20 yoshimda tushunganimda edi @mashrabov_aa Channel on Telegram

20 yoshimda tushunganimda edi

@mashrabov_aa

20 yoshlik Abror Mashrabovga bag’ishlanadi.

20 yoshlik Abrorga bag’ishlanadi (Uzbek)

Assalomu alaykum, sevganlar! Bu yerda 20 yoshlik Abrorga bag’ishlangan Telegram kanalini tanitamiz. Bu kanalning nomi "20 yoshimda tushunganimda edi" va foydali malumotlar bilan to‘ldirilgan. Kanalning egasi mashrabov_aa nomli foydalanuvchidir

Bu kanalda 20 yoshlik davr Abror nomiga bag’ishlangan har xil yangiliklar, qiziqarli faktlar, maqolalar va ko'p qiziqarli ma’lumotlar paydo bo'ladi. Kanal xitoylar, yaponlar, koreyaliklar, ispanlar va boshqa millatlar bilan ta’minlangan. Har bir odam ushbu kanalda o'zining qiziqarli va foydali ma’lumotlarni topishi mumkin. Bu kanalni tanish va obuna bo‘ling, 20 yoshlik Abrorga oid yangiliklar va qiziqarli faktlardan xabardor bo‘ling!

20 yoshimda tushunganimda edi

24 Jan, 06:31

Hammaga maqtab yurgan do’stim 2 kundan keyin ko’nglimni ranjituvchi ish qildi.

Hammaga maqtab yurgan xodimim 5 kundan keyin juda katta «parot» qildi.

«Hissiyotlarga berilib xaridlar qilma» deb tanbeh berdim shogirdimga. Ertasi kuni tanishimni yangi mashinasiga o’tirib, mashinamni yangilagim kelib qoldi.

«Juda ahmoqona ish qilyapsan» deb so’kib berdim ukamni. Biroz vaqt o’tib menga ham shunday deyishdi.

Kimnidir maqtadikmi? So’kdikmi? Maslahat berdikmi? Tanbeh berdikmi?

Shu narsalar bilan sinalishga tayyor turaylik.

Sinalishga tayyor bo’lmasak jim yuraylik, ortiqcha gapirmasdan.

@mashrabov_aa
1,443
20 yoshimda tushunganimda edi

23 Jan, 03:26

Uyini maqtanyaptimi?

Mashinasini maqtanyaptimi?

Qimmatbaho xaridlarini ko’z ko’z qilyaptimi?

U yoki yoshligida yetarlicha e’tirof olmagan,

Yoki,

U bizga nimadir sotmoqchi.

Katta ehtimol bilan shunday hayotga erishish bo’yicha kurs.

Havas uyg’otib narsa sotish oson.

Hammamiz tez boy bo’lib ketgimiz keladi. Nafs bilan kurashish oson emas.

Bilimni «ko’z-ko’z» qilib narsa sotish ancha qiyin.

Qiyin yo’lni tanlaganlarni kuzataylik, ko’proq qiymat olamiz.

@mashrabov_aa
2,793
20 yoshimda tushunganimda edi

22 Jan, 11:34

Chalg'imaymiz

Suhbat paytida suhbatdan chalg'imaymiz.

Uyqu paytida uyqudan chalg'imaymiz.

O'qish paytida o'qishdan chalg'imaymiz.

Mashg'ulot paytida mashg'ulotdan chalg'imaymiz.

Rulda yo'ldan chalg'imaymiz.

Ish paytida esa ishdan chalg'imaymiz.

Telefonimiz xabarnomalarini o'chirib qo'yaylik. Chalg'imaymiz.

Chalg'itishga arzigulik xabarlar deyarli kelmaydi, ishonavering.

@mashrabov_aa
1,670
20 yoshimda tushunganimda edi

20 Jan, 13:45

Maqsad

Maqsad qo’ymasak xotirjam yuramiz.

Maqsad qo’ymasak asabiylashmaymiz,
kayfiyatimiz buzilmaydi.

Maqsad qo’ymasak og’riqsiz yashaymiz.

Maqsad qo’ymasak yutqazmaymiz.

Chunki «yutqazdim» deyish uchun, o’yinda bo’lishimiz kerak, maqsad kerak.

Yutqazishdan qo’rqib maqsad ham qo’ymaymiz. O’yinda qatnashmaymiz.

Lekin shuni yodimizda tutaylik,

O’yinda qatnashmadikmi? Yutqazdik.

Garchi mag’lubiyatni tan olmasak ham.

@mashrabov_aa
2,254
20 yoshimda tushunganimda edi

18 Jan, 10:36

Ish safari

Dubayga yoki Baliga 7 kunlik tur sotib olamiz.

5 yulduzli mehmonxonada yotamiz. Mehmonxonani ichida akvaparkdan tortib diskotekagacha bor. Chiqishni hojati yo'q. Asosan o'zimizga o'xshagan turistlar bilan gaplashamiz. Suhbatlarimiz "sayoz" bo'ladi ,mavzular esa jiddiy emas va asosan "ob-havo" haqida.

Safardan qaytib "dunyoqarash kengayish uchun ko'proq qilib turish kerak ekan" deb qo'yamiz o'zimizga.

Lekin,

Dunyoqarash 5 yulduzli mehmonxonada dam olish yoki turistlar orasida mashhur bo'lgan joylarga borib rasmga tushish bilan kengaymaydi.

Dunyoqarash ish bilan ketilgan safarlarda kengayadi.

Ishimizni mahalliy aholi bilan "chuqur" gaplashmasdan hal qila olmaymiz.

Chuqur suhbatlar oqibatida bu joylarda ijtimoiy muammolarga, biznes olib borishga, ta'limga yoki farzand tarbiyasiga qanday ko'z bilan qaralishini ko'ramiz.

Narsalarni boshqaga rakursda ko'rishni boshlaymiz, bu esa dunyoqarash kengaytirish uchun asosiy masalliq.

Dunyoqarashni kengaytirmoqchi bo'lsak ish yoki izlanish safarlariga ko'proq chiqib turaylik,

2 kunlik qo'shni viloyatga ish safari 14 kunlik Maldivdagi dam olishdan ko'ra ko'proq dunyoqarashni kengaytiradi.

@mashrabov_aa
2,188
20 yoshimda tushunganimda edi

17 Jan, 13:24

Bandlik

Qizlar bilan gaplashib zino qilishni tashlayman dedi. Eplay olmadi.

O’yin o’ynashni tashlayman dedi. 2 kundan keyin yana yuklab oldi.

Instagram’da behuda vaqt sarflashni tashlayman dedi. Uzog’i 5 kun chidadi.

Seriallarni deb umrim o’tib ketyapti, tashlayman dedi. 1 haftaga ham bormadi.

Bo’sh vaqtimiz ko’p bo’lar ekan, nafsimiz doim irodamiz ustidan g’alaba qozonadi.

Tirik ekanmiz, umrimizni oxirigacha nafsimiz bilan kurashamiz.

Nafsimizni yengishning yagona yo’li hayolimizni band qilish,

Hayolimizni band qilishni yagona yo’li qo’limizni ish bilan band qilish.

@mashrabov_aa
3,433
20 yoshimda tushunganimda edi

14 Jan, 10:59

Kulgimiz kelishi kerak

Dostoyevskiy va Tolstoy adabiyot olamidan,

Bezos va Mask biznes olamidan,

Billi Aylish va Jastin Biber shou-biznes olamidan,

Salvador Dali va Endi Uorxol san'at olamidan,

Bularning barchasi vaqt o'tib o'zlari qo'l urgan ishlarni yomonlab va kulib chiqishgan. Kimdir 1-2 yildan keyin, kimdir esa 5-6 yildan keyin.

1 yil oldin yozgan postlarimni o'qisam kulgim keladi, shunchalik ham "sayoz" yozamanmi deb.

2 yil oldin qilgan ishlarimni tahlil qilsam kulgim keladi, shunaqa ham kalta o'ylaymanmi deb.

3 yil oldin qilgan biznes prezentatsiyalarimni ko'rib dumalab tushay dedim.

Vaqt o'tgach, qo'l urgan ishlarimizni sifatiga qarab kulgimiz qistamadimi? Demak o'smadik.

@mashrabov_aa
3,361
20 yoshimda tushunganimda edi

13 Jan, 11:59

O'lchash

Har hafta taroziga chiqmasak vaznimizni pasaytira olmaymiz.

Har oy korxona daromadini tahlil qilmasak sof foydani oshira olmaymiz.

Vazifalarimizmi yozib bajarishni o'rganmasak ishimiz samaradorligini oshira olmaymiz.

Sekundomer bilan yugurmasak yugurishimiz tezligini oshira olmaymiz.

Biror narsani o'stirmoqchimizmi? O'lchashni boshlaylik.

Chunki,

O'lchagan narsani nazorat qila olamiz. Nazorat qila olgan narsani o'stira olamiz.

@mashrabov_aa
2,754
20 yoshimda tushunganimda edi

11 Jan, 12:56

Kapitan ishi

1. Ronaldo Marchester United murabbiysi Ten Xag bilan chiqisha olmadi.

Ten Xag’ni Ronaldochalik butun dunyoda tanishmaydi, uni xattoki instagram sahifasi ham yo’q. Ronaldoni fanatlari ancha ko’p.

Lekin oxir oqibat Manchester United’ni Ronaldo tark etdi.

Ko’pchilikka, ayniqsa MU muxlislariga bu qaror yoqmadi.

2. Ilya Sutskever Sam Altman bilan chiqisha olmay qoldi.

Sutskever OpenAI kompaniyasida bosh muhandis edi, kompaniya «yuragi» edi.

Lekin baribir kompaniyani u tark etdi.

Ko’pchilikka bu qaror yoqmadi.

Ikkala holat ham juda o’xshash. Biri sport, ikkinchisi esa texnologiya dunyosidan.

Ikkala holat ham 1 narsani o’rgatadi,

Har qanday kema kapitani matrosni ishini qila oladi (kamida matros yollay oladi).

Lekin, har qanday matros kema kapitanini ishini qila olmaydi.

Shuning uchun kapitan doim matrosdan ustun turadi.

@mashrabov_aa
2,983
20 yoshimda tushunganimda edi

07 Jan, 18:15

5 yildan keyin ham shunday deymiz

Bir loyihamiz uchun ijaraga joy ko’rgani Vodiyga bordik.

10 yil oldin suv tekinga gektar-gektar yer sotib olgan akalarni joyini ko’rdik. Hozir u yerlar narxi x1,000 gacha ko’tarilgan. Akalar multi millioner bo’lishgan.

Sherigim «Abror aka 10 yil oldin biz ham shu joylardan yer sotib olganimizda millioner bo’lar ekanmiz» dedi.

5 yildan keyin «2025 yilda X ishni qilganimizda millioner bo’lib ketar edik» deymiz, 100% ehtimol bilan.

10 yildan keyin esa 2035 haqida shunday deymiz. Va buni oxiri bo’lmaydi.

Unutmaylik,

Multi millioner bo’lib ketish uchun katta omad kerak.

Katta omad uchun esa tayyor bo’lishimiz kerak.

@mashrabov_aa
3,205
20 yoshimda tushunganimda edi

05 Jan, 12:49

Chempionlardan mag’lub bo’lish

Jamoasida Ronaldo o’ynaydigan jamoaga futbolda yutqizsak uyat bo’lmaydi.

Roy Jones bilan 1:1 jangga chiqib kaltak yesak uyat bo’lmaydi.

Garri Kasparov bilan shaxmat o’ynab beshinchi yurishni o’zida mot bo’lsak uyat bo’lmaydi.

Chunki,

Bular bilan raqib bo’lishga rozi bo’lishni o’zi katta gap.

Mag’lub bo’lsak ham katta jasorat ko’rsatgan bo’lamiz. Agar yutsak qahramon bo’lamiz.

Ikkala holatda ham yutug’imiz bor.

Mag’lub bo’lsak ham chempionlarga mag’lub bo’lgan yaxshi.

Bu degani,

Katta loyihalardan (chempionlardan) qo’rqmaylik. Kaltak yesak Taysondan kaltak yeylik.

@mashrabov_aa
3,123
20 yoshimda tushunganimda edi

04 Jan, 13:22

Bahs

Kimdir mening qarorimga qo‘shilmasa yoqtirmas edim. Suhbat bahslashishgacha yetib kelganida asabim buzilar edi. Turib ketar edim. Chunki bahslashishni yomon deb bilar edim.

Hech qanday e’tirozlarsiz va bahslarsiz qabul qilgan moliyaviy qarorlarimni tahlil qilganimda ba’zilar to‘g‘ri bo‘lib chiqqan ekan. Aksariyati esa noto‘g‘ri. Oqibatda ko‘p asab va pul yo‘qotdim.

Hozir bir loyiha ustida ishlayapmiz. Moliyachidan pul olish qiyin. Bahslashish kerak, isbotlash kerak. Ba’zida kunlar ketadi. Ba’zida beradi, ba’zida esa yo‘q. Natijada halokat bizdan uzoq yuradi.

Venchur kapitalistlar "agar xonada hamma X loyihaga sarmoya qilishga rozi bo‘lishsa, demak bu yomon sarmoya" deb aytishadi. Bu gaplarni aytishdan oldin ular milliardlab $ yo‘qotishgan.

Quloq solaylik.

Kimdir bizni gapimizga qarshi gap aytib bahslashmoqchimi? Halokat uzoq.

Hech kim bahslashmay qo‘ydimi? Halokat yaqin.

@mashrabov_aa
3,184
20 yoshimda tushunganimda edi

03 Jan, 15:34

Chiroyli gaplar

Mussolini juda chiroyli gapirar edi. Uni ketidan butun Italiya ergashdi. Lekin Italiya vayron bo’ldi.

Gebbels juda chiroyli gapirar edi. Uning gaplariga butun Germaniya quloq solar edi. Lekin Germaniya vayron bo’ldi.

Elizabet Xolms juda chiroyli prezentatsiyalar qilar edi. Investorlar lol qolishar edi. Lekin barcha investorlar pullariga kuydi.

Kecha 2 kishining 3 soatli debatini ko’rib tugatdim.

Orada biri ikkisiga juda ham o’rinli argumentlar va «tupikga» tiqadigan savollar berdi. Lekin, savollarni qabul qilgan odam juda ham kuchli ritorik edi.

Uning javoblari noto’g’ri bo’lsa-da u gaplarini juda ham katta ishonch bilan va chiroyli gapirdi. Oqibatda debatni yutdi.

Chiroyli gaplar - to’g’ri gaplar degani emas.

Chiroyli gaplarga aldanib qolmaslik uchun har bir gapni tagiga yetaylik.

@mashrabov_aa
2,649
20 yoshimda tushunganimda edi

31 Dec, 08:55

Noqulay ishlar

Moliyaviy tahlil menga zerikarli va noqulay ishdek tuyular edi. Qilmas edim. Oqibatida loyiham bankrot bo’ldi.

Sabzavotli va oqsilga boy ovqat menga bemaza tuyular edi. Yemas edim. Oqibatda barcha analizlarim yomon chiqdi.

Ishlar ko’payib ketganida sport bilan shug’ullanish noqulay edi. Shug’ullanmas edim. Oqibatda haddan ortiq jahldor bo’lib qoldim va quvvat kamayganini sezdim.

Biror bir ishni qilish bizga noqulaymi? Demak u muhim.

Faqat qulay ishlarni qilish noqulay oqibatlarga olib kelar ekan.

Noqulay ishlarni qilish uchun kuch tilab qolaman. Yangi yil muborak.

@mashrabov_aa
3,025
20 yoshimda tushunganimda edi

29 Dec, 10:09

Gravitatsiya

Raketa 90% yoqilg’isini 1% masofa uchun sarflar ekan, gravitatsiyani yengib o’tish uchun.

Marshrutning 1% ni bosib o'tgandan so'ng, inertsiya tufayli u harakatni davom ettiradi va qolgan 10% yoqilg'i bilan umumiy masofaning 99% ni bosib o'tar ekan.

Kibrimizni yo’qotish uchun 90% «yoqilg’imizni» sarflaylik,

Qo’rquvlarimizni yo’qotish uchun 90% «yoqilg’imizni» sarflaylik,

Va fikrlashimizni kengaytirish uchun uchun 90% «yoqilg’imizni» sarflaylik.

Kibr, qo’rquvlar, fikrlashimiz - shular yer «gravitatsiyasini» yengib o’tishga to’sqinlik qilyapti.

Chunki ular,

Qarorlarimizga,

Qarorlarimiz harakatlarimizga,

Harakatlarimiz esa natijalarimizga ta’sir qiladi.

@mashrabov_aa
3,186
20 yoshimda tushunganimda edi

27 Dec, 16:30

O’sib chiqmaydi

Uy sotib oldik, hovlisi beton ekan. Uni bog’ga aylantirmoqchi bo’ldik.

Bir hovuch eng zo’r meva ekin olib kelib beton ustiga tashlasak ham u o’smadi.

Bir chelak olib kelib beton ustiga tashlasak ham o’smadi.

Hattoki bir Kamaz olib kelib beton ustiga tashlasak ham o’smadi.

Meva ekini o’sib chiqishi uchun muhitni o’zgartirish kerak. Betonni ko’chirib tashlab yerni yumshatishimiz kerak.

Muhit yumshoqroq bo’lsa eng zo’r meva ekinini olib kelmasak ham o’sib chiqaveradi.

2-3 yildan beri bir joyda o’smay qolib ketdikmi? Muhitni o’zgartiraylik.

Aqlan, ruhan va jismonan o’smoqchi bo’lganlarning muhitiga qo’shilaylik.

@mashrabov_aa
3,193
20 yoshimda tushunganimda edi

26 Dec, 16:44

Yukimiz barobar

Qiyinchiliklarda «qiziq, mening ham ota-onam boy bo’lganida kesib o’tayotgan yo’lim qanday bo’lar edi-a?» deb o’zimni ko’p savolga tutar edim.

Yaxshiroq maktab, yaxshiroq murabbiylar, yaxshiroq uy va hokazo.

Xullas, «hayotim ancha osonroq bo’lar edi» javob berib yurar edim shularni tushunmagunimcha,

Tug’ilishi bilan «yaxshiroq hayotga» ega bo’lganlarni hayotini tahlil qilib fikrim qat’iy o’zgardi.

Ota-onasini «orzu-havaslarini» oqlay olmaslik, borini yo’qotib qo’yish to’g’risidagi fikrlar ularga katta psixologik bosim bo’ladi. Hammasiga ham emas, istisnolar bor.

0 dan boshlagan odamdan esa deyarli hech narsa kutishmaydi. Ota-ona uchun bolasini «sog’ salomat» bo’lishini o’zi katta gap.

Aslida yaxshi hayotni meros qilib olganlarga havas bilan qaramaylik, ularning yuki biznikidan yengil emas.

Ko’pchiligi bizga o’xshab hammasini 0 dan boshlayotganlarga havas bilan qarashadi. Ishonavering.

@mashrabov_aa
3,024
20 yoshimda tushunganimda edi

24 Dec, 16:40

Fundament

1 dona xonadan iborat uy ko’tarayotgan odam 2 oyda uyni qurib tugatadi.

14 ta xonadan, 1 basseyn, 1 trenajor zal, qishki oshxona va saunadan iborat uy ko’tarayotgan odam 2 oyda fundamentini ham tugata olmaydi.

1 xonali uyga qaraganda karra-karta ko’proq vaqt ketadi. Uyning elektrika va santexnikasi qismiga kelganida esa qurilish to’xtab qolgandek tuyiladi go’yo.

Lekin, uy bitishiga 2 yil ketsa ham arziydi. Chunki bitgandan so’ng uyning egasi 1 boshpana ostida nabiralarini ham sig’dira oladi.

Qo’shnimiz tomini yopayotganida biz hali fundamentni tugatmagan bo’lishimiz mumkin.

Bu degani biz ulardan qolib ketyapmiz degani emas,

Balkim 14 xonali uy solayotgandirmiz? Arqonni uzunroq tashlagandirmiz?

1 xonali uy solayotganlar ustimizdan kulishlari mumkin, «meni aytganimni qilganingda allaqachon zo’r bo’lib ketar eding» deyishlari mumkin.

Rejamiz kattami? Ularni eshitmaylik. Fundament ko’proq vaqt talab qiladi.

@mashrabov_aa
3,526
20 yoshimda tushunganimda edi

22 Dec, 17:50

Rozi bo'laylik

Atrofga qaradim,

O'ndan to'qqiztasining telefonida Instagramni ko'rdim. Screen time kamida 4 soat kuniga.

"Hamma sarmoya qiladigan joyga sarmoya qilib ulardan o'tib ketolmaysiz" deydi Endi Rahleff, Benchmark Capital asoschisi.

"Hamma qilayotgan narsani qilib hamma olayotgan narsani olasan" deb eslatadi Jim Ron.

Hamma ko'rib yuradigan videolarni ko'rib ular bilan bir xil "haq" olishga rozi bo'laylik.

Hamma o'qigan kitoblarni o'qib ular bilan bir xil "haq" olishga rozi bo'laylik.

Rozi emasmizmi? Ko'pchilik qilmayotgan ishlarni qilaylik. Ko'pchilik qilayotgan ishlarni qilmaylik.

@mashrabov_aa
3,877
20 yoshimda tushunganimda edi

21 Dec, 17:33

Karra-karra ko’proq qiymat

Pulimiz yo’q payda oldimizga kimdir kelib «pul zaril, shuning uchun Iphone 16’ni $100 ga berib yuboraman» desa qarz olib bo’lsa ham pul topamiz.

Chunki,

Oladigan qiymat sotuvchi so’ragan puldan ancha yuqoriligini ko’ramiz.

Mijoz oqimi pastmi? Beradigan qiymatimiz so’rayotgan pulimizdan karra-karra ko’p emas.

Oyligimiz pastmi? Beradigan qiymatimiz so’rayotgan pulimizdan karra-karra ko’p emas.

Pul haqida bosh og’rityapmizmi? Boshimiz og’rig’i to’xtamaydi.

Qiymatni karra karra ko’paytirish to’g’risida bosh qotiraylik, shunda pul to’g’risida bosh og’ritishimiz kerak bo’lmaydi.

@mashrabov_aa
3,090
20 yoshimda tushunganimda edi

20 Dec, 16:31

Topish kerak xolos

Ba’zi fikrlar keladi, qo’rqitadi. Yana kimdurdan shu fikrlarni eshitgach qo’rquv ketadi.

Ba’zi fikrlar keladi, xavotirga solib qo’yadi. Yana kimdurdan shu fikrlarni eshitgach sal bo’lsa ham xotirjam bo’lamiz.

Ba’zi muammolarimizni o’ylab ichimizni yeymiz. Yana ubu kimda shu muammolarni ko’rsak yengillaymiz.

Birinchi biznesi bankrot bo’lgan ukamiz siqilib qolgan ekan. «Deyarli hech kimda birinchi biznes o’xshamagan. Menda ham shunday» degan edim - ko’ziga nur to’ldi. O’ziga bo’lgan ishonchi qaytdi.

Fikrlar va muammolar qiynayotganida shuni yodda tutaylik,

100% ehtimol bilan bizni qiynayotgan narsalar faqat bizni qiynamayapti.

Shuni bilishni o’zi ancha xotirjamlik beradi.

Chunki,

Ko’pchilikni qiynayotgan narsa bo’lsa - demak uni yechimi alla qachon bor. Topish kerak xolos.

@mashrabov_aa
2,552
20 yoshimda tushunganimda edi

18 Dec, 09:55

Xato narxi

16 yoshda biror bir ishni boshlab o'xshata olmasak - shunchaki vaqt yo'qotamiz. Tajriba olamiz.

18-20 yoshda biror bir ishni boshlab o'xshata olmasak - shunchaki vaqt va ozroq pul yo'qotamiz. Tajriba olamiz.

25 yoshda biror bir ishni boshlab o'xshata olmasak - xatomiz narxi ko'proq bo'ladi. Farzandimiz och qolib ketishi mumkin, uysiz qolishimiz mumkin.

30-35 yoshda biror bir ishni boshlash ehtimolimiz 0 ga qarab ketaveradi. Borini yo'qotishdan qo'rqamiz, agar ishlarimiz o'xshamasa muzlatkichimiz bo'sh qolib ketishi va buning oqibatida farzandlarimiz och qolib ketishi bizni qo'rquvga soladi.

Yosh ekanmiz, xato qilishdan qo'rqmaylik. Tajribani bosaylik.

Chunki,

Yo'qotadigan narsamiz kam, deyarli yo'q. Obro'ni asrasak bo'ldi.

Vaqt o'tgach xato narxi faqat tepaga yuradi.

@mashrabov_aa
3,341
20 yoshimda tushunganimda edi

16 Dec, 04:27

Yolg’on

Aslida uxlab qolib «uzr probkada qolib ketdim» deymiz.

Aslida bilganmiz, lekin «meni xabarim yo’q edi» deb turamiz.

Aslida unday emas, lekin «aka zarariga sotyapman» deymiz.

Aslida yordam qilgani pulimiz bor, lekin «o’zim ham qiynalib turibman» deb rad javobini beramiz.

Yolg’on ishlatar ekanmiz, shuni yodda tutaylik,

Bir odamga yolg‘on gapirganimizdan so‘ng, biz nafaqat aslida nima haqida yolg‘on gapirganimizni, balki adashib ketmaslik uchun qaysi odamga qaysi yolg’on versiyasini aytganimizni ham yodda tutishimiz kerak.

Xotiramiz doim band bo’ladi. Kompyuterda birdaniga 10 ta o’yin ochib o’ynaydigan bo’lsak hamma o’yinlar «qotadi». Miyamiz ham shunday «qotishni» boshlaydi.

O’zimizni himoya qilish uchun yoki manfaat topish yolg’on ishlatmaylik.

Chunki,

Yolg’on birinchi bo’lib yolg’onchiga jabr beradi.

@mashrabov_aa
2,727
20 yoshimda tushunganimda edi

13 Dec, 13:33

Bunday gaplar eshitilmaydi

So’kish eshitib o’zgargan odam yo’q.

Qo’pol tanqid eshitib o’zgargan odam yo’q.

Hammani oldida kamsitilib o’zgargan odam yo’q.

«Sporlashish» oqibatida o’zgargan odam yo’q.

Ayblovchi gaplar orqali o’zgargan odam yo’q.

O’zimizni eslaylik, hayotimizga tubdan ta’sir o’tkazgan gaplarning barchasi sokin ohangda aytilgan.

Ukamiz, do’stimiz yoki xodimimizni o’zgarishimi xohlaymizmi? Tinch ohangda gapiraylik. Baland ovoz bilan aytilgan gaplar barbir eshitilmaydi.

@mashrabov_aa
3,341
20 yoshimda tushunganimda edi

09 Dec, 14:54

1 marta o’xshasa bo’ldi

Kitob yozishning yaxshi tomoni - 1 marta o'xshasa bo'ldi. 1 dona bestseller unga sarflagan vaqt va pulimizni x1000 qilib qaytarib berishi mumkin.

Blog yuritishning yaxshi tomoni - 1 marta o'xshasa bo'ldi. 1 dona yurakdan chiqib yurakga yetib borgan video yoki maqola bizni mashhur qilib yuborishi mumkin.

Sportchi bo'lishni yaxshi tomoni - 1 marta o'xshasa bo'ldi. 1 dona olimpiya medali bizni boy va mashhur qilib yuborishi mumkin.

Biznes qilishni yaxshi tomoni - 1 marta o'xshasa bo'ldi. 1 dona o'xshagan biznes 1 oy ichida shu kungacha topgan pulimizdan ko'proq pul olib kelishi mumkin.

Yillar davomida omadimiz kelmaganida, shafqatsiz vaqt o’zimizga bo’lgan ishonchni kamaytirganida,

O’zimizga savol beraylik,

Biz shug’ullanayotgan narsa 1 marta o’xshasa hammasi yaxshi bo’lib ketadimi? Unda davom etaylik.

@mashrabov_aa
5,137
20 yoshimda tushunganimda edi

06 Dec, 15:15

Sovuqchilik tushadi

Maslahat beramiz, eshitmaydi. O’z bilganini qiladi.

Xato qilib boshini devorga urgan paytda «men senga aytgan edim-ku» deymiz.

Bu gap bilan «meni tan ol» demoqchi bo’lamiz.

Buni tagida esa «men sendan ustunman» degan ma’no yotadi. Bu esa hech kimga yoqmaydi.

Munosabatga sovuqchilik tushirmoqchi bo’lmasak «men senga aytgan edim-ku» degan gapni leksikamizdan olib tashlaylik.

@mashrabov_aa
4,208
20 yoshimda tushunganimda edi

03 Dec, 13:26

Qarab tursin

Diego Maradona o'z davrini eng boy va buyuk futbolchilaridan biri edi. Lekin, ko'p pul topishiga qaramasdan qarzga botib ketgan.

Mayk Tayson o'z davrini eng boy va buyuk bokschilaridan biri edi. Ko’p pul topar edi, lekin o'zini bankrot deb e'lon qilgan.

Adam Newman o'z davrini talantli tadbirkorlaridan biri, haliyam. Lekin, qachonlardur $47 milliard turgan kompaniyani bankrot bo'lishiga sababchi bo'ldi.

Maradona, Tayson va Newman ustozlari va yaqinlaridan yuz o'girgan vaqt cho'kishni boshlagan. Kibr, qizlar, giyohvand moddalar - atrofida bularni to'xtatadigan hech kim qolmagan.

Arablar bezijga aytishmagan "ustozidan yuz o'girgan shaytonga eshikni ochadi" deb.

Cho'kmaylik desak qilayotgan ishimizga ustozimiz yoki yaqinlarimiz qarab tursin.

Hattoki psixologlarga ham psixologlar kerak.

@mashrabov_aa
11,896
20 yoshimda tushunganimda edi

30 Nov, 05:57

Kontekst

Bir olim dengizni narigi chekkasiga o’tish uchun kemachini yollaydi.

Yo’lda u kemachidan «o’qiganmisiz?» deb so’raydi. «Yo’q» degan javobni olgach, «essiz shuncha umrni behuda sarflabsiz» deydi. Kemachi indamay qo’yaveradi.

Dengizda to’fon boshlanganida kemachi olimdan «suzishni bilasizmi?» deb so’raydi. «Yo’q» degan javobni olgach «essiz shuncha umrni behuda sarflabsiz, chunki biz hozir cho’kyapmiz» deydi.

«U bilimsiz ekan» deb birovlarga past nazar bilan qarashdan oldin bizni bilimimiz ham boshqa kontekstda 1 tiyinga qimmat ekanligini unutmaylik. Haqiqiy bilimli inson o’z bilim chegarasini biladigan inson, buni ham unutmaylik.

@mashrabov_aa
4,394
20 yoshimda tushunganimda edi

24 Nov, 15:14

Balans

$5,000 lik poyabzal xarid qildik, lekin bir poyi bizga kichkinalik qilsa yurgani juda qiynalamiz. Azoblanamiz. Sarflagan pulimizni 1% ga ham arzimasligini tushunamiz.

Aqlimizni rivojlantirish uchun $500,000 sarfladik, lekin ruhiy va jismoniy rivojlanishga e’tibor bermasak yashashga juda qiynalamiz. Xotirjamligimiz bo’lmaydi. Sog’ligimiz bo’lmaydi.

Baxtli yashay desak balansni ushlaylik. Ham aqlan, ham ruhan, ham jismonan rivojlanaylik.

@mashrabov_aa
4,248
20 yoshimda tushunganimda edi

23 Nov, 16:22

To’g’ri ish muhimroq

Igna yordamida yer kavlasa bo’ladi. Lekin sarflagan energiyamizga yarasha natija olmaymiz. Hattoki jonimizni berib 24/7 kavlasak ham.

Ishlash muhim, lekin tog’ri ishni qilish ancha muhimroq.

«Men ko’p ishlayapmanku» deb o’zimizni oqlashni o’rniga kam ishlab bo’lsa ham to’g’ri ishni qilaylik.

@mashrabov_aa
4,089
20 yoshimda tushunganimda edi

18 Nov, 19:39

Rizq

U o’zini zo’rg’a eplab yurgan edi.

Uylandi, farzandli bo’ldi. Endi u nafaqat o’ziga, balki yana 2 nafar shaxsga javobgar.

U birdaniga «ko’tarilib ketdi», uy va mashina oldi. Kecha o’zidan pul orttira olmay yurgan inson uchun bo’layotgan narsalar - bu mo’jiza go’yo.

Nima o’zgardi?

Farzandining va ayolining risqi u orqali kela boshladi. Soddaroq qilib aytganda «rizqiga baraka kirdi».

Rizqimizga baraka olib kirishni eng samarali yo’li - qarmog’imizga ko’proq odamlarni olishdir.

Bir yetimni kontrakt to’lovini bo’yinimizga oldikmi? Uning rizqi biz orqali berilishi mumkin.

Uylanib uyda yagona boquvchiga aylandikmi? Ayolimizning rizqi biz orqali berilishi mumkin.

Farzandli bo’ldikmi? Farzandimizning rizqi biz orqali berilishi mumkin.

Shaxsan bizga berilgan rizq umrimiz davomida o’zgarmaydi. Biz faqat «o’rtada turib berib» rizqimizni «ko’paytira» olamiz.

@mashrabov_aa
5,156
20 yoshimda tushunganimda edi

15 Nov, 07:07

Harakat

Govard Shults oshxona buyumlarini sotib yuruvchi oddiy agent edi. Uni har bir mijozga bo’lgan o’ziga hos e’tiborini va harakatuni Starbucks vakillari ko’rishdi. Vaqt o’tgach u Starbacks CEO’si bo’ldi.

Charli Trotter o‘z faoliyatini restoranda ofitsiant yordamchisi sifatida boshlagan. Trotter o‘z vazifasini juda qattiq harakat bilan qilar edi. Bu bosh oshpazning e’tiborini tortdi va uni oshxonada ishlashga taklif qildi. Asta-sekin Trotter rivojlanib, AQShda eng yaxshi restoranlardan biriga aylangan o‘z restoranini ochdi.

Stenli Markus kiyim do'konida oddiy sotuvchi bo'lib ishlar edi. Uni har bir mijozga bo’lgan o’ziga hos e’tiborini va harakatuni Neiman Marcus TOP-menejmenti ko’rishdi. Vaqt o’tgach u Neiman Marcus CEO’si bo’ldi.

Ishni harakat bilan qilish - bu biz qilishimiz majbur bo'lgan ishdan ko'prog'ini qilish. Ishimizni katta qilayotganda harakat bilan qilaylik.

Chunki,

Chetdan bizning ishimizni kim kuzatayotganini bilaymiz. Bizni kuzatayotgan odam hayotimizni o’zgartirib yuborishi mumkin.

@mashrabov_aa
3,951
20 yoshimda tushunganimda edi

13 Nov, 16:53

Qiyin hayot kechiray desak:

1. O’zimizni aqllimiz deb o’ylaylik;
2. Bo’sh vaqtimizni ijtimoiy tarmoqlarga sarflaylik;
3. Qo’limizga kitob olmaylik;
5. Xatolarimizni tan olmaylik;
6. Raqamlar bilan do’stlashmaylik;
7. Ustoz qidirmaylik;
8. Oson ishlarni qilaylik;
9. Hayotidan norozi odamlar bilan ko’p vaqt o’tkazaylik;
10. Dunyoni oq va qoraga bo’lib olaylik;
11. Risk olmaylik;
12. Sabablar bilan emas oqibatlar bilan kurashaylik;
15. Tanqidni qabul qilmaylik;
16. Eng ko’p foiz tug’adigan narsaga pul tikmaylik;
17. Shoshib yashaylik;
18. Ali’ni maslahatiga quloq solmaylik.
19. O'zimiz bilan o'zimiz yolg'iz bo'lmaylik.
20. Ro’yxat davom etadi…

@mashrabov_aa
4,037
20 yoshimda tushunganimda edi

12 Nov, 09:37

Chalg‘imasdan

Naushnikda RAP eshitib kitob o'qib bo'lmaydi. Mavzuni umuman o'zlashtira olmaymiz.

Telefonni "polet'ga" yoqmay turib ish qilib bo'lmaydi. Chalg'iyverib ishimiz bitmaydi.

Telegramda kimdir bilan yozishib mashina haydab bo'lmaydi. O'zimizni va birovlarni o'limiga sababchi bo'lishimiz mumkin.

Xullas, bir vaqtda ikkita ish qilib bo'lmaydi.

Chunki,

Diqqatimizni cheki bor. Ishimizni yaxshi qilmoqchimizmi? Diqqat bilan qilaylik. Chalg'imasdan.

@mashrabov_aa
3,313
20 yoshimda tushunganimda edi

09 Nov, 16:26

«Red flag»

Begona shaharga bordik. Qornimiz och. Biror bir joyga kirib ovqatlanishimiz kerak.

Agar Google Maps’ga kirib barcha restoranlarni sharhlarini o’rgangan holda eng yaxshi ovqatlanadigan joy topamiz desak och qolib ketishimiz mumkin.

Shuning uchun biz avval «Red flag’larni» aniqlab olishimiz kerak. Ya’ni bizga to’gri kelmaydigan restoranlarni kriteriylarini tuzamiz:

- kishi boshiga $40 dan qimmat tushadigan joylar;
- menyusida cho’chqa go’shti bor joylar;
- turgan joyimizdan uzoq bo’lgan joylar;
- va hokazo.

Qayerga bormaslikni endi aniq bilamiz. Endi 5,000 restorandan orasidan emas, balkim 5 restoran orasidan qayerga borishni tanlaymiz.

Silikon Vodiysida milliard-milliard dollarlik investitsion qarorlarni qabul qilishda «Red flag» tushunchasi katta yordam berar ekan.

Qaror qabul qilishda vaqtimizni tejamoqchi bo’lsak biz ham «Red flag’larni» ishlataylik.

Qanday qizga uylansam ekan deb o’ylayapmizmi? Qanday qizga uylanmasligimizni aniqlaylik.

Soha tanlay olmayapmizmi? Qanday sohaga umuman kirmasligimizni aniqlaylik.

Biznes boshlamoqchimizmi? Qanday biznesga aniq boshimizni tikmasligimizni aniqlaylik.

@mashrabov_aa
3,046
20 yoshimda tushunganimda edi

07 Nov, 15:33

Balki tayyor emasdurmiz?

Aleksandr Fleming pinitsilin’ni tasodifan, omadi kelib ixtiro qilgan deyishadi.

Mendeleev davriy jadvalni birinchi tushida ko’rib keyin ixtiro qilgan deyishadi.

Vilgelm Rontgen rentgenni (X-ray) tasodifan, omadi kelib ixtiro qilgan deyishadi.

Bu «omadli ixtirolarni» bir narsa bog’lab turadi.

Fleming 20 yil mobaynida mikroblar va infeksiyalarni o’rganish ustida ishlagan.

Mendeleev 10 yil davomida kimyoviy elementlarning xossalari va ular orasidagi bog’liqlikni o’rgangan.

Rontgen esa 20 yildan ortiq elektromagnit nurlanishni o’rgangan.

Ixtiro egalarining miyasiga «evrika» kelguncha ular juda ham uzoq yillar davomida ishlashgan.

Ular omadga tayyor turishgan.

Yahudiylarning zo’r gapi bor,

Omad - bu tayyorgarlik va imkoniyatlar bir chorrahada uchrashganda.

Kimdirga juda katta omad kelganini ko’rdikmi?

Bilaylikki, 99,9% holatda u shu katta omadga tayyor turgan.

Biz kutgan katta omad kelmayaptimi?

Bilaylikki, biz u omadga hali tayyor emasdurmiz. Bir ishni uzoqroq vaqt qilaylik, shunda balkim biz ham 5-10 yildan keyin «evrika» deb baqirarmiz.

@mashrabov_aa
2,796
20 yoshimda tushunganimda edi

03 Nov, 18:35

Uni narxi oshdi

U hisobchi bo’lib ishlar edi, oyiga 5,000,000 so’m topar edi.

6/1, 09:00 dan 17:00 gacha bo’lgan jadval bilan hisoblaganimizda soatiga 25,000 so’mdan to’g’ri kelyapti.

Bu maoshni unga bozor belgilab berdi. Demak dunyoga berayotgan qiymati shu pulga teng.

17:00 dan 23:00 (uyqu vaqti) gacha yana nimagadirga vaqt sarflar edi. Do’stlar bilan choyxonalar, seriallar, ijtimoiy tarmoqlarda o’tirishlar, oila bilan vaqt va hokazo.

U ko’proq pul topmoqchi edi. Chunki hozirgi topayotgani zo’rg’a yetar edi.

Hozirgi ishida shunchaki hisobchi bo’lib ko’proq topib bo’lmasligini tushundi.

Ko’proq topish uchun u kamida bosh hisobchi o’rinbosari bo’lish kerak edi. Buning uchun esa u maxsus sertifikatga ega bo’lishi kerak edi.

Shunga harakatni boshladi.

Do’stlar bilan choyxonalarga juda kam boradigan bo’ldi, seriallardan vos kechdi, ijtimoiy tarmoqlarni telefonidan o’chirib tashladi. Bu ishlardan ortgan vaqtni o’z ustida ishlashga sarfladi.

1 yilda sertifikat olib bosh hisobchi o’rinbosari lavozimiga tayinlandi. Daromadini 3x oshirdi.

17:00 dan 23:00 gacha bo’lgan vaqt oralig’ida qanday ishlar bilan band bo’lishimizga e’tiborliroq bo’laylik.

Chunki bu,

09:00 dan 17:00 gacha vaqt oralig’ida qancha topishimizni belgilaydi.

@mashrabov_aa
3,299
20 yoshimda tushunganimda edi

30 Oct, 17:05

Qilmagan ishlar

Hayotingiz davomida sizni eng ko’p afsusga soladigan xatolar nima? - deb so’rashdi venchur kapitalistlardan.

Deyarli hech qaysi biri «palon kompaniyaga milliard $ tikib pulimga kuydim» demadi.

«O’z vaqtida Google / PayPal / Twitter va hokazoga pul tikmadim» deyishdi deyarli hammasi.

Hayotingiz davomida sizni eng ko’p afsusga soladigan xatolar nima? - deb so’rashdi umrini oxirgi kunlarini yashayotgan keksalardan.

Deyarli hech qaysi biri «palonchi qilgan ishimdan afsusdaman» demadi.

«Palonchi qilmagan ishimdan afsusdaman» deyishdi deyarli hammasi.

Xato qilishdan qo’rqyapmizmi? O’lim to’shagida yotib gapirgan insonlarning gapiga quloq tutaylik.

Undan keyin esa,

Afsuslarimizni tahlil qilib ko’raylik, ko’pincha qilgan ishlarimizdan emas, ko’proq qilmagan ishlarimizdan afsuslanamiz.

@mashrabov_aa
1,918
20 yoshimda tushunganimda edi

27 Oct, 12:03

Yozmaganlar ko’proq

Uyga SPLAT nomli tish pastasini xarid qildim.

Ichini ochsam xat bor ekan. Xatni yozgan odam esa kompaniya asoschisi ekan.

Xatni oxirida esa «agar sizda biror bir shikoyat yoki taklif bo’lsa, iltimos, tortinmay mening shaxsiy elektron pochtamga yozing» deb qo’yipti.

MDX davlatlari orasida SPLAT’ni bozordagi ulushi 25% tashkil qilar ekan. Colgate’dan keyin 2 o’rinda turadi. Yiliga millionlab tish pastalari sotishadi. Har bir qadoqni ichida esa xat bor. Xar bir xatning ichida esa asoschining shaxsiy kontaktlari ko’rsatilgan.

SPLAT asoschisi bilan olingan podkastni ko’rib qoldim. Aytishi bo’yicha kuniga 30 daqiqa vaqtini shaxsiy pochtasiga yozganlarga javob qaytarish bilan shug’ullanar ekan.

«Har bir shikoyat bo’yicha darrov sifat nazorat bo’limiga bog’lanib muammoni hal qilinishini shaxsan o’zim nazoratga olaman. Chunki 1 nafar odam shikoyat bilan yozdi degani yana 111 (yoki 1111) nafar odam yozmagan bo’lishi mumkin degani» deydi.

Aynan shu prinsip SPLAT’ni bozorda #2 bo’lishida katta hissa qo’shdi deb o’ylayman.

Shunday ekan, buni shaxsiy hayotimizda ham qo’llaylik.

1 nafar odam kamchilimizni yuzimizga aytdimi, bunga jiddiy qaraylik, to’g’irlashga harakat qilaylik.

Chunki,

Aytmaganlar soni 111 (yoki 1111) bo’lishi mumkin.

@mashrabov_aa
2,288
20 yoshimda tushunganimda edi

24 Oct, 09:47

Raqamlar bilan do'stlashaylik

2024 yil oktabr oyi boshida Forbes ma'lumotlariga ko'ra dunyoning eng boy odamlari ro'yxati quyidagicha:

1. Elon Mask - $250,4 milliard.
2. Larri Ellison - $205,8 milliard.
3. Jeff Bezos ​​- $158,2 milliard.
4. Mark Sukerberg - $133,5 milliard.
5. Bernard Arno - $203,2 milliard.
6. Uorren Baffet - $122,1 milliard.
7. Larri Peyj - $120,5 milliard.
8. Sergey Brin - $118,6 milliard.
9. Amansio Ortega - $90,6 milliard.
10. Stiv Balmer - $89,6 milliard.

Bu ro'yxatda raqamlar bilan bog'liq bo'lmagan odamlar juda kam. 2 kishidan tashqari, hamma u yoki bu tarzda raqamlar (moliya, muhandislik, matematika) bilan bog'liq.

Forbes ro'yxatini tahlil qilgandan keyin atrofimga qaradim. Asosan raqamlar bilan do'stlashgan odamlar barqaror o'sib kelgan. Qolganlar ham o'sgan, lekin bu darajada barqaror emas.

Sport bilan shug'ullanish qiyin, lekin sog’liq pand berishni boshlaganda uni tiklash - yanada qiyinroq.

Raqamlar bilan do'stlashish qiyin, lekin inqiroz boshlanganida uni tiklash - yanada qiyinroq.

@mashrabov_aa
2,183
20 yoshimda tushunganimda edi

20 Oct, 04:40

Tajriba

10 yildan beri matematikadan dars beraman deydi. Lekin birorta o’quvchisi olimpiadada qatnashmagan.

10 yildan beri oshpazman deydi. Lekin birorta obro’li restoran ishga chaqirmagan.

10 yildan beri murabbiylik qilaman deydi. Lekin birorta chempion tarbiyalamagan.

10 yildan beri dasturchiman deydi. Lekin landing pagedan boshqa narsa qilishga yaramaydi.

Tajribamiz faqat yillar hisobiga ortadi desak adashamiz.

Chunki,

Ba’zan 10 yillik tajriba - bu 10 marta qaytarilgan 1 yillik tajriba bo’lib chiqadi.

@mashrabov_aa
2,591
20 yoshimda tushunganimda edi

16 Oct, 12:33

+50% beradigan narsa

Boks bo'yicha jahon chempioni bo'lmoqchimiz. Muvaffaqiyat ehtimoli hozircha 0% ga teng.

Har kuni ertalab va kechki payt yugurishni boshladik. Muvaffaqiyatga erishish ehtimoli +5% bo'ldi.

Chekishni tashladik. Muvaffaqiyatga erishish ehtimoli +5% ga oshdi.

To'g'ri ovqatlanishni boshladik. Ehtimolga yana +5% qo'shildi.

Vaqtida yotib vaqtida turishni boshladik. Ehtimolga yana +5% qo'shildi.

Eski chempionlarni videolarimi ko'rishni boshladik. Ehtimolga yana +5% qo'shildi.

Boks bo'yicha jahon chempionlarni tarbiyalan murabbiyni qo'lida shug'ullanishni boshladik. Ehtimolga +50% qo'shildi.

Karra-karra o'smoqchi bo'lsak ustoz topaylik.

Biror nimaga erishish ehtimolini karra-karra oshirib beruvchi narsa bu ustozlar. Sport bo'ladimi, biznes bo'ladimi, ilm bo'ladimi - farqi yo'q.

@mashrabov_aa
2,527
20 yoshimda tushunganimda edi

13 Oct, 16:20

Shovqinga to’la gaplar

Anu kuni PAUL’da o’tirgan edim palonchi akani ko’rib qoldim deymiz. Kafeni nomini aytmasak ham bo’lar edi. Lekin bir maqtanib qo’yaylik dedik.

Gaplashib o’tirgan paytimiz telefonimiz jiringlasa «mana Palonchievni o’zi qilyapti» deb qo’yamiz. Shunchaki uzr so’rab chetga o’tsak ham bo’lar edi. Lekin «networkingimiz» bilan bir maqtanib qo’yaylik bilan dedik.

99 ta yaxshi tomoni bor odamni 1 ta yomon tarafini ubu kim bilan o’tirganda tanqid qilib qo’yamiz. Yaxshi tomonlarini ham eslasak bo’lar edi. Lekin bir g’iybat qilaylik dedik.

Palonchi odam harom ish qilganini ko’ramiz. Ubu kim bilan o’tirganda tanqid qilib qo’yamiz. Lekin mavzuni «mana qarab qo’ying, men unday emasman» deyish uchun ochamiz.

Odamzod tilni asosan g’iybat qilish uchun, manipulyatsiya qilish uchun va maqtanish uchun ishlatadi. Ayrim joylardagina ma’lumot almashish uchun ishlatadi dedi Nasim Taleb.

Atrofni kuzatdim. Keyin o’zimni kuzatdim. Gaplarim, gaplarimiz shovqinga to’la ekan.

Shovqindan uzoqroq yurmasak qulog’imizni va miyamizni berib qo’yamiz.

@mashrabov_aa
2,310
20 yoshimda tushunganimda edi

08 Oct, 17:44

Gap transportda

10 daqiqa piyoda yursak 1 km. masofa bosib o'tamiz.

10 daqiqa velosiped haydasak 5 km. masofa bosib o'tamiz.

10 daqiqa mashina haydasak 20 km. masofa bosib o'tamiz.

Raketada esa 10 daqiqa ichida atmosferani tark etamiz.

Har xil transport turi bilan o’sha o’sha vaqt ichida har xil masofa bosib o’tamiz.

Hayotda ham, biznesda ham shunday ekan,

Kimdirlar bir joyda 10 yil ishlab ham ko’kara olmaydi. Kimdirlar 1 yilda gullab ketadi. Chunki to’g’ri joyda ishlash - bu transport.

Kimdirlar bilan 10 yil ishlab ham yangi narsa o’rgana olmaysiz. Kimdirlar bilan yangi narsa o’rganmaydigan kunni o’zi yo’q. Chunki to’g’ri insonlar bilan ishlash - bu transport.

Oxir oqibat, to’g’ri ishni qilish ham - bu transport.

@mashrabov_aa
2,765
20 yoshimda tushunganimda edi

03 Oct, 13:04

Tanlov

Telefonni ko'tarmaslik noqulay suhbat olib borishdan oson.

Reels ko’rish kitob o’qishdan oson.

Muammolarni unutish uchun seriallarga ko'milib yotish muammolarni qog'ozga yozib tahlil qilishdan oson.

O’yin o’ynash do’stlar bilan ko’rishishdan oson.

Hamma qiladigan oson qarorlarni qilyapmizmi? Hamma bilan bir xil yashashga rozi bo'laylik.

Oson tanlovlar qiyin hayotga, qiyin tanlovlar esa oson hayotga yetaklashini esda tutaylik.

@mashrabov_aa
3,043
20 yoshimda tushunganimda edi

29 Sep, 15:10

2 soat

Yomon kayfiyatimizni 2 soat yurish orqali yo’q qilsak bo’lar ekan.

Siqilishdan 2 soat yurish orqali qutilsak bo’lar ekan.

Jahlimiz chiqib turgan payt 2 soat yurib kelsak ancha o’zimizga kelib olar ekanmiz.

Ilhom kelmagan payt 2 soat yurib kelsak miyamiz g’oyalarga to’lib kelar ekan.

Muammolarimiz ko’payib ketgan payt 2 soat yurib kelsak «ko’z oldimizda» yotgan yechimlarni ko’ra boshlar ekanmiz.

Ko’nglimiz xavotirlarga to’lgan payt 2 soat yurib kelsak ancha tinchlanar ekanmiz.

Barchamiz xotirjam, siqilmasdan va baxtli yashashni niyat qilamiz.

Yurishni boshlaylik, niyatimizga tezroq yetib boramiz.

Manbalar: 1, 2, 3

@mashrabov_aa
3,235
20 yoshimda tushunganimda edi

24 Sep, 16:27

Dushmanlarni kamaytirish

Eng mashhur amerikalik, Benjamin Franklinning dushmanlari ko'p edi.

Blogimni o'qiyotgan barcha odamni dushmanlarini qo'shsa ham Franklinning dushmanlari soniga yaqinlasha olmasak kerak.

Chunki u resurslarni taqsimlashda ishtirok etganlardan biri edi. Bu ishda esa dushman orttirmay iloji yo'q. Chunki resurslarni cheki bor.

Franklin bitta sodda usul orqali ko'plab dushmanlaridan qutilgan.

Dushmanlari bilan urishishni o'rniga u iltimos yoki maslahat bilan ularga murojaat qilgan.

Shu orqali u dushmanlarini do'stlariga aylantirgan.

Kimdir bizga maslahat yoki yordam so'rab kelganida qanday his-tuyg'ularni boshimizdan kechirganimizni eslaylik.

O'zimizni kerakli his qilamiz va eng muhimi, maslahat so'rab kelgan odamdan ustunligimizni sezganmiz.

Bu usul haqida ustozimdan yaqinda eshitdim, qo'llashni boshladim. Meni yomon ko'radiganlarda ishlatib ko'rdim. Zo'r ishlar ekan.

20 yoshimda tushunganimda edi ... deb qo'ydim o'zimga.

@mashrabov_aa
2,743
20 yoshimda tushunganimda edi

20 Sep, 17:59

Eng muhimi ko’zdan yiroq

Keling, Betxovenni va oddiy odamni olaylik.

Keling, ularni pianino yoniga o’tkazaylik.

100 metr masofadan turib ularni kuzatsak, ular deyarli bir xil harakatlarni bajarishini ko’ramiz. Lekin bizga har xil ovoz eshitiladi.

50 metrga yaqinlashsak ham o’sha o’sha harakatlar, lekin ovoz bar bir har xil.

10 metrdan qarasak ham o’sha o’sha.

Ammo 1 metr masofadan biz barcha farq barmoqlar va oyoqlarning harakatida ekanligini ko'ramiz.

Biror bir odamni (ayniqsa muvaffaqiyatga erishgan) harakatlarini ko’chirmoqchi bo’lsak shuni yodimizda ushlaylik.

Barcha muhim harakatlar ko’zimizdan yiroq bo’ladi. Uni faqat yaqinlashganda ko’ra olamiz.

@mashrabov_aa
2,452
20 yoshimda tushunganimda edi

16 Sep, 14:20

Xotira past

1. Pandemiyani uzog’i 6 oy hamma muhokama qildi. Keyin e’tiborimizni boshqa narsa egalladi.

2. Rossiya va Ukraina orasidagi urushni uzog’i 6 oy hamma muhokama qildi. Keyin e’tiborimizni boshqa narsa egalladi.

3. Sardoba hodisasini uzog’i 1 hafta hamma muhokama qildi. Keyin e’tiborimizni boshqa narsa egalladi.

4. Turkiyadagi zilzilani uzog’i 1 hafta hamma muhokama qildi. Keyin e’tiborimizni boshqa narsa egalladi.

Xato qilishdan qo’rqar ekanmiz,

Sharmanda tamg’asi umrimizni oxirigacha biz bilan bo’ladi deb o’ylar ekanmiz,

Bir narsani esda tutaylik,

Bizning xatoyimiz jismonan odamlarning xotirasida 1 haftadan ham ko’p yashamaydi.

Yangiliklar oqimi juda tez. Ustiga ustak, odamlarni o’zlarini muammolari ham ko’p.

@mashrabov_aa
2,538
20 yoshimda tushunganimda edi

14 Sep, 08:07

Eng zo'r yillar

1. Yoshligimda kartoshka qopidan tikilgan ko'ylak kiyishga majbur bo'lganman - deydi Opra Uifni.

2. O'g'lim bilan ommamiy xojatxonalarda uxlashga majbur bo'lganmiz - deydi Kris Gardner.

3. Garri Potter haqida birinchi kitobimni yozayotgan paytlarda men bir kambag'al yolg'iz ona edim - deydi Joan Rouling.

4. Men shu darajada qashshoq bo'lganmanki, hattoki sodiq itimni $50 evaziga sotib yuborganman - deydi Silvester Stalone.

5. Men ovqat olish yoki ishga yetib olish uchun avtobusga chipta olish tanlov oradsida turgan paytlarim bo'lgan - deydi Konstantik Xabenskiy.

Bir kun kelib, ortga nazar tashlaganimizda, kurashlarda o'tkazgan yillarimiz eng go'zal bo'lib chiqadi. Bu yillarni kulib eslaymiz.

@mashrabov_aa
2,730
20 yoshimda tushunganimda edi

11 Sep, 14:00

Kulib eslaymiz

6 sinfligimda maktabga ota-onamni chaqirtirishgan kunni eslasam faqat kulaman. Lekin o'sha kuni men uchun go'yo hayot tugadi.

Birinchi sevgimdan "bo'rt" olgan kunni eslasam faqat kulaman. Lekin o'sha kuni men uchun go'yo hayot tugadi.

Birinchi biznesim bankrot bo'lgan kunni eslasam faqat kulaman. Lekin o'sha kuni men uchun go'yo hayot tugadi.

Ikkinchi biznesim bankrot bo'lgan kunni eslasam faqat kulaman. Lekin o'sha kuni men uchun go'yo hayot tugadi.

Qarzga botib qarzimni to'lay olmasdan yurgan kunlarni eslasam faqat kulaman. Lekin o'sha kunlar men uchun go'yo hayot tugadi.

Ishonavering, hozirgi muammolarimizni 99,9 foizini uzog'i 1 yildan keyin kulib eslaymiz.

1 yildan keyin kulib eslab bo'lmaydigan muammoni o'zi yo'q.

Ko’ngilni keng qilaylik.

@mashrabov_aa
2,499
20 yoshimda tushunganimda edi

10 Sep, 09:35

Oq va qora

U shifoxonaning shoshilinch travmatologiya bo'limida kuzatuvchi safatida 2 kun o'tirdi, bu uning fikrlashiga ta'sir o'tkazadi.

"Qanday davlatda yashayapman o'zi? Har kuni kimdur kimdurni so'yadi, o'ldiradi. Kriminal gullab yotipti." degan fikrlar hayolidan o'ta boshladi.

U negativ blogerning sahifasini 2 kun o'qidi, bu uning fikrlashiga ta'sir o'tkazadi.

"Qanday davlatda yashayapman o'zi? Hamma joy pora bosib yotipti. Yo'llar rasvo. Ta'limga e'tibor qani?" degan fikrlar hayolidan o'ta boshladi.

Negativ blogerning sahifasida 1 yil o'tirdi, fikrlari e'tiqodga aylanadi.

2 yildan keyin esa dunyoni faqat oq va qora ko'ra boshladi.

3 yildan keyin o'zining barcha muammolarida o'zidan tashqari hammani ayblashni boshladi.

30-40 yildan keyin hech narsaga erishmay o'lib kedti.

Dunyoni oq va qoraga bo'lib olgan 99% insonlarning qismati shunday bo'ladi.

Dunyo ko'zimizga oq yoki qora bo'lib ko'rinmasin desangiz atrofimizda bo'layotgan yaxshiliklardan ham xabar olib turish kerak.

@mashrabov_aa
2,049
20 yoshimda tushunganimda edi

07 Sep, 08:07

Oliy maqsad

Evan Shpigel, Kayli Jenner, Mark Zukerberg, Ilon Mask, Bill Gates va Ostin Rassel.

Bularni uchta fakt birlashtirib turadi.

1. Barchasi 35 yoshgacha $ milliarder bo'lishgan.

2. Barchasi boy oilada tug'ilgan.

3. Barchasi oliy maqsad haqida ko'p gapiradi.

Bularning lirikasini tagi bir, "dunyoni yaxshi tomonga o'zgartiramiz" deyishadi.

Tagida hech narsasi yo'q ko'p yoshlarni ko'raman, shularga tahlid qilishadi. "Biz ham dunyoni yaxshi tomonga o'zgartiramiz" deyishadi.

Birlamchi ehtiyojlarimizni qoniqtirmadikmi? Oliy maqsadni chetga surib turaylik. Soqqani bosaylik. Och qoringa oliy maqsad haqida o'ylash zararli.

@mashrabov_aa
2,020
20 yoshimda tushunganimda edi

03 Sep, 04:17

Risklarimiz har xil

Bitta ishga qo’l urdim, lekin u ishim o’xshamadi.

«Nima bor edi risk qilib?» dedi sigaret chekadigan do’stim.

«Nima bor edi risk qilib?» dedi umrida bir kun ham sport bilan shug'ullanmagan semiz qarindoshim.

«Nima bor edi risk qilib?» dedi ba'zida sfetofor qizilida to’xtamaydigan tanishim.

«Nima bor edi risk qilib?» dedi mashinaga o’tirib kamar taqmaydigan ukam.

Ishonavering, o’pka rakidan, avtohalokatdan va insultdan ko'proq odam o'ladi. Mana shu haqiqiy risk.

Hammamiz risk qilamiz, shunchaki risklarimiz darajasi har xil. Biri Xudoga tavakkal qilib qilingan risk, ikkinchisi ahmoqona risk.

Hayoti faqat ahmoqona risklardan iborat odamlarni maslahatiga quloq solish - bu ahmoqonalik.

@mashrabov_aa
2,277
20 yoshimda tushunganimda edi

31 Aug, 18:01

G’oya atrofida

Samuel Lengli - amerikalik astronom, fizik, oliy ma’lumotli va ziyoli inson.

Lengli birinchi samolyotni yaratish ustida ish olib borgan. Orqasida harbiylar turgan, puldan muammo bo’lmagan.

Unga berilgan pul bilan u eng yorqin aql egalarini ishga oldi.

Samolyotni birinchi bo’lib havoga ko’tarish uchun unda barcha imkoniyat bor edi.

Lekin birinchi samolyotni baribir u yarata olmadi. Aka uka Raytlar undan o’tib ketishdi.

Aka uka Raytlarda muvaffaqiyat uchun hech narsa yo’q edi: na oliy ma’lumot, na pul, na kuchli jamoa.

Ularda g’oya bor edi va shu g’oyani amalga oshirish uchun orzu bor edi xolos.

G’oya atrofida yig’ilgan «ziyosiz» odamlar pul atrofida yig’ilgan «ziyoli» odamlardan yaxshiroq natija ko’rsatishadi. Tarix misollarga to’la.

Ishlayotgan joyimizga ahamiyat beraylik. G’oya atrofida yig’ilganlar ko’proqmi yoki faqat pul atrofidami?

O’smoqchimizmi? G’oya atrofida yig’ilganlar bilan tezroq o’samiz.

G’oya atrofida yig’ilganlar bilan oliy natijalarga erisha olamiz.

@mashrabov_aa
2,036
20 yoshimda tushunganimda edi

30 Aug, 08:55

Bunday odam yo'q

300 marta sotishga harakat qilib ko'rib, sotishni o'rganmagan odam yo'q.

3 oy davomida har kuni yugurishga chiqib, ozmagan odam yo'q.

10ta kitob o'qib o'sha-o'sha eski aqli bilan qolib ketgan odam yo'q.

6 oy davomida har kuni til o'rganib, umuman gaplasha olmagan odam yo'q.

100ta post yozib, yaxshi yozishni o'rganmagan odam yo'q.

20ta muvaffaqiyatsiz biznes ochgan odam yo'q.

Ubu narsani endi boshlaganimizda birinchi harakatlarimiz "fail" bo'ladi, bu aniq.

Birinchi qadamlardan hech narsa kutish kerak emas.

Muvaffaqiyatsizlikga imkon qoldirmasligini yagona yo'li - bu katta sonlar.

@mashrabov_aa
2,095
20 yoshimda tushunganimda edi

29 Aug, 08:33

Qonun

«Erkak kishi xotini bilan ajrashsa 50% mulkini xotiniga berishi kerak (farzandlari bo’lmasa ham), chunki bu qonuniy» dedi bir ayol.

Fransiyada 2013 yildan beri ikki nafar gey mehribonlik uyidan bola asrab olishi mumkin, chunki bu qonuniy.

AQSH’da qora tanlilarni qul qilish mumkin edu, chunki bu qonuniy bo’lgan.

Gitler paytida yahudiylarni va slavyanlarni gaz to’ldirilgan kamerada o’ldirishgan, chunki bu qonuniy edi.

AQSH’da qochoq qullarga boshpana berish mumkin emas edi, chunki bu noqonuniy edi.

Qonuniy degani to’g’ri degani emas, chunki mantiqqa va etikaga to’g’ri kelmaydigan qonunlar ko’p yashamaydi.

@mashrabov_aa
1,630
20 yoshimda tushunganimda edi

27 Aug, 04:57

Energetik yordam bermaydi

Hasanboy Do'stmatovning tezligi va texnikasi juda zo'r. Janglarini ko'rib mazza qilaman.

Lekin uni Alexander Usikga qarshi qo'ysa 100% ehtimol bilan ringni o'zini oyog'i bilan tark eta olmaydi. Tezligi va texnikasi zo'r bo'lgani bilan uni jismonan kuchi yetmaydi, chunki vaznlar har hil.

Aqlan kuchli odamlarni ko'p ko'raman. Borib kofe yoki energetik ichib kelmasam uxlab qolaman deyishadi. Aqli zo'r bo'lgani bilan ko'p ish qila olmaydi, chunki energiyasi yetmaydi.

Bunday insonlarni "energetik impotent" deb atashadi.

Impotent bo'lib qolmaslik uchun energiya beradigan chinakam manbalardan muntazam foydalanaylik:

1. Uyqu. 8 soat.
2. Ovqat. Fast-food emas.
3. Yon atrofimizdagi insonlar. Bizga motivatsiya berib turadigan.

Energiyasiz aql bir tiyin.

@mashrabov_aa
1,781
20 yoshimda tushunganimda edi

23 Aug, 12:15

Eng baxtsiz odam

Yangi ayfondan 1 haftadan keyin xuddi birinchi kundagidek mazza qilmaymiz.

Yangi mashinadan 2 oydan keyin xuddi birinchi kundagidek mazza qilmaymiz.

Yangi uydan 3 oydan keyin xuddi birinchi kundagidek mazza qilmaymiz.

Yangi xotindan 6 oydan keyin xuddi birinchi kundagidek mazza qilmaymiz.

"Palonchi narsam bo'lsa edi, baxtliroq bo'lar edim" degan odam - eng baxtsiz odam.

Dunyoviy narsalarning birortasidan uzoq vaqt mazza qilmaymiz, ishonavering, tezda zerikamiz.

Abadiy baxt - ichki xotirjamlikda va dunyoviy narsalarga beparvolikda. Abadiy baxt - yoqtirgan ishimizni qilishda. Abadiy baxt - farzandlarimiz va ota-onamizning baxtida.

Abadiy baxt sari intilaylik, chin baxtga intilgan bo'lamiz.

@mashrabov_aa
1,825
20 yoshimda tushunganimda edi

22 Aug, 11:00

Karantin

1 yil Aziz aka bilan yaqin ishladik. Ichki xotirjamligim ancha oshdi, avvalgi urushqoq va sabrsiz Abror ancha bosildi va sabrli bo'ldi.

Umidjon aka bilan yaqindan ishlashni boshladik, 3 oy bo'ldi. O'zimga bo'lgan ishonchim oshdi, avvalgi Abror ancha "derzkiy" fikrlashni boshladi.

Kayfiyat va xarakter yuqumli ekan.

Pozitiv insonlarga yaqinroq bo'laylik. Yaxshi narsalar o'rganamiz, o'samiz.

Har narsadan norozi va negativ odamlardan uzoqroq yuraylik. O'zimizdan boshqa hammani ayblashni o'rganamiz, cho'kamiz.

Bu havfli kasallik. Agar yuqsa dorisi qimmat turadi. Kasalni yuqtirmaslik yo'li karantin.

@mashrabov_aa
1,901
20 yoshimda tushunganimda edi

19 Aug, 05:06

Ehtiyotsizlik qurboni

“Atom reaktorlari samovar kabi xavfsiz” deyishgan Chernobil atom reaktori quruvchilari.

“Bizning shattlarimizning avariya bo’lish ehtimoli 1:100,000” deyishgan NASA’dagilar.

“Hech qanday sharoit bu kemaning cho'kib ketishiga sabab bo'lishini tasavvur qila olmayman” degan Titanic kapitani.

”Urush deyarli tugab bo’ldi, SSRI qulashiga sanoqli kunlar qoldi, Amerikaga hujum qilaveringlar” dedi nemis hukumati Yaponiya hukumatiga 1941 yil.

Aqlli odamlar ham dahshatli beparvolik va xatolarga yo'l qo'yishgan.

Bunday holatlar tarixda ham hozir ham to’la.

“Domla zo’r gap aytdi” deb kelamiz.

Dalillarini shubhaga solish hayolimizga kelmaydi.

Ishonch bilan aytilayotgan gaplarni shubhaga solaylik.

Ehtiyotsizlik va beparvolik qurboni bo'lmaylik.

@mashrabov_aa
1,930

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.