Ассаламу Ӏалайкум.
👤2804-гla Хаттар: Бераш муха кхио деза хьехар дийр дацара аша? Шайн бераш муха кхиадо аша? Церан де муха чекхдолу? Муьлха хӏуманах лардо аша уьш?
ВаӀалайкум ассалам варахьматуллахӀи ва баракатухӀ!
✔Жоп: Дукха кегий долуш дуьйна дин тӀехь кхиадар, дин дийцар, дин хьехар, царна дин чудиллар, Элчанан а (саллаллахIу IалайхIи ва саллам), цуьнан асхьабийн а дийцарш дийцарца. Масала: айхьа цунна кхаллош йолу хӏума бисмал доккхуш хаза а хозуьйтуш кхаллор, яийна яьлча «алхьамдулиллахӏ» алар, цунна мотт цахаар аьлла ца дуьтуш даима а и тайпа хӏуманаш цунна хазийта деза, дӏадижош цунна хезаш азкараш дешар, иштта кхидӀа а цу тайпа хӏуманаш лелор, цу берана чудиллар ду. Иштта доккха мел хуьлу а, цуьнан ницкъ кхочург леладайтар, ша дешшал хилча шега доьшуьйтуш, жимчохь дуьйна ахь ӏамийнарг ӏадат дой, цу беро схьа а лоций леладо, ахь диц ца далийтичхьана. Цуьнгара цхьа гӏалат даьлча, вайн Элчанера а (саллалахlу ӏалайхӏи ва салам), асхьабашкара а масал далош хьехар дар. Ламазан дозалла дуьйцуш марзадар, ламаз доладайтича жима дара аьлла атта ца хоьтуьйтуш, ламаз нийса дан ӏамор, жимчохь ӏамийнарг 13-14 шо кхаьчначул тӏаьхьа хийца хала хуьлу, хӀунда аьлча, шена жимчохь ӏаьмнарг лело атта долун дела, цу хене кхачале ахь чудиллича и дерриг цу берана атта хуьлу шена дас-нанас ӏамийнарг кхидӏа лело. Жимчохь бер ца кхета вай санна къа хилар хӏун ду, доккха хилча кхета долало, тӏаккха шен цхьамма тидам ца беш, ледара деш хилла долу ламазаш нисдан иман оьшуш хуьлу, шен ӏадат санна чудиллина долу дин атта хуьлу берана пхийттара даьлча лело. Йовлакх бераллехь дуьйна лело ӏамийча, пхийттара яьлча лардан дезий хууш, эхь хеташ леладо, пхийттара яьллачул тӏаьхьа дӏатилла эхь хеташ хила тарло, я шен месаш гучуйовларна сагатдеш ца хила а тарло, хьамма аьлча ая шен коьртара йовлакх дӏадокхур доцуш лардо жимчохь дуьйна тиллича.
https://t.me/Yijariyn_hattarsh
