MYANMA GON NEWS AGENCY

ယာယီနေရပ်စွန့်ခွာနေကြရသည့် ပြည်သူများအတွက် လိုအပ်သည့် ထောက်ပံ့မှုများ စီစဉ်ဆောင်ရွက်ပေးမည်

နေပြည်တော် ဇန်နဝါရီ ၂၀

ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း ဗေဒါလက်မှုထုတ်ကုန်တန်ဖိုးမြှင့်ထုတ်လုပ်ခြင်း သင်တန်း ဖွင့်ပွဲသို့ တက်ရောက်ချီးမြှင့်

ဇန်နဝါရီ ၂၀

ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့ဝင် ဝန်ကြီးများနှင့်အတူ ယမန်နေ့၊ နံနက်ပိုင်းက နတ်တလင်းခရိုင်၊ သဲကုန်းမြို့၊ တံခွန်တိုင်းကျေးရွာ၌ ဗေဒါလက်မှုထုတ်ကုန် တန်ဖိုးမြှင့် ထုတ်လုပ်ခြင်း သင်တန်းဖွင့်ပွဲသို့ တက်ရောက်ချီးမြှင့်ခဲ့သည်။

"ဝ" ဒေသမှတစ်ဆင့် ကိုးကန့်ဒေသဘက်သို့ ကုန်စည်များ သယ်ယူဖြတ်သန်းခွင့် ပြန်လည်ခွင့်ပြု


တရုတ်အစိုးရ၏ ညွှန်ကြားချက်အရဟုဆိုကာ "ဝ" ဒေသမှ ကိုးကန့်ဒေသဘက်သို့ ကုန်စည်များ လွတ်လွပ်စွာ ဖြတ်သန်းသယ်ယူခွင့်ပြုလိုက်ပြီဖြစ်ကြောင်း UWSA ၏ ဦးစီးချုပ်ရုံးမှ ယနေ့ ဇန်နဝါရီ (၂၀)ရက်စွဲနှင့် ထုတ်ပြန်လာပါတယ်။

ကိုးကန့်ဒေသနှင့် "ဝ" ဒေသ ဟိုပန်မြို့ကို ဆက်သွယ်ထားသည့် ဖောင်ဆိပ်တံတားပေါ်မှ မော်တော်ယာဉ်များ၊ လူနှင့် ကုန်စည်သယ်ဆောင်ခွင့်ကို ထိန်းချုပ်ထားရာမှ ယခုကဲ့သို့ ပြန်လည်ခွင့်ပြုခဲ့ခြင်း ဖြစ်တယ်လို့ဆိုပါတယ်။

စစ်ဘက်ဆိုင်ရာ ထောက်ပံ့ရေးပစ္စည်းများမှလွဲ၍ သာမန်ပြည်သူများ၏ ထွက်ကုန်များ၊ စားသောက်ကုန်နှင့် ကုန်ပစ္စည်းများကို ပုံမှန်အတိုင်းရောင်းဝယ်ဖောက်ကားနိုင်ကြောင်း ထုတ်ပြန်ချက်တွင် ဖော်ပြထားပါတာ်။

မြန်မာ့တပ်မတော်နှင့် MNDAA တို့အကြား အပစ်အခတ်ရပ်စဲရေး သဘောတူညီမှုရခဲ့ပြီးနောက် တရုတ်က ပိတ်ထားသည့် နယ်စပ်ဂိတ်အချို့ကို ယနေ့ပြန်လည်ဖွင့်ပေးခဲ့သလို ကုန်စည်စီးဆင်းမှုများ ပြန်စနေပြီဖြစ်ကြောင်းလည်း ဒေသတွင်း သတင်းရင်းမြစ်များထံမှလည်း သိရပါတယ်။

တာချီလိတ်မြို့နယ်တွင်စိတ်ကြွရူးသွပ်ဆေးပြားများဖမ်းဆီးရမိ

ဇန်နဝါရီ ၂၀

ဇန်နဝါရီလ ၁၉ ရက်နေ့ ၁၅၄၅ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ တာချီလိတ်မြို့နယ်၊ လွယ်စီတုံ(အောက်)ကျေးရွာ၊ ပုံလို့လမ်းတွင် ယဲဆောင်(ခ)လီဂျူး မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်အတွင်း သိုဝှက်သယ်ဆောင်လာသော စိတ်ကြွရူးသွပ်ဆေးပြား ၁၀,၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၇၀)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ပြီး ကွင်းဆက်ဖော်ထုတ်ချက်အရ ၁၆၀၀ အချိန် လော်လို့(ခ)အားလို့ နှင့် အားချိ တို့အား အဆိုပါကျေးရွာအနီးတွင် စိတ်ကြွရူးသွပ်ဆေးပြား ၁,၆၀၀ ပြား (ဒေသကာလပေါက်ဈေးတန်ဖိုးငွေကျပ် ၁၁.၂ သိန်း)၊ လက်ကိုင်ဖုန်း ၃ လုံးတို့နှင့်အတူ ထပ်မံတွေ့ရှိသိမ်းဆည်းရမိခဲ့သဖြင့် ယဲဆောင်(ခ)လီဂျူး(၂၉)နှစ်၊ လော်လို့(ခ)အားလို့(၂၃)နှစ် နှင့် အားချိ(၂၆)နှစ်တို့အား ဟောင်လိတ်နယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း CCDAC MYANMAR မှ ဖော်ပြအပ်ပါသည်။

Broadcast News

အမေရိကန်တွင် TikTok  ပြန်လည်အသုံးပြုခွင့်ရ
၂၀ ဇန်နဝါရီ၊၂၀၂၅
ရွေးကောက်ခံသမ္မတ ထရန့်၏ ကတိစကားကြောင့် အမေရိကန်တွင် TikTok  ပြန်လည်အသုံးပြုခွင့်ရလိုက်သည့်အတွက် ပျော်ရွှင်နေသည့် အမေရိကန်များက တစ်တော့တွင် ပို့စ်များတင်ခဲ့ကြပါတယ်။

(၁၀၆) ကြိမ်မြောက် စေတိယင်္ဂဏပရိယတ္တိဓမ္မာနုဂ္ဂဟ စာအောင်ဆုနှင်းသဘင် အခမ်းအနားကျင်းပ

ရန်ကုန် ဇန်နဝါရီ ၂၀

၂၀၂၄ ခုနှစ် ဒီဇင်ဘာလအတွင်း ကျင်းပပြီးစီးခဲ့သော (၁၀၆) ကြိမ်မြောက် စေတိယင်္ဂဏစာလျှောက်မေးပွဲ၌ အောင်မြင်တော်မူကြသည့် သာသနာ့အာဇာနည် သံဃာတော် ၁၃ ပါးအား ဘွဲ့တံဆိပ်တော်နှင့် အောင်လက်မှတ် ဆက်ကပ်လှူဒါန်းပူဇော်သည့် စာအောင်ဆုနှင်း သဘင် မင်္ဂလာအခမ်းအနားကို ယမန်နေ့နံနက်ပိုင်းတွင် ရွှေတိဂုံစေတီတော်ရင်ပြင် မြောက်ဘက် ချမ်းသာကြီးတန်ဆောင်း၌ ကျင်းပသည်။

နေပြည်တော်ကောင်စီဥက္ကဋ္ဌ ဦးသန်းထွန်းဦး နေပြည်တော်အတွင်း ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှုစစ်ဆေး

ဇန်နဝါရီ ၂၀

နေပြည်တော်ကောင်စီဥက္ကဋ္ဌ ဦးသန်းထွန်းဦးသည် နေပြည်တော်ကောင်စီဝင်များ၊ ဌာနဆိုင်ရာ တာဝန်ရှိသူများနှင့်အတူ ယနေ့မွန်းလွဲပိုင်းတွင် ပုဗ္ဗသီရိမြို့နယ် တပင်ရွှေထီးရပ်ကွက်နှင့် ဥတ္တရသီရိမြို့နယ် ရွှေနံ့သာရပ်ကွက်တို့၌ ဧည့်စာရင်းတိုင်ကြားပြီး လာရောက်နေထိုင်ကြသည့် အိမ်ထောင်စုများ စာရင်းပြုစုထားရှိမှုကို ကြည့်ရှုစစ်ဆေးပြီး လိုအပ်သည်များ မှာကြားသည်။

ပြည်ထောင်စုဝန်ကြီး ဦးကိုကိုလွင် မြန်မာ့ရေနံနှင့် သဘာဝဓာတ်ငွေ့လုပ်ငန်း၏ အသုံးချသုတေသနဌာနသို့ သွားရောက်ကြည့်ရှု

ဇန်နဝါရီ ၂၀

စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် စွမ်းအင်ဝန်ကြီးဌာနမှ တာဝန်ရှိသူများနှင့်အတူ ယနေ့နံနက်ပိုင်းတွင် ရန်ကုန်တိုင်းဒေသကြီး မြန်မာ့ရေနံနှင့် သဘာဝဓာတ်ငွေ့လုပ်ငန်း၏ အသုံးချသုတေသနဌာနသို့ သွားရောက်ကြည့်ရှုသည်။

မြန်မာနိုင်ငံသတင်းစာဆရာအသင်း စတုတ္ထအကြိမ် နှစ်ပတ်လည်ညီလာခံနှင့် တိုင်းအလုပ်အမှုဆောင်များ ပြန်လည်ရွေးချယ်တင်မြှောက်ပွဲကျင်းပ

ရန်ကုန် ဇန်နဝါရီ ၂၀

ရန်ကုန်တိုင်းဒေသကြီး မြန်မာနိုင်ငံသတင်းစာဆရာအသင်း ၂၀၂၅ ခုနှစ် စတုတ္ထအကြိမ် နှစ်ပတ်လည်ညီလာခံနှင့် တိုင်းအလုပ်အမှုဆောင်များ ပြန်လည်ရွေးချယ်တင်မြှောက်ပွဲအခမ်းအနားကို ယနေ့မွန်းလွဲပိုင်းတွင် ဗဟန်းမြို့နယ် ကြီးငါးကြီးဆုတောင်းပြည့်ဘုရားရင်ပြင်တော်၌ ကျင်းပသည်။

ဦးစွာ ရန်ကုန်တိုင်းဒေသကြီး မြန်မာနိုင်ငံသတင်းစာဆရာအသင်းဥက္ကဋ္ဌ ဦးခင်မောင်မြင့်၊ မြန်မာနိုင်ငံသတင်းစာဆရာအသင်း (ဗဟို) ဥက္ကဋ္ဌ ဦးမြတ်ခိုင်တို့က အမှာစကားပြောကြားသည်။ ဆက်လက်၍ တတိယအကြိမ် သက်တမ်းအတွင်းလုပ်ငန်းဆောင်ရွက်ချက် အစီရင်ခံစာကို ဒုတိယဥက္ကဋ္ဌ ဦးသက်တင်က ဖတ်ကြားတင်ပြပြီး စတုတ္ထအကြိမ် ညီလာခံသက်တမ်းအတွက် အလုပ်အမှုဆောင်အဖွဲ့ ရွေးချယ်တင်မြှောက်ရန် စီစဉ်ထားရှိမှုကို တွဲဖက်အတွင်းရေးမှူး (၁) ဦးတင်ဝင်းက ရှင်းလင်းတင်ပြသည်။ ယင်းနောက် ရွေးချယ်တင်မြှောက်ပွဲအတွက် မဲပေးပုံနည်းစနစ်များကို ရွေးချယ်တင်မြှောက်ပွဲကျင်းပရေး ကော်မရှင်အဖွဲ့ဥက္ကဋ္ဌ ဦးရန်နောင် (ပညာရေး) က ရှင်းလင်းပြောကြားသည်။

ထို့နောက် ဆန္ဒမဲလက်မှတ်များထုတ်ပေးခြင်းနှင့် ညီလာခံကိုယ်စားလှယ်များ တစ်ဦးချင်း လျှို့ဝှက်မဲစနစ်ဖြင့် မြို့နယ်များမှ ကိုယ်စားလှယ်များကဆန္ဒပြုကြသည်။ ယင်းနောက် စတုတ္ထအကြိမ် ညီလာခံသက်တမ်းအတွက် အလုပ်အမှုဆောင်အဖွဲ့ ရွေးချယ်တင်မြှောက်ကြရာ ရန်ကုန်တိုင်းဒေသကြီး မြန်မာနိုင်ငံသတင်းစာဆရာအသင်းဥက္ကဋ္ဌ ဦးထွန်းရင်၊ ဒုတိယဥက္ကဋ္ဌနှစ်ဦး၊ အတွင်းရေးမှူး ဦးတင်ဝင်း (တင်ဝင်းလေး-ကြည့်မြင်တိုင်) နှင့် အလုပ်အမှုဆောင် ကိုးဦးဖြင့် ဖွဲ့စည်းခဲ့ပြီး ကတိသစ္စာခံယူခဲ့ကြကြောင်း သိရသည်။

ကျားဖြန့်လုပ်ငန်းများတိုက်ဖျက်ရေး ထိုင်းနိုင်ငံက မြန်မာအစိုးရနှင့်ပူးပေါင်းလုပ်ဆောင်မည်။

ဇန်နဝါရီ ၁၉၊ ၂၀၂၅

မြန်မာ-ထိုင်းနယ်စပ်ရှိ ကျားဖြန့် အွန်လိုင်းငွေလိမ်ဂိုဏ်းများကို နှစ်နိုင်ငံပူးပေါင်း တိုက်ဖျက်သွားရန် ထိုင်းနိုင်ငံနှင့် မြန်မာအစိုးရတို့အကြား သဘောတူခဲ့သည်။

ပြီးခဲ့သည့် ဇန်နဝါရီ ၁၇ ရက်က ဘန်ကောက်မြို့၌ ပြုလုပ်သော (၅) ကြိမ်မြောက် အာဆီယံဒစ်ဂျစ်တယ်ဆိုင်ရာ ဝန်ကြီးများ အစည်းဝေးတွင် သဘောတူခဲ့ခြင်းဖြစ်သည်ဟု Bangkok Post က ဖော်ပြထားသည်။

အဆိုပါ အစည်းအဝေးတွင် မြန််မာဘက်မှ ဗိုလ်ချုပ်ကြီး မြထွန်းဦး တက်ရောက်ပြီး ထိုင်းနိုင်ငံဒစ်ဂျစ်တယ်စီးပွားရေးနှင့် လူမှုရေးဝန်ကြီး Prasert Jantararauangtong နှင့် တွေ့ဆုံဆွေးနွေးခဲ့ခြင်းဖြစ်သည်။

၎င်းတို့၏ ဆွေး‌နွေးမှုတွင် အွန်လိုင်းလိမ်လည်ရေးဂိုဏ်းများသည် အရေးတကြီး ဖြေရှင်းရမည့် ပြဿနာများဖြစ်ကြောင်း၊ အာဆီယံဒစ်ဂျစ်တယ်ဆိုင်ရာ ဝန်ကြီးများသည်လည်း ဘေးကင်းလုံခြုံသော ဒစ်ဂျစ်တယ်ပတ်ဝန်းကျင်ကို ဖန်တီးရန် ပိုမို ပူးပေါင်းဆောင်ရွက်သွားမည်ဖြစ်ကြောင်း ဆွေးနွေးခဲ့ကြသည်ဟု Bangkok Post က ဆိုထားသည်။

လက်ရှိတွင် တရုတ်မင်းသား၊ မော်ဒယ်အပါအဝင် တရုတ်လူမျိူးအချို့ ထိုင်း-မြန်မာနယ်စပ်၌ လူကုန်ကူးခံရမှုများ ဖြစ်ပေါ်ခဲ့ပြီးနောက် ကျားဖြန့်လိမ်လည်ရေးလုပ်ငန်း တိုက်ဖျက်‌ရေးသည် ဒေသတွင်းနိုင်ငံများ ဦးစားပေးကိုင်တွယ်ရမည့် ကိစ္စတခု ဖြစ်လာသည်။

ထိုင်း-မြန်မာနယ်စပ် မဲဆောက်မြို့၌လည်း မြဝတီရှိ ကျားဖြန့်လုပ်ငန်းများသို့ သွားရောက်လုပ်ကိုင်ခြင်းမပြုလုပ်ကြရန် ထိုင်း၊ တရုတ်၊ အင်္ဂလိပ်ဘာသာတို့ဖြင့် သတိပေးဆိုင်းဘုတ်များ စိုက်ထူထားရှိသည်။

ဇန်နဝါရီ ၁၉

ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ အပတ်စဉ်စနေနေ့တိုင်း မြို့/ရွာသန့်ရှင်းသာယာလှပစေရေး စုပေါင်းသန့်ရှင်းရေးပြုလုပ်ခြင်းအား ဇန်နဝါရီလ(၁၈)ရက်နေ့၊ နံနက်ပိုင်းကတိုင်းဒေသကြီးအတွင်းရှိ မြို့နယ်(၂၈)မြို့နယ်၌ တစ်ပြိုင်တည်းပြုလုပ်ခဲ့သည်။

ရှေးဦးစွာတိုင်းဒေသကြီး ဝန်ကြီးချုပ်ဦးမျိုးဆွေဝင်းသည် ပဲခူးမြို့၊အမှတ်(၅)အခြေခံပညာ အထက်တန်းကျောင်း၌ဌာနဆိုင်ရာဝန်ထမ်းများ၊တပ်မတော်သားများ၊ ရဲတပ်ဖွဲ့ဝင်များ၊မီးသတ်တပ်ဖွဲ့ဝင် များ၊ရပ်ကွက်နေပြည်သူများ၊ လူမှုရေးအသင်းအဖွဲ့များ စုပေါင်းအားဖြင့်သန့်ရှင်းရေးပြုလုပ်နေမှုအား လှည့်လည်ကြည့်ရှုအားပေးခဲ့သည်။

ပဲခူးတိုင်းဒေသကြီးအစိုးရအဖွဲ့မှ ဦးဆောင်၍တိုင်းဒေသကြီးအတွင်း မြို့နယ်(၂၈)မြို့နယ်ရှိတက္ကသိုလ်များ၊ဒီဂရီကောလိပ်များ၊ စာသင်ကျောင်းများ၊ဆေးရုံများ၊ ဘာသာရေးအဆောက်အဦများ၊ ဌာနဆိုင်ရာရုံးများ၊အများနှင့် သက်ဆိုင်သောပန်းခြံများနှင့် သောက်သုံးရေကန်များတို့တွင် တိုင်းဒေသကြီး/ခရိုင်/မြို့နယ်အဆင့်ဌာနဆိုင်ရာဝန်ထမ်းများ၊ တပ်ရင်းတပ်ဖွဲ့များ၊ကျောင်းသား/သူများ၊ရပ်ကွက်နေပြည်သူများ၊ လူမှုရေးအသင်းအဖွဲ့များ၏ ပေါင်းစုအားဖြင့်စုပေါင်းသန့်ရှင်းရေးပြုလုပ်ခဲ့ကြကြောင်းသတင်းရရှိသည်။

ဧရာဝတီတိုင်း၊ မြောင်းမြမြို့ရှိ ညောင်ပင်လေးဈေး မီးလောင်မှုဖြစ်ပွား


ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့၊ အမှတ်(၂)ရပ်ကွက်၊ (၅)လမ်း၊ ညောင်ပင်လေးဈေးတွင် မီးလောင်မှု တစ်ခုဖြစ်ပွားခဲ့ကြောင်း မီးသတ်တပ်ဖွဲ့ သတင်းများအရ သိရပါတယ်။

ယနေ့ ဇန်နဝါရီ (၁၉)ရက်၊ နံနက်အစောပိုင်း (၁)နာရီ (၃၆)မိနစ်အချိန်တွင် အဆိုပါ ညောင်ပင်လေးဈေးတွင် မီးလောင်မှုဖြစ်ပွားကြောင်း သတင်းအရ မြောင်းမြခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ မြောင်းမြမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရကြောင်း သိရပါတယ်။

ထိုသို့ ထွက်ခွာငြှိမ်းသတ်ရာ နံနက် (၂)နာရီ (၁၃)မိနစ်အချိန်တွင် မီးငြှိမ်းသတ်နိုင်ခဲ့ပြီး မီးလောင်မှုကြောင့် ထိခိုက်ပျက်စီးဆုံးရှုံမှု တန်ဖိုးနှင့် မီးလောင်ရသည့် အကြောင်းအရင်းကို မီးသတ်တပ်ဖွဲ့မှ ဆက်လက်စစ်ဆေးသွားမည် ဖြစ်ကြောင်း သိရပါတယ်။

ရန်ကုန် ဇန်နဝါရီ ၁၉

သာသနာရေးနှင့် ယဉ်ကျေးမှုဝန်ကြီးဌာန သာသနာရေးဦးစီးဌာနက ကြီးမှူးကျင်းပသည့် (၇၇) ကြိမ်မြောက် တိပိဋကဓရတိပိဋကကောဝိဒရွေးချယ်ရေးစာမေးပွဲ (သဘောရေးဖြေ) ဖြေဆိုပွဲကို ယမန်နေ့မွန်းလွဲပိုင်းတွင် ရန်ကုန်မြို့ သီရိမင်္ဂလာကမ္ဘာအေးကုန်းမြေရှိ ဆဋ္ဌသင်္ဂါယနာမဟာပါသာဏ လိုဏ်ဂူသိမ်တော်ကြီး၌ ကျင်းပသည်။

(၇၇) ကြိမ်မြောက် တိပိဋကဓရတိပိဋကကောဝိဒရွေးချယ်ရေးစာမေးပွဲ (သဘောရေးဖြေ)ပွဲ၌ အဘိဓမ္မာ (ဒုတိယပိုင်း) တွင် စာရင်းသွင်း သံဃာတော်လေးပါးရှိပြီး ဖြေဆိုသံဃာတော်လေးပါး၊ အဘိဓမ္မာ (ပထမပိုင်း) တွင် စာရင်းသွင်းသံဃာတော် ၁၇ ပါးရှိပြီး ဖြေဆိုသံဃာတော် ၁၅ ပါး၊ ဒီဃနိကာယ်ကျမ်းတွင် စာရင်းသွင်းသံဃာတော် ၃၈ ပါးရှိပြီး ဖြေဆိုသံဃာတော် ၃၅ ပါး၊ ဝိနည်း (ပထမပိုင်း) တွင် စာရင်းသွင်းသံဃာတော် ၁၂၆ ပါးရှိပြီး ဖြေဆိုသံဃာတော် ၁၁၃ ပါးတို့ဖြစ်သည်။

ယနေ့ ဖြေဆိုကြသည့် သံဃာတော်များနှင့် ကြီးကြပ်ဆရာတော်များအား နေ့ဆွမ်းအလှူရှင် ဒေါက်တာမျိုးထက်အေးနှင့် ဇနီး မိသားစုများ၊ သာကေတမြို့နယ်မှ ပရဟိတအကျိုးဆောင်အလှူရှင်များအဖွဲ့ (ရန်ကုန်) နှင့် ဗီယက်နမ်နိုင်ငံ သာသနာပြုကုသိုလ်အဖွဲ့မှ အချိုရည်နှင့် ရဟန်းအသုံးဆောင်ပစ္စည်းများ ဆက်ကပ်လှူဒါန်းခဲ့ကြောင်း သတင်းရရှိသည်။

TikTok ပိတ်ပင်ဖို့အမေရိကန်တရားရုံးချုပ်ကဆုံးဖြတ်ချက်ချ

18 January 2025

TikTok နဲ့ တရုတ်ပတ်သတ်မှုကြောင့် အမျိုးသားလုံခြုံရေးအန္တရာယ်တွေ ဖြစ်ပေါ်စေတယ်ဆိုတဲ့အကြောင်းပြချက်နဲ့ အမေရိကန်ပြည်ထောင်စု တရားရုံးချုပ်က အသုံးပြုခွင့်ကို ပိတ်ပင်လိုက်တဲ့အတွက် TikTok အသုံးပြုသူ သန်းပေါင်း ၁၇၀ ဟာ သုံးခွင့်ရတော့မှာ မဟုတ်ပါဘူး။

ရွေးခြယ်ခံသမ္မတ ဒေါ်နယ်ထရမ့်က ဒီကိစ္စကို ညှိနှိုင်းပြီး အဖြေရှာမှာ ဖြစ်တဲ့အတွက် ပိတ်ပင်မှုကို ရက် ၉၀ အသုံးပြုခွင့်မပေးဘဲ ဆိုင်းငံ့ထားဖို့ ပြောခဲ့ပေမယ့် ဒီပြောဆိုချက်ကို ဆန့်ကျင်ပြီး တရားရုံးချုပ်က ဆုံးဖြတ်လိုက်တာ ဖြစ်ပါတယ်။

"TikTok ဟာ အမေရိကန်ပြည်သူတွေအတွက် ဆက်ပြီး ရှိနေသင့်ပါတယ်။ ဒါပေမယ့် အမေရိကန်ပိုင်ဆိုင်မှုအောက်မှာပဲ ဖြစ်သင့်ပါတယ်။ ဒါမှမဟုတ်ရင် တခြားပိုင်ဆိုင်မှုတွေဟာ လွှတ်တော်က ရေးဆွဲထားတဲ့ အမျိုးသားလုံခြုံရေးဆိုင်ရာ ကိစ္စရပ်တွေအပေါ် စိုးရိမ်စရာဖြစ်စေပါတယ်" လို့ အိမ်ဖြူတော် ပြောခွင့်ရအရာရှိ Karine Jean-Pierre က ဆိုပါတယ်။ ဥပဒေကို အကောင်အထည်ဖော်တဲ့လုပ်ဆောင်ချက်တွေဟာ ထရမ့်ရဲ့ အုပ်ချုပ်ရေးအဖွဲ့သစ်ပေါ်မှာ ကျရောက်လာမှာကို သတိပြုမိကြောင်းလည်း ထည့်ပြောခဲ့ပါတယ်။

TikTok ဘက်ကတော့ ဂျိုးဘိုင်ဒန်နဲ့ တရားရေးဌာနနှစ်ခုလုံးရဲ့ ထုတ်ပြန်ချက်တွေဟာ အမေရိကန်နိုင်ငံသား သန်း ၁၇၀ အတွက် TikTok အသုံးပြုနိုင်မှုနဲ့ပတ်သတ်တဲ့ ရှင်းလင်းမှုနဲ့ အာမခံမှုမျိုး မပေးနိုင်ခဲ့ကြောင်း သောကြာနေ့ညနေပိုင်းက ထုတ်ပြန်ကြေညာသွားပါတယ်။

ဘိုင်ဒန်အုပ်ချုပ်ရေးက တိကျတဲ့အဖြေတစ်ခု မကြေညာနိုင်ရင် တစ်တော့ဟာ ဇန်နဝါရီ ၁၉ ကစပြီး မှောင်မိုက်သွားတော့မယ်လို့ ဆိုထားပါတယ်။TikTokအနေနဲ့ လက်ရှိအသုံးပြုနေသူတွေရဲ့ ဖုန်းတွေထဲက ပျောက်ကွဲသွားမှာမဟုတ်ပေမယ့် အသုံးပြုသူအသစ်တွေအနေနဲ့ သုံးစွဲလို့ မရတော့ကြောင်းနဲ့ အသုံးပြုသူအဟောင်းတွေကိုယ်တိုင်လည်း Update လုပ်လို့မရတော့ပါဘူး။

TikTok ရဲ့ CEO Shou Zi Chew ကတော့ အမေရိကန်သမ္မတ ဒေါ်နယ်ထရမ့်ရဲ့ ကျမ်းသစ္စာဆိုပွဲတက်ရောက်မယ်လို့ သတင်းတွေ ထွက်ပေါ်နေပြီး သူ့အနေနဲ့ TikTok ဆက်ပြီး အသုံးပြုခင့်ရအောင် ထရမ့်က ညှိနှိုင်းပေးမယ်လို့ ယုံကြည်နေပါတယ်။

ဥပဒေအရ TikTok ဟာ ရောင်းချဖို့တွက် တိုးတက်မှု ရှိလာရင် ရက် ၉၀ ခေတ္တရပ်ဆိုင်းထားမှာ ဖြစ်ပြီး ဒီဥပဒေဟာ အသုံးပြုသူတွေအတွက် ရှင်းလင်းမှုမရှိဘူးလို့ဆိုပါတယ်။ ထရမ့်အနေနဲ့ သမ္မတသက်တမ်းသစ်မှာ ဘယ်လိုဆုံးဖြတ်သွားမယ်ဆိုတာကို စောင့်ကြည့်ရမှာ ဖြစ်ပါတယ်။

Source - AP

ပြည်သူ့စစ်မှုထမ်းသင်တန်း အမှတ်စဉ်(၉/၂ဝ၂၄)သို့ တက်ရောက်မည့် နိုင်ငံ့သားကောင်းရတနာများအား သွားရောက်တွေ့ဆုံအားပေး

ဇန်နဝါရီလ - ၁၈ ရက်

ဧရာဝတီတိုင်းဒေသကြီးအတွင်းမှ ပြည်သူ့စစ်မှုထမ်းသင်တန်း အမှတ်စဉ် (၉/၂၀၂၄)သို့ တက်ရောက်မည့် နိုင်ငံ့သားကောင်းရတနာများအား ယနေ့နံနက်ပိုင်းတွင် အနောက်တောင်တိုင်းစစ်ဌာနချုပ် တပ်နယ်အားကစားရုံ၌ တိုင်းဒေသကြီးဝန်ကြီးချုပ် ဦးတင်မောင်ဝင်း၊ တိုင်းမှူး ဗိုလ်မှူးချုပ် စိုးကျော်ထက်နှင့် တာဝန်ရှိသူများက သွားရောက် တွေ့ဆုံသည်။
ထိုသို့ တွေ့ဆုံရာတွင် ပြည်သူ့စစ်မှုထမ်းသင်တန်း အမှတ်စဉ်(၉/၂၀၂၄)သို့ တက်ရောက်မည့် နိုင်ငံ့သားကောင်းရတနာများအား ပစ္စည်းများဂုဏ်ပြုပေးအပ်ပြီး တိုင်းဒေသကြီးဝန်ကြီးချုပ်၊ တိုင်းမှူးနှင့် တာဝန်ရှိသူများက သင်တန်းသားများအား လိုက်လံနှုတ်ဆက်အားပေးစကားပြောကြားကာ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သတင်းရရှိသည်။

ဗဟိုဘဏ်က ယွမ်နှင့် ဘတ်များ ထပ်မံထုတ်ရောင်း

နိုင်ငံခြားငွေလဲလှယ်နှုန်း တက်ရိပ်ပြနေချိန်တွင် ဗဟိုဘဏ်မှ ယမန်နေ့တွင် တရုတ်ယွမ် ၁ ဒသမ ၁၄၇ သန်းနှင့် ထိုင်းဘတ် တစ်သန်းထပ်မံထုတ်ရောင်းပေးခဲ့ကြောင်း ထုတ်ပြန်ထားသည့် စာရင်းများအရ သိရသည်။

ယခုဇန်နဝါရီလ၏ ဇန်နဝါရီလ (၂) ရက်မှ (၁၇) ရက်အထိ နှစ်ပတ်ကျော်အတွင်း ဗဟိုဘဏ်အနေဖြင့် ဒေါ်လာ (၁၀၈ ဒသမ ၉၁၁) သန်း ၊ တရုတ်ယွမ် (၄ ဒသမ ၄၈၃) သန်း နှင့်ထိုင်းဘတ် (၇ ဒသမ ၀၃၂)သန်းကို ထုတ်ရောင်းပေးထားပြီးဖြစ်သည်။

ယခုရက်ပိုင်းအတွင်း ပြင်ပငွေကြေးဈေးကွက်တွင် ဖြစ်ပေါ်နေသည့် နိုင်ငံခြားငွေလဲလှယ်နှုန်းမှာ တစ်ဒေါ်လာ (၄၆၅၀) ကျပ်၊ ထိုင်းဘတ် တစ်ဘတ်လျှင် (၁၃၅.၁၄) ကျပ်၊ တရုတ်ယွမ်တစ်ယွမ်လျှင် (၆၃၂) ကျပ်ဖြစ်ပေါ်နေကြောင်း သိရသည်။

ဗဟိုဘဏ်မှ နိုင်ငံခြားငွေရောင်းချပေးမှုအနေဖြင့် ပြီးခဲ့သည့် ဩဂုတ်လ (၁) ရက်မှ နိုဝင်ဘာလ (၂၉) ရက်အထိ လေးလအတွင်း ဒေါ်လာ (၃၃၅)သန်းကျော်၊ ထိုင်းဘတ် (၁ ဒသမ ၂၇၄) ဘီလျံကျော်နှင့် တရုတ်ယွမ် (၅၆) သန်းခန့်အထိ ထုတ်ရောင်းပေးထားပြီးဖြစ်သည့်အပြင် ယခုဘဏ္ဍာနှစ် ခုနှစ်လအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာတစ်ဘီလီယံကိုလည်း သီးသန့်ထုတ်ရောင်းပေးထားကြောင်း သိရသည်။

ထိုင်းအစိုးရက မြန်မာအပါအဝင် နိုင်ငံခြားသား ရွှေ့ပြောင်းလုပ်သားတွေ အလုပ်ပါမစ်သက်တမ်းတိုးကြေး ဘတ်ငွေ ၂၀,၀၀၀ ပေးဆောင်ရခြင်းကို ပယ်ဖျက်လိုက်ပါတယ်။ ထိုင်းနိုင်ငံနဲ့ အိမ်နီးချင်းနိုင်ငံတွေကြား အလုပ်သမား ပူးပေါင်းဆောင်ရွက်ရေး သဘောတူညီချက်အရ ပယ်ဖျက်လိုက်တာလို့ ဆိုပါတယ်။

https://t.me/myanmagone99

နိုင်ငံ‌တော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဘယ်လာရုစ်သမ္မတနိုင်ငံ၊ နိုင်ငံခြားရေးဝန်ကြီးအား လက်ခံတွေ့ဆုံ

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ  နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ပညာရေးဆိုင်ရာအသုံးချသုတေသန နိုင်ငံတကာ ညီလာခံ (၂၀၂၅) ဖွင့်ပွဲအခမ်းအနား တက်ရောက်မိန့်ခွန်းပြောကြား

မြောက်ဥက္ကလာပ၊ ဇန်နဝါရီ ၉

ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပမြို့နယ်တွင် ယမန်နေ့နံနက်ပိုင်းက (၂)ရပ်ကွက်နှင့် ရွှေပေါက္ကံရပ်ကွက်များ၌ မီးလောင်မှုများ ဖြစ်ပွားခဲ့ပြီး ဖြစ်ပွားရာနေရာသို့ မြောက်ဥက္ကလာပမြို့နယ် မီးသတ်စခန်းမှ မီသတ်စခန်းမှူး ဦစီးအရာရှိ ဦးဇော်ရန်အောင်ဦးဆောင်မှုဖြင့် သန္ဓေတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက မီးငြှိမ်းသတ်ယာဥ်များ၊ ရေသယ်ယာဥ်များဖြင့် မီးငြှိမ်းသတ်ခဲ့ကြောင်း သိရသည်။

မီးလောင်မှုများဖြစ်ပွားခဲ့သည့် အကြောင်းအရင်းမှာ (၂)ရပ်ကွက်၊ ဇီဇဝါ(၁)လမ်း အမှတ်(၃၁၆) အကျယ်အဝန်း ၁၇ × ၅၀ပေ RC(၁)ခန်း (၅)ထပ်ရှိ စတုထ္တထပ်တွင် အိမ်ပိုင်ရှင်မှ LG အမျိုးအစား အဝတ်လျှော်စက်ဖိုက်ဘာအဖုံးပေါ်သို့ မီးပါသောဆေးလိပ်တိုတင်ထားခဲ့ရာမှ နံနက် ၁၀ နာရီ ၂၅ မိနစ်အချိန်တွင် မီးလောင်ကျွမ်းမှုဖြစ်ပွားခဲ့ကြောင်းသိရပြီး LG အဝတ်လျှော်စက်(၁)လုံး ပျက်စီးဆုံးရှုံးခဲ့ကြောင်း သိရသည်။ ထို့ပြင် ရွှေပေါက်ကံ (၁၅)ရပ်ကွက်၊ စစ်ကိုင်းလမ်း အမှတ်(၇၇)ရှိ အကျယ်အဝန်း ၁၀×၅၀ ပေ သွပ်မိုး၊ ကျောက်ပြားကာ၊ ပျဥ်ခင်း(၅)ခန်းတွဲ အခန်းအမှတ်(၅) (၁၀)ပေပတ်လည်(၁)ခန်းတွင် အိမ်ငှားနေထိုင်သူမှ ခြင်ဆေးခွေမီးထွန်းထားခဲ့ရာ အနီးရှိဇာခြင်ထောင်သို့ မီးကူးစက်ရာမှ ၁၁ နာရီ ၅၆ မိနစ်အချိန်တွင် မီးစတင်လောင်ကျွမ်းခဲ့ပြီး ၁၀ ပေပတ်လည် အဆောက်အအုံနှင့် အတွင်းပစ္စည်းများ ဆုံးရှုံးခဲ့ကြောင်း သိရသည်။

အဆိုပါ မီးလောင်မှုကြောင့် လူနှင့်တိရိစ္ဆာန်ထိခိုက်ဒဏ်ရာရရှိမှု မရှိကြောင်းနှင့် မီးကိုပေါ့ဆစွာသုံးစွဲသူများကို သက်ဆိုင်ရာနယ်မြေရဲစခန်းများတွင် အမှုဖွင့်အရေးယူထားကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်ချီးမြှင့်အပ်နှင်းခြင်း အခမ်းအနားသို့ တက်ရောက်ဂုဏ်ပြု

(၇၇)နှစ်မြောက် လွတ်လပ်ရေးနေ့ အထိမ်းအမှတ် ဂုဏ်ပြုညစာစားပွဲနှင့် ဂုဏ်ပြုဖျော်ဖြေပွဲ အခမ်းအနားကျင်းပ

ဇန်နဝါရီလ ၄

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ် မှူး ကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်နှင့်ဇနီး ဒေါ်ကြူကြူလှ တို့က တည်ခင်း ဧည့်ခံ သည့် (၇၇)နှစ်မြောက် လွတ်လပ်ရေးနေ့အထိမ်းအမှတ် ဂုဏ်ပြုညစာစားပွဲနှင့် ဂုဏ်ပြုဖျော်ဖြေပွဲ အခမ်း အနား ကို ယနေ့ညနေပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး၊ ဥပစာမြက်ခင်းပြင် ၌ ကျင်းပသည်။

ဦးစွာ (၇၇)နှစ်မြောက် လွတ်လပ်ရေးနေ့ ဂုဏ်ပြုညစာစားပွဲ အခမ်းအနားသို့ တက်ရောက်လာကြသည့် ဧည့် သည် တော်များအား နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ် မှူးကြီး သီရိပျံချီ မဟာသရေစည်သူ စိုးဝင်းနှင့်ဇနီး ဒေါ်သန်းသန်းနွယ်၊ ပြည်ထောင်စုဝန်ကြီးများနှင့် ဇနီးများက ကြိုဆို နှုတ်ဆက်ကြသည်။

ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေ စည်သူသတိုးသီရိသုဓမ္မ မင်းအောင်လှိုင်နှင့် ဇနီးဒေါ်ကြူကြူလှတို့သည် ဂုဏ်ပြုဆောင်ခန်းမ ဥပစာမြက်ခင်းပြင် သို့ ရောက်ရှိ ကြပြီး နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ်နှင့်ဇနီး တို့နှင့်အတူ ဂုဏ်ပြုညစာစားပွဲအခမ်းအနားသို့ တက်ရောက်လာကြသည့် နိုင်ငံရေး ပါတီများမှဥက္ကဋ္ဌများနှင့် ကိုယ်စားလှယ် များ၊ နိုင်ငံခြားသံရုံးများမှ သံအမတ်ကြီးများနှင့် သံရုံး တာဝန်ခံများ၊ ဂုဏ်ထူးဆောင်ကောင်စစ်ဝန်များနှင့် အထူးဖိတ်ကြားထားသည့် ဧည့်သည်တော်များကို ရင်းရင်းနှီးနှီး နှုတ်ဆက်သည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ဇနီး တို့သည် ဂုဏ်ပြုညစာစားပွဲ အခမ်းအနားသို့ တက်ရောက်လာကြသူများနှင့်အတူ မီးရှူးမီးပန်းများ ပစ်ဖောက်မှုကို ကြည့်ရှုအားပေးကြသည်။

ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် နှင့် ဇနီးတို့သည် ဂုဏ်ပြုညစာစားပွဲ သို့ တက်ရောက်လာကြသူများနှင့်အတူ ညစာကိုအတူ တကွသုံးဆောင်ကြသည်။

ညစာမသုံးဆောင်မီနှင့် သုံးဆောင်နေစဉ်အတွင်း ပြန်ကြား ရေးဝန်ကြီးဌာန မြန်မာ့အသံနှင့်ရုပ်မြင်သံကြားမှ အနုပညာရှင်များနှင့် သာသနာရေးနှင့် ယဉ်ကျေးမှုဝန်ကြီးဌာန အနုပညာဦးစီးဌာနမှအနုပညာရှင်များက တေးသံသာများဖြင့် သီဆိုတီမှုတ်ဖျော်ဖြေကြသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ဇနီး၊ အခမ်းအနားတက်ရောက် လာကြသူများသည် ဂုဏ်ပြုဆောင်ခန်းမ၌ ပြုလုပ်သည့် ပဒေသကပွဲကို ကြည့်ရှုအားပေးကြသည်။

ပဒေသာကပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ်နှင့် ဇနီးတို့သည် ဖျော် ဖြေတင်ဆက်ခဲ့ကြသည့် ပြန်ကြားရေးဝန်ကြီးဌာန မြန်မာ့အသံနှင့်ရုပ်မြင်သံကြားနှင့် သာသနာရေးနှင့် ယဉ်ကျေးမှုဝန်ကြီးဌာ၊ အနုပညာ ဦးစီးဌာနတို့မှ တေးသံရှင်များနှင့် အနုပညာရှင်များကို ဂုဏ်ပြုပန်းခြင်း ပေးအပ်ပြီး ဂုဏ်ပြုညစာစားပွဲအခမ်းအနားသို့ တက်ရောက်လာကြသူများကို ရင်းရင်းနှီးနှီး နှုတ်ဆက်ခဲ့သည်။

အဆိုပါ(၇၇)နှစ်မြောက် လွတ်လပ်ရေးနေ့အထိမ်းအမှတ် ဂုဏ်ပြုညစာစားပွဲ အခမ်းအနားသို့ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး သီရိပျံချီ မဟာသရေစည်သူ စိုးဝင်းနှင့်ဇနီး ဒေါ်သန်းသန်းနွယ်၊ နိုင်ငံတော်စီမံအုပ်ချုပ်ရေးကောင်စီ အတွင်းရေးမှူးနှင့်ဇနီး၊ ကောင်စီတွဲဖက်အတွင်းရေး မှူးနှင့်ဇနီး၊ ကောင်စီဝင်များနှင့်ဇနီးများ၊ ပြည်ထောင်စုအဆင့်ပုဂ္ဂိုလ်များနှင့် ဇနီးများ၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ အကြံပေးပုဂ္ဂိုလ်များ၊ နိုင်ငံတော်စီမံအုပ်ချုပ်ရေးကောင်စီ ဗဟိုအ ကြံပေးအဖွဲ့ဝင်များ၊ ပြည်ထောင်စုဝန်ကြီးများနှင့် ဇနီးများ၊ ပြည်ထောင်စုအဆင့်အဖွဲ့အစည်းဝင်များ၊ နေပြည် တော်ကောင်စီဥက္ကဋ္ဌ၊ ကာကွယ်ရေး ဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ နိုင်ငံခြားသံရုံး များမှသံအမတ်ကြီးများနှင့် သံရုံးတာဝန်ခံများ၊ ဂုဏ်ထူးဆောင်ကောင်စစ်ဝန်များ၊ (၇၇)နှစ် မြောက် လွတ်လပ်ရေးနေ့အထိမ်းအမှတ် ဂုဏ်ထူးဆောင်ဘွဲ့ရရှိကြသူများ၊ ဌာနဆိုင်ရာအကြီးအကဲများ၊ နိုင်ငံရေးပါ တီများမှဥက္ကဋ္ဌများနှင့် ကိုယ်စားလှယ်များ၊ တိုင်းရင်းသားတိုင်းရင်းသူများ၊ အနုပညာရှင်များ၊ အစိုးရမဟုတ်သော အသင်းအဖွဲ့များ နှင့်အထူးဖိတ်ကြားထားသည့် ဧည့်သည်တော်များ တက်ရောက် ခဲ့ကြကြောင်း သတင်း ရရှိသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေ စည်သူ သတိုးသီရိသုဓမ္မ မင်းအောင်လှိုင် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်ချီးမြှင့် အပ်နှင်းခြင်း အခမ်းအနားသို့ တက်ရောက်ဂုဏ်ပြု

ဇန်နဝါရီလ - ၄

တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်များ ချီးမြှင့်အပ်နှင်းခြင်း အခမ်းအနားကို ယနေ့မွန်း လွဲပိုင်း တွင် နေပြည်တော်ရှိ ဇေယျာသီရိဗိမာန်၌ ကျင်းပပြုလုပ် ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ် မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် တက်ရောက် မိန့်ခွန်း ပြောကြားပြီး ဂုဏ်ထူးဆောင်တံဆိပ်များကို ချီးမြှင့်အပ်နှင်းပေးသည်။

အဆိုပါ အခမ်းအနားသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော် ကာကွယ်ရေးဦးစီးချုပ် ဗိုလ် ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်နှင့်အတူ ဇနီး ဒေါ်ကြူကြူလှ၊ နိုင်ငံ တော်စီမံအုပ်ချုပ်ရေးကောင်စီ ဒုတိယ ဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး သီရိပျံချီမဟာ သရေစည်သူ စိုးဝင်းနှင့် ဇနီး ဒေါ်သန်းသန်းနွယ်၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဒုတိယဗိုလ်ချုပ်ကြီး ဇေယျကျော်ထင် သရေစည်သူ ကျော်စွာလင်း နှင့်ဇနီး၊ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး ဇေယျကျော်ထင် ထိန်ဝင်းနှင့်ဇနီး၊ ကာကွယ်ရေးဦးစီး ချုပ်(လေ) ဗိုလ်ချုပ်ကြီး ဇေယျကျော်ထင် စည်သူ ထွန်းအောင်နှင့်ဇနီး၊ ပြည်ထောင်စု အဆင့်ပုဂ္ဂိုလ်များနှင့် ဇနီးများ၊ ပြည်ထောင်စုဝန်ကြီးများနှင့် ဇနီးများ၊ ကာကွယ်ရေး ဦးစီးချုပ်ရုံးမှ တပ်မတော်အရာရှိကြီးများနှင့်ဇနီးများ၊ တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ် လက်ခံရယူကြမည့် အရာရှိ၊ စစ်သည်များနှင့် အမွေခံများ တက်ရောက်ကြသည်။

ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် က ဂုဏ်ပြုအမှာစကားပြော ကြားရာတွင် နိုင်ငံတစ်နိုင်ငံ၏ လွတ်လပ်ရေးနှင့် အချုပ် အခြာအာဏာ တည်တံ့ခိုင်မြဲရေးကို ကာကွယ်စောင့် ရှောက် ရမည့်တာဝန်သည် နိုင်ငံသားမဖြစ်မနေ ထမ်းဆောင်ကြရမည့် မွေးရာပါသမိုင်းပေးတာဝန်ပင်ဖြစ် ကြောင်း၊ ထိုကဲ့သို့ သမိုင်းပေးတာဝန်များကို ထမ်းဆောင်ရာတွင် “ရဲသော်မသေ သေသော် ငရဲမလား” ဟူ သည့် စိတ်ဓာတ်ခံယူချက်တို့ဖြင့် မိမိတို့၏ အသက်ခန္ဓာကို စွန့်လွှတ်ပြီး တိုင်းပြည်နှင့် လူမျိုးအကျိုးသယ် ပိုးခဲ့ကြသည့်နိုင်ငံ့သားကောင်းများကို လွတ်လပ်ရေးနေ့ အခါသမယ ရောက်တိုင်း နိုင်ငံတော်အနေဖြင့် ထိုက် တန်စွာ ဂုဏ်ပြုချီးမြှင့်ပေးလျက်ရှိ ကြောင်း။
လွတ်လပ်ရေးကြိုးပမ်းမှုသမိုင်းနှင့်အတူ ယှဉ်တွဲပေါ်ပေါက်ခဲ့သည့် မြန်မာ့ တပ်မတော်သည် လွတ်လပ်ရေးအ တွက် နယ်ချဲ့ကို ဆန့်ကျင်တိုက်ပွဲဝင်ခဲ့သကဲ့သို့ လွတ်လပ်ရေးရပြီးနောက်ပိုင်းတွင်လည်း ကိုလိုနီစနစ်၏ နောက် ဆက်တွဲစိန်ခေါ်မှု မျိုးစုံကို ကြံ့ကြံ့ခံကာကွယ်ခဲ့ရကြောင်း၊ နိုင်ငံရေးအရ၊ စစ်ရေးအရ ဖန်တီးလာသည့် ပြည်တွင်း ပြည်ပ အန္တရာယ်များကြားတွင် မိမိတို့တပ်မတော်သားများသည် နိုင်ငံနှင့် ပြည်သူအကျိုးအတွက် စွန့်လွှတ်စွန့် စားခြင်းများစွာဖြင့်ပေးအပ်လာသမျှတာဝန်များကို မညည်းမညူကျေပွန်အောင်ထမ်းဆောင်ခဲ့ကြကြောင်း၊ လွတ် လပ်ရေးနှင့်အတူ ပေါ်ပေါက် ခဲ့သည့် ပြည်တွင်းသောင်းကျန်းမှုများ၊ ဝါဒစွဲဂိုဏ်းဂဏစွဲကြောင့် ဖြစ်ပေါ်လာသည့် ထိုးနှက်တိုက်ခိုက်မှုများကြားတွင် တပ်မတော်အနေဖြင့် စစ်မှန်သည့် အမျိုးသားရေး တာဝန်ကိုသာ ရှေးရှုပြီး တိုင်းပြည်နှင့်လူမျိုးအကျိုးသယ်ပိုးခဲ့သည်မှာ သမိုင်းသက်သေရှိ ပြီး ဖြစ်ကြောင်း။
တိုင်းပြည်ကာကွယ်ရေးအတွက် စစ်မြေပြင်တွင် ရှေ့တန်းကျကျ တိုက်ပွဲဝင်နေကြရ သည့်တပ်မတော်သားများ ကဲ့ သို့ ပင် တပ်မတော်သားများ၏ ပါရမီဖြည့်ဖက် ရဲမေများ နှင့် မိသားစုဝင်များသည်လည်းနိုင်ငံတော်ကာကွယ် ရေးအတွက်အရေးကြီးသည့်အရန်အင်အားများပင်ဖြစ်ကြောင်း၊တပ်မတော်သားများ၏ပါရမီဖြည့်ဖက်ပီပီသင်ကြား တတ် မြောက်ထားသည့် စစ်ပညာများဖြင့် နိုင်ငံနှင့်လူမျိုးအကျိုးအတွက် အသက်ကို ပဓာန မထားဘဲ တိုက်ပွဲ ဝင်ခဲ့ကြသည်ကိုလည်း ဂုဏ်ယူဖွယ် တွေ့မြင်ကြရကြောင်း။
နိုင်ငံတစ်ခုဖွံ့ဖြိုးတိုးတက်ခြင်း၏အခြေခံသည် တည်ငြိမ်အေးချမ်းပြီး လက်နက်ကိုင် ပဋိပက္ခများ ကင်းဝေးရန် ပင်ဖြစ်ကြောင်း၊သို့မှသာ အခြေခံအဆောက်အဦများတည်ဆောက်နိုင်ပြီးကုန်စည်ကူးသန်းရောင်းဝယ်မှု ကောင်း မွန်လာမည်ဖြစ်ကြောင်း၊အလားတူ ဒေသခံများ၏ ပညာရေး၊ ကျန်းမာရေး၊ လူမှုရေး ကဏ္ဍစုံကိုလည်း ဖြည့် ဆည်း ဆောင်ရွက်ပေးနိုင်မည် ဖြစ်ကြောင်း။

ပြည်နယ်အရေး၊ လူမျိုးစုအရေးဟူသည့် ခေါင်းစဉ်များဖြင့် လက်တစ်ဆုပ်စာ လူတစ်စု၏ ကိုယ့်အကျိုးအတ္တကို ရှေ့တန်းတင်နေသ၍ ဒေသခံပြည်သူများ၏ ဘဝ များပင် ထိခိုက်နစ်နာနေရဦးမည်ဖြစ်ကြောင်း၊ ထိုကဲ့သို့ ဆုံးရှုံး နစ်နာမှုများ မဖြစ်ပေါ် စေရေး လိုအပ်သည့်ကာကွယ်စောင့်ရှောက်မှုများကို ပေးရမည်မှာ မိမိတို့တပ်မတော်၏ တာဝန်ပင်ဖြစ်ကြောင်း၊ ကမ္ဘာ့မည်သည့်လူ့အဖွဲ့အစည်းကမျှ လက်နက်ကိုင်အကြမ်းဖက် လမ်းစဉ်ကို လက်ခံ ထားခြင်းမရှိသောကြောင့် မိမိတို့နိုင်ငံတွင်လည်း အမြစ်စွဲမှု

မရှိအောင် တားဆီးကာကွယ်သွားကြရ မည်ဖြစ် ကြောင်း။
ယခုအခမ်းအနားတွင် သူရဲကောင်းမှတ်တမ်းဝင်တံဆိပ်ရရှိသူ ၃၄ ဦးကို ချီးမြှင့် ပေးသွားမည်ဖြစ်ပြီး ကျန်စွမ်း ရည်သတ္တိဆိုင်ရာတံဆိပ်နှင့် လက်မှတ်ရသူများကိုလည်း တပ်မတော်ကာကွယ်ရေးဦးစီးချုပ်ကိုယ်စား သက် ဆိုင်ရာ တိုင်းစစ်ဌာနချုပ်အသီးသီး တွင် တစ်ချိန်တည်းတစ်ပြိုင်တည်း ချီးမြှင့်အပ်နှင်းသွားမည်ဖြစ်ကြောင်း၊ အများတကာ လုပ်ဆောင်နိုင်ရန် ခဲယဉ်းသည့်တာဝန်များကို ရင်ဆိုင်ကြုံတွေ့လာချိန်တွင် စွန့်လွှတ် စွန့်စား မှုအပြည့်ဖြင့် စွမ်းဆောင်ခဲ့သူများပင်ဖြစ်ကြောင်း၊ နိုင်ငံနှင့်လူမျိုးအတွက် မည်သည့်အခက်အခဲကိုမျှ အမှုမ ထားဘဲ အသက်ခန္ဓာကိုစွန့်လွှတ်နိုင်သည်အထိ ကြံ့ခိုင် သည့်စိတ်ဓာတ်၊ ပြောင်မြောက်သည့် သူရသတ္တိများဖြင့် ရဲရဲဝံ့ဝံ့တိုက်ပွဲဝင်ဆောင်ရွက်ခဲ့ ကြခြင်းဖြစ်ကြောင်း၊ ထိုကဲ့သို့ စစ်သားကောင်းတစ်ယောက်တွင်ရှိအပ်သည့် ခိုင်မာသည့် သန္နိဋ္ဌာန် စိတ်ဓာတ်များဖြင့် တာဝန်ထမ်းဆောင်မှုများအတွက် အထူးပင်ဂုဏ်ယူမိ သကဲ့သို့ ဆု တံဆိပ်များ ချီးမြှင့်ခြင်းမခံရသော်လည်း တက်ညီလက်ညီ စွမ်းဆောင်ခဲ့ကြ သူအားလုံးကို မှတ်တမ်းတင် ဂုဏ်ပြုကြောင်းကို ပြောကြားလိုကြောင်း။
ယနေ့ တပ်မတော်စွမ်းရည်သတ္တိနှင့် ဂုဏ်ထူးဆောင်ဘွဲ့တံဆိပ်များ၊ လက်မှတ် များ အပ်နှင်းခြင်းခံကြရသူ များသည် နိုင်ငံတော်ကာကွယ်ရေးတာဝန်နှင့် အခြားနိုင်ငံ့တာဝန် များကို ထမ်းဆောင်ရာတွင် အမိနိုင်ငံတော် နှင့်ပြည်သူတို့အတွက် လေးနက်မွန်မြတ်သည့် ခံယူချက်ဖြင့် ကျရာတာဝန်များကို ဇွဲ၊ လုံ့လ၊ ဝီရိယ စိုက်ထုတ် တာဝန် ထမ်းဆောင်ခဲ့ကြသူများဖြစ်ကြောင်း၊ ထိုကဲ့သို့ မှတ်တမ်းကောင်းရေးထိုးခဲ့ကြသူများ ဖြစ်၍လည်း ပြည် သူ့ သားကောင်းအာဇာနည်များအဖြစ် အစဉ်အသိအမှတ်ပြုလေးစား ဂုဏ်ယူနေမည် ဖြစ်ကြောင်း၊ ထို့ကြောင့် ရှိရင်းစွဲ ယုံကြည်ချက်ခံယူချက်ကောင်းများဖြင့် လွတ်လပ်ရေး အမွေကို နောင်မျိုးဆက်သစ်များဆီ လက်ဆင့် ကမ်းပေးနိုင်သည့် နိုင်ငံ့သားကောင်းဇာနည်များ ဖြစ်စေရေး ဆက်လက်ကြိုးပမ်းဆောင်ရွက်သွားကြရန် တိုက် တွန်းမှာကြားလိုကြောင်းဖြင့် ပြောကြားသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်က သူရဲကောင်း မှတ်တမ်းဝင်တံဆိပ်ရရှိသူ ဗိုလ်မှူးချုပ် ၄ ဦး၊ ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၈ ဦး၊ ဗိုလ်မှူး ၉ ဦး၊ ဗိုလ်ကြီး ၄ ဦး၊ အရာခံဗိုလ် ၁ ဦး၊ တပ်ကြပ်ကြီး ၁ ဦး၊ တပ်ကြပ် ၃ ဦး၊ ဒုတိယတပ်ကြပ် ၂ ဦး တို့အား ဆုတံဆိပ်များ အသီး သီးပေးအပ် ချီးမြှင့်သည်။

ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီး ချုပ်နှင့် အဖွဲ့ဝင်များသည် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်များ ရရှိခဲ့သည့် အရာရှိ၊ စစ်သည်များ၊ အမွေခံများနှင့် အတူ အမှတ်တရ စုပေါင်းဓာတ်ပုံ ရိုက် ကြသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်နှင့် အဖွဲ့ဝင်များသည် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ် များ ချီးမြှင့်ခံရသူများကို လက်ဖက်ရည်ဝိုင်းဖြင့် တည် ခင်း ဧည့်ခံခဲ့ပြီး ပြည်သူဆက်ဆံရေး နှင့် စိတ်ဓာတ်စစ်ဆင်ရေးညွှန်ကြားရေးမှူးရုံး ကွပ်ကဲမှုအောက် မြဝတီတေး ဂီတအဖွဲ့က တေးသီချင်းများဖြင့် ဂုဏ်ပြုဖျော်ဖြေကြသည်။

အခမ်းအနားအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော် ကာကွယ်ရေးဦးစီးချုပ်နှင့်အဖွဲ့ ဝင်များသည် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင် တံဆိပ်ချီးမြှင့်ခံရသူများကို ရင်းရင်းနှီးနှီးနှုတ် ဆက်ခဲ့ကြကြောင်း သတင်းရရှိ သည်။

ရေစကြိုမြို့အနီး ဇီးကျွန်းရွာ စာသင်ကျောင်းရှိ ဆရာမ (၃)ဦးကို စစ်သွေးကြွအဖွဲ့တွေ ဖမ်းဆီးသွားပြန်


ဒီဇင်ဘာ ၂၇

မကွေးတိုင်းဒေသကြီး၊ ရေစကြိုမြို့နယ်၊ ဇီးကျွန်းရွာရှိ အခြေခံပညာမူလတန်းကျောင်းမှ ကျောင်းဆရာမ (၃)ဦးကို စစ်သွေးကြွ PDF အဖွဲ့ဝင်များမှ ဖမ်းဆီးသွားကြောင်း သိရသည်။

ယနေ့ ဒီဇင်ဘာလ (၂၇)ရက် နံနက် (၁၁)နာရီခန့်က ဇီးကျွန်းကျေးရွာ အခြေခံပညာမူလတန်းကျောင်းမှ ဆရာမ (၃)ဦးကို စုံညီပွဲတော်ပြုလုပ်သည်ဟုဆိုကာ PDF အဖွဲ့ဝင်များမှ ဖမ်းဆီးသွားခြင်းဖြစ်ကြောင်း ဒေသခံများက ပြောသည်။ 

ရေစကြိုမြို့နယ် ဇီးကျွန်းကျေးရွာသည် ရေစကြိုမြို့အနီး ချင်းတွင်းမြစ်ကမ်းနံဘေးတွင် တည်ရှိသည့် ကျေးရွာဖြစ်သည်။

ပုံနှိပ်ခြင်းလုပ်ငန်း၊ ထုတ်ဝေခြင်းလုပ်ငန်းနှင့် သတင်းအေဂျင်စီလုပ်ငန်း လုပ်ကိုင်သူများ လုပ်ငန်းအသိအမှတ်ပြုလက်မှတ် အသစ်လဲလှယ်ရန် အသိပေးကြေညာခြင်း

ဒီဇင်ဘာလ ၂၇ ရက်နေ့အတွက်သတင်းရုပ်သံ ကျွန်တော်တို့ မီဒီယာကို ထောက်ပံ့ပေးမယ်ဆိုရင်
KPay Wave Pay နံပါတ်ဖြစ်တဲ့ 09400080398 ကို ပေးပို့ကူညီနိုင်ပြီးသတင်းတွေပေးပို့မယ်ဆိုရင် 09678046496 ကို ဆက်သွယ်ပေးပို့နိုင်ပါတယ်။
#AungMoeKyaw

ကရင်ပြည်နယ် ဘားအံမြို့တွင် ကရင်နှစ်သစ်ကူးပွဲတော်အတွက် ပြင်ဆင်မှုများပြုလုပ်

ဒီဇင်ဘာ ၂၇

၂၀၂၄ ခုနှစ်၊ ဒီဇင်ဘာလ ၃ဝ ရက်တွင် ကျရောက်မည့် ကရင်နှစ်သစ်ကူးပွဲတော်အတွက် ကရင်ပြည်နယ် ဘားအံ မြို့တွင် ပြင်ဆင်မှုများပြုလုပ်လျက်ရှိကြောင်း ကရင်နှစ်သစ်ကူးပွဲတော် ကျင်းပရေးကော်မတီ(ဘားအံ)မှ သိရပါတယ်။

နှစ်စဉ် ပြာသိုလဆန်း ၁ ရက်နေ့ကို ကရင်နှစ်သစ်ကူးနေ့အဖြစ် သတ်မှတ်ထားရာ ယခုနှစ် ဇန်နဝါရီလ ၁၁ ရက်က ကရင်နှစ်သစ်ကူးပွဲတော်ကို တစ်ကြိမ်ကျင်းပခဲ့ပြီး လာမယ့် ဒီဇင်ဘာလ ၃၀ ရက်တွင်လည်း ပြာသိုလဆန်း ၁ ရက်နေ့ ဖြစ်တဲ့အတွက် ကရင်နှစ်သစ်ကူးပွဲတော်ကို ထပ်မံကျင်းပရန် ကရင်ပြည်နယ် ဘားအံမြို့ရှိ တောင်ကလေးကျေးရွာကွင်း၌ ပြင်ဆင်မှုများ ပြုလုပ်နေခြင်းဖြစ်ပါတယ်။

"ဒီနှစ်က ထူးခြားတဲ့နှစ်ပေါ့။ လေးငါးနှစ်တစ်ကြိမ်တော့ နှစ်ခါ ကျရောက်တတ်တယ်။ ဒီနေ့မှာက  ကရင်တိုင်းရင်းသားတွေရော စည်းစည်းလုံးလုံးနဲ့ တွေ့ဆုံကျတဲ့နေ့ပေါ့"ဟု ဒေသခံတစ်ဦးက ပြောပါတယ်။

#MMG

ပြည်ထောင်စုနယ်မြေ နေပြည်တော်အတွင်းရှိ လယ်ယာမြေများပေါ်တွင် ခွင့်ပြုမိန့်မရှိဘဲ ကျူးလွန်ဆောင်ရွက်နေမှုများ SOP နှင့်အညီ ရှင်းလင်းနိုင်ရေး လုပ်ငန်းညှိနှိုင်းအစည်းအဝေးကျင်းပ

ဒီဇင်ဘာ ၂၇

ပြည်ထောင်စုနယ်မြေ နေပြည်တော်အတွင်းရှိ လယ်ယာမြေများပေါ်တွင် ခွင့်ပြုမိန့်မရှိဘဲ ကျူးလွန်ဆောင်ရွက်နေမှုများ SOP နှင့်အညီ ရှင်းလင်းနိုင်ရေး လုပ်ငန်းညှိနှိုင်းအစည်းအဝေးကို ယနေနံနက်ပိုင်းတွင် နေပြည်တော်ကောင်စီရုံး အစည်းအဝေးခန်းမ၌ ကျင်းပရာ နေပြည်တော်ကောင်စီဥက္ကဋ္ဌ ဦးသန်းထွန်းဦး၊ နေပြည်တော်ကောင်စီဝင် ဗိုလ်မှူးကြီးရဲမိုး၊ ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ဥက္ကဋ္ဌများ တက်ရောက်ကြသည်။

နိုင်ငံတော်အတွက် အကောက်ခွန်၊ ကုန်သွယ်လုပ်ငန်းခွန်၊ အထူးကုန်စည်ခွန် အစရှိသည့် အခွန်အရပ်ရပ်ကို အပြည့်အဝကောက်ခံနိုင်ရန် လိုအပ်

ဒီဇင်ဘာ ၂၇

ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်သည် ယမန်နေ့နံနက်ပိုင်းတွင် ရန်ကုန်မြို့ ကျောက်တံတားမြို့နယ်ရှိ အကောက်ခွန်ဦးစီးဌာန၌ အကောက်ခွန်ဦးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ဌာနများ၏ တာဝန်ခံညွှန်ကြားရေးမှူးများနှင့် တွေ့ဆုံသည်။

တွေ့ဆုံစဉ် ညွှန်ကြားရေးမှူးချုပ်က အကောက်ခွန်ဦးစီးဌာန၏ လုပ်ငန်းဆောင်ရွက်နေမှုကို တင်ပြရာ ဒုတိယဝန်ကြီးချုပ်နှင့် ပြည်ထောင်စုဝန်ကြီးက လိုအပ်သည်များ ပေါင်းစပ်ညှိနှိုင်းဖြေရှင်း ဆောင်ရွက်ပေးသည်။

ပြည်တွင်းနေရပ်စွန့်ခွာသူများ ပြန်လည်နေရာချထားရေးနှင့် ယာယီခိုလှုံရာစခန်းများ ပိတ်သိမ်းရေးဆိုင်ရာ အမျိုးသားအဆင့်ကော်မတီ၏ လုပ်ငန်းညှိနှိုင်းအစည်းအဝေးအမှတ်စဉ် ( ၂/၂၀၂၄) ကျင်းပ

ဒီဇင်ဘာ ၂၇

ပြည်တွင်းနေရပ်စွန့်ခွာသူများ ပြန်လည်နေရာချထားရေးနှင့် ယာယီခိုလှုံရာစခန်းများ ပိတ်သိမ်းရေးဆိုင်ရာ အမျိုးသားအဆင့်ကော်မတီ၏ လုပ်ငန်းညှိနှိုင်းအစည်းအဝေးအမှတ်စဉ် (၂/၂၀၂၄)ကို ယမန်နေ့မွန်းလွဲပိုင်းတွင် နယ်စပ်ရေးရာဝန်ကြီးဌာန ဧရာဝတီခန်းမ၌ ကျင်းပသည်။

အစည်းအဝေးသို့ ပြည်တွင်းနေရပ်စွန့်ခွာသူများ ပြန်လည်နေရာချထားရေးနှင့် ယာယီခိုလှုံရာစခန်းများ ပိတ်သိမ်းရေးဆိုင်ရာ အမျိုးသားအဆင့်ကော်မတီဥက္ကဋ္ဌ၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်၊ ဒုတိယဥက္ကဋ္ဌ ပြည်ထောင်စုဝန်ကြီး ဒေါက်တာစိုးဝင်း၊ ကော်မတီဝင် ဒုတိယဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြပြီး သက်ဆိုင်ရာတိုင်းဒေသကြီးနှင့် ပြည်နယ်အစိုးရအဖွဲ့ဝင်လုံခြုံရေးနှင့် နယ်စပ်ရေးရာဝန်ကြီးများနှင့် လူမှုရေးရာဝန်ကြီးတို့က Online System ဖြင့် တက်ရောက်ကြသည်။

ပြည်ထောင်စုဝန်ကြီး ဦးမြင့်နောင် တရုတ်ပြည်သူ့သမ္မတနိုင်ငံ တဲဟုန်ခရိုင်ပြည်သူ့အစိုးရ ယူနန်ပြည်နယ် ဒုတိယအုပ်ချုပ်ရေးမှူး Mr. Liu Yipeng ဦးဆောင်သော ကိုယ်စားလှယ်အဖွဲ့ကို လက်ခံတွေ့ဆုံ

ဒီဇင်ဘာ ၂၇

အလုပ်သမားဝန်ကြီးဌာန ပြည်ထောင်စုဝန်ကြီး ဦးမြင့်နောင်သည် တရုတ်ပြည်သူ့သမ္မတနိုင်ငံ တဲဟုန် ခရိုင်ပြည်သူ့အစိုးရ ယူနန်ပြည်နယ် ဒုတိယအုပ်ချုပ်ရေးမှူး Mr. Liu Yipeng ဦးဆောင်သော ကိုယ်စားလှယ်အဖွဲ့ကို ယနေ့နံနက်ပိုင်းတွင် နေပြည်တော်ရှိ အဆိုပါဝန်ကြီးဌာန အစည်းအဝေးခန်းမ၌ လက်ခံတွေ့ဆုံသည်။

တောင်ဥက္ကလာပတွင်ပုဂ္ဂလိကလုံခြုံ​ရေးဝန်ထမ်းကိုသူငယ်ချင်းနှစ်ဦးကလည်လှီးသတ်

ဒီဇင်ဘာ၂၇

​တောင်ဥက္ကလာပမြို့နယ်၊(၁၄)ရပ်ကွက်၊သံသုမာလမ်းနှင့်မြင်သာ(၃)လမ်း​ထောင့်ရှိ​ဆောက်လက်စ ကားအလှဆင်စက်ရုံတွင်လုံခြုံ​ရေးတာဝန်ချထားသည့်ပုဂ္ဂလိကလုံခြုံ​ရေးကုမ္ပဏီမှဝန်ထမ်းကိုရန်​နောင်ဦးကိုဒီဇင်ဘာလ၂၅ရက်ည၌သူငယ်ချင်းနှစ်ဦးကလည်ပင်းကိုဓါးဖြင့်လှီးဖြတ်သတ်ဖြတ်ခဲ့​ကြောင်းသိရပါတယ်။

ဖြစ်စဥ်မှာကိုရန်နိုင်ဦးသည်ဒီဇင်ဘာလ၂၅ရက်တွင်နံနက််၆နာရီမှည​နေ၆နာရီအထိတာဝန်ထမ်း​ဆောင်ပြီး​ဆောက်လက်စတိုက်၏အခန်းထဲတွင်ရှိ​နေစဥ်ည၁၀နာရီ၌သူ၏သူငယ်ချင်း​များဖြစ်​သောစောထီဒိုဝါး(ခ)ကရင်နှင့်ဆလိုင်း​အောင်ဆွေ(ခ)ဆလိုင်းတို့​ရောက်လာကာအရက်အတူ​သောက်ရာမှစကားများရန်ဖြစ်ကြသည်။ထို့​နောက်ကိုရန်နိုင်ဦးအိပ်​ပျော်သွားစဥ်ကရင်ကချုပ်​ပေးပြီးဆလိုင်းကဓါးမဖြင့်လည်ပင်းကိုလှီးဖြတ်သတ်ဖြတ်ကာထွက်​ပြေးသွားခဲ့တယ်လို့ဆိုပါတယ်။

တရားခံနှစ်ဦးအားဒီဇင်ဘာလ၂၆ရက်နံနက်၃း၂၀နာရီအချိန်တွင်ဖမ်းဆီးရမိပြီး​တောင်ဥက္ကလာပရဲစခန်းမှ(ပ)၃၃၉/၂၀၂၄၊ရာဇသတ်ကြီးပုဒ်မ၃၀၂ဖြင့်အမှုဖွင့်အ​ရေးယူထား​ပါတယ်။

ပြည်ထောင်စုဝန်ကြီး ဒေါက်တာသက်သက်ခိုင် Exploring Myanmar Culture and Tourism Organization ၏ ဥက္ကဋ္ဌ Mr. David Liu ကို လက်ခံတွေ့ဆုံ

ဒီဇင်ဘာ ၂၇

ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်သည် ယနေ့နံနက်ပိုင်းတွင် မြန်မာ-တရုတ် နှစ်နိုင်ငံခရီးသွားမြှင့်တင်ရေးဆိုင်ရာကိစ္စရပ်များကို စဉ်ဆက်မပြတ် အကောင်အထည်ဖော်ဆောင်ရွက်နိုင်ရန် မြန်မာနိုင်ငံ ရန်ကုန်မြို့အခြေစိုက် Exp-loring Myanmar Culture and Tourism Organization ၏ ဥက္ကဋ္ဌ Mr. David Liu အား ဝန်ကြီးဌာနရှိ ပြည်ထောင်စု ဝန်ကြီး၏ ဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် တရုတ်-မြန်မာ အစိုးရ - ပုဂ္ဂလိကကဏ္ဍများအကြား ပူးပေါင်းဆောင်ရွက်မှုကို တိုးမြှင့်ဆောင်ရွက်သွားရန်၊ မြန်မာနိုင်ငံရှိ ခရီးစဉ်ဒေသများအကြောင်း တရုတ်ခရီးသွားဧည့်သည်များ ပိုမို သိရှိနိုင်ရေးအတွက် တရုတ်နိုင်ငံသုံး Social Media အကောင့်များမှတစ်ဆင့် မြှင့်တင်ကြော်ငြာသွားနိုင်ရေး ပူးပေါင်းဆောင်ရွက်ရန်၊ မြန်မာနိုင်ငံရှိ ဟိုတယ်နှင့်ခရီးသွားကဏ္ဍ၌ တရုတ်နိုင်ငံသားလုပ်ငန်းရှင်များ လာရောက်ရင်းနှီးမြှုပ်နှံကြရေး၊ တရုတ်နိုင်ငံမှ ပင်လယ်ရေကြောင်း အပျော်စီးသင်္ဘောများ ဖြင့်လာရောက်မည့် ခရီးသွားဧည့်သည်များကို ဖိတ်ခေါ်ရေး၊ အပျော်စီးသင်္ဘောခရီးစဉ်များ စီစဉ်ဆောင်ရွက်သွားနိုင်ရေး၊ ခရီးသွားမြှင့်တင်ရေးဆိုင်ရာကိစ္စရပ်များနှင့် တရုတ်ခရီးသွားဧည့်သည်များ ပိုမိုဝင်ရောက်လာရေးအတွက် Exploring Myanmar Culture and Tourism Organization နှင့် ပူးပေါင်းဆောင်ရွက်သွားနိုင်ရေးဆွေးနွေးကြပြီး မြန်မာ - တရုတ် နှစ်နိုင်ငံ ခရီးသွားမြှင့်တင်ရေးဆိုင်ရာ ကိုယ်စားလှယ်အဖြစ် အသိအမှတ်ပြုလက်မှတ်ကို Exploring Myanmar Culture and Tourism Organization ၏ဥက္ကဋ္ဌ Mr. David Liu ထံ ပေးအပ်ခဲ့ကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် ဖဒိုမန်းငြိမ်းမောင် ညောင်လေးပင်ခရိုင်အတွင်း အောင်မြင်စွာ ဆောင်ရွက်လျက်ရှိသော စိုက်ပျိုးရေးနှင့် မွေးမြူရေးလုပ်ငန်းများ ကွင်းဆင်းကြည့်ရှုအားပေး

ဒီဇင်ဘာ ၂၆

နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် ဖဒိုမန်းငြိမ်းမောင်သည် ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းနှင့်အတူ ဒီဇင်ဘာလ(၂၆)ရက်နေ့၊ နံနက်ပိုင်းက ညောင်လေးပင်ခရိုင်အတွင်း အောင်မြင်စွာ ဆောင်ရွက်လျက်ရှိသော စိုက်ပျိုးရေးနှင့် မွေးမြူရေးလုပ်ငန်းများ ကွင်းဆင်းကြည့်ရှုအားပေး ခဲ့သည်။

ဗိုလ်လောင်းသင်တန်း အမှတ်စဉ်(၆၆) သင်တန်းဆင်း ဗိုလ်လောင်းများအား ပြန်တမ်းဝင်အရာရှိ ခန့်အပ်ခြင်းအခမ်းအနားကျင်းပ

ဒီဇင်ဘာလ ၆

စစ်တက္ကသိုလ် ဗိုလ်လောင်းသင်တန်း အမှတ်စဉ် (၆၆) ပြန်တမ်းဝင်အရာရှိ ခန့်အပ်ခြင်း အခမ်းအနားကို ယနေ့နံနက်ပိုင်းတွင် စစ်တက္ကသိုလ် ဘွဲ့နှင်းသဘင်ခန်းမ၌ ကျင်းပရာ ကာကွယ်ရေးဦးစီးချုပ်ရုံး (ကြည်း)၊ စစ်ရာထူးခန့်ချုပ် ဒုတိယဗိုလ်ချုပ်ကြီး လင်းအောင်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ စစ်တက္ကသိုလ်ကျောင်းအုပ်ကြီးနှင့် ကျောင်းဆင်းဗိုလ်လောင်းများ တက်ရောက်ကြသည်။အခမ်းအနား တွင် ဒုတိယဗိုလ်ချုပ်ကြီး လင်းအောင်က ကျောင်းဆင်းဗိုလ်လောင်း တစ်ဦး ချင်းစီအား ပြန်တမ်းဝင်ခန့်အပ်လွှာများ ပေးအပ်ပြီးနောက် စစ်ရာထူးခန့်ချုပ် ဒုတိယဗိုလ်ချုပ်ကြီး လင်းအောင်က အမှာစကားပြောကြားခဲ့ကြောင်း သိရသည်။

နစက ဥက္ကဋ္ဌ နိုင်ငံတော်ဝန်ကြီးချုပ်  ဗိုလ်ချုပ်မှူးကြီး မင်းအောင်လှိုင် ပြင်ဦးလွင်မြို့၊ အမျိုးသားကန်တော်ကြီးဥယျာဉ်နှင့် သုမင်္ဂလာအဆင့်မြင့်ဈေး တည်ဆောက်ရေးစီမံကိန်းကြည့်ရှုစစ်ဆေး

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် စစ်တက္ကသိုလ် ဗိုလ်လောင်းသင်တန်းအမှတ်စဉ်(၆၆) သင်တန်းဆင်း ဂုဏ်ပြုညစာစားပွဲ အခမ်းအနား တက်ရောက်ချီးမြှင့်

မန္တလေးတိုင်းဒေသကြီးတွင် ငွေကျပ် ၉ ဒသမ ၁ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၆၁ သိန်းနှင့် ဘိန်းဖြူ ၄၄ဝ ဂရမ် ဖမ်းဆီးရမိ

ဒီဇင်ဘာလ ၆

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် နိုဝင်ဘာလ ၂၂ ရက်နေ့ နံနက် ၆ နာရီခွဲအချိန် မန္တလေးတိုင်းဒေသကြီး၊ ပုသိမ်ကြီးမြို့ နယ်၊ ၁၀၁ လမ်းနှင့် မြို့ပတ်လမ်းထောင့်တွင် ကျော်သူလွင်(ခ)မွန်ချေး မောင်းနှင်လာသည့် မော်တော်ဆိုင်ကယ်ကို သတင်း အရရှာဖွေရာ စိတ်ကြွရူးသွပ်ဆေးပြား ၆၀,၀၀၀ ပြား စတင်ဖမ်းဆီးရမိခဲ့ပြီး ၎င်းငှားရမ်းနေထိုင်သည့် ပုသိမ်ကြီးမြို့နယ်၊ အောင်မင်္ဂလာ(၁)ရပ်ကွက်ရှိ နေအိမ်၌ သိုဝှက်ထားသည့် စိတ်ကြွရူးသွပ်ဆေးပြား ၆၀ ဒသမ ၄ သိန်းအားလည်းကောင်း၊ မန္တလေးမြို့ ၊ ၃၅ လမ်းနှင့် ၅၄ လမ်းထောင့်ရှိ ဟိုတယ်အခန်းတွင် ရောင်းချရန်အသင့်ထားရှိသည့် ဘိန်းဖြူ ၄၄၀ ဂရမ်အားလည်းကောင်း အသီးသီးဆက်လက်သိမ်းဆည်း ရမိခဲ့သဖြင့် စုစုပေါင်းဒေသကာလတန်ဖိုးငွေကျပ် ၉ ဒသမ ၁ ဘီလီယံကျော်တန်ဖိုးရှိ စိတ်ကြွရူးသွပ် ဆေးပြား ၆၁ သိန်း၊ ဘိန်းဖြူ ၄၄၀ ဂရမ် သိမ်းဆည်းရမိခဲ့ကြောင်း၊ ကွင်းဆက်ဖော်ထုတ်ချက်အရ ယင်းနေ့မွန်းလွဲ ၁ နာရီအချိန် မူးယစ်ဆေးဝါးများ သယ်ဆောင်ရောင်းဝယ်ရာတွင် ပူးပေါင်းပါဝင်သူ အောင်ခိုင်မင်း(ခ)ဖိုးလုံး အား CRV မော်တော်ယာဉ် ၁ စီးနှင့်အတူ မန္တလေးမြို့ ၊ ၅၁ လမ်း၊ ၁၂၃ x ၁၂၄ လမ်းကြား၌ ဖမ်းဆီးရမိခဲ့သဖြင့် ၎င်းတို့အား ဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများအား စစ်ဆေးဖော်ထုတ်လျက်ရှိကြောင်း သတင်းရရှိသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ  မင်းအောင်လှိုင်   စစ်တက္ကသိုလ် ဗိုလ်လောင်းသင်တန်းအမှတ်စဉ် (၆၆) သင်တန်းဆင်းဂုဏ်ပြုစစ်ရေးပြ အခမ်းအနားသို့ တက်ရောက် မိန့်ခွန်းပြောကြား

ပြည်သူ့စစ်မှုထမ်းသင်တန်း အမှတ်စဉ်(၇/၂ဝ၂၄)သို့ တက်ရောက်မည့် နိုင်ငံ့သားကောင်းရတနာများအား သွားရောက်တွေ့ဆုံ

နိုဝင်ဘာလ - ၂၃

ဧရာဝတီတိုင်းဒေသကြီးအတွင်းမှ ပြည်သူ့စစ်မှုထမ်းသင်တန်း အမှတ်စဉ် (၇/၂၀၂၄)သို့ တက်ရောက်ကြမည့် နိုင်ငံ့သားကောင်းရတနာများအား ယနေ့နံနက်ပိုင်း တွင် တိုင်းဒေသကြီးဝန်ကြီးချုပ် ဦးတင်မောင်ဝင်းနှင့် တာဝန်ရှိသူများက အနောက် တောင်တိုင်းစစ်ဌာနချုပ်၊ တပ်နယ်အားကစားရုံ၌ သွားရောက်တွေ့ဆုံသည်။

ထိုသို့ တွေ့ဆုံရာတွင် တိုင်းဒေသကြီးဝန်ကြီးချုပ်နှင့် တာဝန်ရှိသူများက ပြည်သူ့စစ်မှုထမ်းသင်တန်း အမှတ်စဉ်(၇/၂၀၂၄)သို့ တက်ရောက်မည့် နိုင်ငံ့သားကောင်း ရတနာများအား ထောက်ပံ့ပစ္စည်းများ ပေးအပ်ခဲ့ပြီး ရင်းရင်းနှီးနှီးလိုက်လံနှုတ်ဆက် ကာ လိုအပ်သည့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။

(၃၂)ကြိမ်မြောက် အာဆီယံနိုင်ငံတပ်မတော်(ကြည်း)များသေနတ်ပစ်ပြိုင်ပွဲ ပိတ်ပွဲအခမ်းအနားသို့ ညှိနှိုင်းကွပ် ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး ဦးဆောင်သော ကိုယ်စားလှယ်အဖွဲ့တက်ရောက်

နိုဝင်ဘာလ ၂၃

ဖိလစ်ပိုင်နိုင်ငံတွင်ကျင်းပပြုလုပ်သည့် (၃၂)ကြိမ်မြောက် အာဆီယံနိုင်ငံတပ်မတော် (ကြည်း)များသေ နတ် ပစ်ပြိုင်ပွဲ (32nd ASEAN Armies Rifle Meet 32nd AARM) ပိတ်ပွဲသို့ တက်ရောက်ရန်အတွက် ဖိလစ်ပိုင်နိုင်ငံ Mabalacat မြို့သို့ရောက်ရှိနေသည့် ညှိနှိုင်း ကွပ်ကဲရေးမှူး(ကြည်း၊ရေ၊လေ)ဗိုလ်ချုပ်ကြီး မောင်မောင်အေး ဦး ဆောင်သောကိုယ်စားလှယ် အဖွဲ့သည် နိုဝင်ဘာလ ၂၂ ရက် နံနက်ပိုင်းတွင် Tarlas မြို့ ၊ Camp O'Donnell ရှိ လက်နက်ငယ် ကျွမ်းကျင်မှု လေ့ကျင့်ရေးကွင်း၌ကျင်းပပြုလုပ်သည့် (၃၂)ကြိမ်မြောက် အာဆီယံနိုင်ငံတပ်မ တော် (ကြည်း)များ သေနတ်ပစ်ပြိုင်ပွဲ (32nd ASEAN Armies Rifle Meet 32nd AARM) ပိတ်ပွဲအခမ်း အနားသို့ အာဆီယံနိုင်ငံများမှကြည်းတပ်ဦးစီးချုပ်များ၊ ခေါင်းဆောင်များနှင့် အတူ တက်ရောက်ခဲ့သည်။

ယင်းနောက် ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး သည် အာဆီယံနိုင်ငံများမှ ကြည်းတပ်ဦးစီးချုပ်များနှင့်အတူ (၃၂)ကြိမ်မြောက် အာဆီယံနိုင်ငံ တပ်မတော်(ကြည်း)များ သေနတ်ပစ်ပြိုင်ပွဲ ပိတ်ပွဲ၏ ဆုချီးမြှင့်ပွဲအခမ်းအနားသို့တက်ရောက်ခဲ့ သည်။

ဆုချီးမြင့်ပွဲအပြီးတွင် မြန်မာ့တပ်မတော်ကိုယ် စားပြု ဝင်ရောက်ယှဉ်ပြိုင်နေသည့် သေနတ်ပစ်အသင်းအဖွဲ့ဝင်များအား ရင်းရင်းနှီးနှီးတွေ့ဆုံ၍ အားပေးစကားပြော ကြားခဲ့သည်။ (၃၂)ကြိမ်မြောက် အာဆီယံနိုင်ငံတပ်မတော် (ကြည်း)များသေနတ်ပစ်ပြိုင်ပွဲတွင် သေနတ်ပစ် အသင်း ၁၀ သင်း ဝင်ရောက်ယှဉ်ပြိုင်သည့်အနက် မြန်မာ့တပ်မတော်ကိုယ်စားပြုအသင်း အနေဖြင့် အမှတ်ပေး ပစ်ခတ်စဉ်များတွင် နိုင်ငံအလိုက် အဆင့်(၄)၊ အမှတ်ပေးပစ်ခတ်စဉ်နှင့် ထိလဲပြား ပစ်ခတ်စဉ် စုစုပေါင်းတွင် နိုင်ငံအလိုက် အဆင့်(၃) ရရှိခဲ့သည်။

ထို့နောက် ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး သည် Camp O'Donnell ရှိ ဖိလစ်ပိုင်ကြည်းတပ်ဗိုလ်သင်တန်းကျောင်း၌ ဖိလစ်ပိုင်ကြည်းတပ်ဦးစီးချုပ် Lt. Gen Roy M Galido က တည် ခင်း ဧည့်ခံသော အထူးနေ့လယ်စာစားပွဲသို့ အာဆီယံနိုင်ငံများမှ ကြည်းတပ်ဦးစီးချုပ်များ နှင့်အတူတက်ရောက် ခဲ့သည်။

ထို့ပြင် ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေးသည် နိုဝင်ဘာလ ၂၀ ရက် နံနက်ပိုင်းတွင် Hilton Clark Hotel ရှိ Meeting Room-1 ၌ ဖိလစ်ပိုင်နိုင်ငံဆိုင်ရာ မြန်မာသံရုံးယာယီ တာဝန် ခံနှင့်ဝန်ထမ်းများ၊ မိသားစုဝင်များ ၊ မြန်မာစစ်သံ(ကြည်း၊ ရေ၊ လေ)နှင့် စစ်သံရုံး ဝန်ထမ်းများ၊ မိသားစုဝင်များ နှင့် ရင်းရင်းနှီးနှီးတွေ့ဆုံနှုတ်ဆက်စကားပြောကြား၍ စားသောက်ဖွယ်ရာများပေးအပ်ခဲ့သည်။

ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး ဦးဆောင်သည့် ကိုယ်စားလှယ်အဖွဲ့ သည် နိုဝင်ဘာလ ၂၃ ရက် ညနေပိုင်းတွင် မြန်မာနိုင်ငံသို့ ပြန်လည် ရောက်ရှိ ကြောင်းသတင်းရရှိသည်။

ဖိလစ်ပိုင်နိုင်ငံတွင် နိုဝင်ဘာ၁၂ ရက်မှ ၂၃ ရက်ထိကျင်းပခဲ့သည့် (၃၂)ကြိမ်မြောက် အာဆီယံ နိုင်ငံတပ်မတော် ကြည်းများ သေနတ်ပစ်ပြိုင်ပွဲ (32nd ASEAN Armies Rifle Meet - 32nd AARM) ဝင်ရောက်ယှဉ်ပြိုင်ခဲ့သည့် မြန်မာ့တပ်မတော် သေနတ်ပစ်အသင်းသည် ယနေ့ညပိုင်းတွင် နေပြည်တော် လေဆိပ်သို့ ပြန်လည်ရောက်ရှိရာ လေဆိပ်တွင် ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ထိန်ဝင်း၊ စစ်ဦးစီအရာရှိချုပ်(ရေ) ဒုတိယ ဗိုလ်ချုပ်ကြီး အေးမင်းထွေး၊ စစ်ဦးစီးအရာရှိချုပ်(လေ) ဒုတိယဗိုလ်ချုပ်ကြီး ဇော်ဝင်းမြင့်နှင့် တပ်မတော်အရာ ရှိကြီးများ က လေဆိပ်၌ကြိုဆိုနှုတ်ဆက်ကြသည်။

မြန်မာ့တပ်မတော် သေနတ်ပစ်အသင်းတွင် အသင်းခေါင်းဆောင် ဒုတိယဗိုလ်မှူးကြီး သိန်းစိုးထွန်း ဦးဆောင်၍ အုပ်ချုပ်သူ၊ နည်းပြများနှင့် သေနတ်ပစ်အားကစားသမား စုစုပေါင်း ၄၂ ဦးတို့ ပါဝင်ခဲ့ကြပြီး ပစ္စတိုအမျိုးသား အသင်း၊ ပစ္စတိုအမျိုးသမီးအသင်း၊ ကာဘိုင်အမျိုးသားအသင်း၊ ရိုင်ဖယ်အမျိုးသားအသင်း နှင့် စက်သေနတ်အ မျိုးသားအသင်းတို့ ဝင်ရောက်ယှဉ်ပြိုင်ကစားခဲ့ကြရာ တစ်ဦးချင်းအမှတ်ပေးပြိုင်ပွဲတွင် ငွေတံဆိပ် ၁ ခု၊ ကြေးတံ ဆိပ် ၆ ခု၊ အသင်းလိုက် ထိလဲပြား ပစ်ခတ်စဉ်ပြိုင်ပွဲတွင် ရွှေတံဆိပ် ၅ ခု၊ ငွေတံဆိပ် ၃ ခု၊ ကြေးတံဆိပ် ၁ ခု တို့ရရှိခဲ့ပြီး စုစုပေါင်း ရွှေတံဆိပ် ၅ ခု၊ ငွေတံဆိပ် ၄ ခု၊ ကြေးတံဆိပ် ၇ ခု အသီးသီး ဆွတ်ခူးရရှိခဲ့ကာ နိုင်ငံအ လိုက် တတိယအဆင့်တွင် ရပ်တည်နိုင်ခဲ့ကြောင်းသိရသည်။

ရန်ကုန်တိုင်းဒေသကြီး၀န်ကြီးချုပ် အမျိုးသား အလွတ်တန်း ဖိတ်ခေါ် စက်ဘီးပြိုင်ပွဲ (MOUNTAIN BIKE) တက်ရောက်ဖွင့်လှစ်ပေး

နိုဝင်ဘာ၂၃

ရန်ကုန်တိုင်းဒေသကြီးအစိုးရအဖွဲ့၂၀၂၄ခုနှစ်ဒီဇင်ဘာအားကစားလအကြိုအမျိုးသားအလွတ်တန်းဖိတ်ခေါ် (MOUNT AIN BIKE)စက်ဘီးပြိုင်ပွဲကို ယနေ့နံနက်၆နာရီခွဲကရန်ကုန်မြို့ ၊ ကန်ရိပ်သာလမ်း၌ ကျင်းပရာရန်ကုန်တိုင်းဒေသကြီး၀န်ကြီးချုပ်ဦးစိုးသိန်းတက်ရောက်ဖွင့်လှစ်ပေး သည်။

ပြိုင်ပွဲဝင်အားကစားသမားများသည် ကန်ရိပ်သာလမ်း တင့်ကားကုန်းဝင်ပေါက်ရှေ့မှ တာလွှတ်ကာကန်‌​တော်ကြီးငါးပတ်ယှဥ်ပြိုင်ကြကာယင်းနေရာသို့ ပြန်လည်ပန်းဝင်ခဲ့ကြ‌သည်။

ပြိုင်ပွဲများအပြီးဆုပေးပွဲကိုကျင်းပရာတိုင်းဒေသကြီး၀န်ကြီးချုပ်ကပထမ၊ဒုတိယ၊တတိယဆုရရှိသူများအားဆုတံဆိပ်နှင့်‌​ငွေသားဆုများကိုလည်းကောင်း၊တိုင်းဒေသကြီး၀န်ကြီးများနှင့်တာ၀န်ရှိသူများကစတုတ္ထဆု၊ ပဉ္စမဆု ၊ အမှတ်စဉ် ၆မှ ၁၀ အထိပန်းဝင်သူများအားငွေသားဆု များချီးမြှင့်ခဲ့ကြောင်း သိရသည်။ယင်းပြိုင်ပွဲသို့အမျိုးသား၊အမျိုးသမီးစက်ဘီးအားကစားသမား၂၀၀ခန့်၀င်‌​ရောက်ယှဥ်ပြိုင်ခဲ့ကြ‌​ကြောင်းသိရသည်။

(၃၂)ကြိမ်မြောက် အာဆီယံနိုင်ငံ တပ်မတော်(ကြည်း)များ သေနတ်ပစ်ပြိုင်ပွဲတွင် မြန်မာ့တပ်မတော် သေနတ်ပစ်အသင်း ရွှေတံဆိပ် ၅ ခု၊ ငွေတံဆိပ် ၄ ခု၊ ကြေးတံဆိပ် ၇ ခုတို့ ရရှိခဲ့ပြီး နိုင်ငံအလိုက် တတိယအဆင့်တွင် ရပ်တည်နိုင်ခဲ့

နိုဝင်ဘာ ၂၃

ဖိလစ်ပိုင်နိုင်ငံတွင် နိုဝင်ဘာ၁၂ ရက်မှ ၂၃ ရက်ထိကျင်းပခဲ့သည့် (၃၂)ကြိမ်မြောက် အာဆီယံနိုင်ငံ တပ်မတော်(ကြည်း)များ (32nd ASEAN Armies Rifle Meet - 32nd AARM) ဝင်ရောက်ယှဉ်ပြိုင်ခဲ့သည့် မြန်မာ့တပ်မတော် သေနတ်ပစ်အသင်းသည် ယနေ့ညပိုင်းတွင် နေပြည်တော် လေဆိပ်သို့ ပြန်လည်ရောက်ရှိရာ လေဆိပ်တွင် ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ထိန်ဝင်း၊ စစ်ဦးစီအရာရှိချုပ်(ရေ) ဒုတိယဗိုလ်ချုပ်ကြီး အေးမင်းထွေး၊ စစ်ဦးစီးအရာရှိချုပ်(လေ) ဒုတိယဗိုလ်ချုပ်ကြီး ဇော်ဝင်းမြင့်နှင့် တပ်မတော်အရာရှိကြီးများက လေဆိပ်၌ကြိုဆိုနှုတ်ဆက်ကြသည်။

ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ အပတ်စဉ် စနေနေ့တိုင်း မြို့/ရွာ စုပေါင်းသန့်ရှင်းရေးပြုလုပ်

နိုဝင်ဘာ ၂၃

ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ အပတ်စဉ် စနေနေ့တိုင်း မြို့/ရွာ သန့်ရှင်းသာယာ လှပစေရေး စုပေါင်းသန့်ရှင်းရေးပြုလုပ်ခြင်းအား နိုဝင်ဘာလ(၂၃)ရက်နေ့၊ နံနက်ပိုင်းက တိုင်းဒေသကြီး အတွင်းရှိ မြို့နယ်(၂၈)မြို့နယ်၌ တစ်ပြိုင်တည်း ပြုလုပ်ခဲ့သည်။
         
တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် ပဲခူးမြို့၊ အမှတ်(၇)အခြေခံပညာ အထက်တန်းကျောင်းနှင့် ရှေးဟောင်းသမိုင်းဝင် ဆုတောင်းပြည့် မေတ္တေယျအာနန္ဒာဘုရားကြီး၌ စုပေါင်း သန့်ရှင်းရေးပြုလုပ်နေမှုအား လှည့်လည်ကြည့်ရှုအားပေးခဲ့ပြီး စာသင်ကျောင်းဝန်းအတွင်း သန့်ရှင်း သပ်ရပ်စေရေး၊ စိမ်းလန်းစိုပြေစေရေး၊ အရိပ်ရသီးပင်စားပင်များ စိုက်ပျိုးသွားရန်၊ မီးဘေးအန္တရာယ် ကင်းရှင်းစေရေးနှင့် မီးတားလမ်းများဆောင်ရွက်ထားရန်၊ သာသနိကအဆောက်အုံများ ရှေးမူမပျက် ပြန်လည်ဆေးဆေးသုတ်ခြင်းနှင့် ဘုရားဖူးလာပြည်သူများ ကြည်ညိုသဒ္ဒါဖြစ်ပေါ်စေရေး လိုအပ်သည်များ ပြင်ဆင်ဆောင်ရွက်သွားရန် တာဝန်ရှိသူများအား လမ်းညွှန်မှာကြားခဲ့သည်။
    

ဆိုက်ခေါင်-မိုင်းဆတ် တံတားသစ် စတင်ဖြတ်သန်းခွင့်ပြု

နိုဝင်ဘာ ၂၃

ရေတိုက်စားမှုကြောင့် ပြိုကျခဲ့ရသည့် ရှမ်းပြည်နယ်အ‌ရှေ့ပိုင်း ဆိုက်ခေါင်-မိုင်းဆတ် သံဘေလီတံတားတည်‌ဆောက်မှု ပြီးစီးပြီဖြစ်သဖြင့် ယမန်နေ့ နိုဝင်ဘာ (၂၂)ရက်ညနေပိုင်းတွင် စတင်ဖြတ်သန်းခွင့်ပြုခဲ့ကြောင်း သိရပါတယ်။

လက်ရှိ တည်ဆောက်ပြီးစီးပြီဖြစ်သည့် သံဘေလီတံတားမှ ၁၃ တန် ယာဉ်များကိုပါ ဖြတ်သန်းခွင့်ပြုနေခြင်းဖြစ်သည့်အတွက် ဒေသတွင်ကုန်စည် သယ်ယူပို့ဆောင်မှု မြန်ဆန်လာနိုင်မည်ဟု မျှော်လင့်ကြောင်း ဒေသခံတစ်ဦးက ပြောပါတယ်။

"မနေ့က ညနေ (၃)နာရီလောက်က စပြီးဖြတ်သန်းခွင့်ပြုနေပါပြီ။ တံတားပြီးစီးပြီဆိုတော့ ဒေသတွင်းကုန်စည်စီးဆင်းမှုမြန်ဆန်လာမှာဖြစ်တဲ့အတွက် ကုန်ဈေးနှုန်းတွေလည်း အနည်းနဲ့အများ ကျဆင်းလာနိုင်ပါတယ်" ဟု ဒေသခံတစ်ဦးက ဆိုပါတယ်။

အဆိုပါ တံတားမှာ နမ့်ခုတ်ချောင်းကို ဖြတ်ဆောက်ထားသည့် သံဘေလီအမျိုးအစား အရှည်ပေ (၁၅၀) ရှိပြီး၊ ယခင် ‌တံတားအကျယ် (၁၂)ပေ အစား ယခု (၁၅) ပေအထိ တိုးချဲ့ပြင်ဆင်ခဲ့ခြင်းလည်း ဖြစ်ပါတယ်။

ပြည်ခိုင်ဖြိုးပါတီ ဥက္ကဋ္ဌ ဦးခင်ရီ ဦးဆောင်သည့် ပါတီကိုယ်စားလှယ်အဖွဲ့ "ICAPP (၁၂) ကြိမ်မြောက် အထွေထွေညီလာခံ"တက်ရောက်ရန် ကမ္ဘောဒီးယားနိုင်ငံသို့ထွက်ခွာ
***
နိုဝင်ဘာ ၂၀၊ နေပြည်တော်

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီ၊ ဗဟိုအလုပ်အမှုဆောင် ဦးမြင့်ကိုကိုနှင့် အဖွဲ့ဝင် (၂)ဦးတို့ပါဝင်သော ပါတီကိုယ်စားလှယ်အဖွဲ့သည် ကမ္ဘောဒီးယားနိုင်ငံ၊ ဖနောင်ပင်မြို့တွင် ၂၀၂၄ ခုနှစ်၊ နိုဝင်ဘာလ (၂၁)ရက်နေ့မှ (၂၄)ရက်နေ့အထိ ကျင်းပမည့် "Internaional Conference of Asian Political Party(ICAPP)" (၁၂)ကြိမ်မြောက် အထွေထွေညီလာခံနှင့် ဆက်စပ်အစည်းအဝေးများတက်ရောက်ရန် ရန်ကုန်မှ ဖနောင်ပင်သို့ ယနေ့ ၁၆၄၅ နာရီချိန်တွင် လေယာဥ်အမှတ်၊ 8M 401 ဖြင့် ရန်ကုန်အပြည်ပြည်ဆိုင်ရာလေဆိပ်မှ ထွက်ခွာသွားခဲ့ပါသည်။

အာရှနိုင်ငံရေးပါတီများဆိုင်ရာ နိုင်ငံတကာညီလာခံ(ICAPP) (၁၂)ကြိမ်မြောက် အထွေထွေညီလာခံအား "A Quest for Peace and Reconciliation" ခေါင်းစဥ်ဖြင့် ကျင်းပမည်ဖြစ်ပြီး အာရှနိုင်ငံ (၂၈)နိုင်ငံမှ နိုင်ငံရေးပါတီ ၄၉ ပါတီနှင့် လေ့လာသူအဖြစ် အခြား (၁၅)နိုင်ငံမှ နိုင်ငံရေးပါတီ (၁၆) ပါတီ၊ စုစုပေါင်း (၄၃)ပါတီမှ နိုင်ငံရေးပါတီ (၆၅)ပါတီမှ လူပုဂ္ဂိုလ် (၃၀၀) ခန့်တက်ရောက်မည်ဖြစ်ပါသည်။

​ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးခင်ရီ ဦးဆောင်သော ပါတီကိုယ်စားလှယ်အဖွဲ့ ပြည်ပထွက်ခွာရာသို့ ပါတီဗဟိုအလုပ်အမှုဆောင် ရန်ကုန်တိုင်းဒေသကြီး ပါတီဥက္ကဋ္ဌ ဦးခင်မောင်စိုးနှင့် တိုင်းဒေသကြီးပါတီကော်မတီဝင်များ၊ နိုင်ငံတကာရေးရာကော်မတီမှ တာဝန်ရှိသူများမှ ရန်ကုန်အပြည်အပြည်ဆိုင်ရာလေဆိပ်သို့ လိုက်ပါပို့ဆောင်နှုတ်ဆက်ခဲ့ကြပါသည်။

ကော့သောင်းမြို့မဈေးကြီးအနောက်ဘက် ဆန်ဆိုင် အပေါ်ထပ်မီးလေါင်ကျွမ်း မှုဖြစ်ပွား

နိုဝင်ဘာ ၂၁   
   
ယနေ့နံနက်ပိုင်းအချိန်ကကော့သောင်းမြို့၊ အဏ္ဏဝါရပ်ကွက်၊ ကမ်းနားလမ်း၊အမှတ်(၅၃၇/၅၃၈)ရှိ ဦးအေးဝင်း(၆၃) နှစ်၏ အလျား(၅၀)ပေ၊ အနံ(၃၀)ပေ၊ သွပ်မိုး၊ ကွန်ကရစ်ခင်: URC (၂)ထပ် "Big Boss” အမည်ရှိ ကုန်စုံဆိုင်တွင် အင်ဗာတာဖြင့် ဘတ္ထရီ အားသွင်းရာမှ အပူလွန်ကဲ၍ မီးလောင်မှုစတင်ဖြစ်ပွားခဲ့၍ မီးလောင်မှုဖြစ်ပွားရာနေရာသို့ ခရိုင်မီးသတ်ဦးစီးဌာနမှ လ/ထ ညွှန်မှူး ဦးမျိုးသူရဝင်း ဦးစီး မီးသတ်တပ်ဖွဲ့ဝင်များ၊ရပ်ကွက်နေပြည်သူများ၊ မီးသတ်ယာဉ် ၄ စီး၊ ရေသယ်ယာဉ် ၄ စီးတို့ဖြင့် မီးငြှိမ်းသတ်ခဲ့ရတယ်လို့သိရပါတယ်။

အဆိုပါမီးလောင်မှုကြောင့် RC(၂)ထပ် Big Boss အမည်ရှိ ကုန်စုံဆိုင် မီးလောင်ကျွမ်းပျက်စီးခဲ့ပြီး ခန့်မှန်းမီးလောင်ဆုံးရှုံးမှု တန်ဖိုးမှာကျပ် (၅,၄၀၀,၀၀ဝိ/)ခန့် ဆုံးရှုံးခဲ့ပါတယ်။

မီးလောင်ပျက်စီးဆုံးရှုံးစေခဲ့သူ ဦးအေးဝင်းအား  ဥပဒေအရ အရေးယူပေးနိုင်ပါရန် ဒုရဲအုပ် မြတ်မင်းဦးမှ တရားလိုပြုလုပ် တိုင်တန်းသဖြင့် ၂၀၂၄ နို ၂၀ ၁၉၁၅ အချိန် မမစ(ကော့သောင်း) (ပ)၁၈၁/၂၀၂၄၊ ရာဇသတ် ကြီးပုဒ်မ ၂၈၅ အရ အမှုဖွင့်ပြီး စစ်ဆေးလျှက်ရှိကြောင်းသိရပါတယ်။

ပြည်ထောင်စုဝန်ကြီး ဦးမြင့်ကြိုင် တရုတ်ပြည်သူ့သမ္မတနိုင်ငံ ရှန်ဟိုင်းအပြည်ပြည်ဆိုင်ရာဆိပ်ကမ်းနှင့် နိုင်ငံတကာသို့ တင်ပို့မည့် မော်တော်ယာဉ်များ၊ ကုန်ပစ္စည်းတင်ကွန်တိန်နာများကို လူဝင်မှုကြီးကြပ်ရေးနှင့် ပင်လယ်ရေကြောင်းကုန်သွယ်မှုဆိုင်ရာ စစ်ဆေးဆောင်ရွက်သည့်လုပ်ငန်းများ ကြည့်ရှုလေ့လာ

နိုဝင်ဘာ ၂၁

မြန်မာ-တရုတ် နှစ်နိုင်ငံအကြား သန်းခေါင်စာရင်းကောက်ယူခြင်းနှင့် လူဝင်မှုကြီးကြပ်ရေးဆိုင်ရာလုပ်ငန်းများ ပိုမိုပူးပေါင်းဆောင်ရွက်နိုင်ရေးအတွက် တရုတ်ပြည်သူ့သမ္မတနိုင်ငံအစိုးရ၏ ဖိတ်ကြားချက်အရ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်နှင့် အဖွဲ့သည် နိုဝင်ဘာ ၁၇ ရက် နံနက်ပိုင်းက ရန်ကုန်မြို့မှ တရုတ်ပြည်သူ့သမ္မတနိုင်ငံ ရှန်ဟိုင်းမြို့သို့ လေကြောင်းခရီးဖြင့် ထွက်ခွာခဲ့ပြီး တရုတ်ပြည်သူ့သမ္မတနိုင်ငံ ကွမ်တုံးပြည်နယ် ကွမ်ကျိုးမြို့ ဘိုင်ရန် (Bai Yun) အပြည်ပြည်ဆိုင်ရာလေဆိပ်မှတစ်ဆင့် လေကြောင်းခရီးဖြင့် ဆက်လက်ထွက်ခွာကြရာ တရုတ်နိုင်ငံ ရှန်ဟိုင်းအပြည်ပြည်ဆိုင်ရာလေဆိပ်သို့ ညပိုင်းတွင် ရောက်ရှိကြသည်။

နိုဝင်ဘာ ၁၉ ရက်နံနက်ပိုင်းတွင် ပြည်ထောင်စုဝန်ကြီးနှင့်အဖွဲ့သည် ရှန်ဟိုင်းမြို့ ရှန်ဟိုင်းအပြည်ပြည်ဆိုင်ရာဆိပ်ကမ်း (Shanghai International Terminal) သို့ သွားရောက်လေ့လာကြရာ SIPG HAITONG LOGISTICS ကုမ္ပဏီရုံးခန်း၌ တာဝန်ရှိသူတစ်ဦးက ရှန်ဟိုင်းဆိပ်ကမ်း၌ နိုင်ငံတကာသို့ တင်ပို့မည့်မော်တော်ယာဉ်များ ထိန်းသိမ်းထားရှိမှု၊ မကြာသေးမီကာလက ဆောင်ရွက်ခဲ့သည့် ပြည်ပသို့တင်ပို့မည့် မော်တော်ယာဉ်များအား ဂိုဒေါင်အတွင်း အလွှာလိုက် ထိန်းသိမ်းနိုင်ရေးဆောင်ရွက်နေမှုနှင့် ဆက်လက်ဆောင်ရွက်မည့် လုပ်ငန်းအစီအစဉ်များ၊ လက်ရှိအခြေအနေတွင် လုပ်ငန်းခွင်ဝင်းအတွင်း ယာဉ်များ စနစ်တကျစီရီထားရှိမှုနှင့် လုပ်ငန်းစဉ်အဆင့်အလိုက် ဆောင်ရွက်နေမှုများကို ရှင်းလင်းတင်ပြသည်။

ထို့နောက် ပြည်ထောင်စုဝန်ကြီးနှင့်အဖွဲ့သည် ရှန်ဟိုင်းဆိပ်ကမ်း၌ အရှေ့တောင်အာရှနိုင်ငံများအပါအဝင် နိုင်ငံတကာသို့တင်ပို့မည့် မော်တော်ယာဉ်များကို နိုင်ငံတကာပင်လယ်ကူးသင်္ဘောပေါ်သို့ တင်ဆောင်နေမှုလုပ်ငန်းစဉ်ကို ကြည့်ရှုလေ့လာကြရာ တာဝန်ရှိသူများက လုပ်ငန်းဆောင်ရွက်မှုအခြေအနေများကို ရှင်းလင်းတင်ပြကြပြီး ပြည်ထောင်စုဝန်ကြီးက သိရှိလိုသည်များကို မေးမြန်းဆွေးနွေးသည်။

ယင်းနောက် ပြည်ထောင်စုဝန်ကြီးနှင့်အဖွဲ့သည် ရှန်ဟိုင်းဆိပ်ကမ်း၌ ပြည်ပနိုင်ငံများသို့ တင်ပို့မည့် ကုန်ပစ္စည်းတင်ကွန်တိန်နာများ သယ်ယူ၍ ပင်လယ်ကူးသင်္ဘောများပေါ်သို့ စိစစ်တင်ဆောင်နေမှုကို ကြည့်ရှုလေ့လာကြပြီး ပြည်ဝင်/ ပြည်ထွက်လူဝင်မှု ကြီးကြပ်ရေးဆိုင်ရာများနှင့် ပင်လယ်ရေကြောင်း ကုန်သွယ်မှုဆိုင်ရာလုပ်ငန်းများကို ဆက်စပ်ဌာနများ ပေါင်းစပ်ဆောင်ရွက်နေမှုအခြေအနေများနှင့် စပ်လျဉ်း၍ တာဝန်ရှိသူများ၏ ရှင်းလင်းတင်ပြမှုများအပေါ် သိရှိလိုသည်များကို အပြန်အလှန်မေးမြန်း ဆွေးနွေးကြသည်။

ဆက်လက်၍ ဗဟိုထိန်းချုပ်ရေးစင်တာ (Terminal Control Center) သို့ သွားရောက်၍ ရှန်ဟိုင်းဆိပ်ကမ်းသို့ Terminal အသီးသီးမှ ဝင်ထွက်ဆိုက်ကပ်ကာ ကုန်ပစ္စည်းများ သယ်ယူတင်ချဆောင်ရွက်နေမှုအခြေအနေများကို နည်းပညာဖြင့် စောင့်ကြည့်ထိန်းချုပ်ဆောင်ရွက်နေမှုအခြေအနေကို ကြည့်ရှုလေ့လာကြရာ တာဝန်ရှိသူများက လုပ်ငန်း ဆောင်ရွက်မှုအခြေအနေများကို လိုက်လံရှင်းလင်းပြသကြပြီး ပြည်ထောင်စုဝန်ကြီး၏ သိရှိလိုသည့် မေးမြန်းချက်များအပေါ် ပြန်လည်ရှင်းလင်းဖြေကြားကြသည်။

ထို့နောက် ပြည်ထောင်စုဝန်ကြီးနှင့် အဖွဲ့ကို ရှန်ဟိုင်း ပြည်ဝင်/ ပြည်ထွက်နယ်စပ်စစ်ဆေးရေးဌာန (Shanghai Entry-Exit Frontier Inspection Station) မှ Chief Station Director Mr.Gong Yao က ရှန်ဟိုင်းပြည်ဝင်/ ပြည်ထွက်နယ်စပ်စစ်ဆေးရေးဌာန ဧည့်ခန်းမ၌ နေ့လယ်စာဖြင့် တည်ခင်းဧည့်ခံခဲ့ ကြောင်း သိရသည်။

ပြည်ထောင်စုဝန်ကြီး ဦးလှမိုး သမဝါယမအသင်းပိုင် ဆီစက်ဖွင့်ပွဲနှင့် စီမံကိန်းလုပ်ငန်းသုံးပစ္စည်းများ ပေးအပ်ပွဲ တက်ရောက်

နိုဝင်ဘာ ၂၁

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုးသည် နေပြည်တော်ကောင်စီဥက္ကဋ္ဌ ဦးသန်းထွန်းဦး၊ ဒုတိယဝန်ကြီး ဦးမြင့်စိုး၊ နေပြည်တော်ကောင်စီအဖွဲ့ဝင်များနှင့်အတူ ယနေ့နံနက်ပိုင်းက နေပြည်တော်ကောင်စီနယ်မြေ ပုဗ္ဗသီရိမြို့နယ် ဖြုတ်ခွဲကျေးရွာသို့ သွားရောက်ပြီး သားတင်ဦးအထွေထွေစီးပွားရေးလုပ်ငန်းသမဝါယမအသင်းနှင့် ကျောက်စိမ်းလယ်ယာနှင့် အထွေထွေစီးပွားရေးသမဝါယမအသင်းတို့ အကျိုးတူပူးပေါင်းဆောင်ရွက်သော အိမ်ရှင်မဆီစက်ဖွင့်ပွဲသို့ တက်ရောက်သည်။

ဦးစွာ ပြည်ထောင်စုဝန်ကြီး၊ နေပြည်တော်ကောင်စီဥက္ကဋ္ဌ၊ ဒုတိယဝန်ကြီး၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များက အိမ်ရှင်မဆီစက်ကို ဖဲကြိုးဖြတ်ဖွင့်လှစ်ပေးပြီး ပြည်ထောင်စုဝန်ကြီးနှင့် နေပြည်တော်ကောင်စီဥက္ကဋ္ဌတို့က ဆီစက်ဆိုင်းဘုတ်အား စက်ခလုတ်နှိပ်ဖွင့်လှစ်ပေးကာ အမွှေးနံ့သာရည်များ ပက်ဖျန်းပေးသည်။

ယင်းနောက် ပြည်ထောင်စုဝန်ကြီးက ပုဗ္ဗသီရိမြို့နယ် ဖြုတ်ခွဲကျေးရွာတွင် တန်ဖိုးမြှင့် စားသုံးဆီထုတ်လုပ်ဖြန့်ဖြူးရောင်းချခြင်းလုပ်ငန်းကို သမဝါယမအသင်းနှစ်သင်း ပေါင်းစပ်ဆောင်ရွက်ခဲ့ပြီး တစ်ရက်လျှင် မြေပဲဆီ ၅၀၄ ပိဿာ၊ တစ်လလျှင် ပိဿာ ၁၅၁၂၀၊ တစ်နှစ်လျှင် ပိဿာ ၁၈၁၄၄၀ ကြိတ်ခွဲထုတ်လုပ်နိုင် မည်ဖြစ်ကြောင်း၊ ကုန်ကြမ်းဝယ်ယူရရှိရေးအတွက် တစ်နှစ်လျှင် မြေပဲစိုက်ဧက ၃၅၁၂ ဒသမ ၀၆ ဧကကို အကျိုးပြုပေးမည်ဖြစ်ကြောင်း၊ စက်ရုံအတွက် လိုအပ်သည့် ဆီထွက်သီးနှံကုန်ကြမ်းများကို ဒေသတွင်းတောင်သူများထံမှ ဝယ်ယူနိုင်ရေး စီစဉ်ဆောင်ရွက်ရန်နှင့် စက်ရုံရေရှည်လည်ပတ်နိုင်ရေး ဝိုင်းဝန်းထိန်းသိမ်းကြရန် တိုက်တွန်းမှာကြားသည်။

ထို့နောက် နေပြည်တော်ကောင်စီဥက္ကဋ္ဌက နေပြည်တော်ကောင်စီနယ်မြေအတွင်း ဆီထွက်သီးနှံစိုက်ပျိုးရေးလုပ်ငန်းများ၊ ပြည်တွင်းစာသုံးဆီ ဖူလုံရေးအတွက် ဆီကြိတ်ခွဲစက်များ ထူထောင်ရေး လုပ်ငန်းများကို ရှင်းလင်းပြောကြားသည်။

ဆက်လက်၍ သားတင်ဦး အထွေထွေစီးပွားရေးလုပ်ငန်းသမဝါယမအသင်းဥက္ကဋ္ဌက စက်ရုံ တည်ဆောက်ခဲ့မှုမှတ်တမ်းများ၊ ကြိတ်ခွဲလည်ပတ်မည့်အခြေအနေများကို ရှင်းလင်းတင်ပြရာ ပြည်ထောင်စုဝန်ကြီးက လိုအပ်သည်များ ပေါင်းစပ်ဖြည့်ဆည်းဆောင်ရွက်ပေးပြီး စက်ရုံအတွင်း လှည့်လည်ကြည့်ရှုစစ်ဆေးသည်။

ထိုမှတစ်ဆင့် ပုဗ္ဗသီရိမြို့နယ် အထွေထွေအုပ်ချုပ်ရေးဦးစီးဌာနရုံးတွင် ကျင်းပသော အသေးစားစက်မှုလက်မှုလုပ်ငန်းဦးစီးဌာန၏ အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးစီမံကိန်းဖြင့် ဖွင့်လှစ်ခဲ့သည့် သီးနှံအခြေခံတန်ဖိုးမြင့်စားသောက်ကုန် ထုတ်လုပ်မှုနည်းပညာသင်တန်း၊ ဝါးအခြေခံလက်မှုထည်သင်တန်း၊ သစ်အခြေခံ ပရိဘောဂသင်တန်းနှင့် ရေခဲမုန့်အမျိုးမျိုးထုတ်လုပ်မှုနည်းပညာသင်တန်းဆင်းပွဲ များသို့တက်ရောက်၍ ပြည်ထောင်စုဝန်ကြီးက အဖွင့်အမှာစကားပြောကြားသည်။

ယင်းနောက် ပြည်ထောင်စုဝန်ကြီးက ဇေယျာသီရိမြို့နယ် ဝန်ပြန်ကျေးရွာမှ သီးနှံအခြေခံတန်ဖိုးမြင့်စားသောက်ကုန် ထုတ်လုပ်မှုနည်းပညာသင်တန်းတွင် ထူးချွန်သူ ငါးဦးကိုလည်းကောင်း၊ နေပြည်တော်ကောင်စီဥက္ကဋ္ဌက ပုဗ္ဗသီရိမြို့နယ် ရွာသစ်ကျေးရွာမှ သီးနှံအခြေခံ တန်ဖိုးမြင့်စားသောက်ကုန်ထုတ်လုပ်မှုနည်းပညာသင်တန်းတွင် ထူးချွန်သူ ငါးဦးကိုလည်းကောင်း လုပ်ငန်းသုံးစက်ပစ္စည်းများ ပေးအပ်သည်။

ထို့နောက် ဒုတိယဝန်ကြီး၊ နေပြည်တော်ကောင်စီအဖွဲ့ဝင် ဝန်ကြီးများ၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များက သင်တန်းအလိုက် ထူးချွန်သူငါးဦးတို့ကို လုပ်ငန်းသုံးပစ္စည်းများနှင့် သင်တန်းဆင်းအောင်လက်မှတ်များ ပေးအပ်ချီးမြှင့်ခဲ့ကြရာ သင်တန်းသား သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားခဲ့ကြောင်း သိရသည်။

စတုတ္တအကြိမ်သက်တမ်းကာလအတွက်မြန်မာနိုင်ငံသတင်းမီဒီယာကောင်စီ ဖွဲ့စည်း


မြန်မာနိုင်ငံသတင်းမီဒီယာကောင်စီ၏တတိယအကြိမ်သုံးနှစ်သက်တမ်းကာလပြည့်မြောက်ပြီဖြစ်ပါသဖြင့်မြန်မာနိုင်ငံသတင်းမီဒီယာကောင်စီဝင်ရွေးချယ်တင်မြှေက်ရေးအဖွဲ့မှသတင်းမီဒီယာဥပဒေနှင့်အညီစတုတ္တအကြိမ် သုံးနှစ်ကာလအတွက်မြန်မာနိုင်ငံသတင်းမီဒီယာကောင်စီဝင်များကိုရွေးချယ်ပေးခဲ့ပါတယ်။

သို့ဖြစ်ပါ၍  နိုင်ငံတော်စီမံအုပ်ချုပ်ရေးကောင်စီမှအတည်ပြုအမိန့်ထုတ်ပြန်ကြေငြာပါတယ်။

#MMG

ဖုန်းဘေနဲ့ ကြည့်ရတဲ့သူတွေအတွက် အသံသီးသန့် နားဆင်ဖို့ဖြစ်ပါတယ်။
#AungMoeKyaw

ကုန်သည်စက်မှုအသင်းချုပ် (၃၃)ကြိမ်မြောက် နှစ်ပတ်လည်အသင်းသားစုံညီ အစည်းအဝေး အမျိုးသားဇာတ်ရုံတွင် ကျင်းပမည်

ရန်ကုန်၊ နိုဝင်ဘာ ၂ဝ

မြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ်(UMFCCI)၏ (၃၃)ကြိမ်မြောက် နှစ်ပတ်လည်အသင်း သားစုံညီအစည်းအဝေးကို ဒီဇင်ဘာလ ၁၄ ရက်နေ့တွင် မြို့မကျောင်းလမ်းရှိ အမျိုးသားဇာတ်ရုံ(ရန်ကုန်)၌ ကျင်းပမည်ဖြစ်ကြောင်း သိရသည်။

အဆိုပါ အစည်းအဝေး ကို UMFCCI အသင်းဝင်အသင်းသားများ ပါဝင်တက်ရောက်နိုင်ရေးအတွက် UMFCCI အသင်းချုပ် ဝက်ဘ်ဆိုက် www.umfcci.com.mm တွင် ၂၀၂၄ ခုနှစ်၊ ဒီဇင်ဘာ ၉ ရက်နောက်ဆုံးထား၍ Online Registration ပြုလုပ်၍ အမည်စာရင်း ကြိုတင်ပေးသွင်းနိုင်ပြီး အစည်းအဝေးတက်ရောက်ခွင့် QR Code များကို UMFCCI က အီးမေးလ်မှတစ်ဆင့် အချိန်မီ ပြန်လည် ပေးပို့သွားမည်ဖြစ်သည်။

အသင်းသားများအနေဖြင့် အလုပ်အမှုဆောင်အဖွဲ့၏ အစီရင်ခံ စာနှင့်နှစ်ချုပ်ငွေစာရင်းရှင်းတမ်းနှင့်စပ်လျဉ်း၍ အကြံပြုချက်များ ကို ကုန်သည်စက်မှုအသင်းချုပ်၊ အသင်းသားရေးရာဌာနသို့ ဒီဇင် ဘာ ၁ ရက် နောက်ဆုံးထား၍ ပေးပို့ကြရမည်ဖြစ်သည်။

ဓာတ်ပုံ - UMFCCI

မိတ်ဆွေများ

မြန်မာ့ဂုဏ် သတင်းPage ကိုလည်း Like &Follower လုပ်ထားကြပါ။

https://www.facebook.com/profile.php?id=61569455750555&mibextid=ZbWKwL

ရန်ကုန်မြို့ပြည်သူ့ရင်ပြင်၌ တန်ဆောင်တိုင်ပွဲတော်နှင့်ဂီတပွဲတော်ဖွင့်

နို၀င်ဘာ ၁၅

ရန်ကုန်မြို့ ပြည်သူ့ရင်ပြင်၌ တန်ဆောင်တိုင် ဈေးရောင်းပွဲတော်နဲ့ ဂီတပွဲတော်ဖွင့်ပွဲကို နိုဝင်ဘာ ၁၄ ရက်က ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းတက်‌​ရောက်ဖွင့်လှစ်‌​ပေးခဲ့သည်။

အဆိုပါပွဲတော်တွင် MSME ထုတ်ကုန် ပစ္စည်းများ၊ အရှေ့တောင်အာရှမှ တစ်ခုတည်းသော ငါးထုတ်လုပ်မှုပြခန်း၊ ရေထွက်ကုန်ပစ္စည်းများနှင့် အသေးစားစက်မှု ထုတ်ကုန်များအပါအဝင် စျေးဆိုင်ခန်းပေါင်း ၄၈၃ ခန်းနှင့် စားသောက်ဆိုင်ခန်း ၇၁ ခန်းက နိုဝင်ဘာ ၁၄ ရက်မှ ၁၆ ရက်အထိ ပြသရောင်းချသွားမည် ဖြစ်‌​ကြောင်းသိရသည်။

ပွဲတော်သို့ လာရောက်ကြသည့်ပြည်သူများ စိတ်အပန်းပြေစေရန်အတွက် ရုပ်ရှင်၊ ဂီတ၊ သဘင် နယ်ပယ်များက အနုပညာရှင်များဖျော်ဖြေတင်ဆက်သွားမည်ဖြစ်ပြီ DJ Dancer အကအဖွဲ့များဖြင့်ဖျော်ဖြေတင်ဆက် သွားမည်ဖြစ်သည်။

ဗိုလ်တထောင်စေတီတော်မြတ်ကြီး၏ အကြိမ် (၄၀)မြောက် မသိုးရွှေကြာသင်္ကန်းဆက်ကပ်လှူဒါန်းပွဲ

ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီး၌ အကြိမ်(၄၀)မြောက် မသိုးရွှေကြာသင်္ကန်းတော်ကပ်လှူပူဇော်ပွဲအား ယနေ့ နိုဝင်ဘာ ၁၅ ရက်(တန်ဆောင်မုန်းလပြည့်နေ့- သာမညဖလအခါတော်နေ့)နံနက် ၅ နာရီက ကျင်းပခဲ့သည်။

ယမန်နေ့ နိုဝင်ဘာ ၁၄ ရက်ညပိုင်းက မသိုးသင်္ကန်းစင်တော်(၂၄)စင်မှ ရက်လုပ်ရရှိလာသည့် မသိုးသင်္ကန်းများအား ရန်ကုန်တိုင်းဝန်ကြီးချုပ်ဦးစိုးသိန်းနှင့်တာဝန်ရှိသူများ၊ အလှူရှင်များက သယ်ယူ၍ ဗိုလ်တထောင်စေတီတော်မြတ်ကြီးအား လက်ယာရစ်တစ်ပတ်လှည့်လည်အပူဇော်ခံခဲ့ကြသည်။

ထို့နောက် ဗိုလ်တထောင်စေတီတော်မြတ်ကြီးအတွင်းရှိ မြတ်စွာဘုရားဆင်းတုတော်များအား မသိုးရွှေကြာသင်္ကန်းတော်များကို ကပ်လှူပူဇော်ခဲ့ကြသည်။

ပြည်တန်ဆောင်တိုင်ပွဲတွင်အပျော်စီးလှေ လှေကားကျိုးကျ

နိုဝင်ဘာ ၁၅

ပြည်မြို့၌တန်ဆောင်တိုင်ပွဲတော် တွင်နိုဝင်ဘာလ ၁၄ရက်‌ညနေပိုင်းက ပင်လယ်ဓားပြအပျော်စီးလှေ ကျိုးကျမှုဖြစ်ခဲ့‌​ကြောင်းသိရသည်။

အဆိုပါအပျော်စီးလှေနှစ်ဖက်စလုံးတွင်လူအင်အားများမှု‌​ကြောင့်လှေကားတဖြေးဖြေး အိကာကျိုးကျခြင်းဖြစ်ပြီးထိခိုက်ဒဏ်ရာရသူမရှိ‌​ကြောင်းသိရသည်။

First Rate ဖုန်းဆိုင်တွင် ဆိုင်ဝန်ထမ်းတစ်ဦးသေဆုံးခဲ့သော ပစ်ခတ် လုယက်မှုဖြစ်စဥ်


တာချီလိတ်မြို့၊ ရန်အောင်မြေရပ်ကွက်၊ ပါလျှံ(၃)ရပ်၊ အမှတ်(၇၆)၊ ဗိုလ်ချုပ်လမ်းမဘေးရှိ First Rate ဖုန်းဆိုင်တွင် ဆိုင်ဝန်ထမ်းတစ်ဦးသေဆုံးခဲ့သော ပစ်ခတ် လုယက်မှုဖြစ်စဥ်၌ ကျုးလွန်သူ ၄ ဦးကို ရဲတပ်ဖွဲ့နှင့် ပူးပေါင်းအဖွဲ့များက တစ်ရက်အတွင်း အသေပစ်ခတ် ဖမ်းဆီးရမိခဲ့ကြောင်း ရဲတပ်ဖွဲ့နှင့် နီးစပ်သူတစ်ဦးထံမှ သိရသည်။

ဖြစ်စဥ်မှာ နိုဝင်ဘာလ ၁၃ ရက် နံနက်ပိုင်းက First Rate ဖုန်းဆိုင်သို့ ဆိုင်ကယ်၂ စီးဖြင့် အမျိုးသား ၄ ဦးရောက်ရှိလာပြီး အရောင်းဝန်ထမ်းများကို ကြမ်းပြင်သို့ မှောက်ခိုင်းကာ ဆိုင်နောက်ခန်းတွင် ဖုန်းပြင်နေသော ဆိုင်ဝန်ထမ်းကို သေနတ်ဖြင့် ပစ်သတ်၍ ဆိုင်တွင်းမှ I phone 15 အမျိုးအစား ဖုန်း(၅)လုံး၊ I phone 16 အမျိုးအစား ဖုန်း(၁၅)လုံး၊စုစုပေါင်း ကာလတန်ဖိုး ကျပ် ၁၁၂၁ သိန်းဖိုးရှိသော ဖုန်းအလုံး ၂၀ ကို ယူဆောင်ကာ မောင်းနှင်ထွက်ပြေးသွားခဲ့ခြင်းဖြစ်သည်။

အဆိုပါ ဖြစ်စဥ်ကို တာဝန်ရှိသူများက စုံစမ်းခဲ့ပြီးနောက် လုယက်မှုကျုးလွန်သူများ ငှားရမ်းနေထိုင်သော ဝမ်ကျောက်လုံကျေးရွာရှိ နေအိမ်လိုင်းခန်းတစ်ခုကို နိုဝင်ဘာလ ၁၄ ရက် နံနက် ၁ နာရီက ရဲတပ်ဖွဲ့ဝင်များပါသော ပူးပေါင်းအဖွဲ့က ပိတ်ဆို့ရှာဖွေဖမ်းဆီးခဲ့ရာမှ ကျုးလွန်သူများက ပစ်ခတ်တိုက်ခိုက်၍ ထွက်ပြေးရန်ကြိုးပမ်းသဖြင့် ကျုးလွန်သူ အမျိုးသား ၄ ဦးကို အသေပစ်ခတ်ဖမ်းဆီးရမိခဲ့ခြင်းဖြစ်သည်။

ကျုးလွန်သူများမှာ အသက် ၂၅နှစ်မှ ၃၀ဝန်းကျင် အမျိုးသားများဖြစ်ပြီး ၄င်းတို့လက်ထဲတွင် ပစ္စတိုသေနတ် ၄ လက်ကိုလည်း​ကောင်း၊ လက်ကိုင်ဖုန်းမျိုးစုံ ၁၂ လုံး၊ လိုင်းခန်းရှေ့တွင် ရပ်ထားသော TOYOTA WISH အဖြူရောင် မော်တော်ယာဉ် ၁ စီး၊ ဖန်လီအမည်ဖြင့် မှတ်ပုံတင် ၁ ခု၊ စမတ်ကတ် ၁ ခု၊ ယာဥ်မောင်းလိုင်စင် ၁ ခုတို့ကို တာဝန်ရှိသူများက သိမ်းဆည်းရမိခဲ့သည်။

“မှတ်ပုံတင် အရတော့ လားရှိုးမြို့နေသူလို့သိရတယ်။ လုယက်သွားတဲ့ ဆိုင်ကယ်နံပါတ်နဲ့ အမျိုးအစားတွေကို ဆိုင်ကယ်ရောင်းဝယ်ခဲ့တဲ့ ဆိုင်တွေကို စုံစမ်းရာကနေ သူတို့ရဲ့ကားနံပါတ်ကို သိခဲ့တာ။ အဲ့ဒီကနေ သူတို့သွားတဲ့လမ်းကြောင်းကို လိုက်ရာကနေ မိတာလို့ သိရတယ် “ဟု ရဲတပ်ဖွဲ့နှင့်နီးစပ်သူတစ်ဦးက ပြောသည်။

သေဆုံးခဲ့သော ကျုးလွန်သူ ၄ ဦးကို တာချီလိတ်ခရိုင် ပြည်သူ့ဆေးရုံကြီးသို့ ပို့ဆောင်ထားပြီး ဟောင်လိတ်နယ်မြေရဲစခန်းတွင် ရာဇသတ်ကြီး ပုဒ်မ ၃၀၂/၃၉၂/၃၄ ဖြင့် အမှုဖွင့်ကာ စစ်​ဆေးလျက်ရှိကြောင်း သိရသည်။

တာချီလိတ် First Rate ဖုန်းဆိုင်တွင် ဆိုင်ဝန်ထမ်းတစ်ဦးသေဆုံးခဲ့သော ပစ်ခတ် လုယက်မှုဖြစ်စဥ်

နေပြည်တော်ကောင်စီနယ်မြေ၊ ပျဉ်းမနားမြို့နယ်ရှိ စိုက်ပျိုးရေးနှင့် မွေးမြူရေးသိပ္ပံသင်တန်း ကျောင်း၌ ကျောင်းအုပ်ဆရာမကြီးနှင့်အတူနေ ဆရာမတစ်ဦးအား သတ်ဖြတ်လုယက်မှုကျူးလွန်သူ အမျိုးသားတစ်ဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ

နိုဝင်ဘာလ ၂

၂၀၂၄ ခုနှစ်၊ နိုဝင်ဘာလ ၂ ရက်နေ့ နံနက် ၄ နာရီ ၄၅ မိနစ်တွင် နေပြည်တော်ကောင်စီ နယ်မြေ၊ ပျဉ်းမနားမြို့ နယ်၊ ရွှေချီရပ်ကွက်၊ စိုက်ပျိုးရေးနှင့် မွေးမြူရေးသိပ္ပံသင်တန်းကျောင်းဝင်း အတွင်းရှိ ကျောင်းအုပ်ဆရာမကြီး ဒေါ်ဝင်းရီ(၆၁)နှစ် (ဘ)ဦးညွန့်မောင်၏နေအိမ်၌ အဆိုပါ ကျောင်းတွင် တက်ရောက်နေသည့် ဒုတိယနှစ် ကျောင်းသားဖြစ်သူ မျိုးမင်းသူ(၁၉)နှစ်သည် နေအိမ် အတွင်း ဝင်ရောက်၍ ဆရာမကြီး ဒေါ်ဝင်းရီနှင့်အတူနေ ကျောင်းဆရာမ ဒေါ်အွန်စော(၂၂)နှစ် (ဘ)ဦးကျော်စွာထွန်းတို့အား ဓားဖြင့် ထိုးခုတ်၍ နေအိမ်အတွင်းရှိ စိန် ၁ လုံးပါ တစ်မတ်သား လက်စွပ် ၁ ကွင်း၊ ကာလတန်ဘိုး ၂၄ သိန်းကျပ်ခန့်နှင့် ငွေကျပ် ၁၂ သိန်းခွဲတို့အား လုယက် ယူဆောင်ထွက်ပြေးသွားသဖြင့် ဆရာမကြီး ဒေါ်ဝင်းရီတွင် ဓားဒဏ်ရာများရရှိခဲ့ပြီး ဆရာမ ဒေါ်အွန် စောတွင် ဓားဒဏ်ရာများရရှိကာ သေဆုံးသွားခဲ့သဖြင့် ပျဉ်းမနားမြို့မ ရဲစခန်း(ပ)၃၅၇/ ၂၀၂၄၊ ရာဇသတ်ကြီး ဥပဒေပုဒ်မ ၃၀၂/၃၉၄ ဖြင့် အမှုရေးဖွင့်၍ ပြစ်မှုကျူးလွန်သူအား ဖော်ထုတ် ဖမ်းဆီးရမိနိုင်ရေး ဆောင်ရွက်ခဲ့ သည်။

လုံခြုံရေးတပ်ဖွဲ့ဝင်များက စုံစမ်းဖော်ထုတ်ခဲ့ရာ နိုဝင်ဘာလ ၂ ရက်နေ့ နံနက် ၁၀ နာရီ ၅ မိနစ်တွင် ပျဉ်းမနား မြို့ နယ်၊ ဘောဂဝတီရပ်ကွက်၊ ဘောဂသီရိကားဝင်းရှိ နေပြည်တော်မှ ရန်ကုန်သို့ ထွက်ခွာမည့် “နေကြယ်မင်း”ခရီးသည်တင်ယာဉ်ပေါ်မှ သတ်ဖြတ်လုယက်မှုကျူးလွန်သူ ပဲခူးတိုင်း ဒေသကြီး၊ ဖြူးမြို့နယ်၊ ဇေယျာဝတီမြို့၊ မြို့မ(၁)ရပ်ကွက်နေ တရားခံ မျိုးမင်းသူ(၁၉)နှစ် (ဘ) ဦးမြင့်နိုင်အား ပြစ်မှုကျူးလွန်ရာမှ လုယက်ယူဆောင်လာ သည့် သက်သေခံပစ္စည်းများနှင့်အတူ ဖမ်းဆီးရမိခဲ့သည်။

ဖမ်းဆီးရမိတရားခံ မျိုးမင်းသူအား စစ်ဆေးပေါ်ပေါက်ချက်အရ ၎င်းသည် စိုက်ပျိုးရေးနှင့် မွေးမြူရေးသိပ္ပံသင် တန်းကျောင်း၌ ကျောင်းတက်နေသည့် ဒုတိယနှစ်ကျောင်းသားတစ်ဦးဖြစ်ပြီး ငွေကြေးအခက်အခဲများရှိနေခြင်း၊ ကျောင်းအုပ်ဆရာမကြီးမှ စိုက်ကွင်းများတွင် သင်ခန်းစာလက်တွေ့ လုပ်ခိုင်းသည်ကို မကျေနပ်သဖြင့် သတ် ဖြတ် လုယက်ရန် နေအိမ်အတွင်းသို့ ဝင်ရောက်ကာ ကျောင်းအုပ်ဆရာမကြီး ဒေါ်ဝင်းရီနှင့် ဆရာမ ဒေါ်အွန်စော တို့ ဓားဖြင့် ထိုးခုတ်၍ နေအိမ်အတွင်းရှိ စိန် ၁ လုံးပါ တစ်မတ်သား လက်စွပ် ၁ ကွင်း၊ ကာလတန်ဘိုး ၂၄ သိန်းကျပ်ခန့်နှင့် ငွေကျပ် ၁၂ သိန်းခွဲတို့အား လုယက်ယူဆောင်ထွက်ပြေးခဲ့ခြင်းဖြစ်ကြောင်း ဖော်ထုတ် သိရှိရသည်။

ဖြစ်စဉ်တွင် နေအိမ်အတွင်း ဝင်ရောက်၍ ကျောင်းဆရာမနှစ်ဦးအား သတ်ဖြတ်လုယက်မှု ကျူးလွန်ခဲ့သူ မျိုးမင်းသူအား လုံခြုံရေးတပ်ဖွဲ့ဝင်များက ဒုစရိုက်မှုကိုမလိုလားသည့် တာဝန်သိ ပြည်သူများ၏ ပူးပေါင်း ကူညီမှုဖြင့် အချိန်တိုအတွင်း ဖော်ထုတ်ဖမ်းဆီးရမိခဲ့ပြီး တရားခံ မျိုးမင်းသူ အား ဉပဒေနှင့်အညီ အရေးယူနိုင် ရေးဆောင်ရွက်လျက်ရှိကြောင်း သတင်းရရှိသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဟိန္ဒူဘာသာ ဝင်များ၏ ဒီပါဝလီအထိမ်းအမှတ်အခမ်းအနားသို့ တက်ရောက်ချီးမြှင့်

နိုဝင်ဘာလ - ၂ ရက်

မြန်မာနိုင်ငံတွင်မှီတင်းနေထိုင်ကြသည့် ဟိန္ဒူဘာသာဝင်များ စုပေါင်းကျင်းပ သည့် ဒီပါဝလီအထိမ်းအမှတ် အခမ်းအနားကို ယနေ့ညနေပိုင်းတွင် ရန်ကုန်မြို့၊ ဒဂုံ မြို့နယ်၊ မြို့မကျောင်းလမ်းရှိ အမျိုးသားဇာတ်ရုံ၌ ကျင်းပပြုလုပ်ရာ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင် လှိုင် တက်ရောက် ချီးမြှင့်သည်။

မန္တလေးမြို့တွင်အခြေချ၍ လူကုန်ကူးမှု ဂိုဏ်းဖွဲ့ကျူးလွန်သူများအား ဖော်ထုတ်ဖမ်းဆီးရမိ

နိုဝင်ဘာ ၂

အမှတ် (၁၁) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု (မန္တလေး) တပ်ဖွဲ့ စုမှူးရဲမှူး ခင်မောင်သိန်း ဦးစီးတပ်ဖွဲ့ဝင်များက မန္တလေးအပြည်ပြည်ဆိုင်ရာလေဆိပ် တာဝန်ကျတပ်ဖွဲ့ဝင်များနှင့်အတူ အောက်တိုဘာ ၂၄ ရက် နံနက် ၇ နာရီခွဲတွင် ပြည်ပထွက်ခွာမှုများအား ပူးပေါင်းစစ်ဆေးစဉ် ထိုင်းနိုင်ငံ Suvarnabhumi လေဆိပ်သို့ MAI လေကြောင်းလိုင်းဖြင့်ထွက်ခွာမည့် တရုတ်နိုင်ငံသား GAO FENGYING (ကောင်းဖိန်းရင်) နှင့် အမျိုးသမီးငယ်သုံးဦးတို့ကို မသင်္ကာဖွယ်တွေ့ရှိသဖြင့် တပ်ဖွဲ့စုရုံးသို့ ခေါ်ယူစစ်မေးခဲ့ရာ အဆိုပါအမျိုးသမီးငယ်သုံးဦးမှာ လူမှုကွန်ရက် Facebook, TikTok အသုံးပြုဆက်သွယ်၍ တရုတ်နိုင်ငံသို့ တရုတ်မယားပြုလုပ်ရန် စည်းရုံးစုစည်းခေါ်ဆောင်ခံရသူများဖြစ်ကြောင်းနှင့် ၎င်းတို့ကဲ့သို့ တရုတ်မယားလုပ်ရန် စည်းရုံးခံထားရသူ အမျိုးသမီးငယ် ၁၁ ဦးကို မန္တလေးမြို့ ပြည်ကြီးတံခွန်မြို့နယ် ၆၄ ဒီ လမ်း၊ ၁၁၅ x ၁၁၆ လမ်းကြားရှိ နေရာတွင် စုစည်းထိန်းချုပ်ထားကြောင်း သတင်းဖော်ထုတ်ရရှိခဲ့သည်။

ဆက်လက်၍ အမျိုးသမီးငယ်သုံးဦး၏ တယ်လီဖုန်းဆက်သွယ်မှုများကိုစိစစ်ခဲ့ရာ ၎င်းတို့ကဲ့သို့ တရုတ်မယားလုပ်ရန် စည်းရုံးခံထားရသူ အမျိုးသမီးငယ် ၁၁ ဦးကို ကယ်တင်နိုင်ခဲ့ပြီး ၎င်းတို့ကို စစ်ဆေးချက်များအရ တရုတ်ယောကျ်ားနှင့် လက်ထပ်ရန်အတွက် ဂိုဏ်းဖွဲ့၍ စည်းရုံးဆောင်ရွက်ခဲ့သူ ဒေါ်နန်းဆိုင်ခမ်း (ခ) မားမားအား ဖမ်းဆီးရမိခဲ့ပြီး ၎င်းမှာ ယခင်က ရွှေလီမြို့ရှိ တရုတ်နိုင်ငံသားပိုင်ကုမ္ပဏီတွင် တရုတ်ယောကျ်ားယူရန် အမျိုးသမီးငယ်များအား ပို့ဆောင်ပေးခဲ့သော်လည်း ခွဲတမ်းနည်းသဖြင့် ၎င်းကိုယ်တိုင် တရုတ်မယားပြုလုပ်မည့် မိန်းကလေး များရှာဖွေရန် wechat group မှတစ်ဆင့် မြန်မာနိုင်ငံအတွင်းမှ တစ်ဆင့်ခံ လူပွဲစား မမေထက်နိုင်ဦး (ခ) မထက်၊ မောင်ချစ်ထူး၊ မဖြိုးဖြိုးဝေတို့နှင့် ချိတ်ဆက်ဆောင်ရွက်ရန်အတွက် မန္တလေးမြို့၌ အခြေချနေထိုင်ရန် ၈၆ လမ်း၊ ကန်တော်ကြီးပတ်လမ်းအနီးရှိ ၃ ထပ်တိုက်တစ်လုံးနှင့် ပြည်ကြီးတံခွန်မြို့နယ်၊ ၆၄ ဒီ လမ်း၊ ၁၁၅ x ၁၁၆ လမ်းကြား နေအိမ်တို့ကို ငှားရမ်းခဲ့ကာ အမျိုးသမီးငယ်များ စုစည်းထိန်းချုပ်၍ လူကုန်ကူးမှုလုပ်ငန်းများ ဆောင်ရွက်ခဲ့ကြောင်း စိစစ်ဖော်ထုတ်နိုင်ခဲ့သည်။

မြန်မာနိုင်ငံအတွင်း မိန်းကလေးများ စည်းရုံးရှာဖွေရန်အတွက် မမေထက်နိုင်ဦး (မထက်)၊ ချစ်ထူးနှင့် ၎င်း၏ဇနီးဖြစ်သူ မဖြိုးဖြိုးဝေတို့က Online မှ စည်းရုံးရှာဖွေစုဆောင်းပြီး ငှားရမ်းထားသည့် နေအိမ်သို့ပို့ဆောင်ခြင်း၊ မဇင်သူခိုင်အား စောင့်ကြည့်စေခြင်း၊ ၎င်းအမျိုးသမီးငယ်များအတွက် နိုင်ငံကူးလက်မှတ်နှင့် လက်ထပ်ဗီဇာပြုလုပ်ပေးခြင်းတို့ကို ဒေါ်နန်းဆိုင်ခမ်း (ခ) မားမား၏ စီစဉ်ညွှန်ကြားမှုဖြင့် ဆောင်ရွက်ခဲ့ကြောင်း၊ အမျိုးသမီးငယ်များနှင့် လက်ထပ်မည့် တရုတ်နိုင်ငံသား GAO FENGYING (ကောင်းဖိန်းရင်)၊ တရုတ်နိုင်ငံသား LIN JIAN နှင့်အတူ တရုတ်နိုင်ငံမှ မန္တလေးမြို့သို့လာရောက်သည့် ၎င်း၏မိခင် LI MANFEN တို့အား မြန်မာနိုင်ငံသို့ လာရောက်ရန်အတွက် ဒေါ်နန်းဆိုင်ခမ်း (ခ) မားမားမှ စီစဉ်ဆောင်ရွက်ပေးခဲ့ကြောင်း စိစစ်ဖော်ထုတ် နိုင်ခဲ့သည်။

ဖြစ်စဉ်ဖော်ထုတ်သိရှိချက်အရ အမျိုးသမီးငယ်များမှာ မိမိတို့ဘဝ အလုပ်အကိုင်ရရှိရေးအတွက် လူမှုကွန်ရက် Facebook, TikTok များမှတစ်ဆင့် အလုပ်ရှာဖွေရာမှ တရုတ်မယားပြုလုပ်ရန် စည်းရုံးခံရသူများဖြစ်ကြပြီး ပို့ဆောင်သည့်လမ်းကြောင်းမှာ တရုတ်မယားပြုလုပ်နိုင်ရန်အတွက် ယခင်က နယ်စပ်ဒေသမှတစ်ဆင့် စည်းရုံးခေါ်ယူပို့ဆောင်နေရာမှ ယခုအခါ ပြည်ပနိုင်ငံတစ်ခုဖြစ်သော ထိုင်းနိုင်ငံမှတစ်ဆင့် တရုတ်နိုင်ငံသို့ ပို့ဆောင်နေကြောင်း စုံစမ်းသိရှိရသည်။

ထို့ကြောင့် မန္တလေးမြို့၌အခြေချ၍ လူကုန်ကူးမှုဂိုဏ်းဖွဲ့ကျူးလွန်ခဲ့သူ ဒေါ်နန်းဆိုင်ခမ်း (ခ) မားမား (ဖမ်းဆီးရမိ)၊ မမေထက်နိုင်ဦး (ခ) မထက် (တိမ်းရှောင်)၊ မဇင်သူခိုင် (တိမ်းရှောင်)၊ ချစ်ထူး (ဖမ်းဆီးရမိ)၊ မဖြိုးဖြိုးဝေ (ဖမ်းဆီးရမိ)၊ တရုတ်နိုင်ငံသား GAO FENGYING (ကောင်းဖိန်းရင်) (ဖမ်းဆီးရမိ)၊ တရုတ်နိုင်ငံသား LIN JIAN နှင့် ၎င်း၏မိခင်ဖြစ်သူ LI MANFEN (ဖမ်းဆီးရမိ)တို့ ရှစ်ဦးအား သက်ဆိုင်ရာ ရဲစခန်းများဖြစ်သည့် တံတားဦးမြို့နယ် လေဆိပ်နယ်မြေရဲစခန်း (ပ) ၂၃/၂၀၂၄၊ လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၈ (က)/၄၄ ဖြင့်လည်းကောင်း၊ တံတားဦး မြို့နယ်လေဆိပ်နယ်မြေရဲစခန်း (ပ) ၂၄/၂၀၂၄၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)/၄၄ ဖြင့်လည်းကောင်း၊ ပြည်ကြီးတံခွန်မြို့မရဲစခန်း (ပ) ၂၆၀/၂၀၂၄၊ လူကုန်ကူးမှုတားဆီး နှိမ်နင်းရေး ဥပဒေပုဒ်မ ၃၈(က)/၄၄ ဖြင့်လည်းကောင်း၊ ပြည်ကြီးတံခွန်မြို့မရဲစခန်း (ပ) ၂၆၁/၂၀၂၄၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)/ ၄၄ ဖြင့်လည်းကောင်း အမှုဖွင့်အရေးယူ ထားရှိကြောင်း သိရသည်။

ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း ညောင်လေးပင်ခရိုင်အတွင်း စိုက်ပျိုးရေးနှင့် ဒေသဖွံ့ဖြိုး ရေးလုပ်ငန်းများ ကွင်းဆင်းစစ်ဆေး

နိုဝင်ဘာ ၂

ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းသည် နိုဝင်ဘာလ(၁)ရက်နေ့၊ မွန်းလွဲပိုင်းက အစိုးရအဖွဲ့ဝင် ဝန်ကြီးများနှင့်အတူ ညောင်လေးပင်ခရိုင်ဒိုက်ဦးမြို့နယ် ဖွံ့ဖြိုး ရေးလုပ်ငန်းများ ကွင်းဆင်းစစ်ဆေးခဲ့သည်။

တိုင်းဒေသကြီး ဝန်ကြီးချုပ်သည် တိုင်းဒေသကြီးအစိုးရအဖွဲ့ ခွင့်ပြုရန်ပုံငွေကျပ် (၅၇၃၀)သန်းဖြင့် တည်ဆောက်လျက်ရှိသော ဒိုက်ဦးမြို့၊ (၂)ထပ် မီးသတ်စခန်းနှင့် ဂါလံ(၂၀၀၀၀)ဆံ့ မြေအောက်ရေသိုလှောင်ကန် တည်ဆောက်နေမှုအား ကွင်းဆင်းကြည့်ရှုစစ်ဆေးခဲ့ပြီး သတ်မှတ်စံချိန် စံညွှန်းနှင့်အညီ အချိန်မီပြီးစီးရေးနှင့် တည်ဆောက်ရေးလုပ်ငန်းစဉ်တစ်ခုချင်းအလိုက် မြို့နယ်တည် ဆောက်ရေးကြီးကြပ်မှုကော်မတီမှ အနီးကပ်ကြီးကြပ်စစ်ဆေးရန် တာဝန်ရှိသူများအား လမ်းညွှန်မှာကြား ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့်အဖွဲ့သည် ဒိုက်ဦးမြို့၊ ပျဉ်းမလွင် ကျေးရွာ၌ ဒေသခံတောင်သူများနှင့်တွေ့ဆုံ၍ သီးထပ်စွမ်းတိုးတက်စေရေး လမ်းညွှန်ပြောကြားခဲ့ပြီး တိုင်း ဒေသကြီးအစိုးရအဖွဲ့ အစီအစဉ်ဖြင့် နွေစပါး(၂)သီး စိုက်ပျိုးနိုင်ရေး သွင်းအားစုဓါတ်မြေဩဇာများ ထောက်ပံ့ ပေးအပ်ခဲ့သည်။ ယင်းနောက် ပျဉ်းမလွင်ကျေးရွာအုပ်စု၌ တစ်ကွင်းတစ်ဆက်တည်း နွေစပါးစံပြစိုက်ခင်း (၅၀၀)ဧက၌ တစ်နွေစပါး(၂)သီး စိုက်ပျိုးနိုင်ရေး Seeding Machine ဖြင့် ပျိုးဗန်းများ ဆောင်ရွက် နေမှုအား ကြည့်ရှုအားပေးခဲ့ပြီး နွေစပါးစိုက်ရာသီအတွင်း စိုက်ပျိုးရေလုံလောက်စွာရရှိရေး တာဝန်ရှိသူ များနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သတင်းရရှိသည်။

ပြင်ဦးလွင်မြို့ရှိ တပ်မတော်ဆေးရုံ၌ တက်ရောက်ဆေးကုသမှုခံယူနေသူများအား သွားရောက်ကြည့်ရှုအားပေး

နေပြည်တော်၊ ၂၀၂၄ အောက်တိုဘာ - ၂၉

အကြမ်းဖက်အုပ်စုအဖြစ် ကြေညာထားသော CRPH၊ NUG နှင့် ၎င်းတို့၏ လက်ဝေခံများ၏ လှုံ့ဆော်၊ ဝါဒဖြန့်ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများ ပြုလုပ်ခဲ့သူများအား ဖော်ထုတ်အရေးယူ

နေပြည်တော်၊ အောက်တိုဘာ ၂၉

ဒိုက်ဦး​မြို့၌ စာကြည့်တိုက်ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးအခမ်းအနားပြုလုပ်ရာ တိုင်းဒေသကြီး ဝန်ကြီးချုပ် ဦးမျိုးဆွေဝင်း တက်ရောက်ဖွင့်လှစ်ပေးခဲ့

အောက်တိုဘာ ၂၉

  ဒိုက်ဦးမြို့၊ အမှတ်(၁)အခြေခံပညာအထက်တန်းကျောင်း၌ စာကြည့်တိုက်ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေး အခမ်းအနားအား အောက်တိုဘာလ(၂၉)ရက်နေ့၊ နံနက်ပိုင်းက ကျင်းပပြုလုပ်ရာ တိုင်းဒေသကြီး ဝန်ကြီးချုပ် ဦးမျိုးဆွေဝင်း တက်ရောက်ချီးမြှင့်ခဲ့သည်။
        

သိပ္ပံနှင့်နည်းပညာဝန်ကြီးဌာန
အဆင့်မြင့်သိပ္ပံနှင့်နည်းပညာဦးစီးဌာန
ကြေညာချက်

ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်ဦးစိုးသိန်း Grade-11 နှင့် Grade-12 တက်ရောက်နေသည့် ကျောင်းသား၊ ကျောင်းသူများအတွက် ဥပဒေအသိပညာပြန့်ပွားရေး ဆရာဖြစ်သင်တန်းဖွင့်ပွဲ အခမ်းအနား တက်ရောက်ချီးမြှင့်

အောက်တိုဘာ ၂၉

ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်နှင့် အဖွဲ့ဝင်များသည် ယမန်နေ့နံနက်ပိုင်းတွင် အလုံခရိုင်၊ အလုံမြို့နယ်၊ အ.ထ.က (၄)၊ သီရိရတနာခန်းမ၌ ကျင်းပပြုလုပ်သည့် Grade-11 နှင့် Grade-12 တက်ရောက်နေသည့် ကျောင်းသား၊ ကျောင်းသူများအတွက် ဥပဒေအသိပညာပြန့်ပွားရေး ဆရာဖြစ်သင်တန်းဖွင့်ပွဲ အခမ်းအနားသို့  တက်ရောက်ချီးမြှင့်ခဲ့သည်။

အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ် ဦးစိုးသိန်းနှင့် တိုင်းဒေသကြီးအစိုးရအဖွဲ့၀င် ၀န်ကြီးများ၊ တိုင်းဒေသကြီးပညာရေးမှူး ဒေါက်တာချိုချိုမြတ်အောင်၊ အလုံခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဇာနည်လွင်နှင့်အဖွဲ့၀င်များ၊ အလုံမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးဆန်းထွန်းနှင့်အဖွဲ့၀င်များ၊ ဌာနဆိုင်ရာများ၊ ဆရာ၊ ဆရာမများ စုစုပေါင်း (၆၇၁) ဦး တက်ရောက်ခဲ့ကြသည်။

ဗဟိုဘဏ်ကနေ ဒေါ်လာ ၁၆ သန်းကျော်ထုတ်ရောင်း
၂၉.၁၀.၂၀
ဗဟိုဘဏ်ကနေ ဒေါ်လာ ၁၆ သန်းကျော်၊ ထိုင်းဘတ် ၁၈ သန်းကျော်နဲ့ တရုတ်ယွမ် ၁ သန်းကျော် ထပ်မံထုတ်ရောင်းပေးခဲ့တယ်လို့ သိရပါတယ်။
ဗဟိုဘဏ်အနေနဲ့ သုံးလအတွင်း ဒေါ်လာ ၂၃၁ သန်းခွဲကျော်အထိ ထုတ်ရောင်းပေးထားကြောင်း အောက်တိုဘာ ၂၈ ရက် (ယမန်နေ့)တွင် မြန်မာနိုင်ငံတော်ဗဟိုဘဏ်မှ ထုတ်ပြန်ထားတဲ့စာရင်းများအရ သိရပါတယ်.
ပြီးခဲ့သည့် ဩဂုတ်လဆန်းပိုင်းတွင် စက်သုံးဆီတင်သွင်းမှု အခက်အခဲများဖြစ်ပေါ်ခဲ့ပြီးနောက် ဗဟိုဘဏ်အနေဖြင့် ဒေါ်လာများကို သန်းနှင့်ချီအလုံးအရင်း ထုတ်ရောင်းပေးခဲသဖြင့် ဩဂုတ်လ ၁ ရက်မှ အောက်တိုဘာ ၂၈ ရက်အထိ သုံးလအတွင်း ဒေါ်လာ ၂၃၁ သန်းခွဲကျော်အထိ ထုတ်ရောင်းပေးထားပြီးဖြစ်ပါတယ်။
အလားတူ တရုတ်နှင့် ထိုင်းနိုင်ငံတို့မှ သွင်းကုန်တင်သွင်းမှု အဆင်ပြေစေရန်အတွက် တရုတ်ယွမ်နှင့် ထိုင်းဘတ်များကိုလည်း ထုတ်ရောင်းပေးခဲ့ရာ သုံးလအတွင်း ထိုင်းဘတ် ၇၇၈ သန်းရောင်းပေးခဲ့သလို တရုတ်ယွမ်သန်း ၄၀ နီးပါး ထုတ်ရောင်းပေးခဲ့ပြီးဖြစ်ပါတယ်။
         ယခုဘဏ္ဍာနှစ်၊ ဧပြီလမှ အောက်တိုဘာလအထိ ခုနစ်လအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာသန်း ၁,၀၀၀ ကျော် (ဒေါ်လာတစ်ဘီလျံကျော်) ထုတ်ရောင်းပေးထားကြောင်း မြန်မာနိုင်ငံတော်
ဗဟိုဘဏ်မှ ထုတ်ပြန်ကြေညာထားပါတယ်။

လှိုင်သာယာမြို့နယ်တွင် JAC HFC ယာဉ်အား TOYOTA TOYOACE ယာဉ်မှ ဝင်တိုက်မှုဖြစ်ရာမှ ၁ ဦး သေဆုံး ၉ ဦး ဒဏ်ရာရရှိ


အောက်တိုဘာ ၂၉

ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်းမြို့နယ်)၊ အင်းစိန်-ညောင်တုန်းလမ်း၊ ဘီအိုစီမှတ်တိုင်အနီးတွင် ယနေ့ နံနက် ၃ နာရီ ၅၃ အချိန်ခန့်၌  JAC HFC ယာဉ်အား TOYOTA TOYOACE ယာဉ်မှဝင်တိုက်မှုဖြစ်ရာမှ ၁ ဦးသေဆုံးပြီး ၉ ဦး ဒဏ်ရာရရှိခဲ့ကြောင်း မီးသတ်တပ်ဖွဲ့မှ သိရသည်။

လှိုင်သာယာ(အရှေ့ပိုင်းမြို့နယ်)၊ အင်းစိန်-ညောင်တုန်းလမ်း၊ ဘီအိုစီမှတ်တိုင်အနီးတွင် JAC HFC အမျိုးအစား ယာဉ်အား TOYOTA TOYOACEယာဉ်သည် အရှိန်မထိန်းနိုင်ဘဲ ဝင်တိုက်မှုဖြစ်ပွားကြောင်း သတင်းရရှိသဖြင့် လှိုင်သာယာ(အရှေ့ပိုင်းမြို့နယ်)မီးသတ်စခန်းမှ၊ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ ဝင်များဖြင့် ရှာဖွေကယ်ဆယ်ရေးလုပ်ငန်းများဆောင်ရွက်ပေးခဲ့ကြောင်း သိရသည်။

အဆိုပါယာဉ်တိုက်မှုကြောင့် TOYOTA TOYOACE ယာဉ်ပေါ်ပါ အမျိုးသား (၁)ဦး သေဆုံး၊ အမျိုးသား (၃)ဦး ထိခိုက်ဒဏ်ရာ(စိုးရိမ်ရ)ရခဲ့ပြီး အမျိုးသား (၄)ဦး၊ အမျိုးသမီး (၂)ဦးတို့သည်လည်း ထိခိုက်ဒဏ်ရာ(မစိုးရိမ်ရ) ရရှိခဲ့၍ ၎င်းတို့အား ရွှေ့ဝင့်ဝါလူမှုကူညီရေးအသင်း၊ ခွန်အားသစ်လူမှုကူညီရေးအသင်းနှင့် သွေးဒါနမျိုးဆက် လူမှုကူညီရေးအသင်း သူနာတင်ယာဉ်တို့ဖြင့် လှိုင်သာယာပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

ရွှေဈေးနှုန်းတည်ငြိမ်မှန်ကန်စေရေးအတွက် ရွှေရည်ညွှန်းဈေးသတ်မှတ်ရေးကော်မတီဖွဲ့စည်း

အောက်တိုဘာ ၂၆

နိုင်ငံအတွင်း ရွှေဈေးနှုန်းတည်ငြိမ်မှန်ကန်စေရေးအတွက် နေ့စဉ်ဓာတ်သတ္တု(ရွှေ) ရည်ညွှန်းဈေးကို စည်းမျဉ်းစည်းကမ်းများနှင့်အညီ သတ်မှတ် ထုတ်ပြန်နိုင်ရန် ဓာတ်သတ္တု(ရွှေ) ရည်ညွှန်းဈေးသတ်မှတ် ကော်မတီအား ဖွဲ့စည်းလိုက်ကြောင်း နစကမှ ထုတ်ပြန်ထားသည်။

အဆိုပါ ကော်မတီတွင် သယံဇာတနှင့် သဘာဝပတ်ဝန်းကျင်ထိန်းသိန်းရေးဝန်ကြီးဌာန၏ ဒုတိယဝန်ကြီးမှ ဥက္ကဋ္ဌအဖြစ်တာဝန်ယူမည်ဖြစ်ပြီး ကော်မတီဝင် ၁၅ ဦးဖြင့် ဖွဲ့စည်းခဲ့ခြင်းဖြစ်သည်။

နိုင်ငံ‌တော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ်  ဒုတိယဗိုလ်ချုပ်မှူးကြီး စိုးဝင်း မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးအား လက်ခံတွေ့ဆုံ

နေပြည်တော်၊ အောက်တိုဘာ - ၂၅

နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီး စိုးဝင်းသည် မြန်မာနိုင်ငံဆိုင်ရာတရုတ်ပြည်သူ့သမ္မတနိုင်ငံ သံအမတ်ကြီး H.E. Ms. Ma Jia အား ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ ဧည့်ခန်းမ၌ လက်ခံတွေ့ဆုံသည်။

မြန်မာကိုယ်စားပြု
သဲစုငြိမ်း Top 5ဆန်ကာတင်

အောက်တိုဘာလ ၂၅ ရက်

Miss Grand International 2024 ရွေးပွဲကို ယနေ့ကျင်းပရာ
မြန်မာကိုယ်စားပြု
သဲစုငြိမ်း Top 5 ဆန်ကာတင်ရွေးချယ်ခံရကြောင်းသိရသည်။

ကမ္ဘာ့ဖလားနဂါးလှေလှော်ပြိုင်ပွဲနှင့် ကမ္ဘာ့ချန်ပီယံရှစ်နဂါးလှေလှော်ပြိုင်ပွဲတွင်  မြန်မာလှေလှော်အားကစားအဖွဲ့ရွှေတံဆိပ်ဆုရရှိထား

အောက်တိုဘာ ၂၅

အောက်တိုဘာ၂၄ရက်မှ နိုဝင်ဘာလ ၃ရက်နေ့အထိ တရုတ်ပြည်သူ့ သမ္မတနိုင်ငံ၊ Yichang မြို့နှင့် ဖိလစ်ပိုင်သမ္မတနိုင်ငံ၊  Puerto Princesa မြို့တို့တွင်  ကျင်းပလျက်ရှိသည့် အပြည်ပြည်ဆိုင်ရာကနူးလှေလှော်အဖွဲ့ချုပ်၏ ၂၀၂၄ခုနှစ်၊ ကမ္ဘာ့ဖလားနဂါးလှေလှော်ပြိုင်ပွဲ  (2024 ICF Dragon Boat World  Cup ) နှင့်  ကမ္ဘာ့ချန်ပီယံရှစ် နဂါးလှေ​​လှော်ပြိုင်ပွဲ  (2024 ICF Dragon Boat World Championships)ကိုအောက်တိုဘာ၂၅ရက်ကကျင်းပခဲ့ရာအမျိုးသားမီတာ၂၀၀၀တွင်မြန်မာ‌​လှေ‌​လှော်ကစားသမားများကပထမ(ရွှေ)တံဆိပ်ဆုကိုဆွတ်ခူးရရှိထား‌​ကြောင်းသိရပါတယ်။

အဆိုပါကမ္ဘာ့ချန်ပီယံရှစ် နဂါးလှေ​လှော်ပြိုင်ပွဲအမျိုးသားမီတာ၂၀၀၀တွင်ဗိုလ်လုပွဲတွင်အသင်း၁၂သင်းတက်‌​ရောက်ယှဥ်ပြိုင်ခဲ့ရာမြန်မာအသင်းကပထမ(ရွှေ)၊ထိုင်းအသင်းကဒုတိယ(ငွေ)၊တရုတ်အသင်းကတတိယ(ကြေး)တို့ရရှိခဲ့ပါတယ်။

အဆိုပါပြိုင်ပွဲသို့ သွားရောက်ယှဉ်ပြိုင်သည့် အားကစားသမားအမျိုးသား၊အမျိုးသမီး ၂၀ဦးတို့သည်ပြိုင်ပွဲများဆက်လက်ယှဉ်ပြိုင်လျက်ရှိကြောင်းသိရပါတယ်။

ရွှေရောင်းဝယ်ခြင်းကို အရေးကြီးဝန်ဆောင်မှုအဖြစ်သတ်မှတ်

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ရွှေရောင်းဝယ်ခြင်း ဝန်ဆောင်မှုလုပ်ငန်းကို အရေးကြီးဝန်ဆောင်မှုအဖြစ်သတ်မှတ်ကြောင်း ယနေ့ အောက်တိုဘာ ၂၅ ရက်က ပြည်ထောင်စုဝန်ကြီးဦးခင်ရီမှ လက်မှတ်ရေးထိုးထုတ်ပြန်ခဲ့သည်။

ဝန်ကြီးဌာနမှ အရေးကြီးကုန်စည်နှင့်ဝန်ဆောင်မှုဥပဒေပုဒ်မ ၄ ပုဒ်မခွဲ(ဂ)အရ ပြည်ထောင်စုအစိုးရအဖွဲ့ကအပ်နှင်းသည့် အမိန့်ထုတ်ပြန်နိုင်ခွင့်ကိုကျင့်သုံး၍ အရေးကြီးဝန်ဆောင်မှုအဖြစ်သတ်မှတ်ခဲ့ခြင်းဖြစ်သည်။

ထို့ပြင် ပြည်ထောင်စုအစိုးရအဖွဲ့မှ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအား ရွှေရောင်းဝယ်ခြင်း ဝန်ဆောင်မှုလုပ်ငန်းကို အရေးကြီးဝန်ဆောင်မှုအဖြစ်သတ်မှတ်ခြင်းနှင့်ပတ်သက်၍ တားမြစ်မိန့်၊ စည်းမျဥ်းသတ်မှတ်မိန့်၊ ကြီးကြပ်မိန့်၊ ကာကွယ်မိန့်နှင့် လိုအပ်သလိုဆောင်ရွက်စေသည့် အမိန့်ထုတ်ပြန်နိုင်ခွင့်တို့ကိုအပ်နှင်းခဲ့ကြောင်း သိရသည်။

ထိုသို့ အပ်နှင်းမှုအား ပြည်ထောင်စုအစိုးရအဖွဲ့မှ ယမန်နေ့ အောက်တိုဘာ ၂၄ ရက်က အမိန့်အ မှတ် ၃၅/၂၀၂၄ ဖြင့် အမိန့်ထုတ်ပြန်နိုင်ခွင့်အပ် နှင်းခြင်း အနေဖြင့်အသိပေးထုတ်ပြန်ခဲ့ခြင်းဖြစ်သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ပြည်ထောင်စုတိုင်းရင်းသား လူမျိုးများဖွံ့ဖြိုးရေးတက္ကသိုလ်ပညာရေးဘွဲ့ ၅ နှစ်သင်တန်း အမှတ်စဉ်( ၆ )မှကျောင်းသား၊ ကျောင်းသူများကို တွေ့ဆုံအမှာစကားပြောကြား

စင်ကာပူရောက် မြန်မာလုပ်သားများ (PV)ပတ်စ်ပို့မှ အလုပ်အကိုင်ပတ်စ်ပို့ (PJ)ပြောင်းလဲနိုင်

စင်ကာပူရောက်မြန်မာလုပ်သားများကို အလည်အပတ်နိုင်ငံကူးပတ်စ်ပို့ (PV)မှ အလုပ်အကိုင်ပတ်စ်ပို့ (PJ) အဖြစ် ပြောင်းလဲဆောင်ရွက်ပေးသွားမည်ဖြစ်ကြောင်း စင်ကာပူနိုင်ငံဆိုင်ရာ မြန်မာသံရုံးမှ ထုတ်ပြန်ထားသည်။

PV အမျိုးအစား နိုင်ငံကူးလက်မှတ်နှင့် စင်ကာပူနိုင်ငံတွင် အလုပ်လုပ်ကိုင်၍ နေထိုင်ခွင့်ကတ်ကိုင်ဆောင်ထားကြသည့် မြန်မာနိုင်ငံသားများသည် ဝင်ငွေခွန်ပေးဆောင်ပြီးမှတ်တမ်းများနှင့် မြန်မာနိုင်ငံသို့ ခေတ္တပြန်ဝင်ရောက်ပြီး စင်ကာပူနိုင်ငံသို့ထွက်ခွာရန် ရန်ကုန်အပြည်ပြည်ဆိုင်ရာလေဆိပ်တွင်လည်းကောင်း၊ OWIC ကတ်ပြုလုပ်ရာတွင်လည်းကောင်း အဆင်မပြေမှုများနှင့် ကြုံတွေ့ရသည့်အတွက် အကူအညီပေးရန် မြန်မာသံရုံးသို့ ဆက်သွယ်ပြောကြားမှုများရှိကြောင်း သိရသည်။

သို့ဖြစ်၍ မြန်မာသံရုံးအနေဖြင့် စင်ကာပူနိုင်ငံတွင် အလုပ်လုပ်ကိုင်ပြီး ဝင်ငွေခွန်ဆောင်ကြသည့် မြန်မာနိုင်ငံသားများ ၏ အကျိုးငှာ မြန်မာနိုင်ငံသို့ ခေတ္တပြန်လိုသည့် အခြေနေအရ PV အမျိုးအစားမှ PJ အမျိုးအစား နိုင်ငံကူးလက်မှတ်ပြောင်းလဲနိုင်ရေး ဆောင်ရွက်ပေးမည်ဖြစ်ကြောင်း သိရသ ည်။

ထို့ကြောင့် မြန်မာသံရုံး၏ Whats App နံပတ်များတွင် ရက်ချိန်းရယူရန် အသွားအပြန်လက်မှတ်၊ သက်တမ်းရှိအလုပ်လုပ်ကိုင်ခွင့်ကတ်၊ နိုင်ငံကူးလက်မှတ်၊ အလုပ်ရှင်/ကုမ္ပဏီ ၏ ခွင့်စာများနှင့် ရက်သတ္တပတ်(၂)ပတ်ကြိုတင်ရက်ချိန်းရယူပြီးဆောင်ရွက်နိုင်ကြောင်း သိရသည်။