قصائد الشاعر علي الابراهيمي

سورةُ الرحمنِ قالت مايلي
    مرج البحرينِ في دارِ علي
           فلؤلؤُ   ومرجان
          تعني كريمَ عدنان
            أسمهُ المجتبى
●●●●●●●●●●●●●●●●●
                
آيه صرح  بيهه  عالي  المنزله
نزلت بحق فاطمه  وعقد الوله
اتكول مرجان أرزق الدار وهله
لا شنو المرجان فدوه ايروح اله


وُلدَ   الإيثارُ   والنورُ   معاً
وأنا  أسميته بإسمِ الحسن
     شبلُ شريكِ القرآن
     تعني كريم عدنان
        اسمه المنجتبى
●●●●●●●●●●●●●●

ناده رب العزه وين املاكي وين
والتريد ارضى عليهه من سنين
خلو بس فطرس يتاني بعدحين
من تشع  الدنيا  بأنوار  الحسين


ذا كريم  الآلِ  يتلوهُ  الشهيد
فأنهلوا  الانوارَ من هذا الوليد
     إن  عبيرَ  الاكوان
     تعني كريم عدنان
       اسمه المجتبى
●●●●●●●●●●●●●●●●

وبعد ناده الباري طه وبشره
يامحمد  كله  بشر  الصابره
مثل ما اهديتك آنه الطاهره
الحسن مني هديه  الحيدره


ذا وليي والسراطُ المستقيم
رابع  الانوار  يدعى بالكريم
      فيا قديم الاحسان
      تعني كريم  عدنان
        اسمه المجتبى

●●●●●●●●●●●●●●●
                  
هذا  فتشة  عين امه  فاطمه
سر الانوار التشع من مبسمه
ربنه لولا  ماخلق ارض وسمه
ينتهي  يمه  الكرم  والمكرمه


مادرت يُسراهُ ما تُعطي اليمين
جودهُ  من جود  رب العالمين
        كل  عطايا  المنان
        تعني كريم عدنان
          اسمه المجتبى

●●●●●●●●●●●●●●●

يلي عندك حاجه اشرب واغترف
من بحر مهجة الزهره الما يجف
إذكر احروفه اعله كل راية ترف
وحاجتك مقضيه وي حرف الالف


كُلُ  نورِِ    نازلاً   وصاعدا
لا يساوي منه حرفا واحدا
    ( للهِ كان برهان )
    تعني كريم عدنان
     اسمه المجتبى
●●●●●●●●●●●●●●

علي الابراهيمي

تقول الرايه في موسوعة بطل العلقمي
للراحل الشيخ محمد رضا المظفر

ان الإمام السجاد قال
إستأجرت الناس لتشييع
عمتي زينب ..... فأبوا .....

إلسأل جار الزمن بيه ؟ بلى جار
وهم زين إوصلت كبري بلا .. جَر
زينب و اليشيعوني .... بالآجار
وإليه اخوان بارض الغاضريه

...علي الابراهيمي...

ليلة شهادة مولاتنا زينب عليها السلام
عظم الله لكم الاجر

https://youtu.be/4MEImykC71A?si=dUM2A4GVX1balIP-

https://youtu.be/MS-dX4ZCSQk

https://youtu.be/yx9UNkL0rG0?si=l1E2qjgNFYse21UN

https://youtu.be/_91ab6fOqIc

شلون ايام .. بدرب الشام .. كلشي صعب

وما مسموح. .. وحده اتنوح ..طول الدرب

………………………………

سارن والدرب شمات وكل وحده بإسم تلهج
صعدن والروايه اتكول من صعدن بلا هودج
صح صعبه لچن الصار غربه وناس تتفرج
وملتمه الخلك عالنوگ من كل ناحيه وكل فج

زغار اكبار .. والانظار .. اتفطر الگلب

وما مسموح. .. وحده اتنوح ..طول الدرب

………………………………

يا ناس السبيه تريد من تبجي توشل العين
مو تجري الدمع بسكوت لا يسمعها حادي البين
طفله امن المشن كل ساع تسأل هالسفر لا وين
وليش امن ابجي يالجمال .سوطك يضرب المتنين
تضرب ليش .. چنك جيش .. وكت الحرب

وما مسموح. .. وحده اتنوح ..طول الدرب

………………………………

صاحت سكنه يالحداي حظر سوطك وشيله
امري ال الله يالسلاب راح حسيني ابچيله
اضربني لَمَن يبعد الشايل رمح ابو العيله
ينزف راس ابوي حسين من تضرب مداليله

من يا عين .. يبچي حسين .. وكلهن ترب
وما مسموح. .. وحده اتنوح ..طول الدرب

………………………………

زينب حاجت النسوان .. وگالت يا گلب زينب
خل نلزم سره اعله النوح.. لا بالسوط نتعذب
باجر من نطب الشام .. خل يعله البچي وننحب
مامسموعه ونة السوگ.. بس نسمع اذا ننسب

راح انشوف .. اشكال الخوف .. بين الغرب
وما مسموح. .. وحده اتنوح ..طول الدرب

………………………………

باجر ندخل اعله الشام.. نلگه الديره فرحانه
وباجر وحده راح تموت. بالمجلس وديوانه
وكلهن صاحن بفد صوت. يا عمتنا كون آنه
المن عايش الينگاد. بالصحره بله اخوانه

بعازة ماي .. وصار هواي .. عشنه برعب

وما مسموح. .. وحده اتنوح ..طول الدرب

………………………………
علي الابراهيمي

سار ضعن الفواطم امام اعين ام البنين عليها السلام فخاطبت السيده زينب عليها السلام من بعيد
...............

يمه من راح الضعن جنكم سبايه

الرايه فوكاكم واكولن ماكو رايه

       الله    وياكم    كلتهه

     والله   يرحمكم   تصير
    ●●●●●●●●●●●●●●●●

أذكر آخر جلمه يمه انشوفج بخير
وآنه شفت الخير بس والينه تطبير
شما بعدتوا اعله النواظرمهجتي تحير
الرايه ماكو  ومهد ماكو ومنذبح طير

زينب انتي الجنت اسميج الاميره
ليش مجتوفه وشفت بيدج حصيره
   شكدصحت بس ماسمعتي
     بنيتي   شلج   بالحصير
     
         الله    وياكم     كلتهه
         والله  يرحمكم  تصير
●●●●●●●●●●●●●●●●●●
آنه والطفله العليله شكد بجينه
من تركتونه على الكاع انجفينه
هيه صاحت هلله هلله حسين وينه
وآنه اجاوب بالسيوف امكطعينه

ردت  وكالت  انشدج  يالجليله
يمه ليش  إنياكهم صارت هزيله
     ويمه اضن ذيجه حميده
     وبس   تناشد   عالسفير
    
     الله      وياكم     كلتهه
     والله    يرحمكم   تصير
●●●●●●●●●●●●●●●●●
ابني ذاك الفوك راسه عمامه خضره
مدري ليش إمبينه إمن بعيد حمره
اليمنه ماموجوده عنده ولاكو يسره
وجوده عطشان ويدورله اعله كطره

اي يزينب طاح كلبي اعله الترابه
دنكت شلته وشفت طف وخرابه
        وعرفت  كلكم عطاشه
       والأميره    ابلا     امير

      الله     وياكم    كلتهه
      والله   يرحمكم   تصير
●●●●●●●●●●●●●●●●
ذيجه نار خيام  انظرهه  وجوتني
وذاكه واحد مدري شيعت ويعتني
وذاكه سوط اشما نزل يوجعني متني
ها  يزينب  حالة  اهلج  شيبتني

الله وياكم  كلت  شو  رحمه  صارت
وهالمشاهد كلهه وسط عيوني دارت
        كون  يازينب احضرج
        بكربله   ويمج   اصير

        الله    وياكم     كلتهه
       والله  يرحمكم   تصير
●●●●●●●●●●●●●●●●
آنه ما اذكر طشت خلاه إلحنين
بالمحامل جا  إجاكم زينب امنين
عاينت بالدم علي مكتوب الحسين
يمه لا هذا الطشت مالت دواوين

هالطشت يمه اشيسوي يم رقيه
والسبيه شلون اذا دفنت سبيه
   كولي شنهو الجاي اشوفه
    وبوحي   بالسِر   الجبير

   الله     وياكم     كلتهه
   والله    يرحمكم   تصير
●●●●●●●●●●●●●●●●
علي الابراهيمي

ابو ذيات  العزاء

السيده زينب عليها السلام مخاطبة اخوتها في ليلة الحادي عشر

أنه الجانت تكلي  الناس   يمكم
اريد اكعد و أوشل العين   يمكم
جمعت حسين لاجن كوم  يم كوم
بظلام وضاعت ارسومه عليه


بسنه السبي ودربه     بسنه شامه
وذره  ودخان  لسه      بس نشامه  بس نشمه
جبت سبعين  زلمه     بس نشامه
فياي اعله الرمح جانوا اليه


امسه المسه وآنه اصبر   لميته
وبناتي  ميته  واتدنت     لميته
مشيت  بليل لبن امي     لميته
ابعباتي  وشم  اثر دخان  بيه


ياجعفر صحت.. عباس .. ياعون
يبعد اهلي متى النيام    ياعون
وكت العونه خلص بعد   ياعون
اعذرتكم وآنه عالناكه سبيه


يالبضلك عليه سنين     ضليت
تهت دون اخوتي وباليل ضليت
اخبرك ياعلي بهاليوم   ضليت
ادير  بناظري  ومحد  اليه


لمولاتي العليله

صحت تانوني والحادي  متانه
دواي حسين وفراشي  متانه متونه
المات ارتاح من علته  متى آنه
اموتن واخلص امن المغربيه



مولاتي رقيه
كبل  عباس  فيه     لامهنه
واجه الطف لا توانه  لا مهنه
يسلاب  التراجي  لا  مهنه
بيهن وانتظر حوبة رقيه


للقاسم عليه السلام
تسع  تشهر  وحملك   عاشريته
وعشرة هوه وريه     عاشريته
ابوك الحسن يبني    عاش ريته
ويشوفك من طحت فوك الوطيه

علي الابراهيمي

كان لها اباً ثانياً فودعها
قبل ان تشفى واخذ معهُ دوائها
وألقاهُ على نهر العلقمي .
'''''''''''''''''''''''''''''''''''''''''''''''''''''''''''''''
توادعنه وبچينه وجفني بعدك ماغمض
مشيت الكربله انت وآنه لفراش المرض
يابو جربه التنترس من عينك
لو ردت اشرب دوه امن ايمينك
امشي وين
●●●●●●●●●●●

من كبل ليله برحيلك
إمن المرض ضليت أون
ومن عرفتك عني ماشي
كتلك ارد أشبع حَضِن

عمي ياعباس يا اغلى العمام
احضني بذراع المحنه وخل انام
بالسلامه اتروح وترد ابسلام

اريد احلم تروح الكربله وشايل علم
واريد اتصورك راجعلي ماشايل سهم
راح اضل وي علتي امتانيك
لوردت اشرب دوه إمن ايمينك
امشي وين ... امشي وين
●●●●●●●●●●●●

ودعتني وعيني طاحت
وي دموعي السايله
واسمعت كلت الخواتي
ما تروح الكربله

ما سألتك ياهي يا ضي العيون
وابعدت عنكم اخافن تستحون
من شفتكم من بعد تتشاورون

كلت باجر نعوف إبنيه وحده ومانجيهه
يسكنه ويارقيه اتوادعوا وسلمن عليهه
وآنه ضليت بأمل جفينك
لو ردت اشرب دوه إمن ايمينك
امشي وين ... امشي وين

●●●●●●●●●●
آنه متعوده اعله مايك
يا اعز إمن الهوه
وجلمة إبنيتي عوافي
هيه جانتلي الدوه

عمي والله ماكو مثلك يالحنين
إشكد جنت مرات اكلك ياحسين
هسه وين انت يروحي وآنه وين

بالموادع بجينه لَمَن طاحت رايتك
وكلتلك هسه خلني ابدمعي اترس جربتك
حتى أوفيلك نهر من دينك
لو ردت اشرب دوه إمن ايمينك
امشي وين ... امشي وين
●●●●●●●●●●●
من درت ظهرك اليه
ناشِدك دمعي اليسيل
عمي اذا آنه عليله
شو مشه اوياك العليل

يا طبيب جروح كلبي وثاني أب
كتلي ضلي وحكي انشدك عالسبب
اهنا تعب وهناك وياكم تعب

تحاجي حسين اسمعك كتله نمشي لوبعد
وابوي ايكلك انظرخاف واحد ماصعد
وآنه كدامك وشوفة عينك
لوردت اشرب دوه امن ايمينك
امشي وين ... امشي وين

●●●●●●●●●●
رحتوا واحد بيد واحد
وايدي ردت خاليه
وارجعت لفراش علتي
ودمعتي بدم جاريه

حسين فاجئني وتركني الهالمصاب
حتى عبدالله الطفل عن عيني غاب
جنت الاعب بيه وي امه الرباب

بقت بس السوالف يمي يل جنتم هلي
يبو فاضل دخيلك رد الي الخاطر علي
بيه لا تكطع عليك حسينك
لو ردت اشرب دوه إمن ايمينك
امشي وين ... امشي وين
●●●●●●●●●●
هم تردون ابضعنكم
يالخذتكم كربلاء
عمي مثل حسين ابويه
ما نسيتك بالدعاء

اي واذا رديتوا ينجوم السمه
وما تلكيتك يجتال الضمه
كولوا من الوِحده ماتت فاطمه

ولو آنه ادري ماترجعلي ياحامي الضعن
وبعد اعرف دواي إوياك عالشاطي اندفن
عمي من فدوه رحت ليدينك
لو ردت أشرب دوه إمن ايمينك
امشي وين ... امشي وين
●●●●●●●●●
علي الابراهيمي

https://youtu.be/wzzdbr6o8qg

https://youtu.be/T2CO4JSpnEE

بطولة مسلم بن عقيل ..ع..

ياطوعه وحجابج لَشربهم سم
وأنا الذي سمتني امي مسلم
حرب المراجل صارمي إبتداهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
بسم الله سمه.وفارس بفارس عثر
بسم الله سمه. موت وبهيئة بشر
ياطوعه كلهه..وداعة احجابج لغر..الأغر..
ياطوعه كلهه..اليوم اراويهم سقر

ماي بثواب حسين طوعه إسكيني
ولو داروا العسكر علي شجعيني
اليوم اطبك السبعه بسبع سماهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
أول مقاتل..ضامي كلبه وينتصر
أول مقاتل .. يطبر وما ينطبر
كلهم تعالو.أعلنت ساعة صفر
كلهم تعالو. والزلم كامت تفر

بيهم يهش عصاة موسى بيده
ومن ينتخي إيصيح آنه ابوحميده
وجلمة علي اعله السانه مانساهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
سوه العجايب.ضامي ويرد الفزع
سوه العجايب.ولبس كلبه اعله الدرع
حولهه خيبر. إيريد باب وينقلع
حولهه خيبر. إتذب الأبره وتنسمع

سمعوا ينادي اشما كطع روس اثنين
هذا الحميده وهذا لجلك يحسين
مو عن فراغ احجايته الحجاهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
سيطرعليهم.الكوفه صارت كوفته
سيطر عليهم.وشد جراحه إبعمته
أربع كتايب..ويمكن اكثر حاطته
أربع كتايب.. فزعت وما ردته

كوم جثثهم واعتله عليهه
والما تجيني ناده آنه اجيهه
إتنخه بعلي وصاح اوكسر لواهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
عينه إعله اخيه.رغم ما هوه بحرب
عينه اعله اخيه.الكاصد الهم بالدرب
لوبيده يركض. ايكله للطف لا تطب
لوبيده يركض. ايكله فركاكم صعب

ويكله ارجع للوطن بضعونك
اهل الغدر بس توصل ايغدرونك
حتى الشمس عدكم جذب ضواهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
ياكوفة كلهم.. ديره ما عدكم هله
يا كوفة كلهم. وكلهه تشبه حرمله
وينه قصركم. بكل سرور ومرجله
وينه قصركم. موتي اريد استقبله

خل ينكطع راسي كبل حبيبي
هذا النصيب ومرحبا بنصيبي
وهالجلمه ضلت ينسمع صداهه
راح اخنك الكوفه ويشح هواهه
كله الخاطر حسين
• • • • • • • • • • • • • • • • • • •
علي الإبراهيمي

ياراد شمس الله ... بويه عليك الله
ردهه بظهر باجر ...من تجوي عبدالله
باجر شمس تحرك شمس
وتذبحلي هلهولة عرس
ياعلي ياعلي
●●●●●●●●●●●●●●●

ياراد شمس الما ترد ابعدهه عني
هاي النجف شمرة رمح وخيامي ذني
زينب واحشمك عن قرب كاتلني وني
من تهجم اعلينه الشمس كون اتحضرني

عبدالله من باجر..وي جاسم ايسافر
وحسينك اتحركه.شمس الله والحافر
من بعد ما يشبع رفس
تذبحلي هلهولة عرس
ياعلي ياعلي
●●●●●●●●●●●●●●

انخاك يل برض النجف لوساعه تحضر
صعبه امن اكولن للعده ماجاني حيدر
مر بيه لم ضعني اذا بالبر تطشر
وتشوف جاسم لوشبك محبوبه الاكبر

مر بيه يالوالي .. إنفيي عله الغالي
نبجي ويهودني.صوت البجي العالي
يا بويه دمعات الهمس
تذبحلي هلهولة عرس
ياعلي ياعلي

●●●●●●●●●●●●●●

وياك جيب شويه مي ياكرة العين
مو للشرب ياوالدي بي غسل حسين
جيب الكسا لمن تجي وجفن المطاعين
باجر تضل اعله الرمل كل الميامين

والمحد إترَضعه ..من حفرته انطلعه
ونتلمس بصدره ..خاف انكسر ظلعه
سهم اليكص نحره شرس
تذبحلي هلهولة عرس
ياعلي ياعلي

●●●●●●●●●●●●●

باجر بناتك ياعلي وين امشي بيهن
وحدي وشسوي للزجر لمن يجيهن
شايله سوط وجن عمد ويطك اديهن
باجر فلا اريده يجي واسمع بجيهن

باجر سبي وهِزّل..باجر دمه مدلل
وصوتي يسمعونه..من اوكف اعله التل
باجر جيوش ابن النجس
تذبحلي هلهولة عرس
ياعلي ياعلي
●●●●●●●●●●●●●●

باجر اذا ماجيت الي اتفر الضعينه
وتتناوب سياط العده بالدك علينه
مو بس سواده ياعلي كونك تجينه
وما نمشي لديارالسبي انرد للمدينه

هيج وتمر بينه.. واتخلص ايدينه
من الحبل والجر..واتحامي لسكينه
احبال الي تزهك جم نفس
تذبحلي هلهولة عرس
ياعلي ياعلي
●●●●●●●●●●●●●●

علي الابراهيمي

يا ناكه احجيلي الصدك
نمشي سوه لو نفترك
شو بيج اشم ريحة حرك
خيام
• • • • • • • • • • • • • • • •

باليل اجت ليها .. وكعدت تحاجيها
نِروح .. نضل .. ياناكتي
حتى الدوه جبته .. وبالكوه شايلته
اريد .. اروح .. ويه اخوتي

ما اتعبج يالحنينه
حملي ريش وما اعثرج لو مشيتي
شوفي حالي شكد نحيله
بيدي اريدن كون اسد بيبان بيتي

يا ناكه يل وجهج سمح
فرحانه واعليج اقترح
بظهرج اضلن للصبح
انام
• • • • • • • • • • • • • • • •
يا ناكه احجيلي .. شمالج تصديلي
دريت .. اكيد .. عندج خبر
دمعج يهل صوبين.. شكلح ابوي حسين
حرام .. عليج .. كلبي انكسر

فوك ظهرج محمل اختي
وهذا اكبر سبب خلاني اعتنيلج
احجيلي كلولج اضلن
لو اروح اويه الضعن لو خلص ليلج

يالبيج مضروب المثل
وكالوا حنينه امن الأزل
إحجيلي وآنه افهم عله ال
كلام

.• • • • • • • • • • • • • • • • • • •

معذوره ماتدرين ..شكدغالي عندي حسين
اموت .. اذا .. عني مشه
وجلمة صباح الخير..مو حلوه من الغير
ورا .. اضل ... مستاحشه

آنه يا ناكه عليله
والعليل يريد ملكه وحضن دافي
ياحلاة الدوه امن ايده
واحلى منها جلمة إبنيتي عوافي

يل دمعج كبالي عرض
ولا جفنج وجفني غمض
شيسوي بحوالي المرض
حرام
• • • • • • • • • • • • • • • • • • •

بالهودج انظر نار.. واشتم حرك وغبار
وكلت .. يجوز .. هم تشتعل
ويمج رماد هواي.. بس ماكو يمج ماي
وصراخ .. ونياح ... ومبجه الطفل

هسه مجبوره تكولي
شنهو هذا الشفته يمج يالحنينه
وليش من دون المحامل
محملي اعله فراشي شو ما ماخذينه

تحجين ما تحجين أون
ومن حنتج اكثر احن
داري بلا اهلي سجن
ظلام

• • • • • • • • • • • • • • • • • • •
لو نامت عيوني.. يا ناكه تانوني
افز ... اكوم ... ليكم ركض
ومن ريحة احبابي .. خاف الكه بس بابي
حرام .. بدموع .. العشره تفض

خايفه من التعب اغفه
واكعد وما الكه واحد من اهلنه
خايفه يطول سفرهم
وابجي واصرخ وين جنه اوين صرنه

جنه السفر مو قسمتي
وبس المدامع حصتي
ومحد يوصّل لخوتي
سلام
• • • • • • • • • • • • • • • • • • •
علي الابراهيمي

حاچت وليها البالنجف بس بحجي العين
ماعندي مسلم گالت وماعندك حسين
بذيالي نيران
ومضيعه خوان
------------------------------
ركضت هواي وجدمها
شسوه بي حر الثره
طفله بس ماجنها طفله
اتگول سبع الكنطره
الشافها بعينه ينادي
ايساعد الله هالمره
كامت اتلم باليتامه
بوصله خضره اموزره

ضاعولها اثنين وبجت من فاركتهم
دورت يا ما دورت بس مالكتهم
متغيره الالوان
ومضيعه خوان
---------------------
دارت العين الوليها
والنجفها اتوجهت
اتكله بت مسلم حميده
كلشي بالطف ضيعت
يا من اتحن عاليتامه
عيني يا حيدر عمت
كونك اتمر بيه اشوفك
شلون رجليه انجوت

هواي اتعبت يا حيدره وجدامي ازغار
ما اگدر اركض بالفله وتدري الجمر حار
حرگولي صيوان
ومضيعه خوان
---------------------
انت راح حسين منك
وذاكه جسمه بالفله
وآنه مسلم گطع بيه
الجنت عنده مدلله
يلي سلمان اعتنيته
ما تجينه الكربله
گبل لا تنشد اديه
بإيد عمتي بسلسله

هاي النجف شمرة رمح دلالي ناده
كونك تجينه ياعلي بس مو سواده
بمتوني نيشان
ومضيعه خوان
---------------------
لو تلاكينه يحيدر
راسي لتمسحه ابد
وهو شو ياهو اليمسحه
يروح ما يرجع بعد
عالمتن امسح جروحي
ولا تفكر بالعدد
شخله بينه الظهر الاسود
من ضعنكم بي شرد

ركضة الشارد من ذبح هيج الركض صار
بجدامي مدري شكمت احس من شبت النار
وغطاني دخان
ومضيعه خوان
---------------------

تدري ليش عيوني تحچي
من نخيتك يابدر
الهسه بعده الساني يابس
من ركض ذاك الظهر
إنتظرت هوايه مسلم
وما اجه وشك الكبر
وكلت ادير الوجه صوبك
وادري ابد ما تعتذر

گبل السبي وگبل الهزل ريتك يبو حسين
تحضرني وترجع اخوتي المدري صفوا وين
ازغيره اعله الاحزان
ومضيعه خوان
---------------------
علي الابراهيمي

كام او وكع مرتين
وضل يصفك الزندين
وحادي الحرم من سار
ما مرهن اعله حسين
ولا مر بالنهر
ويصدن للكمر
ضل يصفك الزندين
••••••••••••••••••••••••

وكف عباس بس رد طاح
من سار الضعن عنه
يشوف السوط من ابعيد
ويحسه يلسع بمتنه
بجه وصاح السلام اعليج
يزينب خويه ذوله احنه
العتب كل العتب عالنوك
شعجب ما نوخت يمنه

كل ضني يا رجواي
لينه ضعنكم جاي
وماي الشرب موجود
بارد وحيل هواي
تره كلبي انفطر
ويصدن للكمر .. ضل يصفك الزندين
••••••••••••••••••••••••
بجه بعين النحر عباس
وگف بس راسه مو عنده
يريد بزنده يملي الماي
يشيله ويمه يتبده
شكثر دور على التربان
اعله چف بيمنته ايشده
يگلها آسف وخجلان
علي هدوا فرد هده

ماي الشريعه ايفور
من خاطري المكسور
خويه السفر لاوين
واحنه بلايه انحور
تعاي اشبع نظر
ويصدن للگمر.. ضل يصفگ الزندين
………………….…
يزينب ذاك اخوج حسين
تره اعله والوگفه مايكدر
نظرلج مثلي راد ايكوم
ويكوم شلون الموذر
اعله جسمه انظر امن بعيد
يروح و يرجع العسكر
واخبرج مثلي مابي روح
ويخويه هوايه يتعذر

وگال بكلب محروك
مو هيه هايه النوك
البيها وصلتو هنا
اعليكم ابد متلوك
اذا تمشي اتعَثر
ويصدن للكمر… ضل يصفك الزندين
…………………………………
الحمد لله وخذوها الروس
على ارماح ونباريكم
الشمس تحرگنه بس اتهون
المهم يختي نماشيكم
يخويه انغمض العينين
اذا واحد يسب بيكم
ونهز ارماحنه من الغيض
لون شامت يأذيكم

واسم الله كلنه انصيح
لو طفله خويه اتطيح
ايساعدجن الله شلون
اتحملن حچي وتجريح
بسبي ودرب الخطر
يصدن للكمر ضل… يصفك الزندين
…………………………………
بچت زينب بدون دموع
وبچت نوك الهزل كلها
تنادي اتمنى امر اعليك
وجفوفك خويه اقبلها
لچن ياروحي حادي النوك
چثيره سياط شايلها
اذا يسمعنا نبحي بصوت
السمه اعلينه ينزلها

راح امشي يا عباس
بس ما اهبط الراس
الكم أگر عيون
يالعالرمح حراس
وأرد خويه بصَفر
يصدن للكمر … ضل يصفك الزندين
••••••••••••••••••••••••
علي الابراهيمي

مشاهدة "يا رسول الله اعتذر / الملا حسين الأوسي - الشاعر علي الإبراهيمي" على YouTube
https://youtu.be/1tnfWYp49_Q

ودعني مثل الدمعه وتودعلهه عين
يا ابا الحسن والمُلتقى عِند الحُسين
موعدنه يم نار الخيم
نتلاكه من يوصل سهم
عِند الحُسين
●●●●●●●●●●●●●●●

تدري هاي الليله آخر ليله إليه
وهايه آخر كعده نكعدهه سويه
ياعلي موعدنه بارض الغاضريه
لمن ايسمون زينب يا سبيه

خل ننسه موضوع الضلع والفاجعه
وسولفلي باليحني الظهر عالمشرعه
بالنايم وشابك علم
نتلاكه من يوصل سهم
عِند الحُسين
●●●●●●●●●●●●●●●●●

كوم ودع فاطمه إوداع النهايه
ياعلي وخل نتفق من البدايه
آنه فوك حسين اضلل بالعبايه
وانت صَبّر زينب ولم السبايه

بسماري هيّن ياعلي يم النبل
والنبله ياحيدر فلا ترحم طفل
مثل الورد وتشربه دم
نتلاكه من يوصل سهم
عِند الحُسين
●●●●●●●●●●●●●●●●●

يا علي وهذا الطلب منك اريده
بيدك اترجعلي روحي يالصميده
لبني اروحن حافيه واكطع البيده
كبل سيف النايبه وكطعة وريده

ويه السهم ذاك اليصوب جبدته
نتلاكه يم صدرره ونقبل جبهته
كبل الحجر كبل الألم
نتلاكه من يوصل سهم
عِند الحُسين
●●●●●●●●●●●●●●●●●

إبعلمي باجر يا علي اتفر الضعينه
حسين طايح عالوجه ومكطعينه
بصوت انادي هلله هلله حسين وينه
ما نخلي عاري واندفنه بإدينه

آنه ضلع واحد يأذيني تره
وي عمت عيني ضلوعه كلهه امكسره
وبي ضلع واحد ما سلم
نتلاكه من يوصل سهم
عِند الحُسين
●●●●●●●●●●●●●●●●●

ياعلي ولو جيته كبلي انتظرني
كله امك جايه وخله إيعَذرني
تدري بالمكسور ظلعه ايصير محني
وآنه محنيه وظلوعي يوجعني

يالوالي كون اتعطلت عن الذبيح
معناهه امشي واعثر وكل ساعه اطيح

وكل ساعه اصَبّر بالجدَم
نتلاكه من يوصل سهم
عِند الحُسين
●●●●●●●●●●●●●●●●●

ش/علي الإبراهيمي

(لا تنوحين)

لا تنوحين يالدموعج حرگن إجناحي وچونّه
آنه جبريل كسّر ضلوعي الكسر ظلع المَحنه
ربنه دزني الحضرتج كلي امسح دمعتج
لا تنوحين
-----------------------------------
إجيت ألطم بجنحيني يمولاتي
وطحت يم باب دارج من سماواتي
أثر دمج نظرته وأثر بذاتي
وشفت الدار ماچن دار ساداتي

فوك الافلاك عيني شافت نار بابج يالوديعه
والدمع سال سال دم وضاگت بعيني الوسيعه
ومن نظرت السطرتج كلي امسح دمعتج
لاتنوحين
----------------------------------
شفت اوجوه تضحك بره باب الدار
وشفت محسن يون ويعاتب البسمار
ذكرت اشلون چنت انزل عله المختار
وعلي يمه واشوفچ شابگه الأقمار

هسه ماشوف بس ظلوع مهشمات وعين حمره
امسح ادموع من خِدودج لكن أشعر بيهه جمره
والجليل بعصرتچ كلي أمسح دمعتج
لاتنوحين
----------------------------------
گلي الباري روح الفاطمه وگلهه
سماواتي إعله مودج لَسه شايلهه
يم حسين اذا تردين أنزلهه
ولا عينج دموع الفاجعه إتهلهه

كافي تبجين دمعتج هزت عرش رب الجلاله
زينبج وين أو وين ذاك الجنت اهز مهده بدلاله
والحسن بمصيبج گلي أمسح دمعتچ
لاتنوحين
-----------------------------------
يا جبريل لا تنشدني عن حالي
عوف دموعي تجري وسكت أطفالي
شبح زمرة عُمر بعده إيتراوالي
وعلي امچتف خذو بوصيّته اگبالي

كل أمل راح من خذو حيدرنه بحبال الوصيه
فكري محتار باعو الغالي برخص شر البريه
عميه ناس الباعتج گلي امسح دمعتج
لاتنوحين
----------------------------------
يا جبريل ليش إتعطلت ما جيت
حين الي إعصروني ويالأبو ناديت
مثل غصن إنكسر وبدمعتي إتوچيت
ولذت باطفالي من حرگو عليه البيت

وحدي ظليت مابقت بالدار بس نار الظليمه
ربنه شيگول وأدري عينه إتعاين الهاي الجريمه
ايكلهه آنه بخدمتج گلي أمسح دمعتج
لاتنوحين
-----------------------------------
بدموع العين أعاتب والعتب مسموح
وياجبريل أمانه أوصيه المجروح
تروح الكربله أويه حسيني من يروح
وعله تراب العطش لمن يظل مطروح

تخفض اجناح فوكه لن حر الشمس يحرگ حبيبي
والرمل حار ويا لهيب الطف فلا يشبه لهيبي
وصاح أنفذ أوصيتج كلي امسح دمعتج
لاتنوحين
----------------------------------
علي الابراهيمي