ကလေးမြို့သတင်းအကုန်သိရန်

တိုက်ပွဲပြင်းထန်နေတဲ့ ကျွန်းပင်သာရွာနဲ့ မင်းသာကျေးရွာကို စစ်ကောင်စီတပ်များ ထပ်မံမီးရှို့ဖျက်ဆီး
==============
ဖေဖော်ဝါရီ  ၁၁ရက်  ၂၀၂၅
Zalen

တိုက်ပွဲပြင်းထန်နေတဲ့ စစ်ကိုင်းတိုင်း၊ တမူးအထက်ပိုင်း ကျွန်းပင်သာကျေးရွာနဲ့ မင်းသာကျေးရွာကို ဖေဖော်ဝါရီလ ၁၀ရက်နေ့မှာ စစ်ကောင်စီတပ်နဲ့ ၎င်းရဲ့လက်အောက်ခံများက ဒေသခံတွေရဲ့ နေအိမ်များကို ထပ်မံ မီးရှို့ဖျက်ဆီးခဲ့တယ်လို့ ဒေသခံများကပြောပါတယ်။

" နေ့လယ် ၁၁နာရီလောက်က မီးစရှို့ကြတာ။ မီးခိုးတွေတက်လာတယ်။ မီးတောက်လည်းမြင်ရတယ်။ ကြည့်ရတာ ဒီတကြိမ်ရှို့တာများမယ်။ ကျွန်းပင်သာနဲ့ မင်းသာနှစ်ရွာလုံးရှို့တာ။ ကျွန်းပင်သာမှာ အိမ်ခြေ ၅၀လောက်ဖြစ်မယ်။ မင်းသာကတော့ ၁၅လုံးလောက်တော့ပါသွားမယ်။ အဝေးကနေပဲ မီးခိုးလုံးနဲ့မီးတောက် လောက်ပဲကြည့်ပြီး ခန့်မှန်းနိုင်တာ။ ညနေပိုင်း ၄နာရီခွဲထိမီးက မငြိမ်းသေးဘူး" လို့ နီးစပ်သူတစ်ဦးကပြောပါတယ်။

ဖေဖော်ဝါရီလ ၃ရက်နေ့နဲ့ ဖေဖော်ဝါရီ ၆ရက်နေ့ကလည်း မင်းသာနဲ့ ကျွန်းပင်သာကျေးရွာရှိ ဒေသခံပြည်သူများ နေအိမ်ကို ပထမအကြိမ် မီးရှို့ ဖျက်ဆီးခဲ့တာဖြစ်ပြီး အခုကြိမ်မီးရှို့ဖျက်ဆီးမှုနဲ့ဆို ကျွန်းပင်သာမှာ အိမ်ခြေ ၅၀ကျော်နဲ့ မင်းသာကျေးရွာမှာ အိမ်ခြေ ၂၀ခန့် စစ်ကောင်စီတပ်များက မီးရှို့ဖျက်ဆီးခဲ့တယ်ပြီလို့ ပြောပါတယ်။

တမူးမြို့နယ်၊ ကျွန်းပင်သာနဲ့ မင်းသာကျေးရွာမှာက စစ်ကောင်စီနဲ့ ပျူစောထီး၊ SNA၊ ကသည်း၊ NSCN-IM တန်ခူးလ်နာဂ လက်နက်ကိုင်များ အခြေချတပ်ဆွဲထားတာဖြစ်ပါတယ်။

ဇန်နဝါရီလ ၂၇ရက်နေ့က စတင်ခဲ့တဲ့ တမူးအထက်ပိုင်းမင်းသာကျေးရွာ၊ ကျွန်းပင်သာကျေးရွာနဲ့ ဇန်နဝါရီ ၃၀ရက်နေ့က စတင်ခဲ့တဲ့ တမူးအောက်ပိုင်းက တော်လှန်ရေးအင်အားစုနဲ့ စစ်ကောင်စီ အပေါင်းအပါများရဲ့ နှစ်ဖက်ကြား တိုက်ပွဲဟာ ယနေ့ထိတိုက်ပွဲပြင်းထန် နေဆဲဖြစ်ပါတယ်။

သတင်း - တမူးနွေဦး


Crd

ကလေးမြို့မှာ စစ်မှုထမ်းဖို့ လူငယ် ၁၈၅ ဦး ဖမ်းဆီးစုဆောင်းခံရပြီ
===========================
၇၊ ဇန်နဝါရီ၊ ၂၀၂၅

စစ်ကိုင်းတိုင်း ကလေးမြို့မှာ စစ်ကောင်စီရဲ့ စစ်မှုထမ်း အမှတ်စဉ် (၆) ကနေ (၉ )အထိ သင်တန်းတွေအတွက် လူငယ် ၁၈၅ ဦးထက်မနည်း ဖမ်းဆီးစုဆောင်းခံရ​​ပြီလို့ ကလေးမြို့ လူထုတိုက်ပွဲ ဦးဆောင်ကော်မတီက ဖေဖော်ဝါရီလ ၆ ရက်နေ့မှာ ထုတ်ပြန်ပါတယ်။

အမှတ်စဉ် (၆) အတွက် ကလေးမြို့က လူငယ် ၄၅ ဦး၊ အမှတ်စဉ် (၇) အတွက် ငါးဆယ်ကျော်၊ အမှတ်စဉ် (၈) အတွက် သုံးဆယ်ကျော်နဲ့ အမှတ်စဉ် (၉) သင်တန်းအတွက် လူငယ်ခြောက်ဆယ်ကျော် ဖမ်းဆီးစုဆောင်းခံရတာလို့ ဆိုပါတယ်။

စစ်ကောင်စီတပ်ဟာ မြို့ပေါ်ရပ်ကွက်တွေထဲအထိ ရှောင်တခင် ဝင်ရောက်ဖမ်းဆီးတာတွေရှိသလို လမ်းသွားလာတဲ့ ဒေသခံ ပြည်သူတွေရဲ့ ဖုန်းတွေကို စစ်ဆေးပြီး အကြောင်းပြချက် မခိုင်လုံတဲ့ စွပ်စွဲချက်တွေနဲ့လည်း လူငယ်တွေ ဖမ်းဆီးခံနေရတယ်လို့ ကလေးမြို့လူထုတိုက်ပွဲဦးဆောင်ကော်မတီက ဖော်ပြပါတယ်။

လက်ရှိမှာ စစ်ကောင်စီတပ်က စစ်မှုထမ်းဖို့အတွက် လူငယ်တွေကို ဖမ်းဆီးခေါ်ဆောင်တာတွေ ဆက်လုပ်နေတာကြောင့် ဒေသခံလူငယ်တွေဟာ အသွားအလာကို သတိထားသွားလာနေရတယ်လို့ ဒေသခံတွေက ပြောပါတယ်။

ဇန်နဝါရီ လကုန်ကနေ ဖေဖော်ဝါရီ လဆန်းပိုင်းအတွင်းမှာ ကလေးမြို့က လူငယ် သုံးဆယ်ကျော်ကို စစ်ကောင်စီတပ်က စစ်မှုထမ်းဖို့ ဖမ်းဆီးခေါ်ဆောင်သွားခဲ့တယ်လို့ မြင်တွေ့သူတွေက ပြောပါတယ်။

Helen

Credit Zalen

တမူးမြို့ပေါ်တွင် စစ်ကောင်စီက ကားတွေချောဆွဲနေ
================
၅၊ ဖေဖော်ဝါရီ  ၂၀၂၅
Zalen

စစ်ကိုင်းတိုင်း၊ တမူး မြို့မှာ စစ်ကောင်စီတပ်များက မြို့ပေါ်မှာရှိတဲ့ ကားတွေကို ချောဆွဲနေတယ်လို့ ကားသမားနဲ့ နီးစပ်သူတွေဆီကသိရပါတယ်။

စစ်ကောင်စီတပ်များက အရေးပေါ် အသုံးပြုနိုင်ဖို့ ကားတွေ နေ့စဉ် မနက် ၅နာရီကနေ ညနေ ၅နာရီထိ တမူးစစ်တပ်ကုန်းမှာ လာရောက် ထိုးထားရမယ်လို့ ကားသမားတွေကို ညွန်ကြားထားတယ်လို့လည်း သိရပါတယ်။

" တမူး အထက်အောက်မှာက တိုက်ပွဲပြင်းထန်တော့ စစ်ကူလိုရင်လိုသလို အချိန်မှီလူနဲ့ပစ္စည်းပို့လို့ရအောင်ဆွဲထားတာနေမှာ။ ကားသမားတွေကတော့ ကြောက်နေကြတယ်။ မသွားပြန်ရင် ဖမ်းဆီး နှိပ်ဆက်ခံရမှာလည်း ကြောက်နေကြတယ်" လို့ ကားသမားနဲ့ နီးစပ်သူက Zalen ကိုပြောပါတယ်။

Crd zalen

ဖလမ်းမြို့ရှောင်လမ်းမှာ မော်တော်ယာဉ်တွေ ဖြတ်သန်းသွားလာခွင့်ပြုပြီလို့ ထုတ်ပြန်

ဖေဖော်ဝါရီလ ၃ ရက်။

လုံခြုံရေးအရ မော်တော်ယာဉ်ကြီးတွေ ဖြတ်သန်းသွားလာခွင့် တားမြစ်ထားတဲ့ ချင်းပြည်နယ်၊ ဖလမ်းမြို့ ရှောင်ကွင်းလမ်းကနေ ၁၀ ဘီးကားနဲ့အထက် မော်တော်ယာဉ်ကြီးတွေကလွဲရင်  မော်တော်ယာဉ်တွေ ဖြတ်သန်းသွားလာခွင့် ရပြီလို့ Falam Regional Committee က ဒီကနေ့ ဖေဖော်ဝါရီလ ၃ ရက်နေ့မှာ အသိပေးထုတ်ပြန်ထားပါတယ်။

ဖလမ်းမြို့ရှောင်ကွင်းလမ်းကနေ သွားလာနေကြတဲ့ ခရီးသွားမိဘပြည်သူတွေအနေနဲ့  (၁၀) ဘီးနှင့် အထက်ကားကြီးတွေကလွဲရင် Skat ကား၊ Forland ကား၊ Haimual ကား၊ အိမ်စီးကားတွေနဲ့ ၆ ဘီးကားတွေအထိ ဖြတ်သန်းသွားလာခွင့် ရပြီဖြစ်တယ်လို့ Falam Regional Committee က အသိပေးထားပါတယ်။

Crd

ကလေးမြို့နယ်က စစ်ရှောင်စခန်းကို စစ်ကောင်စီကလေကြောင်းကနေ ဗုံးကြဲ တိုက်ခိုက်ခဲ့လို့ စစ်ရှောင်ကလေးငယ်အပါအဝင် ပြည်သူ ၉ ဦး အပိုင်းပိုင်းပြတ်သေဆုံး၊ ၃၀ ဦးခန့််ထိခိုက်ဒဏ်ရာရ

ဖေဖော်ဝါရီလ ၁ ရက်။

စစ်ကိုင်းတိုင်း၊ ကလေးမြို့နယ်၊ ကုက္ကိုလ်ကျေးရွာက စစ်ရှောင်စခန်းတစ်နေရာကို  မနေ့ ဇန်နဝါရီလ ၃၁ ရက်နေ့ ညနေ ၅ နာရီဝန်းကျင်လောက်မှာ စစ်ကောင်စီတပ်ကလေကြောင်းကနေ ဗုံးကြဲတိုက်ခိုက်ခဲ့လို့ စစ်ဘေးရှောင် ကလေးငယ်အပါအဝင် ပြည်သူ ၉ ဦး အပိုင်းပိုင်းပြတ်သေဆုံးပြီး ၃၀ ဦး ခန့် ထိခိုက်ဒဏ်ရာရခဲ့တယ်လို့ ဒေသခံတွေဆီကနေ သိရပါတယ်။

ဒေသခံတစ်ဦးက “ကြဲတာက မနေ့ညနေ ၅ နာရီခွဲဝန်းကျင်လောက်လို့ပြောတယ် ကုက္ကိုလ်ရွာစစ်ရှောင်စခန်းလို့ပြောတာဘဲ တင်သားရွာ အရှေ့ဘက်ပေါ့ မြို့ပေါ်ကနေ ၁၅ မိုင်လောက်ဝေးမလားတော့ သေချာမသိဘူး၊ တင်သားတစ်နေရာက  လူအထိအခိုက်မရှိဘူး  လူတွေမရှိဘူး တင်သားရွာကြဲတဲ့နေရာက  တကယ်ထိခိုက်ပြီး တကယ်သေတာက ကုက္ကိုလ်ရွာကျေးရွာပေါ့ အဲမှာတချို့တွေပြောတာကတော့ အင်းကျွန်းဘက်က စစ်ရှောင်တွေပြောတယ်  အဲဒါတွေ ၉ ယောက်သေတယ်  အယောက် ၃၀ လောက် ထိခိုက်ဒဏ်ရာရတယ်လို့ပြောတယ် တချို့က အပိုင်းပိုင်းအပြတ်ပြတ်ဘဲ”လို့ပြောပါတယ်။

Crd chin world media

ကလေးမြို့ပေါ်နေထိုင်သူများ အထူးသတိ

February (၀၁ရက်နေ့မှ ၀၇ရက်နေ့)ထိ (၁)ပတ်တိတိ
ယောင်္ကျားလေး၊မိန်းကလေးပါ မလိုအပ်ပဲ အပြင်မထွက်ကြပါနဲ့
(အိမ်ထဲနေလဲ 😪)

မြို့ပေါ်ထွက်ပေါက်များအကုန်ပိတ်ထားဟု သိရ။ တကယ်ပိတ်လားမပိတ်လား ကပ်သပ်ပီး အာမချောင်ပါနဲ့ အာချောင်မဲ့အစား ဆိုင်ကယ်လေးထုတ်ပီးသွားကြည့်လိုက်ပါလို့ပဲ......ဖြေလိုက်မယ်

Crd Ko Thet

ဇန်နဝါရီလအတွင်း မလေးရှားနိုင်ငံမှာ  အထောက်ထားမဲ့ ချင်းလူမျိုး ၅၀ ဝန်းကျင်ခန့်  ဖမ်းဆီးခံရပြီလို့ သိရ

ဇန်နဝါရီလ ၂၈ ရက်။

မလေးရှားနိုင်ငံမှာ အထောက်ထားမဲ့ ရွှေ့ပြောင်းနေထိုင်မှုကြောင့် ၂၀၂၅ ခုနှစ်၊ ဇန်နဝါရီလ အတွင်းမှာကို ချင်းလူမျိုး အယောက် ၅၀ ဝန်းကျင်ခန့် ဖမ်းဆီးခံထား ရတယ်လို့ ရွှေ့ပြောင်းအရေးတက်ကြွစွာ လုပ်ဆောင်ပေးနေတဲ့ သူတွေဆီကနေ သိရပါတယ်။

လက်ရှိမှာလည်း မလေးရှား အာဏာပိုင်တွေဟာ အထောက်ထားမဲ့ ရွှေ့ပြောင်းတွေကို ဖမ်းဆီးတာတွေ အရင်ကထက် ပိုမိုလုပ်ဆောင်နေပြီး လမ်းတွေပိတ်ဆို့ကာ ဖမ်းဆီးတာ၊ Bus ကားပေါ်တက်ပြီး ဖမ်းတာမျိုးထိ လုပ်ပြီး ဖမ်းဆီးနေတယ်လို့ မလေးရှားမှာ နေထိုင်တဲ့သူတွေဆီကနေ သိရပါတယ်။

Credit Chin World

ဝယ်စလီ ဆေးရုံတွင် နှုတ်ခမ်းကွဲ၊ အာခေါင်ကွဲများကို အခမဲ့နီးပါးခွဲစိတ်မယ်
=======
ဝယ်စလီ ဆေးရုံတွင် SmileTrain အဖွဲ့မှ ၂၀၂၅ခုနှစ် မတ်လ ၁၂ရက်နေ့မှစ၍ ၁၆ရက်နေ့အထိ နှုတ်ခမ်းကွဲ၊ အာခေါင်ကွဲကလေးများကို အခမဲ့နီးပါး ခွဲစိတ်ကုသပေးမည်ဖြစ်၍ လူနာများ ကြိုတင်စာရင်းပေးသွင်းနိုင်ပါသည်။

စာရင်းပေးသွင်းရန်
☎️ 09980659345, 09897240052, 09966697274, 09266760809ho

Crd zalen

တမူး-ကလေးလမ်းပိုင်းကို နှစ်ဘက်လက်နက်ကိုင်များကအသွားအလာကန့်သတ် ပိတ်ထား
============
၂၀၊ ဇန်နဝါရီ ၂၀၂၅
Zalen

စစ်ကိုင်းတိုင်း၊ တမူး-ကလေးလမ်းပိုင်းကို နှစ်ဘက်လက်နက်ကိုင်တပ်ဖွဲ့များက ဇန်နဝါရီလ ၁၈ ရက်ကစပြီး အသွားအလာ ကန့်သတ်ပိတ်ထားတယ်လို့ ဒေသခံများဆီက သိရပါတယ်။

တမူး-ကလေး လမ်းကို ဇန်နဝါရီလ ၁၈ရက်နေ့က ကလေးမြို့အဝင် ဆည်ကြီးဂိတ်ကနေ စစ်ကောင်စီတပ်များက စတင်ပိတ်ထားတာဖြစ်ပြီး ဇန်နဝါရီလ ၁၉ရက်နေမှာ တမူးမြို့နယ်က တော်လှန်ရေးတပ်ဖွဲ့ဘက်ကလည်း စစ်ရေးလုံခြုံရေးအရ စတင်ပြီး အသွားအလာ ပိတ်ထားတာလို့ သတင်းအရင်းမြစ်တစ်ခုကပြောပါတယ်။

"တမူး-ကလေးလမ်း အသွားအလာ ကန့်သတ်ထားတာ ဟုတ်ပါတယ်။ စစ်ကောင်စီဘက်ကလည်းပိတ်ထားတယ်။ ဆိုင်ကယ်တော့ သွားလာနေကြပါတယ်။ ကုန်တင်ကားနဲ့ ခရီးသည်တင်ကားသွားလို့ မရတော့ဘူး။ လုံခြုံရေးအရ ပိတ်ထားတာဆိုတော့ ဘယ်နှစ်ရက် ကန့်သတ်ထားမယ်ဆိုတာ ပြောလို့မရသေးဘူး" လို့ တော်လှန်ရေး အသိုင်းအဝိုင်းတစ်ခုက ပြောပါတယ်။

တမူးမြို့မှာ မြို့သိမ်းတိုက်ပွဲဆင်နွဲမယ်ဆိုတဲ့သတင်း ပြည်သူကြားမှာ စတင်ပေါ်ထွက်ခဲ့တဲ့ နောက်ပိုင်း တမူးမြို့ပေါ်က ဒေသခံအချို့ဟာ ဘုတ်ကန်၊ ကနန်၊ ခမ်းပါတ်မြို့နဲ့ ကလေးမြို့ဘက်ကို ထွက်ခွာနေကြတာဖြစ်ပြီး နှစ်ဘက်လက်နက်ကိုင်များကလည်း သွားလာခွင့်ပေးထားခဲ့တာဖြစ်ပါတယ်။

"၁၈ရက်နေ့က ကလေးမြို့ကို ရွေ့မယ်လို့စီစဉ်ထားတာ လမ်းပိတ်ပြီလို့ကြားတာနဲ့မသွားရတော့ဘူး။ PDF ဘက်က ပြန်ဖွင့်ခဲ့ရင်လည်း စစ်တပ်ဘက်ကဘယ်တော့ပြန်ဖွင့်မလဲမသိဘူး။ ဒီဘက်မှာပဲ နီးစပ်ရာနေရာရှာပြီး ရွေ့တော့မယ်" လို့ ဒေသခံတစ်ဦးက Zalen ကိုပြောတယ်။

အခုလို တမူး-ကလေးလမ်းပိုင်း ကားအသွားအလာ ကန်သတ်ပိတ်ဆို့ထားတာနဲ့ပတ်သက်ပြီး တော်လှန်ရေးအင်အားစုဘက်ကတော့ တရားဝင်ထုတ်ပြန်ထားတာမျိုးကို မတွေ့ရသေးပါ။

သတင်း - စနေသား

Credit zalen

ကလေးမြို့နယ်မှာ အရေပြားရောဂါဖြစ်ပွားနေ
===============
၁၄၊ ဇန်နဝါရီ၊ ၂၀၂၅
Zalen

စစ်ကိုင်းတိုင်း၊ ကလေးမြို့နယ် တောင်ပိုင်းက ကျေးရွာတွေမှာ ဒေသခံ ၁၅၀ လောက် အရေပြားရောဂါ ဖြစ်ပွားနေပြီး ဆေးဝါးပြတ်လပ်နေတာကြောင့် အကူအညီတွေ လိုအပ်နေတယ်လို့ သိရပါတယ်။

မြို့ပေါ်ကနေ ကလေးတောင်ပိုင်းကျေးရွာတွေ အဓိက သွားရာလမ်းဖြစ်တဲ့ ကလေး-ဂန့်ဂေါလမ်းကို စစ်ကောင်စီက ပိတ်ထားတာကြောင့် ဆေးဝါးပြတ်လပ်နေတာလို့ ဒေသခံတွေက ပြောပါတယ်။

ကလေးတောင်ပိုင်းက ဒိုးနွယ်၊ တင်သား၊ ကျောက်ပြုတ်၊ အရှေ့စည်း စတဲ့ ကျေးရွာတွေမှာ အရေပြားရောဂါဖြစ်ပွားနေပြီး ဆေးကုသဖို့အတွက် ဆေးဝါးမလုံမလောက်ဖြစ်နေတယ်လို့ ပြောပါတယ်။

“ အရေပြားရောဂါ လိမ်းဆေးရော၊ သောက်ဆေးရော လိုတယ်၊ အခုက ဆေးတွေက သယ်လို့လည်း မလွယ်ဘူး။ ဝယ်လို့လည်း မရဖြစ်နေတော့ အခြေအနေတွေ ပိုဆိုးကုန်တာပေါ့။ ဖြစ်တဲ့သူတွေက ကလေးတွေရော၊ လူကြီးရော ဖြစ်ကြတယ်။ ” လို့ အကူအညီပေးနေသူတစ်ဦးက ပြောပါတယ်။

သောက်သုံးရေ မသန့်ရှင်းတာ၊ အဝတ်အစားမလုံလောက်တာနဲ့ အစားအသောက် ချို့တဲ့တာကြောင့် အခုလို ယားနားနဲ့ အရေပြား ရောဂါဖြစ်ပွားနေတာလို့ ဆိုပါတယ်။

ဆေးဝါးပြတ်လပ်မှုကြောင့် အရေးပြားရောဂါတွေ ပိုးဆိုးလာသလို တခြားသူတွေကိုလည်း ကူးစက်မှုတွေ ရှိလာတယ်လို့ ဒေသခံတွေက ပြောပါတယ်။

နေနီနွယ်

Credit zalen

အိန္ဒိယ - မြန်မာ နှစ်နိုင်ငံနယ်စပ်လွတ်လပ်စွာဖြတ်သန်းသွားလာခွင့်တင်းကြပ်မှုကို ပြန်လည်ရုပ်သိမ်း ပေးဖို့ ZORO တောင်းဆို
============
၇၊ ဇန်နဝါရီလ၊ ၂၀၂၅
Zalen

၂၀၂၅ ဇန်နဝါရီလ ၁ ရက်ကနေ စတင်တင်းကြပ်လိုက်တဲ့ အိန္ဒိယ - မြန်မာ နှစ်နိုင်ငံနယ်စပ် လွတ်လပ်စွာဖြတ်သန်းသွားလာခွင့်(FMR-Free Movement Regime) ကို အိန္ဒိယဗဟိုအစိုးရက ပြည်လည် ရုပ်သိမ်းပေးဖို့ မီဇိုရမ်အခြေစိုက် Zo Re-unification Organization - ZORO က မနေ့ဇန်နဝါရီလ ၆ ရက်နေ့မှာ တောင်းဆိုထားပါတယ်။

အိန္ဒိယဗဟိုအစိုးရ၊ ပြည်ထဲရေးဝန်ကြီးဌာနရုံးက အိန္ဒိယ-မြန်မာ နယ်စပ်ဖြတ်ကျော်ခွင့် ကိစ္စနဲ့ ပတ်သက်လို့ ဒီဇင်ဘာလ ၂၄ ရက်စွဲ ဖြင့် မီဇိုရမ်အစိုးရထံ စာပေးပို့ခဲ့တယ်။ မီဇိုရမ်အစိုးရကလည်း ဗဟိုအစိုးရရဲ့အမိန့်စာ ကို ကိုးကားပြီးတော့ ဒီဇင်ဘာလ ၃၀ ရက်နေ့မှာ မီဇိုရမ်ရဲမှူးချုပ်ထံစာပေးပို့ခဲ့တယ်။တစ်ချိန်တည်းမှာဘဲ ကျန်ဖိုင်ခရိုင် ရဲမှူးရုံးက အမိန့်စာထုတ်ပြန်ပြီးတော့ ဇန်နဝါရီလ ၁ ရက်နေ့ကစလို့ နယ်စပ်ဖြတ်ကျော် ခွင့် ကို တင်းကြပ်လိုက်တာဖြစ်ပါတယ်။

အိန္ဒိယဗဟိုအစိုးရရဲ့ ယခုလိုလုပ်ဆောင်ချက်ဟာ ဌာနေတိုင်းရင်းသားလူမျိုးများရဲ့ အခွင့်အရေးဆိုင်ရာ ကုလသမဂ္ဂကြေညာစာတမ်း (UN Declaration on the Rights of Indigenous Peoples - UNDRIP ) အပုဒ် ၃၆ ပုဒ်မ ၁ နဲ့ ၂ မှာဖော်ပြထားတဲ့ မိမိတို့ရဲ့ အခွင့်အရေးရပိုင်ခွင့်တွေ ချိုးဖောက်ခံရတာဖြစ်တယ်။ ဒါကြောင့် ဗဟိုအစိုးရက Free Movement Regime – FMR ကိုဖြတ်သိမ်းပြီး နယ်စပ်ဖြတ်သန်းသွားလာခွင့် တင်းကြပ်တာကို ပြည်လည်ရုပ်သိမ်းဖို့ တောင်းဆိုပါတယ်။ ကျွန်တော်တို့ရရှိသင့်တဲ့အခွင့်အရေးကို ပြန်မရ မချင်း ZORO က ဆက်လက် လုပ်ဆောင်သွားမယ်။” လို့ ထုတ်ပြန်ချက်မှာဖော်ပြထားပါတယ်။

UN ရဲ့ကြေညာစာတမ်းနဲ့ ပတ်သက်ပြီးအစည်းအဝေးလုပ်စဉ် အိန္ဒိယဗဟိုအစိုးရကလည်းသဘော တူခဲ့တာကြောင့် ZORO အနေနဲ့ အိန္ဒိယ ဝန်ကြီးချုပ်နဲ့ သမ္မတတို့ထံ ကျေးဇူးတင်ကြောင်း သဝဏ်လွှာ ပေးပို့ ခဲ့ပေမယ့် ဒီတစ်ခါမှာ UN ရဲ့ ၂၀၀၇ ကြေညာစတမ်းကိုဆန့်ကျင်ပြီး ချင်း (ဇို )မျိုးနွယ်စုများ လွတ်လွတ်လပ်လပ် နယ်စပ်ဖြတ်ကျော်ခွင့်ကို ပိတ်ပင်ဖို့ကြိုးစားလာတာဖြစ်တယ်လို့ဆိုပါတယ်။

Zo Reunification Organization – ZORO ဟာ ဗြိတိသျှအစိုးရရဲ့နယ်နိမိတ်ပိုင်းခြားသတ်မှတ်မှုကြောင့် ဘင်္ဂလားဒေရှ့် -အိန္ဒိယ - မြန်မာ သုံးနိုင်ငံမှာ နေထိုင်ကြတဲ့ ချင်း (ဇို) မျိုးနွယ်စုများ ပြန်လည်စည်းကာ အုပ်ချုပ်မှုတစ်ခုအောက်မှာ နေထိုင်နိုင်ဖို့လိုလားတဲ့အဖွဲ့အစည်းဖြစ်ပါတယ်။

ZORO ဦးဆောင်မှုဖြင့် ပြီးခဲ့တဲ့ ၂၀၂၄ ခုနှစ် မေလ ၁၆ ရက်မှာ အိန္ဒိယ-မြန်မာနယ်စပ် ဇိုခေါထာရ်မှာ Free Movement Regime – FMR ဖျက်သိမ်းပြီး နယ်စပ်ခြံစည်းရိုးခတ်မှာကို မလိုလား ဘူး။ ကျွန်တော်တို့ ချင်း(ဇို) လူမျိုးတွေက ညီအကိုတွေဖြစ်ကြတယ်၊ ပိုင်းခြားလို့မရဘူး ဆိုတဲ့ စာတန်းများကိုင်စွဲကာ လူထောင် ချီဖြင့် ငြိမ်ခြမ်းစွာဆန္ဒဖော်ထုတ်ခဲ့ကြပါတယ်။

သတင်း - Grace

ဓါတ်ပုံ - ZORO ဦးဆောင်မှုဖြင့် FMR ဖျက်သိမ်းမှာမလိုလားကြောင်း ၂၀၂၄ ခုနှစ်၊မေလ ၁၆ ရက်မှာဆန္ဒဖော် ထုတ်ခဲ့ကြစဉ်

Credit zalen

ဂျပန်မှာကျောင်းတက်နေတဲ့ ချင်းလူငယ်အမျိုးသမီးတစ်ဦး ယာဉ်မတော်တဆမှုဖြစ်ပြီး သေဆုံး
========
၆၊ ဇန်နဝါရီလ၊ ၂၀၂၅
Zalen


ဂျပန်နိုင်ငံ မှာကျောင်းတက်နေတဲ့ ချင်းလူငယ်အမျိုးသမီးတစ်ဦးဟာ ပြီးခဲ့တဲ့ စနေနေ့၊ ဇန်နဝါရီလ ၄ ရက် ည သန်းခေါင်မှာ ကားတိုက်ခံရလို့ဆုံးပါးသွားတယ်လို့ဂျပန်ရောက် စီးယင်းချင်းမိသားစု ဥက္ကဋ္ဌ ဖြစ်သူထံကသိရပါ တယ်။


ကားတိုက်ခံရလို့ဆုံးပါးသွားတဲ့ အသက် ၂၂ အရွယ် Lia-Dim Thian Muang Thaw ဆိုသူဖြစ်ပြီး ဂျပန် နိုင်ငံ၊ Oita စီရင်စု၊ Beppu မြို့ရဲ့ ပြည်ထောင်စုလမ်း၊ တစ်ဖက်မောင်း လမ်းဆုံမှာ သူစီးလာတဲ့ဆိုင်ကယ်ကို ဂျပန်နိုင်ငံ သား၊ အထက်တန်းကျောင်းသားမောင်းနှင်လာတဲ့ ကားကဝင်တိုက်ခဲ့တာဖြစ်ပါတယ်။


Lia-Dim Thian Muang Thaw ဟာ ချင်းပြည်နယ်၊ တီးတိန်းမြို့နယ်၊ ဘွန်မာန်ရွာသူဖြစ်ပြီး ရန်ကုန်မြို့မှာနေထိုင် ကြီးပြင်းလာခဲ့သူဖြစ်တယ်။၂၀၂၃ ခုနှစ် အောက်တိုဘာလကမှ ဂျပန်နိုင်ငံကိုရောက်ရှိ လာပြီးတော့ လက်ရှိမှာ Asia Pacific University မှာ ဒုတိယနှစ် တက်ရောက်နေသူဖြစ်ပါတယ်။


Lia-Dim Thian Muang Thaw ရဲ့ရုပ်အလောင်းဟာ လက်ရှိ ဆေးရုံမှာရှိနေပြီးတော့ ဆွေမျိုးများဆီမရောက် သေးဘူးလို့သိရပါတယ်။


ဒီကိစ္စနဲ့ ပတ်သက်လို့ “အလောင်းကတော့လက်ရှိအချိန်ထိကျွန်တော်တို့လက်ထဲပြန်လည်ရောက်ရှိလာခြင်းမရှိ သေးပါဘူး။ အလောင်းကို သူ့မိဘတွေဆန္ဒရှိတဲ့အတိုင်းလုပ်ပေးပါမယ်။သူ့မိဘတွေလည်းဂျပန်လာဖို့ကြိုးစားနေ တယ်” လို့ ဂျပန်ရောက် စီးယင်းချင်းမိသာစု ဥက္ကဋ္ဌ Tg. Thawng Suan Pau က Zalen ကို ပြောပါတယ်။



ဆက်လက်ပြီးသူက “ အနာဂတ် ပညာတတ်ချင်းလူငယ်တစ်ယောက်အခုလိုဆုံးရှုံးလိုက်ရတာ အင်မတန်ဝမ်းနည်း ရင်ကွဲမိပါတယ်။ပြီးတော့ ဂျပန်မှာရောက်ရှိနေတဲ့မြန်မာပြည်ဖွားအားလုံးဒီကိစ္စပတ်သက်ပြီးငွေရေးကြေးရေး သော်လည်းကောင်း၊ ဉာဏ်စွမ်းကိုယ်စွမ်းသော်လည်းကောင်း လိုအပ်တဲ့နေရာမှာ နိုင်တဲ့ဘက်ကနေဝိုင်းဝန်းပါဝင် ကူညီပေးကြဖို့ မေတ္တာရပ်ခံချင်ပါတယ်။” လို့ ဆက်ပြောပါတယ်။


ဒီယာဉ်တိုက်မှုကိစ္စနဲ့ ပတ်သက်တဲ့ အမှုများကို Lia-Dim Thian Muang Thaw တက်ရောက်နေတဲ့ ကျောင်းဘက် ကနေ တာဝန်ယူပေးထားတယ်လို့လည်းသိရပါတယ်။


သတင်း - Grace
ဓါတ်ပုံ - ယာဉ်မတော်တဆမှုကြောင့်ဆုံးသွားတဲ့ Lia-Dim Thian Muang Thaw နဲ့ သူစီးခဲ့တဲ့ ဆိုင်ကယ်

credit zalen

မြောက်ငိုသီး ဈေးကျလို့ တောင်သူတွေ တွက်ချေမကိုက်ဖြစ်နေ
========
၃၊ ဇန်နဝါရီ၊ ၂၀၂၅
Zalen

ချင်းပြည်နယ် မြောက်ပိုင်းကနေ အိန္ဒိယဘက်ကို တင်ပို့တဲ့ မြောက်ငိုသီးတွေ အရင်နှစ်ကထက် ဈေးကျလို့ မြောက်ငိုစိုက်တောင်သူတွေ တွက်ချေမကိုက်ဖြစ်နေတယ်လို့ ဒေသခံတွေက ပြောပါတယ်။

အရင်နှစ်‌က မြောက်ငိုသီး တစ်တောင့်ကို ၁၅၀ ကျပ် အထိ ရောင်းရပေမယ့် အခုနှစ်မှာ မြောက်ငိုသီး တစ်တောင့်ကို ၅၀ ကနေ ၈၀ ကျပ်အထိ သာ ‌ရောင်းရနေတာလို့ သိရပါတယ်။

" မနှစ်က  ပေါ်ဦး‌ပေါ်ဖျား အချိန်မှာ ၁၅၀ အထိရတယ်။ ဒီနှစ်က ၈၀ ကနေ စရတယ်၊ အခုတော့ တစ်တောင့်ကို ၅၀ ပဲ ပွဲစားတွေက ဖြတ်ကြတာ များတယ်။ အရင်နှစ်တွေလောက် တွက်ချေမကိုက်ဘူး။ တချို့ဆို ဈေးမရလို့ ခုတ်ပြီး ထောပတ် ပြောင်းစိုက်တဲ့ သူတွေ ရှိတယ်။ " လို့ တီးတိန်မြို့နယ်က ဒေသခံတစ်ဦးက ပြောပါတယ်။

မြောက်ငိုသီး‌တွေကို စစ်ကိုင်းတိုင်း၊ တမူးမြို့ကတစ်ဆင့် အိန္ဒိယနိုင်ငံ၊ မိုးရေးဘက်ကို အများဆုံး တင်ပို့ကြရတာပါ။

လက်ရှိ အိန္ဒိယ ငွေလဲနှုန်းကျတာကြောင့် ‌မြန်မာဘက်က မြောက်ငိုသီး ဈေးကောင်းမရတာ ဖြစ်သလို မိုးရေးဘက်ကို အရင်လို သွားလာလို့ မလွယ်တော့တာကြောင့် အိန္ဒိယဘက်က ဒိုင်တွေ ဆီ တိုက်ရိုက် ရောင်းချမရတော့ပဲ အိန္ဒိယ ပွဲစားတွေကိုသာ ရောင်းချနေရတယ်လို့ သိရပါတယ်။

" အရင်က ဆို ၀င်ပြီး ရောင်းလို့ လွယ်တယ်။ အခုက မလွယ်ဘူး၊ ဟိုဘက်က ပွဲစားတွေနဲ့ နယ်စပ်ဘက်မှာ ချိန်းပြီး ရောင်းလိုက်ရတာ။ ဈေးပိုနည်းတာပေါ့၊ အရင်ကတော့ လက်ကားတွေဆီရောင်းရတော့ ဈေးပိုရတယ်။ အဲဒီလို မျိုးကွာသွားတာ။ " လို့ မြောက်ငိုသီး ပွဲစားတစ်ဦးက ပြောပါတယ်။

မိုးရေးဘက်ကို ၀င်ထွက်ချိန် မဏိပူရ် အာဏာပိုင်တွေက စစ်ဆေးမှုတွေ ပိုလုပ်လာတယ်လို့ မြောက်ငိုသီးရောင်း၀ယ်သူတွေက ပြောပါတယ်။

နေညို

Credit zalen

မြောက်ငိုသီး ဈေးကျလို့ တောင်သူတွေ တွက်ချေမကိုက်ဖြစ်နေ

မြို့သိမ်းတိုက်ပွဲဖြစ်ပွားလာမှာ စိုးရိမ်ပြီး တီးတိန်မြို့ခံပြည်သူများ ပစ္စည်းများ စတင်ရွေ့ပြောင်း နေကြ

နှစ်သစ်ကူးညမှာ ကလေးမြို့ ကြုံ့သုံးပင်ရပ်ကွက်ကသက်တမ်း နှစ် ၆၀ ကျော်ရှိတဲ့
အထကကျောင်းဆောင် မီးလောင်ပြာကျခဲ့

ဇန်နဝါရီလ ၂ ရက်။

ဒီဇင်ဘာလ ၃၁ ရက်နေ့ နှစ်သစ်ကူးည ၈ နာရီခန့်က စပြီး ကလေးမြို့ ကြုံ့သုံးပင်ရပ်ကွက်က သက်တမ်း နှစ် ၆၀ ကျော်ရှိတဲ့အထကကျောင်းဆောင်မီးလောင်ပြာကျခဲ့
ကြောင်း၊မီးလောင်ပြာကျသွားတဲ့ ကြုံ့သုံးပင် ရပ်ကွက် ရှိ တွဲဖက် အထက်တန်း ကျောင်းဆောင်ဟာ ၁၉၆၀ ခန့်မှာ တည်ဆောက်ခဲ့တဲ့ ပျဉ်ထောင် နှစ်ထပ် ကျောင်းဆောင် ဖြစ်ကာ နှစ်ပေါင်းစွာ ကလေးမြို့ဒေသခံများပညာသင်ခဲ့ရာကျောင်းမီးလောင်တာဖြစ်လို့စိတ်မကောင်းဖြစ်ရကြောင်း ကလေးမြို့ ဒေသခံများရဲ့ ပြောပြချက်အရ သိရှိရ ပါတယ်။

"အရင် Seventh Day Adventist အသင်းတော်ရဲ့ ကျောင်း ပါ။ ပြည်သူပိုင် သိမ်းတော့ အစိုးရ ကျောင်း ဖြစ်သွား တာပါ။ မီးလောင်တဲ့ အဆောင် ကို ၁၉၆၀ လောက်က SDA  အသင်းတော်ကနေ တည်ဆောက်တဲ့ ကျောင်းဆောင်ပါ။ နှစ်ပေါင်း ၆၀ ကျော် ‌ကာလ အတွင်း ကျွန်တော် အပါအဝင် ကျောင်းသား ပေါင်းများစွာ ခိုလှုံရတဲ့ ကျောင်းဆောင် ပါ"  လို့ ကလေးမြို့ခံ လူငယ် တစ်ဦး က ပြောပါတယ်။

Chin world media

မြို့သိမ်းတိုက်ပွဲဖြစ်ပွားလာမှာ စိုးရိမ်ပြီး တီးတိန်မြို့ခံပြည်သူများ ပစ္စည်းများ စတင်ရွေ့ပြောင်း နေကြ

ဇန်နဝါရီလ ၁ ရက်။

တီးတိန်မြို့မှာ ချင်းညီနောင် အဖွဲ့မှ မြို့သိမ်း တိုက်ပွဲ ဖော်ဆောင်လာမှာကို စိုးရိမ်ပြီး ဒီဇင်ဘာလ ၂၉ ရက်နေ့ က စပြီး တီးတိန်မြို့ခံပြည်သူအတော်များများဟာ ၄င်းတို့ပိုင် ပစ္စည်းများကို တခြား လုံခြုံတဲ့ ဒေသများ နှင့် ကျေးလက်ဒေသများသို့ ရွေ့ပြောင်း နေကြကြောင်း တီးတိန်မြို့ခံ များ ထံမှ သိရှိရပါတယ်။

"ခရစ္စမတ်နေ့ နောက်ပိုင်းမှာ ပစ္စည်းရွေ့တာပါ။ လူတွေကတော့ စွန့်ခွာ ရွေ့ပြောင်းတာမျိုး သိပ်တော့ မရှိသေးဘူး။ လေးလံတာရယ်၊ ဝန်ကျယ်တာရယ် ကြောင့် ရွေ့ပြောင်း ရ ခက်ခဲတဲ့ ပစ္စည်းတွေ ရွေ့ကြတာ ပိုများ ပါတယ်" လို့ တီးတိန်မြို့ခံ တစ်ဦးက ပြောပြပါတယ်။

Credit

ကြို့သုံးပင် စာသင်ကျောင်းမီးလောင်

လူပျောက်ကြော်ငြာ

ဦးဒိုင်းခန့်လန့် (၂၉ နှစ်) သည် (၂၈/၁၂/၂၀၂၄) ရက်နေ့၊ မနက်ပိုင်းတွင် တာဟန်းရပ်ကွက်၊ နယ်မြေ (၇) ရှိ နေအိမ်မှ ထွက်သွားပြီး ယနေ့ (၂၉/၁၂/၂၀၂၄) အထိ အိမ်ပြန်ရောက်မလာပါသဖြင့် တွေ့ရှိ/သိရှိပါက အောက်ဖော်ပြပါ ဖုန်းနံပါတ်များသို့ အသိပေး၊ အကြောင်းကြားပေးကြပါရန် မေတ္တာရပ်ခံအပ်ပါသည်။

*အိမ်မှထွက်သွားချိန်တွင် အနွေးထည် အနက်ရောက်၊ ဘောင်းဘီရှည် အနက်ရောင်၊ ဦးထုပ်အနက်ရောင် ဝတ်ဆင်ထားပါသည်။
ဆက်သွယ်ရန် -
09 252 509 060
09 453 936 044
09 959 332 851

Zalen

လူပျောက်ကြေညာ

*ပုံပါဦးလေးဖြစ်သူ ဦးဆွောင်ဆွင်းပေါင် အသက်(၆၅)နှစ်ခန့်သည် သဇင်ရပ်ကွက်ရှိနေအိမ်မှ၂၆.၁၂.၂၄ရက်နေ့ညနေ ပိုင်းက ထွက်သွားရာ ယနေ့ ၂၈.၁၂.၂၄ မနက်အထိ ပြန်လည်ရောက်ရှိလာခြင်းမရှိပါ၍ မိသားစုကအလွန်စိတ်ပူနေပါသည်။

*တွေ့ရှိပါက ကူညီအကြောင်းကြားပေးနိုင်ကြပါရန်မေတ္တာရပ်ခံပါသည်။

*အရပ်မြင့်/ပိန်၊ အင်္ကျီနက်ပြာလက်ရှည်၊အားကစားဘောင်းဘီရှည်နီညိုဝတ်သွားပါသည်။

ဘာမှမကူညီနိုင်ရင်တောင် Share ကူခြင်းဖြင့် သတင်းရအောင် အမြန်တွေ့အောင်
ကူညီနိုင်ပါသည်

*Contact no:
09 258 983 047
09 265 033 685
09 400 534 797

ပိုင်ရှင်မဲ့ အလောင်းတွေ့ရှိ

ကလေးမြို့၊ မြို့လှရပ်ကွက်နယ်မြေ ၁၂ တွင် ဒီမနက်မှာ ပိုင်ရှင်မဲ့အလောင်းတွေ့ရှိပါတယ်။

၎င်းမှာပါရှိတဲ့ယာဥ်မောင်းလိုင်စင်အရ တီးတိန်မြို့သား Won Khan Tung (၃၈နှစ်) လို့သိရတယ်။

မိသားစုဝင်များအောက်ပါဖုန်းနံပါတ်တွင် ဆက်သွယ်စုံစမ်းနိင်ပါတယ်။

Contact ph.

09970204619

Credit Zalen

ယနေ့ ကလေးမြို့တွင် ဆိုင်ကယ်စီးနေတဲ့အမျိုးသမီးထံ ရွှေဆွဲကြိုးလုယှက်မှုဖြစ်ပွား
============
ဒီဇင်ဘာ ၂၄၊ ၂၀၂၄။

ကလေးမြို့၊ တာဟန်းရပ်ကွက် F3 ကြက်တောင်ကွင်းအနီးလမ်းကြားတွင် အမျိုးသမီး တစ်ဦးဆိုင်ကယ်စီးနေစဉ် ဘေးနားမှာ ဆိုင်ကယ်စီးလာတဲ့သူတွေက ရွှေဆွဲကြိုးဖြုတ်ယူမှု ဒီဇင်ဘာ ၈ ရက်မနက် ၁၀နာရီခွဲတွင်ဖြစ်ပွားခဲ့ပါတယ်။

အနုကြမ်းစီးခံရတဲ့အမျိုးသမီးက “တာဟန်းဘက် F3 ကြက်တောင်ရိုက်တဲ့ အားကစားရုံလမ်းကြားမှာအလုခံရတာပါ။ ညီမကဆိုင်ကယ်နဲ့ခေါင်းလျှော်ရည်၀ယ်ပြီးအပြန်မှာပါ။ သူတို့ကဘေးကနေကပ်လိုက်လာတာညီမလဲသတိတော့ထားမိတယ်။ ဘာလို့ကပ်လိုက်လာတာလဲပေါ့။ တအားကပ်လာတာ ပြီးမှအနောက်ကမိန်းမတစ်ယောက်ကဆွဲကြိုးကိုဖြတ်ယူပြီးအတင်းမောင်းသွားတာ။ဆိုင်ကယ်မောင်းတဲ့သူက ယောကျ်ားလေး။ လျှာထုပ်ဦးထုပ် လိမော်ရောင်ဆောင်းထားတာ။ ဆွဲကြိုးဖြတ်တဲ့သူကမိန်းကလေး အရပ်နည်းနည်းမြင့်တယ်။ အသက် ၂၈၊ ၂၉ လောက်ရှိမယ်ထင်တယ်။

ဆွဲကြိုးက ၂၀၁၈ လောက်ကဖေဖေ၀ယ်ပေးခဲ့တဲ့ဆွဲကြိုးလေး။ အဲ့တုန်းကတော့ တစ်ကျပ်သားပေးရတယ်။ အခုပေါက်ဈေးနဲ့ဆို သိန်း ၇၀၊ ၈၀ လောက်တော့ရမှာ။ ဆွဲသီးရောပါတယ်။ ညီမတော်တော်လေးနှမြောတယ်။ သူတို့ဖြတ်သွားတဲ့ချိန်ညီမလဲအော်လိုက်သေးတယ်။ ဆွဲကြိုးဖြတ်သွားပီလို့ ။ ပတ်၀န်းကျင်အိမ်ကအဖွားကြီးတွေကဘာဖြစ်တာလဲလို့ထွက်ကြည့်ကြတာ ညီမလဲအကြောင်းစုံပြောပြလိုက်တယ်။ ဒါပေမယ့်ဘာမှမတတ်နိုင်တော့ဘူးပေါ့။ Sunday နေ့တိုင်းလုခံရတဲ့သူများတယ်။ အဲ့နေ့ဆိုလူရှင်းတယ်ဆိုတော့သူတို့အတွက်အခွင့်အရေးဖြစ်နေတာ” လို့ပြောပါတယ်။

ဒီဇင်ဘာ ၂၁ ရက်မနက်ကလည်း တာဟန်းရပ်ကွက်မှာ အမျိုးသမီးနှစ်ဦးက အမျိုးသမီးတစ်ယောက်ထံ ရွှေဆွဲကြိုးဖြုတ်ယူဖို့ကြိုးစားမှုဖြစ်ပွားခဲ့ပါတယ်။
သတင်း-HP

Zalen

Credit to original uploader copyright infringement intended.We do not own texts and photos.For News and Entertainment purpose and we are just reupload.All the contents in texts and photos belong to the rightfull the Owner.No Copyright Infringement!

ကလေးမြို့တွင် နေ့ခင်းကြောင်တောင် အမျိုးသမီးနှစ်ဦးက အမျိုးသမီးတစ်ဦးကို ဆွဲကြိုးလုယူရန်တိုက်ခိုက်

ကလေးမြို့၊ တာဟန်းရပ်ကွက် C2 ရေကူးကန်အနီးတွင် အမျိုးသမီးနှစ်ဦးက ဆိုင်ကယ်စီးနေတဲ့ အမျိုးသမီးတစ်ဦးရဲ့ ရွှေဆွဲကြိုးလုယူရန်တိုက်ခိုက်မှု ဒီနေ့ မနက် ၁၁ နာရီခွဲက ဖြစ်ပွားတယ်လို့သတင်းရရှိပါတယ်။

အခုလို ရွှေဆွဲကြိုးလုယူရန်တိုက်ခိုက်တဲ့ချိန်မှာ ပတ်ဝန်းကျင်ကို အကူညီရဖို့ အော်ပေမယ့် လူတွေက ခြံထဲကနေလည်းကောင်း၊ အိမ်ထဲကနေလည်းကောင်းကြည့်သာကြည့်နေကြတယ်လို့ ကာယကံရှင်အမျိုးသမီးက ပြောပါတယ်။

အနုကြမ်းစီးခံရတဲ့ အမျိုးသမီးက “သားလေးနဲ့ဆိုင်ကယ်စီးတဲ့ချိန် အနောက်ကနေ ဆိုင်ကယ်အတူစီးတဲ့အမျိုးသမီး၂ဦးရောက် လာတယ်။ ဘယ်နေရာကနေ နောက်ယောင်ခံလိုက်တာလဲမသိဘူး။ ဘာလို့အဲ့လောက်လာကပ်တာလဲဆိုပြီး လှည့်ကြည့်တဲ့ချိန်မှာ ဆိုင်ကယ်နောက်မှာထိုင်တဲ့အမျိုးသမီးက ကျမလည်ပင်းကိုလှမ်းဆွဲလိုက်တယ်။ ဒါပေမယ့် ကျမ အင်္ကျီကော်လံပဲဆွဲမိတယ်။ သူတို့ဆိုင်ကယ်ကို တခါထဲတိုက်လိုက်တယ်။ သူတို့ဆိုင်ကယ်ကော ကျမဆိုင်ကယ်ပါလဲကျသွားတယ်။ လည်ပင်းလာဆွဲတဲ့သူရဲ့ အင်္ကျီကိုဆွဲပြီးပြဲသွားတယ်။ ကျမလက်ကိုကိုက်ဖို့လုပ်တဲ့ချိန်မှာ သူ့ဆံပင်ကိုထပ်ဆွဲလိုက်တယ်။ အဲ့ချိန်မှာ ဘေးနားကလူတွေကို ကူကြပါအုံး။ ဒီမှာ သူခိုးလို့အော်ပေမယ့် တစ်ယောက်မှထွက်မလာကြဘူး။ ​ပြတင်းပေါက်ကနေကြည့်တဲ့သူကကြည့်၊ ခြံတံခါးကနေ ချောင်းကြည့်သူကကြည့်နဲ့။ ကျန်တဲ့တစ်ယောက်ကတော့ ဆိုင်ကယ်ပေါ်မှာပဲ စက်နှိုးပြီးတော့ တခါထဲထွက်ပြေးနိုင်အောင် အသင့်အနေအထားနဲ့နေတယ်။ သူတို့လည်းလက်လျော့ပြီး ဆိုင်ကယ်မောင်းပြေးကြတယ်” လို့ပြောပါတယ်။

ဆိုင်ကယ်နဲ့ ရွှေဆွဲကြိုးလုယူဖို့ကြိုးစားသူနှစ်ဦးဟာ အသားမဲကြပြီး ဆိုင်ကယ်မောင်းသူဟာ ငါးပေ လေးလက်မလောက်ရှိကာ ဆံပင် အဝါရောင်ဆိုးထားပါတယ်။ ဆွဲကြိုးလုယူဖို့ကြိုးစားသူဟာ ငါးပေလောက်ပဲရှိတယ်။ ၎င်းတို့ နှစ်ယောက်စလုံးဟာ အသက် ၃၀ ကနေ ၃၅ နှစ်လောက်ရှိမယ်လို့ပြောပါတယ်။

သတင်း-HP

Zalen

မီဇိုရမ်ပြည်နယ်၊ ကျန်ဖိုင်ခရိုင်အကျဉ်းထောင်မှာ အကျဉ်းကျနေတဲ့ မြန်မာနိုင်ငံသား အမျိုးသမီးနှစ်ဦးဟာ ဒီဇင်ဘာလ ၁၈ ရက်မနက်အစောပိုင်းမှာ ထောင်နံရံကိုဖောက်ပြီးထွက်ပြေးလွတ်မြောက်ခဲ့တယ်လို့ ဒေသတွင်းသတင်းတွေကဖော်ပြပါတယ်။
ကျန်ဖိုင်ခရိုင်အကျည်းထောင်ကနေ ထွက်ပြေးလွတ်မြောက်သူတွေက စစ်ကိုင်းတိုင်း၊ ကလေးမြို့၊ တာဟန်း ဒေသခံဖြစ်တဲ့ ဗန်ရွှေအဲန်နီး(ခေါ်)ရွှေနွန်ဖဲလ်လီး အသက် ၃၆ နှစ် နဲ့ ဖလမ်းမြို့နယ်၊ ရိခေါ်ဒါရ်မြို့ဒေသခံ လာလ်ချန်မွေးအီး အသက် ၄၄ နှစ်တို့ဖြစ်တယ်လို့သိရပါတယ်။
၎င်းတို့နှစ်ဦးက ဒီဇင်ဘာလ ၁၈ ရက် မနက် ၂ နာရီဝန်းကျင်မှာ ထောင်နံရံမှာကာထားတဲ့သွတ်ပြားကို ဖျက်ပြီးတော့ ထွက်ပြေးလွတ်မြောက်ကြတာဖြစ်တယ်။
အဆိုပါ ထောက်ဖောက်ထွက်ပြေးတဲ့အမျိုးသမီးနှစ်ဦးစလုံးဟာ မီဇိုရမ်ပြည်နယ်အတွင်း တရားမဝင် ဘိန်းဖြူ ရောင်းဝယ်မှုကြောင့် ဖမ်းဆီးခံခဲ့ကြတာဖြစ်ပြီးတော့ ၎င်းတို့ရဲ့အမှုကိုတရားရုံးက အမိန့်ချမှတ်ထားခြင်းမရှိသေး ဘူးလို့သိရပါတယ်။
၎င်းတို့နှစ်ဦးအနက် လာလ်ချန်မွေးအီး အသက် ၄၄ နှစ်ဟာ ပြီးခဲ့တဲ့ ၂၀၂၃ ခုနှစ်မှာဘိန်းဖြူမှုကြောင့် တစ်ခါဖမ်းဆီး ခံခဲ့ပြီး ၂၀၂၃ ခုနှစ်၊နိုဝင်ဘာလ ၃၀ ရက်နေ့မှာ မီဇိုရမ်ဗဟိုအမျိုးသမီးထောင်ကနေ ထွက်ပြေးလွတ်မြောက် ဖူးသူဖြစ်ပါတယ်။
လာလ်ချန်မွေးအီးကို ကျန်ဖိုင်ခရိုင်ရဲတပ်ဖွဲ့က လိုက်လံစုံစမ်းပြီးနောက် ၂၀၂၄ ခုနှစ် မေလ ၁၁ ရက်နေ့မှာပြန်လည် ဖမ်းဆီးခဲ့ပြီးနောက် အခုတစ်ခါ ကျန်ဖိုင်ခရိုင်ထောင်ကနေ ပြန်လည်ထွက်ပြေးတာဖြစ်ပါတယ်။
သတင်း – Grace

တစ်လအတွင်း မလေးရှားမှာ မြန်မာနိုင်ငံသား တစ်ထောင်နီးပါး ဖမ်းဆီးခံရ
~~~
စန်းမော်အောင် (ဝါရှင်တန်ဒီစီ)
■ မလေးရှားနိုင်ငံကို တရားမဝင် ရောက်ရှိနေကြတဲ့ နိုင်ငံခြားသားတွေကို အာဏာပိုင်တွေက ဖမ်းဆီးနေတာကြောင့် မြန်မာနိုင်ငံသား ရာနဲ့ချီ နေ့စဉ် ဖမ်းဆီးခံနေရတယ်လို့ ရွှေ့ပြောင်းမြန်မာအလုပ်သမားအရေး ကူညီပေးနေသူတွေက ပြောပါတယ်။

၂၀၂၃ ဒီဇင်ဘာလက စပြီး မလေးရှားအာဏာပိုင်တွေက တရားမဝင်နေထိုင်တဲ့ နိုင်ငံခြားသားတွေကို အော်ပရာစီ စစ်ဆင်ရေးအနေနဲ့ စတင်ဖမ်းဆီးခဲ့တာဖြစ်ပါတယ်။ ၂၀၂၄ နှစ်ကုန်ပိုင်းမှာ ဖမ်းဆီးတာတွေ ပိုများလာပြီး နိုဝင်ဘာလဆန်းကနေ ဒီရက်ပိုင်းအထိ မြန်မာနိုင်ငံသား တစ်ထောင်နီးပါး ဖမ်းဆီးခံထားရတယ်လို့ ဆိုပါတယ်။

လက်ရှိ နေရာအနှံ့မှာ ဖမ်းဆီးနေတာဖြစ်ပြီး ထိုင်း-မလေးရှား နယ်စပ်လမ်းကြောင်းကနေတဆင့် တရားမဝင် ဝင်ရောက်ချိန် ဖမ်းဆီးခံရသူတွေလည်း ရှိပါတယ်။ နယ်စပ်မှာ ဖမ်းမိတဲ့သူတွေအတွက် အကူအညီပေးဖို့ ခက်ခဲတယ်လို့ မြန်မာနိုင်ငံသားအရေး ကူညီပေးနေတဲ့ NLD OCI Malaysia အဖွဲ့ရဲ့ တာဝန်ရှိသူတစ်ဦးက ပြောပါတယ်။

“အဖမ်းအဆီးက နေရာစုံမှာအဖမ်းအဆီးတွေ ဖြစ်တယ်။ မြန်မာလူမျိုးဆိုရင် ဒီဇင်ဘာထဲမှာကို အော်ပရာစီက ထောင်ဂဏန်းတစ်ခုလောက်ရှိပါတယ်။ နယ်စပ်မှာ ဖမ်းမိရင်က ကျွန်မတို့ ဘယ်လိုနည်းနဲ့မှမကူညီနိုင်ပါဘူး။ နယ်စပ်မှာဝင်ဝင်ချင်း ဖမ်းမိရင်က ဖြေရှင်းနိုင်မဲ့ နည်းလမ်းက မရှိပါဘူး။ UNHCR ကိုယ်တိုင်လည်း မကူညီပေးနိုင်ဘူးလို့ သူတို့ပြောထားတယ်ပေါ့နော်”

မလေးရှားမှာ အဖမ်းအဆီးတွေ များနေပေမဲ့ ပွဲစားတွေကို ဝန်ဆောင်ခ မလေးရှားရင်းဂစ် တစ်သောင်းခွဲနီးပါးအထိ ပေးပြီး တရားမဝင်နယ်စပ်လမ်းကြောင်းကနေ နေ့စဉ်လာရောက်သူတွေ ရှိနေဆဲပါ။

ဖမ်းဆီးခံရပြီးနောက် အာမခံရပေမယ့် တရားရုံးချိန်းတွေနှင့် အမှုကုန်ကျစရိတ်ကြီးမြင့်တာကြောင့် လုပ်ခလစာမလုံလောက်ဘဲ ရုန်းကန်နေရတဲ့ မြန်မာနိုင်ငံသားတွေလည်း ရှိနေပါတယ်။

မလေးရှားနိုင်ငံ ဆလန်ဂေါပြည်နယ်မှာ နေထိုင်နေတဲ့ မဇာခြည်ဟာဆိုရင် စက်တင်ဘာလမှာ အာဏာပိုင်တွေ နေအိမ်ထဲ ဝင်ရောက်ဖမ်းဆီးတာ ခံခဲ့ရပြီး ထိန်းသိမ်းရေးစခန်းမှာ တစ်လနီးပါးကြာအချုပ်ကျခံခဲ့ရပါတယ်။ ပြီးခဲ့တဲ့အောက်တိုဘာလက အာမခံနဲ့ ပြန်လည်လွတ်မြောက်လာပြီးနောက် အမှုရင်ဆိုင်နေရပြီး တရားရုံးကို တစ်လကို မလေးရှားရင်းဂစ် ၁၂၀၀ ပေးဆောင်နေရတယ်လို့ဆိုပါတယ်။

လစာမလုံလောက်တဲ့ကြားက တရားရုံးစရိတ်အတွက် မတတ်နိုင်သလို မြန်မာနိုင်ငံကိုလည်း စစ်မှုထမ်းစာရင်းထဲမှာပါနေတဲ့အတွက် ပြန်ဖို့မဖြစ်နိုင်သေးဘူးလို့ မဇာခြည်က ပြောပါတယ်။

“ပြန်ရင်လည်း အလုပ်မရှိတဲ့အပြင် စားဖို့နေနေသာသာ နေ့စားတောင်မှ မရဘူး။ စားစရာလည်းမရှိဘူးဆိုတော့…ဖြစ်နိုင်ရင် ညီမလေးတို့ နေတောင်မနေချင်တော့ဘူး။ မနေချင်တော့ဘူးဆိုရင်လည်း မြန်မာပြည်ပြန်လို့မရဘူး။ သမီးတို့ဘက်မှာ သမီးတို့က မိန်းမတွေ စစ်မှုထမ်းရမယ့် နာမည်စာရင်းထဲမှာပါနေတယ် ”

မလေးရှားနိုင်ငံကို တရားမဝင်လမ်းကြောင်းက လာရောက်ပြီး လူကုန်ကူးပွဲစားတွေရဲ့ တစ်ဆင့်လွှဲပြောင်းရောင်းချခံနေရတဲ့ မြန်မာအမျိုးသမီးတွေရဲ့ အမှုတွေလည်း များပြားလာတယ်လို့ မြန်မာနိုင်ငံသားအရေး ကူညီပေးနေသူတွေက ဆိုပါတယ်။

ဒါကြောင့် ပွဲစားတွေရဲ့ အလုပ်ရှာပေးမယ်ဆိုတဲ့ စကားတွေကို မယုံကြည်ကြဖို့ကို အလုပ်သမားရေး ကူညီပေးနေတဲ့ Myanmar Labour Affairs and Refugee Organization ဥက္ကဋ္ဌ ကိုမင်းထိုက်က RFA ကို ပြောပါတယ်။

“အဓိကက သူတို့ရဲ့သားကောင် သူတို့ရဲ့ပစ်မှတ်က ဘယ်လိုလဲဆိုတော့ လမ်းစရိတ်မရှိတဲ့သူပေါ့နော်။ သူတို့က လမ်းစရိတ်စိုက်ပေးမယ်။ အမှန်တကယ်တော့သူတို့ လမ်းစရိတ်ဘာမှမစိုက်ရဘူးလေ။ သူတို့က ဘယ်လိုလိမ်သလဲဆိုရင် အသက် ၁၈ နှစ်အထက်နဲ့ ၄၅ အောက် အဲလိုမျိုး အမျိုးသမီးတွေကို ပစ်မှတ်ထားပြီးတော့ ဒီကိုရောက်ရင် ရိုးရိုးစားသောက်ဆိုင်မှာ လုပ်ရမယ် ရိုးရိုးအလုပ်ရုံမှာလုပ်ရမယ် လစာကို မက်လုံးပေးပြီးတော့ ဒီရောက်လို့ရှိရင် ထိန်းသိမ်းထားပြီးတော့ ပိတ်လှောင်ထားတယ်”

အဲဒီနောက် ပွဲစားတွေကတစ်ဆင့် ကာရာအိုကေနဲ့ တရားမဝင်အနှိပ်ခန်းတွေမှာ လုပ်ကိုင်ဖို့ လွှဲပြောင်းရောင်းချခံနေရပြီး ခေါင်းပုံဖြတ်ခိုင်းစေခံနေရတယ်လို့လည်း ဆိုပါတယ်။

လက်ရှိအချိန်မှာ တရားမဝင်နေထိုင်မှုတွေနဲ့ ဖမ်းဆီးခံထားရတဲ့ မြန်မာနိုင်ငံသားတွေကို ကူညီနေသူတွေရှိနေပေမဲ့ အလုပ်လုပ်ခွင့်ပါအဝင် တခြားအခက်အခဲတွေ ရှိနေသေးတဲ့အတွက် အကူအညီတွေလိုအပ်နေဆဲဖြစ်ပါတယ်။

မလေးရှားမှာ မြန်မာနိုင်ငံသားတွေ တရားမဝင် ရွှေ့ပြောင်းနေထိုင်တာ များလာပြီး မလေးရှားနိုင်ငံကတစ်ဆင့် နိုင်ငံရေးခိုလှုံခွင့်လျှောက်ထားသူ မြန်မာနိုင်ငံသား ၁၈၀၀၀၀ နီးပါးရှိတယ်လို့ မလေးရှားနိုင်ငံက UNHCR ရုံးရဲ့ ၂ဝ၂၄ ခုနှစ် နိုဝင်ဘာလအထိ စာရင်းတွေအရ သိရပါတယ်။

#မလေးရှား #မြန်မာ #ဖမ်းဆီး #လွတ်လပ်တဲ့အာရှအသံ #rfaburmese

ချင်းပြည်နယ်တောင်ပိုင်းမှာ ဝဥစျေးပြန်တက်လာပေမယ့် တွက်ချေမကိုက်သေးဟုဆို
=======

ဒီဇင်ဘာလ ၁၈ ရက်၊၂၀၂၄ခုနှစ်။
Zalen

ချင်းပြည်နယ်တောင်ပိုင်းမှာ အဓိက စိုက်ပျိုးနေကြတဲ့ ဝဥကို ယခုနှစ်မှာ ဝယ်ယူသူတွေရှိလာတဲ့အတွက် စျေးကောင်းပြန်လည်ရရှိပေမယ့် အရင်စျေးမမှီသေးဘူးလို့ ဒေသတွေက ဒေသခံတွေဆီက သိရပါတယ်။

စစ်တပ်အာဏာမသိမ်းခင်က ဝဥအစိမ်း တစ်ပိဿ ၁,၅၀၀ ကျပ်နဲ့ အခြောက် တစ်ပိဿာ ၂၀,၀၀၀ ကျပ်ထိရရှိပေမဲ့ စစ်တပ်အာဏာသိမ်းပြီးနောက် ဝဥအစိမ်း တစ်ပိဿ ၅၀၀ ကျပ်နဲ့ အခြောက် တစ်ပိဿ ၅,၅၀၀ကျပ်သာရရှိပါတယ်။

"အာဏာသိမ်းပြီး ဝယ်မယ့်သူလည်းမရှိဘူး။ တိုက်ပွဲတွေဖြစ်တော့ ပိုဆိုးလာတာပေါ့။ အခင်းတောင် ပစ်ထားရတဲ့အခြေအနေဖြစ်နေတယ်။ ဒီနှစ်တော့ ဝယ်တဲ့သူတွေရှိလာတယ်။ စျေးနည်းနည်းပြန်ရတယ်။"လို့ မင်းတပ်မြို့နယ်ဒေသခံတစ်ဦးက ဆိုပါတယ်။

ချင်းပြည်နယ်မှာ ယခုနှစ် ဝဥဈေး အစိမ်းတစ်ပိဿာ ၁,၀၀၀ ကျပ်နဲ့ အခြောက် တစ်ပိဿ ၁၀,၀၀၀ ကျပ်အထိ ပေးဝယ်ယူနေကြတဲ့အတွက် အရင်နှစ်တွေထက် စျေးပိုရနေတာကြောင့် စျေးကောင်းနေတယ်လို့ ဆိုပါတယ်။

"အရင်နှစ်ထက်စာရင် စျေးပိုရလို့ စျေးကောင်းတာလို့ပြောတာပါ။ ဒါပေမဲ့ သယ်ယူရတာနဲ့ လုပ်အားခတွေနဲ့ဆို အမြတ်တွေက ကိုယ့်အတွက် သိပ်မကျန်ဘူး။"လို့ ပလက်ဝမြို့နယ်နဲ့ မင်းတပ်မြို့နယ်အစပ်က ဒေသခံတစ်ဦးက ဆိုပါတယ်။

ချင်းပြည်နယ်တောင်ပိုင်း၊ မင်းတပ်၊ ပလက်ဝ၊ ကန်ပက်လက်၊ မတူပီ၊ ဆမီး၊ ရေဇွာ၊ လိုင်လင်းပီ စတဲ့မြို့တွေက ဒေသခံတွေဟာ အိမ်တိုင်းနီးပါး ဝဥကို တစ်နိုင်တစ်ပိုင် စီးပွားရေးအဖြစ် တောင်ယာတွေမှာ အဓိက စိုက်ပျိုးနေကြပါတယ်။

ချင်းပြည်နယ်တောင်ပိုင်းက ထွက်တဲ့ ဝဥတွေကို ပက္ကူ ၊ မန္တလေး နဲ့ ရန်ကုန်မြို့တို့ကို တင်ပို့ရောင်းချနေကြပါတယ်။

သတင်း - ကိုခူမီး

မီဇိုရမ်ပြည်လောင်တလိုင်မြို့က ချင်းစစ်ဘေးရှောင်တွေ စားနပ်ရိက္ခာအကူအညီတွေ လိုအပ်နေ

ဒီဇင်ဘာလ ၁၈ ရက်။

မီဇိုရမ်ပြည်နယ်၊ လောင်တလိုင်မြို့ကို မြန်မာနိုင်ငံ၊ ချင်းပြည်နယ် ထန်တလန်၊ ဟားခါး ဘက်ကနေ စစ်ဘေးရှောင်လာတဲ့ ချင်းစစ်ဘေးရှောင်တွေအတွက်  စားနပ်ရိက္ခာ အထောက်အပံ့ အကူအညီတွေ လိုအပ်နေကြတယ်လို့ လောင်တလိုင်မှာ နေထိုင်သူတွေဆီကနေ သိရပါတယ်။

လောင်တလိုင်မြို့ စစ်ဘေးရှောင်စခန်းမှာ နေထိုင်တဲ့သူရော မြို့ပေါ်အိမ်ဌားနေထိုင်သူတွေထဲကလည်း စားသောက်ရေးပိုင်းမှာ အရေးပေါ်ထောက်ပံ့ကူညီမှုတွေ လိုအပ်နေကြသလို နိုင်ငံခြားမှာ ဆွေမျိုးမရှိတဲ့သူတွေဆိုရင် ပိုပြီး အခက်အခဲဖြစ်ကြတယ်လို့ လောင်တလိုင်မှာ နေထိုင်သူ တစ်ဦးကပြောပါတယ်။

Chin World

မလေးရှားနိုင်ငံမှာ ခရစ္စမတ်ပွဲ ကျင်းပတဲ့ မြန်မာနိုင်ငံသား ၇၅ ဦး ဖမ်းဆီးခံရ

=========

ဒီဇင်ဘာ ၁၅၊ ၂၀၂၄။

Zalen

မလေးရှားနိုင်ငံ၊ နီလိုင်းမြို့မှာ ခရစ္စမတ်ပွဲ ကျင်းပတဲ့ ပွဲစီစဥ်သူ ၅ဦးအပါအဝင် အထောက်ထားမဲ့ မြန်မာနိုင်ငံသား ၇၅ ဦး ဖမ်းဆီးခံရတယ်လို့ မလေးရှားရောက် ချင်းအမျိုးသားတစ်ဦးဆီက သိရပါတယ်။

ပွဲမိန့်ခွင့်ပြုချက် မပါဘဲ မြန်မာနိုင်ငံသားတွေ ကျင်းပတဲ့ ခရစ္စမတ်ပွဲကို မနေ့ ဒီဇင်ဘာလ ၁၄ ရက်နေ့ ည ၉ နာရီ ၃၀ မိနစ်အချိန်မှာ နီလိုင်း ရဲတပ်ဖွဲ့တွေက ဝင်ရောက်စစ်ဆေးပြီး ဖမ်းဆီးခံရခြင်းဖြစ်ပါတယ်။

"အထောက်ထားပြည့်စုံသူတွေနဲ့ UN ကဒ်ကိုင်ဆောင်သူတွေက မနေ့ညက ပြန်လွတ်လာကြပြီ။ ပွဲစီစဉ်သူ ၅ ဦးနဲ့ ဘာအထောက်ထားမှမရှိတဲ့ အယောက် ၇၀ ဦးကို ဖမ်းဆီးထားဆဲဖြစ်တယ်။"လို့ ချင်းအမျိုးသားတစ်ဦးက ဆိုပါတယ်။

ဖမ်းဆီးခံထားရတဲ့ မြန်မာနိုင်ငံသားတွေထဲမှာ ချင်းလူမျိုးအများဆုံးနဲ့ ဗမာ၊ ရခိုင်လူမျိုးတွေဖြစ်ပြီး သူတို့ကို Seremban , Lenggeng ထိန်းသိမ်းရေးစခန်းကို ပို့ဆောင်ထားတယ်လို့ သိရပါတယ်။

မနေ့ ဒီဇင်ဘာလ ၁၄ ရက်နေ့ကလည်း ဆလန်ဂေါပြည်နယ်၊ Dengkil မှာ အထောက်အထားမဲ့ မြန်မာနဲ့ အင်ဒိုနီးရှားနိုင်ငံသား ၄၉ ဦး ဖမ်းဆီးခံရပါတယ်။

သတင်း - ကိုခူမီး

မလေးရှားမှာ မြန်မာအပါအဝင် တရားမဝင်နေထိုင်တဲ့ နိုင်ငံခြားသား ၄၉ ဦး ဖမ်းဆီးခံရ
========

ဒီဇင်ဘာလ ၁၄ ရက်၊ ၂၀၂၄။
Zalen

မလေးရှားနိုင်ငံ၊ ဆလန်ဂေါပြည်နယ်၊ Dengkil မှာ မြန်မာအပါအဝင် အထောက်ထားမဲ့ နိုင်ငံခြားသား ၄၉ ဦး ဖမ်းဆီးခံခဲ့ရတယ်လို့ မလေးရှားလူဝင်မှုကြီးကြပ်ရေးအဖွဲ့က ဒီကနေ့ ဒီဇင်ဘာလ ၁၄ ရက်နေ့ ထုတ်ပြန်ထားပါတယ်။

ဒီနေ့ မနက်အစောပိုင်းက အထောက်ထားမဲ့ နိုင်ငံခြားသားတွေနေထိုင်တဲ့ နေရာတွေကို ဆလန်ဂေါလူဝင်မူကြီးကြပ်ရေးဌာနက အင်အား ၁၀၀ ကျော်နဲ့ ဝင်ရောက်စီးနင်းခဲ့ပြီး ဖမ်းဆီးခံရတာဖြစ်ပါတယ်။

ဖမ်းဆီးခံရသူတွေဟာ အသက် ၁၇နှစ် ကနေ ၅၅ နှစ်ကြားရှိ သူတွေဖြစ်ပြီး မြန်မာနဲ့ အင်ဒိုနီးရှားနိုင်ငံသားတွေဖြစ်ပါတယ်။

ဖမ်းဆီးထားသူတွေကို ၁၉၅၉/၆၃ လူဝင်မှုကြီးကြပ်ရေးအက်ဥပဒေ၊ ၁၉၆၆ နိုင်ငံကူးလက်မှတ်အက်ဥပဒေ နဲ့ ၁၉၆၃ လူဝင်မှုကြီးကြပ်ရေးစည်းမျဉ်းများဥပဒေတွေကို ဖောက်ဖျက်မှုနဲ့ ဆက်လက်စုံစမ်းအရေးယူ ဆောင်ရွက်ဖို့ ဆမုန်ညင်းလူဝင်မူကြီးကြပ်ရေးကန့်မှာ ထိန်းသိမ်းထားတယ်လို့ သိရပါတယ်။

မနေ့ ဒီဇင်ဘာလ ၁၃ရက်နေ့ကလည်း မလေးရှားနိုင်ငံ၊ ကဒါ့ပြည်နယ်မှာအောက်လမ်းကနေ ဝင်ရောက်လာတဲ့ မြန်မာ အမျိုးသား ၁၅ဦး၊ မြန်မာ အမျိုးသမီး ၇ဦး၊ ကိုယ်ဝန်‌ဆောင် မြန်မာ အမျိုးသမီး ၁ဦး၊ မလေးနိုင်ငံသား ကားသမား ၃ဦး ဖမ်းဆီးထိန်းသိမ်းခံရတယ်လို့ သိရပါတယ်။

သတင်း - ကိုခူမီး

Crd zalen

ကမ္ဘာမှာဘိန်းစိုက်ပျိုးထုတ်လုပ်မှုအများဆုံးနိုင်ငံအဖြစ် မြန်မာဆက်လက်ရပ်တည်၊ချင်းပြည်နယ်မှာဘိန်းစိုက်ပျိုးမှု ၁၈ ရာခိုင်နှုန်းတိုးလာ

ဒီဇင်ဘာလ ၁၃ ရက်။

၂၀၂၄ ခုနှစ် မြန်မာနိုင်ငံရဲ့ဘိန်းစိုက်ပျိုးမှုဟာ မနှစ်နဲ့ နှိုင်းယှဉ်ရင် ၄ ရာခိုင်နှုန်းကျဆင်းသွားပေမယ့်လည်းကမ္ဘာမှာ ဘိန်းစိုက်ပျိုးထုတ်လုပ်မှု အများဆုံး နိုင်ငံအဖြစ် ဆက်လက်ရပ်တည်နေ ကြောင်း၊မြန်မာနိုင်ငံမှာ ရှမ်းပြည်နယ်ဟာ ဘိန်းစိုက်ပျိုး ထုတ်လုပ်မှု အများဆုံးဒေသ ဖြစ်ကာ ၊အခုနှစ်မှာ ချင်းပြည်နယ်မှာ ဘိန်းစိုက်ပျိုးမှု ၁၈ ရာခိုင်နှုန်းတိုးလာတယ်လို့ ကုလသမဂ္ဂ မူးယစ်ဆေးဝါးနဲ့ ရာဇဝတ်မှု နှိမ်နင်းရေးအဖွဲ့ (UNODC) က ဒီဇင်ဘာလ ၁၂ ရက်က ထုတ်ပြန်တဲ့အစီရင်ခံစာမှာ ဖော်ပြပါတယ်။

မြန်မာနိုင်ငံမှာ ဒီနှစ်အတွင်း ဘိန်းစိုက်ပျိုးတဲ့ ဧရိယာ ၄၅,၂၀၀ ဟက်တာ ရှိခဲ့တယ်လို့လည်း UNODC ထုတ်ပြန်တဲ့အစီရင်ခံစာမှာပါရှိပါတယ်။

မြန်မာနိုင်ငံမှာ ရှမ်းပြည်နယ်ဟာ ဘိန်းစိုက်ပျိုး ထုတ်လုပ်မှု အများဆုံးဒေသအဖြစ် ၈၈ ရာခိုင်နှုန်းအထိ ရှိနေတယ်လို့ အစီရင်ခံစာမှာ ဖော်ပြပါတယ်။

Chin World

ကလေးမြို့ ဖုန်းဆိုင်အများစုမှာ MPT ဖုန်းဆင်းကဒ် ပြတ်လပ်နေ
============
၆၊ နို၀င်ဘာ၊ ၂၀၂၄
Zalen

စစ်ကိုင်းတိုင်း၊ ကလေးမြို့မှာ ဖုန်းလိုင်းတွေ ပြတ်တောက်နေပြီး MPT ဆင်းကဒ် တစ်မျိုးတည်းသာ ဖုန်းလိုင်းနဲ့ အင်တာနက် ရရှိတာကြောင့် ဖုန်းဆိုင်တွေမှာ MPT ဆင်းကဒ် ပြတ်လပ်နေတယ်လို့ ဒေသခံတွေကပြောပါတယ်။

အရင်က MPT ဖုန်းဆင်းကဒ် တစ်ခုကို ၁သောင်း ၀န်းကျင်သာ ရှိခဲ့ပေမယ့် လက်ရှိမှာတော့ ၃ သောင်း၀န်းကျင်အထိ ‌ဈေးတက်နေတယ် လို့ဆိုပါတယ်။

" ဖုန်းလိုင်းက MPT ပဲ ရတယ်ဆိုတော့ ဖုန်းဆိုင်တွေမှာ လိုက်မေးတာ၊ ကုန်ပြီလို့ပဲ ပြောကြတယ်။ တချို့ကျ နှစ်သောင်းခွဲ၊ တချို့ကျ သုံးသောင်းတဲ့။ အဲဒီလိုမျိုးတောင် ရောင်းဖို့ မရှိလို့ ပြန်ခဲ့ရတယ်။ " လို့ ဒေသခံတစ်ဦးက ပြောပါတယ်။

Atom  ဖုန်းလိုင်းဟာ လွန်ခဲ့တဲ့ ရက်သတ္တပတ်ကတည်းက ပြတ်တောက်နေတာ ဖြစ်ပြီး ‌Ooredoo ဖုန်းကတော့ ဒီဇင်ဘာ ၅ ရက်နေ့ မနေ့ညပိုင်းကတည်းက ပြတ်တောက်ခဲ့တာလို့ သိရပါတယ်။

ဖုန်းလိုင်းအပြင် အင်တာနက် WiFi ဖိုင်ဘာလိုင်းတွေပါ ပြတ်တောက်နေလို့ ဒေသခံတွေ အခက်အခဲဖြစ်နေတယ်လို့ ပြောပါတယ်။

Helen

မီဇိုရမ်မှာ မြန်မာနိုင်ငံသား တစ်ဦးထံကနေ ရူပီး သိန်းပေါင်း ၃၈၀ ကျော်တန်ဖိုးရှိ စိတ်ကြွဆေးများဖမ်းမိ
==========
၂၈၊ နိုဝင်ဘာလ၊ ၂၀၂၄
Zalen

မီဇိုရမ်ပြည်နယ်၊ အိုင်ဇောလ်မြို့အနီး ဇေမာဘုတ်ကျေးရွာ (Zemabawk )မှာ မြန်မာနိုင်ငံသားတစ်ဦးထံကနေ ရူပီး သိန်းပေါင်း ၃၈၀ ကျော်တန်စိတ်ကြွဆေးပြားများကို ဒီကနေ့မနက်ပိုင်းမှာဖမ်းဆီးကြောင်း မီဇိုရမ်ရဲတပ်ဖွဲ့က သတင်းထုတ်ပြန်ပါတယ်။


ထုတ်ပြန်ချက်ထဲမှာ မီဇိုရမ်ရဲတပ်ဖွဲ့ဟာ မူးယစ်ဆေးဝါးတိုက်ဖျက်ရေးကို အားသွန်ခွန်စိုက် လုပ်ဆောင်လျက်ရှိရာ ကျန်ဖိုင်ခရိုင် ဇိုခေါထာရ် ကျေးရွာကနေ အိုင်ဇောလ်မြို့ဘက်ကို ဦးတည်မောင်းနှင်လာတဲ့ အိမ်စီးကားတစ်စီးကို အိုင်ဇောလ်မြို့အဝင် ဇေမာဘုတ်ကျေးရွာမှာ တားဆီးစစ်ဆေးခဲ့ပြီး စိတ်ကြွဆေးပြားအများအပြား ဖမ်းဆီးခဲ့ တယ်လို့ဆိုပါတယ်။



မီဇိုရမ်ရဲတပ်ဖွဲ့နဲ့ မူးယစ်ဆေးဝါးတိုက်ဖျက်ရေးဌာန ပူးပေါင်းတပ်ဖွဲ့ဟာ အဆိုပါကားကို ဒီမနက် ၁၂ နာရီ ခွဲဝန်းကျင်မှာ စစ်ဆေးခဲ့ခြင်းဖြစ်ပြီးတော့ စိတ်ကြွဆေးပြား ၂၉.၂၈၉ ကီလိုဂရမ်၊ နိုင်ငံတကာ ပေါက်စျေးဖြင့် ရူပီး သိန်းပေါင်း ၃၈၀.၇၅၇ တန်ဖိုးရှိတဲ့ စိတ်ကြွဆေးပြားများကို ဖမ်းဆီးခဲ့တာဖြစ်ပါတယ်။


အဆိုပါမူးယစ်ဆေးဝါးများကို စစ်ကိုင်းတိုင်း၊ ကလေးမြို့၊ တာဟန်းရပ်ကွက် မှ ဦးလာလ်ရမ်ပန်နာ ( Lalrampana) ရဲ့သား တလန်ထန်မွေးအာ (Tlangthanmawia) အသက် ၃၀ ထံကနေဖမ်းဆီးခဲ့ခြင်းဖြစ်ပြီး လိုအပ် သလိုအရေးယူနိုင်ဖို့ အမှုဖွင့်ထိန်းသိမ်းထားတယ်လို့သိရပါတယ်။


မီဇိုရမ်ပြည်နယ်ထဲကို မူးယစ်ဆေးဝါးတင်သွင်းသူများထဲ မြန်မာနိုင်ငံသားအများအပြား ပါဝင်ပက်သက်နေပြီး ဒီလ နိုဝင်ဘာလ ၁ ရက်ကနေ ဒီကနေ့ ၂၈ ရက်နေ့အထိ တစ်လနီးပါးအချိန်အတွင်း မီဇိုရမ်မှာ မူးယစ်ဆေးဝါး ကြောင့် ဖမ်းဆီးခံရတဲ့ မြန်မာနိုင်ငံသား ၇ ဦးထက်မနည်းရှိပြီဖြစ်ပါတယ်။


သတင်း - Grace

မလေးရှားမှာ အထောက်အထားမဲ့မြန်မာနိုင်ငံသား ၈၉ ဦးအပါအဝင် နိုင်ငံခြားသား စုစုပေါင်း ၁၁၉ ဦးဖမ်းဆီးခံရတယ်လို့ သိရ

နိုဝင်ဘာလ ၂၇ ရက်။

မလေးရှားနိုင်ငံ၊ selangor ပြည်နယ် Pandan Mewah အဆောက်အအုံကို ယမန်နေ့ နိုဝင်ဘာလ ၂၆ ရက်နေ့ညနေပိုင်းလောက်စလို့ မလေးရှားအာဏာပိုင်တွေက ဝင်ရောက်စစ်ဆေးခဲ့ပြီး အထောက်အထားမဲ့ မြန်မာနိုင်ငံသား ၈၉ ဦး အပါအဝင် နိုင်ငံခြားသားစုစုပေါင်း ၁၁၉ ဦးကိုဖမ်းဆီးခဲ့တယ်လို့ သိရပါတယ်။

မလေးရှားလဝက၊ ရဲဌာနနဲ့ Ampang Jaya မြူနီစီပယ်ကောင်စီ (MPAJ) အဖွဲ့က ပူးပေါင်းပြီး Pandan Mewah အဆောက်အုံကို ဝင်ဆီးခဲ့ပြီး ညနေ ၆ နာရီကနေ မနက် ၁၁ နာရီအထိ နိုင်ငံခြားသား အယောက် ၄၀၀ ကိုစစ်ဆေးခဲ့ပြီး အဒီထဲကနေ အထောက်ထားမဲ့ မြန်မာနိုင်ငံသား ၈၉ ဦး၊ ဘင်္ဂလားဒေ့ရှ်နိုင်ငံသား ၁၄ ဦး၊ နီပေါနိုင်ငံသား ၈ ဦး၊ အင်ဒိုနီးရှားလူမျိုး ၄ ဦးနဲ့ အိန္ဒိယလူမျိုး ၄ ဦး စုစုပေါင်း ၁၁၉ ကို ဖမ်းဆီးခဲ့တယ်လို့ သိရပါတယ်။

မလေးရှားအာဏာပိုင်တွေက အဆောက်အအုံ ငါးခုကို ဝင်ရောက်စစ်ဆေးခဲ့တာလို့သိရပြီး အဲဒီအဆောက်အအုံငါးခုထဲမှာ အဆောက်အအုံ နှစ်ခုက တရားမဝင်နိုင်ငံခြားသားတွေ အလုပ်ခန့်အပ်မှုနဲ့ ချိတ်ပိတ်ခဲ့တယ်လို့လည်း သိရပါတယ်။

Chin World

ယနေ့လက်ပံချောင်းရွာကို လနက ကျရောက်ပေါက်ကွဲခဲ့ပြီး ပြည်သူ 4 ဦး Tay ဆုံးခဲ့။

၁
ဦးဗန်မာလ်ဆွမ်အာ နှင့် ဒေါ်ပါရ်ထလန်းလျန်အီးတို့ရဲ့သမီး မလားဗျက်ပွီး အသက်၂၅ အဖွားဖစ်သူတို့နေအိမ်တွင်လက်နက်ကြီးကျကာအိမ်ထဲတွင်နေသော
မလားဗျက်ပွီးကို လက်နက်ကြီးအစဖြင့်ဦးခေါင်းထိပီးမနက် ၁၀ နာရီ ဝန်းကျင်တွင် ဒဏ်ရာရတဲ့နေအိမ်တွင်အသက်ဆုံးသွားပါသည်။

၂
ကနန်ရွာက ဦးလာလ်းမှိန်းထန်းအာ အသက် ၆၅ မနက် ၁၀ နာရီ ၄၀ တွင် လက်နက်ကြီးကျသံကြောင့် tay ဆုံး အလောင်းကို ကနန်ရွာသို့ပြန်လည်ယူဆောင်သွား။

၃
ဦးဗန်လာလ်ရွတ် နှင့်ဒေါ်ဟရန်းအုလ်ကိမ်းအီးတို့ရဲ့သား မောင်လာလ်းရတ်အဲလ် အသက် ၁၄ နှစ်သည် တံခါးနားသို့လမ်းလျှောက်နေချိန်အနားသို့ လက်နက်ကြီးကျကာဝမ်းဗိုက်သို့ထိမှန်ပီးအူတေပါထွက်ကာ မြို့ထဲသို့ခေါ်ဆောင်လာကာ လမ်းတဝက် ပျဥ်းခုံကြီးရောက်ချိန်မှာ tay ဆုံးခဲ့ဟုသိရ။

၄
လက်ပံချောင်း C group ချယ်ရီစတိုးဆိုင်ကဆိုင်ရှင်ဒေါ်လှောင်နိတ်ပါရ် အသက် ၅၄ နှစ်သည် ဆိုင်စောင့်နေချိန်ဆိုင်အနားသို့လက်နက်ကြီးကျကာ ဦးဘီထန်နှုံအာ ရဲ့မိန်းမ ဒဏ်ရာရကာ ရွာထဲကဆရာဝန်များကဒဏ်ရာများကိုပြုစုပီးကလေးမြို့ပြည်သူ့ဆေးရုံသို့လွှဲကာကလေးမြို့ပြည်သူဆေးရုံရောက်ပီး နေ့လည် ၁ နာရီတွင် tayဆုံးသွားခဲ့သည်ဟုသိရ။

#Credit

မတူပီဒေသတွင်း လမ်းတွေဖောက်လုပ်တာ၊ ပြုပြင်တာတွေလုပ်နေပြီး မီဇိုရမ် - မတူပီ မော်တော်ယာဉ်တွေတိုက်ရိုက်ရောက်နိုင်ဖို့ကိုလည်းဆောင်ရွက်နေတယ်လို့  CDF – Matupi တပ်မဟာ - ၁ ထုတ်ပြန်

နိုဝင်ဘာလ ၂၃ ရက်။

ချင်းပြည်နယ်၊ မတူပီ ဒေသအတွင်း ပြည်ထောင်စုလမ်းမတွေ၊ ရွာချင်းဆက် ဖွံ့ဖြိုးရေး လမ်းတွေကို ဖောက်လုပ်၊ ပြုပြင်နေတဲ့အပြင် အိန္ဒိယနိုင်ငံ၊မီဇိုရမ်ပြည်နယ် နဲ့ မတူပီ တိုက်ရိုက် မော်တော်ယာဉ် ရောက်ရှိနိုင်အောင် ဆောင်ရွက်နေတယ်လို့  ဒီကနေ့ နိုဝင်ဘာလ ၂၃ ရက်နေ့မှာ ချင်းပြည်ကာကွယ်ရေးတပ်ဖွဲ့ - မတူပီ (တပ်မဟာ -၁)က ထုတ်ပြန်ပါတယ်။

မတူပီ - မင်းတပ်လမ်း၊ မတူပီ - ပလက်ဝလမ်း၊ မတူပီ - လိုင်လင်းပီ/မီဇိုလမ်းနဲ့ ရွာချင်းဆက်လမ်းတွေကို အဓိက တူးဖော် ပြုပြင်နေတယ်လို့ ထုတ်ပြန်ထားပါတယ်။

Chin world media

အိန္ဒိယနယ်စပ်သို့ပို့မယ့် ကျပ် ၂၇ ဘီလျံကျော်တန်တဲ့ မူးယစ်ဆေးဝါးများ ကလေးမြို့နဲ့ မန္တလေးမြို့တွင် ဖမ်းမိ
====================
နိုဝင်ဘာ ၂၂၊ ၂၀၂၄။
Zalen

စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီးတို့တွင် မူးယစ်မှောင်ခိုဂိုဏ်းအဖွဲ့အား ငွေကျပ် ၂၇ ဒသမ ၅ ဘီလီယံကျော်တန်ဖိုးရှိ ဘိန်းဖြူ ၁၅၀ ကီလိုကျော်၊ စိတ်ကြွရူးသွပ်ဆေးပြား ၅ သန်းကျော်၊ အိုက်စ်(မက်သ်အဖက်တမင်း) ၄၁၂ ကီလိုနှင့် ထိန်းချုပ်ဓာတုပစ္စည်း ကဖင်း ၃ တန်တို့နှင့်အတူ နိုဝင်ဘာလ ၅ ရက်နေ့ ဖော်ထုတ်ဖမ်းဆီးရမိတယ်လို့ စစ်ကောင်စီကထုတ်ပြန်ပါတယ်။

လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် နိုဝင်ဘာလ ၅ ရက်နေ့ နံနက် ၅ နာရီအချိန် ကလေးမြို့နယ်၊ ကျီကုန်းကျေးရွာလမ်းဆုံတွင် ကလေးဝမှ ကလေးဘက်သို့ စိန်လွင် မောင်းနှင်ပြီး ချစ်စန်းကို လိုက်ပါလာသည့် FUSO ၁၂ ဘီးယာဉ်ကို သတင်းအရရှာဖွေရာ ယာဉ်ပေါ်မှ ကုန်ပစ္စည်းများဖြင့် ဖုံးအုပ်သယ်ဆောင်လာသည့် ဘိန်းဖြူ ၅၀ ဒသမ ၆ ကီလို သိမ်းဆည်းရမိခဲ့တယ်။

စစ်ဆေးဖော်ထုတ်ချက်အရ ယင်းနေ့တွင် မန္တလေးမှ ကလေးမြို့သို့ မူးယစ်ဆေးဝါးများ တင်ပို့ရောင်းချခဲ့ကြသည့် မြင့်နိုင်ဦး(ခ)မောင်စိုး နှင့် ဇော်ဝင်းထွန်း(ခ)နိုင်ဝင်းထွန်း(ခ)နားကား တို့အား မန္တလေးတိုင်းဒေသကြီး၊ ချမ်းမြသာစည်မြို့နယ်၊ ထွန်တုံးရပ်ကွက်ရှိနေအိမ်တွင် လည်းကောင်း၊ ဘရန်မွန်း(ခ)ဇော်တန် အား မဟာအောင်မြေမြို့နယ်၊ မဟာမြိုင်(၁)ရပ်ကွက်တွင် လည်းကောင်း၊ ရန်နိုင် အား မဟာအောင်မြေမြို့နယ်၊ စင်္ကြာနွယ်စဉ်ရပ်ကွက်တွင် လည်းကောင်း အသီးသီးဖမ်းဆီးရမိခဲ့တယ်။

ကွင်းဆက်ဖော်ထုတ်ချက်အရ နိုဝင်ဘာလ ၅ ရက်နေ့ နံနက် ၁၀ နာရီအချိန် အဆိုပါ မူးယစ်ဆေးဝါးများအား ကလေးမြို့တွင် လက်ခံသိုလှောင်၍ မြန်မာ - အိန္ဒိယနယ်စပ်သို့ တင်ပို့ရောင်းချသူများဖြစ်ကြသည့် လားထန်ပွီးယာ အား ကလေးမြို့၊ တာဟန်းရပ်ကွက်၊ နယ်မြေ(၁၀)တွင် တစ်ဖက်နိုင်ငံမှ တရားမဝင်တင်သွင်းခဲ့သည့် ထိန်းချုပ်ဓာတုပစ္စည်း ကဖင်း ၃ တန်နှင့်လည်းကောင်း၊ သောက်နယ်လွယ်(ခ)ပုသောက် အား ကလေးမြို့၊ တာဟန်းရပ်ကွက်၊ နယ်မြေ(၁၃)ရှိ နေအိမ်မှ စိတ်ကြွရူးသွပ်ဆေးပြား ၅ ဒသမ ၅၁ သန်း၊ အိုက်စ်(မက်အဖက်တမင်း) ၄၁၂ ကီလို၊ ဘိန်းဖြူ သုည ဒသမ ၄၃ ကီလိုနှင့်အတူ ဆက်လက်ဖမ်းဆီးရမိခဲ့တယ်။

နိုဝင်ဘာလ ၆ ရက်နေ့တွင် မန္တလေးမှ ကလေးမြို့သို့ မူးယစ်ဆေးဝါးများတင်ပို့ခဲ့သည့် ဝင်းဌေးအောင် အား ပြည်ကြီးတံခွန်မြို့နယ်၊ သင်ပန်းကုန်းရပ်ကွက်တွင် ဖမ်းဆီးရမိခဲ့ပြီး ၎င်းတင်ပို့ခဲ့သည့် မူးယစ်ဆေးဝါးများအား လက်ခံသိုလှောင်ထားသည့် လှမိုး(ခ)ဆန်းလွင် အား ကလေးမြို့၊ လှိုင်သာယာရပ်ကွက်ရှိ ကုန်စည်ပို့ဆောင်ရေးဂိတ်တွင် ဘိန်းဖြူ ၁၃ ဒသမ ၂ ကီလိုနှင့်အတူ ဖမ်းဆီးရမိခဲ့ပြီး ကွင်းဆက်ဖော်ထုတ်ချက်အရ မူးယစ်ဆေးဝါးများအား မန္တလေးမြို့တွင် တစ်ဆင့်ပြန်လည်ရောင်းချသူမှာ ရော်ကျိန်ရန်(ခ)အားဟွိုက် ဖြစ်ပြီး မူးယစ်ဆေးဝါးသယ်ဆောင်ရောင်းဝယ်ရာတွင် ငွေကြေးလွှဲပြောင်းလက်ခံဆောင်ရွက်ပေးသူမှာ ၎င်း၏ဇနီး မအားမိန် ဖြစ်ကြောင်းသိရှိရသဖြင့် ချမ်းမြသာစည်မြို့နယ်၊ အောင်သာယာရပ်ကွက်ရှိ နေအိမ်တွင် ဆက်လက်ဖမ်းဆီးရမိခဲ့တယ်။

ရှမ်းပြည်နယ်(တောင်ပိုင်း)၊ ကျေးသီးမြို့နယ်နေ စိုးဝင်း ၏အစီအမံဖြင့် မူးယစ်ဆေးဝါးများ မန္တလေးတွင် လက်ခံသိုလှောင်ဖြန့်ဖြူးပို့ဆောင်ပေးသူ ရဲဇော်အောင်(ခ)အားဖ အား ချမ်းမြသာစည်မြို့နယ်၊ ကန်သာယာရပ်ကွက်ရှိနေအိမ်၌ ဘိန်းဖြူ ၈၉ ဒသမ ၈ ကီလိုနှင့်အတူ ထပ်မံဖမ်းဆီးရမိခဲ့သဖြင့် စုစုပေါင်းဒေသကာလတန်ဖိုးငွေကျပ် ၂၇ ဒသမ ၅ ဘီလီယံကျော်တန်ဖိုးရှိ ဘိန်းဖြူ ၁၅၀ ဒသမ ၀၃ ကီလို၊ စိတ်ကြွရူးသွပ်ဆေးပြား ၅ ဒသမ ၅၁ သန်း၊ အိုက်စ်(မက်သ်အဖက်တမင်း) ၄၁၂ ကီလိုနှင့် ထိန်းချုပ်ဓာတုပစ္စည်းကဖင်း ၃ တန်တို့အား သိမ်းဆည်းရမိခဲ့တယ်။

စစ်ဆေးဖော်ထုတ်ချက်များအရ သိမ်းဆည်းရမိ မူးယစ်ဆေးဝါးများအား ရှမ်းပြည်နယ် (တောင်ပိုင်း)မှ မန္တလေးမြို့သို့သယ်ဆောင်ပြီး ၎င်းမှတစ်ဆင့် ကလေးမြို့တွင်သိုလှောင်၍ မြန်မာ - အိန္ဒိယနယ်စပ်တွင် တစ်ဘက်နိုင်ငံမှ မူးယစ်ဆေးဝါး သယ်ဆောင်ရောင်းဝယ်သူများနှင့် ချိတ်ဆက်သယ်ဆောင်ရောင်းဝယ်ခဲ့ကြောင်းနှင့် အလားတူ ထိန်းချုပ်ဓာတုပစ္စည်းများ တစ်ဘက်နိုင်ငံမှ တရားမဝင်တင်သွင်းခဲ့ကြသည့် မူးယစ်မှောင်ခိုဂိုဏ်းအဖွဲ့ဝင်(၂၁)ဦးအား ဖော်ထုတ်နိုင်ခဲ့၍ ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား စစ်ဆေးဖော်ထုတ်လျက်ရှိကြောင်းနှင့် ၎င်းတို့ မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူနိုင်ရေး ဆောင်ရွက်လျက်ရှိကြောင်း CCDAC MYANMAR မှ ဖော်ပြအပ်ပါသည်။

Zalen

တီးတိန်မြို့နယ်မှာ ထောပတ်သီးနဲ့မျောက်ငိုသီးကို စတင် ဝယ်ယူလာကြ

နိုဝင်ဘာလ ၂၁ ရက်။

ချင်းပြည်နယ် တီးတိန်မြို့နယ် အနောက်
ဘက်ခြမ်း ဒေသတွေမှာ နှစ်ရှည်ပင် အသီးများဖြစ်တဲ့ ထောပတ်သီး နှင့် မျောက်ငိုသီးများ ဈေးကောင်း မရသေးသော်လည်း ဝယ်လက်များမှ စတင် ဝယ်ယူနေပြီလို့ ဒေသခံများ ဆီကနေ သိရှိရပါတယ်။

" ထောပတ်သီး တအိတ်ကို ၆ သောင်း လောက်နဲ့ စုဆောင်း ဝယ်ယူ နေကြပါတယ်။ အရင်နှစ် ကလည်း အဲလောက် နဲ့ပဲ ဝယ်ကြတာ ဆိုတော့ ငွေကြေး ဖောင်းပွနှုန်း နဲ့ဆို ကျတယ် လို့ ပြော လို့ရတယ်။ မျောက်ငို ကတော့ နည်းနည်း နုသေးတယ်။ လက်ရှိမှာ တထောင့်ကို ကျပ် ၁၀၀ နဲ့ ဝယ်ကြတယ်။ အရင်နှစ် ကဆို ရာသီ အစမှာ ကျပ် ၂၀၀ နဲ့ ဝယ်ကြတယ်။ လောလော ဆယ်တော့ တောင်သူ အများစု က မရောင်းသေးဘဲ ဈေး နည်းနည်း ထပ်တက်မယ့် အချိန်ကို စောင့်ကြတာ များတယ်" လို့ ဒေသခံ ၁ ဦးက Chin World Media ကိုပြောပြပါတယ်။

ထောပတ် တစ်အိတ်ဟာ အနည်းဆုံး ပိဿာ ၄၀ လောက် ရှိမည်ဖြစ်ကြောင်း၊ ယင်း အိတ်မျိုးထဲမှာ အနည်းဆုံး ထောပတ်သီးအလုံး ၁၂၀ ခန့် ရှိကြောင်း၊ ယင်းနှုန်း နဲ့ တွက်ရင် ထောပတ်သီး တစ်လုံး သည် ၅၀၀ ကျပ် ခန့် ရှိကြောင်း သိရှိရ ပါတယ်။

"ဝယ်လက်တွေက မျောက်ငို နှင့် ထောပတ်ကို လတ်တလောမှာ မီဇိုရမ်ကို အဓိက တင်ပို့တာပါ။ မနှစ်ကတော့ မဏိပူရ် ဘက်လည်း တင်ပို့ နိုင်တော့ နည်းနည်း ဈေးရတာ လို့ ထင်တယ်။ မဏိပူရ် ပြည်နယ်ဘက် ပို့နိုင်ရင် ဈေး တက်မယ် လို့ မျှော်လင့် ပါတယ်" လို့ ဒေသနေ တောင်သူ တစ်ဦး မှ သုံးသပ် ခဲ့ပါတယ်။

တီးတိန်မြို့ အရှေ့ဘက်ရှိ တောင်သူ တစ်ဦး ကတော့ "ဒီဘက်မှာတော့ ဝယ်ယူ တာမျိုး သိပ် မရှိသေးဘူး။ ထောပတ်တော့ ဒီနှစ် အတော် သီးတယ်။ ဈေးကွက် ကိုတော့ လက်ရှိ အခြေအနေ မှာ သိပ် မမျှော်လင့်ရဲဘူး" လို့ Chin World Media ကို ပြောပါတယ်။

ဒေသ အတွင်း စစ်ရေး လှုပ်ရှားမှုများ ကြောင့် ၂၀၂၄ ခုနှစ် အတွင်း တီးတိန်မြို့နယ်ရှိ စိုက်ပျိုးရေး ထွက်ကုန် အတော် များများ ဟာ ဈေးကွက် ပျောက်နေတယ် လို့လည်း သိရှိခဲ့ရပါတယ်။

Chin world

စက်သုံးဆီကန့်သတ်တော့မယ်ဆိုတဲ့ သတင်းတွေကြောင့် ကလေးမြို့နဲ့ခိုင်ကမ်းမြို့မှာ စက်သုံးဆီအလုအယက်ဝယ်ကြလို့ စက်သုံးဆီဈေးတက်

နိုဝင်ဘာလ ၂၀ ရက်။

စစ်ကောင်စီက စက်သုံးဆီတွေ ခွဲတမ်းမချပေးတော့ဘူးဆိုတဲ့ သတင်းတွေကြောင့် စစ်ကိုင်းတိုင်းဒေသကြီး ကလေးမြို့နဲ့ ချင်းပြည်နယ် ခိုင်ကမ်းမြို့မှာ ဓာတ်ဆီဈေးတွေ တက်ကုန်တယ်လို့ ခိုင်ကမ်းမြို့ဒေသခံတစ်ဦးကပြောပါတယ်။

ချင်းပြည်နယ်၊ ခိုင်ကမ်းမြို့ဒေသခံတစ်ဦးပြောတာက “လူတွေက ကောလဟာလကို အရမ်းယုံချင်ကြလို့၊ ဝယ်လို့ရပါတယ်။ မလိုအပ်ဘဲလျှောက်ဝယ်လို့  ဓာတ်ဆီရောင်းတဲ့သူတွေ တစ်လရောင်းရမယ့် ဓာတ်ဆီတွေ တစ်ရက်၊နှစ်ရက်တွင်း ကုန်သွားတာဘဲ အဖက်တင်သွားတယ်၊ ဈေးတက်သွားတာဘဲ အဖက်တင်တယ်ပေါ့ ဘယ်သူမှ မလိုအပ်ဘဲ မဝယ်ရင် ဘာမှ မဖြစ်ပါဘူး” လို့ပြောပါတယ်။

စစ်သုံးဆီတင်သွင်း သိုလှောင် ဖြန့်ဖြူးခြင်းလုပ်ငန်းတွေကို တိုင်းဒေသကြီးနဲ့ ပြည်နယ်အလိုက် စက်သုံးဆီအရောင်းဆိုင်တွေမှာ  သတ်မှတ်ဈေးနှုန်းနဲ့ ရောင်းချပေး လျက်ရှိတဲ့အကြောင်း စစ်ကောင်စီသတင်းဌာန MRTV က ဒီကနေ့ နိုဝင်ဘာလ ၂၀ ရက်နေ့မှာ ထုတ်ပြန်ထားပါတယ်။

chin world media

မင်းတပ်မြို့ပေါ်ကိုစစ်ကောင်စီကဂျက်ဖိုက်တာဖြင့်လေကြောင်းတိုက်ခိုက်
==============

၁၉၊နို၀င်ဘာ၊၂၀၂၄
Zalen

မင်းတပ်မြို့ပေါ်ကိုစစ်ကောင်စီတပ်က ဒီကနေ့ နို၀င်ဘာလ ၁၉ ရက်နေ့  မနက်ပိုင်း ၁၀ နာရီ ၃၈ မိနစ်မှာ လေကြောင်းတိုက်ခိုက်မှုပြုလုပ်ခဲ့တယ်လို့သတင်းရရှိပါတယ်။

အဆိုပါလေကြောင်းတိုက်ခိုက်မှုမှာ စစ်ကောင် စီက ဂျက်ဖိုက်တာနဲ့ပေါင် ၅၀၀ အားရှိတဲ့ဗုံးသီး နှစ်လုံးကိုအသုံးပြုပြီး တိုက်ခိုက်ခဲ့တာလို့သိရပါတယ်။

လေကြောင်းတိုက်ခိုက်မှုနဲ့ပတ်သက်လို့ဒေသခံတစ်ဦးက" အသံကအကျယ်ကြီးပဲ။ကျွန်မတို့ရွာနားကြဲသလိုကြားရတာ။မြို့ထဲကြဲတာလို့ပြောကြတယ်" လို့ Zalen ကိုပြောပါတယ်။

အဲဒီလေကြောင်းတိုက်ခိုက်မှုကြောင့် ထိခိုက်ပျက်စီးမှုတွေရှိနိုင်ပေမယ့်အသေးစိတ်မသိရသေးသလို ဖုန်းလိုင်းပြတ်တောက်မှုတွေရှိနေတယ်လို့ဆိုပါတယ်။

ပြီးခဲ့တဲ့နို၀င်ဘာလ ၁၇ ရက်နေ့ကလည်း မင်းတပ်မြို့ပေါ်နေရာအနှံ့ကို ကင်းထောက်ဗုံးကြဲ
ထောက်ပို့ Y-12 နဲ့ နှစ်ကြိမ်၊ဂျက်ဖိုက်တာဖြင့်တစ်ကြိမ် တိုက်ခိုက်ခဲ့ပါတယ်။



သတင်း  -  မိုးပီအောင်
Photo- Crd

စစ်ကောင်စီက ချင်းပြည်နယ်ကမြို့အားလုံးကို စက်သုံးဆီခွဲတမ်းလုံးဝချမပေးတော့ဘူးလို့ သိရ

နိုဝင်ဘာလ ၁၈ ရက်။

စစ်ကောင်စီက သတ်မှတ်လိုက်တဲ့  စက်သုံးဆီခွဲတမ်း လုံးဝ ချမပေးတော့မယ့်ပြည်နယ်နှင့် မြို့နယ်တွေထဲမှာချင်းပြည်နယ်ကမြို့နယ်အားလုံးပါဝင်ပြီး စက်သုံးဆီခွဲတမ်းချမပေးတော့ဘူးလို့ စစ်ကောင်စီလက်အောက်ခံ စွမ်းအင်ဝန်ကြီးဌာနက  မြန်မာနိုင်ငံစက်သုံးဆီ လုပ်ငန်းရှင်များအသင်းထံကို  နိုဝင်ဘာလ ၁၇ ရက်နေ့က အသိပေးလာတယ်လို့ သိရပါတယ်။

ပိတ်ပင်ထားတဲ့ နယ်မြေတွေမှာသက်ဆိုင်ရာ စစ်တပ်နဲ့ရုံးဌာနတွေအတွက် စက်သုံးဆီကို အထူးကိစ္စရပ်အဖြစ် ခွင့်ပြုသွားမှာ ဖြစ်တယ်လို့ သိရပါတယ်။

ဟားခါးမြို့ခံတစ်ဦးကလက်ရှိအခြေအနေနဲ့ပတ်သက်ပြီး“ စက်သုံးဆီက ရတယ် ဈေးကြီးတာဘဲ ရှိတယ် ပိတ်ခဲ့ရင်လည်း ချက်ခြင်းတော့ မဖြစ်လောက်သေးပါဘူး”  လို့ပြောပြပါတယ်။

Chin World Media

CNA/F ဦးဆောင်သော Chinland Council က ချင်းပြည်နယ် ဒေသတချို့တွင် အခွန်ကောက် စတင်၊
နိုဝင်ဘာလ ၁၆/၂၀၂၄

ချင်းပြည်နယ် ဟားခါးမြို့နယ် တချို့ , ထန်တလန်မြို့နယ် နှင့် တွန်းဇံမြို့ပေါ်တွင် CNA/F ဦးဆောင်သော Chinland Council က အခွန်ကောက်ခံနေကြောင်း ဒေသခံများမှတဆင့် သိရသည်။

CNA/F ရဲ့အခွန်ကောက်ဆိုင်ရာ စည်းမျဉ်းစည်းကမ်းများ၊ အရ ကုန်ပစ္စည်းများအပေါ်တွင် ရာခိုင်နှုန်းဖြင့် အခွန်ကောက်ခံခြင်း စတင်အသုံးပြုလာ သောကြောင်း ပြည်သူလူထုများ အခက်အခဲ ကြုံတွေ့ရတယ်၊ ကုန်ဈေးနှုန်းက အဆမတန် ဈေးကြီးလာပါတယ်ဟုလဲပြောပြသည်။

အခုလို ပြည်သူလူထု ခက်ခဲတဲ့အချိန်မှာ အမတန် အခွန်ကောက်ခံသောကြောင်း ကုန်ဈေးနှုန်း ထိုးတက်လာတာ ဖြစ်တယ်ဟု လဲပြောပြသည်။
ချင်းပြည်နယ် စီးပွားရေး လမ်းကြောင်းအားလုံး ကို စိုးမိုးနိုင်ရန် ချင်းပြည်နယ် လက်နက်ကိုင် အချင်းချင်း ပဋိပက္ခ ဖြစ်လာခြင်းလဲဖြစ်သည်။

V.O.H

တောင်ယာစပါး ရိတ်သိမ်းခြင်းနေကြတဲ့ အိန္ဒိယ-မြန်မာနယ်စပ်က စစ်ဘေးရှောင်မျာမြင်ကွင်း

အိန္ဒိယ-မြန်မာနယ်စပ် တစ်နေရာမှာ မြန်မာစစ်ဘေးရှောင်တွေ ရရာအလုပ် တောင်ယာလုပ်ငန်း လုပ်ကိုင်ကြပြီး ဝမ်းစာရှာဖွေကြရတာဖြစ်ပါတယ်။ အခုကာလမှာ စပါရိတ်၊ စပါးခြွေရတဲ့ကာလဖြစ်ပါတယ်။ ဝမ်းစာလို့အပ်ချက်ကြောင့် လုပ်နေကြရပေမယ့် ကိုယ်ရပ်ကိုယ့်ရွာလောက် မပျော်ရဘူးလို့ စစ်ဘေးရှောင်များက ပြောပါတယ်။

၁၄-၁၁-၂၀၂၄

Credit to original uploader copyright infringement intended.We do not own texts and photos.For News and Entertainment purpose and we are just reupload.All the contents in texts and photos belong to the rightfull the Owner.No Copyright Infringement!

ကလေးမြို့မှာ ဆေးဝါးတင်သွင်းတာကိုကန့်သတ်ထိန်းချုပ်ထားတာကြောင့် ဆေးဝါးတွေရှားပါးပြီး ဈေးနှုန်းမြင့်တက်နေ

နိုဝင်ဘာလ ၁၄ ရက်။

စစ်ကိုင်းတိုင်း ကလေးမြို့မှာ ဆေးဝါးသယ်ယူတင်သွင်းတာတွေကို စစ်ကောင်စီက ကန့်သတ်ထိန်းချုပ်ထားတာကြောင့် ဆေးဝါးတွေရှားပါးလာပြီး ဈေးနှုန်းလည်း နှစ်ဆ သုံးဆ မြင့်တက်ကုန်တယ်လို့ ဒေသခံတွေဆီကနေ သိရပါတယ်။

ကလေးမြို့ဒေသခံတစ်ဦးက “ဆေးဝါးတွေက အရမ်းဈေးကြီးတယ် စစ်ကောင်စီကလည်း ဆေးဝါးတင်သွင်းတဲ့ဟာတွေကို ဆေးဝါးသယ်တဲ့ကားတွေကို ဖမ်းတာမျိုးရှိတော့  တချို့ကားသမားတွေကလည်း မသယ်ရဲကြဘူး  pdf ကို ထောက်ပို့မှာ ဆိုတဲ့ပုံစံမျိုးနဲ့ဆိုတော့  ဆေးဝါးတွေကတော့ ရှားလည်းရှားတယ် ဈေးလည်းကြီးတယ်ပေါ့ နှစ်ဆသုံးဆ ဈေးတက်တာ   တခြားကုန်ပစ္စည်းတွေလည်း ဈေးကြီးကုန်ပေမယ့် ဆေးဝါးတွေက ဈေးလည်းကြီး ရှားလည်း ရှားပါးလာတယ် ကားသမားတိုင်းကလည်း မသယ်ရဲကြဘူးဆိုတော့သယ်တဲ့လိုင်းတစ်လိုင်းလောက်ဘဲရှိတယ် ကားသမားတိုင်းက ဆေးဝါးမသယ်ရဲကြဘူး” လို့ပြောပါတယ်။

Chin world Media

မန္တလေးမြို့ တည်းခိုခန်းတစ်ခုမှာ တမူးမြို့သူ နှိပ်စက်အသတ်ခံရ
=============
၁၄၊ နိုဝင်ဘာ  ၂၀၂၄
Zalen

မန္တလေးတိုင်း၊ မန္တလေးမြို့၊ ၃၆လမ်း၊ ၇၀-၇၁ လမ်းကြားရှိ တည်းခိုခန်း တစ်ခုမှာ စစ်ကိုင်းတိုင်း၊ တမူး မြို့မ (၁၄) ချောင်းနက်ကြီးရပ်ကွက်ဇာတိ မကင်ကင်း (၂၇ နှစ်) ဟာ နိုဝင်ဘာ ၁၁ ရက်နေ့ ညနေက မတရား နှိပ်စက် သတ်ဖြတ်ခံရတယ်လို့ သိရပါတယ်။

နိုဝင်ဘာ ၁၁ ရက်နေ့ညနေ (၄) နာရီခန့်က အမျိုးသားတစ်ဦးနဲ့ ခေတ္တ တည်းခိုဖို့ လာရောက်တာဖြစ်ပြီး ည(၈) နာရီလောက်မှာ အမျိုးသား တစ်ဦးသာ တည်းခိုခန်းပေါ်ကနေ ပြန်ဆင်းလာပြီး တစ်ညလုံးတည်း ခိုမယ်လို့ပြောကာ ထွက်ခွာသွားတယ်လို့ ဝန်ထမ်းတစ်ဦးထံမှ သိရပါတယ်။

၎င်းအမျိုးသား ညနက်ထိပြန်မလာတာကြောင့် တည်းခိုခန်း ဝန်ထမ်းများက အပေါ်ထပ်အခန်းကို သွားရောက်ကြည့်ရှုကြရာ အမျိုးသမီး မျက်နှာတစ်ခုလုံးဖူးယောင် ဒါဏ်ရာနဲ့ မေးရိုးပြုတ်ထွက်လျက် သေဆုံးနေသည်ကိုတွေ့ရတယ်လို့သိရပါတယ်။ သူမနဲ့ပါလာတဲ့ ဖုန်း၊ ပိုက်ဆံနဲ့ ၎င်းအမျိုးသမီးရဲ့ ပိုင်ဆိုင်မှု အားလုံးလုယူသွားတယ်လို့လည်းသိရပါတယ်။

အဆိုပါတည်းခိုခန်းမှာ CCTV တပ်ဆင်ထားသော်လည်း ပြုတ်သိမ်းထားတဲ့ ပုံစံအနေထားတွေ့ရပြီး ရဲစခန်းဘက်ကလည်း တာဝန်ယူလိုမှုမရှိဘဲ အမှုဖွင့်စေလိုတဲ့ ပုံစံမတွေ့ရဘူးလို့ မျက်မြင်တစ်ဦးက ပြောပါတယ်။

"အမျိုးသမီး အကြမ်းဖက်မှုပပျောက်ရေး အဖွဲ့က တရားမျှတမှုရရှိစေရန် လုပ်ဆောင်သင့်တယ်။ ဒီပြင် သေဆုံးသွားတဲ့ အမျိုးသမီး မိဘ‌တွေရဲ့ သဘောထားကိုမေးမြန်းပြီး တရားမျှတမှု ရရှိစေရေးနဲ့ လူသတ်တရာခံကို အမြန်ဆုံးဖမ်းဆီးနိုင်ရန် ဆောင်ရွက်သွားမယ်" လို့ အမျိုးသမီးအခွင့်ရေး လှုပ်ရှားသူတစ်ဦးက ပြောပါတယ်။

သေဆုံးသွားတဲ့ အမျိုးသမီးရဲ့ အလောင်းကို ယနေ့ မန္တလေးမြို့မှာ သင်္ဂြိုဟ်သွားမယ်လို့ မိသားစုနဲ့ နီးစပ်သူထံမှ သိရပါတယ်။

သတင်း - စနေသား

ဟားခါးမြို့မှာ စစ်မှုထမ်းဖို့ခေါ်တာမလုပ်ဘူးလို့ ဒေသခံလုပ်ငန်းရှင်တွေကို စစ်ကောင်စီခန့်ပြည်နယ်အစိုးဖွဲ့တာဝန်ရှိသူက နှုတ်ကတိပေးထားတယ်လို့သိရ

နိုဝင်ဘာလ ၁၃ ရက်။

ချင်းပြည်နယ်မြို့တော်ဟားခါးမြို့မှာ စစ်မှုထမ်းဖို့ခေါ်တာတွေ မလုပ်ဘူးလို့ စစ်ကောင်စီခန့် ပြည်နယ်အစိုးရတာဝန်ရှိသူတစ်ဦးက အသေးစားစက်မှုလက်မှုလုပ်ငန်းရှင်တွေကိုခေါ်ပြီးလုပ်တဲ့ အစည်းအဝေးမှာ နှုတ်ကတိပေးပြောတယ်လို့ ဟားခါးမြို့ဒေသခံတစ်ဦးဆီကနေ သိရပါတယ်။

ပြီးခဲ့တဲ့ ဖေဖော်ဝါရီလ ၁၀ ရက်နေ့ကစလို့ အသက်သွင်းလိုက်တဲ့ ပြည်သူ့စစ်မှုထမ်းဥပဒေကြောင့် ချင်းပြည်နယ်က ဒေသခံလူငယ်အများစုဟာ ဘေးလွတ်ရာကို ထွက်ပြေးတိမ်းရှောင်ကြတာတွေကြောင့် အလုပ်သမားလူဦးရေမရှိတာ စတဲ့ပြဿနာအခက်ခဲတွေကြောင့် စစ်ကောင်စီခန့်ပြည်နယ်အစိုးရတာဝန်ရှိသူက အခုလိုပြောတာလို့လည်း ဟားခါးမြို့ဒေသခံတစ်ဦးဆီကနေ သိရပါတယ်။

Chin World Media

စစ်ရေးအခြေအနေအရ ဖလမ်းမြို့တွင်းကိုယာဉ်ကြီး၊ ယာဉ်ငယ်အားလုံး ဖြတ်သန်းသွားလာခွင့် တားမြစ်ထားကြောင်း အသိပေးထုတ်ပြန်

နိုဝင်ဘာလ ၁၃ ရက်။

လက်တလောဖြစ်နေတဲ့ စစ်ရေးအခြေအနေအရ ချင်းပြည်နယ် ဖလမ်းမြို့အတွင်း ယာဉ်ကြီး/ ယာဉ်ငယ်အားလုံး ဖြတ်သန်းသွားလာခြင်းမပြုဖို့ Falam Regional Committee က တားမြစ်တယ်လို့ ဒီကနေ့ နိုဝင်ဘာလာ ၁၃ ရက်နေ့မှာ အသိပေးထားပါတယ်။

လက်ရှိဖလမ်းမြို့မှာ စစ်ကောင်စီတပ်ဖွဲ့နဲ့ ချင်းအမျိုးသားကာကွယ်ရေးတပ်ဖွဲ့ (CNDF) အကြား တိုက်ပွဲတွေ အပြင်းအထန်ဖြစ်ပွားလျက် ရှိနေတာကြောင့်ဖြစ်ပြီး  ဖြတ်သန်းသွားလာ အသုံးပြုခွင့်ကိုလည်း ပြန်လည်အသိပေး ထုတ်ပြန်ပေးမယ်လို့ Falam Regional Committee က ထုတ်ပြန်ထားပါတယ်။

ချင်းညီနောင်အဖွဲ့က ဖော်ဆောင်လျက်ရှိတဲ့ ချင်းညီနောင်စစ်ဆင်ရေး (Operation CB) ကို ဖလမ်းမြို့နဲ့ မင်းတပ်မြို့မှာ နိုဝင်ဘာလ ၉ ရက်နေ့ကစလို့ မြို့ပေါ်ရှိ စစ်ကောင်စီအခြေပြု စစ်စခန်းတွေအားလုံးကို တစ်ပြိုင်နက်တည်း ထိုးစစ်ဆင်တိုက်ခိုက်နေပြီး လက်ရှိအချိန်ထိ နှစ်ဖက်တိုက်ပွဲ ပြင်းထန်လျက်ရှိတယ်လို့လည်း ချင်းညီနောင်အဖွဲ့က ဒီကနေ့ နိုဝင်ဘာလ ၁၃ ရက်နေ့မှာ ထုတ်ပြန်ထားပါတယ်။

Chin World

ကလိထားတာ

ကလေးမြို့_ဒေသခံမိဘပြည်သူများသိစေရန်

ကလေးမြို့ (အမတ-၃၆၅) မှ
အနောက်တောင်ထောင့်
ချင်းတောင်ပေါ်သို့ ပစ်ခတ်နေသော
Missile လမ်းကြောင်းသည်

228 - စံပြရွာ - တပ်ဦးသီတာရပ်ကွက် - တောင်ဇလပ်ရပ်ကွက် - မွန်ထာရပ်ကွက် - ရှားတောရွာ- စီးစံရွာ အထက်မှဖြတ်သန်းပြီးသွားသောကြောင့် မစ်ဇိုင်း အစအနများ
( 5'9" အရှည်ရှိသော အပြင်ကော်သားပုံစံ
အတွင်းသံပါ)များသည် အများပြည်သူနေထိုင်သော ရပ်ကွက်များအတွင်း လွင့်စင်ပြုတ်ကျလာခြင်းများ
ရှိနိုင်သောကြောင့် မစ်ဇိုင်းပစ်ခတ်ချိန်များတွင်
အမှုမဲ့အမှတ်မဲ့ မနေကြဘဲ အကာအကွယ်ရှိသောနေရာများ၌ နေထိုင်ကြပါရန်။

၂၀၂၄ခုနှစ် နိုဝင်ဘာလ(၁၀)ရက်၊
ညနေ 6:50 -1 ပစ်ခတ်စဉ် တပ်ဦးသီတာရပ်ကွက်
နေအိမ်တစ်အိမ်၏ခြံစည်းရိုးပေါ်သို့
မစ်ဇိုင်းကိုယ်ထည်အပိုင်းများ
နေရာ၂ နေရာ ကျရောက်ခဲ့ပါသည်။

မိဘပြည်သူများအနေဖြင့် သတိလက်လွတ်မနေပဲ
ဖော်ပြပါ ရုပ်သံရှိ လက်နက်ကြီးဘေးအန္တာရာယ်ကြိုတင်ကာကွယ်ရေးလိုက်နာရန်အချက်များ အတိုင်း၊လုပ်ဆောင်၍
ဘေးကင်းကြစေရန် အသိပေးတင်ပြအပ်ပါသည်။

ရုပ်သံမူရင်း - ICRC

#ကလေးမြို့လူထုတိုက်ပွဲဦးဆောင်ကော်မတီ

၂၀၂၁ စစ်အာဏာသိမ်းပြီးနောက် ချင်းဒေသကာကွယ်ရေးတပ်ဖွဲ့နဲ့ စစ်ကောင်စီတပ်ဖွဲ့တွေအကြား ချင်းပြည်တဝန်းမှာ တိုက်ပွဲတွေ ဖြစ်လာခဲ့ပြီးနောက်ပိုင်း စစ်ကိုင်းတိုင်း ကလေးမြို့နဲ့ ချင်းပြည်နယ် တီးတိန်၊ ဖလမ်း၊ဟားခါးမြို့တို့ကို သွားလာတဲ့ ကုန်စည်ယာဉ်တွေနဲ့ ခရီးသည်တင်ယာဉ်လိုင်းတွေက အရင်ကရပ်နားလေ့ရှိကြတဲ့ ထမင်းဆိုင်တို့ စားသောက်ဆိုင်တို့မှာ မရပ်နားကြတော့ပဲအဆင် ပြေသလိုသွားလာပါတော့တယ်၊၂ ဖက် လက်နက်ကိုင်အဖွဲ့ တွေလမ်းပိတ်တဲ့အချိန် တွေဆို လနဲ့ချီပြီး ခရီးသည်မရှိ ကားအသွားအလာမရှိတဲ့အချိန်ကာလ တွေလည်းရှိလာပါတယ်။

ကလေးမြို့ကနေ မိုင် (၂၀) ကျော်ဝန်းကျင်သာဝေးတဲ့ ဟိန်းဇိန်းရွာနဲ့သိုင်းငင်းရွာဟာ စစ်ကိုင်းတိုင်း ကလေးမြို့နဲ့ ချင်းပြည်နယ် တီးတိန်၊ ဖလမ်း၊ ဟားခါးမြို့များနဲ့ ဆက်သွယ်ထားတဲ့ လမ်းပေါ်မှာရှိတဲ့အပြင် အိန္ဒိယ – မြန်မာနယ်စပ် ကုန်သွယ်ရေး လမ်းပေါ်မှာ တည်ရှိတဲ့ တောင်ပေါ်ကျေးရွာလေးတစ်ခုဖြစ်ပါတယ်။

ဟိန်းဇိန်းရွာနဲ့သိုင်းငင်းရွာက စားသောက်ဆိုင်တွေနဲ့ ဒေသထွက်ကုန် ပစ္စည်းတွေရောင်းကြတဲ့သူတွေက ကလေးမြို့နဲ့ ချင်းတောင်ကို သွားတဲ့ ကုန်စည်တင်ပို့သွားလာကြတဲ့ ကားသမားတွေနဲ့ ခရီးသွားဧည့်သည်တွေကို အဓိက အားထားပြီး ဖွင့်ကြတဲ့ ဆိုင်တွေဖြစ်ကြပါတယ်။၂၀၂၁ အာဏာသိမ်းပြီးနောက်မှာ တော့ လက်နက်ကိုင်အင်အားကောင်းလာတဲ့ချင်းပြည်တဝန်းမှာ………ချင်းတောင် ကားလမ်းမကြီးဘေးက စားသောက်ဆိုင် တွေဟာ ရပ်တည်ရှင်သန်နိုင်ရေးအတွက်အခက်အခဲများစွာနဲ့ရုန်းကန်လာရပါတယ်။

ချင်းတောင်လမ်းမဘေးကရွာ ၁ ရွာမှာ ထမင်းဆိုင်ဖွင့်တဲ့ သူတစ်ဦးပြောတာက “အရင်ကပုံမှန်သွားနေတဲ့ ရိဒ်၊ ဖလမ်း၊ တီးတိန်၊ဟားခါးတို့ သွားတဲ့ ကုန်တင်ကားတွေက ပုံမှန်နားတဲ့ ဧည့်သည်ရှိတယ် ဒီတိုင်းကလေးမြို့ကနေ အဖွဲ့လိုက်သွားကြတာရှိတယ် ကိုဗစ်ကြောင့် အဖွဲ့လိုက်သွားတာတွေ မရှိသလောက်ဖြစ်သွားပြီးတော့ ကုန်တင်ကားတို့လောက်ပဲရှိခဲ့တယ် လက်ရှိမှာ ဧည့်သည်မရှိဘူး တိုက်ပွဲတွေကြောင့် ကော်ဖီခြံတို့ မီးရှို့ခံရပြီးနောက်ပိုင်းတော့ မဖြစ်မနေသွားတဲ့ ကုန်တင်ကားတွေလည်း လုံးဝမနားကြတော့ဘူး၊ရာခိုင်နှုန်းနဲ့ပြောရရင်တော့ ၉၀ ရာခိုင်နှုန်းက သူတို့ကိုမှီခိုတဲ့ဟာတွေက လုံးဝအဆင်မပြေ ဖြစ်သွားတယ် မဖြစ်မနေ ကားရေဆေးတဲ့ဟာလောက်ပဲ ကျန်တော့ ကားတွေလည်း မနားကြတော့ဘူး”လို့ပြောပါတယ်။

နေ့စဉ်ဝင်ငွေ သိန်းဂဏန်း ဝင်ငွေရှိခဲ့ကြတဲ့ ချင်းတောင်လမ်းဘေးမှာဖွင့်တဲ့ စားသောက်ဆိုင်၊ ထမင်းဆိုင်တွေက ကိုဗစ် -၁၉ ကပ်ဘေးကြောင့် ဝင်ငွေထိခိုက်ခဲ့ပြီး စစ်ကောင်စီအာဏာသိမ်းပြီးနောက်ပိုင်းမှာ ဒေသအတွင်းဖြစ်ပွားတဲ့ တိုက်ပွဲတွေကြောင့် ၎င်းတို့လုပ်ကိုင်နေကြတဲ့ အလုပ်အကိုင် စီးပွားရေးလုံးဝ ပျက်စီးသွားရပြီး ဝမ်းရေးအတွက် စိုးရိမ်နေရတဲ့ ဘဝတွေအဖြစ်ကို ရောက်ရှိလာပါတယ်။

စစ်ကိုင်းတိုင်း ကလေးမြို့နဲ့ ချင်းပြည်နယ်မြောက်ပိုင်းကို အဓိကသွားလာတဲ့ လမ်းမပေါ်မှာ ကော်ဖီနဲ့စပျစ်ဝိုင်ဆိုင် ဖွင့်ခဲ့တဲ့ ကိုဂျင်ပီးကလည်း သူ့ရဲ့ကော်ဖီနဲ့ စပျစ်ဝိုင်ဆိုင်ကို ၂၀၂၁ ခုနှစ် မေလ ကတည်းက သူရဲ့ဆိုင်ကိုပိတ်ခဲ့ရပါတယ်။

သူများအလုပ်ကို မလုပ်ကိုင်လိုပဲ ကိုယ်ပိုင်အလုပ်အကိုင်ကို လုပ်ကိုင်လိုတဲ့ စစ်ကိုင်းတိုင်း ကလေးမြို့နဲ့ ချင်းပြည်နယ်မြောက်ပိုင်းကို အဓိကသွားလာတဲ့ လမ်းမပေါ်မှာ ကော်ဖီနဲ့စပျစ်ဝိုင်ဆိုင် ဖွင့်တဲ့ ကိုဂျင်ပီးကလည်း အခုတော့ ရရာအလုပ်တစ်ခုခုကို မိသားစုစားဝတ်နေရေးအတွက် လုပ်ကိုင်ဖို့ ပြင်ဆင်နေရပြီလည်းဖြစ်ပါတယ်။

အလုပ်အကိုင်အခွင့်အလမ်းနည်းပါးတဲ့ ချင်းပြည်နယ်လို နေရာမျိုးမှာ စီးပွားရေးလုပ်ငန်း များများစားစားမရှိပါဘူး။ ရှိတဲ့လုပ်ငန်းတွေကိုလည်း နှစ်ကာလကြာရှည်စွာ ပြည်ပထွက် အလုပ်လုပ်ကိုင်ပြီး စုဆောင်းတာလေးတွေနဲ့ပဲ တပိုင်တနိုင် ကိုယ်ပိုင်အလုပ်အကိုင် လုပ်ကြတဲ့သူတွေဖြစ်ပါတယ်။

လက်ရှိဖြစ်ပျက်နေတဲ့ နိုင်ငံရေးကြောင့် တပိုင်တနိုင်ကိုယ်ပိုင်လုပ်ငန်း လုပ်ကြတဲ့သူ အများစုရဲ့ လုပ်ငန်းတွေကလည်း မရှိတော့သလောက်ဖြစ်သွားပါပြီ ကိုယ်ပိုင်လုပ်ငန်း လုပ်ကိုင်ဖို့ မဖြစ်နိုင်တော့တဲ့ဆုံး အများစုက နိုင်ငံခြား ထွက်ကာ သွားရောက်အလုပ်လုပ်ကိုင်ဖို့ ပြင်ဆင်နေကြတာတွေ ရှိကြသလို သွားရောက် အလုပ်လုပ်ကိုင်နေသူတွေလည်း ရှိနေကြပါပြီ။

နိုင်ငံခြားထွက် အလုပ်လုပ်ကြတဲ့ ချင်းလူငယ်အများစုထဲမှာ စင်ကာပူ၊ ဒူဘိုင်း၊ ထိုင်း၊ တရုတ် နိုင်ငံတွေမှာ အမျိုးသမီး အများစုက အိမ်အကူ အလုပ်ကို သွားရောက် လုပ်ကိုင်ကြပြီး၊ ယောက်ကျားလေး အများစုက တော့ထိုင်း၊မ လေးရှား စတဲ့နိုင်ငံမှာ ဆောက်လုပ်ရေးလုပ်ငန်းခွင် အစရှိတဲ့ အလုပ်တွေကို သွားရောက်လုပ်ကိုင် နေကြပါတယ်။

လက်ရှိမှာလည်း ချင်းပြည်နယ်အတွင်း ဒေသကာကွယ်ရေးတပ်တွေနဲ့ စစ်ကောင်စီတပ်ဖွဲ့အကြား တိုက်ပွဲတွေ မကြာခဏဖြစ်ပွားလေ့ရှိတာတွေ စစ်ရေးအရ တင်းမာမှုတွေက ရှိနေတာတွေကြောင့် မလုံခြုံမှူ တွေ ကြောင့် ခရီးသည်မရှိဖြစ် နေတဲ့ချင်းပြည်မှာတပိုင်တနိုင်လုပ်တဲ့ ဈေးဆိုင်တွေ၊ စားသောက်ဆိုင် ထမင်းဆိုင်ပြန်ဖွင့်လာနိုင်ဖို့က ရေရှည်မှာပိုမိုအခက်ခဲအကြပ်အတည်းနဲ့ ရင်ဆိုင်နေရအုန်းမှာဖြစ်ပါတယ်။

ချင်းတောင် ကားလမ်းမကြီးဘေးမှာကော်ဖီနဲ့စပျစ်ဝိုင်ဆိုင် ဖွင့်ခဲ့တဲ့ ကိုဂျင်ပီးက “ ခုတော့အနာဂတ်အတွက်တောင်မှ မမျော်ရဲဘူး လက်ရှိတောင်မှ ရှိတဲ့ဟာလေး တချို့ဟာလေးတွေ ရောင်းပြီးတော့ ပုံမှန်စားသောက်နေရတာ ဘယ်သူမှဒီလိုမမျော်လင့် ခဲ့တော့ တချို့ဟာတွေက မလိုအပ်ပဲ ရင်းနှီးလိုက်သလိုဖြစ်သွားတော့ ရှိတဲ့ဟာလေးရောင်းပြီး စားသောက်နေရတယ်”လို့ပြောပါတယ်။

ကိုဗစ်ကပ်ဘေးကနေစပြီး အထိနာခဲ့တဲ့ ချင်းတောင်လမ်းမဘေးက စားသောက်ဆိုင်တွေဟာ ၂၀၂၁ စစ်အာဏာသိမ်းမှုပြီးနောက် လက်နက်ကိုင်တော်လှန်ရေးအားကောင်းလာတဲ့ ချင်းပြည်နယ်မှာ ပိုပြီးအထိနာခဲ့ရပါတယ်။ ၂၀၂၁ စစ်အာဏာသိမ်းမှုပြီးနောက်မှာ ဧည့်သည်မရှိ တော့တာကြာမြင့်လာလို့ ချင်းတောင်လမ်းမဘေးက စားသောက်ဆိုင်တွေဟာပိတ်ခဲ့ရပါတယ်။ မ မျှော်ထားတဲ့ဧည့်သည်တွေဖျက်ဆီးလို့ စားသောက်ဆိုင်တွေရှိတဲ့ ချင်းရွာတွေဟာမီးလောင်ပြာကျခဲ့ရပါတယ်။

ကလေး-တီးတိန်-ဖလမ်း-ဟားခါး ကိုသွားတဲ့ ချင်းတောင် ကားလမ်းမကြီးဘေးမှာ ၂၀၂၁ စစ်အာဏာမသိမ်းခင်ကတည်ရှိခဲ့ဖူးတဲ့စားသောက်ဆိုင်တွေဟာ အခုတော့ လူတွေသတိမထားမိခင်မှာပဲပျောက်ဆုံးသွားခဲ့ပါပြီ။

Chin World

Credit to original uploader copyright infringement intended.We do not own texts and photos.For News and Entertainment purpose and we are just reupload.All the contents in texts and photos belong to the rightfull the Owner.No Copyright Infringement!

ချင်းတောင် ကားလမ်းမကြီးဘေးက ပျောက်ဆုံးသွားတဲ့ စားသောက်ဆိုင်များ

တီးတိန်မြို့နယ် သိုင်းငင်းရွာဟာ ကုန်သွယ်ရေးနှင့် ခရီးသွားလာရေးအတွက် အချက်အချာကျ ကလေး-ဖလမ်း-ဟားခါးမြို့နှင့် ကလေး-တီးတိန်-ရိခေါဒါရ်မြို့သို့ သွားရာ လမ်းဆုံမှာ တည်ရှိပြီး အရင်က လွန်ခဲ့တဲ့ ၃ နှစ်ဝန်းကျင်အထိ ဈေးဆိုင်တွေ၊စားသောက်ဆိုင်တွေရှိကာ ခရီးသွားဧည့်သည်များနားလေ့ရှိတဲ့ လူသိများတဲ့ ရွာလည်းဖြစ်ပါတယ်။

၂၀၂၁ မြန်မာနိုင်ငံမှာ စစ်အာဏာသိမ်းပြီးနောက်မှာတော့ လက်နက်ကိုင်အင်အားကောင်းလာတဲ့ချင်းပြည်တဝန်းမှာ…ချင်းဒေသကာကွယ်ရေးတပ်ဖွဲ့နဲ့ စစ်ကောင်စီတပ်ဖွဲ့တွေအကြား ချင်းပြည်တဝန်းမှာ တိုက်ပွဲတွေများစွာဖြစ်လာခဲ့ပါတယ်။

ပြီးခဲ့တဲ့ ၂၀၂၄ ခုနှစ် ဇွန် ၁၆ရက်က တီးတိန်မြို့မှ ထွက်ခွာလာသော အင်အား ၁၀၀ ကျော်ရှိစစ်ကောင်စီတပ်ဟာ ဇွန်လ ၁၇ရက်မှာ ကနေဒီတောင်စခန်းကို သိမ်းပိုက်ယူထားတဲ့ PDF Zoland တပ်ဖွဲ့နှင့် တိုက်ပွဲဖြစ်ပွားခဲ့ပြီးနောက် ဇွန်လ ၂၁ ရက်နေ့မှာ သိုင်းငင်းရွာကို ဆက်လက်စစ်ကြောင်း ထိုးခဲ့ကာ စစ်ကောင်စီတပ် ဟာ အိမ်ခြေ ၃၅ အိမ်ရှိတဲ့ သိုင်းငင်းရွာကို ရွာလုံးကျွတ်မီးရှို့ခဲ့တာကြောင့် ဘုရားကျောင်း၊ ဒေါ်ခင်ကြည်ဖောင်ဒေးရှင်းစာသင်ကျောင်း အပါအဝင် ပြည်သူ့နေအိမ် ၂၅ လုံးမီးလောင်ပြာကျပျက်စီးခဲ့ရပြီး လက်နက်ကြီးကြောင့် နေအိမ် ၅ လုံး ပျက်စီးခဲ့ကြောင်း သိုင်းငင်းရွာဒေသခံတွေဆီကသိရပါတယ်။

လွန်ခဲ့တဲ့ ၃ နှစ်ဝန်းကျင်အထိ ဈေးဆိုင်တွေ၊စားသောက်ဆိုင်တွေရှိကာ ခရီးသွားဧည့်သည်များနားလေ့ရှိတဲ့ လူသိများတဲ့ ရွာလေးဖြစ်တဲ့သိုင်းငင်းရွာ လေးဟာ အခုတော့ပြာပုံဘဝကို ရောက်ခဲ့ရပြီဖြစ်ပါတယ်။

……………………………………………….

အလုပ်အကိုင်အခွင့်အလမ်းနည်းပါးလွန်းတဲ့ ချင်းပြည်နယ်လိုနေရာမျိုးမှာ ကိုယ်ပိုင် အလုပ်အကိုင်ဖန်တီးလုပ်ကိုင်နိုင်ဖို့ လူအများစုက နိုင်ငံခြားထွက်ပြီး အချိန်ကာလ ကြာရှည် အလုပ်လုပ်ကိုင်ပြီး ပိုက်ဆံစုကာ မိမိဒေသမှာ မိသားစုစားဝတ်နေရေးအတွက် စီးပွားရေးလုပ်ငန်း တစ်ခုခုကို လုပ်ကိုင်ကြရပါတယ်။

မြန်မာနိုင်ငံမှာ ဒီမိုကရေစီအသွင်ကူးပြောင်းတဲ့ ကာလ (၂၀၁၁-၂၀၂၁)မှာ မြန်မာပြည်၊ချင်းပြည်ကနေ နိုင်ငံခြားသွားအလုပ်လုပ်မလုပ်တော့ပဲ ကိုယ့်နိုင်ငံ၊ ကိုယ့်ဒေသကိုပြန်လာပြီး ဈေးဆိုင်တွေဖွင့် စားသောက်ဆိုင်တွေဖွင့်ပြီး ကိုယ်ပိုင်စီးပွားလုပ်ကိုင်ခဲ့ ကြသူများလာပါတယ်။

၂၀၂၁ မြန်မာနိုင်ငံမှာစစ်အာဏာသိမ်းပြီးနောက်”အခုတော့ ကျနော့်လို အိမ်မက်စိတ်ကူးတွေ ပျက်စီးသွားတဲ့သူတွေ အများကြီးပါ”လို့ စစ်ကိုင်းတိုင်း ကလေးမြို့နဲ့ ချင်းပြည်နယ်မြောက်ပိုင်းကို အဓိကသွားလာတဲ့ လမ်းမပေါ်မှာ ကော်ဖီနဲ့စပျစ်ဝိုင်ဆိုင် ဖွင့်ခဲ့တဲ့ ကိုဂျင်ပီး(နာမည်လွှဲ)ကပြောပါတယ်။

“အရမ်းကြီးသူဌေးမဖြစ်ရင်တောင်မှ ကိုယ့်ရဲ့စားဝတ်နေရေးလည်ပတ်နိုင်ယုံလေးနဲ့ တခြားဟာလုပ်ရင်းနဲ့ဆိုတဲ့ အိမ်မက်လေးတော့ ပျောက်သွားတော့ ကျနော်အတွက်ကတော့ အိမ်မက်တွေပျက်ဆီးသွားတော့ အလုပ်တစ်ခုခုကို ရအောင်ပြန်ရှာမယ် သူများအလုပ်မလုပ်ချင်တဲ့ ဟာကိုလည်း ပြန်လုပ်ရတော့မယ် တချို့တွေလည်း နိုင်ငံခြားမှာ လေး၊ ငါးနှစ်လောက်နေထိုင်ပြီး ဒီမိုကရေစီအသွင်ကူးပြောင်းတဲ့ကာလမှာ တစ်ခုခုလုပ်မယ်ဆိုပြီး စဉ်းစားကြတယ် အခုက ဗြောင်းဆန်ကုန်တော့ နိုင်ငံခြားထွက်မလား ရတဲ့အလုပ်တစ်ခုခုရှာပြီး ဘယ်လို အသက်ရှင်မလဲပေါ့ ပုံစံတွေဖြစ်ကုန်တာပေါ့ မျှော်လင့်ချက် လုံးဝမဲ့သွားတာပေါ့”လို့ကိုဂျင်ပီး(နာမည်လွှဲ)ကပြောပါတယ်။

စစ်ကိုင်းတိုင်း ကလေးမြို့နဲ့ ချင်းပြည်နယ်မြောက်ပိုင်းကို အဓိကသွားလာတဲ့ လမ်းမပေါ်မှာ ကော်ဖီနဲ့စပျစ်ဝိုင်ဆိုင် ဖွင့်တဲ့ ကိုဂျင်ပီး(နာမည်လွှဲ)ဟာ လူထုဗဟိုပြုစီမံကိန်း တစ်နိုင်ငံလုံးအတိုင်းတာနဲ့ ကမ္ဘာ့ဘဏ်ချိတ်ဆက်တဲ့ နေရာမှာ နည်းပညာအကြံပေးလုပ်ကိုင်ခဲ့ရာကနေ ကိုယ်ပိုင်လုပ်ငန်း လုပ်ကိုင်လိုပြီး မိသားစုနဲ့ အေးအေးချမ်းချမ်းနေထိုင်သွားလိုတဲ့ အပြင် ကိုယ့်ဒေသမှာရှိတဲ့ အရာတွေကို ဖွံ့ဖြိုးတိုးတက်စေလိုတဲ့ ရည်ရွယ်ချက်နဲ့ ကိုယ်ပိုင်အလုပ်လုပ်ကိုင်နေတဲ့ လူလတ်ပိုင်းအရွယ် ရှိသူတစ်ဦးဖြစ်ပါတယ်။

ကော်ဖီနဲ့စပျစ်ဝိုင်ဆိုင် ဖွင့်တဲ့ ကိုဂျင်ပီးက “ကိုယ့်မြေကိုယ့်ဒေသမှာ ကိုယ့်ရဲ့ပတ်ဝန်းကျင်မှာ ကိုယ်ပိုင်စီးပွားရေးလုပ်ပြီးတော့ လူငယ်တွေကို ဘယ်လိုသင်တန်းပေးမလဲ ဆိုင်ဖွင့်ရင်းနဲ့ တဘက်မှာ လူငယ်တွေအတွက် စာအုပ်တွေထားပြီးတော့ လူငယ်တွေအတွက် လိုအပ်တဲ့ NGO တွေနဲ့ ချိတ်ဆက်ပြီးတော့ သင်တန်းဆရာကို အခကြေးပေးစရာမလိုပဲနဲ့ ခေါ်လို့ရတဲ့ ဟာမျိုးကိုခေါ်ပြီးတော့ လူငယ်တွေအတွက် ဖွံ့ဖြိုးရေးလုပ်ငန်းတို့ ကော်ဖီစိုက်ပျိုးရေးသင်တန်းတို့ အဲလိုမျိုးပေးဖို့ မျော်လင့်တာပေါ့ ဆွီဇလန်က အမျိုးသမီးတစ်ယောက်ရှိတယ် ကော်ဖီလုပ်တဲ့သူပေါ့ သူ့ကိုလည်း သင်တန်းပို့ချဖို့ ကိစ္စတွေ ကော်ဖီစိုက်ပျိုးရေး နည်းပညာသင်တန်း ဒေသလူငယ်တွေ သူတို့ဘာသာ လုပ်တတ်အောင် ပြည်မဈေးကွက်ကို ထိုးဖောက်မယ် ဒီမှာခရီးသွားတွေ လာမိတ်ဆက် ရင်း City Mark တို့အထိ တင်လို့ရင်အောင် နောက်ပြီး နိုင်ငံခြားတို့အထိ တင်ပို့နိုင်အောင် လိုအပ်ရင် သင်တန်းပေးမယ် ကိုယ်တိုင်လည်းလုပ်ရင်း သူတို့ကိုလည်း သင်ပေးရင်း အဲလိုစိတ်ကူးထားခဲ့တာပေါ့”လို့ပြောပါတယ်။

လျှပ်စစ်မီးက ညနေပိုင်းတောင်မသေချာတာမို့ ညကျမှရကြမယ်ထင်တယ်

Jhon Smit

ဖလမ်းမြို့တွင်းမှာ တိုက်ပွဲတွေဆက်လက်ပြင်းထန်နေတယ်လို့ သိရ

နိုဝင်ဘာလ ၁၁ ရက်။

ချင်းပြည်နယ်၊ ဖလမ်းမြို့မှာ နိုဝင်ဘာလ ၈ ရက်နေ့ကစလို့ ဒီကနေ့ နိုဝင်ဘာလ ၁၁ ရက်နေ့အထိ စစ်ကောင်စီတပ်ဖွဲ့နဲ့ ချင်းအမျိုးသားကာကွယ်ရေတပ်ဖွဲ့(CNOCNDF )အကြားတိုက်ပွဲတွေ ဆက်လက်ပြီးပြင်းထန်စွာ ဖြစ်ပွားနေတယ်လို့ စစ်ရေးအခြေအနေ သိရှိတဲ့ ဒေသခံတစ်ဦးကပြောပါတယ်။

စစ်ရေးအခြေအနေ သိရှိတဲ့ဒေသခံတစ်ဦးပြောတာက “ လက်ရှိမြို့တွင်း တိုက်ပွဲတွေပြင်းထန်နေတယ်။ ခလရ ၂၆၈ ကို မရသေးဘူး တိုက်ပွဲတွေ ဆက်လက်ဖြစ်နေတဲ့ အခြေအနေမှာရှိတယ်။ နောက်ပြီး မြို့တွင်းမှာ ကျန်တဲ့ဟာတွေလည်း မရှိတော့ပါဘူး” လို့ပြောပါတယ်။

ဖလမ်းမြို့မှာအောက်တိုဘာ
လ ၂၅ ရက်နေ့ကစလို့ ပစ်ခတ်တိုက်ခိုက်မှု မကြာခဏဖြစ်ခဲ့ပြီးနောက် နိုဝင်ဘာလ ၈ ရက်နေ့ကစလို့ ဖလမ်းမြို့အခြေစိုက် စစ်ကောင်စီတပ်ဖွဲ့ရဲ့ ခလရ ၂၆၈ တပ်ရင်းကို ချင်းညီနောင်တပ်ဖွဲ့ဝင်ဖြစ်တဲ့ ချင်းအမျိုးသားအဖွဲ့ချုပ်(CNO/CNDF)နဲ့ မဟာမိတ်တပ်ဖွဲ့တွေက ပူးပေါင်းတိုက်ခိုက်နေတယ်လို့ သိရပြီး စစ်ကောင်စီကဘက်ကလည်းအပြင်းအထန် ခုခံနေတယ်လို့လည်း သိရပါတယ်။

Chin World

ချင်း အပါအ၀င် နိုင်ငံတဝန်း မိုးရွာသွန်းမှုတွေ ဆက်ရှိနိုင်ကြောင်း မိုးဇလ ပြော
=======
၉၊ နို၀င်ဘာ၊ ၂၀၂၄
Zalen

တောင်တရုတ်ပင်လယ်ပြင်မှာဖြစ်ပေါ်နေတဲ့ တိုင်ဖွန်းမုန်တိုင်း ရင်ရှင်း (YINXING) ရဲ့အရှိန်ကြောင့် နိုင်ငံတဝန်း မိုးဆက်ရွာနိုင်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ထုတ်ပြန်ပါတယ်။

တိုင်ဖွန်းမုန်တိုင်း ရင်ရှင်းဟာ အနောက်ဘက်ကို ရွေ့လျားနိုင်တယ်လို့ မိုးဇလက ခန့်မှန်းထားပါတယ်။

ကပ္ပလီပင်လယ်ပြင်နဲ့ ဘင်္ဂလားပင်လယ်အော်က လေဖိအားနည်း ရပ်၀န်းကြောင့် နိုဝင်ဘာလ ၇ ရက်နေ့ကစလို့ နိုင်ငံတစ်ဝန်း မိုးရွာသွန်းခဲ့တာဖြစ်ပြီး ဒီနေ့ ကနေ နိုဝင်ဘာလ ၁၀ ရက်နေ့ကအထိ မိုးဆက်ရွာသွန်းနိုင်တယ်လို့ ဆိုပါတယ်။

ချင်းပြည်နယ်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်း၊ ရှမ်းပြည်မြောက်ပိုင်းနဲ့ရခိုင်ပြည်နယ်တို့မှာ နေရာကျဲကျဲ၊ စစ်ကိုင်းတိုင်းအထက်ပိုင်းနဲ့ ကချင်ပြည်နယ်တို့မှာ နေရာကွက်ကျား၊ တနင်္သာရီတိုင်းနဲ့ ကရင်ပြည်နယ်တို့မှာ နေရာစိပ်စိပ်နဲ့ ကျန်တိုင်းနဲ့ ပြည်နယ်တို့မှာ နေရာအနှံ့အပြားမိုးရွာသွန်းပြီး ဧရာဝတီတိုင်းမှာတော့ နေရာကွက်မိုးကြီးမယ်လို့ မိုးဇလက ခန့်မှန်းပါတယ်။

နောက်ထပ် ၂ ရက်အထိ နေပြည်တော်၊ ချင်းပြည်နယ်၊ ရှမ်းပြည်နယ်၊ ကယားပြည်နယ်နဲ့ ရခိုင်ပြည်နယ်နဲ့ တနင်္သာရီတိုင်းတို့တို့မှာလည်း နေရာကွက်ကျားကနေ နေရာကျဲကျဲ မိုးထစ်ချုန်းရွာသွန်းနိုင်တယ်လို့လည်း ခန့်မှန်းထားပါတယ်။

ဧရာဝတီတိုင်းနဲ့ တနင်္သာရီတိုင်းတို့မှာမှာ မိုးတိမ်တောင်တွေ ဖြစ်ပေါ်နေပြီး မိုးရွာသွန်းမှု များပြားတာနဲ့ လေပြင်းတိုက်ခတ်တာ၊ မိုးသီးကြွေတာနဲ့ မိုးကြိုးပစ်တာတွေ ဖြစ်လာနိုင်ကြောင်း မိုးဇလက အသိပေးထားပါတယ်။

နေညို

(9.11.2024) ရက် မနက်ဖြန်မှစပြီး ကလေးဝမြို့နှင့်ကျေးရွာအားလုံး ဓာတ်အားပိတ် ဝန်အားလျှော့ရမည့်အစီစဥ်ပါဗျ

-နေ့စဥ် နံနက် 7:00 နာရီမှ နံနက် 10:00နာရီထိ မီးပျက်နေပီး

-ညနေပိုင်း 4:00 နာရီမှ ညနေပိုင်း 6:00 နာရီထိ မီးပျက်နေမှာဖြစ်ပါသည်ဗျ

Zaw Ye Htut

မလေးရှားမှာ ချင်းလူမျိုးများစုနေထိုင်တဲ့ တိုက်ခန်းဝင်စီးခံရပြီး ချင်းလူမျိုး အယောက် ၂၀ အပါအဝင် နိုင်ငံခြားသား အယောက် ၇၀ ကျော် ဖမ်းဆီးခံရ

နိုဝင်ဘာလ ၇ ရက်။

မလေးရှားနိုင်ငံ ကွာလမ်လာပူမြို့၊ ဘူကစ်ဘင်တန်က ချင်းလူမျိုးတွေအများစုနေထိုင်တဲ့ တိုက်ခန်းတစ်ခုကို မလေးရှား လူဝင်မှုကြီးကြပ်ရေးအဖွဲ့ စည်ပင်၊ ရဲ ပူးပေါင်းအဖွဲ့က ဝင်စီးခဲ့ပြီး အထောက်ထားမဲ့ ချင်းလူမျိုး အယောက် ၂၀ ၊ ဗမာလူမျိုး ၁၀ ယောက် အပါအဝင် နိုင်ငံခြားသား အယောက် ၇၀ ကျော် မနေ့နိုဝင်ဘာလ ၆ ရက်နေ့မှာ ဖမ်းဆီးခံခဲ့ရတယ်လို့ သိရပါတယ်။

ဝင်စီးခံရတဲ့ တိုက်ခန်းအတွင်းက  အခန်းအဖွဲ့တွေကိုလည်း မလေးရှားနိုင်ငံ အာဏာပိုင်တွေက မနေ့ကဘဲ ဖျက်ဆီးလိုက်တယ်လို့ ဖြစ်စဉ်သိတဲ့သူတွေပြောပြချက်အရ သိရပါတယ်။

Chin World

ဒကစ Feederနဲ့ တာဟန်း Feeder မနက်စာပိုင်းသစ်ပင်သစ်ကိုင်းရှင်းနေလို့ နေ့ခင်းမှမီးလာမာပါ

Jhon Smit

ပြန်လာသူများလာတာနဲ့အမျှ တီးတိန်မြို့မှာ အိမ်ဖောက်ထွင်းခိုးယူမှု လျော့ကျလာ

နိုဝင်ဘာလ ၆ ရက်။

တီးတိန်မြို့တွင်း တိုက်ပွဲကြောင့် တီးတိန်မြို့ခံပြည်သူများ မြို့ကို စွန့်ခွာစစ်ရှောင်ခဲ့ကြရာ လက်ရှိအချိန်မှာ မြို့ကိုပြန်လာသူများလာတာနဲ့အမျှ အိမ်ဖောက်ထွင်း ခိုးယူမှုများ လျော့ကျ လာတယ် လို့ တီးတိန်မြို့ရှိ လူမှုရေး ခေါင်းဆောင်တစ်ဦး က ပြောပါတယ်။ 

“နေအိမ် မီးလောင်ပြာကျတဲ့ မိသားစု တွေကလွဲရင် အိမ်စောင့်ဖို့ အနည်းဆုံး တစ်အိမ် တစ်ယောက် နီးပါး ပြန်လာ ကြတယ်။ နေအိမ်တွေမှာ လူရှိလာ လို့လည်း ဖြစ်မယ်။ ဖောက်ထွင်းတာ၊ ခိုးယူတာတွေ အရင်လို သိပ် မပြောကြတော့ဘူး။ အဖွဲ့အစည်းတွေဆီ လာတိုင်တာလည်း လျော့လာတယ်။ မရှိတာမျိုးတော့ မဟုတ်ဘူး” လို့ တီးတိန်မြို့ရှိ လူမှုရေး ခေါင်းဆောင်တစ်ဦး ကပြောပါတယ်။


Chin World

မနေ့က နေ့လည်ကတည်းက ဆိုင်ရှေ့မှာ သော့နဲ့တကွ ရှိနေလို့ ပိုင်ရှင်မြင်အောင် share ပေးကြပါအူး

ဆိုင်ကယ်မေ့တဲ့သူ ရှိရင် ဆိုင်မှာ လာယူပေးကြပါ

တည်နေရာ-ကလေးမြို့ လှိုင်သာယာရပ်ကွက်နယ်မြေ(၄)/သာယာနှစ်ခြင်း ဘုရားကျောင်းနားကကုန်စိမ်းဆိုင်မှာပါ

Cing Cing

ဖလမ်းမြို့ပေါ်နေ ဒေသခံပြည်သူအားလုံးနီးပါးဟာ(95%) ဘေးလွတ်ရာကို ထွက်ပြေးတိမ်းရှောင်

လူထိခိုက်သေဆုံးမှုတွေ ရှိလာတဲ့နောက်ပိုင်း ဖလမ်းမြို့ပေါ်နေပြည်သူအားလုံးနီးပါး ဘေးလွတ်ရာထွက်ပြေးတိမ်းရှောင်

နိုဝင်ဘာလ ၁ ရက်။

ချင်းပြည်နယ်၊ ဖလမ်းမြို့တွင်းမှာ နေ့စဉ်ရက်ဆက် ပစ်ခတ်မှုတွေတိုက်ပွဲတွေ ဖြစ်ပြီးတဲ့နောက်ပိုင်း ဖလမ်းမြို့တွင်းမှာ လူထိခိုက်သေဆုံးမှုတွေ ရှိလာတဲ့နောက်ပိုင်း မြို့ပေါ်နေ ဒေသခံပြည်သူအားလုံးနီးပါးဟာ ဘေးလွတ်ရာကို ထွက်ပြေးတိမ်းရှောင်နေကြရတယ်လို့ ဖလမ်းမြို့ဒေသခံတွေဆီကနေ သိရပါတယ်။

ပုံမှန်နေထိုင်သူလူဦးရေ ၁ သောင်းဝန်းကျင်ရှိတဲ့ ဖလမ်းမြို့ပေါ်က ဒေသခံအားလုံးနီးပါးဟာ ဘေးလွတ်ရာတခြားနေရာဒေသတွေကို ထွက်ပြေးတိမ်းရှောင်နေရတာလည်းဖြစ်ပါတယ်။

ဖလမ်းမြို့ဒေသခံတစ်ဦးက “မြို့ပေါ် ဒေသခံအများစု  ၉၅ ရာခိုနှန်းထွက်ပြေးကြတယ်။ အားလုံးနီးပါး ထွက်ပြေးတိမ်းရှောင်တယ်လို့ ပြောလို့ရတယ်။ အခုကျန်ခဲ့တဲ့ အနည်းငယ်ကလည်းနောက်အပတ်လောက်ဆိုရင် အကုန်လုံး ထွက်ပြေးလာကြမှာပါ။ မြို့ထဲနေရာတွေမှာလည်း တော်လှန်ရေးအင်အားစုတွေဘက်ကနေ နေရာယူထားကြတဲ့ အခြေအနေမျိုးလည်း ဖြစ်သွားပြီဆိုတော့” လို့ပြောပါတယ်။

Crd

ဆည်ကြီးတံတားမှာ တနေ့ ၂ ကြိမ်သာဖွင့်ပေးလို့ ကလေးမြို့နယ်ဒေသခံများ သွားလာရပိုမိုခက်ခဲလာ၊ ချောင်းဖြတ်ကူးခ ကျပ် တစ်သောင်းခွဲ အထိ ပေးရ

အောက်တိုဘာလ ၃၁ ရက်။

ကလေးမြို့နယ် အနောက်မြောက်ဘက် လမ်းမကြီးပေါ်ရှိ ဆည်ကြီး ချောင်းကူးတံတား တစ်နေ့ ၂ ကြိမ်သာဖွင့်ပေးလို့ ရက်ကြာလာတာနဲ့ အမျှ ဒေသခံ ပြည်သူများ အနေဖြင့် ကလေးမြို့နှင့် ဆက်သွယ်ရန် အခက်အခဲများစွာ ကြုံတွေ့ရပြီး ချင်းတောင်ခြေရှိ ကွင်းလမ်း အတိုင်း သွားပါက ရေစီးသန်သည့် ဆည်ကြီးချောင်းခေါ် ကွီးလွီးချောင်း ကို ဖြတ်ကူးနိုင်ရန် အတွက် ဆိုင်ကယ် တစ်စီးလျှင် ကျပ် တစ်သောင်းခွဲ ပေးခဲ့ရကြောင်း ဒေသခံများထံမှ သိရှိခဲ့ရ ပါတယ်။

“ဆည်ကြီးတံတားကိုတော့ မနက်ပိုင်း တစ်ကြိမ် ညနေပိုင်း တစ်ကြိမ် လောက် ဖွင့်ပေးတတ်တယ်။ တံတားဖွင့်ပေးမယ့် အချိန်ကို စောင့်တဲ့ လူတန်းကြီးက အမြဲတမ်း နီးပါး ရှည်တယ်။ လူတွေ ထောင်နဲ့ချီပြီး စောင့်ဆိုင်း နေရတယ်။ ဒီရက်ပိုင်းဆို ထမင်းထုပ်ပါ ရောင်းရတဲ့ အထိ ဖြစ်လာတယ်” လို့ လက်ရှိ ကြုံတွေ့ နေရသည့် အခြေအနေကို က လေးမြို့ဒေသခံ တစ်ဦးက ပြောပါတယ်။

Chin World

ကလေးမြို့က ချင်းလူမျိုးတွေ အများစုနေထိုင်တဲ့ တာဟန်းရပ်ကွက်တွေဘက်ကို စစ်ကောင်စီက အင်အားအများအပြားနဲ့ သန်းခေါင်စာရင်းကောက်ယူ

အောက်တိုဘာလ ၃၁ ရက်။

စစ်ကိုင်းတိုင်း ကလေးမြို့အနောက်ဘက်က ချင်းလူမျိုးတွေ အများစုနေထိုင်တဲ့ တာဟန်း၊တောင်ဖီလာ၊တောင်ဇလပ်ရပ်ကွက်တွေဘက်ကို စစ်ကောင်စီက အင်အားအများအပြားနဲ့ သန်းခေါင်စာရင်း ကောက်ယူခဲ့တဲ့ကြောင်း ကလေးမြို့ဒေသခံတွေဆီကနေ သိရပါတယ်။

ကလေးမြို့ဒေသခံတစ်ဦးက
“သန်းခေါင်စာရင်းကောက်တာက  မြို့ပေါ်အရှေ့ပိုင်းတွေပြီးသွားလို့ ဟိုတနေ့က တာဟန်းဘက်ကို အင်အားအများကြီးနဲ့ ရဲတွေလည်းအများကြီးနဲ့ ကောက်တာတွေ့တယ် သွားလာတာတွေ့တယ် မြို့အရှေ့ပိုင်း မင်္ဂလာဥယာဉ်တို့ ညောင်ပင်သာတို့ ပင်လုံ၊ အောင်သစ္စာတို့ အောင်ဇေယျနဲ့ မြို့သာဘက်တွေလည်း ကောာက်တယ်” လို့ပြောပါတယ်။

Chin World

အလုပ်သမားရုံးလမ်းပေါင်းတင်းဆိုင်က ဒီနှစ်ကစလို့ ပေါင်းတင်းရောင်းတဲ့အလုပ်ကနေ
အနားယူတော့မှာတဲ့

Chin Star Season 2 အဆိုပြိုင်ပွဲက ဒိုင်နှစ်ဦးနှုတ်ထွက်

ချင်းလူငယ် ဆလိုင်းလုံထလီသုမ်း ( Salai Lung Thli Tum ) တည်ထောင်တဲ့ Chin Star Season 2 သီချင်းဆိုပြိုင်ပွဲမှာ ဒိုင်လုပ်တဲ့ Cung Awng နဲ့ Phoebe Phoenix တို့က ဒိုင်အဖြစ် ကနေ နှုတ်ထွက်ကြောင်း ကြေညာလာခဲ့ကြပါတယ်။

ဆလိုင်းကျူံးအောင် ကတော့ မနေ့က Chin Star တည်ထောင်သူ Salai Lung Thli Tum က ပြိုင်ပွဲဝင် Samson Khen Tui ကို စည်းကမ်းချိုးဖောက်ခဲ့တယ်လို့ဆိုကာ CCTV မှတ်တမ်းနဲ့တကွ Live လွှင့်ပြီး မေးမြန်းစစ်ဆေး ခဲ့တဲ့ ကိစ္စတွေကြောင့် နှုတ်ထွက်သွားခြင်းဖြစ်ကြောင်း ဖော်ပြထားပါတယ်။

သူက “Chin Star Judge လုပ်ရခြင်းက ကျွန်တော်တို့ချင်းလူငယ် ညီငယ်ညီမငယ် များကို Music မှာ ပိုပြီးအခွင့်လမ်းကောင်း တိုးတက်ပြီး professional ရောက်တဲ့အထိကူညီအကြံပေးနိုင်ဖို့ ကျွန်တော် တတ်နိုင်သလောက် ပါဝင်ခြင်းဖြစ်ပါတယ်။ ဒါပေမယ့်အခုလက်ရှိဖြစ်နေတဲ့ Samson Khen Tui ကိစွကြောင့် အင်မတန်မှဝမ်းနည်း ရှက်ရပါတယ်။ အဲဒါကြောင့်ကျွန်တော့်ကိုယ်ပိုင် ဆန္ဒ ဖြင့်ဒီနေ့ ( 29 October 2024 ) နေ့ကစပြီ Chin Star Judge မှာထွက်ကြောင်းကြေငြာ ပါတယ်ခင်ဗျာ ။” လို့ ၎င်းလူမှုကွန်ယက်စာမျက်နှာတွင် ဖော်ပြပါတယ်။

Phoebe Phoenix က ပြီးခဲ့တဲ့ အောက်တိုဘာလ ၁၃ ရက်ကတည်းက နှုတ်ထွက်သွားပြီဖြစ်ကာ သူနှုတ်ထွက် ခဲ့ရတဲ့အကြောင်းအရင်းကို ဒီကနေ့မှာ ချပြလာပါတယ်။

Phoebe Phoenix ကတော့ Chin Star မှာ ယုံကြည်ချက်ခံယူချက်ကို စော်ကားတာ၊ စည်းကြပ်မှုမရှိတဲ့ အချိန်ဇယား နဲ့ မမျှတတဲ့ ပြိုင်ဆိုင်မှုပုံစံတွေကြောင့် နှုတ်ထွက်သွားတာဖြစ်ကြောင်း သူ့ရဲ့လူမှုကွန်ယက်စာမျက်နှာကနေ ဖော်ပြထားပါတယ်။

ဒါ့အပြင် ပြိုင်ပွဲအကဲဖြတ်ဒိုင်တစ်ဦးအနေဖြင့် ပြိုင်ပွဲဝင်များနဲ့ ဆက်ဆံရန် လေးစားမှုနဲ့ အခွင့်အာဏာ အပြည့်အဝမပေးထားဘူးလို့ဆိုပါတယ်။ ကိုယ်ကဘယ်လောက်ပဲအမှတ်ပေးပေးပြိုင်ပွဲဝင်က ကလေးနှစ်ဦး မိခင် ဒါမှမဟုတ် လိင်တူချစ်သူဖြစ်နေရင်သူတို့ကို ထုတ်ပစ်လိုက်တယ်လို့လည်းဖော်ပြထားပါတယ်။

Chin Star ဟာ ချင်းပြည်နယ် နေရာဒေသအစုံမှာနေထိုင်ကြတဲ့ ချင်းလူငယ် အဆိုဝါသနာရှင်များအတွက် အခွင့်အလမ်းကောင်း ရရှိစေဖို့နဲ့ ချင်းလူမျိုးများ စည်းလုံးနိုင်ဖို့ကိုရည်ရွယ်ပြီးတော့ တည်ထောင်ခဲ့တာ ဖြစ်တယ်လို့ Salai Lungthlitum ကပြောပါတယ်။

ပြီးခဲ့တဲ့ Chin Star Season 1 မှာပြိုင်ပွဲမှာ ဖလမ်းမြို့သူ Mai Van Mal Nei က Winner ဆုရရှိခဲ့ပါတယ်။

Zalen
သတင်း - Grace

Chin Star Season 2 အဆိုပြိုင်ပွဲက ဒိုင်နှစ်ဦးနှုတ်ထွက်

ကလေးမြို့မှာ မိတ္တူကူးစက်ထဲဝှက်သည်လာတဲ့ သိမ်း 4300 တန်ဖိုး ဘိန်းဖြူများဖမ်းမိ

မိတ္တူကူးစက် အဟောင်းများအတွင်း သိုဝှက်ပြီးကလေးမြို့ကိုသယ်ဆောင်ရောင်းဝယ်တဲ့ ငွေကျပ်သိန်း ၄,၃ဝဝ တန်ဖိုးရှိ ဘိန်းဖြူ ၈ ဒသမ ၆ ကီလို ဖမ်းဆီးရမိ

အောက်တိုဘာလ ၂၈ ရက်။

မိတ္တူကူးစက် အဟောင်းများအတွင်း သိုဝှက်ပြီး မန္တလေးမြို့မှကလေးမြို့ကိုသယ်ဆောင်ရောင်းဝယ်တဲ့ ငွေကျပ်သိန်း ၄,၃ဝဝ တန်ဖိုးရှိ ဘိန်းဖြူ ၈ ဒသမ ၆ ကီလို ဖမ်းဆီးရမိကြောင်း စစ်ကောင်စီရဲ့အောက်တိုဘာလ ၂၇ ရက် သတင်းထုတ်ပြန်ချက်အရသိရပါတယ်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာလ ၂၃ ရက်နေ့ ည ၆ နာရီခွဲအချိန် ကလေးမြို့၊ တောင်ဇလပ်ရပ်ကွက်၊ နယ်မြေ(၆)၊ အမှတ်(၉)လမ်းတွင် ရိုဒိန်းလျန်နာ မောင်းနှင်ပြီး မောင်မောင်နိုင်ဝင်း(ခ)မောင်နိုင် လိုက်ပါလာသည့် TOYOTA MARK II မော်တော်ယာဉ်ကို သတင်းအရရှာဖွေရာ ယာဉ်ပေါ်မှ ဆပ်ပြာခွက် ၂၀၀ ခွက်ဖြင့် ထည့်လျက် ဘိန်းဖြူ ၂ ကီလို ဖမ်းဆီးရမိခဲ့ပြီး ကွင်းဆက်စစ်ဆေးဖော်ထုတ်ချက်အရ ည ၈ နာရီခွဲ အချိန် ဘိန်းဖြူများရောင်းချခိုင်းသူမျိုးကိုဦးနှင့် မဆန်ချင်းတိလ်တို့ ၂ ဦးအား ကလေးမြို့၊ တောင်ဇလပ် ရပ်ကွက်၊ နယ်မြေ(၁၀)၊ ဘုရင့်နောင်လမ်းဆုံတွင် ဆပ်ပြာခွက် ၆၆၀ ခွက်ဖြင့်ထည့်လျက် ဘိန်းဖြူ ၆ ဒသမ ၆ ကီလို၊ TOYOTA MARK II

မော်တော်ယာဉ်တစ်စီးနှင့်အတူ ဆက်လက်ဖမ်းဆီးရမိခဲ့သဖြင့် စုစုပေါင်းဒေသကာလတန်ဖိုး ငွေကျပ်သိန်း ၄,၃၀၀ တန်ဖိုးရှိ ဘိန်းဖြူ ၈ ဒသမ ၆ ကီလို သိမ်းဆည်းရမိခဲ့ကြောင်း၊ စစ်ဆေးဖော်ထုတ်ချက်များအရ သိမ်းဆည်းရမိဘိန်းဖြူများအား မန္တလေးမှ ဖိုးကျော် (ခ)ကျော်ကျော် (ခ)မော်သင်းနှင့်ဇနီး မခင်မိုးနွယ်(ခ)မိုးနွယ်တို့၏ အစီအမံဖြင့် မိတ္တူကူးစက် အဟောင်းများအတွင်း သိုဝှက်ပြီး ကလေးမြို့သို့ သယ်ဆောင်ရောင်းဝယ်ခြင်းဖြစ်ကြောင်း သိရှိရသဖြင့် ၎င်းတို့အား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား စစ်ဆေးဖော်ထုတ်လျက်ရှိကြောင်းနှင့် အမှုတွင်ဆက်စပ်ပါဝင်သူများနှင့် ၎င်းတို့ မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူနိုင်ရေး ဆောင်ရွက်လျက်ရှိကြောင်း စစ်ကောင်စီကသတင်းထုတ်ပြန်ထားပါတယ်။

ကလေးမြို့မှာ မိတ္တူကူးစက်ထဲဝှက်သည်လာတဲ့ သိမ်း 4300 တန်ဖိုး ဘိန်းဖြူများဖမ်းမိ

လူပျောက်ကြော်ငြာ

ကလေးမြို့၊ ကြို့သုံးပင်ရပ်ကွက် (မွန်လိုင်)မှာနေထိုင်တဲ့ Ma Zen Khawm Vung ဟာ အောက်တိုဘာ ၂၆ ရက်နေ့လည် ၁၂ နာရီတွင် သဇင်ရပ်ကွက်က ဦးလေးတို့အိမ်သို့အလည်သွားပြီးပြန်လာစဉ် အခုလိုပျောက်ဆုံးခဲ့တာဖြစ်ပါတယ်။

တွေ့ရှိပါက အောက်ပါဖုန်းနံပါတ်တွင် ကျေးဇူးပြု၍ အကြောင်းကြားပေးပါရန် မေတ္တာရပ်ခံအပ်ပါတယ်။

Ph: 09 260607106
: 09 400457404
: 09 257574842

ကလေးမြို့မှာ နှုတ်ခမ်းကွဲ၊ အာခေါင်ကွဲကလေးများ အခမဲ့နီးပါးခွဲစိတ်ပေးမယ်
==================
ကလေးမြို့၊ တာဟန်းရပ်ကွက်၊ ဝယ်စလီ ဆေးရုံတွင် နိုဝင်ဘာလ ၂၃-၂၅ရက်တို့တွင်နှုတ်ခမ်းကွဲ၊အာခေါင်ကွဲကလေးများကိုအခမဲ့နီးပါးခွဲစိတ်ကုသပေးမည်ဖြစ်၍ လူနာ ၅-၆ယောက်ခန့်စာရင်းပေးလို့ရသေးသည်။

ဖုန်း 09980659345 , 09897240052 , 09966697274 , 09266760809 တို့တွင်ဆက်သွယ်၍ စာရင်းပေးပို့နိုင်ပါသည်။

ကလေးမြို့သူ သီချင်းလေးပါ

https://www.facebook.com/share/g/XvMKkL6wHQbzDnZ5/

ကလေးမြို့သတင်းစုံသိရန် ဂရုလေး Join ထားကြပါနော် ကြေညာတွေ စျေးရောင်းပိုစ့်တေ လုံးဝလုံးဝမပါတဲ့ No ads ပါ

👇👇👇
https://www.facebook.com/share/g/XvMKkL6wHQbzDnZ5/

အိန္ဒိယ-မြန်မာနယ်စပ် မဏီပူရ်ပြည်နယ်မှာ မြန်မာဒုက္ခသည်များကို ဒီဇင်ဘာလ နောက်ဆုံးထားပြီး နေရပ်ပြန်ဖို့ ခရိုင်မှူးမှ ညွန်ကြား
===============

၂၆၊ အောက်တိုဘာ ၂၀၂၄
Zalen

မဏိပူရ်ပြည်နယ် အိန္ဒိယ-မြန်မာနယ်စပ် မဏီပူရ်ပြည်နယ် အော့ခရူခရိုင်နဲ့၊ ကမ်း‌ဂျွန်ခရိုင်မှာ စစ်ဘေးခိုလှုံနေတဲ့ မြန်မာစစ်ဘေးဒုက္ခသည်များကို ဒီဇင်ဘာလ နောက်ဆုံးထားပြီး နေရပ်ပြန်ဖို့ ခရိုင်အုပ်ချူပ်ရေးအဖွဲ့က အောက်တိုဘာ ၂၂ရက်နေ့က လာရောက်ညွန်ကြားခဲ့တယ်လို့ စစ်ဘေးရှောင်များက ပြောပါတယ်။

" အရင်က နေရပ်ပြန်ဖို့ပြောတာတော့ရှိတယ်။ သူတို့ကိုယ်တိုင်မလာဘူး။ အခုဟာက ခရိုင် အဖွဲ့တွေကိုယ်တိုင် လာပြောတာ။ ရွာမှာ ပြင်ဆင်စရာ သွားပြင်ဆင်ကြပါ။ ဒီဇင်ဘာလ နောက်ဆုံးထားပြီး ရွှေ့ရမယ်လို့ပြောတယ်။ နေရပ်ပြန်ရင်တချို့ကနေစရာ အိမ်လည်း မရှိတော့ဘူး။ ပြီးတော့လေကြောင်းရန်ကိုလည်း ကြောက်နေရတယ် " လို့ စစ်ဘေးရှောင် တစ်ဦးက Zalen ကိုပြောပါတယ်။

အော့ခရူနဲ့ ကမ်ဂျွန်ခရိုင်မှာ စစ်ဘေးခိုလှုံနေတဲ့ မြန်မာ စစ်ဘေးဒုက္ခသည်များဟာ ၂၀၂၄ နှစ်စပိုင်းက ဒေသကာကွယ်ရေးတပ်ဖွဲ့နဲ့ စစ်ကောင်စီကြား တိုက်ပွဲပြင်းထန်နေလို့ ဘေးလွတ်ရာကို တိမ်းရှောင်ခဲ့ကြတာဖြစ်ပြီး လူဦးရေ ၄၀၀၀ ကျော်စစ်‌ဘေးခိုလှုံနေတာ လို့ သိရပါတယ်။

ဒါ့ပြင် တင်နိုပယ်ခရိုင်က မလိမ်၊ တန်ဂူး လူမျိုးများ နေထိုင်တဲ့ ကျေးရွာ တစ်ရွာမှာ စစ်ဘေးခိုလှုံနေတဲ့ မြန်မာစစ်ဘေး ဒုက္ခသည် အိမ်ခြေ (၂၀၀) ကျော်ကိုလည်း ၎င်းကျေးရွာကနေ ရွေပြောင်းပေးဖို့ လူငယ်ကော်မတီအဖွဲ့က ၂၁ရက်နေ့က ပြောတယ်လို့ စစ်ရှောင်တစ်ဦးက ပြောပါတယ်။

သတင်း-တမူးနွေဦး

1.8.2007 အချိန်က ကလေးမြို့ပြင်

66kV ကျော-ဂန့်ဂေါကြား Line Fault

ဒီနေ့တော့ ညနေပိုင်းလောက်မှမီးပြန်ပေးရမယ့်ပုံပဲ

Jhon Smit

ကလေးခရိုင်၊မိုးရေချိန်
25.10.2024(09:30am)
တိုင်းထွာချက်

ကလေးမြို့ =0.63 လက်မ
ကလေးဝမြို့=0.07 လက်မ
မင်းကင်းမြို့ =0.04 လက်မ

မြစ်ရေမှတ်(06:30am)အချိန်တိုင်းတာချက်
ကလေးမြို့ (မြစ်သာ)=706 cm

စိုးရိမ်ရေမှတ်အောက် 12.9 ပေ

ကလေးဝ(ချင်းတွင်း)=830cm
စိုးရိမ်ရေမှတ်အောက် 23.6 ပေ

မင်းကင်း(ချင်းတွင်း)=777cm
စိုးရိမ်ရေမှတ်အောက် 18.8 ပေ

မကွေးတိုင်း ၊မိုးရေချိန်ရရှိမှု

ဂန့်ဂေါမြို့ =0.20 လက်မ
ကျောက်ထု =0.45 လက်မ
ထီးလင်း =0.72 လက်မ
ဆော =0.50 လက်မ

ချင်းပြည်နယ် ၊မိုးရေချိန်ရရှိမှု

ဟားခါးမြို့ =0.16 လက်မ
ဖလမ်းမြို့ =0.83 လက်မ
တီးတိန်မြို့ =Trace(အနည်းငယ်)
မြစ်သာမြစ်ဖျားပိုင်းနှင့်ချင်းပြည်နယ်တို့တွင် မိုးရေချိန်လျော့နည်းရရှိလာပါသည်။

ကလေးမြို့ မြစ်သာမြစ်ရေသည် ၂၄ နာရီအတွင်း (၃)ပေခွဲခန့်မြင့်တက်ခဲ့ပါသည်။ ဆက်လက်မြင့်တက်လာနိူင်ပါသည်။လက်ရှိအခြေအနေအရ စိုးရိမ်ရေမှတ်အောက် ၁၂.၉ ပေတွင်ရောက်ရှိနေပါသည်။
စိုးရိမ်ရေမှတ်သို့ မရောက်ရှိနိူင်ပါကြောင်းခန့်မှန်းတင်ပြပါသည်။နေ့စဥ်မြစ်ရေမှတ်များကိုသိရှိနိူင်ရန်ပုံမှန်တင်ပြပေးပါမည်။

ရွှံ့နွံထဲပိတ်မိနေတာကို ပြန်ထုတ်နိုင်

23 Outober 2024 Tedim Times-တီးတိန်တိုင်းမ်

မနေ့က Yangon HWC ဆရာ စံပီးတို့အသင်းတစ်ယောက် အကူညီပေးဖို့သွားတာ ရွှေတောရွာငယ်လေးမှာ မထင်မှတ်ဘဲ ရွံနွံထဲပိတ်မိပီး 10 မိနစ်အတွင်းပြန်ထုတ်နိုင်ခဲ့တယ်လို့သိရပါတယ် ထုတ်ပေးတဲ့သူလဲဒူးပေါ်ထိ ပိတ်မိတယ်လို့သိရတယ်..

ဒီရွာငယ်လေးဟာအရင်ရေကြီးတုန်းက ရေထဲပါသွားရုံသာမကအချို့အိမ်တွေလဲရွံ့တွေနဲ့ပိတ်မိနေတယ်လို့သိရတယ်

Translate T.E.K

ဆိုက်တွဲပိုင်ရှင်သိစေရန်
=========
ကလေးမြို့၊ စမ်းမြို့ရပ်ကွက်နယ်မြေ ၅ ရှိ ငါးကန်အနီးတွင် မနေ့ညက ဆိုက်တွဲတစ်ခုပိုင်ရှင်မဲ့တွေ့ရှိပါတယ်။ အခုထိ ပိုင်ရှင်က လာရောက်ယူဆောင်ခြင်းမရှိလို့ ပိုင်ရှင်ကိုယ်တိုင် အောက်ပါဖုန်းနံပါတ်တွင် ဆက်သွယ်မေးမြန်းနိင်ပါတယ်။

Ph no.09449912308

မြန်မာဘက်သို့ အီလက်ထရောနစ်ပစ္စည်းများ၊ လူသုံးကုန်နှင့် အိမ်သုံးကုန်များ၊ စက်ကိရိယာနှင့် စက်ယန္တရားများ နယ်စပ်ဂိတ်ပေါက်များမှ တင်ပို့မှု တရုတ်အာဏာပိုင်များက အကြောင်းပြချက်မရှိ ပိတ်ပင်

ရန်ကုန်၊ အောက်တိုဘာ ၂၃

မြန်မာနိုင်ငံသို့ အီလက်ထရောနစ်ပစ္စည်းများ၊ အိမ်သုံးကုန်နှင့်လူသုံးကုန်များ၊ ဆေးဝါးများ စက်ကိရိယာနှင့် စက်ယန္တရားများ နယ်စပ်ဂိတ်ပေါက်များမှ တင်ပို့မှုအားလုံးကို တရုတ်အာဏာပိုင်များက ပိတ်ပင်ထားကြောင်း မူဆယ်အခြေစိုက် ကုန်သည်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ အောက်တိုဘာလ ၂၂ ရက်နေ့မှစတင်ပြီး မူဆယ်-ကြယ်ခေါင်ဘက်ရှိ နယ်စပ်ဂိတ်များအပါအဝင် ဂိတ်များအားလုံးမှ လျှပ်စစ်ပစ္စည်းများ၊ လူသုံးကုန်နှင့်အိမ်သုံးကုန်များ၊ စက်ကိရိယာနှင့် စက်ယန္တရား နယ်စပ်ဂိတ်ပေါက်များမှ မြန်မာဘက်သို့ လုံး၀ တင်ပို့ခွင့် မပြုတော့ကြောင်း၊ တရုတ်အာ ဏာပိုင်များက တင်းကျပ်စွာ စစ်ဆေးကြောင်း၊ အဝတ်အစားတချို့နှင့် အစားအသောက် တစ်ကိုယ်ရည်စာမျှသာ သယ်ယူခွင့်ပြုကြောင်း၊ လျှပ်စစ်ပစ္စည်းများ၊ စက်ယန္တရား၊ စက်ကိရိယာများ၊ ဆေးဝါးများကို အလွန်တင်းကျပ်စွာ စစ်ဆေးကြောင်း သိရှိရသည်။

"မနေ့မနက်ပိုင်းကစပြီး ပစ္စည်းတွေ မြန်မာဘက်အခြမ်းကို တင်သွင်းခွင့်ပိတ်တာ။ လျှပ်စစ်ပစ္စည်းတွေ လုံး၀ သယ်လို့ မရဘူး။ ဆေးဝါး၊ ဆေးပစ္စည်းတွေတင်လို့မရဘူး။ အစားအသောက်ဆိုရင်တောင် တစ်ကိုယ်ရည်စာပဲရတယ်။ ဆိုင်ကယ်တွေလည်း တင်လို့မရဘူး။ တားမြစ်ထားတာတွေ သယ်ရင် စာအုပ်သိမ်း၊ ပြည်ဝင်ခွင့် ၄ နှစ်ပိတ်မယ်ပြောတယ်။ စက်ပစ္စည်းဆိုရင် ဘာတစ်ခုမှ သယ်ခွင့်မပေးဘူး ။ ဘယ်လောက်ကြာမှန်းမသိဘူး။ ဘာလို့ ပိတ်တာလဲမေးတော့ ဘာအကြောင်းပြချက်မှ မပေးဘူး" ဟု မူဆယ်မြို့မှ တစ်ပိုင်တစ်နိုင် ကုန်သည်တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

နယ်စပ်ဂိတ်များတွင် တရုတ်ဘက်က အဖွဲ့ပေါင်းစုံဖြင့် ကုန်ပစ္စည်းများကို အလွန်တင်းကျပ်စွာ စစ်ဆေးခြင်းဖြစ်ပြီး တားမြစ်ပစ္စည်းများကို သယ် ဆောင်လာသည့် ကား၊ ဆိုင်ကယ်နှင့် သုံးဘီးဆိုင်ကယ်များပေါ်မှ ဆွဲချကြောင်း၊ တရားဝင် သွင်းကုန်နှင့်ပို့ကုန် စာရွက်စာတမ်း အထောက် အထား မရှိသည့် ကုန်ပစ္စည်းမှန်သမျှ နယ်စပ်ဂိတ်မှ အဝင်အထွက် သယ်ယူခွင့် မပြုကြောင်း ကုန်သည်များက ရှင်းပြသည်။

"အရင်ဆိုရင် Online ကုန်ပစ္စည်းတွေ အထုပ်ပြပြီး သယ်လို့ရတယ်။ အခု ဘာမှ သယ်လို့မရတော့ဘူး။ Bluetooth ဖုန်းနားကြပ်တောင် သယ်ခွင့်မပေးဘူး။ အတော်ကြီးတင်းကျပ်တာ။ အွန်လိုင်းအရောင်းအဝယ်တွေပါ အကုန်ထိကုန်ပြီ" ဟု မူဆယ်အခြေစိုက် Online Shopping ဖြင့် ဖုန်းနှင့်ဖုန်းအပိုပစ္စည်းများ ရောင်းချနေသူတစ်ဦးက ရှင်းပြသည်။

ရှမ်းပြည်နယ်မြောက်ပိုင်းတွင် မြောက်ပိုင်းမဟာမိတ်တပ်များက မြို့သိမ်း၊ နယ်မြေသိမ်းတိုက်ပွဲများနှင့် စစ်ကောင်စီတပ်စခန်းများကို သိမ်း ပိုက်ပြီးနောက် တရုတ်နိုင်ငံက တော်လှန်ရေးတပ်များ သိမ်းပိုက်ထားသော နယ်မြေများနှင့်ထိစပ်နေသော နယ်စပ်ဂိတ်များကို ပိတ်ပင်ခြင်းများ လုပ် ဆောင်လာခဲ့ရာမှ ယခုနောက်ဆုံး တရုတ်ဘက်မှ ကုန်ပစ္စည်းများ သယ်ယူခွင့်ကိုပါ လုံး၀ ပိတ်ပင်လာခြင်းဖြစ်သည်။

အခြားတစ်ဖက်တွင်လည်း အကြမ်းဖက်စစ်ကောင်စီက တိုင်းရင်းသားလက်နက်ကိုင်များ သက်ဆိုးရှည်စေသော တရားမဝင်ကုန်သွယ်ရေးများကို ဖြိုခွင်းမည်ဟုဆိုကာ မြန်မာနိုင်ငံတစ်ဝန်းလုံးတွင် သွင်းကုန်လိုင်စင်နှင့် အထောက်အထားမရှိသော တရုတ်နှင့်ထိုင်းထုတ်ကုန်များအားလုံးကို ဖမ်းဆီး သိမ်းဆည်းလျက်ရှိကြောင်း သိရှိရသည်။
(ရန်ကုန်ခေတ်သစ်သည် မျက်မှောက်ခေတ်နှင့် မိတ်ဖက်ဖြစ်သည်။)

ကလေးမြို့မှာ ‌‌လေယာဉ် လက်မှတ် ဈေးနှုန်းတွေ ကြီးမြင့်မှုကြောင့် ‌ခရီးသွားတွေ အခက်ကြုံ
===========
၁၉၊ အောက်တိုဘာ၊ ၂၀၂၄

စစ်ကိုင်းတိုင်း၊ ကလေးမြို့မှာ လေယာဉ် လက်မှတ်ခ ဈေးနှုန်း ကြီးမြင့်လာတာကြောင့် လေကြောင်းကိုသာ အားကိုးပြီး ခရီးသွားလာနေရတဲ့ ဒေသခံတွေ အခက်အခဲ ကြုံနေရတယ်လို့ သိရပါတယ်။

လေယာဉ် လက်မှတ်ဈေးနှုန်းတွေဟာ သုံးလ တစ်ခါလောက် ဈေးနှုန်းမြင့်တက်နေတာကြောင့် အခက်အခဲ ဖြစ်နေတာလို့ ဒေသခံတွေက ပြောပါတယ်။ ကလေးမြို့ဒေသခံတွေသာမက ချင်းပြည်နယ် မြောက်ပိုင်းက ဒေသခံတွေပါ ကလေးမြို့ လေဆိပ်ကနေ လေကြောင်းနဲ့ ခရီးသွားလာတာကြပါတယ်။

"ကားလမ်းတွေက အခြေနေမကောင်းတော့ဘူးဆိုတော့ လေယာဉ်ပဲ အဓိက သွားလာနေရတာပေါ့။ တခြားမြို့တွေမှာ လေယာဉ် ဈေးအဲဒီလောက် မြန်မြန်မတက်ဘူး။ ကျွန်မတို့ဆီမှာပဲ ခဏခဏ တက်နေတာ၊ ဒါကိုပဲ အားကိုးပြီး သွားလာနေရတယ်၊ ကျန်းမာရေးကောင်းရင်လည်း လေယာဉ်သွားရတယ်၊ အရေးပေါ်ကိစ္စရှိရင်လည်း သွားရတယ်။ ဆိုတော့ လက်မှတ်တွေက ဈေးတွေ အဲဒီတက်နေတာ အဆင်မပြေဘူး။ ဘာပဲဖြစ်ဖြစ် ကားလမ်းတွေကိုသာ လုံလုံခြုံခြုံနဲ့ ပြန်ခရီးသွားနိုင်ရင် ကားနဲ့ပဲ သွားဖြစ်မယ်ထင်တယ်" လို့ ဒေသခံ ခရီးသွားတစ်ဦးက ပြောပါတယ်။

လေယာဉ် လက်မှတ်ဈေးနှုန်းဟာ ကလေးမြို့ကနေ ရန်ကုန်ကို ၄၇‌၅,၀၀၀ ကျပ်မှ ၅ သိန်းကျပ်၊ ရန်ကုန်မှ ကလေးကို ၃၉၅,၀၀၀ မှ ၄၄၇,၀၀၀ ကျပ်အထိ ပေး ၀ယ်ယူနေရတယ်လို့ သိရပါတယ်။

ကလေးမြို့မှ မန္တ‌လေးမြို့ကို ၃၀၅,၀၀၀၊ မန္တလေးမြို့မှ ကလေးမြို့ကို ၂၈၅,၀၀၀ ကနေ ၃၀၅,၀၀၀ အထိ ပေး၀ယ်ယူနေရတယ်လို့ ဆိုပါတယ်။ ဇူလိုင်လအတွင်းမှာ ကလေး-ရန်ကုန် လေယာဉ်လက်မှတ် ဈေးနှုန်းဟာ ၄၁၅,၀၀၀ ကျပ် ရှိရာကနေ အောက်တိုဘာလအတွင်းမှာ ၄၇၅,၀၀၀ အထိ ခြောက်သောင်းကျပ် အထိ ဈေးတက်သွားတာပါ။

ရန်ကုန်-ကလေး လေယာဉ် လက်မှတ်ဈေးနှုန်းဟာလည်း ဇူလိုင်လမှာ ၃၆၇,၀၀၀ ရှိရာကနေ ၄၄၇,၀၀၀ ကျပ် အထိ ဈေးတက်သွားပြီး ရှစ်သောင်းလောက် ဈေးကွာဟ သွားပါတယ်။ လမ်းပန်းဆက်သွယ်ရေးအခက်အခဲကြောင့် ရန်ကုန်၊ မန္တလေးဘက်ကနေ ကလေးမြို့ကို ကုန်ပစ္စည်းသယ်ယူမှုတွေကို လေယာဉ်နဲ့ သယ်ယူ ပို့ဆောင်တာတွေ ပိုလုပ်လာကြပါတယ်။

လေယာဉ်လက်မှတ်ဈေးနှုန်းကြီးလာတာနဲ့အမျှ လေယာဉ်နဲ့ သယ်ယူတဲ့ စရိတ်တွေလည်း ပိုကြီးလာပါတယ်။

"လေယာဉ် Cargo နဲ့ သယ်ယူတဲ့ Delivery ခတွေလည်း ပိုကြီးလာတယ်။ လေယာဉ်နဲ့ သယ်ရင် အရင်က ၇ထောင် ပေးရတဲ့ ပစ္စည်းကို အခု ၁၄,၀၀၀ လောက်ပေးနေရတယ်။ ကားနဲ့သယ်တာထက် မြန်ပေမယ့် တန်ဆာခက တော်တော်ကွာတယ်။ သုံးဆလောက် ကွာတယ်" လို့ ဒေသခံတစ်ဦးက ပြောပ်တယ်။

အာဏာမသိမ်းခင်က ‌ကလေး-ရန်ကုန်လေယာဉ်လက်မှတ်ဈေးနှုန်းဟာ ၁ သိန်း ၀န်းကျင်သာ ရှိပေမယ့် ၂၀၂၄ ခုနှစ် ၁၀ လ ပိုင်းမှာတော့ ၅ သိန်း၀န်းကျင်အထိ ရှိခဲ့တာကြောင့် လေယာဉ်လက်မှတ်ဈေးနှုန်းဟာ ၅ ဆ မြင့်တက်လာတာ ဖြစ်ပါတယ်။

Zalen
Helen

ချင်းလဲန်ကာကွယ်ရေးတပ်ဖွဲ့ - မတူပီ တပ်မဟာ အချင်းချင်း ပြေလည်ပြီး စစ်ဘေးရှောင်ပြည်သူတွေ အပူအပင်မရှိ ပြန်လာနိုင်အောင်ကြိုးစားဆောင်ရွက်သွားမယ်လို့ CDF – Matupi တပ်မဟာ ၂ ထုတ်ပြန်

အောက်တိုဘာလ ၂၁ ရက်။

ချင်းလဲန်ကာကွယ်ရေးတပ်ဖွဲ့ - မတူပီ တပ်မဟာအချင်းချင်း ပြေလည်ပြီး နေရပ်စွန့်ခွာစစ်ဘေးရှောင်ပြည်သူတွေ မိမိမြို့၊ရွာကို အပူအပင်မရှိ ပြန်လည်ဝင်ရောက်လာနိုင်အောင် တတိယအဖွဲ့အစည်း (Third Party)နဲ့ အတူ ကြိုးစားဆောင်ရွက်သွားမယ်လို့ ချင်းလဲန်ကာကွယ်ရေးတပ်ဖွဲ့ - မတူပီ (တပ်မဟာ - ၂) က ဒီကနေ့ အောက်တိုဘာလ ၂၁ ရက်နေ့မှာ ထုတ်ပြန်ပါတယ်။

ချင်းလဲန်ကာကွယ်ရေးတပ်ဖွဲ့ - မတူပီ (တပ်မဟာ - ၂) က ရဲဘော်တွေဟာ ၆ လအတွင်းမှာ တိုင်းပြည်နယ်လူမျိုးအတွက် ၁ ဦး ကျဆုံးပြီး ခြေထောက်ဆုံးရှုံးသူ ၁ ဦးနှင့် ဒဏ်ရာရသူ (၇) ဦးအထိ  တိုင်းပြည်နဲ့ လူမျိုးအတွက် တာဝန်ကျေခဲ့ကြတယ်လို့လည်း ထုတ်ပြန်ထားပါတယ်။

ချင်းအမျိုးသားတည်ဆောက်ရေး၊ ချင်းအမျိုးသားပိုင်နက်နယ်မြေကို ကာကွယ်ရန်နှင့် ချင်းပြည်လွတ်မြောက်နိုင်ရန် ချင်းလဲန်ကောင်စီလက်အောက်ခံဖြစ်တဲ့ ကာကွယ်ရေးတပ်ဖွဲ့တွေနဲ့အတူ တိုက်ပွဲဝင်သွားမယ်လို့လည်း ချင်းလဲန်ကာကွယ်ရေးတပ်ဖွဲ့ - မတူပီ (တပ်မဟာ - ၂)  ထုတ်ပြန်ထားပါတယ်။

ဆိုင်ကလုန်းဖြစ်လာနိုင်တဲ့ လေဖိအားနည်းရပ်၀န်းအရှိန်ကြောင့် နိုင်ငံတစ်၀န်းမှာ ရေကြီး၊ မြေပြိုနိုင်
==============
၂၁၊ အောက်တိုဘာ၊ ‌၂၀‌၂၄ 
Zalen 

ဆိုင်ကလုန်းဖြစ်လာနိုင်တဲ့ လေဖိအားနည်းရပ်၀န်းအရှိန်ကြောင့် နိုင်ငံတစ်၀န်းမှာ ရေကြီးတာ၊ မြေပြိုတာတွေဖြစ်နိုင်တယ်လို့ စစ်ကောင်စီရဲ့ မိုးလေဝသနဲ့ ဇလဗေဒညွှန်ကြားမှူ ဦးစီးဌာနက အောက်တိုဘာ ၂၁ရက် ညနေပိုင်းမှာ ထုတ်ပြန်ပါတယ်။ 

ဘင်္ဂလားပင်လယ်အော်မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ ပိုမိုအားကောင်းလာပြီး အောက်တို ဘာ ၂၃ ရက်မှာ ဆိုင်ကလုန်းမုန်တိုင်းအဖြစ်သို့ ရောက်ရှိနိုင်တယ်လို့ ဆိုပါတယ်။ 

အဲဒီ လေဖိအားနည်းရပ်ဝန်း အရှိန်ကြောင့်စစ်ကိုင်းတိုင်းအထက်ပိုင်း၊ ကချင်ပြည်နယ်တို့မှာ နေရာကွက်ကျား၊ စစ်ကိုင်းတိုင်းအောက်ပိုင်း၊ ရှမ်းပြည်နယ်(မြောက်ပိုင်း)၊ ချင်းပြည်နယ်နဲ့ ကယားပြည်နယ်တို့မှာ နေရာကျဲကျဲ၊ ရှမ်းပြည်နယ် (အရှေ့ပိုင်း)မှာ နေရာစိပ်စိပ်နဲ့ ကျန်တိုင်းဒေသကြီးနဲ့ ပြည်နယ်တို့မှာ နေရာအနှံ့အပြား မိုးထစ်ချုန်းရွာပြီး၊ နေပြည်တော်၊ မန္တလေးတိုင်း၊ မကွေးတိုင်း၊ ပဲခူး တိုင်း၊ ရန်ကုန်တိုင်း၊ ဧရာဝတီတိုင်း၊ ရခိုင် ပြည်နယ်တို့မှာ နေရာကွက်ပြီး မိုးကြီးနိုင်ပါတယ်။ 

မိုးသည်းထန်စွာ ရွာသွန်းခြင်းနဲ့အတူ လေပြင်းတိုက်ခတ်၊ မိုးထစ်ချုန်း၊ မိုးကြိုးပစ်၊ လျှပ်စီးလက်၊ မိုးသီးကြွေ၊ လျှပ်တပြက် ရေကြီး မြေပြို စတဲ့ သဘာဝဘေးအန္တရာယ်တွေ ဖြစ်ပေါ်နိုင်လို့ ကုန်းမြင့်ဒေသအနီး နေထိုင်သူတွေ မြေပြိုမှုအန္တရာယ် သတိထားဖို့၊ မြစ်ငယ်၊ ချောင်းငယ် နေထိုင်ကြသူတွေ ရေကြီး၊ ရေလျှံမှုတွေကို ကြိုတင်သတိပြုရှောင်ရှားနိုင်ဖို့ ပြည်တွင်း ရေကြောင်းသွားလာရေးနဲ့ လေကြောင်းပျံသန်းရေး ကြိုတင်သတိပြုနိုင်ဖို့ သတိပေးနှိုးဆော်ထားပါတယ်။

အောက်တိုဘာ ၂၁ ရက် ဒီနေ့ ညနေ မွန်းလွဲပိုင်း တိုင်းထွာချက်အရ ဘင်္ဂလားပင်လယ်အော် အရှေ့အလယ်ပိုင်းနဲ့ ဆက်စပ်နေတဲ့ ကပ္ပလီပင်လယ်ပြင်မြောက်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းဟာ  အနောက်-အနောက်မြောက်ဘက်သို့ ရွေ့လျားနိုင်ပြီး၊ ပိုမိုအားကောင်းလာနိုင်ကာ အောက်တိုဘာ ၂၂ ရက်မှာ မုန်တိုင်းငယ် (Depression) ဖြစ်နိုင်ပြီး အောက်တိုဘာ  ၂၃ ရက်မှာ ဘင်္ဂလားပင်လယ်အော် အရှေ့အလယ်ပိုင်းမှာ ဆိုင်ကလုန်းမုန်တိုင်း (Cyclonic Storm) အဖြစ် ရောက်ရှိနိုင်တယ်လို့ မိုးဇလက ခန့်မှန်းထားတာပါ။ 

မြန်မာ့ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်မှာ ရံဖန်ရံခါ မိုးသက်လေပြင်း ကျရောက်ပြီး လှိုင်းကြီးမယ်၊ မိုးသက်လေပြင်းကျစဉ် ရေပြင်မြေပြင်မှာ တစ်နာရီလျှင် မိုင် ၄၀ အထိ တိုက်ခတ်နိုင်ကာ လှိုင်းအမြင့်မှာ မြန်မာ့ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်မှာ  ၉ ပေမှ ၁၁ ပေ လောက်ရှိနိုင်တယ်လို့ မိုးဇလထုတ်ပြန်ချက်မှာ ဖော်ပြပါတယ်။


နောက် နှစ်ရက်အတွက် ခန့်မှန်းချက်မှာ နေပြည်တော်၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ချင်းပြည်နယ်နဲ့ ရခိုင်ပြည်နယ်တို့မှာ နေရာစိပ်စိပ်ကမှ နေရာအနှံ့အပြား မိုးထစ်ချုန်း ရွာနိုင်ပြီး ဒေသအလိုက်နေရာကွက်ပြီး မိုးကြီးနိုင်ပါတယ်။

နေညို

ချင်းပြည်နယ်အပါအဝင် တိုင်းနဲ့ပြည်နယ် ၁၂ ခုမှာ သဘာဝဘေးဖြစ်နိုင်တယ်လို့ မိုးဇလက သတိပေးထုတ်ပြန်

အောက်တိုဘာလ ၂၁ ရက်။

ချင်းပြည်နယ်အပါအဝင် တိုင်းနဲ့ပြည်နယ် ၁၂ ခုမှာ မိုးသည်းထန်စွာရွာသွန်းခြင်းနှင့်အတူ မြေပြိုခြင်းစတဲ့ သဘာဝဘေးအန္တရယ်တွေဖြစ်ပေါ်နိုင်တာကြောင့် ကုန်းမြင့်ဒေသအနီး နေထိုင်သူတွေ ကြိုတင်သတိပြုရှောင်ရှားနိုင်ဖို့ မိုးလေဝသနှင့် ဇလဗေဒညွှန်ကြားရေးမှူးဦးစီးဌာနက ဒီကနေ့ အောက်တိုဘာလ ၂၁ ရက်နေ့မှာ အသိပေးထားပါတယ်။

ဘင်္ဂလားပင်လယ်အော် အရှေ့အလယ်ပိုင်းနဲ့ ဆက်စပ်လျက်ရှိတဲ့ ကပ္ပလီပင်လယ်ပြင်မြောက်ပိုင်းတွေမှာ ဖြစ်ပေါ်နေတဲ့ လေဖိအားနည်းဆဲလ်သည် ပိုမိုအားကောင်းလာပြီး၊ လေဖိအားနည်းရပ်ဝန်း အဖြစ်ရောက်ရှိခဲ့ပြီး အဆိုပါလေဖိအားနည်းရပ်ဝန်ဟာ အနောက် - အနောက်မြောက်ဘက်ကို ရွှေ့လျားပြီး အားကောင်းနိုင်တာကြောင့် အောက်တိုဘာလ ၂၂ ရက်နေ့ကနေ ၂၃ ရက်နေ့မှာ ပင်္ဂလားပင်လယ်အော်အရှေ့အလယ်ပိုင်းမှာ ဆိုင်ကလုန်းမုန်တိုင်း အဖြစ်ရောက်ရှိနိုင်တယ်လို့ ခန့်မှန်းထားတယ်လို့ ထုတ်ပြန်ထားပါတယ်။

ရွှေဘုံသာ ဘုရားကြီး🙏