Беларускі фонд спартыўнай салідарнасці / BSSF @zozhteam Channel on Telegram

Беларускі фонд спартыўнай салідарнасці / BSSF

11 Feb, 08:47

🥊 Беларускі баксёр Дзмітрый Асанаў увайшоў у топ-15 сусветнага рэйтынгу WBC

Гэта значны крок наперад для беларуса, які перайшоў у прафесійны бокс пасля Алімпійскіх гульняў у Токіа-2020. Там ён заняў 14-е месца ў лёгкай вазе (да 61,2 кг).

Згодна з інфармацыяй на wbcboxing.com, Асанаў у рэйтынгу пазначаны як грамадзянін Канады/ААЭ. Пры гэтым ён сапраўды пражывае ў Дубаі і ўказваецца ў баях як прадстаўнік гэтага горада. Гэта можа быць звязана як з асабістымі абставінамі баксёра, так і з магчымасцямі для развіцця кар’еры ў міжнародным прафесійным боксе.

105

Беларускі фонд спартыўнай салідарнасці / BSSF

10 Feb, 12:59

🏒 ПІТСБУРГ ПАДПІСАЎ БЕЛАРУСКАГА ХАКЕІСТА УЛАДЗІСЛАВА КАЛЯЧОНКА 🏒

«Пітсбург Пінгвінз» зрабілі чарговы крок у абнаўленні складу, падпісаўшы 23-гадовага абаронцу Уладзіслава Калячонка, якога выставіў на драфт адмоў «Хакейны клуб Юта».

Калячонaк правёў 23 матчы ў гэтым сезоне, запісаўшы на свой рахунак два галы і тры асісты, і цяпер атрымлівае новы шанец у «Пінгвінах», якія актыўна ўключаюць маладых гульцоў у склад.

Чытайце падрабязней па спасылцы на афіцыйным сайце БССФ:

🔗 https://bssf.eu/pitsburg-padpisau-kalyachonka/

112

Беларускі фонд спартыўнай салідарнасці / BSSF

08 Feb, 13:55

⛷ ТАЯМНІЦА ДАР’І ДОМРАЧАВАЙ ⛷

✏️ Пісаць пра зорку такога маштабу цяжка, яе ўсе ведаюць, усе захапляюцца. Як гаворыцца, “усё сказана і перасказана”. Нешта новае распавесці складана, пры тым адказнасць вельмі высокая, бо Дар’я – спартыўны гонар беларускай нацыі. Напэўна няма ў нашай краіне аніводнага чалавека, які б не чуў пра Домрачаву.

✏️ Дар’ю Домрачаву любяць мільёны людзей і не толькі ў Беларусі, а ва ўсім свеце. Медалі, перамогі, шчаслівае зорнае каханне… Заходнія медыя называлі Дашу “каралевай біятлону” і “беларускай ракетай”. Абыйсці такую чэмпіёнку ў нашым аглядзе было немагчыма.

На афіцыйным сайце Беларускага фонда спартыўнай салідарнасці выйшаў новы аўтарскі матэрыял ад блогера Васіля Додзіка.

На гэты раз гераіня агляду — біятланістка Дар’я Домрачава. Чытайце пра яе спартыўны і жыццёвы шлях па спасылцы:

🔗 https://bssf.eu/blog/tayamnica-daryi/

144

Беларускі фонд спартыўнай салідарнасці / BSSF

06 Feb, 09:33

❗️ЗАБАРОНА ТРАМПА НА ТРАНСГЕНДАРНЫХ СПАРТСМЕНАЎ ❗️

Прэзідэнт Дональд Трамп падпісаў выканаўчы загад, які забараняе трансгендарным жанчынам удзельнічаць у жаночым спорце.

Дакумент пад назвай «Трымаем мужчын далей ад жаночага спорту» патрабуе выканання праз Title IX і аказвае ціск на арганізацыі, такія як NCAA і Алімпійскі камітэт. Школам, якія не падпарадкуюцца, пагражае страта федэральнага фінансавання.

Адміністрацыя сцвярджае, што гэтае рашэнне прынята дзеля справядлівасці, бо захаванне жаночага спорту азначае допуск толькі цысгендарных жанчын.

Трамп даручыў дзяржсакратару Марка Рубіё прасоўваць гэтую пазіцыю на міжнародным узроўні, уключаючы ААН. Таксама будуць перагледжаныя візавыя правілы: транс-жанчыны, якія ўдзельнічаюць у жаночым спорце, могуць разглядацца як выпадкі махлярства.

138

Беларускі фонд спартыўнай салідарнасці / BSSF

05 Feb, 10:20

🏒 КАЛЯЧОНАК У НХЛ: БЕЗ ГУЛЬНЯЎ, АЛЕ З ХАРАКТАРАМ 🏒

Апошнія гады, калі гаворка ідзе пра беларускіх хакеістаў у НХЛ, найперш згадваюцца Ягор Шаранговіч з “Калгары” і Аляксей Протас з “Вашынгтона”. Асабліва вылучаецца апошні: ён стаў другім бамбардзірам сваёй каманды, якая лідзіруе ў лізе. Але ў НХЛ фактычна засталося толькі два беларускія гульцы – Шаранговіч і Протас, бо Каласаў быў адпраўлены ў АХЛ, а Калячонак пакуль не замацаваўся на элітным узроўні.

На афіцыйным сайце БФСС выйшаў новы аўтарскі матэрыял ад блогера Валянціна Гольштэйна пра абаронцу Уладзіслава Калячонка.

У артыкуле:

🔸Пераход у “Юту” і няпросты пачатак сезона

🔸Спад у гульнявым часе і ракавая памылка

🔸Бюракратычная праблема: чаму Калячонак не гуляе нават у АХЛ

🔸Працавітасць, якая ўражвае

Чытайце па спасылцы:

🔗 https://bssf.eu/blog/kalyachonak-u-nhl-bez-gulnyau-ale-z-haraktaram/

160

Беларускі фонд спартыўнай салідарнасці / BSSF

04 Feb, 12:38

🏒 IIHF працягнула адхіленне Беларусі і Расеі ад міжнародных спаборніцтваў

Зборныя Беларусі і Расеі не возьмуць удзел у Чэмпіянаце свету-2026.

Дадзенае рашэнне было прынята ў рамках паседжання рады IIHF у Лазане.

Беларускім клубам забаронена прымаць удзел у Лізе чэмпіёнаў і Кантынентальным кубку. Пытанне допуску зборнай Беларусі на сезон-2026/27 будзе разгледжана ў маі 2026 года.

Акрамя таго ІІХФ апавясціла расейскі бок, што ён таксама прапусціць будучы Чэмпіянат свету 2025 года. Ресая ўжо заявіла, што будзе аспрэчваць гэтае рашэнне.

У расейцаў захоўваюцца тэарэтычныя шанцы на ўдзел у Моладзевым чэмпіянаце свету і зімовых Алімпійскіх гульнях - канчаткова гэта вызначыцца на кангрэсе ў траўні і на паседжанні рады IIHF у кастрычніку.

158

Беларускі фонд спартыўнай салідарнасці / BSSF

03 Feb, 12:35

❗️ МАК прызнаў вынікі выбараў Генеральнай асамблеі НАК Беларусі ❗️

Пра гэта паведамляе тэлеграм-канал НАК Беларусі.

Па выніках пасяджэння Выканкама Міжнароднага алімпійскага камітэта прынята наступнае рашэнне:

🔸Вынікі выбараў Генеральнай Асамблеі НАК Беларусі, якая прайшла 15 студзеня 2025 года, поўнасцю прызнаюцца.

🔸МAК дае НАК Беларусі доступ да ўсіх праграм па лініі Алімпійскай салідарнасці.

🔸На Генеральнай Асамблеі НАК Беларусі Прэзідэнтам арганізацыі пераабраны Віктар Лукашэнка, віцэ-прэзідэнтам — Дзмітрый Даўгалёнак.

🔸У склад новага Выканкама ўвайшлі прадстаўнікі спартыўнай грамадскасці ад летніх і зімовых відаў спорту як індывідуальных, так і камандных, члены камісіі спартсменаў. Сярод адзінаццаці выбраных членаў — тры алімпійскія чэмпіёны і два прызёры Гульняў.

🔸У цэлым адзначаецца станоўчая дынаміка ўзаемадзеяння і нармалізацыя адносін паміж НАК Беларусі і МAК.

🔸НАК Беларусі прадоўжыць працу з МAК і міжнароднымі федэрацыямі па пытанні больш хуткага вяртання беларускіх спартсменаў да міжнародных спаборніцтваў.

Што думаеце наконт рашэння МАК? Пішыце ў каментарах ⬇️

181

Беларускі фонд спартыўнай салідарнасці / BSSF

03 Feb, 10:32

🏒 ВЯЛІКАЕ РАШЭННЕ IIHF: ХАКЕЙ ЦІ ПАЛІТЫКА? 🏒

3-4 лютага 2025 IIHF прыме рашэнне аб вяртанні Беларусі і Расеі ў міжнародны хакей.

Беларусь і Расея не ўдзельнічаюць у міжнародных хакейных спаборніцтвах па палітычных прычынах. Чэмпіянат свету 2021 года быў перанесены з Беларусі пасля фальсіфікацыі выбараў і гвалту ў дачыненні да мірных пратэстоўцаў. А ў 2022 годзе, паколькі беларускія ўлады дазволілі выкарыстоўваць тэрыторыю Беларусі Расеі для ўварвання ва Украіну, хакейная зборная краіны была забанена IIHF.

Тым часам Расея таксама сутыкнулася з выключэннем пасля яе поўнамаштабнага ўварвання ва Украіну ў 2022 годзе. У лютым 2025 года Міжнародная федэрацыя хакея (IIHF) збярэцца, каб вырашыць, ці могуць гэтыя нацыянальныя каманды вярнуцца на сусветную арэну. У выпадку ухвалення Расея можа прыняць удзел у зімовых Алімпійскіх гульнях 2026 года. Рашэнне будзе мець значныя спартыўныя і палітычныя наступствы для абедзвюх краін.

На афіцыйным сайце БФСС выйшаў новы матэрыял пра магчымыя вынікі рашэння IIHF і наступствы.

Чытайце па спасылцы:

🔗 https://bssf.eu/blog/vyalikae-rashenne-iihf-hakej-czi-palityka/

223

Беларускі фонд спартыўнай салідарнасці / BSSF

31 Jan, 14:10

👟 Марыя Жодзік паказала найлепшы вынік сусветнага сезона ў скачках у вышыню.

Беларуска Марыя Жодзік, якая выступае за Польшчу, заняла першае месца на спаборніцтвах па лёгкай атлетыцы ў Гожуве-Велькапольскім.

🥇 Яе вынік – планка на 198 см. Гэта найлепшы вынік сусветнага сезона і асабісты рэкорд спартсменкі. Таксама Марыя выканала мінімальныя патрабаванні для кваліфікацыі на Чэмпіянат свету ў памяшканні ў Нанкіні і Чэмпіянат Еўропы ў Апелдорне.

Віншуем Марыю з выбітным дасягненнем і жадаем поспехаў! 🎉

178

Беларускі фонд спартыўнай салідарнасці / BSSF

31 Jan, 12:16

🏀 ЯГОР МЕШЧАРАКОЎ – ЗОРКА БАСКЕТБОЛУ І БЕЛАРУСКІ РЫЦАР 🏀

Беларускі мужчынскі баскетбол сёння знаходзіцца не ў лепшым становішчы. Але былі і іншыя часы.

Легендарны РТІ, Канстанцін Шэрэвера, Аляксандр Сатыраў, Іван Едэшка, Анатоль Якубенка, Анатоль Парфіяновіч, Аляксандр Пустагвар…

Была цудоўная перамога маладзёвай зборнай Беларусі на чэмпіянаце Еўропы! Калі яшчэ будзе такі наступны поспех у нашых камандных відах спорту?!

Адным з аўтараў той перамогі быў Ягор Мешчаракоў.

Менавіта яму быў прысвечаны наступны матэрыял пра зорак беларускага спорту пад аўтарствам блогера Васіля Додзіка.

Пераходзьце на сайт БФСС па спасылцы, каб прачытать пра жыццё, кар'еру і дасягенні Ягора Мешчаракова:

🔗 https://bssf.eu/blog/yagor-meshcharakou-zorka-basketbolu/

232

Беларускі фонд спартыўнай салідарнасці / BSSF

30 Jan, 18:35

⚽️ БЕЛАРУСЬ-ІТАЛІЯ: КВАЛІФІКАЦЫЯ НА ЕЎРА-2026 ⚽️

Зборная Беларусі па міні-футболе сёння правядзе стартавы паядынак кваліфікацыі да чэмпіянату Еўропы, які пройдзе ў 2026 годзе.

Каманда Аляксандра Чэрніка ў стартавай гульні другой кваліфікацыйнай групы згуляюць у сіцылійскай Катаніі ў комплексе “Palacatania” з адным з фаварытаў турніру зборнай Італіі.

Сёння, 30 студзеня, у 22:00 па мінскім часе ў Катанні прагучыць стартавы свісток у матчы. Сустрэчу разважаць арбітры з Чэхіі Анджэй Чэрны, Ян Крыжа і Філіп Неснера. У шасці папярэдніх сустрэчах італьянцы нязменна перамагалі беларусаў. Агульная розніца мячоў – 8:22.

Падрабязней чытайце па спасылцы:

🔗 https://bssf.eu/belarus-italiya-kvalifikaczyya-na-eura-2026/

194

Беларускі фонд спартыўнай салідарнасці / BSSF

30 Jan, 08:44

На борце самалёта, які ўпаў у Вашынгтоне, знаходзіліся фігурысты.

Сёння ноччу каля аэрапорта імя Рональда Рэйгана ў Вашынгтоне адбылася авіякатастрофа: пасажырскі самалёт сутыкнуўся з ваенным верталётам і ўпаў у раку.

На борце было 64 чалавекі, у тым ліку экіпаж.

Таксама там знаходзіліся расейскія чэмпіёны свету па фігурным катанні ў парах Яўгенія Шышкова і Вадзім Навумаў.

На борце самалёта таксама мог знаходзіцца 23-гадовы сын Шышкавай і Навумава Максім. Ён таксама фігурыст і ўдзельнічаў у чэмпіянаце ЗША, з якога вярталіся спартсмены.

Паведамляецца, што ўсяго было не менш за 14 фігурыстаў, не лічачы трэнераў.

Зараз паведамляецца пра тое, што знайшлі 19 цел.

Паводле інфармацыі ўладаў ЗША, тых, хто выжыў, няма.

190

Беларускі фонд спартыўнай салідарнасці / BSSF

29 Jan, 12:39

🏒 Шаранговіч зноў у справе: як беларус пераадолеў крызіс і вярнуўся ў барацьбу

Яшчэ нядаўна здавалася, што гэты сезон для нападніка «Калгары Флэймз» Ягора Шаранговіча будзе правальным. Нестабільная пазіцыя ў складзе, затрымкі з наборам ачкоў і рэкордная безгалявая серыя – усё гэта прывяло да размоў пра магчымае перавядзенне ў запас ці нават абмен. Але пасля Новога года беларус нібы перарадзіўся: за 11 матчаў 2025-га ён ужо набраў 8 пунктаў, і яго ўпэўненасць на лёдзе толькі расце.

На афіцыйным сайце БФСС выйшаў новы матэрыял пра Ягора Шаранговіча.

У артыкуле:

📌 Ягор Шаранговіч вяртае сваю гульню: што змянілася?

📌 Як Шаранговіч пераадолеў спад?

📌 Як ён выглядае ў параўнанні з Протасам?

📌 Ці паўторыць ён свой лепшы сезон?

Чытайце па спасылцы:

🔗 https://bssf.eu/sharangovich-znou-u-sprave/

194

Беларускі фонд спартыўнай салідарнасці / BSSF

28 Jan, 14:56

⚽️ ШКУРЫН ЕДЗЕ Ў КАРЭЮ? ⚽️

Беларускі форвард Ілля Шкурын патрапіў у сферу інтарэсаў «Сеула» і «Улсана» з чэмпіянату Паўднёвай Карэі, як паведамляе goal.pl.

Нагадаем, кантракт Іллі Шкурына са «Сталлю» (Мелец, Польшча) дзейнічае да 30 чэрвеня 2026 года. У бягучым сезоне за клуб ён правёў 18 матчаў ва ўсіх турнірах, у якіх вызначыўся пяццю забітымі мячамі, асістам і два разы атрымаў папярэджанне.

«Улсан» з’яўляецца дзейным чэмпіёнам Паўднёвай Карэі. «Сеул» у мінулым сезоне фінішаваў на пятым месцы. Чэмпіянат Паўднёвай Карэі стартуе ў лютым.

186

Беларускі фонд спартыўнай салідарнасці / BSSF

24 Jan, 16:08

♟️ФІДЭ дапусціла беларускія юнацкія каманды да турніраў у нейтральным статусе

Віцэ-прэзідэнт ФІДЭ Вішванатан Ананд пракаментаваў гэтае рашэнне наступным чынам:

🗣

Гэтае рашэнне адлюстроўвае імкненне ФІДЭ спалучаць інклюзіўнасць з адказнасцю. Мы старанна абмеркавалі гэта, пракансультаваліся з МАК, атрымалі іх дакладныя ўказанні і падтрымку і пераканаліся, што наш падыход адпавядае як гуманітарным меркаванням, так і прынцыпам міжнароднага спорту.

250

Беларускі фонд спартыўнай салідарнасці / BSSF

24 Jan, 13:19

⚡️Вольга Мазуронак — лёгкаатлетка-гераіня

Вольга Мазуронак – гэта яшчэ адна гераіня нашых матэрыялаў, у прамым і пераносным сэнсе.

Як бы далей не склаўся яе лёс, беларусы на Бацькаўшчыне будуць памятаць яе перамогі ды тое золата ў Берліне, калі дзеўчына бегла ў часе крывацёку з носу, на мяжы страты прытомнасці. Сапраўды золата, здабытае і потым, і крывёю… Сусьвет не мог не ўзнагародзіць цудоўную спартсменку перамогай! Далей былі іншыя старты і перамогі.

Чытайце аўтарскі матэрыял ад блогера Васіля Додзіка пра чэмпіёнку Еўропы-2018 і ўдзельніцу двух Алімпійскіх гульняў Вольгу Мазуронак па спасылцы на афіцыйным сайце БФСС:

🔗https://bssf.eu/blog/volga-mazuronak/

216

Беларускі фонд спартыўнай салідарнасці / BSSF

23 Jan, 15:13

⚽️ Галкіпер зборнай Беларусі і мінскага «Дынама» Фёдар Лапавухаў стаў гульцом Сафійскага ЦСКА

Гэта першы трансфер клуба ў зімовым трансферным акне. Іншыя падрабязнасці пакуль не раскрываюцца. ЦСКА Сафія на гэты момант знаходзіцца на 8-м месцы ў балгарскім чэмпіянаце.

Гэты трансфер з’яўляецца чарговым напамінам пра катастрафічную сітуацыю ў беларускім спорце. Атлеты вымушаны шукаць магчымасці за мяжой, бо дома няма ўмоў для развіцця. Прафесійны спорт у Беларусі кіруецца няправільнымі людзьмі, і кожны таленавіты гулец сутыкаецца з перашкодамі замест падтрымкі. Гэта выклікае адток талентаў і дэстабілізуе спартыўную супольнасць краіны.

Каманда БССФ зычыць Фёдару далейшых поспехаў у развiццi кар’еры!

Чытайце падрабязней:

🔗 https://bssf.eu/najlepshy-gulecz-chempiyanatu-belarusi-perajshou-u-balgarski-klub/

185

Беларускі фонд спартыўнай салідарнасці / BSSF

23 Jan, 14:59

🏒 АЛЯКСЕЙ КОЛАСАЎ: ПЕРСПЕКТЫВЫ І КАНКУРЭНЦЫЯ Ў НХЛ

Беларускі брамнік Аляксей Коласаў працягвае барацьбу за месца ў складзе «Філадэльфіі Флайерс», але яго вынікі сведчаць пра неабходнасць дадатковага развіцця.

У гэтым сезоне НХЛ Коласаў згуляў у 15 матчах, пачаўшы 11 з іх. Ён заваяваў 4 перамогі, пацярпеў 8 паражэнняў і 1 паражэнне ў авертайме, з каэфіцыентам надзейнасці 3,45 і 87% адбітых кідкоў.

На афіцыйным сайце БФСС выйшаў новы матэрыял пра беларускага хакеіста.

Чытайце ўсе падрабязнасці па спасылцы:

🔗 https://bssf.eu/alyaksej-kolasau-perspektyvy/

171

Беларускі фонд спартыўнай салідарнасці / BSSF

22 Jan, 13:18

🤺 Брус Дыкінсан, вакаліст Iron Maiden, узяў удзел у турніры Circuit Européen 2025 па фехтаванні ў Фаш-Тюмеснілі.

Ён заняў уражлівае 13-месца сярод 31 удзельніка ў катэгорыі ветэранаў.

Фехтаванне – гэта захапленне, якое суправаджае Дыкінсана ўсё жыццё. У 1980-х ён трэніраваўся разам з алімпійскай зборнай Вялікабрытаніі.

Чытайце падрабязней па спасылцы:

🔗 https://bssf.eu/brus-dykinsan-zdziulyae-13-e-mescza-u-fehtavanni/

164

Беларускі фонд спартыўнай салідарнасці / BSSF

22 Jan, 09:37

🏒 IIHF будзе разглядаць пытанне наконт вяртання зборных Беларусі і РФ на сезон 2025/26.

Савет Міжнароднай федэрацыі хакея з 3 па 4 лютага разгледзіць пытанне допуску зборнай РФ да ўдзелу ў Алімпійскіх гульнях-2026 у Італіі.

Расійская зборная ў выпадку допуску згуляе ў групе "С" супраць каманд ЗША, Славакіі і Латвіі. Беларуская каманда на Алімпіядк не трапіць, бо з-за адхілення прапусціла кваліфікацыйны турнір.

Алімпійскія гульні 2026 года пройдуць з 6 па 22 лютага ў Італіі.

Гульцы НХЛ прымуць удзел у хакейным турніры ўпершыню з 2014 года.

178

Беларускі фонд спартыўнай салідарнасці / BSSF

21 Jan, 14:14

❗️Экс-хакеіста моладзевай зборнай Беларусі будуць судзіць за ўдзел у пратэстах

31 студзеня 2025 года у судзе Кастрычніцкага раёна Гродна будуць судзіць 30-гадовага Алега Буяка. Разам з ім — Настассю Буяк, Юрыя Храмовіча і Яўгена Барэля.

Усім ім інкрымінуецца ўдзел у пратэстах (ч.1 арт. 342 Крымінальнага кодэксу). Магчымае пакаранне — ад арышту да 4 гадоў калоніі.

Суддзя — Уладзімір Пазняк.

🏒 Экс-хакеіст Алег Буяк гуляў у 2010-я за бабруйскі «Дынама-Шыннік», гродзенскі «Нёман», жлобінскі «Металург» і «Ліду». А таксама выступаў за зборную Беларусі 18-гадовых і 20-гадовых, удзельнічаў у чэмпіянаце свету. Скончыў сваю спартыўную кар’еру ў 2017 годзе.

222

Беларускі фонд спартыўнай салідарнасці / BSSF

20 Jan, 09:45

🤾 Сяргей Рутэнка — чэмпіён, беларус з сям’і ўкраінцаў, бізнэсмэн і чыноўнік

💬 З людзьмі трэба размаўляць… (С. Рутэнка)

🔴 Пасля драматычных часоў процістаяння ў грамадстве, паціху вяртаецца здаровы глузд і ўсё больш бярэ верх адэкватнасць, гатоўнасць размаўляць паміж сабой людзей розных палітычных перакананняў. Сярод беларусаў трэнд рэвалюцыі сыйшоў амаль на нуль, людзі шукаюць новыя падыходы, каб наладжваць сваё жыццё ды жыццё краіны. Тым не менш, палітычныя рэпрэсіі пакуль нікуды не зніклі.

На афіцыйным сайце БФСС выйшаў цікавы аўтарскі матэрыял ад блогера Васіля Додзіка пра Сяргея Рутэнка.

Чытайце пра яго лёс, кар’еру, дасягненні і палітычныя перакананні па спасылцы:

🔗 https://bssf.eu/blog/syargej-rutenka-chempiyon-i-chynounik/

181

Беларускі фонд спартыўнай салідарнасці / BSSF

17 Jan, 16:46

🏃🏻 Бостанскі прабег сяброўства імя Касцюшкі

Запрашаем вас 2 лютага а 9-й раніцы на Бостанскі прабег сяброўства імя Касцюшкі, каб ушанаваць жыццё і спадчыну Тадэвуша Касцюшкі — сімвала свабоды і маста паміж народамі.

Гэты нефармальны прабег (каля 5 км) пачнецца каля помніка Касцюшку ў бостанскім Публічным садзе.

Падзея падыходзіць для ўсіх — бегуноў, сем’яў, аматараў гісторыі і тых, хто жадае проста падтрымаць удзельнікаў.

Чаго чакаць:

🎖 Рэвалюцыйны дух: Ушануйце героя, чыя спадчына натхняе барацьбу за свабоду.

🌳 Маляўнічы маршрут: Асалода ад зімовай прыгажосці Публічнага саду Бостана і набярэжнай Чарльза.

🎉 Дух супольнасці: Цёплая атмасфера для ўдзельнікаў усіх узростаў і здольнасцяў.

☕️ Сумесныя моманты: Сняданак і зносіны з аднадумцамі.

Азнаёміцца падрабязней можна па спасылцы:

🔗 https://bssf.eu/bostanski-prabeg-syabroustva-imya-kasczyushki/

277

Беларускі фонд спартыўнай салідарнасці / BSSF

17 Jan, 08:44

⚽️ Мінскае “Дынама”: гульцы сыходзяць, клуб шукае выхад

Мінскае «Дынама» сутыкнулася з маштабнымі кадравымі пераменамі: больш за 10 гульцоў пакінулі каманду, сярод іх – ключавыя фігуры, такія як Паліцевіч і Сялява.

Адзінаму Сяляве прапаноўвалі новы кантракт, але ўмовы не задаволілі паўабаронцу, які перайшоў у «Тарпеда-БелАЗ». Іншыя гульцы сышлі без нават спробаў перамоваў.

Клуб актыўна шукае новых гульцоў, у тым ліку за мяжой, з асаблівай увагай да бразільцаў. Унутры Беларусі таксама працягваюцца падпісанні: сярод новых гульцоў – Калачоў з «Іслачы» і Варданян з «Віцебска».

“Трыбуна” апублікавала цікавы матэрыял наконт падзей у клубе.

Прачытаць пераклад артыкула на беларускую і знайсці спасылку на арыгінал можна на нашым афіцыйным сайце:

🔗 https://bssf.eu/minskae-dynama-shukae-vyhad/

170

Беларускі фонд спартыўнай салідарнасці / BSSF

15 Jan, 15:42

🏐 Артур Удрыс: псіхааналіз, мары і жыццё

Выбітны беларускі валейбаліст Артур Удрыс вядомы і як спартовец, і як сумленны чалавек, які адкрыта выступіў супраць гвалту і фальсіфікацыі выбараў у 2020 годзе.

Ён далучыўся да мірных пратэстаў на вуліцах Мінска і ў выніку быў вымушаны бегчы з Беларусі пасля пераследу. Выданне «Салiдарнасць» узяла ў Артура цікавае інтэрв’ю.

Мы пераклалі матэрыял на беларускую мову. З ім вы можаце азнаёміцца па спасылцы (а таксама знайсці лінк на арыгінал публікацыі):

🔗 https://bssf.eu/artur-udrys-psihaanaliz-mary-i-zhyczczyo/

211

Беларускі фонд спартыўнай салідарнасці / BSSF

15 Jan, 13:08

❗️У Мінску прайшлі выбары на пасаду кіраўніка НАК Беларусі

За Віктара Лукашэнку на пасаду кіраўніка НАК Беларусі прагаласавала 94%.

Сёння ў Мінску адбылася справаздачна-выбарная Генеральная Асамблея «НАК».

Кандыдатуру Лукашэнкі падтрымалі 82 члены, двое – прагаласавалі супраць, трое – устрымаліся.

🏅Перад галасаваннем таксама ўручылі беларускім спартоўцам і трэнерам ўзнагароды. Іх атрымалі Іван Літвіновіч, Віялетта Бардзілоўская, Яўген Залаты, Яўген Ціханцоў, а таксама Вольга Уласава, Віталь Белы і Валерый Сізенок.

Акрамя таго, Дзмітрый Баскаў перастаў быць чальцом выканкама НАК.

Нагадаем, што МАК не прызнаваў Лукашэнку як кіраўніка НАК Беларусі.

202

Беларускі фонд спартыўнай салідарнасці / BSSF

14 Jan, 14:46

🤾Сёння стартуе Чэмпіянат свету па гандболе сярод мужчын.

Чэмпіянат пройдзе адначасова ў трох краінах: Даніі, Нарвегіі і Харватыі, а ўдзел возьмуць 32 зборныя.

Першымі на пляцоўку ў дацкім Херынгу выйдуць зборныя Італіі і Туніса, а пераможцы трох папярэдніх чэмпіянатаў свету датчане сустрэнуцца з алжырцамі.

⚡️ Беларускамоўны падкаст “Сведкі левай рукі Гідсэля”, пра які мы ўжо неаднаразова распавядалі, парадаваў у гэты дзень новым выпускам, прысвечаным Чэмпіянату.

Там вядучыя паразважалі пра патэнцыйных лідэраў, аўтсайдэраў і тых, хто можа здзівіць.

Слухайце на любой зручнай пляцоўцы:

🔗 https://gidselschurch.taplink.ws/

54

Беларускі фонд спартыўнай салідарнасці / BSSF

13 Jan, 15:22

🏒 БЕЛАРУСКІЯ ХАКЕІСТЫ Ў ПАЎНОЧНАЙ АМЭРЫЦЫ: ХТО ГАРАЧЫ, А ХТО НЕ

Сезон адпачынкаў скончыўся, але сезон НХЛ 2024/25 у самым разгары, і карціна плэй-оф з кожным днём становіцца больш зразумелай.

🥅 У НХЛ паказнікі беларускіх гульцоў вельмі неадназначныя.

На афіцыйным сайце БФСС выйшаў новы падрабязны матэрыял, у якім разабралі беларусаў не толькі ў НХЛ, але і ў ОХЛ і АХЛ.

Чытайце пра Аляксея і Іллю Протасаў, Аляксея Коласа, Ягора Шаранговіча, Уладзіслава Калячонка і іншых па спасылцы:

🔗 https://bssf.eu/blog/belaruskiya-hakeisty-hto-garachy/

125

Беларускі фонд спартыўнай салідарнасці / BSSF

09 Jan, 09:20

🏀 Алена Леўчанка — зорка сусветнага баскетболу і ўдзельніца пратэстаў.

💭 Калі мы гаворым пра нашых спартоўцаў ды палітыкаў, прыходзіцца вяртацца да іх пазіцыі ў часе пратэстаў. 20-ы год нанес глыбокія раны беларускай нацыі, і каб лячыць гэтыя раны варта ставіць правільны дыягназ. Цяпер можна ўжо больш спакойна разабраццца ў пазіцыі ды матывах людзей з абодвух бакоў барыкадаў, як “невероятных” так і праўладавых. У кожным выпадку свая гісторыя, але і свая боль, свая пазіцыя.

На афіцыйным сайце БФСС выйшаў аўтарскі матэрыял ад блогера Васіля Додзіка пра беларускую баскетбалістку Алену Леўчанка.

Чытайце пра яе шлях, кар’еру, пратэсты і іншае па спасылцы:

🔗 https://bssf.eu/blog/alena-leuchanka-zorka-susvetnaga-basketbolu-i-udzelnicza-pratestau/

239

Беларускі фонд спартыўнай салідарнасці / BSSF

08 Jan, 10:11

🏟️ Віцэ-прэзідэнт НАК Беларусі Дзмітрый Даўгалёнак пракаментаваў допуск беларусаў да кваліфікацыі на Алімпійскія гульні ў нейтральным статусе:

🗣

Пакуль, вядома, што канькабежны саюз больш за месяц таму пацвердзіў, што нас дапусцяць і знойдуць механізм, як нам адабрацца на Алімпійскія гульні. Але з лыжнай федэрацыяй усё вельмі цяжка. Але мы спрабуем нешта зрабіць, каб хаця б фрыстайлістаў дапусцілі.

🗣Мы б хацелі, каб Еўрапейскі алімпійскі камітэт дапусціў моладзь на Еўрапейскі юнацкі Алімпійскі фестываль. Тым больш, што зімовы фестываль будзе праходзіць у Грузіі. Краіна нескладаная для нас у адносінах да санкцый. Хацелася б вывесці туды нашу моладзь, каб яны адчулі гэты Алімпійскі дух. За апошнія некалькі гадоў яны ўдзельнічаюць толькі ў РФ.

🗣Вялікі дзякуй ім за гэтую магчымасць. Але там ужо ўсе адно аднаго ведаюць. Ім трэба нешта новенькае. Таму выдатна, што сёлета пачалі дапускаць на многія юнацкія спаборніцтвы.

🗣Хочацца верыць, што 2025-ы год прынясе яшчэ больш станоўчых момантаў і, нарэшце, зменіць гэтае няправільнае стаўленне да Рэспублікі Беларусь.

Нагадаем, што Міжнародны саюз канькабежцаў дазволіў беларусам і расейцам удзельнічаць у кваліфікацыі на АГ у нейтральным статусе. Яны будуць павінны адпавядаць крытэрыям, якія ўвядзе МАК.

169

Беларускі фонд спартыўнай салідарнасці / BSSF

06 Jan, 12:40

❓ Які ўплыў можа аказаць на спорт вяртанне Трампа? ❓

Як паказвае рэпартаж BBC, палітыка і спорт пераплецены. І з непазбежным вяртаннем Дональда Трампа ў Белы дом гэтая сувязь гарантавана стане яшчэ мацнейшай.

На афіцыйным сайце БФСС мы апублікавалі пераклад выдатнага спартыўнага артыкула BBC, азнаёміцца з якім можна па спасылцы:

🔗 https://bssf.eu/blog/yaki-uplyu-na-sport-mozha-akazacz-vyartanne-trampa/

У артыкуле:

🔸 Ці паўплываюць іміграцыйныя правілы на футбол?

🔸 Жаночы спорт і інклюзія

🔸 Якія праблемы з правамі чалавека?

🔸 Ці будзе амерыканскі спорт зноў палітызаваны?

Чытайце па спасылцы 👆

147

Беларускі фонд спартыўнай салідарнасці / BSSF

06 Jan, 11:33

⛔️ Тры гады спартыўных санкцый: вынікі і высновы

Спартыўныя санкцыі аказаліся адным з самых балючых фактараў уздзеяння на беларускія ўлады. Гучыць парадаксальна, але гэта факт.

Выканаўчы дырэктар Беларускага фонда спартыўнай салідарнасці Аляксандр Апейкін падзяліўся сваім меркаваннем наконт уплыву санкцый у спорце:

💬

Як выявілася, абмежаванні на выступ беларускіх спартоўцаў амаль праз тры гады пасля ўвядзення ператварыліся ў сапраўдную катастрофу. Калі пачытаць інтэрв’ю многіх беларускіх трэнераў і спартоўцаў, то становіцца зразумела, што пытанне нумар адзін зараз – гэта вяртанне на міжнародную арэну.

Прачытаць матэрыял цалкам можна па спасылцы ў раздзеле “Блогі” на афіцыйным сайце БФСС:

🔗 https://bssf.eu/blog/try-gady-spartyunyh-sankczyj-u-belarusi-vyniki-i-vysnovy/

130

Беларускі фонд спартыўнай салідарнасці / BSSF

03 Jan, 10:29

⚽️ Галоўны трэнер «Тарпеда-БелАЗ» Дзмітрый Молаш пракаментаваў заключэнне аднагадовых кантрактаў з футбалістамі ў чэмпіянаце Беларусі:

🗣Тут, вядома, фінансавы момант грае вялікую ролю. Мы не можам прапанаваць дастаткова добрыя ўмовы. Кожны футбаліст марыць з'ехаць і палепшыць фінансавае становішча. Змяняюцца ліміты, змяняюцца ўмовы.

🗣Клуб доўга не можа працаваць, таму што не разумее, што будзе праз год: якія фінансавыя правілы памяняюць. Гэта не вельмі добра, таму што я лічу, што на маладых футбалістах клубы павінны зарабляць.

Крыніца: БФФ

172

Беларускі фонд спартыўнай салідарнасці / BSSF

31 Dec, 15:26

З Новым 2025 годам! 🎉⚽🏀🏐

Няхай свет спорту натхняе нас у гэтым годзе: камандны дух, настойлівасць і радасць ад дасягнення мэтаў будуць нашымі спадарожнікамі.

Хай 2025 год стане годам перамог — як на спартыўных пляцоўках, так і па-за імі.

Зычым моцнага старту, смелых рашэнняў і светлых момантаў, якія запомняцца надоўга.

Няхай гэты год стане для нас усіх найлепшым сезонам!

206

Беларускі фонд спартыўнай салідарнасці / BSSF

30 Dec, 15:53

⚡️Еўрапейскі алімпійскі камітэт дапусціў беларусаў да ўдзелу ў Еўрапейскіх юнацкіх алімпійскіх фестывалях 2025 года

Адзначаецца, што фінальнае рашэнне застаецца за міжнароднымі федэрацыямі.

Зімовы турнір пройдзе з 9 па 16 лютага ў Бакурыяні (Грузія), летні - з 20 па 26 ліпеня ў Скоп'е (Паўночная Македонія).

❗️Беларускія спартоўцы змогуць прыняць удзел у Еўрапейскіх юнацкіх алімпійскіх фестывалях у нейтральным статусе пры ўмове станоўчага рашэння федэрацый па відах спорту.

✍️ У прэс-рэлізе ЕАК сцвярджаецца, што арганізацыя ўсведамляе важнасць устаранення бар'ераў для таго, каб спорт служыў аб'яднаўчай сілай, і не лічыць, што спартсменам трэба забараняць удзельнічаць у спаборніцтвах выключна на падставе таго, які ў іх пашпарт.

У Еўрапейскіх юнацкіх алімпійскіх фестывалях удзельнічаюць спартсмены ад 14 да 18 гадоў.

243

Беларускі фонд спартыўнай салідарнасці / BSSF

30 Dec, 15:13

🎄🤾 Калядны выпуск беларускамоўнага падкаста пра гандбол ужо ў доступе!

“Сведкі левай рукі Гідсэля” — гэта падкаст на беларускай мове пра галоўныя падзеі ў еўрапейскім і сусветным гандболе ад экс-журналістаў Івана Сапегі і Ірыны Целяпнёвай.

🎙️ У новым выпуску аўтары паспрачаліся з Філіпам Йіхай, падтрымалі Сандэра Сагасэна, прызналі памылковасць уласных прагнозаў, прарэкламавалі новую гандбольную аўтабіяграфію і абмеркавалі шмат іншых пытанняў.

Слухайце на вашай любімай платформе па спасылцы:

🔗 https://gidselschurch.taplink.ws/

159

Беларускі фонд спартыўнай салідарнасці / BSSF

27 Dec, 13:50

♟️ Беларускі шахматыст Дзяніс Лазавік перамог Магнуса Карлсэна на чэмпіянаце свету па рапідзе ♟️

Беларусу Дзянісу Лазавіку ўсяго 18 гадоў. Нарвежац, у сваю чаргу, з’яўляецца дзеючым пераможцам турніру.

Вось што напісала пра іх паядынак нарвежскае выданне Nettavisen Sport:

🗣Усяго некалькі тыдняў таму Магнус разграміў беларускага юнака ў аналагічным фармаце на Champions Chess Tour. Але тут Лазавік здзівіў Карлсэна, разыграўшы небяспечны дэбют. Карлсэн прыняў выклік і таксама пайшоў на рызыку, але ўсё пайшло не па яго сцэнарыю. У выніку партыю выйграў Лазавік.

СМІ назвала гэта катастрофай. Іншыя падрабязнасці пра турнір і, у прыватнасці, інфармацыя пра становішча шахматыстаў у табліцы.

Беларускі фонд спартыўнай салідарнасці шчыра віншуе Дзяніса з яго неверагоднай перамогай і жадае яму поспехаў у будучыні.

230

Беларускі фонд спартыўнай салідарнасці / BSSF

26 Dec, 16:35

⚡️Сяргей Алейнікаў стаў новым спартыўным дырэктарам ПФК "Лакаматыў" (Плоўдзіў, Балгарыя).

Тэрмін яго кантракту — 2 гады.

Сяргей Алейнікаў паходзіць з Мінску. Як футбаліст Сяргей Яўгенавіч станавіўся віцэ-чэмпіёнам Еўропы ў складзе СССР у 1988 годзе, удзельнічаў у двух чэмпіянатах свету ў 1986 і 1990 гадах. Уладальнік Кубка УЕФА і Кубка Італіі ў складзе "Ювентуса". Чэмпіён СССР у складзе «Дынама» (Мінск).

У 2003 годзе быў абраны гульцом 50-годдзя ў Беларусі, за што атрымаў юбілейную ўзнагароду УЕФА. Ён таксама мае званне заслужанага майстра спорту СССР. Футбаліст года ў Беларусі 1984, 1986 і 1988 гадоў.

Сяргей Яўгенавіч шмат гадоў працаваў у FIFA інструктарам, а таксама амбасадарам гульні ў розных яе кірунках і сектарах.

Зычым нашаму славутаму земляку поспехаў у «Лакаматыве»!

❗️У пачатку новага каляндарнага года будзе арганізавана спецыяльная прэс-канферэнцыя, на якой будуць афіцыйна прадстаўлены Душан Косіч і Сяргей Алейнікаў.

184

Беларускі фонд спартыўнай салідарнасці / BSSF

25 Dec, 11:13

Шаноўныя сябры!

Ад усяго сэрца віншуем вас з Калядамі і надыходзячым Новым годам!

Няхай гэты святочны час напоўніць вашыя дамы цяплом і радасцю, падорыць веру ў лепшае і натхненне на новыя дасягненні. Мы жадаем вам моцнага здароўя, стойкасці і смеласці, каб усе вашыя мары і планы ажыццявіліся.

2024 год стаў для ўсіх нас годам выпрабаванняў, але і годам салідарнасці, адзінства і надзеі. Дзякуем за вашу падтрымку і вернасць ідэалам свабоды і справядлівасці.

Няхай у Новым годзе спорт застаецца сімвалам сілы духу, свабоды і незалежнасці. Мы верым, што разам зможам дасягнуць новых перамог і пабудаваць будучыню, якой будзем ганарыцца.

З Калядамі і Новым годам!

З павагай,
Беларускі фонд спартыўнай салідарнасці

185

Беларускі фонд спартыўнай салідарнасці / BSSF

23 Dec, 15:02

⚽️ ВЫНІКІ ФУТБОЛЬНАГА ГОДУ ⚽️

На жаль, апошнія матчы ў еўрапейскіх клубных спаборніцтвах, а менавіта гульні “Дынама” (Мінск) не “падсаладзілі пілюлю”. Хоць беларускі клуб і абыграў гаротны “Ларн” (Паўночная Ірландыя) 2:0, у Грэцыі беларускую каманду ізноў напаткаў разгром – 0:4 ад “Панацінаікаса”.

На афіцыйным сайце Беларускага фонда спартыўнай салідарнасці выйшаў новы аўтарскі матэрыял пра завяршаючы футбольны сезон ад блогера Васіля Додзіка.

💬 Застаюцца пытанні да Міністэрства спорту, якое дзеля кан’ектуры прыняло некалькі вельмі дурных і разбуральных рашэнняў. Напрыклад, як забарона гуляць у беларускім футболе гульцам, якія падтрымалі вядомыя пратэсты. Пытанне не толькі ў тым, што шэраг цудоўных хлопцаў выкінулі з сістэмы нацыянальнага футбола, але праз гэта адбыўся псіхалагічны ўдар па заўзятарах, камандах. Такая брыдкая нізасць…

Чытайце падрабязней пра мінскае “Дынама”, Мінспорту, БФФ і беларускі футбол цалкам па спасылцы:

🔗 https://bssf.eu/blog/zavyarshayuchy-futbolny-sezon/

203

Беларускі фонд спартыўнай салідарнасці / BSSF

23 Dec, 10:52

📣 Канферэнцыя Play the Game 2025 адбудзецца ў Фінляндыі!

4-я канферэнцыя Play the Game пройдзе ў горадзе Тамперэ з 5 па 8 кастрычніка 2025 года.

Сандра Бергквіст, міністарка па справах моладзі, спорту і фізічнай актыўнасці Фінляндыі, запрасіла далучыцца да канферэнцыі ўсіх зацікаўленных:

💬 Для ўстойлівай і паспяховай спартовай палітыкі этыка і сумленнасць становяцца яшчэ больш значнымі асновамі ў будучыні. Я з радасцю запрашаю ўсіх на канферэнцыю Play the Game, каб абмеркаваць гэтыя важныя пытанні, якія прадстаўляюць агульны інтарэс.

З нядзелі 5 па сераду 8 кастрычніка Play the Game 2025 збярэ каля 400 прадстаўнікоў СМІ, спартыўных чыноўнікаў, спартсменаў, спартыўных актывістаў, дзяржаўных чыноўнікаў і многіх іншых зацікаўленых бакоў у адкрытым, неабмежаваным і заснаваным на фактах дыялогу.

Play the Game 2025 зноў стане платформай для абмеркавання важных тэм, такіх як:

💥 Барацьба з допінгам
💥 Дагаворныя матчы і незаконныя стаўкі
💥 Кіраванне і карупцыя
💥 Правы чалавека ў спорце
💥 Устойлівасць буйных мерапрыемстваў
💥 Крытычная роля спартыўнай журналістыкі

Нагадаем, што ў 2022 годзе Беларускі фонд спартыўнай салідарнасці атрымаў гран-пры канферэнцыі Play the Game як найлепшая ініцыятыва.

Даведацца падрабязней можна па спасылцы ◀️

177

Беларускі фонд спартыўнай салідарнасці / BSSF

20 Dec, 11:44

⚡️Міжнародны саюз канькабежцаў дапусціў беларусаў да алімпійскай кваліфікацыі

Міжнародны саюз канькабежцаў (ISU) прыняў рашэнне аб допуску беларускіх і расійскіх спартсменаў да ўдзелу ў алімпійскай кваліфікацыі ў нейтральным статусе.

Адзначаецца, што ISU прапанавалі пераняць вопыт МАК адносна выступлення беларускіх і расійскіх атлетаў у нейтральным статусе і дапусціць атлетаў абедзвюх краін да ўдзелу ў адборачных стартах на Гульні-2026 у Італіі.

З 1 па 28 лютага 2025 Беларускі саюз канькабежцаў можа прадставіць па аднаму спартсмену з мужчын і жанчын у канькабежным спорце, шорт-трэку і ў фігурным катанні, у тым ліку па аднаму дуэту ў парным катанні і танцах на лёдзе.

Крыніца: ISU

239

Беларускі фонд спартыўнай салідарнасці / BSSF

16 Dec, 08:21

ЗІМОВЫЯ АЛІМПІЙСКІЯ ГУЛЬНІ-2026: ШАНЦЫ БЕЛАРУСАЎ НА ЎДЗЕЛ

Зімовыя Алімпійскія гульні-2026 адбудуцца ўжо амаль праз год, з 6 па 22 лютага ў італьянскіх гарадах Мілан і Картарына-д’Ампецца. Але для беларускіх спартсменаў удзел у гэтым мерапрыемстве застаецца пад вялікім пытаннем з-за санкцый, якія працягваюцца з боку міжнародных спартыўных федэрацый.

Сітуацыя з допускам беларускіх спартсменаў да міжнародных спаборніцтваў у зімовых відах спорту застаецца складанай. Пасля пачатку расейскага ўварвання ва Украіну з тэрыторыі Беларусі ў лютым 2022 года большасць міжнародных федэрацый захоўвае забарону на ўдзел беларусаў, нават пад нейтральным сцягам. Вось што адбываецца на дадзены момант:

1️⃣ Міжнародная федэрацыя лыжнага спорту і сноўборда (FIS) і Міжнародны саюз канькабежцаў (ISU) пакінулі ў сіле поўную забарону на ўдзел беларускіх і расійскіх спартсменаў. Магчымасць выступлення пад нейтральным сцягам пакуль нават не разглядаецца.

2️⃣ Міжнародная федэрацыя біятлона (IBU) пацвердзіла адхіленне беларусаў ад усіх спаборніцтваў, уключаючы Кубак свету. Гэта рашэнне датычыцца і нейтральнага статусу.

3⃣ Міжнародная федэрацыя хакея (IIHF) працягнула адхіленне зборных Беларусі і Расіі ад удзелу ў міжнародных спаборніцтвах на сезон 2024/2025. Гэтае рашэнне было прынята на пасяджэнні савета IIHF 12 лютага 2024 года. Фінальны раўнд кваліфікацыі на Алімпійскія гульні-2026 ужо адбыўся ў жніўні 2024 года. Такім чынам, зборную Беларусі на зімовай алімпіядзе мы дакладна не пабачым.

4⃣ Адзіная федэрацыя, якая зрабіла крок насустрач, — гэта Міжнародная федэрацыя лыжнага альпінізму (ISMF). У сезоне 2024/2025 беларускім і расійскім спартсменам дазволілі ўдзел у спаборніцтвах, але толькі ў нейтральным статусе.

Што гэта значыць для беларускага спорту?

На дадзены момант шанцы на поўнавартаснае вяртанне беларускіх атлетаў у сусветныя спаборніцтвы вельмі малыя. Асноўныя міжнародныя федэрацыі прытрымліваюцца строгіх рашэнняў, і пакуль змены іх палітыкі не прадбачыцца. Але да Алімпійскіх гульняў-2026 час яшчэ ёсць, і многае будзе залежаць ад геапалітычных падзей у свеце. Міжнародны алімпійскі камітэт яшчэ можа перагледзіць крытэрыі допуску бліжэй да пачатку Гульняў.

252

Беларускі фонд спартыўнай салідарнасці / BSSF

13 Dec, 15:55

🤔 Хто такая Надзея Астапчук і чаму яна мае такі ўплыў?

Распвядаем пра беларскую чэмпіёнку і адну з самых неардынарных фігур сучаснага беларускага спорту!

На афіцыйным сайце БФСС выйшаў новы аўтарскі матэрыял пра беларускую лёгкаатлетку і актывістку Надзею Астапчук.

Надзея – былая лёгкаатлетка, адна з сусветных лідэраў у штурханні ядра, Заслужаны майстар спорту Рэспублікі Беларусь. Беларусы дагэтуль узгадваюць як горка здарылася з Надзеяй на Алімпіядзе 2012, калі раптам знайшлі ў яе аналізах забароненыя прэпараты, і была зламаная спартыўная кар’ера чэмпіёнкі. На наступны дзень пасля перамогі абвесцілі, што залаты медаль і званне чэмпіёнкі ў Астапчук забіраюць.

Чытайце падрабязней пра жыццё зоркі на сайце па спасылцы:

🔗 https://bssf.eu/blog/hto-takaya-nadzeya-astapchuk/

241

Беларускі фонд спартыўнай салідарнасці / BSSF

13 Dec, 13:36

Дар’я Далідовіч стартавала на Кубку свету па біятлоне ў складзе каманды ўцекачоў з Беларусі

19-гадовая біятланістка выступіла на юніёрскім Кубку свету пад пазнакай Belarus Refugee Team (каманда ўцекачоў з Беларусі) і без нацыянальнага сцяга. У індывідуальнай гонцы Дар’я заняла 53-е месца з 115 удзельніц.

Дар’я — дачка легендарнага лыжніка Сяргея Далідовіча, які сяміразова прадстаўляў Беларусь на Алімпійскіх гульнях. У 2020 годзе ён падтрымаў пратэсты і выступіў за свабодныя выбары, а ў 2022 годзе разам з сям’ёй быў вымушаны эміграваць у Польшчу.

Нагадаем, што пасля пачатку вайны ва Украіне, якую падтрымала Беларусь, беларускіх і расійскіх спартсменаў адхілілі ад удзелу ў міжнародных спаборніцтвах, у тым ліку ў этапах Кубку свету.

219

Беларускі фонд спартыўнай салідарнасці / BSSF

13 Dec, 12:19

Беларусь згуляе ў кваліфікацыі на ЧС-2026 па футболе.

Наша зборная атрымала складаных сапернікаў у групе: каманда, якая прайграе ў пары Данія/Партугалія, а таксама зборныя Грэцыі і Шатландыі.

Дарэчы, FIFA у чарговы раз адзначылася «прафесіяналізмам»: на адной з графік з контурамі краін, якія не могуць сустрэцца на Чэмпіянаце свету, былі акрэслены межы Беларусі і Украіны без Крыма. Такія моманты, мякка кажучы, выклікаюць недаўменне... 🤦🏻‍♂️

Сам ЧС-2026 пройдзе ў ЗША, Канадзе і Мексіцы.

174

Беларускі фонд спартыўнай салідарнасці / BSSF

12 Dec, 12:56

Першая ракетка свету беларуска Арына Сабаленка была прызнана найлепшай тэнісісткай WTA за 2024 год, абвясціла асацыяцыя.

У рэзультатыўным сезоне 26-гадовая беларуска перамгла на Адкрытым чэмпіянаце Аўстраліі і ЗША. У студзені Сабаленка паспяхова абараніла тытул чэмпіёнкі Australian Open.

Чытайце болей па спасылцы 👇

https://bssf.eu/aryna-sabalenka-najlepshaya-tenisistka-2024/

196

Беларускі фонд спартыўнай салідарнасці / BSSF

12 Dec, 07:00

FIFA пацвердзіла, што Саудаўская Аравія прыме чэмпіянат свету па футболе сярод мужчын у 2034 годзе.

Турнір 2030 года адбудзецца ў Іспаніі, Партугаліі і Марока, з дадатковымі матчамі ў Уругваі, Аргенціне і Парагваі. Гэтае рашэнне, абвешчанае прэзідэнтам FIFA Джані Інфантына падчас віртуальнага пазачарговага кангрэса, выклікала шырокую крытыку працэсу выбару арганізацыйнага боку.

Чытаць болей па спасылцы:

https://bssf.eu/fifa-pad-agnyom-krytyki-za-saudauskuyu-araviyu-u-2034/

191

Беларускі фонд спартыўнай салідарнасці / BSSF

11 Dec, 13:04

Міністэрства спорту не ўключыла футбол у пералік прыярытэтных відаў спорту на 2025 год.

Нацыянальны футбол, адзіны від спорту, дзе беларускім спартсменам дазволена ўдзельнічаць у міжнародных спаборніцтвах з дзяржаўным сцягам і гімнам, зноў застаўся па-за ўвагай Міністэрства спорту і турызму.

Паводле апублікаванага спісу прыярытэтных відаў спорту на 2025 год, уключаны такія дысцыпліны, як баскетбол, біятлон, вольная і грэка-рымская барацьба, хакей з шайбай і інш. Аднак футбол у гэтым спісе адсутнічае.

Нагадаем, што яшчэ ў 2021 годзе футбол выключылі з пераліку «з прычыны адсутнасці ўстаноўленых крытэрамі вынікаў на працягу двух поўных алімпійскіх цыклаў».

💡 Ці зможа беларускі футбол аднавіць свае пазіцыі? Як вы думаеце, якія крокі патрэбныя для падтрымкі гэтага віду спорту? Далучайцеся да дыскусіі і выказвайце сваё меркаванне!

177

Беларускі фонд спартыўнай салідарнасці / BSSF

09 Dec, 16:07

❗️Найлепшага футбаліста Беларусі-2021 Андрэя Салаўя судзілі за пратэсты

Справу спартоўца разам з яго жонкай Аксанай разглядалі ў Мінску па частцы 1, артыкул 342 — паводле гэтага артыкулу у Беларусі пераследуюць за ўдзел у пратэстах.

Салавей са жніўня, калі аднавіўся пасля цяжкой траўмы, не прапускаў матчаў у чэмпіянаце Беларусі, гэта значыць да суда ён не знаходзіўся пад вартай. Акрамя таго, ён выходзіў на поле і пасля пасяджэння суда: у матчах з «Гомелем» 24 лістапада і жодзінскім «Тарпеда» 1 снежня.

Які прысуд вынеслі спартоўцы — пакуль невядома, справу разглядала суддзя Наталля Дзядкова 19 лістапада.

204

Беларускі фонд спартыўнай салідарнасці / BSSF

06 Dec, 14:38

❗️Лаўрэата прэміі «Беларускі спартыўны Алімп» Віктара Байкова судзяць за сэксуальны гвалт

У Гомелі 10 снежня пачынаецца разгляд крымінальнай справы па абвінавачванні ў распусных дзеяннях (арт.169 КК) і гвалтоўных дзеяннях сэксуальнага характару (арт. 167 КК).

Судзіць будуць вядомага гомельскага трэнера, заслужанага трэнера Беларусі і лаўрэата прэміі «Беларускі спартыўны Алімп» Віктара Байкова. Ён ужо 40 гадоў працуе ў Гомельскім дзяржаўным вучылішчы алімпійскага рэзерву. Сярод яго выхаванцаў ёсць прызёры Алімпійскіх гульняў.

Трэнера абвінавачваюць па частцы 2 абодвух артыкулаў. Згодна з фармулёўкамі ў Крымінальным кодэксе, гэта распусныя дзеянні ў дачыненні да асобы, што заведама не дасягнула 16-гадовага ўзросту, учыненыя з ужываннем гвалту або з пагрозай яго прымянення, альбо педагагічным работнікам або іншай асобай, на якога ўскладзены абавязкі па выхаванні непаўналетняга.

Справа будзе разглядацца ў закрытым рэжыме. Байкову пагражае ад 5 да 13 гадоў зняволення, калі яго віна ў судзе будзе даказана.

225

Беларускі фонд спартыўнай салідарнасці / BSSF

04 Dec, 11:37

▶️

Глядзіце жывы эфір з выканаўчым дырэктарам БФСС Аляксандрам Апейкіным

▶️

Сёння а 16:00 па мінскім часе (14:00 па Варшаве) Аляксандр Апейкін выступіць у эфіры Еўрарадыё.

Далучайцеся да стрыму на ютуб-канале Еўрарадыё па спасылцы:

🔗 https://www.youtube.com/watch?v=LzxIyKttAI8

343

Беларускі фонд спартыўнай салідарнасці / BSSF

03 Dec, 11:03

🙌🏻Глядзіце новы выпуск беларускамоўнага падкаста пра гандбол!

На гэты раз "Сведкі левай рукі Гідсэля" падрыхтавалі для вас выпуск, які ахапіў максімальную колькасць тэм і навінаў:

👉 бойку ў “Заграбе”,
👉 пераход Клемена Ферліна ў “Кельцэ”,
👉 як “Магдэбург” перамог “Барселону”,
👉 як “Спорцінг” і “Фюксэ” выйшлі з крызісу,
👉 ці апынецца Сандэр Сагасэн у “Плоцку”,
👉 “Айзенах” як узор стабільнасці,
👉 невялічкую адлігу ў “Гамбургу”,
👉 майстар-клас па дэмаралізацыі суперніка ад Небойшы Сіміча,
👉 топ-16 Eўрапейскай лігі,

👉 ...і нават будучыню “Гудме” 🇩🇰

Нагадаем, “Сведкі левай рукі Гідсэля” — гэта падкаст на беларускай мове пра галоўныя падзеі ў еўрапейскім і сусветным гандболе ад экс-журналістаў Івана Сапегі і Ірыны Целяпнёвай.

🔊 Знайсці новы выпуск можна на вашай любімай платформе! Прыемнага праслухоўвання!

🔗 https://gidselschurch.taplink.ws/

245

Беларускі фонд спартыўнай салідарнасці / BSSF

03 Dec, 08:23

⚽️ УЕФА аштрафаваў «Легію» за плакаты фанатаў падчас матчу з мінскім "Дынама"

За «размяшчэнне на трыбунах паведамленняў, якія не адпавядаюць характару спартыўнага мерапрыемства», «Легіі» трэба будзе выплаціць 17,5 тысячы еўра.

З плакатамі на матч прыйшлі і беларусы, і палякі. На трыбунах было шмат бел-чырвона-белых сцягоў.

Нагадаем, матч "Легіі" супраць мінскага "Дынама" прайшоў у Варшаве ў рамках Лігі канферэнцый. Гульня скончылася перамогай "Легіі" з лікам 4:0. Беларускае тэлебачанне не трансліравала матч.

187

Беларускі фонд спартыўнай салідарнасці / BSSF

02 Dec, 12:48

🙌🏻 Найлепшай лёгкаатлеткай свету 2024 года прызнана ўкраінка Яраслава Магучых

Пра тое, што алімпійская чэмпіёнка Яраслава Магучых з Украіны стала ўладальніцай сусветнага тытула — найлепшая лёгкаатлетка ў небегавых дысцыплінах, — паведаміла Міжнародная асацыяцыя лёгкаатлетычных федэрацый.

У фінале галасавання Яраслава Магучых апярэдзіла бельгійку Нафісату Тіам, якая стала алімпійскай чэмпіёнкай Гульняў-2024 у семібор'і.

Яраслава была намінаваная на прэмію World Athletics трэці год запар, але атрымала гэты прыз упершыню.

Нагадаем, раней яна была прызнана найлепшай еўрапейскай лёгкаатлеткай 2024 года.

Беларускі фонд спартыўнай салідарнасці віншуе Яраславу з новым тытулам і выдатным дасягненнем! ⚡️

115

Беларускі фонд спартыўнай салідарнасці / BSSF

02 Dec, 09:32

❗️Расійскі алігарх Алішэр Усманаў ізноў абраны прэзідэнтам Міжнароднай федэрацыі фехтавання (FIE)

Выбары прайшлі ў Ташкенце, Усманаў атрымаў 120 галасоў супраць свайго адзінага суперніка, прэзідэнта Шведскай федэрацыі фехтавання Ота Дракэнберга, які набраў толькі 26 галасоў.

За Усманава прагаласавалі федэрацыі фехтавання больш чым са 100 краін, у той час як Дракэнберг атрымаў падтрымку толькі Швецыі.

Нагадаем, што ў сакавіку 2023 года FIE дазволіла расійскім спартсменам удзельнічаць у спаборніцтвах пад нейтральным сцягам.

Чытайце падрабязней па спасылцы на афіцыйным сайце БФСС:

🔗 https://bssf.eu/usmanau-iznou-prezident/

134

Беларускі фонд спартыўнай салідарнасці / BSSF

29 Nov, 14:37

🏒 Аляксей Протас: выніковасць, Авечкін і беларусы

Беларускі форвард “Вашынгтона” Аляксей Протас расказаў пра свой асабісты рэкорд выніковасці, гульню з Аляксандрам Авечкіным і іншых беларусаў у НХЛ.

У сезоне 2024/25 Протас выступае на элітным узроўні, набіраючы амаль 1 ачко за гульню. У 22 матчах ён набраў 20 (8+12) ачкоў, усяго 6 хвілін штрафу і мае ашаламляльны рэйтынг карыснасці: +12.

У гутарцы з прэс-службай БФХ Аляксей расказaў пра свой асабісты рэкорд выніковасці, гульню з Авечкіным і адносіны з іншымі беларусамі ў НХЛ.

Чытайце размову на афіцыйным сайце БФСС па спасылцы:

🔗 https://bssf.eu/alyaksej-protas-vynikovascz-avechkin-i-belarusy-u-nhl/

146

Беларускі фонд спартыўнай салідарнасці / BSSF

29 Nov, 11:30

⚽️ «Дынама» прайграла чацверты матч у Лізе канферэнцый супраць «Капенгагена»

Учора, 28 лістапада, «Дынама» (Мінск) саступіла з лікам 1:2 «Капенгагену». Матч адбыўся ў азербайджанскім Сумгаіце.

«Дынама», якое ў панядзелак зноў стала чэмпіёнам Беларусі па футболе, прайграла ва ўсіх чатырох матчах асноўнага этапу: шатландскаму «Хартсу» (1:2), фінскаму ХІКу (0:1), польскай «Легіі» (0:4), а зараз і датскаму «Капенгагену».

У агульнай турнірнай табліцы «Дынама» займае перадапошняе 35-е месца.

Беларусам засталося правесці дзве гульні: з паўночнаірландскім «Ларнам» (12 снежня) і грэцкім «Панацінаікасам» (19 снежня).

📖 Раней мы публікавалі выдатны аўтарскі матэрыял пра стан беларускага футбола ў гэтым сезоне на нашым афіцыйным сайце. Прачытаць яго можна па спасылцы:

🔗 https://bssf.eu/blog/god-bez-peramog/

154

Беларускі фонд спартыўнай салідарнасці / BSSF

27 Nov, 17:28

📢 Год без перамог у беларускам футболе.

Яшчэ толькі пачынаецца зіма, а вось футбольны сезон у Беларусі сканчваецца. І хоць у зборнай Беларусі ды ў клубаў у еўрапейскіх кубках былі рэдкія перамогі, агулам удалым для беларускага футболу гэты год не назавеш. За выключэннем выдатных перамог па пляжнаму футболу, аднак жа гэта іншая гісторыя.

Цікава даведацца больш пра стан беларускага футболу ў гэтым сезоне? На афіцыйным сайце БФСС выйшаў новы аўтарскі матэрыял з аналізам вынікаў белфутбола ад блогера Васіля Додзіка.

Пераходзьце па спасылцы, каб прачытаць цалкам:

🔗 https://bssf.eu/blog/god-bez-peramog/

168

Беларускі фонд спартыўнай салідарнасці / BSSF

26 Nov, 14:43

⚽️ Матч "Дынама" (Мінск) супраць "Капенгагена" пройдзе ўжо ў чацвер.

28 лістапада мінскае «Дынама» правядзе чарговы матч агульнага этапу Лігі канферэнцый. Сапернікам стане «Капенгаген».

Сустрэча пройдзе на нейтральным полі ў Азербайджане.

Паведамляецца, што трансляцыя на тэрыторыі Беларусі будзе даступная на тэлеканале СТВ — такая інфармацыя прыводзіцца на афіцыйным сайце — у 20:40.

Нагадаем, што «Дынама» правяло ўжо 3 матчы ў асноўным этапе турніру і не набрала ніводнага бала. Зараз у «Капенгагена» 2 ачкі, а каманда займае 29-е месца з 36.

181

Беларускі фонд спартыўнай салідарнасці / BSSF

25 Nov, 12:38

❓ГАНДБОЛЬНЫЯ ЕЎРАКУБКІ — ЯК ГЭТА ПРАЦУЕ ❓

Гандбольныя еўракубкі – гэта не толькі барацьба за тытулы, але і складаная сістэма, якая вызначае, хто атрымае шанец гуляць на найвышэйшым узроўні. Як фарміруюцца рэйтынгі? Хто трапляе ў Лігу чэмпіёнаў, Еўралігу і Кубак ЕГФ?

🤾🏻 Гандбольны эксперт і блогер Іван Сапега дапамог разабрацца з асноўнымі правіламі і асаблівасцямі еўрапейскіх гандбольных турніраў.

Чытайце падрябязна пра Лігу Чэмпіёнаў, Еўралігу, Кубак ЕГФ і рэйтынгі і новым матэрыяле ў раздзеле "Блогі" на афіцыйным сайце БФСС:

🔗 https://bssf.eu/blog/gandbolnyya-eurakubki-yak-geta-praczue/

191

Беларускі фонд спартыўнай салідарнасці / BSSF

23 Nov, 08:59

✊🏻 Канстанцін Якаўлеў навясціў беларускага добраахвотніка ў шпіталі

Беларускі спартовец, былы галоўны трэнер гандбольнага клуба "Віцязь" Канстанцін Якаўлеў падтрымаў беларускага добраахвотніка Паўла Кулажэнка, які пасля ранення знаходзіцца ў шпіталі.

Гэтым Канстанцін падзяліўся ў сваім Інстаграм:

🗣 Памятайце, як там было: "Беларус беларусу беларус" 🙂

🗣 Наведаў Пашу, вельмі добра пагутарылі, паглядзеў на тую залп***, якую дасталі з яго нагі. Хутчэйшага табе здароўя

189

Беларускі фонд спартыўнай салідарнасці / BSSF

22 Nov, 18:14

♟ Беларускі гросмайстар Уладзіслаў Кавалёў кваліфікаваўся на Чэмпіянат свету па шахматах!

Мы рады падзяліцца цудоўнымі навінамі: гросмайстар Уладзіслаў Кавалеў дасягнуў неверагоднага выніку на Чэмпіянаце Еўропы ў Чарнагорыі!

✅ 7,5 ачкоў з 11
✅ 20-е месца сярод 400 удзельнікаў
✅ Кваліфікацыя на Чэмпіянат свету

Сродкі для Уладзіслава дапамог сабраць фонд Athletes for Freedom Foundation. Дзякуючы шчодрасці тых, хто падтрымаў Уладзіслава, фонд сабраў $2000. Гэтыя сродкі дапамаглі Уладзіславу ўзяць удзел у Чэмпіянаце Еўропы. 🙌

Вось як каментуе Чэмпіянат Уладзіслаў:

🗣Ваша падтрымка вельмі важная для мяне. Яна дадае мне ўпэўненасці ў маіх сілах. Дзякуй за дапамогу ў падрыхтоўцы і за тое, што заўзелі за мяне!

227

Беларускі фонд спартыўнай салідарнасці / BSSF

21 Nov, 12:37

🏊‍♂️Міжнародная федэрацыя водных відаў спорту дапусціла беларусаў і расейцаў да ўдзелу ў эстафетах.

❗️World Aquatics зняла забарону на ўдзел беларускіх і расейскіх плыўцоў у асобных відах праграмы.

Зараз яны ў нейтральным статусе змогуць прымаць удзел у міжнародных спаборніцтвах па плаванні — аднак пад забаронай застаецца ўдзел у турнірах па водным пола.

Раней расейцы і беларусы маглі быць дапушчаны да спаборніцтваў толькі ў індывідуальных дысцыплінах. Не было дазволу на ўдзел у плавальных эстафетах, сінхронным плаванні (акрамя сола) і сінхронных скачках у ваду з трампліна.

185

Беларускі фонд спартыўнай салідарнасці / BSSF

21 Nov, 11:24

🎾 Зорка тэніса Рафаэль Надаль завяршыў кар’еру.

22-разовы чэмпіён турніраў Вялікага шлема завяршыў сваю неверагодную кар’еру матчам у Кубку Дэвіса.

Чатырохразовы чэмпіён Кубка Дэвіса выступіў перад сям’ёй, сябрамі, камандай і заўзятарамі. Пасля выступу паказалі відэа, прысвечанае яго фенаменальнай кар’еры. У сваім развітальным слове Рафаэль сказаў:

🗣Я быў проста хлопчык з маленькай вёскі, які марыў. Я спадзяюся, што мяне запомняць як добрага чалавека і таго, хто ішоў за сваімі марамі.

Чытайце падрабязней: https://bssf.eu/rafael-nadal-zakanchvae-kareru/

178

Беларускі фонд спартыўнай салідарнасці / BSSF

21 Nov, 10:26

⚽️ Прафесійны футбол пад ударам за парушэнне нормаў бяспекі і заканадаўства.

Паводле даследавання, праведзенага Бельгійскім універсітэтам KU Leuven, прафесійны футбол не выконвае неабходныя нормы бяспекі, што з’яўляецца парушэннем юрыдычных рамак як у Еўропе, так і ў глабальным маштабе.

Асноўныя праблемы:

👉 Пашыраны Клубны чэмпіянат свету FIFA і перагружаны каляндар
👉 Павелічэнне стомленасці і рызыкі траўмаў
👉 Ігнараванне працоўных нормаў

Даследаванне, замоўленае FIFPRO – сусветным прафсаюзам футбалістаў, падтрымлівае скаргу, пададзеную ў еўрапейскія антыманапольныя органы FIFPRO Europe, Еўрапейскімі лігамі і Ла Лігай.

Даведайцеся больш на афіцыйным сайце БФСС:

🔗 https://bssf.eu/blog/prafesijny-futbol-parushae-zakanadaustva/

170

Беларускі фонд спартыўнай салідарнасці / BSSF

20 Nov, 13:52

🕯Экс-гулец украінскай зборнай па гандболе Міхаіл Цап загінуў на вайне

Пра гэта паведаміла Федэрацыя гандболу Украіны ў сваіх сацсетках:

📢 Федэрацыя гандбола Украіны, гандбольная супольнасць Украіны выказвае шчырыя спачуванні блізкім, родным і ўсім, хто ведаў Міхаіла — цудоўнага, светлага, адважнага чалавека, выдатнага гандбаліста, таленавітага трэнера.

📢 Шмат гадоў свайго жыцця Міхаіл прысвяціў гандболу: неаднаразовы чэмпіён Украіны, уладальнік Кубка Ізраіля, былы гулец нацыянальнай зборнай Украіны, трэнер юніёрскіх збораў Украіны. Выступаў за южненскі гандбольны клуб "Партовік", запарожскія «Матар» і «ЗТР», ізраільскую "Асу" і румынскі "Келерашы". Але галоўнай мэтай апошніх гадоў было гандбольнае выхаванне дзяцей.

Сёння, 20 лістапада, адбылося развітанне з героем — байцом-медыкам 3-га пяхотнага ўзвода 1-й пяхотнай роты в/ч А4991, які загінуў 24 лютага 2024 года каля н.п. Луганскае Данецкай вобласці падчас выканання баявога задання, звязанага з абаронай Радзімы 🇺🇦

166

Беларускі фонд спартыўнай салідарнасці / BSSF

19 Nov, 07:58

⚡️Зборную РФ па футболе не дапусцілі да лёсавання адбору да ЧС-2026

Гэта будзе трэці буйны турнір, у якім зборная РФ не згуляе.

Пра гэта паведамілі на партале “Матч ТВ”:

🗣

Каманда не зможа прыняць удзел у адборачным раундзе з-за пытанняў бяспекі, тут УЕФА і ФІФА свайго меркавання не мяняюць з моманту адхілення РФС. Каманда не зможа прэтэндаваць на выхад на чэмпіянат свету.

Расейскія каманды з лютага 2022 года на нявызначаны тэрмін адхіленыя ад удзелу ў міжнародных турнірах. У сувязі з гэтым зборная Расіі прапусціла ЧС-2022 і Еўра-2024, а расійскія клубы - еўракубкі.

Зборная РФ зараз займае 34-е месца ў рэйтынгу ФІФА.

188

Беларускі фонд спартыўнай салідарнасці / BSSF

15 Nov, 15:11

⚽️ Сёння пройдзе футбольны матч паміж Беларусью і Паўночнай Ірландыяй ⚽️

Гэта пяты тур Лігі нацый. Напярэдадні гульні адбылася прэс-канферэнцыя з удзелам галоўных трэнераў зборных. Так, настаўнік беларусаў К. Алос упэўнены, што каманда гатовая і падыходзіць да матчу ў поўнай гатоўнасці.

Гульня адбудзецца на стадыёне «Віндзар Парк», які змяшчае 18 478 гледачоў. Паведамляецца, што яго чакае аншлаг — усе квіткі на матч прададзеныя.

Матч Паўночная Ірландыя — Беларусь пройдзе ў Белфасце і пачнецца ў 22:45 па мінскім часе. Прамую трансляцыю паядынку пакажа тэлеканал «СТВ».

Будзеце глядзець? Пішыце ў каментарах 👇🏻

250

Беларускі фонд спартыўнай салідарнасці / BSSF

14 Nov, 14:31

📢 Якія перавагі і недахопы мае сённяшняя Беларусь у спартыўным плане?

Выканаўчы дырэктар БФСС Аляксандр Апейкін распавёў пра стан беларускага спорту і магчымасці ў развіцці спартыўнай сістэмы:

1) Матэрыяльная база

🗣Сістэма спорту Беларусі, якая развівалася на спадчыне Савецкага Саюзу, мае пэўныя перавагі, якія могуць стаць істотным падмуркам для далейшага ўстойлівага развіцця. Сярод такіх пераваг — добрая сетка спартыўных школ (ДЮСШ), спецыялізаваных школ алімпійскага рэзерву і цэнтраў алімпійскай падрыхтоўкі.

🗣Акрамя таго, у Беларусі ёсць багатая матэрыяльная база: вялікія спартыўныя арэны, футбольныя стадыёны, мультыфункцыянальныя комплексы для гульнявых відаў, шматлікія комплексы для плавання, катання на каньках, зімовых відаў спорту.

2) Досвед у правядзенні міжнародных спаборніцтваў

🗣 Беларусь мае таксама значны досвед у правядзенні буйных міжнародных спартыўных спаборніцтваў, што сведчыць пра яе здольнасць арганізоўваць і падтрымліваць высокі ўзровень спартыўнай інфраструктуры і лагістыкі.

Таксама Аляксандр падкэсліў крытычныя недахопы спартыўнай сістэмы:

🗣

Нягледзячы на шырокую сетку спартыўных аб’ектаў, доступ да іх часта застаецца абмежаваным па розных прычынах — ад фінансавых да арганізацыйных. Акрамя інфраструктурных і арганізацыйных праблем, важным недахопам з’яўляецца нізкі ўзровень прыватнага спонсарства ў спорце. Яшчэ адзін крытычны аспект — нізкі ўзровень медыйных прадуктаў у спорце.

Чытайце матэрыял цалкам па спасылцы на нашым сайце:

🔗 https://bssf.eu/blog/udaskanalenne-sportu-belarusi/

231

Беларускі фонд спартыўнай салідарнасці / BSSF

14 Nov, 13:19

🏟️ Французскія ўлады ўзмацняюць меры бяспекі падчас матчу Лігі нацый на Стад дэ Франс

Французскія ўлады ўзмацняюць меры бяспекі, калі Францыя прымае Ізраіль у матчы Лігі нацый на Стад дэ Франс пасля нядаўніх нападаў на ізраільскіх фанатаў у Амстэрдаме.

Па словах начальніка паліцыі Парыжа Ларана Нуньеса, на стадыёне, вакол яго і ў грамадскім транспарце будзе разгорнута каля 4000 паліцэйскіх. На стадыёне будуць дазволеныя толькі французскія і ізраільскія сцяг.

Чакаецца, што яўка будзе нізкай, толькі 20 000 заўзятараў на 80 000 стадыёне. Апытанне французскай групы прыхільнікаў Les Irreductibles Français паказала, што 15% плануюць байкатаваць мерапрыемства з-за вайны паміж Ізраілем і Газай, а 30% спасылаюцца на праблемы бяспекі.

Чытайце падрабязней на афіцыйным сайце БФСС:

🔗 https://bssf.eu/nyama-mesca-antysemityzmu/

168

Беларускі фонд спартыўнай салідарнасці / BSSF

13 Nov, 15:15

❓ ЯК БЕЛАРУСЬ МОЖА ЎДАСКАНАЛІЦЬ СВАЮ СПАРТЫЎНУЮ СІСТЭМУ, ВЫКАРЫСТОЎВАЮЧЫ ТОЛЬКІ ЎНУТРАНЫЯ РЭСУРСЫ ❓

Выканаўчы дырэктар БФСС Аляксандр Апейкін падзяліўся ўласным поглядам на сістэму беларускага спорту, яе перавагі і недахопы, а таксама прааналізаваў унутраныя рэсурсы, якія дапамогуць захаваць дынаміку развіцця спартыўнай індустрыі.

🗣Сённяшнюю спартыўную сістэму Беларусі складана назваць няўдалай. Тут больш дарэчным будзе тэрмін “недасканалая”.

🗣З аднаго боку, краіна мае даволі развітую сістэму падрыхтоўкі алімпійскіх спартсменаў і рэгулярна прыносіць медалі з міжнародных спаборніцтваў, асабліва ў традыцыйных для сябе дысцыплінах: барацьба, веславанне, лёгкая атлетыка, фрыстайл, біятлон.

🗣З іншага боку, спартыўная сістэма Беларусі ў многім залежыць ад дзяржаўнага фінансавання і не настолькі адкрытая да прыцягнення прыватнага капіталу і пабудовы ўстойлівай клубнай сістэмы.

Чытайце падрабязны разбор па спасылцы на афіцыйным сайце БФСС:

🔗 https://bssf.eu/blog/udaskanalenne-sportu-belarusi/

127

Беларускі фонд спартыўнай салідарнасці / BSSF

12 Nov, 14:52

🏈 СУПЕРБОЎЛ 2025: УСЁ, ШТО ПАТРЭБНА ВЕДАЦЬ 🏈

Па меры таго, як сезон НФЛ дасягае сваёй сярэдзіны, заўзятары спрабуюць прагназаваць, якія каманды могуць дабрацца да Супербоўла LIX — аднаго з найбуйнейшых спартыўных мерапрыемстваў у ЗША і глабальнага відовішча.

Супербоўл LIX адбудзецца ў Новым Арлеане на Caesars Superdome — хатняй арэне New Orleans Saints, якая ўмяшчае 83 000 чалавек. Гэта будзе ўжо адзінаццаты раз, калі Новы Арлеан прыме Супербоўл.

❗️ Мы зрабілі для вас агляд таго, чаго можна чакаць ад гэтага сезона. Ад месцазнаходжання і часу да чаканага канцэрта ў перапынку!

Чытайце матэрыял па спасылцы на афіцыйным сайце БФСС:

🔗 https://bssf.eu/blog/superboul-2025-usyo-shto-patrebna-vedacz/

117

Беларускі фонд спартыўнай салідарнасці / BSSF

11 Nov, 14:08

🥇Беларуска Марына Арзамасава перамагла на паўмарафоне вакол возера Гарда на поўначы Італіі.

Марына — трэнерка ўласнай школы бегу Arza Running, а ў мінулым топавая спартсменка на сярэдніх дыстанцыях. Яна станавілася чэмпіёнкай Еўропы і свету на дыстанцыі 800 м у 2014-15 гадах.

У гэтым годзе на паўмарафон Garda Trentino Half Marathon зарэгістравалася 604 беларуса, і Марына стала першай сярод жанчын на дыстанцыі 21 км з часам 1.20.49

Вось што яна напісала ў сваім Інстаграм:

🗣️ Мой трэці паўмарафон у жыцці, асабісты рэкорд і першае месца сярод усіх жанчын!

Віншуем беларуску з перамогай і зычым дасягнення новых вышынь!

142

Беларускі фонд спартыўнай салідарнасці / BSSF

11 Nov, 11:24

⚽️ Беларус Ілля Шкурын забіў два галы за 6 хвілін у хатнім матчы чэмпіянату Польшчы

Беларускі нападнік Ілля Шкурын прынёс «Сталі» перамогу над «Пушчай».

Ён выйшаў на поле на замену на 62-й хвіліне пры ліку 0:0. І за 6 хвілін забіў абодва галы. Гульня так і скончылася лікам 2:0 і перамогай "Сталі" — забіваў у гэтым матчы толькі Ілля.

Зараз «Сталь» ідзе на 15-м месцы ў вышэйшым дывізіёне чэмпіянату Польшчы — на радок вышэй за зону вылету.

Нагадаем, што ў мінулым сезоне Шкурын быў прызнаны найлепшым нападнікам «Сталі». Ён забіў 16 мячоў у 33 матчах і стаў другім бамбардзірам чэмпіянату Польшчы.

132

Беларускі фонд спартыўнай салідарнасці / BSSF

07 Nov, 14:57

⚽️ Сёння пройдзе футбольны матч паміж «Легіяй» і «Дынама-Мінск»

Ужо сёння, 7-га лістапада, а 18:45 на варшаўскім стадыёне адбудзецца матч, у якім згуляе мінскае "Дынама".

❗️Для тых, хто плануе наведаць гульню:

Звярніце ўвагу, што мінскае «Дынама» раней паведаміла, што не будзе арганізоўваць гасцявыя сектары для гэтага матчу.

🏟 Stadion Miejski Legii Warszawa im. Marszałka Józefa Piłsudskiego
📌 3 Łazienkowska Street, 00-449 Warsaw, Poland
🗓 Сёння, 7 кастрычніка 2024
⏰ 18:45 па Варшаве (20:45 па Мінску)

Нагадаем, што для жадаючых патрапіць на гульню мы зрабілі падрабязны гайд. Знайсці яго можна па спасылцы:

🔗 https://bssf.eu/gajd-dlya-amatarau/

207

Беларускі фонд спартыўнай салідарнасці / BSSF

07 Nov, 12:12

📢 Новы выпуск беларускамоўнага падкаста пра гандбол ужо ў доступе!

У пятым выпуску падкаста “Сведкі левай рукі Гідсэля” аўтары канстатуюць, што іх прагнозы і спраўджваюцца, і не спраўджваюцца. Ужо мінула сем тураў Лігі чэмпіёнаў, а значыць, тут ёсць што абмеркаваць:

👉 ПСЖ прыемна здзіўляе

👉 "Кельцэ" натхняе

👉 "Еўрафарм" раздражняе

👉 "Берлін" расчароўвае

👉 "Кольстад" дорыць стрыманы аптымізм.

🗣

Запіс адбыўся за некалькі гадзін да афіцыйнага прызначэння Веліміра Петкавіча галоўным трэнерам “Заграба”, і нашы разважанні заснаваныя выключна на адзінкавых навінах пра трансферныя чуткі на гэты конт.

🎙 Слухайце на вашай любімай платформе:

https://gidselschurch.taplink.ws/

178

Беларускі фонд спартыўнай салідарнасці / BSSF

06 Nov, 15:45

🏊🏻‍♂️ У Мінску адкрылі самы вялікі басейн у краіне.

Гэты ўнікальны аб'ект уключае два 50-метровыя басейны, 25-метровы басейн, малы басейн для падрыхтоўкі спартсменаў і гідраканал.

Басейн міжнароднага стандарту мае змяшчальнасць на 6035 месцаў для гледачоў, плошчу ў 40 тысяч квадратных метраў і вышыню ў 31 метр.

Паслугамі басейна зможа скарыстацца любы жадаючы з студзеня 2025 года.

Спартыўны комплекс на вуліцы Кальварыйскай плануецца выкарыстоўваць для правядзення буйных сусветных спаборніцтваў, як трэніровачную базу для нацыянальных зборных па плаванні, скачках у ваду, водным пола і сінхронным плаванні, а таксама як фізкультурна-аздараўленчы цэнтр.

У басейнах усталявана больш за 20 падводных камер.

Аб'ект пабудаваны за кошт інвестыцый Кітайскай Народнай Рэспублікі.

151

Беларускі фонд спартыўнай салідарнасці / BSSF

06 Nov, 14:34

Дональд Трамп перамог на выбарах 2024 года

Дональд Трамп афіцыйна перамог на выбарах ЗША 2024, прыцягнуўшы падтрымку розных спартыўных дзеячаў, якія ацанілі яго палітыку.

Камала Харыс, нягледзячы на значную падтрымку, не здолела атрымаць дастаткова галасоў.

Чытайце, якія зоркі спорту падтрымалі кандыдатаў і чаму:

🔗 https://bssf.eu/tramp-aficzyjna-peramog-na-vybarah-2024-goda/

139

Беларускі фонд спартыўнай салідарнасці / BSSF

06 Nov, 14:01

🏒 Якія паказнікі ў беларусаў у НХЛ на 6-е лістапада?

Некалькі беларусаў у НХЛ ужо адыгралі больш за 10 матчаў, так што надышоў час хакейнай аналітыкі.

Вядома, мы бачылі гістарычны дэбют Коласава ў Філадэльфіі – ён першы брамнік з Беларусі, які адыграў у лепшай лізе свету. І, вядома, Шаранговіч аднавіўся пасля траўмы і зноў выходзіць на лёд, а Калячонак і Протас глядзяцца вельмі добра.

Чытайце пра Аляксея Коласава, Ягора Шаранговіча, Аляксея Протаса і Уладзіслава Калячонка ў новым матэрыяле ад БФСС:

🔗 https://bssf.eu/blog/pakazniki-belarusau-u-nhl-na-6-listapada/

129

Беларускі фонд спартыўнай салідарнасці / BSSF

06 Nov, 13:17

💸 Майка Майкла Джордана была прададзена на аўкцыёне за $4,68 мільёна

Продаж адбыўся ў межах аўкцыёну “Colossal – The Ultimate Jordan Collection” і прыцягнуў фанатаў і калекцыянераў з усяго свету.

Эксперт Sotheby’s Брэндан Хоўкс ацаніў гэтую “унікальную” рэч на суму ад $4 да $6 мільёнаў, што зрабіла яе адной з самых каштоўных рэліквій Майкла Джордана на рынку.

Джордан насіў гэтую майку прынамсі ў 17 гульнях, у тым ліку ў знакамітым матчы 12 сакавіка 1997 года, калі пачатковец Аллен Айверсан абыграў легенду НБА.

Чытайце падрабязней на афіцыйным сайце БФСС:

🔗 https://bssf.eu/majka-majkla-dzhordana-pradadzena-za-468-milyona/

133

Беларускі фонд спартыўнай салідарнасці / BSSF

06 Nov, 07:47

🎾 Беларуска Арына Сабаленка завяршае 2024 як першая ракетка свету.

Гэта стала магчымым пасля паразы полькі Ігі Свёнтак ад амерыканкі Коры Гаўф у матчы сваёй групы выніковага турніру WTA.

Перамога стала другой для Гаўф у 13 сустрэчах з Свёнтэк. 20-гадовая Гаўф не ведае паражэнняў у групе кругавога тура, раней перамогшы сваю суайчынніцу Джэсіку Пегулу ў мінулым раўндзе.

Чэмпіёнка адкрытага чэмпіянату Францыі Свёнтэк пацярпела паражэнне ў чвэрцьфінале Адчыненага першынства ЗША ў верасні і была абдолена ў сусветным рэйтынгу Сабаленкай, пасля таго як адмовілася ад Азіяцкай часткі тура WTA з-за стомленасці.

Чытайце падрабязней на афіцыйным сайце БФСС:

🔗 https://bssf.eu/sabalenka-zavyarshae-2024-yak-pershaya-raketka-svetu/

151

Беларускі фонд спартыўнай салідарнасці / BSSF

05 Nov, 13:28

⚡Анатоль Котаў абраны ў склад Камітэта па этыцы WDSF.

Мы з гонарам паведамляем пра тое, што кіраўнік міжнароднага дэпартаменту БФСС Анатоль Котаў быў абраны ў Камітэт па этыцы Міжнароднай федэрацыі танцавальнага спорту (WDSF).

Гэта адбылося 27 кастрычніка 2024 года на штогадовым агульным сходзе WDSF.

Камітэт па этыцы WDSF з’яўляецца незалежным органам у структуры федэрацыі, які займаецца расследаваннем магчымых парушэнняў Кодэкса этыкі WDSF і прадастаўляе рэкамендацыі па пытаннях яго прымянення. Камітэт сочыць за выкананнем этычных стандартаў у танцавальным спорце і пры неабходнасці ўносіць папраўкі ў Кодэкс.

🙌 Віншуем Анатоля і спадзяемся, што яго праца прынясе станоўчы ўклад у дзейнасць Камітэта па этыцы WDSF і ў сусветную спартыўную супольнасць!

Даведацца больш пра склад Камітэта можна на нашым афіцыйным сайце:

🔗 https://bssf.eu/anatol-kotau-u-skladze-kamiteta-pa-etyczy-wdsf/

178

Беларускі фонд спартыўнай салідарнасці / BSSF

04 Nov, 17:05

❗️Кіраўнік «Шахцёра» адпраўлены ў адстаўку з пасады гендырэктара «Беларуськалія»

4 лістапада на салігорскім «Беларуськаліі» змяніўся генеральны дырэктар.

Замест Івана Галаватага, які кіруе “Шахцёрам” прызначаны на пасаду Андрэй Рыбакоў. Раней ён працаваў на чале Беларускага дзяржаўнага канцэрна па нафце і хіміі.

ФК “Шахцёр” згубіў свае шансы на вышэйшую лігу ЧБ пасля гульні з “Дынама” (Мінск).

Салігорскі клуб раней выступаў у топ-дывізіёне з яго заснавання ў 1992 годзе. За гэты перыяд ён заваяваў 3 чэмпіёнскія тытулы. Яшчэ аднаго чэмпіёнства ў 2022 годзе "Шахцёр" быў пазбаўлены з-за "справы аб дамоўных матчах".

Нагадаем, што генспонсарам клуба з’яўляецца менавіта “Беларуськалій”.

Раней Іван Галаваты патрапіў у санкцыйны спіс ЕС супраць прадстаўнікоў рэжыму Лукашэнкі.

189

Беларускі фонд спартыўнай салідарнасці / BSSF

01 Nov, 13:25

⚽️ Зборная Беларусі па футболе атрымала візы ў Паўночную Ірландыю

Футбалісты, прадстаўнікі трэнерскага штаба і афіцыйныя асобы зборнай Беларусі атрымаюць візы ў Вялікабрытанію. Адпаведна, нішто не перашкодзіць адбыцца матчу 5-га туру Лігі нацый Паўночная Ірландыя — Беларусь, 15 лістапада ў Белфасце.

Раней з гэтай нагоды былі асцярогі. Улады Вялікабрытаніі маглі не дапусціць на сваю тэрыторыю прадстаўнікоў Беларусі з прычыны вайны ва Украіне.

Галоўны трэнер паўночнаірландскай нацыянальнай каманды Майкл А’Ніл заявіў, што рады паспяховаму вырашэнню сітуацыі і назваў магчымы перанос матчу за межы яго краіны «несправядлівым».

Зараз зборная Паўночнай Ірландыі з 7 ачкамі лідыруе ў групе 3 лігі C. Пасля чатырох тураў зборная Беларусі займае другое месца, набраўшы 6 ачкоў.

235

Беларускі фонд спартыўнай салідарнасці / BSSF

31 Oct, 14:52

Ураджэнец Беларусі узначаліў новую Расейскую федэрацыю водных відаў спорту.

31 кастрычніка рашэннем Алімпійскага камітэта Расіі была заснавана новая арганізацыя — Расійская федэрацыя водных відаў спорту.

Федэрацыя створана шляхам аб'яднання Усерасійскай федэрацыі плавання, Федэрацыі сінхроннага плавання Расіі, Федэрацыі воднага пола і Расійскай федэрацыі скачкоў у ваду.

Кіраўніком новай федэрацыі прызначаны расійскі бізнесмен Дзмітрый Мазепін, які вядомы сваімі сувязямі з блізкім атачэннем Уладзіміра Пуціна. Ён родам з Мінска.

Мазепін раней быў уладальнікам кампаніі «Уралхім» і трапіў пад санкцыі Еўрасаюза пасля пачатку паўнамаштабнай вайны ва Украіне.

221

Беларускі фонд спартыўнай салідарнасці / BSSF

30 Oct, 18:29

📣 Родры атрымлівае “Залаты мяч”, а Вінісіус Джуніёр падымае тэму расізму ў футболе

28 кастрычніка ў Парыжы іспанскі паўабаронца “Манчэстэр Сіці” Родры атрымаў “Залаты мяч” — прэмію для найлепшага футбаліста ў свеце, апярэдзіўшы Вінісіуса Джуніёра і Джуда Белінгема з мадрыдскага “Рэала.”

Тым часам Вінісіус Джуніёр выказаўся, што яго актыўная барацьба з расізмам магла паўплываць на вынік галасавання. Вінісіус Джуніёр, нападнік з Бразіліі, сутыкаўся з расісцкімі абразамі ў Іспаніі, і гэта прывяло да сур’ёзнага асвятлення праблемы ў медыя. У сацыяльных сетках ён адзначыў, што гатовы “бараніць праўду хоць дзесяць разоў,” нават калі гэта каштавала яму прэстыжнай узнагароды.

Падчас цырымоніі Родры падкрэсліў, што перамога належыць іспанскаму футболу і яго легендам, якія не атрымалі заслужанай узнагароды. Ён таксама адзначыў важнасць сваёй працы і ролі паўабаронцаў, якія звычайна застаюцца “у цені” атакуючых зорак.

Клуб “Рэал Мадрыд” вырашыў байкатаваць цырымонію, а сябры каманды падтрымалі Вінісіуса ў сацсетках.

➡️ Як думаеце, ці ўплываюць сацыяльныя пытанні на ўзнагароды? Падзяліцеся сваёй думкай у каментарах.

205

Беларускі фонд спартыўнай салідарнасці / BSSF

29 Oct, 11:29

🏒 Запрашаем пазнаёміцца з хакейнымі лігамі ў Паўночнай Амерыцы!

Большасць заўзятараў хакея добра ведаюць, што такое НХЛ. Гэтая ліга – запаветная мара любога адэкватнага гульца. Але шлях у эліту сусветнага хакея складаны і цярністы, а сістэма хакейных ліг Паўночнай Амерыкі не заўсёды і не ўсім зразумелая.

Мы падрыхтавалі для вас невялікі гайд, які коратка, але сістэмна растлумачыць сутнасць кожнай асноўнай хакейнай лігі ў ЗША і Канадзе — паглядзім на лігі ад універсітэцкіх да развівальных і прафесійных, кожная з якіх адыгрывае сваю унікальную ролю ў хакейным сусвеце!

Пераходзьце па спасылцы на афіцыйны сайт БФСС, каб даведацца больш пра хакей і ўпэўнена разважаць пра спорт:

🔗 https://bssf.eu/gajd-pa-hakejnyh-ligah-zsha-i-kanady/

Спадзяемся, што гэты гайд дапаможа вам лепш зразумець сістэму ліг, якія развіваюць і падтрымліваюць таленты ў хакеі Паўночнай Амерыкі 🙌🏻

182

Беларускі фонд спартыўнай салідарнасці / BSSF

28 Oct, 08:58

⚡️ Аляксей Коласаў стаў першым беларускім брамнікам у гісторыі НХЛ!

Дэбют 22-гадовага беларуса адбыўся ў ноч з 27 на 28 кастрычніка. Зараз Аляксей з'яўляецца першым беларускім брамнікам і 16-м беларусам у гісторыі НХЛ.

Флаерз» беларуса саступілі «Манрэалю» з лікам 3:4. Коласаў правёў на лёдзе крыху больш за 58 хвілін і зрабіў 20 сэйваў пасля 24 кідкоў.

Галоўны трэнер «Філадэльфіі» станоўча ацаніў дэбют беларуса. Вось што сказаў Джон Тортарэла:

🗣Я думаю, што ён добра згуляў і зрабіў некалькі сапраўды добрых сэйваў.

220

Беларускі фонд спартыўнай салідарнасці / BSSF

24 Oct, 13:35

🤲 Падтрымайце беларускіх спартоўцаў у выгнанні!

Сябры, наша арганізацыя атрымлівае ўсё больш запытаў на фінансавую дапамогу ад прадстаўнікоў спартыўнай супольнасці, якія вымушана апынуліся за мяжой ці страцілі права на прафесію ў Беларусі. Нажаль, не ўсе з іх разлічвалі на такі працяглы перыяд існавання ў новых нязвыклых умовах. Нашы рэсурсы заўсёды былі абмежаваныя, але мы рабілі ўсё, каб дапамагчы.

З 2020 году Беларускі фонд спартыўнай салідарнасці (BSSF) прадастаўляе разнабаковую дапамогу шматлікім беларускім спартоўцам і спартыўнаму персаналу. Гэта свабодныя атлеты, якія ў Беларусі патрапілі пад рэпрэсіі і былі вымушаныя пакінуць радзіму за сваю грамадзянскую пазіцыю. Яны – адважныя людзі, многія з якіх прадстаўлялі Беларусь на міжнароднай арэне. Але цяпер яны апынуліся ў цяжкім становішчы за мяжой: многім з іх не хапае сродкаў на жыццё, аплату арэнды і рахункаў.

Таму мы запускаем гэты тэрміновы збор сродкаў. Кожны ваш унёсак пойдзе непасрэдна на дапамогу беларускім спартоўцам і іх сем'ям, якія знаходзяцца ў крытычным становішчы. Гэта людзі, якія былі вымушаны пакінуць усё — кар'еру, дом, супольнасць — толькі таму, што яны не маглі маўчаць. Ім патрэбна наша агульная падтрымка зараз як ніколі.

⚡️Вы можаце зрабіць ахвяраванне і падзяліцца гэтым заклікам са сваімі знаёмымі праз сацыяльныя сеткі.

Ахвяруйце праз афіцыйную старонку БФСС:

🔗 https://bssf.eu/terminovy-zbor-dlya-atletau/

203

Беларускі фонд спартыўнай салідарнасці / BSSF

24 Oct, 10:50

⚽️ Зборная Беларусі па футболе захавала сваё месца ў рэйтынгу ФІФА.

Міжнародная футбольная федэрацыя ФІФА на афіцыйным сайце абнавіла рэйтынг нацыянальных зборных па футболе.

Згодна з ім, зборная Беларусі захавала свае пазіцыі і па-ранейшаму займае 97-е месца.

Лідэрам рэйтынгу застаецца зборная Аргенціны (1883), таксама ў топ‑3 уваходзяць Францыя (1859) і Іспанія (1844).

Нацыянальная зборная Беларусі пад кіраўніцтвам іспанскага спецыяліста Карласа Аласа Ферэра ў кастрычніку 2024-га года правяла два матчы Лігі нацый са зборнымі Паўночнай Ірландыі (0:0) і Люксембурга (1:1).

161

Беларускі фонд спартыўнай салідарнасці / BSSF

24 Oct, 09:01

⚽️ Учора прайшла прэсс-канферэнцыя ФК "Дынама" (Мінск) у Хельсінкі.

Клуб ужо прыбыў у Фінляндыю — сёння, 24 кастрычніка, беларусы згуляюць з фінскім HJK на другім матчы Лігі Канферэнцый.

Трэнер ФК "Дынама" (Мінск) Вадзім Скрыпчанка адразу заявіў, што не будзе гаворыць пра палітыку, а засяродзіцца выключна на матчы.

🎙Вы праводзіце свае хатнія матчы Лігі канферэнцый у Азербайджане. Як гэта ўплывае на каманду? Чаму была абраная гэтая краіна? Якое гуляць фактычна без заўзятараў? А што вы думаеце аб тым, што у Беларусі не дазволілі праводзіць хатнія матчы?

🗣 Я на першую частку пытання адкажу. Што тычыцца таго, што мы хатнія матчы праводзім у Азербайджане, тут два моманты. Першае тое, што летась мы гулялі ў Лізе канферэнцый і былі ў Азербайджане. Нас прымала гэтая краіна. Пакінула добрае ўражанне падрыхтоўка да матчу там. Ніякіх пытанняў не ўзнікла. Таму мы выбралі гэты кірунак. Другі аспект — гэта лагістыка. З Мінска мы можам прамым рэйсаў дабрацца да Баку.

🎙Калі нейкая каманда адмовіцца гуляць з вамі па палітычных прычынах, то якая будзе рэакцыя? І як вы да гэтага паставіцеся?

🗣 Мы не жывем умоўным ладам ”калі”. Мы ўдзельнічаем у сур'ёзным турніры, таму мы рыхтуемся да кожнага канкрэтнага матчу.

Крыніца: Yle

148

Беларускі фонд спартыўнай салідарнасці / BSSF

23 Oct, 13:51

🏀 Стэф Кары абышоў Леброна Джэймса як найбольш высокааплатны гулец НБА ў гэтым сезоне.

Паводле Sportico, сумарны даход зоркі «Голден Стэйт Уор’ярс» Стэфа Кары, лідара НБА па колькасці дакладных трохачковых кідкоў, з заробку і рэкламных кантрактаў складзе 155,8 мільёна долараў, абганяючы Леброна Джэймса, які атрымае 133,7 мільёна долараў. Гэта азначае канец 11-гадовай гегемоніі Джэймса як галоўнага фінансавага лідара НБА.

Партнёры Кары ўключаюць JPMorgan Chase, Panini і Fanatics, а яго праекты ў медыя і венчурным бізнесе уносяць значны ўклад у яго даходы.

Таксама ў топ-спісе найбольш аплатных гульцоў: Яніс Адетакумпа, Кевін Дюрант і Дэміан Лілард.

Агулам, топ-15 гульцоў НБА у гэтым сезоне заробяць 1,13 мільярда долараў — гэта на 11% больш, чым у мінулым годзе.

147

Беларускі фонд спартыўнай салідарнасці / BSSF

23 Oct, 07:20

🙌 Выказваем шчырую падзяку за падтрымку Уладзіслава Кавалёва!

Дарагія сябры, мы радыя паведаміць, што збор на платформе Athletes for Freedom Foundation для гросмайстра беларускай школы шахмат Уладзіслава Кавалёва быў паспяхова закрыты дзякуючы вашай падтрымцы!

Уладзіслаў зараз рыхтуецца да Чэмпіянату Еўропы, які адбудзецца з 7 па 20 лістапада ў Петроваце, Чарнагорыя.

Усе сабраныя кошты ў памеры 2000 долараў пакрыюць выдаткі на падрыхтоўку, размяшчэнне і арганізацыйныя пытанні пад час удзелу шахматыста ў Чэмпіянаце Еўропы.

Дзякуем кожнаму, хто далучыўся! 👏

173

Беларускі фонд спартыўнай салідарнасці / BSSF

21 Oct, 10:42

📢 Слухайце новы выпуск беларускамоўнага падкаста пра гандбол!

Вядучыя падкаста «Сведкі левай рукі Гідсэля» абмеркавалі самае галоўнае, што здарылася на мінулым тыдні ў гандбольным свеце. А менавіта:

👉 “Швенту войну” і яе наступствы;

👉 Феномен сіняй карткі: чым яна адрозніваецца ад чырвонай і навошта ўвогуле патрэбная;

👉 Трэнерскія прызначэнні ў зборных Швецыі і Чарнагорыі;

👉 Патэнцыйнае вяртанне Арана Палмарсана ў “Веспрэм”;

👉 Пранікненне тэхналогій у гандбол і тое, ці варты ўвагі статус самага хуткага гульца.

“Сведкі левай рукі Гідсэля” — гэта падкаст на беларускай мове пра галоўныя падзеі ў еўрапейскім і сусветным гандболе ад экс-журналістаў Івана Сапегі і Ірыны Целяпнёвай.

Слухайце новы выпуск на любой зручнай платформе:

🔗 https://gidselschurch.taplink.ws/

190

Беларускі фонд спартыўнай салідарнасці / BSSF

21 Oct, 08:04

🎾 Арына Сабаленка стала першай ракеткай свету.

Жаночая тэнісная асацыяцыя (WTA) абнавіла рэйтынг у адзіночным разрадзе — беларуска Арына Сабаленка зноў узначаліла рэйтынг з 9706 ачкамі. Пасля яе ідзе тэнісістка з Польшчы Іга Свёнтэк (у яе 9665 ачкоў).

На трэцяе месца трапіла амерыканка Коры Гаўф, набраўшы 5963 ачкоў.

Яшчэ адна беларуска, Вікторыя Азаранка, займае 21-е месца.

🏆 Сабаленка ў гэтым сезоне заваявала тры тытула: у жніўні стала лепшай на турніры ў амерыканскім Цынцынаці, у верасні ўпершыню атрымала перамогу на US Open, а ў кастрычніку стала першай у кітайскім Ухане.

Канчатковы вынік сезону можна будзе пабачыць у пачатку лістапада на выніковым чэмпіянаце WTA у аравійскім Эр-Рыядзе.

174

Беларускі фонд спартыўнай салідарнасці / BSSF

18 Oct, 10:29

⚽ ФІФА ПАД АГНЁМ З-ЗА ПЕРАГРУЗКІ ФУТБОЛЬНАГА КАЛЯНДАРА ⚽

Сусветны футбол апынуўся на мяжы крызісу. ФІФА працягвае павялічваць колькасць матчаў, уключаючы пашыраны Клубны чэмпіянат свету 2025 года, і гульцы разам з лігамі выступаюць супраць гэтага перагрузу. Гэтым тыднем FIFPro і еўрапейскія лігі падалі юрыдычную скаргу супраць ФІФА, абвінавачваючы ў зловым карыстанні паўнамоцтвамі.

Гульцы, у тым ліку Родры з «Манчэстэр Сіці», ужо гавораць пра магчымасць страйку. Перагружаны графік вядзе да выгарання і траўмаў, а ФІФА ставіць прыбыткі вышэй за здароўе гульцоў. Як доўга гэта будзе працягвацца? Відавочна адно: дастаткова значыць дастаткова.

Чытайце падрябязней на афіцыйным сайце БФСС:

🔗 https://bssf.eu/blog/fifa-pad-agnyom-futbol-peragruzhany/

206

Беларускі фонд спартыўнай салідарнасці / BSSF

17 Oct, 11:02

🥅 Трэнер зборнай Паўночнай Ірландыі выступіў супраць пераносу матча з Беларуссю

Галоўны трэнер зборнай Паўночнай Ірландыі па футболе Майкл О'Ніл выказаўся наконт магчымага пераносу матча Лігі нацый з Беларуссю на нейтральнае поле:

🗣Насамрэч, гэта будзе несправядліва ў адносінах да нас, калі нам не дазволяць гуляць на «Віндзор Парку» у Белфасце. У такім выпадку мы правядзем чатыры выязныя матчы, два з якіх — на нейтральнай пляцоўцы, якая далёкая ад ідэалу.

🗣Гульцам павінна падабацца гуляць тут. Я сказаў ім перад матчам, што ў нас, верагодна, не будзе магчымасці згуляць тут у лістападзе, таму трэба даць заўзятарам нешта запамінальнае. Яны дакладна зрабілі гэта з пункту гледжання ўзроўню выступлення. Самае галоўнае, каб была вера, калі вы выходзіце гуляць за сваю краіну.

Раней паведамлялася, што зборную Беларусі могуць не пусціць на тэрыторыю Паўночнай Ірландыі праз санкцыі з боку Вялікабрытаніі. Канчатковае рашэнне яшчэ не прынятае.

221

Беларускі фонд спартыўнай салідарнасці / BSSF

17 Oct, 07:07

⚽️ Экс-форвард зборнай Беларусі Віталь Кутузаў – пра беларускі футбол.

🗣Наш футбол у стагнацыі, якая пачалася даўно. Рэанімаваць яго было варта яшчэ "пазаўчора". Цяпер гэта значна цяжэй, бо сусветная футбольная індустрыя развіваецца хуткімі тэмпамі, і мы вельмі адстаем.

Хочаце даведацца больш пра тое, як легенда беларускага футбола перажывае новыя выклікі і дзе знаходзіць натхненне?

Чытайце інтэрв’ю на сайце Betnews і дзяліцеся сваёй думкай у каментарах! 💬

🔗 https://betnews.by/futbol-hokkej-moda-seks-vitalij-kutuzov-otvetil-na-voprosy-bolelshhikov/

210

Беларускі фонд спартыўнай салідарнасці / BSSF

16 Oct, 12:54

🤔 Ці змогуць беларускія атлеты ўдзельнічаць у міжнародных спаборніцтвах?

Чытайце аўтарскі матэрыял дырэктара Беларускага фонду спартыўнай салідарнасці Аляксандра Апейкіна, дзе ён апісвае тры сцэнарыі, па якіх будзе развівацца пытанне ўдзелу спартоўцаў.

🗣На сённяшні дзень адпаведна з крытэрыямі нейтральнасці МАК амаль усе міжнародныя федэрацыі (за выключэннем World Athletics) дапусцілі беларускіх спартоўцаў. Пад крытэрыі нейтральнасці не падпадаюць камандныя віды спорту, таму мы не бачым выступ зборных па хакеі, гандболе, валейболе, баскетболе і гд. Выключэнне зрабіў толькі УЕФА, дапусціўшы зборную Беларусі з абмежаваннем гуляць хатнія матчы. Міжнародныя федэрацыі па іншых гульнявых відах трымаюць бан.

🗣Тым не менш, ужо зараз можна прадбачыць некалькі сцэнарыяў, па якіх будзе развівацца пытанне з допускам. Натуральна, усе яны залежаць у тым ліку ад развіцця геапалітычных падзей.

Чытайце матэрыял па спасылцы:

🔗 https://bssf.eu/blog/try-sczenaryi-dopusku-belarusau/

200

Беларускі фонд спартыўнай салідарнасці / BSSF

16 Oct, 10:51

❗️ FIFA зменіць правілы трансфераў ❗️

FIFA распачала перамовы са спартыўнымі дзеячамі пасля таго, як Еўрапейскі саюз прызнаў некаторыя аспекты яе трансфернай сістэмы незаконнымі. У адказ яны абвясцілі, што гатовы вырашаць гэтую праблему.

Згодна з дзеючымі правіламі, гулец, які датэрмінова скасоўвае кантракт "без апраўданай прычыны", павінен выплаціць кампенсацыю клубу, а калі гулец пераходзіць у новы клуб, ён будзе разам адказваць за выплату гэтай кампенсацыі.

Аднак Еўрапейскі суд правасуддзя (CJEU) 4 кастрычніка прызнаў гэтыя палажэнні незаконнымі.

Эміліа Гарсія Сільвера, галоўны юрыст і службовец па пытаннях захавання норм FIFA, падкрэсліў:

🗣 FIFA імкнецца развіваць свае рэгламенты, прыслухоўваючыся да меркаванняў і ўкладу ўсіх адпаведных бакоў. Міжнародная трансферная сістэма ўключае шмат элементаў: правілы датычна перыядаў рэгістрацыі; трансферы і рэгістрацыю гульцоў; прымяненне спартыўных санкцый у некаторых выпадках; кампенсацыі за навучанне і механізмы салідарнасці для ўзнагароджання навучальных клубаў; міжнародныя трансферы непаўналетніх; сістэму вырашэння спрэчак, каб абараніць гульцоў і клубы ў выпадку парушэння кантрактаў па ўсім свеце; абарону жаночых гульцоў, трэнераў, нацыянальных каманд і іншае.

169

Беларускі фонд спартыўнай салідарнасці / BSSF

16 Oct, 07:18

✊ Білі Джын Кінг адзначае 50 гадоў барацьбы за правы жанчын у спорце.

Фонд жаночага спорту, заснаваны праз год пасля знакамітай "Бітвы палоў", у якой Кінг перамагла Бобі Рыгса, ператварыў інвестыцыю памерам 5 000 долараў у больш чым 100 мільёнаў для падтрымкі жаночага спорту.

Амерыканка Білі Джын Кінг, легенда тэніса, якой зараз 80 гадоў, кажа:

🗣

Калі чытаеш гісторыю, здаецца, што ўсё пралятае хутка. Але калі жывеш ёй, усё ідзе павольна і цяжка. Неабходныя цярпенне, настойлівасць і запал, каб дасягнуць сваіх мэтаў. Без гэтага вы не вытрымаеце.

Нягледзячы на радыкальныя змены ў жаночым спорце, Кінг прызнае, што яшчэ шмат працы наперадзе. Асабліва яна падкрэслівае недахоп жанчын-трэнераў на вышэйшым узроўні спорту:

🗣

Нішто не было б лепшым, чым не мець патрэбы ў фондзе, але, на жаль, ён па-ранейшаму неабходны. Жанчыны і дзяўчаты ўсё яшчэ значна адстаюць. У нас шмат працы.

Фонд адзначыць сваё 50-годдзе гала-вечарам у Нью-Ёрку сёння, 16 кастрычніка.

168

Беларускі фонд спартыўнай салідарнасці / BSSF

15 Oct, 10:05

🏅 Рут Чэпнгетіч з Кеніі пабіла сусветны рэкорд у жаночым марафоне ў Чыкага.

Кенійка Рут Чэпнгетіч у Чыкага здзейсніла гістарычны забег, пабіўшы сусветны рэкорд у жаночым марафоне з часам 2:09:56, амаль на дзве хвіліны хутчэйшы за папярэдні. Гэты выдатны вынік стаў для Чэпнгетіч трэцяй перамогай у марафоне ў Чыкага і пабіў рэкорд, усталяваны эфіёпкай Тыгст Асэфай (2:11:53) у мінулым годзе ў Берліне. Яе час спачатку быў зафіксаваны як 2:09:57, але пазней карэктаваны на адну секунду.

Яе суайчыннік Джон Корір таксама перамог на мужчынскім марафоне з часам 2:02:44.

Чэпнгетіч хутка адарвалася ад саперніц, пакінуўшы іх ззаду ўжо на сярэдзіне дыстанцыі. Эфіёпка Сутуме Кебедэ фінішавала другой, адстаўшы на цэлых 7 хвілін і 36 секунд, а трэцяй стала кеніійка Ірын Чэптай з вынікам 2:17:51.

Рут прысвяціла сваю перамогу памяці земляка Келвіна Кіптума, які ўстанавіў сусветны рэкорд у марафоне ў Чыкага летась, але загінуў у аўтакатастрофе праз чатыры месяцы.

🗣 Гэта была мая мара, якая ажыццявілася. Сусветны рэкорд быў у маёй галаве. Чыкага, як я казала раней, для мяне як дом.

178

Беларускі фонд спартыўнай салідарнасці / BSSF

15 Oct, 08:59

⚽️ Ці адбудзецца матч паміж Паўночнай Ірландыяй і Беларуссю ў Белфасце?

Пакуль застаюцца пытанні, ці адбудзецца матч Лігі нацый паміж Паўночнай Ірландыяй і Беларуссю ў лістападзе на стадыёне Віндзар Парк у Белфасце. Нявызначанасць выклікана тым, што ўрад Вялікабрытаніі яшчэ не прыняў рашэння наконт выдачы віз беларускім гульцам і персаналу.

Папярэдняя сустрэча паміж Паўночнай Ірландыяй і Беларуссю прайшла пры пустых трыбунах у венгерскім горадзе Залаэгерсег з-за абмежаванняў, накладзеных УЕФА на беларускія каманды.

Прадстаўнік Міністэрства ўнутраных спраў Вялікабрытаніі ў панядзелак пракаментаваў сітуацыю наступным чынам:

🗣Наша палітыка — не каментаваць асобныя выпадкі. Без дадатковай інфармацыі пра кожнага члена нацыянальнай зборнай Беларусі мы не можам пацвердзіць ці будзе ім адмоўлена ва ўездзе.

Калі ўрад Вялікабрытаніі адмовіць у выдачы віз беларускім гульцам, матч давядзецца пераносіць у нейтральную краіну. Адзін з варыянтаў – стадыён ЗТЕ ў Венгрыі, дзе папярэдняя сустрэча завяршылася нічыёй 0:0.

Футбольная асацыяцыя Паўночнай Ірландыі паведамляе, што знаходзіцца «ў кантакце з адпаведнымі прадстаўнікамі УЕФА і ўрадамі» для вырашэння сітуацыі.

161

Беларускі фонд спартыўнай салідарнасці / BSSF

14 Oct, 12:24

НБА ВЕРНЕЦЦА Ў КІТАЙ

Камісар НБА Адам Сільвер мяркуе, што ліга вернецца ў Кітай, праз пяць гадоў пасля скандалу вакол пратэстаў за дэмакратыю ў Ганконгу, які прывёў да негатыўнай рэакцыі на кітайскім рынку. У 2019 годзе генеральны менеджар "Х'юстан Рокетс" Дарыл Моры размясціў у сацсетках паведамленне ў падтрымку пратэстаў у Ганконгу, што выклікала абурэнне ў Кітаі. У выніку Кітай перастаў трансляваць гульні НБА, а спонсары сышлі, што прывяло да значных фінансавых страт лігі.

Чытаць падрабязней на афіцыйным сайце БФСС:
https://bssf.eu/nba-verneczcza-u-kitaj/

167

Беларускі фонд спартыўнай салідарнасці / BSSF

11 Oct, 11:02

🏟 Падрабязны гайд для аматараў футбола на матч паміж «Легіяй» і «Дынама Мінск»

Плануеце наведаць футбольны матч «Дынама» з «Легіяй» у Варшаве?

Беларускі фонд спартыўнай салідарнасці зрабіў для вас падрабязный гайд аб тым, як дабрацца да стадыёна, што наведаць перад ці пасля матчу, дзе застацца на начлег і павячэрыць.

Шукайце гайд на нашым афіцыйным сайце па спасылцы:

🔗 https://bssf.eu/gajd-dlya-amatarau/

223

Беларускі фонд спартыўнай салідарнасці / BSSF

10 Oct, 14:38

🇺🇦Віншуем Вольгу Саладуху з абраннем на пасаду прэзідэнта Федэрацыі лёгкай атлетыкі Украіны!

Беларускі фонд спартыўнай салідарнасці віншуе Вольгу Саладуху з зацверджаннем на пасадзе прэзідэнта ФЛАУ. Сёння, 10 кастрычніка, у Кіеве адбылася справаздачна-выбарчая канферэнцыя федэрацыі лёгкай атлетыкі, на якой абсалютнай большасцю галасоў была падтрымана кандыдатура чэмпіёнкі Еўропы і свету, алімпійскай прызёркі Вольгі Саладухі.

Беларускі фонд спартыўнай салідарнасці двойчы выступаў партнёрам дабрачыннага дзіцячага турніру Вольгі Саладухі "Кубак Белай пантэры" у Кіеве, які кожны раз збіраў больш за 200 юных удзельнікаў з усіх рэгіёнаў Украіны. Таксама ўвесну 2023 года разам з грамадскай арганізацыяй "Дабрачынныя ініцыятывы Вольгі Саладухі" і НАК Эстоніі была рэалізавана гуманітарная акцыя ў падтрымку рэгіянальных спартыўных школ ва Украіне.

З пачатку абрання Вольгі Саладухі на пасаду выканаўчай абавязкі прэзідэнта ФЛАУ у чэрвені 2023 года спецыялісты Беларускага фонду спартыўнай салідарнасці аказвалі ФЛАУ тэхнічную і кансультацыйную дапамогу. У прыватнасці, спецыялісты фонду падрыхтавалі для ФЛАУ заяўку на правядзенне Чэмпіянату Еўропы па бегу на шашы (марафон, паўмарафон, 10км) у Кіеве на 2029 год для Еўрапейскай федэрацыі лёгкай атлетыкі, а таксама рэалізавалі шэраг удалых юрыдычных, маркетынгавых, спонсарскіх і грантавых ініцыятыў.

Беларускі фонд спартыўнай салідарнасці зычыць спадарыне Вользе поспехаў у працы, а ўкраінскай лёгкай атлетыцы — вялікіх перамог!

197

Беларускі фонд спартыўнай салідарнасці / BSSF

10 Oct, 12:23

БЕЛАРУСЫ Ў НХЛ 2024/25

У панядзелак 7 кастрычніка клубы НХЛ апублікавалі заяўкі на новы сезон, які ўжо стартаваў у Празе, а гульні ў Паўночнай Амерыцы пачаліся ўначы з 8 на 9 кастрычніка. Сярод беларусаў, якія гарантавана прымуць удзел у сезоне 2024/25, — Ягор Шаранговіч («Калгары Флэймс»), Аляксей Протас («Вашынгтон Кэпіталс») і Уладзіслаў Калячонак («Юта»).

Але гэта далёка не ўсё. Гледзячы на падзеі апошніх тыдняў, можна чакаць, што ў гэтым сезоне колькасць беларусаў у НХЛ узрасце. У мінулым годзе на лёдзе было чацвёра нашых: Шаранговіч, Протас, Калячонак і Ілья Салаўёў («Калгары»). У гэтым сезоне яшчэ некалькі беларусаў маюць шанец высйці на лёд найлепшай лігі планеты.

Чытаць падрабязны агляд пра выступ беларусаў у НХЛ можна на спасылцы на сайте БФСС:
https://bssf.eu/belarusy-u-nhl-2024-25/

165

Беларускі фонд спартыўнай салідарнасці / BSSF

09 Oct, 12:41

⚽️ Паўночная Ірландыя згуляе з Беларуссю ў Лізе Нацый УЕФА

Нягледзячы на ціск з боку ўрада Вялікабрытаніі, Паўночная Ірландыя ўсё ж правядзе матч з Беларуссю ў Лізе Нацый 12 кастрычніка.

Раней вэстмінстэр заклікаў Ірландскую футбольную асацыяцыю байкатаваць гульню з-за падтрымкі беларускім рэжымам ўварвання РФ ва Украіну. Аднак галоўны трэнер Ірландыі Майкл О'Ніл пацвердзіў, што матч адбудзецца пры пустых трыбунах у Венгрыі ў адпаведнасці з санкцыямі УЕФА.

О'Ніл параўнаў яго з "матчам часоў COVID", але падкрэсліў, што гэта не адаб'ецца на падрыхтоўцы каманды.

Зараз Паўночная Ірландыя займае трэцяе месца ў Групе 3 Лігі С і імкнецца вярнуцца на пераможны шлях пасля паразы ад Балгарыі.

Тым часам, Беларусь першая ў групе з 4 ачкамі пасля 2 гульняў.

📅 Матч пройдзе 12 кастрычніка а 21:45 па мінскім часе.

176

Беларускі фонд спартыўнай салідарнасці / BSSF

09 Oct, 08:47

🥅 Літоўская зборная па пляжным футболе адмовілася ад гульні з беларусамі ў 1/8 фіналу адборачнага этапа чэмпіянату свету.

Такім чынам, у наступны раунд беларуская каманда праходзіць без барацьбы за кошт тэхнічнай перамогі 3:0.

Кіраўнік федэрацыі футбола Літвы Эдгарас Станкявічус пракаментаваў:

🗣Засмучае, што нашы гульцы ў пляжны футбол не змогуць пазмагацца за наступны раунд адбору і праверыць свае сілы з элітай спорту, але каштоўнасці ў дадзеным выпадку застаюцца вышэйшымі за спорт.

🗣Мы абмеркавалі гэтае рашэнне з прадстаўнікамі зборнай і пагадзіліся, што такі крок з нашага боку яшчэ раз належным чынам прадэманструе нашу пазіцыю па гэтым пытанні.

Нагадаем, раней зборная Эстоніі па пляжным футболе адмовілася ад удзелу ў матчы супраць Беларусі ў чвэрцьфінале Суперфіналу Еўралігі.

154

Беларускі фонд спартыўнай салідарнасці / BSSF

09 Oct, 07:09

🕯Былы чэмпіён свету па бегу Кіп’егон Бэт памёр у 26 гадоў пасля хваробы

Кіп’егон Бэт, былы юніёрскі чэмпіён свету на дыстанцыі 800 метраў, трагічна памёр у нядзелю, 6 кастрычніка, ва ўзросце 26 гадоў. Яго сям’я пацвердзіла, што кенійскі спартсмен змагаўся з сур'ёзнай хваробай на працягу месяца перад сваёй смерцю.

Бэт быў шпіталізаваны ў горадзе Бомет, Кенія, пасля таго, як у яго з’явіліся моцныя болі ў жываце і ваніты крывёй. Лекары дыягнаставалі ў яго захворванне печані, і ён праходзіў лячэнне.

Нягледзячы на раннія поспехі на бегавой дарожцы, у тым ліку перамогу на чэмпіянаце свету ў 2016 годзе, апошнія гады яго жыцця былі пазначаны цяжкасцямі пасля дыскваліфікацыі за допінг у 2018 годзе. Ён сутыкнуўся з асабістымі праблемамі, у тым ліку з алкагалізмам.

165

Беларускі фонд спартыўнай салідарнасці / BSSF

08 Oct, 14:36

🏒 Беларускі абаронца Уладзіслаў Калячонак увайшоў у стартавы склад «Юты» на новы сезон НХЛ

У дадатак да Калячонка, у абароне «Юты» яшчэ сем гульцоў — Міхаіл Сяргачоў, Шон Дарзі, Іан Коул, Майкл Кеселрынг, Юусо Вялімякі, Роберт Бартуцца і Джон Марынa. Але Марынa зараз у лазарэце, таму наш Улад будзе мець яшчэ больш шансаў вызначыцца.

У мінулым сезоне Улад правёў у НХЛ пяць гульняў, набраў 4 (1+3) ачкі, з рэйтынгам карыснасці +6 і дзвюма хвілінамі штрафу. А за ўвесь час у «Арызоне» — гэта тры сезоны — ён ужо згуляў у 39 матчах і набраў 7 (2+5) ачкоў.

Зычым Уладзіславу поспехаў і будзем сачыць за яго дасягненнямі ў сезоне!

172

Беларускі фонд спартыўнай салідарнасці / BSSF

04 Oct, 12:58

🙌 Дзякуем усім, хто ўжо падтрымаў гросмайстра Уладзіслава Кавалёва!

З вашай дапамогай мы наблізілі ўдзел Уладзіслава ў Чэмпіянаце Еўропы па шахматах 2024. Але збор яшчэ працягваецца, на дадзены момант мы спыніліся роўна пасярэдзіне - сабрана 1030 долараў з 2000 неабходных.

♟️ Усяго праз некалькі тыдняў Уладзіслаў мае ўдзельнічаць у Еўрапейскім індывідуальным чэмпіянаце па шахматах у Чарнагорыі. Зараз ён кожны дзень рыхтуецца, канцэнтруючыся на трэніроўках. Але каб узяць у чэмпіянаце, пакрыць усё выдаткі (турнірны збор, пражыванне ў Чарнагорыі, пералёт) ды паказаць свой лепшы вынік, яму неабходна дапамога беларускай грамадскасці.

Уладзіслаў з'яўляецца нейтральным спартсменам FIDE і не мае падтрымкі беларускай нацыянальнай федэрацыі шахматаў.

Мы можам разам дапамагчы Уладзіславу прыняць удзел у Еўрапейскім чэмпіянаце.
Кожнае ахвяраванне, кожны рэпост — гэта яшчэ адзін крок бліжэй да мэты!

🔗 Ахвяраваць і падзяліццца можна праз Facebook Donate:

https://www.facebook.com/donate/1051114396184058/940821418073953/

341

Беларускі фонд спартыўнай салідарнасці / BSSF

04 Oct, 11:04

🏆 Беларус Мікіта Вайлупаў стаў пераможцам клубнага Чэмпіянату свету па гандболе

Беларускі гандбаліст Мікіта Вайлупаў у складзе венгерскага «Веспрема» выйграў клубны чэмпіянат свету ў Егіпце, які прайшоў 3 кастрычніка.

У фінале турніру ён адзначыўся пяццю закінутымі мячамі, а яго каманда перамагла ў дадатковы час з лікам 34:33 нямецкі «Магдэбург», які да гэтага выйграваў турнір тры разы запар.

Такім чынам, Вайлупаў стаў трэцім беларусам, які заваяваў гэты тытул. Раней такога поспеху дабіваліся Міхаіл Якімовіч і Сяргей Рутэнка.

Віншуем нашага земляка з перамогай і новым дасягненнем! 🎉

196

Беларускі фонд спартыўнай салідарнасці / BSSF

03 Oct, 14:51

🇺🇦 Украіна асудзіла кандыдата ў прэзідэнты МАК Хуана Антоніа Самаранча, які прапанаваў рэінтэграваць Расею ў Алімпійскі рух.

Самаранч, сын былога прэзідэнта МАК, імкнецца змяніць Томаса Баха на пасадзе ў наступным годзе. На спартыўнай канферэнцыі ў Будапешце ён прызнаў, што Расія парушыла Алімпійскую хартыю, але падкрэсліў, што Расія можа зноў далучыцца да алімпійскага руху, калі будзе выконваць правілы.

У адказ ўкраінскія чыноўнікі назвалі ягоную ідэю «непрымальнай і абуральнай».

Украінскія прадстаўнікі лічаць, што такое рашэнне ігнаруе жахі вайны, і сцвярджаюць, што Расія выкарыстоўвае спорт для прапаганды. Асабліва крытыкавалі параўнанне Самаранчам вайны ва Украіне з іншымі канфліктамі.

У той жа час яго канкурэнт Себасцьян Коэ займае больш жорсткую пазіцыю ў пытанні ўдзелу Расіі ў Алімпіядзе.

🔗 Чытаць падрабязней:

https://bssf.eu/zayavy-samarancha-pra-rasiyu-aburyli-ukrainu/

193

Беларускі фонд спартыўнай салідарнасці / BSSF

03 Oct, 09:28

⚽️ Мінскае «Дынама» стартуе ў асноўным раўндзе Лігі канферэнцый.

Гэта ўпершыню за 6 гадоў, калі беларускі футбольны клуб бярэ ўдзел у Еўракубку.

Першы матч пройдзе ўжо сёння, 3 кастрычніка — «Дынама» згуляе з шатландскім «Хартсам». Пачатак гульні ў 19:45 па беларускім часе.

У гэтым сезоне еўракубкі разыгрываюцца па новай сістэме — няма звыклага падзелу на групы, каманды правядуць у Лізе канферэнцый шэсць матчаў: тры дома, тры на выездзе, потым будзе сфармаваная агульная табліца з 36 клубаў, а затым вызначана, хто выйдзе ў плэй-оф.

На беларускія клубы дагэтуль накладзеныя санкцыі — зараз хатнія матчы могуць праводзіцца толькі на нейтральнай тэрыторыі і без заўзятараў. «Дынама» будзе гуляць хатнія спаборніцтвы ў азербайджанскім Сумгаіце.

Паведамляецца, што трансляцыю матчаў у Беларусі можна будзе паглядзець на канале СТБ.

Наступны матч «Дынама» пройдзе 24 кастрычніка.

Ці будзеце сачыць за гульнёй? Дзяліцеся ў каментарах 👇

172

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF (Belarusian)

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF

Беларускі фонд спартыўнай салідарнасці / BSSF