Mirzo Karim.Мирзоларнинг МИРЗОси.Расмий канал! Алоқа учун тел: 90-980-33-84

ФАВҚУЛОДДА ТАҚДИРЛАНДИМ!

14 январ Ватан ҳимоячилари байрами муносабати билан Фавқулодда Вазиятлар Вазирлиги билан ҳамкорликдаги маънавий-маърифий ишларим учун "Maʼnaviy-maʼrifiy ishlar aʼlochisi" нишони билан тақдирландим!
Ушбудан илҳомланиб ҳамкорлик кучайтирилади.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

САБОТ

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

БАХТ
Мирзо Карим

Кимга, нима кам ҳар дам,
Кўрмадим бир тўкисни.
Қачон ўрганган одам,
Нафсига тиз чўкишни!

Зулмдан дунё карахт,
Қуриб кетсин уруш ҳам.
Мирзо учун катта бахт,
Ўз оёқда туриш ҳам!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

СИТОРА
Мирзо Карим

Офтобда қорайган колхозчи қизлар,
Ўроқлар, кетмонлар, эски саржинлар.
Пахтазор ичида бахтини излаб,
Ўтди Тўмарислар, қанча Барчинлар.

Ниҳоят теккандек кўксимизга нур,
Аригандек бўлди, диллардан армон.
Қизим ғолиб бўлгин дея Булунғур,
Фарзандин йўллади Парижлар томон.

Ҳалоллик рингида бокс чикора,
Қалбингда шу нафас ўтди, не ҳислар.
Дунё айниб кетди, қизим Ситора,
Қўли баланд бўлиб қолди ножинслар!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

БИР-БИР...
Мирзо Карим

На куним, на туним осуда,
Танамдаги дардларим дилгир.
Гарчи юрак ёнар беҳуда,
Умидларим сўнмоқда бир-бир!

Хушҳабар йўқ, на саҳар-шомдан,
Чиқмоқ маҳол бу қайғу ғамдан,
Дил қасримда энг сўнги шамдон,
Умидларим сўнмоқда бир-бир!

Чўкаётиб чўпга ёпишдим,
Кундек ботиб, тонгга отишдим,
Тақдир билан энди топишдим,
Умидларим сўнмоқда бир-бир!

Сўнган умид чиқармайди сас,
Касрим сезмас, мени бирор кас,
Кундан кунга истар-истамас,
Умидларим сўнмоқда бир-бир!

Борим эриб битмоқда қордай,
Дардим сиқиб келмоқда дордай,
Мирзони ҳам хабари бордай,
Умидларим сўнмоқда бир-бир!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Андижонлик шогирд ва мухлислар эҳтироми!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЯХШИЛАР ЁДИ!


http://T.me/mirzolarningmirzosi.

ТОҒДА ЎЛГАН БОЛАЛАР
Мирзо Карим

Қароғимда ёш қотар,
Дилдан тошиб жолалар.
Ярим тунда уйғотар,
Тоғда ўлган болалар!

Ўн саккиз, йигирма ёш,
Қора кўзу қора қош,
Тошга тираб ётар бош,
Тоғда ўлган болалар!

Бургут эди, сор эди,
Оналари зор эди,
Не орзулар ёр эди,
Тоғда ўлган болалар!

Хостда айтилган нидо,
Ховосда бергай садо,
Қуролдошлар алвидо,
Тоғда ўлган болалар!

Нима эди, гуноҳи,
Кузатади арвоҳи,
Мени сўроқлар гоҳи,
Тоғда ўлган болалар!

Бари жасур, ботирлар,
Нимта-нимта ётурлар,
Мени тоғда топурлар,
Тоғда ўлган болалар!

Қонлари лола бўлди,
Номлари нола бўлди,
То Маҳшар бола бўлди,
Тоғда ўлган болалар!

Қабртоши-Хиндиқуш,
Қанча дўстлар энди туш,
Тобутлари келди бўш,
Тоғда ўлган болалар!

Сурхон, Қўқон, Новқотда,
Ер ёрилди фарёдда,
Қандахору Ҳиротда,
Тоғда ўлган болалар!

Кимнинг жону жавҳари,
Сиёсат қурбонлари,
Шўровийнинг аскари,
Тоғда ўлган болалар!

Тоққа чиқсам эслайман,
Юрагимдан йиғлайман,
Шеърларимда йўқлайман,
Тоғда ўлган болалар!

Мирзога санчилган ўқ,
Бир минг олти юзта чўғ,
Ҳеч кимни ёдида йўқ,
Тоғда ўлган болалар!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Чап тиззамдаги корсетга эътибор берилмасин!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЎЗИГА ШУКР!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ХОТИРА АЗОБИ
Мирзо Карим

Афғонда отилган ўқ,
Энди тегди оёққа.
Қонли кунлар ўчмади,
Бўядик, минг бўёққа!

Афғонда отилган ўқ,
Энди тегди оёққа.
Ҳиротдан Шошга етди,
Қочолмам, ҳеч қаёққа!

Афғонда отилган ўқ,
Энди тегди оёққа.
Мирзо суянгай бу кун,
Фақат қўлтиқтаёққа!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Фарғона аэропорти ходимларига миннатдорчилик!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ТЎЙ МУБОРАК, ҚАҲРАМОН УКАМ!
Мирзо Карим

Биз яшаган замонда,
Риштон деган томонда.
Укам бор, исми-жисми,
Қаҳрамон қаҳрамонда!

Водий сари юрсам гар,
Йўлимга жонин тўшар,
Жигардай, эмас дигар,
Қаҳрамон қаҳрамонда!

Доим омади кулсин,
Уйига буғдой тўлсин,
Тўйлар муборак бўлсин,
Қаҳрамон қаҳрамонда!

Келдик, хизматга шаймиз,
Бугун тўй ошлар еймиз,
Саломат бошед, деймиз,
Қаҳрамон қаҳрамонда!

Табассум ўчмас юздан,
Бахт кўрсин ўғил-қиздан,
Тўёна шеърлар биздан,
Қаҳрамон қаҳрамонда!

Таърифига сўз қайда,
Бундай содиқ дўст қайда,
Айтиб қўяй шу тўйда,
Қаҳрамон қаҳрамонда!

Савдода баракаси,
Тўҳтамасин "Закази",
Шоир Мирзо акаси,
Қаҳрамон қаҳрамонда!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

АФҒОНЧИЛАР
Мирзо Карим

(Шифохонага тушганимдан буён тинмай ҳол-аҳвол сўраётган ва баҳоли қудрат ёрдам бераётган, ҳеч йўқ чин дилдан дуо қилаётган
қисматдошларимга)

Қочиб ўз жонини асраб кетмайди,
Кимга бойлик, кимга мансаб етмайди.
Бу дунёни ташлаб кетиши мумкин,
Афғончилар дўстин ташлаб кетмайди!

Елкада ярадор, қурол қўлида,
Баграм қирларида, Қобул йўлида,
Қандахор тоғида, Ҳирот чўлида,
Афғончилар дўстин ташлаб кетмайди!

Пул учун ботган бор, дўстин қонига,
Жўрасин сурган кўп ажал ёнига,
Хатто қайтиб кириб жанг майдонига,
Афғончилар дўстин ташлаб кетмайди!

Гоҳ юрак доғини ювмайди бода,
Ҳар армон, ҳар алам тушганда ёда,
Ишониб яшайман икки дунёда,
Афғончилар дўстин ташлаб кетмайди!

Баъзи бир баднафслар қайдан билишган,
Жон олиб, жон бериб хизмат қилишган,
Ўлса ҳам бир-бирин қучиб ўлишган,
Афғончилар дўстин ташлаб кетмайди!

Урушни тақдирга йўйишган, аммо,
Ўйса ўз кўксини ўйишган аммо,
Ҳеч кимга ишонмай қўйишган аммо,
Афғончилар дўстин ташлаб кетмайди!

Мирзоман шеърларим, сизга тўшайман,
Дуолар сабаби, дарддан бўшайман,
Иншааллоҳ, дўстларим узоқ яшайман,
Афғончилар дўстин ташлаб кетмайди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"НОХУШ" ХАБАР

Кутаётир ким агар,
Сиқилмасин ҳеч юрак.
Ғанимжон! "Нохуш" хабар,
Ҳали ўлмасам керак!

Дунё сизга бўлса тор,
Мени нима айбим бор,
Гул очилар, ёғар қор,
Ҳали ўлмасам керак!

Ботсам гар дарду ғамга,
Устасизей найрангга,
Шошмай туринг байрамга,
Ҳали ўлмасам керак!

Қадамда пинҳон тузоқ,
Гоҳ сомонтўп, гоҳ бузоқ,
Умрингиз бўлсин узоқ,
Ҳали ўлмасам керак!

Тақдир бир кун этар ҳал,
Келганини кимга гал,
Яшаяпман таваккал,
Ҳали ўлмасам керак!

Айтиб қўйсам яхшида,
Бу Худонинг вақтида,
Олти болам бахтига,
Ҳали ўлмасам керак!

Раҳмим келар сизга ҳам,
Осон тутманг, бизга ҳам,
Кирмагунча юзга ҳам,
Ҳали ўлмасам керак!

Олам шеърга тўлмасдан,
Орзу келар сўлмасдан,
Халқ шоири бўлмасдан,
Ҳали ўлмасам керак!

Ҳасаддан йўқ ҳаловат,
Билганингиз маломат,
Сизни кўрсам ҳижолат,
Ҳали ўлмасам керак!

Кўролмаслар армонда,
Ўқ тегмади Афғонда,
Дўстларим кўп замонда,
Ҳали ўлмасам керак!

Қолдираман дунёни,
Сиз яхши, биз ёмони,
Кечиргайсиз Мирзони,
Ҳали ўлмасам керак!

Кардиологияга даволанишга ётқизилдим.
Хонадош акани ташқарига чиққанда эшикни чала ёпишидан, биринчи куниёқ қон босимим ўйнаяпди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Андижон тадбирлари узоқ йиллар меҳмонлар ва мезбонлар ёдидан ўчмайди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Андижон. "Маърифат улашиб" лойиҳаси доирасдан лавҳалар.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Андижондаги тадбирларимиз маҳаллий ва марказий каналларда мунтазам ёритиб борилаётгани, биз ижодкорларга илҳом ва маъсулият юклайди.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Яшасин дўстлик!
Сажид. Покистон. Лахор.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

РААААҲМАААТ АНДИЖОНЛИК МУХЛИСЛАР!
Тадбирларга пуҳта ҳозирлик кўрилган!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"КУЛГАНИМГА ИШОНМАНГ"

Мирзо Карим шеъри.
Тоҳирбек Маҳкамов ижроси.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"ВАТАН" Мирзо Карим шеъри.
Афзалбек Ҳусанов мусиқаси.
Қиличбек Мадалиев ижроси.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Live stream finished (1 hour)

Ассалому алейкум азиз мухлислар!
Каналимизда янги йўналиш, сиз қадрдонлар билан жонли суҳбат ташкиллаштирмоқчимиз.
Шу муносабат билан бугун 6 декабр кечки 20:00 да севимли шоиримиз, Ўзбекистон Ёзувчилар уюшмаси аъзоси, Мирзо Карим ва умидли хонанда Акбарали Алиёров иштирокида “Қадрингни билганни қадрдони бўл!” деб номланган жонли ижодий суҳбатимизга барчангизни таклиф этамиз!
Суҳбат эсдалик учун ёзиб олинади!
Админ: Баҳтиёр Усмонов.

http://T.me/mirzolarningmirzosi

https://www.YouTube.com/channel/UCoRsvGN9EjQ5VZBL0iYEHQg

Афғондан қайтмаган дўстларга!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЖИЯНИМ ДИЛШОДАГА
Мирзо Карим

(Раҳматлик тўнғич акамни тўнғич қизи.
Барака топгур тез-тез Фарғонадан Тошкентга қўнғироқ қилиб, биздан хол-аҳвол сўраб туради)

Билганим қозонмас, Дилшода,
Шеър қадр қозонмас, Дилшода.
Биров шеър ўқимас даврда,
Дилимга осонмас, Дилшода!

Ярим йил, даво йўқ ботимга,
Соғ керак, мен дўсту ётимга,
Қадримни соласан ёдимга,
Дилимга осонмас, Дилшода!

Айрилдим энг тўнғич акамдан,
Енгим хўл, ёш томар ёқамдан,
Шан сўраб, энг олий Ҳакамдан,
Дилимга осонмас, Дилшода!

Дардимни айтмасим, биласан,
Айт, қачон Тошкентга келасан,
Акамга ўхшатиб куласан,
Дилимга осонмас, Дилшода!

Етимлик, Афғонлик, мусофир,
Жон чексанг, жонкуяр асотир,
Дард эмас, эзар шу хавотир,
Дилимга осонмас, Дилшода!

Кўз юмиб кетолмам, қайда ғам,
Мен қачон яшадим хотиржам,
Кўз очиқ кетаман, ўлсам ҳам,
Дилимга осонмас, Дилшода!

Гоҳ меҳр билмасга ён босиб,
Кетарман юрагим қон босиб,
Дунё йўқ дилимга муносиб,
Дилимга осонмас, Дилшода!

Алдансам макрига фанони,
Учрайман қаҳрига Худони,
Мирзони билмадим, Мирзони,
Дилимга осонмас, Дилшода!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

УРУШГА БОРМАЙ ЎЛА!
Мирзо Карим

(Ҳар доимгидек, даво-нажот излаб, тиббиёт даргоҳига бордим. Навбат турнақатор, уруш фаҳрийси бўлсам ҳам навбат билан киришга кўникиб кетганман.
Бироқ бу поликлиника давлатга қарашли бўлишига қарамай ҳар қабулга мўмай пул тўлашга эътироз билдириб, ҳужжат кўрсатиб, балога қолдим. Барака топгурлар ҳар доимгидан ҳам тўғри тушунтирворишди. Кўпчиликни ичида ноўрин изза бўлгандай сездим ўзимни)

Тиш аро сиқилган сўз,
Игнадек суқилган сўз,
Айтилмай уқилган сўз:-
"Урушга бормай ўла!
Тўқсон олти минг тўла!"

Портлаганлар, гаранглар,
Пули йўқлар, аланглар,
Қулоғимда жаранглар,
"Урушга бормай ўла!
Тўқсон олти минг тўла!"

Пулдан бўлак дарди йўқ,
Жон қайишган марди йўқ,
Фаҳрийлар кўп, қадри йўқ,
"Урушга бормай ўла!
Тўқсон олти минг тўла!"

Бизга теккан, машъум чек,
Жон чидашга мажбур лек,
Руҳ ҳайқирди телбадек:
"Урушга бормай ўла!
Тўқсон олти минг тўла!"

Бу дунёси пул бўлди,
Ҳамма пулга қул бўлди,
Оқибати шул бўлди,
"Урушга бормай ўла!
Тўқсон олти минг тўла!"

Мирзо, бу кузги жўжа,
Фамлама ўзни ҳўжа,
Ақча йўқ, катта кўча,
"Урушга бормай ўла!
Тўқсон олти минг тўла!"

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

РОБИ ЭНАМ
Мирзо Карим

Онамни оналари Робия энам умрини оҳиригача элу халқни синган-чиққан, мертилган, тойилган, чўзилганларини даволаб ўтган.
Афсуски, бугунги кунда бир эрка неварасини оёғи тузалмай ётибди.
Балки бу оёқлар Робия момони шўрпахталарини соғингандир, ким билсин?!

Тв қулоқни еди,
Дориларни мақташиб.
Ҳаммасидан зўр эди,
Энамни шўрпахтаси!

Саккиз ойки, тизза-сон,
Қанча ниш, қанча гармон,
Минг дардга битта дармон,
Энамни шўрпахтаси!

Тиб дер, ҳар нега қодир,
Қайдадир бўлса бордир,
Мен учун ҳамон нодир,
Энамни шўрпахтаси!

Унда меҳр бор эди,
Унда сеҳр бор эди,
Унда қадр бор эди,
Энамни шўрпахтаси!

Бордир кўп, пахта, лаган,
У қўймаган, силаган,
Яратгандан тилаган,
Энамни шўрпахтаси!

Ҳозир Хиндлар илғормиш,
Ўлимга даво бормиш,
Оламшумул илмий иш,
Энамни шўрпахтаси!

Мирзо бўлмас кўнгил тўқ,
Ҳамширалар кулар шўҳ.
Топилар шўрпахта ҳам,
Фақат энди, Энам йўқ!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ДЎСТИМ ҲАМЗАБЕКНИНГ АРМОНИ
Мирзо Карим

(Оҳангаронлик ҳизматдошим Ҳамзабек иккаламиз ҳам Афғонга 1986 йил ноябрь ойида борганмиз.
1987 йил 11 июлда Ҳирот-Тургунди довонида БТРда фугасли минада портлашган.
Қайсидир маънода шукрки, уни чап қўли узилган, қолганларни эса жони...
Дўстим билан бугун Қорахитойда тўйда кўришдим, суҳбат орасида, у пайтлар қўлим бор эди, деган сўзларидан қаттиқ таъсирландим)

Бугун сафар ўзи учинчи ўғлини уйлади.
Мендан тўйга ҳарбийда келиб, шеър ўқишимни илтимос қилди.
Дўст кўнгли учун хизматдамиз!
Тўйлар муборак дўстим!

О, Мирзожон о, Мирзо дўстим,
Куйиб кетар гоҳида кўксим,
Ўз юртимда баркамол ўсдим,
Афғонда не йўлим бор эди?!
Бир пайтлар қўлим бор эди!

Афғонуруш таърифга сўз йўқ,
Кимда оёқ, кимларда кўз йўқ,
Гоҳ бутун, гоҳ бутунлай дўст йўқ,
Афғонда не йўлим бор эди?!
Бир пайтлар қўлим бор эди!

Ўз ўйларим ўзимга душман,
Баҳори ҳеч келмовчи қишман,
Бир қаноти юлинган қушман,
Афғонда не йўлим бор эди?!
Бир пайтлар қўлим бор эди!

Хотирласам музлаб қоламан,
Тушимда қўл излаб қоламан,
Ўз-ўзимга сўзлаб қоламан,
Афғонда не йўлим бор эди?!
Бир пайтлар қўлим бор эди!

Ким бизларни ўтга солдилар,
Сўнг, ўзларин четга олдилар,
Кастюмим чап енги шалвирар,
Афғонда не йўлим бор эди?!
Бир пайтлар қўлим бор эди!

Сузар бўлсам, сойга етгудек,
Гар узатсам, ойга етгудек,
Дард кўп одам йўқдир айтгудек,
Афғонда не йўлим бор эди?!
Бир пайтлар қўлим бор эди!

Ким додлайди, санчилса тикан,
Жонимиз тош-ғишт бўлган экан,
Узилган қўл мушт бўлган экан,
Афғонда не йўлим бор эди?!
Бир пайтлар қўлим бор эди!

Аскар жони арзон, "пешкада",
Ботир бошлар турган пушкада,
Кўз очдим сўнг ёниб Кушкада,
Афғонда не йўлим бор эди?!
Бир пайтлар қўлим бор эди!

Дуоларга қўл очсам ҳар кун,
Ўз жуфтини излайди кафтим,
Бизни тафтни ким олади, ким,
Афғонда не йўлим бор эди?!
Бир пайтлар қўлим бор эди!

Ким жўнатди, бизни қон жойга,
Ёшлигимиз қордилар лойга,
Туфураман, қўшиб носвойга,
Афғонда не йўлим бор эди?!
Бир пайтлар қўлим бор эди!

Тани бошқа дардингни билмас,
Қон кечмаган, қадрингни билмас,
Тошбағирлар парвога илмас,
Афғонда не йўлим бор эди?!
Бир пайтлар қўлим бор эди!

Уруш деса, қора тердаман,
Қўлим гўрда, ўзим ердаман,
Мирзо битган ғамли шеърдаман,
Афғонда не йўлим бор эди?!
Бир пайтлар қўлим бор эди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЗАФАР ШОИР ҲИКОЯСИ
Мирзо Карим

Саккиз ойки оёқ дардимни шифоси топилмаяпди. Бугун Хинд мутахассисларидан муолажа ёздириб, дориларини аҳтариб юрибман.
Оғриқлардан асаб ҳам қолмади. Баъзи докторлар ҳаммаси асабдан бўляпди, бошда кўп мудҳиш хотиралар йиғилмаси бор дейди.
Ўйлаб қоламан, миллионлаб топганим, даволанишга кетяпди. Бизни (Афғончиларни) урра-урра қилиб, урушга жўнатган, кимлар эди ва жонинг оғриганда қани улар?!
Яхшиям, омон келганмиз. Оҳангаронлик Зафар шоирни бир ҳаётий воқеаси кўп эсимга тушади.
Шоир билан хизматдошим божа.
Хизматдошим 1987 йил июль ойида бир қўлидан ажраб, Афғондан Тошкент госпиталига олиб келинган пайт.
Биринчи бор, ҳали бўлажак божани Зафар шоир кўргани боради.
Шунда хизматдошим Ҳамзабек энди хушига келган кунлар бўлиб,
Зафар шоир ўзини танитгач.
Ҳамзабек: Божа бир қўлим йўқлигини сезяпман, аммо оёқларим борми, қарангчи деб сўраган. Простинани очиб, оёқларингиз бор экан божа, деган экан.
Яқинда хизматдошим Ҳамзабек учинчи ўғлини уйлантирди, тўйда роса афғонни хотирладик.
Боримизга шукр қилдик.

Не ботирни, ботирди қонга,
Дунё шундай тор экан, божа!
Юриб боринг Оҳангаронга,
Оёғингиз бор экан, божа!

Фугас мина портламас жойда,
Кўпкарида, энг катта тўйда,
От минамиз Қорахитойда,
Оёғингиз бор экан, божа!

Сиздан ҳар кун ҳабар оламан,
Қол, десангиз ёнда қоламан,
Шеър ёзаман, шоир боламан,
Оёғингиз бор экан, божа!

Ким ўч зарга, кимлар шонларга,
Ким шукрда омон жонларга,
Той бўлмоққа болажонларга,
Оёғингиз бор экан, божа!

Мирзо, Ҳирот йўлида Кушка,
Бари ўхшар, бир қаро тушга,
Набиралар қувлаб юришга,
Оёғингиз бор экан, божа!

(Суратда Зафар шоир билан)

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Руҳни аллаловчи, соҳир ва сеҳр муштараклиги. Талаффузсиз таассурот!

ОНАМ БЎЛСАЙДИ...

Мирзо Карим шеъри,
Озодбек Назарбеков ижроси. 2010 йил.

Ярим кўнглим, қани тўлсайди,
Гўдак қалбим, дийдор қўмсайди,
Сочлари оқ хаста бўлса ҳам,
Орангизда Онам бўлсайди.

Хўп ёш эдим, ёш қолиб кетдим,
Кўзларимда ёш қолиб кетдим.
Ёш боладай эркалаб айтдим:
Орангизда Онам бўлсайди.

Онаси бор кўнгли ойдами?
Давраларда ёки тўйдами?
Сўнги қатор, сўнги жойдами,
Орангизда Онам бўлсайди.

Фарзандларин тўйин кўрмаган,
Набиралар бўйин кўрмаган,
Ҳеч бўлмаса қирққа кирмаган,
Орангизда Онам бўлсайди.

Ярим кўнглим, қани тўлсайди,
Гўдак қалбим, дийдор қўмсайди.
Сочлари оқ хаста бўлса ҳам,
Орангизда Онам бўлсайди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Теленамойишни мухлислар даврасида кўриш бошқача экан.
Поплик хонанда Акбарали Алиёров илк бор "Хушвақт" кўрсатуви орқали ойнаижаҳонда ижодий чиқиш қилди.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ДАРС СЎНГИДА
Мирзо Карим

Мияга қон тепчса ҳал,
Балки юрак ёрилар!
Оллоҳимга таваккал,
Жонга тегди дорилар!

Кимга шакар, кимга туз,
Менга дуо-шифо тус,
Қаро ерга юзма юз,
Шоҳу гадо қорилар!

Фоний ичра ким собит,
Кўрори бешик-тобут,
Ҳар бунёдда бор нобут,
Қулар устун, хорилар!

Ўлмайдиганмиз гўё,
Бу дунёда бир дунё,
Ажал келганда аммо,
Фарқсиз ёшу қарилар!

Мирзонинг матлабига,
Боқмас Сирот лабида,
Худонинг мактабига,
Имтиҳонга борилар!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"Мусофир отасин соғинган, болам!"

Мирзо Карим шеъри,
Жалолиддин Усмонов ижроси.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

МИНГДАН БИР ИМКОНИЯТ - СОДИҚ СИНИҚЧИ!

Ёҳуд қирқ хунарли қувноқ табиб! Мени таниб қолиб, муолажадан ташқари лирик чекинишга ҳам фурсат топдилар.
Тошкент вилояти. Янгийўл тумани.(+998931805522 Содиқ ака)

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Поплик хонанда Акбарали Алиёров билан халқ хизматидамиз.
Тўйлар тўйларга уланиб кетмоқда!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Яйпанлик Азимжон хизматдошимнинг набира тўйидан лавҳа.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Баъзилар тўйларда, кайфда осмонга сакраб, шайтоний шармандаликлар кўрсатаётган бир пайтда 15 йиллаб тўшакка михланган, тилидан шукрона тушмай, Оллоҳни зикр қилаётган беморлар борлигини ҳам унутмайлик.
Шогирдим, Иқбол Нур.
Фарғона. Боғдод. Бардон қишлоғи.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ҚАДРДОНЛАР ДИҚҚАТИГА!

Бугун 16.11.2024 йил. Маҳалла телеканали "Хушвақт" кўрсатувида Соат:20:00 дан, такроран тунда 02:00дан. 17.11.24 й. Эрталаб 07:00 дан бошланадиган ушбу кўрсатувда дийдорлашамиз.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"МАЪРИФАТ УЛАШИБ" лойиҳаси доирасида.
Сирдарё. Боёвут.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

СИЗНИНГ...
Мирзо Карим

Худога солиб, жимман,
Кўнгил ҳазарингизда.
Ҳануз билолмам, кимман,
Сизнинг назарингизда!

Ўнгдан келар тушим йўқ,
Омадим, бахт қушим йўқ,
Сиздан бошқа ишим йўқ,
Сизнинг назарингизда!

Касрга дучор касман,
На дўст, на ёвман расман,
Одамсиз, одаммасман,
Сизнинг назарингизда!

Хасад тинмаган қорми,
Кўролмаслик шиорми,
Меҳрга ҳам жой борми,
Сизнинг назарингизда!

Тарк этдим сизни токи,
Маҳшаргача хаттоки,
Ёдимдасиз гўёки,
Сизнинг назарингизда!

Сизга бўлсин дунё ёр,
Унутсангиз бўлмас тор,
Қул Мирзога нима бор,
Сизнинг назарингизда!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

#DIQQAT_DIQQAT #ma'rifat_ulashib Toshkent menejment va iqtisodiyot instituti tomonidan "Ma'rifat ulashib" loyihasi doirasida 2024-yilning 14-noyabr sanasi soat 11:00da Sirdaryo viloyatining Boyovut tumanida "Ijodkor va yoshlar" uchrashuvi o'tkaziladi.
Adabiy-ma'rifiy uchrashuvda tumanning 11-sonli, 12-sonli, 13-sonli va 42-sonli maktablarning sheriyatga qiziqadigan o'quvchilari ishtirok etishadi.
Tumandagi madaniyat saroyida o'tkaziladigan tadbirda O'zbekiston yozuvchilar uyushmasi a'zolari bo'lgan elimiz suygan shoirlar Nuriddin Aminjon, Chorsham Ro'ziyev va Mirzo Karimlar mexmon bo'lishadi. https://t.me/tmii_manaviyat

УЗОҚ ЙИЛЛИК ИЖОДИЙ ҲАМКОРИМ
АСҚАР ИБРАГИМОВ УЧУН!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Моҳира Бобожоновадан янги ва яхши қўшиқ!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Ҳурматли Сирдарёлик азиз мухлислар, устозлар ва мен билан дийдорлашиш учун қулай фурсат.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

БУГУН...05.11.24.
Мирзо Карим

Қулоғимда шеърларинг қур-қур,
Тинглаюрман бағрим тўлар хун.
Ён қўшнима, жон қўшним Мансур,
Дилим бот - бот йиғлади, бугун!

Ботир Эргаш, Шаҳриёр Шавкат,
Эркин Бозор, Бек Али диққат,
Ғайрат Мажид, Ҳалима Аҳмад,
Шеър билган зот йиғлади, бугун!

Ёмғир ёғди, сен ҳохлагандек,
Чинор оғди, бел боғлагандек,
Шамол изинг қучоқлагандек,
Ҳар уй, равот йиғлади, бугун!

Бари мудҳиш туш эдими, ё,
Остин-устун бўлдими, дунё,
Шундай ёмон кун кўрди Мирзо,
Адабиёт йиғлади, бугун!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ТАБИАТНИ ЎЗИ ТАБИБ!

995545731

Қамариддин ака

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

"РАТАНА" да тўй.
Самарқанд. Пастдарғом.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Кўхна ва навқирон Регистон!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

АЧЧИҚ ҲАҚИҚАТ.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Қалб чиройи қўшиққа кўчса!
Жонли ижро соҳибаси Шоҳсанам Холмирзаева.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

20 - "А" КОМАНДА ЁҲУД ПСКОВДАН НОРОЗИЛИК МАКТУБИ

(Қандахор рейдида, БТРни олд томонида чордона қуриб уч аскар овқатланаётган бўлган. Мина шундай аниқликда учиб келганки, деярли дастурхонда портлаган.
Ёрдамга етиб келган полк тиббий хизматчиси катта сержант Ёдгор Эгамназаров (Бешариқлик) тушундики, иккита аскарга ёрдам бериш тугул, қаерда оёғи, қаерда боши бўлиб кетганини кўрди. У жон-жаҳдда учинчини, икки оёғи узилиб кетган бироқ, ҳаёт аломати борига ёпишди. Икки сон титилиб бир қулочдан бўлиб, жгутга (Чарм қайиш) сиғмайдиган даражада, дейди Ёдгор.
Жгутлар қўйилган, промедол (2 мл тубикда наркотик укол) қилинган. Физроствор (Вақтинчалик қон ўрнини босувчи томирдан юборилувчи суюқлик) улаган. Вертолёт чақирган.
Бу Ёдгорни хизматдаги кундалик ишларидан эди. Икки ярим йил мабойнида қанчадан қанча сафдошларини ҳаётини сақлаб қолган. Бундан эса аввало ўзи мамнун эди.
Хизмат тугаб, 90 - йиллари Тошкентда ўқиб юрганида эса, бир мактуб келади.
Хатда эса, бошдан оҳиригача Егор, (Ёдгор) нега мени ўшанда қутқариб қолгансан, барибир ўша дўстларимсиз, оёқларимсиз одамдек яшолмаяпман, 5 -10 дақиқа кечикканингда қийналмай ўлволаридим, деган ўта норозилик изҳори битилган эди, деб ёшлигимизни эсладик, Ёдгор ҳожи билан.
Мен унга назар солар эканман, ўзи ҳам Андижонда умуртқасидан жарроҳлик йўли билан даволаниб келган, букчайиб, қийшайиб қадам босар эди.
Умр бўйи мактабда рус тили ўқитувчиси бўлиб ишлаётган, отасини кўрмаган, онаси эса "20 - "А" команда афғонга кетадиган команда" деган гапни эшитиб қон босими ошиб кетиб, вафот этган, сочлари кўнгли каби оқариб бораётган ИНСОНни тўртта нон олиб Тошкентдан Фарғонага Умрангиз қабул бўлсин деб, йўқлаб келганимдан ўзимдан ўзим ҳурсанд эдим.
Дарвоқе, биз афғончилар фақат ўзимизни ўзимиз ҳурсанд қилиб юрамиз.
Псковдан (Андрейдан) келган мактуб эса, мени бефарқ қолдирмади, зеро уни ўрнида мен бўлишим ҳам мумкин эди)

Қандахорда ўлмасмидим, қусиб қон,
Мўлтирайман, қалтирашиб тутар нон.
Қора қонга қоришган у қаро кун,
Нега мени қутқардинга, Егоржон?!

Ўзбек дўстим, нега раҳми жўшасан,
Ёрдам деса, жондан кечиб шошасан,
Қонингда бор, аниқ ўша-ўшасан,
Нега мени қутқардинга, Егоржон?!

Сал бўлмаса ўзинг ўққа учардинг,
Бир лаҳзада бордан йўққа учардинг,
Мени пана қилиб, судраб-қучардинг,
Нега мени қутқардинга, Егоржон?!

Тил тортмасдан бу дунёдан ўтардим,
Ё жаннатга, ё дўзахга кетардим,
Сени ўйлаб қанча қадаҳ кўтардим,
Нега мени қутқардинга, Егоржон?!

Ўликманми, тирикманми билмайман,
Шохи синган дарахтдайман, жилмайман,
Онам ўтса, итга керак бўлмайман,
Нега мени қутқардинга, Егоржон?!

Жонбахш миллат, кўзларингдан айланай,
"Терпи" деган сўзларингдан айланай,
Қанча чидай, бўзларимдан айланай,
Нега мени қутқардинга, Егоржон?!

Мирзога айт, сенга атаб шеър қилсин,
Билмасалар, биз қон тўккан ер билсин,
Тинчлик бўлсин, фарзандларинг кўп бўлсин,
Нега мени қутқардинга, Егоржон?!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Бешариқлик хизматдошим Ёдгор Эгамназаров билан.
Фарғона. Бешариқ.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ФАҚАТ ҚОРИНГАМАС, ҚАДРГА ҲАМ ЙИҒЛАЙЛИК.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ҚОЙИЛ, 4 ЁШЛИ БОЛАКАЙ!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ОНАМ
Мирзо Карим

(Онам ўтгач, отамни уйлашга кўп уринишлар бўлган. Раҳматли отам менга эмас, кенжамга ёқса бўлди, дейишар эди. Бўлажак " Оналарим" мени қучиб эркалашар, мени эса баҳоналарим кўп эди.
Отам нимаси ёқмади, деб сўраса, улардан онамни ҳиди келмаяпди, деган эканман. Шундай қилиб менга олти йил "Она" қидирганмиз.

Ота пойингизда тупроқман аммо,
Ҳолаларга кўнглим бўлмаяпдида!
Гулмиди, райҳонми, жамбилмиди, ё,
Онамни ҳидлари келмаяпдида!

Пўккиллаб йиғлайман, кўнгли пўкакман,
Онам ўтгач мен ҳам ёлғиз гўдакман,
Гар ҳаёт қошида ғўрман, сўтакман,
Онамни ҳидлари келмаяпдида!

Бошим силаганда суйдим кафтини,
Гарчи соғинганман меҳр тафтини,
Қайдан топай, онам каби яхшини,
Онамни ҳидлари келмаяпдида!

Саранжом бўларди, ую жойингиз,
Билмай қайтардимми, балки райингиз,
Отажон кечиринг эркатойингиз,
Онамни ҳидлари келмаяпдида!

Ҳар она топганда тирналар ярам,
Хатто бўлса ҳамки бор атри фаранг,
Ўзим қолиб ярим кўнглим ҳам гаранг,
Онамни ҳидлари келмаяпдида!

Увоққина эдим, тойардим холдан,
Безардим, ёқдими, деган саволдан,
Билгандим, дунёда ҳеч бир аёлдан,
Онамни ҳидлари келмаяпдида!

Отамни ҳаммадан қизғонар эдим,
Усиз кимдан паноҳ топарман дердим,
Олти йил ҳар жойда ўзим панд бердим,
Онамни ҳидлари келмаяпдида!

Мирзо эллик уч йил тақдирга элан,
Тилла эмас бир бор дийдорга тилан,
Илҳом парилари келгани билан,
Онамни ҳидлари келмаяпдида!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ДОВОН ВА ДАВОМ!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Ўктам Ҳуррамдан жонли ижро.
Устозига бағишлов.

ФАЙЗИЛЛО УСТОЗ
Мирзо Карим шеъри.
Ўктам Ҳуррам ижроси.

Гар санъат йўлида карвоним йўқдир,
Хашамдан топилган ҳирмоним йўқдир,
Лек, дардим куйласам, армоним йўқдир,
Ҳар қачон қўлимга олганимда соз!
Ёдимга тушасиз, Файзилло устоз!

Умр ўткинчидир- тўхтамас дарё,
Ким бўстон ичинда, кимга ёр саҳро,
Кўнгил бўшатмоққа шайлансам танҳо,
Ҳар қачон қўлимга олганимда соз!
Ёдимга тушасиз, Файзилло устоз!

Дуолар қилгайман шому саҳарда,
Торимга суяндим қайғу маҳалда,
Мен кимдан миннатдор биринчи галда,
Ҳар қачон қўлимга олганимда соз!
Ёдимга тушасиз, Файзилло устоз!

Олтин бошингизга тилай омонлик,
Бевафо дунёда кўрманг ёмонлик,
Сиздан одат бизга ширинзабонлик,
Ҳар қачон қўлимга олганимда соз!
Ёдимга тушасиз, Файзилло устоз!

Бир совға шеър ёз деб, Мирзога айтдим,
Умрин узоқ қил деб, Худога айтдим,
Азиз устоз мадҳин дунёга айтдим,
Ҳар қачон қўлимга олганимда соз!
Ёдимга тушасиз, Файзилло устоз!

http://T.me/mirzolarningmirzosi.

"МАЪРИФАТ УЛАШИБ" доирасида. Оҳангарон. 53 мактаб.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Елкасида байроқ кўтарганлар ҳаққи ғалаба қозон, Ўзбекистон!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Тошкент давлат Стамотология институтида "Маърифат улашиб" доирасидаги "Заковат" беллашувида "Адиблар" гуруҳи ғолиб бўлдик. Футболчи юртдошлар сизга ишонамиз, сизлардан ҳам ғалаба кутамиз!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

РОБИНЗОННОМА
Мирзо Карим

Бойиб кетдим, ташвишларга бойиб кетдим,
Тор кўнглимни чироғига мой бормикан?!
Бу ерларда мен аламга тўйиб кетдим,
Робинзонни оролида жой бормикан?!

Дунё тенг дер, дуч келмадим бирор тенгга,
Ишонмадим, деганларин кенга кенгда,
Жумавой ҳам керак эмас хатто менга,
Робинзонни оролида жой бормикан?!

Дайдиб кетсам, Мажнун каби саҳро-даштга,
Ёр бўлгандан ҳар бевафо қаламқошга,
Муҳаббатдан куйган битта қаламкашга,
Робинзонни оролида жой бормикан?!

Қайтишни ҳеч ўйламасдим, қайиқ ясаб,
Муҳаббатга ҳакам бўлса наслу насаб,
Робинзондек бахт топмадим, шунча яшаб,
Робинзонни оролида жой бормикан?!

Унутардим неча дўстни хийласини,
Алқар эдим табиатни сийлашини,
Обод қилсам, ўша ҳилват чайласини,
Робинзонни оролида жой бормикан?!

Аллақачон оролдаман хаёлимда,
Ишлаяпман буғдойзорим-ҳалолимда,
Ўзим сархуш бўлгайман ҳар саволимда,
Робинзонни оролида жой бормикан?!

Нега бундай шеърлар ёздинг, десам тўлиб,
Кимдан вафо кўрдинг ўзинг Мирзо бўлиб,
Бу дунёда, яшашга бир дунё бўлиб,
Робинзонни оролида жой бормикан?!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

КЕТМАЙ ТУРИНГ
Мирзо Карим

Малоҳат Мирзаеванинг "МЕН КЕТЯПМАН..." шеърига дўстона жавоб.

Майли мени бир умрлик асир қилинг,
Қўйиб беринг, жондан жудо бўлгунимча.
Қадр қилинг, жабр қилинг, сабр қилинг,
Ўлгунимча кетмай туринг, ўлгунимча!

Малоҳатсиз севар бўлсам маломатсиз,
Ўзингиз ҳам аразчисиз, аломатсиз,
Омон бўлсам, сиз ҳам шундан саломатсиз,
Ўлгунимча кетмай туринг, ўлгунимча!

Кетаман деб, куйдиради кетмайдиган,
Ишонади, ишқ қадрига етмайдиган,
Севги сири кўпдир сўзда айтмайдиган,
Ўлгунимча кетмай туринг, ўлгунимча!

Кетганларни қайтишлари гумон бўлган,
Гулюзлари хижронларда сомон бўлган,
Кетганга ҳам қолганга ҳам ёмон бўлган,
Ўлгунимча кетмай туринг, ўлгунимча!

Шеъриятни шайдосидан бир илтимос,
Муҳаббатни дунёсидан бир илтимос,
Мирзоларни Мирзосидан бир илтимос,
Ўлгунимча кетмай туринг, ўлгунимча!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЎЛМАС САНЪАТКОРГА АТАЛГАН ЎЛМАС ҚЎШИҚ!

ДАДАМНИНГ МУХЛИСЛАРИ
Мирзо Карим шеъри Қиличбек Мадалиев ижроси

Унутмайсиз ҳеч қачон,
Неча йил ўтган сари.
Омон бўлинг қадрдон,
Дадамнинг мухлислари.

Ҳаёт экан бешафқат,
Дилда армон қатма-қат,
Барчангизга минг раҳмат,
Дадамнинг мухлислари.

Бошингизда ой бўлсин,
Иймонингиз бой бўлсин,
Уйингизда тўй бўлсин,
Дадамнинг мухлислари.

Кўнгли қучоғидан кенг,
Бири ёқа, бири енг,
Яқинимсиз менинг энг,
Дадамнинг мухлислари.

Ёд этибсиз магар сиз,
Қариндошсиз, жигарсиз,
Жонимга жон қадарсиз,
Дадамнинг мухлислари.

Ўзим кесай аламни,
Дадил босиб қадамни,
Эслатасиз дадамни,
Дадамнинг мухлислари.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

ЯШАШ
Мирзо Карим

Ёмонлар сочимга сочди қировлар,
Яхшига жонимни тўшаб юрибман.
Яшашни билмайсиз дейди, бировлар,
Яшашни билмасдан, яшаб юрибман!

Енгимни бутласам, сўкилар ёқа,
Кимда ошчақаю кимда чойчақа,
Биродар куйинманг, ризқим шунақа,
Яшашни билмасдан, яшаб юрибман!

Ишлари тушганда, хон қилишади,
Ишлари битганда қон қилишади,
Кутасан, саҳарни шом қилишади,
Яшашни билмасдан, яшаб юрибман!

Кўпи ўтди умр, ози қолдида,
Юзим ёруғ шукр элим олдида,
Билиб-билмай кирдим эллик олтига,
Яшашни билмасдан, яшаб юрибман!

Кимдир мени қайга қўйишин билмас,
Кимлардир бир умр назарга илмас,
Соддани тўнига кимлар осилмас,
Яшашни билмасдан, яшаб юрибман!

Дўстларим тахтида кулганим ҳам йўқ,
Душманлар бахтига ўлганим ҳам,
Ким дўстим, ким душман билганим ҳам йўқ,
Яшашни билмасдан, яшаб юрибман!

Отам ўгит берган, ҳалол топ болам,
Онам дуо қилган, камол топ болам,
Яшашни ўргангил, югур - чоп болам,
Яшашни билмасдан, яшаб юрибман!

Бойиб кетмасам ҳам койиб кетмадим,
Ўзга деб, ўз йўлдан тойиб кетмадим,
Ғойибдан келдиму ғойиб кетмадим,
Яшашни билмасдан, яшаб юрибман!

Отдаги яёвга қилар киноя,
Киноя Маҳшарда топар ниҳоя,
Барига сабрдир, сўзсиз ҳимоя,
Яшашни билмасдан, яшаб юрибман!

Заҳматла топдим дон, янчиб сомонни,
Гоҳ бошим асрай деб, ёриб товонни,
Ҳамон фарқ этолмай яхши-ёмонни,
Яшашни билмасдан, яшаб юрибман!

Бахтлиман Ҳақ сунган ютуқлар ҳаққи,
Мирзо қалбидаги учуқлар ҳаққи,
Умрим узоқ бўлсин жужуқлар ҳаққи,
Яшашни билмасдан, яшаб юрибман!

Мен сизга кулмасдан яшаб юрибман!
Яшашни билмасдан, яшаб юрибман!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

АНВАР НИШОНГА
Мирзо Карим

Етарли тошбағирлар,
Мармарни қадри ўтди.
Ҳар сўзимни қадрлар,
Анварни қадри ўтди!

Кетдик десам, қайтмаган,
Сирим ёвга айтмаган,
Устозни зор этмаган,
Анварни қадри ўтди!

Дилим ўраб қолса ғам,
Қайдасан, дейман укам,
Эътиқоди мустаҳкам,
Анварни қадри ўтди!

Айтинг кимда хато йўқ,
Бир айбсиз хатто йўқ,
Тўғри йўлда кўнгли тўқ,
Анварни қадри ўтди!

Бўри каби яккада,
Бўлди оғир паккада,
Ҳозир олис Маккада,
Анварни қадри ўтди!

Қарар доим кўнгилга,
Мадад опа-сингилга,
Шеърлар ёзсин, булбулга,
Анварни қадри ўтди!

Аллоҳ бер, саодатин,
Кечир гуноҳ-одатин,
Қабул қил зиёратин,
Анварни қадри ўтди!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.