Aliy ibn Vohid | Blog

Ba’zi kitoblar bu dunyo tashvishlaridan uzilib , Jannatni hayol qilish uchun yozilgan …📖💓

#tolibadan
© Aliy ibn Vohid

هو رب المستحيل و انت تبكي على الممكن .

U ilojsiz ishlarning robbisi , sen esa
mumkin ishlar uchun yig'layapsan !

#tolibadan
© Aliy ibn Vohid

Abu Zar G‘iforiy roziyallohu anhudan rivoyat qilinadi:
“Bir kuni: “Yo Rasululloh, menga nasihat qiling” dedim. U zot: “Allohga taqvo qil! Chunki barcha ishlarning boshi taqvodir”, dedilar. “Yo Rasululloh, yana nasihat qiling”, deb so‘radim. Shunda u zot: “Qur’on tilovat qil. Zero, bu sen uchun yerda nur, osmonda zaxira bo‘ladi ”, deb marhamat qildilar ”.

Qur'on o'qisak ham kun o'tadi, o'qimasak ham o'sha kun o'tadi. Ammo hech bo'lmaganda ikki bet uchun ajratgan vaqtimiz amallarimiz o'lchanadigan kunda faqatgina bizning foydamizga bo'ladi, in sha Alloh.

#tolibadan
© Aliy ibn Vohid

Chanqasak suv ichamiz, ammo birozdan so'ng yana chanqamaymizmi? Bir marotaba to'yib suv ichgan odam, umri davomida hech chanqamasligi mumkinmi? Odam kuchda qolishi uchun davomiy ravishda suvga bo'lgan ehtiyojini qondirib turishi kerakligi isbot talab qilmaydi.

Insonning iymoni suvga tashna daraxtga o'xshaydi. Har kuni ma'lum vaqt sug'orilib turishi kerak, aks holda daraxt zaiflashadi. Namozlarimiz bizga shu tashnalikni qondirishga va iymonimizni yangidan jonlantirishga asosiy sabab bo'lishi kerak ekan.

#tolibadan
© Aliy ibn Vohid

Ba'zi qarorlar qarshisida egilasan, bukilasan.
Ojiz qolasan...
Bilmaysan, sinovmi yo ne'mat?
Anglaysan, aslida sinov ham - bir ne'mat,
ne'mat ham - bir sinov.

Minglab fikrlar, ammo senga Uniki qiziq.
Yuzlanasan yana Unga... chunki muhtojsan.
Oydinlatsaki, yengillasang.
Yengil qilsaki, sokinlashsang...

#tolibadan
© Aliy ibn Vohid

Erkaklar uch xil bo'lishadi: doim o'zini haq deb daʻvo qiladiganlar. Bular qaysar kishilardir; xatosini eʻtirof etadiganlar. Bular oqil kishilardir; haq bo'lsalar ham o'zlarining nohaq ekanliklarini taʻkidlovchilar. Bular uylanganlardir.)

#tolibadan

© Aliy ibn Vohid

Aytish uyat emas...

Nafs va kibr hislari hamma insonda bor. Bir kuni kichik bir nohaqlikka chiday olmadim. Juda qiyin bo'ldi, nega axir bu menga nisbatan noto'g'riligini bilaman-ku, dedim.

"Ha mayli, qo'y endi shuni", dedim va chalg'idim. Ammo, birozdan so'ng shayton kelib yana shuni eslatardi. Bir marotaba emas, ikki marotaba emas, qayta-qayta. Har safar vasvasani o'chirishga harakat qildim, lekin ichimdan baribir u ovoz ketmadi.

Namoz o'qiyotib, qanchalar tubanlik qilayotganimni va aslida Allohning oldida arzimagan bandaligimni esladim. "Hozir ayni vaqti. Kibrimni hozirning o'zida olamlar egasi Allohning huzurida sindirishim kerak", deb o'zimga singdirdim. So'ng ovozimni chiqarib "Sen ulardan yaxshi emassan va u narsaga arzimagan eding aslida", dedim. "Uyalmaysanmi Robbing huzurida turib shunchalar o'z nafsingni birovnikidan ustun qo'yishga?!". Nafsim indamadi, lekin nadomat qildi.

Shayton yana qaytib keldimi? Ha. U hech qachon to'xtamaydi. Ammo, keyin o'sha mavzuni eslab umuman nohaqlik his qilmadim. Mana Islom menga nimani o’rgatadi!

#tolibadan

© Aliy ibn Vohid

Ahli ilmlar bilan, solih kishilar bilan bo’lishlik lazzatini faqat birga bo’libgina his qilish mumkin, chunki ularni kitoblaridan, tillaridan eshitmaganlaringni ularni amallarida ko’rasan, o’rganasan…

© Aliy ibn Vohid

Payg‘ambarimiz ﷺ hadisi shariflarida: «Olim bo‘lgin yoki ilm o‘rganuvchi yo ilmga quloq soluvchi bo‘lgin yoki bu toifa insonlarga muhabbatli bo‘l. Aslo beshinchi toifa bo‘lma, halok bo‘lasan», deya marhamat etib, ilm va ilm ahllarini sevuvchi, hurmat qiluvchi bo‘lishga da’vat etganlar…

Volidamni sog’indim!…

Boshimni tafti mehrga to’la qo’llar silashiga mushtoq bo’ldim.
© Aliy ibn Vohid

Qur’on ilmi o’rganish mashaqqatli yo’l deyishdi,
Lekin bu shunday yo’lki uning qiyinchiligi ham shirin…

© Aliy ibn Vohid

Kimiki bor g’am-tashvishini, o’yu-hayolini oxirat qilib olsa, dunyo tashvishlariga Alloh kifoya qiladi!

Rizq Allohdan…
Bizga keladigan barcha ko’rinishdagi rizqlar Robbimizdan.
Shunday rizq borki uni tasarrufi bizda emas, bu qalb rizqidir! Kimga yoki nimaga muhabbat qilishimizni, qanchalik uni yahshi ko’rishimizni biz boshqara olmaymiz, bu Alloh taoloning qalbimizga bergan nasibasiga qarab bo’ladi!

Shunday nasibalarni eng yahshisi, eng zo’ri bu qalbdagi Alloga, uning payg’ambariga, kitobiga, diniga bo’lgan muhabbatining nasibasi ko’pligi bilandir!

Qalbimizga bir nazar tashlaylikchi, nasibamiz nelarga qaratilgan ekan?!

© Aliy ibn Vohid