ក្រសួងមុខងារសាធារណៈ - Ministry of Civil Service

ម៉ោងបួនទៀបភ្លឺ ក្រុមការងាររៀបចំការប្រឡងប្រជែង បានមកដល់មណ្ឌលប្រឡងសាលាភូមិន្ទភ្នំពេញ ដើម្បីរៀបចំការប្រឡងប្រជែងជ្រើសរើសសិស្សមន្ត្រីជាន់ខ្ពស់ ជំនាន់ទី១៣ និងសិស្សមន្ត្រីក្រមការ ជំនាន់ទី១១ ឱ្យចូលរៀននៅសាលាភូមិន្ទរដ្ឋបាល។

ការផ្ដល់សេវាសាធារណៈ តាមរយៈការរៀបចំការប្រឡងប្រជែងប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ជូនទៅដល់ប្រជាពលរដ្ឋដែលជាបេក្ខជន គឺជាការយកចិត្តទុកដាក់ជាអាទិភាព និងជាទំនួលខុសត្រូវខ្ពស់របស់យើងខ្ញុំក្រុមការងារទាំងអស់គ្នា។

ថ្ងៃស្អែក ការប្រឡងប្រជែងជ្រើសរើសសិស្សមន្ត្រីជាន់ខ្ពស់ជំនាន់ទី១៣ និងសិស្សមន្ត្រីក្រមការ ជំនាន់ទី១១ ឱ្យចូលរៀននៅសាលាភូមិន្ទរដ្ឋបាល នឹងចាប់ផ្តើម

ដើម្បីជាព័ត៌មានបន្ថែមជូនបេក្ខជន ក្រុមការងារបានរៀបចំការសម្ភាសខ្លីជាមួយលោក ឆេង សារី ដែលធ្លាប់ឆ្លងកាត់ការប្រឡងប្រជែង និងការសិក្សានៅសាលាភូមិន្ទរដ្ឋបាល។

សូមបេក្ខជន ដែលចូលរួមការប្រឡងប្រជែង អនុវត្តតាមបទប្បញ្ញត្តិ និងសេចក្តីណែនាំរបស់គណៈកម្មការរៀបចំការប្រឡងប្រជែង។

សូមជូនពរបេក្ខជន ដែលកំពុងត្រៀមលក្ខណៈប្រឡង ទទួលបានលទ្ធផលគួរជាទីគាប់ចិត្តគ្រប់ៗគ្នា។

ការប្រឡងប្រជែងជ្រើសរើសមន្ត្រីកសិកម្មឃុំ និងការប្រឡងប្រជែងជ្រើសរើសមន្ត្រីនៃអគ្គនាយកដ្ឋានរតនាគារជាតិ រយៈពេល ១ថ្ងៃពេញ នៅមណ្ឌលប្រឡងសាកលវិទ្យាល័យភូមិន្ទភ្នំពេញ ដែលមានបេក្ខជនចូលរួមប្រមាណ ៥,៧៤៦អង្គ/នាក់ (ស្រី ២,៤៧៥នាក់) បានបញ្ចប់ទៅដោយរលូន ប្រកបដោយស្មារតីទទួលខុសត្រូវខ្ពស់។

ខណៈនេះ សន្លឹកកិច្ចការរបស់បេក្ខជនត្រូវបានរៀបចំខ្ចប់ដោយសម្ងាត់ ហើយដាក់តម្កល់ក្នុងបន្ទប់មានសុវត្ថិភាពបំផុត ក្រោមការឃ្លាំមើលពីអង្គភាពប្រឆាំងអំពើពុករលួយ និងក្រុមការងារត្រួតពិនិត្យ និងវាយតម្លៃការប្រឡងប្រជែង ព្រមទាំងមានការចូលរួមពីអ្នកសង្កេតការណ៍តំណាងសាកលវិទ្យាល័យ និងសាធារណជនដាក់ពាក្យស្ម័គ្រចិត្តផងដែរ។

នាថ្ងៃស្អែក ក្រសួងមុខងារសាធារណៈ នឹងបន្តរៀបចំការប្រឡងប្រជែងជ្រើសរើសសិស្សមន្ត្រីជាន់ខ្ពស់ និងសិស្សមន្ត្រីក្រមការ ឱ្យចូលរៀននៅសាលាភូមិន្ទរដ្ឋបាល​ប្រមាណជាង១ម៉ឺននាក់ ដែលនឹងត្រូវប្រើប្រាស់រយៈពេលមួយថ្ងៃពេញ នៅមណ្ឌលប្រឡងសាកលវិទ្យាល័យភូមិន្ទភ្នំពេញដដែល។

📲 អានព័ត៌មានលម្អិតនៅលើបណ្ដាញសង្គម

👉 តំណភ្ជាប់ទៅកាន់គេហទំព័រ និងបណ្តាញសង្គម

🌐 | Website
🌐 | Facebook 
🌐 | Instagram
🌐 | Tiktok
🌐 | Telegram 
🌐 | YouTube