"Barcha bolalar muvaffaqiyatli" loyihasi

USAIDning "Barcha Bolalar Muvaffaqiyatli" loyihasi doirasida inkluziv sinflarda foydalanish uchun O‘quv-metodik majmualarni (O'MM) ko‘rib chiqish bo‘yicha rubrikalardan samarali foydalanishga bag‘ishlangan uch kunlik seminar o‘tkazildi. Ushbu tadbir 2-4-oktyabr kunlari Toshkentda bo‘lib o‘tdi va barcha o‘quvchilar uchun ta'lim resurslarini takomillashtirishga bag‘ishlangan ta'lim mutaxassislarining Ishchi guruhini bir davraga to‘pladi. Seminarning maqsadi ishtirokchilarga barcha turdagi o'quvchilarning, shu jumladan nogironligi bo‘lgan ta'lim oluvchilarning ehtiyojlarini qondirish uchun O'MMni baholash bo‘yicha kerakli ko‘nikmalarni berishdir. Ta'limda Universal Dizayn (UDL) tamoyillariga e'tibor qaratgan holda, va shu orqali yanada teng huquqli o‘quv muhitini yaratish maqsadida qatnashchilar o‘z materiallariga inkluziv ta'lim ko‘rsatkichlarini kiritishni o‘rgandilar.

Seminarning asosiy maqsadlari quyidagilardan iborat:
🟢Matematika, o‘qish savodxonligi va ona tili fanlari bo‘yicha boshlang‘ich sinf materiallarini belgilangan rubrikalar yordamida tahlil qilish va baholash.
🟢 O‘qituvchilar uchun metodik qo‘llanma tuzish va beshta bobini aniqlash uchun muhokamalar tashkil etish
🟢 O'MMni resurslash va takomillashtirish rejasini yaratish va samarali amalga oshirish uchun texnik imkoniyatlarni oshirish.
Seminar yakunida ishtirokchilar rubrikadagi asosiy ko‘rsatkichlarni aniqlaydilar va uni joriy o‘quv materiallarini baholash uchun vosita sifatida ishlatishni boshlaydilar.

Bundan tashqari, ishtirokchilar o‘quv-metodik majmualariga inkluziv ta'lim ko‘rsatkichlarini kiritish strategiyalarini ishlab chiqishni boshlaydilar.

✅Inklyuziv taʼlim haqida ko‘proq maʼlumotlar olish uchun kanalimizni kuzatib boring!
📱Telegram

Inklyuziv ta’lim haqidagi afsonalar va haqiqat 🔼
Ta’lim tizimida inklyuziv ta’limni tushunish va amalga oshirish uchun to‘sqinlik qilishi mumkin bo‘lgan afsonalar va noto‘g‘ri tushunchalar tez-tez uchraydi. Keling, ulardan eng ko‘p uchraydiganlarini ko‘rib chiqamiz.

✅Inklyuziv taʼlim haqida ko‘proq maʼlumotlar olish uchun kanalimizni kuzatib boring!
📱Telegram

Dunyodagi minglab kasblar orasidagi buyuk kasblardan biri bu o‘qituvchilik, ular, toki hayot bor ekan, o‘zining ma’no-mazmunini va oliyjanobligini, ahamiyati va hurmatini hech qachon yo’qotmaydi.

Fursatdan foydalanib, Sizni, murabbiylar, zahmatkash va mehribon ustozlarimizni “O‘qituvchi va murabbiylar” bayrami bilan chin qalbimizdan muborakbod etamiz!

Kasb bayramingiz muborak bo‘lsin, Sizga sihat-salomatlik, baxt-saodat, xonadoningizga tinchlik va xotirjamlik tilab qolamiz!

✅Inklyuziv taʼlim haqida ko‘proq maʼlumotlar olish uchun kanalimizni kuzatib boring!
📱Telegram

🟢USAIDning “Barcha bolalar muvaffaqiyatli” loyihasi (BBM) 2024-yil 25-27-sentabr kunlari Toshkent shahrida inklyuziv ta’lim yondashuvlari asosida BBM hamkori Sirakyuz universiteti (AQSH) mutaxassislari ishtirokida bo‘lajak o‘qituvchilarni tayyorlash hamda o‘qituvchilarni malakasini oshirish bo‘yicha ishchi guruh a’zolari uchun seminarlar o‘tkazmoqda.

🟢Ishtirokchilar inklyuziv ta’lim yondashuvlarini amalga oshirish uchun pedagogika oliy ta’lim muassasalarining mavjud o‘quv-uslubiy majmualari (O‘UM) va boshlang‘ich sinf o‘qituvchilarning malaka oshirish dasturlarini tahlil qilish va takomillashtirish bo‘yicha amaliy ko‘nikmalarga ega bo‘lmoqda.

🟢Birinchi seminarda asosiy e’tibor bo‘lajak boshlang‘ich ta’lim mutaxassislarini tayyorlaydigan pedagogika oliy ta’lim muassasalarining O‘UM tahlil qilish va takomillashtirishga qaratildi. Ishtirokchilar inklyuziv ta’lim tushunchasini yaxshiroq tushunishga yordam beradigan interfaol mashg‘ulotlarda ishtirok etdilar. Trening yakunida Ishchi guruh a’zolari inklyuziv ta’lim yondashuvi asosida pedagogika oliy ta’lim muassasalarining o‘quv-uslubiy majmualarini tahlil qilish va takomillashtirish imkoniyatiga ega bo‘ldilar.

🟢Ikkinchi seminar boshlang‘ich sinf o‘qituvchilarining malakasini oshirish, inklyuziv ta’lim elementlarini o‘z ichiga olgan o‘quv-uslubiy materiallarni ishlab chiqish bo‘yicha ishchi guruh a’zolarini tayyorlashga bag‘ishlandi. Trening ishtirokchilari inklyuziv ta’lim yondashuvlar asosida kontentni ishlab chiqish bo‘yicha bilim va ko‘nikmalarga ega bo‘ldilar. Trening yakunlari bo‘yicha Ishchi guruh vakillari boshlang‘ich sinf o‘qituvchilari uchun malaka oshirish tizimida qo‘llaniladigan yangi o‘quv-uslubiy majmualarini ishlab chiqish jarayonini boshladilar.

✅Inklyuziv taʼlim haqida ko‘proq maʼlumotlar olish uchun kanalimizni kuzatib boring!
📱Telegram