ЖУМА МАВЪИЗАЛАРИ ЎЗ

--- ∽❧❧۞🍃🕌🍃۞∽❧❧∽ ---

НУРЛИ ЮЗИНГИЗГА БОҚДИМ
Ҳабибимизнинг қутлуғ жамоли саҳобалар ақлини шоширар эди. Баро ибн Озиб розияллоҳу анҳу Пайғамбар алайҳиссалом юзларини ўз ҳайратларини яширмасдан шундай васфлаган эдилар: "У зот инсонларнинг юзи энг чиройлиси эдилар".
Баро ибн Озиб розияллоҳу анҳудан сўрашди: "Расулуллоҳ соллаллоҳу алайҳи васалламнинг юзлари қиличга ўхшармиди?". Баро ибн Озиб: "Йўқ, тўлин ой каби эди!", дедилар. Эҳтимол, у зот бу саволга жавоб беришларидан олдин, осмонга қараб, сутдек ойга назар солиб олгандирлар...
Жобир ибн Самура розияллоҳу анҳу ҳам ойдин тунларнинг бирида, нурли юзга термилувчилар сафидан жой олган эдилар....
Расулуллоҳ соллаллоҳу алайҳи васаллам ўшанда елкаларига қизил либос кийган эдилар.....
Жобир розияллоҳу анҳу қоронғу осмондаги ойга назар ташлар, сўнг Расулуллоҳ соллаллоҳу алайҳи васаллам томон бурилиб, у зотнинг чароғон юзларига боқар эдилар. Сўнгра яна иккинчи маротаба ойга боқиб, яна нигоҳларини Расулуллоҳ соллаллоҳу алайҳи васалламнинг юзларига қаратар эдилар...
Жобир розияллоҳу анҳу айтадилар: "Мен Расулуллоҳ соллаллоҳу алайҳи васалламнинг юзлари ва ойни солиштира бошладим....
Бу солиштириш Жобир розияллоҳу анҳунинг қанча вақтларини олган экан-а?
У зотни бу ишни қилишга ундаган Расулуллоҳ соллаллоҳу алайҳи васаллам ҳамда ой ўртасидаги ўзаро боғлиқлик нимада экан-а?
Самимийлик... нур... чирой... нигоҳларни ўзига жалб қилган куч...
Ошиқларнинг қалбларида тўлқинлар мавж урар
Бироздан кейин Жобир розияллоҳу анҳу бир қарорга келиб дедилар: "Аллоҳга қасам, Набий соллаллоҳу алайҳи васалламнинг юзлари менинг наздимда ойдан ҳам гўзалдир"
Бу юзга шундай кўринишни берган Зот буюкдир!
Мени мафтун айлади унинг висоли
Инсон шаклидаги ойнинг тимсоли
Кўзлар унинг порлашига қадалган, кўз қовоқлари эса ул лаҳзада қилт этмас эди....
Бир сафар Абдуллоҳ ибн Зайд розияллоҳу анҳу Расулуллоҳ соллаллоҳу алайҳи васалламни кўришга бўлган шавқларини изҳор этиб: "Ё Расулуллоҳ, уйдалигимда сизни эслайман... То олдингизга келиб сизни кўрмагунимча кўнглим жойига тушмайди", дедилар.
Юзингиз тарафга қаратиб чодир тикармиз, эй воҳ. Эҳ бу қанчалар ҳам хушруй юз бўлмаса! Майли не бўлса бўлсин, бу тенгсиз чирой қалбларимизга шодлик бахш этса, бас
Ҳабибимизнинг улуғвор юзлари орқали, гўё Мадина нафас оладигандек эди.....
"Бир сафар Оиша розияллоҳу анҳо Расулуллоҳ соллаллоҳу алайҳи васалламнинг юзларига қарадилар ва табассум қилдилар. Расулуллоҳ соллаллоҳу алайҳи васаллам Оиша розияллоҳу анҳога: "Нима учун табассум қилдинг?", дедилар. Оиша розияллоҳу анҳо: "(Чунки) Юзингизга қарадим", дедилар"."Юзингизга қарадим" жумласини хаёлингизни бир ерга жамлаб ўқинг ва нурли юзнинг ҳарнуқтаси ҳақида чуқур ўйга чўминг...
Эҳ, сизга қанчалар ҳам ҳавасим келмоқда, саййидам Оиша!...
Ўша нурли юзнинг ошиқлари умрларининг орзусини тушларида кўриш учун шамоил китобларини тинмасдан варақлаб, мутолаа қилиб, ташна қалбларини соғинч кавсари ила суғорадилар.....
Ошиқлар: "Юзингизга қарадим, жумласи билан тилларини шарафлантириб, соғинч ўртаган руҳларига фараҳ улашишни орзу қиладилар...
Меҳрибон Аллоҳ бу ошиқлар умидларини рўёбга чиқаришга, албатта, қодир зотдир....

«ЧУНКИ СИЗ МУҲАММАДСИЗ!»
(Саллалоҳу алайҳи васаллам)
китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

-- ∽❧❧۞🍃🕌🍃۞∽❧❧∽ ---

8. АЛЛОҲ БИЛАН АҲДЛАШУВ ДУОСИ

اللهم فاطر السموات والأرض، عالم الغيب والشهادة، إلى أعهد إليك في هذه الحياة الدنيا أني أشهد أن لا إله إلا أنت وحدك لا شريك لك، وأن محمدا عبدُكَ وَرَسُولُكَ، فَإِنَّكَ إِن تكلني إلى نفسى تقربني من الشر، وتباعدني من الجيم وإني لا أشق الأبرحمتك، فاجعل لي عندك عهذا توفينيه يوم القيامة، إنك لا تخلف الميعاد

Аллоҳумма фотирас самавати вал арди аъалимал ғойби ваш шаҳадати. Ила аъҳаду илайка фий ҳазиҳил ҳаётид дунё инний ашҳаду ан ла илаҳа илла анта ваҳдака ла шарийка лака ва анна Муҳаммадан ъабдука ва расулука фаиннака ин такилний ила нафсий туқаррибний минаш шарри ва тубаъидний минал хойр ва инний ла ашиқу илла бироҳматака  фажъаллий ъиндака аъҳдан туваффийнийҳи явмал қиёмати, иннака ла тухлифул мийъад.
      Маъноси
    Расулуллоҳ соллаллоҳу алайҳи ва саллам бир куни асҳобларига: «Ким эртаю кеч Аллоҳ таоло билан аҳд қила олади?» дедилар ва бу муборак дуони ўргатдилар:
«Эй кўкларни ва ерни яратган, ғайб ва шаҳодат оламини билувчи Аллоҳ! Ё Аллоҳ! Мен дунё ҳаётида Сенга аҳд қиламанки, Сендан бошқа илоҳ йўқдир. Ягонасан, шеригинг йўқдир. Муҳаммад (алайҳиссалом) Сенинг қулинг ва расулингдир. Arap мени нафсимга ташлаб қўйсанг, у мени яхшиликдан узоқлаштиради, ёмонликка яқинлаштиради. Мен фақат раҳматингта ишонаман. Менга қиёмат куни тўла берадиган ҳузурингда бир аҳд қилгин. Шубҳасиз, Сен ваъдангга асло хилоф қилмайсан».
       Шарҳ:
    Расулуллоҳ соллаллоҳу алайҳи ва саллам бир куни асҳобларига: «Ким Аллоҳ таоло ила аҳд қилишга қодир?» дедилар. Саҳобалар: «Ё Расулуллоҳ! Қай шаклда Аллоҳ таоло билан аҳду паймон қиламиз? Биз билмаймиз, бизга ўргатинг», дейишди. Бунга жавобан Расулуллоҳ соллаллоҳу алайҳи васаллам юқоридаги муборак дуони ўргатдилар. Бу аҳдномада қул Раббиси еру кўкнинг эгаси эканини, Ундан бошқа Илоҳ йўқлигини, Муҳаммад (алайҳиссалом) Унинг қули ва элчиси эканини баён қилади. Ундан кейин эса Аллоҳдан нафсини бир зум ҳам ўз ҳолига ташлаб қўймаслигини сўрайди. Ишончи фақат раҳмати илоҳийда эканини, ўзининг амалларига ишонмаганини билдиради.
   Шу шаклда Аллоҳ таоло билан аҳдлашади. Чунки инсонларни ё жаннатга, ё жаҳаннамга туширишда амаллар бир василадир.
   Расулуллоҳ соллаллоҳу алайҳи ва саллам бир куни бу ҳақиқатни баён қилар экан лар, «Ҳамма жаннатга фақат раҳмати илоҳий ила киради», дедилар. Асҳобларининг: «Ё Расулуллоҳ, сиз ҳам шундай кирасизми?» деган саволларига Расулуллоҳ соллаллоҳу алайҳи ва саллам: «Ҳа», деб жавоб бердилар.
    Бир куни Расулуллоҳ соллаллоҳу алайҳи васаллам: «Мулойимлик билан ҳаракат қилинг, инсонларни ўзингизга жалб этинг. Мужда беринг. Зеро, инсонларни жаннатга олиб борувчи (нарса) амаллар эмас, Аллоҳнинг раҳматидир», дедилар. Буни эшитган Ойша онамиз (розияллоҳу анҳо): «Ё Расулуллоҳ, сизнинг амалингиз ҳам сизни жаннатта олиб бормайдими?» деб сўради. Расулуллоҳ соллаллоҳу алайҳи васаллам эса: «Аллоҳнинг раҳмати ва мағфирати етишмаса, йўқ», деб жавоб бердилар.
    Раҳмати илоҳийга етишган одам гўзал амал қилади ва бу раҳмати илоҳийга васила бўлади.
    Шундан сўнг Расулуллоҳ соллаллоҳу алайҳи васаллам бу аҳдноманинг охирини «Қиёмат куни бу аҳдимни Роббимдан сўрайман. Зеро, Аллоҳ ваъдасидан қайтмайди», деб якунлайдилар.
   Ривоятларга кўра, бу аҳдномани ўқиганнинг аҳдини фаришталар аршга олиб боради ва у қиёмат. куни Аллоҳнинг ҳузурига келтирилади. Расулуллоҳ соллаллоҳу алайҳи ва саллам бу аҳдномани тонгда ва оқшомда ўқишни тавсия қилганларининг сири ҳам унга фаришталарнинг шоҳид бўлишларидир.

    Демак, бу аҳднома мўминлар учун зарур бўлган жавҳардир. Ҳеч бўлмаса, инсон умри давомида бир марта бўлса ҳам, буни сидқидилдан ўқиб, Аллоҳ таоло билан аҳдлашмоғи керак.

Байт:
Кун-тун аҳд-паймон айла,
Кўнглингни шодон айла.
Дарду ғамлар йўқ бўлсин,
Йўлингни осон айла,

   «ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

"БИСМИЛЛАҲНИНГ ФАЗИЛАТИ

Ҳар бир мақбул иш ёки сўзни "Бисмиллаҳир роҳманир роҳийм" билан бошлаш мусулмоннинг мусулмон эканини кўрсатиб турадиган исломий белгилардандир.

Пайғамбар соллаллоҳу алайҳи васаллам: "Ҳар бир аҳамиятли иш "Бисмиллаҳир роҳманир роҳийм" билан бошланмас экан, унинг охири кесикдир", деганлар.

Яна бошқа бир ҳадиси шарифда: "Қайси иш "Бисмиллаҳир роҳманир роҳийм" билан бошланмаса, у ишда барака бўлмайди", деганлар.

Пайғамбар соллаллоҳу алайҳи васаллам ҳар бир муҳим ишни "бисмиллаҳ" билан бошлар эдилар. Ҳар бир мусулмон бусуннатга эргашиб, иши ва сўзини "бисмиллаҳ билан бошлашни одат қилсин.

Уйга кирганда, уйдан чиққанда, уловга минганда, уловдан тушганда, улови ёки ўзи қоқилиб кетганда ҳам, масжидга кирганда ва чиққанда "Бисмиллаҳ "ни айтсин. Ейиш-ичишдан олдин, кийим кийганда, ҳатто китоб ўқиганда ёки бирор нарса ёзганда ҳам, уй рўзғор ишларига киришганда, бирор янги иш бошлаганда "бисмиллаҳ" деб бошласин.

Шунингдек, аёллар ҳам овқат тайёрлашни бошлашда, қозонга ҳар бир масаллиқни солишда, "бисмиллаҳ" деб солсинлар, пишган таомни "Бисмиллаҳ" деб товоққа сузсинлар; кийим тикиш ёки тўқишда ҳам "бисмиллаҳ," деб бошласинлар. Гўдакларини кийинтиришда ҳам "бисмиллаҳ" десинлар ва уларга ҳам ўргатсинлар.

"Бисмиллаҳ"ни айтиб пиширилган таом инсон ичига нур бўлиб киради ва қалбию танасига шифо бўлади.

Хуллас, кундалик барча ишларимизни "Бисмиллаҳир роҳманир роҳийм" билан бошлашни одат қилиб олайлик. Биринчидан, уни айтишда заррача машаққат йўқ. Аммо озгина эътиборли бўлиб, ушбу калимани айтиб юришга одатланилса, инсоннинг номаи аъмолига тўхтовсиз савоблар ёзилиб туради. Иккинчидан, шу амалнинг баракотидан бир қарашда дунёвий бўлиб кўринган барча ишларимиз ибодатга айланиб кетади.

Ҳар бир ишини "Бисмиллаҳ" билан бошлаган мўмин Аллоҳ таолонинг тавфиқи ва ёрдамисиз ҳеч бир иш охирига етмаслигини эътироф қилган бўлади. Бу эътироф натижасида дунёдаги барча ишлар диннинг бир бўлаги ва ибодатга айланади.

"БИСМИЛЛАХ ЗОҲИРИЙ ВА БОТИНИЙ НУРГА САБАБДИР

Ўйлаб кўринг, таҳоратдан олдин "бисмиллаҳ" айтилса, унга қанча меҳнат сарф бўлади, қанча машаққат келади, қанча вақт сарф бўлади, унга қанча пул тўланади? Лекин ушбу кичкинагина амал инсоннинг зақирию ботинининг поклиги ва мунавварлигига сабаб бўлади. Шунинг учун таҳорат бошлашдан аввал "бисмиллаҳ"ни айтишга ҳаракат қилишимиз лозим. Лекин баъзан эътиборсизлик сабабли, биз ана шундай баракалардан маҳрум бўламиз.

Агар мусулмон бўлмаган бошқа одам таҳоратнинг барча амалларини қилса, яъни қўлини ювса, ғарғара қилса, бурунни чайса, оғизни ювса, бошига масҳ тортса, оёғини ҳам ювса, бунинг натижасида тозалик ҳосил бўлади. Лекин унга таҳоратнинг нури ва маънавий баракалари келмайди. Шунинг учун, намоздан олдин мусулмон одамга таҳорат олиш буюрилганки, ундан мақсад фақат зоҳирий-ташқи бадани покланмасин. балки ботин-ичкарида ва руҳда ҳам бир нур ва барака ҳосил бўлсин, ботини ҳам поклансин.

«НАСИҲАТЛАР ГУЛДАСТАСИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

https://telegra.ph/MOL-DUNYO-VA-BOJLIK-ODOBLARI-11-21

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

ҚИРҚ САВОЛГА ҚИРҚ ЖАВОБ
1. Қуръоннинг маъноси нима?
– Ўқиш.
2. Дастлабки тушган жойи?
– Макка, Ҳиро ғори
3. Дастлабки тушган вақти?
– Қадр кечаси.
4. У кимнинг сўзи?
– Аллоҳнинг.
5. Қуръонни келтирган фариштанинг номи нима?
– Жаброил алайҳиссалом.
6. Уни биринчи бўлиб ўқиган одам ким?
– Пайғамбаримиз Муҳаммад соллаллоҳу алайҳи ва саллам.
7. Қуръоннинг ҳар бир ҳарфини то қиёматга қадар қўриқловчи ким?
– Аллоҳ таоло.
8. Қуръонни қандай ушлаш керак?
– Таҳоратли ҳолда.
9. Қуръони каримда Қуръон яна қандай номлар билан зикр этилган?
– Ал-Фурқон, Ал-Китоб, Ал-Зикр, Ан-Нур, Ал-Ҳуда.
10. Маккада нечта сура тушган?
– 86 та сура.
11. Мадинада нечта сура тушган?
– 28 та сура
12. Қуръон неча порадан иборат?
– 30 порадан иборат.
13. Қуръонда нечта сура бор?
– 114 та сура бор.
14. Қуръонда қанча оят бор?
– 6236 та оят бор.
15. Қуръонда Аллоҳ номи неча марта берилган?
– 2 минг 698 марта.
16. Қуръонда намоз ҳақида неча марта айтилган?
– 700 марта.
17. Қуръонда пайғамбаримиз Муҳаммад соллалоҳу алайҳи ва саллам қандай ном билан зикр қилинган?
– Соф сурасининг 6-оятида Аҳмад деган ном билан зикр қилинган.
18. Қуръонда Пайғамбаримизнинг исми неча марта зикр қилинган?
– Муҳаммад деб – 4 марта, Аҳмад деб -1марта. Саллаллоҳу алайҳи васаллам
19. Қуръонда энг кўп қайси пайғамбарнинг номи айтилган?
– Пайғамбар Мусо алайҳиссаломнинг номи энг кўп айтилган.
20. Қуръон оятларини дастлаб ким санаб санаб чиққан?
– Хадича онамиз.
21. Энг дастлабки ва тарихий масжид қайси?
– Каъба!
22. Қайси пайғамбарни онасининг исми билан қўшиб чақирилган?
– Пайғамбар Исо алайҳиссалом Марям ўғлини.
23. Қуръонда алоҳида эслатилган кун номи?
– Қиёмат куни.
24. Қуръонда энг узун сура қайси?
– Бақара сураси.
25. Энг қисқа сура қайси?
– Кавсар сураси.
26. Пайғамбаримиз Муҳаммад соллаллоҳу алайҳи ва салламга Жаброил алайҳиссалом Қуръонни илк бор келтирган вақтда у зотнинг ёшлари нечада эди?
– 40 ёшда эдилар.
27. Пайғамбаримиз Маккада неча йил пайғамбар бўлганлар?
– 13 йил.
28. У зот Мадинада неча йил пайғамбар бўлиб турдилар?
– 10 йил.
29. Қуръон неча йилда тушган?
– 22 йил, 5 ойу 14 кун.
30. Қайси сура намознинг ҳар бир ракатида ўқилади?
– Фотиҳа сураси.
31. Аллоҳ таоло дуо ўрнида ўқишга лозим кўрган суранинг номи қайси?
– Фотиҳа сураси.
32. Қуръон энг биринчи сура қайси?
– Фотиҳа сураси.
33. Қуръонда номи айтилган ёлғиз аёл.
– Марям.
34. Қайси сурада Бисмиллаҳ сўзи икки марта айтилган?
– Намл сурасида.
35. Қуръонда пайғамбарларнинг номи билан номланган қанча сура бор?
– 6 та.  Улар: Юнус, Ҳуд, Юсуф, Иброҳим, Нуҳ, Муҳаммад суралари.
36. Қуръонда Аллоҳнинг нечта исми айтилган?
– 99 та исми.
37. Қуръонда номи айтилган ва 3-авлод пайғамбарининг номи?
– Иброҳим алайҳиссалом.
38. Қуръонда бойлик ҳақида нима айтилган?
– Одам иймонининг синови.
39. Қуръонда номланган мaсжидлар нечта?
– 5 та. Улар: Масжид ул-Ҳаром, Масжид ул-Зирар, Масжид ул-Набавий, Масжид ул-Ақсо, Масжид ул-Қоба.
40. Номи айтилган фаришталар?
– Жаброил, Микоил, Ҳорут, Морут.
 
Яхшиликни  яқинларингиз билан баҳам кўринг!
“Эҳсоннинг мукофоти, фақат эҳсондир”  (Раҳмон, 60).
 
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

https://telegra.ph/ISLOMDA-SOLIҲA-AYOL--HADIJZHA-ONAMIZ-TIMSOLIDA-11-07

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 АЛЛОҲ САЛОМ ЙЎЛЛАГАН ЗОТ!

        ИСЛОМДА СОЛИҲА АЁЛ – ХАДИЙЖА ОНАМИЗ ТИМСОЛИДА
    Муҳтарам жамоат! Бугунги маърузамизда Ислом динини биринчи бўлиб қабул қилган, жаннатий аёлларнинг саййидаси, Пайғамбаримиз алайҳиссаломнинг биринчи ва энг суюкли аёллари бўлмиш Хадийжа бинти Хувайлид розияллоҳу анҳо онамиз ҳақларида суҳбатлашамиз. 
     Хадийжа бинти Хувайлид розияллоҳу анҳо онамиз “Фил воқеаси”дан ўн беш йил илгари (милодий 556 йили) Маккада, эътиборли оилада таваллуд топганлар. Хадийжа онамизнинг насаблари Расулуллоҳ алайҳиссаломнинг бешинчи боболари бўлмиш Қусай ибн Килобда бирлашади. Бу зотни бизнинг диёрларда Хадича деб аталса-да, асли исмлари Хадийжадир.  
    Хадийжа онамиз олийҳиммат, дунёқараши кенг, молдор, диндор ва покиза аёл бўлганлар. Шунинг учун ҳам Хадийжа онамиз Қурайш аёллари ичида Ислом келишидан олдин ҳам Тоҳира (Покиза) деб ном олган эдилар.
    Сийратчи олим Ибн Ҳишом Хадийжа онамизни бундай таърифланганлар:
كَانَتْ خَدِيْجَةُ يَوْمَئِذٍ أَوْسَطَ نِسَاءِ قُرَيْشٍ نَسَبًا، وَأَعْظَمَهُنَّ شَرَفًا، وَأَكْثَرَهُنَّ مَالًا
яъни: “Хадийжа – насаб жиҳатидан қурайшликларнинг энг яхшиси, обрўда энг улуғи ва энг молдор эдилар” (“Сийрати Ибн Ҳишом” китоби).
    Хадийжа онамиз Расулуллоҳ алайҳиссаломга никоҳланишларидан олдин Абу Ҳола ибн Наббош, сўнгра Атиқ ибн Обид исмли кишиларга турмушга чиққанлар. Булар билан яшаш асносида ўғил ва қиз фарзанд кўрганлар. Хадийжа онамизнинг барча фарзандлари Ислом дини келгандан кейин мусулмон бўлиб, саҳобалик мақомига эришганлар. 
    Иккинчи турмуш ўртоқлари вафот этгандан кейин Қурайш зодагонлари ва бошқа обрўлик кишилар томонидан Хадийжа онамизга совчилар жуда кўп келди, лекин онамиз бирортасига рози бўлмадилар ва асосан, тижорат билан шуғулланиб, молларини Шом ва Яман диёрларига жўнатар эдилар. 
    Хадийжа онамиз шу зайлда ҳаёт кечириб турган пайтларида Русулуллоҳнинг ишончи, ростгўй ва хулқлари гўзал эканликлари ҳақида онамиз хабар топдилар. Шунда Онамиз Расулуллоҳнинг суриштириб, у зот орқали молларини Шомга жўнатиб, жуда катта фойда ва баракага эришдилар. Пайғамбаримиз алайҳиссалом билан содир бўлган ажойиб ҳолатлар ва гўзал хулқларини кўриб, У Зотга турмушга чиқдилар. Шунда Расулуллоҳнинг ёшлари йигирма беш ва онамизнинг ёшлари эса, салкам қирқда эди. Лекин......

  Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

-- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
АЛЛОҲ САЛОМ ЙЎЛЛАГАН ЗОТ!

ПРИНТЕРДА ПЕЧАТ ҚИЛИБ
ОЛИШ УЧУН PDF ВА DOC ФОРМАТЛАРИ

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз» каналига уланиш учун
     👉  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---

ПАЙҒАМБАРЛАРНИНГ
КАСБ-ҲУНАР БИЛАН
ШУҒУЛЛАНИШИ
Ҳақиқатан, ҳар бир пайғамбар ва олим зотларнинг ўз ҳунари бўлган. Ул зотлар ҳунари сабаб ризқланганлар.
Ибн Аббос (розияллоҳу анҳу)дан олдинги пайғамбарларнинг ҳунари ҳақида сўралди. У киши: “Одам (алайҳиссалом) деҳқон эдилар. Идрис (алайҳиссалом) подшоҳ, ягона ҳаким бўлсалар ҳам тикувчилик қилганлар ва у киши биринчи бўлиб кийим тикиб кийганлардандир. Тикиш пайтида Аллоҳнинг зикридан ғофил бўлмаганлар. Нуҳ (алайҳиссалом) дурадгор эдилар ва у киши биринчи бўлиб кема ясаган. Ҳуд (алайҳиссалом) ва Солиҳ (алайҳис­салом) тижоратчи, Иброҳим (алайҳиссалом) зироатчи, Исмоил (алай­ҳиссалом) овчи, Исҳоқ (алайҳисса­лом), Яъқуб (алайҳиссалом), Шуайб (алайҳиссалом) ва Мусо (алайҳисса­лом) чўпон бўлганлар. Юсуф (алайҳиссалом) соатсоз бўлганлар, у кишининг зиндонда ёғочдан соат ясагани нақл қилинган. Ҳорун (алайҳиссалом) вазир бўлган. Илёс (алайҳиссалом) тикувчи ва Довуд (алайҳиссалом) совутчи бўлган. Пайғамбаримиз Муҳаммад (соллаллоҳу алайҳи ва саллам) тожир, яъни тижоратчи ва Аллоҳ йўлида мужоҳид бўлганлар. Шунинг учун: “Ризқим найзамнинг соясида”, деганлар.
Пайғамбаримиз (соллаллоҳу алайҳи ва саллам) саҳарда ризқ талабида юришни яхши кўрардилар ва: “Парвардигор, умматимнинг саҳарига барака бергин”, дер эдилар.
Али ибн Абу Толиб (розияллоҳу анҳу) ҳикоя қилади:
“Бир куни иш излаб Мадина кўчасига чиқдим. Маҳаллалардан бирида лой учун тупроқ уйиб қўйган аёлни кўрдим. Унга ҳар бир челак эвазига бир хурмо беришга келишиб, сув ташидим. Ўн олти челак сув билан тўлдирдим. Ҳатто қўлларим қизариб кетди. Сўнгра келиб, аёлга кафтимни очиб тутдим. У менга ўн олти дона хурмо санаб берди. Расулуллоҳ (соллаллоҳу алайҳи ва саллам)га олиб келдим ва воқеани айтиб бердим. У киши мен билан бирга хурмо едилар”.
Ҳакимлар касб-ҳунар борасида бундай деганлар:
“Эй оталарининг жигаргўшалари, ҳунар эгалланглар, қўлингиздаги бойлик, мол-дунёга суянманглар. Кимки бойликка суянса, ҳунар ўрганишдан қолиб кетади ва оқи­батда ҳалок бўлади.
Билингларки, албатта, олтину кумуш қийинчиликлар манбаидир. Уни юлғич юлиб олмаса ҳам, соҳибининг ўзи исроф қилади. Аммо ҳунарга келсак, у суви қочмас қудуқ ёки экинини ҳалок қилмайдиган ҳосил­дор заминдир. Касб-ҳунар эгаси молини йўқотса ҳам хафа бўлмайди, чунки касб-ҳунарида мол-дунё бор.
Аммо кимнинг ҳунари (касби) бўлмаса, унга албатта, бир куни хорлик, фақирлик етади”.
Ҳикматларда айтилганки: “Ҳунари бўлган одам фақирлик балосидан омондадир”.

Усмонхон АЛИМОВнинг
“Расулуллоҳ (соллаллоҳу алайҳи ва саллам)нинг муборак васиятлари” китобидан (2-жилд)
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

https://telegra.ph/BIR-OYAT-TAFSIRI-ALLOҲ-TAOLOGA-SEVIMLI-BANDALAR-10-29
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
БИР ОЯТ ТАФСИРИ: АЛЛОҲ ТАОЛОГА СЕВИМЛИ БАНДАЛАР
(Фурқон сураси, 63-67 оятлар)
    Муҳтарам жамоат! Бугунги мавзуимизда уммат учун долзарб бўлган, кундалик ҳаётимизда кўп учраётган иллатларга даво бўлган Қуръон оятлари тафсири ҳақида суҳбатлашамиз. 
   Ҳар бир мўмин-мусулмон борки, Аллоҳ таолога севимли банда бўлишни истайди. Зеро, Аллоҳ таоло суйган бандалар ҳар икки дунёда саодатли бўладилар. Уларга қиёматнинг даҳшатларида хавф ҳам йўқ, хафа ҳам бўлмайдилар. Улар соя-салқин жаннатларда, сўрилар устида кўз кўриб қулоқ эшитмаган неъматлар ичида бўладилар. Дўзах ўтидан нажот топиб, абадий саодатга эришадилар. 
   Аллоҳ таоло Қуръони каримнинг бир қанча ўринларида севимли бандаларини сифатлаган. Жумладан, Фурқон сурасининг 63-67-оятларида ҳам Аллоҳ таолонинг хос бандалари ҳақида сўз кетади. Бу оятларни ўрганиб қуйидаги сифатлар бандани Аллоҳ таолога севимли қилишини билиб оламиз:
   1. Камтар бўлиш ва жоҳиллар билан тортишмаслик;
  Бу ҳақда ояти каримада шундай дейилади:
وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ 
هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63)
    яъни: “Раҳмоннинг (суюкли) бандалари ерда камтарона юрадиган, жоҳил кимсалар (бемаъни) сўз қотганда «Саломатлик бўлсин!» деб жавоб қиладиган кишилардир” (Фурқон сураси 63-оят).
   Зайд ибн Аслам айтади: “Мен ушбу оятнинг тафсири ҳақида сўраб-суриштириб юрардим. Бу хусусда қониқарли изоҳ топа олмадим. Шу кунларда туш кўрдим. Тушимда бир киши олдимга келиб: “Улар ер юзида фасод чиқаришни истамайдиганлардир”, деди”.
    Ибн Аббос розияллоҳу анҳу: “Итоат, яхшилик ва тавозе билан юрадилар”, деб тафсир қилган бўлсалар, Ҳасан: “Нодонларга парво қилмайдилар, уларга нодонлик қилинса, нодонлик билан жавоб бермайдилар. Одамлардан ўзларини катта олмай юрадилар”, деб таъвил қилган.
    Демак, Аллоҳ таоло севган бандалар ҳилм, сакинат ва виқор билан юрадилар, кибрланмайдилар. Ер юзида фитна-фасод чиқариб, осийлик қилмайдилар. Жоҳил кимсалар уларга ёқмайдиган гапларни гапирсалар ҳам, яхши гап билан жавоб қиладилар. Яъни, уларга жоҳилона муомала қилинса ҳам, жоҳиллик қилмайдилар.
   Бошқа ояти каримада Аллоҳ таоло ёмонликни яхшилик билан даф қилиш ҳақида шундай дейди:
وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ 
   яъни: “Яхшилик билан ёмонлик баробар бўлмас. Сиз (ёмонликни) гўзалроқ (муомала) билан даф этинг! (Шунда) бирдан сиз билан ўрталарингизда адоват бўлган кимса қайноқ (қалин) дўстдек бўлиб қолур” (Фуссилат сураси 34-оят).
    Аллоҳ таоло Пайғамбаримизга ва бу орқали Ислом умматига хитоб қилмоқдаки, сизга жаҳл қилганларнинг жаҳлини ҳилмингиз билан, сизга ёмонлик қилганларнинг ёмонлигини авфингиз билан, хуш кўрилмайдигани нарсаларни сабрингиз билан даф қилинг. 
   Пайғамбаримиз алайҳиссаломнинг ҳузурида бир киши бошқасини сўкди, иккинчиси: “Саломат бўл”, деди. Шунда Пайғамбаримиз алайҳиссалом айтдилар: 
أَمَا إِنّ مَلَكاً بَيْنَكُمَا يَذُبُّ عَنْكَ كُلَّمَا شَتَمَكَ هَذَا قَالَ لَهُ بَلْ أَنْتَ وَأَنْتَ أَحَقُّ بِهِ وَإِذَا قُلْتَ لَهُ عَلَيْكَ السَّلامُ قَالَ لَا بَلْ لَكَ أَنْتَ أَحَقُّ بِهَا (رواه امام احمد )
...........
  Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

-- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
БИР ОЯТ ТАФСИРИ: АЛЛОҲ ТАОЛОГА СЕВИМЛИ БАНДАЛАР
(Фурқон сураси, 63-67 оятлар)

ПРИНТЕРДА ПЕЧАТ ҚИЛИБ
ОЛИШ УЧУН PDF ВА DOC ФОРМАТЛАРИ

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз» каналига уланиш учун
     👉  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---
🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI
--- ∽❧❧۞🍃🕌🍃۞∽❧❧∽ ---

https://telegra.ph/DINIMIZDA-MUSIBATLARNI-ENGISH-VA-SABRGA-TAVSIYALAR-10-22

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗДА МУСИБАТЛАРНИ ЕНГИШ ВА САБРГА ТАВСИЯЛАР
     Муҳтарам жамоат! Аллоҳ таоло дунё ҳаётини бандалари учун синов майдони қилди. Бу ерда одамлар синалади: ким солиҳ-эзгу амаллар қилади, ким гуноҳлар остида қолади. Бу синовлар ичида турли қийинчилик, мусибат, касаллик ва балолар борки, мўмин киши уларни сабр билан енгиб ўтса, дунёда ҳам, охиратда ҳам саодатга эришади. 
     Аллоҳ таоло Қуръони каримда бандаларини сабр ва намоз билан ёрдам сўрашга буюради, У сабр қилувчилар билан бирга эканини эълон қилади:
يَا أَيُّهَا الَّذِينَ آَمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ
    яъни: “Эй, имон келтирганлар! Сабр ва намоз билан (Мендан) ёрдам сўрангиз! Албатта, Аллоҳ сабр қилувчилар билан биргадир” 
(Бақара сураси 153-оят).
     Кейинги оятларда эса инсон ҳаётида юз бериши мумкин бўлган хавф, очлик, молнинг камайиши, жонига мусибат етиши, яқинларидан ажралиш, ризқу рўзнинг камайиши кабилар саналади. Бу мусибатларга сабр қилганларга хушхабар берилади. У сабрли бандаларни янада очиқроқ сифатлаб, улар мусибат етганда:   
      “Биз Аллоҳникимиз ва унга қайтамиз”, дейишларини баён қилади. Ана ўшандай бандаларга Аллоҳ таолонинг фазл марҳамати ва раҳмати бўлиши ва улар ҳидоят топган зотлар экани айтилади: 
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)
    яъни: “Сизларни бироз хавф-хатар, очлик (азоби) билан, молу жон ва мевалар (ҳосили)ни камайтириш йўли билан синагаймиз. (Шундай ҳолатларда) сабр қилувчиларга хушхабар беринг (эй, Муҳаммад)! Уларга мусибат етганда: “Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз”, – дейдилар. Айнан ўшаларга Парвардигорлари томонидан салавот (мағфират) ва раҳмат бордир ва айнан улар, ҳидоят топувчилардир” (Бақара сураси 155-157-оятлари).
    Пайғамбаримиз алайҳиссалом мўминнинг ҳоли ажабланарли экани, у модомики сабрли ва шукрли бўлар экан доим ютуқда эканини айтиб шундай дейдилар:
عَجَبًا لِأَمْرِ الْمُؤْمِنِ، إِنَّ أَمْرَهُ كُلَّهُ لَهُ خَيْرٌ وَلَيْسَ ذَلِكَ لِأَحَدٍ إِلَّا لِلْمُؤْمِنِ، إِنْ أَصَابَتْهُ سَرَّاءُ شَكَرَ وَكَانَ خَيْرًا لَهُ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ (رواه مسلم)
    яъни: “Мўминнинг иши ажабланарли. Унинг ҳамма иши унга яхшиликдир. Бу фазилат фақат мўминга бўлади. Унга хурсандчилик етса, шукр қилади, бу унга яхши бўлади. Унга ёмонлик етса, сабр қилади, бу унга яхши бўлади” (Имом Муслим ривояти).
     Ансорийлардан баъзилари Пайғамбаримиз алайҳиссаломдан садақа сўрашди,...........

   Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

 --- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗДА МУСИБАТЛАРНИ ЕНГИШ ВА САБРГА ТАВСИЯЛАР

ПРИНТЕРДА ПЕЧАТ ҚИЛИБ
ОЛИШ УЧУН PDF ВА DOC ФОРМАТЛАРИ

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз» каналига уланиш учун
     👉  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---
🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI
--- ∽❧❧۞🍃🕌🍃۞∽❧❧∽ ---

https://telegra.ph/ҚURON-ҲIKMATLARI-10-16
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 ҚУРЪОН ҲИКМАТЛАРИ:
“Кибр ва тавозеъ (Луқмон сураси 18-19-оятлар)”
    Муҳтарам жамоат! Бугун сизлар билан Луқмон сурасининг 18-19-оятларида келтирилган солиҳ банда-Луқмони ҳакимнинг ўғилларига айтган баъзи насиҳатлари ҳақида суҳбатлашамиз. 
    Инсон дунёда яшар экан унинг олий мақсади Ҳақ таолони рози қилиб, икки дунё саодатига эришишдир. Бунинг учун киши Роббиси хуш кўрадиган хулқларни эгаллаши ҳамда У Зот ёқтирмайдиган хислатлардан узоқ бўлиши лозим. Қуйидаги оятларда ҳам айнан кибрнинг ёмонлиги ва ноўрин бақир-чақир қилиш мусулмонга нолойиқ сифат экани баён қилинган:
 وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا إِنَّ اللَّهَ لَا يُحِبُّ كُلَّ مُخْتَالٍ فَخُور 
    яъни: “Одамларга (кибрланиб) юзингни буриштирмагин ва ерда керилиб юрмагин! Чунки, Аллоҳ барча кибрли, мақтанчоқ кимсаларни суймас” (Луқмон сураси, 18-оят).
    Дарҳақиқат, мусулмон киши ҳатто юриш-туришда ҳам кибру ҳаводан, такаббурликдан сақланиш керак.
    Ибн Касир раҳматуллоҳи алайҳ ушбу оятдаги “Одамларга (кибрланиб) юзингни буриштирмагин” жумласини шарҳлаб бундай деганлар: “Одамлар билан гаплашаётган пайтда кибр қилиб ёки уларни менсимасдан юзингизни улардан буриб олманг. Балки уларга эътибор ва мулойимлик билан муомала қилинг”.
     Ояти кариманинг давомида “ерда керилиб юрмагин!” дейилмоқда. Яъни киши ўзидан фахрланиб ва ажабланиб юриши ёмон иллат экани баён қилинмоқда. Тафсири Жассосда бундай дейилган: “Ушбу оятда Аллоҳ таоло киши ўзи билан фахрланиб юриши ва ўзгаларни камситиши ва менсимаслиги каби ёмон иллатлардан қайтармоқда. Бундай иллатлар жоҳил ва нодон кишиларда ҳамда ўзининг ибтидоси ва бир кун келиб тупроққа айланиб кетишидан хабари йўқ кимсаларда топилади”.......

Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

 --- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 ҚУРЪОН ҲИКМАТЛАРИ:
“Кибр ва тавозеъ (Луқмон сураси 18-19-оятлар)”

ПРИНТЕРДА ПЕЧАТ ҚИЛИБ
ОЛИШ УЧУН PDF ВА DOC ФОРМАТЛАРИ

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз» каналига уланиш учун
     👉  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---

7. ТУНДА УЙҒОНГАНДА
ЎҚИЛАДИГАН ДУО

اللهم لك الحمد أنت نور السموات والأرض ولك الحمد أنت قيم السموات والأرض ولك الحمد أنت رب السموات والأرض ومن فيهن أنت الحق ووعدك الحق وقولك الحق ولقاؤك الحق والجنة حق والنار حق والنبيون حق والساعة حق اللهم لك أسلمت وبك آمنت وعليك توكلت وإليك انيت وبك خاصمت وإليك حاكمت فَاغْفِرْ لي ما قدمت وَمَا أُخْرَتْ وَمَا أَسْرَرْتُ وَمَا أعلنت أنت إلهي لا إله إلا أنت.

Аллоҳумма лакал ҳамду анта нурус самавати вал арзи валакал ҳамду анта қоййимус сама вати вал арзи валакал ҳамду анта роббус сама вати вал арзи ваман фийҳинна антал ҳаққу ва ваъдукал ҳаққу ва қовлукал ҳаққу ва лиқоукал ҳаққу вал жаннату ҳаққун ваннару ҳаққун вас- саъату ҳаққун. Аллоҳумма лака асламту ва бика оманту ва ъалайка таваккалту ванлайка анабту ва бика хосамту ва илайка ҳокамту фағфир лий ма қоддамту вама аххорту вама асрорту вама аъланту анта илаҳи ла илаҳа илла анта.
Маъноси:
Ё Аллоҳ! Фақат Сенга ҳамд бўлсин. Осмонлар ва ернинг нури Сенсан. Фақат Сенга ҳамд бўлсин, кўкларни ва ерни тутиб турувчи фақат Ўзингсан. Фақат Сенга ҳамд бўлсин. Зеро, осмонларнинг ва ернинг, улар ичидагиларнинг Рабби Сенсан. Хақ Сенсан. Ваъданг ҳақдир ва сўзинг ҳақдир. Сенга бормоқ ҳақдир. Жаннат ҳақдир. Жаҳаннам ҳақдир. Пайғамбарлар ҳақдир. Қиёмат куни келиши ҳам ҳақдир.
Ё Аллоҳ! Сенга бўйсундим. Сенга имон келтирдим. Фақат Сенга таваккал қилдим. Сенга тавба қилдим. Душманимга қарши қувватимни фақат Сендан олдим. Ҳақни инкор қилганлар билан орамизда Сени ҳакам қилдим.
Ё Аллоҳ! Барча қилган ва қиладиган, яширин ва ошкора гуноҳларимни афв эт. Сен менинг илоҳимсан. Сендан бошқа ибодатга лойиқ ҳеч бир Илоҳ йўқдир.
Шарҳ:
Расулуллоҳ (соллаллоҳу алайҳи васаллам) кечанинг жимжитлиги ичида, юлдузлар порлаганида туриб, доимо шу муборак дуони ўқирдилар. Имом Муслимдан ривоят қилинган ҳадисда бу муборак дуони витр намозида, ифтитоҳ такбирида ўқиганлари ҳам айтилади. Дуода Аллоҳнинг қудратига ишора қилинади. Унинг барча хабарларининг ҳақлиги тасдиқланади. Унга таслим бўлиб, ёлғиз Унга таваккал қилинади. Ибодатга лойиқ фақат Аллоҳ экани билдирилиб, қилинган ва қилинадиган, ошкора ва яширин барча гуноҳларнинг афви сўралади. Барча бу юксак мақтов ва тилаклардан сўнг Аллоҳга: «анта илаҳи ла илаҳа илла анта», яъни: «Ё Раббий! Сендан бошқа илоҳ йўқ. Фақат ибодатга лойиқ Сенсан», деган сўзлар билан якунланади.
Бу дуо мўмин банда учун Аллоҳга ҳамду сано айтилган ва ваъдаларининг ҳақ экани тасдиқланган, Унга бутун вужуд билан таваккал қилинган энг муборак бир дуодир. Бу муборак дуо мўминнинг руҳи ва Раббиси ўртасидаги таржимондир.

   «ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

 --- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗ ЎГИТЛАРИДА ВАҚТ ҚАДРИ

ПРИНТЕРДА ПЕЧАТ ҚИЛИБ
ОЛИШ УЧУН PDF ВА DOC ФОРМАТЛАРИ

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз» каналига уланиш учун
     👉  https://t.me/joinchat/AAAAAEZ6gdBWUOdHKnnL1Q

https://telegra.ph/DINIMIZ-ЎGITLARIDA-VAҚT-ҚADRI-10-09

ДИНИМИЗ ЎГИТЛАРИДА ВАҚТ ҚАДРИ
9 октября 2024 от Жума мавъизалари Ўз
     Муҳтарам жамоат! Аллоҳ таоло бандаларига ато қилган умр катта неъматлардан биридир. Айниқса, дунё машғулотларидан ортган бўш вақтимиз биз учун жуда қимматлидир. Қайси бир шахс мана шу вақтидан унумли фойдаланса: ибодат қилса, илм-маърифатини оширса, касб ўрганса, турли савоб ва эзгу ишларни қилса, унинг икки дунёси ҳам гўзал бўлади. Агар банда бўш вақтини гуноҳ-маъсиятга, бекорчи ўйин-кулгуга ва фойдасиз нарсаларга сарфласа, ҳар икки дунёда батхсизликка учрайди. Бу ҳақда Аллоҳ таоло севимли Пайғамбаримизга шундай буюрган:
فَإِذَا فَرَغْتَ فَانْصَبْ وَإِلَى رَبِّكَ فَارْغَبْ
     яъни: “Бас, (эй, Муҳаммад!) Қачонки, (намоздан) фориғ бўлсангиз, (ўрнингиздан) туринг ва Раббингиз сари рағбат (билан дуо) қилинг!”  (Шарҳ сураси 7-8-оятлар).
     Демак, мусулмон киши дунё ишлари ва тирикчилик юмушларидан бўш вақт топса, Роббисига юзланиши, дунё ва охирати учун фойдаси тегадиган ишларни қилиши керак. Қимматли вақтини бефойда нарсаларга совурмаслиги даркор.
    Ҳақ таборака ва таоло Қуръони каримнинг “Мулк” сурасида бундай марҳамат қилади: “У (Аллоҳ), сизларнинг қай бирингиз яхшироқ амал қилишингизни синаш учун ўлим ва ҳаётни яратган Зотдир”. Ушбу ояти каримадан инсон умри бекорга берилмагани, уни ҳуда-беҳуда ишлар, кайфу сафо ва бекорчилик, дангасалик ва тамбаллик билан зое қилиш учун эмас, балки хайрли амаллар, фойдали ишлар, элу юртга манфаат келтирадиган ҳамда охират учун захира бўладиган буюк ишларни амалга ошириш учун берилган қимматли фурсат экани ойдинлашади..........

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗ ЎГИТЛАРИДА ВАҚТ ҚАДРИ
Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---

ҲАЗРАТ ТАҲОНАВИЙ БИЛАН
БЎЛГАН БИР ВОҚЕА
Ҳазрат Таҳонавий раҳматуллоҳи алайҳ мурид ва яқинларига "сафар қилсангиз ва юкингиз сизга бепул олиб кетишингизга рухсат берган миқдордан ортиқ бўлса, албатта, ортиқча юкнинг ҳаққини адо этинг, кейин сафар қилинг", дея кўрсатма берар эдилар.
Бир куни у киши сафар қилиш учун вокзалга етиб келдилар. Поезд келишига яқин қолган эди. Ҳазрат юкларини олиб, юклар тортиладиган жойга етиб келдилар ва навбатга турдилар. Тасодифан поездда бирга кетадиган кондуктор у ерга келди ва Ҳазратни таниб қолди, кейин дарҳол: "Ҳазрат, сиз бу ерда нега турибсиз?" деб сўради.
Ҳазрат: "Юкимни торттириш учун келганман", дедилар.
Кондуктор: "Сизга юкингизни торттиришга зарурат йўқ. Ҳеч қандай муаммо бўлмайди. Мен сиз билан бирга поездда кетаман. Ортиқча юк учун ҳақ тўлашингиз шарт эмас", деди.
Ҳазрат: "Сиз мен билан бирга қаергача борасиз?" деб сўрадилар.
Кондуктор: "Фалон бекатгача бораман", деди.
Ҳазрат: "Кейин у ёғига нима бўлади?" деб сўрадилар.
Кондуктор: "У бекатда бошқа кондуктор келади. Мен унга бу Ҳазратнинг юклари, деб айтиб қўяман", деди.
Ҳазрат: "У кондуктор мен билан бирга қаергача боради?" деб сўрадилар кейин.
Кондуктор: "У узоққа кетади. Ундан анча олдин сизнинг бекатингиз келади", деди.
Ҳазрат: "Йўқ, мен анча узоққа кетаман, охират тарафга кетаман, қабримга кетаман. Қайси кондуктор мен билан бирга кетади?" дедилар. Кейин: "Охиратда мендан бир давлатга оид поездда юкнинг ҳаққини адо қилмай қилган сафаринг ва ўғирлигинг ҳисобини бер деган талаб бўлса, у ерда қайси кондуктор менга ёрдам бера олади?!" дедилар.

Абдулқайюм Комил
«НАСИҲАТЛАР ГУЛДАСТАСИ» китобидан.

--- ∽❧❧۞🍃🕌🍃۞∽❧❧∽ ---
🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI
--- ∽❧❧۞🍃🕌🍃۞∽❧❧∽ ---

--- ∽❧❧۞🍃🕌🍃۞∽❧❧∽ ---
🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI
--- ∽❧❧۞🍃🕌🍃۞∽❧❧∽ ---

--- ∽❧❧۞🍃🕌🍃۞∽❧❧∽ ---

БИРОДАР ЗИЁРАТИ
Китобларда ёзилишича, икки диндош биродар учрашиб қолибди ва бири иккинчисидан сўрабди:
"Қаерлардан сўраймиз?"
Иккинчиси жавоб берибди:
"Умрадан келдим, Каъбани ва ҳазрат Пайғамбаримиз соллаллоҳу алайҳи ва салламнинг муборак қабрларини зиёрат қилдим. Ўзингиз қаердан келяпсиз?"
Бунга жавобан биринчи биродар дебди:
"Аллоҳ учун севадиган бир биродаримни зиёрат қилиб қайтяпман.
Ҳожи биродари сўрабди:
"Бунинг савобини ҳаж қилганнинг савобига алмашмайсизми?"
Диндош биродарини зиёрат қилган бошини эгиб, узоқ сукутга кетибди. Шу маҳал ғойибдан шундай бир сирли овоз эшитибди: "Аллоҳ йўлида биродар тутинганни зиёрат этиш юз нафила ҳаждан савоблироқдир!"
Ҳазрат Пайғамбаримиз соллаллоҳу алайҳи ва саллам шундай марҳамат қилган эканлар:
"Бир мўмин биродарини йўқлаб зиёратга бораётган кишини етмиш минг фаришта кузатиб қўядилар" (Ибн Аббосдан ривоят қилган, Қайзул Қодир китобида келган).
Имом Шаъроний қуддиса сирруҳу пирлари Али Хаввос қуддиса сирруҳудан сўрадилар:
"Ҳозирги вақтларда биродарларни йўқлаш дурустми ёки уларни муҳим ишлардан чалғитмаслик, безовта қилмаслик учун зиёрат қилмаган маъқулроқми?" Шайх қуддиса сирруҳу жавоб бердилар:
"Ниятингни яхши қилгин-да, зиёратга бор. Қайтариқ фақат нафсоний ғараз билан қилинган зиёрат хусусида келган, холос"

«АХЛОҚУС СОЛИҲИЙН» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

https://telegra.ph/Birortangiz-toki-ўzi-yahshi-kўrgan-narsani-birodariga-ҳam-yahshi-kўrmaguncha-mўmin-bўla-olmajdi-10-03
https://telegra.ph/EHҲTIROMGA-LOJIҚ-ZOTLAR-09-24
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 Бир ҳадис шарҳи: “Бирортангиз токи ўзи яхши кўрган нарсани биродарига ҳам яхши кўрмагунча мўмин бўла олмайди”.
Тезисни ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни ёки расм устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

ҚЎЛ БЕРИБ КЎРИШИШ
Саҳобалар розияллоҳу анҳум кўришганларида ва хайрлашганларида бир-бирларига қўл беришиб, қўл сиқишар эдилар. Бу уларнинг одати эди. Ҳазрат Абдуллоҳ ибн Умар розияллоҳу анҳудан ривоят қилинади. Пайғамбар соллаллоҳу алайҳи ва саллам дедилар:
"Бир-бирингизга қўл бериб кўришинг, бу нафрат ва адоватни кетказади" (Ибн Адий ривояти).
Шунингдек, Абу Умома розияллоҳу анҳудан ривоят қилинади, у зот соллаллоҳу алайҳи ва саллам яна дедилар:
"Қўл олиб, қўл бериш комил саломлашишдир, ўнг қўл билан кўришилади" (Ҳоким ривояти).
Тамим розияллоҳу анҳудан ривоят қилинади, яна Расулуллоҳ соллаллоҳу алайҳи ва саллам дейдиларки:
"Биринчи бўлиб қучоқ очиб, қучоқлаб кўришган киши Иброҳим алайҳиссалом эдилар. Унгача саломлашиш одоби иккала томоннинг бир-бирларига таъзим қилиши эди. Ислом эса қўл бериб кўришишни одатга киритди" (Дайламий ривояти).
Яна ҳадисда айтилади. Баро ибн Озибдан ривоят қилинади:
"Икки мусулмон бир-бирлари билан қўл бериб кўришиб, Аллоҳга ҳамду сано айтиб, мағфират тиласалар, Аллоҳ Икковининг ҳам гуноҳини кечиради" (Абу Довуд ривояти).
Бу маънода Умар ибн Ҳаттоб розияллоҳу анҳудан ривоят қилинади, Аллоҳнинг Расули соллаллоҳу алайҳи ва саллам яна марҳамат қиладилар:
"Икки мусулмон учрашиб, бири иккинчисига салом берса, Аллоҳга севимлироғи уларнинг хушмуомалалирогидир. Бир-бири билан қўл бериб кўришсалар, Аллоҳ уларга юзта савоб ато этади, тўқсонтаси биринчи бўлиб салом берганга, ўнтаси саломнинг жавобини берган кишига" (Абу Шайх ривояти)

«АХЛОҚУС СОЛИҲИЙН» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

--- ∽❧❧۞🍃🕌🍃۞∽❧❧∽ ---

6. НУР СЎРАШ ДУОСИ

اللَّهُمَّ اجْعَلْ فِي قَلْبِي نُورًا وَفِي سَمْعِي نُورًا وَفِي بَصَرِي نُورًا وَعَنْ يَمِينِي نُورًا وَعَنْ شِمَالِي نُورًا وَأَمَامِي نُورًا وَخَلْفِي نُورًا وَ فَوْقِي نُورًا وَتَحْتِي نُورًا وَاجْعَلْ لِي نُورًا.
Аллоҳуммажъал фий қолбий нурон вафий самъий нурон вафий басорий нурон ва ъан ями- ний нурон ва ъан шималий нурон ва амамий нурон ва холфий нурон ва фавқий нурон ва таҳтий нурон важъал лий нурон.
Маъноси:
Расулуллоҳ (соллаллоҳу алайҳи ва саллам) тунги намозларини ўқиб бўлгач, самога қараб: «Ё Аллоҳ, қалбимда нур қил, қулоғимда нур қил, кўзимда нур қил, ўнг ва сўлимда нур қил, олдим ва ортимда нур қил, остим ва устимда нур қил. Менга нур бер», деб дуо қилардилар.
Шарҳ:
Бу муборак дуо ҳақиқатни кўриш, эшитиш, ҳақни ботилдан ажратиш учун инсонларга лозим бўлган энг комил дуолардан биридир. Чунки ҳақиқат нур ила кўрилади, нур ила билинади. Шу сабабдан бу тун солиҳлар, авлиёлар бу муборак дуони нур ўлароқ қабул қилганлар. Расулуллоҳ (соллаллоҳу алайҳи ва саллам)дан намуна олиб, бу муборак дуони кечалари ўқиганлар.
Дуода Аллоҳдан нур сўраб, ҳақиқатни кўра олиш, ҳақ ва ботилни ажрата олиш тиланади. Бу муборак ҳидоят нури кимга насиб қилса, у инсон улуғ неъматга эришибди. Муборак дуонинг сири шундай англашилади.
Расулуллоҳ (соллаллоҳу алайҳи ва саллам) бу дуода кўзларига нур тиламоқдалар. Инсон кўзи шундоқ ҳам кўрадику. Бу ердаги кўз нуридан мақсад ҳақ ва ботилни аниқ кўра олишдир. Ҳаётдаги барча хатолар нотўғри кўриш боис содир этилмайдими?!
Яна бу дуода Расулуллоҳ (соллаллоҳу алайҳи васаллам) қулоқларига нур сўрамоқдалар. Бунинг сири шуки, бу дунёда ботил фикрлар баъзан сеҳрли сўзлар билан жаранглатиб айтилади. Инсонлар бу таҳликадан қулоқларидаги ҳидоят нури билан сақланадилар.
Шунингдек, бу муборак дуода ҳар тараф ост-уст, орт-олдин, ўнг-сўл учун нур сўралади. Бунинг сири бундайдир: куфрнинг қоронғилиги бандани буткул қоплаб олиши мумкин. Бундай хавфдан эса ҳидоят нурлари билан нажот топилади.
Дуо сўнгида эса: «Менга нур бер», дейилади. Қуръони карим Таҳрим сураси 8-оятида бундай дейилади:
رَبَّنَا أَتْمِمْ لَنَا نُورَنَا
«Роббана атмим лана нурона».
Яъни, «Яхши инсонлар: «Эй Роббимиз! Нуримизни мукаммал қил!» дейдилар».
Инсон нурининг мукаммал бўлиши билан у камол топади. Бу муборак дуонинг файз-баракотига эришади. Чунки нур келганида қоронғилик чекинади, ҳидоят нури порлаганидан сўнг куфр зулматларининг ёмонликлари барҳам топади. Шу сабаб инсонлар муборак дуони ўрганишлари, доимо нур беришини, нурини орттиришини Аллоҳдан тилаб, илтижолар қилишлари керак.

«ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

УСТОЗЛАР  -  ЭЪЗОЗ ЭҲТИРОМГА МУНОСИБ ЗОТЛАР
     Пайғамбаримиз саллаллоҳу алайҳи васаллам ҳам илмли кишининг илмсиз кишидан даражаси юқори эканлигини бир қанча ҳадисларида баён қилганлар. Шундай ҳадиси шарифлардан бирида шундай марҳамат қилинган:

عَنْ أَبِي أُمَامَةَ الْبَاهِلِيِّ رَضِيَ اللَّهُ عَنْهُ قَالَ، ذُكِرَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ رَجُلَانِ: أَحَدُهُمَا عَابِدٌ وَالْآخَرُ عَالِمٌ ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "فَضْلُ الْعَالِمِ عَلَى الْعَابِدِ كَفَضْلِي عَلَى أَدْنَاكُمْ" (رَوَاهُ الإِمَامُ التِّرْمِذِيُّ)
    яъни: Абу Амома ал-Боҳилий разияллоҳу анҳудан ривоят қилинади “Расулуллоҳ саллаллоҳу алайҳи васалламга икки киши ҳақида гапиришди. Уларнинг бири обид, иккинчиси эса олим эди. Шунда Расулуллоҳ алайҳиссалом: “Олимнинг обиддан ортиқлиги ҳудди менинг сизлардан энг қуйи даражадаги кишидан ортиқлигимга ўхшайди”, – дедилар (Имом Термизий ривоятлари).
Пайғамбаримиз алайҳиссаломнинг қуйидаги сўзлари ўқитувчи ва муаллимларнинг фазилати учун етарли ҳисобланади:

إِنَّ اللَّهَ وَمَلَائِكَتَهُ وَأَهْلَ السَّمَوَاتِ وَالْأَرَضِينَ حَتَّى النَّمْلَةَ فِي جُحْرِهَا وَحَتَّى الْحُوتَ لَيُصَلُّونَ عَلَى مُعَلِّمِ النَّاسِ الْخَيْرَ 
(رواه الامام الترمذى عن أبى أمامة رضي الله عنه)
     яъни: “Албатта, Аллоҳ таоло, фаришталар, осмонлар ва ерлардаги зотлар, ҳатто инидаги чумолилар ва (сувдаги) балиқлар ҳам одамларга яхшиликни ўргатувчи кишиларга раҳмат йўллайди ва истиғфор айтади” (Имом Термизий ривоятлари).  
Динимиз таълимотларига кўра одамларга фойдали илмларни таълим берувчи муаллимларнинг Аллоҳ таоло ҳузурида шаънлари улуғ, қадрлари юксакдир.   
     Суюкли Пайғамбаримиз соллаллоҳу алайҳи васалламни бу дунёга муаллим ўлароқ юборилгани бу мартабани не чоғлик улуғлигини кўрсатади.Таълим-тарбия иши пайғамбарларнинг вазифаларидан биридир. Пайғамбаримиз алайҳиссалом айтадилар: 
إِنَّ اللَّهَ لَمْ يَبْعَثْنِي مُعَنِّتًا وَلَا مُتَعَنِّتًا وَلَكِنْ بَعَثَنِي مُعَلِّمًا مُيَسِّرًا (رواه الامام مسلم عن عائشة رضي الله عنها)
   яъни: “Албатта, Аллоҳ таоло мени одамларни қийинчиликка соладиган, уларнинг адашишини хоҳловчи қилиб эмас, балки муаллим ва осон қилувчи қилиб юборди” (Имом Муслим ривоятлари). 
    Инсоният тарихида устоздек бошқаларга нафи тегувчироқ, ўзгалар келажак ҳаёти учун ғамхўрроқ зотлар бўлмаган. Устоз ва мураббийлар ҳар доим ўз шогиртлари орқали жамиятга узлуксиз манфаат етказиб турадилар. Ўқитувчиларнинг машаққатли меҳнатлари эвазига ёш авлоднинг илмига илм, одобига одоб қўшилади. Тўғри берилган таълим-тарбия туфайли инсоннинг турмуши гўзаллашади, қалби нурафшон бўлиб ушбу ёруғ оламга ўзгача бир раҳм-шафқат нигоҳи билан қарай бошлайди. Пайғамбаримиз саллоҳу алайҳи васаллам айтганлар: 
 مَنْ كَانَ فِي حَاجَةٍ أَخِيهِ كَانَ اللهُ فِي حَاجَتِهِ" (رواه الامام البخاري) 
яъни: “Ким биродарининг ҳожатини чиқарса Аллоҳ таоло у банданинг ҳожатини раво қилади” (Имом Бухорий ривоятлари).
    Бошқаларга фойда келтирадиган инсонларнинг қадр-қиммати Аллоҳ таолонинг наздида ҳам улуғ экани ҳақида Расулимиз алайҳиссалом яна бир ҳадиси муборакларида шундай марҳамат қилганлар: 

أَحَبُّ النَّاسِ إِلَى اللَّهِ أَنْفَعُهُمْ لِلنَّاسِ (رواه الامام الطبرني)
яъни: “Аллоҳ таолога инсонларнинг энг суюклиси-одамларга энг кўп нафи тегувчи инсондир” (Имом Табароний ривоятлари). 

       Жума тезисидан
--- ∽❧❧۞🍃🕌🍃۞∽❧❧∽ ---
https://photos.app.goo.gl/G9wvmfoTCYsokzzv7

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

https://telegra.ph/EHҲTIROMGA-LOJIҚ-ZOTLAR-09-24
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 ЭҲТИРОМГА ЛОЙИҚ ЗОТЛАР!
Тезисни ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни ёки расм устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

-- ∽❧❧۞🍃🕌🍃۞∽❧❧∽ ---

5. ЎРИНГА ЁТГАНДА ЎҚИЛАДИГАН ДУО
اللَّهُمَّ أَسْلَمْتُ نَفْسِي إِلَيْكَ وَوَجْهَتُ وَجْهِي إِلَيْكَ وَفَوَّضْتُ أمري إليك والجات ظهري إليك رغبة ورهبة إليك لا ملجا ولا منجى منك إلا إلَيْكَ آمنت بكتابك الذي انزلت وينبيك الذي أرسلت.

Аллоҳумма асламту нафсий илайка ва важжаҳту важҳий илайка ва фаввазту амрий илайка ва алжату зохрий илайк, роғбатан ва роҳбатан илайк, ла малжаа ва ла манжа минка илла илайк. Аллоҳумма аманту бикитабикаллазий анзалта ва набиййикаллазий арсалта.

Маъноси:
Расулуллоҳ (соллаллоҳу алайҳи ва саллам) саҳобалардан бири Барога: «Ётоғингга кирган пайтинг: «Ё Аллоҳ, ўзимни Сенга топширдим, юзимни Сенга бурдим, ишимни Сенга топширдим, Сенга суяндим, умидим Сендан, қўрқувим Сендандир. Сендан ўзга паноҳ ва нажот берувчи йўқ. Туширган китобингта, юборган набийингга ишондим», деб ёт, агар ўша кечада ўлсанг, Исломда ўлган бўласан. Ўлмасдан тонгда турсанг, яхшиликларга ноил бўласан», дедилар.

Шарҳ:
Расулуллоҳ (соллаллоҳу алайҳи ва саллам) саҳоба ҳазрат Барога бу муборак дуони шу тарзда англатганлар. Расулуллоҳ (соллаллоҳу алайҳи ва саллам): «Эй Баро! Ётоғингта кирадиган вақтингда намоз учун таҳорат қилганингдек таҳорат ол. Ўнг томонинг билан ёт ва юқоридаги дуони айт. Бу сўзлар сенинг ётишдаги энг сўнгги сўзларинг бўлсин», дедилар.

Инсон шу муборак дуони айтиб, тафаккур қилса, дунёдаги машғулотларидан, дардли ишларидан айрилиб, Аллоҳга ўзини топшириб, юзини Унга буриб, ишини Унга омонат қилган ҳолда роҳат ичида ётса, шубҳасиз, ҳузурнинг энг буюк даражасига эришади.
Қанча инсонлар бу серташвиш дунёнинг алам ва изтироблари ичра минг хил ўй-хаёл билан асабларини бузиб, тонгга қадар ухлаёлмайди. Улар қодир Аллоҳни шу тарзда таниб, ишларини Унга топширсалар, ҳам саломатлик, ҳам маънавий файз-баракот олади, саодатга эришадилар. Чунки У Қодири Мутлақ бирор ишнинг бўлишини хоҳласа, албатта, амалга ошади, тузалади. Имони бор инсон ётишдан олдин Расулуллоҳ (соллаллоҳу алайҳи ва саллам)нинг шу муборак сўзларини такрорлаб, ўзини Аллоҳга таслим қилиб, Ундан умид этиб, Ундан қўрқиб, юзини Унга буриб, набийларга, китобларга имон келтирганини такрорлаб, тасдиқлаб дуо қилса ва тонгда соғ-омон турса, Аллоҳ у бандага ёрдамчи бўлади, ҳар турли моддий-маънавий яхшиликларга эриштиради.

«ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

Хурмо шохининг у Зотга зорланиши.

Жобир розияллоҳу анҳудан ривоят қилинади: “Масжиднинг шифти хурмо шохлари устига ёпилган эди. Пайғамбаримиз соллаллоҳу алайҳи васаллам ўша шохлардан бирига суяниб туриб хутба қилар эдилар. У Зотга минбар қилиб берилганда ва у Зот унга чиққанларида ҳалиги хурмо шохи урғочи туя зорлангандек овоз чиқарди. Пайғамбар соллаллоҳу алайҳи васаллам тушиб уни ушлаган эдилар, сокин бўлди”, дейилган” (Имом Бухорий ва Насаий ривоятлари).
Ибн Ҳиббоннинг китобларида зикр қилинишича: Ҳасан ибн Али розияллоҳу анҳу қачон ушбу ҳадисни зикр қилсалар, йиғлар эдилар, сўнг шундай дер эдилар: “Эй, Аллоҳнинг бандалари, бир қуриган ёғоч Расулуллоҳ соллаллоҳу алайҳи васалламга ошиқлигидан йиғлаганида, сизлар у зотнинг дийдорларига муштоқ бўлиб йиғлашга ҳақлироқдирсиз”.

🌙🕌«Жума мавъизалари Ўз»
       каналига уланиш учун
       👇  https://t.me/joinchat/AAAAAEZ6gdBWUOdHKnnL1Q

--- ∽❧❧۞🍃🕌🍃۞∽❧❧∽ ---

4. ЭЗГУ ИШЛАРГА ТАВФИҚ СЎРАШ ДУОСИ

اللَّهُمَّ اغْفِرْ لِي خَطَايَايَ كُلَّهَا اللَّهُمَّ اهْدِنِي لصالح الْأَعْمَالِ والأخلاق إنه لا يهدي لصالحها ولا يصرف عن سيبها إلا أنت.

Аллоҳумма иғфир лий хотоойоя куллаҳа. Аллоҳумма иҳдиний лисолиҳил аъмали вал ахлақи иннаҳу ла яҳдий лисолиҳиҳа ва ла ясрифу ъан саййииҳа илла анта.
Маъноси
Расулуллоҳ (соллаллоҳу алайҳи ва саллам) ҳар намоз охирида хатоларнинг авфини, гўзал ахлоқни сўраб, ёмонликдан сақланиш учун шу муборак дуони ўқир эдилар: «Ё Аллоҳ! Барча гуноҳларимни авф эт. Мени гўзал амалларга ва гўзал ахлоққа ҳидоят қил. Уларнинг яхшиларига Сендан ўзга йўлловчи йўқ. Уларнинг ёмонларидан мени асра. Уларнинг ёмонларидан Сендан ўзга асрагувчи йўқ»,

Шарҳ:
Расулуллоҳ (соллаллоҳу алайҳи ва саллам) деярли барча муборак дуоларида хатолар афвини ва гўзал ахлоқ сўраганларини кўрамиз.
Бир шоир айтганидек, киши ўз нуқсонини билгани қадар маърифатли бўлолмайди. Бу нақадар гўзал дастур! Инсонлар маънан юксалгани сари ўз қусурларини англаб боради ва шу зайлда буюк даражаларга эришади.
Расулуллоҳ (соллаллоҳу алайҳи ва саллам) ҳам бутун инсонларга намуна, бутун яралмишларга раҳмат ўлароқ, умматларига доимо хатолар афвини тилашни ўргатганлар.
Аллоҳ кимни ҳидоятга бошласа, унга хатосини кўрсатади. Хатокор ўз хатосини билмаса, шайтон ва ҳавойи нафсига эргашган бўлади. Хатосини англаб етганлар Аллоҳнинг суюкли қулларига айланадилар. Хатосини англаган киши ўзини ислоҳ қилиб, яхши амаллар билан гўзал ахлоққа йўл олади. Чунки Аллоҳ наздида энг яхши бандалар гўзал ва солиҳ амалли бўлганлардир. Ҳидоятга эришмаган кимса хатосини ҳам билмайди. Бундай одам ўзини яхши деб ўйлайди, шайтон ва ҳавойи нафсига эргашади. Демак, қусурини яхши билган одам ҳидоятга эришади. Инсон қусурини билгани қадар камол топади, ёмон амаллардан қутулади. Шу боис Расулуллоҳ (соллаллоҳу алайҳи ва саллам) ҳам ёмон амалдан Аллоҳ асрашини сўраганлар ва Ундан ўзга буни ижобат килолмаслигини билдириб, дуо қилганлар.

Шу муборак дуонинг аҳамиятини англаган мусулмон бу ҳадиси шарифга амал қилса, Расулуллоҳ (соллаллоҳу алайҳи ва саллам)нинг муборак даъватларига жавоб берган бўлади ва ҳақиқий умматлар сафига ўтади.

«ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

Пайғамбаримизнинг номлари зикр этилган суралар:

«Муҳаммад» исмлари келган оятлар:
1. Оли Имрон сураси, 144-оят.
2. Аҳзоб сураси, 40-оят.
3. Муҳаммад сураси, 2-оят.
4. Фатҳ сураси, 29-оят.

«Аҳмад» исмлари келган оят.
5. Саф сураси, 6-оят.

Пайғамбаримизнинг оналари фарзанди дунёга келгач: «Бир Ўғил набирали бўлдингиз, келиб уни кўринг», деб бобоси Абдулмутталибга одам юборади. У чақалоқни кўришга келганда Омина онамиз қайнотасига ҳомиладорлик чоғларида бир туш кўргани ва боланинг исми нима бўлиши билдирилганини айтади. Бу тушларига кўра, бир муборак ўғил кўришлари айтилибди.
Алий ибн Бурҳониддин ал-Ҳалабий «Сийратул-қалабия» асарида ёзишича, Абдулмутталиб ҳам тушида бир учи осмонда, бир учи ерда, бир учи шарқда, бир учи ғарбда бўлган бир кумуш занжирнинг ўз белидан чиқиб, дарахтга айланганини, ҳар бир япроғида нур борлигини кўрибди. Машриқу Мағриб аҳли ўша дарахтга осилар ва уни тинмай мақташаётган экан. У кўрган тушини таъбирчиларга айтиб берганида, улар унинг пушти камаридан бир фарзанд дунёга келишини, бутун машриқу мағриб аҳли унга эргашиши ва еру-осмондагилар уни мақташи, деб таъбирлашади. Абдулмутталиб мана шу тушга асосланиб, Пайғамбаримизга Муҳаммад, деб исм қўяди. (Батафсил маълумот Ҳасанхон Яҳё Абдулмажиднинг«Мавлид» китобида мавжуд).
Айтишларича, Абдулмутталиб набирасини олиб, Каъбатуллоҳга киради ва тик турган ҳолда Аллоҳга дуо қилган, ато қилган неъмати учун шукроналар бажо келтирган экан.

Мавлид (Росулуллоҳ саллалоҳу алайҳи ва саллам ҳаётлари ҳақида суҳбатлар) китобидан

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

3. УЙДАН ЧИҚИШДА
ЎҚИЛАДИГАН ДУО

بسم اللهِ تَوَكَّلْتُ عَلَى اللهِ اللَّهُمَّ إِنِّي أَعُوذُ بِكَ أَنْ أَضِلَّ أَوْ أَضَلَّ أَوْ أَولُ أَوْ أَوَّلُ، أَوْ أَظْلِمَ أَوْ أَظْلَمَ، أَوْ أَجْهَلَ أَوْ يُفْهَلَ عَلَيْ

Бисмиллаҳи, таваккалту ъалаллоҳи. Аллоҳумма инний аъузу бика ан адилла ав удолла ав азилла ав узалла ав азлима ав узлама ав ажҳала ав йужҳала ъалаййа.
Маъноси:
Расулуллоҳ (соллаллоҳу алайҳи ва саллам) уйларидан чиқаётганларида шу муборак дуони ўқирдилар. Аллоҳга таваккал қилиб, ўзларини Унга омонат этиб, ишларига кетардилар. Чунки ҳаётда турли
инсонлар билан тўқнашардилар. Иқрор бўлганлар билан бирга инкор қилувчилар ҳам бўлгани учун Аллоҳдан бундай муаззам тилак қилардилар: «Аллоҳ исми билан бошлайман, Аллоҳга таваккал қиламан. Ё Аллоҳ, залолатга кетишдан, бошқа киши мени залолатга туширишидан паноҳ сўрайман. Ё Аллоҳ, тойилишдан, бошқа киши мени тойилтиришидан
паноҳ сўрайман. Ё Аллоҳ, зулм қилишдан, бошқа киши менга зулм қилишидан паноҳ сўрайман. Ё Аллоҳ, жоҳиллик қилишдан, менга жоҳиллик қилишларидан паноҳ беришингни сўрайман».
Шарҳ:
Бу муборак ҳадисни Умму Салама онамиз нақл қилганлар. Мазкур дуода биз олишимиз зарур бўлган жуда катта ибрат бор. Инсон ҳар куни уйдан тижорат ёки бирон иш учун ғавғоли бозорга бориб, ҳалқ ичига аралашади. Улар билан гаплашади. Бу суҳбатлар баъзи инсонларни залолатга тушириб қўйиши мумкин. Пайғамбаримиз (алайҳиссалом) шуларни ўйлаб, дуоларини Аллоҳнинг исми билан бошлаганлар. Аллоҳга таваккал қилганларидан сўнг, шайтон васваса қилиб, залолатга кетишдан ва бировларнинг залолатга туширишидан паноҳ сўраганлар.
Шайтон, нафси аммора ҳар дам инсонни оёғидан чалиши мумкин. Шу боис Аллоҳдан ёрдам сўраш ва шундан кейингина иш бошлаш лозим. Гоҳида инсон уйидан умид билан чиқиб, тушкунлик ва саросимага туширувчи бу ҳаётда умидсиз ҳолатда уйга қайтиши мумкин. Бу қўрқинчли оламга кирмасдан олдин Аллоҳга сиғиниш энг катта дастак бўлади. Шу буюк дастакдан бошқа дастак йўқ. Буни яхши билган одам турли-туман ёмонликлардан асровчи Аллоҳнинг инояти билан қўриқланади. Бу серғалва оламда киши шайтон ва нафси ҳавосига эргашиб, бошқаларга озор етказиши ёки бировни жаҳолатга дучор қилиши ҳам мумкин.
Инсон уйидан чиқаётганида мана шундай қўрқинчли ва таҳликали муҳитга кираётганини билиб, Расулуллоҳ (соллаллоҳу алайҳи ва саллам) ўргатган муборак дуони ўқиб, Аллоҳга сиғинса, моддий ва маънавий фожиаларга сабаб бўлувчи таҳликалардан узоқлашиб, турли файзу баракотларга ноил бўлади. Бу муборак дуо мусулмонман деган ҳар бир инсон учун жуда мухим, мукаммал дуодир. Инсон фақат шундай муборак йўллардан юрибгина ҳар хил офат ва балолардан паноҳ топади.

«ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

--- ∽❧❧۞🍃🕌🍃۞∽❧❧∽ ---

"АЛЛОҲ БАНДАСИГА КИФОЯ ҚИЛУВЧИ ЭМАСМИ?"

Аллоҳ кифоя қилишига рози бўлсангиз, У сизга ҳар томондан кифоялик қилади. Чунки У ишида ғолибдир. Ҳеч ким Унинг устидан ғалаба қила олмас. Унга суянинг. У доим тирикдир. Ундан бошқа ҳамма ўлувчидир.

Иброҳим халилуллоҳга кифоялик қилиб, у зот отилган оловни салқин, саломат жой қилмадими?

Ер сув тагида қолиб кетганда Нуҳ алайҳиссаломга тўфондан нажот бермадими?!

Мусо алайҳиссаломга денгизни ёриб йўл бериб, душманларини тор-мор қилиб, у зот учун тошдан тотли сув чиқариб бермадими?

Пайғамбаримиз Муҳаммад соллаллоҳу алайҳи васалламни ҳамма жангларда ҳимоя қилмадими? Пайғамбаримиз алайҳиссаломни душман ҳийлаларидан сақлаб, ғазотларда ғолиб қилди. Қалбларини мунис, собит қалб этди.

Ким Аллоҳга сидқидилдан дуо қилди-ю, Аллоҳ унга "Лаббай!" демади?! Ким зорланиб сўради-ю, Аллоҳ унга бермади?! Ким Унга илтижо қилса, унга Ўзи кифоя бўлган! "У ҳар куни фаолиятдадир" (Ар-Раҳмон сураси, 29-оят). У бой қилади, фақир қилади, тирилтиради. ўлдиради, мансабга қўяди, бўшатади, мулк беради. мулкни олиб қўяди, касал қилади, шифо беради, балолайди, офият беради. Барча халойиқ Унинг тасарруфида.

Мусулмон биродар! Аллоҳнинг эшигини тақиллатинг, Уни қасд этинг. Китобини тадаббур қилинг, суюкли бандалари билан дўстлашинг. Ана шунда енгиллик, нажот топасиз, муваффақият ва савобни қўлга киритасиз. "Унинг "юзи"дан бошқа барча нарса ҳалок бўлувчидир. Ҳукм Уникидир ва Унгагина қайтарилурсизлар!" (Қасас сураси, 88-оят).

«ҚАЛБЛАР ТИЗГИНИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

-- ∽❧❧۞🍃🕌🍃۞∽❧❧∽ ---

ОЛАМЛАРГА РАҲМАТ БЎЛГАН ЗОТНИНГ ДУНЁГА КЕЛИШЛАРИ

Ер юзининг энг муборак ва файзли гўшаси Маккаи Мукаррама шаҳрида Иброҳим Халилуллоҳ замонидан бери одамлар учун ҳаловат, саломатлик ва тинч-омонлик масканига айланган Каъбатуллоҳи шариф ва Ҳожар онамиз сув излаб югурган Сафо тепалигининг шарқий тарафидаги ҳовли. Оддий гуваладан қурилган.пастаккина, эски, камхарж кишиники экани кўриниб турган уй. Атрофда ундан кўра серҳашам ва чиройлироқ бинолар кўп, аммо бундан таралаётган мунислик, майин нур кишини ўзига жалб қилади.
Бу уй шу кунгача қурилган қасрларнинг ҳаммасидан улуғвор эди. Бу уйда Аллоҳ субҳонаҳу ва таолонинг Ҳабиби, Халили, охирзамон Пайғамбари оламларга раҳмат ўлароқ дунёга келган эдилар. Унда ота-онасидан етим қолган гўдак иззат-икром ва қадр топиб улғаяр эдилар. Бу уй Шафоатчимиз, тўғри йўлни кўрсатган, Мунаввар чироғимиз бўлган Пайғамбаримизга гўдаклик шавқини бера олган маъво эди.
Бу ҳовлида Ҳабибуллоҳга оталик қилган Абу Толиб, у зот «онам», дея эъзозлаган Фотима, жондан азиз жигарлари Ақийл, Жаъфар, Алий, Жумона, Фохиталар ҳам бирга яшар эди. Бу уй ўз бағрида охирги пайғамбарни, тириклигидаёқ жаннатий деган улуғ мақомга лойиқ кўрилган зотларни камолга етказган. Бу уй Расулуллоҳ соллаллоҳу алайҳи васаллам дунёга келган Абу Толиб ибн Абдулмутталибнинг уйи эди.

Шул арода ўтди тўққиз ой ҳам, Айлади лутфе Худойи бокарам.

Абдураҳмон Авф аносидур Шифо Доялик хизматларин этди бино.

Бу хотинга арзигай қилсак ҳавас, Омина хотунга бўлиб ҳамнафас.

Доя бўлди икки олам Шоҳига,
Ул шафоат осмонин моҳига

Ким таваллуд қилдилар анда Расул, Нурларига тўлди олам, ўнгу сўл.

Маккаю Шоми шариф айвонлари, Нурланиб бўлди намоён ул бари.

Мўътабар ҳадис ва сийрат манбаларида Расулуллоҳ соллаллоҳу алайҳи васалламнинг дунёга келиш чоғларини Омина онамиз анча аввал тушида кўргани айтилади. Унда онанинг оёқлари орасидан чиққан бир нур Шом ўлкаси қасрларини ёритиб юборади. Буни ҳақиқатан ҳам нур чиққан, деб тушунмаслик лозим. Бу қандоқ муборак зотнинг дунёга келиб, уни мунаввар этишларига ишора эди.
Ҳофиз Зайниддин ибн Абдурраҳмон ибн Аҳмад Димашқий: «Расулуллоҳ соллаллоҳу алайҳи васаллам дунёга келаётганларида бу нурнинг чиқиши инсониятни тўғри йўлга бошлаган ва ширк зулматини ўчирган ҳидоят нурига ишорадир», деган.

Рўзи душанба эди вақти саҳар, Дунёга келди ўшал хайрул башар.

Келди Абдулмутталибга хушхабар,
Каъбани ул дам тавоф айлардилар.

Ул гўдакни кўрди беҳад шод ўлуб,
Каъбатуллоҳга ани олиб келиб.

Эътиқод бирлан дуолар айлади,
Тангрига ҳамду санолар айлади.

Омина кўрган туш илҳоми билан,
Кўнглига Ҳақ солган ороми билан.

Ул гўдак исмин Муҳаммад қўйдилар,
Етти кун бўлганда қўчқор сўйдилар.

Кўб қурайшларни зиёфат айлади, Бу набира ҳурматидан сийлади.

Бу зиёфатдан ҳама мамнун бўлиб,
Не исм қўйдинг набирангга деюб.

Анда Абдулмутталиб шундоқ деди: «Бу набирам бўлсин олам саййиди.

Шул сабаб исмин Муҳаммад атаб, Ҳеч ажаб йўқ менга, эй аҳли араб!».

Сўз эшитинг бу исм маъносидан, Барча махлуқотнинг аълосидан: Бул Муҳаммад тинмайин мақталгуси, Чунки ул беҳад фазилат эгаси.

«Муҳаммад» - Пайғамбаримиз соллаллоҳу алайҳи васалламнинг энг машҳур исмлари бўлиб, Қуръони Каримда тўрт марта зикр этилган. У еру кўкда тинимсиз мақталадиган, деган маънони билдириб, илгари арабларда бундоқ ном бўлмаган. «Аҳмад» исмлари ҳам Қуръони Каримда бир марта, «Инжил»да ҳам бир марта келган. «Таврот» да эса у зот соллаллоҳу алайҳи васаллам «Муҳаммад», деб аталганлар. Шайх Муҳаммад Содиқ Муҳаммаднинг Юсуф «Ҳадис ва ҳаёт» китобининг 19-жузида У зотнинг бундан бошқа ном ва сифатлари ҳам мавжуд бўлгани айтиб ўтилган. У ҳақда буюк саҳобий Абу Мусо Ашъарий розияллоҳу анҳу:
«Расулуллоҳ соллаллоҳуалайҳи васаллам бизларга ўзларини: «Мен Муҳаммадман, Аҳмадман, Муқаффийман, Ҳоширман, Набиюрроҳма, Набийюттавбаман», деб айтардилар».

Мавлид (Росулуллоҳ саллалоҳу алайҳи ва саллам ҳаётлари ҳақида суҳбатлар) китобидан

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

--- ∽❧❧۞🍃🕌🍃۞∽❧❧∽ ---

МАВЛУДИ ШАРИФ ҲАҚИДА

«Агар Уҳуд тогидек мол-давлатим бўлганда ҳам барчасини сарф қилиб, Мавлуди шариф ўқитардим».
Ҳасан Басрий (р.а.)

«Кимки Мавлуди шариф ўқиладиган жойда ҳозир бўлиб, унинг қадрини улуғласа, албатта, иймони билан кетади».
Жунайд Багдодий (р.а.)

«Кимки Мавлуди шариф ўтказиш учун тайёргарлик қилаётганда вафот этса, қиёмат куни Аллоҳ таоло одамларни сафга тизаётганда уни пайгамбарлар сафига қўяди».
Маъруф Карxий (р.а)

«Хонадон ёки масжидда
Мавлуди шариф ўқилса, Аллоҳ таоло раҳматини барчага баробар ёгдиради ва Мавлуди шариф ўқилган жойни раҳмат фаришталари ўраб турадилар».
Жалолиддин Суютий (р.а.)

«Агар бир мусулмон ўз уйида Мавлуди шариф ўқитса, шу шаҳар ёки қишлоқдаги қимматчилик ва
вабо касали йўқолади».
Жалолиддин Суютий (р.а.)

--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

--- ∽❧❧۞🍃🕌🍃۞∽❧❧∽ ---

ЁЛҒОННИНГ ЗАРАРИ
Ҳазрат Пайғамбар соллаллоҳу алайҳи ва саллам мўминларни ёлғондан ўта қаттиқ даражада қайтарганлар. Шуни таъкидлаганларки, мусулмон одамда ҳам ҳар қандай ёмон феълдан бўлиши мумкин, илло ёлғондан ўзгаси, чунки мусулмон киши ҳеч қачон ёлғон гапирмайди.
Абу Дардо розияллоҳу анҳу сўрадилар:
"Эй Аллоҳнинг Расули соллаллоҳу алайҳи васаллам, мўмин киши ўғирлик қиладими?"
Ҳазрат Пайғамбар жавоб бердилар: "Гоҳо қилиб қўйиши ҳам мумкин"
Яна сўрадилар:
"Мўмин зино қилиши мумкинми?"
Расулуллоҳ соллаллоҳу алайҳи ва саллам жавоб бердилар:
"Ҳа, мумкин, Абу Дардога бу ёқмаса ҳам..."
Абу Дардо яна:
"Мўмин ёлғон гапира оладими?" деб сўраган эдилар,
Аллоҳнинг Расули соллаллоҳу алайҳи ва саллам бу саволга:
"Йўқ, имонсиз кишигина ёлғон тўқийди", деб жавоб бердилар (Абдуллоҳ ибн Жарроҳддан ривоят қилинган. Табарий ривояти).
Бошқа бир ривоятда: "Йўқ, имонсиз кишиларгина ёлғон тўқийдилар", деб айтилган.
Ҳазрат Пайғамбар йиғинларда одамларни кулдириш мақсадида ёлғон тўқувчи кишиларни алоҳида огоҳлантириб ўтганлар:
"Ҳолига вой ўша инсонники, одамларни кулдираман деб ёлғон сўзлайди! Ҳолига вой, ҳолига вой!" (Абу Довуд, "Адаб" Термизий, "Зуҳд
Шунингдек, Расулуллоҳ соллаллоҳу алайҳи ва саллам
фақат уч ҳолатдагина ёлғон гапириш мумкинлигини айтиб, сабабини ҳам тушунтириб ўтганлар: урушда, чунки уруш ўзи ҳийладир; икки кишининг орасини ислоҳ қилишда: аёли билан ярашишни ирода қилганда.
Ёлғон барча гуноҳларнинг дарвозаси эканига шубҳа йўқ, Барча ёмон хислатларнинг ичида ҳаммадан хатарли ва манфуридир.
Нақл қилишларича, бир одам Пайғамбар соллаллоҳу алайҳи ва саллам ҳузурларига келиб деди:
"Уч хилдаги гуноҳ ишга мубтало бўлиб қолганман: ёлғон, зино, хамр. Уларни тарк этишга тоқатим етмаяпти".
Расулуллоҳ соллаллоҳу алайҳи ва саллам унга айтдилар:
"Ёлғонни ташла!"
У кетди, маълум вақтдан сўнг зинога рўпара келиб қолди, ўзича ўйлаб деди:
"Барибир, Пайғамбаримиз соллаллоҳу алайҳива саллам мендан: "Зино қилдингми?" деб сўрайдилар. Агар тан олсам, юз дарра билан жазолайдилар, агар алдасам, ваъдани бузган бўламан" (Ширъа ривояти).
Шу билан бу гуноҳдан воз кечди. Яна бир маълум вақт ўтганидан сўнг хамр-шаробхўрликка рўпара келиб қолди. Ўйлаб кўриб, ёлғон гапириб қолиш хавфидан буни ҳам тарк этди. Ниҳоят, шундагина барча гуноҳларнинг боши ёлғон эканлигини англаб етди.
Бу хусусда Муҳаммад ибн Ҳиравий қуддиса сирруҳу шундай деган эканлар:
"Одамлардаги мусибатларнинг энг ёмони уларнинг икки хислатидан келиб чиқади мукофотининг улуғлигини била туриб ҳам рост сўзламасликдан ва уқубати оғирлигини била туриб ҳам ёлғон гапиришдан"

«АХЛОҚУС СОЛИҲИЙН» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/

  --- ∽❧❧۞🍃🕌🍃۞∽❧❧∽ ---

2. РАҲМАТ ДУОСИ

اللَّهُمَّ إِنِّي أَسْأَلُكَ رَحْمَةً مِنْ عِنْدِكَ تَهْدِي بِهَا قَلْبِي وَتَجْمَعُ بِهَا أَمْرِي وَتَلُمُ بِهَا شَعَنِي وَتُصْلِحُ بِهَا غَائِبَي وَتَرْفَعُ بِهَا شَاهِدِي وَتُزَكِّي بِهَا عَمَلِي وَتُلْهِمُنِي بِهَا رُشْدِي وَتَرُدُّ بِهَا الْفَتِي وَتَعْصِمُنِي بِهَا مِنْ كُلِّ سُوءٍ. اللَّهُمَّ إِنِّي أَسْأَلُكَ الْفَوْزَ فِي الْقَضَاءِ وَنُزَلَ الشُّهَدَاءِ وَعَيْشَ السُّعَدَاءِ وَالنَّصْرَ عَلَى الْأَعْدَاءِ.
Аллоҳумма инний ас´алука роҳматам мин ъиндика таҳдий биҳа қолбий ва тажмаъу биҳа  амрий ва талумму биҳа шааъасий ва туслиҳу биҳа ғоибий ва тарфаъу биҳа шаҳидий ва тузаккий биҳа ъамалий ва тулҳимуний биҳа рушдий  ва тарудду биҳа улфатий ва таъсимуний биҳа мин кулли сууин. Аллоҳумма инний ас´алукал фавза фил қозои ва нузулаш шуҳадаи ва ъайшас суъадои ваннасро ъалал аъдаи.
Маъноси: 
Расулуллоҳ (соллаллоҳу алайҳи ва саллам) кечаси нафл намози учун турганларида Аллоҳга илтижо қилиб, шу муборак дуони ўқир эдилар. Бу дуо тазарруъ ичидаги ёлвориш ва ниёз намунаси эканини таъкидлар эканмиз, чуқур тафаккур қилишларини ҳам тавсия этамиз. Расулуллоҳ (соллаллоҳу алайҳи ва саллам) бу муборак дуоларида Аллоҳга муножот қилиб, бундай дер эдилар: «Ё Аллоҳ, ҳузурингдан бир раҳмат сўрайман, у билан қалбимни ҳидоятга эриштир, ишимни интизомга сол, бечора ҳолимни тузат, қалбимни ислоҳ қил, даражамни кўтар, амалимни покла, рушдимни (тўғри йўлни топиш, яхшини ёмондан ажратиш) менга илҳом қил, уни мен билан улфат қил, мени ёмонликдан асра. Ё Аллоҳ, қазо-қадардаги нажот  ва саломатлигимни истайман. Саидларга берган абадий ҳаётингни тилайман. Душманларга қарши ёрдамингни сўрайман».
Шарҳ: 
Расулуллоҳ (соллаллоҳу алайҳи ва саллам) тун ярмида туриб, Аллоҳга дуо қилганларидан кейин турли саодат ва саломатликка эриштирувчи раҳмат дуосини ўқир эдилар. Чунки ҳамма нарса Унинг раҳмати билан ҳаёт топади. Ҳар қандай ёмонлик Унинг раҳмати билан йўқ қилинади. Бу дуо ҳам оламларга буюк раҳмат мисоли юборилган. Инсон шу муборак дуодаги раҳматнинг ҳаётбахш таъсирини ўйласа, жуда катта саодатга эришади. Раҳмат қалбларга жойлашса, инсон куфрдан имон нурига ўтган бўлади. Мушкул ишлар Аллоҳнинг раҳмати билан ечилади. Бечора ҳоллар Унинг раҳмати билан гўзаллашади. Қалбларнинг ислоҳи, даражаларнинг  юксалиши, амалларнинг холис бўлиши, инсонларнинг энг буюк камолотга эришишлари, Аллоҳнинг қулига энг буюк дўстлиги ва муҳаббати доимо шу раҳмат билан бўлгани учун Расулуллоҳ (соллаллоҳу  алайҳи ва саллам) муборак дуоларида уларни баён  қилганлар. Аллоҳ таолодан: «Ё Роб! Ҳузурингдан бир  раҳмат сўрайман, у билан қалбимни ҳидоятга эриштир, ишимни интизомга сол, бечора ҳолимни тузат, қалбимни ислоҳ қил, даражамни кўтар, амалимни покла, рушдимни менга илҳом қил, у билан дўст  қил, мени ёмонликдан асра», деб дуо қилганларидан сўнг азалий қалам ёзган нажот ва саодат шу муаззам раҳмат билан бўлишини баён қилганлар. Шундан кейин Аллоҳнинг амрига итоатда бўлган, эзгулик йўлида юрганларга ваъда қилинган буюк мукофот, яъни улуғ неъматнинг ҳам шу раҳмат билан бўлишини айтдилар. Солиҳ бандаларига Аллоҳ ато 
этган чексиз неъматларни, фақат шу раҳматнинг василаси туфайли саидларга хос бўлган абадий ҳаётни истадилар. Кейин Аллоҳ душманларига қарши ўзларига ёрдам сўраб, бу буюк дуога якун ясадилар.

«ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан
--- ∽❧❧۞🍃🕌🍃۞∽❧❧∽ ---

🌙🕌«Жума мавъизалари Ўз»
       каналига уланиш учун
   👉  t.me/JUMA_MAVIZALARI

  Фейсбукдаги манзилимиз:
https://www.facebook.com/ЖУМА-мавъизалари-Ўз-108007227801997/