Markaz — yangiliklar

Oʻzbekiston va Turkmanistonning mudofaa sohasida hamkorlik bitimi ratifikatsiya qilindi

Oʻzbekiston va Turkmaniston Mudofaa vazirliklari oʻrtasida mudofaa sohasida hamkorlik toʻgʻrisidagi Bitim ratifikatsiya qilindi. Prezident bu boʻyicha tegishli (OʻRQ-965-son) qonunni imzoladi.

Keltirilishicha, bitim 5 yil muddatga tuziladi va uning amal qilish muddati, basharti u tugatilmasa, oʻz-oʻzidan navbatdagi besh yillik muddatlarga uzayaveradi. Bitimning asosiy maqsadi tomonlar davlatlarining qonunchiligiga muvofiq teng huquqlik prinsipi asosida harbiy sohada oʻzaro manfaatli hamkorlikni oʻrnatish va yanada rivojlantirishdan iborat.

😎 @markazpro

📱Yangi iPhone 16 ommaga taqdim etildi

😎@markazpro

"Pandemiya" filmining ilk katta premyerasi bo'lib o'tadi.

10-sentabr kuni soat 18:00 da Milliy kino san'ati saroyida "Pandemiya" filmi premyera qilinadi.

Syujet 2020–2021-yillarda butun dunyoga muammolar tug'dirgan Covid-19 kassaligi va pandemiyaning Oʻzbekistonda qanday kechganini yoritib beradi.

Ma'lumot uchun, premyeraga kirish bepul!

😎@markazpro

Hindistonlik 17 yoshli qiz Paralimpiada yulduziga aylandi. Uning qoʻli yoʻq, shunga qaramay, kamondan oʻq uzmoqda.

Shital Devi bolaligidanoq atrofidagilar uning ustidan kulganini aytadi, ammo bu unga faqatgina yanada koʻproq kuch bergan. Sportchi uzoq yillardan beri kamondan oʻq uzish bilan shugʻullanadi.

Nogironlar aravachasida oʻtirgan raqiblari qoʻli bilan oʻq uzar ekan, Shital Devi qoʻlsiz holda oyoqlari bilan mahoratli tarzda oʻq uzgan. U atigi 1/8 finalgacha chiqa oldi. Ammo shu chiqishlarning oʻziyoq unga misli koʻrilmagan mashhurlik olib keldi.

😎@markazpro

“Qariqiz” filmi premyerasiga salkam 2 ming kishi tashrif buyurdi.

27-avgust kuni Kinematografiya agentligi buyurtmasi asosida suratga olingan “Qariqiz” filmining katta premyerasi boʻlib oʻtdi.

Kino ixlosmandlar rejissyor Ilhom Muhammadibrohimovning dramma janridagi kartinasini kinoteatrlarda tomosha qilishlari mumkin. Ssenariy muallifi va prodyuser Nilufar Xudoyberdiyeva, rejissyor Ilhom Muhammadibrohimov, operator Muzaffar Yusupov.

Bosh rolda Aysanem Yusupova, shuningdek, Saida Rametova, Mashhura Zulfiqorova,Tolib Moʻminov, Otabek Haqberdiyev, Behruz Toxirov, Saida Saidbekova kabi aktyor va aktrisalar rol ijro etgan.

😎@markazpro

Britaniyada 102 yoshli ayol tugʻilgan kunini parashyutdan sakrab nishonladi.

Shunday qilib, Ikkinchi jahon urushi faxriysi Manette Beyli Britaniyadagi eng keksa parashyutchiga aylandi.

Tarmoq foydalanuvchilari ayolning jasoratidan hayratda ekanini yozib, unga yana uzoq umr tilamoqda.

😎@markazpro

Milliy kino sanʼati saroyida “Qariqiz” filmining premyerasi boʻlib oʻtadi

“Qariqiz” filmining katta premyerasi 27-avgust kuni soat 18:00 da Milliy kino sanʼati saroyida boʻlib oʻtadi. Kirish bepul.

Mazkur kartina Kinematografiya agentligi hamda Toshkent viloyati hokimligi hamkorligida suratga olingan. Ssenariy muallifi va prodyuser Nilufar Xudoyberdiyeva, rejissyor Ilhom Muhammadibrohimov, operator Muzaffar Yusupov.

Film hayotda oʻz yoʻlini izlayotgan boʻlajak shifokorning hayotiy sinovlari haqida hikoya qiladi. Bosh qahramon turmushga chiqish va oʻqishni davom ettirish orasidagi muhim tanlovni amalga oshiradi va bu tanlov oʻzini oqlaydi.

😎@markazpro

Buxoroda ona qizini psixonevrologiya dispanseridan olib ketishdan bosh tortdi

Buxoro viloyatida 14 yoshli qiz bolalar ombudsmanı idorasiga yordam soʻrab murojaat qildi. Qiz psixonevrologik klinikaga olib borilgan, u koʻrsatilgan yordamdan keyin oʻzini yaxshi his qildi, ammo qizning onasi farzandini ruhiy shifoxonadan olib ketishdan va hatto u bilan telefonda gaplashishdan bosh tortgan.

Bolalar ombudsmani idorasi tomonidan Ijtimoiy himoya agentligiga soʻrov yuborildi, mutaxassislar tomonidan oilaning ijtimoiy ahvoli oʻrganildi, qizning dispanserdan chiqarilishi, shuningdek, uning sogʻlom va toʻliq hayotga yanada moslashishi kuzatib borilishi belgilandi.

Ijtimoiy soha xodimlari qizning onasi bilan ham tushuntirish ishlari olib bordi, shundan soʻng bola kasalxonadan chiqarilib, uyiga qaytdi. Bundan tashqari, qiz allaqachon maktabga chiqa boshlagan.

😎@markazpro

Qozogʻistondagi YTHda 8 nafar oʻzbekistonlik vafot etdi

3-aprel kuni Samara—Chimkent trassasining Qozogʻistonning Aqtoʻbe oblasti Marjonbuloq qishlogʻidan oʻtgan qismida yoʻl-transport hodisasi yuz berdi. YTH Volvo yuk mashinasi hamda Oʻzbekiston fuqarosi boshqaruvidagi Toyota-Alhpard miniveni ishtirokida roʻy bergan.

Hodisa oqibatida miniven haydovchisi va undagi yetti nafar yoʻlovchi voqea joyida halok boʻlgan. Qurbonlarning barchasi Oʻzbekiston fuqarolari. Dastlabki maʼlumotlarga koʻra, harakat vaqtida yuk avtomobilining shinasi yorilib ketgan, haydovchi boshqaruvni yoʻqotib, qarama-qarshi yoʻnalishga chiqib ketgan va miniven bilan toʻqnashgan.

Qayd etilishicha, Shavkat Mirziyoyevning topshirigʻiga asosan, baxtsiz hodisada vafot etganlarni Mudofaa vazirligining maxsus havo borti orqali vatanga olib kelish va dafn etish marosimlarini oʻtkazish boʻyicha hukumat komissiyasi tuzilib, kerakli barcha zarur chora-tadbirlar koʻrilmoqda.

😎@markazpro

“Salimboy” sud hukmiga koʻra, 6 yilga ozodlikdan mahrum qilindi

Toshkent shahar Jinoyat ishlari boʻyicha Yashnobod tumani sudida boʻlib oʻtgan sud majlisida Salim Abduvaliyev Jinoyat kodeksining 248-moddasi (Oʻqotar qurolning, oʻq-dorilarning, oʻqotar qurol asosiy qismlarining, portlovchi moddalarning, portlatish vositalarining yoki portlatish qurilmalarining qonunga xilof muomalasi) 2-bandi bilan aybdor deb topilgan.

“Salimboy”ga sud hukmi bilan 6 yil muddatga ozodlikdan mahrum qilish jazosi tayinlangan. Sud hukmi taxminan 19-mart kuni oʻqilgani aytilmoqda. Ammo shu paytgacha bu haqda rasmiy axborot berilmagan. Manbaning taʼkidlashicha, Toshkentda jinoyatchilikka qarshi kurashish doirasida qoʻlga olinganlarning yana bir nechtasi boʻyicha ish sudga chiqarilgan.

😎@markazpro