Аллоҳ васлига ошиқлар

АЛЛОҲ ҲАҚИДА ЯХШИ ГУМОН

Ўтган ва келажак авлодларнинг борадиган манзиллари Аллоҳ ҳақида қанчалик даражада чиройли, яхши гумон қилишларига боғлиқ. Ҳазрат Пайғамбаримиз соллаллоҳу алайҳи ва саллам Аллоҳдан ривоят қилган бир қудсий ҳадисда: "Мен - бандам гумон қилганидекман. Мен ҳақимда яхши гумонда бўлсин! " - дейилган (Абу Хурайрадан ривоят қилинган, Муслим ривояти). Бошқа ривоятга кўра шундай: "Мен ҳақимда бандам ўзи хоҳлаганидек ўйласин!" Оқил киши ҳар бир олган нафасида Яратгани хақидаги фикрини яхшилаб борадиган кишидир.
Агар сиз "Парвардигорим мени бу ҳаётда хор, ҳалок қилмайди ё бир дамга бўлса ҳам мени ўз холимга ташлаб қўймайди" деб ўйласангиз, Аллоҳ худди шундай йўл тутади. Агар сиз одамларнинг ҳуқуқини поймол қилган бўлсангиз-у, "мен учун уларнинг ҳаққини Аллоҳ тўлайди, аниқроғу, мен келтирган зарарни Аллоҳ қоплайди ва бу учун мени жазоламайди", деб ўйлаб юрган бўлсангиз, Яратган буни ҳам ҳақиқатга айлантиради. Агар сиз "менга Парвардигор тавҳид билан ўлиш бахтини ато этади" деб ўйласангиз, сизни Яратган шундай тақдирлайди. Агар сиз "Парвардигор Қиёмат кун даҳшатларидан, иншааллоҳ, мени асрайди" деб ўйласангиз, У ростдан ҳам айнан шундай йўл тутади. Агар сиз "Парвардигори Олам мени сўроққа тутмайди ва ҳеч нарса ҳақида сўрамайди" деб ўйласангиз, буни ҳам У ҳақиқатга айлантиради. Агар "У оёқларимни Сирот кўпригида мустаҳкамлайди" деб ўйласангиз, буни ҳам амалга оширади. Агар сиз "У мени жаннатга йўллайди" деб ўйласангиз, у сизни жаннат билан тақдирлайди.

«Аҳлоқус солиҳийн» китобидан.

@Ishqim_Sen

“Коинотта ҳамма нарса ўз вақти соатини кутади.
На гул вақтидан олдин очилади, на қуёш вақтидан олдин чиқади. Сен сабр қил! Сеники бўлган нарса, албатта сенга келади.”
                   
✍🏼Мавлоно Румий

🕋АССАЛОМУ АЛАЙКУМ
ВА РАҲМАТУЛЛОҲИ ВА БАРАКАТУҲУ🕊

🤲🏻Тонгингиз шукрга, кунингиз дуолар ижобатига бой бўлсин... Хонадонингизга Аллоҳнинг баракоти, раҳмати ва файзи ёғилсин! 🤲
Дуоларингиз дунё ва охиратингиз учун қалқон бўлсин!

@Ishqim_Sen

Баъзан тугаш билмаган дардлар ёмғир бўлиб устингдан ёғаверади. Шуни унутмагинки, ранго-ранг камалак ёмғирдан сўнг чиқади.

Жалолиддин Румий

#дуо

Мусо алайҳиссаломнинг дуолари:
«Эй Роббим, албатта, менга туширажагинг ҳар бир яхшиликка муҳтожман».
(Қасос сураси, 24-оят)

Шу дуодан кейин Аллоҳ таоло Мусо алайҳиссаломни уй, аёл ва иш билан ризқлантирди.

Дуонинг ўқилиши: Робби, инний лима анзалта илаййа мин хойрин фақийр.

@Ishqim_Sen

Шундай бир кимса ила дўст бўлгинки:

Хаста бўлганингда сендан xабар олсин, гуноҳ қилганингда сен учун тавба қилсин.
🍂
Ғафлатдан сақлашни сўраш дуоси

Инсонга энг зарарли нарса нима эканлигини билмоқ истадим. Пировардида бунинг ғафлат эканини англадим. Ғафлат инсонга берган зарарни жаҳаннам олови бермас. Ё Раббий! Бизларни ғафлат уйқусидан уйғот!
🍂
Гуноҳ битта бўлсада , у мингта тоат ибодатни емириб ташлайди.
Риё гуноҳдан ҳам ёмонроқдир !

Бозияд Бистомий.
🍂
Абу Язийд Бистомийдан сўрадилар:

Нимани хоҳлайсиз?

У зот:
Хоҳламасликни хоҳлайман дедилар...

@Ishqim_Sen

Қалбингизни севинч қоплаган, ичингиздаги қуёш уйғонган, чунки Бомдод намозини ўқиб, ибодатлар, зикрларни бажаргансиз.

Бугунги кунингиз завқ билан ўтсин..

Ассалому алайкум ва рахматуллохи ва барокатуху

Бахт бу – иймон калимасини айтиб мусулмон бўлишликдир.

Бундан ҳам катта бахт эса иймон калимаси билан яшамоқликдир.

Энг катта бахт эса иймон
калимаси билан яшаб ва уни айтиб жон беришликдир.

“Ашҳаду аллаа илааҳа
иллаллоҳу ва ашҳаду анна
Муҳаммадан ъабдуҳу ва
росулуҳ”

Аллоҳ таоло сизни ўзи рози бўладиган ҳолатда яшаб, иймон калимаси билан кетишлигингизни насиб қилсин🤲
    
@Ishqim_Sen

Аллоҳим!
Бизларга яхшилик эшикларини, омонлик эшикларини, саломатлик эшикларини, неъмат эшикларини, баракот эшикларини, куч-қувват эшикларини, дўстлик эшикларини, раҳмат эшикларини, ризқ эшикларини, илм эшикларини, мағфират эшикларини ва жаннат эшикларини очгин, эй раҳм қилувчиларнинг раҳмлиси!

@Ishqim_Sen

Ассалому алайкум ва рахматуллохи ва барокатух

Ризқнинг фақатгина еб-ичишдан иборат эмаслигини ўрганган онингдан бошлаб дунё қарашинг кескин ўзгаради.

Ҳидоят ҳам ризқ.
Тақво ҳам ризқ.
Намоз ҳам ризқ.
Дуо ҳам ризқ.
Юмшоқ қалб ҳам ризқдир.

Роббим бизни фақат еб-ичиб, шунчаки ўлиб кетадиганлардан бўлиб қолмоқдан саломат қилсин!
Аминь!🤲🤲🤲

@Ishqim_Sen

✅ ЖУМА ТАБРИГИ ВА ДИНИЙ МАСАЛАЛАРНИ ТАРҚАТИШ АТРОФИДАГИ ГАП-СЎЗЛАРГА МУНОСАБАТ

❗️Ижтимоий тармоқларда “жума табриги”, “Қуръони карим оятлари”, “Пайғамбар алайҳиссалом ҳадислари”, юртимиз уламолари ва имом-домлаларининг мавъизаларини тарқатиш гўёки мумкин эмас, деган мазмундаги асоссиз хабарлар кенг тарқатилмоқда.

❗️Шунингдек, юртимиздаги расмий диний сайт ва ижтимоий тармоқлардаги маълумотларни мутолаа қилиш ёки улашиш жавобгарликка сабаб бўлиши ҳақида ҳам ваҳима уйғотувчи ёлғон хабарлар кенг муҳокамаларга сабаб бўлмоқда.

🗣Таъкидлаш керакки, ижтимоий тармоқларда аҳоли орасида саросимага солувчи шундай нотўғри хабарлар тарқатиш амалдаги қонунчиликка мувофиқ жавобгарлик келтириб чиқаради.

📘 2021 йил 5 июлдаги “Ўзбекистон Республикасининг Виждон эркинлиги ва диний ташкилотлар тўғрисида”ги қонунига асосан, эътиқод эркинлиги кафолатланган. Шунга кўра, фуқаролар динга эътиқод қилиш, диний расм-русумлар ва маросимларни ўтказиш ҳамда ўз динининг таълимотларини ўрганиш ҳақ-ҳуқуқига эгадир.

🌙 Шунга биноан мўмин-мусулмонлар учун зарур бўлган диний масалалар расмий электрон манбалар орқали кенг ёритиб борилмоқда. Ўзбекистон мусулмонлари идорасининг расмий веб-сайтлари, масжид-мадрасалар, иқтидорли имом-хатибларнинг сайт ва ижтимоий тармоқ саҳифаларини мутолаа қилиш ҳамда улардаги маълумотларни яқинларига улашиш мумкин, жумладан, жума табрикларини ҳам тарқатишга рухсат этилган. Буларга ҳеч қандай таъқиб йўқ.

✅Расмий ва етакчи электрон манбалар рўйхатини ушбу ҳавола орқали тақдим этамиз:
➡️https://taplink.cc/kanallar

🟢 Таъкидлаш жоизки, Ислом маърифатини тарқатиш, халқимизга дину диёнатни етказиш ва ёшларни илму маърифатли қилиш зиёлилар, хусусан дин пешволарининг энг муҳим вазифасидир.

🌐 Шу мақсадда, Ўзбекистон мусулмонлари идораси ва унинг тизимидаги имом-домлалар томонидан Интернет оламида маънавий-маърифий йўналишларда мунтазам тарғибот-ташвиқот ишлари амалга оширилмоқда.

✅ Айниқса, Ўзбекистон мусулмонлари идораси muslim.uz сайтида “Қуръони карим ва тажвид”, “Илм ва одобга оид ҳадислар шарҳи”, турли ваъз-насиҳатлар. Фатво марказининг fatvo.uz каналида диний савол-жавоблар ва Муфтий ҳазратларининг @Muftiy_Nuriddin_domla каналларида эса руҳий тарбияга оид суҳбатлар мунтазам жойлаштириб борилмоқда.

✔️ Хулоса шуки, мўмин-мусулмонларимиз мана шундай расмий, ишончли ижтимоий тармоқлардаги диний-маърифий мазмундаги барча маълумотларни мутолаа қилишлари ҳамда яқинларига улашишлари мумкин.

❗️Эслатма шуки, бузғунчи оқимлар ғояларини ўзига жалб этувчи мусиқий оҳанг, фотосурат ёки рамзлар орқали зимдан тарқатишга уринмоқда. Шунинг учун ҳам экстремистик ғояларни ҳар қандай шаклда ҳоҳ жума табриги бўлсин, хоҳ бошқача атрибут ёки сурат шаклида бўлсин, уларни тарқатиш, сақлаш ва фойдаланиш қонунан таъқиқланади. Аввалроқ тарқатиш тақиқланган экстремистик сайт ва тармоқлар рўйхати эълон қилинган эди.

🤔 Шундай экан, Ўзбекистон мусулмонлари идораси фуқароларни яна бир бор огоҳ ва ҳушёр бўлишга чақиради.

Ўзбекистон мусулмонлари идораси Матбуот хизмати

Muslim.uz | https://taplink.cc/muslimuz
@muslimuzportal | @Muftiy_Nuriddin_domla |
@mp3muslim | @diniysavollar

Ассалому алайкум ва раҳматуллоҳи ва барокатуху, азиз  қадрдоним!
🤲Аллоҳим, амалларнинг яхшиларига Сендан ўзга йўлловчи йўқ. Уларнинг ёмонларидан бизни асра. Уларнинг ёмонларидан Сендан ўзга асрагувчи йўқ.
Шу якшанбада барча бандаларинга
офиятда сиҳат-саломатлик, бахт, тинчлик ва баракат ато этгин.🤲

Азизлар ҳар бир қадамигизнинг ортидан яхшиликлар, дуолар ва яхши ниятлар кузатиб борсин. Аллоҳим сизнинг ҳар бир ишингизда муваффақиятлар,  омад ва келажагингизда ёруғлик насиб этсин.

Ҳар бир сониянгиз Аллоҳнинг раҳмати ва марҳамати билан тўлсин, қалбингиз тинчлик ва муҳаббатга боғлансин. Бу куннинг ҳар бир дақиқаси сизга самарали ва бахтли бўлсин.

Аллоҳим, сизнинг дуоларингизни қабул қилсин ва ҳаётингиздаги ҳар бир неъматга шукр қилиб яшаш насиб этсин.

Сизга яхшилик, қувонч ва саодатга тўла ҳаёт насиб этсин!

@Ishqim_Sen

АССАЛОМУ АЛАЙКУМ ВА РОҲМАТУЛЛОХИ ВА БАРОКАТУҲУ

Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади, иншаАллоҳ!..

Аллоҳим хайрли дуоларингизни мустажоб қилсин, кунингиз файзу баракотли ўтсин!!!
Аллоҳим! Хонадонимизни аввалидан охиригача, устидан остигача қўрғон қил.
Аллоҳим! Хонадонимиздан ҳар қандай ҳаромни йироқ қил.
Аллоҳим! У ерни менга иззат ва омонлик макони қил, биз учун дин ва дунёимизда бахт-саодат макони қил.🤲

Бошланган кун баракотли ва хайрли ишларга бой бўлсин

@Ishqim_Sen

#Ҳожат_намози
#Дуо

Расулуллоҳ саллаллоҳу алайҳи васаллам дедилар: “Кимнинг Аллоҳ таолодан тилайдиган ёки Одам болаларининг биридан сўрайдиган ҳожати бўлса, чиройли тарзда таҳорат қилсин, сўнгра икки ракъат намоз ўқисин, сўнгра Аллоҳ таолога ҳамду сано ва Пайғамбар алайҳиссаломга салавот айтсин. Ундан кейин ушбу дуони ўқисин:
Ҳалим ва Карамли бўлган зот Аллоҳдан ўзга илоҳ йўқ. Буюк Арш Роббиси бўлмиш Аллоҳ барча нуқсонлардан покдир. Оламларнинг роббиси бўлган Аллоҳга ҳамдлар бўлсин. Эй, Аллоҳ! Сендан раҳматингни вожиб қиладиган нарсаларни, мағфиратингга қатъий эриштирадиган нарсаларни, ҳар бир савобли нарсадан насибани ва ҳар қандай гуноҳдан омонликни сўрайман. Менинг бирорта ҳам гуноҳимни қолдирмай мағфират қил, бирорта ташвишимни қолдирмай кушойиш бер, Сен рози бўладиган ҳеч бир ҳожатимни қолдирмай ато эт, эй Раҳмлиларнинг раҳмлиси!

@Ishqim_Sen

Каҳф сураси

🎙Мураттаб қория ЗАЙНАБ ТАЛХА

@Ishqim_Sen

#ЖУМА КУНИДАГИ СУННАТ АМАЛЛАР
Аллоҳ таоло барча иймонли бандаларининг ҳар икки оламда ҳам бахтли бўлишларини истайди.
Дуолар аниқ қабул бўладиган бир соатни топишлари учун КЎПРОҚЗИКР,ДУО,ИБОДАТ БИЛАН ЎТКАЗИШНИ БУЮРГАН.
Жума кунининг фазли ва унда қилинадиган амаллар ҳақида эса Расулуллоҳ соллаллоҳу алайҳи васалламдан кўплаб ҳадислар ривоят қилинган. Энг фазилатли суннат амаллар сифатида қуйидагиларни
тавсия қилинади:
– ғусл қилиш;
– хушбўй сепиб, безаниш;
– мисвок ишлатиш;
– энг яхши либосларини кийиш;
– масжидга барвақт бориш;
– масжидга пиёда бориш (ҳар қадам учун савоб умидида);
– масжидда бошқаларни сиқиб қўймаслик, одамларнинг елкасидан ошиб ўтиб, озор бермаслик;
– таҳиййатул масжид намозини ўқиш;
– имомга қараб, уни тинглаб ўтириш;
– хутба пайтида жим туриш;
– садақани кўпайтириш;
– "Каҳф" сурасини ўқиш;
-- дуо ижобат бўладиган фурсатни қидириш;
Набий соллаллоҳу алайҳи васалламга кўп саловот айтиш!
ЖУМА КУНИДАГИ ЭНГ ФАЗИЛАТЛИ АМАЛ ЭСА–БАРЧА МЎМИН-МУСУЛМОНЛАР ҲАҚҚИГА КЎП-КЎП ДУО ҚИЛИШДИР

@Ishqim_Sen

Ассалому алейкум ва роҳматуллохи ва барокатуҳу

ЖУМА ҲАТТО ЖАННАТДА ҲАМ ФАЗИЛАТЛИ КУНДИР!

Жуманинг хайри ва барокати СИЗГА бўлсин қадрдонлар

Анас ибн Молик розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар:
«Жаннатда бир бозор бор. Жаннатийлар у ерга ҳар жума келишади. Шимол тарафдан шамол эсиб, уларнинг юзлари ва кийимларини ҳилпиратади ва уларнинг ҳусну жамоллари зиёда бўлади. Сўнг улар ўз аҳлларига ўша ҳусну жамоллари зиёда бўлган ҳолларида қайтишади. Аҳллари уларга: «Аллоҳга қасамки, ҳусну жамолингиз янада зиёда бўлиб келибсиз», дейишади. Улар: «Аллоҳга қасамки, сизнинг ҳам ҳусну жамолингиз зиёда бўлиб кетибди», дейишади».
(Имом Муслим ривояти)

Бу ўткинчи дунёда
вужудларидаги, ҳуснларидаги камчиликлардан нолимай, доимо Аллоҳ таолога шукур қилиб, иймон билан яшаб ўтган барча мўмин-мусулмонлар энди жаннатларда энг гўзал суратларда бўладилар.

Бўлиб ҳам, ҳар жума ҳуснлари зиёдалашиб, бир-бирларига меҳрлари янада жўшиб, мангу бахтли ҳаёт кечирадилар.

@Ishqim_Sen

Жума байрам ва ибодат кунидир. Жумага ўтар кеча (пайшанба оқшоми)дан то жума куни шомгача бўлган ҳар сония ҳасанотлар хазинасидир. Кимнинг қалби шод бўлиши, гуноҳлари мағфират қилиниши, муаммолари ҳал бўлиб, ғамдан халос бўлишни истаса, ўша фурсатларда пайғамбар алайҳиссаломга салавот айтишни кўпайтирсин.

Набий саллаллоҳу алайҳи васаллам: "Жума(га ўтар) кеча ва жума кундузи менга салавот айтишни кўпайтиринглар, чунки салавотларингиз менга кўрсатилади",

"Аллоҳумма солли ва саллим ва баарик ъалаа саййидинаа Муҳаммадин ва ъалаа аалиҳи вардо ъан асҳабиҳи ажмаъийн".

@Ishqim_Sen

😊Ассалому алайкум ва роҳматуллоҳи ва барокатуху.

Жаннат  ҳовлилари  зикр  билан  қурилади.  Зикр тўхтаса, уларнинг қурилиши ҳам тўхтаб қолади.
«Субҳаналлоҳ,  валҳамдулиллааҳ,  ва  лаа  илааҳа  иллаллоҳ, валлоҳу акбар!»

Аллоҳим барчамизга: ~
Бомдод намози ила бошланиб, таҳажжуд намози ила тугайдиган кунларни насиб этсин!

АЛЛОҲИМ!
Менинг онамга ва отамга ҳам, жамики мусулмонларнинг оналарига ва оталарига ҳам жаннат насиб қил!

Қалбимизда, дуоларимизда яшаётган жондан азиз инсонларимизни Аллоҳим паноҳида асрасин!

ЯҚИНЛАРИНГИЗГА УЛАШИНГ

@Ishqim_Sen

Тунги намозга маҳкам бўлинглар, зеро, у сизлардан аввалги солиҳ кишиларнинг одатидир. Тунги намоз сизни Роббингизга яқинлаштиради.

@Ishqim_Sen

🤲ДУО КЎПРОҚ ИЖОБАТ БЎЛАДИГАН ВАҚТЛАР

– Қадр кечасидаги дуо.
– Туннинг ярмида қилинган дуо.
– Намозда, саждада қилинган дуо.
– Ёмғир ёғаётгандаги дуо.
– Беморликдаги дуо.
– Мусофирликдаги дуо.
– Ҳожининг дуоси.
– Азон билан иқомат орасидаги дуо.
– Хўроз қичқирган пайтдаги дуо.
– Мўмин биродарининг ҳаққига ғойибдан қилинган дуо.
– Фарз намозлардан кейин қилинган дуо.
– Жума кунидаги бир фурсатда қилинган дуо.
– Азон пайтидаги дуо.
– Қийинчилик чоғида қилинган дуо.
– Мазлумнинг дуоси.
– Ота-онанинг фарзандга қилган дуоси.
– Аллоҳ йўлида юрганнинг дуоси.
– Умрачининг дуоси.
– Арафа кунидаги дуо.
– Маййитнинг кўзи юмилган пайтда ибрат олганларнинг дуоси.
– Рўзадор оғзини очаётган пайтдаги дуо.

Демак, доимий равишда дуо қилишга одатлансак, шу вақтларнинг бирида
дуоларимиз албатта ижобат бўлишидан умид қила оламиз.

Бунинг учун эса, энг зарур истакларимизни жамловчи дуоларни ўрганиб, доимо бир хил дуо қилиб юришимиз керак.

@Ishqim_Sen

Ассалому алейкум ва роҳматуллохи ва барокатуҳу

🌧 Аллоҳим ёмғир билан ерни ювганингдек, афвинг билан гуноҳларимизни ювиб юбор!
🤲 Ёмғир ёққанда ўқиладиган
дуо:
Аллоҳумма соййибан наафиъан!
Аллоҳим, фойдали (хайрли) ёмғир қил!
Шундан сўнг диний ва дунёвий ҳар қандай шаръий истакларимизни сўраб дуолар қилсак, иншааАллоҳ, ижобат қилинишидан умид қиламиз.

Саҳл ибн Саъд розияллоҳу анҳудан ривоят қилинади:
"Расулуллоҳ соллаллоҳу алайҳи васаллам:
“Икки ўринда қилинган дуо рад этилмайди: азондан кейинги ва ёмғир ёғаётган пайт”, –дедилар."
(Имом Абу Довуд ва имом Байҳақий ривояти)

@Ishqim_Sen