ស្នងការដ្ឋាននគរបាលខេត្តកណ្តាល (Channel)

https://freshnewsasia.com/index.php/en/enwish/376318-2025-02-13-08-14-30.html

នៅព្រឹកថ្ងៃអង្គារ ១៤កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានអញ្ជើញចូលរួមនិងដឹកនាំកងកម្លាំងនគរបាលក្រោមឱវាទ ពារសន្តិសុខ សណ្តាប់ធ្នាប់ និងសុវត្ថិភាព ពិធីកាត់ខ្សែបូសម្ពោធឆ្លងអគារសិក្សា និងសមិទ្ធផលនានា នៅវត្តព្រះឥន្ទសាមគ្គីធម៌ ស្ថិតនៅភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា។

នៅព្រឹកថ្ងៃ ចន្ទ១៣កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែកុម្ភៈ ឆ្នាំ២០២៥

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានដឹកនាំលោកស្នងការរង លោកនាយការិយាល័យ លោកអធិការនគរបាលស្រុក/ក្រុង លោកមេបញ្ជាការវរៈសេនាតូចលេខ៦០៥ និងមន្ត្រីក្រោមឱវាទ ចូលរួមកិច្ចប្រជុំត្រួតពិនិត្យនិងអនុវត្តផែនការការពារសន្តិសុខ សណ្តាប់ធ្នាប់ និងសុវត្ថិភាព ពិធីកាត់ខ្សែបូសម្ពោធឆ្លងអគារសិក្សា និងសមិទ្ធផលនានា នៅវត្តព្រះឥន្ទសាមគ្គីធម៌ ស្ថិតនៅភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល ដែលនឹងប្រព្រឹត្តទៅនៅថ្ងៃទី១១ ខែកុម្ភៈ ឆ្នាំ២០២៥ ស្អែកនេះ ក្រោមអធិបតីភាពដឹកនាំកិច្ចប្រជុំ ឯកឧត្តម សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី។

សេចក្តីបំភ្លឺព័ត៌មាន!
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកណ្តាល សូមជម្រាបជូនសាធារណជនទៅនឹងគណនីហ្វេសប៊ុក Anonymous participant ដែលបានបង្ហោះផ្សព្វផ្សាយនៅក្នុងហ្គ្រុបហ្វេសប៊ុក (អ្នកម្តាយឆ្លាតវៃ) ដែលមានខ្លឹមសារថា «សុំសួរមួយបងៗ ខ្ញុំមានគ្រួសារជនជាតិចិនខ្ញុំមានអាតាស៊ីវិល រៀបការ៦ឆ្នាំហើយមិនដែលនៅបែកគ្នាទេ ខ្ញុំទៅចិនរហូត តែឥលូវនេះប្តីខ្ញុំ មិត្តគាត់ទៅញាំអី បន្ទាប់ពីផឹកស្រវឹងហើយ ចេញមកវិញមានឡានខ្មៅចាប់គាត់ចូលឡាន តែគេមិនចាប់មិត្តគាត់ទេចាប់តែគាត់ ឥលូវ៨ថ្ងៃហើយគាត់ទាក់ទងមកថាគេលក់គាត់នៅជ្រៃធំ តើអាចជួយអ្វីបាន គេវាយធ្វើបាបព្រោះគាត់មិនធ្លាប់ធ្វើការចឹងទៅប្តឹងប៉ូលីសគេមិនរវល់សោះ អោយលុយគេ ៥០០០$ ថាអាចជួយបានលូវស្ងាត់ឈឹង»។

ក្រោយពីទទួលបានព័ត៌មានខាងលើរួច អនុវត្តតាមបញ្ជាលោកឧត្តមសេនិយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញបានស្រាវជ្រាវយ៉ាងយកចិត្តទុកដាក់ទទួលលទ្ធផលដូចខាងក្រោម៖
១-កម្លាំងជំនាញនៃស្នងការដ្ឋាននគរបាលខេត្តកណ្តាល មិនបានទទួលពាក្យបណ្តឹង ឬព័ត៌មានពាក់ព័ន្ធករណីដូចបានបង្ហោះផ្សព្វផ្សាយនោះទេ។
២-ចំពោះគណនីខាងលើបានខមិន ថា បានមកដល់ស្នងការដ្ឋាននគរបាលខេត្តកណ្តាល ហើយ ដូចជាមិនសូវរវល់សោះ បើប៉ូលីសមិនអាចជួយបានមានតែយកលុយទៅរំដោះគាត់ សួរមិត្តគាត់ជនជាតិចិនដូចគ្នាគេថាយកលុយ៥០០០០$ ៦០០០០$ នោះ គឺមិនពិតនោះទេ កម្លាំងជំនាញមិនបានជួប និងមិនបានឃើញម្ចាស់គណនីខាងលើមកទំនាក់ទំនងផ្តល់ព័ត៌មានអ្វីទាំងអស់ ជាការប្រឌិតទាំងស្រុង។

អាស្រ័យហេតុនេះសូមសាធារណជនជ្រាបជាព័ត៌មាន និងកុំមានការភាន់ច្រឡំ។

នៅរសៀលថ្ងៃពុធ ១៥រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមករា ឆ្នាំ២០២៥
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកឧត្តមសេនីយ៍ត្រី ឆេង សំអឿន ស្នងការរងទទួលផែនការងារសណ្តាប់ធ្នាប់ លោកឧត្តមសេនីយ៍ត្រី ឡាក់ ម៉េងធី ស្នងការរងទទួលផែនការងារនគរបាលព្រហ្មទណ្ឌ រួមនឹងលោកស្នងការរងពាក់ព័ន្ធ ដឹកនាំកម្លាំងនគរបាលក្រោមឱវាទ អមដំណើរ ឯកឧត្តម ណុប ដារ៉ា អភិបាលរង
នៃគណៈអភិបាលខេត្តកណ្តាល អញ្ជើញត្រួតពិនិត្យរៀបចំសណ្តាប់ធ្នាប់តាមដងផ្លូវជាតិលេខ២១អា (ផ្លូវមាត់ទន្លេក្រុងតាខ្មៅ) ដើម្បីបញ្ចៀសការកកស្ទះ រៀបចំសណ្តាប់ធ្នាប់របៀបរៀបរយ ជូនបងប្អូនដែលជាប់សែស្រឡាយចិន និងជនជាតិចិន-វៀតណាម ដែលអញ្ជើញមកអុជធូប សែនព្រេននៅវិហារអ្នកតាធំ ប៉ស៊ែក្រុងតាខ្មៅ ក្នុងថ្ងៃសែនចូលឆ្នាំថ្មីប្រពៃណីជនជាតិចិន-វៀតណាម។

នៅព្រឹកថ្ងៃពុធ ៩រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចូលរួមក្នុងកិច្ចប្រជុំពិនិត្យទីតាំង ត្រៀមរៀបចំពិធីកាត់ខ្សែបូសម្ពោធឆ្លងអគារសិក្សា និងសមិទ្ធផលនានា នៅវត្តព្រះឥន្ទសាមគ្គីធម៌ ដែលជាអំណោយដ៏ថ្លៃថ្លាបំផុតរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្រោមអធិបតីភាពដឹកនាំកិច្ចប្រជុំ ឯកឧត្តម ឈិន កេតនា ឧបនាយករដ្ឋមន្ត្រី អនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ។

ក្មេងទំនើងបង្ហោះម៉ូតូ០២នាក់ ត្រូវបានកម្លាំងជំនាញរបស់អធិការដ្ឋាននគរបាលស្រុកកណ្តាលស្ទឹង នៃស្នងការដ្ឋាននគរបាលខេត្តកណ្តាលធ្វើការស្រាវជ្រាវបង្ក្រាបឃាត់ខ្លួន
--------------------------------------------------
ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល
នៅថ្ងៃទី១២ ខែមករា ឆ្នាំ២០២៥ កម្លាំងជំនាញនៃអធិការដ្ឋាននគរបាលស្រុកកណ្តាលស្ទឹង បានធ្វើការស្រាវជ្រាវបង្ក្រាបករណី៖ ក្មេងទំនើង(បង្ហោះម៉ូតូ) កើតហេតុៈថ្ងៃទី១១ ខែមករា ឆ្នាំ២០២៥ វេលាម៉ោង២០:២០ នាទី នៅ ចំណុចៈភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្កកណ្ដាល។
បច្ចុប្បន្នក្មេងទំនើងទាំង២នាក់ខាងលើនេះ ត្រូវបានឃាត់ខ្លួននៅអធិការដ្ឋាននគរបាលស្រុកកណ្ដាលស្ទឹង ដើម្បីចាត់ការតាមនីតិវិធី។

នៅថ្ងៃពុធ ១០កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៨ ខែមករា ឆ្នាំ២០២៥
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល អញ្ជើញចូលរួមពិធីសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់រដ្ឋបាលខេត្តកណ្តាល ក្រោមអធិបតីភាព ឯកឧត្តម នូ សាខន ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្ត នៅសាលប្រជុំសាលាខេត្តកណ្តាល។

សារលិខិតជូនពរ និងថ្លែងអំណរគុណ របស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ជូនដល់កងកម្លាំងនគរបាលនៃស្នងការដ្ឋាននគរបាលខេត្តកណ្តាល នាឱកាសចូលឆ្នាំថ្មីឆ្នាំសកល ២០២៥

សេចក្តីបំភ្លឺព័ត៌មាន!
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល សូមជម្រាបជូនសាធារណជនពាក់ព័ន្ធករណីយុវជន០២នាក់បង្ហោះម៉ូតូ នៅចំណុចផ្លូវជាតិលេខ២១ ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្ដាល។

ក្រោយពីទទួលបានព័ត៌មានភ្លាម ដោយអនុវត្តតាមបទបញ្ជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញខេត្ត សហការជាមួយកម្លាំងជំនាញក្រុងតាខ្មៅ និងស្រុកស្អាង ធ្វើការស្រាវជ្រាវឈានដល់ការឃាត់ខ្លួនយុវជនក្មេងទំនើងទាំង០២នាក់ នៅរសៀលថ្ងៃទី២៨.១២.២០២៤ រួមមាន៖

១.ឈ្មោះ ឡាក់ សុវិរៈ ភេទប្រុស ឆ្នាំកំណើត ២០០៧ ជាសិស្សវិទ្យាល័យស្អាង (ឃាត់ខ្លួន)។
២.ឈ្មោះ ដេត វណ្ណារ៉ា ភេទប្រុស ឆ្នាំកំណើត ២០០៧ ជាសិស្សវិទ្យាល័យស្អាង (ឃាត់ខ្លួន)។

បច្ចុប្បន្ន យុវជនទាំង០២នាក់ខាងលើ រួមទាំងវត្ថុតាង ត្រូវបានឃាត់ខ្លួន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធី។

អាស្រ័យហេតុនេះ សូមសាធារណជន និងបណ្តាញសារព័ត៌មានមេត្តាជ្រាបតាមការគួរ!

នៅព្រឹកថ្ងៃសៅរ៍ ៧កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៧ ខែធ្នូ ឆ្នាំ២០២៤

ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានអញ្ជើញជាអធិបតីដ៏ខ្ពង់ខ្ពស់សំណេះសំណាលនិងលើកទឹកចិត្តដល់ក្រុមកីឡាករបាល់ទះ ក្លិបស្នងការដ្ឋាននគរបាលខេត្តកណ្តាល ដែលត្រូវទៅចូលរួមប្រកួតប្រជែងដណ្តើមពានរង្វាន់សម្តេចក្រឡាហោម ស ខេង នាថ្ងៃទី១០ ខែធ្នូ ឆ្នាំ២០២៤ ខាងមុខនេះ។

នៅព្រឹកថ្ងៃសុក្រ ៦កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៦ ខែធ្នូ ឆ្នាំ២០២៤
ដោយអនុវត្តតាមការចង្អុលដឹកនាំរបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងនគរបាលនៃអធិការដ្ឋាននគរបាលក្រុងតាខ្មៅ បានចុះផ្សព្វផ្សាយច្បាប់ចរាចរណ៍ផ្លូវគោក នៅតាមសាលារៀនរដ្ឋ និង គ្រឹះស្ថានឯកជននានាក្នុងក្រុងតាខ្មៅ។

ទន្ទឹមនោះកម្លាំងជំនាញចរាចរណ៍បានណែនាំប្អូនៗសិស្សានុសិស្ស អោយពាក់មួកសុវត្ថិភាពអោយបានត្រឹមត្រូវពេលបើកនៅលើដងផ្លូវ​
ម៉ូតូបំពាក់កញ្ចក់មើលក្រោយ ។​

ក្នុងករណី ក្រោយពីណែនាំហើយនៅមានប្អូ​នៗ​សិស្សានុសិស្ស​នៅតែមិនពាក់មួកសុវត្ថិភាពឬមិនមានកញ្ចក់មានក្រោយទៀត គឺសមត្ថកិច្ចនឹងមានវិធានការផ្លូវច្បាប់នៅតាមសាលារៀនតែម្តង ។

នៅព្រឹកថ្ងៃអាទិត្យ ៩រោច ខែកត្តិក ឆ្នាំរោង ព.ស.២៥៦៨ ត្រូវនឹងថ្ងៃទី២៤ ខែវិច្ឆិកា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចុះត្រួតពិនិត្យ និងបើកហិបវិញ្ញាសា សម្រាប់ដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួស ប្រចាំឆ្នាំ២០២៤ ឲ្យចូលបម្រើការងារ នៅស្នងការដ្ឋាននគរបាលខេត្តកណ្តាល នៅវិទ្យាល័យហ៊ុនសែនតាខ្មៅ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។

https://www.facebook.com/share/19mw6wsDFE/

នៅរសៀលថ្ងៃសៅរ៍ ៨រោច ខែកត្តិក ឆ្នាំរោង ព.ស.២៥៦៨ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៤

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល អញ្ជើញចុះត្រួតពិនិត្យទីតាំងវិទ្យាល័យហ៊ុនសែនតាខ្មៅ ដែលត្រៀមរៀបចំសម្រាប់ដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួស ប្រចាំឆ្នាំ២០២៤ ឲ្យចូលបម្រើការងារ នៅស្នងការដ្ឋាននគរបាលខេត្តកណ្តាល ដែលនឹងប្រព្រឹត្តទៅនៅថ្ងៃទី២៤ ខែវិច្ឆិកា ឆ្នាំ២០២៤ ស្អែកនេះ។

នៅព្រឹកថ្ងៃព្រហស្បតិ៍ ៦រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២១ ខែវិច្ឆិកា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងាប្រចាំខែតុលា និងលើកទិសដៅការងារប្រចាំខែវិច្ឆិកា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្តកណ្តាល សមាសភាពចូលរួមមាន៖ លោកស្នងការរង លោកនាយការិយាល័យជំនាញ លោកអធិការនគរបាលគ្រប់ស្រុក/ក្រុង លោកមេបញ្ជាការវរៈសេនាតូចនគរបាលការពារព្រំដែនគោកលេខ៦០៥ និងលោកប្រធានប៉ុស្តិ៍នគរបាលច្រកទ្វារអន្តរជាតិជ្រៃធំ។

ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល
សូមជូនព័ត៌មានជាបឋម

មុននេះបន្តិចមានករណីបាញ់ប្រហារលើជនរងគ្រោះប្តីនិងប្រពន្ធ នៅយប់ថ្ងៃទី១៧ ខែវិច្ឆិកា ឆ្នាំ២០២៤ ចំណុចភូមិព្រែកឫស្សីលិច សង្កាត់ព្រែកឫស្សី ក្រុងតាខ្មៅ ខេត្តកណ្តាល ។
ចំពោះជនសង្ស័យសមត្ថកិច្ចបានឃាត់ខ្លួន រីឯជនរងគ្រោះកំពុងតែសង្គ្រោះនៅមន្ទីរពេទ្យបង្អែកជ័យជំនះ។
ចំពោះព័ត៌មានលំអិត និងផ្សព្វផ្សាយជូននាពេលក្រោយ។
សូមអរគុណ

Link ទស្សនាការប្រកួតបាល់ទះមិត្តភាពរវាង
ស្នងការដ្ឋាននគរបាលខេត្តកណ្ដាល Vs ស្នងការដ្ឋាននគរបាលខេត្តត្បូងឃ្មុំ

សូមចុចត្រង់នេះ៖ ខេត្តកណ្ដាល Vs ត្បូងឃ្មុំ

នៅព្រឹកថ្ងៃពុធ ១៣កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល អញ្ជើញចូលរួមក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកណ្តាល ប្រចាំខែតុលា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកណ្តាល នៅសាលប្រជុំសាលាខេត្តកណ្តាល។

នៅព្រឹកថ្ងៃសៅរ៍ ៩កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៩ ខែវិច្ឆិកា ឆ្នាំ២០២៤

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំលោកស្នងការរងចូលរួមមិទ្ទីញអបអរសាទរខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩វិច្ឆិកា និងទិវាកំណើត នៃកងយោធពលខេមរភូមិន្ទ ឆ្នាំ២០២៤ នៅសាលាខេត្តកណ្តាល ក្រោមអធិបតីភាពដ៏ខ្ពង់ខ្ពស់ ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និង ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល។

សេចក្តីបំភ្លឺព័ត៌មាន!
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល សូមបំភ្លឺជូនសាធារណជនទៅនឹងសារព័ត៌មាន សានព្រហ្ម ដែលបានផ្សព្វផ្សាយវីដេអូ ធ្វើបទសម្ភាសន៍ពាក់ព័ន្ធករណីអំពើលួច(កង់) និងទទួលផលចោរកម្ម នៅឃុំសៀមរាប ស្រុកកណ្តាលស្ទឹង ខេត្តកណ្តាល ដោយភ្ជាប់នូវខ្លឹមសារថា ទិញកង់១ម៉ឺនរៀល ជាប់គុ..ក។
ក្រោយពីទទួលបានព័ត៌មានខាងលើភ្លាម ដោយអនុវត្តតាមបទបញ្ជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្ត កម្លាំងជំនាញខេត្ត និងកម្លាំងជំនាញ នៃអធិការដ្ឋាននគរបាលស្រុកកណ្តាលស្ទឹង ស្រាវជ្រាវករណីដែលបានចុះផ្សាយខាងលើ ជាលទ្ធផល៖
-ករណីៈ អំពើលួច(កង់) និងទទួលផលចោរកម្ម
-កើតហេតុ៖ ថ្ងៃទី១៦ ខែកញ្ញា ឆ្នាំ២០២៤ វេលាម៉ោង០៤:០០នាទី
-ចំណុច៖ ភូមិសៀមរាប ឃុំសៀមរាប ស្រុកកណ្ដាលស្ទឹង ខេត្តកណ្ដាល ។
***ជនរងគ្រោះ ០០នាក់៖
***ជនសង្ស័យ ០២នាក់៖
១.ឈ្មោះ ធី ជូលី ភេទប្រុស អាយុ១៦ឆ្នាំ ជនជាតិខ្មែរ សញ្ជាតិខ្មែរ បច្ចុប្បន្នស្នាក់នៅភូមិរានថ្ម ឃុំសៀមរាប ស្រុកកណ្តាលស្ទឹង ខេត្តកណ្តាល(មុខរបរ មិនពិតប្រាកដ) (ឃាត់ខ្លួន) (អ្នកលួចកង់)
២.ឈ្មោះ ម៉ៅ ថារដ្ឋ ភេទប្រុស អាយុ២៦ឆ្នាំ ស្នាក់នៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល (មុខរបរ ទិញលក់អេតចាយ) (អ្នកទទួលផលចោរកម្ម)
***វត្ថុតាងចាប់យក(មាន)
-ម៉ូតូស្មាស់ពណ៌ខ្មៅ ពាក់ផ្លាកលេខកណ្តាល-1H-4110 សណ្តោងរ៉ីម៉កពណ៌ខៀវ
សភាពរឿងហេតុ
កាលពីថ្ងៃទី១៦ ខែកញ្ញា ឆ្នាំ២០២៤ វេលាម៉ោង ០៣:២០នាទី ទៀបភ្លឺ ជនសង្ស័យឈ្មោះ ធី ជូលី បានដើរចេញពីខ្ទមអ្នកតានៅភូមិព្រែកអង្គុញ ឃុំសៀមរាប ស្រុកកណ្តាលស្ទឹង ដើរទៅតាមផ្លូវលំក្នុងភូមិ ពេលដើរដល់ចំណុចកើតហេតុខាងលើជនសង្ស័យ ក៏បានឃើញកង់គេទុកចោលនៅខាងក្រោយផ្ទះ ភ្លាមនោះជនសង្ស័យក៏បានធ្វើសកម្មភាពដើរចូល និងលួចបណ្តើរកង់នោះចេញមកក្រៅ រួចជនសង្ស័យខាងលើក៏បានជិះកង់ដែលលួចបាននោះយកទៅទុកនៅក្បែររោងអ្នកតានៅភូមិព្រែកអង្គុញ ឃុំសៀមរាបវិញ ។
លុះព្រឹកឡើង ថ្ងៃខែឆ្នាំដដែល វេលាម៉ោង១១:០០នាទី ជនសង្ស័យខាងលើបានជិះកង់ដែលលួចបាននោះយកទៅលក់អោយជនសង្ស័យឈ្មោះ ម៉ៅ ថារដ្ឋ ដែលជាអ្នកទិញលក់អេតចាយតាមរ៉ឺម៉កដល់ផ្ទះក្នុងតម្លៃ១០,០០០ម៉ឺនរៀល រួចជនសង្ស័យឈ្មោះ ម៉ៅ ថារដ្ឋ ក៏បានយកកង់ដែលទិញបាននោះ កាប់សាច់ និងយកទៅលក់បន្តបានតម្លៃ១១,៥០០ម៉ឺនរៀល។
ចំពោះជនសង្ស័យទាំងពីរខាងលើសមត្ថកិច្ចជំនាញកសាងសំណុំរឿងបញ្ជូនទៅតុលាការតាមនីតិវិធី។
អាស្រ័យហេតុនេះ សូមសាធារណជន និងបណ្តាញសារព័ត៌មានជ្រាប កុំមានការភាន់ច្រឡំ!

នៅថ្ងៃចន្ទ ៤កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៤ ខែវិច្ឆិកា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអមដំណើរ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល អញ្ជើញរង់ចាំនៅច្រកទ្វារអន្តរជាតិជ្រៃធំ ដើម្បីជូនដំណើរក្បួនដង្ហែអង្គកឋិនទានមហាសាមគ្គីគ្រួសារខ្មែរ ដែលដង្ហែឆ្ពោះទៅកាន់វត្តពោធិគិរីវង្សារាម ហៅវត្តស្វាយសៀមថ្មី ខេត្តត្រាវិញ នៃសាធារណរដ្ឋសង្គមនិយមវៀតណាម។

នៅរសៀលថ្ងៃអង្គារ ១២រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែតុលា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល អញ្ជើញចូលរួមក្នុងពិធីរត់ភ្លើងគប់អបអរសាទរពិធីបើកកីឡាជាតិលើកទី៤ និងកីឡាជនពិកាលើកទី២ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល។

ក្នុងឱកាសនេះដែរ ការរត់ភ្លើងគប់ គឺចាប់ផ្តើរត់ចេញពីទីតាំងបើកការដ្ឋានព្រែកជីកហ្វូណនតេជោ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល តាមផ្លូវជាតិលេខ១ ឆ្ពោះទៅកាន់ពហុកីឡដ្ឋានជាតិអូឡាំពិក រាជធានីភ្នំពេញ។

សូមថ្វាយព្រះពរ និងអបអរសាទរខួបលើកទី២០ នៃព្រះរាជពិធីគ្រងព្រះបរមសិរីរាជសម្បត្តិព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅថ្ងៃទី២៩ ខែតុលា ឆ្នាំ២០២៤ នេះ!

នៅរសៀលថ្ងៃចន្ទ ១១រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែតុលា ឆ្នាំ២០២៤

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចូលរួមក្នុងកិច្ចប្រជុំត្រួតពិនិត្យវឌ្ឍនភាពការងាររយៈពេល៩ខែ របស់គណៈបញ្ជាការដឹកនាំអនុវត្តផែនការយុទ្ធសាស្ត្រកាត់បន្ថយគ្រោះថ្នាក់ដោយសំណល់ជាតិផ្ទុះពីសង្គ្រាមរបស់កងកម្លាំងនគរបាលជាតិក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅសាលប្រជុំសម្តចក្រឡាហោម ស ខេង នៃទីស្តីការក្រសួងមហាផ្ទៃ។

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងលោកស្នងការរងព្រមទាំងមន្ត្រីនគរបាល នៃស្នងការដ្ឋាននគរបាលខេត្តកណ្តាលទាំងអស់ សូមគោរពផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសគម្រប់ខួបជន្មាយុ៤៧ឆ្នាំ ឈានចូល៤៨ឆ្នាំរបស់ សម្តេចធិបតី នាយករដ្ឋមន្ត្រី ដែលនឹងប្រព្រឹត្តទៅនៅថ្ងៃទី២០ ខែតុលា ឆ្នាំ២០២៤ នេះ។

ថ្ងៃអាទិត្យ ៣រោច​ ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែតុលា ឆ្នាំ២០២៤

សូមឪពុកម្តាយ ឬក៏បងប្អូន ដែលបានបាត់កូនប្រុស វង្វេងនៅមាត់ទន្លេក្រុងតាខ្មៅ សូមអញ្ជើញមកទទួលនៅទីបញ្ជាការរួមនៅសាលាបឋមសិក្សាអនុវត្តក្រុងតាខ្មៅ។
ថ្ងៃទី១៨ ខែតុលា ឆ្នាំ២០២៤ វេលាម៉ោង១៤:៤៧នាទី

សូមជម្រាបជូនសាធារណជនមេត្តាជ្រាប នៅវេលាម៉ោង១១:៣៥នាទី ក្មេងប្រុសដែលបានវង្វេង ត្រូវបានម្តាយមកទទួលយកទៅវិញហើយ។
សូមអរគុណ!

សូមឪពុកម្តាយ ឬក៏បងប្អូន ដែលបានបាត់កូនស្រី វង្វេងនៅមាត់ទន្លេក្រុងតាខ្មៅ សូមអញ្ជើញមកទទួលនៅទីបញ្ជាការរួមនៅសាលាបឋមសិក្សាអនុវត្តក្រុងតាខ្មៅ។
ថ្ងៃទី១៨ ខែតុលា ឆ្នាំ២០២៤ វេលាម៉ោង១១:០០នាទី

នៅព្រឹកថ្ងៃសុក្រ ១រោច​ ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែតុលា ឆ្នាំ២០២៤

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញជាអធិបតីដឹកនាំកិច្ចប្រជុំការងារសំខាន់ៗ ចាំបាច់បន្ទាន់មួយចំនួន នៅបន្ទប់គណៈស្នងការ សមាសភាពចូលរួមមានលោកស្នងការរងផែនជំនាញ និងលោកអធិការនគរបាលស្រុក/ក្រុងទាំង១៣។

នៅរសៀលថ្ងៃព្រហស្បតិ៍ ១៥កើត​ ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែតុលា ឆ្នាំ២០២៤
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចូលរួមទស្សនាការប្រណាំងនៅទន្លេបាសាក់ក្រុងតាខ្មៅ ក្រោមអធិបតីភាពដ៏ខ្ពង់ខ្ពស់ ឯកឧត្តម បណ្ឌិត ម៉ៅ ភិរុណ សមាជិកសភាមណ្ឌលកណ្តាល ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល នៅវេទិកាសួនច្បារមាត់ទន្លេក្រុងតាខ្មៅ។

ទន្ទឹមនោះ កងកម្លាំងនគរបាល បានសហការជាមួយសមត្ថកិច្ចពាក់ព័ន្ធ ធ្វើការការពារសន្តិសុខ សុវត្ថិភាព និងរក្សាសណ្តាប់ធ្នាប់នៅតាមគោលដៅប្រារព្ធពិធីជូនបងប្អូនប្រជាពលរដ្ឋដែលអញ្ជើញចូលរួមទស្សនាផងដែរ។