Doʻppili Kopirayter | Blogcha

Bu qoida menimcha hamma joyda ishlaydi

Hozir xususiy maktabda ishlayapman. Kasbim sababli koʻpchilik bilan muloqot qilishimizga toʻgʻri keladi. Baʼzi xatolarimiz va boshqa insonlardagi xatoni koʻrib, hayron qolamiz.

Bugun menda ham shunday xato boʻldi. Bir kishidan ishimiz uchun zarur boʻlgan buyumni oldim. Kerakli paytda u buyum ishlamadi va biz ishlatmadik.

Ammo u buyum men uchun omonat qilib berilgandi. Men u buyumni ishlatmadim, ammo notoʻgʻri joyda qoldirdim. Keyin buyumni egasiga topshirdim.

Buyumni egasi esa mendan norozi boʻldi, boshqa menimcha u buyumni ishonishmaydi.

Kel jigar, shu xatoyimni tahlil qilamiz.

Oila qursang, jufti halolingdan xato oʻtsa, oʻzini tuzatishga urinmasa, 6 ta holat tavsiya berilgan. Nasihat qilasan, joyni oʻzgartirasan, qarindoshlar bilan maslahat qilasan, keyin 1 taloq, keyin 2 taloq, keyin 3 taloq beriladi.

Ish jarayonida ham xodim bilan shunday munosabatda boʻlinsa, qanday boʻlardi?

Senga nisbatan kimdandir xato oʻtdimi, oʻzi bilan alohida gaplash. Boshqalarning fikri yoki xato qilgan insonning fikrini eshitmasdan xulosa chiqarma.

Qayta xato qilyaptimi, masʼuliyatini eslatib qoʻy, katta vazifalar emas, kichik vazifalar ber. Shunda masʼuliyati kamayib qolganini sezib, oʻzidan xato qidiradi.

Shunda ham xatosini tushunmadimi, unda ketma-ket jarima, oylikdan ushlab qolish va oxiri xayrlashuv bilan yakunla.

Baʼzan oila va ishda ham shunday tartibda ish koʻrilmagani hisobiga oilalar tez buziladi, xodimlar tez ish joyini almashtiradi.

Oʻzing uchun xulosa ol jigar, erta oila qurasan va biznesing boʻlganda juda kerak boʻladi. Oʻzingni asra, seni Oʻzi asrasin. Assalomu alaykum.

@doppili_kopirayter

Bumerangni keyingi sonini boshlaymizmi jigar

Oʻqiladigan kitob: Moʻminning meroji – mufassal namoz kitobi

Muddat: 10 kun (8.01.2025 – 18.01.2025)

Hadyasiga siz uchun jigar: 1 yillik Telegram Premium va bitta kitob boʻladi.

Gʻoliblar soni: 1 ta

Test boʻlib oʻtadigan kun: 19.01.2025

Kitobni oʻqiysiz, taqriz yozasiz va menga joʻnatasiz. Alloh ilmingizni va nuringizni ziyoda qilsin.

Qarang, qanday yaxshi amal qilyapsiz. Ilm olyapsiz. Shayx hazratlarining merosini oʻrganyapsiz.

Oilangizga oʻqib bering, dugonalaringizga oʻqib bering. Oʻqing, ulashing, shunda 2 hissa foyda olasiz nasib boʻlsa.

Bardavom boʻling, foydangizga hujjat qilsin.

Cheksiz hurmat va himmat ila Doʻppili Kopirayter

Shayx hazratlarining kitoblarini oʻqishni davom ettiramizmi?

Ancha tanaffuscha boʻldi-ya)

Qalblarga xursandchilik olib kirish sogʻinmadingizmi)

Bu blog sizning vaqtingizni oʻgʻirlamayaptimi?

Kuzatayotgan vaqtingizga rozimisiz?

Mendan nimalarni kutyapsiz-u, men bera olmayapman?

Har biringizning javobingizni oʻqiyman.

Tanlov Ramazon oyida boʻladi nasib)

Ham ilm olasiz, ham nasib qilsa sovrin yutasiz.

Nasib oʻzim ham qatnashaman)

🕋 Kitob oʻqing, evaziga “Umra”ga yoʻllanma yutib oling!

Qanday qilib deysizmi? Unda bu post yaxshilab oʻqing!

📚 “Ar-rohiqul al-Maxtum” va “Otamdan qolgan dalalar” kitobini oʻqing va ramazon oyining 15-kuni oʻtkaziladigan test sinoviga qatnashing. Sinovimizda gʻolib boʻlib, qimmatbaho sovgʻalarga ega boʻling.

🎁 Gʻoliblarni quyidagi sovrinlar kutmoqda:

📖 “Ar-rohiqul al-Maxtum” kitobi uchun

1-oʻrin uchun “Umra” safariga yoʻllanma.
2-oʻrin uchun 500$ pul mukofoti
3-oʻrin uchun 300$ pul mukofoti
4-10-oʻrinlar uchun ham mukofotlar bor.

📖 “Otamdan qolgan dalalar'' kitobi uchun

1-oʻrin uchun 300$ pul mukofoti
2- oʻrin uchun 200$ pul mukofoti
3- oʻrin uchun 100$ pul mukofoti

🕓 Bugundan mutolaani boshlang va sinovimizga tayyorlaning. Ushbu tanlovimizga yaqinlaringizni taklif qilishni ham unutmang. Tanlovda ishtirok etish uchun quyidagi havola orqali roʻyxatdan oʻting 👇

Ar-rohiqul al-Maxtum
Otamdan qolgan dalalar

💡 Eslatma: tanlov hamma oʻzbeklar uchun!

@iqroloyihasi

5 tasi 10 ming boʻlgan limon

Har doimgiday ishdan qaytayotgan edim. Metroga kirish yoʻlaklarida har xil narsalar sotiladi.

Balki siz ham koʻrgandirsiz. Ular aslida sotuvchi emas, ehtiyojidan kelib chiqib turishadi. Kimdandir sogʻ-salomat holatda sadaqa soʻrashmaydi.

Limon sotayotgan ayolni koʻrdim. Limonlar uncha koʻp emas edi. Chiqsa 60-70 minglik limon qolgan edi.

Shu payt hammasini olsakchi deb turgan joyimda ichimdan «nima qilasan, shuncha limonni kim yeydi» degan ovoz keldi. Xato qildim. Shu ovozga boʻysundim.

Metrodan chiqib, uyga kelayotgan joyimda doʻkondan oʻzimga narsalar oldim. Doʻkonga bir kishi keldi va limon bormi deb soʻradi. Doʻkonda faqatgina yomon holatdagi 2 ta limon qolgan ekan.

Shu joyida Allohning hikmatiga hamd aytdim.

Yaʼni koʻchadagi insonlardan nimadir sotib olishga sizning hozir ehtiyojingiz yoʻq, ammo ularning ehtiyoji bor. Siz bir musulmonning dunyodagi ogʻirini yengil qilsangiz va qalbiga kutilmaganda xursandchilik olib kirsangiz bormi)

Bu boshqacha tuygʻu, bu boshqacha amal. Aynan shu amalim menga dars boʻldi. Oʻzi ofiyat bersin. Assalomu alaykum.

Tadbir yakshanba kuni boʻlarkan. 3 soat davom etarkan.

Novza masjidni roʻparasida. Edu Master tadbirlar zali.

Nasib boramiz)

📣 Hurmatli ota-onalar!

Sizlarni uzoq kutilgan va qiziqarli tadbirga taklif qilamiz!
Tadbir «Chunki hech kim ona bo'lib tug'ilmagan» mavzusida bo'lib o'tadi va sizlarni yangi bilimlar, amaliy maslahatlar va qiziqarli uchrashuvlar kutib turibdi💡✨

🔜 Vaqti: 15-dekabr, Yakshanba kuni soat 9:30 da boshlanadi.

📍 Manzil: Toshkent shahri, Novza masjidi ro'parasi, Edu Master tadbirlar zali. Mo'ljal: Novza metrosidan 5-10 daqiqalik yo'l.

🎙 Mavzularimiz:

1️⃣ "Sabrlilik siri: Kichik bolalarning injiqliklari va ularning sabablarini tushunish" - Farzand tarbiyasida sabrli bo‘lish sirlari.

2️⃣ "Bolaning ilk yillarda otaning roli" - Dastlabki yillarda ota mehrining ahamiyati.

3️⃣ "Zamonaviy bola va gadjetlar" - Ekran vaqtini boshqarish va muvozanatni topish usullari.

4️⃣ "Ona sifatida mening Montessori safarim" - Montessori ona bo‘lish tajribasi.

🗣️ Tadbir O'zbek tilida bo'lib o'tadi. Mehmonlarimiz rus tilida seminar qilishadi lekin sinxron tarjima bo'ladi.

Talablar:
🔴 Bolalar bilan kirish mumkin emas. Tadbir faqat kattalar uchun mo‘ljallangan.
🔴 Vaqtga rioya qiling.

💸 To'lovlar:
Tadbir narxi: 199.000 so'm LEKIN

- 5,6,7 dekabr kunlari to'lov qilganlar uchun, 199.000, 49.000 so'm.

- 8,9,10 dekabr kunlari to'lov qilganlar uchun, 199.000, 89.000 so'm

- 11, 12, 13, 14, 15 dekabr kunlari to'lov qilganlar uchun: 199.000 so'm

✅Ro'yxatdan o'tish uchun: @bambini_tadbirlar

⚠️ Shoshiling, joylar soni cheklangan!

@bambini_rasmiy

Dunyoni oʻzgartirishni emas, qalblarni oʻzgartirishni xohlayman

Har bir insonning hayoti men uchun qiziq. Nima uchun qiziq? Hamma har xil yaratilgan, qobiliyat, muammolari, dunyoqarashi har xil.

Shu hafta davomida meni qattiq taʼsirlantirgan voqealar boʻldi. Voqealarni emas, xulosamni ulashaman.

Ayol kishini moddiy tomondan taʼminlash bilan ish bitmaydi. Ayol kishi ham bir yaratiq. Uning ham oʻz orzusi, niyati, maqsadi bor.

Eshitilishni, fikrlarini inobatga olinishini xohlaydi. Qobiliyati, kasbi orqali oʻziga, oilasiga, jamiyatga foyda berishni xohlaydi.

Iltimos oilali boʻlsangiz yoki endi oila qursangiz, hammasini inobatga oling. Taqiqlash bilan ish bitmaydi. Ilmdan toʻsish bilan ish bitmaydi.

Men avval shunday fikrlardim. Boʻlajak ayolim uyda ota-onamga, farzandlarimni tarbiyasiga qarasa boʻldi, boshqa ish qilishi shart emas.

Vaqt oʻtdi. Fikrim oʻzgardi. Dunyoqarashim tor ekanligini bildim. Oʻzimcha qoʻyib olgan baʼzi oʻlchovlarim xatoligini bildim.

Cheklamayman. Chegara qoʻymayman. Xato qilsa, xato qilganiga pushaymon qilmayman, birgalikda tuzatamiz. Orzu qilsa, orzulari ustidan kulmayman, birgalikda amalga oshiramiz.

Mahramiyat va Alloh belgilab qoʻygan chegara boʻyicha yashaymiz. Haddimdan oshsam, vazifamni bajarmasam, unga nisbatan adolatsizlik qilsam, gapirganiga pushaymon qilmayman, eslatgani uchun rahmat aytaman, oʻzimni isloh qilaman.

Hech qaysi amalini kichik sanamayman. Uni pastga urmayman. Mendan keyin turishing kerak demayman. Urmayman, soʻkmayman. Ojizasan, oʻrningni bil demayman.

Rashk qilaman deb uydan chiqarmay, har bir harakatini nazoratga olib, telefondan foydalanishni taqiqlab qoʻymayman. Uni oʻzimdan bezdirmayman, majburlikdan, odamlarning gap-soʻzidan qoʻrqib, oʻrtada farzandlarimiz bor deb men bilan birga begonaday yashashini xohlamayman.

Dardim bor, u ham, men ham bu hayotda birinchi marta yashayapmiz.

@doppili_kopirayter

Yuqoridagi karta menda. Oʻshanga imkonimiz boricha pul yigʻamiz. Sizda qay tomonlama imkoniyat boʻlsa, yordam berishingiz mumkin.

Kanalingizga ulashing, dalolat qiling, imkoningiz boricha ehson qiling.

Karta raqami: 8600042424119591 – Bekmirzayeva Nazira nomida

Men bilan bogʻlanmoqchi boʻlsangiz: @Bahodir_Mexriddin | +998905005693

Oʻzim Toshkent, Chilonzordaman hozir.

Biz keyingi ehsonni boshladik

Shogirdimning oilasi. 6 ta farzand, boquvchilari yoʻq. Yashnobodda turishadi. Sogʻliklari ozgina yomonlashgan ekan. Davolanish uchun pul topaman deb aldanib qolibdilar.

Har birimizda bu sinov bor. Qachondir keladi. Balki hozirdir. Bizga hozir 4 mln soʻm mablagʻ yigʻishimiz kerak.

Ishonaman, nasib boʻlsa eplaymiz. Karta raqamni keyingi postda qoldiraman.

@beruvchi_qol – olganingiz emas, berganingiz oʻzingizniki

Kopiraytingdan bepul kurs olib keldim

Yozish koʻnikmasi hammaga kerak. Bu koʻnikmani YouTube, Google yoki ChatGPT orqali oʻrgansa ham boʻladi.

Ammo har doim ham professional yondashilgan boʻlmaydi va tartib bilan oʻrgana olmaysiz.

Gapni choʻzmayman. Edfix'dagi kopirayting kursini bepul oʻrganishingiz mumkin. Yaqiningizga xabarini berishingiz mumkin.

Kursni bu yerdan boshlaysiz: darslarni koʻrish

@copywriter_market – kopiraytingni bepul oʻrganing

Bugun 1 mln oylik oldim

Esingizda boʻlsa, bitta savol bergandim. Erkak kishi kambagʻallikka koʻnishiga haqqi yoʻqmi? Har biringiz oʻzingizning fikringizni bildirgan edingiz.

Hammasi saviyali, oʻrinli va teran fikrlar edi. Boringizga shukr. Siz kabi kuzatuvchilarimiz borligi meni quvontiradi.

Oylikni qoʻlimga olganimda oʻzgacha hissiyot tuydim. Tafakkur qildim. Hikmat qidirdim.

1 oy uchun 1 mln oylik oldim. Shuncha ketkazgan vaqtim 1 mln oylikka arziydimi – yoʻq, baʼzan boshida beriladigan va olinadigan qiymatlar pul bilan oʻlchanmas ekan.

Qoʻlimda 1 mln pul bor, xoʻsh demak menda ish bor va qanchadir muddat uchun xarajatimni qoplayman. 1 mln bergan halovatni baʼzan 10 mln ham bera olmasligi mumkin.

Topganing halovat bermasa, oʻzingni taftish qil. Yo ishingda, yo luqmangda, yo niyatingda xato bor.

Agar oilam boʻlsa, uyga 1 mln oylik oldim deb quvonib bora olardimmi? Hozirgi paytda buncha oylik olish kimni ham xursand qilardi. Hech narsaga yetmaydi-ku, shundaymi)

Yana bir narsani oʻyladim. Rizq taqsimotida pulning koʻpligi emas, sizning taqsimotga roziligingiz va shukringiz neʼmatni yanada ziyoda qiladi. Sonda bilinmasligi mumkin, barakasida, sarfida aniq bilinadi.

Shuni unutma, neʼmatga rozi boʻlish boshqa, oʻz holingga rozi boʻlish boshqa. Aqidangni toʻgʻrilab ol. Berganni unutma, berganingni unut. Assalomu alaykum.

@doppili_kopirayter

❄️ RedPill-15: Qabul ochildi🤗

- Kuchsizlar yil boshini kutadi. Biz esa dekabrda ham yondirishda davom etamiz. Yakun yakundek bo'ladi.

RedPill - maqsadingizga tezroq erishishda va shaxsiyatingizni kuchaytirishda yordam beradigan transformatsion amaliy loyiha. Kurs emas! Maqsadingiz yo'lida va rivojlanishingizda sizga eng zarur bo'lgan to'g'ri muhitni bera oladi.

Loyihaning 15-soniga qabul rasman ochildi. Shu kungacha RedPill-da 2000 dan ortiq ishtirokchi qatnashdi. Loyihada qatnashgan ishtirokchilarning fikrlarini @redpill_feedback kanalida o'qishingiz mumkin. Juda ham ko'p.

Joylar cheklangan. To'lishi bilan qabul yopiladi. Dastlabki 100 ishtirokchi uchun chegirmalar belgilangan. Hali qabul ochilmasdan joylarini allaqachon band qilib bo'lganlar ham bor. Qabul juda uzoq cho'zilmaydi. Shoshilamiz.

Loyiha haqida umuman ma'lumotga ega bo'lmasangiz, @redpill_uzbekistan kanaliga o'tib, batafsil tanishib chiqishingiz mumkin. Qo'shilish uchun quyidagi profil bilan bog'laning. Shartlar yuboriladi va bajarsangiz, maxfiy kanal linki beriladi.

🔒 Murojaat: @redpill_manager

Onasi oʻpmagani kerak emas

Peshonasi sajda koʻrmagan, qoʻli bir bor Qurʼon silamagan qizga uylanma. Allohni rozi qilishga urinmagan, sani rozi qilishga urinadimi?

Dunyoga mehri tushgan dunyoni goʻzaliga oshiq boʻlma. Diningning yarmini dunyoviy goʻzalligi bilan toʻldiradimi?

Ota-onasi bilan orasida masofa bor qiz bilan masofa saqla. Oʻz ota-onasidan masofa saqlagan, sani ota-onangga yaqin boʻla oladimi?

Kunlik rejalari orasida kitob mutolaasi boʻlmagan qizni reja qilma. Oʻzida ilm olishga xohish boʻlmasa, sani farzandlaringni ilmga qiziqtira oladimi?

Hayoti insta hayotdan iborat qizni hayolingga ham olib kirma. Instada toʻqchilikda yashab, sani sinovli yoʻqchiligingda yashay oladimi?

Bu gaplar faqatgina akam yoki ukamga emas, senga ham tegishli, muslima singlim. Hayotingning ⅓ qismini bilganingdek yashading. Qolgan ⅔ qismini kim bilan yashashni ham oʻzing belgilaysan. Kelajakdagi bolalaringga ota/onasini tanlash imkoni berilmasligini unutma.

Qayta-qayta bu postni oʻqi, qalbinggacha yetib borgancha, amalingga kiritganingcha, oʻzingni isloh qilganingcha jigar)

@doppili_kopirayter

Bumerangni keyingi soniga start beramiz

Oʻqiladigan kitob: Amallar niyatga bogʻliqdir

Muddat: 10 kun (2.12.2024–12.12.24)

Kitobni oʻqiysiz, taqriz yozasiz va menga joʻnatasiz. Alloh ilmingizni va nuringizni ziyoda qilsin.

Qarang, qanday yaxshi amal qilyapsiz. Ilm olyapsiz. Shayx hazratlarining merosini oʻrganyapsiz.

Oilangizga oʻqib bering, dugonalaringizga oʻqib bering. Oʻqing, ulashing, shunda 2 hissa foyda olasiz nasib boʻlsa.

Bardavom boʻling, foydangizga hujjat qilsin.

Cheksiz hurmat va himmat ila Doʻppili Kopirayter

Baxt yetkazish uchun tayyorlanmoqda, hurmatli kitobxon baxt sizni uzoq kuttirmaydi)

"Peshqadam Karvoni" loyihasining "Kitobxonlikni rivojlantirish" yo'nalishi uchun mening vazifamni bajara oladigan ayol-qiz xodim qidiryapmiz. Talabalar olinmaydi)

Ish jadvali: offlayn
Ish joyi: Toshkent shahri, Olmazor tumani

Talablar:
• yuqori o‘zbek tili savodxonligi;
• 200 dan oshiq kitob o‘qigan bo‘lishi va mutolaani sevish;
• odamlar bilan muloqotni yaxshi ko‘rish;
• ishiga mas’uliyatlilik;
• vaqtida ishga kelish;
• yangiliklarga ochiqlik va kreativlik;
• jamoaviy ishlay olish.
• yozuv ko'nikmasining bo'lishi
• kopirayterlik mahoratiga ega boʻlish.
• Ish tajribasiga ega bo'lish

Vazifasi:
• yo‘nalish doirasidagi barcha ishlarga mas’ullik;
• yo‘nalish doirasidagi loyihalar boshqaruvi;
• kitobxonlik tadbirlari tashkil qilish;
•Yo'nalish rivoji uchun kreativ g'oyalar berish.
• Loyiha sahifalari matnlarini yozish, tahrirlash

Maosh: suhbat asosida kelishiladi.

‼️‼️‼️‼️‼️‼️‼️‼️‼️
Iltimos, bu talablarga javob bermaydiganlar, talabalar, ish tajribasi yo'qlar, 200 tadan koʻp kitob oʻqimaganlar va offlayn ishlay olmaydiganlar murojaat qilmang! Vaqtimizni qadrlang.

Murojaat uchun: @tahrirchiqizz

Bugun ancha samarali va noodatiy kun boʻldi

Baʼzan yaxshiyam yakshanba bor deb qolaman. Hamma kun ham oʻz maʼzasi bor)

Tabiatni tomosha qildim, odamlarni kuzatdim. Kreativ odam bir xil hayotda yashay olmaydi.

«Mehr» kutubxonasiga bordim. Shu yerga borsam qandaydir maza qilaman. Ilmga qiziqqanlar bor, ixloslilar bor. Boshqacha muhitcha)

«Bumerang» ni gʻoliblariga kitob joʻnatdim. Nasib, uzogʻi 1-3 kun davomida sms'cha boradi.

Keyingi kitobimiz «Amallarga niyatga bogʻliqdir». Nasib boʻlsa, 1 oy davomida birinchi bosqichdagi kitoblarni oʻqib, tugatamiz. Nima demadingiz)

Ishga kirish siz oʻylaganchalik qiyin emas

Blog orqali frilansda, Oʻzbekistonda va butun dunyodan ish topish va ishga kirish haqida gaplashamiz)

1 yildan ziyod Telegram bloging tajribasi, 2 yildan ziyod kopiraytingdagi faoliyatim va 100 dan oshiq suhbatlardan olgan achchiq-chuchuk tajribalarimni birgalikda sizlar bilan koʻramiz.

Yondiramiz – 🔥

Obuna boʻlmasangiz, koʻp soqqali gaplardan quruq qolasiz 🤫

Linki mashetta: @xodimshunos

Ashnaqa gaplar)

Bu yerda ham bir nimalarni boshladim: https://t.me/xodimshunos/8

Kopirayting olamidagi qadamlarim

Adashmasam, Jaydari ustozdan iyun oyi boshida kopirayting kursini sotib oldim. Toʻlov qilib, kursga qoʻshilishim ham qiziq boʻlgan.
Kursga qoʻshilmoqchi ekanligimni aytib, xabar yozsam, matn yozishim kerakligini aytganlar.

Ingliz tili kanalimga reklama matni yozgandim, shuni joʻnatganman. Tasdiqlaganlar.

Ustozga bir nechta savol berib, qayta-qayta yozganman. Javob berishlari uchun bir necha daqiqa oradan vaqt oʻtgan. Meni sabrim chidamay "Aloo" deb yozganman. Shundan boshlangan hammasi...

Kanaldagi darslarni oʻzlashtiring. Amaliyot davrigacha menga yozmang degan birinchi tanbehni eshitganman.

Darslarni koʻrishni boshladim. Deyarli barcha mavzular real keys bilan tushuntirilgan. Bonus darslardan ham bir dunyo maʼlumot olsa boʻladi.

Darslar oʻzlashtirilib, 21 ta matn yozish jarayoni boshlandi. Birinchi matnni yozib guruhga joʻnatib, ustozlardan feedback berishlarini soʻradim.

Hamma har tarafdan xatoyimni aytib tashladi. Oldiniga idealdek koʻringan matnim, qizil ruchkalardan soʻng, ikki qator gapga aylanib qoldi.

Men kopirayter boʻlolmasam kerak deb oʻylab, ancha vaqtgacha yozmay qoʻydim.

Kursdagi yopiq kanalga xabar kelsa, men ham xatolarimni tan olib, yozishda davom etishim kerakligini his qilardim.

Vaqtlar oʻtdi. Yana shijoat bilan matn yoza boshladim. Tanqidni toʻgʻri qabul qilishim kerakligini ich-ichimdan his qilsam-da, matnimdagi kamchiliklar aytilgandan soʻng, yoza olmay qolaverardim.

Bir kuni arab tili ustozi kopirayter kerak ekanligini va matn yozib bera olishimni soʻrab yozib qoldi. (Meni qaysidir kanal kommentiga yozganimdan topib kelgan ekan. Chunki telegramdagi ismimni yoniga copywriter deb yozib olgan edim)

Nomim quruq savlat boʻlib qolishidan qoʻrqib, mayli dedim. Kanalni reklama qilish uchun reklama matni yozishim kerak edi.

Yozdim. Bahodir_Mexriddin ustozimiz tekshirib berdilar. Kamchiligi bir dunyo. Toʻgʻriladim. Yana yozdim. Yana xato bor. Zoʻr ketyapsiz deb motivatsiya berib qoʻyadilar. Oʻzimga ishonchim ortib, yana yozaman. Ishonasizmi, bitta matnni ikki kun yozganman.

Boshlanishi doim shunaqa boʻladi deydilar. Xatoyimni aytsalar, xafa boʻlaman, lekin toʻxtamadim. Qoʻlingizdan keladi, uddalaysiz deb meni kayfiyatimni koʻtaradilar.

Reklama matni mijozga yoqib 60 ming soʻm tashlab bergan.

Jaydari ustozga aytib suyunchi olgim kelgan, lekin amaliyotga qoʻshilmay turib nega real keys bilan ishlayapsiz deb urishib bersalar-chi deb qoʻrqqanman.

Kursga qoʻshilganimga ham 5 oy boʻldi. Bahodir_Mexriddin ustozdan amaliyotga qoʻshilsam boʻladimi deb soʻradim. Portfoliomni koʻrib, kamchiligini aytdilar. Toʻgʻriladim. 21 ta matn tahlili va meni hozirgi darajaga yetishimda bu ustozni hissasi juda katta.

Jaydari ustozga amaliyotga qoʻshilmoqchi ekanligimni aytdim. Telegram profilim toʻgʻri qadoqlanmagani, amaliyotga tayyor holatda emasligimni aytdilar. Yana bir oy muhlat soʻradim...

Hozir amaliyot oʻtayapman. Toʻgʻrisi, hozirgacha oʻrgana olmaganlarimni amaliyotda oʻrganyapman. Ustozdan soʻkish eshitib yigʻlagan kunlarim ham boʻlyapti, maqtov eshitib xursand boʻlgan kunlarim ham bor, alhamdulillah...

Amaliyot tugagach, jarayon haqida yana yozaman...

Sizlar bilan kanalda darslar oʻtsak, jonli efirchalar qilsak degan bir niyatlarim bor.

Qaysi mavzularda Doʻppili Kopirayterdan dars yoki jonli efirchalarni kutyapsiz)

Natijalar bilan tanishing

1-oʻrin sohibi – Nazokat

2-oʻrin sohiblari

• Eʼzoza
• Odinaxon
• Muhayyo

3-oʻrin sohiblari

• 🍂 profili egasi
• Jaloliddin
• Faria
• Durdona
• Julaybiy
• Shahnoza
• Durdona Sobirjonovna

Test yechgan, ammo taqriz yozmaganlar sizga ham rahmat. Bunday keyingi tanlovimizda qatnashib, taqriz yozib, gʻolib boʻlishingizni istayman.

Gʻolib boʻlganlar ism-familiya, telefon raqam va hozirgi yashash manzilingizni aniq qilib yozib yuboring.

Menga yozish uchun: @Bahodir_Mexriddin

Nasib boʻlsa, «Bumerang» loyihamizning keyingi mutolaa qilinadigan kitobi «Amallar niyatga bogʻliqdir» kitobi boʻladi.

Shu kitob mutolaasida kim birinchi oʻrinni olsa, «Maroqli Hifz» ni hadya qilsammi)

Shu postimiz 77 «❤️» yigʻsa, shunday qilaman, kelishdik)

UPD: Javoblar 2 kun ichida eʼlon qilinadi.

Zamon nozik, menda ham ish, roʻzgʻor bor. Sal yordam qilinglar endi)

Kim inson va hayvon aʼzolarini oʻrganib, ularning ajoyib manfaatlarini aniqlasa, Xoliqning kamoli tadbiri haqida xabar beruvchi ilmni kashf qilmasdan iloji yoʻq deydi?

A) Imom Gʻazzoliy
B) Umar Hayyom
C) Ali roziyallohu anhu

2. «Toʻxtang, oʻzingizga yaxshi boʻladi». Qaysi Paygʻambar alayhissalom qavmiga shunday oyat tushgan?

A) Dovud alayhissalom
B) Iyso alayhissalom
C) Muso alayhissalom

3. Faylasuflar ikki tabaqaga boʻlinadi. Ikkinchi tabaqani toping.

A) dahriylar
B) zindiqlar
C) avliyolar

4. «Uni bu yerda shunday holda nima tutib turganini bilsam edi deb oʻzi sezmagan holda iymon kalimasini aytib yuborgan fazogir millati?

A) German
B) Rus
C) Ingliz

5. Agar islom shu boʻlsa, biz unga kiribmiz degan faylasuf?

A) Faust
B) Gyote
C) Tolstoy

6. Masihning toʻgʻri taʼlimotlarini rumliklarning butparastlik odatlariga almashtirgan va Masihni xudo deb eʼlon qilgan odamni toping?

A) Gyost
B) Pavel
C) Abdul Jabbor

7. Dunyo ayollarining eng yaxshisi?

A) Maryam onamiz
B) Fotima onamiz
C) Oisha onamiz

8. Baytul Maqdis xizmatiga nazr qilingan onamiz?

A) Oisha onamiz
B) Xadicha onamiz
C) Maryam onamiz

10 kun, 10 kishi va butun umringiz uchun foyda oladigan kitob mutolaasi – Kitobiy tarmoqni yangi soni boshlanibdi)

Marafonda koʻrishamiz)

🥰 Yana yangi marafon


📚 Hurmatli kitobxonlar!

📚 Sizlar bilan Erkin Malik qalamlariga mansub “Xotira uyg‘onsa go‘zal” kitobini o‘qib tugatgan edik. Endi esa hazratimiz rohimahullohning hayotlarini yanada ba’tafsil o‘rganish uchun keyingi kitobni o‘qishga kirishmoqchimiz. Bu kitob Fazilatli shayx Muhammad Sodiq Muhammad Yusuf rohimahulloh haqlarida zamondoshlarining xotiralari aks etgan “Muhammadga (sollallohu alayhi vasallam) sodiq Muhammad Sodiq” kitobidir. Kitobni 10 kun davomida mutolaa qilamiz va marafon yakunida har safargidek Google Test orqali bilimlarimizni tekshirib koʻramiz. Eng yuqori natija koʻrsatgan 10 kishini esdalik sovgʻasi bilan taqdirlaymiz.

📔 E’tiboringizga 10 kunlik mutolaa rejasini taqdim etar ekanmiz, barchangizga maroqli va foydali mutolaa tilaymiz!

✅ Marafonga qo‘shilish uchun link: https://t.me/+A4tieZeZiJw1M2Zi

Telegram || Instagram || Facebook

Bugun qanaqa kun edi)

Bugun 21:40 da testimiz boʻlib oʻtadi. Qattiq tayyorlaning, savollar oʻta qiyin)

Nasib boʻlsa, bugun 21:00 gacha bemalol taqrizlaringizni yuborishingiz mumkin.

Testda koʻrishguncha ilm shaydolari)

«Sof tabiat dini» kitobi mutolaasi ertagacha yakunlab, bugun kun davomida taqrizlarni yuborishingiz mumkin.

Taqriz oʻta qiyin narsa emas, shunchaki kitobdan olgan xulosangiz, tavsiyalaringizni yozsangiz boʻldi. Shu bilan olam guliston)

Test savollari ertaga 21:30 beriladi nasib boʻlsa. Ungacha taqrizlaringizni kutaman.

Shu janobga yuborasiz: @Bahodir_Mexriddin

P. S. Loyiha boʻyicha har qanday savolingiz, eʼtirozingiz, taklifingiz boʻlsa ham yozavering.

Hozirni oʻyla, erta bir gap boʻlar

Hozir hamma muvaffaqiyati haqida gapirayotgan bir paytda, kel biz xatolar haqida gaplashamiz, jigar.

Oxirgi paytlarda qaror berishim ancha qiyinlashib qoldi. Shunaqa vaziyat boʻladiki, ikkala variantni ham boy berging kelmaydi.

Oflaynga ish qidiryapman, suhbatlarga boryapman. Oxiri ikkita variant qoldi: tayyor 4 mln oylik, 3 oyga kelishuv qilinadi va hech qanday oylik yoʻq, noldan boshlaysan.

Ikkala ish joyi ham oʻziga yarasha obroʻsi bor, qadriyati bor, bir-biridan ahil jamoasi bor. Risk qildim, ikkinchi variantni tanladim.

Agar jigar hali uylanmagan va masʼuliyating oʻzingda boʻlsa, qoʻrqmaslik kerak. Koʻproq xato qilish va hayotni oʻrganish kerak. Bitta joyda boshlangʻich oyligiga ishonib, oʻsmay qolganingdan risk qilib, xato qilib, oʻsganing maʼqul ekan.

Yana bilmadim, jigar. Hozir uchun bu toʻgʻrimi yoki yoʻqmi bilmadim, ammo keyingi karyerang uchun hosili yaxshi boʻladi.

Yana bir narsani eshitib qoldim jigar, bir qizni sevib qolibsan. Oshiq-mashuqa boʻlib yurgan ekansan. Tillaringdan bol tomib maqtab, kunda 5 mahal bir-biringizni eslab, tunni tongga ulayotgan ekansiz.

Uylansam ham, uylanmasa ham shunga uylanaman deyapsan-u, ammo ikkalangizni ham ota-onangizning bundan xabari yoʻq ekan.

Toʻgʻrisini aytsam jigar, sen uchun jonim achiydi. Sen faqat hoziringni oʻylayapsan. Hozir u bilan qilayotgan har bir ishing zararingga ishlaydi.

Qanday zarar? Bizda hammasi yaxshi, biz bir-birimizni sevamiz dersan balki. Toʻgʻri aytasan, ammo Alloh buyurgan va Paygʻambarimiz alayhissalomning sunnati bunday ishlar bilan boshlanmaydi.

Hozir bir-biringizni faqat yaxshi tomoningizni koʻrasiz, xuddiki sen ham, u ham farishtasizlar. Iltimos bu ishlaringni va munosabatlarni toʻxtat. Boʻlmasa hayotingdan, vaqtingdan, ishingdan barakani olib qoʻyadi.

Nima sevmasdan, oʻzim bilmagan va tanimagan insonga uylanaymi? Shunday qil. Menimcha jigar, sen «Baxtiyot oila»ni oʻqimagansan. Bir oʻqib koʻr.

Jigar, meni toʻgʻri tushunasan. Sendagi xatolarni koʻrib, shunchaki jim tura olmayman. Mendan ham xato oʻtadi, yuzimga ayt, yolgʻiz holimda ayt, toʻgʻri tushunaman.

Bilasanmi, jigar. Oila qurish ham katta risk. Hamma roʻzgʻor – gʻor, boshingga tushsa koʻrasan deyishadi. Toʻgʻri, oila shunaqa boʻladi-da. Ikkala tomon ham tajribasiz, hali yosh.

Bir-birini oʻrganadi, tushunadi. Kerak joyda mehr-eʼtibor beradi, kasal boʻlsa, oʻzi kasal boʻlganday tezroq davolashga harakat qiladi. Ikkalasi eng yaxshi kunida ham, yomon kunida birga boʻladi.

Bir kun ovqati shoʻr boʻladi, bir kun dazmol bilan koʻylagingni kuydirib qoʻyadi. Yana bir kun idish-tovoqlarni sindirib qoʻyadi. Yaxshida, ikkalangiz ham insonsiz. Xato qilsa, kechirasan, koʻz yumasan, bilmaganlikka olasan.

Hayot shunisi bilan qiziq emasmi, jigar? Oʻzingni ehtiyot qil. Assalomu alaykum.

@doppili_kopirayter

Kutuvlarni yo‘qoting: Allohdan boshqa hech kimdan hech narsa kutmang

Esimda, 5-sinf paytimda ozgina siqilib qolgandim. Aynan nima uchun siqilganimni aytsam hozir oʻzim kulgim keladi. Pul topmayotganim uchun siqilib qolgandim.

Bilmadim, ammo oʻsha paytdan boshlab yaqinlarimdan moddiy tomonlama kutuvni toʻxtatganman. Berishsa olardim, berishmasa oʻzim topganim yetardi.

9-sinfdan keyin maktabni litseyda davom ettirdim, birinchi marta uydan, yaqinlardan uzoqqa, musofirchilikni boʻynimga oldim. Ozgina qiyin boʻldi, har doim olib turgan mehring, har doim koʻrib turgan yaqinlaring yoningda boʻlmasa, boshqacha boʻladi ekan.

Insonmiz-da, koʻnikdik. Ularning baʼzan menga eʼtiborlari, mehrlari kamaysa ham, ularni tushunishni va ulardan koʻp narsa kutmaslikni boshladim.

Jannatim ovqat qilsalar, dasturxonda hammamiz yigʻilib, maza qilib ovqatlangandan keyin birgina «nimaga bunday ovqat qilasiz, buncha shirin boʻlibdi» degan gapim xursand boʻlishlariga sabab boʻlsa oʻzim ham boshqacha boʻlardim.

Baʼzan kutuvlarimiz bizni sindiradi, hammani yomonga, yolgʻonchi va vijdonsizga chiqaradi. Kimdir turmush oʻrtogʻi yaxshi eʼtibor bermasligidan noliydi, kimdir esa yaxshi pul topmasligidan, boshqalarga oʻxshab yaxshi yashamayotganidan noliydi.

Kimdan nima kutishni, qancha kutishni va oʻzi kutish kerakmi yoki yoʻqmi shuni aniqlab olish kerak menimcha.

Siz boshqalardan kutuvni eng past qiling, sizdan kutilgan kutuvlarda esa himmatli boʻling.

Hech qachon zarar koʻrmagan savdogar

@doppili_kopirayter

«Bumerang» ning 2-mavsumi boshlandi, esingizda-ya)

Kitobni oʻqishni boshladingizmi?

Gʻayb ishida matematika ishlamaydi

P. S. Yigʻilishi reja qilingan pulning 3/1 qoldi. Yana ozgina himmat qilaylik)

Keyingi xayriyamizni boshlaymiz

Yuqoridagi skrinshot (ekran rasm) larda haqdor haqida maʼlumotlar bor.

Hozir oʻqishlarini yakunlamaganlar, oila va roʻzgʻor uchun qoʻshimcha ishlayaptilar.

Oʻzi bizni sababchi qilib shu oilaga qodir qilganicha yordam beramiz inshaAlloh.

Imkoningiz boricha ehson qiling, yaqinlaringizga ulashing va haqlariga duo qiling.

Karta maʼlumotlarini keyingi postda alohida qoldiraman.

🇺🇿 @beruvchi_qol – olganingiz emas, berganingiz oʻzingizniki

Muhabbat nima?

Qimmat sovgʻalar, doimiy eʼtibor, shirin soʻzlar va yoki barchadan yuksak hurmat bilan taʼminlagan erkaklar ham bir kun ayolini kichik muammolar yuzasida tashlab ketgan vaqtda…

Otamni nogiron holdagi onamga 20-yil tiq etmay gʻamxoʻrlik qilganlarida, hatto shol boʻlgan vaqtlarida ham bosiqlik bilan oyoqqa turgʻizganlarida koʻrdim uni…

Onam buketlab gul olmasalar ham hovlini koʻchada falon soʻmga sotiladigan har xil gullar bilan yashnatib tashlagan otamda koʻrdim uni…

Onam toʻlib ketganlarida ishdan charchab kelsalar ham yelkalarini tutib indamay tinglagan otamda koʻrdim uning isbotini…

35 yillik turmushda biron marta hech kimga nolimagan, biron marta onam haqlarida yomon sifatni gapirmagan otamda muhabbatning isbotini koʻrdim.

Xulosa. Hammaning oʻz muhabbat tili bor. Atrofda kimningdir jufti doʻndirib qoʻygan ishni balki juftingiz qilolmas, lekin uni oʻz kuchli jihati bor. Hammamiz oʻziga xos individmiz. Oʻziga xos tuzilgan xarakterimiz bor. Shunchaki yoningizdagi baxtni koʻra olish kerak.

aziza_reader

@doppili_kopirayter

Erkak kishini kamgʻaballikka koʻnishiga haqqi yoʻqmi?

Bu safargi loyihamizda gʻoliblar sonini 15 ta qiladigan boʻldik.

Har bir oʻrin olgan insonga 2 tadan sovgʻa beriladi. Bu sovgʻalar: kitob, pul mukofoti yoki 1 oylik Telegram Premium boʻlishi mumkin. Oʻzingiz tanlaysiz.

Oʻqiladigan kitobimiz: Sof tabiat dini

Oʻqish muddati: 2 hafta (11.11 dan 25.11 gacha)

Taqriz yozganlargina testda qatnasha oladi. Taqriz yozmasdan ham testda qatnasha olasiz, ammo sovgʻa ololmaysiz.

Kitobni qayerdan topsam boʻladi?

Bu yerdan: qogʻoz va elektron koʻrinishi

Ilmingiz va nuringizni ziyoda qilsin. Assalomu alaykum.

Men qoʻshildim, sizchi)

Yangi qabul boshlandi. Mazasini bilish uchun shunchaki qatnashib koʻrishingiz kerak.

Tavsiya qilaman, birinchi 100 talikni sizlar toʻldirishingizni xohlardim)

🔒 RedPill-14⚡️

RedPill - maqsadingizga tezroq erishishda va shaxsiyatingizni kuchaytirishda yordam beradigan amaliy loyiha. Mana shu yo'lda sizga to'siq bo'layotgan muammolaringizga yechim bera oladi.

Loyihaning 14-soniga qabul rasman ochildi. Shu kungacha RedPill-da 2000 dan ortiq ishtirokchi qatnashdi. Ularning fikrlarini @redpill_feedback kanalida o'qishingiz mumkin. Juda ham ko'p.

Joylar cheklangan! To'lishi bilan qabul yopiladi. Uzoq cho'zilmaydi. Dastlabki 100 ishtirokchi uchun chegirmalar belgilangan. Qabul ochilmasdanoq joylarini band qilganlar ko'p. Shoshilamiz.

Qo'shilish uchun @redpill_manager profiliga murojaat qiling. Shartlar yuboriladi va bajarsangiz, yopiq kanal linki beriladi. Loyiha haqida ma'lumotga ega bo'lmasangiz, mana bu link bilan tanishib chiqing.

Bu safar yana rekord natijalar qilamiz, nasib. Ko'rasiz🌪

🔒 Murojaat: @redpill_manager

Bu tanlov ham boshlanibdi)

#marafon

🥳 “10 kunlik mutolaa”

Sizlar bilan “Islomga bag‘ishlangan umr” kitobini o’qib tugatgan edik. Endi esa talab va istaklaringizga binoan, hazratimiz rohimahulloh hayotlarini yanada chuqur oʻrganish maqsadida navbatdagi kitob mutolasini boshlamoqchimiz.

Bu kitob hazratimiz bilan birga faoliyat olib borgan ustozimiz, yozuvchi Erkin Malik qalamlariga mansub 📖 “Xotira uyg‘onsa go‘zal” kitobidir.

🏃‍♀‍➡️🏃‍➡️ Marafon 31-oktabr kuni boshlaymiz. Marafonda ishtirok etish uchun quyidagi https://t.me/+aCNMRAQz_TwwNTYy guruhga a’zo bo‘lasiz. Kitobni 10 kun davomida mutolaa qilamiz va marafon yakunida oʻtgan safargidek Google Test orqali bilimlarimizni tekshirib koʻramiz.

🤩 Eng yuqori natija koʻrsatgan 10 kishi 🎉 “Peshqadam Karvoni” loyihasi “Kitobxonlikni rivojlantirish” yoʻnalishining hisobot majlisiga taklif qilinadi va esdalik sovgʻasi 🎁 bilan taqdirlanadi.

E’tiboringizga 10 kunlik mutolaa rejasini taqdim etgan holda, barchangizga yoqimli mutolaa tilab qolamiz!

Telegram || Instagram || Facebook

«Bumerang» loyihasining natijasi chiqishini kutayotganlar nechtamiz)

P. S. DTM ham bunday kuttirmagan edi-ya)

Baʼzan «dunyo»ga tushunmay qolaman

Xavfsizlik uchun ishlab chiqarilgan kamarni faqat formali akalarni koʻrganda taqamiz. Shunda formalilar xavflimi?

Masjiddan yoki qabristondan oʻtayotganda qoʻlimiz duoda, Allohni eslab qolamiz. Shunda Allohni eslashni ham oʻz joyi bormi?

Boshimizga katta musibat tushib qolsa yoki yaqinimiz vafot etib qolsa, Qurʼon oʻqiydigan imom-qorilarni qidirib qolamiz. Shunda «Oʻqi» deya faqat imom-qorilarga buyurilganmi?

Folga ishonma deymiz, ammo folsiz ham yurma deymiz. Six ham, kabob ham kuymasin deymizda endi-a?

Ota-onang topilmaydi degan qoʻshiqlarni baland qilib, zap eshitib yuramiz. Ammo ota-onamizdan xabar olganimizga yaqinda 1 hafta boʻladi. Mehr-muhabbat juda kuchli-da bizda-a?

Haftaning aynan jumalarida, hayit bayramlarida bizdan taqvolisi yoʻq. Shunda taqvo kunga qarab taqsimlanganmi?

Sevgi toʻgʻrisidagi musiqalar bilan pleylistimiz toʻla. Kerak boʻlsa, qayta-qayta eshitamiz, ayniqsa, chin dildan sevgan qizchamiz bilan arazlashib qolsak bormi. Lekin u qiz bilan bilan tanishib, sevishganimizga 1 hafta boʻlgan edi. Sevgimiz kuchli-da, sevgimiz?

Poliglotmiz. Koʻp tillarni bilamiz. Dindori bilan dindor, savdogari bilan savdogar, soddasi bilan sodda boʻlib gaplashamiz. Axir, biz bir yuzli, koʻp tilni biladigan odamlarmiz-da.

100 yoshga kiraylik deb har duomizda aytamiz. Sigaret, nos, aroq, kolyan va yana boshqalarni xilma-xilini bilamiz, ayniqsa beradigan mazasigacha. Koʻp yashamoqchi edikmi?

Yuqoridagi gaplarda haddimizdan oshish va xatolik boʻlsa, oʻzimizga aytib qoʻying.

Jizzax, Sharof Rashidov
27.11.2023

@doppili_kopirayter

Hamma zoʻr hayotda yashayapti

Ijtimoiy tarmoqlar moddiyunchilikni, moddiyatparastlikni va shahvatparastlikni aqlbovar qilmas darajada kuchaytirib tashladi. Avvallari hech bir kino, hech bir serial va hech bir shou oʻzgartirolmagan onglarni ijtimoiy tarmoqlar va undagi koʻz-koʻz qilinayotgan farovon hayot imitatsiyasi oʻzgartirib tashladi.

Yaxshi insonmisan yo yomonmi, ahamiyati yoʻq. Agar yaxshi daromad qilayotgan boʻlsang - zoʻrsan, namunasan, yoshlarga oʻrnaksan. Axloqsiz nusxa, fohisha yo jirkanch qalbli maxluq boʻlsang ham seni qahramonga aylantiradigan narsa - moddiy farovon hayoting boʻlib qoldi.

Hatto diniy maʼruzalar, xalq orasida sal-pal tanilib qolgan diniy xodimlarning gaplarini ham montajda qimmat mashina, shohona uy va chiroyli manzillar fonida koʻrsatish urfga aylandi. Xuddiki "Boymisan, demak Alloh seni yaxshi koʻradi" degan gʻoya singdirildi.

"Puling kammi, demak oʻzing axmoqsan, Allohga xush kelmagan nimangdir bor, shunga senga boylik bermayapti. Negativsan" degan tushuncha onglarni egallayapti.

Bugungi kunda ajrimlarning asosiy qismi ham moddiy yetishmovchilik sabab emas, sabr yetishmovchiligi sabab koʻpaydi. Er oddiyroq va arzonroq mashinada boʻlsa, yoki jamoat transportidan foydalansa ayol oʻz hayotidan qoniqmay qoldi.

Axir tarmoqlarda kimningdir eri zamonaviy mashinada yuribdi. Ayolini qoʻgʻirchoqdek kiyintirib qoʻyibdi. Ayoli malikalardek yashayapti.

Er ham ayolidan mutlaqo qoniqmay qoldi. Axir tarmoqlarda mutloq ideal qomatli va oʻsha boʻrtgan joylariga ishlov bergan minglagan ayollar uning hayolini egallayapti. Xotini esa ularga yaqin ham kelolmayapti.

Ruhiy xotirjamlikdan, oʻz hayotidan rozilikdan asar ham qolmayapti. Insoniyat (jumladan aksar musulmonlar ham) ruhiy inqirozda.

© Abdulaziz Saidalixonov

@doppili_kopirayter

Shunaqa yechim qilamiz

Asosiy ehson posti shu kanalda eʼlon qilinadi.

Pul oʻtkazmalari, hisobotlar va jarayonlar @beruvchi_qol kanalida beriladi.

Ulanib oling: @beruvchi_qol

Fikringizni bilmoqchi edim

Bu blogim asosan Telegram kanal yuritish, bloging, kopirayting, ijtimoiy loyihalar va matvatsa beruvchi va ilmga targʻib qiluvchi postlarga moʻljallangan edi.

Ehson eʼlon qilsam koʻp post joylashimga toʻgʻri keladi. Sizlarga bu noqulay boʻlmasin deb alohida ehson uchun boshqa kanal ochmoqchiman.

Nima deysiz, hammasi shu kanalda boʻlgani maʼqulmi yoki alohida kanalda ehson boʻlishimi?

Yozingchi)

Shogirdlarimiz esa bunday yozishadi...

Keyin bunday ham yozib turishadi...

Menga shunday yozib turishadi...

Katta rahmat akalar, opalar

Hurmat bilan Asila

Yaxshi dam oling. Assalomu alaykum.

Bizda shuncha pul qoldi

Bu kitobcha uchun qolgan yarim toʻlov va yetkazib berish xizmati uchun toʻlandi

Alhamdulillah, oʻsha kunga yetkazdi

7 yoshli ilmga muhabbatli Asila va onalari bilan koʻrishdim.

Sizlarning haqqingizga duo qilishdi. Koʻp rahmatlar aytishdi.

Muhimi biz bir boʻldik, bir qizning ilm olishiga sababchi boʻldik.

Bizga ishongan, ehson qilgan va dalolat qilgan hammaga rahmat. Foydangizga hujjat qilsin.

@doppili_kopirayter

Yoʻlda oʻtayotgan edim. Yashil yondi. Bir qadam tashladim. Ikkinchi qadamni tashlamoqchi edim, katta tezlik bilan Spark yonimdan oʻtib ketdi.

Bir lahzada butun hayotim koʻz oldimdan oʻtdi...

Hozir bizda shuncha pul bor

Nasib boʻlsa, Navoiydan ham kitob buyurtma qilganmiz. Mana bunday kitob: https://t.me/doppili_kopirayter/444

Asila shu kitobga havas qilgan ekan.

Sizlarga rahmat, shunday xayrli ishga sababchi boʻlyapsiz. Foydangizga hujjat qilsin.

Yoʻlga chiqdim. Safarimizni xayrli, bexatar va oson qilsin.

Bildirgi

Kecha boʻlgan test javoblarini safardan kelib eʼlon qilaman inshaAlloh.

Bizda hamma yigʻilgan pulda hozir yuqoridagi pul miqdori qoldi

Kelinglar, sizlar bir yaxshlik qilamiz

Yuqoridagi karta menda. Oʻshanga imkonimiz boricha pul yigʻamiz. Sizda qay tomonlama imkoniyat boʻlsa, yordam berishingiz mumkin.

Men boraman nasib. Manzillarini oldim.

Karta raqami: 8600042424119591 – Bekmirzayeva Nazira nomida

Men bilan bogʻlanmoqchi boʻlsangiz: @Bahodir_Mexriddin | +998905005693

Oʻzim Toshkent, Chilonzordaman hozir.

848 ming soʻmga quyidagi kitoblar olindi:

https://t.me/busybooks_uz/8135?single

https://t.me/busybooks_uz/7674?single

https://t.me/busybooks_uz/7770?single

85 ming soʻmga olindi

Bu kitobcha uchun yarim toʻlov qilindi.

7 yoshli ilmga muhabbatli qizimizga ingliz tilidan onlayn beradigan ustoz topildi. Ikkinchi rasmdagi kitobni olmoqchimiz.

Birinchi rasmdagi qoʻllanmani orzu qilgan ekanlar. InshaAlloh oʻshani olamiz.

Qolgan pul miqdorini yana hisobotini berib boraman.

Nasib qilsa dushanba kuni bormoqchiman.

Qashqadaryoga bormoqchi boʻlganlar boʻlsa yoki boshqa yordam bermoqchilar boʻlsa, oʻzimga yozsangiz boʻladi.

Dushanba kuni boradigan boʻldim nasib boʻlsa.

Nimalar qilishimizni keyingi postda aytaman.

Barakasini bersin. Bizda shuncha pul yigʻildi

Mana shunday qoʻllanmani qayerdan topsak boʻladi?

Bilsangiz dalolat qilsangiz.

Alhamdulillah, bizda shuncha pul yigʻildi hozircha

Hisobotlar bu yerda: https://t.me/doppili_kopirayter/437?single

Nasib boʻlsa, kelasi hafta chorshanba kuni Qashqadaryo, Chiroqchiga boradigan boʻldim.

Chorshanbagacha yigʻsak, ilmga muhabbatli oʻsha qizchani qalbiga xursandchilik olib kirardik.

Ulashayotganlar, ehson qilayotganlar va bizga ishonayotganlar sizdan Alloh rozi boʻlsin.

7 yoshli qizchaning orzusi. Oʻzi oson qilsin.

Doʻppili Kopirayter | Blogcha pinned Deleted message

Sizning sadaqangiz 10 barobardan 700 barobargacha ko'paytiriladi — ixlosingizga qarab. Agar 700 barobar ko'paytirilsa, demak, siz 700 ming so'm sadaqa qilgan hisoblanasiz. Hatto bundan ziyoda bo'lishi ham mumkin.

Endi shu xayriya e'lonini boshqalarga ham ulashsangiz, ular sadaqa qilgan miqdorcha siz ham sadaqa qilgandek bo'lsangiz, ehhe qancha savob olish mumkin!

Qancha imkoniyatingiz boʻlsa ham berishga harakat qiling. Hech boʻlmasa ulashing.

Hisobotlar bu yerda: https://t.me/doppili_kopirayter/437?single

Qanday yaxshilikka sababchi boʻlyapsizlar-a)

Toʻxtab qolmaymiz. Nasib chorshanba kuni boraman. Manzillari Qashqadaryoda ekan.

Jigar sen bilan faxrlanaman

Oʻtgan safar sen bilan ancha dardlashgandik. Senga qattiq gapirgan boʻlsam, uzr.

Hidoyatga kirganing bilan tabriklayman. Bardavom qilsin. Jigar endi islomni chiroyli koʻrsatishimiz kerak. Duolaringda koʻproq xulqimni chiroyli qil deb soʻra.

Jigar senga ishonaman. Tashqi koʻrinishingdan koʻra koʻproq qalbingni, taqvoyingni goʻzal qilasan. Dinni uzuq-yuluq oʻrganib olma, soʻzi amali bilan birga boʻlgan ustoz top jigar.

Boshida hamma seni mulla boʻldingmi, baribir tashlab qoʻyasan, namozni tashlab qoʻysa katta gunoh ekan deb seni toʻgʻri yoʻldan qaytaradiganlar chiqishi mumkin. Oʻylanma, jigar. Ikkilanma. Senga shu gapni aytayotganlarning oʻzi bir mahal ham namoz oʻqimaydi.

Jigar, kibr qilma. Hidoyat berganiga, taqvo berganiga, boshqalar benamoz yuribdi, men alhamdulillah namozdaman dema. Avvaling bilan oʻzingga hukm chiqarma, oxirimiz hammasini hal qiladi.

Ilm yoʻliga endi kirding jigar. Eslab qol, sen ilm yoʻlida emas, jannat yoʻlidasan. Bu yoʻlda har qanday mashaqqatga chidab berishing kerak. Yana bir narsani aytaymi jigar? Bu mashaqqat shirin mashaqqat-da. Oxiri lazzatli va xayrli. Ilmni lazzatini bir totsang bormi, boshqa lazzat bekor-da)

Qoʻrqma, yoningdaman jigar. Faqat bitta narsadan xavotirlanaman sen uchun jigar. Erta ilmli boʻlsang, rizqingga baraka berib, boyib ketsang, nomingni hamma eshitsa, aldanib qolma. Senga boyliging, ilming, har qanday moddiyating uchun yaqin boʻladiganlardan uzoqroq yur.

Senga berilgan barchasi doimiy emas. Shuni esdan chiqarma jigar. Aytmoqchi boʻlganim erta qoʻlingda hech narsa boʻlmasa ham seni dining uchun doʻst boʻladiganni koʻpaytir. Oʻzingga yaqinlashtir, kerak boʻlsa oʻzing doʻst boʻlish taklifi bilan chiq.

Keyin jigar yana bir sinov bor. Ilm olayotgan payting boshida rizqing koʻp boʻlmasligi, hamma orzu qiladigan premium hayotda yashamasliging mumkin. Seni koʻrganlar ahvolingni qara, kitob oʻqishdan boshqasini bilmaysan, oʻqituvchilik ham kasbmi, boʻladigan ishni qilsangchi deyishlari mumkin.

Oʻqib, olim boʻlarmiding, yigʻishtir karam-shoʻrvangni deyishlariyam mumkin. Jigar oʻsha gap, ilm yoʻli oson yoʻl emas. Keyin zar qadrini zargar biladi, taksichi qayerdan bilsin jigar. Shundaymasmi?

Eshitishimcha jigar nafsingni oʻzingga boshliq qilib olibsan. Nima desa soʻzsiz bajarayotgan ekansan. Koʻp yeyish, koʻp uxlash, koʻp gapirish boʻyicha yaqinda seni Ginnesning rekordchalar kitobida koʻrib qolamanmi deyman)

Bilib qoʻy jigar, nafsini tanigan Robbisini taniydi. Yoʻlingni yoʻqotma jigar, oʻzingga ham, sendan keyin keladiganlarga ham foydasi tegmaydigan ishlarni kamaytir. Voz kech. Jannat yoʻli oson emas jigar.

Yana gaplashamiz. Boringga shukur. Assalomu alaykum.

@doppili_kopirayter

Muddat uzaytirildi. Ertaga 20:00 da test boʻladi.

«5 kunlik mutolaa» marafoni

Marafon uchun “Islomga bag‘ishlangan umr” kitobi tanlandi.

Marafonda qatnashish shartlari:

1. Marafonga qatnashish uchun ushbu havola orqali https://t.me/+xwVz--iU43liMTUy yopiq guruhga qo‘shilasiz;
2. Kitobni 5 kun davomida belgilangan kunlik tartib bilan o‘qiysiz;
3. O‘qigan sahifalar sonini guruhda belgilab borasiz.

Marafon 19-oktabr kuni boshlanadi. Kitobni Hilol ebook dasturida bepul yuklab olishingiz mumkin.

G‘oliblarni quyidagi tartibda aniqlaymiz:

25-oktabr kuni Google orqali o‘tkaziladigan onlayn testdan 5 ta ishtirokchi g‘olib bo‘ladi.

🙂‍↔️ Sovg‘aga-chi, sovg‘aga nima berasiz?

🤩 G‘oliblar «Peshqadam karvoni» loyihasi tomonidan o‘tkaziladigan hisobot tadbirida ishtirok etish imkoniyatini qo‘lga kiritadi. Shuningdek, ular tadbir davomida esdalik sovg‘alari bilan ham taqdirlanadilar.

😉 Yaqinlaringizga yaxshilik qilish yodingizdan chiqmasin-a.

Telegram || Instagram || Facebook

Bugun «Bumerang» loyihasi doirasida birinchi kitob –«Iymon» dan test savollari 20:00 da yuboriladi.

Hamma bemalol qatnasha oladi. Oʻzingizni sinab koʻrishingiz mumkin. Ammo sovgʻalar taqriz yozib, testni yechganlarga beriladi.

Taqriz yubormagan boʻlsangiz, bugun 20:00 gacha vaqtingiz bor

20:00 ga budilnikchani qoʻying)

Telegram kanal yuritish uxlayotganda ham daromad qilsa boʻladigan sohaga aylanyapti.

Bozorda vaziyat oʻzgaradi)