𝒊𝒄𝒉𝒂𝒓𝒌𝒉𝒐

«цивилизаци» йолу Европа…

мисархоша хlуманаш лечкъайо, туркоша нах lехабо бохуш, бусалба нах буьйцу вай, ткъа хlорш цу сакхтех «хьалхабевлла» моьтту цхьаболчарна… хlоккхул хьал долу пачхьалкхаш, дуьненан бахамаш буйна а боьхкина lаш йолу, къуйх йоьттина ю, вайна чан туьйсу-кх бlаьргаш чу…

Ша бохург толо гlертаро нийсонах бlаьргаш къовлуьйту.

Боккха лам санна, хьуна дазделла лаьттинарг, ченалг санна атта АллахIа дIаойбу-кх.

Цхьа хIума дара ас дукха хена дуьйна сайн гергарчарех цхьаьнца "къуьйсуш", ас иштта ду и бохуш, цо дац бохуш. Сайна къегина гуш дерг, билггала хууш дерг дара ас бохург, амма тоьшалла дацара-кх сан, я хир ду ала меттиг а яцара.

ХIетте а, къар ца луш со а, теша ца туьгуш важа а, ондда дегабаам хуьлуш суна цунах лаьтташ дара и ехха хан чохь. Ма-дарра аьлча, цхьамма юьйцуш йолу харцо яра-кх и, охашимма и харцо ю я яц къуьйсура.

И адам ша гучу ца даьлча, къера ца хилча, кхин цхьа а агIо яцара цу хIуманан, кхин а дехха къийса хIума хилар бен. Цул тIаьхьа и харцо хиларна адам тIенисдеш цхьацца хIуманаш девлира цу адамера. ТIаккха а сан "довхо" шеконо дIа ца хоьцура.

Цул тIаьхьа кхидIа а шен харцдерг дийца дагахь, цу харцонна тоьшаллина даладо ша аьлла сурт даийтира вукхо. Амма нийса а ца даийтина, мелхо, ша харцлийна хилар гучудаьккхира цо. Ца даьккхира шен лаамехь-м, АллахIа гучудаьккхира и.

Ас ойла йира тIаккха, АллахIана дерриг атта ду-кх, хIора харцо а гучуер йолуш ю, кху дуьненахь ца ялахь а, эхартахь - шеко йоцуш. Самукъа а даьллера сан иштта нисдаларна, со бакъ хиларна а доцуш, хила йиш а яц аьлла хетарг хуьлуьйтуш АллахIа харцо гучуяккхарна.

1449-гӀа Хаттар: Ассаламу Ӏалайкум.
Ӏеламнахана такфир деш волчу стаге ладогӀа мегий? Цуьнан хьехамашка ладогӀа мегий?

Жоп: ВаӀалайкумуссаламу варахьматуллахӀи ва баракатухӀ!
Ӏеламнехан хьокъехь реза воцуш дош багара долуш волчу стагана геннахула бен тӀех ца волуш генахь латто веза! Ӏеламнехан хьокъехь вон ойла ерг а кхераме стаг ву хаза нехан санна. Ӏеламнахана такфир дар-м дуьйцур дац. Ткъа хьехам бар бохург, хьехам ца хуьлу «алхамдулиллахӀи раббил Ӏаламийн» аьлла дӀаволавелла шена луург дийцича, цунах хьехам ца олу, тахана мода хилла цу хӀуманах! Бага еттар олу цунах, Ӏеламнахана лен а луьш, Ӏеламнахана такфир деш хьехам муха бо?! Иштта хӀума хуьлуш ма ца хуьлу! Хьехам, мелхо, такфир ма де, кхидерг ма де, вон дерг ма де бохуш хила безаш бу. Ткъа и инкарло ян дезаш долу хӀума ша деш волчуьнга ла муха дугӀур ду?! И ву мелхо а, шена наха хьехар дан дезаш стаг!

https://t.me/Vragi_iblisa

Селхана хиллачух хьо хьалхаваьккхиначу Дала кхана хин долчух а хьалхавоккхур ву хьуна хьо!

Стага ша-ша хастийча, цуьнан сийлалла йов.

Имам Малик, АллахIа къинхетам бойла цунах.

Дуьненчохь берш вовшашца къийсалуш бу кешнашкахь берш дохкобевллачу хlуманаш тIехула.

Наха хьайна тlаьхьашха хlума аларо сингаттаме ма войла хьо!

Хlунда аьлча, нагахь уьш харцлийнехь, ахь йина lамал а йоцуш, дика ду хьуна дIаяздеш, ткъа нагахь бакълийнехь - хьайгара даьллачу вонах хьалххе кху дуьненахь таlзар хилла-кх хьуна.

Масане хиндолчунна сагатдеш вехаш хилларг, хьалххе вала а велла, дlаваьлла.

Цецвала хlума цадисар бен цецвала хlума дац.

Сингаттам – и хьуна сингаттам хетачул бен сингаттам бац…

«Сан Дела! Беркатечу меттигехь [охьа] воссаве Ахь со, хIунда аьлча дIатарбечарех уггаре а Дикахниг ву-кха Хьо!»

Хьо муха хуьлу сингаттаме, хьайн Делан стигал схьаяьстина а йолуш хьуна эшначу хенахь?

Ахь кlант lамийнехь, цхьа адам lамийна ахь. Ткъа йоl lамийнехь, дийнна къам lамийна ахь.

Ден-ненан дикаллах церан тlема кlелара ваьлча бен ца кхета.

АллахIа пайде дойла хlара жайнин кепехь вовшахтоьхна йоза, АллахI реза хуьйла кху тlера гlалат вайна билгалдиначунна а, иштта даржош дакъа мел лаьцначунна а

Мосазза...

Хиларна хьо кхийринарг мосазза тlехдаьлла хьуна?
Хьо бlарзваларна гергавахча, мосазза дикачу агlора дlадирзина хьан гlуллакх?
Схьагуш кlелхьаравала некъ боцушшехь, мосазза карийна хьуна кlелхьараволийла?
Нислур дац аьлла хетарг мосазза нисделла хьан?
Тlебеъна бала мосазза дlаайбелла хьоьгара?
Бlаьргара ихна хиш мосазза дакъаделла хьан юьхь тlехь?

Ма дукхазза гlо дина хьуна Аллахlа! Амма тlаккха а гlайгlане хила а, сагатдан а бахьанаш карадо-кх хьуна. Хьайна хууш долушехь, Аллахl массо а хlуманна ницкъ кхочуш хилар, Иза - ницкъболуш а, сийлахь-воккха а, къинхетаме а, къинхетам беш а, хезаш а, гуш а, гечдеш а, тоба къобалдеш а хилар!

https://t.me/so_icharkho