🌏 Nu'mon Nasrullayev | Blog

Assalomu alaykum

Kecha (29.01.24) 1 mln 80 ming 500 soʻm pul yigʻilibdi.

Umumiy hisobda 2 mln 219 ming 500 soʻm pul yigʻildi.

Bugun universitetga borib keldim. O'zbek talabalari va ustozlar bilan birgalikda talabamizni qo‘llab-quvvatlashga bel bog'lab, universitet xodimlaridan to'lov muddatini uzaytirish haqida gaplashdik.

3-fevralgacha vaqtni choʻza olishga erishdik. Demak, hali bizda  imkon bor. Biz buni uddalaymiz.

Ehson uchun karta raqami:
8600 4904 8676 6777
Numon Nasrullayev

@NumonNasrullayev

Assalomu alaykum

Kecha (28.01.24) 1 mln 139 ming soʻm summa yigʻildi. Hammasini hisoblab boryapman.

Universitetda oxirgi toʻlov kuni 30-yanvar kuni ekan. Bor yo'g'i 2 kungina vaqtimiz bor. Bizga kerakli miqdordagi pul yig'ilishiga hali juda ham koʻp bor, ammo, Allohga oson, biz birga buni uddalashimizga ishonaman. Musofirdagi talabamizning o'qishini, albatta, saqlab qolamiz.

Imkoniyatingiz boricha shu postni qolganlarga yuborib qoʻyish orqali ham bizga yordam bera olasiz!

Ehson uchun karta raqami:
8600 4904 8676 6777
Numon Nasrullayev

@NumonNasrullayev

🌏 Nu'mon Nasrullayev | Blog pinned «#Diqqat Payg‘ambarimiz Muhammad (s.a.v.) aytadilar: "Kim musulmon birodarining muammosini hal qilsa, Alloh uning dunyoviy va oxiratdagi muammolarini hal qiladi." (Imom Muslim rivoyati) Hammamiz hayotda bir marta bo'lsa ham qiyinchiliklarga duch kelganmiz.…»

Assalomu alaykum

Men ham Istanbulda oʻqib yurganimda kontraktimni toʻlashga imkoniyatim boʻlmay qolgan vaqtlar (pandemiya davrida) oʻzim ishlagan bir kafe egasi tel qilib, "Yaxshimisan? Negadir ikki kun avval esimga tushding, kecha tushimga ham kiribsan, oʻqishlaring davom etyapdimi? Qiynalmayapsanmi?" - deganida, koʻzimdan bir tomchi yosh yumalab ketgan edi. Men bu vaziyatni his qilib koʻrganman demoqchiman! Yana bir marta qiyin ahvolga tushib qolganimda, (pandemiya bir yarim yıl davom etgan) Sanjar aka tel qildi, "Alloo, Assalomu alaykum Nu'mon yaxshimisiz? Sizga bir manzil beraman, oʻsha yerga boring" - deb, bitta odamning telefon raqamini bergan edi.

Belgilangan joyga borib, oʻsha kishiga tel qildim. Yaqin qolganini, ikki daqiqa kuttirishini aytib uzr soʻradi-da, ikki daqiqadan keyin kelib, hech narsa demasdan, qoʻlimga naqt 250$ ushlatib (oʻsha vaqt yaxshi pul edi, hozir ham 😉), oʻzi olomon orasida yoʻqolib ketgan edi. Orqasidan qaragancha, ichimdan sim-sim yigʻlaganim esimda. Gaplarimni erkak kishilar juda yaxshi his qilishsa kerak. Oʻsha holatni ham yaxshi bilaman, his qilganman, yashaganman! Shuning uchun ham hozirgi holatga oʻzim ham Allohning izni bilan jazm qildim. "Oʻz vazifam va qarzim" - deb bildim. Haaaa, sizda imkoniyat yoʻqmi? Bir ogʻiz duongiz yetadi!

@NumonNasrullayev

#Diqqat

Payg‘ambarimiz Muhammad (s.a.v.) aytadilar:
"Kim musulmon birodarining muammosini hal qilsa, Alloh uning dunyoviy va oxiratdagi muammolarini hal qiladi."
(Imom Muslim rivoyati)

Hammamiz hayotda bir marta bo'lsa ham qiyinchiliklarga duch kelganmiz. Hozirda bir talabamiz hayotining eng muhim davrida qiyinchiliklarga yuz tutdi. Afsuski, o‘qishining oxirgi bosqichlarida turli sabablarga ko‘ra, to‘lovlarni amalga oshirish imkoniyati yo‘q.

Uning o‘qishini davom ettirishi uchun yordam kerak. Bu bilan siz ham ilm uchun turtki, ham ehson qilgan boʻlasiz!
Balki oramizda bu miqdorni birdan toʻlab qoʻya oladiganlar bordir. Agar sizda imkoniyat bo‘lsa, bundan yuz o'girmang. Har qanday yordam, katta yoki kichik bo‘lsin, bu talabaning kelajagiga katta ta’sir ko‘rsatishi mumkin.
Zotan, Rasululloh (s.a.v.) shunday dedilar:
"Sadaqa molni kamaytirmaydi. Alloh taolo kechiruvchan bandaning darajasini oshiradi va tavozeda bo‘lgan kishini ulug‘ qiladi."
(Imom Muslim rivoyati)

Biz birgalikda juda ko‘p yaxshiliklar qila olamiz! Iltimos, yordam qo‘lingizni uzating va bu talabamizni qo‘llab-quvvatlashga yordam bering. Uning orzulari, umidlari va mehnati bekor bo‘lmasin!

Talabaga yordam berish, summani yig'ishni o'z zimmamga oldim. Bizga kerak bo'lgan summa 35 000 TL (12 mln 687 ming soʻm).
Summa yig'ilishi haqidagi ma'lumotlar kanalda yoritib boriladi. Ehson postning ishonchliligiga shubha qilganlar yoki bilmoqchi bo'lganlar shaxsiyimga @NUMONNASR ga yozishlari mumkin.

Ehson uchun karta raqami:
8600 4904 8676 6777
Numon Nasrullayev

Bu postni iloji boricha ko'proq va kengroq yoyishga yordam bersangiz xursand bo'lamiz. Zero, bu talabamizning o'qishi uchun tezroq summa yig'ilishiga xizmat qiladi.

@NumonNasrullayev

#Yordam #Ehson #Talaba #Kelajak

📣 QAT’IY ESLATMA!

Hurmatli xorijiy tillardan dars beruvchi ustozlar!

✍️ Vazirlar Mahkamasining 2021-yil 19-maydagi "Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida"gi qaroriga muvofiq:

➖ 2025/2026-oʻquv yiliga qadar umumiy oʻrta, oʻrta maxsus va professional taʻlim muassasalarida faoliyat yuritayotgan barcha xorijiy tillar oʻqituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi lozim.

❗️ Shu munosabat bilan, Maktabgacha va maktab taʻlimi vazirligi mazkur talabdan kelib chiqqan holda, barcha xorijiy til ustozlarining 2025/2026-oʻquv yiliga qadar kamida B2 darajadagi milliy yoki xalqaro sertifikatlarga ega boʻlishi lozimligini qatʼiy eslatib oʻtadi.

@magistrlarofficial
@magistrlarofficial_group
@NumonNasrullayev

Assalomu alaykum

Oxirigacha oʻqishingiz tavsiya qilinadi!

❓Til oʻrganish va ayniqsa turk tilini oʻrganish qanchalar oson yoki qanchalik qiyin?

❓Nega turk tilini oʻrganish oson deb boshlab, qiynalib qolyapsiz?

❓Turk tili siz oʻylaganchalik qiyinmi?

Koʻpchilik bugungi kunda biror bir chet tilini oʻrganmoqda. Oʻrganar ekan turli qiyinchiliklar va muammolarga duch kelib boshqa - boshqa tillarga sakrab yuribdi. Xoʻsh bu qiyinchiliklarning ildizlari nimalar?

✅1. Odatda kimdir bir tilni oʻrganar ekan, oʻrganayotgan tilini oʻz ona tili bilan qiyoslab oʻrganadi. Oʻz ona tilining grammatik va uslub qoidalarini yaxshi bilmaganligi uchun oxiri yodlashga oʻtadi, yodlash ham hiqildogʻiga kelgandan keyin oʻrganishni toʻxtatib qoʻyadi! Buning yechimi esa juda oson: oʻrganayotgan tilingizni oʻz ona tilingizning grammatikasi emas qoʻllanilish holatiga va uslubga koʻra oʻrganing. Grammatik ma'lumotlar oʻshanda sizga oson tuyuladi. Masalan: Turk tilida "Belirli (görülen) geçmiş zaman" bor. Bu zamonni donolar aniq oʻtgan zamon deb tarjima qiladi va "Di" li zamon deb nomlab oladi. Ammo, bu har doim ham toʻgʻri emas. Chunki siz filolog boʻlmasligingiz mumkin. Shuning uchun biror bir tilni amaliy (uygulamalı) vaziyati bilan birga oʻrganing.

✅2. Bundan tashqari koʻpchilik B2 yoki C1 sertifikati olganlar bir aylanib oʻzini "USTOZ" sifatida baholayapti. Darsiga kirib koʻrsangiz koʻnglingiz ayniydi. Demoqchi boʻlganimiz, oʻqituvchi tanlashda aslo adashmang. Ming yillik tajribaga ega oʻqituvchi, sertifikati C1+promaxboing747, millionta shogirdlari bor degan aldamchi holatlarda mantiqli boʻling. Men oʻqituvchi sifatida shuni ayta olamanki, bir oʻqituvchi bir yilda eng uzogʻi 150-180'ta istaklilarga tilni oʻrgata oladi. Shunda har yil, oʻn ikki oy, kunda toʻrt-beshta guruhga toʻldirib dars bersagina. Har bitta kirgan darsini koʻpaytirib hisoblaydimi bilmayman. Xullas, oʻqituvchi omili katta rol oʻynaydi. Tajribali ustozlar va mutaxassislar albatta bor.

✅3. Nafaqat Turk tili, balki boshqa bir tilni oʻrganishni boshlaganingizda mavzularni takrorlash sizning eng yaqin amakingiz, yangi soʻzlarni yodlash esa eng yaxshi koʻrgan xolangiz boʻlsin. Istalgan bilim takror va tafakkur (tahlil) orqali ilmga, har qanday koʻnikma ma'lumotlarni koʻpaytirish orqali bilimga aylanadi.
Siz soʻzlarni yodlash va yangi ma'lumotlarni oʻrganish orqali bazani koʻpaytirasiz, takrorlash orqali esa bilimga aylantirib ilmga ilk qadamni qoʻyasiz!

✅4. Darrov sertifikat olish ilinji sizni aldab qoʻymasin, bir pasda Turk boʻlib qolaman degan fikrdan uzoq boʻling.
Oʻrtacha kunda uzluksiz 2-3 soat shugʻullanish orqali
B1 - 3oy
B2 - 4oy
C1 - 5 oy vaqtni talab qiladi.

✅5. Koʻchillik ahamiyat bermaydigan yana bir narsa bor. Til oʻrganish qolaversa boshqa soha bilimlarini olish uchun ham jiddiy masala. Bu - dars tayyorlash. Oʻzingizga toʻgʻri dars tayyorlash muhiti, sharoiti va metodikasini tanlab oling. Bu haqida oʻquvchilarga koʻp gapiraman. Siz qanday holat, uslub, vaqt va muhitda yaxshi dars qila olasiz, buni aniqlab oling!

❗️Xulosa: oʻrganish uslubi, toʻgʻri oʻqituvchi tanlash, takror va bazaning kuchaytirilishi, shoshilmaslik, toʻgʻri dars tayyorlash uslubi! Davomi bor...

P.S: Turk tili ustozlarimiz va oʻrganayotganlardan oʻz fikrlarini kutib qolaman!

@NumonNasrullayev

Assalomu alayka

Turk tili kursi va Turkiyada taʼlim boʻyicha koʻp savollar kelyapdi.

Shaxsiydan kelgan savollarni admin menga belgilab qoʻygan faqat qarashga umuman vaqtim boʻlgani yoʻq. Ammo, İnşa Allah bugün ertalabgacha oʻtirib hammaga shaxsan oʻzim javob berib chiqaman. Savollaringizni @NUMONNASR manziliga yozib qoʻyavering iltimos!

@NumonNasrullayev

Kanalim va kursimni reklama qildirmoqchiman. (Pullik reklama). Kim menga yordam bera oladi? Beminnat yordamchi boʻlganlar uchun esa hozirdan kattakon rahmat!

Reklama qildirish uchun qanday kanallarni tavsiya qila olasiz? Albatta, faoliyatimiz uchun auditoriya mavjud boʻlgan!

@NUMONNASR manziliga yozsangiz juda xursand boʻlardim!

Vaqt oʻtgan sari hamma narsa oʻzgarar ekan. Hatto, duolar ham...

Avvallari oilam, ota onam, akam, yangam haqqiga koʻp koʻp duo qilar edim. Endi esa yana bir kishi, farzandim, qoʻshilgan! 😁 Alhamdulillah

Assalomu alaykum

A1 daraja noldan yangi guruh ochilsa, kimlar qoʻshiladi? Bitta qoʻllarni ✋ koʻraylik!  Shunga qarab reja qilamiz!

Kursda qatnashmoqchi boʻlganlar izohlar qismida "✋" belgini qoldirishlari mumkin!

@NumonNasrullayev

Assalomu alaykum, bo‘lajak “Türkiye Bursları” g‘oliblari!

Biz reja tuzib oldik, to‘lov qilib, yopiq guruhga qo‘shilgan nomzodlar bilan shu tartibda ishlayapmiz.

Bu hozircha, hujjat topshirishgacha bo‘lgan jarayon. Burs chiqqach, intervyuga ham tayyorlaymiz, keyinchalik ham yo‘l-yo‘riq ko‘rsatamiz, savollarga imkon qadar javob beramiz.

Hujjatlaringizni biz bilan topshirmoqchi bo‘lsangiz, haliyam imkoniyatingiz bor. Safimizga qo‘shiling, maqsad sari birgalikda harakat qilamiz!

❗️ Xizmatimiz bilan to‘liq tanishib chiqing: https://telegra.ph/T%C3%BCrkiye-Burslar%C4%B1ga-hujjat-topshirib-berish-xizmati-01-11

📩 Agar xizmatimiz ma’qul bo‘lsa, quyidagi havola orqali biz bilan bog‘lanishingiz mumkin: @sitora_qarshiyeva

Sizda hujjat ishlari qanday ketyapti?🤔

@sitoraqarshiyeva

Live stream finished (1 hour)

🚨🚨🚨🚨🚨🚨🚨🚨🚨🚨Suhbatimizni boshladik!

Kirishingiz mumkin!

Live stream started

In Şaa Allah bugungi ovozli, jonli suhbatimizga ham ikki soatdan kam vaqt qoldi.

Agar oʻrtoqlaringizga aytib ulgurmagan boʻlsangiz shippilab choqirib keliyberingeeeyyy!

@NumonNasrullayev

Xalqaro turk tili o'qituvchisi Nu'mon Nasrullayevning A1 daraja noldan boshlanadigan guruhi uchun qabul boshlandi!

📚 O'zgacha, zavqli va samarali darslar sizni kutmoqda!
💬 Biz bilan turk tilini o'rganish nafaqat oson, balki juda maroqli bo'ladi:

✅ Birinchi dars BEPUL!
✅ Noodatiy va kreativ usullar: zoomda jonli darslar, videolar, o'yinlar va hayotiy vaziyatlar!
✅ 4 ta ko'nikma (Yazma, Okuma, Dinleme, Konuşma) asosida tayyorlov.
✅ Boshlang'ichdan professional darajagacha o'rganish imkoni.

🎯 Nega aynan Biz?

-Darslarimiz zerikishdan xoli bo'lgan energiya bilan to'la!
-Har bir o'quvchiga alohida yondashuv asosida olib boriladi!
-Turk madaniyati, urf-odatlari va sirli dunyosi bilan tanishasiz!

📆 Darslar haftaning toq kunlari 18:00-20:00da bo'lib o'tadi.
📌 Birinchi mutlaqo Tekin probniy darsimiz esa 12-yanvar 20:00da bo'lib o'tadi.
❗️Joylar soni cheklangan. Unutmang!

Bundan tashqari boshqa darajadan davom etish imkoni ham bor!

To'liq ma'lumotni @NUMONNASR manzilidan ola olasiz!

@NumonNasrullayev

Masalan men bugun hamma guruhlarimga dars oʻtdim. Hatto, biroz avval oxirgisini tugatdim. Kimgadir darsimiz sababli 2025-yil kirib kelmagan boʻlsa, menga aytsin bu yerdagini yuboraman! 😂😂😂😁

P.S: Bir kuuuulgim keladi, bir jilaaaagim! 😳😳😁😁😂


@NumonNasrullayev 2024

Assalomu aleykum!

OILANGNI SOGʻINDINGMI? 11

AİLENİ ÖZLEDİN Mİ? 11

Nokamtarlik boʻlsa ham aytaman, Oʻzbekistondan dadam va onam kelganlar. Bundan juda-juda xursandman. Allohga hamd-u sanolar boʻlsin. Axir, men bu kunni 5 yil-u 4 oy kuttim. Alhamdulillah, ular bilan birga uyimizda fayz ham ortti, barokat ham ortdi. Oʻtirib olib bas deguncha suhbat qilyapmiz. Eski bolalik davrlarimizni xotinimga aytib beryaptilar. 😊😁 Goh boʻrttirib, goh toshirib, goh maqtab, goh faxrlanib, goh sevinib. Ming alfozda uchib-qoʻnib yotibdilar. Nevara sevinchini aytmasam ham boʻladi. U haqida alohida yozaman!

Mahallamizda bir qoʻshnimiz bor edi, doim uyimizga oʻgʻirlik qilish uchun tushar edi. Ishonmaysizlar, uydagi yogʻ, sut, hatto kartoshka-piyozgacha oʻgʻirlab ketar edi. Onam, aslo va aslo onasiga borib aytib bermas edilar. "Nega aytmaysiz ona, aytaylik ayasiga. Bolasini tartibga chaqirsin" - desam, onam: "Oʻgʻlini uradi-da u paloncha xolang" - derdilar.
Oʻzini uyiga oʻgʻrilikka tushib, bor buduni olib chiqib sotadigan qoʻshnisining kaltak yeyishini ham istamagan onam bor mening.

Anchadan beri onam bilan mazza qilib, miriqib suhbat qilmagan edim. Turkiyadan borganimda ham vaqt qurgʻur bir zumda ammasini uyiga shoshilayotgandek tez oʻtib ketardi.  Dadam bilan yaqinmiz, ammo, juda ochilib suhbat qila olmaymiz, oʻz chegaramiz bor koʻrinmas. Ularning yonimda ekanligidan ozroq boʻlsa ham sogʻinchim bosildimi? Unchalik emas. Bu safar sogʻinchim bosilmadi, bosilmayapti, bosilmasa ham kerak.

Bir zamonlar "Onajonim hali men chet elda yashayman, oʻqiyman. Siz bir u oʻgʻlingiznikiga, bir bu oʻgʻlingiznikiga borib mazza qilib yashaysiz" - degan niyatlarimga oʻzim chetdan turib guvoh boʻlayotgandekman. Buni tushuntirib bera olmayman. Ularning esa sochlaridagi oq, yuragimni nimtalab yuboryapti. Tan olishni xohlamayapman, yoʻq-yoʻq ular qarishmayapti, ularga bu oqlar va ajinlar ham yarashib turibdi. Hali ular uzooooq yashashadi. Hali Allohning uyini ziyorat qilishlari kerak. Alloh oʻsha kunlarga ham yetqazsin!

Oʻgʻlim, Muhammad Irfon siz ham bir haqiqatni biling! Doim yaxshi niyat qiling! Kelajakda meni va onangizga qanday mehr, muruvvat, halimlik koʻrsatishingizni istasak, hozir bobo va momongizga shunday munosabatda boʻlishga harakat qilyapmiz. Siz kelajakda farzandlik burchingizni qanday ado qilishingizni xohlasak, bobo-momongizga undan ortigʻi bilan munosabatda boʻlishga harakat qilyapmiz. Bu qaytar dunyo...

Hozir oʻzimiz ham farzand katta qilarkanmiz, ota-onamning ham bizni shunchalar avaylab, sevib, kulib, ardoqlab katta qilganini oʻylayman. Ayolimga, "Qarang bularning barchasi shukr qilish uchun bizga berilgan ne'matlardan bir chimdimi emasmi?" - deyman.

Orzu qilishdan, yaxshi niyat qilishdan toʻxtamang. Mayli, sizga gʻarazlikni sogʻinsinlar, siz ularni Allohga havola qiling. Bandasi bas kela olmaydi, Robbim Oʻzi koʻrib turibdi. Shukr qiling, sizga berilgan har bir ne'mat uchun, har bir nafas uchun, har bir lahza uchun. Shukr qilish ham bir ne'matdir. Shukr qilish ham bir ibodatdir!

@NumonNasrullayev

Men ham yozayotgan edim. Gʻulomjon aka sogʻ boʻlsinlar tayyor qilib qoʻygan ekanlar. Oʻqib chiqing va yaxshilab tanishib oling! Toʻgʻri va yaxshi maʼlumotlar berilgan!

Assalomu aleykum!

Alloh hammasini koʻrib turibdi. Alloh hammasiga guvoh.

Ehtiyotsizligim va ishonuvchanligim sababli bugun qorakoʻz oʻzbegimga nisbatan yana bir marta ishonchim sindi. Endi mendan yordam soʻraganlar aslo va aslo ishonmasam kerak! Bunga sababchi boʻlgan insonlarni Alloh isloh qilsin!

Ibrat uchun aytayapman. Kimgadir yolgʻon gapiryapsizmi, kimnidir aldayapsizmi? Faqat oʻsha yolgʻon uchun, firibgarlik uchun emas. Sizga ishonganlar kuni kelib haqiqiy yordamga ehtiyoji boʻlganlarga yordam bermay qoʻyadi. Buning uvoli va gunohi ham sizni boʻyningizda boʻladi. Buni unutmang!

Ammo, Alhamdulillah Alloh meni yaxshi koʻrar ekan. Uddasidan chiqa olmaydigan tuxmatga qoldirmadi! Koʻzimni ertaroq ochdi! U bolamni rizqi edi, oilamni rizqi edi, ota onamga atab qoʻyganlarimning rizqi edi, ertangi nonimning rizqi edi.

P.S: Balki bu voqea haqida oʻz romanimda ham yozarman. Bir kun nashr qilinsa agar!

@NumonNasrullayev

Eee hayriyateee!

Mana endi necha imtihon kerak, kimga kerak? Mana senga oʻsha imtihon(lar)! 😁😂😂 Mana senga olam-olam imtihon!

Endi anavi, "Kuyib ketibdi, chiqib ketar ekan, paloncha ekan, pekincha ekan" - deganlarni peshonasiga borib yopishtirib keling e'lonni! 😁😁😁

Biiiir qoyillatib tashlanglar qani!

Demak:

- 12-yanvar Milliy sertifikat
- 2-mart Milliy sertifikat
- 5-6-aprel Milliy sertifikat
- 17-18-may Milliy sertifikat

- 26-yanvar TYS
- 4-may TYS
- 21-sentabr TYS

@NumonNasrullayev

⚡️ 2025-yilning 1-yarmida bo‘lib o‘tadigan chet tili imtihonlari

✅ Chet tilini bilish darajasini aniqlash test sinovlari yanvar, fevral, mart, aprel va may oylarida o‘tkaziladi.

👨🏻‍💻 Test sinovi uchun talabgorlar my.gov.uz sayti orqali onlayn tarzda ro‘yxatga olinadi.

📍 Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.

📆 Test sinovlari qaysi tillardan o‘tkazilishi, ro‘yxatga olish muddatlari va test sinovi o‘tkaziladigan sanalar yuqoridagi rasmda keltirilgan.


✔️ Agentlikning rasmiy sahifalari:
Telegram | Facebook | Instagram | YouTube

Assalomu aleykum!

Nega oʻqituvchilikni yaxshi koʻrasan?
Xuddi, shu savolga bera oladigan eng qisqa javobim! Minglab sabablar orasidan bir chimdimini sizlar bilan baham koʻrgim keldi!

Neden öğretmenliği seviyorsun?
İşte bu soruya vereceğim en kısa cevabım!

@NumonNasrullayev

Assalomu aleykum

Yunus Emre Enstitüsü TYS sertifikat imtihoni uchun toʻlov qila olmayotganlarga yordam beramiz.

@NUMONNASR manziliga yozishingiz mumkin!

Assalomu aleykum

Eslatma!

A1 daraja noldan yangi guruhimizning birinchi probniy darsi bugun soat 21:00'da boshlanadi. Ushbu guruhning probniy darsdan keyingi odatiy darslari esa haftaning juft kunlari 22:00-23:59'da boʻlib oʻtadi!

Guruhda joylar soni cheklangan. Yarmi toʻlib boʻldi deyarli. Siz ham oʻzingizga joy band qilishga ulgurib qoling! Kursga yozilmoqchi boʻlganlar @NUMONNASR manziliga yozishingiz mumkin!

@NumonNasrullayev

Assalomu alaykum

Kep qoldi-da! 😁

Bir oylarcha avval instagramda bitta video koʻrib qoldim. Bittasi chiqib olib,  "Normal Türkçe ve Müslüman Türkçesi" - desa boʻladimi! 😳😳😂 "Hay mayli adashib aytgandir" - deb qoʻydim. Oradan biroz vaqt oʻtgach Sherzod ham bitta shunday video tashlab turibdi-kuu! Kulib kulgiga olib indamay qoʻydim. Kecha yana instagramdan shunday video chiqdi. Boʻralatib "soʻktim".
Qayerdan chiqdi bu?

Oʻzimga oʻzim aytyapman-ki, "Ey xudo, buni turklar koʻrib qolgan boʻlmasinda" - deb. Kimdir chiqib olib, "Musulmon oʻzbekcha - assalomu alaykum va normal oʻzbekcha - salom" - deb tursa, soʻkmang gunoh boʻladi!😊 Sekin miyasiga farosat dastavka qiling! 😁

😳😳😳

Senga bu ammangni somonxonasimi oʻzingcha pirtillatib, "Paloncha turkcha, pekincha turkcha" - deb nom chiqaraverasan!

Ertaga Müslüman Türkçe va Normal Türkçe emas adabiy, ilm, rasmiy turkchani oʻrganishni yangi guruh bilan boshlaymiz! 😉 Qolib ketmang! Yanada manfaatliroq boʻlishi uchun ushbu xabarni kerakli odamiga yuborib qoʻying. ✈️

@NumonNasrullayev

Pssst!

Diqqat qishki qabullar ochiladi. Iltimos, oʻqimoqchi boʻlgan, maqsadi jiddiy, oʻz ustida ishlay oladigan oʻquvchilarga yoʻl bering!

Qishning sovuq kunlarida issiq uyingizdan chiqmasdan tajribali ustozning qaynoq darslariga qo‘shilib, turk tilini tezkor va sifatli o‘rganishni istasangiz, bu xabar aynan SIZ 🫵 uchun!

Shoshiling, aynan shu guruhda turk tilini A1 darajada noldan boshlab o‘rganishingiz mumkin. Joylar soni cheklangan, ulgursangiz, marra sizniki!

✅ Darslar haftaning juft kunlari soat 22:00-23:59 oraligʻida bo‘lib o‘tadi. Birinchi, mutlaqo tekin “probniy” darsimiz 14-kekabr kuni soat 21:00'da bo‘lib o‘tadi.

Qolaversa, sizda A2, B1 darajadan davom etish imkoni ham bor, shartlari bu yerda.

To‘liq ma’lumot uchun @NUMONNASR manziliga yozing! Bu xabarni doʻstingizga ham yuborib qoʻyishni unutmang!

👉 @NumonNasrullayev 👈

Live stream finished (45 minutes)

Live stream started

Assalomu alaykum

Ovozli suhbat qilmaganimiz ham ancha boʻlibdi! Vaqtlaring boʻlsa bir ovozli suhbat qilmaymizmi?

https://youtu.be/Wy3XDXjUbWw?si=p_-me9_ijjO9utr3

Javlon aka bilan suhbatlarimiz u qadar uzun davom etmagan. Qisqa, loʻnda va odatda ma'noli. Chertib gapirganlar, men ham soʻzlarni chigʻiriqdan oʻtqazib gapirganman. Ammo, juda samimiy inson.

Qoʻrqma chiqqan vaqtda uning birinchi nashridan oʻzlarining imzo va tilaklari ila qoʻlga olish nasib qildi. Oʻqib chiqdim, bir kecha ikki kunda oʻqidim. Oʻzim adabiyotshunos boʻlmasam ham oʻqigan asarlarimdan keyin, "Nahot-ki, tirilayotgan boʻlsak" - deganim esimda. Albatta tavsiya qilaman, albatta oʻqing, albatta nimadan qoʻrqish va qoʻrqmaslikni oʻrganing!

Javlon akaga omad. Alloh ijodiga baraka va xayrlar bersin!

@NumonNasrullayev

Assalomu alaykum

Men hayotda boshqa, darsda boshqa odamman. Turmush oʻrtogʻim ham doim aytadi, "Darsga kirdingizmi, baʼzan sizni taniy olmay qolaman" - deb. Darsda doimo uchta narsaga soʻzsiz tushunib, "anlayış" koʻrsatganman. Ya'ni oʻlim- haq aza, kasallik, davlat va militsiya bilan bogʻliq muammolarga. Qolgan vaziyatlar men uchun BA-HO-NA. Doim qattiq turishga, joyi kelganda kuldirishga, joyi kelganda dakki va jazo berishga harakat qilaman. Dars oʻtish metodim va Alloh yuqtirgan oʻqituvchilik qobiliyatidan zarra qadar bor boʻlsa, unda men dars oʻtgan guruhdagilar yaxshi bilishadi. Bu borada biror narsa deya olmayman.

Uyga vazifani bajarmay kelgan oʻquvchi-ku, men uchun eng "oliy" dushman. Bularni bilgan holda darsni birinchi boshlangan vaqtimda kurs va dars shartlarini tushuntirar ekanman, albatta, darsda qattiq ekanligimni, joyi kelganda urishib, baqirib, jazo berib qoʻysam mendan va kursdagilardan xafa boʻlmasliklarini ogohlantiraman. Doim, "Agar yuqoridagi shartlar sizga maʼqul boʻlsa, unda kursda oʻqing, boshlang, davom eting" - deyman. Agar aytmagan boʻlsam, aytmaganlarga hozir aytyapman deb hisoblanglar! 😊

Oʻzining tanballigi, yalqovligi, uquvi yoʻqligini roʻkach qiladiganlarning juda koʻpchiligi hozir qoʻlida sertifikat bilan magistratura va doktorantura oʻqishmoqda. Allohning izni bilan hali koʻp davom etadi ham bu holat. Ammo, oʻqituvchiga zarda qiladigan "likkildoqlar", "otasining erkalari" men uchun mehnatdan qochadigan ishyoqmaslardir. Na kurs bilan, na oʻqituvchi bilan, na boshqa narsalar bilan emasdir uning muammosi. Uning muammosi oʻzi bilan kelishib olishidadir. Yaqinda bir oʻquvchi bilan bogʻliq holat bularni yozishimga sabab boʻldi, aslida, oxirgi tomchi boʻldi. Bir ma'noda qorakoʻz oʻzbegimga nisbatan yana bir marta ishonchimga darz ketqazdi!

Siz ham xoh ilmda, xoh kasbiy malakada, xoh oʻqishda bir ishni boshladingizmi sitqidildan, yurakdan, mehr bilan, oxirigacha, qoʻlingizdan kelganining soʻngiga qadar harakat qiling! Shartlar nima va qanday boʻlishidan qatʼiy nazar, qabul qildingizmi unda majbursiz!

@NumonNasrullayev

Cemal Süreya ne demiş:

"Kasım'ın son mısralarındayız.
Günlerden ne bilmiyorum.
Ama ben bugün de seviyorum seni..." 🍁🍂

Video, 2023 yıl. Kasım. Taşkent

@NumonNasrullayev

Tuzatish: B1 daraja guruhi darslari haftaning toq kunlari 22:00-23:59 oraligʻida boʻlib oʻtmoqda!

Assalomu aleykum

Ikkita xabar bilan keldim!

1. Juma kuni B2 daraja guruhimiz darslarini boshlanmoqda.

B2 daraja darslari haftaning toq kunlari 18:00-20:00 oraligʻida boʻlib oʻtmoqda! Ertaga (28.11.2024) 18:00'da B1 daraja maxsus ichki imtihonimizda qatnashib oʻtsangiz B2 darajani biz bilan davom etsangiz boʻladi!

2. Juma kuni 22:00'da A2 darajani tugatib B1 darajaga oʻtmoqchi boʻlganlar uchun maxsus ichki imtihonimiz boshlanadi!

Agar imtihondan oʻtsangiz B1 daraja guruhi darslari haftaning toq kunlari 22:00-23:59 oraligʻida boʻlib oʻtmoqda!

Har ikkala guruh ham Yanvardagi imtihonga tayyorlanishadi!

Siz oʻzingizga mos guruhni tanlab @NUMONNASR manziliga yozishingiz mumkin!

@NumonNasrullayev

Assalomu aleykum

Diqqat, siz kutgan oʻsha yangilik!

🚨Tezlashtirilgan individual guruh ochilmoqda.

Kimlar qatnasha oladi?

⭕️ A1 darajani tugatib A2 darajaga oʻtganlar ushbu guruhga qoʻshila oladi!

Tezlashtirilgan individual guruhning maqsadi nima?

⭕️ 26-Yanvardagi TYS imtihoniga tayyorgarlik koʻrish!

⭕️ Guruhga 4-5 ta oʻquvchi olinadi. Koʻp oʻquvchi olinmaydi. Ya'ni joylar soni kamdan ham kam!

Tezlashtirilgan individual guruh haqida toʻliq maʼlumot olishni xohlaganlar @NUMONNASR manziliga yozishingiz mumkin!

P.S: Bilaman, "Yanvardagi imtihonga kirishim kerak" -  deb, oyogʻi kuygan tovuqdek tipirchilab yurgan doʻstingiz bor. Ana oʻshalarga ushbu xabarni yuborib qoʻying!

@NumonNasrullayev

#xorijiystajirovka
Koʻpchilik soʻragan narsani sizlar bilan ham boʻlishdim. Hozirgi vaqtda ta'limda stajirovka masalasi suv bilan havodek boʻlib turgan bir vaqtda yangilikning yaxshisi baribir yaxshida.

Turkiya, Karabük Üniversitetida 15 kundan 1 oygacha almashinuv va tadqiqot olib borish uchun stajirovka!

🎓 Kimlar qatnasha oladi?

Magistratura, PhD bosqichi talabalari,
universitet oʻqituvchilari, tadqiqotchilar.

🔖 Qanday imkoniyatlar mavjud?

✅Eng ilg'or ilmiy tadqiqot markazlarida tadqiqot olib borish
✅ Yuqori texnologik uskunalar bilan jihozlangan labaratoriyalarda tadqiqot olib borish yoki o'tkazish
✅ Stajirovka davomida yuqori natijalarga erishgan talabgorlar Karabük Üniversiteti ilmiy jurnallari va to'plamlarida maqolalari chop etish


🗓 Qabulning so'nggi kuni har oyning 20-sanasi.
Murojaat uchun: @NUMONNASR

@NumonNasrullayev

​​Assalomu aleykum

Endi bu yogʻiga, “Yanvardagi TYS imtihonida sertifikat olishni xohlaysizmi, unda biz bilan Turk tilini oʻrganing!”, “Yanvar oyidagi TYS imtihoniga tayyor boʻlib kirishni xohlaysizmi, unda Individual tezlashtirilgan guruhimizda oʻqing va sertifikatni qoʻlga kiriting!” qabilidagi e’lonlar koʻpayishni boshlaydi.

Ammo, aytib qoʻyay, hozir ayni vaqtda, shu hafta va kecha kunduzlarda B1 darajadan oʻrganishni boshlasangiz yoki darajangiz B1 boʻlsa juda mustahkam turing. Sizlarda imkoniyat bor Yanvardagi TYS imtihoniga kirish va bor bilimingizni toʻkib sochish uchun!

❗️ Istisno qilib shuni ayta olamanki, agar hozir darajangiz A2 boʻlsa va hech kechiktirmasdan bugunning oʻzidayoq, yoʻq hozir ayni daqiqadayoq tezlashtirilgan Individual guruhlarda darslarni olsangiz:

• bir kunda kamida 6-7 soat turk tili bilan shugʻullana olsangiz
• jismoniy va aqliy yetarli boʻlsangiz
• psixologik zoʻriqib qolmayman desangiz, unda sizda eng oxirgi oʻrinlarda imkoniyat bor. Shunda ham B2 darajani zoʻrgʻa tugatib qolishingiz mumkin...

Qolgani kechqurungi uyqingizdan voz kechib, qoʻshimcha kitob oʻqish, soʻz boyligingiz ustida ishlashingizga bogʻliq!

🚨 Qolgan masalalarga aldanib qolmang!

Yuqoridagi holatlarni hisobga olib, oʻylab koʻring, oʻzingizga savol berib, hisoblashib oling, keyin boshlang. Ha A1 daraja noldan boshlaganlarchi? Ular nima qila oladi, deysizmi, uni keyinroq yozaman!

Siz yuqoridagi qaysi holatdasiz?

Yanvardagi TYS imtihoniga kirish uchun taʼkidlagan vaziyatimdagilarga tavsiya qila oladigan oflayn va onlayn kurslar Gʻulomjon Sobirov Hilol edu, Sherzod Davlatov va albatta Nu'mon Nasrullayev 😁😊

@NumonNasrullayev

#eslatma

Assalomu aleykum

A1 daraja noldan guruhimizning birinchi probniy darsi bugun (17.11.2024) soat 19:00'da boshlanadi.

Dars zoom linki shu yerga, yani sinov dars guruhiga dars boshlanishidan bir soat avvaldan yuboriladi.

Doʻstingizga ham ulashib qoʻyishni unutmang!

@NumonNasrullayev

Assalomu alaykum

🚨Videoda batafsil tushuntirilganidek bugungi boʻlishi kerak boʻlgan "probniy" darsimiz Yakshanba kuni soat 19:00'ga qoldirildi.

❗️Har bir ishda xayr bor. Yakshanbaga qadar hali kursga yozilib ulgurmaganlar ham oʻzlariga joy band qilib olishadi. Balki sizlar yordamingizda kurs e'loni yana ham koʻproq odamga yetib borar ungacha!

🤲Meni toʻgʻri tushunganingiz uchun rahmat kattakon! 👍😊

@NumonNasrullayev

Bismillahirrahmanirrahim

Allohu Akbar
Allohu Akbar

Allohu Akbar
Allohu Akbar

Ashhadu alla ilaha illalloh
Ashhadu alla ilaha illalloh

Ashhadu anna Muhammadar Rasululloh
Ashhadu anna Muhammadar Rasululloh

Hayya alas solah
Hayya alas solah

Hayya alal falah
Hayya alal falah

Allohu Akbar
Allohu Akbar

La ilaha illalloh


Qomat:

Allohu Akbar
Allohu Akbar

Allohu Akbar
Allohu Akbar

Ashhadu alla ilaha illalloh
Ashhadu alla ilaha illalloh

Ashhadu anna Muhammadar Rasululloh
Ashhadu anna Muhammadar Rasululloh

Hayya alas solah
Hayya alas solah

Hayya alal falah
Hayya alal falah

Qod qomatis solatu, qod qomatis solah

Allohu Akbar
Allohu Akbar

La ilaha illalloh!

Sizning ismingiz Muhammad Irfon
Sizning ismingiz Muhammad Irfon
Sizning ismingiz Muhammad Irfon

Otangizning ismi Nu'mon
Otangizning ismi Nu'mon
Otangizning ismi Nu'mon

Alhamdulillah, hayotimizga xush kelibsiz Muhammad Irfon oʻgʻlim. Alloh sizni bizga xayrli, diyonatli, iymoni bütün, solih, sogʻlom, barokatli, uzun umrli, ilmli, fayzli, kuchli qilib bergan boʻlsin! Alloh qalbingizga Alloh sevgisi, islom sevgisi, ilm sevgisi, ota ona sevgisi, Vatan sevgisini jo qilsin!

Haqqingizga duo qilguvchilar koʻp, sizning haqqingizga koʻp koʻp duolar qilishadi!

@NumonNasrullayev

#eslatma

Assalomu alaykum

🇹🇷Hurmatli kanalimiz a'zolari, xabaringiz borki, yaqinda A1 daraja noldan guruhimizning qabullari ochildi va davom etmoqda. Hozirda guruhga 10 ta o'quvchi joy band qilgan, yana 10 ta o'quvchi uchun joy qoldi!

Qabullar yaqinda tugaydi, tezda o'zingizga joy band qilib, yozilib qolishingiz mumkin.

✅Ushbu guruhning darslari haftaning toq kunlari (Dushanba, Chorshanba, Juma) soat 20:00-22:00 da bo'lib o'tadi.

✅Birinchi probniy dars 15.11.2024 (Juma kuni) soat 19:00 da boshlanadi. Probniy darsiga qatnashish mutlaqo TEKİN.

❗️Kursga yozilish uchun @NUMONNASR manziliga yozishingiz mumkin! Yanada manfaatli boʻlishi uchun ushbu postni kurs qidiruv yurgan tanishlaringizga, shaxsiy kanal va guruhlaringizga yuborib qoʻysangiz xursand boʻlamiz.

P.S: Kurs haqida soʻrab yozganlar sizga yuborilgan maʼlumotlarni yaxshilab oxirigacha oʻqib chiqing va u yerda yozilganlarga rioya qiling, iltimos!

@NumonNasrullayev

Assalomu alaykum

Kecha TYS sertifikat egalarining ba'zilarini sizlar bilan baham koʻrgan edim. Bugun yana bir kurs qatnashchisi yozib qoldi. Eslayman, juda yaxshi oʻqir edi. Nimadir boʻlib tanaffus berishga toʻgʻri kelgan edik. B2 darajani tugatgach, C1 daraja darslarida yarimlarigacha oʻqib, guruhdagilar bilan kelishib, tanaffus bergan edik, adashmasam.

Oʻzbekoyimning aytishiga qaraganda keyin Hilol.eduga borib yana oʻz ustida ishlabdi. TYS sınavı natijalarini olgach men bilan ham baham koʻrgisi kelibdi.

Shu munosabatdan foydalanib Hilol.edu jamoasi va Oʻzbekoyimga xayrli boʻlsin demoqchiman. Alloh yoʻlingizni ochiq qilsin. Mehnat uchun, mujodala uchun alohida rahmat!

@NumonNasrullayev

Assalomu alaykum

Sentyabr oyi TYS imtihonida sertifikat uchun 4'ta oʻquvchining topshirishlarini oʻzim tavsiya qilgan edim. Ulardan 3'tasi sertifikat olibdi. Bittasi esa oldidagi ayolning koʻp gapirganligi sabab boʻlib imtihondan chetlatilibdi. 😁💆‍♂🤦‍♂

Shunchaki oʻzini sinab koʻrmoqchi boʻlganlar hamda mendan yashirib imtihonga kirganlar orasidan esa 1 kishi sertifikatga erishibdi. Umumiy hisob baribir 4'ta bilan yakunlandi, Alhamdulillah. Alloh barakasini bersin. Maqsad sertifikat ham emas, hayotdagi keyingi marra uchun kichik bir "tranplincha" boʻlib xizmat qilsin. 🤲🤲

Alloh xayrli qilsin. Muhimi oʻzingizga boʻlgan ishonchni munosib oqladingiz! Sizlarni aslo unutmayman, Allohning Oʻzi qoʻllasin. Sizlar bilan doim faxrlanaman. Mening faxr hissim hech kimga qiziq boʻlmasa ham 😂😁

Bu faxr hissining ildizi balki, har biringizning ilk kursga kelgan vaqtlaringiz va qayerdan qayergacha yoʻlni qanday bosib oʻtganingizning jonli guvohi ekanligimdadir.

@NumonNasrullayev

Assalomu alaykum

📝Turk tilini oʻrganish boʻyicha bugungi kunda oʻrgatuvchi va kurslar koʻpayib ketdi. Bu, albatta, yaxshi holat. Ya'ni, men shundayligiga ishongim keladi.

Yaqinda bir reklamani menga yuborishdi, oʻqib koʻrsam, "30 yillik tajriba ega ustozlar" - deb yozishibdi. Ustozning oʻzi 25 yoshda, boringki 30 yoshda, mayli 35 yoshdadir. U qachon turk tilini o'rgandi-yu, qachon dars berishni boshladi? Mening hisobim boʻyicha enasining qornida turk tilini oʻrganib, tugʻilishi bilan oʻqitishni boshlagan-da a!?

Yana bir xabarni oʻqib qoldim, "Oʻn minglab oʻquvchilarni natijaga olib chiqqan ustoz". Men 3,5 yillik turk tili boʻyicha onlayn kurs oʻtishim davomida butun oʻquvchilarni yigʻib chiqsam zoʻrgʻa 500'taga boradi yoki bormaydi. Shulardan 20 foizi ya'ni 100 kishi sertifikat olgan boʻlsa men uchun juda katta natija.
Oʻzi bugun Oʻzbekistonda turk tilidan haqli sertifikatga ega odamlar oʻn minglab emas, oʻn mingtani oʻzida chiqadimi?

Eng meni azoblagan xabar, "Bir oyda B2 darajaga olib chiqib qoʻygan shogirdim" - degani boʻldi. Gapning ochigʻi mening oʻzim hozir oʻtirib bir kishi bilan har kuni 5-6 soat turkcha individualni shugʻullansam 15 kundan keyin miyam tormiz boʻlib qoladi. 😊Men yoki robot emasman, yoki ular inson emas robot.

Qiziqib birisining darsiga kirib koʻrdim. Oʻzbek alifbosini toʻgʻri ayta olmagan odamni koʻrib toʻgʻrisi gʻijinib ketdim. Chidab, darsda kuzatib oʻtirdim. Mikrofonimni ochishni soʻradim, ammo, ochmadi. Ochganda bormi!? "Rahmatlarimni" boʻgʻziga tizib qoʻyar edim! 😊

📌Men aslo va aslo oʻzimni kamchiliksiz birisi sifatida baholamoqchi emasman. Men oʻqituvchi va turk tilini oʻrgatuvchi sifatida hurmat qiladiganlarim va shaxsan taniydiganlarim Sherzod Davlatov, Gʻulomjon Sobirov va umrimda koʻrmagan, tanishmagan boʻlsam ham Ulugʻbek Hoca degan kishi.

Men kurs ochishimni va bu ishda mening oʻrnim bor ekanligini Sherzod menga aytgan, sogʻ boʻlsin. Ammo, uning ham kamchiliklari yoʻq emas. Yuziga aytaman doim va buni u ham menga ayta oladi. Gʻulomjon Sobirov ham hali turk tilida juda koʻp narsalar borligini biladi, biz ham bilamiz. Lekin, "voy" deysizmi, "dod" deysizmi oʻsha odam turk tilini Oʻzbekistonda yoyilishi va oʻsishida katta hissa qoʻshib kelyapti va bu ishda Alloh madadkor boʻlsin. Alloh ajrini bersin. Ammo, fikrlarga ochiq, mushohadali hurmatim cheksiz inson.

Ulugʻbek Hoca nega yaxshi degan fikrdaman? Chunki, menga kelgan bir ikkita oʻquvchilar bazi darajalarni oʻsha oʻqituvchida oʻqigan ekan. Va til mohiyatini yaxshi anglab olishibdi. Yodlab emas, his qilib, anglab olishibdi. Bundan tashqari yana boshqa kelgan oʻquvchilari bilan suhbatimda samimiyati haqida ham aytishdi.

✅Men bilmagan va tanimagan turk tilidan oʻqituvchilik qilayotgan va tilni chin mohiyatini sevdirayotganlar ham borligiga ishonaman. Ular bilan tanishishni ham istayman. Kim oʻzarga emas, til ta'limi xususida mulohazalari menga qiziq.

❗️Men haqli ravishda oʻz kamchiliklarim va tajribalarimni boshqalar bilan muhokama qilish hamda ulardan oʻrganishga ochiq insonman.

🎯Nima demoqchiman?
Biroz mantiqli fikrlang!
Nafaqat turk tili, bir tilni oʻrganishda ustozni toʻgʻri tanlash juda-juda muhim. Siz yoki u tilni sevasiz yoki oʻsha tildan bezib ketasiz!

Xoʻsh sizning bu boradagi fikrlaringiz qanday?

@NumonNasrullayev

Assalomu alaykum

😉Eshitib chiqing

Manfaatli boʻlishi uchun ushbu videoni doʻstingizga, shaxsiy kanal va guruhlaringizga yuborib qoʻyishni ham unutmang!

Kurs va imtihon haqida toʻliq maʼlumot uchun @NUMONNASR manziliga yozishingiz mumkin!

@NumonNasrullayev

Assalomu alaykum

👨‍🏫📝Turk tilida yozish koʻnikmasini (kampitensiyasi) shakllantirish va rivojlantirishda nimalarga diqqat qaratish kerak?
(Shaxsiy fikr va tavsiyalar asosida)

1. Soʻz boyligingiz yaxshi boʻlishi va oʻsha soʻzni nima ma'nolar bera olishini yaxshi bilishingiz kerak.
Masalan: Sen müsait misin? - boʻsh vaqting bormi?
Müsait bir yerde konuşalım - holi bir joyda gaplashaylik.
Ortam müsait değil - Oʻrtam(vaziyat,holat) mos emas (yaxshi emas, holi emas)

2. Grammatikangiz yaxshi boʻlishi kerak!
(Asosan murakkab matn yozishda va yuqori darajadagi A2 darajadan keyin juda koʻp bilinadi). Ya'ni gapning zamoni, shaxsi, soni, yuklami va berayotgan urgʻusi, ma'nosini chiqarib berish uchun bunga majbursiz.
Oʻrnak: "Men kecha kitob oʻqiyapsan ekan" degan gap tuza olmaysiz demoqchiman.

3. Toʻgʻri savol bera olish!
Siz gapirganingizda ham, yozganingizda ham gapingizning oxiri ikkita soʻzdan biri bilan tugaydi. Yoki fe'l yoki ism. Gapingiz biror bir harakat va holatni bildirgan soʻz bilan tugasa u fe'l kesimli gap, fe'ldan boshqa soʻz bilan tugasa unda u ot kesimli gap boʻladi. Siz esa oʻsha fe'l yoki ot kesimga toʻgʻri savol bera olishni bilishingiz kerak.
Masalan: oʻqi
a. qachon?
Kecha oʻqidim.
b. kim oʻqidi?
Men kecha oʻqidim.
c. qayerda oʻqidim?
Men kecha uyda oʻqidim.
d. nima oʻqidim?
Men kecha uyda kitob oʻqidim.
e. qaysi payt kitob oʻqidim?
Men kecha kechqurun uyda kitob oʻqidim.
f. qay holatda oʻqidim?
Men kecha kechqurun uyda yotib kitob oʻqidim.
g. kim bilan oʻqidim?
Men kecha kechqurun uyda ukam bilan yotib kitob oʻqidim.

❗️Demoqchimanki, keyin yuqoridagi uch omil yozish koʻnikmasining eng asosiy uch tamoyillaridir. Soʻzlarni bilib grammatik qoʻshimchani toʻgʻri qoʻshgancha savol berish orqali gaplarni tuza olasiz yoki kengaytirishingiz mumkin!

4. Qoʻshimcha qilib aynan turk tili uchun toʻgʻri talaffuz meʼyorlarini bilish yozish koʻnikmasi uchun ham muhim ekanligini aytmoqchiman. Chunki, 95% talaffuz qilinganidek yoziladigan bu tilda toʻgʻri talaffuz qilish sizga soʻzning yozilishini eslab qolish va qoʻllanish imkoniyatini beradi.

5. Bundan tashqari gapdagi tinish belgilarining ishlatilishi, grammatik birliklarning soʻzga qoʻshib yoki ajratib yozilishi, bosh harflar imlosini yaxshi bilish ham sizga yozish koʻnikmasini rivojlantirishda xizmat qiladi.
Misol uchun, "Sen saat 12:00'da Ahmet'in babasını 5.okulun yanında gördün mü?". Sen soat oʻn ikkida Ahmetning dadasini beshinchi maktabning yonida koʻrdingmi?.
Nega raqamdan keyin, Ahmetdan keyingi qoʻshimchalar tutuq belgisi bilan ajratib yozilgan?
Raqamdan keyin nuqta qoʻyilishi, soʻroq yuklamining doim bitta ajratib yozilishi beradigan ma'no haqidagi maʼlumotlarni demoqchiman!

☝️Qolgan bosqichlar ham bor, u matn yozarkan birgalikda koʻriladigan masalalaridir. Misol uchun, matnni  daraja hamda ma'no oʻlaroq koʻtarish, murakkab gap tuzish texnikalarini, soʻzlarni ma'nodoshi ishlatish uslublari, maqol yoki iboralarni qoʻllash jarayonlari, boʻshliq yaratib olish va uni toʻldirishdagi "ayyorliklar" bilan kursdagi ishtirokchilar albatta tanishib kelmoqda.

👨‍💻Xoʻsh, siz yozish koʻnikmasi uchun muhim deb bilganingiz qaysi tamoyillarni bilasiz? Sizni matn yozar ekan qiynayotgan muammolar nimalardan iborat? izohlarda yozib qoldiring.

↗️Post manfaatli boʻlishi uchun til oʻrganayotgan yaqinlaringizga, shaxsiy kanal va guruhlaringizga yuborib qoʻysangiz xursand boʻlamiz.

@NumonNasrullayev

#Diqqat🚨

Turk tili ixlosmandlariga bitta yaxshi xabar bilan keldim. Ayni vaqtda Turkiyada yashab, aynan til oʻqitish hamda turk tili yoʻnalishlarida magistraturada ta'lim olib kelayotgan ustoz @NumonNasrullayev talab va istaklarga ko'ra yangi noldan A1 daraja guruhi ochmoqda.

✅Ushbu guruhning darslari haftaning toq kunlari (Dushanba, Chorshanba, Juma) soat 20:00-22:00 da bo'lib o'tadi.

✅Birinchi probniy dars 15.11.2024 (Juma kuni) soat 19:00 da boshlanadi. Probniy darsiga qatnashish mutlaqo TEKİN.

Turk tilini koʻchadagi sertifikatchi, bir haftada oʻqitib qoʻyadigan "mutaxassischa"lardan emas, ustoz yetishtirib chiqargan mutaxassisdan oʻrganing!

🏃‍♂‍➡️🏃‍♀‍➡️Joylar soni cheklangan. Guruh to'lib qolmasidan ro'yxatga yozilib qoling.
Batafsil ma'lumot uchun @NUMONNASR manziliga murojaat qilishingiz mumkin.

Oʻzingizga boʻlgan ishonchni biz bilan birga oqlang!

Turk tili va til oʻrganish haqida qiziqarli ma'lumotlar uchun @NumonNasrullayev kanaliga a'zo boʻlishni va doʻstingizga ham yuborishni unutmang!

Assalomu alaykum

Dardlarini, alamlarini, qiyinchilik va tashvishlarini sabr bilan ichida yashash biz ojizlar uchun, qalbi koʻrlar uchun oson emas.

🕌 Aslida, ichimizda yashashimiz uni "manzilida" oʻz haqiqiy "Egasiga" borib shikoyat qilishimiz kerak. Ammo, manzildan shu qadar adashganmiz-ki, boshqalardan malham kutamiz. Darmonni Oʻzi bermasa qiyin. Bizga bergan aql hamda farosatni ishlatmasak, "arz daftarimizni" har joyda ochib yursak, boshqalar koʻzida ham noluvchan, shukronasiz biri boʻlib koʻrinamiz.

❗️Bu esa bizning ayni damdagi koʻrinishimizdir. Hech boʻlmasa Tolstoy qadar boʻla olmaganimizdan "Iqrornomamiz"dan qoʻrqamiz. Jamiyat va shaxslarni ayblab oʻtib ketamiz. Nafs jangida biz doim magʻlubmiz. Shuning uchun kimdandir, Alloh yaratgan bandasidan ustun boʻlishga harakat qilamiz.

👩‍❤️‍👨Oilada ham shunday nafs doim kim ustun ekanligini izlab, inoqlikka putur yetqazadi. Erkak kuchi va ovozi bilan, ayol kishi koʻzyoshlari hamda makri bilan. Bu kuch, bu ovoz, bu makr-hiylalar kimningdir ustunligi uchun emas oila farovonligi, ravnaqi yoʻlida "ter toʻksa" olam guliston. Bilaman, hozir "Bu oson emas-da" -  deyapsiz. Shuning oʻzi nafsga qanchalar yengilganligimizni bildiradi.

Xoʻsh sizning fikringiz qanday?

P.S: Shunchaki kelgandaliklar, avf etgaysiz!

@NumonNasrullayev

#xorijiystajirovka
Koʻpchilik soʻragan narsani sizlar bilan ham boʻlishdim. Hozirgi vaqtda ta'limda stajirovka masalasi suv bilan havodek boʻlib turgan bir vaqtda yangilikning yaxshisi baribir yaxshida.

Turkiya, Karabük Üniversitetida 15 kundan 1 oygacha almashinuv va tadqiqot olib borish uchun stajirovka!

🎓 Kimlar qatnasha oladi?

Magistratura, PhD bosqichi talabalari,
universitet oʻqituvchilari, tadqiqotchilar.

🔖 Qanday imkoniyatlar mavjud?

✅Eng ilg'or ilmiy tadqiqot markazlarida tadqiqot olib borish
✅ Yuqori texnologik uskunalar bilan jihozlangan labaratoriyalarda tadqiqot olib borish yoki o'tkazish
✅ Stajirovka davomida yuqori natijalarga erishgan talabgorlar Karabük Üniversiteti ilmiy jurnallari va to'plamlarida maqolalari chop etish


🗓 Qabulning so'nggi kuni har oyning 20-sanasi.
Murojaat uchun: @NUMONNASR

@NumonNasrullayev

Assalomu alaykum

Imtihonni kutib yurganlar diqqatiga!

A2 darajadan boshlab biz bilan davom etishni istagan oʻquvchilarimiz A1 daraja boʻyicha maxsus ichki imtihonimizdan oʻtishlari kerak boʻladi. A1 daraja imtihonimiz 27.10.2024 (Yakshanba) kuni soat 21:00-23:59'da boʻlib oʻtadi

B1 darajadan davom etmoqchi boʻlganlar A2 daraja boʻyicha maxsus ichki imtihonimizdan oʻtishlari kerak boʻladi. A2 daraja imtihonimiz 27.10.2024 (Yakshanba) kuni soat 18:00-21:00'da boʻlib oʻtadi.

Imtihon zoom platformasi orqali boʻladi. Imtihonga kiradigan zoom linki esa imtihonlar boshlanishidan bir soat avval sinov dars guruhiga yuborib qoʻyiladi.

Imtihonga qatnashmoqchi boʻlsangiz @NUMONNASR manziliga yozing!
Misol uchun:
- A1 daraja imtihoniga qatnashib, A2 darajadan davom etmoqchiman;

-A2 daraja imtihoniga qatnashib B1 darajadan davom etmoqchiman.

Bu xabarni manfaatli boʻladi deb bilgan yaqinlaringizga, kanal va guruhlaringizga yuborib qoʻyishni unutmang! Zero manfaati tegsa, yaxshi ishga sizning ham hissangiz qoʻshilsin!

@NumonNasrullayev

Assalomu alaykum

             Sabrni toshirgan oxirgi tomchi!

Oxirgacha oʻqish sharti bilan❗️

Kursda qatnashib turgan, hatto, oʻz ustida yaxshi ishlab borayotgan, bip-binoyidek bir qiz bor edi. Ya'ni, oʻqishi, zehni, til oʻrganishidagi qobiliyati, qiziqishi, intilishi yaxshi edi. Qisqa vaqt ichida juda koʻp narsani oʻrgandi. Shaxsan oʻzim bir necha bor aytganman, "Sizdan yaxshi tilchi chiqadi, tilni his qilar ekansiz" -deb. Boshqa tillarni ham oʻrganishini tavsiya ham qilgan edim.

Aytmoqchi boʻlganlarim bu emas. Shu oʻquvchi yaqinda bitta xabar yuboribdi. Qisqacha mazmuni esa: uydagilari 20 kundan keyin turmushga chiqishini aytibdi, qiz bu xabardan hayratda, na yigitni taniydi, na uning oilasini va kursni toʻxtatishga majbur. Ilm olishni toʻxtatyapdi. Miyam bilan urishib yotibman oʻsha xabarni olganimdan beri.
Qaysi ota-ona oʻz qizini bunday ahvolga soladi?
Qaysi ota-ona qizidan bir ogʻiz soʻramay uni kimgadir 20 kundan keyin turmushga chiqishini ayta oladi?
Qaysi ota-ona?

-erim ruxsat bermayapti;
-qaynoman qarshi;
-qaynonam bilib qoldi;
-qaynisinglim qaynotamga aytib beribdi;
-dadam bilan onamdan yashirib oʻqiyotgan edim, bilib qolishdi;
-ukam kurs pulini ishlatib yuboribdi, shu sababli kursni toʻxtatishga majbur boʻlyapman...

Bunday xabarlar menga juda koʻp keladi, gapning ochigʻi oxirgi kelgan xabar sabrimni toshirgan soʻngi tomchi boʻldi.

Hurmatli ota-onalar, qaynota-qaynonalar, aka-ukalar, opa- singillar, oʻzini erman deb yurgan "erkaklar" qizingizni, ayolingizni, keliningizni, opa-singlingizni oʻqiting! Har qanday sohada, xoh yangi til o'rganish, xoh biror kasb, farqi yo'q, qiziqishi bormi qo'llab-quvvatlang. Dastak bo'ling!
Agar, moddiy imkoningiz boʻlmasa, ularning ilm olishi uchun Allohdan soʻrang sizga ularning ham rizqini qoʻshib beradi. Ham ilmga ragʻbat qilganingiz uchun savobning tagida qolasiz, ham ertaga sizdan keyingi davomchilaringizni, millatning tarbiyasini oʻqimishli, olimalarga ishonib topshirasiz.

Ha, oʻqimoqchi boʻlmaganlari boʻlsa majburlamang, ammo, oʻzini rivojlantirishi uchun ularga sharoit yaratib bering, kun boʻyi sizni kelishingizni kutib, yoʻlingizga mahtal boʻlib, zerikkanidan telefonga "dugona" boʻlib, toʻrt devor ichida mahbusdek oʻtirmasin. Kerak boʻlsa yolvoraman, kerak boʻlsa iltimos qilaman. Ayollarni, qizlarni oʻqitib hech qaysi ota-ona va millatning kam boʻlganini koʻrmadim.

Kecha qishloqda yurib bugun shaharga kelib ozgina "antennasi chiqib" "feminizmni yoqib olgan" chalasavod psixologlardan ta'lim olganlarini aytmayapman. Oʻqigan, oʻrgangan, ilm olgan ayol oʻzini anglaydi, ilm uni ulugʻlaydi, er va ota-ona oldidagi masʼuliyatni, oʻrnini biladi. Fitratini taniydi va nafsini jilovlashga qodir boʻladi. Haqiqiy ilm olgan inson ogʻir boʻladi, haddini biladi.

Bugun biz ayol qizlarimizni oʻqitmaslik badalini alal-oqibatda otasining yuziga tarsaki tortgan farzandlar, ayol va qizlarni qul sifatida koʻradigan "erkakchalar", dunyoqarashi tor farzandlarimiz orqali juda ogʻir, misli bilan toʻlaymiz. Bunda esa Allohning oʻzi asrasin!

@NumonNasrullayev

@NumonNasrullayev

Bizning qishloq togʻ bagʻrida,
Togʻ bagʻrida bogʻ bagʻrida

Maktab vaqtida shunday she'r boʻlar edimi?

Qishlogʻimizda kuzning bir kuni 😍

@NumonNasrullayev

Assalomu alaykum

Kechagi suhbatdan olganlarim bir olam!

Esimda qolganlari:

-Ilm ikki xil boʻladi: diniy va dunyoviy;

-Diniy ilm ham oʻz ichida ikkiga boʻlinadi: Farzi Ayn va Farzi Kifoya. Hamma bilishi kerak boʻlganlari Farzi Ayn - namozning ruknlari. Boshqa qilsa ham sizdan soqit boʻladiganlari - janoza namozi;

- Dunyoviy ilm ham ikkiga boʻlinadi: Farzi Ayn va Farzi Kifoya. Tish doktori boʻlish men uchun Farzi Kifoya, ammo, universitetga aynan tish doktori boʻlish uchun oʻqishga kirsam Farzi Aynga aylanadi;

- Ilm oʻrganish talabida yoʻlga chiqqan tolibning har qadamiga farishtalar qanotini yozib turar ekan;

- Ilm sharafli - tolibi ilm sharafli;

- Alloh Qurʼonda hamma narsani soʻrashni oʻrgatgan, soʻralgan narsalarning bittasini koʻp soʻrashni aytgan. Ilmni;

- Alloh oʻzi yaratgan narsalarga guvoh qilib Jabroil alayhissalom va farishtalardan keyin ilm ahlini keltirar ekan. Ilm ahlining darajasi naqadar yuqori;

- Alloh taolo agar kim ishini, amalini maromiga yetkazib, yurakdan, sitqi dildan qilsa oʻsha odamni yaxshi koʻrar ekan;

- Alloh taolo jannat yoʻlini inson nafsiga va tabiatiga yoqmaydigan narsalar bilan oʻrab qoʻyar ekan. Ammo, ilm yoʻlini mahkam tutgan tolibi ilm uchun oson qilib qoʻyar ekan!

Yuqoridagi fikrlarning har biriga alohida toʻxtalib oʻtildi, mushohada uchun sizda ham vaqt bor. Bir oʻylab oʻqib koʻring. Balki nega oʻqishingiz kerak va nimani oʻqishingiz kerak ekanligi haqida qarorga kelib olarsiz.
Kechagi suhbatdan haqiqatan ham ancha narsa oldim, oʻzimdagi birgina iqror boʻlsin uni sizlarga yetqazib bera olgan boʻlsam, manfaatli boʻlsa juda xursandman.

Universitetda oʻqiyotganlar, biror kasb egalari uchun shuni aytmoqchimanki: bejiz aytilmagan Imom Buxoriy, "Ilmdan boshqa najot yoʻq va boʻlmagʻay" - deb. Balki hayotning zalvori sizni ezib qoʻyayotgandir, nafsingizga xush kelmaydigan narsalar bilan sinalmoqdasiz. Demak, siz togʻri yoʻldasiz!

Kuningiz va tongingiz xayrli boʻlsin! 🤲👍

Ushbu postni manfaatli boʻladi deb hisoblaydigan doʻstingizga yuborib qoʻying!

@NumonNasrullayev

Assalomu alaykum

Kanalni bitta "tinkillatib qoʻyay". 😁

Batafsil yozaman❗️

Kanaldan uzoqlashmang😉

@NumonNasrullayev

Assalomu alaykum
Judayam kech qolingan mutolaa

Martin Iden haqli edi, biz buni bugungi kunda ham yashayapmiz! Asar haqida taqriz yozishga hech boʻlmasa men jazm qilmay.

Ammo, Jek Londonni kechirmayman. Martin oʻlishi kerak emas edi. Balki, Londonning kuchi shundadir. Immuniteti boʻlmagan odam shundoq ham chirib borayotgan jamiyat ichida yanada yashashga qiynalib qoladi asardan keyin. Oʻqiganlardan ikki ogʻiz soʻz kutaman izohlarda!

P.S: Asarni, albatta, oʻqishlaringizni tavsiya qilaman.

@NumonNasrullayev

Assalomu aleykum

Dushanba kuni universitetimizda xorijlik talabalarga xos oshxonadan arzonlashtirilgan chegirmali ovqatlanish uchun "yemek karti" olishga navbatda turibman. Bu karta sizga nima beradi? Universitet oshxonasidan arzonroq ovqatlanish imkoni beradi, köchadan 150 liraga yeydigan ovqatingizni 25 liraga yeysiz. 

Shu navbatda orqamdan kelib navbatda turgan rus qizlari bilan ukrayin qizlarning suhbatiga ister istamas quloq misafiri böldim.

Senin sevgilin var mı?
Evet, var

Siz sevgili misiniz, yoksa flört mü ediyorsunuz?
Biz sevgiliyiz.

Men esa bu suhbatga guvoh bölganim uchun özimni kechira olmay yotibman. Besh yil bölibdi Turkiyaga kelganimga. Tilim, yashash tarzım, ovqatlanish zavqim ,hatto, madaniyatim ham qorishib bormoqda kun ötgan sari. Ammo, sevgi munosabatidagi qarashlarim örgana olmadi. Örganmasin hameee.

Aytgancha , juft kunlari 20:00'dagi A1 daraja guruhimiz uchun qabullar hali ham davom etayapdi. Bugun 2-darsimizni ötamiz.
Kurs uchun @NUMONNASR manziliga yozing!

@NumonNasrullayev

Assalomu alaykum

Allohning izni bilan hadya kitoblarimizning yana bir qanchasi oʻz egalariga yetib boribdi. Kitob javonlarining toʻridan joy olganidan juda xursandmiz. Bularning barchasi Allohdan, biz shunchaki sababchimiz. Bizni vasila qilgani uchun Alhamdulillah. 🤲

Kitoblarni bittalab buyurtma qilib olish, Oʻzbekistonga yuborish, manzillarga bittalab toʻgʻri taqsimlash, topilmagan kitoblarni ikkinchi qoʻldan boʻlsa ham topish, nashrda yoʻq kitoblarning eski variyantlarini topishda bizga eng yaqindan, yurakdan yordam bergan @bookexpress_uz dagilarga kattakon rahmat. Oʻz ishlarim bilan boʻlib yurganimda ham ishlarini a'lo darajada bajarishdi. Bajarishda davom etib kelishmoqda. Vaqtingizga, mehnatingizga rozi boʻling. Juda minnatdorman. 🤝🫂

Sizga ham Turkiyadan badiiy, ilmiy, ensiklopedik kitoblar va kitob bilan bogʻliq buyumlar kerak boʻlsa bemalol ularga murojaat qolishingiz mumkin. Hech ikkilanmay @bookexpress_uz deya olaman.❤️
Kamina @NumonNasrullayev nomidan borsangiz 10% chegirmalari ham tayyor!

Assalomu alaykum

Allohning izni ila bugun (10.10.2024) soat 19:00'da A1 daraja (noldan) yangi guruhimiz bilan birinchi "probniy" darsimiz boshlanadi. Kursga yozilmoqchi va probniy darsda ishtirok etish istagida boʻlsangiz, @NUMONNASR manziliga yozishingiz mumkin.

Iltimos, sizga yuborilgan maʼlumotlarni yaxshilab, oxirigacha oʻqib chiqing! U yerda hammasi batafsil tushuntirilgan. Probniy darsimizning zoom linki sinov dars guruhiga yuboriladi. Sinov dars guruhining linki esa sizga yuboril(adi)gan maʼlumotlar ichida bor.

Ushbu xabarni yaqin doʻstingizga ham yuborib qoʻyishni unutmang!

@NumonNasrullayev

Kurs haqida toʻliq maʼlumot uchun @NUMONNASR manziliga yozishingiz mumkin!

@NumonNasrullayev

@NumonNasrullayev

@Ochopat_book

Kanallarini kuzatishda davom eting!