ટહુકો🐥

માનવ રહેજે તું ભાનમાં,
        હવે દયા નથી ઇન્સાનમાં.
યુરિયાવાળું દૂધ વેચે,
        કાંકરા નાખે છે ધાનમાં.
સરકારી બાબુ થયા બેફામ,
      હપ્તા ઘુસી ગયા ઇમાનમાં.
ધર્મના નામે ધંધા ખોલી,
        ટેક્સ ચોરી કરે છે દાનમાં.
હલકટ થયા નેતા બધા,
        દેશને લીધો છે બાનમાં.
દેશની તિજોરી ખાલી કરી,
        વોટ શોધે છે કિસાનમાં.
કોના માટે કરે છે કુકર્મો,
        અંતે તો જાવું સ્મશાનમાં.
 
-અજ્ઞાત

મોકો મળે ત્યારે આનંદ કરવાનો અવસર શોધો,

જવાબદારી તમને છોડીને કયાંય જવાની નથી.

રાત દિવસનો રસ્તો વ્હાલમ નહીં તો ખૂટે કેમ ?
તમે પ્રેમની વાતો કરજો : અમે કરીશું પ્રેમ.

તમે રેતી કે હથેલી ઉપર લખો તમારું નામ,
અમે એટલાં ઘેલા, ઘાયલ : નહીં નામ કે ઠામ.

તમને તો કોઈ કારણ અમને નહીં બહાનાં નહીં વ્હેમ
તમે પ્રેમની વાતો કરજો : અમે કરીશું પ્રેમ.,

તમને વાદળ, ધુમ્મસ વહાલાં અમને ઊજળી રાત,
અમે તમારાં ચરણ ચૂમશું થઈને પારિજાત.

અહો આંખથી ગંગાયમુના વહે એમ ને એમ,
તમે પ્રેમની વાતો કરજો : અમે કરીશું પ્રેમ.

-સુરેશ દલાલ

"હવે તો દોસ્તો ભેગા મળી વ્હેંચીને પી નાખો,
જગતનાં ઝેર પીવાને હવે શંકર નહીં આવે."

~જલન માતરી

કોઈપણ સંબંધના પાયામાં આત્મસુધાર અવશ્ય હોવો જોઈએ. જાતમાં જરૂરી બદલાવ લાવ્યા વગર કોઈ સંબંધ આગળ નથી વધતો. આત્મસુધાર બીજી વ્યક્તિને ખુશ કરવા માટે નથી હતો. તે "મારે આ સંબંધમાંથી શું જોઈએ છીએ" અને "હું કેવી રીતે બહેતર બની શકું" તેની ઇચ્છામાંથી આવે છે.
જયારે બે વ્યક્તિ સંબંધના અગ્નિમાંથી તરશાઇને બહાર આવે, ત્યારે તેમનો સંબંધ સોના જેવો ૨૨ કેરેટનો થઈ જાય છે. જે લોકો વાદ્ય સંગીતના શોખીન હશે તેમને ખબર હશે કે કોઈ વાદ્ય વગાડતા પહેલાં તેને ટયુન-ઇન કરવું પડે છે, એટલે કે તેમાથી ચોક્કસ પ્રકારનો સૂર નીકળે માટે તેને એડજસ્ટ કરવું પડે.
જેમ કે-ગિટાર અથવા સિતારના તાર. અથવા, જૂના જમાનામાં આપણે ટ્રાન્ઝિસ્ટર રેડિયો પર ફ્રીક્વન્સી મેળવતા હતા, જેથી આપણી ઈચ્છા પ્રમાણેનું બ્રોડકાસ્ટ પકડાય. સંબંધોમાં પણ એવું હોય છે. આપણે બીજી વ્યક્તિ સાથે આપણી ફ્રીક્વન્સી મેચ કરવા માટે, આપણા વિચાર, વર્તન, લાગણીઓ, મૂલ્યો, જીવન, ઈચ્છાઓ વગેરેના તાર તેની સાથે "ટાઇટ" કરવા પડે, જેથી ગમતું સંગીત પેદા થાય. સંબંધોમાં જે લોકો બદલાતા નથી, ટયુન-ઇન નથી થતા, ફ્રીક્વન્સી મેચ નથી કરતા, સૂર નથી મેળવતા, એડજસ્ટ નથી થતા તેમના જીવનમાં સંબંધના નામે ઘોંઘાટ રહી જાય છે, ગીત નહીં.

~ રાજ ગોસ્વામી

નઠારું હોય કે સારું બધું આમ જ વીતી જાશે,
છતી આંખે નજર બારું બધું આમ જ વીતી જાશે,

ખબર નહોતી કે આપસમાં લડ્યા કરશું ને આખરમાં,
આ તારું, મારું, સહિયારું બધું આમ જ વીતી જાશે.

મજા આવે છે પોતીકી ત્વચાને પ્રેમ કરવામાં,
ઉપરનો ઘાવ કે ઘારું બધું આમ જ વીતી જાશે.

~ હરજીવન દાફડા

કોઇ બીજી રીત હોય તો બતાવો જીવવાની,

ખાલી શ્ચાસ લઈ લઈને તો થાકી ગયા હવે....!!!

शादी उपरांत 'पत्नी' मिल जाती है,
जन्म उपरांत 'माँ',
किंतु पिता मिलते हैं 'पिता' होने के बाद।

स्त्री नख से शिख तक सुंदर होती है, पुरुष नहीं, पुरुष का सौंदर्य उसके चेहरे पर तब उभरता है जब वह अपने साहस के बल पर विपरीत परिस्थितियों को भी अनुकूल कर लेता है ईश्वर ने गढ़ते समय पुरुष और स्त्री की लंबाई में थोड़ा सा अंतर कर दिया है पुरुष लंबे हो गए, स्त्री छोटी गयी इस अंतर को करने के दो ही तरीके हो सकते है या तो स्त्री पांव उचका कर बड़ी हो जाय, या पुरुष माथा झुका कर छोटा हो जाय, जब राजा जनक के दरबार में स्वयंवर के समय माता भगवान राम को वरमाला पहनाने आयी, तो प्रभु उनसे ऊँचे निकले, माता को उचकना पड़ता, पर प्रभु ने स्वयं ही सिर झुका लिया, दोनो बराबर हो गए, हम वहीं से तो सीखते है सब कुछ स्त्री पुरुष सम्बन्धों में यदि प्रेम है, समर्पण है, सम्मान है, तो बड़े से बड़े अंतर को भी थोड़ा सा उचक कर या सर झुका कर दूर किया जा सकता है, गाँव के बुजुर्ग कहते है पुरुष की प्रतिष्ठा उसकी स्त्री तय करती है और स्त्री का सौंदर्य उसका पुरुष, दोनों के बीच समर्पण हो तभी उनका संसार सुन्दर होता है।

- प्रसेनजीत कुमार सनातनी

કોઈ પણ બારણું એટલું પછાડી ને બંધ ન કરવું કે
કયારેક,
જરૂર પડે ટકોરો મારતા પણ સંકોચ થાય...!!

બજારમાંથી ખરીદેલી મૂર્તિ સામે હાથ જોડી માણસ સુખ શાંતિ અને ધન માંગે છે, જો મૂર્તિ આવું આપતી હોય તો દુકાનવાળો એને વેચે ખરો?

કર્મ સિવાય ઉદ્ધાર નથી..!!

ધરતી પર એ પરત નહીં આવે,
બોલ લાગી શરત? નહીં આવે

રામ લક્ષ્મણનું હું કહી ન શકું
કોઈ બીજો ભરત નહીં આવે.

- સંદીપ પૂજારા

કાગડા, કબૂતર બધા કકળાટ કરતા રહી ગયા 'જોગી'...
બાજે એક જ જાપટામાં આખું જંગલ સૂમસામ કરી નાયખું.

~ જોગી

કંઈક તો હશે જ ને સંસ્કારો માં......
કોઇક reels માં ફેમસ થવાના ચક્કરમાં કપડાં ઉતારી લે છે..
તો કોઇક પ્રોફાઈલ Dp માં ચેહરો પણ નથી બતાવતાં.

~ કેસરી