ÓzMKÓMI Nókis filialı

#BSH_KOORDINATOR

🔹Ózbekstan mámleketlik kórkem óner hám mádeniyat institutı Nókis filialı Jaslar awqamı Baslanǵısh shólkem baslaması menen "Xalıq dóretiwshiligi" fakulteti student-jasları arasında "Munozara" intellektuallıq oyını ótkerildi.

🔹Tańlaw óz betinshe pikirleytuǵın, qatań turmıslıq poziciyaǵa iye bolǵan student-jaslardı tárbiyalaw, olarda sistemalı tallaw, logikalıq pikirlew hám sheberlik penen pikirlesiw qábiletlerin rawajlandırıw, olardıń sóylew sheberligin jáne de qáliplestiriw hám bos waqtın mazmunlı ótkeriw maqsetinde shólkemlestirildi.

🔹Qızǵın hám doslıq ruwxında ótken jarısta student-jaslar "Munozara" intellektuallıq oyını boyınsha tájiriybelerin jáne bir márte arttırdı.

Bizdi social tarmaqlarda baqlap barıń👇
Telegram I Facebook I Instagram

📹Taubemuratova Aziza

БАСЫМ ҲӘМ ЗОРЛЫҚҚА ЖОЛ ҚОЙМАЙМЫЗ

Бүгин, 21-ноябрь күни Өзбекстан мәмлекетлик көркем өнер ҳәм мәденият институты Нөкис филиалында «Биз зорлық ҳәм басымға қарсымыз» атамасында илаж болып өтти.

Илажды филиал директорының ҳаял-қызлар мәселелери бойынша мәсләҳәтшиси О.Кдырниязова басқарып барды. Онда Нөкис қаласы ишки ислер бөлими жаслар мәселелери бойынша аға инспекторы, майор З.Наўрызбаева сөзге шығып, басым өткериў ҳәм зорлық иллетиниң унамсыз ақыбетлери, зорлықтан қорғаўдың ҳуқықый тийкарлары ҳаққында түсиник берип өтти.

Илажда атап өтилгениндей, зорлық яки басым өткериў бул бир адамның екинши бир адамға қарата ис-ҳәрекетлери яғный, ол физикалық жақтан басым өткериў, руўхый жақтан басым өткериў, сондай-ақ, жынысый ҳәм экономикалық зорлық (басым өткериў жолы менен ақша өндириў) сыяқлы көринислерде болады.

Мағлыўмат ушын атап өтиўимиз тийис, басым өткериў, зорлық бул пүткил дүнья жүзи машқаласы есапланып, бул унамсыз иллеттиң алдын алыўда Бирлескен миллетлер шөлкеми тәрепинен 25-ноябрь сәнесин «Ҳаял-қызларға қарата зорлыққа тыйым бериў халықаралық күни» етип белгиленген.

Илажда студент-қызлар зорлық пенен байланыслы болған унамсыз ақыбетлер ҳәм бийпарқ болмаў, бундай ҳәрекетлерден аўлақ болыў кереклиги бойынша көплеген мағлыўматларға ийе болды.

Илаж даўамында студент-қызлар өзлерин қызықтырған сораўларына жуўап алды хәмде жанлы даўыста қосықлар атқарды.

Bizdi sociallıq tarmaqlarda baqlap barıń:
Telegram | Instagram | Facebook | Web

Kitapqumarlıq shańaraqtan baslanadı

Mámleketimizde kitapqumarlıq mádeniyatın jetilistiriw boyınsha kóplegen ilajlar alıp barılmaqta. Jaslardı kitap oqıwǵa qızıqtırıw, kitap basıp shıǵarıwdı jetilistiriw máselesi mámleketlik siyasat dárejesine kóterilip, búgingi hám keleshek áwladtı tárbiyalawda kitaptıń ornı, bul boyınsha shańaraqta hám oqıw orınlarında itibarlı jumıslardı alıp barıw talap etilmekte.

Álbette, perzenti ushın telefon hám gadjetlerden kóre kitap satıp alıp kelip, onı birgelikte oqıǵan ata-ana keleshekte úlken nátiyjelerge erisiwi múmkin. Elimizde dástúriy kitapqumar shańaraqlar boyınsha da tańlawlar ótkerilip kiyatırǵanlıǵı jaqsı nátiyjeler berip kelmekte. Óytkeni, tárbiya besigi bolǵan shańaraqta ata-analardıń perzentlerin kitap oqıwǵa qızıqtırıwı úlken nátiyjelerge tiykar jaratarı sózsiz.

Usı tiykarda búgin, 21-noyabr kúni Ózbekstan mámleketlik kórkem óner hám mádeniyat institutı Nókis filialında shańaraqlarda kitapqumarlıq mádeniyatın arttırıw maqsetinde, «Kitapqumarlıq shańaraqtan baslanadı, kitapqumar ana – kitapqumar bala» súreni astında ushırasıw bolıp ótti.

Ushırasıwda jas ana, úy bekesi, 2 perzenttiń anası Gúlbanıw Genjebaeva menen sáwbet ótkerildi. Ol óz sózlerinde oqıǵan kitapları arqalı perzentlerine durıs tárbiya berip kiyatırǵanlıǵı hámde perzentlerine shet tillerin erkin úyretip atırǵanlıǵı tuwralı student-qızlarǵa aytıp berdi.

– Búgingi kúnde elimizde kitapqumarlıqtı rawajlandırıwǵa mámleketlik siyasat dárejesinde qaralmaqta, - deydi filial direktorınıń hayal-qızlar máseleleri boyınsha másláhátshisi Oralxan Qdirniyazova. – Atap aytqanda, sońǵı jılları Prezidentimizdiń baslaması menen xalıq, ásirese, jaslar arasında kitapqumarlıqtı keńnen úgit-násiyatlaw, bul arqalı ruwxıy-aǵartıwshılıq ortalıǵın arttırıw baǵdarında aytarlıqtay nátiyjelerge erisilip atırǵanına búgin barlıǵımız gúwa bolıp atırmız. Prezidentimizdiń tiykarǵı bes baslaması sheńberinde ótkerilgen ilaj da student-jaslarımızdıń poeziya, prozaǵa qızıǵıwshılıqların, kitap oqıwǵa qushtarlıǵın jáne de arttırdı, dep oylayman.

Ilaj dawamında kitapqumar ana Gúlbanıw Genjebaeva óziniń oqıǵan kitapları haqqında qatnasıwshılarǵa aytıp berip, jaslardı kitap oqıwǵa shaqırdı.

Ushırasıw dawamında student-qızlar ózlerin qızıqtırǵan sorawlarǵa juwap aldı.

Bizdi sociallıq tarmaqlarda baqlap barıń:
Telegram | Instagram | Facebook | Web

📽 «Жаңалықлар»да бизиң филиалымыз

Өзбекстан мәмлекетлик көркем өнер ҳәм мәденият институты Нөкис филиалында тараў қәнигелери тәрепинен жаслар арасында нәшебентлик ҳәм психотроп затлардан пайдаланыўдың алдын алыў, жынаятшылық ҳәм ҳуқықбузарлықлар профилактикасына арналған ушырасыў болып өтти.

Бизди социаллық тармақларда бақлап барың:
Telegram | Instagram | Facebook | Web

«Бахтияр Сайфуллаев. Соңғы демине шекем» ҳүжжетли фильм филиал жәмәәти нәзерине усынылды

Хабарыңыз бар, усы жыл 2-ноябрь күни Әлишер Наўайы атындағы Өзбекстан Миллий кино көркем өнери сарайында миллий мәдениятымыз ҳәм көркем-өнеримиз пидайысы Бахтияр Сайфуллаевтың жарқын естелигине арнап, «Бахтияр Сайфуллаев. Соңғы демине шекем» деп аталған ҳүжжетли фильмниң презентациясы болып өткен еди.

Фильмде Бахтияр Сайфуллаевтың пидәкерли мийнетлери, инсаныйлық пазыйлетлери, басшылық, шөлкемлестириўшилик, устазлық пазыйлетлери тәсиршең ҳәм мазмунлы ашып берилген.

Бүгин Өзбекстан мәмлекетлик көркем өнер ҳәм мәденият институты Нөкис филиалында бул ҳүжжетли фильм филиал жәмәәти ҳәм студент-жасларына усынылды.

👉 Толық оқыў ушын

Бизди социаллық тармақларда бақлап барың:
Telegram | Instagram | Facebook | Web