Myanmar Varient Entertainment - Entertainment News Channel

ကန်ဒေါ်လာ ၃၂ သန်းနီးပါး ဝင်ငွေရရှိနေတဲ့ The Rock နဲ့ Chris Evans တို့ရဲ့ Red One

နိုဝင်ဘာ ၁၆၊ ၂၀၂၄။

သရုပ်ဆောင် The Rock, Chris Evans, Lucy Liu နဲ့ J. K. Simmons တို့ အဓိကပါဝင်ထားတဲ့ ခရစ္စမတ်နောက်ခံ action fantasy ရုပ်ရှင် Red One ဟာ နိုဝင်ဘာလ ၁၅ ရက်နေ့ကစတင်ကာ ရုံတင်ပြသလျက်ရှိပြီး ရုံတင်ပြသမှုအပြီးမှာတော့ Amazon Prime Video မှာ ott စနစ်နဲ့ ဖြန့်ချိပြသမှာဖြစ်ပါတယ်။

ဒီကနေ့အထိနောက်ဆုံးရရှိထားတဲ့သတင်းတွေအရ Red One ဟာ ယမန်နေ့က ကန်ဒေါ်လာ ၁၂ သန်းဝန်းကျင်အထိ ထပ်မံရရှိထားပြီး ယခုအခါမှာ ကန်ဒေါ်လာ ၃၁.၅ သန်း ကနေ ၃၃ သန်းဝန်းကျင်အထိ ရရှိထားကြောင်းသိရှိရပြီး ခရစ္စမတ်ရုပ်ရှင်အနေနဲ့ ဒါဟာ မဆိုးတဲ့ပမာဏတစ်ခုဖြစ်ပါတယ်။

Red One ကို နိုင်ငံတကာမှာ နိုဝင်ဘာလ ၆ ရက်နေ့ကတည်းက စတင်ပြသနေတာဖြစ်ပြီး ဝေဖန်ရေးသမားတွေကြားမှာ ရလဒ်ဆိုးတစ်ခုရရှိနေတာကြောင့် ကုန်ကျစရိတ် ကန်ဒေါ်လာ သန်း ၂၅၀ ကို ပြန်ကာမိစေမယ့် ရုံတင်ငွေမျိုးကိုပြန်လည်ရရှိမလားဆိုတာကတော့ စိတ်ဝင်စားစရာပါပဲ။

Red One ကို Fast & Furious: Tokyo Drift ဇာတ်ညွှန်းဆရာ Chris Morgan က ဇာတ်ညွှန်းရေးသားကား Jumanji နှစ်ကားရဲ့ဒါရိုက်တာ Jake Kasdan က တာဝန်ယူရိုက်ကူးပေးထားတာဖြစ်ပြီး ခရစ္စမတ်အကြိုနေ့မှာ ပြန်ပေးဆွဲခံလိုက်ရတဲ့ ဆန်တာကလော့စ်ကိုကယ်တင်ဖို့ကြိုးပမ်းပုံကို ပြသထားတာဖြစ်ပါတယ်။

Ref: Deadline

Sub-Zero ရေးသည်။

#RedOne #TheRock #ChrisEvans

Margaret Qualley ရဲ့ ရင်သားများ

The Substance မှာ ပရိသတ်တွေမြင်ခဲ့ရတဲ့ Margaret Qualley ရဲ့ ရင်သားတွေဟာ prosthetics တွေသာဖြစ်ပြီး Margaret Qualley ရဲ့ ရင်သားအစစ်တွေတော့ မဟုတ်ခဲ့ပါဘူး။

( အမှန်တရားကို တစ်ယောက်တည်း မခံစားနိုင်လို့ 🙂)

https://www.facebook.com/100094426190022/posts/pfbid0LubVFyF65LPPDXQxnV4wgxFrjyynGMXY2AEqzw3LywAqi6AozVyMK9XR6Btqex5cl/?app=fbl

အင်တာနက်ပေါ်က ကောလာဟလတချို့ကို The Rock တုံ့ပြန်ဖြေရှင်းလာပြီ

နိုဝင်ဘာ ၁၄၊ ၂၀၂၄။

Dwayne "The Rock" Johnson ဆိုတာကတော့ ကမ္ဘာကျော် ရုပ်ရှင်မင်းသားတစ်လက်ဖြစ်ပြီး "The Scorpion King" (2002), "Fast and Furious" ရုပ်ရှင်စီးရီးတွေနဲ့ "Jumanji" ရုပ်ရှင်တွေမှာ ပါဝင်သရုပ်ဆောင်ခဲ့သူလည်း ဖြစ်ပါတယ်။

The Rock ဟာ WWE မှာ နပန်းသမားတစ်ယောက်အဖြစ် စတင်အောင်မြင်ခဲ့ပြီး နောက်ပိုင်းမှာတော့ ရုပ်ရှင်လောကကို ကူးပြောင်းခဲ့ကာ ယနေ့အထိ ရုပ်ရှင်များစွာကို ဆက်လက်ရိုက်ကူးနေလျက်ရှိပါတယ်။

The Rock ဟာ ရုပ်ရှင်ရိုက်ကူးရာမှာ တစ်ခါတစ်ရံ နောက်ကျတတ်တယ်ဆိုတဲ့ သတင်းတွေအပေါ် GQ မဂ္ဂဇင်းနဲ့ အင်တာဗျူးတစ်ခုမှာ တုံ့ပြန်ချေပလာခဲ့ပါတယ်။

အဆိုပါ အင်တာဗျူးမှာ The Rock အနေနဲ့ ဒီသတင်းတွေကို "လုံးဝ မဟုတ်ပါဘူး" လို့ ငြင်းဆိုခဲ့ပါတယ်။ ဆက်လက်ပြီး "ကျွန်တော် ရုပ်ရှင်ရိုက်ကူးရာမှာ တစ်ခါတစ်ရံ နောက်ကျတာတော့ မှန်ပါတယ်။ ဒါပေမယ့် ရှစ်နာရီလောက် နောက်ကျတယ်ဆိုတာ မဟုတ်ပါဘူး။ အဲဒါက လုံးဝ မဖြစ်နိုင်တဲ့ ပမာဏပါ။" လို့လည်း ပြောခဲ့ပါသေးတယ်။

The Rock ဟာ ရိုက်ကွင်းပေါ်မှာ ရေသန့်ဘူးထဲကို ဆီးသွားတတ်တယ်ဆိုတဲ့ ကိစ္စကိုလည်း ရှင်းပြလာပါသေးတယ်။ မကြာခင်ရုံတင်တော့မယ့်  "Red One" ကိုရိုက်ကူးစဉ်မှာ အချိန်ကုန်သက်သာဖို့ ရေသန့်ဘူးထဲကို ဆီးသွားတာ မှန်တယ်လို့လည်း ဝန်ခံခဲ့ပါတယ်။ သူက "ဟုတ်တယ်၊ အဲဒါကတော့ ဖြစ်တတ်ပါတယ်။" လို့ ပြောခဲ့တာပါ။

"Red One" ရုပ်ရှင်မှာ The Rock နဲ့အတူပါဝင်သရုပ်ဆောင်ခဲ့တဲ့ သရုပ်ဆောင် Chris Evans ကတော့ The Rock ဟာ တစ်ခါတစ်ရံ နောက်ကျတတ်ပေမယ့် ရိုက်ကူးရေးအဖွဲ့က သူ့ရဲ့ အချိန်ဇယားကို ကြိုတင်သိရှိထားတယ်လို့ The Rock ဘက်က အခုလိုခုခံပြောဆိုလာပါတယ်။

"သူ နောက်ကျတာက မမျှော်လင့်ဘဲ နောက်ကျတာမျိုး မဟုတ်ပါဘူး။ သူ့ရဲ့ အချိန်ဇယားအတိုင်းပါပဲ။"

ဒါ့အပြင် "Red One" ရုပ်ရှင်ရဲ့ ဒါရိုက်တာ Jake Kasdan ကလည်း Dwayne Johnson ဟာ တစ်ခါတစ်ရံ နောက်ကျတတ်ပေမယ့် သူ့ရဲ့ အချိန်ဇယားကို ကြိုတင်သိရှိထားတယ်လို့ ပြောပါတယ်။

"သူက အားလုံးထက် ပိုပြီး ကြိုးစားအားထုတ်တဲ့သူပါ။"

The Rock နဲ့ Chris Evans တို့ပါဝင်ထားတဲ့ Warner Bros. နဲ့ Amazon MGM တို့ရဲ့ fantasy ရုပ်ရှင် "Red One" ကို နိုဝင်ဘာလ ၁၅ ရက်နေ့မှာ ရုံတင်ပြသမှာ ဖြစ်ပါတယ်။

Ref: Variety

Mr. Wilddog ရေးသည်။

#TheRock

Instagram မှာ ဝတ်လစ်စားလစ်ပုံတင်မိလို့ဝေဖန်ခံနေရတဲ့ မင်းသား Choi Hyun Wook

Choi Hyun-wook ကတော့ "Twenty-Five Twenty-One" (2022) နဲ့ "Weak Hero Class 1" (2022) ဇာတ်လမ်းတွဲတွေမှာ ပါဝင်သရုပ်ဆောင်ခဲ့တဲ့ တောင်ကိုရီးယား သရုပ်ဆောင်တစ်ဦးပါ။ သူဟာ ၂၀၁၉ ခုနှစ်မှာ "Real:Time:Love" web drama နဲ့ ပွဲဦးထွက်ခဲ့ပြီး "Taxi Driver" နဲ့ "D.P." ဇာတ်လမ်းတွဲတွေမှာလည်း ပါဝင်ခဲ့ပါတယ်။၂၀၂၃ထုတ် Twinkling Watermelon ဇာတ်လမ်းတွဲနဲ့ ပိုမို လူသိများကျော်ကြားလာခဲ့ပါတယ်။

Choi Hyun-wook ဟာ သူ့ရဲ့ Instagram story မှာ ဓာတ်ပုံတစ်ပုံ တင်ခဲ့မိတာကြောင့် ဝေဖန်မှုတွေနဲ့ ရင်ဆိုင်နေရပါတယ်။ အဲဒီဓာတ်ပုံထဲမှာတော့ သူဟာ ဝတ်လစ်စလစ်နဲ့ ဖုန်းကိုင်ပြီး ဓာတ်ပုံရိုက်နေပုံ ပေါ်နေပါတယ်။

အဲဒီဓာတ်ပုံကို သူက အမြန်ဆုံး ပြန်ဖျက်ခဲ့ပေမယ့် လူမှုကွန်ရက်တွေမှာ ပျံ့နှံ့သွားခဲ့ပြီး ဝေဖန်မှုတွေလည်း ထွက်ပေါ်လာခဲ့ပါတယ်။

Choi Hyun-wook ဟာ မနှစ်ကလည်း လမ်းပေါ်မှာ ဆေးလိပ်သောက်ပြီး ဆေးလိပ်ဖင်စီခံကို လက်လွတ်စပယ်ပစ်ခဲ့တဲ့အတွက် ဝေဖန်ခံခဲ့ရဖူးပါတယ်။ အဲဒီတုန်းကလည်း သူဟာ လက်ရေးနဲ့ တောင်းပန်စာ ရေးသားခဲ့ပြီး ဒဏ်ကြေးလည်း ပေးဆောင်ခဲ့ရပါတယ်။

Mr.Wilddog ရေးသည်။

Black Panther 3 မှာပါဝင်လာမယ့် Denzel Washington

နိုဝင်ဘာ၊ ၁၂ ၊ ၂ဝ၂၄

Denzel Washington တစ်ယောက်ကတော့ Black Panther 3 မှာ ပါဝင်လာမယ်လို့ ပြောလာပါတယ်။

ဒီစကားကိုတော့ Today Show Australia မှတစ်ဆင့် Denzel Washington တစ်ယောက်မျှဝေခဲ့တာဖြစ်ပါတယ်။

"ကျွန်တော်က အကောင်းဆုံး Company တွေနဲ့  တွဲလုပ်ရတာကိုပဲ စိတ်ဝင်စားတယ်၊ နောက်ထပ် ဇာတ်ကား ဘယ်နှစ်ကား ရိုက်မယ်ဆိုတာ မသိပါဘူး၊ အများကြီးတော့ မဟုတ်ဘူးပေါ့။ ဒါပေမယ့်  ငါမလုပ်ဖူးတဲ့အရာတွေကို ငါလုပ်ချင်တယ်လို့ပြောလာပါတယ်"

ပြီးတဲ့နောက်မှာတော့ အသက် 69 နှစ်အရွယ် မင်းသားကြီးက “နောက်လာမည့် Black Panther” မှာ သူပါဝင် သရုပ်ဆောင်မှာဖြစ်ကြောင်း ဖွင့်ဟပြောကြားလာပါတယ်။

Role အနေနဲ့ကတော့ ဘယ်နေရာ၊ ဘယ်လို သရုပ်ဆောင်မလဲ မသိရသေးတဲ့အပြင် Black Panther Forever ပြီးတဲ့နောက်မှာတော့ နောက်ထက်ဇာတ်လမ်းကိုထက်ထုတ်ဖို့ Marvel အကြီးအကဲ Kevin Feige က အခုမှ စီစဥ်နေတုန်းလို့သိရပါတယ်။

Black Panther Star ဖြစ်တဲ့ Chadwick Boseman နဲ့လည်း Denzel Washington တို့ဟာ အရမ်းရင်းနှီးတဲ့သူတွေဖြစ်ကြပြီး Boseman  အောက်စဖို့ဒ်တက္ကသိုလ်မှာ  သရုပ်ဆောင်ပရိုဂရမ်တစ်ခုတက်ဖို့ ခက်ခဲနေတဲ့ အချိန်မှာ Denzel Washington က ကူညီပေးခဲ့တဲ့အပြင် Washington ကိုယ်တိုင် Produce လုပ်ပြီးထုတ်လုပ်တဲ့ ရုပ်ရှင်မှာလည်း Boseman ကို ထည့်သွင်း သရုပ်ဆောင်ခိုင်းခဲ့ပါတယ်။

ဆိုတော့ Washington သာ Black Panther 3 မှာ ရှေ့တုန်းက Black Panther အကြီးအကဲတစ်ယောက်အနေနဲ့ မြင်ရမယ်ဆိုရင်တော့ တော်ာတော်လေး စိတ်ဝင်စားစရာကောင်းလာမယ်လို့ မျှော်လင့်မိပါတယ်။

John Snow ရေးသားသည်။

#MCU #Blackpanther

တောင်ကိုရီးယားမင်းသား Song Jae Rim ဟာ နိုဝင်ဘာ ၁၂ ရက်၊ ဒီနေ့မှာပဲ အသက် ၃၉ နှစ်အရွယ်မှာ ကွယ်လွန်သွားပါတယ်။

Song Jae Rim က ၂၀၀၉ ခုနှစ်မှာ "Actresses" ရုပ်ရှင်နဲ့ သရုပ်ဆောင်လောကထဲကို စတင်ဝင်ရောက်လာခဲ့ပြီး "Moon Embracing the Sun" (2012) နဲ့ "Two Weeks" (2013) တို့လို နာမည်ကြီး ဇာတ်လမ်းတွဲတွေမှာ ပါဝင်ခဲ့ပါတယ်။

၂၀၁၄ ခုနှစ်မှာတော့ "Surplus Princess" ဇာတ်လမ်းတွဲမှာ ခေါင်းဆောင်မင်းသားအဖြစ် ပါဝင်ခဲ့ပါတယ်။

ဒါ့အပြင် မင်းသမီး Kim Sejeong နဲ့အတူ I Wanna hear your sound ( 2019) မှာ ပါဝင်ဖူးပြီး မင်းသမီး Kim Yoo Jung ရဲ့ Clean with passion for now ဇာတ်လမ်းတွဲမှာလည်းပါဝင်ဖူးပါတယ်။

သူဟာ တောင်ကိုရီးယားမှာသာမက အာရှတစ်ဝှမ်းမှာပါ ရေပန်းစားတဲ့ မင်းသားတစ်လက် ဖြစ်ပါတယ်။
သူ့ရဲ့ ကွယ်လွန်မှုအတွက် အကြောင်းအရင်းကိုတော့ မသိရသေးပါဘူး။

Mr Wilddog ရေးသည်။

Squid Game ရေးရင်း ဇာတ်လမ်းဆရာတော့ သွားတွေပါ ကျွတ်ထွက်ကုန်တယ်ဆိုပဲ

၂၀၂၁ ခုနှစ်က ထွက်ရှိခဲ့တဲ့ Netflix ရဲ့ ကိုရီးယားစကားပြော survival thriller ဇာတ်လမ်းတွဲတစ်ခုဖြစ်တဲ့ Squid Game ဟာ နိုင်ငံတကာအတိုင်းအတာအထိ အောင်မြင်မှုများစွာရရှိခဲ့တဲ့ ဇာတ်လမ်းတွဲတစ်ခုဖြစ်ပြီး အဲဒီလိုအောင်မြင်မှုတွေကြောင့် Netflix ဟာ Squid Game ကို နောက်ထပ် Season သစ်နှစ်ခု ထပ်မံထုတ်လုပ်သွားမှာဖြစ်ကာ Season 2 ကို ဒီဇင်ဘာ ၂၆၊ ၂၀၂၄ နဲ့ Season 3 ကို ၂၀၂၅ တို့မှာ အသီးသီးပြသသွားမှာဖြစ်ပါတယ်။

Squid Game ဟာ အဆင့်တစ်ခုစီတိုင်းမှာအသက်ကိုရင်းပြီးကစားရတဲ့ ကစားပွဲမှာပါဝင်ကစားကြသူတွေရဲ့ လောဘ၊ ဒေါသ၊ မောဟတွေကိုပြသထားတာဖြစ်ပြီး Squid Game ရဲ့ ဖန်တီးသူဖြစ်တဲ့ ဇာတ်လမ်းဆရာ Hwang Dong-hyuk အနေနဲ့ Squid Game ကို ရေးသားဖန်တီးတဲ့အခါမှာ စိတ်ဖိစီးမှုများခဲ့တယ်လို့ ဆိုလာပါတယ်။

Hwang Dong-hyuk ဟာ Squid Game Season 1 ကို ရေးသားခဲ့စဥ်​က စိတ်ဖိစီးမှုများပြားလွန်းတာကြောင့် သွား ၈ ချောင်း၊ ၉ ချောင်း ကျွတ်သွားကြောင်း BBC သတင်းဌာနနဲ့ အင်တာဗျူးမှာ မှတ်ချက်ပြုလာခဲ့တာပါ။ ကလေးကစားပွဲဂိမ်းတွေကို အသက်ရင်းပြီး ငွေလုကြတဲ့ လောဘကစားပွဲအဖြစ် ပြောင်းလဲခဲ့ရတာရဲ့ ပေးဆပ်မှုတစ်ခုလို့ပြောရမယ့်ပုံပါပဲ။

Squid Game Season 2 မှာ ယခင် Season 1 မှာ ပါဝင်ခဲ့တဲ့သရုပ်ဆောင်တွေထဲက Lee Jung-jae, Lee Byung-hoon, Wi Ha-jun, Gong Yoo, Yim Si-wan, Kang Ha-neul နဲ့ Park Sun-hoon Yang Dong-geun တို့လည်း ပြန်လည်ပါဝင်လာကြသလို K-Pop အဆိုတော်တစ်ယောက်ဖြစ်တဲ့ T.O.P. ခေါ် Choi Seung-hyun, Heartbeat နဲ့ D.P. သရုပ်ဆောင် Jo Yu-ri နဲ့ Sweet Home သရုပ်ဆောင် Park Gyu-young နဲ့ Lee jin-uk အပါအဝင် နောက်ထပ် သရုပ်ဆောင် ၈ ယောက်လည်း ထပ်မံပါဝင်ထားကြပါသေးတယ်။

#Netflix #SquidGame

Star Wars သုံး​ကားတွဲအသစ်ထုတ်လုပ်ဖို့ Disney နဲ့ Lucasfilm ကြံစည်လျက်ရှိ

နိုဝင်ဘာ ၈၊ ၂၀၂၄။

Disney လက်အောက်ကိုရောက်သွားပြီးနောက်ပိုင်း Lucasfilm ဟာ Star Wars နဲ့ ပတ်သက်ပြီး sequel trilogy ကို ထုတ်လုပ်ကာ ယခုအခါမှာတော့ Star Wars ရဲ့ Skywalker Saga ဟာ အဆုံးသတ်ခဲ့ပြီဖြစ်ပါတယ်။

ယခုအခါမှာတော့ Disney နဲ့ Lucasfilm ဟာ Star Wars နဲ့ပတ်သက်ပြီး နောက်ထပ် သုံးကားတွဲရုပ်ရှင် Episode 10, 11 နဲ့ 12 တို့ကို ဆက်လက်ထုတ်လုပ်သွားမှာဖြစ်ကြောင်းသိရပြီး အဆိုပါသုံးကားတွဲကို X-Men ရုပ်ရှင်တွေရဲ့ဇာတ်ညွှန်းဆရာဖြစ်သူ Simon Kinberg က ရေးသားပေးသွားမှာဖြစ်ကြောင်း သိရပါတယ်။ ဒီသုံးကားတွဲဟာ ဇာတ်လမ်းသစ်တစ်ခုရဲ့အစပျိုးဖြစ်ပြီး Lucasfilm ဟာ James Mangold, Sharmeen Obaid-Chinoy, Taika Waititi နဲ့ Donald Glover တို့ရဲ့ Star Wars ရုပ်ရှင်တွေကိုလည်း ထုတ်လုပ်မှာဖြစ်ကြောင်းလည်း သိရပါသေးတယ်။

Star Wars Episode IX: The Rise of Skywalker အပြီးမှာ The Mandalorian & Grogu ရုပ်ရှင်ကို မေ ၂၂၊ ၂၀၂၆ မှာ ရုံတင်ပြသမှာဖြစ်ပြီး ဒါဟာ Skywalker Saga အပြီး ပထမဆုံးထွက်ရှိလာမယ့် Star Wars ရုပ်ရှင်ဖြစ်ပါတယ်။ မူလ The Mandalorian ဇာတ်လမ်းတွဲမှာ Moff Gideon အဖြစ် ပါဝင်သရုပ်ဆောင်ခဲ့တဲ့ သရုပ်ဆောင် Giancarlo Esposito ရဲ့ အဆိုအရ Diseny နဲ့ Lucasfilm ဟာ The Mandalorian ကို သုံးကားတွဲရုပ်ရှင် (trilogy) အဖြစ် ပွဲထုတ်ဖို့စီစဥ်နေကြောင်း သိရပါတယ်။ Giancarlo Esposito အနေနဲ့ The Mandalorian & Grogu မှာ ပြန်လည်ပါဝင်လာဖွယ်ရှိနေတယ်လို့ ယူဆရမှာပါပဲ။

Ref: Deadline

Sub-Zero ရေးသည်။

#StarWars #Lucasfilm

Castle Byers ကို ပြန်တွေ့ရမယ့် Stranger Things Season 5

နိုဝင်ဘာ ၈၊ ၂၀၂၄။

Noah Schnapp (Will) က Stranger Things Season 1 မှာတုန်းက Upside Down ကိုရောက်သွားတဲ့အချိန် Demogorgon တွေ သူ့နောက်လိုက်နေတုန်း Castle Byers ထဲပုန်းနေခဲ့ဖူးပါတယ်။

ဒီ Castle Byers လေးဟာဆိုရင် အခု Season 5 မှာ အရေးပါတဲ့ ဇာတ်ဝင် အခန်းအတွက် ပြန်လည်ပါဝင်သွားမှာဖြစ်ကြောင်း Noah Schnapp က Video လေးတင်ပြီး ပြသွားခဲ့ပါတယ်။

ဒီပုံလေးတွေကြည့်မယ်ဆိုရင် Will တစ်ယောက် Season 5 မှာ Upside Down ကို ပြန်သွားပြီး တစ်ခုခုကို ပြန်လည်အဖြေရှာနေပုံရပါတယ်။

Vecna ကိုအနိုင်ယူဖို့ အတွက်လည်း သွားတာဖြစ်နိုင်သလို ဒီအဖြစ်ပျက်တွေကနေ ပုန်းဖို့အတွက် Series တစ်လျှောက်လုံး သူပုန်းနေကျ နေရာစီမှာ ပုန်းနေနိုင်တယ်လို့လည်း အဓိပ္ပါယ်ပါပဲ။

ပြောရရင်တော့ Stranger Things Season 5 က အဆုံးသတ်ဖြစ်မှာဆိုတော့ Upside Down ရဲ့ အရှုပ်တော်ပုံကိုရှင်းဖို့ သူတို့တွေ ဘယ်လို အဖြေရှာပြီး ဘယ်သူတွေ ထပ်ပြီး ဆုံးရှုံးရဦးမလဲဆိုတာကို နောက်နှစ်မှာ ထပ်မံစောင့်ကြည့်ရဦးမှာဖြစ်ပါတယ်။

Ref: Internet

John Snow ရေးသည်။

#StrangerThings #CastleByers #NoahSchnapp

Resident Evil 9 အတွက် သတင်းထွက်နေ

နိုဝင်ဘာ ၈၊ ၂၀၂၄။

"Resident Evil" ဆိုတာကတော့ Capcom ရဲ့ အထင်ကရ survival horror ဂိမ်းစီးရီးတစ်ခုဖြစ်ပြီး ၁၉၉၆ ခုနှစ်မှာ ပထမဆုံးဂိမ်း ထွက်ရှိခဲ့တာပါ။ ဇွန်ဘီတွေ၊ ကြောက်စရာ သတ္တဝါတွေနဲ့ တခြား ဇီဝလက်နက်တွေကို တိုက်ခိုက်ရင်း ပဟေဠိတွေကို ဖြေရှင်းရတဲ့ ဂိမ်းတွေကြောင့် ဒီစီးရီးဟာ နာမည်ကြီးပါတယ်။  "Resident Evil" ဂိမ်းတွေဟာ ကြောက်စရာကောင်းတဲ့ အငွေ့အသက်၊ စိတ်လှုပ်ရှားစရာ ဇာတ်လမ်းတွေနဲ့ action ပြည့်နှက်နေတဲ့ gameplay တွေကြောင့် ဂိမ်းကစားသူတွေကြားမှာ ရေပန်းစားခဲ့ပါတယ်။

Biohazard Declassified ဆိုတဲ့ "Resident Evil" fansite ကနေ စတင်လာတဲ့သတင်းတခုအရ Sony ဟာ Resident Evil 9 ကိုစတင်ပြုလုပ်နေပြီး စမ်းသပ်ကစားပေးတဲ့ Playtester တွေလည်းခန့်ထားတယ်လို့သိရပါတယ်။  ဒီသတင်းကို  ဂိမ်းကြိုတင်ကစားခွင့်ရတဲ့ playtester တစ်ယောက်ဆီကနေ သတင်းရထားတာလို့ ဆိုပါတယ်။

"Resident Evil 9" ရဲ့ ဇာတ်လမ်းကတော့ "Resident Evil Village" ရဲ့ ၄ နှစ်အကြာမှာ ဖြစ်ပျက်မှာ ဖြစ်ပါတယ်။ ဒီဂိမ်းမှာတော့ ပရိသတ်အချစ်တော် ဇာတ်ကောင်တွေဖြစ်တဲ့ Jill Valentine နဲ့ Leon S. Kennedy တို့က protagonist တွေအဖြစ် ပြန်လည်ပါဝင်လာမှာ ဖြစ်ပါတယ်။ ဒါ့အပြင် Barry Burton နဲ့ Chris Redfield တို့ကလည်း supporting character တွေအဖြစ် ပါဝင်လာနိုင်ပါတယ်။ ဗီလိန်ကတော့ Mr. Simon လို့ခေါ်တဲ့ ဇာတ်ကောင်အသစ် ဖြစ်ပါတယ်။ သူဟာ ဇီဝလက်နက်တွေကို ထုတ်လုပ်တဲ့ ကုမ္ပဏီတစ်ခုရဲ့ ခေါင်းဆောင်ဖြစ်ပြီး ကမ္ဘာကြီးကို ဖျက်ဆီးဖို့ ကြံစည်နေတယ်လို့ ဆိုပါတယ်။

Gameplayကတော့  ကစားသမားတွေဟာ ကျွန်းတစ်ကျွန်းပေါ်မှာ ရှိတဲ့ နေရာအမျိုးမျိုးကို စူးစမ်းရမှာ ဖြစ်ပါတယ်။ စွန့်ပစ်ထားတဲ့ ဆေးရုံ၊ လိုဏ်ဂူတွေ၊ စွန့်ပစ်ထားတဲ့ အိမ်တွေ၊ ရွာသားတွေရဲ့ အိမ်တွေ၊ မှောင်မိုက်တဲ့ တောအုပ်၊ စွန့်ပစ်ထားတဲ့ စက်ရုံ၊ ဓာတ်ခွဲခန်းတွေနဲ့ ဘုရားကျောင်းတစ်ခု စတဲ့ နေရာတွေ ပါဝင်မှာပါ။ ကျွန်းပေါ်မှာတော့ ပြောင်းလဲသွားတဲ့ ဇွန်ဘီတွေ၊ လူတွေကို ခြောက်လှန့်တတ်တဲ့ သတ္တဝါတွေနဲ့ တခြား ကြောက်စရာကောင်တွေနဲ့ ရင်ဆိုင်ရမှာ ဖြစ်ပြီး Tricell နဲ့ Blue Umbrella တို့လည်းပြန်ပါလာမယ်လို့ဆိုပါတယ်။

ဒါ့အပြင် "Resident Evil 9" ဟာ "Resident Evil 7" က စတင်ခဲ့တဲ့ Megamycete ဇာတ်လမ်းကို အဆုံးသတ်ပေးမယ့် ဂိမ်းလည်း ဖြစ်ပါတယ်။ ဒီဂိမ်းမှာတော့ ဇာတ်ကောင်အသစ်တွေအပြင် အရင်ဂိမ်းတွေက ဇာတ်ကောင်တွေနဲ့ ဆက်စပ်နေတဲ့ အကြောင်းအရာတွေလည်း ပါဝင်လာမယ်လို့ မျှော်လင့်ရပါတယ်။

ဒါပေမယ့် Capcom က တရားဝင် ကြေညာတာမျိုး မရှိသေးတာကြောင့် ဒီသတင်းတွေကို ကောလာဟလအဖြစ်သာသတ်မှတ်ထားသင့်ပါတယ်။

တကယ်လို့ ဒီသတင်းတွေက အမှန်ဖြစ်ခဲ့ရင်တော့ "Resident Evil" fan တွေအတွက် စိတ်လှုပ်ရှားစရာ ဂိမ်းတစ်ခု ဖြစ်လာမှာအသေအချာပါပဲ။

Ref: Internet

Mr. Wilddog ရေးသည်။

#ResidentEvil

The Most Powerfully Dreamwork Character of All Time !

Who is your favorite?
#villainweek #DreamWorks

A24 ရဲ့ ဘတ်ဂျက်အများဆုံးရုပ်ရှင်ဖြစ်လာတဲ့ Timothée Chalamet ရဲ့ Marty Supreme

နိုဝင်ဘာ ၇၊ ၂၀၂၄။

Dune နဲ့ Call Me By Your Name သရုပ်ဆောင် Timothée Chalamet အဓိကပါဝင်သရုပ်ဆောင်ထားတဲ့ အမေရိကန် အားကစားဒရာမာရုပ်ရှင် Marty Supreme ဟာ လက်ရှိမှာ production အဆင့်မှာရှိနေလျက်ရှိပါတယ်။

Marty Supreme ဟာ အမေရိကန်ပင်ပေါင်အားကစား လက်ရွေးစင်ဟောင်းတစ်​ဦးဖြစ်သူ Marty Reisman အကြောင်းကို အခြေတည်ရိုက်ကူးထားတာဖြစ်ပြီး သရုပ်ဆောင် Timothée Chalamet က Marty Reisman အဖြစ် အဓိကပါဝင်သရုပ်ဆောင်ထားတာဖြစ်ပါတယ်။

A24 ဟာ Hereditary, Midsommar, Green Knight, Iron Claw နဲ့ Everything Everywhere All At Once တို့လို အစဥ်အလာကောင်းတဲ့ indie ရုပ်ရှင်ကားကောင်းတွေကို ထုတ်လုပ်ဖြန့်ချိပြသခဲ့တဲ့ indie ရုပ်ရှင်ကုမ္ပဏီတစ်ခုဖြစ်ပေမယ့်လည်း Marty Supreme မှာတော့ ဘတ်ဂျက်အများအပြားအသုံးပြုထားတယ်လို့ ဆိုပါတယ်။

A24 ဟာ Marty Supreme အတွက် ကန်ဒေါ်လာ သန်း ၉၀ နီးပါး ဘတ်ဂျက်အသုံးပြုထားကြောင်း Deadline မဂ္ဂဇင်းရဲ့ဆောင်းပါးသစ်တစ်ပုဒ်အရ သိရှိထားရပြီး ဒါဟာ မကြာသေးခင်က ယခုနှစ်ထဲမှာရုံတင်ခဲ့တဲ့ A24 ရုပ်ရှင်တစ်ကားဖြစ်တဲ့ Civil War ထက် ပိုမိုများပြားလျက်ရှိကြောင်းကိုလည်း သိရှိရပါတယ်။ ဒါ့အပြင် A24 ဟာ Civil War ထက် ဘတ်ဂျက်အသုံးပြုမှုပိုမိုများတဲ့ရုပ်ရှင်တစ်ကားကိုလည်း ထုတ်လုပ်ဖို့ရှိသေးတယ်လို့လည်း သိထားရပါသေးတယ်။

Marty Supreme ဟာ ၁၉၅၀ ကာလကို ဇာတ်အိမ်တည်ထားတာဖြစ်ပြီး Uncut Gems ဒါရိုက်တာ Josh Safdie က တာဝန်ယူရိုက်ကူးကာ ဇာတ်လမ်းဇာတ်ညွှန်းကိုလည်း Josh Safdie နဲ့ အတူ Uncut Gems ဇာတ်ညွှန်းဆရာ Ronald Bronstein က ပူးတွဲရေးသားပေးထားတာပါ။

Marty Supreme မှာ Timothée Chalamet နဲ့ အတူ Gwyneth Paltrow, Tyler, the Creator, Odessa A'zion, Penn Jillette, Kevin O'Leary, Abel Ferrara နဲ့ Fran Drescher တို့လည်း ပါဝင်ထားပြီး ပြသရက်ကိုတော့ မသိရသေးပါဘူး။

Ref: Deadline

Sub-Zero ရေးသည်။

#A24 #MartySupreme #TimothéeChalamet

Kaithi 2 အတွက် ဇာတ်လမ်းရေးပြီးပြီလို့ ဒါရိုက်တာ Lokesh Kanagaraj အတည်ပြု

နိုဝင်ဘာ ၇၊ ၂၀၂၄။

နာမည်ရ Tamil ဒါရိုက်တာတစ်ဦးဖြစ်သူ Lokesh Kanagaraj ဟာ ၂၀၁၉ မှာ Kaithi, ၂၀၂၂ ခုနှစ်မှာ Vikram နဲ့ ၂၀၂၃ ခုနှစ်မှာ Leo ဆိုတဲ့ Tamil ရုပ်ရှင်သုံးကားကို ရေးသားရိုက်ကူးခဲ့ပြီး ၎င်းရဲ့အက်ရှင်ရုပ်ရှင်ယူနီဗာ့စ်ဖြစ်တဲ့ LCU ကို တည်ဆောက်လျက်ရှိပါတယ်။

Lokesh Kanagaraj အနေနဲ့ LCU ကို အများဆုံး ရုပ်ရှင် ၇ ကားနဲ့ ၈ ကားအထိသာ ထုတ်လုပ်ဖို့ရည်ရွယ်လျက်ရှိပြီး ဆဋ္ဌမမြောက်ရုပ်ရှင်ဟာ pre-climax ရုပ်ရှင်ဖြစ်လာမှာဖြစ်ကြောင်းနဲ့ သတ္တမ သို့မဟုတ် အဋ္ဌမမြောက်ရု​ပ်ရှင်ဟာ LCU ရဲ့ အဆုံးသတ်ဖြစ်ကြောင်းကို The Hollywood Reporter India နဲ့ အင်တာဗျူးတစ်ခုမှာ အတည်ပြုပေးလာခဲ့ပါတယ်။ အဆိုပါအင်တာဗျူးမှာ Lokesh Kanagaraj အနေနဲ့ Kaithi 2 နဲ့ Vikram 2 အပြင် LCU ရဲ့ အဓိကဗီလိန် Rolex အကြောင်း ရုပ်ရှင်တစ်ကားကို အဓိကထုတ်လုပ်သွားဖို့ရှိကြောင်း၊ သရုပ်ဆောင် Vijay သာ ရုပ်ရှင်လောကကနေ အနားမယူခဲ့ရင် Leo 2 ကို ထုတ်ဖို့ရှိကြောင်းနဲ့ Kaithi 2 အတွက် ဇာတ်လမ်းရေးသားမှုပြီးစီးကာ မကြာမီမှာ စတင်အကောင်အထည်ဖော်ရိုက်ကူးနိုင်ကြောင်းကိုပါ မှတ်ချက်ပြုခဲ့ပါသေးတယ်။

Kaithi ဟာ ထောင်ထွက်တစ်ယောက်နဲ့ ရဲတစ်ယောက်ရဲ့ ပူးတွဲလှုပ်ရှားမှုကို ရိုက်ကူးပြသခဲ့တာဖြစ်ပြီး သရုပ်ဆောင် Karthi က အဓိကပါဝင်သရုပ်ဆောင်ခဲ့တာဖြစ်ပါတယ်။ Vikram ဆိုတာကတော့ မူးယစ်ဂိုဏ်းတစ်ခုရဲ့ မူးယစ်ဆေးအော်ပရေးရှင်းကို အထူးစစ်သားတစ်ယောက်က တားဆီးရပုံကို ပြသခဲ့တာဖြစ်ပြီး သရုပ်ဆောင် Kamal Hasan က အဓိကပါဝင်သရုပ်ဆောင်ခဲ့တာပါ။ Leo ဟာ သရုပ်ဆောင် Viggo Mortensen ရဲ့ အော်စကာဆန်ခါတင်စာရင်းဝင်ရုပ်ရှင် A History of Violence ရဲ့ remake ဗားရှင်းတစ်ခုဖြစ်ပြီး Vijay နဲ့အတူ Trisha, Sanjay Dutt နဲ့ Arjun တို့လည်း ပါဝင်ထားသလို Anurag Kashyap နဲ့ Kamal Haasan လည်း ပါဝင်ထားပါသေးတယ်။

Dilli, Rolex, Vikram နဲ့ Leo ဇာတ်ကောင်တွေဟာ LCU ရဲ့ ပင်မဇာတ်ကောင်တွေဖြစ်ကြပြီး ဒါရိုက်တာ Lokesh Kanagaraj အနေနဲ့ LCU ကို ရုပ်ရှင် ၈ ကား ခန့်သာ ရိုက်ကူးသွားမှာဖြစ်ပါတယ်။

Lokesh Kanagaraj ဟာ Leo အပြီးမှာ သရုပ်ဆောင် Rajinikanth ရဲ့ Non LCU ရုပ်ရှင် Coolie ရုပ်ရှင်အပြင် Kanchana မင်းသား Raghava Lawrence နဲ့ ရုပ်ရှင်တစ်ကားလည်း ရိုက်ကူးဖို့ရှိပါသေးတယ်။

Ref: THR India

Sub-Zero ရေးသည်။

#LCU #LokeshKanagaraj #Kaithi #Vikram

Johnny Deep မပါတော့တဲ့ ကာရေဘီယံပင်လယ်ဓားပြများရုပ်ရှင်သစ်ကို မကြာခင်ရိုက်ကူးတော့မယ်

နိုဝင်ဘာ ၅၊ ၂၀၂၄။

သရုပ်ဆောင် Johnny Depp ဟာ ၎င်းရဲ့အထင်ကရဇာတ်ကောင်ဖြစ်တဲ့ Captain Jack Sparrow ဇာတ်ကောင်နဲ့ Pirates of the Caribbean ရုပ်ရှင်တွေကို Pirates of the Caribbean: Dead Men Tell No Tales ရုပ်ရှင်နဲ့ အပြီးတိုင် လက်ပြနှုတ်ဆက်သွားခဲ့ပြီဖြစ်ပါတယ်။

Disney ဟာ နောက်ထပ် ဆဋ္ဌမမြောက် Pirates of the Caribbean ရုပ်ရှင်သစ်ကို ဆက်လက်ထုတ်လုပ်ဖို့စီစဥ်နေတာဖြစ်ပြီး အဆိုပါ ရုပ်ရှင်သစ်ဟာ ယခင်ရုပ်ရှင်ငါးကားနဲ့ လုံးဝဆက်စပ်မှုမရှိတော့တဲ့ reboot ရုပ်ရှင်ဖြစ်ကြောင်း Pirates of the Caribbean ရုပ်ရှင်တွေရဲ့ထုတ်လုပ်သူ Jerry Bruckheimer က ပြီးခဲ့တဲ့ ၂၀၂၄ မတ်လမှာ အတည်ပြုသွားခဲ့ပြီဖြစ်ပါတယ်။

အဆိုပါ Pirates of the Caribbean ရုပ်ရှင်သစ်ကို ၂၀၂၅ နှစ်ကုန်မှာ ကာရေဘီယံပင်လယ်အရှေ့ပိုင်းက စိန့်ဗင်းဆင့်ဒေသမှာ စတင်ရိုက်ကူးဖို့စီစဥ်နေကြောင်း အတွင်းသတင်းတွေနဲ့ ရုပ်ရှင်ထုတ်လုပ်ရေးနယ်ပယ်တွေရဲ့ သတင်းစကားတွေအရသိရှိရပါတယ်။ သို့ပေမယ့် Pirates of the Caribbean ရုပ်ရှင်သစ်မှာ Johnny Deep ကိုတွေ့ရမှာမဟုတ်ကြောင်းကိုတော့ သိခဲ့ရပေမယ့်လည်း သရုပ်ဆောင်ပြောင်းလဲမှာလား သို့မဟုတ် မိန်းမပင်လယ်ဓားပြ reboot လား ဆိုတာကိုတော့ ယခုအထိမသိရသေးပါဘူး။

Pirates of the Caribbean ရုပ်ရှင်တွေဟာ ၂၀၀၃ ခုနှစ်မှာ The Curse of the Black Pearl နဲ့ အစပြုခဲ့တာဖြစ်ပြီး ၂၀၁၇ မှာ Dead Men Tell No Tales (Salazar's Revenge) အထိ ထွက်ရှိခဲ့တာဖြစ်ပါတယ်။

ပြီးခဲ့တဲ့ ၂၀၂၃ ခုနှစ်က ထုတ်လုပ်သူ Jerry Bruckheimer ဟာ ဆဋ္ဌမမြောက် Pirates of the Caribbean ရုပ်ရှင်သစ်ထုတ်လုပ်သွားဖို့ အစီအစဥ်ရှိကြောင်း စကားသံပစ်ခဲ့ဖူးသလို ၂၀၂၃ စက်တင်ဘာလကလည်း The Last of Us နဲ့ Chernobyl ဇာတ်ညွှန်းဆရာ Craig Mazin ဟာ Pirates of the Caribbean ရုပ်ရှင်တွေရဲ့ မူရင်းဇာတ်ညွှန်းဆရာ Ted Elliot နဲ့ ပူးပေါင်းကာ နောက်ထပ် Pirates of the Caribbean ရုပ်ရှင်သစ်အတွက် ဇာတ်ညွှန်းရေးသားပြင်ဆင်မှုများရှိနေကြောင်း သတင်းအတည်ပြုချက်ရရှိခဲ့ပါသေးတယ်။

လက်ရှိမှာ Disney ဘက်က Pirates of the Caribbean နဲ့ ပတ်သက်ပြီး တစ်စုံတစ်ရာထုတ်ပြန်ကြေညာခြင်းမရှိသေးပါဘူး။ Johnny Depp မရှိ​တော့တဲ့ Pirates of the Caribbean ဟာ ဘယ်အထိအောင်မြင်မလဲဆိုတာကတော့ စိတ်ဝင်စားစရာပါပဲ။

Ref: Internet

Sub-Zero ရေးသည်။

#PiratesOfTheCaribbean #Disney

Back to the Future ကို musical အဖြစ် ပြန်လည်ရိုက်ကူးချင်လျက်ရှိနေ

နိုဝင်ဘာ ၃၊ ၂၀၂၄။

Time Travel ရုပ်ရှင် အမျိုးအစားလို့ပြောလိုက်ရင် Back To The Future ရုပ်ရှင်တွေက ထိပ်ဆုံးမှာပါလာတာပါပဲ။ကျွန်တော်တို့ငယ်ဘဝကိုစိတ်ကူးယဉ်လို့ကောင်းစေတဲ့ရုပ်ရှင်တွေ​ပါပဲ။

မကြာသေးခင်က သတင်းတခုအရ "Back to the Future" ရုပ်ရှင်တွေကို musical အဖြစ် ပြန်လည်ရိုက်ကူးဖို့ ဒါရိုက်တာ Robert Zemeckis က စိတ်ဝင်စားနေတယ်လို့ သိရပါတယ်။

Zemeckis ဟာ မူရင်း "Back to the Future" ရုပ်ရှင်သုံးကားလုံးကို ရိုက်ကူးခဲ့တဲ့ ဒါရိုက်တာ ဖြစ်ပါတယ်။ ဒီရုပ်ရှင်တွေဟာ ကမ္ဘာတစ်ဝှမ်းမှာ ပရိသတ်တွေရဲ့ အားပေးမှုကို ရရှိခဲ့ပြီး ရုပ်ရှင်သမိုင်းမှာ ဂန္တဝင် ဇာတ်ကားတွေအဖြစ် သတ်မှတ်ခံရပါတယ်။

လောလောဆယ်မှာတော့ "Back to the Future" musical ကို West End မှာ ပြသနေပြီး ဝေဖန်ရေးသမားတွေရဲ့ ချီးကျူးမှုကို ရရှိနေပါတယ်။ ဒါကြောင့် Zemeckis က ဒီ musical ကို ရုပ်ရှင်အဖြစ် ပြန်လည်ရိုက်ကူးဖို့ စိတ်ဝင်စားလာတာ ဖြစ်နိုင်ပါတယ်။

ဒါပေမယ့် Zemeckis က ဒီ musical ရုပ်ရှင်မှာ ဘယ်သူတွေ ပါဝင်သရုပ်ဆောင်မယ်၊ ဘယ်အချိန်မှာ ရိုက်ကူးမယ်ဆိုတာကိုတော့ မပြောသေးပါဘူး။ ဒီ musical ရုပ်ရှင်နဲ့ ပတ်သက်တဲ့ နောက်ထပ် သတင်းတွေကိုတော့ ဆက်လက် စောင့်ကြည့်ရမှာ ဖြစ်ပါတယ်။

Ref: Internet

Mr. Wilddog ရေးသည်။

#BackToTheFuture

Season 2 မှာတင် အဆုံးသတ်မယ့် Netflix ရဲ့ Arcane ဇာတ်လမ်းတွဲ

နိုဝင်ဘာ ၁၊ ၂၀၂၄။

League Of Legends ဂိမ်းကို အခြေခံပြီး ဖန်တီးထားတဲ့ Arcane aimated series က  မထင်ထားလောက်အောင် ရင်သပ်ရှုမောဖွယ်ရာဇာတ်ဝင်ခန်းတွေနဲ့ ဂိမ်းမဆော့တဲ့ သူတွေကိုတောင် အမာခံပရိသတ်တွေအဖြစ် ဖမ်းစားနိုင်ခဲ့တာပါ။

ယခုအခါမှာတော့ Arcane animated series ရဲ့ Season - 2 ကို ယခုနှစ် နိုဝင်ဘာလမှာ Netflix ကနေ ပြသသွားမှာ ဖြစ်တယ်လို့ သိရပါတယ်။

ဒါတင်မကသေးဘဲ ဒီ Season - 2 က Arcane ရဲ့ ဇာတ်လမ်းအဆုံးသတ်ဖြစ်မယ်လို့ ဒီစီးရီးရဲ့ ပူးတွဲဖန်တီးရှင် Christian Linke က သတင်းပါးလိုက်ပါတယ်။

Christian Linke ရဲ့ ပြောပြချက်အရ Arcane ကို စတင်ထုတ်လုပ်ခဲ့တုန်းက အဓိက ဇာတ်ကောင်တွေအတွက် ချပြသွားမယ့် စတိုရီလိုင်းတွေ ရှိခဲ့တာဖြစ်ပြီး သူတို့အနေနဲ့ ဒီဇာတ်လမ်းကို အပိုင်းဘယ်လောက်နဲ့ အချိန်ဘယ်လောက်ကြာကြာအထိ ဖန်တီးသွားမယ်ဆိုတာမျိုး သတ်မှတ်ထားတာမရှိဘူးလို့ ဆိုပါတယ်။

ဒါပေမဲ့ Season - 2 အတွက် ပြင်ဆင်ရိုက်ကူးကြတဲ့အချိိန်မှာတော့ Arcane ကို ဒီမျှလောက်နဲ့ပဲ ရပ်တန့်မယ်ဆိုတဲ့ အစီအစဥ်က ပိုပြီး ထင်ရှားလာခဲ့တာဖြစ်တယ်လို့ Christian Like က ပြောပါတယ်။

နိုဝင်ဘာ ၉ ရက်နေ့မှာ Arcane Season - 2 က Netflix ပေါ်ကို ပထမဆုံး အပိုင်းသုံးပိုင်းနဲ့အတူ ရောက်ရှိလာမှာဖြစ်ပြီး ၁၆ ရက်နေ့မှာတော့ နောက်ထပ် အပိုင်းသုံးပိုင်းနဲ့ ၂၃ ရက်နေ့မှာ အပိုင်း သုံးပိုင်းတို့နဲ့ အဆုံးသတ်မှာ ဖြစ်ပါတယ်။

ဒီအတွက်ကြောင့် ပရိသတ်တွေအနေနဲ့ စုစုပေါင်း အပိုင်း ၉ ပိုင်းပါရှိတဲ့ Arcane Season - 2 ကို ရက်ပိုင်းအတွင်း တဝကြီး ကြည့်ရတော့မှာပါ။

Ref: ComicBook

Elliot ရေးသည်။

#LeagueOfLegends #Netflix #Arcane

Fantastic Beasts 4 ထွက်လာဖို့ လတ်တလောအစီအစဥ်မရှိသေး

အောက်တိုဘာ ၃၁၊ ၂၀၂၄။

"Fantastic Beasts" ရုပ်ရှင်တွေဟာ "Harry Potter" ရုပ်ရှင်တွေရဲ့ prequel ဇာတ်လမ်းတွေ ဖြစ်ပြီး သရုပ်ဆောင် Eddie Redmayne က Newt Scamander အဖြစ် သရုပ်ဆောင်ထားပါတယ်။

မ​ကြာ​​သေးခင်က ComicbBookသတင်းဌာန နဲ့ အင်တာဗျူးတခုမှာ  Eddie Redmayne က "Fantastic Beasts 4" ရုပ်ရှင်လာဖို့အစီအစဉ်မရှိသေးဘူး လို့ ပြောကြားခဲ့ပါတယ်။

"ကျွန်တော်ထင်တာ သူတို့မှာအစီအစဉ်ရှိရင်ရှိမှာပါ။ ဒါပေမဲ့ ကျွန်တော်သိတာဒါအကုန်ပဲ။ ပြောချင်တာက​ဗျာ ခင်​ဗျားတို့ သိချင်ရင်Warner Bros နဲ့ JK Rowling ကိုသွားမေးရင်တော့သိရလိမ့်မယ်။ ကျွန်တော်သိသလောက်တော့ ဒီလိုပဲ"

ပထမဆုံး "Fantastic Beasts" ရုပ်ရှင်ကို ၂၀၁၆ ခုနှစ်မှာ စတင်ပြသခဲ့ပြီး နောက်ဆုံးထွက်ရှိတဲ့ ရုပ်ရှင်ကတော့ ၂၀၂၂ ခုနှစ်ထုတ်ရုပ်ရှင် "The Secrets of Dumbledore" ဖြစ်ပါတယ်။

"The Secrets of Dumbledore" ရုပ်ရှင်ဟာ box office မှာ "Harry Potter" ရုပ်ရှင်တွေထဲမှာ ဝင်ငွေ အနည်းဆုံး ရရှိခဲ့တာကြောင့် Warner Bros. က နောက်ထပ် "Fantastic Beasts" ရုပ်ရှင်တွေကို ရိုက်ကူးဖို့ ဆုံးဖြတ်ချက် မချရသေးပါဘူး။

Redmayne ကတော့ "Fantastic Beasts 4" ရုပ်ရှင်နဲ့ ပတ်သက်ပြီး Warner Bros. က သူ့ကို ဘာမှ မပြောသေးဘူးလို့ ဆိုပါတယ်။ ဒါကြောင့် "Fantastic Beasts" ပရိသတ်တွေအတွက်တော့ စိတ်ပျက်စရာ သတင်းတစ်ခု ဖြစ်လာနိုင်ပါတယ်။

ဒါ့အပြင် Harry Potter ကို series အနေနဲ့ Reboot ချလိုက်တာကြောင့် Fantastic Beasts ဟာ အမှန်တကယ်အဆုံးသတ်သွားဖို့အလားအလာလည်း များနေပါတယ်။

Ref: ComicBook

Mr. Wilddog ရေးသည်။

#HarryPotter #FantasticBeasts

Art the Clown met Antony Das..

မနက်ဖြန်စိတ်ကူးပေါက်ရင် မနက်ဖြန်မှာတင် ထရိုက်နိုင်တဲ့ John Wick: Chapter 5

အောက်တိုဘာ ၂၄၊ ၂၀၂၄။

သရုပ်ဆောင် Keanu Reeves ရဲ့ action ရုပ်ရှင်တစ်ကားဖြစ်တဲ့ John Wick: Chapter 4 ဟာ ၂၀၂၃ ခုနှစ်ရဲ့ရုပ်ရှင်ရုံတွေမှာ မင်းမူခဲ့တဲ့ရုပ်ရှင်တစ်ကားဖြစ်သလို အက်ရှင်ပရိသတ်တွေရဲ့အားပေးမှုကိုလည်း တခဲနက်ရခဲ့ပါတယ်။

John Wick ဟာ နောက်ထပ် John Wick: Chapter 5 ထပ်မံထွက်ရှိလာမှာဖြစ်ပြီး ကနဦးအဆင့်ဇာတ်လမ်းတည်ဆောက်ဆဲအနေအထားမှာရှိနေကြောင်း ၂၀၂၃ ခုနှစ် မေလကကျင်းပခဲ့တဲ့ Lionsgate ကုမ္ပဏီ ရဲ့ Q4 2023 ကနဦးအစည်းအဝေးမှာ Lionsgate ရဲ့ Motion Pictures Group ဥက္ကဌ John Drake က အတည်ပြုပေးခဲ့ပါတယ်။

John Wick franchise နဲ့ ပတ်သက်ပြီး ရုပ်ရှင်အနေနဲ့ သရုပ်ဆောင် Ana De Armas ရဲ့ Ballerina ရုပ်ရှင်နဲ့ သရုပ်ဆောင် Donnie Yen ရဲ့ Caine ရုပ်ရှင်တွေသာ အထမြောက်နေပေမယ့်လည်း John Wick Chapter 5 နဲ့ ပတ်သက်ပြီး ယခုအထိ ဘာမှအကြောင်းထူးခြင်းမရှိသေးပါဘူး။

John Wick: Chapter 5 နဲ့ ပတ်သက်ပြီး ယနေ့အထိ ဇာတ်လမ်းအကြံအစည်မရသေးကြောင်းကို John Wick ရုပ်ရှင်တွေရဲ့ဒါရိုက်တာ Chad Stahelski က မှတ်ချက်ပြုထားပါတယ်။ Chad Stahelski ဟာ ပရိသတ်တွေဆီက ငွေကိုညှစ်ထုတ်တာမျိုးမဟုတ်ပဲ သီးခြားစိတ်ကူးတစ်ခုနဲ့ အသစ်အဆန်းကိုပြသနိုင်တာနဲ့ ချက်ချင်းရိုက်ကူးသွားမှာဖြစ်ကြောင်း Chad Stahelski က TotalFilm မဂ္ဂဇင်းနဲ့ အင်တာဗျူးတစ်ခုမှာ အခုလိုမှတ်ချက်ပြုလာပါတယ်။

"Keanu နဲ့ ကျွန်တော်က မနက်ဖြန်အိပ်ယာနိုးလာလို့ အိုင်ဒီယာရပြီဟေ့ဆိုတာနဲ့ ရိုက်မှာပဲ။ လောင်းကြေးတောင်ထပ်လိုက်ချင်သေး။ ကျွန်တော်တို့က ပရိသတ်ဆီကနေ ငွေရှာတာမဟုတ်ပဲ အသစ်အဆန်းပေးနိုင်တယ်ဆိုတာနဲ့ လုပ်ကြမှာပါ။ လောလောဆယ်တော့ အိုင်ဒီယာမရသေးဘူး။"

John Wick: Chapter 4 မှာ John Wick ဟာ High Table နဲ့ ရင်ဆိုင်ရာကနေ နောက်ဆုံးအဆင့်မှာ John Wick ဘာဖြစ်သွားခဲ့လဲဆိုတာကို ပဟေဠိဆန်ဆန်ပြသခဲ့တာဖြစ်ပါတယ်။ ရုံတင်ငွေစုစုပေါင်း ကန်ဒေါ်လာ သန်း ၄၃၀ ကျော် ရရှိခဲ့တဲ့ John Wick: Chapter 4 နဲ့ ပတ်သက်ပြီး အကောင်းရလဒ်ရော၊ ဝေဖန်မှုတွေပါရှိခဲ့တာကိုတွေ့ရပါတယ်။

လာမယ့်နှစ်မှာရုံတင်မယ့် Ballerina ကို Underworld ဒါရိုက်တာ Len Wiseman က တာဝန်ယူရိုက်ကူးထားတာဖြစ်ပြီး John Wick: Chapter 3 - Parabellum မှာ ပါဝင်ခဲ့တဲ့ ဘဲလေးသင်တန်းကျောင်းနဲ့ အဲဒီကျောင်းက အမျိုးသမီး assassin တစ်ယောက်အကြောင်းအဓိကပြသမှာဖြစ်ပါတယ်။

Ballerina မှာ Ana De Armas က Ballerina သင်တန်းက assassin တစ်ယောက်အဖြစ်၊ Ian McShane က Winston အဖြစ်၊ ဆုံးပါးသွားတဲ့ Lance Reddick က Charon အဖြစ်နဲ့ Anjelica Huston အပြင် The Walking Dead သရုပ်ဆောင် Norman Reedus လည်း ပါဝင်ထားသလို Keanu Reeves ကိုလည်း John Wick အဖြစ် တွေ့ရဦးမှာဖြစ်ပါတယ်။

Ref: TotalFilm

McGarrett ရေးသည်။

#Lionsgate #JohnWick

Cinderella ရဲ့ ချစ်သူဖြစ်လာတော့မယ့် Thor မင်းသား Chris Hemsworth

အောက်တိုဘာ ၂၄၊ ၂၀၂၄။

Disney ကနေ animated ရုပ်ရှင်တစ်ကားဖြစ်တဲ့ Cinderella ကို Live-Action အဖြစ် ရိုက်ကူးသွားဖို့ ရှိနေပါတယ်။

ဒါပေမဲ့လို့ ဒီ Live-Action က Cinderella အကြောင်း လုံးဝ မဟုတ်ဘဲ Cinderella ရဲ့ ချစ်သူ Prince Charming အကြောင်းကိုပဲ အဓိက ဇာတ်အိမ်တည်မှာ ဖြစ်ပါတယ်။

Disney က Prince Charming အကြောင်း ရိုက်ကူးဖို့ ရှိတယ်ဆိုတဲ့သတင်းတွေ မကြာခင်ရက်ပိုင်းကမှ ထွက်ရှိလာပြီးနောက် အခုချိန်မှာတော့ အဓိကသရုပ်ဆောင်ကိုပါ ရွေးချယ်ခဲ့လိုက်ပြီပဲ ဖြစ်ပါတယ်။

Cindrella ရဲ့ ချစ်သူ၊ Prince Charming အဖြစ် သရုပ်ဆောင်သွားမယ့်သူက ပရိသတ်တွေရဲ့ အချစ်တော် Chris Hemsworth ပဲ ဖြစ်ပါတယ်။

ဒီရုပ်ရှင်ကို Paddington နှစ်ကားတွဲနဲ့ Wonka ရုပ်ရှင်တွေကို ရိုက်ကူးခဲ့သူ Paul King ကို တာဝန်ပေးဖို့ Disney ဘက်ကနေ မျက်စိကျလျက်ရှိနေပါတယ်။

ဒါပေမဲ့လို့ Prince Charming ရုပ်ရှင်က ဘယ်ရုပ်ရှင်နဲ့မှ ချိတ်ဆက်မှာ မဟုတ်ဘဲ သီးခြားရုပ်ရှင်တစ်ကားအနေနဲ့ ထွက်ရှိလာမှာပါ။

ဖိနပ်တစ်ဖက်ကျွတ်ကျခဲ့တဲ့အထိ လျှပ်စီးပြက်​ခဲ့တဲ့ Cinderella လေးကို ရှာပုံတော်ဖွင့်မယ် Prince Charming နေရာမှာ Chris Hemsworth တစ်ယောက် ဘယ်လိုအသုံးတော်ခံမလဲဆိုတာကိုတော့ ပိတ်ကားထက်မှာ စောင့်စားကြည့်ရှုရမှာပါ။

Ref: ComicBook

Elliot ရေးသည်။

#Cinderella #ChrisHemsworth #PaulKing #Disney

ချောင်ထိုးခံလိုက်ရပြန်ပြီဖြစ်တဲ့ MCU ရဲ့ Blade reboot ရုပ်ရှင်

အောက်တိုဘာ ၂၃၊ ၂၀၂၄။

အော်စကာဆုရှင် Mahershala Ali ရဲ့ MCU ရုပ်ရှင် Blade ကတော့ ဒါရိုက်တာအပြောင်းအလဲ၊ ဇာတ်ညွှန်းပြဿနာတွေနဲ့ သရုပ်ဆောင်ပြဿနာတွေအပြင် နောက်ထပ်ချောင်ထိုးခံခဲ့ရပြန်ပြီဖြစ်ပါတယ်။

သရုပ်ဆောင် Mahershala Ali ရဲ့ Blade ရုပ်ရှင်ကို နိုဝင်ဘာ ၇၊ ၂၀၂၅ မှာ ပြသဖို့အတွက် စီစဥ်ထားပေမယ့်လည်း ယခုအခါမှာတော့ Blade ရဲ့ ပြသရက်ကို ရက်အကန့်အသတ်မရှိရွှေ့ဆိုင်းလိုက်ကြောင်း အတည်ပြုနိုင်ခဲ့ပြီဖြစ်ပါတယ်။

Blade ရဲ့ ပြသရက်အသစ်ကို အတိအကျမသိရသေးပေမယ့်လည်း Marvel Studios အနေနဲ့ ၎င်းတို့ရဲ့ MCU Marvel ရုပ်ရှင်သစ်သုံးကားကို ဖေဖော်ဝါရီ ၁၈၊ ၂၀၂၈၊ မေ ၅၊ ၂၀၂၈ နဲ့ နိုဝင်ဘာ ၁၈၊ ၂၀၂၈ တို့မှာ အသီးသီးပြသဖို့စီစဥ်ထားလျက်ရှိပါတယ်။

Blade ဟာ ဒါရိုက်တာနဲ့ ဇာတ်ညွှန်းကိစ္စတွေမှာ ပြဿနာတွေဖြစ်ခဲ့ပြီး လက်ရှိမှာ Mahershala Ali က Blade the Daywalker အဖြစ်၊ Pearl သရုပ်ဆောင် Mia Goth က Lilith အဖြစ် ပါဝင်သွားမယ်ဆိုတာကိုသာ သိရှိထားရပါတယ်။

လစ်လပ်သွားတဲ့ နိုဝင်ဘာ ၇၊ ၂၀၂၅ မှာတော့ Disney လက်အောက်ခံ 20th Century ရဲ့ Predator ရုပ်ရှင်သစ်ဖြစ်တဲ့ Badlands ကို အစားထိုးပြသမှာဖြစ်ပါတယ်။

20th Century Fox ကနေ 20th Century အဖြစ် ပြောင်းလဲခဲ့တဲ့နောက်မှာ Predator ရုပ်ရှင်သစ်ဖြစ်တဲ့ Prey ကို ၂၀၂၂ မှာ Hulu မှာ ott စနစ်နဲ့ ပြသခဲ့တာဖြစ်ပြီး ယခုအခါမှာတော့ Badlands ကို ရုံတင်ပြသတော့မှာဖြစ်ပါတယ်။

Badlands မှာ Disney ရုပ်ရှင် Maleficent နှစ်ကားတွဲမှာ Aurora ဇာတ်ကောင်နေရာကနေ ပါဝင်သရုပ်ဆောင်ခဲ့တဲ့ မင်းသမီးချော Elle Fanning က အဓိကနေရာကနေ ပါဝင်သွားမှာဖြစ်ပြီး Prey ဒါရိုက်တာ Dan Trachtenberg ကပဲ ဆက်လက်ရိုက်ကူးပေးသွားမှာဖြစ်တဲ့အပြင် ဇာတ်လမ်းဇာတ်ညွှန်းကိုလည်း Dan Trachtenberg နဲ့ အတူ Prey ဇာတ်ညွှန်းဆရာ Patrick Aison ကပဲ ဆက်လက်ရေးသားပေးသွားမှာပါ။ ဇာတ်လမ်းအကြောင်းအရာအတိအကျကိုမသိရသေးပေမယ့် Badlands ဟာ Prey ရဲ့ နောက်ဆက်တွဲရုပ်ရှင်မဟုတ်ပဲ သီးခြား Predator standalone ရုပ်ရှင်ဖြစ်ကြောင်းကိုသာ သိရှိရပါတယ်။

ရင်းမြစ်တချို့ရဲ့အဆိုအရ Badlands ဟာ အနာဂတ်ကာလတစ်ခုကို ဇာတ်အိမ်တည်ဖွယ်ရှိနေပြီး စိတ်သဘောထားချင်းမတူညီတဲ့ ညီအစ်မနှစ်ယောက်ကို ဇာတ်ကောင်တွေအဖြစ် မြင်ရဖွယ်ရှိကြောင်း သိရပါတယ်။

ပုံစာ - Mahershala Ali (ဝဲဘက်)၊ Elle Fanning (ယာဘက်)။

Ref: Deadline

Sub-Zero ရေးသည်။

#Blade #MahershalaAli #MCU #Predator #Badland #ElleFanning

အရှုံးတွေကိုပိုက်ပြီး ပိတ်ကားပေါ်ကနေ ဆင်းရတော့မယ့် Joker: Folie À Deux

အောက်တိုဘာ ၂၃၊ ၂၀၂၄။

သရုပ်ဆောင် Joaquin Phoenix နဲ့ ဒါရိုက်တာ Todd Phillip ရဲ့ ဒုတိယမြောက် Joker ရုပ်ရှင် Joker: Folie À Deux ဟာ နောက်ဆုံးမှာတော့ အရှုံးတွေပိုက်ပြီး ပိတ်ကားပေါ်ကနေ ဆင်းသွားရတော့မယ့်အခြေအနေကို ရောက်ရှိသွားခဲ့ပြီဖြစ်ပါတယ်။

ကန်ဒေါ်လာ သန်း ၁၉၀ ဘတ်ဂျက်အသုံးပြုထားတဲ့ Warner Bros. ရဲ့ သီးခြား DC ရုပ်ရှင်တစ်ကား​ဖြစ်တဲ့ Joker: Folie À Deux ဟာ အောက်တိုဘာလ ၄ ရက်နေ့မှာကတည်းက ရုံတင်ပြသနေတာဖြစ်ပြီး ဒီကနေ့အထိ မြောက်အမေရိကဒေသတွင်းရုံတင်ငွေ ကန်ဒေါ်လာ ၅၆.၄ သန်းနဲ့ ပြည်ပရုံတင်ငွေ ကန်ဒေါ်လာ ၁၃၅.၅ သန်း၊ စုစုပေါင်း ကန်ဒေါ်လာ ၁၉၁.၉ သန်းကျော်သာပြန်လည်ရရှိခဲ့တာဖြစ်ပါတယ်။

Joker: Folie À Deux ဟာ ရိုက်ကူးရေးဘတ်ဂျက်အပြင် ပရိုမိုးရှင်းကြေးအနေနဲ့လည်း ကန်ဒေါ်လာ သန်း ၁၀၀ ဝန်းကျင် အသုံးပြုထားတာဖြစ်ပြီး ရုံလက်မှတ်ရောင်းရငွေအမြတ်အစွန်းကိုလည်း ရုပ်ရှင်ရုံပိုင်ရှင်တွေနဲ့ စတူဒီယိုအကြား ခွဲဝေယူရတဲ့အတွက် ကန်ဒေါ်လာ သန်း ၄၅၀ ဝန်းကျင်အထိ အရှုံးပေါ်သွားခဲ့နိုင်ကြောင်း သုံးသပ်မှုတွေလည်း တွေ့ရှိရပါတယ်။

အဲဒီလိုအခြေအနေတွေကြောင့် ထုတ်လုပ်သူတွေဟာ အောက်တိုဘာလ ၂၉ ရက်နေ့မှာ Joker: Folie À Deux ကို vod digital စနစ်နဲ့ Amazon, Apple Play နဲ့ Google Play တို့မှာ ဖြန့်ချိရောင်းချပြသမှာဖြစ်ပြီး Digital, 4K Ultra HD ဗားရှင်းတွေကို ဝယ်ယူကြည့်ရှုနိုင်တော့မှာဖြစ်ပါတယ်။

Joker: Folie À Deux ဟာ ရုပ်ရှင်ဆိုင်ရာသတ်မှတ်ချက်တစ်ခုဖြစ်တဲ့ CinemaScore မှာလည်း D+ အဆင့်ရရှိထားသလို IMDb rating 5.3/10, Rotten Tomatoes ရဲ့ Tomatometer နဲ့ Popcornmeter မှာလည်း 32% စီ အသီးသီးရရှိကာ ဝေဖန်ရေးသမားတွေကြားမှာလည်း ရလဒ်ဆိုးတွေထွက်ခဲ့ပါသေးတယ်။

ပထမဆုံးထွက်တဲ့ ၂၀၁၉ ရုပ်ရှင် Joker ဟာ ကန်ဒေါ်လာ ၁ ဘီလျံကျော်အထိရရှိကာ ၆ နှစ်နီးပါး ဝင်ငွေအကောင်းဆုံး R-rated ရုပ်ရှင်အဖြစ် နေရာယူခဲ့ပေမယ့်လည်း Joker: Folie À Deux ကတော့ ခွက်ခွက်လန်ခဲ့ပြီလို့ ပြောရတော့မှာပါ။

Joker: Folie À Deux ဟာ ၂၀၁၉ က ထွက်ခဲ့တဲ့ Joker ရုပ်ရှင်ရဲ့ နောက်ဆက်တွဲရုပ်ရှင်ဖြစ်ပြီး အော်စကာဆုရှင် Joaquin Phoenix က Arthur Fleck အဖြစ် နောက်တစ်ကြိမ်ပြန်လည်ပါဝင်ထားတာဖြစ်ပြီး အဆိုတော် Lady Gaga က Lee အဖြစ် ပါဝင်အားဖြည့်ထားသလို Zazie Beetz (“Atlanta”), Catherine Keener (“Being John Malkovich”) နဲ့ Brendan Gleeson (“The Banshees of Inisherin”) တို့လည်း ပါဝင်ထားကြပါတယ်။

Joker: Folie À Deux ကို Joker ဒါရိုက်တာ Todd Phillip ကပဲ ရိုက်ကူးခဲ့တာဖြစ်ပြီး ဘတ်ဂျက်ငွေ ကန်ဒေါ်လာ သန်း ၁၉၀ ကျော်အထိ အသုံးပြုခဲ့တာဖြစ်ပါတယ်။ ၂၀၁၉ က ထွက်ခဲ့တဲ့ Joker ဟာ ဘတ်ဂျက်ငွေ ကန်ဒေါ်လာ ၅၅ သန်းကနေ သန်း ၇၀ အထိ အသုံးပြုကာ ရုံတင်ငွေစုစုပေါင်း ကန်ဒေါ်လာ ၁.၀၇၄ ဘီလျံအထိရရှိခဲ့သလို သရုပ်ဆောင် Joaquin Phoenix ဟာလည်း အကောင်းဆုံးသရုပ်ဆောင်ဆု အော်စကာဆုကိုရခဲ့ပါသေးတယ်။

Ref: Forbes 

McGarrett ရေးသည်။

#JokerFolieADeux #DC

Christopher Nolan ရဲ့ ရုပ်ရှင်သစ်မှာ Tom Holland လည်း ပါဝင်သွားမယ်

အောက်တိုဘာ ၂၂၊ ၂၀၂၄။

ဟောလိဝုဒ်ရဲ့ နာမည်ကျော်ဒါရိုက်တာတစ်ယောက်ဖြစ်တဲ့hristopher Nolan ဟာ ၂၀၂၃ က ရုံတင်ပြသခဲ့တဲ့ ၎င်းရဲ့ နာမည်ကြီးဆုရရုပ်ရှင် Oppenheimer အပြီးမှာ နောက်ထပ်ရုပ်ရှင်သစ်တစ်ကားကို ရိုက်ကူးသွားမှာဖြစ်ပြီး အဆိုပါရုပ်ရှင်သစ်မှာ Oppenheimer သရုပ်ဆောင် Matt Damon လည်း ပါဝင်သရုပ်ဆောင်သွားမှာဖြစ်ပါတယ်။

Oppenheimer ရုပ်ရှင်မှာ MCU ရုပ်ရှင်တွေက သရုပ်ဆောင် Robert Downey Jr. က antagonist ဇာတ်ကောင် Lewis Strauss အဖြစ် ပါဝင်ခဲ့ပြီး အဆိုပါဇာတ်ကောင်နဲ့ပဲ Robert Downey Jr. ဟာ အော်စကာဆုတစ်ဆုကို ဆွတ်ခူးနိုင်ခဲ့ပါတယ်။ ယခုအသစ်ရိုက်မယ့် Christopher Nolan ရဲ့ ရုပ်ရှင်သစ်မှာလည်း နောက်ထပ် Marvel သရုပ်ဆောင်တစ်ဦး ပါဝင်သွားမှာဖြစ်ကြောင်း သိရှိခဲ့ရပါတယ်။

Marvel Studios နဲ့ Sony တို့ ပူးတွဲရိုက်ကူးခဲ့တဲ့ Spider-Man ရုပ်ရှင်သုံးကားတွဲမှာ ပါဝင်သရုပ်ဆောင်ခဲ့တဲ့ သရုပ်ဆောင် Tom Holland ဟာလည်း Christopher Nolan ရဲ့ ရုပ်ရှင်သစ်မှာ ပါဝင်သွားမှာဖြစ်ကြောင်း အတည်ပြုနိုင်ခဲ့ပြီဖြစ်ပါတယ်။ သို့ပေမယ့်လည်း ဘယ်ဇာတ်ကောင်နေရာကနေ ပါဝင်သွားမယ်ဆိုတာကိုတော့ မသိရသေးပါဘူး။

Christopher Nolan ရဲ့ အဆိုပါရုပ်ရှင်သစ်ကို Oppenheimer ကိုရိုက်ကူးခဲ့တဲ့ Universal Studio မှာပဲရိုက်ကူးဖြန့်ချိသွားမှာဖြစ်ပြီး Christopher Nolan နဲ့ ၎င်းရဲ့ဇနီးသည် Emma Thomas တို့ရဲ့ ထုတ်လုပ်ရေးကုမ္ပဏီ Syncopy ကပဲ ထုတ်လုပ်သွားမှာဖြစ်ပါတယ်။

Nolan ရဲ့ အဆိုပါရုပ်ရှင်သစ်ကို ၂၀၂၅ နှစ်ဦးပိုင်းမှာစတင်ရိုက်ကူးကာ ဇူလိုင် ၁၇၊ ၂၀၂၆ မှာ ရုံတင်ပြသမှာဖြစ်ပေမယ့်လည်း ကျန်အသေးစိတ်အချက်အလက်ကိုတော့ မသိရသေးပါဘူး။

Ref: THR

Sub-Zero ရေးသည်။

#ChristopherNolan #MattDamon #TomHolland #UniversalStudios

Barbie ရဲ့ အမေရိကန်ပြည်တွင်းရုံတင်ငွေကို Deadpool & Wolverine ကျော်သွားပြီ

အောက်တိုဘာ ၂၂၊ ၂၀၂၄။

၂၀၂၃ ခုနှစ်ကရုံတင်ပြသခဲ့တဲ့ ဒါရိုက်တာ Greta Gerwig ရဲ့ fantasy ရုပ်ရှင် Barbie ဟာ ရုံတင်ငွေစုစုပေါင်း ကန်ဒေါ်လာ ၁.၄၄၆ ဘီလျံကျော်အထိရရှိခဲ့ပြီး ၂၀၂၃ ရဲ့ ဝင်ငွေအကောင်းဆုံးရုပ်ရှင်တစ်ကားအဖြစ် မှတ်တမ်းဝင်ခဲ့ဖူးပါတယ်။

သို့ပေမယ့် ယခုနှစ်မှာရုံတင်ပြသခဲ့တဲ့ Marvel Superhero ရု​ပ်ရှင်ဖြစ်တဲ့ Deadpool & Wolverine ကတော့ Barbie ရဲ့ ​စံချိန်ကို လုယူခဲ့ပြီဖြစ်ပါတယ်။

Deadpool & Wolverine ဟာ Barbie ရုပ်ရှင်ကိုကျော်တက်ပြီး ပြည်တွင်းရုံတင်ငွေအကောင်းဆုံးရုပ်ရှင် အဆင့် ၁၂ နေရာကို ရယူခဲ့တာဖြစ်ပြီး ကန်ဒေါ်လာ ၆၃၆.၃ သန်းကျော်အထိရရှိခဲ့တာပါ။ (Barbie ရုပ်ရှင်ကတော့ မြောက်အမေရိကပြည်တွင်းရုံတင်ငွေ ကန်ဒေါ်လာ ၆၃၆.၂ သန်းအထိရရှိခဲ့တာပါ။)

ပြည်တွင်းရုံတင်ငွေအရသာ ကျော်တက်ခဲ့ပေမယ့်လည်း စုစုပေါင်းရုံတင်ငွေအရမှာတော့ Barbie ​က Deadpool & Wolverine ထက် သာလွန်လျက်ရှိနေပြီး အဆင့် ၁၂ တစ်သက်တာဝင်ငွေအကောင်းဆုံးရုပ်ရှင်အဖြစ် Barbie က ရပ်တည်နေပါတယ်။

အမျိုးသမီးဒါရိုက်တာ Greta Gerwig ရိုက်ကူးခဲ့တဲ့ Barbie ရုပ်ရှင်ဟာ Mattel ကုမ္ပဏီရဲ့ ကစားစရာအရုပ်တစ်မျိုးဖြစ်တဲ့ Barbie အရုပ်တွေအကြောင်းကိုအ​ခြေတည်ကာရိုက်ကူးထားတာဖြစ်ပြီး Barbie အရုပ်တစ်ရုပ်ဟာ Barbieland ကနေ ပြင်ပကမ္ဘာထဲကိုရောက်ရှိသွားပုံနဲ့ Ken ရဲ့ Barbieland အပေါ် လွှမ်းမိုးဖို့ကြိုးပမ်းပုံကို ရိုက်ကူးထားတာဖြစ်ပါတယ်။

Deadpool & Wolverine ကို Free Guy နဲ့ The Adam Project ဒါရိုက်တာ Shawn Levy က ရိုက်ကူးပေးထားတာဖြစ်ပြီး မူရင်း Deadpool ဇာတ်လမ်းဆရာတွေဖြစ်တဲ့ Rhett Reese နဲ့ Paul Wernick တို့က ဇာတ်လမ်းရေးသားပေးခဲ့တာဖြစ်ပါတယ်။

Deadpool & Wolverine မှာ Ryan Renolds နဲ့ Hugh Jackman အပြင် Leslie Uggams (Blind Al), Karan Soni (Dopinder), Morena Baccarin (Vanessa), Rob Delaney (Peter), Brianna Hildebrand (Negasonic Teenage Warhead), Shioli Kutsuna (Yukio) နဲ့ Stefan Kapičić (Colossus) တို့လည်း ပြန်လည်ပါဝင်ထားသလို The Crown သရုပ်ဆောင် Emma Corrin ကလည်း Deadpool & Wolverine ရဲ့ ဗီလိန်ဇာတ်ကောင် Cassandra Nova နေရာကနေ ပါဝင်ထားပါတယ်။

Ref: Internet

Sub-Zero ရေးသည်။

#DeadpoolAndWolverine #MCU #RyanRenolds #HughJackman #Barbie

ဖြေမဆယ်နိုင်အောင် လုံးဝငိုကြရမယ့် Stranger Things ရဲ့ ဇာတ်သိမ်းပိုင်း

အောက်တိုဘာ ၂၁၊ ၂၀၂၄။

Netflix ရဲ့ နာမည်ကျော်ဇာတ်လမ်းတွဲတစ်ခုဖြစ်တဲ့ Stranger Things ဟာ Season 5 မှာ အဆုံးသတ်သွားမှာဖြစ်ပြီး Season 5 ကို အချိန်တစ်ခုမှာ စောင့်မျှော်ကြည့်ရှုသွားနိုင်တော့မှာဖြစ်ပါတယ်။

Stranger Things ဇာတ်လမ်းတွဲရဲ့ နောက်ဆုံး Season ဖြစ်တဲ့ Season 5 နဲ့ ပတ်သက်ပြီး ပရိသတ်တွေဘက်က စောင့်မျှော်လျက်ရှိနေပြီး Stranger Things သရုပ်ဆောင်တစ်ဦးဖြစ်တဲ့ David Harbour ကတော့ နောက်ဆုံး Season ရဲ့ နောက်ဆုံးဇာတ်သိမ်းပိုင်းမှာ ပရိသတ်တွေငိုကြမှာသေချာကြောင်း အာမခံလာခဲ့ပါတယ်။

Stranger Things မှာ Jim Hoper နေရာကနေ ပါဝင်ခဲ့တဲ့ သရုပ်ဆောင် David Harbour ဟာ ၎င်းတို့အနေနဲ့ Stranger Things တစ်ခုလုံးရဲ့ နောက်ဆုံးဇာတ်သိမ်းပိုင်းအတွက် ဇာတ်ညွှန်းဖတ်ကြတဲ့အခါမှာ သရုပ်ဆောင်အများစုက မျက်ရည်ကျကာငိုခဲ့ကြကြောင်း Happy Sad Confused podcast အစီအစဥ်ရဲ့အပိုင်းတစ်ခုမှာ အခုလိုဖောက်သည်ချလာပါတယ်။

"ဒီအပိုင်းရဲ့အဆုံးသတ်က ကျွန်တော်တို့ဖတ်နေတုန်းမှာတင်ပဲ၊ ဖတ်နေတုန်းမှာတင်ကိုနော်၊ တစ်ဝက်လောက်နေတော့ လူတွေကထငိုလာကြရော။ နောက်ဆုံးမိနစ် ၂၀ လောက်လဲကျရော လူတွေက ထိန်းမရသိမ်းမရငိုကြရော၊ လူအမျိုးမျိုးရဲ့နှုတ်ဆက်မှုပေါ့။"

Stranger Things Season 5 ရဲ့ ရိုက်ကူးရေးကို ၂၀၂၄ ခုနှစ် ဇန်နဝါရီလမှာ စတင်ခဲ့တာဖြစ်ပြီး Noah Schnapp, Winona Ryder, David Harbour, Millie Bobby Brown, Finn Wolfhard, Gates Matarazzo, Caleb McLaughlin, Sadie Sink, Natalia Dyer, Charlie Heaton, Joe Keery, Maya Hawke နဲ့ Priah Ferguson တို့အကုန်လုံးနီးပါးပြန်လည်ပါဝင်လာမှာဖြစ်ပါတယ်။

Ref: Deadline

Sub-Zero ရေးသည်။

#FrankDarabont #StrangerThings

Gladiator ဇာတ်လမ်းဆရာ ရိုက်ကူးမယ့် အလက်ဇန္ဒားဘုရင် ဇာတ်လမ်းတွဲသစ်

အောက်တိုဘာ ၂၁၊ ၂၀၂၄။

ဒါရိုက်တာ Ridley Scott ရဲ့ အော်စကာဆုရရုပ်ရှင် Gladiator ရဲ့ ဇာတ်လမ်းဆရာ David Franzoni ဟာ နောက်ထပ်သမိုင်းနောက်ခံပရောဂျက်တစ်ခုကို ဖန်တီးထုတ်လုပ်သွားဖို့ ပြင်ဆင်နေပြီဖြစ်ပါတယ်။

David Franzoni ကိုယ်တိုင်ရေးသားခဲ့တဲ့ အလက်ဇန္ဒားဘုရင်အကြောင်း ရုပ်ပြဝတ္တုတစ်အုပ်ကို Alexander Immortal ဆိုတဲ့ ဇာတ်လမ်းတွဲတစ်ခုအဖြစ် ရိုက်ကူးထုတ်လုပ်သွားမှာဖြစ်ပြီး ၂၀၂၅ မှာ ထုတ်လွှင့်ပြသသွားမှာဖြစ်ကြောင်း အတည်ပြုနိုင်ခဲ့ပါတယ်။

Alexander Immortal ဟာ အလက်ဇန္ဒားဘုရင်ရဲ့ အိန္ဒိယကျူးကျော်စစ်ကာလနဲ့ အိန္ဒိယကျူးကျော်စစ်မှာ ပေါရပ်စ်ဘုရင်ကြောင့်စစ်ရှုံးခဲ့ရပြီးကာလအခြေအနေတွေကို အဓိကကြည့်ရှုရမှာဖြစ်ပါတယ်။ ရုပ်ပြဝတ္ထုရဲ့ဖြန့်ချိရေးကုမ္ပဏီဖြစ်တဲ့ Graphic India နဲ့ ရုပ်သံကုမ္ပဏီတစ်ခုဖြစ်တဲ့ Starlings Television တို့က ပူးတွဲထုတ်လုပ်သွားကြမှာပါ။

Alexander ဆိုတဲ့ ၂၀၀၃ ရုပ်ရှင်တစ်ကားလည်း ထွက်ခဲ့ဖူးသလို ယခုဇာတ်လမ်းတွဲဟာလည်း အလက်ဇန္ဒားဘုရင်ရဲ့ ဘဝအချိုးအကွေ့ကြီးတစ်ခုကို အဓိကမြင်တွေ့ရနိုင်ချေရှိပါတယ်။

Ref: Deadline

Sub-Zero ရေးသည်။

#AlexanderTheGreat

ကြည့်နေရင်း မျက်ရည်ကျမိတဲ့ ရုပ်ရှင် The Wild Robot

အောက်တိုဘာ ၂ဝ ၊ ၂ဝ၂၄။

The Wild Robot ကတော့ ၂၀၂၀ ခုနှစ်ကနေ ယနေ့အထိ ထွက်ခဲ့တဲ့ sequel မဟုတ်တဲ့ Animation ရုပ်ရှင်တွေကို ကျော်တက်ပြီး တစ်ပတ်အတွင်း ၃၅ သန်း ရှာနိုင်ခဲ့တဲ့ ရုပ်ရှင်ဖြစ်ပါတယ်။

အရင်ဆုံးပြောချင်တာက ဒီဇာတ်ကားကို မသေခင် ကြည့်ကိုကြည့်သွားသင့်တဲ့ ဇာတ်ကားလို့ပြောချင်ပါတယ်။ နောက်တစ်ကြိမ်လည်း ထပ်ကြည့်မိမယ့် ဇာတ်ကားထဲလည်းပါပါတယ်။

အရင်ဆုံး Plot ကတော့ Spoiler ဖြစ်မှာဆိုးလို့မပြောတော့ပါဘူး။ တော်တော်များများလည်း ပိတ်ရက်မှာ လည်နေကျတာဆိုတော့ မကြည့်ရသေးပဲ Plot ကို တန်းပြောလိုက်ရင် ဇာတ်လမ်းပေါ့သွားမှာဆိုးလို့ပါ။

ဒီဇာတ်ကားက ပြောရရင် The Iron Giant လို Vibe မျိုးရတယ်။ လွမ်းလွမ်းဆွေးဆွေးလေးနဲ့ ကြည့်တဲ့သူကို နောက်ဆုံးမှာ ငိုချင်လာအောင် လုပ်သွားတယ်။ ဟာသလေးတွေလည်းပါတယ်။ ဒါပေမယ့် မပေါဘူး။ Voice Actor တွေကလည်း အကုန်လုံးက Perfect ဖြစ်နေတယ်။ အထူးသဖြင့် Roz နေရာမှာ အသံသရုပ်ဆောင်တဲ့ Lupita ဆိုရင် အသံနဲ့တင် သူ့ရဲ့နွေးထွေးမှုဆိုတဲ့ ရုပ်လုံးပေါ်တယ်။ Fink ဆိုတဲ့ မြေခွေးနေရာမှာ မင်းသားကြီး Pedro Pascal က ဟာသလေးတွေ ပြောပြီး ပါဝင်အားဖြည့်ပေးတော့ ပိုမိုက်သွားတယ်ခံစားရတယ်။

ကောင်းတာတွေ ပြောရရင် စက်ရုပ်နဲ့ တိရစ္ဆာန် တွေကြားထဲက Connection ကို အချိတ်ဆက်မိမိနဲ့ ပေါ်လာအောင်လုပ်ပြထားတယ်။ ငန်းပေါက်လေးနဲ့ဆိုလည်း ငန်းလေး အနွေးဓာတ်ရဖို့ Roz လည်ပင်းနားမှာအိပ်တာတွေ။ Roz က လည်ပင်းကိုလက်နဲ့ထိတိုင်း ငန်းလေးကို ပြန်အမှတ်ရတာလေးတွေက ကြည့်နေရင်းနဲ့ ဇာတ်လမ်းက ပေးချင်တဲ့ Message နဲ့ စက်ရုပ်ရဲ့ မေတ္တာ ကြီးမားပုံတွေက ပိုကြွလာတယ်ခံစားရတယ်။

ဇာတ်လမ်းက ပေါ့ပေါ့ပါးပါးလေးလို့ထင်ရပေမယ့် Plot က နောက်ဆုံးထိကို မပျင်းပဲ ဆွဲခေါ်သွားတယ်။ နောက်ဆုံးအပိုင်းအထိကို Emotion လုံးဝ မကျပဲ ဇာတ်လမ်းက ဘာဖြစ်မယ်မှန်း သိနေသည့်တိုင်အောင် ကောင်းလွန်းနေလို့ ဆက်ကြည့်ချင်အောင်ဖြစ်မိပါတယ်။

ဇာတ်လမ်းက အဲဒီလောက်လည်း မဟုတ်ပါဘူးလို့ပြောတဲ့သူကတော့ ဒီဇာတ်ကားကို မခံစားတတ်တဲ့သူလို့ သတ်မှတ်ရမှာပါ။

ကိုယ်ပိုင်အမြင်ကတော့ ဒါမျိုးရုပ်ရှင်တွေမြင်ဖူးတယ်ဆိုပေမယ့် မတူညီတဲ့ပုံစံနဲဲ့ချပြလာတော့ အားလုံးရဲ့ ရင်ထဲကိုရောက်သွားတာတော့အမှန်ပဲ။

ဇာတ်ကားထဲမှာ သုံးထားတဲ့ Sound Effect တွေကလည်း နူးညံ့ပြီး Soft ဖြစ်တယ်။ Dreamworks ရဲ့ Masterpiece ဖြစ်တဲ့ How to train your dragon ထဲက Theme ကြီးလိုပဲ Cinematic လုံးဝဖြစ်လို့ လူကြမ်းကြီးတွေကိုတောင် နူးညံ့သွားစေတဲ့အထိ ခံစားလို့ကောင်းတယ်။ ဇာတ်ဝင်တေးလေးတွေလည်း မဆိုးဘူး။

သေသေချာချာကြည့်မယ်ဆိုရင် ဒီဇာတ်ကားမှာ သုံးထားတဲ့ Animation Style က ထူးခြားနေတယ်ခံစားရတယ်။ 2D နဲ့ 3D ရောထားသလိုလုပ်ထားတယ်။ Puss and Boots: The Last Wish မှာ ဒါမျိုး Effect သုံးထားတယ်ဆိုပေမယ့် ဒီဇာတ်ကားရဲ့ Art Style က တော်တော်လေးလှနေတာမျိုးတွေ့ရတယ်။ ရှု့ခင်းအလှတွေရယ်၊ ကျွန်းရဲ့ပုံစံက ငယ်ငယ်ကကြည့်ခဲ့တဲ့ ကာတွန်းကားတွေပြန်ကြည့်နေရသလိုခံစားရတယ်။

အချုပ်အားဖြင့်ပြောရရင်တော့ ဇာတ်ကားတစ်ကားကြည့်လိုက််ရတာ တန်တယ်လို့ ခံစားလိုက်ရတယ်။ အချ်ိန်လည်း Waste မဖြစ်ဘူး နောက်ပြန်ကြည့်ချင်တဲ့အချိန်ပြန်ကြည့်ရင်တောင် Old But Gold ဖြစ်နေမယ့် ရုပ်ရှင်ပါ။

Rating ကတော့ ကျွန်တော်အနေနဲ့ မိဘမေတ္တာငတ်နေတဲ့သူမို့လို့ရယ် Emotional ထိိန်းမရအောင် ထိဖြစ်ခဲ့အတွက် 8.9/10 လောက်ကိုပေးပါတယ်။

MVE Score: 8.9/10

John Snow ရေးသည်။

#MyanmarVarientEntertainment #TheWildRobotMovie #review #bestanimation

Game of Throne လိုမဖြစ်စေရဘူးလို့ Stranger Things အာမခံတယ်

အောက်တိုဘာ ၂၀၊ ၂၀၂၄။

Stranger Things ရဲ့ Final Season ကတော့ ပရိတ်သတ်ရှေ့မှောက်ရောက်လာဖို့သိပ်မလိုတော့ပါဘူး။ ဒီအချိန်လေးမှာ ပရိသတ်တွေဘက်ကလည်း ရင်ခုန်နေကြပြီး Stranger Things ကို Game of Throne လိုမျိုး နောက်ဆုံးဇာတ်သိမ်းခန်းရောက်ကာမှ စိတ်ပျက်ရမှာကိုမလိုလားကြပါဘူး။

ဒါကို Stranger Things ရဲ့ ပဲ့ကိုင်ရှင်တွေဖြစ်ကြတဲ့ Duffer Brothers ကလည်းသိပုံပါပဲ။ Final Season ကိုအကောင်းဆုံးဖြစ်အောင်လုပ်နေပြီး Game of throne ကလိုအမှားမျိုးကိုမဖြစ်အောင်ကြိုးစားနေကြောင်း သိရပါတယ်။

Stranger Things ရဲ့ Editor Dean Zimmerman က Deadpool And Wolverine ရုပ်ရှင်နဲ့ ပတ်သတ်ပြီး Screen Rant သတင်းဌာနနဲ့ အင်တာဗြူးဖြေရာက Stranger Things Final Season အကြောင်း ပြောပြလာတာပါ။

Stranger Things က မကြာခင်မှာစတော့မှာပါ။ပရိတ်သတ်တွေတွေးနိုင်တာထက် ပိုပြီးကြီးမားကျယ်ပြန့်တယ်။ ကျွန်တော် Season တခုကိုစလုပ်တိုင်း ဒီထက်တော့ပိုကောင်းမလာနိုင်တော့ဘူးလို့ထင်ပေမဲ့ Stranger Things က ကျွန်တော်မှားတယ်လို့အမြဲသက်သေပြခဲ့တယ်။ ဒီရှိုးကိုရိုက်ဖို့ ထူးဆန်းပြီး အရမ်းမိုက်တဲ့နည်းလမ်းတွေကို သုံးဖို့အတွက် Duffer တွေဘယ်လောက်တောင်ဉာဏ်ရည်ထက်မြက်သလဲဆိုတာကို ကျွန်တော်အမြဲအံ့သြနေခဲ့တာပါ။

"Final Season အတွက် သူတို့ရဲ့​ဦးတည်ချက်ကတော့ Games Of Throne မလုပ်နိုင်ခဲ့တဲ့ ​ဇာတ်သိမ်းခပ်ကောင်းကောင်းတခုကို လုပ်နိုင်ဖို့ပဲ။ ပြီးပြည့်စုံတဲ့အဆုံးသတ်ကလွဲလို့ ကျန်တာကိုသူတို့ဦးတည်မှာမဟုတ်​ဘူး။ ဒီတော့ ခင်​​ဗျားတို့ စိတ်ပျက်ရမှာမဟုတ်ဘူးလို့ ပြောရဲတယ်။

နောက်ပြီးတော့ ထပ်ပြောရဲတာတခုက ခင်​​​ဗျားတို့ Season 4 မှာရခဲ့တဲ့ အကြောင်းအရာတွေနဲ့တူညီတဲ့ပမာဏကို ကြည့်ရမယ်။ ဒါမှမဟုတ် အဲ့ထက် နည်းနည်းပိုရင်လည်းပိုမယ်လို့ အတိအကျအာမခံနိုင်ပါတယ်။"(Runtime ကိုပြောတာဖြစ်နိုင်)

Stranger Things ဟာ အခုဆိုရင်ရိုက်ကူးရေးတွေပြီးလုနီးနေပြီဖြစ်ပြီး Post Production အတွက် လုပ်ငန်းစဉ်တွေစလာတော့မှာပဲ ဖြစ်ပါတယ်။

Behind The Scene ပုံတွေအရတော့ Season 1 တုန်းက Location တွေ Scene ​တွေကိုပြန်လည်ပုံဖော်ထားတာကြောင့် Time Travel သို့မဟုတ် မှတ်ဉာဏ်ထဲရောက်သွားတာမျိုးဖြစ်မယ်လို့ယူဆရပါတယ်။

Joyce တယောက် Willပျောက်ဆုံးသွားစဉ်က သားဇောနဲ့ ရူးမတက်ခံစားရပြီး နံရံမှာ မီးလုံးတွေတပ်ကာ Upsidedown က Will နဲ့ဆက်သွယ်ဖို့ကြိုးစားခဲ့တဲ့ Scene ကို ပြန်လည်ပုံဖော်ထားတာမို့ Joyce တယောက် အဲ့ဒီအချိန်ကိုရောက်သွားခဲ့တာလား ဒါမှမဟုတ် Vecna လက်ချက်နဲ့ မှတ်ဉာဏ်ဆိုးထဲမှာပိတ်မိနေတာလား ဆိုတာတွေးစရာပါပဲ။

ဒါ့အပြင် Will တယောက် Upsidedown ထဲက သူ့ရဲ့ Castle Buyers မှာ ပုန်းအောင်းနေတုန်းကပုံစံကိုပြန်လည်ပုံဖော်ထားပြီး လက်ရှိ Will Buyers အကြီးရော အငယ်ရော Castle Buyers ထဲမှာရှိနေတာတွေ့ရတာပါ။သ

နောက်ထပ်ကြားရတဲ့သတင်းတချို့အရ ရဲမှူး Jim Hopper ရဲ့ သမီးအရင်းဖြစ်သူ Sara Hopper နေရာအတွက် သရုပ်ဆောင် ကလေးမတဦးကို ရှာဖွေရွေးချယ်ခဲ့တယ်လို့သိရပါတယ်။ ဒါကြောင့် ရဲမှူး Jim Hopper ရဲ့မှတ်ဉာဏ်ဆိုးတခုအနေနဲ့ပုံဖော်ပြသပေးမယ်လို့ ယူဆရပါတယ်။

Stranger Things ဇာတ်လမ်းတွဲဟာ ကျွန်တော့်ဘဝရဲ့အစိတ်အပိုင်းတခုအဖြစ်ပါဝင်ခဲ့ပေးပြီး Stranger Things ကြည့်ရင်း ပျော်စရာ ၊ ဝမ်းနည်းစရာ၊ ရသအမျိုးမျိုးကို ကြုံခဲ့ရပါတယ်။

ဒီဇာတ်လမ်းတွဲကြီးပြီးသွားခဲ့ရင်တောင် ကျွန်တော်ကတော့ တနှစ်တခါလောက်ပြန်ကြည့်ဖြစ်နေဦးမယ်ထင်ပါတယ်။ ပရိတ်သတ်ကြီးရော ဘယ်လိုခံစားခဲ့ရလဲ။ ကွန်မန့်မှာ ရေးသွားနိုင်ပါတယ်။

Ref: Internet

Mr. Wilddog ရေးသည်။

#StrangerThings #Netflix #GameOfThrones #HBO

Alien: Romulus (2024) | အထင်အမြင်

စွန့်ပစ်ထားတဲ့အာကာသစခန်းတစ်ခုကို ရောက်ရှိသွားရာကနေ အာကာသစခန်းထဲမှာဘာတွေရှိနေလဲဆိုတာကိုမသိကြပဲ စူးစမ်းမိရာကနေ ကြောက်မက်ဖွယ်ရာတွေဖြစ်လာတဲ့အခါမှာ.....

အရင်ဆုံး ဘယ်ကစပြောရမလဲဆိုရင် Disney က 20th Century Fox ရဲ့ ပရောဂျက်တွေထဲမှာ Planet of the Apes, Predator နဲ့ အခု Aliens မှာ ပရိသတ်ကိုစိတ်ပျက်ရအောင်မလုပ်ခဲ့ဘူးဆိုတာနဲ့ပဲ စချီးကျုးချင်တယ်။ အခု Alien: Romulus က အနိမ့်ဆုံး Alien: Requiem ကို မှီပါ့မလားဆိုပြီး ဘုရား တ ပြီး ကြည့်ခဲ့ရပေမယ့် ရလဒ်ကတော့ Prometheus ကို အများကြီး inspire ယူထားပြီး အကောင်းဆုံးဖန်တီးထားတယ်လို့ မြင်မိတယ်။

ဇာတ်လမ်းက twist ​ဖြစ်တယ်လို့ယူဆရပေမယ့် တကယ့်တကယ်က ရိုးရှင်းတဲ့ horror ဇာတ်လမ်းတစ်ခုကို ပရိသတ်တွေခေါင်းစားအောင် လှည့်ထားတယ်လို့ပြောရင်ပိုမှန်တယ်။ ဇာတ်ကောင်တွေက အံဝင်ဂွင်ကျရှိသလို ဇာတ်ကောင်နဲ့သရုပ်ဆောင် လိုက်ဖက်မှုရှိတယ်လို့မြင်တယ်။ Horror element ကောင်းကောင်းသုံးထားတာတွေ့ရတယ်၊ ဒါပေမယ့် Xenomorph တွေနဲ့ပတ်သက်ပြီး အရင်ရုပ်ရှင်တွေကနေ ထိုးဖောက်သွားနိုင်တာကတော့ Xenomorph တွေရဲ့ ဇီဝကမ္မဖြစ်စဥ်ကို နည်းနည်းပိုပြီး detail ပြနိုင်တာကလွဲရင် ကျန်တာတွေက အရင် Alien ရုပ်ရှင်တွေလိုမျိုး ခေါက်ရိုးကျိုးနေတယ်လို့ပြောရမှာပဲ။

Sci-fi horror ရုပ်ရှင်အနေနဲ့ Alien: Romulus က ရလဒ်ကောင်းတယ်လို့မြင်ပေမယ့် Alien ရုပ်ရှင်အနေနဲ့ဆိုရင်တော့ ဇာတ်သိမ်းအထိမကြည့်ပဲ တစ်ဝက်လောက်ကနေ ဖြတ်ပြီးသုံးသပ်ရင် ကြည့်ရတာအဆင်မပြေဘူးလို့ တွေးမိကြမှာပဲ။ ဒါပေမယ့် အပေါ်မှာပြောခဲ့တဲ့အတိုင်း Alien: Romulus က Prometheus ကို အများကြီး Inspire ယူထားတာဆိုတော့ ဆက်ကြည့်လိုက်ရင် အများကြီးသဘောမကျရင်တောင် မဆိုးပါဘူး လို့တော့ မှတ်ချက်ပြုကောင်းပြုနိုင်တယ်၊ ဇာတ်သိမ်းကိုတော့ အရှေ့က Prometheus ကို သေချာကြည့်ထားရင် သေချာပေါက်နားလည်မယ်လို့ထင်ပါတယ်။

သရုပ်ဆောင်အပိုင်းတွေမှာပြောရရင် AI စက်ရုပ်နေရာမှာ Michael Fassbender ကို ဘယ်ဟာမှမကျော်နိုင်သေးတာကို တွေ့ရတယ်။ Cailee Spaeny နဲ့ Isabela Merced က ဒီလို genre တွေနဲ့ သိပ်မလိုက်ပေမယ့် ဇာတ်လမ်းကို ကောင်းကောင်းသရုပ်ဆောင်ပြသွားနိုင်တယ်လို့ မြင်မိတယ်။ နောက်တစ်ခုက Cailee Spaeny က ဒီ level အတိုင်း ဆက်သွားရင် နောက်ပိုင်းမှာ blockbuster project တွေကို သရုပ်ဆောင်စကေးနဲ့ ရလာနိုင်တဲ့ talented star ဖြစ်လာနိုင်တယ်။ (တချို့တွေလို body လှလို့ A-list ရောက်တာမျိုးတော့မဟုတ်ဘူးပေါ့)

ကျွန်တော့်အမြင်မှာ Alien: Romulus က horror tone ဘက်ကို Xenomorph တွေနဲ့မသွားပဲ ဇာတ်လမ်းအရ horror tone ဘက်ရောက်အောင်သွားထားတော့ကျ အရင်က Alien တွေလောက် သိပ်သဘောမကျမိသလိုခံစားရပေမယ့် အရင် Alien ရုပ်ရှင်တွေရဲ့ easter egg တွေကို ကောင်းကောင်းသုံးပေးထားတာနဲ့ ကျေနပ်မိပါတယ်။

MVE Score: 7/10

McGarrett ရေးသည်။

#AlienRomulus #CaileeSpaeny

အဖွင့်ရုံတင်ငွေအားကောင်းနေတဲ့ Paramount ရဲ့ Smile 2 ရုပ်ရှင်

အောက်တိုဘာ ၂၀၊ ၂၀၂၄။

၂၀၂၂ ခုနှစ်က ရုံတင်ပြသခဲ့တဲ့ Paramount ရဲ့ psychological horror ရုပ်ရှင် Smile ဟာ မြန်မာပရိသတ်တွေအကြား လူပြောများခဲ့တဲ့ ရုပ်ရှင်တစ်ကားဖြစ်ပြီး နောက်ဆက်တွဲရုပ်ရှင်ဖြစ်တဲ့ Smile 2 ဟာလည်း အောက်တိုဘာလ ၁၈ ရက်နေ့ကစတင်ကာ ရုံတင်ပြသနေပြီဖြစ်ပါတယ်။

CinemaScore B- အဆင့်ရရှိထားတဲ့ Smile 2 ဟာ စတင်ရုံတင်တဲ့နေ့မှာတင်ပဲ ကန်ဒေါ်လာ ၉.၄ သန်းကျော်အထိရရှိခဲ့တာဖြစ်ပြီး ကန်ဒေါ်လာ ၂၈ သန်း ဘတ်ဂျက်အသုံးပြုထားတဲ့ horror ရုပ်ရှင်တစ်ကားအတွက် ဒါဟာကောင်းမွန်တဲ့ဝင်ငွေရလဒ်တစ်ခုလည်းဖြစ်ပါတယ်။ ပထမရုပ်ရှင် Smile ဟာ ပထမရက်သတ္တပတ်မှာတင် ကန်ဒေါ်လာ ၂၂ သန်းအထိ အဖွင့်ရုံတင်ငွေရရှိခဲ့တာကြောင့် Smile 2 ဟာလည်း ပထမရုပ်ရှင်ထက်ပိုမိုအောင်မြင်သွားနိုင်ကြောင်း အချို့က သုံးသပ်နေကြပါတယ်။

အကယ်၍ Smile 2 သာ အောင်မြင်သွားခဲ့ရင် Paramount အနေနဲ့ Smile 3 ကို ထပ်ထုတ်ဖို့အတွက်ပါ စီစဥ်ကောင်းစီစဥ်သွားနိုင်ပါတယ်။

Smile ဟာ Laura Hasn't Slept ဆိုတဲ့ short film ကို အ​​​ခြေခံကာ ရိုက်ကူးထားတာဖြစ်ပြီး short film ဒါရိုက်တာ Parker Finn ကပဲ ရိုက်ကူးပေးထားတာဖြစ်ပါတယ်။ ဘတ်ဂျက် ကန်ဒေါ်လာ ၁၇ သန်း အသုံးပြုကာ ကန်ဒေါ်လာ ၂၁၇ သန်းဝန်းကျင်အထိ ဝင်ငွေပြန်ရခဲ့တာကြောင့် sequel ဖြစ်တဲ့ Smile 2 ကို ဆက်လက်ထုတ်လုပ်ဖို့ခွင့်ပြုလာခဲ့တာပါ။

Smile 2 ကို ပထမ Smile ရဲ့ ဒါရိုက်တာ Parker Finn ကပဲ ဇာတ်လမ်း၊ ဇာတ်ညွှန်း၊ ဒါရိုက်တာနေရာတွေကိုတာဝန်ယူကာ ဆက်လက်ရိုက်ကူးပေးထားတာဖြစ်ပြီး Disney ရဲ့ Aladdin သရုပ်ဆောင် Naomi Scott က အဓိကနေရာကနေ ပါဝင်ထားလျက်ရှိပါတယ်။ Naomi Scott နဲ့အတူ မင်းသား Jack Nicholson ရဲ့ သားဖြစ်သူ Ray Nicholson လည်း ​ပါဝင်ထားလျက်ရှိပြီး Rosemarie DeWitt, Kyle Gallner, Lukas Gage, Miles Gutierrez-Riley, Peter Jacobson, Raúl Castillo နဲ့ Dylan Gelula တို့လည်း ပါဝင်ထားကြပါသေးတယ်။

Naomi Scott ဟာ Lionsgate ရဲ့ Power Rangers reboot ရုပ်ရှင်နဲ့ Sony ရဲ့ Charlie's Angels reboot တွေမှာလည်း ပါဝင်ခဲ့သလို A24 ကုမ္ပဏီရဲ့ရုပ်ရှင်သစ် Wizards မှာလည်း Lord of The Rings သရုပ်ဆောင် Orlando Bloom နဲ့အတူ ပါဝင်သရုပ်ဆောင်ဖို့ရှိပါသေးတယ်။

Ref: Deadline

Sub-Zero ရေးသည်။

#Paramount #Smile #NaomiScott

Bãhubali 3 ထပ်ထုတ်ဖို့ ဆွေးနွေးနေကြပြီ

အောက်တိုဘာ ၂၀၊ ၂၀၂၄။

၂၀၁၅ နဲ့ ၂၀၁၇ နှစ်က အသီးသီးထွက်ရှိခဲ့တဲ့ ဒါရိုက်တာ S. S. Rajamouli ရဲ့ fantasy ရုပ်ရှင်တွေဖြစ်ကြတဲ့ Bãhubali: The Beginning နဲ့ Bãhubali: The Conclusion တို့ဟာ ဝင်ငွေအရမှာသာမက အနုပညာအရမှာလည်း အောင်မြင်မှုများစွာရရှိခဲ့ပါတယ်။

အဲဒီလိုအောင်မြင်မှုတွေအပြင် အခြား Telugu ရုပ်ရှင်တွေဖြစ်ကြတဲ့ RRR, Pushpa: The Rise နဲ့ Kalki 2898 AD တို့ရဲ့ ထပ်မံအောင်မြင်မှုတွေကြောင့် ထုတ်လုပ်သူတွေဟာ Bãhubali 3 ထုတ်လုပ်ဖို့အတွက် စီစဥ်နေကြပြီဖြစ်ပြီး လက်ရှိမှာ ဆွေးနွှေးမှုတွေပြုလုပ်နေလျက်ရှိကြောင်းသိရပါတယ်။

ပထမ Bãhubali နှစ်ကားရဲ့ထုတ်လုပ်သူတစ်ဦးဖြစ်သူ KE Gnanavel Raja ကတော့ ၎င်းတို့အနေနဲ့ Bãhubali 3 ထုတ်ဖို့ စီစဥ်နေလျက်ရှိကြောင်းကို Hindustan Times သတင်းစာနဲ့ အင်တာဗျူးတစ်ခုမှာ အခုလိုမှတ်ချက်ပြုလာပါတယ်။

" Bãhubali 3 ကတော့ စီစဥ်ဆဲအဆင့်မှာပဲရှိပါတယ်။ ပြီးခဲ့တဲ့အပတ်က ဒါရိုက်တာနဲ့ဆွေးနွေးနေတဲ့အချိန်မှာသိခဲ့ရပါတယ်။ Bãhubali 1 နဲ့ 2 ကို ဆက်တိုက်ထုတ်ခဲ့ကြတယ်။ Bãhubali 3 ကိုလည်း ဆက်ထုတ်ဖို့စီစဥ်နေပါတယ်။"

KE Gnanavel Raja ဟာ မကြာခင်မှာရုံတင်ပြသတော့မယ့် Suriya ရဲ့ Tamil ရုပ်ရှင် Kanguva ရဲ့ ထုတ်လုပ်သူတစ်ဦးလည်းဖြစ်တဲ့အပြင် Kanguva ကိုလည်း sequel ဆက်ထုတ်လုပ်ဖို့ရှိကြောင်း သိရပါသေးတယ်။

Bãhubali: The Beginning နဲ့ Bãhubali: The Conclusion တို့ကို ဒါရိုက်တာ S. S. Rajamouli နဲ့ ၎င်းရဲ့ဖခင်ဖြစ်သူ V. Vijayendra Prasad တို့က ဒါရိုက်တာ၊ ဇာတ်လမ်းနဲ့ ဇာတ်ညွှန်းနေရာတွေကနေ ပူးတွဲဖန်တီးခဲ့တာဖြစ်ပြီး သရုပ်ဆောင် Prabhas က အဓိကပါဝင်သရုပ်ဆောင်ခဲ့ပါတယ်။

Ref: Hindustan Times

Sub-Zero ရေးသည်။

#Bahubali #Prabhas

ထုတ်လုပ်သူတွေ နှုတ်ထွက်ကုန်တဲ့ God of War live-action ဇာတ်လမ်းတွဲ

အောက်တိုဘာ ၁၉၊ ၂၀၂၄။

PlayStation ရဲ့ နာမည်ကျော် game ဖြစ်တဲ့ God of War ကို Amazon Prime Video က live-action series တစ်ခုအဖြစ် ဖန်တီးပြသမှာဖြစ်ပါတယ်။

Sony က ထုတ်လုပ်ကာ Amazon Prime Video မှာ ပြသမယ့် God of War Live-action ဇာတ်လမ်းတွဲ ဟာ ၂၀၁၈ game ကို အ​ခြေခံသွားမှာဖြစ်ပြီး Amazon Prime Video ရဲ့ တရားဝင်ဖော်ပြချက်အရ အဆိုပါ God of War live-action ဇာတ်လမ်းတွဲဟာ Kratos, the God of War က သူ့ရဲ့သွေးစွန်းနေတဲ့အတိတ်ကိုမေ့လျော့ထားပြီး သူ့ရဲ့လက်နက်တွေကို Midgard မှာ မြှုပ်ပစ်လိုက်တာကနေအစပြုမှာဖြစ်ကြောင်းသိရပါတယ်။

ကနဦးက God of War Live-action ကို Amazon Prime Video ဇာတ်လမ်းတွဲတစ်ခုဖြစ်တဲ့ The Wheel of Time ရဲ့ Showrunner Rafe Judkins က Showrunner အဖြစ် တာဝန်ယူထားသလို Iron Man ရဲ့ ဇာတ်ညွှန်းဆရာ Mark Fergus က ဇာတ်လမ်းရေးသားပေးသွားမယ့်အပြင် Hawk Ostby နဲ့ အတူ ထုတ်လုပ်သူအဖြစ်ပါတာဝန်ယူထားလျက်ရှိပါတယ်။

သို့ပေမယ့် မတူညီတဲ့ဖန်တီးမှုအခြေအနေသစ်တွေကြောင့် God of War live-action ကနေ သုံးယောက်စလုံး နှုတ်ထွက်ခဲ့ပြီဖြစ်ကြောင်း Variety မဂ္ဂဇင်းရဲ့ဆောင်းပါးတစ်ပုဒ်အရသိရပါတယ်။

လက်ရှိမှာ God of War live-action ကို Santa Monica Studio’s studio ရဲ့ creative director Cory Barlog က အမှုဆောင်ထုတ်လုပ်သူအဖြစ်၊ Playstation Productions က Asad Qizilbash နဲ့ Carter Swan, Santa Monica Studio က Yumi Yang and Vertigo က Roy Lee တို့က ထုတ်လုပ်သူအဖြစ် ဆက်လက်တာဝန်ယူထားလျက်ရှိပါတယ်။

God of War live-action ကို ၂၀၂၂ ခုနှစ်ကတည်းက Amazon Prime Video ဘက်က order ပြုလုပ်အတည်ပြုခဲ့တာဖြစ်ပြီး ယခု ၂၀၂၄ အထိ သရုပ်ဆောင်အပါအဝင် ကျန်အသေးစိတ်တစ်စုံတစ်ရာကိုတော့ ယခုအထိ မသိရသေးပါဘူး။

သေဆုံးသွားတဲ့ဇနီးသည်ရဲ့နောက်ဆုံးဆန္ဒအရ ဇနီးသည်ရဲ့အရိုးပြာတွေကို Kratos နဲ့ သားဖြစ်သူ Atreus တို့က အမြင့်ဆုံးတောင်ထိပ်ကနေ ကျဲချဖို့ ခရီးထွက်လာရာကနေ နတ်ဘုရားသစ်တွေနဲ့ရင်ဆိုင်ရပုံကို အဓိကကြည့်ရှုရနိုင်ပါတယ်။

Ref: Variety

McGarrett ရေးသည်။

#AmazonPrimeVideo #GodOfWar

Cinderella ဇာတ်ကောင်တစ်ဦးအကြောင်း live-action ရုပ်ရှင်တစ်ကား ထွက်လာမယ်

အောက်တိုဘာ ၁၉၊ ၂၀၂၄။

Paddington နှစ်ကားတွဲရဲ့ဒါရိုက်တာ Paul King ရိုက်ကူးခဲ့တဲ့ သရုပ်ဆောင် Timothée Chalamet ရဲ့ fantasy ရုပ်ရှင် Wonka ဟာ အနုပညာအရမှာသာမက၊ ဝင်ငွေအရမှာလည်း အောင်မြင်မှုရရှိခဲ့တာကြောင့် Warner Bros. ဟာ နောက်ထပ် Wonka 2 ကို ထပ်မံထုတ်လုပ်သွားတော့မှာဖြစ်ပါတယ်။

ဒါရိုက်တာ Paul King ကို Warner Bros. အပြင် Disney ဘက်ကလည်း မျက်စိကျလျက်ရှိနေပြီး Disney Princess ရုပ်ရှင်တွေထဲက ဇာတ်ကောင်တစ်ယောက်ရဲ့ သီးခြား live-action ရုပ်ရှင်တစ်ကားအတွက် Paul King ကို ရိုက်ကူးစေဖို့ညှိနှိုင်းမှုများပြုလုပ်နေကြောင်း သိရပါတယ်။

Disney ရဲ့ နာမည်ကြီး animated ရုပ်ရှင်တစ်ကားဖြစ်တဲ့ Cinderella က Cinderella ရဲ့ ချစ်သူ Prince Charming နဲ့ ပတ်သက်တဲ့ သီးခြား live-action ရုပ်ရှင်တစ်ကားကို Disney ဘက်က ထုတ်လုပ်ဖို့စီစဥ်နေလျက်ရှိပြီး အဆိုပါရုပ်ရှင်အတွက် ဒါရိုက်တာ Paul King ကို တာဝန်ယူရိုက်ကူးစေဖို့ ညှိနှိုင်းဆွေးနွေးမှုများပြုလုပ်နေကြောင်း Deadline မဂ္ဂဇင်းရဲ့ဆောင်းပါးတစ်ပုဒ်အရ သိရပါတယ်။

Prince Charming ဇာတ်ကောင်ဟာ Snow White နဲ့ Sleeping Beauty animated တွေမှာလည်း ရှိထားပေမယ့်လည်း Disney အနေနဲ့ Cinderella က Prince Charming ကို အခြေတည်ကာရိုက်ကူးသွားမှာဖြစ်ပါတယ်၊ သို့ပေမယ့် အဆိုပါ Prince Charming ရုပ်ရှင်ဟာ သီးခြား live-action ရုပ်ရှင်တစ်ကားသာဖြစ်ပြီး ဘာနဲ့မှချိတ်ဆက်မှုမရှိကြောင်းကိုလည်း သိရပါသေးတယ်။

Prince Charming ရုပ်ရှင်ကို Paul King နဲ့အတူ Simon Farnaby နဲ့ Jon Croker တို့က ပူးတွဲရေးသားပေးသွားမှာဖြစ်ပြီး ပြသရက်နဲ့အသေးစိတ်ကိုတော့ မသိရသေးပါဘူး။

Ref: Deadline

Sub-Zero ရေးသည်။

#Disney #PrinceCharming #Cinderella #PaulKing