IHMA Jizzax viloyati

#Inson_resurslarini_rivojlantirish

🧠 Endilikda Ijtimoiy xodimlarning Mahalladagi ijtimoiy himoyaga muhtoj shaxsga ko‘rsatayotgan xizmatlari, ularning professional rivojlanishiga va lavozim pillapoyasida ko‘tarilishida albatta inobatga olinadi.

☺️ Bugungi kunda Respublika bo‘yicha 120 nafardan ortiq ijtimoiy xodim mehnati va shijoati bilan rahbarlik lavozimlariga ko‘tarildi. 3 nafari “Psixolog”, 1 nafari “Huquqiy masalalarda ekspert maslahatchi” lavozimlarga tayinlangan. Xuddi shunday, 94 nafari “Inson” markazlarida turli sho‘balarda faoliyat olib borishmoqda.

✅ Ijtimoiy himoya milliy agentligi Jizzax viloyati boshqarmasida 306 nafar ijtimoiy xodim tarkibidan xizmat vazifalarida eng yaxshi ko rsatkichlarga ega kadrlar zaxirasi tayyorlandi. Ular “Inson” ijtimoiy xizmatlar markazlaridagi sho‘balarga tavsiya etiladi va xizmat pillapoyalarida ko‘tarilishlariga ko‘maklashiladi.

🏃 Shuningdek, 2025-yildan boshlab, Agentlik direktorining topshirig‘iga asosan eng yaxshi ko‘rsatkichlarga erishgan ijtimoiy xodimlar “Inson” markazi direktori lavozimlariga tavsiya etilishi belgilangan.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.

Bugun Butunjahon bolalar kuni

Ushbu kun, bolalar huquqlari, ularning xavfsizligi va farovonligi uchun mas'uliyatni eslatadi. Har bir bola ta'lim olish, sog'likni saqlash, hurmat va g'amxo'rlik muhitida o'sish huquqiga ega. Bizning burchimiz – bolalarimizni zo'ravonlikdan himoya qilish, ularning orzu-istaklarini qo'llab-quvvatlash va ularni teng imkoniyatlar bilan ta'minlashdir.

Bugungi kunda bolalarimiz – bizning kelajagimizning tayanchi. Keling, har bir bolaga mehr-oqibat, g'amxo'rlik va hurmat ko'rsatib, ularning huquqlarini himoya qilish yo'lida birgalikda harakat qilaylik.


📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#Live

Bu yil Sayxunobod, Uychi, Zarbdor, G‘ijduvon tumanlarida amalga oshirilgan ishlarning ijobiy natijalari asosida “Kambag‘allikdan farovonlik sari” kompleks dasturi qabul qilingan edi.

Endilikda ko‘p qirrali yondashuvlar asosida kambag‘al oilalarning a’zolariga sifatli ta’lim berish, ularni kasbga o‘qitish, ish bilan ta’minlash, sog‘lig‘ini yaxshilash, psixologik yordam ko‘rsatish bo‘yicha individual ko‘mak berish paketlari bo‘lishi belgilandi.

2025-yilda 1 million aholini kambag‘allikdan chiqarish Vazirlar Mahkamasi iqtisodiy kompleksining asosiy vazifasi etib belgilanadi.

Shu maqsadda kambag‘al oilalar bolalari maktablarda chet tili, kasb-hunar va IT bo‘yicha bepul bilim olishi uchun 500 milliard so‘m ajratiladi. Ijtimoiy ahvoli og‘ir 1 mingta mahallada infratuzilmani yaxshilash dasturi amalga oshiriladi. Bunga 2 trillion so‘m yo‘naltiriladi.

Kambag‘allikni qisqartirish va aholi farovonligini oshirishga jami 46,5 trillion so‘m mablag‘ sarflanadi.

Hukumat 2030-yilgacha ishsizlikni xalqaro e’tirof etilgan daraja – 5-6 foizdan oshirmaslik bo‘yicha dolzarb vazifalarni ham samarali hal etishi lozimligi ta’kidlandi.

Veb-sayt| Telegram |Facebook |  YouTube| Instagram| X| ParlamentTV_RADIO

Bundan keyin ham siyosat shunday bo‘ladi. Yoshlarni, ayollarni qo‘llab-quvvatlashni davom ettiramiz!

Sh.M. Mirziyoyev
_
Наша политика останется неизменной. Мы продолжим поддерживать молодёжь и женщин!

Ш.М. Мирзиёев

18-noyabr – O‘zbekiston Respublikasi davlat bayrog‘i qabul qilingan kun

Bugun, 18-noyabr – xalqimiz uchun faxr va iftixor manbai bo‘lgan Davlat bayrog‘imiz qabul qilinganiga 33 yil bo‘ldi. 1991-yilning aynan shu tarixiy kunida O‘zbekiston Respublikasi Oliy Kengashi tomonidan bayrog‘imiz tasdiqlanib, u mustaqil O‘zbekistonning sharafli ramziga aylandi.

O‘zbekiston bayrog‘i – xalqimizning boy tarixini, yorqin kelajakka bo‘lgan intilishlarini aks ettiruvchi ramzdir. Undagi ko‘k rang tinchlik va musaffolikni, oq rang poklik va ezgulikni, yashil rang esa tabiatni, yangilanishni bildiradi. Bayroqda joylashgan qizil chiziqlar hayot va qudrat ramzi bo‘lsa, yulduz va oy musulmon dunyosining muhim belgisi bo‘lib, qadimiy merosimizni eslatadi.

Davlat bayrog‘i bugungi kunda xalqaro maydonlarda yurtimizning timsoli sifatida baland ko‘tarilib, jahon hamjamiyatida O‘zbekistonning mustaqil davlat sifatida tan olinganidan dalolat beradi. Har birimiz ushbu bayroqni qadrlab, uning ostida jipslashib, Vatanimiz ravnaqiga o‘z hissamizni qo‘shishga intilishimiz zarur.

Bayram muborak, aziz yurtdoshlar! Bayrog‘imiz doimo balandlarda hilpirab, yurtimiz tinchligi va farovonligini namoyon etaversin!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#Qaror

🇺🇿 2024 yilning 4-noyabr kuni O‘zbekiston Respublikasi Vazirlar Mahkamasining 733-sonli qarori qabul qilindi.

🔮 Unga ko‘ra O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar tanloviga ko‘ra temir yo‘l yoki shaharlararo avtobusda borish va qaytish uchun bepul chiptalardan bir yilda faqat bir marta foydalanishi mumkin.

👍Ularni kuzatib borayotgan bir nafar shaxs ham borish hamda qaytish uchun bepul chipta olish huquqiga ega.

💵 Ularning bepul yurishi uchun Chiptalar esa Ijtimoiy himoya milliy agentligining ijtimoiy himoya davlat jamg‘armasi mablag‘lari hisobidan qoplab beriladi.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.

#Jizzax
#Kouching

☺️ Zafarobod tumanida “Elga xizmat – oliy maqsad!” shiori ostidagi “Kouching” bo’lib o’tdi.

💻 Ijtimoiy himoya milliy agentligi Jizzax viloyati boshqarmasi tomonidan tashkil etib kelinayotgan “Kouching”dan ko‘zlangan asosiy maqsad fuqarolarga “Inson” markazlarini tomonidan ko‘rsatilayotgan ijtimoiy xizmatlar haqida batafsil tushunchalar berishdan iborat.

🤝 Shuningdek, tadbir davomida markaz psixologi tomonidan fuqarolar ishtirokida o‘tkazilgan interaktiv mashg‘ulotlar barchaga birdek ma’qul keldi.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.

Bolalarni zo‘ravonlikning barcha shakllaridan himoya qilish to'g'risida Qonunning asosiy prinsiplari (4-modda)

✅ Qonuniylik;
✅ Insonparvarlik;
✅ Bolaning eng ustun manfaatlarini ta’minlash;
✅ Bolalarning huquqlari va imkoniyatlari tengligini ta’minlash;
✅ Bolalarning tahqirlanishiga yo‘l qo‘ymaslik;
✅ Bolaning o‘z manfaatlariga taalluqli qarorlar qabul qilinishida ishtirok etishi;
✅ Bolalarga nisbatan zo‘ravonlikka bo‘lgan murosasizlik;
✅ Bolalarga nisbatan zo‘ravonlik uchun javobgarlikning muqarrarligi;
✅ Zo‘ravonlikdan jabrlanuvchining huquqlarini tiklash.

Qonunda bolalarga nisbatan zo‘ravonlikning jami 6 ta shakliga ta’rif berilib, ularni sodir etishni taqiqlash hamda qonunga binoan ta’qib qilishning huquqiy asoslari mustahkamlanmoqda (3-5-moddalar).

Zo‘ravonlik shakllari:

🟢 Jismoniy zo‘ravonlik;
🟢 Jinsiy zo‘ravonlik;
🟢 Ruhiy zo‘ravonlik;
🟢G'amxo‘rlik ko‘rsatmaslik;
🟢 Ekspluatatsiya;
🟢 Bulling.

Shuningdek,  bolalarga nisbatan zo‘ravonlikning oldini olishga doir jami 7 ta quyidagi yakka tartibdagi chora-tadbirlar belgilanmoqda (23-24-moddalar):

✅  himoya orderini berish;
✅  bolalarni himoya qilish rejasi asosida ularga huquqiy, iqtisodiy, ijtimoiy, psixologik, tibbiy va boshqa yordam ko‘rsatish;
✅  bolalar oilalarini mustahkamlash va qo‘llab-quvvatlash;
✅  bolaning hayoti yoki sog‘lig‘iga bevosita tahdid mavjud bo‘lgan holatlarda ota-onadan olish;
✅  jinoyat protsessida bolalar uchun maxsus himoya choralarini ta’minlash;
✅  zo‘ravonlik sodir etgan shaxsni xulq-atvorini o‘zgartirish bo‘yicha tuzatish dasturlaridan o‘tishi;
✅  jinsiy zo‘ravonlik sodir etgan shaxslarning huquqlarini cheklash.


📝 telegram    💻 instagram  
📝 facebook   🐧 xcom
🎞 youtube     🎖 ihma.uz

🧠 Bizda siyosiy-ma'rifiy soati

✅ Bugun 25-oktabr kuni Davlat fuqarolik xizmatchilari uchun "Siyosiy-ma’rifat soati" bo‘lib o‘tmoqda!

✅ O‘quv soatida Ijtimoiy himoya milliy agentligi Jizzax viloyat boshqarmasi xodimlari ishtirok etishmoqda.

✅ O‘quv soati Prezident huzuridagi Davlat xizmatini rivojlantirish agentligining ilm.argos.uz  platformasi hamda 🎞 YouTubedagi sahifasi orqali ham ko‘rishingiz mumkin.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.

#Jizzax
#Kouching

💻 Zarbdor tumanida navbatdagi “Kouching” tashkil etildi. Unda fuqarolarga kam ta’minlangan oilalarga bolalar nafaqasi tayinlanishi va to‘lanishi tartibi, “Saxovat va ko‘mak” jamg‘armasidan beriladigan yordamlar va ko‘rsatiladigan xizmatlar yuzasidan tushunchalar berildi.

✅ Batafsil lavhada ko'rishingiz mumkin.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.

🧠 Kambag‘allikni qisqartirish va aholi turmush farovonligini oshirish yo‘lida

🇺🇿 Prezidentimizning 2024-yil 23-sentabrdagi “Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida”gi farmoni qabul qilinib, aholining ehtiyojmand qatlamini farovon turmush sari yetaklash, bu borada ularni mehnatga oshno etish, ishbilarmonlik qobiliyatini rivojlantirish rejalashtirilgan.

👥 Shu maqsadda 2024-yil 13-noyabr kuni Ijtimoiy himoya milliy agentligi direktorining o‘rinbosari Jamshid Abruev boshchiligidagi ishchi guruh Jizzax viloyatida bo‘ldi. Tashrif davomida fuqarolarning oilaviy ahvoli, yashash sharoitlari ko‘zdan kechirildi hamda ushbu oilalarni kambag‘allikdan chiqarish va daromadini oshirish uchun mavjud imkoniyatlar yuzasidan o‘rganish ishlari olib borildi.

🤝 Jarayonda amalga oshirilgan ishlar tahlili bilan birga 6 ta: 1) Kambag‘al oilalar bilan ishlash, 2) Nogironligi bo‘lgan shaxslar va bolalar bilan ishlash, 3) Yetim va ota-ona qarmog‘idan mahrum bo'lgan bolalar. 4) Tazyiq va zo‘ravonlikka uchragan shaxslar bilan ishlash, 5) O‘zgalar parvarishiga muhtoj shaxslar bilan ishlash, 6) Ijtimoiy xodimlar bilan ishlash bo‘yicha individual dastur asosida xizmatlar va yordamlar rejasi belgilab olindi.

💻 O‘rganish natijalari bo‘yicha o‘tkazilgan yig‘ilishda Jizzax viloyat hokimi E.Saliyev, Ijtimoiy himoya milliy agentligi viloyat boshqarmasi mas‘ul xodimlar hamda shahar, tuman hokimligi rahbarlari ishtirokida bo‘lib o‘tdi. Yig‘ilishda, viloyatda oilalarni kambag‘allikdan chiqarish va daromadini oshirish uchun mavjud imkoniyatlar tahliliy muhokama etildi.

✅ Ta’kidlash kerakki, bugungi kunda viloyatda 4431 nafar kam ta’minlangan oilalar korxona va tashkilot rahbarlariga biriktirilgan. Yig‘ilishda mas’ul shaxslarga ularning bandligini ta’minlash va daromadlarini ko‘paytirish uchun 2024-yil yakuniga qadar va 2025-yilda amalga oshirilishi lozim bo‘lgan vazifalar va ko‘rsatmalar berildi.

📝 Telegram

Ijtimoiy himoya milliy agentligi Jizzax viloyati boshqarmasi Axborot xizmati.