Hadithet e Bukhariut

📗Hadithi 179

وعن وعن ابن عباس رضي الله عنهما أن رسول الله صلى الله عليه وسلم لقي ركبا بالروحاء فقال ‏:‏ ‏"‏من القوم‏؟‌‏"‏ قالوا‏:‏ المسلمون، فقالوا‏:‏ من أنت‏؟‏ قال‏:‏ ‏"‏رسول الله‏"‏ فرفعت إليه امرأة صبياً فقالت ‏:‏ ألهذا حج‏؟‏ قال‏:‏ ‏"‏نعم ولك أجر‏"‏
‏(‌‏(‏رواه مسلم‏)‌‏)‌‏.‏

Nga Ibën Abbasi radija Allahu anhu transmetohet se i Dërguari i Allahut sal-la Allahu alejhi ue sel-lem ka takuar një grup kalorësish në Reuha dhe u ka thënë: "Cili popull jeni ju?" Thanë: "Ne jemi muslimanë." Ata e pyetën: "Kush je ti?" Tha: "Unë jam i Dërguari i Allahut." Pastaj një grua e ngriti fëmijën e saj nga Pejgamberi dhe i tha: "Edhe për këtë ka haxh?" Pejgamberi tha: "Po, por edhe ti ke shpërblim." (Transmeton Muslimi)

🔎Shpjegimi i hadithit

✏️Reuha është një vend mes Mekës dhe Medinës.
Kjo ngjarje ndodhi në haxhin e lamtumirës.

💎Kush e ndihmon një person në një adhurim, ai ka shpërblim, ngase kjo grua do të kujdeset për fëmijën e saj kur te hyjnë në ihram, gjithashtu në tauaf, ne sa'j, pastaj në qëndrimin në Arafat dhe në çdo gjë. I tha: "Po, por edhe ti ke shpërblim."

Njeriu duhet të pyesë për gjërat që nuk i di, nëse e kërkon nevoja, ngase i Dërguari i Allahut sal-la Allahu alejhi ue sel-lem pyeti duke thënë: "Cili popull jeni ju?" I pyeti nga frika se mos ishin armiq dhe i tradhtojnë, por nëse nuk e kërkon nevoja, atëherë nuk pyet.

💎Cilësimi i vetvetes me cilësi të lavdëruara, nëse nuk është për qëllim lavdërimi por njoftimi, nuk është gjë e keqe, ngase këta sahabë kur u pyetën: "Kush jeni ju?", u përgjigjën "muslimanë". S'ka dyshim se Islami është cilësi lavdëruese.

🌴Dobi nga Hadithi🌴

1️⃣ Nëse njeriu e cilëson vetveten me një cilësi që e posedon duke mos u lavdëruar, atëherë kjo nuk llogaritet nga lavdërimi i vetvetes, gjë që e ka ndaluar Allahu në Kur'an, ku thotë: "Prandaj, mos u lavdëroni me pafajësinë tuaj! Ai i njeh më së miri ata që ruhen nga gjynahet." (En Nexhm: 32)

2️⃣ Njeriu duhet ta shfrytëzojë prezencën e dijetarit për të pyetur ngase këta njerëz kur i Dërguari i Allahut sal-la Allahu alejhi ue sel-lem i lajmëroi se ai është i Dërguari i Allahut, filluan ta pyesin.

3️⃣ Nëse kujdestari i fëmijës bën haxhin me të, ai ka shpërblim, ndërsa haxhi i takon fëmijës e jo kujdestarit, ngase ishte bërë e njohur tek masa e gjerë se haxhi i fëmijës u takon prindërve të tij. Kjo nuk ka bazë.

4️⃣ Fëmijës, apo ndonjërit nën moshën madhore, i shkruhet shpërblimi, por jo mëkati.
📎Disa dijetarë me fjalën "Po, ai ka haxh", argumentuan se nëse vesh ihramin, fëmija atëherë obligohet me të gjitha obligimet e haxhit: i obligohet tauafi, sa'ji, qëndrimi në Arafat, fjetja në Muzdelife dhe Mina, gjuajtja e guralecëve. Ai bën ato që ka mundësi, kurse ato që nuk ka mundësi t'i bëjë, i bën dikush tjetër për të, përpos tauafit dhe sa'jit që duhet të bëhen së bashku me të.
📎Ndërsa disa të tjerë kanë thënë se nuk ka gjë të keqe nëse fëmija lirohet nga ihrami edhe pa ndonjë arsye, ngase për të është ngritur lapsi, nuk është i ngarkuar.

Nuk thuhet se haxhi vullnetar është si ai obligativ, në të cilin nuk lejohet dalja prej tij. E në këtë rast haxhi i këtij fëmije është vullnetar, ndaj nuk lejohet të dalë nga ai. Nuk thuhet kështu ngase parimisht fëmija nuk është i ngarkuar, ndaj nuk e obligojmë me asgjë duke mos qenë i ngarkuar. Ky është mendimi i Ebu Hanifes, Allahu e mëshiroftë. Pra, fëmija nuk obligohet ta plotësojë haxhin e as nuk obligohet me detyrat e haxhit dhe as të largohet nga ndalesat e haxhit, ajo që vepron i pranohet, ndërsa për atë që e lë nuk pyetet.

5️⃣ Fëmija edhe nëse është i vogël, nuk i dallon ende gjërat, haxhi i tij është i saktë, mirëpo nuk i pranohet nijeti i tij kur ishte i vogël.
Dijetarët kanë thënë se për të e bën nijet me zemër përgjegjësi i tij kur e fut në ihram dhe përgjegjësi i kryen të gjitha obligimet që ai nuk ka mundësi t'i kryejë.

https://t.me/dobingarijadusalihin

📘Hadithi 177

عن أبي عبد الرحمن زيد بن خالد الجهني رضي الله عنه قال‏:‏ قال رسول الله صلى الله عليه وسلم ‏:‏ ‏ "‏من جهز غازياً في سبيل الله فقد غزا ومن خلف غازيا في أهله بخير فقد غزا‏"‏ ‏(‌‏(‏متفق عليه‏)‌‏)‏ ‏.‏

Nga Ebu AbduRrahman Zejd ibën Halid el-Xhuhnij radija Allahu anhu transmetohet të ketë thënë: "I Dërguari i Allahut sal-la Allahu alejhi ue sel-lem ka thënë: "Kush e përgatit një luftëtar në rrugë të Allahut, edhe ai ka luftuar. Kush mbetet dhe kujdeset për familjen e një luftëtari me të mirë, edhe ai ka luftuar." (Muttefekun alejhi)

🔎Shpjegimi i hadithit

Ky hadith tregon për ndihmesën reciproke në punë të mira dhe devotshmëri.
✏️Nëse njeriu e përgatit luftëtarin, d.m.th. me mjetin e udhëtimit, ushqimin dhe armatimin, vetëm se ka luftuar, që do të thotë se i shkruhet shpërblimi i luftëtarit ngase e ka ndihmuar në punë të hajrit.
✏️Gjithashtu kush mbetet pas dhe kujdeset për familjen e një luftëtari duke i bërë mirë, edhe ai ka luftuar. Një luftëtar dëshiron të luftojë, mirëpo e ka problem familjen, se kush mund ta ndihmojë në nevojat e saj, atëherë del dikush nga muslimanët dhe thotë: -Më lër mua mbikëqyrës të familjes tënde në të mirë. Ky që përkujdeset ka shpërblimin e luftëtarit sepse e ka ndihmuar atë.

📍Të ndihmuarit e luftëtarit bëhet në dy mënyra:

💧E para: Ta ndihmosh për mjetin e udhëtimit, ushqimin dhe armatimin e tij.
💧E dyta: Ta ndihmosh duke qenë kujdestar në vend të tij për familjen e tij.

💫Shembull💫

I Dërguari sal-la Allahu alejhi ue sel-lem, la mbikëqyrës për familjen e tij në Luftën e Tebukut Ali ibën ebi Talibin radija Allahu anhu. Aliu i tha: "O i Dërguar i Allahut, a po më lë mua me gra e fëmijë?"
I tha atij: "A nuk dëshiron që të jesh për mua si Haruni me Musanë, pos që nuk ka të Dërguar pas meje?” Pra, po të lë kujdestar në familjen time ashtu siç e la Musai kujdestar Harunin te populli i tij, kur shkoi tek vendi ku Allahu e urdhëroi të shkojë.

🌴Dobi nga hadithi🌴

✅Kush e ndihmon dikë në adhurim ndaj Allahut, do ta ketë shpërblimin si të atij, duke mos iu pakësuar nga shpërblimi i tij asgjë.

💫Shembuj💫

💎Nëse ndihmon një student apo kërkues të dijes në blerjen e librave apo i siguron banimin ose e ndihmon me të holla etj., do të kesh shpërblim si ai, duke mos u pakësuar nga shpërblimi i tij fare.

💎Nëse ndihmon një namazli në lehtesimin e gjërave të nevojshme në namaz, si vendi, veshja, marrja e abdesit apo çdo gjë tjetër, për të gjitha këto të shkruhen shpërblime.

Nga Allahu vjen suksesi.

https://t.me/dobingarijadusalihin

📕Hadithi 635

Berau -radija Allahu anhu- tregon: "Pejgamberi -sal-la Allahu alejhi ue sel-lem- na ka urdhëruar të bëjmë shtatë gjëra dhe na ka ndaluar shtatë të tjera. Na ka urdhëruar:
✔️1. Të ndjekim funeralin e xhenazes;
✔️2. Të vizitojmë të sëmurin;
✔️3. Të pranojmë dhe t'i përgjigjemi ftesës;
✔️4. Të ndihmojmë të shtypurin që i shkelen të drejtat;
✔️5. Të përmbushim betimin;
✔️6. Të kthejmë përshëndetjen;
✔️7. T'i përgjigjemi atij që teshtin (në qoftë se ky thotë: 'El-hamdu lil-lah - Të gjitha lavdërimet dhe falënderimet janë për Allahun’, atëherë atij i thuhet, ‘jerhamuk-Allah - Allahu të mëshiroftë); dhe na ka ndaluar të përdorim enët e argjendit, të vëmë unazë floriri, të veshim rroba mëndafshi, dibaxh, kassij dhe istebrak (rroba nga lloje të ndryshme mëndafshi)".
🔸(1239)🔸


🌴Dobi nga hadithi🌴

🔹Pëlqyeshmëria e vizitës së të sëmurit.

🔹Pëlqyeshmëria e përcjelljes së xhenazes për t'i falur namazin e për ta varrosur nëse e kryejnë këtë një numër i konsiderueshëm që të mjaftojë. Në të kundërt kjo vepër është farz kolektiv.

🔹Përgjigja e atij që tështin dhe që e falënderon Allahun, me fjalët: Allahu të mëshiroftë, e kthimi i përgjigjes është obligim.

🔹Arsyetimi i betimit të atij që betohet, gjë kjo e pëlqyeshme, sepse qetëson zemrën dhe ia plotëson nevojën e tij nëse nuk është gjynah.

🔹Detyrueshmëria e përkrahjes së të dëmtuarit aq sa mundet pasi kjo është prej ndalimit nga e keqja. Në këtë mënyrë ndalohet e keqja, ndihmohet i dëmtuari dhe frenohet zullumqari.

🔹Përgjigjja e ftesës.
Nëse është dasëm është e detyrueshme t'i përgjigjemi. Nëse nuk është dasëm dhe në atë vend ka një të keqe që nuk mund të largohet, e nëse është për ftesa të tjera të lejuara është e pëlqyeshme përgjigjja por duke u siguruar që të realizohet largimi i së keqes.

🔹Përhapja e selamit mes muslimanëve; pasi është dua' për siguri dhe shembull i dashurisë e vëllazërisë.

🔹Ndalimi i vendosjes së unazës së floririt nga burrat.

🔹Ndalimi i pirjes në enë argjendi, e më parësor është ndalimi prej enës së floririt. Ky ndalim është për çdo mjet përdorimi përveç nëse ka ardhur argument për lejimin e tij.

E Allahu e din më së miri!

https://telegram.me/Buhariu

📕Hadithi 634

AbduLlahi -radija Allahu anhu- tregon se i Dërguari i Allahut -sal-la Allahu alejhi ue sel-lem- ka thënë: "Kushdo që vdes duke adhuruar të tjerë përkrah me Allahun ose në vend të Allahut (në çdo mënyrë qoftë), do të hyjë në Zjarr." Ndërsa unë thashë: "Kushdo që vdes duke mos adhuruar askënd tjetër përkrah me Allahun ose në vend të Allahut, do të hyjë në Xhenet."
🔸(1238)🔸


🌴Dobi nga hadithi🌴

🔹Duaja është adhurim e nuk i drejtohet askujt tjetër përveç Allahut.

🔹Mirësia e vlera e teuhidit. Kush vdes duke njehsuar Allahun në adhurim Një të Vetëm futet në Xhenet edhe nëse mund të dënohet për gjunahet e tij.

🔹Rreziku nga shirku e se kush vdes si mushrik rruga e tij është drejt xhehenemit.

E Allahu e din më së miri.

https://telegram.me/Buhariu

1️⃣Sinqeriteti në Allahun do të thotë që me veprën tënde të mos kesh për qëllim robërit e Allahut, të mos synosh tjetër pos Fytyrës së Allahut dhe botës tjetër.
2️⃣Ndërsa pasimi do të thotë pasimi i të Dërguarit sal-la Allahu alejhi ue sel-lem, pra të mos shpikësh ndonjë bidat, ngase njeriu edhe nëse është i sinqertë në bidat, bidati është i refuzuar. "Kush bën një vepër që nuk është sipas udhëzimeve tona, ajo është e refuzuar.”

Gjithashtu edhe vepra që është me sunnet, mirëpo në të ka syefaqësi, edhe ajo është e refuzuar.
Allahu thotë: "Unë jam më i panevojshmi për ortak (shirk). Kush bën ndonjë vepër duke më bërë shok dikë tjetër, do ta lë atë dhe shirkun e tij.” Ky është hadith kudsij.

✨Ndërsa fjala e Allahut:
"…i këshillojnë njëri-tjetrit të vërtetën", d.m.th. njëri-tjetrin e këshillojnë në të vërtetën, ndërsa e vërteta është ajo me të cilën kanë ardhur të Dërguarit,
"e i këshillojnë njëri-tjetrit durimin", ngase shpirti ka nevojë për durim në kryerjen e veprave të mira dhe largimin nga të ndaluarat dhe caktimet e dhimbshme të Allahut.

✍️Imam Shafiu, Allahu e mëshiroftë, ka thënë: "Sikur Allahu të mos zbriste për njerëzit vetëm se këtë sure, do t'u mjaftonte ngase është gjithëpërmbledhëse".

Lusim Allahun e Madhëruar të na bëjë prej besimtarëve, praktikuesve, të mirëve, prej këshilluesve në të vërtetën dhe këshilluesve për durimin, ngase Ai dëgjon dhe është afër!

https://t.me/dobingarijadusalihin

📘Kapitulli i njëzetenjëtë

Kapitulli i ndihmës reciproke në punë të mira dhe devotshmëri

Allahu i Madhërishëm thotë:

وَتَعَاوَنُوا۟ عَلَى ٱلۡبِرِّ وَٱلتَّقۡوَىٰ ۖ

✨"Ndihmojeni njëri-tjetrin në punë të mira dhe në devotshmëri."
(EL-Maide: 2)

﴿وَٱلۡعَصۡرِ﴾ (١)
إِنَّ ٱلۡإِنسَٰنَ لَفِى خُسۡرٍ﴾ (٢)
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ وَتَوَاصَوۡا۟ بِٱلۡحَقِّ وَتَوَاصَوۡا۟ بِٱلصَّبۡرِ﴾ (٣)

✨"Për kohën, me të vërtetë, njeriu është në humbje, përveç atyre që besojnë dhe bëjnë vepra të mira, i këshillojnë njëri-tjetrit të vërtetën e i këshillojnë njëri-tjetrit durimin."
(El-Asr: 1-3)

✍️Imam Shafiu, Allahu e mëshiroftë, ka thënë:
"Me të vërtetë shumica e njerëzve janë të pakujdesshëm dhe nuk meditojnë për këtë sure."

🌱Shpjegimi i ajeteve

Autori, Allahu e mëshiroftë, e ka titulluar "Kapitulli i ndihmës reciproke në punë të mira dhe devotshmëri".
📍Ndihmesa reciproke do të thotë që njerëzit ta ndihmojnë njëri-tjetrin në punë të mira dhe devotshmëri. Në këtë rast,
⚡️fjala "el-birru" ka kuptimin veprim i së mirës,
⚡️ndërsa "et-takua" ruajtje nga e keqja.

🟨Njerëzit veprojnë në dy kahe, në atë që është e mirë dhe në atë që është e keqe.
🔺Në atë që është e mirë ndihmesa realizohet duke ndihmuar shokun tënd në një vepër dhe duke ia lehtësuar, pa marrë parasysh a lidhet kjo vepër me ty apo me dikë tjetër,
🔺ndërsa në atë që është e keqe ndihmesa është t'ia tërheqësh vërejtjen nga ajo dhe ta ndalosh aq sa ke mundësi dhe njëkohësisht vepruesin e së keqes ta këshillosh që të largohet nga ajo.
"El-birri" është veprimi i së mirës, ndihmesa në të dhe lehtësimi i saj për njerëzit, ndërsa
"et-takua" është të ruajturit nga e keqja, ndihmesa në të duke u bërë pengesë mes njerëzve dhe veprimit të saj dhe t’i paralajmërosh ata për të derisa ummeti të jetë ummet i bashkuar.

Urdhri në fjalën e Allahut "ndihmojeni" ishte obligativ në atë që është obligative dhe i pëlqyer në atë që është e pëlqyer, gjithashtu edhe në devotshmëri, urdhër obligativ për atë që ndalohet, ndërsa urdhër i pëlqyer për tu ndaluar nga ajo që është e urryer.

🟨Argumenti i dytë për ndihmesën reciproke në punë të mira dhe devotshmëri është sureja El-Asr, ku Allahu i Madhërishëm ka thënë:

✨"Për kohën, me të vërtetë, njeriu është në humbje, përveç atyre që besojnë dhe bëjnë vepra të mira, i keshillojnë njëri-tjetrit të vërtetën e i këshillojnë njëri-tjetrit durimin. "
(El-Asr: 1-3)

Allahu i Madhërishëm u betua në kohën, por ka njerëz që e mbushin me të mira dhe ka prej tyre që e mbushin me të këqija. U betua në kohën për shkak të përshtatjes mes kohës dhe veprave të njerëzve, për këtë ka thënë:
"Me të vërtetë njeriu është në humbje”. Fjala "njeriu" këtu është e përgjithshme, përfshin çdo njeri,
🔅besimtarin e jobesimtarin,
🔅të drejtin e të padrejtin,
🔅mashkullin apo femrën, pra çdo njeri është në humbje, e tërë vepra e tij e humbur, lodhje në këtë botë dhe mospasje dobi në botën tjetër, përveç atij që ka këto katër cilësi: "përveç atyre
✅që besojnë dhe
✅bëjnë vepra të mira,
✅i keshillojnë njëri-tjetrit të vërtetën e
✅i këshillojnë njëri-tjetrit durimin".
Këta e përmirësuan veten me besim dhe vepër të mirë, përmirësuan të tjerët duke i këshilluar në të vërtetën dhe në durim.

🔆Imani është besimi në çdo gjë që është obligative të besohet, prej asaj që na lajmëroi Allahu dhe i Dërguari i Tij dhe këtë e ka qartësuar i Dërguari sal-la Allahu alejhi ue sel-lem në fjalën e tij: "Besimi është të:
✅besosh Allahun,
✅melaiket e Tij,
✅librat e Tij,
✅të Dërguarit e Tij,
✅Ditën e Fundit dhe
✅caktimin (kaderin), qoftë i mirë apo i keq”, d.m.th. gjashtë shtylla.

🔆Ndërsa vepër e mirë është çdo gjë që të afron tek Allahu. Vepra nuk mund të jetë vepër e mirë vetëm se me dy kushte, të cilat janë:
❇️sinqeriteti në Allahun dhe
❇️pasimi i të Dërguarit të Tij sal-la Allahu alejhi ue sel-lem.

📕Hadithi 633

Ebu Dherri -radija Allahu anhu-  tregon se i Dërguari i Allahut, sal-la Allahu alejhi ue sel-lem, ka thënë: "Më erdhi një i dërguar nga Zoti im dhe më përgëzoi (duke më thënë) se, kushdo nga pasardhësit e mi që vdes duke mos i vënë në asnjë mënyrë shok Allahut në adhurim (duke adhuruar vetëm Allahun Një e të Vetëm), do të hyjë në Xhenet." E pyeta: "Edhe sikur ai të ketë bërë imoralitet dhe të ketë vjedhur?" Ai më tha: "Edhe sikur të ketë bërë imoralitet dhe të ketë vjedhur!"
🔸(1237)🔸


🌴Dobi nga hadithi🌴

🔹Mirësia e teuhidit, e se kush vdes pa i shoqëruar Allahut shok në adhurim futet në xhenet.

🔹Rreziku i shirkut, e se kush vdes duke i shoqëruar Allahut shok futet në xhehenem.

🔹Gjynahqarët që e njehsojnë Allahun në adhurim janë nën mëshirën e Allahut, nëse dëshiron i fal e nëse dëshiron i dënon, por rruga e tyre përfundimtare është drejt xhenetit.

E Allahu e din më së miri!

https://telegram.me/Buhariu

https://youtu.be/cAx4u9x9fJk

🕌 Hadithi 632

Umm Selema -radija Allahu anha- tregon: "E kam dëgjuar Pejgamberin -sal-la Allahu alejhi ue sel-lem- të ndalojë faljen e dy rekatëve pas namazit të ikindisë. Më vonë e kam parë atë t’i falë këto dy rekatë menjëherë pas këtij namazi. Këtë kohë disa gra medinase ishin tek unë, kështu që dërgova shërbëtoren tek ai duke i thënë asaj: Shkoji pranë dhe thuaji se Umm Selema të thotë: "O i Dërguari i Allahut! Të kam dëgjuar që të ndalosh faljen e këtyre dy rekatëve ndërsa të shoh ty t'i falësh." Në qoftë se të bën shenjë me dorë atëherë prite. Kësisoj, shërbëtorja shkoi dhe veproi siç i tha Umm Selema. Pejgamberi -sal-la Allahu alejhi ue sel-lem- i bëri shenjë me dorë dhe ajo e priti atë. Kur ai mbaroi faljen, tha: "O bija e Ebu Umejjes! Më pyete për faljen e dy rekatëve pas namazit (farz) të ikindisë. Më erdhën njerëz nga fisi Kajs dhe më penguan, kështu që nuk munda t'i fal dy rekatët (sunet) pas namazit (farz) të drekës. Këto janë pra ato dy rekatë (që më kaluan pa falur)."
🔸(1233)🔸


🌴Dobi nga hadithi🌴

🔹Prej zakonit të Profetit, sal-la Allahu alejhi ue sel-lem, ishte falja në shtëpi e namazeve nafile.

🔹Legjitimiteti i pyetjes së dijetarëve për çdo paqartësi ashtu sikurse veproi edhe Umu Seleme kur e pati të paqartë veprimin e Profetit ndaj dhe e pyeti atë.

🔹Kujdesi i Profetit, sal-la Allahu alejhi ue sel-lem, për faljen e 2 rekateve synet pas namazit farz të drekës.

🔹Profeti, sal-la Allahu alejhi ue sel-lem, për shkak të angazhimit, nuk i fali dot 2 rekatet synet pas namazit farz të drekës, ndaj i fali kaza ato pas namazit të ikindisë.
Ky veprim aludon në lejueshmërinë e faljes së namazeve nafile kaza.

🔹Është thënë se falja kaza e 2 rekateve synet pas namazit farz të drekës, pas namazit të ikindisë (në kohën e ndalimit të faljes së nafileve), ka qenë e posaçme për Profetin, sal-la Allahu alejhi ue sel-lem, e jo për umetin.
E thuhet: kjo është e posaçme për ata që kanë justifikimi ashtu si pati dhe Profeti, sal-la Allahu alejhi ue sel-lem.

E Allahu e din më së miri!

https://telegram.me/Buhariu

🌙 Hadithi 630.

Ebu Hurejra -radija Allahu anhu-  tregon se Pejgamberi -sal-la Allahu alejhi ue sel-lem- ka ndaluar vënien e duarve në ijë (në bel) gjatë faljes së namazit.
🔹(1219)🔹

🌴Dobi nga hadithi🌴

🔹Ndalohet falja e namazit duke vendosur duart në mes, e kjo është pjesa ndërmjet majës së kofshës dhe fundit të brinjëve.

🔹Urtësia që qëndron pas këtij ndalimi është në shmangien e ngjashmërisë me çifutët. Ata vendosin duart në bel gjatë lutjes së tyre.
Në një mendim tjetër thuhet: Urtësia në këtë ndalim është për shkak se ky veprim është shenjë mëndjemadhësie.
✏️ Dhe nuk ka kundërshtim mes dy mendimeve sepse është në natyrën e çifutëve që të jenë mendjemëdhenj dhe t'i nënçmojnë njerëzit e nuk shohin as një popull e as një racë më të mirë se ata, ndaj dhe thonë: Ata janë popull i zgjedhur i Allahut.

🔹Ajo që kërkohet në namaz është përulësia dhe nënshtrimi. Kjo sepse namazfalësi qëndron para Allahut të Madhëruar, duke u përulur dhe larg cilëve të mendjemadhit.

🔹Është i domosdoshëm largimi nga përngjasimi i njerëzve të devijuar. Nëse përngjasimi është diçka që të nxjerr nga feja apo të çon në gjynah rregulli është; kushdo që përngjason me një popull është prej tyre.

🔹Shumica e dijetarëve e interpretuan ndalimin e këtij veprimi si të tepruar. Ata thanë: ky veprim nuk e prish namazin.

E Allahu e din më së miri!

https://telegram.me/Buhariu

📘Hadithi 629

Xhabiri -radija Allahu anhu-  tregon: "I Dërguari i Allahut -sal-la Allahu alejhi ue sel-lem- më çoi për një punë dhe, kur e mbarova, shkova te Pejgamberi -sal-la Allahu alejhi ue sel-lem- dhe e përshëndeta, por ai nuk ma ktheu atë, kështu që ndjeva aq brengë në zemër sa vetëm Allahu e di. Thashë me vete: "Mbase i Dërguari i Allahut është mërzitur pasi erdha shumë ngadalë." Pastaj e përshëndeta përsëri, por prapë ai nuk m'u përgjigj, kështu që zemra mu lëndua më shumë se herën e parë. Pastaj përsëri e përshëndeta dhe ai ma ktheu përshëndetjen dhe më tha: "Ajo që më pengoi të të kthej përshëndetjen qe se unë po falesha." Këtë kohë ai ishte hipur (në deve) dhe nuk ishte i drejtuar nga Kibla (drejtimi i faljes)."
🔸(1217)🔸


🌴Dobi nga hadithi🌴

🔹Butësia ishte nga karakteristikat dhe cilësitë e larta të Profetit, sal-la Allahu alejhi ue sel-lem, ndërsa sahabët ishin të kujdesshëm në dashurinë ndaj tij, bindjes dhe ndjekjes së urdhërave të tij.

🔹Hadithi është argument për moskthimin e selamit me fjalë gjatë namazit.

🔹Legjitimiteti i faljes së namazit nafil mbi kafshë (apo çdo lloj tjetër mjet udhëtimi) dhe mos kushtëzimi i kthimit nga kibla gjatë tij.

🔹Kush mërzitet me një person të caktuar duhet t'ja tregojë arsyen për ta larguar këtë mërzitje. Si p.sh. nëse i jep selam e nuk ja kthen selamin për shkak të ndonjë pengese, duhet ta justifikojë dhe më pas t’ja tregojë këtë pengesë.

E Allahu e din më së miri!

https://telegram.me/Buhariu

https://youtu.be/J4VPYVuLNFQ

🌙 Hadithi 628

Aishja -radija Allahu anha-  tregon hadithin e eklipsit (nr. 562/1044) dhe shton këtu nga fjala e Pejgamberit -sal-la Allahu alejhi ue sel-lem- kur tregoi se pa Zjarrin: "Vërtet që e pashë Zjarrin, anët e ndryshme të të cilit po përpinin njëra-tjetrën, pashë edhe Amr Ibn Luhej-in, i cili qe i pari që shpiku zakonin e seuaib (deve femra të lëna të lira në emër të idhujve dhe perëndive të rreme pagane)."
🔸(1212)🔸


🌴Dobi nga hadithi🌴

🔹Hadithi pohon ekzistencën e Zjarrit e të Xhehenemit.

🔹Përmendja e një prej mrekullive të Profetit, sal-la Allahu alejhi ue sel-lem, ku me lejen e Allahut, subhanehu ue Teala, mund të shihte Xhehenemin e njerëzit në të.

🔹Dënimi i Allahut është hak për çdo shpikës e shpifës në fenë e Tij, si rasti i Amr bin Luhej.

E Allahu e din më së miri!

https://telegram.me/Buhariu

📘Hadithi 174

{وعن أبي هريرة رضي الله عنه أن رسول الله صلى الله عليه وسلم قال‏:‏ ‏ "‏من دعا إلى هدى كان له من الأجر مثل أجور من تبعه لا ينقص ذلك من أجورهم شيئاً، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئاً‏"‏ ‏(‌‏(‏رواه مسلم‏)‌‏)‌‏.‏}

Ebu Hurejra radija Allahu anhu transmeton se i Dërguari i Allahut sal-la Allahu alejhi ue sel-lem ka thënë: "Kush thërret në udhëzim, do ketë shpërblimin edhe të atyre që e pasojnë duke mos iu pakësuar nga shpërblimet e tyre asgjë. E kush thërret në lajthitje, do ta ketë mëkatin edhe të atyre që e pasojnë atë duke mos iu pakësuar nga mëkatet e tyre asgjë.”
(Transmeton Muslimi, 2674).

🔎 Shpjegimi i hadithit

✨“Kush thërret në udhëzim……” ka kuptimin që ua qartëson njerëzve dhe i thërret në të, si p.sh:

💧U qartëson njerëzve se namazi i duhasë është sunnet dhe se njeriu është mirë t’i falë dy rekate namaz të duhasë. E pasojnë njerëzit dhe e falin namazin e duhasë, kurse ai merr shpërblimin e të gjithë atyre, duke mos u pakësuar aspak shpërblimi i tyre, ngase mirësia e Allahut është e gjerë.

💧Ose u thotë njerëzve: -Namazi juaj i fundit le të jetë vitri dhe mos flini pa e falur atë, me përjashtim të atij që shpreson të ngrihet natën për namaz dhe e lë vitrin në namazin e tij të natës. Më pas njerëzit e pasojnë dhe atëherë ai merr edhe shpërblimin e tyre. Sa herë që një njeri që është udhëzuar në duart e tij e fal vitrin, ai do ta ketë shpërblimin e tij, gjithashtu edhe për veprat e tjera të mira.

✨"E kush thëret në lajthitje, do ta ketë mëkatin edhe të atyre që e pasojnë atë duke mos iu pakësuar nga mëkatet e tyre asgjë." Pra, nëse thërret në atë që është mëkat, si p.sh:

🔥 I thërret njerëzit në zbavitje, gjëra të kota, muzikë, kamatë apo mëkate të tjera, atëherë çdo njeriu që ndikohet nga thirrja e tij i shkruhen si mëkatet e tyre ngase ai ka thirrur në mëkat, Allahu na ruajtë!

Thirrja për në udhëzim dhe thirrja për në mëkat mund të jetë:

☘️ me gjuhë, kur dikush thotë bëj këtë apo atë,
☘️ose me vepër, posaçërisht nëse është nga ata njerëz që pasohet.
Nëse është i tillë, atëherë vepra e tij mjafton si thirrje për tek ajo vepër, prandaj e marrin argument veprën e tij duke thënë se filani e ka bërë këtë vepër, atëherë kjo vepër është e lejuar, ose filani e ka lënë këtë vepër, atëherë kjo vepër është e lejuar ta lësh.

🌴Dobi nga hadithi🌴

1️⃣ Shkaktari është si vepruesi: ky që thërret në udhëzim është shkaktari dhe merr shpërblimin si ata që e veprojnë atë, kurse ai që thërret në të keqen apo lajthitjen bëhet shkaktar dhe do të ketë mëkat si të atyre që e kryejnë atë vepër.

✅Prej kësaj dijetarët e jurisprudencës kanë nxjerrë edhe rregullin: shkaku është si veprimi.

2️⃣ Nëse bashkohet një shkak dhe një veprim, atëherë përgjegjësia është mbi veprimin, ngase veprimi është ai që e ka realizuar prishjen, Allahu e di më së miri.

✨ Hadithi 627

Ebu Berza el-Eslemi -radija Allahu anhu- tregon: "Gjatë një lufte të shenjtë, ndërsa frenat e kafshës (kalit ose devesë) i mbaja në dorë, duke u falur, ajo po përpiqej të ikte, ndërsa unë i shkoja pas. (Dikush nga sekti rebel i Khauarixhëve më pyeti për këtë. Kur mbarova namazin) i thashë: "Me të vërtetë që kam marrë pjesë me të Dërguarin e Allahut në gjashtë, shtatë a tetë luftëra të shenjta dhe kam parë butësinë dhe lehtësimin e gjërave prej tij. Dhe, pa dyshim, më mirë ta mbaja kafshën, sesa ta lija që të kthehej në vathën e saj, pasi kështu do të më sillte shumë shqetësime."
🔹(1211)🔹


🌴Dobi nga hadithi🌴

🔹Profeti, sal-la Allahu alejhi ue sel-lem, ka ndaluar nga vështirësimi e ka urdhëruar për lehtësim në çdo çështje nëse nuk çonte në gjynah.

🔹Legjislacioni Islam në origjinë është lehtësim dhe largim i ngarkesave e vështirësive.

🔹Në shumë hadithe është transmetuar nga sahabët lehtësimi i Profetit, sal-la Allahu alejhi ue sel-lem, për umetin e tij në namaz dhe në çdo çështje tjetër.

🔹Ky hadith aludon për mirësinë e Profetit, sal-la Allahu alejhi ue sel-lem, nga shokëve të tij.

🔹Po ashtu hadithi aludon në rëndësinë e ndjekjes së rrugës së Profetit, sal-la Allahu alejhi ue sel-lem.

🔹Lejimi i tregimit të virtyteve të vetes nëse është e domosdoshme duke mos qenë në kontekstin e mburrjes e mëndjemadhësisë.

E Allahu e din më së miri!

https://telegram.me/Buhariu

✨ Hadithi 626

Muajkibi -radija Allahu anhu- tregon se, një herë, Pejgamberi -sal-la Allahu alejhi ue sel-lem-  foli për dikë që e rrafshonte vendin ku binte në sexhde dhe tha: "Në qoftë se i duhet ta bëjë këtë, le ta bëjë vetëm një herë."
🔹(1207)🔹

🌴 Dobi nga hadithi 🌴

🔹Është e papëlqyeshme që falësi të fshijë gurët e ngulur në trupin e tij në vendet e sexhdes.

🔹Nuk është e pëlqyeshme të fshihet vendi i sexhdes në tokë, e nëse është e nevojshme të pastrohet vendi i sexhdes, le të bëhet vetëm një herë.

🔹Urtësia në këtë çështje është sipas asaj që ka ardhur në hadith se mëshira është para fytyrës, në atë pluhur, i cila ngec në fytyrë për shkak të sexhdes. Pra është në vendin e sexhdes në të cilin namazfalësi ka përmendur dhe madhëruar Allahun e Plotfuqishëm.

🔹Nga kjo lëvizje ekziston frika e ngatërrimit që çon në ndërprerjen e namazit, shpërqendrim e angazhimin e namazfalësit me diçka tjetër veç namazit. Nuk ka ndalim të dëshiroj dy gjëra: ruajtjen e mëshirës që i është dhënë dhe largimi nga shpërqendrimi që bie në kundërshtim me nënshtrimin e përqendrimin.

🔹Është e pëlqyer për atë që dëshiron të falet, të rregullojë vendin e namazit dhe atë të sexhdes që ai të mos ketë nevojë për një shpërqendrim të tillë gjatë namazit dhe që të mos preokupohet me këtë çështje.

🔹Shumica e dijetarëve e konsiderojnë këtë veprim si të papëlqyer e jo të ndaluar, për arsye se shkelja nuk është e madhe dhe lëvizje nuk ka shumë. Thjesht është një nga gjërat e papëlqyera gjatë namazit.

E Allahu e din më së miri!

https://telegram.me/Buhariu

🕌 Hadithi 625

 Zejd Ibn Arkam -radija Allahu anhu- tregon: "Në kohën e Pejgamberit -sal-la Allahu alejhi ue sel-lem- flisnim gjatë faljes së namazit (duke iu përgjigjur nevojës së pyetësit) derisa zbriti ajeti: "Ndiqni rreptësisht faljen (pesë kohët e detyruara) e sidomos faljen e mesit (faljen më të mirë që është falja e Pasdites). Dhe qëndroni para Allahut me bindje e përkushtim (dhe mos flisni me të tjerët gjatë faljes)." (Bekare: 238) Pas kësaj u urdhëruam të heshtim në namaz."
🔹(1200)🔹

🌴 Dobi nga hadithi 🌴

🔹 Të folurit gjatë namazit në fillim të Islamit lejohej aq sa ishte e nevojshme.

🔹 Mbështetja në fjalën e sahabit në fushën e shkakut të zbritjes së ajeteve. Po ashtu fjala e tyre ishte argument i fortë edhe për çështje të tjera përveç kësaj.

🔹 Ndalimi i të folurit gjatë namazit pas shpalljes së fjalës së të Plotfuqishmit: {Dhe qëndroni para Zotit të bindur}. Kjo nga personi i llogjikshëm, i cili e di se është në namaz dhe se të folurit gjatë tij është i ndaluar.

🔹 Të folurit –me të qenurin e tij i ndaluar– e prish namazin, kjo pasi ndalimi sjell si rezultat mos saktësinë e këtij veprimi.

🔹 Kunuti i përmendur në këtë ajet do të thotë heshtje, ashtu siç e kuptuan sahabët dhe vepruan sipas saj në kohën e Profetit, sal-la Allahu alejhi ue sel-lem.

🔹 Qëllimi për të cilin u ndalua të folurit në namaz ishte nevoja për t'iu drejtuar Allahut në këtë adhurim dhe për të shijuar komunikimin me Të, ndaj duhet patur kujdes për këtë qëllim sublim.

🔹 Shfuqizimi i qartë në një hadith të tillë, i cili ndërthur mes abrogimit dhe shfuqizimit.

🔹 Urtësia në legjislacionin Islam, më parë të folurit në namaz ishte i lejuar dhe më pas u ndalua.

E Allahu e din më së miri!

https://telegram.me/Buhariu

🕌 Hadithi 624

Ibn Mesudi -radija Allahu anhu- tregon: "Në fillim ne e përshëndesnim Pejgamberin -sal-la Allahu alejhi ue sel-lem-  kur ishte duke u falur dhe ai na e kthente përshëndetjen. Por, kur u kthyem (nga mërgimi) nga Nexhashiu (mbreti i Abisinisë), ne e përshëndesnim atë (kur ishte duke u falur), por ai nuk na e kthente më përshëndetjen dhe pas faljes thoshte: "Në namaz njeriu është i zënë (me një çështje shumë më serioze)."
🔸(1199)🔸


🌴Dobi nga hadithi🌴

🔹Në hadith sqarohet qartë ndalimi i të folurit në namaz.

🔹Hadithi po ashtu argumenton se në fillimet e Islamit të folurit në namaz ishte i lejuar, më pas u ndalua.

🔹Lejohet dhënia selam atij që falet pasi Profeti, sal-la Allahu alejhi ue sel-lem, nuk e ka ndaluar këtë ndërkohë që ai falej, por ai ndaloi kthimin e selamit.

🔹Pëlqyeshmëria e kthimit të selamit me fjalë pas përfundimit të namazit edhe nëse gjatë namazit ka bërë me shenjë.

🔹Legjitimiteti i kthimit të selamit me shenjë gjatë namazit sepse Profeti, sal-la Allahu alejhi ue sel-lem, e ka bërë këtë veprim.

🔹Kthimi i selamit me shenjë në namaz nuk e bën atë të pavlefshëm.

🔹Hadithi sqaron se në namaz është obligim për namazfalësin të angazhohet me leximin e Kuranit, me dhikër e dua, e të mos angazhohet me dhënie apo kthim të selamit ose me falenderimin e Allahut gjatë tështimës... etj.

E Allahu e din më miri!

https://telegram.me/Buhariu

🕌 Hadithi 623

Ebu Hurejra -radija Allahu anhu-  tregon se Pejgamberi -sal-la Allahu alejhi ue sel-lem- ka thënë: "Ndërmjet shtëpisë sime dhe minberit tim është një kopsht nga kopshtet e begatë të Xhenetit dhe minberi im është mbi Haudin tim (El-Keuther - lumë në Xhenet)."
🔸(1196)🔸


🌴Dobi nga hadithi🌴

🔹Hadithi është shenjë inkurajuese për të jetuar në qytetin e Medines.

🔹Vlera e vendit midis varrit të Profetit, sal-la Allahu alejhi ue sel-lem, dhe minberit të tij, dhe vlera e kryerjes së adhurimeve aty.

E Allahu e din më së miri!

https://telegram.me/Buhariu

📌Prej kohëve të vyera të pranimit të duasë


Ebu Hurejra -radija Allahu anhu- tregon se i Dërguari i Allahut -sal-la Allahu alejhi ue sel-lem- foli për ditën e xhuma dhe tha: "Është një çast i vyer e i volitshëm ditën e xhuma të cilin, në qoftë se një musliman, rob i Allahut e kap duke u falur dhe i kërkon diçka Allahut të Lartësuar, atëherë Allahu, padyshim, do t'ia përmbushë atij kërkesën plotësisht." Dhe ai (sal-la Allahu alejhi ue sel-lem) tregoi me dorën tij se kjo kohë është shumë e shkurtër.
🔸(Sahih Bukhari, 935)🔸



🔹Tregimi i vlerës së ditës së xhuma dhe se ajo është dita më e mirë në të cilën lind dielli.

🔹Tregimi i vlerës së duasë ditën e xhuma, e pëlqyeshmëria e shpeshtimit të saj. Shpresa për të rastisur kohën e përgjigjes së duasë, e sidomos në dy kohët e përmendura në hadith, e ato janë: koha e xhumasë dhe koha pas namazit të ikindisë deri në aksham.

🔹Urtësia në fshehjen e kësaj kohe gjatë ditës së xhuma është që njerëzit të angazhohen sa më shumë e të përfitojnë nga bërja e duasë. Nëse do ta dinin kohën e pranimit të duasë do të fokusoheshin vetëm në të dhe do të neglizhonin çdo gjë tjetër.

🔹Përdorimi i gjesteve apo shenjave pasi ajo zëvendëson shqiptimin e fjalëve nëse kuptohet qëllimi i tyre.

E Allahu e di më së miri!

https://telegram.me/Buhariu

🕌Hadithi 622

Nafi tregon se Ibn Omeri -radija Allahu anhu- asnjëherë nuk e falte namazin e duha-së (paradites), përveçse në dy raste: Sa herë që shkonte në Mekë dhe gjithnjë arrinte atje paradite. Bënte tauafin (sjelljen shtatë herë rreth Qabes) dhe pastaj falte dy rekatë namaz pas Mekamit të Ibrahimit; si edhe sa herë që vizitonte xhaminë Kuba', dhe këtë do ta bënte çdo të shtunë. Kur hynte në xhami, nuk i pëlqente që të dilte pa falur dy rekatë namaz në të. Ibn Omeri -radija Allahu anhu- thoshte se i Dërguari i Allahut -sal-la Allahu alejhi ue sel-lem- e vizitonte xhaminë Kuba' (herë) në këmbë dhe (herë) kaluar. Ai (Ibn Omeri) thoshte: "Unë bëj vetëm ashtu siç kam parë të veprojnë shokët e mi dhe unë nuk ndaloj askënd që të falë namaz në çdo kohë, ditën ose natën, përveç kohës gjatë lindjes së diellit dhe gjatë perëndimit të tij."
🔸(1191,1192)🔸


🌴Dobi nga hadithi🌴

🔹Hadithi pohon se Ibën Omar, radija Allahu anhu, nuk e falte namazin e duhasë vetëm se në dy ditët e përmendura në hadith -kur shkonte në Meke e kur vizitonte xhaminë Kuba-.

🔹Ibën Omar, radija Allahu anhu, nuk lajmëron në këtë hadith se Profeti, sal-la Allahu alejhi ue sel-lem, nuk e falte këtë namaz. Hadithet të shumta të sakta pohojnë se Profeti e ka falur këtë namaz madje dhe ka nxitur për faljen e tij. Aisha, radija Allahu anha, transmeton se Profeti, sal-la Allahu alejhi ue sel-lem, e ka falur namazin e duhasë katër rekate dhe ka shtuar sa ka dashur mbi këtë numër.

🔹Koha e faljes së namazit të duhasë fillon pas rreth 15 minutash pas lindjes së diellit deri gati 15 minuta para futjes së kohës së namazit të drekës.

🔹Masa më e vogël e rekateve të këtij namazi është 2 dhe ka kundërshtim mes dijetarëve për numrin më të madh të rekateve që mund të falet; është thënë 8 rekate e është thënë që nuk ka kufi.

🔹Hadithi aludon për vlerën e xhamisë Kuba dhe faljes së namazit në të.

E Allahu e din më së miri!


https://telegram.me/Buhariu

🕌 Hadithi 621

Ebu Hurejra -radija Allahu anhu-  tregon se Pejgamberi -sal-la Allahu alejhi ue sel-lem- ka thënë: "Një namaz në xhaminë time vlen më shumë se një mijë namaze në çdo xhami tjetër, përveçse në Xhaminë e Shenjtë (në Mekë)".
🔸(1190)🔸

🌴Dobi nga hadithi🌴

🔹Hadithi është argument për vlerën e faljes së namazit në xhaminë e Profetit, sal-la Allahu alejhi ue sel-lem, në krahasim me xhamitë e tjera, përveç Qabes. Ky veçim vjen pikërisht për të treguar që namazi në këtë xhami (Qabe) është më i vlefshëm se kudo tjetër.

🔹Hadithi argumenton për masën e shpërblimit të një namazi në xhaminë e Profetit, sal-la Allahu alejhi ue sel-lem, e cila është 1000 herë më shumë se namazi në çdo xhami tjetër (përveç Qabes dhe Aksas).

🔹Fjala e Profetit, sal-la Allahu alejhi ue sel-lem, "në këtë xhaminë time" pohon këtë vlerë të namazit në xhaminë e tij vetëm e jo në të gjitha xhamitë e tjera të Medines, duke përfshirë dhe pjesët e zgjeruara të kësaj xhamie. Kjo në mendimin më afër të saktës.

E Allahu e din më së miri!


https://telegram.me/Buhariu

🕋 Hadithi 620

Ebu Hurejra -radija Allahu anhu-  tregon se Pejgamberi -sal-la Allahu alejhi ue sel-lem- ka thënë: "Nuk ndërmerret udhëtim (për qëllim adhurimi në asnjë vend tjetër), përveçse për tek tri xhami: Xhamia e Shenjtë (e Qabesë në Mekë), Xhamia e të Dërguarit të Allahut -sal-la Allahy alejhi ue sel-lem- (në Medine) dhe Xhamia Aksa (në Jerusalem)".
🔸(1189)🔸

🌴 Dobi nga hadithi 🌴

🔹 Hadithi aludon në vlerën e udhëtimit drejt këtyre tre xhamive, pasi udhëtimi drejt tyre nga të gjitha anët e botës është për adhurim.

🔹 Hadithi është argument për pozitën e lartë të këtyre tre xhamive.

🔹Ky hadith synon ndalimin e udhëtimit drejt vendeve të ndryshme të botës me qëllim përfitimin e ndonjë bereqeti ose të mendojë mirësinë e atij vendi apo përfitimin e sevapeve aty.
Ashtu sikurse ndalon dhe udhëtimin me qëllim vizitën e varrezave.
Nëse vizitohen varrezat me qëllim përkujtimin e botës tjetër, mjafton të jenë afër dhe nuk është i nevojshëm udhëtimi për një qëllim të tillë.

E Allahu e din më së miri!

https://telegram.me/Buhariu

📌Prej kohëve të vyera të pranimit të duasë


Ebu Hurejra -radija Allahu anhu- tregon se i Dërguari i Allahut -sal-la Allahu alejhi ue sel-lem- foli për ditën e xhuma dhe tha: "Është një çast i vyer e i volitshëm ditën e xhuma të cilin, në qoftë se një musliman, rob i Allahut e kap duke u falur dhe i kërkon diçka Allahut të Lartësuar, atëherë Allahu, padyshim, do t'ia përmbushë atij kërkesën plotësisht." Dhe ai (sal-la Allahu alejhi ue sel-lem) tregoi me dorën tij se kjo kohë është shumë e shkurtër.
🔸(Sahih Bukhari, 935)🔸



🔹Tregimi i vlerës së ditës së xhuma dhe se ajo është dita më e mirë në të cilën lind dielli.

🔹Tregimi i vlerës së duasë ditën e xhuma, e pëlqyeshmëria e shpeshtimit të saj. Shpresa për të rastisur kohën e përgjigjes së duasë, e sidomos në dy kohët e përmendura në hadith, e ato janë: koha e xhumasë dhe koha pas namazit të ikindisë deri në aksham.

🔹Urtësia në fshehjen e kësaj kohe gjatë ditës së xhuma është që njerëzit të angazhohen sa më shumë e të përfitojnë nga bërja e duasë. Nëse do ta dinin kohën e pranimit të duasë do të fokusoheshin vetëm në të dhe do të neglizhonin çdo gjë tjetër.

🔹Përdorimi i gjesteve apo shenjave pasi ajo zëvendëson shqiptimin e fjalëve nëse kuptohet qëllimi i tyre.

E Allahu e di më së miri!

https://telegram.me/Buhariu

🌌 Hadithi 619

AbduLlah Muzeniu -radija Allahu anhu- tregon: "Pejgamberi -sal-la Allahu alejhi ue sel-lem- na ka thënë: "Faluni përpara namazit (farz) të akshamit (mbrëmjes).” Ai e përsëriti tri herë, ndërsa herën e fundit shtoi: "Kush të dëshirojë”, - në mënyrë që njerëzit të mos e bënin rrugë një gjë e tillë."
🔹(1183)🔹

🌴 Dobi nga hadithi 🌴

🔹Pëlqyeshmëria e faljes së dy rekateve nafile pas perëndimit të diellit por para faljes së namazit të akshamit. Këto dy rekate nuk janë prej syneteve të rregullta (12-të rekateve).

🔹Pëlqehet që ky namaz të mos jetë i rregullt nga frika se mos mendohet se është prej syneteve të rregullta e të marrë dhe gjykimin e tyre.

🔹Falja e këtyre dy rekatave është vërtetuar me:
1- Urdhërin e Profetit, sal-la Allahu alejhi ue sel-lem, për faljen e tyre ashtu si në hadithin tonë "Faluni para akshamit".
2- Ai, sal-la Allahu alejhi ue sel-lem, e ka vepruar vetë ashtu si është përcjellë në transmetimin e Ibën Hibanit.
3- Profeti, sal-la Allahu alejhi ue sel-lem, ka parë sahabët që e kanë vepruar e nuk i ka ndaluar.

🔹Shejkhul Islam ka thënë: Ajo që nuk është prej syneteve të rregullta nuk mund të ndiqet si synet i rregullt për mos t'u menduar se është prej tyre. Kështu që, para ikindisë, akshamit dhe jacisë, kushdo që dëshiron të falet vullnetarisht është mirë, por kjo nuk duhet të konsiderohet si synet i rregullt.

🔹Ibnul Kajjim, rrahimehu Allah, ka thënë: Është vërtetuar se Profeti, sal-la Allahu alejhi ue sel-lem, ka falur dyzet rekate çdo ditë - natë; shtatëmbëdhjetë rekate farz, dymbëdhjetë namaze të rregullta sipas hadithit të Ummu Habibes dhe njëmbëdhjetë rekate namaz nate, pra ishin dyzet rekate.

E Allahu e din më së miri!

https://telegram.me/Buhariu

🌌 Hadithi 618

 Aishja -radija Allahu anha-  tregon se Pejgamberi -sal-la Allahu alejhi ue sel-lem-  asnjëherë nuk i ka lënë pa i falur katër rekate (sunet) përpara (farzit të) drekës dhe dy përpara (farzit të) agimit.
🔹(1182)🔹

🌴 Dobi nga hadithi 🌴

🔹Pëlqyeshmëria e moslënies së katër rekateve synet para namazit të drekës dhe dy rekateve para namazit të sabahut.

🔹Më e mira është që namazet synet të falen në shtëpi, për këtë aludon edhe fjala e Aishes, radija Allahu anha.

E Allahu e din më së miri!

https://telegram.me/Buhariu

🌌 Hadithi 617

Ebu Hurejra -radija Allahu anhu-  tregon: "Miku im më i ngushtë (Pejgamberi -sal-la Allahu alejhi ue sel-lem-) më ka këshilluar që të ndjek tri gjëra, të cilat nuk do t’i lë derisa të vdes: Të agjëroj tri ditë të çdo hëne, të fal namazin e duha-së dhe të mos fle pa falur vitrin".
🔹(1178)🔹

🌴 Dobi nga hadithi 🌴

🔹Këshillimi i ndryshëm i Profetit, sal-la Allahu alejhi ue sel-lem, ndaj shokëve të tij duke ju përshtatur gjendjes së tyre.

🔹Ibn Haxher El-Askalani ka thënë në thënien "Agjërimi i tri ditëve të çdo muaji" se nënkupton ditët e bardha, pra trembëdhjetë, katërmbëdhjetë dhe pesëmbëdhjetë e çdo muaji hënor të kalendarit hixhrik.
📌Sqarim: Sa i takon përcaktimit të këtyre ditëve me tri ditët e bardha, me sa na është bërë e qartë pas studimit të haditheve në këtë temë, themi që nuk është i saktë. Sipas argumenteve të sakta vërtetohet agjërimi i tri ditëve çfarëdo të një muaji hënor.
E Allahu e din më së miri.

🔹Ibn Haxher El-Askalani ka thënë: Në hadith tregohet pëlqyeshmëria e faljes së Vitrit para gjumit, dhe kjo vlen për atë që nuk është i sigurt se do të zgjohet.

🔹Rëndësia e këtyre tre veprave pasi Profeti, sal-la Allahu alejhi ue sel-lem, ia ka rekomanduar një numri të konsiderueshëm të shokëve të tij.

🔹Ibn Dakik el-Eid ka thënë në thënien e tij: "dhe dy rekatet e Duhasë", ndoshta ka përmendur numrin më të vogël për të cilin është i sigurtë veprimi i tij. Po ashtu vërtetohet pëlqyeshmëria e namazit të Duhasë, dhe se më së paku mund të falet dy rekate.

🔹Koha e namazit të Duhasë është afërsisht një çerek ore pas lindjes së diellit deri afërsisht dhjetë minuta para mesditës (namazi i drekës). E përmendëm që numri më i vogël i rekateve që mund të falet ky namaz është 2. Ndërsa sa i takon numrit më të madh të rekateve që mund të falen ka kundërshtim; thuhet tetë rekate, e thuhet që nuk ka kufi.

🔹Koha e namazit të Vitrit është nga pas namazit të jacisë deri në agim (namazi i sabahut), minimumi i të cilit është një rekat dhe maksimumi njëmbëdhjetë rekate.

E Allahu e din më së miri!

https://telegram.me/Buhariu