IQRO📖

Qazoi qadarni bahona qilmang | Husaynxon Yahyo Abdulmajid I Ҳусайнхон Яҳ...
https://youtube.com/watch?v=QmctO8-kMG0&si=hc-_NKIBPN12o4w1

Хурматли аёллар эринмасдан ўқиб чиқинг, бу маълумот сизнинг оҳиратингиз учун муҳимдир!

ТАРМОҚЛИ МАРКЕТИНГ
#ҳалол-ҳаром

❓289-CАВОЛ: Мен озиш мақсадида бир фирмани маҳсулотларидан харид қилиб, ичиб бошлагандим. Маҳсулотларида ҳалол сертификати бор бўлгани учун кўнглим тўқ эди. Кейин шу фирмага ўзим аъзо бўлсам ўзим учун олаётган маҳсулотларим учун балл йиғилиб менга ойлик чиқишини билиб қизиқиб, мен ҳам шу фирмага аъзо бўлдим. Кейин қандай иш юритиш бўйича маълумот олиб, ҳафсалам пир бўлди. Мен бир инсон кетидан ёзилдим, менга ҳам ойлик каттароқ миқдорда чиқиши учун ўзимни ортимдан ишга таклиф қилишим, ўз гуруҳимни йиғишим, улар билан биргаликда катта баллар йиғсак ойлигим шунчалик катталашиб бориши тушунтирилди. Энг хавфсираганим ортимдан ёзилган одам катта балл йиғса, мени лавозимим кўтарилиб унинг йиққан бали учун менга қанчадир миқдорда % чиқарилиши шу % орқали мани ойлигим катталашиши тушунтирилди. Мен учун % га ишлаш ёқмади, ман ортимда клент ёздирмай ўзим маҳсулотларни сотиб ойлик олавераман деган мақсадда иш бошламоқчи бўлиб тургандим яна бир гап эшитиб иш бошлашга иккиландим. Мен ортимдан клент ёздирмай ишлаганим билан мен ортидан ёзилган инсонларга % га чиқариб берганим учун мен ҳам % га шерик ҳисобланар эканман. Шу қилаётган ишим Шариатимиз ҳукмига кўра ҳалолми?

💬 ЖАВОБ: Бисмиллаҳир Роҳманир Роҳим. Сиз айтиб ўтган савдо тури тармоқли маркетинг (сетевой маркетинг) деб юритилади. Саудия Арабистонинг Фатво Кенгаши, Мисрдаги Ал-Азҳар университитетининг Ислом иқдисодиёти профессори Ҳусайн Шаҳҳата, Қатар давлат университитетининг Ислом шариати факультетининг профессори Али Муҳиддин ва бундан бошқа кўплаб уламолар тармоқли маркетингнинг барча иш йўналишини ҳаром деб фатво чиқарганлар.

Тармоқли маркетинг инсонларнинг молини алдов, ёлғон ва фирибгарлик йўли билан ейишдир. Аллоҳ таоло инсонларни бир бирларининг молларини ботил йўл билан ейишдан қайтарган.

يَا أَيُّهَا الَّذِينَ آمَنُوا لا تَأْكُلُوا أَمْوَالَكُمْ بَيْنَكُمْ بِالْبَاطِلِ

яъни: “Эй, иймон келтирганлар! Бир-бирларингизнинг молларингизни ботил йўл билан еманг” (Нисо сураси 29-оят)

Тармоқли маркетингни ҳаром эканлигини бир нечта сабаблари бор.

Биринчидан: Тармоқли маркетингдаги асосий мақсад маҳсулот сотиш эмас, балки пулни пулга сотишдир. Чунки тармоқли маркетингда сотилаётган маҳсулотларнинг бозордаги қиймати жуда арзон бўлиб, уни аъзо бўлган иштирокчиларга қимматга сотади. Иштирокчилар бу зарарни улар орқали аъзо бўлган иштирокчилар ҳисобидан қопланиши сабабли озгина пулини кўпайтириб олиш учун компания маҳсулотларини сотиб олади. Бу пулни пулга насияга фойиз асосида сотишдир. Бундай савдо айни рибо бўлгани учун Қуръон оятлари, Пайғамбаримиз саллаллоҳу алайҳи васалламнинг ҳадислари ва ислом умматининг ижмоси билан шаръан ҳаром қилинган.

Иккинчидан: Тармоқли маркетинг алдов устига қурилгандир. Алдов эса шаръан ҳаром. Чунки тармоқли маркетингга аъзо бўлган киши керакли миқдордаги иштирокчиларни йиға оладими ёки йиға олмайдими, буни олдиндан билмайди. Тармоқли маркетинг ҳам қачондир охирига етади. Иштирокчи эса қўшилаётганда тармоқли маркетинг охирига етган вақтда пирамиданинг юқори қисмида бўлиб, фойда кўрадими ёки пирамиданинг қуйи қисмида бўлиб, зарар кўрадими, бундан бехабар бўлади. Аслида, пирамида аъзоларининг аксари зиён кўради, озчилик иштирокиларгина фойда кўради. Бу алдовнинг айни ўзидир. Абу Ҳурайра разияллоҳу анҳу шундай деганлар:

"نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ بَيْعِ الْغَرَرِ" (رَوَاهُ الامام مُسْلِمٌ)

яъни: “Набий саллаллоҳу алайҳи васаллам алдовдан қайтарганлар” (Имом Муслим ривоятлари).

Ассалому алайкум ва роҳматуллоҳи ва барокатуҳ.

Анчадан буён бир мавзу ҳақида ёзаман деб юрган эдим. Бу мавзу Тармоқли маркетинг.

Тармоқли маркетинг хозирги кунда турлари жуда кўпайиб кетти. Улар ўз маҳсулотларини ҳилма ҳил номлар остида сотишмоқда. Майли қандини урсин, омадларини берсин. Масалани бошқа томонига диққат қилинг: Азиз аёллар уйда ўтириб бизнес қилмоқчимисиз, командамизга қўшилмоқчимисиз каби сўзларга алданиб, луқмангизга ҳаром аралаштириб қўйманг. Тармоқли маркетинг тури борки, барчасини бутун дунё уламолари ҳаром деб фатво берганлар. Маълумот ўрнида у маҳсулотларни таркибига қараб сотиб олишингиз, ишлатишингиз мумкин, лекин асло бу шоҳли маркетингларга аралашиб юрманг!

Эр-хотинларга насиҳат

⏺Ишларни орангизда маслаҳат ила юритинг! воқеликка рози бўлиб яшанг! Бир-бирингизга ҳузур-роҳат бахш этинг, чунки ҳаёт қисқадир.

⏺Эй куёвтўра, идеал, намуна қилинадиган аёл излама! Тақсимлаб берилганига рози бўл! Фақатгина ҲУР-ИЙНларда топиладаган шартлар қўйма!

⏺Эй келинпошша, фақатгина фаришталарда ва пайғамбарларда топиладиган шартлар қўйманг! Одам зоти қусурли, хатокор бўлади, қисматингизга рози бўлинг!

⏺ Айбларни билмасликка олинг, хатолардан кўз юминг! Бу дунёдир, ЖАННАТ эмас. Одамлар ҳам Фаришта эмасдир.

Оиз Қарний ҳафизаҳуллоҳ

@tadabbur_bilan🌷

⏺Илм ўрганишда ҳаёга ўрин йўқ.

Фарзандингиз улғаяр экан сиз унга майда чуйда нарсаларни ҳам бирвошдан уялмасдан ўргатишга мажбурсиз. Чунки бола бир ишни қайта қайта қилса, у одатга айланади. Боғча, мактаб ёшида фарзандингиз кўчага чиқаётганида (мактаб, қўшимча дарслар ва хкз) чўнтагига рўмолча билан уч тўрт бўлак салфетка ҳам солиб қўйинг. Бу унга покиза юришига жуда ҳам асқотади. (Хожатга кирганида истинжо учун, столи кир бўлса артиши учун ва хоказолар учун)
Поклик Исломдандир. Хожат чиқараётганида кийимга, баданга сачратлик кераклигини ўргатиш зарур. Росулуллоҳ соллаллоҳу алайҳи васаллам сийдикдан покланмаслик қабр азобига сабабчи бўлишлиги ҳақида саҳобаларга қандай таълим берганлар? Биз ҳам фарзандларимиз поклиги учун уялмасдан, эринмасдан вақтида таълим беришимиз шарт бўлади.

⏺Аллоҳ таоло марҳамат қилади:
«Либосларингизни пок тутинг» (Муддассир сураси, 4).
Ибн Аббос розияллоҳу анҳудан ривоят қилинади: «Пайғамбаримиз соллаллоҳу алайҳи васаллам икки қабр ёнидан ўтдилар-да: «Бу иккиси (яъни, қабрдагилар) азобланмоқда. Гуноҳи кабира сабабли азобланаётганлари йўқ. Ҳа, у гуноҳи кабирадир. Улардан бири чақимчилик қилиб юрарди, бошқаси эса сийдигидан сақланмасди», дедилар» (Бухорий, Муслим ва бошқалар ривояти).
Расулуллоҳ соллаллоҳу алайҳи васаллам айтдилар: «Қабр азобининг кўпчилиги сийдик сабабли бўлади. Бас, сийдикдан пок бўлинглар!» (Дориқутний ривояти).
Кимки бадани ва кийимларини сийдикдан пок сақламаса, унинг намози мақбул бўлмайди.
Ҳофиз Абу Нуаъйм «Ҳилъа» китобларида Шафий ибн Матиъдан ривоят қилади: «Тўрт тоифа кимсалар ўзи азобланаётган дўзах аҳлига яна озор берадилар. Улар «Ҳамим» (қайноқ сув) ва «жаҳим» (дўзах олови) орасида сарсон бўладилар, ўзларига ўлим ва ҳалокат тилайдилар. Дўзах аҳли бир-бирларига: «Буларга нима бўлганки, ўзимиз азобланаётганимиз етмаганидай, яна бизга озор беришяпти?» дейишади. Улардан бири чўғдан бўлган тобутга қамалган бўлади. Бошқаси ичак-чавоқларини тортаётган бўлади. Яна бирининг оғзидан йиринг ва қон оқаётган бўлади. Ва охиргиси ўз гўштини еяётган бўлади.
Тобутдаги кишига: «Бунга нима бўлганки, ўзимиз азобланаётган бўлсак-да, бизга озор берди?» дейилади. Айтадики: «Бу киши ўлиб, бўйнида одамларнинг моли қолганда, унга вафо қилмаган».
Кейин ичак чавоғини тортаётган кимсага: «Бунга нима бўлганки, ўзимиз азобланаётган бўлсак-да, бизга озор берди?» дейилади. Айтадики, бу киши сийдик қаерига тегаётганига парво ҳам қилмасди, ўша ерини ювиб ҳам ташламасди.
Сўнг оғзидан йиринг ва қон оқаётган кимсага: «Бунга нима бўлганки, ўзимиз азобланаётган бўлсак-да, бизга озор берди?» дейилади. Айтадики, бу киши ҳар бир фаҳш ва уятсиз сўзларга назар солиб (эшитиб), ундан роҳатланарди, беҳаёликдан лаззатланарди.
Охири гўштини еяётган кимсага: «Бунга нима бўлганки, ўзимиз азобланаётган бўлсак-да, бизга озор берди?» дейилади. Айтадики, бу киши ғийбат қилиб одамларнинг гўштини ер ва чақимчилик қилиб юрар эди».
Аллоҳдан афв ва офият сўраймиз. Албатта, У раҳмлиларнинг раҳмлироғидир.


@tadabbur_bilan🌷

#саҳобалар

МАЪНАВИЙ АЗОБ

Саъд ибн Абу Ваққос розияллоҳу анҳу Исломга биринчи бўлиб кирганлардан ҳисобланади. Маълумки, ҳазрат Абу Бакр розияллоҳу анҳунинг даъвати билан ўша пайтда Қурайшнинг шарафли ва мўътабар кишиларидан бўлган ва жаннатга киришлари башорати берилган ўн кишининг беш нафари Усмон ибн Аффон, Зубайр ибн Аввом, Абдураҳмон ибн Авф, Саъд ибн Абу Ваққос ва Талҳа ибн Убайдуллоҳ розияллоҳу анҳум имонга келишди. Саъд ибн Абу Ваққос ўзини учинчи бўлиб Исломга кирганман, деб ҳисоблаб юрар эди.

Саъд ибн Абу Ваққоснинг мусулмон бўлиши ҳам осон кечмади. Барча янги мусулмонлар каби Саъд ибн Абу Ваққос ҳам мусулмон бўлганини эълон қилиши билан дин йўлида катта синовларга дуч келдилар. Дин душманлари у кишини волидаларига қарши қайраб, она-болани уриштиришга уринганда ҳам Саъд оналарига илгаригидан кўра кўпроқ меҳр ва илтифот кўрсатавердилар.
Ўша даврнинг мушриклари янги мусулмонларни азоблашнинг турли услубларини ўйлаб топишган эди. Улар Исломга янги кирган Саъд ибн Абу Ваққосни маънавий азоб билан хўрлашди. Энг азиз кишиси бўлмиш онасига қарши қайрашди. Жоҳилликдан қутула олмаган она севимли ўғлига "Динингдан қайтмасанг, сенга гапирмайман, ўзим еб-ичмайман", деб қасам ичиши фарзанд учун энг оғир маънавий азоб. Бундан кўра, калтаклашгани ёки бошқа бирор жисмоний азоб беришгани яхшироқ бўларди.

Саъд ибн Абу Ваққос ўзларининг Исломга киришларидаги аҳволини бундай баён этадилар: "Онам Исломга кирганимни эшитиши билан жанжал бошлади. Мен унга кўп яхшилик қиладиган суюкли ўғил эдим. У олдимга келиб "Эй Саъд, қандоқ бу динга кирдинг ўзи! Муҳаммад сени ота-онангни йўлидан чалғитибди! Аллоҳга қасам, ё янги динингни тарк қиласан, ёки ўлгунимча бутунлай таом емайман ҳам, ичмайман ҳам! Менга ичинг ачишганидан юрагинг қийма-қийма бўлади! Қилган ишингдан надоматда ўлиб кетасан! Одамлар сени абадий айблаб юришади!" деди. "Онажон, бундай қилманг, мен барибир динимдан қайтмайман", дедим".

У Макка ёшлари орасида онасини хурмат қилиши билан шуҳрат қозонган, онани эҳтиром этишда Саъд намуна қилиб кўрсатилар эди. Имонга келганидан сўнг Саъд бу нозик нуқтада синовга учради, аммо у имонини ҳамма нарсадан устун қўйди. Аммо онасини олдингидай ҳурмат қилаверди.
Шу воқеа туфайли Аллоҳ таолонинг ушбу ояти каримаси тушди: "Биз инсонга ота-онасига яхшилик қилишни буюрдик. Агар улар сен билмаган нарсаларни (сохта маъбудларни) Менга шерик қилишингга зўрласалар, у ҳолда уларга итоат этма!" (Анкабут сураси, 8-оят). Уламолар бу ояти карима Саъд ибн Абу Ваққос ҳақида тушганини таъкидлашади.

Пайғамбар алайҳиссалом Саъдни "тоғам" дея ҳурматлаганлар. Жобир ибн Абдуллоҳ розияллоҳу анҳудан ривоят қилинади: "Саъд келаётган эди, Росулуллоҳ соллаллоҳу алайҳи васаллам: "Мана бу менинг тоғам бўлади, ким менга тоғасини кўрсата олади!" дедилар".
(Термизий ривояти).

@tadabbur_bilan🌷

#саҳобалар

ФОРС ФАТҲИ ЛАШКАРБОШИСИ

(Саъд ибн Абу Ваққос розияллоҳу анҳу)
Абу Исҳоқ Саъд ибн Абу Ваққос Молик ибн Ухайб Зуҳрий розияллоҳу анҳу атоқли саҳобалардан, ўн саҳобанинг бири. Саъд Қурайш қабиласидан, Росулуллоҳ соллаллоҳу алайҳи васалламнинг оналари каби Бани Зуҳра уруғидан эди. Унинг насаби олтинчи силсилада (Ҳакамда) Пайғамбаримиз соллаллоҳу алайҳи васаллам сулолалари билан бирлашади. Саъд милодий 601 йили туғилган. Маккаликлардан олтинчиси ё еттинчиси бўлиб Исломга кирди ва кўп ўтмай Ясрибга (Мадинага) кўчди. Росулуллоҳ соллаллоҳу алайҳи васаллам иштирокларидаги барча юришларда қатнашди, у Зотга қўриқчилик қилди. Исломда биринчи бўлиб душманга қарши ўқ узди ва биринчи бўлиб душманни ер тишлатди. Саъднинг мерганлиги тилларда достон бўлган эди. Лашкарбоши сифатида Форс ўлкасини фатҳ этди. Қодисияда ҳижрий ўн бешинчи йили форсларнинг лашкарбошиси Рустамни ўлдирди. Мадоинга ҳужум уюштириб, подшоҳ Хисрав хазиналарини қўлга киритди. Куфа шаҳрини барпо этган ҳам Саъд ибн Абу Ваққосдир. Ҳазрат Усмон вафотларидан сўнг раҳбарликка даъвогарлик қилмай, барча ишлардан четланди. Мадина яқинидаги Ақиқ деган жойда истиқоматда бўлиб, ҳижрий 55 (милодий 676) йили вафот этди. Расули Акрамдан 270 та ҳадис ривоят қилди. Жаннатийлик башорати берилганлардан энг охири вафот этган Саъд бўлди. Васиятига биноан Бадрда кийган ва эллик беш йилдан буён асраб келган кийимида кафанланди. Бақиъ қабристонига дафн қилинди.

@tadabbur_bilan🌷

Саъд ибн Абу Ваққос розияллоҳу анҳу бой-бадавлат инсон эди. Айни ёшлик палласида анчагина оғир бетоб бўлиб қолди. Расули акрам соллаллоҳу алайҳи васаллам уни кўргани келдилар.

– Эй Аллоҳнинг Расули! Менинг молим жуда ҳам кўп. Мерос олишга иккитагина қизим бор, холос. Молимнинг учдан иккисини васият қилсам, бўладими? – деб сўради.

– Йўқ, – дедилар Расулуллоҳ соллаллоҳу алайҳи васаллам.

– Ярми-чи?

– Йўқ, – дедилар яна.

– Учдан бири-чи? – сўради Саъд.

– Учдан бири... Учдан бири ҳам кўп. Меросхўрларингни бой ҳолда қолдиришинг, одамларга тиланчилик қиладиган камбағал ҳолда қолдирганингдан кўра яхшироқдир, – дедилар Сарвари коинот соллаллоҳу алайҳи васаллам.

@tadabbur_bilan🌷

Сендаги энг қиммат нарса кийиминг бўлишига йўл қўйма...

@tadabbur_bilan🌷

#саҳобалар

Жобир розияллоҳу анҳу ривоят қилган ҳадисда Пайғамбаримиз алайҳиссалом Саъд ибн Абу Ваққоснинг юксак фазилатларини эътироф қиладилар ва тоғам деб улуғлайдилар (У Зотга она томондан қариндош бўлганлар). Бундай тоға ҳаммада ҳам бўлавермаслигига ишора қилиб дейдилар: яъни: "Саъд келаётган эди, Шунда Росулуллоҳ соллаллоҳу алайҳи васаллам: "Бу менинг тоғам. Қани бирор киши менга (мана шундай) тоғасини кўрсатсин(чи)!?" дедилар.

Имом Термизий ривояти.

Жаннат башорати берилган саҳоба Саъд ибн Абу Ваққос розияллоҳу анҳу ҳақларида кўпроқ маълумот билмоқчи бўлсангиз, бизни кузатиб боринг:

@tadabbur_bilan🌷

#саҳобалар

"Исломга киришимдан уч кун илгари тушимда ўзимни қатма-қат зулматларнинг ичида қолганимни кўрдим. Тўфонлар ичида типирчилаб турганимда, бирдан менга ой нур сочиб қолди. Мен у томон юрдим. Мендан олдин у ой тарафга бир неча одам бораётганини кўрдим. Улар: Зайд ибн Ҳориса, Али ибн Абу Толиб ва Абу Бакр Сиддиқ эди. Уларга: "Бу ерга қачон келдингиз?" дедим. Улар: "Хозир келдик", дедилар. Эрталаб менга Росулуллоҳ соллаллоҳу алайҳи васаллам Исломга даъват қилаётганлари хабари етди. Шунда Аллоҳ менга яхшиликни, мени зулматлардан нурга чиқаришини ирода қилганини билдим ва у Зот томон шошилдим. У Зотни Жиёт дарасида учратдим. Намоз ўқиб турган эканлар. Мусулмон бўлдим".

Бугун сизлар билан Исломдаги буюк шахслардан бири, Жаннат башорати берилган саҳоба ҳақида озроқ маълумотлар бўлишмоқчиман. Топишга харакат қилиб кўрингчи, бу қайси саҳоба эканлар?

Дунё ва охиратда ҳам, мен Аллоҳ сизларни кечирмаслиги сўрайман. Шу охирги гапим" деди бир Ғазолик қиз.
У менинг синглим, биродаримнинг қизи, динимиз бир, миллатимиз бир.
Биз бўлса арзимаган нарсаларни муаммо қилиб хаётдан нолиб юрамиз...

Ғазо осмони қора тутунларга тўлганига 400 кун бўлибди. Биз эса уммат бўлиб хатто байкотни ҳам эплолмаймиз... 😐

​​РИЗҚНИНГ КАЛИТЛАРИ.

🗝️ 1. Иймон:
«Агар ўша жойнинг аҳли иймон келтириб, тақводор бўлганида, Биз уларга осмону ердан баракот (дарвозаларини) очиб қўйган бўлур эдик. Лекин улар (пайғамбаримизни) ёлғончи қилдилар. Шунинг учун уларни қилган гуноҳлари сабабли ушладик» (Аъроф сураси, 96-оят).

🗝️ 2. Тақво:
«Ким Аллоҳга тақво қилса, У Зот унинг йўлини очиб қўяди ва унга ўзи ўйламаган тарафдан ризқ берур»
(Талоқ сураси, 2 3 оятлар)

🗝️ 3. Истиғфор:
«Мен: «Роббингиздан мағфират сўранглар, У Зот Ғофурдир, устингизга осмондан ёмғир ёғдирур» дедим»
(Нуҳ сураси, 10 12 оятлар)

🗝️ 4. Шукр:
«Роббингиз сизга: «Шукр қилсангиз, зиёда қилурман. Куфр келтирсангиз, азобим шиддатлидир» деб билдирганини эсланг»
(Иброҳим сураси, 7 оят).

🗝️ 5. Инфоқ ва эҳсон:
«Айт: «Роббим қайси бандасини хоҳласа, ўшанга ризқни кенг қилур ёки тор қилур. Ҳар бир инфоқ қилган нарсангизнинг ўрнини тўлдирур. У Зот ризқ бергувчиларнинг яхшисидир»
(Сабаъ сураси, 39 оят)

🗝️ 6. Никоҳ:
«Ораларингиздаги никоҳсизларни ва қулу чўриларингиздан солиҳларини никоҳлаб қўйинг. Агар фақир бўлсалар, Аллоҳ уларни Ўз фазлидан бой қилур. Аллоҳ (фазли) кенг, билгувчи Зотдир»
(Нур сураси, 32 оят).

🗝️ 7. Таваккул:
Набий соллаллоҳу алайҳи васаллам: «Аллоҳга ҳақиқий таваккул қилсангиз, У Зот қушни ризқлантирганидек, сизларни ҳам ризқлантириб қўяр эди. Қушлар қорни оч кетиб, қорни тўқ қайтади», деганлар.
(Имом Термизий ривояти.)

🗝️ 8. Силаи раҳм:
Расулуллоҳ соллаллоҳу алайҳи васаллам: «Ким ризқи кенг ёки умри узоқ бўлишини истаса, силаи раҳм қилсин», деганлар».(қариндошлар билан асосан камбағаллари билан борди келди қилсин)
(Имом Бухорий ривояти.)

🗝️ 9. Ҳаж ва умра:
Расулуллоҳ соллаллоҳу алайҳи васаллам: «Ҳаж билан умрани бир бирига эргаштиринглар. Босқон темир, олтин ва кумушдаги кирни кетказганидек, ҳаж ва умра камбағаллик ва гуноҳларни кетказади», деганлар.
(Имом Термизий ривояти.)

🗝️ 10. Муҳтожларга хайр-эҳсон қилиш:
Набий соллаллоҳу алайҳи васаллам: «Сизларга заифларингиз сабабли нусрат ва ризқ берилади» деганлар.

@tadabbur_bilan🌷

Толиби илмни хароб қилувчи иллатлар

Кибр. Ҳақни тан олмаслик. Ўзини катта олиш. Бошқаларга нисбатан паст назар билан қараш. Яна бировни сабабсиз ёмон кўриш ҳам.

Риё. Ниятни Аллоҳдан бошқага ростлаш. Илмда (ёхуд амалда) ниятни холис Аллоҳ учун деб йўналтирмаслик.

Ужб. Инсон ўзидан ажабланиши. Қалбида қилган ишидан "фахр" туюши.

Сумъа. Илм ва амални биров эшитиши учун қилиш. Риёнинг турларидан.

Ҳасад. Бировда бор нарсани йўқ бўлишини хоҳлаш. Кўра олмаслик. Ёки ўзида йўқлигидан шикоятомуз норози бўлиш.

Муваффаққиятни ўзига нисбат бериш. Ютуқларга Аллоҳнинг тавфиқи билан эмас, балки ўзимнинг ҳаракатим билан эришдим деб ҳисоблаш.

Шу ҳолда олинаётган илм манфаациз бўлиб, Қиёматда инсон зарарига бўлиб қолади. Аллоҳ сақласин.

Буларнинг барчасига даво Шайх ҳазратларининг "Руҳий тарбия"ларида бор. Хоҳ араб тили бўлсин, хоҳ геодезия, қайси соҳа бўлишидан қатъий назар бутун толиби илм аҳлига тавсия қиламан.

Агар симптомлари кузатилаётган бўлса, шунча меҳнат кўкка совурилмасидан олдин дарҳол даволаш лозим.

Аллоҳ тўғри йўлдан адаштирмасин.

@tadabbur_bilan🌷

@tadabbur_bilan🌷

Бир оила бор. Исломга Аллоҳ қодир қилганча амал қилар эди. Болалар ота онасига итоатли. Эр хотин ҳам аҳил.
Нимадир бўлдию оилада тушунмовчиликлар бошланди. Эр хотин бир бирини тушунмаслик. Болаларда итоатсизлик, уйда жанжаллар.
Аёл нима қилишини билмай бир аҳли илмнинг олдига бориб маслаҳат сўради.
Аҳли илм инсон у аёлга уйда "Бақара сураси"ни ўқишни ва доим телефонда ёки тасмада бақара сурасини қўйиб қўйишни маслаҳат берди.
Аёл ҳам маслаҳатга амал қилиб уйда бақара сурасини ўқишни ва телефонда ҳам доимо қўйиб қўйишининг бошлади.
Бир хафталар ўтар ўтмас аёл туш кўрди. Тушида бир қоп қора махлуқ (кичкина фарзандчалари ҳам бор) аёлнинг уйини хафа бўлган ҳолда тарк қилар эди.
Ўша кундан бошлаб аёлнинг уйидаги вазият эски ҳолига қайта бошлади.
  Бу вазиятда катта эҳтимол билан у уйга жинлар кириб олган. Уйда Бақара сураси ўқилган ва доимо тасма қўйилгандан сўнг  жинлар у уйни тарк қилишган.
Набий соллаллоҳу алайҳи васаллам: "Албатта, Бақара сураси ўқиладиган уйга шайтон кирмайди", дедилар.

Термизий ривояти.

@tadabbur_bilan🌷

12009. Шайтондан сақланишнинг 10 усули

1. Аллоҳдан шайтоннинг ёмонлигидан паноҳ сўраш.
2. Муъаввизатайн (Фалақ ва Нас суралари) ўқиш.
3. Уйга киришдан олдин, таом тановул қилишдан олдин ва бошқа ҳолатлар басмала (бисмиллаҳ) айтиш.
4. Кўп сўзлаш, кўп қараш, кўп аралашиш ва кўп ейишдан сақланиш.
5. Бақара сурасини охиригача қироат қилиш.
6. Бақара сурасининг охиридаги икки улуғ оятни тиловати қилиш (“аманар росуулу..”)
7. “Лаа илаҳа иллаллоҳу ваҳдаҳу лаа шарика лаҳу. Лаҳул мулку ва лаҳул ҳамду ва ҳува ъалаа кулли шайин қодир”ни айтиш.
8. Аллоҳ таолонинг зикрини кўпайтириш.
9. Уйқудан аввал “оятал курсий”ни ўқиш.
10. Кишига уйқусида шайтонлар ғолиб келса, “Аъузу бикалиматиллаҳит таммаати мин ғозобиҳи ва иқобиҳи ва шарри ъибадиҳи ва мин ҳамазатиш шайатийни ва ан йаҳзуруни», дейиш.

(Маъноси: Аллоҳнинг мукаммал калималари билан Унинг ғазабидан, бандаларининг ёмонлигидан, шайтон ҳозир бўлиб, васваса қилишидан паноҳ тилайман.)

Шайх Абдурразоқ Бадр.

@arabicuz

iOS | Android

Instagram | Facebook | Twitter |