Ijod.Dilnoza Kubayevaning telegram sahifasi

#Ona_tilim

🎬 "BEKAT"

🍂Tilimizga munosabat haqida og‘riqli videorolik.

🍃O‘zbek tilidan sof foydalanaylik!

Kanalga ulanish 👉 https://t.me/dtrdep

Bizning manzil:
Veb-sahifa | Telegram | Facebook

Ўйлар эдим ҳаёт бизни сийлайди деб,
Биз куйлаган қўшиқларни куйлайди деб.
Бугун бўм-бўш юрагимни сийлаябман,
Ҳаёт қандай айтса шундай куйлаябман.

Ўйлар эдим сўнмас менинг ғурурларим,
Кўксимдаги ҳайратларим, сурурларим.
Бугун қолдим икки ўтнинг озорида,
Йиғлаябман ғуруримнинг мозорида.

Ўйлар эдим дўстларим бор, дил чоғ этар,
Йўлимдаги чоҳларимдан огоҳ этар.
Ё раб бугун бу ўйинда ўзиб чиқдим,
Дўстим ташлаб кетган чоҳдан ўзим чиқдим.

Ўйлар эдим: севган ёрим ташлаб кетмас!
Жондай севар, кўзларимни ёшлаб кетмас!
Ўйлар эдим: мен деб ундай адо йўқдир,
Бугун ундан садо йўқдир, садо йўқдир!

Ўйлар эдим: тоғдек баланд яшайман деб,
Қирчаларга қандоқ назар ташлайман деб.
Тоғдек чўкдим, нелар ларза солди менга?
Бугун тоғлар, қирдек бўлиб қолди менга.

Дунё экан тоғларингни қир қилгувчи!
Дунё экан осмонларинг ер қилгувчи!
Келишмадим тоши ёлғон савдо билан,
Она-бола бўлолмадим дунё билан!

Дунё экан...Дунё экан...Ай дунё-я

2004 йил

@Guljamol_Asqarova
@DilnozaKubayevaUz

​​​​Соғиндим онамни, музтаргинамни,
Мунисим, мушфиқим, рангпаргинамни,
Сўлимим, чиройлим, дилбаргинамни,
Йўл беринг онасин соғинганларга.

Сочига оқ гуллар экибди ҳаёт,
Юзига имзолар чекибди ҳаёт,
Онам хўп чўкибди… тўкибди ҳаёт.
Қўл беринг онасин соғинганларга.

Кўп меҳр бермадим, хизмат қилмадим,
Қачон хизмат қилсам, миннат қилмадим?
Балки пушаймоним шундан, билмадим.
Дил беринг онасин соғинганларга.

Жуда кўп юрдим мен ўзимни севиб,
Энди кўз ёшларда қолайин ивиб,
Юрак зангларини олсинлар ювиб,
Кул беринг онасин соғинганларга!

Ҳар тирик жон бориб онасин кўрсин,
Кечикиб қолмасин, илдамроқ юрсин,
Қабригамас, бориб қўлига берсин,
Гул беринг онасин соғинганларга.

Йўл беринг онасин соғинганларга

Соғиндим онамни…

Гулжамол Асқарова.

Instagram

#Uzbekistan @DilnozaKubayevaUz

Men shunchalar baxtliman,
Undan ko’proq gunohkor .
Orom bilmas sarkashman,
Aybsizmanu aybdor.
Dilim daryo to’g’onli,
Osmonim bor bir burda.
Umrim yog’ir, shamolli,
Tog’day cho’kar har tunda.
Nima qilsam xatoday,
Bir qarasam uvolman.
So’roqlarim javobsiz,
Men dunyoga savolman.

Farida Afro’z she’ri
@DilnozaKubayevaUz

Assalomu alaykum aziz, qadrli
bebaho yurtdoshlarim! Telegram guruhimning a’zolari!
Allohning marhamati bilan 2024-yilni ortda qoldirib 2025-yilga kirib borayabmiz, behisob shukr!
Afsuski, bu kunlarga yetmaganlar ko’p! O‘tganlarimizning ruhi shod , oxirati obod bo‘lsin! Nur ichida yotsinlar!
Azizlar! 2025-yil qutlug‘ bo‘lsin!!!
Barchangizga mastahkam sog‘liq,
ko‘ngil xotirjamligi, oilaviy baxt, ishlaringizga barokat tilayman!
Ilohim doim birlashib kuchli , ibratli
har sohada ilg‘or xalq bo‘lib yashaylik!
Ilon yilida tug‘ilgan puxta-pishiq, tadbirkor muchal egalarini ikki karra tabriklayman! Bu muchal egalari meni doim lol qoldiradi omadliligi bilan !

Yurtimizning tinchligi, tuprog‘imiz unumdorligi,
insonlarimiz qalbidagi mehr-u muhabbatga Alloh barokatlarini tinimsiz yog ‘dirsin!
Hurmat bilan Dilnozangiz.

@DilnozaKubayevaUz

ОТА

Деразамнинг остида тонгда
Сайраган қуш сизмасми, ота?

Ё тўнимга кўклам, мозорда
Ёпишган гул сизмасми, ота?

Ўн йилдир-ки дунёда йўқсиз,
Юрагимда аламли чўғсиз.

Кўрмагансиз менинг ўғлимни,
Эркатойим, шўхим, тўқлимни.

Мен ҳам ёшим ошгани сайин
Бошимга оқ тушгани сайин

Баъзан қўмсаб сизни ич-ичдан,
Юрак титраб соғинч,илинждан,

Отам дея, алқаб ўғлимни,
Кўтараман ўзим кўнглимни.

Хуршид Даврон

Кўк бўри кезган сарҳад итларга талош энди,
Кўтарилган бош эмас, биргина қуёш энди,
Учқун сочган кўзларнинг топингани ёш энди,
Туркий элнинг шиддати сўнганга ўхшаётир.

Сарбадорлар қонини селлар ювиб кетгандай,
Миллат учун жон берар алпни девлар ютгандай,
Ултонтозлар кун санаб, э воҳ, шуни кутгандай,
Элнинг куни номардга қолганга ўхшаётир.

Юз эллик йил отангни отганни оға санаб,
Дили бузуқ келганнинг қадамига гул қадаб,
Ё, ҳақ, дея ёнганнинг мозорига тош қалаб,
Саройингга қарғалар қўнганга ўхшаётир.

Элдан чиқиб элидан ирганганлар кўрингай,
Ўз тарихин ўзгадан ўрганганлар кўрингай,
Ғужури-ю забони ўзгарганлар кўрингай,
Ўз фарзандинг ўзингни сотганга ўхшаётир.

Кечанг заволга дўнди, ҳайкалдай қотиб бўлди,
Сенинг бор насибангни бекларинг тотиб бўлди,
Бугундан-ку айрилдинг, эртангни сотиб бўлди,
Йўл кўрсатар маёғинг ўчганга ўхшаётир.

Бургут учган зовларда қузғун базм этмоқда,
Илдизингни кавшабон тўнғиз ҳазм этмоқда,
Эртангни белгилашга ётлар жазм этмоқда,
Қошиқ бутун, қиличинг синганга ўхшаётир.

Кечаги ёвқир нигоҳ бугун ерга қадалган,
Ватан кутган жасорат нон топишга аталган,
Бўйин эгик, қўл қадоқ, тиззаларинг қаварган,
Умид кўзёш шўридан сўлганга ўхшаётир.

Уйғотай деб келган ул баҳорлар бекор кетар,
Ҳар тонгда қуёш туртиб, ҳар шомда безор кетар,
Бўғзин йиртиб шоирлар минг ҳайқириб, хор кетар,
Аллоҳ, бу халқ шу ҳолга кўнганга ўхшаётир.
Туркий элнинг шиддати сўнганга ўхшаётир.

© Нажмиддин Эрматов
@Najmiddin_Ermatov

Имом Ғаззолий насиҳатлари:

— Йўл ва кўчаларда тўпланишиб турманг;
— Суҳбатлашиш учун дўконларни танламанг;
— Одобсиз, тарбиясиз ва бадхулқ кишилар билан тортишманг;
— Фикр билдирганда: «Бу – менинг қарашим», деб айтинг;
— Бирор нарса ёки бирортасини мақтаганда, ошириб юборманг;
— Яхши гапга диққат билан қулоқ солинг;
— Хушбўй ҳидли нарсалардан фойдаланганда, меъёрни билинг;
— Айрим орзулар рўёби учун ўзингизни ўтга-чўққа ураверманг;
— Сизга нисбатан муомала меъёрини бузганларга ҳам вазмин бўлинг;
— Бойлар саховати қошида ўзингизни зинҳор камситилгандек ҳис қилманг;
— Сўз бердингизми, бажаришга қатъийлик билан киришинг;
— Фақат ва фақат рост гапиринг;
— Ҳар ерда мақбул сўз айтинг, чиройли гапиришга ҳаракат қилинг;
— Вужудингиз роҳатини истасангиз, оз енг ва оз ичинг!
— Тингловчингиз бўлгандагина гапиринг;
— Битта сўзни қайтараверишдан сақланинг;
— Ҳеч кимни алдаманг, масхараламанг;
— Сотган нарсангизни ёқтирмай, қайтариб олиб келишса, қабул қилинг;
— Ёлғон сўзлашни тажриба қилманг ва одатланманг;
— Чанқаганда, сув ичишдан олдин оғзингизни чайқанг;
— Бозорда юрганда, ҳеч кимга озор берманг;
— Эгасининг рухсатини олмасдан, бировинг нарсасига тегманг;
— Оғзингизда луқма билан гапирманг;
— Гапирганда қўл, бармоқлар билан ортиқча ишорат қилманг.
@DilnozaKubayevaUz

„Meni qarg‘ishing urdi“, dedi erkak.
„Men sizni qarg‘amaganman“, dedi ayol…
Erkak jim qoldi.
Angladi,
Demak, uni Xudo urgan.
Shunday ayolni tashlab ketgani uchun
Xudo urgan…

✍️Usmon Azim
@DilnozaKubayevaUz

Ҳаёт қўшиғи

Боғ қўйнида икки дарахт -
Бир-бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр.

Аммо баҳор келганида
Очилиш керак экан.
Гулу мева, хазон бўлиб,
Сочилиш керак экан.

Шамолларга дилим ёрдим,
Гул-япроқлар тилида.
Ел кафтида олиб келган
Ҳар шивиринг дилимда.

Аммо баҳор келганида
Очилиш керак экан.
Гулу мева, хазон тўкиб,
Сочилиш керак экан.

Ерга боғлаб қўйилганман,
Илдизим ер остида.
Кечалари шовуллайман,
Боқиб бўйи бастингга.

Аммо яшаш керак экан,
Очилмоқ керак экан,
Гулу мева хазон тўкиб,
Сочилмоқ керак экан.

Боғ қўйнида икки дарахт -
Бир - бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр!

Усмон Азим
@UsmonAzimijodi
@DilnozaKubayevaUz

Йиқилдингми?... Кўзларингда
Бунча алам,
Бунча алам!
Усту боши чанг кўрмаган,
Дард кўрмаган
Эрка болам!
Шиддатингнинг шамолига
Хушинг бир зум
Шайдо бўлди...
Сенинг равон йўлларингда
Бу тош қайдан
Пайдо бўлди?
Ёки ақлинг кетганмиди,
Энди тошлар
Қолмаган деб?
Лаънатладинг, болам мени
Йўлдан тошни
Олмаган деб...
Эрка болам, кечир мени,
Оқсуягим,
Мурувват қил!
Тошли-тошли бу дунёда
Майсадай хор
Яшадим, бил.
Тошлар билан кураш тушдим
Кураш бекор
Кетмагандир,
Қолган бўлса бирор зил тош,
Болам, кучим
Етмагандир...


Усмон Азим шеъри
@UsmonAzimijodi
@DilnozaKubayevaUz

7 рақами ажойиботлари

Кўпчилик 7 рақамининг шайдоси. Янги автомобиль харид қилган кишидан “Қайси рақамни олган бўлардингиз? ", деб сўрасангиз кўпчилиги учта еттига эга бўлишни хоҳлайди. Машҳур футболчиларнинг кўпчилиги шу рақамда майдонда тўп суради. Кўпгина халқларда 7 сони хосиятли рақам ҳисобланади. Хуллас, ҳаётда шу рақам билан боғлиқ бир қанча ажойиботлар мавжуд. 7 кун, 7 мўжиза, 7 хазина, 7 авлод, 7 иқлим, 7 ранг, 7 сайёра, 7 денгиз, 7 фарз ва бошқалар. Қуйида машҳур еттиликлар эътиборингизга ҳавола этамиз.

Дунёнинг етти мўжизаси:
1. Миср эҳромлари;
2. Бобил осма боғлари;
3. Артемида ибодатхонаси;
4. Галикарнас даҳмаси;
5. Зевс ҳайкали;
6. Родосдаги ҳайкал;
7. Искандария маёғи.

Ўрта асрларнинг етти мўжизаси:
1. Рим коллизейи:
2. Искандария ерости йўллари;
3. Буюк Хитой девори;
4. Авлиё София ибодатхонаси;
5. Стоунхенж;
6. Пиза минораси;
7. Нанжинг будда ибодатхонаси.

Дунёнинг етти табиий мўъжизаси:
1. Эверест чўққиси;
2. Катта Барриер рифи;
3. Гранд Канъон;
4. Виктория шаршараси;
5. Рио де Жанейро бўғози;
6. Париcутин вулқони;
7. Шимолий кўллар.

Етти хазина:
1. Сигир – рўзғорнинг қассоби ва баққоли;
2. Асалари – оиланинг табиби;
3. Ипак қурти – қизларнинг сепи;
4. Обжувоз – қозоннинг ёғи;
5. Тегирмон – қориннинг белбоғи;
6. Ўрмон – иморат суяги, қозон ­олови;
7. Товуқ – ҳам обиёвғон, ҳам дори-дармон.

Ҳафта кунлари:
душанба, сешанба, чоршанба,
пайшанба, жума, шанба, якшанба.

Моддаларнинг етти кўриниши:
қаттиқ, суюқ, газсимон, плазма, нейтрон, эпиплазма, физик вакум ҳолати.

Етти мусиқа нотаси: до, ре, ми, фа, сол, ля, си.

Етти авлод:
фарзанд, невара, чевара, эвара, панневара, овора, бегона.

Етти иқлим: экваториал, субекваториал, тропик, субтропик, мўътадил, субарктик, арктик.

Етти ранг: оқ, сариқ, қизил, қора, кўк, яшил, апелсин.

Етти сайёра: Қадимги халқлар етти муқаддас сайёра инсон ҳаётига, тақдирига, ўзаро ҳаракатларига боғлиқ деб тушунганлар. Улар:

Қуёш – Куч-ғайрат рамзи;
Ой – Дилбарлик рамзи;
Марс – Жангу жадал тимсоли:
Меркурий – Донолик рамзи;
Юпитер – Бахт рамзи;
Венера – Севги рамзи;
Сатурн – Деҳқончилик рамзи.

@DilnozaKubayevaUz

@DilnozaKubayevaUz

"ЎЗБЕГИМ" ҚАСИДАСИ

🎤 Қасидани муаллифнинг ўзи - Ўзбекистон Қаҳрамони, Ўзбекистон халқ шоири Эркин Воҳидов ўқиган.

👇👇👇
🌐 www.facebook.com/evohidov
🌐 www.t.me/Erkin_Vohidov
🌐 www.erkinvohidov.com
@DilnozaKubayevaUz

Xayrli oqshom azizlar!
Barchangizga yaxshi kayfiyat , ishlaringizga barokat tilayman!
🎼
O‘zbekistonda xizmat ko’rsatgan madaniyat xodimi ,
betakror bastakor Sulton Ali Rahmatovning yana bir go‘zal kuyidan bahramand bo’ling!

Assalomu alaykum aziz Vatandoshlar!
Bugun barchamiz uchun muqaddas tantana! O‘zbek tili bayrami kuni!
Bayram bilan siz yaxshilarni qutlayotganimdan baxtiyorman!
Do‘stlar! O‘zbek tili ulug ‘ til, go‘zal, boy va muazzam til! Uni asramasak , qadriga yetmasak bo‘lmaydi!
Afsuski ko‘p hollarda tilimizga qilayotgan munosabatimizdan dilim og‘riydi! Buzib gapirishlar, boshqa tillarni qo‘shib so‘zlashish, imlo xatolariga yo‘l qo‘yib yozishimiz va bundan uyalmasligimizdan ezilaman! Yana ming afsuslar bo‘lsinki, ona tilimiz yo‘qolib ketish arafasidagi tillar ro‘yxatida turadi.
Uni bu ro’yxatdan o‘chirish, jonajon tilimiz yashashi uchun hammamiz harakat qilaylik! Ona tilini sevuvchi, uning tarixini o‘rganuvchi inson-barkamol insondir! Barkamol insonlar ko‘paysin!
Ona tilimiz doim bor bo‘lsin!
Qadri-yu qaddi doimo baland bo‘lsin!

@DilnozaKubayevaUz

Муҳит сабоғи

Жудаям толиқдим...ҳаммаси чиркин,
Дунёга айтгулик сўзим қолмади.
Бўлди, бас, йўқолсин барча гина, кин,
Юзсизлик қилишга юзим қолмади!

Ҳар лаҳза курашиб эгилмасликка,
Ҳар онда ўрганди қулликка руҳим.
Осмонни қучишга шай эди, лекин,
Ер бағирлаб қолди шаъну шукуҳим.

Кел энди, сен ўзинг қутқаргил, Тангрим,
Руҳимни уйғун қил камалакларга.
Ҳеч ҳафа бўлмасдан рози бўламан,
Умримни улашсанг капалакларга.

Кўз очган бўлсам ҳам дунёга келиб,
Дунёни кўришга кўзим қолмади.
Яшагим келяпти, бас, ўзим бўлиб,
Афсуски, ўзимда ўзим қолмади!

Жудаям толиқдим...
Guljamol Asqarova she’ri

@Guljamol_Asqarova
@DilnozaKubayevaUz

Assalomu alaykum aziz do‘stlar!
Teglegram guruhim a’zolari.
Kuni kecha xalqlar do‘stligi saroyida
„Zamin yulduzlari“ milliy mukofoti egalarini tantanali taqdirlash marosimi bo‘lib o‘tdi.
Taqdirlanganlar orasida borligimdan baxtiyorman! Xursandchiligimga sherikligingizni his qilib turibman!
Baxtimga doim bor bo‘ling!
Ustoz aktyor Matyoqub aka Matchonov juda go‘zal kalomlar, tilaklar bildirib meni yanada xursand qildilar.
Sahnadagi do‘stlarim sinfdoshim Jamshid Umrzoqov hamda aktrisa Sitora Farmonova opaning men tomonga aytgan samimiy dil so‘zlari yuragimga xush yoqdi!
Fonda yangrayotgan kuyga e’tibor qarating. Sevimli bastakorimiz , ustozlarimdan biri Sultonali Rahmatov ijodidan ko’pchilik sevadigan „Baxt“ nomli kuy.
07.10.2024 yil
Toshkent.
@DilnozaKubayevaUz

🇺🇿 Hurmatli ustoz va murabbiylar!

🏙 Toshkent shahar hokimligi nomidan Ustoz va murabbiylar kuni bilan samimiy tabriklarimizni qabul eting! Bu kun sizlarning sabrli, fidokorona mehnatlaringiz e’tirof etilishi ramzidir.

🇺🇿Siz kelajagimiz bunyodkorlari bo‘lib, har biringiz yosh avlodni shakllantirishda hal qiluvchi ahamiyatga egasiz. Ishga bo‘lgan sadoqatingiz va kasbiy mahoratingiz eng yuksak minnatdorlikka loyiqdir.

🕊Sizlarga mustahkam sog‘liq, oilaviy baxt va yangi yutuqlar tilaymiz. Doimo o‘quvchilaringiz, shogirdlaringiz uchun namuna va ilhomlanish manbai bo’ling!

Bayram muborak, qadrli najotkorlar!

—

🇺🇿 Уважаемые учителя и наставники!

🏙 От имени хокимията Ташкента примите наши искренние поздравления с Днём учителя! Этот день — символ признания вашего терпения, труда и самоотверженности.

🇺🇿Вы — создатели нашего будущего, каждый из вас играет ключевую роль в формировании молодого поколения. Ваша преданность делу и профессионализм достойны высшей благодарности.

🕊Желаем вам крепкого здоровья, семейного счастья и новых успехов. Пусть ваши ученики всегда находят в вас мотивацию и вдохновение!

С праздником, дорогие наши наставники!

YouTube | Facebook | Instagram | Web-site | Telegram-bot

Онам ҳўрсиниқлари

Олам бўм-бўш...гул онам қайга кетди ёронлар,
Сув олиб келайин деб, сойга кетди ёронлар,
Юзин артиб қўяй деб, ойга кетди ёронлар-
Онажоним-а!
Самарқанднинг бағрида битта қабр кўпайди,
Жафоси кўп жонимга яна жабр кўпайди,
Тушиммас,тақдиримга қаро таъбир кўпайди-
Мустаргинам-а!
Рўмолларин юзимга босиб-босиб йиғлайман,
Руҳимни осмонларга осиб-осиб йиғлайман,
Юрагимда минг азоб, минг таассуф йиғлайман-
Рангпаргинам-а!
Онам бир тўп гул эди, шу гул сўлмасин дебман,
Худо ўз боғидаги гулни юлмасин дебман,
Ўзим ўлсам ҳам, фақат, онам ўлмасин дебман-
Ғарибгинам-а!
Бу ҳаётни бир ширин табассум дерди онам,
Қувончни биз, қайғуни бир ўзи ерди онам,
Бор йўғи 66 дона дур терди онам-
Беҳолгинам-а!
Қиёматгача хайр, эй Худонинг ёғдуси,
Ҳаётдек аччиқмикан ўлимнинг ҳам оғуси,
Муборак бўлсин Сенга иссиқ жаннат оғуши-
Ниҳолгинам-а!
Тоабад ўчирмасман юрагимдан ғамингни,
Ўзимдан кетказмасман руҳингни – ҳамдамимни,
Қабринг ичига ёқдим менам 40 та шамимни-
Онажоним! Онагинам-а!

@Guljamol_Asqarova
@DilnozaKubayevaUz

​​​​Соғиндим онамни, музтаргинамни,
Мунисим, мушфиқим, рангпаргинамни,
Сўлимим, чиройлим, дилбаргинамни,
Йўл беринг онасин соғинганларга.

Сочига оқ гуллар экибди ҳаёт,
Юзига имзолар чекибди ҳаёт,
Онам хўп чўкибди… тўкибди ҳаёт.
Қўл беринг онасин соғинганларга.

Кўп меҳр бермадим, хизмат қилмадим,
Қачон хизмат қилсам, миннат қилмадим?
Балки пушаймоним шундан, билмадим.
Дил беринг онасин соғинганларга.

Жуда кўп юрдим мен ўзимни севиб,
Энди кўз ёшларда қолайин ивиб,
Юрак зангларини олсинлар ювиб,
Кул беринг онасин соғинганларга!

Ҳар тирик жон бориб онасин кўрсин,
Кечикиб қолмасин, илдамроқ юрсин,
Қабригамас, бориб қўлига берсин,
Гул беринг онасин соғинганларга.

Йўл беринг онасин соғинганларга

Соғиндим онамни…

Гулжамол Асқарова.

Instagram

#Uzbekistan @DilnozaKubayevaUz

Sog‘ bo‘l, ona xalqim, ey tolmas bilak,
Doim baland bo‘lsin tabarruk boshing.
Xirmoning qaddingday bo‘lsinu baland,
Baxtingday hamisha kulsin quyoshing.
✍️Erkin Vohidov
@DilnozaKubayevaUz

Telegram guruhimning aziz obunachilariga assalomu alaykum !
Betakror Vatanimiz
O‘zbekiston Respublikasi mustaqilligining 33 yillik bayrami barchamizga muborak bo‘lsin!!!

Ona degan nom…
✍️O‘zbekiston qahramoni Abdulla Oripov she’ri.
@DilnozaKubayevaUz

#жудаям чиройли ижро🙏

❤"Онасин соғинганлар"
🎙Дилноза Кубаева ижроси
✍️Гулжамол Асқарова шеъри

@Guljamol_Asqarova

Муҳит сабоғи

Жудаям толиқдим...ҳаммаси чиркин,
Дунёга айтгулик сўзим қолмади.
Бўлди, бас, йўқолсин барча гина, кин,
Юзсизлик қилишга юзим қолмади!

Ҳар лаҳза курашиб эгилмасликка,
Ҳар онда ўрганди қулликка руҳим.
Осмонни қучишга шай эди, лекин,
Ер бағирлаб қолди шаъну шукуҳим.

Кел энди, сен ўзинг қутқаргил, Тангрим,
Руҳимни уйғун қил камалакларга.
Ҳеч ҳафа бўлмасдан рози бўламан,
Умримни улашсанг капалакларга.

Кўз очган бўлсам ҳам дунёга келиб,
Дунёни кўришга кўзим қолмади.
Яшагим келяпти, бас, ўзим бўлиб,
Афсуски, ўзимда ўзим қолмади!

Жудаям толиқдим...

21.08.2015 й. Германия

https://t.me/Guljamol_Asqarova

Шавкат Раҳмон, "Борми эр, йигитлар, борми эр қизлар?" дея нидо қилган эди! Ҳа, жасурлик, маҳорат кучу қудратда ҳам тенгсиз эр қизларимиз бор! Тўмарису Ойбарчинларнинг шижоати ҳамон барҳаёт!

Баракалла, Диёра! Ота-онангга раҳмат!

ОДАМЛАРГА УМРИНИ БОШЛАШДАН
ОЛДИН ТОПШИРИЛАДИГАН
ЭСЛАТМА
Нима қилишингни ўзингдан сўра.

Дунёга бекорга келмагансан.

Аммо ўзинг қайда?

Бу чексиз дунёга
сочилиб кетгансан.

Ўзингни йиғиштир заррама-зарра.
Заррама-зарра ўзингни қур.

Унутма, сендан бошқа ҳам одамлар бор.
Ўзингни аяма бошқалардан.

Ўзингдан оламга қара.
Тангри изн берса,
уни сен ҳам
озгина яратасан.

Иложи бўлса,
ўлганингдан сўнг,
дунёга
ўзингни қолдир.

Иложи бўлмаса,
ачинма -
худонинг бир корига ярагансан барибир.

Масалан, бу одамдай яшаш ҳаммага насиб этсин
дегандир Тангри;
ёки бу одамдай яшаманг дегандир...

Усмон Азим


https://telegram.me/usmon_azim

@DilnozaKubayevaUz

Ayni damda shu ajoyib kitobni mutolaa qilayapman.

Китоб ўқишингиз учун 10 та сабаб

1. Мия фаол тарзда ишлашни бошлайди.
2. Дунёқараш кенгаяди.
3. Фантазия ривожланади.
4. Луғат бойлиги ва саводхонлик даражаси ошади.
5. Китоб стрессдан халос этади.
6. Интеллектни ривожлантиради.
7. Хотирани мустаҳкамлайди.
8. Алсгеймер касаллигининг олдини олади.
9. Ижодий фикрлаш қобилиятини оширади.
10. Уйқу сифатини яхшилайди.

Китоб ўқишни кундалик одатга айлантирсангиз, сизни ажойиб ўзгаришлар кутяпти!

@DilnozaKubayevaUz