ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ Legal Council of Ministry of Economy and Finance

អបអរសាទរ ទិវាជ័យជម្នះ ៧ មករា ខួបលើកទី ៤៦ (១៩៧៩-២០២៥)
----------
ថ្ងៃនេះជាខួបលើកទី ៤៦ នៃទិវាជ័យជម្នះជាប្រវត្តិសាស្ត្រ របស់ប្រជាជនកម្ពុជាលើ របបប្រល័យពូជសាសន៍ ប៉ុល ពត ដែលធ្វើឱ្យប្រជាជាតិខ្មែរបានរស់រានមានជីវិតឡើងវិញ រួចផុតពីទារុណកម្ម និងអំពើកាប់សម្លាប់ដ៏សាហាវយង់ឃ្នងបំផុត។ ជ័យជម្នះនេះ បានដណ្ដើមមកជូនប្រជាជនកម្ពុជាវិញ នូវសិទ្ធិសេរីភាពគ្រប់យ៉ាងដែលត្រូវបាត់បង់ទាំងស្រុងក្នុងរបប ប៉ុល ពត និងបានបញ្ចប់សករាជដ៏ខ្មៅងងឹតបំផុតរបស់កម្ពុជា ព្រមទាំងបានបើកឡើងនូវសករាជថ្មីគឺ ឯករាជ្យ សន្តិភាព សេរីភាព ប្រជាធិបតេយ្យ និងវឌ្ឍនភាពសង្គម។

លិខិតថ្លែងអំណរគុណ និងសារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្ដមបណ្ឌិត ហ៊ែល ចំរើន ជូនចំពោះឯកឧត្ដម លី តៃសេង
----------
លិខិតថ្លែងអំណរគុណ និងសារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្ដមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ជូនចំពោះឯកឧត្ដម លី តៃសេង នាយកប្រតិបត្តិក្រុមហ៊ុនមេធាវី អេចប៊ីអេស និងជាសមាជិកក្រុមប្រឹក្សាអ្នកច្បាប់ នៃទីស្ដីការគណៈរដ្ឋមន្រ្តី ដែលបានផ្ដល់ជូននូវសៀវភៅ “Legal Guide: Doing Business in Cambodia” ចំនួន ១ក្បាល ដល់ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដើម្បីជាមគ្គទេសក៍មួយក្នុងការផ្ដល់ព័ត៌មានសំខាន់ៗនិងដោយសង្ខេបអំពីច្បាប់និងបទដ្ឋានគតិយុត្តនៃព្រះរាជាណាចក្រកម្ពុជា ពាក់ព័ន្ធការធ្វើធុរកិច្ច និងកាវិនិយោគ។

លិខិតថ្លែងអំណរគុណ និងសារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្ដមបណ្ឌិត ហ៊ែល ចំរើន ជូនចំពោះឯកឧត្តមបណ្ឌិត កៅ ថាច
----------
លិខិតថ្លែងអំណរគុណ និងសារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ជូនចំពោះឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ដែលបានផ្ញើសារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ និងផ្តល់ជូននូវប្រតិទិន សៀវភៅសរសេរ និងប៊ិក ដើម្បីប្រើប្រាស់ជាគុណប្រយោជន៍នៃការបំពេញការងារ។

សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ ជូនចំពោះឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម
----------
សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ថ្នាក់ដឹកនាំ និងមន្ត្រីនៃលេខាធិការដ្ឋានក្រុមប្រឹក្សានីតិកម្ម ជូនចំពោះឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម។

សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ ជូនចំពោះឯកឧត្តម វង្សី វិស្សុត ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់
----------
សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្ដមបណ្ឌិត ហ៊ែល ចំរើន រដ្ឋលេខាធិការ និងជាសមាជិកគណៈកម្មាធិការដឹកនាំការកែទម្រង់ច្បាប់ ជូនចំពោះឯកឧត្តម វង្សី វិស្សុត ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់។

សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ ជូនចំពោះឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម
----------
សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ថ្នាក់ដឹកនាំក្រុមប្រឹក្សានីតិកម្ម និងលេខាធិការដ្ឋានក្រុមប្រឹក្សានីតិកម្ម ព្រមទាំងមន្ត្រីក្រោមឱវាទ ជូនចំពោះឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម។

សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ ជូនចំពោះឯកឧត្តមកិត្តិបរិរក្សបណ្ឌិត គាត ឈន់ ប្រធានកិត្តិយសឧត្ដមក្រុមប្រឹក្សាសេដ្ឋកិច្ចជាតិ
----------
សារលិខិតជូនពរក្នុងឱកាសចូលឆ្នាំថ្មី ឆ្នាំសកល ២០២៥ របស់ឯកឧត្ដមបណ្ឌិត ហ៊ែល ចំរើន និងភរិយា ជូនចំពោះឯកឧត្តមកិត្តិបរិរក្សបណ្ឌិត គាត ឈន់ ប្រធានកិត្តិយសឧត្ដមក្រុមប្រឹក្សាសេដ្ឋកិច្ចជាតិ។

រីករាយឆ្នាំថ្មី ឆ្នាំសកល ២០២៥
----------
ក្នុងឱកាសចូលឆ្នាំថ្មី ឆ្នាំ២០២៥ ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ សូមគោរពជូនពរជ័យ សិរីសួស្ដី ជ័យមង្គល វិបុលសុខ មហាប្រសើរ ជោគជ័យគ្រប់ភារកិច្ច និងសូមមានសុភមង្គល ជានិច្ចនិរន្តរ៍

កិច្ចសំណេះសំណាល ជាមួយនិស្សិតជ័យលាភីអាហារូបករណ៍អឹរ៉ាស្មូសផ្លឹស (ERASMUS+) ត្រូវបន្តការសិក្សាថ្នាក់បរិញ្ញាបត្រជាន់ខ្ពស់ នៅសាធារណរដ្ឋបារាំង និងនិស្សិតជ័យលាភីអាហារូបករណ៍របស់រដ្ឋាភិបាលប្រទេសអូស្រ្តាលី សម្រាប់ឆ្នាំសិក្សា២០២៥
----------
នាព្រឹកថ្ងៃចន្ទ ១កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែធ្នូ គ.ស.២០២៤ ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ បានទទួលជួបសំណេះសំណាល ជាមួយនិស្សិតជ័យលាភីអាហារូបករណ៍អឹរ៉ាស្មូសផ្លឹស (ERASMUS+) ត្រូវបន្តការសិក្សាថ្នាក់បរិញ្ញាបត្រជាន់ខ្ពស់ នៅសាធារណរដ្ឋបារាំង និងនិស្សិតជ័យលាភីអាហារូបករណ៍របស់រដ្ឋាភិបាលប្រទេសអូស្រ្តាលី សម្រាប់ឆ្នាំសិក្សា២០២៥ ដែលមានសមាសភាពមកពីក្រសួង-ស្ថាប័ន វិស័យឯកជន និងអង្គការមិនមែនរដ្ឋាភិបាល សរុបចំនួន ៣៩រូប។ ឯកឧត្តមបណ្ឌិតរដ្ឋលេខាធិការ បានចែករំលែកបទពិសោធន៍អំពីការអនុវត្តការងារកែទម្រង់របស់រាជរដ្ឋាភិបាល និងការងារនីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងពុទ្ធិគន្លឹះៗ ដើម្បីជាឧត្ដមប្រយោជន៍ ដល់ការបន្តការសិក្សា របស់និស្សិតជ័យលាភី នៅសាធារណរដ្ឋបារាំង និងប្រទេសអូស្រ្តាលី នាពេលខាងមុខ។ ជាចុងក្រោយឯកឧត្តមបណ្ឌិត បានចែកជូននូវស្នាដៃនីតិសាស្រ្តរបស់ក្រុមប្រឹក្សានីតិកម្ម ដល់និស្សិតជ័យលាភីអាហារូបករណ៍ ដើម្បីប្រើប្រាស់តាមការចាំបាច់។

អបអរសាទរ “ទិវាសន្តិភាពនៅកម្ពុជា” ខួបលើកទី ២៦ (២៩ ធ្នូ ១៩៩៨-២៩ ធ្នូ ២០២៤)
----------
រាជរដ្ឋាភិបាលកម្ពុជា បានកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា “ទិវាសន្តិភាពនៅកម្ពុជា” ដែលជាថ្ងៃបុណ្យជាតិផ្លូវការ និងជាថ្ងៃឈប់សម្រាកសាធារណៈនៅព្រះរាជាណាចក្រកម្ពុជា ដើម្បីជាការរំលឹកដឹងគុណ និងចងចាំជាប់ជានិច្ចនូវគំរូវីរភាពដ៏អង់អាចក្លាហាន និងការធ្វើពលិកម្មគ្រប់បែបយ៉ាងរបស់វីរបុរសស្នេហាជាតិ និងវីរនារីស្នេហាជាតិរបស់កម្ពុជា ដែលបានប្រយុទ្ធ និងតស៊ូយ៉ាងស្វិតស្វាញនៅគ្រប់សមរភូមិ ទាំងសមរភូមិសង្គ្រាម ទាំងសមរភូមិការទូត ទាំងសមរភូមិនយោបាយ រហូតសម្រេចបាននូវការបញ្ចប់ជាស្ថាពរនូវសង្គ្រាមនៅកម្ពុជា ហើយសម្រេចបាននូវការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខសន្តិភាពពេញផ្ទៃប្រទេស។ ក៏ដូចជាការបំផុសស្មារតីប្រជាជនកម្ពុជាឱ្យយល់ដឹងអំពីគុណតម្លៃនៃសន្តិភាព លើកកម្ពស់វប្បធម៌សន្តិភាព និងរួមគ្នាថែរក្សាការពារសន្តិភាពនៅកម្ពុជា ឱ្យបានគង់វង្ស។

កម្មវិធីបច្ចេកវិទ្យាព័ត៌មាន សម្រាប់ “កម្រងសម្រង់បទប្បញ្ញត្តិគតិយុត្តពាក់ព័ន្ធទ្រព្យសម្បត្តិរដ្ឋ” ឆ្នាំ២០២៤
----------
ប្រតិបត្តិតាមការណែនាំដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, លេខាធិការដ្ឋានក្រុមប្រឹក្សានីតិកម្ម បានរៀបចំកម្មវិធីបច្ចេកវិទ្យាព័ត៌មាន សម្រាប់ “កម្រងសម្រង់បទប្បញ្ញត្តិគតិយុត្តពាក់ព័ន្ធទ្រព្យសម្បត្តិរដ្ឋ” ឆ្នាំ២០២៤ សម្រាប់ប្រើប្រាស់លើឧបករណ៍ឆ្លាតវៃ និងនៅលើគេហទំព័រ។ កម្រងសម្រង់នេះ ត្រូវបានរៀបចំនិងធ្វើបច្ចុប្បន្នកម្មឡើងវិញលើកម្រងសម្រង់បទប្បញ្ញត្តិគតិយុត្តពាក់ព័ន្ធទ្រព្យសម្បត្តិរដ្ឋនិងចំណូលមិនមែនសារពើពន្ធ ដែលធ្លាប់ត្រូវបានបោះពុម្ព និងដាក់ឱ្យប្រើប្រាស់ជាផ្លូវការ កាលពីឆ្នាំ២០១៧ កន្លងទៅ។ វិសេសភាពនៃកម្រងសម្រង់នេះ គឺការញែករវាងលិខិតបទដ្ឋានគតិយុត្តពាក់ព័ន្ធទ្រព្យសម្បត្តិរដ្ឋ និងចំណូលមិនមែនសារពើពន្ធ ដោយលិខិតបទដ្ឋានគតិយុត្តពាក់ព័ន្ធចំណូលមិនមែនសារពើពន្ធ នឹងជាកម្មវត្ថុ នៃការរៀបចំចងក្រងជាកម្រងសម្រង់មួយដោយឡែក ដើម្បីសម្រួលដល់ថ្នាក់ដឹកនាំ និងមន្ត្រីរាជការទាំងអស់ ក្នុងការប្រើប្រាស់ជាគុណប្រយោជន៍ដល់ការបំពេញការងារ និងជាឧបករណ៍គន្លឹះរួមចំណែកផ្តល់ជាវិភាគទានខាងពុទ្ធិ ដល់ការយល់ដឹង ការរៀនសូត្រ និងការសិក្សាស្រាវជ្រាវរបស់និស្សិត អ្នកស្រាវជ្រាវ សាស្ត្រាចារ្យ បញ្ញវន្ត និងសាធារណជនទូទៅផងដែរ។ កម្មវិធីបច្ចេកវិទ្យាព័ត៌មានសម្រាប់កម្រងសម្រង់នេះ ត្រូវបានធ្វើសមាហរណកម្មចូលទៅក្នុង បណ្ណាល័យអេឡិចត្រូនិកនៃក្រុមប្រឹក្សានីតិកម្ម ដោយអាចស្វែងរកបានតាមរយៈពាក្យគន្លឹះ “MEF” ឬ “Legal Library of MEF” ឬតាមតំណភ្ជាប់ខាងក្រោម៖
- ឧបករណ៍ឆ្លាតវៃ (Smart Phone)៖ onelink.to/kzns2r
- គេហទំព័រ៖ onlinecomp.legalcouncilmef.com

កម្មវិធីបច្ចេកវិទ្យាព័ត៌មាន សម្រាប់កម្រងឯកសារសិក្សាសាកល្បង អំពី “ទស្សនវិជ្ជាច្បាប់ខ្មែរពីបុរាណ”
----------
ប្រតិបត្តិតាមការណែនាំដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, លេខាធិការដ្ឋានក្រុមប្រឹក្សានីតិកម្ម បានរៀបចំកម្មវិធីបច្ចេកវិទ្យាព័ត៌មាន សម្រាប់កម្រងឯកសារសិក្សាសាកល្បង អំពី “ទស្សនវិជ្ជាច្បាប់ខ្មែរពីបុរាណ” សម្រាប់ប្រើប្រាស់លើឧបករណ៍ឆ្លាតវៃ និងនៅលើគេហទំព័រ។ ទន្ទឹមនេះ លេខាធិការដ្ឋានក្រុមប្រឹក្សានីតិកម្ម បានដាក់ឱ្យប្រើប្រាស់រួចរាល់ នូវកម្មវិធីបច្ចេកវិទ្យាព័ត៌មាននេះ ដើម្បីអាចឱ្យថ្នាក់ដឹកនាំ និងមន្ត្រីរាជការក្រោមឱវាទក្រសួងសេដ្ឋកិច្ចនិងហិរញ្ញវត្ថុ ក៏ដូចជាក្រសួង-ស្ថាប័នពាក់ព័ន្ធ និងសាធារណជនទូទៅ ទាញយក និងប្រើប្រាស់សម្រាប់ការរៀនសូត្រ និងការសិក្សាស្រាវជ្រាវនូវចំណេះដឹងច្បាប់ខ្មែរបុរាណ និងចំណេះដឹងផ្សេងៗទៀត ដែលជាប្រភពមួយមិនចេះរីងស្ងួត និងមានគុណតម្លៃដ៏វិសេស។ កម្មវិធីបច្ចេកវិទ្យាព័ត៌មាននេះ ត្រូវបានធ្វើសមាហរណកម្មចូលទៅក្នុង បណ្ណាល័យអេឡិចត្រូនិកនៃក្រុមប្រឹក្សានីតិកម្ម ដោយអាចស្វែងរកបានតាមរយៈពាក្យគន្លឹះ “MEF” ឬ “Legal Library of MEF” ឬតាមតំណភ្ជាប់ខាងក្រោម៖
- ឧបករណ៍ឆ្លាតវៃ (Smart Phone)៖ onelink.to/kzns2r
- គេហទំព័រ៖ onlinecomp.legalcouncilmef.com

សកម្មភាពចូលរួម ពិព័រណ៍សៀវភៅកម្ពុជាលើកទី១១ ឆ្នាំ២០២៤
----------
ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានកិត្តិយស បានចូលរួមការដាក់តាំងពិព័រណ៍សៀវភៅ ដែលជាស្នាដៃសិក្សាស្រាវជ្រាវ និងប្រមូលចងក្រង ដោយក្រុមប្រឹក្សានីតិកម្ម ក្នុងកម្មវិធីអបអរសាទរគម្រប់ខួប១១ឆ្នាំ នៃពិព័រណ៍សៀវភៅកម្ពុជា ក្រោមប្រធានបទ “អ្នកអាន ជាអ្នករៀនពេញមួយជីវិត” ដោយមានស្តង់ជាច្រើនបានចូលរួមសរុប ប្រមាណចំនួន ៣០០ ស្តង់។ ពិព័រណ៍សៀវភៅថ្នាក់ជាតិនេះ បានប្រព្រឹត្តទៅក្នុងរយៈពេល ៤ថ្ងៃ នៅសួនច្បារខាងមុខសាលាបុរីកោះពេជ្រ ក្នុងគោលបំណងដើម្បីជួយលើកកម្ពស់ដល់អ្នកចូលចិត្តអានសៀវភៅ ក៏ដូចជាជំរុញឱ្យសាធារណជន និយមអានសៀវភៅឱ្យច្រើនផងដែរ។

ពិព័រណ៍សៀវភៅកម្ពុជា លើកទី ១១ ឆ្នាំ២០២៤
----------
ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានកិត្តិយស ចូលរួមកម្មវិធីពិព័រណ៍សៀវភៅកម្ពុជា លើកទី ១១ ក្រោមប្រធានបទ “អ្នកអាន ជាអ្នករៀនពេញមួយជីវិត” ដែលនឹងប្រព្រឹត្តទៅរយៈពេល ៤ថ្ងៃ គឺចាប់ពីថ្ងៃទី១៩ ដល់ថ្ងៃទី២២ ខែធ្នូ ឆ្នាំ២០២៤ វេលាម៉ោង ៨ព្រឹក ដល់ម៉ោង ៨យប់ នៅស្តង់លេខ B121។ ដូច្នេះ សូមគោរពអញ្ជើញ ឯកឧត្តម លោកជំទាវ លោក លោកស្រី សិស្ស និស្សិត និងសាធារណជនទាំងអស់ចូលរួមទស្សនា ព្រមទាំងចូលរួមសកម្មភាពនានា នៃកម្មវិធីពិព័រណ៍នេះ។

📍ទីតាំង៖ សួនច្បារខាងមុខ City Hall-កោះពេជ្រ https://maps.app.goo.gl/Teiht9uetJGZWomi6

កិច្ចសំណេះសំណាល ជាមួយនិស្សិតជ័យលាភីអាហារូបករណ៍របស់រដ្ឋាភិបាលនូវែលសេឡង់ (Manaaki New Zealand Scholarships - MNZS) សម្រាប់ឆ្នាំសិក្សា ២០២៥-២០២៦
----------
នារសៀលថ្ងៃព្រហស្បតិ៍ ១២កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែធ្នូ គ.ស.២០២៤ ឯកឧត្តម ស៊ាង ផល្លា អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានលេខាធិការដ្ឋានក្រុមប្រឹក្សានីតិកម្ម ដោយមានការអនុញ្ញាតដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម បានទទួលជួបសំណេះសំណាល ជាមួយនិស្សិតជ័យលាភីអាហារូបករណ៍របស់រដ្ឋាភិបាលនូវែលសេឡង់ (Manaaki New Zealand Scholarships - MNZS) សម្រាប់ឆ្នាំសិក្សា ២០២៥-២០២៦ ចំនួន ៣៧រូប។ ឯកឧត្តមអនុរដ្ឋលេខាធិការ បានចែករំលែកបទពិសោធន៍អំពីការអនុវត្តការងារកែទម្រង់របស់រាជរដ្ឋាភិបាល និងការងារនីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងពុទ្ធិគន្លឹះៗ ដើម្បីជាឧត្ដមប្រយោជន៍ ដល់ការបន្តការសិក្សា របស់និស្សិតជ័យលាភី នៅក្នុងប្រទេសនូវែលសេឡង់ នាពេលខាងមុខ។ ជាចុងក្រោយឯកឧត្តម បានចែកជូននូវស្នាដៃនីតិសាស្រ្តរបស់ក្រុមប្រឹក្សានីតិកម្ម ដល់និស្សិតជ័យលាភីអាហារូបករណ៍ ដើម្បីប្រើប្រាស់តាមការចាំបាច់។

សកម្មភាពកីឡា ជាមួយនឹងការទស្សនាធម្មជាតិនៅរមណីយដ្ឋានឧទ្យានជាតិព្រះជ័យវរ្ម័ន-នរោត្ដម ភ្នំគូលែន
----------
ខេត្តសៀមរាប, នៅថ្ងៃពុធ ៤កើត ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៤ ខែធ្នូ គ.ស. ២០២៤, បន្ទាប់ពីបញ្ចប់កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំឆ្នាំ២០២៤ របស់លេខាធិការដ្ឋានក្រុមប្រឹក្សានីតិកម្ម ឆ្លៀតឱកាសនេះ ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ បានដឹកនាំក្រុមការងារធ្វើសកម្មភាពកីឡា ដោយការដើរ ដែលមានចម្ងាយសរុបប្រមាណ ១៥គីឡូម៉ែត្រ ព្រមទាំងបានគយគន់ទេសភាពព្រៃភ្នំដ៏ស្រស់ត្រកាល ទឹកជ្រោះភ្នំគូលែន និងទស្សនាប្រាសាទមួយចំនួន ដែលស្ថិតនៅរមណីយដ្ឋានឧទ្យានជាតិព្រះជ័យវរ្ម័ន-នរោត្ដម ភ្នំគូលែន។
ទន្ទឹមនេះ ឯកឧត្ដមបណ្ឌិត និងក្រុមការងារបានថតរូបអនុស្សាវរីយ៍ ដើម្បីបង្កើនបរិយាកាសសាមគ្គីភាពផ្ទៃក្នុងឱ្យកាន់តែប្រសើរឡើងបន្ថែមទៀត។

កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំឆ្នាំ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម
----------
នៅថ្ងៃអង្គារ ៣កើត ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣ ខែធ្នូ គ.ស. ២០២៤, នៅសណ្ឋាគារ ប៉ាស៊ីហ្វិក ខេត្តសៀមរាប, ប្រតិបត្តិតាមការអនុញ្ញាតដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, លេខាធិការដ្ឋានក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ បានបន្តកិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំឆ្នាំ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម ក្រោមការដឹកនាំផ្ទាល់របស់ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្មនៃក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីថ្នាក់ដឹកនាំ និងសមាជិក សមាជិកាទាំងអស់ នៃលេខាធិការដ្ឋានក្រុមប្រឹក្សានីតិកម្ម ដើម្បីពិនិត្យ និងពិភាក្សាតាមរបៀបវារៈ ដូចខាងក្រោម៖
១. ការធ្វើបទបង្ហាញពីលទ្ធផល នៃកិច្ចពិភាក្សារបស់ក្រុមទាំង៤
២. ពិនិត្យ និងសម្រេចលើកិច្ចពិភាក្សា
៣. ចែករំលែកចំណេះដឹងនិងបទពិសោធន៍
៤. មតិបូកសរុបលទ្ធផល នៃកិច្ចប្រជុំនិងលើកទិសដៅការងារបន្ត
៥. ការប្រគល់ជូនលិខិតថ្លែងអំណរគុណជូនដល់ ថ្នាក់ដឹកនាំ សមាជិក សមាជិកា នៃលេខាធិការដ្ឋានក្រុមប្រឹក្សានីតិកម្ម ដែលបានធ្វើបទបង្ហាញចែករំលែកចំណេះដឹងនិងបទពិសោធន៍
៦. ផ្សេងៗ។
កិច្ចប្រជុំនេះបានបញ្ចប់ទៅ ក្នុងបរិយាកាសរីករាយ និងប្រកបដោយស្មារតីសាមគ្គីភាពយ៉ាងរឹងមាំ។

កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំឆ្នាំ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម
----------
នៅថ្ងៃចន្ទ ២កើត ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២ ខែធ្នូ គ.ស. ២០២៤, នៅសណ្ឋាគារ ប៉ាស៊ីហ្វិក ខេត្តសៀមរាប, ប្រតិបត្តិតាមការអនុញ្ញាតដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, លេខាធិការដ្ឋានក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំឆ្នាំ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម ក្រោមការដឹកនាំផ្ទាល់របស់ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្មនៃក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីថ្នាក់ដឹកនាំ និងសមាជិក សមាជិកាទាំងអស់ នៃលេខាធិការដ្ឋានក្រុមប្រឹក្សានីតិកម្ម ដើម្បីពិនិត្យ និងពិភាក្សាតាមរបៀបវារៈ ដូចខាងក្រោម៖
១. របាយការណ៍បូកសរុបវឌ្ឍនភាពការងារប្រចាំឆ្នាំ២០២៤
២. បញ្ហាប្រឈម សំណើ និងដំណោះស្រាយ
៣. កិច្ចពិភាក្សាតាមក្រុម លើចក្ខុវិស័យនិងយុទ្ធសាស្រ្ត របស់ក្រុមប្រឹក្សានីតិកម្ម៖
- ក្រុមទី១៖ ពិភាក្សាលើយុទ្ធសាស្រ្ត "ប្រឹក្សានីតិកម្ម"
- ក្រុមទី២៖ ពិភាក្សាលើយុទ្ធសាស្រ្ត "ប្រឹក្សាច្បាប់"
- ក្រុមទី៣៖ ពិភាក្សាលើយុទ្ធសាស្រ្ត "បង្កើនការយល់ដឹង និងអភិវឌ្ឍឌីជីថលលូបនីយកម្មការងារនីតិកម្ម"
- ក្រុមទី៤៖ ពិភាក្សាលើយុទ្ធសាស្រ្ត "អន្តរកែទម្រង់"
៤. ផ្សេងៗ
កិច្ចប្រជុំនេះបានបញ្ចប់ទៅ ក្នុងបរិយាកាសរីករាយ និងប្រកបដោយស្មារតីសាមគ្គីភាពយ៉ាងរឹងមាំ។

សៀវភៅស្តីពី “ប្រវត្តិការណ៍មួយនៃកម្ពុជា៖ ដំណើរជីវិតឆ្លងកាត់បួនសម័យកាលរបស់កិតិ្តបរិរក្សបណ្ឌិត គាត ឈន់ វរជនដ៏គួរឱ្យស្ងើច”
----------
សៀវភៅនេះ ត្រូវបានរៀបចំបកប្រែនិងកែសម្រួលជាភាសាខ្មែរនិងបោះពុម្ពផ្សាយលើកទី២ ពីសៀវភៅដើមជាភាសាបារាំង ដែលមានចំណងជើងថា “UNE HISTOIRE CAMBODGIENNE - Les 4 vies de l’étonnant M. Keat Chhon” និពន្ធ
ដោយលោក Jean-Daniel Gardère បោះពុម្ពផ្សាយដោយគ្រឹះស្ថានបោះពុម្ព L’Harmattan នៅប្រទេសបារាំង។ ការបកប្រែនិងកែសម្រួលសៀវភៅនេះជាភាសាខ្មែរ បានជួបប្រទះនូវរបាំងវិជ្ជាចំនួន ២ គឺ របាំងភាសា និងរបាំងគំនិត។ "របាំងភាសា" សៀវភៅនេះ បានប្រើប្រាស់វាក្យសព្ទ ប្រកបដោយលក្ខណៈវិទ្យាសាស្រ្ត ប្រណីតភាព វេយ្យាករណ៍ រចនាសម្ព័ន្ធឃ្លោងឃ្លាជាក់លាក់ ដែលខុសប្លែក ពុំមាន ឬពុំមានដូចគ្នាទាំងស្រុង ក្នុងវាក្យសព្ទជាភាសាខ្មែរ។ "របាំងគំនិត" សៀវភៅនេះ ត្រូវបានរៀបចំនិពន្ធឡើងដោយផ្អែកលើកិច្ចសម្ភាសជាភាសាបារាំង ជាមួយឯកឧត្តម កិតិ្តបរិរក្សបណ្ឌិត គាត ឈន់ ដោយផ្ទាល់ ដោយលោក Jean-Daniel Gardère។ ក្នុងន័យនេះ ការចងក្រង ការវិភាគ ការពិចារណា ការសំយោគ និងការរៀបចំព័ត៌មាន ចំណាប់អារម្មណ៍ គំនិត ទស្សនវិជ្ជា ជំនឿ និងការយល់ឃើញនានា បានប្រព្រឹត្តទៅតាមបែបវប្បធម៌បារាំង ដែលខុសប្លែក ឬពុំមានអត្ថិភាពជាច្រើនអន្លើ នៅក្នុងវប្បធម៌ខ្មែរ។

សេចក្ដីជូនដំណឹង ស្ដីពីការជ្រើសរើសបុគ្គលិកជាប់កិច្ចសន្យាឱ្យចូលបម្រើការងារនៅលេខាធិការដ្ឋានក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានកិត្តិយសសូមជូនដំណឹងដល់និស្សិត និងសាធារណជន
ឱ្យបានជ្រាបថា ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ត្រូវការជ្រើសរើសបេក្ខភាពដែលមានចំណេះដឹងនិងជំនាញពាក់ព័ន្ធនឹងការងារជំនួយការរដ្ឋបាល ដើម្បីចូលបម្រើការងារជាបុគ្គលិកជាប់កិច្ចសន្យានៅលេខាធិការដ្ឋានក្រុមប្រឹក្សានីតិកម្ម។
👉សម្រាប់ព័ត៌មានបន្ថែម សូមពិនិត្យរូបភាពខាងក្រោម ឬទំនាក់ទំនងមកកាន់លេខ 070 27 28 44 (Telegram)។ សូមអរគុណ។

លិខិតថ្លែងអំណរគុណរបស់អគ្គលេខាធិការដ្ឋានក្រុមប្រឹក្សាជាតិគាំពារសង្គម ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់អគ្គលេខាធិការដ្ឋានក្រុមប្រឹក្សាជាតិគាំពារសង្គម ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូនសៀវភៅ "កម្រង់ឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" សម្រាប់ចែករំលែកនូវពុទ្ធិថ្មីៗ និងប្រើប្រាស់ជាគុណប្រយោជន៍តាមតម្រូវការការងាររបស់អង្គភាព។

អបអរសាទរព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ
ថ្ងៃទី១៤-១៥-១៦ ខែវិច្ឆិកា គ.ស. ២០២៤
----------
សូមគោរពជូនពរដល់លោកអ្នក និងក្រុមគ្រួសារអោយទទួលបាននូវសុភមង្គល សុខភាពល្អ និងជោគជ័យគ្រប់ភារកិច្ច ជាពិសេសសូមធ្វើដំណើរប្រកបដោយសុខសុវត្ថិភាពគ្រប់ទីកន្លែង។

កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំខែតុលា គ.ស. ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម
----------
នៅថ្ងៃអង្គារ ១២កើត ខែកត្ដិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១២ ខែវិច្ឆិកា គ.ស. ២០២៤ នៅសណ្ឋាគារ សុខាភ្នំពេញ,
ឯកឧត្តម ស៊ាង ផល្លា អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានលេខាធិការដ្ឋានក្រុមប្រឹក្សានីតិកម្ម តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម បានដឹកនាំកិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំខែតុលា គ.ស. ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម ដោយមានការចូលរួមពីថ្នាក់ដឹកនាំ និងសមាជិក សមាជិកាទាំងអស់ នៃលេខាធិការដ្ឋានក្រុមប្រឹក្សានីតិកម្ម ដើម្បីពិនិត្យ និងពិភាក្សាតាមរបៀបវារៈ ដូចខាងក្រោម៖
១. របាយការណ៍វឌ្ឍនភាពការងារប្រចាំខែតុលា
២. បញ្ហាប្រឈម សំណើ និងដំណោះស្រាយ
៣. បទបង្ហាញចែករំលែកចំណេះដឹង
៤. កិច្ចពិភាក្សាលើប្រធានបទខាងលើ
៥. ផ្សេងៗ។

អបអរសាទរខួបអនុស្សាវរីយ៍លើកទី ៧១ នៃទិវាបុណ្យឯករាជ្យជាតិ ៩ វិច្ឆិកា (១៩៥៣ - ២០២៤)
----------
ទិវាបុណ្យឯករាជ្យជាតិ ៩ វិច្ឆិកា បានរំលឹកឱ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់ព្រះករុណា ព្រះបាទ សម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូ ក្នុងក្របខ័ណ្ឌនៃព្រះរាជបូជនីយកិច្ច ដើម្បីទាមទារឯករាជ្យជាតិពេញបរិបូណ៍ ពីអាណានិគមនិយមបារាំងមកវិញក្នុងថ្ងៃទី៩ ខែវិច្ឆិកា ឆ្នាំ១៩៥៣។

លិខិតថ្លែងអំណរគុណរបស់សាកលវិទ្យាល័យកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់សាកលវិទ្យាល័យកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូនសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ចំនួន ០៥ ច្បាប់ ដើម្បីទុកជាឧត្តមប្រយោជន៍ក្នុងការស្វែងយល់ ស្វែងចេះ ស្វែងដឹងរបស់អង្គភាព ព្រមទាំងផ្តល់វិភាគទានខាងពុទ្ធិដល់ការសិក្សាស្រាវជ្រាវ រៀនសូត្ររបស់សិស្ស-និស្សិត សាស្ត្រាចារ្យ អ្នកស្រាវជ្រាវ បញ្ញវន្ត និងសាធារណជនទូទៅផង។ ការឧបត្ថម្ភនេះ គឺជាការចូលរួមចំណែកផ្សព្វផ្សាយចំណេះដឹង និងការអភិវឌ្ឍធនធានមនុស្សនៅកម្ពុជា។

លិខិតថ្លែងអំណរគុណរបស់ឯកឧត្តម យ៉េត វីណែល អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់ឯកឧត្តម យ៉េត វីណែល អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ដែលជាឧបករណ៍ដ៏មានឧត្តមប្រយោជន៍មួយ ដោយប្រមូលនូវគំហើញជាចំណេះដឹងពាក់ព័ន្ធអំពីទស្សនវិជ្ជាច្បាប់ខ្មែរពីបុរាណ និងមានសារៈសំខាន់ជាមូលដ្ឋាន នៃការផ្សព្វផ្សាយបញ្ជ្រាបការយល់ដឹងអាចជួយសម្រួលដល់ការបំពេញមុខងារភារកិច្ច និងមានគុណប្រយោជន៍ ដែលអាចប្រើប្រាស់ទៅតាមតម្រូវការការងារផ្សេងៗ។

លិខិតថ្លែងអំណរគុណរបស់ឯកឧត្តម ស៊ឹម វីរៈ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់ឯកឧត្តម ស៊ឹម វីរៈ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងសម្រង់បទប្បញត្តិច្បាប់សំខាន់ៗទាក់ទងសមត្ថកិច្ចរបស់ក្រសួងសេដ្ឋកិច្ច និងហិរញ្ញវត្ថុ" និង "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" សម្រាប់ជាឯកសារយោងនៅក្នុងការបំពេញការងារក្នុងដែនសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ និងសម្រាប់ផ្តល់ជាពុទ្ធិថ្មីៗដល់ជនជាតិខ្មែរគ្រប់រូប ឱ្យបានយល់ដឹងពីអត្តសញ្ញាណជាតិ, ទំនៀមទម្លាប់ និងគុណតម្លៃ, ផ្នត់គំនិតដើមរបស់ជាតិខ្មែរ នៅក្នុងការគ្រប់គ្រងសង្គម ក្នុងនាមជាប្រជាជាតិដែលមានអរិយធម៌រុងរឿងមួយនៅក្នុងតំបន់ និងសកលលោក។

ចំណារដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា លើលិខិតផ្ដល់ជូនសៀវភៅ “កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ” របស់ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ បានទទួលនូវចំណារដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា លើលិខិតផ្ដល់ជូនសៀវភៅ “កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ” ចំនួន ១០ច្បាប់ សម្រាប់តម្កល់ទុកនៅខុទ្ទកាល័យ និងសម្រាប់ប្រើប្រាស់ជាគុណប្រយោជន៍តាមតម្រូវការការងារផ្សេងៗ។

លិខិតថ្លែងអំណរគុណរបស់និយ័តករមូលបត្រកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់និយ័តករមូលបត្រកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ចំនួន ១ ច្បាប់ ដែលជាសៀវភៅដ៏មានឧត្តមប្រយោជន៍សម្រាប់ការសិក្សាស្រាវជ្រាវបន្ថែម និងតាមតម្រូវការចាំបាច់នានា។

លិខិតថ្លែងអំណរគុណរបស់អង្គភាពសវនកម្មផ្ទៃក្នុង នៃអាជ្ញាធរសេវាហិរញ្ញវត្ថុមិនមែនធនាគារ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់អង្គភាពសវនកម្មផ្ទៃក្នុង នៃអាជ្ញាធរសេវាហិរញ្ញវត្ថុមិនមែនធនាគារ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ចំនួន ១ ច្បាប់ សម្រាប់ជាឧត្តមប្រយោជន៍ និងប្រភពចំណេះដឹងថ្មី ក្នុងការសិក្សារៀនសូត្រនិងស្រាវជ្រាវដែលអាចជួយសម្រួលដល់ការបំពេញមុខងារនិងភារកិច្ចរបស់ក្រសួង-ស្ថាប័ននៃក្រសួងសេដ្ឋកិច្ចនិងហិរញ្ញវត្ថុ និងក្រសួង-ស្ថាប័នដទៃទៀតព្រមទាំងប្រជាពលរដ្ឋទូទៅផងដែរ។

លិខិតថ្លែងអំណរគុណរបស់និយ័តករគណនេយ្យនិងសវនកម្ម ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់និយ័តករគណនេយ្យនិងសវនកម្ម ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ចំនួន ១ ច្បាប់។ ការផ្តល់ជូននេះ គឺជាវិភាគទានដ៏មានសារៈសំខាន់និងមានគុណប្រយោជន៍បម្រើដល់កិច្ចការងារប្រចាំថ្ងៃរបស់ថ្នាក់ដឹកនាំ និងមន្ត្រីក្រោមឱវាទរបស់និយ័តករគណនេយ្យនិងសវនកម្ម។

លិខិតថ្លែងអំណរគុណរបស់និយ័តករបរធនបាលកិច្ច ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់និយ័តករបរធនបាលកិច្ច ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ"។ ការផ្តល់ជូននេះ គឺជាវិភាគទានដ៏មានសារៈសំខាន់សម្រាប់ថ្នាក់ដឹកនាំ និងមន្ត្រីក្រោមឱវាទរបស់និយ័តករបរធនបាលកិច្ច បានសិក្សាស្វែងយល់បន្ថែមពាក់ព័ន្ធនឹងទស្សនវិជ្ជាច្បាប់ខ្មែរពីបុរាណ។

លិខិតអបអរសារទរ របស់ ឯកឧត្តមបណ្ឌិត ហ៊ែល ចំរើន រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ គោរពជូនចំពោះ ឯកឧត្ដម ប្រាក់ សំអឿន រដ្ឋមន្ត្រីប្រតិភូ​អម​នាយក​រដ្ឋ​មន្ត្រី និងនាយករងខុទ្ទកាល័យ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា
----------
ខ្ញុំពិតជា​មាន​សេចក្តីសោមនស្សរីករាយក្រៃលែង និងសូមសម្តែង​នូវអំណរ​សាទរ​ប្រកបដោយ​ក្តីរំភើបរីករាយឥតឧបមា គោរពជូនចំពោះ ឯកឧត្ដម ប្រាក់ សំអឿន រដ្ឋមន្ត្រីប្រតិភូ​អម​នាយក​រដ្ឋ​មន្ត្រី និងនាយករងខុទ្ទកាល័យ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសដែល ឯកឧត្តម ត្រូវបាន ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា នាយករងខុទ្ទកាល័យ សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មាន​ឋានៈ​ស្មើ រដ្ឋមន្ត្រី។

អបអរសាទរខួបលើកទី២០ នៃព្រះរាជពិធីគ្រង ព្រះបរមរាជសម្បត្តិ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា
----------
ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៩ ខែតុលា គ.ស. ២០២៤ នាព្រះវរោកាសដ៏នក្ខត្តឫក្សប្រសើរថ្លៃថ្លានេះ ទូលបង្គំយើងខ្ញុំជាថ្នាក់ដឹកនាំ និងសមាជិក សមាជិកា នៃលេខាធិការដ្ឋានក្រុមប្រឹក្សានីតិកម្ម សូមក្រាបថ្វាយព្រះសព្ទសាធុការពរ ព្រះករុណា សូមព្រះអង្គទ្រង់ប្រកបដោយព្រះបរមសុខគ្រប់ប្រការ ព្រះកាយពលមាំមួន ព្រះរាជសុខភាពល្អបរិបូរណ៍ ព្រះបញ្ញាញាណវាងវៃ ព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជំដល់ប្រជានុរាស្ត្រកម្ពុជាជារៀងដរាបទៅ។

លិខិតថ្លែងអំណរគុណរបស់អគ្គនាយកដ្ឋានថវិកា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់អគ្គនាយកដ្ឋានថវិកា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្ដល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ចំនួន ១ ក្បាល។ ដែលជាសៀវភៅដ៏មានតម្លៃ និងបានប្រមូលចងក្រងនូវវប្បធម៌ច្បាប់ខ្មែរពីបុរាណ ក្នុងស្មារតីថែរក្សា និងលើកកម្ពស់អត្តសញ្ញាណជាតិ និងបង្ហាញពីអត្ថិភាពនៃវប្បធម៌ខ្មែរពីបុរាណ នៅមុនពេលដែលប្រព័ន្ធច្បាប់ខ្មែរត្រូវបានធ្វើទំនើបកម្ម និងសម្រាប់ជាគុណប្រយោជន៍ដល់ក្រសួងសេដ្ឋកិច្ចនិងហិរញ្ញវត្ថុ។

លិខិតថ្លែងអំណរគុណរបស់ឯកឧត្ដម មាស សុខសេនសាន រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់ឯកឧត្ដម មាស សុខសេនសាន រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូននូវសៀវភៅ "កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ" ដែលជាវិភាគទានដ៏មានសារៈសំខាន់ មិនត្រឹមតែចំពោះការបំពេញភារកិច្ចការងារប្រចាំថ្ងៃរបស់ថ្នាក់ដឹកនាំ និងមន្ត្រីរាជការប៉ុណ្ណោះទេ តែក៏នឹងក្លាយជាមូលធនឯកសារដ៏មានតម្លៃសម្រាប់អ្នកសិក្សាស្រាវជ្រាវ និងបញ្ញវន្តទូទៅផងដែរ។

ដំណើរទស្សនានៅព្រះវិហារ Sensoji ដែលត្រូវបានគេស្គាល់ថាជាព្រះវិហារ Asakusa នៅទីក្រុងតូក្យូ ប្រទេសជប៉ុន
----------
កាលពីព្រឹកថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៨ ខែតុលា គ.ស. ២០២៤, បន្ទាប់ពីបញ្ចប់កម្មវិធីទស្សនកិច្ចសិក្សា, ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងថ្នាក់ដឹកនាំ និងសមាជិក សមាជិកា នៃលេខាធិការដ្ឋានក្រុមប្រឹក្សានីតិកម្ម បានធ្វើដំណើរទស្សនានៅព្រះវិហារ Sensoji ដែលត្រូវបានគេស្គាល់ថាជាព្រះវិហារ Asakusa នៅទីក្រុងតូក្យូ ប្រទេសជប៉ុន ហើយជាព្រះវិហារមួយក្នុងចំណោមព្រះវិហារតាមពុទ្ធសាសនា ដែលល្បីល្បាញនិងចំណាស់ជាងគេបំផុតនៅក្នុងប្រទេសជប៉ុន។ ព្រះវិហារនេះ ត្រូវបានកសាងឡើងនៅអំឡុងឆ្នាំ៦២៨ នៃគ.ស.។ កាលនោះមានរឿងដំណាលថា មានបងប្អូនពីរនាក់គឺ Hinokuma Hamanari និង Hinokuma Takenari បានរកឃើញនូវរូបសំណាក Kannon តូចមួយធ្វើអំពីមាស ដែលជាព្រះនៃសេចក្តីមេត្តាករុណានៅក្នុងទន្លេ Sumida។ មេភូមិ Hajino Nakatomo បានទទួលស្គាល់ពីសារៈសំខាន់របស់រូបសំណាក ដោយទុកជាទីសក្ការៈដើម្បីឧទ្ទិស និងបានប្រែក្លាយផ្ទះរបស់គាត់ទៅជាព្រះវិហារ ដែលមានឈ្មោះថា Sensoji។
រចនាបថដើមរបស់ព្រះវិហារនេះ ត្រូវបានបំផ្លាញនៅអំឡុងពេលការវាយឆ្មក់តាមអាកាសក្នុងសង្គ្រាមលោកលើកទី២ ប៉ុន្តែត្រូវបានសាងសង់ឡើងវិញនៅសម័យក្រោយសង្គ្រាម ដែលជាសញ្ញានៃការងើបឡើងវិញ និងសន្តិភាពសម្រាប់ប្រជាជនជប៉ុន ព្រមទាំងជានិមិត្តរូបនៃភាពធន់នៃប្រជាជាតិជប៉ុន។
ច្រកចូលសំខាន់ទៅកាន់ប្រាសាទគឺ Kaminarimon (ទ្វារន្ទះ) ដែលត្រូវបានតុបតែងដោយចង្កៀងពណ៌ក្រហមដ៏ធំ និងរូបសំណាក Fujin (ព្រះនៃខ្យល់) និង Raijin (ព្រះនៃផ្គរលាន់)។ ច្រកនេះនាំទៅកាន់ Nakamise-dori ដែលជាផ្លូវដើរទិញឥវ៉ាន់ដ៏មមាញឹកជាមួយនឹងអាហារសម្រន់ និងវត្ថុអនុស្សាវរីយ៍បែបប្រពៃណី ដែលតភ្ជាប់ទៅច្រកទ្វារធំនៃព្រះវិហារនេះ គឺ Hozomon។ លើសពី Hozomon (Sanmon-ទ្វារបី) បានបង្កប់នូវទស្សនវិជ្ជាពុទ្ធសាសនាតាមបែបឈាន ឬហ្សេន (Zen) គឺ សុញ្ញតា (Emptiness), អនិមិត្តា (Formlessness), ខន្តី ឬអំណត់ (Non-Action)។
នៅក្បែព្រះវិហារធំនេះ ក៏មានអគារបុរាណមួយកម្ពស់ប្រាំជាន់ ដែលតំណាងឱ្យធាតុទាំងប្រាំ នៃចក្រវាឡ ឬលោកធាតុ នៃពុទ្ធសាសនាតាមបែបឈាន ឬហ្សេន (Zen) គឺទឹក ដី ភ្លើង ខ្យល់ និងអាកាស។
ជាងនេះទៅទៀត នៅក្នុងបរិវេណនៃព្រះវិហារនេះ ក៏មានទីសក្ការៈបូជា Asakusa (Asakusa Jinja) ជាទីសក្ការបូជាបែបសាសនា Shinto ដែលស្ថិតនៅជាប់នឹងព្រះវិហារ Sensoji ដែលឆ្លុះបញ្ចាំងពីការបញ្ចូលគ្នាជាប្រវត្តិសាស្ត្រនៃសុខដុមនីយកម្មសាសនារវាងព្រះពុទ្ធសាសនាតាមបែបឈាន និង Shinto នៅក្នុងប្រទេសជប៉ុន។

កិច្ចសំណេះសំណាល ជាមួយថ្នាក់ដឹកនាំក្រសួងអប់រំ យុវជន និងកីឡា, ថ្នាក់ដឹកនាំសមាគមនាវាយុវជនអាស៊ីអាគ្នេយ៍កម្ពុជា និងប្រតិភូយុវជនចូលរួមកម្មវិធីនាវាយុវជនអាស៊ីអាគ្នេយ៍និងជប៉ុន SSEAYP
----------
នាព្រឹកថ្ងៃពុធ ៦រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៣ ខែតុលា គ.ស. ២០២៤ ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ បានទទួលជួបសំណេះសំណាល ជាមួយថ្នាក់ដឹកនាំក្រសួងអប់រំ យុវជន និងកីឡា, ថ្នាក់ដឹកនាំសមាគមនាវាយុវជនអាស៊ីអាគ្នេយ៍កម្ពុជា និងប្រតិភូយុវជនចូលរួមកម្មវិធីនាវាយុវជនអាស៊ីអាគ្នេយ៍និងជប៉ុន សរុបចំនួន ២១ រូប។ ឯកឧត្តមបណ្ឌិតរដ្ឋលេខាធិការ បានចែករំលែកបទពិសោធន៍អំពីការអនុវត្តការងារកែទម្រង់របស់រាជរដ្ឋាភិបាល និងការងារនីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងពុទ្ធិគន្លឹះៗ ដល់ប្រតិភូយុវជន ដែលត្រូវទៅចូលរួមកម្មវិធីនាវាយុវជនអាស៊ីអាគ្នេយ៍និងជប៉ុន ដោយនាវានឹងត្រូវចូលចតនៅប្រទេសចំនួនបី ប្រទេសឥណ្ឌូនេស៊ី ប្រទេសវៀតណាម និងប្រទេសជប៉ុន នាពេលខាងមុខ។ ទន្ទឹមនេះ ថ្នាក់ដឹកនាំសមាគមនាវាយុវជនអាស៊ីអាគ្នេយ៍កម្ពុជា ក៍បានប្រគល់ជូននូវលិខិតថ្លែងអំណរគុណ សម្រាប់ការអនុញ្ញាតឱ្យចូលជួបសម្ដែងការគួរសមនេះ ជូនចំពោះឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី និងឯកឧត្ដមបណ្ឌិតរដ្ឋលេខាធិការ ផងដែរ។ ជាចុងក្រោយឯកឧត្តមបណ្ឌិត បានចែកជូននូវស្នាដៃនីតិសាស្រ្តរបស់ក្រុមប្រឹក្សានីតិកម្ម ដល់ថ្នាក់ដឹកនាំ និងប្រតិភូយុវជន ដើម្បីប្រើប្រាស់តាមការចាំបាច់។

ដំណើរទស្សនានៅតំបន់ទីសក្ការៈ Meiji នៅទីក្រុងតូក្យូ ប្រទេសជប៉ុន
----------
កាលពីរសៀលថ្ងៃព្រហស្បតិ៍ ១៥កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៧ ខែតុលា គ.ស. ២០២៤, បន្ទាប់ពីបញ្ចប់កម្មវិធីទស្សនកិច្ចសិក្សា, ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងថ្នាក់ដឹកនាំ និងសមាជិក សមាជិកា នៃលេខាធិការដ្ឋានក្រុមប្រឹក្សានីតិកម្ម បានធ្វើដំណើរទស្សនានៅតំបន់ទីសក្ការៈ Meiji ដែលជាទីសក្ការៈដ៏ពេញនិយមបំផុតមួយរបស់ប្រទេសជប៉ុន។ ទីសក្ការៈនេះ ត្រូវបានសាងសង់ជូនដល់វិញ្ញាណក្ខន្ធរបស់អធិរាជ Meiji និងព្រះមហេសី Shōken ដែលត្រូវបានបញ្ចប់ការសាងសង់ក្នុងឆ្នាំ១៩២០ បន្ទាប់ពីទ្រង់ទាំងពីរសោយទីវង្គត់។ អធិរាជ Meiji ជាអធិរាជដំបូងបង្អស់របស់ប្រទេសជប៉ុនទំនើប ដែលទ្រង់បានឡើងគ្រងរាជ្យក្នុងឆ្នាំ១៨៦៧ ហើយសម័យកាលរបស់ទ្រង់ជាសម័យកាលដ៏រុងរឿងបំផុត ដែលសម័យកាលនោះ រដ្ឋាភិបាល Meiji បានអនុវត្តកម្មវិធីទំនើបភាវូបនីយកម្មដ៏ទូលំទូលាយមួយក្នុងគោលបំណងផ្លាស់ប្តូរប្រទេសជប៉ុនទៅជារដ្ឋបែបលោកខាងលិច និងការអនុវត្តកំណែទម្រង់សំខាន់ៗរួមមាន ការលុបបំបាត់រចនាសម្ព័ន្ធវណ្ណៈសក្តិភូមិ និងការអនុវត្តកំណែទម្រង់ពន្ធយ៉ាងទូលំទូលាយ។ សម័យកាល Meiji គឺជាសម័យនៃឧស្សាហូបនីយកម្ម និងការអភិវឌ្ឍន៍សេដ្ឋកិច្ចយ៉ាងឆាប់រហ័ស។ នៅចុងបញ្ចប់នៃសម័យកាល Meiji ប្រទេសជប៉ុនបានផ្លាស់ប្តូរដោយជោគជ័យពីសង្គមសក្តិភូមិ ទៅជាប្រទេសឧស្សាហកម្មទំនើប។

កម្មវិធីទស្សនកិច្ចសិក្សា “ភាពជាអ្នកដឹកនាំនិងការគ្រប់គ្រងក្នុងស្ថាប័ន” នៅទីក្រុងតូក្យូ ប្រទេសជប៉ុន
----------
ដោយមានការអនុញ្ញាតដ៏ខ្ពង់ខ្ពស់ពីឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, កាលពីថ្ងៃចន្ទ ១២កើត ដល់ ថ្ងៃព្រហស្បតិ៍ ១៥កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី ១៤ ដល់ ១៧ ខែតុលា គ.ស. ២០២៤, ក្រោមការដឹកនាំផ្ទាល់របស់ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្មនៃក្រសួងសេដ្ឋកិច្ចនិងហិរញ្ញវត្ថុ ព្រមទាំងមានការចូលរួមពីថ្នាក់ដឹកនាំ និងសមាជិក សមាជិកា នៃលេខាធិការដ្ឋានក្រុមប្រឹក្សានីតិកម្ម បានចូលរួមកម្មវិធីទស្សនកិច្ចសិក្សា “ភាពជាអ្នកដឹកនាំនិងការគ្រប់គ្រងក្នុងស្ថាប័ន” នៅវិទ្យាស្ថាន National Graduate Institute For Policy Studies នៃទីក្រុងតូក្យូ ប្រទេសជប៉ុន លើប្រធានបទចំនួន ៤ ដូចខាងក្រោម៖
១. Knowledge Creation and Leadership Theories
២. Organization and Structure of Government
៣. Evidence-Based Policy Making
៤. Problem-Solving and Decision Making
កម្មវិធីទស្សនកិច្ចសិក្សានេះបានបញ្ចប់ទៅដោយជោគជ័យ និងទទួលបានលទ្ធផលជាផ្លែផ្កាគួរជាទីសោមនស្ស។

ព្រះរាជពិធីគោរព ព្រះវិញ្ញាណក្ខន្ធ គម្រប់ខួប ១២ឆ្នាំ នៃការយាងសោយព្រះទិវង្គត ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ
----------
សូមថ្វាយមហាព្រះរាជកុសល ព្រះករុណា ព្រះបាទ សម្ដេចព្រះ នរោត្ដម សីហនុ ព្រះបរមរតនកោដ្ឋ ខួបគម្រប់ ១២ឆ្នាំ នៃការយាងសោយព្រះទិវង្គត (១៥ តុលា ២០១២ - ១៥ តុលា ២០២៤ )
សូមថ្វាយមហាព្រះរាជកុសលព្រះវិញ្ញាណក្ខន្ធ ព្រះបរមរតនកោដ្ឋ សូមទ្រង់យាងបដិសន្ធិក្នុងព្រះបរមសុគតិភពកុំបីឃ្លៀងឃ្លាតឡើយ។

កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំត្រីមាសទី៣ គ.ស. ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម
----------
នៅថ្ងៃសុក្រ ៩កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែតុលា គ.ស. ២០២៤ នៅសណ្ឋាគារ សុខាភ្នំពេញ, ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម បានដឹកនាំកិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំត្រីមាសទី៣ គ.ស. ២០២៤ និងការផ្សព្វផ្សាយស្នាដៃនីតិកម្ម របស់លេខាធិការដ្ឋានក្រុមប្រឹក្សានីតិកម្ម ដោយមានការចូលរួមពីថ្នាក់ដឹកនាំ និងសមាជិក សមាជិកាទាំងអស់ នៃលេខាធិការដ្ឋានក្រុមប្រឹក្សានីតិកម្ម ដើម្បីពិនិត្យ និងពិភាក្សាតាមរបៀបវារៈ ដូចខាងក្រោម៖
១. របាយការណ៍វឌ្ឍនភាពការងារប្រចាំត្រីមាសទី៣
២. បញ្ហាប្រឈម សំណើ និងដំណោះស្រាយ
៣. បទបង្ហាញចែករំលែកចំណេះដឹង
៤. កិច្ចពិភាក្សាលើប្រធានបទខាងលើ
៥. ផ្សេងៗ។

សូមអនុមោទនាពិធីបុណ្យភ្ជុំបិណ្ឌ🙏🙏
----------
ក្នុងឱកាសពិធីបុណ្យភ្ជុំបិណ្ឌនេះ សូមគោរពជូនពរ សម្ដេច ឯកឧត្ដម លោកជំទាវ លោក លោកស្រី មន្រ្តីរាជការ និងបងប្អូនប្រជាពលរដ្ឋទូទាំងប្រទេស សូមជួបប្រទះនូវ សេចក្ដីសុខ សេចក្ដីចម្រើន បញ្ញាវាងវៃ ជោគជ័យ និងសុភមង្គលក្នុងក្រុមគ្រួសារ។

អបអរសាទរខួបទី៣១ ទិវាប្រកាសរដ្ឋធម្មនុញ្ញ នៃព្រះរាជាណាចក្រកម្ពុជា ១៩៩៣-២០២៤
----------
កម្ពុជា បានចាប់ផ្តើមបង្កើតរដ្ឋធម្មនុញ្ញលើកដំបូងនៅក្នុងឆ្នាំ១៩៤៧។ រដ្ឋធម្មនុញ្ញដែលកម្ពុជា កំពុងប្រើប្រាស់នាពេលបច្ចុប្បន្នជារដ្ឋធម្មនុញ្ញលើកទី៦ ត្រូវបានអនុម័តដោយសភាធម្មនុញ្ញ នៅថ្ងៃទី២១ ខែកញ្ញា ឆ្នាំ១៩៩៣ ហើយត្រូវបាន ព្រះមហាក្សត្រ នៃប្រទេសកម្ពុជា ព្រះបរមរតនកោដ្ឋ ព្រះវររាជបីតា ឯករាជជាតិ នរោត្តម សីហនុ ប្រកាសឱ្យប្រើប្រាស់ជាផ្លូវការ ដោយព្រះរាជក្រមចុះថ្ងៃទី២៤ ខែកញ្ញា ឆ្នាំ១៩៩៣។

“កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ”
----------
ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ បានសម្របសម្រួលនិងសហការជាមួយក្រសួង ស្ថាប័នពាក់ព័ន្ធ រៀបចំនូវ វេទិកាស្ដីពីជំនុំច្បាប់ខ្មែរ តាមរយៈលទ្ធផលនៃអង្គវេទិកា អង្គវេទិកាទាំងមូល បានផ្តួចផ្តើមនិងគាំទ្រឱ្យមានការប្រមូលឯកសារពាក់ព័ន្ធការរៀបចំវេទិកាស្តីពីជំនុំច្បាប់ខ្មែរ ដើម្បីរៀបចំចងក្រងជា
សៀវភៅ ដែលមានចំណងជើងថា “កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរពីបុរាណ” នេះឡើង ដែលកម្រងឯកសារនេះ នឹងក្លាយជាឧបករណ៍ការងារគន្លឹះមួយ រួមចំណែកដល់ការពង្រឹងនិងបង្កើនគុណតម្លៃស្នូលទាំង ៤ រួមមាន គុណតម្លៃគតិយុត្ត
គុណតម្លៃវប្បធម៌ គុណតម្លៃប្រវត្តិសាស្ត្រ និងគុណតម្លៃអប់រំ សម្រាប់តួអង្គពាក់ព័ន្ធ និងជាឧបករណ៍គន្លឹះរួមចំណែកផ្តល់ជាវិភាគទានខាងពុទ្ធិ ដល់ការយល់ដឹង ការរៀនសូត្រ និងការសិក្សាស្រាវជ្រាវរបស់អ្នកច្បាប់ អ្នកអក្សរសាស្ត្រ អ្នកវប្បធម៌ អ្នកទស្សនវិជ្ជា អ្នកស្រាវជ្រាវ សាស្ត្រាចារ្យ បញ្ញវន្ត និស្សិត និងសាធារណជនទូទៅផងដែរ។

កម្មវិធីបច្ចេកវិទ្យាព័ត៌មាន នៅលើឧបករណ៍ឆ្លាតវៃ និងគេហទំព័រ សម្រាប់ “ឯកសារពាក់ព័ន្ធនឹងគម្រោងភាពជាដៃគូរវាងរដ្ឋ និងឯកជន”
----------
ប្រតិបត្តិតាមការណែនាំដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម, លេខាធិការដ្ឋានក្រុមប្រឹក្សានីតិកម្ម បានរៀបចំកម្មវិធីបច្ចេកវិទ្យាព័ត៌មានសម្រាប់ “ឯកសារពាក់ព័ន្ធនឹងគម្រោងភាពជាដៃគូរវាងរដ្ឋ និងឯកជន” ក្នុងនោះរួមមាន ច្បាប់ស្តីពីភាពជាដៃគូរវាងរដ្ឋ និងឯកជន, នីតិវិធីគ្រប់គ្រងប្រតិបត្តិការរួមសម្រាប់គម្រោងភាពជាដៃគូរវាងរដ្ឋ និងឯកជន និងសទ្ទានុក្រម ស្ដីពី ភាពជាដៃគូរវាងរដ្ឋ និងឯកជន សម្រាប់ប្រើប្រាស់លើឧបករណ៍ឆ្លាតវៃ និងគេហទំព័រ។ ទន្ទឹមនេះ លេខាធិការដ្ឋានក្រុមប្រឹក្សានីតិកម្មបានដាក់ឱ្យប្រើប្រាស់រួចរាល់ នូវកម្មវិធីបច្ចេកវិទ្យាព័ត៌មាននេះ ដើម្បីអាចឱ្យថ្នាក់ដឹកនាំ និងមន្ត្រីរាជការក្រោមឱវាទក្រសួងសេដ្ឋកិច្ចនិងហិរញ្ញវត្ថុ ក៏ដូចជាក្រសួង-ស្ថាប័នពាក់ព័ន្ធ និងសាធារណជនទូទៅ ទាញយក និងប្រើប្រាស់ជាការផ្ដល់ធាតុចូលដ៏សំខាន់មួយចំនួន ព្រមទាំងជាឯកសារជំនួយស្មារតី។ កម្មវិធីបច្ចេកវិទ្យាព័ត៌មាននេះ ត្រូវបានធ្វើសមាហរណកម្មចូលទៅក្នុង បណ្ណាល័យអេឡិចត្រូនិកនៃក្រុមប្រឹក្សានីតិកម្ម ដោយអាចស្វែងរកបានតាមរយៈពាក្យគន្លឹះ “MEF” ឬ “Legal Library of MEF” ឬតាមតំណភ្ជាប់ខាងក្រោម៖
- ឧបករណ៍ឆ្លាតវៃ (Smart Phone)៖ https://onelink.to/kzns2r
- គេហទំព័រ៖ https://www.legalcouncilmef.com

កិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំខែសីហា គ.ស. ២០២៤ របស់លេខាធិការដ្ឋានក្រុមប្រឹក្សានីតិកម្ម
----------
នៅថ្ងៃសុក្រ ១១កើត ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៣ ខែកញ្ញា គ.ស. ២០២៤ នៅសណ្ឋាគារ ភ្នំពេញ, ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម បានដឹកនាំកិច្ចប្រជុំត្រួតពិនិត្យនិងវាយតម្លៃវឌ្ឍនភាពការងារប្រចាំខែសីហា គ.ស. ២០២៤ របស់លេខាធិការដ្ឋានក្រុមប្រឹក្សានីតិកម្ម ដោយមានការចូលរួមពីថ្នាក់ដឹកនាំ និងសមាជិក សមាជិកាទាំងអស់ នៃលេខាធិការដ្ឋានក្រុមប្រឹក្សានីតិកម្ម ដើម្បីពិនិត្យ និងពិភាក្សាតាមរបៀបវារៈ ដូចខាងក្រោម៖
១. របាយការណ៍វឌ្ឍនភាពការងារប្រចាំខែ
២. បញ្ហាប្រឈម សំណើ និងដំណោះស្រាយ
៣. បទបង្ហាញចែករំលែកចំណេះដឹង
៤. កិច្ចពិភាក្សាលើប្រធានបទខាងលើ
៥. ផ្សេងៗ។

សារលិខិតរបស់ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា ថ្លែងអំណរព្រះរាជគុណថ្វាយ ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។

ព្រះរាជសារអបអរសាទរ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលសញ្ញាបត្របណ្ឌិតកិត្តិយស "ភាពជាអ្នកដឹកនាំ និងការកសាងសន្តិភាព" ពីសាកលវិទ្យាល័យ ដុងហ្គុកវាយស៍ (Dongguk Wise University) នៃសាធារណរដ្ឋកូរ៉េ នៅថ្ងៃទី១២ ខែកញ្ញា ឆ្នាំ២០២៤ ក្នុងឱកាសអញ្ជើញទៅចូលរួមក្នុងវេទិកាចំណេះដឹងពិភពលោកលើកទី២៥ នៅសាធារណរដ្ឋកូរ៉េ។

សារលិខិតរបស់ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា ថ្លែងអំណរព្រះរាជគុណថ្វាយ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល។

ព្រះរាជសារអបអរសាទរ របស់សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ នៃព្រះរាជាណាចក្រកម្ពុជា ជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលសញ្ញាបត្របណ្ឌិតកិត្តិយស "ភាពជាអ្នកដឹកនាំ និងការកសាងសន្តិភាព" ពីសាកលវិទ្យាល័យ ដុងហ្គុកវាយស៍ (Dongguk Wise University) នៃសាធារណរដ្ឋកូរ៉េ នៅថ្ងៃទី១២ ខែកញ្ញា ឆ្នាំ២០២៤ ក្នុងឱកាសអញ្ជើញទៅចូលរួមក្នុងវេទិកាចំណេះដឹងពិភពលោកលើកទី២៥ នៅសាធារណរដ្ឋកូរ៉េ។

លិខិតថ្លែងអំណរគុណរបស់គណៈមេធាវីនៃព្រះរាជាណាចក្រកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
----------
លិខិតថ្លែងអំណរគុណរបស់គណៈមេធាវីនៃព្រះរាជាណាចក្រកម្ពុជា ជូនចំពោះក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ដែលបានផ្តល់ជូនសៀវភៅ "កម្រងសម្រង់បទប្បញ្ញត្តិច្បាប់សំខាន់ៗទាក់ទងសមត្ថកិច្ចរបស់ក្រសួងសេដ្ឋកិច្ច និងហិរញ្ញវត្ថុ" ចំនួន ១ ឈុត ដ៏មានសារសំខាន់ដែលជាឧបករណ៍ជំនួយស្មារតី ដែលផ្ដល់ចំណេះដឹងដល់អ្នកសិក្សាស្រាវជ្រាវ និងជួយសម្រួលដល់ការប្រកបវិជ្ជាជីវៈរបស់មេធាវីលើអនុវិស័យសំខាន់ៗដូចជា ការគ្រប់គ្រងហិរញ្ញវត្ថុសាធារណៈ ទ្រព្យសម្បត្តិរដ្ឋ ចំណូលមិនមែនសារពើពន្ធ លទ្ធកម្មសាធារណៈ ពន្ធដារ គយនិងរដ្ឋាករ សេដ្ឋកិច្ចឌីជីថល និងទិដ្ឋភាពសំខាន់ៗផ្សេងទៀតទាក់ទងនឹងសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ។

លិខិតថ្លែងអំណរគុណ របស់ឯកឧត្ដមបណ្ឌិត ហ៊ែល ចំរើន រដ្ឋលេខាធិការ, អនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ និងជាសមាជិកគណៈកម្មាធិការដឹកនាំការកែទម្រង់ច្បាប់ ជូនចំពោះឯកឧត្ដមបណ្ឌិតសភាចារ្យ សុក ស៊ីផាន់ណា ទេសរដ្ឋមន្រ្តីទទួលបន្ទុកបេសកកម្មពិសេស
----------
លិខិតថ្លែងអំណរគុណ របស់ឯកឧត្ដមបណ្ឌិត ហ៊ែល ចំរើន រដ្ឋលេខាធិការ, អនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ និងជាសមាជិកគណៈកម្មាធិការដឹកនាំការកែទម្រង់ច្បាប់ ជូនចំពោះឯកឧត្ដមបណ្ឌិតសភាចារ្យ សុក ស៊ីផាន់ណា ទេសរដ្ឋមន្រ្តីទទួលបន្ទុកបេសកកម្មពិសេស ដែលបានផ្ដល់ នូវនិក្ខេបបទស្ដីពី “Analyse de la dualité juridique au Cambodge” ចំនួន ០១ច្បាប់។ សៀវភៅនេះពិតជាមានគុណតម្លៃនិងគុណប្រយោជន៍ ដែលនឹងផ្ដល់ជាធាតុចូលយ៉ាងច្រើនសម្បើមដល់ការងារកែទម្រង់ច្បាប់របស់រាជរដ្ឋាភិបាល។
ព្រមជាមួយគ្នានេះ ឯកឧត្ដមបណ្ឌិតបានគោរពផ្ញើជូន ឯកឧត្ដមបណ្ឌិតសភាចារ្យ ទេសរដ្ឋមន្រ្តី នូវនិក្ខេបបទថ្នាក់បណ្ឌិតរបស់ខ្ញុំ ស្ដីពី “Les conflits fonciers au Cambodge : contribution à la connaissance du droit de propriété cambodgien” ដើម្បីទុកជាឯកសារជំនួយស្មារតី សម្រាប់ការបំពេញការងាររបស់ឯកឧត្ដម ឱ្យទទួលបានលទ្ធផលឧត្ដុង្គ ឧត្ដម ប្រកបដោយគុណតម្លៃគួរជាមោទនៈ។

កិច្ចសំណេះសំណាល ជាមួយនិស្សិតបញ្ចប់ការសិក្សាដោយជោគជ័យ និងនិស្សិតជ័យលាភីប្រលងជាប់អាហារូបករណ៍របស់រដ្ឋាភិបាលសហព័ន្ធរុស្ស៊ី សម្រាប់ឆ្នាំសិក្សា ២០២៤-២០២៥
----------
នាព្រឹកថ្ងៃសុក្រ ១១រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែសីហា ឆ្នាំ២០២៤ ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ បានទទួលជួបសំណេះសំណាល ជាមួយនិស្សិតបញ្ចប់ការសិក្សាដោយជោគជ័យ និងនិស្សិតជ័យលាភីប្រលងជាប់អាហារូបករណ៍របស់រដ្ឋាភិបាលសហព័ន្ធរុស្ស៊ី សម្រាប់ឆ្នាំសិក្សា ២០២៤-២០២៥ ចំនួន ៣៤រូប។ ឯកឧត្តមបណ្ឌិតរដ្ឋលេខាធិការ បានចែករំលែកបទពិសោធន៍អំពីការអនុវត្តការងារកែទម្រង់របស់រាជរដ្ឋាភិបាល និងការងារនីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងពុទ្ធិគន្លឹះៗ ដើម្បីជាឧត្ដមប្រយោជន៍ ដល់ការបន្តការសិក្សា របស់និស្សិតជ័យលាភី នៅសហព័ន្ធរុស្ស៊ី នាពេលខាងមុខ។ ជាចុងក្រោយឯកឧត្តមបណ្ឌិត បានចែកជូននូវស្នាដៃនីតិសាស្រ្តរបស់ក្រុមប្រឹក្សានីតិកម្ម ដល់និស្សិតជ័យលាភីអាហារូបករណ៍ ដើម្បីប្រើប្រាស់តាមការចាំបាច់។