Унутилган тарих

#kun_tarixi

9️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🇵🇸🇬🇧 1917 йил Қуддус Британия қўшинларига таслим бўлган

🎭1983 йил Бош ролни Ал Пачино ижро этган "Чандиқли юз" кинотеатрларда намойиш этила бошлади

⚔️ 1971 йил Париж тинчлик шартномаси бузилган

👑 1212 йил Фридрих II (кейинчалик Муқаддас Рим императори) Майнсда Германия қироли тахтини эгаллади

🗳1990 йил Полшадаги биринчи президентлик сайловларида Лех Валенса ғалаба қозонган

💣 1983 йил АҚШ Невада штатидаги полигонда ядровий қуролни синовдан ўтказди

🔫 2015 йил Қандаҳор аэропортига Толибон ҳужумидан камида 37 киши ҳалок бўлди

🇰🇷 2016 йил Жанубий Корея президенти Парк Гён Хига сиёсий можаро туфайли мамлакатнинг Миллий Ассамблеяси томонидан импичмент эълон қилинган.

🔎 @unutilgan_tarix

#kun_tarixi

8️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

⚔️ 1941 йил Япониялик генерал Томоюки Ямашита томонидан Цингапурда Британия армиясига қарши ҳужум бошланган.

⚔️1941 йил АҚШ ва Буюк Британия Японияга уруш эълон қилган, АҚШ Иккинчи Жаҳон урушига кирган

🌐 1948 йил БМТ томонидан Жанубий Кореянинг тан олиниши маъқулланган.

🔫 1980 йил машҳур қўшиқчи ва бастакор Жон Леннон ўз фанати томонидан отиб ўлдирилган

🎤 1982 йил яна бир қўшиқчи Ники Минаж дунёга келган

📜 1987 йил АҚШ Президенти Роналд Рейган ва Михаил Горбачёв ядровий қуролларни чеклаш бўйича шартнома имзолаган.

🚀2010 йил SpaceX компанияси космик кемани орбитага учирган ва Ерга қайтара олган ягона тижорат компанияси сифатида тарихга кирган

🇺🇿 1992 йил Ўзбекистон Республикаси Конституцияси қабул қилинган

🔎 @unutilgan_tarix

#retro_video

1941 йил 7 декабр куни Япония АҚШнинг Гавайида жойлашган Тинч океан флоти таркибидаги Перл-Ҳарбор ҳарбий базасига зарба бериб, уни буткул вайронага айлантирган. Бу воқеа АҚШ тарихига энг йирик ва энг шармандали фожиа сифатида кирган.

🔎 @unutilgan_tarix

😁😁😁

🔎 @unutilgan_tarix

#kun_tarixi

5️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🔥1349 йил —Нюрнбергда яҳудийларнинг вабони тарқатишда айблангани сабабли оммавий яҳудий погромлари уюштирилган;

🇭🇹1492 йил— Христофор Колумб Гаити оролига етиб келган;

🇫🇷1812 йил—Наполеон Россиядаги қўшинини қолдириб, Парижга жўнаган;

🇹🇯1929 йил — Тожикистон ССР ташкил топган;

📌1936 йил —СССРнинг Сталин конституцияси қабул қилинган;

🇯🇵1937 йил —Япония қўшинлари Хитойнинг Нанкин шаҳрини эгаллаб олишган;

⚔️1941 йил—Иккинчи Жаҳон уруши: Буюк Британия Финляндия, Венгрия ва Руминияга қарши уруш эълон қилган;

📌1977 йил— Миср Сурия, Ливия, Жазоир, Ироқ ва Жанубий Яман билан дипломатик алоқаларни узган. Бу ҳаракат Триполининг Мисрга қарши декларацияси учун қасос бўлган;

🇺🇦1991 йил —Леонид Кравчук Украинанинг биринчи президенти этиб сайланган;

❌ 2017 йил— Халқаро Олимпия қўмитаси Россияни 2014 йилги Қишки Олимпиада ўйинларида допинг истеъмол қилгани учун 2018 йилги Қишки Олимпиада ўйинларида қатнашишни тақиқлаган.

🔎 @unutilgan_tarix

#kun_tarixi

3️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🥔1586 йил— Англияга биринчи марта Колумбиядан картошка олиб келинган;

🤝 1912 йил —Болгария, Греция, Сербия ва Черногория Туркия билан Чаталжон сулҳини имзолашган;

🫀1967 йил —Кейптаун (Жанубий Африка) касалхонасида тиббиёт тарихидаги биринчи юрак трансплантацияси операцияси амалга оширилган;

⚔️1971 йил— учинчи Ҳинд-Покистон уруши бошланган;

🇮🇳 1984 йил —Бҳопал фалокати: пестицид заводидан метил изосиянатнинг тўкилиши натижасида 3800 дан ортиқ одам ҳалок бўлган ва юз минглаб одамлар жароҳатланган;

❌ 1989 йил —АҚШ президенти Жорж Буш ва КПСС Марказий Қўмитаси Бош котиби Михаил Горбачёв ўз мамлакатларининг энди душман эмаслигини эълон қилишган. Бу кун тарихга Совуқ уруш тугашининг расмий санаси сифатида кирган;

📌1991 йил —СССР КГБ тарқатиб юборилган;

📱1992 йил — тарихдаги илк СМС хабар юборилган;

🇺🇳1992 йил— 3 декабрь БМТ Бош Ассамблеясининг 47-сессиясида Халқаро ногиронлар куни деб белгиланган;

📜 1997 йил —пиёдаларга қарши миналардан фойдаланиш, ишлаб чиқариш, тўплаш ва экспорт қилишни тақиқлаш бўйича Оттава шартномаси имзоланган;

⚔️1999 йил —Иккинчи Чечен уруши: Россия қўшинлари Чеченистоннинг учинчи йирик шаҳри Аргунни эгаллаб олган;

🇸🇴 2009 йил — Сомали пойтахти Могадишода теракт содир бўлган.

🔎 @unutilgan_tarix

#kun_tarixi

2️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🤴1804 йил — Наполеон I Бонапарт ўзини Франция императори деб эълон қилган;

🇺🇿 1902 йил —Андижон шаҳрида 6,7 дан 9 баллгача бўлган ҳалокатли зилзила юз берган;

📜1946 йил— Буюк Британия ва Бирлашган Қироллик томонидан Германиянинг ишғол зоналарини бирлаштириш тўғрисидаги битим имзоланган;

🇨🇺1956 йил —Гранма яхтасида Мексикадан сузиб кетган Фидел Кастро бошчилигидаги бир гуруҳ инқилобчилар Кубага тушган;

🛰 1971 йил — «Марс-3» совет автоматик сайёралараро станцияси дунёда биринчи марта Марс юзасига юмшоқ қўнишни амалга оширган;

🇺🇦 1991 йил—Канада ва Полша биринчи бўлиб Украинанинг Совет Иттифоқидан мустақиллигини тан олган;

🔫 1993 йил— Колумбия наркобарони Пабло Эскобар Меделинада отиб ўлдирилган;

🇬🇧 1999 йил—Буюк Британия Шимолий Ирландиядаги сиёсий ҳокимиятни «Яхши жума» келишувига биноан Шимолий Ирландия ижроия ҳокимиятига топширган;

📱2010 йил— iPhone'да Viber мессенжери ишга туширилган;

🇺🇸🌱 2020 йил— АҚШ Гиёҳванд моддалар комиссияси марихуанани Хавфли гиёҳванд моддалар рўйхатидан чиқарган.

🔎 @unutilgan_tarix

#retro_video

Генерал Франконинг Барселонани эгаллаши, 1939 йил

🔎 @unutilgan_tarix

#kun_tarixi

1️⃣ ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🇺🇸 1774 йил — Биринчи Континентал Конгресс ташаббуси билан Буюк Британия ва унинг Шимолий Америка колониялари ўртасидаги савдо бойкоти кучга кирган;

🏀 1891 йил — Жеймс Нейсмит баскетбол ўйинини ихтиро қилган;

⚔️ 1913 йил— Биринчи Болқон урушидан сўнг ярим мустақилликни қўлга киритган Крит Греция томонидан босиб олинган;

🇮🇸1918 йил — Исландия Дания қироллиги таркибида суверен давлатга айланган;

🇯🇵 1941 йил— Император Хирохито АҚШга қарши уруш бошлаш бўйича якуний қарорни тасдиқлаган;

📌1943 йил — СССР (Сталин), АҚШ (Ф. Рузвелт) ва Буюк Британия (У. Черчилл) учта иттифоқчи давлат ҳукумат раҳбарларининг Теҳрон конференцияси якунланган;

🤵‍♀️ 1945 йил —Халқаро демократик аёллар федерацияси ташкил топган;

📜1959 йил — Антарктика шартномаси имзоланган, унга кўра Антарктидадан ҳар қандай ҳарбий мақсадларда фойдаланиш тақиқланган;

🇺🇳1988 йил—БМТга аъзо давлатлар томонидан 1 декабрь— Халқаро ОИТСга қарши кураш куни сифатида тасдиқланган;

🇺🇿1989 йил— Қорақалпоқ тилига давлат тили мақоми берилган;

🇻🇦 1989 йил —Михаил Горбачев Ватиканга ташриф буюрган биринчи Совет раҳбари бўлган;

🇺🇦1991 йил — Украинада президентлик сайловлари ва Мустақиллик бўйича бутун Украина референдуми бўлиб ўтган;

🇰🇿1991 йил — Қозоғистонда биринчи умумхалқ президентлиги сайлови бўлиб ўтган.

🔎 @unutilgan_tarix

#kun_tarixi

3️⃣0️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🌜1609 йил— Галилео Галилей Ой юзасининг биринчи харитасини яратган;

⚽️ 1872 йил—Глазгода биринчи расмий халқаро футбол учрашуви бўлиб ўтган (Шотландия 0:0 Англия).

📌1876 йил —Павел Яблочков трансформатор яратиш учун патент олган, бу кун илк трансформаторнинг туғилган куни ҳисобланади;

🚘 1900 йил—немис муҳандиси автомобилнинг олд ғилдирагини патентлаган;

🇷🇺1922 йил— РСФСР таркибида Чечен автоном вилояти ташкил топган;

⚔️ 1939 йил — Совет-Фин уруши бошланган. Эрталаб соат 8 да Қизил Армия Олий қўмондонлиги буйруғи билан Қизил Армия бўлинмалари Финляндия чегарасини кесиб ўтган;

⚔️1947 йил— Фаластинда фуқаролар уруши бошланиб, оқибатда Исроил давлати ташкил топган;

🇵🇰 1967 йил—Зулфиқор Али Бхутто томонидан Покистон халқ партиясига раис бўлган;

🎶 1982 йил—Майкл Жексоннинг «Триллер» мусиқаси тарихидаги энг кўп сотилган альбом мақомига эришган;

🇮🇶🇺🇸 1995 йил— "Чўл бўрони" операцияси тугаган;

🇧🇧 2021 йил— Барбадос республика деб эълон қилинган.

🔎 @unutilgan_tarix

Совет пропагандистлари савиясидан лавҳа.

АҚШда қора танлилар камситилишини урғулаб, АҚШни ёмонлаш учун совет газеталарида доимий ёзилувчи рукн.
Кулгули томони, “қийналаётган” қора танлилар ҳақида жон куйдириб ёзган советлар, уларни ОАВда уялмасдан “негр” деб атаган.

Мана сизга советча савия, тенглик ва ҳуқуқ.

🔎 @unutilgan_tarix

#uzb

Ўрта Осиё Давлат университети, 1920 йил

Совет ҳокимияти ўзи учун чекка деб ҳисоблаган Туркистон ўлкасида олий таълимни ташкил этиш, унга маҳаллий ёшларни жалб этиш орқали халқ билан алоқа боғлашга уринган. 1920 йил сентябр ойида Тошкентда Туркистон давлат университети ташкил қилинган. Марказий Осиёдаги илк олийгоҳ кейинчалик Ўрта Осиё университети мақомини олган, ҳозирда эса Ўзбекистон миллий университети деб аталади. Университет очилган бўлса-да, маҳаллий халққа бу унча катта енгиллик олиб келмаган. Дарслар рус тилида ўтилган, шу боис маҳаллий ёшлар унга кириб таълим олишда муаммоларга дуч келган.1924 йилда олийгоҳда таълим олаётган 2047 ёки талабаларнинг атиги 51 нафари маҳаллий миллат ёшлари бўлган, холос. 30 йилларда ушбу университет негизида бошқа муассасалар ҳам очилган.

🔎 @unutilgan_tarix

#inform

"Ҳеч нарса ҳақида китоб"

Машҳур инглиз драматурги Бернард Шоудан кимсасиз оролда унга қайси 5 та китоб асқотиши мумкинлиги ҳақида сўрашганида у "бўм-бўш саҳифалардан иборат бўлган китоблар" дея жавоб қайтарган. 1974 йилда ушбу ғоя Америка Қўшма Штатларидаги китоб чоп этувчи нашриётлардан бири бўлган Harmony Books томонидан ҳақиқатга айлантирилган. Улар томонидан нашр этилган "Ҳеч нарса ҳақида китоб" 192 та бўш, ёзувсиз саҳифадан ташкил топган. Ажабланарлиси шундаки, ушбу китобга ҳам харидорлар топилган ва кейинчалик китоб бир неча марта қайта нашр этилган.

🔎 @unutilgan_tarix

#kun_tarixi

2️⃣6️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🇰🇷1394 йил— Сеул Корея пойтахтига айланган;

🪦1922 йил—Говард Картер ва Лорд Карнавон 3000 йилдан ошиқ вақт ичида Тутанхамон қабрига кирган илк одамлар бўлган;

⚔️1950 йил— Корея уруши: Хитой армияси Шимолий Кореяда Жанубий Корея ва БМТ кучларига қарши йирик ҳужумни бошлаган;

🛰 1965 йил— Франция "Asterix"ги учириб, ўз кучайтиргичи ёрдамида орбитага объект жойлаштирган учинчи давлатга айланган;

🇦🇿1991 йил — Озарбайжон Миллий Ассамблеяси Озарбайжоннинг Тоғли Қорабоғ автоном вилоятининг автоном мақомини бекор қилган ва бир қанча шаҳарларнинг асл номларини қайта тиклаган;

🇬🇧1998 йил — Тони Блер Ирландия Республикаси парламентида нутқ сўзлаган Буюк Британиянинг биринчи Бош вазири бўлган;

🇮🇳 2008 йил— Покистонда тузилган экстремистик исломий террорчилик ташкилоти "Лашкар-э-Тайба"нинг 10 нафар аъзоси томонидан Мумбайда содир этилган терактлар тахминан 166 фуқаронинг ўлимига сабаб бўлган;.

🇵🇰 2011 йил— НАТОнинг Покистонга ҳужуми: Афғонистондаги НАТО кучлари Покистоннинг назорат постига ҳужум қилиб, 24 аскарни ўлдирган ва 13 кишини яралаган.

🔎 @unutilgan_tarix

1989 йил 23 августда Латвия, Эстония ва Литванинг қарийб икки миллион аҳолиси Совет Иттифоқидан ажралиб чиқиш истагини дунёга намойиш этиш мақсадида уч давлатни бирлаштирган улкан инсон занжирини ташкил этдилар.

🔎 @unutilgan_tarix

#kun_tarixi

2️⃣5️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

⚔️1120 йил —Нормандия қирғоғи яқинидаги Ла-Манш бўйида Оқ кема ҳалокатга учраши натижасида кўп сонли англонорман аристократлари, жумладан, инглиз тахти вориси Уилям Аделин ҳалок бўлган;

⚔️1510 йил —Алфонсо де Албукерке бошчилигидаги португаллар Гоани Бижапур султонлигидан ажратиб олиб у ерда 451 йиллик ҳукмронлигини ўрнатишган;

🇬🇧 1783 йил —Америка инқилобий уруши тугагандан сўнг охирги инглиз қўшинлари Нью-Йокни тарк этишган;

🧨 1867 йил —Алфред Нобел динамитни патентлаган;

⚔️1917 йил— Биринчи жаҳон урушида Германия армияси ҳозирги Мозамбик ва Танзания чегара ҳудудида португалларни мағлуб этишган;

🤝1936 йил — Германия ва Япония Антикоминтерн пактини имзолаган;

⚔️1950 йил — Корея уруши: Хитой армияси ўзининг биринчи йирик ҳужумини бошлаган, натижада БМТ кучлари оғир мағлубиятга учраган;

🎭1952 йил— Ёзувчи Агата Кристининг мистик йўналишдаги "Сичқон учун қопқон" драматик асари тарихда энг узоқ вақт қўйилган саҳна асари бўлган;

🇸🇷1975 йил— Суринам Нидерландиядан мустақилликка эришган;

📌1992 йил— Чехословакия федерал ассамблеяси мамлакатни Чехия ва Словакияга бўлишни ёқлаб овоз берган.

🔎 @unutilgan_tarix

#kun_tarixi

2️⃣3️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

❌1921 йил —АҚШ президенти Уоррен Хардинг шифокорларга беморларга дори сифатида пиво ёзишни тақиқлаган;

❌1923 йил —Германия Коммунистик партияси фаолияти тақиқланган;

⚔️1938 йил— Япония қўшинлари Фучжоу портини эгаллаб олишган;

📜1940 йил —Венгрия ва Руминия 27 сентябрда тузилган Германия, Италия ва Япониянинг уч томонлама пактига қўшилган;

🇪🇬1943 йил —Қоҳира конференцияси ўз ишини бошлаган (7 декабргача давом этган). Ф.Д.Рузвелт, В.Черчилл ва Чан Кай Ши Японияни мағлуб этишнинг стратегик режасини муҳокама қилишган;

⚔️ 1943 йил —Тинч океанида АҚШ армияси бўлинмалари Гилберт ороллари таркибига кирувчи Майкин оролини эгаллаган;

💣1955 йил —СССРда РДС-37 водород бомбаси портлатилган, портлаш энергияси "300 Хиросима" бўлган;

🇫🇷1968 йил — Франция президенти Де Голл франкни қадрсизлантиришдан бош тортган;

📌 1974 йил — Владивостокдаги учрашувда АҚШ президенти Ж. Форд ва Л.Брежнев қурол-яроғ назорати бўйича музокаралар олиб боришган;

🇨🇳 1981 йил — Хитойда хусусий бизнесга рухсат берилган;

🔎 @unutilgan_tarix

#article

1963 йил 22 ноябрда АҚШда XX асрнинг энг шов-шувли қотилликларидан бири содир этилган, яъни АҚШнинг 35 президенти Жон Кеннеди отиб ўлдирилган. Мамлакат тарихидаги энг машҳур президентларидан бирининг барвақт ўлими кимга керак бўлиб қолган эди?

🔎 @unutilgan_tarix

https://telegra.ph/MAFIYA-RAZVEDKA-IDORALARI-YOKI-SOVET-ITTIFO%D2%9AI-ZHON-KENNEDINING-%D2%9AOTILI-KIMLAR-11-22-2

#kun_tarixi

2️⃣2️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🛳1497 йил— Португалиялик денгизчи Васко да Гама Яхши Умид бурнини айланиб чиққан;

📌 1542 йил—Испания Америка колонияларида қулликни чеклаган;

📌 1641 йил —Англия парламенти «Буюк ремонстрация» - қиролнинг суиистеъмолликлари рўйхатини қабул қилган;

✒️1946 йил —Англияда биринчи шарикли ручкалар сотувга чиққан;

🏋️ 1956 йил —Мелбурнда ХVI Олимпия ўйинлари бошланган;

🔫 1963 йил —АҚШ президенти Жон Кеннеди Далласда ўлдирилган;

🇪🇸1966 йил — Испания парламенти генерал Франко таклиф қилган янги конституцияни қабул қилган;

🤴 1975 йил —Генералиссимус Франциско Франко вафотидан кейин Хуан Карлоснинг Испания қироли деб эълон қилинган;

🥊1986 йил —Майк Тайсон WBC йўналиши бўйича оғир вазн тоифасида чемпион бўлиб, бокс тарихидаги энг ёш жаҳон чемпионига айланган;

🇬🇧1990 йил —Буюк Британия Бош вазири Маргарет Тетчер истеъфога чиқишини эълон қилган;

🇦🇲1993 йил — Арманистон ўзининг миллий валютаси - драмни муомалага киритган;

🇬🇪 2003 йил — Тбилисида президент Эдуард Шеварднадзенинг мухолифлари томонидан Грузия парламенти эгалланган;

🇺🇦 2004 йил— Украинада «Оловранг инқилоб» бошланган.

🔎 @unutilgan_tarix

Арвоҳлар черкови (Авлиё Жорж черкови)

Чехиянинг Лукова шаҳрида жойлашган.

1352 йилда қурилган черков узоқ йиллар давомида ғайриоддий тарзда юз берган ёнғинлар туфайли кўплаб одамларнинг ўлимига сабаб бўлган, кўп марта таъмирланган ва қисман қайта қурилган.

Черков билан боғлиқ сўнгги қўрқинчли воқеа 1968 йилда бўлиб ўтган. Ўшанда дафн маросимида том қулаб тушган ва ўшандан бери у ер ташландиқ ҳолатда.

Маҳаллий рассом Якуб Хадрава черков ичида яшаши учун рамзий маънода 32 та ҳаётий ўлчамдаги "арвоҳ"ларни яратган.

🔎 @unutilgan_tarix

Усмонли турк императори Абдул Хамидхон II қурдирган Дамашқ-Мадина темир йўли. 1900-1908 йй.

Аслида, режа бўйича бу йўл Маккагача тортилиши керак эди. Аммо қурилиш ишлари, I Жаҳон уруши бошланиши ва Британия бошчилигидаги араблар уюштирган диверсиялар туфайли амалга ошмай қолган ва ҳозирда мана шундай ташландиқ кўринишга келиб қолган.

🔎 @unutilgan_tarix

#kun_tarixi

2️⃣1️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

1386 йил—Амир Темур Грузия пойтахти Тбилисини эгаллаган;

🪂 1783 йил— инсоният илк бор ҳаво шарида парвоз қилган. Икки француз Париж чеккасида 915 метр баландликка кўтарилиб, 25 дақиқадан сўнг ерга қўнган.

⏺1877 йил —Томас Эдисон томонидан овоз ёзиб олувчи фонограф ихтиро қилинган;

🇺🇳1945 йил —Гватемала БМТга аъзо бўлган;

🇯🇵1969 йил— АҚШ президенти Ричард Никсон ва Япония бош вазири Эйсику Сато 1972 йилда Окинава оролини Японияга қайтарилиши бўйича шартнома имзолашган;

🇰🇷1972 йил—Жанубий Кореядаги сайловчилар янги конституцияни тасдиқлаган, Тўртинчи республика қонунийлиги тан олинган;

🇵🇰 1979 йил —Намойишчилар Покистоннинг Исломобод шаҳридаги АҚШ элчихонасини ёқиб юборишган;

📌 2002 йил— НАТО Болгария, Латвия, Литва, Руминия, Словакия ва Словенияга ташкилотга аъзо бўлиш таклифини юборган;

🇺🇦 2013 йил— президент Виктор Янукович Украина ва Европа Иттифоқи ўртасидаги келишувни имзолашдан бош тортгач, оммавий намойишлар бошланган;

🔎 @unutilgan_tarix

#kun_tarixi

2️⃣0️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🇲🇽1910 йил —Мексика инқилоби бошланган. Бу Порфирио Диас диктатурасига қарши қўзғолон сифатида бошланиб, янги конституция қабул қилиниши билан якунланган. Фуқаролар уруши даврида аҳоли ўртасидаги йўқотишлар, турли манбаларга кўра, 500 мингдан 2 миллион кишигача бўлган;

🇺🇦1917 йил —Украина Халқ Республикаси ташкил топганлиги эълон қилинган;

⚔️1943 йил — Тарава жанги бошланган. Бу АҚШнинг Тинч океанидаги иккинчи ҳужум операцияси бўлган;

⚖️ 1945 йил — Нюрнбергда Учинчи Рейхнинг ҳарбий жиноятчилари устидан суд жараёни бошланган;

📌 1962 йил —Куба ракета инқирози тугаган;

🩸 1979 йил— беморга илк маротаба сунъий қон қуйилган;

💻1985 йил— Microsoft Windows 1.0. бозорга чиқарилган;

⛓ 1990 йил — серияли қотил Андрей Чикатилло ҳибсга олинган;

🇦🇫1998 йил— Толибон қўл остидаги Афғонистон суди террорчи Усома бин Лодинни "бегуноҳ инсон" дея эълон қилган;

🇹🇷2003 йил— Истанбулда қатор портлашлар юз бериб, Британия консуллиги биноси вайрон этилган.

🔎 @unutilgan_tarix

ПИРАМИДАЛАР ҚАНДАЙ ҚУРИЛГАН?

Хеопс эҳромининг қурилиши ҳақидаги расмий маълумотларга қарасак, "қадимги мисрликлар" бир соатда ҳар бири 2,5 тоннадан бўлган 9 та блокни қазиб олишган, ишлов беришган, ташишган, кўтаришган ва жойлаштирганлар. Бу кунига 220 та блок дегани. Бунда одамларнинг 12 соат давомида жазирама қуёш остида ишлашини ҳисобга олсак иш нақадар қийин бўлганини тасаввур этишни ўзи мураккаб.

Япон муҳандислари 40 йил олдин асл пирамидадан 7 марта кичикроқ нусхасини қуришга уринишган. Улар буни бир ойда қуришни режалаштирган, аммо қурилиш бир йил давом этган. Қурилишда юк машинаси ва вертолётдан фойдаланишга мажбур бўлишган, чунки тарихда тасвирланган қурилиш усуллари ҳайратланарли тарзда самарасиз бўлиб чиқган.

🔎 @unutilgan_tarix

Бир фикрлашсак...
Буни қандай тушунтириш мумкин ?

🔎 @unutilgan_tarix

"Менинг фалсафам шундай : мен ҳақимда одамлар нима деяпти -буни менга мутлақо қизиғи йўқ, бу менинг ишим эмас.
Менинг борим борлиғимчадир ва мен нимани хоҳласам ўшани қиламан.
Мен ҳеч нарса кутмайман ва берилган барча неъматларни борича қабул қиламан.
Ва бу ҳаётимни жуда енгил қилади .
Биз шундай дунёда яшаяпмизки, дафн маросимида вафот этган шахсдан аҳамиятлироқ, никоҳ севгидан муҳимроқ, ташқи кўриниш қалбдан устунроқ ҳисобланадиган замон ва маконда яшаяпмиз.
Биз шундай бир маданий қутида яшаяпмизки, у ўз моҳиятидан нафратланади"

Сэр Энтони Хопкинс

🔎 @unutilgan_tarix

#kun_tarixi

1️⃣9️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🇵🇷1493 йил —Янги дунёга иккинчи саёҳатида Колумб Пуэрто-Рико оролини кашф этган;

❌1919 йил — АҚШ Сенати Версал тинчлик шартномасини ратификация қилишга қарши овоз берган ва натижада Миллатлар Лигасидан чиқишга мажбур бўлган;

🇩🇪 1932 йил —Германияда президент Ҳинденбург Адолф Гитлерга парламентда кўпчилик томонидан қўллаб-қувватланадиган коалиция тузишни таклиф қилган;

⚔️1942 йил— Совет қўшинларининг Сталинградни олиш учун ҳужуми бошланган;

⚔️1943 йил —Гилберт ороллари ва Маршалл оролларини япон қўшинларидан озод қилиш операцияси бошланган;

🇺🇳1965 йил — БМТ Бош Ассамблеяси томонидан СССР ташаббуси билан ядро қуролини тарқатмаслик тўғрисидаги резолюция қабул қилинган;

🛰1969 йил — Чарлз Конрад, Алан Бин ва Ричард Гордон исмли астронавтлар томонидан бошқарилган АҚШнинг "Аполлон-12"космик кемаси Ойга қўнган;

🇪🇬🇮🇱1977 йил — Миср Президенти Анвар Садат Исроилга илк маротаба ташриф буюрган;

📌1985 йил — М. Горбачев ва АҚШ президенти Роналд Рейган Женевада (Швейцария) учрашишган;

🔎 @unutilgan_tarix

#kun_tarixi

1️⃣8️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

📚1477 йил —Уилям Кекстон Англияда илк босма китобни нашр этган;

🌡 1868 йил — Д. Менделеев ташаббуси билан Россия кимё жамияти ташкил топган;

📜 1905 йил —Япония-Корея протекторати шартномаси имзоланган, унга кўра Корея ўз ташқи сиёсатини юритиш ҳуқуқидан маҳрум бўлган;

⚔️ 1916 йил— Биринчи жаҳон урушининг энг қонли жангларидан бири — Сомме жанги якунланган;

🇱🇻1918 йил — Латвия ўз мустақиллигини эълон қилган;

📌1936 йил — Германия ва Италия Испанияда Франко ҳукуматини тан олганликларини эълон қилишган;

🇪🇬1954 йил — Мисрда генерал Носир давлат раҳбари бўлган;

🇺🇸1981 йил —АҚШ Президенти Рейган, агар СССР Ғарбий Европа мамлакатларига қаратилган ўрта масофага учувчи ракеталарини демонтаж қилса, АҚШ Европада қанотли ракеталарни жойлаштиришн тўхтатишни таклиф қилган;

🇺🇿 1991 йил — Ўзбекистон Республикасининг «Давлат байроғи тўғрисида»ги қонуни қабул қилинган;

🇵🇰1992 йил —Покистонда Беназир Бхутто янги парламент сайловлари мобайнида Исломободдаги намойишчиларга қарши полиция томонидан кўздан ёш оқизувчи газ таъсирида жароҳат олган.

🔎 @unutilgan_tarix

17 НОЯБР санаси 1941 йилдан буён Халқаро талабалар куни сифатида нишонланиб келинади

Сана тарихига назар ташлайдиган бўлсак, 1939 йил 16 ноябр куни нацистлар қўл остига ўтган Чехословакияда талабалар Чехословакия ташкил этилганлигининг 21 йиллигини нишонлаш учун намойишга чиқишган. Хукумат қўшинлари намойишчиларни тарқатиб юборган ва тартибсизликларда тиббиёт факультети талабаси Ян Оплетал отиб ташланган, юзлаб намойишчилар ҳибсга олинган. 17 ноябрь куни эса Гитлернинг буйруғи билан фашистлар талабалар ётоқхоналарини ўраб олиб, 1200 дан ортиқ талабани концлагерларга олиб бориб ташлашган. 9 нафар талаба ва талабалар ҳаракати фаоллари қамоқхонада қатл этилган.

Мазкур хунрезликдан икки йил ўтгач, 1941 йилда Лондонда нацистларга қарши курашган талабаларнинг халқаро учрашуви бўлиб ўтган ва унда Чехословакия коммунисти Отто Шлингнинг таклифига биноан, ҳар йили ҳалок бўлган талабалар шарафига 17 ноябр санасини Халқаро талабалар куни сифатида нишонлаш тўғрисида қарор қабул қилинган.

🔎 @unutilgan_tarix

#kun_tarixi

1️⃣7️⃣ НОЯБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

👸1558 йил - католик қироличаси Мери Тюдор вафотидан сўнг, унинг протестант синглиси Елизавета I инглиз тахтига ўтирган. Рим папаси ва католик монархлари Елизаветани узурпатор деб эълон қилишган, чунки унинг отаси ва онасининг никоҳи Рим томонидан тан олинмаган эди;

🇺🇸 1800 йил— Вашингтонда илк марта АҚШ Конгресси йиғилган;

👩‍🎓1880 йил— дастлабки учта британиялик аёл Лондон университетида бакалавр даражасини олган;

🇹🇷1922 йил — Халифа ва Туркиянинг собиқ султони Меҳмед VI тахтдан ағдарилган деб эълон қилинган ва Британия ҳарбий кемасидан паноҳ топган. Унинг вориси шаҳзода Абд-ул-Мажид султонлик унвонидан воз кечиб, халифа унвонини олган;

⚔️1939 йил— Чехословакияда фашистлар талабалар ётоқхоналарини ўраб олиб, 1200 дан ортиқ талабани концлагерларга олиб бориб ташлашган. 9 нафар талаба ва талабалар ҳаракати фаоллари қамоқхонада қатл этилган;

📜 1969 йил—Хелсинкида стратегик қуролларни чеклаш бўйича Совет-Америка музокаралари бошланган;

⚔️1989 йил— Чехословакияда коммунистик ҳукумат ағдарилиши билан тугаган Бахмал инқилоби бошланган;

⚖️ 1993 йил — 11 мамлакат судьялари Собиқ Югославия бўйича Халқаро трибуналнинг биринчи мажлисига йиғилишган, бу Икинчи жаҳон урушидан сўнн Нюрнберг ва Токиодаги судлардан кейинги энг йирик суд жараёни эди;

🇦🇫 2001 йил— Афғонистоннинг собиқ президенти Бурҳониддин Раббоний Толибонлар томонидан ағдарилганидан кейин орадан беш йил ўтиб Кобулга қайтган.

🔎 @unutilgan_tarix

Япониялик Тсутоми Ямагучи икки атом бомбаси портлашидан тирик қолган.

1945 йил 6 августда инженер Ямагучи Хиросима шаҳрида эди. Бомбардировка пайтида у ҳимоя контейнерларидан бирида жон сақлаб қолади ва тез орада она юрти - Нагасакига қайтади. Бу ерда эса уни иккинчи атом портлаши кутаётганди.

Иккинчи портлашдан ҳам омон қолган Ямагучи 2010 йилгача умргузаронлик қилган ҳамда 93 ёшида вафот этган. Тсутоми икки атом бомбардировкасидан омон қолган инсон сифатида расман эътироф этилган.

Машҳур драббллардан бири реал воқеалар асосида ёзилган шекилли :)

@unutilgan_tarix

Бу замбарак Буюк Монголлар деб аталувчи Бобурийлар салтанатига тегишли бўлган артиллерия қуролидир. Бу улкан замбарак "Малик-у -Майдон" портида турган. Замбарак 1548 йилда Ҳиндистоннинг Аҳмадназар шаҳрида қуйилиб тайёрланган. Бу замбарак жангларда қўлланилган ва бизнинг давримизгача етиб келган ўрта асрларга тегишли энг улкан замбаракдир. Замбаракнинг номи"Водий соқчиси"деган маънода келади. Тўғри, бу замбарак калибри бўйича русларнинг Царь-пушкасидан кичикроқ : Яъни 700 ммга қарши 890 мм. Москвада ўрнатилган замбарак бирор марта ҳам отмаган ва хеч қайси жангда иштирок ҳам этмаган. Царь замбарак декоратив замбаракдир. Уни бор-йўғи бир марта жанговар шайх ҳолга келтирган эканлар, аниқроғи 1591 йилда Москвага Қози-Гирак бошчилигидаги Қрим лашкари яқинлашган пайт. Шунинг учун Акбаршоҳ замонида фойдаланилган замбарак энг улкани хисобланади.

🔎 @unutilgan_tarix

АҚШда уч кишининг ўлимида айбланаётган Лестернинг қориндан гапирувчи қўғирчоғи. 1924 йил

Томоша пайтида учта кекса аёл кулгидан вафот этди. Полиция етиб келганда, гувоҳлар ўлимга сабаб бўлган сўзларни қўғирчоқ айтганини, Буюк Лестернинг лаблари эса қимирламаганини таъкидлашади. Артистнинг айби исботланмади, бироқ унинг "ҳамкори" кўпроқ жазоланишга дучор бўлди. Франк исмли қўғирчоқ полиция бўлимига олиб кетилди, унга нисбатан иш очилди, сурати олинди ва... саҳнага чиқиши умрбод тақиқланди.

🔎 @unutilgan_tarix

Мадаминбек қабрида

Мадаминбекнинг 1920 йил май ойида фожиали равишда ўлимидан сўнг, манбаларга кўра, унга нисбатан ихлоси баланд бўлган қирғизлар унинг танасидан жудо қилинган ва хўрланган бошини советлардан (айрим манбаларда қўрбоши Холхўжа)дан сотиб олиб, уни иззат-икром билан дафн қиладилар.

Мадаминбекнинг сўнгги манзили Исфайрамсой қирғоғида, Такатайлоқдаги Шиғай қишлоғи (Қирғизистон Республикаси)дадир. Мадаминбекнинг совет даврида узоқ вақт қаровсиз қолган қабрини 1994-1996 йиллар ҳофиз Дадахон Ҳасанов бошчилигидаги бир гуруҳ фарғоналиклар зиёрат қилиб, атрофига панжара ва қабртош ўрнатган эди.

Мадаминбекнинг қабртошига қуйидаги сўзлар ёзилган:

Туринг бегим, гуноҳларни ювайлик,
Босқинчини Она юртдан қувайлик!©️

Маълумот ўрнида, 1920 йил 6 мартда Мадаминбек билан Туркистон фронти 2-Туркистон ўқчи дивизиясининг бошлиғи Н.А.Веревкин-Рахальский ва дивизия ҳарбий-сиёсий комиссари Слепченко ўртасида Скобелев (Фарғона)да сулҳ битими имзолаган.

@unutilgan_tarix

​​Черчилл қадаҳ сўзи айтганида шундай дер эди:

“Мен сизларга соғлик ёки бойлик эмас, балки фақат омад тилашни афзал кўраман!
Aхир Титаник йўловчиларининг аксарияти ҳам соғлом, ҳам бой бўлган, аммо уларнинг жуда озчилиги омадли бўлган".

@unutilgan_tarix

Эшик ортида Биринчи жаҳон урушини расман якунлаган Версал шартномасининг имзоланиши бўлаётган эди.
1919 йилда одамлар ушбу тарихий воқеани кўриш учун стуллар, диванлар ва столлар устига чиқиб олишган.

@unutilgan_tarix

10 000 қадам фойдалилиги ҳақидаги афсона қандай пайдо бўлган?

Кўпчилик соғлиқни сақлаш ва яхши жисмоний ҳолатда бўлиш учун кунига 10 000 қадам юриш керак, деган фикрни эшитган. Бу фикрнинг пайдо бўлиш тарихи қуйидагича: 1964 йилдаги Токио Олимпиадаси арафасида "Манпо-кей" номдаги япон компанияси "10 000 қадам ҳисоблагичи" номли қадамлар сонини ўлчайдиган ускуна ишлаб чиқарди. Ишлаб чиқарувчи эса бу "10 000" сонини шунчаки чиройли бўлгани учун танлаган эди.

Ўшандан бери 10 000 қадам ҳақидаги ибора илмий асосга эга бўлмаса-да, ҳозирги кунда ҳам кўп жойларда тавсия қилинадиган иборага айланган. Юриш, шубҳасиз, фойдали, бироқ кунлик меъёрлар бўйича ҳеч қандай илмий тадқиқот ўтказилмаган.

@unutilgan_tarix

XIV-XVIII асрларда европалик инсонларнинг асосий озиқ-овқатини нон ташкил этган бўлиб, у истеъмол қилинадиган калориянинг 80-90 фоизини ташкил этган. Дон маҳсулотлари узоқ вақт сақлаш имконияти, улардан турли хил таомлар тайёрлашнинг қулайлиги ва энг муҳими, иқтисодий жиҳатдан самарадорлиги туфайли озиқ-овқат рационида мутлақ устунликка эга бўлган.

🔎 @unutilgan_tarix

"Челленжер" космик кемасининиг ҳалок бўлган экипажи. Шатл парвознинг 73 сониясидаги портлаш оқибатида парчаланиб кетган. Экипажнинг барча аъзолари ҳалок бўлган. 1986 йил.

Бу космонавтика тарихидаги энг даҳшатли ҳалокатлардан бири ҳисобланади.

@unutilgan_tarix

#иқтибос

Мактаб ўқитувчилари бош вазирлар орзу қила оладиган кучга эга.

Уинстон Черчилл

@unutilgan_tarix

Ушбу сурат 2002 йилда Скнилов аэродромидаги авиашоуда олинган.

Самалёт қулаган жойдаги томошабинларнинг кўпи афсуски ҳалок бўлган. Ушбу воқеа авиашоулар тарихида энг кўп инсонлар қурбон бўлганлиги билан ҳам аҳамиятлидир. Яъни 77 киши ҳодиса оқибатида вафот этган (улардан 28 нафари болалар), 543 киши жароҳат олган.

🔎 @unutilgan_tarix

Ўликлар шаҳри (Zawiyyet al Mayyiteen)

Мисрнинг Миня видоятида жойлашган.
Унинг ҳудуди 4 км га чўзилган ва у дунёдаги ЭНГ КАТТА қабристонлардан бири бўлиши мумкин.

У бир неча юз минг ғиштдан ясалган, гумбазлари оқ рангли мақбаралардан иборат бўлиб, ундан мусулмонлар ва қибтий насронийлар фойдаланган.

Бу ерда Нилнинг шарқий қирғоғида қурилган ягона пирамида бўлиши билан диққатга сазовор бўлган 3-сулоланинг охирига мансуб кичик поғонали пирамида мавжуд.

У шунингдек, қадимги подшоҳлик даврининг (тахминан милоддан аввалги 2686–2181 йиллар) қояга ўйилган қабрларини ҳам ўз ичига олади.

🔎 @unutilgan_tarix

Нью-Йорк терактидан сўнг. 11.09.2001

🔎 @unutilgan_tarix

Улар кўп функцияли бўлиб, арпа ва буғдой каби муҳим нарсаларни, ҳуқуқий ҳужжатларни ва ҳатто заргарлик буюмлари каби қимматбаҳо буюмларни сақлаш учун ишлатилган.

Омборхоналар ажойиб ташкилий тизим билан бошқарилган.

1492 йилда ёзилган ва тадқиқотчилар томонидан маълум бўлган энг қадимги ҳужжат деб ҳисобланувчи Агадир Оужарит тахтачаси каби доскалар ёки планшетларда уларни бошқариш бўйича кўрсатмалар мавжуд.

"Ламин" номи билан танилган котиб, "Инфлас" деб аталувчи турли қабилалардан ташкил топган ўн нафарга яқин вакилдан иборат қўмита ёрдамида банк фаолиятни назорат қилган.

Сақлаш ва ҳимоялашдан ташқари, Игударлар кўп мақсадларда хизмат қилган.

Улардан сув омборлари, озиқ-овқат омборлари, уй-жой, масжид ва қоровулхоналар сифатида фойдаланилган.

Урушлар, қурғоқчилик, очарчилик, эпидемиялар ёки чигирткалар билан касалланиш даврида Amazigh қабилалари ҳам улардан одамлар ва чорва учун бошпана сифатида фойдаланганлар.

🔎 @unutilgan_tarix

Игудар: Энг қадимги банк тизимими?

Кўпгина тадқиқотчилар "Игудар" номи билан танилган Amazigh омборларини инсоният тарихидаги банк тизимларининг энг қадимги шаклларидан бири деб билишади.

Асосан жанубий Агадир шаҳри атрофида жойлашган бу омборхоналарни Марокашнинг бошқа минтақаларида ҳам топиш мумкин...

🔎 @unutilgan_tarix

Ишончим комилки, ўтган давр хатолари такрорланмайди; биз бутунлай бошқа хатоларга йўл қўйишимиз керак.

Уинстон Черчилл

🔎 @unutilgan_tarix

Қасддан уйни "нишонга" олган учувчи

1976 йил 26 сентябр, якшанба куни эрталаб учувчи Владимир Серков Ан-2 самолётини йўловчиларсиз беш қаватли турар-жой биносига олиб бориб ҳалокат содир этган. Тўқнашув ва ёнғин оқибатида 11 киши, жумладан, учувчи ҳам ҳалок бўлган.

Тергов давомида, уйда Серковнинг рафиқаси яшаганлиги аниқланган. У фожиадан бироз олдин эри билан ажрашишини айтиб, боласини ўзи билан олиб кетиб қолган.

Сўнгги 30 йил ичида биргина Қўшма Штатларда камида 44 нафар учувчи ўз самолётларини атайлаб авария ҳолатига учратиб, ўз жонига қасд қилишга уринган. Миллий Транспорт хавфсизлиги кенгаши томонидан ўтказилган терговга кўра, барча ўз жонига қасд қилган учувчилар эркаклар бўлиб, уларнинг аксарияти севган қизлари ёки хотинларидан ажралганидан қаттиқ депрессияга тушган ёки қонун билан боғлиқ муаммоларга дуч келишгани аниқланган.

🔎 @unutilgan_tarix

Лондоннинг Саутенд-он-Мерси шаҳридаги кўчада фуқаро мудофааси ходими ва болали аёл ҳаво ҳужуми пайтида. Буюк Британия, 1940 йил.

🔎 @unutilgan_tarix

Чернобилдаги "Фил оёғи", 1996. Бетон ва қум билан аралашмаси орасидан оқаётган ядро ёқилғиси.

Атом электр станциясининг тўртинчи блокининг ертўласида тозаловчилар томонидан топилган. Бугунги кунда ҳам у ҳалокатли бўлиб қолмоқда. Бир дақиқадан камроқ вақт ичида унинг ёнида турган одам, ўлим билан якунланадиган нурланиш дозасини қабул қилиб олиши мумкин.

🔎 @unutilgan_tarix

1945 йилда Ҳитлер ўзининг ташқи қиёфасини ўзгартириб, яширинишга уринган тақдирда ФҚБ унинг таҳминий ташқи кўринишини шундай тасвирлаган.

🔎 @unutilgan_tarix

Бу Стубби лақабли ит бўлиб у биринчи жаҳон урушида аскарларни газ ҳужумлари ҳақида огоҳлантириш ва ярадорларни топиш билан машҳур бўлган. У 18 ой хизмат қилган. Бу даврда ит 17 та жангда қатнашган, урушдан омон қолган ва 1926 йилда вафот этган.
Унга сержант унвони ҳам берилган.

🔎 @unutilgan_tarix

Чаква яқинидаги плантацияда чой тераётган гуржи аёллар. 1910 йил

🔎 @unutilgan_tarix

Coca-Colaнинг 1890 йилларда ишлаб чиқарган илк шишаларидан бири

Бу ичимлик дастлаб оғриқни енгиллаштирадиган сироп сифатида сотилган. Бундан ташқари у тетиклаштирувчи ва кайфиятни кўтарувчи ичимлик саналган. Ичимлик дастлаб иккита асосий ингредиентдан иборат эди: кокаинни ўз ичига олган кока барглари ва кола ёнғоғидан олинган кофеин.

🔎 @unutilgan_tarix