poeziya_bayandary

Бажырайган күлкүңүзгө арбалып
Бактылуумун, жүргөнүңө бактылуу.
Бул бакытты такыр келбейт алмашкым,
Хан сунсада алдындагы тактыны!
Сен да алмашпа мага кымбат бактыны…!



Автору: М.Б

«СЕНИН ЫРЫҢ»

Адам издейт өмүрүнө күйгөн жар,
А мен сага сактап жүргөн дүйнөм бар.
Жүрөгүмө жолду таптың катылган.
Эшик ачык кирсең болот сүйгөн жар.

Көңүлүмдө жанды жарык чырактар,
Көк асманга жеткен өңдүү кулачтар.
Ай-жылдарга, мезгилдерге мертинбес,
Сүйүшкөндөр бир болуучу убак бар.

Аппак жүзүң, ай жүзүң деп сүрөттөп,
Айткым келбейт ай жылдызга теңеп көп.
Кызганамын башкаларда оюнда,
Конок кылып албасын деп элестеп.

Ооба эркем, эл деп жер деп ыр жазам,
А сен күлүп айланамды нурдасаң.
«Мага арнаган ырың кана»,-дебегин,
Сенин ырың, жүрөгүмдө тыңшасаң.

Жалгыз өзүң угаласың ал ырды,
Жалгыз гана жан дүйнөмдү тыңдасаң.


Акбар Кубанычбеков

а сен дагы далай жолу сүйөсүң,
бирок эми, акылыңдан азбайсың.
кайрадан кыш, кайрадан жаз,
сен дагы да, башкаларды сүйөсүң.
бирок эми түнү ырлар жазбайсың.


Которгон: Калыс Жумадил

Мен сени эстен тана сүйбөйм деле,
Болгону чын жүрөктөн жакшы көрөм…

Автору: Султан Садыралиев

Болор-болбос иш үчүн,
Баш оорутуп жүктөлбө.
Чекиттей болгон нерсеге,
Үтүрдөй болуп бүктөлбө!

—Идирис Айитбаев.

Аярласа сүйгөн жарын,алганын,
Анан кантип көңүлдөргө муз тоңсун?
Каралбаса,жыпар жыттуу бакчасы
Анан кантип кызыл гүлгө куш консун?

Кыз көңүлү-эң бир назик нерсе экен,
Сындырбастан кайра аны улап кой!
Карындаштан,апакеңден эжеңден,
Бүгүн чалып ал-абалын сурап кой!

Адамзатты жаратканым жаратып,
Кылган экен аялзатты себепчи.
Мээрим төгүп карап турган көздөрүн,
Кара түнгө айландырыш керекпи?
Айткылачы,оо адамзат себепти!

Жалаң жакшы, жаманы жок аялдын,
Жан жыргалы, жароокери адамдын.
Турмуш көркү дүнүйөнүн туткасы,
Үйдүн куту, апакеси балаңдын.

Баспаш керек көңүлдөрүн кара так,
Толуп турсун жүрөгүндө махабат.
Жашаш үчүн ааламдагы эркектер,
Жашаш керек, жашаш керек аялзат!

кыз дүйнөсү көркөм дүйнө,кооз дүйнө,
сулуулукка,назиктике бай дүйнө
ал дүйнөгө кыянаттык жасаба!
сенин деле апаң, эжең бар үйдө

аялдын баркын тепсеп кордогондор,
чынында адам деле болбогондор.
аялды бактысынан айрыгандар,
ачыгы, айбандан жок айырмаңар.

— Абдулла Сейитбек

Бишкек шаарында! Жусуп Баласагын атындагы улуттук университетте.

Барып чер жазып кеткиле!

Көпчүлүктүн суранычы менен жүктөлдү.

Издейм эми сени баардык тараптан,
Саргайсам да сагынычтуу азаптан.
Сени дайым сактап жүрсө болгону –
Сен аркылуу мээрим төккөн жараткан.

-Элмирбек Иманалиев

ҮНДӨБӨЙМ, ЧЫН СҮЙГӨН ҮЧҮН

Сезимдерге бүлүк салдың татынам,
Сүйүп калып күндө сага тартылам.
Жашай албай жашап жүрөм пери кыз,
Сага болгон ак сүйүүнүн айынан.

Жолдорубуз эки ача билемин,
Муну ойлосом токтой түшөт жүрөгүм.
Кечекиден бүгүн каттуу сүйгөндөй,
Эртең сени андан каттуу сүйөмүн.

Өз азабын өзү ичтен жуткан бар,
Эхх, акылсыз дешер муну уккандар.
“Үндөбөңүз чын сүйсөңүз”- дегенсиң,
Ошол сөздү туу тутунуп өзүмө,
Сени сүйөм, кызыктырбайт калгандар.

Өмүр билсең болот дешет үч күндүк,
А биз болсо сүйүш албай бүлүндүк.
Анткен менен түбөлүккө сен менин,
Кечээгимсиң, эртеңимсиң, бүгүндүк.

Автор:Бекболот Жолдошбеков
06:14. 12.11.2024

Бишкек

Ат чабып күндө ойногон,
Көчөнүн чаңын сагындым.
Сүт кошуп ичкен ар таңда,
Апамдын чайын сагындым.

Шаардагы бийик имарат,
Аскалуу тоого жете албайт.
Айылдан адам кетсе да,
Адамдан айыл кете албайт.

— Автору белгисиз…

Текст @zhashoo_kairyktary нан алынды.

Кээ бир адамдар, өздөрүнүн
үстүнө кийген кийиминен
арзан болушат.


— Идрис Айитбаев

"Кат"
Жазсам ыр сап,калем учтап элесиң,
Тартсамбы дейм жүрөгүңдүн жебесин.
Айланам күз, муздак шамал, а бирок,
Көңүлүмө жаздын демин бересиң

Куруп алып ак сүйүүнүн кемесин
Кыйла жолду качан басып келесиң
Ачык айткың, сөз кылбасын башкалар,
"Ашыгына жетпей калды" дебесин...

—Майрамбеков Нурдөөлөт.

Алыкул Осмонов “Сулууга”

Кош, жан эркем, кош дейсиң деп таарынба,
Мени күтпө, мени эстебе, сагынба,
Жаш кездердей ынак сүйүү жок экен,
Отуз жаштын улам аркы жагында.

Кош сүйгөнүм, коштошордо жалынба,
Сен жакшы элең мен сүйө элек чагыңда,
Ак сүйүүдөн көңүл калуу көп экен,
Огуз жаштын улам аркы жагында.

Сен бир кептер боз шумкарын түнөткөн,
Унутулган учар замат түнөктөн.
Сүйүү деген–сүйүү эмес эринден,
Сүйүү деген–от чачышуу жүрөктөн.

Сен бир бакча миваларың келишкен,
Мен жүргүнчү ооз тийген жемиштен,
Сүйүү деген–сүйүү эмес бетиңден,
Сүйүү деген–сүзүп өтүү деңизден.

Сен бир жүзүм бышып турган мына бу;
Арманда эмес, бирок сенден кур калуу;
Сүйүү деген ырдоо эмес бал ууртап,
Сүйүү деген сүйүү уусуна уулануу.

Таттуусуңар, ачуусүңар сулуулар,
Алдайсыңар бизди опоңой кургурлар,
Канча болсо сенин жибек көйнөгүң
Дал ошончо жүрөгүндө сүйүү бар.

Бирок менин махаббатым бир гана,
Бирок ал жок, эгер болсо ал гана?
Мага ишенбе, элес кылып бардыгын,
Күлүп жүрөм өзүңө окшоп алдана.