СОҒЛОМ ФАРҒОНА

Спорт. Узоқ йиллар давомида Фурқат тумани тиббиётига муносиб ҳисса қўшган ва самарали меҳнат қилиб, ўчмас ном қолдирган марҳум шифокорлар Шавкатжон Қодиров ва Маъруфжон Эргашев хотирасига бағишлаб, туман тиббиёт бирлашмаси ходимлари ўртасида спортнинг шахмат ва шашка, мини футбол тури бўйича хотира турнири ўтказилди.

—Мазкур тадбирга 55 нафар ходим жалб этилди, — дейди туман тиббиёт бирлашмаси бошлиғи Бунёд Мелиев. — Шунингдек, бу кун аҳоли ўртасида оммавий спортни ривожлантириш ва соғлом турмуш тарзини тарғиб қилдик.

Қизғин курашлар остида ўтказилган мусобақада ғолиблар аниқланди ва Касаба уюшма қўмитаси томонидан ғолиб ва совриндорларга қимматбаҳо совғалар топширилди.

Ҳар йили анъанавий тарзда ўтказилиб келинаётган бундай тадбирлар эса тиббиёт ходимларининг кунини мароқли ва мазмунли ўтказиш ва саломатлик маданиятини ривожлантиришга хизмат қилмоқда.

@SoglomFargona

“Беморлар фақат дори-дармон билан эмас, тоза ҳаво, яшиллик ва гўзаллик билан даволанади”

📹 Қува тумани тиббиёт бирлашмаси бошлиғи Аъзамжон Абдураззоқов марказий шифохонада олиб борилаётган ишлар билан таништирди.

@SoglomFargona

Ишдан кетишга тайёрланганимда... 🙂

@SoglomFargona

Жараён. Вилоят соғлиқни сақлаш бошқармаси бошлиғининг оналик ва болаликни муҳофаза қилиш бўйича ўринбосари Дурдона Устамадалиева Ўзбекистон туманидаги оилавий поликлиникалар, КТМПнинг болалар бўлими ва аёллар маслаҳатхонаси, шунингдек, янги ташкил этилган 6 койкали болалар реанимация бўлимлари ҳамда туғруқ бўлимларида бўлиб, беморларнинг саломатлиги билан қизиқди.

Кўрув вақтида ҳомиладор аёлларга ёрдам кўрсатиш, чақалоқларни перинатал скрининг кўригидан ўтказиш, туғма нуқсонларни барвақт аниқлаш ва ногиронликнинг олдини олиш бўйича мутахассисларга таклиф ва тавсиялар берилди.

@SoglomFargona

Муҳим янгилик. Президент Шавкат Мирзиёев Олий Мажлис Қонунчилик палатасининг мажлисида 2025 йилни юртимизда “Атроф-муҳитни асраш ва “яшил” иқтисодиёт йили” деб эълон қилишни таклиф қилди.

@SoglomFargona

Азиз дўстлар! Вилоятимизнинг ягона тиббий газетаси “ФАРҒОНА ШИФОКОРИ” га 2025 йил учун обуна бўлишнинг айни мавриди! Сабаби, газетада чоп этилган муаллифнинг материаллари «Соғлом Фарғона» телеграм каналида ҳам ёритилади.

Имкониятни қўлдан бой берманг!

📱 Мурожаат учун телефонлар: (91) 108-31-02, (94) 444-91-76.

@SoglomFargona

Факт-рақамларда. Республика суд тиббий экспертиза илмий-амалий маркази Фарғона филиали Қўқон туманлараро бўлинмасида хизмат фаолиятини сифат жиҳатдан яхшилаш, муассасанинг моддий-техник базасини мустаҳкамлаш бўйича бажарилаётган ишлар таҳсинга лойиқ. Бу борада “Ташаббусли бюджет” лойиҳаси йўлга қўйилгани жуда қўл келяпти.

Мазкур лойиҳада ҳар гал камида иккита ташаббуслар ғолиб бўляпти. Бунинг учун 2023 йилда қарийб 1,3 млрд сўм ажратилди. Шулар ортидан бўлинмада компьютерлар ва 30 дан ортиқ тиббий жиҳозлари ўрнатилди.

Шунингдек, 2024 йилнинг 1-мавсумида бўлинмани капитал таъмирлашга қаратилган 1,3 млрд сўмлик лойиҳа ютиб олинди ва бўлинмани асосий корпуси ва қўшимча 2 бино, ҳовли фасад қисми тўлиқ таъмирдан чиқарилди.

Жорий йилнинг 2–мавсумида ҳам 1,3 млрд сўмлик лойиҳада ғолиб чиқилиб, 60 дан ортиқ жиҳозлар ва янги суд–био химия лабораториясини ташкил этиш учун зарур қўшимча жиҳозлар олинмоқда. Бугунги кунда мазкур лойиҳа доирасида тендер савдолари ниҳоясига етмоқда.

@SoglomFargona