Zakovat Sayyorasi

#comeback #maqsadlar

Uzoq muddat Zakovat Sayyorasi nomli kanal yuritib, ma'lum marralarni egallash ham nasib qilgandi. Ammo vaqt, hafsala va maqsadlar yetishmasligi tufayli hammasi shundayligicha qolib ketdi. Yana bir necha bor qayta boshlashga urindim, ammo nimadir yetishmadi. Hozir esa maqsad topgandayman.

Intellektual o'yinlar yagona qiziqish soham emas va bu sohada bugun yaxshi kanallar yetarlicha. Ular bilan raqobatlashish, mantiqiy savollar, faktlar taqdim etish orqali eski kanal yo'lini takrorlamoqchi emasman. Zakovat endi kanalning hamma narsasi emas, ma'lum bir qismi bo'ladi.

Qiziqishlarimga yana kino, sport, kitobxonlik, pedagogika (ishim ham) kabilar kiradi. Har biri katta olam. Har biri haqida foydali bo'lishi mumkin bo'lgan ma'lumotlar yetarli. Nasib qilsa birgalikda rivojlanamiz. Menga doim kuzatib turadigan "katta og'a" lar zarur. Aks holda dangasalik yengib qo'yyapti.

Kanallaringiz orasidan "Hammasi yaxshi" uchun joy ajrating, men esa buni to'g'ri qaror bo'lganini isbotlash uchun qo'limdan kelguncha harakat qilaman. Rahmat!

@hammasiyaxshi_rancho

☺️ Uzoq o'ylanishlardan so'ng qaytishga qaror qildim. Kengroq mavzularda sizga foydali nimadirlar ulashishga harakat qilaman. Yangi yil kirib kelishi bilan yangi kanal o'z faoliyatini boshlaydi. Bu kanal esa yaxshi bir davrdan xotira sifatida shunday qolaqolsin. Yangi yilning ilk daqiqalarida ko'rishguncha! (Yangi kanal qaysiligini ham ilk post chiqqanda bilib olasiz nasib!)

Hurmat bilan Bahodir Anorov!

#film #taqriz

Platforma-2 ekranlarga va parallel tarzda uddaburon saytlarimizga chiqdi.

Filmning ilk qismi yaxshi taassurot qoldirgani uchun kutgandim. 1 soat 40 daqiqa vaqt sarflandi va afsus...

Voqeaning originalligi tabiiyki yo'qolgan, shafqatsiz loyiha o'sha-o'sha, qoidalar avvalgiday ("Kalmar o'yini-2" ham shunday bo'lmasaydi). Hammasi joyida qolgandan keyin original nimadirlar berilishi kerak edi.

Filmda vahshiylik maksimal cho'qqiga olib chiqilgan, diniy motivlar yetarlicha, din tarixiga ishoralar qilingan va tushunarsiz bir qancha balo-battarlar to'lib yotibdi. Film oxirini birinchi qismdan qirqib qo'yaqolishganday. IQ darajam umuman ojizlik qiladigan bir qancha narsalar qilgandir balki rejissyor. Balki... Davomini ishlashmaganda yaxshiroq edi. Esiz vaqt...

Kinopoisk reytingi: 5
Shaxsiy baho: 2!

@zakovat_sayyorasi

#navbatchilik #bingo

Savollarning deyarli hammasi meniki va jamoaning paketga deyarli daxli yo'q. Yigitlar boshqa fikrda bo'lishgan, men esa boshqa fikrda. Avvalgi paketimiz menimcha sportcha zakovat qoidalariga mos va qiyinchilik darajasi yuqoriroq bo'lgan, ammo yetarlicha gap eshitilgan.
Bu safargi paketni esa sportcha zakovat va ekran zakovati uslubi qorishmasi o'laroq tuzgandim, baribir yakunda o'zgartirishlar qildik. Nega bunaqa paket tuzildi?
1. Yangi mavsum boshlandi, transferlar bor, adaptatsiya kerak edi;
2. Kuzda talabalar hisobiga barcha ligalarda yangi va tajribasiz jamoalar paydo bo'ladi. Ular uchun qaysidir bingo fakt butkul begona bo'lishi mumkin. Javoblarda faqat ma'lum va taniqli tushunchalar berildi;
3. Va eng asosiysi Zakovat klubi 20 tacha gigant jamoadan iborat emas. Yuzlab kilometrni shu o'yinni o'ynayman deb bosib kelayotgan bilimdonlar bor. Ular 36 ta savoldan keyin 3 ball olib, nega keldik deyishlari qotillik, vaqt qotilligidan boshqa narsa emas. O'sish kerak, lekin 36 ta savolni 30 tasi qiyin savol bo'lsa, tez orada butun respublikada 50 tacha professional jamoa qoladi.
4. Raqiblarni sindirish uchun qildi desangiz, yakuniy jadvalga qarang. Kuchlilar har qanday savolda yutishi bilan kuchli!

Men ataylab o'yinlarni o'tkazadigan ma'sullar bilan gaplashdim va ko'plab yangi jamoalarga o'yin yoqqanini eshitdim.

Umid qilamanki, bugungi savollarni o'ynab ketgan yangi jamoalar kelasi shanbada ham klubga qiziqish bilan qaytib keladi. Ana shunda men bugungi paket orqali maqsadimga erishgan bo'laman.

@zakovat_sayyorasi

🎉 Abdurasul Abdullayev 66 yoshda!

🎂 Bugun - Zakovat teleo‘yini asoschisi, Zakovat klubi prezidenti, O‘zbekistonda xizmat ko‘rsatgan yoshlar murabbiyi - Abdurasul Abdullayev tug‘ilgan kun!

🤲 Ustozimizga uzoq umr, sihat-salomatlik, oilaviy baxt va kasbiy muvaffaqiyat tilaymiz!

@zakovatharakati

#anons #tabrik

Bugun Shaxsiy o'yinga kelaverasizlar. Bir oydan beri kutilayotgan navbatchiligim bugunga nasib qilsa kerak. Mehr berishga harakat qilingan, ammo testdan qilinmagani uchun aniq xulosa qilish qiyin hozircha.

Darvoqe, o'yinda bugun, faqat bugun ukaginam Abdulaziz Sultonovga muxlislik qilaman. Yaxshi niyatlaringizga yetib yuring. Shuhratingiz olamga yoyilsin)

@zakovat_sayyorasi

Turnirda Abdulaziz Sultonovdan boshqa hammaga omad!

@zakovat_sayyorasi

Marsga to‘p otquchi — sen,
Zuhroni uyg‘otquchi — sen,
Uyquda qotquchi — sen,
Uyg‘on o‘zing, uyg‘on o‘zing.

@Zakovat_sayyorasi

Odamiylikdan chiqmaylik muximi.

@Zakovat_sayyorasi

#dorama #olim_oyini #tavsiya

💾 Info

Nomi: O'lim o'yini
Mamlakat: Janubiy Koreya
Yil: 2023
Qismlar: 8
Baho:
1. IMDB - 8.7/10
2. Kinopoisk - 8.5/10
3. Shaxsiy - 10/10

Tavsiya etiladi

1. Suitsidga moyilligi borlar;
2. Motivatsiya (rasvosini chiqarishdi shu tushunchaniyam) aslida qanaqa bo'lishini bilgisi kelganlar;
3. Hayotdan rohatlanmayotganlar;
4. Onasi aslida qanchalar buyuk insonligini yaxshiroq anglagisi kelganlar;
5. Super va original syujet ixlosmandlari;
6. Kvest shaydolari;
7. Inson zoti naqadar tuban va shu lahzada naqadar buyuk ekanligini parallel his qilgisi kelganlar;

Tavsiya etilmaydi

1. Ko'ngli bo'shlar (shafqatsiz sahnalar bor);
2. Ko'ngli bo'sh bo'lmasa ko'rishdan boshqa variant yo'q!

Qisqa syujet (spoyler emas!)

Hayotda ish, sevgi, oila borasida o'zini omadsiz deb hisoblagan Chxve Idje o'z joniga qasd qiladi. Do'zax ostonasida O'lim obrazi bilan yuzlashadi (Abdulla Oripovning "Jannatga yo'l" asarini eslatdi). O'limning yigitdan jahli chiqqan, chunki yigit O'lim uni izlab bormasidan turib, katta gunohga qo'l urgan. O'lim yigit bilan o'yin boshlaydi: 12 xil tanada 12 ta jonga ega bo'lgan yigit (Mushukning 9 ta joni borligi haqidagi gap 2-3 marta eslanibdi) omon qolishga urinishi kerak. Buni uddalay olsa, o'yinda yutadi. Lekin vaziyatlar judayam chigal va omon qolish har safar imkonsiz bo'lib chiqaveradi. Ayni shu jarayonlar asl hayot haqiqatini anglab yetishga sabab bo'ladi. Bu hali boshlanishi, voqealar shunchaki original.

Aktuallik

1. Koreya o'z joniga qasd qilish masalasida dunyoda yetakchilardan biri. Kapitalizm yuqori nuqtaga yetgan davlat fuqarolari ozgina oyog'i toyganida darhol o'limni yechim sifatida qarayotgani ko'rsatilgan. Lekin o'lim bu yechimmi, yoki yakunmi? O'lim balki boshlanishidir?! Serial bunaqangi ta'sirli moral bilan bir qancha insonni suitsiddan qaytarishi, hech bo'lmaganda o'ylab ko'rishga undashi aniq. San'atning buyukligi ham aslida shundadir.

Serialdagi 2 nuqta haqida alohida:

1. Sevgi munosabatlari.

Yigitning sevgilisi Li Jisu omadli qiz. Yozuvchi, yutuqlar sohibasi, chiroy va karyera borasida hammasi joyida. Sevgilisi esa haligacha tayinli ishga ega bo'lmagan luzer. Qizda bir talay variantlar bor bo'lsa-da bugungi moddiyat quliga aylanayotgan jamiyatda sevgisiga xiyonat qilmagani qiziq ko'rindi. Ofitsiant bo'lib ishlayotgan omadsiz sevgilisini hamkasblariga tanishtirishdan tortinmagan joyida esa boshqacha ahvolga tushdim. Otasini kazo-kazo odamlarni oldida xizmatkorim deb tanishtirgan odamlarni bilaman. Shu qiz uchun yashasa arzirdi...

2. Ona. O'tkir Hoshimovning "Dunyoning ishlari" asari ona obrazi haqidagi eng yaxshi asar degan fikrdaman. Kecha shu asar esimga tushdi. "Kolmar o'yini" serialida ham ona obrazi ta'sirli chiqqan, ammo to'liq ochib berilmagan. "O'lim o'yini" da esa asl mohiyatning eng katta bo'lagi aynan onaga borib taqalgani ajoyib. Luzermisiz, ishsizmisiz, aroqxo'rmisiz, kuchsizmisiz, balomisiz, battarmisiz, Onangiz uchun eng yaxshisisiz! Hech kim sizga vafo qilmaganida ham Ona uchun yashasangiz arziydi ...

Syujet topilmalari

"Alice in Borderland" serialini ko'rib chiqqan paytimda Panda books kanali admini taqrizi chiqqandi. O'shanda balki admindan oldinroq ko'rgandirman, ammo bu safar aynan shu kanaldagi taqrizni deb serialni ko'rdim. Rahmat!

Yuqoridagi ikki serialni koreys kinoijodkorlarining (asar mualliflari ham) fantastik fantaziyasi mahsuli deb bilaman. Bunaqangi topilmalar, burilishlar, kutilmagan bog'lamlar, parallellar haqiqiy bomba! Bular odammi o'zi, bilmadim. Miyangni og'ritmasdan qaynonasini o'ldirishga uringan yo eri uydan ketganda qanaqa qilib xiyonat qilishni reja qilayotgan kelin haqida serial olib, reyting ko'tarmaysanmi, nomardlar. Kapalak effekti nimaligini tushungingiz kelsa, shu ikki serial rosa sizbop.

Xulosa

Tomosha qiling va mohiyat haqida qaytadan o'ylab ko'ring! Vaqt ketdi...

@zakovat_sayyorasi

Bolaligimizni eslatadigan, o'z davrida №1 bo'lgan Kvartet guruhining "Kvartachka" qo'shig'i remake qilinibdi.

https://youtu.be/Uu1PHWQxuwQ?si=kifZCwlVMkqgRbHA

Pavel Durovni yangi coini. Faqat telefon orqali kiriladi. Qiziquvchilar bo'lsa, qo'shilishi mumkin.

https://t.me/notcoin_bot?start=rp_5552575

Javob: I, R, O, S, I, M, A.
Izoh: Xirosimada halokatli portlashni boshdan kechirgan inson bu suratni chizgan.

@zakovat_sayyorasi

#savol10

Bu suratni Xda bo'lgan inson chizgan.

Savol: Tushirib qoldirilgan 7 ta harfni yozib bering!

@zakovat_sayyorasi

#joke

Hamma joyda shay turuvchi Tchuamenining yangi ismlari:

Ispanlar uchun: Figaro.
O'zbeklar uchun: Shermat.

Boshqa millat vakillarida ham shunaqa muqobillar bordir balki.

@zakovat_sayyorasi

Тчуамени ҳимояда ўйнашга рози бўлди. «Реал» қишда марказий ҳимоячи сотиб олмайди

👉 http://tribuna.uz/3580

Tribuna.uz расмий канали

#foydali #tip

Olimlarning aniqlashlaricha, qo'l quritkich moslamalar biz uchun xavfli. Ular bakteriyalar tarqalishi uchun sharoit yaratadi. Turli infeksion kasalliklar va pnevmoniyaga sabab bo'lishi mumkin.

@zakovat_sayyorasi

Javob: Shokolad va Shopping.

Izoh: Almashtirishlardan biri yegulik, biri mashg'ulot. Dastlabki ikki harflari ham bir xil.

@zakovat_sayyorasi

#savol9

Savolda almashtirilgan so'zlar bor!

Kakao va Karting narkotik moddalarga qaraganda kuchliroq qaramlikni keltirib chiqaradi.

Savol: Almashtirilgan so'zlarni asl holatda yozib bering!

@zakovat_sayyorasi

#no_racism #hammamizinsonmiz

38 yildan oshiq vaqt davomida qotillik uchun qamoqda o'tirgan va yakunda aybsiz ekanligi isbotlangan inson hissiyotlari.

"Yashil milya" filmi bosh qahramoni Jon Koffi real bir shaxsga asoslanmagan deyishadi. Ammo ba'zi versiyalarga ko'ra, Jon uchun prototip vazifasini 14 yoshida aybsiz bo'lsa-da o'limga hukm qilingan Jorj Stinni JR bajargan deyishadi.

Uchchala inson ham qora tanlilar va katta ehtimolki ularga nisbatan chiqarilgan hukmlarda teri rangi ma'lum darajada ta'sir ko'rsatgan. Irqchilik - eng chirkin illatlardan biri.

@zakovat_sayyorasi

#happynewyear #3idiots

Yana 1,5 soatdan keyin 6-marta Yangi yilning ilk soatlarida "3 savdoyi" filmini ko'rishni boshlayman.

Sizda Yangi yil kechasi bilan aloqador qandaydir uzoq muddatdan beri davom etib kelayotgan odat bormi?

Darvoqe, barchangizga Yangi yil yaxshi yil bo'lsin!

@zakovat_sayyorasi

Abdulaziz Sultonov — 2023-yilda IT sohasi rivojiga hissa qo‘shgan O‘zbekistonning 25 nafar shaxsi ro'yxatiga kiribdi.

Tabriklaymiz!

🦉Zakovat +