قناة الرادود ستار الصالحي

نزله لمولاتي زينب ع…

مولاتي   وفقيـــني الخدمــــتچ
مولاتي   مسحي راسي ابرايتچ
مولاتي   عبد عشت ابخيمـــتچ ..  يازينب
©©©©©©

نضــره يا مـــولاتي رايد منچ
اعيوني خلصت العمر يبچنچ
امقصر اشما اقره وكتب عنچ
اشويه ذني وخاف مايرضنچ
نضـريني ــ اوفقيني  ـــ اوسجليني ابكتابچ
حسراتي ــ وآهــاتي  ـــ ودمــعاتي اببثوابچ
عالمنـــبر ــ اتكــــدر  ـــ مـن اذْكَــــر مصابچ
وجروحي   ولاجرح منهن سَلَم
وجروحي    ما يفــــارگها الالم
وجروحي   وگفن ابابچ خـــدم .. يازينب
©©©©©©

شـلِي بعمـري ابلا لطـم وقرايه
ولمصـــــــابچ ما اعــــلگ رايه
انتي مصحف انتي سوره وآيه
جـــنه وبيت النبـــي امـــربايه
مهظومه ــ ومهمومه ـــ وملچومه وحزينه
احبــابچ ــ يم بابــچ ـــ بمصـــابچ بچيــنه
أنيـــــنه ــ اونينـــيه ـــ وعالمنـــبر قريـــنه
بالمجلس    حظرو املاك السمه
بالمجلس    عـزو امــچ فاطـمه
بالمجلس     دمعة الخادم دمه .. يازينب
©©©©©©

فطرس ابجنحه كتب لطميه
ألـــچ يابت فاطمه الحـوريه
عــم حــزنها اليله يالمســبيه
بالسـمه وكل الكـره الارضيه
يا آيــه ــ ويارايـه ـــ  كل هايه المجالس
نحييها ــ ونهديها ـــ  ليـچ وكلنه واهس
ماتبـرد ــ ماتخمد ـــ  جمـرات العــوابس
لمصابچ    حيل ادگن عالصدر
لمصابچ    ابچي دم يم الخدر
لمصابچ    منكسف نور البــدر… يازينب
©©©©©©

الچ كل عمــري وقف سويته
وحبــچ ابگلبي فرض صليته
خادم وهـــــذا العمل حبــيته
مواليوم امن الصبه اختاريته
بيه انسر ــ بيه افخر ـــ هيبه اكثر نطاني
هـــذبني ــ وادبـــني ـــ ومعليـــلي شاني
شگد نعمه ــ ابهالخدمه ـــ رابـح بيها آني
هنيالي    ابهل عمل وبهل شرف
هنيالي    گلبــي بالنعمه اعتـرف
هنيالي    ابهل نعيـــم وهل ترف… يازينب
©©©©©©

اكتب وناعــي الحزن يقرالچ
وذكـر الطف المعـــذب حالچ
شيبيتي وماكو اخو اليبارلچ
ولحد موتـچ كـــــربلاء ابالچ
علــــويه ــ ومســـــبيه ــ ومحنيه ابصلاتچ
اتعـذبتي ــ اتمرمـــرتي ــ لحد لحظه مماتچ
مفجوعه ــ وبس لوعه ــ شاهدتي ابحياتچ
يازينب    حزنچ امفطر الصخر
يازينب    مارحـــــم بيچ الدهر
يازينب     خلصت اسنينچ قهر… يازينب
©©©©©©

         الخادم
✍كامل السعيدي

نزال للسيدة زينب سلام الله عليها
.
ياهو سوه الفاتحه
صوت نسمع صايحه
«««««»»»»»
صوت من الشام زينب حشمت وين الكمر
وينهم اولاد هاشم محد الزينب حضر
وسفه بديار الغريبه الغربه تحفر بالكبر
على طول الارض لازم فاتحه ولطم الصدر
مو ثلاثه و طايحه . صوت نسمع صايحه
«««««»»»»»
فاتحه يسووها اهلها و العشيره حاضره
هاي بيها افعال زلمه شيخ لاكنها مره
هايه اخت حسين هايه واخت سبع الكنطره
للنساء قدوه الاميره و هيه اكبر مفخره
كلمه زينب جارحه . صوت نسمع صايحه
«««««»»»»»
الفاتحه الهوسات بيها و للبيارغ علكو
بيها اصحاب الرساله للدفن كلهم اجو
الفاتحه الروح الاميره وي رسول الله قرو
و حضرو بليلة دفنها و لقنوها و رتلو
عيونها تضل شابحه . صوت نسمع صايحه
«««««»»»»»
كون كل بيرغ عشيره يطرخ بجف الزلم
خاطر الحره الاميره ما تمر بكل هضم
خاطر نطييب جرحها خاف ثاني تلجم
والله تستاهل عراضه اخت عباس الشهم
الجنه زينب واضحه . صوت نسمع صايحه
«««««»»»»»
قدوه زينب تبقى قدوه هيه بت خير النسه
ذلت ايزيد و زمرته بعرشه هوه و مجلسه
هيه عنوان النجابه و تبقى زينب مدرسه
تاج راس الدنيه كلها و تاج اهلها لابسه
بكلشي زينب ناجحه . صوت نسمع صايحه
«««««»»»»»
حسن صالح العيساوي

مولاتي زينب عليها السلام

مهضومه وغريبه
اشرح جم مصيبه.   عذّبني زماني
٠٠٠٠٠٠٠٠٠٠٠٠٠٠٠
آنه زينب والزمن كدّر حياتي
من زغر سني عشت وي نايباتي
جروح وحزان ومصايب ذكرياتي
تالي وبديرة غرب صارت وفاتي
من جرح الزجيه
لجرح الغاضريه.     مفجوعه واعاني
٠٠٠٠٠٠٠٠٠٠٠٠٠٠٠٠٠٠٠
زينب المحّد كدر ينظر خيالي
مدلله ومهيوبه بعيون الغوالي
انسبي عله الناكه ما مر عله بالي
ودخل لديوان اميه بهذا حالي
مجتوفه وسبية
يتفرج علية.    بعيونه السباني
٠٠٠٠٠٠٠٠٠٠٠٠٠٠٠٠
آنه زينب والمصايب شيّبتني
جارت علية الليالي وعذّبتني
الدنيا لرض الشام مسبيه خذتني
ونظرت الشمّات تكتل موتتني
النظرات الطويله
عالناگه الهزيله       موقف ماله ثاني
٠٠٠٠٠٠٠٠٠٠٠٠٠٠٠٠٠٠٠  
عشت مهضومة ومتت بالغربه وحدي
لا أهل لا اخوه لا جيران عندي
الدنيا وهل الدنيا صارت كلها ضدي
بلا ذنب بعدوني عن محراب جدي
برض الغربه موتي
وتمنيت اخوتي     ما واحد اجاني
٠٠٠٠٠٠٠٠٠٠٠٠٠٠٠
انعادت الغربه عليه بهاي الايام
چني مسبيه وغريبه بديرة الشام
مرقدي بلا شيعه خالي بلايه خدام
لا مجالس لا نواعي وحشه هالعام
وين اهل المواكب
اسكت لو اعاتب.      لو اصبر وتاني
٠٠٠٠٠٠٠٠٠٠٠٠٠
آنه زينب ابقى زينب ما اطخ راس
يبقى كافل كبري كافل خدري عباس
لكن الحسره تظل تجرح بالإحساس
ليش زواري نسوني خيرة الناس
أتأمّل تجوني
تحرسكم عيوني      والجنة بضماني

سيد زيد الفحام

نعي مفجع
السيده زينب تشكو الى اباء الفضل


راح وكـتـي الـبـيـه چـنـت ام الـخـدر
هـذا وكـتـي الـسـوط والـنـار ويـسـر
خـويـه مـنـك رايـحـه وأطـلـب عـذر
بـاچـر اچفوفي تـره ايـصـيـرن سـتـر

بـاچـر اعـرف زيـن ينـشـاف الـخـيـال
وماضي هذا ايصيـر يـاخـويـه الدلال
ادري صعبه اعـلـيـك مـا گـلـك تـعـال
وهذا حـالـك يالـنـمـت فـوگ الـرمـال

نـام نـوم العافيه وخـلـنـي انـسـبـي
لاچـن اعذرنـي اذا جـرنـي أجـنـبـي
كلشي حرگوا يـبـن ابـوي الـطـالـبـي
زيـن يـا عـبـاس مــن ضـلـت عِـبـي

تـدري بـيّهـه الـصـار يالغـالـي وجـره
بـيـن نـار وخــيــل زيـنـب حــايـرّه
گبلي مـا طـلعـت تره الـهـاشـم مـره
ولا سبوهه الجيش مثلـي امـخَـدّره

                                    *---------------*---------------*

خادم زينب (ع)
✍الشاعر رعد الجريخي

مولاتي زينب عليها السلام

صاحت بدمع المصيبه
لا تخلّوني غريبه
٠٠٠٠٠٠٠٠٠٠٠٠
هذه ايام الزيارة الزينبية
لا تخلوني احس چني سبية
وحشه يا زواري غيبتكم علية
آنه بنت المرتضى وامي الزجية
گلبي ما يخمد لهيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
كل سنه تملون صحني يالغيارى
يمي تحيون المجالس والزياره
گلبي نار وبس دمعكم يطفي ناره
ياحلاة المجلس بصوت المناره
تحضر الزهره الحبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
آنه زينب لا تعوفوني وحيده
انتم اهلي وآنه عن اهلي بعيده
مجلس امي بمرقدي الليله اريده
بليلة مصابي تسمعوني قصيده
ما يذل راس النجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
گلبي يبرد من تجوني وروحي تروه
اشم ريحة كربله وعطر الأخوّه
لعطر ابواليمه الحبيب جروحي تهوه
وعطر ابوفاضل كفيلي الكلّه نخوه
منين ابوفاضل اجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
بكربله تمنيت موتي آخر انفاس
بين اخوي حسين گبري وبين عباس
آنه ما احمل بُعدهم والله يا ناس
قدري عالي بروس اخوتي ارفع الراس
جرحي ما ألگه طبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگي دم ابچي واضل ثَكلَه وحزينه
لا بقيت ابكربله ولا بالمدينه
شحال الايون ماكو من يسمع ونينه
واليموت بغربه ينسل من حنينه
اندفن وحدي عجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
زينب اني الماكو من طيبة حناني
حيل عذبني وجرح گلبي زماني
لديرة الشام بقهر رجعني ثاني
من مدينة جدي وخواني خذاني
والاخو يكتل مغيبه
لا تخلّوني غريبه

سيد زيد الفحام

السيدة زينب عليها السلام
«««««»»»»»
اليوم زينب تلتفت مامن معين
حشمت عباس ابو كلب الحنين
ليش متحضرونها
زركه شوف امتونها . واويلاه . واويلاه
«««««»»»»»
وين عباس الكفلها ابشيمته
ليش ما يحضرها يوم اتنخته
اشلون تقبل يابو فاضل غيرته
من سمع نخوه العقيله صاحته
دم تسيل عيونها
زركه شوف امتونها . واويلاه . واويلاه
«««««»»»»»
وين ابو الاكبر يشوف الي جره
الجانت الحره الاميره ميسره
اليوم وي شمات تبقى حايره
تموت بين اجناب هايه مخدره
اعليها متقبلونها
زركه شوف امتونها . واويلاه . واويلاه
«««««»»»»»»
وين جاسم وين الاكبر ما درو
موتت الحره الاميره من اسمعو
الما اجو يوم الدفن لا شيعو
ما قرو ليلة الدفنه و رتلو
الفاتحه و يقرونها
زركه شوف امتونها . واويلاه واويلاه
«««««»»»»»
وين الاقمار المنيره اهل الفخر
وينها افراد العشيره و الكمر
لدفنج حسين يزينب ماحضر
وكلبج اعليهم يزينب منفطر
الله كون بعونها
زركه شوف امتونها . واويلاه واويلاه
«««««»»»»»
وين ما مرو اعليها بالدفن
ماتت الحره العقيله امن الحزن
ماتت و هيه عليكم بس تون
لحضه ماغمض بليل الها جفن
امتانيه يدفنونها
زركه شوف امتونها . واويلاه واويلاه
«««««»»»»»
حسن صالح العيساوي

مولاتي زينب عليها السلام

صاحت بدمع المصيبه
لا تخلّوني غريبه
٠٠٠٠٠٠٠٠٠٠٠٠
هذه ايام الزيارة الزينبية
لا تخلوني احس چني سبية
وحشه يا زواري غيبتكم علية
آنه بنت المرتضى وامي الزجية
گلبي ما يخمد لهيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
كل سنه تملون صحني يالغيارى
يمي تحيون المجالس والزياره
گلبي نار وبس دمعكم يطفي ناره
ياحلاة المجلس بصوت المناره
تحضر الزهره الحبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
آنه زينب لا تعوفوني وحيده
انتم اهلي وآنه عن اهلي بعيده
مجلس امي بمرقدي الليله اريده
بليلة مصابي تسمعوني قصيده
ما يذل راس النجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
گلبي يبرد من تجوني وروحي تروه
اشم ريحة كربله وعطر الأخوّه
لعطر ابواليمه الحبيب جروحي تهوه
وعطر ابوفاضل كفيلي الكلّه نخوه
منين ابوفاضل اجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
بكربله تمنيت موتي آخر انفاس
بين اخوي حسين گبري وبين عباس
آنه ما احمل بُعدهم والله يا ناس
قدري عالي بروس اخوتي ارفع الراس
جرحي ما ألگه طبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگي دم ابچي واضل ثَكلَه وحزينه
لا بقيت ابكربله ولا بالمدينه
شحال الايون ماكو من يسمع ونينه
واليموت بغربه ينسل من حنينه
اندفن وحدي عجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
زينب اني الماكو من طيبة حناني
حيل عذبني وجرح گلبي زماني
لديرة الشام بقهر رجعني ثاني
من مدينة جدي وخواني خذاني
والاخو يكتل مغيبه
لا تخلّوني غريبه

سيد زيد الفحام

#نعي

أنا الوالدة والگلب لهفان
ودور عزا زينب وين ماچان
هاي أخت الذبيح المات عطشان
الضل عالرمله وهدومه سليبه

ماتت بالغرب مو يم أهلها
وماشال النعش چف الكفلها
ولا ضل عدها أبن دمعه يهلها
عمت عيني مصيبتها مصيبه

شافت طـف أهلها ونايباته
وشبعت ضيم من شام الشماته
كون يشوفها الدلل خواته
فوگ الهظم سموها الغريبه

هم مثل أمها هم ماتت نحيله
صيحو وياي يايمه العقيله
وين ألي يشاركني بعويله
ويشاركني بدمعته وبنحيبه

صيحو وياي ها يم عون يمه
كون اليلطم ألها بحرگه لطمه
هظمه موتتچ بالشام هظمه
وين ألما يبطل من ثغيبه

وين ألما برد والحار دمه
وين اليطر زيجه وصدگ زلمه
وي السجاد صيحو بصوت عمه
يهل وادم نهيبتنه نهيبه


✍🏻حسين حمدان الدلفي

#اللهم_عجل_لوليك_الفرج

((     نـــــزال  ))
  خــيــمــه الـمـجـالس خــيــمــه
     يـجـمـعـنـــه راعــي الــشيــمــه
         .............................
نـتـــوكـل عـلـه الله ونــعــــزي   اللــيلــه
خـلـي الـموالي للـعــزه ايــشــد   حــيـلـه
ثــابـــت عــزانــه اومـا نــحــب تـبـديـلـه
للــمـهدي عـجـــل بـالــفـــرج نـد عـــيـلــه
   واحــنـه الـعـــزاء انـــقــيـــمـه //
ـــــــــــــــــــــــــــــــــــــــــــــــــــــ
خــيـمـه الـمـجـالس  تـجـمـع الـطـامـه
هــنـيالـه لـحـسيـن الـتـخـلـص ايـامـه
ويـكــسر اظــلوعــه اويـطـبـر لـهـامــه
والــضـدنـي خـلـه يـنـتـحـر بـوهــامــه
   لــلــمـــنــتــظــر تـســلـــيـــمـه   //
ـــــــــــــــــــــــــــــــــــــــــــــــــــــ
ونـواسـي حــيـدر والـحـسـن  والــزهــره
مــذبـــوح ابــو لـيـمه  وانـزف مـن نـحـره
وســفه الـخـيـول بـمـوتـه داسـت صــدره
زيــنــب تـنـادي اريـت ابـونــه ايــحــظـره
صــار  الـضــعـــن  بـــالــهــيــمــه  //
ـــــــــــــــــــــــــــــــــــــــــــــــــــــ
يسـتـقـبـل الـطـامه  راعـــي  الــغــيـــره
ويـهـلي بـالجــاي وحـسـرتـه  جـــبــيـره
يـلـطـم يــريــد ورأســه ضــل ايـديــره
مـاعــنـده چــفــيـن ودلـــيــله بحــيـــره
     قــائــــدنــه الـلـه يـــديـــمـــه. //
ـــــــــــــــــــــــــــــــــــــــــــــــــــــ
عــطـشـان أمـامـي والـسـهـم بـعــيــونـه
لــيــث الحرايـــب  بالطـف ايـهــابــونـــه
وكــت الـكـلافــه سـيـفـه يـحـتـاجــونـه
حـيــو بــو فــاضـل كـافــل ايـسـمـــونـه
   مــن جــوده يــروي الــغــيـمــه //
  ـــــــــــــــــــــــــــــــــــــــــــــــــــــ
الشاعر خالد جودي العارضي

قصيدة نزلة في مسير السبايا


يالطايح عله المشرعه ماتدري بيه
عنك خـذوني ياگمـر هاشم سبيّــه



انت الجبتني من الوطن وتكفّلتني
محتـاره اظل بغـربتي ما عـوّدتنـي
ما تدري سلبوني العده لمن عفتني
عايفني وحدي بغربتي بين آل اميّه




ناديتك بحبل السبي من چتّفـوني
يابالفضل تقبل سبي عنك خذوني
آنه العقيله ام الخدر بس مارعوني
تقبلها يضربني الشمر بالغـاضريـــه



اني وخـواتي ياگمـر هاشم سبونه
ياخويه بسياط وزجر عگبك ولونه
سلبوا خـدرنه بلا خـدر لمن خذونه
رتك تجينـي ياشبل حـامي الحميـه



عالمشرعه مرّ الظعن شفتك يعباس
بس الجسد صاير وذر بسيوف الارجاس
ياريتنـي يمـك اظل تتركنـي هالناس
يابالفضل ما فـارگـك صبح ومسيّـــه



ودعتـك الله ياگمـر هاشـم كفيلي
عنك خذوني والشمر اصبح دليلي
يضربني خويه لو سمع ونّي وعويلي
نايم يخويه وزينب تشوف الأذيّـــه



تقبل يبوالغيره الگمر ادخل دواوين
لخيالي ماواحد نظر تنظرلي كل عين
وين الوعد يابالفضل ياكافلي وين
مچتوفه ياوسفه واطب ديوان اميّه

خادم ام المصائب زينب عليها السلام
سيد زيد الفحام

السيدة زينب عليها السلام
.«««««»»»»»
وينك يابو فاضل الحك الها
الماتت غريبه بدون اهلها
ماتت زركه لمتون
الحك لختك ام عون
«««««»»»»»
زينبكم غريبه ابديرة الشام
مكسوره الاميره كسرة الجام
بقت نار بهدمها من الخيام
من يوم السبي ماكدرت اتنام
عميه اعليك العيون
الحك لختك ام عون
الما غمض ولا ساعه جفنها
«««««»»»»»
يعباس الجنازه  تريد دفان
ليش ام عون ما وياها خوان
زينبكم  وحدها و ماكو عوان
يدفنوها الغرب من غير عنوان
وانته ماكو اشلون
الحك لختك ام عون
ولا اخوان يمها و ماكو ابنها
«««««»»»»»
وين حسين عنها وينه عباس
تناديكم اختكم ها  ينبراس
بديار الغريبه تموت يا ناس
دفنوها بشماته رفعت الراس
عليها اشلون ترضون
الحك لختك ام عون
و بديار الغريبه ابلا كفلها
«««««»»»»»
هاي اختك يعنوان الكفاله
ادتها  ابفخر دور الرساله
ذلت عرش اميه و احتلاله
جليله الله خص الها الجلاله
الليله مضلم الكون
الحك لختك ام عون
طش بعدك يبو فاضل شملها
«««««»»»»»
تعال وشوفها مالومه لليوم
السوط امتنها تارك ارسوم
ما تكدر الحره بحيلها تكوم
زينب بالضهاري شافت انجوم
اضن ما بيها تدرون
الحك لختك ام عون
جبل لو شاف همها ماحملها
«««««»»»»»
حسن صالح العيساوي

سامره تشهد  اسمه تخلد
والهادي يا ناس  يشبه محمد
سمو الهادي
***
امصيبة الهادي مصيبه.   وحيرت اهل السمه
خرج ضد طاغية عصره  فلذالك سممه
كل بني العباس اديها.   املطخه بفيض الدمه
باجر اگبال العداله.   تبدي غاد المحكمه

باطل حكمهم.  شفنه ظلمهم
ولجل المصالح.  باعو ذممهم
سمو الهادي
**
الهادي عنوان الكرامه.  وباقي ذكره بكل زمن
الساجن الدنيه بكبرها.   اشلون ياناس انسجن
هذا شيخ الدنيه كلها  ادلاله ما لحضه طفن
كل وكت فاتح مضيفه.    ويكرم اشلون الحسن

بجفوفه رايه   ايه اعله ايه
وحار بصفاته.  راوي الروايه
سمو الهادي
*
ارض سامره العظيمه.   طهراها بهيبته
الطير عدنه نحسبه زاير.   من يحط يم كبته
مدري ليش الكلب يبرد.   من اطب الحضرته
اتوجهت لله وشكرته.    من رزقني زيارته

يسمع كلامي.   ويرد سلامي
وعمري رخصته.   الهادي امامي
سمو الهادي
***
بمرقد الهادي يعالم.    صدري كلش ينشرح
ليش اضيع وعندي امامي   اترابه ينحط عالجرح
انه من ادخل ضريحه   بوجهي كلشي ينفتح
زايله الدنيه اعرفتها.    وخدمة الهادي ربح

طوف بمزاره  وخذ البشاره
السامره انصحك.   انوي الزياره
سمو الهادي
****
علي الهادي بدمي يسري   وهوه حجه اعله البشر
وعالعرش منقوش اسمه.   وبالاحاديث انذكر
حارب اصحاب الظلاله.   وماكو ضل الهم اثر
جان من يكعد يسبح.   ايسبح وياه الصخر

نوره تجله.  ويشفه الدخله
والرايد اثبات. عندي ادله
سمو الهادي
****
تمت
تحسين الخفاجي

الشاعر الموفق تحسين الخفاجي



بصوت حسين عدنان الكوبعي

انه ابراس  السنه واهمل دموع العين
وبچي ابهل مصيبه ومانسيت حسين
*******
محلات الخدامه وبيها رفعت راس
عنواني  المحبه  وشايل الاحساس
باچر   يالخدم   يحضركم  العباس

وكل خادم يجي مايسأل انت امنين
*******
موعد بالخدامه وشاهد الخدام
مجرد   بالسنه   تتغير   الأرقام
عدنه اشگد مصيبه للأبد آلالأم

دمعات الجفن شاهدنه طول اسنين
******
عدنه من المصايب ما طفت جمره
ويظل حسين  عايش بينه والعبره
نصيح  ابصوت  ما ننساج يالزهره

صوت من الحزن  عشنه الدمع بونين
*******
تظل عدنه العقيده نحچي بالإيمان
ومصدر كل حقيقه يوضح الإنسان
نحييهه   السنه  بالادعيه    وقرآن

هاي   المفخره بيها  الفعل  والدين
*******
ليلي  من الحزن  ما  خلصت الدمعه
واظنهه من المصايب ناحت البضعه
يلم    بيه  الجرح  والنايبه   اترجعه

على الهادي حزنه  والجرح جرحين
*******
حزني  لو اسولف بس  دمع وهموم
وليلي بس نعي  ياويلي عالمسموم
ننصب  مأتم   الهادي  يظل مظلوم

بني العباس  سارت بالحقد  لا وين
*******
تعذب  بالسجن واجروحه ما تنقاس
وشاهدهه المصايب من بني العباس
صبت  كل  حقدهه  زمرة  الأرجاس

ضد ال النبي  صار الحقد  تدوين
*******
اسولف  بالنوايب  واسچب  العبره
وذكر يا  ذبيح   المنسحگ   صدره
خيل اعداه   جالت عالصدر عشره

نار  الفاجعه  ظلت عجيبه اسنين
*******
تمت بعون الله تعالى الشاعر_يوسف_الفتلاوي

صيحة القائم .. يم گبر فاطم
يا لثارچ فاطمة .. يا لثارچ فاطمة
*
بحلمي شفت المهدي واگف يم گبر مبني بذهب
يالثارچ يمي يصرخ صرخة ماليها التعب
غيضة تارس طرف سيفة ايصيح و اينگط عتب
احرگ ابيوته اعله راسة الحارگ الباب ابلهب

المعتدي عليها .. ايده الويها
يالثارچ فاطمة .. يالثارچ فاطمة
***
و أخيراً اجه الياخذ ثارها وثار الطفل
أولاً يكسر اجدامة الدافع الباب برجل
ثانياً يشلع اعيونه اليضحك بوقت القتل
ثالثاً يقتلع عقلة الهاجم ابلاية عقل

ايطلعه من گبرة .. ايصلبة عالشجرة
يالثارچ فاطمة .. يالثارچ فاطمة
***
حالف المهدي بظهورة ايجيبهم كلهم سرة
بنار گلبه ايصب عليهم ما يتاني الآخرة
عوج: والأعوج يوادم ما تعدله المسطرة
من بقاية الحطب ذاكه بأيدة يحرگهم ترة

حالف اعليهم .. إله يغليهم
يالثارچ فاطمة .. يالثارچ فاطمة
***
مركز الكون اعله چفة وسيفة حلال الصعب
صاح طلعوا الكتلوا امي إله احطلهم گلب
صاح انه القاضي الاقضي ومحكمة دم تنصب
الثاني اعرفنه علاجه هذا يتعالج صلب

الهاجم اعله امة .. امن الهوه ايحرمة
يالثارچ فاطمة .. يالثارچ فاطمة
***
المهدي حصن الله الچبير اليدخل ابحصنه أتمِن
المهدي اشارة امن الله نزلت حوّلت قطب الزمن
جاي ويدلينا وينه الگبر ويسويه وطن
باچر ايخلي المدينة كلها بسم ام الحسن

باچر الحظرة .. توصل الگمرة
يالثارچ فاطمة .. يالثارچ فاطمة
**
غيرة يتلافح بياضة بالجمال الهاشمي
سيّد الايام كلهن يوم ثارة العالمي
باچر لدولة الحجّة كُلُّ كائِن ينتمي
و عالكرة الارضية يكتب هذا كوكب فاطمي

وكوكب الزُهْرَة .. حصة الزهرة
يالثارچ فاطمة .. يالثارچ فاطمة
**
علي هادي الخزعلي

ابگد مسافات اليسر حنينه
أنزور مرقد زينب اشتاگينه
...
چان مفتوح الطريق إبلا جهد
كل سنه انروحلهه زوار أو نرد
هالسنه أنزور العقيله امن البُعد
الحادي هذا العام ما مر بينه
...
كل سنه ابذاك الصحن نرفع علم
وندخل أمن الباب الاخضر يالخدم
نلطم اعله الراس حفاي الجدم
ذكريات المرقد اتبچينه
...
أمن العراق السوريه انصير ازدحام
امعاهدين ام عون منعوف المقام
صدگ ردت زينب الذاك الضلام
والضريح الناصبه امحوطينه
...
فاتحة زينب منو ايسويهه غاد
لاطبخ لاصوت ناعي بهالبلاد
نحترگ من حقنه وانصبح رماد
من نشوف المرقد امقفلينه
...
بت رسول الله محمدنه النبي
اجنبي ايشتمهه وايسبهه اجنبي
مرتين اشلون زينب تنسبي
مايمسوهه وحگ مهدينه
...
الشمر لو مد ايده نگطلعه الادين
واحنه شيعة علي واجنود الحسين
عالحدود اهناكه جيش امرابطين
وسيف ابوالحمله علي امحضرينه
...
لو نختنه وحيّهم الحوراء تصيح
عله الشام اسيوف بتاره نطيح
اويانه ابوفاضل حمايه اعله الضريح
والخزر مرقدهه نفگس عينه
...
خلو مرقد زينب ايعيش بأمان
احنه ميكظنه زمان ولا مكان
إن چان ياهالناس تنطونه ضمان
ابدينه موسه وعيسه يبقه ابدينه
....
محمد الجماسي
اللهم عجل لوليك الفرج

#للعقيلة_زينب


كأني بالسيدة ام البنين بعدما عاد ضعن السبي و الضيم إلى المدينة تكّلمت مع الإمام السجاد ع لكي يَتَكلم مع السيدة زينب ع و يجعلها تكف دموعها و تقلل حزنها و تستراح قليلا خوفا عليها من الموت فقالت له
ـــــــــــــــــــــــــــــــــــــــــ
مقدمة /المستهل

تبچي لتخـــــليها      حيل ما ظل بيها
يُمة يالســـــــجاد.     بلكن اتحـــاچيها
ـــــــــــــــــــــــــــــــــــــــــ ـــــــ
هوّدت كــــل الحـــــــرم بس هيه لآ
منين ما كضها استمع مــــن عدها آ
لهسه تتخـــــــيل بعـــــــدها ابكربلآ
و چن طفل مفزوع و تروكـض ورآ

منگبة ابشيلـــــتها.      و تحچي وي دمعتها
حگها معـــــــذورة.      مذبحـــــــين أخواتها
ـــــــــــــــــــــــــــــــــــــــــ
بكل مكان اتشوف روس اعله الرماح
و صوتها رايح صُبح مـــــــن الصـياح
عندي ظل لحسين ثوب ابـــلا جراح
أخذه بلگي تشمّه يُمة و تســـــــتراح

و عندي من الجربة.     ماي خـــل اتشربه
بي عطر عـــــــباس.     و ادري بيها اتحبه
ـــــــــــــــــــــــــــــــــــــــــ
مجرحات ايديها من شــد الحبل
گوة تمشي و بالمشي تگزل گزل
رضرضن عظماتها نـــــوگ الهزل
يُمة و اسياط الزجـــر ما تنحمل

عمت عيني اعليها.    بايدة رجلـــــــيها
يُمة و الشــــــمّات.     هواية سبّت بيها
ـــــــــــــــــــــــــــــــــــــــــ
الشام آه الشام من طـــــب الضعن
يُمة نســـــــوان الشمـــــــاتة هلهلن
تراب و احجار اعـــله زينب شمّرن
و شتمن العباس و حسين و حسن

تربــن اعـــبايتها.      و عثّـــــرن ناگتها
صايحنها ابسوگ.     و هايه حيل اذتها
ـــــــــــــــــــــــــــــــــــــــــ
مكسرات اضلوعها ابلطــــــم الادين
و ما أظِن من البچي ظللــــــها عين
يُمة سكِّتها عليـــــــك ابدعة حسين
عَمّتك راحة تموت امـــــــن الونين

وَلَو ماتـــت هيه.     من مشت مسبية
و رجعت لعباس.    راضية مرضـــــية
ـــــــــــــــــــــــــــــــــــــــــ ـــــــ
تنسه زينب كربـــــله لا مُستحيل
بس عسه و لنّها تِهوّد شي قلــيل
يابني يالسجاد گلها ام الكـــــفيل
من تميل الناگة چانت هــم تميل

جفني ظــل امساهر.    ابداري عشت العاشر
يسحگ اعله حسين.    هم نظـــــرته الحـافر
ـــــــــــــــــــــــــــــــــــــــــ
الحمدلله
#علي_حسين_الكناني

مشتاگتلهم     بآخر    انفاس
لحسين اخوي وگلبي عباس
كلش بعيده    كربله  كلش  بعيده
ياهو اليگلهم تنتظر زينب وحيده
مشتاگتلهم

--------------------------------------------

خلاني  دهري    بلا أهل  والعله  بيه 
ما سافرو   جوى  الترب   بالغاضريه
يا شام  روح الكربله   واخذ الوصيه
وصل رساله من الاخت لاهل الحميه

گلهم  جنازه  بدون  الاخوان
ترضون نعش  ام عون بردان
زينب  يهلهه   اتريد     دفان
موعد رحيل  ام الخدر  حان

وين  اليغمض  عيني  وينه
من الطف لهسه    وملتقينه
وين الكفل خدر الضعن گلوله اريده
ياهو   اليگلهم  تنتظر زينب وحيده
مشتاگتلهم

---------------------------------------


حنيتلك    يابو علي    وللكافل   هواي
ياهو اليبشرني ب أجو وانطيله عيناي
لمتنه ترجع لو  حلم  وآنه احلم   بهاي
ترجعلي  راية كربله  وما  ريدن  الماي

چف   الكفيل    بعيد    يا ناس
وجه   الحسين   شلون  ينباس
بعيوني  صوره  ضلوع  تنداس
شفت الرمح بس فوگه يا راس


يرجعلي  منظر  سحگ الخيول
ومنحر طفل  بسهام    مشتول
بكل ساعه اشوفن كربله بدمعه جديده
ياهو    اليگلهم   تنتظر  زينب   وحيده
مشتاگتلهم

------------------------------------------


مريوده يا ناس الاهل مريوده  الاحباب
عين الغريبه  التنتظر  مشدوده   علباب
وآنه اهلي بالطف خلصو ومصوبه صواب
يا روحي موتي من البعد موتي من العتاب

ظليتي    وحدچ    وشتتانين  ؟
جوه  التراب  عيون  الحسين
موتي اعله كيفچ  همه ميتين
بس  لو   لفو   حگچ   تعدلين

شده  الوداع   وعن   بعد  صار
بلحظات   موتي  وعيني  تندار

واتذكرت طف وسبي  وسكنه  وحميده
ياهو     اليگلهم   تنتظر  زينب   وحيده
مشتاگتلهم

------------------------------------------


ردولي محتاجه استمع يا خويه مشتاگ
اسمعهه من صوت الكفل موتني الفراگ
بلشام  كل لحظه التمر  انفاسي    تنباگ
ياهو اليجيب حسين الي ونتشابگ اشباگ

اشتم     عطر    أمي    بحظنته
يرجعلي اخو ميته  اعله  شمته
ليهسه  اتاني  بدمعي     سكته
محلى الاخو من ايگابل   اخته

يا روحي  موتي  اخوانچ   ابعاد 
ما  فاد  نوحچ  والله      ما  فاد

ظلتلي ذكرى  اعله  النهر  دم من وريده
ياهو     اليگلهم  تنتظر  زينب   وحيده
مشتاگتلهم


-----------------------------------------

غمضت عيني وبالنعش منتظره بالشام
وين الچفوف  اتعطلت تابوتي  محتام
عباس اريدك بالدفن   لا تغفى    وتنام
ها يا كفيلي چم جرح بالملگى    يلتام


خلصت  بعد  وبحسره   ظليت
بنص    اللحد   عباس    تانيت
منتظره اخيتك وانته ما جيت
برمل  الگبر   نمت     وتغطيت


قصة   جرحنه   بذمة    الگاع 
خوه ابتدت ما  تنتهي   بساع

ظل شاهد اعليهه النهر  وعيونه  وايده
ياهو     اليگلهم  تنتظر  زينب   وحيده
مشتاگتلهم


كلمات الخادم /  رعد الفريجي
28  / جمادي الاخرة /  1446
ثوابها الى روح والدتي

رغم السده  ورغم العده
هذا العزاء انجدده
سبع الدجيلي مضلوم واجب علينه انذكره
»»»»»»«««»»
مجلس نسوي وهم نسوي اقرايه
رغم العده واهل الحقد و الغايه
نقسم قسم بجفوف راعي الرايه
حد الكبر طول العمر
رغم العده نحيي الامر
يابن علي ما ننساك حبنه الك عل فطره
»»»»»«««««
كلمن يحاول ما وصل للراده
نزيد المجالس احنه كد اعناده
الحيدر علينه هل عزاء وولاده
مهما وصل مهما حصل
هذا العزاء ثابت يضل
مجلس نسوي ابهل يوم  وتحضر اويانه الزهره
»»»»»«««««
بيت الامامه القتل عدهم عاده
هذا الورث متوارثه امن اجداده
لا مو جديده هاي عند الساده
شايل صفه  اهل الوفه
جرح المحب مابي شفه 
سيد الرسل ناح اعليه وحيدر حنه اعليه ضهره
»»»»»««««
محمد مصابه مو سهل لا والله
اشلون النذل بالسم كدر يوصله
نعشه منو الينتحب يمه وصله
للغالين  تدمي العين
ينحب بقه ركن الدين
بس بالعباده و اصلاح خلص حياته و عمره
»»»»»«««««
اول ظهور المهدي ياخذ ثاره
بعون اللاه اوقوته الجباره
الشيعه لزومن تجتمع بدياره
ليل الوحش شيل نعش
بمصيبته اهتز العرش
عرش السمه اهتز اعليه و للباري سلم امره
»»»»»«««««
حسن صالح العيساوي

مشت وعيونها على حسين  دارن
بچت ودموعها من الضيــم  دارن
صاح حسين للنســـــــــــوان دارن
زينب لاتموت اختي السبيـــــــــه
محمد الفهداوي

طب ليها ابوفاضل خويه طب ليهــا     
هـــاي الخيـل محـد صايــح عليهـا
ــــــــــــــــــــــــــــــــــــــ
طب ليها يجف اليوجع صوابه
اخوي وشاده بزودك العصابـه
هاي الزلم جنها ادور اطلابــه
غبره وغير سيفك مــايحليها
ــــــــــــــــــــــــــــــــــــــ
كوم اسحك ركبها ومنها اخذ حكنه
المالحكت جــدمنـه تــريد تلحكنــه
كبــل جــانت ورانه شلـون تسبكنه
متيهــه ومــاتوجـــد كــوم دليهـــا
ــــــــــــــــــــــــــــــــــــــ
احنه اهل الكرم وحجاية الزينـه
نفرض دوم محد يفرض علينـه
احنه شيوخهــا ومحد يحــاجينـه
شــرايـة العفيه ونخســر عليهــــا
ــــــــــــــــــــــــــــــــــــــ
كوم الماتعرفك زامطت ردها
عكر خيولها وكسر سواعدها
الماتعدل حلكها كبالنه شعدها
شلون بكيفها تسولف مخليهـا
ــــــــــــــــــــــــــــــــــــــ
يــاعبــاس يــابعـــد اليــدلنـــي
هــذا الجيش للصيــوان متعنــي
خل ام البنين تصيح عفيه ابنـي
وخل يسمعها هسه الماسمع بيها
ــــــــــــــــــــــــــــــــــــــ
كسر خشومهــا ونكس رواياهــا
وجلل حيلهـــا وكثـــر منـاياهـــا
طكها منالوجه واسحك بمكفاها
وخلها تصير سوده بوجه راعيها
ــــــــــــــــــــــــــــــــــــــ
كـــوم ولاطــول سكتتك عنهـا
سل سيفك وفنها الوصلتك فنها
هــاي الشيله يمك راح اذبنهـــا
وهسه تكوم ياعباس تكضيهــا
ــــــــــــــــــــــــــــــــــــــ
فوك الروس خلها ترفرف الخضره
وراويها اخوزينب عينك الحمره
شك حلك التراب بحافر المهره
وطب بسدورها وهوس بتاليها
ــــــــــــــــــــــــــــــــــــــ
ها يربات حيدر والحرب عيده
يـادرواسهـا المايصطــر بهيـده
خل الماي هسه المـاي ماريده
اريد الثار يبــن المـــايثنيهــــا
ــــــــــــــــــــــــــــــــــــــ
يابيرغ عمامــي وياعباة امــي
هايعكال ابــوي وسالفت عمــي
اريد اليوم توصل روسهم يمـي
الشالت روسها ويالكاع ساويها
ــــــــــــــــــــــــــــــــــــــ
يبن المايذل بغير محرابه
الحك يبـن ابوي يريد طلابه
سيفك مــامعلمه ينام بكرابه
نيمه بروسها وحده بـركَـابيها
ــــــــــــــــــــــــــــــــــــــ
يـاحــر يـاشهــم والربتك حــره
اخوي اليوم خلـي ارياكَهـم مره
من شواربه اليوم الشمر جـره
هــد ورايتـــك للغيــــم عليـها
ــــــــــــــــــــــــــــــــــــــ
ضهضب والشــوارب يافحل كصها
كض بيرغ عمامك واعرض بنصها
صيح وهـــوستك بالشـام خلصها
شد حيلك وملكَه المــوت لاكيهــا

خادم الحسين ع
رائد الناشي

#اللهم_عجل_لوليك_الفرج

ونبقى .. على أصلنا مهما مر علينا
في زمنٍ .. ضاعت فيه الأصول
نُشرق كالقمر .في ليلٍ حالك نُضيء...رغم العتمة
ونتمسك بجذورنا .. كالشجر العتيق
لا تطيح به العواصف .. ولا تكسره الرياح
نحمل في قلوبنا .. نبضًا من الصدق
يفيض دفئًا .. في عالمٍ بارد
ونمضي بثبات .وسط زحام الأقنعة .. والزيف
الأصالة .. تسكن فينا تعانق أرواحنا .. كالنور الهادئ
ومهما تبدَّلت الأيام .. واشتدت الظلمات
  نبقى نحن .. نُضيء الطريق .. للضائعين ⚘
نُهدي الحياة .. نقاءً لا ينطفئ
لأننا أصلٌ ثابت .. و روحٌ لا تنكسر...🦋🥀

صباح الورد والياسمين على حبايبي الغالين دمتم بخير 🕊️

🦋🦋🦋🦋🦋......... 🦋

     🍂🍂🍂🍂🍂🍂.............. 🍂

                       🥀🥀🥀🥀🥀.................. 🥀

🕊🌱🕊🌱🕊

قال الامام علي ( عليه السلام )
{ الصمت : إجابة بارعة لا يتقنها
الكثيرون }

🕊🌱🕊🌱🕊


صبحكم الله بالخير والسرور

لاتودعنـي وتسـولف ع الـرحيل
خويه محروس بعلي وعمرك طويل
خـويه كلبي تكَطعه
لاتكلــي  مــودعــه
حملي من ترحل يبوفاضل يميل
ــــــــــــــــــــــــــــــــــــــ
اسم الله خــويه منالمفارك لاتسولف ع الهجر
خــويه من عمري اعله عمرك يابعد كل العمر
مــن تكَلـــي وداعت الله تكَطــع بكَلبــي وذر
العدهـا مثلك يــابـوفـاضل ماتسولف بالنهــر

خويه عوف الماي مالازم تروح
وانته تدري برايتك متعلكه روح
بالعطش من انجوي
من اشوفك ارتوي
انته ماي وشوفتك تشفي الغليل
ــــــــــــــــــــــــــــــــــــــ
جلمة الله ويـاج زينب يابــوفـاضل مــا اريـد
خويه هـاي الجلمه اهيس تكَطـع بكَلبي وريــد
كبل يومك يومي خويه ان شاءالله ويومك بعيد
اَنـه باليــوم الاشــوفك ينكتب عمــري الجــديـد

يوم زينب كبلك وعمرك يطول
موتي هجرك جا بعد شتريد اكول
بس نفس مابيه صوت
هسه بس تروح اموت
شلون اودعلي كمر والدنيه ليل
ــــــــــــــــــــــــــــــــــــــ
شلــون تقبلها بوجودك زينب اختك خـــايفـه
بس سمعتك كتلي رايح والضوه بعيني انطفه
اكَعد وياي ارد اشــوفك وانسه سالفت الجفــه
خــويـه يـل كلك محنــه منين ماشبكَك وفـــه

شلون اكظي الليل عباس بجفاك
وانته روحي وعايشه الدنيه بهواك
مــن جبت طــاري الوداع
تصورت جن خدري ضاع
روحي ماتحمل جفه وهجرك يعيل
ــــــــــــــــــــــــــــــــــــــ
خويه من شفتك كبالي خيم بكلبي الحزن
وارخصت دمعة عيوني وبللت خد الجفن
انته يمي وما امل لشوفتك كل ساعه احن
ومن كثر مابيه شوك تخيلت طولك حظن

انته هسه كبالي وتصور بعيد
شلون تكسر خاطري وترحل تريد
ياعباتي وشيلتي
لاتطيح خيمتي
خويه اسكت وارحم دموعي التسيل
ــــــــــــــــــــــــــــــــــــــ
عيني للرايه واسولف وحدي ودمعي يهمل
المثل ابوفاضل يروحي شلون فركَا ينحمل
واشهكَ ويبجن خواتك والكَلب منهن وجـل
وانه اكَلهن لاتخـافن بعده ابو فـاضل عـدل

بس يسكتن وارجع بصفناتي ليك
روحــي يتراوالـي مورايه البديك
افز مرات ارد اصيح
خــويه بــالك لاتطيح
خدري هايه وخدري عندك موقليل
ــــــــــــــــــــــــــــــــــــــ
اشبح عيوني اعله طولك خويه والهم ينجلي
يــابعـد مـاي البعينــي وخيمتي وبيــرغ هلــي
انــوب اكـل لروحــي امنــي مايعوفج كافلـــي
كبــالـي موعباس اشوفك جنـي اشوفنك علـي

بيك اشوفن امي والضلع الكسير
وجني اشوفنك المحسن بس جبير
تصورت كل اهلي بيك
وامي مرسومه اعلى اديك
ماكو بس انته وعلي لزينب كفيل


رائد الناشي


#اللهم_عجل_لوليك_الفرج

مولاتي زينب ع


هلي اعله الناس ماگطعوا  .. وصلهم
نَـسـبـهـم طـاهـر الـبـنـبـع  .. وصلهم
خـبـر عـن حالي مـاضـنـن  .. وصلهم

أضـن لـو واصـل ايـفــزعـون لَـيـه

*----------------------*--------------------*

✍خادم زينب (ع)
الشاعر رعد الجريخي

وهاي اجنازت المسموم    يا شيعه تلكوها
وموش اعله الجسر عالراس شيلوها
**
ليش اجنازته بمتن الحماميل
ومن تميل وياها الهوه ايميل
امكيد بالسلاسل والدمه ايسيل
امصيبتنة مصيبه وتهدم الحيل

حيل ابجن يالعيون   راحو ما يردون
وسفه اتظمهم الكاع    البيهم هيبة الكون

ومطروحه الجنازه لا تخلوها
وموش اعله الجسر عالراس شيلوها
***
يايوم الفرج كلهم يسألون
كال الجمعه والشيعه يتانون
بالطاموره خلص عمره مسجون
ولن اجنازه مشيوله اعله المتون

بالجمعه الفرج كال   وعالخد الدمع سال
صحنه ابلا اهل ليش   نعش الكاظم انشال

الليله شيعته بمصابه فجعوها
وموش اعله الجسر عالراس شيلوها
**


نوحو اعله الغريب المات مسموم
وحته امن الضوه يا ناس محروم
من الجامعه تتجاره الدموم
واعله العين حرم لذت النوم

سجانه قسه وياه   بصوطه اهواي اذاه
كلش يشتهي الموت   من تعذيبه خلاه

ودعوها الجنازه كومو ودعوها
وموش اعله الجسر عالراس شيلوها
**
ليش اجنازته ضلت غريبه
وينوح الصخر من هالمصيبه
الكاظم راح والراح شيجيبه
وليش بعلته اتحير طبيبه

ما عنده عشيره   والحيره جبيره
وينادي المنادي   راح اليسوه ديره
جيبو اعمامته وللرضا ودوها
**







حل نون يشيعه بهل مسيه
ونشيع غريب الكاظميه
كل بغداد نصبتله عزيه
وعالمسموم جمرتنه سريه

صارت ظلمه بغداد   واهل الكاظم ابعاد
ولازم نعتني اليوم   يم عطاي المراد

لجله الفاتحه بكل دار سووها
وموش اعله الجسر عالراس شيلوها
****
تمت
تحسين الخفاجي

يا زينب

ودي أگــعــد بـكـتـره  ..   ودي أعينه
لچـن عـالـهـِزل گــوه  ..   وده عينه
الـگـمـر وياي تـحـدي  ..  وده عينه

بـرمـح راسـه وتـصـد عينـه عـلـيـه

*-------------------*-----------------*
✍خـادم الـحسيـن ع
الشاعر رعد الجريخي

على شفافـك ضمه وعينـي دمـه أتلالـي
يخويـه شلـون أشـربـك والـرمـح عالـي

1
وكـت ما عـل الهـزل يبن أمي ركبونـي
نزلـت مــن الهـزيلـــة أفقـــد اضعونـي
يجرونــي بحبـــل نوبـــة ويضربونـي
وعلـى نحـرك يخـويـه صـدت عيونـي

عفتنـــي بحـيرتــي ومـحـــد إلـــي تالـي
يخويـه شلـون أشـربـك والـرمـح عالـي




2
مشينـه ومن مشينـه إحساسي ظل ينعـه
تـــذكـرت الأصـابــع مــن بـقــــن تسعـة
صحـت يحسيـن صـاح الشمـر شيرجعـه
اخــــوج آنــــه بــديـــه زينــــب مقطعـة

الشمـــر طـــول الـــدرب مـاراحــم بحالـي
يخويـه شلـون أشـربـك والـرمـح عالـي



3
يخويـه النـذل شربـت مــاي جـاب ألنـه
رحـــت اسقــــي رقيــــة وبيـــه تتهنـه
فتحـت الجربـه بيــدي وصاحــت بونـه
شـلون أشــرب وأبـويـــه منحـرم منـه

أشربــه المـــاي لمـــــن يرتـــوي الغالـي
يخويـه شلـون أشـربـك والـرمـح عالـي



4
علـى درب السبـي مـرة وكــف راسـك
كلت يمكــن حجــر مــن النــذل جاسـك
ركضت عليـك أبجـي وأنظـر إحساسـك
شفــت شهكــه نفــس ماهيـه بأنفاسـك

كلـت طفلـة اوكعـت شفــت الضعــن خالـي
يخويـه شلـون أشـربـك والـرمـح عالـي



5
الرمـاح اشـكــد ولـكــن رمحــك بعينـي
تصـدلــي بمنحـــرك وتكلــي أعذرينـي
أستحيـت حسيــن أكــلك متنـي ياذينـي
خـاف اشكــي ويجــــي الجـلاد يعمينـي

تـــراهــا أمتــــونــــي مــاتتـــراوه يغالـي
يخويـه شلـون أشـربـك والـرمـح عالـي



6
رقيـــة بالـــدرب راســك يصـــد ألهــا
ما أدري بنظــرتـــك خويـــه شتكلهــا
كلـــت لازم أروحــن يمهــا واسألهــا
شفــت دمعتهـا كلمــا تصفـن اتهلهــا

أثــاري الصفـنة سفــرة وخــابـــت أمالـي
يخويـه شلـون أشـربـك والـرمـح عالـي


7
علـى طـول الــدرب ماغمضــت عينــك
تراقــب محملــــي وضعني صـــواوينك
تعــال شكـد صحــت مـن ذبحــو سنينك
كافي أنضـرب وأصــرخ يخــي وينـــك

منـــو غيـــرك بعــــد يبـــن أمــي يحلالـي
يخويـه شلـون أشـربـك والـرمـح عالـي


شطرة
امجـــد صاحــب الشطـــري

قال الإمام الصادق (عليه السلام):
{من زار قبر الحسين عليه السلام جعل ذنوبه جسراً على باب داره ثمّ عبرها كما يخلّف أحدكم الجسر وراءَهُ إذا عبر}                    

   📚بحار الأنوار ، ج‏98، ص: 26

اللهم صلى محمد وال محمد

جمعه مباركه طيبه

اللهُم أحسن عاقبتنا في الأمور كلّها، وأجرنا من خزي الدُنيا وعذاب الآخرة، اللهُم أحينا مُسلمين، وتوفنا مُسلمين، وألحقنا بالصالحين.

حاجيني يا دار   كلبي اشتعل نار
اهلج وين  دمع العين  ما فارك عيوني
***
شو فرغت منازلهم   والوحشه اعله حيطانج
راحو والتحبيهم   ما دكوها بيبانج
يا دار الهجر موزين   شالو وين خلانج
من دار السعد صرتي   دار الحزن عنوانج

والفاركتهم   يمي ردتهم
كلبي اشتاك   وانه افراك   ما بيه تدروني
اهلج وين  دمع العين   ما فارك عيوني
*
يا دار اشبعد يا دار  بين عيوني الف حسره
بس دموع اخلص الليل   وابجي الفركة الزهره
يا دار امن اطبنج   انوح واذكر العشره
مهدوم الحسن حيله   وحسين انكسر ضهره

يا دار الاحزان   نوحي اويالخوان
بيه اشلون  اصرخ كون   وياها دفنوني
اهلج وين   دمع العين   ما فارك عيوني
*






يا دار انحلت يا دار   كاسر ضهري فركاهم
اتمنيت العمر لحضات    يكضي ويخلص وياهم
حنيت الهلي والروح   ما تصبر بلياهم
ما ظن ترجع الايام    عكب الضيعيناهم

جا وين اهلنه   اهل المحنه
صعبه ارتاح   والكل راح  وبحيره خلوني
اهلج وين  دمع العين   ما فارك عيوني
*
امي الكلها طيبه اشلون   خلف الباب عصروها
وحركو دارها الاشرار   واعله العين سطروها
بهمها تصيح محسن مات   ولا جنهم يسمعوها
اضلوع ام الحسن يا حيف   بذاك الباب كسروها

التمو عليها   واشتد بجيها
والدخان  يصعد جان  وتنادي اذوني
اهلج وين  دمع العين   ما فارك عيوني
*









اشعدها الدنيه بله وياي   ليش الوحدي خلتني
راوتني هظم وجروح   ومن الزهره حرمتني
انه ام الخدر زينب   والاحزان   سلتني
ماظن الزمان ايعود   الدنيه اهواي بجتني

شلي بحياتي   ونطر مماتي
بعيني دموع  كلبي ايلوع   ورتاح يردوني
اهلج وين  دمع العين   ما فارك عيوني
*
تمت
تحسين الخفاجي

https://t.me/hussenadnan?livestream=67621f21bd9774862e

الچانت احجاب الله هوه حجابها
رادوا ايسون طف ابابهـــــــــــــــا

،،،،،،،،،
ناس اهل تاريخ مضلم
بالصحاح اخبارهــــــــم
لو اصب النيل كلــــــــه
مايغسل عارهـــــــــــــم
حاشه الله لاتگلــــــــــي
الدينه هوه اختارهـــــم
ريت حيدر ماموصــــــه
أيحصد حته ازغارهــم

المالهم قيمه اشتضن إيـهابهـــــــا
رادوا ايسون طف ابابهــــــــــــــــا
،،،،،،،،
امده الدنيه التخلـــــي
الموش گد افعالهــــــــا
الچان بالشرده يعجبك
سوّته رجالــــــــــــــــها
حبتـــره والجبت الأوّل
همه ذوله امثالهــــــــــا
عافت البچفوفه قالـــع
خيبره وخيالهـــــــــــــا

الدنيه شو يفتر عكس دولابهـــــا
رادوا ايسون طف ابابهـــــــــــــــا
،،،،،،،،
گصص ريحة هبل بيها
وغيره ماكو براسهــــم
مانجامل علحقيقـــــــه
خلها تسمع ناسهــــــــم
تاجروا  تالي التجــــاره
جنو منها افلاسهـــــــم
واليالي الفاطميــــــــــه
والله تهدم ساسهـــــــم

بالمجالس ثوره ثوره امصابهــــــا
رادوا ايسون طف ابابهــــــــــــــــا
،،،،،،،
الدفع باب الزهره بيده
كون شلت ايـــــــــــــده
ياعذر باجر يقدمــــــــه
اهناك شنهي ايفيــــــــــده
انكرها كره الصنم كلنـه
فلانهم من نريـــــــــــده
دربه حيل بعيـد عنــــــه
والمسافه بعيـــــــــــــده

يتصل درب المحب بعتابهــــــــــا
رادوا ايسون طف ابابهـــــــــــــــا
،،،،،،
الترضه عنه الزهره يرضه
الله يهل الغيــــــــــــــــــره
والبخاري بهاي صــــــــرح
روح وقره السيـــــــــــــره
امن اجوا يعتذرون فاطـــم
ضل وجها اديـــــــــــــــــره
هاي دنيتكم تگلهـــــــــــــم
موطويله زغيــــــــــــــــره

مادروا حرگوا گلوب احبابهـــــــــا
رادوا ايسون طف ابابهــــــــــــــــا
،،،،،،
شَجرةَ الملعونه همــــــــه
الله لايطيهـــــــــــــــــــــم
بليس بحضان السقيفــــه
ولده ومربيهـــــــــــــــــــم
الثاني والأول خيانــــــــه
كل فجر يسگيهــــــــــــــم
نگل للتاريخ كافـــــــــــــي
لاتلمع بيهــــــــــــــــــــــــم

قلام مأجوره اشتروا لثيابهــا
رادوا ايسون طف ابابهـــــــــا
،،،،،،،
لخادم الزهراء ع
محمد الفهداوي

#نعي

طلعت ريت ما طلعت الزهره
الباب المحترگ شفناها حدره
ردت گوه والعثره اعله اعثره
مكسور الضلع والعين حمره
__
طلعت ريت ما وصلت جريبه
شفت امي بوسطهم جن غريبه
تطلع من مصيبه اطب مصيبه
ها گد ناس تگرهنه عجيبه
__
طلعت ريت ما طلعت شفتها
بين الحرگ والطگ تيهتها
يالتضرب ابهيده امنا اجتلتها
كسرت اضلوعها وطگ جملتها
__
طلعت ريت ما طلعت واحدها
ما ندري السلف مگلوب ضدها
ايد اعله الضلع وايد اعله خدها
مابيها وعلي ترفع ولدها
__
طلعت ريت ما عفناها تطلع
ما حسبنه ميته الزهره ترجع
صوت الضرب واصل لينه نسمع
وتكلهم فاطمه بس ياهو يقنع
__
طلعت ريت ما وكفت وره الباب
شفنه امنا وطفلها فوگ التراب
طاحت فاطمه امجلبه بالحجاب
ماراعوها ابد زمرت الحطاب
__

سيد بسام قابل الياسري

#اللهم_عجل_لوليك_الفرج

كولشي مات وانتهت قصة حياتي
كولشي مات ألله يرحم ذكرياتـــي
كولشي مات
........................................
أول احلامي عشتها وجانت بعيني ضـــــوه
روحي معشوكة غرام وكوثر أعيوني أرتوه
جانت أبأنفاس نسمة تنزل وتصعد ســــــــوه
ديرة أحساسي ابجفاها صحره وادور هـــــوه
فاطمة وجه الصبح
عِشرة الزاد وملـــح
ترفه مو مالت جرح
فا طمة
كولشي مات وانذبح حلم أمنياتي
كولشي مات الله يرحم ذكرياتــي
كولشي مات
..........................................
نار الي يفارك حبيبه تحبـس أنفاس العمر
تذبح بروحه المحنه وتغفى بحضان الجمر
فاطمة ومحسن عمرها بيا ذنب ماتو عصر
عفة الله وجـــل قدرها اشلون عالخد تنسطر
فاطمة جنــــــة عدن
كوكب حسين وحسن
ما رحـــم بيها الزمن
فاطمة
كولشي مات وانتضر لحضة مماتي
كولشي مات الله يرحـــــــم ذكرياتي
كولشي مات
..............................................
أمشي محني وطولي مايل واعثر بضلي كمت
من سمعت الزهرة ونت من على طولي طحت
شفت باب البيت تسعر يام حسن وينـــج صحت
كوه كوه ابروحــــــي أحشم زحف يمها أتكربت
فاطمة آنــــه علي
يابعد ناسي وهلي
كولي أمري ادللي
فاطمة
كولشي مات يا حرز دعوة صلاتي
كولشي مات الله يرحـــــــم ذكرياتي
كولشي مات
..................................................
من ردت أحضنها بيدي أتلمست كسر الظلـع
كمت أحس شهكة هواها خطوه خطوه تنكطع
حاولت أسألها لكن بلل أثيابـــــــــــــــــي الدمع
شلت شيلتها وشفتها تحترك مثــــــــــــل الشمع
فاطمةبعمر الورد
وينها اويــن اللحد
ليش عنــــي تبتعد
فاطمة
كولشي مات لفني كللتلي بعابتي
كولشي مات الله يرحـم ذكرياتي
كولشي مات
...................................................
ماتت وكولشي بجفاها مابقـــــــى ينبض بعد
لا علـــــــــــــي لا ذكرياته لابنت لا ضل ولد
شلت روحي بنعش وامشي بليل توقيت الوعد
واحفرت بيديه كبـــــري وللعرش نعشي صعد
فاطمة وحيدر تــــره
الطاهر اوي الطاهره
وحشه ليــــل المكبره
فاطمة
كولشي مات يا رضاة الله ورضاتي
كولشي مات الله يرحــــــم ذكرياتي
كولشي مات
...............................................
خادم خدمة الحسين
الشاعر
محمد الموالي

الشاعر الموفق كامل السعيدي

بصوت حسين عدنان الكوبعي

من طاري الهجر كلش چنت حذره
واعرفت الهجر من مـــاتت الزهره
ـــــــــــــــــــــــــــــــــــــــــــــــــــــ
خمس اسنين عمري وفاركت امي
وراحت ذكرياتي وانعكس حلمي
وكبر وياي ضيمي وعاشرت همي
وليل انهار عيني امعاشره العبره
ـــــــــــــــــــــــــــــــــــــــــــــــــــــ
بحنان الزهره چانت غارگه سنیني
تطيـبـني ابـنظرها امي وتداويني
گلبها شلون يـنطيها تـخـليـنــــــــي
ماصدگ علیها هانـــــــــــت العشره
ـــــــــــــــــــــــــــــــــــــــــــــــــــــ
هجــــرتـــــني الزچيه وانهدم حيلي
وفـارگت العبایــــه اللـي تـفـيـيـــلي
يـــــــاويلي عله العافتني يـــــاويلي
شجره ابلايه ماي ويبست الشجره
ـــــــــــــــــــــــــــــــــــــــــــــــــــــ
بـمحــــــراب الزچــــــیه اوگف وانعه
بكل تسبيحه من سبحتهه اجر دمعه
واگول الله یعین الیــــــــنکسر ضلعه
واظل ابچي الضلعها ولوعة السطره
ـــــــــــــــــــــــــــــــــــــــــــــــــــــ
اصد للباب واذكر محسن المذبوح
لحد الان دمه اعله الجذع ميروح
انوحن وي علي وهوّه اعله حالي ينوح
ويحضني ويكاسر صبري وي صبره
ـــــــــــــــــــــــــــــــــــــــــــــــــــــ
بــــمناجاة الدمع اسجد واحاچیها
واگلها الدنيا ما ظل كل طعم بيها
خبريني حياتي شلون تـــــــــاليها
اظن طف وخيم بالنــــار مستعره
ـــــــــــــــــــــــــــــــــــــــــــــــــــــ
فراس المحمداوي
حيدر بشار الدراجي

اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه  ... هدله امتونه ... الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته ... وكل عافيته ... اتفارك بيته ...شيضل حاله

باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها  . همّت بيهم

دكلهم يمه ... ما متألمه ... وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع ... منهه ويدمع ... كلبه اتكطع
لمن يحفر

يا عافيتي ....  امسح دموع اعيونك
يا عافيتي ....  من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني ... لتعوفيني ...  دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي  ... يا اَمالي .... كعدي اكبالي
سمعي انياحي 

يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه

.......
اكثر صوره اتألم جانت  . عل شافاهه
حسين امدد طول اويمه .  وما عافاهه

يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني ... حسين اذاني ... زاد احزاني
عطشت كاعه

يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت .  هاي الليله
تجري ادموع الفركه وتشكي . الحامي ادخيله

ادكله امنه ... امن اتفاركنه .... يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي ... يكثر همي ... ويصير اسمي
ايتيمه ابكسره

محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم

(گعده) للزهراء عليها السلام


بالمغتسل وتلمست ضلع الحبيبه
الله يعينك يا علي بهاي المصيبه
بيتك طفه بدره
من غابت الزهره
الله يعينك يا علي بهاي المصيبه

_  ١  _
صارلك أيام وانته فاطمه ما تدري بيها
ليش محنيه ونحيله وگوه تتحرك اديها
الصدمه عالمغتسل صارت من اجت ايدك عليها
حست جفوفك بالضلع
وشاهدت آثار الصفع
تنحيت واجريت الدمع
وما ترد من تحاچيها

كاعد تون يابه الحسن مكسور ضهرك
انت التصبر عيلتك ياهو اليصبرك
گلبك منو يصبره
من غابت الزهره
الله يعينك يا علي بهاي المصيبه

_  ٢  _
عين حمره متن ازرك صدر نازف من شفتها
سكته ماتت يبو الحمله من مشت ما ودعتها
والمسافه لحد بيتك يعينك الله من عشتها
بصف بيتك المسجد لجن
شو طولت يابه الحسن
جدامك هواي تعثرن
كوه الأنفاس شهكتها

هاي المسافه يا علي جن مستحيله
من المسجد لحد فاطمه صارت طويله
بكل خطوه جم عبره
من غابت الزهره
الله يعينك يا علي بهاي المصيبه

_  ٣  _
صحت للحسنين كومو يا علي بأفجع مسيه
حنان مو مالت وداع ولا حمل للفرگه هيه
من الكفن مدت اديها وشبگت حسين الزجيه
حركها ما اظن ميته
توها ابو اليمه شبگته
ومسحت بجفها دمعته
بينهم ماكو منيه

ام الحسن موميّته يمكن بعدها
منين اكو ميته من الكفن تشبگ ولدها
الموت اختلف أمره
من غابت الزهره
الله يعينك يا علي بهاي المصيبه

_  ٤  _
ما ترد فاطمه لبيتك سلمت للباري أمرك 
وانت لو بيدك يحيدر تنطي لام الحسن عمرك
صبرك يكفي العوالم بس نفذ للزهره صبرك
محد يكسرك بالحرب
بس هسه مكسور الگلب
واريت فاطم بالترب
بيها الله يعظم أجرك

ما تدري واقع لو حلم خلصت حياتك
ويه ام حسن نفس اللحد رايد مماتك
كسرك منو يجبره
من غابت الزهره
الله يعينك يا علي بهاي المصيبه

_  ٥  _
يا علي بليل الاظلم فاطمة تواري جسدها
شرادت بهاي الوصية القبر تخفي قصد عدها
جنازة الرحمة ميحضر بيها ذاك الصفع خدها
واريت خدها عله الثرة   
وصفعة الخد يا حيدره
تلجم خدود الطاهره
ماتت وتنزف بعدها

تراب الگبر يابه الحسن يلچم ضلعها
وليلة الوحشه بدمعتك تطفي شمعها
تتنفس بحسره
من غابت الزهره
الله يعينك يا علي بهاي المصيبه

_  ٦  _
بيت مابيه الزجيه مقبره يصير اعله اهله
ومن بعد فاطمه ما ضل دمع بعيونك تهله
فاطمة ماتت عليله وبيها ما طابت العله
اثمنطعش عام من الحزن
راحت ومحمر الجفن
وازرك يبو حسين المتن
صار كالدملج عضدها من أثر ضربات قنفذ

مصطفى الشافعي

https://vm.tiktok.com/ZMhgwruhk/

يَــباب  اشرح  تفاصيل   الرزيّه
وراك   اشسوّوِ   ابضلع  الزچيّه
عليمن   فـاطمه   اتلوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

حَــــدِّثْ  يَــــباب  البتوله  ،  بعد  الرسول  وغيابه
عَـــــلزهره ياهو التجاسر من صُحبته المو صحابه
باب ام حسن ظل يسولف  ودموعه صبت سحابه
گال  ابــــــــحطبهم  اجوها  ما رعو  حگ   القرابه

گبل   لا   يندفن   جُـثمان   ابوها
ولوها    وُ  لوعوها     وُ  روعوها
(  وَإنْ )  وحدها مـوضوع
وابوها  ابــــگبره  مفجوع
يَــباب  اشرح  تفاصيل   الــــرزيه

ــــــــــــــــــــــــــــــــــــــــ

اصعب   واشد  المواقف  من  لاذت  الزهره  بيّه
دفعوني حد ما  جذوعي كسرت اضلوع  الزچيه
بسماري  صــوّب  گلبها   وانظرها  طاحت  رميه
محسنها  مات  وتشوفه   فوگ  الترايب  ضحيه

يَـريته  ابگلبي  بسمار  الفجعها
ولا   يلچمها   وايهشِّم   ضلعها
تون    متهشّمه  اضلوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

كون الله لا ينطي قُنفذ  ابلا  رحمه بالصوط اجاها
يضرب  متنها  وُ  وجهـها    واتسمعه   يشتم  أباها
خالد  شريك  الــجريمه    بالــــغِــمِد  حيل   ألماها
والثاني   علـــــــ خد صطرها  والقُرط  شاهد تراها

قسم أقسم وحگ  شيبة   مُحمد
التعده اعله الطُهر عن دينه مُرتد
زراگ  ابـخدها  مطبوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

من خذو حيدر وليها  متگـيِّد  اهل  الـغوايه
محنيَّـه طلعت تدافع   وحدها صـارتله  رايه
خلّـو  ابن عمي والا   ادعي  وتكون   النهايه
معناها اول مُطالب    فاطمه  ابـحق  الولايه

يَــبت  الرحمه  سلمان  اليگلها
دعائچ  يفني  هاي الدنيه كلها
بقت بس تذرف  ادموع
وابوها  ابگبره  مفجوع
يَــباب  اشرح  تفاصيل   الرزيه


ــــــــــــــــــــــــــــــــــــــــ

بعد  الجره  ومر عليها   ايام  عاشت  قليله
مثل  الخيال الروايه  توصفها صارت نحيله
مَعصُوبَةَ الرَّأسِ حُزناً  ،   مِنهد ركنها وعليله
بيت الحزن يشهد الها  غارگ جفنها ابمسيله

تشم بتراب ابوها العدها غالي
وتگله  ايامي  من بعدك لـيالي
گلبها ابحسره  مصدوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

گبل المنيه اعتنوها    الغصبو  فدك   والـخلافه
بالچذب  لبسو  ندامه   واعتذرو  بكل  صــلافه
ماقبلت  الهُم  عذرهُم  الجاني اشيفيد اعتـرافه
وكلمة الـ ( آسف ) مُحَالاً  بيها الضلوع اتّــشافه

يَرب نادت يمن تعلم  شجوني
هذوله   العذبوني  وأغْضُبوني
گـــلبها   لهسه  موجوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ
سيد علي عبدالزهره الناجي

قصيدة محورة السيده الزهراء عليها السلام مع الامام علي عليه السلام
في عالم الرئيا
:::::-----:::::
هومت بالنوم عينه علي ونام اعله الكبر
يسمع الزهره تنادي تصيح اخ امن الكسر
.
اتگله انهض ياعلي  ... خل اخبرك مايلي
أسيقضت زينب يحيدر عله دربك تنتضر.
:::::-----:::::
أنهض أبسرعه يحيدر خل أكلك وستمع
من أخبرنك يغالي خاف گلبك ينوجع
أسمعت زينب تنادي وين ابوي المنفجع
لا لگتني اولا لگتك ضلت تهل الدمع
.
رد عليهم لاتغيب  ...  اسمع بكبري نحيب
راح يشمت عاذلي  ...  خل اخبرك مايلي
وحشه دنياهم بعدنه اتصير يافارس مضر
::::::-----:::::
راح اروح وكلبي يمج نفذ خلكي والصبر
شنهي عمري اخلاف عينج مااريدنه العمر
بيتي مضلم  والثنيه غايب اعلينه الكمر
يا وحشتي ويا رزيتي اعليج دلالي انفطر
.
اشلون للبيت امن ارد ... يعني اموتن بالبعد
بعد بالدنيا شلي    ...  خل اخبرك مايلي
من يلاكوني الغوالي راح اكلهم ياعذر
:::::-----::::::
من ارد للبيت ادري مطفي من عنده الضوه
گلبي تدرينه يزهره ابفرگتچ حيل انچوى
ياغلاي أويا سلوتي أنتي أبريتي هوه
گلبي والدمعات مني يمچ ايطيحن سوه
.
طاح گلبي والدمع.... گولي ألچ انه استمع
راح ارد ادللي .... خل اخبرك مايلي
البيت والله يل زجيه بغيبتچ صاير گبر
:::::-----:::::
اتحيرت كلكم غوالي يمچ ابقه لو اروح
احس كل دنياي ضلمه وروحي ماتحمل جروح
ريحت احزانچ يزهراء احس من عمري تفوح
بعدچ اكظيهن اسنيني يالزچيه بس انوح
.
عمر بعدچ ماريد.... حزني يبقه اوياي اكيد
ادري گلبك ممتلي .... خل اخبرك مايلي
چنت من اصبح ابوجهچ بيه هم ابدا يمر
:::::-----:::::
اشلون انام وتغفه عيني واني اتنفس هواج
اتصير هاي الدنيه ضلمه زهره لو ماكو ضواج
من عكب عيناج اموتن والله ما احمل جفاج
هايه قسمه وقدر هذا والزمن مني خذاج
.
راحن اسنين ومشن ... بعد عين ام الحسن
يا مصيبه استرسلي ... خل اخبرك مايلي
هذا حزني اعله الزجيه الحد ضهور المنتضر
:::::-----:::::
الشاعر حسن صالح العيساوي
والشاعر ابو ابراهيم الحلفي

يمه وينج ضل مجاني خالي
فكي عينج وشوفي عكبج حالي
اهنا ييمه اهنا ييمه
***
ييمه اشلون انام وتغمض عيوني
ابجي اعليج كل ساع ويسكتوني

يمه اشلون اطب للبيت وام البيت ماهيه
كلبي ما يحب اوداع وانه افراك ما بيه
جنازج حجيت وياه وكتله اتعطل اشويه
شالت للكبر يا حيف امي الكلها حنيه

يالخذتها جلمه عندي وياها
انسه روحي وامي ما انساها
اهنا ييمه اهنا ييمه
***
شينشف الدمع يايمه حاجيني
محتاجه الحنانج ليش عفتيني

لمن شالج الجناز روحي وياج شالاها
صحت بصوت هاي امي وخل اتواع وياها
عافتنه وبعدنه ازغار وامنه وين نلكاها
بتراب الكبر نامت والضنه كطعناها

وكت الغروب ندخل الحجرتها
والها نشتاك من نشم ريحتها
اهنا ييمه اهنا ييمه
*
فليت الجفن بيدي ولزمت ايدج
وتخليني بعذابي يمه ماريدج

يايمه صحت شبساع رحتي وخلصت العشره
كلبي ينعصر كل يوم كمت امن ادخل الحجره
اذكر كعدتج بالبيت ضليت واجر حسره
بس اسمع صده الحيطان يرجع وانه منتظره

يمه يمه ليش فاركتيني
انه زينب اوياج ماخذتيني
اهنا ييمه اهنا ييمه
**
صحت شمسويه واعله الخد يسطرونج
وبين الباب والحايط يعصرونج

بضلوعج نبت بسمار يالحالج يبجيني
وتنادين اسمعنج يا فضه الحكيني
رفسوني اعله بطني ومات والله محسن اجنيني
انه فاطمه كتله وشال ايده وسطر عيني

ما رعوني وصوبو دلالي
حيروني وخيبوا مالي
اهنا ييمه اهنا ييمه
**


المن عايش وضال التموت امه
بعيني الدنيه من رحتي اصبحت ظلمه

شو كل ما اذكرنج مالحك عله عيوني
يايمه اشكد اتمنيت يم كبرج يدفنوني
اعثر بالجدم ضليت يايمه ويشيلوني
اتلفت وصيح اعليج وخواني يسكتوني

يالمشيتي ناري شيطفيها
يالحنينه جروحي شيداويها
اهنا ييمه اهنا ييمه
**
تمت
تحسين الخفاجي

جاي افكر بيهه // شنهو المبجيهه
ايدهه امجلبه بظلعهه
ينلجم خدهه بدمعهه
جاي افكر بيهه
/////////////////////////
انتبهت الحالت امي خويه هالفتره
اشوفنهه النفس ماتكدر اجره
امن اكلهه خل اشبكج ترفض الزهره
تكلي يمه نص اظلوعي متكسره

انشغل بال اوليدهه // ماتحرك ايدهه
تلوج اشوفن من وجعهه
ينلجم خدهه بدمعهه
جاي افكر بيهه
/////////////////////////
اصعب حاله عد الزهره من تركع
يضل حته الحجي من تحجي مايطلع
ظهرهه شما تعدله محني مايرجع
من السطره اذنهه بيهه ماتسمع

وحده من اعيونهه // دوم احمر لونهه
الله لا ينطي الصفعهه
ينلجم خدهه بدمعهه
جاي افكر بيهه
/////////////////////////
الباب امن احترك لا حظته جاويهه
محتركه اديهه وحته رجليهه
فضه تنادي حيدر الحك اعليهه
مرتك ياعلي محتركه طفيهه

تكلهه فضه شوفي // طاح جلد اجفوفي
الباب عالحايط دفعهه
ينلجم خدهه بدمعهه
جاي افكر بيهه
/////////////////////////
وره الباب امن افز ليليه الكاهه
اكماط الما اجه شايلته وياهه
ودليلو يالولد مختنكه تقراهه
يمحسن صورتك ماكدر انساهه

من فتحت اعيونك // الجمر لاح امتونك
الجمر بمتونك لسعهه
ينلجم خدهه بدمعهه
جاي افكر بيهه
/////////////////////////
سوده من الحرك باوعت اصابعهه
المصيبه امي اشوفن كلشي يوجعهه
تطب حجرته تبجي اهوايه اسمعهه
خاف امي اعله ساعه امنيدي اظيعهه

الخدهه ازرك دومه // صعبه عدهه النومه
حيل قالقني وظعهه
ينلجم خدهه بدمعهه
جاي افكر بيهه
/////////////////////////
يبو اليمه تكلي لا يضل بالك
عوف اظلوعي يمه وفكر بحالك
بظلوعك باجر تعثر اطفالك
نفس جتالي راح ايسوي جتالك

اظلوع منك باجر // اتروح ويه الحافر
اظلوعك الحافر شلعهه
ينلجم خدهه بدمعهه
جاي افكر بيهه
/////////////////////////
تمت ____ علاء الزيدي

https://t.me/dbgovigudfigoghh

(((( ميمر))))
حروف ابدمه _ بجف فاطمه
بفيض الدمع _ بالخاتمه
كتبت رساله اعله الباب _ للمهدي خل يقراهه
**
بعد التحيه يمه وبعد ادموعي
بدمي كتبته لحظرتك موضوعي
خليني اخبرك بالكسرهه اظلوعي
اتفه بشر _ اسمه عمر
هوه ظلع _ من امك كسر
قصت اظلوعي بدماي _ جفي الك خطاهه
**
لازم الك توصل يمهدي اخباري
اهل السقيفه عليه حركو داري
من ابو بكر تاخذ اريدك ثاري
شايل حطب _ والبيتي طب
بيد الرجس _ خدي نظرب
طحت اعله وجهي اعله الكاع _ وأيدي الجمر جواهه
**
الهسه بعدني غاظبه وحزنانه
هظمتني كلش عائشه الشيطانه
كل ما تلاكيني احس فرحانه

تضل تبتسم _ عندي علم
تقلد تضل _ حتى انلجم
تقلد تضل للنسوان _ عن مشيتي ابممشاهه
**
ذوله التلاثه حك انه اطلبهم
يالمهدي اريدك تظهر وتصلبهم
والعذبوني بيدك اتعذبهم

بابي اندفع _ وابني وكع
لخاطر علي _ انسه الوجع
ماتنسه اريدك عثمان _ لم زمرته وجاباهه
**
اليلعن عمر يستاهل احله بشاره
الكبري يمهدي تنحسبله ازياره
اليخدمني توصلني وعلي اخباره

اليقره لعن _ محسوب ابن
واعليه اضل _ كلبي يحن
امكم عمر يالخدام _ اكثر بشر اذاهه
**
تمت ____ علاء الزيدي

‏اللهم ارفع للعزاز ذكراً ،
وأصلح لهم أمراً ، وأطل لهم عمراً ،
واشرح لهم صدراً ، ولا تريهم ولا لوالديهم
في حياتهم إلا خيراً ،
واملأ قلوبهم فرحاً وسروراً ،
واجعل لهم من كل عسرٍ يسراً،
رحمة لموتاهم 😭 وشفاء لمرضاهم🎄🌸
اللهم آآآامَِيَـَـــَـ{يَارَبَ}ـــَــَـين العالمين

         🌷بحق محمد وال محمد🌷

#نعي

مولاتي العقيلة روحي فداها

ييمه اليل لو چلچل ضلامه
اخلصنه بواچــي وما انامه
رف گلبي الـچ رف الحمامه
ييمه انعيش من بعدج يتامه

ييمه اخلاف عينج ماغفينه
تگابلنه سـوه ابدراچ بچينه
انفجـعنه ابموتــچ وتعذبينه
عالمكتــوب يا يمه اشبدينه

امنصد للباب اتذكــر وگعــتچ
وذكــر لوعتــچ يمه وصطرتچ
ييمه جاوبيــني ورحمي بنتچ
بعدني ازغيره وبگبرچ دفنتچ

احن اعليچ وكـت المغــربيه
وصيح ابصوت وينچ يالزچيه
ييمه اتعـودت نگعـد سويه
اشمن بيچ وتشمين بيه

✍كامل السعيدي

#اللهم_عجل_لوليك_الفرج

لا بنيه ولا مزار . بالمصايب كلبي حار
راسي من الضيم شاب
حسين مرمي عل تراب
العيله يسره والزغار
:::::-----:::::
شيب امن الضيم راسي . والكلب ماهوه جاسي
اشلون بيه يا علي
المصايب دوهنني . ابطول عمري و رافكني
همي ماضن ينجلي
وينكم اهل المحنه . مضلم وموحش نزلنه
كلبي بالهم مبتلي
وين شو محد اجاني
اخ منك يـا زمـان
جمر فركاهم جواني . هاي مو دنيا انتحار
:::::-----:::::
طلعت بدلالي شيبه . الدمع ما كف نحيبه
بعد ماريد الحياة
جا بعد المن اتاني . افراكهم هوه العماني
عايشه بالامنيات
الغربه ياهل ناس تكتل . شكثر جا دلالي يحمل
مـا يروني الفرات
انه يا ناس البتول
ابني داسته الخيول
ضلت بصدره تجول . رسمه مدري اشلون صار
:::::-----:::::
بويه يا سيد الرساله . عذبوني اهل الضلاله
اشتكي من العذاب
ضلعي مكسور وجنيني . بغربه ما واحد يبيني
اخ يا بويه المصاب
انه وين الشام وينه . ما رعو حرمت نبينه
يا علي رد الجواب
حيل منهم ايسيت
مانمت ساعه وغفيت
اعله مناحه تعلميت . بعد ما بينه انتضار
:::::-----:::::
كبري بين اجناب كبري . بالالم بس الله يدري
اشتكي والله المجيب
بويه يا سيد البريه . كسرو اضلوع الزجيه
بويه طه يل حبيب
ويلي من الباب ويلي . عتبته هدتلي حيلي
الله شاهد والرقيب
طاح من ايدي الجنين
راح كل تعب السنين
و كطع كليبي الونين . بعد ما ضل اعتذار
:::::-----:::::
طال مهدينه انتضارك . كلي جاشنهي اعتذارك
تاخذ الثار و ترد
يله وينك يبو صالح . دنيا صارت بس مصالح
مختلف لون الورد
صارمك لا يبقى نايم . بالغمد وتعوفه صايم
شوكت بعداك يحصد
عجل اعله الثار عجل
و دير بالك لا تأجل
من قضيتك ما تبطل . غيير الوان الجدار
::::-----:::::
حسن صالح العيساوي

ليش المدينه مو مثل الاول
عافتهه فاطم يل عنهه تسئل
شمسويه ابجوهه الاحزان
متغيره ارسوم الجدران.
مومثل الاول.          مومثل الاول

فرق من السمه للگاع اشصاير بيهه ماادري
شفت كسرت چبير الگوم بچتني وحنت ضهري

يعني ماتت كل اهلنه.   علي شيحچي لوسئلنه
روحه راحت وي نعشها.    راحت الكلهه محنه

وداع الحبايب بچه المگابر
ويعينه الله وحيدرهه صابر
مندفنچ رد بس ذبلان
متغيره ارسوم الجدران
مومثل الاول      مو مثل الاول

المصيبه اشما تصورنه تطلع اكبر اهوايه
طيحت فاطمه اثگيله اشد من طيحت الرايه

هاچ روحي بساع اگعدي  من اضيعچ منهو عندي
شحمل افراگچ يفاطم.    حلمي اروح اوياچ وحدي

يوجعني گلبي من اذكر دمعتچ
وكسر ضلوعي الخاطر كسرتچ
ساعدني اوگف ياسلمان
متغيره ارسوم الجدران
مومثل الاول  مو  مثل الاول

وي طيحت جفنهه النور غرب عن مدينتنه
الحسن وحسين بچوني اگعدي ياعزيزتنه

جاوبيني يل حبيبه.   يوم الموادع مصيبه
بعدچ اباول حياتچ  اثمنطعش هاي العجيبه

متهشمه متي ويلي اعله ضلعچ
الاخر حياتچ    ماكفه دمعچ
جفنچ ما غمض سهران
متغيره ارسوم الجدران
مو مثل الاول.   مو مثل الاول


الصبح مو هذا الانشوفه  وجه فاطم صباح الله
من توگف اتصلي اليل وراهه الكون يتصله

الدنيه شنهي ابلا ظواهه.  كلهه متيتمه وراهه
نحنه من ظيعهه حيدر.  بليل جرحه ودعاهه

ماتت حزينه من الضلمهه
يعرفهه رحمه بس مارحمهه
كاسرظلعچ موانسان
متغيره ارسوم الجدران
مو مثل الاول.  مو مثل الاول

وراچ الدنيه موش ابخير يوجه الله وتفاسيره
الماله غيرچ ابهل كون صارت حيرته حيره

وين نلگه مثل عطفچ  بيا جبل ينقاس صبرچ
ماقبلتي انعيش ذله.   وعاش دين الله اعله عمرچ

اول شهيده من بعد ابوهه
غضبانه ماتت اشگد عذبوهه
ياثار الله وثارك حان
متغيره ارسوم الجدران
مو مثل الاول    مو مثل الاول

سلام البهادلي

حسيني فاطمي
ومولاي     علي
ايماني والولاء  ،، لأرض كربلاء

--------------------------------------------

الحمد لله العظيم  الخله حيدر بالنبض
خله فاطم سر الهي   هيه رايات الرفض
ياهو  مثل  حسين عنده ؟ ياهو يحچي  ويعترض ؟
انه شيعي برحمة الله  الجنه الي طول وعرض

الخير   كله   بالولايه
  والله بالقرءان  آيه
هدت اركان المخالف
هذا  ثابت مو  روايه


بسم الله الرحمن الرحيم
۞ يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ ۖ وَإِن لَّمْ تَفْعَلْ فَمَا بَلَّغْتَ رِسَالَتَهُ ۚ وَاللَّهُ يَعْصِمُكَ مِنَ النَّاسِ ۗ إِنَّ اللَّهَ لَا يَهْدِي الْقَوْمَ الْكَافِرِينَ}
صدق الله العلي العظيم

المائدة  الاية   (67)

------------------------------------------


تدري وجه حسين احلى  من الجنان من النعيم
الله خالق كلشي لاجله  وانته سوالك جحيم
انته تابع نار كبرى قل اعوذ من الرجيم
اصله ما  معروف جدكم فاجر واكبر  زنيم

وبعذابه    الايه   تشهد    
محد    بگد ناره  محد
قاتل   الزهره    وأبنهه
ضلع كاسر  من  محمد


بسم الله الرحمن الرحيم

فَيَوْمَئِذٍ لَّا يُعَذِّبُ عَذَابَهُ أَحَدٌ • وَلَا يُوثِقُ وَثَاقَهُ أَحَدٌ ..
صدق الله العلي العظيم 

الفجر  الاية   ( 25 )
---------------------------------------


بالمجالس  انه حاضر  بالمواكب  بالضريح
من يمر  عاشور  يبچي گلبي  لمصاب الذبيح
يا علي هذا  ندائي  وانته صيح شما تصيح
نشوف باچر  بالقيامه  ياهو ينجى ويستريح

اني   عندي     والله  زلمه
حسين  بالشدات   احشمه
ما   يعوف  الشيعي حاشه
ما  يرد   من  ينطي  كلمه



(( مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ )
قال الامام جعفر بن محمد الصادق عليهما السلام :-
   (  نحن أُولئك الشافعون )

البقرة  الاية   ( 255 )

-------------------------------------------


فاضل تراب الأئمه    الله  خالق طينتي
دولة المهدي العظيمه هيه تصبح دولتي
انته يلمالك عقيده   تحلم تمس  رايتي
يا   لثارات  الزجيه    يا طريق  لثورتي

بسم ربنه    المهدي قادم
وانته ظل من هسه نادم
هذا     وعد الله   بكتابه
يظهر     لهلكون     قائم


وَلَقَدۡ كَتَبۡنَا فِي ٱلزَّبُورِ مِنۢ بَعۡدِ ٱلذِّكۡرِ أَنَّ ٱلۡأَرۡضَ يَرِثُهَا عِبَادِيَ ٱلصَّٰلِحُونَ 

صدق الله العلي العظيم

الانبياء  الاية  ( 105 )

-----------------------------------------

علسراط هناك حامي ياخذ بچفي وافوت
يحضر بوكت المنيه وما يفارگني من اموت
علي  يا  بعد اليشوفن  بالگبر تلفيني صوت
لمن يتركوني اهلي  وحيل يخنگني السكوت

انته  يا مولاي  حامي
بالگبر  آنه    وظلامي
بعد  يابوحسين  يمك
وانه   تاركني   كلامي



أللّهُمَ أرحَمني إذا اشْتدَّ بيَّ الأنِين ـ وحُظِرَ عليَّ العَمَلُ ـ وانْقَطَع مِني الأمَلُ ـ وأفُضَْيتُ إلى المنَون ـ وبَكتْ عليَّ العُيُونُ ـ وَ وَدَّعَني الأهْلُ والأَحْبَاب ـ وحُثِي عليَّ التُرابُ ـ ونُسِيَ اسْمِي ـ وبَلَيَ جسْمِي ـ وانطَمَس ذَكْري ـ وَهُجرَ قَبْري ـ فَلَمْ يَزرنْي زَائرٌ ـ وَلَمْ يَذكُرنْي ذَاكِرٌ ـ

من دعاء (صلاة الوتر )



كلمات الخادم /   رعد الفريجي
ثوابها الى روح والدتي

لبیک یاحسین ع
عاشگ العزيه...والعمر هديه
مكتفي هويتي...خادم الزچيه

فتحت عيني ولگيت امي ابعزيه
شو أشوفنهه تون واتدگ عليه
كبر عمري وافهمت هايه القضيه
ثاري تنحب عالمصيبه الفاطميه
اتعودت عليهه...أستمع نعيهه
وابتدت قضيتي...خادم الزچيه

گمت أحظر بالمجالس ويه الاحباب
وآني عالفطره أون ودمعي سچاب
أصفگ ايدي لمن اسمع ناعي المصاب
من ينادي لاذت الزهره وره الباب
أسمع المآسي...والطم اعله راسي
واجزع ابعزيتي...خادم الزچيه

امي گالت يابعد عيني ونظرهه
فاطمه أمك يمحبوبي اعتبرهه
يبني اريد ادموعك اتضمد كسرهه
تره الزهره اثمنطعش موته عمرهه
يبني إبچي وانحب...نادي آ يزينب
هاي الك وصيتي...خادم الزچيه

لاتهم يبني ابدلالي وتعب الاسنين
ولاتفكر بالربه ومساهر العين
آني أرضه اعليك لكن إستمع زين
دير بالك لاتقصر ويه الحسين
واذكر السبيه...وكت المغربيه
گلهه يارزيتي...خادم الزچيه

أحمد الله وأشعر ابهاي الجراحات
الما يهم بالزهره شتفيده الروايات
اشلون اهيد وما أفكر بالعزيات
وابوصالح مشن عماته سبيات
ابدمعة البدايه...أختم النهايه
وافخر ابمنيتي...خادم الزچيه

سيد علي الموسوي

لشاعر علي جبار الخفاجي

بصوت خادمكم ستار الصالحي

قصيدة " زينب ضلّت بحيره "
لحن / حمزه الزغير شلون انساك الماي شلون اشربنه
#عاشوراء #السيدة_زينب #الإمام_العباس
ــــــــــــــــــــــــــــــــــــــــــــــــــ
يا عباس يا عباس - زينب ضلّت بحيره
ــــــــــــــــــــــــــــــــــــــــــــــــــ.
يالكافل يماي العين   تعال و عاين لحالي
غريبه بكربله ضلّيت   يخويه يحسرة الوالي
بْوجودك يا گمر عدنان   محّد لامح خْيالي
و هسه انسبي ابّين اجناب   وبس الروس تبرالي
وهذا الصار - وكتي اندار - اروحن عگبك يْسيره
ــــــــــــــــــــــــــــــــــــــــــــــــــ.١
دفزعلي يبو فاضل   وينك يا هوى الريّه
آنه ام عون اريدن عون   ما واحد فزع ليّه
اريد اشكيلك اهمومي   والحادي شعمل بيّه
نوبه يشتم بعَودي   نوبه يگلّي مسبيّه
والجلاد - بسوطه الحاد - ضرب متني يبو الغيره
ــــــــــــــــــــــــــــــــــــــــــــــــــ.٢
يالعفتك بلا توديع   وللكوفه الضعن شايل
وانه ابـــ بين هذا و ذاك   ادور ادواره عالكافل
بحال الحاضر افزعلي   واعدل هودجي المايل
ترضاها انتخي بشمّات   وانه اختك يبو فاضل
دربي بعيد - ليك نريد - يا من ما ردت غَيره
ــــــــــــــــــــــــــــــــــــــــــــــــــ.٣
وصلنه الكوفه يا عباس   مچتوفين نتلوّع
و لقصر الإماره نفوت   واشكال الشتم نسمع
والنوب اعله درب الشام   نمشي و چم بلد نگطع
يالطوّل عليك اللوم   چا گلّي شوكت تفزع
العلويّات - مسبيّات - من ديره لعد ديره
ــــــــــــــــــــــــــــــــــــــــــــــــــ.٤
مشتاگه لدلالك حيل   ياللي بخوِّتك نبراس
الحرمه بشارب الخيّر   وانه بشاربك عباس
ترضاها انسبي للشام   وادخل مجلس الأرجاس
آه الشام آه الشام   من عدها يشيب الراس
بگاع يْزيد - وانته بعيد - وجهنه ليا جهه نْديره
ــــــــــــــــــــــــــــــــــــــــــــــــــ.٥
علي جبار الخفاجي

نعي مفجع للزهراء ع


لــمــن غـبـت يـا سـيـد الـكـون
ضلعي انكسـر وتـهـل الـعـيـون
كـون ابضعـتك تـعـلـم اشـلـون
اهـل الـحـقـد گـامـوا يعصرون


جتنـه الـخـلافـه گـومـك اتـريـد
ولينـه اعتنت بـويـه الـهـواديـد
فجئـه وعفتني وتـبـعـد ابـعـيـد
وفـعـلـت فعلهه الموش اجاويـد


افـلان الأجـو وفـلان مـعــروف
هجمو علينـه وعـتـلـه الـخـوف
نـار وحـطبـهـم زيـنـب اتـشـوف
صحت استـعـدي النار الأطفوف

*------------------------*--------------------*

✍خادم الزهراء ع
الشاعر رعد الجريخي

انه الكسر ضهر  الزلم  هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه  شايل للگبر رحـــــــــت ورجعت  اجنازه
لبيته يـــرد  ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله  تــــــــــره  يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف  لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل  ثگلانه حته انفاسي
من بيتنه لحـــــد الگـــــــــبر  ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها  فاطمه  جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره  الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت  فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ  حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

السيده الزهراء اتگلم الامام علي في عالم الرئيه



ذبلانه احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

*-------------------------*----------------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر


*--------------------------*---------------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

*----------------------------*----------------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

*----------------------------*---------------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

*-----------------------*---------------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

*--------------------------*----------------------*

✍خادم الزهراء (ع)
الشاعر رعد الجريخي

شور


.            واويـلاه واويـلاه     يـايُـمـه
             واويـلاه واويـلاه     يـايُـمـه

                              *---------------*---------------*

               أجـاچ الـرحـمـه مـاعـنـده
               الـمـايـعـرف شـنـو الـورده
               عـلـيـچ اجـاسـر الـملـعـون
               ولـلـبـاب أعـتـنـه بـحـقـده

                              *---------------*---------------*

               الـبـاب بــدمــچ اتــوضــه
               دفــعــاه الــعـثـر حــظـــه
               يالـزهـره أنـعـصـر گـلـبـي
               يـوم الصحـتـي يـا فـضـه

                              *---------------*---------------*

               الـظـالـم بـالـحـقـد أعـمـه
               مــا شــاف الـــورد يــمــه
               اجــاچ ابــنــاره مـتـعـنـي
               وعـطـر الـجنـه مــاٱشـمـه

                              *---------------*---------------*

               اشلـون العصـرتـچ أنـسـه
               أونـن ونّــت الـخــنــســـه
               شــفـت الـمـا عــبــد ربــه
               اگبالي وصدرچ ايـرفـسـه

                              *---------------*---------------*

               حـنـانـچ بـيش اعـوضـنـه
               وچنـتي الرحـمـه والجـنـه
               عــاشـرت الـحـزن عِـشـره
               وأســمــچ دوم أذكـــرنـــه

                              *---------------*---------------*

               ظلمه الحجره أشـوفـنـهـه
               حـگـي الـدمـعـه أهـلّـنـهـه
               أتــذكــر وازيــــد الــنــوح
               أسنيني بـمـگـبـره چـنـهـه

                              *---------------*---------------*

✍خـادم الـزهراء ع
الشاعر رعد الجريخي

الشاعر خضر الزاملي

بصوت ستار الصالحي

((#الوصيه ))
……………………………………………………………

من جبال الارض اثگل هالوصيه
يا علي ابابك يعصرون الزجيه
اوياها روحك تنعصر . ما الك بس الصبر
عالرزيه .. عالرزيه

……………………………………………………………



اي تصبر يحامي الجار . وما تحميها اعز ناسك
جلمة و إن ضربة سيف . تحز ابرگبة احساسك
چلمه والها يبقئ يفور . يطگ بركان نوماسك
هي و گبل ابن ملجم . تطبر يا علي راسك

تسمع اصوات الزلم هوسه اعل دارك
اعلى من نيرانهم مشتعله نارك
تطلع انفاسك جمر . ما الك بس الصبر
عالرزيه .. عالرزيه

……………………………………………………………


يل اوجوه الزلم منك . تگلب بالحرب صفره
الثنيتك رجس راح ايدوس .وسوط ابيمنته ايفره
بابك تدري بيه اثجيل . اجذوعه اثگل امن الصخره
وتسمع صوت بس يا صوت . كسرة ضلع للزهره

مثل رمح الحمزه بسمار ابصدرها
عوزه گد الشعره يطلع من ظهرها
وانت ظهرك ينكسر . ما الك بس الصبر
عالرزيه .. عالرزيه

……………………………………………………………


الميت و العدل و بصوت . دوم ايفزعك بأسمك
بس هي اعل فضه اصيح . موش ويا علي اتحشمك
و اتوج غيرتك نيران . يتچوّه الذي يلزمك
لان گلبك يظل يفور . من عينك يصب دمك

اتصيح فضه و بس تجر وياها حسره
تدري هذا الصوت لحساسك يكسره
تدري گلبك ينفطر . ما الك بس الصبر
عالرزيه .. عالرزيه

……………………………………………………………


تروح اوياهم وتمشي . وراك الزهره هم تطلع
يتلگاها ابن صهّاك . ابوجه فاطم يظل يصفع
شطوله السوط عد قنفذ . ابمتنها ونار ظل يلسع
تكلهم ما ارد للدار . الا وي علي ارجع

ما تهم بصوابها اتهم ابرجوعك
الضلع اهون عدها من شوفة دموعك
تفدي لعيونك عمر . ما الك بس الصبر
عالرزيه .. عالرزيه

……………………………………………………………


مثل العود گدامك . تظل امحنبه وانحيله
تظل امدنگه لو طبيت . تضم العين بالشيله
كلش حمره چي صهّاك . حط بالصفعه كل حيله
بيها الدمع يشعل نار . يحرگ لمن اتسيله

من تشوفك ما تكض بالجف ضلعها
و بعجل بردانها اتنشف دمعها
تلّچم سكته اشكثر . ما الك بس الصبر
عالرزيه .. عالرزيه

……………………………………………………………


وازيدك خبر عن زينب . تزيد اضعاف عن امها
تركض حافيه و الگاع . شوچ ويشرب ابدمها
حبل يحفر بديها اشطوط . يظل بالعظم يلچمها
سوگ وهذا يرمي احجار . وذاك اصياح يشتمها

صدگ فاطم تنشتم من الصحابه
لكن ابيتك تظل مو بالخرابه
ياعلي ايموت الخدر . ما الك بس الصبر
عالرزيه .. عالرزيه

……………………………………………………………
✍️ ( سيد خضر الزاملي )

ما اخاف امن الكبر
انه خام وفتخر
دوم بالمجلس اسر
قلب الزهراء
***
لو دنت مني المنيه.  وغمضت عيوني
وداروي الماي اعله جسمي.   وربعي شالوني
وحضر الدفان كبري. واهلي دفنوني
تحضر الزهره الزجيه.   الكبري صدكوني

تكلي بالخادم هله
بيك ريحة كربله
ويجلي يا ناس العسر
قلب الزهراء
***
انه منكر لو سألني.   وكف عاليمنه
فاطمه تكله اتركه.    هذا خادمنه
جان يحضر للمجالس.  ودمعته تهمنه
احنه يا منكر نكفله.    والسجل يمنه

انته تدري للمحب
الله يغفر كل ذنب
الخادم ايحبه اشكثر
قلب الزهراء
****
ما تمس النار جسمي.   وفاطمه بكتري
فاطمه متأكد انه.   تحضر الكبري
انه ما بين المجالس.  خلصت عمري
ودري لطمت صدري باجر.   بالكبر ذخري

تلزم ايدي ام الحسن
وسمي ينذاع بعلن
وراح باجر ينجبر
قلب الزهراء
**-
جان محبوب بحياتي.   بحيرتي اشكيله
بابي انت وامي.   جنت اناديله
هالحبيب حسين اسمه.   وصرخ دخيله
جنت كل عاشور اخدمه.    وكعد ابجيله

حسين لو شفته اطمئن
وبالكبر انسه الحزن
يفرح بلطم الصدر
قلب الزهراء
**
بالحشر حاير يعالم.    ما تخليني
الزهره باجر تلتقطني.   وهيه تحميني
منبر بيوم القيامه   اهناك تنطيني
ومثل سيد جاسم انه.    ناعي تدريني

باجر تلم الخدم
وحمزه اليشيل العلم
وينسر اشكد بالشعر
قلب الزهراء
**
تمت
تحسين الخفاجي

نزال بحق الامام الحجة عجل الله فرجه



كوم سل بتارك   ....  كوم وخذ بثارك 
يا صاحب الثار   ....  ياصاحب الثار

""""""""""""""""""""""""""
كلمات
غازي الساعدي

نزال بحق الامام الحجة عجل الله فرجه



كوم سل بتارك   ....  كوم وخذ بثارك 
يا صاحب الثار   ....  ياصاحب الثار

""""""""""""""""""""""""""
كوم وأخذ الراية بيدك انتظر انـا بأمل
خاف عمري ما اشوفك يدنا من عندي الأجل
كون ما تكثر ذنوبي وانا كاتلني الخجل
نهتف احنا بصوت عالي العجل مولاي العجل
..................
طولت يالغالي   ......  انت شاغل بالي
يا صاحب الثار     .......  يا صاحب الثار
@@@@@@@@@@@@

شاب گلبي وخلص عمري وانا بالحسرة انتظر
روحي زهره وبتظارك ماتت بگاع الصبر
يمته أشوفك يابوصالح حتى لو طيفك يمر
سنيني خلصن بشتياقي  وشيظل بيه العمر
••••••
شاهرين سيوفنه  ..  ندري لا متعوفنه
يا صاحب الثار  ....  ياصاحب الثار


زاد شــــوگــــي بانتظارك يالخذت دلالي
وأنا غـيرك شـخـص ثانـي ابـدما يحلالي
شـلـون بيه الدنيا ضـاگـت عـلقـت أمالي
أنـت مـنقذ وبـطلعـتك هل الفرج يالغالي
..................

ولدك و تدرينه   ...  حشم وهد بينه
يا صاحب الثار  .......  يا صاحب الثار

@@@@@@@@@@

يمته اشوفك بالمواكب تخدم توزع سبيل
خدمة حسين بدمائك جيل يتوارثها جيل
توكف تحيي بضيوفك رفرفت راية كفيل
تشفي وتعافي بدعائك بيدك طيب العليل
.....................
    يالله يا مولانه ...  اطلع وانخانه
يا صاحب الثار   .....  يا صاحب الثار



أظهر ورجع زمانك قيم بالطف محكمة
صدر أحكامك وحاسب ال ميه الظالمة
وأخذ ثار النحر والچف عيد هاي الملحمة
وگيد عمتك والعليل بسيفك انت تحطمة
.........................

كول وحجي حجاية  ... شـيـعتك وفـاية
يا صاحب الثار   .....  يا صاحب الثار
@@@@@@@@@

قلم_غازي_الساعدي

#تراث

يحسين الخيم يحسين...گوم ولحگ عليهه
حرگوهه العده بنار...وأطفال وحرم بيهه
ــــــــــــــــــــــــــــــــــــــ
أجت نار وشرار النار صار اعل الخيم لهاب
أجت الخيل أجت يحسين تتراكض على الاطناب
أجت تسلب خدر و حجاب حرم عفه وخدر و حجاب
شگول اشكثر جم سلاب أجت سبعين الف سلاب

ولن بس العده ايسلبون
الخيم چان المصيبة اتهون
لچن هم گاموا ايحرگون

الخيم عل الحرم والايتام...ولا واحد يحاميهه
ــــــــــــــــــــــــــــــــــــــ
إذا عندك بعد يحسين بگت مهجة سليمة و روح
اعله زينب خل يحن گلبك وگلهه ابيا كتر مطروح
أخاف احجيلك ابيا حال والجم گلبك المجروح
بين الخيم والميدان مهضومة وترد واتروح

لاتگدر تجي يمك
وتعوف العيلة بخيمك
ولاتقبل يضل جسمك
يتگلب على التربان...بذاك الحر ياواليهه
ــــــــــــــــــــــــــــــــــــــ
أختك تدري بيك أختك أنت اعله الثرى ابيا حال
لجن غصبن عليهه اليوم تحشمك والدمع ينهال
وحيدة وخمسة ثمانين عدهه من حرم أطفال
الحرمة ابوليت السلاب وطفلهه ابسحگت الخيال

وخيمهه ابلهبت النيران
وأنت اموسد التربان
مو حگهه يهل العطشان

تگول الله يساعدهه وأنهض يلولي ليهه
ــــــــــــــــــــــــــــــــــــــ
أجت ليك ابگلب لهفان لچن ما أجت زينب ليك
تريد الحره تشجيلك هضمهه الي جره وتاذيك
أجت ليك الغريبة أتشوف أشصاير يا غريب اعليك
أجت تشوفك اليا حد حر العطش أثر بيك

وإذا تشجي العطش يحسين
تعصرلك أدموع العين
لجن بس أنت للمتنين

لتصد وتشوف أشلون أبسوط العده أموسميهه
ــــــــــــــــــــــــــــــــــــــ
تگدر تسمعلهه الصوت تگدر ما أظن تگدر
صوت الي تحشمك بيه والله أيفتر المرمر
أذا من العطش گلبك هو أمروع أمفطر
بعد يحمل أعتاب أشلون أشد من العطش والحر

اشرايك بعد يامظلوم
تگدر للغريبه اتگوم
لو تبگه اعله هذا النوم

بلحر والشمس وأختك مهظومة تخليهه
ــــــــــــــــــــــــــــــــــــــ
أخذ هاك أخذ هذا الصوت إجاك ابدافع الحسره
صوت وحسرة ويه الصوت كل حسرة أبلف جمره
وتحاچيك وحچيهه وياك كل چلمة تجي بعبره
تگلك ها يمن بجيت بهضمك أمك الزهره
العدة ايگلو لك أختك هاي علتل شابچه العشرة

اشتگلهم للعده ياويل
تگلهم مابگالي حيل
أگوملهه و أرد الخيل
وتضل صابر ولو يحسين يگلو لك أمسلبيهه
ــــــــــــــــــــــــــــــــــــــ
أخوي ومدري شحچي وياك أخوي وحرت بين أمرين
أشوف الأخت حگهه أتگوم تعتب عل الأخو يحسين
أشوف أنت عله التربان بعد وين أنت وأنه وين
أعذرك واسكت واصبر أموت من الصبر يحسين

عليك اعتب أخاف عليك
يبن أمي العتب ياذيك
وأنه أدري بعد ما بيك
نهضة وچبدتك يحسين بلمثلث أمصوبيهه
ــــــــــــــــــــــــــــــــــــــ
عله التل أوگفت يحسين واعاين گمت للحومة
نايم أرد اشوفك وين بطل حيلي عل هلنومة
وردت يحسين اگلك گوم عليك أمك المظلومة
خفت هذا القسم ياذيك اسكتت وابگيت مهضومة

وتالي واحد من أعداك
يزينب صاح اخيچ ذاك
بأخر نفس عفته اهناك

شربت ماي اذا عندچ لخوچ بساع وديهه
ــــــــــــــــــــــــــــــــــــــ
أنكسر گلبه عله حال أخته وثلث مرات گام وطاح
وتحسر وبضعيف الصوت يزينب هاه يزينب صاح
كسرتي ابنخوتج گلبي ودمع عيني ويدمي ساح
تجيني للحرب تردين وبعد لحظة يجي الذباح
واذا من السهم ثلثين من گلبي يزينب راح

اشلون اگدر اگوم اشلون
وصار أظلم بعيني الكون
يأختي راحو ايسلبون

اعيالي رديلي اعيالي امن السلابه خلصيهه

إلتوت مكسورة الخاطر وصفگت يمنه بليسره
وصاحت آه يخويه آه تظل نايم عله الغبرة
وتگلي رديلي أعيالي شرد أعيالك امطشرة
تگلي أخيامي حاميهه أخيامك گلهه مستعرة

تگلي هودي الأطفال
شوف أطفالك بيا حال
أجت سبعين الف خيال

وگامت تسحگ أطفالك بعد شلون أحاميهه

الشاعر المرحوم
الشيخ هادي القصاب


#نسألكـــــــــــــم الدعــــــــــــــاء

✍المرحوم هادي القصاب

✍تحسين الخفاجي

نعي ليلة الثالث من محرم
يوم العليله
****
لا تروحون لا تروحون  يابويه الله عليكم لا تروحون
من تمرون من تمرون   تشفه اجروح كلبي من تمرون

كل ما تونون كل ما تونون   تزرفون الكلب كل ما تونون
من تشيلون من تشيلون   يصير البيت اظلم من تشيلون

ايفاركوني  ايفاركوني   انه اسويت حته ايفاركوني
ما خذوني ما خذوني  ردت وياهم امشي وما خذوني

اعله الحياطين اعله الحياطين  ادك ضليت بيدي اعله الحياطين
يالبعيدين  يالبعيدين  صحت الله ولحد يالبعيدين

لا تونين لا تونين  اون والناس صاحت لا تونين
ساهره العين ساهره العين  طول الليل ضلت ساهره العين

واشلون بيه  واشلون بيه  عافوني هلي واشلون بيه
مر عليه مر عليه   ولا واحد المنهم مر عليه
ثجيله ثجيله  تره احمولي صحت والله ثجيله
عليله عليله  ليش بداركم عفتو عليله

وحشته البيت وحشة البيت  المغرب حيل تكتل وحشة البيت
بالباب تانيت بالباب تانيت   يرجعولي اشكثر بالباب تانيت

ما يرجعون ما يرجعون  تره احبابك يكلبي ما يرجعون
حادي الضعون حادي الضعون   عن عيني خذاهم حادي الضعون
*
الشاعر
تحسين الخفاجي

✍حيدر عبدالله السعيدي

غيور     صبور
حبيب بن مظاهر
شـيخ وذب الخاچـيه
اكبال حيود البــدويه
حبيب بن مظاهر
➖➖
شيخ بمضيفه  وبالحرب  هم شيخ ميدان
والـــدّله سيفه وضل يفر  بالـزلم  فـــنجان
ضل يذبح العشره سوه  مـــن دون عــوان
يردم ردم ضل بالــزلم  ما چنـه عطــشـان

كضاه     الدناه  ...  ابد ما چـنه شايب
ضل يطگ ميه بميـه
اكبال احيود البدويه
حبيب بن مظاهر
➖➖➖
يم الخيم صاح وفتـح ميدان الانصار
ورفت بيارغهم ســوه ورباطـهم حــار
مهوالهم عابس صبح ضل يرتجـل نار
لليدنه علـوية علي راسه انحسـم طار

زهير      برير   ..   اله سوو عــراضه
يهوس كام بعـوجيه
كبال احيود البدويه
حبيب بن مظاهر
➖➖➖
صاحلها ها يا بت علي امني اعله الخيام
والعين التصـــد للـــحرم  اعميــها بسهام
رايد مـــنيته اليوصـــلج يا بنــت الاكرام
ذوله احنه سور اعله الخيم كل احنه خدام
 
جبير      واصير  ..   شباب بساعة الكر
وتحــــــزّم بالجــفيه
كبال احيود البدويه
حبيب بن مظاهر
➖➖➖
بروس الزلم عزب مثل ما عزب الضيف
من دخّن ابراسه العزم وتناوش الـسيف
عطّاب من ايده طــــلع وستنگه بالكيف
جمرة سموم وهد لهب بحرورة الصـيف


اليفوت    يموت  ..  اليلاكيه ابنزاله
وعي الطف بيهم عيه
كبال احيود البـدويه
حبيب بن مظاهر
➖➖➖
شايب لجن مـا ينلوي ماكو زلم صاح
فـر الزلم بيـده مثـــل فــرت المسباح
والما يلوحه من الزلم بعوچيته ينلاح
تستنگه عينه عالرگب صمصامه ذباح

علاه     لواه   .. عله بعلو المناير
تكفه اتكـله  العلويه
كبال حيود البدويه
حبيب بن مظاهر
➖➖➖
✍️حيدر عبدالله السعيدي

✍تحسين الخفاجي

الشعر النبطي

ضلت تشب وسط الحشى نار ام البنين
حنه بدو وكله البدو تتباها بحسين
ما تركنه افعالنا  حنه سود ادلالنا
****
ليه فاركَت الكَبيله   وخيبت امالنا
مالنا وماله المنايا   والمنايا مالنا
فركتك بالعون صعبه   وما طيب جرحنا
منهو يستكبل مجانك   من يعاود ضيفنا

يامن حزمت امتاعك وناوي عله ارحيل
ما كان ابد في بالنا يا شيخنا تشيل
فاركيت اديارنا   وحنه سود ادلالنا
****
كَلبي من بعده الحبايب   لا تضن جرحه يطيب
حنه في دنيانه هاذي   مالنا كَسمه ونصيب
اشركَت بالدار شمسك   ليه عن دارك تغيب
تدري غيرك يشهد الله    ما كَصدنا يالحبيب

ياعزوة المجدي يبو اجفوف الصخيه
وام البنين اطباعها كلها ابدويه
يا رجانا وفخرنا   حنه سود ادلالنا
****



بدمعتي عباس كتله   لا تعاود يولدي
والله لو يحصل بيدي   بروحي لحسين افتدي
لا تخلي اوحيد خيك   وانته فاهم مكَصدي
بكربله نول المعالي    يا ضناي وساعدي

يابه الفضل مافي احد مثلك من الناس
بالك تفاركَ بالضعن خيتك يعباس
تبكَه زينب عزنا   وحنه سود ادلالنا
****
افرسك عباس طلعو   ونوكَ اخيتك شدها زين
ولا تدير اضهرك عنها   وبالدرب لا تغفه عين
انته يا عباس ذخري   وانته ولد ام البنين
ضحي بجفوفك وعينك   لجل مولاك الحسين

حادي الركايب طوح وضل يحدي بالنوكَ
كَلبي عليهم خايف وذابحني الشوكَ
لله ما شفته الهنا   وحنه سود ادلالنا
***







ارحلو بالنوك وبكت  ظلمه كل ابيوتنا
من بعد ذيج النشامه   يعلم الله بحالنا
كثرت الاحزان فينه    وما كتمنه دموعنا
وسارت بعيده  القوافل   ليه عن عيوننا

بربع بنيني اتبرعت لبنه الغيارى
وتأملت فجره المنى يطلع نهارى
ليه تهدم سرحنا   حنه سود ادلالنا
**
تمت
تحسين الخفاجي

✍موسى البديري