பொது அறிவு தமிழில்

*நவம்பர் 21,*
*உலக மீனவர்கள் தினம்*

கடலில் மீனவர்களுக்கு ஏற்படும் தொழில் சார்ந்த பிரச்சனைகளுக்கு நிரந்தரத் தீர்வு காணும் நோக்கில் 40 நாடுகளின் மீனவப் பிரதிநிதிகள் 21-11-1997ம் ஆண்டு டெல்லியில் கூடி விவாதித்தனர்.

அப்போது உலகளவில் இணைந்து மீனவர்களின் உரிமைக்குக் குரல் கொடுத்துப் போராடுவதற்காக மீன்பிடி தொழிலாளர்கள் பேரவை என்ற அமைப்பை உருவாக்கினர்.

இதன்மூலம் மீனவர்களின் வாழ்வாதாரத்தைப் பாதிக்கும் பிரச்சனைகள், பாரம்பரிய மீனவர்களின் உரிமைகள், சுற்றுச்சூழல் பாதிப்பால் கடல் மாசடைந்து மீன்வளம் குன்றி மீன்பிடித் தொழில் அழிவுப் பாதையில் செல்வது உள்ளிட்ட பிரச்சனைகளுக்குத் தீர்வு காண நவம்பர் 21ம் தேதி உலக மீனவர்கள் தினமாக அறிவிக்கப்பட்டது.

🌟 சர்வதேச ஆண்கள் தினம் ஆண்டுதோறும் *நவம்பர் 19ம் தேதி* கொண்டாடப்படுகிறது. இது 1999ஆம் ஆண்டு மேற்கிந்திய தீவுகளில் உள்ள டிரினிடாட் மற்றும் டொபாகோ நாட்டில் தொடங்கப்பட்டது. இத்தினம் அகில இந்திய ஆண்கள் முன்னேற்ற இயக்கம் (AIMWA) சார்பில் இன்று நாடெங்கும் கொண்டாடப்படுகிறது.

🌟 உலகில் ஆண்களை கௌரவப்படுத்தவும், ஆண்களின் உரிமைகள் மற்றும் பாதுகாப்பு குறித்த விழிப்புணர்வு கருதியும் இத்தினம் கொண்டாடப்படுகிறது. மகத்தான தியாகங்கள் பல புரிந்து வரும் ஆண்குலத்தின் பெருமையை சமுதாயம் அங்கீகரிக்க இந்நாள் நினைவுப்படுத்தும் நாளாகவும் அமைகிறது.
*சர்வதேச ஆண்கள் தினம் வாழ்த்துகள்....!*

*நவம்பர் 17,*
*சர்வதேச மாணவர்கள் தினம்*

சர்வதேச மாணவர்கள் தினம் ஒவ்வொரு ஆண்டும் நவம்பர் 17ம் தேதியான இன்று கொண்டாடப்படுகிறது. இத்தினம் மாணவர் எழுச்சியை பன்னாட்டு ரீதியில் நினைவூட்ட ஆண்டுதோறும் கடைபிடிக்கப்படுகிறது.

1939ம் ஆண்டு நவம்பர் 17ம் தேதி செக்கோஸ்லோவாக்கியாவின் (ஐரோப்பா) தலைநகர் பிராக்கில் சார்ல்ஸ் பல்கலைக்கழகத்தில் இடம்பெற்ற மாணவர் போராட்டத்தின் முடிவில் ஜான் ஓப்ளெட்டல் மற்றும் மாணவர் தலைவர்கள் ஒன்பது பேர் தூக்கிலிடப்பட்ட சம்பவம், செக்கோஸ்லோவாக்கியா ஆக்கிரமிப்பு போன்ற நிகழ்வுகளை இந்நாள் நினைவூட்டி வருகிறது.

இத்தினம் முதன்முதலில் 1941ம் ஆண்டு அனைத்துலக மாணவர் அமைப்பினால் லண்டனில் கொண்டாடப்பட்டது.

*நவம்பர் 17,*
*உலக குறைப்பிரசவ குழந்தைகள் தினம்*

உலக குறைப்பிரசவ குழந்தைகள் தினம் நவம்பர் 17ம் தேதியான இன்று கடைபிடிக்கப்படுகிறது.

உலகம் முழுவதும் ஆண்டிற்கு 15 மில்லியன் குறைப்பிரசவ குழந்தைகள் பிறக்கின்றன.
அதாவது 10ல் ஒரு குழந்தை குறைப்பிரசவத்தில் பிறக்கிறது. குறைப்பிரசவத்தில் பிறந்த குழந்தைகளுக்கு எதிர்ப்புச்சக்தி குறைவாக இருப்பதால் பல்வேறு நோய்கள் தொற்றிக்கொள்ளும்.

எனவே, அந்நோய்கள் பற்றிய விழிப்புணர்வை ஏற்படுத்தவே இத்தினம் கடைபிடிக்கப்படுகிறது.

நிறமற்ற வாயு:
ஹீலியத்தின் அணு எண் 2. இது பிரபஞ்சத்தில் ஹைட்ரஜனுக்கு அடுத்து அதிகமுள்ள தனிமம். இது மந்த வாயுக்களில் ஒன்று. நிறமற்றது, மணமற்றது. அனைத்து வேதிப்பொருட்களுடனும், இது எளிதில் வினைபுரிவதில்லை. எம்.ஆர்.ஐ. ஸ்கேனர்களிலும் கடலடிக்கு நீந்திச் செல்லும் ஸ்கூபா டைவிங்கிலும் ஹீலியம் உதவுகிறது. நஞ்சற்றதாகவும் எளிதில் அழுத்தப்படக் கூடியதாகவும் இருப்பதால், ஆழ்கடல் நீந்துதலுக்கான சிறப்பு சுவாசக் கருவிகளில் ஹீலியம் சேர்க்கப்படுகிறது. நட்சத்திர மண்டலங்களை உருவாக்குவதில் ஹீலியம் முக்கியப் பங்கு வகிக்கிறது.

*16 நவம்பர் 1945*

*யுனெஸ்கோ நிறுவனம் உருவானது*

ஐக்கிய நாடுகள் கல்வி, அறிவியல் மற்றும் பண்பாட்டு அமைப்பானது (UNESCO), ஐக்கிய நாடுகள் அவையின் முக்கிய துணை நிறுவனங்களில் ஒன்று.

1945 ம் ஆண்டு நவம்பர் 16 ம் தேதி உருவான இந்நிறுவனம், இதன் உறுப்பு நாடுகளிடையே கல்வி, அறிவியல், பண்பாடு மற்றும் தொடர்புத் துறைகளில் ஒத்துழைப்பை ஊக்குவித்து வருகிறது.

*நவம்பர் 16,*
*சர்வதேச சகிப்புத் தன்மை தினம்*
(International Day for Tolerance)

யுனெஸ்கோ அமைப்பு தனது 50 வது ஆண்டு விழாவை 1995 ம் ஆண்டில் கொண்டாடியது.

யுனெஸ்கோ தனது சகிப்புத் தன்மை கோட்பாடு மற்றும் திட்டங்களை தயாரித்து நவம்பர் 16 ல் வெளியிட்டது.

உலக அமைதியை உருவாக்கியது மட்டுமல்லாமல், அரசியல் மற்றும் சட்ட ரீதியான விழிப்புணர்வை ஏற்படுத்தவே 1996 ம் ஆண்டிலிருந்து இத்தினம் கொண்டாடப்படுகிறது.

*நவம்பர் 15, 1937*

Short Hand என அழைக்கப்படும் சுருக்கெழுத்து முறையை சர். ஐசக் பிட்மென் வெளியிட்டார்.

பல்வேறு குறியீடுகளைப் பயன்படுத்தி சின்னஞ்சிறு பத்திகளில் தகவல்களையும், பேச்சுகளையும், விவரங்களையும் பதிவு செய்துகொள்ளும் முறையே சுருக்கெழுத்தாகும். விரைவாக எழுதும் இம்முறையில் பயிற்சி பெற்றவர்களைச் சுருக்கெழுத்தர் (stenographer) எனக்கூறுவர்.

Stenography என்பது கிரேக்க மொழிச் சொல்லாகும். 'Steno' என்றால் குறுகிய (அ) சுருக்கிய, 'graphy' என்றால் எழுதுதல் என்பது பொருளாகும்.

நீண்டகால தலைமை நீதிபதி:
இந்தியா குடியரசு நாடான 1950 ஜனவரி 26ல் இருந்து இதுவரை 51 பேர் உச்சநீதிமன்ற தலைமை நீதிபதியாக பணியாற்றியுள்ளனர். முதல் தலைமை நீதிபதி எச்.ஜே.கனியா. 1 ஆண்டு, 284 நாட்கள் பதவி வகித்தார். இதில் நீண்டநாட்கள் பதவி வகித்தவர் 16வது தலைமை நீதிபதி ஒய்.வி.சந்திரசூட் (1978 பிப்., 22 - 1985 ஜூலை 11). 7 ஆண்டுகள், 139 நாட்கள் பதவியில் இருந்தார். இரண்டாவது அதிகபட்சமாக, 6வது தலைமை நீதிபதி புவனேஷ்வர் பிரசாத் சின்ஹா, 4 ஆண்டு 122 நாட்கள் பதவி வகித்தார். குறைந்த நாட்கள் பதவி வகித்தவர் 22வது தலைமை நீதிபதி கமல் நரைன் சிங் (17 நாட்கள்).

*14 நவம்பர் 1999*

"உழவர் சந்தை திட்டம்"

விவசாயிகள் பயிரிடுபவற்றை அவர்களே நேரடியாக விற்பனை செய்யும் திட்டமான 'உழவர் சந்தை திட்டம்' மு.கருணாநிதியால் மதுரை அண்ணா நகரில் தமிழகத்தின் முதல் “உழவர் சந்தை” துவக்கி வைக்கப்பட்ட தினம் இன்று.

புத்தம்புதுக் காய்கறிகள்,
இடைத்தரகர்கள் கிடையாது,
கடை வாடகை கிடையாது,
விளைப் பொருட்களை ஏற்றிவர அரசு பேருந்தில் கட்டணம் கிடையாது.

தொடர்ந்து இத்திட்டத்தின்படி "உழவர் சந்தைகள்" தமிழகம் முழுவதும் துவக்கி வைக்கப்பட்டது.

*நவம்பர் 14,*
*ஜவஹர்லால் நேரு*

சுதந்திர இந்தியாவின் முதல் பிரதமரான ஜவஹர்லால் நேரு 1889ம் ஆண்டு நவம்பர் 14ம் தேதி இந்தியாவின் உத்தரப்பிரதேச மாநிலத்தில் அமைந்துள்ள அலகாபாத் மாவட்டத்தில் பிறந்தார்.

இவர் குழந்தைகளின் மீது மிகுந்த அன்பு கொண்டிருந்தவராக இருந்ததால், இவரது பிறந்த நாள் இந்திய குழந்தைகள் தினமாக கொண்டாடப்படுகிறது.

இவர் ஜாலியன் வாலாபாக் படுகொலை சம்பவம் (1919), காந்தியின் ஒத்துழையாமை இயக்கம் (1920) மற்றும் வெள்ளையனே வெளியேறு இயக்கம் (1945) ஆகிய சுதந்திர போராட்டங்களில் கலந்து கொண்டார்.

இவர் சிறந்த ஆங்கில எழுத்தாளராகவும் திகழ்ந்தார். இவர் எழுதிய ஆங்கில நூல்கள் 'தி டிஸ்கவரி ஆப் இந்தியா', 'க்ளிம்ப்ஸ் ஆப் வேர்ல்ட் ஹிஸ்டரி' மற்றும் 'டுவார்ட்ஸ் ப்ரீடம்' ஆகியவை ஆகும்.

நேரு, ஆகஸ்ட் 15, 1947ம் ஆண்டுமுதல் மே 27, 1964ம் ஆண்டு வரை பிரதமராக பணியாற்றினார். இவர் 1951ம் ஆண்டு, இந்திய திட்டக்குழுவை உருவாக்கி, சுதந்திர இந்தியாவின் முதல் ஐந்தாண்டு திட்டத்தை உருவாக்கினார்.

நேரு, 1964ம் ஆண்டு, மே 27ம் தேதி மறைந்தார்.