မြန်မာ OG ဒေါက်တာ

💜 အမျိုးသမီး အောက်ပိုင်းကြွက်သားလေ့ကျင့်ခန်း ( Pelvic floor muscle exercise or Kegel exercise)
ဘယ်လိုလုပ်ရမလဲဆိုတာ ပြောပြပေးထားပါတယ်..
အခု ဗွီဒီယို က အပိုင်း (၂) ပါ..😊

💜 ဒီလေ့ကျင့်ခန်းနဲ့ ပတ်သက်ပြီး သိထားသင့်တဲ့ အခြေခံအကြောင်းအရာတွေကို အပိုင်း (၁) မှာပြောပြပေးထားပါတယ်..
Link ကို နှိပ်ကြည့်လို့ရပါတယ်...

https://www.facebook.com/share/v/1JMCcmrN4u/

💜 FB က ဗွီဒီယိုရှည်ရှည် တင်လို့ မရလို့...အပိုင်း (၂) နဲ့ အပိုင်း (၃) ဆိုပြီး ခွဲပြီးတင်ပေးပါမယ်..

💜 အပိုင်း (၃) မှာတော့ ကိုယ်လုပ်နေတဲ့ လေ့ကျင့်ခန်းဟာ မှန်ကန်ထိရောက်မှု ရှိ/ မရှိ ဘယ်လို စစ်ဆေး ရမလဲ? ဆိုတာနဲ့ ဆောင်ရန် ရှောင်ရန်တွေပြောပြပေးထားပါတယ်..
😊🥰 အားလုံးဘဲ လုံခြုံ ကျန်းမာပြီး ဘေးအပေါင်းမှ ကင်းဝေးကြပါစေ..🙏🙏🙏

https://youtu.be/0WmC55xqFFA?si=9qwsApxju3H6rOII

👉 အကြမ်းဖျင်းနားလည်လွယ်အောင်ပြောရရင်..
လေစုပ်မွေးဖွားခြင်းဟာ မိခင်ရောကလေးကိုပါ စိတ်ချလုံခြံုမှုများနဲ့ အောင်မြင်စွာမွေးဖွားပြီးမြောက်နိုင်ဖို့ အကူအညီပေးတဲ့ မွေးဖွားနည်း တစ်မျိုးပါဘဲ.. ရိုးရိုးမွေးဖွားခြင်းထက် ဘေးထွက်ဆိုးကျိုး အနည်းငယ်ပိုများတတ်ပေမယ့်..ညှပ်ဆွဲမွေးဖွားခြင်းနဲ့ ယှဉ်ရင် ဘေးထွက်ဆိုးကျိုး အနည်းငယ် ပိုနည်းတယ်လို့ ပြောလို့ရပါတယ်…

👉 မေမေတို့တွေထဲမှာ..ရိုးရိုးမွေးဖွားချင်တယ်..ဒါပမယ့် လေစုပ်မွေးဖွားခြင်း ၊ ညှပ်ဆွဲမွေးဖွားခြင်းတို့ကို တတ်နိုင်သမျှ ရှောင်ဖို့ ကြိုးစားချင်တယ်..ဆိုတဲ့ သူတွေ ရှိပါလိမ့်မယ်..အဲ့ဒီလို မေမေများအတွက်က…👇
ဆေးပညာဆိုင်ရာ သက်သေအထောက်အထားတွေအရ. အောက်ပါ အခြေအနေတွေဟာ လေစုပ်ခြင်း..ညှပ်ဆွဲခြင်း တို့ မလိုအပ်ဘဲ ရိုးရိုးမွေးဖွားနိုင်ခြေကို ပိုမိုတိုးတက်မြင့်တင်ပေးနိင်တယ်လို့ တွေ့ရှိရပါတယ်..
⁃ မွေးဖွားနေစဉ်တောက်လျောက်မှာ ကိုယ်နဲ့အတူတူ ကိုယ်က ချစ်ခင်ရသူ တစ်ယောက်ယောက်က အတူရှိနေပေးပြီး အားပေးခြင်း၊စိတ်အား ကိုယ်အား ပြည့်စေဖို့ ပံ့ပိုးပေးခြင်း၊ ( ကျန်းမာရေးဝန်ထမ်း နှင့်အတူ)
⁃ ကိုယ်ဝန်တစ်လျောက် ကလေးရော အမေပါ ကျန်းမာတဲ့ ကိုယ်ဝန်ဖြစ်ခြင်း
⁃ သားအိမ်ညှစ်အားကြောင့် ဖြစ်ပေါ်စေတဲ့ ဗိုက်နာခြင်းကို သက်သာစေဖို့ ( Painless labour ဖြစ်စေဖို့ ) ခါးထုံဆေး ( Epidural ) မသုံးဘဲ ..တခြား ဗိုက်နာသက်သာစေနိုင်တဲ့ သောက်ဆေး၊ ထိုးဆေး နဲ့ ဂတ်စ်ရှူ ခြင်း ( Entonox - mixture of Nitrous oxide and oxygen) များကိုသာ လိုအပ်သလို အသုံးပြုမွေးဖွားခြင်း၊
⁃ သားအိမ် ခေါင်း ၁၀ စင်တီမီတာပွင့်ပွင့်ချင်းမှာ ကလေးညှစ်ထုတ်ခြင်းကို စ တင်ခြင်းမပြုသေးဘဲ..ကလေးခေါင်း ဟာမွေးလမ်းကြောင်း တင်ပဆုံကွင်းထဲ ကောင်းကောင်း ဝင်လာပြီဆိုတဲ့ အချိန်မှ ကလေးကိုမိခင်အားနဲ့ညှစ်မွေးခြင်းကို စတင်ခြင်း၊ ( နားလည် တတ်ကျွမ်းတဲ့ ကျန်းမာရေး ဝန်ထမ်းတွေရဲ့ အကြံဉာဏ်ကို ယူသင့်ပါတယ်)
⁃ သားအိမ်ခေါင်း ၁၀ စင်တီမီတာ ပွင့်ပြီးသွားချိန်မှ စတင်ပြီးထိုင်လျက် အနေအထား သို့မဟုတ် ဘေးဘက်စောင်းအိပ်တဲ့ အနေအထားနဲ့ နေထိုင်ခြင်း ဟာ ကလေးခေါင်းဆင်းဖို့ အတွက်အကူအညီပိုဖြစ်စေပါတယ်

🧡 သတင်းကောင်းကတော့..
ပထမ အကြိမ်မှာ လေစုပ်မွေးဖွားခြင်းနဲ့ မွေးခဲ့ဖူးသူ မိခင် ၁၀ ယောက်မှာဆို..၉ ယောက်ဟာ..နောက်ထပ်ကိုယ်ဝန်တွေမှာ လေစုပ်ခွက် သို့မဟုတ် ညှပ်ဆွဲခြင်းဆိုတဲ့ အကူအညီတွေမလိုအပ်တော့ဘဲ ရိုးရိုးမွေးဖွားခြင်းနဲ့…အောင်မြင်စွာမွေးဖွားနိုင်ကြတာကို တွေ့ရှိရပါတယ်..

ကဲ..မေမေတို့အားလုံး ..ချစ်စရာကောင်းတဲ့ သားသား မီးမီးလေးတွေကို အဆင်ပြေပြေချောချော မွေ့မွေ့ နဲ့ အောင်မြင်စွာမွေးဖွားပိုင်ဆိုင်နိုင်ကြပါစေ…😊🥰🙏

Helping Hands, Caring Heart
ဒေါက်တာမျိုးနန္ဒာ
သားဖွားနှင့် မီးယပ် / အမျိုးသမီးရောဂါ အထူးကု ( UK)

💛 🙏 မင်္ဂလာရှိတဲ့ သီတင်းကျွတ် အချိန်အခါဖြစ်ပါစေနော်..
သီတင်းကျွတ်နဲ့ ဘယ်လိုမှ မဆိုင်ပေမယ့်..လေစုပ်မွေးဖွားတဲ့အကြောင်း မေးနေသူများအတွက်..😊🥰

လေစုပ်မွေးဖွားခြင်း
🧡🧡🧡🧡🧡🧡🧡🧡🧡🧡🧡

🧡 လေစုပ်မွေးဖွားခြင်း ( Ventouse Birth or Ventouse Delivery ) ဆိုတာ ပလက်စတစ်ခွက် သို့မဟုတ် သတ္တုခွက် သို့မဟုတ် ဆီလီကွန်ခွက်ကလေး ကို မိခင်ရဲ့ မိန်းမကိုယ်အတွင်းကတဆင့်..ကလေးလေး ခေါင်းရဲ့ စိတ်ချလုံခြုံမှုရှိတဲ့နေရာမှာ တပ်ပြီး ..ကလေးလေးရဲ့ ဉီးခေါင်းခွံနဲ့ လေစုပ်ခွက်လေးကြားမှာ စုပ်အားတင်ပြီး အမေရဲ့ ညှစ်အားနဲ့အတူ ဆရာဝန်က ဝိုင်းကူဆွဲပြီး မွေးဖွားပေးတာကို ဆိုလိုပါတယ်..
ကလေးလေးမွေးဖွားနေတဲ့ ဖြစ်စဉ် ရဲ့ တစ်နေရာ /တစ်ချိန်မှာ..လေစုပ်ခွက်နဲ့ မွေးဖွားခြင်းဟာ ပိုမိုစိတ်ချလုံခြုံမှုဖြစ်စေမယ်လို့ ယုံကြည်ယူဆရတဲ့ခြေအနေမျိုးမှာ ဆရာဝန်က လေစုပ်မွေးဖွားဖို့ အကြံပြုလေ့ရှိပါတယ်…

🧡 အဲ့ဒီ အခြေအနေမျိုးတွေကတော့..
⁃ မိခင်ညှစ်အား ကုန်ခမ်းပင်ပန်းလာတဲ့ အခါ၊
⁃ မွေးဖွားနေစဉ် ကလေးလေးက ပင်ပန်းလာပြီး နှလုံးခုန်နှုန်းပြောင်းလဲမှုတွေဖြစ်လာတဲ့အခါ၊
⁃ မိခင်ရဲ့ကျန်းမာရေးအခြေအနေတစ်ခုခုကြောင့် ..( ဉပမာ..ဆိုးရွားသော သွေးတိုးရောဂါ) မိခင်ကို အရမ်းပင်ပင်ပန်းန်း အကြာကြီးမညှစ်သင့်ဘူးလို့ ဆရာဝန်က အကြံပြုထားတဲ့အခါ၊
⁃ ကလေးလေးရဲ့ ခေါင်းအနေအထားက မွေးလမ်းကြောင်းနဲ့ မတည့်တာကြောင့် လေစုပ်ခွက်နဲ့ လှည့်ပြီး မိခင်၏ညှစ်အားနဲ့အတူ ဝိုင်းဆွဲမွေးပေးဖို့ လိုအပ်တဲ့အခါ၊

🧡 ရိုးရိုးမွေးဖွားသူ အမျိုးသမီး အယောက် ၁၀၀ မှာ ၁၀- ၁၅ ယောက်လောက်ဟာ လေစုပ်မွေးဖွားခြင်း သို့မဟုတ် ညှပ်ဆွဲမွေးဖွားခြင်း တစ်မျိုးမျိုးနဲ့ မွေးဖွားရလေ့ရှိပါတယ်၊
သားဦးကလေးမွေးဖွားသူ အမျိးသမီး တွေမှာဆို..၃ ယောက်မှာ တစ်ယောက်လောက်က အဲ့ဒီလို ဆရာဝန်က ဝိုင်းကူမွေးပေးဖို့ လိုအပ်တတ်ပါတယ်…

🧡အဲ့ဒီလို လေစုပ်မွေးဖို့အတွက်..

⁃ ခါးအောက်ပိုင်းထုံဆေး ( Epidural , Spinal ) သို့မဟုတ် မိန်းမကိုယ်ကြွက်သား အတွင်း၊ အပြင် ထုံဆေး ( Local Anaesthesia)ဆိုတဲ့ ဆေးတွေကို နာကျင်မှုသက်သာစေဖို့ အတွက် အသုံးပြုဖို့ လိုအပ်ပါတယ်
⁃ မွေးလမ်းကြောင်းရှင်းစေဖို့ နဲ့ ဆီးအိမ်နဲ့ပတ်သက်တဲ့ ဘေးထွက်ဆိုးကျိုးတွေနည်းစေဖို့ ဆီးပိုက်ထည့်ပြီး ဆီးအိမ်ထဲမှ ဆီးတွေကို ချူထုတ်လိုက်ရပါတယ်
⁃ ကလေးခေါင်းထွက်ရန် လွယ်ကူစေဖို့ မိန်းမကိုယ်အ ဝ ကိုညှပ်ပြီးမွေးလမ်းကြောင်းချဲ့ဖို့လည်းလိုအပ်တတ်ပါတယ်.. ဒီလို ချဲ့ပေးတာဟာ ကလေးခေါင်းထွက် ပိုမိုလွယ်ကူစေတဲ့အပြင် မိန်းမကိုယ်အဝ အလွန်အမင်းစုတ်ပြဲထွက်ခြင်း မရှိအောင်လည်း ကာကွယ်ပေးပါတယ်..( မွေးပြီးသွားရင်ပြန်ချုပ်ပေးပါတယ်)

🧡 လေစုပ်မွေးတိုင်း အောင်မြင်စွာမွေးဖွားနိုင်သလား? လို့ မေးရင်တော့..အဖြေက..
အများစုမှာတော့..အောင်မြင်စွာ မွေးဖွားနိုင်ပါလိမ့်မယ်..
အောင်မြင်နိုင်ချေ ကျဆင်းစေတတ်တဲ့ အခြေအနေတချို့ကတော့..
⁃ မိခင်ကိုယ်အလေးချိန်များခြင်း၊ အဝလွန်ခြင်း ( BMI 30 နှင့် အထက်)၊
⁃ မိခင်အရပ် ၁၆၁ စင်တီမီတာ ( ၅ ပေ ၃ လက်မ) အောက်ရှိခြင်း၊
⁃ ကလေး ထွားခြင်း/ ကြီးခြင်း ( အထူးသဖြင့် ၄ ကီလို ဂရမ် / ၈ ပေါင် အထက်)
⁃ ကလေးခေါင်း က မွေးလမ်းကြောင်း တင်ပဆုံကွင်းထဲ မဝင်ခြင်း..
ဆိုတဲ့အခြေအနေတွေဖြစ်ပါတယ်၊
ဒါပေမယ့် ဒီခြေအနေတွေရှိတိုင်း မအောင်မြင်တာတော့ မဟုတ်ပါဘူး..တစ်ဦးတစ်ယောက်ချင်းရဲ့ မွေးဖွားချိန်မှာ ဖြစ်ပေါ်နေတဲ့ အခြေအနေအရပ်ရပ်ပေါ်မူတည်ပြီး ရလဒ်ကွာခြားသွားတတ်ပါတယ်…

🧡 လေစုပ်မွေးဖွားခြင်း မှာ..ဘေးထွက်ဆိုးကျိုးတွေဖြစ်နိုင်သလား?..ဆိုရင်…
လေစုပ်မွေးဖွားခြင်း ဟာ စိတ်ချလုံခြုံမှုရှိတဲ့ မွေးဖွားနည်း တစ်မျိုးဖြစ်ပါတယ်..ဒါပေမယ့်..ရိုးရိုးမွေးတာထက်တော့ ဘေးထွက်ဆိုးကျိုး နည်းနည်း ပိုများနိုင်ပါတယ်..
ဖြစ်နိုင်တဲ့ ဘေးထွက်ဆိုးကျိုးတွေကတော့..

မိခင်မှာ…
⁃ မိန်းမကိုယ်ကြွက်သား ပြဲခြင်းမှာ စအိုအဝ ပတ်လည်ကကြွက်သား ထိပါဝင်ပြဲခြင်း ( အသေအချာပြန်ချုပ်ရင် ရလဒ်ကောင်းရပါတယ် )
⁃ ကလေးမွေးပြီးသွေးထွက်များခြင်း
⁃ ဆီးမလုံခြင်း ( မိန်းမကိုယ်နားရှိအောက်ပိုင်းကြွက်သားလေ့ကျင့်ခန်း လုပ်ရပါတယ်)
⁃ ဝမ်းမလုံခြင်း(မိန်းမကိုယ်နားရှိအောက်ပိုင်းကြွက်သားလေ့ကျင့်ခန်း လုပ်ရပါတယ်)
⁃ ခြေထောက်နဲ့ တင်ပဆုံရိုးကွင်းထဲမှာရှိတဲ့ သွေးပြန်ကြောတွေထဲ သွေးခဲဖြစ်ပေါ်ခြင်း က လည်း ရိုးရိုးမွေးတဲ့မေမေတွေထက် နည်းနည်းပိုများ နိုင်ပါတယ်
ကလေးလေး မှာ..
⁃ ဦးခေါင်းမှာ လေစုပ်ခွက်ရာထင်နေတတ်ပါတယ်..ဒါပေမယ့် ၁-၂ ရက်လောက်ဆိုပျောက်ကင်းသွားလေ့ရှိပါတယ်၊
⁃ ဦးခေါင်းရဲ့အရေပြားအောက်မှာသွေးခြေဉ တာမျိုးဖြစ်တတ်ပါတယ်..အများစုမှာ အန္တရာယ် မရှိပါဘူး၊ သူ့အလိုလို သက်သာပျောက်ကင်းသွားလေ့ရှိပါတယ်၊
⁃ မွေးကင်းစ အသားဝါရောဂါဖြစ်နိုင်ချေ အနည်းငယ် ပိုများစေနိုင်ပါတယ်..ရက်အနည်းငယ်အတွင်းမှာပြန်ကောင်းသွားလေ့ရှိပါတယ်၊

🎁🎉 ကံစမ်းမဲပေါက်သူ ၄ ဦးထဲ မှ နောက်ဆုံး တစ်ဦးဖြစ်တဲ့ Daw Hnin Nu Htwe ကို သူ့ရဲ့..တောင်းဆိုချက်အတိုင်း အသံဖိုင် + messages များနဲ့ အခမဲ့ တိုင်ပင်ဆွေးနွေးပြီးမြောက်သွားပြီမို့..မွေးနေ့အထိမ်းအမှတ်ပညာဒါနလေးတော့ ထမြောက်အောင်မြင်သွားပါပြီ..🤗🤗🎊🎉🎈

💖 .ဒီလို ပညာဒါနအစီအစဉ်လေးတွေ တတ်နိုင်သမျှ လုပ်ဆောင်ပေးဖို့ အစွမ်းကုန် ထပ်မံကြိုးစားသွားမှာမို့..ကျန်တဲ့သူတွေလည်း နောက်တစ်ခေါက်မှာကံကောင်းကြပါစေလို့..ဆုတောင်းပေးလိုက်ပါတယ်..😊🥰🙏🙏🙏

🎊🎁💖 အခမဲ့ တိုင်ပင်ဆွေးနွေးခွင့် ကံစမ်းမဲပေါက်သူ နောက်ထပ် ၂ ဦးနဲ့ အဆင်ပြေအောင်မြင်စွာဘဲ ဆွေးနွေးပြီးသွားပြန်ပြီမို့ ကျေနပ်ပီတိဖြစ်ရပါတယ်..🤗🤗😊

💜မ Caro Laine နဲ့ ဗွီဒီယို ကနေတဆင့်တွေ့ဆုံဆွေးနွေးရင်္ပြး မ Ei Khaing ကိုတော့ လိုင်းအဆင်မပြေမှုကြောင့်အသံဖိုင်တွေပေးပို့ပြီး ဆွေးနွေးဖြေကြားပေးဖြစ်ပါတယ်..

💜 ရင်တွင်းခံစားချက်တွေရေးပေးတာအတွက်နဲ့ ဆုတွေတောင်းပေးတာအတွက် မ Caro Laine နဲ့ မ Ei Khaing ကို ကျွန်မကလည်း ကျေးဇူးအများကြီးတင်ပါတယ်နော်..😊🥰🙏

🎁🎊 အခမဲ့တိုင်ပင်ဆွေးနွေးခွင့်ကံစမ်းမဲပေါက်သူ ၄ ယောက်ထဲက ပထမဆုံး မအိသွယ် နဲ့ ဗွီဒီယို တိုင်ပင်ဆွေးနွေးမှုကို မျက်နှာချင်းဆိုင် အဆင်ပြေပြေချောချောမွေ့မွေ့ အောင်မြင်စွာ တိုင်ပင်​ဆွေးနွေးပြီးသွားလို့ ဝမ်းသာပီတိဖြစ်ရပါတယ်..🤗🤗🥰
💛မအိသွယ်ရဲ့ Feedback ရင်တွင်းခံစားချက်လေးပြန်လည် ရေးပေးတာကိုလည်း အထူးဘဲကျေးဇူးတင်ပါတယ်..😊🥰

🙏 အားလုံးဘဲ မင်္ဂလာပါရှင်..

💛💖 အခုအပတ်ထဲမှာ ကျွန်မ မွေးနေ့ရှိတာမို့ မွေးနေ့ အလှူဒါန အနေနဲ့ ကံထူးရှင် ၂ ဦးကို ဗွီဒီယိုမှတဆင့် အခမဲ့ တိုင်ပင်ဆွေးနွေးပေးပါမယ်..😊🥰🤗

💛💖 ကျွန်မရဲ့ ထုံးစံအတိုင်း.. မြန်မာ OG ဒေါက်တာ Top Fan ( စိန်တုံးပိုင်ရှင်) များရဲ့ တစိုက်မတ်မတ် မန့်ပေးတာ..ရှယ်ပေးတာတွေကို ကျေးဇူး တုန့်ပြန်တဲ့ အနေနဲ့ သူတို့ထဲက တစ်ယောက် က ကံထူးရှင် အနေနဲ့ အသေအချာပါပါမယ်..
ကျန်တဲ့ ကံထူးရှင်တစ်ယောက်ကတော့ Top fan ဟုတ်သူ ဖြစ်နိုင်သလို..Top fan မဟုတ်သူလည်း ဖြစ်နိုင်ပါတယ်..

👉 လိုက်နာရမယ့် စည်းကမ်းက ၂ ချက်ပါဘဲ..

(၁) ဒီ post/ ပို့စ် ကို ရှယ် ပေးရပါမယ်
(၂) ကိုယ် မေးချင်တဲ့ အကြောင်းအရာကို တိုတိုတုတ်တုတ် တစ်ကြောင်းလောက်ဘဲ မန့်ပေးထားပါ.
ဥပမာ..အရည်အိတ်အကြောင်းမေးချင်ပါတယ်..သို့မဟုတ်..ကျွန်မမှာ အသားလုံးရှိလို့ပါ..စသဖြင့်ပေါ့...( ကံစမ်းမဲ ပေါက်ရင် ကိုယ်မေးချင်သလောက် မေးခွင့်ရပါမယ်..😊🥰)

( အော်..မေ့လို့.. လိုက်နာရမယ့် နောက် တစ်ချက်ကဆရာမ အသက် ဘယ်လောက်ပြည့်တာလဲ? ..လို့ မမေးရပါ..😁😁😂😂)

👉 ကံစမ်းမဲပေါက်သူ ၂ ဦးကို အောက်တိုဘာ ၅ ရက်နေ့မှာ ကြေငြာပေးပါမယ်
ပြီးရင် CB ကနေ ဆက်သွယ်ပါမယ်..
👉 လိုင်းမမိလို့ ဗွီဒီယို နဲ့ ဆွေးနွေးလို့ မရသူများကို အသံဖိုင်ကနေတစ်ဆင့် ဖြေကြားဆွေးနွေးပေးပါမယ်

💛💖 အားလုံးဘဲ ဘေးကင်း ကျန်းမာ ပြီး လုံခြုံမှုရှိ ကြပါစေရှင်..😊🥰🙏🙏🙏

https://t.me/myanmarogdoctor ( တယ်လီဂရမ်ချန်နယ်)
@OG-jy2jw မြန်မာOG ဒေါက်တာ YouTube ချန်နယ်

ဒေါက်တာမျိုးနန္ဒာ
သားဖွားနှင့် မီးယပ်/ အမျိုးသမီး ရောဂါအထူးကု ( UK)

အဲ့ဒိနေရာတွေ ကို လျှံပြီး ဖြတ်သန်းလာတဲ့ ရေတွေဟာ ..လူတွေရဲ့ အိမ်တွေထဲ ဝင် တယ်..လူတွေပုံမှန်မှာ သောက် ခြင်း သုံးခြင်း ဆေးကြောခြင်း ပြုတဲ့ ရေတွင်း၊ ရေကန်၊ ရေပိုက် တွေထဲ ဝင်လာတာဖြစ်လို့..ရေလျှံတဲ့ရေထဲ ပါလာတဲ့ ရောဂါ ပိုးမွှားတွေကြောင့်..တိုက်ဖွိုက်ရောဂါ၊ ကာလဝမ်းရောဂါ၊ အသဲရောင်အသားဝါ အေ ( Hepatitis A ) ရောဂါတွေ ဖြစ်ပွါးစေပါတယ်…

ရေကြီးရေလျှံခြင်း ပြီးဆုံးလို့ ရေတွေပြန်ကျ သွားအပြီး မှာ ကျန်ခဲ့တဲ့ နွံ တွေ ..အိုင်တွေ..နဲ့ စိုစွတ် ရေဝပ်နေတဲ့ နေရာပေါင်းများစွာဟာ..ခြင်တွေပျော်ပျော်ကြီးပေါက်ဖွားဖို့ အတွက် အကောင်းဆုံးနေရာတွေဖြစ်လာတာကြောင့်..ခြင် က နေ ကူးစက်ပြီး ဖြစ်ပွါး စေတဲ့ သွေးလွန်တုပ်ကွေး၊ ငှက်ဖျား ဆိုတဲ့ ရောဂါတွေ ဖြစ်လာပြန်ပါတယ်..

ရေထဲ စိမ်ထားသလို ဖြစ်ခဲ့တဲ့ အိမ်ရဲ့ အစိတ်အပိုင်းတွေနဲ့ ပရိဘောဂ တွေ ဟာ စိုထိုင်းနေတတ်တာကြောင့် မှိုပိုးပေါက်လွယ်ပါတယ်..အဲ့ဒီမှိုပိုးဟာ..ရင်ကျပ်ခြင်း၊ ချောင်းဆိုးခြင်း၊ အဆုပ်ပိုးဝင်ခြင်း နဲ့ အရေပြားရောဂါတို့ကို ဖြစ်စေနိုင်ပါတယ်..

👉 ဒါကြောင့်မို့ ဒီရောဂါတွေကို ကာကွယ်နိုင်ဖို့ အတွက်..ကိုယ့်အိမ် ပြန်လာခွင့်ရသူများ ..အိမ်ကို သန့်ရှင်းရေး လုပ်ကြတဲ့ အခါ မှာ အကာအကွယ်ယူတဲ့ အနေနဲ့ ဖြစ်နိုင်ရင် မျက်နှာဖုံး( mask)၊ရေစိုခံ လက်အိပ်( ရာဘာ သို့မဟုတ် ပလက်စတစ်)၊ ရေစိုခံ အေပရွန် ( Apron/ ဟင်းချက်ရင်ဝတ်တဲ့ရင်ခံ), ရာဘာဖိနပ်ရှည်တို့ကို အသုံးပြုသင့်ပါတယ်..ပြီးရင် အသုံးပြုထားတဲ့ အဲ့ဒီပစ္စည်းတွေကိုလည်း နေရာတကျ စွန့်ပစ်ခြင်း..ဒါမှမဟုတ်..မပစ်ချင်ရင် ဆပ်ပြာနဲ့ သန့်စင်တဲ့ ရေနဲ့ ဆေးပြီး အခြောက်လှမ်းပါ..( 🚩ရေလျှံတုန်းက ကျန်ခဲ့တဲ့ ရေတွေနဲ့ မဆေးရပါဘူး..)

👉 ရေညစ်ညမ်းမှုကြောင့်အစားအစာအသုံးအဆောင်တွေ မသန့်ရှင်းမှုဖြစ်ပေါ်စေပြီး ဖြစ်ပွါးလာတဲ့ အပေါ်မှာပြောပြထားတဲ့ ရောဂါတွေကို ကာကွယ် နိုင်ဖို့ အတွက်..အောက်ပါတို့ကို လိုက်နာဆောင်ရွက်ရပါမယ်..

🚩 လိုက်နာရန်
⁃ အစားအသောက်ချက်ပြုတ်ပြင်ဆင်တဲ့နေရာ..နဲ့ အိုးခွက်ပန်းကန်တွေကို သန့်စင်တဲ့ ရေ နဲ့ ဆပိပြာသုံးစွဲဆေးကြောပါ
⁃ အစားအစာ မပြင်ဆင်မီ ..မစားမီ…လက်ကို ဆပိပြာနဲ့ ဆေးကြောသန့်စင်ရပါမယ်၊
⁃ အိမ်သာသွားပြီးတိုင်းလက်နှစ်ဖက်လုံးကို ဆပ်ပြာနဲ့ ဆေးကြောသန့်စင်ရပါမယ်၊
⁃ အိမ်မှာမွေးထားတဲ့ ခွေးလေး၊ ကြောင်လေးတွေနဲ့ တခြားအကောင်လေးတွေရှိခဲ့ရင်လည်း သူတို့ကို ကိုင်တွယ်ပြီးတိုင်း လက်ကို ဆပ်ပြာနဲ့ ဆေးရပါမယ်
⁃ အစားအစာ နှင့် အသီးအရွက်များကို မချက်မီ သန့်ရှင်းတဲ့ ရေနဲ့ သေချာစွာဆေးကြောပြီးမှ ချက်ပြုတ် စားသုံးသင့်ပါတယ်၊
⁃ အစားအစာ များကို အသေအချာကျက်အောင်ချက်ပြုတ်ပြီး မှပူပူနွေးနွေးစားသောက်သင့်ပါတယ်၊
⁃ ရေကြီးတဲ့ရေနဲ့ ထိတွေ့ထားတဲ့ အစားအစာ နှင့် အသီးအနှံများကိုမစားသုံးသင့်ပါ၊
⁃ အစားအစာများကို ယင်မနားအောင် အမြဲ ဖုံးအုပ်ထားရပါမယ်၊
⁃ ရေကြီးတဲ့ ရေဟာ ညစ်ညမ်းပြီးရောဂါပိုးများစွာပါဝင်နိုင်တာကြောင့် ရေ ကြီးရေလျှံတဲ့ရေကို ဘယ်အိမ်မှုကိစ္စ အတွက်မှ မသုံးသင့်ပါ၊
⁃ သောက်သုံးရေအတွက် ..ရေကို ၁၀ မိနစ်လောက် ပွက်ပွက်ဆူအောင် ကြိုချက်ပြီး သန်စင်သော အိုးခွက်ထဲတွင် ထည့်၍ အအေးခံသောက်သုံးပါ၊
⁃ သုံးစွဲဖို့ ရေကိုလည်း..ကလိုရင်း ရေသန့်စင်ဆေးပြားခပ်ထားတဲ့ ရေ သို့မဟုတ် ကြိုချက်ထားတဲ့ ရေကိုသာသုံးသင့်ပါတယ်..
⁃ သက်ဆိုင်ရာ အဖွဲ့အစည်းတွေက သန့်စင်သော ရေ အဖြစ် ဖြန့်ဖြူးပေးသော ရေများကို အသုံးအဆောင်များဆေးကြောရန်အတွက် အသုံးပြုလို့ရပါတယ်..သောက်သုံးရေအတွက်ကတော့ ကျိုချက်သောက်သုံးခြင်းက စိတ်အချရဆုံးဖြစ်ပါတယ်၊
⁃ ကိုယ့်အိမ် ပတ်ဝန်းကျင် နှင့် ရပ်ရွာထဲ တွင် ရေဝပ်နေတဲ့ နေရာတွေကို ရေ မဝပ်အောင် ဝိုင်းဝန်းလုပ်ဆောင်မှုများပြုလုပ်ပြီး၊ ခြင်ကိုက်ခြင်းမှ ကာကွယ် နိုင်ရန် ခြင်ဆေး ထွန်းခြင်း၊ လိမ်းခြင်း၊ ခြင်ထောင် ထောင် အိပ်ခြင်း တို့ ပြုလုပ်ရပါမယ်၊
⁃ မြွေအန္တရာယ်..ကို သတိပြုရပါမယ်၊
⁃ ရေလျံစဉ်က ပျက်စီးနေတဲ့ လျှပ်စစ်ဓါတ်ကြိုးများ၊ အပိုင်းအစများ၊ ရေစိုနေတဲ့ ပလက်ပေါက်များ က ဓါတ်လိုက် ပြီး အသက်အန္တရာယ်ပေးနိုင်တာကြောင့် အထူးသတိရှိရပါမယ်၊

👉 အခုပြောပြသွားတဲ့ ရုပ်ပိုင်း ဆိုင်ရာ ရောဂါနဲ့ အန္တရာယ်တွေ အပြင်..ရေရှည်မှာ တဖြည်းဖြည်းချင်း..ပေါ်ပေါက်လာပြီး..မီဒီယာမှာ ပေါ်ပြူလာ ဖြစ်ရလောက်အောင် လူသိများလေ့ မရှိတဲ့ ရောဂါတစ်မျိုးကတော့ စိတ်ဝေဒနာပါဘဲ…

ပင်ပင်ပန်းပန်း တည်ဆောက်ထားရတဲ့ ပိုင်ဆိုင်မှုတွေ ပျက်စီးသွားတယ်…ခက်ခက်ခဲခဲ စုဆောင်းထားတာလေးတွေ ဆုံးရှုံး လိုက်ရတယ်…ရေမကြီးခင်က ထားခဲ့တဲ့ မျှော်လင့်ချက်လေးတွေ ..ချေဖျက်ခံလိုက်ရသလို ဖြစ်သွားတယ်..
အိုးအိမ်မဲ့၊ အလုပ်လက်မဲ့ ဖြစ်သွားသူတွေရှိကြတယ်..
ပုံမှန်မှာမရပ်မနား..လည်ပတ်နေတဲ့ ကိုယ့်ရဲ့ ဘဝ၊ ကိုယ့်ရဲ့ကမ္ဘာကလေးက ရုတ်တရက်ရပ်တန့် သွားတယ်..
ကိုယ့်ရဲ့ community လို့ခေါ်တဲ့ ကိုယ်ကျင်လည် ပျော်မွေ့တဲ့ အသိုင်းအဝိုင်း ပတ်ဝန်းကျင်လေးက အစိတ်စိတ် အမွှာမွှာ တကွဲတပြားစီဖြစ်သွားတယ်..
အဆိုးဆုံး ကတော့ ကိုယ်ချစ်ရသူတွေကို ဆုံးရှုံးသွားကြရတယ်…😭😭💔💔💔

ဒါကြောင့် ရေဘေးသင့်ပြီးလို့ လ တွေချီ..ကြာလာတဲ့ အခါမှာ စိတ်ကျ​ဝေဒနာနဲ့ PTSD ( Post Traumatic Stress Disorder ) လို့ခေါ်တဲ့ စိတ်ဝေဒနာတွေ သိသာစွာ ခံစားလာရလေ့ ရှိကြတယ်…
ဒီလို စိတ်ဝေဒနာမျိုးတွေကို..ရေဘေး သင့်နေချိန်.မှာ အမြန်ဆုံး သွားရောက် ကယ်တင်တဲ့ ကယ်ဆယ်ရေးဝန်ထမ်းတွေ မှာတောင် ခံစားရတတ်တာကို တွေ့ရပါတယ်၊ကျွန်မတို့ နိုင်ငံမှာ ဆိုရင်တော့ ပရဟိတ သမားတွေ သတိထားကြစေချင်ပါတယ်၊
ဒီလိုဝေဒနာမျိုးတွေက သင့်တော်တဲ့ ဝိုင်းဝန်းပံ့ပိုးမှု ( စိတ်ပိုင်းဆိုင်ရာ+ ရုပ်ပိုင်းဆိုင်ရာ) နဲ့ ထိရောက်တဲ့ ကျန်းမာရေးစောင့်ရှောက်မှုတွေ ကို အချိန်မှီ ရရှိဖို့ အရေးကြီးပါတယ်၊

💙 အခုပြောသွားတာက.. လူတစ်ဦးတစ်ယောက်ချင်း အတွက်သာ ရည်ရွယ်ပြီးပြောသွားတာဖြစ်ပါတယ်…ဒီ့ထက်မက ရေရှည်မှာ ထိခိုက်ခံစားရတာတွေရှိပါသေးတယ်..
ဉပမာ..သောက်နေကျဆေး မရှိတော့လို့..
ခါတိုင်းရနေကျ ကျန်းမာရေး စောင့်ရှောက်မှု မရတော့လို့..
ကယ်ဆယ်ရေးစခန်းတွေမှာ စုပေါင်းနေရာက ရတတ်တဲ့ကူးစက်ရောဂါများ…စသဖြင့်ပေါ့..

💙 ဒီထက်ကျယိပြန့်ပြီး..ရေဘေးသင့်တာခံလိုက်ရတဲ့ နိုင်ငံတစ်ခုအနေနဲ့ ကြည့်မယ် ဆိုရင်တော့..နှစ်တွေနဲ့ချီ အချိန်ယူ ကြိုးစားတည်ထောင်ခဲ့တဲ့..ကျန်းမာရေး၊ စီးပွါးရေး၊ လူမှုရေး၊ ပညာရေး အခြေခံ အုတ်မြစ်တွေ ထိခိုက်ပျက်စီးပြီး နောက်ပြန် ဆွဲချ ခံလိုက်ရတာပါဘဲ..
အရင်အခြေအနေ ပြန်ရောက်ဖို့ကို နောက်ထပ်နှစ်ပေါင်းများစွာပြန်လည် ကြိုးစားတည်ဆောက်ရလေ့ရှိပါတယ်.. အခြေအနေအရပ်ရပ်ပေါ်မူတည်ပြီး အနည်းအများကွာခြားမှုတွေတော့ ရှိကြတာပေါ့လေ…

💙 လူ့အဖွဲ့အစည်း အများစုဟာ..ဒီလို သဘာဝဘေးအန္တရာယ် ကို ရင်ဆိုင်ရာမှာ..immediate response လို့ခေါ်တဲ့ ဘေးရင်ဆိုင်နေရချိန်.မှာ ခံနိုင်ရည်အား မြင့်မားပြီး ဝိုင်းဝန်းကူညီ ပံ့ပိုးတုန့်ပြန်မှု အားကောင်းကြတာကို တွေ့ရှိရပါတယ်.
.ကျွန်မတို့နိုင်ငံမှာ အသက်စွန့် ..ကိုယ်ကျိုးမကြည့် ဘဲ..ကူညီနေကြသူများလိုပေါ့..
တကယ့်ကို..လေးစားအားကျစရာပါ…💪💪💪🤗🤗🤗
အခက်အခဲမျိုးစုံကြားက ..ရေဘေးသင့်ပြည်သူများ လိုအပ်နေတာတွေကို ဝိုင်းဝန်းကူညီပေး..လှူဒါန်းပေးနေသူများကိုလည်း..ကြည်နူးပီတိနဲ့ သာဓုခေါ်ပါတယ်..🙏🙏🙏

💙 တပြိုင်နက်တည်းမှာဘဲ..ရေဘေးပြီးသွားပေမယ့်..ရေဘေးရဲ့ နောက်ဆက်တွဲအန္တရာယ်က မပြီးသေးဘူး ဆိုတာကို သတိချပ်ပြီး..
မမေ့မလျော့ဘဲ ရေရှည် ဝိုင်းဝန်းပံ့ပိုး ကူညီပေးနိုင်ကြဖို့ ..ဆုတောင်းပေးရင်း…🙏😊🥰

https://t.me/myanmarogdoctor
Helping Hands, Caring Heart
ဒေါက်တာမျိုးနန္ဒာ
သားဖွားနှင့် မီးယပ်/ အမျိုးသမီးရောဂါ အထူးကု ( UK )

ရေဘေး နှင့် နောက်ဆက်တွဲအန္တရာယ်
🩵🩵🩵🩵🩵🩵🩵🩵🩵🩵🩵🩵🩵

💙 သဘာဝဘေးအန္တရာယ် တစ်မျိုးဖြစ်တဲ့ ရေကြီးရေလျှံခြင်း ဆိုတာ ဘက်ပေါင်းစုံ ရှုထောင့်ပေါင်းစုံကနေ ကြီးမားတဲ့ ထိခိုက်ဆုံးရှုံးမှုများစွာနဲ့ ရင်ဆိုင်ကြရတယ်ဆိုတာ..အခုလို အချိန်အခါမျိုးမှာ လူတိုင်းနီးနီးသဘောပေါက်နားလည်နေကြလိမ့်မယ်လို့ ထင်ပါတယ်..

💙 ပိုင်ဆိုင်တဲ့ပစ္စည်းဉစ္စာတွေ..အဆောက်အဦတွေ အပြင် အသက်တွေပါ ဆုံးရှုံးကြရတာမို့ ထိတ်လန့်ခြောက်ခြားစရာတွေအပြင် ဝမ်းနည်းကြေကွဲစရာ အဖြစ်ဆိုးမျိုးတွေနဲ့လည်း ကြံုတွေ့ကြတာအမှန်ပါဘဲ..

💙 ရေဘေးအန္တရာယ် ဖြစ်လာရင် ..တိုက်ရိုက် ဆိုးကျိုးတွေဖြစ်တဲ့ အိုးအိမ် ဆုံးရှုံးမှုတွေ..အသက်ဆုံးရှုံးမှုတွေ ကို သိသာထင်ရှားစွာဘဲ သတင်းမီဒီယာ ပလက်ဖောင်း မျိုးစုံကနေ..မြင်ရ တွေ့ရပါတယ်..

💙 အဲ့ဒီလို ရုတ်တရက် ချက်ချင်းခံစားရတဲ့ အန္တရာယ်တွေအပြင်.. ရေကြီးရေလျှံခြင်း ဖြစ်ပွါးပြီးနောက်ပိုင်းမှာ..ရေရှည် ခံစားရတဲ့ တခြားဘေးအန္တရာယ် တွေလည်း..အမြောက်အများ.ကျန်ရှိနေပါသေးတယ်..
အဲ့ဒီ ရေရှည် ဆိုးကျိုးတွေကတော့..အချိန်ကြာမှ တဖြည်းဖြည်းချင်းဖြစ်တာတကြောင်း..ရေဘေးနဲ့သွယ်ဝိုက်ပြီးဆက်သွယ်ခံစားနေရတယ်ဆိုတာကို သတိမပြုမိတာကတကြောင်း..တို့ကြောင့်..အဲ့ဒီဆိုးကျိုးတွေရဲ့ ပမာဏ ကို မေ့လျှော့နေတတ်ကြပါတယ်..

💙 အဲ့ဒီရေရှည် ဆိုးကျိုးတွေ ထဲမှာ..ကျန်းမာရေး ဆိုးကျိုး ကလည်းတစ်ခုအပါအဝင် ဖြစ်ပါတယ်..

💙 ရေဘေးနဲ့ ကျန်းမာရေး လို့ ဆိုလိုက်ရင်..မကြုံဖူးသူ တွေအနေနဲ့မြင်သာတာက..ရေထဲမှာ အအေးပတ်ခြင်း၊ ကိုယ်အပူချိန် အလွန်အမင်းလျော့ကျခြင်း/ Hypothermia..နဲ့ ရေနစ်သေဆုံးခြင်း ဆိုတာမျိုးတွေဘဲပေါ့ ..လို့ ထင်ကြမှာပေါ့နော်…

💙 ဒါပေမယ့် တကယ်တမ်းလက်တွေ့ကြုံတွေ့ခံစားရတာတွေက ဒီ့ထက်အများကြီး ပိုလေးနက်သလို..ပိုပြီးလည်း ကျယ်ပြန့်ပါတယ်..
ထိခိုက်ခံစားမှုတွေကလည်း..အဲ့ဒီရေဘေးဖြစ်သွားတဲ့ အချိန်လေးသာ မကဘဲ ..လ ပေါင်းများစွာကြာရှည်နိုင်သလို တချို့နိုင်ငံတွေမှာ..ဆို..ရေကြီးခဲ့တဲ့ နောက်ဆက်တွဲဆိုးကျိုးဒါဏ်ကို နှစ်တွေနဲ့တောင်ချီပြီးကြာအောင် ခံစားရတတ်ပါတယ်..

💙 အဲ့ဒီလို ရေကြီးရေလျှံပြီး နောက်ပိုင်းမှာ ခံစားရတတ်တဲ့ ဆိုးကျိုးတွေထဲက တစ်ခုကတော့. ရေဘေးရဲ့နောက်ဆက်တွဲရောဂါတွေပါဘဲ..

ဉပမာ အနေနဲ့ပြောပြရရင်..

၂၀၂၂ ခုနှစ်က ပါကစ်စတန်နိုင်ငံရဲ့ ၃ ပုံ ၁ပုံ ဟာ ကြီးမားတဲ့ ရေလွှမ်းမိုးမှုကို ခံစားခဲ့ရပြီးနောက်ပိုင်း မှာ ဖြစ်နေကျ ပမာဏ ထက် ၄ ဆ ပိုပြီး ကြီးမားတဲ့ ပမာဏ ဖြစ်တဲ့ ၁•၆ သန်းသော ပြည်သူတွေဟာ ငှက်ဖျားရောဂါ ရဲ့ဘေးအန္တရာယ်ကို အလူးအလဲထပ်မံခံစားခဲ့ကြရပါတယ်..
ငှက်ဖျားရောဂါသာ မက သွေးလွန်တုပ်ကွေးရောဂါ၊ တိုက်ဖွိုက်ရောဂါနဲ့ အရေပြားရောဂါတွေပါ ပိုမိုဖြစ်ပွါးခံစားခဲ့ရတာကို တွေ့ရှိခဲ့ရပါတယ်..

၂၀၂၃ ခုနှစ်မှာ ဘင်္ဂလားဒက်ရှ်နိုင်ငံမှာ..မိုးကြီးရေလျှံမှုဖြစ်ပွါးပြီးနောက် အရမ်းဆိုးရွားကြီးမားတဲ့ သွေးလွန်တုပ်ကွေးရောဂါဖြစ်ပွါးမှုကြီးကိုအလူးအလဲ ခံစားခဲ့ကြရပြန်ပါတယ်..

၂၀၂၃ ခုနှစ်ထဲမှာဘဲ..ဖိလစ်ပိုင်နိုင်ငံမှာ ရေကြီးရေလျှံမှုဖြစ်ပွါးပြီး နောက်ဆက်တွဲအနေနဲ့ Leptospirosis/ လပ်တိုစပိုင်ရိုးစစ် ဆိုတဲ့ ရောဂါတစ်မျိုး အကြီးအကျယ် ဖြစ်ပွါးမှုဒါဏ်ကို ခံစားခဲ့ကြရပြန်ပါတယ်..Leptospirosis ဆိုတာ ကြွက်တွေရဲ့ ကျင်ငယ်ရည်( ဆီး) နဲ့ ထိတွေ့လာတဲ့ ရေ တွေဟာ လူတွေရဲ့ ပါးစပ် နဲ့ မျက်စိထဲ ဝင်ခဲ့ရင် သို့မဟုတ်..ရေထဲ ကူးခတ်ရုန်းကန်ရင်း ထိခိုက်ဒါဏ်ရာရပြီး ကွဲရှ ပွန်းပဲ့ထားတဲ့ အရေပြားထဲက တဆင့်ဝင်သွားရင် ဖြစ်ပွါးတတ်တဲ့ ကူးစက်ရောဂါ တစ်မျိုး ဖြစ်ပါတယ်..
အဖျားကြီးခြင်း၊ ခေါင်းကိုက်ခြင်း၊ ကိုယ်လက် ကိုက်ခဲခြင်း၊ ဗိုက်နာခြင်း၊ ဝမ်းပျက်ဝမ်းလျှောခြင်း ၊ မျက်သားလွှာ နီရဲလာခြင်း၊ အသားဝါခြင်း ဆိုတဲ့ ရောဂါလက္ခဏာတွေပြတတ်ပါတယ်.. ခွေး၊ နွား အစရှိတဲ့ အိမ်မွေးတိရစ္ဆါန်များအပါအဝင် အခြားသော သဘာဝ တောနေတိရစ္ဆါန်တွေမှာလည်း ဒီ ဘက်တီးရီးယားပိုး ရှိနေနိုင်ပါတယ်..

အဲ့ဒီ တစ်နှစ်ထဲမှာဘဲ လစ်ဘ်ဗျား/ Libya နိုင်ငံ မှာ Storm Daniel ဆိုတဲ့ ဆိုင်ကလုန်းမုန်တိုင်း ကြောင့် ရေကြီးရေလျှံမှု ဘေးရန် ခံစားရပြီးနောက်ပိုင်း မှာ ဝမ်းပျက် ဝမ်းလျှော ရောဂါဒါဏ် ကို နောက်ဆက်တွဲ အနေနဲ့ အပြင်းအထန်ရင်ဆိုင်ခဲ့ကြရပြန်ပါတယ်..

👉 ဘာလို့ ဒီ ရောဂါတွေ ဟာ ရေကြီးရေလျှံခြင်း ရဲ့ နောက်ဆက်တွဲ အန္တရာယ် အနေနဲ့ ဆက်လိုက်ပါလာတာလဲ?.. ဆိုတော့…

လူတွေနေထိုင်တဲ့ မြို့နယ် ရပ်ရွာ တွေထဲ ရေတွေဝင်လာပြီ ဆိုကတည်းက ရေပမာဏ မများ သေးဘူး..တနည်းအားဖြင့်..ရေ သိပ်မနက်သေးဘူး ဆိုရင်တောင် .. အဲ့ဒီအခြေအနေရဲ့ အဓိပ္ပါယ် က စွန့်ပစ် စီးဆင်းရမယ့် အညစ်အကြေး တွေဟာ ပုံမှန် စွန့်ပြစ်စီးဆင်းမှု မရှိတော့ဘူး ဆိုတဲ့ အဓိပ္ပါယ် ကို ဆောင်ပါတယ်..
အညစ်အကြေး ဆိုတော့ …
ကျွန်မတို့ ပတ်ဝန်းကျင်မှာ နေ့တဓူဝ မျက်စိနဲ့ မြင်တွေ့နေရတဲ့ မရေမတွက်နိုင်တဲ့အညစ်အကြေးတွေအပြင် လူမမြင်သာတဲ့ အညစ်အကြေးစုစည်းရာ..စီးဆင်းရာဖြစ်တဲ့ လူပေါင်းများစွာရဲ့ အိမ်သာပေါင်းများစွာ..မြို့တွေရွာတွေရဲ့ အညစ်အကြေးကို သန့်စင်ပေးနေတဲ့ မိန်လ္လာပိုက်..သဘာဝမြောင်း..တူးမြောင်း အကုန် ပါတာပေါ့..

👉 အမျိုးသမီးတိုင်း ပုံမှန်ပြုလုပ်သင့်တဲ့ လေ့ကျင့်ခန်း တစ်မျိုး ဖြစ်တဲ့ Pelvic Floor exercise ဘယ်လို လုပ်ရမလဲဆိုတာ..Live မှာ ပြောပြသင်ပေးမှာဖြစ်ပါတယ်.
👉 အရှေ့က post မှာ စာနဲ့ ရေးတင်ထားတာကို သိပ်နားမလည်သူများ Live အချိန်မှာ လိုက်လုပ်ကြည့်ပြီး နားမလည်/ မသေချာတာကို မေးခွန်းမေးခွင့်ရမှာပါ..

💕 လိုင်းအဆင်ပြေသူများနဲ့ Live မှာဆုံကြမယ်နော်..
လိုင်ူအဆင်မပြေသူများကတော့..နောက်မှဘဲ page ပေါ်မှာ ကြည့်လိုက်ကြပေါ့..

See you all soon! 😘🥰