Thismoment Zone

📱𝐌𝐢𝐧𝐝𝐟𝐮𝐥 𝐒𝐜𝐫𝐨𝐥𝐥𝐢𝐧𝐠📱

🌱ဒီနေ့ခေတ်မှာ လူတိုင်းနီးပါး Social Media တွေကို အသုံးပြုကြတယ်... ကိုယ်တိုင်ဖန်တီးသူတွေအဖြစ်သော်လည်းကောင်း၊ သူတစ်ပါးဖန်တီးမှုများကို ကြည့်ရှုသူများအဖြစ်သော်လည်းကောင်း မျိုးစုံ အသုံးပြုကြတာတွေ ရှိပါတယ်...

🌱ဒီလို အသုံးပြုကြတဲ့အခါ စိတ်မချမ်းမြေ့စရာမျိုးစုံ၊ စိတ်တို ဒေါသထွက်စရာ၊ မကျေနပ်စရာ၊ အမြင်မတူတာတွေ၊ သဘာဝမကျတာတွေ၊ ပျော်စရာ၊ သနားစရာ၊ ရယ်စရာ အစရှိတဲ့ ခံစားချက်မျိုးစုံကိုရကြတယ်။

🌱ကောင်းတာတွေနဲ့ သာမန်ခံစားချက်တွေ၊ တုံ့ပြန်မှုတွေဟာ အထွေအထူးမဟုတ်ပေမယ့်၊ မကောင်းတဲ့ ခံစားချက်တွေ၊ ထိုအရာတွေအပေါ် တုံ့ပြန်မှုတွေကတော့... မိမိအတွက်ကော သူတစ်ပါးတွေအတွက်ပါ ထိခိုက်မှုတွေဖြစ်လာတယ်။ ဘာထိခိုက်မှုလည်းဆို စိတ်ခံစားမှု ကျန်းမာရေးနဲ့ စိတ်ခံစားမှု ဉာဏ်ရည်တွေ ထိခိုက်တာပါပဲ...

🌱ဒါကြောင့်လည်း ဒီလို Toxic ဖြစ်တာများတဲ့ Social Media ကို မသုံးကြဖို့၊ လျော့သုံးကြဖို့ ပြောနေခဲ့ကြတာပါ၊ သို့သော် ကိုယ်က စွဲလမ်းနေတယ်၊ တခြားလုပ်စရာလည်းမရှိလို့ ဒါပဲသုံးနေရတယ်။ ကိုယ့်အသက်မွေးဝမ်းကြောင်းနဲ့ ဆက်စပ်လို့ မဖြစ်မနေ အသုံးပြုနေရတယ်ဆိုရင်တော့ သတိရှိရှိနဲ့ အသုံးပြုလို့ရပါတယ်။

❗️သတိရှိရှိနဲ့ ဘယ်လိုသုံးမလဲ?

✨New Feed ကို ကြည့်တဲ့အခါ သာမန် content တွေပဲဖြစ်ဖြစ်၊ photo တွေ၊ video content တွေပဲဖြစ်ဖြစ် မြင်ပြီး စိတ်မှာ မကြည်မလင်ဖြစ်သွားတယ်၊ မကောင်းတဲ့ အပြုသဘောမဆောင်တဲ့ ခံစားချက်လေးဖြစ်သွားတယ်ဆိုရင် ... ချက်ချင်းမတုံ့ပြန်လိုက်ပါနဲ့။

✨ကျော်လိုက်တာမျိုး၊ ချက်ချင်း reaction ပေးလိုက်တာမျိုး၊ ချက်ချင်း comment လုပ်လိုက်တာမျိုး၊ တုံ့ပြန်မှု တစ်ခုခုလုပ်လိုက်တာမျိုး မလုပ်သေးပဲ ခဏလေး ကိုယ့်ကိုယ်ကိုယ် သတိနဲ့ကြည့်လိုက်ပါ...

✨ဒီကိုယ်မကြိုက်တဲ့၊ မကောင်းဘူးထင်တဲ့ အရာလေးကို မြင်လိုက်တဲ့အခါ ရုပ်ပိုင်းဆိုင်ရာ ဘာတွေ တုံ့ပြန် ပြောင်းလဲမှုဖြစ်သွားလဲ ကြည့်လိုက်ပါ... အများစုကတော့ ဒီလိုဖြစ်တိုင်း နှလုံးခုန်နှုန်းတွေမြန်လာတယ်၊ အသက်ရှူတွေမြန်လာတယ်၊ ပြင်းလာတယ်... အဲ့ဒီရုပ်ပိုင်းဆိုင်ရာ အခြေအနေလေးတွေကို ခဏလေး သတိနဲ့ ကြည့်နေလိုက်ပါ။

✨မထင်ရှားရင် လက်ကို နှလုံးရှိတဲ့ဘက်အခြမ်းက ရင်ဘတ်ပေါ်မှာတင်ပြီး ခံစားကြည့်ပါ။ ဒီလိုလေး မိနစ်ဝက်၊ တစ်မိနစ်လောက် ကြည့်လိုက်ရင်ပဲ တော်ရုံခံစားချက်မျိုးဆိုရင် ပြန်ပြီး ငြိမ်သက်သွားတာကို တွေ့ရပါလိမ့်မယ်။

✨ကိုယ်နဲ့သက်ဆိုင်တဲ့အရာကြောင့်ဖြစ်တဲ့ ခံစားချက်မျိုးတွေ... ဥပမာ- ကိုယ့်ကို မကောင်းတဲ့ reaction တွေ၊ comment တွေ လာပေးထားလို့... အဲ့လို notification တွေကြောင့် ခံစားချက်ဖြစ်တယ်ဆိုရင်တော့ တစ်မိနစ်ကနေ ငါးမိနစ်လောက်အထိ အချိန်ယူပြီး သတိနဲ့ ရုပ်ပိုင်းဆိုင်ရာ အခြေအနေတွေကို ကြည့်လိုက်ပါ။

✨ဒီလို ခံစားချက်တွေဖြစ်တိုင်း ရုပ်ပိုင်းဆိုင်ရာ တုံ့ပြန်မှုတွေကို ကြည့်ပြီးရင်၊ စိတ်မှာကော ဘယ်လိုဖြစ်နေသေးလဲ... ဆိုတာကို ကြည့်ပါ။ ဘယ်လိုခံစားနေမိတယ်၊ ဘာကြောင့်ခံစားနေမိတယ်၊ ဘယ်လိုတုံ့ပြန်ချင်နေတယ်ဆိုတာတွေကို အဖန်ဖန်ကြည့်လိုက်ပါ။

📌ဒီလိုလုပ်ခြင်းအားဖြင့် စိတ်ခံစားမှု ကျန်းမာရေးကောင်းလာပါလိမ့်မယ်။
📌ကိုယ်မကြိုက်တဲ့အရာကိုလည်း မကြိုက်ကြောင်း တုံ့ပြန်တဲ့အခါ မှန်မှန်ကန်ကန် တုံ့ပြန်တတ်လာပြီး အမှားအယွင်းနည်း ပြဿနာနည်း လာပါမယ်။

🌱အဓိကကတော့ ကိုယ့်စိတ်ခံစားချက်လေး ဘယ်လိုဖြစ်တယ်၊ အဲ့ဒီခံစားချက်ကနေ ရုပ်မှာ စိတ်မှာ အတွေးအခေါ်မှာ ဘာအပြောင်းအလဲတွေဖြစ်တယ်ဆိုတာ သိရင် ရပါပြီ။ ဘယ်လိုတုံ့ပြန်မယ်ဆိုတာကတော့ ကိုယ့်ရဲ့ ရွေးချယ်မှုပါပဲ။

မှန်ကန်သော ရွေးချယ်မှု၊ တာဝန်ခံတတ်သော စိတ်ခံစားချက်များနှင့် စိတ်ခံစားမှု ဉာဏ်ရည်မြင့်ပြီး ကျန်းမာဖို့ရန်အတွက် သတိရှိရှိနဲ့ social media တွေကို အသုံးပြုကြပါစို့...

အရှင်နန္ဒာစာရ

#ThismomentZone
#vennandacara
#mentalhealthawareness
#mentalhealthmatters
#mindfulness
#mentalhealing
#selfawareness
#relaxandsoothing

🍃 ရပ်တန့်ခြင်း...

လောကလူတွေဟာ နေ့စဉ်ဘ၀မှာ မရပ်မနားလှုပ်ရှားနေကြရတယ်။
ရုပ်ကော စိတ်ကောပေါ့...

ရုပ်ပိုင်းဆိုင်ရာ ရပ်တန့်မှုတွေကို လုပ်ဖြစ်တယ်ဆိုရင်တောင်မှပဲ စိတ်ပိုင်းဆိုင်ရာ ရပ်တန့်မှု မရှိကြတာများတယ်။

အိပ်ပျော်သွားတဲ့ အချိန်မျိုးမှာဆိုရင်တော့ စိတ်ပိုင်းဆိုင်ရာ ရပ်တန့်ဖို့ရာ ခက်ခဲတဲ့သူတွေက အိပ်ရေးမ၀ကြရရှာဘူး။ အိပ်မက်တွေ အများကြီးမက်တာတို့၊ ခနခနလန့်နိုးတာတို့၊ အိပ်ပျော်ဖို့ရာ ခက်ခဲတာတို့တွေ ဖြစ်ကြရရှာတယ်။

ရပ်တန့်ခြင်းက အနားယူခြင်းပဲ...

တရားထိုင်တယ်ဆိုတာ တကယ်တော့ စိတ်ကော ရုပ်ကော ရပ်တန့်ထားလိုက်တာမျိုးပေါ့။

တစ်နည်းအားဖြင့် စိတ်ကော ရုပ်ကော အနားပေးလိုက်တာမျိုး။

ဒီအချိန်မှာ ခန္ဓာကိုယ်က မနားနေတဲ့ အပိုင်းတွေရှိတယ်။

အသက်ရှူတာတို့၊ နှလုံးခုန်တာတို့ လုပ်နေရသေးတာကိုး။

အဲ့ဒီအရာတွေကို စည်းချက်တွေလို့ အောက်မေ့လိုက်ပြီး ကိုယ့်ရဲ့စိတ်ကို တခြားမှာ မထားပဲ အသက်ရှူသံစည်းချက်လေးနဲ့အတူပဲ ထားလိုက်ရင် သိပ်ကောင်းတဲ့ အနားယူနည်းတစ်မျိုးဖြစ်သွားတာပဲ၊

အသက်ရှူသံစည်းချက်တွေနဲ့ စိတ်နဲ့ တစ်ထပ်တည်းဖြစ်နေချိန်မှာ အခြားသော အတွေးတွေ၊ အာရုံတွေ ပေါ်လာရင်လည်းပေါ်လာဦးမှာပဲ၊ အဲ့ဒီအချိန်ကျရင် အသက်ကို ရှည်ရှည်လေးရှူပြီး ပေါ်လာတဲ့အတွေးတွေကို လက်ခံပေးလိုက်၊ သူတို့တွေကို အသိအမှတ်ပြုပေးလိုက်၊ ပြီးရင် အသက်ရှူသံစည်းချက်တွေဆီကိုပဲ ပြန်လာခဲ့လိုက်။ ဒါဆိုရပြီ။

အသက်ရှူသံစည်းချက်တွေပေါ်ကို စိတ်က စူးစူးစိုက်စိုက်ထားပြီး အနားယူတတ်မယ်ဆိုရင် လောကလူတွေ ဇိမ်ခံပြီး အနားယူကြတဲ့ နည်းလမ်းပေါင်းစုံတွေထက် ပိုပြီး သက်တောင့်သက်သာဖြစ်တယ်။ ပိုပြီးလည်း အနားရတယ်။ အကောင်းဆုံးကတော့ ငွေကုန်ကြေးကျမရှိတာပဲ။

ဒီနည်းလေးက ဆရာတော်သစ်နက်ဟန်ရဲ့ နည်းလမ်းလေးပါ။

ဒီတစ်ခါ အနားယူတော့မယ်ဆိုရင် စိတ်နဲ့ရုပ်ကို ရပ်တန့်ထားပေးခြင်းမျိုးနဲ့ အနားယူနိုင်အောင် ကြိုးစားကြည့်လိုက်ပါ။

နှလုံစိတ်ဝမ်းအေးချမ်းကြပါစေ...

- အရှင်နန္ဒာစာရ

#ThismomentZone #vennandacara #MentalHealthAwareness #mentalhealthawareness #mentalhealthmatters #𝗠𝗶𝗻𝗱𝗳𝘂𝗹𝗻𝗲𝘀𝘀 #mentalhealing #SelfAwareness #RelaxatingAndSoothing

✨ ဘဝမှာ ကိုယ်တိုင်တောင်မသိလိုက်ပါဘဲ လုပ်မိနေတဲ့ အကျင့်တွေ၊ လုပ်ရပ်တွေ၊ အတွေးတွေ ဘယ်လောက်များရှိနေပါမလဲ?
✨ တကယ်တော့ Self-awareness ဆိုတာက ကိုယ်တိုင်တောင် မသိလိုက်ဘဲ ကိုယ့်ဆီမှာ ရှိနေတဲ့၊ ပြုလုပ်မိနေတဲ့ ပုံစံခွက်တွေကို ပြန်မြင်ရအောင် သတိပေး၊ စောင့်ကြည့်ပေးတဲ့ လူသားတိုင်းလုပ်နိုင်တဲ့ စွမ်းရည်တစ်ခုပါပဲ။
✨ မိမိကိုယ်ကို ပြန်လည်သုံးသပ်နိုင်စွမ်း self-awareness နဲ့အတူ ဘဝမှာ ကောင်းမွန်မှန်ကန်တဲ့ ရွေးချယ်မှုတွေ လုပ်လာနိုင်စေဖို့ နည်းလမ်းလေးတွေ မျှဝေပေးထားတဲ့ မမိုးငယ်ရဲ့ "ကိုယ့်ကိုယ်ကိုယ် ပြန်လှည့်ကြည့်တဲ့အခါ" Audio လေးကို နားထောင်ကြည့်နိုင်ပါပြီ။
တဒင်္ဂပင်ဖြစ်စေ စိတ်သက်သာရာရဖို့ မျှော်လင့်ပါတယ်ခင်ဗျာ။
အားလုံး နှလုံးစိတ်ဝမ်းအေးချမ်းကြပါစေ။ 🙏🏻🙏🏻🙏🏻
#thismomentzone
#mentalwellbeing
#mindfulness
#mentalhealthmatters
#mindfulliving
#selfcare
#selfawareness
#selfreflection
#audiobook

https://forms.gle/kvAN9VsrZwvRr4Tp6

🌟 𝐏𝐬𝐲𝐜𝐡𝐨𝐥𝐨𝐠𝐢𝐜𝐚𝐥 𝐒𝐚𝐟𝐞𝐭𝐲 𝐚𝐭 𝐖𝐨𝐫𝐤 🌟
𝑷𝒂𝒏𝒆𝒍 𝑫𝒊𝒔𝒄𝒖𝒔𝒔𝒊𝒐𝒏

𝗢𝗰𝘁𝗼𝗯𝗲𝗿 (𝟭𝟬) မှာ ကျရောက်ခဲ့တဲ့ 𝗪𝗼𝗿𝗹𝗱 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 𝗗𝗮𝘆 အထိမ်းအမှတ်အဖြစ် "𝐏𝐬𝐲𝐜𝐡𝐨𝐥𝐨𝐠𝐢𝐜𝐚𝐥 𝐒𝐚𝐟𝐞𝐭𝐲 𝐚𝐭 𝐖𝐨𝐫𝐤" ဆိုတဲ့ခေါင်းစဉ်နဲ့ 𝑷𝒂𝒏𝒆𝒍 𝑫𝒊𝒔𝒄𝒖𝒔𝒔𝒊𝒐𝒏 လေးတစ်ခုကို 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ကနေ ထပ်ပြီး စီစဥ်ပေးလိုက်ပါတယ်ရှင်။ 🥳

🔸 စိတ်ပိုင်းဆိုင်ရာလုံခြုံမှု...ဆိုတာ ဝန်ထမ်းတွေ မိမိတို့အမြင်၊ စိုးရိမ်ချက်တွေ၊ အမှားတွေကို ဘေးဒဏ်မရှိဘဲ အဆင်ပြေပြေ မျှဝေနိုင်စေဖို့ပဲ ဖြစ်ပါတယ်။ အဲဒါသည်ကပင်လျင် သဟဇာတဖြစ်တဲ့ ဆက်ဆံရေး၊ ပူးပေါင်းဆောင်ရွက်မှု နဲ့ တီထွင်ဆန်းသစ်မှုတွေကို အလုပ်မှာ တိုးတက်အောင် ကူညီပေးနိုင်ပါတယ်။

အခုလာမဲ့ အောက်တိုဘာလ (၂၆) စနေနေ့မှာ အထူးကျွမ်းကျင်သူများက လုပ်ငန်းခွင်နယ်ပယ်မျိုးစုံက စိတ်ဝင်စားဖွယ် စိတ်လုံခြုံရေးဆိုင်ရာ အကြောင်းအရာများကို ပြောပြပေးသွားမှာပါ။

🔸 ဒါဆို ဘယ်သူတွေ ပါဝင်ကြမလဲဆိုတာ မိတ်ဆက်ပေးပါအုံးမယ်နော်။

စကားဝိုင်းလေးရဲ့ 𝑷𝒂𝒏𝒆𝒍𝒊𝒔𝒕𝒔 တွေ အဖြစ်...

✨ 𝐊𝐨 𝐌𝐲𝐨 𝐓𝐡𝐰𝐢𝐧 [𝐏𝐫𝐨𝐣𝐞𝐜𝐭 𝐂𝐨𝐧𝐭𝐫𝐨𝐥𝐬 𝐌𝐚𝐧𝐚𝐠𝐞𝐫]
✨ 𝐌𝐚 𝐏𝐡𝐲𝐨 [𝐅𝐨𝐮𝐧𝐝𝐞𝐫, 𝐓𝐡𝐢 𝐏𝐡𝐨 𝐌𝐲𝐚𝐧𝐦𝐚𝐫]
✨ 𝐌𝐚 𝐒𝐮𝐫𝐢 [𝐏𝐬𝐲𝐜𝐡𝐨𝐬𝐨𝐜𝐢𝐚𝐥 𝐒𝐮𝐩𝐩𝐨𝐫𝐭𝐞𝐫]
✨ 𝐌𝐚 𝐓𝐡𝐞𝐢 𝐒𝐮 𝐒𝐚𝐧 [𝐕𝐨𝐥𝐮𝐧𝐭𝐞𝐞𝐫 𝐂𝐨𝐮𝐧𝐬𝐞𝐥𝐥𝐨𝐫/ 𝐋𝐞𝐚𝐫𝐧𝐢𝐧𝐠 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐨𝐧𝐬𝐮𝐥𝐭𝐚𝐧𝐭]

...စတဲ့ ကျွမ်းကျင်ပညာရှင်များက ဆွေးနွေးမျှဝေပေးမဲ့အပြင်

𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ရဲ့ Founding Member တစ်ဦးဖြစ်တဲ့ 𝐌𝐚 𝐀𝐦𝐲 𝐀𝐮𝐧𝐠 ကလည်း 𝑷𝒂𝒏𝒆𝒍𝒊𝒔𝒕/ 𝑴𝒐𝒅𝒆𝒓𝒂𝒕𝒐𝒓 တစ်ဦးအနေနဲ့ ပါဝင်ကူညီပေးသွားမှာပါ။

🔸 ဒီစကားဝိုင်းကို 𝗙𝗮𝗰𝗲𝗯𝗼𝗼𝗸 𝗟𝗶𝘃𝗲 ကနေ ကြည့်ရှုလို့ရပါမယ်။ သိလိုတာရှိရင် 𝗭𝗼𝗼𝗺 𝗠𝗲𝗲𝘁𝗶𝗻𝗴 အမေးအဖြေကဏ္ဍမှာလည်း 𝑷𝒂𝒏𝒆𝒍𝒊𝒔𝒕𝒔 တွေကို တိုက်ရိုက်မေးမြန်းနိုင်မှာ ဖြစ်ပါတယ်။

ဒါကြောင့် စိတ်ဝင်စားသူတိုင်း တက်ရောက်သင့်တဲ့ 𝑷𝒂𝒏𝒆𝒍 𝑫𝒊𝒔𝒄𝒖𝒔𝒔𝒊𝒐𝒏 ပါ။ 🤗

Zoom ကတစ်ဆင့် ပါဝင်နိုင်ဖို့ အောက်ပါလင့်ခ်ကတစ်ဆင့် စာရင်းပေးသွင်းနိုင်ပါပြီနော်...။ 👇👇
https://forms.gle/kvAN9VsrZwvRr4Tp6

𝘿𝙖𝙩𝙚: 26 Oct 2024 (Saturday)
𝙏𝙞𝙢𝙚: 7PM - 8:30 PM(Myanmar Time)
𝙋𝙡𝙖𝙩𝙛𝙤𝙧𝙢: Zoom + Facebook Live

#ThismomentZone
#MentalWellbeing
#MentalHealing
#MentalHealthAwareness
#Webinar
#MindfulLiving
#Mindfulness

👨‍💼 𝐌𝐢𝐧𝐝𝐟𝐮𝐥𝐧𝐞𝐬𝐬 𝐟𝐨𝐫 𝐖𝐨𝐫𝐤𝐩𝐥𝐚𝐜𝐞 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 👨‍💼

အောက်တိုဘာလရဲ့ (၁၀)ရက်မြောက်နေ့ဟာ ဆိုရင် "အပြည်ပြည်ဆိုင်ရာ ကမ္ဘာ့စိတ်ကျန်းမာရေးနေ့" ဖြစ်တာကြောင့် 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 အနေနဲ့လည်း စိတ်ကျန်းမာရေးဆိုင်ရာ အထောက်အပံ့ဖြစ်စေမဲ့ အစီအစဥ်တွေ ဒီလမှာ ပြုလုပ်သွားဖို့ရှိပါတယ်။ 🤗

ပထမဆုံးအနေနဲ့ အောက်တိုဘာလ (၁၀)ရက် ကြာသပတေးနေ့မှာ ဆရာတော် အရှင်နန္ဒာစာရရဲ့ “𝐌𝐢𝐧𝐝𝐟𝐮𝐥𝐧𝐞𝐬𝐬 𝐟𝐨𝐫 𝐖𝐨𝐫𝐤𝐩𝐥𝐚𝐜𝐞 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡" လို့ နာမည်ပေးထားတဲ့ 𝗪𝗲𝗯𝗶𝗻𝗮𝗿 လေး ရှိပါမယ်။

စိန်ခေါ်မှုတွေများတဲ့ ယနေ့ကမ္ဘာကြီးမှာ ရှင်သန်ဖို့ကြိုးစားကြရာမှာ လုပ်ငန်းခွင်ဆိုတာကလည်း ကျွန်တော်တို့ရဲ့ အချိန်တော်တော်များများကို ကုန်လွန်ရတဲ့ နေရာတစ်ခုပဲဖြစ်ပါတယ်။

ဒီလို Workplace မှာ မိမိရဲ့ စိတ်ကျန်းမာရေးကို ဘယ်လိုစောင့်ရှောက်ကြမလဲဆိုတဲ့ အကြောင်းကို Webinar မှာ ဆရာတော်က ဆွေးနွေးမိန့်ကြားပေးမှာဖြစ်သလို 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 မှ “မအေမီ”ကလည်း လက်တွေ့လေ့ကျင့်မှုတွေ အတူတူပြုလုပ်နိုင်ဖို့ ပံ့ပိုးပေးသွားမှာပါ။

ဆရာတော် အရှင်နန္ဒာစာရက...
🌟 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝗞𝗲𝗹𝗮𝗻𝗶𝘆𝗮 မှနေပြီး 𝑴.𝑨. 𝑩𝒖𝒅𝒅𝒉𝒊𝒔𝒕 𝑺𝒕𝒖𝒅𝒊𝒆𝒔 (𝑮𝒐𝒍𝒅 𝑴𝒆𝒅𝒂𝒍) နှင့် 𝑴.𝑨. (𝑴𝒆𝒓𝒊𝒕𝒔) 𝑩𝒖𝒅𝒅𝒉𝒊𝒔𝒕 𝑨𝒚𝒖𝒓𝒗𝒆𝒅𝒊𝒄 𝑪𝒐𝒖𝒏𝒔𝒆𝒍𝒍𝒊𝒏𝒈
🌟 𝗧𝗵𝗲 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝗛𝗼𝗻𝗴 𝗞𝗼𝗻𝗴 မှ 𝑴𝒂𝒔𝒕𝒆𝒓 𝒐𝒇 𝑩𝒖𝒅𝒅𝒉𝒊𝒔𝒕 𝑪𝒐𝒖𝒏𝒔𝒆𝒍𝒍𝒊𝒏𝒈,
🌟 𝗔𝗺𝗲𝗿𝗶𝗰𝗮𝗻 𝗖𝗼𝗹𝗹𝗲𝗴𝗲 𝗼𝗳 𝗛𝗶𝗴𝗵𝗲𝗿 𝗘𝗱𝘂𝗰𝗮𝘁𝗶𝗼𝗻 မှနေ၍ 𝑫𝒊𝒑𝒍𝒐𝒎𝒂 𝒊𝒏 𝑷𝒔𝒚𝒄𝒉𝒐𝒍𝒐𝒈𝒚 ဘွဲ့တံဆိပ်များကို ရရှိထားပြီး လက်ရှိမှာ ပါရဂူဘွဲ့အတွက် သုတေသနများပြုလုပ်လျက်ရှိပါတယ်။

အားလုံးအတွက် အကျိုးရှိမဲ့ Webinar လေးဖြစ်တာမို့ စိတ်ပါဝင်စားပြီး လေ့လာလိုသူများအားလုံး မပျက်မကွက်တက်ရောက်ဖို့ ဖိတ်ခေါ်ချင်ပါတယ်ခင်ဗျာ။

တခြားသူတွေလည်း ဒီပွဲလေးကို မလွတ်သွားရအောင် အဆင်ပြေမယ်ဆိုရင် ဒီpost လေးကိုလည်း share ပေးပါအုံးခင်ဗျ။ 🙂

𝑆̰𝑒̰𝑒̰ 𝑦̰𝑜̰𝑢̰ 𝑎̰𝑙̰𝑙̰ 𝑖̰𝑛̰ 𝑡̰ℎ̰𝑒̰ 𝑤̰𝑒̰𝑏̰𝑖̰𝑛̰𝑎̰𝑟̰.

🗓 𝘿𝙖𝙩𝙚: 10 Oct 2024 (Thursday)
🕖 𝙏𝙞𝙢𝙚: 7-9 PM (Myanmar Time)
💻 𝙋𝙡𝙖𝙩𝙛𝙤𝙧𝙢: Zoom
🖌 𝙍𝙚𝙜𝙞𝙨𝙩𝙚𝙧 𝙝𝙚𝙧𝙚: ⬇️ ⬇️ ⬇️
https://forms.gle/Nsj4kDk4Kmnruwgg7

#ThismomentZone
#VenNandacara
#MentalWellbeing
#MentalHealing
#MentalHealthAwareness
#Webinar
#Mindfulness
#MindfulLiving

🌱 Mindfulness ဟာ စိတ်ကျန်းမာမှုအတွက် မဖြစ်မနေလိုအပ်တဲ့ ဆေးတစ်ခွက်ပါ။

မိမိတို့ရဲ့ Mental Wellbeing အတွက် စိတ်အစာကြေစေဖို့ရာ ဆရာတော်အရှင်နန္ဒာစာရရဲ့ "စိတ်အစာကြေဆေး"ဆိုတဲ့ Audio လေးကို မျှဝေပေးလိုက်ပါတယ်။

အားလုံး နှလုံးစိတ်ဝမ်းအေးချမ်းကြပါစေ။ 🙏🏻

#thismomentzone
#mentalwellbeing
#mindfulness
#mentalhealthmatters
#mindfulliving
#selfcare
#selfawareness
#selfreflection

✨ ကိုယ်ချချင်တဲ့စည်း(boundary) ခိုင်မာဖို့ဆိုရင် ✨

𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 မှ မိတ်ဆွေများအားလုံး မင်္ဂလာပါရှင်။

🪶ကျွန်မ ဒီနေ့ အားလုံးနဲ့မျှဝေချင်တဲ့ အကြောင်းအရာလေးကတော့ ကျွန်မကိုယ်တိုင် လွန်ခဲ့တဲ့သုံးလလောက်အတွင်း သေချာလေး ကိုယ့်စိတ်ခံစားချက်တွေကို အလုပ်လုပ်ရင်း ရလာတဲ့ အသိတစ်ခု၊ စိတ်ငြိမ်းချမ်းမှုတစ်ခုပါ။

🪶ကျွန်မတို့ နေ့စဉ်ဘဝတွေမှာ မလုပ်ချင်ပေမဲ့ အားနာလို့ လုပ်ပေးလိုက်ရတာ၊ toxic relationship ထဲက ထွက်ချင်ပေမဲ့ မထွက်နိုင်ဖြစ်နေတာ၊ ကိုယ်မပျော်ရွှင်ရတဲ့ ပတ်ဝန်းကျင်ကို မစွန့်ခွာနိုင်တာ၊ ကိုယ်နဲ့ကိုယ်ကြားမှာ boundary ချချင်ပေမဲ့ မလုပ်နိုင်ဘူးဖြစ်နေတာ၊ ကိုယ့်အတွက် ဒါလေးတွေလုပ်နိုင်ရင် ကောင်းမယ်၊ စိတ်ချမ်းသာမယ် ဆိုတာ သိပေမဲ့ သူများတွေ ကိုယ့်ကို တစ်မျိုးထင်သွားမှာ ဝေဖန်မှာစိုးလို့ မပျော်ရွှင်ပေမဲ့ လုပ်လိုက်ရတာ၊ သူငါ့ကိုထားသွားမှာစိုးရိမ်လို့ မလုပ်ချင်ပေမဲ့ လုပ်လိုက်ရတာ၊ ပြန်ပြောချင်ပေမဲ့ မပြောနိုင်လိုက်တာ …… ဒါလေးတွေကို ရင်းရင်းနှီးနှီး ကြားဖူးကြမယ်ထင်ပါတယ်။ ကိုယ်တိုင်လဲ တွေ့ကြုံဖူးကြမယ်ထင်ပါတယ်။

🪶ကျွန်မကိုယ်တိုင်လည်း လူ‌တိုင်းဆီကအချစ်ကိုရဖို့၊ ခင်မင်မှုကိုရဖို့ လိုက်လျောညီထွေဖြစ်အောင် နေထိုင်လာရင်းကနေ ကိုယ့်ကိုယ်ကိုယ် ဘာကြိုက်မှန်း၊ ကိုယ့်ရဲ့ဘယ်ခံစားချက်က အစစ်အမှန်မှန်း တောင် မသိတော့လောက်တဲ့ အနေအထားထိ ရောက်ရတဲ့အဖြစ်ကို ကြုံခဲ့ရပါတယ်။

🪶ဒါတွေကို လွန်ခဲ့တဲ့နှစ်နှစ်လောက် counsellor ဖြစ်ဖို့ လမ်းကြောင်းပေါ် စပြီးလျှောက်ကတည်းက ကိုယ့်ကိုယ်ကို အချိန်ပေးပြီး ကိုယ့်ခံစားချက်အစစ်အမှန်တွေက ဘာလဲ... အဲ့လိုဖြစ်နေတဲ့ ခံစားချက်တွေကရော ဘယ်ကနေ လာနေတာလဲ၊ ငါဒီလိုခံစားနေရတယ်ဆိုတာ ဘာလို့လက်မခံနိုင်တာလဲ ဆိုတာလေးတွေကို အချိန်ပေးပြီး ကိုယ်ရဲ့စိတ်အတွင်းပိုင်း(inner self) ကို အလုပ်လုပ်ဖြစ်ခဲ့တာပါ။

🪶လွန်ခဲ့တဲ့သုံးလအတွင်းမှာတော့ ကျွန်မရဲ့အရင်လုပ်မိနေတဲ့ ကိုယ်အတွက်လည်းမကောင်းပေမဲ့ ထပ်ခါထပ်ခါ အလားတူပုံစံတွေကိုပဲ ဖြစ်စေနေတဲ့ ခံစားချက်တစ်ခုကို သေချာအလုပ်လုပ်ရင်းကနေ ကိုယ်လိုချင်တဲ့စည်း(boundary) တစ်ခုကို ကောင်းကောင်းမွန်မွန် ချနိုင်ခဲ့တဲ့အချိန်မှာ ဖြစ်ပေါ်လာတဲ့ ကိုယ့်ကိုယ်ကိုယ် ယုံကြည်မှု၊ လွတ်လပ်တဲ့စိတ်ခံစားချက်နဲ့ ငါလုပ်ချင်ရင်လုပ်နိုင်တာပဲ... ဆိုတဲ့ အရသာကောင်းလေးကို အားလုံးနဲ့ မျှဝေချင်မိတယ်။

🪶Boundary တွေထားဖို့ဆိုတာ လွယ်လောက်တဲ့အရာ မဟုတ်ပါဘူး။ တစ်ခါတလေမှာတော့ “မလုပ်ချင်ပေမယ့် ဟုတ်ကဲ့ပဲ ပြောလိုက်ရတာ” ဆိုတဲ့ ခံစားချက်မျိုးရှိတတ်ပါတယ်။ ကျွန်မအနေနဲ့လည်း အခုသုံးလကြာတဲ့ personal work ထဲမှာ တွေ့လာတာက Boundary ခိုင်မာစွာထားဖို့ဆိုတာ ကိုယ့်အတွင်းကို နက်ရှိုင်းစွာ နားလည်မှ စတင်နိုင်တဲ့အရာဆိုတာပါပဲ။

🪶ကျွန်မရဲ့ အတွေ့အကြုံအရ အနည်းဆုံးကိုယ်ရဲ့ feelings တွေ၊ ကိုယ်ပိုင်လိုအပ်ချက်တွေကို မသိမချင်း Boundary တွေကို ခိုင်မာစွာ ထားလို့မရပါဘူး။ တစ်ခါတလေတော့ မိမိကိုယ်တိုင် ဘယ်လောက်ပဲ emotional burden ပေးနေပြီဆိုရင်တောင် အကြောင်းမသိဘဲ ခံစားရတတ်ပါတယ်။ တကယ်တော့ ဒီလို feelings တွေရှိလာတာက ကိုယ့်ကိုယ်ကို လုံလောက်စွာ နားမလည်မှုနဲ့ သက်ဆိုင်ပါတယ်။ ကိုယ့်စိတ်ခံစားချက်တွေက ဘယ်နေရာက အစပျိုးလာ‌နေတာလဲမသိရင် ပိုဆိုးပါ‌တယ်။ ကိုယ်တစ်ယောက်ထဲဖြစ်တော့မှာပဲ... ဆိုတဲ့ကြောက်စိတ်လည်း ပါ ပါတယ်။

🪶ကျွန်မဘက်ကနေ သင်ယူခဲ့တဲ့အရာက—ကျွန်မရဲ့ inner self ကို ပိုမို နားလည်ဖို့လို‌နေတယ် ဆိုတာပါ။ “ဟုတ်ကဲ့” ပြောတဲ့အချိန်မှာ တကယ်တမ်း ကိုယ်လိုလိုခြင်ခြင်နဲ့ လုပ်ချင်လို့လား၊ ဒါမှမဟုတ် ကိုယ့်အတွက် အားနာလို့၊ လွန်ဆန်မရလို့ ကိုယ့်စိတ်ထဲသိပ်မကျေနပ်ဘဲ ခံစားနေရလားဆိုတာကို သိဖို့လိုပါတယ်။ ကိုယ်ရဲ့ feelings တွေကို သိမှပြီးတော့ Boundary တွေကို ပိုမိုသေချာစွာ ထားနိုင်တာပါပဲ။

🪶ကိုယ့်ရဲ့ခံစားချက်တွေကို သိအောင်လုပ်ရတဲ့အခါမှာ မလွယ်ကူပါဘူး။ ဘာလို့လဲဆိုရင် ကျွန်မတို့ရဲ့စိတ်မပျော်ရွှင်တဲ့၊ မကောင်းတဲ့ခံစားချက်တွေကို သေချာကြည့်ပြီး စဉ်းစားပြီး နားလည်အောင်လုပ်ယူရတဲ့အတွက်ပါ။ တစ်ခါတစ်ရံ ကိုယ့်ရဲ့ ငယ်ငယ်က စိတ်ဒဏ်ရာတွေကိုပါ သွားပြီးဆက်စပ်မိတဲ့အခါ ကိုယ်တစ်ယောက်ထဲ လုပ်လို့မရလို့ သက်ဆိုင်ရာကျွမ်းကျင်ပညာရှင်တွေနဲ့ counselling ယူရတာမျိုးတွေရှိပါတယ်။

🪶ကျွန်မတုန်းကဆိုရင် ငယ်ငယ်က မသိဘဲရခဲ့တဲ့ စိတ်ဒဏ်ရာအကြီးကြီးနဲ့ ပတ်သက်‌နေလို့ personal work လုပ်တဲ့အချိန်မှာ ကျွန်မ therapy ယူခဲ့ရပါတယ်။ သေချာအတိအကျပြောရရင်တော့ စိတ်ဒဏ်ရာကလာတဲ့ တုန့်ပြန်စိတ်ခံစားချက်(Trauma Response) ရတဲ့အချိန်မှာ ဘာနဲ့မှမတူတဲ့ကြောက်ရွံခြင်းကို ကျွန်မခံစားခဲ့ရလို့ပါ။

🪶တစ်ယောက်နဲ့တစ်ယောက် မှာ Trauma Response ကြောင့်ရတဲ့ ခံစားချက်တွေက မတူညီကြပါဘူး။ ဒါပေမဲ့ တော်တော်လေး စိတ်အနှောင့်အယှက်ဖြစ်စေပြီး ခံစားနေရတာတွေကို ထိန်းချုပ်ဖို့ခက်ခဲပါတယ်။ ကိုယ့်ရဲ့စိတ်ချမ်းသာသုခ (mental wellbeing) အတွက် ဒါတွေကိုကျော်ဖြတ်ပြီး မှန်ကန်စစ်မှန်တဲ့ ခံစားချက်တွေ၊ လွတ်လပ်ပျော်ရွှင်တဲ့ ခံစားချက်တွေရဖို့ ဒီလို မလွယ်ကူပေမဲ့ ကိုယ့်စိတ်ကိုယ် သိအောင်ကြိုးစားခြင်းကလည်း self-love နဲ့ self-care လုပ်ပေးခြင်းလို့ နားလည်လာခဲ့ပါတယ်။

🪶အဓိကကတော့ ကိုယ့် feelings တွေကို ရှင်းရှင်းလင်းလင်း နားလည်လာရတဲ့အခါ ဘယ်အရာတွေက ကိုယ့်အတွက် အကောင်းဆုံးလဲ၊ ဘယ်အရာတွေက ကိုယ့်ကို မကောင်းတဲ့စိတ်ခံစားချက်တွေနဲ့ ကုန်ဆုံးစေတယ်ဆိုတာ သိရှိလာမယ်။ ကြောက်စိတ်တွေ လျော့ပါးလာမယ်။ ဒီလိုသိရှိလာတဲ့အချိန်မှာ Boundary တွေကို ပိုမိုချောမွေ့စွာ ထားနိုင်တာကို ကျွန်မတွေ့ရပါတယ်။

Romantic ဆက်ဆံရေးပဲဖြစ်ဖြစ်၊ သူငယ်ချင်း၊ မိသားစု၊ လုပ်ငန်းခွင် ဆက်ဆံရေးမှာပဲ ဖြစ်ဖြစ် Boundary တွေကို ခိုင်မာစွာချနိုင်ဖို့ဆိုတာ အရမ်းအရေးကြီးတဲ့အချက် ဖြစ်ပါတယ်။

✨ Boundary တွေက အခြားသူတွေကို ထည့်မတွက်တာမဟုတ်ဘဲ ကိုယ့်ရဲ့ mental wellbeing ကိုကာကွယ်ဖို့ ထားတာဖြစ်ပါတယ်။

ကိုယ်ကိုယ်တိုင်အတွက် အာရုံစိုက်ပြီး ကိုယ်ပိုင် emotional လိုအပ်ချက်တွေကို ပိုနားလည်လာတဲ့ အချိန်မှာတော့ Boundary တွေဟာ ပိုမိုသေချာခိုင်မာလာပါတယ်။

🪶နောက်ဆုံးတော့ “No” ပြောဖို့ဆိုတာ တစ်ခါတလေ ခက်ခဲနိုင်ပေမယ့် ကိုယ့်ရဲ့ အကောင်းဆုံး လုပ်ဆောင်မှုကနေ ရလာတယ်ဆိုရင်တော့ အဲ့ဒီ Boundary တွေက ကိုယ့်ကိုယ်ကို ချစ်ခြင်းမေတ္တာနဲ့ ထိန်းသိမ်းတဲ့ လုပ်ရပ်လို့ ဆိုရမယ်။ Boundary တွေက တားဆီးတာမဟုတ်ဘဲ ကိုယ့်စိတ်ပိုင်းဆိုင်ရာအတွက် ရှင်သန်ဖွံ့ဖြိုးနိုင်စေဖို့ ပြုလုပ်တဲ့ အရာတစ်ခုပဲ ဖြစ်ပါတယ်။

အားလုံးနှလုံးစိတ်ဝမ်းအေးချမ်းကြပါစေ။
မအေမီ
26.09.2024

#thismomentzone
#mentalwellbeing
#mindfulness
#mentalhealthmatters
#mindfulliving
#selfcare
#selfawareness
#selfreflection

𝐈𝐧𝐭𝐫𝐨𝐝𝐮𝐜𝐭𝐢𝐨𝐧 𝐭𝐨 𝐏𝐬𝐲𝐜𝐡𝐨𝐥𝐨𝐠𝐲 𝐚𝐧𝐝 𝐁𝐮𝐝𝐝𝐡𝐢𝐬𝐭 𝐏𝐬𝐲𝐜𝐡𝐨𝐭𝐡𝐞𝐫𝐚𝐩𝐲 - 𝐁𝐚𝐭𝐜𝐡 𝟓

မင်္ဂလာပါ 😊

“အခြေခံ စိတ်ပညာနှင့်ဗုဒ္ဓစိတ်ကုထုံး ပညာဒါနသင်တန်း” 𝐁𝐚𝐭𝐜𝐡 𝟓 (𝐎𝐜𝐭 𝐭𝐨 𝐃𝐞𝐜 𝟐𝟎𝟐𝟒) တန်းခွဲအတွက် Registered ပြုလုပ်ထားသောသူများကို 𝐂𝐨𝐧𝐟𝐢𝐫𝐦𝐚𝐭𝐢𝐨𝐧 𝐄𝐦𝐚𝐢𝐥 များ ပေးပို့ထားပြီးဖြစ်ပါတယ်။

Email မရရှိသေးပါက ကျေးဇူးပြုပြီး 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 𝐅𝐚𝐜𝐞𝐛𝐨𝐨𝐤 𝐌𝐞𝐬𝐬𝐞𝐧𝐠𝐞𝐫 တွင် မိမိ registration လုပ်ထားသော email address ပေးပို့၍ အကြောင်းကြားပေးပါရှင်။

Registration Form ဖြည့်စဥ်က email address မှားဖြည့်ထားမိရင်လည်း mail ပြန်မရတာ ဖြစ်နိုင်ပါတယ်။
‼️𝗝𝘂𝗻𝗸/𝗦𝗽𝗮𝗺 folder တွေထဲမှာ စစ်ကြည့်ဖို့လည်း မမေ့ပါနဲ့နော်။ ‼️

Thank you 🙏🏻🙏🏻🙏🏻

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️
Telegram: https://t.me/ThismomentZone
YouTube: https://www.youtube.com/@ThismomentZone
Instagram: https://instagram.com/thismomentzone
Facebook: https://www.facebook.com/ThismomentZone

#thismomentzone
#psychoeducation
#mentalhealthmatters
#buddhistpsychotherapy
#psychologytraining
#mentalhealing
#mentalhealthawarness
#mindfulness

🔘 မသေချာမှုနဲ့ စိုးရိမ်သောက 🔘

◽အခုအချိန်ဟာ မသေချာမှုတွေကို မျက်ဝါးထင်ထင်မြင်ရအောင် မီးမောင်းထိုးပြ‌နေတဲ့ကာလလို့ မြင်မိပါတယ်။

◽တစ်ရက်ထက်တစ်ရက် အခြေအနေတွေက အမျိုးမျိုးပြောင်းလဲနေတယ်။ မနက်ဖြန်ဘာဖြစ်မလဲ ဘယ်သူမှ မခန့်မှန်းနိုင်ဘူး။ အခြေအနေတွေက အမြဲတမ်းပြောင်းလဲနေတော့ ဘာဆက်လုပ်ရမလဲမသိတော့တဲ့အခိုက်အတန့်တွေလည်း မကြာခဏဆိုသလို ကြုံတွေ့လာရတာပါပဲ။

◽ဒီလို မသေချာမှုတွေနဲ့ ရင်ဆိုင်ရတဲ့အခါ အများဆုံးထွက်လာတတ်တဲ့ စိတ်ခံစားမှုကတော့ "Anxiety" လို့ခေါ်တဲ့ စိုးရိမ်သောကပါ....။ ပြောင်းလဲနေတဲ့အခြေအနေတွေပေါ်လိုက်ပြီး စိုးရိမ်ပူပန်မှုတွေကလည်း အနည်းနဲ့အများဆိုသလို ဖြစ်လာတတ်တယ်။

◽ Anxiety ရဲ့ အဓိကရည်ရွယ်ချက်က ကျွန်တော်တို့ကို လုံခြုံစေချင်တယ်၊ Safe ဖြစ်စေချင်တယ်၊ သေချာစေချင်တယ်။ ဒီတော့ စိုးရိမ်သောကဖြစ်တိုင်း မကောင်းဘူးလို့တော့ မဆိုနိုင်ဘူး။

◽တစ်ခုခုဖြစ်မှာ စိုးရိမ်တဲ့အတွက်ကြောင့် ကျွန်တော်တို့ သတိထားသင့်တာကို ပိုပြီးသတိထားဖြစ်တယ်။ ပြင်ဆင်သင့်တာကို ကြိုတင်ပြင်ဆင်ဖြစ်တယ်။ အခုချိန် ကိုယ်လုပ်ထားလို့ရတာကို တတ်နိုင်သမျှကြိုးစားပြီးလုပ်ဖြစ်တယ်။ ဒါကတော့ Anxiety ရဲ့ ကောင်းချက်တွေပေါ့။

◽ဒီလို စိုးရိမ်စိတ်ကြောင့် ကြိုတင်ပြင်ဆင်မှုတွေလုပ်ဖြစ်တာ ကောင်းပေမဲ့ ပုံမှန်ထက်ပိုပြီး စိုးရိမ်မှုတွေဖြစ်နေပြီဆိုရင်တော့ ဆုံးဖြတ်ချက်အမှားတွေချမိတတ်ပါတယ်။

◽ဒါ့အပြင် ဖြစ်မလာသေးတဲ့အရာကို ထပ်ခါထပ်ခါပြန်တွေးပြီး စိုးရိမ်နေတဲ့အခါ-

💢 စိတ်ဖိစီးမှုတွေ ပိုများလာမယ်
💢 ညဘက် အိပ်မပျော်ဖြစ်လာမယ်
💢 ကိုယ်၊ စိတ်ပင်ပန်းမှုတွေဖြစ်လာပြီး ကျန်းမာရေးထိခိုက်လာနိုင်ပါတယ်။

◽ဒီတော့ အခုလိုမသေချာမှုတွေများတဲ့ကာလမျိုးမှာ Anxiety ရဲ့သဘာဝကိုနားလည်ပြီး ကောင်းမွန်စွာထိန်းကျောင်းနိုင်အောင် သတိထားသင့်တယ်လို့ မြင်မိပါတယ်။

🌱 တချို့ကိစ္စတွေမှာ ကိုယ်လုပ်နိုင်သမျှ ပြင်ဆင်သင့်သလောက် ပြင်ဆင်ပြီးသွားရင် ကိုယ့်ရဲ့စိတ်ကို တည်တည်ငြိမ်ငြိမ်ဖြစ်အောင် သတိလေးနဲ့ကြိုးစားနေမယ်။

🌱 ကိုယ်ထိန်းချုပ်နိုင်တာနဲ့ မထိန်းချုပ်နိုင်တာကို ကွဲကွဲပြားပြားသိအောင်လုပ်ပြီး ကိုယ်ထိန်းချုပ်လို့ရတာကို ပိုပြီးအာရုံစိုက်မယ်။

🌱 အားလပ်ချိန်လေးတွေရအောင်ယူပြီး အဲဒီအချိန်မှာ တစ်မိနစ်၊ နှစ်မိလောက် အသက်ရှူတာလေးမှာ အာရုံစိုက်နေမယ်။

🌱 ကျန်တဲ့အချိန်တွေမှာလည်း ကိုယ့်စိတ်နဲ့ ခန္ဓာကိုယ်မှာဖြစ်ပေါ်နေတဲ့အရာလေးတွေကို သတိလေးနဲ့သိနေမယ်။

🌱 စိတ်ခံစားချက်လေးတွေကို ကောင်းတယ်၊ ဆိုးတယ်လို့ Judge မလုပ်ဘဲ အသိအမှတ်ပြုပေးမယ်။

🌱 ကိုယ်ရင်ဖွင့်လို့ရတဲ့သူကို ရင်ဖွင့်ပြောဆိုမယ်။ ဒါမှမဟုတ် စာအနေနဲ့ ချရေးမယ်။

◽ဒီအလေ့အကျင့်လေးတွေ လုပ်မယ်ဆိုရင်တော့ Anxiety ဆိုတဲ့ စိုးရိမ်သောကကို တတ်နိုင်သလောက်အတိုင်းအတာတစ်ခုအထိ ထိန်းကျောင်းနိုင်လိမ့်မယ်လို့ထင်ပါတယ်။

💌 အခုစာဖတ်နေ‌သူကော ဒီကာလမှာ ဘယ်လိုခံစားမှုတွေဖြစ်နေလဲ? ဘယ်လိုနည်းလေးတွေနဲ့ စိုးရိမ်သောကကို ဖြေရှင်းဖြစ်နေလဲဆိုတာ Comment မှာ မျှဝေပေးသွားပါအုံးနော် ❣️

𝙏𝙝𝙚𝙩 𝙆𝙮𝙖𝙬
Sep 21, 2024 (Sat)

#ThismomentZone #ThetKyaw #MentalHealthAwareness #mentalhealthawareness #mentalhealthmatters #Mindfulness #mentalhealing #SelfAwareness #RelaxatingAndSoothing

Mindful tea drinking session workshop အတွက် စာရင်းပေးထားသူတွေ အတွက်ပါနော်… 🙏🏻

လူတွေအများကြီးဟာ သင်တန်းနဲ့ပတ်သက်ပြီး တက်ရောက်လေ့လာကြဖို့ရာ အင်မတန် စိတ်အားထက်သန်တာကို တွေ့ရတော့ ...

ဦးဇင်းတို့အနေနဲ့ ကိုယ်လုပ်တဲ့အလုပ်ဟာ အဓိပ္ပါယ်ရှိတယ်ဆိုတဲ့ ခံစားချက်ကို ရသလို ...
တစ်ဖက်မှာလည်း လူတိုင်းကို လိုအပ်ချိန်မှာ တစ်ပြိုင်တည်း မစီစဉ်ပေးနိုင်လို့ အားတုံ့အားနာဖြစ်မိပါတယ်။

စာရင်းသွင်းဖို့ရာ ကြိုးစားကြပေမယ့် အဆင်မပြေဘဲ ကျန်ခဲ့တဲ့သူတွေ၊ အင်တာနက်နှင့် အခြားသော အခက်အခဲအမျိုးမျိုးတွေကြောင့် စာရင်းမသွင်းနိုင်ခဲ့သူတွေအတွက် နောက်လာမယ့် တန်းခွဲတွေမှာ အဆင်ပြေစေမယ့် နည်းလမ်းအသစ်တွေနဲ့ ကြံဆပြီး ဖန်တီးပေးပါ့မယ်။

လူဦးရေကန့်သတ်မှု မထားဘဲ ၅၀၀-၁၀၀၀ လောက်အထိ လက်ခံပြီး သင်ပေးလိုက်လို့လည်း ရပါတယ်။
သို့သော် ဒီသင်တန်းရဲ့ အဓိကက မေးခွန်းတွေနဲ့ ဆွေးနွေးမှုတွေဖြစ်တာကြောင့် လူများလေလေ မေးခွန်းမေးဖို့ရာ၊ ဆွေးနွေးဖို့ရာ အခွင့်အလမ်းနည်းလေလေဖြစ်သွားတာ...

သင်ယူသူတွေ အကျိုးအတွက် ရှေးရှုပြီး လူ ၁၀၀ လောက်ပဲ လက်ခံတာပါ။
(တကယ်တော့ ဒီလိုသင်တန်းမျိုးက အလွန်ဆုံး အယောက် ၂၀ လောက်နဲ့ပဲ ဆွေးနွေးပြီး သင်ကြားမျှဝေတဲ့မျိုးဖြစ်သင့်တာ။ )

ဒါတောင် အခုတစ်ခေါက်မှာ ၁၀ မိနစ်လောက်ပဲ ဖွင့်ထားပေမယ့် စာရင်းသွင်းသူက ၂၅၀ ကျော်နေပြီမို့ တော်တော်လေး အကြပ်ရိုက်နေပါပြီ။

နောက်တစ်ခု recording မရှိဘူးလား၊ fb live မလုပ်ပေးဘူးလား ဆိုတာကျတော့…
စိတ်ပညာ အတန်းတွေက live တို့ recording တို့ရှိရင် သင်ယူနေရတဲ့သူအတွက် စိတ်လုံခြုံမှုတွေ၊ နွေးထွေးမှုတွေ မဖြစ်စေနိုင်ဘူးလို့ ဦးဇင်းတို့ အတွေ့အကြုံအရ နားလည်ထားတယ်
ဒါကြောင့် အဲ့လိုလည်း မလုပ်ဖြစ်ဘူး။
(နောင်မှာတော့ သင်တန်းသား မပါဘဲနဲ့ record လုပ်ဖြစ်ရင်လည်း လုပ်ဖြစ်မှာပေါ့)

ဦးဇင်းနဲ့အတူ အဖွဲ့သားတွေအားလုံးက… အခုလို စိတ်ပိုင်းဆိုင်ရာ အထောက်အပံ့တွေ လိုအပ်နေတဲ့အချိန်မှာ စာရင်းမပေးလိုက်ရသူတွေအတွက် စိတ်မကောင်းကြီးစွာဖြစ်ရပါတယ်...
သို့သော် ဒီသင်တန်းတစ်ခုတည်းသာမကပါဘူး
ဦးဇင်းတို့ Thismoment Zone က စီစဉ်နေတဲ့ webinar တွေ workshop တွေ support group တွေ ရှိပါတယ်
အဲ့ဒီတွေမှာလည်း ပါဝင်ပြီးတော့ စိတ်ပိုင်းဆိုင်ရာ အထောက်အပံ့တွေ ရယူနိုင်ပါတယ်။

စာရင်းပေးလိုက်ရတဲ့သူတွေအတွက်လည်း အထူး ဝမ်းသာပါတယ်။ မကြာခင် သင်တန်းတွေထဲမှာ တူတူလေ့လာ မျှဝေကြပါမယ်။

နောက်ဆုံးအနေနဲ့ ပြောချင်တာတော့ လူတွေအများကြီး စိတ်ဝင်စားပြီး တက်ရောက်ကြတာကို အောင်မြင်တယ်လို့ မခံယူပါဘူး။
ဒါဟာ အောင်မြင်မှုမဟုတ်ပါဘူး…
ဒီလိုသင်တန်းတွေမှာ လူတွေများနေခြင်းဟာ ဦးဇင်းတို့ တိုင်းပြည်မှာ လူတွေအများကြီး ဒုက္ခတွေခံစားနေရတယ်ဆိုတဲ့ သဘောပါပဲ။
ဒါ့အတွက်ကြောင့် လူတွေဒုက္ခတွေနည်းသွားအောင် အဘက်ဘက်ကနေ အားဖြည့်ပြီး ပါဝင်ပါ့မယ်။
လူတွေဒုက္ခနည်းသွားမှပဲ ဦးဇင်းတို့လုပ်တဲ့အလုပ်တွေ အောင်မြင်တယ်လို့ ခံယူပါတယ်။

အားလုံး နှလုံးစိတ်ဝမ်းအေးချမ်းကြပါစေ....
အရှင်နန္ဒာစာရ
20.09.2024

🅔🅓🅘🅣 သတ်မှတ်လူဦးရေ ပြည့်သွားပြီမို့ Registration ပိတ်ပါပြီရှင်... စိတ်ဝင်တစား လျှောက်ထားကြတဲ့အတွက် ကျေးဇူးအများကြီးတင်ပါတယ်...

*************************************
𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐎𝐩𝐞𝐧 𝐍𝐨𝐰!

အောက်ပါ Google Form လင့်ခ်မှတဆင့် 🎓အခြေခံ စိတ်ပညာနှင့်ဗုဒ္ဓစိတ်ကုထုံး ပညာဒါနသင်တန်း (𝐁𝐚𝐭𝐜𝐡 𝟓)🎓 အတွက် Registration ပြုလုပ်နိုင်ပါပြီ။ 🤗

👉 https://forms.gle/KJrFxvKdmpvz4Qyw9

❗️Form ဖြည့်ရန် မိမိ၏ Google အကောင့်ကို ဝင်ထားဖို့ လိုပါတယ်။
❗️Email အီးမေးလ်လိပ်စာများကို သေချာစွာ ဖြည့်ပေးပါ။
❗️ဖြည့်သွင်းထားသော အီးမေးလ်လိပ်စာများထံသို့ Registration Form Copy ပြန်ရောက်လာမှသာ စာရင်းဖြည့်သွင်းခြင်း အောင်မြင်ပါတယ်ခင်ဗျာ။

ဒီသင်တန်းလေးဟာဆိုရင် စိတ်ဝင်စားသူအရမ်းများပြားတဲ့အတွက် အချိန်ပိုင်းအတွင်း သတ်မှတ်လူဦးရေ ပြည့်သွားတတ်တာကြောင့် registration link ရရခြင်း အချက်အလက်များဖြည့်၍ ပေးပို့လျှောက်ထားရမှာပါ။

လူဦးရေ (၁၀၀) လက်ခံမှာဖြစ်ပြီး သတ်မှတ်လူဦးရေပြည့်တာနဲ့ Form ကို ပြန်လည်ပိတ်သွားမှာပါခင်ဗျ။

✨ ဆရာတော် အရှင်နန္ဒာစာရက ကြီးမှူးဦးဆောင်ပြီး 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 အဖွဲ့ဝင်များမှ အချိန်၊ လုပ်အားဒါန ပါဝင်လှူဒါန်းမျှဝေတဲ့ ပညာဒါနသင်တန်း ဖြစ်တဲ့အပြင် သင်တန်းကာလမှာ အတန်း(၂၀)အတွက် နှစ်လကျော်မျှ ကြာမြင့်မှာဖြစ်ပါတယ်။

✨ ဆရာတော်ဘုရားရဲ့ စေတနာသဒ္ဓါတရားနဲ့ အချိန်ပေးအားစိုက်ထုတ်၍ ပညာဒါနမျှဝေပေးခြင်းအပေါ် ရိုသေလေးစားသောအားဖြင့်လည်းကောင်း၊ သင်တန်းတက်ရောက်သူတစ်ဦးချင်းစီရဲ့ သင်ယူလေ့လာမှုမှာ အကျိုးရှိထိရောက်စေဖို့အတွက်ပါ သင်တန်းအဆုံးအထိ ပါဝင်နိုင်မှု commitment ပေးနိုင်မှ လျှောက်ထားပေးကြဖို့ မေတ္တာရပ်ခံပါတယ်ဗျ။

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️
Telegram: https://t.me/ThismomentZone
YouTube: https://www.youtube.com/@ThismomentZone
Instagram: https://instagram.com/thismomentzone
Facebook: https://www.facebook.com/ThismomentZone

#thismomentzone
#buddhistpsychotherapy
#vennandacara
#psychologytraining
#mentalhealth
#psychoeducation
#mentalwellbeing
#mindfulness

𝐈𝐧𝐭𝐫𝐨𝐝𝐮𝐜𝐭𝐢𝐨𝐧 𝐭𝐨 𝐏𝐬𝐲𝐜𝐡𝐨𝐥𝐨𝐠𝐲 & 𝐁𝐮𝐝𝐝𝐡𝐢𝐬𝐭 𝐏𝐬𝐲𝐜𝐡𝐨𝐭𝐡𝐞𝐫𝐚𝐩𝐲
(𝐁𝐚𝐭𝐜𝐡 𝟓)

𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 မှ ဆရာတော်အရှင်နန္ဒာစာရ ဦးဆောင်သင်ကြားပေးမဲ့ “အခြေခံ စိတ်ပညာနှင့်ဗုဒ္ဓစိတ်ကုထုံး ပညာဒါနသင်တန်း (𝐁𝐚𝐭𝐜𝐡 𝟓)” အကြောင်းကို ပြောပြပေးချင်ပါတယ်ခင်ဗျာ။

🎯 ဒီသင်တန်းလေးရဲ့ ရည်ရွယ်ချက်ကတော့ အနောက်တိုင်းစိတ်ပညာနှင့် ဗုဒ္ဓစိတ်ပညာစိတ်ကုထုံး ဘာသာရပ်ကို စနစ်တကျ လေ့လာလိုသူများ၊ သုတေသနနယ်ပယ်မှာ ခြေချ၍ အသေးစိတ်လေ့လာလိုသူများအတွက် အခြေခံရစေဖို့... စိတ်ပညာရဲ့ သဘောသဘာဝများကို သိရှိပြီး လူ့အဖွဲ့အစည်းအတွင်း ကရုဏာကို အခြေခံတဲ့အသိပညာများ ပြန့်ပွားစေဖို့... ဖြစ်ပါတယ်။

[📌 သင်တန်းအကြောင်း အသေးစိတ်မပြောခင် သင်တန်းအပ်ရမဲ့ပုံစံကို အရင်ရှင်းပြပေးပါရစေဗျ။ ]

သင်တန်းအတွက် Registration ဖြည့်ရမဲ့ 𝑮𝒐𝒐𝒈𝒍𝒆 𝑭𝒐𝒓𝒎 𝑳𝒊𝒏𝒌 ကို 👉🏻 စက်တင်ဘာလ (၁၉)ရက် ည (၇)နာရီ 👈🏻 မှာ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 နဲ့ 𝐓𝐞𝐥𝐞𝐠𝐫𝐚𝐦 တို့ကနေ တပြိုင်တည်းဖွင့်ပေးမှာ ဖြစ်ပါတယ်။ ဆရာတော်ဘုရားရဲ့ ဒီသင်တန်းလေးဟာဆိုရင် စိတ်ဝင်စားသူအရမ်းများတဲ့အတွက် မိနစ်ပိုင်းအတွင်း သတ်မှတ်လူဦးရေ ပြည့်သွားတတ်တာကြောင့် registration link ရရခြင်း အချက်အလက်များဖြည့်၊ ပေးပို့လျှောက်ထားရမှာပါ။

လျှောက်ထားလာသူများထဲမှ လူဦးရေ (၁၀၀) လက်ခံမှာဖြစ်ပြီး သတ်မှတ်လူဦးရေပြည့်တာနဲ့ Form ကို ပြန်လည်ပိတ်သွားမှာမို့ Registration Post ကို မလွတ်သွားရအောင် 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 𝐏𝐚𝐠𝐞 ကို စောင့်ကြည့်နေပေးဖို့ မေတ္တာရပ်ခံချင်ပါတယ်ခင်ဗျာ။

🔰 ဒီသင်တန်းကို ဘယ်သူတွေ တက်ရောက်သင့်ပါလဲ?

✨ ဗုဒ္ဓစိတ်ပညာနှင့် စိတ်ကုထုံး ဘာသာရပ်ကို စနစ်တကျ လေ့လာလိုသူများ
✨ အနောက်တိုင်းစိတ်ပညာအကြောင်း အခြေခံကစ၍ သိရှိလိုသူများ
✨ စိတ်ပညာကို စိတ်ဝင်စား၍ နေ့စဉ်ဘဝမှာ မှန်မှန်ကန်ကန်အသုံးချလိုသူများ

🔰 သင်တန်းနေ့ရက်နှင့်အချိန်.....?

✨အပတ်စဉ် ဗုဒ္ဓဟူး၊ ကြာသပတေး... တစ်ပတ် (၂)ရက်
✨အတန်းတစ်ခုအတွက် ည(၇)နာရီကနေ (၉)နာရီအထိ ပျှမ်းမျှ (၂)နာရီ

🔰 သင်တန်းကာလ.....?

✨၂ဝ၂၄ အောက်တိုဘာလ (၁)ရက်နေ့မှ ဒီဇင်ဘာလ (၅)ရက်
✨ရက်သတ္တပတ် (၁၀)ပတ်

🔰 ဘယ်သူတွေက သင်ကြားပေးမှာလဲ?

✨ သင်ကြားမျှဝေပေးမဲ့သူတွေကတော့....
𝗗𝗶𝗽𝗹𝗼𝗺𝗮 𝗶𝗻 𝗣𝘀𝘆𝗰𝗵𝗼𝗹𝗼𝗴𝘆, 𝗠𝗮𝘀𝘁𝗲𝗿 𝗼𝗳 𝗔𝗿𝘁𝘀 𝗶𝗻 𝗕𝘂𝗱𝗱𝗵𝗶𝘀𝘁 𝗦𝘁𝘂𝗱𝗶𝗲𝘀, 𝗠𝗮𝘀𝘁𝗲𝗿 𝗼𝗳 𝗔𝗿𝘁𝘀 𝗶𝗻 𝗕𝘂𝗱𝗱𝗵𝗶𝘀𝘁 𝗔𝘆𝘂𝗿𝘃𝗲𝗱𝗶𝗰 𝗖𝗼𝘂𝗻𝘀𝗲𝗹𝗹𝗶𝗻𝗴, 𝗠𝗮𝘀𝘁𝗲𝗿 𝗼𝗳 𝗕𝘂𝗱𝗱𝗵𝗶𝘀𝘁 𝗖𝗼𝘂𝗻𝘀𝗲𝗹𝗹𝗶𝗻𝗴 အစရှိတဲ့ Master Degree ဘွဲ့များကို ရရှိထားပြီး လက်ရှိမှာ သီရိလင်္ကာနိုင်ငံတွင် သီတင်းသုံးနေထိုင်ကာ ပါရဂူဘွဲ့အတွက် ဗုဒ္ဓစိတ်ပညာနှင့် သက်ဆိုင်သော သုတေသနများကို ပြုစုနေတဲ့ "ဆရာတော် အရှင်နန္ဒာစာရ"က ဦးစီးသင်ကြားမျှဝေပေးမှာဖြစ်ပြီး....
✨ 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 အဖွဲ့ဝင် အတွေ့အကြုံရှိ Counsellors များကလည်း ပါဝင်ပံ့ပိုးကူညီပေးသွားမှာပါ။

🔰 ဘာတွေ သင်ကြားပေးမှာလဲ?

ဒီသင်တန်းလေးကို အပိုင်းနှစ်ပိုင်း ခွဲထားပါတယ်။

📚 ပထမပိုင်း -> အနောက်တိုင်းစိတ်ပညာ အခြေခံသိထားစရာ ဗဟုသုတများ
📚 ဒုတိယပိုင်း -> အခြေခံ ဗုဒ္ဓစိတ်ကုထုံးဆိုင်ရာ သဘောတရားများနှင့် လက်တွေ့အသုံးချနည်းများ

[📌 သင်ခန်းစာများကို အင်္ဂလိပ်-မြန်မာ နှစ်ဘာသာနဲ့ မျှဝေပေးသွားမှာဖြစ်ပေမဲ့ စိတ်ပညာကို အဓိကသင်ကြားမှာဖြစ်ပြီး ပညာရပ်ဆိုင်ရာဝေါဟာရများ ပါဝင်မှာဖြစ်လို့ အင်္ဂလိပ်စာ အခြေခံရှိဖို့ လိုအပ်ပါတယ်ခင်ဗျာ။ ]

🔰 ဘယ်လို သင်ကြားပေးမှာလဲ?

Online ကနေ ZOOM နဲ့ တိုက်ရိုက်သင်ကြားပေးမှာ ဖြစ်ပါတယ်။

မရှင်းလင်းတာများရှိရင် 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 Facebook Messenger ကတဆင့် မေးမြန်းနိုင်ပါတယ်ဗျ။ 🤗

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️

Telegram: https://t.me/ThismomentZone
YouTube: https://www.youtube.com/@ThismomentZone
Instagram: https://instagram.com/thismomentzone
Facebook: https://www.facebook.com/ThismomentZone

#thismomentzone
#buddhistpsychotherapy
#vennandacara
#psychologytraining
#mentalhealth
#psychoeducation
#mentalwellbeing
#mindfulness

🎓အခြေခံ စိတ်ပညာနှင့်ဗုဒ္ဓစိတ်ကုထုံး ပညာဒါနသင်တန်း (𝐁𝐚𝐭𝐜𝐡 𝟓) 🎓

မင်္ဂလာပါခင်ဗျာ 😃

အားလုံးစောင့်မျှော်နေကြတဲ့ 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 မှ ဆရာတော်အရှင်နန္ဒာစာရ ဦးဆောင်သင်ကြားပေမဲ့ “အခြေခံ စိတ်ပညာနှင့်ဗုဒ္ဓစိတ်ကုထုံး ပညာဒါနသင်တန်း (𝐁𝐚𝐭𝐜𝐡 𝟓)” တန်းခွဲကို ထပ်မံဖွင့်လှစ်တော့မှာ ဖြစ်ပါတယ်။

🎯 ဒီသင်တန်းလေးရဲ့ ရည်ရွယ်ချက်ကတော့ အနောက်တိုင်းစိတ်ပညာနှင့် ဗုဒ္ဓစိတ်ပညာစိတ်ကုထုံး ဘာသာရပ်ကို စနစ်တကျ လေ့လာလိုသူများ၊ သုတေသနနယ်ပယ်မှာ ခြေချ၍ အသေးစိတ်လေ့လာလိုသူများအတွက် အခြေခံရစေဖို့... စိတ်ပညာရဲ့ သဘောသဘာဝများကို သိရှိပြီး လူ့အဖွဲ့အစည်းအတွင်း ကရုဏာကို အခြေခံတဲ့အသိပညာများ ပြန့်ပွားစေဖို့... ဖြစ်ပါတယ်။

🔰 ဘယ်သူတွေ တက်ရောက်သင့်ပါလဲ?

✨ ဗုဒ္ဓစိတ်ပညာနှင့် စိတ်ကုထုံး ဘာသာရပ်ကို စနစ်တကျ လေ့လာလိုသူများ
✨ အနောက်တိုင်းစိတ်ပညာအကြောင်း အခြေခံကစ၍ သိရှိလိုသူများ
✨ စိတ်ပညာကို စိတ်ဝင်စား၍ နေ့စဉ်ဘဝမှာ မှန်မှန်ကန်ကန်အသုံးချလိုသူများ တက်ရောက်သင့်ပါတယ်။

🔰 သင်တန်းနေ့ရက်နှင့်အချိန်.....?

အပတ်စဉ် ဗုဒ္ဓဟူး၊ ကြာသပတေး တစ်ပတ်မှာ (၂)ရက် သင်ကြားမှာဖြစ်ပြီး အတန်းတစ်ခုအတွက် ည(၇)နာရီကနေ (၉)နာရီအထိ ပျှမ်းမျှ (၂)နာရီနှုန်းနဲ့ သင်ကြားမျှဝေပေးသွားမှာ ဖြစ်ပါတယ်။

🔰 သင်တန်းစတင်မည့်ရက်.....?

၂ဝ၂၄ အောက်တိုဘာလ (၁)ရက်နေ့မှာ စတင်မှာဖြစ်ပြီး ဒီဇင်ဘာလ(၅)ရက်မှာ ပြီးဆုံးမှာဖြစ်လို့၊ သင်တန်းကာလမှာ ရက်သတ္တပတ်(၁၀)ပတ် ကြာမြင့်မှာဖြစ်ပါတယ်။

🔰 သင်တန်းဘယ်လိုအပ်ရမလဲ?

သင်တန်းအတွက် Registration Form ကို
အခုလာမဲ့ 👉 စက်တင်ဘာလ(၁၉)ရက် ည(၇)နာရီ 👈မှာ
𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ရဲ့ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 နဲ့ 𝐓𝐞𝐥𝐞𝐠𝐫𝐚𝐦 များမှ တပြိုင်တည်း ဖွင့်လှစ်ပေးမှာဖြစ်ပြီး သတ်မှတ်လူဦးရေပြည့်တာနဲ့ Form ကို ပြန်လည်ပိတ်သွားမှာမို့ မြန်မြန်လျှောက်ထားဖို့နဲ့ Registration Post လေးကို မလွတ်သွားရအောင် 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 𝐏𝐚𝐠𝐞 ကို စောင့်ကြည့်နေပေးဖို့ မေတ္တာရပ်ခံချင်ပါတယ်ဗျ။

သင်တန်းအသေးစိတ်ကို မနက်ဖြန်မှာ ထပ်မံကြေငြာပေးသွားပါမယ်။ သိချင်တာများရှိရင်တော့ 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 Facebook Messenger ကတဆင့် မေးမြန်းနိုင်ပါတယ်ခင်ဗျာ။ 🤗

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️

Telegram: https://t.me/ThismomentZone
YouTube: https://www.youtube.com/@ThismomentZone
Instagram: https://instagram.com/thismomentzone
Facebook: https://www.facebook.com/ThismomentZone

#thismomentzone
#buddhistpsychotherapy
#vennandacara
#psychologytraining
#mentalhealth
#psychoeducation
#mentalwellbeing

စိတ်ပင်ပန်းမှု အရမ်းများတဲ့အချိန်မှာ ပူပန်ခြင်းတွေသက်သာစေဖို့ နည်းလမ်းတစ်ခုအဖြစ် မအေမီရဲ့ "တစ်မိနစ်ခဏရပ်ကြည့်ခြင်း" Audio လေးကို နားထောင်နိုင်ဖို့ မျှဝေပေးလိုက်ပါတယ်။

တစ်မိနစ်လောက် ရပ်ကြည့်မှုလေးတွေက လုပ်ရတာ အပန်းမကြီး၊ ငွေကုန်ကြေးကျလည်း မရှိဘဲ ကိုယ့်ရဲ့ဘဝအတွက် ကိုယ်ကျန်းမာဖို့ရော၊ စိတ်ချမ်းသာရေးအတွက် များစွာအထောက်အကူဖြစ်စေပါတယ်။ ဒီနည်းလေးဖြင့် အားလုံးအတွက် တဒင်္ဂ စိတ်သက်သာရာရဖို့ မျှော်လင့်ပါတယ်ခင်ဗျာ။

အားလုံး နှလုံးစိတ်ဝမ်းအေးချမ်းကြပါစေ။
🙏🏻🙏🏻🙏🏻

#thismomentzone
#mentalwellbeing
#mindfulness
#mentalhealthmatters
#mindfulliving
#selfcare
#selfawareness
#selfreflection