቶ 3፥3-5)፤ ይህን ያደረገው ደግሞ በእግዚአብሔር አብ ፈቃድ ጌታችን ኢየሱስ ክርስቶስ ነው፤ እናም፣ ጌታ ኢየሱስ ክርስቶስ እንጂ ጴንጤያዊ ሃይማኖት የክርስትና ውኃ ልክ አይኾንም።

እናም እኔ ግን እላለኹ፦ በክርስቶስ ኾነው ጴንጤ ያልኾኑ ሚሊዮናት አሉና፣ ተመርጦ የሚገኘው ወይም አብ መርጦ የሚመርጠውና የሚወድደው በክርስቶስ የኾኑትን ኹሉ ነውና እባካችሁ "ጴንጤነትን" አታምልኩ! አታስመልኩ!

ቅዱስ ቃሉ እንዲህ ይላል፣

“ዓለም ሳይፈጠር፥ በፊቱ ቅዱሳንና ነውር የሌለን በፍቅር እንሆን ዘንድ በክርስቶስ መረጠን።” (ኤፌ. 1፥4)

“እኔ መረጥኋችሁ እንጂ እናንተ አልመረጣችሁኝም፤ አብም በስሜ የምትለምኑትን ሁሉ እንዲሰጣችሁ፥ ልትሄዱና ፍሬ ልታፈሩ ፍሬአችሁም ሊኖር ሾምኋችሁ።” (ዮሐ. 15፥16)


በርግጥ በጋሻው እኒህን የመጽሐፍ ቅዱስ ጥቅሶች ቢጠቅሳቸውም፣ ያለ ዐውዳቸው “ለጴንጤ” ብቻ መጥቀሱ እንዴት ያሳዝናልም፤ ያስደንቃልም! በትክክል ባንተረጕም፣ ምናለ በትክክል ብናነብብ? በትክክል ከማይተረጕም ሰባኪ እኮ፣ በትክክል የሚያነብብ አማኝ እጅግ የተሻለ ነው!

እኔ እንዲያውም ፍርሃት አለኝ፣ ጴንጤው ማኅበረ ሰብ ከጥቂት ቅሪት በሚያስብል ትሩፋን በቀር እየኾነ ያለውን "የውድቀት ግስጋሴ" ካየን፣ ከዛሬ 25 ዓመት በፊት የነበረውን የአገልግሎት ጥራትና የቅድስና ጌጥ እየተጣለ "ለቀረጥ ሰብሳቢና ለሸቃጭ ነቢያት" የተገዛውን ትውልድ ብዛት ከተመለከትን … እውን ጴንጤ መኾን መታደል ነው ወይ? የሚያስብል አሰቃቂ ጥያቄ ያጭራል። አገልጋይ ነን የሚሉት፣ እንደ በጋሻው ባሉ ንግግሮች ሲረኩ ሳይ ያሳዝኑኛል!

እንዲኽ ያለ ትምክህት ይመስለኛል ኦርቶዶክስን እዚኹ ምድር ላይ አቀጭጮ ያስቀረው። ኢትዮጵያ የአሥራት አገር፣ የክርስቲያን ደሴት፣ ኢየሱስና እናቱ በኪደተ እግራቸው የባረኳት፣ የተመረጠች፣ መጽሐፍ ቅዱስ ላይ ስሟ ተደጋጋሚ የተጠቀሰ ... በሚል አጉል ኩራትና ንቀት ተሞልታ ወንጌልን ለመላው አፍሪካና ለዓለሙ ከማድረስ ያቀባት።

ክርስቶስ ጌታችን ሆይ፤ በአንደበት ከተገለጠ ኩራት፤ በልብ ከተሠወረ ንቀት ጠብቀን፤ አሜን።


Blog address - https://abenezerteklu.blogspot.com/2024/09/blog-post_29.html
የዩቲዩብ አድራሻ - https://www.youtube.com/watch?v=GC26u-Gk8f0

አንድን ሽማግሌ ቄስ ከነቤተሰቡ የሚገድል፣ ምን ዐይነት ኅሊና፤ ምንስ ዐይነት ሞራል ነው? ቀሲስ ወልደ ኢየሱስ አያሌው የሞጆ ቅዱስ ሚካኤል ቤተክርስቲያንን ከ40 ዓመታት በላይ አገልግለዋል። በሽምግልናቸው ግን ማንነታቸው ባልታወቁ በተባሉ ሰዎች ተገድለው ተገኙ። እንዲህ ያሉ አሰቃቂ ዜናዎች መስማት፣ ከጥቂት ዐመታት ወዲህ የተለመደ ኾኖአል። የኢትዮጵያ ምድር የጠጣውን ደም ያህል የጠጣ ምድር አለ?! ይህስ የሚያስጨንቀን ስንቶች ነን?! እኔ በበኩሌ እንዲህ ዐይነት ዜናዎች ጥልቅ ድብርት ውስጥ ይከተኛል፤ መጸለይ እስከሚያቅተኝ ይጨንቀኛል፤ ምንም እስከማያጽናናኝ ተክዛለኹ። ደጋግሜ አነባለኹ። በማንኛውም ዐላማ ሰዎችን የሚገድሉ ነፍሰ ገዳዮችን እግዚአብሔር ይገስጻቸው።

እግዚአብሔር ምድራችንን ይፈውስ፤ ከእግዚአብሔር በቀርስ ወደ ማን ስለ ፍትሕ ይጮኻል?! ለቤተሰቦቻቸውና ወገኖቻቸው እግዚአብሔር መጽናናትን ይስጥ። አሜን።

የፍጻሜ ታሪካችን ከአፈር ወደ አፈር እንዳይኾንና ከአፈር ወደ ክብርና ደስታ እንዲኾን ያደረገው የክርስቶስ የመስቀል ሥራ ነው! ክብር ይግባው፤ አሜን።