✍️… حسين حمدان الدلفي✏️

رحيق الحب تفرزة عين المتانيك
رحيق الحب دمع ينزل من الهايم

صرت وصيارك مفرح گلوب هواي
زمــزم للجمال أنــولـد عــد هاشم

مثل طير السعد گلب اليحب يطير
فوگ غيوم عشگك چم گلب حايم

هـاي اعيادنه البيها الفرح محزون
دمع طعمه أبتسامه بجفن چم خادم

قـوه بـجـاذبيتك للـگـلـب مــولاي
مـامستوعبه وحـيرت چـم عالم

يامحور عشگ والكل عليك يدور
وبحرب العشگ مدري شكثر هازم

أذا عـمـك الساقي عـيـن للزهراء
چا أنته أبن أبنها شتعني عد فاطم

شحاچيه اليگلي أعليك مو معصوم
يقيني ويـاك معصوم وبـعد عـاصم

الهلا وي أصيارك أنگالت هلا من الذات
بشـجون وبـسمله وبلـحـن متناغم

بتسميتك حرت سموك قاسم ليش
كون افهم السر القاسم شقاسم

الرسام اليرسمك وصل حد وياك
كل هذا الجمال وكلشي ماراسم
----------------------------
#دخيل ساداتي ورزقهم ورحمتهم
دخيل مولاي القاسم ونظرته وعطفه

🕊️🌹
✍️حسين حمدان الدلفي

ضوا .. مله دربي
بشذا... أبتده حبي
هوا ...خذه گلبي ... هوا
الكمال.. بي تجله
وجمال.. أله كله
مُحال.. أكو مثله... مُحال
ماكو من جماله ،،علي الأكبر
گلبي من خلاله ،،عشگه خضّر
هاشمي البساله ،،وجده حيدر
من نور حسين00 الله خلق نوره
أحـتـار الرسام00 يرسمله ياصوره
وحتى الأملاك 00هالليله مسروره
صاغـه الرحمن.. نور وقرأن.. وبي أبدع برسمه
للحب سوااه... سبحان الله.. الأكبر دخيل أسمه

نور انخلق من نور ::: وبيهـ العرش مبهور
علي الأكبر............ علي الأكبر

__
أهيم.. بدفو أسمه
كريم... على عمه
عظيم.. علي رسمه... عظيم
أحير.. شنو أفسره
مُنير ..ضوه گمره
چبير ..علي سره.. چبير
معتلي بصفاته،، السر تجسد
غالي وشغلاته،، الله يشهد
ذاته هوا ذاته،، من محمد
سره ومعناه 00ومكنونه بالعصمه
كلمن يقراه 00 يلگه صعب فهمه
عمه العباس 00وطالع على عمه
سره المكنون.. نفتهمه شلون.. كلش صعب وصفه
متحده أحدود... هذا المولود... بس والده يعرفه

گلبي بغرامه يفور ::: وبيهـ العرش مبهور
علي الأكبر ........... علي الأكبر

__
قريت.. على علمه
هويت.. علي حلمه
لگيت.. كله رحمه.. لگيت
سلام... على عينه
غرام ...حده بينه
بهيام... أله جينه... بهيام
بشعري لو حچيته ،،يحله شعري
حب عذب لگيته ،،،نبعه يجري
أسمه من قريته ،، أمتله صدري
هبت نسمات00 من حبه للريه
وأجمل كلمات 00 أتغنه بتهانيه
الأكبر هاليوم 00 شع وبزغ ضيه
أيات الشوگ.. لأجمل معشوگ.. سبحانه من صور
جوهر مصيوغ.. لا مامخلوق.. بحسن علي الأكبر

ورد العشگ منثور::: وبيهـ العرش مبهور
علي ألأكبر................. علي الأكبر
_
✍️حسين حمدان الدلفي

،،،،،،،،،،،،،،،،
أحاول أبتسملك شوگ بس هوا الگلب مجمور
وبلون الدمه القداح.... أحمر لـونّه ألك منثور
أفرحلك فرح متعوب وتبچيلك عيوني أبحور
بملامح فرحتي عزيات... وبعيوني لهب تنور
سن قانونه گلبي وياك وثبّت قاعده ودستور
(ألما يفرحلك بشعبان .....مـا يحزنلك بعاشور)
أذبحلك قرار الشوگ أذا حـاول يـلف ويدور
هوا الحب ألك مخلوق
وسديت القفل وياك
وسلمتك مفاتيحه... وصرتلك خادم ومنذور
عبدك مغرمك مولاي وبعشگك صرت مأسور
خل أهل الهوى أيغنون
وعن دين العشگ يحچون
برحمتك طلعتني أنسان من الظلمه لاصل النور

#متباركين_أسعد_الله_قلوبكم
#ولادة_الحسين صلوات الله عليه
أمام الحب
دين الحب
شهيد الحب

أعظم الله لك الأجر يا أمير المؤمنين روحي فداك
وأعظم الله لك الأجر يارسول الله
وأعظم الله لك الاجر ياصاحب الزمان
وأعظم الله أجورنا وأجوركم
بذكرى وفاة
شيخ البطحاء
أبي طالب رضوان الله عليه.. 🏴🏴

يلدمعك جمر من ذيچ الخيام
وأحبال السبي بچفوفك أصفاد

أشبه بـالخرابة سجنك وچـان
سواد ألليل طافي بلون الأرماد

سلاسل مو سياط أدمي المتون
والسندي أبن شائك چان جـلّاد

رغم ما ظلمه مولاي الطوامير
نـورك عـالظلام أضعاف يـزداد

چان السيف حاد بگطع النحور
ولاكن سم چبدتك چان هم حاد

گيودك هم حوافر رضن أعضاك
وبالطف بالحوافر رضو أجساد

مــو گـدرك يشيعونك حماميل
عجيبه وشال ثگلك جسر بغداد

غريبه أجنازتك مو هينه تنگال
وناعيّك نعى والنوح مـا هــاد

نعشك مايظل مطروح عالگاع
رغم ما ولدك أنته عـنـك أبـعـاد

الرضا لازم يجهزك بيدة مولاي
يجي ويطوي المسافه أبين البلاد

ويهيل أتراب گبرك والدمع نار
ورمح فرگاك ينبت وسط الأفاد

.
.
.
السّلامُ على الجنازة المنادى عليها بذلّ الاستخفاف

💔😭

السلام على الغريب المسموم 🏴
اللهم عجل لوليك المنتقم الفرج 💔

٢٥رجب ١٤٤٦هـ

السّلام على الجنازة المنادى عليها بذلّ الاستخفاف

💔

السلام على الغريب المسموم 🏴

https://youtu.be/z87m1jCRo3M?si=9wA2hV2oRjBtGCgE

https://youtu.be/ApeKDayKGVA?si=k8NqZEDw_dO2A9-4

#القصيدة لخادم الحسين عليه السلام
الشاعر ♕أحمد الشامي


اويـلي عـلـه الـوحـيده بـكاع تمطر غربه غيمتهه
ماتــت مــن كــثر مـانــاس عــن عبـاس نـشدتهه
الحـرمه تمـوت اذا تنـشاف وزينب كلهـه شافتهه
زيــنـب ماتــت بــلا راي
عـطشانه لـخـيم وفــياي
وگــع ضـل الـيرفـرف جان وشمس شافت عبايتهه
......
.......
مــو هسه لــفاني الــموت ولا هسه الهضم ضگته
متت من رفع  چفه حسين وخنصر چفه ماشفته
الــدك صـدره الهه بلكلفات صدره الخيل ساحكته
وحـده وكلـهه تصـرخ طـاح
ويركض جــايــك الـــذبــًاح
وبصــحره الـورد ذبلان وجـفوف الشوچ حاضنته
........
........
يــاهـو الـكـال مره الموت ميته بكد جروح حســين
مــن فــوك الــهــزل مـريت ومـحد كال الــي لاويـن
مــن شفـت الصدر ميدان مـن عيوني طاحت عيـن
شــلي بــعيني ضيهه وراح
يمته مــن الــهجــر ارتـــاح
بــعد ياروحي مايـرجع حــسين ومـبسمه تـشوفيــن
..........
..........
جــنت زيـنــب اميره وحيف تالي الشيب مسبيه
متــت مـن اهلـي گالو ذيــج ذيـج الحرمه ياهـيه
مــتــت جــي شــفت بــلديوان كلهه اتأشر علــيه
الكـتلهه فراك اخوهه حسين
لــــو ســهـم النــبـت بــلعـين
لــــو شـافــت رقيـه تــنوح أذنــهه بــلايه تـرجيـه
........
........
يــحسين اخـتـك بــلياك چـن طير بجنح مكسور
ياحـيف وعــگب طـولك عـلي صــار الشمر ناطور
بـديره وبـيهه كلشي عيون ماتعرف شني المستور
عطش حــر وطرف محروگ
سبي وشوگ وهزيله وسوگ
مــاخــلالــي كــل عــوان احــاا يــاضــهـر عــــاشور


✍🏻احمــد الشـامـي

مرت على العين أحلام تستحضر بنص عايلة
ريت الأجل مو بالشام... موتتها كون بكربلة
شتذكر شتنسه أيام.. طف وسبي وركض الفلة

الماتت عشيرتها عطش،،، بيا ماي تتروة
زينب ي أخو زينب ترى،،، عطشانه للخوة
موتتها تهظم ياعلي،،، والغربه مو حلوة

ماتت ولا شافت هنّة
ماتت غريبه مدوهنة
مهظومه مكسورة گلب
أعليها الظهر طگ ونحنة

..........................

لو ميته بالطف أم عون وبكربله يصير الدفن
چا عل أقل يم أخوان چا هونت من الحزن
بالشام بس السجاد يثغب على عمته ويون

لا رايه فوگاها ترف،،، ياعازة العازة
لا كافل ولا ضل أبن،،، يشيلون الجنازة
يتغرب الماله أهل،،، واليفگد أعزازة

لو ميته من ذاك العصر
ولا طبت بسوگ وقصر
ماتحتمل شام وغرب
ويخلص عذابات العمر

....................

ماعدها أخو أيغمض العين وبچتافه ينشال النعش
مو هسه موتتها أم عون.. چن ميته من يوم أهدعش
شافت ذبح شافت خيل شافت حرگ خيمه وعطش

وي أخوتها أسمها منحشم،، ومهيوب طارية
ومكفوله بس جار الزمن،، وسموها مسبية
وتالي الخدر فوگ الهزل،،، بالشام تالية

لا مـو گـدر زينب تــرة
وزينب ترى مو أي مرة
تمشي بسبي تموت بسبي
الما صاير وياها جرة
......................


ماتت لچن شبعت ضيم وشبعت مئآسي بهالعمر
هظمتها من يوم الباب.. عاشتها ألـم حـد الگبر
أرتاحت بعد بس بعديش مضيعا الدلال امن الزغر

أرتاحت بعد من الحبل،،، ومن اليشتموها
ماكو خرابه ولا هزل،،، ولا غربه يسبوها
أرتاحت لچن حسره بقت،، بالشام دفنوها

والشام الأگشر ماله حل
مـايرحـم الماعنده أهـل
موكافي حقدك مايكف
لاحگها مـا بـعـد الأجل

.................

✍🏻حسين حمدان الدلفي

أنا الوالدة والگلب لهفان
ودور عزا زينب وين ماچان
هاي أخت الذبيح المات عطشان
الضل عالرمله وهدومه سليبة
ويلاه يزينب.... آحاه يزينب

ماتت بالغرب مو يم أهلها
وماشال النعش چف الكفلها
ولا ضل عدها أبن دمعه يهلها
عمت عيني مصيبتها مصيبة
ويلاه يزينب .... آحا يزينب

شافت طـف أهلها ونايباته
وشبعت ضيم من شام الشماته
كون يشوفها الدلل خواته
فوگ الهظم سموها الغريبة
ويلاه يزينب.... آحاه يزينب

هم مثل أمها هم ماتت نحيله
صيحو وياي يايمه العقيله
وين ألي يشاركني بعويله
ويشاركني بدمعته وبنحيبة
ويلاه يزينب ...... آحاه يزينب

صيحو وياي ها يم عون يمه
كون اليلطم ألها بحرگه لطمه
هظمه موتتچ بالشام هظمه
وين ألما يبطل من ثغيبة
ويلاه يزينب.... آحاه يزينب

وين ألما برد والحار دمه
وين اليطر زيجه وصدگ زلمه
وي السجاد صيحو بصوت عمه
يهل وادم نهيبتنه نهيبة
ويلاه يزينب ..... آحاه يزينب


✍🏻حسين حمدان الدلفي

https://youtu.be/PzKC4JdTu8Q?si=l5WE4SAq-w2yH3iP

https://youtu.be/A1RAtqoEXUg?si=2BCf2kl9qvsjQ0mQ

أرزقيني
يـزيـنـب لـو حـلم وتـزورچ اجـروحـي
الجسد عندي ومشت يم عتبتج روحي
حــچي ربـعـي الاجـولـچ زيـّدوا نـوحـي

يجـونچ وانـي اضـل حايـر
وجـروحي لـصحنچ تسافر
أرزقيني الــوصـال ويـاچ
هضيمة ابقه اكسر الخاطر
ارزقيني..ارزقيني

اهواي أجيچ بأمنياتي ومرة ماجايچ صدگ
كون ابدل نبضي بسمچ اسمچ ابگلبي يدگ
والله لو ذكرولي أسمچ ريتي بسمچ تـختـنگ

عـشـگ ذيچ المنارة
عمة  گلوب الحيارة

ارزقينا الزيارة..ارزقينا الزيارة
____

أقبليني
عـبـد عـنـدچ وأجـيـت أبـابچ بهمي
حلم چا يمته أشوفچ صدگ ياحلمي
طفل گلبي ويگلچ زينب أنتي أمي

حـلـم مـافـارگ أضنوني
عـطش لـزيارتـچ لــوني
لو صارت صدگ يم عون
أجـيـچ بـدمعة أعـيوني
أقبليني… أقبليني

شكثر ربعي سولفولي ألزارو أعتابچ أمس
لازم يـزورچ يـيـمه الـراد بـالغربـه يـحـس
تكسر الواهس غربتچ لمن تغيب الشمس

ولو مره بحياتي
أجي أنه وأمنياتي

ارزقينا الزياره...... ارزقينا الزياره
____
عمه بعيني..

عـمـه بـعيـني اذا ما اشـوفن الگبّة
اليسولف بسمچ يفرّغ الـچ گــلبـه
اليعيش الغربه كون يموت بالغربة

ســؤال ابــالـي ومــچـلّــب
وجروحي اعله الگلب تعتب
دوم أسـمـعهم يـگـولـون
يـنـســد صـحـنـچ المغرب؟
عمة بعيني..عمه بعيني

والله لو بيدي اجيبن صحنج بنص كربـلـة
وگبتچ تحرسها اخوتچ ينترس صحنچ هلا
وبعد يا غربة التلوحچ زيـنـب انـتي مدللة

ونجي انادي الحبيبة
ولا نــلـفـظ غـريــبـة

ارزقينا الزيارة..ارزقينا الزيارة
____
يباريني
البچي وتدرينهه شگد تذبح السكته
أحسن بــالسبي گـبـرچ أذا زرتـه
اليزور حسين لازم هم يزور أخته

أهـيـم بـصـفـنـة أفـكـاري
يحـلمي بـلـيلي ونـهـاري
أشم قمصان اليزورون
أليزورچ جرحه تذكاري
يباريني… يباريني

حلمي أجيچ وأشم بابچ نهر دمعي مانشف
وأبسط أذراعي بعتبته مثل ذاك البل كهف
ما برد جرحي الغربتچ وما أشده شما نزف

العمل منـچ قـبوله
ردت عطـفچ أنوله

أرزقينا الزياره ………أرزقينا الزياره
____
يضي عيني
أشتياقچ لاخوتچ والغربه بضنونچ
بالشام وأحس يـم كربله عـيـونـچ
واجيچ آنة وخدم تحلـم يـزورونـچ

وأجيبن صـوغه ألـچ منهم
قـبـل لا أجـيـچ أزورنــهـم
أجيبن علگ من عباس
واجـيب اتـراب مـن عدهم
يضي عيني.. يضي عيني

أمنيتي مشاي أنه ازورچ وألگه كل خطوه هلا
وانذر اعتاب المسافة حافي اجــي مــن كربله
وأمشي مــابـيـن المواكب بـالـدمـوع الـهـامله

اليجيچ بشوگه زاير
تـرزقـينا المـشـاعـر
أرزقينا الزياره ………أرزقينا الزياره

✍️كرار رحمن
✍️حسين حمدان الدلفي

اشهد انك لم تهن ولم تنكل، وانك مضيت على بصيرة من امرك...
https://t.me/m_usaa_Jafar_680_m

https://youtu.be/ZYhiKI6e6vY?si=EITu2P9zSS33hIdr

https://youtu.be/C4klZo5zvLo?si=rniYFLBNCHWyAzPS

https://youtu.be/797Iydx9LZg?si=oS8TSsCe95o-_TRd

#هوسات

أنولدت فاطمة ومطرت وفة ألليلة
وعلى هز المهد جبريل شد حيلة
أنولدت نور الله بكل تفاصيلة
(والجنة أتطش جوري أعليهة)

أنولدت عفة الله وسورة الكوثر
وتبين شانئك يالمصطفى أبتر
لون الصحرة صاربهل ولادة أخضر
(والكمرة توضت بنوارج)

فرحانه السمة وتزف البشارة
وأجت هاجر ومريم أسيا وسارة
كلهن يم خديجة سوون زيارة
(والجنة تهلهل فرحانة)

الحوريات أجن ترسن البيت أنذور
ألف مبروك صاحن والنبي مسرور
خذن للجنة من فاطم حرز وعطور
(يازهرة ربنا الفواحة )

✍حسين حمدان الدلفي

أسعد الله قلوبكم يامحبي فاطمه صلوات الله عليها

متباركين ❤

#أم_البنين صلوات الله عليها

أمُ البنين .. حاء الحنين .. ونبع الوفاء
نورٌ بنور .. أمُ ألبدور .. سرها أصطفاء
شرع الغرام... لا والهيام... في كربلاء
يدركها يگدر يا عقل .. وهيه أبنها أبو الفضل
صعبه يوصفها الحچي.. والكل عليها ينتكل
بوب الله چثيرة وخاصلچ باب
بين الله ودعائچ ما مش أحجاب
كلشي أنطيتي لله والله جازاچ
بكل مجلس فخر طاريچ ينجاب

.................................................
ماكو مثيل .. لأم الكفيل.. كهف الوقار
بيها المديح.. شعبي وفصيح.. يمها القرار
لبوة عرين ..حصنٌ حصين .. للمستجار
أنخاها يم كل مشكله.. أتلين الصعب وتسهله
جبتي زلم بس يا زلم.. شاهد فعلهم كربله
جبتي للمراجل خوش عنوان
غيرچ ياهي تنجب گمر عدنان
بنت أحزام جابت ظهر لحسين
ياحرمه التخلف هيچ خوان
............ً.....................................

حرز القلوب .. غيث المنوب .. عش الحنان
ذكرچ عظيم.. وأهل الرقيم.. ناموا بأمان
أمُ العطاء.. روح الدعاء.. و المستعان
سابق فضلها بكل زمن.. ومفصله رايات الظعن
تهب نسمه بگلوب الخدم.. وتلگاها للضايع وطن
أحروف أسمچ تصير أربع منارات
وبعد قرأن غيرة وولدچ آيات
فضلچ لا أبد ماينحصي بيوم
من غير المعاجز والكرامات
........................................

لـ أم البنين.. ماكو قرين .. بين النساء
فيها البهاء.. فيها الولاء.. فيها االسناء
شرعاََ ودين .. عين اليقين.. خير الأماء
هم چان اسمها فاطمه..وهم عارفه وهم عالمه
علويه مو بدويه أبد... نزلت لطف من االسمه
التدخل بيت حيدر عالمه أتصير
و سر مكنونها ميفسرة تفسير
عدها أولاد ذبو للأخو أچفوف
ماعدها اليذب الأخو بالبير
...............................................
جابت كفيل.. رايه وثگيل.. عنهُ يُقال
أعظم شجاع.. سيفاََ يُطاع.. وقت النزال
بدراََ منير.. أبن الأمير.. زين الخصال
وكت الحرب ما ينهزم... من كل جهه تشوفه الزلم
باليمنة شايل صارمه.... والرايه باليسرة يزم
صعبه أگبال سيفه يصير سياف
ماظل راس واگف فوگ الچتاف
قسم مثل الگطه تتطاير الروس
ثگيل وگام يسحگ روس الأخفاف

.................................................
حسين حمدان الدلفي✍🏻

https://youtu.be/HW5z-nv1Lp4?si=g0WwatH5NfVD7RY_

https://youtu.be/v-JUI-3nFWY?si=ZjkWa28bMCSseYtk

https://youtu.be/dS33q8sZcGc?si=P-2pIuEY1aFN_iIX

ياربيع أيام حيدر.. يا بسمته ويا زهرته
من تموتين بغيابچ.. تنذبح سكته فرحته
الغربه من يفگد حنانچ.. تجرح وتهظم غربته
غريب،، بقه بلا فاطمه،، علي حامي الحمه.. چبيره محنته
غريب،، دمع عينه يهل،، وحيد ابلايا خل.. بجروحه وكسرته
يحچي وي البير همه
منجرح كلشي يلچمه
منهظم مخنوگ ينعى
الهوى مايگدر يشمه




هذا أشد موقف يهظمه.. وبين بوجهه أنكسارة
مچتف بحبل الوصيه.. وهجمت الگوم أعله دارة
طفحت الغيره بجبينه.. ويرجف وعينه الفقارة
غيور،، ولاكن هظمته،، الوصيه منعته.. صبر ماينتفض
غيور،، يشاهدهم وگف،، ولا عدهم شرف.. أباليس الأرض
جيش هاجم عالزچيه
انـذال مـابيهم حميه
ماشهر حيدر فقاره
قيدت چفه الوصيه




أتغربو ولدچ يفاطم... وكلمن معاشر نحيبه والحسن وحسين أخيه ..... أتيتمو منها بمصيبه
ويلي من هسه أستعدت.. زينب وصارت غريبه
عذاب،، وألم ماينشرح،، جرح آ يا جرح.. للمفارگ وطن
عذاب،، العقيله تنهظم،، غريبه أبلايا أم.. تسايرها المحن
الصبر شيب يم صبرها
أتيتمت ويلي بزغرها
كربله بـاچـر وراهـا
وتمشي مسبيه بخدرها






ألــ (وإن) كلمه خبيثه.. أتجاسر اعله الله الحچاها
هــاي هيه اول ظلامه... والـزنـيـم أللي بـداهـا
سطرو الزهره أعله خدها.. وشافهة حسين وبچاها
عجيب،،الوديعه تنضرب،،حگ ألهه ينغصب،،عگب كسر الضلع
عجيب،، ولا طاب الكسر،، ذبل ورد العمر،،ولا فاد الدمع
حسين شيب من ونينه
ماكو مثل أمـه حنينه
غربت خيمة أمانه
ونطفت شمعة سنينه

✍🏻حسين حمدان الدلفي

https://youtu.be/inrX997FXYE?si=QgHY7em_h_xz2wA-

https://youtu.be/c8AUtSH91Mc?si=9UCxhJFcvXzs6umk

https://youtu.be/avgtkSQWs6g?si=lm8qLFuIZXWaJUMg

#شهادة مولانا القاسم أبن الامام موسى ابن جعفر صلوات الله عليهم


غريب وغربته بانت على عيونه
أجه من موطنه عن لا يعرفونه
نـازح مــن مـدينة جـده وأبآئه
أجه لأرض العراق الديره مامونه
أبن راهب بني هاشم.... نزح من دولة الظالم
خفه حتى أسمه ياويلي.. الغريب أتصيح أله الوادم
عاش بالغربه وبعد بالغربه مات
چان يسقي الناس من ماي الفرات
يختلي ويه النهر يبچي وينوح
ويذكر حسين وشفاها الذابلات

.............
هظمتي الغربته ودمعاتي لمصابه
حداني الشوگ أله وجاباني يم بابه
على أعتابه أسجدت والدمعه بعيوني
لـحــد مــا أمـنـّت دمـعـاتي بعتابه
من أزوره أشعر بمشهد.. أهيم ودمعتي اعله الخد
اخو المعصومه والسلطان... رزقني بدمعه ماتبرد
أدخيله أندبه بشدتي عم الجواد
يومه يكسرني وعليه ألبس سواد
قـاسم الخير وبـعـد بـاب العطاء
يزوره حتى الطير هم ياخذ مُراد
............

سكن بين الغرب وتوقره الوادم
يخلص ليله راكع ساجد وقائم
عمل بس بالسقايا مو عبث هايه
اكو سر بالسقايا عد بني هاشم
القصد يذكر عطش جدة.. ماأعرف شنو قصدة
هم بالجربه يسگي الماي.. لو شي ثاني أكو عندة
چان لمن يعتني الشاطي بضماه
على جروفه ينحني ويحچي معاه
ينعى عالظعن العطش بالطف غريب
الطاح سگايه أولا واحــد رواه

............
جرح من كربله عاشرهن أيامة
ويحچي البنته عن حسين وأيتامه
ويگل البنته عنده بعمرچ بنيات
فرن بالفله من حرگو أخيامه
يگلها أحنه النبي جدنة.. وشياطين البشر ضدنه
قدر وتحتم أعلينا... نموت بغربه وحدنه
وصه بنته تروح دار أهله الغريب
وللمدينه من تطب يعله النحيب
مات بالغربه نعم بس شيعوه
أندفن لا مگطوع نحره ولا سليب

........................
✍🏻. حسين حمدان الدلفي

https://youtu.be/F9EybnLkTks?si=VKo6Xw0651BC3dEm

https://youtu.be/tzwXqXuwkhs?si=j4waheT2S3KARRYA

https://youtu.be/G_k4XPHQfDA?si=1hGa3ndoPFipUo8b

https://youtu.be/LrT2i8gMNlY?si=8T9stp53ue_02xSP

من فاطمه كسرو ضلع كسرة غصن
والتهظم أكثر ياخلگ كلمة (وإن)
هـل يا دمـع والمنفگد أم وأبـن
لاذت ورة الباب أبحذر....وتدافع أوياهم قهر
وبالعصرة محسنها وگع.. ويلي وضلع منها أنكسر
مابي روح،، محسن على العتبه وگع
وأمه تنوح،، بشهگة نفسها امن الوجع
مامذبوح،، من صدمة الباب أنصرع
////// /////
كسر الضلع لا مو سهل أصعب كسر
لا يـنـفـع أضماد ودوة ولا ينجبر
لو شافه حيدر مايظل عنده صبر
لو شاهد أبعينه الضلع .. أيهد حيله ويطيح الدمع
يبچيها غيرة ومرجله.... وينحب عليها وينفجع
غربه وليل،، مو بالعلن صار الدفن
دم يسيل،، من حيدرة دمع الجفن
مابي حيل،، خاطر على الزهراء يون
////////////

بيا حاله توصف حالته گلب الحسن
مامر على عيونه بغياب امه الوسن
مهظوم مكروب ونواعيه بـشـجـن
ينعى ونواعيه بألم...العظم المصاب دموعه دم
فاگد أحن أم وأخو... وبعيونه الفراگ أنرسم
وآ أماه،، ينعى المصيبه بيا حزن
دمعه وآه،، شيصبره گلبه الممتحن
وا ويلاه،، لمن يحن يبچي ويون
////////////////

بيت وبلا أم مگبره أيحسه الولد
ظامي الحنان أمه وبعد مترد أبد
تتألم أضلوعه الحسين شما نـهـد
الفگد أمه بگليبه جرح.. وباچر ورا خيل وذبح
وبسمار المصوب ضلع.. باچر يرد بالطف رمح
بدمع العين،، باب أمه كل ما شاهده
يعلى أونين،، هل حاله كلش تضهده
حال حسين،، مامر على أنسان وسده
///////////////////
لا يا زمــن لا تمتحن صـبـر الگلب
دمعه غريبه من جفن زينب تصب
باچـر وراهـا كربله وطـف وغـرب
النار الـ عله الباب أسعرت.. حسبة وقت من أنطفت
باچـر تـرد تحرگ خـيـم... أتفر الفواطم لـو دوت
نفس النار ،، باچر بالمخيم توج
والكفار،،، اليسبوهه من نفس العرج
عالأطهار،، هذا الحقد عدهم نهج
~~~~
حسين حمدان الدلفي ✍🏻

https://youtu.be/YoRpmEuOkkE?si=Q9IOAMUeMfmMnCN0

https://youtu.be/T7VExtAfL7Q?si=SEG-QzmOfTvOacJi

https://youtu.be/bkll03QgWus?si=igbXx2uX2s_L5LRV

https://youtu.be/Z1TMALbhlJw?si=7NO8PFX8pmPbxjpC

دارت قرون ومعرفت سرها وقدرها
والثاني أجه بكلمة( وإن) فاطم قهرها
ومابين باب وحايط بحقده عصرها
خلاها مهظومه أتلوع... ويلي وكسر منها ضلوع
وطيح حملها الملعون ...طاح وبچت دم ودموع
صاحت يفضه،، لحگي عليه،، بساع أسنديني
فقد وربي،، بالعصره طيحو،، مني جنيني


من هجمت الزمره على بضعة محمد
وأيد الزنيم أتجاسرت عالزهره تنمد
أنشلت أيده ولا يجي ويسطرها عالخد
حيف الزمن بيها يدور.... طفو ضوه بيت النور
تقتل جنين بيا دين .....وماكمل الست شهور
هاي الجريمه،، تكشف حقيقة،، حقد السقيفه
وغصبن عليهم ،،علينه أول،، هوه الخليفه



خصم الكلام وي النكر هاي القضية
باچر خصيمه بالحشر أمنة الزچيه
والما تبره وما لعن متريده هيه
المو گدها ليگول أفلان.. والنصره مو حچيي ألسان
أليلعن جـهـر بالأسماء.... مــايـهوه ديـن الكتمان
دين البراءه،، ديني وهويتي،، لا ما أساوم
عمر ألعنه ،،هوه وزمرته،،، أول ُ ظالم



ديني التبري وأللعن عندي عقيده
كاتبها وبحبر العهد هاي القصيده
والي يجامل عالضلع لا مانريده
ألماجاسته نار الباب... مايدري يا ضلع أنصاب
وعنده اللعن بي أشكال.. مو شيعي هذا چذاب
ثار الزچيه،، أصل القضيه،، وهاي البشاره
مهدينه بيده،، باجر يجيبه،، ويعلنه ثاره



بس الخواص التحضر بهاي ألليالي
يحضر عزاها المنكسر والعدها غالي
والما يــوالي فاطمة ألمن يـوالي
العند الزچيه مقبول.... باچر شفاعتها ينول
كون أمن أموت الأسباب.. يلگوني بالحب مقتول
خاتمتي كون،، بمجلس عزاها،، تصير المنيه
وسبب مماتي،، حب الحسين،،  وحب الزچيه

✍️حسين حمدان الدلفي

https://youtu.be/wHoRZw3mnMs?si=foI-2wbjnVNlVPns

https://youtu.be/CXhwJQw8hgo?si=xeR7qYM9F0o7iG1c

لا حَولَ وَ لا قوّةَ إلّا بِاللّٰه العَلي العَظيم ...

سيد هاشم صفي الدين.. شَهـيـ..ـدًا 💔
مع محمد وآل محمد صلوات الله عليهم

فاطمه ألمحد عـرف مكنونها
الله خالق كلشي لجل أعيونها


لولا فاطم ماخلق ربنا الفلك
ولا سمه مبنيه يخلق لا مَلَك
ألما يوالي فاطمه حتماً هلك
فاطمه سر مستتر مضمونها


لا أرض مدحيه يخلق لا شمس
ولا گمر يضوي ولا جن وأنس
اليوم هيه وباچر وهيه الأمس
بمعرفتها أتدور خلي أقرونها


نعم يرضى الله الرضاها أم الحسن
والغضبها يغضب الله بـكـل زمـن
صـار حـالـه حـال عُــبـاد الـوثن
ألـمـا نـصرهـا مـن اليظلمونها


بـاب الله بـابـهـا أيدفعه الـنـذل
وتنعصر ويطيح من عدها الحمل
ويلي مـن كسر الظلع ظلت تون
بـيـا ديـانه ويـا شـرع ياذونها


بغضاً بـحـيـدر علي هـذا الجره
حـالها أشلون العقل يـتـصـوره
أتخيل أنته جيش فازع ضد مره
وبين باب وحايط أيعصرونها


بين باب وحايط المحسن وگع
گوة گام تجر نفس من الوجع
وسوط قنفذ بيدها ويلي أنطبع
وركد من العصره حيل أمتونها


لحد ما ماتت بقت تبچي وتون
بليل وبسر وصت يصير الدفن
حيدر أعله أفراگها عاش بحزن
مايطيب العيش اله من دونها

........... ........... ............

حسين حمدان الدلفي

https://youtu.be/uvWQ3xuhzYk?si=GRodW0nRaG5ymwog

https://youtu.be/VVYiXyprrrA?si=oECdb4bwco_M2bcf

https://youtu.be/JM9BMvt7nRY?si=4EC24cflJCo9Zizi

مو بابي سبب موتي
ولا بسماره أذاني
الضربني وكسر اضلوعي
الاول هوة والثاني
عصرني وطيح المحسن
وون محنيه خلاني
وبعد تبت أياديهم
أگطعوني وزهرة الله أني
چان من عندي الوحي يطلب أذن
حتى  يدخل  دار  حيدر  مطمئن
الثاني أجاني وصوته بسماعي يرن
أقوى من كسر الضلع كلمة و (إن)
هاي ماتنگال أليه،،،،، والجهل قدر الزچيه
يلعن صبح ومسيه،،، همه أسباب الأذيه

سطروني على عيوني
وبالسوط اضربو متني
من حرگوها باب الدار
نار الباب حرگتني
صحت يافضه سنديني
وأجتني فضه سندتني
من أجدامي مات الحيل
واحس بالعصره شلتني
نزل من عيوني دم وي الدمع
اخ يا جرت النفس تلچم ضلع
ونة المكسور ضلعه تنسمع
ساعه أجر النفس ساعه ينگطع
أيد ألزم بيها ضلعي،،، وأيد أنشف بيها دمعي
وختلف بالعصره وضعي،،، أثرت السطره اعله سمعي

ياحال ألضهد حيدر
ويألمه ونزل ادموعه
هيه الكسره بضلوعي
شعنده لازم اضلوعه
الما سامع ونينه أحد
صفت وناته مسموعه
ويلي منين أجاه الشيب
وروحه بحسره مفجوعه
بين رجلينه وضع راسه وبچه
بس يون وكلمه وحده ماحچه
القلع خيبر هسه عالگاع انتچه
من غدر اهل السقيفه شگد شچه
هاي أول مره حيدر،،،يمشي خطوه وخطوه يعثر
بليله وحده شگد تغير،،، أشاف حتى هيچ يكبر

الأذاني وغصب حقي
دعي وبفعلته أتعده
بفعله أذه رسول الله
وبين للبشر حقده
فاطم بضعتاََ مني
شگد سمعوها من عنده
بابي وردة الأملاك
شجاب النار عالورده
باب اليقبله النبي مايحترگ
وعتبته بجدم السقيفه تنسحگ
وبحمائل سيفه حيدر ينشبگ
والسمه اعله الگاع رادت تنطبگ
لو رفعت أحجابي أدري… يغضب الجبار لامري
ويگلب الكون اعله ستري… غير خدر السمه خدري

✍️حسين حمدان الدلفي

https://t.me/aabs313

https://t.me/wdadhussenia

إِنَّا لِلَّهِ وَإِنَّا إِلَيْهِ رَاجِعُونَ
مع الحسين وآل الحسين عليهم السلام
وداعاً ابا هادي 💔

https://youtu.be/8nR2kl844eM?si=F49nXiXoAAM95fUw

https://youtu.be/Mn89nfhsVxE?si=tobs-VOYFIHA-GpJ

https://youtu.be/oFfIAWa6iKM?si=oCB0CUtsTZB8NRNp

صلى الله عليك يا ابا عبد الله
https://t.me/huseein313u

ردينه منچ ڪربله
من أربعين المنذبح
ردينه والهسه الجفن ماناشف امن العبرة

ردينه نتمايل هظم
ردينه شوگ وحسرة

ردينه أيد تڪف دمع
نتلوة وأيد اعله الجرح.. لايبرد ولا يبرة
المخنوگ بينه ولا حچه ولا فرغ الي بصدرة

هذا الحنين البلگلب
محسوب سر والحب صدگ
ميبوح دوم بسرة

ردينه مانحچي بتعب
نسولف على السنة التجي
بلكي الله يرزقنه الدمع ونلطم ونمشي ونقرة
ونخدم ونتبلل عطش ومحد يفكر بأجرة

بعدة الحديث بأولة..
بس گام يحدينه الجرح يم غربتچ سامرة 😭
والشوگ أخذنه بلا وعي وگعدنه وسط الحضرة

نبچي لمصابك يالحسن
يومك ضهدنه ومو سهل
خدامك وليك أعتنو... أگلوب ومهج منكسرة

طبينه سرداب الدمع
خاطر نعزي أبنك بعد
بس ما لگيناه للأسف💔( الله يعظم أجرة)

منشوفه بس نستشعره
ونفاسه نشتمها بألم
مثل الأريج المنتشر ويفوح من الحضرة
تطهر النيه أذا.. شمت عبيرة وعطرة

مكسور غايب ينعى ألك
جرحه يويلي المقتلك
حاسر الراس أتخيله
مقروح جفنه من البچي وعيونه دم وحمرة

الله يعينك سيدي
فاگد عشيرة ووحدك
كسرك الثار يجبرة؟

عن يامصيبه نحچي ألك
وهنه المصايب كثرة

من عدكم الــ بالسم گضه
ومنكم الطبرو هامته
ومنكم الگطعو نحرة

ومنكم المكسورة ضلع
ومنكم المسبيه مشت
الچانت أميرة وحرة

وكل واحد بديرة ندفن
وكل صعبه أشد من صعبة
چا ليش كلما نعتني
لواحد نزورة شو نحس بالغربه نفس الغربه
چا شنهو سر هالغربه؟
.
.

٨ربيع الأول
#شهادة مولانا الأمام الحسن العسكري (صلوات الله عليه)

اللهم عجل لوليك المنتقم الفرج 💔

✍🏻حسين حمدان الدلفي

https://youtu.be/onsrUJJTdeQ?si=XK0dQztwCox1adCo

https://youtu.be/Xa0_N5onwCU?si=ucQfZfhFjaw32MEN

https://youtu.be/jVR9472I_WM?si=qJw2lhjBP_Qo3I_T

جرحي باب وكربله
والدموع الهامله..... يشرحها المصاب
هالمصيبه مؤلمه
فاطمه يا فاطمه... يالوعة الباب

نوحي يعله بهل رزيه ،،، واليالي الفاطميه
باب منها الغاضريه،،، والجروح
فاجعة أم وأبنها،،،، ورده طاحت من غصنها
گوه تحچي وتخفي ونها،، من تنوح

ياوسف أيــد الحـقد طالت عليها
من السقيفه الخانت وغدرت نبيها
مـارعـو بضعة نـبـي وكسرو ضلعها
والعرش وأهل العرش تبچي البچيها




بگلبي نار موجره
ضلوعي مامتكسره.... ولا شابع أونين
عل أقل كون أنفجع
من يمر طاري الضلع...ودموعي بالعين

هوه نوحي ودمعي منها،،، وهيه حزمتني الحزنها
شتحچي يا دلالي عنها،،، ياعذاب
عالمصيبه بگلبي حسره،،،من عدوها الما تبره
بالقيامه شنهو عذره،،،  ياجواب

بلعنة أشباه الزلم عـنـدي عقيده
وعالجريمه ألي تستر مــاأريـده
واليحاول ينفي لو يخفي أمرها
ماهو شيعي وعذره باچر مايفيده




عندي كلشي مايهم
والبرائه تحب زلم... تجهر بالأسماء
مو دعايه ولاخبر
قاتل الزهره( عُمر)....ماحاجه أخفاء

عمر عالحايط عصرها،،، ضلوعها هوه كسرها
بچفه ياوسفه سطرها،،، هالزنيم
ويلي بسمار الفجيعه،،، نابت بصدر الوديعه
عالجريمه بكل شريعه،،، حد تقيم

المهدي باچر لـو ظهر ثاره يطلبه
الحد يقيمه والظلم فاطم يصلبه
وهوه اليدلي الخدم موضع قبرها
نسوي يمها العزه والمدمع نصبه




دمعتي التچوي الجفن
مقترن بيها الحزن .... ماتنزل شلون
الدمعه مصداق العشگ
گلبي باب ومحترگ...ومصابي ميهون

جرحي كون بهل ليالي،،،يبين الكسره بخيالي
شنهو نفعي وشنهو حالي،،، بلا عزاء
كون أموت من الهظيمه،،،الزهره للخدام خيمه
بالأرض مجلس نقيمه،،، وبالسماء

هـنـاك والأملاك هـم تنصب عزاها
بالسمه بمجلسها يحضر يبچي طه
على بنته البضعه تنزل دم دمعته
أم أبيها فــاطمه ومـحـد رعـاهـا

✍️حسين حمدان الدلفي