Advokat Qosimov

Фермер ҳам одамми?!

Мана бу постни Фарғона туманлараро суди раиси кўраётган ва бугун соат 17-30 га қўйилган суд мажлисини кутиб ўтириб ёзгандим.

Шу ишда фермер манфаатларини ҳимоя қилаётган эдим. Постда ёзилганларни тасдиғи сифатида, суд раиси мени ВКА орқали суд мажлиси бошланишини кутиб турганимни билсада, мени иштирокимсиз суд мажлисини ўтказиб қарор чиқарибди.

Шу пайтгача кластер вакилини вақти бўлмаганлиги сабабли бир неча марта ишни қолдириб келган раис, суднинг энг муҳим музокара босқичини фермернинг адвокатисиз ўтказиб қўя қолибди.

Қарор ўз йўлига, унга нисбатан апелляция берармиз, лекин фермерни ҳам конституциямизнинг 29-моддасида белгиланган малакали юридик ёрдамдан фойдаланиш ҳуқуқи бор. Бу ҳуқуқ эса унинг манфаатини ҳимоя қилаётган адвокатни ишда иштирок этиши билан таъминланади.

Суд раиси фермернинг конституциявий ҳуқуқига тупуриб қўйса, бечора фермер дардини қаерга айтсин?!

Ўша гап, фермер ҳам одамми, ҳурматли суд раиси?!

Каналга уланиш👇
👉@advokatqosimov👈

Бизда энг кўп ҳуқуқи бузиладиган тадбиркорлик субъектлари фермерлар бўлса керак. Кластерлар билан муносабатлардаям шу.

Қонунчилигимиз ҳам шунга йўл очиб бергандек. Масалан, битта кластер фермерни ҳақини беролмай қолса, уни хўжайинини, яъни таъсисчисини шахсий мулкига ундирув қаратиб бўлмайди. Лекин кластерда фермерни қарзини унинг шасий мулкига қаратиш имконияти бор.

Судларда ҳам шунга ўхшаш ҳолат бор. Битта пахтачилик кластери 50 та фермерни судга берса, битта ёки иккита суд мажлисида ҳаммаси ҳал. Агар битта фермер пахтачилик кластерини судга берса, иш икки ойлаб чўзилаверади.

Судни кўриб, судья кластердан қўрқяптими деб ўйлаб қоласан.

Каналга уланиш👇
👉@advokatqosimov👈

Чет элда ишлаб чиқарилган автомототранспорт воситасидан фойдаланишга доир амалий қўлланма давлат тилига қўшимча ҳақ ундирилмасдан таржима қилиниши керак!

📌 Бугунги кунда кўпчилик иномарка ҳайдовчилар автомобилнинг аксарият функцияларидан фойдаланишда қийналишмоқда экан. Бунинг асосий сабаби ушбу воситадан фойдаланиш хақидаги қўлланма китобининг чет тилида эканлигида!

‼️ Ўзбекистон Республикаси Вазирлар Маҳкамасининг 13.02.2003 йилдаги 75-сонли қарори иловасига кўра:

✅ Чет элда ишлаб чиқарилган автомототранспорт воситасидан фойдаланишга доир амалий қўлланма  сотувчи томонидан давлат тилига қўшимча ҳақ ундирилмасдан таржима қилиниши керак.

Каналга уланиш👇
👉@advokatqosimov👈

Ассалому алайкум, саволим қуйидагича: хотинимнинг ишлашига қаршиман ва шу сабабли хозирда ишламаяпти. Кеча профилактика инспекторига эрим ишлатмаяпти деб арз қилган экан, инспектор мени чақириб бундай қаршилик қилганлик учун жавобгарлик борлигини айтди.
Хақиқатдан ҳам жавобгарлик борми ёки инспектор мени қўтқитдимикан?

‼️ Ўзбекистон Республикаси МЖТКнинг 59*2-моддасига кўра эрнинг хотинига ёки хотиннинг эрига меҳнатга оид хуқуқини амалга оширишига тўсқинлик қилиши -- оилавий зўравонлик хисобланади.

Оилавий зўравонлик учун БХМнинг 10 бараваридан 20 бараваригача жарима ёки ўн суткагача муддатга маъмурий қамоқ жазоси белгиланган.


Каналга уланиш👇
👉@advokatqosimov👈

Мурожатчимиздан келган савол:

Ассалому алайкум, балиқ овлаш мавсуми ҳақида аниқ маълумот бероласизми? Кўпчилик одамлар балиқ овлаш мавсуми тугади, энди балиқ овласанг жарима солади деб қўрқитяпти.

Ўзбекистон Республикасининг "Ов қилиш ва овчилик хўжалиги хақидаги" қонунига 2-иловага кўра балиқ овлаш мавсуми :

✅ Амударё ва Сирдарёда :1 июндан 10 мартгача;

✅ Қорақалпоғистон Республикаси ва Хоразм вилоятининг сув ҳавзаларида: 11 июндан 25 апрелгача ;

✅ Қолган барча сув ҳавзаларида: 1 июндан 15 апрелгача этиб белгиланган!

Каналга уланиш👇
👉@advokatqosimov👈

Маъмурий хуқуқбузарлик юзасидан жарималарни тўлашда эьтиболироқ бўлинг!

📌 Ўзбекистон Республикаси МЖТКнинг 332*1-моддасига кўра Ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади.

✅ МЖТКнинг юқоридаги моддасидан қўриш мумкинки, жарима тўлашда чегирманинг ўтиш муддати жарима солиш тўғрисидаги қарор топширилган кундан бошлаб ўта бошлайди.

‼️ Лекин юқоридаги расмда кўриш мумкинки, жарима тўлашда чегирманинг ўтиш муддати жарима солиш тўғрисидаги қарор чиқарилган пайтдан бошлаб автоматик тарзда ўта бошлаяпти.

МЖТКда жарима қўллаш хақидаги қарор УЧ кун ичида хуқуқбузарга юборилиши белгиланган.
Агар қарор чиқарилган кундан бошлаб учинчи куни хуқуқбузарга юборилган бўлса, юқоридаги расмдаги холатда чегирманинг муддати қонунга хилоф равишда қисқарган бўлади.

Каналга уланиш👇
👉@advokatqosimov👈

#Саволимбор

Мурожатчимиздан келган савол:

Ассалому алайкум, мен вояга етмаган фарзандим учун алиментга ариза бермоқчиман.Эрим бошқа вилоятда яшайди, мен ва фарзандим бошқа вилоятда яшаймиз.Шунда мен аризани эримнинг яшаш жойидаги судга беришим керакми?

📌📌 Ўзбекистон Республикаси Олий суди пленумининг "БУЙРУҚ ТАРТИБИДА ИШ ЮРИТИШНИ ТАРТИБГА СОЛУВЧИ ҚОНУН НОРМАЛАРИНИ ҚЎЛЛАШНИНГ АЙРИМ МАСАЛАЛАРИ ТЎҒРИСИДА"ги 4-сон қарорига кўра:

✅ Вояга етмаган фарзанднинг таъминоти учун алимент ундириш ҳақидаги талаб ундирувчи яшаётган жойдаги судга тақдим қилиниши ҳам мумкин.

Демак сиз бу вазиятда ўзингиз яшаётган жойдаги судга тақдим қилишингиз ҳам мумкин.


Каналга уланиш👇
👉@advokatqosimov👈

GENERALISSIMUS каналининг ёзишича, ЖК нинг 184-моддаси (Солиқлар ёки йиғимларни тўлашдан бўйин товлаш) жазоларини оғирлаштириш бўйича ўзгартириш киритилмоқда экан.

Ҳозир шундай пайтки, бюджет тақчиллиги кучайганлиги учун ҳамма бюджетни тўлдириш ҳаракатида. Айрим ҳолларда солиқ қонунчилигига тўлиқ риоя қилган солиқ тўловчилар ҳам битта солиқчининг ҳулосаси билан жавобгарликка тортилиб кетмоқда.

Солиқ қўмитасига солиқ қонунчилигининг қўлланилиши бўйича сўров киритилса, улар ҳар қандай йўл билан, ҳаттоки қонунчиликни нотўғри қўллаб бўлсада, солиқ тўланиши керак деган маънода жавоб хати беради.

Масалан, яқинда битта сўровимизга қўмита раиси биринчи ўринбосари М.Мирзаевнинг имзоси билан берилган жавоб хатида 2023 йил 1 мартда кучга кирган қонунни 2022 йил сентябрдаги ҳолатга қўллаб жавоб хати берилди. Хат ижрочисига телефон қилиб эътирозимни айтсам, қўлингдан келганини қил, деган маънода жавоб олдим.

Бошқа бир иш бўйича солиқ имтиёзи қайси вақтгача амал қилишини аниқлаштириш бўйича сўровимизга Тошкент шаҳар Солиқ бошқармаси бошлиғи ўринбосари Д.Азизов томонидан берилган жавоб хатини ўқиб, сўровга аниқ нима деб жавоб берилганлигини тушуниб бўлмади.

Солиқчиларнинг ўзлари солиқ қонунчилигини қўллаш бўйича аниқ жавоб бера олмаётган бир пайтда жавобгарликни кучайтириш фақат тадбиркорларнинг зиёнига ишлайди.

Каналга уланиш👇
👉@advokatqosimov👈

Йиғимлар адолатли бўлиши керак

Вазирлар Маҳкамасининг 2025 йил 31 январь кунги 52-сонли қарори билан ишлаб чиқарилган муддатидан бошлаб 3 йилдан ортиқ бўлмаган электромобиллар учун БҲМ нинг 120 баравари (илгари 30 баравари бўлган), ишлаб чиқарилган муддатидан бошлаб 3 йилдан ортиқ бўлган электромобиллар учун 210 баравари (илгари 90 баравари бўлган) миқдорида утилизация йиғими белгиланди.

Ушбу қарор адолатлилиги борасида бир қатор саволларни келтириб чиқармоқда. Чунки Конституциямизнинг 63-моддасига кўра солиқ ва йиғимлар адолатли бўлиши ҳамда фуқароларнинг конституциявий ҳуқуқларини амалга оширишига тўсқинлик қилмаслиги керак.

“Чиқиндилар тўғрисида” ги Қонуннинг 23-1-моддасига кўра экологик хавфсизликни таъминлаш, фуқаролар соғлиғини ва атроф-муҳитни ғилдиракли транспорт воситалари, ўзиюрар машиналар ва уларнинг тиркамалари, пневматик резинали шиналар ва покришкалар ўз истеъмол хусусиятларини йўқотганидан кейин ҳосил бўладиган чиқиндиларнинг зарарли таъсиридан ҳимоя қилиш мақсадида утилизация йиғими тўланади.

Йиғим адолатли бўлиши учун электромобил хизматини қилиб бўлиб, чиқиндига айлангандан кейин унинг қандай зарарли таъсири борлиги ва шу таъсирдан экологияни ҳимоя қилиш учун ҳақиқатан ҳам 45 миллиондан 78 миллион сўмгача маблағ кетиши асослантирлиши керак.

Масалан, шахсан ўзим электромобилни утилизация қилиш учун шунча маблағ кетишига ишонмайман.

Шу ўринда яна бир савол туғилади. Хўп, утилизация йиғимини жорий қилишдан мақсад, электромобиллар чиқиндига айлангандан кейин юзага келадиган зарарли таъсирдан ҳимоя қилиш бўлса, Ўзбекистондаги ишлаб чиқарувчилар ишлаб чиқарган ёки улар олиб кирадиган электромобиллар чиқиндига айлангандан кейин уларни зарарли таъсири бўлмайдими?!

Агар зарарли таъсир пайдо бўлиши уни олиб кираётган шахсга боғлиқ бўлмаса, бу йиғимни кимгадир қўллаб қимгадир имтиёз бериш адолатсизликдан бошқа нарса эмас.

Каналга уланиш👇
👉@advokatqosimov👈

⚡️ ФПКнинг 254-моддасида суд зарур деб топган холларда ва қонунда назарда тутилган холларда даъвогар томонидан билдирилган талаблар доирасидан четга чиқиши мумкинлиги белгиланган.

Бундай холда давлат божи масаласи қандай бўлади:

📌 Ўзбекистон Республикаси Олий Суди Пленумининг "Фуқаролик ишлари бўйича суд харажатларини ундириш амалиёти тўғрисида"ги 37-сон қарорига кўра:

✅ Суд қонунда белгиланган ҳолларда арз қилинган талаблар доирасидан четга чиққанида ҳам давлат божи даъвонинг қаноатлантирилган қисмига мутаносиб равишда жавобгардан ундирилади.

‼️ Агар суд томонидан иш кўрилиши жараёнида даъво баҳоси кўпайтирилган бўлса, бунда давлат божи даъвонинг кўпайтирилган суммасидан келиб чиққан холда хисобланади ва суд қарорида белгиланади.

Каналга уланиш👇
👉@advokatqosimov👈

Суд сиз билмайдиган тилда чиқарган хужжатларни , сиз биладиган тилга таржима қилиб беришга мажбур!

📚 Ўзбекистон Республикаси Фуқаролик процессуал кодексининг 11-моддасига кўра:

✳️ Ишда иштирок этувчи ва суд ишлари юритиладиган тилни билмайдиган шахс ишдаги суд ҳужжатлари берилишини сўраб ёзма ариза билан мурожаат этган тақдирда, унга суд ҳужжатлари унинг она тилига ёки у биладиган бошқа тилга таржима қилиб топширилади.

‼️ Демак , агар сиз суд хужжати чиқарилган тилни билмасангиз, бу хужжатни сиз биладиган тилга таржима қилиб беришларини сўраб судга ариза киритишингиз мумкин экан.

Каналга уланиш👇
👉@advokatqosimov👈

Маъмурий органнинг жарима қўллаш хақидаги қарори юзасидан давлат ижрочиси маъмурий органнинг қарори чиқарилган кундан бошлаб 3 ойдан кейин ижро иши қўзғатишга хақли эмас.Агар ижро иши қўзғатилса, бу қарор юзасидан жаримани тўламаслигингиз мумкин!

‼️ Ўзбекистон Республикасининг "Суд ҳужжатлари ва бошқа органлар ҳужжатларини ижро этиш тўғрисида"ги қонунига кўра:

✅ Ишларни маъмурий тартибда кўриш ваколатига эга органларнинг (мансабдор шахсларнинг) қарорлари қарор чиқарилган кундан бошлаб уч ой мобайнида ижрога топширилиши мумкин.

📌 Маъмурий ҳуқуқбузарликлар тўғрисидаги ишларни кўриб чиқиш ваколатига эга органлар (мансабдор шахслар) чиқарган (ҳам ижро хужжати хисобланадиган) қарорлар бўйича ўтказиб юборилган муддатлар тикланмайди.

❌ Ижрога топшириш муддати ўтказиб юборилган ижро ҳужжатини давлат ижрочиси иш юритиш учун қабул қилмасдан, бу ҳақда тегишли қарор чиқаради.

Каналга уланиш👇
👉@advokatqosimov👈

Судга киритган даъво аризангиз кўрмасдан қолдирилганда тўланган давлат божини тақдири нима бўлади?

Бундай холда қуйидаги йўллардан бирини тутиш лозим:

✅ Агар ариза кўрмасдан қолдирилганлиги муносабати билан тўланган давлат божи қайтарилиши белгиланган бўлиб, амалда қайтарилмаган бўлса, у бюджетга ўтказилган кундан эътиборан умумий даъво муддати (умумий даъво муддати 3 йил) даврида, давлат божи тўланганлиги тўғрисидаги дастлабки ҳужжат такроран берилган аризага илова қилиниши мумкин.

✅ Агар ариза кўрмасдан қолдирилганлиги муносабати билан тўланган давлат божи қайтарилиши белгиланган холларда, ушбу давлат божини қайтариб олиш ҳам мумкин.

📌 Юқоридаги холларнинг иккаласига ҳам 3 йиллик умумий даъво муддати қўлланилади!

Каналга уланиш👇
👉@advokatqosimov👈

Меҳнат инспектори лавозимига ишга олишда ҳушёрроқ бўлиш керак.

Битта меҳнат инспектори меҳнат шартномалари ЯММТда рўйҳатдан ўтказилмаганлигини асос қилиб, бу ходимларга ноқонуний иш ҳақи тўланган ва бу пул маблағлари раҳбар томонидан талон-тарож қилинган деб хулоса берибди.

Ҳозир, шу раҳбарга ЖК 167-моддаси билан жиноят иши очилиб, тақдири жуда оғир ҳолатда турибди.

Ваҳоланки, меҳнат шартномасини ЯММТда рўйҳатдан ўтмаганини қўйинг, хатто меҳнат шартномаси тузилмаган тақдирда ҳам, агар иш берувчи ходимга ишни бошлашга руҳсат берган бўлса ва ходим иш бошлаган бўлса, у ишга қабул қилинган ҳисобланади. Бу Меҳнат кодексининг 128-моддаси талаби. Бундай ҳолларда, ходимга иш ҳақи тўланиши қонуний бўлади.

Лекин битта меҳнат инспекторининг қотиб қолган мияга берган хулосаси туфайли, бир айбсиз одам қамалиб кетиши мумкин.

Менимча, меҳнат ҳуқуқ инспекторларини бу лавозимга тайинлашда сал эҳтиёткор бўлиш керак, бунда: биринчидан, бу лавозимлар бўйича иш ҳақи миқдорини ошириш керак, иккинчидан, дордан қочган ва терговчилар нима деса ўшани ёзиб берадиган малакасиз одамларнинг келишига йўл қўймаслик керак.

👉@yuristkadr

Келишув битими билан медиатив келишувни адаштирманг!

Медиатив келишувда:
✅ биринчи инстанция судида суд алоҳида хонага (маслаҳатхонага) суд ҳужжатини қабул қилиш учун чиққунига қадар тарафлар томонидан тузилиши мумкин.
✅ медиатив келишувни тузган шахслар ёки уларнинг вакиллари томонидан медиатор иштирокида имзоланади.
✅ медиатив келишув бажарилмаган тақдирда тарафлар ўз ҳуқуқлари ҳимоя қилинишини сўраб судга мурожаат этишга ҳақли.
📌 агар тарафлар ўртасида медиатив келишув тузилган бўлса, ариза кўрмасдан қолдирилганда давлат божи қайтарилади.

Келишув битимида:
✅ келишув битими суд ишларини юритишнинг ҳар қандай босқичида ва суд ҳужжатини ижро этиш жараёнида тузилиши мумкин.
✅ келишув битими у суд томонидан тасдиқланганидан кейин тузилган ҳисобланади
✅келишув битими суд томонидан тасдиқлангандан сўнг келишув битими шартларини қайта кўриб чиқишга ва (ёки) келишув битимини ижро этишдан бош тортишга қаратилган даъво билан мурожаат қилса, суд бундай талабларни қаноатлантиришни рад қилади.
📌 давлат божи қайтарилмайди.

Каналга уланиш👇
👉@advokatqosimov👈

Савол: Уй қамоғи эхтиёт чораси қўлланилган шахсларга  электрон браслет тақиб қўйилишини айтишяпти. Ушбу электрон браслетни  тақиб юриш тартиби қандай? Масалан қайси холларда ечиб қўйиш мумкин?

‼️ Ўзбекистон Республикаси Вазирлар Маҳкамасининг 05.12.2024 йилдаги  813-сонли қарори билан тасдиқланган низомга қўра, қуйидагилар электрон браслет орқали масофадан туриб назорат қилиш тартибини бузиш деб ҳисобланади:
✅ уй қамоғи эҳтиёт чораси қўлланилган ёки озодликни чеклаш жазоси тайинланган шахс ўзига электрон браслет тақилишини рад этса;
✅уй қамоғи эҳтиёт чораси қўлланилган ёки озодликни чеклаш жазоси тайинланган шахс электрон браслетни белгиланган вақт ичида қувватлаб бормаганлиги (электр қуввати тугаганлиги) сабабли ягона электрон мониторинг маркази томонидан электрон браслет онлайн сигнали ишга тушганлиги ҳақида хабар берилган бўлса;
✅ уй қамоғи эҳтиёт чораси қўлланилган ёки озодликни чеклаш жазоси тайинланган шахс электрон браслетни ўзбошимчалик билан ечса;
✅ уй қамоғи эҳтиёт чораси қўлланилган ёки озодликни чеклаш жазоси тайинланган шахс ижрочи ходимларнинг ёзма рухсатисиз электрон браслетнинг техник топшириғида белгиланган радиус оралиғидан ташқарига чиқса;
✅ уй қамоғи эҳтиёт чораси қўлланилган ёки озодликни чеклаш жазоси тайинланган шахс электрон браслетга зарар етказиш билан боғлиқ ҳаракатларни амалга оширса.
📌Юқоридаги шахслар  электрон браслетни жароҳат мавжуд бўлган оёқдан ечиб, соғ оёққа ёки қўлга тақиш бўйича ижрочи ходимларга ёзма мурожаат қилиши ва тиббий кўрсатма асосида шошилинч тиббий ёрдам кўрсатиш ёки тиббий текширувдан ўтказиш давомида электрон браслетни вақтинча ечиб туришни сўраши мумкин.

Каналга уланиш👇
👉@advokatqosimov👈

Шунақасиям бўларкан

Бу ҳафта бир жиноят ишимиз Тошкент вилоятида апелляция инстанциясида тамомланди. Иш бўйича 6 та судланувчидан 3 таси шикоят берган. Аввалги судларда барча процессуал ҳаракатлар амалга ошириб бўлинган, фақат судланувчиларнинг охирги сўзи қолган.

Судланувчиларнинг охирги сўзи эшитиб бўлингач, раислик этувчи “4-судланувчи Мусулмонқулов қани?” деб сўради.

Ҳамма ҳайрон, чунки аввалги судларда у судланувчи қатнашмаган.

“У очиқда” деди, судланувчилардан бири.

Раислик этувчи: Биламан, лекин у ҳам шикоят ёзган, охирги сўзини эшитишимиз керак.

Мен: У шикоят ёзмаган, аввалги судларда ҳам у қатнашмаган, ишни уларга оид қисми кўрилмайди дегансизлар.

Раислик этувчи: “Мана шикояти турибди, ҳой нимага чақирмадинг уни, чақириб қўйсанг бўлмайдими”, деб судья ёрдамчисига юзланди. Кейин “Бўлди, қолдирамиз, 4-судланувчини чақиртир, бир ҳафтадан кейин давом эттирамиз” дедида, чиқиб кета бошлади.

Шунда ишда қатнашаётган судья ёрдамчиси судлов ҳайъатини олдига келиб, иш ҳужжатларини варақлай бошлади. Ниманидир топиб, раислик этувчига кўрсатди.

Расилик этувчи уни кўриб, “Э бўлди, у шикоятини қайтариб олган экан” деб суд маслаҳатга киришини айтиб, судлов ҳайъати алоҳида хонага чиқиб кетди.

Мени ҳайрон қолдиргани бу гап-сўзларга маърузачи судья умуман аралашмади. Ким шикоят қилган, ким қайтариб олган, ўзи қанақа иш кўриляпти, унга алоқаси йўқдек.

Шунчаки ўтириб бериш учун кирган учинчи судьяку майли, лекин агар маърузачи судья иш билан таниш бўлганда эди, ким шикоят берган, ким қайтариб олганлигини у билиши керак эди.

Яхшиям, судья ёрдамчиси ишни раислик қилувчидан ҳам, маърузачидан ҳам яхшироқ биларкан (Шунақа ёрдамчилар кейинчалик судья бўлса, келажакка ишонч бордек).

Менимча, иш бўйича ажрим матнини ҳам шу судья ёрдамчиси ёзиб берса керак, яна билмадим.

Каналга уланиш👇
👉@advokatqosimov👈

#Истеьмолчи

Ассалому алайкум,мен икки кун аввал фарзандимга бир кийим-кечак магазинидан жемфер олгандим.Уйга келиб, кийгизиб кўрсам кичкина экан.Ундаги этикеткаларни ҳали олиб ташламаганмиз ва терминал чеки ҳам бор. Энди қайтариб олиб борсам алмаштириб олишим ёки пулини қайтариб олишим мумкинми?
Лекин магазиннинг эшигига сотилган маҳсулотлар қайтариб олинмайди деб ёзиб қўйилган эди.

📌 Ўзбекистон Республикаси "Истеъмолчиларнинг ҳуқуқларини ҳимоя қилиш тўғрисида"ги қонунининг 18-моддасига кўра:

✅Истеъмолчи мақбул сифатли ноозиқ-овқат товарини харид қилган кунидан эътиборан ўн кун ичида ушбу товар сотиб олинган жойдаги сотувчидан уни айни шундай товарга алмаштириб олишга бундай товар сотувда бўлмаса, пулини қайтариб олишга ҳақли.

✳️ Агар товардан фойдаланилмаган, у шикастланмаган, қадоғи билан қайтарилган бўлса, унинг истеъмол хусусиятлари сақланган ва ушбу сотувчидан сотиб олганлигини тасдиқловчи асослар бўлса, истеъмолчининг товарни алмаштириш ёхуд қайтариб олиш ҳақидаги талаби қаноатлантирилиши лозим

‼️ Демак агар сиз маҳсулотни харид қилганингизга 10 кундан кўп бўлмаган бўлса, унинг истеъмол хусусиятлари сақланган бўлса ва уни айни шу сотувчидан сотиб олганлигингизни тасдиқловчи асослар бўлса, сиз товарни алмаштиришингиз ёхуд унинг пулини қайтариб олишингиз мумкин.

Каналга уланиш👇
👉@advokatqosimov👈

Бир ойлик армия(сафарбарлик чақируви резервидаги хизмат)га пул тўлаб қўйиб, хизматга бормаса, тўланган пул қайтариб бериладими?

📚 Вазирлар Маҳкамасининг "ЎЗБЕКИСТОН РЕСПУБЛИКАСИ ФУҚАРОЛАРИНИНГ САФАРБАРЛИК ЧАҚИРУВИ РЕЗЕРВИДАГИ ХИЗМАТИНИ ТАШКИЛ ЭТИШ ЧОРА-ТАДБИРЛАРИ ТЎҒРИСИДА"ги 99-сон қарорига 1-илованинг 9*1- бандида бу масала қуйидагича белгиланган:

✅ Пул бадалларини тўлаган, бироқ ҳарбий йиғинлардан ўтмаган сафарбарлик чақируви резерви хизматчисига тўланган маблағлар, агарда у ҳарбий хизматга яроқсиз деб топилганда ва унга тиббий-ижтимоий эксперт комиссияси (ТИЭК) томонидан 27 ёшгача I, II ёки III гуруҳ ногиронлиги берилган ҳолатда белгиланган тартибда қайтариб берилади.
✅ Сафарбарлик чақируви резерви хизматчиси вафот этган тақдирда тўланган пул бадаллари унинг яқин қариндошига, меросхўрига, васийсига ёки ҳомийсига қайтарилади.
✅Ортиқча тўланган, шунингдек, Махсус ҳисобрақамга янглишиб ўтказилган пул бадаллари низомда белгиланган тартибда қайтарилади.

📌 Бошқа ҳолатларда Махсус ҳисобрақамга ўтказилган пул бадаллари қайтариб берилмайди.

Каналга уланиш👇
👉@advokatqosimov👈

«Ўнг юзингизга урганда, чапини тутиб бермаслик керак» – жим туриш ва адвокат талаб қилиш ҳуқуқи ҳақида

Ўзбекистон Конституциясига кўра, фуқаролар суд ёки тергов жараёнларида ўзининг айбсизлигини исботлаши шарт эмас ва исталган вақтда сукут сақлаши мумкин. Юристларга кўра, шахсга нисбатан қамоқ жазоси қўлланаётган ҳолларда адвокат иштироки шартлиги қоидасини Маъмурий жавобгарлик кодексига ҳам татбиқ этиш керак. Бундан ташқари, ИИО ва суд томонидан фуқароларга бепул адвокат хизматидан фойдаланиш ҳуқуқи тушунтирилиши керак.

📹 ТЎЛИҚ ВИДЕОНИ ТОМОША ҚИЛИНГ

Кимлар хусусий клиникаларда бепул даволанишлари мумкин?

📚 " Солиқ имтиёзлари тақдим этилиши натижасида бўшайдиган маблағлар ҳисобидан хусусий тиббиёт муассасаларининг аҳоли ижтимоий ҳимояга муҳтож қатламларига бепул тиббий хизматлар кўрсатиш тартиби тўғрисидаги" Низомга кўра хусусий тиббиёт муассасалари томонидан аҳолининг қуйидаги ижтимоий ҳимояга муҳтож қатламларига бепул тиббий хизматлар кўрсатилади:

✅ ўзгаларнинг парваришига муҳтож бўлган ёлғиз кексалар ва ёлғиз яшовчи кексалар;
✅ I ва II гуруҳ ногиронлари, ногирон болалар;
✅ муомалага лаёқатсиз ва муомала лаёқати чекланган фуқаролар;
✅ ижтимоий аҳамиятга молик касалликларга чалинган шахслар;
✅ етим болалар ва ота-она қарамоғидан маҳрум бўлган болалар;
✅ 1941–1945 йиллардаги уруш ногиронлари ва қатнашчилари, шунингдек уларга тенглаштирилган шахслар;
✅ 1941–1945 йиллардаги уруш даврида меҳнат жабҳасининг қатнашчилари;
✅ қонунчилик ҳужжатларида белгиланган тартибда ижтимоий ҳимояга муҳтож деб топилган бошқа шахслар.

❇️Хусусий тиббиёт муассасалари томонидан ижтимоий ҳимояга муҳтож шахсларга бепул тиббий хизматлар кўрсатиш учун уларнинг шахсини ва ижтимоий ҳимояга муҳтож қатламга мансублигини тасдиқловчи ҳужжатларининг мавжудлиги асос бўлади.

‼️Ижтимоий ҳимояга муҳтож шахсларга кўрсатиладиган бепул тиббий хизматларнинг турлари ва ҳажми тиббий фаолиятни амалга ошириш учун берилган лицензияда кўрсатилган ихтисосликлар доирасида ташхис қўйиш ва даволаш имкониятларидан келиб чиққан ҳолда хусусий тиббиёт муассасалари томонидан мустақил равишда белгиланади

Каналга уланиш👇
👉@advokatqosimov👈

Ўзбекистонда адвокатлик савобталаб фаолият.

Адвокатлик, юристлик “инсон-инсон” тоифасидаги касблар қаторига киради. Ҳа, шундай. Адвокатлик ва юристлик асосан инсонларнинг оғирини енгил қилишни мақсад қилган савобталаб фаолиятдир.

Бир нарса айтайми? Бугун адвокат ва юристлар кўрсатаётган хизматларнинг деярли 50 фоизи бепул.

Оддий мисол. Адвокат ёки юрист юмуш билан таксига чиқса, унинг адвокат ёки юристлигини билиб қолган таксист ёки бошқа йўловчи албатта ўзининг бирорта муаммосини айтади ва уни ечишда маслаҳат сўрайди. Бирорта адвокат ёки юрист шу вақтда пул олмайди ва ёрдам сўраган кишига бепул маслаҳат ва йўл-йўриқ кўрсатиб юборади.

Мен аниқ биламан ва бунга ишонаман, бутун Ўзбекистондаги адвокат ва юристларнинг кундалик ҳаёт тарзи шунақа. Юрган йўлида одамларни рози қилиб юради улар.

Бугунга келиб адвокатликка бўлган қизиқиш кескин ортмоқда, айниқса, ёш ҳуқуқшуносларимизда ва бу одамни жуда қувонтиради.

Адашмасам, ҳозир Ўзбекистондаги адвокатлар сони 6 мингдан ошиб қолди. Шу кетишда 2 йилда 10 мингни урамиз, насиб.

👉@yuristkadr

Савол: Мен яқинда суд қарори билан 2 йилга транспорт воситасини бошқариш ҳуқуқидан маҳрум қилиндим. Шу муддатни қисқартирса бўладими?

Жавоб: Ушбу муддатни қисқартиришни 2 хил усули бор.

Биринчиси, суд қарори устидан шикоят бериш. Шикоятни кўриб чиқиш жараёнида юқори инстанция суди сизга нисбатан енгилроқ жазо берилиши мумкин деб ҳисобласа, муддатни камайтириши мумкин.

Иккинчиси, МЖтК нинг 343-моддасига кўра сиз суд белгилаган жаримани тўлаб, махсус ҳуқуқдан маҳрум қилиш муддатининг камида ярмини ўтаганингиздан кейин, сиз ишлайдиган ташкилот маъмуриятининг илтимоси билан меҳнатга ҳалол муносабатда бўлиб, намунали хулқ-атвор билан ўзингизни кўрсатганлигингиз учун жазо қўллаган суд муддатни қисқартириб бериши мумкин.

Каналга уланиш👇
👉@advokatqosimov👈

🏹Реал воқеликдан сабоқлар
 
“Насиҳат кор қилмаса, кун келиб танангда хис қиласан”
 
Туманлардан бирида судья эдим. Бир иш юзасидан оқлов ҳукми чиқардим. Прокурорлар мендан хафа. Прокурор ўринбосари менга: “Қози, шу оқлов нотўғри бўлдида, бизникилар билан муроса қилсангиз бўларди”🤦‍♂️-деди.
 
🗓️Орадан икки ярим йил ўтди
 
Ўша прокурор дўстимиз лавозимда юқорилади, мен эса адвокатман. Унинг банк раҳбари лавозимида ишлайдиган укаси бор эди. Прокуратура банк камомади юзасидан укасини қамаб қўйган экан. Ўша прокурор прокуратурага қарши мен билан шартнома тузди.
Иш билан танишиб чиқиб, фикримни айтдим: “Укангизни ҳаракатида ЖКнинг 167-моддаси йўқ, банк мулкини емаган.”
Аммо, прокуратура ҳам, биринчи инстанция ҳам, апелляция суди ҳам прокурорнинг укаси банк мулкини ўзлаштирган деган хулосага келишди. Шунда прокурор: “Нега сиз айтгандай бўлмади?”-деб сўради. Мен эса: “Шунчаки, судьялар сизникилар билан муроса қилишди”🤝- дедим
 
🗓️Орадан икки ярим ой ўтди

Олий суд менинг фикримга қўшилди 💪 ва прокурорнинг укасини озод килди.
 
🗓️Орадан яна икки ярим йил ўтди
 
Бир судда ўша прокурор дўстимиз билан тўғри келиб қолдик. Пора олишда айбланаётган шахсни жон куйдириб ҳимоя килишимни кўриб, “Нега чираняпсиз, ҳаммаси аниқ-ку...”-деди. Мен эса: “Укангизни ҳимоя қилганимда ҳам шундай чиранган эдим.”-деб қўя қолдим.
 
🗓️Орадан икки ярим ой ўтди

🌎Ижтимоий тармоқларда, ўша прокурорни пора билан ушлангани ҳақида хабарлар тарқалди
 
Хулоса: атроф тўла ҳикмат, фақат Сиз унга қалб кўзингиз билан боқинг. Боқишни хоҳламасангиз, танангизда ҳис қилишга мажбур бўласиз.



©️Адвокат Э.Тожибоев

Давлат рақам белгисини ечиб харакатланиш билан давлат рақам белгисини тўсиб харакатланишнинг хуқуқий оқибатлари ҳар хил!

‼️Интернет тармоғида эълон қилинган суд хужжатлари базаси(public.sud.uz)да эълон қилинган суд хужжатларидан кўриш мумкинки,бугунги кунда кўпчилик ИИБ ЙҲХБ ходимлари  томонидан йўл харакати қоидаларининг бузилишини малакалашда қўпол хатоликларга йўл қўйилмоқда. Жумладан:

--- давлат рақам белгисини турли хил ашёлар ( латта,қоғоз,видео-диск ва хоказолар) билан беркитганлик учун МЖТКнинг 127-моддаси 2-қисми билан фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса — уч бараваридан беш бараваригача миқдорда жарима солишга сабаб бўлади.

Лекин бугунги кунда ушбу қоидабузарлик МЖТКнинг 125-моддаси 5-қисми  яьни давлат рақам белгиси ўзбошимчалик билан ечиб олинган транспорт воситаларини бошқариш билан малакаланиши холлари кузатилмоқда.
Ушбу қоидабузарлик учун қонунчиликда  базавий ҳисоблаш миқдорининг беш баравари миқдорида жарима жазоси белгиланган.

✅ Бу вазиятда ИИБ ЙҲХБ ходимларини ва ҳайдовчиларни юқоридаги қоидабузарликлар иккита алохида ҳуқуқбузарлик эканлигига ва уларнинг жавобгарлик даражаси ҳам кескин фарқ қилишига эътибор беришларига чақирамиз!

Каналга уланиш👇
👉@advokatqosimov👈

Адвокат Даврон Якубов мурожаати

“Ҳимоямдаги шахс тиз чўктирилган ҳолатда эди”

Адвокат Даврон Якубовга кўра Янгиҳаёт туман ИИБ бошлиғи ўринбосари фуқарони ҳимоячи иштирокисиз сўроқ қилган ва адвокатини ҳайдаб чиқарган.

Конституциямизнинг 29-моддасига кўра ҳар кимга малакали юридик ёрдам олиш ҳуқуқи кафолатланади.

Ҳар бир шахс жиноят процессининг ҳар қандай босқичида, шахс ушланганида эса унинг ҳаракатланиш эркинлиги ҳуқуқи амалда чекланган пайтдан эътиборан ўз танловига кўра адвокат ёрдамидан фойдаланиш ҳуқуқига эга.

Шунингдек, Жиноят кодексининг 235-моддасига кўра қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш, яъни маъмурий қамоққа олинган шахсга, шунингдек гумон қилинувчига, айбланувчига, судланувчига, маҳкумга, гувоҳга, жабрланувчига, жиноят процессининг бошқа иштирокчисига ёхуд уларнинг яқин қариндошларига улардан ёки бошқа учинчи шахсдан бирор-бир ахборот олиш, жиноят содир этганлигига иқрорлик кўрсатуви олиш мақсадида, уларни содир этилган қилмиш учун ўзбошимчалик билан жазолаш ёхуд бирор-бир ҳаракатни содир этишга мажбурлаш мақсадида ҳуқуқни муҳофаза қилувчи органнинг ёки бошқа давлат органининг ходими томонидан ёхуд унинг далолатчилигида ёки хабардорлигида ёхуд индамай берган розилиги билан бошқа шахслар томонидан қўрқитиш, уриш, дўппослаш, қийнаш, азоб бериш йўли билан ёки қонунга хилоф бошқа ҳаракатлар воситасида содир этилган қонунга хилоф руҳий, психологик, жисмоний босим ўтказиш ёки бошқача тарзда босим ўтказиш, —
муайян ҳуқуқдан маҳрум этиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Туман ИИБ бошлиғи ўринбосари ҳаракатларида ЖК 235-моддаси таркиби мавжудлиги прокуратура томонидан ўрганилиб, ҳуқуқий бахо берилиши керак.

Каналга уланиш👇
👉@advokatqosimov👈

Ҳурматли обуначилар! Ўзингизнинг қизиқтирган саволларингиз бўлса, бемалол мурожаат қилишингиз мумкин.

Мурожаат учун махсус бот👉

Олий суд Пленуми қарори кодексдан устунми ёки Олий судга қонун чиқариш ваколати берилганми?!

2024 йил 16 декабрь куни Олий суд Пленумининг 36-сонли “Ер тўғрисидаги қонунчиликни бузиш билан боғлиқ жиноят ишлари бўйича суд амалиётининг айрим масалалари тўғрисида” ги қарори қабул қилинди.

Ушбу қарорнинг 5-банди 3-хатбошисида “Суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш жиноят аниқланган пайтдан бошлаб тамом бўлган ҳисобланади” деган қоида киритилди.
Бу қоида амалдаги Жиноят кодексига бутунлай зид.

Чунки ЖК 13-моддасида “Агар ушбу Кодекс моддасида ҳаракат ёки ҳаракатсизлик содир қилиш пайти жиноят тамомланган пайт деб ҳисобланган бўлса, ижтимоий хавфли қилмиш бажарилган пайт жиноят содир қилинган вақт деб топилади. Агарда ушбу Кодекс моддасида жиноий оқибат юз бериши билан жиноят тамом бўлган деб ҳисобланган бўлса, жиноий оқибат юз берган пайт жиноят содир этиш вақти деб топилади” деб белгиланган.

Жиноят кодексида жиноят аниқланган пайтда жиноят тамом бўлган деб ҳисобланадиган жиноятлар ҳақида қоида йўқ.

ЖК 229-1-моддаси 2-қисмида “Суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш” жинояти ҳақида сўз юритилади. Диспозиция мазмунидан бу жиноят ЖК 13-моддасига асосан ҳаракат содир қилиш пайтида тамом бўлади.

Пленум қарори кўплаб айбсиз инсонларни айблаш учун катта йўл очиб беради. Чунки “Суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш” 2021 йил 16 августдаги ЎРҚ-708-сонли Қонуни билан кодексга киритилган. Унгача бу ҳаракатлар жиноят ҳисобланмаган.

Эндиликда 2021 йил август ойигача, масалан, 2015 йилда суғориладиган ерда қурилиш ишларини амалга ошириб эгаллаб олган шахслар ҳам жавобгарликка тортилиши мумкин.

Ҳозирда ер балансида суғориладиган ер сифатида турган ер участкаларига уй-жой қуриб олган фуқароларнинг аксарияти бу ерларни ўзича эгаллаб олмаган. Бу ишлар ўша пайтдаги ҳокимлар ва кадастр ходимларини иштирокисиз бўлмаган. Кимдир кимгадир ерни сотган, у эса ҳозирги эгасига ўтказган. У эса 9-10 йил аввал уй қурган.

Энди эса Пленум қарори шу охирги одамни жавобгарликка тортиб, уйини бузиб, ерини олиб қўйишга шароит яратиб бермоқда. Аслида бу одам уйини қурганда бу ҳаракат ҳатто жиноят ҳисобланмаган.

Каналга уланиш👇
👉@advokatqosimov👈

ЖПК 417-моддаси тартибида илтимоснома киритилганда, суд ажримни маслаҳатхонада чиқариши керак.

Чунки, ЖПК 423-моддасига кўра суд бошқа органларга ижро этиш учун юбориладиган ажримларни алоҳида хонада (маслаҳатхонада) чиқаради. Бу ажримлар алоҳида ҳужжатлар тарзида расмийлаштирилади ва суд томонидан имзоланади.

ЖПК 417-моддаси тартибида чиқариладиган ажрим ҳам айблов ҳулосани тасдиқлаган прокурорга ижро этиш учун жўнатиладиган ажрим ҳисобланади.

Бироқ айрим ҳолларда тажрибали, ёши улуғ судьялар томонидан ҳам ЖПК 417-моддаси тартибида киритилган илтимосномани алоҳида хонага кирмасдан, буни устига жабрланувчиларнинг илимоснома бўйича фикрини эшитмасдан кўриб чиқиб, ўз жойида ажрим чиқариш ҳоллари учрамоқда.

Тажрибали судьяларда аҳвол шу бўлса, янгилардан нимани кутиш мумкин, билмадим.

Каналга уланиш👇
👉@advokatqosimov👈

Мактабларда ўқувчиларининг телефондан фойдаланиш тартиби қандай?

📚 Вазирлар Махкамасининг 139-сонли қарори билан бу масала тартибга солинган бўлиб,унга кўра:
Ўқувчилар :
✅Таълим муассасасига кириб келишда ўз телефони абонентининг чақирув овозини тўлиқ ўчириб қўйиши (телефонни «овозсиз» режимга ўтказиши)шарт.
✅Таълим муассасаларида ўтказиладиган ўқув машғулотлари ва тадбирлар бошланишидан олдин телефонини ўчириб қўйиши;
телефонини портфели, сумкаси ва шу кабиларга солиб қўйиши шарт.
✅ Қуйидагилар тақиқланади:
--- телефонини бўйнига осиб олиш, кўкрак чўнтакларида, шим, юбкалари чўнтакларида ва шу кабиларда сақлаш;
-- телефон аккумуляторини зарядлаш учун таълим муассасаси электр тармоқларига улаш;
--- телефони ёрдамида
атрофдагиларга зўравонлик, шафқатсизлик, порнографияни тарғиб қилувчи видео ва суратларни намойиш қилиш;
--- ўқув машғулотлари вақтида:
телефон орқали сўзлашиш ҳамда SMS (ММS) ва бошқа турдаги хабарларни жўнатиш;
--- телефонни стол устига қўйиш;
мусиқа, шу жумладан наушниклар орқали тинглаш;
--- сурат ва видео тасвирларни кўрсатишда телефондан фойдаланиш , диктофон, калькулятор, календарь, блокнот, ён дафтарча кабилар сифатида фойдаланиш;
--- суратга олиш ва видео тасвирга тушириш;
--- бошқа хизматлардан фойдаланиш.

Каналга уланиш👇
👉@advokatqosimov👈

Суд тортишувидаги токсиклик

Судда икки томон қарама-қарши келади. Бизда афсуски низони ҳал қилишда бошқа алтернатив йўллар (арбитраж, медиация, музокара) танланмайди, чунки уларнинг механизмлари тугал эмас. Низоларда эса икки томон муаммони ҳал қилишга эмас, бир-бирини енгиш жангига айланиб кетади. Мана шундай пайтда тажрибали юрист, адвокатларниям оғзидан токсик сўзлар чиқиб кетади. “Ҳамкасбимни малакаси шубҳага соляпти…”, “Тажрибасиз бўлганлигингиз учунми сал тушунмаяпсиз…”, “Чала мутахассисни ҳимоя қиляпсизда….” ва ҳо. Бундай сўзлар атрофдагиларни энсасини қотиради ва токсик сўз эгасига нисбатан ҳурмат тушишига сабаб бўлади.

Бир марта эслайман, бир судда адвокатлик харажатиниям рақиб томон бўлган банкдан ундиришни сўрагандик. Юрист туриб бу адвокатга тўланган суммани биз тўламаймиз, чунки фалон нарсани нотўғри ёзибди бу унинг малакасизлигига баҳо деганди. Келтирилган аргумент ичида баҳсли масала бўлса-да соф юридик қисмиям бор ва токсик фикр ҳам. Шу токсик, захарли фикрни айтмаса ҳам бўлади. Бундай токсикликка эътибор қилмаслик керак. Суд фикр сўраганида адвокат харажати қонунда ёзилганини эслатганмиз, шу етарли бўлган. Якунда адвокатлик харажатиям ундирилган.

Суд ишида ғалаба қилиш учун оппонентни обрўсизлантириш шарт эмас. Бу нопрофессионаллик. Юридик билим малакасига эса суд жараёнида суд ҳам баҳо бериш ваколатига эга эмас. Судга фарқи йўқ тараф сифатида қатнашаётган шахсни малакаси. Муҳими у ҳақ бўлса, қарор унинг учун қаноатлантирилади. Адвокат ёки ташкилот юристи балки ҳолатларни очиб бера олмаса ҳам суд буни ўзи аниқлаб олади. Одатда тажрибали судьяларнинг ўзи кўп ҳолатни аниқлаб олади ҳам суд ишида.

👉@bahodirahmedoff👈

Фарғона туманлараро маъмурий судининг раиси Солижон Курбанов «Ибратли судья» мукофоти билан тақдирланди

Сайт I Telegram I Facebook I YouTube I Instagram

Ассалому алайкум, яқинда 80 ёшга кирган бувим вафот этдилар.Уларни тириклигидаги охирги ойлик пенсиясини беришмади.Бу масала қонунчиликда қандай белгиланган.
Бундан ташқари вафот этган шахсни дафн маросими учун ҳам кандайдир пул берилишини эшитгандим?

📚 Ўзбекистон Республикасининг "Фуқароларнинг давлат пенсия таъминоти тўғрисидаги" қонуни 63-моддасида бу масалалар тартибга солинган бўлиб,унинг қисқача мазмуни шундай :

✅Пенсионер олиши лозим бўлган ва унинг вафоти муносабати билан олинмай қолган пенсия пуили унинг ота-онаси, эри (хотини), шунингдек пенсионер билан у вафот этган кунигача биргаликда яшаб турган оила аъзолари олиш ҳуқуқига эга бўладилар!
Пенсионер вафот этган ой учун олинмай қолган пенсия пули кўрсатиб ўтилган оила аъзоларига ушбу ой учун тўлиқ тўланади.

✅Пенсионер вафот этган тақдирда унинг оиласига ёки пенсионернинг дафн маросимини ўтказган шахсга пенсияни ҳисоблаш базавий миқдорининг тўрт баробари ( хозирда 1 712 000 сўм) миқдорида дафн этиш нафақаси тўланад.

📌 Бугунги кунда пенсияни ҳисоблашнинг базавий миқдори — 428 000 сўмдан иборат.

Каналга уланиш👇
👉@advokatqosimov👈

Республикада ягона бўлган Андижондаги травматология марказининг тақдири хавф остида!

Жуда қизиқ. Андижон вилояти травматология ва ортопедия шифохонаси деган тиббиёт муассасаси бор, бу муассаса Андижон шаҳрида жойлашган ва ўз сохаси бўйича нафақат Фарғона водийсида, балки республикада ягона.

Травматология ва ортопедия соҳасида унча-мунча жойларда топилмайдиган неча йиллик тажрибали ва кучли мутахассислар фаолият юритади бу ерда. Адашмасам, 170 га яқин ходим ишлайди. Шу ерда айни пайтда жуда ёқимсиз ва ғалати ишлар бўляпти. Андижон вилояти соғлиқни сақлаш бошқармаси раҳбарияти вазирликка хат чиқариб, мана шу ишлаб турган шифохонани тугатиб, уни вилоят кўп тармоқли тиббиёт марказига ўтказиб, оддий бўлимга айлантиришни сўраяпти экан.

Нима эмиш, шу йўл билан бир йилда ўртача 1 млрд. сўм тежалар эмиш. Қизиқ жойини қарангки, вилоят ССБ тугатишни сўраётган шифохона бюджетдан бир тийин ҳам пул олмайди, бу муассаса хўжалик ҳисобидаги ташкилот. Аксинча, унга халақит қилинмаса, йилига миллиардлаб пул топиши мумкин.

Мен бу ташкилотга вақтида адвокатлик хизматини кўрсатганман. Бир судда гувоҳлардан шифохона биноларини ўзлаштиришга ва давлат шифохонасини хусусийлаштиришга ҳаракат қилаётганлар ҳақида эшитгандим. Ҳозир шу нарсанинг хиди келаётганга ўхшаяпти.

Бундан кейин ҳам бу шифохонани ва ундаги 170 га яқин ходимларни сақлаб қолиш учун охиригача курашаман. Мутасаддилардан ҳам бу муаммога бефарқ бўлмаслигини сўраб қоламан.

👉@yuristkadr

Давлат идораларида ноқонуний оммавий бўшатишларни тўхтатиш шунчалик қийинми?

2024 йилда ҳам давлат ташкилотларида асоссиз оммавий бўшатишлар тўхтамади ва бундан давлат ҳам, оддий фуқаролар ҳам жабр чекаётганини кўриб турибмиз.

Асосий муаммо нимада деб сўрайдиган бўлсангиз, жавоби аниқ:

➖давлат идоралари фаолиятини ислоҳ қилиш ёки қайта ташкил этишга оид Президент фармон ва қарорлари ёки Вазирлар Маҳкамаси қарорларини пастдаги раҳбарлар нотўғри талқин қилиб, бечора ходимларни қон қақшатмоқда.

Мана шундай салбий ҳолатларнинг олдини олиш шу қадар қийинми? Йўқ. Аслида, мутлақо қийин эмас.

Ечим Камбағалликни қисқартириш ва бандлик вазирлигининг ўзида. Бу вазирлик вазиятга жиддийроқ ёндошиб, қачон ходимлар кўчада қолиб, қачон вазирликка мурожаат қилишини кутиб ўтирмасдан, олдиндан ҳаракат қилиши керак.

Қаранг, давлат раҳбарининг ёки ҳукуматнинг қайсидир давлат идораси фаолиятини ислоҳ қилиш ёки қайта ташкил этишга оид фармони ёки қарори чиққанида, биз ҳам, Бандлик вазирлиги ҳам пастдаги ижрочи раҳбарлар нотўғри йўлдан кетиши мумкинлигини олдиндин биламиз. Тўғрими?

Шу вақтда Бандлик вазирлиги фармон ёки қарорнинг ходимлар ва меҳнат муносабатларига оид қисмларини амалда тўғри қўллаш, ходимларни асоссиз бўшатилишига йўл қўймаслик ҳақида ижрочи идоралар, яъни иш берувчиларга тушунтириш ёки йўналиш берса, ўша иш берувчилар хато йўлдан кетмайди. Шунда ўша иш берувчилар қонунларни бузиб, юзлаб, минглаб ходимларни асоссиз ишдан бўшатиб ташламайди, одамлар ҳам судма-суд сарсон бўлиб юрмайди.

Бир йилда 10-15 та ана шундай фармон ёки қарор чиқадиган бўлса, демак, бу ҳужжатларнинг ходимларга оид қисми юзасидан ҳам 10-15 та тушунтириш ёки эслатма ишлаб чиқилади ва ижрочиларга юборилади.

Нима, бу шунчалик қийин ишми?

👉@yuristkadr

Ўзбекистонда 1-июлдан баъзи хужжатларнинг элэктрон шакли ҳам тан олинади!

Вазирлар Маҳкамасининг 27.12.2024 - йилдаги 897-сонли қарорига кўра 2025-йил 1-июлдан ЯИДХП (my.gov.uz) ва " Ижтимоий карта" мобил иловасида қуйидаги хужжатларнинг унификациялашган рақамли сервислари жорий қилинади:

✅Ўзбекистон  фуқаросининг биометрик паспорти
✅Ўзбекистон  фуқаросининг  ID-картаси
✅Ҳайдовчилик гувоҳномаси
✅Туғилганлик ҳақида гувоҳнома
✅Никоҳ қайд этилганлиги ҳақида гувоҳнома
✅Никоҳдан ажралганлик ҳақида гувоҳнома
✅Транспорт воситасининг рўйхатдан ўтказилганлиги тўғрисида гувоҳнома (техник паспорт, техник талон)
✅Пенсия (нафақа) гувоҳномаси
✅Фуқаролиги бўлмаган шахснинг яшаш гувоҳномаси (ID-картаси)
✅Ногиронлик тўғрисида маълумотнома
✅Транспорт воситасининг мажбурий суғурта (фуқаролик жавобгарлиги) бўйича суғурта полиси
✅Олий, ўрта махсус, касб-ҳунар ва профессионал таълим олганлик тўғрисида давлат намунасидаги расмий ҳужжат
✅Талабалик гувоҳномаси
✅Якка тартибдаги тадбиркорнинг давлат рўйхатидан ўтказилганлиги тўғрисида гувоҳнома
✅ Турар жой объектларининг кадастр паспорти
✅Жисмоний шахснинг шахсий автомототранспорт воситасини бошқа шахсларга бошқариш ҳуқуқини берувчи ишончнома.

‼️ Рақамли сервисларнинг қоғоз нусхалари банкларда, нотариал идораларда, аэропортларда ички рейсларни рўйхатдан ўтказишда ва Ўзбекистон Республикаси ҳудудидан ўтувчи поездларга чиқишда, давлат, корпоратив ва бошқа хизматларни кўрсатиш, шу жумладан, электрон хизмат кўрсатишда ҳамда фуқароларни қабул қилишда тегишли ҳужжатларни тақдим этишни талаб қиладиган давлат органлари ва бошқа ташкилотларда талаб этилмайди.

Каналга уланиш👇
👉@advokatqosimov👈

Террористик ва экстремистик ташкилотларчи?

Олий суд томонидан доимий равишда диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистон Республикасининг ҳудудига олиб кириш таъқиқланган манба ва контентлар (материаллар) эълон қилиб борилади.

Бироқ Олий суд шу пайтгача Ўзбекистон Республикасида фаолияти таъқиқланган террористик ва экстремистик ташкилотлар рўйхатини эълон қилмаган.

Аслида, "Экстремизмга қарши курашиш тўғрисида" ги Қонуннинг 14-моддасига кўра экстремистик деб топилиб, Ўзбекистон Республикасида фаолият юритиши таъқиқланган ташкилотлар рўйхати Олий суд ва Адлия вазирлигининг расмий веб-сайтларида эълон қилиниши керак.

Шуниси ачинарлики, Олий суд ўзининг расмий веб-сайтида экстремистик ташкилотлар рўйхатини эълон қилиш бўйича мажбуриятини бажармагани ҳолда жиноят судлари фуқароларни экстремистик ёки террорчилик ташкилот фаолиятида иштирок этганлиги учун айбдор деб топмоқда.

Бирорта судья, бу фуқаролар ўша ташкилотларни террористик ёки экстремистик ташкилот эканлигини қаердан билсин, биз ўзимиз бу ҳақда эълон қилмаганмизку, деб ўйламайди.

Каналга уланиш👇
👉@advokatqosimov👈

Бу маълумотларни тарқатсангиз, 8 йилгача қамалишингиз мумкин!!!

Ўзбекистон Республикаси Олий суди томонидан интернет жаҳон тармоғидаги диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистон Республикасининг ҳудудига олиб кириш, тайёрлаш, сақлаш, тарқатиш ва намойиш этилиши тақиқланган манба ва контентлар (материаллар) нинг 2025 йил 8 январь ҳолатига рўйхати эълон қилинди.

Каналга уланиш👇
👉@advokatqosimov👈

Адвокатнинг меҳнати ерга урилган —кам ҳақ белгиланиши хайрли ташаббусни барбод қилди!

Энг аввало, адвокатлар меҳнатига ҳақ тўлаш мезонларини белгилашдаги ёндашув аввалбошдан хато эди. Мен ҳар доим айтганман: адвокатга базавий ҳисоблаш миқдори (БҲМ)да ҳақ тўланиши нотўғри! Чунки БҲМ билан меҳнатга ҳақ тўлаш миқдори ўртасида катта фарқ бор. Адвокат меҳнат қилади: кимгадир юридик ёрдам кўрсатади, суд ёки тергов жараёнида қатнашади ёхуд, янги тартибга кўра, фуқаролик ёки маъмурий ҳуқуқбузарликка оид ишларда ҳам тайинлов асосида фуқаролар манфаатини ҳимоя қилади. Билимини, вақтини сарфлайди. Лекин негадир унга БҲМдан келиб чиқиб ҳақ тўлаш белгиланяпти. Мен буни нотўғри деб ўйлайман. Тарифларни меҳнатга ҳақ тўлашнинг энг кам миқдори нисобида ҳисоблаш керак эди! Майли, фоизлари ҳозирда БҲМ билан белгиланганидек 50 фоиз эмас, пастроқ бўлсин эди, лекин шундай қилинса тўғри ва оқилона йўл тутилган бўлур эди.

Иккинчидан, ўша БҲМ билан белгиланган ҳақ миқдорлари ҳам жуда кам. Адвокатнинг меҳнати ерга урилган. Масалан, давлат ҳисобидан қатнашаётган адвокатнинг бир кунлик меҳнати БҲМнинг 50 фоизига (187 500 сўм) баҳоланибди. Бу жуда оз. Адвокат бир кун тўлиқ ишламаслиги мумкин, балки 1 ёки 2 соат вақти кетар, лекин барибир ақлий меҳнатни, боз устига моддий имкониятлари етмагани учун шартнома асосида адвокат ёллай олмаган фуқароларнинг манфаатларини ҳимоя қилаётган ҳамкасбларимиз меҳнатини қадрлаш керак эди.

Тизимнинг ягона ютуғи шуки, у сифатли юридик ёрдам кўрсатишга замин яратади. Ҳақ миқдорларини бир кун келиб ўзгартиришга эришармиз, аммо янги тартибнинг ўзига эътирозим йўқ. Аксинча, уни етарли даражада прогрессив деб ҳисоблайман. Чунки бир адвокатнинг битта органда, битта суд ёки тергов идорасида мунтазам “навбатчи” бўлиб олишига, фақат битта судья ёки терговчи билан доимий “ишлаши”га чек қўйилмоқда. Яъни, “чўнтак адвокатлари” аввалгидай номига қатнашиб, ҳужжатларга қўл қўйиб бера олмайди, битта терговчи билан мунтазам “ҳамкорлик қилиш” ҳолатлари бартараф бўлади. Чунки компьютер ўша ҳудудда давлат ҳисобидан юридик ёрдам кўрсатиш учун шартнома тузган адвокатлар орасидан исталганини белгилаши мумкин – бу танловга инсон омили аралаша олмайди. “Чўнтак адвокатлари”га қарши кураш нуқтаи назаридан шунинг ўзи катта қадам. Тўғри, соҳани улардан тозалаш учун ҳали кўп тер тўкиш керак бўлади. Тизим энди ишлаяпти, кўрайлик, маълум бир вақт ўтганидан кейин мониторинг қилинади: камчиликларини сезсак, Адлия вазирлигига ўз таклифларимизни берамиз.

Бу жуда яхши тизим, юқорида айтганимдек, прогрессив тизим. Эзгу ва олижаноб мақсадларни кўзлаб шу ишга қўл урилган. Адвокат ёллашга пули етмайдиган одамлар жуда кўп, ўтган йилларда жиноят ишларининг қарийб ярмида (тергов ва суд босқичи бирга) адвокатлар тайинлов асосида юридик ёрдам кўрсатгани бежиз эмас. Қонуннинг ижтимоий аҳамиятини мана шундан тасаввур қилиш мумкин. Янги тартиб ана шу катта қатлам учун бепул юридик ёрдам кўрсатиш сифатини ошириш ва бу соҳага билимдон, малакали адвокатларни жалб қилиш мақсадида ишлаб чиқилганди. Ҳаммаси яхши бошланган эдию ҳақ миқдорлари паст белгилангани хайрли ташаббуснинг белига тепди. Билимдон, кучли адвокатларимизнинг кўпчилиги реестрга киришни хоҳламади.

(Батафсил “Advokat” журналининг 2024 йил 6-сонида ўқинг).

@generalissimo_marshal

ЖК бир моддасининг турли қисмларидаги жиноятлар содир этилганда, оғирроқ модда билан жавобгарликка тортилади

Олий суднинг 2022 йил 3-чорагида кўрилган ишлар бўйича обзорида ёзилишича, ЖИБ Тойлоқ туман судининг ҳукмига кўра, З.К.га ЖК 273-моддаси (Гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 2-қисми билан 3 йил ва 273-моддасининг 5-қисми билан 6 йил, ЖКнинг 59, 61-моддалари тартибида 6 йил 6 ой озодликдан маҳрум қилиш жазоси тайинланган.

Апелляция инстанцияси ҳукмни ўзгаришсиз қолдирган.

Бироқ Олий суд ҳукмни ўзгартирган.

Бунга сабаб, ЖК 33-моддасининг 2-қисмига кўра, агар шахс содир этган қилмишда ЖК Махсус қисми айни бир моддасининг турли қисмларида назарда тутилган жиноятларнинг аломатлари мавжуд бўлса, у модданинг оғирроқ жазо белгиланган қисми бўйича жавобгарликка тортилади.

Шунингдек, Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги 1-сонли қарорининг 49-бандида бир неча жиноят юзасидан жазо тайинлашда шахс ЖК Махсус қисми айнан бир моддасининг турли қисмларида назарда тутилган ўхшаш қилмишни содир этганликда айбдор деб топилганда жазо шу модданинг оғирроқ жазо белгиланган қисми бўйича тайинланишидан иборат бўлган тушунтириш берилган.

Бироқ судлар З.К.нинг ҳаракатларини жиноятлар мажмуи бўйича модданинг оғирроқ жазо назарда тутилган қисми бўйича квалификация қилмасдан, З.К.га бир модданинг турли қисмлари билан ЖКнинг 59, 61-моддаларига асосан жазо тайинлаб, нотўғри хулосага келган.

Оқибатда, Олий суд ажрими билан З.К.га ЖК 273-моддасининг 2-қисми билан ҳамда ЖКнинг 59, 61-моддалари тартибида тайинланган жазолар бекор қилиниб, ЖКнинг 273-моддаси 5-қисми билан ЖКнинг 57-моддаси қўлланилиб, 6 йил озодликдан маҳрум қилиш жазоси тайинланган.

Манба: sud.uz

Каналга уланиш👇
👉@advokatqosimov👈

Фуқаролик ва иқтисодий ишлардаги даъво муддатини жиноят ишларидаги далилларни номақбул деб топилишига ўхшатаман.

Масалан, даъвогар жавобгардан етказиб берилган маҳсулот ҳақини ундириб беришни сўраб судга мурожаат қилган. Шартнома бор, ҳисобварақ-фактура бор, ҳатто, жавобгар ҳам маҳсулот етказиб берилганлигини инкор қилмайди. Лекин даъво муддати ўтиб кетган.

Бундай ҳолларда суд жавобгарнинг даъво муддатини қўллаш ҳақидаги аризасига асосан даъвони рад қилаверади.

Далилларни номақбул деб топиш ҳам шунга ўхшаш.

Масалан, терговчи тафтиш тайинлаш ҳақидаги қарорда солиқ қонунчилигига риоя этилишини ва қайси даврлар текширилишини кўрсатмаган бўлсада, солиқчи охирги уч йилни текшириб, 500 миллион сўм ҚҚС ни тўлашдан бош тортиш ҳолатларини аниқлаган.

Лекин ЖПК 187-2-моддасида “Тафтиш ўтказиш чоғида тафтишни тайинлаш тўғрисидаги қарорда ёки ажримда кўрсатилмаган масалани ёки масалалар доирасини, шунингдек молия-хўжалик фаолиятининг даврини ўрганиш тақиқланади” деб белгиланган.

Тафтиш якуни бўйича тузилган далолатнома бор, 500 миллион сўм солиқ яширилганлиги факти бор. Лекин шу далилларни олишда белгиланган қоидалар бузилган.

ЖПК 95-1-моддасига кўра фактик маълумотлар қонунга хилоф усуллар орқали олинган бўлса улар далил сифатида мақбул эмас деб топилади.

Конституциянинг 29-моддаси 4-қисмига кўра қонунни бузган ҳолда олинган далиллардан одил судловни амалга ошириш чоғида фойдаланишга йўл қўйилмайди.

Бундай ҳолатларда жиноят ишида солиқ яширилганлигини тасдиқловчи текшириш далолатномаси мавжуд бўлсада, суд бу далилни мақбул эмас деб топиши ва судланувчини шу эпизод бўйича оқлаши керак.

Фуқаролик ва иқтисодий судлари даъво муддатини қўллашда ўйланиб ўтиришмайди, даъво муддати ўтиб кетган бўлиб, уни қўллашга ариза берилса, одатда шу асосда даъво рад қилинади.

Жиноят ишларида ноқонуний йўл билан олинган далилларни қўрқмасдан номақбул далил деб топадиган судьялар ҳам бор. Бироқ, амалда, жиноят ишлари бўйича судлар ноқонуний йўл билан олинганлиги очиқ ойдин кўриниб турганда ҳам, бу далилларни мақбул эмас деб топиши жуда қийин масала. Айниқса қарама-қарши тараф давлат бўлган солиқ масалаларида.

Каналга уланиш👇
👉@advokatqosimov👈

Оқ ҳассали пиёдаларга йўл беринг!

Одатда, ҳайдовчилар пиёдалар ўтиш жойидан бошқа жойда йўлни кесиб ўтаётган фуқароларга йўл бермайди. Бироқ Йўл ҳаракати қоидаларининг 113-бандида, барча ҳолларда, шу жумладан, пиёдалар ўтиш жойларидан ташқарида ҳам ҳайдовчи оқ ҳасса билан ишора бераётган кўзи ожиз пиёда(лар)ни ўтказиб юбориши кераклиги белгиланган.

Чунки кўзи ожизларга пиёдалар ўтиш жойигача етиб боришнинг ўзи қийинчилик туғдиради.

Демак, оқ ҳассали йўловчи кўринганда, йўлнинг қаеридан ўтишидан қатъий назар, автомашина ҳайдовчилари уларга йўл бериш керак.

Каналга уланиш👇
👉@advokatqosimov👈

Мана бу ҳолат МЖтК 194-моддаси (Ички ишлар органлари ходимининг қонуний талабларини бажармаслик) нинг яққол намунаси бўлибди.

Бу ҳаракат БҲМ нинг 1 бараваридан 12 баравари (4 500 000 сўм) гача жарима солишга асос бўлади.

Бир йил давомида такрор содир этилса, БҲМ нинг 12 бараваридан 15 бараваригача миқдорда жарима солишга ёки 15 суткагача маъмурий қамоққа олишга сабаб бўлади.

Шунингдек, иш кўриб чиқилгунга қадар транспорт воситаси ушлаб турилиши мумкин.

Каналга уланиш👇
👉@advokatqosimov👈

Зарар айбдордан ундирилиши керак

Олий суднинг 2023 йил 3-чорагида кўрилган ишлар бўйича обзорига кўра, ЖИБ Шайхонтоҳур туман судининг қарори билан Зохидга МЖтКнинг 133-моддаси билан 660 000 сўм жарима жазоси тайинланган. Автомашина мулкдори “Боқий” МЧЖдан жабрланувчи Маъруф фойдасига етказилган 69.2 млн сўм моддий зарар ундирилиши белгиланган. Апелляция инстанциясининг қарори билан суд қарори ўзгаришсиз қолдирилган.

Суд қарорига кўра, Зохид “Боқий” МЧЖга қарашли “СПАРК” русумли автомобилни бошқариб келиб, Йўл ҳаракати қоидаларининг 73-банди талабларини бузган ҳолда, ўзидан олдинда кетаётган транспорт воситаси кескин тўхтаганда у билан тўқнашиб кетмаслик кафолатини берадиган оралиқ масофани сақламасдан, ўзи билан бир йўналишда олдинда ҳаракатланиб кетаётган ҳайдовчи М. бошқарувида бўлган “SKODA KODIAQ” русумли автомобиль билан тўқнашув содир қилган.

МЖтКнинг 38-моддасида, маъмурий ҳуқуқбузарлик содир этган шахс маъмурий ҳуқуқбузарлик оқибатида келтирилган зарарни қоплаши шартлиги белгиланган.

“Боқий” МЧЖ ҳамда Зохид ўртасидаги автотранспорт воситасини ижарага бериш тўғрисидаги шартноманинг 6.1-бандида, “ижарага олувчи транспорт воситаси олинган вақтдан бошлаб, ижарага берувчи ёки учинчи шахсларга транспорт воситасидан фойдаланиш натижасида етказилган ҳар қандай зарар учун белгиланган тартибда қонуний жавобгарликка тортилади” деб кўрсатилган бўлса-да, биринчи инстанция суди томонидан жабрланувчи Маъруф фойдасига етказилган 69.2 млн сўм моддий зарарни қоплаш “Боқий” МЧЖ зиммасига юклатилган.

Апелляция инстанцияси суди ҳам мазкур ҳолатларга эътибор қаратмасдан, суд қарорини ўзгаришсиз қолдирган.

Оқибатда, Олий суд ажрими билан суд қарорлари ўзгартирилиб, ҳуқуқбузар Зохиддан жабрланувчи Маъруф фойдасига етказилган 69.2 млн сўм моддий зарарни ундириш белгиланган.

Манба: sud.uz

PS. Менимча, бу ҳолатда Маъруф фуқаролик судига мурожаат қилиб, ФК нинг 999-моддаси тартибида ошиқча хавф манбаининг эгаси сифатида “Боқий” МЧЖ дан ҳам зарарни ундириши мумкин.

Каналга уланиш👇
👉@advokatqosimov👈

Биринчи инстанция судининг Ғайрат Дўстовга оид қарори ўзгартирилиб, жазо муддати 8 суткага келтирилди ва маъмурий қамоқдан озод этилди.

Каналга уланиш👇
👉@advokatqosimov👈

Маъмурий ҳуқуқбузарликда судланувчи бўлмайди

Ғайрат Дўстовнинг маъмурий ҳуқуқбузарлиги бўйича ишни ёритишда кўплаб сайтлар ва ижтимоий тармоқлар уни "судланувчи" деб атамоқда.

Бу мутлақо нотўғри, чунки "судланувчи" тушунчаси жиноят ишларида бўлади. Ғайрат Дўстов жиноят қилишда айбланмаган. Уни маъмурий ҳуқуқбузарликда айблашган.

Маъмурий ҳуқуқбузарлик ишларида "ҳуқуқбузар" сўзи қўлланилади.

Каналга уланиш👇
👉@advokatqosimov👈

💫 Ҳайдовчилик ҳуқуқидан маҳрум қилинганлик ва ҳайдовчилик гувоҳномасини йўқотиб қўйганликнинг ҳуқуқий оқибатлари турлича!

📌 Ўзбекистон Республикаси Вазирлар Маҳкамасининг 408-сонли қарорига кўра :

✅ Йўқолган миллий ҳайдовчилик гувоҳномасининг дубликати транспорт воситасини бошқариш ҳуқуқидан маҳрум этилган ҳайдовчилик гувоҳномалари маълумотлар базасидан текширилганидан сўнг имтиҳонларсиз берилади.

✅ Автомототранспорт воситаларини бошқариш ҳуқуқидан маҳрум қилинган шахслар, миллий ҳайдовчилик гувоҳномасини қайтариб олиш учун, маҳрум қилиш муддатидан қатъи назар, маъмурий жазо муддати ниҳоясига етгач, мажбурий тиббий кўрикдан ўтишлари, малака оширишлари, назарий ҳамда амалий имтиҳонлардан ўтишлари шарт.

❇️ Демак, автомототранспорт воситаларини бошқариш ҳуқуқидан маҳрум қилинган шахсларнинг мақоми автомототранспорт воситаларини бошқариш ҳуқуқига эга бўлмаган шахсларникига тенг бўлади.

Каналга уланиш👇
👉@advokatqosimov👈

⚡️1 январдан бошлаб жиноят ишлари бўйича туман, шаҳар судларида тергов судьялари фаолият бошлади

Фармонга асосан уларга қуйидаги ваколатлар берилган:

➖маъмурий ҳуқуқбузарликлар тўғрисидаги ишларни кўриб чиқиш.

🔰Қуйидагилар бўйича санкциялар:

➖қамоққа олиш ёки уй қамоғи тарзидаги эҳтиёт чорасини қўллаш билан боғлиқ илтимоснома;

➖қамоқда сақлаш ёки уй қамоғи муддатини узайтириш масалалари билан боғлик, илтимоснома;

➖паспортнинг (ҳаракатланиш ҳужжатининг) амал қилишини тўхтатиб туриш тўғрисидаги илтимоснома;

➖мурдани эксгумация қилиш ҳақидаги илтимоснома;

➖почта-телеграф жўнатмаларини хатлаш тўғрисидаги илтимоснома;

➖тинтув ўтказиш ҳақидаги илтимоснома;

➖телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш ҳақидаги илтимоснома;

➖мол-мулкни хатлаш тўғрисидаги илтимоснома.

🔰Қуйидагилар бўйича мажбурлов чоралари:

➖айбланувчини лавозимидан четлаштириш тўғрисидаги илтимоснома;

➖шахсни тиббий муассасага жойлаштириш ҳақидаги илтимоснома;

➖айбланувчининг тиббий муассасада бўлиши муддатини узайтириш тўғрисидаги илтимосномаси;

➖ушлаб туриш муддатини қирқ саккиз соатга қадар узайтириш тўғрисидаги илтимоснома.

➖Прокурорнинг гувоҳ ва жабрланувчининг (фуқаровий даъвогарнинг) кўрсатувларини олдиндан мустаҳкамлаш тўғрисидаги илтимосномаси.

Батафсил👈

Каналга уланиш: @fargonaviloyatisudlari

Олий суднинг 2022 йил 3-чорагида кўрилган ишлар бўйича обзорига киритилган бир иш эътиборимни тортди.

Унга кўра И.Ё. Қумқўрғон туман Халқ қабулхонаси мудири хонасида туман Маҳалла ва нуронийларни қўллаб-қувватлаш бўлими бошлиғи Б.Ж.нинг қабулига кириб, оилавий муаммолари бўйича мурожаат қилади. Шунда Б.Ж. унга нисбатан қўпол муомалада бўлиб, шу ерда бўлган Миллий гвардия ходимларига уни хонадан чиқариб юборишни айтиб, ҳаттоки унга тан жароҳатлари етказади.

И.Ё. қўлидаги уяли телефон аппаратини ҳам олиб қўйишганликларини баён этиб мазкур шахсларга нисбатан чора кўришликни сўраб, тегишли тартибда ариза билан мурожаат этган. Мазкур ариза тегишли тартибда рўйхатдан ўтказилган бўлса-да, И.Ё.нинг ўзига нисбатан ҳужжатлар расмийлаштирилади.

Жиноят ишлари бўйича Қумқўрғон туман судининг қарори билан И.Ё. МЖтКнинг 612-моддасининг 1-қисми, 183-моддаси, 194-моддасининг 1-қисмида назарда тутилган ҳуқуқбузарликларни содир этган деб топилиб, у МЖтК 34-моддасининг
2-қисмига асосан 540 000 сўм маъмурий жаримага тортилган.

Апелляция инстанцияси суд қарорини ўзгаришсиз қолдирган.

Олий суд қуйи судлар МЖтКнинг 307-моддасида белгиланган маъмурий ҳуқуқбузарлик тўғрисидаги ишни кўриб чиқиш вақтида тегишли орган (мансабдор шахс) ишни тўғри ҳал этишда аҳамиятга молик барча ҳолатларни аниқлаши шартлиги белгиланган қоидага риоя этмаган деб топган.

Қуйи судлар ишни кўришда, воқеа куни И.Ё. Қумқўрғон туман Халқ қабулхонаси мудири хонасида туман Маҳалла ва нуронийларни қўллаб-қувватлаш бўлими бошлиғи Б.Ж.нинг қабулига кириб, оилавий муаммолари бўйича мурожаат қилганида, Б.Ж. унга нисбатан қўпол муомалада бўлиб, шу ерда бўлган Миллий гвардия ходимларига уни хонадан чиқариб юборишни айтганлигини, ҳаттоки унга тан жароҳатлари етказилганлигини (иш ҳужжатларида суд тиббий экспертизаси хулосаси мавжуд), қўлидаги уяли телефон аппаратини ҳам олиб қўйишганликларини баён этиб (мазкур ҳолатлар акс эттирилган DVD диск мавжуд), мазкур шахсларга нисбатан чора кўришликни сўраб, тегишли тартибда ариза билан мурожаат этганлиги, мазкур ариза тегишли тартибда рўйхатдан ўтказилган бўлса-да, мазкур ҳолатларга ҳамда иш бўйича расмийлаштирилган далолатномаларда, мазкур далолатномаларни расмийлаштиришда иштирок этган холисларнинг қонун билан белгиланган ҳуқуқ ва мажбуриятлари умуман тушунтирилмаганлигига қонуний баҳо бермаган.

Оқибатда, Олий суд апелляция инстанциясининг юқоридаги қарорини бекор қилиб, маъмурий ҳуқуқбузарлик тўғрисидаги ишни янгидан апелляция тартибида кўриш учун юборган.

Ҳарқалай, Олий судда адолат қарор топибди.

Каналга уланиш👇
👉@advokatqosimov👈

Судлар томонидан энг кўп бузиладиган Пленум қарори

2018 йил 24 август куни Олий суд Пленумининг “Далиллар мақбуллигига оид жиноят-процессуал қонуни нормаларини қўллашнинг айрим масалалари тўғрисида” ги 24-сонли қарори қабул қилинган.

Менимча, судлар томонидан энг кўп бузиладиган Пленум қарори шу бўлса керак.

Масалан, шу қарорнинг 9-банди “к” кичик бандига кўра рақамли (электрон) ташувчи жисмлардаги маълумотлар мутахассис иштирокисиз олиб қўйилганлиги ёки кўздан кечирилганлиги ушбу далилларни қайд этишнинг процессуал формаси бузилганлиги деб топилиши ва шу йўл билан олинган далил мақбул эмас деб топилиши лозим.

Яъни, рақамли (электрон) ташувчи жисм ҳисобланган телефондаги маълумотларни олишда ва кўздан кечиришда мутахассис, албатта, иштирок этиши керак. Бироқ ЖК нинг 244-1-моддаси 3-қисми “г” банди билан айблаш ҳақидаги кўплаб ишларда суриштирувчи ёки терговчининг ўзи телефонни олиб, ўзи кўздан кечириб қўя қолади. Мутахассис жалб қилиб ўтирмайди.

Шу кунгача бирорта судья Пленум қарорига риоя қилиб, шу каби далилларни номақбул далил деб топганлигини кўрмадим.

Ҳозир битта худди шу каби иш билан шуғулланяпман. Бу ишда ҳам телефондаги маълумотларни олишда ва ундаги маълумотларни кўздан кечиришда мутахассис умуман иштирок этмаган. Ҳаттоки телефонни олиб қўйиш ҳақидаги далолатномада қандай русумдаги телефон олинаётганлиги ҳам кўрсатилмаган, яъни айнан ушбу телефон судланувчидан олинганлигини тасдиқлайдиган далилнинг ўзи йўқ.

Бироқ ЖИБ Чилонзор туман суди ва Тошкент шаҳар суди кассация инстанциялари бунга эътибор ҳам бермаган.

Энг ёмони ҳукм ҳам, ажрим ҳам айблов ҳулосасидан хатолари билан бирга кўчирилган.

Шу каби ишларни кўриб, бу судьялар ҳар бир эътиборсизлиги ортида инсон тақдири ётганлигини тушунармикан, деган фикр ўтади.

Каналга уланиш👇
👉@advokatqosimov👈

Жиноятнинг ижтимоий хавфлилик даражаси ва хусусиятига номувофиқ тайинланган жазо адолатсиз ҳисобланиб, суд қарорининг бекор қилинишига асос бўлади

Олий суднинг 2022 йил 3-чорагида кўрилган ишлар бўйича обзорига кўра, ЖИБ Жиззах шаҳар судининг ҳукми билан К.Ф. ЖК 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан айбли деб топиб, унга 2 йил транспорт воситаларини бошқариш ҳуқуқидан маҳрум қилиниб, 3 йил озодликдан маҳрум қилиш жазоси тайинланган.

К.Ф. ўнг оёғи синган бўлиши оқибатида транспорт воситасини бошқариш имконияти чекланганига қарамасдан автомашина бошқариб келиб, пиёдалар ўтиш жойидан йўлни кесиб ўтаётган пиёда А.Қ.ни уриб юбориб, унинг ўлимига сабабчи бўлган.

Бироқ, апелляция инстанцияси республика бўйича йўл транспорти ҳодисалари йил сайин ошиб бораётганлигини ва бу масаладаги криминоген вазиятни, жабрланувчининг қонуний вакилининг даъвоси борлигини инобатга олмасдан, суд ҳукмини ўзгартириб, ҳеч бир асослар бўлмаган бир вазиятда К.Ф.га ЖКнинг 57-моддасини қўллаган ҳолда 3 йил ахлоқ тузатиш ишлари жазоси тайинлаган.

Натижада, Олий суд ажрими билан Жиззах вилоят суди апелляция инстанциясининг юқоридаги ажрими бекор қилинган.

Манба: sud.uz

Каналга уланиш👇
👉@advokatqosimov👈

Совуқ қуролни қаровсиз қолдиришни уни олиб юришдан фарқи бор

Олий суднинг 2023 йил 3-чорагида кўрилган ишлар бўйича обзорига кўра, ЖИБ Қўқон шаҳар судининг қарори билан Ш.га МЖтК 185-2-моддасининг (Совуқ қуролни ёки совуқ қурол сифатида фойдаланилиши мумкин бўлган ашёларни олиб юриш) 1-қисми билан ушбу кодекснинг 21-моддаси қўлланиб, маъмурий жавобгарликдан озод этилган ва маъмурий иш тугатилган.

Апелляция инстанциясининг қарори билан қарор ўзгаришсиз қолдирилган.

Суд қарорига кўра, Ш. 28.05.2023 йилда Қўқон шаҳар, Навбаҳор кўчасида жойлашган “Музаффар” савдо бозори растасида бир дона пичоқни очиқ ҳолда қаровсиз қолдирган.

МЖтК нинг 307-моддасида, маъмурий ҳуқуқбузарлик тўғрисидаги ишни кўриб чиқиш вақтида тегишли орган (мансабдор шахс) маъмурий ҳуқуқбузарлик содир этилган этилмаганлигини, ҳуқуқбузарлик содир этилган вақт ва жойни, мазкур шахс уни содир этишда айбдор-айбдор эмаслигини, унинг маъмурий жавобгарликка тортилиш-тортилмаслигини, шунингдек ишни тўғри ҳал этишда аҳамиятга молик бошқа ҳолатларни аниқлаши шартлиги белгиланган.

Бироқ, биринчи ва апелляция инстанцияси судлари томонидан ушбу Қонун талаблари бажарилмаган ва ишни тўғри ҳал этишда аҳамиятга молик барча ҳолатлар аниқланмаган.

Жумладан, МЖтК 185-2-моддасининг 1-қисмида, совуқ қурол сифатида фойдаланилиши мумкин бўлган ашёларни улардан касбий фаолиятда, спорт фаолиятида ёки хўжалик-маиший мақсадларда фойдаланиш билан боғлиқ бўлган ҳолларда, жамоат жойларида очиқ (ғилофсиз) ҳолда олиб юриш учун жавобгарлик белгиланган.

Иш ҳужжатларига кўра, Ш. савдо ишлари билан шуғулланиб, ундан ашёвий далил тариқасида олинган пичоқни супургиларни қирқишда ишлатган ҳолда, уни олиб юрмаган, аксинча ўзига тегишли савдо жойида пичоқни очиқ ҳолда қаровсиз қолдирган.

Юқоридагилардан келиб чиқиб, Олий суд ажрими билан суд қарорлари бекор қилиниб, Ш. га оид маъмурий ҳуқуқбузарлик тўғрисидаги иш Маъмурий жавобгарлик тўғрисидаги кодекс 271-моддасининг 1-бандига асосан тугатилган.

Манба: sud.uz

Каналга уланиш👇
👉@advokatqosimov👈

Эътироз билдиришда чегарадан чиқманг

Газ қуйиш шахобчасида эътироз билдирган Ғ.Д га нисбатан жиноят ишлари бўйича Бектемир туман судининг 26 декабрдаги қарори билан 3-1010-2401/6728-сонли маъмурий ҳуқуқбузарлик иши бўйича 15 сутка маъмурий қамоқ жазоси қўлланилибди.

Суд уни 2024 йил 23 декабрь куни газ қуйиш шаҳобчасида шаҳобча ходимларини турли сўзлар билан ҳақоратлаб, жамоат тартибини бузиб, майда безорилик қилган деб МЖтК нинг 183-моддаси билан айбдор деб топган. Қарор матни public.sud.uz да мавжуд.

Судларда ҳозирда 183-модда (майда безорилик)ни қўллаш амалиётидан келиб чиқилса, суд амалиёти бўйича тўғри қарор қабул қилинган. Чунки ижтимоий тармоқларда тарқалган видеода Ғ.Д. нинг бақириб гапирган гаплари ва “ифлослар” деган сўзи бор. Ҳозирда судларимизда шаклланган амалиёт бўйича шундай ҳолатларда 183-модда билан малакалаш амалиётга кириб бўлган.

Бироқ шундай ҳолатларда 183-модда қўлланилиши жуда баҳсли, чунки шахсни жамиятда юриш-туриш қоидаларини менсимасликка нисбатан қасди борлиги исботланиши керак. Бу ҳолатда Ғ.Д. нинг ҳаракатлари сабаби шунчаки ўз эътирозини билдириш бўлган. Ғ.Д. безорилик қилиш ёки ўзини кўрсатиб қўйиш учун бу гапларни гапирмаган.

Тармоқларда тарқалган видеода Ғ.Д.нинг оилавий шароити оғирлиги ҳақида ҳам гап кетади. Суд қарорида эса ҳозирда қилган ишидан пушаймон эканлиги келтирилган.

МЖтК нинг 30-моддасига кўра жазони қўлланиш чоғида содир этилган ҳуқуқбузарлик хусусияти, ҳуқуқбузарнинг шахси, унинг айбдорлик даражаси, мулкий аҳволи, жавобгарликни енгиллаштирувчи ва оғирлаштирувчи ҳолатлар ҳисобга олинади.

31-моддасида эса айбдорнинг ўз қилмишидан чин кўнгилдан пушаймон бўлиши, ҳуқуқбузарликнинг кучли руҳий ҳаяжон таъсири остида ёки оғир шахсий, оилавий ёхуд бошқа шароитлар юзага келганлиги оқибатида содир этилиши жавобгарликни енгиллаштирувчи ҳолатлар сифатида кўрсатилган.

Суд эса мана шу енгиллаштирувчи ҳолатларни инобатга олмасдан оғир жазо тайинлаган. Суд жарима қўллаганда ҳам бўлаверарди, чунки 183-модда санкциясида жарима ҳам бор.

Аслида, Ғ.Д. жуда кўпчиликнинг дардини айтиб чиққан, фақат эътирозларини билдиришда чегарадан четга чиққан. Бу четга чиқиш эса, юқорида айтганимиздек, судларимиз томонидан майда безорилик деб малакаланиб келмоқда.

Эътирознинг ўзи ўринли, чунки газ бўйича бизни шу ҳолатга келтирганларга ҳеч ким ҳеч қандай чора кўрмаяпти ёки кўролмаяпти. Соҳада эса шаффофлик йўқ. Нимага ўзимизга газ етмаганлигидан газни импорт қиламизу, шу ўзимизга етмаётган газ экспортини тўхтатмаймиз, деган савол газ учун 4-5 соатлаб навбатда турган ҳар битта инсонда бор. Шу саволлар билан юзага келаётган эътирозларни шунчаки 15 сутка билан тўхтатиб бўлмайди.

PS. Ғ.Д. нинг яқинлари бўлса, ботга ёзинглар, қўлдан келганча ёрдам беришга тайёрмиз.

Каналга уланиш👇
👉@advokatqosimov👈

Кириб келаётган 2025 йил барчамизга муборак бўлсин!

Янги йилда бахт, омад, соғлик ва бойлик йил давомида ҳамроҳингиз бўлсин!!!

🙋‍♂ Ассалому алайкум, хайдовчилик гувоҳномасини олиш учун автомактабга қанча тўлов қилинади. Яна амалий ва назарий имтиҳонларга киришга ва агар имтиҳондан йиқилса қайта имтиҳонга кириш учун тўловлар ва қайта имтиҳонга кириш муддатлари ҳақида маълумот бероласизми?

Бугунги кунда автомактабларда ўқитиш уч, ҳатто тўрт сменада олиб борилмоқда.Тўловлар ҳам сменанинг турига , ҳайдовчилик гувоҳномасининг тоифасига ва автомактабнинг жойлашган жойига қараб фарқ қилиши мумкин.

📌 Ўзбекистон Республикаси ички ишлар вазирининг 2303-сонли буйруғининг бешинчи бобида ҳайдовчилик гувоҳномасини олиш учун ўтказиладиган имтиҳонлар  учун тўловлар қуйидагича  белгиланган:
✅Назарий имтиҳон топшириш учун --- базавий ҳисоблаш миқдорининг 10 фоизи миқдорида (бугунги кунда 37 500 сўм)
✅ Ҳар бир қайта назарий имтиҳон топшириш учун --- базавий ҳисоблаш миқдорининг 15 фоизи миқдорида (бугунги кунда 56 250 сўм).
✅Амалий имтиҳон топшириш учун --- базавий ҳисоблаш миқдорининг 10 фоизи миқдорида (бугунги кунда 37 500 сўм).
✅Ҳар бир қайта амалий имтиҳон топшириш учун --- базавий ҳисоблаш миқдорининг 15 фоизи миқдорида (бугунги кунда 56 250 сўм).
✅Ҳайдовчилик гувоҳномасини бериш учун --- базавий ҳисоблаш миқдорининг 70 фоизи миқдорида (бугунги кунда 262 500 сўм).

‼️ Талабгор назарий имтиҳондан ўтганидан кейин 2 ой ичида амалий имтиҳон топшириши лозим.Агар 2 ойда амалий имтиҳон топширмаса яна қайта назарий имтиҳондан ўтишига тўғри келади.
Имтихонни қайта топширишга аввалги имтиҳондан  камида 7 кундан кейин йўл қўйилади.

Каналга уланиш👇
👉@advokatqosimov👈

"Давлат сирлари тўғрисида"ги Қонун қабул қилинди. Қонун расмий эълон қилинган кундан эътиборан 3 ой ўтгач кучга киради.

Давлат сирларини учта даражаси белгиланади:

🔹махфийликнинг биринчи даражаси – “Алоҳида аҳамиятли”;

🔹махфийликнинг иккинчи даражаси – “Мутлақо махфий”;

🔹махфийликнинг учинчи даражаси – “Махфий”.

Давлат сирларини ташкил этувчи маълумотларни махфийлаштириш муддати давлат аҳамиятига эга бўлган сир учун - 30 йилдан ва хизмат сири учун - 10 йилдан ошмаслиги керак.

Маълумотларни давлат сирлари жумласига киритиш ва уларни махфийлаштириш Ўзбекистонда махфийлаштирилиши лозим бўлган маълумотлар рўйхатига асосан амалга оширилади.

👉@bahodirahmedoff👈

Фойда солиғи бўйича айрим ставкалар ўзгартирилмоқда.

ЎРҚ-1014-сонли Қонуни 3-моддаси 15-банди билан Солиқ кодексининг фойда солиғи бўйича ставкаларини белгиловчи 337-моддасига бир қатор ўзгаришлар киритилмоқда.

Жумладан, товарларнинг (ишларнинг, хизматларнинг) электрон савдосини амалга оширувчи солиқ тўловчилар учун фойда солиғи ставкаси 10 фоиз этиб белгиланди (илгари 7,5 фоиз бўлган).

Товарларни (ишларни) экспортга реализация қилишдан олинган фойда бўйича берилган имтиёз бекор қилиниб, 15 фоизлик ставкада солиқ тўланиши белгиланди (илгари 0 ставка бўлган).

Каналга уланиш👇
👉@advokatqosimov👈

ЎРҚ-1014-сонли Қонуни билан Бюджет кодексига 5-1-модда киритилиб, молия йили мобайнида солиқ ва божхона имтиёзлари бекор қилинишини назарда тутувчи қонунчилик нормалари кейинги молия йилининг 1 январидан эътиборан амалга киритилиши белгиланди.

Бу норманинг айрим қисмлари бошқа қонунлар билан қарама-қаршиликни келтириб чиқармоқда.

Масалан, 2025 йил 2 декабрь куни янги Қонун эълон қилиниб, тадбиркорлик субъекти учун белгиланган бирон бир солиқ имтиёзи бекор қилинди дейлик. ЎРҚ-1014-сонли Қонунга асосан 2026 йил 1 январдан имтиёз бекор бўлиши керак.

Бироқ Солиқ кодексининг 4-моддасига кўра солиқ имтиёзларини бекор қилишни назарда тутувчи солиқ тўғрисидаги қонунчилик ҳужжатлари расман эълон қилинган кундан эътиборан камида уч ой ўтгач амалга киритилади. Яъни юқоридаги мисолимиз бўйича бекор қилинган имтиёз Солиқ кодексига кўра 2026 йил 3 март кунидан бекор бўлган ҳисобланади.

“Тадбиркорлик фаолияти эркинлигининг кафолатлари тўғрисида” ги Қонунининг 18-1-моддаси, “Норматив-ҳуқуқий ҳужжатлар тўғрисида” ги Қонуннинг 40-моддаси 2-қисми ҳам Бюджет кодекси 5-1-моддасига қарама қаршиликни келтириб чиқариши мумкин.

Албатта, “Норматив-ҳуқуқий ҳужжатлар тўғрисида” ги Қонуннинг 18-моддасига кўра тенг юридик кучга эга бўлган норматив-ҳуқуқий ҳужжатлар ўртасида тафовутлар бўлган тақдирда, кейинроқ қабул қилинган норматив-ҳуқуқий ҳужжат қоидалари амал қилади.

Бироқ Конституциямизнинг 20-моддасига кўра инсон билан давлат органларининг ўзаро муносабатларида юзага келадиган қонунчиликдаги барча зиддиятлар ва ноаниқликлар инсон фойдасига талқин этилади.

Бу ерда Қонунлар ўртасидаги қарама-қаршилик бўлишидан ташқари уларни қайси бири қўлланилишини ҳал этишда ҳам қарама-қаршиликлар бор.

Юзаки қараганда қонунчиликдаги ушбу қарама-қаршиликлар унчалик сезилмайди, лекин миллиардлаб сўмлик имтиёзлар бўйича суд низолари кетаётганда қонунларни қўллашда қийинчиликларни келтириб чиқаради.

Аслида, бу ҳақда Қонунни қабул қилаётганда Парламентдагилар ўйлаши керак эди.

Каналга уланиш👇
👉@advokatqosimov👈

Мана бу постдаги ишда ҳимоям остидаги фермер хўжалиги иш юритувчисига нисбатан 2020 йилда қуёнчилик комплексини экин ерига қуриб олган деб, дастлабки терговда ЖК нинг 197-моддаси (Ер, ер ости бойликларидан фойдаланиш шартларини ёки уларни муҳофаза қилиш талабларини бузиш оғир оқибатларга сабаб бўлса) билан айб эълон қилинган.

Бироқ суд ушбу жиноят таркиби йўқ деб топгани ҳолда, судланувчи ҳаракатларини ЖК нинг 197-моддасидан 229-1-модда 2-қисмига (Суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш) қайта малакалаган.

ЖК 197-моддаси ижтимоий хавфи катта бўлмаган жиноят, ЖК 229-1-модда 2-қисми эса оғир жиноят ҳисобланади.

ЖПК нинг 415-1, 416-моддаларига кўра судланувчига нисбатан айбловни оғирроғи билан алмаштириш учун, янги айблов дастлабки айблов билан узвий боғлиқ бўлган ва уларни алоҳида-алоҳида кўриш имконияти бўлмаган ҳолларда айбловни тўлдириш тўғрисидаги масалани ҳал қилиш прокурорга ижро муддатини бир ойгача доирада кўрсатган ҳолда топшириш билан ҳал этиши керак.

Бироқ ушбу ишда прокурорга ишни қайтариш ҳақида илтимоснома киритилмаган, суд ажрими чиқарилмаган.

Суд ўз ҳулосаси билан ижтимоий хавфи катта бўлмаган жиноят ўрнига оғир жиноят билан судланувчини айбдор деб топиб, шу модда билан 2 йил озодликдан маҳрум қилиш жазоси тайинлаган.

Яна бир қизиқ жиҳати, ишдаги ҳужжатлар бўйича қуёнчилик комплекси 2020 йил охирида қуриб битказилиб, кадастр ҳужжатлари ҳам расмийлаштириб бўлинган. ЖК 229-1-моддаси 2-қисми эса Ўзбекистон Республикасининг 2021 йил 16 августдаги ЎРҚ-708-сонли Қонуни билан амалга киритилган.

ЖК нинг 13-моддасида эса қилмишни жиноят деб ҳисоблайдиган, жазони кучайтирадиган ёки шахснинг ҳолатини бошқача тарзда ёмонлаштирадиган қонун орқага қайтиш кучига эга эмаслиги белгиланган.

Яъни суд 2020 йилдаги ҳаракат учун 2021 йилда кучга киритилган Қонун билан жазо тайинлаган.

Ўз-ўзидан менда бир нечта савол туғилди:
Судья оғирлаштирувчи модда билан ҳукм ўқиш учун ишни прокурорга қайтариш кераклигини билмайдими?
Судья адолатни таъминловчи органми ёки дастлабки тергов органи ўрнига ўзи айб эълон қилиб, ўзи ҳукм ўқиб қўяверадими?
Ёки бу ерда мен билмайдиган бошқа бирон нарса борми?

Албатта ушбу саволларга энг тўғри жавобни фақатгина ЖИБ Риштон суди судьяси Н.Аюбжоновнинг ўзидан олиш мумкин. Кимдир ёки қайсидир орган судьядан шу саволларга жавоб берилишини талаб қилиши керак.

Олий суд раиси адвокатлар билан учрашувида судьяларни танлаш ишларидан кўнгли тўлмаётганлиги, айрим ҳолларда етарли малакага эга бўлмаганлар ҳам судья лавозимига қўйилаётганлиги ҳақида гапирганди. Ҳақиқатан ҳам шу каби ҳолатлар судьяларни танлаш ва тайинлаш тизимида нимадир хато кетаётганлигини кўрсатиб қўймоқда.

Каналга уланиш👇
👉@advokatqosimov👈

Яқинда ЖИБ Риштон туман судида бир иш кўриб чиқилди. Ишнинг қисқача мазмуни қуйидагича: Мени ҳимоям остидаги фермер хўжалиги иш юритувчисига 2020 йилда “Микрокредитбанк” ва туман ҳокимлиги қуёнчилик комплекси қуриш ҳақида таклиф қилади. Дастлаб у бунга рози бўлмайди, “Мен мол-қўй боққанман, қуён боқишни билмайман, боқдим ҳам дейлик, бизда биров қуён гўшти емаса, уни нима қиламан, қурилишга пулим ҳам йўқ” деб рад жавобини беради.

Биз ўзимиз кредит берамиз, ёрдам берамиз, гўштини ҳам, терисини ҳам оладиган ташкилотлар тузиляпди, ўзимиз сотиб бермиз, сизни ерларингиз яхши жойда, Президент келганда олиб киришга ҳам яхши деб қизиқтиришгандан кейин қуёнчилик коплекси қуришга рози бўлади.

Кредит ажратилади, ҳоким қарори чиқарилади, барча ҳужжатлар расмийлаштирилиб, фермер хўжалиги ерининг бир қисмига қуёнчилик комплекси қурилади. Қурилишни боришини туман ҳокими ва сектор бошлиқлари бошчилигида назорат қилиниб, кечасию кундузи ишлаб, икки ойга бормасдан қурилиш тугатилади. Вилоят ҳокими ўзи келиб комплексни очиб беради.

Орадан тўрт йил ўтиб, 2024 йилга келиб, давлат органлари қуёнчилик комплекси фермер хўжалигининг экин ерига қурилиб қолганлигини аниқлаб қолишади (Аслида бу жой экин ери бўлгани ҳам ўта баҳсли). Ҳолат бўйича жиноят иши қўзғатилади.
2020 йилдаги тартиб қоидалар бўйича туман ҳокимининг қурилишга рухсат бериш ҳақидаги қарори чиқарилишидан аввал туман ҳокими ўринбосари бошчилигидаги ер танлаш ва ажратиш комиссияси аъзолари бўлган тумандаги 15 та идоралар раҳбарлари томонидан томонидан далолатнома тузилиб тасдиқланган.

Энг қизиғи, қурилиш амалга оширилиши керак бўлган жойни белгиловчи ҳужжатларда ҳам ҳозирда қурилиш амалга оширилган жой кўрсатилган. Фақатгина техник хато туфайли контур рақами нотўғри кўрсатилиб қолган.

Қисқа қилиб айтганда, фермер хўжалиги ҳужжатларда кўрсатилган жойда қуёнчилик комплекси қурган. Агар қурилиш нотўғри жойда амалга оширилган бўлса ва бунинг учун кимдир жавоб бериши керак бўлса, жойни кўрсатиб берганлар ва шу ерга қурилиш қилишга рухсат берганлар жавобгар бўлиши керак.

Шунинг учун мен бу ҳолатда оқлов ҳукми чиқарилса керак, деб умид қилгандим. Бироқ ЖИБ Риштон туман суди судьяси Н.Аюбжонов шундай ҳукм чиқардики, ҳукмни ўқиган одам ҳайратдан ёқа ушламай иложи йўқ.

Шу ҳолатдан ўзим учун бир ҳулоса чиқардим: Бизнинг давлатимизда тадбиркорларнинг ҳуқуқи шу даражада кучсиз ҳимояланганки, тепадан бирон бир топшириқ бўлса, давлатнинг ўзи (сектор раҳбарлари тимсолида) тадбиркорларга урро-ур, тўполон билан ихтиёрий мажбурий бир нарсаларни қилдиради. Шу ишлар учун бир икки йил ўтгандан кейин шу давлатнинг ўзи (ҳуқуқни муҳофаза қилувчи органлар тимсолида) тадбиркорни жавобгарликка тортади.

Тушунишимиз керак, бунақада тадбиркорлик ривожланмайди.

Каналга уланиш👇
👉@advokatqosimov👈

🤵‍♂Ассалому алайкум, мен университетда тўртинчи босқичда ўқийман.Менга нисбатан  беш ой олдин  суд томонидан уч йилга озодликни чеклаш тарзидаги жазо қўлланилган.
Ишга кириш мақсадида мактабга борганимда судлан(ма)ганлик ҳақида маълумотнома сўради.Судланганлигим учун энди мени ҳеч қаерга  ишга олишмайдими?

📚 Ўзбекистон Республикаси Жиноят кодексига кўра жазо тайинлаган айблов хукми қонуний кучга кирган кундан бошлаб шахс судланган ҳисобланади. Судланганлик муддатининг ўтиб кетганлиги ёки судланганликнинг олиб ташланиши муносабати билан унинг барча ҳуқуқий оқибатлари бекор бўлади. Судланганлик холати озодликни чеклаш жазоси ўталганидан кейин икки йил ўтгач тугалланади.

✅ Ўзбекистон Республикаси Меҳнат кодексининг 119-моддасига кўра судланганлиги, шу жумладан тугалланган ва олиб ташланган судланганлиги сабабли шахсларни ишга қабул қилмаслик, бундан қонунчиликда назарда тутилган ҳоллар мустасно, ёхуд шахсларни уларнинг қариндошлари судланганлиги, шу жумладан тугалланган судланганлиги муносабати билан ишга қабул қилмаслик ишга қабул қилишни қонунга хилоф равишда рад этиш деб баҳоланади.
Лекин юқоридаги моддада назарда тутилганидек баъзи истиснолар мавжуд.

📌 Педагогик фаолият ҳам ушбу истиснолар ичига киради. Ўзбекистон Республикасининг "Педагогнинг мақоми тўғрисида" ги Қонуни 15-моддасига кўра қасддан содир этилган жиноят учун илгари судланган шахсларни педагогик фаолият билан боғлиқ лавозимларга қабул қилиш ман этилиши белгиланган.

✳️ Ҳулоса қилиш мумкинки, сиз судланганлигингиз тугаллангунигача таълим ташкилотларида педагогик фаолият билан шуғуллана олмайсиз.
Шундай экан судланганлигингиз айрим меҳнат фаолиятлари билан шуғулланишингизга тўсқинлик қилади холос. Бошқа холларда судланганлигингиз сабабли ишга қабул қилинмаслигингиз мумкин эмас.

Каналга уланиш👇
👉@advokatqosimov👈

2024 йил 21 декабрь куни Бош прокуратурада Ўзбекистон Республикаси Бош прокурори Н.Йўлдошев раислигида кенгайтирилган ҳайъат мажлиси бўлиб ўтди.

Прокуратура органлари фаолиятига ошкоралик бериш, бунда кенг жамоатчилик, оммавий ахборот воситалари, блогер ва журналистлар билан алоқаларни мустаҳкамлашга устувор аҳамият қаратиш ҳақида яна бир бор эслатиб ўтилди.

@generalissimo_marshal

РОССИЯДА ЭНДИ КЎПХОТИНЛИККА РУХСАТ БEРИЛАДИМИ?

Россия Федерацияси Мусулмонлари диний бошқармаси Уламолар кенгаши РФдаги мусулмонларга, агар эр барча хотинларга адолатли ва тенг муносабатда бўлса, тўрттагача диний никоҳга киришга рухсат берди. Бу ҳақида Москва муфтийси Илдар Аляутдинов “РИА Новости”га маълум қилди.

2024 йил 19 декабрдаги президент Владимир Путиннинг россияликлар билан анъанавий тарздаги савол-жавоб йиғилишида, Россиядаги демографик инқирозга қарши курашиш учун кўпхотинликка рухсат бериш лозимлиги ҳақида саволлар билдирилди.

Шунингдек, бугун куни президент Владимир Путин бошчилигида мамлакатдаги оила институтини юксалтириш асносида Россия Давлат Кенгаши мажлиси ўтказилиши режалаштирилганди.

Маълумот сифатида, Ўзбекистон Республикаси ЖК 126-моддасига мувофиқ, кўпхотинлик учун жиноий жавобгарлик белгиланган.
Шунингдек, МЖТК 47*8-моддасига мувофиқ, икки ёки ундан ортиқ хотин билан эр-хотин бўлиб яшашни тарғиб қилганлик учун ҳам маъмурий жавобгарлик белгиланиб қўйилган.

P.S.: Албатта бундай икки ва ундан ортиқ хотин билан қонуний асосда яшаш амалиёти қайси давлат бўлишидан қатъи назар, унинг миллий оила қонунчилигидаги айрим масалаларни мураккаблаштиради, шунингдек кейинчалик бундай ҳолатлар судлардаги оилавий низолар сонининг яна ҳам орттиб кетиш эҳтимолини юзага келтиради. Ва энг асосийси бу тенглик ҳуқуқини бузади. Чунки тенглик бўлса 4 хотинликка рухсат берилдими, шунинг учун 4 эрликка ҳам рухсат берилишига тўғри келиб қолади. Мана шу омиллар сабабли моногам оила дунёвий давлатларда маьқул кўрилади.

👉@bahodirahmedoff👈

🌐 Энди lex.uz да ҳуқуқий саволларга сунъий интелект жавоб беради.

🌐 AI will answer to legal questions in lex.uz platform

🌐 Теперь искусственный интеллект будет отвечать на правовые вопросы в lex.uz.

Facebook | Instagram | LinkedIn

Eр ёки давлат мулки ҚҚСсиз сотилади, мобиль алоқа учун акциз солиғи (10 фоиз) бекор қилинади.

Шаҳар чегарасидаги қишлоқ ерларига 2 карра ер солиғини ҳисоблаш тўхтатилади. Нашриёт корхоналари фойда солиғини тўлашдан 5 йилга озод этилади.

Бундан ташқари, IT-park резидентларига барча турдаги солиқларни тўлашдан озод этиш бўйича имтиёзлар 2040 йилгача узайтирилади.

Хусусий мактаб ва боғчалар, хорижий ўқитувчи ва мутахассислар учун берилган барча солиқ имтиёзлари 2030 йилгача амал қилади.

@generalissimo_marshal

Президентдан нима сўрар эдим?

Фуқаролик судлари судьяларига ҳам қийин. Энг кўп ишлар уларда:

➖9.00 дан 18.00 гача иш кўради;

➖18.00 дан 21.00 гача қарор ёзади;

➖21.00 дан 24.00 гача баъзага маълумотлар киритади.

Деярли дам олиш йўқ, шу сабаб, ишлар сифати ҳам ўлда-жўлда. Балогардон ҳам доим шулар.

Насиб қилиб, Президент билан учрашиб қолсам, иккита нарса сўрар эдим:

➖биринчиси, ҳар бир туманда фуқаролик судлари ташкил қилиш ва иккинчиси, минтақавий тафтиш судлари ташкил қилиш.

Ишонинг, бундан бошқа ҳеч нарса сўрамас эдим.

👉@yuristkadr

Касасация протести берилганлиги ҳукм ижросини тўхтатмайди

Бу қоида ЖПК нинг 502-моддасида белгиланган. Бироқ бундан Фарғона вилоят прокуратураси ходимларининг хабари йўққа ўхшайди.

Ёки буни билишсада, ЖПК талаби улар учун ишламайди, деб ҳисоблашади.

Мана бу иш бўйича берган аризамизга Фарғона вилоят прокуратураси томонидан ҳукм юзасидан кассация тартибида протест киритилди, деган жавоб олдик. Ҳукм бўйича қайтарилиши керак бўлган сумма ҳали ҳам прокуратура депозитида турибди.

Прокуратура қонунни тўғри бажарилишини ўзи ижро қилиши керак бўлгани ҳолда ўзи унга амал қилмаса, унга чора кўрадиган идоранинг ўзи йўқ. Шу сабабли прокуратура ходимлари Қонунларга риоя қилмаганда, мурожаат қиладиган идора бўлиши керак.

Бир пайтлар Адлия вазирлигига шу каби ваколатлар берилиб, тажриба қилинганди. Менимча, ўша тажрибани амалда қўллаш пайти келди.

Таклифим, Адлия вазирлигида алоҳида бир бошқарма очилиши ва бу бошқарманинг асосий иши Прокуратура ходимларининг дастлабки терговдан бошқа барча қонунга хилоф ҳаракатлари юзасидан берилган шикоятларни кўриб чиқиш бўлиши керак.

Каналга уланиш👇
👉@advokatqosimov👈

Бухоролик криптовалюта вундеркинди қамалмайди

Бир неча кун аввал ижтимоий тармоқларда бухоролик 17 ёшли бола қонунга хилоф тарзда 34 миллиард сўмга тенг бўлган криптоактивларни олиш, ўтказиш ва айрибошлаш билан шуғулланганлиги, ҳолат юзасидан ЖК нинг 278-8-моддаси 3-қисми билан жиноят иши қўзғатилганлиги ҳақида хабарлар тарқалди.

ЖК нинг 278-8-моддаси 3-қисмида кўрсатилган жиноятлар учун уч йилдан беш йилгача озодликдан маҳрум қилиш билан жазоланиши белгиланган.

Бироқ бу ҳолатда бухоролик 17 ёшли болага озодликдан маҳрум қилиш жазоси тайинланмайди.

Гап шундаки, ЖК нинг 85-моддаси 4-қисмига кўра вояга етмай туриб ижтимоий хавфи катта бўлмаган жиноят содир этган, эҳтиётсизлик оқибатида жиноят содир этган ёхуд қасддан унча оғир бўлмаган жиноят содир этган шахсларга нисбатан озодликдан маҳрум қилиш тариқасидаги жазо тайинланмайди.

ЖК нинг 15-моддаси 3-қисмига кўра унча оғир бўлмаган жиноятларга қасддан содир этилиб, қонунда уч йилдан ортиқ, лекин беш йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар, шунингдек эҳтиётсизлик оқибатида содир этилиб, қонунда беш йилдан ортиқ муддатга озодликдан маҳрум қилиш тарзидаги жазо назарда тутилган жиноятлар киради.

Яъни, ЖК нинг 278-8-моддаси 3-қисмида кўрсатилган жиноят унча оғир бўлмаган жиноят ҳисобланади.

Бухоролик бола 17 ёшда бўлганлиги сабабли жазо тайинлашда ЖК нинг 85-моддаси 4-қисми қўлланилиб, унга нисбатан озодликдан маҳрум қилиш тариқасидаги жазо тайинланмайди.

Каналга уланиш👇
👉@advokatqosimov👈

Пулли компенсация учун формула

Мехнат кодексининг 333-моддасига асосан пулли компенсацияни ҳисоблаш учун қуйидаги формуладан фойдаланиш мумкин:

ККУК = КИҲ / 100 * (ҚМС /100 * 10) * ККМ

Бунда:
ККУК – Кечиктирилган кунлар учун компенсация миқдори
КИҲ – Кечиктирилган иш ҳақи суммаси
ҚМС – Марказий банкнинг қайта молиялаш ставкаси
ККМ –Кечиктирилган кунлар миқдори

Мисол учун иш берувчи 2023 йил 05 сентябрь санасида ходимга якуний ҳисоб-китоблар учун 109 918 602.24 ( бир юз тўққиз миллион тўққиз юз ўн саккиз минг олти юз икки) сўм йигирма тўрт тийин тўлаши керак бўлган. Бироқ бу сумма 4 ой 17 кун, жами 137 кун ўтиб, 2024 йил 22 январь куни тўланган.

Ушбу ҳолатда юқоридаги формула орқали қуйидаги ҳисоб-китоблар юзага келади:

109 918 602.24 / 100 * (14 / 100 * 10) * 137 = 210 823 879,63

109 918 602.24 / 100 = 1 099 186.02

14 / 100 * 10 = 1,4

1 099 186.02 x 1.4 = 1 538 860.43

1 538 860.42 x 137 = 210 823 879,63

Демак иш берувчи 109 918 602.24 сўм иш ҳақини 137 кун кечиктиргани учун 210 823 879,63 сўм тўлаши керак бўлади.

Каналга уланиш👇
👉@advokatqosimov👈

Фарғона вилояти ИИБ нинг маълум қилишича, жорий йилнинг 17 декабрь соат 13:45 ларда Фарғона шаҳар, Янгийўл маҳалласидаги “Petrolium” пропан газ қуйиш шохобчасида 5 м. куб сиғимли контейнерга газ қуйиш жараёнида ёриқ келиб чиқиб, газ моддаси ташқарига сизиб чиқиши оқибатида, портлаш ва ёнғин содир бўлган.

Натижада, 1 нафар фуқаро воқеа жойида ҳалок бўлган, шу ҳудудда бўлган бир нечта фуқаролар турли даражада тан жароҳати олиб, шифохонага ётқизилган. Кўрсатилган тиббий ёрдамга қарамасдан улардан 3 нафари шифохонада вафот этган.

Мазкур ҳолат юзасидан Фарғона вилоят ИИБ томонидан Жиноят кодексининг 257-моддаси 2-қисми “а” банди ҳамда 259-моддаси 2-қисми “а” банди билан жиноят иши қўзғатилган.

Ҳозирги кунда жиноят иши доирасида 5 нафар шахс процессуал тартибда қамоққа олинган, 2 нафар шахсларни ушлаш чоралари кўрилмоқда.

Маълумот учун, Жиноят кодексининг 257-моддаси 2-қисми “а” бандида техника хавфсизлиги, саноат санитарияси ёки меҳнатни муҳофаза қилишнинг бошқа қоидаларини шу қоидаларга риоя этилиши учун масъул бўлган шахс томонидан бузилиши одам ўлишига сабаб бўлганлиги учун, 259-моддаси 2-қисми “а” бандида ёнғин хавфсизлиги қоидаларининг шу қоидалар бажарилиши учун масъул бўлган шахс томонидан бузилиши одам ўлишига сабаб бўлгани учун жавобгарлик белгиланган.

Бу жиноятлар учун муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш жазолари назарда тутилган.

Каналга уланиш👇
👉@advokatqosimov👈

daryo.uz нинг ёзишича, Қарши туманида содир этилган жиноятни очиш учун айбдорлиги номаълум бўлган одамлар маъмурий қамоққа олинмоқда.

Мақсад жиноятни очиш, яъни адолатни ўрнатиш бўлсада, уни адолатсизлик билан амалга ошириб бўлмайди. Акс ҳолда, адолатсизлик билан жиноятни очишга уринаётганларни жиноятчилардан фарқи қолмасди.

Мақсад ҳар қанча яхши бўлмасин, адолатсиз воситани оқламайди.

Агар журналист суриштирувидаги фуқароларнинг гаплари тўғри бўлса, уларни маъмурий қамоққа олиш ҳақида ҳужжат тайёрлаган ички ишлар органларининг ҳаракатларида ЖК нинг 232-1-моддаси, нима бўлганини суриштириб ўтирмасдан қарор чиқариб берган судьянинг ҳаракатларида эса ЖК нинг 232-моддаси аломатлари бўлиши мумкин.

Прокуратура ходимлари бошқа ишларидан бўшаган пайтларида қонунларни аниқ ва бир хилда бажарилишини назорат қилиб турса, айбдорлар жавобгарликка тортилишини кутсак бўлади.

Каналга уланиш👇
👉@advokatqosimov👈

#имтиёз

Ассалому алайкум, бир саволим бор эди : тўланган контрактнинг 12 фоизини қайтариб олиш мумкинлигини эшитдим.
Мени фарзандим хусусий мактабда ўқийди ва тўлови анча қиммат.Биз ҳам шу тўлаётган тўловимиздан 12%ни қайтариб олишимиз мумкинми?

📚📖 Амалдаги Солиқ кодексининг 378-моддасига кўра фарзандларига нодавлат таълим ташкилотлари ва (ёки) мактаблар кўрсатадиган таълимга оид хизматлар учун ота-она (фарзандликка олувчилар) томонидан солиқ солинадиган даромадлари хисобидан ҳар бир фарзанд учун тўланадиган ойига 3 миллион сўмгача бўлган тўловларининг 12 фоизи қайтарилади.

✳️ Хулоса қиладиган бўлсак,бундай вазиятда сиз агар тўловни солиқ солинадиган даромадингиз хисобидан амалга оширган бўлсангиз, 3 миллион сўмгача бўлган миқдорнинг 12 фоизини қайтариб олишингиз мумкин.



Каналга уланиш👇
👉@advokatqosimov👈

Конституциямизнинг 55-моддасига кўра ҳар кимга ўз ҳуқуқ ва эркинликларини суд орқали ҳимоя қилиш, давлат органларининг ҳамда бошқа ташкилотларнинг, улар мансабдор шахсларининг қонунга хилоф қарорлари, ҳаракатлари ва ҳаракатсизлиги устидан судга шикоят қилиш ҳуқуқи кафолатланади.

Бироқ ушбу конституциявий кафолат дастлабки тергов даврида амал қилмайди. Чунки ЖПК нинг 382-моддасида суриштирув ва дастлабки тергов ҳаракатларини юритишда қонунларнинг ижро этилиши устидан назорат прокурор томонидан амалга оширилиши белгиланган. Агар терговчининг бирон бир қарори юзасидан жиноят ишлари бўйича судга мурожаат қилинса, бу прокурор ваколатига киради, прокурорга мурожаат қилинг, деган жавоб берилади.

Бироқ дастлабки терговга нисбатан прокурор назорати кўпинча бир тарафлама олиб борилади.

Масалан, прокуратура терговчиси тадбиркорлик субъектининг раҳбари содир этган фирибгарлик жиноят иши бўйича тафтиш тайинлаб, тафтишда бошқа масалалар билан бирга солиқ, экспорт-импорт масалалари бўйича ҳам текшириш ўтказишни кўрсатган. Тадбиркорлик субъектига нисбатан тайинланадиган тафтиш қўзғатилган жиноят иши доирасидан четга чиқмаслиги лозимлигидан келиб чиқиб, адвокат қарорга эътироз билдирса, терговчи “Бемалол прокурорга шикоят қилишингиз мумкин” деб жавоб беради.

Прокурорга ёзилган шикоятлар эса аксарият ҳолларда рад қилинади. Чунки одатда прокурорнинг шикоятга берилаётган жавоб хатини терговчининг ўзи ёзиб, прокурорга имзога киритади.

Аслида Конституция тўғридан-тўғри амал қилиши ва ҳар бир фуқарога суриштирувчи, терговчи ёки прокурорнинг қарори устидан судга шикоят қилиш ҳуқуқи амалда таъминланиши керак. Чунки Конституция ҳар қандай мансабдор шахснинг ҳар қандай қарорига нисбатан судга шикоят қилиш ҳуқуқини беради.

Балки, янги ташкил этилаётган тергов судьяси институти шу каби муаммоларни ҳал қилиб, конституциямизнинг амал қилмаётган нормалари ишлашига сабабчи бўлар.

Тергов судьялари фаолиятини тартибга солувчи қонун ҳали қабул қилинмаган бўлсада, бу институтдан умидимиз катта.

Каналга уланиш👇
👉@advokatqosimov👈

Прокуратура жамғарма эмас

Конституциямизнинг 143-моддасига кўра Ўзбекистон Республикаси ҳудудида қонунларнинг аниқ ва бир хилда бажарилиши устидан назоратни Ўзбекистон Республикасининг Бош прокурори ва унга бўйсунувчи прокурорлар амалга оширади.

Прокуратура ўз вазифаларини объектив бажариши учун кўриб чиқилаётган масалаларда прокуратуранинг қандайдир манфаатдорлиги бўлмаслиги керак. Агар кўрилаётган масалада прокуратура органларининг манфаатдорлиги бўлса, ҳохлайсизми йўқми, прокурорлар ҳам масалани ўз манфаатларига мос тарзда ҳал қилишга ҳаракат қилишади.

Ҳозирда прокуратура органларининг манфаатдорлиги бор масалалардан бири айбланувчилардан ундирилаётган зарар суммаларини прокуратуранинг махсус ҳисоб рақамларига тўланиши ва бу пул маблағларини банкка депозитга қўйиб, улар ҳисобидан прокуратура органларининг фоиз олишидир.

Шунинг учунми, кўп ҳолларда суд ҳукми билан прокуратура ҳисоб рақамига тўланган зарар суммаси нотўғри ундирилгани аниқланиб, тўловчиларга қайтарилиши белгиланганда, пуллар ўз вақтида қайтарилмайди, прокуратуранинг битта ходими давлат ижрочисига суд ҳукми ноқонуний дейди, бўлди. МИБ ҳеч нарса қилолмайди, қонуний кучга кирган суд ҳукми прокурорнинг оғзаки гапи билан ижросиз тураверади. Чунки бу пулларнинг кўпроқ вақт прокуратура ҳисобида туришидан прокуратуранинг ўзи манфаатдор.

Қонуний кучга кирган суд ҳукми ўз вақтида ижро қилинишини эса шу прокуратуранинг ўзи назорат қилади. Бундай ҳолларда қонуний кучга кирган суд ҳукми ижро қилинишига тўсқинлик қилган прокурорга ҳеч ким чора кўрмайди, чунки манфаатдор ҳуқуқбузар ва манфаатдор назоратчи битта орган.

Аслида қонунчиликда суд ҳукми билан прокуратура депозитидаги пул маблағлари кимгадир тўланишида ёки қайтарилишида прокуратуранинг розилиги олиниши ҳам шарт эмас.

Бундай ҳолатларга барҳам бериш учун айбланувчилардан ундириладиган зарар суммаларидан прокуратура органларининг фойдаланиши, яъни манфаатдор бўлишига чек қўйилиши керак. Чунки прокуратура пул маблағларини депозитга қўйиб фойда оладиган жамғарма ёки тижорат ташкилоти эмас.

Каналга уланиш👇
👉@advokatqosimov👈

21.11.2024 йилдаги ЎРҚ-1003-сонли Қонун билан процессуал қонунчиликка электрон маълумотлар ва рақамли далиллар тушунчаси киритилмоқда.

Киритилган ўзгартиришга кўра электрон маълумотлар электрон курилмалардан ва ахборот тизимларидан, шунингдек ахборот технологияларидан фойдаланган холда яратиладиган, ишлов бериладиган хамда сақланадиган маълумотлардир.

Иш учун аҳамиятга эга бўлган ҳолатлар тўғрисидаги маълумотлар мавжуд бўлган электрон маълумотлар, шу жумладан электрон тарздаги файллар, аудио-, видеоёзувлар, Интернет жаҳон ахборот тармоғида сақланаётган маълумотлар, шунингдек бошқа электрон маълумотлар рақамли далиллардир.

Киритилган ўзгартиришларни илгари бундай далиллар бўлмаган, деб тушунмаслик керак. Илгари ҳам бундай далиллар бўлган, фақат ашёвий ёки ёзма далил сифатида бахоланган. Рақамли далилларни далилларнинг алоҳида тури сифатида киритилиши ва улар учун алоҳида қоидалар белгиланиши одил судловни амалга оширишда жуда муҳим рол ўйнайди.

Қонун 2024 йил 21 ноябрдан кучга кирди.

Каналга уланиш👇
👉@advokatqosimov👈

#shokdaman

Биргина вергул ҳаммасини ўзгартириб ташлаши мумкин.

Кеча сиз яхши билган Мухаммадамин Каримжонов билан янги - 758-сонли қарордаги жуда ғалати нарсани муҳокама қилдик.

Яъни, гап Вазирлар Маҳкамасининг 2024 йил 14 ноябрдаги “Ўзбекистон Республикасининг Меҳнат кодексини амалга оширишга оид норматив-ҳуқуқий ҳужжатларни тасдиқлаш тўғрисида”ги 758-сонли қарори ҳақида кетяпти.

Шу қарорнинг 4-иловаси билан тасдиқланган “Алоҳида хусусиятга эга бўлган ишлардаги қисқартирилган иш куни белгиланадиган ходимлар рўйхати”да айрим тоифадаги ходимлар учун қисқартирилган иш вақти меъёрлари белгиланди.

Бунгача Вазирлар Маҳкамасининг 1997 йил 11 мартдаги 133-сонли қарори билан тасдиқланган “Алоҳида тусга эга бўлган ишлардаги қисқартирилган иш куни белгиланадиган ходимлар рўйҳати” ишлар эди.

Тушунган бўлсангиз, 758-сонли қарор билан тасдиқлангани янгиси, 133-сонли қарор билан тасдиқлангани эса, 15 ноябрдан ўз кучини йўқотди.

Аввалги 133-сонли қарор билан тасдиқланган “Алоҳида тусга эга бўлган ишлардаги қисқартирилган иш куни белгиланадиган ходимлар рўйҳати”нинг 16-бандида “Олий ўқув юртлари ходимларининг ўқитувчи-профессорлар таркиби” учун хафтасига 36 соатлик қисқартирилган иш вақти белгиланган эди.

❗️Энди, янги 758-сонли қарор билан тасдиқланган “Алоҳида хусусиятга эга бўлган ишлардаги қисқартирилган иш куни белгиланадиган ходимлар рўйхати”нинг худди шу жойига қараймиз ва ҳайратдан ёқа ушлаймиз: “Олий таълим ташкилотларининг ходимлари, ўқитувчи-профессорлар таркиби – хафтасига 36 соат”.

Яъни, аввалги 133-сонли қарордагисида хафтасига 36 соатлик қисқартирилган иш вақти фақат ОТМ ўқитувчи-профессорлари учун белгиланган бўлса, янги 758-сонли қарордагисида, ўртага вергул қўйиш орқали нафақат ўқитувчи-профессорларга, балки ОТМларнинг бошқа ходимларига ҳам ҳафтасига 36 соатлик иш вақти белгилаб қўйилган.

☝️Аслида Меҳнат кодексининг 184-моддасига асосан 36 соатлик қисқартирилган иш вақти бегиланади деганда педагоглар ходимлар тоифаси назарда тутилган.

Лекин, қуриб кетгур 758-сонли қарорни ёзганлар “...нинг” қаратқич келишигини ва вергулни нотўғри жойлаштириб, катта “иш” қилиб қўйганини ўзи билмайди шекилли😳.

Энди нима бўлади? Энди ОТМлардаги педагог булмаган бошқа ходимлар ҳам “мен ҳам хафтасига 36 соат ишлайман, ана Вергул ака шунақа деяпти” деб дўпписини осмонга отади😉

👉@yuristkadr

🍾 Тамаки ва алкогол маҳсулотларининг олди-сотдисида ёшга доир баъзи чекловлар мавжуд!

Ўзбекистон Республикаси Вазирлар Маҳкамасининг 75-сонли қарори иловасига кўра :

✅Тамаки маҳсулотлари ҳамда тамаки ва никотинни истеъмол қилиш мосламаларини йигирма бир ёшдан кичик шахсларга сотишга рухсат берилмайди.

✅Чакана савдо ва умумий овқатланиш субъекти алкоголь ва тамаки маҳсулотларини ҳамда тамакини ва никотинни истеъмол қилиш мосламаларини йигирма бир ёшга етмаган сотувчи-ходимлар томонидан сотишга йўл қўймаслиги шарт.

✅ Алкоголь ва тамаки маҳсулотларини, тамакини ҳамда никотинни истеъмол қилиш мосламаларини реализация қилишни бевосита амалга ошираётган шахс йигирма бир ёшдан кичик кўринган харидордан унинг шахси ва ёшини тасдиқловчи ҳужжатини кўрсатишни талаб қилиши, ҳужжат мавжуд бўлмаган тақдирда эса алкоголь ва тамаки маҳсулотларининг, тамакини ҳамда никотинни истеъмол қилиш мосламаларининг реализация қилинишини рад этиши шарт.

Каналга уланиш👇
👉@advokatqosimov👈

🥂💥 0,135 миллиграмм ва 0,3 промилле !!

Бу ўлчовлар мастлик ва ҳушёрлик чегарасини белгиловчи ўлчовлар ҳисобланади.

‼️ Адлия вазирлиги томонидан 2018 йил 14 декабрда 3099-сон билан рўйхатдан ўтказилган "Транспорт воситалари ҳайдовчиларининг маст ҳолатда эканлигини аниқлаш тартиби тўғрисидаги" низомнинг 10-бандига кўра транспорт воситаси ҳайдовчиси томонидан чиқарилган ҳаводаги этанол буғлари концентрацияси кўрсаткичи 0,135 миллиграмм ва ундан юқори бўлган ҳолларда ДЙҲХХ ходими ҳайдовчига нисбатан алкоголли ичимлик истеъмол қилганлиги факти юзасидан Ўзбекистон Республикаси Маъмурий жавобгарлик тўғрисидаги кодексининг 131-моддаси ( транспорт воситаларини маст холда бошқариш) га мувофиқ маъмурий баённома расмийлаштиради.

🗣 Мазкур низомнинг 19-20-бандларига мувофиқ даволаш-профилактика муассасаларида алкоголли мастлик ҳолатида эканлигига гумон қилинган шахслар барча тарафлама клиник текширувдан ўтказиладилар ва этанол буғлари бор-йўқлигини аниқлаш мақсадида улардан фақат чиқарилаётган нафас ҳавоси намунаси олинади.

Мастликнинг клиник белгиларини аниқлаш имкони бўлмаган ҳолларда (шошилинч тез тиббий ёрдам кўрсатилишини талаб қилувчи ҳолатлар) текширувдан ўтказиш учун қон намунаси суриштирувчи, терговчи ёки прокурор қарори асосида тегишли даволаш-профилактика муассасаларида олинади.

❇️ Шахснинг алкогол маҳсулотини истеъмол қилганлиги тўғрисидаги тиббий хулоса алкогол маҳсулотининг қондаги концентрацияси 0,3 промилле ва ундан ортиқ бўлган ҳолларда чиқарилади.

Каналга уланиш👇
👉@advokatqosimov👈

Прокурор ёрдамчиси тергов қилишга ваколатли эмас

Маълумки, жиноят иши бўйича дастлабки терговни терговчилар олиб боради. Амалдаги ЖПКнинг 344-моддаси 1-қисмига асосан, дастлабки терговни прокуратура, ички ишлар органлари ва давлат хавфсизлик хизмати терговчилари олиб боради. Модданинг 2-қисмига кўра эса, бу ишни  прокурорлар ҳам олиб боришлари мумкин.

"Прокуратура тўғрисида"ги қонуннинг 29-моддаси 2-қисмига асосан, прокурор жиноят-процессуал қонунига мувофиқ ҳар қандай жиноятни тергов қилишни ўз иш юритувига олишга, шунингдек уни ўзига бўйсунувчи прокурорга топширишга ҳақлидир.

Қонуннинг 56-моддаси 5-қисмида айнан 29-модданинг иккинчи қисмида тилга олинган “прокурор” қайси лавозимдаги шахс эканлигига тушунтириш берилган.

Унга кўра, прокурор деганда ўз ваколатлари доирасида иш олиб бораётган Ўзбекистон Республикаси Бош прокурори, Қорақалпоғистон Республикаси прокурори, вилоятлар, Тошкент шаҳар, туманлар, шаҳарлар прокурорлари ва уларга тенглаштирилган прокурорлар, шунингдек уларнинг ўринбосарларини тушуниш керак.

Демак, дастлабки тергов олиб боришга ваколатли прокурорлар қаторида прокурорларнинг ёрдамчилари назарда тутилмаган.

Шундай экан, туман (шаҳар) прокурори ёрдамчиси томонидан жиноят иши ўз иш юритувига олиниб, дастлабки тергов олиб борилиши Жиноят-процессуал кодекси ва “Прокуратура тўғрисида”ги қонуни талабларига мутлақо зид.

Ўз навбатида, ЖПКнинг 95-1-моддаси 1-қисми 4-бандига мувофиқ, мустақил тергов ҳаракатлари олиб боришга ваколатли бўлмаганлар томонидан расмийлаштирилган ҳар қандай  процессуал ҳужжатлар, тўпланган далиллар номақбул, деб топилишга маҳкумдир.

Амалиётда, "Прокурор ёрдамчисининг  қарорини прокурор тасдиқлашидан келиб чиқилса, унинг дастлабки тергов ўтказиши бу, айни пайтда прокурорнинг тергов олиб боришини англатади.", - деган хато ёндашув шаклланиб қолган.

Бунга қўшила оламаймиз. Аввало, қонунда ҳуқуқ берилмаган. Қолаверса, тергов ҳаракатларини амалда прокурор ёрдамчилари олиб бормоқда, прокурорлар эмас.

Қайта эслатиб қўймоқчимиз:

Процессуал қонунчиликда "прокурорлар томонидан" дейилган, "прокурорлар ёрдамчилари" эмас.

Advokat Abdumalik Abdullayev


Каналга уланиш👇
👉@advokatqosimov👈

⚡️Маст ҳолда автомашина бошқарсангиз, жаримани тўлиқ тўлайсиз

Савол: Мен маст ҳолда машина ҳайдаб қўлга тушгандим. Суд мени автомашинани бошқариш ҳуқуқидан маҳрум қилиб, 25 баравар жарима қўллаган. Мен 15 кун бўлмасдан жаримани ярмини тўлаб қўйганман. Ҳозир МИБ мендан жаримани тўлиқ тўлашни талаб қиляпти. Шу қонунийми?

Жавоб: МЖтК нинг 332-1-моддасига кўра қуйидаги моддаларда назарда тутилган ҳуқуқбузарликлар содир этилганда жарима қачон тўланишидан қатъий назар тўлиқ тўланади:

✅ -МЖтК нинг 131-моддаси (транспорт воситаларини маст ҳолда бошқариш);

✅ -МЖтК нинг 132-моддаси (Кема ҳайдовчиларининг кичик ҳажмли кемаларни маст ҳолда бошқариши);

✅ -МЖтК нинг 136-моддаси (Транспорт воситалари ҳайдовчиларининг ва йўл ҳаракати бошқа иштирокчиларининг мастлиги ёки маст эмаслигини аниқлаш учун текширувдан ўтишдан бўйин товлаши);

✅ -МЖтКнинг 140-моддаси (Маст ҳолдаги ҳайдовчиларнинг ёки транспорт воситаларини бошқариш ҳуқуқи бўлмаган шахсларнинг транспорт воситаларини бошқаришига йўл қўйиш);
Демак, МИБ талаби қонуний, сиз жаримани тўлиқ тўлашингиз керак.

Каналга уланиш👇
👉@advokatqosimov👈

Савол: Бугун бир роликда “Уй ва машина олди-сотдиси вақтида ёздириб олинган тилхат ёки видеолар юридик мақомга эга эмас, улардан ҳеч қандай фойда йўқ” деб тушунтиришди, ҳақиқатан ҳам шундайми?

Жавоб: Агар мулкка нисбатан ҳуқуқ юзага келтириши масаласида қаралса, тилхат ёки видеолар автомашина ёки уйга нисбатан ҳеч қандай ҳуқуқни келтириб чиқармайди. Бироқ тилхат ва видеолар судда ёки дастлабки тергов органларида тарафлар оғзаки тарзда олди-сотдига келишганлигини ва шу мулк учун пул берилганлигини тасдиқловчи далил сифатида инобатга олиниши мумкин. Шу жиҳатдан улардан ҳеч қандай фойда йўқ, дейиш нотўғри.

Нима бўлганда ҳам, уй ёки автомашина олди сотдисини белгиланган тартибда нотариуслар орқали амалга оширган яхши. Лекин буни имкони бўлмайдиган ҳолатларда, албатта, тилхат ёздириш ва видеога олиш керак.

Масалан, сиз олмоқчи бўлаётган уй ёки автомашинани кредити бор. Банк кредит тўланмагунча уй олди-сотдисига рухсат бермайди. Ўзаро келишувга кўра қолган кредитни сиз тўлаб кетишга розисиз. Шундай ҳолатда мулк эгаси (агар умумий мулк бўлса турмуш ўртоғи билан бирга) ёзиб берган тилхат кейинчалик фуқаролик суди томонидан олди-сотди шартномасини ҳақиқий деб топишга асос бўлади. Суд қарори асосида сизнинг мулкка бўлган ҳуқуқингизни давлат рўйхатидан ўтказилади. Бу ҳақда мана бу постда алоҳида тўхталганмиз.

Бироқ тилхат ёздирилмасдан фақат видеога олинганда, суд видеодаги ҳолатдан келиб чиқиб шартномани ҳақиқий деб топмайди, суд фақатгина тилхат расмийлаштирилгандагина олди сотдини ҳақиқий деб топиши мумкин.

Уй ёки автомашина учун пул олган шахс кейинчалик буни тан олмаганда, пул олинганлиги ҳақидаги видеолар дастлабки тергов ёки жиноят судида далил сифатида қўлланилиши мумкин.

Каналга уланиш👇
👉@advokatqosimov👈

Олий суд расмий сайтининг ёзишича, айни пайтда Олий суднинг маълумотларни сақлаш ва қайта ишлаш марказининг сервер қурилмаларида такомиллаштириш ишлари олиб борилаётганлиги сабабли, Олий суднинг Интерактив хизматлар портали ва ахборот тизимлари фаолиятида бир неча кун мобайнида узилишлар кузатилиши мумкин.

Каналга уланиш👇
👉@advokatqosimov👈

#савол

Ассалому алайкум, биз дўстим билан шаҳар кўчасида битта электросамокатда харакатланиб кетаётганимизда,ЙПХ ходими бизга бу турдаги харакатланиш воситасида одам ташиш мумкин эмаслигини айтиб, жарима жазоси қўллади.Айтингчи бизнинг ҳатти-харакатимиз хақиқатдан хуқуқбузарлик хисобланадими?

#жавоб

📚 Ўзбекистон Республикаси "Йўл харакати қоидалари"нинг 6-бандига кўра электросамокатлар индивидуал харакатланиш воситаси хисобланади.Ушбу қоидаларнинг 168-бандида индивидуал ҳаракатланиш воситаларини бошқараётган шахсларга одам ташиш тақиқланиши белгиланган.

‼️ МЖТКнинг 138-моддаси 5-қисмида индивидуал харакатланиш воситалари хайдовчилари томонидан одам ташиганлик учун базавий ҳисоблаш миқдорининг иккидан бир қисми миқдорида жарима жазоси белгиланган.


Каналга уланиш👇
👉@advokatqosimov👈

#ochiq_muloqot

Кеча Олий суд раиси Бахтиёр Исломов билан учрашувда Адвокатлар палатаси Тошкент вилояти бошқармаси бошлиғи Илёс Юсупов бир қатор муаммоларни кўтариб чиқди.

Масалан, айрим судлар адвокатларга суд мажлиси баённомаларидан нусха бермасликка ҳаракат қилмоқда. Бунда улар қонунда тарафларга ва адвокатларга суд мажлиси бённомасидан нусха берилиши кўзда тутилмаганлигини важ қилиб, шундай иш тутишмоқда.

Ваҳоланки, процессуал кодексларнинг барчасида иштирокчиларга “суд иши материаллари билан танишиш ва улардан кўчирмалар олиш ва нусхалар кўчириш” ҳуқуқи берилган. Суд иши материалларининг ичига суд мажлиси баённомалари ҳам киради. Шундай экан, судларнинг суд мажлиси баённомаларидан нусха бермаслиги нотўғри. "Олий суд раҳбарияти мана шу каби муаммоларга ҳам эътибор берса яхши бўлар эди" деди Илёс ака.

Олий суд раиси суд мажлиси баённомаларидан нусха берилмаслиги одил судловга зид эканлигини билдириб, ўз ўринбосарларига жойларда бундай муаммоларга йўл қўймаслик ҳақида топшириқлар берди.

👉@yuristkadr

“Изоляторлар тўлиб кетган”

Дарвоқе, қамоқ эҳтиёт чораси оммавий (97 фоиз ҳолларда) қўлланаётгани ҳақида гап кетганида Олий суд раиси “изоляторлар тўлиб кетган”ини айтди. Бахтиёр Исломовга кўра, бунақа ҳолат илк бор 2001 йилда кузатилган.

“Ўшанда вақтинча сақлаш жойларидаги шарт-шароитни ўрганиш учун идоралараро комиссия тузилган эди. Ҳозир ҳам ўшанга ўхшаш вазият бўляпти. Лекин муаммо янги тергов ҳибсхоналарини қуриш билан ҳал қилинмаслиги керак”, деди Олий суд раиси.

Адвокат Баҳром Саломов қамоқ эҳтиёт чорасини қўллашда суиистеъмолчиликларга йўл қўймаслик учун айблов органи зиммасига гумонланувчи терговдан қочиши ёки гувоҳларга босим ўтказиши мумкинлигини исботлаб бериш каби аниқ мажбуриятлар юклашни таклиф қилди.

“Судьяларда қатъият етишмаяпти”

Ўзбекистон Республикаси Олий суди раиси Бахтиёр Исломов бугун адвокатлар ҳамжамияти вакиллари билан бўлиб ўтган очиқ мулоқот чоғида икки марта шу гапни такрорлади.

Биринчи марта – адвокат сўровига жавоб бермаган ёки етарлича жавоб бермаган мансабдор шахсларни МЖтКнинг 197-1-моддаси бўйича жавобгарликка тортиш масаласи ҳақида гап кетганида.

“Бу муаммодан хабаримиз бор. Шахсга доир маълумотларни баҳона қилиб адвокатларнинг шикоятлари қабул қилинмаяпти ёки қабул қилинса ҳам, кўп ҳолларда айбдор мансабдор шахс қолиб иш юритувчи, ёрдамчи каби адвокат сўровига жавоб қайтаришга ваколатли бўлмаган ходимлар жавобгарликка тортилмоқда. Ҳақиқий айбдорни жазолаш учун судьяларимизда қатъият етишмаяпти”, деди Олий суд раиси.

Б.Исломов қамоққа олиш эҳтиёт чорасини қўллаш ҳақидаги илтимосномалар судлар томонидан деярли ёппасига қаноатлантирилаётгани масаласи кўтарилганида ҳам шу гапни такрорлади.

Олий суд раиси республикада судья кадрларга ўткир эҳтиёж йўқлигини, ҳар йили етарлича судья штатлари очилаётганини, бироқ уларнинг малакаси ҳали талаб даражасида эмаслигини тан олди.

Бугун Олий судда адвокатлар билан Олий суд раисининг очиқ мулоқоти ўтказилди. Эркин форматда ўтказилган учрашувда Олий суд раҳбарияти билан адвокатларнинг соҳадаги муаммолар бўйича фикрлари ва таклифлари юзасидан фикр алмашилди. Жуда яхши учрашув бўлди.

Учрашувда Олий суд раиси томонидан билдирилган айрим фикрлар:
– Прокурор кўпинча судга иш билан яхши танишмасдан келади, судья ҳам иши кўплигидан доим ҳам 10-15 томлик ишларни ичига киришга улгурмаслиги мумкин. Адвокат эса ишни ичига кириб ўрганиб чиқади. Шундай ҳолларда судьялар адвокатлардан фойдаланиши керак.
– Яхши судья доимо адвокатни эшитади.
– “Адолат” электрон тизимидаги техник камчиликларни бартараф этиш бўйича зарур ишлар амалга оширилмоқда.
– Суд тизимидаги тафтиш инстанциясини такомиллаштириб, ҳудудий судлар ташкил этиш бўйича таклифлар берилган, бироқ иш маблағ масаласига тақалганлиги учун бу йўналиш тўхтаб турибди.

Қисқаси, бизни қийнаб келаётган айрим масалалар бўйича шу жойнинг ўзида бир ҳулосага келдик, айримлари эса Олий суд раҳбарияти томонидан ўрганиб чиқиладиган бўлди. Ўзим ҳам бир нечта муаммолар ҳақида фикрларимни билдирдим. Бу ҳақда кейинроқ батафсил тўхталаман.

Учрашув ташкилотчиларига алоҳида ташаккур билдирамиз, фақат бундай учрашувлар доимий ташкил этилса, янада самарали бўларди. Бу учрашувда Олий суд ва Олий суд раиси ҳақидаги фикрларим анча ижобий тарафга ўзгарди деб айтиш мумкин. Бахтиёр Исломов мен ўйлагандан кўра анча илғор фикрлайдиган раҳбар экан деган хулосага келдим.

Каналга уланиш👇
👉@advokatqosimov👈

🙇‍♂🤦‍♂Ассалому алайкум,мен талабаман.Тошкент шахри Юнусобод туманида курсдошларим билан ижара шартномаси асосида яшайман.Бизнинг ижара шартномамиз муддати 2025 йил августгача.Лекин уйнинг эгаси мен уйни сотмоқчиман шунинг учун кейинги хафтадан квартирани бўшатиб қўй деб айтди.Бундай холатда биз квартирадан чиқиб кетишга мажбурмизми?

📚💻📖 Ўзбекистон Республикаси Фуқаролик кодексининг 604-моддасида шундай белгиланган : ижара шартномаси бўйича эгаллаб турилган уй-жойга бўлган мулк ҳуқуқининг бошқа шахсга ўтиши шартноманинг ўзгартирилиши ёки бекор қилинишига олиб бормайди. Бунда янги мулкдор илгари тузилган ижара шартномаси шартлари асосида ижарага берувчига айланади.

✳️ Демак хулоса қилиш мумкинки, бундай холда ижарага берувчи ўзгаради холос яъни квартиранинг янги мулкдори ижарага берувчига айланади.
‼️Квартиранинг сотилиши ижара шартномасининг бекор бўлишига олиб келмайди ва сизлар шартнома муддати тугагунича квартирада яшашга хақлисизлар.

Каналга уланиш👇
👉@advokatqosimov👈

👩‍🍼🧑‍🍼 Ассалому алайкум,мен вилоятдан келиб Тошкент шахрида яшайман. Менинг уч нафар ёш  фарзандларим бор. Вилоятга автобусда бориб келамиз. Шахар автобуслари ва вилоятларга  қатнайдиган автобусларда юрганимизда фарзандларимга қандайдир чегирмалар борми?

📚 Ўзбекистон Республикаси Вазирлар Маҳкамасининг 482-сонли қарорига 1-иловага кўра шаҳардаги автобус йўналишларида йўловчи етти ёшгача бўлган болаларни ўзи билан бирга бепул олиб юриш ҳуқуқига эга.

-шаҳар атрофи йўналишларидаги автобусларда  йўловчи етти ёшгача бўлган болаларни ўзи билан бирга бепул олиб юриш ҳуқуқига эга.

-шахарлараро ва халқаро йўналишлардаги автобусда йўловчи ўзи билан бирга беш ёшгача бўлган бир болани бепул — алоҳида ўринсиз, беш ёшдан ўн ёшгача бўлган болани чиптанинг тўлиқ баҳоси 50 фоиз чегирилган ҳолда — алоҳида ўрин берилган ҳолда олиб юриш ҳуқуқига эгадир, ўн ёшгача бўлган икки нафар ва ундан кўпроқ болалар олиб юрилганда улардан биттаси бепул, қолганлари — чипта тўлиқ баҳосининг 50 фоизи чегирилиб, алоҳида ўрин берилган ҳолда олиб юрилади.

Каналга уланиш👇
👉@advokatqosimov👈

🙆‍♂️ Ассалому алайкум, мен бир танишимга 100 миллион сўм қарз берганман ва у бу пулларни қарзга олганлиги ҳақида тилхат ёзиб берган. Лекин тилхатда уни қачон қайтариши ёзилмаган. Энди мен бу пулларни у ўз ихтиёри билан қайтармагунича сўрашга хаққим йўқми?

📚💻 Ўзбекистон Республикаси Фуқаролик кодексининг 733-моддасига кўра қарз олинганлиги тилхат орқали тасдиқланса, бу қарз шартномаси ёзма тузилган хисобланади.

‼️📌 Ушбу кодексининг 735-моддасида :
Қарз олувчи олинган қарз суммасини қарз шартномасида назарда тутилган муддатда ва тартибда қарз берувчига қайтариши шартлиги, агар қарз суммасини қайтариш муддати шартномада белгиланган бўлмаса, қарз олувчи уни қарз берувчи қарзни қайтариш ҳақида талаб қўйган кундан бошлаб ўттиз кун мобайнида қайтариши кераклиги белгиланган!

✳️ Демак сиз исталган пайтда қарзга берган пулингизни (агар фоизга берган бўлсангиз фоизини ҳам) сўрашингиз ва қарздор 30 кун ичида бу пулларни сизга қайтариши шарт.

Агар бу муддатда қайтармаса, сиз бемалол фуқаролик судига мурожаат қилишингиз мумкин!

Каналга уланиш👇
👉@advokatqosimov👈

Адвокатура: Ҳимоя сифатини оширишга яна бир муҳим қадам

Ўзбекистон Республикаси Адвокатлар палатаси Бошқарувининг 4-сонли мажлиси бўлиб ўтди.

Мажлисда ҳимоянинг сифатини таъминлашга хизмат қилувчи муҳим бир ҳужжат бир овоздан маъқулланди. Яъни, Адвокатлар жиноят ишларида ҳимоячи сифатида иштирок этишига доир стандартлар.

Ҳужжат адвокатлар учун мажбурий характерга эга ҳисобланиб, бу унда илгари сурилган стандартлар ҳар бир адвокат томонидан пухта ўзлаштирилиши шартлигини англатади.

Ўз навбатида, уларни амалиётда қўлланилиши аҳоли орасида сифатли ҳимояга бўлган ишончни орттириш ва мустаҳкамлашга хизмат қилади.

#стандарт

@Advokat_Abdullayev

⚡️Қарор 48 соат ичида жўнатилмаганлиги жаримани тўламасликка асос бўлмайди

❗️28.10.2024 йилдаги ЎРҚ-985-сонли Қонун билан МЖтК га киритилган ўзгартиришга кўра, йўл ҳаракати қоидалари бузилиши тўғрисидаги маълумот жарима солиш ҳақида қарор чиқаришга ваколатли бўлган шахсга махсус автоматлаштирилган фото ва видео қайд этиш техника воситалари орқали қайд этилган пайтдан эътиборан 48 соат ичида юборилмаган тақдирда иш юритиш тугатилади.

‼️Эътибор беринг, бу ерда гап қарорнинг ҳуқуқбузарга жўнатилиши ҳақида кетмаяпти, маълумот қарор чиқаришга ваколатли бўлган шахсга жўнатилиши ҳақида кетмоқда. Ваколатли шахс эса қарорни 15 кун ичида чиқариши мумкин (МЖтК 305-м.). Қарор чиқарилгач эса 3 кун ичида ҳуқуқбузарга юборилади (МЖтК 309-1-м.).

❌Йўл ҳаракати қоидаларини бузган шахсга қарор 48 соат ичида жўнатилмаганлиги жаримани бекор қилишга асос бўлмайди.

✅Яна бир эътиборли тарафи, ушбу ўзгартириш 2025 йил 29 январдан кучга киради.

Каналга уланиш👇
👉@advokatqosimov👈

Бу ҳафта ФИБ Андижон туманлараро судида меҳнат низоси бўйича бир суд процессида даъвогар ходимнинг вакили сифатида иштирок этдим. Даъво талабларимиздан бири шанба кунлари ишга чиққанлиги учун иш ҳақи тўловларини ундириш. Жавобгар вилоятдаги катта ташкилотлардан бири.

Жавобгар вакили сифатида қатнашаётган кадрлар бўлими бошлиғи тушунтириш бермоқда, қисқача мазмуни қуйидагича: "Бизда шанба кунлари ишга чиқиш ва қўшимча ҳақ тўлаш ҳақида буйруқ чиқарилмайди. Бизни ташкилотда шанба кунлари иши бор ходимлар ўзи ишга чиқаверади, ҳеч ким дам олиш кунлари ишга чиқяпман, ҳақимни тўлаб бер, деб айтмайди. Масалан, мен ҳам ишга чиқаман, қолиб кетган ишларимни қилиш учун ўзим виждонан чиқаман. Шунинг учун шанба куни ишга чиққан кунларимга қўшимча ҳақ тўлашни сўрамаганман, мен шундай фикрлайман. Виждонли ходим шунақа бўлиши керак. Дам олиш куни ишга чиқиб, виждонан ишлаш керак.

Катта бир ташкилотда ходимларнинг меҳнат ҳуқуқларига риоя этилишига жавобгар бўлган шахсдан бундай сўзларни эшитиш жуда ғалати бўларкан.

Шу жойига мен унга савол бердим: Сизни ташкилотингизда меҳнат муносабатлари нима билан тартибга солинади, сизнинг ҳохиш-истакларингингиз, сизни тушунчаларингиз биланми ёки қонун ҳужжатлари асосидами?

Жавобгар вакилининг қонун ҳужжатлари асосида, деб жавоб беришдан бошқа иложи йўқ эди ва шундай жавоб берди ҳам.

Демак вилоятда ушбу идорага бўйсунувчи барча ташкилотларда ходимларнинг шанба кунлари ишга чиқиши ва бу учун ҳақ тўланмаслиги оддий ҳолат, дам олиш куни ишга чиқиб, текинга ишлаши эса ходимнинг яхши фазилати сифатида баҳоланади.

Энг ёмони шундаки, бугун жуда кўплаб ташкилотларда шу одат шаклланган.

Узоққа бормайлик, шу ишни кўраётган судья ҳам шанба кунлари ишга чиқса керак. Ишда қатнашаётган прокурор ҳам шу. Аслида дам олиш кунлари одамга ўхшаб дам олишни шу идораларда жорий қилишдан бошлаш керак. Билиб бўлмайдида, масалан, уларда "Мен дам олиш куни иш ҳақисиз ишлаяпман, ўлиб қолганим йўқ, сен ҳам шундай қилсанг нима бўпти" деган фикр бўлиши мумкин.

Каналга уланиш👇
👉@advokatqosimov👈

Нима учун 25-модда?

Бугун Бош прокуратура томонидан берилган баёнотга кўра 26 октябрь куни соат 01:40 ларда фуқаро С.С.нинг
бошқарувидаги “Range Rover” русумли автомашина Қибрай тумани, Ифор кўчаси бўйлаб ҳаракатланган вақтида 2 нафар номаълум шахслар мазкур автомашинага
ўқотар қуролидан бир неча маротаба ўқ узиб, номаълум томонга яширинишган.

Ушбу ҳолатда бирор-бир шахс тан жароҳати олмаган.

Мазкур ҳолат юзасидан Жиноят кодексининг 25,97-моддаси (Қасддан одам ўлдиришга суиқасд қилиш) билан жиноят иши қўзғатилилган.

Шу ва шунга ўхшаш кўплаб ҳолатларда ЖК нинг 25-моддаси бошқа моддалар билан бирга қўлланилиши содир этилаётган жиноятнинг охирига етказилмаганини билдиради.

ЖК нинг 25-моддасига кўра шахснинг қасддан қилинадиган жиноятни содир этиш ёки яшириш учун шарт-шароит яратувчи қилмиши ўзига боғлиқ бўлмаган ҳолатларга кўра содир этилиши бошлангунга қадар тўхтатилган бўлса, бундай қилмиш жиноятга тайёргарлик кўриш деб топилади.

Қасддан содир этиладиган жиноят бошланиб, шахсга боғлиқ бўлмаган ҳолатларга кўра охирига етказилмаган бўлса, жиноят содир этишга суиқасд деб топилади.

Демак, ЖК нинг 25-моддаси қўлланилдими, бу жиноят тамом бўлмаган.

Шахс ўзига боғлиқ бўлмаган ҳолатда жиноятни охирига етказа олмай қолганда жавобгаликдан озод қилинмайди. Бундай ҳолатларда ҳам тамом бўлган жиноят учун жавобгарликни белгиловчи моддага мувофиқ жавобгарликка тортилади.

Каналга уланиш👇
👉@advokatqosimov👈

Суд тизимига ислоҳот керак ёхуд рақамлар алдамайди

“YURISTKADR” каналидаги мана бу постда Сайдали ака 2024 йил 1 январдан амалга кирган суд ислоҳоти натижасида Олий суддаги кассация инстанцияси тугатилиб, кассация инстанцияси ҳудудлардаги ўрта бўғин судларига ўтказилганлиги, Олий суддаги фильтр судялар деярли барча ишларни қайтараётганлиги ҳақида асосли фикрларни билдирибди.

Ушбу фикрларнинг асосли эканлигини Олий суд расмий сайтидаги маълумотлар ҳам тасдиқлайди. Ҳозирча фуқаролик ишлари бўйича статистик маълумотларни кўриб чиқамиз.

2021 йилнинг 1-ярмида Олий суднинг фуқаролик ишлари бўйича судлов ҳайъатига 3631 та шикоят ва протестлар келиб тушиб, 1544 таси судлов ҳайъатида кўриб чиқилган. Шундан 357 таси бекор қилинган ёки ўзгартирилган.
Бекор қилинган ва ўзгартирилган суд қарорлари (357 та) Олий судга берилган барча шикоятларнинг (3 631 та) 9,83 фоизини ташкил қилади.

2022 йил 1-ярмида Олий суднинг фуқаролик ишлари бўйича судлов ҳайъатига жами кассация тартибида келиб тушган 2527 та шикоятдан 1676 таси судлов ҳайъатида кўриб чиқилган. Кўриб тамомланган ишларнинг 289 таси бўйича суд қарорлари бекор қилинган ёки ўзгартирилган.
Бекор қилинган ва ўзгартирилган суд қарорлари (289 та) Олий судга берилган барча шикоятларнинг (2 527 та) 11,44 фоизини ташкил қилади.

2023 йил 1-ярмида Олий суднинг Фуқаролик ишлари бўйича судлов ҳайъати кассация инстанцияси томонидан жами 1 774 та фуқаролик иши кўриб тамомланган. Шундан 303 таси бекор қилинган ёки ўзгартирилган.
Бекор қилинган ва ўзгартирилган суд қарорлари (303 та) Олий судда кўрилган барча шикоятларнинг (1 774 та) 17,08 фоизини ташкил қилади.

Эътибор беринг: 2024 йилнинг биринчи ярмида Олий суднинг Фуқаролик ишлари бўйича судлов ҳайъатига 1792 та тафтиш тартибидаги шикоят (протест)лар келиб тушган бўлиб, шундан 83 та фуқаролик ишлари Олий суд Фуқаролик ишлари бўйича судлов ҳайъати тафтиш инстанцияси кўриб тамомланган. Шундан 33 таси бўйича суд қарорлари бекор қилинган ёки ўзгартирилган.
Бекор қилинган ва ўзгартирилган ишлар (33 та) жами берилган шикоятларнинг (1792 та) атиги 1,18 фоизини ташкил қилади.

“Бир суд – бир инстанция” тамойили амалда бўлган 2021, 2022, 2023 йилларнинг 1-ярмини умумлаштирганимизда, Олий суднинг Фуқаролик ишлари бўйича судлов ҳайъати кассация инстанциясига келиб тушган 7 932 та шикоят бўйича 949 та суд қарорлари бекор қилинган ёки ўзгартирилган бўлиб чиқмоқда. Бу дегани, Олий судга келиб тушган барча шикоят ва протестлар бўйича ўртача 11,96 фоиз суд қарорлари бекор қилинган ёки ўзгартирилган, дегани. 2024 йилнинг 1-ярмида эса бу миқдор 1,18 фоизни ташкил қилмоқда.

Агар “Бир суд – бир инстанция” тамойили бекор қилинмаганда, 2024 йилнинг биринчи ярмида Олий судга берилган шикоятлар бўйича фуқаролик ишларининг 11,96 фоизи (охирги уч йилдаги ўртача миқдори) бекор қилинган ёки ўзгартирилганда ҳам 214 та иш бекор қилинган ёки ўзгартирилган бўларди.

2024 йилнинг биринчи ярмида Олий судда бекор қилинган ва ўзгартирилган ишлар 33 та бўлганлигини инобатга олсак, фильтр судьялар томонидан кўриб чиқиш учун судлов ҳайъатига ўтказилмаган ишларда тахминан 181 та бекор қилинмаган ёки ўзгартирилмаган ишлар ётибди.

Бу ишларнинг ортида эса Олий суддан адолат сўраб, охирги умид сифатида қараб турган қанчадан-қанча инсонлар тақдири бор.

Ҳозирги ҳолатга ечим сифатида эса адвокат Б.Ахмедовнинг таклифига қўшилиш мумкин.

Каналга уланиш👇
👉@advokatqosimov👈

Бугун ички ишлар органлари ходимлари куни!

Ўзбекистон Республикасининг 2006 йил 6 декабрдаги ЎРҚ-65-сонли Қонуни билан 25 октябрь Ўзбекистон Республикаси Ички ишлар органлари ходимлари куни этиб белгиланган.

Юртимиздаги барча ички ишлар органлари ходимларини касб байрами билан табриклаймиз!

Каналга уланиш👇
👉@advokatqosimov👈

🙋‍♂️ Ассалому алайкум, мен Тошкент шаҳри Юнусобод туманида яшайман. Кеча бир ўртоғимнинг уйида туғилган кунини нишонлаб, уйга автобусда қайтмоқчи бўлдим ва автобусга чиқдим. Шу пайтда автобус кондуктори ва ҳайдовчиси мени маст ҳолатда эканлигим учун автобусдан тушиб кетишимни айтишди. Айтингчи автобусда маст ҳолдаги йўловчиларнинг юриши мумкин эмасми?

‼️ Ўзбекистон Республикаси Вазирлар Маҳкамасининг "Ўзбекистон Республикасида автомобиль транспортида йўловчилар ва багаж ташиш қоидаларини ҳамда автобусларда йўловчилар ташиш хавфсизлигини таъминлашга доир талабларни тасдиқлаш хақидаги" 482-сонли қарорига 1-илованинг 15-бандига кўра автобусларда йўловчиларнинг маст ҳолда юриши ва алкоголь ва тамаки маҳсулотларини истеъмол қилиши тақиқланади!

❌ Демак автобус хайдовчиси ва кондукторининг ҳатти-харакатлари қонуний хисобланади.
Шунингдек йўловчиларнинг маст ҳолда метрога тушиши ҳам тақиқланади.
Бундай ҳолларда сиз такси орқали (хайдовчининг розилиги билан) уйингизга кетишингиз мумкин!

Каналга уланиш👇
👉@advokatqosimov👈

"Давлат иштирокидаги ташкилот" атамасининг таърифи ўзгарди

ЖКнинг 8-бўлимида келтирилган “атамаларнинг ҳуқуқий маъноси”га кўра, қуйидагилар давлат иштирокидаги ташкилот ҳисобланар эди:

1. Устав фондида давлат улуши мавжуд бўлган тижорат ташкилоти

2. Тўлиқ ёки қисман давлат органи ёки давлат ташкилоти томонидан ташкил этилган ёки таъсис этилган нотижорат ташкилоти

2024 йил 22 октябрь кунги қонун билан ЖКнинг 8-бўлимига тегишли ўзгартириш киритилиб, устав фондида давлат улуши мавжуд бўлган барча тижорат ташкилотлари эмас, балки устав фондидаги (устав капиталидаги) давлат улуши миқдори 50%дан ортиқ бўлган ёхуд устав фондидаги (устав капиталидаги) давлат улуши миқдори хўжалик жамиятининг бошқа ҳар бир акциядори (иштирокчиси) улушига нисбатан кўп бўлган тижорат ташкилотлари давлат иштирокидаги ташкилот ҳисобланиши белгиланди.

Каналга уланиш
Advokat G’aniyev

👩‍🍼 Ассалому алайкум, менинг олти ойлик чақалоғим бор. Касал бўлиб, тиббиёт муассасида бир хафта даволандим ва менга муассаса ходимлари берилган овқатлар учун пул тўлашим кераклигини айтишяпти. Давлат тиббиёт муассасаларида беморларга овқат бепул асосда берилади деб зшитгандим. Қонунчиликда қандайдир асоси борми?

📚 Ўзбекистон Республикаси Вазирлар Маҳкамасининг 05.02.2016 йилдаги 31-сон қарори 1-илова(Низом)га кўра тиббиёт муассасаларидаги овқатланиш нонушта, тушлик, тушликдан кейинги овқат ва кечки овқатланишдан иборат бўлади. Тиббиёт муассасаларида шахсларга (беморларга) нонушталар бепул берилади, уларга қилинадиган харажатлар Ўзбекистон Республикаси Давлат бюджети маблағлари ҳисобига қопланиши белгиланган. Қолган овқатланишлар учун хақ тўланиши лозим.

✳️ Лекин ушбу низомга 1 ва 2- иловаларда  тиббиёт муассасаларида  низомда мавжуд бўлган барча овқатланиш учун ҳақ тўлашдан озод қилинадиган шахслар рўйхати берилган. Ушбу илованинг иккинчисида 1 ёшгача боласи бўлган эмизикли оналар ҳам овқатланиш учун ҳақ тўлашдан озод қилинадиган шахслар рўйхатига киритилган.

✅Демак сизга ҳам тиббиёт муассасаларида  даволанаётган пайтингизда  барча овқатланишлар бепул бўлиши лозим!

Каналга уланиш👇
👉@advokatqosimov👈

⚡️⭐️ 2024 йил 21 октябрь кунги ЎРҚ-979-сонли Қонун билан МЖтК нинг 241-10-моддаси диспозицияси қуйидаги таҳрирда баён этилди:
Тадбиркорлик субъектлари томонидан давлат органларига тақдим этиладиган ҳисобот ва статистика маълумотларининг ягона рўйхатига киритилмаган статистика, молия, солиқ ҳисоботини ва бошқа ҳисоботни, шунингдек қонунчиликда назарда тутилмаган ўзга ҳужжатларни, шу жумладан банк ҳисобварағини очишда ортиқча ҳужжатларни тадбиркорлик субъектларидан талаб қилиб олиш, худди шунингдек мазкур ягона рўйхатга киритилган ҳисоботни тақдим этишнинг белгиланган муддатлари ва тартибига зид равишда талаб қилиб олиш.

Амалий жиҳатдан олганда, илгари ҳам шу қоида амалда бўлган, киритилган ўзгартириш билан ҳуқуқбузарликнинг тавсифи аниқлаштирилмоқда.

📌 Бунга сабаб Ўзбекистон Республикаси Президентининг 2024 йил 9 январдаги ПҚ-8-сонли қарори билан Тадбиркорлик субъектлари томонидан давлат органларига тақдим этиладиган ҳисобот ва статистик маълумотларнинг ягона рўйхати тасдиқланган. Қарорнинг 4-банди билан ягона рўйхатга киритилмаган ҳисоботларни тадбиркорлик субъектларидан талаб қилиш тақиқланган.

‼️ Ушбу тақиқларга риоя этмаслик мансабдор шахслар ва хизматчиларга базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади.

Каналга уланиш👇
👉@advokatqosimov👈

Олот туманида одил судловга раҳна солинмоқдами?

Ушбу мақоладан кейин жиноят ишлари бўйича Олот туман суди раиси Баҳрилло Жабборов томонидан кўрилган жиноят ишларининг айримлари бўйича чиқарилган суд қарорлари билан танишиб чиқиб, очиғи, ёқа ушладик.

Айрим ишларда ўта қўпол хатоликларга йўл қўйилганлигига ҳам гувоҳ бўлдик.

Масалан, 1-2010-2401/85-сонли жиноят иши бўйича А. ҳамда 1-2008-2301/69-сонли жиноят ишида Ғ. ўта оғир жиноят содир этганликда, 1-2006-2301/119-сонли жиноят ишида Р. оғир жиноят содир этганликда, 1-2010-2401/79-сонли жиноят иши бўйича С. унча оғир бўлмаган жиноят содир этганликда асоссиз айбланганлар.

Ёки 1-2010-2401/48-сонли жиноят ишида У. ҳамда 1-3-2010-2401/84-сонли ишда Д. суд залидан асоссиз қамоққа олинган бўлса, 1-2010-2401/26-сонли жиноят иши бўйича Д.га нисбатан ЖКнинг 45-моддаси нотўғри қўлланилган. Шу билан бирга, унинг пора олганликда айбли деб топилиши ҳам асоссиз бўлган.

Ушбу санаб ўтилган суд қарорларининг асоссизлиги кейинчалик юқори инстанцияларда тасдиқланиб, бекор қилинган, айримлари ўзгартирилган.

Яна ҳам ачинарлиси, муҳокамага сабаб бўлган жиноят иши билан, 1-2010-2401/60-сонли жиноят ишидаги айблов квалификацияси бир хил, яъни ЖК нинг 251-1-моддаси 3-қисми экани ҳолда бунисида судланувчи М.нинг 3 ёшга тўлмаган фарзанди бўла туриб, суд залидан қамоққа олинган бўлса, кейингисида Д.га озодликни чеклаш жазоси тайинланган. Лекин суд тўхтами асослаб берилмаган.

Юқоридагиларга ўхшаш мисоллар талайгина бўлиб, бундай иш олиб боришда давом этиши суд раиси Б.Жабборовнинг атрофида шундоқ ҳам аллақачондан урчишига улгурган “миш-миш”ларнинг баттар авж олишига олиб келади.

Шундай экан, унинг фаолиятига танқидий баҳо берилишини, ёки малакасини ошириш курсини ташкил этиб, иш фаолиятини соғломлаштириш чоралари кўрилиши лозим. Йўқса, жамоатчилик учун унинг истеъфосини сўрашдан бошқа йўл қолмайди.

@Advokat_Abdullayev

🙋‍♂ Ассалому алайкум, мен яқинда фарзандли бўлдим. Бир танишим  фарзандли бўлганида давлат томонидан бир марталик нафақа пули берилган екан. Мен ҳам шундай  нафақа пулини қандай қилиб олсам бўлади?

📚 Ўзбекистон Республикаси Вазирлар Маҳкамасининг 550-сон қарорига тўртинчи илованинг 9-бандининг "В"кичик бандига кўра 2024 йил 1 апрелдан бошлаб фарзанд туғилганда бериладиган бир марталик нафақа пули:
биринчи фарзанди учун — барча аёлларга;
иккинчи фарзанди учун — фарзанд туғилган пайтда «Ижтимоий ҳимоя ягона реестри» ахборот тизимига киритилган оиланинг аъзоси бўлган аёлларга расмийлаштирилади.
Қолган барча ҳолатларда фарзанд туғилганда бериладиган бир марталик нафақа пулини расмийлаштириш рад этилиши белгиланган.

Бу нафақа пулини олиш учун боланинг отаси ёки онаси шахсини тасдиқловчи ҳужжатларни кўрсатган ҳолда, бола туғилгандан бошлаб 1 ой муддат ичида бир марталик нафақа пулини олиш учун АТ «Халқ банки»нинг исталган филиалига мурожаат қилади.

✳️Агар сиз ёки боланинг онаси бу нафақани аввал олмаган ва бола туғилгандан бошлаб 1 ой муддат ичида мурожаат қилган бўлсангиз бу нафақа сизга берилади. Агар туғилган бола иккинчи  фарзанд бўлса, боланинг онаси «Ижтимоий ҳимоя ягона реестри» ахборот тизимига киритилган оиланинг аъзоси бўлиши керак.Кейинги (учинчи,тўртинчи,....)фарзандлар учун  бундай нафақа берилмайди!

Каналга уланиш👇
👉@advokatqosimov👈

Фуқаролик судларидаги нотенглик.

Ўша эски гап. Ишга тиклаш ишларида қонунлар ҳуқуқни муҳофаза қилиш органлари учун бошқача, фуқаролик ташкилотлари учун бошқача ишлаяпти. Меҳнат қонунчилигига кўра (эски МК 270-модда, янги МК 560-модда), ишга тиклаш бўйича даъво муддати меҳнат шартномасини бекор қилиш ҳақидаги буйруқ ходимга берилганидан кейин ўтиши керак.

Судларда бу қоида оддий ташкилотлардан бўшаган ходим учун тўғри ишлайди. Бироқ, агар ходим ҳуқуқни муҳофаза қилиш органидан бўшатилган бўлса, судлар тўнини тескари кийиб оладилар. Улар учун буйруқ нусхаси берилмаган бўлса ҳам, “ҳа, ўша вақтда бўшаганини билганми, демак, даъво муддати” ўтган деб унинг даъвосини рад қилади.

ФИБ Ўртачирчиқ туманлараро судининг 2023 йил 26 июлдаги ҳал қилув қарорига асосан судья З.Тураев гарчи ходим буйруқ билан таништирилган бўлса ҳам, аслида унга буйруқ нусхаси берилмаган деб, иш берувчининг даъво муддатини қўллаш ҳақидаги талабини рад қилган.

Тошкент вилояти суди ҳам 2023 йил 27 сентябрдаги ажримига асосан худди шу ҳулосани такрорлаб, иш берувчининг шикоятини рад қилган. Олий судда ҳам иш ходим фойдасига ҳал бўлган. Адолатли ва тўғри қарор.

Лекин, шу ходимнинг ўрнига органдан бўшаган ходим бўлганда, нима бўларди? Эҳҳе!

Хуллас, даъво муддатини қўллашда орган ходимлари ва оддий ташкилотлар борасида нотенглик авж олиб кетди.

👉@yuristkadr

ВКС орқали қатнашиш судга қатнашиш эмасми?

Ўтган хафта Андижон вилояти Избоскан туманида кўрилаётган бир жиноят иши юзасидан судда қатнашдик. Тошкентдан боришга улгурмаётганлигимиз сабабли олий суд томонидан яратиб берилган имкониятдан фойдаланиб видеоконференцалоқа орқали қатнашаётгандик.

Суд мажлиси пайтида сўзга чиққан гувоҳ кўрсатмалари бизга унчалик эшитилмади. Судьяга бу ҳақда билдиришимизга жавобан прокурор бизга қарата: шунинг учун келиш керак эдида шу ерга деб қолса.

Биз прокурор тартибга риоя қилмаганлиги учун расман огоҳлантириш бериш бўйича судга юзландик. Чунки ЖПК бўйича суд мажлиси кетаётганда прокурор ҳам суднинг рухсати билан гапириши керак. Бу масала майли энди...

Асосий масала прокурор келтирган эътирозга келсак, видеоконференцалоқа режимида қатнашиш бу ҳар қандай фуқаронинг ҳуқуқи. Суд агар ёпиқ бўлмаса бунга тўсқинлик йўқ қонунан.

ЖПК 19-модда
Судларда жиноят ишларини ошкора кўриш суднинг ташаббуси билан ёки жиноят процесси иштирокчиларининг илтимосномасига кўра аудио- ва видеоёзувдан фойдаланган ҳолда, шунингдек видеоконференцалоқа режимида ўтказилиши мумкин.

Худди шундай нормалар бошқа судларнинг ҳуқуқий асосларида ҳам келтирилган. ФПК 12-модда, ИПК 11-модда, МСИЮТК 13-модда, МЖТК 308-моддаларида видеоконференцалоқа режимида қатнашиш мумкинлиги белгиланган.

Шунинг учун бундай суд муҳокамаларига бевосита келишни (агар ўша маъмурий бирликда бўлмаса) ҳеч ким талаб қилишга ҳақли эмас. Бевосита қатнашиши шарт бўлган айрим ҳолатлардан ташқари.

👉@bahodirahmedoff👈

Тафтиш тайинлаш ва ўтказишда ЖПК талабларига риоя этилиши шарт!

Тафтиш тайинлаш ва ўтказиш тартиби ЖПК нинг 22-1-боби билан тартибга солинади. Шу сабабли тафтиш ўтказиш учун жалб этилган солиқчилар тафтиш ўтказиш жараёнида Солиқ кодекси талаблари билан бир қаторда ЖПК нинг 22-1-бобига ҳам риоя қилишлари керак.
Бироқ охирги пайтларда тафтишда иштирок этган солиқчилар бу қоидаларга риоя этиш тугул, ушбу нормалардан хабари ҳам йўқ бўлиб чиқмоқда. Бу эса тадбиркорлик субъектларини ноқонуний текширишга олиб келмоқда.

Масалан, бир ишимизда фирибгарлик бўйича қўзғатилган жиноят иши доирасида тафтиш тайинланган. Терговчининг тафтиш тайинлаш ҳақидаги қарорида солиқларнинг тўғри ҳисобланиши ва тўланиши, қайси давр текширилиши ҳақида умуман кўрсатилмаган. Бироқ тафтишга жалб этилган солиқчилар қарорда кўрсатилмаган бўлсада, солиқлар тўғри ҳисобланиши ва тўланиши бўйича текшириш ўтказишган.
Ваҳоланки, ЖПК нинг 187-2-моддасида тафтишни тайинлаш тўғрисидаги қарорда тафтиш ўтказиш чоғида ўрганиладиган масала ёки масалалар доираси, молия-хўжалик фаолиятининг тафтиш қилиниши лозим бўлган даври кўрсатилган бўлиши керак.
Тафтиш ўтказиш чоғида тафтишни тайинлаш тўғрисидаги қарорда ёки ажримда кўрсатилмаган масалани ёки масалалар доирасини, шунингдек молия-хўжалик фаолиятининг даврини ўрганиш тақиқланади.

📗Конституциямизнинг 29-моддаси 4-қисмига кўра қонунни бузган ҳолда олинган далиллардан одил судловни амалга ошириш чоғида фойдаланишга йўл қўйилмайди.

✳️ Олий суд Пленумининг 31.05.2013 йилдаги “Солиқлар ва йиғимларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида” 8-сонли қарорининг 16-бандида “Судлар солиқларни тўлашдан бўйин товлашга оид ҳар бир жиноят иши бўйича суриштирув ва дастлабки тергов органлари томонидан жиноят-процессуал қонунининг далиллар мақбуллигини тартибга солувчи нормаларига риоя этилганлигини синчковлик билан аниқлашлари шарт. Бунда шуни назарда тутиш лозимки, далилларни тўплаш учун белгиланган тартибни бузган ҳолда олинган ҳужжатлар ёки бошқа маълумотлар шахсни жиноий жавобгарликка тортиш учун асос бўла олмайди” деб тушунтириш берилган.

Қонун талаби шу, лекин амалда ҳамма нарса бу нормаларни судлар қўллаши ёки қўлламаслигига боғлиқ бўлиб қолмоқда.

Каналга уланиш👇
👉@advokatqosimov👈

Савол: Мен 2024 йил 5 мартдан 19 мартгача бир МЧЖ да раҳбар бўлиб ишлагандим. Ҳозир мени терговга чақириб шу даврда 2 миллиард сўмдан ортиқ оборот бўлгани, шу оборот бўйича солиқ ҳисоботлари топширилмасдан, 240 миллион сўм қўшилган қиймат солиғи тўланмаганлиги бўйича мени ЖК нинг 184-моддаси билан жавобгар қилишмоқчи. Ҳисобот топшириш раҳбарни вазифаси бўлмаса ҳам мен бунга жавоб беришим керакми?

Жавоб: Раҳбар ҳисобот ўз вақтида топширилмаганлиги ёки нотўғри топширилганлиги учун жавобгар бўлади. Бироқ юқоридаги ҳолатда сизни жавобгарликка тортиш қийин.

✅Чунки, Солиқ кодексининг 259-моддасига кўра ҚҚС бўйича солиқ даври бир ой ҳисобланади.

СК нинг 273-моддасига кўра солиқ тўловчилар, агар ушбу бобда бошқача қоида назарда тутилмаган бўлса, солиқ ҳисоботини ўзлари солиқ ҳисобида турган жойдаги солиқ органларига ўтган солиқ давридан кейинги ойнинг йигирманчи кунидан кечиктирилмаган муддатда тақдим этишлари шарт.

Ушбу Кодекснинг 272-моддасига мувофиқ ҳисоблаб чиқарилган солиқни тўлаш агар ушбу моддада бошқача қоида назарда тутилмаган бўлса, солиқ ҳисобида турилган жой бўйича ҳар бир солиқ даврининг якунларига кўра, солиқ ҳисоботи тақдим этишлари муддатидан кечиктирмай амалга оширилади.

❗️Яъни, 2024 йил март ойи ҚҚС ҳисоботи ой якунлангач, апрель ойининг 20 санасигача топширилиши ва тўланиши керак. 2024 йил март ойи учун ҚҚС ҳисоботи топширилиши ва тўланиши мажбурияти юзага келган даврда Сиз раҳбар бўлмагансиз. Аниқроқ айтганда сиз солиққа оид қонунчилик талабларини бузмагансиз.

✅Олий суд Пленумининг 31.05.2013 йилдаги “Солиқлар ва йиғимларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида” 8-сонли қарорининг 14-бандида "Солиқларни тўлашдан бўйин товлаш шахс томонидан солиққа оид қонунчиликнинг муайян нормаси талабларини бажармаслик билан боғлиқ. Шу туфайли, ЖК 184-моддасида назарда тутилган жиноятларга оид ишлар бўйича суриштирув, тергов органлари ва судларнинг эътибори шахсни жиноят ишида айбланувчи тариқасида иштирок этишга жалб қилиш тўғрисидаги қарорда, айблов далолатномасида, айблов хулосаси ва айблов ҳукмида айбланувчи ёки судланувчи томонидан солиққа оид қонунчиликнинг жиноят содир этилган вақтда амалда бўлган айнан қайси нормаси талаблари бузилганлиги кўрсатилиши шартлигига қаратилсин" деб белгиланган.

❗️Яъни, ЖК нинг 184-моддаси билан жавобгар бўлишингиз учун сиз солиққа оид қонунчиликнинг муайян нормаси талабларини бажармаслигингиз натижасида солиқ тўлашдан бўйин товлаш жинояти содир этилган бўлиши керак.

👉Шу сабабли юқоридаги ҳолатда (агар ишда бошқа ҳолатлар бўлмаса) сизни жавобгарлигингиз келиб чиқмайди.

Каналга уланиш👇
👉@advokatqosimov👈

Мана бу иш бўйича ЖИБ Олмалиқ шаҳар судида мени иштирокимсиз суд мажлиси ўтказилибди.

Мени ҳимоям остидаги шахсдан бошқа барча судланувчилар сўроқ қилинибди. Суд учун бу ҳолатда муаммо йўқдек, лекин судланувчилардан кимдир мени ҳимоям остидаги шахсга қарши кўрсатма берган бўлса, мен бундан бехабарман. Бу эса Конституциянинг 28-моддаси бузилганлигини, айбланувчига ўзини ҳимоя қилиш учун барча имкониятлар таъминланмаганлигини билдиради.

Судланувчининг ҳимоя ҳуқуқига риоя қилмаган суддан адолат кутиш мумкинми!? Асосий масала мана шунда.

Каналга уланиш👇
👉@advokatqosimov👈

Ҳимоя ҳуқуқи ҳурмат қилиниши керак

Конституциямизнинг 29-моддасига кўра ҳар кимга малакали юридик ёрдам олиш ҳуқуқи кафолатланади.

28-моддасига кўра айбланувчига ўзини ҳимоя қилиш учун барча имкониятлар таъминланади.

Бироқ айрим ҳолларда ушбу ҳимоя ҳуқуқи судлар томонидан таъминланмаётгандек.

Масалан, бугун эрталаб ЖИБ Олмалиқ шаҳар судидан судья ёрдамчиси телефон қилиб, бугунга суд мажлиси тайинланганлигини хабар қилди. Мендан икки кун аввал шу кунга белгиласак бўладими, деб сўрашганда бу кунга бошқа ишларим белгиланганлиги учун айнан шу кунга суд мажлиси тайинламасликни илтимос қилгандим. Лекин қарангки, айнан шу кунга суд мажлиси тайинланиб, “конвой” судланувчиларни олиб бориб ҳам қўйибди. Менга эса суд мажлиси бошланишидан бир неча соат олдин хабар беришяпди.

Мен бугун қатнаша олмаслигим аниқлигини қайтадан тушунтирдим ва у ҳолда бошқа судланувчиларни сўраб тураверамиз, деган жавобни олдим. Тасаввур қилинг, битта иш бўйича барча судланувчиларнинг эпизодлари бир хил. Бошқа судланувчиларни эшитмаган ҳимоячида иш ҳақида аниқ тасаввур пайдо бўлмайди. Бу билан Конституция 28-моддаси бузилади, яъни судланувчига ўзини ҳимоя қилиш учун барча имкониятлар таъминланмай қолади.

Ёки бошқа ҳолат. Жиноят иши бўйича тафтишчини ҳимоячилар сўроқ қиляпмиз, бу орада иш вақти тугаб суд мажлиси бошқа кунга қолдириляпди. Ҳимоячилар илтимос қиляпмиз, кейинги сафар тафтишчилар яна келишсин, саволларимиз тугамади, деб. Судья текширувчига “Тузган далолатномангиз тўғрилигини тасдиқлайсизми?” деб савол беряптида, ҳа деган жавобни олгандан кейин, “Ана акт тўғри тузилган деяпти, бўлдида”, деб тафтишчи кейинги суд мажлисига чақирилмаслигини маълум қиляпди.

Бу каби ҳолатлар тўғридан-тўғри шахснинг ҳимоя ҳуқуқи чекланаётганлигини билдиради ва энг ёмони бу ишлар, айрим ҳолларда, судларда амалга оширилмоқда.

Тўғри, судларда иш юкламасининг кўплиги, судланувчилар кўпчилик бўлган ишларда адвокатларни бир вақтга чақириш қийинлиги, қамоқдаги судланувчилар бўйича ишлар бевосита конвойларга боғлиқлиги жиноят ишларини ташкиллшатиришни қийнлаштиради. Лекин бу ҳолатлар судланувчининг ҳимоя ҳуқуқи бузилишига сабаб бўлмаслиги керак.

Каналга уланиш👇
👉@advokatqosimov👈

Савол: Фан олимпиадасининг республика босқичида иккинчи ўринни эгаллаганим учун 3 миллион сўм пўл мукофотини қўлга киритдим. Лекин менга мукофотни беришда даромад солиғи ушлаб қолинди.Айтингчи бу қонунийми?

📚 Ўзбекистон Республикаси Солиқ кодексининг 377-моддасига асосан бундай мукофотлар жисмоний шахслардан олинадиган даромад солиғининг солиқ солиш обекти хисобланади ва хозирги кунда бу каби даромадлардан 12% миқдорда даромад солиғи ундирилади.

‼️Лекин Ўзбекистон Республикаси Президентининг 30.09.2024 йилдаги ПҚ-346-сон қарорининг тўртинчи Г кичик бандига кўра 2025 йил 1 январдан асосий фан олимпиадаларининг ҳудудий ва республика босқичларида ҳамда халқаро олимпиадаларда ғолибликни қўлга киритган ўқувчилар, уларнинг ўқитувчилари ва терма жамоалар раҳбарларига тўланадиган пул мукофотлари ва бериладиган совғалар даромад солиғидан озод этилиши белгиланди.

📗Демак 2025 йил 1 январгача бундай даромадлардан даромад солиғи ундирилиши қонунчилигимизга мувофиқ хисобланади.

Каналга уланиш👇
👉@advokatqosimov👈

Судья айбдорми, ёки иш юкламаси?

Тан олиш керак-ки, маъмурий ҳуқуқбузарликка оид ишлар судларда шунақа палапартиш тарзда кўрилмоқда. Балки 2025 йил 1 январдан жорий этилиши кутилаётган "тергов судьяси" лавозими бунга чек қўйиб берар. Чунки агар бу лавозим жорий этилса, маъмурий ҳуқуқбузарликка оид ишларни кўриш ҳам жиноят ишлари бўйича судьяларнинг юкламасидан ечилиб, шу судьяларга ўтказилади ва уларнинг иш юкламалари яхшигина енгиллашади.

Қуйида келтирилаётган бир маъмурий ҳуқуқбузарликка оид ишда ҳам судьянинг совуққонлиги бир инсонга нисбатан қонунга хилоф равишда 15 сутка маъмурий қамоқ жазосига тайинланишига сабаб бўлган.

Яъни, 2024 йил 5 апрель куни жиноят ишлари бўйича Қизилтепа туман суди раиси Авезов Адиз Муродбековичнинг раислигида ўтказилган суд ишида фуқаро Лазиз Саттаров МЖтК нинг 188-2-моддаси ва бошқа моддалари билан айбли деб топилиб, узил-кесил ўташ учун 15 сутка маъмурий қамоқ жазоси тайинланибди.

Биз Лазиз Саттаров билан суҳбатлашганимизда билдиришича, ўша кунги суд мажлисида раислик этувчи суд мажлисини очиқ деб эълон қилиш босқичиданоқ процессуал тартибга унинг ўзи риоя қилмаган. Яъни, мажлисни очиқ деб эълон ҳам қилмасдан, на ўзини, ва на суд таркибини таништирган.

Энг қизиғи эса, унга фақатгина қўйилган айбларга муносабатини айтиш учунгина қисқа имкон бериб, шахсини тасдиқлатиб олишга қаратилган бирорта савол бермаган ва унинг ўзига ҳам ўзи ҳақида маълумот беришига имкон бермаган. Халқчил тилда айтганда, Л.Саттаровга оғиз очирмаган.

Бу ёғи қизиқ:
Л.Саттаров ҳақиқатда 2-гуруҳ ногирони экан ва амалдаги Маъмурий жавобгарлик тўғрисидаги кодекснинг 29-моддаси 2-хатбошига кўра, бундай тоифадаги шахсга нисбатан, у содир этган маъмурий ҳуқуқбузарликнинг сони ва туридан қатъий назар маъмурий қамоқ жазоси қўлланилиши мумкин эмас.

Судья Л.Саттаровнинг шахсига оид маълумотларни текширишда эътиборсизликка йўл қўйган, ёки, балки умуман текшириб ҳам кўрмагандир, деган гумонимиз ҳам йўқ эмас.

Айтганча, ўша суд қарори кейинчалик юқори инстанция суди томонидан бекор қилинган.

Суд қарорларини кейинчалик қонунга мувофиқлаштирилиши ўз йўлига, аммо инсон тақдирига бундай тарзда совуққон ёндашилишига, албатта тегишли муносабат билдирилиши шарт.

@Advokat_Abdullayev

Олий суд судьяси алоҳида хонага кирмасдан қарор қабул қилди

МЖтК нинг 324-37-моддаси “Ишни Ўзбекистон Республикаси Олий судининг Жиноят ишлари бўйича судлов ҳайъатида тафтиш тартибида кўриш тартиби” деб номланган. Шу модданинг 10-қисмида “Суд музокаралари тугаллангач, судья қарор қабул қилиш учун алоҳида хонага киради” деб белгиланган.

Бундан кўринадики, маъмурий ҳуқуқбузарликларга оид ишларни Олий судда тафтиш тартибида кўрилишида суд музокаралари тугагач, судья алоҳида хонага кириб ўша ерда қарор қабул қилиши керак.
Ушбу норма 2023 йил 25 декабрдаги ЎРҚ-884-сонли Қонун билан киритилган бўлиб, 2024 йил 1 январдан амалга киритилган.

Бугун, 15 октябрь куни Олий судда маъмурий ҳуқуқбузарлик бўйича тафтиш инстанциясида шикоятимиз кўриб чиқилди. Судья Асраров Азиз Аброрович суд музокаралари тугагач, қарор қабул қилиш учун алоҳида хонага кирмасдан ёки ўзи алохида хонада қолмасдан, бизни кўз олдимизда бир қарорга келиб ажримни ўқиб эшиттирди.

Мен унга бу ҳақда эътироз билдирганимда, “Маъмурийда бу нарса йўқ, кирилмайди” деган жавобни олдим. Мен бу ҳолат МЖтК га киритилган янги нормаларга зидлигини айтганим фойда бермади.

Яна бир тушунарсиз ҳолат маъмурий ҳуқуқбузарлик ишларида Олий суд тафтиш инстанциясида қарор қабул қилиниши керак, судья эса якуний суд ҳужжати сифатида ажрим ўқиб эшиттирди.

Агар кимдир бу ҳолатлар ёлғон деса, иш ВКА орқали кўрилган, бемалол видеофайлни олиб текшириб кўриши мумкин.

Бу ҳақда Судьялар Олий кенгашига ҳам шикоят киритяпмиз.

Энди ўйланиб ўтирибман, “судья қарор қабул қилиш учун алоҳида хонага киради” деган жумлани, алоҳида хонага кирмасдан тўғридан-тўғри қарор қабул қилиб ўқиб бераверади, деб тушуниш учун бу одам ким бўлиши керак!?

Агар Олий суд судьяси шу аҳволда бўлса, қолганлардан нимани кутиш мумкин!?

Агар судья тасодифан алоҳида хонага киришни эсдан чиқарганда тушуниш мумкин эди, лекин бу қоида Қонунда йўқ, деб айтгани судьянинг билими ҳаминқадар эканлигини англатмайдими!?

Энди Сенатда судьяларни Олий судга ўтказишдан аввал билимини баҳолаш учун аттестациядан ўтказиш талабини қўйиш керак, шекилли... Зора шунда Олий суд судьялари қилаётган ишларини тартибга соладиган норматив-ҳуқуқий ҳужжатларни ўқиб олишса...

Каналга уланиш👇
👉@advokatqosimov👈

⁉️Йўл ҳаракати қоидаларига киритилган мана бу ўзгартиришларда бир ҳолат эътиборимни тортди.

👉Йўналишли транспорт воситалари учун алоҳида ажратилган тасмаси бор йўлдан бошқа транспорт воситалари фақатгина ёндош ҳудудга кириш ва чиқиш мақсадидагина фойдаланиши мумкинлиги белгиланган.

❗️Йўл ҳаракати қоидаларининг 6-бандида “ёндош ҳудуд — бевосита йўлга туташган ва транспорт воситалари ўтиб кетиши учун мўлжалланмаган ҳудуд (ҳовлилар, маҳаллалар, турар жой даҳалари, транспорт воситаси тўхтаб туриш жойлари, ёнилғи қуйиш шохобчалари, корхона ва шунга ўхшашлар)” деб белгиланган.

❗️Эътибор беринг, қоидаларга киритилган ўзгартиришда бошқа транспорт воситалари ўнга бурилиб олиш учун автобусларга ажратилган йўлдан фойдаланиши мумкинлиги кўрсатилмаган. Агар ўнга бурилиб олиш учун автобусларга ажратилган йўл қисмига кирсангиз, қоидани бузган ҳисобланасиз.

✅Агар автобус ўз йўлидан келиб тўғрига юрса, бу ҳолат унинг чап тарафидаги йўл бўлагидан ўнга бурилмоқчи бўлган транспорт воситаларига қийинчилик туғдиради. Шунинг учун транспорт воситаларига ўнга бурилиб олиш учун ҳам автобус йўлидан фойдаланишга рухсат бериш мақсадга мувофиқ бўларди.

Каналга уланиш👇
👉@advokatqosimov👈

⚡️Автобусга йўл беринг!

ВМ нинг 10.10.2024 йилдаги 658-сонли қарори билан Йўл ҳаракати қоидаларига қуйидаги ўзгартиришлар киритилди:

❌Йўналишли транспорт воситалари учун алоҳида ажратилган тасмаси бор йўлдан бошқа транспорт воситалари ҳаракатланиши тақиқланади.

✅Бу тақиқ тезкор ва махсус хизматларнинг транспорт воситаларига тааллуқли эмас.

✅Бошқа транспорт воситалари бу йўлдан ёндош ҳудудга кириш ва чиқиш мақсадидагина, энг яқиндаги узуқ-узуқ чизиқли жойда кириб, энг яқиндаги узуқ-узуқ жойда чиқиб кетиши керак.

✅Бу йўлга киришда ва чиқишда йўналишли транспорт виситаси ҳаракатига тўсқинлик қилмаслиги, унга йўл бергандан кейин ёндош ҳудудга кириш-чиқишни амалга ошириш керак.

‼️МЖтК га айнан ушбу қоидани бузганлиги учун алоҳида жавобгарлик чораси киритилмади. Лекин юқоридаги қоидаларнинг бузилишини 128-моддадаги “йўл белгилари ёки йўлнинг қатнов қисмидаги чизиқлар билан белгилаб қўйилган талабларга риоя этмаслиги” билан малакалаш мумкин.

1️⃣Демак, янги киритилган қоидаларга риоя этмаслик БҲМ нинг ярми миқдорида жарима солишга сабаб бўлади.

2️⃣Ушбу ҳуқуқбузарлик маъмурий жазо қўлланилганидан кейин бир йил давомида такрор содир этилса, БҲМ нинг бир баравари миқдорида, худди шу ҳаракат учун икки марта маъмурий жазо қўлланилганидан кейин бир йил давомида такрор содир этилса, БҲМ нинг уч баравари миқдорида жарима солишга сабаб бўлади.

3️⃣Агар худди шу ҳуқуқбузарлик уч марта ва ундан ортиқ маъмурий жазо қўлланилганидан кейин бир йил давомида такроран содир этилса, БҲМнинг тўрт баравари миқдорида жарима солишга ёки транспорт воситасини бошқариш ҳуқуқидан олти ой муддатга маҳрум этишга сабаб бўлади.

Каналга уланиш👇
👉@advokatqosimov👈

Оздирувчи воситалар ва кето кофе билан муомалада эҳтиёт бўлинг

Яқинда бир танишим телефон қилиб, ёрдам сўраб қолди. Гап шундаки, уни қариндоши турли маҳсулотлар савдоси билан шуғулланиб келган. Унга вилоятлардан биридан алоқага чиқишиб, оздирувчи слим кето кофе маҳсулотидан катта партияда етказиб беришни сўрашган.

У Тошкентдаги улгуржи бозорлардан биридан шу маҳсулотни сотиб олиб, айтилган жойга етказиб, пулини олаётган пайтда орган ходимлари томонидан қўлга олинган. Сабаби ушбу маҳсулот таркибида сибутрамин ва унинг аналоглари мавжуд деб топилган.

Сибутрамин аслида тўйинганлик туйғусини кучайтирувчи психостимулятор ҳисобланиб, семиришни даволашда қўлланилади. Интернетдаги маълумотларга кўра унинг ножўя таъсирлари сабабли Европада 2010 йилда фойдаланиш тўхтатилган. Россияда 2008 йилда кучли таъсир қилувчи воситалар рўйхатига киритилган.

ВМ нинг 27.09.2019 йилдаги 818-сонли қарори билан тасдиқланган Кучли таъсир қилувчи моддалар рўйхатининг 60-қаторида “Сибутрамин, шунингдек, ўхшаш психоактив таъсирга эга бўлган унинг структуравий аналоглари” кўрсатилган. Ушбу модда ярим граммдан ортса кўп миқдор ҳисобланади.

Яъни, агар юқоридаги ҳолатда сотилган маҳсулот таркибидаги сибутрамин ёки аналоглари ярим граммдан ортса, бу ҳаракат ЖК нинг 251-1-моддаси 5-қисмига асосан етти йилдан ўн йилгача озодликдан маҳрум қилиш билан жазоланишга сабаб бўлиши мумкин.

Сибутраминнинг таъсири шунчалик кучлики, ВМ нинг 04.10.2024 йил кунги 632-сонли қарори билан бу модда алоҳида тоифадаги кучли таъсир қилувчи моддалар таркибига киритилди. Бу шуни англатадики, қарор 05.01.2025 йилда кучга киргандан кейин сотилаётган восита таркибидаги сибутрамин алоҳида ҳисобланмайди. Сибутрамин мавжуд бўлган барча дори шакллари, аралашмалар ва эритмалар, бунда дори шакли, аралашма ва эритмалар учун кўп миқдор кучли таъсир қилувчи модданинг кўп миқдори каби аниқланади, дори шакли, аралашмаси ва эритма учун энг кўп миқдори таъсир қилувчи модда ҳисоб-китоб қилинмасдан умумий миқдордан келиб чиққан ҳолда белгиланади.

Шунинг учун ўзингизга номаълум бўлган воситалар билан муомала қилишдан аввал таркибини текшириб, мана бу рўйхат билан солиштириб олинг. Агар таркибида шу моддаалардан бирортаси мавжуд бўлса, улар билан ноқонуний муомалада бўлишдан сақланинг.

Уни ҳамма жойда топиш мумкинлиги, ҳамма бемалол очиқ ойдин сотаётганлиги кейинчалик сизни аҳволингизни енгиллаштирмайди.

Каналга уланиш👇
👉@advokatqosimov👈

Бектош Хатамовнинг ёзишича, Profi University ҳуқуқшунослик йўналишига лицензия олиш учун ариза топширган. Биринчи аризага кўра вазирлик адлия вазирлигидан мутахассис хулосасини сўраган. Адлия вазирлиги эса на сана, на ташкилот номи, на хулоса берувчи мутахассисларнинг лавозими, илмий даражаси кўрсатилган, шунчаки бир вараққа берилган, тўртта одам қўл қўйган хулоса тақдим қилган.

Profi University кўрсатилган камчиликларни тўғрилаб, қайтадан ариза тақдим этган ва ҳозирда жавоб берилишини кутмоқда.

————————

Шахсий фикримча, хусусий ОТМ ларга ҳуқуқшунослик йўналишига лицензия бериш ҳуқуқшуносларни кўпайтиради, бу эса жамиятнинг ҳуқуқий онги ва маданиятини юксалтиришга хизмат қилади. Жамиятдаги муаммоларни бир неча баравар камайтиради.

Масалан, бир неча кун аввал телеграмда Бухорода бир қурилиш фирмаси тротуарни автомашиналар тураргоҳига айлантириб олгани, бу ҳақда ИИБ га шикоят қилган йигитга ИИБ ходимлари йўқ бўлиб кетиши мумкинлигини айтишганлиги ҳақида ўқиб қолдим.

Агар шу жойда ўша йигитни қонунчиликдан хабари бўлганда, ёки бирорта ҳуқуқшунос танишидан сўраб билганда, у айтаётган ҳолат МЖтК нинг 60-моддаси иккинчи ёки учинчи қисмига асосан жавобгарликка сабаб бўлиши, бу ҳуқуқбузарликни 266-1-модда бўйича кадастр агентлиги кўриб чиқиб жарима солиши мумкинлигини биларди ва участкавойларни бошини оғритиб ўтирмаган бўларди.
Агар ИИО ходимларини озгина ҳуқуқий маданияти бўлганда аризачини қўрқитиб ўтирмасдан кадастр агентлигига мурожаат қилиш ҳуқуқини тушунтириб қўя қолишарди.

Аслида бунга ўхшаш ҳолатлар жудаям кўп. Бу кичкинагина бир вазият.

Шу каби ҳолатлар юз бермаслиги учун ҳам жамиятда ҳуқуқшунослар кўп бўлиши керак. Ички ишлар органлари тизимида ҳуқуқшуносларнинг кўпайиши эса икки карра фойдалироқ.

Конституциямизнинг 1-моддасида “Ўзбекистон — бошқарувнинг республика шаклига эга бўлган суверен, демократик, ҳуқуқий, ижтимоий ва дунёвий давлат” эканлиги белгиланган. Ҳуқуқий демократик давлатда эса жамиятнинг ҳуқуқий онги ва маданияти юқори бўлиши шарт.

Қисқаси, хусусий ОТМ ларга ҳуқуқшунослик йўналиши бўйича лицензия берилиши келажакда Ўзбекистонда ҳуқуқшунослар кўпайишига, жамият ва давлат органларида ҳуқуқий маданият юксалишига ва охир оқибат кўплаб муаммолар ўз-ўзидан бартараф бўлишига бевосита ўз таъсирини кўрсатади.

Шу сабабли Profi University ва бошқа ОТМ ларига ҳуқуқшунослик йўналиши бўйича лицензия берилишини қўллаб-қувватлайман.

Бу сифатга таъсир қилади, дейишингиз мумкин, лекин бир кун келиб очиқ бозор ва рақобат ҳаммасини ўз ўрнига қўяди.

Каналга уланиш👇
👉@advokatqosimov👈

ЙПХ ходимини видеога олиш мумкинми?

Савол: Мени ГАИ ходими тўхтатган пайтда телефонимда видеога олмоқчи бўлгандим, у менга орган ходимини видеога олиш мумкинмас, деб видеога олишга рухсат бермади. Шу тўғрими?

Жавоб: Вазирлар Маҳкамасининг 2018 йил 1 декабрдаги 975-сонли қарори билан тасдиқланган Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисидаги низомнинг 18-бандига кўра йўл ҳаракати қатнашчилари ЙПХ ходими билан ўзаро муносабатини ўзига тегишли аудио, фото ва видео қурилмага қайд қилиш ҳуқуқига эга.

Фақатгина ЙПХ ходими томонидан фото ва видео тасвирга олиш тақиқланган белги мавжуд ҳудудларда хизмат олиб борилаётган ҳолатлар бундан мустасно.

Каналга уланиш👇
👉@advokatqosimov👈