Suhail Khairy

സയ്യിദുനാ ശൈഖ് അഹ്മദ് തിജാനി (റ) തങ്ങളുടെ വാക്കുകൾ ക്രോഡീകരിച്ച ജവാഹിറുൽ മആനി യുടെ ആദ്യ വാള്യം പൂർത്തിയായി.. الحمد الله

ഇഖ്‌വാനീങ്ങൾക്ക് വായിക്കാൻ വേണ്ടി pdf share ചെയ്യുന്നതാണ്.. editing work ബാക്കിയുണ്ട്..

ഇന്ഷാ അല്ലാഹ്.. ഒരു മാസത്തിന്റെ ഉള്ളിൽ edit ചെയ്തു publish ചെയ്യും...

അത് വരെ ആരും print എടുക്കണ്ട.. നോക്കി വായിക്കാൻ ഉപയോഗപ്പെടുത്തിക്കോളൂ..

അല്ലാതെ ഖുർആൻ എന്ന പേര് വെക്കപ്പെട്ടത് പരിശുദ്ധമായ ദാത്തിൽ നിന്നും വരുന്ന അർത്ഥങ്ങളിലേക്ക് ഉദ്ദേശിച്ച് കൊണ്ടല്ല, മറിച്ച് അത് (കുറിപ്പ്: പരിശുദ്ധമായ ദാത്തിൽ നിന്നും വരുന്ന സംസാരം) അവന്റെ ഉന്നതമായ ദാത്തിന്റെ വിശേഷണമാണ്. എന്നാൽ ഖുർആൻ എന്ന വാക്ക് സൂചിപ്പിക്കുന്നത് നമ്മൾ അല്ലാഹുവിന്റെ സംസാരത്തെ (അതിന്റെ സൂചനകളെ ഉദ്ദേശിച്ച് കൊണ്ട്) ഉച്ചരിക്കുന്നതിനെയും അത് ഓതുന്നതിനെയും ആണ്. അറിയപ്പെട്ട വസ്തുക്കളെ കുറിച്ചുള്ള നിങ്ങളുടെ അറിവ് അല്ലാഹുവിന്റെ അറിവിലേക്ക് സൂചിപ്പിക്കുകയില്ല എന്ന യാഥാർഥ്യത്തിൽ നിന്നും ഇത് നിങ്ങൾക്ക് വ്യക്തമാകും. നിങ്ങളുടെ അറിവിന്റെ സൂചനകൾ അല്ലാഹുവിന്റെ അറിവിന്റെ സൂചനകളിലേക്കുള്ള സൂചനകൾ മാത്രമാണ്. നിങ്ങളുടെ അറിവ് അല്ലാഹുവിന്റെ അറിവല്ല. കാരണം അത് രണ്ടും നേരെ വിപരീതങ്ങളാണ്. അത് തന്നെയാണ് കേൾവിയുടെയും കാഴ്ചയുടെയും ഉദ്ദേശത്തിന്റെയും എല്ലാം വിഷയത്തിലും (സംഭവിക്കുന്നത്), നിങ്ങളുടെ ഉദ്ദേശത്തിന്റെ സൂചനകൾ അവന്റെ ഉദ്ദേശത്തിന്റെ സൂചനകളാണ്, പക്ഷെ നിങ്ങളുടെ ഉദ്ദേശം അവന്റെ ഉദ്ദേശമോ അവന്റെ ഉദ്ദേശത്തെ സൂചിപ്പിക്കുന്നതോ അല്ല. ഈ ഒരു ഉദാഹരണം അവന്റെ എല്ലാത്തിനും ബാധകമാണ്, എത്രത്തോളമെന്നാൽ അവന്റെ അസലിയായ കലാമിനും ഇത് ബാധകമാണ്."

- സയ്യിദുനാ ശൈഖ് അഹ്മദ് തിജാനി (റ)

https://t.me/suhail_khairy

(Source: Jawahir al-Ma'ani. Translation: Suhail Khairy)

ഖുർആൻ അല്ലാഹുവിന്റെ കലാമാണ് എന്നത് നാം എങ്ങനെ മനസ്സിലാക്കണം?

"നാം മഹാനവർകളുടെ ആയത്തുകളെ കുറിച്ചുള്ള വിശദീകരണം പറയുന്നതിന് മുമ്പായി ഖുർആൻ അല്ലാഹുവിന്റെ കലാമാണ് (കുറിപ്പ്: സംസാരമാണ്) എന്ന് തെളിയിക്കുന്ന അഹ്‌ലു സുന്നയുടെ ആളുകളുടെ വാക്കുകൾ ആമുഖമായി കൊണ്ട് വരുകയാണ്. ഖുർആനിന്റെ അർത്ഥവും അതിന്റെ ഓത്തിന്റെ അർത്ഥവും അസലിയായ സംസാരത്തിന്റെ അർത്ഥവും അവന്റെ ഉന്നതമായ ദാത്തിൽ നിന്നും ഉണ്ടായതാണ് എന്ന് നിങ്ങൾക്ക് മനസ്സിലാക്കാൻ വേണ്ടിയാണ് അപ്രകാരം ചെയ്യുന്നത്.

ശൈഖുനാ (رضي الله عنه) പറഞ്ഞു:

“‘ഖുർആൻ അല്ലാഹുവിന്റെ കലാമിനെ ആണ് സൂചിപ്പിക്കുന്നത്’ എന്ന അഹ്‌ലുസുന്നയുടെ ആളുകളുടെ വാക്കിനെ കുറിച്ച് പറയുകയാണെങ്കിൽ, അത് ഒരു സഹിഷ്ണുതയുള്ള വാക്കാണ്. ആ വാക്കിനെ ഗവേഷണം ചെയ്യുമ്പോൾ ലഭിക്കുന്ന ഫലം (അത് കൊണ്ട് ഉദ്ദേശം) ഖുർആനിലുള്ള വാക്കുകൾ സമയത്തിന്റെ മുമ്പുള്ള (കുറിപ്പ്: أزلي) അവന്റെ സംസാരത്തിലേക്ക് സൂചിപ്പിക്കുന്നതാണ് എന്നാണ്, അല്ലാതെ അത് (കുറിപ്പ്: ഖുർആനിലെ വാക്കുകൾ) തന്നെ അവന്റെ ദാത്തിൽ (കറുപ്പ്: സത്തയിൽ) നിന്നും വരുന്ന അസലിയായ അവന്റെ സംസാരത്തെ കാണിക്കുന്നതാണ് എന്നല്ല.

കാരണം (ഖുർആൻ അല്ലാത്ത) മറ്റ് എന്തെങ്കിലും ഒന്നിന് അതിലേക്ക് (കുറിപ്പ്: അസലിയായ സംസാരതിലേക്ക്) സൂചിപ്പിക്കാൻ സാധിക്കുക എന്നത് അസാധ്യമാണ്, ഈ ഒരു രീതിയിൽ മാത്രമേ സൃഷ്ടികൾക്ക് ഖുർആൻ പാരായണം ചെയ്യാൻ സാധിക്കുകയുള്ളൂ. അവർക്ക് ഒരിക്കലും (അല്ലാഹുവിന്റെ) ദാത്തിൽ നിന്നും ഉത്ഭവിക്കുന്ന സംസാരത്തെ ഉച്ചരിക്കാൻ സാധിക്കുകയില്ല, അവർക്ക് അതിലേക്കുള്ള സൂചനയെ മാത്രമേ ഉച്ചരിക്കാൻ സാധിക്കുകയുള്ളൂ. അതിന്റെ കാരണം രണ്ടിന്റെയും ഇടയിലുള്ള (കുറിപ്പ്: സൃഷ്ടാവും സൃഷ്ടിയും തമ്മിലുള്ള) വൈരുദ്ധ്യം കൊണ്ടാണ്. ഉദാഹരണത്തിന് “ഈ കോട്ടയും ഈ കുതിരയും” എന്ന് ഒരാൾ പറഞ്ഞെന്നിരിക്കട്ടെ, നിങ്ങളും അദ്ദേഹത്തെ ആവർത്തിച്ച് കൊണ്ട് “ഈ കോട്ടയും ഈ കുതിരയും” എന്ന് പറഞ്ഞു, അപ്പോൾ നിങ്ങൾ ഉച്ചരിച്ച വാക്ക് അയാൾ ഉദ്ദേശിച്ച കോട്ടയിലേക്കും കുതിരയിലേക്കും ആണ് സൂചിപ്പിക്കുന്നത് അല്ലാതെ അയാളുടെ തന്നെ വാക്കുകളിലേക്ക് അല്ല. രണ്ട് വാക്കുകളും വ്യത്യസ്തമാണ് അത് കൊണ്ട് ഉദ്ദേശിച്ചത് രണ്ടും ഒന്നാണെങ്കിൽ പോലും

ഈ ഉദാഹരണത്തിൽ നിന്നും ഖുർആനിലൂടെ നിങ്ങൾ ഓതുന്ന വാക്കുകൾ അല്ലാഹുവിന്റെ ദാത്തിൽ നിലനിൽക്കുന്ന അർത്ഥത്തെ സൂചിപ്പിക്കുന്നതോ, അല്ലാഹുവിന്റെ ദാത്ത് ഉദ്ദേശിച്ച അർത്ഥം തന്നെയോ അല്ല എന്ന് നിങ്ങൾക്ക് വ്യക്തമാകും. മറിച്ച് നിങ്ങളുടെ ഖുർആനിന്റെ വാക്കുകളുടെ സൂചനകളും അല്ലാഹുവിന്റെ ദാത്തിൽ നിലനിൽക്കുന്ന അർത്ഥത്തിന്റെ സൂചനകളും എന്തിനാണോ സൂചിപ്പിക്കുന്നത് അതിലാണ് അവ ഒന്നാവാണുന്നത്. ഖുർആൻ എന്ന നാമം നൽകപ്പെട്ടത് ഈ അർത്ഥത്തിലാണ്. കാരണം ഇതിലൂടെ മാത്രമേ അതിൽ എത്താൻ സാധിക്കുകയുള്ളൂ. ഉദാഹരണത്തിന്. അല്ലാഹു (سبحانه وتعالى) പറഞ്ഞു:

خَلَقَ اللّٰهُ السَّمٰوٰتِ وَالْاَرْضَ بِالْحَقِّ
ആകാശങ്ങളും ഭൂമിയും മുറപ്രകാരം അല്ലാഹു സൃഷ്ടിച്ചിരിക്കുന്നു

ഈ ഒരു സംസാരത്തിലെ വിഷയം ‘സൃഷ്ടി’ ആണ്, ഇല്ലായ്മയിൽ നിന്നും അസ്തിത്വത്തിലേക്ക് വരുന്നതാണ് സൃഷ്ടിപ്പ്, ‘അല്ലാഹ്’ എന്ന നാമം സൂചിപ്പിക്കുന്നത് അവന്റെ പരിശുദ്ധമായ ദാത്തിലേക്കാണ്, ആകാശവും ഭൂമിയും അറിയപ്പെട്ട രണ്ട് നിർമ്മാണങ്ങളാണ്. നിങ്ങൾ: “خَلَقَ اللّٰهُ السَّمٰوٰتِ وَالْاَرْضَ بِالْحَقِّ” എന്ന് ഓതിയാൽ നിങ്ങൾ അല്ലാഹുവിന്റെ സംസാരം സൂചിപ്പിക്കുന്ന സൂചനയുമായി സാദൃശ്യം വരുന്ന സൂചനകൾ നൽകുന്ന സംസാരം കൊണ്ട് സംസാരിച്ചിരുന്നു. നിങ്ങളുടെ സംസാരം അവന്റെ പരിശുദ്ധമായ ദാത്തിൽ നിന്നും വരുന്ന സംസാരമോ അതിലേക്ക് സൂചിപ്പിക്കുന്നതോ അല്ല, മറിച്ച് നിങ്ങളുടെ സംസാരത്തിന്റെ സൂചന അവന്റെ സംസാരത്തിന്റെ സൂചനയുമായി സാദൃശ്യം വരുന്നത് മാത്രമാണ്. അങ്ങനെ ആണ് ‘അൽ ഖുർആൻ’ എന്ന നാമം അതിന് വെക്കപ്പെടുന്നത്. അത് അതിന് യോജിച്ചതുമാണ്, കാരണം ഖുർആൻ എന്ന നാമം സൃഷ്ടിയുടെ സംസാരത്തിൽ നിന്നും വരുന്ന ഒന്നിന് നല്കപ്പെട്ടതാണ്, ആ സംസാരം ആവട്ടെ അല്ലാഹുവിന്റെ സംസാരത്തിന്റെ സൂചനകളിലേക്ക് സൂചിപ്പിക്കുന്നതുമാണ്.

"മറിയം (رضي الله عنها)ബീവിക്ക് നുബുവ്വത് ഉണ്ടെന്ന് വാദിക്കുന്നതിനെ കുറിച്ച് പറയുകയാണെങ്കിൽ, നാം പറയുന്നത് അത് തെറ്റാണെന്നാണ്. അത് തെറ്റാണെന്ന് പറയാൻ കാരണം ഏതൊരു കാലഘട്ടത്തിലും ആ കാലഘട്ടത്തിലുള്ള ഖുതുബിന് നിലവിലുള്ള ഓരോ അണുവിലും അധികാരമുണ്ടാകും, അദ്ദേഹം അവക്ക് സഹായം നൽകുകയും അവയെ ശക്തിപ്പെടുത്തുകയും ചെയ്യും, സൃഷ്ടിയിലുള്ള ഓരോ അണുവിനും ഇത് ബാധകമാണ്. അത് കൊണ്ട് തന്നെ ഒരു സുജൂദ് ചെയ്യുന്നവനും സുജൂദ് ചെയ്യുകയില്ല, ഒരു റുകൂ ചെയ്യുന്നവനും റുകൂ ചെയ്യുകയില്ല, ഒരു (നിസ്കാരത്തിന്) നില്കുന്നവനും നില്കുകയില്ല, ഒരു ചലിക്കുന്നവനും ചലിക്കുകയില്ല, ഒരു ദിക്ർ ചൊല്ലുന്നവനും മുഴുവൻ സൃഷ്ടിയിലും നിലനിൽക്കുന്ന ഒരു അല്ലാഹുവിന്റെ ദിക്‌ർ കൊണ്ടും ദിക്‌ർ ചൊല്ലുകയില്ല ഖുതുബ് ആണ് അതിലൂടെ ഒക്കെ അത് ചെയ്യുന്നത് എന്ന അവസ്ഥയിൽ അല്ലാതെ. അത് കൊണ്ട് അദ്ദേഹത്തിലൂടെ ആണ് തസ്ബീഹ് ചൊല്ലുന്നവൻ തസ്ബീഹ് ചൊല്ലുന്നത്, ഇബാദത്ത് ചെയ്യുന്നവൻ ഇബാദത്ത് ചെയ്യുന്നത്, സുജൂദ് ചെയ്യുന്നവൻ സുജൂദ് ചെയ്യുന്നത്. അദ്ദേഹത്തിലൂടെ തന്നെയാണ് നാം ഇവിടെ പറയാത്ത എന്തെല്ലാം കാര്യങ്ങളുണ്ടോ അതൊക്കെ നടക്കുന്നത്.

വിഷയത്തിന്റെ ആകത്തുക പറഞ്ഞാൽ, അദ്ദേഹം (കുറിപ്പ്: ഖുതുബ്) മുഴുവൻ സൃഷ്ടിക്ക് റൂഹ് ശരീരത്തിന് എന്നത് പോലെയാണ്. റൂഹ് കൂടാതെ ശരീരത്തിന് നിൽക്കാനോ ചിന്തിക്കാനോ ചലിക്കാനോ സാധിക്കാത്തത് പോലെ, ശരീരം ശരീരമാവാൻ വേണ്ട ശരീരത്തിന്റെ ബാഹ്യവും ആന്തരികവുമായ എല്ലാ പ്രത്യേകതകളും അതിന്റെ മൃഗീയമായ റൂഹിനോട് ബന്ധപ്പെട്ട കൊണ്ട് നിലനിൽക്കുന്നത് ആയത് പോലെ, റൂഹ് ഇല്ലാതായാൽ ശരീരത്തിന്റെ മുഴുവൻ പ്രത്യേകതകളും നശിക്കുകയും അത് ഒരു മയ്യത്ത് ആയി ഇല്ലാതാവുകയും ചെയ്യുന്നത് പോലെ സൃഷ്ടിയിലെ മുഴുവൻ ശരീരങ്ങളും ഖുതുബായി ബന്ധപ്പെട്ട് കിടക്കുന്നതാണ്, ആത്മാവ് ശരീരവും ആയി ബന്ധപ്പെട്ട് കിടക്കുന്നത് സമാനമായി, അദ്ദേഹത്തിന്റെ റൂഹാനിയത്ത് സൃഷ്ടിയിൽ നിന്നും ഒഴിവാക്കപ്പെട്ടാൽ സൃഷ്ടി മുഴുവൻ ഇല്ലാതാവും. അത് കൊണ്ട് അദ്ദേഹം സൃഷ്ടിയുടെ റൂഹാണ്.

സൃഷ്ടിയുടെ മുഴുവൻ പ്രത്യേകതകളും മൊത്തത്തിലും വിഭജിച്ചിട്ടും പൊതുവായും പ്രത്യേകമായും പരിധികളില്ലാതെയും പരിധികളോടെയും ഖുതുബിന്റെ റൂഹായനിയത്ത് കൊണ്ടല്ലാതെ സൃഷ്ടികളുടെ സത്തകളുമായി ബന്ധപ്പെടുകയില്ല. ഖുതുബ് എങ്ങാനും അദ്ദേഹത്തിന്റെ റൂഹാനിയത്ത് സൃഷ്ടിയിൽ നിന്നും ഒഴിവാക്കിയാൽ സൃഷ്ടി മുഴുവനും ഇല്ലാതാകും, ഒരു പ്രത്യേകതകളും ഇല്ലാത്ത മയ്യത്തിനെ പോലെ ആയിത്തീരും. അദ്ദേഹത്തിന് ഈ ഒരു ശക്തി ഇസ്മുൽ അഅളം ചുമക്കുന്നതിൽ നിന്നും മുഴുവൻ ലോകങ്ങളിലും അത് പ്രസരിക്കുന്നതിൽ നിന്നും ലഭിക്കുന്നതാണ്.

ഇസ്മുൽ അഅളം കൊണ്ടാണ് അദ്ദേഹത്തിന് എല്ലാ സമയത്തും - ഓരോ കണ്ണിമവെട്ടുന്ന സമയത്ത് പോലും - അല്ലാഹു (سبحانه وتعالى) യുടെ മുന്നിൽ ദൈവീകസാനിധ്യത്തിനോട് പാലിക്കേണ്ട അദബുകൾ പരിപൂർണ്ണമായും പാലിച്ച് കൊണ്ടും ഹഖ് (سبحانه وتعالى) യോട് അവന്റെ എല്ലാ വെളിപാടുകളിലും നാമങ്ങളിലും വിശേഷണങ്ങളിലും സത്തയിലും ഉള്ള കടമകൾ പൂർണ്ണമായും നിർവഹിച്ച് കൊണ്ടും നിൽക്കാൻ സാധിച്ചത്. എന്നാൽ സമയം മുന്നോട്ട് പോകുന്നതിന് അനുസരിച്ച് ഓരോ കണ്ണിമവെട്ടുന്ന സമയത്തും റബ്ബ് (سبحانه وتعالى) യുടെ നാമങ്ങളിലും വിശേഷണങ്ങളിലും സത്തയിലും കാര്യങ്ങൾ മാറ്റി മറിക്കുന്നതിലും ഉള്ള അവന്റെ വെളിപാടുകൾക്ക് ഒരു അവസാനവും ഇല്ലാതെ ആവുകയാണ്.

ഖുതുബ് അല്ലാഹുവിന്റെ മുന്നിൽ മുഴുവൻ തജല്ലികൾക്കും അതിനോട് യോജിച്ച അദബുകളും കടമകളും സേവനങ്ങളും നൽകി കൊണ്ട് ഓരോ കണ്ണിമ വെട്ടുന്ന സമയത്തിലും നില്കും. ഓരോ കണ്ണിമവെട്ടുന്ന സമയത്തുമുള്ള തജല്ലികൾ അധികരിച്ചതാണെങ്കിൽ പോലും അദ്ദേഹം അതിൽ നിലനിൽക്കും. അദ്ദേഹം അതിനോട് യോജിച്ച കടമകൾ നിർവഹിച്ച് കൊണ്ടിരിക്കുകയും അദബുകൾ പാലിച്ച് കൊണ്ടിരിക്കുകയും ചെയ്യും. മുഴുവൻ സൃഷ്ടികളിലും ഹഖ് (سبحانه وتعالى) യുടെ തജല്ലി താങ്ങാൻ സാധിക്കുന്ന ഒരാളും അദ്ദേഹത്തിന് പുറമെ ഉണ്ടാവുകയില്ല. എന്നാൽ അദ്ദേഹത്തിന്റെ ജീവിതത്തിൽ ഉടനീളം ഓരോ കണ്ണിമവെട്ടുന്ന സമയത്തും അദ്ദേഹത്തിന്റെ സ്ഥിതി ഇത് തന്നെയാണ് (കുറിപ്പ്: ഹഖിന്റെ എല്ലാ തജല്ലിയും താങ്ങുന്ന അവസ്ഥയിൽ തന്നെ ആണെന്ന്). മുഴുവൻ സിദ്ദീഖീങ്ങളും അല്ലാഹുവിന്റെ മുമ്പിൽ ഇത് നേടിയെടുക്കാൻ വേണ്ടി നിലയുറപ്പിച്ചാൽ, കണ്ണിമവെട്ടുന്ന സമയം കൊണ്ട് അവർ ഇല്ലാതാവുന്നതാണ്. എന്നാൽ ഇത് അദ്ദേഹത്തിന്റെ സ്ഥിരം അവസ്ഥയും സ്വഭാവവും ആണ്.

ഈ കാര്യം നിങ്ങൾക്ക് മനസ്സിലായാൽ സ്ത്രീകൾക്ക് ഇത് താങ്ങാനുള്ള കഴിവില്ല എന്ന് നിങ്ങൾക്ക് മനസ്സിലാകും, കാരണം അവർ ബലഹീനരാണ്, അവരുടെ ആർത്തവം ഇലാഹിയായ കടമകൾ നിർവഹിക്കുന്നതിൽ നിന്നും അവരെ തടയുന്നതും ആണ്. ഒരു സ്ത്രീ ഖുതുബാനിയത്തിന്റെ മഖാമിലേക്ക് കയറി നിന്നാൽ അവളുടെ ജീവിതത്തിലെ ചില സമയങ്ങളിൽ അവൾക്ക് അതിനോടുള്ള കടമകൾ നിർവഹിക്കാൻ സാധിക്കാതെ വരും, അത് അവളുടെ ആർത്തവ കാലമാണ്. അല്ലാഹുവിനോടുള്ള കടമകൾ അവൾക്ക് നിർവഹിക്കാൻ സാധിക്കാതെ വന്നാൽ ആ സ്ഥാനം - ഖുതുബാനിയത്ത് - നശിപ്പിക്കപ്പെടും, അത് നശിക്കുന്നതോടെ പ്രപഞ്ചം മുഴുവൻ നശിക്കുകയും ചെയ്യും.

അതിന് ശേഷം (കുറിപ്പ്: ഈ മൂന്ന് ഘട്ടങ്ങൾക്കും ശേഷം) മുർസലീങ്ങളെയും അവരുടെ സമൂഹത്തെയും ഒരുമിച്ച് കൂട്ടി മുർസലീങ്ങളുടെ രിസാലത്തിനെ ചോദ്യം ചെയ്യുന്നതിലേക്ക് അവസ്ഥ മാറ്റപ്പെടും. മുഹമ്മദിയ്യ സമൂഹം ആ ഘട്ടത്തിൽ മറ്റു സമൂഹത്തോടൊപ്പം ഇടകലർന്ന് കൊണ്ട് നിലയുറപ്പിക്കും, മുർസലീങ്ങളിൽ ഓരോരുത്തർക്കും അനുകൂലമായി അവർ സാക്ഷിപറഞ്ഞു കഴിയുന്നത് വരെ ഇത് തുടരും, അതിന് ശേഷം മുഹമ്മദിയ സമൂഹത്തെ മാറ്റി നിർത്തി വിചാരണ ചെയ്യപ്പെടും, അതിന് ശേഷം ഹഖ് (سبحانه وتعالى) മറ്റുള്ള സമൂഹത്തെ ഓരോന്നോരോന്നായി വിചാരണ ചെയ്യുന്നതിലേക്ക് തിരിയും, (മഹ്ശറയിൽ) നില്കുന്നവരിൽ നിന്നും കാഫിരീങ്ങളെ വേർതിരിച്ച് മാറ്റിയാൽ മുഇമിനീങ്ങളും അല്ലാഹുവിനെ ആരാധിച്ചിരുന്ന ജൂതന്മാരെ പോലെയുള്ള കാഫിരീങ്ങളും അവശേഷിക്കും, (അപ്പോൾ) ഹഖ് (سبحانه وتعالى) അവർക്ക് ഈ പരീക്ഷണം നൽകപ്പെടും അതിലൂടെ അവരെ (കുറിപ്പ്: അല്ലാഹുവിനെ ആരാധിച്ചിരുന്ന ജൂതന്മാരെ പോലെയുള്ള അവിശ്വാസികളെ) നരകത്തിലേക്ക് പറഞ്ഞയക്കുകയും ചെയ്യും. പിന്നെ മുഇമിനീങ്ങൽ മാത്രമേ ബാക്കി ഉണ്ടാവുകയുള്ളൂ. അവർക്കിടയിൽ എന്തെങ്കിലും ഹഖ് ഇടപാടുകൾ ഉണ്ടെങ്കിൽ അപ്പോൾ അത് തീർപ്പ് ആക്കപ്പെടും, ശേഷം സ്വർഗ്ഗത്തിന്റെ ആളുകളെ സ്വർഗ്ഗത്തിലേക്കും നരകത്തിന്റെ ആളുകളെ നരകത്തിലേക്ക് പറഞ്ഞയക്കപ്പെടും.

ഹൗള് (അൽ കൗസർ)നെ കുറിച്ച് ഹദീസിൽ വന്നതിനെ കുറിച്ച് പറയുകയാണെങ്കിൽ, അത് സംഭവിക്കുക മുഹമ്മദിയ്യ സമൂഹത്തെ വിചാരണ ചെയ്യുന്ന സമയത്താണ്, അവർ റസൂൽ (ﷺ) തങ്ങളുടെ അടുത്തേക്ക് തീവ്രമായ ദാഹത്തോടെയും വേദനയോടെയും ശക്തമായ തൊണ്ടവരൾച്ചയോടെയും സമീപിക്കും, ചിലർ അതിൽ നിന്നും (കുറിപ്പ്: ഹൗളിൽ നിന്നും) കുടിക്കും, എന്നാൽ അല്ലാഹു പൊറുത്തു കൊടുക്കാത്ത നരകത്തിന്റെ ആളുകള അതിൽ നിന്നും അകറ്റപ്പെടും. അതിൽ നിന്നും കുടിക്കുന്നവർ (രണ്ട് കൂട്ടുകാരുടെ) മിശ്രിതമാണ്, അവരിൽ (അല്ലാഹു) പൊറുത്തു കൊടുത്തവരും ശുപാർശ ചെയ്യാൻ അനുമതി ലഭിച്ചവരുടെ ശുപാർശ ലഭിച്ചവരും ഉണ്ടാകും.

ഇത് സംഭവിക്കുക സിറാത്ത് (പാലത്തിന്റെ) മുമ്പാണ്, ധാരാളം ഹദീസുകളുടെ റിപ്പോർട്ടുകൾ ഇത് സ്ഥിരപ്പെടുത്തുന്നുണ്ട്. എന്നാൽ ചില പണ്ഡിതന്മാർ ഹൗള് (അൽ കൗസർ) സിറാത്ത് പാലത്തിന്റെ ശേഷമാണ് എന്ന് പറഞ്ഞവരുണ്ട്, പക്ഷെ അത് ശരിയല്ല. കാരണം സിറാത്തിലൂടെ കടന്ന് പോയവരെ ആരെയും ഹൗളിൽ നിന്നും അകറ്റപ്പെടുകയില്ല, കാരണം സിറാത്ത് (പാലം) കടന്നവരുടെ മോക്ഷം പരിപൂർണ്ണമാണ്."

- സയ്യിദുനാ ശൈഖ് അഹ്മദ് തിജാനി (റ)

https://t.me/suhail_khairy

(Source: Jawahir al-Ma'ani. Translation: Suhail Khairy)

ഉത്തരം: നിങ്ങൾ അറിയണം സിദ്ദീഖിൽ, അല്ല എല്ലാ സിദ്ദീഖിലും അല്ലാഹുവിന്റെ അടുക്കൽ നിന്നുള്ള ഉറപ്പുള്ള വഹ്‌യ്‌ മുഖേനയുള്ള അറിവിന്റെ രൂപത്തിൽ അദ്ദേഹത്തിലേക്ക് ഒഴുകിയ വ്യക്തമായ വിജ്ഞാനം ഉണ്ട്, അതിലൂടെ ആണ് അവൻ ഹഖായിഖുകളെ അറിഞ്ഞത്, ഇത് ഹഖ് (سبحانه وتعالى) ഇങ്ങനെ (അദ്ദേഹത്തോട്) പറയുന്നത് പോലെയാണ്: “ഞാൻ ഏകനാണ്, സത്യമാണ്, ഞാനില്ലാതെ ഒന്നുമില്ല, ഓരോ മർത്തബയിലും ഞാൻ ഉദ്ദേശിക്കുന്ന രൂപത്തിൽ ഞാൻ വെളിവാകും, അത് ലക്ഷ്യത്തിനോട് യോജിച്ചാലും അതിന് എതിരായാലും ശരി”,

(അത് പോലെ തന്നെ) ഹഖ് (سبحانه وتعالى) ഇങ്ങനെ (അദ്ദേഹത്തോട്) പറയുന്നത് പോലെ ആണ്: “ഇന്നാലിന്ന വ്യക്തിയിലൂടെ എന്റെ സ്നേഹത്തിന്റെയും എന്നിൽ നിന്നുള്ള നന്മയുടെ പ്രവാഹവത്തിന്റെയും നിങ്ങളുടെ മുകളിൽ അദ്ദേഹത്തെ തിരഞ്ഞെടുത്തത്തിന്റെയും രൂപത്തിൽ ഞാനാണ് നിങ്ങൾക്ക് മുകളിൽ വെളിവായത്, അത് പോലെ തന്നെ ഇന്നാലിന്ന വ്യക്തിയുടെ മകനിലൂടെയും എന്റെ സ്നേഹത്തിന്റെയും അനുഗ്രഹത്തിന്റെയും നന്മ നല്കുന്നതിന്റെയും രൂപത്തിൽ ഞാനാണ് നിങ്ങൾക്ക് മുമ്പിൽ വെളിവായത്, അത് പോലെ തന്നെ ഇന്നാലിന്ന നാട്ടിലും അവരിലേക്കുള്ള എന്റെ സ്നേഹത്തിന്റെയും ആദരവിന്റെയും ബഹുമാനത്തിന്റെയും രൂപത്തിൽ ഞാനാണ് നിങ്ങൾക്ക് മുമ്പിൽ വെളിവായത്, അവിടെ ഞാൻ അല്ലാതെ ഒന്നും ഇല്ല തന്നെ, അവ രൂപങ്ങൾ മാത്രമാണ് അതിൽ (ഞാൻ അല്ലാതെ) ഒന്നും തന്നെ ഇല്ല, അത് കൊണ്ട് എന്നെ സ്തുതിക്കുകയും എനിക്ക് നന്ദി കാണിക്കുകയും ചെയ്യുക.

അത് പോലെ തന്നെ ഇന്നാലിന്ന വ്യക്തിയുടെ കലർപ്പില്ലാത്ത ശത്രുതയുടെയും കുഴുപ്പങ്ങളുടെയും അതിക്രമങ്ങളുടെയും കൊലപാതകളുടെയും രൂപത്തിൽ നിങ്ങളിലേക്ക് വെളിവായത് ഞാനാണ്, അത് കൊണ്ട് എന്നെ പേടിക്കുകയും അദ്ദേഹത്തിൽ എന്നെ സൂക്ഷിക്കുകയും ചെയ്യുക, അദ്ദേഹിലൂടെയുള്ള എന്റെ തന്ത്രത്തെ തൊട്ട് നിങ്ങൾ ഒരിക്കലും സുരക്ഷിതരാവരുത്, ആ രൂപത്തിലൂടെ ദ്രോഹം മാത്രമേ ഞാൻ നിങ്ങൾക്ക് മുകളിൽ പ്രവർത്തിക്കുകയുള്ളൂ, അത് കൊണ്ട് അതിൽ എന്നിൽ നിന്നുള്ള ദ്രോഹം അല്ലാതെ ഒന്നും നിങ്ങൾ കാണരുത്.

അത് പോലെ തന്നെയാണ് ഇന്നാലിന്ന വ്യക്തിയുടെ മകന്റെ അവസ്ഥയും, അദ്ദേഹത്തിലൂടെ എന്നിൽ നിന്നുള്ള ദ്രോഹവും നാശവും ഉപദ്രവവും അല്ലാതെ ഒന്നും നിങ്ങൾ കാണുകയില്ല, അത് പോലെ തന്നെയാണ് ഇന്നാലിന്ന നാട്ടിലും, അവിടെ എന്നിൽ നിന്നുള്ള അപമാനവും അവഹേളനവും അടിച്ചമർത്തലും കയ്യൊഴിയലും അല്ലാതെ ഒന്നും നിങ്ങൾക്ക് കാണാൻ സാധിക്കുകയില്ല. അവരുടെ രൂപങ്ങളിൽ നിന്നും നിങ്ങൾക്ക് ഇഷ്ടപ്പെടുന്ന ഒന്നും എന്നിൽ നിന്നും ലഭിക്കുകയില്ല. അത് കൊണ്ട് എന്നെ പേടിക്കുകയും അവരിലൂടെ എന്നെ സൂക്ഷിക്കുകയും ചെയ്യുക. (അവരിലൂടെയുള്ള) എന്റെ തന്ത്രത്തെ തൊട്ട് നിങ്ങൾ ഒരിക്കലും സുരക്ഷിതരാവരുത്, അവരിലൂടെ എന്റെ വിഷയത്തിൽ ശക്തമായ മുൻകരുതൽ സ്വീകരിക്കുക. പക്ഷെ (നിങ്ങൾ അറിയണം) അവരിലൂടെ ഞാൻ അല്ലാതെ ഒന്നും തന്നെയില്ല. അവരുടെ പ്രവർത്തനങ്ങളിൽ ഞാൻ ആണ് അവരിൽ വെളിവാകുന്നത്, അവരിലൂടെ എന്റെ തന്ത്രത്തിൽ നിന്നും സുരക്ഷിതരാണെന്ന് നിങ്ങൾക്ക് തോന്നിയാൽ ഞാൻ നിങ്ങളെ (അവരിലൂടെ) നശിപ്പിച്ചു കളയും,

(അത് കൊണ്ട്) എന്റെ അധികാരത്തിലുള്ള കാര്യനിർവഹണത്തിൽ നിങ്ങൾ എനിക്ക് കീഴ്‌പെടുക, എന്റെ ഇച്ഛ നടപ്പിൽ വരുത്തുന്നതിൽ നിങ്ങൾ എനിക്ക് കീഴ്‌പെടുക, കാരണം, നിങ്ങൾ ഒരു അടിമ മാത്രമാണ്, എന്റെ തീരുമാനത്തിന്റെയും ആഗ്രഹത്തിന്റെയും കീഴിൽ അധീനപ്പെടുത്തപ്പെട്ട ഒരു അടിമ. എന്നിൽ നിന്നും എന്ത് വലിയ ബഹുമതികൾ നിങ്ങൾ നേടിയാലും നിങ്ങൾ എന്റെ അടിമ തന്നെ ആയിരിക്കും, അടിമത്വത്തിൽ നിന്നും നിങ്ങൾക്ക് ഒരിക്കലും പുറത്ത് പോവാൻ സാധിക്കുകയില്ല. ഞാൻ പരിപൂർണ്ണനായ ഇലാഹ് ആയത് പോലെ, ഉലൂഹിയത്തിന്റെ മർത്തബയിൽ ഒരാൾക്കും എന്നോട് മത്സരിക്കാനാവില്ല.

അത് കൊണ്ട് സിദ്ദീഖേ.. “ഞാൻ നിന്നെ സ്നേഹിക്കുന്നു, നിന്റെ കല്പനകളെ അനുസരിക്കുന്നു, പിന്നെ എന്തിനാണ് സൃഷ്ടികളുടെ രൂപത്തിലൂടെ എന്നെ നീ ഉപദ്രവിക്കുന്നത്?” എന്ന് നിനക്ക് പറയാൻ അവകാശമില്ല. ഞാൻ ഇലാഹാണ്, ഞാൻ ഉദ്ദേശിക്കുന്നത് പ്രവർത്തിക്കുകയും ആഗ്രഹിക്കുന്നത് വിധിക്കുകയും ചെയ്യും, അത് അടിമക്ക് തൃപ്തിപ്പെട്ടാലും ശരി അവരെ ദേഷ്യം പിടിപ്പിച്ചാലും ശരി. അത് കൊണ്ട് അടിമകളേ … നിങ്ങൾക്ക് തൃപ്തിപ്പെടാനും കീഴ്പെടാനും മാത്രമേ അവകാശമുള്ളൂ, സൃഷ്ടിയിലുള്ള എന്റെ തജല്ലി തടയാനോ നിങ്ങളുടെ ലക്ഷ്യങ്ങളോട് അവയെ യോജിപ്പിക്കാനോ നിങ്ങൾക്ക് അവകാശമില്ല.

ഇതാണ് സിദ്ദീഖീങ്ങൾ സാക്ഷ്യം വഹിക്കുന്നത്. അവർ എന്ത് തന്നെ സൃഷ്ടിയിൽ കണ്ടാലും അവരുടെ ആന്തരികമായ ബോധനം അവയെ ഹഖിന്റെ പ്രവർത്തി ആയിട്ടും അവന്റെ തജല്ലി ആയിട്ടും കാണാനാണ് പ്രയരിപ്പിക്കുക. സൃഷ്ടിയിലുള്ള ബാഹ്യമായും ആന്തരികമായും ആയ എല്ലാ മർത്തബകളിലൂടെയും അവർ അല്ലാഹുവിന്റെ അറിവ് സ്വീകരിക്കും. ഇതാണ് സിദ്ദീഖീങ്ങൾ ആത്മീയ പാനം ചെയ്യുന്ന ഇടം എന്ന് നിങ്ങൾ മനസ്സിലാക്കിയെങ്കിൽ റസൂൽ (ﷺ) തങ്ങൾ ആ സാഗരത്തിൽ മുങ്ങിയവരാണ്, റസൂൽ (ﷺ) തങ്ങൾ അല്ലാത്ത മുഴുവൻ നബിമാർക്കും സിദ്ദീഖീങ്ങൾക്കും ആ സാഗരത്തിൽ നിന്നും ഒരു തുള്ളി അല്ലാതെ ഒന്നും ലഭിച്ചിട്ടില്ല.